تحميل رواية «تحت مسمى الحب» PDF
بقلم زهو الكردي💖
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
خلص الدوام ودعت البنات وطلعت رجعت من المدرسه واني ميته من التعب لان بليل جنت سهرانه وكعدت من الصبح دوامي صباحي ماعولت الطريق يخلص وارجع للبيت وكل عاده وصلت للبيت هلمره هوسه اخويه وصياحه الگالب البيت گلاب متعارك ويا اصدقائه ويصيح بتلفون وصاير عصبي رحت بدلت واتغديت اخذت تلفون امي ورحت للغرفه فتحت الحساب مال الفيس وراسلته كتبت " هلو حبيبي شلونك " .. وصلت بس مارد انتضرته يرد لحد ما غلبني النعاس ونمت گعدت على صوت اشعار مال رساله ماكدرت افتح عيوني من النعاس ونوب سمعت اجه اشعار ثاني وراها سمعت صوت اتصا...
رواية تحت مسمى الحب الفصل الأول 1 - بقلم زهو الكردي💖
خلص الدوام ودعت البنات وطلعت رجعت من المدرسه واني ميته
من التعب لان بليل جنت سهرانه وكعدت من الصبح دوامي
صباحي ماعولت الطريق يخلص وارجع للبيت وكل عاده وصلت
للبيت هلمره هوسه اخويه وصياحه الگالب البيت گلاب متعارك
ويا اصدقائه ويصيح بتلفون وصاير عصبي رحت بدلت
واتغديت اخذت تلفون امي ورحت للغرفه فتحت الحساب
مال الفيس وراسلته كتبت
" هلو حبيبي شلونك " ..
وصلت بس مارد انتضرته يرد لحد ما غلبني النعاس ونمت گعدت
على صوت اشعار مال رساله ماكدرت افتح عيوني من النعاس
ونوب سمعت اجه اشعار ثاني وراها سمعت صوت اتصال فزيت
على صوت اخويه وهو يصيح هذا شنو ولج نغم ......
~~~~~~~~~~~~~
نغم ... نزلت بدون ماحجي بس حسيت شي يمعني ماريد
اروح جوه احس راح تصير كارثه جبيره طردت الافكار من راسي
ورحت دكيت الباب على كيفي وبعدين حيل دكيتها كسرتها
سمعت صوت بنيه كالت جايه عيوني كسرتو الباب شكو
فتحت الباب اني فتحت عيوني من الصدمه سمرررررر هي هم
وجها صار يطي الوان وفتحت عيونها شفت لبسها لأبسه دشداشه
لركبه ومخصره على جسمها وكلها دلعات وصدره كله طالع
بدون مااحس على نفسي دفعتها وطبيت اركض للغرفه مثل ما
كلي احمد سويت طبيت ليجوه وشفت كبالي بس غرقه وحده
ركضت الها وشفته نايم بلفراش
ترقبو قصتي الجديده بعنوان
( تحت مسمى الحب )💞
رواية تحت مسمى الحب الفصل الثاني 2 - بقلم زهو الكردي💖
كعدت الصبح على صوت نبع الحنان خبصتني
خبص بي باوعت على الساعه جانت ب 8
الصبح كلت اووف هسه شيكومني ماعولت
اخلص ليوم جمعه اضربهم بوري وماروح انعاد
صوت ماما وهي تصيح ولج نغم كمتي لو
اجيج اكفخج كمت كوه من الفراش واني
ميته تعب عبالك جنت اشتغل عماله بلحلم
اووف كمت بسرعه نزلت تلكلتني برزايلها
بلعتهن ورحت غسلت ورحت للمطبخ حتى
اسوي ريوك اليه طكيت بيضه وطلعت جبن
من الثلاجه وحميت الجاي وكعدت اكلت
اتطب ماما تدردم وتطلع مابيه حيل ارد
عليها لان مامركزه اني وين حاليا ميته
النعاس والتعب خلصت وشلت الماعين ردت
اخليهن ع السنك واروح ابدل بس كلت ماما
بس تشوف الاماعين احتمال تقتلتني لان
اكلت وعفتهن وراي رحت غسلتهن وصعدت
حتى ابدل فتحت الكنتور احتاريت شلبس
بقيت صافنه وبدي ابجي من القهر بس
اجت بالي اختي نهوده كلت ماكو غيرها
هسه تخلصني من الحيره بصوت عالي
نهوووووده عمري حياتي هي عرفتت اكو
شي وراي مصلحه اجت كال
نهاد « كولي من الاخير شرايده عرفت وراج اكو شي »
عبست وجهي وبرطمت شفايفي « كلت اني ام مصلحه كسرتي قلبي »
نهاد « كالت احجي فضيها »
نغم « شوفي حبي نهوده اجيتج حتى
تخلصيني من حيرتي وتختاريلي ملابس
باوعتلي صفح وراحت للكنتور دورت ملابس
طلعتلي بنطرون اسود وبدي اسود وبشت
فوكاهن لونه ابيض اسود وجنطه وردي
ونسقت وياها شال وردي وحذاء ابيض
كعب ناصي شوي حيل عجبني بدلت
بسرعه وخليت ميكاب بس حمره ومسكاره
وكحله- كحلـّچ والسمـّآر البيـّچ كسـٓرن عيـّن
المـٓرايةهٰ .
اني حنطاويه ميحتاج هواي دزيت بوسه
بلهوه بس يا فرحه ماتمت لازم نبع
الحنان تخربها وتصيح بصوتها اني العالي
يلا نغغغغغغم اني ركضت بسرعه كالت
واخيرا ست الحسن شرفتي كتلها ماما
شبيج انتي بس تصيحين
منال « ولج صار ساعه اصيح وانتي كوه
يلا تطلعين فهميني كلنا نبدل ونطلع بساع
انتي ليش تتاخرين متبطلين هاي الحاله
نغم « يلا ماما خلصت شوفي وبعدين كل
البنات هيج يتاخرن لان الاناقه والستايل يرادلهن وقت وجهد »
فتريت كدامها باوعتلي صفح ورادت تحجي
على خبالي اني كبل « صحت يلا ماما بابا كام يصيح تأخرنه من وراج وطلعت ركض قبلها »
وراحت تدردم وتحجي تطفي بلاجهزه حتى
نطلع اجه بابا طلعنه ورحنه ويا لبيت
كرايبنه اني سامعه عنهم انو همه ناس
شيوخ وعشيره بس مارايحه الهم ولا شايفتهم
بابا سولفنه عليهم من جنه صغار اني
واخواني عرفناهم وتمنيت فد يوم نروح
نشوفهم ونشوف طبيعتهم لحد قبل فتره
خابرو بابا انو عدهم عزيمه جبيره ماعرفت
شنو المناسبه بضبط بس خابرو بابا كللهم
ماشي نجي وكلوله كلكم معزومين حتى
احنا وماما واخويه اليوم انطلقنه"" وياخذنه
التعب والشوگ ونرد الدربنه خيوط""
الهم وصلنه لمنطقه كلها بساتين واشجار
الخضار البيها يجنن حيل فرحت بيهن
الهدوء يريح الاعصاب بس ماعتقد اكو
هدوء هنا لان همه كله يتعاملون بل سلاح
وعرك وصلنه لبيت حيل جبير وجانو اكو
هواي ناس واكفين دخلنه ليجوه سلمو على
بابا واخوي واحنا طبينه ليجوه ويا طفل
صغير اجه ويانه وصلنه لباب المطبخ
وصاح « بيبي اجه خطاركم »
اجت مريه جبيره رحبت بينه بس مبين عليها
حيل حبابه فرحت بينه وضلت تسلم ماما
عرفتها علينا اني واختي
منال « خيتي هذني بناتي هاي الجبيره نغم والصغيره نهاد »
المريه رحبت بينه وجرتني حتى تسلم عليه
ورديت بصوت ناصي
اختي بقت صافنه كرصتني من ايدي وكالت
«وينه جبار ابو الدهن الكالب البيت علينا »
خزرتها وكلت نغم « انجبي ولج لتخليني اسحلج منا العالم »
نهاد « اي هسه اتاكدت اختي مابيها شي»
خزرتها وطبينه ليجوه للصاله مالتهم وانصدمت
شفت عالم كوه يمهم
جهال ونسوان وبنات صغار وكبار طبينه سلمنه
عليهم واني مثل الاطرش بزفه اريد اعرف
هذوله منو ماعرف بعدين عرفتنه ام علاء
التصير مرت الشيخ الرحبت بينه عرفتنه ع
هذوله النسوان يصيرون اخواتها وقسم بنات
اخوها واخواتها وحمواتها وصايره هوسه
ونوب صاحت ع بنات ثنين وحده اسمها
فرح وحده اسمها افنان اجن فرح جانت
كالبه خلقتها ماعرف عليمن وشبيها بس افنان
حيل حبابه وتضحك ويا الهوى وتشاقه
حيل حبيتها ع طبيعتها اجت سلمت علينا
وهذيج فرح سلمت من
ورا خشمها تباوعلي صفح كلت هاي شبيها وحجيت بصوت ناصي
بس اختي يمي سمعتني كلت «هاي اسمها
فرح وهيج كالبه وجها لو اسمها حزن شلون »
اختي صاحت اشش ولج لتسمع شحجيتي
عليها سكتت وكالت
ام علاء « يمه كون صبن الغده راح
يجون الولد ياخذون
الاكل ليخبصوجن اذا تأخر الغده » البنات
كالن اي وكامن ماما كالت
النه اني واختي انتن هم كومن ويا البنات المريه ماقبلت
كالت هواي البنات وبنات اختي موجودات
ماكو داعي يتعبن كالت ماما لا عيني يا
تعب مراح يتعبن هنه قابل مامشتغلات قبل
وطبعا خزرتنه نبع الحنان وكمنه غصبا علينا
افنان ماقبلت وكالت اكعدن وميصير هيج
تتشغلن احنا ماقبلنه بقينه نحضر وياهن
الغده وكال افنان « اني اعرف عمو وخاله
بس انتن ماعرف شو اسماءكم لان مره
اهلج اجو علينا وانتو لا وبصراحه اني من
عرفت عمو عنده بنات بكدنه كلت ل بابا
خل يجيبهن ويا للعزيمه اخيرا من اجيتو
شسمج انتي ؟
كتلها اسمي نغم !
طبعا نسيت اعرفكم اني اسمي نغم
عمري 17 سنه
طالبه خامس اعدادي
طولي 158 عيوني عسليات كبار حنطاويه
شعري طويل طلعا اموت ع الشعر الطويل
عكس اخني نهاد متحبه وتموت من شعري
عائلتي تتكون من 5اشخاص بابا( عبوسي )
ماما ( منال ) واخويه الجبير ( احمد )
اكبر مني بثلاث سنوات واني ورا اجيت واختي
نهاد عمرها15 سنه اصغر مني بسنتين طبعا
نهوده بير اسراري اني وياها وحده متضم
ع الثانيه
افنان : الله حلوه عائلتكم وحلوه اسمائكم وانتو هم حلوين
نغم : يعمري انتي الاحلى
بس مرت اخوها
الي اسمها فرح ماعرف شبيها شو مطنكره
وبس تنافخ وتباوعلنه صفح اني ماهتميت
كلت يمكن طبيعتها
حضرنه الاكل واجو الولد يشيلون الصواني
انتي جنت احضر ويا البنات كللي حضري
الفواكه وخليهن بلماعين اجيت اسوي مثل
ما كللي
وبديت اخلي الفواكه بلماعين وتخليهن بصواني
مافتريت بقيت ع وكفتي لان طبو الولد واني
ماعرفهم بقيت واكفه بمكاني ودايره وجهي
واشتغل وهمه وراي ياخذون ب الاكل من
البنات
وشفت المطبخ جان فارغ كوه كامن البنات
بس لمن صار الصب كلهن التمن
وصارن يشيلن ب الاكل بقيت هيج افكر
وبالي طاير لحد ماسمعت صوت واحد
وراي فزيت وطفرت من مكاني وبقيت
واكفه مصدومه ودرت وجهي صاح بصوت
عالي فضيها صار ساعه منتضريج
تكملين الفواكه شنو الخطار تنتضر حضرج
جنابج شوكت تخفين ايدج وتشتغلين بسرعه
درت وجهي عليه لكيته ولد ماعرفه
من شافني بهت وجهه وملامحه تغيرت
وفتح عيونه وكال
«اني اسف عبالي اختي وجنتي دايره وجهج ماعرفت منو الجانت تحضر بيهن »
« كتله لا عادي »
اطيتهن اله وطلعت من المطبخ واني
الدمعه بعيني على الموقف
الصار ودائما من ماما لو نهاد يصيحلي
الفاهيه عبالي لان يغلطن
عليه لو شي طلعت اني من صدك فاهيه
وحتى الولد الغريب حس على هذا الشي
طلعت تلكتني افنان هاي البنيه الحبابه
وكالت شبيج نغومه شو لونج مخطوف
كتلها لا عمري ماكو شي وطلعت
كبل اريد اروح اكعد يم النسوان بصاله
سمعت صوت وراي صاح
اسمي نغم
التفت شفتها مرت اخوهم (حزن ) اقصد
( فرح ) اجتني وكالت
حبي اريد احجي وياج بشغله كتلها اي
احجي « فرح لا تعاي وياي للغرفه »
رحت وراها سدت الباب وكالت
« فرح ..شوفي حب اجيت اريد انبهج
ع شغله واتمنى تلتزمين بيها جهاد ماريد
توصلين يمه .
« نغم ... بس عفوا جهاد منوو »
« فرح ... جهاد يصير حماي الي حجه وياج بلمطبخ »
« نغم ... كتلها ها هذا الماعنده احترام للخطار »
« فرح ... شنووو ؟ »
« نغم ... لا هيج بس عليمن تبهيني عليه مافتهمت ؟ »
« فرح ... لا هيج بس حبيت اكولج تبتعدين منه وماريدج تحجين ويا »
« نغم ... اووك حبي اصلا اني مارتاحيتله من عاط بيه »
« فرح ... تمام هسه اخذي راحتج روحي اكلي صبينه الغده »
طلعت واني ادردم عليها وعلى هذا حماها
الماعنده احترام شافتني اختي وكالت
« نهاد .. ها نغم شبيج مكلوب وجهج »
« نغم ... ماكو شي مهم سولفتلها عليه من صاح بيه وعلى هاي مرت اخو »
« نهاد ..تدرين ليش هيج حجت فرح خانم
« نغم ... اي ليش »
« نهاد ... لان شفت اختها سمر هذيج
وأشرت عليها شفتها واكفه
كباله وتباوعله وتوزع ابتسامات وتشتغل
كدامه اعتقد بينهم شي
لو تحبه مبينه من نضراتها اله اكلته اكل بيهن ...
« نغم ... وهسه اني شعليه بيهم عابتلهم خليني اروح اكل بس
على الريوك متت من الجوع اخذت اختي ورحنه كعدنه يم ماما
نتغده خلص الغده وكمنه نشيل بلماعين ويا البنات ونغسل بيهم
اجه نفسه الولد الصاح بيه وحضرته طلع اسمه جهاد اجه اخذ الجاي وراح
بقينه نغسل الماعين اني وافنان ونهاد اختي وهاي الاسمها سمر
تصير اختها لمرت اخوهم تسخت ومتشغل بس من تشوفه لهذا
جهاد جاي تركض ع الماعين تغسل بيهن لو تنظف بل مطبخ
اني وافنان ضلينا نسولف ونضحك سألتي ع المدرسه مالتي
وبديت احجي وياها عليها وع صديقاتي وع مدرساتي
شفتها ضاجت وعيونها دمعت سألتي « نغم ... شبيج حبيبتي »
« افنان ... لا حبي ماكو شي بس اني مادرست لل رابع ابتدائي
وبطلت اهلي ماقبلو اكمل لان ماعدنه بنات تدرس وتكمل دراستها
يصير عمرها 15 سنه لو 16 وتزوج »
« نغم ... لعد انتي مامزوجه و صار عمرج 17 بگدي »
« افنان ... مو اني البنيه الوحيده ل اهلي ماعندي بس اخوان
ثنين ولد اكبر مني واحد "علاء " مزوج وهاي مرته "فرح "عنده
ولد اسمه "زيد " هذا الجابكم للباب مال المطبخ وبنيه "ريحانه "
واخوي الثاني اسمه " جهاد " وبس اني بنيه عدهم وابوي يحبني
لان الصغيره والوحيده ميقبل ازوج هسه يكول ماشبعت منج
« نغم ... لعد اذا يحبج ليش متخلي يرجعج تدرسين »
« افنان ... لا عمري اهنا قريه وكلهم عشاير ماعدهم بنيه
تطلع وتدرس حتى لو اني عزيزه بس العادات تبقى عادات
وماكدر اتخطاهن حتى لو جنت مدلله »
« افنان ... هسه عوفج مني وانتي
سولفيلي شويه على مدرستج وعلى صديقاتج احب صديقات المدرسه كلش »
كتلها « نغم ... خل نكمل ونكعد نسولف براحتنه احسن منا
هوسه الماعين منسمع شي منها والسوالف مو حلوه تصير »
« افنان ... اي عمري نطلع بره بزرع اشوفجن البساتين مالتنه
ونمشي بلخضار ونسولف وحتى السوالف تصير حلوه هناك وضحكت »
خلصنه الماعين وطلعنه اني وياها واختي نهاد و فرح مرت اخوها
وسمر اختها طلعنه نفتر هناك بستانهم
وبديت احجيلهن عن صديقاتي وحده اسمها
( رفل ) والثانيه
( تقى ) رفل من النوع تضحك هواي
وتسولف وتشاقه هواي
بس تقى جديه واكثر شي احب اخذ نصيحتها اكثر من رفل تاخذني
بضحك ومافتهم منها شي بس ثنينهن احبهن وماكدر بدونهن
و نتخابر دائما مسوين كروب ع الفايبر ونحجي بي بليل
نسولف ونمشي وصلنه يم الشجر كعدنه هناك وكملنه سوالفنه
ومن بعيد شفنه ولد مجموعه اجو للبستان كمنه نريد نروح
كالت افنان خل نمشي لان اذا شافونه وياهم ناس غربه ميقبلون
يضلون يحجون علينا كتلها منو الغربه هذا اخويه وهذوله الولد
ماعرفهم كالت خوش يعني مو غرب بقينه كاعدين صار مسافه
شويه عنه وضل يحجون انتبهت ع سمر تعدل بنفسها وتعدل
بكعدتها بس ماهتميت لمن شفتها عيونها على هذا الاسمه جهاد
ضحكت بكلبي كلت هاي شبيها صدك مخبله شويه واجه هذا جهاد يمنه وكال ل اخته
« جهاد ... افنان كومي سويلنه جاي وصيحيلي اجي اخذه »
يحجي ويباوعلي شفت سمر كامت تنافخ وتخزر بيه وتباوعلي من
فوك ليجوه وتعوج بحكلها ماهتميت الها ابد
افنان كالت نغم تجين وياي كتلها اي حبي لان علمودها جايه
رحت وياها نسوي جاي هي حضرته واني حضرت الستكاين
كمت اصب كالت راح اصيح جهاد يجي ياخذه راحت تصيحله
اجه اطيته الصينيه طخت اديه بيده بسرعه جريت اصابعي
وباوعلي وضحك جان متقصد يسوي هيج خزرته ورحت ورا افنان
رجعنه لمكانه كالت « نهاد ... لو تشوفين شصار ب سمر لمن رحتي
ويا افنان تسون الجاي كامت وراجن من راح جهاد يجيبه ورجعت
الوجه مكلوب اخذت اختها وراحن يسولفن وحدهن »
كتلها اوي شعليه بيهن خل يولن رجعنه نحجي ويا افنان كلش
حبيتها تبادلنه بلارقام كتلها لمن اوصل للبيت اضيفج ونبقى
نسولف حيل حبيتج وهي هم حبتني اني ونهاد وكالت ياريت
تبقىن يمنه ومترجعون ليوم كتلها ماعرف نشوف بابا اذا قبل بس
ماعتقد يقبل لان ماجنه نريد نبات اجينه علمود العزيمه ونرجع بليل
كالت « افنان ... اخلي بابا وجهاد يحاجو يبقى حتى لو بس اليوم
واشوفج جمال البساتين والنهر بليل شلون حلوات »
« نغم ... يلا ماشي بلكت بابا يقبل »
«افنان ... هسه اصيح ل جهاد يروح يحاجي ابوي ويقنعه »
راحت صاحتله اجه يمنه وكالت « افنان ... جهاد روح حاجي
ابوي حتى يبقون يمنه اليوم بيت عمو ابو احمد بعدني ماشبعت من البنات »
يباوع عليه ويحجي وكال «جهاد ...ماشي هسه احاجي وهذا
احمد اخوهن هنا يمنه كاعد راح اكوله اول شي وبعدين اروح ل
عمي ابو احمد واقنعه »
نضراته مو حلوه ابد ماعجبتني افنان كيفت بلكت يقبل بابا واني
هم حيل حبيت اضل يمهم واتعرف عليهم بعد راح شويه وصاح
افنان راحتله بعدو من يمنه وبقو يحجون يباوع بجهتنه ويحجي
وافنان ساعه تضحك ساعه تباوعلنه ساعه ترجع تحجي ويا
شويه واجت يمنه ضلت تسولف ونوب سألتي كالت اذا احد يحبج
تقبلين بي اني ضحكت وكتلها شجاب هيج سؤال ع بالج ضحكت
وكالت لا هيج اجه ع بالي كلت شعجب انتي محد يحبج وانتي
حلوه شنو هذوله عميان ميشوفون هيج جمال لو اني ولد احبج
وواخذج وضحكنه ثنينه كتلها لا حبي هاي السوالف مو وقتها
لاحكه عليهن هسه خليني هيج مرتاحه بحياتي ماريد احد يقيدني
كتلها « نغم ...وانتي هم احد يحبج »
كالت « افنان ... لا ماعدنه حب وهاي السوالف عدنه عجبته
يجي كيل يخطبها من اهلها ويزوجون »
كتلها شنو محد بيكم ياخذ عن حب كالت لا محد كتلها سولفيلي
شويه عن اخوج ومرته شلون ازوحو كالت هي تصير بت عمي
حبته ل اخوي وبعدين ماعرف شلون ازوجها هو مايحب بيت عمي
ولا يحب اخوانها بس مادري شون اتعجبنه من كال اخطبوها
وفجاه سمعنه صوت عيطه ورانه ....
