تحميل رواية «تحت مسمى الحب» PDF

سَلَبَ النومَ خيَالٌ مَرَّ بي

‏في فؤادِي لحبيبٍ غائبِ

‏فاستَثارَ الطَّيفُ قلبًا مُثقَلاً

‏أضرمَ الحُبَّ فأهوىٰ جَانِبي

‏يا خَلِيلَ الروحِ هلاّ زُرتَنَا

‏في شروقِ الشمسِ أو في المغربِ

‏أَو فزُرني في مَنَامِي علَّنا

‏نلتقي لو في زوايا الحُجُبِ

باوعت من الشباك وفتحت عيوني بصدمه مااصدك الشفته ...

شفت احمد  اخوي كامش جهاد من ياخته وزانگه ويتعارك ويا

ماسمع حجيهم بس شفت احمد ضرب جهاد بوكس ورجع جهاد

ضرب احمد بطنه ضليت مصدمه هاي ليش هيج بينهم يتعاركون

وكدام العالم وشصاير وصللهم لهل حاله ردت اطلع الهم حتى

افاككهم فتحت الباب اجو يركضون كدامي ولد عمه لجهاد

راحو عليهم وخروهم بعد ماتعاركو عركه جبيره وهمزين جانو

بره واكفين وشافوهم وطلعو الهم ركض والخطار جانو بلمضيف

بعيد عن البيت بهواي يعني الصوت مينسمع وخرو عن بعض

وهمه واحد يتحلف على الثاني كلت هاي ليش احمد ضرب جهاد

شسوه جهاد اجن البنات وشالن ماعين الغده وقسم يغسلن بيهن

وقسم يسوون جاي وقسم تنظف المطبخ كملنه ورحنه اني

وافنان طلعنه بره بلبستان نفتر ونسولف واجت يمنه نهاد هم

سوالفنه بس بالي مشغول ليش جهاد واحمد اتعاركو

•••••••••••••••••••••••

احمد ... اجينه لبيت ابو علاء بس علمود ابوهم لان مريض وطلع

من المستشفى لان خوش رجال وحباب مع الاسف جهاد ابنه

اول يوم من ابو اتمرض ورحنالهم اني وابويه بليل شفت جهاد

واكف كبال غرفه ابو اجيت يمه بدون ميدري وصلت قريب عليه

سمعته يحجي بصوت ناصي ويكول كله من وراي يابه كوم

بسلامه واني راح ابطل حتى زواج ما ازوج كله من ورا هاي

الفگر  من اجتنه لليوم احنا مارتاحينه لو ادري ماخطبتها

يابه بس كوم بسلامه وراح اطلكها اعرف من وراها الصار بيك

احمد ... سمعته هيج يحجي على نغم تخبلت نغم شعليها ابو

انجلط اختي شلها علاقه بلموضوع كبيت نار متت ردت اسحله

بلمستشفى بس اخو علاء اجه وكلت من ورا صدمة ابو ميعرف

شيحجي عفته وطلعت بره المستشفى هو اني منا ماطايقه

ونوب هيج يحجي على اختي واني اطر اسكت لان ماكدر احجي

شي ويا واسويلي عركه ويا واحنا بمكان عام طلعت موبايلي

واتصلت على ايسر حتى اعرف شصار وشعرف رد عليه

ايسر ... هلاوو حبيبتي شلونج مشتاقلج موووت

احمد ... انجب ولك شنو حبيبتك متستحي شهل مياعه العندك

ايسر ... حياتو غير انتي صاكه واتغزل بيج شطالعه ليوم تخبلين

احمد ... ولك انجب وين شفتني اليوم وطالع اخبل طاحضك

ايسر نسيت شريد احجي وياك كبر لهل لسان اخذني حاصل فاصل ونسيت عليمن جاي

ايسر ... حقج حياتي غير اني اموت من تسمعين صوتي تنسين

حتى اسمج مو بس الموضوع لترتبكين واحجي على كيفج

احمد ... انجب ولك شنو حبيبتك اني احجي عدل يلا اذكرت عليمن اجيت اسألك

ايسر ... احم تفضل ابو شهاب العلم كل حواسي متوجها لتسمع موضوعك الخايس يوميه جايني بسالفه صفح

احمد ... خاب انجب واسمع شعرفت عن جهاد الكتلك عليه

ايسر ... يخوي هذا زباله وسمعته طين اهم شي عنده هو ماشي

بطريق الحرام ويتواعد ويا بنات هواي وبشقق ياخذهن ويسوي

حرام وياهن وحتى كرايبه هم ياخذهن ويسوي وياهن حرام

وعنده تهمه قبل سنه طلعه ابو لان انسجن بسبب تهمه واحد

اشتكه عليه لان شافه هو واخته بشقه

وضربه وبعدين سجنه بس بسبب معارف ابو طلع منها بخير

احمد ... ماعرف وين اطم روحي بهل عار هذا البتليت بي اختي

راح تاخذ واحد ماشي بطريق الحرام ويتواعد ويا بنات هواي

لا وفوكاها جان بسجن بس راح اسوي كلشي اكدر عليه حتى اخرب

الزواج واخلي اختي تصحه على نفسها وتتراجع عن اختيارها

كتله حبيبي يسور اريد منك تعرفلي شوكت يتواعد ويا بنات

وياخذهن لشقق واذا شفته كبل تتصل بيه بدون تردد تمام

ايسر ... بس اريد اعرف شنو علاقتك بي ولك راح اتخبل هذا

زباله وسمعته زفت انت منين تعرفه متحجي تضم عليه لك عار

احمد ... اني وايسر اكثر من اخوه ومحد يضم على الثاني شي

بس ماتوصل اجيب طاري اخواتي واحجي بيهن كدامه حتى لو

علاقتنه فاقت الحدود يبقى غريب وتغيره الدنيا بس حيل أأمن

بي بس اكو مواضيع ماحجيهن اله كتله

هسه انت بس اعرفلي وخلص بعدين تعرف

ايسرر ... بعدين وبعدين وانت كلشي ماكو ميطلع منك حرف

ولك حمود بس لا هذا مهددك وروح ابوي اسحله سحل جوه

رجليك وتدوس بطنه اذا صدك انعلك ولديه بس كلي مهددك

احمد ... ولك لا شمهدد وادري بيك متقصر ابو غيث الورد رحم الله ابوك على هل تربيه ياغالي

ايسر ... اكل نعل كافي تمسلت بديت اصدك روحي اني خوش ادمي يلا ولي

خل اروح اراسل مرتي

احمد ... دنجب لو عندك مره صدك جان ماصارلك ساعه تلغي

وياي افرغ من الهوه بس اخذ منك همبله يلا ولي بعدين اشوفك

ايسر ... عابتلك خليني عايش بحلامي الورديه اله تخربها عليه يلا انقلع زعجتني وكعدتني من نومتي العزيزه جنك مره حامل

وتتنسى كل شويه جايني بسالفه وتعال ايسر ضل كاعد ويا مرتك النفسه وسولفلها على العالم

احمد ... الله يطيح حضك على هذا التشبيه الزفت مثلك ولي

كملت اتصال ويا ايسر الغير نفسيتي كلها احسه من صدك هذا

اخوي الماجابته امي ورحت طبيت يمهم بلمستشفى  كعدت

انتظر ابوي علما يخلص منهم ونرجع للبيت شويه واجاني

كلي يلا حمودي خل نرجع بس ميحتاجونه ورجعت للبيت

نغم من النخطبت لليوم اني ماحجي وياها بس محبتها بكلبي

جبيره اختي هاي ماطي بيها بس هيج اعلمها درس لان اعرف

العالم والشباب اكثر منها اجينه هاي لاكتنه بلباب بعدهي كاعده

سألت على ابو علاء ابوي جاوبها واني كبل صعدت هي انقهرت

كلمره تحاول تتقرب مني حتى احجي وياها بس اني اصدها

رجعت للغرفه وثاني يوم كعدت كلي ابوي ابو علاء صار احسن

لان لحكو عليه وهسه راح يطلعو ومسوين عزيمه بلبيت على

مناسبه شفاءه وعازمينه رحت سبحت وبدلت بسرعه وطلعنه

وصلنه الهم لاكانه بس علاء العينتين ماهو مطمور بعده سلمنه

عليه ورحنه طبينه سلمنه على ابو علاء وتحمدناله بسلامه

وكعدنه والبنات وامي طبن جوه يم النسوان شويه واجه جهاد

افندي سلم والله جابه يمي كعد اشوف تلفونه يتصل كل شويه

ويرفضه ضجت من يمي باوعت اريد اشوف منو شفتها هاي نغم

مسجل عليها المره تتصل من موبايل امي حقدت عليه اكثر

انوب يعني هم خاين وهم ميحجي وياها وهاملها صار

وقت الغده وراح هو وعلاء يجيبون الاكل خلصو اتغدينه

شفت جهاد كام بسرعه من الاكل كمت ورا مادري ليش صرت

فضولي ورحت ورا لكيته يحجي بل تلفون ونوب سده وكال

جهاد ... هو انتي لو بيج خير وعندج كرامه متتصلين كل شوي

احمد ... سمعته هيج حجه لو مدري شطك براسي من القهر

لزمته من ياخته وزنكته عليه وكمت اتعارك ويا وطلعو ولد عمه

من المضيف اجو يركضون علينا فاككونه وخرونه اني بسرعه

طلعت من لببيت روحي طكت منه ضليت بره منا لمن خابرت

على ابوي حتى نطلع كتله صارتلي شغله مهمه اريد اطلع

•••••••••••••••••••••••

نغم ... طلعنه احمد خابر على بابا وكال عنده شغله واطرينه

نطلع بسرعه ماتاخزنه يمهم صعدنه بسياره وكلت خل اتصل

بي هو طلع ويانه للباب اتصل تفاجاه من لكيته يسمعه ويغلس

واخر شي طلعه من جيبه شافني اني الاتصل تغير لونه ورفضه

اتخبلت شنو يشوفه ويرفض باوعتله بنضره مال حقد وطلعنه

بسياره بطريق ابوي تعب ماكدر يسوق وكف بطريق احمد

ساق بمكانه بس حسينه بابا مو طبيعيه حالته وتعب فجاه

وصلنه للبيت واحمد طلع وابوي راح للغرفه لليل ابويه هم تعب

واتصلنه ب احمد اجه اخذه للمستشفى هو وماما واتاخرو يلا

رجعو كالو خفقان عنده وثاني يوم اخذو احمد وماما لدكتور

اخصائي وكالو قلبه تعبان لازم ميضغط على نفسه ولا يتعب

زياده عفنا مرتاح واطنيا ادوية وراح نام طلعت من الغرفه

رحت لغرفتنه واني ابجي على وضع بابا شجا ليش هيج قلبه تعب

وكملت واجباتي ورحت نمت

•••••••••••••••••

احمد ... ابوي وضعه حيل ماعجبني وليش فجاه تعب كلش

وماكدر يسوق وديته لدكتور كلي قلبه تعبان خفت حيل عليه

وكلت يحتاج راحه ما لازم يتعب هواي فهمت نهاد على علاجه

ورحت للغرفه سمعت نغم تبجي نقهرت حيل عليها وكلت ما

اخليها تبجي بعد من ورا لهنا وكافي اني اعلمك جهاد اله اندمك

على كل دموع اختي بسيطه رحت للغرفه واتصلت على ايسر رد

ايسر ... ها مريتي ماجبتي بشري

احمد ...  ولك انجب ايسر سمعت خبر جديد عن هذا العار

ايسر ... لا والله حبيبتي بعدني ماسمعت من اسمع اتصل عليج فورا لتقلقين

احمد ... انجب ايسر واحجي عدل لا تتهيلك يلا ولي خل انام لا خلفة الله عليك

ايسر ... ولي ولي يلا

احمد ... سديته منه ورحت نمت من الصبح لسه ماكعدت متت

تعب كعدت على صوت التلفون وهي يتصل احترك حرك حتى

اشعارات من البرنامج هم فتحت عيوني وجريته بدون مااشوف منوو فتحت خط وكلت الوو

ايسر ... ولك احمد هذا العار وصلني خبر عليه اخذ بنيه وطلع

ماخذها لشقه ب -----  بلفرع الثاني

احمد ... اي جهودي احلى خبر اسمعه من الصبح اجيت والله جابك سديته من جهاد بسرعه وطفرت من الفراش ورحت ركض

لغرفه نغم .....

ليت المحبة للعشاق ما خلقت

‏أو ليتني حين ذاقوا الحب لم أذق

‏هذا الفراق وهذا الهجر يتبعه

‏ياقلب صبرا على موتين في نسق

‏أقول للنفس والأشواق تغلبها

‏كيف التخلص بين الوعر والزلق

‏يا عين أنت سرحت الطرف فانهملي

‏ياقلب أنت أجلت الفكر فاحترق

طفرت من الفراش ورحت ركض لغرفه نغم ...

دكيت الباب كوه يلا فتحتها وطلعت

فتحت عيونها لان شافتني

ماصدكت اني اجيت احجي وياها كبل

كتلها بدلي الج 10 دقايق الكاج جاهزه

بدون مانتضرتها ترد رحت ركض وكتلها

عشر دقايق يلا نغم بسرعه رحت للغرفه

بدلت ركض ونزلت غسلت وجهي

وانتضرتها علما تنزل

•••••••••••••••••••••••

نغم ... ليل كله اني مانمت من ورا

البجي من بابا وضعه التعبان

ومنا جهاد الي اتصل بي وميجاوب لو يجاوبني يصيح عليه

ويذب حركته بيه ويروح وحتى افنان

كمت اتصل بيها حتى

اشيكلها وارتاح هسه حتى هي متقبل

تفتح خط عليه وكمت

اندب بحضي وابجي على حضي الزفت

كلشي ولا التحبي

يختلف عليج لو يسمعج حجي يغثج لان

انتي تحسي غير عن

الكل واله مكانه جبيره بقليج وفجاه يتغير عليج كلش كمت

ابجي بحركه لحد ما تعبت وغفيت وكعدت على صوت الباب

رادت تنكسر من الضرب رحت فتحتها واني مصدومه ما اصدك

الاشوفه احمد اجه ودك باب الغرفه عليه لا ونوب يحجي وياي

ويكلي بدلي 10 دقايق ومنتضرج ضليت فاتحه عيوني من

الصدمه ردت اجاوبه عافني وراح لغرفته

ركض مثل المستعجل

اني هم كيفت رحت ركض لميت شعري ولبست ملابسي ركض

ونزلت غسلت وجهي وشويه خليت ميكاب ولفيت الشال بسرعه

ونزلت اركض صفنت على نفسي يمكن

جنت طايره من الفرحه

واخيرا احمد اخوي راح ينسى كلشي

وراح يحجي وياي لو

مسويلي مفاجاه رحت لكيته ينتضرني

جوه كال ل ماما

اريد اخذ نغم شويه وارجع مانطول

هم ماما مثلي بعدهي ما

عرفت وين احنا رايحين بضبط طلع

ركض واني رحت ورا

صعدت بسياره وخابر ماجاب اسم ويحجي حجي مدري شلونه

احمد ... خابرت ايسر كبل كلت الو ها عليها يعني اطلع هسه

تمام بطريق ثواني واجي ماتاخر يلا حبيبي مشكور باي

نغم ...هو يحجي واني صافنه شيقصد بله شغل السياره وطلع

طاير بيها وصل كدام فرع بي عماره وانتضر شويه مانزل كبل

هنا حجيت بعد ماتحملت وكلتله احمد شنو هاي وين موديني

من الصبح اجيت بس بدلي ركض والج دقايق وطلعت ركض

تمشي بيه بسياره وهسه وكفت هنا بهذا المكان شنو وانت عليمن

جبتني لهنا شعندي اني هنا احجي لتبقى ساكت

احمد ... شوفي نغم اريدج ترحين لهذيج العماره ادكين

الباب واذا طلعتلج بنيه طبي وياها للبيت وروحي لغرفه النوم

واذا طلعلج رجال هم طبي للبيت وروحي لغرفه النوم وانت راح

تعرفين جواب سؤالج يلا كومي هسه نزلي وروحي اني هنا

يمج اذا احد اذاج بس صيحي واني راح اجيج ركض

نغم ... شنو واني شعليه ب العالم احمد انت تكلي روحي

دكي الباب على العالم وشوفيهم شيسوون شتحجي انت

احمد ... نغم هذوله مو اي عالم هذوله انت تعرفيهم وتعرفيهم

كلش زين كومي روحي بسرعه شلعتي كلبي راح تعرفين كلشي بعد دقايق

نغم ... نزلت بدون ماحجي بس حسيت شي يمعني ماريد

اروح جوه احس راح تصير كارثه جبيره طردت الافكار من راسي

ورحت دكيت الباب على كيفي وبعدين

حيل دكيتها كسرتها

سمعت صوت بنيه كالت جايه عيوني

كسرتو الباب شكو

فتحت الباب اني فتحت عيوني من

الصدمه سمرررررر  هي هم

وجها صار يطي الوان وفتحت عيونها

شفت لبسها لأبسه دشداشه

لركبه ومخصره على جسمها وكلها دلعات وصدرها كله طالع

بدون مااحس على نفسي دفعتها وطبيت اركض للغرفه مثل ما

كلي احمد سويت طبيت ليجوه وشفت كبالي بس غرفه وحده

ركضت الها وشفته نايم بلفراش ونازع قميصه ومتغطي لنص

بس شافني طفر من الفراش وصااح نغم شجابج هنا وشلون

عرفتي اني هنا اني فقدت من الالم البكلبي فقدت السيطره

على كلشي وراح تركيزي كله عليهم وصحت ب اعلى صوتي

نغم ... ولك حقيرررررر الله يااخذذذذك اللله يموووتك

ولككك هاي جزاتي وياااااك يا عارررر تلعببب بكلبي لا ويامن

ويا هااي الساقطططططه الادبسزززز ولللللك جذبت عللللليه

وضحيتتت بدراستي ودست كلام اخووووي وقبللللت بيك

وحتتتتى ضحييت ب اهلللي بس علموودك وبعدين هيييج

متتتحمل تررروح تناااام ويا شرررفك شكلت لعمك شراح

تكوول لولده انت نايم ويا عرررررضك خلصن البنات ورحت

ل سمررر وانت مزووج وماباقي اسبووووع على زوااجنه مااا

تحملتتتتت وكمت اكسسسر بلغرفه وشلكي كدامي اشمررره

علييهم سمر كالت ادبسززز شعليج انتي

هذا رجلي من زمان

انتي اجيتي اخذتي مني انتي حرمتيني

منه وهسه جايه بكل عين صلفه تحجين عليننا وتتهمينه

نغم ... ولج ادبسزز منين اجه رجلج

اني ويا مخطوبين وهاي

حلقتي وللللك احجي يا عار ليش رحت

لهاي الساقطه

ولو هو الساقط مياخذه اله وحده ساقطه مثله

جهاد ... لج احترمي نفسججج لا اكسررلج راسجج وادوسجج

بلقندرررره منو اني العار صار ساعه تحجين واني ساكتلج بت الكلب انعل ابووج لا ابوو اخوجج

نغم ... تقدم عليه واني اصيح وافرفح ماحسيت اله كمشتي

من ركبتي ودفعني على الحايط وراد يخنكني وهذيج العار

تكله حيل موتها هي سبب بتفرقتنه متستاهل تعيش واني صحت

ب اعلى صوتي وحسيت صوتي اختفه وعيوني ماشوف بيهن

من الدموع الجمعت بيهن والهوه اختفه وماكدرت اجر النفس

وفجاه ايد جهاد توخرت من ركبتي ونشمر بلگاع واجا بوكس على رجها

اني وكعت بلكاع واجر الهوه وابجي بصوت عالي توضحت

الصوره كدامي وشفته هذا حبيبي وروحي وسندي احمد

شفته كامشش ويضرب بي خلا دمايه

وهذيج الكلبه توخر بي وتصيح عليه

سمر ... الله ياخذك حقير الله يكسر

اديك لان مديتها على

حبيبي وهو يصيح حبيبج مو اليوم اعلمه

ابن الكلب شيسوي

اله ازوعه حليب امه الشربه هل الكلب لك انت تغلط على

اختي وتكللها بت الكلب وانعل ابوج واخوج ولزمه بوكسيات

وضرب على وجها وخله خشمه يطك دم وحلكه ونوب كمت

بسرعه وجرييت احمد عنه هذا الحقير الخدعني كل هاي الاشهر

وجان يخوني ويا هاي الكلبه لو ويا غيرها ماانقهر  هلكد بس هاي

اذكرت من كلي احمد راح تتندمين وراح

يجي يوم تكولين صح كلامك

واني مالتزمت بي وراح تجين تترجيني

حتى اسامحج بس اني

مااسامحج هسه اجه هذا اليوم واحمد

اكيد مراح يسامحني

كمت ابجي أعيط ب اعلى صوتي واضرب بجهاد وابجي

انهاريت متت كتله من وراك خليتني اغير حلمي وخدعتني

بشكم كلمه ونوب كتلي ماكو دراسه واني وافقت لان احبك

واخر شي خربت علاقتي اني واحمد

وخليتني اعانده واحقد

عليه من وراك ومن ورا حقارتتتتك يا

عارررر اكررهككككك

الله ياااخذذذذذك ويخلصننني منككك نزعت الحلقه وشمرتها عليه وكمت ادفر بي واضرب

بي وابجي واصيح لحد ماا وكعت وماحسيت على شي رحت بغير عالم

احمد ... شفت نغم فقدت كدامي وتحجي ويا واني صافن

هذا كله مسوي بيها وهي ماحجت ويريد يبطلها من دراستها

وهي حلمها تكمل وتصير محاميه بس هذا الحقير ضحك عليها

بشكم كلمه حلوه خلاها تعوف دراستها

علموده وعلمود مصلحته

وهو الي جان يحجي عليها ويخري بعلاقتنه اني وياها سوه

وتغيرت عليه ماحسيتها نغم الاوليه الطفله الجانت من تخاف

تجيني تركض لو من احد يضوجها تجي

تكلي عليه واني

اروح اكتله هاي نغم هسه تغيرت من

ورا هذا الحقير شفتها

فقدت وهي تصرخ وتضرب بي وتحجي

لحد ما فقدت وكعت

بلكاع رحت اضرب بيها ردت ماكو ماتحركت اني تخبلت

شلتها ورحت ركض لسياره خليتها ورا وهذا كله هي مافتحت

عيونها خلتني اجن كلت اذا ماتت مراح اسامح روحي وراح

اكتل جهاد خلاص اني اصيح واسوق وهي مترد بعدني

بطريق موبايلي دك فتحت خط بدون مااشوف منو طلع ايسر

ايسر ... ها مريتي شلونج ها شصار ماصار بعدج تتنسين ع هذا

احمد ... ايسر الحكلي اختي راح تموت لا يمكن ماتت بعد مالحك

عليها رايح للمستشفى ماعرف شسوي ايسر ولك يمكن ماتت من وراي اني السبب بموتها

ايسر ... كول يالله يمعود ليا مستشفى انت رايح اني جايك ثواني

احمد ... كتله على المستشفى وسديته بسرعه ورحت طاير

وصلت لكيته منتضرني بلباب جاي قبلي فتحت الباب مال

السياره بس شفني اجه ركض عليه رحت طلعت نغم وهي على

نومتها ورجليه انتهت بس شلتها نص الطريق وكعت من ايدي

تلاحكها ايسر اخذها مني وراح وداها لدكاتره واني ورا امشي

افرفح من الاعصاب الطريق كله جبتها وهي ماكعدت ولا تحركت

اكيد ماتت اكيد ماتت نغم من وراي اني السبب ادري بيها

متتحمل ليش وديتها لهذا الحقير وخليتها بعيونها تشوف خيانته كعدت بلكاع منهار اجاني

ايسر يهدي بيه ويكلي ... شصار احمد ليش بس انت جايبها

وليش تكول من وراي انت شسويت لاختك هيج منتبهيه

بس شلتها وكعت اديها احجي احمد لتبقى ساكت

احمد ... ايسر كام يهز بيه ويصيح يريدني ارجع احجي

ويا وافهمه شصاير ماكدرت احجي بس كتله ايسر شغله

عائليه سكت بعد ماحجه راح جابلي الدكتور حتى يشوفني

قاسلي الضغط وكال هابط ضغطك شويه

واجه ايسر

جايبلي كيكه وعصير وكلي اكل تماسك

حتى تكدر توكف على رجليك وتوكف يم اختك ومتتركها

احمد ... اطريت اكل بس علمودها صرت شويه احسن

طلع الدكتور كال منو كرايب المريضه نغم عباس كمت اركض ورحت كتله اني دكتور شبيها نغم احجي فدوه

