رواية تل الذهب الفصل الثاني وستون 62 - بقلم Raghad Almoualy

تل الذهب
رغد الموالي....

ـــــــــــــــــــــــــــــــــــــــــــــــــــــــــــــــ
مريم...مر اول اسبوع من زواجي جانت فترة هدوء
ماشفت الا سديم وادم اجو وكلش فرحت بجيتهم

سديم...  حبيبتيييي اشتاقيتلج هواااي والله احس اخذتي البيت وياج ورحتي فراااغ مو طبيعي

مريم...  شعبالج   لعد اني قليله

سديم...  اوووو بدينه بالغرور

مريم....  ثقه حبيبتي ثقه اي نطيني لولو ولج واحشتني واااحشتنييي
شلتها وصرت ابوس بيها يمه فديت الخدودد الي تخبل

تعالو تفضلوو تعالو

ادم...  نسيبنا لعد وين

مريم...  راح للاسواق يجيب كم شغله  هسه يجي

كعدو بالاستقبال

ادم... سويلنا چاي مريم اختج طلعتنه بلا چاي

مريم...  اي مو تدلل

ادم...  والله الچاي الي تسوي انتي طيب حيل من عرفت راح نجي عدكم كتلها لسديم يلا نشرب الچاي يم مرايم مو مشكله

مريم...  اتبسمت...  صدك... حتى ضرغام يكلي الچاي الي تسوي طيب هسه اسويلكم واجي دقايق

رحت خليت القوري على النار ورحت للحجيه نطيتها علم انو اجونه بهل الاثناء اجه ضرغام

بيت ادم عدنه؟

مريم...  شلون عرفت

- سيارتو بالباب

...  اي اجوي

... اجوي! 

...  اي اجوي

...  مو اجوي... جون... جون..   لتعوجين حلكج

...  ضحكت...  ضرغام بس تصنف على كلامي صار سبوع والله دقيتني اي غير هيج احجي شكول لعد

...  دصيبلنه الچاي وجبت كيك هم خليلنه انه رايح يم الجماعه

... حضرت الصينيه وخليت الكيك والجاي ورحت للاستقبال بهل الاثناء طلعو علي وحسين واحد يركض وره الثاني يتعاركون وصارو يفترون داير مدايري الا شويه واوكع وتوكع الصينيه

مريم...  ولكم وخرو لعبو بعيد منا
صحت على علي وحسين وميردون حدما صحت على ضرغام وانتبهولي

علي...  لا لا رايح لاتكليلو لبابا

مريم...  من الاول لعد مو صار ساعه احجي
بيبي وين

علي..  بيبي جوه داتدور على العكازه  ( العصا)

...  اي نطيها الها

علي...  همس...  مو حسين كسرها وضميناها خاف بابا يضربنه

مريم... وهسه شلون تخلون بيبي تدور اويلي منكم

وديت الصينيه خليتها كدامهم بسرعه ورحت على الحجيه

مريم...  وينج حجيه

ام ضرغام...  العكازه ماكو متشوفيليها وين ماكو غير ولد ضرغام شايليها

اتبسمت من كلامها الموثوق عنهم
حجيه نطيني ايدج اوصلج للاستقبال واني هسه اشوفها
لزمت ايدي وتمشينه سويه متوجهين للاستقبال

ام ضرغام...  ادم شكبرو يمه

مريم...  يطلع اصغر من ضرغام بسنتين هيج شي

ام ضرغام...  واختج

... اني وياها تؤم حجيه مو حجيتلج

...  نسيت والله العتب على الذاكره

...  لا معذوره حجيه

تمشينه حد ماوصلنه اول مافتنه انتبه ضرغام
عكازة امي وين

ام ضرغام...  اكو غير ولدك ضرغام

ضرغام... داكول اليوم مسمعت حسهم والله عرفت مسوين مصيبه ومدارين عليها تعالي يمه تعالي وكام لزم الحجيه من ايدها وصلها للتخم وكعدت وصارو يسولفون

اني رحت على الاولاد ومنها اجيب زهراء لان طولت بنومتها لكيتهم واكفين هو واخو بغرفتهم ويضحكون