رواية تحت مسمى الحب الفصل الثالث 3 - بقلم زهو الكردي💖
وفجاه سمعنه صوت عيطه ورانه ...
افترينه اني والبنات بسرعه طلعت هاي
سحر عثرت بطابوكه وكعت على رجلها
وكامت تصرخ وتبجي منها اجو الولد يركضون
على صوتها اجه جهاد وكف يمها وكال
« ها سمر شبيج تصيحين »
وهي تبجي تصيح
« جهاد مادري رجلي نلوت وكعت بعد ماكدر
امشي عليها يمكن انكسرت فدوه الحكلي جهاد راح اموت »
اختها يمها تصيح « فرح ... فدوه واحد منكم يشيلها يمكن انكسرت رجلها بعد متكدر تتحرك ..»
اجه جهاد كومها وسندها وكامت ويا تعرج كوه تمشي واختها وراها
راحن وداها جهاد وطلع صاحتله اخته
« افنان... كلتله ها جهودي حاجيت عمو حتى يبقون ليوم يمنه يباتون »
كللها « جهاد ... هسه رايح احاجي احمد ونطب للمضيف نحاجي ابو اني هم اريد احمد يبقى يمنه مشتاقه كومه »
يحجي ويباوع علينا درت وجهي عنه وردت اكوم كال
« جهاد ... اي المكان مو حلو صار لازم نشرد »
اني انصدمت شلون هيج يحجي ورحت اخذت الموبايل
من ماما طبيت للغرفه مال افنان اتمددت ع السرير وراسلت
البنات كتلهن « احنا رحنه لبيت كرايبنه ويمكن راح نبات يمهم »
ردت رفل كالت « عدهم ولد حلوين »
رديت « عابتلج رفل بيش تفكر »
كالت « دجاوبي كبر الج »
كتلها « عدهم واحد مو حلو ومبين هيلك والثاني مزوج »
اجت« تقى ... وكالت هلاو نغمه »
رديت « هلاو يروحي بخير وانتي شلونج »
« تقى ... الحمدلله شصاير يمج شفت انتي يم كرايبكم »
كتلها اي كالت دير بالج من هذا الكلتلي عليه مغرور ومبين هيلك
كتلها معليه بي هسه راح اروح اجت بتهم يمي
« رفل ... باعتنه وراحت صادقت من ورا ضهرنه الخاينه »
ضحكت ومسحت المحادثه وديت الموبايل الماما واجيت تمددت
من الصبح كاعده وماحسيت ع روحي نمت وكعدت على صوت
« افنان ... ولج اكعدي عمو قبل تباااااااتون هنااااااااا »
فزيت مرعوبه « وكلت... عابتلج افنان طفرتيني من مكاني على هاي السالفه »
« افنان ... حقج متدرين اجه جهاد يركص وكال قبل ابوها تبات ليوم »
عكدت حاجبي وكلت « جهاد شعليه واجه يركص »
حست على نفسها جفصت كحت وكالت افنان ... احمم
قصدي اني اجيت اركص لان راح تبقون
يمنه يلا هسه راح
احضر العشه تجين وياي لو تبقين هنا .» كتلها شوي وتجي
طلعت هي رجعت نمت شويه وكعدت لميت شعري ولبست
حجابي وطلعت يمهم بلمطبخ كالت امهم « ام علاء ... نغومه
حبيبتي روحي كعدي هواي البنات هنا وهنه يكملن العشه
رديت « نغم ... لا عادي خاله ويا البنات ع واهسهن اريد ابقى »
كالت « ام علاء ... ابقي بس مو مثل الضهر تخلنها تشتغل الخطار يضل كاعد مدلل يمنه »
صبو العشه تعشينه وهلمره لا جاي ولا عياط ع الفواكه ولا شي
غسلت الماعين وياهم كملت عشه وكعدت بلغرفه مال افنان
كملت شغلها واجت جابت علاكه متروسه حلويات وجبس
وعصاير وطشرتها يمنه اني ونهاد وهي بس احنا بلغرفه
كتلها شنو هاي كالت هاي جهاد جابهن وكال انتي والبنات
خاف تجوعن بليل ضحكت وكلت ب كلبي اول مره يسوي
شي بي خير يدري احب هاي السوالف بليل اخليهن يمي
طشرناهن وضلينا ناكل ونسولف اني والبنات وضحك وشقه
غيرت جو وتونست ويا افنان كلش شويه وكالت
« افنان ... بنات ترحن نطلع بره يم البستان اشوفجن اجوائه بليل والمنظر والهوه يخبل »
ثنينه طفرنه قبلها ورحنه لبسنه بس شالات وطلعنه كلنا
لكيناهم الكل بلغرف الصاله فارغه ماما راحت ويا ام علاء
بغرفتها واحنا طلعنه نفتر بره يم البستان شفنه الولد كاعدين
بلحديقه مال المضيف ويدخنون واخويه احمد وياهم ومنطلق
اخذتنه افنان نفتر وتحجيلنه عن البيوت وعن البساتين كل
بستان وال منو تابع وعرفتنه ع الجوارين اليمهم وطبعا
اكثرهم كرايبهم لان منطقتهم ميطبلها غريب وسولفت شويه
عن عاداتهم حيل صعبين ودمهم حار واي عركه تصير يهدون
كلهم سوه ميكولون معلينا وكلمن عليه بنفسه ولو هاي مشكلته
حيل حبيت هاي الصفه بيهم من واحد بيهم يوكع بمشكله
الصغار والكبار ويا تهد اخذتنه السوالف بين قوسين الكشف
عن المنطقه مو بس سوالف كعدنه يم اشجار وقريب عنهم
النهر كالت افنان هذا منه يطون مي لاشجار البستان كعدنه
قريب عليه وضلت تسولفنه ع مواقف هواي صارت وياها
واحد منهن ع النهر « افنان ... مره جنت امشي وجايه تعبانه
وصلت يم النهر اريد اعبره زلكت رجلي وكعت بي جانو اكو
ولد بلبستان يلعبون طوبه شافوني وكعدت اجوني ركض
طبو وراي للمي وطلعوني من الفشله ماكدر افتح عيوني
وهمه عبالهم متت ومالحكو عليه
هي تسولف واحنا متنه من الضحك وكالت شويه واجه اخوي
جهاد شافني مدده بلكاع وانكط مي اتشكر من الولد وكومني
كال عميه نهر شكبره ماشفته لو كتلج الحر وعبالج روحج ولد
وچيتي بي لو ردتي تنتحرين واني من الفشله اريد ابجي
اخذني تصنيف منا للبيت واني منكعه مي وملابسي صار
بيها تراب صرت كلي طين وخاصتا رجليه بعد ماكدرت
امشي حيل وهو يروح يوصل مسافه ويرجعلي يسحل بيه
ماوصلت للبيت لن صايرات عيوني زرك من الفشله واهل
الشارع اليمرون يباوعولي ومن رزاله جهاد طبيت بوجهي
للحمام وضليت اسبوع اني ماعابره الباب من الفشله
« نغم ... افنان تحجي واني ونهاد كمنه نبجي من الضحك
كمنه نضحك بصوت عالي خاصتا ع زرايل اخوها من يكول
كتلج الحر ونسيتي انتي ولد وچيتي وهي ويانه تضحك »
سمعنه صوت ولد صاح منو هناا !!!! كالت افنان احنا جهاد
كال صوتجن ترى عالي ودنيا اليل الصوت مسموع نصن شويه
راح ورجعنه نسولف على مواقف ثانيه هم عن افنان كالت هذا
موقف جنت امشي اريد اجيب الصونده مال المبرده من بره
واشكلها بلماطور حتى اترس المبرده جبتها وجانت مفتوحه
واجيت اركض صارت الكاع كلها مي وزلگت بلمي والصونده
وكعت عليه وزحلقت بلمي ومشيت لنص الصاله بلمي وانضربت
بدرج براسي من يومها لحد هسه اهلي يخافون عليه من المبرده تفرغ
من المي كلها تصيح احنا نترسها وعوفو افنان كاعده
احنا متنه من الضحك على سوالفها واني دمعت عيوني
وراها كمنه نفتر وناخذ فواكه من الاشجار وناكل وكل وحده
تسولف موقف صار وياها قبل وكل شويه جاي جهاد
ويصيح نصن صوتجن الدنيا اليل فضحتنه نسكت شويه
ونرجع بعدين نضحك ونسولف شويه واجن يمنه فرح
واختها سمر تمشي عدل مابيها شي رجلها ضليت صافنه
اليسمع صوتها وبجيها مساع يكول صدك رجلها انكسرت
اختي نهاد ماتحملت كبل حجت
نهاد .... صارت زينه رجلج سمر شو
اشوفج تمشين طبيعي عليها وكلشي مابيها
هي انصدمت يمكن نست نفسها وكامت تمشي عدل بعد ماعرفت شتكول
« سمر ... لا شويه صارت احسن ع المسكن والتمريغ صارت احسن »
هل مره كعدنه كلنا يم النهر نشمر حجار بي يخبل يصير
من يوكع بي الحجار و افنان راحت جابت العلاكه مال
الحلويات الجابها جهاد وخلتها يمنه وكعدنه ناكل افنان
تاكل وتكول هذني جابهن جهودي حبيبي وتباوع على سمر
وتعوج بحلكها اجت فكره بالي
«نغم ... بنات خل نلعب ختيلان شو عجبني نلعب والبستان جبير شتكولن »
كلهن قبلن رحنه نلعب ختلنه اني رحت
ورا شجره وبدينه نحسب وماحسيت غير ايد جرتني من
ورا الشجره انصدمت وردت اصيح حط ايده على حلكي وصاح اشششش
باوعلته شفته جهاد وخرت اديه وكتله
نغم ... انت شنو تكمشني هيج وتخلي
اديك ع حلكي شتررررريد وشعنددددددك
جاي لهنا بهل ليلللل »
« جهاد ... نغم بس نصي صوتج اريد احجي وياج بشغله سمعيني بدون صياح
وراها احجي »
« نغم ... اذا تريد تحجي بمكان مو مثل
هذا المكان وبطريقه مو مثل هاي الطريقه
جنك حرامي وجاي تريد تخطفني مو تحجي
وياي مااريد اسمعك ولا اريد احجي وياك
حرف واحد وخر عن طريقي اريد اروح
راد يحجي عفته ورحت بسرعه ماطيته
مجال يكول حرف واحد رحت صحت للبنات كتلهن راح اروح انام لان نعست تجن لو تكملن لعب
« نهاد ... نغم بعد وقت ستونه بدينه نلعب لتخربيها وتعالي ويانه
«نغم ... نهاد لتلحين إني رايحه »
عفتهن وطبيت رحت للغرفه
شويه واجن وراي نهاد وافنان
« نهاد ... شبيج نغومه انتي كلتي خل
نلعب هاي اللعبه وانتي خربتيها ليش هيج سويتي »
«نغم ... كافي نهاد ماكو شي طفي الضوه خل انام نعست كلش »
طفت الضوه ونمنه كلنه على سرير افنان
بقيت أفكر هذا شيريد مني واني ليش كبل
استعجلت ومانطيته مجال يحجي واعرف
شراد مني اووف دائما غبيه ومتسرعه
هسه شلون راح اهدي فضولي واعرف
شيريد يحجي وياي جهاد طردت الافكار
من راسي ونمت وكعدت ع صوت ماما
تكعد بينه
« منال ... ولجن اكعدن الساعه ب 10 ونص هذا مو بيتنه وراح تنامن لضهر كومن حتى نرجع من وقت للبيت »
نغم ...فتحت عيوني وكلت صار سياده
الضابط منال راح نكوم بس على كيفج
ويانه وهذا هم مو بيتنه حتى تاخذين
راحتج بلحجي والغلط علينا كالت اني هسه
طلعت مني الصوج كومن احس مااجيجن
من كفاشتجن اسحلجن
صحنه ثنينه بصوت واحد لا لا كايمين
كايمين وطفرنه لمينه شعرنه
ولبسنه شالاتنه وطلعنه نغسل لكيناهم ينكلون
بريوك ام علاء صاحت هلا بلبنيات رديت
هلا بيج خاله صباح الخير
« ام علاء ... نمتن زين البارحه لو
افنان ماخلتجن وبقتجن كاعدات
« افنان ... ماما اني شعليه كلشي بلبيت
تخلي براسي هنه البنات يحبن السهر وبقت
كاعده وياهن اصلا اني مااحب اسهر بس
هنه جبرني »
ضحكنه ع سوالفهن من الصبح الهن خلك
يسولفن كعدنه نتريك واني كل شويه اريد
اوكع بلماعين من النعاس كملنه وكمنه
صاحت ماما يلا بنات ابوكم كال خل
يتحضرون راح احمد يجيب السياره ونروح
كالنه اي ماما
«ام علاء ... خيه شنو السالفه
مطرودين انتضرو عاد للعصر »
« ام نغم ... لا والله خيتي رحم الله ولديكم انروح لان البنات باجر عدهم دوام
منكدر نبقى بعد حتى يرجعن يقرن ان شاءالله الجايات هواي منكطع بيكم بعد »
«ام علاء ... هلا بيكم ب اي وقت تجونه تشرفونه »
رحنه بدلنه اني ونهاد وافنان يمنه كل شويه وتريد تبجي متريدنه
نروح كالت غيرتن جو عليه بس ترحن اضوج وين اروح كتلها انتي
تعاي علينا كل فتره خل اخوج يجيبج وتعاي يمنه نتونس لان
احنا هم محد يمنه بس احنا وماما بابا واحمد اخويه دائما يطلعون
صاحت ماما يلا بنات خل نروح سلمنه عليهم وطلعنه افنان كتلها
اتصلي عليه من تضوجين ونتراسل ع الفايبر هم كالت اي وطلعنه
بره جانو الزلم واكفين ابوها واخوانها ل افنان وهذا العكره جهاد
هم واكف وياهم يباوعلي ويحجي ويا احمد يكله لتتاخر علينا
هم جيب الاهل الاهل وتعال مو تكطع وبعد هاهي »
« احمد ... لا اكيد اجي ان شاء الله انتو هم تعالو اندليتو لبيت »
سلمو عليهم وطلعنه بطريق كله اني ونهاد نايمين لان ماشبعنه
نوم بليل وصلنه ماما كعدتنه طبينه للبيت رحنه بوجهنه للغرفه
نبدل وكالت ماما مو ترجعن تنامن انزلن نظفن البيت اني
راح اطلع يم ام سلام ويه وارجع اسوي غده
نزلنه اني ونهاد نظفنا ومسحنه كله ورحنه نمدد بصاله
اجت ماما سوت الغده تغدينه ونهاد غسلت الماعين
وصعدنه نمنه للعصر كعدت ونزلت جوه كالت ماما
« منال ... نغم اتصلت عليه افنان رادت تحجي وياج كتلها نايمه اكعدها الج ماقبلت كالت لا من تكعد خل تحاجيني »
«نغم ... ياا خطيه شبسرعه شتاقتلنه ماما اطيني موبايلج احجي وياها شويه »
اخذته منها ورحت بلغرفه احجي وياها اتصلت بيها شويه
ردت « افنان ... هلا نغمه شلونج حبيبتي
« نغم ...هلا بيج حياتي الحمدلله انتي شلونج »
« افنان ... والله الحمدلله تصدكين من اول ماطلعتو اشتاقيتلج »
ضحكت بسرعه وكتلها ... واني هم بس وصلنه تعبانين
ونظفنه البيت ونمنه وهسه كعدت ماما كالت افنان اتصلت عليج »
« افنان ... اي حبي شكت تجونه بعد »
« نغم ... ان شاء الله من نكمل مدرسه هم اخلي بابا بل عطله يجينه الج بعد شتردين وبعدين انتي فارغه انتي تعاي علينا
« افنان .. ما اريد اجي واشغلجن عن الدراسه خلوها بلعطه احسن
« نغم ... ان شاء الله حبي »
«افنان ... يلا حبي اخذي راحتج خاف عندج شغل »
«نغم ... تمام حبيبتي باي »
سديته منها ورحت اطيت الموبايل ال ماما ورحت اسوي اكل
كعدت نهوده واكلت وياي وشلنه الماعين غسلناها ورحنه
نقره لليل حضرت ملابسي ونمت وكعدت الصبح تريكت
وطلعت لدوام شفت البنات ( تقى ورفل ) سلمت عليهن وبديت
اسولفلهن عن كل الصار ويانه من رحنه لبيت كرايب بابا لحد
مارجعنه وسولفتلهن على هذا جهاد شسوه وشراد يحجي وياي بس اني ماخليته
« رفل ... ولج ليش بسرعه طردتي غير تشوفين شيريد منج شبيج بس تردين تشردين قابل راح ياكلج »
« تقى ... لا احسن شي من راحت عنه وماخلته يحجي شي وياها حتى ميتكبر عليها ويكول هي قبلت احجي وياها »
« رفل ... دروحي انتي شكد معقده كلشي خليتي بي انه »
كامن يتعاركن صحت بيهن وكتلهن اششششششش شبيجن
اني مانقهرت هيج بكدجن واني صايره وياي السالفه كافي سكتن واجت المدرسه كملت روتيني المدرسي ورجعت
تعبانه كوه وصلت طبيت لكيت ماما بلمطبخ تحجي ب تلفون وسمعتها كالت لا عيني بعدهي تدرس مو هسه صعدت ليفوك
بعد ماسمعت شحجت صبت غده واجيت
اكل كالت ماما نغم كملي
غده وتعاي احجي وياج كملت ورحت وراها للغرفه كتلها
« نغم ... ها ماما شتردين »
« منال ... شوفي نغمه اريد اكولج اليوم قبل لتجين من المدرسه خابرتني ام علاء وكالت مرت حماها وام جنتهم فرح رادت تخطبج لابنها اسمه حسن شتكولين انتي اني ماقبلت لان بعدج صغيره على الزواج هسه وعلى المسؤليه بس حبيت اكولج »
« نغم ... ماما ماريد ازوج هسه سدي الموضوع عفيه »
«منال ... اي خوش لعد اني هم ماردت اكول لابوج ولاخوج كلت اكولج اول شي يلا اصرف ماطول متقبلين هاهي راح ارجعلها الخبر بل رفض انتي لو ما حبابه وشافوج ابيت ابو علاء وشافو جمالج واخلاقج
ماحبوج واجو هسه يخطبوج
والله وقت نغومه الصغيرونه كبرت هسه كامو يخطبوها
الله يفرحج حبيبتي خلي بالج بدراستج احسن من كلشي »
« نغم ... ماشي ماما يلا راح اروح ارتاح انام شويه واكعد العصر ادرس كلتلي اوك وطلعت من يمها رحت صعدت لغرفتنه كبل طفرت ع السرير ونمت للعصر اجت نهاد
وكعدتتي تصيح نغم نغم اكعدي هاي افنان تريدج
بسرعه على التلفون ...
