تحميل رواية «تحت مسمى الحب» PDF

نغم ... وخر حقير وبعدين تريد  تخوني ويا هذيج الحقيره ...

ايسر ... شنو نغم شدتحجين شنو اخونج ويامن

نغم ... حسيت ع نفسي ورحت ركض طلعت عنه رحت للغرفه كمت ابجي نهاد واديان اجن وراي ماخليتهن يدخلن قفلت الباب وكلت يربي راح يضل يلاحكني وين مااروح هذا الحقير شوكت اخلص منه وارتاح

ايسر ... اتصلت ع امي وكتلها يلا نطلع بلبدايه ماقبلو بس بعد الي حجته نغم مااكدر ابقى لحضه وحده اخذت امي ورحت

كرم جان راجع قبلنه للبيت وصلتهم ورحت لشط لمكاني اتصلت بيها ماجاوبتني بقيت لليل هناك كاعد اخابرها مترد اراسلها هم

مترد خبلتني شصاير وياها ليش هيج خافت مني وكامت تبجي وطلعت بدون متفهمني شصاير احتاريت اكول لاحمد لو لا هسه اذا ردت اسئله ع شنو اكوله اني هم احتاريت

لحد ماا امي اتصلت عليه وكالت اصدقائك اجو عليك يردون يباركلولك

ورجعت للبيت لكيت كرم مضيفهم جماعتي بجامعه الجانو من عرفو كرم ناشر خطوبتي كلهم اجو باركولي ومتحلفين بعرسي اذا ماعزمتهم يزعلون كتلهم اكيد كلكم معزومين الخطبه مو مثل العرس سألوني منين ماكلت اخت احمد كلت طالبه بغير قسم شفتها وخطبتها

بقو ع العشه لان اول مره يجون ماخليتهم يرحون واتصلت ب احمد هم اجه ع المه مالتنه خلص العشه وكلها طشت حتى احمد رحت سبحت وبدلت صارت الساعه ب 12 اتصلت عليها ردت واخيرا

نغم ... هلاو ايسر شلونك

ايسر ... هلا ب اميرتي الحمدلله بخير انتي شلونج

نغم ... انهضمت من اسلوبه وكرهت نفسي لان قارنته ب جهاد الحقير كتله اميرتك يعني مزعلان مني

ايسر ... نغمتي احجي شنو صار شنو تخوني

نغم ... ءءءء ايسر قصدي ع هذني البنات الشفتهم بحفله الجانن يتحاشرن بيك

همزين اجت هاي الفكره ع بالي

ايسر ... بصوت عالي وبضحكه هههههههههههههههه ولج نغم صدك

تحجين زعلتي وكلبتي وجهج ع هذني

اصلا ناسيهن والله شذكرج بيهن

نغم ... اي اذكرتهن وكلت لا تخوني

وياهن لان هسه صرت مرتك وعادي تسوي بيه كلشي ومحد اله دخل بشي

ايسر ... شنو عيديها

نغم ... كلت تخوني ومحد يكدر يحجي وياك

ايسر ... لا القبلها كلتي مرتك

نغم ... ءءء لا يعني ايسر تعشيت

ايسر ... هههههههه فدوه للتخجل اي

يعمري تعشيت وانتي

نغم ... لا

ايسر ... ليش ولج

... لان زعلتك وكلت بعدك ضابج مني لو عصبي واهلي عزموك واخذت اهلك ورحت

... لا حبيبي مازعلت بس همزين رجعت لان جماعتي شافو كرم ناشر خطوبتي واجو باركولي وبقو ع العشه هنا حتى احمد اجه

ماكلج

... ماعرف والله مانزلت بعد هسه راح انزل طبعا نهاد ليوم تموتني لان هوستي اني وهي الشتغلت ولمتها كلها اخاف اطلع خاف تترمل

ايسر ... هههههههههههههههههههههههه لا صدك اترمل شنو اسم الله عليج غير اموتها اذا سوتلج شي هسه حبيبي كومي تعشي وبدلي اكيد لسه بملابسج وراها نحجي يلا منتضرج

نغم ... اووك يلا باي

ايسر ... لابله شنو يلا باي انتي تحجين ويا صديقتج بلقسم

نغم ... ليش

ايسر ... ولج كولي باي حبيبي صخام اتغزلي بس تردين الصراحه يجوز صدك راح اخونج ويا هذنيج البنات لان مبين  يتغزلن بيه اكثر منج

نغم ... لا بلللللللله سويها وشووووف اله اموتك

ايسر ... هلا هلا بجبوري ابو الشربت والعصير كلشي كلتي بقت ع حبيبي دكوليها يلا خل ارتاح

نغم ... باي حبيبي

ايسر ... فدوه باي حياتي

نغم ... سديته منه واني ميته من الفرح كدر ينسيني رحت بدلت ونزلت غسلت وجهي واكلت مسحت الصينيه مسح لكيت اهلي

نايمين ولا واحد باقي ونهوده نايمه بصاله ماصعدتلي بعد لان شافتني مقهوره اني هم بقيتها ع نومتها كمت اكل وغسلت الماعين وراي وصعدت للغرفه راسلته طلع صحين ورا شوي جاوبني

نغم ... «  توقعت راح تنام »

« شلون انام واني كتلج منتضرج »

نغم « اممممم شلونك شخبارك »

« الحمدلله تمام حضري نفسج بعد اسبوع العرس »

« اااااا ليش بعد اسبوع مو بعد وقت ليش مستعجل »

« لان خلصت دراستي وانتي يمي تكملين »

ماكدر احجي ويا بعد كتله تمام وسديت التلفون ونمت مارت ايام هدوء ماكو شي ايسر ميجي النه ملتهي بلتحضيرات مال

العرس اديان اخابرها طايره من الفرحه لان اخوها راح يزوج يوميه نحجي واسمعها مشغله اغاني وتركص

ايسر ... ليوم عرسنه اني والحب الي حبيتها وقلبي دكلها اول دكه كمت احضر ومافرغت جبت الغرفه قبل يومين واني واحمد وكرم

شديناها وكل شوي اكول لاحمد هاي غرفتنه اني واختك وهو يصير عصبي ويضل يغلط ويفشر عليه وكرم يموت من الضحك علينا

ليوم الحنه والزفه سوه

رحت للحلاق وترتيب ورجعت للبيت سبحت وجماعتي كلهم اجو احتلو البيت كاعدين بغرفتي هذا اليسويلي بلقاط وهذا

اليجيب البنطرون واحمد يمي يرتب بشعري اني كاعد ومدلل والكل ترتب بيه كملت وكلهم اجو يمي بوكسيات وضرب موتوني

كلولي حتى نقويك مو تروحلها فاهي ادبسززيه كمت اغلط واصيح عليهم وهذا الهيلك كرم عود اخوي صف وياهم ضدي ونزلت

همه وراي يهلهلون ويهوسون ويصفكون كلبو البيت كلاب تلكتهم امي هم تهلهل اديان راحت ويا نغم واختها لصالون

وامي كالت اكف الهوسه واروح وياك من تروح تجيبها شافتني واني نازل كامت تبجي وتهلهل وتصفك واني حضنتها وبست راسها

زمن ... يمه اجه هذا اليوم الراح ازف وليدي يسور بي اول فرحتي بدنيا اول سعادتي الف مبروك وليدي

ايسر ... الله يبارك بيج يروحي الله يحفضج النه

زمن ... الله يخليني واشوف وليداتك يروحي وافرح من صدك ياريت ابوك عايش وهم يشوفك وانت عريس بس الله ماقاسمله

الله يرحمه

ايسر ... الله يرحمه برحمته يلا يوم عندج شي حتى نروح لنتأخر

زمن ... لا يمه ماكو شي راح اقفل الباب كرم كمل وللك كررم وينك ادري بنيه وهيج تتاخر

كرم ... اجيت اجيت زمنكي لتصيحين يلا اطلعو انتو واني راح اقفل واجي وراكم

ايسر ... اقفل الباب زين كرم اذا لكيته مفتوح اطيح حضك

كرم ... اوووك يلا اطلعو

ايسر ... طلعت واني ميت من الارتباك والطريق ميرضى يخلص اشوف بي حبيبتي الراح تصير الي واخيرا

نغم ... كعدت الصبح البيت خبصه

ونهاد تصيح ... عروسه ونايمه لضهر هنيالك ايسر مااكول بس الله يسامحنه على هل الورطه الراح نورطك بيها يبعد بيتي متستاهل

انت خوش ولد بس هاي قسمتك من الدنيا

نغم ... انجبي ولج اصلا يحمد ربه عليه

نهاد ... هسه كومي ترى اصورج وادزها ليسوري واخلي هو يتصرف بعد بكيفه يبطل ماطول بلبدايه قبل ليتورط يتحملج ويكمل

نغم ... انجبي نهاد يلا وخري عني خل اكوم اتاخرت من وراج شكد تلغين

نهاد ... ها صارت من وراي هسه امشي بسرعه لا اروح احرك فلمج يم ماماتي

نغم ...عيبت عليها ونزلت ليجوه غسلت وجهي واتريكت شويه وصارت كبسه علينا

كل خالاتي وبناتهن اجن انكلب البيت بسرعه

وكلهن متحمسات اكثر مني بس اكو منهن شوي كالبات الوجوه اجت نهاد وسلمنه عليهم

عندي وحده من بنات خالي هاي من جنه

صغار هي نحسه ومتحب بس نفسها وتريد كلشي حلو الها ولنفسها اسمها ريم بصوت ناصي كالت بس اني اسمعها

ريم ... بخت الجكمه كاعد فصخت منا واجاها واحد ثاني منا والله صدك لو كالو حظ القبايح بسما لايح

نغم ... تخبلت من هيج حجت بس مارديت عليها بقيت ساكته لان هم بيتنه نهاد سمعتها

نهاد ... لا حياتي قصدج مو حظ الجكمه قصدج على نياتكم ترزقون فرقي بين هذني الاثنين بعدين انتي شدعوه هيج راح تموتين

ومحد قاريلج فاتحه شبيج انضغطتي بسرعه اطيج ملح يعدل ضغطج ع شنو حاسده اختي مثلا

انتي لو تبطلين حسد وغيره الله راح يفتحها بوجهج بس انتي ثنينهن متقبلين تبطليهن

صارن من عاداتج اليوميه وروتينج مستحيل تتخلين عنهن

ريم ... اوي شدعواج ست نهاد انهديتي بيه شنو اذان فيل

نهاد ... لا صدك نغمه كمت اخاف على روحنه خل ابدي من هسه اقره المعوذات عليج حياتي كمت اخاف يصير بيج شي اليوم

نغم ... خزرتها ورحنه ماما خابرت على احمد حتى يجي ياخذنه لصالون كال حل يتحضرن جاي بطريق حضرت الملابس كلهن

والبدلات واجه احمد بسرعه اخذهن لسياره ورحنه اني ويا ونهاد وخالتي رادن يجن البنات كلهن بلغيره بس خالتي ماقبلت

عاطت بيهن بطلن وكالت ليجون اهله فشله شيكولون احنه

ماشايفين جايبن الدنيا كلها وجايين بطريق ايسر خابر على احمد كله اخذ اديان وياك

مر عليها اخذها وطلعنه

وصلنه لصالون نزلن احمد البدلات واني طبيت بسرعه مكياج وتسريحه وشعر وبلاخير عدها غرفة تبديل رحت لبست البدله البيضه اجن اديان ونهاد ساعدني بيها طلعت فدشي

نهاد ... صوفرت وكالت خررب لك ايسر وينك يمكن راح يصعد ضغطك بس تشوفها

اديان ... ولج نهاد شنو بس يصعد ضغطه يمكن ينجلط هم وكامن يضحكن نوب صاحت اوكفي نغم خل اخذلج صور طالعه تخبلين يروحي انتي الله يحفضج ويبعد عنج العيون

نهاد ... امين يربي اني هم خل اصورج وين تلفونج اطيتها التلفون وسولي جلسات تصوير وحركات تنونسنه من خلصنه خابرنه لاحمد كال مافارغ راح اخابرلكم ايسر

ياخذكم ويا شوي واجه ايسر دك هورن

ايسر ... اخذت امي وديتها لبيت اهل نغم وكتلها تعاي ويا اهلها يوديكم احمد اني راح اجيب البنات من الصالون لان احمد مافارغ

كاربي بلبيت وصلت واتصلت ع اديان كتلهم يطلعون كالت تعال اخذ الفستانين من جوه طبيت واخذهن شويه وجرني من ايدي دخلت

لصالون وشفت اميرتي واكفه كبالي بلبدله البيضه طالعه تخبل ضليت صافن ع جمالها

اديان ... هاي حبيبي يسور راح تضل صافن عليها اتقرب بوسها احضنها شبيك مو كتلج نهاد مو بس يصعد ضغطه يجوز ينجلط

ايسر ... ضحكت واتقربت لنغم بست راسها وخدها واخذتها وطلعت عدلتها نزلت هاي مدري شنو على وجها غطيتها كلها كامت

تصيح ايسر راح اوكع ايسر اختنكت اني مامهتم مااريد احد يشوفها بس اني

صعدتها بسياره هي والبنات وطلعت للقاعه  خابرت كرم يجيب امي

وامها  وراي للقاعه بقيت كل شويه اباوعلها مركز عليها مو عالطريق

وفجاه وماحسيت اله واني .....