مريم...  تخوصرت وكفت...  هاااا شبيكم

علي... بابا كلشي مسوالنه

مريم....  عدنه خطار هسه سكتو
اخذت زهراء وجبتها للاستقبال وشافتها سديم

سديم...  يمه فدوه للحلوات حيااااااتيييييي

مريم...  تعالي اشوفلج البيت

سديم...  اوك.... من رخصتكم

مريم... تمشينه اني وياها اشوفلها البيت
صار كلشي بسرعه

سديم...  حلو بيتج تتهنين حبيبتي
كليلي شلونه ضرغام وياج

مريم... ضرغام ماكو منه

سديم...  الحمد لله... شوكت تبدين تعالجين

مريم...  ضرغام راح يلتحق كال من انزل لازم تعالجين مايقبل ابقه على الحبوب

سديم...  طبعا لان انتي مهدئات ومو زين

مريم...  شسوي ياسديم ليش اني الي مريت بي قليل

سديم...  لا والله يساعدج حبيبتي بس ديربالج يصيرون عندج اطفال هالفتره

مريم...  ليش

...  شنو ليش... انتي لازم تعالجين تاخذين مهدئات وهالشي مو زين على الطفل ومنا يرادلج فترة علاج مو زين مريم

...  واني تعاركت وي ضرغام علمود هذا الموضوع

... كلج نأجل موضوع الاطفال مو؟ 

... اي كال مااريد بس لما شافني مقهوره واريد اطفال كال ماعندي مشكله

... لا مريم ديري بالج اطفال هسه وراج رحلة علاج

...  ماادري ماعبالي يأثر

...  ضرغام ماحب يقهرج وكلج نأجل موضوع الاطفال

...  لا اني سمعته وهو يكول للحجيه

...  شنو يكللها

... يكللها مكتفي بأولادي ماافكر بطفل

...  اي شتردي لعد يكللها مرتي جانت تتتعاطى وهسه بيها حاله نفسيه وعلى المهدئات

... باوعتلها بعتب وسكتت مارديت

سديم...  ا ا ا ا اسفه مريم مو قصدي بس

مريم...  مو مشكله اصلا الي كلتي صحيح

سديم...  بس هو اساسا استعجل بالزواج علمودج

مريم...  اعرف
واعرف ضرغام دايتحمل تقلبات مزاجي ساعه اضحك وهادئه وساعه ادقق على اتفه الامور واسوي مشكله وهو ميحجي شي ساكت

سديم...  اول مايجي من دوامه خلي يوديج على دكتور لاتتماهنين

مريم..  ان شاء الله

بهل الاثناء سمعنه صوت ادم كان قريب نوعا ما كال ياالله يله سديم نروح

سديم...  حبيبتي اترخص اني حروح
راحت للاستقبال اخذت وطلعو يتمشون

ادم...  عجبتج الگلاده مريم

باوعت معرفت على شنو يقصد استفهمت
شنو ياگلاده

سديم...  ضحكت... خرب نسيتها هو احنه لعد ليش جايين طلعتها من الجنطه وكالت تفضلي هاي هدية عرسج

ادم...  نسيتيها لو ردتي تغلسيها سديم

مريم...  ضحكت... ادم حتى بهاي المواقف متبطل سوالفك اختي اعرفها واعرف نفسيتها مو هيج ابدا

ادم...  طبعا اختج وتدافعيلها

سديم...  هاي شنو منك ادم اخذتنا السوالف ونسيت والله بعدين اني اختاريتها لااختي وكتلك نجيبلها

ادم...  اشاقه وياج
همس لضرغام...  اصلا ولاتتشاقه سديم اختها بس لاوياك هيج

ضرغام...  ورد مريمي وين اكو مثلها

سديم...  شووووف تعلمممم

ادم...  وداعتج سنه وتكب العيطه مالتهم معليج بعدهم عرسان وعايشين بجو البمبي

ضرغام...  اتبسم... مو شرط هو كلشي يبين من اولو

ادم...  هم اتفق يله ثيمالا عود خلينا نشوفك

...  ان شاء الله

.......
سديم.... 
طلعنه منهم كلام ادم كلش ضايقني فشلني بحجة الشقه

سديم...  هاي شنو كلامك ادم مو عيب هيج احرجتني كدام بيت اختي

ادم... لتصيرين نفسيه شحجيت يعني

سديم...  احرجتني شنو شحجيت اني والله نسيت التهيت بالسوالف

ادم...  عادي ماصار شي

سديم...  ادم اترجاك انتبه لكلامك مو كلشي شقه هواي نحرجت

ادم...  حتى متنسين بعد ادري بيج لتهيتي بالسوالف

سديم...  مشينه حد ما وصلنه للبيت وبقيت زعلانه منه مااريد اكلمه كمية الاحراج الي حسيت بيها مو طبيعيه وهو ماخذ الامور عادي

