رواية تل الذهب الفصل الخامس وأربعون 45 - بقلم Raghad Almoualy

تــــــــل الذهــــــب
رغـــــــد الموالـــــي
ـــــــــــــــــــــــــــــــــــــــــــــــــــــــــــــــ
سديم....

شعور سيء صار يراوددني بالاشهر الاخيره من الحمل اتوقع راح اموت يجيني هالشعور دائما
واكول هرمونات حمل

حياتي هادىه ضاهريا لكن داخلها بركان يغلي على اي لحضه ينفجر

ملامح التعب والحزن بينت على وجهي ادم حيل ابتعد عني بهاي الفتره لما شافني مدااتقبله وزاد بتصرفاته صار حتى بالتهار يشرب وكأنه يريد ينتقم من روحه

فترة تباعد بيناتنه صارت كبيره هو بعالم واني بعالم

بس ابد ماكنت احجي ويا شي

صار على طول لما يدورني يلكاني على سجادتي واقره القران

ادم... هاي كلما اجي الكاج تقرين يمعوده هذا الطفل هسه يجي وجهه يشع نور على هالحجي

سديم... احنه محتاجين لرحمه وبركه بالبيت لهسبب اقره القران

ادم... هاي منو علمج تقرين

سديم... خالتي خلود

ادم... وعلمتج هالاموى هم انو تصير بركه وهالشغلات

سديم... اي
اساسا ارتاح نفسيا لما اقره قران
الانسان شكد مايتعب يكعد يقره او يسمع يرتاح

ادم... اي اني كم مره رحت بفاتحه وسمعت القران حقيقه مريح نفسيا نيالج انتي تقرين

سديم... اقره انت هم مو تعرف تقره

ادم... لا ويني وين العباده اني هاي يرادلها ناس نضيفه من صدك

سديم... العباده تطهر الروح والمي يطهر الجسد
مستحيل تطهر الروح من وحدهة الا بالعباده

ادم... هز براسه بمعنى اي وسكتت

نزعت ايزار الصلاة

واجيت كعدت يمه

... ادم جرب تصلي ولو لفتره صغيره

ادم... لا سديم اني مو زين حتى اصلي

.... ميخالف جرب

ادم... حاولت بس ارجع اغلط لهسبب مااصلي

خليت ايدي على خده برقه كتله

اني أحبك باوعلي بتفاجأ

اي ادم ليش احسك متفاجأ احبك اني وانقهر عليك لان اشوفك هيج تضيع لنفسك

حبيبي حاول تنتبه لنفسك تغير من حياتك
باجر يجينه طفل يحتاج حنانك واهتمامك

ادم... سديم لاتكذبين عليه انتي تكرهيني
اني ساومتج على زواج مقابل الفلوس واعرف تزوجتج غصب اني تندمت
وبس تولدين الطفل اعتقج مني صدكيني
مااجبرج

سديم... ومنو كلك رايده انفصل منك اني
اني اريدك لان احبك

ادم... لان ماتت خالتج ومابقه احد بالبيت لو فعلا تحبيني

.... لا احبك فعلا

ضمني مباشرة

وتكلمت...
سديم... لاتبعتد عني اني احتاجك خليك يمي دائما

ادم... ماشي حبيبتي

ركل بطني الطفل ابتسمت واخذت ايد ادم خليتها على بطني وركله

ادم فرح حيل وابتسم ورجع ضمني

سديم... هاي سمع صوتك

ادم... فدوه حبييبي

كومي لعد خل نطلع

وين

نروح نتعشه بره نغير جو

... تمام هسه البس واجيك

رحت تحضرت وطلعت من الغرفه لكيته هو هم متحضر صعدنه بالسياره سويه ورحنه للمطعم
كعدنه

ادم... شعاجبج تاكلين

سديم... اي شي حبيبي اطلبلنه على ذوقك

ادم... راح اوكلج صاج لحم يموووت على طول اجي هنا واكل

سديم... وحدك لو وي وحده

ادم... ها ههههههه هسه طالعين احنه خلينه حلوين

سديم.. اوك

كعدنه نتعشه ونسولف
احسه متغير مو مثل قبل ومايحجي شي بعلاقاته
صار كل كلامه عن الطفل والبيت ولاحتى يباوع على البنات مثل قبل لاحضت هالشي رغم هو ماتغير بعده بطبعه