رواية تحت مسمى الحب الفصل الرابع 4 - بقلم زهو الكردي💖
نغم نغم هاي افنان تريدج بسرعه على التلفون اخذته منها
« نغم ... هلاو حبيبتي افنان شلونج »
«افنان ... هلاو يروحي اني الحمدلله تمام انتي شلونج »
« نغم ... الحمدلله ها حبي كالت نهاد ترديني بسرعه خو ماكو شي ضل بالي كعدتني بسرعه »
« افنان ... اي والله اريد احجي وياج بشغله بس متردده »
« نغم ... كولي حبيبتي عليمن متردده اسمعج »
« افنان ... اولا اكو احد يمج لو لا »
«نغم ... لا محد نهاد اطتني الموبايل وطلعت احجي »
«افنان ... شوفي حبي نغومه راح احجي من الاخير اخوي جهاد معجب بيج ويريد يحجي وياج من زمان من اول مااشافج واجيتنه وراد يحجي وياج لمن جنه
نلعب وانتي ختلتي ورا الشجره شافج هناك واجه وراج راد يحجي وياج بس انتي ماخليتي يحجي كبل صيحتي عليه ورحتي عنه هسه يريد يصارحج بحبه واعجابه الج
شتكولين ..»
« نغم ... هي تحجي واني مصدمه مامستوعبه اليصير معقوله من راد يحجي وياي يم الشجره جان علمود هاي واني
ماخليته يكمل ااا شوفي حبي افنان اني مااحب هاي السوالف هاي يمتى شافني
ويمتى ركز بيه ويمتى حبني هذني كلهن
بالي اريد اعرفهن بس نضراته ابد ماحبيتهن »
« افنان ... حقج حبي اني هم كتله اجتنه مره وحده شوكت لحكت تحبها وتنعجب بيها بهل سرعه بس هو كلي حبيبتها بعد واني سمعت مرت عمي خطبتج لابنها اليوم سولفت
ل ماما وهو سمعهن واجه كلي شوفيها قبلت لو لا انتي قبلتي بي اني كتله لا متقبل لان اعرفج تردين تكملين دراستج هسه ومتزوجين هذا حلمج قبل كلشي »
« نغم ... صح كلامج اني ماقبلت بي بس لان اريد اكمل مثل ماكلتي ومااريد غير شي وبعدين كوليلي جهاد شيريد مني بضبط حتى خلاج تخابريني هسه وتخلين نهاد تكعدني من النوم حتى اتفأجاة من هذا التصرف »
« افنان ... يريد يراسلج وتحجون سوه اني اعرفه يحبج لان هو مايريد يزوج ابد شكد لحو عليه اهلي بس هو قافل من اجيتي انتي وشافج كال راح افكر بلموضوع واجاني سولفلي كلشي هسه شتكولين اطي رقمج يحجي وياج »
« نغم ... افنان انتي مو تدرين ماعندي موبايل على موبايل ماما احجي ويا صديقاتي وين اخلي رقمه ؟؟!! »
« افنان ... هو عنده ماسنجر نزلي الماسنجر واحجي ويا بدون رقم وبدون وبدون هاي الهوسه »
« نغم ... مااكدر لتحرجيني افنان ماما متقبل واحمد اخوي يعرف بهاي السوالف
خاف يشوف الماسنجر عندي ويضل يحجي وهو يدري صديقاتي احجي وياهن على الفايبر يكول هذا الماسنجر منوه سوا »
« افنان ... تكدرين تمسحي ورا متكملين المحادثه بعد مينعرف انتي منزلته ومسويته اصلا »
« نغم ... هسه بعدين احجي وياج ماما تصيحلي »
« افنان ... براحتج حبي باي »
« نغم ... سديته منها واني اصلا ماما متصيحلي اني هيج حجيت حتى انهي الاتصال منها بقيت حايره طبت نهاد سألتي شبيج ماحجيتلها بعدهي صغيره ماريده تضل تفكر بهيج سوالف طلعت يم امي سوينه العشه تعشينه وغسلت الماعين وصعدت احضر ملابسي وقريت ونمت وكعدت الصبح متاخره لان ضليت افكر بليل كوه نمت بدلت ركض وطلعت امشي بسرعه وصلت جانن منتضراتني رفل وتقى يم الصف سلمت عليهن وطبيت لصف ذبيت جنطتي كالن
« رفل ... ليوم متأخره شعجب مو من عوايدج »
«نغم ... بعدين اسولفلجن بنات هسه خلني ارتاح اجيت ركض متت من التعب صار الطريق شطوله »
اجت المدرسه بدينه الدرس الاول دك الجرس رحنه
بساحه حجيت للبنات على السالفه كلها من البدايه
لحد البارحه من خابرتني افنان وحجيت وياي على جهاد كالت
« تقى ... اني مو كتلج هذا ورا شي بس ماصدكتني وتكولن عليه معقده عرفت من نضارته من كلتي يحجي ويباوع عليه ومن اجه وراج ورا الشجرة وسد حلكج انتي شبيج ليش متستلمين اضل اعلم بيج المهم هسه لتطي مجال ابد ولا تحجين ويا بشي ولا تطي رقمج يراسلج بعدين يكوم يستغلج ومايحبج حب صدك من اول نظره هذا رائيي اني تردين تمشي عليه هو الاصح تردين لا وتكرلين ماعليه روحي ذبي روحج بتهلكه لان بعدج مراهقه وطيشج راح يعم عليج »
« رفل ... هاي شبيج تقى ليش هيج تحجين وياها عبالك دتهددين بيها شنو طيش شنو رائيج هو لو ما يحبها ماسوه هيج حتى يحجي وياها ولا طلب من اخته هيج طلب وكلشي سوه حتى بس تباوعله ويحجي وياها اني برائيي ماطول هيج سوه يعني يحبج روحي احجي ويا وكليله شتريد وسوو علاقه وراها زواج تصير قصه تخبل نضرات ونوب حب ونوب علاقه ونوب زواج يااااي ياريت اني واحد هيج يحبني وياخذني عن حب حتى اسولف لاطفالي على قصتنه اني وابوهم روحي حبي نغمه احجي ويا وشوفي اني متاكده هو يحبج اذا ضل يلح على اخته حتى تراسل وتكولج يوميه ها تقبلين بي وافقي لان قليل التلگه احد يحبها بهل وقت الصعب ليوم ارجعي اذا هم اتصلت بيج وكلتلج بعد مصر ويريد يحجي وياج كبل اقبلي يلعوبه لو اني منج كبل اقبل »
« تقى ... ولج رفل انتي شبيج خيالج واسع وتحبين تسرحين ب افكارج اني وين انصح بيها وانتي وين تنصحين عوفي الحب
وهاي سوالف المراهقين وركزي على احلامنه مو كلنا نريد نروح قانون ونصير محاميات ندافع عن الحق اذا من هسه احنا منكدر
ندافع عن نفسنه شلون ندافع عن الحق اذا من هسه احنا طايشين شلون ندافع ع متهمين وابرياء بعدين حبي نغمه ركزي على
دراستنه وحلمنه واتركي سوالف الحب ل اهلها احنا مو اهل هيج سوالف وبعدين ابوج وامج مو مددليلج ومخلين ثقتهم بيج ليش تروحين هيج تصرفين وتخونين ثقتهم وانتي تعرفين
مجتمعنه شرقي يكره هيج سوالف ويحط الحق عليج انتي وبس الولد عدنه مقدس ومحد يحجي عليه بس انتي اليحجون عليج
وتضيع تربية اهلج وتعب سنينهم عليج حتى يكبروج ويربوج احسن تربيه ويوصلوج بدراستج بعد بكيفج انتي شتقررين هاي
حياتج احنا كل وحده بينا اطيناج نصيحه شكل وانتي بعد بكيفج تردين تمشين بنصيحتي لو بنصحيه رفل الخبله ضلت يمج »
« نغم ... اثنيهن ارائهن مختلفه وثنيهن حجيهن صدك اذا افكر بنصحيه رفل صعبه الكه واحد يحبني بهل وقت وهيج يلح حتى بس احجي ويا واذا افكر بنصيحه تقى مستقبلي ودراستي اهم من هاي السوالف وحلمي اهم منهن والاهم تربيه اهلي اليه بابا يشتغل ويتعب حتى نوصل وماما متخلينا نشيل شغله من البيت بس بلعطله وتصيح دراستكم ادرسو ماريد شي منكم بس هاي بقيت محتاره مثل النحطت بين نارين واحد اصعب من الثاني واحد يتعب اكثر من الثاني دك الجرس رحت لدرس وخلصت رويتيني المدرسي ورجعت للبيت لكيت ماما بلمطبخ سلمت عليها وطبيت كالت
« منال ... نغم ليوم افنان اتصلت عليج واني كتلها بلمدرسه مو هنا شعدها يوميه تتصل بيج هيج حبتج بسرعه وتعلقت بيج »
«نغم ... بعد ماعرفت شرد عليها اااا مو ماما هي خطيه ماعدها صديقات ولا دارسه بلمدرسه حتى تعرف شنو الصديقات من اجيت
اني صرت صديقتها المقربه واخذت رقمي متدري اليوم اني عندي دوام لهذا اتصلت بيه ورا الغده احجي وياها واشوفها ورحت بسرعه قبل لترد ماما بس شفتها ماقتنعت بجوابي رحت بدلت وصليت وتغديت واخذت التلفون من ماما وخابرتها فتحت خط عليه سلمت وكبل حجت كالت ها حبي شفكرتي قبلتي
بجهاد لو لا اني انصدمت بهل سرعه ورديت عليها
« نغم ... اي فكرت هواي واخذت قراري النهائي »
« افنان ... اي حبي كولي »
« نغم ... حبي كوليله ماريد احجي ويا ولا اريد علاقه اني حيل
احب دراستي واريد اكمل بيها وماريد ابطل لو شي يشغلني عنها غير هذا الحجي ماعندي شي اكوله تمام واني وياج تبقى صداقتنه
ومتتاثر بأي شي مو عبالج اني بعد مااريد صداقتنه لا بلعكس اني حيل احبج واحب نضل سوه اتمنى تفهميني حبيبتي »
« افنان ... كيفت عبالي راح تقبلين بجهاد وتزوجون وتجين يمي اصير اسعد بنيه بدنيا كلها اني حيل حبيتج هاي فرح مرت
اخوي الجبير واني ماحجي وياها ولا احبها بكثر مااحجي وياج واحبج انتي من اول يوم دخلتي قلبي وقلب اخوي اني راح احجي ويا ليوم واردلج خبر يلا هسه راح اروح خاف تدرسين ولهيتج عن دراستج باي عمري »
« نغم ... باي حياتي »
سديته منها وبقيت افكر بعدني مامقتنعه بجوابي الها مادري ليش رحت كمل روتيني ومثل العاده لليل اجت
« نهاد ... هاي افنان تريد تحجي وياج شنو اضل مرسال بيجن اني شلون بله »
«نغم ... اخذته منها ورديت سلمت عليها ونوب بدت تحجي »
« افنان ... شوفي نغمه اني حجيت كلشي كلتي لجهاد كلي اني اخليها تكمل دراستها وين تريد توصل مااعراض يكفي تقبل بيه وراح اددلها دلال فدوه اقبلي بعد شتردين اذا رجلج المستقبلي يقبل تدرسين وماعنده اعتراض على دراستج ليش متقبلين بله »
« نغم ... ماشي راح افكر وباجر ارجعلج الخبر كالت تمام »
سديته ورحت نمت ثاني يوم رحت لدوام جانت تقى غايبه
لان كالت بيها فلاونزا ونايمه بلفراش ومتكدر تجي
ضلينه اني ورفل كتلها على حجي افنان مال البارحه وهو يقبل
على دراستي وماعنده شي وياها
« رفل ... يعوبه دقبلي بعد شتردين الولد طلع يخليج تكملين وميحجي على دراستج لو اني منج ويجي واحد هيج يدللني ويقبل ادرس اوافق قبل لا افكر عليمن مطولتها شبيج »
«نغم ... اي راح اقبل خلص ماطوله هو يحبني واقتنعت بعد مارفضته بعده يريدني راح اقبل بجهودي حبيبي »
« رفل ... احم احم يمج ناس حديقه بعدنه بسم الله صار حبيبج حسي بينه »
ضحكنه ورحت كملت الدوام وطلعت
رجعت واني بيه فرحه مو طبيعيه كبل رحت اخذ تلفون ماما
وصعدت احجي ويا
« افنان ... دكيت جاوبت بسرعه وكبل كالت ها نغمه فكرتي لو لا شوف اني شلون غبيه اكيد رفضت بعد عليمن اسأل ضحكت عليها وكلت
« نغم ... لا حبي مارفضت خلص اني موافقه »
سمعت صوت هلهوله يمها مال ولد وصاح بصوت
« جهاد ...ادللج عمي شعدنه غير ام عيون عسليه »
«نغم ... اني سمعت هيج كبل سديته حسيت وجهي اشتعل نار عزا جان يمها يسمع شيكول عليه مخبله شويه ودزت رساله
افنان : ليوم سوي ماسنجر ونحجي بي ومن نكمل مراسله امسحي :
ماحجيت شي سويته بسرعه وبحثت على صفحته ودزيتله طلب
شويه وافق عليه ودزلي رساله بسرعه هلا ب ام عيون عسليه
شلت كلبي بيهن شلونج مريتي !
« نغم ردت ابجي من المستحه والفرحه رديت
! هلاو بيك شلونك !
كال بخير بقينه شويه نحجي كتله راح اروح ابدل واتغده وبعدين احجي وياك كال شنو من الفرحه بيه نسيتي تبدلين وتاكلين عمي طلعت ماخذ عقلج اني ومادري كتله باي دز
سمايل يضحك سجلت خروج وطلعت رحت بعدين خابرت رفل
« نغم ... احم لقد تمت المهمه عزيزتي من ليوم ورايح صيحلي مرت جهودي خوش »
« رفل ... ولج صدك قبلتي خرب حضي دزيلي صورته خل اشوف
حلو لو لا بعد ماتحمل »
شويه ودزت خرب ولج اسمراني يخبل خرب حضي بقيت بس اني
راح تزوجن انتي وهذيج البومه تقى واني بعدني كتلها لتزحفين
ولج يلا خل اروح احاجي حبيبي يلا ولي رحت راسلته كبل ردت
بقيت احجي ويا لليل امي عبالها اقره على الموبايل متكلي حيبي
مر اسبوع واحنا علاقتنه حيل طورت وصار بينه غزل وحب
ومره طلب مني ادزله صوره اليه اول شي ماقبلت بعدين كلي
اني راح اصير رجلج عادي هسه اشوفج وبعدين نزوج قنعني
دزيتله صوره بس بيها حجاب لابسه من رحنه الهم طكيتها
كلي شنو هاي تردين تضحكين عليه شنو ماعندج ثقه بيه تدزيلي
وحده بحجاب مسحيها وروحي اذا من هسه ماعدج ثقه بيه
حسيت نفسي غبيه رحت دزيت غير صوره شويه شعري طالع
تخبل وضل يحجي كله غزل وحب صار اليل كتله ماكدر اراسلك
بليل التلفون مال ماما كلي ماشي رحت لغيت الحساب واني ميته
من الفرحه امشي وابتسم على سوالفه مرت ايام ماكو شي جديد
علاقتنه صارت اقوى كلي حبيبي اريد اخطبج تقبلين كتله بكيفك
تقريبا مرت ع علاقتنه 6 اشهر اني تعلقت بي كلش مرات اجذب
على امي حتى اخذ التلفون يمي واكللها راح اسهر عليه لان عندي
امتحان واريد اقره وهي متحجي واضل اليل كله اخابره
بس اني ونهاد بلغرفه واذا نامت متحس على شي اني اكيف
بس مااخذ راحتي لان غرفه احمد اخوي كبال غرفتنه احجي
على كيفي ويا كملت حجي ونمت وكعدت الصبح ورحت لدوام
لاكتني رفل تباركلي وتهز اني كتلها شبيج ولج تهزين بعدني ما
عرست كالت ولج فرحانه اكثر منج وكالت لتحجي ل تقى اكيد
راح تخرب واهسج بلحياة وتكرهج بعشيتج ضحكت وكتلها اووك
انتي هم لتحجين لاحد بس انتي ونهاد اختي تعرفن كملت دروس
بس كوه مفتحه عيوني ميته من النعاس كل ساعة اريد اوكع
على وجهي وتعبانه اجت تقى ليوم تحمدنالها على السلامه
لان جانت مريضه وبعدها لسه مريضه بس تكول احسن
من قبل ابر وادويه كدرت تمشي واجت ليوم لان عدنه امتحان
خلص الدوام ودعت البنات وطلعت رجعت من المدرسه واني ميته
من التعب لان بليل جنت سهرانه وكعدت من الصبح دوامي
صباحي ماعولت الطريق يخلص وارجع للبيت وكل عاده وصلت
للبيت هلمره هوسه اخويه وصياحه الگالب البيت گلاب متعارك
ويا اصدقائه ويصيح بتلفون وصاير عصبي رحت بدلت
واتغديت اخذت تلفون امي ورحت للغرفه فتحت الحساب
مال الفيس وراسلته كتبت
" هلو حبيبي شلونك " ..
وصلت بس مارد انتضرته يرد لحد ما غلبني النعاس ونمت گعدت
على صوت اشعار مال رساله ماكدرت افتح عيوني من النعاس
ونوب سمعت اجه اشعار ثاني وراها سمعت صوت اتصال فزيت
على صوت اخويه وهو يصيح هذا شنو ولج نغم ......
رواية تحت مسمى الحب الفصل الخامس 5 - بقلم زهو الكردي💖
فزيت على صوت اخويه وهو يصيح هذا
شنو ولج نغم ...