وفجاه وماحسيت اله واني .....

انضربت بسياره كسرت عليه خليت ايدي كدام وجها لينضرب بل جامه واني اجت الضربه من يمي ماحسيت اله وراسي انضرب بلستيرن ضربه خفيفه بس دخت مو كلش اتاذيت

نغم ... فجاه طلعت سياره ع ايسر وماكدر يلاوف بسرعه وانضربت بينه وخله ايدي كدام وجهي ماصارلي شي بس هو

سمعت راسه انضرب بل استيرن شلت البركع عن راسي وشفت ايسر كامش راسه وكصته مفتوحه ويجري منها دم انهبطت

وصحت بصوت عالي ايسر بيك شي ايسر فدوه احجي شبيك

ايسر ... لازمتني الدوخه وهبط ضغطي من خوفي عليهن وتحجي وياي نغم والبنات يصيحن وراي كوه كتلهن مابيه شي كامن يبجن نغم تخبلت بس تبجي وتصيح

نغم ... من رد عليه ارتاحيت بس كمت ارجف واكفين بنص الشارع اتاخرنه وبس نبجي اني والبنات كمشني حتى مااتاذه

وهو اتاذه عني احتاريت شسوي نهاد اطتني مي غسلت وجها وشرب منه راد يسوق ماخليته كتله نروح بتكسي متسوق

ايسر ... شو انجبي واسكتي انزلج انتي وهاي سياقنج والصلوخ واصعدج بتكسي والله شنو مااكدر اسوق شنو مگرم لو اتكسر

مااسويها

نغم ... ايسر فدوه لعد خابر ل احمد لو ل كرم خل همه يجون

ايسر ... طلعت تلفوني 25 مكالمه من

امي واحمد وكرم واني

ليوم كالو يشاقون وياي كالو بس تطب للغرفه نحرك التلفون

حرك عليك كتلهم هاي هسه كدامكم اخلي صامت ومن اخلص العرس اقفله وفتحت مكالماتهم اخر واحد متصل عليه احمد

احمد ... رحنه للقاعه وديت النسوان كلهن الطريق اربع مرات اروح وارجع بي اوصل وارجع احمل من جديد شكثرهن نعلعلا

وكعن براسي وصلتهن كلهن اخر شي امي وام ايسر امي كالت خلينا احنا اخر شي ودينه منريد ننخبص وننسه شغله خلصت

الكل واجيتهن كالت ام ايسر يمه احمد وصلت العروس لقاعه كتلها لا كالن البنات بعدهم ليش

زمن ... مو ايسر راح يجيبهن وهسه اتصل عليه ميرد

احمد ... لتخافين يمه ماكو شي بس هذا الخبل خله موبايله صامت لان الولد كلوله

راح انحركه عليك من تروح هسه يجيبهن

الصالون قريب ع القاعه ميتاخرون ان شاء الله

زمن ... قلبي ممرتاح يمه ان شاء الله ماكو شي

ام احمد ... ماكو شي خيه اني اطمن ع بناتي ويا ايسر

احمد ... يلا يمه خلصتن حتى اشوفه وين استعجلن طلعت وصلتهن واجاني يم القاعه كرم اخو

كرم ... حمود اتصلت ع ايسر لسه ماجايبهن ولك واتصلت عليه شكد ميرد

احمد ... صدك بله راح تبدي حفلتهن وايسر ماكو راح اخابره اتصلت 3 مرات لحد ميفصل هو مايرد اني هم انشغل بالي

شويه وهو اتصل فتحت خط وعطت بي وغلطت ورد عليه بصوت تعبان صحت ايسر شبيك وين انت ليش هيج صوتك

ايسر ... تعال اني بشارع الصالون صار وياي حادث بسرعه احمد

احمد ... جايك ثواني لتتحرك من مكانك

سديته منه واخذت كرم وياي ورحت لمكانه خمس دقايق وصلتله

شفت البنات ميتات رعب وايسر وجها اصفر ومنتجي ع الكرسي طبكت السياره من جهه نغم وصعدتها ليورا وهو هم صعد يمها

واديان يمهم ونهاد بصدر وسياره ايسر اخذها كرم وديتهم

للقاعه نغم ابد  ماسكتت وصلت اكو غرفه بدايه القاعه للاكل

خليت يدخل هناك واني ويا طبن البنات للقاعه ونغم كعدت يمه

وتبجي جبتله ملح ومي شرب علما تعدل ضغطه وصار احسن اني عفتهم وطلعت

نغم ... حبيبي شلون صرت

ايسر ... لتخافين حبيبي مابيه شي والله صرت احسن شوي

انهبطت من الضربه وخفت عليكم بس بنات وياي وماكو شاب ويانه خفت عليكم هسه الحمدلله صرت احسن كمت احجي وياج

شهل الدموع شاده ماطور لخاطر ربج اكو عروس هلكد تبجي بيوم عرسها بعدنه بلبدايه بعدين شسوين وغمزت

نغم ... ضربته ع صدره وكلت شهل لسان كوم يلا هسه اتاكدت مابيك شي

ايسر ... ههههههههههههههه يلا خل اطلع اني

نغم ... وين وين اذكرت لازم انت تخليني ادخل ليجوه هسه اتصل بنهاد تجي تعدل مكياجي وندخل سوه خوش خابرت نهاد اجتني

بسرعه كالت ماخليت احد يجي امي وام ايسر سالني عليكم كتلهم يدربون جوه ع الرقصه وكالن ليش تاخرتو كتلهن ام الصالون

اتاخرت لان كلنا تشتغل النه وسكتتهن

ايسر ... نعم نعم يا رقصه هاي اني راح اتمركص كدام النسوان جني مراهق

نغم ... اي ترقص وياي سلو خوش اذا تعارض اكلب الدنيا

ايسر ... انجبي رجاءا هو شلون راح ادخلج جوه شايل هم انوب ارقص شهل خفيه

نغم ... دمعت عيوني وكلت خلص روح ادري بيك راح تكسر خاطري

ايسر ... ضوجتني من هيج حجت كتلها امسحي ادموعج خلص كافي ليوم بجيتي كومه كافي دموع

نغم ... فديتك حبيبي وكمشت ايده

نهاد ... احم احم احم نحن هنا تحملو شوي تحملو عليمن هل الاستعجال

ايسر ... انجبي الفاهيه يلا كملي مكياجها خل نروح

نغم ... خلصت المكياج وعدلت البدله والتاج وخرت البركع عن رأسي ونهاد راحت تكول لام الديجي تخلي اغنيه مال دخولنه

طلعت

اغنيه هلا بجاي هلا وميت هلا

طبينه نمشي ع كيفنه وكلها تركص وايسر شوي ويريد يوكع على وجها من المستحه قبل لنوصل للستيج طلعت

« اغنيه على بالي حبيبي »

هنا اجن نهاد واديان خلن اديه وحده ع كتفه والثانيه بيده وخلن ايده ع خصري واني اعرف اسوي حركات الرقصه برجليه كمت

ارقص وكل شوي ادوس ع رجله ويضل يغلط ويسب واني افحط ضحك انوب درت ضهر صار عليه والكعب دست ع رجله صار

البسمار مال الحذاء ع اصبع رجله

ايسر ... كسر براسج شيلي رجلج راح اكسرها هاي شلابسه حسيت الدوسه بقلبي

مو برجلي

نغم ... فحطت ضحك وكتله اي مو شفت عيونك زاغن وراحن يباوعن ع بنات غيري

ايسر ... ولج يا نعل براسج الم كلبي عمه عيوني

نغم ... عفيه عليك يلا باوعلي بس اني ونوب ضليت افتر ونوب تعلمها بسرعه ومن ادور يكمش ايدي وارجع عليه

يخليها ع خصري ويشيلني اني اخلي كصتي ع كصته واديان ونهاد من بعيد يصفكن ويصورن بينه طلعت الرقصه

حلوه شوي وراها وكلني الكيك وغيرنه الحلقات وطلع وكامن البنات  يركصن ورفل وتقى اجن هم رفل سحلت روحها عليه

تكلي كيك ولج اريده متراوسين اني ضربتها وكل شويه تتوسل بيه وتكلي بعدكم بلبدايه بس البدله خل نغيرها عجبني هذا البريطاني يسور

نغم ... ولج منيله بريطاني شو اجلح املح

رفل ... انجبي ام الذوق عود انتي ولي ولي خليني احلم بي هذا وين جان عني

نغم ... اني اعرف رفل تشاقه وتعودنه ع شقاها منزعل منها ابد اجت بت خالي ريم تباركلي هي وبنات خوالي وخالاتي

ريم ... اي عيوني عود تتهنين وحتى حلو طلع بعد شتردين هي هاي الحظوظ قابل مثلي

نغم ... تخبلت من ورا عينها سوينه حادث وهسه لاحكتني يرب عديها راح تموتنه هاي رديت بسرعه عليها كتلها عشره بعيونج

لاتموتين زوجي حبيبي

ريم ... عشتو شنو اموته تتهنين بي ماشايفين زلم قحط

نغم ... ذبت سمها وراحت بقيت ضايجه من وراها تباوعلي بغيره وحسد كلت لنهاد كامت تقره عليه المعوذات وغمتها وهيج تعوج بحلكها معاجبها

خلصت الحفله وكالو راح يجي العريس ياخذ مرته من اهلها سوون مجال

طب العريس هو واخو وبابا واحمد اجه لبسني الحلقه ب ايدي اليسرى

ابو احمد ... وليدي يسور انت خوش ولد وكفاتك ويانه حيل حلوه اعتبرك مثل احمد دير بالك عليها هاي اول اميراتي مااريدك

بيوم تزعلها وانت متاكد انت مراح تزعلها اعرفك كلش زين

ايسر ... تدلل عمي اخليها بعيوني وكمت بست راسه

احمد ... غصبا عليك تخليها بعيونك اذا حاولت تلعب بذيلك وياها افكسهن عيونك خوش

ايسر ... بصوت ناصي انجب لك اختك واخذتها يلا كوم اطلع بره مااريدك تشوف مرتي

نغم ... كمت ابجي من بابا وصه ايسر عليه وايسر رد عليه اهلي العشت كل عمري وياهم كلهم بابا وحنانه وماما وضحكاتها واحمد وعركاته ونهاد وشقاها

كلهم راح اعوفهم واروح لغير بيت يصيرون

همه اهلي بس من سمعت شقه ايسر واحمد متت من الضحك

بينهم ميانه زفره واحمد من كله ايسر اطلع بره واخذت اختك راد يكتله بعدين كله اجيك بغير يوم اباركلك واكتلك خلصو عركاتهم حضنتهم اول واحد بابا

ابو احمد ... نغمه بابا ارفعي راسي يمهم خليهم يحمدون بيه على تربيتج حبيبتي ودير بالج على ايسر اني هم وصيته بيج

نغم ... بدموع صار بابا بسته ورحت لماما هم وصتني وتبجي وراهم لاحمد

احمد ... ولج لتبجين خشمج يكبر راح يرجعج عليه دير بالج على هذا العار ولو ميستاهل بس ميخالف خل اكسب بي ثواب واوصيج

عليه حبيبتي نغمه خاف تشوفي يشخر بليل لتضوجين بس اركعي راشدي لو رشي بكلاص مي ومعليج

ايسر ... غير اذا تسويها اكسر اديها وارجعها الك

احمد ... ولك بكل عين صلفه تكول اكسر اديها مد اصبعك عليها مو ايدك اله اكسره يلا هسه اخذها وروح

ايسر ... لا كافي لك لتضل تشبك بمرتي وخر اديك

نغم ... همه يحجون واني ساعه اضحك وساعه ابجي من وراهم ونوب حضنت نهاد وصار الوقت طلعنه لسياره ايسر طبكها

يم الباب لطش وصعدني بس اني ويا وهو يسوق كتله ايسر تكدر تسوق

ايسر ... اي يبعد سلاسل گلبي اكدر يلا خطي وجهج راح اطلع

نغم ... هههههههه سلاسل گلبي احم صاير رومنسي يسور

ايسر ... خل نوصل واشوفج الرومانسيه وغمز

نغم ... دخنت من المستحه خرب شلون جفصت طلعت السياره

واصدقائه كلهم اجو حركو الشارع حرك بلهورنات والركص والاغاني ب اعلى صوتها مشغليها وايسر وياها منطلق كام يشحط بسياره