ادم...  حتبقين هيج كالبه وجهج علينه

سديم...  وتالي ادم هاي مو اول مره تسويها

ادم...  لتنكين سديم كتلج اتشاقه

سديم...  اوك

ادم...  بالمناسبه اريد افاتحج بموضوع

سديم...  شنو هو

ادم...  اخويه وزوجته حيجون هنا كم يوم

سديم...  شوكت شو ماكتلي

ادم...  هياتني اكلج الثلاثاء طيارتهم يجونه

سديم...  اي هلا بيهم

ادم...  الغرفه حضريها الهم

سديم...  ان شاء الله

نيمت لارين وكمت حضرت العشاء وتعشينه
وهو طلع كالعاده
فكرت ارتب الغرفه من هسه لان بالنهار ماالحك شغل
فرغت الكنتور من الملابس وديتهن لغرفة النوم الخاصه بينه نفضت الأسره جانت ثنين اسره بالغرفه الي تنام بيها مريم سابقا السرير الثاني اشتراه ادم مؤخرا رتبت الفراش وخليت مفارش متشابهات
ومسحت الاخشاب والصور المعلقه رغم هي نضيفه وكل يوم امسحها بس كلت حتى كلشي تمام يكون
نضفت الارضيه صارت جاهزه ان يجون بس
يومين مرت كعدت من الصبح ادم ماموجود
توقعته راح للشركه ك العاده
نص ساعه ماشفته الا اجه ويا علاليك مسواك

سديم...  صباح الخير  واني اكول انت وين  عبالي رحت للشركة

ادم...  اليوم يجون بيت محمد وكلت لازم نقوم بالواجب

سديم...  شوكت يجون معرفت

ادم...  طيارتهم بالعشره بتوقيتنه ممكن بالليل يوصلون يعني ممكن عشه حسبي حساب

سديم... ان شاء الله

مريم....

المداليه حلوه مو ضرغام

ضرغام...  اي حلوه بالعافيه

مريم...  الله يعافيك بس مو احلى من مداليه الي جبتها الي اول مره

ضرغام...  اتبسم بتودد....  بوكتها شفتها وعجبتني حيل حسيتها تكلي انه لمريم

مريم...  فرحت حيل بلحضتها بس ماكملت فرحتي لان نكشف امرك بيومها

ضرغام...  تبسم بااستهزاء.. هه  غير ايام

طفيت ضوه الغرفه واجيت مددت على سرير يمه

مريم...  الحمد لله صارت سوالف ضرغام

ضرغام...  الحمد لله

مريم...  فتحت ضوه الفلاش خليته على السكف
همست باابتسامه

.... ميذكرك بشي ضرغام

... شنو هو

....  ضوه الموبايل بالسكف

....  لا مااتذكر

...  اتبسمت وسرحت بذاكرتي... بيومها جانت عاضتني الحيه ومتسممه ومريضه ومقهوره منك بس شفتك اجيت فرحت بداخلي على عكس مابينت الك

ضرغام...  جنت بيومها طالع واجب مريم رغم صعوبة مهمتي بس من ضمن المهمه واجب على واحد منهم والقينه القبض عليهم انه غبت عنكم لهسبب جانت مهمه والا مااعوفج بس انتي هم جنتي مضوجتني بوكتها وكارهج

مريم... كارهني؟ ليش

ضرغام...  باوعلي بشقاوه... تذكري ليش

مريم...  صفنت جنت ناسيه....  مدااتذكر

ضرغام...  صرتي زليخه عليه ضحك... والله مادري شلون احجيها بس شكد ضجت منج مريم

مريم...  ضميت وجهي بيدي الاثنين بخجل وتكلمت
جنت حموت من غيرتي اكثر مره يحترك دمي بيها

ضرغام...  سحب ايدي من وجهي باوعتله متكأ على عكس ايده تكلم باابتسامه....  هيج الغيره خلتج تعمين

مريم...   مكدرت متحملت نار احسها تحرك بيها وبوودي اروح اذب عليكم بانزين كلكم واحرككم حتى انت