الدكتور ... الحمد الله عدت على خير اختك صاير وياها

انهيار عصبي من صدمه قويه واطيناها مهدءات وهسه

نامت فد ساعه علما يخلص المغذي تكعد وتكدرون تطلعوها وعدها العافيه ان شاء الله

احمد ... الله يعافيك دكتور اجه ايسر يمي كمشني من جتفي

وكال الحمدلله على سلامتها ماكو شي ان شاءلله شويه وتكوم

بخير انت بس صير اقوه علمودها انت رجال ولك ماتخيلتك

هيج ماجذبت من جنت اصيحلك مرتي طلعت صدك احن من مرتي ومايع

احمد ... ايسر مابيه حيلك لتخليني اسحلك هنا امشي ولي عني

الصار وياها مو شويه واني السبب بي الله يموتني ع هذيج الساعه

الكتلها امشي وياي امي رادت تمنعني بس اني صرت مطي

وعاندت اله اخذها وياي وهذه نتيجة عنادي وراسي اليابس

شويه وسمعت موبايل ايسر يتصل طلعه

وكلي ولك احمد هذا ابوك يتصل وين

تلفونك

احمد ...يبووو نسيته بسياره هسه اكيد متصلين بيه

لان تاخرت جاوبهم وكللهم هسه اخابره واشوف

جاوب على ابوي وكله هسه اتصل بي واشوفه وين

رحت جبت موبايلي من السياره لكيت

امي متصله كومه

وابوي هم متصل صار الدنيا الضهر واني

ونغم مارجعنه

والسياره عندي ابوي ميكدر يطلع يدور علينا وين خابرتهم

كلت لامي نغم وديتها يم صديقتها كالت مريضه وهسه رايح

اجيبها لتخافون ماتاخر نغم وياي وطبيت للمستشفى لكيت

ايسر يباوع على الغرفه البيها نغم بس

شافني كام بسرعه

كتله تعبتك وياي اسور كلي انجب اخي

بعدنه نسولف طلع الدكتور من غرفه نغم وكال احمد رجاءا تعال  وياي بسرعه

رحت ركض اله كتله ها دكتور خو مابيها

شي اختي طمني

الدكتور ... الحمد الله هسه احسن صارت بس بعدهي تبجي

ومنهاره اذا تحب تشوف تفضل ادخل بس

اذا شفتها انهارت

وماكدرت تهدئها بسرعه صيحلنه لا تتصرف

اي شي من يمك

احمد ... اووك دكتور شكرا الك تعبتك وياي

الدكتور ... لا شكرا على واجب

احمد ... راح الدكتور واني دخلت يم

نغم وهي تفتح بعيونها

وتسدهن شوي يلا كدرت تشوف طبيعي وركزت

نغم ... من شفت خيانة هذا الحقير

واني ماتحملت كمت

اصيح وابجي لحد ما وكعت وماحسيت

على روحي اله

واني نايمه ومعلكين مغذي بيدي فتحت عيوني وشفت

احمد يمي بسرعه اذكرت كلامه وكمت

ابجي بحركة

احمد ... نغمه حبيبت كلبي ليش هل

دموع تردين

تحركين كلبي بيهن مو حيلي هديتي من وكعتي صرت

مخبل كلت ماتت من وراي مااسامح نفسي

اذا صارلج شي

نغم ... يعني انت مسامحني لان كلت

راح تتندمين وتكولين

ياريت صدك لو سامعه كلامك وتتندمين

واني مااسامحج

احمد ... ضحكت على خبالها وكلت

ولج بابا انتي لو تشوفين

شصار بيه من وكعتي وصار عندج انهيار عصبي من الصدمه

جبتج لهنا واني مثل المخبل وهسه تكولين ماراح تسامحني

لو مااسامحج جان عفتج واكعه ودرت وجهي ورحت اهم شي

عرفتي حقيقته هذا العار الباقي سهل اني مسامحج حبيبتي

شعندي غير هاي نغمه وحده جنج جبار

من تصيحين

نغم ... ابتسمت على سوالف وردت

اكوم مشكله مغذي ماكدرت

اتحرك كعدت وخله المخده ورا ضهري واجريت ايده وحضنته

وكمت ابجي على حضي واشيكله شفت

احمد حبيته اكثر من

روحي اسمع كلامه هو هاملني ومتجاهلني ميرد عليه ولا على

اتصالاتي واني جنت ابجي وانقهر بس مال توصل بي لهنا

واشوفه ماخذ هاي الساقطه سمر ويا لشقه وهو مزوجني

اني مرته وبعد اسبوع عن زواجنه واني فرحانه كل مره اوهم

نفسي واكول هو اليه اني اخذته ماعليه بلباقي وهسه طلعت

نايمه والمي يمشي من جواي واني ماحاسه على شي

احمد ... كافي حبيبتي نغمه الله يحبج هيج كشفه الج قبل

عرسكم لو مزوجين وشايفه هيج لو يجيبلج ضره شصار بيج

ساعتها تتخبلين ومحد بحالج هسه احمدي ربج وامسحي

هاي الدموع عليمن توكع على واحد عار ميسوه اضفرج انتي

اميرتنه راح ترجعين مثل قبل واعز وراح تكملين دراستج

وتوصلين لحلمج ودخلين جامعه وتدرسين قانون الجنتي

تتمنين تصيرين محاميه اني راح اساعدتج واوكف وياج

حتى تصيرين احلى محاميه وافتخر بيج دراستج متبطلين

منها راح توصلين وتكسرين عينه هذا

الهمجي العار اوعديني

نغم ... لو ما انت جان هسه اني

ماعرف شصار

بيه واي اكيد اوعدك راح ارجع لدراستي ومااهلملها بعد لو على حساب روحي

احمد ... عفيه ب نغمه القويه هيج

اريدج هسه شلون تحسين نفسج زينه صرتي

نغم ... اي الحمدلله احسن بس شصار بيه

احمد ... صار عندج انهيار عصبي من الصدمه وضغطج هبط وخلولج مهدءات وابر رفعو الضغط بيهن

نغم ... يلا خل نطلع ماريد ابقى هنا بعد مامتعوده على جو المستشفى

احمد ... خل احاجي الدكتور واجي طلعت صحت لدكتور

اجه شافها وكال لتصيرين عصبيه هواي بهاي الفتره موزين

على حالتج واكلي اكل صحي وابتعدي عن الجو المتوتر

راح يتعبج وهسه تكدرون تطلعون ماطول

صار زينه الحمدلله على سلامتها

احمد ... الله يسلمك دكتور تعبتك كال لا ولو هذا واجبي وطلع

نغم ... كمت للحمام بلغرفه غسلت وجهي وعدلت حجاب المخربط

الصاير طلعت لكيت احمد منتضرني شافني كام وكلي يلا نطلع

احمد ... من جبت نغم واني ماكدر اعوفها واتحرك كله ايسر

هو يركض على الادويه وعلى المغذيات جابهن من الصيدليه

وعلى الاكل كل شويه جايبلي شغله حتى اكدر اركز وميهبط

ضغطي ويفتر وياي كلما الدكتور يكول على شغله وهو راح جابها

واجه ماعرفت شلون اشكره هذا اخ اليه بعد هذا موقفه كبر بعيني

كلش كعدت نغم وراحت تعدل نفسها طلعت لكيته بره كاعد بس شافني طفر واجاني بسرعه

ايسر ... ها حمود شلون صارت البنيه خو ما رجعت تعبت

احمد ... لا الحمدلله عرفت شلون احجي وياها ومانقهرت وهسه احسن راح نطلع

ايسر ... لعد اني اوديكم بسياره اذا متكدر

احمد ... لا يسور تعبتك وياي من اجيت لسه هسه روح ارتاح

اكدر اسوق وجايب سياره ابوي شلون تبقى هنا

ايسر ... انجب هاي من يمته صاير تعرف الاصول وتشكرني

يلا لعد اذا هيج امشي وراك لمن توصل اذا تتعب بس اوكف وخابرني

كتله تمام ورجعت للغرفه طلعت نغم اخذتها وطلعت

نغم ... شفت صديق احمد بره الغرفه واكف جان يخابر سد تلفونه واجه بتجاهنه

ايسر ... الحمدلله على سلامتج خيتي

تنذكر متنعاد

نغم ... الله يسلمك تسلم تعبناك ويانه

ايسر ... لا تعبكم راحه من رخصتكم التفت على احمد وكله طالع

قبلك طلع راح لسيارته واحنا رجعنه بسيارتنه لان احمد جايبها

احمد ... نغم خلي السالفه تبرد ولتكولين شفته هيج لان ابوي تعبان

مو مال مشاكل وبعدين كولي ماريده ونطلك تمام نغمه

نغم ... هزيت راسي وكملنه طريقنه شويه وجر تلفونه وخابر

احمد ... ها يسور تكدر ترجع للبيت راح نوصل الحمدلله

تعبتك وياي ماعرف شلون اشكرك رحم الله والديك

ايسر ... ولك ما تنجب انت ليوم نازل عليك هرمون الايمان والادب يلا ولي خل اروح احجي ويا مرتي الثانيه احسن

منج انتي ليوم كضيتها عليه خبز وبصل

راح اطلكج ماريد هيج وحده فاهيه تصير مرتي

احمد ... ضحكت وكتله عار متبطل سوالفك هذني العمن عليك يلا ولي باي سديته منه واني اضحك على خباله

نغم ... وصلت للبيت لكيت ماما بلمطبخ منتضرتنه هي ونهاد

بس طبينه كامت تركض علينا وكالت هاي وين هيج اليروح

لصديقه يضل لو بايته يمها بعد صفنت شنو صديقه باوعت لاحمد

احمد ... يمه شبيج ردت اجيبها وصديقتها وامها جلبن بيها

لان مريضه رفل تعرفين بيها بعد ام لسان مامعقوله انتي متدرين بسوالفها يلا راح ابدل وارتاح تعبتوني

نغم ... اني هم ورا رحت وصعدت بدلت ونمت ماريد اختلط ب احد كلما اذكر خيانته اموت من القهر كمت ابجي لحد ما غفيت من القهر

••••••••••••••••••••••••

ايسر ... اني ايسر اكبر واحد ب اخواني ابوي جان ضابط

ب الاستخبارات العسكريه من جنت صغير اروح ويا وعرفت

هواي ضباط وكمت احب المهنه كلش وكلت بس اكبر اصير

ضابط مثل ابوي واشد رتبه والكل تاخذلي تحيه بس بيوم ابوي

طلع مهمه واترفع بيها وكمش ناس عصابه وسجنهم وكامو

يدزلوله تهديد اسمع امي تكوله انت لمن يوكع الفاس براس يلا

تكول اي والله صح كلامج بس اني ماسمعته خل نعوف المنطقه

ونروح جهالي بعدهم صغار واخاف عليهم من التهديد ماجنت

اعرف شنو التهديد الجانت امي تقصده بكلامها بس ابوي جان

معاند الى ان يوم من الايام راح للمركز وبعد مارجع لليل وصلنه

خبر بطريق يريد يرجع قتلو وانهزمو ونفذو تهديدهم اله

امي من سمعت ب الخبر انهارت وفقدت وكامت تبجي وتلطم

من القهر والحركه وكعت علينا ودوها للمستشفى

واني بقيت بلبيت يم اخوتي كمت ابجي

على امي وعلى ابوي

المات وبعد ميرحع النه اخواني الصغار كرم واديان جانو

يباوعولي ويبجون وياي همه اصغر مني كلش ميفتهمون اني

على شنو ابجي بس يبجون على الواهس ثاني يوم جابو امي

منهاره وصارت الفاتحه بيت جدي اهل ابويه وعمامي نصبو

جادر وامي منهاره وبس تلطم وتصيح راح ابو بيتي راح بعد

ميرجعلي مرت ايام الفاتحه بتعب وقهر ورا الفاتحه رجعنه

البيتنه امي لزمت عده كملت اجه عمي اسمه رامي كللها

رامي ... زمن انتي لازم تجين تسكنين يمنه وماتطلعين بعد

بكيفج بعد ابو بيتج راح ومالج كلمه بعد

هذا اول خيار

والثاني اني ازوجج واعشيج اميره يمي وكلشي بكيفج

اني من زمان احبج قبل المرحوم بس هو سبقني وراح طاير

زمن ... ولك رامي شنو هل الححي امشي اطلع بررره

يعني واذااااا ماااات زوجي اني اربي اطفالي واكبرهم وعندي

راتب ابوهم المرحوم ومالي بعازة احد وفلوسه عليه وصرفه

عليه اكدر ادبر روحي يلا تفضل وبعد اشتكي عليك بتهمه تهجم

على مريه ارمله وبيتها واسلمك لشرطه امشي اطلع بره بسرعه

رامي ... ولج تهدديني انتي اليوم اكسرلج راسج اليابس

ايسر ... شفته تقدم على امي يريد يضربها صاحت بصوت عالي

اني وكفت كباله ودفعتها عنها جان عمري 13 سنه تقريبا دفعته

وكتله اذا تتقرب لامي اموتك بيدي امشي اطلع يلا ترى اخابر

الشرطه عليك واخليهم يجون ياخذوك هو كمشني ومن ياختي

وشمرني على امي وكال اطبكم ثنينكم انوب عليه الزعطوط

يتهجم عليه شافنه هيج اني وامي موتنه

كتل امي جانت توخرني

عنه وهي بس وحدها تتحمل الضرب لحد ماتعب وكال اني

اعلمج باجر اله اجيب سيد واعقد عليج واخذج واكسر عينج

واريد اشوف منو توكف بوجهي بعد طلع وامي

خابرت على واحد من الضباط الكبار اليشتلغون ويا ابوي صديقه المقرب

رجال حباب ومحترم سولفتله امي على

كل شيء تخبل وكللها انتو بأمانتي صرتو

اطلعو واني اتكفل بكلشي بس امي ماقبلت كلتله بيت المرحوم

مااعوفه كللها لعد راح ادزلكم حمايه على البيت اي واحد

يتهجم عليكم اعتقله كيفت امي وضلت

تشكر منه كام هو يدز

راتب ابوي النه واني اطلع اخذه منه

واسلم عليه واجلب بي يدخل

ميقبل لان ميحب يدخل وامي وحدها

وماكو رجال بلبيت جاب

حمايه وكفو على البيت اجه عمي راد

يدخل ماخلو اتخبل وكام

يصيح ويتعارك ويتهم امي اتهام مو حلو يكول اي مخليه حماية

حتى ترتاحين ويا التحبي بكيفج تلعبين اني اعلمج زمن هي

سمعت هيج خابرت الضابط وحجتله كلتله اريد اشتكي عليه

هو بسرعه خابر للحمايه واقبضو عليه ودو للمركز انسجن شهر

ادبو بي خلو بعد ميتقرب يمنه ارتاحينه منه وحبيت شجاعه

امي الجانت رغم قهرها وكسرها بس ماتخلت عنه ولا عافتنه

وازوجت وهي بعدهي صغيره وحلوه والكل رادها واحنا بعدنه

صغار كلش فضلتنا على نفسها اني كمت اكبر وصلت لسادس

وقررت اروح كلية ضباط مثل ابوي بس امي لمن سمعت تخبلت

وكامت تبجي وتتوسل بيه بس اني ثابت

على قراري لحد

ما امتحنت ردت اقدم كالت راح هم تعوفني مثل ابوك وتروح

ابوك لسه جرحه بيه مانطفه ولسه نار فقده تسعر بكلبي واني

اختاريتكم وفضلتكم على نفسي بعدين هيج تريد تجازيني

ايسر وتروح نفس وظفية ابوك وتموت وتجلطني روح قدم بس

بعد اني مو امك ولا اريد اشوفك لان ماعرفت اربي لو جنت

مختاره نفسي عليكم وعفتك انت واخوانك تلطش بيكم الدنيا

تعرف شنو يعني المسؤولية والتعب التعبته لحد ما كبرتكم

وهسه وليدي سندي كبر واريد افرح بي هو ميريدني افرح

ايسر ... امي من هيج حجت تخبلت عفت كل احلامي لخاطر

رضاها لان هي حيل تعبت على مودنه واهم شي ماتخلت علينا

قبلت وكتلها هاي هي راح اقدم على الي انتي تحبي كلتلي اريدك

تصير مهندس رحت قدمت على الهندسه وانقبلت هي فرحت

بس بداخلي ابد مافرحان لان ماختاريت الشي الاحبه الى ان دخلت

كليه هندسه وشفت هناك اغلى شي بالدنيا صار عندي .....

كأنَّما صارَ بعضُ الناسِ اوراقا

وانتَ أكثرُها   فضلاً وأخلاقا

عمرٌ طويلٌ وأوقاتٌ مُجمّلةٌ

والخيرُ يأتيكَ اوتاداً واطباقا

كما اليمانيٍُّ إلّا انَّكمْ بشرٌ

مهما تقدَّمَ عُمْراً زادَ إشْراقا

وشفت هناك اغلى شي صار بالدنيا صار

عندي هو صديق عمري

واخوي وسندي من بعد الله هو احمد

اول لقاء بينه جنت كاعد

بنادي وفجاه اجه كعد على الميز الكبالي وحده اجت عيونه

بعيوني شال ايده وسلم رديت عليه السلام من ورا خشمي لان

جنت ماطايق اداوم اصلا بهاي الكليه

ونجبرت عليها لخاطر امي

ودموعها شويه واجه طالب مبين عليه

ملعب اجه  ل احمد

وذب عليه العصير لان جان كاعد بطرف

الميز وكام يتعارك ويا

بحجة انت جنت مادلي رجل وخليتني

اعثر اني جنت اراقب

بصمت لحد ما صارت العركه جبيره

والولد راد يضرب احمد

هنا ماتحملت رحته لزمته من ياخته

ودفعته عنه وضربته بوكس

بطنه حتى يتأدب ويولي خلصت العركه

شفت احمد احتار بملابسه

الصارن كلهن عصير راح يغلس بعد ما

تشكر مني وعرفني عليه

اني هم رحت صار وقت المحاضرة دخلت للقاعه وكعدت وفجاه

احمد اجه كعد يمي هو اتفاجئ واني هم اتفاجأت لان طلعنه

ثنينه هندسه بنادي بس عرفني على اسمه وراح ثنينه ضحكنه

بنفس الوقت وضربنه ادين بعض بحركه البوكس

احمد ... بعد شريد طلع بطلي الخارق

وياي بنفس الكليه والقاعه

ايسر ... ههههههههههه خوش لقب بطل خارق شسوي قابل بعدين

انت هم مو سهل ردت تموته لو ما جنت محتار بقميصك الصار لزك

على جسمك من العصير اني كمت بس

نهيت العركه لان اذا بقت متنتهي اله

انتو مشمورين بره الجامعه

احمد ... رحم الله والديك حبيبي شلون تعرفه عراقي من غيرته

وضحكنه سوه من اول حديث ارتاحيتله

دخل الدكتور تعرفنه

عليه لان اول يوم بس نتعرف واطانه

امل حلو حسيت اني

اجت للمكان الصح ولو جنت رايح كليه

ضباط احتمال هم انقتل

مثل ابوي واترك امي وياها بنيه صغيره

ولد لسه ماكبرو من ورا

كلام الدكتور توعيت على نفسي ورجعت

عدت افكاري من جديد

خلص لدكتور وطلع كامو يطلعون الطلاب

ردت اكوم صاحلي احمد

كلي ها صاح وين رايح كتله كبل ذبيت

ميانه كلي اني هم مثلك

مو بسهوله ابيع ميانه وضحك اله اعرف المقابل شنو

ايسر ... وين عرفتني بله ماصارلي

ساعه من شفتك

احمد ... مبين مبين يلا تعاي اطيني

ايدك خل نكوم ناكل متت من الجوع

ايسر ... ههههههههههه انت كاعد بلكاع واطيك ايدي حتى تكوم

لو رجليك خدرت وبعدين جنت بنادي

ليش مااكلت

احمد ... غير انتضرك تعزمني لو بخيل

ايسر ... تدلل ابو شهاب يلا كوم اطلب وبعيوني

احمد ... سالمه عيونك يذهب

كمت اني ويا وحسيت بشعور الصداقه قبل ماجانت عندي

علاقه ويا الطلاب بس وقت الدراسه واروح لان كرهت كلشي

بعد العشته بحياتي  وصرت عصبي وبسرعه اتعارك وصلنه

لنادي طلبنه اكل وهو ماقبل كلي اشاقه

وياك ردت اجربك طلعت

كريم وراح دفع هو ردت اكتله من ورا هذا التصرف كتله تضحك

عليه ولك كلي يابه روح جيب العصير لا تطلك عليه هسه روح

جيب عصاير ومي وانت ادفعهن ها ارتاحيت

هسه  وراح كل واحد ع مكان هو راح

يجيب الاكل واني رحت جبت عصاير ومي

وكعدنه ناكل ونسولف ونضحك ذكرلي مواقف

هواي اله بلاعداديه وكمت اضحك عليهن كلي

هو وين ساكن تبادلنه الارقام والصفحات من

اول يوم عرفت شنو يعني الاخوه من عرفت

احمد كلي هو الوحيد ل اهله ماعنده اخوان

كتله اني اخوك من ليوم ورايح اذا ضاكت

بيك بيوم تلكاني يمك لتردد ولا ثانيه تطلب

مني ابتسم براحه وكلي سالم حبيبي متقصر

كملنه وطلعنه سولفتله على ابوي جان ضابط

واني جنت اروح ويا من يروح للمركز وكلهم

عرفوني وكامو يصيحولي الضابط الصغير لان

جنت اشبه ابوي بتصرفاته وهو يطيني البيريه

البسها اكو ضابط جان حيل صديق ابوي من

يشوفني لابسها ياخذلي تحيه خلوني احب

هاي الوظيفه وكلت راح ادرس بس حتى

اجيب معدل وادخل كليه ضباط بس لمن

ابوي انقتل على ايد عصابه الكمشهم وجانو

يهددو ردت انتقم اله بس امي وكفت

بطريقي ومنعنتي اروح وكفت بعيني بس

امي لان ماعدها احد غيري سندها عندي

اخوي ستوه صار رابع علمي واخت وحده

ب الاول متوسط واني عفت هسه حلمي

ورحت حققت حلم امي كالت اريدك مهندس

حقق هاي الامنيه اليه مره وحده رجعلي

حق رباتي واني هسه تشوفني اكره هاي الكليه لان انجبرت عليها ولا راح احبها

احمد ... شوف حبيبي يسور الله يكول

(( عسا ان تكرهو شيئا وهو خير لكم

وعسا ان تحبو شيئا وهو شر لكم ))

يعني انت لو رايح كليه ضباط جان هم

رجعو من جديد يهددوك واخيرا يقتلوك

مثل ابوك وراح امك تفقد من جهه

رجلها التركها بركبتها 3 اطفال وكلهم

صغار وتركت كلشي علمودهم مازوجت

ولا عاشت حياتها فضلتكم على نفسها

ومن جهه كبرتكم وصرتو زلم حتى

تسندوها بكبرها مو حتى تضحي بواحد

بيكم مره ثانيه وهي اختارتاك هاي الكليه

مو معناها هي متحبك ولا تريد تمشي

كلمتها عليك لا هي رادت حلم عمرها

انت تحققه الها وتفتخر بيك كبال الشمتو

بيها وكالولها متعرفين تربين لان بدون رجل

وبدون سند وهي اختارتكم انتو حتى تسد

حلوك الگالو عليها مابيج خير هسه ركز

بدراستك وحب اختيار امك حتى الله

يوفقك لان رضا الله من رضا الوالدين

ايسر ... احمد يحجي واني صافن عليه

احس الله اطاني اخو ثاني بسرعه دمعت

وحضنته حيل وكتله راح افكر وانجح والتزم

بل كتلي عليه وامي لو ما تحبني وتدعيلي

الله مادزلي اخو مثلك قبل ساعه من جيتي

لهنا كمشني وكال اخوك للموت اطمن

ورحنه نفتر بلحدايق ورحنه للكليات الباقيه نسوي عليهن كشف

لكينه مكان هادء مابي هواي اصوات كتله

هذا هنا نلتقي اليجي

قبل يكعد هنا ينتضر الثاني علما يجي كال اووك وخلص الدوام

طلعنه للبيت تراسلنه وحفظت رقمه سجلت عليه عضيدي

وهو هم مثلي سجل صرنه اني واحمد

كلش اخوه واكثر فد يوم واحد اجه راح

بتعارك وياي وجنت مريض مالي خلك قبل

ليجي احمد لان كعدت بلستول مالته وهذا

ملعب الطالب يحب يتعارك ويبرز عضلاته

كبال البنات واني جنت مريض منتهي كوه

اجيت لان عدنه امتحان اتحارش بيه شافني

ساكت مارد عليه كام يمد ايده لحد ما

خلاني اصير عصبي وكوه وكفت على حيلي

ودفعته وهذا اجه عليه اطاني بوكس بخشمي

فقدت اله شويه كمشت بلاستول والدنيا

افترت بيه وماحسيت اله الولد انشمر يم

رجليه رفعت راسي شفت احمد جان متاخر

جاي وشافه من ضربني بوكس اجه عليه

طاير ضربه بوكس هم على خشمه

رجعله ضربته اليه ودفعه شمره يم رجليه وخله رجله بطنه

وكله تعتذر منه بسرعه قبل لا اسحلك كبال البنات واخلي هيبتك

بلكاع تدوسها احذية البنات هذاك قبل

لتنترس القاعه بلبنات

والشباب اعتذر وراح ركض طلع بره حتى مامتحن ويانه امتحن

ويا القاعه الثانيه بعد ماشوفنه وجهه اجه عليه احمد اخذني

لصحيات غسلي خشمي وجهي لان جنت مريض اني كوه

مركز ومفتح عيوني من الالم من شاف

هيج حالتي راح اسأذن من لدكتور وكله

دكتور صاحبي خرب عليه وكع بصحيات

اريد اخذه للمستشفى قبل ليوكع وامتحانه

باجر نمتحن قنع الدكتور واجه عليه واني

ردت اكتله اكله مابيه شي صرت احسن

هو يكلي لو صرت احسن جان رجعتله

الضربه مو ايسر يسكت عن اليضربه امشي

وانجب اضل اباوعلك علما توكع كدامي يلا

اكول يا خطيه كلي جنت مريض واني

ماصدكته اخذني سحل لسيارتي بلكراج اطيته

السويج وراح ساقها هو وطلع بيه للمستشفى

وصلنه وداني لطوارئ شكولولي مغذي وابر

وكل شويه دزو احمد على شغله رايح

جايبها وجاي شكلو المغذي بي مخدر

خفيف مخلين لان كتلهم مانمت بليل

غفيت شويه عليه وكعدت لكيت احمد

مكابلني وكاعد على الكرسي يمي

ويتصفح بموبايله باوعتله صفح جان

مدنك رفع راسه شافني سد تلفونه

خلاه بجيبه واجي يمي

احمد ... ها يسور شلون صرت هسه

صايره وياك افلاونزا بلعظم لهذا السبب

تحس بنحول ومتكدر تحرك جسمك

ايسر ... لا هسه احسن الحمدلله تعبتك وياي حمود كتلك زين مابيه شي بس جنك امي تلح اله جبتني هنا

احمد ... انجب لك يلا طيب بسرعه حتى اضربك الضربه الثانيه على خشمك واكسره حرامات ماكسره الك حيدر

ايسر ... ههههههههههه العينتين طلع اسمه حيدر لو بيه حيل اعلمه اني يضربني كبال الطلاب بس هسه برد كلبي منه لان اخوي اخذحقي منه ماغلطت من سميتك عضيدي

احمد ... انجب مامتعود عليك وانت حباب يلا راح يخلص المغذي وتطلع كبل للبيت اوديك مترجع لجامعه اخذت اجازه اعرف دكتور يصير كرايبنه خابرته  شرحتله وضعك اخذلنه اجازه ثنينه وهسه

اصيح لدكتور يجي يشوفك ونطلع راح

بسرعه قبل ليسمع ردي راح لدكتور صاحله اجه شافني كتبلي ادويه واطاهن ل احمد

راح جابهن من الصيدليه علمه الدكتور عليهن وكله تكدرون تطلعون صار احسن والحمد الله على سلامته تشكرنه منه واخذني