واخذها بشارع هيج وهيج يفتر اني اخاف من هيج كمت اصيح ايسر فدوه اخاف لتسوي هيح انتبه على الطريق

ايسر ... هههههههه غطي وجهج ولج معليج بطريق

نغم ... كمت اخاف كمشت ايده حيل طبن اضافري بيها يلا بطل وكام يمشي ع كيفه وصلنه للفندق كوه كلت راح يوكف قلبي

قبل لا اوصل نزلت جانن جايات وياي ماما ونهاد وامه واديان طبيت للغرفه ونزل الغراض وراح يم جماعته يسلم عليهم

واديان ونهاد ... هلا هلا نغمه احم دير بالج حبي مو تضلين تتنعوصين وتخبلي

نغم ... ضربتهن وصحت ادبسززيات عود بعدجن صغار اتادبن ترى اكول لماتجن يلا

ولن من يمي راحن واجت ماما توصي

ولبسي هيج واكلي وعدلي شعرج وخبلتني حتى كمت استحي يلا سكتت اجت امه باستني وباركتلي ووصتني عليه وراحن

هنه طلعن واني دخنت كلت هذني ليش

راحن غير يبقن بعد يمي بعدني افكر اجه ايسر من بره حيل خفت من اجاني

ايسر ... ها اميرتي شلونج

نغم ... الحمدلله وانت شلون صرت

ايسر ... هسه صرت بخير من شفتج وتقربت بستها براسها وحضنتها ليمي اسمع دگات قلبها واصله وخرتها وكتلها يلا

حضري الاكل متت من الجوع

نغم ... اووك بس خل اروح اسبح هو طلع بصاله واني فليت التسريحه وردت انزع البدله مااكدرت ردت اصيحله مستحيه

اروح يم الباب وارجع شوي وهو

فتح الباب واجه

ايسر ... لسه مابدلتي جعت

نغم ... ايسر ءءء شسمه

ايسر ... احجي شبيج

نغم ... افتحلي السحابه

حجيتها وغطيت وجهي سمعتها طكها بضحكه وكلي افتري هزيت رأسي واني مغطيه وجهي راح وراي

بدون مااحس وفتحها رادت توكع كمشتها وطلعت اركض للحمام خليتها يم الباب

ورحت سبحت بسرعه ولبست ثوب نوم لونه ذهبي

وفوكا روب لبسته وطلعت حضرتله الاكل وهو عيونه وراي من طلعت واني افتر كدامه خلصت الاكل وردت اصيحله ماحسيته

غير وكف وراي وحضني من خصري وباسني بخدي وبصوت ناصي

ايسر ... سحلتي روحي سحل شلون بيج

نغم ... ءءء ااا ايسر  تعال اتعشه

ايسر ... اريد اتعشه بيج وقويت اديه على خصرها وسبحتها عليه

نغم ... ءءء حبيبي كافي اني هم جعت اكعد وهديت اديه بسرعه وكعدت سحب الكرسي خلا بصفي لزگ وكعد ياكل كملنه الاكل

وردت الم الاكل جرني من ايدي وكال عوفي كلشي تعاي بس انتي ..... 

وردت الم الاكل جرني من ايدي وكال عوفي كلشي تعاي بس انتي ..... 

شالني وراح للغرفه دفع الباب برجله وخلاني على الجربايه وبدت احلى ليله ويا

ايسر ... بست راسها وكلت الف مبروك مريتي وكمت جريت الغطه عليها ورحت سبحت طلعت لكيتها تلملم بلغرفه واخذت ملابسها

وراحت للحمام شويه وطلعت تمشي على كيفها اجت مشطت شعرها ولمته رحت

جبت حلويات ونساتل اعرف كل بنيه تحب هاي

الشغلات طشرتهن ع الجربايه اجت تركض عليهن كالت شكرا حبيبي جريتها بحضني وكامت تاكل وكلما تفتح وحده تطيني

اكللها اكلي منها ونوب اني وراج اكل تسوي مثلي لحد ماتعبنه سوالف وضحك وشقه نمنه متاخرين جريتها بحضني ونمت

نغم ... كعدت الصبح واني متكسره نايمه ع ايده شفتها صايره حمره يمكن خدرت

مني نايمه عليها طول اليل باوعتله نايم

وهسه انتبهت عليه ارموشه تخبل وحواجبه طوال ومشمورات واسمر ملامحه تجنن كمت العب بلحيته وامشي اصابعي ع وجها

شوي وفتح عيونه وباوعلي صفح

ايسر ... ها نغمه تردين اعيد ليله البارحه مكعدتني بهل طريقه

نغم ... فتحت عيوني من جرئته وخرت ايدي وضربته على صدره طفر من مكانه وكمش اديه وعصرهن وشالهن ليفوك وصار فوكاي

ايسر ... بيا ايد هيج  ضربتيني ولج شنو ايدج هاي لو ايد احمد اخوج الاثول

نغم ... غمضت عيوني وكتله ايسر وخر صارت الساعه ب 10 انت غالق الاجهزه

هسه اكيد اتصلو بينه

ايسر ... فتحي عيونج واحجي ولج

نغم ... فتحتهن ع النص وكتله اااا ايسر شوف منو وراك وكمز بسرعه واني فلتت للحمام سديت الباب عليه

ايسر ... اني اعلمج راح اجيب ريوك واجي اعلكج تضحكين عليه

نغم ... ماسمعت صوته غسلت وجهي وطلعت خليت مكياج خفيف وفتح الباب

رحت اخذت الغراض منه وحضرت الريوك

وسويت جاي وجبته اكلنه بسرعه ولميت الملأبس ورحنه للبيت خابرهم كال احنا جايين وصلت للبيت جانو ولد خاله اول مره اشوفهم

ضربو طلق فزيت وكمشت بيد ايسر عاط بيهم حتى يسكتون ذبحو جوه رجلينه طلي وخلو من دمه ع رجليه شاغت روحي

من الخوف طبينه اشتغلت الهلاهل والجكليت وباركولي امه واديان بس هذوله الاعرفهم بلبيت صعدت بلغرفتي خليت الغراض وبدلت

لبست بنطرون وبدي لركبه ولفيت الشال ونزلنه اني واديان عرفتني خاله ام ايسر عليهم نص عماته بس اكثريتهم جانو بغير

محافظات وهسه اجو بعرسنه همه ولدهم وحتى بناتهم عرفت جانت اكو وحده منهم اسمها زمن مسميها ع اسم ام ايسر ابد

ماارتاحيتلها عيونها ورا ايسر من يجي ياخذ الاكل ويطلع وتكوم بلمطبخ من هو يجي ماتحملت

رحت لاديان جريتها للغرفه وحجيت وياها

ولج اديان هاي شبيها زمن بت خالج شو ماارتاحيتلها ابد شلون تباوع على ايسر

وتكوم بلمطبخ ومن هو يجي

اديان ... ههههههههه ولج تدرين شنو هاي كلما تشوف ايسر هيج تسوي نفسها نادره ومن نروحلهم شكد تشتغل وتجيب وتخلي

كدامه بس هو ممهتملها ابد ولا يوم شفته عبرها ولا حتى باوعلها بس هي من عرفت بي خطب تخبلت يوميه تخابرني مره منهن

سمعني ايسر احجي وياها وكلي بعد لتحجين وياها من تتصل خلي امي ترد عليها مو انتي كتله ماشي وبعد ماعدتها كامت ماما ترد عليها من تتصل

نغم ... هي تحجي واني متخبله مااعرف شصار بيه طلعت بسرعه من الغرفه وكلت اريد اروح اراقبها وتضل كبال عيوني مااعوفها

بس طلعت شفتها صعدت ليفوك وهي تلافت مثل الحرامي وراحت ركض ماتحملت صعدت وراها شفت راحت بتجاه غرفتي وجان

باب الغرفه مفتوح دفعت الباب وطبت بقيت مصدومه من تصرفها رحت قريب على الباب وسمعت ايسر جوا لو تسودنت

زمن ... ايسر يعني سويتها وركضت للغريبه ازوجتها واني حبيتك من كل قلبي ولا عبرتني

ايسر ... ولج شدتحجين هسه انتي روحي بره زمن اريد اصيح نغم لتجي وتشوفج

زمن ... والله خوش بسرعه اخذت قلبك ونسيتني

ايسر ... ولج هو شنو نسيتج اني يمتى مواعدج بشي وخذلتج طلعي زمن بسرعه

اريد ابدل

زمن ... عادي بدل كدامي شنو مستحي مو تبدل كدام الختون

نغم ... ماتحملت دخلت للغرفه بساع وركضت عليها صار ايسر بوجهي منعني

اتعارك وياها وصحت ادبسززز متستحين

شنو يبدل  كدامج امشي اطلعي بره ترى اكسر راسج

زمن ... رجلج صاحلي اجي اني شعليه كتله انت مزوج شنو تصيحلي كلي مااريد

نغم تعرف تعاي فركيلي ضهري

ايسر ... سمعتهت هيج كالت كدام نغم لو تخبلت ماحسيت اله ونغم فلتت من ايدي وطارت عليها ضربتها راشدي من يمي كمشت خدي

وسحلتها من شعرها  وهي تعيط سمعت كل كلامج ويا زوجي اني اعلمج تردين تخربين بينه واحنا بعدنه اول يوم وطلعتها بره وقفلت الباب

ايسر ... خفت لا تصدك بيها بس الحمدلله طلعت سامعتها من البدايه رحت اريد اهديها دفعتني من صدري وعاطت

نغم ... انت هم صوجك شكو تضل تماطل وياها بلحجي ماطلعتها بره الغرفه قبل لتتبله هيج عليك

ايسر ... مو ادري بسلسلة قلبي متصدك احد غيري ماضميت عليج اني اصلا ماعندي شي وياها بس من جنت اروحلهم اودي امي

تحير شسوي بس اني ماباوعلها ولا فد يوم تمنيتها مرتي نغمه مثل مااضم عنج انتي

هم لتضمين عليه حتى من تصير صدك

اصدكج مثل ما هسه انتي صدكتي بيه وحضنتها ارتاحيت من حجيتلها بدلت ملابسي ونزلنه تغدينه وراها كلها طشت فرغ البيت

وامي مرتاحه تحب نغم ونغم تحبها الحمدلله متصافيات

نغم ... ثاني يوم اجاني احمد باركلي وجابلي هديه وضلو هو وايسر ويتعاركون

وكل شويه ايسر يكله لك صيح اختك

خل تجي تكعد يمي واحمد يخبل يكوم يكتله ميتحمل واحنا ميتين ضحك عليهم طلعت امه وكرم بقينه بس احنا الثلاثه

احمد ... اسمعو اني ليوم اجيت حتى اكلكم شي اني قررت ازوج

ايسر ... يا كللللللللللوش مبارك عرسج يلهيبه مبارك عرسج

احمد ... انجب لا اخلي هذا الكلاص براسك اسمع

نغم ... يروحي انت كلي منيه ونروح

اني وماما وايسر نخطبها الك

ايسر ...  شنو ولج ايسر خطابه يشتغل يم الخلفج

احمد ... طارت الجبهه عفيه ب اختي تربيتي ادري بيج متقبلين على اخوج

ينهان صدك يسور امي عدها عبايه قديمه

من جانت طويله هسه كصرت بعد

متصيرلها من ادزهم خطابه البسها

وروح وياهن ومن ترجع كلي شلونها العروس

نغم ... اني يمهم متت من الضحك ماحسيت اله ايسر جره من ياخته واطا بوكس بخد اني تخبلت عبالي راح يتعاركون

كمت افاككهم وماكدرتلهم صحت لكرم اجه شافهم وباوعلي وطكها ضحكه كلي ولج هذوله هيج شقاهم عوفيهم من يرتاحون

يكعدون ويكملولج الموضوع يلا راح اطلع

اني عافني كرم وطلع صحت بيهم يلا كعدو وهددتهم اذا احد حجه اطلع اصيحلهم خاله ام ايسر سكتو واحمد كملي منيه يريدها

احمد ... نغم اريد رفل صديقتج ياريت تسهليها وترحين تقنعيها من زمان شايفها

ومن تجي بتجيهزاتج اشوفها خطف بعدين

شفت نفسي حبيتها واريد اصير صادق وياها ومااضحك عليها مثل الشباب الماعدهم تربيه واريد اخطبها بلحلال

نغم ...  حيل فرحت رفل صحيح خبله وتحب الحلوين بس اخويه ماعايز بلكت

تقبل بي

كتله تمام حبيبي راح اخابرها واشوفها

رحت جبت تلفوني خابرتها كبل كالت

رفل ... هلا بمرت الصاك شلونه رجلج شخباره

نغم ... خرب همزين مافاتحه الصوت جان فشلتني ام لسان فالت كتلها الحمدلله تمام حبيبتي شلونج انتي

