تحميل رواية «تل الذهب» PDF

                    تــل الذهـــــــــب

                    رغــــد المــوالـــي

        ~~~~~~~~~~~~~~~~~~~~~~

يالمعوضني كل تعبي

شجازي عيونك الحلوه

شجازي الگبل لاأعثر

يكلي اندار إلك فدوه

........

سديم...

كعد ادم من نومته جنت كاعده انتظره مخليه الصوره بحضني

- صارلي شكد نايم

- مو هواي

- يله خل نروح لايفوتنه الوقت

- لحضه ادم

- شنو

- شوفتله الصوره

هاي منو

- ملامحه غضبت تنرفز شلعبج باغراضي

- بالصدفه صار البوم الصور كدامي

- صيح

بس مو من حقج تكلبين بالصوووورررر

ماعلموج اهلج شلون تصيرين عندج ذوق ومتلعبين بشغلاااااات موووو الجججج

-سألتك سؤال اني شدعوه هيج ضجت

- لان موووووو من حقججججج

- مو من حقي؟

ادم انت شتحجي اريد اعرف هاي منو

-ميخصج

- ليش اني راح اتزوجك من حقي اعرف

-نتر  مو مرتي لتخافين

- لعد. منوو

-لاتسأليييييييين ماضي هاي ماضي وانتها خللللص

- لعد ليش صورتها يمك

- وانتي تحققييييييييين شلج علاقه مالج علاقه انتي كتلج مو مرتي وهذه ماضي وانتهى

-  سكتت بس هو صار نار

وينتر ويصيح

- سمعي سديم

خصوصياتي شغلاتي اي شي خاص بيه مااسمحلج تدخلين بيها

مو من حقج

وان كنتي مرتي بس موووووو من حقججججج

- سكتت وكتمت بداخلي غلطت نفسي نوعا ما وكلت لو ماكايلتله اني بالنهايه زواجي منه دين واتفاق مو اي ثنين متزوجين

وهو مستحلي الموضوع

نتر بعد ماسكتت وهو سكت كال

امشي نروح

- رحت ويا بدون مااحجي اي شي طول الطريق هو ساكت واني ساكته

وكل شويه يريد يطلع عصبيته بالناس

وداني على سنتر كلش راقي بي بدلات فخمه ومبينه من شكلها غالي

كاله

اريد اجمل فستان زفاف عندك

- صاحب المحل كله تفضل جوه

نزلنه بغرفه جوه وشغل الاضويه وجانت مليكانات لابسه فساتين

فستان  اجمل من فستان بحيث احتاريت ياهي اختار

تمشى هو مرجع ايديه لوره يباوع للفساتين

هم يختار وياي

وكف كدام فستان  صاح عليه

سديم

ها

تعالي

اجيت اشر بحاجبه بمعنى شوفيها

اي حلوه هاي

- عجبتج

- اي كلش حلوه

- اخذيلج للحنه بعد هاي مالت الزفه اني ساعدتج بيها

اختاريت فستان  حنه وهو اختار بدلة جانت رسميه هادىه كلش لون اسود

كملنه تجهيزات

ورجعنه بالسياره كال

باجر رايحه لبيت خالج مو

- اي

- لعد نرجع لبيتنه جيبي غراضج علمود الصبح اوصلج

- لا ادم هم حبات

- بضوجه:- شحجينه احنه

- بس انت بغرفه واني بغرفه

- صار

- وصلني للقسم اخذت ملابسي وكتبي واجيت

فرح حيل من اجيت ويا ورحنه للبيت

جنت تعبانه حيل ومدااصدك انام

وين حتنام

- بغرفتي وين يعني

- الغرفه الثانيه شنو بيها

- مجاهزه ماانصحج تنامين بيها

لعد وين انام

- يمي هههه

- ادم

- عيني سديم حنام بالصاله وانتي بالغرفه اتفقنه

- ابتسمت اي هاهيه

رحت لغرفته وقفلت الباب كلمني من وره الباب

هاي شنو حتقفليها

- اي

- شنو ماكو ثقه سديم

- لا ماكو ثقه

-شنو هالصراحه هاي

مددت على سريره ونمت

ثاني يوم كعدت لكيته نايم بالصاله بعده

ويمه حب مطشر بالكاع وبطل عصير خلصان

وكيك شي مفتوح وشي ماكله

موسخ الصاله بعد مجانت نضيفه تلمع

كعدته

ادم....... ادم

- فتح عينه....  خير

- بعدني خطيبتك تره بعد وكت على خيييير

- اتبسم باوعلي بتك عين بنعاس كال اعرف تردين ترحين بس خليني شويه انام

- ادم وديني فدوه ماالحك

- اي

- بقه نايم تانيته لحد ماصحصح بعد نك مني

كام بنرفزه

امري لله

تحضري

وهو فات للحمام يسبح وطلع مبدل ومترتب

يله امشي نروح

- صدك ادم هاي الاخشاب حلوه ولاكتلي عليها

- نسيت

-  يله خل نروح

- صعدنه بالسياره ورحنه لبيت خالي

اول مافتت تلكتني مرت خالي بالهلاهل وتوته تباركلي

- الف الف مبروك حبيبتي

- الله يبارك بيج عمري يوم زواجج انتي ونفرح بيج

- يربي سديم ممصدكه شلون هيج بسرعه قررتو وخبصتونه

- هاهيه بعد صارت

تره ماعدنه وقت تروح حفافه وصالون وهالامور

- صالون باجر مااحب اغير لون شعري

- ولج ليش دصبغي شقارات وميشي حالج حال العرايس

- لا مااحبه

- مكتيله لاادم

- لا وهو شعليه

- شنو شعليه غير زوجج هذا

- وان كان مو معناها يسيطر حتى على الاشياء الي احبها او لا

-  هسه ماعلينه يله حتى نروح لاام سلام الحفافه

- على كد ماتغديت بدلت ورحت للحفافه

بقت تشتغلني لليل

رجعت سبحت وشمرت روحي بالفراش نمت.

ثاني يوم الصبح كعدت على صوت الديجي والاغاني والصفكات وحتى جهال المنطقه وي اهلي فرحانين ويكمزون

طلعت وشافوني والهلاهل اشتغلت

جانت مسويه مرت خالي الريوك كعدت تريكت وياهم ورحت للصالون

سويت شعري وميك اب ولبست الفستان

رجعنه  للبيت وبدت الحنه

حفله صغيره بين النسوان الاقرباء والجيران والاصدقاء

انتهى اليوم بسعاده حقيقه حسيت بفرحه تغمرني

وحتى بهذاك اليوم فرشنه مدات بالكاع ونمنه بالاستقبال اني وتوته وبنات خالي سوالف وضحك

توته- مو علساس نتزوج سويه

- صارت بعد ادم مخله براسي عقل

- وين يكدر يقاوم جمالك يكميييييل

- لا بس هو يغار لاترحين لاتجين لتباوعين عبالك راح انوكل

زينب - حقه عيني حقه

-  و ولاخابرني اليوم

توته - اتصلي بي شوفي

- اتصلت بس ماكو رد........ ماجاوب

زهراء - تلكي ملتهي بالحنه وي اصدقاءه انتي متشوفين الولد شيسوون بهيج يوم

- اي خصوصا هو عنده شله يمه منهم

توته - شفتي

- ماعرف

- معوده باجر تكابلي وتكعدين صدك طلعتكم شوكت

- الصبح ب 10

- يوووو والوقت تأخر نامي كم ساعه وراج طريق

اخر ليله من العزوبيه تقضيها مرهقه من حفلة العرس وهوسة الاصدقاء وفضول المقربين

نمت من تعب مفرط

كعدوني على ساعه 8

سديم

سديم

- انام شويه فدوه

- كومي متلحكين

- من بعد الحاح كعدت وفتت للحمام سبحت ورحت للصالون سويت شعري ولبست فستان الزفاف

باوعت لنفسي بالمرايه كأنه أميرة من ألاميرات الي كنت اشوفهم واني طفله

فستان الزفاف كان ابيض منفوش بطريقه مغريه اي بنت تحبه عليه لمعه جذابه وبياض ناصع طرحه جميله وي الفستان ومسكة ورد لونها ابيض تزينها وردات معدوده صغيره بلون الجوري

الاكسسوارات ضافتله لمسه جميله وي الشعر الاسود والميك اب الي برزني جمال اكثر

اتصل ادم

كملتي حبيبي

- كملت

- حناخذ صور اطلعي على باب الاستوديو مباشرة

- جانت اكو باب من الصالون مباشرة على الاستوديو

فتت منه جان ادم ينتظرني

اول ماشافني نذهل بقه واكف ويباوعلي باندهاش

خجلت ودنكت

بقينه على هذا الحال مايقارب الدقيقتين

همس

هاي شنو

شطالعه

معقوله هذا الجمال كله الي

معقوله انتي عروستي والي

تعرك وصار يمسح بوجها

امشي ناخذ صور اخذني من ايدي وضرب على خده بطارف ايده

يبو عليه

ضحكت لتصرفه عنده طلعات تموت ضحك

وكفنه ناخذ صور جانت عينه متفارق محجر عيني

يباوعلي بتركيز مفصل

همس

شحيخلصج مني اليوم الحمزه

سويت نفسي ولاسمعت

رفع تك حاجبه بمعنى لاتغلسين

اخذنه الصور وطلعنه بالسياره للبيت كال نص ساعه واجي اخذج تأخرنه سديم

-فتت لبيت خالي وهلاهل وصفكات وهوسات

وشغلو ديجي وركص البنات وكلها فرحانه

- اقل النص ساعه اجه ادم واصدقاءه ومعارفه حتى ياخذني

لبست الكبوس وغطيت وجهي واخذني من بيت خالي

هنا سالت دمعتي لمن اجيت اسلم عليهم

وخصوصا من شفت مرت مالي

متحملت بجيت حضنتها هي تبجي واني ابجي

سلمت عليهم وطلعنه صعدت بالسياره وابجي بالطريق جان ادميسوق السياره واني يمه كاعده

- يمعوده سكتي خربتي المكياج

- ماارد عليه وبس ابجي

- لج فدوه لعيونج دعوفي الدموع

يبوووو على حظك المصخم ياادم

- شبي حظك

- اي هيج طلعي لسانج واحجي

لج عيني ليش تبجين لعد لو مراح تتزوجين وتكونين سعيده

- بس فارقتهم لبيت خالي

- وعيونج  لاانسيج بيت خالج وعشيرتج كلها

- ادم هو كو كلشي تصنيف يعني حس بمشاعري

- اييييي حاس بيج

وشغل اغنيه اعراس والطريق كله مندمج وي الاغاني ويهوس وياها

اصدقاىه لحكونه بسيارتهم ورانه وكل شويه يصيرون ويا بنفس المستوى على الشارع ويذبوله حجي

وهو يردلهم

اندعولها لليمي كاعده مخليتني الزم لساني

- يحجون كلام مبطن ويضحكون

- ادم هذولي شبيهم اصدقاىك

-  ماعليج منهم

- الطريق طويل لاربيل مره انام مره اكعد ابجي وهو يضحك عليه

لحد ماوصلنه لااربيل

وفتنه للفندق جان ليل رغم طلعنه قبل الظهر

وهو ادم فرحان هواي

فتنه لغرفتنه جانت حلوه والغرفه بيها بالكون

يطل على شلالات ومياه حلوه كلش

- شنو رايج حبيبي

- تجنن

- اجه اقترب وكف يمي لزم ايديني الاثنين وعينه بعيني  واخيرا صرتي الي

مرتي وحلالي وكلشي  .......  

ــــــــــــــــــــــــــــــــــــــــــــــــــ

مــــــــريـــــــــــــــم

ـــــــــــــــــــــــــــــــــــــــــــــــــ

- مريم لاتتعلقين بيه

- ليش

- التعلق شي مو زين

- بس حتى لو اني احبك ومااكدر اعوفك

- خايف يجي يوم واشوف دمعج واكون انه السبب

- لا مايجي

- لو شماصار

- لا

- حتى لو وي غيرج

- سكتت

- احجي

- منو هاي ها

منو هاي الي راح تفضلها عليه

- انطيج مثل علمود تتقبلين هاالشي مريم

لاتخليني استخدم وياج غير اسلوب اخليج تكرهيني

- يعني شتسوي

- اكرهج بيه

- باوعت عليه وصارت عيني بعينه همست

لو تكطعني قطعه قطعه ولو تعرف غيري  10 اني احبك ومستحيل اعوفك

ممكن. ازعل انقهر اتعارك بس اعوفك لا

- حضني وشدد على ايده همس

اياج بيوم من الايام تسيئين الظن بيه لو شفتي شي واجهيني بي

- صارت عيني بعينه

ثواني ومباشرة كام حتى يطلع

- وين

-  حروح يم الولد

طلع يمهم وبقيت بالبيت

شويه وسمعت صوت رصاص بره من كل الجهات بحيث ماعرفت احدد منين الصوت

الولد صارت تتراكض وصياحات بره صارت

يوووولددددد

كل واحد يصير وره حاييييط

قنااااااص ديربالكممممم

ورمي عبالك دتمطر

بقيت الوب على الضرغام اعرفه بره وسلاحه جوه هو وين وليش مااجه

- شويه ودفع الباب وفات ركض للغرفه وقفل الباب

طلع شايل سلاح غير الي جان شايله بغير عمليه وصعد فوك 

صيحت عليه مارد

ضرغااااام

ضرغام لتصعد رمييييي ضرغااااام

صعدت وراه انتبه لوجودي مباشرة جان نايم على بطنه موجه السلاح على مكان وديباوع من السلاح مثل واحد يريد ينيشن علمود يصيب

صرخ بيه شصعددددجججج

نزلللليييييي جوووووه

من صوته العالي نزلت اركض عرفت هذا قناص الي بأيده بس لمنو حيقتل

مابيه ربع ساعه هدأ الرصاص بس اسمع صوت بره

مال زلم وصوتهم مو قريب

سمعتهم صاحو نقتل القبرص

ولكم كتلووووووه

شويه ونزل الضرغام باوعت عرفته هو الي قتله بقناص

تقرب عليه بخطوات

حذرني...

مريم الي شفتي فوك تمسحي من ذاكرتج

منو انت ضرغام منووووو

- يحجي بتحذير وصوت ناصي

- اذا نطقتي بكلمه معناها انتهتي عندي

الطلقه الثانيه براسج تصير

لو روحي بيج

اياج  تحجين اي شي

طلع مسدس وجهه على ايده من يم زنده وضرب طلقه على ايده

اني تفززت هاي ليش هيج سوه

لزم ايده ومباشرة طفر من الشباك

جان المسدس مابي صوت

ليش هيج سوه

ليش ضرب روحه

-طلعت فتحت الباب

جان الحجي والولد يداوون المجروحين

ومخبوصين مايعرفون منو مات ومنو عايش

الحجي يفتر ويكلهم شوفو منو ميت

شويه ورد كال

ضرغام

ولكم وين ضرغام

هذا شنو بكل مصيبه يختفي

وصرخ

وووووويييييين يروووووووووحححح

ابو راهب صاح

موجود حجييييييي ضرغام متصووووب

وينه

اجه الضرغام وابو راهب جان لازم جرحه بيده الثانيه

كله للضرغام

القبرص نقتل

- سوه نفسه متفاجئ

شلون مات

- مادري يكولون تصوب بطلقة قناص

ضرغام اكو قناص والظاهر دايلگط بينه واحد واحد

- ومعرفتو هذا منو

- لا بس وين يروح ينكشف ينكشف

بس من قتل القبرص هذا ويانه لو علينه

- قبلها السفاح نقتل ومنا وبينا هذا لاويانا ولاعلينه

- لعد

- ممكن طرف ثالث وهو دايوكعنه

- منو تقصد

- حجي انت اعرف بربعك

- الحوت وبالسجن القبرص ومات تجار البقيه دول

ومحافظات الروس الكبار هواي منهم اعتقلوهم

- القبرص شطلعو من السجن حجي

الي يعتقلو معناها دايطلعو اذا ظهرو قوي

- جرك ينزف اسدي

صاح على الولد

ضمدولهياااا

- كعد واجه المضمد يضمدها 

لازم نطلع الرصاصه

- اعتقد طلعت لان دااحس مو بالعظم بعضلة الزند

- هسه اشوفها

كعد يجيكله المضمد ويتكلم وي الحجي

- القبرص مسنود حجي ودام نقتل يمنه معناها نفتحت علينا بابا ياكبرها

الي طلع القبرص وره كل جرايمه مستعد كلشي يسوي وهذا يخوف

- ماعدهم لزمه علينا

- جماعتهم الي ويا حيكلون مات واحنه نرد على الذيب ساعتها مااعتقد حيسكت الي بظهرو

- وشلون لعد

- ننتظر يطلع الطرف الثالث والي ساند القبرص

-القبرص معارفه بالدوله وراه روس كبار

- واريد اشوف الروس الكبار هاي

المضمد:- الطلقه جايتك صفح مامأذيتك هواي

- الحمد لله

الحجي:- اسدي بطل ماتموته طلقه

- اتبسمله الضرغام

- كلي الكوبرا الي بيتك خو مداتلدغك

- كوبرا الك الي صايره غزاله

- باوع ضرغام

احجي وياها خليها تتعلم شغلنه كللها انتي ترحين وي الي نكلج عليه وقبل لايسوي كلشي احنه نعبر

ونسحب عليه سلاح يعني ميسوولها كلشي

- لا حجي مخليها للجبيره عوفها لمريم

-ولك حليوه هاي

- لهسبب مخليها للجبيره

- القبرص ومات

- والحكومه

- شنووو الحكومه شتقصد

- وكت مانوكع هي تطلعنه خليها ترباتي حجي مالك علاقه اطلع منها انت وعليك الصافي

- ضرغام دوخني انت

- لاادوخك ولا ابد خلها عليه

- وانه املي بيك ضرغام روح ارتاح اسدي روح

وخل الكوبرا تسويلك شي دافي تشربه

- تقدم الضرغام بااتجاه البيت وقبل لايوصل فتت جوه اركض لان مايقبل اباوع من الباب

صاح علي اول مافات

مريم

مريم

- اجيت بسرعتي

جم مره كايل راسج لاتمدي من الباب

- مباوعت مجنت واكفه

- رجلج من الباب مبينه لتكذبين

- خفت عليك ليش هيج سويت

- مالج علاقه

هاي اول واخر مره تبقين تراقبين بره اكعدي هنا ثگلي.     ثگلي 

- باوعت بنظره مو عاجبني كلامه

كال

سويلي جاي

- سمعت الحجي كاال اسويلك شي دافي حسويلك شوربه

- ليش انتي كوبرا

- هو لسانه هذا ومتعلمه عليه

- سويلي اي شي حمدد شويه تعبان

- رحت اسوي الشوربه

وهو راح للغرفه يرتاح

سويتها وكملت جبتها اله لكيته نايم ومبين متأذي من جرحه لازم مكان الجرح وغافي

عفته على نومته ماحبيت اكعده رجعت الشوربه لمكانها

بقيت انتظره يكعد ماكعد ساعه اكثر نايم

رحت بهدوء للغرفه لكيته لام روحه مثل الطفل

وجه ينطي لون وردي تفحصت جبينه جانت حرارته مرتفعه وكبل فز عباله احد اجاه

هاي اني

- غطيني مريم

- جبت غطى وغطيته حسيته بعده بردان جبت بعد غطى وغطيته وتذكرت لمن هو سوالي كمادات كلت اسوي مثله

جبت قماش ومي خليتها عليه كعد عقد حاجبه

هاي شنو شيليها

- انت مصخن

- شنو جاهل تخليلي كماده وخريها عني وغطيني هسه تفكني

- سويت مثل ماراد وغطيته طفيت الضوه

كعدت يمه وهو تعبان احسه

ندكت الباب وجان الحجي يدكها ويصيح على ضرغام

اسدييييي

ضرغام

فتحتها

وفات

ها ولج حيه وين ضرغام

- جوه نايم

-ليش

- مصخن

- عضيتي لازم وصخن

- سكتت مارديت عليه

وهو فات يمه وكف

الاسود مال الذيب ماتهزهم رصاصه يالضرغام

فتح عينه بتعب هز براسه بمعنى اي مارد

كوم على حيلك

- تعبان حجي

التفت الي روحي على ابو غضب كليله يجيب الخبطه الي سواها المضمد مال الصخونه

- ياخبطه

- شعليج روحي

-رحت كتله لبو غضب شويه واجه جايب حبوب

- الضرغام كال ماريد حاولو ويا شكثر ياخذها بس ماقبل

وبقه هذيج الليله بفراشه والحجي وابو غضب يمه

كعدو يدخنون ويسولفون ويا اسمعهم واني بالصاله كاعده

جان الحجي يسولف

مره تمرضت مثلك يالضرغام نومتك هاي رجعتني لسنييييين وره

جنت شاب حبيتلي وحده بس مو حبيتها عشكتها عشك ونوجع گلبي بسببها وكعت وتأذيت هيج

روحي صارت توجعني واول مره احس بالالم والفقدان لمن فقدتها

تمرضت هيج وحيلي راح

وصرت اريد اوكف مااكدر

جان الواوي الله يرحمه يجي عليه

بدال مايعالجني يكعد يغلط ويفشر ويكلي

كووووم لك عار ابو العشك

-  اباوع للضرغام يتبسم رغم تعبان

وابو غضب من يمه حجه بحركه

لعد ليش من حبيتها لشوشه انت كتلي خل تولي وحرمتني منها

- بشرفك ضرغام حب وحده يوميه وي واحد

-انت شعليك اني قابل

-  كتله حبلك وحده بيها حظ وبخت

هو تخبل عليها

- ضرغام انت لو تشوفها تكول بس هاي النسوان

الحجي؛:- هي تسوه لو شويه ثكلانه جان شغلتها بدال هاي الحيه بس غبره

صدك الحيه وين

كوبراااااا

كوبراااا

نعم حجي

تعرفين نفسج حيه

- سكتت وباوعت للضرغام الي يريد يقتلني بنظرته

ومعرفت ليش

- سويلنه جاي

- رحت اسوي الجاي وبقت بالي نظرة الضرغام ليش حتى هيج يباوعلي

شنو السبب

- خدر الجاي واله ذب مي على النارر يله انتبهت

طفيته وصبيته وجبته الهم

الحجي..  اكل لكمه

- لا

-  باوع للضرغام...  مو كتلك خل هاي الحيه العندك تسويلك شي دافي

- وفزيت اي سويتله ورحت بسرعه جبت الشوربه واجيت

كعد ضرغام حتى ياكل ويشرب الجاي  وعينه نار تجدح عليه

كمل كلامه الحجي

اي يلضرغام وين وصلنه

ابو غضب:- لشوشه

- اي شوشه

مو جبتلك لمى

- حجي حب حب

- اي نريد نعرف ابو المشاعر ضرغام انت حجيلنا عنك

- عن شنو

- حبيت

- لا

- ليش

- مو مال حب انه

- احسلك

- الحوت من يربي يعرف شلون يربي

الذيب رغم درسه قاسي جان واذاني

بس خلاه لقلبي يصير قوي

- الوجع يقسي الگلب

- نوجعت يالضرغام

- لا

- شقسه قلبك لعد

- الدنيا ومواقفها

- ابو غضب   :- مااحسك يالضرغام نوجعت لو قست عليك الحياة

-  ماعندي شي اخاف عليه لهسبب ماتأثر

اي حجي حجيلنه على ماضييك وي الواوي

شلون بديتو شغلكم

انه جنت متربي بميتم طلعوني وعمري ١٦ سنه لان ماانجرع جنت وكح ويوميه ضارب واحد بالدار

طلعت ماعندي احد اروحله

صرت افتر بالشوارع

بالبدايه ردت اشتغل رحت على مصالح وردت اشتغل مايعرفوني مايشغلوني

اشتغلت وي بگال

جنت اوكف للناس بيع والبگال يكلي الي يريد كيلوين

انطي كيلو ونص

يعني جان يغش الناس بالميزان بالبدايه جنت اخاف اسوي هيج بعدين من شفت الناس تعبر عليها حبيت الموضوع وكمت اصلا اخلي كيلو فكام يبين وناس تعرفه اكو بيهم متعبر عليهم

بقيت ويا فتره لحد ما رجال شايب انتبه للميزان وشافني اغش الناس تعارك وياي وكله لابو المحل لو تطرده لو اطشك بالمنطقه وماخلي احد يشتري منك

طبعا هو خو محيضحي بسمعته علمودي طردني

وطلعت

وهم بالشارع انام بعد ماجنت انام بالمحل

تشردت بالشارع صرت اطارد وره السيارات امسح الجام علمود ينطوني جم فلس اسد بيها جوعي

بيوم تعاركت على الطرقات وي واحد

هو يكلي هذا شارعي شعندك هنا وانه اكله مو مال الخلفوك وتعاركنه جنت گوي محد يكدرلي وضاربنه

بس انه ضربته قوي جيت انهي عليه بس الناس فكتنه

شافني الواوي صعدني ويا بالسياره

كالي....

- انت شسمك

-  اسمي مؤيد

- وين اهلك

- ماعرفهم

يعني وين ربيت

بالميتم

وهيه ماعندك مكان

- اي

امشي ويانه اشغلك وامنلك مكان

رحت ويا جنه بمنطقه غير تل الذهب بمنطقه وجان هو عنده بيت جبير بنص منطقه سكنيه بس ناسها تعبانه كلمن ملتهي بروحه محد يبلغ على الثاني

فشتغلنه اول شغله كلي عليها المخدرات

اشتغلت بالمخدرات

جانت المنطقه الي عايشين بيها يشترون كميات مو طبيعي بالمخدرات تحس حتى جاهلهم يخلوله بالمميه مخدرات كثر ماتخلص بسرعه

شويه شويه دربني على القتل بالاول مااعندي جرأه

بس قتلت حيوانات

ومو اي حيوان

مثلا حيوان صغير كدام امه اقتله

او ام كدام اولادها الرضع اقتلها

بديت بالحيوانات لحد مابيوم خله اسد كدامي ضخم وجبير كلي اقتله

خفت بس مابينت وقتلته

وصار ياخءني ويا نطلع مهمات

ضرغام:   هو جان وحدو عايش شنو

- لا وياه الزعيم وجماعته بس الواوي جاني هو الايد اليمنه للزعيم والي ورث الشغل بعد موت الزعيم وورثها الواوي وبعد الواوي انه وبعدي انت يااسدي

وابو غضب شلون اجيت

ابو غضب... جنت صغيرامي وابويه متطلكين  وابويه متزوج هاي انه عايش وي ابويه   بعد ماتوفه ابويه وراها مرته طردتني جان عمري11سنه  بقيت كم يوم بالشارع وراها  تعرفت على الولد جانو يجدون صغار ورحت وياهم شافني الحجي كالي انت جبير تشتغل ويانه انت

وصرت اشتغل نبوك سيارات

كبرت شويه صرنه نخطف اطفال هيج شي

جنه نبوك سيارات حتى يفخخها السفاح  جان شاطر بالمفخخات ويعرف

فجان يفخخها للسياره يخلي بيها متفجرات

ويروح عاد يخليها بالتجمعات سوك او كهاوي ومنطقه تجاريه هاي نفجرها عليهم

- وشنو جانت ربحها الكم

- جانو ينطونا دفاتر فلوس يابو فلوس المهم

نفجرها وجنت اروح ويا ونوكف على بعد من التفجير ونشوف شلون الناس حتبجي على اخوانها.واهلها والام على ابنها

واحنه نوكف ونشوف شيصير جان يستمتع لهذه المناضر

صرت اشوف الموت اشوف جثث مشمره بالشارع

وروس ماكو اجسادها بالشارع

وايد مكطوعه ورجل  وامهات تصرخ

اكثر موقف هزني بوكتها شفت بنيه صغيره طفله يعني ابوها مات بالانفجار وهي جانت ويا 

مات وهي تكعد بي وتبجي وسط هوسة الناس والتفجير والموت هواي بقيت اباوعلها يمكن لان هم جنت فاقد ابويه

مثل الي تولد عندي قساوه من هذه المشاهد

احس شي اسمه قتل اسمه تفجير اسوي ارتاح مثلهم

صرت محترف اكثر

؛وهاي بديت اقتل وبديت كلشي اسوي

والخطف الاطفال شلون بديتو تشتغلون هالشغله

بدينا لما جان عدنا طفل مريض وموات وبوكتها وديناه لطبيب كال هذا ميت ميت اول مايموت تجيبو ابيع اعضاءه بيها خوش فلوس ومن هنا بدت تجارتنه بهذه الشغله.....

لابد للماضي حكايه

فكيف بحكايةٍ بدايتها مظلوم ونهايتها ضالم....

