رواية تل الذهب الفصل الثامن وأربعون 48 - بقلم Raghad Almoualy

تل الذهب
رغد الموالي....

ـــــــــــــــــــــــــــــــــــــــــــــــــــــــــــــــ
سديم....

ادم... خلصنه من سالفة المحاكم طلعتلنه العشاير
اخوها هو الي قاتلها وسجنوه وراها ابوها واخوتها البقيه ماسكتو كالو احنه ناخذ حكنه وثار عشاير بينه
كعدنه عشاير وتهموني غويت بتهم حتى تتطلك وتنهزم وياي صارت عشاير وفصول بوكتها فصلو ب 40 مليون ودفعناها والمفروض تنسد السالفه بس لا ماسدوها

جنت راجع بسيارتي توني صفيتها باب البيت واشتغل رمي عليه اني دنكت حتى مااتصوب وسقتها بدون مااشوف شنو كدامي حتى اخلص
المنطقه طلعت والجيران وموبايلي صار يدك رديت لاابويه كلي يكولون الجيران عليك هاي انت
كتله اي يابه

ثاني يوم ابويه كال..

احنه مانبقه اهنا بالعراق بعد خلص نسافر وكلشي ينتهي
اني ماقبلت اسافر احب عيشتي هنا بلدي رغم
رغم الاوضاع والاحداث وذبح على الهويه بس مافضلت اروح لغير بلد بس ابويه واخوتي عاندو الا نسافر وماالنه رجعه

سافرنه وعشنه بالدنمارك ارتاحينه هناك هواي
الحياة غير حياة العيشه غير عيشه
اوادمها غير تحس مو بالارض اصلا لان احنه هنا بالعراق عيشتنه مره خدمات تعبانه استقرار ماكو
يوميه حكومه شكل وكلمن يدور ربعه تخيلي هناك الوزير مالتهم يروح بدراجته الهوائيه احنه الوزير سياره مصفحه وفد عشر سياراات حمايه
المهم هذا مو موضوعنه

عشنه هناك كونت نفسي وصارت اموري احسن من الاول بعد وزادت علاقاتي اكثر صرت ماانجرع
وره سنوات قررت ارجع جنت على طول اتواصل وي سميره رجعت وسميره شافتلي بيت يمها وكعدت بالبدايه بديت اكون شغل واشتغلت واستقريت
يس بقيت هاي اني ماجزت

سديم... وتقى شنو علاقتك بيها ومصطفى

... ثقي علاقه عابره واني اساعدها باابنها هو مريض ماعندي شي ثاني لتخافين

سديم... بس انت بلي سويته دمرت نفسك

ادم... مااعرف فجأه لكيت نفسي هيج

سديم... وبعدك تحبها

ادم... لا ابد

سديم.... والصوره

ادم... هاي قديمه وكتبتها من كالتلي تزوجت غصب

سديم... بس محتفظ بيها

ادم... لان ماتت بقت ذكرى

سديم... وليش اني بالذات

ادم... شنو انتي بالذات

سديم... ليش اني الي اختارتني بالذات ومصر ان نكون اطفال وترفض ننفصل

ادم... هواي اسباب

.. اولهم

... شوفي سديم اني اول ماشفتج فكرت بيج حالج حال غيرج فكرة الزواج شايلها من بالي اصلا بس لفتي انتباهي من كتيلي ماعندي موبايل تفاجأت معقوله بنيه وبهذا العمر موبايل ماعدها
حبيت حرص اهلج عليج بس هم مو سبب حتى يخليني افكر بيج زواج قبل جانو بلا موبايل واشكال عدهن

المهم شفتج حليوه وماشاء الله طول وجمال  عجبتيني فكرت اقيم وياج علاقه عابره بس شفتج متنطين مجال كم مره ومن ردت اوصلج للمدرسه ماقبلتي ومتقبلين تطلعين بملابس ضيقه كدامي
اني عرفت جنتي بالصالون وكت الي اجيت وسألت سميره عليج كالت عوفك منها بعدين كلتلي جوز عنها وهي بنيه يتيمه ومستوره وماعدها شي تره لاصاحبة تجارب ولا حب تريد تعيش