... تعشينه وكملنه وغيرنه جو
كنت فعلا محتاجه لهذا الشي البسيط من التغيير
بليلتها رجعنه للبيت صحيح كل واحد بغرفته بس دخل بهجه بحياتنه
ليلتها ادم ماطلع بقه بالغرفه وحبيت اول خطوه اخطيها

هواي فكرت بكلام خالتي وسميره وكلت احاول ويا الرجاال شيحب غير الوجه اليضحك والكلام المعسول

بديت بااول خطواتي واول خطوه الهدايه
لازم يصلي وهو ومن حاله حيترك درب الاعوج

فكرة انو اخلي بيوم وليله يصلي مستحيله خصوصا وهو نشأ بعاىله متشتته مابيها اي رابط اسري

اول يوم مشى مثل ماخططت اله لكن بالليل عكس رجع تأخر وانتظره ماكو اتصلت عليه

سديم... ادم وينك

ادم... راح اتأخر نامي
وسده للخط انقهرت هواي وحسيت بروحي لاشيء
مسحت مكياجي ورحت نمت

ثاني يوم اكلمه بصوره رسميه وهو عادي يتكلم وكأنه هو الي راد هذاك القرار وحبه خابرته حنين وردلها كدامي

... بلي حنين

... ماشي حبيبي بالليل اجيبه الج

اوك

وسده...

كام حتى يطلع التفت الي حبيبي محتاجه شي

باوعتله مندهشه مستغربه حتخبل هذا شنو
الي يكلي حبيبي ولصاحبته حبيبي وللنسوان كلها
هزيت براسي لا واني بحالة ذهول منه
طلع وسد الباب وراه

كلما اخطي خطوه يرجعني امتار وره

اختنكت طكيت بهل الاثناء اتصلت تبارك

كلمتها لكن صوتي مبين مخنوك

تبارك... شبيج سديم اشو مو على بعضج عبالك

سديم... لا هيج

تبارك... ادم مو

سديم... حيخبلني تبارك حيخبلني

تبارك... بعده بسوالفه

سديم... ميجوز

تبارك.. شوفي سديم زوجج طبعه صعب يقتل بدم بارد
حاولي تغيرين منج انتي ابدي بنفسج اول لو فعلا رايدته

سديم... شلون

تبارك... سمعي الرجال بطبعه يمل المره الروتينه يعني داىما يحب التغيير بكلشي مو بس شكلج

ويحب المره الي متنكد عليه والي متحجي ومتسأل

يعني بااختصار كون بالمطبخ شيف محترف
بالنضافه... كلور
بالجمال حوريه منزله من السماء
بالكياته كون ملاك
بالستر كون الشمس متكدر ترسم خيالها
بالقرارات كون تكله اي وبس متحجي

وطبعا احنا النسوان منحب هالشي قابل اداة ونمشي على مزاجه فمنتقبل ويبدي يصير نفور

ف انتي مره غيري ومره على طبيعتج تصرفي

وعيونج اني علي لكفته يحجي وي وحده عبالج
جان الزمها الها خابرتها بدون ميدري هددتها ومسحت بيها الكاع

كتلها عرفتج وعرفتج اخوانج واهلج ولاافضحج ومخليتلها

انتي هيج اشتغلي الزميهم لهذني اليعرفهن رجلج وتعاركي وياهن شكو شعندج وهدديهن
وسوي نفسج الملاك البريء كدام زوجج

... ليش مراح يكلوله

... لا مو انتي هددتيها متحجي حتخاف

ماشي تبارك اسوي بنصيحتج

بالليل اجت حنين وادم للبيت جنت قبل اضم روحي واكول صعبه يشوفوني بس هالمره من اجو مسكتت

وكفت وكلمتهم بنتره

هاي وين ماخذها بيك

ادم... لغرفتي

سديم... شفتاحين هنا دعاره

ادم... لزمي حدج سديم وانتبهي لكلامج

سديم... منتبها لكلامي بس الظاهر انت مداتنتبه لتصرفاتك

وانتي عيني حنين خانوم طابه طالعه صارلج فوك الشهرين شعندي هااااااا
شوفي اني عرفتج وعرفت اهلج وادري ادم كذب مخاطبج اني كلشي حوصله لهلج انتي الظاهر وحده بلا تربيه وبلا اخلاق مو عيب عليج تطبين بيت واحد متزوج ومرته بالبيت وعيني عينك