ترقبوا احداث الحلقه القادمه كنت معكم انا رغد الموالي في امان الله ♥

تـــــــل الذهــــــــب

رغــــــد الموالــــــــي

~~~~~~~~~~~~~~~~~~~

سَديَم.......

اجه اقترب ادم لزم ايدي كال واخيرا صرتي الي

مرتي وحلالي وكلشي

دنكت وابتسمت بخجل

يفدوه للخجلان اني .......

ساعه ال 1:00 بعد منتصف الليل

كعدت ابجي وامسح دموعي بكلينكس ضامه روحي جوه فراشي حتى وجهي مغطيته ادم جان كاعد ع الصينيه توه طالع من الحمام لابس برنص

يتبسم ويغني

ادم...  تعالي نتعشى سديم

- مااريد مالي نفس

- اوكلج بيدي

دشوفي شلون ردت روحج من كمت الح عليج علمود تاكلين بعد اريدج امشي

- مالي نفس ادم والله

- انتي تحبين تتدللين واني جوعان شالني من السرير حتى يوديني للصينيه ناكل

- ادم هاي شداتسوي

نزلنييي ادم نزلني

- تعالي اني  اوكلج لتبجين مثل الجهال

لا راح اكل هاهيه

- اي عفيه حبابه مرتي سمعي كلام

- كعدت اكل ويا

- شال قطعة صغيره لحم دجاج حبيبي اكلي هاي من ايدي

-- اكلتها من ايده

- طيبه مو

- هزيت براسي بمعنى اي

- هي لان من ايدي صارت طيبه تره هي موطيبه الدجاجه بس لمساتي خلت الها طعم خاص

- ادم دااكل

- مو متريدين وشبعانه شلج بهل الدروب ودلع النسوان يمه منجن النسوان انتن

- صرت ابجي ومااعرف ليش

وهو صار يضحك عليه

شوف هاي تبجي وتاكل منظرج يضحك

ذكرتيني بلوسي هم مثلج سوت مره

- ونترت

يالوسي هاي نوب انت شنو يوميه وي وحده

مامخلي بنيه تعتب عليك

- على كيفج شكلنه هاي قبل قبلل

- على شنو تحجي عليهم كدامي

- مو كل سالفه منج تذكرني بوحده منهن وبعدين احبجن كلجن والله

-- ادم بلا كلامك هذا

- اشاقه وياج وعيونج سدومتي هن يحبني اني شعليه وحدتهن تشوفني تبقه تسوي صدقه الله

ولو مرته ويبو عليه اصلا مره وحده هي رقمتني

- بطل تجذب ادم تره داتحمه زايد

- بكيفج لاتصدكين

_ عفته وكمت غسلت ورحت لسريري

_ اجه يمي كعد سدومتي ليش تزعلين من اكون صريح وياج

- لان هواي تحجي بيهم

- حبيبي اني احب احجيلج كلشي بعدين اني اكدر اكون كذاب وياج واكولج انه اني خوش ولد وعاقل من لبيت للجامع ومن الجامع للبيت واصير بعينج ماكو مثلي بس مااحب اخدعج

خصوصا انتي زوجتي وهسه كلها منا ل9 اشهر يجيني طفل منج

- طفل شنو ادم شتفقنه بعدين مستحيل شلون هيج بسرعه

- اي شنو لعد تلكي هسه بده يتكون جنين

- ها ياجنين شلون هيج انت شتحجي

- لعد لو مادارسه علمي وماخذه احياء متفتهم

- الي درسناها انه تتحد البويضه مع النطفه لتكوين الجنين وهم مو مكتوبه هيج بس حتى اوصلك فكره

وهم عيب تبقه تحجي بيه

- ليش عيب هاي ثقافه اولا

ثانيا من باب العلم والمنطق الانسان لازم يكون على علم بهيج امور

- بخجل اي صحيح

- اروح فدوه للخجلان اني

يله هسه خل نام علمود الصبح نطلع نفتر ونتونس اوديج لااماكن جنت اودي بي صديقاتي

باوعتله بغضب ضحك بصوت عالي

اشاقه وياج تره مو لهل الدرجه عاد

*******

كعدت على ثاني يوم الصبح وطلعنه نغير جو بره

مابين الشلالات والمي رغم الجو بي بروده لكن ماتحس بالبرد من جمال الطبيعه

اول مره اطلع هيج اماكن

اخذني لمحلات اشترالي فساتين

- شلي بيها عندي

- حبيبي انتي عروس واريد الي يجي يباركلج كل مره فستان شكل اريدج اميريتي بالبيت

- تسلم حبيبي

- شنو عيدي بالله من صدقه لشفايفج لجنها حلقوم

دتعالي لعد اخذلج فستان وعيديلي حبيبي

- لا لا هاهيه هواي صارن عندي

- لعد تعالي نصعد بالالعاب

- رحنه بالالعاب وصعدنه بدولاب الهوى حسيت روحي داشوف اربيل كلها

كعدنه واحد يم الثاني وهو اشترالي غزل البنات

اكلنه وتونسنه ورحنه لمطعم نتعشه

جان هو بالحمامات اجاه مسج

- ادم اذا متردلي راح افضح كلشي وهاي اني حذرتك

- قريت المسج

ومسحته مباشرة صار عندي فضول اشوف شنو بجهازه بس لان اعرف بي حيجي رجعته لمكانه

وسويت نفسي طبيعي

اجه هو

- اكلج اشو المطعم هذا محبيته احسه وسخ

- بكيفك تحب نروح مطعم ثاني

- امشينه حماماتهم گلبت معدتي

- طلعنه رحنه لمطعم ثاني طول الكعده هو يسولف ومندمج واني اكتفي ب المجامله لكن بالي يودي ويجيب

معناها كاطع علاقاته اذا هيج دكله

- بهل الاثناء اجاه مسج هو غلس سوه نفسه مو يم تليفونه

واني كلش زين مركزه

بعدين طلعت التليفون مالتي

- ادم هاي خالتي متصله عليه وماعندي رصيد ممكن اخابر من عندك

اي عادي

نطاني جهازه ومباشرة فتت للرساىل وشفتها كاتبه

قبل يومين جنه سوه شبسرعه تبدلت

عموما دزلي 150 الف داودي مصطفى للطبيب

- قريت المسج واحس مي نار ونزل عليه

صرت اباوعله واباوع للجهاز بعدين انتبه الي

- ها خابرتيها

-مغلق

- يله نتصل عليها بعدين

نطيته الجهاز بدون ماامسح المسج

وكعدت من سكوت ابد ولاتكلمت اي كلمه

هو يسولف ويضحك

تمر من يمنه بنات يبقه يباوعلهم

اني مكتفيه اباوع بدون مااتكلم بعدين تكلم

- اكلج انتن البنات ليش هيج حلوات

- مااعرف من الله

- يعني وحده بيجن اريد اشوفها مو حلوه ماكو كلجن تموتن

- باوعتله مارديت

- انتي لتضوجين اذا هيج احجي بس يعني دااكون صريح وياج

- اي خليك صريح اني اريدك تكون صريح

بكلشي وياي ادم مو بس بلي انت تريده

- وعيونج كلشي احجيلج ماضميت عليج شي

- يعني كلشي ماضميت عليه

- لا

حتى هسه من شفت بنات حلوات كتلج

- انت كلهم تشوفهم حلوات

- اي كلجن حلوات حتى الضعيفونه البيجن حلوه.

_ بأنزعاج... ادم ممكن نروح للفندق تعبت

- يله نروح

رحنه للفندق والحركه الي بگلبي نار وتشتعل بيه وكاتمه هالشي حتى مااضوجه مايبقى يتذكرها انتي

خربتي علينه ايام زواجنه الحلوه

ومرات اكول من وره منو حتى اسوي هيج

من وره وحده باعتله نفسها ببلاش

اخرب اجمل لحضات زواجي بالمشاكل

وهو يكلي بكلشي مايضم عليه

اساسا مرات مااعرف ليش هيج صريح وياي ويحجيلي استفهم ليش يحب يحجيلي عن علاقاته وللان مااعرف السبب...؟؟

رجعنه من الفندق بعد اسبوع عسل مثل مايظهر للناظر كضيناه...

جانت معاملته جدا لطيفه وياي وكلامه غزلي لاابعد حد

تجي اتصالات ويتجاهلها ومن اسأله

- هاي بالشغل يتصلون عليه

- ادم اجازتي خلصت ولازم اداوم بالكليه

- عادي حبيبي اوصلج وياي كل يوم للجامعه ومن ارجع اخذج ماعندي مشكله

- تمام

صار يوصلني للجامعه كل يوم يوديني ويجيبني

مرات يتأخر بالليل يرجع اوقات متأخره ومن اسأله يكلي شغل

جانت تحز بگلبي حيل واسكت لان جهازه مابي اي شي لااتصال ولارساله

بيوم كنت بالجامعه اتصلت عليه لان تأخر عليه مااجه

اتصلت عليه والي ردتلي امرأءه

- الو وينك حبيبي

- حبيبج نايم

- شنو. انتي منو

- انتي منو

- اني زوجة ادم هذا مو رقم ادم

- اي تليفونه وادم نايم من يكعد اخلي يخابرج

وسدته....

نار واشتعلت بيه وضاقت الدنيا بعيني احسها صغرت كلشششش.....

مــــــــريـــــــــــــــم.....

ابو غضب..

بعنا للطفل اعضاء واجتنه خوش فلوس تتذكر حجي

- اي ههههه شلون مااتذكر

ايام جانت خوش فلوس تجينه بس راحت هسه صفينه على المخدرات والنوادي

ضرغام:- بس هم خوش فلوس تجيب

- اي طبعا بس محتاج اجيب بنات جدد كالو اكو بسوريا يبيعون بنات عبالك حسافر اجيب

ابو غضب:- ابو سوزان السوري خابره وخل يجيب بنات حسب الطلب

ضرغام _ مريم شلون اجت

الحجي:_  هههههه سالفتها سالفه هاي ابو غضب خطفها

شهكت وخليت ايدي على حلكي من عرفته هو خطفني اتبسم ابو غضب كله

جنه ماريين للمنطقه مالتهم نسيت وين حجي

- جانو هم جيران لواء سعد بمنطقة ال.... 

- اي اي تذكرت جان دازنه الحجي نخطف بنت اللواء

هي مريم جانت تلعب بالشارع عبالي بنت اللواء

جان اخطفها واخذها ومن شافها الحجي كام يحجي علينه

ثول ولكم مو هاااي واحنه بعد خذناها كلنه نخليها وي الجهال وشافها الحجي حلوه هم كال تفيد

مريم من جانت صغيره فقيره بس فضوليه يايابه شفضوليه تكعد وره براميل النفط تباوعلنه شنسوي جواها الحجي ومتابت

الحجي... وعود بوكتها متحزم بيكم جايبيلي جيرانهم

ضرغام:   وخطفتوها لبنت اللواء

- لا اللواء عرف قاصدين بنته وتحذر

- ابو غضب..  عوفنه هسه من مريم شحنسوي على البنات تخابر لو تسافر

- هي مو مال واحد يجازف ويسافر بعد موت

القبرص تلكاه للخبر طاش يم الحكومه  اخابر

وضرب على فخد الضرغام على الخفيف

اي يلضرغام بداياتك بشغل الحوت شلون جانت

سكت ثواني وبعدين تكلم

نفسكم هم علمني على قتل الحيوانات

- وبعد

- تعلمت التفجير وشلون افجر واقتل بلا رحمه

- تعرف للقناص ضرغام

- مو كلش جان الاحمر هو ابو القناص

- الاحمر وين صفى بي الدهر

- قتلوه ليش متدري

- ضحك بمجامله حك ذقنه وكال

اي ادري بوكتها تلاكو هم وابو المنشار

- اي

- بس مكتلي الحوت منين جان يستورد

- جان يستورد من تجار من السودان

- الحوت رجال سبع اااخ لو مالزمته الشرطه

محد منكم نهزم

- لا اكثرهم بسجون جبيره الي يفوتها ميطلع

ومنهم اخذو فترة حكم

- متفاجىء انت شلون طلعت وانت جنت على التفجير

- ماكو شي يثبت جنت افجر

- صحيح ذكي انت ضرغام وجنت اكول ليش الحوت دوم يمدح بيك

- كلش وااعجبك هم

-الحوت جان عنده بيت ونسيت وين مره اخذني عليه

- اي بيت سري عنده بمنطقة ال.....

- صح تذكرت

جان هم متزوج يمكن

- وعنده بنات

- شغلهم ويا

- خارج العراق اصلا

- تعرف كلشي عنه

- نسيت ايدو اليمنه انه

- معلوماتك جدا دقيقه

- مو كلتك اعجبك

-هز راسه ب معنى نعم ومتحير من الضرغام

تصرفاته شي وكلامه شي

-بهل الاثناء اجاه اتصال للحجي

الحجي بس سمعله بعدين سده وكام على حيله ونتر

- يقتلو ويبلونااااا احنا ناقصييييين

ابو غضب - شكو حجي

- خابرني الجبير كلي اذا تبقه تتمادى راح نزيحك من الشطرنج وسده

- وشيقصد

- يقصد القبرصصص ذبوها براسيييي

- والعمل

- فتره لازم هدوء محد لايطلع ولايروح ولايجي واحتى انه حروح يم ولدي اشوفهم الدكتور جاي هم مشتاگله

- وشلون لو هجمو علينه جماعة القبرص

- ميهجمووون تدخلو بيها الكبار

طالع انه

وطلع وتبعه ابو غضب مباشرة الضرغام رفع تليفونه

وكال كلمتين وسده

- راح لولد و توهم طلعو ...

وصاح عليه بغضب

مريييييمممممم

-بلي

- شكايلج انه

-شنو

- شعلمتج

على شنو

انه مو كتلج على حجابجججج مو نبهتجججج انتي شنووووووو متسمعييييييييين

- ها

نسيت

- طلعي بره ماريد اشوف خلقتج

وطلعت بره اختنكت من كلي هيج

شفته طلع من غرفته راح للحمام سبح وطلع

باوعلي بغضب وراح للمطبخ يسوي جاي

اجه جايب بكلاص توه يشربه وماكدر يكمله

خلاه على صفحه طلع جكاره يشرب

عرفته هم مخربه للجاي وميعرف يسوي كمت من حالي سويتله جاي وجبته اله

اخذه بدون ميباوعلي وصار يشرب بالجاي

اجاه اتصال

رد.... اي... ونتر

لعد الله يقبلهاااااااااا شلووووون

- باوعلي وتكلم

صار

وره ماخلص المكالمه شمر التليفون بالكاع بقوه تكسر جهازه وصار يروح ويجي والجكاره بيده يدخن ومتوتر

اخر شي ضرب بيده جامه بوكس فلشها وتجرحت ايده

شهكت

هاي شسويت

- روحي عني

- شبيك ضرغام

- صرخ روحييييييييي

- رحت جوه بالغرفه بس بقيت الوب لايصير بي شي

باوعت بعين وحده شويه مديت راسي شفته كاعد

مرتجي بالحايط وماد ايده على عكس رجله نفسها ايده الي ضربها طلقه وتذب دم بالكاع يباوعلها وكاعد ولامهتم للدم الي يطلع من ايده

انتبه اني دااباوعله فتح ايده السليمه ونظرلي بحب بمعنى تعالي

اجيت لعنده حضني

هذه اللحضه بالذات حسيت بيها طفله

مثل طفله صغيره وابوها فتحله ذراعه يتلكاها بحضنه

همس

خو ماخفتي من صرخت

- هزيت براسي بمعنى لا

جرحك دااينزف

هز براسه بمعنى اي

رحت بسرعه جبت قطعة قماش وكلينكس حتى انضفها واضمدها

يباوعلي يبتسم بتعب لما جنت الفها وتكلم

- من تشوفيني ضايج ابتعدي عني

- ليش هيج ضجت

- باوعلي بتمعن لدقائق بعدين وجه نظره بتلاشي بدون ماينظرلي

مريم مرات تصير ويانه شغلات احنه منعرف ليش صارت

لاتسألين مريم

لأن اساسا انه مو فاهم شنو دايصير

- ضرغام نسيت اكلك

هذاك اليوم من طلعت الحجي دز وراك ثنين يراقبوك

- اعرف

- تعرف.! شلون منين عرفت

- رفع حاجبه الاثنين كال بثقه

انه ماكو شي ينظم عليه مريم

- بس شلون عرفت

- جماعة الحجي اغبياء وينلكفون بسرعه

- انت ذكي مو هم اغبياء

وثبتت هالشي

- شلون

- لحد الان اسأل نفسي شلون عرفت حيفجر السياره واني بيها

شلون عرفت حيضرب البانزين ويحركني

- عرفت

- شلون هو حتى ماوجه السلاح عليه

- بس باوعلج عرفت نيتو

يعني شتردين ابقه انتظر لحد مايضرب

- يعني شلون هيج اجه بالك

اجه مريم

- ليش قتلت القبرص

باوعلي وسكت مارد

- هو قتل اليا

- مو شرط

- ليش قتلته

-  ليش تسألين

- اريد اعرف ليش قتلته

- رفع حاجبه الاثنين كال

لان اخطر بشر ممكن تشوفه عيونج

- شلون

-  القبرص هذا يشتري بنات بعمر ال 11 سنه الى 16 سنه كاأقصى حد يغتصبهم وبعدها يقتلهم باابشع الطرق

-  بخوف... شنو انت شتحجي

- عدا الجرائم والاسلحه والقتل والتفجيرات الي يسويها  من جوه لجوه قتلتو وخلصت العالم من شروو

- زين انت شلون عرفت

- عرفت مريم كتلج ماكو شي ينظم عليه

- شلوون

- هسه عوفي لشلون

ضماد مالتج غلط ايدي بيها  كزاز

- معرفت اطلعه ناعم

- حروح اضمدها بره

كام طلع كمت بسرعه وراه مسحت الدم الي صار بالكاع وبقيت انتظره لحد مااجه

جان مضمدها لاايده اجه مدد على سريره

عكس ايده السليمه على عيونه

اطفي الضوه

- لا

- تاكل

-لا

- بيك شيى

- لا

روحي ارتاحي ونامي مريم

انت نايم بفراشي

انتبه لمكانه توه يكوم

اجيت يمه همست

لاتروح خليك

باوعلي بدون مايتكلم

مددت يمه وخليت راسي على ايده السليمه بس جانت عضلة ايده قويه

همست قويه ايدك

هز براسه بمعنى اي

- شلون هيج

- ابتسم بتعب همس وهو يشدد بيده على راسي

بحيث ايده صارت زاويه وراسي بين عكس ايده

نامي مريمي نامي

غفيت حسيت بي يمي بعده ونايم ماكمت بقيت على نومتي اباوعله

كان يغط بنومه عميقه كان كثيف الرمش وطويله بعيون واسعه مسحوبه نوعا ما

انف مستقيم ولحيه متوسطه الكثافه

تذكرت لمن كلي لاتتعلقين بيه مريم

جان گلبي ينعصر لمن اتذكر كلامه هذا واكول ليش هيج يكلي يعني راح يعوفني؟

-بس اني مستحيل اعوفه ابد

تناسيت كلامه وكمت اسويله ريوك

سويت وحضرته ورحت كعدته

- ضرغام.... ضرغام

- كعد باوعلي من دون مايرد

- سويت ريوك تعال نتريك

- هز براسه بمعنى اي

ورجع غمض عيونه وانگلب للصفحه الثانيه

كعدت على الصينه انتظره كل شويه اكول هسه يكعد

كمت باوعته بعده نايم توني اكعده انتبهت لروحي بالمرايه شكلي مو مرتب تعبان وشعري مو كلش مرتب

وكفت كدام المرايه سرحت شعري وخليته مفلول

جان لنص ظهري طوله

وكرصت خدي حتى تصير لونهن ورديات

فتحت كنتوره على كيف واخذت من عطره

جانت دشداشتي حلوه لونها زيتوني ومرتبه عليه

باوعت لنفسي هسه من كلشي تمام رحت كعدته

باوعلي بتك عين

- ضرغام والله جوعانه كوم عاد

- باوعلي وكال

امري لله

كام من نومه راح غسل وجهه واجه ينشف جان بالخاولي وجهه

باوعلي جنت واكفه انتظر ينطي رأيه بس بدون ماابين اله هل الشي

كعد يتريك

صب الجاي توه يشرب

مريم الجاي بارد

هسه احمي انت تأخرت بقيت نايم

-اخذته ورحت احمي وجبته اله بسرعه

كعد يتريك وكمل ولاتكلم بشي

كام حتى يبدل ضماد جرح ايده

شفته يريد يبدلها بس جانت بقوه لافيها وهو ايد وحده سليمه مدايكدر

اساعدك تبدلها

- اذا تكدرين

- اي اكدر اجيت يمه كعدت فليتها اله وعقمتها ورديت لفيت ضماد جديد وهو مكتفي يباوعلي حتى مباوع شلون داشتغله او شلون صارت ايده

-ها شلونها هسه

-همس....  عاشت ايدج

وايدك

مريمي حليوه طالعه اليوم

- دنكت بخجل

-مرتاحه مريم يمي

- ابتسمت جاوبته اكيد

- جروحج طابت خو مداتأذيج

- يعني

- تحبني ضرغام

- انتي غاليه عليه

- يعني شنو

- يعني انتي كلي

- مفتهمت

- لوتيه لتحجيني

- اكو سؤال اريد اسأله الك

-وهو

- الطفل الي جان بطني جان صدك ميت

- اي مريم جان ميت

- شلون مات يعني مدااصدك من الانفجار

- العصف شمرج على وجهج وكعتي واكيد بطنج هم تأذت والطفل مات من اثر الضربه

- ماصدكتك

- ماالومج ماجنتي تعرفيني

- كلت دزك الحجي او تريد تنتقم مني

- انتقم من مره ضعيفه بلا جناح مو من شيم الرجوله هاي مريم هاي مو شيم الضررغام

- جنت حابه يجيني هذا الطفل

- ليش هيج جنتي رايدتو

- ماعرف بس حبيت يكون عندي احد من اهلي مني وبيه

- حتى لو من شخص غلط

- هسه اتمنه يكون الي طفل منك

- ابتسم بتعب وطبطب على خدي

صيري عاقله وحبابه

- هو انت هم مردت اجيب طفل

- احمدي ربج مات لو عايش جان بهذلتي تحيرين وين يروح بهذه الدنيا ويلزموه نقطة ضعف والحجي ذا عرف حفيدو هذا مستحيل يخلي عندج جان اخذو منج واول ماتطالبين بي يقتلج ساعتها مريم يتبهذل

- كلت مااكول ابنه شمدري هو

- جان دايدور عليج واكيد اول شغله حيكول عليها الطفل اذا شافج حامل او بيدج

- وانت شلون اجيت

- جر نفس باوع للغرفه كال اجيت لاتكليلي شلون

- انت جنت داتفجر مو

- هز براسه بمعنى لا

- همست مستغربه شنو      مو انت.       لعد منو

زين شمدريك اني هناك

- الي كدامج مو مثل متشوفه عيونج

لاتسألين

- ليش ساعدتني لعد

- نقهرت عليج

- جنت ضاربتك

- طالعه من اعتداء طبيعي ردة فعلج

- ليش ساعدتني وليش خليتني كل هالمده بالمزرعه

- باوعلي متحير

اخذ جكاره وصار يشعلها تكلم همس

انتي ليش تسألين

- لان من حقي اعرف

- طبطب على خدي برقه وكال

هذه الامور مال كبار بعدج صغيره عليها  بنيتي

- انت ليش متحب تحجيلي

- وانتي ليش فضوليه

- لان اريد كلشي اعرف عنك او اي لحضه تجمعني بيك

سكت وماتكلم اخذ نفس من الجكاره بحركه وزفر دخانه

دنك  راسه بعدين رفعه و تكلم بتهرب

اريد اكلج بموضوع بس اريدج تتفهمين وتصيرين عاقله

- شنو

مريم راح اروح كم يوم بشغل

- تلاشت ابتسامتي وهمست شنو

- اعرف هالشي راح يضوجج بس مجبور اروح

- ليش وين وشوكت تجي

- راجع لتخافين

_ بس كلي وين حتروح

- مو مهم تعرفين

- واني زين اني شلون ابقه هنا ولزمته بيدي الاثنين وعيوني تروح عليه يمنه يسره

ضرغام لو رحت يأذوني يضربني الحجي

- والله اليلمس منج شعرايه وحده امحي يضربج شنو

- انت ماموجود

- محد يكدر يوصل عتبة الباب واخذيها مني وعد بس انتي هم صيري عاقله

- ضرغام لتعوفني لتروح

- مريم مااكدر لازم اروح مجبور مريم

- واأهون عليك

- وعيونج  ماتهونين عليه بس مو بيدي

- شلون موبيدك منو عندك بره اهم مني

انت مو كلت كلهم جماعتي بالسجن

- اي

- لعد على منو حتروح

- باوعلي وسكت نطاني ظهره واخذ يشرب بجكارته

جاوبني  وين حتروح

- شمر جكارته بالكاع بعد ماخلصت كال

شغل انه عندي شغل بره مو بس هنا

لهسبب رااح اروح وراح اوصي عليج

- لتعوفني

-مريم مااكدر

- اخذني وياك

- مااكدر

سكتت ونقهرت معرفت شسوي

رفع راسي بطارف اصبعه باوعلي بشفقه

مريمي

فدوه والله مجبور

- همست خلص براحتك

-حضني......  احاول مااطول وان طولت معناها صارلي بعد شغل

لتخافين وصيت عليج

- راح اشتاقلك

ا: انه  هم حشتاقلج

قبلني بجبيني وتكلم وعينه بعيني

مريمي ديري بالج على نفسج

هزيت راسي بمعنى اي تخاف عليه؟

- باوعلي لثواني بعدين تكلم

وحدو الله عالم غلاتج بگلبي شكبرها

واخاف عليج من الهوى لو لامس خصله من شعرج وبعثرها

- لعد ليش حتروح

- مريمي مو وكت احجيلج شي هسه يجي يوم وتعرفين كلشي

انه المهم اريد تنتبهين لنفسج اكلي زين وارتاحي لاتشيلين هم شي

- هزيت براسي بمعنى اي

توجه طلع اغراضه الي يحتاجهن وتوجه حتى يطلع

-  مسح على راسي وكال يله طالع انه

-  باي

مشى حتى يروح قبل لايفتح الباب كال

مريم بغلاتي عندج لاتبجين

- مداابجي

- اعرف بيج حتبقين وحدج وحتتذكريني وحتبجين

- غوركت عيني بسرعه مسحتها

مو اكلج حتبجين انه مامطول فتره وراجع

بس امانه لاتبجين

- ضرغام لتطول محد الي بهاي الدنيا غيرك

- اتبسم بتعب

يعني لو عندج احد بهاي الدنيا غيري انه مو مهم

لا لا بس ماريدك تروح وتبقه هواي

ضرغام انت كل اهلي وناسي انه لو ماانت موجود

اموت ليش ابقه عايشه

- خلص لعد انتبهي لنفسج لخاطري

هزيت براسي بمعنى اي توجه حتى يطلع وراح وسد الباب وراه

راح طلع واحس روحي اخذها وياه بقيت اباوعله من الباب جان الحجي مموجود تكلم هو وابو غضب وطلع....

متحملت اكثر اكابر بجيت واحس البيت وحشه صار عليه شلون حكضيها هيج وحدي

مرت يومين وكأنه سنتين من كثر الوحده والوحشه

ندكت الباب فتحتها جان ليو

شونج مريم

-هلو ليو

- اشتاقيتلج وكلت الضرغام طلع خل اجي اشوفج

- اي تعال ليو

- دخل للبيت وكعدنه نسولف

يعني انتي علمود الضرغام متجي

اي مريم مو متحلف بيه  

شلون

وره مكعدتي بيته اجه عليه كلي

ليو بعد مااقبل تروح على مريم

- بس انه وياها اصدقاء

خلللص بعد ماكو صداقه مرتي صارت

گلك مرتي

- اي  وانتي تزوجين ومتحجين

لاممتزوجني ليو

يعني معقوله گلي هيج حتى مااجي

اكيد

- بس ااااخ مريم حيل نقهرت

بس محجيت ويا كلشي لان هذا عصبي ويروح يتخبل عليه

ضرغام حباب

- وياج عيني انتي مشايفته من يتخبل علينه

ابو غضب كلها متندك بي هو يتعارك ويا وقبل كم يوم حطه وضربه

- لان ضربني الحجي

- هي هاي الضربه مفروض للحجي

- هو شباقي بي بوكسين ينتهي

- اكلج لعد هو وين راح ضرغام صارله يومين ماكو

- باوعت للباب الخارجي وكتله

ماعرف.        ماعرف وين يروح.    غيباته هاي حتموتنييييي......

وكأنك ك البدر المضىء في عتمتة الليل تنير سمائي

فتزيح وحشته

ابات الليل عن يقضةٍ خشيةَ أن تأفل فتغيب بهجة روحي معك

أيا بدراً مضيئاً حلق في سمائنا

فقد غزتنا الليالي الباردةٌ  بوحشتها

وقد اهدتنا كوابيس تٌخنقنا

وعواصف تؤدي بنا الى شتات الطرقِ

أبقَ يابدراً في سمائنا

وأنر عتمة ذلك الدرب.... بقلم رغد الموالي....

تابعو احداث الحلقه القادمه كنت معكم انا رغد الموالي في امان الله ♥

              تـــــــــل الذهـــــب

                  رغــــــــد الموالــــي

ـــــــــــــــــــــــــــــــــــــــــــــــــــــــــــــــ

سديم....

اتصلت عليه والي ردتلي امرأءه

- الو وينك حبيبي

- حبيبج نايم

- شنو. انتي منو

- انتي منو

- اني زوجة ادم هذا مو رقم ادم

- اي تليفونه وادم نايم من يكعد اخلي يخابرج

وسدته....