...  مو اموت

....  اي بوكتها جان عندي عادي خل تموت ولاتبقه تحرك بكلبي

....  ضحك بقهقه عاليه وضم راسي لصدره همس
مخبله انتي وعلي

...   هسه الحجيه تسمعك مدكول ابني شبي بهذا الليل

...  عادي الحجيه انه وياها سبورت عودتها عليه

مريم...  يعني انت بوكتها جيت عليه

ضرغام....  اي خابرني ابو غضب كلي ضرغام مريم لدغتها حيه
انه تخبلت عليج من عرفت حيه لدغتج كلت هاهيه ماتت روحي طارت ولحسن الحظ جنه بوكتها تونه لازمين النمر وصاير بقبضتنه كتلهم اترخص انه زوجتي حالتها متدهوره ولازم اروح

مريم...  وليش ماكتلهم اني هم مو يدرون بيك بتل الذهب

ضرغام...  اي يالذكيه اكللهم انه راجع لتل الذهب لان بيها وحده احبها وتحبني ولدغتها حيه وخايف عليها لايصير بيها شي مو

... باوعتله وسكتت كلامه صحيح
طبطب على خدي برهاوة ايده تكلم....  ممنوع انتي
ممنوووع ولو عارفين انتي الي شاغلتلي بالي يحركون كارتي ويجي واحد ثاني ولو غيري ميدبرها بس هاي القوانين مريم ممنوع عواطف اشتغل بعقل لاترحم.....  لاتتعاطف....
مره ممنوع على كد قضاء وقت قصير وياها وبس
حب... وعشق وهالامور ممنوع
هواي خلو شروط وقوانين هااي سويها هاي لاتسويها

مريم...  اي تقضي وقت قصير واختاريت لؤلؤ
بوكتها

ضرغام....  جانت شكليات وبس

مريم....  شلون يعني

ضرغام... يعني ماتقربتلها مريم انه مو زاني هالشي بحياتي ماسويتو

مريم....  لعد اشلون وانت ختاريتها

ضرغام...  انتي شعليج انه ختاريتها كدامهم بس كتلج شكليات وحتى اصرف نظر عني
باوع للسكف  جر نفس بحسره وهو يتكلم... جانت تحلفني ضرغام لاتتقرب من الحرام ضرغام الزاني ومتزوج عقوبتو الرجم حتى الموت
الله مايغفرلو ضرغام وحتى يحرم زواجك من الي تزني وياها لاتوسخني ضرغام انه نضيفه لاتساويني وي الي تنطي نفسها بالحرام

مريم...  نور مو

هز براسه بمعنى اي

مريم... لهسبب مقبلت تتقرب مني

... لان خفت الله بيج مريم اثمج حشيلو انه مو انتي لان انتي ماتعرفين الله ميحاسبج لانج جاهله للحلال والحرام وكل هالامور
خفت الله بيج مريم مااعرف شصار بيه بس بلحضتها ماشفتج مره شفتج طفله صغيره ومتفتهم
ابد مافكرت استغلج مريم

مريم...  دائما اسأل نفسي ليش شنو الي بيه وميريدني

ضرغام... مابيج شي مريم بس مردت أأذيج
انه رجال وبعيد عن بيتي ولو غيري مو نبي بس انه كلت لا ابد لاتسويها يالضرغام
والا نور جانت مريضه وجانت ماتقبل تنام بنفس الغرفه الي انام بيها نفسيتها جانت جوه الصفر وتبجي شكد حاولت وياها شكد ردت اغير من نفسيتها طلعنه ونستها بس هي كلشي بيها طفه
بداية ماكتشفت المرض وجان واصل مرحله

نور...  بدموع...  كافي ضرغام تشفق عليه اني ادري بيك انت تتعاطف وياي

ضرغام...  وليش اتعاطف وياج بس انتي ميصير هيج تسوين بنفسج مانتهت الدنيا علاجج لو يصير باأخر الدنيا اجيبو لاتيأسين بعدين انتي مؤمنه لازم تخلين املج بالله

نور...  بس المرض منتشر حالتي ميأوس منها

ضرغام...  تتعالجين... وتصيرين زينه

نور...  استأصلو صدري اني بعد ماانفع اكون مره الك ضرغام

ضرغام...  بس انتي بعيوني اجمل إمراءه
             نور الي نورت دنيتي وجملت ايامي
           ام اولادي وحبيبتي وزوجتي