وطلعنه للبيت وقبل لا نوصل بطريق ماعرف شصارلي كتله احمد

اطلع نروح لشط ماريد هسه ارجع للبيت ماعرف ليش هيج تعبت

احمد ... انجب وبعدين نطلع اجي عليك بليل ونروح هسه لازم

تنام وترتاح واذا مريض تضل تأمر بكيفك انجب كوه طايقك

ايسر ... ههههههههههه الكبر لعد شكو جاي وياي اذا كوه طايقني

احمد ... من ساعد كلب ادخله الله الجنه جاي اعمل الاخرتي

ايسر ... الله يطيح حظك على هذا التشبيه خل اصير زين  واعلمك

وكلي خابر كرم واطنيا خابرته واخذه كله شويه ايسر ماله خلك

هسه راح اجيبه للبيت وسده وصلنه لكيت كرم بلباب واكف

نزلني سد الباب اجت امي تركض وتبجي وتصيح يمه وليدي

شبيك حبيبي احمد كللها خاله مابي شي شويه احسن صار بس

خل يدخل جوه يرتاح كتلهم سوو طريق

خل يدخل احمد كال

كرم ماكو احد تعال ادخل دخلت جوه بلاستقبال خليته على

التخم تمدد وخليت مخده ورا وسلمت

على كرم وامه وهو

سولفلهم لمن تعب بلمحاضره لحد ماجبته

لهنا وامه تبجي

وتشكر مني واجت باستني براسي وكالت

ايسر عنيد على

ابو المرحوم ميهتم للمرض اله يوكع وتنتكس حالته يلا

يرتاح اتشكرك وليدي لو ما انت جان ضال ومحد يدري بي هذا العنيد ابو راس اليابس

ايسر ... ها يوم اختلفتي عليه ليش مو اني مريض وتعبان

تردين انقهر حتى ارجع اتمرض اعرف نقطه ضعف امي هاي

استغليتها بيها اجت يمي حضنتني ووكالت اسم الله عليك

احمد ... شسالفه خاله لتشكريني هذا اخوي يعرف بمعزته

شنو بكلبي امه ضلت تشكر مني وكتلهم يلا اني ارفع الزحمه

ايسر ... انجب واكعد ماكو طلعه خلينه كاعدين اعرفك على

العائله وهسه الحجيه ام يسور تسوينه احلى غده من اديها الحلوه

ام ايسر ... بعيوني يمه انتو ارتاحو ساعه والاكل حاضر

وليدي حمودي ماتطلع اله وانت متغذي ويانه تعبناك وهيج

تدير وجهك وتروح كلشي ماكو لا يمه اكعد يم الولد وهسه اجيبلكم الاكل

احمد ... رحم الله ولديج يمه راح اتعبج

ام ايسر ... عيوني الك وليدي ماقصرت

احمد ... تشكرت منها وراحت بقينه

كاعدين اني وايسر وكرم

اخو راح يجيب مي حتى يطي ادويه ايسر

ايسر ... احم اي عيني حبتك الحجيه بخت

احمد ... غير اني كلها تحبني بقت ع الحجيه

ايسر ... انجب لتضل تمسلت هي متعرف بسوالفك جان طلعتك بجلاليق

احمد ... لو متعرف بسوالف ابنها جان طردته واني اجيبك يمي عود لتخاف

مااخليك بشارع تاكلك الجلاب

ايسر ... انجب عار لتخليني اكوملج ولج شو متستحين

احمد ... اووي اسور شبيك تعصب بساع حياتي موزين على اعضائك لتنفجر اهدء

اهدء عزيزي

ايسر ... ههههههههههه خوش جايب دور المره راح اسميك مرتي انوب يلوكلك هذا الاسم احسن مووو

احمد ... وانت خوش جايب دور الرجال يلا عود اسميك رجلي ابو جهالي

كمنه نضحك لحد ما اجت امه جابت الاكل كالبهالدنيا مامخليه شي مامسويه كتلها خاله المن هذا ليش هيج

تعبتي روحج اني مااكل هواي كالت اكل يمه الف عافيه شنو

السالفه لا تعبت ولا ابد يلا هسه اعوفكم تاكلون كتلها ابقي

يمنه اكلي ماقبلت طلعت بقينه اني وهو

وكرم اخو ضلينه

نشاقه ونضحك متنه من الضحك على الاكل وكل ساعه واحد

غاص بينه حيل فرحت بيهم وهمه فرحو بيه كملنه شال

الاكل كرم وجاب الجاي شربنه وفهمته على دوه ايسر ورحت

راد يطلع وراي ايسر ماخليته كتله تنجب وتكعد مو خطار اني لو حاسبني خطار

ايسر ... ولك انت ابو البيت واني اطلع بره حيل كبرت ابعيني على هذه وكفتك وياي

احمد ... يلا انجب وطيني بوسه سلمت عليه وطلعت اجت امه

تشكرت مني لمن ملت اني طلعت اخذت تكسي ورجعت للبيت العصر

ايسر ... طلع احمد وراح للبيت وامي

اجت ضلت تحجي عليه

ليش متروح لدكتور اله وكعت وخلفله على الوليد جابك واذا

عدتها ازعل منك راحت واجت اديان كامت تبجي لان اني

مربيها هي اصغرنه تبجي وتكول ردت اموت من القهر عليك

يسوري عبالك صايرلك شي غير تجي تطمني ضليت كاعد

يم صديقك ونسيتني اني هناك ميته من البجي كلت لو ما ايسر صاير بي شي جان اجه وحده مو صديقه جايبه من

المستشفى وتبجي حضنتها وكتلها مابيه شي حبيبتي

مسحي دموعج وتعاي كوميني خل اصعد للغرفه ابدل

اختنكت مسحت دموعها واجتني تركض صعدت وياها

للغرفه لكيتها معزلتها ومرتبتها لان من اطلع للدوام اكلبها

واروح من ارجع الكاها نظيفه وحلوه تعزلها بدون ماكللها

عكس غرفه كرم تخلي هو ينضفها لان هذاك متعمد يوصخها

تمددت راحت جابتلي ملابس وطبيت سبحت وبدلت وطتني

الادويه وخلتني ارتاح وراحت مرت ايام ماكو شي هدوء

احمد اتصل بيه كلي اريدك تعرفلي معلومات عن واحد اسمه

جهاد كلي بيا منطقه ساكن وحتى رقم تلفونه اطنيا خابرت

على الضابط حسام يصير ابن الضابط الساعدنه قبل وكف ويا

امي حجيت ويا عن هذا الولد وطيته معلومات عنه وطيته

رقمه كلي 3 ايام بلهواي ادزلك معلومات كامله عنه تشكرت منه

وسديته وصار يوميه احمد يخابرني حتى يعرف عنه واني اكله

علما اعرف ويجيبولي اخبار عنه ويسده كمت اشك ليش هيج

احمد مصر اله يعرف عنه لمن يوم  جنت كاعد بلغرفه دك موبايلي

شفته الضابط حسام صديقي فتحت خط سلمت عليه

حسام ... يسوري حبيبي الولد القبل فتره كتلي اعرف معلومات

عنه اني عرفت كلشي عنه تريد احجيلك بلتلقون لو نلتقي بمكان

ايسر ... لا حبيبي نلتقي احسن وين تريد اشوفك

حسام ... اوك نلتقي بمطعم ----- بعد ساعه

ايسر ... اوك حبيبي يلا باي سديته منه ورحت سبحت وبدلت

وطلعت رحت للمطعم الكلي عليه كعدت

طلبت جاي علما اجه سلمت عليه وكعد يحجيلي

حسام ... شوفي حبيبي اسمه جهاد عزام ولد ملعب ومو خوش

ادمي وسجله مو راحه هواي عنده تهم وابو عنده ضهر بدوله

يخلصه منها دائماً واهم هاي التهم يمشي بطريق الحرام

ويستغل هواي بنات تحت مسمى الحب يوهمهن انو هو يحبهن

وبعدين يجذب عليهن وياخذ اليريده ويذبهن وينتقم منهن

ابد سجله مو نظيف وياخذ بنات هواي الى شقق مختلفه

ب اماكن هواي وياخذ اليريده ويذبهن وينتقم منهن ويهددهن

هواي واكع بهيج تهم بس ابو يرفعهن عنه لان شيخ عشيره

وعنده فلوس ومعارف هواي هذا العرفته كله عنه

ايسر ... حسام يحجي واني عاقد حاجبي ومستغرب هاي شنو

منين احمد يعرف هيج واحد زباله وعار بعدين كتله يلا مشكور حبيبي تعبتك وياي

حسام ... تدلل يسور اي شي تحتاجه اني موجود

ايسر ... متقصر حبيبي رحم الله والديك

سلمت عليه وراح بعدين كاعد اتصلت على احمد وكتله عرفت

عنه تعال احجيلك كلي روح لشط واني جايك رحت وانتضرته

شويه واجاني بسيارة ابو نزل ركض مستعجل حتى يعرف

كتله عليه صار نار وقبض ايده حيل حتى بينت شراينه وبعدين

سألته منين تعرف كلي تعرفت عليه وحسيت مو راحه كلت خل

اعرف عنه شي خاف يوكعني بمشكله ابتعد عنه

ايسر ... احمد دير بالك منه اذا مهددك كلي اسحله الك سحل

وروح ابوي ماارحمه هواي عندي معارف

ضباط نشمره

ورا الشمس بس يتعرضلك تشكر مني بس اني ماطمنت

على وضعه حسيت صاير شي بس ماقبل يحجيلي بس

كلي شغله عائليه ماحجه بعد لحد ما يوم خابرني هو يصيح بصوت عالي .....

ليتَ الجميعَ يغادرونَ لنلتقيْ

وعلى ضفافِ الحلمِ نقتلُ واقعيْ!

ونصوغُ من ريقِ النجومِ قصائداً

بالضوءِ تهطلُ كي تسابق أدمعيْ

هل ضرَّ هذا الكونَ نبضُ لقائنا؟!

أم أنَّ هذا الحزنَ أدمنَ أضلعيْ؟!

قُل للمسافاتِ البعيدةِ بيننا:

"أرجو بحقِ اللهِ أن تتواضعيْ"

وللهفةِ اللقيا، وروحِ وصالنا

وقصيدتِي الأولى، وذكرانا.. "ارجعِيْ"

قُل لي متى ألقاكَ يا سعدي هُنا

حولي، وقربي، بين أحضاني، معيْ؟!

لحدما يوم خابرني يصيح بصوت عالي ....

بلبدايه عبالي يشاقه لان اعرف مقالبه بس

بعدين تغيرت نبره صوته كلت اكيد صايرله

شي بعدين عرفت انو اخته مريضه ورايح

يوديها للمستشفى جنت طالع بسياره من

خابرني ورحت قبله لان جان مرعوب ويصيح

من وراي مافتهمت ليش وصلت للمستشفى

وخابرته بعد ماجاي لحد ما اجه وكف السياره

بسرعه ونزل يركض وفتح الباب الورا وراح

طلعها اجيت يمه بسرعه وكعت من ايده

وكمشتها واني خايف اكثر منه اخذتها من

ايده وطبيت للمستشفى طب وراي يصيح

على الدكاتره يجون يلحكوها واني اخذتها

وخليت على السديه وكعت ايدها من

نزلتها اني هم خفت حيل عبالي ماتت بين

اديه باوعتلها جان حجابها متخرب مشمور

على راسها واطالعه خصلات من شعرها بني

يخبل صفنت عليها ماعرف ليش وطولت

صفنتي اني مااحب اباوع على البنات وهواي

بنات وياي بجامعه يجون يحجون وياي بحجة

الصداقه اني انهي العلاقه بسرعه من ورا

كرهي للقسم الرحتله بس من شفتها ماعرف

ليش بقيت صافن عليها وخفت من وكعت

ايدها سمعت صوت  الدكاتره وهمه جايين

على الغرفه رحت لميت شعرها وغطيته

وجريت الشال على راسها وطلعت بسرعه

رحت يم احمد اريد اعرف شصاير بس

يحجي ويكول كله من وراي ماتحملت

الصدمه وماتت ومنهار اكثر منها شفته

وجها صار اصفر وراح يوكع رحت للكافتريا

جبتله عصير وكيك حتى يتعدل ضغطه ماقبل

ياكل بس جبرته واجه لدكتور قاس ضغطه

طالع هابط اكلهن سمعت موبايلي يدك شفته

طلع ابو كتله جان عايف موبايله بسياره راح

يريد يتصل بيهم اني بدون مااحس رجعت

للغرفه لكيت الممرض يشكللها مغذي ويباوع

عليها ردت الزمه اطيح حضه طبيت للغرفه

وكفت على راسها وخزرته حس على روحه

وكام يشتغل بدون ماباوع بعد وطلع بسرعه

انتبهت عليها مطلعين ايدها كلها علمود

الصونده مال المغذي نزلت الردان عليها

وعدلت شالها نزلته على صدرها وطلعت

كعدت كبال الغرفه صارت كبالي من بعيد

وبقيت صافن عليها تعوذت من الشيطان

وكلت اني ليش هيج اباوع لعرض اخوي

هو امني عليها وراح اني هيج اسوي بدون

مااحس رجعت نظراتي عليها اجه احمد وكف

على راسي يلا انتبهتله جنت شارد بصفنتي

عليها يمكن انتبه لان باوعلي وباوعلها للغرفه

راح يطمن عليها واجه يمي ردت افتهم منه

ماحجه ابد واني هم كلت خاف حرجته ب

اسئلتي وتطلع شغله عائليه لو عاديه جان

رجع كلي شنو السبب شوي وطلع الدكتور

وصاح اسم احمد عباس احمد واني تغيرت

ملامحنه اني عبالي صارلها شي كمت قبل

اخوها ردت اروح لدكتور وحسيت على نفسي

ورجعت راح احمد للغرفه يشوفها واني لحكت

الدكتور وصحتله التفتلي

ايسر ... دكتور بلا زحمه اني جاي ويا المريضه نغم عباس شبيها

الدكتور ... صاير وياها انهيار عصبي والضغط هابط عدها بنفس الوقت من ورا صدمه جبيره صايره وياها ونفعلت بطريقه قويه هاي النتيجه لو ما لاحكين عليها

بلوقت المناسب جان خسرت حياتها بس

هسه تعدت الخطر على المغذيات والابر

القويه الاخذتهن وهسه كعدت  ومره ثانيه الحمدلله على سلامتها

ايسر ... الله يسلمك دكتور مشكور تعبناك ويانه

الدكتور ...لا ولو لا شكرا على واجب معافايه

راح الدكتور واني رحت قريب عن الغرفه لكيتها كاعده وتبجي

واحمد يمها يهدي بيها وبعدين حضنها وكامت تبجي بقوه

اسمع صوت شهكاتها ليمي واصله انعصر كلبي عليها رحت نزلت

للكافتريا اخذت جاي وشربت واني بس اصفن وافكر شنو بيها

جذبني وخلاني بس شارد واصفن بيها بهل سرعه اني من يمته

صاير اتعده على عرض العالم واباوعله لا ونوب عرض اخوي

وعضيدي اباوع ل اخته بهل نظرات لعد شخليت للغريب من

شغله تخص البنات ابد ماسويها لان عندي اخت ربيتها بيدي

واخاف عليها اكثر من روحي بهاي السوالف اخاف يجي يوم

واحد ياذيها مثل ما اني ااذي بنات العالم وهسه اني شارد

ببنيه اول مره بحياتي اشوفها ولا نوب

خايف عليها ضحكت ع روحي وكمت

رجعت الهم جان احمد بره واكف كلي

صار احسن راح اطلعها تحمدتله على

سلامتها وشويه طلعت جانت تعدل

بشالها بقيت واكف مثل الصنم بمكاني من شفت عيونها عسلي

باوعتلي اني ماعرف شلون حجيت عدل وكتلها الحمدلله على السلامه بدون مااخطا بيها

ردت عليه بصوت تعبان وراحت لزمها اخوها كتله خل تاكل لا يرجع ضغطها يهبط وتوكع

كاللها احمد كالت ماريد بس جبرها رحنه على الكافتريا بطريقنه

اشتريتلها لفه وعصير الها و احمد وكعد يجبرها تاكل اني كتله

طالع كدامك بسياره عيب ابقى على راسها وهي متعرفني

خليتها تاكل براحتها طلعت يم السياره واني مثل المسطور

افكر بيها نعلت الشيطان وكلت اكيد اعجاب يومين ويروح

طلعو راحو لسيارتهم احمد اجه يمي تشكرني وراد يطيني

الفلوس الدفعتها مال الادويه والاكل لان جان مهبوط ماكدر

يمشي اني جبتهن عنه ماخذتهن منه وكتله تولي منا لا ارجع

عليك بسياره هسه اسحلك وارجعك للمستشفى مكسر ضحك

وكلي اخوي انت اعرفك ابو غيره وماترد الينخاك مشكور حبيبي

كتله انجب صاير عود حباب براسي اروح اكللها لتصدكون بهذا

وجها الملائكي تعالو يمي وشوفو تتبرون منه كام يضحك وكلي

مو مال احترام يلا ولي عار كتله تكدر تسوق لو اجي اوديكم واخابر

كرم اخوي يجي ياخذ سيارتي كلي لا اكدر انت توكل كتله راح ابقى

وراك منا لمن توصل للبيت اذا تعبت بس رمشلي اجيك تشكر مني

وراح رجعت للبيت كبل للغرفه بدلت ملابسي وتمددت واجن

عيونها بالي وصوتها الناصي التعبان ومن شلتها بديه وشعرها

طلع من الشال وكع على وجها ضليت افكر لحد ما غلبني النعاس

ونمت كعدت على صوت الباب وهي تندك صحت منو فتحت الباب

اديان اختي اجت يمي كالت ها يسور بيك شي ليش نايم

بهل وكت مريض اسويلك شوربه ضحكت وجريتها حضنتها

كتلها مابيه شي حبيبتي ليضل بالج يمي صرت احسن والله

هي فلاونزا وراحت نوب خزرتها وكلت قريتي لو لا

اديان ... اي اي اي والله قريت هواي هم تريد اجيبلك كتابي تسمعلي وتتاكد

ايسر ... رفعت حاجبي وكتلها اذا لكيت خطا شنو عقابج

اديان ... اضل سهرانه اقرا وهواي هم بعد

ايسر ... عفيه عليج يلا هسه راح انزل اغسل وجيبي كتابج وتعاي وراي للاستقبال

اديان ... ماشي اسويلك جاي هم

ايسر ... ضحكت وكتلها حفضتيني عفيه يلا منتضرتج رحت

قبلها غسلت ورحت كعدت شويه واجت وراي جايبه كتابها

وراحت جابتلي الجاي واجت اديان برابع اعدادي اشطر وحده

بينه تريد تصير دكتوره تخدير لان تحب العمليات وتحب هاي

سوالف الطب اني اول واحد مشجعها اريدها توصل لحلمها لان

اني حلمي وعفته علمود امي سمعتلها اشرتلها المهمات زينه

وحفظتن الكتلها عليهن ونوب راحت جريت موبابلي اتصلت على احمد لمن رد عليه يلا انتبهت ليش

اني خابرته ماعرفت شرد بعدين اجت بالي كتله تطلع نروح

نكعد على الشط شويه كلي يلا ماشي نكعد شعندي قابل جايك مسافه الطريق

سديته منه ورحت بدلت واخذت السويج

ومحفظتي وطلعت بطريق اتصل بيه احمد وكلي صار عندي

شغله مهمه كلش ماكدر اجي يسور بعدين نلتقي كتله خير

كلي ماعتقد خير يلا رايح باي وسده بوجهي بساع

•••••••••••••••••

نغم ... بعد مارجعت للبيت من جنت بل مستشفى من ورا الحقير

الغدرني وخاني شفته ويا اكثر بنت اكرها بحياتي وصلنه للبيت

اني واحمد الحمدلله رجعت علاقتي بي لان بعد الصارلي خلا

يسامحني صعدت للغرفه بدون مااحجي ويا احد ولا اشوفهم

بدلت وكعدت اذكرت خيانته واني متت من البجي وكمت اشهك

سعمت الباب ندكت كمت امسح بدموعي

طب احمد بسرعه

احمد ... لتمسحيهن ابجي حتى ترتاحين واله اطلعهن دمعه دمعه طاحت من ورا من عيونج الحلوه منه لتخافين

نغم ... سمعت احمد هيج حجه اني خليت اديه على وجهي وكمت اشهك بزايد وابجي اجه حضني وكام يمسح بشعري ويهدي بيه

احمد ... نغمه تردين انكول ل اهلي شنو راح يصير بيج ويا

نغم ... احمد بعد ماريده لويموت مارجعله عاف الدنيا كلها وراح لهاي الساقطه سمر مالكه غيرها يحرگ قلبي بيها احمد الخيانه

صعبه موتني احس قلبي راح يوكف من

القهر والحركه واني ابجي

احمد ... كافي يبعد عمري ماكو شي يستاهل دموعج غاليه

اله احرك كلبه بدال حركه كلبج هاي يلا

تعاي خل نحجي وياهم

امي حاسه اكو شي ومن جذبت عليها ما صدكتني تعاي انتي

احجي وياهم روحي مسحي دموعج واني نازل اكللهم يجمعون

وانتي كولي قرارج كتله ماشي ونزل واني نزلت ورا بين عليه

اني باجيه لان وجهي وعيوني صارن حمر نهاد اول مانزلت شافتني

كالت شبيج مارديت عفتها اجت وراي ورحت لكيت ماما وبابا

احمد صاحلهم ماكدرت احجي خليته هو يحجي بدالي

احمد ... شوف يابه يمه اني اول ماعرفت جهاد خطب نغم اني

جنت اكثر واحد رافض بيهم وهي عاندتني وقبلت بي من وراي

عرفت عنه كلشي هو مو خوش وعنده هواي سوالف موزينه مااريد

اذكرهن كدام البنات بس لبارحه اني عرفت عنه شغله مهمه ماشي

بطريق الحرام وياخذ بنات لشقق ويلعب بيهن من عرفت هيج

ماكدرت اسكت بعد واخذت نغم ورحت شافته بعينها وصدكتني

لان اذا احجي متصدك والبارحه نغم ماوديتها لبيت صديقتها

وديتها للمستشفى لان من شافته نقهرت وبجت وضغطها تخربط وديتها سمعتها

كامت تشهك بصوت عالي

نغم ... احمد يحجي واني متت من البجي كلما اذكر خيانته بابا

وماما تغيرت وجوهم كمت ابجي بصوت عالي اجت نهاد يمي

حتى تسكتني وماما وبابا اجو وكفو كبالي

بابا حضني وكلي اله

اطلع هاي دموعج من عيونه دمعه دمعه الوكعت بسببه اني اعلمه

عليهن وراح اتصل على ابو وكله اريدك تجيني للبيت اريد احجيلك

شغله اليوم متتاخر عني سده واجه يمي وماما تهدي بيه وكالت

لتضوجين ولا تقهرين نفسج طلعنه مخدوعين بهيج واحد زباله

احمد ... اتصل بيه ايسر كلي نروح لشط وصعدت ردت ابدل

سمعت نغم تبجي واخذتني السوالف نسيته رحت بسرعه اتصلت

بي وكتله ماكدر اجي لان راح يجون اهله للعار ماروح لاي مكان اله اعلمه وكلي خير احمد صاير شي كتله ماعتقد خير يصير اذا

اشوفه سديته منه وكعدنه ننتضر اهله ساعه واجو هو وابو واخو

رحبنه بيهم وطبو للبيت ضيفناهم وبده ابوي يحجي

ابو احمد ... عيني ابو علاء انت شنو معقوله متعرف بسوالف ابنك لو تعرف

ومسوي روحك متعرف

ابو علاء ... خير ابو احمد شبي ابني

ابو احمد ... اكلك احنا بعد منريد اناسبكم وهاي الخطبه متصير

ابو علاء ... كول يالله ابو احمد ليش هيج بعد اسبوع عن عرس

الولد شنو تراجعتو بسرعه وبطلتو بس شنو السبب فهمونه

احمد ... من رخصتك يابه اني اريد ارد على ابو علاء عمي اولا

ابنك عرفت هواي سوالف عنه ماعجبتني وسكتت عنهن بس اذا عدكم ماشيه تجاوزون على عرضكم وتدوسو احنا ماعدنه

هاي السالفه والمفروض انتو تعلمونه لان انتو الشيوخ واهل الاصول

ابو علاء ... لحضه بويه حمودي شنو نتجاوز على عرضنه انت شتححي

احمد ... عمي هسه اكوم اصيح اختي هي تسولفلك هاي السوالف

بينهم لان همه المخطوبين تريد تفضحه لرجلها لو تريد تستره

نغم ... سمعت الحجي الصار كله بيه حقد عليه اذا لزمت اكله

بسنوني اجه احمد كلي تردين تحجين كلشي عنه لو تردين

تنهين كلشي بهدوء ويضيع حقج اني كلت احجي احسن

رحت لبست جبه وشال وطبيت ويا احمد سلمت عليهم

هو يخزر بيه ميريدني احجي اني كعدت كباله وكمت احجي

ستوني ردت احجي هو كمز كدامي وكال

جهاد ... نغمه عيني اريد احجي وياج وحدنه عادي نتفاهم اني

مقصر وياج بشي وهسه تردين تنهين كلشي بهل سرعه

احمد ... لا عيني اختي عدها حجي الكم هواي ولازم تسمعو للاخير

نغم ... سولفت كلشي الهم بدون ماباوعله هو شاط نار وتخبل ابو

من سمع بي ويا بت عمه هيج مسوي كام وكف التفت عليه ضربه

راشدي وتفل عليه كبالنه كلنا هو صار نار وكوم كدام الكل طفر عليه

لزمني من ركبتي وجرني على الحايط يريد يخنكني اني متت من الخوف لزمو احمد وعلاء اخو وهو كامشني بكل قوته بعد ماكدرت اتنفس وماحسيت اله احمد ضربه بوكس على خشمه فقد توازنه يلا هدني وكعت بلكاع كلي اني اعلمج اله اخليج تتندمين على هذا الراشدي الاخذته وطلع

ابو واخو تخبلو منه ابو تبره منه بسرعه وكال بعد ميدخل للبيت

ابو احمد ... عيني ابو علاء هسه يطلكها احنا منريده بعد

ماكو واحد ينطي بنته لهيج بشر ابو اطانه كلمه وكال يومين

واجيب السيد نطلكلهم لان احنا ماعاقدين محكمه بس سيد

راحو اجو اهلي كالو خو مابيج شي من خنكج كتلهم لا ماكو شي

رحت للغرفتي حقدت عليه اكثر بعد لان

هيج سوا بيه وكمت ابجي

احترك كلبي صار اليل صاحولي على العشا ماجيت مالي نفس حتى

اكل هملت كلشي روحي ودراستي وصديقاتي وحياتي واهلي

مرت يومين واليوم يجي يطلك خابر بابا على ابو كله اي ليوم نجي

للعصر جابو السيد وطلكنه وطلعت رحت كبل للكنتور فتحته وطلعت كل الغراض الجابهن اليه وصعدت

بسطح وجبت نفط ودرت عليهن وحركتهن وكمت ابجي عليهن

ابجي وادعي عليه الله ينتقم منه الله يخلصني منه بدون مانتبه

لنفسي كمت اصرخ وابجي واشهك من الالم الحسيت بي بكلبي

على هذيج الايام الجان يضحك عليه بيهن على حياتي الدمرها

حتى بعدني عن صديقاتي تقى ورفل وبعدني عن احمد وخرب

بينه بعدني حتى عن دراستي حقيرررررر حقيررررررر ضيعت

احلى ايام بحياتي بين اهلي والكل الناس اليمي هيج الحب

يسوي ويحرك القلب ويموته الله يموتني الله ياخذذذذني على هاي العمله اني الضييعت نفسيييي بيدددي كمت اضرب على

رجليه واملخ بشعري من الالم الموتني من الخنكه الشكت بلعومي

ماحسيت اله احد حضني وكام يهدي بيه ويحجي

احمد ... خلص نغمه خلص ليش هيج تردين تموتين روحج

ليش هيج هذا كله تسوي علموده وهو

مافكر بيج ولا ثانيه

انسي حبيبتي كلنا يمج باقي خل يولي اعتبري جلب ومات

ولا تهتمين اله ولا تقهرين نفسج ابوي صحته موزينه هلايام

من سمع عياطج اجه يركض وكف بنص الدرج ماكدر يكمل

لزم كلبه وانتي تزيديها عليه امسحي دموعج وانزلي يم ابوي

يريد يحجي وياج يلا حبيبتي لتقلقينه عليج وتمرضين اهلي

نغم ... مسحت دموعي ونزلت يم بابا جان حيل تعبان من كلبه

يشكي منه راد يروح لدكتور وصارت شغلتي صفح واحتار بيه

كتله بابا مابيه شي هسه احسن بس انت لازم تروح باجر لدكتور

ماريد اشوفك موزين كال ماشي اذا انتو

بخير اني ماعندي شي

اني مرتاح اذا انتو ترتاحون ورا يوم احمد اخذ بابا لدكتور

كله كلبك تعبان ويحتاجلك عمليه لازم تسوي اذا بقيت هيج

احتمال الشريان يضعف عندك وتموت لوتنجلط العمليه لازم تسويها

ب اسرع وقت اطانه موعد كال بعد اسبوعين خلا على العلاج

وكال لازم هدوء يمه ومالازم يقلق لو يتوتر كلشي ياثر بي

رجع للبيت صرنه حيل هادئين علمود بابا اني يجي اليل اموت

من البجي مخدتي تنترس دموع منا على حضي ومنا على بابا

كمت اروح بسطح ادعي وابجي كون تخلص عمليه بابا ويرجع

زين بهاي الفتره احمد كال الايسر صديقه عن وضعه وكال اني

اعرف دكتور شاطر راحوله هو واحمد كللهم اسويها اله وايسر

لان يعرفه كله راح اسويها على العام يعني مياخذ فلوس من عدنه

بس العلاج احمد كال للاحتياط راح اخلي رقم ايسر عند امي

خاف تحتاجو واني عندي شغله هذا الوحيد اكدر أأمن عليه

اهلي اتفقو على موعد العمليه كله بعد يومين عندي مجال

وخلصن اليومين بسرعه واجه يوم عمليه بابا الصعبه .....