نار واشتعلت بيه وضاقت الدنيا بعيني احسها صغرت كلش معرفت لحضتها شنو اسوي غير انه اكتفيت ارجع للبيت والتزم الصمت لحد مايرجع

نضفت ورتب وطبخت بصوره اعتياديه

اتصل...

سديم حبيبي تأخرت عليج انتي وين

-  جاوبته بهدوء بالبيت

-تمام جايج محتاجه شي اجيب وياي

لا كلشي موجود

شطبختيلنه

كبسه دجاج

اي زين خل اجيب لبن لعد تره ميت جوع حضريلنه الاكل

اوك

سويت سلطه وحضرت الطرشي وبقت بس الكبسه اقلبها وي جيته

مرت دقاىق قصيره واجه فتحت باب البيت الخارجي ودخل السياره جوه ونزل

اسف حبيبي خليتج ترجعين اليوم وحدج

،  عادي مو مشكله وين جنت

- جنت بالشغل ونسيت تليفوني يم صديقي

- صديقك؟!

- اي حبيبي

يله وين الاكل تره جوعان

حضرته تعال ناكل

كعدنه نتغده بهدوء كملت اكل قبله وكمت احضرله الجاي وهو كمل كعد بالصاله وشغل تلفزيون يتفرج

بقيت افكر....  ليش كال صديقه

خاف صدك

معقوله يم صديقه... والمكالمه......  والكلام

لو فلم حتى يمشيها عليه

زين اواجها

لو اسكت

لو واجهته يمكن يدخل بعيني ويكلي هاذ العندي

وساعتها ماكو خيار امامي غير الطلاك

واذا كتمت معناها قبلت على نفسي ان اعيش مغفله وبلا كرامه

زين شلون.....؟؟

صاح سديم وينج

اجيت

اخذت الجاي ورحت يمه كعدت وبالي صار يودي ويجيب هو كان يتفرج على التلفزيون واني بغير عالم

بين اواجه بين لا

انتبه عليه

وين صافنه

- لا هيج

- بشنو تفكرين

- ماكو شي

- منو وصلج سديم

- اني اجيت

تكسي لو مواصلات

- تكسي

- رجال جبير لو لا

- مانتبهت

-حلوه هاي مال مانتبهت

- انت ليش تسأل

- لا هيج

-افوت انام تعبانه

رحت مددت على سريري

رغم قباحتك تشك بيه ادم بس سهله...

اجه يمي سويت نفسي نايمه

سديم.        سديم.     

نمتي حبيبي.     

حسيت عليه طلع من الغرفه

بقيت بصراع بين يكذب بين لا وحتى دليل ماعندي يثبت

بس هو يكذب والا منو هاي الي دزله مسجات

معقوله صاحبة الصوره

ليش متكون زوجته

يمكن متزوج وعنده اطفال

زين ليش حتى يتزوجني وليش ماعايشه ويا

يمكن تزوجني صفقه

يمكن الله اعلم هذيج زوجته شنو هسه تعاني بسببي

بس شلون تعاني وهي ردتلي

يمكن من حركة گلبها رادت تحرگلي گلبي

رادت تقهرني مثل ماادم يقهرها بيه

مراح اسامحك ادم لو طلعت متزوج

مستحيل ابقه وياك ثانيه وحده 

مشى اليوم اعتيادي والثاني  والثالث ومرت ايام

وصرت اراقب بتليفونه ماكو اي شي

صرت اركز بكل كلمه يكولها خصوصا لمن اكعد احجي ويا

- سؤال فضولي ادم ممكن

- اسألي

- علاقاتك السابقه شلون هيج فجأه كطعتها يعني شكتلهن لصديقاتك

- غيرت رقمي

- مو يعرفون البيت والشركه

- الي تجي تعرف شيصير لهسبب هن هم ماناقصات وجع راس

هي علاقه عابره اخذت فتره وراحت واحد ليش يوجع راسه من وراها

- حبيت بحياتك

- حبيتك الك ياكمييييسل

- يلا شقه حبيت

- اي

- وشنو نهاية هذا الحب

- انه اتزوجج يعني فتركنه

- ليش

- عوفي ليش وخلينه بالمهم ماكو شي

- شتقصد

- طفل ماكو

- ادم صارلنه اسبوعين متزوجين شبسرعه اصير حامل بعدين احنه مو تفقنه اكمل كليه

- اريد طفل منج حبيبي

- اخلص كليه

- هسه متشوفين نفسح الا حامل

- اطمئن ماخذه احتياطي ودااخذ حبوب

- شنوووو حبوبيش هاي

- مانع حمل

- باوعلي بغضب....  تاخذين مانع حمل منو سمحلج

- احنه تفقنه ادم

- اتفاقيش هذا الي تحجين عنه

شوفي سديم حبوب المانع هاي تكطعيها اني اريد اطفال

- اجلت الزواج لان اعرف حتريد اطفال ادم

- اي من حقي

- ومن حقي ادرس

- ادرسي مالازمج اني بس طفل يجينه

- وشلون هااااا شلوووون ميرادله عنايه

- مربيه اجيبله مو مهم

المهم عندي طفل

- الله يخليك ادم هالسنتين تكضي وراها طفل سهله اخلفلك عشره

- سنتين شنو مستحييييل طفل اريد وهذا حقي

- سكتت من جهه حقه ومن جهه اني هم حقي ادرس

- وينه شريط الحبوب

- بجنطتي

- كام على جنطتي طلعه للشريط الحبوب

وحركه على الطباخ

اتسائلت ليش هيج يرجف على طفل ومصرّ انه اخلف طفل

زاد خوفي اكثر وصار عندي دافع اقوه انه اراقبه

مرت الايام.... بيوم وصلني للجامعه فتت بالبدايه لكن مجرد حرك السياره مباشرة وكفت اخذ تكسي تأخرت شويه بعدين صعدت بتكسي ورحت بنفس اتجاه الشارع  عيني يمنه ويسره عل انه اشوف سيارته

ولحسن حضي بموقف السيارات لما كانت التيرفك لايت ناطي إشاره حمره لمحت سيارته من بعيد

ولما حركت السيارات وجهت السايق يلحكه بدون ماينتبه

بقيت وراه لحد ماوقفها للسياره امام بيت ونزل دك الباب ثواني ونفتحت ودخل هو...

ترددت بالبدايه بين انزل وادك الباب بين اراقب للنهايه حتاريت

بالنهايه قررت انزل واواجه قدري وشوف شنو ضامتلي الدنيا......

نزلت وتمشيت ببطئ دكيت الباب دقائق ونفتحت الباب كانت مره تطلع منتصف الثلاثينيات

مكياجها كان كلش طوخ ودشداشه لون اوف وايت تعتليها مداليه ذهب كبيره شعرها فالتها ولونه كان اشقر ذهبي وتعلج وكفت تخوصرت كالت تفضلي حتبقين صافنه بوجهي

ممكن افوت للحمام

- نيالي....  فوتي عيني فوتي

فتت وعيني يمنه يسره اريد اشوف ادم

اشرت على الحمام كالت هنا فوتي

فتت وبقيت واكفه شنو اسوي هاي معرفتني يمكن مو زوجته او زوجته ومتدري

تأخرت ودكت الباب وينج

- لحضه

- تاخررت بعد شويه وطلعت كتلها

ممكن مي

- مي نوب

- سكتت وهي فاتت جوه ورحت وراها فتت من الباب الثانيه جانت على الاستقبال فتحتها وفتت

توجهت بسرعه للغرفه

وارجف گلبي يدك بسرعه  فتحتها

وشفت ادم كاعد بالغرفه اول ماشافني وكف على حيله

سديم....  انتي شجابج هنا

- نزلت دموعي بسرعه همست ليش

- عصب وصاح بوجهي وانتي شجااااااابجججج

- اجت المره تركض باوعتلها وباوعتله واابجي

اجه عليه بقوه ولزمني من زندي شطلعج من الكليه شجاااابجججج

- اجيت اشوف الي دايصير من  ورايه

- تكلمت بااستهزاء ومربعه ايدها

هي هاي مرتك عشتوووو

- باوعتلها وهو كال امشي

ماامشي قبل مااعرف هاي منو

- امشي كتلج

- منو هاي

باوعتله كالت كللها منو اني

- سكتي تقى

- تقى.     هاي تقى

- حجالج عني لازم

امشييييي

- شتصيرللللك.  

- ماتصيرلي شييييي

تقى- شنو مااصيرلك شي اني ويا نحب بعض وقريبا حنزوج

- باوعتله و دموعي تجري  عتني من ايدي ورحت ويا 

صعدت بالسياره وهو صعد وسدها بقوه وحرك سيارته بسرعه بدقيقتين وصلنه للبيت

نزل ونزلت واول مافتنه تكلم

شجابج ست شطلعج من الكليه

- مارديت

- جايه تراقبيني انتي الرجال لو اني شلون تطلعين واني ماادري

- مارديت

-  احجيييي

- وجاي تكلي شطلعج؟

وتراقبيني؟

من حقيييييي

انت صارلك فتره تكذب اااادم

- اني كذاب

- ايييي تكذب عليه تكلي ماعندي شي وكطعت كل علاقاتي تاليتك وياها بعدككك

- بكيفي اسوي الي يعجبني متمنعيني انتيي

-طول مااني زوجتك الي احترامي ومن حقي امنعك

اني هنا مو للخلفه والكراب وحضرتك مخليلك كم وحده للمزاج

- انتي عليمن تنترين وتراددين

- هذا حق مو ارادد

-المطلوب شنو ست

- منو هاي وشنو علاقتكم

- صاحبتي

تتركها

- سكت

- ادم اذا تبقه بهاي علاقاتك اني وياك كل واحد بطريق

- انتي شنو تهددين

- شلون متحسبها احسبها

ولج اني ماااتهدد ادم اني ادم

بكيفي واسوي الي يعجبني ودام طلعتي وتراقبين ورايه لااعاند واسوي الي اريده يعجبج بعجبج مايعجبج يطبج مرض

وعافني وطلع سد الباب بقوه وراه

خذلانه الي جان كلش صعب

هو هذا الي تزوجته وردته يكون الي عون بس اني استاهل اني الي قبلت بي رغم مساوىه

لميت ملابسي ورحت لبيت خالي طول الطريق الف فكره اجت براسي وذكريات وخيبات والم

مرات تنزل دموعي وانتبه سايق الكوستر ينتبه لمن ابجي لهسبب اكابر وامسحها بسرعه

شريط ذكريات يمر عليه

ذكرياتي الأليمه منين ابديها من طفولتي القاسيه

عشتها بحرمان بألم 

بحسرة ام واب يحتوني

بدايات طفولتي كنت اعيش  اني واختي مريم مشتتين  بين بيوت خوالي

يوم هنا ويوم هناك  تذكرت مرت خالي وهي تسولفلي عني وعن مريم..

جنتو صغار وحده تحب الثانيه  مرات تكونين نايمه مريم جنه اذا ننطيها شي جبس او بسكت ماتاكله الا

لما تكعدين وتاكلوه سويه

جنتو تنامون وحده يم الثانيه

وتلعبون سويه

وابد مااسمعكم تتعاركون مو مثل جهالي

حتى مرت خالج منار مره كالت

دباعيهن شلون وحده تحب الثانيه جهالنه شكد نعلم بيهم ونربي ماكو فايده

والي ماعدهن ام تربي متربايات صدك كلشي قسمه وحظ

مره وكعت مريم ونجرحت وانتي بقيتي تبجين عليها

حتى بعد ماخفت جروحها صرتي تخافين عليها

وتصيحين اوااا

تاليتنه اني ومريم كل وحده بدنيا الله اعلم هي هسه عايشه ميته وين هي

وشنو تسوي شلون تمشي حياتها

هم متزوجه...  لو لا

بين عاىله لو لا

عايشه لووو

ومكدرت اكملها بجيت

وصلت بيت خالي دكيت الباب ك العاده تتلكاني مرت خالي هله هله بنتي سديم

ولما وكعت عينها على جنطتي اختفت ابتسامتها

هاي شنو

شنو هاي الجنطه الي وياج

- اني وادم خللص انتهى كلشي

- شنو شتحجين

بجيت متحملت حضنتني وكالت

يمه سديم ليش شنو الي صار

عين وصابتكم جنتو عصافير حب

- فتنه جوه

وكعدت تسأل على الي صار وسولفتلها

-  وجامعتج شلون

- هاهيه هاي السنه اصلا مفتهمت منها كلشي جامعتيش

لتنقهرين وعيونج ميلكه ظفرج 

ليجي وليتوسل وانتي الي راح تردين اعتبارج

يله كومي غيري ملابسج شلون دولمه حامضه مسويه تلوك لهل الحلك كومي

- ابتسمت وكمت غيرت ملابسي وغسلت

خلت مرت خالي الخبزه بالصينيه وگلبت جدر الدولمه

ولما شالتها جان منظرها يفتح النفس

- دكلي سديم شوفيها شلون دولمه لتنسيج القهر مال ادم

- ابتسمت مجامله وتغديت وياهم

وغسلنه مواعين وشربنه الجاي

عادات روتينيه اعتياديه تتعايش والي بيك يهدم جبال

مرت ايام وجنت كل ليله ابجي وهو لا اتصل ولا حتى اعتذر على الي صار

سمعتني مرت خالي  بالليل ابجي اجت

سديم تبجين شبيج

مابيه خاله

- ليش يمه ليش تسوين بنفسج هيج

- لعد فوك الي سواه حتى مااعتذر ماحسسني الي قدر عنده ليش هيج

- اتركي ووصدكيني يجيج ويعتذر بس هسه يكابر

- شتركه خاله متكليلي

- حقج بس خو متبقين تبجين تعالي بحضني اقرالج

واحصنج بالقران بنتي

خليت راسي بحضنها على رجلها وصارت تقرالي وتمسح على راسي

ايات قرانيه ومن ضمنها اية الكرسي جانت تقره..

بسم الله الرحمن الرحيم...

الله لا إله الا هو........ 

وصلت (( وَلاَ يَؤُودُهُ حِفْظُهُمَا)) 

خاله شنو معناها داىما اسمعها

- معنى ولايؤودٌهٌ... أثقله

جاء عن الشيخ الشعراوي رحمة الله عليه انه معنى ولايؤوده اي اثقله

وحتى ابسطها الج اكثر

مثلا هسه انسان يكدر يشيل عشر كيلوات

من حنزيدها عشره حتصير عشرين مراح يكدر يشيلها الا بإنحناء العمود الفقري ولو زدناها عشره حتصير ثلاثين ولو شالها يمكن يوكع من فرط الحمل الثقيل

ومعنى ولايؤوده حفظهما اي لايثقل على الله حفظ السماوات والارض

احنه السماء والارض مكدرت العين توسعها يعني

تشوفها كلها لكن وسعها الكرسي الرباني

الله قادر على اتساع واحتواء وادارة هذا الكون العجيب

سديم-- سبحان الله

الله على كلشي قدير

وانتي كلتيها الله على كلشي قدير يكدر يابنتي يغير حال ادم من حال الى حال

هو فاسد وبلا دين وخلق تكدرين انتي تغيري

يابنتي المره تغير الرجال

الا هذا خاله مشفت مثله

- مجربتي لو مجربه يتغير

- وهو وينه سعيد بلي دايسوي حتى الي ماعبرني واجاني

- اصبري بنتي اصبري

- من هو هذا الشيخ الشعراوي

هذا شيخ مصري اسمه محمد متولي الشعراوي

عالم دين ويعد وزير الاوقاف المصري

اشهر المفسرين معاني القران الكريم

بطرق مبسطه ومحببه للمسلمين كدر يدخل ويأسر قلوب الناس ويحبون الاسلام اكثر

- يعني مثل الشيخ احمد الوائلي

- رحمة الله عليه..  اي مثله

-داىما احب اسمعله كلما اختنك واضوج احب اسمع الكلام الي يكوله ارتاح

- احمد الواىلي ميتكرر ابد  ..  احنا البشر نحتاج تطهير للنفس هذا التكهير يجي لما تستمع لكلام يريحك نفسيا الاحتواء الديني الرحمه الربانيه الي تغمرنه وقت مااحنه نسمع لكلام يقربنا لله عز وجل اويصبرنا على ابتلاءات الدنيا او يخلصنا من هوسة الحياة نفسيا تلكين نفسج خفيفه وكأنه ملائكة الله

حفتج وازاحت همومج

ياسديم الله مينسانا ابد...  حتى لو احنا نغلط ونسوي اشياء يمكن تغضبه بس لما نرجعله نادمين يحتوينا

ادم لو تقرب لله بقلب خاشع ونادم

الله يفتحله باب التوبه

تعرفين التقرب شلون لازم يكون

- شلون

- يكون انه المؤمن يتعبد الله كالعاصي

والعاصي يتعبد الله كالمؤمن

- جميل

- لهسبب ابد لاتكولين هذا سيء بيا وجه يقابل ربه لتنسين الله نطاه يوم جديد بالحياة معناها ابواب التوبه مفتوحه

- ابو طبع مايتغير

- اقوال احنه افتعلناها....  هواي فنانيين كانو يجهرون بالمعصيه وتابو وهسه صارو احسن الناس

- صعب خاله صعب مشفتي الي اني شفته

يعني

ااااخ

اني صوجي

صوجي اقبل بي

واحد زاني.... شارب للخمر....  شلون اقبل بي

- يمكن الله خلاج بدربه تهدي

هو متغرب عن اهله

وكان شاب اعزب والوكت هذا وكتنه اغبر

واكو نسوان اعوذ بالله منهم توكع الي ميوكع

احجيلج سالفة هاروت وماروت

حتى تعرفين ليش الله يسامحنه

هاروت وماروت كانو ملاىكه

الله سبحانه وتعالى انزلهم للارض يختبرهم هل هم يستطيعون الصبر على ملذات الدنيا

لان هم كالو احنا نكدر نصبر

فلما نزلو للارض بهيىة بشر وكأنهم بشر لكن هم ملاىكه في الاصل

هذوله اجاهم الشيطان بهيئة إمرأه جميله جدا فاتنه

مغريه فأثارتهم ورادو يعملون وياها الفاحشه لكن اشترط عليهم انه يحتسون الخمر

واحتسو الخمر بعدها كالت الهم اسجدو للصنم

سجدو وفعلو الفاحشه

لما صحو من سكرتهم وعرفو شنو سوو

رادو يصعدون للسماء لكن ماكدرو يصعدون

بعد لان الله غضب عليهم فطردهم من رحمته

تقول الروايات انه الله خيرهم بالعذاب

عذاب الدنيا ام عذاب الاخره

فاأختارو عذاب الدنيا

- ليش

- لان هم شايفين عذاب الاخره مؤلم فاأي عذاب غير عذاب الاخره يكون اهون

فعاشو في بئر في بابل

وعقابهم كان أنه يتنفسون دخان اهل الدنيا

يعني مو اوكسجين

دخان

انتي تخيلي تكدرين توكفين بدخانه لثانيه وحده

- لا مستحيل

لكن هم عاشو هيج

لهسبب يابنتي الارض ماارادت اانه بني ادم تخلق من طينتها

-شلون يعني

- لما اراد الله ان يخلق البشر وهو اول الخلق ابونا ادم

اوحى الله للارض الملك جبرائيل انه يقبظ قبضه من الارض يعني ياخذ تراب

فكالت الارض لجبرائيل...  اقسمت عليك بالذي بعثك لاتأخذ من تربتي

ف لان اقسمت عليه..  صعد جبرائيل للسماء ومااخذ

ولما اوحى اسرافيل اقسمت عليه ايضا

فرجع للسماء اسرافيل

ولما اوحى عزرائيل اقسمت عليه هو الاخر

لكن كان رد عزرائيل

( وأنا لاأعصي امر ربي...  ف أخذ قبظه من الارض وصعد للسماء...  لهذا السبب وكله الله عز وجل في قبض الارواح)

معلومات حلوه خاله والاخيره صدمتني

- طاعة الله اوجب من كلشي يابنتي

- زين شنو اسوي هسه

- لاتبادرين لان هو ممبادر

فااريدج ترجعين للكليه مالتج وهو ماله حق يمنعج

- ارجع

- اي تروحين وتداومين وتعوفي صارلج هنا كم يوم وهو ولا اجه ولااهتم

- يعني تشوفين هيج عمه

- اي

حنتظر يومين نوب اذا مااجه اروح واداوم

هاهيه الي تشوفي

اذن الفجر كومي نصلي

- سهرتج وياي خاله

-لا بنيتي عادي امشي نصلي

- فرشنه السجادات ووكفنه نصلي وي صوت الاذان وهدوء الليل يقشعر الجلد

صلينه وكملنه واتجهنه للنوم اخيرا

ثاني يوم ندكت الباب

جانت الدنيا ظهر فتحتها للباب ومن دون ماابين وكفت وره الباب كلت منو

العفو ابو البيت اذا موجود

- لا والله

- الحجيه

- اي موجوده ثواني

- لبست خالتي العبايه وطلعت

وكفت اسمعهم من وره الباب

انه سألت على بيت اللواء سعد كالو هنا بالمنطقه هاي

- اي جيرانه جانو

- وين هم

- سافرو خافو على اطفالهم وسافرو

-معرفتو وين راحو

- لا

- العفو خاله بيت منو انتو

بيت ابو حسن

سمعت نخطفت وحده من المنطقه ولهسبب سافر اللواء

- اي.....  وصارت تبجي....  اي بنتنا مريم تؤم اختها سديم جانت صغيره سوده عليه... 

- ومالكيتوها

- لا

- واختها وين عايشه

- ويانه

سكوت لثواني.....  بعدين حجت

- انت شتريد من اللواء وتسأل

- مااريد منو شي بس اجيت عليه بمصلحه

ماشي خاله اترخص

- غالي وليدي

- فاتت خاله جوه وتمسح بشيلتها دموعها

-  منو هذا الرجال خاله وليش هيج اخذ معلومات وراح

- يامعلومات بنتي جاي يسأل على بيت اللواء سعد

- اي وشذكره بي شدراه رايدين يخطفون بنته

- تلكي سامع من اهل المنطقه

-مبين غريب ومو من اهل المنطقه لهجته تختلف

-سديم لتكبرين الموضوع اللواء سعد معارفه من شمال العراق لجنوبه

بس سوده عليه مريم ورجعت تبجي

سوده عليه يايمه لو بس ادري وين صفه بيج الدهر وين صرتي

والله الموت اهون من هيج فراك

على الاقل اكو گبر اروح ازوره ابجي عليه اذب حرگة گلبي بي

ياسواد وجهي من امكم شراح اكلها لو متت وسألتني عليكم

شگلها ضيعت وحده من بناتج

والله اعلم بيد من صفت وصارت

لو بنتج الثانيه الي نجبرت تتزوج من ضيق الحال

الشكوى الك يارب

مسحت دمعتها وكالت اكلج سديم نسيت اكلج

كالتلي جيرانه ام محمود اكو ناس اهلها ماتو بزمن صدام ونطوهم فلوس ورواتب

-ههههه وانتي تصدكين بهاي الامور

-اي لان يعتبرون متضررين النظام السابق

- خاله الله وكيلج روحي وتعالي من دائره لدائره وهاهيه خليني هسه بضيمي

- مثل مكتلج رجعي داومي حتخسرين دراستج

-باجر حروح.....

حضرت ملابسي ورحت للاقسام وي البنات وصرت اداوم جامعه واروح واجي

كاعده بالجامعه وصافنه على الطلاب الي يقره والي يسولف شباب وبنات بااول عمرهم والحياة الهم

بلا زواج وهمومه ويعيشون بظل ام واب

كانت امس خالتي هيجت اوجاع السنين

للحضات تخايلت لو اني ومريم هسه هنا 

تدرس وتروح وتجي

احجيلها الي بگلبي وتحجيلي الي بگلبها

بس الدنيا استحيفت حتى  الحلم والضحكه

توجهت حتى اروح للاقسام صادفني رجل

- سلام عليكم

- عليكم السلام

- انتي اخت مريم

- اي اختها  منو انت ومنين تعرف مريم

- اعرفها لااختج مريم

- فزيت....  شنووو تعرفها.   منين تعرفها وشلون ومنو انت

- الكلام مو مال نكعد هنا ونحجي تكدرين تجين وياي هاي سيارتي واسولفلج

- لاامااكدر اصعد وياك

- مو ضوع مهم والا مااكلج

عموما مو مشكله نكدر نكعد بحديقه عامه  او وين تحبين

- اكو هنا كافتريا قريبه نكعد ونحجي

- براحتج

- كعدنه ونحجي

- انت نفسك الي اجيت لخالتي قبل ايام

-اي جنت رايد اتاكد انتو لو لا

- منو انت ومنين تعرف مريم

- مو مهم منو انه خلينا نحجي بالمفيد

- شنو هو

- اختج مريم موجوده واعرفها وين

- فزيت بدهشه...  شنو وين هي بيا مكان اخذني االها

- انتو متروحولها هي تجيكم

-شوكت شنو ليش وين هي

- هلى كيفج أهدأي

مريم تعيش بمنطقه والي خطفتها عصابه هي ربت وكبرت بنصهم لهسبب صعب تروحولها

- نعصر گلبي من عرفت وشلون حالها

- زينه هي

- انت شلون عرفت

- مو مهم شلون عرفت بس وكت مااجيبها تطلعون مستمسكاتها الي تثبت هاي البنيه بتكم علمود القضاء من يدخل متنحكم اختج بالاجرام هي عاشت وياهم وحتدخل بقضايا هي في غنى عنها

- اي اي ماشي

- اروح انه

- زين رقمك عنوانك اسمك  على الاقل

- بدون مايتكلم كتب رقمه وطلع

رجعت لبيت خالي مامصدكه اسولفلها لمرت خالي

- خاله مريم

مريم

-شبيها مريم

- خاله مريم لكيناها

- دكت على صدرها ببانفعال كالت

شنووو

شتحجيييييييين

- اليوم

اليوم

اجاني الي لكاها

عايشه خاله

عايشه

- وينها

ومنو هذا

- حيجيبها هو

- منو ولج اهدأي وسولفيلي

- اليوم اجاني واحد للجامعه كال انه هو يعرفها لمريم وكلي هي وين بس كال متكدرون ترحون لان هي يم عصابه

- وشلون حيجيبها

مادري كال خليها عليه

- منو هذا متعرفي

- لا

سكتت لثواني بعدين تكلمت

خاله هو الي اجه قبل كم يوم ايده بيها شي

- اي جانت مضمده

اي لعد هو نفسه هذا الي اجه وسأل

- يارب يكون فعلا كلامه وكون لكاها ويرجعها لمريم بالسلامه واني

اني ياسديم جان عندي امل بأنه حنعرف خبر عن مريم

راح يجي يوم ونعرف شي عنها جتى لو كانت ميته

الحمد لله عرفناها عايشه حتى لو وي عصابه

- برأيج. خاله وي عصابه

يعني شلون حالها تلكيها تربيتها غير تربيتنه

اطباعها غير اطباعنه

خاف متعلمه وحشيتهم وقساوتهم

- خاله شنسوي المهم لكيناها

الحمد لله

المهم لكيناها بعد ننتظر هذا الرجال شنو يسوي فعلا حيجيبها لمريم.......

- مريم.....

جان الضرغام بالمنطقه اجه من بعد غياب استمر ايام

حاوطوه جماعة الحجي والحجي على راسهم وكف تكلم

والله ونورت المنطقه ياسيادة النقيب.......

مهما اختفينا لابد ان نظهر ذات يوم

لابد لنا ان تكشفنا الايام

ان تحط رحالها عندنا

لنواجه مصيرنا.....

كنت معكم انا رغد الموالي في امان الله ♥

انستا... Raghad almoualy 

ـــــــــــــــــــــــــــــــــــــــــــــــــــــــــــــــ

مرريم......

مرت ايام على اختفاء الضرغام

الحجي والولد صارو على طول بالمنطقه وعلى طول اشوفهم ملتمين ويحجون كعداتهم سويه كثرت

بيوم جنت نايمه واسمع الباب ندفرت وجروني من شعري من فراشي

شكوووووو ستار عوفنييييي

اشششش سكتيييييي.

وداني شمرني يم الحجي وجان هو كاعد ويمه الولد

ابتسم بحقاره.. كال كوميييي

كم وكفت واامسح بدمعي اعدل بشعري بحالي

كال

سؤال واحد اسألج متجاوبين تعرفين مصيرج

شنو هو

منو الضرعام

م م م م منو واالله مادري

باوع لستتر اجه سحب شعري وكال احجييييي

- حجي اني مااعرف شي حتى على شنو تحجي مااعرف

وكف وصاح بعلو صوته بوجهي

شنو متعرفيييييين

عايشه وياااااا ترحين وتجيييييين

- ماعرفه حجي والله ماعرفه

صاح على ستار

ستااااااار

بلي حجي

عرّفها منو الضرغام

طلع علاكه سوده وبيها اوراق طلع صوره الحجي

وشوفها الي

هااااج شوفييييي

اباوع ضرغام لابس بدله عسكري ويمه رياجيل هم لابسين عسكري واكفين

طلع صوره ثانيه ضرغام كاعد على كرسي ملكي ويمه ولد ثنين واحد من جهة اليمين واكف والثاني من جهة اليسار وبحضنه بنيه صغيره كاعده على رجله

هذاااااا ضرغاااااااااااام

ضااااااااااااااابط

ومتزوج وعنده 3 جهال

متدرييييييين

نزلت دموعي وتكلمت بفزه

حجي والله ماادري

مااعرف

ماكال الي

والي متعرفي نوب

نقيب بجهاز مكافحة الارهاب.... وصاير مخبر سري علينه

كشفنا كدام الحكومه

جا يترقه براسنااااااا

يعني كلنه هسه اوراقنه محتركه يم الحكومه وحتى انتي

نصدمت ومعرفت شنو احجي

جرني من زيك دشداشتي وتكلم بفحيح