رفل ... ياا هاي التزوج صاك هيج يتعدل لسانها اني اريد صاك بلكت يتعدل لساني مثلج

نغم ... رفل انجبي خل احجي اكلج حياتو بصراحه اكو احد يريد يتقدملج توافقين

رفل ... عليج الله نغم اذا صاك امداني اذا ماقبلت منوه كولي خلص صبري واخيرا صلح حصانه وراح يجيني الفارس

نغم ... هههههههه اي واخيرا صلحه احمد اخوي اذا تقبلين بي باجر احنا يمكم واذا بالج احد الله يسهلج عمري

رفل ... ولج اخوج من ضمن الحبيتهم بس شو فاهي احسه يلا راح افكر بي غير تكليله جان حصانه عطلان واتاخر

نغم ... ولج رفل احجي هو يمنه عفته كاعد يم ايسر منتضر جواب منج توافقين اروح ابشره لو ترفضين ندورله غير وحده

رفل ... جابولها رجل وكالت اعور يلا عمي راضين الحمدلله اي كوليله خل يجي بس عندي شروط ها

نغم ... هههههههه طاحضج يلا ولي باي

سديته منها وايسر واحمد ثنينهم بصوت

واحد كالو هاا شكالت

عوجت حلكي مثل الضايجه وكلت متقبل احمد شفت وجهه بهت وكال يلا الحمدلله على كل شيء

نغم ... متقبل بواحد غيرك هههههههه

احمد ... ولج مصارلج اسبوع يم هذا العفطي لگفتي منه وصايره تشاقين ويا

اخوج شقه ثگيل

ايسر ... تربيتي عفيه بمرتي اطيني بوسه

نغم ... خزرته وضحكت واحمد گله راح اعديها الك بمزاجي لان فرحان يلا نغمه

اروح احاجي اهلي وباجر انتي وخاله زمن

واديان تجيبهم يمنه ولك يتغدون ويرحون العصر لهلها بس انت لتجي مامرحب بيك

ايسر ... بوس ايدي يلا اقبل اجيبلك

مرتي افكر عود يلا هسه ولي دوختنه

يلا مرتي كومي خل نروح لغرفتنه

وكمشني ويريد يطلع احمد اطا المقسوم

وطلع واني اضحك عليهم ثاني يوم

خابرتني ماما حتى اطيها رقم ام رفل وتخابرها وعزمتنه

ع الغده ونوب نروح العصر حيل فرحانه اني من جهه اخويه وصديقتي اكثر ثنين احبهم اجه ايسر وصلنه ورجع ينام

احمد مكيف يمشي ويركص ونهاد ويا تهلهل وتصفك وامي فرحانه وخاله زمن حيل تحبه

لاحمد حيل فرحتله خلصنه غده ورحنه

اني وماما  وخاله زمن ونهاد واديان وصلنه احمد استقبلونه واجت رفل عود مستحيه تسلم بصوت ناصي اني اضحك عليها

رفل اكثر وحده مرحه بينه سلمت وكعدت بصفي وكل شوي كرصتني وتكول كولي

لامج خل تدخل بلموضوع بسرعه ماشايفه

هيج عروسه تريد تخلص من روحها شويه وتكرص بيه شاورت ماما كتلها تدخل بلموضوع كبل

ام احمد ... خيه احنا اجينه ع السمعه الطيبه رفوله ورده واني احبها كلش واعتبرها مثل بناتي اجيت ليوم اطلب ايدها لابني احمد وشتطلبون احنا حاضرين

ام رفل ... اشرتلها تطلع وهاي لازكه كتلها ولج امشي اطلعي حتى يكولون استحت كالت خرب اله تطلع اريد اسمع شراح تكول ماما

خاف ترفضه ماابريلها الذمه شوفي نغم اذا ترفض بس رمشيلي ادخل بسرعه اني وهدومي واروح وياكم واغنيله اني اريد اعوفن كل هلي واريد امشي وياك

نغم ... اني دمعت من الضحك شويه بعدين عنهن همزين ميسمعون كتلها ماشي

اني بس خل يرفضون اخابرج

رفل ... اجيهم بتفك والله كافي اريد البس بدله واريد اركص ويا رجلي الفاهي بس صاك همزين بي مجال

نغم ... كوه طلعت امها تخزر بيها  وطلعت وامها كالت

ام رفل ... والله ام احمد تشرفونه ماالكه احسن من حمودي اشوفها لان هذا قرارها  واشوف ابوها وارجلعكم خبر ان شاء الله خير

كمت يمها واكفه يم الباب وتركص وتصيح اجمل ثنين اني وحبيبي واخيرا راح اخلص راح اتزوج يماي الكاع ماشايلتني من الفرحه

ولج مو تكوليه اني هيج خفيفه كوليله بس ابتسمت من سمعت بلخطوبه اذا دره هيج اني مكيفه اكثر منه يبطل ماعولته يصلح

نعاله اقصد حصانه ويجيني ضحكت ع

سولفها وطلعنه ننتضر خبر منهم ثاني

يوم خابرتني ماما كالت وافقو وراح

نوديلهم المشيه

بعد 3 ايام ماعرف عليمن مستعجل بس

اني اريده افرح بي قبل بيوم رحنه اني وايسر بتنه يمهم ماخلونه انام ايسر كل

شويه يحجي ويا حجي مال مزوجين وهذاك يضربه يكله لتحجي هيج كدام البنات ايسر يكول منو البنات نهاد وكامت ونغم اني وياها

هيج نسوي يخليني اطب بملابسي من الخجل من احمد واحمد ميقصر بي وكل شويه يدعي ويكول ادري بيك عفطوي وملطلط ليش اطيتك اختي مادري

صار الصبح وراحو للمشيه ايسر فرحان

اكثر من احمد واجه كرم ويا جهزو اخوي ماعنده اخوان بس الله

زرقه وعوضه ب ايسر وكرم وكفو ويا بكلشي وكل شويه هلاهل وركص وامي وياهم تهلهل لحد مارحو للمشيه والحمد الله اطوهم

واتفقو ع كلشي حددو بعد اسبوع القعد ورا بسبوعين العرس انخبصنه احنا اكثر منه يوميه لو احمد لو ايسر مودينه لسوك

نشتري شغلات اشتريت فستان بس ماشافه ايسر لان احمد مسوي العامل مالته شكد يشغله وجابو الغرفه وشدوها وايسر

يجي بنص اليل تعبان ينام بملابسه وترابه ويكعد الصبح يكول يجازيني اخوج صرت مطي مال شغل واني اضحك عليه ماكول

حشاك لان صدك مسوي احمد مطي اجه يوم العقد خلينا مكياج بلبيت مو مال نروح لصالون خليناها للعرس رتبت شعري ولبست

الفستان جان طويل  لونه ماروني وبي فتحه من رجله واردانه نازله ع الكتف يجنن ويا كعب اسود بعدني افتر بلغرفه والبس

وكالبتها انفتحت الباب بسرعه وشفت ايسر  جان يخابر فتح عيونه حيل وخزرني اني جمدت بمكاني خلص تلفونه وطبك الباب

وكال هاي شنو شلابسه ولج

نغم ... ءءءء حبيبي الله يساعدك

ايسر ... انجبي واحجي شنو هذا شمسويه بنفسج هاي هيج راح تطلعين

نغم ... اكيد لا حبيبي راح البس الجبه عليه وشال

ايسر ... لا بله وهناك تنزعيهن موو

نغم ...تقربت منه خليت اديه ع ياخته وحجيت بدلع حبيبي يسور حبيبتك تخليها تبدل بعد ماتعبت بلبس

ايسر ... خرب بيك احمد لتدلعين هيج وكرصتها من خصرها هي ضحكت بدلع كتلها شو تعاي هي شردت وكالت حبيبي من ارجع

يلا حضرت ملابسك ونزلت تركض ليجوه شويه ودزت اديان اخذت غراضها كتلها

وين ترحين مني نغم

نغم ... رحنه للعقد وجان يخبل ورقص اول حفله احسها حلوه لان بعرسي اني العروس كلشي ماشفت لليل رحعنه ميتين

تعب كلها نامت كبل بدون اكل حتى بملابسنه كعدنه الصبح سويت ريوك لايسر راح لدوامه وكعدنه نضف بلبيت اني واديان وكرم اخذ

خاله زمن لماما تروح وياها علمود العروس يجهزون خلصنه كلشي مرت ايام عاديه

احمد ازوج الحمدلله ورفل ماما حيل تحبها

لان مغيره عليهم البيت بضحكها وشقاها ورا شهرين من عرسهم ماما خابرتني وبشرتني بيها حامل طرت من الفرح وهي هم تدرس

مابطلت احمد يقريها ويصيح عليها اذا متقره ومكضيها معارك ومرات تزعل منه وتروح تنام يم اهلي وتخلي يكمز عبالنه راح يعقلون من يزوجون شو تخبلو بزايد

خاله زمن ماضوجتني ولا كالت مرت اخوج تزوجت وراج وهسه حامل وانتي بعدج حيل احبها مر ع زواجي ست اشهر وحتى ايسر

وميضايقني ولا يكول اريد طفل بس كل شهر يسالني اذا عندي شي لو لا ومع الاسف ماكو مره جنه كاعدين ع الغده خاله زمن كالت

يمه يسور اخذ مرتك وروحو شهل عسل لاي مكان من ازوجت لسه وانتو ماطلعين اجاكم عرس احمد والتهيتو وراها اجه دوامها

روحو شكم يوم ريحو روسكم

ايسر فرح وكال خل نروح لاربيل حجزنه بعد اسبوع حضرت غراضنه وكلشي نحتاجه ايسر اخذ اجازه من شغله ورحنه لاربيل

طلعنه من الصبح للعصر يلا وصلنه حجزنه بلفندق وكبل نمنه من تعب السياره ...

طلعنه من الصبح للعصر يلا وصلنه حجزنه

بلفندق وكبل نمنه من تعب السياره لليل

كعدت لكيت ايسر كاعد جايب اكل رايح

يسبح حضرت الاكل طلع اكلنه ورحت لميت

الاكل ورحت بدلت وطلعنه لنص اليل يلا

رجعنه بقيت افكر اني هم اريد طفل بعدلي

سنه واتخرج اني احب الجهال واجه ايسر

وكتله هو هم قبل بلفكره ماعنده اعتراض

ورا اسبوع من جيتنه حسيت اعراض مو

طبيعيه عندي اتقيأ وبطني توجعني خابرت

ماما كالت ولج خاف حامل شو روحي حللي

بلكت اكو كيفت ماكلت لايسر رحت لصيدليه

يم الفندق جبت جهاز مال تحليل وحللت

وانتضرها ع نار واقره ايات بقلبي لحد ماطلع

خطين اني طرت من الفرح كمت ابجي

انتضرت ايسر يجي لبست واتحضرت وحضرت

العشا انتضرته فتح الباب بكل قوته وعيونه

دم من العصبيه ...