كعدت لكيته يريد ياخذ التلفون من جوه راسي لان استغرب
ماما ماعدها ماسنجر وهسه اتصال من الماسنجر اني كلبي
راد يوكف من الخوف جمعت قوتي واخفيت ارتباكي ورفضته
بسرعه همزين جانت الشاشه مسدوده وماطالع الاسم اله نفتح
الرمز فتحت الرمز بسرعه ونصيت التلفون واتصلت بس رد كتله
هااا ءءءء موووو احمد هاي افنان بت كرايبنه
الرحنالهم كالت تريد تتواصل وياي وماعدها بس ماسنجر لان
رقم ماعدها تسوي عليه برامج وكالتلي سوي وراسليني
عليه حتى نسولف ويجوز هسه هي اتصلت عليه حتى احجي
وياها هسه راح اخابرها كدامك اذا متصدك همزين طلع جهاد
سامعني شحجيت بسرعه صاح ل افنان واني سويت روحي
اتصل عليها وكلت هاي هم راح افتح المايك حتى تسمع
فتحته وخابرتها همزين ردت
افنان ....كالت هلاو نغمه مساع راسلتلج اتأخرتي مو عوايدج
وبعدين اتصلت عليج لان ضل بالي خو ماكو شي
نغم ... لا حبي ماكو شي بس رجعت من لدوام وراسلتج تاخرتي
ونمت لان تعبانه
افنان ... اي حبي غسلت الماعين واجيت لكيتج مراسله يلا
هسه اسفه لان كعدتج من نومج كملي نوم وبليل نحجي
نغم ... تمام حبي باي وسديته منها وكتله ها احمد
احمد ... اني اسف نغمه بس جنت عصبي وتنرفزت من واحد
صديقي واجيت من يم الغرفه وسمعت صوت اتصال ماسنجر
كلت امي ماعدها هذا البرنامج يلا هسه روحي كملي نومتج
وكعدي اقري كتله ماشي وطلع
نغم ... اتاكدت احمد نزل رحت قفلت الباب واتصلت بي رد كلت انت شلون تتصل هيج كبل بدون مقدمات
لو احمد شايف اسمك لو فاتح خط وانت مجاوب هبطني حتى كعدت من النوم ارجف
جهاد ... ولج لتصيحين مادري بيج هيج فاهيه ومن تنامين
تعوفين الباب مفتوح لرايح ولراد همزين سمعت وصحت ل فنان
وبسرعه اجت جان رحنه بيها هسه شلونج اكلتيني اكل
افتحي كامرا خل اشوفج مشتاق لعيونج
نغم ... لا بله امشي روح خل انام بعدني مطفيه
سديته منه وهو زعل اني رحت نمت بعدين من كعدت
خابرته صالحته وكتله
نغم ... جهاد شوكت تحجي ويا اهلك علمودنه اضل هيج
شابعه هبطات من ورا احمد لو بابا خاف يعرفون ضل كل شويه
مطلع عذر شكل لمن بديت امل من سوالفه وكتله ترى ليوم احمد
لو ماالله ستر جان موتني لان هو عصبي ونوب يشوفني احجي
ويا ولد غير يخلي طلقه براسي ويكلتي فكر بيها فدوه
جهاد ... ماشي باجر احاجي امي واخليها تخابر امج
هاهي ارتاحيتي اني طرت من الفرحه وكتله اووك انتضرك باجر
ماعندي مدرسه خل اشوف صدك تحجي
جهاد ... ولج قابل اجذب عليج شوفي باجر
نغم ... سديته منه ورحت ع المرايه طلعت اغاني وكمت
اركص ذبيت لحم طبت نهاد شافتني وضحكت
نهاد ... شبيج ولج تخبلتي تالي وقت
نغم ... ولج نهوده اركصي راح يحاجي اهله باجر
وامه راح تخابر ماما وتكللها علمود يخطبني
نهاد ... الله هيج ويصير عندي صهر واتعارك ويا واركص
بعرسكم واضوجه واخذ منه فلوس يلا اخلي يحجي وياج
يمه فتحي فتحي الاغاني خل اهز وياج
نغم ... فتحت الاغنيه وكمت نركص ونضحك اني وياها
•••••••••••••••••
جهاد ... يوم عندي موضوع تعاي بلغرفه احجي وياج
ام علاء ...اي يمه
اجيت رحنه بلغرفه سديت الباب وكعدت احجيلها
جهاد ... يوم اني اجيتج حتى اكولج تخطبلي
ام علاء ... يا يمه صلاوات هيج واشوفك عريس يا فرحتي
منيه سعيده الحظ الراح تاخذها كلي اروح هسه اخطبها الك
جهاد ... ههههههههههه على كيفج يمه اخذي نفس حتى اكول
ام علاء ... كول يمه حتى اكول لابوك وروح اخطبها الك
جهاد ... يمه نغم بت ابو احمد كرايبنه الاجونه اخر مره
ام علاء ... يمه فدوه اني هم حبيتها كلش وقبل فتره حاجتني
مرت عمك تريدها لابنها وخفت لا تقبل بي واني ردتها الك
جهاد ... خلص يمه توكلي حاجي الحجي وخابريهم ليوم حتى
اذا قبلو نروحلهم طلعت من امي رحت كبل خابرتها
هي اكثر مني فرحت وكتلها شويه وامي تخابر امج كبل اقبلي
عوفي المستحه هسه مو وكته عود استحي يمي هي كبل سدته
بوجهي متت من الضحك عليها امي راحت لابوي حاجته كللها
خابري امها وبيها الخير ان شاء الله راحت امي خابرت امها
ام علاء ... السلام عليكم شلونج خيه ام احمد
ام احمد ... عليكم السلام هلا عيني ام علاء الحمدلله
انتم شلونكم
ام علاء ... الحمدلله خيه اجيتج بشغيله صغيره اطلبها منج
ام احمد ... كولي ام علاء اذا اكدرلها بعيوني تدللين
ام علاء ... سالمه عيونج اريد اطلب ايد بنتج نغم لابني
جهاد على سنه الله ورسوله اتمنى تقبلون واحطها بعيوني
ام احمد ... والله خيتي البنيه بعدهي تدرس خل اشوفها
واشوف ابوها واخوها واذا قبلو ميصير اله البي خير ان شاء الله
ام علاء ... على راحتكم فكرو ورجعولنه خبر وسدته منها
نغم ... جنت ورا الباب اسمع حجي امي من كال اشوف ابوها
واخوها وارجعلكم خبر كمت اكمز واركص سمعت خطوات امي
اجت واني ركضت ليفوك بكل سرعتي حتى متشوفني نبع الحنان
جنت اسمع عليها من تحجي طبيت للغرفه وسديت الباب حيل
نهاد كمزت وصاحت ومرض طفرتيني اكو واحد هيج يسد الباب
منو جان يركض وراج كتلها نهاد اوكفي ولج خل اجر نفس
واحجيلج نزلت وسمعت امي تحجي بلتلفون ويا ام علاء
وكلتلها خل البنيه تدرس خل اشوفها واشوف ابوها واخوها
وارجعلكم خبر بعدني احجي سمعت امي صاحت بصوت
كله عصبيه وعالي نغغغغغغغم نهاد كالت ولج هذا الصوت
ميبشر بخير يعني ورا كارثه حبي نغمه الله يرحمج جنتي
خوش اخت صحيح مرات تخليني اغسل الماعين اكثر منج
بس عادي مسامحتج لان هاي لحضاتج الاخيره بدنيا
نغم ... عابتلج هاي فوك ماترفعين معنوياتي هيج تحجين
وتخوفين بيه كومي نزلي وياي حتى تلحكين توديني
للمستشفى اذا انفتح راسي وصار عندي ارتجاج بدماغ
نهاد •• يلا راح اسويها دفعه بلاء عني وعن ولدي وانقذج
نزلت لكيت ماما كاعده بصاله ومبينه عليها عصبيه
كالت نغم تعاي اكعدي يمي اريد احجي وياج
نغم ... ها ماما
منال ...شوفي نغم راح اسألج سؤال واتمنى تجاوبيني
بصراحه وبدون جذب حتى ماضوجيني
تعرفين بيه اني اكره الجذب والتستر هم عندج شي ويا جهاد ابن ام علاء ؟؟
نغم ... ءءء ماما شنو هل الحجي التحجي اني شعليه بجهاد وشجاب هذا السؤال على بالج
منال ... لان هل ايام هواي بينكم اتصالات انتي وبنتهم
افنان واكيد تعرفين هسه خابرتني ام علاء تريد تخطبج
لابنها جهاد مامعقوله ماكلتلج افنان بهذا الخير
نغم ... ماما ماعرف كلشي هسه سمعت منج وشعليها
افنان حتى تكولي واني وياها صديقات صرنه وتبادلنه
الارقام بينه وانتي جنتي تدرين ماكلتلي اطيني رقمج
اضل اراسلج من تروحين وهي ماعدها صديقات بس
اني اذا اني ماحجي وياها منو يحجي وياها معليه بهاي
السوالف ماما اذا متثقين بيه هذا الشي راجعلج واذا
على صداقتنه اني وافنان راح الغيها وانتي اخذي
موبايلج وبعد لتطنيا من تخابر افنان من يمج كوليلها
نغم ماهي لو تقره لو طلعي اي عذر بس لتخليني
احجي وياها يلا اذا معندج حجي وياي راح اروح اني
منال ... انتضري نغم ماما حبيبتي غير اني اخاف عليج
ومو قصدي اصيح عليج واني اثق بيج ثقه عمياء وحيل
احبج مااكيف اني بنتي يخطبوها لان شافوها حبابه
وخلوقه هيج اريدج دائما رافعه راسي وافتخر بيج
هسه شنو رائيج بجهاد تقبلين حتى اكول لابوج ولاخوج اذا اقتنعو اندزلهم خبر
نغم ... ءءءء بكيفج ماما انتي مقتنعه بي
منال ... ههههههههههه ولج ضحكتيني هو اني الراح ازوجه لو انتي غير انتي التوافقين عليه
نغم ... قصدي عجبج شتكولين على اخلاقه هاي
منال ... هو الولد زين من هذا حجيج واسئلتج عليه الظاهر
انتي موافقه عليه وماعندج اعتراض بس يجون اهلج اخبرهم
هسه كومن سوون الاكل انتي ونهاد هسه على جيه
نغم ... كمنه نسوي الاكل واني اركص من الفرحه ونهاد يمي
تصفك وتهلهل وكلساع وركصت واني وياها على الواهس بس
نخاف من ماما لتكلفنه نحجي بصوت ناصي سمعنه الباب نفتحت
ياوعت شفت بابا ورا احمد طب كام قلبي يدك حسيته راح
يطلع من مكانه راحو غسلو وكعدو جبنه الغده بسرعه
وكعدو ياكلون وماما كل شويه تباوعلي وتضحك واني
اريد اغص بلاكل مستحيه من نضراتها كملنه اكل وشلنه
الصينيه وضليت بلمطبخ ودزيت نهاد ودت الجاي وكعدت ماما
تسولفلهم احنا بلمطبخ نسمع ماما حجت
منال ... ابو احمد اليوم خابرتني ام علاء كرايبكم وطلبت ايد
نغم ل ابنها جهاد انتو شتكولون سمعنه صوت احمد اخوي
غص بجاي وصاح شنوو خطبو نغم لجهاد ابن ابو علاء
منال ... اسم الله ماما شبيك غصيت قابل شحجيت اني
احمد ... بعصبيه يوم ونغم وافقت لو لا
منال ... اي وافقت بس اجيت اكللهم وارجع خبر للمريه
احمد .... مستحيل شو صيحيها نغمممم وينننج نغغغممم
نغم ... حسيت راح يصير شي من صوت احمد الصاير نار
من صاحلي كمت ارجف رحت ركض وكلت ها احمد
احمد ... نغم هاي شنو صح السمعته انتي وافقتي ع جهاد
نغم ... ءءء احمد يعني اني
احمد ... احجيييييي وللللج وافقتي لو لا
منال ... هاي شبيك احمد ليش هيج عصبي اكو واحد هيج يصيح بوجه اخته ع هيج موضوع شو مامحترم وجودنه اني وابوك وهيج كالب الدنيا على اختك هي شعليها
احمد ... يوم رجعي خبر وكوليها ماعدنه مره لزواج ونغم مستحيل اخليها توافق وتاخذ جهاد مفهوووم
نغم ... اني احبه وهيج يسوي احمد تخبلت الدمعه صارت بطرف عيني ركضت اخذت التلفون ورحت خابرت جهاد
وحجيت ويا واني ابجي هلاو جهاد
جهاد ... هلاو يروحي شبيج
نغم ... جججهاااد احمد من سمع بينه اني وياك نريد نزوج عارض وكال ل ماما خابري امه وكلليها ماعنده مره لزواج
جهاد ... والله اطيح حضه شنو بكيفه اني ماخذج انتي مو هو هسه اخابره واطيح حضه شنو يوكف بطريقنه
نغم ... لا جهاد شنو تخابره هسه يكول منو كلك اني الجنت معارض وماقبلت وخاف يشك بينه تعالو انتو علينا واطلبوني رسمي واذا عارض اني راح اقبل بيك وافشله اووك
جهاد ... ماشي مريتي باجر حضري روحج راح اجيكم
نغم ... ضحكت وسديته مني ارتاحيت من حجيت ويا مسحت الحساب ونزلت الموبايل يمكانه ورحت كلت لنهاد
نهاد كيفت ...كالت اي بلكت من يجون احمد يغير رائيه وصار جهاد صديقه اكيد راح يقبل بس يشوفه
كتلها ان شاء الله ورحت كملت يومي نفس يوميه ونمت من وكت متحمسه ل باجر همزين جان يوم عطله ماكو دوام كعدت من وكت من القلق خايفه شيجيب العصر لان كلي جهاد العصر نجي كمت شغلي وكعدت شويه وسمعت الباب اندكت همرين
جان احمد بلبيت وبابا طالع امي من شافتهم عرفت عليمن
واجت بسرعه اتصلت ع بابا كلتله يجي وكالت حضرن الضيافه
رحنه اني ونهاد نحضر بيها واذنه يم الباب طبو بصاله شويه
اجه بابا سلم ونوب اجه احمد ياخذ الضيافه صاير نار وبس
ينافخ باوعلي بعصبيه ونوب راح شويه وصاحتلي ماما
اجي اطب اني كلبي كام يدك متت من الخوف ورجليه ميشيلني
من الخجل بعد كوه رحت لبست شال وخليت ميكاب خفيف
كلت بس اكثر احمد يكوم يموتني يكول مكيفه عليه واجت
صابغه الوجه فتحت الباب طبيت سلمت جانو جايين هو وابو
وامه وافنان اخته فرحت من شفتها اجيت كعدت يم امه وبدو
يحجون هو عيونه عليه اكلتي اكل واني المحه ووخر عيوني
ابو علاء ... عيني ابو احمد اني اعرف انت شنو واعرفك
خوش زلمه ونعم منك واعرف تربيتك شلونها واني اليوم
اجيت اطلب القرب منك واطلب ايد بنتك نغم لابني جهاد
على سنه الله ورسوله واتمنى تقبل اتشرف اناسبك
ابو احمد ... والله يابو علاء جيتك على عيني وراسي واني
هم اعرفك شنو بس الكلمه الاولى والاخيره ترجع للبنيه
مو اليه واحنا منكدر نجبرها على شي هي متريده
كلشي نكدر نجبر البشر بي اله الزواج لان هاي حياة كامله
لو عليه اكلك كبع واخذ بس مو بيدي اعذرني هاي هي كدامك وتسمع احجي وياها
ابو علاء ... شلونج بنيتي
نغم ... الحمدلله بخير عمو وانت شلونك
ابو علاء ... الله يسلمج بنيتي اني اجيت ليوم اطلبج لابني جهاد شتكولين توافقين بي ترفضين
نغم ... من صارت الانظار كلها عليه ومنتضرين جوابي
اني كلبي راد يطلع من مكانه ماسيطرت عليه واديه ترجف
افنان يمي كمشت ايدي وهمست وافقي جهاد حيل يحبج
رفعت راسي واجت عيني بعين احمد اخوي الصاير نار وعيونه
حمر من العصبيه اول مره اشوف احمد بهل عصبيه من يمي
خفت منه باوعت على جهاد رافع حاجبه ويباوع على احمد
بمعنى وافقي واكسري عينه اني هنا انحطيت بين نارين
نار اقوى من نار الاولى نار احمد اخويه الراح ينفجر
بس اذا بابا موجود احمد ميكدر يحجي شي
ومن جهه ثانيه نار قلبي الي راح تموتني اذا عفت جهاد واني اعشقه وتعلقت بي مرات ميخابرني علمود شغله
اني اضل اليل كله ابجي وصلت مرحله ماكدر
اكل اذا ماسمع صوت جهاد كلت ماراح اعوف هيج
واحد حبني وضحه علمودي وجاب اهله هسه ينتضرون
مني جواب قويت قلبي وتشجعت وكتلهم
نغم ... رائيي هووا ........
رواية تحت مسمى الحب الفصل السادس 6 - بقلم زهو الكردي💖
لماذا أراك على كل شيءٍ
كأنكِ في الأرضِ كل البشر
كأنك دربٌ بغير انتهاءٍ
وأني خلقت لهذا السفر..
إذا كنت أهرب منكِ.. إليكِ
فقولي بربكِ.. أين المفر؟!