اذا نطقتي بكلمه واذا كتيله ماتلومين الا نفسج

اختج التوأم تنقتل

احنا نعرفها ونندل بيتها تنقتلللللل

لو فتحتي حلكج بكلمه وحتى تثبتين ولائج النه وتحافضين على حياة اختج تقتلين الضرغام

- بااندهاش.... انييييي اقتله

حجي

شلووووون

تقتليييييي

مستحيل مااكدر

وجزني من شعري

لعد بس عرفتي تقتلين حمزه

مااكدر

مااكد.ر. هو

تقتلي ومن اكول تقتلي تقتلي وامشي يله منا

يلللللله

- باوعت لبو غضب جان حاله اسوء من حالي

منصدم والحجي خلص مني استلم ابو غضب

وانننننتتتت متدري بي ضابططط

متدريييييييي

- ونتر ابو غضب

وانه ادرييييييييييي

انه بالسجن وهو جاااااا

انه شمدرينييييييي

كله منك

انت السبببببببب انت

- والعمل شلووووون احنه هسه اذا نطلع نتهينا معناهاااااا

لا دام بعد مدخلت الشرطه معناها ضرغام بعده يجمع ادله

ستار- قتل القبرص هو قتله

-باوعلي الحجي

ولج مريييييييم هو قتل القبرص

هااااا

م م م م م م مادري

م ماادري حجي

ونتر.... لعد بشنو تدريييييين

وباوع للولد هووووو

ماكو غيره هو قتله

ستار- -مريم تضمله وتدري بكلشي حجي متأكد

والله لااخليها بيدها تقتله

ستار-يعني معقوله مجان يخابر بالمزرعه بالبيت متجي مخابرات منا منا غيرنه

ماادري هو حتى لمن جنت اسأله يكلي الحجي

نتر وكال

والله لااخليه يتمناه للموت ومايطوله

انه الك يالضرغام

- راح الحجي صعد لسيارته كال من يجي هذا الكلب تنطوني خبر وهااااااي اشر عليه

ديربالكم منهااااا تروح تخابره وتكله انتبهو من مريم ستااااار

بلي حجي

احبسها بغرفتها بيته منا لما يجي الضرغام واول ماتشوفو جا فتحو الباب وتصرفو طبيعي لحد مااجي ضرغام ذكي ونجر ديربالكم منه

شغلووووو عقللللكمممممم

ماشي حجي

لتنسه تفكها قبل لايشوفها تره كبل حيعرف تليفون صغير تنجح خطته

-ماشي حجي

وباوع لاابو غضب... وانتتتت حسابك يمي ثكيييييل

- وانه ادريييييي

اييييييي تدريييييييي

حجي ماادريييي جنت بالسجن وهو دخل وي الحوووت

- مو وي الحوووووووت انه دزيت جماعه ودوله صورته كال هذا مو الضرغام

مريم... كلت بهمس.. حتى اسمك كذب كلشي كذب

واني

زين اني...

ابو غضب وهو يصيح... وانه شدررراااانييييي

مو كتلي حسأل عليه يلا ادخله بيناتنه

الحجي صفك ايد بإيد وكال

كلها صح

كل المعلومات صحييييح

لعد انه شعلااااااااي

- ولك حركنه هسه احنه ورقه وانتهتتتتتت باقيه اشاره صغيره منه ننتهي بس والله

والله ماعوف تل الذهب اذا مااقتله

وانه الك يالضرغام

باوعلي وصرخ بالولد هاي لساهااااا

طببوها جوه

تحجيله كلشي لرجلها بس يجيييييي

- رجلي... ليش مفهمهم اني زوجته هذا شيحجي

فوتوني جوه بالغرفه وقفلو الباب

زاد قهري وخيبه من جديد

يعني مستخدمني وسيله حتى يغطي على كل الي يسوي ويكلهم اني زوجته يبعد الشبهات عنه

ومزوج وعنده ولد ثنين وبنت زين ليش هيج

ليش هيج ضرغام حتى اسمك كذب

منو انت وشنو اسمك ومنو هذا الي كلمتني عليه

لهسبب جنت تكلي....

مااريدج بيوم تكرهيني...

صارت تتوارد عليه الذكريات...

من جان يجيه اتصال ويروح لمكان بعيد عني ويخابر

ونظراته الي جانت تترقبلي بخوف

جنت اكول خوف عليه

طلع خايف مني لااسمعه وابلغ الحجي عليه

ليش حتى ثقه ماعنده بيه واني ثقيت بي

ويكلي شفتج بالانفجار وجنت افجر لو جنت بواجبك الامني وشفتني

صارت تتوارد بداخلي اسأله هواي

معقوله هو يعرف الضابط علاء وعرف اني وين واجاني.... بيومها نهزمت منه وهو اجاني

زين ليش ساعدني...

ليش اجاني.... ليش جان يكذب

ليش من سألته عن تاريخه كلي مجرم والف قصه ماموجوده اساسا

وفوك كل هذا متزوج

زين ليش تخليني اتعود عليك

وتعلقني بيك اني والله مااتحمل فكرة انه انسانه بحياته

يبني وياها حياته وتشاركه افراحه واحزانه

من حقها كلشي اما اني مو من حقي

اختارتلي الدنيا وحدي وراح ابقه وحيده

وماعندي احد

ياوجعي منك يالضرغام ياخيبتي منك

فتحت الباب وجان الحجي تكلم وهو يهدد

اي شي متبينين اله تتصرفين طبيعي اي حركه اي نظره اختج تنتهي وتنقتل افتهمتيييي

هزيت براسي بمعنى اي وهو راح وسد الباب بقوه

احس روحي نتهت وي قفلت هالباب يأست واستوعبت الحقيقه الي عرفتها اليوم

زين شنو اسوي وشلون

ليش هيج ضرغام تسوي بيه لييييييييششششش

مرت ثلاث ايام واجه سعدي فتح الباب كال

كومي مريم اجه الضرغام مثل مكتلج لتبينين شي

والا تعرفين شنو يصير

فز گلبي وي مكال اجه بس خفت حيل

خفت عليه لايأذوه

ايدي ورجلي ثلجت وحيل خايفه

توترت حيل ولزمتني رعشه خفيفه

سعدي عبر من الحايط على البيت الثاني

واني بقيت انتظره يجي

وافكر

اكله لو لا

راح يقتلوه ويأذوه لو ماكتله

وااختي خاف يكتلوها

زين هي وين هم شمدريهم بمكانها

يمكن كالوا هيج حتى ديهددوني مااكله

وبقيت اروح واجي بالبيت وافرك ايد باايد مثبوره وحايره وماادري شنو اسوي

دمي احسه نااشف. وهو ماعرف ليش تاأخر

صارت الدقاىق عندي بسنه

هناك واجه الضرغام..

اتبسم اول ماشافني

شونج

زينه

ضمني  وهمس اشتاقيتلج

- حاولت اكابر ماابجي بس بجيت اشتميت ريحته وبجيت جنت صدك مشتاقتله

- باوعلي ليش تبجين

- ضر

ضرغام اريد اكلك شي

- مسحي دموعج بالاول

مسحتها ضرغام انت

شششششش لتحجين شوفي شنو جبتلج

طلع مداليه زنجيلها ذهب والمداليه بيها شذره لونها ازرق كال

هاي ياقوت ازرق جبتلج

- ضرغام

مااهتملي ودارني حتى يلبسني المداليه

لبسها والتفتت اله

ضرغام--- طالعه حلوه حيل

عجبتج مريمي

- ضرغام اسمعني

- عقد حاجبه شبيج اشو مو على بعضج وترجفين

تلمس ايدي ايدج بارده

بيج شي مريم

تلمس جبيني مصخنه

ضرغام انت لازم تروح

- ليش

- ضرغام اطلع انهزم روح منا

بهذه الاثناء ودفع الحجي الباب كال

والله ونورت ياسيادة النقيب

مباشرة التفت الهم وضمني وراه

الحجي- نورت يعميل جهاز مكافحة الارهاب ههههه والله لانشوفك الارهاب على اصوله

- ماارد اكتفى يباوعلهم

تقدم الحجي بس هو ماتراجع بقه واكف واني احاول اجره

ضرغام وخر ضرغام

الحجي،- ميفيدك هسه لا قانون ولادوله الي تبيعنه علمودها سحب سلاحه داايضربه

دفرها برجله ضرغام ونفر المسدس بعيد

جر بسرعه الحجي من زيكه ونطاه گله

ونزلو عليه جماعة الحجي

بقه هو محوطني بيد وحده الايد الي تصوبت والثانيه يتصدالهم

صارو عليه هواي وحتى ابو غضب بقه متصنم بمكانه

ماصدرت منه اي ردة فعل

كومو للحجي وكوه وكف كال لزموه

والله لااخليك تترجاني حتى تموت

ستار- حجي نقتله ونطلع منا

- مو قبل مانخليه يشوف الموت محد يقتله

الضرغام _ اذا انت رجال اقتلني ولاتصير جبان ومتحزم برجالك

- عوف الحليوه هاي تره تدري من ايام وماكلتلك

هه تدافعلها وخايف عليها

- عوفها طلعها بره تل الذهب وانه وياك نتصافى تريد تقتلني اقتلني مو مهم بس طلعها

- متطلع ومرتك حعرف شسويلها

- صرخ بي

تعوفهاااااا متستكدر على مره تعوفهااااا

- صاح للولد... لزموووه

جون عليه رادو يلزموه تراجع لحد ماصار بزاويه نحصرت اني بزاويه وهو كدامي وخرها لايده عني وصار يتصدالهم بيده الاثنين شويه شويه يتمشى واني وراه لحد ماوصل الباب صرخ مرررريمم انهزمييييييي

روحيييييي

للمكان الي كتلج عليه

واني ارجف ماعرف شسوي بقيت واكفه

دفعني بسرعه بيده كال اطلعييييييييي

جان يباوعلي توني انهزم وضربو بجعب السلاح على راسه مباشرة وكع مغمي عليه

صرررخت عليه

ضرررغااااام

وابجي ضرررغاااام اجيت يمه دااكعده بس هو منتهي مايجاوب كوموني منه وشالوه للضرغام واني اصرخ

مات

قتلتووووه

ولكم ماااات

وابجيييييي واصرخ عليه ضرغاااااام

شفتهم فوتو لبيت من البيوت المظلمه الي حبسوني بيها مره

واني خلوني بيت ابو غضب

ابو غضب اخذني خلاني بيته اول مااستوعبت اني وين

وصار بوجهي ابو غضب بصقت عليه

نذذذل جان مأمن بيك

ليش هااا جان تكدر تخابره تحذررره لييييييش

ولج نقييييييب

تعرفين شنووووو نقيييييييب

وبجهاز مكافحة الارهاااااااب

خطر هذا خطررررر

مثل قنبله موقوته بأي لحضه تنفجررررررر

- اجيت عليه اتوسل

خلصه الحجي حيعذبه ابوس ايدك خلص الضرغام

- مااكدر ونتر بصياح مااااااكدررررر

حيقتلووووه ضرغااااااام حيموووووت

لعد احنه نموووووووت

ولج مسلمنه هسه بيد الحكومه اشاره وحده منه نحتررررك وحتى انتي

ولج حتى انتي ويانه

مايسويها مستحيل

- شنو المستحيل هااااا شنو المستحيل

ميدري بقتلج لحمزه هاااا

وعشتي ويانه وجنتي مسؤوله على خطف الاطفال وتجارتهم بالاعضاء منو محاميهم مو انتيييي

- اني

اني

شعليه

انتو. انتو جبرتوني وكتولي داريهم

-روحي كولي هذااااا الحجيييييي للحكومه

كليله لضرغااااااام نفسه

ولج كذب علينه كلنه

تعالي كليلي

كلج هو متزوج

همست لا

- شفتي شكتلج مو يكذب وحتى عليج

- نترت.... بس انت جنت تدريييي

انت جنت تضمله من يرووووح مو جنت تكذب على الحجي

- كلي متزوج ايييي وكتله للحجي

بعدين عبالي انتي تدرريييين

كلي احبها واذا مصدكت لاتأكدلها

- اني صوجي مصدكت

- حتى تعرفين شكد انتي مخدوعه بي كذاااااب

- بس خلصه الله يخليك حتى لو كذب عليه خلصه

مااتحمل اشوفه يتعذب

- مااكدر ولج مريم مااااكدرررررر

ضرغام حركني هسه انه لتف حبل المشنقه عليه وحتى انتي ولج ليش متستوعبين

- صرت ابجي وضميت وجهي بكفوف ايدي

مدااستوعب الي صار احسه حلمممم

صرخت بوجع... ضرغااااام

ولك ليش هيج تسوي بيه لييييييييش

جنت تكلي خايف بيوم تكرهيني

اكرررهككككك

تكذب عليه تكذذذذذذب

وكعدت بالكاع ابجي بحركه

بقيت بيت ابو غضب الوضع حيل تأززم بالليل طلعو للضرغام من البيت بناءا على طلب الحجي

- جيبو للضرغام

طلعو جانت ايده مكلبجه للامام

وكف كدام الحجي

وتكلم الحجي

قبل جنت اسميك الاسد

ولحد هسه يالضرغام اسميك الاسد

تعرف ليش

ماردله بس مكتفي يباوع

لان كدرت تبقه وتعيش ويانه كل هالفتره وماكشفناك

حتى على الحوت لعبتها

-مارد

- كلي شلون تحب نعذبك وتعترف بكلشي

وله اكلك

انتو شلون تخلون الارهابي يعترف ياابطال مكافحة الارهاب هه

- مارد

- تكهربوهم..... لو تجلدوهم.....

انه سامع تجلدوهم

انت تجلد ضرغام

مارد

صيح احجيييييييي

- رد بهدوء.... مريم وين

وضحك الحجي بصوت عالي

مريم

ههههههههههه مريم هاي بححححح

سفرتها لفوووووك

خزره بعينه ورد عاد كلامه بهدوؤء مريم وين

- هذا صار ميفتهم ابو غضبببب رد عليه

باوعله لاابو غضب بحقد وابو غضب يتلاشى بنظره عن الضرغام

كله جمله لابو غضب

جان وكفت بعينك انه وكفت بظهرك وخلصتك من بلوه شكبرها تتذكرها لو نسيت

- دنك راسه بخجل والحجي نط

شنووو ياوكفه هذا شيحجييييي

ابو غضب- سالفه بينه حجي راحت هي قديمه

- تقدم الحجي على الضرغام والضرغام على وكفته وهيبته تحسه ولا ملزوم ولاهازته لو شويه

الحجي جان اكصر منه بس متقوي برجاله

وكف يم الضرغام باوعله كله

شلون اقتلك الف مره

اقتلك بيها

- والله اذا مسيت شعره منها متخلص لو حتى تقتلني اكو من حياخذلها حقها انه موصي ضباط الجهاز كله عليها يطلعوك لو تصير بااخر نقطه بالارض

- ضحكتني ومااريد اضحك

والي تحلف بي لااخليهم يغتصبوها كدام عينك

- ضربه الضرغام بيده الاثنين بوكس للحجي اجت على حنكه وحلكه ودم صار يجري

مباشرة لزموه للضرغام وصار يضربون بي الولد

وهو مقيد مايكدر يدافع عن نفسه واني من شفته كامو يضربوه وكعو بالكاع ودفرات يضربون بي طلعت واصرخ

عووووفووووووه

حيمووووووت

عوفووووووه

ضرغااااااام

هو انتهى واباوع وجهه دم صار بي

والحجي راحو يلتهون بي يغسلوله وطببو للضرغام جوه بالبيت

واني سحبني ابو راهب من شعري

صرخ

فوتيييييي

- فتت بس الوب على الضرغام شلون شحسوي يارب منك الصبر ياررررب

المنطقه تشددت حيل والحرس زداد والحجي بالمنطقه ماطلع

سمعتهم يكولون لاتودوله اكل غير كل يوم نص وجبه ومره وحده

عرفتهم دايأذو فوك التعذيب

والله أعلم بالبيت شنو دايسوون قررت اطلع بالليل واخلصه

اي

اخلصه وننهزم اني ويا

بالليل طلعت تمشيت بهدوء لكيت يم بيته ٤ حراس

عرفت ان اهزمه مستحيل

رجعت بدون مااحد يحس جان ابو غضب وي الحجي ومادري وين طالعين

مرت يومين واراقب اشوفهم يروحون عليه ثنين ثلاثه واعرفهم يضربوه

بقيت اراقب لحد ما الحرس راحو شويه عن البيت يم نار يتدفون عليها ويشربون الجاي

رحت تسللت بصعوبه جان الباب مقفول بس اني جنت مااخذه المفتاح من ابو غضب بدون ماينتبه

فتحتها على كيفي وفتت جان اككو گلوب واحد بالبيت كله مفتوح. واصفر هم

الضرغام لكيته مكور روحه مثل الطفل الي بطن امه

اول ماحس احد اجه انتبه جانت عين من عيونه مسدوده اثر ضربه قويه وحتى مطعونه

الجو جان بارد وهو بس بالبنطرون

وعلى الكاع منيمي لافراش ولامخاد

جان جسمه بي اثار ضرب واثار حبال على ظهره

وجهه كدمات ايده

مچوي بصدره بجكاره

باوعلي بس ماحجه جان حاله تعبان ويمكن معرفني

اجيت لعنده خليت راسه بحضني

ضرغام

ضرغام هايشصاير بيك

-ماردلي

تلمست جسمه قطعه من ثلج بارد

بردااان هسه هسه حجيبلك ملابسك وشي يدفيك هسه دااكوم لزمني من ايدي

حجه بهمس وتعب هاي انتي مريمي

الحمد لله مابيج شي

ورجع سكت بتعب دقائق وبعدها تكلم

فرحتني جيتج بس خطر عليج نهزمي مريم

اقتليني وانهزمي منا

طلعي تره مراح يرحموووج

- اقتلك... شون اقتلك

يحجي بثكل مفرط كوه يطلع الكلمه

داتعذب مريم الموت رحمه بس ماريده من هذوله الجلاب

جماعتي مصيرهم. حيعرفون

ويكملون. هم. بدالي.

بس

بس

بس انتي انهزمي

طابوكه وضربي راسي بيها خل اموت

- ٠حضنت راسه وبجيت انت شتحجييييي

بهل الاثناء ندفعت الباب وطلعو الحراس

فاتو وشافوني

شجابج

سكتت محجيت كلشي

ضرغام همس كوميني

دااكومه جون عليه وصارو يضربون بي وصرت اصرخ عووووفووووه

عوووفوه واحد منهم جرني من راسي وطلعني من الغرفه واجون الاثنين البقيه هم وياه

طلعوني من الببت كالو يجي الحجي وبصير خير

فوتي لبيتج هسه

واني ابجي وارجف على الضرغام

رحت لبيت الضرغام طلعت سويتر اله وبطانيه واجيت واول ماشافوني شايلتها ورايحه لبيته

وكفو بطريقي واخذوها مني بالقوه

لج كلبه خايفه على هذا النذل الي باعنا

بس انطيه هذا البلوز حيموت برد

- يطبه مرض

- نزلت على رجل ابو راهب

فدوه حيموت الدنيا بارده وهو بلا ملابس وفراش

ماعليج بي وفوتي انتي

بقيت اتوسل بيهم لكن لاحياة لمن تنادي مايردون كامو اصلا

ساعه واجه الحجي ومبين مبلغي لان نار صاير نزل من السياره وياه ابو غضب

اجه عليه

للللللللللللججججججج

رااااااااايييييحه تخلصييييي

خااااااااااااااااايفه عليييييييييييه

وضربني بكف وجرني من شعري

تردي مو

حخليج يمه بس بالطريقه الي انه اريدها

جرني بقوه يمشي هو واني امشي ولازمني من شعري

صاح على الحراس

يولدددد

بلي حجي

اغتصبوها  كدام الضرغام

فوتوني للبيت ودخلوني للغرفه الي هو بيها

جان يأن بخفيف من الوجع وماعرف شنو مألمه بالضبط اذا هو كل جسمه كدمات

تقدم عليه واحد من الحرس

واني اتراجع وابجي

لما صرت بسد الحايط بعد ماكو مهرب ضرغام صار على صفحتي اليسره والحايط الثاني على صفحتي اليمنه

صرخت

ضرغااااااااااام

باوعتله هو عين  طافيه والثانيه كوه فتحها ومنتهي

راد يكوم بس مدايكدر

الحارس بده يعتدي عليه واني صرت اصرخ

الحجي وابو غضب والحراس الاثنين واكفين هم

يباوعون ومتشمتين بالضرغام

اسمع الحجي يكله

گوم..... گوم خلصها يالنقيب

واني الوب واصرخ حتى اخلص روحي صارت عيني على الضرغام وهو نهض نفسه شويه دايكوم بس اجه واحد من الحرس وضربه وكعه بالكاع

بهذه الاثناء سمعت صوت ابو غضب

حجيييي عوفوها لمريم

اااااااسكت  انت ولتدخل محد جابلنه هالمصيبه هاي عداك

صرخ ابو غضب بالحارس

وكال

عووووفهاااا

واجه جره مني

واني اباوع لنفسي ملابسي تمزقت صرت الملم بيها وابجي وعيني على الضرغام

لكيته يباوعلي ومن جنت داابجي نزلت منه دمعه

وصار مايكدر لايحجي ولايكوم

انتبهت بعدين للابو غضب يحجي وي الحجي

مريم بنتنا حجي وربت ويانه

شعليها بالضرغام

- يحبها ااااااا هذا نقتله بيهااااااا

- حجي مالنه علاقه هي بنتنه

- ولك اشو انت تدخل وسحب السلاح على ابو غضب وابو غضب مباشرة ابتعد عنه وتقابلو بالاسلحه

واحد رفعه بوجه الثاني

الحجي- ترفع السلاح بوجهي ولك كلب

- تعوفهم حتى الضرغام مالك علاقه بي بعد وماتضربه

اخليك ويا تررررره منو انتتتتت وتمنعنيييييييي

- اقتله ريحه كافي يتألم نوب تذبحوه بمريم كدام عينه صوحبي هذا حتى لو طلعنه طريقنه مو واحد

وحتى لو يلف حبل المشنقه هاهيه اخذ جزاتي.

- جزاتك

- لعد شننتظر بعد هذا العمر كله والشغل هاااااااااا

شننتظررررر

- ولك انت شتحجيييييي

- حجي كافي هو او غيره مصيره يقبض علينه وتاليتنه اعدام

- اجه عليه الحجي وضربه بوكس وصرخ ابو غضب

كااااافيييي

- تطلع من تل الذهب وماريد اشوف خلقتك

اذا اطلع اطلع انه ومريم باوع للضرغام

ادري بيك محتعوف الضرغام

- طلقه صغيره براسك وانهيها لحياتك

منو انت وتقرر شسوي

وخر يله وخرررر وخل الحراس ترتاح وي هاي الكوبرا ضاهر انت شارب وداتخربططط

وخررررررر

- صار كدامي

تعوفوها محد يدنالها

- ولك تلوي حجايتي

سويت كلشي بحياتي كلشييييي حجي

قتلت وموتت ناس

كلشي سويت بس مال اقبل تغتصبون مريم كدام الضرغام لااااا مااكدر اخليكم تسون بيها هيج

- ولك انت منوووووو وتتحكممممم

حجييييي خلينه حلوين وبلاها مريم

- باوع للضرغام كال

سهله عوفها لمريم

طلعو الحجي والحرس ابو غضب باوعلي كال امشي وراي

وضرغام

باوعله كال

ضرغام انتهى مريم

مريم... مدايكدر يكوم ليش

ابو غضب.. عوفي

مريم.... مدايحجي

صرخ بيه

عوفيييييييييي

تمشين لو لااا

مشيت وراه وعيني على الضرغام الي عينه منزلت مني

للظهر سمعت من الولد حيحققون وي الضرغام

طببو بيت جبير تابع للحجي وسيارات دخلت للمنطقه سوده وعاليه ورياجيل نزلت منها

من اباوعهم منهم بقوط رسميه وحمايه وراهم

ومنهم اعتيادي

بس شخصيات مستحيل اصدكها تشتغل بالاجرام لو مااشوف بعيوني

تلثمو ولبسو نظارات قبل لايفوتوله

سمعتهم وهم يحجون

نقيب بالجهاز.... هذا مستحيل تخلو يطلع منا عايش

نحتررررك

- استخبارات ويكولون قناص هم

- خطر هذا ديربالكم حتى اصواتكم لاتخلوه يحفضها

فاتو عليه ومااعرف شنو الصار سألت ابو غضب

شنو منو هذوله شصاير

ماعليج منو هذوله بس جايين يستجوبون الضرغام

- ابو غضب لتخليهم يقتلووو امانه

- اسف مريم بهاي مااكدر

وراح للبيت الي بي الضرغام وهاي الشخصيات

بقيت الوب اروح واجي وعيني على الباب شوكت يطلعون شوكت اعرف شصار

شويه وطلعو للضرغام كله دم ومغمي عليه

دااصرخ سد حلكي ابو غضب

ششششششش

قتلوووه

هاااااا قتلوووو

لا بس خلو كهرباء بجسمه وكهربو حتى يحجي ماحجه شي ضربو حماية واحد من معارف الحجي

- شلون يعني قتلوو

- لا....هذا  واحد ضربه بجعب السلاح على وجه كسرله سنين منه وتخربط بي نبض لتخافين هسه حروح اجيب المضمد

- شعجب الحجي مقتله

يريد يعرف شنو اليعرفه الضرغام وشنو موصل للحكومه

كارت منو حترك

انتي تدرين هو جان ايده اليمنه الحجي أمن بي وشرفه على هواي اشياء

- انتو شلون عرفتو نقيب

- الحجي شك بي خله ثنين يتابعوه جان الضرغام حذر وكل تصرفاته جانت تدل على انه هو تابع للحوت لهسبب عافه وبطل يشك بي بس من خلال ايده مضمده شايفي وعارفي ناس من معارفنه جان لابس عسكري

وبسياره صاعد فات سريع الجماعه من نطونه علامة ايده عرفناه اخذنه صورته ورحنه تأكدنه من الحوت هو لو لا

- وطلع مو هو

-مو الضرغام التابع للحجي

- لعد هو شسمه منو هو

-هم ضرغام اسمه

- منو يكول هو يمكن مو هو الي لابس عسكري يمكن يشبها

- مريم لا

دااكلج شافو ومن كالوله للحجي رجع الشك كال الحل الوحيد ادز جماعه تودي صورته للحوت ونعرفه اذا هو لو لا شكنه بمحله لو لا

-من راحو الولد للحوت

كالهم هذا النقيب ضرغام عبد.....

تابع لجهاز مكافحة الارهاب

وهو جان المسؤول على تحقيق الحوت لان كاتلين اخوه

- اخوه.... يعني الحوت قتله

- ماادري اذا هو لو لا بس اخوه جان مقتول وبوكتها الموضوع درت بي الداخليه والدفاع كلها

داايحجي صاحو عليه ابو غضبببب

- يمكن جا المضمد رايح انه

-راح وبقه بالي يم الضرغام

دقاىق اجه ليو

كال

مريم

مريم

ها شنو ليو

صحو للضرغام عايش

- يعني واعي

اي

وحاله شلون حاله

رد بتأسف.. لاتسألين على حاله مريم

- ليش

- متأذي خطيه صحيح جنت اخاف منه بس نقهرت عليه

- يعني يحجي هسه

اي لان منطوه حبوب من البار..... وسكت

شنو ياحبوب

لاهيج

احجي ليو حبوب شنو هاي

ضرغام ليش مدايكدر يحجي ولايتحرك

- مريم الضرغام يخلوله حبوب بالاكل

حتى يصير خامل وميكدر يكوم ولايحجي

بس من عرفو حيجون جماعة الحجي كاللهم لتنطوه حتى يحجي

- واني اكول ليش ميكدر يتحرك بس مفتح عيونه هاي شلون صايره هاي ومنو داينطيها اله

-اروحلج فدوه لتحجين الحجي يطين عيشتي

-احجيلي شلوون

- سعدي يخليله حبوب بالاكل تخلي خامل طول الوكت يضربوه يأذوه يطفون بصدره جكاير ميدافع عن نفسه ميكدر مثل الي مخدر

بس وعيان

ومرات يغمى عليه من ضربهم

والله لو قاتليه ارحم من الي دايسووه بي

- كمت ابجي

هو كلي

كلي مريم ارحميني وقتليني داتعذب

- اي دايعذبوه وبالليل حيطلعو يعترف هم

كون يحجي ويخلص روحه مايأذوه ليو فدوه ديربالك عليه

- هو حاجاني

كلي ليو سامحني انه ضربتك مره كلما اشوفك عبالك شايف اخويه مدري شسماه اسم غريب

- عباله حيموت وهيج يطلب تسامحه

ليو اروحلك فدوه لتعوفه

-هز براسه بمعنى اي وراح

لليل جابو للضرغام مكعدي على كرسي

خلو يم بيت الحجي والولد كلها ملتمه

سأله الحجي

منو دزك

- جاوبهم بهدوء مستفز... عزرائيل

- نتر الحجي

احجيييييي

منو دزك

- عزرائيل

- صرخ بسعدي... سعدييييييييييي

-بلي حجي

شوف شغلك

ضربه بوكس للضرغام

رادوه يعترف مايعترف بشي

يحجي برود مستفزهم

صاح الحجي شرف مرتك لو القانون

سكت مارد

احجييييي

بصق عليه الضرغام والحجي تخبل

صار يعت بي من قميصه

لك انت شلون تتجرأ

اذا رجال اقتلني كافي تتصرف مثل النسوان

انه اتصرف مثل النسوواااان لو انت المتخفي

- اقتلنييييي

- بيها اقتلك واشر على بيتي

نتر بي ضرغام

والله ان مسيت شعره منها.

وعلي ولو حتى ميت اسمع بجيها

ثق انه وميت متخلص مني

اشباح عندي اشباااااح تطلع بروحك

لاعبالك انتهينا لهناااااا