نغم ... حبيبي ايس ماحسيت اله طفر عليه وضربني بوكس بوجهي كمت اصيح

ايسر شكو

ايسر ... ولج مو اتفقنه ماكو جذب بينه ليششششش تجذذذذبين عليه انتي تضحكين عليه

نغم ... ايسرر شكو بيمن جذبت عليك احجيي 

ايسر ... ولج شنووو هاي الصوور هذا

منو الكاعده بحضنه وماخذه صور

نغم ... طلع تلفونه وشفت الصور اني

وحهاد لمن جان من يبوسني يصورني لو

تخبلت تهسترت هذا الحقير دازهن لايسر

اريد احجي  ايسر عباله جنت اخونه

ميشوف ولا يسمع شي من العصبيه لزمني

موتني كله بوكسيات كمت ابجي واصيح

ضربني بطني حيل حسيت شي حار نزل

بين رجليه وضربني برجله بطني كلت اجيت

افرحه موت فرحتي بعد ماحسيت ع شي

ايسر ... طلعت اريد اجيب اكل سمعت اجه اشعارات لموبايلي فتحت شفت رقم مراسلني ع الواتساب وصور داز دخلت

عليهن

لكيتهن صور نغم بحضن ولد اذكر شايفه

بس ناسي وين لو تخبلت صور كلها بوس

ومخليها بحضنه وجار شفتها وماخذ صوره

رجعت نار عيوني ريدن يطلعن من الحراره

لكيتها واكفه ولابسه ومحضره الاكل كلهن

ماشفتهن بس عصبيتني عاميتني لزمتها

مووتها تموتمن شافت الصور ماتحملت اسمع

صوتها ضليت اضرب لحد ماوكعت من ايدي

وعفتها وطلعت حسيت بعدني ماطفت ناري

كلت خل افتهم منو هذا وشعدها ويا ماخذه

هيج صور بعدني افور رجعت للغرفه لكيتها

سابحه بدمها تخبلت ورحتلها ركض اكعدها

متكعد وجها صاير اصفر ومنتبهيه اشيلها

وتوكع شلتها ورحت للسياره وهي بعدهي

تجري دم كلت هاي شلون ضاربها اني

لدرجه دمها صار يجري وديتها لمستشفى

اخذوها مني شويه وشفت الغرفه مالتها

انخبصت وكل لدكاتره تركض ليجوه يمها

كمت اصيح بس اريد اعرف شبيها شوي

وطلعت الدكتوره كالت مع الاسف ماكدرنه

ننقذ الطفل وضعها كلش حرج لان صاير

عدها انهيار عصبي والضغط مصفر

ايسر ... انجنيت من هيج سمعت جانت

حامل واني موتت ابني وراح اموتها هم

من عصبيتي ضربت الحايط الكبالي اريد

شي يبرد قلبي ماكو تمنيت تكعد وتسامحني

اول مره بحياتي حسيت راح اخسر

شخص غالي عليه من بعد ابويه يروح غدر

كمت ونار تاكل بروحي طلعت بره خابرت ع

الضابط حسام كتله اريد هذا الولد من جوه

الكاع دزيت صوره اله وكصيت صورة نغم

حسام ... ايسر هذا نفسه الشخص القبل

سنه ردت تعرف معلومات عنه جهاد عزام

شنو نسيته كتلك عليه سجله مو نظيف

بس واسطاته قويه

ايسر ... اذكرت احمد اني جبت معلومات

اله لاحمد يعني احمد يدري بي ويعرفه ليش

طلب مني معلومات معقوله جان يهدد احمد

بصور نغم كامت فكره توديني وتجيبني رجعت

ليجوه كالو مرتك تحتاج عميله الطفل ميت

بطنها واذا بقى راح يسمم دمها وتموت وقعت

بساع ع العمليه معقوله نغمتي راح تموت

من وراي معقوله راح تعوفني وتروح مثل

ماابوي عافني بعمر ال 15 وراح عافني

اتواجه ويا هذا العالم وشايل مسؤليه اكبر

من عمري معقوله الدنيا متقبل تفرحلي وتاخذ

كل الاحبهم نغم مااريدج تروحين حبيبتي اني

اسفه فتحي عيونج يبعد حيلي فتحي عيونج

متلوكلج هاي النومه ربي لتحرك قلبي بيها

ربي رجعها اليه اني هسه صرت مجرم كتلك

ابني شنو فرقي عن هذوله الكتلو ابويه

ويتموني من بعده صرت مثلهم وكتلت ابني

رحت لمسجد البلمستشفى توضيت وبقيت

اصلي والدمعه واكفه بعيني شكد عنيده متنزل

وتريحني كملت صلاه خابرني الضابط حسام

حسام ... ها يسور هذا نفسه ندور عليه

اكثر القضايا والشكاوي التجي عنه يضحك

على بنات بحجة الحب وهواي بنات ماخذ

شرفها وكتولهن اهلهن من ورا غسل عار هذا

واحد سافل صعدت ملفه للقاضي وطلع امر

راح ننبش الكاع ونطلعه منها

ايسر ... حسام بس تكمشو خابرني اريد

اشوفه هذا العار كلي تمام وسديته منه 

ورحتلها بطريق اجت الممرضه الجانت يم

نغم كالت الحمدلله على سلامتها طلعت بخير

ايسر ... برد قلبي وحمدت ربي وشكرته

ورحتلها كوه خلوني ادخل يمها كابلتها وكعت

اشكيلها عن ناري وهي نايمه وجها تعبان

واصفر ماخلوني ابقى كالو عدها انهيار ولازم

نضل ننطيها مهدئات لمن تتخطه مرحله الخطر

يلا تصحه مر 3 ايام ونغم بعدهي عالمهدئات

اهلها يتصلون بيها اطلع حجه واسده حتى

اهلي اديان كالت اتصل عليها مترد كتلها نايمه

وسده منهم شريد احجي اكللهم اني وصلتها

للموت وقتلت ابني يوميه كمت اتخبل اكثر

من ليوم القبله اروح للفندق اكسر غراضه

واطلع من القهر لحد العصر خابرني حسام

كالت لكفته الك طلعته من جوه الكاع كتله

اريد اني استقبله رتبها حسام عندي حساب

قديم ويا اريدك تجيبه لمراكز اربيل بس

ليوم واحد فدوه لاخوك سويها

حسام ... تمام راح اخذه اني ودوريه شرطه هسه وشوكت منوصل اتصل بيك

نغم صحت بس تكعد تبجي وتصيح وخر

لتضربني ابني وينه وتتهستر ويطونها مهدء

وتنام بس اني الماكدر انام جانت متحضرتلي

ومخليه العشا ومرتبه الغرفه واجي اني هيج

اسوي بيها بقيت لليل واكف كبال الباب

واباوعلها واحجي وياها بلكت ترد عليه لو

تسمعني ...

لليل واتصل بيه حسام كالت جبته هسه هو

بلمركز ،،،،، اطاني العنوان  وصيت الممرضات

ع نغم وطلعت كبل عليه سويت الطريق

دقايق ودخلت سلمت ع حسام وكتله اريده

بشغله بس محد اله علاقه ولا يتقرب صاحي

الشرطي اخذني ويا للغرفه المخلي بيها طبيت

شفته كبالي واذكرت الصور ابليس تريع براسي

جهاد ... وصلتلك الامانه ايسر افندي

ايسر ... هجمت عليه ابرد الم روحي بي

ضليت اضربه بدون وعي بقهر الم فقد ذبيت

عليه مي حار كعد يصرخ ورجعت اصيح

اريده يكلي وين لكاها واخذ وياها هيج

صور ومبين هي ب ارادتها

جهاد ... بتعب كافي راح احجي لتضرب

ايسر ... احجي يا عار بسرعه لا ادفنك هنا ب ايدي

جهاد ... اني كرايبهم وخطبت نغم من

زمان وهذني الصور بخطوبتنه اخذتهن

ايسر ... حسيت احد ضربني ع راسي

بعمود اختل توازني من سمعته كال جانت

خطيبته يعني نغم جان اكو احد خاطبها

قبلي وماحجتلي ضمتها عليه رجعت اضرب

بي بكل قوتي حتى يعترف شلون قبلت

هيج يصور وياها

جهاد ... هي ماقبلت بس اني جنت اجبرها

واكو صور هي متدري بيهن اخليها بحضني واصورها

ايسر ... ويا كل كلمه يحجيها ماتحمل اضربه حسيته راح يموت جوه ايدي بس بعدني مصر عليه اله يكول كل شي

جهاد ... اخوها احمد جاب عني معلومات

وجذب عليها وفصخت الخطوبه واحمد اني

اعلمه اله اطلعها من عيونه ماكفا المخدرات

لو ما صديقه ساعده جان هسه هو ميت من

زمان اني اعلمه اذا بقيت عايش وطلعت منا

اله احركه وهو يتنفس لان حرمني من

نغمتي وحبيبت قلبي ماحبيت احد بعدها

ايسر ... من كال هيج عنها جان يمي

الكرسي خشب شلته وضربته بي وكتله اذا

تتقرب منهم اني احركك وانت تتنفس

طلعت حاجيت حسام كتله اعترف بنفسه على

قضيه احمد عباس مال المخدرات هو وراها

حسام اريده يخيس بسجن

حسام ... تامر امر ولك هذا اذا سلمت الهم يمكن اترفع من ورا

ايسر ... طلعت من المركز ورحت عليها وصلت لكيتها ستوها تفتح بعيونها دخلت ركض كمشت اديها فتحت عيونها بطئ كتلها

نغمتي بت قلبي فرحة عيوني نبض قلبي اني اسف ع كل ضربه اكعدي صيحي عليه فتحي عيونج الشلن قلبي بلونهن اخذت حقج

والله الي بسببه انتي هنا بعد ايام يمكن تسمعين بموته اني اسف ماادري بيج يروحي فتحي عيونج صيحي عليه ضربيني اشعلي

عشيرتي راضي بس لا تكلبين وجهج ومتحجين وياي

نغم ... صحيت ع صوته وهو يتوسل بيه اسامحه من عرفت ابني مات بسببه كرهته وكرهت كلشي بي منتضره الطفل صار كومه ويجي ايسر بوكس منه يموته كتله كوم اطلع بره

ايسر ... اول كلمه كالتها اطلع بره كلت خلص نغم مراح ترجع بعد ولا راح تحبني مثل الاول

نغم ... اطلع مااريد اشوف وجهك وخابر احمد اريد يجي ياخذني

ايسر ... وين تردين تعوفيني وترحين كل عقلج اخليج تروحين بهل سهوله تتخلين عني نغمتي اني اعترف غلطت عذاب الضمير راح يموتني لتزيدها عليه

نغم ... وانت من موتت ابني وطفيت فرحتي ماحجيت هيج بس هسه ازيدها

عليك اريد اطلع منا اختنكت كلما اسمع

صوت طفل قلبي يحترك

ايسر ... بلبيت نتفاهم هسه اسويلج خروج وراح اخلي الممرضات يساعدنج بس لتتسرعين وفكري ع راحتج

رحت بساع حاجيت لدكتور كلي احسن صارت كدرنه نسيطر ع ضغطها ورجعنا طبيعي بس لتخليني  تنصدم بشي ترجع حالتها

تسوء سويت الخروج وطلعت واني كامشها بين اديه وتوخر ب ايدي نغم حيل عنيده عاندتني قبل لا ازوجها هسه متعاند وصلت

للفندق نزلتها ورحت اجيب الغراض سمعتها تخابر احمد وتبجي تكله تعال اخذني احمد فدوه

اخذت التلفون منها سديته وراحت تلم بلغراض وكالت خل نرجع بعد مااريد ابقى بهل مدينه الاخذت ابني بسبب ابو

ايسر ... اختنكت حيل خسرت للمره الثالثه الاول ابوي والثاني ابني والثالث نغمتي

تفتر كدامي وتلم بلغراض وبدلت ماكذرت احجي وياها اي شي

بس تصير عصبيه ترجع حالتها تسوء اخذت الغراض وانطلقنه اجيت واني فرحتي مو سايعتني رجعت واني خسران فرحتي

وصلت للبيت متاخر كالت وديني ل اهلي ماريد اطب وياك للبيت فدوه نغمتي بس اتفاهم وياج اني صح غلطت لتزيدها عليه

عرفت كلشي مسامحج يبعد حيلي لتروحين

نغم ... شصار من اجيت عليه شايطه روحك وهم هيج جنت اتوسل بيك حتى افهمك شنو هذني الصور وجنت تضرب بيه بدون رحمه

بعيني شفت ابني من مات وعفتني وبقيت غركانه بدمي وعفتني وطلعت حضرتك همزين رجعت رجعتك نار قلبك البعدهي مابردت

مو حنيتك ايسر وديني لاهلي ترى اخابر احمد واشكيله عنك

ايسر ... وديتها وطبت للبيت ضليت بره واكف شوي ورحت للبيت تلكتني امي تتحمدلي على السلامه عفتها وصعدت حتى لتسالني

عن نغم شي قفلت الغرفه وكعدت ابجي من نار قلبي اول مره ابجي من بعد وفاه ابوي دمعتي مانزلت بس نار بقلبي وانتقام حتى اخذ

بحقه بس اكو شغلات تكسرنه بيهن الدنيا مثل فقد الطفل لا وانت السبب لو فقد التحبها اندكت الباب عطت بكل قوتي روحوووو لحد يجي يمي

اديان ... حبيبي يسور افتح الباب اريد ابقى يمك

ايسر ... اديان جانت بكل شي هي يمي تحس بيه والوحيده الماكدر اعلي صوتي

عليها هي امانة ابوي يمي كمت  فتحتلها الباب ورحت نمت ماردتها تشوفني ضعيف

اديان ... حبيبي يروحي باباتي من مات بابا واني معتبرك ابويه واخويه اخذ قوتي منك من احد يضوجني اجي اسولفلك عن كلشي

وكلمره تساعدني ليش هيج معصب وحتى ماما ماسلمت عليها وين نغم ليش بس انت جاي سولفلي اني مو صغيره افتهمك

ربيتني ع تصرفاتك وخبرتك احجيلي شكو حاسه اكو شي بينكم صاير

ايسر ... خلص نغم راحت تركتني سولفتلها كلشي عدا الصور وجهاد كتلها ضربتها لاسنتني ومادري بيها جانت حامل ومات الطفل

اديان ... ليش هيج ايسر انت من يمته تمد ايدك ع مره لا وهسه حبيبتك نغم وتضربها لدرجه تموت ابنك بطنها