نغم ... رائيي هو اني موافقه ازوج جهاد احمد من سمعني هيج
كلت قبظ ايده حيل وكام طلع بدون ميحجي شي ماعرفت ليش
هيج يسوي كلت معقوله ميريدني افرح لو اعيش براحه اكو اخ
ميتمنى اخته تحب وتنحب وتاخذ التحبه وعيشها ملكه كلهم
فرحو وام علاء هلهلت وجهاد انرسمت ابتسامه خبيثه على
وجهه باوعتله وضحكت وماما اشرتلي اطلع طلعت واجت
افنان وراي تهلهل وتهوس وتركص هي ونهاد بلهول واني اضحك
عليهن وعلى خبالهن باركلي وكالت
افنان ... احم ليوم جهودي هم يجيبلي حلويات ونساتل بس هلمره هواي لان شغلي جاب نتيجه طلعت خوش خطابه
كتلها ولج شنو من شغل كالت غير
هو يوميه يجيبلي حلويات ومرات يطيني فلوس بس حتى
اقنعج واحجي وياج علموده هلا هلا منا لمن تزوجون اني
اشبع حلويات وفلوس وكامت تركص كمنه نضحك اني ونهاد
على سوالفها انوب صاحتلها امها راحو بعد ماتفقو على المشيه
مال الزلم و العقد بنفس اليوم بعد سبوعين كالو نعقد بسرعه
احسن ممتطول من طلعو رحنه لمينه الهوسه وغسلنه الماعين
وصعدنه نبدل سمعنه صوت عياط وصياح جوه ونوب صوت
اقدام على الدرج ونفتح باب غرفتنه بكل قوتها عبالك رادت
تنقلع مو فتحه وطب احمد صاير مثل الاعصار عيونه حمر
من العصبيه وصاح بصوت عالي هز البيت هز
احمد ... اني مو كلت لتوافقين ولج شنو تكسرين كلامي نغم
نغم ... احمد شبيك اكسر كلامك على شنو وصعدت ماما
احمد ... اني مو كلت ماكو مره لزواج عدنه شكو وافقتي يعني كدامي تحجين شي وراي تحجين غير شي وتفشليني اني شنوووو
هنااااا مالي كلمه عليجن لو عبالجن اني غبي البارحه ينرفض وليوم يجيب اهله ويجي عندج علاقه بي
نغم ... احمد شنو هل حجي شنو علاقه صايرلك شي
احمد ... سمعي ولج اني مو اثول ولا تضحكين عليه اني ولد واعرف كل سوالف الولد ودروبهم بس راح اكولج كلمه وحده راح تتندمين على اختيارج وراح تبجين وتعبين وتجيني بنفسج وتكولين احمد لو سامعه
كلامك ومموافقه عليه اني متندمه وساعتها مراح اسامحج على كلمتي الكسرتيها ولا على الفشله الكلتها اليوم من وراج نزلتي راسي واني جنت اعتبرج رفعة راسي وعزوتي
منال ... شبيك احمد شنو هل الخبصه هي شسوت شنو نزلت راسك خطبها بلحلال ومن ابوها وامها وين النزلت راسك بلموضوع
اندار ع ماما وكال انتي هم راح تلومين روحج
وتكولين ياريت لو سامعين كلامك وماموافقين وفتر عليه وكال
احمد ... من اليوم ورايح احلامج متتحق البنيتهن على جهاد
وحياتج راح تتغير 180 درجه كولي احمد كال وعافنه ونزل ركض
ماهتميت ل كلامه لان عرفت احمد اناني ويريد كلمته تمشي علينا
نزلت ليجوه اكلت وصعدت قريت شويه وكملت ودزيت نهاد جابت
تلفون ماما واجت خابرته بسرعه رد وكال بعد 13 يوم
وتصيرين اليه ام بيتي ضحكت وكتله راح تضل تحسب
جهاد ... لعد شلون شيخلصهن راح يخلصني وهنه ميخلصن
نغم ... فتح غمض يخلصن لتخاف حبيبي
جهاد ... هم حجه شي هذا اخوج المخبل اليوم
نغم ... ردت احجي بس سكتت ماردت اكوله شكال احمد
هسه يكول يحجي عليه حجي مو صدك كتله لا اصلا مااجه
لسه واني بلغرفه ماشفته بعد من العصر كملت حجي ويا وسديته
حضرت ملابسي ونوب نمت كعدت ثاني يوم لدوام وهناك
حجيت للبنات ع كلشي وتقى بقت متفأجاه كالت شنو هاي
صايرات اسرار واني مادري تخافن تكوللي
رفل كالت لا توته بس انتي كلج طاقه سلبيه وحجيج طلع مو صح الولد نيته
صافيه واجه خطبها وبعد 13يوم راح يعقدون ولج نغم هم تعزمينه
لو استفاديتي من افكارنه الجهنميه وراح تشمرينه
نغم ... ههههههههههه لا حبي اكيد انتن اول شي اني اعوفج
انتن معزومات قبل العريس بعد شتردن محد ياخذ مكانجن بقلبي
قنعتهن وكملنه الحياة المدرسيه ورجعت للبيت ماكو شي جديد
ومرت الايام هدوء وبدينه نحضر للعقد باقيله ايام اجت افنان
هي وامها اطونه فلوس المهر حتى نروح نشتري غراض والذهب
بديت اجهز وماما ونهاد ورفل صديقتي اجو وياي اشتريت ليوم
العقد فستان ذهبي ويا حذاء بلونه وبركع ابيض وتاج ابيض
ومكياج واشترينه ذهب ( حلقه وتراجي ومحبس وسنسال )
كلش حلوات اجن متقاربات ورجعنه للبيت ميتين تعب
ثاني يوم رحنه اتفقنه على الصالون وماخليتها تصبغ شعري
ولا تكصه بس تسريحه بسيطه وتخلي تاج واجينه اخذت اجازه
من لدوام 3 ايام علمود التجهيز اجن خالاتي وبناتهن وبنات خوالي
البيت انترس بنات وصديقاتي رفل وتقى يجن يمي يوميه ويرجعن
لان عدهن مدرسه مااخذن اجازه سويت تنظيف لجسمي
وماسكات لبشرتي وترتيبات وطلعت واليوم هو العقد والمشيه
صديقاتي اخذن اجازه اني كتلهن اريدهن وياي لان ماما ونهاد
ضلن بلبيت علمود التحضيرات اجن لصالون وياي هنه وخالتي
وافنان جابها علاء اخوها من الصبح يمي حفتلي وسوت حواجبي
يخبلن اني ردتهن طلعتلها صوره بلموبايل وكتلها مثلهن
وخلتلي مكياج هادء بلون الفستان وخلت التاج ولبست الفستان
جان لجوه الركبه ومنفوش وحلو ماعرف ليش ماحسيت
اكو فرحه مع انو اني احب جهاد بس حسيت بي تغير اكثر كلما
نتقرب من الزواج خلصنه واجه احمد اخذنه من الصالون
رحت للبيت لكيت نهاد مخلياهم يجيبون ديجي وفاتحه اغاني
وكالبه البيت بلركص والهلاهل طبيت ماما كامت تبجي
وتقره المعوذات عليه وتكول مامصدكه بنيتي كبرت وليوم
عقدها وكل شوي بجت وتخليني ابجي وياها لحد مااجت المشيه
واجن كرايب العريس عماته وخلاته واجن فرح وسمر سمر
ميته من القهر وبس تخزر بيه استغلت صوت الاغاني واجت يمي
سمر ... لعبتي بنار ومتدرين بيها راح تجويج
نغم ... شنو قصدج ماجاوبتني وراحت وهي تبتسم
خلصت المشيه وكالو راح يجي السيد يعقدلهم جابو مي
وخليت رجليه بي وخلو هيل وهاي العادات وخلو البركع على
راسي وبده السيد يعقد وكال كولي نعم وانت وكيلي كلت
ورجع سال جهاد هم جاوبه واشتغلت الهلاهل والجكليت
شويه وكالو سوو طريق راح يجي العريس يلبسها الذهب
اني ماعرف شبيه وحيل خايفه اول ماطب باوعلي من
فوك ليجوه وعكد حاجبه وخزرني ماعرف ليش هيج سوا
اطته امه الحلقه لبسنياها ونوب اطته الذهب وكام
يلبسني بي اول شي التراجي حسيت ب الالم بذني
شفته عيونه على سمر ويلبسني واني عيوني دمعت من الالم
صحت جهاد على كيفك راح تشلع اذني وخر ايده واجت
رفل لبستني التراجي على كيفها ونوب اطيته امه الكلاده
يلبسنياها وهم خنكني بيها ماعرف ليش انطفت كل فرحتي
من ورا كام بسرعه طلع بدون ميشربني العصير ولا نطك
صور اجو اهله باركولي وراحو واجت سمر شاورتني وكال
سمر ... هاي اول شراره من النار بعدج ماذقتي الباقي
وراحت انوب صديقاتي هم باركلي وطني هديه وراحن
خلصت الهوسه اجه بابا عيونه تدمع عليه ويبوس بيه واجه
احمد ردت اسلم عليه عافني وصعد صدك انهضمت من تصرف
جهاد وحجي سمر وتصرف احمد صعدت للغرفه كمت ابجي اختنكت حيل
ماحسيت غير الباب نفتحت واني دموعي تارسه عيوني ماشوف
غير خيال مسحت دموعي وجانت اختي نهاد شافتني ابجي اجت
يمي وكالت
نهاد ... نغمه عليمن هل بجي ليش هيج مضوجه نفسج
ضايجه من تصرف احمد من اجيتي تردين تسلمين عليه وعافج
وراح لو شنو ترى احمد حيل يحبنه ومراح يقبل انو وحده بينه
تضوج منه لو تكوم تكرها تذكرين من جنه صغار شلون جان يضرب
بنات المنطقه لان يضوجنه لو يتعاركن ويانه هو هلايام ضايج منج
لان كسرتي كلمته بس بعدين من يفكر انو كل بنيه راح تترك بيت
اهلها وتروح تزوج وتكون عائله راح يرجع يسامحج لتخافين من
هاي الناحيه اني متأكده منه هسه حبيبتي لتضوجين ومسحي
دموعج وتعاي وياي اكلي لكمه من الصبح مااكلتي ولا شي
نغم ... اااا نهاد انتي تعرفين شنو يعني احمد ميسامحني انتي
تعرفين بي هو عنيد من صغره واذا ضاج من احد بصعوبه يسامحه
واني اكيد انظفت لهذوله الناس اني حيل ضايجه من نفسي ماعرف
ليش هيج احس ماعندي فرحه مع انو اني وجهاد نخطبنه وراح
نزوج واحنا جنه واحد يحب الثاني بس هسه شو كلشي اختلف
ماحسيت بهذا احساس البنت الراح تاخذ التحبه وتصير فرحانه
ومحد ياخذ فرحتها تدرين اليوم شسوه جهاد لو لا من دخل
وشافني هيج لابسه خزرني وعيونه رادت تطلع من مكانها
واعصابه بينت من العصبيه ومن لبسني التراجي موت اذاني
وحتى من لبسني الكلاده هم هيج حسيته خنكني بيها
نهاد ... ههههههههههه شبيج نغمه انتي متعرفين الولد
ميعرفون بهاي السوالف مال البنات ولا يتقربون منها مو زين
منه عرف شلون يلبسج الكلاده غيره ميعرف يفتحها اصلا
وهو هم امه فتحتها وطتها اله بس لبسج لتخلين هاي السوالف
بالج ولا تفكرين بيها انسيها وعيشي حياتج مثل متحبين
نغم ... وسمر اليوم تقربت يمي وكالت انتي لعبتي بنار ومتدرين
بيها راح تجويج شنو معنى هاي كلمتها يا نار اني تقربت الها
نهاد عكدت حاجبها وتغيرت ملامحها وبعدين ضحكت وكالت
نهاد ... ولج نغمه هاي مقهوره منج لان بس مره رحتي لبيت
ابو علاء وخطبوج مره لاخوها وهسه ابن عمها هي راح تموت
بحركتها لان هي اكبر منج ولسه محد جايها وداك بابها فتضل
هيج تحجي من قهرها لتفكرين بيها وانسيها اصلا لو بيها حظ
تروح تسوي شي بحياتها مو بس ضاله تتواعد لهذا وهذاك
نغم ... حجي نهاد كله صح شفتها نهاد اصغر مني بس بهذا
تفكيرها حسيتها هي اكبر مني بهواي وتنطيني نصايح
علمود حياتي فكرت بكلامها كله وقررت مااهتم واخذ
بنصيحتها مسحت دموعي وكمت ابدل ملابسي نهاد كالت
نهاد يلا عيوني ماطول رجعي على حقيقتج كومي وياي خل
نظف البيت ونشيل هوستج مو انتي تزوجين واني ابتلي يلا
كدامي الى البيت در عادتآ سر تقدم
نغم ... ضحكت عليها وكتلها يلا روحي خل ابدل واجي وراج
طلعت واني بدلت وانزلت لكيت ماما تحضر بلعشه رحنه اني
ونهاد نضفنه الصاله وصبينه عشه وراها كملنه البيت تعبت
او اشتغلت حتى اتعب ومااضل افكر واكول هسه المثلي بهذا
اليوم احلى يوم عدها وتفر بحلقتها ولو كاعده لو تخابر بخطيبها
واني حتى ماكلف نفسه وخابرني ورا العقد وباركلي انتبهت
على صوت خطوات على الدرج شفته هذا احمد نزل وفات كدامي
ولا عبالك اني موجوده كباله وطلع بسرعه وطبگ الباب حيل نزيت
من الصوت رحت كملت البيت بسرعه واجت ماما كالت تقى ورفل
على التلفون يردنج كتلها ماشي رحت اخذته وحجيت وياهن
باركلي وكعدن يصنفن وساعه يقلدن على الاجو بلحفله غيرت جو
وياهن شويه ونوب سديته منهن رحت على الماسنجر فتحته
عبالي مراسلني ولا رساله اخر ضهور اله قبل ساعه جان فاتح
البرنامج وممراسلني جان بس يفتح الحساب كبل يراسلني
ويحجي وياي وهسه ماكو اختنكت حيل على بروده كلش
اتغير مو مثل قبل سديت الحساب ورجعت الموبايل وطلعت
لاكاني بابا باركلي وحضني وعيونه دمعت كال اول ورده
ازرعها واربيها وانطيها تعبي راح تعوفني وتروح شبسرعه
كبرت نغمتي وراح تزوج وتعوفنه وتروح اني دمعت عيوني
وكمت ابجي سكتني وكلي روحي ارتاحي بابا اليوم تعبتي
صعدت للغرفه وكل شوي اكول هسه تجي نهاد وتكلي جهاد
هذا يريدج على التلفون وماكو صعدت نهاد وراحت نامت
لان تعبت اكثر مني بلبيت والخطار والمشيه كله عليها ماتحملت
بسرعه بجيت على حضي كلت راح ازوج الاحبه وراح انسعد
وبعدين ب عقدنه ماكلف نفسه اتصل بيه ماتحملت نزلت جبت
موبايل امي ورحت فتحت الحساب وطلعت صفحته واني انتضر
يراسلني طلعت ضليت اكلب بي وكل شوي اكول هسه اكيد احد
يمه لو جايين اصدقائه يباركوله وماكدر يفرغ لحد الساعه ب 2
منتضرته وماكو نمت واني ابجي ماحسيت على نفسي غفيت
كعدت متأخره ب 11 نزلت البيت هدوء طبيت للمطبخ
سويت ريوك ولكيت ماما محضره الغده ورايحه يم الجيران
لان صديقتها تروحلها دائما بعدني انطف بلمطبخ سمعت الباب
تندك ومثل هيج وقت محد بلبيت نهاد بدوام واني ماخذه اجازه
وبابا بشغل واحمد بجامعه وماما طلعت بس اني بلبيت ترددت
افتح الباب لو لا بعدين سمعتها اندكت اقوى خفت اني ماعندي
موبايل واخابر احد صحت من ورا الباب منووو رد اني انصدمت
معقوله لو اني كمت اتخيل صحت مره ثانيه حتى اتاكد هم جاوب
جهاد ... اني افتحي الباب شبيج منو ومنو
كلبي كام يركص من الفرحه غسلت وجهي شلون ماجان وبعده باقي مكياج
خفيف من البارحه همزين مالحكت اخلي بهل سرعه نشفت
وجهي وطلعت ركض اله فتحت الباب طب سلم وكال
جهاد ... هلا مرتي شلونج مشتاقلج
نغم ... ءءءء الحمدلله بخير انت شلونك
جهاد ... بخير شنو راح تخليني اوكف بلباب بدون تفضل
نغم ... ااا ءءءء مو محد بلبيت يعني شلون تدخل
جهاد ... رفع حاجبه وكال شنو لازم حبيبج اني وجايج من الشباك ومادري بنفسي غير رجلج ولج شنو تكولين محد بلبيت
نغم ... تفشلت من الثول العندي وكتله يلا تفضل دخل لصاله
واني رحت جبتله مي وحميت الجاي ورحت ودليته المي اريد اطلع كال
جهاد ... لتسوين شي ماريد اجيت اشوفج واروح البارحه
ماشفتج زين من ورا الهوسه ورجعنه هم سوينه عزيمه بلبيت ومالحكت اخابرج ونمت تعبان
نغم ... لا عادي اني هم نمت من وقت من التعب بس اروح اطفي
الطباخ واجي مااتاخر رحت للمطبخ واني دايره وجهي
حسيت اجه وراي وحاوطني ب اديه ودفعني على السنك
التفت من الخوف بسرعه واني ارجف كتله اااا ججججهاااد
خله اصابعه على حلكي وكال اششش لتخافين مني تعاي هناك
نغم ... دفتته من صدره وكلت وين جرني من ايدي حيل وراح
لصاله اخذني هناك وكعد على التخم وكعدني على رجله وكال
نغم احبج كتله واني هم احبك بس وخر خل اكعد بلكاع
كمت كام عليه حضني وخله راسه بركبتي وكام يتنفس سريع
ويكول نغم تحبيني كتله اي كتله ااا جهاد وخر ليجي احد طبعا
احبك غير رجلي كلي لعد اذا رجلج لتحجين شراح اسوي بس
اسكتي تعرفين بيه شلون احبج وانتي مرتي هسه كتله كول
اسمعك طلع تلفونه وبعدني اباوع بي راح على الكامرا اني تفاجات
شراح يسوي بعدني صافنه على التلفون جرني من فكي وباسني
بشفتي وصور هاي الحركه ردت احجي جرني وكعدني بحضنه
وطك صوره ثانيه كتله هاي شنو جهاد ليش هيج تصور بينه
كلي هااي حتى من اشتاقلج اشوفهن لان مااكدر اجي دائما
الج حبيبتي واتقرب مره ثانيه راد يبوسني وماحسينه
غير الباب انفتحت علينا بسسسسسرعه ....
رواية تحت مسمى الحب الفصل السابع 7 - بقلم زهو الكردي💖
بعد ما احلف بعينك
ولا اميزك بعد ع الناس
حالك حالهم ،
ما يختلف طينك .
وماحسينه غير الباب انفتحت علينا
بسسسسسرعه
ومااشوف اله احمد اخوي طب علينا اني
بسرعه وخرت من حضن جهاد وكمت
ارجف ماحسيت غير اجه احمد زنگ جهاد
من قميصه ودفعه على الحايط وكام يصيح
عليه
احمد ... ادبسزز شسوي هنا والبيت مابي احدددددد
جهاد ... نزل اديك حمود اني ماجاي
عليك شعليه بلبيت اذا بي احد لو لا
اني جاي على خطيبتي لو عندك اعتراض
على حجيي اني مو حبيبها وتخاف مني
لان طبيت ومحد بلبيت اني طبيت يم
مرتي ماحسسيت غير احمد ضربه بوكس بوجها وصاح
احمد ... حقير شلون هيج تحجي علينا
اشايفنه مثلك احنا وهاي مال البيت فارغ
وتجي اكسرلك رجليك واخليك تتعكز وانتي
ولج شكو تفتحين الباب وانتي وحدج بلببيتتتتتتت
نغم ... شفت احمد متخبل وعيونه
ناطه من العصبيه ضرب جهاد ونوب
رجع صيح عليه بعد ماعرف شحجي
احمد والله هسه اجه قبلك بس بعدني
ماكملت عاط بكل صوته
احمد ... وين كدامي شويه ولكيت
الفلم يريد يخلص امشي طبي جوه
واني اعلمج بعدين حسسسسسابج امشي
ولي من خلقتتتتتي
جهاد ... بصياح لك انت شنو وشعليك
مقهور لان اخذتها بعنادك تحاول تخرب
بينه موو احمد سمع هيج ماتحمل طفر
عليه وضربه وكامو يتعاركون صرت بينهم
اريدهم يبطلون ماكو اخر شي صحت
بصوت عالي وبكل عصبيه
نغم ... كاااااااافي لعبتوووو روووووحي
كافييييييي عرررررك شبيكمممممم واحددد
يريد ياااكل الثانييي خرب حضي اخوووي
ورجلي يتعاركون وراح يموتون بعض كدامي
راح اموووت اريد اموت واخلص منكم كلكم
كرهتوني بحياتي وكعدت على ركبتي وكمت
ابجي بشهكه وبخنكه شافوني هيج كام
اجه جهاد يمي حضني وكام يمسح براسي
وضهري احمد راح يم الباب يباوعلي
بنضرات ماعرفتها شنو حقد قهر تعب غدر
كلهن بيها ميكدر يطلع وجهاد بلبيت وميكدر
يبقى ويشوفنه اني وجهاد وهو حاضني
بلاخير كمت اني طلعت صعدت للغرفه
سمعت احمد يكول ل جهاد يلا خلصت
وقت زيارتك راويني عرض اجتافك واطلع
قبل لا اسحلك من صدك وبعدين سمعت
الباب البره انسدت ونوب اجه احمد صعد