الحكومه منو...... تعرف على منو جاييين

عليكم كلكم وكل اوراقكم صارت يمنه حتى لو انه متت هم راح يكشفوكم ويلفون حبل المشنقه على راسكم

- يعني كلنه سلمتنه

- كلكم

- صاح عليه الحجي

سمعتي شكااااااال كلنه يعني حتى انتييييي

جيبوها

جابوني ليمهم تكلم الحجي

اقتلي مريم

باوعت على الحجي كال

اقتلييييي

هذا مو بس بينه غدر تاليتنه للشرطه وهو يترفع براسنه

وجهت السلاح عليه غمضت وضربت رصاصتين

وكع الضرغام بالكاع  كله دم اجت الطلقات بصدره وكع على وجهه مباشرة صعدو بسيارات وصعدوني وياهم وحركت السيارات

اخر نظره الي شفته وهو عينه عليه يباوعلي واني ابتعد عنه بالسياره جان يشهك باأنفاسه ينازع الموت

بس نظرته ذبحتني ذبح حتى واني بلا وعي اثرت بيه

كنت معكم انا رغد الموالي في امان الله ♥

          تـــــــــــل الذهــــــــــــب

               رغـــــــــد الموالــــــــي

ـــــــــــــــــــــــــــــــــــــــــــــــــــــــــــــــ

يؤلمني أن أفتقدك يامن كنت لي كل شيء

مــــــــريـــــــــــم

جان الضرغام يستفزهم واني اباوعلهم

شويه واجه ابو راهب

شعندج تباوعين عليهم

- ها لا هيج

- مااشوف الا الفارس الحارس الثاني وراه ودفعوني وفاتو للبيت

خفت وتوترت

شتردون انتتوووو اطلعووو

ابو راهب كال للفارس الزمها

لزموني وصرت اصرخ عووووفوووونيييي

شتردوووون منييييي

ماحسيت الا خلو بحلكي حبايتين وخلوني ابلعها اجبار وعافوني وطلعو

يمكن حبوب خمول مثل الي نطوها للضرغام

مرت دقيقتين صرت احس بنحول وماواعيه لتصرفاتي افهم واعرف كلشي بس شيكلولي اكول اي

طلعوني وجنت اشوف الضرغام واكف ولازمي ثنين

اسمعهم يكلون خليها تقتله

شوف يالضرغاااام لانك جذبت عليها هي من قررت تقتلك واليوووووم

اشياء بسيطه اتذكرها  بس مادري بتصرفاتي مثل الحلم بالضبط

شيكلولي اكلهم اي

اقتلي مريم

وجهت السلاح عليه وضربت رصاصتين

جان يباوعلي عينه ولاراحت على احد ثاني

حاله تعبان حيل وكاعد على ركبه

مباشرة 

وكع الضرغام بالكاع كله دم اجت الطلقات بصدره وكع على وجهه مباشرة صعدو بسيارات وصعدوني وياهم وحركت السيارات.....

عفت ضرغام ييشهك باأنفاسه الاخيره...

وعيت على نفسي واني بغرفه

وين اني شجابني هناااا

فتحت الباب لكيت ستار ومناف بره كاعدين

شافوني كالو

ها صحيتي

وين احنه اني وين

عفناها لتل الذهب منا وجاي مكانا هنا

شنووو

وضرغام

ضحك ستار بصوت عالي

شوف هاي دكول ضرغام وين

ضرغام خللللص سفرناه لجهنم الحمره

- شنو انت شتحجي

- ليش ست هو منو قتله

- سكتت وتذكرت الي صار البارحه

لطمت على خدي بيدي الاثنين

اني

اني

اني  قتلته يعني اني موته للضرغام

- ايييييي

- شنو شتحجي

- شعبالج لعد ست هاااا شعبالجججج

- وين. عفتوه

- بتل الذهب حتى تجي الشرطه وتعرف مصير الي يدخل يتجسس بنصنه

- فتت للغرفه الطم وابجي..

شلون اني اقتله شلووووون

ضرغام هسه شكلت واني موجها السلاح عليك حتى اقتلك

شكالت روحك هسه حبيبي

ضرغااااااام وصرت ابجي بحركه

تذكرت شون جان يباوعلي

نظرات خذلان

لو عتب

لو تترجه الرحمه وتخلص من عذابهم

للظهر جا الاكل مكدرت اكلل وبالليل هم مكدرت اكل وبس ابجي يومين مرت على على هذا الوضع

تاخذني غفوه من تعب وحزن

وانام وتجي صورته باأحلامي

مره اشوفه مبتسم

وافز وابجي

ومره اشوفه تعبان ويعذبوه وافز

وترجع صورته بخيالي من جان يباوعلي وهو يشاهك باأنفاسه للموت وعيونه عليه بخوف

حتى وانت تموت خايف عليه

واني الي قتلتك

بقيت على هذا الحال

لحد ما اجه ابو غضب فزيت بحركة گلب

قتلوووووه شلون تخليهم يطلع ويقتلووووه

حنعيييييد شلون فهميني شلووووون

-نهاريت وكعدت اصرخ والطم حاول يهدأني مكدر ادفع واصرخ

اجه سعدي كاللهم الحجي يكول خلوها يم البنات خل تطلع تشتغل وياهم منا وجاي

نترت بيهم

وخروووووو عنييييييي

ولج شييييج

تبقين بنصنا لعدددددد

-وديني

وديني لتل الذهب ودينييييي

- شوديج ضرغام بيها مقتول ومو بعيد الشرطه هناك

- وتعوفه بالكاع مشموووورررر

تاكله الجلاب بدال مايندفن

ودينيييييييي

اجه ستار

ابو غضب سكتها لهااااي

هيوووو انتي سكتيييي

ماعليكم بييييييه عوفونييييييييييي

- ابو غضب كال سكتي شويه خل افهمج

انتي تردين ترحيله مو

اي

امشي واذا كالو وين كليلهم ويالبنات

اي

امشي

صعدنه بالسياره توجهنه لتل الذهب

طريق جان طويل تقريب ساعه ونص احنه نمشي قربنه نوصل تل الذهب شفنه الشرطه مطوقه تل الذهب كلها ابو غضب من شاف هيج

تراجع بالسياره

- هاي ليش رجعت ودينه

- صرخ بيه شررررطه متشوفييييين

- وضرغام

- ربعه يمه جون احنا شنو دورنا بعد

- وديني اني مالي علاقه ابو غضب وديني اروحله اريد اشوفه

- صرخ بيه

ويااااانه انتي هم ويااااانه ولج هو حارك ورقتج مثلنه هسه اذا ترحين تنسجنيييين

- بس وختنكت صرت ابجي غطيت وجهي

- كافي مريم من هاللحضه تنسي

- شنسى هاااا شلووووون

- تنسي انتي من عالم وهو من عالم ثاني

خلللص بعد كلشي انتهى

- ليش كذب عليه

- مهمته هاي

ومهمته اني يكذب عليه

سكتت وصفنت ثواني اتذكره من جان يسولفلي

عن حياته وي الحوت شغله

كلمته لاببو غضب بهدوء بخيبه  واباوع للشارع

- جنت اسأله شلون عشت وي الحجي يكلي عشت ورباني اكتل حيوانات وخلاني افجر واقتل شلون يكذب عليه هيج

- مريم هو انتحل شخصيه مو شخصيته ودخل النه

من نكول كدام الكبار الضرغام هذا المساعد مال الحوت يعرفوه محد كال مو هو لان هذاك ضرغام شهرين اقل وي الحوت ونكمش وراحو بالسجون

ضرغام انتحل شخصيته وكلشي عرف عنه

الي جان يكلمج بالشكل ضرغام لكن بالاساس ضرغام الحوت مو ضرغام الي انتي تعرفي

حجالج قصة هذاك مو هو

-يعني مقتل اليا كذب

-لا موكتلج ذابحين اخوه عنده اخ صغير وذبحوه وبوكتها هذا ضرغام گلبها للدنيا كلاب

-انت شمدريك بهذا الحجي شلون عرفت

- سولفولنه عنه جماعه ويا وره مكشفناه هم اكدولنه هو نقيب

-يعني ناس منه وبي نطو بي

- اي

- بس

بس اني

- اعرف بيج تحبي

انسي مريم....  هو هسه مات وراح لااخرته

انتي نسي وابدي حياة جديده

تلمست المداليه وبجيت

شوف ابو غضب شوف شنو جابلي هاي قبل لايلزموه بدقايق

- ماعرف ليش هيج جان يسوي وياج

- خلاني اتعلق بي وهو كله كذب بس اني شلون اقتله شلووووون

ابو غضب هسه مقهور مني

هسه مات وهو محروك گلبه مني مقهور

- عوفي هاهيه بعد

- هو الشرطه شمدريها بالصار واجت شلون عرفوه نقتل

- ماادري

- منو كللهم

- شدرااااانيييي

-قبل نوصل لمنطقتهم للجديده كتله

وديني لمزرعته

- شنو

- ابوس ايدك

- تنهد وسكت

- ابو غضب اترجاك

- فر السياره على الجهه اليمين وراح للمزرعه مال الضرغام

- بگلبي اكول يعني معقوله كله جذب حتى المزرعه كذبه

- وصلنه المزرعه وبطئت خطواتي حتى دخلت فتحها للباب ابو غضب واني فتت

اباوع للمزرعه احسها كئيبه وتخنك رغم اجواءها

جانت جميله وخضار

نزلت دموعي واني امشي صوره صارت تتراوالي بكل ركن وبكل مكان

تذكرته من اجه مضروب بسجين وصار يغسل على الحنفيه

تذكرته من كعدنه وسولفتله وهو جان يشرب نركيله

حتى النركيله نفس مكانها

فتت للغرفه وتذكرته من جان يجيني يشوفني شنو محتاجه او بيه شي لو لا

همست..  ليش هيج ضرغام

شفت الدوشك الي جان ينام عليه وحتى المخده

كعدت على فراشه ابجي بحركه

اصرررخ

سامحنيييييييي

ااااااااخ

شلون قتلته شلوووووووووون

شلون

ملابسه معلكه صرت اشتمهن وابجي وجع بكلبي وضميري ياكل بيه اكل

صهلت المهره وتذكرت سمسمه

ورحتلها ركضض

شافني ابو غضب صاح

ويييين

مارديت عليه رحت اركض شفتها ولما شفتها

زاد بجي متحملت  عبالك هو يمها  كعدت بالكاع وابجي بحركه محروك گلبي مو بس لان مات محروك گلبي لان اني بيدي موته

اجه ابو غضب كال هاي مهرته

- رديت واني ابجي ايييييي

لويش البجي

- جان يحبها سمسمه وصاني كم مره عليها من جنت هنا

وكمت وكفت

عوفني هنا ابو غضب خليني اعيش على ذكراه وادارريها لسمسم

- لا مستحيل الحجي ميعوفج والشرطه متعوفج مطلوبه هسه انتي

- خليني هنا الله يخليك خليني اريح شويه من ضميري الي دايموتنيييي

- ضميرج تخلي على صفحه الي يعيش ويانه يعوف الضمير وضرغام هاهيه صفحه وانطوت يعني تنسي وانتهى هو خللللص

هو اختار قدره

هو بيده

- شلون يعني شلووووون هااااا

- كافي مريم

وامشي يله تره الحجي مايعول الا مااشوفه متصل

- زين خاف عطشانه خاف تريد ماي اكل خل انطيها

بسرعه

- داانطيها ماي تذكرت بالضرغام

وحاجيت ابو غضب

خااف ضرغام عطشان ومات

خاف جوعان ابو غضب

- وماااات وهسه هو مااااات يعني ميحس بشي بعدددد

- اريد اروح لقبره وين دفنوه

وانه ادرييييي شدراني مو وياااااج

-شوفه وين اريد اروح

امشي ولتلحين

نطيتها ماي واكل وطلعت صعدنه بالسياره كتله

انت راجعها كل مره

- اراجعها بس سكتي

- مشينه وبالطريق شفت جنازه وراها سيارات

باوعت وصرخت تفزز ابو غضب

شبيج ولج

خاف هو

يمكن هو وكفها للسياره خل انزل

تخبلتي مريييييم شبيججج فهميني

وحتى لو هو شلون ننزل وشنكلهم منو احنه الي كتلناه

- ساق السياره اسرع ورجع بيه للمكان الجديد

الي اخذوه

فتنه تلكانه سعدي كال زين جيتو الحجي سأل على مريم رادها تطلع

ابو غضب _ وين يعني

- بالنوادي وين

- لاا مااشتغل اني مستحيل

باوعلي ابو غضب

انتي شنو التردي بالضبط مريم

-مااشتغل هالشغله

سعدي:  والله عاد تفاهمي وي الحجي روحي كليله انتي

وعافني ومشى

حاجبت ابو غضب

ماريد اشتغل كله للحجي مستحيل اموت ومااشتغل

- لازم تشتغلين وتبدين من جديد هذه حياتج بعد واقبلي بيها

- ضرغام لو يدري يذبحني

- ونتر بيه

وينه هووووو ضرغاااام هااااا

وحتى لو فرضا عايش وشافج تتوقعين حيسامحج

اول وحده يقتلها انتي

- اقبل خل يقتلني بس اشوفه

- انسي افتهمتي مات هو مااااات شلون افهمج بعددد

- اني مجرمه صرت مثلكم يتمت جهاله مثل مااني ماتو اهلي وعافوني

- والله عاد هاي كعدي بيها وي نفسج والطمي كافي تلطمين بوجهي

وعافني ومشى

رجعت لبيت للغرفه الي خلوني بيها

وبس ابجي

مااشوف الا الحجي دفع الباب وحجه

حضرتج ليش متشتغلين وي البنات

واني شفته لو عبالك شفت شيطان واكوم عليه تهجمت اصرخ وملخته من وجهه ودفعني وضربني براشدي

هييييييي ولج شلون تتجرأين

- حقييييير مجرررررم

تقتلــــــــــــــــه ليييييييييش

شسواااااالككك

اجه عليه دايضربني تصدالي ابو غضب

حجي عوفها

حجي اعذرها مقهوره عليه

الحجي:-ام العشك  تعشكين

واحد نذل وجاسوس فات بينه مثل الشيطان

عاشكته

هه تحبين اشوفج شلون قتلتي

خل اشوفج

طلع موبايله وشوفني فيديو

جان الضرغام كاعد على ركبه 

حاله تعبان وجهه اثار دم

عيونه الي جانت مسدوده ومايشوف بيها مفتوحه احسن من الايام المضت والثانيه زينه

الحجي جان يكله

شوف هي رادت تقتلك لانك جذبت عليها

وهو مايرد جان يباوعلي واحسه منصدم بيه شلون حقتله

اباوعله وعيوني مغوركه بالدموع ايدي على حلكي اترقب شلون حقتله

الحجي.. قتلي مريم

- شكلت هنا حبيبي شكالت روحك وانت تعرف هسه حتموت والي تقتلك اني

ضربته رصاصتين

اول رصاصه واكتفيت صاح الحجي ضربي مره ثانيه

وضربته وكع الضرغام على الكاع على وجهه

نكطع الفيديو صاح الحجي

شفتي شلون حلو

شلون قتلتي بدم بارد

لهسبب خليتج عايشه وراح اكرمج واخليج تشتغلين وي البنات تشوفين نفسج وتطلعين للدنيا

وهذاك النذل بححححح خلصنه منه

هه الداخليه تريد تكدرله للذييييب

وصار يضحك بصوت عالي واني احس گلبي تكطع من البجي مااعرف شسوي

وشلون

يأست من حالي كلش وعرفت الدنيا مستحيل تخليني اعيش مثل بقية البشر بصوره طبيعيه

قررت اشتغل وياهم هاهيه بعد مثلهم صرت

مجرمه ومن قتالين القتله.... تلمست المداليه الي جابها همست كأنه جبتها حتى تخليها تذكار بيناتنه...

سديم...

خاله كالي حضري مستمسكات علمود نثبت هي بنتنه

- اي فدوه لعينها مريومه جنسيتها وهي صغيره عندي بعدها

تمام انطينيها اخذها هسه يمرلي للكليه

مرت ايام وانتظر ماكو مااجه

اتصل عليه مغلق يوميه اتصل مغلق

وين راح

يكذب هذا خاله شفتي كم يوم مرت ولااجه

- احنه صوجنه صدكنه بي

- حسبي الله ونعم الوكيل يتلاعبون ببااعصابنه

- اني رايحه للكليه مابيه بعد اتأخر خاف انفصل واذا بين شي وجا الرجال نطنيني خبر واني هم اذا اجاني راح انطيج خبر

ماشي بنتي

-رتبت اموري ورحت نزلت  بالشقه  وي البنات

رغم سمعت كم كلمه بس كابرت..

- شو هناااا لازم حبيب القلب كلج باي

- تلكيهم متزاعلين

- هه خلاها بالاقسام هنيالي مو كلتي كم يوم شو رجعتي

- انتو ليش تدخلون بشغلات متعنيكم شعليكم حره اني حررره

- وشدعوه سرانيه ومتحجين

- زوجي مسافر ويخاف عليه ابقه بالبيت وحدي

- وغياباتج

- اجازه

- هه يله نسوي نفسنه مصدكين ولايهمج

بس دكتور رأفت سأل عليج كم مره

- عبست وجهي ومارديت

دكتور رأفت عن دون الطلاب يسأل عليه اني هو ناقصني بلاوي

صرت اروح واجي يوميه للجامعه

وبيوم راجعه صادف دكتور رأفت وياي راجع

شافني سلم عليه

هلو سديم شونج

-زينه انت شلونك دكتور

- الحمد لله ماشيه اخبارج ماكو من كم يوم

- وعكه صحيه بعيد الشر عنك

- سلامات سلامات لنوكف خل نمشي عادي لو تنزعجين اذا نتمشى

لا عادي دكتور

تمشينه على رصيف الشارع جنت رايحه للشقه وجنه نسولف

- سألت البنات عليج كتلهم زميلتكم ماكو كالو دكتور صحتها مو تمام

-  اي تعبت هذيج الفتره

- تمشينه لحد ماوصلت للشقه وصلني وراح واني فتت للشقه

ايام تمر ولاحس ولاخبر عن مريم حتى يأست وخبرت خاله لو اجه تطرده

لان هذا يحب يتلاعب بااعصابنه

دكتور رأفت كم مره رجعنه اني ويا سويه رغم سياره عنده بس يتمشى وياي لحد مااوصل للشقه

بالليل جنت غاطه بنومه عميقه

رن جهازي

اباوع جان ادم

تجاهلته مارديت

اتصل للمره الثانيه والثالثه  اخر شي فتحت خط 

نعم

-  انتي وين

- ليش

-نتر.....  وين انتيييييييي

- شتريد الي بيناتنه انتهى

- هاي شلون حتخليني اجيها للقسم واجرها من شعرها واجيبها لهنا

- وتجرني ليش وعلى شنو

- جايج هسه طلعيلي

-مااطلع ولتجي

- اذا متجرين عدل وتسوين الي اكوله ميصير خير

- يعني شتسوي

- والله اصعد واخذج غصبن ماعليج احترمي نفسج وانزلي بهدوء بلا فضايح

- بلا هاي تصرفاتك الصبيانيه وماانزل مو تايهتلك اني

-  لا تايهه لدكتور رأفت مو

تماشين زلم اني اعلمج بسيطه

- مثل ماانت تماشي نسوان

- نتر....  انتي رجااااال

تقارنين نفسجججججج بييييييييه

الحلام والحلال ميعرف رجال من مره

هسه تطلعيلي والله ان ماطلعتي لاافضحج كدام زميلاتج

نازله اني  نشوف تاليتها وياك

نزلت وجان وجهه نار من الغضب

صعدت ويا بالسياره وساقها بسرعه جان الشارع فارغ منتصف الليل

ويتعارك بالطريق لكن مااردله اني تجنبا لحادث لايصير بينه شي

وصلنه للبيت ونزلت

صاح

ردددي صار ساعه احجييييي

هم مارديتله وفتت جوه داخل البيت وهو فات

- رديييييي شنو احجي وي روحيييييي

- اولا  عيب اردلك واحنا بره جيران يمنه احنه مو وحدنا شتكول علينه العالم

ثانيا تحب اعرفك منو دكتور رأفت الي صار ساعه تحجي عليه علموده

-  اي ست

- دكتور بالجامعه وانسان جدا محترم والرجل وصلني للبيت جنت دايخه وتعبانه وحتى هو عنده سياره لو عندي ميانه ويا جان صعدت بس هذا دليل على انه احنا مجرد دكتور وطالبته

- هذا الكلام سولفي على الدبه لو جيبيلج طفل صغير واضحكي بي عليه

-وضحتلك اني تريد تصدك صدك متريد بكيفك

- تماشيييين زلللللللم ولج متستحييييييين

- ممسويه شي

- لا مسويه ونصصصصص

- والمطلوب

- جامعه ماكو بعد

- ماكو جامعه شنو

- هذا العندي

- مو من حقك تمنعنييي

- حقييي وبكيفيييي

وحلكج متفكي الي اكوله كولي صار

لا مو صار وبكيفي اني مو طفله صغيره وانت تعلمها

- مااشوف الا ضربني كف

وجرني بقوه من شعري

المره الي تجادل وترادد  عندي متسوه حشره

افتهمتيييي

طلكني وريحني كافيييي

مااطلك

- ماريدك من علاقه لعلاقه وتريدني اني امشي على مزاجك وين احترامي اني فوكاها تضربني

؛- محد يمج انتي تدورين على المشاكل

والله زوجي معاشر وحده متزوجه واني ادور على مشاكل

- شجابها متزوووجه عدلي لسانج تره حينكص

- عفته وفتت للغرفه وهو بقه بره بالصاله

كمت ابجي

انسان مغرور مثله ماشايفه يكابر حتى  على اغلاطه

شويه واجه

طلاك مااطلك وطلعه ماكو

- تريدني ابقه وياك جامعتي خط احمر

- والدكتور

-كتلك صدفه وسألني ليش ماكو كتله مريت بوعكه صحيه والرجال تمشى ويايه حد ماوصلت كال صحتج تعبانه وخاف توكعين

نتر..  وبصفته شنو يوصلللج ويخااااااف عليج من الاسااااااسسسس هااااا بصفته شنوووووو

- لتكبر الموضوع

- اكبره وغصبا ماعليج هو موصغير واني اكبره

- ادم كافي الله يخليك

- ترحين جامعه ميخالف بس هذا الدكتور اذا ماشيتي مايصيرلج خير وبعدين تعالي هنا

انتي منو سمحلج تروحين اقسام وتداومين وتفوتين وتطلعين بكيفج 

- صارلي اسبوعين اني بعيده عنك حضرتك فكرت سألت

- كلت ترتاحين تاليتج داتداومين

ومن زمان

من شوكت يعني

صار مرتين اروح واجي لبيت خالي وانت قيس

- هيج صارت

والله الميسأل على مرته على شنو دااكله

- لا على شنووووو يطبني مرض موووووو

- شتريد بالظبط ادم

- اكعدي ودكي ثكل

- وعلاقاتك

-ماعليج انتي ممقصر وياج

- منو هاي المره الشفتها تريد تقنعني مو مرتك

- عولي اتزوج هيج زبايل

- لعد ليش معاشرها

- مالج علاقه

- لازم اعرف

- مززززااااج شعليج انتي

- شعليه اني شنووووو

تره انت تزوووجتتتت مو عزابي اني مو السكرتيره الي جانت عندك ودكللها لتدخلين متدخل

- صاحبتي وارمله واني وياها علاقه ارتاحيتي

- لو اني لو هي

- متخيريني هيج خيارات

اني لو علاقاتك

نتر بيه سدييييييم

- خلص فهمتك انهي كلشي ادم

- ماينتهي شي

- مو اجبار فلوسك تجيك وننهي كلشي

مو على الفلوس اني

على شنو لعد

زوجتي انتي

زوجتك؟

والله

وتكولها بثقه هه

ادم لو فعلا معتبرني زوجتك جان احترمت هالشي بس انت تريد تمثل كدام الناس كأي ثنين متزوجين طبيعي اما الباطن مزري

اترجاك ننفصل وكل واحد بطريقه ولتجي وراي بعد ولاتسأل وين اروح وين اجي

مالك علاقه بيه بعد

-  حنتظر للصبح يله اطلع

سكت وماحجه شي كعد على تخم مثل الي تندم على تصرفاته بس مهتميت

انتظرت للصبح هو اخذته نومه ونام على التخم واني طلعت اخذت تكسي ورجعت للشقه

وكالعاده راح عليه الدوام

- رجعت اتصل على الرقم هم مغلق معرفت سر جيته وليش اجه وشمعنى تكلم عن مريم

ايام تروح وتجي انتبهت على نفسي روحي صايره تلعب من اي ريحه حتى العطور

جانت وحده من البنات تخلي عطر 

كتلها

فدوه لتخلين هواي والله داتلعب نفسي

هههه خاف حامل

رغم الكل ضحكت ومزحت الا اني عكسهم وخفت حيل خفت معقوله حامل...؟

رحت للجامعه وبعد رجوعي توجهت لمختبر اتأكد

كلت احسن من ماابقه بقلق

سلام عليكم....  عفيه اريد اسوي اختبار حمل

اي تفضلي كعدي هسه ثواني

كعدت انتضر اجت البنيه اخذت دم من الوريد وراحت ربع ساعه تقريبا اجت جايبه ورقة التحليل

واني جمدت وي الورقه... 

الف مبروك حامل

اخذتها  منها توترت شحسوي اكله لو ننفصل وبعدين يله يدري

بقيت  حسبه توديني وحسبه تجيبني

كعدت على ستول بحديقه عامه و

اتصلت على مرت خالي

.. الو

-هلو سديم خابرتي بوقتج

- شنو خاله اجه

- منو هو

- الرجال الي حيودينا على مريم

- لا مو هذا الموضوع بس بشاره بشاره

- تنهدت وشنو هذا الشي الي حيكون اجمل من لقاىي بااختي او اعرف خبر عنها

ام محمود اكدت على حقوقنا مال السجناء وكالو انتو الكم حقوق شعجب مامطالبين هم مجرد مساجين اشكال نطوهم نوبه معدومين

- بعدج تصدكين بهاي السوالف خاله

-اني راح امشي بيها عسى ولعل

-براحتج خاله

-ليش اتصلتي

- قررت انفصل عن ادم بس

- بس شنو

- اكتشفت اني حامل

- حامل......  الف الف مبروك بنتي هذا معناها تبقين وي رجلج شعلمتج اني

- مااكدر استمر وياه

داافكر انزل الطفل

- لا يمه لا حرررااام قتل نفس وقتل النفس حرام

- خاله ادم متعب مو مال زوجه واطفال

- يتعدل بنتي

-ارجعله يعني

- افضل الج بنتي انتي هم مالج احد اني مريضه وعلى اي ساعه ربج ياخذ امانته وتوته حتتزوج يبقون الولد هم باجر عكبه متزوجين متكليلي يامره تتقبل بنت خال رجلها تعيش وياهم

- سكتت شفت كلامها صحيح

اختنكت وخصمت الكلام

ماشي خاله

- لاتستثقلين كلامي بس هيج خطوه مابيها مجامله بنيتي

- افهمج والله

- ديربالج على نفسج والي بطنج وابوه باجر عكبه الله يهدي مالنه غير الدعاء

- انشاء الله

يديت الخط منها

واختنكت حيل لدرجة نزلت دموعي من وحدها واكابر وامسحها

جانو اكو اطفال يلعبون كرة قدم بالحديقه وفرحانين

صرت اتفرج الهم احاول اتقيل فكرة انه اكون ام لطفل من ادم

خايفه من المجهول ومن مستقبل ماعرف شنو هو

اب طايش مغرور وام ضعيفه ومكصوصة جناح

الطفل الي راح يجي شراح يكون

احاول اتنفس الهواء رغم انه جان بارد ونقي بس من خنكتي مااحس احسه ميدخل ريتي

اتصلت على ادم

مباشرة ردلي

- جنت مختنكه وكوه احجي...

الو

هلو سديم

- اتصلت علمود اكولك على خبر

- كولي

- لازم اشوفك

- وين انتي

- بالحديقه العامه الي قريبه على مطعم.....

-ها اوك جايج

- شويه واجه

كعد يمي

ها سديم خيرج صاير شي

- باوعتله متحيره

- احجي

-طلعت الورقه من الجنطه ونطيتها اله من دون كلام

قراها ومن قراها الابتسامه ملت وجهه

الحمد لله

مباشرة ضمني

دفعته

وخر عني

شبيج

- تعرف شنو معناه يجينه طفل واحنه هذا حالنه

- شبي حالنه اني اكدر اعيش عشر اطفال

- المسأله مو مسألة ماده المسأله مسألة تفاهم

-  ماعدنه شي انتي تدورين مشاكل واذا على النسوان سهله

بس اني اريدج ترجعين واوعدج اعوفهن

- اذا مو لخاطري لخاطر هذا الطفل

- لخاطرج حعوفهن

امشي لبيتنا

اشتاقيت لطبخاتج

- رجعت ويا للبيت واعرف ديكذب بس ما باليد حيله

بديت حياة روتينيه ك اي بنت تعيشها

ادم بده يتغير وبدت معاملته كلش حلوه ويايه

- حبيبي اشتاقيتلج البيت اضلم جان بدونج

- ان شاء الله ماتنعاد ادم

- ان شاء الله حبيبي

مر اسبوعين حياة هادىه خاليه من كلشي وحتى جهازه جان على طول بيدي وماعنده اي شي

كلت الحمد لله تغير

بيوم جنه طالعين بالسياره هو نزل حتى يجيب العشاء من المطعم