نوب اني كيفت عبالها بهذا كلامها حفك ياخه عنج بالعكس فرحت وكلت اوكعها
اوكعها اني متعصيني مره

حاولت وياج بس انتي ماتجين لابفلوس لابمقدمات لا حب خبلتيني بديت افكر بيج جد يعني زواج
لكن من شفتج تماشيهن لذني البنات واكفه وي لد تحجين بالليل تخبلت وعدت كل حساباتي وبوكتها كلت هاي كذابه وباالف وجه خصوصا تصرفاتج صارت ماعرف شلونها بالفتره الاخيره تلبسين ضيق تخلين مكياج بارز هذا مو انتي بس كلت تمثيلها خلص وطلعت على حقيقتها لهسبب تحارشت بيج بالمكتب ولما شفتج ماقبلتي وقاومتي كلت حساباتي غلط

.... شلون هيج تحكم انت عليه بهل السهوله

... اني رجال شفت اشكال والوان لاتلوميني من هيج افكر على كلا كمتي تضوجين مني لما اجت سالفة مرت خالج اعتبرتها كارت الحظ بالنسبه الي ومباشرة استغليت الموضوع
جنت اعرف انتي مراح تحبيني بهاي الطريقه بس كلت بالعشره حاولت اتغير بس فتره وارجع لنفس النقطه حدما وصلنه لهذا الحال

... صديقاتي ليش حرمتني منهم

... هند مو بنيه زينه ورباب ماارتاحلها

... منين تعرفهم

.... اعرفهن هند جانت وي صديقي ومن شفتها صديقتج تخبلت

.... يعني هو صديقك الي ضحك عليها

... لا هي جانت تماشي ثنين ويجوز اكثر بس شايفها وي صديقي وبنيه مو زينه مثل ماتحجي

.... ورباب؟

.... رباب ماارتاحلها

... ليش البنيه كلش حبابه

...اتبسم ب استهزاء سديم منو اقترح عليج تغيرين من لبسج وتطوخين مكياجج

.... رباب

... اذن لا تجادليني بيها

.... شلون يعني وين المشكله

... لا اكو مشاكل هواي عموما عوفينا من صديقاتج
سولفتلج الي صار وياي حتى تعرفين اني مو شخص سيء بس الي صار وياي خلاني اكون سيء
مرات يدخل شخص لحياتنا يقلبها رأساً على عقب ويدمرها لحياتنه بسببه احنا نضيع

مرات تكليلي ادم صلي ادم اقره القران فكرج اني مااتمنه بس مااكدر سديم احس احد مربطني من اريد اقترب للصلاة مااكدر ولا اني اشوف نفسي مؤهل للصلاة اني مو زين

سديم... خليت ايدي على خده وتكلمت
لا ادم لاتكول هيج الله مايطردنه من رحمته لو ردنه نرجعله بقلب صافي ونيه صافيه وتوبه حقيقيه
انت ضيعت نفسك صحيح بس تتوقع الله سبحانه وتعالى حيحاسبك وحدك انت لااااا
راح يحاسب الي وصلك لهاي المرحله

راح يحاسبها الها لان كذبت عليك وعيشتك بوهم
وصلتك لهاي المرحله من اذية النفس
رااح يحاسب الي يعرف بيك تحبها وتريدها وشجعها تتركك وتتزوج رغم انتو علاقتكم مايقبلها الشرع لان محرم بين مره ورجل علاقه لكن الله يلطف بقلوب وبخواطر عباده مايهون عليه تنكسر خواطرنا

اسألك سؤال وجاوبني عليه بصراحه

ادم... سألي

سديم... صار شي بعلاقتكم يغضب الله بصراحه

ادم... لا والله ابد سديم اني مجنت هييييج جنت حتى استحي مو وكح عين مثل هسه

سديم... خلص لعد لتبقه تلوم بروحك وان انت غلط من باجر حاول تغير من نفسك

ادم.... سديم حاولت
حاولت بس مكدرت

...اني اعرف اكو بداخلك نقاوه وبياض شي يخليك تحس بغلط الي تسوي
صدكيني انت بااعترافك هذا اول خطواتك حتى تمشي صح رب العالمين لمن يريد يهدي بشر راح اول شي يخلي يحس بغلط الي داايسوي