ايسر ... اديان اذا تردين تلوميني مثلها اطلعي البيه كافيني

اديان ... كوم وياي وجريته من اديه

كوووم وياي كتلك الغلطان يصحح غلطه وانت

لازم تصححها لو شكد ماجانت صعبه اتحمل

انت خسرت نغم بيدك وانت لازم ترجعها بيدك

روحلها اكعد بابهم اذا ماخلوك تدخل منا لمن

يحن قلبها عليك لو تبات بابها لحد متسامحك

يلا لتضعف وسوي الكتلك عليه واني متاكده

راح تسامحك وترجع وياك لتدخل للبيت اذا متجيب نغمتك عروستك لهنا

ايسر ... كلام اديان كله صح غيرت ملابسي ورحتلهم دكيت الباب طلعلي احمد ماحسيته اله كامشني من ياختي وطاني بوكس بوجهي

احمد ... ولك هي هاي الامانه الامنتك عليها ايسر اني شكتلك بيوم الاخذتها مو اذا زعلتها بيوم تلكاني بوجهك واكسرلك راسك اختي

اهم منك ومن صداقتنه بلمستشفى منموها من ورا ضربتك اليوم اني انومك بلمستشفى

نغم ... من وصلت محروك قلبي ماحجيت لاي احد بس احمد ع جهاد وداز الصور لايسر وضربني وجنت حامل وموت ابني

احمد اتخبل راد يروحله للبيت يضربه ماخليته لمن هو اجانه جنت كاعده اجتني نهاد تركض هي ورفل ويصيحن الحكي احمد كسر رجلج تكسر وايسر مايدافع عن نفسه راح يموته

كمت اركض طلعت لكيت ايسر بلكاع مدد وخشمه وحلكه يجرن دم اهلي جانو ماكو بلبيت اهلي لو  هنا احمد ميضربه بلبيت وكفت بوجه احمد وصحت كافي احمد عوفه لتصير مثله وتضرب وتتهجم ع الغير

ايسر ... نغم مااروح منا اله تسامحيني خلي اخوج الخبل يموتني كبالج حالف ماادخل لبيتنه بعد اله انتي وياي اريد احجي وياج

نغم ... رحت اني ويا لليجوه وضلت يتوسل بيه اسامحه واني ابد

ايسر ... اذا انتي وهذاك العار انخطبتو ليش فصختو الخطبه وليش ماكتيلي انتي مخطوبه جنتي

نغم ... خاين شفته مخلي بنت عمه هو وياها بيت واحمد كلي عليه ماصدكت لمن شفته بعيني انهاريت واخذني احمد المستشفى

من انت اول مره اشوفك هناك وبعدين عرف احمد هو السبب راح اتهمه هو يتاجر

بلمخدرات وذبه بسجن وانجلط بابا من ورا

ودز ناس بليل لبيتنه حتى يخوفنه من بقينه بس نسوان واتصلت بيك هاي كل القصه من عرفنا ابد ماارتاحينه الله ليوفقه

ايسر ... كعدت كبالها مسحت دموعها وشلت اديها وبستهن وكتلها اني اعوضج عنه حبيبي اني اسف ع كل ضربه كومي ضربيني

موتيني ندمان والله ندمان تردين طفل موافق نسوي بدال الواحد عشره نغم حسيت روحي خسرت شخص ثاني عزيز عليه ورا ابوي

لتصيرون عليه انتي والزمن وارجعي لبيتج نوري غرفتج اكسرها ايدي اذا نمدت عليج مره ثانيه

نغم ... مااريد اضعف كلما اذكر ابني بعدني مافرحت بي اخذه مني ايسر حقدت عليه كلش عفته ورحت بدون مااجاوبه وماحسيت اله ضربه قويه ...

نغم  ... مااريد اضعف كلما اذكر ابني بعدني مافرحت بي اخذه مني ايسر حقدت عليه كلش عفته ورحت بدون مااجاوبه وماحسيت اله ضربه قويه ...

كسر الطاوله الزجاجيه بيده وكام يصيح

ايسر ... نغمه شبيج ليش هيج تسوين بيه

اني اعتذر منج والله اني غلطان ومااستاهل

تسامحيني بس لتقسين هيج وتعذبيني

نغم ... ايسر اطلع بره مااريد اشوفك ابد

ايسر ... من حجت هيج ماتحمل بسرعه طلعت وضربت الباب وراي واني مشتعل نار

رحت كبل للسياره وشغلت وطلعت لشط كعدت شوي واتصل تلفوني شفته اديان

اديان ... هلا يسور شلونك

ايسر ... موزين

اديان ... لسه ماحجيت وياها

ايسر ... ماكو قافله ومحترك قلبها ع الطفل

اديان ... ايسر تعال اخذني الها بلكي اكدر

احجي وياها واهديها اعرف انت ما الك ذنب

ولا قصدك تضرب ابنك وانت جنت تتمنى يصير بسرعه

ايسر ... تمام حبيبتي حضري نفسح هسه اجي

اديان ... سديته من ايسر ورحت بدلت بسرعه اجه وداني ع اهل نغم فتحتلي الباب

نهاد سلمت عليها ودخلت ودتني لغرفه نغم

جانن بس هنه بلبيت

نغم ... اندكت الباب عطت حيل كتلها نهاد

ولي عني اريد ارتاح شوي وانفتحت الباب هاي اديان مو نهاد سلمت عليها وكعدت يمي

تسولف وضحك واجت نهاد يمنه غيرت جو وياهن واديان شوي حاجتني عن ايسر كتلها ماريدج تكملين اسكتي هي سكتت شافت حالتي حيل مقهوره منه

كتلهن راح اروح احضرلجن الضيافه اني رحت

للمطبخ داحضر سمعت الباب اندكت رحت

اريد افتحها وماحسيت اله ضربه اجت بوجهي

ودخلت تلعلع بصوتها الزباله سمر مرت جهاد

سمر ... ادبسزز اليوم انتقم منج الفگر من وراج زوجي دخل السجن تسوين نعال اليوم

اموتج تموت جانت يمها الماسحه قريبه جرتها

وضربتني بيها

شاغت روحي كمت ابجي واصرخ اجن نهاد واديان يركضن ع صوتي ماكدرن يتقربن منها

لان هم ضربتهن

اديان ... شفت وحده تضرب ب نغم رحنه اني ونهاد نريد نخلصها منها ضربتنه وياها

دخلت جوه اركض جريت تلفوني خابرت ع ايسر بسرعه جاوب

ايسر ... ها اديان حجيتي وياها

اديان ... ايسر تعال بسرعه هاي بنيه طبت تضرب بنغم حيل ماكدرنه نوخر نغم منها تصيح من وراج دخل رجلي لسجن

ايسر ... عرفتها هاي مرت جهاد الكلب بسرعه سديته من نغم وطرت بسياره وبطريق خابرت الضابط حسام كتله يجي وياي اشتكي

عليها وصلت بسرعه لكيت نغم بلكاع ودمها بطولها

واديان ونهاد هم اديهن مجرحه من الضرب الاكلنه وهنه يفازعن سحبت العوده منها وكلت للبنات اكمشنها لزمنها ثنينهم وهي تعيط

سمر ... الفكر من دخلتي الحياتنه هجمتيها

يموت عليج شمسويتله ساحرته ام السحوره

شردنه من اهلي من وراج ومارتاحيت بي

ماتهنيت نافسته عساج لتتهنين برجلج ولا

تنرزقين بطفل منه ويحترك قلبج مثل متحركين بقلبي

نهاد ... والله حبي منج انتي العميتي ع نفسج محد كلج اتختلي ويا بلغرف وروحي

ويا شقق وهسه جايه تذبين فشلج براس اختي

اديان ... نهاد هيج حجت لو هاي هدت اديها وركضت ع نهاد موتتها تموت اني صرت

كبالها ضربتني حيل ع بطني عطت بصوت

عالي ويا صرختي اجو الشرطه

حسام ... اتركي البنيه ورفعي اديج ليفوك

لا بطلقه اخليج تلحكين اجدادج

اديان ... صار وجها اصفر وركضت تريد تشرد منهم لزمنها الشرطيات الاجن ويا هذا الضابط اخذنها وكال خو مابيج شي احد اتاذه

ايسر ... ضليت محتار ب نغم وبلبنات كعدت نغم وهذيج تلعلع بصوتها كوه كمشنها البنات من هدت عليهن وصلو الشرطه بس حركت التلفونات حرك ع حسام

كعدت نغم واشتكت عليها وشالوها للمركز يم زوجها تفعن بسجن

نغم ... ارتاحيت من هسه سمر بسجن عمري كله اجه وهي تحرك بقلبي موتتني من القهر من اخذت جهاد مني وجنت ادعي اكول ان شاء الله متتهنه بي وصدك ما تهنت

صار اليل اجت نهاد كالت ولج احمد طلع بره لكه رجلج كاعد بسياره بهل برد احمد اتعارك ويا ماقبل يروح كله حالف ماادخل للبيت اله هي وياي لو اعرف اضل هنا منتضرها كل عمري

نغم ... كسر خاطري صار نص اليل طلعت شفته ع كعدته  ماعرف ليش لبست جبتي والشال وطلعت يمه لكيته نايم دكيت ع الجامه

فتح الباب ونزل ركض كبل حضنته وكمت ابجي وكتله كتلت ابني وحرمتني مني حامل شهرين جان هسه كام يكبر ونسمع ضرباته

اليه اخذته مني ايسر

ايسر ... اعوضج والله اعوضج يبعد النفس لتبجين موتيني تعاي وياي

نغم ... مااا روح اكرهك

ايسر ... من كل قلبج الاكرهك عيدها مره ثانيه بس باوعي بعيوني

نغم ... كمت ابجي بصوت عالي كلي انتي بشارع ليطلع احد ويشوفج امشي وياي صعدني بسياره وداني لمكان الشط مكانه المفضل اول مره يجيبني اله

ايسر ... من تخنكني الدنيا اجي لهنا اذب همي بشط بس من حبيتج واخذتج بعد مااجيت تدري ليش لان بعد متنخنكني الدنيا انتي حليتها بعيني جنت كارها نغمتي تدرين ردت اروح كليه ضباط مثل ابوي وانتقم من كل الموتو بس امي ماقبلت كالت متروح تخسرني

اتراجعت ومن يومها كرهت الدنيا اكثر واكثر لان هم حرمتني من ابوي وهم حرمتني اخذ بحقه من الغدرو بس من شلتج اول مره

دك قلبي بكل قوته جنتي بين اديه احلى ملاك رجعتي لهذا النبض واشر ع قلبه

من جديد وخليتي يفكر انو اكو تعويض لكل شي نخسره بدنيا ومن الله اخذ ابوي عوضني بيج وب احمد وباهلج صارولي عائله ثانيه مااريد اخسرج اعرف قلبج محمل عليه قهر وحقج مالومج بس اطيني فرصه اخيره مااكولج ثانيه واني مراح اخذلج بعد

نغم ... احبك

ايسر ... من سمعتها هيج حجت ركضت عليها حضنتها وشلتها وبستها بكل قوتي كتلها شنو رائيج نروح لفندق اليوم نبات

ماعاندت الحمدلله اخذتها ورحت وبطريق راسلت احمد كتله تصالحنه واخذت نغم وسديت التلفون ورحنه للفندق جانت هاي اليله احلى من يوم عرسنه

كدرت ارجع الضحكه لوجها رجعتها للبيت وكلهم كيفو كتلهم مريضه جانت ماحجيت بتفاصيل بس اديان تدري ماتحجي

اعرفها الايام نفسها بس شفت نغم تسمن وصايره تخبل وين مااشوفها اتحارش بيها ومن نكعد ع الاكل ابقى اكرص بيها

لحد متمل وتكوم وهي تخزر بيه مرت ثلاث اشهر عليه من صالحته وجنت كاعد اشتغل ع الابتوب وسمعت صوت نغم

تعيط بلحمام كسرت الباب واصيح فتحت الباب وهي تبجي اعرف بنغم تخاف من الصراصر كلت اكيد دخل الها صرصر

وهي تسبح وهيج خلاها خبله وتبجي جبتلها مي وهي مستمره تبجي كتلها نغم لتخوفيني اكو شي احجي

نغم ... ءءءءء ااااااايسر انننييي حااااااامللللللل

ايسر ... من هيج حجت انصدمت ماستوعبت شكالت كتلها عيدي ش ش شنو

نغم ... حبيبي حامل راح يصير عدنه طفل راح اصير ام واخيرا ايسر ماتحمل كبل شالني وفرني بلغرفه كمت اصيح ايسر نزلني دخت نزلني خلاني ع الجربايه وغطاني وهو مخبوص ويصيح هسه شسويلج حليب لو اجيبلج عصير لو فواكه لو شسوي يربي

ماجنت حامل قبل ماعندي خبره بهل سوالف اي اي امي يمممممه ولج يوووم الحكيني تعااااي يممممه