بقيت انتظره بالسياره فضول تولد عندي اشوف جكمجة السياره فتحتها لكيت جهاز موبايل

فتحته وردت اعرف شنو بي

دخلت على قاىمة الاسماء...  جان بااسماء بنات اكثر شي

دخلت على سجل المكالمات اكثر شي توته متصله عليه ومكالمات قبل ساعات وبنات هم غير توته

دخلت على الرساىل جانت كلها رساىل حب وغرام

ب 6 بنات داخل وياهم علاقه وكلها يدزلهم نفس

الشعر او الكلام الغزلي

كلبت بعد بالجهاز وفتت معرض الصور

شفت صور عنده وي توته وحده هم

وشفتله فيديو وي توته

يسولفون ويضحكون تاريخ الفيديو جديد قبل يومين

انصدمت معقوله.......

ويؤلمني الحنين

وتقتلني الظلمات

وصوتك المتردد في مسمعي

كلها تقتلني... 

تفيض بدمعي عيناي

وصرخة  أ خرس غريق بالماء

يأن بشده لكن لاأحد يسمعه فينقذه....

كنت معكم انا رغد الموالي في امان الله ♥...

                     تـــــــــــل الذهـــــــــــــــب

                       رغـــــــــد الموالــــــــي

            ـــــــــــــــــــــــــــــــــــــــــــــــــــــــــــــــ

لم يكن عليّ بالسهل نسيانك

لم تكن مجرد عابر سبيل قد مضى

لم تكن قمراً فاأتوقع ذهاب نورك في الصباح

ولاشمساً تأفل في الليل

كنت قلباً ينبض داخلي

ماإن أموت فيموت هو..... خواطر بقلمي...

مريم....

على جرف نهر واكفه عاصفه والدنيا برد ضلمه وليل خايفه وحدي اصوات ذىاب تعوي من بعيد

ومااعرف شنو اسوي رجلي ثابته بطين متحجر عليها ولااكدر احركها بقيت بمكاني والخوف ياكلني

شفت الضرغام نفس موقفه مكتف لوره ظهره وثاني ركبه الحجي يمه وفجأه صار بيدي مسدس وجهته عليه قتلته وكع بالنهر وفات جوه بالمي راحو الحجي واني بقيت ارتقب شويه ورفعه المي وطاف الضرغام بس من نوم مغمض عيونه

ولااحد يمه وحده مشى بي النهر لحد الجرف وبعدها كعد وتمسك بغصن شجره يابس وكام على حيله واول مااجه وجه مسدسه عليه وقتلني

متت والدم تنثر وكعدت فاازه

الدنيا ليل ضلمه واني خايفه صحت

ضرغام

صرت اتلمس بالمكان لان ضلمه

ضرغام

قتلتك حتى    بااحلامي قتلتك

ااااااااااااااخ وصرت ابجي بحركه

ذكرياته صارت متفاركني ليل نهار بالي واتذكر كل لحضه

كدامي احسه موجود صرت اتخايله بكل ركن

وصوته   مفارك اذني

اتذكره وهو شلون خايف عليه ويتصدالهم ويكلي انهززززمييييييي

تذكرته وهو يكله للحجي مريم وين جان اول شي يريد يعرفه عني هو اني

شلون قتلتك عقلي مو وياي ايدي شلون طاوعتني

اقتلك

تذكرته وهو يكلي

لاتتعلقين بيه مريم...

جنت تدري حيصير كل هذاااا

ختلت راسي بالفراش واابجي بحركه

احسه يمي ويكلمني اتذكره وهو كاعد وايده جانت تنزف دم فتحلي ايده الثانيه حتى ماابقه زعلانه منه او مقهوره منه

تذكرته من دااقره سورة الحمدو وااغلط وهو يصححلي

همست وي نفسي

شلون منتبهت هو يعرفها

شلووووون

والحجاب جان يكلي لبسي

ليش ماكلت هو شعرفه بهاي الامور

السياره

السياره السوده العاليه الي اخذني بيها مره للدكتوره

ماسألته وينها

زين شلون أمني بالمزرعه بعيد عن الحجي وكلي الحوت وصدكت

اني ليش هيج مسألت هواي تفاصيل كان المفروض اعرفها بس ماسألت عنها

شلون هيج صار

ليش ماسألته عن الاسم الي واشمه

تفاصيل هواي اني مااعرفها عنه شلون هيج فجأه

يتغير كلشي بيوم وليله

احس روحي اعرف انسان ثاني غير الضرغام الي عاشرته وحبيته وعرفته

شخص غير يختلف بكلشي

ذكرياته صارت مثل شريط يمر امام عيني

تذكرته شلون اهتم بيه وكت ما ذبيت الطفل

هواي امور هو يعرفها وحتى الطبابه شلون

ماكتله انت منو علمك ماسألت

جان يجيبلي كلشي من دون مااطلب وكأنه يعرف شنو راح احتاج

تذكرته وكت صخنت وهو سوالي كمادات

ومن ابجي شلون يمسحلي دمعي

ومن قبلني من اثر چويه

تذكرته وكت علمني على ركوب الخيل

وعلى

واعلى واختنكت بجيت

تذكرته من علمني شلون اضرب بالسلاح

حجيت وي روحي

اثاري جنت تعلمني شلون اقتلك

گلبي يفرفح والوب اريد اثر اله اريد الم شتات روحي اريد اصرخ يمه ضميري دمرني

للصبح اجه ابو غضب جنت منايمه

اول مافات كمت وكفت

ها معرفت شي

- عن شنو

- ضرغام

-نتر

انتي شوكت تفتهميييييييين

- دنكت على ايده ابوس ايدك بس ردلي روحي حتى لو على قبره توديني اروحلك فدوه دااموت اريد اعرف شي عنه

- تنهد وسكت

-  ابو غضب اني اعرف انت شكد تحب ضرغام وادري مقهور منه لان طلع نقيب ومو مثلكم بس

بس گلبي مو وياي گلبي مدايفهم هالشي دااموت

والله دااموت

ضرغام مدايعوفني بنهاري طول اليوم افكر بي وبالليل يجيني باأحلامي

ضميري ياكل بيه اكل

- افهميني...  هو مات وراح لعالم ثاني حياة غير

وحتى تعرفين اليوم اخابر لمى تروح لبيتهم

لبيت منو

لبيت الضرغام مرته وامه واهله الدنيا مكلوبه يمهم فاتحته منصوبه

- صدك انت

انت شمدريك

- ماكو واحد ميعرف خبره طش

خابرها هسه كللها تروح زين خل اروح وياها

- شترحيييين

- الله يخليك خل بس اروح

ولج مطلوبه ضرغام حاسبج ويانه

انت شلون عرفت

- هو كال كلكم لااخيسكم بالسجون معناها حتى انتي

واذا رحتي راح تنلزمين فاتحته عباره عن ضباط ومنتسبين انتي تفوتين من يمهم تلزمين يعرفوج ذوله كلهم جماعته

- خابرها لعد كللها تروح

- يعني ممصدكه

- خل تجيبلي خبر حتى لو من ريحته

- ضاج بس اتصل عليها

الوووو

- هلو لولوشي شذكرك بينه

- بلا مياعتج هسه اريدج بلازم

- كول

-اريدج ترحين لعزه

- شنو يمه عزيش هذا النوب طالبني بطلابه

- الضرغام نقتل

- منو هذا ماعرفه

- الي جان وياي الي ضربته مريم

- هااااا هذا ابو عيون الكحيله

يمه شايف روحه شوفه لتكلي مات

- اي

- يااا خطيه وتريدني اروحله ليش

- شوفي شنو الاوضاع هناك فوتي لبيتهم وشوفيلي جهاله ومرته اهله منو بقالهم اريد تفاصيل

وحلاوتج يمي

- تدلل لولوشي وين بيتهم

-............

- تمام اليوم اني عدهم مايمسي المسه اذا مو كلشي تعرفه

- عفيه لمى واعرفج كدها وكدود

راح تروح عاد صبري لما تنطينه خبر

بالمزرعه لازم اشوفها وتحجيلي بالمزرعه ومنها ننطيها ماي واكل لسمسم

كااااافي مريم كااافي تطلبين الله يساعدج ضرغام شون جان متحملج

وعافني وطلع

بقيت الوب يااااناااار التاكل بيه اكل

اروح واجي بالبيت مدااكدر احس كذب حتروح وحتلكاه موجود ومو ميت يمكن يكذبون عليه

باوعت للسماء

مالي غيره يارب وحيدي وراح مني

يطلع كذب يطلع ماميت

ااااااااخ

غرب الغروب ومااكو اي خبر وابو غضب مااجه

لليل بوقت متأخر جا ابو غضب

امشي

وين

مو تردين تولين للمزرعه امشي

- بهذا الليل وطريق بعيد

نتر

حترتتتت ويييااااااج

امشي نروح

- لبست الشال مثل ماوصاني الضرغام وجنت لابسه دشداشه وطلعت ويا

صعدنه ولما بعدنه عنهم

كال وهو يباوع للطريق

جان لازم يروح الحجي حتى اكدر اطلع مريم اترجاج

كافي تلحين تره دااساعدج لخاطره

ماانسه بيوم من الايام وصاني عليج

نترت

جان ساعدته

جان خلصته من وكع بيديهم ليش عفته يأذووو ليييششش عبالك ماادري بحبوب التخدير الي جنتو تنطوها اله

حبوب ياحبوب

- روح أسأل سعدي كله ضرغام ليش جان خامل ومايكدر يكوم ومن تضربو ميتصدالكم

- جابها لنفسه هو خلاها لروحه بهذا الموقف

- خلاها لنفسه؟

هو نواياه غير نواياكم انتو تدمرون بالبلد وهو يعمر بي

طلعت

طلعت اني وشفت كلششششييي

شفت ناس كاتلها الفقر والجوووع

عايشه على المزابل حتى تلم قواطي تشتري بيها كيلو طماطه تسد جوعها

شفت القتل

والذبح

والموووت تكلي هو جابها لنفسه

هوغير راد يخلص هاي الناس من امثالكم

وكفها للسياره مباشرة حتى طلعت صووت وباوعلي

ونتر

وانه شذنبييييي

انه ذنبي تشردت بالشارع بسبب اهليييييي

الي رباني والي كبرني هذااااك

هذاااااااك الي انتي هسه تكرررررهيييييييي

منو ربتني

الحكومه من تشردت بالشاااااارع منو رباني الحكومه

الي رباني هوووووو وعلمنييييي هو

وخلاني شاييييخ عليهم كللللهم هووووو

احنه كلنه بصاية الحجي

اكلج ضرغام على حق اعترف بس حق يطالبه من ناس تعيش بلدها بايكتها حكومتها

ومبررر  الي داتسووووو

- اييييييييي احنااااااا محد رحمنااااااااا

دنرحممممم الناااااااس

وانتيييي هااااا

حتى انتيييي مرحمج هو خلاج طعم حتى يصطاد بي

- لا مو هيج

لو خايف عليج ليش ماطلعج من تل الذهب جان يكدرله للحجي

- كلي

كلي اسفرج مريم اطلعي وانهزمي بس ماقبلت

- اخ منج مريم اااخ

اتصلت لمى

ـ  ها وينكم

ـ  جاي

ـ اوك

حركها للسياره وساقها بسرعه وصلنه بيت واول مااتصل طلعت لمى بالباب

لابسه عبايه نص راسها ورافعتها الدنيا ثلللج وهي نفنوف سيلفي

متكلي وين صرتووو

طريق شنسوي

صعدي

صعدت ويانه وسلمت

هلو سوس وينج يمعودده

- موجوده

ـ طبعا يمممممه يمه شافت عيني

اخ منك ابو لولوشي ولاتكلفني بشغله زينه

- نتر

شكو شصاير

- انت وين موديني هسه

للمزرعه نكعد ونحجي

اي افضل

- احجي عاد

-لك عيني رحت نكرب گلبي ورجعت

خل نكعد واحجيلكم

وصلنه المزرعه ونزلنه قبل حتى لانكعد كتلها احجيلي

-لج خل اكعد اجرلي نفس

بس افيييش هوى المزرعه يردها للروح

-احجيلي لمى

-اووووي شبيج

ابو غضب... احجي لمى

-لك عيني اني رحت ومن الباب هبطت من الصراخ

طلع متزوج ومرته ثبرتها للدنيه عليه

لك بس تصرخ صدعت اذني

مريم:  كالت هيج احس وغزه بقلبي بس كابرت مابينت

- وامه مره ضريره خطيه متشوف رغم مو جبيره هواي جهاله صغار

عنده بنيه تخبل تشبهه

- وهو صدك ميت؟

- لعد مرته تصرخ على سلامته اكيد على موته

- زين وين دفنوه

- يكولون بالنجف يم اخوه بصراحه جماعته مشيعي هو اخوه ميت وعمامه ميتين وهذول ولده صغارمنو يشيل جنازته 

- بجيت متحملت گلبي يعصرني

ألم

ألم منين ماللتفت

وصارت تسولف تفاصيل

مرته مابطلت بجي وصراخ عليه حتى بثوب الالوان مالابسه اسود دكللهم مااصدك مات

وامه خطيه مره جبيره وتصيح ولدي راحو منو بقالي

مبين جان مدللها لمرته ويحبها هم من خلال حجيها وي الناس

- يعني شتكول

- دكللهم ماكو منه

لو قاهرني بيوم ماابجي

لو مأذيني ماابجي

اااااااخ يالحنيييين يالماكو منك ليش عفتني

جهالك بعدهم صغاااااار

يكلي حولو لدوامي بغير محافضه

اكله ضرغام داتغيب هواي علينه

يكلي شغل

ً ضرغام انقل قريب علينه

يكلي ميصير

شنو هذا شغلك ليش نقلوووك

يكلي شغل متعرفيييي

ثاري ذاب روحه بنص الناااااار

ومااااادرييييييي

ميكووووول ذبحني ميحجييييييي

شتلزم اوكار ارهابيه شتتخلصصصص منهممممم

بلد مليان ارهاب حتحررهم انت

قتلوووه

تاليها قتلووووووه

وتملخ بشعرها فاقده حتى دشداشتها شكتها من عليها

وامه خطيه

تحجي تكول...

اخر مره اجاني مضروب باإيده

ضرغام يمه ايدك شبيها

يمه تشاقيت وي صديقي  ونضربت

ضرغام وليدي مرتك تبجي دكول ضرغام

عايفني ليل نهار بشغله يمه حتى جهالك مو مثل الاول وياهم

يمه شغل والله مشغول

-وليدي شنو هذا الشغل وليش ينقلوك

- يكلي يمه شغل من ضمن اختصاصي متعرفين بي

خله راسه بحضني يكلي يمه اقريلي

تعبان

مدااكدر حتى انام اريد اشتم ريحتج بلكت ارتاح

يمه شلون نمت نومه تاليتك لحكت اخوووك

مجنت ادري جان يودعنيييي

جان تعبان ايده مضروبه صدكتككك

مجان يكذب عليه بحياته مكاذب

ولك يمه يبو طول الحلو

لو ادري بعد مترجعلي مااخليك تروح

حسبي الله ونعم الوكيل على الى قتلك

الله ينتقهم منهم

- واني سمعتها لمى هيج كالت بلعت ريكي

بخوف

لمى ـ من دااطلع جانو ولده دايلعبون بالحديقه وبنته صغيره عمره سنه ونص هيج شي

حقيقه اطفاله قهروني

بيته ماشاء الله قصرر 

اله كلي هو شلون هيج كدر يدخل بينكم ومكشفتو كل هالمده

- كلشي جان يدل هو الضرغام ماكو اثبات ضده

- وتالي

- وتالي كشفناه ضدنه

- واسمه مكشفتو

- مو تكلين ضرغام امه تكول

- اي ضرغام اسمه لعد شلون مكشفتووو

- لج بابا افتهمي نفس اسم الايد اليمنه للحوت هم اسمه ضرغام مانكشف

- همم.... 

-اباوعلهم اختنكت غوركت عيوني بالدموع وكمت من يمهم رحت يم المهره وكعدت ابجي يمها

كلامها اذاني مااعرف غيرانه من مرته لو مقهوره عليها ومقهوره على جهاله يتمتهم وامه خطيه

اتذكرت ام مازن وهي تسولفلي على ام حامد وعلى ابنها من قتلوه

اني مجرمه اني هم صرت مثلهممممم

صرخت بصوووت

الله ينتقممممم منكم ومنيييييييييي

ااااااااااااااااخ..........

لمى...  شبيج مريم شبيج

عوووفووونيييييي لحد يقترب منكممممممم

ابو غضب...  امشي لمى عوفيها هي هاي وضعها

عوفيها

-راحو عني وبقيت وحدي يم الفرس

كاعده مكوره روحي راسي رجيته  برجلي واخذتني غفوه بعد دموع منهمره...

حسيت بإيد تمسح على راسي

رفعت راسي شفته هووو

لا

لا

مستحيل

ضرغام انت هناااا

جان يباوعلي بشفقه ميحجي مسحلي دمعي

اني

اني مجنت

مجنت ادري من قتلتك ووالله ماادري

سامحني

انت.....  انت....  عايش....  شلون يكولون ميت

جان يباوعلي بشفقه بس

بعدين تكلم

امشي وياي

وين

امشي

فزيت من غفوتي ماكو باوعت نفس المكان ونفس نومتي وكعدتي وكلشي نفسه بس هو ماكو

دنيا فجر توه بين الضوه جنت بردانه حيل

ايدي رجلي مثلجه

كمت ادور عليه واصيح ضرغاااااام

وينك

انت هنااااا ضرغااااااام

دورت بالمزرعه ماكو فتحت الباب مال الغرفه جان ابو غضب ولمى نايمين فز ابو غضب شكو

ضرغام

ضرغام

جان هنا

شنووووو شتحجين هيييي

والله هنا شفته

شفته

وابجي مذعوره جان يمسح على راسي مسحلي. دمعي وو...  واجهشت بالبجي

ولج بابا مااات افتهميييي شلوووون بيها هاااااااي حتخبلينيييييييي

- عاااااايشششششش

عايش مو اني حشوفج شلون عايش اليوم اوديج على گبره

كفيت عن البجي كتله

شنوووو

-  مو تكلين عايش اليوم اوديج على الضرغام حتى تصدكييييين

- كعدت لمى

ها

هاي شكو شبيكم

-  ماكو شي نامي

- شبي ضرغام سمعتكم تحجون

لج خبلتني دكول عااايش

- شبيج مريم مات ضرغام خو ماكو شي

- اليوم اوديها على قبره

- تحجي صدك لك بالنجف

اوديها

والشرطه

انه اعرف شون ماعليج

تحضرو ساعه ونطلع

تحضرنه وشغل السياره وطلعنه

مشى طريق طويل جان حتى بالطريق نمت

وره ويييييين وصلنه

صارت تمشي السياره بين المقابر واتاخيله بينهم

وابجي لحد ماوكفت السياره جمد گلبي وي وكفتها

يعني صدك معقوله

نتر

نزليييي

نزللت

امشييي

اخذني ورحت وراه حد ماوكفنه على قبر كال هذا

باوعت للقبر وباوعتله كتله كذاب

ماعرف اقره دكلج ولا انتي تعرفين بس هسه يجي الدفان واكله اقرالي

باوعت للقبر الي يمه جان مكتوب اسم نفس الاسم الي جان على ايد الضرغام رغم معرفت اقراه بس نفس الشي مكتوب

اجه الدفان وسأله ابو غضب

شنو الاسم المكتوب هنا

ضرغام...

زاد البجي وشمرت روحي على قبره واصرخ وابجي

بس گلبي مكذب مدااقتنع سألته للدفان

عمو انت دفنته

اي

منو هذا

هذا قبل كم يوم جابو مقتول ضابط

تلاشت نظراتي وباوعت لبو غضب

كال

هاااااا صدكتييييي

باوعت للقبر صرخت

سامحنييييييييي اني قتلتك بيدي انييييييييي

اني نيمتك هالنوووومه ضرغاااااااام

اااااااخ  ضرغاااااام

ثم ماذا..

ثم أنني افتقدك بشده

بشدة اصرخ بصوت علك تسمعني

علك تسكن ذلك الضمير الذي يحرقني....

حبيبي.....

مالي أراك وسط المقابر وقد اتخذت من الموتى اصحاب

تغمض عينيك ياذا العيون الكحلية الواسعه

أأشتهيت الموت ام أعجبك النوم هناك

تركتني وحيدةً مجدداً

مجدداً ياحبيبي....

سديم.....

احتاريت شنو اسوي اوجهه لو اكتم

واجهته سابقا ماتغير شي مايفيد ويا

هذا الكلام ويا لايقدم ولا يأخر راح اشوفك وجهي الثاني ادم واعلمك النسوان شتجيب..

شويه وااجه جيب العشاء

ها حبيبي خو ماتأخرت عليج..

- لا

- شلون تكه جبت يبوووو تموووت اريدج تداريها لنفسج زين جيبيلي طفل متعافي

- ان شاء الله

جاوبته طبيعي جدا ورسمي بعض الشي لكن هو منطلق وماانتبه ابد

وصلنه للبيت وخلينه العشاء وكعدنه ناكل وجنه عالكين فلم نتفرج عليه

جان طالع فلم قديم وهو من النوع يحب الافلام الكلاسيك ويندمج وياها

اباوعله ماعرف شنو اكول اكتفيت بالسكوت واكلت قليل دااكوم

وييين

شبعت

هو انتي شكلتي

-شبعت ادم

فدوه لعينج اكلي واسمني اريد جهالي متعافين

من اجوع عود اكل

اي اكلي قبل لتنامين واشربي حليب

اوك

الاكتفاء بالسكوت امر اصعب من الكلام

اصعب من المواقف

اختنكت كلش اختنكت كمت توضيت وكعدت اقرأ القران

سمعني دااقره نصه صوت التلفزيون

قريت وكملت

سألني... 

تصلين؟

- اي

- هاي اول مره اشوفج تصلين وتقرين قران

- انت تصلي

- لا

- ليش

ـ ههههههه سؤالج مال وحده متعرفني

ـ بس مو معناها متصلي الانسان بالصلاة يتقرب لله

ـ مو شرط هو بالصيام بالصلاة

، لعد بشنو

ـ اكو ناس تصلي بس ماكله حق الناس

اكو ناس تصلي بس تأذي العالم

برأيج صلاته صحيحه ولازم نقتدي بي

ـ الي زرع هذه الفكره بعقل الناس مثل الي يدس السم بالعسل

اعوذ بالله من تفكير شيطاني رجيم مع احترامي الك بس الميخاف الله يحجي هيج

لان اي انسان اذا غلط وراد يكفر عن غلطه بعد سماع هذا كلامك متقرب للصلاة بااعتبار هو مذنب ومن ميصلي حيرتكب معاصي ومعصيه تجر معصيه تاليته بالنار

- يعني هسه انتي ضامنه الجنه

مضامنتها بس على الاقل راضيه ربي

الامام علي عليه السلام قبل استشهاده اوصى اولاده ببعض الوصايا كان منها...

والله الله في القرآن! لا يسبقكم بالعمل به غيركم.

والله الله في الصّلاة! فإنّها عمود دينكم.

والله الله في بيت ربّكم لا تخلّوه ما بقيتم فإنّه إنْ ترك لم تناظروا.

والله الله في الجهاد بأموالكم وأنفسكم وألسنتكم في سبيل الله! وعليكم بالتّواصل والتّباذل، وإيّاكم والتّدابر والتّقاطع، لا تتركوا الأمر بالمعروف والنّهي عن المنكر فيولّى عليكم شرارُكُم، ثمّ تدعون فلا يُستجاب لكم.

- شنو يعني

- يعني اوصى بالصلاة والقران والامر بالمعروف والنهي عن المنكر

الصلاة هي عمود الدين

الشيخ احمد الوائلي رضوان الله عليه

كان دائما من على منبره يوصي بالصلاة

وحتى ابو بكر لما كان على فراش الموت اوصى عمر بالصلاة..

:‏ إن لله عز وجل حقاً بالليل لا يقبله بالنهار، وإن لله حقاً بالنهار لا يقبله بالليل، وإنه لا يقبل النافلة حتى تؤدى الفريضة، وإنما ثقلت موازين من ثقلت موازينه في الآخرة باتباعهم الحق في الدنيا، وحق لميزان يوضع فيه الحق أن يكون ثقيلا، وإنما خفت موازين من خفت موازينه في الآخرة باتباعهم الباطل، وخفته عليهم في الدنيا، وحق لميزان يوضع فيه الباطل أن يكون خفيفاً‏.‏ ألم تر أن الله أنزل آية الرجاء عند آية الشدة، وآية الشدة عند آية الرجاء، ليكون العبد راغباً راهباً لا يلقى بيديه إلى التهلكه، ولا يتمنى على الله غير الحق‏.‏ فإن أنت حفظت وصيتي هذه، فلا يكونن غائب أحب إليك من الموت، ولا بد لك منه، وإن أنت ضيعت وصيتي هذه فلا يكونن غائب أبغض إليك من الموت، ولا بد لك منه ولست تعجزه‏".

انتي منين تعرفين كل هالامور

- الانسان لازم يستقيم على شيئين

ـ وهو

ـ الشريعه والمنطق بعدها حر بأي شي

- يعني مفتهمتج

اي شي يريد يسوي الانسان لازم يشوفه هل هو يطابق الشريعه ام لا

الله يقبل بي لو لا

ـ واذا هو يدري حرام بس يسوي

ـ معناها متسلط عليه الشيطان

الشيطان يغوي البشر على الوقع بالمعاصي بعدين يتبره منه ويكول اخاف الله

،  هههه وانتي شنو تسمعين الشياطين

ـ اني اقرأ كتاب الله

وكتاب الله كلشي بي مذكور

ومذكور هالكلام التكلي

بسم الله الرحمن الرحيم...

وَإِذْ زَيَّنَ لَهُمُ الشَّيْطَانُ أَعْمَالَهُمْ وَقَالَ لَا غَالِبَ لَكُمُ الْيَوْمَ مِنَ النَّاسِ وَإِنِّي جَارٌ لَّكُمْ ۖ فَلَمَّا تَرَاءَتِ الْفِئَتَانِ نَكَصَ عَلَىٰ عَقِبَيْهِ وَقَالَ إِنِّي بَرِيءٌ مِّنكُمْ إِنِّي أَرَىٰ مَا لَا تَرَوْنَ إِنِّي أَخَافُ اللَّهَ ۚ وَاللَّهُ شَدِيدُ الْعِقَابِ

- هاااا

زين والمنطق...

ـ المنطق لما شي الناس تقبل بي

ـ مو مهم رأي الناس

ـ لا مهم انت مو عايش بكوكب لوحدك انت بين ناس واكيد تحب تكون الك سمعه طيبه بين الناس ومكانه مرموقه هذني الامور مستحيل تجي وانت تسوي كلشي مثل مايعجبك بدون ماتحسب حساب هالشي صحيح لو غلط

- هز براسه بمعنى اي وسكت ماحجه شي

كملت وكمت غيرت ملابسي واجيت حتى انام...

سديم اكلي

مو جوعانه وتعبانه اريد انام

-لو بس تبطلين عناد

- باوعتله وسكتت محجيت

مدتت وغفيت

شفت روحي بئر اظلم واينشاف الضوه الا من فتحت البئر من فوك

ضلمه وخايفه ومحد يمي

صرررخت بس محد سمع صوتي محد يردلي

طلعلي عربيت اسود مامبين شي منه الا عيونه

صرررخت وهو يتقرب يمد لسانه بااتجاهي بحاول يلدغني

صرررخت وفزيت من نوميييي

كعد ادم على فزتي

شبيج سديم

انهت ومتعركه اريد مي مارديت عليه كمت شربت مي واجبت يمه تكلمت

كابوس

كوابيس بين فتره وثانيه تجيني وتريد تطلع روحي

-شنو شفتي

هااا واكعه بئر

-شنو النبي يوسف انتي هههه

-ادم كافي تصنف فدوه

-شكد نفسيه انتي نامي نامي

مددت وافكر شنو هذا الحلم

ليش هيج احلم كل فتره

ثاني  يوم خابرتني مرت خالي فرحانه

سديم

هلو  خاله

ابشررررييييي

شكو

-ولج الشغله طلعت صحيحه والكم حقووووق

حقوقيش

ولج ينطوكم تعويضات فلوس تعتبر سجناء سياسيين

ـ ان شاء الله خاله

ـ اريدج تجين لازم تجين حتى تكمل المعامله

ـ ميخالف اجيكم انشاء الله

سديته منها جان ادم بالبيت سمعني

شبيها مرت خالج

خابرتني علمود دتكلي اكو تعويضات تعتبر رواتب سجناء

- هاااا

ايييي صدك انتي اهلج معدومين من النظام السابق

اي لهسبب كالت ينطون تكول تعويضات عود صدك هالكلام

اي صحيح وفلوس يابو فلوس ينطون بالعافيه سديم طكيتي

ابتسمت من كلامه

وثاني يوم رحت لبيت خالي حتى نكمل المعامله

خلود زوجة الخال:- شلونه ادم وياج

- زين خاله

- داايزعجج بشي

- لا

شفتي هسه بعد يجي الطفل يتغير اكثر واكثر

هزيت براسي بمعنى اي وابتسمت كذب

- هذا الرجال الي سأل على مريم مااجاج

- لا خاله واتصل عليه مغلق

- ماعرف شنو غايته سأل وراح

- مريم خلص مااكو امل اتأمل منها جيه

ورجعه احنا فقدناها بالصغر هي هسه حتى لو ترجع وين تعرفنه

ياترى شلون حيكون شكلها حتتقبلنه لا

- ماضن اصلا عايشه يابنتي ولو عايشه تتوقعيها مثلنه مثل اطباعنه هذا يكذب الي جا يمكن مجرم جانت عدهم وراد يكللنه وتندم يمكن قتلوها لو تلكيها مشغليها ب

استغفر الله العظيم

خاله داىما احلم بكوابيس داتدمرني

شتحلمين

طرق مظلمه لو واكعه بير مظلم تعبتني هاي الاحلام

والطريق مابي ضوه

جان قبل ضوه بالنهايه الطريق لكن هسه حلمت بير واكعه ويمي عربيت اسود يريد يلدغني