بما انك حسيت بغلطك معناها بديت بااول خطواتك للطريق الصح حبيبي اني اتننى تتغير اتمنى تصير ادم الي تمنيته بيوم من الايام

.ادم ... وانتي تمنيتيني؟

... اي ادم تمنيتك انت اي بنت تتمناك

... انتي الي تمنيتها تحبني من كل گلبها ماريد غيرج

... ليش

... لان انتي انسانه نظيفه وهنيالي لو اكون اني امتلك هذا الگلب النظيف

... اني احبك بس انقهر من تصرفاتك حبيبي اتمنه تتغير اذا مو لخاطري لخاطر طفلنه شوف مابقه شي واولده ويجي ينورلنا الدنيا
اخذت ايده خليتها على بطني
دايتحرك...... داتحس بي

باوعلي متأمل مثل طفل ضايع

حوطني بيده همس هواي احبج....

يالمخليني أحِبّ الدنيا
حِبني آكثر
انا بعيونك التميت
وچنت مثل الهوى مطشر
حلاتك ماجزتني
منين مااصدلك حِلم يكبر
چنت كُلش بسيط
وفوضوي وتعبان !
ماچنت ادري هيچ اليحب يتطور
الناس تگلي شو كبران ؟
مايدرون انت الچنت
أدور عنه بين الناس حَتى أصغر ...

مريـــــــــــــــم ـــــــــــــــــــــــــــــــــــــــــــــــــــــــــــــــ

طلعت ابجي استوقفني اوكفييي

التفتت اله بدموع ونترت

شتريد هاااااا شتريد

لزمني من زندي بقوه وعيونه تصب غضب
سوالف السينما هاي مو يمي لتخبليني وانه متخبل منج تحجيلي كلشي
وبلا كذب مريييييم بلا كذبببب

مريم... حجيت الي عندي ماكذبت صحيح كلشي سويت بس ماخليت احد يوصلني افتهم مكدرت اتقبل غيرك

ضرغام... انتي كذابه تكذبين

مريم... انت ليش تريد تعرف الحقيقه بشنو تهمك هاااا عوفني ومن هاللحضه هاي مره وعندك اطفال وعندك اني شنوو
نور متستاهل الي دانسوي بيها هي طيبه وماشفت منها الا كل خير

ضرغام.. ضيق عينه وهمس ليش شنو الي دانسوي

مريم... لو عرفت الحقيقه برأيك راح تسامحنه برأيك مراح تنصدم هي تحبك ضرغام ويمكن اكثر مني هم شلون تسوي بيه وبيها هيج شلووووون
كلي ليش
انت ليش اناني
اني شسويتلك بشنو اذيتك ضرغام
ليش تدخلني حياتك ليش

خليتني اعيش دور الضالمه الي تسرق زوج وحده كل همها بالحياة تعيش تحت ضل زوجها وي اطفالها
وانت
انت هم صرت الرجل الخاين الي حبيت ومرتك تحبك ومامقصره وياك

ضرغام... ضيق عينه يباوعلي واكف متخوصر مثل الي انتبه شدايسوي من كلامي وياه سكت

مريم... شفت صفنتك هاي مجنت تعرف مالكيت روحك غير تدورني اني زين ومرتك هي مريضه ومحتاجتك

ضرغام... كلتلج

مريم... تبجي مو لان حتموت لان حتفاركك لانها تحبك

ضرغام... انه ماخنتها ولاحبيت غيرها ولاجبتلها ضره بيتها انه ان احجي وياج وان احقق لان ماشيتج وامنت بيج وثقت بيكم وصيت ابو غضب عليج مريم انه حميتج من وحوش تاكل بشر ليش تفسريها حب ومشاعر