ياليت من أهوى يحِسُ بأنّ بي

‏شوقًا إليهِ ولوعةً لا تكذبُ

‏فلطالما لمحتُ دونَ نتيجةٍ

‏فألوم نفسي والشعورُ مُخيّب

‏ما الذنب ذنبي حينما أدمنتُهُ

‏فالحب يعبثُ بالقلوبِ ويذهبُ

‏صعبٌ علي بأن أبوحَ بحُبهِ

‏لكنَّ كتمان المشاعر أصعبُ"

وخلصن اليومين بسرعه واجت يوم عميلة بابا الصعبه كلنا ميتين

من الخوف عليه وندعيله رحنه اني ماكدرت ابقى بلبيت توسلت

ب احمد ماقبل اول شي لان كال صديقه

راح يجي ويا بس كمت

ابجي كلي بس تخلص ترجعين كتله ماشي ورحت وياهم طولت

العمليه 3 ساعات وهذا كله احنا بس ندعي اني وماما

واحمد كل شوي دزو على شغله لو دوه لو ابر لو دم ورايح جاي هو

وصديقه ايسر بس يجيبهن وميبقى يمنه يروح يكعد بعيد عنه

لو ينزل بلكافترياا لحد ما ماما تعبت وضغطها ارتفع من القلق

والبجي احتاريت بيها احمد جان ماموجود دزو على دم يجيبه

احتاريت شسوي شوي وشفت اكو ممرض جاي رحت ركض عليه

صحتله واجه شافها وقاس ضغطها كلي وديها خل يشكولها

مغذي حتى ترتاح كتله اني ماندل وين اوديها باوعلي ونوب

كال تعاي هناك وديها لهذيج الصاله انوب كال تعاي وياي رحت اخذتها ومشيت

ورا بطريق شفت ايسر اجه شافنه نمشي ويا الدكتور

عقد حاجبه واجه علينا وكال هاي وين رايحه وخزرني

كتله راح اودي ماما لصاله ارتفع ضغطها انوب الممرض كله انت

وياها جاوبه اي كله لعد ليش عايفهن وحدهن مريه جبيره وبنت

شابه وحدهن متكول يصيرلهن شي هسه روح جيب مغذي خل

نخلي للمريه ضغطها مرتفع كلش اذا ماهبط بسرعه يجلطها

ايسر ... حضرتك تريد تعلمني شسوي لو فهمت غلط

الممرض ... لا مااعلمك انت مو صغير

ايسر راد يحجي كتله عفيه خابر على احمد خلي يجي يجيب مغذي

باوعلي وخزرني حيل وكال وديها لصاله وتعاي اخذي المغذي راح

اجيبه باوعتله صفح ورحت وبكلبي اكول عابت شكد مغرور

شحجيت اني هسه وديت ماما على سديه وانتضرته علما جاب

المغذي شفته من بعيد جاي رحت عليه اطاني المغذي

ورحت لممرض اريد اطي اله ماحسيت اله صاح بيه كلي روحي

يم امج اني احجي ويا ومن يشكللها المغذي تعاي اريد احجي

وياج انسه نغم كتله ماشي ورحت اجه سوالها واني رحت ل ايسر

نغم ... نعم مساع كتلي اريد احجي وياج تفضل

ايسر ... زاد فضلج بس اريد انبهج على شغله ياريت تلتزمين بيها

نغم ...  عفوا وبصفتك شنو

ايسر ... انتي حاليا اتصيرين اخت احمد صاحبي ومن احمد

مموجود اني هنا بمكانه اي شي تردي انتي لو امج اطلبي مني ومن يجي احمد تطلبي منه تمام

نغم ... تفشلت لان حجيت هيج ويا وهو شرد عليه كتله تمام

وشكرا منريد نزحمك هواي تعبت ويانه ويا بابا ماقصرت

ايسر ... لتشكريني واجبي هذا يلا هسه روحي يم امج من تصير

زينه ارجعو للبيت بقئاكم هنا ماله داعي بس يطلع ابوج احمد يتصل عليكم ويطمنكم ان شاء الله

نغم ... تمام ردت اروح سمعت حجه

ايسر ... اااا ها والممرضين لتحجين شي وياهم خلي امج تحجي شبيها خلي هي تكللهم مو انتي

نغم ... تمام يلا باي عفته ورحت

ايسر ... اول ماجيت وشفتها يم الممرض واكفه وتحجي وبعدين

مشت ويا مدري شصار بيه صرت بركان حتى ماعرفت ليش

هيج عصبت وردت اتهجم على الممرض لان باوعلها يحجي وياي

ويباوع عليها رحت جبت المغذي لامها واجيت ركض عليها

حجيت وياها وكتلها يرحون لان كل الممرضين يباوعون عليها رحت ل احمد

ايسر ... حمود خل يروحون الاهل وجودهم هنا ماله داعي انت

مخليهم يجون وامك تخربطت هسه وتعبت وضغطها ارتفع الاحسن

تاخذ للبيت ترتاح واني وياك هنا نبقى اي شي جديد يصير كبل نتصل بيهم ونطمنهم على الوالد

احمد ... اووف امي شعنادتها اله توكع يلا ترتاح هسه راح اروح احجي وياها حتى تروح للبيت

ايسر ... كيفت من كال احمد راح يخليهم يرجعون راح لامه

كوه يلا اقتنعت تروح كللها راح اخلي ايسر يوديكم ويرجع يمي

اني هنا راح ابقى يم ابوي واجه حاجاني كتله تمام هسه اوصلهم وارجع بسرعه انت

اذا تحتاج شي اجيبلك وياي من الطريق

احمد ... لا ماريد شي ولك تعبتك وياي كلش الله يوفقك حبيبي

ايسر ...انجب عزيزي لتضل تمسلت مثل المخبل يلا رايح اني

احمد ... ههههههههههه طاحضك يلا ولي

ايسر ... طلعت تمشي كدامي وكامشه امها وصلت يم السياره

فتحتلهم الباب وصعدت امها وهي صعدت من الباب الثانيه

صارت وراي لبست نضاره الشمسيه وشغلت بطريق كلساع

وتجي عيوني عليها كلما انعل الشيطان واركز على الطريق الكه

روحي شارد بعيونها الصايرات حمر من التعب والبجي على ابوها

وجها التعبان وصاير اصفر بس رغم هذا بعدهي حلوه كلش

انوب كلت هاي شبيه جني مراهق صاير اني البنات اتخبل منهن

احب بس امي واديان هسه كمت اباوع على بنات العالم لا ونوب

شارد جني ابن الخمسطعش وصلتهم ونزلت وياها حتى اساعد

امها ضلت تشكر مني وتدعيلي سلمت عليها ورجعت ل احمد

وصلت كلي الحمدلله طلعو من العمليات هسه هو بلعنايه المركزه

خلو علما يصحه ويشوفون كلبه شلون صار راح خابرهم بشرهم

عليه واني خابرت امي كتلها احمد ابو مسوي عمليه يمكن راح اضل ويا

كالت اي يمه لتعوفه انت لمن جنت مريض وتعبان ماعافك

اله صرت زين هو هم لتعوفه وضل يم اخيك وصيتها تقفل

الباب وكرم يجي من وكت ليضل بره دايح وعايفجن واديان

كليلها خل تنام من وكت حتى تكعد من وكت عدها دوام وتراجع

زين كالت ماشي سديته منها ورحت بلكافتريا جبت لفات

وجاي النه وكعدنه ناكل اني واحمد لحد مااجه الدكتور

كال الحمدلله وضعه زين بس بلايام من يكوم يمشي لو من

يسوي جهد يلا نعرف كلبه صار زين لو لا واهم شي تنتبهون

عليه مينصدم لان الصدمه تموت كلبه وخاصتا حالته هسه

حرجه وراح صار اليل ابو كعد بس كوه يحجي تحمدناله على سلامته بعدين احمد انتبه وكال

احمد ... ولك انت شو ماوليت لاهلك

ايسر ... وين اولي ولك اليوم ابقى يمك لان صرت مطي خاف الوالد يحتاج شي

احمد ... انجب وامشي روح لخوتك وامك وحدهم ماعندي شي اني ابوي صار احسن باجر انطلعه

ايسر ... اي من تطلعه اروح لاهلي قابل اضل مكابل وجهك هذا الساد النعم والرزق علينا

احمد ... ههههههههههه تضل جلب بس احبك تعال تعال خل احضك

ايسر ... اي طكك الجفاف بعدني احجي حضني حيل بادلته

وصرت امسح على ضهره ونوب وخرته وكتله ادري لطشت ترى اسمي ايسر صاحبك مو سندس مرتك يلا ولي

احمد ... الكبر مو مال احترام يلا انطمر لتضل تلغي لان ميت تعب اطبكك بمكان المخده ترى

ايسر ... اي اي اني هم يلا نخمد

نمنه لصبح كعدت قبله لان مارتاحيت ابد بنومه كعدت مكسر

جسمي تكسر شفت احمد غاط بنوم ماردت اكعده خطيه

اجه الدكتور شاف ابو كال احسن كتله دكتور نكدر نخرجه

كلي اي تكدر الحمدلله على سلامته كتله الله يسلمك

وراح نزلت جبت ريوك الهم كعد ابو اكل شويه وكلساع يدعيلي

ويشكرني ماتحملت اذكرت ابوي ودمعت

عيوني كلت لو ابوي

لسه عايش واعرفه على جماعتي واصير صديقه مثل احمد

شلون مصادق ابو سرحت بفكري بعيد ابو خطيه حس عليه ضجت

كلي

ابو احمد ... بويه يسوري كلنا نموت وتضل بس ذكرياتنه

بس اكو يكولون الخلف مامات ابوك اني ماشايفه ولا اعرفه

بس ونعم التربيه انعرف بتربيتك الف رحمه على روحه

اي شي تحتاجه بويه تعال يمي اني هنا بمكانه اعتبرني انصحك اذا ضاكت بيك

اخيك احمد هم هنا سندك لتستحي من عدنه

وكبل احجي والله يفرحك كلبك وينور طريق لان ساعدتني واني عاحز

ايسرر ... شسالفه عمي الله يشافيك ويطول عمرك ومتقصر ونعم

منكم يلا هسه راح اكعد هذا التبل ونتريك ونسوي الخروج وتطلع

ان شاء الله رحت دفرت ماكو هذا ميت منتهي اني سامع اذا احد

تبدل مكانه مينام العينتين ميت عبالك خلص من فراشه وارتاح

كمت كلبته ودست على رجله وشمرت مي شويه على ركبته

طفر وصاح مرض بكلبك ايسر اكو مطي هيج يكعد واحد نايم متشوفني مطمور

ايسر ... يلا كوم حتى العالم كامت وراحت كلمن على وظيفته وبده

يمارس حياته اليوميه اله انت كوم لككك يلا خل نتريك هو اني

صوجي وانتضر واحد مثلك وباقي كاتلني الجوع

احمد ... مازقنبت علمود بطنك هيج كعدتني

ايسر ... انجب وكوم كدامي يلا راح وهو يسب ويغلط  ابو يضحك

علينا غسل وجهه واجه كعدنه ناكل اني ويا كام ركض

ايسر ... وين مولي

احمد ... ولك ابوي نسيت اريكه

ايسر ... اكعد تسمم اني جبتله ريوك وريكته

احمد ... لا بشرفك شنو اني امي تحبني ويوميه تدعيلي صرت انت رجلي اقصد صاحبي

ايسر ... عابتلج مرتي يلا تسممي حتى نولي لعبت روحي من ريحة

التعقيم عبالك بيه جرثومه كل شوي راشينه بديتول كملنه ورحت

سويت خروج لابو وطلعنا وصلنه للبيت لكينه امه بلباب خطيه

بس وكفنه السياره اجت تركض علينا سلمت واني واحمد

ودينا لاستقبال ارتاح جبت ادويته من السياره وطيتهن لاحمد

وطلعت جلبو بيه ابقى على الغده بس كتلهم غير مره ان شاء الله

لان تعبان كلش وامي وحدها بلبيت لان اخوتي راحو لمدارسهم

تشكرو مني وكوه طلعت منهم رحت للبيت شفت بس امي البقيه

بدوام رحت سبحت ونمت ذبيت روحي للغده امي كالت تعال

تغده صبيت كمت كوه تغديت وصليت وكلت لامي

ايسر ... يمه اريدج ترحين لبيت احمد صديقي تتحمديلهم على سلامة ابو ترحين

لو لا

ام ايسر ... اي يمه هو اني رديت اكلك اروحلهم ناخذلهم هديه حلوه وهم اتعرف على اهله

ايسر ... هاهي يمه لعد بليل نروح كلنا حتى كرم واديان خليهم

يرحون هم بعد شويه واطلعي انتي وكرم خل يوديج لسوك جيبي

هديه واني اجيب عصاير وشو شنو ويا لان اول مره نطبلهم عيب نروح ادينه فارغه

ام ايسر ... عفيه عليك يمه يلا هسه احاجي كرم ونروح

كملت غده وكمت  جبت عصاير لليل ورجعت

هم بعدني نعسان من البارحه رحت نمت لل عشه اجت اديان

كعدتني وكالت ايسر كوم ماما تكول راح نتاخر خل نتعشه من

وكت ونروح كمت صليت وتعشيت واديان تكيف من احد

يكللها اكو طلعه تروح ركض وسمعت عدهم بنات هي وحيده

تمل ماعدها هواي صديقات كالت اتعرف عليهن واصادقهن

خابرت احمد كتله راح اجي كلي هلا بيك قفلت البيت

واخذتهم ورحت  وصلنه البيتهم دكينه الباب طلع احمد

اتفاجئ وانصدم من شافنه ماجان يدري اني راح اجيب

امي واخواني واجي عباله بس اني راح اجي سلم علينا كلنا ودخلنا

ليجوه اني وكرم واخذ امي واديان ليجوه يم اهله سلمنه على ابو

كيف بينه وكال ليش زحمتو رواحكم وكفتك كافيه يمي بلمستشفى

نغم ... صبينه العشا واحمد كال راح يجي صديقه خل نكمل بسرعه

كملنا الاكل بسرعه وشلنه الاماعين غسلتهن ونهاد راحت نظفت

الصاله والاستقبال رحنه للغرفه اني وياها غيرنه ملابسنه

وتعدلنه كلنا خاف يجي احد عيب هيج نطلع شوي وسمعنه ماما

صاحتلنه نزلنه كالت هاي ام ايسر واخته اجو علينا احنا تفأجنا

ورحنه سلمنا عليهن وكعدنه جانت اديان حبابه حيل وبسرعه

واندمجت ويانه رحنه نريد نحضر الضيافه اجت يمنه بلمطبخ

كعدت جانت حيل متواضعه وحبابه اصغر مني بسنه تعرفنه عليها

واندمجن سوه هي ونهاد حجي لغوه ويكصن بلعالم وبلبنات الوياهن رحت قدمت الضيافه لامه ونهاد بقت تسوي للولد ويمها

اديان كعدت يم ماما وهي سالتني 

ام ايسر ... انتي شسمج حبيبتي

نغم ... اسمي نغم خاله

ام ايسر ... عاشت الاسامي هم تدرسين

نغم ... اي خاله خامس اعدادي اني

ام ايسر ... عفيه عليج كملي حلوه الدراسه ان شاء الله تنجحين وتتفوقين

نغم ... ان شاء الله شكرا خاله واجن كعدن نغم واديان وبقينه

نسولف اني وهنه وامي وامهم وحدهن وماما هم بسرعه حبت امه

لان حيل حبابه بقو ساعه ونص يمنه بعدين اجه احمد صاحلي

كلي كليلهم يلا راح يرحون رحت كتلهم اديان ضاجت وكالت ماما

خلينا شوي نبقى بعد حبيت البنات ماريد اروح امها خزرتها وكالت

ام ايسر  ... ماما فشله ابوهم مريض خلي يرتاح زياره المريض قصيره

ام احمد  ... لا  ابقو بعد والله ونستونه

ام ايسر ... غير مره نجيكم بلافراح ان شاء الله بعرس حمودي

ام احمد ... تسلمين عيوني زحمناكم

ام ايسر ... لا رحمه يلا اديان مع السلامه سلمت علينا وراحت

نغم ... طلعنه وراهم للباب وشفنه اخوانها ايسر والثاني ماعرفه

طلعو ستوهم همه واحمد ونهاد شافتهم تخبلت

نهاد ... ولج نغم هذا ايسر يموت شوفي  الطول والجسم عبالك ممثل فدوه لربه شلون حلوو

نغم ... ولج اروح اكول لامي ترى شو صايره خفيفه شحصلنه من الزلم متكليلي

نهاد ... انتي ضلي عايشه بلماضي ولتتقدمين خطوه ضلي بنفس

مكانج تدورين هسه ولي ماريد اعكر مزاجي وياج اريد اشوف

هذا الحلقوم اليمشي كبالي لج لج نغم شوفي شلون يمشي عنده

عضلات حلوه مو مثل هذوله الينفخوهن جنهم نسوان شوفي

طوله جنه ضابط يمه فدوه قلبي الصغير لا يتحمل

نغم ... ترى شكله عادي ماكو داعي لهل مبالغه بس انتي تحبين

تعضمين الامور اصلا روحي لعبانه من كل الزلم اكرهم

نهاد ... دولي حتى طلعو من ورا نكدج ماشفته عدل هسه احمد

اتاخر شويه ضل سولف ويا اله تطلعون كبل طبت ماما لان طلعت

ويا امه وسلمت عليهم رحنه اني ونهاد لمينه الهوسه واحمد جاب

بابا للغرفه حتى ينام ورحنه على غرفتنه طلعت كتبي وكمت اقره

لان هملت دراستي كلش بهاي الفتره بين

هذا الحقير جهاد وبين

عملية بابا وكمت اقره المتراكم عليه ماضل هواي  وتجي امتحانات

اخر السنه كعدت اقره فدمره خليت كل

وقتي بدراستي حتى اتعب

وانام كبل ومافكر بي بس مع الاسف كلما انام تجيني احلام بي

وافز ابجي بقهر لمن انام ودموعي بعيوني يحركني رحت ل احمد

لغرفته شفته هم يقره هم عنده امتحان سألته

نغم ... احمد اريد اقره وصعب عليه الرياضيات اذا تعرف فهمني شفته كيف كلي كعدي كعدت وكال

احمد ... عفيه بنغمه القويه حيري بدراستج وتقدمي ليكدام وانسي

الماضي اني وياج بكل خطوه مااعوفج منا لمن تحقيقين حلمج

واشوفج احلى محاميه خاف اوكع بمشكله تخلصيني منها

نغم ... اسم الله عليك يروحي ليش هيج تفاؤل على نفسك

احمد ... ههههههههههه اشاقه يابه يلا تعاي راح تبدي متحانات الفاينل مالتكم سويتي جدول تقرين عليه

نغم ... بس عفوا يا حضره المهندس ممكن تكولي شنو فاينل

احمد ... ههههههههههه نسيت انتو بعدكم صغار وماواصلين كليات

ومتعرفون شنو فاينل يلا هسه راح اتفضل عليج واكولج شنو

معناها فاينل يعني النهائي او الاخير وامتحانات الفاينل يعني

الامتحانات النهائيه الكم هسه عرفتي يلا

تعاي شنو عندج خل اشرحلج واروح انام

نغم ... انطيته كتابي شرحلي وسوالي جدول ادرس عليه

وينطيني ملاحضات لحد ما افتهمت ورحت ادرس المواد البقيه وحدي لحد مانعست ونمت

~~~~~~~~~~~~~

ايسر ... من رجعنه من بيت ابو احمد للبيت وامي تسولف بيهم

وتكول حبابين واديان اندمجت وياهن وكامت تحبهن وتبادلن

الارقام تطورت الامور بيهن اني كيفت لان اختي تحب تندمج

رغم هي وحيده بس ما صارت معقده دائما تحب سوالف وضحك

بلبيت ويانه ويا امي مخبلتها وصلنه للبيت فتحلي كرم الباب

وطببت السياره ليجوه ونزلو رحت سديت الباب وكبل رحنه نمنه

كعدت الصبح نزلت لكيت امي كاعده جان جمعه ماكو دوام بس

متعودين الجمعه كلنا نلتم على الاكل كعدو البقيه امي شكتلي

على كرم تكلي هامل دراسته وميقره زرالته زراله تخبل من الصبح

وكتله يوميه بليل تجيبلي كتبك ارجعلك قبل لتروح لدوام واذا

ماقاري شوفلك جاره هو يخاف مني من زمان عندي سلطه

عليه لان عصبي ومخبل كلشي اسوي هو ميكولي لا لان ينعلس

بديت ويا كتله ليوم نخلص ريوك وتجيبلي الكتب وتجي

كرم ... هو هسه ليوم جمعه واريد اطلع ويا جماعتي خليها باجر

ايسر ... كعدت عدل وكلت شنو استاذ كرم عيد ماسمعتك

كرم ... يسور عمري حبي حياتي روحي عشقي وتيني قلبي

ايسر ... انجب ولك شو صاير جنك مراهقه شهل حجي المابي خير

كرم ... فدوه يسور مو ليوم والله انريد نروح نلعب طوبه اني والشباب خليها باجر وعد

ايسر ...  انجب باجر عندي دوام اني بليل الساعه ب 9 انت فارش كتبك وتسجل ملاحضات وياي

كرم ... هاي شبيك يسور هو هيج كلناها على كيفك وياي اني اخوك الوحيد وسندك وتاج راس..

ايسر ... شنو ولك شنو عيد اخر كلمه  شتفضلت

كرم ... ها يسور شبيك متتحمل شقه

جنت اكول انت تاج راسي

ايسر ... ب 9 بليل لا ل 9 هواي ب 8 احلى وقت

كرم ... غصيت بجاي وصحت لا يمعود يلا ب 9 والحمد الله هو كله منين من زمنكي فتحت علينا باب النار

زمن ... ولك شو انت ماتستحي زمنكي شنو سمعته ايسر ميحترمني صاير

ايسر ... خل يكمل اكله واني اعلمه

كرم ... شبيكم متتحملون شقه حزعل وحروح من هذا البيت المايحترم رائيي ولا يحترم حقوقي

ايسر ... انجب واكل بسرعه حتى تولي منتضرك ب 9 عندي الك شغله حلوه تعجبك

كرم ... هو اكو غير بوكسياتك هاي هم شغله حلوه الحمدلله والشكر بعدني عايش

من وراهن

ايسر ... وانتي ست اديان شلونج بدوام

لو ترحين بس تلغين ويالبنات وعايفه دروسج

اديان ... ها ايسر رجعت عليه انت تعرفني كلشي زين دراستي

بلمركز الاول ماكو شي افضله عليها واكوم ادرس وحدي احسن من هذولاك العالم اله

بل بوكسيات

كرم ... هاك تفضل شفت ايسر خلتني فرجه لليسوه والميسوه

وخليت طفله بكد اصبعي تشمت بيه بعد

وين كرامتي اله اشرد

من هذا البلد تهريب اني شخصيه تحتاجني كل الدول عليمن باقي

هنا متحمل بوكسيات هذولاك العالم والشماته من الجهال

ايسر ... ضحكني على سوالفه ومسوي روحه ضايج ومزعوج كرم

مرح كلش وسبورتي كبل يندمج عكسي اني افصل البشر واجربه

يلا اعاشره وقليلين عندي اصدقاء لان مو ياهو اليجي اصادقه هذا

طبعي جدي كلش بس كرم يختلف عني حيل ميحب يطول

بزعل شكد مااني اضربه بس يكسر خاطري وارجع احاجي بصوره

غير مباشره لان مااحب اعتذر لو انذل كدام احد بس امي واديان

لان هذني صدك يقاطني ونفس طبع بلكبرياء ميطخن راس اما

كرم متعرف شقا من ضحكه من خباله كلهن سوه يجن بوقت واحد

كملنه اكل وكمنه اخذت كلاص جاي ورحت بلاستقبال كعدت

على الفون اكنك وحجيت ويا احمد عن وضع ابو كال بده يتحسن

اجت امي كعدت كبالي حسيت تريد تحجي شي تباوعلي وتفرك ب ايدها سديت الفون وكتلها كولي يوم اكو شي

زمن ... ااااا اي يمه ايسر ردت اكلك على شي

ايسر ... اي يوم احجي

زمن ... يمه بصراحه البارحه من رحنه لبيت ابو احمد اجن بناتهم

سلمن علينا وكعدن اني عجبتني بتهم اسمها نغم وحيل حبيتها هادئه وطيبه اااا شنو رائيك يسور اخطبها الك

ايسر ... امي هيج حجت لو مادري شصار بيه كمت بسرعه وكفت

وكتلها يوم سدي هاي السالفه ماريد ازوج هسه خل اكمل دراستي

واخواني يوصلون ماريد كلشي اليه وطلعت قبل لا اسمع ردها

لان امي اذا بقيت يمها تزفني يلا تعوفني ورحت افكر بكلامها

بعدين رحت لشط بقيت هناك كاعد وصافن على المي سمعت صوت وراي

احمد ... عليمن صافنه وايدج على الخد بس لا عاشقه وبالج احد

ايسر ... وجع اليجي يطلع صوت مطي صوت اي حيوان مو يجي هيج كبل فززتني شرايد وين مااولي الكاك وراي ماارتاح منك شوي

احمد ... اكو نصف مليار او اكثر على الكره الارضيه يتمنون شوفتي

وانت تتبطرن وتطرد بيه احمد ربك اني معبرك وجاي كاعد يمك

ايسر ... بلا مسلتة يلا روح يم النصف مليار التحجي عنهم خليني

ارتاح من شكلك الحلو يلا ادعبل ماريد اشوف خلقتك يمي

احمد ... شكو ولك صاير شي شبيك هيج جنك ثور هايج عليه

ايسر ... گلت بگلبي شحجيلك اني راسم على اختك لو اريدها

مدري معجب مدري احبها من صدك اووف راسي راح يطگ من

التفكير كتله ماكو شي يلا رايد شي اريد ارجع للبيت كلي سلامتك

رحت وعفته واني شسوي  بروحي مادري شنو هاي احبها هو اني

شفت منها واحبها لو معجب بيها بس اني متاكد بس اعجاب شهر

بل هواي يروح وانساها وصلت للبيت وكبل لغرفتي اريد اشرد من امي هسه تفتح سيرة الزواج كدامي ومااخلص بعد

~~~~~~~~~~~~~~~

نغم ... رجعت لدراستي واهتم بابا هم صرت مسؤوله عن ادويتة

ورجعت ركزت على امتحاناتي واشتغل واقره واتعب حتى أروح

انام كبل وماافكر يوم جنت اشتغل اجت

ماما كلتلي هاي افنان

تريد تحجي وياج استغربت ليش افنان تتصل بيه بعد الصار جاوب

افنان ... هلا نغمه حبيبتي شلونج شخبارج

نغم ... الحمدلله بخير انتي شلونج

افنان ... الحمدلله مشتاقتلج حبي والله حتى الصار موتني ماتمنيت هيج يصير وياج انتي

نغم ... الصار صار افنان مااريد اذكره فدوه اروحلج سدي الموضوع

افنان ... متردين تعرفين اهلها شسوو بيها لسمر

نغم ... ميهمني لا سمر ولا جهاد بعد ونفسي لعبانه من قذراتهم

لج شلون حلت بعينه شلون سوتها وراحت ويا وهي تعرفه هو شنو

افنان ... من يوم العرفو اهلها اخوها حسن موتها تموت كصلها

شعرها وحمه المي الحار وخلا اديها بي وحركهن وكال خل تموت

ونخلص منها رادو يكتلوها بس ابوها كال لا تفضحونه العالم اذا

عرفو ياكلون وجوهنه وظلت جوه ايد اخوها يكومها بكتله

ويكعدها بكتله وهسه يردون جهاد يزوجها ويسدون عارهم

بس جهاد ماقابل لان ابوي طارده منعوف وين

ميدرون بسالفه بس احنا واهل سمر عمامي البقيه ميدرون 

نغم ... بلعافيه عليهم همه لايكين لبعض الله يسعدهم

افنان ... نغمه حبيبتي والله تمنيت انتي تصيرين مرت اخوي

سمر اذا اجت هي واختها ثنينهن محد يكدرلهن بعد والبيت يصير

جوه اديهن هي جانت بس فرح واحنا منكدرلها انوب تجي اختها

يمها حيل اكرهن ومااريدهن يبقن بيتنه امي كامت يوميه تدعي

عليهن وتتمرض وتتعب على جهاد لان مو يمها بلبيت

نغم ... حبي افنان انتي تعرفين بيه شكد احبج وعلاقتي بيج

مراح تتغير بس عفيه من تتصلين عليه لتذكرينه كبالي ماتحمله

نهيت الاتصال وسديته منها ورحت كملت شغلي لليل نمنه ثاني يوم

احمد راح لدوام لان سبت يداوم كملت شغلي واخذت التلفون

احجي ويا البنات سديته منهن بعده التلفون بيدي اتصل احمد

جاوبته صاح  نغم خابري على ايسر بسرعه خل يلحكتي لمركز الشرطه ......