اجت امه تركض ودخلت

زمن ... اسم الله اسم الله يمه شبي ابني ولج نغم ابني تخبل احجي يمه شبيك قل اعوذ برب الفلق

ايسر ... يووم اني حامل

زمن ... شنو ولك شنو حامل

نغم ... ههههههههههههههه لا ماما اني الحامل ايسر من الفرحه نسه شيحجي امه طكتها بهلوله هرجت البيت هرج صعدو اديان وكرم

من سمعو بلخبر كرم شال ايسر ويركص بي واديان تصيح راح اصير عمه واخيرا راح يصير عندي ابن اخو كلما اقره ادزه يجيبلي اكل ومي من المطبخ مو اني اكوم اجيب واتعب

نغم ... من هسه اطيتي وظيفه اديان خانم لو تموتين مااخلي يمج تدزين بي ورجليه الصغيرونات يتعبن من ورا طلباتج

اديان ... اروح فدوه لرجليه يروح عمته راح اكالبه واكعد يجوز اني يوكع رجليه من كد ميددزني

كمنه نضحك باركولي وراحو نزلو اجه يمي ايسر وشتغلت خباثته جر تلفونه وخابر لاحمد كال اله اطلع هاي البوكسيات الكلتهن منه

من عينه

احمد ... شكو شرايد هم مشتهي شكم بوكس اجيك بلخدمه

ايسر ... انجب لك اجيت اكلك خبر حلو

احمد ... اسمع مسلت

ايسر ... اختك حامل مني

احمد ... ايسر اذا متبطل هذا الحجي اكسر سنونك وين نغم

نغم ... ها حبيبي هنا اني كلي الف مبروك يعمري ليوم بليل اجيبهم ونجي كلنا اعلمه هذا رجلج العار

ايسر ... ولك متدري شكد فرحان من اختك حبلت مني تخيل حبلتها لا بعد سبع اشهر تجيبلي طفل هم

احمد ... جايك جايك ياعار الف مبروك تستاهل

نغم ... لليل كلهم جابهم احمد واجه باكولي وجانو جايبن وياهم كيك وكرم راح جاب عصاير واحتفلنه ب ابني وابن احمد

رفل بعدلها 3 اشهر وتجيب ماما حيل فرحت بينه وتجيب وتدعي وتمسح ع بطونه اني ورفل احتفلنه وفرحنه حتى كرم شغل اغاني

وكامو يركصون هو واحمد رحت اريد اجيب ماعبن من المطبخ ماحسيت اله ادين حاوطن

خصري باوعتله فرني عليه وباسني بركبتي

نغم ... ايسر شبيك ليجي احد

ايسر ... واذا اجو غير طالعه تخبلين ولج تعاي للغرفه عوفي البنات هنا بمكانج

نغم ... ايسر والله اصيح احمد ترى

ايسر ... واذا صحتي فد نعال هذا

وجرني من شفتي وعظها بقوه دفعته كوه

وكمت اصيح بطني وبطني عافني وراح

كال بعده بلبدايه ويهيج يتنعوص ابنج

نغم ... اولا فدوه حبيب امه دائما هيج خلصها من وكاحة ابوك وثانيا هو بس ابني

اليه مو ابنك هم

ايسر ... يابه ابني هم شبيج راح تموتيني

يلا تعاي

نغم ... جبت الماعين واحتفلنه وضحك وسوالف لنص اليل يلا راحو واحنا كل واحد بيه طش لغرفته

اديان ... بليوم الي كمشو سمر مرت جهاد

الخرب حياة اخويه ومرته لليوم واني افكر

بهذا الضابط صديق ايسر يخبل يمه فدوه

اتصلت بنهاد وكتلها لان نهاد

حيل احبها نغم تكبر مني واستحي هيج احجي وياها يوميه من انام ابقى افكر لمن

اغفه وحدي من احلام المالهن داعي بعدين

اكول خاف عنده حبيبه واني شنو وافكر بي

ثاني يوم عندي دوام وتأخر الخط عليه رحت ل كرم حاجيته حتى يوديني بسياره ايسر

ماقبل كرم كلشي ولا احد يكعد من الصبح

ماما اجت كعدته هم مافاد

كعدت ايسر كوه كام نزلت نغم رايحه قبلي

لدوام لان اني وياها مو نفس الكليه طلع

ايسر عجوزي اكثر من كرم ردت ابجي وهو

لسه يبدل طلع السياره

مشينه شوي بلفرع وانصددددمت صدمة عمري

من الي شفته ....

كعدت ايسر كوه كام نزلت نغم رايحه قبلي

لدوام لان اني وياها مو نفس الكليه طلع

ايسر عجوزي اكثر من كرم ردت ابجي وهو

لسه يبدل طلع السياره

مشينه شوي بلفرع وانصددددمت صدمة عمري

من الي شفته ....

شفت الضابط حسام جاي بتجاهنه اني كوه لازمه ابتسامتي اخاف ايسر يشك انوب وكفها

السياره ونزل سلم عليه

ايسر ... ها ولك ليوم هنا طارديك الجماعه

اديان ... من كال هيج انعصر قلبي كلت اكيد عنده حبيبه ليش هيج حجه ويا ايسر

حسام ... بارتباك لا ماكو شي بس مراقب واحد شلع قلبي شلع من شفته لسه واني اراقب بي

ايسر ... ولك بس لا مجرم كلي منو اعرف كل اهل المنطقه يمكن اكدر اساعدك وانت تعرفني بتحقيق ميفوتني شي

حسام ... لا ايسر هلمره هذا خطر مااكدر اعرضك للخطر من وراي يلا توكل واني اروح ورا

ايسر ... يلا باي وشغلت وطلعت

اديان ... رحت للكليه واني روحي طالعه وبس افكر اكيد هذا عنده شي ويحب وحده

خلصت محاضراتي كوه وطلعت انتضر ايسر

هم يجيني

رحت كعدت بلحدايق انتضره وجنت مدنكه اتصفح بتلفوني وسمعت صوت ويكول ممكن

اكعد لو المكان محجوز

رفعت راسي شفته حسام فتحت عيوني من الصدمه

حسام ... ليش تخزرين هيج اذا مجحوز اروح

اديان ... لا تفضل مامحجوز قابل المن ينحجز

حسام ... اي واخيرا كدرت الزم المجرم

الجنت مراقبه من الصبح وحارم روحي من النوم

اديان ... صدك منوه طلع وشنو جريمتة خو ما اذه العالم

حسام ... هو كاعد كبالي جريمتة جرم بقلبي اكو اكبر من هيج جريمه واذاني حيل

اكثر من غيري

اديان ... فرحت وانصدمت بس مااطيته مجال كتله انت شتحجي شنو تجاوز وياي هيج وعفته وكمت

حسام ... تعاي اديان مامجاوز اني اجيت احجي وياج ع موضوع واروح اسمعيني للاخير اريد انقدملج توافقين

اديان ... اذا تريد تحطب ونيتك صافيه ماكو داعي لهل كلام وجاي تجاوز بكيفك

بلكلام وتتغزل عندي ام واخوان ثنين وتندل

البيت وتفضل لهناك اذا صدك يلا باي

عفته واكف مصدوم ورحت خابرت ايسر اجه اخذني بسرعه رجعت للبيت نغم هم اجت سلمت عليهم ورحت نمت للعصر اجتني نغم تركض تكلي ولج تعاي اجونه خطابه الج

اكعدي عابت اكو وحده يخطبوها ونايمه لليل

اديان ... ولي نغم مو وقت شقاج ميته تعب خليتي انام ماقبلت سلحتني من الفراش وكومتني

وماقبلت تكول منو بدلت ورحت عاطت بيه نغم اله اخذ الضيافه وياي واروح طبيت جانو اكو مره جبيره وياها بنيه اكبر من نغم سمعت عليهن

كالت اني ام الضابط حسام صديق ايسر وهاي اخته اجيت اطلع ايد اديان لابني حسام

اديان ... فتحت عيوني حيل وكلت عزا مجان يشاقه وصدك دز امه ماما اشرتلي اطلع

كالت لمن يجي اخوها نحجي ويا ونشوفه طلعت نغم تركص هي وبطنها شكبرها

من اجه ايسر اني شردت ماما كلتله هو

وكرم كرم صنفني تصنف وايسر يعيط عليه

ايسر ... اديان حبيبتي الولد ذهب لو مااعرفه ماحجي وياج شنو رائيج واذا ع

دراستج متبطلين واذا انتي متردي بكيفج

محد يجبرج

اديان ... كوه حجيت وكلت موافقه وشردت

اجتني نغم فحطانه ضحك كالت خابر لايسر وراج وكله ها موافقه من دز امه رايح محاجي ايسر هم بس ايسر نصب عليه وكله مالك مره يمه

اني انخبلت وكتلها نغم امشي حاجي كليله وافقت خطيه ليروح ينهبط مو كتله قبلت

نغم ... طكيتها ضحكه وكتلها ولج يمه متت طلع عاجبج الضابط هسه اروح لايسر

اكله هسه خل يجي يعقد اديان متتحمل بعد

اديان ... انجبي نغم والله ازعل منج لتنصبين عليه

حددو القعد بعد اسبوع وعقدنه وكلها التمت

وصارت ضحك وسوالف ونغم كلساع تضوجني

بحجيها كتلها ان شاء الله اطلكين هسه اذا

ضوجتيني بعد بكلامج

لليل صاحولي اكعد يمه بلاستقبال ستوني طبيت وسمعت صوت صرخه طلعنه نركض اني ويا لكينه نغم بلمطبخ تصيح

نغم ... راح اجيب الحكوني يمه ايسررر وينننننك

ايسر ... نزل من فوك طاير واخر 3 درجات طفرهن وصل للمطبخ منثول كلنا

احتارينه بنغم ماما تكللها امشي حتى تكدرين

تجيبن بسهوله

نغم ... ماكدر اتحرك راح اموووووت ايسرررررر ويييينك وييننن صررت كله

من وررراك

اديان ... حسام طلع يركض ورا ايسر يجيبون السياره واني اسكت بيها والم الملابس ماما خابرت ع اهلها رحت ويا

حسام جبت ملابس الطفل

نغم ... كمت اصرخ من الالم ايسر طاير

وصيح ولج اسكتي فضحتينه واني ماكدر اسكت من الالم بس اعيط وهو يصيح اسكتي

لزمت ايده عظيتها حيل كمز من مكانه كتله من وراك وهسه تسكت بيه ماما زمن مخليتني بحضنها وميته من الضحك وصلنه راح جابلي كرسي متحرك واني بعدني اصيح

ودوني لصالة ماكدرت اجيب طبيعي وقع ع عملية دخلت عمليات

اديان ... وصلنه وراهم ودوها للعميات نغم وشوي وطلعو جابت ولد اطته الممرضه لايسر

شفت الفرحة بعيونها وامي هلهلت

ايسر ... من شفت ابني بيدي دمعت عيوني من الفرحه اول مره هيج فرحت من بعد وفاة ابويه الله يرحمه بوسته واني شايله اجو اهل نغم امها وابوها واحمد وهي كبل طلعوها من العمليات

اجاني احمد كتله شوف ابني اني واختك

يابه غير يخبل طالع يشبه اختك بس خشمه عليه

احمد ... انجب ادبسزز اطنيا يلا ولي من خلقتي اخذت الطفل من عدنه وهو يضحك

ونوب يحجي كبال حسام يكلي هذا ابنه اني واختك

حسام صار خطيب نغم اخته وهو هم صديقنه حيل مو فشله كدامه بس هذا

هيلك من يشوفني يتخبل بوسته الطفل

وانطينه لامي ورحنه نكمل اجراءات الطفل

اديان ... نغم صحت من البنج ورحنه نشوفها تهلوس وتصيح وين راحت بطني جانت اكبر كله من ورا هذا ايسر ابو اذان