مريم... انت تكذب وانت بديت تتهرب لما واجهتك بالحقيقه انت فجأه لكيت نفسك تحبني مثل مااني لكيت نفسي احبك شلون وليش لاتسألني ولاأسألك لان مو مهم
المهم هي شغله وحده انو تبعدني عنكم وتطلعني من حياتكم لان زوجتك حرام نكسر خاطرها

ضرغام... بهل الكم يوم الي عفتج بيها يم نور گلبت احوالج وعلمتج شلون تحجين
حقيقه نور انسانه متكرر والحمد لله الله رزقني بزوجه مثل نور
شوفي وباوعي لنفسج شلون اثرت عليج
وانتبهت من لفة شالج هي علمتج مو

مريم... اي

ضرغام... وعلمتج تصلين...

اي

اتبسم وهز راسه بمعنى اي وهمس بحديه
عرفتي المره الي تكون للضرغام شلون تكون

مريم... اي وليش تكلي

ضرغام... هاي دااذكرج لمن بتل الذهب كتيلي نتزوج وكتلج حعرفج المره الي تكون للضرغام شلون تكون

وهسه كليلي شلون وصلتي الملاهي ست وابو غضب جان يدري لو لا

... صارت مشاكل هواي والحجي مخلاني بحالي
ابو غضب كلي مريم حوديج لمكان اكعدي بي وي لمى والبنات وداني لبيت تعبان كلش بس مجان هو عنده حل ثاني بقيت فتره عدهم البيكه كالت لازم تطلعين وي البنات لحت عليه حدما كمت اطلع وجنت مااصعد وياهم على الستيج
جنت بس اكعد يم الزبائن

باوعلي بوسعة عينه متفاجئ وهمس
زبائن!

-اسمعني... زبائن يجون للنادي اني كلت بدل مااصعد ستيج اكعد. يمهم وصرت اكعد يمهم يوميه وتعرفت على واحد اسمه انمار وبعد مانهزمنه كعدنه بيته

ضرغام... همس برفع الحاجب كعدتي بيت رجال غريب
وعتني من ايدي ولج مريم بيت رجال غريب كعدتيييييييي

... وليش من كاعده بيتك شنو
انت مو غريب؟

... انه غريب؟
انتي تعامليني حالي حال واحد تعرفتي عليه بنادي ورحتي بيته وتكلي مطلعت وتكذبين شفتي لسانج وكعج

... مصار شييييي والله مصار شي

... انتي كذابه تكذبين وابد مااصدكج بعيوني شفتج ولسانج اعترف عليج وتنكرين

ضيق عينه بغضب
مريم متوقعتج عكب ماعرفتيني تمشين بدروبهم
كلت بنيه ضحيه وانه احافظ عليها
بس ثاريج وسخه طبعتي بااطباعهم

... غوركت عيني وحجيت بصوت مخنوك اشرت على نفسي اني وسخه ضرغام
انت دكول عليه هييييييييج
ورفعت صوتي
من عفتني مافكررررررت

تكلم من بين اسنانه بغضب نتر برفع الحاجب
صوتج

... نوب عليت صوتي
انت عفتنييييييييي مافكرررررت بيــــــــــــــه
ماكلت وين ترووووووووح

نتر... وهو انه ادري برووووحييييي
انه انتهيت
متت والله الي بسمائو رجعني للحياة نوب
وتكليلي عفتنيييييي

.. نترت وعيوني تتنقل من عينه اليمنه لعيونه اليسره
وين رحت هااااا ويييين شصارررر شنووووو الي صاااار متحجي
انت متحجييييييييي
ضرغام لاتعاتبني على شي مو ذنبي
انا مو ذنبيـــــــــــي

ضعت اني ضعت من اول يوم ضيعت اهلي بي
ضعت وخسرت اهلي وناسي وحياتي
بدال مااتربه صح تربيت خطأ
بدال ماالكه ام تحتويني اب يسندني مالكيت
عشت بنص وحوش تاكل بالبشر
تاجر بالبششررررر
انت تعرف شنو يعني تعيش وي ناس تنام متدري ياهو منهم مراح تلكاه وراح ينباع اعضاء
انت تعرف حجم الالم النفسي الي عشته
تعررررررف
لا متعرف ولا عمرك حتعرف تدري ليش
لانك ماعشت عيشتي