- تصدقي يابنتي الصدقه تدفع البلاء

_ بس شنو تفسيرها ليش هيج احلم

ـ نسأل ونشوف ذكريني اخابر ام غسق تعرف بالتفسير الاحلام

- اوك

كملنه المعامله ورجعنه بقيت يمهم يومين ولما ردت اروح تذكرت خاله خلود بالحلم

نسيت اخابر ام غسق

عود خابريها واتصلي بيه وكليلي حروح ادم اجه

- الله وياج بنيتب انتبهي لنفسج ومثل ماعلمتج لاتجادلي بشي تركي

،  اوك

رحت وياه وطول الطريق يسأل

وين نمتي

يم توته بنت خالي

توته وليش توته شسمها هم اسمها تقى

- نترت لاااا

ـ اي ولد خالج هناااك

اي لعد وين يروحون

ومتحجبه منهم لو لا

اي

خو ماتبيعين وياهم ميانه

لا

خو مالبستي ضيق

لا

بعد من تروحين ترجعين بنفس اليوم متباتين

ليش اني اشتاقلهم

ولد خالج زلمم بالبيت شنو روحتج

شكو بيها

لا بيها ست اني مو بلا غيره دخلي مرتي تبات بيت بي زلم ثنين

ولد خالي ذولي وربيت وياهم

متروحين بعد وتباتين سديم

صار

هدأ

تنهد وحجه بهدوء

اني من حرصي عليج مااقبل مو غير شي

افهم

ـ بهذه الاثناء رن الموبايل نسه وطلعه نفسه جان الي بالجكمجه بس هالمره جان مخلي بسترته

والاسم بين تقى

داايجاوب بعدين انتبه يمه

باوعلي واني جنت مركزه بتصرفاته وشنو راح يسوي

تلكأ وكال

ه ه ه هذا الموبايل مو مالتي.... 

وتخيب ضنوني بك مجدداً بعدما كنت لي كل أماناً.

كنت معكم انا رغد الموالي في امان الله ♥

                            تــــــــــــل الذهب

                            رغــــد الموالي

ـــــــــــــــــــــــــــــــــــــــــــــــــــــــــــــــ 

وأنثر على قبري فتات خبز

كي تأتي الطيور فتأكل منها

أسمع صوتها ولاأشعر أنني وحيد...

فيودور ديستوفيسكي.....

ـــــــــــــــــــــــــــــــــــــــــــــــــــــــــــــــ

مريـــــــــــــــم.....

باوعت للقبر صرخت

سامحنييييييييي اني قتلتك بيدي انييييييييي

اني نيمتك هالنوووومه ضرغاااااااام

اااااااخ  ضرغاااااام

ج جنت

جنت مو بس امان لگلبي جنت كل دنيتي وأهلي

شلي بعد بالدنيااااا ليشششش اعيشششش

ليييييششششششش

علمتني شلون اقتل حتى احمي نفسي

تاليتي اقتلك

اقتلك واحرمك من اطفالك من امك من زو

مكدرت اكملها

صرخت

احس نار واحترك بيها بين المقهوره منه والمقهوره عليه

صرت احجي بلا وعي مره وياه ومره عليه

ليش تقربني منك هيج وبالاخير ترووووووح

جنت دكلي مريم لاتتعلقين بيه

وهوووووو انيييييييي ادرررريييي

ادريييي راح تموت

ليش ماكتلي متزوج

ليش كلتها وانت مو بوعيك وكلت يكذب

حتى يبعدني عنه

ماصدكتك ليش ماكتلي عندي جهال

ليش كذبت

ليش اصحى على كذبه بيوم وليله لييييييشششش

كلشي جان حلم

مثل حلم عشته واصحى على واقع مرررررر

مررررر

مداتفاركني ضرغاااااام

حتخبللللل

بروحي

بروحي

بعقلي

باأحلامي

بكلماتي وي نفسي مو جوووود

مو انت المتت اني

انيييييي ذبحتني على النص ورحت

خليتني مثل طير يرافس

عفتك اني عفتك تشهك بالموت

وعينك عليه ادري گلبك يمي

والله ادريييي

ادري تدري بيه دااتعذب حتى لو اذيتك

بس

بس

بس وروحك يالضرغام ماادري

احلف بروحك تاليتي اااااااااااخخخخخ

باوعت لبو غضب ولزمته مثل ترجي

وعيوني تجري دموع

مذعوره

احلف بروحه

احلف بروحه ابو غضب مات.   ماااااات وابجي

مسح على راسي ابو غضب كال كومي

عوفني يمه

شلون حعوفه هنا

نايم هالنومه هناااا الدنيا بارده

باردددده

اخر مره جان بردان ماملبسي جسمه بردااان

يكلي قتليني داتعذب

وقتلته

وقتلتتتتتتتتتتته

ابو غضب- ولج كااااااافييييييي حتموتين كااافي

كافي

مامات كومي

سكتت وباوعتله

ها شنو

مثل الي غلط بكلمه بعدين توهني كلي كومي

شكلت

ماكلت شي كومييي

عوفني يمه

والله مايقبل هيج تأذين روحج

مريم

جنتي عزيزه عليه هواي ومايقبل تأذين روحج

- بس اني اذيته

صدكيني يعرف مو بوعييج

ضرغام ذكي ويفهم مجرد النظر مو الا تبررين

- بس

بهدوء..  بس كافي الي صار صار وخلص وهاي جبتج لعنده حتى تعرفين وتتأكدين مات

- كوموني لمى وابو غضب

تمشيت بتعب مفرط جانو هم لازميني

كعدوني بالسياره ومجرد صعدت لزمتني رعشه وبرد

صرت ارجف واصك بااسناني من البرد

ابو غضب..  غطيها لمى هاي قمصلتي يمج

- غطتني بس اني بردانه

كمت احس بروحي داتغيب شويه شويه ماحسيت بشي

كعدت واني بينهم بيت ابو غضب

حسيت بتعب بجسمي وگلبي احس بي ينغزني

مقبوضه روحي

كمت من نومي تمشيت خطوات سمعت اصوات بره

تمشيت بتثاقل حد ما وصلت

باوعت جانو ينزلون بضاعه والحجي يمهم

يلللله يووولد همه شويه فضوها

والولد يشتغلووون

يشتغلون بهمه وينزلون  بالبضاعه ويفوتوها جوه جانت اول مره يرجعون لشغلهم بعد الي صار  بقه الحجي وابو غضب يحجون وماعرف شنو يحجون بس جان يأشر الحجي على اتجاه بيته مثل الي يحذره او يهدده مفتهمت

فتت جوه تمشيت بخيبه واحجي وي روحي

لو ماكشفوك جان انت هسه لازمهم جان كلهم بالسجن

بس ياحسافه كلشي راح كلشي ضاع وضعت

اباوع للبيت احسه وحشه تذكرت لمن بقيت بيته وشلون نضفته وشلون لكيته مهوسلي المطبخ وشلون راد يسوي جاي وميعرف

رجعت ابجي

بهل الاثناء اجه ابو غضب

ها هم تبجين

- باوعتله ومارديت عليه سكتت

- سمعي الحجي تره طافره روحه منج وكوه متحملج

-كمت على حيلي  وصيحت بنتره

وشيرييييد هاااا شيرييييد يقتلنييييي

خل يقتلنيييييييي

خل اموت واخلللللللص خل ارتااااااااااااح

ولج كافي ليسمعج

بهل الاثناء اجه

كال

شبي حسج طالع ولجججججج

- شترييييييد فهمنييييييييي

- هييييي اجه عليه دايضربني وكف بوجه ابو غضب عوفها حجي

- لتدااااافعلللللللهااااا

هذاك النذل طلع عينهااااا وانت همممممم

لتدافعللللهااااا

- حجي محروك كلبها لتنسه خلينها هي تقتله

تنهد واتبسم بشماته

هه وانت الكايلها

باوعلي

تعرفين مريم ليش خليتج تقتلي

باوعتله بحقد

حتى اقتله بحسرته مو برصاصه ويعرف كلش كافي

عليه مره تقتله هواي عليه واحد من رجالي يقتله

ومو اي مره

الي قتلته الي حبها

ضرغام مات بحسره وغدر منج عرفته طعم الغدر مثل ماهو غدر بينا وقتلته وخليته يصارع الموت ومات مثل الكلب وحده وعفتي ومشيتي

- دمعي ينزل وحده وكلمته بحركة گلب

الله ينتقم مننننك تخليني اقتله لييييشششش

تذبحني بي لييييش

حتى يصيرلج درس انتي

وصورتج حتى تتعضين وتعرفين عقوبة الي تخالفني

وكتلج انه

جري ووكعي وافتهمي منه كلشي لو جنتي تضميله

هاي خليته عبره الج ولغيرج

وخل يكون بعلمج

راح نرجع لشغلنه وراح نتاجر بالاطفال ونرجع للمربع الاول

ههههه ضرغام البطل عود عباله يكدرلنه

يكدرله للذيييييييب

باوعتله مااعرف شسوي ماادري شرد يحرك بگلبي واني گلبي محروك

عافني وطلع ولمن طلع تلكاه ليووو

سمعته وهو يحاجي وين جنت

ليو تلكأ ومباشرة طلع ابو غضب عليهم وتبعتهم حتى اشوف شكو

جان ليو يخاف يحجي وابو غضب تكلم

ليو وين جنت عبالنه لزموك

ج ج نت منهزم

الحجي:- وين

ليو:- عفتوني ورحتو بيوم الي كتلتو الضرغام

الحجي:_ شنوووو شلون وبس انت عفناك لو ممنو

- اي

ليش مجيت ويانه

ملحكت

- سمعتهم هيج يحجون جيت اركض اشوف شنو صار ورانه

الحجي:- يعني بقيت بس انت والضرغام

الضرغام مات

- لعد ليش مجيت ورانه

شرطه جتي

وشدراها الشرطه بهل السرعه

م

م

مادري حجي يجوز اهل تل الذهب الاصليين مبلغين

انت شلون خلصت

انه لحكت بالنهايه على عجاج السيارات صيحت ومرديتو

لكيت الضرغام بالكاع نايم على بطنه  ويشهك باانفاسه جان ينازع الموت

وكفت على بعد خطوات

متحملت اقترب منه اكثر 

وشلون مات

بقه يرفس حد ماطلعت روحه ومات نزف هواي

مريم:- كل شويه اسمع عنه احس اول مره اسمع

ترجعلي الدموع  وارجع اندب بروحي وضميري ياكل بيه اكل

كوه ضاغطه على روحي اريد اسمع

الحجي:- ومكلك شي

- لا

جان ميكدر يحجي حجي هو منا جان تعبان من التعذيب نوبه نضرب زين بقه شويه يله مات

وانت شلون خلصت وره شكد يله جتي الشرطه

وره مامات نهزمت بالجول الي وره المنطقه ختلت بالسرداب

اي عفيه

بعدين سمعت سيارات الشرطه طوقت المنطقه واسمعهم ينادون بالجهاز

النقيب ضرغام.... 

نقتل قتلو وفشلت المهمه

الحجي:- ضحك بشماته بصوت عالي

وراها راحو بس مطلعت بقيت حد يومين وراها طلعت وبقيت هالمده كلت خاف احد مراقبني وعود يمشي وراي وتنلزمون

عفيه

عفيه ليوووو سبع

ترباتك حجي

لعد مريم وين

-جوه هه

عفيه ليو طبطب على كتفه ترباتي عفيه زلمي سباع

وماينخاف عليكم

وطلع

اول مااراح سأله لبو غضب وين مريم

جوه بيتي

اجه ليو

واني شفته مصدومه واهز براسي بالرفض وعيوني تجري

همس

شبيج

حتى انت ليوووو

حتى انت

شنو انه شبيه

- ليش مانقذته ليش عفته يموت

-لعد اعوفه يعيش يخلينه بالسجن

جان يشوف بيك إليا

يس حيلف حبل المشنقه عليه

- خطيه ليو

خطيه ضرغام عنده جهال يتمهم

- ومافكر بينه

- جان ساعدته

ليش قتلتي لعد

ماادري والله ماادري

بس تدرين

شنو

يمكن هو مسامحج

شلون

تدرين اني مقبلت اكل للحجي

شنو

جان كوه داايحجي حسيت يريد يحجي بس مدايكدر

قربت اذني يمه سمعته لفض اسمج

من باوعت عليه يباوع للطريق الي رحتي منه

مثل الي وصاني عليج هذا الي فهمته منه

بس هيج كلك

اي

كال مريم وهاهيه جان ميحجي ميكدر

سوده عليه

لطمت على وجهي وصرت ابجي وهو يحاول يهدأني يسكت بيه واني انهاررريتتت بجييييي

ولج مريم سكتييييييي

كافييييييي

وخرررر عنييييييييي

مريممم

وخرررر عفته يمووووت

اااااااخ گلبييييييييي

عفني وطلع يركض يصيح على ابو غضب

سمعته يكله تعال الها هاي تخبلت

ابو غضب:-عوفها هي هيج هسه شويه تهدأ

بقيت ابجي اخر شي قررت انتحر مثل ماقتلته اقتل نفسي بس قبلها فكرت اقتل الحجي وانتقم منه

مسحت دمعي وقررت انتقم

احس نار تسعر بيه ونوب حركني بنار من كلي اخر شي عن الضرغام

مددت بالكاع عيني للسكف واحس صورته بالسكف ينرسم بخيالي

وينرسم گبالي

عيوني من كثر البجي صارت توجعني

احاجي وي نفسي لان اساسا كبالي بالسكف اشوف صورته

والله لااخذ بحقك وااجيك

اني مادري بروحي من قتلتك بس هانت راح اوضحلك كلشي من اجيك انتضرني

راح اقتله واقتل نفسي واجيك

ضرغام تدري اني دااخاف حيل دااخاف

وحدي

ماعندي احد....

منو بقالي ولمنو اعيش

مر وقت هواي ماعرف شكد كضيتها بين انام بين اكعد اهلوس وارجع انام

سمعت صوت الحجي بره

كمت بسرعه اخذت سجين ورحت اركض

طلعت اركض رايحه على الحجي جان كاعد بره على كرسي بسرعه انتبهو الولد وتصدولي

صرخت بوجههم

وخروووو عني وخرووووووو

سعدي:- تخبلتيييييي ذبيهااااا

مريم:- وخروووو

ابو غضب- مررريييييم

اجه الحجي يتمشى برود استهزأ

هه هاي كل قوتج

تذكرت من علمني الضرغام شلون اضرب

شمرتها بااتجاها نصه وراحت السجين وراه

باوعلي وصك على اسنانه كال

هااااااااي علييييييه انه اعلمج شلون تشمريها عليه

جيبوهاااااا

ابو غضب- عوفها حجي

طلع سلاحه الحجي وجهه على ابو غضب كاله

وخرررر عنيييي لااطشر راسك

ابو غضب- حجي مو بوعيهاااا

-  جره من زيكه وحجه بفحيح مثل الثعبان

قبل جنت دكلي امانة الضرغام هاي وعوفها هسه امانة منو

امانتي هاي مالتي

ضيق عينه همس

شنو

انه رايدها قبل الضرغام ولو مو قاتلي للضرغام انه جان قتلته

مريم:- بصدمه.  انت شتحجي

- ايييييي انه رايدج وهو خذاج مني

ومن اليوم يمي وبحمايتي

الحجي- تخبلللللتتتتت

التفت عليه

ولج ربيتج حتى توكعين زلميييييي

- عوفها حجي

- النذذذذذذذل جان يكلي راسملها رسمه وراح نوكع بيها هسه شنو فايدتهاااااااا

- الي خليها يمي فتره انه مااتزوجها مثل ضرغام راح ابقيها فتره وبعدين من املها تلكه جثتها للكلا**

تكذب عليه ابو غضب؟ 

حجييييي انه مو الضرغام انه ترباتك

عاشرت الضرغام ابو غضب

الطبع يغلب التطبع

الحجي • ديربالك تسمعلها

ابو غضب- تريد نهايتي نهاية الضرغام لازم تاليتي تكتلني مره

الحجي- ضحك بصوت عفيييييه

الزلمه مايكتله الا الزلمه

- وانه زلمتك يالحجي

- حعوفها واريد نهايتها نهاية الكلاب

- نتر ابو غضب...  فوتيييي

هدوني الولد وفتت

رحت مباشرة للمطبخ طلعت سجين ثاني

جنت مذعوره وابجي

كطعت شريان ايدي بس اذتني والدم صار مثل الشلال

اجه ابو غضببب

ولج هاي شمسوييييييييه

- شالني وطلع بيه والدم يجري

صاح جيبو سياره عالسريع

الحجي- ويطبها مررررض

- مااهتم ابو غضب لكلامه واخذني بالسياره هو وليوو

يمشي بينه وميدري وين يروح جان يحجي هو وليو

ليو- ابو غضب شلون والشرطه

ابو غضب:- ماادري مااااادريييييي

مشى بينه وليو ضاغط على ايدي حتى ماانزف هواي بقطعة قماش

سأل ابو غضب رجال بالشارع

العفو وين اكو  دكتور  هنا قريب

-دلاه الرجال واخذنه بسرعه للدكتور

بعدها غمضت عيني ماحسيت بشي بعد

الا واني بالسياره هم ليو وابو غضب يضحكون

فتحت عيني جنت نايمه بالكشن الوره وابو غضب يسوق ويمه ليو

ابو غضب:- شوفها كعدت

- التفت الي ليو اتبسم

اي

كعدت

ابو غضب:- سمعينه صوتج يالمنتحره

- مارديت عليه

ابو غضب- باوعي تكعدين دكين ثكل هاي السوالف جوزي منها

مارديت

وصلنه لمكانهم نزلو وفتح ابو غضب الباب الخلفي

كال

نزلي

نزلت وهو سندني شافنه الحجي فر بيده معاجبه

الحجي:- انه ادري انتي شتسويلهم وهيج تخليهم يحبوج واحدهم بوده متمشين على كاع من خوفه عليج

لا ااني ولا ابو غضب ردينه

حجه واني امشي

مريم عداد موتج بده نهايتج حسويها ابشع من الضرغام

احس بكلبي ينغزني من يذكر اسمه

باوعتله بغضب

لتباعيليييي هييييج لااجي اشلع عيونج ثنينهن

عتني ابو غضب وحجه من بين اسنانه

امشششيييي

-مشيت حدما وصلني للغرفه

كعدت وحجه بتهديد

باعي الي بيه كافيني مو ناقصج انه

لاتتحارشين بالحجي وجفينه شره

اني لشوكت حبقه هنااااا طلعنييي مااريد اشوف خلقته

وين اطلعج روحي شوفي الحكومه بكل مكان عدا الصور الي نتشرت

-ابوس ايدك احلفك بروحه لضرغام لو تحبه ولو شويه خلصني منا

وديني لااي مكان حتى لو اشتغل وي البنات ارحملي من هالعيشه

- ضرغام

تحلفيني بروحه هو شطيح حظنه غيره

- اترجاك

- لاتلحين

وعافني وطلع

- باوعت لاايدي مضمده

تذكرت الضرغام من جانت ايده مجروحه وتذب دم

تذكرت من ضمدتها اله

وضحك عليه لان مو زين ضمدتها

مددت على الكاع وكورت روحي مثل الطفل بطن امه

همست

اشتاقيتلك

وصرت ابجي حدما نعست وغفيت....

طيفك الذي يحوم حولي دائما

وذاكرتي التي تحتفظ بك

قلبي الذي يود ان لاتغادره

عيناي التي اعلنت الحداد بالدموع

وروحي التي هجرتني

شغفي بالحياة وحب الذات

كلها اتكرست لك احتفظت بك وحدك

وحدك انت فقط....

سديم.....

ـ بهذه الاثناء رن الموبايل نسه وطلعه نفسه جان الي بالجكمجه بس هالمره جان مخلي بسترته

والاسم بين تقى

داايجاوب بعدين انتبه يمه

باوعلي واني جنت مركزه بتصرفاته وشنو راح يسوي

تلكأ وكال

ه ه ه هذا الموبايل مو مالتي.... 

لعد مال منو

- مال صديقي

- اي عود انطهيا لصديقك

اي

- وصلنه للبيت لكيته شويه مبعثر

دااشتغل واانضف لكيت محبس نسائي يم الميز الي يم السرير

شلته شفته هذا مو مالتي

عرفت جايه وحده لبيتي بغيابي

اخذت المحبس وضميته وكملت شغلي

وفتت للحمام سبحت وغيرت ملابسي اجه هو للبيت بعد ماطلع وي اصدقاىه

شلونج حبيبتي

زينه حبيبي انت شلونك

زين اني

بس شنو هذا الكيك فدوه

تسلم

وكف كبالي ولزمني بيده الاثنين

گمر مااشاء الله همس اشتاقيتلج

- واني هم

- توه يقبلني وخرت عنه بااشمئزاز

ادم اريد انام تعبانه

- تنهد باانزعاج همس ااوك

قررت اكون ام لاابنه فقط واحسسه بغلطه وين

باليوم الثاني تصرفت نفس الشي

والثالث كذالك

ادم:- انتي شنو قصتج تره زوجج اني 

سديم- بس اني حامل ودااتعب

ادم ـ بعدج بالاشهر الاولى

سديم ـ الدكتوره كالت مو زين

زفر بغضب انزعج كال اني طالع

تركته براحته

بالليل كعدت اتفرج

على التلفزيون وكان يتكلم عن الديانه الهنددوسيه

ويصور مشاهد من العادات بديانتهم

جنت احجي وي نفسي

هه بالله يعني هذولي هم عدهم عقل من يعبدون لصنم او لبقره يعني معقوله مداايشوفن هذا العالم هذا الكون شلون نخلق معقوله حجاره حتخلقه؟!!! 

   ادم:- اي

التفتت بفزه

هاي شوكت جيت

ادم- هسه

سديم،  وشنو ال اي

ادم،  داتكولين معقوله يصدكون انه الحجر حيخلق هالكون كتلج اي

ـ يعني عقل ماعدهم

خله السويج على الميز وكعد على التخم..

ادم،  بلي وينتج ويفكر يمكن احسن مني ومنج

ويعبدون صنم

ديانه لكوها باأبآهم اجدادهم عادي

سديم ـ بس هالشي غلط يعني شلون

ربع ايده وتنهد

اسألج سؤال

جواب

هسه انتي شنو اليضمن صلاتج وصيامج صحيح

اكيد صحيح

شلون هيج تأكدتي

الساده علمونه شلون نصلي واكيد الساده من اسباط الرسول او ال البيت ونقلت عنهم كيفية الصلاة

شنو اليضمن هذا السيد الي يكوله صح

لان من حوزه متخرج وعلى ايادي كبار الدين وكبار الدين اكيد بزماناتهم تخرجو من مدارس دينيه والقبلهم كذلك وصولا للامام او الرسول

- انتي كلتي صحيح صلاتي وصيامي لان استندتي على ساده وعلى شي انتي تطبعتي عليه

بس يمكن وجهة نظرج تكون خاطئه

- شلون؟

ادم،  شوفي سديم الانسان بطبيعة عقله مينولد وهو يعرف كلشي العقل يتطبع بالبيئه الي هو عاش بيها

سديم ـ مااتفق مستحيل

اكيد اكو عقل وحنميز الخطأ من الصح

ادم ـ لان عايشه بوسط مجتمع خلاج تمييزين بين الصح والخطأ

سديم ـ بس لو كنت عايشه بغير مجتمع جان ميزت الصح من الخطأ

ادم ـ لو كانت هذه الهندوسيه عايشه بلدج بمجتمعج ماكن هسه شفتيها تسجد لصنم او بقر او نار

سديم ـ عقلها مو سليم مو شغلة مجتمع احنا بعصر يوم بعد يوم داايتطور وكلشي صار مكشوف

ادم ـ فد يوم من الايام احد الرعاة لكه طفل بالغابه

بسنه 1927 تحديدا بمدينة اباد الله في الهند

الطفل عمره عشر سنوات لكن هذا الطفل معاشر الذئاب اساسا لكاه مع مجموعه من الذئاب

لما اخذه وعرضه على الجهات المسؤووله اكتشفو ان الطفل يشبه الذئب بتصرفاته او ينبح مثلهم مايتكلم ولايعرف لغه ويأكل حشيش او لحوم نيه ويمشي على اربع اطراف ومرات تجي نوبات غضب

لدرجة ممكن يأذي اي احد. كباله بوحشيه

لما نقلوه للصحه النفسيه هاجم الشرطه

سديم ـ هذه تشبه قصة ماوكلي

ـ قصة موكلي اخذت من هذه القصه يعني كارتون موكلي حقيقي مو خيال

هسه سؤالي هو لو كان عقله يعرف الصح والخطأ كان تصرف مثل تصرف الذئاب

- لا

ـ اذن العقل ينشأ بطبيعة المجتمع والبيئه الي عايش بيها الانسان مو الي انتي واني نشوفه صح

ـ سكتت واقنعني بكلامه

- فلا تكونين مستبده برأيج ولا تصيرين بالتنازع خليج بالتعاون

- شلون يعني

ـ ادم ـ الانسان اذا بقه بتنازع دائم وي الناس او المجتمع والتنازع اقصد بي الاستبداد بالرأي راح يخسر هواي ناس

اما اذا تعاون او على الاقل مع جهات فراح يكدر يكسب هواي

انتي تشوفين الدول بيها احزاب وكتل سياسيه هذه نشأت من التنازع والتعاون لوكانت تنازع ماكان اكو تواصل بين البلدان وتطور وتكنولوجيه

ولو كان اكو تعاون ماكان اكو منافسات بين الدول

سديم ـ هسه مفتهمنه وي يافريق اصير

ادم ـ يعني انتي هسه بالتنازع عايشه وياي تعاوني شويه وابتسم بشقاوه

سديم ـ لا نبقه بالتنازع افضل لان بعض الدول تحتاج لرادع قوي

ادم:  وليش شسوت الدول

سديم:- اكو دول تحب تخلي اربع عواصم مو عاصمه وحده

ادم ـ عاصمه وحده البقيه محافضات

سديم-محافضات لو عواصم مو مهم المهم عنده اراضي

ادم- لا بس العاصمه غييير تلكيها واجهة البلاد

سديم:- هالشي ميفرق

ادم- يعني الدوله حتبقه بتنازع ماكو تعاون

- سديم،  لا ماكو تعاون

ادم ـ مو حتروح على المحافضات

سديم ـ علساس هي مرايحه

نتر وكال

سدييييم بلا هذا كلامج انتي شنو سالفتج

ـ مو جنه حلوين ونحجي حلو شبيك تغيرت

ادم ـ شوفي تقصيرج وياي ست

سديم ـ قبل جنت مامقصره ومااهتميت وخنت

ـ ادم ـشنو خنت اشو انتي ماعرف شتحجين

سديم ـ ماكنت ابد حابه اواجهك بس من تريد تطلعني مقصره او مهمله لا

اني ان صرت هيج ف بسببك

ادم ـ شلون

سديم ـ الجهاز الي كلت عليه مال صديقي هو مالتك ادم

ادم ـ لا مال صديقي

سديم ـ لا مالتك

اني شفته لهذا الجهاز وشفت كلشي بي خياناتك وصورك وياهم وكلشي لاتنكر ادم

ادم ـ ليش تلعبين بحاجه متخصج

سديم ـ لان انت زوجي

ادم،  بس هذا ماينطيج الحق تدخلين بخصوصياتي

سديم- هالامور مابيها خصوصيات اني شنو دوري هنا لعد

وشدعوه هيج كل اهتماماتك بتقى لتكون هيمرتك وماادري

على اي اساس تصرف على ابنها انت

هو ابنها هي لو مشترك

ادم- تره تتجاوزين حدودج هاااا انتبهييي

سديم:  من حقي اعرف كلشي اني حامل بطفل منك مستحيل اجيبه للدنيا واني مامفتهمه منك كلشي

شنو الي تريدين تعرفي

سديم،  تقى شنو علاقتك بيها بالضبط

ادم ـ نزوات بس

سديم ـ ويامصطفى الي رادت تودي للدكتور وانت تنطيها فلوس

ادم ـ ابنها

سديم ـ وابو منو

ادم ـ زوجها هاجرها

سديم- حلو والله وانت شنو دورك البابا

ادم ـ خطيه لعد الطفل يصير بي شي

سديم ـ لا زوجتك وابنك طبهم مرض

ـ ابني ( ابتسم وفرح) 

جنت اشوفه حيل يكون ضعيف من يم الطفل

سديم- توضحلي كلشي ادم لو الي بينه ينتهي

ادم  ( بصوت) ـ سديييييييييييم شتردييييين

تعرررررفيييين هاااااااا

سديم ـ زوجها

منوووو زوجهاااااا

ادم ـ مااعرفه

سديم ـ لعد انت زوجها

ادم ـ شنوووو اني

كل عقلج

سديم ـ واذا هيج تشمئز من طاريها شعندك وياها

ادم ـ شوفي اني علاقتي كاطعها بيها

مرات تخابرني تحتاج مصرف وانطيها

وهيييج لله بالله

زين والباقيات

ادم- ومنو الباقيات نوبه

سديم - انت تعرفهم ادم كافي لف ودوران ارجوك

ادم- سكت لثواني بعدين كال

شوفي سديم اني قبل لااخذج ضميت عليج شي

سديم ـ بس مو معناها تستمر وره الزواح

ادم ـ هذا اني يصرفلج اهلا وسهلا مايصرفلج تولدين الطفل والله وياج

سديم،  جاوبت بهدوء مستفز

واني طفل منك مااريد ومن باجر انزله

فتح عينه عليه بغضب

شنووووو

عيدي بله مسمعتت

سديم ـ الي بينه انتهى

دااروح عنه

ادم ـ لزمني من زندي بقوه عتني وتقرب يحجي بتهديد وهو يهمس

مو بكيفج تنهين

دخلتي حياتي وجنتي تعرفين بكلشي وخيرتج واختاريتي يعني بعتيلي نفسج وتزوجتج

وطفل بطنج هسه مني واني ابوه

هسه جايه دكولين ماريد طفل منك والي بينه انتهى

بكيفج انتي تنهين حياة شخصين كل عقلج اخليج على هواج

- والمطلوب