حنين... اني وادم نحب بعضنا

سديم... وحبج عزراىيل ان شاء الله

ادم.. سكتي سديم ويله فوتي جوه

سديم... وان مافتت

.... مراح يصير خير سديم

... والله اذا انت رجال شوفني شلون بله من تهين مرتك علمود وحده بنت شارع

اني حشوفج الرجوله شلون سحبني من شعري بقوه صرخت ولما صرخت ضربني بكف
فوتني للغرفه

وصار يضربني راشديات صرت جواه احس فرفحت روحي من الضرب وجهي جمر
وحس حتى ضغط على بطني

صرخت وصحت بطنيببيي

اااااخ

اجت حنين وخرته مني صاحت اددم شبيك

التفت عليها وضربها الها هم راشدي

وطلع وقفل الباب علينه وصيح

كلاب كلكم كلاب

بطني صار بيها وجع ونفسي صار صعب كمت اختنك

شافتني هيج حنين وصارت تدك بالباب

افتح الباب ادم
حتموووووت

سديم حتموت

ادددددم

وهو مايرد

جنت بالكاع مدده عدلت كعدتي وصارت تمسح على ظهري بتدليك

جابت مي وغسلت وجهي

حسيت شويه ارتحت كدرت اجر نفس

ها شونج هسه زينه

ههزيت براسي بمعنى اي رغم وجع بطني بعده

حنين.. اسفه اني اسفه مادري هيج حيسوي بس هو اليوم هواي شارب

خابرني
كلي طلعيلي كتله مااكدر صرخ بيه كالي طلعيلي
توقعته شارب ولما شفته اتضح فعلا شارب
وكوه يفتح بعيونه

... مابقه شي وانفصل منه اريدج شاهد على الي سواه اريد حضانة الطفل اني اذا فعلا تكولين اسفه وتتعذرين بينيلي هالشي

حنين.. اي اشهد

جريت حسره بخذلان ب ألم وسكتت.... متوقعته حيسوي هيج بيوم من الايام ونوبه حامل الطفل الي يعد اللحضات والدقاىق الي يجي بيها للحياة يريد يموته....

ــــــــــــــــــــــــــــــ ـمريم ــــــــــــــــــــــــــــــــ

بقيت بالغرفه كاعده ولافكرت اطلع رغم گلبي يلوب اريد اشوفه واحجي ويا بس دست على نفسي

حدما نمت
للمغرب اجه ابنه حسين الوسط
فتح الباب بهدوء ومخلي ايده على حلكه حتى لاتبين ضحكته

همستله تعال

بقه واكف ويضحك
صاحت عليه امه
حسوني تعال ولك عيب
اجت حتى تاخذه واجيت عليه خل يجي لغرفته

نور.. لا اني حذرته كتله عيب حتى ضرغام كاللهم لاتتعاركون ولاتروحون للغرفه وتزعجوها خلوها ترتاح

بس هو استغل طلعة ابوه واجه ميسمعون كلامي
شالعين گلبي رغم اموتهم كتل وضرغام بس يباعولهم
يخافون منه ويسوون الي يريده

مريم... هم الاطفال كلهم هيج

نور... اي هو انتي متزوجه

مريم.. اني لا... ا. ا ا يعني مااتذكر قبل لحادث متزوجه لو لا

نور... حبيبتي ان شاء الله ترجعلج ذاكرتج ووتذكرين اهلج

مريم.. هو ماكلج ضرغام شي عني عن اهلي

نور... لا سألته بصراحه عنج كتله شلون حتوديها لهلها وهي متتذكرهم
كالي شغلنه هذا نعرف بي

مريم... تحبين اساعدج بشي

نور... لا ماعندي شي دااسوي تبسي دجاج بالفرن ضرغام يحبه وصار هواي ماواكل من ايدي

مريم... جنت اتغاضى النظر بعيونها لما اكلمها او هي تكلمني مدااكدر اباوعلها ماعندي هيج جرأءه