"ماعاد تكرارُ هذا الخوفِ يرعبُني

‏ولا الأماني التي تهوي من القِمَمِ

‏ما أهتزت النفسُ من همٍ و نائبةٍ

‏أنا الضريرُ فما خوفي من الظُّلَمِ".

صاح نغم خابري بسرعه على ايسر خل يلحكني لمركز الشرطه

متت بدمي كتله احمد شعندك بمركز الشرطه كلي نغم صارت شغله

مادري شلون لكو مخدرات بسياره ماعندي وقت الشرطه تمشي

وراي وكدامي كلولي كدامنه اطلع للمركز بسرعه نغم يلا خابري

ايسر وسده بوجهي كمت ابجي واصيح

ادور على رقم ايسر

اديه ترجف مادري شلون لكيته خابرت

بسرعه رد كلي منو

كتله نغم اخت احمد

ايسر ... جنت ستوني طالع من الجامعه وراجع للبيت افكر شوكت

اوصل وانام ميت تعب وموبايلي دك شلته رقم غريب فتحت خط

وجان اسمع بجي بنيه وكفت السياره بسرعه وكلت منو كالت نغم

اخت احمد هي هيج كالت واني روحي ساحت مني رديت عليها

هلاو نغم شلونج جاوبت وهي تناشغ وتحجي كلشي مافتهمت منها

تصيح الحك لاحمد فدوه هي كالت احمد

اني صرت نار صيحت

عليها وكلت احجي احمد شبي بطلي بجي وفهميني هستونه

طلعنه من الدوام وكل واحد راجع للبيت كلتلي

نغم ... اااا ايسرر فدوه احمد رايح

للمركز الشرطه شايفين اكو

مخدرات عنده واخذوو فدوه الحكله اريد اخويه منك منكدر نعيش بدون احمد سوي كلشي لخاطر خوتكم

ايسر ... كافي اهدي نغم بيا مركز رايح ماكلج

نغم ... لا بس كلي مخدرات  وخابري ايسر بسرعه وسده بوجهي

ايسر ... سهله خلي التلفون قريب عنكم واني رايح لاحمد لتخافين

ماكو شي يلا باي سديته منها وخابرت على الضابط حسام صديقي كتله اجاكم احد هسه للمركز

حسام ... اي بس واحد اسمه احمد عباس تهمتة مخدرات لكو بسيارته وهسه

يمنه مستقبلي بتوقيف

ايسر ... لا حسام دير بالك احد يسويله شي هذا بامانتك علما اجي مااريد اي واحد يلمسه مفهوم

حسام ... ايسر هذا تاجر مخدرات شعرفك بي

ايسر ... حسام احمد بريئ هاي تهمه ملفقيها عليها جايك اني خمس دقايق يمك

دير بالك احد يلمسه

وصلت للمركز ركض حاجيت حسام كلي هناك بلغرفه خليته محد لزمه لتخاف رحتله ركض شافني كام بسرعه واجه عليه

~~~~~~~~~~~~~

احمد ... كعدت الصبح واني مامرتاح احس راح يصير شي ليوم

ماعرف شنوه نزلت غسلت وبدلت جان عندي دوام لكيت امي كاعده سوتلي ريوك شويه وكالت

منال ... حمودي يوم ابقى اليوم شو ماعرف شبيه تعبانه كلش

احمد ... خير يوم بيج شي

منال ... مادري يمه اذا ماعندك شي ابقى هنا

احمد ... يمه عندي امتحان لو ماعندي اضرب الدوام اروح امتحن واجي ماابقى

اكمل المحاضرات الباقيه واجي بسرعه

انتي حضري نفسج اخابرج من ارجع حتى اوديج لدكتور

منال ... دير بالك على روحك يمه فدوه مو تتاخر

احمد ... بست راسها واديها ورحت دعتلي اخذت سيارة ابوي

لان من تمرض لسه السياره عندي اخذتها ورحت لدوام بطريق صعد

وياي ولد كلي فدوه بس وصلني وياك لراس الشارع مستعجل

كلش وصلته بطريقي نزل وطلعت كبل وصلت لجامعه .صفيت

السياره بلكراج ونزلت رحت على مكانه اني وايسر انتضرته

شويه اجه سلمت عليه كعدنه نقره شوي وصار وقت الامتحان

كمنه للقاعه امتحنت وطلعت انتضرت ايسر من طلع كتله راح

اروح اني امي تعبانه اريد اوديها للدكتور لو ماعندي امتحان

مااجي ماراح ابقى للمحاضرات الباقيه كلي

لعد اطلع وياك

ماريد ابقى وانت مو بدوام مالي واهس ليوم هم داومت علمود

الامتحان طلعنه سوه للكراج كل واحد اخذ سيارته وطلع من

شارع شكل وصلت يم السيطره وقفوني استغربت عمري ماوكفتني

سيطره كلولي انزل نريد انفتش السياره وصلتنه اخابريه عن

سايق عنده مخدرات نزلوني وفتشو السياره لكو من مكان الصدر

بين التخم جيس مخدرات راحو فحصو وسمعت الشرطي يكول

شيلو هذا المجرم اني هاي الاحداث كلها صافن شلون لكو وشجابه

يمي اذكرت اليوم الولد الصعد وياي الصبح اجه على بالي هو الوحيد

كتلهم اني اجي وياكم مخايف من شي لان متاكد من

نفسي مااسويها كلي اي اي احجي هذا الحجي بلمركز مو يمي

صعدت بسياره ورحت وياهم طلعو دوريتين شرطه وياي

وحده تمشي وراي وحده كدامي ماعرف ليش كبل دكيت على

اخر رقم عندي بلاتصالات امي لان كتلها طالع حضري نفسج اجي

اوديج لدكتور كبل خابرتها طلعت نغم همزين مو امي خاف تنهبط

من سمعت نغم كتلها تخابر على ايسر بسرعه وتكله خل يجي وياي

للمركز لان ايسر عنده هواي معارف ضباط وسديته منها بدون

ماافهمها غير بس المخدرات حتى تكول لايسر وصلت للمركز

ودوني لغرفة التحقيق اجه ضابط اسمه حسام حقق وياي

واني كتله ماعرف والله بيهن ومنين اجن اليه كتله على واحد

صعد وياي ليوم قبل لا اروح لدوام ونوب رحت لدوامي

امتحنت ورجعت شويه عافني وطلع لان نفس الحجي اعيده

تقريبا مرت ربع ساعه انفتحت الباب واجه عليه ايسر

كمت حضنته وكعدت اسولفله كلشي كلي اني راح احجي

وياهم واطلعك بكفاله ماقبلت كتله لا ايسر هسه اني متهم ومراح

يطلعوني اله يعرفون التهمة كلها ضليت احجي ويا اجه الضابط

حسام كله ميطلع اليوم اله تنعرف منو السوا هيج مو يكول اني

بريئ سمعنه صوت نسوان بره عرفت هاي امي حسها كلبها

~~~~~~~~~~~

نغم ... من خابرت على ايسر  اني مرعوبه واصيح ونزلت اركض

لاهلي واصيح ماما بابا احمد اخذو لسجن وارجف

اجت ماما تصيح شنو ولج ياسجن كتلها

ماما خابرني وكلي لاكين

بسياره مخدرات وشايلين احمد لسجن اني كلت هيج وماما وكعت

من طولها انخبصنه بيها اني ونهاد وبابا انصدم وكام وكف هم

كلبه تعب وكع على اركبه اني احتاريت

بماما ونهاد احتارت

بابا كعدت امي كامت تبجي وتلطم وتصيح الصبح كتله لتروح

حسيت اليوم راح يصير شي مارتاحيت من طلع احمد لسه يمه

وحيدي راح مني ولك وليدي ارجع فدوه لطولك وكامت تركض

كالت راح اروحله ماابقى دقيقه نهاد كالت

نغم روحي ركض ويا امي واني ابقى يم

بابا لا توكع

نغم ... طرت على الدرج جبت جبه وشال لبستهن شلون ماجان

الجبه ماسديتها والشال شمرته شمر ورحت  لغرفتهم  اخذت فلوس   وتلفون امي وطلعت ورا ماما ركض لكيتها

بشارع تبجي وتصيح تريد تاجر تكسي فات من يمه رجال صعدنه

ويا وكالته على مركز الشرطه راح بسرعه يمشي وماما تبجي

وتصيح الله ليوفقه الجان السبب راح وليدي ولك احمد يمه لتروح وصلنه للمركز ونزلنه ماما فاقده متعرف وين تروح

بس تبجي وتصيح وين وليدي طلعو اخذتو انتو رجعوليا اني

مربيته اعرفه ميمشي بلحرام متاكده من تربيتي

نغم ... اني اباوع لماما التفرفح وابجي ماكدر احجي شي بس

ابجي ماريد اخسر احمد مره ثانيه شويه وشفت من بعيد

ايسر جاي ركضت عليه وصحت فدوه ايسر احمد

ميسويها انت مو تعرفه طلعه منا ابوس

ايدك مااريد اخسر اخوي فدوه اروحلك

ايسر ... من سمعنه صوت نسوان بره

احمد كبل كلي هاي امي

اجت ايسر فدوه روح وديها ماريد امي

تدخل مراكز من وراي

وتصير فرجه لشرطه والضباط طلعت من

يمه وصيت حسام

ميمدون ايدهم عليه منا لمن نلكف الولد الصعد ويا ونخلي يعترف

طلعت لكيت امه كبالي تبجي وتتوسل

بشرطه كسرت كلبي واجت اخته تتوسل بيه

خطيه حتى شفتها كبالي نسيت حتى شردت احجي

مانتبه على روحي خليت ايدي على وجها ومسحت دموعها

ايسر ... لتخافين مسحي دموعج اني مصدك احمد ميسوهاانتي شجابج لهنا هاي الشرطه كلها تباوع عليج وماكلتج بعيونها

نغم ... ميهمني احد اريد اخوي اريد اشوفه

ايسر ... بعدهي تحجي اجت امها تبجي وتتوسل بيه حتى تشوفه وتحجي ويا طبيت لحسام كتله كلي خل يجن يشوفنه بس ل يتاخرن طلع هو واني جبتهن امه شافت شمرت نفسهاعليه وكامت ابجي وتصيح نغم هم مثلها بس متصيح بس تشهك

منال ... يمه مو كتلك لتروح ليوم حسني كلبي راح يصير شي .

وانت ليوم مترجع بس ماتوقعت هيج يسون يخلونك تصير

متهم وتبيع مخدرات ولك يمه اذا نسجنت اني اموت ماتحمل

احمد ... اسم الله عليج يمه ماكو شي لتخافين تصدكين اني ابيع

مخدرات من يعرفون بيه بريئ راح يطلعوني بسرعه

نغم ... حاضنه احمد وابجي هو يسكت بيه ويكلي نغمه انتي بمكاني صيري قويه وديربالج على ابوي وامي ونهاد منا لمن اطلع

ودراستجن ابد لتهملنها اذا تردني ارتاح ومااشيل هم لتعوفنها وهذا ايسر بمكاني اكيد راح يدير باله عليكم علما ارجع مو ايسر

ايسر ... بعيوني اخليهم انت لتخاف ولادير بال اطلعك اطلعك

لو اعرف ادور على هذا العار شارع شارع واجيبه

احمد ... شفتي يمه يلا هسه رجعو للبيت مااريدجن تدخلن مراكز وجايبه وياج نغم

نغم ... طمنه ايسر مراح يعوف احمد اله يطلعه بعدني احجي ويا دك تلفون ماما جبته بسرعه وياي جاوبت جانت نهاد تبجي وتصيح نغم لحكوني بابا مدري شبي اكعد بي ميكعد

سمعت هيج كمت ابجي ماعرفت شحجي احمد اخذ التلفون مني وتغيرت ملامحه من سمع ابوي واكع سده

احمد ... يسور اخيك ابوي مادري شبي الحكله فدوه اروحلك اخذ امي ونغم وديهم لببيت وطلع بي للمستشفى كبل

ايسر ... يلا ماشي يلا يمه امشي بسرعه اخذتهن وطلعت للبيت طاير وصلتهم سوولي طريق طبيت لكيت ابو مدد بلكاع وجها ازرك لا يحرك ايد ولا رجل نغم شافته كامت تبجي وتصيح

اجت وياي سندنا وديته لسياره خليته واجت نغم كالت اروح

وياك ماعوف بابا كتلها ارجعي اني اودي مااحتاجج كامت تبجي

وتتوسل بيه اني صرت نار على اعصابي اخذتها هم طبت للمركز

وشافوها الشرطه وهم هسه المستشفى وراح يشوفوها الممرضين

نغم ... وصيت نهاد على ماما تدير بالها عليها واني اخذت فلوس

بابا بسرعه من الميز وتلفون ماما وطلعت اركض ورا ايسر كلي

مترحين كمت ابجي واتوسل بي كوه قبل الطريق كله ابجي

واصيح بابا فدوه لتعوفنه مو احمد بسجن وانت منا راح تموت

فدوه فتح عيونك حاجيني بابا لتروح ايسر امشي بسرعه بابا مات فدوه امشي على اعلى سرعه

ايسر ... اباوعلها انهارت وبس تبجي من جهه على ابوها ومن جهه على اخوها احتارت على منو تبجي كلبي نار عليها كلت راح

يصير بيها شي سقت بسرعه وصلت نزلت ابوها وهي وياي

شالته لا ميتحرك وديته على السديه اجه لدكتور فحصه وكال

مسوي عميله جديد موو وانوب انصدم احنا مو كلنه لا ينصدم

دخلو للانعاش خلوله اجهزه مال قلب وكانويلات ثنين وحده لدم وحده للمغذي وكامو يسووله صدمات كهربائيه لكلبه وهو منتهي

نغم ... شفت بابا شكلوله اجهزه لكلبه ونوب سووله صدمات وهو ماتحرك كمت الطم و ابجي فقدت واركض عليه ويرجعوني لدكاتره لحد ماطلعوني بره اني ماطلعت ماحسيت اله ايد نخلت على بطني وسبحني وطلعني بره كمت الطم واصيح ايسر بابا ماااااتت ايسررر

فدوه الحكك على بابا مااريده يعوفنه ويروح ماعدنه احد غيرهم

بابا واحمد وثنينهم ماكو بابا راح يموت واحمد مسجون فدوه

الحك ابجي واصرخ والطم لحد ما بعد ماحسيت على روحي

ايسر ... من شافت ابوها مااستجاب لصدمات وهي تخبلت

كلبت المستشفى بلصياح والعياط والطم

فقدت كوه كامشها

كلساع تهد اديه وتركض للغرفه مال ابوها وتريد تدخل اجرها

عنهم الى ان وكعت من طولها بحضني

شفتها هيج تسودنت

شلتها وديتها للغرفه وصيحت على الممرضات اجن قاسن ضغطها

كالن صفر ضغطها شكلن الها مغذي طلعت شفت لدكتور كال

ابوها استجاب للصدمات ورجع اشتغل كلبه وهسه وضعه

استقر اشتكرت من لدكتور ووصيتهم عليه صارو امانتي هذوله

بغياب احمد رجعت يمها بلغرفه لكيتها بعدهي ماكعدت جريت

الكرسي وكعدت يمها شوي ودخل واحد من الممرضين

الممرض ... ممكن تتفضل بره اريد اشوف المريضة

ايسر ... عفوا ليش ماكو ممرضات يجن انت ويدزوك

الممرض ... هذا شغلي فدوه لتعطلني واطلع

ايسر ... افحص خطيبتي كدامي وروح بسرعه مااعطلك عن شغلك

الممرض ... اسف المريضة خطيبتك يلا هسة اشوفها

ايسر ... من كلي المريضه خطيبتك يلا حسيت على نفسي اني

شكلت شحجيت فحصها كبالي واني اشتعلت نار كوه تحملته

غير المغذي الها وطلع بقيت اباوع عليها كمت غطيت شعرها

ونزلت الشال على صدرها وسديت جبتها وكعدت كبالها

صافن بملامحها بعدين حسيت وكلت هاي امانتي شلون هيج

اباوعلها نعلت الشيطان وردت اكوم شفتها فتحت عيونها وكامت

تبجي وتصيح بابا لتعوفني احمد ارجع فدوة اروحلكم لترحون

وتعوفوني وحدي كتلها ابوج صار احسن هسه جنت يمه استجاب

للعلاج وهسه وضعه مستقر كامت بسرعه تريد تروحله ماخليتها

ايسر ... نغم اكعدي خل يصير وضعج زين هاي عود احمد امن اهلج

يمج وكال انتي قويه هيج تضعفين كدامهم هسه همه صارو

ياخذون قوه منج صيري قويه واوكفي على رجليج لخاطرهم هاي

امانه خلاهم احمد يمج علما يطلع انتي كليله كدرت اكون كد المسؤليه ودرت بالي على اهلي بغيابك مو تبجين وتلطمين وابوج

بعده عايش فاولتي عليه بلموت

نغم ...  بدموع شسوي من شفت بابا ميتحرك كدامي كلت خلص

اني خسرت ابويه واخويه بنفس ليوم صعبه عليه اتحمل فقد واحد بيهم اني محتاجتهم ثنينهم يمي

ايسر ... نغم لتخافين على اخوج اخذيها وعد مني ماارتاح اله اطلعه ويرجعلكم وابوج هم مااعوفه اله يكوم يمشي اريدج وياي

صيري قويه حتى نكدر نرجعهم تمام

نغم ... هزيت راسي وكلت شكرا ايسر لو ما انت يمنه ماعرف شصار بينه هسه شكد مااشكركك بعدني مقصره وياك واكفاتك

هواي النه شكرا على كلشي

ايسر ... لتشكريني هذا واجبي لو احمد بمكاني هم يسوي هيج

وياي واكثر بعد بس اذا تردين تشكريني من صدك صيري قويه

وهذا كله امتحان من رب العالمين الج وهو متاكدر راح تنجحين بي لان لا يكلف الله نفس اله وسعها

نغم ... ارتاحيت من حجه هيج وياي مسحت دموعي وكتله اوك

راح اصير قويه واتحمل كلي عفيه رايح اجيب شي تاكلين حتى

تكومين على حيلج عندج هبوط راح جابلي لفات كص ثنين

وعصاير ثنين واجه كلي كلهن تاكليهن كتله لا حباب مااشتهي هلكد كوه قنعني كتله اكل بشرط

ايسر ...  اي شنو الشرط

" مضتْ بإنائها مرة

تصبُّ الماء في الجرة

فأحزنها بأن الثقبَ

يسرق ماءها عبره

ولكن دون أن تدري

سقت من خلفها زهرة

فلا تحزن على شيءٍ

فرُبّ لكسرة جبرة".

بشرط ،،،   ايسر ... شنو الشرط

نغم ... تاكل وياي الك لفه وعصير واليه لفه وعصير لتفشلني لان انت هم اكيد بعدك على الريوك وماكلت

ايسر ... بويه دكلي انتي وعوفج مني مااريد شاكيلج اني

نغم ... من كلي بويه دمعت عيوني ونزلن دموعي

ايسر ... شفتها بجت كلت عجيب هاي شبيها لان ماريد اكل كامت تبجي كتلها يلا اسكتي راح اكل بس لاتبجين راح تغرك المستشفى من ورا دموعج

نغم ... ضحكت على كلامه واطيته لفه وعصير واني هم اخذت وكعد كبالي وكام ياكل سوه اللفه لكمتين واني بعدني اتفها بيها

نغم ... ههههههههههه شبسرعه خلصتها اني لسه اول لكمتين

ايسر ... اي ضحكي مو اني فاهي مثلج

نغم ... فتحت عيوني كلت اني  مو فاهيه بس غير مريضه

ايسر ... ها صدك يلا كملي على راحتج حتى تشوفين ابوج واوديج للبيت متبقين

هنا كلها زلم اني ارجع ابات يم ابوج

نغم ... كتله ماشي مااريد اعاند لان عرفت بابا صار زين بس امي ونهاد ماعرف عنهن شي راح ارجع علمودهن خلصت وراح ايسر

صاح للممرضه اجت شالت المغذي مني رحت للحمام عدلت نفسي ورحت لغرفه بابا شفته ايسر يعرف ممرض هناك وصا على بابا وطلعنه وصلني للبيت طبيت شفت ماما بعدهي تبجي

كامت عليه كتلها الحمدلله صار زين بابا كالو ليوم يبقى ميطلعو سمعت الباب اندكت كامت ماما فتحته شفنه من شباك المطبخ ايسر اجه وجايب ويا مسواك كومه علاليك اجه شايلهن سمعت ماما

تشكر منه وتمدح بيه وتكله يمه عدنه والله ليش تعبت نفسك اكو

خير من الله كللها هسه اني شجبت يمه ديرو بالكم على رواحكم

قفلو الباب لتفتحوها لاي واحد واي شي يصير رقمي يمكم اتصلو

بيه بسرعه ثواني تلكوني يمكم امي ضلت تدعيله وتشكر منه

وبجت وكال يمه خوش اختار احمد اخو اله بشدته صارله كلشي رحم الله ولديك يمه على هاي التربيه ماقصرت ويانه وطلع ماما جابت المسواك وطبت كل ساعه وتخابره على وضع بابا واحمد وهو يطمنها

ايسر ... رحت وديت نغم للبيت ورحت جبلتهم مسواك ورجعت وصيتهم يسدون الباب وردت ارجع للمستشفى بطريق خابرني الضابط حسام فتحت خط رد عليه احمد كلي تعال ايسر رحتله شفته

احمد ... ها ايسر كلي ابوي شبي فدوه

ايسر ... لتخاف احمد مابي شي تعب ورحت وديته للمستشفى ليوم ميطلع راح ابات يمه وانت لتخاف ماكو شي من باجر راح

اكلف الضابط حسام يطلع للمنطقه ويشوف الكامرات مال الفرع حتى يشوفون منو الصعد وياك ويعرفون شكله ويدرون عليه اهلك والبيت ب امانتي ان شاء الله تطلع بخير وسلامه وارجعهم الك كلهم

احمد ... ادري بيك كفو وكدها ايسر امي والبنات امانه يمك

علما ابوي يكوم على حيله ويرجعلهن لتجي عليه بعد ضل يمهم اني ماعندي اخو يبقى بمكاني بس انت

ايسر ... بعيوني اخليهم لتدير بال يلا يسبع راح اروح اني محتاج شي اجيبلك

وياي من اجي مره ثانيه

احمد ... تسلم حبيبي اذا احتاج اتصل بيك والضابط حسام هم مامقصر مشكورين على وكفتكم

ايسر ... اطيح حضه غير شحده يحجي وياك ماريد روحه يمكن

حسام ... ها ولك ايسر شو اختلفت عليه ترى هسه اكوملك

ايسر ... اشاقه وياك خيي احمد بريئ ومنا لمن تبين براءته مااريد اي بشر يلمسه ماشي

حسام ... ماشي يلا توكل انت

ايسر ... ودعت احمد وطلعت للمستشفى شفت ابو احمد وضعه لسه خابرت امي حجيتلها كلشي

زمن ... يمه يسور لتخاف علينا ابقى يم اخيك واهله يحتاحونك اكثر من عدنه دير بالك على ابوهم

ايسر ... ودعت امي وصيتها على كرم ميطلع منا لمن ارجع لان مااكدر اجي للبيت وسديته منها ورحت اكلت لان جعت كلش

وبعدين صعدت يم ابوهم بلغرفه صار اليل كعدت اتصفح بتلفون شويه ودك موبايلي هاي ام احمد بسرعه فتحت خط وسمعت

صوت نغم وهي تحجي بصوت ناصي وتبجي

نغم ... ايسر فدوه تعال للبيت

ايسر ... طفرت من مكاني وكلت خير نغم صاير شي اطيني امج

احجي وياها اطتني امها وهي هم مثلها مرعوبه وكالت يمه تعال

يمنه بات ليوم كتلها شويه وجاي سديته خابرت على الممرض

صديقي كلي ليوم عنده خفاره  كتله بسرعه تعال يمي ثواني

اجه يمي كلي ها ايسر كتله صار عندي ضرف اريدك تبقى يم المريض من الصبح اجيك ونزلت طاير لسياره شغلتها وطلعت بسرعه