متوقع سهل الي صار وياي حتى انت تجي تكمله
شسوي اذا كالولي انك ميت
كالولي الشرطه تدور عليج انتي قتلتي راح يلزموووج

ضرغام... وانه مو كتلج لو صار عليه شي ترحين لصاحبي انه مو نطيتج عنوانووووو

مريم... كتله لاابو غضب كلي لاترحين انتي قتلتي للضرغام لو ترحين حيسلمج للشرطه وسجين وجيم تتبهذلين ضرغام اني ضعتتتتت بس والله ماسلمت نفسي لاحد
ودخلت حالة هستيريا صرت اضرب على وجهي واملخ بروحي واصرخ تعبني مدايصدكني

ماسلمتتتتت نفسيييييي لااحددد والله
لييييييييش متصدكنيييييييي

لزمني وحوطني بيده همس ششششش كافي خلص صدكتج سكتي

روح اسأل ابو غضب اسأله

ضرغام... ابو غضب كلج هيج

... اييي روح اسأله وبعدين كلي
هو ليش كذب عليه وجان يدري بيك عايش

.... همس متحير.. هو مجان يدري بيه عايش
باوعلي انه ماشفت ابو غضب الا وره ماوكفت على طولي وشفتهم بالسجن كلهم

.... شلون لعد جا وياك هذاك اليوم انت شلون عرفت بيه هناك شلون عشت انت جنت منتهي منو ساعدك

.... ليو

... باوعتله متفاجأه شنو ليو ساعدك

... لما صوبتيني بهذيج الليله وحركت السيارات ورحتو كلكم بقيت بالكاع جنت اشهك باانفاسي الاخيره خلص استسلمت للموت
ماشفت الا ليو يمي وبسرعه حاول يوقفلي النزف بس انه جنت منتهي
نوبه تغيب روحي احسها ونوبه ترجعلي
بعدها ماادري بشي لكن ليو لما شافني حجالي كالي...

ليو... انه نقذتك سيدي انه اختبيت منهم وكت الي شفتهم تآمرو عليك اتفقنه انه وابو غضب نصير وياك
وننقذك لو الله كتبلك خبزه بعد بالدنيا ف احنه وياك ولو مامكتوبتلك خبزه فخلص سوينه الي علينه

ضرغام... شنو الي خلاكم تتفقون

ليو... وكت الي انكشف امرك نصدمنه بيك ولما بده يعذبك الحجي نقهرنه كلنه عليك
بس مجان بيدينه شي وخفنه منك ضرغام لا تسلمنه للشرطه بس ابو غضب كال

... انه مااعوفه لضرغام هو صوحيبي راح اساعده

ليو.. شلون تساعده وهو نقيب يعني لف حبل المشنقه حول ركبتنه

ابو غضب... شوف كل لعب وراه بس واحنه نهايتنه كربت وضرغام سلمنه كلنه للشرطه يعني هيج هيج احنه نصير بقبضة العداله ومنتهين خل نساعده يمكن هو يساعدنه بعدين

ليو.. اقتنعت بالفكره وكلت اساعده ليش لا ومشيت بالخطه الي خططها الي ابو غضب

ابو غضب... راح اقنع الحجي تقتله مريم ومن تقتله هي مراح تضربه ضربه تميته انت تتصل بالاسعاف وتخلصه للضرغام وره مانطلع تسعفه وانه راح اتواصل وي جماعته حتى يساعدوه هم همينه

ليو... ابو غضب هو الي كال للاأمر والعميد سلام
جان من المفروض ياخذونه للسجن بس من تعاونه وياهم كالولنه انتو تكملون الي بداه الضرغام والا عقوبتكم اعدام بس اذا خليتو ايدكم باايدينه يتخفف عليكم سجن كم سنه وتطلعون
جان عرض مغري وكيفنه ورحت لالاابو غضب وكتله
وبقيت يم ابو غضب