كالتلي
تعالي نوكف بالمطبخ نسولف ومنها اكمل التبسي
اجيت يمها هي صارت تحضر العشاء وتسألني وسلوفنه هواي
شلون صار الحادث

مريم... ندعمت بالسياره

نور... ياعيني الحمد لله على سلامتج

مريم.. الله يسلمج

نور... الحمد لله عشتي تلكين اهلج گلبهم نار عليج

اي اكيد

نور... يرادلج كم لبسه خو ماتبقين بهذني ملابسج اني ضرغام ميقبل اطلع للسوك راح اوصي يجيبلج عادي لو متقبلين

مريم.. لا زحمه

نور.. يا زحمه شنو صدك جذب
شكد قياسج

مريم... ها م م ماعرف

شو التفي دااشوفج

قياسج xl هسه اوصي
واسبحي وهيج ترتبي هم لاتبقين هيج ولاتيأسين من الحياة باجر تلكين اهلج وتفرحين بيهم

هزيت براسي بمعنى اي

مريم سويلنه سلطه تعرفين

اي اعرف

يله سويلنه

طلعت خيار وطماطم وثرمتهن ناعم جابتلي ليمون وملح وكالت خلي فوك السلطه على جيه ضرغام حتى يلكه كلشي جاهز

دااتحجي وفجأه لزمت راسها وغمضت عيونها

مريم... بيج شي

باوعتلي وتلكأت ها لا لا مابيه شي سويهن هسه اجي

وراحت بسرعه لغرفتها

حضرت السلطه وخليتها بكاسات خاصه بالسلطه جان التبسي حيستوي

فتحت الفرن دااشوفه حسيت باب المطبخ نفتح التفتت شفته هو اجه

باوعلي ودنك جان شايل علاكه بيده ماحجه ولاسلم اجيت عليه

لكيت اهلي

هز براسه بالرفض ودايمشي داايروح استوقفته

اريد اروح منا اني مامرتاحه

باوعلي بعتب وابعدني عن طريقه بااطراف اصابيعه

وفات تلكوه اطفاله
هلوووو باباااا هلوووو

ضرغام... لعد ماما وين

علي... امي نايمه بالغرفه

راح للغرفه

احترك من اشوفه يروح بس ماابين احاول التهي وي ااجهال نص ساعه وطلعت نور

نور.... مريم. مريم

مريم... نعم

... تعالي شوفي شنو اشترالج ضرغام عود ردت اوصي

مريم... يعني بدون متكليله

... لا ماكتله انه

مريم.. شكرا

دلبسيها وشوفيها تجي عليج

هزيت براسي بمعنى اي اخذتها ورحت للغرفه
كان المفروض افرح بس بجيت الموقف الي اني بي صعب وهو يعاملني معاملة الغريبه

فتحت العلاكه باوعت جايب سويترات ثنين بناطير ثنين واحذيه ثنين ودشاديش ثنين وعطر وريكسونا وحتى ملابس داخليه هم خجلت هوايه متعوده هو يجيبلي بس ماعرف ليش هالمره غير

قستهن كلهن على قياسي وهو اساسا يعرفله

فتت للحمام سبحت وكملت ورحت للغرفه امشط اجت نور

تعالي تعشي ويانه

مريم... هسه اجي

رتبت شعري وخليت الشال الي جابه الي هم على راسي لفيته بشكل بسيط وطلعت يمهم

جانو ملتمين كلهم على السفره وكاعد يم والدته
يسويلها لفات وينطيها

كعدت يم نور متلكئه وخجلانه وماادري شسوي

احاول اكل بس مدااكدر عيني كل شويه تصير على الضرغام وهو ولا باوعلي

الحجيه... يمه مرايم سبحتي

مريم.. اي حجيه

الحجيه... دلفي شعرج بخاولي شي دفي تلكي هسه ينگط مي وتتمرضين

مريم... صار حجيه

اكلت شي بسيط وكمت قبلهم

نور... هاي وين بعد مااكلتي شي

مريم... لا هاهيه شبعت

نور... بالعافيه

مريم.. الحمد لله شبعت

كمت توجهت للمطبخ اعرف ضرغام عشقه الجاي
خليت القوري على النار وحضرت اكواب الجاي والشكر بين ماصار الجاي هم خلصو العشه رحت وياها ساعدتها بالسفره وصرنه نعزل المواعين حتى نغسلها