نغم ... سوت نهاد عشه حتى ناكل وماما تاخذ علاجها بس كوه

جبرتها اكلت واطيتها علاجها وكل شوي تتخربط لان تبجي

على بابا واحمد ماسكتت شوي وسمعنه صوت الباب البره

انفتحت اني عبالي ايسر اجه علينا بس كلت ايسر يفتح الباب

كبل بدون ميدكها رحت للمطبخ شفت واحد ملثم ولابس اسود

دخل لطارمه انرعبت وكمت ارجف رحت ركض لماما سولفتلها

منال ... ولج روحي اتصلي على ايسر خل يجي بسرعه

نغم ... ردت اروح سمعنه صوت كزاز باب المطبخ يتكسر

رحت بسرعه قفلت باب المطبخ ال بلبيت ورحت ركض اخذت

التلفون وخابرت ايسر كال ابقو بمكانكم ثواني واني يمكم

ايسر ... وصلت قريب عن البيت وصفيت السياره وطلعت سلاح

ابوي دائما هو يمي بسياره خاف يصير شي سبحت اقسام

نزلت شفت الباب مال بيتهم مفتوح شوي بعدت عن البيت شوي

وضربت طلقه بلهوه طلع يركض من البيت واحد ملثم ولابس

اسود لحكته ردت اكمشه ماكدرت راح بسرعه رجعت لسياره اخذت التلفون وخابرتهم كتلهم اجيت افتحو الباب

نغم ... جنه كاعدين سمعنه صوت الجام اكثر يتكسر وراها

صوت طلقه كلنا نرعبه وصحنه بصوت واحد وكمنه نبجي

حضنت ماما ونهاد وكمت ارجف دك التلفون ايسر اطيته

لماما ردت عليه كالت نغم روحي لبسي حجاب وافتحي الباب

اجه ايسر هنا رحت ركض فتحت الباب هو طب فتح الباب البره

ودخل سيارته واني رحت لميت الكزاز فتحتله باب الاستقبال راح كعد هناك اجت ماما سولفتله كلشي

ايسر ... هذا جاي يخوفكم بس لان احتمال مراقبكم بس نسوان

بلبيت واجه استغل الوضع هم عدكم عداوه ويا احد

منال ... يمه شعلينا بلعالم وعدنه وياهم عداوات

ايسر ... يلا يمه لتخافين ماكو شي ان شاء الله اني هنا راحو نامو وانتو مرتاحين

منال ... تسلم وليدي صدك تعبناك ويا بس هل تشوف لا عندي رجل لا ابني ثنينهم نفس ليوم راحو كامت تبجي

ايسر ... لتخافين عليهم ثنينهم بخير احمد وصيت الضابط عليه محد يلمسه منا لمن نعرف برائته وابو اني خليت يمه ممرض

صاحبي ليوم عنده خفاره كتله متتحرك

خطوه عنه منا لمن اجيك

منال ... مشكور وليدي نغم يمه تعاي سوي لايسر عشه

ايسر ... لا لا يمه متعشي لحت عليه اله اكل كلت خل اكل من ايدها

نغم ... رحت سويت عشه لايسر ورحت اريد اودي لكيت ماما

طالعه وعايفه باب الصاله مفتوح طبيت لكيته يتصفح بتلفونه

شافني كام اخذ الصينيه مني وتشكرني قبل لا اطلع

ايسر ... اااا بلا زحمه عليج جيبلي كلاص جاي وفراش اريد انام ورا الاكل تعبان

نغم ... اي ماشي هسه اجيبهن واجي طلعت حميتله الجاي

وجبت فراش من الغرفه وديته يمه ردت افرشه ماقبل كال اني

افرشه رحت جبت الجاي واجيت اطيته اله كتله بس تخلص

رمش عليه اجي اخذ الصينيه تشكر مني وطلعت

ايسر ... شفتها مسويه كومه اكل انواع تمن وتبسي ومكليه كبه

وبيتيه ومخليه فواكه وخضره اجت كوه شايله الصينيه كمت

اخذتها منها وكعدت اكل عبالك مماكل صار سنه نفضت الصينيه نفض النهار كله فره وهبطات ووماكل بس لفتين ماخليت شي

بعدين كلت كبر هسه شتكول عليه عاد لو مخلي خضره شويه بصينيه احسن هسه

وين اطي وجهي شسوي اذا نفسها طيبه

بلاكل سوت نواشف بس طيبات مو صوجي اتردد ارمش عليها بعدين كلت هي شتوقعت من جابت هلكد اكل اليه حتى انقش

بي رمشت واجت دكت الباب دخلت كتلها شكرا تعاي اخذيها

دنكت تريد تشيلها وكع شالها وطلعت ركبتها وشوي من صدرها

اني تسودنت ماعرف شصار بيه من شفتها هي بسرعه كامت

وعدلت شالها كتلها روحي منا اني اودي الصينيه بس

سويلي طريق هي اتفشلت وحست اني اني شفتها راحت سوتلي

طريق ورجعت وديت الصينيه ورجعت لاستقبال قفلت الباب

وكعدت مثل المسطور كل شوي تجي صورتها بالي واتعوذ اليشطان

لحد ما غفيت على التخم مافرشت الفراش الجابته كعدت الصبح

متكسر رحت طلعت غسلت وجبلتهم ريوك وصمون خليته يم الباب

مال الاستقبال واتصلت عليهم اني ادعي مترد هي همزين ردت

امها كتلها اني راح اطلع جبتلكم ريوك يم الباب تعالو قفلو باب

وراح اجيب واحد يسوي الجام التكسر يمه ياريت انتي

تطلعين اله والبنات ليطلعن كالت اي يمه هم ضلت تدعيلي

ورحت بطريق خابرني الممرض صاحبي كلي كعد المريض هسه

وضعه احسن من البارحه ارتاحيت واخذت ريوك ورحت

للمستشفى وصلت تحمدلته على السلامه وكومته اتريك كلي بويه شلونه احمد والاهل بعدي

ايسر ... بخير حجي ليضل بالك عليه ليوم راح احجي ويا محامي

شاطر راح يدور ادله على برائته اني وعدتكم اطلع يلا ارتاح وعد رجال انت بس لتشغل بالك وكوم ارجعلهم بسلامه وصير قوي

واحمد لتفكر بي اسبوع هو يمك رحت حاجيت لدكتور كال ماطول

كعد وحجه راح اسجله خروج حتى يرتاح اكثر بلبيت ويبعد عن

التوتر طلعته للبيت وارتاح وبدت رحتلي ويا احمد اخوي كلت اله

اعلمه الجان السبب بعدني عنه وعن دراسته وعن اهله مراح اخلي السواها يتهنه لحظه

ايسر ... كعدت الصبح رحت بدلت وتريكت وطلعت لبيت اهل احمد

اتطمنت على ابوهم ورحت للمركز حاجيت الضابط حسام كتله خل

يحقق ويا احمد بيوم الجريمه بيا شارع

صعد هذا الولد اني شاك

بي هو الي ورطت احمد هاي الورطه راح جاب احمد وكللنه بيا

شارع قريب عليهم طلعت اني والضابط ويانه دوريه ورحنه نشوف

كامرات المنطقه شفنه بنهايه الشارع يم ابو اسواق مشكل كامرات

على الشارع دخلنه النه سلمنه عليه وكالناله طالعين تحقيق طلع

النه التصوير طلع التصوير وشفت سيارت احمد الصاعد بيها وجان

مستعجل من طلع بعدين شفنه واحد ركب

ويا قبل ليركب وقفنه

الكامرات بسرعه وقربنه الصوره وضحناها اخذنه صور اله وكللنه

احمد بيا شارع نزله رحنه اله دورنه بلاسواق بلمحلات اي شي

يصير كبالنه ندور بي طلعو وياي الضباط بزي مدني حتى ميشرد

اذا شافهم بلزي العسكري واني احب من جان ابوي عايش اطلع

ويا بتحقيق مرات وعلمني هوايتي ميفوتني شي اله اطلعه

وصلنه يم ورشه تصليح مال سيارات صغيره لمحت واحد نفس

الصوره الشفنا بسرعه دخلنه اله حاجيت الضابط حسام بسرعه اجه وياي ورحت عليه

ايسر ...  السلام عليكم

الولد ... عليكم السلام تفضل

ايسر ... انت تشتغل هنا مو كلي اي كتله سيارتي عطلت براس

الشارع ياريت تجي تشوفها اليه كلي اي تفضل غسل ادي وجاب

الغراض وطلعنه رحنه لسياره حسام من وصلنه الشرطه جتفو

وشمرو بسياره بهدوء واخذنا وطرنه للمركز ودو لغرفة التحقيق

اجه حسام هو الضابط اليحقق ويا المجرمين كتله اريد ادخل

وياك سمحلي وكعد يحقق ويا نكر كلشي شوي وكال جيبو احمد عباس راحو جابو احمد واجو احمد بس شافه كال اي هذا سيدي بهذاك اليوم بس هو الوحيد الركب وياي

حسام ... اخر مره اعيدها الك بهدوء انت خليت مخدرات بسيارة احمد الك مهله 3 دقايق اذا متحجي اصيحلهم يودوك لغرفه

التعذيب وهناك الضباط الاكبار يتولوك بسرعه تجاوب بلحسنى لو بتعذيب هم نكر وصاح سيدي اصلا اني ماركبت ويا احد

بهذا اليوم رحت ركض لشغلي وعندي عائله اشتغل علمود اعيشهم

شعليه بلعالم صاح بي حسام بصوت عالي تعال زيددددد اجه زيد

هذا شرطي ضربله تحيه واخذه لغرفه التعذيب وهناك ماكو 10

دقايق من شاف الضباط رادو ينهون على حياته اعترف كت الاول والتالي حسام صاح جيبوليا لغرفه التحقيق خل اسمع منه شكال

الولد ... سيدي اني واحد كلفني اسمه جهاد اصعد ويا احمد واخلي مخدرات بسيارته واخبر عليه السيطره اليم جامعته ورا ميطلع من دوامه يقبضون عليه وسويت مثل ماكلي والله ماعليه اني

احمد ... من اعترف وكال جهاد ورا السالفه واني هنا بسبب تهمه

كربسها براسي جهاد تسودنت من سألني الضابط انت تعرف واحد اسمه جهاد كتله

لا سيدي ماعرفه نكرت

ايسر ... من كال جهاد حسيت اني اعرفه بس شعنده ويا احمد

حتى يسوي هيج ويا وبعدين احمد كال ميعرفه راحو يردون

يكمشون جهاد مالكو ب اي مكان القضيه

مال احمد ماخليت

الضابط يصعدها للمحكمه علما نلكه المجرم الحقيقي ولكينا

بسرعه طلقو سراح احمد وطلع بعد ماعليه تهمه وهذاك الغبي صارت عليه تهمتين الاولى تهريب مخدرات والثانيه اتهام شخص بريئ بيهن

احمد ... الطلعني ايسر  طلعت من التوقيف رحت حضنته وتشكرت منه

وراح جاب امر من الضابط حتى يطلعون السياره هم كتله ايسر

شراح اسوي حتى ارجعلك دينك وكفتك

وياي ولك الله يكرفك شكد احبك

ايسر ... انجب يلا امشي للبيت اهلك راح يموتون من وراك يكوم واحد يوكع الثاني امشي روح وفرحهم

احمد ... انت صرت اخوي تجي وياي هم اريد اشوف اهلي واكللهم على اخوي الجديد امشي يلا

ايسر ... ههههههههههه خبل يلا امشي

احمد ... اخذت السياره وطلعت للبيت ماخليت ايسر يكللهم

كتله خليها مفاجاه وصلت للبيت صفيت السياره بعيد وفتحت

الباب وطبيت ايسر كال سويلي طريق يلا ادخل رحت فتحت

الباب محد بصاله فتحت الباب لايسر دخل وكفت بنص الاستقبال

وصحت انييييييي اجيييييت محد يريدني ارررووجع ماحسيت

اله امي اجت وفتحت الباب بكل قوتها

واجت عليه تركض

حضنتني وكامت تبجي وتصيح يمه فدوه اروحلك يبو علي  مافشلتني طلبت برائه وليدي منك وماقصرت ونوب كامت تهلهل

البنات سمعوها واجو يركضون كتلهم ايسر وياي لبسو وتعالو

راحن لبسن شالاتهن واجن عليه يركضن ويبجن وثنينهن سوه شبكني وكامن يناشغن

نغم ... ولك احمد هديت حيلنه مالنه واهس حتى بلهوه بدونك احمد لتعوفنه

بعد انت اخونه الوحيد

نهاد ... احمد بعد لتروح لامكان اله تاخذني وياك اريد اشوف منو

يندك بيك اله اموته 24 ساعه نتعارك وتضوجني

من رحت حتى بلضحك مالي واهس ولا بدراستي

احمد ...اني شكتلجن مو دراستكم متعوفوها اهم مني ومن كلشي

نغم ... احمد انت رجعت ويانه وراح نرجعلها بس لتروح بعد

احمد شسوو بينه وانت ماكو عشنه ايام

رعب بدونك

احمد ... خلص انسو كلشي اني يمكم بعد محد يتقربلكم يلا روحو جيبو ابوي خل اشوفه

ايسر ... شفتي يمه كتلج ماارتاح اله اجيبلج احمد واجي بس ماصدكتي وبقيتي تبجين وتعبت صحتج

منال ... يمه يسور تعال ابوس راسك يبعد روحي لو ماانت ماعرف

شصار بينه اني ماعندي بس ولد واحد وانت الثاني

ايسر ... اجت امه جرتني بسرعه وباست راسي وجرت ايدي رادت

تبوسها ماخليتها وكلت خاله انت بمعزه امي مااخلي امي تنزل

راسها لاحد انتي هم متزلين راسج لاحد ماطول ولدج الاثنين عايشين مثل متكولين

احمد ... ديلا انجب كافي تجامل لتخليني افضحك واخليها تضربك

منال ... ولك احمد شهل حجي هيج

ربيتك فلشتني

ايسر ... بحزن شفتي خاله شلون يحجي عليه تقبلين عليه

منال ... يمه امسحها بيه هذا السجن خبله وميعرف شيحجي

احمد ... ها يمه اختلفتي عليه خل ارجع لسجن اخلصي مني

منال ... جريتهم ثنيهن وحضنتهم وكتلهم الله ليحرمني منكم

احمد ... طبيت سلمت على ابوي وضل يبجي ويكول وليدي عاجز

اني هسه لو ماعاجز اطلعك ومااعوفك تبات بسجون بس الله دزلنه

ايسر ماقصر ويانه بغيابك بهاي المناسبه امي ماقبلت ايسر يطلع

كلتلي احمد روح جيبلي مسواك  خل اسوي غده لوجه الله على طلعتك وكالت يمه ايسر انت تضل هنا ايسر ماقبل كللها لا خاله

ارجع اهلي وحدهم كلتله روح جيبهم وتعال قنعته راح جابهم

ايسر ... من امهم جلبت بيه ماكدرت افشها رحت للبيت بطريق

خابرت على امي تحضر نفسها هي واديان وصلت لكيتهم مكملين

اديان طارت من الفرحه كالت اخيرا راح اروح اكعد ويا البنات للمره

الثانيه كرم ماقبل يجي كال تعبان اريد انام بهدوء روحو انتو

طلعت وصلنه لهناك رحبن ب امي واديان احسن ترحيب وطبن

واني واحمد طلعنه كال خل ياخذن راحتهن من يخلصن غده نجي

نغم ... اجت ام ايسر واخته حيل حبابات وكامن ويانه ماقبلن

يكعدن كملنه الاكل ونهاد ودت بابا بلاستقبال وخلينا السفره

فرشناها كلها وخلينا الاكل عليها وخابرنه عليهم اجو كبل نغدو

واحنا النسوان كعدنه وحدنه ضحك وسوالف وشقه امه حيل

حبابه واخته اكثر بعد شلنه السفره ونهاد واديان غسلن الماعين

واني صبيت الجاي وديته الهم خلصو ومابقو هواي كالو راح نروح

راحو  لبيتهم واحنا نضفنه البيت ورحنه ندرس مرت ايام ماكو شي

جديد رجعنه لدراستنه وصارت الامتحانات

كلنا نقره بلموت يلا

خلصن ايام الامتحانات اصعب ايام واستلمت النتيجه الحمدلله نجحت ورحت لسادس اعدادي

عرفنه السبب بدخول احمد لسجن هو جهاد وهو مختفي محد يدري بي والشرطه تدور عليه

كمت اخابر افنان اخته رجعت علاقتي بيها وكامت تسولفلي عليهم لحد مايوم كلتلي  شغله وانصدمت بيها .......

افنان ... تدرين نغم صار يومين من سمعنه سمر شردت ومنعرف

ويامن يمكن ويا جهاد لان بعده عنده تواصل وياها مره شفت

اختها فرح خانم تروح يمها وتخابر جهاد يحجي وياها واكيد

طابخاتها سوا وشردت اختها ويا كرهتهم ثنينهم لان مابيهن احد

بي خير كتلها ليش يرتكبون حرام خلي

ابوج يسامحه ويرجعه

للبيت ويخطبها كالت راح اكللهم لا يسويلنه مصيبه جهاد كضه عمره طايش

افنان ... سديته من نغم ورحت لابوي حجيت ويا

لان يسمع مني كتله بويه جهاد صح غلط وصح لعب بلحرام

بس يابه رجعه للبيت خلي جوه عيونك حتى ميذب نفسه

بلهاويه ويبليك لا احد يسال عنه وانت شيخ عشيره يسووك علج

بحلوكهم رجعه وخلي يزوجها لسمر حتى

نطم عارها هذوله الاثنين

بلبدايه ابوي عصب وضاج بس قنعته كال خابري خابرته

وحجه ويا قبل يرجع وكال راح ارجع سمر ماكال وياي شردت

كال راح ادور عليها واجيبها ورا ثلاث ايام اجه وجايبها ويا

للبيت ابوها من سمع تخبل وكال اله اكتلها خلاص بس ابوي ماقبل

كله راح اطلبها منك لاجهاد قبل وكال راح اتبره منها ماريدها

ازوجها جهاد بدون هوسه بس عقد وراحو للغرفه ثاني يوم نزلت

غير شكل ومخليه مكياج خافيه بي اثار الضرب الجان ماكلته

ونزلت تطك بعلجها وراحت للمطبخ سوت ريوك واخذته وصعدت

شوي ونزلت خلتها بلمطبخ وكالت عفيه افنان صبي الجاي وصيحيلي

اريد اروح امرغ لجهودي ضهره يوجعه خطيه تعب البارحه بليل

افنان ... فتحت عيوني بصدمه وكتلها امشي انتي سوي سم الكم

مو اشتغل عندج اني وعفتها وطلعت رحت لغرفتي وخابرت نغم

حجيتلها على الصار كله هي بس تكولي الله يسعدهم ام قلب

الطيب بعد مااذوها وهي بس تدعيلهم بعدني احجي وياها

طبت فرح وكالت عيوني ويامن صارلج ساعه تثردين حجي

بتلفون تعال علاء شوف اختك صار ساعه اسمعها تضحك وتسولف

بتلفون هو مو صوجها صوج اهلك الخلو بيد طفله بطول زري

تلفون واني وابني راح يصير بطولي ماعندي تلفون اذا اريد

اخابر اهلي اخابرهم من علاء فضحتني اجه علاء وصاح جيبي

التلفون ويامن تحجين كتله رايحه لابوي اكله عليكم اني اعلمكم

اني يخافون مني لان ابوي بضهري ويساندني كلما تصير شغله

اروح اكله عليهم حتى ميحجون عليه ردت اطلع اروح لابوي لزمني

علاء من ايدي وكال جيبي التلفون خل اشوف ويامن جنتي تحجين

عاندت ماطتيها لوه ايدي وخلاها ورا ضهري واخذه بي رمز كلي

افتحي ماقبلت همشته من ايده ورحت كتله احجي ويا صديقتي

وهسه اروح اكول لابوي هم لان يعرفها وراح اشكيله عليك ردت

تكسر ايدي مارحت حجيت لابوي بس اريد اخوفه اني جنت

بس فرح ماجارعتها انوب اجت اختها وياها

~~~~~~~~~~~~~

نغم ... هسه اني سادس وحيل فرحانه واقره هواي لان هاي اخر

سنه ويتحقق حلمي احمد بعدله سنه ويتخرج وخلصت هاي

السنه بسرعه واجه اليوم الي استلم بي ثمره تعبي النتيجه

منتضرتها على نار احمد كام يتصفح بتلفونه يريد يطلعها اليه

واني ارجف وادعي ماما ونهاد هم يمي

يدعن بس اني ميته

من الخووف وكل شوي ردت ابجي صاح احمد وكال اي هاي نغم

غمضت عيوني وبطني مغطتني ماحجيت فتحت عيوني شفته

خازرني وكلي هذا تعبي وياج نغم مو

تكولين خوش تشرح وافهم

عليك بعدين هاي نتيجتج راح تعبي بيج بلخالي بلاش اني نزلن

دموعي راح تعبي راح حلمي ونوب كمل

وكال خل يفيدج

النجاح معدلج 81 ي ام دميعه يلمخبله فتحت عيوني بكل قوتهن

وكمت اضحك وابجي سوه رحت لماما حضنتها وبابا

رحت عليه حضنته واحمد فتحلي اديه

كمزت عليه بكل قوتي كتله بفضلك وصلت انت حيل تعبت وياي

احمد ... مو كتلج راح ابقى وياج توصلين لحلمج ماجذبت عليج

يلا هسه شراح تطيني بهاي المناسبه الحلوه كتله بكيفك انت

شتطلب باوعلي كال تعزميني ب اول يوم الدوام بنادي يحضره

المحاميه نغم عباس هو كال الاسم اني فرحت طرت كتله بفضلك

اكيد راح اعزمك اتصلت بيه اديان اخت

ايسر باركتلي وانفتح

التقديم على الجامعه قدملي احمد ويا بجامعته والنتضرت

القبولات علما طلعت والحمد الله انقبلت قانون ووصلت الحلمي

رحت اني وماما ونهاد لسوك اشتريت ملابس لجامعه ورحت

لصالون اني حافه وجهي وحواجبي من جنت مخطوبه بس

ترتيب جنت هامله نفسي طلعت حلوه فدوه ههههههههههه

وداومت وتعرفت شوي شوي تعرفت على صديقات بديت

حياتي ترجع طبيعيه ورجعت الختلط ويا البنات وصديقاتي

رفل وتقى راحن هم مثلي قانون همزين كلنا طلعنه نفس المعدل

وعرفنه بنات هناك ويانه هم نكمل محاضرات نرجع اني واحمد

سوه لان هو سنه اخيره واني اولى كمت اقره واتعب حتى اتفوق

امتحنت نصف السنه ونجحت الحمدلله كلما انجح احمد اكثر

واحد يفتخر بيه لان حتى واني صرت بجامعه هو هم يقريني

اليعرفهن لان هو ذكي ويحب الدراسه

وبسرعه يفتهم الشي

اليقرا حتلو مو من اختصاصه رحت داومت جان اكو طالب ويانه

كلي نغم اريد احجي وياج ورا المحاضره اذا تكدرين كتله

تمام خلصت المحاضره وطلعت اجه وراي كلي تعاي للنادي رحت ويا كعدت وبده يحجي

حيدر ... ااا نغم اني بصراحه اريد اعترفلج بشي بس متردد

نغم ... كول حيدر اكو شي

حيدر ... نغم اني معجب بيج واريد اتقدملج اني اعرف اخوج اقصد سألت عنه وهنا يداوم بلهندسه اذا تقبلين بيه اروح احجي ويا وانقدملج

نغم ... ااا شنو حيدر ستونه مرحلة اولى خل نكمل دراستنه مو كبل

تصارح وتتقدم بس بعدين كلت هسه اعرفه اذا يجذب ويريد يلعب

لو يريد حلال كتله بس اذا انت مصر روح حاجي احمد اخوي وشوفه

حيدر ... عبالج مو كد كلمتي ماشي باجر ان شاء الله اروحله

نغم ... كمت من يمه واني متردده هسه شحجي شكول اذا صدك

سواها وراح لاحمد كله خلص لدوام ورجعت للبيت كعدنه اني

ونهاد سولفنه سولفتلها على هذا الولد كالت مابيها شي شوفي اذا

يروح لاحمد من صدك لو جذاب ويريد بس يضحك عليج

نغم ... مادري نهاد اني ماريد اعيد التجربه السابقة كرهت كل الرجال من ورا هذا النذل جهاد كرهني بعيشتي وبروحي

نهاد ... نغم لتكولين هيج مو كل اصابعج سوه انسي الماضي احنا

اهل اليوم انتي بديتي تتأقلمين وراح تصيرين محاميه حلوه

والكل تتمناج وتحبج يلا هسه روحي اقري ونامي وراج دوام وعوفيني اقره لتشغلين بالي

نغم ... ماشي يلا تصبحين على خير ورحت نمت بدون مااكمل

واجبي لان تعبت من التفكير صار الصبح كمت بدلت ورحنه

لدوام مر اليوم عادي حتى ماشفته لحيدر

بعد ولا لمحت وجها

ضحكت وكلت هو انتو كلكم نفس الشي الولد تضحكون على البنت

تحت مسمى الحب بحجة تحبوها وانتو جذب تردوها مصلحه بس من توصل صدك ولزواج تطفرون ومحد يشوفكم ابد مرت الايام

نفس الشي ماكو شي جديد

ايسر ... كيفت من قدمت بجامعتنه بس بغير كليه كمت يوميه

اطلع من المحاضره كل يوم حجة شكل واروحلها لكليتهم ابقى

مراقبها من بعيد اتخبل من يجون طلاب يوكفون يمها ويحجون

وياها مره رحت لكيتها كاعده يم واحد ماتحملت رحت وراها

سمعتها جانت تشرحلها عن الملاحضات وعن المحاضره ارتاحيت

ماكو شي كمت اتخبل من احد يجي يمها يوكف اكول هسه

يصارحها وتكوم تحبه واني ضال هنا اطلع اشوفها اكثر شي

باوقات محاضراتي اكول رايح لصحيات لو شي وافلت لان بس

بوقت المحاضره احمد مو وياي مرات اكول شبيه شو راجع مراهق

لا ويا اخت صاحبي لو غير بنيه بيها مجال مو اخته هسه جني

حرامي اتختل يلا اشوفها مره جنه كاعدين بنادي اني واحمد سوه

اجه ولد يمنه كال انت احمد عباس احمد جاوبه اي تفضل اني

احمد كله ممكن احجي وياك على انفراد لان شغله مهمه احمد كله

احجي هنا ايسر اخوي سولف كدامه عادي اختصر عليه لان بعدين

ارجع اسولفله الولد كعد وكال اني بصراحه جايك هسه اطلب ايد اختك نغم على سنه الله ورسوله

ايسر ... هو هيج حجه لو اني افترت

بيه الدنيا ماعرفت شلون

بقيت كاعد بمكاني بدون مااگوم افلش وجها واكسر سنونه

بحلگه قبضت ايديه بحرگه وعيوني جدحن

نار من العصبيه

الولد ... اني اسمي حيدر وياها بنفس القسم حيل حبيت نغم واخلاقها ومن

عرفت ب اخوها هنا يداوم

بجامعتنه رحت سألت عليك وعرفت واجيت اليوم احجي وياك

رسمي شتريد تسألين اسأل كلشي راح اجاوبك عليه

احمد ... والله حبيبي حدوري اتشرف بيك

انت اجيتها بحلال وماغلطت بشي وياها بس اول وتالي القرار راجع الها واني مو من حقي اتدخل بقرارها بس راح احجي وياها

اليوم واذا وافقت انطيك العنوان وتتفضل يمنه

حيدر ... تسلم حبيبي اني حجيت وياها وكالت روح حاجي اخوي والله كريم

ايسر ... من كال اخر كلمه اشتعلت

ودخنت يعني هي موافقه

ودزته لاخوها يحجي ويا ماتحملت كمت بسرعه احمد صاح

وراي كتله رايح اجاني تلفون وطلعت نار

كابه بيه بدون تفكير

رحت عليها دورتها لكيتها يم صديقاتها

كاعده تمنيت الزمها

اكلها بسنوني على خبالها يعني موافقه حضرتها رحت عليها

بسرعه جريتها من ايدها وكومتها بدون مااحجي هي صاحت

نغم ... هاي شبيك ايسر شنو هل تصرف السويته شنو تجرني

كدام البنات هدني هدني العالم كلها تباوعلنه ايسر اله اكول لاحمد عليك هيج تسوي من ورا ولك ايدي راح تكسرها هدني

ايسر ... اني لازمها وامشي سريع وهي تصيح وتحجي وصلت

بمكان مابي احد وهديت بحرگه لزمت ايدها وكالت شبيك

ايسر ليش هيج تجرني كدام الطلاب شنو

هل تصرف

ايسر ... شنو حضرتج تريدين تزوجين ودزين بطلاب على اخوج

نغم ... وانت شعليك بيه ازوج انتحر اموت شدخلك شنو هيج

جارني كدام الطلاب حتى تكلي تردين

تزوجين انت ابويه امي

اخويه حتى تسالني هيج شعليك بيه شعليك

ايسر ... نصي صوتج لا اكص لسانج لترفعين صوتج بوجهي

نغم ... وتصيح عليه بلبدايه من شفتك وشفت مساعدتك النه

عبالي انت خوش ولد بس طلعت غلطانه هسه بينت على حقيقتك

الظاهر اهلي واحمد مخدوعين بيك طلعت متستحي أبداً تجر

اخت صاحبك من ايدها كدام صديقاتها

وكدام الطلاب ونوب

تكول تزوجين وتدزين ولد على اخوج

ونوب تكول اكص لسانج

انت منو وتسوي هيج وياي انت منو

وجاي تريد تتحكم بيه

ايسر ... نغم اخر مره اكول نصي صوتج ولترفعي بوجهي وثانيا ماكو زواج اذا قبلتي بهذا نعال مدري حيدر اراويج نجوم الضهر

نغم ... العفو العفو شتفضلت ارفضه ليش ارفضه انت شعليك

ايسر ... ها يعني راح توافقين

نغم ... عناد بيك وبخشمك الحاشره بيه اله اقبل

ايسر ... هاا تقبلين موو دسويها وشوفي حجيتها ورحت واني دايخ ليش هيج رحت حجيت وياها ليش هددتها رجعت يم احمد

كلي وين جنت مارديت عليه اخذت ملازمي والكتب وطلعت

نغم ... اجه ايسر هددني وكال اذا توافقين على حيدر اعلمج

اني عاندت وهسه هم اعاند على عنادك ايسر اله اقبل وبسيطه

خلص الدوام رجعت للبيت بدلت ونمت للعصر كعدتني نهاد

كالت نغم اكعدي احمد يريدج بغرفته كعدت رحت غسلت

ورحت لغرفته كلي تعاي نغم اكعدي رحت كعدت

احمد ... شوفي نغمه اليوم اجه واحد عليج طلبج مني اسمه حيدر من قسمج

وكال عجبتني واريدها بلحلال توافقين

عليه لو لا كتله الراي الاول والاخير الج اذا قبلتي يتفضل واذا رفضتي بكيفج مااجبرج

نغم ... عاندت نفسي وكلت بعناد ايسر اله اوافق بدون تفكير وماعرف هذا القرار وين وداني كتله موافقه

احمد ... نغمه متاكده اني ماراح ارجعله جواب هسه اله اسأل عليه واتاكد منه يلا احاجي اهلي

نغم ... تمام براحتك

احمد ... يلا روحي درسي ولتفكيرن بهل مواضيع بعد تمام

نغم ... ماشي احمد رحت للغرفه درست وسويت عشه تعشينه

غسلت الماعين رتبت المطبخ حتى ماافكر

ب ايسر افندي وتهديده

خلصت شغل ورحت قريت وخلص اليوم ورحت لدوام ثاني يوم ناسيه الموضوع اصلا