مريم... زين وانت وين اخذوك وليش كالو متت

ضرغام... انه اخذوني للامارات اتعالج هناك بقيت شهر تقريبا فاقد الوعي وعلى الاجهزه جانت اصاباتي بليغه
بعدها صحيت لكيت روحي بالمستشفى وبس الامر ولواء سلام

... حمد لله على سلامتك ضرغام

... بتعب... انه وين

... انت هنا بأمان لاتقلق

... بالبدايه مجنت اتذكر شي بعدين اتذكرت الي صار
وفزيت وبسرعه دااكوم بس كامو عليه رجعوني كالو

وووين يمعود

... مريم هناك مريم يمهم عفتها

... يامريم شبيك ضرغام

... بس كلي لكيتو جثة مره احجولي شنو صار

.... استلمناك من سيارة الاسعاف الي نقذك واحد مااعرف يكلون من تل الذهب
المهم استلمنه تبليغ كالو النقيب ضرغام بحاله حرجه متصوب واحنه بسريع ال......

مباشرة دورياتنه طلعت واستلمناك وجبناك لهنا

ضرغام... اهلي خو ماعليهم شي

... لاتخاف قواتنا الامنيه يمهم

.. زين انه شوكت اكدر اروح والمهمه شلون

...خلص انت بعد لهنا ونكتفي بيك

... والحجي والكبار نعوفهم؟

... هم شردو من تل الذهب حاليا تل الذهب مؤمنه بالكامل واحنا مانعوفهم حنعرف شلون نوصللهم انت ارتاح وريح بالك لاتشيل هم شي

ضرغام... صرت زين وكدرت اكوم وامشي وتعديت مراحل الخطر والالم والحمد لله
ردت ارجع للعراق بس كالو

... لا ضرغام رجعتك مو وكتها الكل يدري بيك انت ميت

ضرغام... شنو؟ ميت؟

... حتى تم المهمه مثل منريد كلنه ان انت متت حتى اهلك يدرون انك متت محد يدري انت عايش

.... ولشوكت حبقه هيج شلون

... حتبقه مختفي وانك بنضر الكل ميت لحد ماتكمل خطتنه شكد تطول شهر سنه اكثر المهم خطتنه متفشل ضرغام
انت لازم تعرف انو انت ابن الدوله وابن هذا البلد وزوجتك هي سلاحك واطفالك هم عتادك غير هالشي مالك تضحي باأهلك وبناسك وبااولادك وماتضحي برصاصه وحده تطلع بااسم الدوله

... بقيت 6 اشهر بالامارات جان كل شغلي ومهمتي بكف ودموع امي الي اعرفها ماتنشف بكف جنت خايف عليها

مريم... يعني اخفوك علمود تكمل مهمتك

ضرغام... مو بس هيج الي غدرني مني وبيه لو طالع ومبين الهم انو انه عايش جان اذا مو هو غيرو يقتلني حياتي وحياة اهلي صارت بخطر
بس كلها فدوه لتراب الوطن

مريم... وهو وينه الوطن ومنو يستاهل تضحي علموده

ضرغام... ليش منو يستاهل
مريم كل ارض مثل مابيها خير بيها شر مثل البشر مثل مااكو زين اكو مو زين
احنه لو مانتصده للحجي والقبرص وامثاله جان طغو بالارض
بس الي موكفهم القانون انه وامثالي
لاتكولين منو يستاهل
هذا بلدج لازم تحبي وتفضلي على كلشي

شوفي بقية الدول شلون تحب بلدها وشلون ترسم صوره عنه حلوه

احنه حتى صورو الحلوه شوهناها
حاربنا الناجح ونجحنا الفاشل
ونطينا قيمه للي ماعنده قيمه
بس تهووون كلها تهووون

.. مريم... لما نهزمت شفت اشكال ضرغام شفت ناس ماعدها تاكل ناس كاتلها الجوع والفقر تلم قواطي حتى تعيش

ضرغام... واكو ناس مااتت من جوعها وبردها
شفت شغلات شفت ناس خلتني اوصل مرحله اكول يارب لو تمحينا من الوجود ونخلص من هالحياة القاسيه