نور...  بس اني هسه شبه معوقه
وماانفع اكون الك زوجه

ضرغام... لو انه متصوب ومتشوه وجهي تتركيني نور؟ او متتقبليني ك زوج الج؟

...  بفزه تضاحبها الدموع المنهمره...  لا مستحيل اني مااعوفك حد الموت

....  وانه مااعوفج حد الموت
وبعيوني تبقين اجمل مره لو مهمها صار
مسحت على راسها وضميتها وذبت بقية دموعها على صدري

مريم...  من عرفت بيك متزوج ساعتها كرهتك وتوقعت زوجتك انسانه مكروها هم يعني ماحبيتها ضرغام اول ماشفتها وشكد هي حلوه تملكتني الغيره منها وضجت منها بس بعدين تيقنت وعرفت شكد هي انسانه رائعه من تعرفت عليها اكثر

ضرغام... نور بطيبتها باأخلاقها خلتني احبها
جانت دوم دكلي ضرغام صلي
ضرغام هالشي حرام
ضرغام ديربالك تتقبل الواسطات لادكول هي واكفه عليه انت وغيرك واحد يشوف الثاني الخير يعم مثل مايعم الشر
جنت مرات اسمع اغاني بالسياره لمن نطلع احب اخليها تغير جو تكلي طفيها حرام

يابه ياحرام شىلج بهل الحجي دكلي كلام منكر والمنكر حرام وينبت النفاق بالقلب والمنافق مصيره للنار طفي لو تغيرها تعلك انشودات دينيه والله جانت تضحكني بسوالفها بس احبها من تتصرف هيج تكبر بعيوني اكثر جنت اروح لدوامي وانه مرتاح اعرف العندي شنو بالي وكلبي مطمأن

من كثر ماتنصح عبالك امي وتنصح اكلها امي ماتنصح وتوصي بكدج كافي يمعوده
دكلي مااقبل تدخل للنار اريد اني وياك ندخل للجنه واختارك زوجي بالجنه
رب العالمين يزوجنه بالجنه واني اختاريتك زوجي بالجنه هم
جنت اضحك وياها اكللها هم زوجج هناك منو يكول انه اريدج زوجتي تزعل واراضيها واضحكها الله يرحمها اشتاقيتلها هواي

جان مندمج ويحجي بعدين رفع راسه باوعلي
تكلم بهدوء...  تره هي توفت مااريدج تضوجين

مريم...  لا مااضوج من حقك تتذكرها وتشتاقلها هي زوجتك بالنهايه

ضرغام... حبيتج مثل ماحبيتها ماعرف شلون ويكولون ميصير تحب غير شخص واحد بس هذا الي صار يعني احب ثنين شلون مااعرف

مريم...  يعني حتحب الثالثه

ضرغام... انتي وشطارتج بعد

مريم...  باوعتله بغضب
ضحك بصوت

كال اجذب عليج لعد ديربالج

مريم..  اقتلها واقتل.... وسكتت انتبهت لكلامي وهو اخذها بملاطفه

متكدرين تقتليني گلبج مينطيج بيه

لملمت الموضوع وغيرته.... تدري نور جانت شتسوي

... هز براسه بمعنى شنو

... جانت تصلي وتصوم بالنيابه عنك

... عقد حاجبه بااستغراب شنو

... اي والله تصوم وتصلي بالنيابه عنك

... شنو انه ميت قابل

... هي هيج من حبها الك

... وانتي شلون عرفتي

... هي حجتلي كعدنه مره وسولفنه

... جر نفس طويل وباوع للسكف كال الله يرحمها

سديم.....

ماشفت الا اجو بيت اخو ادم
محمد وزوجته وابنهم
محمد كان الاخ الاكبر من ادم بكم سنه وابنهم عمره مايقارب السنه ونصف
زوجة محمد كان عمرها في نهاية العشرينات
كانت تلبس بنطلون وقميص وي المحزم وحذاء كعب عالي جدا شعرها الاصفر الطويل كان يغطي كل ظهرها

ادم...  هلا والله نور البيت

محمد...  بنورك حبيبي

ادم...  اعرفكم هاي زوجتي سديم وبنتي لارين
وباوعلي سديم اخويه محمد وابنه دانيال وزوجته نتالي

مدت ايدها زوجته تصافحني باأبتسامه وتتكلم عربي بشكل مو واضح كلش

هللو am نتالي... تشرفت بمعرفتك

سديم...  اهلا وسهلا نورتونا تفضلو

محمد...  هلا بمرت اخويه

... اهلا بيك تفضلو... تفضلووو

... كعدو بالصاله وقدمت الهم المي وكعدت شويه وبعدها ترخصت احضرلهم العشاء

بيني وبين نفسي صرت اتسائل
زوجة اخو سافره وبلا حجاب يعني اهله هيج؟ ولو هم كلهم شباب ماعدهم اخت
هي مبينه مو عراقيه ماشاء الله حلوه حضرت الاكل على الميز وصحتلهم للاكل

كعدو...