~~~~~~~~~~~~~~~~

ايسر ... داومت ثاني يوم بعد عركتي ويا نغم اجه احمد ودخلنه

المحاضره واني ميت من التوتر اريد اسأله بس ابطل طلعنه من

المحاضره رحنه بمكانه النكعد بي وهنا

ماتحمل بعد كتله احمد

شصار على هذا الولد التقدم لاختك وافقت بي او لا

احمد ... والله ايسر هي وافقت بس اني ماراح اكوله هسه اله اسأل

عليه واعرف شلونه وشلون سمعته يلا انطي الموافقه

ايسر ... هو هيج حجه لو ضربني طلقه بقلبي وماعرفت شصار

بيه بقيت كاعد من الاعصاب بسرعه كتله احمد هسه ارجع اريد

اتصل ب كرم حتى يجيبلي شغله كلي براحتك ورحت بسرعه لكليتها شفتها واكفه بره القاعه وتحجي ويا ولد جان نفسه

هذا الاجه تقدملها لو من شفتهم احتركت رحت كتلها

ايسر ... اااا نغم تعاي شوي

نغم ... جنت كاعده بلمحاضره خلصت اريد اطلع صاحني حيدر

كلي تعالي شوي اريد احجي وياج بموضوع رحت ويا بره القاعه

حيدر ... ااا نغم اني البارحه رحت على اخوج وحجيت ويا وكلي

راح اكللها لان اول وتالي ترجع الموافقه الها وهسه اجيت حتى اسألج شكلتي وافقتي لو لا

نغم ... ماعرفت شحجي ويا خفت اكول شي واحمد ميقبل ضليت صافنه بوجها ردت ارد عليه سمعت احد صاحني

التفت شفته ايسر فتحت عيوني كلهن

ايسر ... نغم تعاي وياي شوي وباوع على حيدر وكال من رخصتك

حيدر ... براحتك حبيبي يلا نغم بعدين احجي وياج مو تنسين

نغم ... راح حيدر باوعت لايسر وكتله

شنو هذا تصرفك مره

تسحلني كدام الطلاب وهسه تطرد الولد واني احجي ويا فهمني

شنو شبيك وياي كدام احمد واهلي تتصرف شكل وكدامي شكل

ايسر ... امشي وياي احجي وياج بهداوه احسن من ما اسحلج

كدام قسمج وافشلج لحد الان كامش اعصابي واحجي بهدوء

نغم ... خفت من كلامه ورحت بسرعه حتى ميسويلي فضيحه مثل البارحه ورحنه بحديقه كعدنه

ايسر ... اني شكتلج البارحه

نغم ... شكلت

ايسر ... مو كلت متوافقين مسويتها بلعناد ورايحه تقبلين بهذا

نغم ... اتوقع شي ما الك علاقه بي لا من قريب ولا من بعيد

ايسر ... نغم لتعاندين وياي احسلج وترفضي ترى اروح اكول لاحمد

نغم ... على شنو تحجي ويا احمد اني ممسويه شي بلغلط ولد

خطبني بلحلال وافقت عليه شنو سويت جريمه مثلا

ايسر ... بصوت ناصي اي جرمتي بقلبي

نغم ... شنو

ايسر ... نغم اريد اكولج شي اسمعيني

نغم ... كول بسرعه الطلاب تباوعلنه شنو معنى كعدتي وياك هنا

ليشوفني حيدر صارلي ساعه كاعده يمك واسولف وياك

ايسر ... لتذكرين غضب كدامي لا افلش راسج انتي ويا

نغم ... هو مو صوجك صوجي اني الكاعده واحجي وياك عليمن

تهدد وعليمن تصيح عبالك وحده تشتغل بيتك مره ثانيه اذا اجيت

وكعدت يمي اروح اكول لاحمد دير بالك على صديقك رايح زايد

وماعنده احترام من انسجن احمد مو كتله اهلك ب امانتي ومراح

يصير بيهم شي وامنه بيك وطلعت كد وعدك ورجعت اخوي

وكفاتك ويانه كلش حلوه بس هذني كلهن راحن يمي بهذا تصرفك

وطريقة كلامه اليه هسه من رخصتك وياريت بعد متجي لهنا

لان بس تسويها اروح لاحمد واكوله وانت عود ضل دور حجج قنع صديقك بيهن باي

ايسر ... كالت هاي الكلمات وراحت لو عبالك ضربتني طلقه

بكلبي وكلت اني اذل نفسي لاحد اني انزلها لا والمن لبنت ماعدها

احترام اليه وتهددني ب اخوها كرهت روحي وكرهتها وقررت بعد ابد مااذل روحي علمود مره يطبها مرض

نغم ... كمت من ايسر ماعرف ليش اختنكت من حجيت هيج ويا وحسيت

نفسي ضايعه اجه حيدر كبالي

حيدر ... نغم يعني اعتبرج وافقتي بس تسالون اجيب اهلي

نغم ... شنو

حيدر ... مااتحملت علما تكولين انتي ورحت بسرعه لاحمد اخوج

ولحيت عليه كلي انتي وافقتي عليه بس يسال عني

نغم ... صرت عصبيه حسيته مثل ايسر عطت بي وكلت انت شنو

ماتحملت تسمع مني وتروح لاخويه تلح عليه حتى يكولك وافقت لو لا شنو هذا التصرف مال الجهال حيدر

حيدر ... شبيج نغم لتعلين صوتج كبالي شحجيت اني

نغم ... اني مموافقه يلا ولي من خلقتي

حيدر ... شنوو يعني اخوج يحجي شكل وانتي شكل منو يجذب عليه بيكم وشنو ولي

نغم ... طلعت حرگة ايسر بي ونوب صيحت عليه اكره الولد

روح من كدامي حيدر ماريد اشوف خلقتك بعد هاي تصرفات

الجهال بطلها انت مو زعطوط مااحب احد يروح يسال وراي

وخر من وجهي واذا شفتك كبال وجهي امسح بكرامتك الكاع

ماحسيت اله صار نار وجرني من ايدي وكلي بت الكلب تعاي

اني اعلمج اني تحجين وياي اليوم انعل ولديج وسحلني ......

ماني اعلمج اني هيج تحجين وياي اليوم انعل ولديج وسحلني

من ايدي لمكان بعيد عن الكليه مالتي واني اصيح انوب كام يوديني

بمكانات مابيها احد حتى يسمعني وفجأه شفته مر من يم هذا

المكان الجنه كاعدين بي اني وايسر ونحجي كمت اصرخ باعلى

صوتي بلكت ايسر بعده موجود بمكانه ويسمعني مااعرف صار

بس هو اريده يجي بأي طريقه ولو بعد الحجيته ويا مااعتقد يجي

حتلو شافني بهذا الموقف كمت ابجي

واصيح حتى يهدني كلت

معقوله جامعه شكبرها محد بيها يسمعني هو استغل سالفه

الطلاب لان كلهم بمحاضراتهم هذا وقتهن ومحد يسمع لان بعيده

القاعات عن السنتر وكمت اصيح وابجي حيل انرعبت وهو يتواعد

ويهدد عبرت مكانه الجنت بي اني وايسر ايست هنا بعد محد

يجيني لو اموت شوي وكف وهد ايدي وضربني راشدي وصاح

اني تعلين صوتج عليه وتطردين بيه وحده ساقطه مكضيتها

ويا صديق اخوها تلعب ويا لعب ومحد يعرف بيها تجين تستشرفين

براسي وتبيعين عليه شرف وناموس وانتي ثنينهن ماعندج بت

الكلب اليوم اعلمج منو الطردين بي وتنذلين بي كبال الكليه اله

افضحج انتي وهذا السافل يم اخوج واعلمج رفضتيني لان حجه

وياج رجعتي مغيره رائيج وادنه يمي وخله ايده ع ركبتي وكام يخنكني

صرخت وماحسيت اله احد سحبه من يمي وضرب راسه بلحايط

الوراي بسرعه عدلت شالي وكمت ابجي شفت ايسر واحمد اخوي

ثنينهم سوه ايسر لزمه كسره تكسر واحمد اجه عليه وكومني

احمد ... نغم شجابج هنا يم هذا الكلب وشجان يسويلج

نغم ... واني ابجي ااا احمدد والله هو جابني والله لو ماانتم اجيتو

مادري جان شسوه بيه وكمت اشهك حضني احمد وكال كافي يلا

تعاي ليوم ازوعه حليب امه كومني على صفحه وراح وخر ايسر

من يمه ولزمه هو موته تموت ايسر اجه

عليه وكال شفتي خاتون

عنادج وين وصلج نبهتج حجيت واكلت تبن بس الظاهر انتي تحبين

العناد ليش كمتي تصيحين ايسر انتي مو كتيلي روح ولتجي يمي

ترى اكول لاحمد عليك يلا هذا احمد روحي كوليله صديقك ملطلط

ويتحارش بيه ويجر بيه كدام العالم اني جريتج وهذا الاستاذ

جرج منو الخفتي منه اكثر ليش مني

تسكتين من يجي طالب

وهذا كمتي تصرخين من سحلج لا ومتصيحين بس ب اسمي

هسه عادي اسوي مثلج واروح اكول لاخوج تصيحين باسمي

واكله اختك ملطلطه مخليه عينها على صاحبك وتركض ورا

نغم ... باوعتله بقهر كتله انت سمعتني

من صحت لعد ليش

مااجيت بسرعه وانت متقبلها هيج احد يسوي ببنيه

ايسر ... لا اخاف اجي وحدي وتروحين تكولين لاحمد اجاني

وحده وصار براسي سبرمان وانقذني من

ادين هذا الشرير

نغم ... ليش دتصنف عليه شكرا الك

ايسر ... عفتها ورحت بس نار تطلع من كلبي لكيت احمد موته

تموت كتله وخر خل نسلمه لشرطه هسه اخابر حسام يضيفه

عنده اليوم خطار عزيز هذا وباوعتلها وكلت النسيب لازم نقوم

بلواجب ويا اتصلت على حسام واخذته من احمد طلعته بره الجامعه اجه بدوريه حسام اخذه وراح

نغم ... للمره الثانيه حكمت على ايسر بدون ماعرفه هو شنو

ماتحملت ابقى بعد احمد كلي روحي راح اخلي ايسر يوصلج

اني راح اجيب كتبج واروح للمركز اشتكي عليه وراح كال لايسر

كله تمام اوديها واجي وراك ماقبل احمد كله بس اني اروح ايسر راح احمد واجه عليه

ايسر ... ضمي شعرج ونزلي الشال ليجوه

نغم ... عدلت شعري ونزلت الشال على صدري قصده يمكن مبين

من جر ملابسي كلساع التفتلي وكال امسحي

دموعج الكل انتبهتلج علما اوصل للكراج مسحت دموعي وصلنه

ركبت بسياره هو ماحجه اي كلمه ردت اعتذر منه كلت ايسر

بس باوع بلمرايه حتى ها ماكلي بعدين كلت ايسر مو احجي وياك ليش متجاوب

ايسر ... اخاف اجاوب وترحين تكولين ل احمد تكليله من احجي ويا يرد عليه وتشكيله مو هيج كلتي

نغم ... اني اسفه ايسر والله مو قصدي الحجيته كلت هيج بعصبيه

ايسر ... وهسه شتردين

نغم ... تسامحني ايسر اعتذر منك فدوه سامحني اعتبرني اديان اذا غلطت وسامحها

ايسر ... باوعتلها بعضبيه وكتلها اديان متروح تحاجي اخوتها عليه وتخرب سمعتي كبالهم

نغم ... انت جنت بعدك كاعد من صحت مارحت

ايسر ... شعليج انتي يهمج يعني ؟؟

نغم ... اي يهمني والله اني ماعرف شلون اعتذر منك ولا اعرف شلون اشكرك ايسر اسفه على كل كلمه كلتها الك

ايسر ... اي ماشي يلا نزلي وصلت

نغم ... سامحتني لو لا مراح تاخذ عليه نضره اني مو مؤدبه

ايسر ... انزلي الخاطر ربج وراي شغل اريد اولي بس راح اكلج

العناد مابي فايده يوكع صاحبه احيانا دير بالج تعاندين بعد

نغم ... انقهرت من هيج كال ودمعت عيوني باوعتله ونزلت بقى لمن طبيت يلا شغل السياره وراح

ايسر ... باوعتلي وعيونها متروسه دموع ماتحملت بعد ردت اكول ماكدر اقهرج مااكدر اضوجج بس كبريائي ماخلاني خليتها تنزل مكسور خاطرها مني رحت كبل للبيت شفت امي بلمطبخ طبيت كبل حضنتها وطولت بحضنتي هي تفاجات

زمن ... ها يمه يسور بيك شي حبيبي

ايسر ... يوم تعبان حيل تعبان شسوي تعبي موتني

زمن ... بيه ولا بيك وليدي تعال يمه تعال سولفلي شبيك يبعد روحي من شنو تعبان

ايسر ... اخذتني ليجوه البقيه بعدهم بلمدراس رحت وياها  نمت بحضنها

وكلت

يمه كلبي محترك يمه

احس محد يحبني اني غروري راح يدمرني اني كسرت خاطر احد اليوم يمه شسوي شلون اخلي يسامحني بدون مااعتذر منه

زمن ... يمه يسور الغرور والتكبر هذا رب العالمين ميقبل بي احنا كلنا بشر ليش نتكبر على غيرته ليش ننغر بشغله مو ملكنه

الله اطاها النه يكدر بلمحه البصر ياخذها

من عدنه حتى بلقران

مذكور  قُآلَ تعآلى « آن آللَهّ لَآ يَحًبً کْلَ مًخِتٌآلَ فُخِوٌر »

احجيلي يمه منو كسرت خاطره خل انصحك

ايسر ... يمه شخص من بعدكم صار اعز من روحي

زمن ... شسويتله

ايسر ... اعتذر مني وماسامحته وراح مقهور مني

زمن ... وليدي عوفه يهدأ وبعدين احجي ويا وكله اني مسامحك

وكله انت اعز من روحي حتى ترتاح ويبرد كلبك ومتشيل على خاطرك وتكول ماسامحني

ايسر ... بست اديها وكتلها فدوه اروحلج كلما تضيق بيه ارتاح يمج الله ليحرمني منج

زمن ... فدوه اروحلك حبيبي يلا كوم بدل ملابسك وغسل وتعال تغده اخوانك هم راح يجون شلون دولمه سويتلكم