نور... هاي سويتي للجاي دروحي ودي لعد عاشت ايدج

مريم... لا انتي ودي

نور... ياااا يمعوده عوفي خجلج على صفحه ودي فدوه حتى يعرف ضرغام انتي سويتي هم

هزيت براسي بمعنى اي وصبيت الجاي ورحت اودي داانطي لضرغام همس بدون مايباوعلي
ودي لامي بالاول

رحت وديت للحجيه وتشكرتني

ااحجيه.. هاي انتي سويتي بنيتي

ضرغام صارت عينه على الحجيه لما سألت

مريم ... اي حجيه

الحجيه.... عفيه بنتي عاشت ايدج

رحت وديته لضرغام اخذه مني بدون ميباوعلي
قدمته الهم ورجعت للمطبخ

غسلنه مواعين وكملناها واجيينه يمهم بالهول

جان ضرغام يخابر

ضرغام... نعم سيدي... سيدي بالسرداب بالمقبره

اي نعم

هم نهزمو من شافونه وتبعناهم لزمناهم

تمام...... تمام

وسده
سألته الحجيه
... يو هاي منو بالسراديب مال الموته نوب

ضرغام... اكو غير الارهاب الي دمر هالبلد

الحجيه... الله ينتقم منهم حسبي الله ونعم الوكيل
يكتلون بالعالم صارت تبجي

ضرغام... يوم يعني انه ابطل مااحجي شي كدامج

همست لنور ليش تبجي

نور... همست يم اذني... تتذكر ب إليا ابنها

هااا تذكرت هو مره حجالي عنه ضرغام

كام يم امه ومسح دمعتها وقبلها وخله راسه على رجلها

واخذ ايدها قبلها واشتمها وخلها على راسه
صار تقراله على راسه تحصين
ايات قرانيه

نور... ضرغام من تزوجته لليوم مايمر يوم ماينام على رجل خالتي

ضرغام.. بشنو مضوجج ولج

نور... نيالك

ضرغام... حتحسدني هو بقت فد امي ذيج امج وروحي عليها مانعج من طلعه انه

نور... لا ابقه يم حبيبي هو اني صدكت ترجع

ضرغام... حضريلي ملابسي اريد اسبح واطلع

الحجيه... ضرغام يمه هو يوميه سبح الجو بارد تتمرض

ضرغام... يمه كبرت حصير جدو وانتي تكليلي لتسبح وتطلع تتمرض

الحجيه.. اخاف عليك وليدي
هاي مثل مرايم طلعت وشعرها ينگط ماي ولج بنيتي لفي انه متأكده ملفتو

ـ لا حجيه نشفته على الصوبه بالمطبخ

الحجيه... مو كتلج لفي يابنتي

ضرغام باوع لنور وتكلم عرفته يقصدني.. اخ من عنادك اخ

نور... حبيبي هسه احضرلك مثل متريد ليش اعاند

راحت تحضرله ملابس

قتلني ولايباوعلي كام داايطلع فزيت استوقفته

همست ضرغام لشوكت حتبقيني هنا

انتضري مذابج بالشارع

مدااتحمل ابقه هنا

ضرغام... منا وجاي اي شكوى منج مااسمع واسوي الي براسي انه

مريم... لاتصدك بالي شافته عينك فيديوهات او حتى النادي

ضرغام... وشلون بله هاااا قرينج الي جان يركص
وبين علامات الغضب على وجها صار ناااارررر

نتر بهمس
كتلج وارجع اعيدها
مو ضرغام الي تلعبه مره انتي الظاهر متعرفيني زين ولحد الان مستسهل وياج كون اعرف بماضيج
الي جوه دااتشوفيها

ام ولدي داتشوفيها بعينج شكد تحبني وبودها تشيلني من الكاع شيل انه وامي من حبها الي لو بيوم سوت واحد من المصايب الي انتي سويتيها مراح ارحمها مريم بس انتي مشيتها الج لاتدوسين اكثر ولاتبقين تتمادين