الحياة صعبه يامريم حيل صعبه
شحجي ومنين ابتدي انه هذا گلبي شيب من القهر
يصير انفجار نروح نشوف مشاهد تدمي للقلب
ويشتغل التحقيق وشلون صار واذا اكو كامرات صورت لو لا ووو

يصير قتل نفس الشي

الي دايصير بينه كلو نتيجة التفكك
تفكك الشعوب فيما بينها
التفكك الاجتماعي داخل الاسر وخارجها
التفكك الديني والحضاري
احنه عقليتنا يوم بعد يوم تصير وليدة الالسن الخبيثه الي دست السم بالعسل

امي مارادتني ادخل هذا المجال
بس انه عاندت ودخلت وصرت
ولما جابولي اليا مذبوح نوب اصريت ابقه بشغلي

جان موت اليا هو قتل لروحي انه هسه جسد بلا روح

إليا اخويه الصغير ربيته وكبر على ايدي ابويه عافنه واحنا صغار وامي بعدها بشبابها
اليا سنه عمرو جان وانه 8 سنوات
جنت دائما احس انه الجبير ورجال البيت وانه صغير
اطلع بالعماله اشتغل وانه عمري 10 سنوات
اجيب مصرف للبيت امي اشتغلت خبازه تخبز للناس
عاشت دور الام والاب وهي بعز شبابها اقرانها بعدهم مامتزوجات

جر نفس بحسره وهو يباوع لدخان الجكاره الي ينفخه ورد باوعلي

كبر اليا شويه صرت اخذو بالشارع والعبو على طول
دائما عندي فلوس بجيبي واطلع اشتريلو شنو يريد

ولمن كبر ودخل بالاول ابتدائي جنت خايف عليه هواي هو فقير واخاف الولد الاكبر منو يضربو
انه بوكتها جنت متوسطه فيوميه اوصلو على البايسكل واخلي كل جماعتو تشوفو حتى يكولون عندو اخو الجبير ومانتعدى عليه انه عكس اليا مو فقير مثلو

يعني مره جا إليا مضروب والمعلم ضاربو
ثاني يوم انتضرتو يطلع من المدرسه وتحارشت بي دعمتو بالبايسكل وهو كام يغلط ويحجي جان الزمو واضربو طلعت حركتي بي وعفتو ومشيت
اليا بوكتها شافني كلي ضرغام انت بطلي الخارق

كبر اليا وانه تخرجت من الكليه العسكريه جنت احجي ويا على طول اكلو اليا ادرس
اليا اقره زين اريدك تصير دكتور

يكلي ماحب هالمهنه بس حدرسها علمودك حتى اداويلك گلبك

... ليش هيج يكلك

... جنت على علاقه بوحده سابقاً وجر حسره وهز راسه بتحسف...
باوعلي ورفع حواجبه ثنينهن
بس طلعت ماتستاهل ماشت صديقي

... حسيت يقصدني سكتت

.... لهسبب تركتها وكعت من عيني خلص ماتسوه شي عندي قرفتها اصلا بس ماانكر ماتأذيت
بوكتها نور دخلت حياتي واتزوجتها وانجبت منها اولادي والحمد لله هاي انه عايش ومرتاح وياها هواي

... وتحبها؟

... صفن لثواني بعدين تكلم

... ماكو رجال مايحب المره الي تهتم بي وتسنده بهذه الدنيا

... يعني تحبها

.. طبعا... قابل اكرهها...

... لا بس يعني

... نور انسانه طيبه حيل وفقيره لابيوم رفعت صوتها بوجهي ولاعاندتني ولا دكول اريد هالشي لازم تجيبو اصلا اانه اروح اجيبلها اشوفها شتحتاج اشتريلها  هي ماتطلب

... الله يسعدكم ويديمكم لبعض

.. باوعلي ولانت ملامحه التفت لغير صفحه وجر نفس بالجكاره

...وزفر دخانه بره..... ويسعدج بلي تتمني......

ومن فرط كبرياءه قتل عشق جنوني....

كنت معكم انا رغد الموالي في امان الله ♥