محمد...  عاشت ايدك زوجة اخوي من زمان مااكلنه طبخ عراقي

سديم..   الف عافيه

محمد...  گلنه بعد منرجع للعراق شعدنه بي بس اجينه نشوف ادم ومنها نغير جو

ادم...  ياهلا والله نور البيت

نتالي...  lraq  ( عراق)  كلش حلو
am   vary  سعيده

سديم...  كلامج مو كله عربي

محمد..   اني علمتها عربي بس مرات تصعب عليها الكلمه بالعربي فدكولها بالانكليزي

ادم...  هسه باجر نسويلها دليميه من هاي الزينه بس باجر تشوف الليه دكوم تحلف بالعباس تصير عراقيه اصيله

محمد.... ضحك...  مرات من نتعارك احلفلها بالعباس دكلي موهمد ( محمد)  منو هادا عباس اخوك

ادم...  مرتك تحجي مثل الهنود كله مدام... وماما... ماما....

محمد...  يابه مو زين تعلمت تحجي عربي

ادم...  اي كلامها فول عربي خصوصا باللهجه العراقيه
باوعلها وكللها
نتالي نطيني جطل

باوعتله نتالي كالت.... what

    ادم....  الجطل الجطل

باوعله محمد عرف ب ادم متقصد اتبسم وهو انطاه الشوكه

انتبهت هذه الفتره ايامنه حلوه صارت خاليه من المشاكل حتى ادم الي جنت اشيله هم واخاف لايرجع لسوالفه صرت مطمئنه كلش هاي الفتره منه
معرفت سبب جيتهم الحقيقي وشنو الي خلاهم يجون للعراق معقوله جاايين يزورونه
او شوقا ب ادم فعلا هي تبين وكلشي يتوضح

مريم...  

ثاني يوم الصبح حسيت على ريحة الجاي بالبيت وزهراء صوتها بالمطبخ باوعت ضرغام مو بفراشه
كمت توجهت للمطبخ باوعت ضرغام كاعد يم الحجيه وبحظنه زهراء وكدامهم صينية الريوك

صباح الخير

... صباح النور... تعالي تريكي مريم

.... هاي منو مسوي الريوك

ضرغام...  انه

مريم...  ابتسمت وعقدت حاجبي بااستغراب... انت؟
شلون عرفت تسوي للچاي؟

ضرغام...  حك جبينه بطارف اصبعه تكلم...  تخيلي عرفت وابتسم باوع لاام ضرغام... امي علمتني وسويتو

مريم...  اتبسمت وكعدت يمهم
تركيت وياهم وبدت سوالف الحجيه داىما حجايتها الصبح وي الريوك تضيف جو اكثر دفو وي لمتنه الصبح

ام ضرغام...  هاي اهلنه قبل ميكدرون بدون الچاي
لو الدنيا حاره بعز ظهريات تموز يردون چاي

ضرغام...  لاقبل ولا بعدين العراقي بكل وكت يصيح اريد چاي

مريم... اي تتذكر ضرغام من جنه بالمزر
عض شفته وفتح عينه بمعنى سكتي  مباشرة انتبهت وسكتت خليتي ايدي على حلكي وتبسمت سكتت