الضرغام قبل مو ضرغام الاول

بجيت وتكلمت... بس والله احبك ومدااتحمل اشوفك وياها
طلعني منا الله يخليك وديني لااي مكان

تبسم بااستهزاء وحاول يستفزني.. تردين ارجعج للنوادي والبسج فستانج الي مدلع واخليج تتمايلين

تقرب اكثر وهمس بحديه... انه متندم لان ضربتج راشدي بساعتها لو قاتلج جان احسن بهواااااي

صاحت نور... ضرغام وينك

عدل وكفته وراح الها فات ومن داايسد الباب صرت كباله باوعلي وسدها بوجهي من بعيد

رحت لغرفتي ابجي بكل مره يقهرني تغير عليه هواي
بليلتها بقيت بالغرفه ماطلعت ولاجاني نوم جنت شبعانه نوم اصلا
مر وقت هواي البيت صار هدوء من صوت الاطفال ويمكن كلهم نامو

حسيت بالباب المطبخ ينفتح بقيت بمكاني كلت يمكن نور ورديت وسمعت صوتها تلكته

هلو حبيبي تأخرت اليوم

تعللت يم الولد

نور... اشتاقيتلك هواي لاتبتعد عني

ضرغام... انه هم مشتاقلج كلهم نايمين

نور... اي نامو

وبعد صوتهم راحو لغرفتهم متحملت بجيت يكللها مشتاقلج متت قهر

ثاني يوم الصبح كعدت لكيت الحجيه
كاعده بالمطبخ داتفطر

... صباح الخير

... هله يوم... مريم مو

... اي مريم

... تعالي تريكي وياي

.. غسلت وجهي وجيت كعدت يمها سويت لفة جبن وصبيت جاي بالكوب
توني بديت افطر طلع الضرغام من غرفته وراه نور

جان لابس بدلته العسكريه والبيريه لابسها براسه قيافته ولبسه كان جدا مبهر ويجذب النظر

جان يلبس بساعته مانتبه لوجودي

بعدين رفع راسه شافنه ومباشرة دار عينه عني

نور صبتله كوب الجاي وصاحت عليه

تعال ابو علي اشرب جايك انه اروح اشوف الجهال هسه اجي

اجه... صباح الخير

اني مارديت الحجيه كالت

... صباح الخير يمه حتلتحق

... اي يوم

الحجيه... ديربالك على نفسك ابني مابقالي بالدنيه غيرك

ضرغام... يوم لاتخلين نور تشتغل هواي تره مداتسمع كلام ولاتكليلها ضرغام مايقبل

الحجيه... صار وليدي

باوعلي ورد كلم امه

... يوم انه حروح اسبوع ومنا لحد ماارجع اشوف اهل مريم خاف تسألج

الحجيه... هي مو هنا شنو كامت

دااحجي عض على شفته بمعنى لتحجين

سكتت.... اكل شي خفيف واترخص من الحجيه حتى يروح اجت نور

... ابو علي حتى كوبك ماكملته

... هاهيه نور شبعت انتبهي لامي وللجهال

اجت يمه همست

حشتاقلك هواي

... قبلها من راسها باوعلها بحنيه همس ديربالج على نفسج نواره انه مالي غيرج وضمته  بهل الاثناء باوعلي بس اني مباشرة درت نظري عنه

مابينت انقهرت ولا نور تستاهل اخذ زوجها منها خطيه تحبه ومهتمه بي هواي

تكلمت بسرعه وي الحجيه... اي حجيه الطابك هم تعرفين تسوي

... يووووو شذكرتيني

وصرت اسولف وياها تجاهلته اساسا الحجيه سوالفها حلوه صحيح جنت اتكلم وياها بس بالي كله يم الضرغام جان ماعرف شيحجي وي نور اسمعهم يحجون بره بالطرمه

شويه وطلع اجت نور
وكعدنه نكمل فطورنه سويه جانت جميله رغم ملامحها بيها تعب ذبلانه نوعا ما بس جميله بخلقتها واخلاقها