سمعت خطواته على الدرج كيفت بلكي يجي
يمي بس مع الاسف راح لغرفته سد الباب
اجت نهاد من المدرسه وشافتني ابجي سألتني
سولفتلها كلشي
نهاد ... والله نغمه ماعرف العلاقه بين
احمد وجهاد فدمره موزينه من رحنه اله
جانو يخبلون شصاير هسه وياهم اكيد
صاير شي كلش جبير خله احمد هيج
يتغير على جهاد وحتى يرفض زواجج
منه اني جنت مفكره من جهاد يخطبج
احمد هو يقنعج حتى تقبلين بي بس
جنت غلطانه كلش وصار العكس
نغم ... ماعرف نهاد راح اتخبل شنو
بينهم وليش هاي التصرفات سمعنه صوت
ماما كمنه شفنه شتريد صاحتنه ع الغده
كالت صيحن لاحمد خل يجي ياكل راحت
نهاد تصيحله كللها ماريد تعبان اريد انام
اكلنه بهدوء وكمنه لميت السفره واخذت
تلفون امي وكلت خل اني اتصل بي اذ
تبقى ورا حتى ينسى هو خاطبني اتصل
بي شويه يلا رد
جهاد ... هلاو حبي شلونج شخبارج
نغم ... الحمدلله بخير انت شلونك حبيبي
جهاد ... بخير حب شدتسوين هسه ليش متقرين
نغم ... ماخذه اجازه بعدهي ماخلصت ليش ماكو انت متتصل
عليه ولا تسأل من يوم الاجيت ولسه لا من يوم الخطوبه وانت
متغير ومتحب تحجي وياي مثل قبل شبيك جهاد صاير شي
جهاد ... ماكو شي حب بس جاي اتعب وشغل الم فلوس حتى
نزوج بسرعه انتي هم اعذريني وكولي رجلي يتعب علمودي
نغم ... عاذرتك حبيبي بس هذا الشغل اليل والنهار يعني ماعندك
وقت استراحه لو 5 دقايق تراسلني بيهن اطمن عليك
جهاد ... اسف حبي احاول مره ثانيه احجي وياج تمام
نغم ... ااا حبيبي اريد اطلب منك شي ممكن
جهاد ... عيوني الج كولي
نغم ... فدوه لعيونك حبيبي اريد تلفون هذا تلفون امي
هواي اخذه منها ومرات يتصلون عليها خوالي وخالاتي
ماكدر هواي ابقى احجي منها وهسه احنا انخطبنه
جيبلي تلفون انت احجي وياك
جهاد ... ان شاء الله حب بس اجيكم اجيبلج واحد
نغم ... شكرا حبيبي
جهاد ... يدلل الحلو يلا حبي خل اروح
اجو الولد يمي ماكدر احجي وياج بعد
نغم ... باي حياتي
سديته منه راسلت البنات شويه وكعدت اقره دروسي الفاتني
يوميه البنات يدزلي الواجبات بس ماقراهن ضليت اقره للمغرب
وكملت بقيه اليوم اكل وتنظيف وارجع اقره لحد ماخلص
ثاني يوم كعدت نفس الروتين وماكو شي جديد للعصر اندكت
الباب كامت ماما فتحتها واجت بسرعه كالت ولج هذا جهاد
اجه اني طفرت من مكاني وكلت اكيد اجه علمود التلفون
كتله عليه البارحه بسرعه جابه فدوه ماتاخر عليه رحت
طايره للغرفه غيرت ملابسي وخليت مكياج خفيف وحلو
وطلعت لكيت ماما مدخلته لصاله حضرت
كيك وعصير وديهن اله سلمت عليه ومام
شافتنه طلعت وعافتنه بس شاف امي
طلعت اجه حضني حيل وخله راسه بركبتي
وراها وخرني راسي دخن من الخجل رفع راسي وكعد
وسبحني كعدت على رجله وهم طلع تلفونه وخله راسه
يم ركبتي وعضها واخذ صوره ردت احجي باس شفتي
وهم اخذ صوره ثانيه وسد تلفونه ورجعه بقيت صافنه
ليش كلما يجي ويبوسني ياخذ صور سألته كلي من اضوج
اطلع صورتج الحلوه يمي وباوعلج كتله حبي جبت التلفون
جهاد ... حبي اني اجيت احجي وياج بهذا الموضوع
احنا محد عدنه تكمش تلفون من الجناين يعني اذا طبيتي
للبيت ميصير عندج موبايل بس امي وافنان المدلله ابوي
جابلها وكل وقت ناخذ نشوف شبي لان ماخليها براحتها
هسه انتي عندج تلفون امج ومن نزوج اخابر عليج من افنان
لو من امي وثنينهن يمج دائما انسي سالفه التلفون خل تولي
نغم ... بس
جهاد ... نغم لدوخيني بلا بس وبلا بطيخ تلفون ماكو يعني ماكو
لتعانديني جاي تعبان مالي خلك اريد ارتاح يمج لتضلين تنكدين
فوك راسي وتضوجيني روحي مامتحملها
نغم ... براحتك ماحجي شي بعد لتعصب
جهاد ... يلا تمام تعاي كعدي يمي اريد انام
نغم ... كمت يمه وهو جرني عليه وكعدني بصفه حيل
خله اديه على خصري ونام بقيت العب بشعره غفه تقريبا
نص ساعه وفزز صاح وينج سمرر
نغم ... اني انصدمت كتله يا سمر فرك وجها وكال جنت حلمان
لعد تحلم ب سمر شبيك جهاد سمر شجابها على بالك
جهاد ... نغم كافي تلحين كلت بلغلط وجنت حلمان مادري
شجنت احجي ومامنتبها اذا تبقين هيج خل اروح احسن
يلا باي وكام طلع بدون مينتضر جوابي ولا يسمع كلامي
مامستوعبه شحجه اول ماكعد من النوم وليش جاب اسم
سمر على لسانه متت من القهر لا ونوب ماكلي سبب واضح
بسرعه عافني وطلع شبي جهاد حيل متغير عليه وميطيق
يحجي وياي ولا حرف طلعت لاكتني ماما كالت نغم
هواي صارت اجازتج باجر ارجعي للمدرسه وخاف يحددون
موعد العرس حاجي جهاد خل يسويلج نقل ويشتغل
بمعاملتج حتى تنقلين يمه تكملين
نغم ... ماشي ماما راح ارجع باجر ان شاء الله وهسه
اتصل بجهاد واكوله على النقل كالت تمام رحت اتصل
بي نسيت سالفه سمر ضليت محتاره بس بلدراسه اتصل رد
جهاد ... ها اتصلتي حتى تكملين نكدج عليه اذا من هسه مافارغلج بعدين يلا باي
نغم ... اوكف هسه اني شحجيت اريد اكولك على موضوع
جهاد ... كولي بسرعه عندي شغل
نغم ... جهاد باجر راح ارجع لدوام واريد احجي وياك على سالفه الدراسه اريد اكمل
جهاد ... شنو بله انتي شتردين تدرسين مثلا
نغم ... جهاد اريد اكمل دراستي واصير
محاميه حيل احب القانون وادافع عن المظلوم والابرياء
جهاد ... حبي عوفي القانون مو حلو للبنيه
ادرسي غير شي واني اساعدج غيري هذا
الحلم فدوه
نغم ... جهاد ليش اغيره اني احبه من زمان ماريد اغير
جهاد ... روحي مدرسه واني اشوفلج واسطه حتى تتعين بسرعه
من تتخرجين لان عندي معارف هواي بس
غيري هذا النعل ال اجيتيني بي لخاطر ربج
نغم ... اووك هاي الخاطرك بس يمته تجي تسويلي نقل
قبل لنحدد موعد الزواج انقل وبس تخلص الاجازه اداوم
جهاد ... ماشي من افرغ عود اجيب نقلج بعد عندج شي
ثاني اريد اروح لتضلين تتصلين كل شوي مافارغلج
نغم ... ماشي يلا باي سديته منه فرحت بسالفه النقل
لو هو صح كلي غيري حلمج بس اهم شي ميحجي
على دراستي وميعارض والباقي سهل وضجت من طريقة
كلامه واسلوبه وياي ابد مو حلو صاير مو مثل اول ايام من
حبيته بيهن حسيت حيل تغير وماعرف شنو سبب التغيير
•••••••••••••••••••••••••
احمد ... اني احمد طالب كليه هندسه معلومات
اني الولد الوحيد لاهلي ماعندي اخوان
بس اخوات ثنين نغم ونهاد اني واخواتي
علاقتنه كلش حلوه مااحب احد يأذيهن
ولا يحجي عليهن بشي لو يجرحهن بلكلام
شكد اتعارك من جنت صغير ويا اولاد
المنطقه لان يجيبون سيره اخواتي ويكولون
اخوات احمد حلوات اتعارك واضرب وانضرب
بيوم جنت كاعد اتصفح بتلفوني اجه ابوي
عليه كلي
ابو احمد ... بابا حمودي باجر معزومين يم بيت كرايبي
عنده عزيمه جبيره وكلي تجون انت والعائله من جنتو صغار
اخذتكم مره الهم ولسه مارحتو بعد ومن عزمني لح عليه اخذكم
كلكم تروح ويانه اني اجيت كتلك انت اول واحد حتى امك بعدني
ماكتلها اذا تقبل حتى اكول للبنات هم يرحن
واذا متقبل نروح اني وامك وانت تضل هنا
يم البنات
احمد ... لا يابه اني هم تعبت من الدراسه ونفس الروتين اريد
اروح اغير جو روح كول لامي والبنات خل يتحضرن واني راح
اطلع لسوك اشتري ملابس واجي صار هواي ماطالعين سوه
ابو احمد ... هاهي يابه براحتك وليدي هسه اكوللهم
عفته وطلعت رحت لسوك اشتريت ملابس واجيت حضرتهن
ثاني يوم طلعت شويه يم جماعتي لمن صار موعد طلعتنه
ابويه خابرني رجعت للبيت سبحت وبدلت وطلعنه من وصلنه
الهم جانو ناس واهل شيوخ ومنطقتهم كلش حلوه ابتسمت
تلقائيا ورحت سلمت عليهم وع الولد ابو
البيت العزمنه عنده ثنين ولد واحد اسمه
علاء والثاني جهاد حيل صادقت جهاد
وعتبرته عبالك اول صديق اليه وطلعنه نفتر
بلارض مالتهم واطاني بندقيه مال صيد
ورحنه نصيد حيوانات فرحت كلش
بيها وبسرعه تعلمت صدت اكثر منهم وحتى همه ضلو يحسدون
بيه ويكولون احنا شاطرنه ب اسبوع يلا تعلم وانت بسرعه تعلمت
بطل حمودي وراها رحنه على الاحصنه العدهم وطلعنه بيهن سباق
بلاول هواي يلا تعلمت اصعد على الفرس بس تعلمت وبعدين
رجعنه العصر كالو ابقى يمنه اليوم اني حيل حبيت جوهم
وكلت لابويه قبل كال بس اليوم وابوهم هم ماقبل نرجع
صار العشه صبو واني كمت ويا الولد اجو بيت عمهم ولد عمهم
هواي طلعنه بليل ورا العشه نركيلات وكعدنه بلبستان مالتهم
وضحك وسوالف حيل تونست وياهم احلى طلعه هاي
اصدقائي بلكليه مامتونس وياهم هيج ونسه
شفنه البنات طلعن لان احنا مو غريه
عادي يخلوهن يطلعن بس اذا احد غريب جاي ميخطن بره
البيت خطوه وحده شفت اخواتي نهاد ونغم وياهن 3 بنات
راحن لجهه البستان يمشن شويه وجهاد كام لنفس الجهه
الراحن بيها البنات صار عندي فضول اشوفه شعنده
ترخصت من الولد ورحت ورا شفته واكف يم شجره
ومخلي ايده على حلك بنيه ويكللها بس احجي وياج
لتصيحين من وخر ايده عنها وسمعت صوتها هاي نغم
اختي تخبلت ردت اهد عليه شعنده كامش اختي هيج
بس شفت ردت فعل اختي صيحت عليه وغلطت وبعده
ماحجه كلمه دفعته وراحت ابتسمت رغم عصبيتي
على تصرف اختي ورفعت راسي بيها وبتصرفها ماانطته
مجال يسولف وياها رجعت قبل ليحس عليه واني ميت من
العصبيه ودي اكمش جهاد اكسر ضهره بس فشله اني بيتهم
واكل من خيرهم وانوب اعض الايد الطعمتني اجه كعد يمنه
اني كوه تحملته بس كلما اتذكر اختي شلون ردت فعلها ارتاح
واكول هذني اخواتي رفعه راسي ماراحت بيهن تربيتنه
وراها سمعنن صوت صياح بنيه ركضنه اني وجهاد وعلاء
لان بس اخواتنه الصوت جاي منهن الولد البقيه ميجون
اله احد يكللهم رحنه ركض وصلو قبلي شفت جهاد شايل
بنيه واخذها ليجوه اني عرفت اخته جانت ويا اخواتي
مافاركتهن وهاي الشالها مو اخته سمعت كالو وكعت
ومتكدر تمشي كلت اذا مو اخته شكو شالها رجعنه وثاني يوم
الولد عزموني وكالو ضل تعال علينا دائما مو تكطع كتلهم
اوك وتبادلنه الارقام ورجعنه لبيتنه مرت ايام كاشي ماكو صافيه
اتصل بيه علاء اخو جهاد كلي يمعود طولت ليش هيج متاخر
علينا تعال مر علينا راح نسوي كعده احنا والولد ونريدك ويانه
اني كيفت رحت بدلت وعدلت ورحتلهم وصلت لهناك
كلهم الولد كيفو بجيتي بس جهاد شفته تفاجئ ونخطف لونه
حتى سلامه مو حار مثل الولد غلست مابقيت مدقق كلش
كعدنه وضحك وسوالف شويه واترخص من عدنه جهاد وكام
طلع ماعرف ليش هيج سويت واشتغل الفضول عندي اكوم ورا
كتلهم بس اغسل وارجع رحت لطارمه لكيت واكف ويخابر
جهاد ... شكو ولج وين تردين اجي ماكدر يمي الولد عود
شويه وافلت منهم واجي بس لتلحين مو احمد جاي علينا
ماكدر اعوفه واجيج تحملي اي واذا ماهمه بعدين عود انتي
دبريها واجي مره ثانيه اي يلا ماشي باي وسده
احمد ... اني بسرعه رجعت حتى ميشوفني بقيت مصدوم
هذا جهاد معقوله يتفق ويا بنات ويروحلهن وليش
بقيت الافكار توديني وتجيبني لحد العصر كتلهم يلا
يولد اني ارفع الزحمه وراي طريق ماكدر ابقى بعد
جلبو بيه رادوني ابقى بس اني رفضت وكتلهم عندي
شغل ودوام ماكدر اضل هواي ليوم فرغت روحي واجيت
على لمتكم مشكورين تعبتكم وياي سلمت وطلعت
جهاد ... اطلع وياك للباب حمودي
طلع سلمت عليه بره وجنت جاي بسيارة ابوي اخذها من
اطلع وماابات شغلت وطلعت كبل بس قبل لا اطلع منطقتهم
مادري ليش رجعت انتضرت اباب الفرع مالتهم وشفت
جهاد دخل لبيت هيج بدون ميدك الباب دفعها ودخل
استغربت شنو همه اهل عشاير وهاي السوالف عيب عدهم
ليش يسويها جهاد ماعرفت البيت المن بس حفضته وشغلت
وطلعت واني شاك جهاد بي شي ماكو واحد هيج يتصرف
ويختلف بسلوبه اليه بهذيج الجيه عن هاي كلت يجوز صاير
ويا شي لو واكع بمشكله وصلت للبيت دخلت كبل للغرفه
بدلت ونمت وفزيت على صوت تلفون وهو يدك احترك حرك ...
رواية تحت مسمى الحب الفصل الثامن 8 - بقلم زهو الكردي💖
وهذا الليلُ أوسَعني حنينًا
فمزّق ما تبقى مِن ثباتي
تلوحُ الذكريات بكُل دربٍ
لأِهرب مِن شتاتي للشتاتِ
ومابي غيرُ شوق لا يُداوى
وبعض الشوقِ أشبه بالمماتِ
احمد ... فزيت علي صوت التلفون وهو يدك احترك حرك شفت
صاحبي اتصل عليه فتحت خط وعطت بي كتله اكو واحد هلكد
يتصل متكول اكو عالم نايمه فززتني شبيك
گلي احمد التقرير السويته بجامعه مضيعه الدكتور ويكول احمد يضحك عليه ما
مسوي تقرير ويريد مني نجاح واني كتله دكتور اني واحمد سلمنه
تقاريرنه سوه كلي بس تقريرك هذا وتقرير احمد ماكو شنو يعني
اني مضيعه مثلا وهسه اشراح تسوي وهذا كلش مهم التقرير
احمد ... اني انزل بدرج واحجي وي صاحبي وهو هيج كلي
صرت نار كمت اصيح معقوله ايسر عفيه احجي ويا بعد
شوفه وينه تعبني حيل واني اسوي بي معقوله هذا الدكتور
الفاهي يضيعه بهل سهوله تقريبا اسبوع
واني اسوي بي
واحجي واصيح اعصابي تلفت كلي احمد شوف بلكت عندك
نسخه منه حتى نسلمها اله قبل ليسوي الدرجات ويروح حقك
كتله تمام وسديته ورحت صعدت ليفوك
واني فاير من القهر
عبرت من يم غرفة البنات يلا غرفتي بلاخير سمعت صوت
اتصال مال ماسنجر وجاي من الغرفه اني اعرف اخواتي ماعدهن
تلفون ياخذن تلفون امي من يردن يقرن
منين هذا لا وانوب
ماسنجر فتحت الباب بكل حركه لكيت نغم نايمه صحت بكل
صوتي هذا شنو ولج فزت من نومها وهي خايفه وتتراجف
كتلها شنو هذا نغم منيلج هذا التلفون طلعت من جوه المخده
وكال احمد هذا موبايل ماما شوفه كتلها وليش بي فيس
واني ماعرف كالت لا احمد سويت الماسنجر ونوب مسحت الفيس
احجي ويا افنان بت ابو علاء كالت نزلي لان هي ماعدها رقم
تخابرني على الماسنجر بس وسويته علمودها هسه اخابربها كدامك
اتصلت وفتحت المايك ورا شوي اجاني صوت بنيه وهي تعتب
على نغم وتكللها تراسليني وتنامين تخليني وحدي اتصل
هسه اذكرتي تحاجيني كملت حجي وياها وسدته فركت وجهي
ورحت كلت هاي شنو كمت اشك باخواتي
من ورا هذا الدكتور
الزفت عفتها وطلعت رحت كلبت الغرفه كلاب مالكيت نسخه عنه
خابرت ايسر كتله يسور فدوه شوفلي حل مالكيت التقرير وحتى
مااذكر عندي نسخه منه كلي خل اشوف للعصر ارجعلك خبر
بلكي ادبرها الك تشكرت منه ورحت واني ميت قهر بدلت
وطلعت بطريق اذكرت سالفه جهاد من دخل بهذا البيت
ضلت فكره تجيبني وفكره توديني عنه وكلت لازم اعرف
جهاد شبي خابرته ماارد عليه اتصلت مره ثانيه هم ماكو
عفته ورجعت للبيت صار الدنيا المغرب تعشيت وصعدت نمت
وكعدت ثاني يوم رحت لدوام خلصت محاضراتي ورجعت للبيت
كالتلي امي احمد تعال عندي موضوع وياك
احمد ... ها يوم اي احجي
منال ... يمه حمود ليوم خابرتني مرت اخو ابو علاء كرايب ابوك
وخطبت نغم مني لابنها حسن اذا تعرفه بس اني حجيت ويا نغم ماموافقه واني هم ماقبلت كلت خل تكمل دراستها
احسن بعدهي صغيره على الزواج بس ماكلت لابوك خاف يقتنع
بولدهم لان حبابين وكرايبه ويقنع نغم كلت اكولك انت بس
لتحجي لاحد بس كولي الولد شلونه زين لو لا ليش نضلمه كبل وبعدين يطلع خوش ولد واحنا ضيعنا
احمد ... يوم بصراحه اني ماعاشرتهم هواي بس مرتين شايفه
للولد حسن مره من رحنالهم والثانيه جنت يمهم بس ماعرف
عنه شي بعد بس هو هادء مو ملكوف ولا طايش بس لتخلين
هل كلام يم نغم لتخربطين افكارها هي شاطره خليها بدراستها
واني اروح باجر ان شاء الله اعرف اخبار عنه اذا زين او لا
منال ... عفيه يمه بس لتحجي لابوك شي بس اعرف عنه
واختك هم لتحجي كدامها هي رفضت بس خاف يكول
انتو سامعين شي عليه وكبل رفضتوني بدون سبب
اذا نكله مدرسه وتريد تكمل يكول اخليها خل نعرف عنه شي وبعدين الله كريم اذا اكو نصيب
احمد ... ان شاء الله يوم هسه اروح انام تصبحين على خير
منال ... وانت بالف خير وليدي
احمد ... طلعت من يم امي وكلت ايباااه اختي نغمه الصغيره
كبرت وكامو العالم يدكون بابنه عليها والله ايام تركض ركض
هذاك ليوم جانت طفله وتوصخ ملابسها اذا لعبت ضحكت
على تفكيري وكلت اكيد تكبر قابل تضل العمر كله صغيره
صعدت لغرفني وكلت باجر ماعندي محاضرات راح اروح باجر
لبيت ابو علاء واعرف اخبار عن حسن وشلونه بدون مااحد يحس
بدلت ونمت لصبح كعدت اتريكت ورحت الهم وصلت الولد رحبو
بيه وجهاد كالو ماكو عنده شغل طالع طلعنه نفتر بلمنطقه مالتهم وسألت علاء عن اولاد عمه
عددهم اليه كلهم لان الشايفهم اني اقل من العددهم وكال البقيه
بعاد عنهم كاعدين ميجون اله عزايم كبال اعراس واحنا نمشي