ام ضرغام...  ليش سكتي مريمه ليش وين جنتو انتو

ضرغام...  لا تقصد من جنه نحب الچاي يعني اهلنه قبل مو انه وهي يمه

ام ضرغام...  اي جنه نموت عليه هسه انه بس الصبح

ضرغام....  مره جنه بالواجب طالعين جنه ناصبين كمين لجماعه والشغله اخذتلها كم يوم
جان عدنه واحد من المنتسبين هو يطبخلنه يعرف يركب ويدري بيه احب الچاي كل شويه مسوي چاي وجايبو
سيدي هذا الچاي
وره الريوك يجي 3 كوب
وره الغده يجي 5  كوب وره العشه خو متنعد بحيث حتى تكل كمت مااشتهي انه مامركز شكد دااشرب چاي يجيب ويسوي وانه اشرب واكلو عاشت ايدك
وهذا مكيف سيدي وسيدي
نسدت حتى نفسي عن الاكل مرات وي الچاي كيك يشترون لو كعك اكو منتسبين يروحون يجيبون
ف ااكل وماانتبه
وكل مايخلون الغده لو العشه اكلهم شبعان مااريد
نفسي مسدوده عن الاكل
ليش ما واحد ويانه
كلي سيدي دخيل بختك انت مكضيها جاي وكيك باليوم 4 قواري يخدر سعد وتصيح نفسي مسدوده لعد لو تنفتح شهيتك على الكل شلون
والله ضحكوني بوكتها من كثر مااحب الچاي مامنتبه شكد دااشرب

مريم...  يعني صدك مامنتبه

... لا والله بالي كلو يم الجماعه جان ارهابيه وطالعين واجب ف الجاي جنت اشوفو ونس مو شي اشربو

باوع للساعه كال ساعه 10 ونصف حتصير يوم خل اسبحج باجر دوامي وره الظهر عندي شغل

ام ضرغام...  ماشي يوم

كالعاده راح ضرغام حضرلها ملابسها وسند امه وصلها للحمام يسبحها

علاقته بوالدته حلوه حيل فعلا ابن بار
فات سبحها لامه وطلعت

ام ضرغام...  ريتك سالم وليدي الله لايحرمني منك يوم

ضرغام...  تددلين يمه محتاجه شي راح اطلع

ام ضرغام...  متتغده

ضرغام...  هسه تريكت عندي شغله اكضيها واارجع

مريم...  وصلته حتى داايطلع قبل لايطلع كلمته
ضرغام هو انت ليش متقبل اسبحها للحجيه

ضرغام...  امي هاي مريم انه مو عاجز حتى احسسها لاامي هي حمل وذبيتها على غيري

مريم...  لا اني افهمها

ضرغام...  حطلع انه ومن ارجع اترس فضولج هذا باي

صعد سيارته وطلع فتت جوه لكيت الحجيه فارشه السجاده وتصلي رافعه ايدها الاثنين وتندعي لضرغام
اتبسمت من جمال المشهد ومن جمال حب ضرغام لاامه بعد مارجع وطبعا ناسي يشنو حجينه قبل لايطلع رجع ومباشؤة راح للغرفه حتى ينام

مريم..   مجوعان؟

ضرغام...  لا تغديت نعسان وااريد انام

مريم...  مو قبل متسولفلي

... على شنو

... كتلي اترس فضولج علمود الوالده

ضرغام... ها اي واتبسم متوقعتج هيج فضوليه

مريم...  يعني اريد اعرف كل الاولاد هيج وي امهم

ضرغام...  مو الكل اكو احسن مني واكو يذبها بالشارع المهم انه لما اسبحها ومااقبل احد يسبحها لان هي راح تحز بنفسها وتنقهر انه حتى ماجان سبحتها
لكن  مره مداتعرف تفتح الماي
فتحت الحار ومدت ايدها حتركت ايدها بالماي الحار
صرخت من الالم وبوقتها نور جانت يمها وهي مسبحتها انه جنت طالع سبحتها وخابرتني كالت خالتي حتركت ايدها

شسولفلج مريم ماخلت بيه روح الطريق سويتو خطوتين  اجيت عليها لكيتها تون من الالم بس نور بوكتها مسويتلها كمادات بارده تهدأ الالم بس رغم هذا هي متألمه وديتها للدكتور وعالجتها وصارت زينه من يومها وانه صرت اهتم بيها اكثر حسيت مقصر وياها هواي صرت اسبحها واهتم بيها علاجها كل وقت بوقتو انطي امي بعد هاي مريم

مريم...  الله يحفظها الك ضرغام

ضرغام...  ولايحرمني منج

أنا وأنتَ مثل إللي تعَب وينتظر
يشوف  أيامه الحلوة أنا التعبان وأنت أيامي الحلوة ♥️.
لاتنسون الضغط على النجمه
اما الي حابب يقرأ في قادم الايام يتابعني حتى توصله كل قصصي
والي مداخل بالمجموعه الخاصه على الفيسبوك
ينضم ويانه
اسم المجموعه... سيدات العراق للكاتبه Raghad almoualy

كنت معكم انا رغد الموالي في امان الله ♥