فكرت شلون شوكت يوديني لهلي اني مااتحمل ابقه واليوم عندي يعادل سنه

نور... خاله هو بسرعه راح ضرغام

الحجيه... لا هاهيه بس مفروض بنطوه اجازه هو قبل كم يوم هم طلع واجب طارئ

نور.... حيخبلني ماينشاف بالبيت كثر ماينشاف بالدوام

كعد ابنه علي وكعدت نور توكله والحجيه لازمه السبحه وتسبح جو اسري حلو ودافي نور رغم ما زوجها يوم يمها وعشره بره بس هي حبابه وشايله البيت شيل وماعدها غير زوجها واطفالها

شفتها بعد ماوكلت علي وحسين الي هم كعد كامت شالت الصينيه وراحت تغسل بالمواعين وتطبخ اني هم حبيت اساعدها خصوصا ضرغام وصاها لامه عليها

دااشتغل متقبل

لا زحمه عليج حبيبتي اني متعوده اشتغل وحدي لتكلفين نفسج

... لا بالعكس اتونس احسن من الكعده

ساعدتها بيومها وطبخت كالت تعالي يمي اعلمج على الطبخ

وكفت يمها وساعدتها هم

كالت هسه 11 ونصف... نصف ساعه اسبح الاولاد واسبح وانتي هم حتى نوكف نصلي ونتغده على الساعه 1 الظهر

رحت سبحت وبدلت لكيت اولادها مسبحتهم وهي بالحمام

كعدت العبهم وهم يضحكون
واني وياهم التهيت وكلش فرحت يونسون الاطفال
لكيتها طالعه من الحمام واكفه تباوعلنه
تركت اللعب وهي مباشرة تكلمت

... حلو فرحو وياج العبي وياهم

... لا هاهيه

... مبين حبيتيهم

... اي هم محبوبين

... هزت براسها بمعنى اي وراحت للغرفه

طولت يله طلعت ولما طلعت اباوع جفونها ورديات وكأنه كانت تبجي

راحت تتوضى وفرشت سجادتها يم الحجيه التفتت عليه

مريم شنو متصلين

ها

م م ماعرف بصراحه

... تعالي اوكفي يمنه واني حطلع صوتي بالصلاة رددي وراي وصلي

تعالي اعلمج الوضوء
وكفت يمها وعلمتني الوضوء

نور... تعرفين لازم تتعلمين الوضوء واهم شي بالعباده الطهاره

مريم... ليش

نور... لازم نتطهر..... الله سبحانه وتعالى فرض علينه الطهاره اثناء العباده لان الطهاره تطهر النفس قبل البدن
يعني تخيلي انتي متتطهرين ولاتسبحين ملابسج مو مهم ان صار عليها مي مو نظيف او دم لو قطره صغيره وسخه او مو وسخه راح ترتاحين

مريم.. اكيد لا

نور... واذا عندج صلاة اكيد داىما حتكونين على طهاره

مريم... صحيح

نور.. لهسبب الله وجب علينا الصلاة والطهاره تعالي نصلي
لبست ايزار الصلاة وفرشت السجاده ووكفت اصلي وياهم جانت شتكول اكول وياها حسيت براحه نفسيه واني اصلي واحس الهم راح مني رجعتني لاايام ام مازن
الحجيه كالت نور يمه قريلنه بالقران اليوم الجمعه واليوم هذا مبارك

راحت جابت كتاب القران واجت خلته على رحلة القران وكعدت تقره بتجويد بصوت شجن ومليان خشوع كنت استمعلها بااحاسيسي مو ب اذني فجأه
وهي تقره بجت الحجيه ام ضرغام مدت ايدها وتلمست وجهها مسحتلها دمعتها

... لا نور بنيتي ليش تبجين ضرغام وياج
يابنتي ميصير داتقرين قران والبكاء لازم من الخشوع يكون

نور... مسحت دمعتها وكالت اسفه خاله
ورجعت تقره

اباوع وجهها وكأنه رب العالمين سلط عليه نور ملاىكي تسائلت بيني وبين نفسي معقوله ضرغام وياها
اكيد ضرغام غثها بشي... او ممكن حست بشي

- ستكون ممتنًّا جدًّا للخيبات، حينَ تنظرُ إليكَ وتدرك أنّها الخيبات وحدها من صنعتكَ على ما أنتَ عليه اليوم، وحدها الندوب من تصنع العظمة.

كنت معكم انا رغد الموالي في امان الله 🌹❤