اشرلي كال هذا واحد من عمامي هنا بيته عمي ابو حسن
اشرلي على الباب انصدمت وفكيت حلكي هذا نفسه البيت
الدخل اله جهاد كبل دفع الباب معقوله عدهم ميانه وياهم
ويجون يطبون فجاه وجان وقت ملفت للانتباه الدخل للبيت بي
احمد ... اكول ابو زيودي سؤال
علاء ... اي تفضل
احمد ... هم عدكم عادي تطبون لبيوت عمامك كبل ومتدكون الباب
علاء ... لا خويه عدهم بنات مندخل كبل اندك الباب يلا ندخل
احمد ... شكيت بلموضوع كتله تمام ابو زيودي هسه من رخصتك
اخابر جهاد اسلم عليه واروح خابرته كلي بشغل اني اتاخر عليك
كتله براحتك اني رايح لعد صارت عندي شغله قريبه عليكم وكلت
خل امر ع الجماعه بعدني احجي وصلت قريب عن البيت بيت ابو
حسن عمهم سمعت صوت جهاد بطارمه وهو يكلي اذا ماعندك شي
انتضرني كتله لا حبيبي مستعجل يلا باي وصرت على صفحه
طلع من بيت عمه ويا بنيه يكللها بعدين هم اجي كلما يطلعون
خابريني اني متت بدمي معقوله الجاي اسمعه صح جهاد هيج
يحجي ويا عرضه ويجي يمها بدون مااهلها موجودين بلبيت
خليته يروح اجيت دكيت الباب ردت عليه بنيه سامع صوتها
ردت عليه منوو وصوتها سامعه بس ماذكر وين
احمد ... حسن موجود ،، كلتلي لا والله طالع لشغله من يجي اكوله منو انت ؟؟
احمد ... كلتلها تمام اني امر عليه بعدين شكرا نهيت الكلام
بسرعه وياها وطلعت رحت لسياره واني
فكره توديني وفكره
تجيبني واحجي ويا نفسي معقوله جهاد يسوي هيج مامصدك
معقوله اني جنت مخدوع بي لهل درجه والمي تمشي من جوايه
معقوله ماعرفت شنو نوايا من شفته يتختل وكل شوي طافر
بلجهه البيها البنات من جنه يمهم ومن شفته واكف يم اختي
نغم وبعد تصرفها كلت يجوز صارت صدفه وماحكمت عليه
من هذا الموقف بس لازم ابقى ورا ومراقبه حتى اعرف شيسوي
بعد وماشي بطريق الحرام ومنو مأثر عليه ومنو لاعب بعقله
وصلت لبيتنه طبيت جوه بدلت وكعدت اقره شويه لان ثاني
يوم عندي امتحان وكملت لميت الملازم ورجعتهن ونزلت
لكيت نغم بلمطبخ كتلها سويلي اكل نغمه راحت سوتلي
وجابت الصينيه واجت اني صافن عليها وعلى حركاتها
الحلوه كلت هاي من يمته كبرت نغمه وصارو العالم يشوفوها
ويجون يخطبوها اني ماردت اكوللها على سالفه حسن ابن عم
جهاد انو اني عرفت لان ماريد تنشغل عن دراستها وتضل تفكر
بزواج اكلت وكملت جابتلي الجاي اخذته وصعدت فوك اتصلت
ب ايسر وبقينه نحجي شويه وسديته طبعا ايسر اول صديق
اليه بجامعه اول مادخلت تعرفت عليه وصار اكثر من اخو اليه
وكفاته وياي مينعدن اني ماعندي اخو بس ايسر صار اخوي
الماجابته امي كل يومنه نكضي سوه طردت الافكار من راسي
ونمت ثاني يوم رحت داومت وخلصت يومي عادي ورجعت
للبيت بلغده حسيت صاير شي خلصنه الغده جابت نغم الجاي
ستوني شربت امي كالت ليوم اتصلت بيه ام علاء ورادت نغم
لابنها جهاد اني غصيت بلجاي وكمت اكح
فارت اعصابي صحت بصوت عالي نغم
اجت نغم كتلها انتي موافقه شفتها سكتت اني نار وشبت بيه
يعني موافقه عليه وتريده صيحت بوجها وكتلها زواج ماكو
والتفت على امي كتلها خابرها وكليلها ماعدنه مره لزواج
وعفتهم ورحت بدون ماافهمهم ليش وشنو سبب رفضي
ثاني يوم اجو كلهم ونغم فشلتني وكالت موافقه كدامهم
اني من العصبيه ردت احركها واحركه هو هم حسيت اكو
شي صاير بينهم وخلا نغم توافق عليه لو متدري بسوالفه
واني ماكدر احجي كبالها واكللها ع سوالفه لان اختي بعدهي
صغيره وماريد اعلمها على هيج سوالف وافتح عيونها من هسه
واني ولد ماكدر احط اختي واعلمها لو بنيه بيها مجال لو ولد
مثلي هم ترهم ضليت احرك بروحي طلعت اريد اروح لمكان
اريد اهدا نار صرت اخذت سيارة ابوي ورحت بيها على
الشط اريد اكعد وحدي اريد انسه نغم وكسرتها اليه ماكدرت
ردت اعرف عنه كلشي حتى اشوفها بدليل ل نغم حتى تعوفه
مااريد اختي المدلله تالي وقت تروح تنهان واني بعدني
عايش يمها واجر النفس رجعت للبيت واني ماطايق احد
رحت كبل لغرفتي اجت نهاد صاحتني على العشا صيحت
عليها وراحت كتلها مااريد كبل نمت حتى مابقى افكر واحترك
ورا ايام اتفقو على العقد اني مادري حتى ماسألتهم شصار
مصار كلت لازم اعرف عنه كلشي حتى احذر اختي منه
اجه بلعقد ونضراته بيهن شماته اتمنيت اكله بسنوني
عقدو ولبسها الحلقه وراحو اني ماتحملت رحت حجيت وياها
وكتلها راح يجي يوم تندمين وتجين تكوليلي اسامحج
واني مراح اسامحج لان كسرتي كلمتي وقبلتي بي
وطلعت خابرت ايسر صديقي وكتله يسور اريد اعرف كل شي
عن جهاد بس ماكتله خطب اختي ونسيبي فشله منه يبقى
غريب عليه وماكدر انطي شي على اخواتي كتله كلي اي شي
تعرفه عليه وانطيته اسمه وعنوانه ايسر يجيب معلومات
يعرف بهاي الشغلات لان ابو الله يرحمه بلاستخبارات جان ومرات
يروح ويا لشغله يعرف هيج شغل كلي
ايسر ... تدلل حمودي يومين بلهواي اجيبلك كل تفاصيله
احمد ... تشكرت منه وسديته واني
روحي طالعه مادري
وين اروح بقيت افتر بشوارع لمن صار اليل ورجعت
للبيت شفت نغم كدامي شلون طالعه بدله العرس
عبالك اميره بقيت صافن عليها لمن باوعتلي حسيت على
روحي وصعدت بدون مااباركلها طبيت للغرفه وقفلت الباب
حتى خاف تجي للغرفه بقيت كلش متضايق منها ومن تصرفها
كلت خاف مسويلها شي لو مهددها وهي قبلت بي بعد ما رفضت
ابن عمه انوب كلت لا خاف هي تحبه وكيفت من خطبها ونوب
كلت خاف بينهم علاقه واني ماعرف انوب كلت لا هي نغم وين
عدها موبايل اني الاعرفه همه متشددين يعني نغم مترتاح وياهم
ماعدها قرار البينه يمهم ولا يحترمون قرارها اصلا ضليت افكر
ردت اتخبل اله شويه طردت الافكار من راسي وجريت مخدتي
ونمت مرن يومين وايسر اتصل عليه
ايسر ... ها حبيبي حمود شلونك
احمد ... هلا يسور الحمدلله بخير انت شلونك
ايسر ... الحمدلله اكلك حمود الولد الكتلي عليه قبل يومين
جبت كلشي عنه من معلومات تريد تجي عليه واشوفك لو اني اجيك
احمد ... يسور ثواني وجايك مسافه الطريق نلتقي يم الشط
ايسر ... اوك هسه رايح لهناك استعجل
احمد ... سديته منه بسرعه ورحت سبحت وبدلت لكيت ابوي
بلبيت اخذت منه السويج مال السياره ورحت لشط مكاني المفضل
اني وايسر اليضيع نلكا هناك وصلت لكيته جاي قبلي سلمت عليه
كلته احمد ... صارلك هواي من اجيت خو ما طولت عليك
ايسر ... لا ستوني اجيت تعال احجيلك عن هذا التعبان الكتلي عليه
هذا واحد ملعب وموزين ابد يمشي ويا ناس زباله وماشي
بطريق الحرام هواي شايفي يروح لبيوت بنات ويشرب
وزباله بين قوسين ويضحك على بنات العالم ( تحت مسمى الحب)
يسوي روحه يحبهن لمن يحبنه ويتعلقن بي وبعدين يغدرهن
هواي لكفو ب تهم ويطلع روحه منهن لان عند ابو واسطات وابو
شيخ عشيره ويخلصه من التهم سجله ابد
مو نظيف واهم شي
يتواعد ويا بنات ببيوتهن بشقق وياخذهن ويروح لهناك
احمد ... ايسر يحجي واني مصدوم حتى مارمشت من الكلام
الي سمعته عن جهاد وكف شعر راسي معقول اني واهلي
واختي انخدعنه بهيج واحد زباله بس رغم السمعته ماطيت بي
وكلت ل ايسر يسوري انت كلت يروح لبنات لبيوتهن ولشقق
اذا صدك اريدك تشوفلي هذا النقطه صح
اريد تراقبه واذا راح
لوحده اتصل بيه كبل كلي تدلل حمود بس ليش انت منين
تعرف هيج واحد زباله شنو صديقه انت
احمد ... لا يمعود بس صادقني وحسيت بي مو راحه كلت
خل اتاكد منه ماريد اتورط بمشكله من ورا مالي خلكه
ايسر ... ها ولك صاير تصادق عليه مو صوجك حقيررر كسرت قلبي الرقيق عابتلك
احمد ... ضحكت وكتله انجب هيج سوالف مال بنات ميلوكلك يطلعنك مايع زياده
ايسر ... شسوي ضال سنكل من صادقتك انسدت كلها
بوجهي اريد احب اريد اكبل من وراك
فكرتني قبل لتجي البنات منا ومنا يوكعن بنضره مني
احمد ... غير يستقر مهند كلك اجلح املح انجب وخليك
مركز بشغلتك الكتلك عليها وبطل مياعه وتهمبل مو زين عليك
ايسر ... عابتلك خليني ارجع ثقتي بنفسي اله تحط خشمك هذا الشكبره بلموضوع وتخربه
احمد ... ولك يخبل خشمي يلا هسه ولي منا خل اروح نعست بليل مانمت هواي
ايسر ... اي عمي حقك تفكر بلحب ومانايم
احمد ... كلت بكلبي بطران انت يا احب افكر ب اختي الماعرف
وين راح تودي نفسها بتهلكه من ورا هذا العار كملت حجي من
ايسر وكمت رجعت للبيت ماكو شي جديد رحت للغرفه ونمت
•••••••••••••••••••••
نغم ... مر تقريبا اسبوعين وجهاد ماحاجي وياي غير اخر مره
من اجه علينا وطلع ضايج وخابرته على النقل مالتي اني كاعده
وافكر ليش هيج ميحجي وياي شصاير ويا اخابر على افنان
مرات متجاوبني ومرات تجاوبني ومن اسألها على جهاد تسكت
شويه يلا تجاوب وتكلي يشتغل لو يحضر للعرس لو يم جماعته
طالع بره هواي اعذار مرات تفلتها وتكول بلبيت من اكوللها انطينيا
احجي ويا تكلي ها شفته نايم لو بلحمام وتسكتني وتسده بس
حاسه صاير شي وجهاد ضامه عني فزيت من صفنتي ع صوت نهاد
نهاد ... انفضلي ست الحسن الامير وليم يتصل هل تتفضلين عليه وتردين باوعتلها صفح واخذت التلفون منها
نغم ... فتحت خط وحجيت ويا كلي
جهاد... نغم فكرت بموضوع اريد اجي واحجي وياج بي انتي فارغه
نغم ... اي فارغه تمام منتضرتك
سده وكمت سبحت بسرعه وبدلت وحطيت ميكاب خفيف
وانتضرته لحد ما اتصل وكلي اني بل باب تعاي فتحي كمت
فتحت الباب وسلمت عليه شاف محد وراي جرني عليه وحضني
حيل وراد يبوس شفتي وخرت عنه وكتله اهلي كلهم هنا ليجون
تعال تفضل طب كدامي كعد رحت جبتله مي وكلت نهاد تسوي الضيافه رحت قدمتله
جهاد ... نغم كعدي عندي موضوع كلش
مهم اريد احجي وياج بي .......
رواية تحت مسمى الحب الفصل التاسع 9 - بقلم زهو الكردي💖
أخبربتهُ بشعورٍ كنت أحفظهُ ،
في القلب حتى رأيتُ الصدَّ ألوانا"
يا ليتني قد قضيتُ العمر أكتمهُ..
فالبوحُ يقتلُ نبض الحب أحيانا"
جهاد ... نغم اكعدي عندي موضوع كلش مهم اريد احجي وياج بي
نغم ... كعدت يمه قبل ليحجي اجت نهاد قدمت الضيافه وسلمت
عليه وطلعت كتله شصار على سالفه النقل راح يقرب
موعد العرس وانت لسه مامشيت بسالفه
النقل مالتي وسكتت عنه
جهاد ... هو اني اجيتج علمود هذا الموضوع شوفي حياتي نغمه
احنا طبيعتنه شيوخ واهل عشاير وماعدنه بنيه تدرس حدها
لسادس ابتدائي وتبطل واني اذا صرت
اختلف عنهم لازم اطلع من
يمهم واعوف اهلي لان ماعدنه بنيه تلبس جنطتها وتطلع تروح
للمدرسه وال اريد اطلب منج تركين دراستج لخاطري واذا
ترديني تعوفيها واذا مترديني ابقي بيها شراح تختارين
نغم ... الدموع اجمعت بعيوني وكلت مستحيل ليش هيج
خلاني بين اختيارين واحد اصعب من الثاني بس فكرت
اذا راح اتركه علمود دراستي راح تاخذه وحده وتضل
تقهرني بي واني ماتحمل اشوفه ويا غير وحده بس انقهرت
شلون راح اترك دراستي وحلمي راح اتخله عنهم بهل سهوله
نغم ... جهاد احب دراستي ليش تريد مني اتركلها ودمعت كمش ايدي
وكال نغمه حبيبتي لخاطر عوفيها متردين
تبقين وياي نضل سوه طول عمرنه واني اعوضج عنها كومه
طلاب تخرجو وكعدو بس تعب وماكو تعينات شراح تستفادين
منها اني اريدج تجين يمي ملكه اعوضج عن كلشي مريتي بي
نغم ... هذا كلامه خلاني افرح ومافكرت بشي ثاني ابد وكتله
ماشي راح اتركها بس شوكت نزوج
كلي مابقى شهر بس اكمل شغلي وارتب كلشي واخذج يمي وارتاح واتقرب عليه
وباسني بشفتي وقربني عليه وصارت
حركاته مو حلوه كمت بسرعه منه وكتله
شنو هاي جهاد شسوي
جهاد ... نغم انتي مرتي لتضلين هيج تسوين هاي حركات الجهال
اذا من هسه متخليني اتقرب منج شلون بعدين من نزوج
نغم ... غير كلام يصير هذاك الوقت هسه مو وقتها يلا اني
وافقت اترك دراستي علمودك بس لان احبك جهاد
ابتسم ابتسامه صفح وكلي عفيه عليج اني هم احبج يلا راح
اروح قبل ليجي اخوج الشفيه مااطيقه شكد غثيث
نغم ... هوب هوب جهاد ليش هيج تحجي على احمد ماقبل بعدين احمد مو غثيث حيل حباب
جهاد ... اي هسه يجي يلا رايح باي حبيبي تعاي اطيني بوسه شي شبيج جفاف مكضيتها عليه
نغم ... رحت يمه حضنته وبست خده راح يتقرب رجعت
منه وطلع كالب وجها ماهتميت ابد ماعرف ليش كلمره بس
يزعل حتى ماانام مرت ايام ونفس بروده لا رجع اتصل بيه
ولا شال تلفون سال عني حددنه موعد العرس بعد10 ايام
بديت اجهز بغراض العرس وماكلت لاهلي راح اترك دراستي
علموده كلت من نزوج يلا اكللهم ويوم جنه كاعدين نتعشه
اتصل تلفون بابا رد وكام بسرعه يصيح خو مابي شي
متأذي اي اي انتم بيا مستشفى هسه يلا هسه جاي جاي
سده وماما كلتله شبيك منو هذا بلمستشفى
ابو احمد ... هذا ابو علاء كالو صاير عصبي وصاعد عنده
السكر وضربته جلطه هسه راح أروح للمشتفى بس اخو
ولده ويا هسه خابرني اخو كال ياريت تجي احمد جان كاعد
كال « احمد ... يابه خل اروح وياك اني اسوق دنيا ليل خاف يصير وياك شي بطريق كله يلا تعال راحو بدلو
بساع وطلعو ركض كمت اخذت تلفون ماما وخابرت على افنان
كلت هسه اكيد مدمره على ابوها لان هي حيل تحبه اتصل متجاوب
كومه يلا ردت وهي تبجي وتصيح ولج نغم بابا انجلط انجلط
من وراهم راح يموت بابا ويعوفني اني احبه نغم شسوي
نغم ... انقهرت عليها ودمعت عيوني كتلها عمري افنان لتبجين
روحي ادعليه وصلي لتفاولين عليه اني وماما ونهاد كلنا راح نكعد
ندعيله ان شاء الله يكوم بسلامه طمنتها وسديته رحت اخابر على
جهاد ميرد شكد اتصلت بلاخير صار مغلق كمت ابجي ليش هيج
يسوي جهاد اني ردت اوكف ويا لحد اليل كلش اجو بابا واحمد
كالو حالته تعبانه كلش جلطه دماغيه ومخلي بلانعاش متنه من
القهر عليه وكمنه ندعيله اني وماما ونهاد رحنه كل واحد على غرفته ونمنه
•••••••••••••••••
افنان ... من ليوم الي حجه جهاد لامي حتى تروح تخطبله نغم
واني طايره من الفرحه وامشي واركص بلبيت ماحجينه اله
لمن تصير صدك حتى ل فرح مرت علاء ماحجينه اي شي
كدامها لان بسرعه تروح تكول لاختها سمر وسمر تحب جهاد
اني ادري بيها من تتختل وتروح ورا للغرفه ومن تجي لبيتنه
من غير حجج حتى تشوفه لو من اجونه بيت ابو احمد سوت
روحها واكعه ورجلها تريد تنكسر بس حتى يجي جهاد يشيلها
وياخذها جوه كلشي اعرف ومنتبها بس مسويه روحي ثوله
وماعرف بيهن شيخططن يردن ياخذن اخواني ثنينهم حتى
يسيطرن على البيت بكيفهن ويحرضن اخواني عليه لان اني مدلله
مرات فرح تسويها ويجي علاء يصيح عليه ويرزلني بس اني كبل
اروح اشكي لابوي خلالهم حد ومحد اله علاقه بيه المدلله
كلشي بكيفي حتى مرات ابوي ياخذ قرارات اذا اكله لا يرفضهن
وهمه حاسديني على هاي النعمه المهم لمن حجه جهاد وكال
اريد نغم وميريد سمر فرحتي بهذا الخبر احلى فرحه تصير بحياتي
لمن راحت المشيه يلا عرفن فرح وسمر راح يخطب نغم وهي منا
تخبل احلى منهن اول مااجت كلبن وجهن عليها ماتن بقهرهن
كامت سمر يوميه تجي علينا واشوف اختها تسترلها وتروح ورا
جهاد لغرفته بس اني مرات اسوي عليهن مداهمه لو أروح اكعد
يم جهاد بغرفته بدون مينتبه واضل اسولف ويا تدخل سمر
نسوي روحها متدري دخلت بلغلط وتطلع بساع خبلتهن ابد
ماخليتها تتشوف جهاد بيتنه راحو عقدو جهاد ونغم واني
تعمدت اعزمها بلعقد خليتها تفور اجت حتى تسكت فضولها
لمن شافت نغم شون طالعه تجنن تسودنت وبقت صافنه
عليها وشفتها اتقربت عليها شاورتها اني ماهتميت بس تغيرت
ملامح نغم من شاورتها ورجعنه بس صارت سمر كل يوم يمنه
تذب سمها بلبيت هي واختها يلا تروح قبل ليقرب موعد العرس
امي تمرضت وتعبت وديناها للمستشفى ضغطها صاعد ويطك
خشمها دم منه اجت كرايبنه وكلها تحمدت لامي على سلامتها
واجن سمر واختها كالن هاي من يوم الخطبتو هاي الفكر لسه
كامت تجيكم المشاكل وحده ورا الثانيه ولا ارتاحيتو خلن
امي فكره تجيبها وفكره توديها اني رديت عليهن كتلهن هو قدر
البنيه شعليها وحكمتن عليها من خطبناها لسه ماجايه البيتنه
حتى تجيب المشاكل وياها بس انتي سموره من خطبنه لجهاد
وانتي يوميه يمنه متفاركينه حتى مرات اتوهم عبالي انتي
اختي الثانيه واني ناسيه سكتتهن كامت وجوهن تطي الوان
وراحن بس بعد امي خلن الفكره بالها بعد متنسى وعبالها
اليصير وياها كله من ورا نغم ورا فتره صارت امي زينه
ورا ايام صارت كعده بلمضيف وعركه قويه كلش
انتهت بصياح اخوتي بصوت واحد بوووووويه ....