اني مااريد لا تعاي نسوي طفل وجر،،،

ماتحمل سديت حلكها فضحتنه نغم بس كلت

اله اسجلها

فتحت تلفوني سجلتها واني خربانه ضحك كلساع وكالت من ورا اني اعلمه

نغم ... كعدت متكسره وميته من الالم بطني حيل توجعني شفت اهلي كلهم يمي

بس ايسر ماكو تحمدولي ع سلامتي شوي

واجه ايسر

شايل الطفل بيده وكال مبروك علينا يروحي

دمعت عيوني ردت اكوم اتاذيت اجه خله المخده وراي وخلاه بحضني كتله سميته

كلي لا منتضرج انتي تسمي

هذا غيث كال ايسر اني هم احب هذا الاسم

اجه حسام تحمدلي ع سلامتي اعتذرت منه

كتله بعدكم اول يوم واني نكددت عليكم

حسام ... لا عادي ام غيث اهم شي سلامتج اديان وراح تجي يمي واشبع منها

ماطايره

ايسر ... انجب حسام لتصير خفيف

احمد ... اي والله اخذلي ثاري منه ابتليت

اطيته اختي ذلني ذل

حسام ... غمز لاحمد وكال صدك جذب حمود شعندي غيرها اديان تعاي حبي تعاي

خل نطلع بره بلحديقه خل ام غيث ترتاح

ايسر ... مو اجي اسحلك سحل هسه واطرك بجلاليق بعدنه بلبدايه لتخليني هذا

العار يجذب عليك جان ميخليني اشوف نغم

بس بلبوكات جني حرامي كاطع عني المي والكهرباء

نغم ... متنه ضحك عليهم اني وماما واديان ثاني يوم صرت زينه طلعت للبيت

وماما زمن حيل فرحانه بينه وكل شويه وبجت

سوينه عزيمه جبيره ايسر عزم بيها الكل

خواله وعمامه واهلي اجو ونهاد ورفل

اجن نهاد جابت بنيه كلش حلوه تشبه احمد

اديان ... حددنه موعد عرسنه اني وحسام

وثنينه طايرين من الفرحه ونريد بس يجي يوم العرس يتصل بيه بليل وسوالف وضحك

اجه يوم العرس وحيل مشغولين نهاد راحت وياي لصالون وهي عدها ويا حسام ميانه تكول هذا رجل اختي الثاني وهو هم يتعارك

وياها حيل حبابه نهاد اني ماعندي اخوات

بس من شفت وكفتهن هي ونغم ورفل فرحت لان اني عندي اخوات هواي ماقصرن ذبن لحم بلعرس وكلهن عايفات جهالهن يم ابوهن

احمد جاب بنته وراح بيتنه هو وايسر وكرم

مخلين الجهال ويسوون ممات ويكولوهم ويغيرون ملابسهم بس طيحو حظ نغم ورفل

بلاتصالات اخر شي كامن ميردن يطن التلفونات لامهاتهن وزرلوهم خلصت الحنه

ورحعنه لبيت ايسر اجه يمي كال حيل حلوه

طالعه وضلو يوصون بيه

وكالو محد يأذيج واحنا هنا يضهرج بوستهم

وكمت ابجي

كرم ... اديان تعاي يوميه نضفي غرفتي وروحي وارجع اوسخها كدامج

اديان ... ولي عني لا اموتك غرفتك اكثر غرفه اتعقد منها نغم ابد لتنضفين غرفته تشبعين قهر من وراها متتنظف

كرم ... بعتي اخوج ولج مو ستوني كلت اظيح حضه لضابط اذا حجه وياج هيح بعتيني بشربة مي

ايسر ... انت مو مكسر نظفها وحدك انوب انت تساعد نغم بشغل البيت لان اديان وراح تزوج وامي دايره بالها ع غيوثي انت عليك التنظيف ونغم عليها الطبخ

كرم ... هي هاي البقيت وابدل تراكي واخذ دشداشه وشال من نغم واكعد اكنس بلبيت

متنه ضحك ع كرم اكثر واحد يحشش بلبيت

نغم ... لا لا حساك كرومي مااخليك تلبس دشداشه عادي نظف بتراكك وبعدين غسله ويا الملابس اذا اكو بلحمام

كرم ... ليش هيج ام غيث ردتج تساعديني تضحكيهم عليه ماتوقعتها منج عود جنت مفكر ازوج واجيبلج مرت حما تساعدج بس طلعتي متستاهلين اله مااجيبها

هو اني بطلت اصلا من شفت ايسر ميعرف شيكول من طلعتي حامل يكول اني حامل غسلت ايدي يجوز اني تخليني اطلگ بمكانها

اخوي الجبير وزلمه المعدل سويتي حامل اني

لا كله توم تربيعي تشوفون مني

اديان ... كرم يسولف واني مدمعين من الضحك جانت نهاد بايته يمنه نمت اني

وياها بلغرفه اتصل حسام يتغزل ويضحك

وهاي تصيح شلون بله منام ونوب اخذت التلفون مني تكلي خلي يشتاقلج مو من

كلج الو ماعت روحج اخذت تلفوني خلته

جوه مخدتها ونامت بقيت اتكلب صار الصبح

كوه كمت بدفرات من وراها رحت لصالون ع الزفه وتريبات وراها طلعنه تصوير واخواني وصو عليه

ماما ونغم كامن يبجن كمت رحنه للفندق وبدت حياتي الثانيه ويا حسام حبيبي من النظره الاولى

نغم ... خلصت حفلة اديان وراحت البيت فرغ اني وياها بكلشي متشاركين حيل الها

وحشه نظفت البيت اني وماما زمن ايسر

هم ضايج اخذ غيوثي وصعد للغرفه كملت تنظيف

ورحت ورا لكيت غيوثي منيمه ع صدره وهو يلعب بتلفونه مبين عليه حيل ضايج رحت يمه وخرت غيوثي خليته بفراشه ورحت جريت ايده ونمت ع صدره

ايسر ... ها حبيبي كملتي شغلج

نغم ... اي حبيبي شبيك ضايج

ايسر ... لا حبي مضايج تعاي لج ليوم شطالعه بختج بغيوثي ليوم بهذلني وماحاسبتج

نغم ... ههههههههه شبيك حياتي هسه اذكرت هي حفلة وبس بنات محد شافني وانت تعرف اذا اجه احد اروح ابدل

ايسر ... لا هم عوزج تبقين حتى ادفنج انتي وهاي اديج وصدرج ورجليه مشلحته تشلتح

هو هذا هم فستان مال بنات وانتي لابسته

نغم ... بدلع حبيبي شبيك لتضوجني خلصت وراحت الحفله وانت تحجي بيها

ايسر ... خرب بيج شهل صوت شو تعاي اليوم اعاقبج ع طريقتي التحبيها بلكي يجي

اخو لغيوثي خطيه كبر ويريدله اخو ويا

نغم ... فلتت ردت اطلع كام اخذ غيوثي يم امه مدري شقشمرها واجاني اتفشلت من ورا ميخلي غيوثي يمه خاف يبجي ويزعجه

وجرني لجربايه واحلى ليله صارت بيها خبال وعنادتي

نغم ... ايسرر احبك اموت بيك

ايسر ... اعشگج يبعد روحه لايسر

نغم ... جرني بحضنه ونمنه كعدت ع صوت غيوثي يبجي الصبح جايبه وطالع

لدوامه كمت شلته وسويتله ممه وشربها

كام يكبر شوي شوي حبيب امه صاير يخبل ويشبه ايسر كلش

نزلت ويا عمتي نظفت البيت وروتين عادي

صار ع زواج اديان سبوعين ماما زمن كالت اريد اعزمهم همه واهلي كالت لايسر وكرم وافقو خابرناهم واجو كلهم كمنه نشتغل

اجت نهاد وياي من وكت وماما كالت احمد ومرته وبابا يجون بعدين ضلن يطبخن واني شلع قلبي غيث ميسكت يم احد حتى يم ابو

شايلته وافتر بي موتني اجت اديان هي وحسام عزمنه اخله بس كالو منكدر بس همه اجو

واشتغل الضحك والشقه والضرب مالتهم احمد

يكول لحسام اي حسام مرتك اختمن

حسام يكول اخذت اخت ايسر صاكه ويخلون ايسر يكوملهم يطيهم المقسوم احمد يكله حتى تحس بيه من جنت هيج تحجي وياي

ايسر ... اي احمد صيحلي اختك خل تجيبلي ابني شتاقتلهم لو لا انت اكعد خل اروح اني اخذ تصبيره قبل الاكل واجيكم

احمد ... زباله مو بيدك بس مو صوجك صوت حسام الفاهي لسه ماردت ولا بردلي

قلبي بيك

حسام ... اني شعليييييه لتخلوني اخذ مرتي واهج من وراكم هسه

نغم ... اني ميته ضحك ع ايسر واحمد ابد ميبطل هاي من يكوله اخذت اختك

صبينه الاكل وكعدنه ناكل

ايسر صفن شوي وكله ولك احمد بنتك حلوه قررت اخذها لابني

احمد ... انجب بله طاحضك وحظ ابنك اني سويتها مره اطيتك اختي وتندمت تريد بعد اطيك بنتي لابنك لو تموت

احمد ... لا نغمه رجلج توبني لعب روحي من كل النسابه

ايسر ... اي احجزها من هسه هاي لابني

احمد ... هو انت كوه تحملتك انوب اطيت بنتي

نغم ... ها احمد حتى اليه متطنياها ليش ليش

احمد ... حبيبتي نغمه الج عادي بس هذا ابو اذان ماارتاحله عذريني اني وياج اخوه ميخربنه الشيطان ويأشر ع ايسر

ايسر ... اي لان اخذت اختك وخلفت منها تسميني شيطان ديلا لو مااني ضلت معنسه ع قلبك

نغم ... ها ايسر مو صوجك اني وكفت ضد احمد وخطبت بته وهسه اختلفت عليه

احمد ... مو اكلج عار ميفيد ويا الزينه تعرفت عليه وتورطت

حسام ... وبهل مناسبه حاب افرحكم اكثر واكلكم جهاد حكمو مؤبد وهاي مرته سنه

عنده هواي قضايا عليه وديون الكل اشتكو عليه

ايسر ... بعد بيتي هلا ب ابو النسب هذا الخبر اليخبل هسه راح اكل لمن انتخم

كمنه نضحك ع سوالفهم كلنا متجمعين ع سفره وحده ومتروسه ضحك قبل الاكل

ايسر يتمنى ابو موجود بس هاي ارادة الله اكيد بفضل رضا ع ولده احنا هيج فرحانين

حمدت ربي هيج عندي اب وام واخ واخت ومرت اخ جانت صديقت عمري وحبيبتي

وعوضني ب ايسر الي ماتوقعت بيوم اني راح انسه جهاد وراح احب احد غيره بعد

وعوضني بطفل حلو منه وامه واخو واخته

حيل حبابين وماسمعت منهم حجاية موحلوه

خلصنه اكل راحن نغم واديان غسلن الماعين لان هنه ماشتغلن واني ورفل ودينه الجاي

ومخلين الاطفال يم اهلهم وكل شويه صاح كرم زوجوني راح احرك روحي

يابه بس انتم كلمن مرته يمه وابنه بحضنه كولو اكو سنكل كدامكم استخطوني تكسبون بيه اجر وثثواب ونوب يرحع يكول لا خاف تثولني مثل هذولاك العالم من كامو يصيحون احنا الحامل مو نسوانهم

وايسر يخزر بي عود هو ميكول ايسر بس يلمح واحمد وحسام استلمو اي حقه اثول

حقه ميعرف شيكول واحنا ميتات ضحك عليهم شربو جاي وراحو كلمن لبيته طلعو

راح ايسر وراهم دخل السياره وسد الباب

واجه شاف غيوثي اخذته ماما زمن مني

هذا اغلى من عدنه صار تلاعب بي

تهوس وتلعب بي ايسر ذب السويج

وصفن ع امه وكال

ايسر ... اي يوم شو اجه ولي العهد اخذ معزتي ميصير هيج ترى اعوف البيت واهج

زمن ... يا ولك ايسر شكبرك بعد تصير تغار من طفل يلا ولي

ايسر ... روحي نامي لتعبين حبيبتي يلا اطيني هذا الفصعون خل ينام اليوم هواي لعب

نغم ... اخذه وصعد اشرلي صعدت ورا طبيت لكيت مخليه ع قلبه حركته المعتاده

ونايم فرحت بشوفتهم هيج رحت مددت يمهم ابني يمي وزوجي يمي

حس بيه ايسر جرني عليه ونيمني بحضنه وحضنت ابني ونمت ودعيت الله ميفرقني عنهم حتى الموت

النهايه ....

العبره من القصه انو مو كل وحده تحب عن طريق النت هذا الشي مو ناجح اكو هواي بنات ينضحك عليهن حتلو خطبج مو معناها خلص يحبج خلي التعويض من الله هو خلو اليختار النه حياتنا اكيد مراح يختارلنه الخطا حشا من الخطا حبو اختيار الله

وبعدين مو كل شي ينحل بلعصبيه اكو تفاهم بسبب عصبيته لايسر رادت نغم تخسر حياتها

خسرت طفلها مو كلشي ينحل بلصياح اكو تفاهم هواي ناس راحت ضحية للاعصاب وضحيه للتهجم والرعونيه بدون فهم الاسباب ولا فهم السالفه شنو بدايتها وشنو نهايتها

وبعدين من يعرفون السبب الحقيقي وانو

همه ضلمو الشخص المقابل و راح يتندمون

والندم شيفيد بعد وكع الفاس براس

القصه بقلمي

الكاتبه ( زهہ‏‏و آلگرديـﮯ 💞)