ايسر ... عاشت ايدج يلغاليه يلا هسه اجي رحت صعدت غيرت

ملابسي ارتاحيت من حجيت لامي حسيتها خففت عني بس كلت

ان شاء الله باجر احجي وياها واخليها تسامحني مااريدها تكرهني

اريدها تحبني هي اليه هاي اول وحده كسرت باب قلبي ودخلتله

لان جنت رافض هاي الفكره جنت اريد اخلص كليه واروح ضباط

حلم عمري بس من اجت مااريد اموت واعولها لان ابوي عاف امي

وراح وماشبعت منه ماباقي شي عن دراستي وتخلص واتقدملها

سمعت صوت اخواني اجو وصاحتلنه امي رحت نزلت تغديت

~~~~~~~~~~~~~~~~~~~~

نغم ... من وصلني ايسر وراح وهو ممسامحني لان حجيت كلام

موحلو اله وتهمته هواي اتهامات وصيحت عليه وذليته بس ماسوه

وياي مثل ماسوه حيدر من صيحت عليه

هنا عرفت انو اصدق شخص التقيت بي هو ايسر ماستغلني رغم

كل الضروف اجت عدله ويا من انسجن احمد من بابا انجلط وبيتنه

مابي زلم وهو اجه بات يمنه واني ويا وحدنه بنفس المكان جنه

وماحاول يتعده عليه ويكدر يهددني وحتلو سواها ورحت اشكي

محد يصدكني على كل القدمه النه هو الطلع اخويه وهو الساعد

ابويه كمت ابجي بحركه الشخص الصح اكوله كلام غلط وما

لائق بي والشخص الخطا اتغزل بي واحجي ويا كلام حلو اووف

مني اوووف كرهت نفسي لان قارنت بين جهاد الاستغلني

وكعني وكع اخوي لو بين ايسر وبين حيدر الي قبل ليوصلني ايسر 

اجت نهاد مسحت دموعي بس شافت عيوني

نهاد ... ها نغم شبيج تبجين صاير شي وياج

نغم ... ماتحملت كوه لازمه نفسي من كالت هيج بجيت بسرعه

نهاد ... احجيلي نغم شكو عليمن هل دموع

نغم ... حجيتلها على كلشي حتى على سالفه حيدر

نهاد ... عزا بعينه هل حقير شبي هيج يسوي همزين احمد يدري بلكت يعلموه بلمركز يطيحون حضه طلع ميستحي ابد

نغم ... لا ولج وايسر لسه ميحجي وياي ولا سامحني على كلامي

نهاد ... والله حقه لو اني منه اموتج تموت شون هيج تروحين تكوليله اكول

لاحمد عليك ولج اكثر واحد وكف ويانه ايسر

اكثر واحد حل مشاكلنه هو ايسر ولج تذكرين من ابوج بلمستشفى واخوج بسجن واجه

حرامي لبيتنه واحنا بس نسوان لا حول ولا

قوة محد خابرتي غير بس ايسر يجي يلحكنه ماكلتي هذوله

يمكن هواي هذوله مسلحين ليكتلون ايسر وهو وحده جاينه ومع كل هذا اجه بات يمنه ونمنه مرتاحين لان نعرفه هو شنو

وهسه انتي بعد كل السوا ماوكف بعينج ترحين تصيحين بوجه

وتكولين اروح اكول لاخوي عليك اكله شوف صديقك شيسوي من ورا ضهرك باختك والله ماالومه ابد حيل بيج

نغم ... نهاد جايه تزيدينها عليه لو جايه تحففين عني صح غلطت

واني معترفه بغلطي بس اريد اخلي ايسر يسامحني بس هاي

نهاد ... سهله انتي مو عندج موبايل راح اروح اجيب رقمه من تلفون ماما واتصلي بي واحجي ويا

نغم ... مسحت دموعي وكتلها يلا كومي بسرعه راحت نهاد ركض جابت رقمه واجت ردتليا اتصلت بي مارد اتصلت مره ثانيه هم

ماكو بلمره الثالثه رد عليه يمكن جان نايم

ايسر ... الوو منووو

نغم ... ااا ايسر شلونك

ايسر ... الحمدلله كولي

نغم ... عرفتني ؟؟

ايسر ... حجيت بكلبي اكو واحد ميعرف روحه

كولي نغم صاير شي

نغم ... بدموع ايسر مصاير شي اريد احجي وياك بس

ايسر ... بعدين عندي شغل اريد اروح

من رخصتج

نغم ... بعدني مارديت سده نزلت دموعي وكلت حيل بيه والله استاهل شيسوي وياي

ايسر ... هم رجعت كسرت خاطرها اووف يربي ليش من احجي وياها ماعرف شيصير

بيه وكبل اصير عصبي عليها يعني هسه

اكيد كامت تبجي للمره الثانيه من وراي

اووف يمتى ابطل اكسر

بخاطرها نمت ماريد افكر بيها ثاني يوم

داومت خلصت محاضره

وطلعت وتفأجات بيها كبالي واكفه فتحت عيوني مصدوم

نغم ...اليل كله افكر اني لازم احجي ويا لازم اعتذر منه كلت

احسن شي اروح لدوام هناك اروح لكليته واعتذر منه ميهمني

اي شي هسه بس هو رحت حضرت اول محاضره بس ورحت

عليه شفته ستوه طلع من القاعه بس شافني فتحت عيونه

مصدوم بعدين راد يغير طريقه وكفت كدامه منعته وكلت ايسر

اريد احجي وياك فدوه اسمعني ولتروح

ايسر ... ليجي اخوج ويشوفج شتكوليله شوف صديقك واخلاقه

نغم ... اني اجيت حتى اعتذرلك على هذا الموضوع اسمعني

ايسر ... روحي نغم صايره بطريق وعيون الطلاب عليج ارجعي لكليتج يلا

نغم ... والله مااتحرك منا اله تسمعني

ايسر ... استغفر الله امشي هناك بسرعه

نغم ... اخذني وطلع من كليتهم رحنه بغير مكان كعدنه

ايسر ... يلا اتفضلي اسمعج

نغم ... ايسر اني اسفه على كل كلمه كلتها اني غلطت بكلامي

وياك ياريت تسامحني انت مو مثلهم الكل استغلني بس انت

ماستغليتني رغم تكدر كلشي تسوي بدون محد يصدك انت هيج

تسوي ايسر فدوه اذا اليه خاطر عندك ولو صغير سامحني وعد مني مراح اعيد هل الكلام الك

ايسر ... كلت بقلبي هو انتي كل قلبي الج وتكولين خاطر صغير كتلها خلاص سامحتج يلا امشي عندج محاضره عايفتها وجايه

نغم ... صدك والله سامحتني

ايسر ... نغم اكو شي ثاني اريد اكوله الج وافتهمي 

نغم ... اي ايسر احجي اسمعك

ايسر ... البارحه انكسر خاطرج من وراي صح

نغم ... لا عادي اهم شي اليوم انت سامحتني والباقي مو مهم

ايسر ... اااااا شوفي نغم اكو بعد شي ثاني اريدج تعرفي عني

نغم ... احجي اسمعك

ايسر ... ءءءء نغم اني اتصل عليه احمد كتله هسه وكتك كوه جمعت الكلمات رفضته وكتلها راح اروح احمد كام يتصل عليه

امشي اوديج لكليتج

نغم ... تمام رحنه اني ويا وصلني لكليتي دخلت محاضرات واني

فرحانه طايره من الفرح ماعرف ليش من سامحني حيل ارتاحيت

ايسر ... لعنت حضي وكلت راح تروح مني واني بعدني ماحاجي

ولا كلمه مثل هذا الخطبها وراح يجي غيره واني بعدني لسه مافكرت احجيلها مشاعري يارب كون تطلع تحبني ومااتعذب

نغم ... يمكن كمت احب ايسر طول المحاضره واني ممركزه

شيحجي الدكتور بس اذكر كلامه يارب كون يطلع يحبني ومااتعذب

خلص لدوام طلعت للبيت وصلت لكيتهم ملتمين من وكت

رحت بدلت واجيت اكلت وياهم احمد كال راح نتخرج راح نحضر

لحفلة التخرج والصوره كتله اجي وياك بيوم الحفله

احمد ... اي كلكم ترحون حتى ابوي يجي حاب اتخرج وانتو وياي

رحت ويا السوك العصر اني ونهاد كمنه نختارله زي التخرج

ورجعنه كلت ايسر شنو الزي الراح يلبسه بتخرج راح اروح حتى

احضر واصور احلى ثنين واغلى ثنين عليه احمد وايسر

كمنه نحضر لحفلة التخرج ومرت ايام اجه يوم حفله تخرجهم

ورحنه وياهم كلت لاحمد يكول لايسر يجيب اديان ويا هو هم

مثل احمد جاب اهله كلهم ويا جانت اجواء الحفله كلش حلوه

وحيل فرحنه ببها وفرحنه اكثر لمن شمرو القبعات ليفوك وجانو

لابسين زي التخرج كلش حلوين طلعو خاصتا ايسر لان جسمه

ضخم حيل والبدي شابك عضلاته ومبين يجنن عليه صار لازم

يسلمون على امهاتهم اجو يمنه لان امي وام ايسر كاعدات سوا

اجو كبالنه وشبكو امهاتهم وطلعو اغنيه عن الام خلت الكل يبجون

وماما وام ايسر كامن يبجن وفرحن الهم شفت ايسر يباوعلي

اني هم باوعتله وابتسمت ماعرف ليش بس حيل عجبني شكله

وهو بهذا الزي انوب سمعت بنات وراي يحجن باوعتلهن يخبلن

وحده حجت كالت شوفي مناك باوعي على ايسر شلون طالع يجنن والزي يخبل عليه

نغم ... اني ماعرف شبيه فتحت عيوني كلهن وباوعتله لكيته

يباوع على الجهه الاني بيهن خزرته حيل هو ضحك مادري

ليش ضحك ومادري اني ليش خزرته ضلن يحجن يم راسي

عنه ويتغزلن بي اني تخبلت اعصابي فارت بسرعه راسلته

كتله ايسر ممكن تجي اريد احجي وياك بس مو هنا شفته

ماسمع الرساله ولا طلع موبايله اتصلت عليه سمعه وطلعه

اني بسرعه سديته عكد حواجبه ونوب شفته فتح الرساله

وشال راسه وهو عاكد حواجبه ورفع حاجب بمعنى هاا

دنكت  « كتبتله اريد احاجيك شوكت »

« كتب اطلعي ليبره هسه جاي »

نغم ... طلعت بره واني بعدني اسمع هذني بعدهن يحجن عليه وشلون طالع اليوم خزرتهن ورحت طلعت شوي واجه وراي

ايسر ... ها نغم اكو شي

نغم ... هنا استوعبت ليش كتله هيج وليش طلع كتله ااا ايسر الف مبروك على التخرج

ايسر ... جبتيني مناك لهنا بس حتى تكولين هيج تكدرين تكوليها كدام الكل

مابيها شي عيب

نغم ... اتفشلت كلش وكلت يبوو يحضي هسه شكله

ايسر ... نغم تردين تكولين شي لو اروح

نغم ... ااا اكلك اكو بنات يحجن عليك

ايسر ... بنات شنو شيحجن علينا

نغم ... ءءءء لا يعني قصدي يكولون عليك طالع حلو ليش

ايسر ... ههههههههههه شنو ليش طالع حلو يعني اروح اغير شكلي

نغم ... لا ايسر مو هيج اووف يلا رايحه ماكو شي

ايسر ... بضحكه تمام براحتج عيوني بس لتكعدين يم البنات اليحجن عليه لا يرتفع ضغطج

نغم ...شنو شنو ليش يرتفع ضغطي اكو شي يسوه

ايسر ... لا ماكو يسوه لدرجه طلعتيني على شي ميسوه

نغم ... عفته ورحت واني اريد ابجي من الاعصاب رجعت لمكاني

وهذني كلما يشوفن ايسر يضحك لو يسولف ينكرصن وهو كل شوي

يباوعلي ويضحك كلما اباوع على البنات اشوفه يطكها بضحكه

خلصت الحفله وطلعنه واني كوه تحملت كيفت من خلصت رجعنه

كعدت الصبح رحت لدوام كمت ادور حجج حتى اشوفه كلت

لصديقاتي خل نروح لكلية الهندسه رحنه هناك لنادي مالتهم كعدنه

كلساع اكول يمته يجون يمته يجي وين ردنه نطلع شفته اجه صار

كبالي شال حاجبه وضحك وشفت البنات الشفتهن بلحفله ورا

يمشن باوعت عليه بخزره وباوعت عليهن هو شفهن كتله تعال

اريد احاجيك نريد نطلع اجن هذني يحجن ويا كالت وحده منهن

ايسر عندك محاضره اليوم مالحكت اسجل ويا لدكتور

نغم ... كلت بصوت ناصي حقج اذا بالج مشغول وين تلحكين تسجلين ايسر واكف بصفي باوع عليه وضحك

ايسر ...بنات روحن لاحمد عباس هو مسجلهن اني هم مالحكت

وعندي اتصال ضروري اريد اطلع طلعت ويا نغم بعد ماصرفتهن

نغم ... شعجب مارحت اطيتهن المحاضره خطيه مالحكن  يسجلنرشي

ايسر ... ههههههههههه يعني هسه انتي ضجتي لو شنو

نغم ... على شنو اضوج

ايسر ... لعد شعندج جايه لهنا

نغم ... عزا صدك اني شجابني هنا هسه شراح اكوله اجيت علمودك

اااااا لا ماكو شي سلامتك جنت ماره اني وصديقاتي منا وكلنا خل ناكل بنادي مالتكم عندك اعتراض استاذ ايسر يلا اروح اني

ايسر ... براحتج

راحت واخذت روحي وياها ماعرف شنو من بنيه تخبلني كل يوم بزايد بس خلص راح اروح احجي ويا امي عليها تخرج وراح اتخرج

ماريد اطولها بعد اكثر خلص الدوام ورجعت للبيت مقرر احجي ويا امي تغديت وكملت

يمه تعاي وياي للغرفه اريد احجي وياج بشغله

زمن ... خير يمه صاير شي

ايسر ... خير يمه خير تعالي اجت امي وبديت احجي

اكلج يوم اني عاجبتني بنيه واريدها

زمن ... يا يمه يوم عيد واشوفك عريس حبيبي كلي منيه اروح ركض اخطبها الك

ايسر ... يمه نغم اخت احمد

زمن ... ياريت حبيبي اني هم عاجبتني كلش مو حجيت وياك

عليها بس انت ماقبلت شنو يعني امك تختارلك الموزينه هسه شعجب اقتنعت بيها

ايسر ... يوم من حجيتي وياي اني مامكون نفسي وبعدني ادرس ..

هسه راح اتخرج مابقه بس الامتحانات ان شاء الله اخطبها ومن اكملهن ازوج

زمن ... تدلل حبيبي شوكت متكولي اروح اخطبها اني جاهزه

بس يسور اول شي حاجي اخوها خاف يكول من انسجت ومن ابوي تمرض صار بيهم شي شوفه انت نيتك صافيه وياها وتريدها بلحلال

ايسر ... اكيد يوم ان شاء الله باجر اروح احاجي بدوام

زمن ... شنو بدوام اطلعو بغير مكان احسن

ايسر ... تمام يوم كمت بست راسها وتشكرت منها ورحت لغرفتي

بقيت افكر بيها وشراح ابدي الموضوع

وياها اجت ع بالي اراسلها جريت تلفوني وكتبلها ..

« هلاوووو »

شوي يلا ردت

نغم ... « هلاوو ايسر شلونك »

ايسر ...« الحمدلله تمام وانتي شلونج »

نغم ...« بخير ليش مراسل اكو شي ؟؟ »

ايسر ...« اممم ماعرف بس اريد افاجئج بشي »

نغم ... « الله تحسمت اي گول»

ايسر ... « لا خليها باجر احلى يلا باي حبي »

نغم ... « عفووووا شگلت »

ايسر ... « عبالي احجي ويا احمد متعود هيج اكولها »

نغم ... « اممممممم يلا تمام باي »

ايسر حيل ارتاحيت من راسلتها اوووف عذبت قلبي وكطعت شرايينه مو نغم بلوه ابتليت بحبها خلص اليوم عادي وثاني يوم

خابرت احمد حتى احجي ويا واتفقنه يم الشط نلتقي بعد ساعه

كملت ورحت لهناك شوي واجه وراي سلم 

ايسر ... شوف احمد اني اتصلت بيك حتى اكولك شي حيل مهم

احمد ... خير ايسر صاير شي كول

ايسر ... ان شاء الله خير شوف ولك مااحب الف وادور وراح احجي كبل بدون مقدمات لان ماخايف من شي

احمد ... الكبر لهل فچ شلون اسلوب مال صايعين يلا احجي شكو

ايسر ... راح اطر اتحملك واتجاوزك بخلاقي وتربيبتي لان عندي مصلحه يمك

احمد ...ايبااا شلون اخلاق هنه ادري بيك ابو مصلحه يلا مسلت

ايسر ... احم ياالله احمد اني احب اختك

احمد ... ولك ادبسززز شنو تحب اختي ماتستحي وزنكته من ياخته

ايسر ... ولك وخر اديك خل اكمل كلامي كبر لهل احترامات

احمد ... وخرت اديه عنه وكتله يلا احجي

ايسر ... احمد اني بصراحه احب اختك نغم واريد اتقدملها ع سنة الله ورسوله حاجيها انت واجيب امي واجي

احمد ... والله يسور ماعرف شكولك تعرف نغم بعدهي تدرس وانت هم بعدك تدرس شوكت تزوج

ايسر ... شنو ولك هاي اني هيج راخي ومااكدر اعيشيها بسعاده

بعدني ابن الخمسطعش سنه عيشت عائله 4  نفرات واسعدتهم نفر واحد هسه ماخليها تعيش سعيده

احمد ... لا ولك مو هيج بس خليها علما تتخرج لتلتهي بيها وترسب انت بعدلك بس الامتحانات

ايسر ... كلشي مفكر بي هسه اخطبها ورا التخرج نزوج

احمد ... تمام اذا هيج احاجيها واردلك خبر ان شاء الله خير ولك اسمعني اذا

بطلتها من دراستها اكسر سنونك وبس تتخرج توكف وياها وتساندها تصيرلها

ضهر مثل مااني جنت معيشهن بفخر واني

لو ماادري بيك واعرفك كلش زين مااحجي وياك ولا اسمعك ابد جان كبل دفرتك وطردتك منا ..

ايسر ...اني اعلمك خل ازوجها ويصير خير اردهن الك

احمد ... احم يسور سامع شيكول المثل

ايسر ...شيكول بله

احمد ... يكول اذا ماعندك مطي بلبيت نسيبك موجود

ايسر ... لا يا ابن الكلب اني مطي لا والله ابوك ميستاهل من وراك

صار كلب وكمت دفرته بطنه وكمنه نتعارك

احمد ... متت من الضحك بعد ماكدرت ادافع عن نفسي من الضحك

وهذا ماخله بيه موتني بوكسيات لان كلت عليه مطي

ايسر ... يلا هسه تولي منا ركض لبيتكم وتحاجي اختك اذا قبلت باجر اني يمكم تمام

احمد ... ولك هسه حاليا اني صرت نسيبك خال جهالك تنجب وتحترمني وهاك ايدي هم بوسها حتى افكر ارضى عليك

ايسر  ... تفكر موو تعال ولك خله وشرد وهو يضحك ويصيح

احمد ... من كلي ايسر يريد يخطب نغم واني حيل فرحت لان اعرف نغم كلبها طيب والله عوضها ب ايسر واعرف ب ايسر شاب

حيل تعبته الدنيا اخذت منه ابو وهو بعمر صغير وخلت بركبته عائله يشتغل ويدرس ماحب احد يساعده وصارلهم الاب والاخ

وهو بعمر صغير وتعب حيل بلكت نغم تقبل بي وتريح عمره الباقي رجعت للبيت ولكيت نغم تشتغل بلمطبخ صحتلها كتلها تعاي وراي

للاستقبال اريدج بشغله ...

نغم ... ها احمد كول

احمد ... نغمه تعاي اكعدي عندي موضوع مهم اريدج تعرفي

نغم ... احجي احمد ضل بالي

احمد ... خير ان شاء الله لتخافين نغم اليوم ايسر حجه وياي وطلب ايدج توافقين بي لو لا ....

احمد ... خير ان شاء الله لتخافين نغم اليوم ايسر حجه وياي وطلب ايدج توافقين بي لو لا

نغم ... انصدمت من كلي ايسر اجه خطبني حيل فرحت وكتله

ءءءء احمد يعني مادري خل افكر واردلكم خبر

احمد ... يعني افتهم انتي موافقه نوعا ما

نغم ... ماعرف احمد خليني افكر بي هو حباب وهواي ساعدنه وماشفنه منه شي غلط

احمد ... تمام فكري على راحتج واني راح اكول لاهلي حتى اذا وافقتي تخابر امي وتكللها هو كلي بس تطونه الموافقه ثاني

يوم اجيب امي واجيكم

نغم ... لا ومستعجل الافندي ومصدك راح اقبل بي خلي اله اشلع قلبه يلا اوافق بي احمد الله كريم بعدني افكر وبعدين

اردلك خبر تكوله كلي ماشي وراح طلع بقيت افكر لليل جنت اتصفح بتلفوني وفجأه اجت رساله منه اني ممسجله عليه

اسم بس رقم راسلني ونزل اشعار برساله على الواتساب كاتب

« احم شلونها چنت بيت ابو ايسر »

ضحكت ورديت « شنووو !!؟؟ »

ايسر « اقصد شلونج شخبارج »

نغم « وانت شعليك ليش مراسل بهل وقت اكو شي احمد وعندك رقمه تكدر تتصل بي يلا باي »

انتضرته حتى يرد ماارد تخبلت كلت شنو

هاي عود اني ردت استفزه شو هو استفزني وكمت اتگلب كل شويه اخذ التلفون واشوف

الرساله قاريها بس ماارد خرب هذا شبي ليش مارد عليه عفته ورحت نمت الصبح جان عندي دوام رحت كبل

على كليته ماعرف ليش حتى ماافكرت خاف احمد يشوفني بعدني امشي اجه كبالي وحده يمشي باوعتله اجه بتجاهي

صار كبالي وكال شنو خير شكو جايه لهنا ست نغم احمد وعندج رقمه وتكدرين

تتصلين بي اذا محتاجه شي شكو جايه

هنا وغمز وهز راسه

نغم ... يربي هم استفزني البارحه وهم هسه قصفني خرب يومك ياريت لو الزمك اخنكك هم ماارتاح كتله اااا يعني شنو

الكليه مسجله ب اسمك مثلا حتى بكيفك تقرر منو يجي ومنو لا جنت ماره منا وكلت خل اشوف احمد اريد احجي ويا واروح

ايسر ... يمه شباب كاعدين كولي شتردين واني اكوله

نغم ... يبووو هسه شگله شريد من احمد يربي ساعدني هسه

شسوي شلون موقف وهذا ابد متمر عليه هيج سوالف خرب يومه

كلت لا بس اريد فلوس خلصت فلوسي بس كلت هيج شو هذا

طلع محفضته من جيبه وطلع منها 25 وطانياها بدون تفكير ردت احجي

ايسر ... يلا عيوني راويني عرض كتافج وروحي منا لتضلين رايحه جايه وكلها ولد

هنا ملطلطين يلا تعاي وراي خل اوصلج

نغم ... ءءء بس ايسر اني مااجيت علمود فلوس اجيت ع

ايسر ... على نشو اجيتي لعد عندج شغله ثانيه جايه بهيج وقت ولا ونوب تجذبين وتكولين ماعندي فلوس جايه على احد

نغم ... شنو يعني هاك فلوسك اني اجيت علمود احد اي صح اجيت علمود احمد مو تدري وماقبلت اشوفه كلت يمه ولد

ايسر ... روحي يلا شوفي احمد يقبل تجين اله وهو كاعد بنص ولد

نغم ...يربي انوب عنده جواب لكل شي هسه انجب واسكت كتله يلا ماكو شي خل ارجع عندي محاضره باي لتجي اندل الطريق

ايسر  ... عرفتها اجت لان البارحه مارديت عليها اعرف كل سوالفها واادري عبالها تذلني بس شافت العكس

نغم ... خلص اليوم عادي ورجعت ماكو شي جديد مرت الايام هدوء احمد بلش امتحانات واني ممرجعه جواب الهم

كال كدام اهلي اهلي حيل كيفو لان همه يردون ايسر ويحبو اني مشيت بدراستي وكمت اقره ونهاد هم تقره لامتحانات

خليت بالي يم

دراستي ماردت افكر ب ايسر ومره ثانيه حاجه احمد وكله خليها ورا الامتحانات حتى انت فارغ وهي فارغه ماعدكم شي هو وافق

خلصت امتحاناتنه كلنا وايسر واحمد اتخرجو الحمدلله يوم جنه كاعدين نسوي كيك ومحتفلين بلعلطه اني ونهاد واندكت الباب

راح احمد فتحها شافت نهاد من الشباك اهل ايسر كلهم جايين

نهاد ... شهكت وصاحت ولج نغم بيت رجلج اجو

نغم ... ولج شنو بيت رجلي عابت احجي عدل واجيت شفت احمد يسلم عليهم ويكول تفضلو وطكيناها ركضه اني ونهاد

غسلنه اديه ورحنه فوك عدلنه شكولنه وغيرنه ملابسنه واجينه لان جنه نسوي كيك وملعوب بينه لعب ورا حتى شعرنه صار بي كيك كلنا فشله تجي تشوفنه هيج

نهاد ... رتبي عدل نغمه خاف تشوفج امه بهذا الشكل وهي ترفضج

نغم ... ولج انجبي وتعاي ساعديني خل انزل البدي تشنجت اديه

نهاد ... وانتي شكو لابسته ضيك ولج لبسي شي اعرض احلى

نغم ... روحي طلعيلي علما اخلي مكياج بعدنه ممكملين صاحت ماما وضلت تتصل

عليه متريد صوتها يعلى نزلت شفتها

منال ... ولج نغم اجه ايسر جاب اهله وكال نريد نسمع موافقتها

نغم ... انصدمت كلت بقلبي محد يكدرلك ايسر راح يخليني امام الامر الواقع يربي شسوي صاحت ماما

منال ... راح ادخل يمهم حضري الضيافه وتعاي جيبهن انتي

نغم ... ءءءء ماما اخذيهن انتي حبابه مااريد ادخل

منال ... نغم هو قرارج تردين ترفضين تردين توافقين محد راح يخلي سيف على ركبتج ويهددج شوي بعد كلنا نريد نسمع قرارج

نغم ... ردت احجي عافتني وراحت حضرت نهاد الضيافه

نهاد ... نغم مبين ايسر يحبج لو ميحبج مااجه بنفسه حتى يسمعج وياخذ موافقتج ايسر نيته صافيه وياج فكري زين جهاد

لاختاريتي انتي وحبيتي شطلع مو واحد اناني وخاين ايسر تعرفي كلش زين حيكون العوض الج بعد مانخذلتي

حبيبي نغمه صح اني اصغر منج بس افتهم منو الصح ومنو الخطا يلا هاج روحي قدمي الضيافه ورديلهم جوابج

نغم ... اخذت الصينيه منها ورحت دخلت واجت عيني بعينه يالله شحب عيونه الحلوه كامت امه رحبت بيه وسلمت عليها

وعلى اديان اخته وعليهم هو واخو بس كلت السلام عليكم ورحت اقدملهم الضيافه وصلت يمه مدنكه واديه ترجف

ايسر ... بصوت ناصي اجيت بس اسمع جوابج مو انام يمج شكو هل الرجف

نغم ... انصدمت ورادت توكع الصينيه من ايدي رفعت راسي وخزرته بكل قوتي هو ابتسم رحت كعدت وحجت امه

زمن ... عيني ابو احمد ام احمد اني من اول يوم اجيتكم وشفت نغمه حيل حبيتها ودخلت قلبي وخوش تربيه عاشت اديكم

ليوم اجيت اطلب ايدها للوليدي يسور على سنه الله ورسوله

ابو احمد ... نتشرف بيج ام ايسر اني يشرفني ولد مثل يسور يصير وليدي الثاني مو نسيبي بس ام ايسر الكلمه الاولى والاخيره

للبنيه اذا قبلت احنا نكون محضوضين عدنه هيج نسيب لان وكفلنه ب اوقات محد وكفلنه بيها

زمن  ... رحم الله والديك من ذوقك ابو احمد بنيتي نغمه اريد اسمع جوابج موافقه اخليج بعيوني مموافقه براحتج حبيبتي

منجبرج على شي انتي متحبي

نغم ... كل الانضار توجهت عليه صار وجهي اصفر رفعت راسي واجت عيني كبل على ايسر يباوعلي بنضره تخبل نستني

شردت احجي كلهم حجو كوه كدرت انطق واكول موافقه ماعرف شلون طلعت وماسمعنه غير ام ايسر طكتها بهلهوله وكامت تبجي

زمن ... ماتوقعت راح يجي يوم وافرح من كل قلبي بعد روحة المرحوم كبر وليدي وليوم اجيت اخطبله

نغم ... كلما دمعنه من هيج حجت وكام ايسر باس اديها وراسها وحضنها اشرتلي اجي يمها رحت وجرتني وشبكتني بست اديها

زمن ... الله يهنيكم يمه تشكرت من اهلي واني طلعت كبل بقو يتفقون على المهر والقعد حددته بعد يومين من كالت ماما

انصدمت كلت شلحك يربي والله عنده سوالف متاكده هو كللها تخلي هيج وقت طلعو ورا شوي سمعنه احمد اجه كامش

التلفون ويحجي بي ويهلهل ويكله لك عار راح تصير نسيبي وراح اطيح حضك انوب والله اذا تفتح حلكك وياي انوب من

تجي تبوس ايدي وراسي يلا تدخل

ونسمع هذاك منا يغلط

ويفشر عليه احنا متنه من الضحك عليهم فطسنه كمنه ثاني يوم نحضر كلشي ومخبوصين رحت لسوك اشتريت فستان قصير

لونه ذهبي ويا كعب نفس لونه وبركع ابيض

رجعنه نهاد هي واحمد رتبو البيت وشالو الغراض حتى يفرغ

واني رحت لصالون ترتيب وتعديل خلصن ليومين واجه يوم القعد والمشيه سوه اني رحت لصالون اجن صديقاتي وياي رفل

وتقى لان ماما ونهاد مخبوصات مااجن خلصت واتصلت بيهم اجانه احمد بسياره اخذنه وطبيت للفرع لكيت كومه سيارات

صارت المشيه بره مو بلبيت دخلت ليجوه بسرعه لحد ماخلصو المشيه كالو يلا العقد خل تكعد قريب عن الباب جابتلي نهاد

البركع ولبسته وخلو قران بيدي ومخليه رجليه بمي ماعرف هاي العادات عقدلنه الشيخ بس خلص الهلاهل اشتغلت والبيت انكلب بيهن

وفتحو الديجي ونهاد واديان ذبن لحم انوب امه كالت راحيدخل العريس يلبسها الذهب

اني جمدت عزززا شلون هيج يشوفني

الفستان يفشل كمت ارجف شويه وسمعت الهلاهل يعني دخل والجكليت صار علينا رمي

ايسر ... اخيرا صار يوم خطوبتي من البيت الرفلها قلبي اول ماشفتها غيرت حياتي كلها جبت مشيه ترفع الراس حتى ضباط

وعساكر أصدقاء ابوي ولدهم والضابط حسام حيل مقرب اليه من بعد احمد بس كتله جاب المركز كله ويا واجو تستاهل نغمتي

خلصت المشيه وكالو خل يدخل حتى يعقدون كعدت بلاستقبال وهي ورا الباب وعقدلنه السيد وبعدين اديان راسلتني من تلفون امي

وكالت لتطلع كبل راح نسويلك طريق تدخل تلبسها الذهب كيفت اني حاجو احمد اجه كلي يلا ولي لتلعب بذيلك ترى اسحلك

كدامهم خزرته وطبيت بس شفتها تغير لوني شهل جمال شطالعه تخبل بقيت صافن عليها وكصتي عرگت وصار وجهي نار

زمن ... يلا يمه هاك لبس مرتك

ايسر ... اخذته الحلقه لبستها وامي واكفه قريب مني وكامشه الذهب بيدها كل شوي اطتني شغله لبسها اطتني الكلاده

شالت شعرها وهي ترجف ومتوتره اكثر مني صرت قريب عنها وراسي قريب ع ركبتها لبستها كوه اني رجال ورجفت اديه كدامها

خلصت وبست من راسها بعد ماكلولي وطلعت مادري شلون وصلت

احمد ... هاك ولك بشر

ايسر ... شبشر ولك الكبر

احمد ... خو ماسويت شي لاختي كلي لا اطيح حضك

ايسر ... احمد امشي ولي منا لا اني اطيح حضك ولك شوف هاي

وشلت الحلقه بوجها هاي مرتي صارت انت اذا حجيت اكسر دماغك

احمد ... ولك اتكبرت عليه ترى بعدنه بلبدايه هسه اخليك تنزعها وتطلع منا مكسر

ايسر ... هسه انجب وسويلي طريق من يرحون اريد اطب اشوف اختك

احمد ... هو هيج حجه لزمته من قاطه وكتله احترم ولك لا اموتك

بعدني اتعارك ويا اجه ابوي كال شكو ولك

احمد عليمن تتعارك ويا الولد انوب هذا ايسر سوه روحه فقير كله عمي تراضها واذا صاحبي اني خطبت اخته بلحلال يكلي

اطلع متشوفها منا لمن تزوجون تقبل عمي بهذا الحجي

ابو احمد ... ولك احمد طلعت هم هيلك الولد مامسوي شي غلط تعال بويه اعتذر بمكانه تعال ادخل وشوف مرتك

ايسر ... لا عمي حشاك من الاعتذار بس اباركلها واطلع سويلي طريق بلازحمه عليك احجي واباوع لاحمد راد ينفجر واني كوه

لازم روحي حتى مااضحك راح ابوها طبيت ويا لاستقبال كللهم خل تجي رجلها يريد يباركلها

نغم ... سمعت كالو ايسر يريدني اجي يمه كمت ارجف من الخوف ماردت اروح بس كومني نهاد واديان واخذني يم الباب سحل

كتلهم اريد البركع جيبنه عيب ادخل هيج

اديان ... حبي ادخلي وانجبي لا اعلمج

نغم ... عاندت ماادخل اله البركع يجيبنه شو هذني وحده غمزت لثانيه وحده فتحت الباب مال الاستقبال حيل والثانيه دفعتني ليجوه دفعه ماحسيت روحي اله كباله مزروعه

ايسر ... عرفت مستحيه متقبل تدخل بس اديان بعد اخوها خوش اطتها دفعه خلتها واكفه كبالي طكيتها بضحكه وهي بعد شوي

وتبجي من المستحه اباوع للفستان الابسته مفصل على جسمها مطلعها اميره ماحسيت بروحي اله واني جريتها من ايدها وكعدتها بحضني

نغم ... جرني بحضنه وكعدت على رجله كمت ارجف من الخوف كلي شلونج حبيبي ماعرفت شرد كتله بخير وانت

ايسر ... من شفتج هيج صرت بخير طالعه تخبلين

نغم ... وانت هم

ايسر ... اني شنو ؟؟

_ ءءء طالع حلو

_  مو بحلاتج وتقربت اخذت شفتها بوسه هي انتهت

ماحسيت اله وهي دفعتني حيل وكامت وهي تبجي وتصيح

نغم ... وخر حقير وبعدين تريد  تخوني ويا هذيج الحقيره ...