كلنا ركضنه نريد نعرف شكو شصاير وكفنه يم شباك المطبخ لان
زلم ميخلونه نطلع بره كدامهم لكينه اخواني علاء وجهاد شايلين
ابوي وهو طايح منتهي بين اديهم ويركضون بي من خوفي على
ابوي طلعت اركض ماهتميت للعالم الجانت بره لو الشيوخ الطلعت
من المضيف لان كلها تعرفني المدلله لابوي رحت عليه حضنته وهو
بين ادينهم يصيحون فاقدين واني شفت ابوي اديه نعوجت لو طار
عقلي من الرعب عرفت ابويه نضرب جلطه وقويه اخذو وطلعو
يركضون خلو بسياره علاء وراحو ركض للمستشفى واني كمت
اركض ورا السياره فاقده وماحسيت اله احد جرني من ايدي
وخله شي على راسي وسحلني للبيت وهو يسب ويغلط واني
من الخوف ماشفته منو توسلت بي حتى ياخذني وراهم توسلت
حتى يوديني ورا ابوي اشوفه ماقبل اخذني للبيت تلكني سمر
وفرح وهنه يصيحن من ورا هاي الحيه البيضه عمتي تمرضت
وعمي انجلط اريد اشوف شنو من كوارث راح تسويلكم بعد
دخيل الله بنيه بس طبيتي جبتي كل مشاكل الدنيا وياج وما
خليتي عليهم شي وامي كاعده وتلطم وتبجي اني فاقده مابيه
حيل ارد عليهن بس ابجي ميته من الحركه بس اريد احد يجي
ويطمني عليه ماكو كمت للغرفه اخذت الموبايل واتصلت على
علاء يتصل ومايشيله اتصلت على جهاد هم نفسه ولا واحد
يرد مخبوصين كمت ابجي بحركه وبعد التلفون بيدي رجع
اتصل باوعتله بفرحه بس المتصل جانت نغم فتحت خط
واني ابجي واشهك لان مو اخواني الاتصلو هاي نغم اكيد عرفت
نغم ... هاي يروحي شلونج هسه سمعت بمرض عمو الحمد الله
على سلامته ادعيله ولتبجين مو زين عليه بجيج
افنان ... ولج نغم بابا نجلط نجلط من وراهم راح يعوفني واني
احبه تعب كلش من ورا العالم ومشاكلهم وهاي اخر وحده جلطته
نغم ... كولي يالله فنو حبيبي ان شاء الله مابي شي كومي هسه
اتوضي وصلي وادعيله واني هم راح ادعيله اني وماما ونهاد
لتخافين عليه ان شاء الله يطلع منها عمو يحبج ميعوفج
افنان ... ارتاحيت من حجت وياي هيج نغم سديته منها
واني اكول كلامها ريحني وينها وين الفكر رجعت اتصلت
مره ثانيه على اخواني علاء يتصل وميرد وجهاد مغلق
رحت توضيت وصليت وكمت ادعيله وابجي لحد ما سمعت
الباب انفتحت وصوت رجال طفرت شفته جهاد اجه
ركضت عليه واني اصيح ها جهاد ابوي بي شي احجي
جهاد ... ادعوله تلاحكنا بسرعه للمستشفى كدرو يسيطرون
على حالته شويه وهسه هو بلانعاش يومين ويصحه
سمر ... هاي كله من ورا الفگر مرتك من يوم الطبت بي
للبيت وهو يوميه مشكله اول شي وكع ابن فرح ونكسرت
ايده ورا عمتي وكوه كامت بسلامه وهسه عمي انجلط
بعد شتسوي بيكم هاي الفگر ماعرف وفوكاها انتو ساكتين
لو اني منكم اطردها وبعد تحلم تدخل لهذا البيت
فرح ... وهي تبجي اي والله ماخلت بينه هاي بت الفگر يوميه
واكعين بمشكله شكل من وراها شدعي عليج نغم وكعت عمي
بركبتج المكسوره موتينه وهي تبجي وفاقده عود
افنان ... ماتحملت يدعن على البنيه وهي ماعليها رديت عليهن
انتن متستحن كاعدات بيتنه وفوك هذا وضعه تزيدن علينا
بسمجن اذا حجيتن بعد اطردجن بره وماهتم الجن واطفي نار كلبي المشتعله بيجن فتهمتن
سمر ... هو انتي تكرهينه اني واختي تحبين بس هذيج
الحيه المخبلتكم بلمشاكل صدك لو كالو البزون يحب خناگه
مستعده هسه تطردينه علمودها عدها بخت مدري شمسويتلج انتي هم ومخبلتج بيه مثل البقيه
افنان ... شفت جهاد يباوع على سمر بنضره مثل المصدك كلامها
عافنه وكال رايح ارتاح بلغرفه شفته راح وسمر كامت تحوص
مثل العدها ولاده اني كلت خل اراقبها وماصيحلها اريد
اشوف وين تروح وشسوي عفتها وحدها سويت روحي رحت
للغرفه وماسديت الباب شفتها خطفت من يم باب غرفتي
وراحت لدرج صعدت باوعت شفتها مضبطه امورها
كلهم مخليتهم يرحون للغرفه يلا هي كامت صعدت على
كيفي وراها وشفتها راحت بتجاه غرفه جهاد عرفت عدها
شي هاي البنيه ومو راحه تمشي على كيفها وتلافت مثل الحرامي
وفتحت الباب كبل وطبت بسرعه بس ردته رد لان فوك قليل
احد يصعد وبس غررفه جهاد فوك البقيه كلهن جوه يعني الفوك
امان اليجي نسمع خطواته على الدرج رحت على كيفي وصلت
يم باب الغرفه وانصدمت خليت ايدي على حلكي وفتحت عيوني
كلهن بصدمه ب الي شفته .....
رواية تحت مسمى الحب الفصل العاشر 10 - بقلم زهو الكردي💖
قلبي الذي آذيتَهُ وطعنتَهُ
أتظُنُّهُ يكفيهِ أن تتأسفا؟
غادر فما عادَت عيونُكَ جنّتي
أبداً، وما عُدتُ المُحِبّ المدنَفا
يا من أذقتُكَ كَأْس وصلي عذبةً
خنتَ العهودَ، فَذُق إذن كأس الجفا
يبدو بأنّكَ كنتَ تجهلُ قيمتي
فالآنَ قد آنَ الأوانُ لتعرِفا
وفتحت عيوني كلهن بصدمه من الي شفته
معقوله الي اشوفه لكيت سمر حاضنه جهاد
من ضهره وتحجي ويا عبالك رجلها وهي
هيج حاضنته الحقيره
سمر ... حبيبي جهاد انت شكلت مو
كتلي راح اطلگها واخلص منها يمته تخلص
منها وانت راح يتقرب موعد زواجكم وبعد
ماباقيه ايام وتزوجها يعني شنو اني مو
بعينك وين راحت هذيج الايام الحلوه الجنه
عايشين بيهن مو خليتك ترتاح احسن من
هذيج المگضيتها عنك جفاف وكلشي ممحصل
منها هيج هسه تجازيني على تعبي وياك
جهودي شوكت تخلصني منها هاي الحيه
البيضه من اجتكم لليوم وانتو المشاكل
والامراض تنزل على روسكم مثل المطر
مو كافي لمن تشوف اهلك كلهم جوه
التراب من ورا فگرها يلا ترتاح لمن يوكع
الفاس براس
جهاد ... حبي اصبري عليه مو راح
اتخبل من التفكير انطيني مجال ارتب
اموري وكتلج انتي تبقين الاصل حتى
لو اخذتها انتي اخذج عليها اريد اطلع
هاي الايام التذلني بيهن من عيونها راح
اجيبج عليها واحرك كلبها ام عيون عسليه
سمر ضربته وكالت شنو تتغزل بيها كدامي
شنو عوزني جمال شو احلى منها هاي ام الفگر كلت بكلبي
افنان ... وينج وين الجمال انتي اخر وحده تحجي عن الجمال
تجين بحلات نغم انتي موتج بجمالها بعدني افكر شفته
جرها عليه وباسها اني شهگت ماتحملت همه حسو عليه
بسرعه نزلت قبل ليفتحون الباب ورحت ركض لغرفتي وسديت
الباب واني فاكه حلكي من الصدمه والكلام السمعته نسيت
ابويه ونسيت مرضه انصدمت صدمة عمري معقوله جهاد وسمر
لهل مرحله واصله بينهم وهيج علاقتهم متطوره من ورانه
كمشت التلفون ردت اتصل على نغم بس
اخر لحظه حسيت
على روحي وسديته وكلت هسه اذا اتصلت بيها شكوللها
اخوي يريد يزوج عليج لو واصله مرحله بينهم هو وسمر
للحضن لو اكللها يريد ينتقم منج شحجي يربي شكول
والله اني مستحيه من اخوي وفعلته هاي
اني راح اتخبل
كمت ادعي ربي كون يخلص نغم من جهاد لان اعرف جهاد
كلشي ولا واحد يذله لان نغم صيحت عليه يم الشجره
وضل يوميه يتوسل بيه حتى يحجي وياها وهسه ماطته مجال
وكوه يلا قبلت مادري هسه اني صرت السبب ب اذيه بنت
يربي هسه شلون بيه هسه شسوي ربي اتوسلك تخلص نغم
من جهاد وسمر لان راح يأذوها بس شسوي هسه احجي لو لا
اسولف ل نغم لو شسوي صرت افتر بلغرفه واحجي ويا روحي
لحد مانعست ونمت من التعب والبجي البيجيته على ابوي اليوم
كعدت الصبح على صوت امي وهي تصيح وتبجي طفرت من
مكاني طلعت اركض كتلها يمه شبيج كالت ابوج صار احسن
ويكولون كعد وعدت على خير كمت ابجي واحمد الله واشكره
ابويه طلع منها بخير ركضت خابرت نغم وبشرتها فرحت اكثر مني
نغم ... الف الحمدلله مو كتلج ادعيله وهو يصيح احسن
اليل كله ادعيله كون الله يرجعه الج وميصيبه مكروه ويفرح
كلبج بشوفته استجاب دعائي الله يكومه بسلامه ويرجعلكم يمشي
افنان ... دمعت عيوني من حنيتها كمت ابجي بسكته هذه البنت
ملاك بس حضها فگر لان وگعها بواحد مثل جهاد وكتلها شكرا
نغمه حبيبتي الله ينور طريقج ويريح قلبج حجينه شويه
وسديته منها واني مقهوره كلش عليها اجه جهاد كال راح اروح
لابوي كتله خل اروح وياك ماقبل كال كلها ناس كبار ومعكلين
وين اخليج المستشفى كلها زلم ابقي وهو صار احسن هسه خابرت
علاء كال صار زين بس يشوفه الدكتور ونطلعه ان شاء الله
راح واحنا بقينه منتضرين اجو ولد عمي اسوكو النه لان رادو
يرحون يمه وجابو طلي حتى يذبحو على سلامته احنا كاعدين
على نار ومنتضرين بس اتصال من جهاد لو علاء
••••••••••••••••••••••••••
نغم ... من جهاد ابو انجلط لليوم هو مامحاجيني اصلا ولا رافع
تلفون عليه ولا حتى رساله مرات افكر اني مو خطيبته حبيبته
بس لمن شفت مرض ابو عذرته لان محتار بي اجه بابا واحمد
لان من يوم التمرض ابوهم همه يرحون يوكفون وياهم ويرجعون
كالو راح يطلعونه باجر لان صار احسن بسرعه لاحكو عليه لان
بداية وكعته وركضوله وكالو راح نروح الهم من يطلع باجر لان
مسوين غده لسلامته وعزمونه
نغم ... اني كيفت كلت واخيرا راح اشوف جهاد واحجي ويا
رحنه اني ونهاد للغرفه حتى نحضر ملابسنه حضرت ملابسي
ورحت تمددت بفراشي ونمت بسرعه كعدت على صوت نهاد
وهي تدفر بيه وتصيح عيني كومي روحي لبيت عيالج شعندج
يمنه صارلك 17 سنه مامليتي يلا يعروس بيت اعيالج
منتضريج ضحكت على سوالفها وكمت غسلت وتريكت وبدلت
وطلعنه رحنه عليهم بطريق اتصلت على جهاد هم ماكو رد تعودت
ردت اكوله احنا اجينه وصلنه لهناك رحبو بينه جان علاء
موجود سلم علينا ودخلنه ليجوه كل عاده هم الدنيا مكلوبه
يمهم طبينه لاكتنه خاله ام جهاد سلمت علينا وجها مكلوب
من سلمت عليه مو مثل اول مره من اجيناهم هي جرتني
وسلمت عليه هسه كوه سلمت ماهتميت اجتني افنان سلمت
بضحكه وحضنتني وطبينه اجن فرح وسمر الثائي المرح
سلمن علينا من ورا خشمهن وكعدنه كعدت سمر قريبه علينا
اني وافنان حجيت بصوت ناصب وياها
نغم ... حبي افنان جهاد وينه شو ماكو شو اتصل عليه وميرد
افنان ... ءءء يمكن نايم لان تعبان اجه وصارله يومين يفتر
سمر ... راح اروح اصيحله موجود بغرفته حبي نغم ثواني وهو يمج
نغم ... اني اتخبلت من هيج حجت شنو تروح تصيحله شنو نايم
بلغرفه وهي شعليها ستوني ردت احجي وياها هاي طفرت وراحت
تركض قبلي لغرفة جهاد اني تسودنت مدري شطك براسي من
القهر كمت بدون ماانتباه على الناس وعلى كلشي ورحت وراها
صعدت سمعت فرح ... صاحت هاي وين حبي نغم شنو بعد
متتحملين تردين تركضين لغرفته بصوت عالي النسوان كلها
انتبهت وماما خزرتني تباوعلي بحركه ماعرف شلون الموقف
النحطيت بي لا اني اكدر اصعد ولا اني اكدر انزل بعد نقذتني
افنان ... ءءء فروحه حبي هي صعدت لخطيبها اني دزيتها
على غرفته لان صار الضهر وهو نايم وراح نصب الغده هو ماكو
هي صاعده اله بس اختج سمر شعدها صاعده فوك وماكو فوك بس غرفه جهاد
نغم ... من يمي بردت كلبي وحسيت افنان الوحيده التحبني
هنا وتوكف وياي بكل مره شفت فرح وجها كام ينطي الوان وماعرف شتجاوب
فرح ... ءءء ااا مو سمر اني دزيتها لسطح حتى تجيبلي ملابس ريحانه مساع غسلتهن
افنان ... اووك خل نشوفها اذا نزلت وياها ملابس لو اديها فارغه
نغم ... فرح بعد ماعرفت شتحجي وجها صار اصفر مدري وين تودي
وجها من الفشله الاكلتها التفت عليه افنان وكالت هاي لسه بعدج
هنا واكفه راح يصير العصر روحي صيحي الجهاد خل يجي ردت
اروح صاحت ماما عليه وكالت تعاي افنان احمد يريد يحجي
وياج اني اعرف ماما كالت هيج حتى انزل ومااصعد لان احمد
ميحجي ويا من يوم الانخطبنه اني وجهاد نزلت بسرعه بدون
مااعلق بس متت من القهر لان هاي الحقيره فوك واني هنا
•••••••••••••••••••••••••••
افنان اني اعرف ب فرح وسمر يردن يحركن بكلب نغم من
سوت هيج سمر وراحت لغرفة جهاد واني هيج حجيت ودزيت
نغم حتى تشوفهم بعينها وتتركه وتشرد بروحها بس مع الاسف
امها طلعت صفح وماخلتها تصعد وتروح لغرفته بس ماتحملت
الحجته عليها سمر بسرعه رديتها لان نغم مترد عليها كدام الكل
وبيتنه وكدام الخطار لان تحترمنه بس مع الاسف محد يحترم
هاي البنيه الملاك الي الله خلاها بطريقنه وراد يشوفنه جهاد
شلون محظوظ بيها بس هو ناكر الاصل وحرام ويا هيج نعمه
واعرف نغم راحت تسوي شي هي وجهاد ومو راحت تجيب
الملابس مال بت اختها سكتتها لفرح لان اتهمت نغم بشي
مو حلو وكمت اني كتلها هسه اصيحله اني واجي رحت صعدت
وصلت يم الغرفه بس هل مره اني متت بدمي والنار اشتعلت
بيه من الحركه الجلبه عبالها نغم راح تصعد بقت الباب مفتوحه
حتى تشوف فضايحها وهيلكتها لكيتها ماده نفسها يم جهاد
على الجربايه وتلعب بوجها وبشعره وكل شوي تبوسه من خده
ماتحمل هل الوضع فتحت الباب بكل قوتي وعطت بيهم همه من
شافوني تخبلو سمر طفرت وجهاد كام مرعوب دمعت عيوني
افنان ... ولك متستحي على طولك متستحي من الله هيج
تسوي الله اطاك ملاك نغم وانت هيج تسوي بيها واني متاكده
انتو الاثنين تدرون راح تجي ورا سمر نغم مو اني وبقيتو الباب
مفتوح حتى تشوف فضايحكم وتموت بقهرها اني اعلمك جهاد
لهنا وبعد ماسكتلك انت وهاي الحيه وهسه نازله لابوي اسولفله
على كل سوالفك انت وهاي الحيه درت وجهي وردت اطلع
كمشني ب ايده بكل قوته وصاح وين افنان تعاي خل افهمج
لتتسرعين الشفتي غلط لتحكمين بدون متعرفين
افنان ... وخرت ايدي منه حيل وكتله شحكم ششوف بعد
ولك نغم ممسويه وياك هاي الحركه القذره عود هي مرتك
هاي الجلبه شلون هيج تسوي وباي حق انت مو رجاها
سمر ... افنان لتغلطين عليه والزمي حدودج كنالج خل نفهمج
جهاد ابن عمي من زمان واني عادي احضنه واسولف ويا
واسلم عليه مثل اخويه ماعندي شي ويا كلكم تدرون حتى عمي
افنان ... ولج عليمن تضحكين اخوج تبوسي من شفته لو تلعبين
بوجها بطريقه قذره مثلج هسه راح انزل افضحكم
جهاد ... فنو حبيبتي اوكفي وين رايحه اذا تحجين لابوي انتي
اكثر وحده تتأذه لان ابوي ستوه طالع من الموت وبعدهي صحته
موزينه كلش والدكتور كال اي صدمه يروح بيها ويموت كبل
تتحملين انتي تصيرين سبب بموت ابوج وبعد متشوفي العمر كله كوليلي
افنان ... اذكرت ابوي وحالته وهسه طالع اذا اروح اكله شيصير
بي بقيت بحركتي من جهه راح اضلم انسانه بريئه ومن جهه ثانيه
ابوي اذا مات اني اتخبل ومااعيش بدونه بقيت ساكته وقررت
مااحجي علما تصير صحه ابوي احسن كتلهم اذا شفتكم سوه
مره ثانيه مو بس بلبيت افضحكم حتى بلمنطقه كولو افنان
ماكالت كالو اي ماشي وجهاد طرد سمر وهددها اذا تدخل
لغرفته بعد يموتها قبل لتنزل كتلها روحي جيبي ملابس بت
اختج المصون لان جذبت جذبه اكبر من راسها وكالت الانسه
سمر اني دزيتها لسطح تجيب ملابس ريحانه روحي جيبهن
كدامي ونزلي وديهن لاختج ام الخطط باوعتلي صفح
متكدر تحجي اي شي راحت جابتهن خليتها تنزل قبلي
واني نزلت وراها بعد ماكلت لجهاد الك 5 دقايق تلبس
وتنزل لان الخطار اجو وبس علاء يفتر وحده كلي تمام
ونزلت فرح خانم مكيفه اختها صدك جانت بسطح عود
طلعتني اني الغلطانه ام الوصخ متدري اني شسويت بيها
فوك شلون خليتها تنزل تركض ورا شوي نزل جهاد سلم
على نغم وامها واختها وعلى الكل وطلع نغم شفتها ضاجت
كلت حقها لو شايفتهم فوك قبل شوي شسوت اني غلطت من
ردت ادز نغم تشوفهم وتنقهر هنا كدام العالم هي بس
حجت حجايه سمر وكالت راح اروح اكعده هاي تسودنت
وراحت وراها كالت امي كومن يلا خل نصب كمنه كلنا
شغل ونحضر لحد ماصبينه الاكل وصارت هوسه
•••••••••••••••••••••••••••
نغم ... كمت ويا البنات اني ونهاد حتى نشتغل فشله هسه اني
جنتهم عود وكاعده مترهم رحت واخذت تلفون ماما وياي
اشتغل وادز رسايل لجهاد حتى يجي اشوفه يوصلن وهو ميرد
حتى الغده اجو ولد عمه وعلاء اخو شالو وهو مااجه ولا وصل
للمطبخ اني متت هاي ليش هيج يسوي شهل تجاهل العنده
ليش اني بس اليتجاهلني ودو الغده واحنا هم النسوان
صبينالهن غده كملنه وتغدينه اني خلصت اول وحده رحت
اريد اغسل بلمطبخ وسمعت صوت ولد يتعاركون جاي من
بره باوعت من الشباك وفتحت عيوني مرعوبه
مااصدك الشفته .....