ادم-تبقين هنا....  علاقاتي مااكطعهن وطفل منج اريد ومو بس واحد ثنين وتلاثه واربعه هم

هذا اني وانتي رضيتي

نزلت دمعتي وتكلمت بصوت مخنوك

بس مو اجباااار مو اجبااااار ادم اني مدااتحمل

ادم- بس المره الي تحب زوجها مراح تتحمل تشوفه وي غيرها وانتي مااضن تحبيني علمود متتحملين

انتي قبلتي بيه علمود عمتج يعني بفلوسي اخذتج

مو حبا بيه

انتي داتضوجين تعرفين ليش

لان انتي انسانه انانيه تفكرين بروحج وبس

لان علاقاتي تمس كبريائج ومكانتج وخاف صديقاتج

تقلين بنظرهن لهسبب انتي زاعجج الموضوع

سديم ـ هيج اني بنضرك

ادم.. اي

سديم.. اذا اني هيج وتريدني ابقه وياك  ابقه وياك بس  بشرط

ادم ـ شنو هو

سديم ـ كل واحد بمكان انت بغرفه واني بغرفه.....

وددت لو تعود بنا الايام الى الوراء الى حيث البدايه

كنت معكم انا رغد الموالي في امان الله ♥

....................

مددت وغفيت حسيت بي يمي يمسح على راسي وتنزل خصلة شعري ويرفعها من وجهي فتحت عيني هو

فعلا هو

جان مدد كبالي ومكور نفسه مثلي لكن ايده السليمه جوه راسه

اتبسم اول ماشافني

فزبت .. هاي انت بعدك عايش

هز براسه بمعنى اي لكن مارد بالكلام

وايدك.... ايدك بعدها غيرت الضماد

باوعلي وباوع للضماد ومارد

اريد اسمع صوتك احجي

- بقه يباوعلي ساكت

- اني محتاجتك بعد لتعوفني

ـ ماردلي لكن اخذ ايدي المضمده وقبلها وكام حتى يطلع

- هاي وين رايح

- باوعلي وهو يتمشى هم مارد وراها طلع

ردت اروح وراه مكدرت اكوم حسيت رجلي مربوطه بشي لما باوعت جان زنجيل احمر ملفوف حول رجلي ومثبت بحديده

الزنجيل صار يطلع قطرات دم

سمعت صوت رصاص بره ولما رديت باوعت لرجلي كان الضرغام مدمه ومقتول يمي

شجابه هنا توه طلع

اريد اروحله نوبه ايدي نربطت بزنجيل بقيت اصيح

وارافس بلكت اكدر اتخلص من الزنجيل

ضرغام

ضرغاااااام

عله صوتي اكثر وصحت ضرغااااااااااااااام

وفزيت فتحت عيني جان ابو غضب يهمس شششششش

على كيفج تخبلتي

ـ ضرغام

ضرغام جان هنا

جان هن...... باوعت للمكان الي شفته بي جان ماكو

سكتت وباوعت لبو غضب

ابو غضب:- مريم اهدأي وارتاحي

مريم ـ انت شعندك جاي جنت ناوي على قتله

ابو غضب، منو هو

مريم ـالضرغام جنت رايد تقتل الضرغام مو

من شوكت جنت مخليني بالك شلون هيج تكذب

ـ ابو غضب ـ كلتيها بلسانج كذب.. حتى يسكت الحجي

مريم، بس مفروض مدكول اقتله

صعب هالكلام صعب اني حتى مدااكدر اريده لادااكدر انساه ولاهو دايعوفني حتى بباااحلامي يجيني

ابو غضب ـ تفكرين بي هواي لهسبب تشوفي باأحلامج

مريم ـ هواي افكر بي حتى نفسي نسيتها اني متت وهو عاش بيه اني

ابو غضب ـ تدرين شكد جان يوصيني عليج حتى مرات اكول شنو سالفة الضرغام ليش هيج يخاف عليها ويوصي بيها مره سألته

كالي

ابو غضب هاي مغلوب على امرها وماعدها احد ينخاف عليها

هو هواي جان يخاف عليج

مريم ـ هواي لدرجة مره جان عصبي وعاط بيه لان بقيت اسأله خفت منه بوقتها وابتعدت عنه رحت لغرفتي

اول مالمحني فتحلي ذراعه بمعنى تعالي وااجيته ضمني وكاالي خو ماخفتي

ابو غضب ـ اي لاحضت عليه شكد جان يخاف عليج

حتى لمن نكشف امره وخلاه الحجي بالبيت ويعذبه وصاني بيج

كالي انه انتهى امري وان تشوفني غدرت بيك

ف مريم مالها ذنب

لخاطر صحبتنه القديمه ديربالك عليها وديها لااهلها

انه جنت ناوي اوديها لااهلها

-شنو.. جان يريد يوديني لااهلي

ابو غضب- اي

مريم ـ سمعتك مره كتله انت خطفتني صدك هالحجي

ابو غضب ـ عبالي بنت اللواء انتي

مريم ـ ليش مارجعتني

الحجي كال خليها حليوه هاي

مريم ـ زين انت هسه تندلهم لااهلي وديني الهم

ابو غضب ـ مااكدر اوديج صورنا نتشرت ومطلوبين للحكومه

مريم ـ هو من جان يخاف عليه ليش مخليني وياكم

شلون يحسبني مثلكم اني شسويت

ابو غضب ـ مهمته هاي

تدرين انتي شغله هذا صعب المشاعر يعوفها على صفحه من يقدم لازم يقدم اسماء الكل

الكل مريم والقانون ياخذ مجراه

- وهنت عليه

ابو غضب ـ مو شغلة تهونين عليه بس كتلج شغله والمشاعر لازم ماكو ممنوع

مريم ـ هو مره كلي ممنوع اضعف

بس مفتهمت شيقصد معرفت

ابو غضب ـ بقيتي ويا هواي شعجب ماعرفتي

شلون ماحسيتي

يعني مجان تجي اتصالات كلامه وياهم مجنتي تعرفي

مريم ـ اي جانو يخابرو وميحجي كدامي يروح بعيد عني ومن اسأله يكلي الحجي لو يكلي انت

بس لمن جنتو تخابرو يحاجيكم كدامي عادي

ـ وبعد شنو جان يصير

ـ من ضربني الحجي يوم الي قتلت حمزه

اخذني هو للمزرعه ولما جا الدكتور سمعت صوت واحد بره مافات يحذره

جنت اول مره اسمع صوته يعني ماسامعته قبل

هو كلي عندي معارف توقعت من جماعة الحوت

مره دااقره ايه حفضتليها وحده من نهزمت

جنت اتلكأ بيها مااعرفها وهو كملها عني

مستفهمت ماكلت شعجب مجنت انتبه

ابو غضب ـ لا مريم جان المفروض تنتبهين هو واضح كدامج بس انتي ماجنتي تفهمين

مريم ـ اول مره من شفته كتله اني شايفتك بمكان وتذكرت شفته بعركه وكتله هو تفاجأ وكلي شنو جنت لابس

ماتذكرت ولاانتبهت لسؤاله

ابو غضب ـ جان اكبر دليل على انه هو ضابط

مريم ـ ماجنت اعرف ابد متوقعت

بالتالي يطلع نقيب ومتزوج وعنده اطفال

اني وييين وهو ويييييين

ابو غضب ـ بينج وبينه عالم

مريم ـ اعرف هو من دنيا واني من دنيا ثانيه

ابو غضب ـ علاقتكم شنو نوعها جانت اني ادري بي ماتزوجج وكذب على الحجي

مريم ـ ماكان بينه شي ابد

ابد ابو غضب مع انو اني طلبت منه بس هو رفض

وكلي حيجي يوم تكرهيني بي لو سويت الي طلبتي

ابو غضب ـ شعجب

مريم ـ جان يكلي انتي بعدج متعرفين عندج هالامور عادي بس لو تعيشين بين عالم طبيعيه عايشه تكرهيني مريم

كتله اني مااكدر اكرهك ابد

كالي تكرهيني

جان دائما يكلي لاتتعلقين بيه لاتقتربين مني

لاتتأملين شي مستحيل يصير

شكد بعدني عنه بس هو نفسه يقترب

مره شرب ومو بوعيه كعد يم راسي واشكال حجه من ضمن كلامه كالي هو يحبني

ابو غضب ـ اي حبج هو

وهواي

مريم ـ مره شرب قفل الباب عليه وكعد بره تساىلت ليش هيج سووه

ابو غضب ـ مع انه كدامنه جان شي قليل يشرب شعجب كدامج عادي

مريم ـ مااعرف

ابو غضب ـ قفل الباب حتى لايسويلج شي عرف بنفسه مراح يدري بتصرفاته هاي من جنتو بالمزرعه مو

مريم، اي وحجالي هواي

بوكتها عرفت شكد هو متأذي واكو وجع بداخله

ابو غضب ـ ضرغام خوش ضرغام ثقي ماهان عليه اشوفه بهذا الوضع بس شسوي مابيدي شي

لو تصديت للحجي حيتان حتطلع وراه روس كبار اني مو كدها مريم

ماعرف هو شلون كدر يدخل هيج دخله

مريم ـ شسووله بيوم الي جون جماعة الحجي الكبار

ابو غضب، شسووله يعني عذبوه ولو قاتلي ارحم

مريم، احجيلي تفاصيل

طببوه بيت الحجي بالقاعه الي وره بيته الي يصير بيها الاجتماع

جان معصوب العين وهو اساسا عين من عيونه تأذت من الضرب ورمت ومايكدر يفتحها

كعدوه على كرسي ومشدوده ايده وره

وهم كلهم كاعدين

سألو

ـ ضرغام ــــــــ نقيب ب ااستخبارات جهاز مكافحة الارهاب..... احجي الي راح نسألك عليه واي كذبه منك مرتك ولدك وامك اعتبرهم ميتين

منو قدمت ملفه للحكومه

ـ ماردلهم

منو دزك علينه شلون رتبتوها منو بلغك بالحجي

ـ عزرائيل

ـ كتلك اهلك نقتلهم احجييييي

عزرائيل دزني عليكم

ـ منو قدمت ملفه للحكومه

، هم ماردلهم

ـ منو بظهرك

، الله..... وان شاء الله القانون يسحكم ياكلاب

ـ ضربوه بوكس جان واحد من الكبار كلهم خلوه على الكهرباء

وخلو عليه كهرباء يكهربون بي حتى يحجي وماحجه

ضربو وهو اصلا منتهي وماحجه

وكلما يسألوه سؤال يستفزهم بالجواب

حتى انه تعجبت بي مريم ماشايف هيج تصوري يهددوه بعزازه وهو ماترفله جفن مايهتم ويستفزهم بجوابه اخر شي ضربو بجعب السلاح واغمى عليه

وهاي من شفتي

مريم، لهسبب قتلوه

ابو غضب ـ هم من الاول قافلين على قتله بس يأسوو منه ميحجي فقتلو ونهزمو همه همين مايكدرون يبقون اكثر ممكن بأي لحضه تحس الشرطه ويجون لهسبب خصمو الموضوع ونهزمو

مريم ـ جانو شلون شايلي عبالي ميت ركبته وراسه راجعه وره والدم على وجهه وملابسه

ابو غضب، من الضرب لان هم كسروله اسنانه

مريم ـ ابو غضب طلعني منا

ابو غضب... شطلعج منا وين ترحين

مريم، اشتغل وي البنات

ابو غضب، بس شلون مريم ضرغام وصاني بيج

مريم ـ قبل لايموت قبل لايعرف اني راح اقتله

هو مات واني مجرمه هسه وقتلته بيدي

بيدي هااااااااي

ابو غضب، بس

مريم ـ طلعني منا الشغل ارحم من شوفة الحجي والعييشه ويا مدااتحمل

ابو غضب ـ وضرغام

مريم ـ ضررررغااااام مااااات ارتاح

خلللص

اني خلص

هو انتهى واني انتهيت

امشي اوديج

هسه

اي.... وبعدها تنسين كلشي مريم

تنسين الضرغام وتنسين تل الذهب وهذا المكان والحجي وكلشي الماضي يرووووح

مريم ـ ليش

ابو غضب ـ خلص حياة جديده ابديها روحي واشتغلي واذا كدرتي جمعيلج كم فلس وسافري وابدي من جديد ببلاد بره حتى تكدرين تتزوجين وتخلفين محد يعرفج

مريم ـ اروح... اسوي الي كلت عليه بس وديني

ابو غضب.. حوديج يم لمى هي تدليج على كلشي الي تشتغل هناك وي الحجي بس اساسا اكثرهم ماشايفات الحجي

مريم، اوك

امشي

كمت بسرعه خليت كم قطعه من ملابسي ببقجه اخذني ورحت وياه... طول الطريق الف حسبه اجت بالي شلون حشتغل منين حبتدي وحاضنه البقجه كأنه خايفه تضيع مااعرف ليش هيج تمسكت بيها

بقيت حايره مدااعرف شسوي

سألته... لازم اشتغل

ابو غضب.. لعد تبقين على سواد عيونج

جريت نفس بحسره وصلنه لمنطقه مجرد ماتدخللها تحسها اختصاص هالامور

نزلنه من سياره يم بيت

دك الباب طلعت مره كبيره شويه بالعمر

تعلج ومخليه مكياج مو طبيعي

هلا..... هلا بالزين من زمان ماشفناك

ابو غضب ـ اي مشغول

ـ شنو هاي الجكليته الي جايبها

ابو غضب ـ اي خليها يمج

ـ شو تعالي دشوفج

وكفت كبالها فرتني طبطبت على ظهري

كالت

اي خوش جكليت هالمره

تعال جوه

لا حروح مستعجل

ديربالج عليها

، لاددكلي موصين عليها

ـ لاتجبريها على شي

، عوجت حلكها وكالت صار

فوتي عيني فوتي

فتت جوه اباوع للبيت جبير وبي بنات هواي

منهم كاعدات بالصاله ومنهم جوه ومنهم يشتغلون

ولبسهم مو طبيعي

والمكياج وكأنه رايحات عرس

سألتها... وين لمى

ـ جوه عيني

فوتي للغرفه هاي

ـ فتت للغرفه جانت بيها بنت مدده وتعلج عاكسه ايدها ومرجيه راسها على ايدها

سألتني

انتي شسمج

مريم

ـ اسم مال مؤمنات ضحكت

غيري عيني ميفيد بشغلنه

سكتت ومرديت

شويه واجت لمى.... هله هله بالحبيبه مصدكت كالو انتي هنا

حضنتها ومختنكه جنت همست

لمى خليني وياج بالغرفه

ـ اي اي ليش لا تعالي

اخذتني وفتت جوه

خليت البقجه على السرير يمي وكعدت

لمى ـ ابو غضب جابج

مريم، اي هو

لمى ـ من باجر تشتغلين ويانه اليوم ارتاحي واخذي على المكان

مريم ـ لا مو هسه ضرغام لو عرف يذبحني

لمى، وهو وينه ضرغام مو كنالللج مات

مريم ـ بس

بس اخاف احسه حيشوفني

لمى ـ لا حبيبتي انتي بس تلكيج تعبانه

نفسيتج تعبت باجر اوديج ويانه تحسنين مزاجج

وهسه انطيج كاسه تروقين بيها بالج ترتاحين حتى تكدرين تشتغلين

مريم، كاسة شنو

لمى ـ مشرووووب يااااا

مريم ـ لا يدوخ مااريده

لمى ـ لج احسن يخليج تنسييين

مريم ـلا مااريد

لمى، يوووو عاد انتي منو يكدرلج

مريم ـ زفرت بغضب وكامت

مددت على السرير وحضنت البقجه مكوره روحي وخايفه احس بوحشه ومالي احد وماادري وين اروح

لو نهزمت حضيع نفس الي صار وياي

شنو الي غيرته ناس بره اوحش منا

والي زاد ألمي اكثر كمت افتقده هواي

هواي صرت افتقد الضرغام ومرات انسه هو مات من كثر ماعايش بيه

اسمع اصوات ضحكهم بره ومحتاره شسوي

اشتغل وياهم لو شون

شويه واجت وحده ماعرفتها بالبدايه

، شلونج مرييييم ولاتوقعت انتي هناااا واني اكول شعجب مااجت

ـ انتي منو

ـ ياااااا معرفتيني

ـ لا منو انتي

ـ دعاااااء صديقتج باايام التقطعات

ـ دعاااااء

انتي دعاء

ـ اي هيج متغيره

مريم، اي هواي متغيره سمنانه ومكياج وصايره حلوه

دعاء ـ تخيلي الزمن كلشي يغير

اي سولفيلي شخبارج

مريم، ـ مو زينه اخباري

دعاء ـ سمعت ماشيه نقيب صدك هالحجي

مريم ـ شمدريج

دعاء ـ كالولي لمى كالت

مريم ـ اي ومات

دعاء، يبو على حضج جان وكعتي ونفذتي بريشاتج

مريم، اني قتلته بيدي

دعاء، دكت على صدرها شنوووو ولج شتحجين

مريم... حبني هواي وقتلته بيدي

دعاء.. خلوج تشتغلين وياهم

مريم... قصتي قصه ولو اشتغل وياهم مااجي اليوم وياكم

دعاء.. اكعدي سولفيلي

كعدت احجيلها قصتي وي الضرغام من اول ماشفته حدما قتلته

دعاء.. ياعيني يامريم كل هذا صار وياج واني كلت مااجيتي توقعت شغلج ثكيل

مريم.. لا

راح وخسرته وخسرت كلشي جنت راح ارجع لااهلي واستقر بس كلشي تغير

دعاء.. خطيه

مريم... احجيلي انتي....

مو كلتي حتزوج واستقر

دعاء... هه خليني ساكته

مريم... احجيلي

دعاء... وداعتج الي تشتغل هالشغله مستحيل تتزوج وتستقر

مريم.. ليش شنو صار

دعاء... تعرفت على شخص وبقيت وياه فتره تزوجني كم شهر وراها طلكني كالي انتي متفيدين

مريم... ليش

دعاء... لج عيني يريدني ليل نهار اشتغل بالبيت واطبخله واغسله ملابسه هو اني لروحي كوه شايلتها

مريم... لعد هي هاي التزوج الرجال منو اله لعد

دعاء... لا عمري يجيبله خدامه مو دااطلع ودااشوف اشو افوت لبيوتهم خدم عدهم بالبيت

مريم.. عزه العزاج دعاء كمتي تطلعين بيوت

دعاء... شسوي

اكلج سلام شخباره

مريم... بعده يشتغل وي الحجي

دعاء... تدرين صار هواي مشايفته هو جان يمر للنادي بس نكطع من فتره

مريم... شلج بيهم يمعوده

دعاء.. هسه ماعلينه تعالي احفلج وامكيجج ونطلع باجر

مريم... لا مااريد هسه

دعاء.... ليش يمه

مريم... مالي نفس ضرغام ماصارله شي ميت

دعاء... ضرغام. ضرغااااام

شثبرتينه بضرغام ماعندج صوره اله واشوفه

مريم... لا ماعندي

دعاء... ضاهر حيل جنتي تحبي

مريم... هواي

دعاء... خلص الي صار صار انسي ابدي من جديد

مريم... احاول

دعاء.... مو دااكلج تعالي احفلج وارتبج اخليج تطلعين كيكه ونطلع بس هيج شوفي عالم كلشي لتسوين

حتى ملابس البسي عاديه

مريم... بس شلون

دعاء... دعوفي للبس وتعالي كعدي دكلج

راحت جابت بكره حفيفه وصارت تحفلي

لج عيني صارلج شكثر ماحافه شنو هاي

مريم... اي صار هواي مالي نفس كارهه روحي

دعاء... اليوم لااطلعج تخبلين

حفتلي وجابت علبه بيها وخلت من العلبه على وجههي وصارت تدلكه وبعدها كالتلي روحي غسلي وجهج

غسلته واجيت خلتلي كريم كالت نامي بي وباجر نتفاهم

مريم... انتي وين رايحه

دعاء... شغل عندي ارجع وجه الصبح يله باي

راحت وسدت الباب وراها

وره تقريبا ساعه هدأ البيت وعلى مايبدو طلعو كلهم

بقيت على نفس مكاني مدده وعيني للسكف

اباوع واحس بضرغام دايشوفني

خليت الغطى على راسي وغطيت وجهي

حدما غفيت

وحسيت على الدنيا نهار وصوت هورن سياره بره

باوعت لمى نايمه على سريرها

ماعرف شكد الوقت ولابيش الساعه

كمت من فراشي البيت هدوء وكلها نايمه

تمشيت باوعت جان البيت مصبوغ باالوان غريبه

ضلع احمر ضلع جويتي ومنها ابيض الاثاث كله الوانه

غامقه تخم ماروني والبردات لونهن احمر

تلفزيون مشتغل وقناة كلها بنات تركص

اختنكت كلش اختنكت

رجعت لمكاني خايفه ومماخذه على المكان

بقيت كاعده مكوره روحي وذكريات الضرغام براسي تررن

كمت مااريد الهدوء صار يخوفني الهدوء

انهزم من روحي والهي نفسي بأي شي

صوته يررررن بااذني ومن يكولي مريمي

مريمي تعبانه...

مريم محتاجه شي....

لبسني الگلاده وكال مريمي عجبتج....

تلمستها وبجيت

مدااكدر انساه تعبت...

كعدت لمى. باوعتلي

مريم شبيج.

مسحت دمعي وكلمتها

مريم... مابيه شي

هاي ماعرف شنو فات بعيني

لمى... جنتي تبجين عليه مو

مريم... منو هو

لمى... ضرغام

مريم... لا

لمى... عيونج فاضحتج

كافي مريم

تره امه الي جابته تلكيها مداتبجي عليه بكدج

كافي ارحمي بگبره وخلي يرتاح وارحمي نفسج خلص انسي

مريم... مدااكدر

هو مدايعوفني

ليل نهار بعقلي بذاكرتي تعبت

تعبت

اريد اصرخ اكول تعبتتتتت ضميري ياكل بيه

وذكرياته تحوم حواليه مدااكدر

لمى... ماابقيج هيج اليوم تطلعين ويانه

ولتناقشين والي اكلج عليه تسوي

سكتت ومسحت دموعي

كامت من فراشها طلعت بره الغرفه شويه وجابت صينية اكل مشكله اشكال

بس اكثره معلب

تعالي نتغده

نتغده؟

-اي ساعه 2 الظهر

- شبسرعه

، من شوكت انتي كعدتي

مريم... صار هواي

لمى... لعد شنو شبسرعه دكلي اكلي

مريم... كعدنه ناكل وراها صارو شويه شويه يكعدون ورجعت الهوسه وضحكهم وريحة الجكاير والنركيله ترست البيت

لليل بدو يتحضرون جنت اباوعلهم

بعدين اجت لمى كالت يله مريم تحضري

مااروح

لمى... شحجينه

مريم... مااكدر

تحضري هاج لبسي هذا الفستان ويله

باوعته جان فستان بني

لمى... لبسي هسه

مريم... رحت لبسته جان ضيق كلش وبي فتحات طلعت كوه اتمشى استحي

شافتني لمى

ولج شنو هاي ولاتوقعته هيج يخبل عليج يمووووت

مريم... استحي هذا كلش ضيق ومجسم

لمى... دكعدي

كعدي اخليلج مكياج

ضيق ومجسم هو انتي شفتي البنات شيلبسون

كعدت وخلتلي مكياج

ها روحي شوفي هسه روحج بالمرايه

رحت باوعت لنفسي بالمرايه

مكياج طوخ وشعري سرحته جان لونه اسود والفستان بني

وتضيع وردتك بين الاشواك حتى تذبل وتموت

فتبقى انت بعيدا عنها.... بعيداً كل البعد

سديم.....

منا وجاي انت بغرفه واني بغرفه

ادم... مو بكيفج

سديم... لعد كل واحد بطريق

ادم... طفلي يمج

سديم... هالطفل مااريده

ادم... نتر بيه سدييييييييم

بهل الاثناء اتصلت توته

باوعت للجهاز مارديت

ردي

ماارد

منو هذا منو دايخابرج

وفوكاها تشك بيه

ليش متجاوبين

سديم.. تبارك بنت خالي

نطيتها رفض ورجعت اتصلت ورفضته ورجعت اتصلت

ادم... نتر رديلهااااا

سديم... رديت ها تبارك شكو

تبارك... جانت تبجي كالت سديم امي

سديم... شبيها

تبارك... امي بالانعاش

شنوووو

ادم... شكو سديم

خالتي

خالتي

خالتي بالانعاش وديني عليها

ادم.. هسه

سديم... اي

ادم... امشي

رحنه للمستشفى جانت خالتي حالتها نوعا ما مستقره

سديم... بشري شخبارها خالتي

تبارك... يكول الطبيب احسن

سديم.... شوصلها لهل الحال وحسن ومحسن شبيهم

باوعتلي وباوعت لاادم وسكتت

سديم.. احجي تبارك

تبارك.... نقهرت بسبب اخوتي

سديم... شسوولها

تبارك... تعاركو على مود وحده

واحد صار يهدد الثاني بالقتل

سديم.... شنو

انتي شتحجين

تبارك... سأليهم

باوعتلهم وونظراتي كلها ملامه

بقينه ننتظرها يتحسن وضعها بقيت واكفه الوب على خالتي

ادم... كعدي سديم مو زين الحركه عليج

سديم... باوعتله باانزعاج

ادم.. همس من بين اسنانه

لتباوعيلي هيج

سديم... اكول لو تروح

ادم... مجاي بمستشفى حضرت جنابج

سديم... مارديت عليه عفته

بقينه ننتظر حيصير الفجر تبارك تغفى وترد تكعد

وحسن ومحسن مكضيها واحد يباوع على الثاني بحقد

وادم يلاشيني كل شويه واني الوب

اجه الدكتور الفجر

الطبيب... للاسف ضربتها جلطه خفيفه

يمكن تعجز وحده من رجلها عن الحركه

سديم... شنوو انت شتحجي دكتور

الطبيب... يؤسفني اكلكم هيج خبر بس قدر

سدبم... زين اكدر اشوفها

الطبيب.... تفضلوو

فتت على خالتي وادم وتبارك والولد اجو

جان فكها السفلي معووج

ومتكدر تحجي

متحملت بجيت

خاله.... خاله حبيبتييي

تبارك.... وج يمه

ماماااااا

باوعت لحسن ومحسن

كله منكم ياكلاب انتو السبب تاليتكم تميتون امي علمود وحده تفووو

حسن.. رفع يده وراد يضربني صاح

هييييييي احجي عدل

ادم تصداله وكف بوجهه

على كيفك هي دمها محروك اعذرها

حسن... تره هي واصله لهناااااا مو خلكهاااا

تبارك... وشتريد تسوي بعني اكثر هااااا

وصارو يتعاركون

نترت بيهم

سديم... تتعاركون فوك راس خالتيييي

اطلعوووو

ادم اخذهم وطلعو بره وبقيت يم خالتي

لازمه ايدها اقبلها وابجي

خاله فدوه خاله كعدي

اجه عليه ادم

كومي سديم خليها ترتاح

كمت وكعدت بره يمهم وهو اجه كعد يمي

همس... اكلج جوعانه

سديم.. لا

ادم... خو مابردانه

سديم.. لا

لاتبقين تبجين تره هي ماماتت..

سديم... وقابل بكيفي خالتي وااحبها

ادم... والله هسه لو اموت متبجين عليه دمعه

سديم... شلك بهذا الكلام

ادم... احجي صدك مو مطايقتني وتردين نتطلك

سديم... من سوالفك

ادم... اني فقير انتي تظلميني واكلج اي عندي سوالف

سديم... ادم مو وكت نقاشات احنه بالمستشفى

ادم... ولج لايكلج الحمل صايره احلى هسه انتبهت نهجم بيتك ي ادم

سديم... اللهم طولج ياروح

وخر من يمي تره لا عبالك نسيت

ادم... اني گلبي رقيق ضعيف كدامجن

سديم.... يعني شوووون

ادم... اشاقه وياج

سديم.... واني ضحكت بس اسكت

ادم.... وينج مشفتج ضحكتي

سديم... ادم حبيبي روحي انت روح للبيت

ادم... ومااقيم بواجب خالتج شون مو عيب

سديم.... اوك

سكتت وكمت من يمه وكفت يم تبارك وصرنه نسولف

فاتت ممرضه من يمنه انتبهت على ادم يباوعلها

من فاتت لحد ماراحت بعدين باوعلي لكاني منتبه عليه

سووه حركه ب إيده بمعنى اني شعليه هي...

رديت باوعت لتبارك وكملنه كلامنه

اجه كال اني طالع هسه اجي

راح شويه واجه جايب ريوك

تعالو نتريك

كعدنه اني وتبارك

وصاح لمحسن وحسن وكعدنه نتريك

صارت ساعه 10 الصبح اجه الطبيب وسجللها خروج

لكيتها كاعده

قبلت ايديها

فدوه خاله حمد لله على سلامتج

متشوفين شر يارب

الطبيب... اي قهر ممنوع عنها

كتبتلها علاج ان شاء الله تصير زينه

اخذناها وطلعنه

صعدها ادم بسيارته يمه واني وتبارك رجعنه وياه وحسن ومحسن ك واخد بدراجته

بالطريق وكف يم محل ادم

سديم... ثواني

باوعته بالمرايه اجه شايل كرسي مقعدين خلاه بالسياره وصعد

سديم... هاي لمنو

باوعلي بالمرايه ومارد

وصلنه لبيت خالي نزل بسرعه وجاب الكرسي

صعدها بي ودفعها دخلها للبيت واحنه نزلنه ورااه

جانت خالتي بوضع صعب

خليناها بغرفتها وطلعنه

كعدنه بره وادم صاح لحسن ومحسن

ادم... شنو هذا الي سمعته

حسن.. شسمعت

ادم... تتعاركون علمود بنيه موعيب عليكم

حسن... البنيه عندي علاقه بيها قبله هذا النذل من وره ظهري مصاحبها

محسن... هيييي تره هي دكلي انت احلى من اخوك

ادم... ولكم متستحون تتعاركون علمود وحده تعبانه

حسن... اني احبها بس كله منه

محسن... وهي تحبني اني متحبه اله اني وياها نحب بعضنا

ادم... عيب بابا انتو زلم واحدكم شاربه صايره شثخنها

مفروض تعرفون الصح من الخطأ بس شحجي وياكم

حسن... كله لمحسن يتركها تره والله اقتله

ادم... تهدد اخوك بالقتل علمود وحده بايعتك

حسن... لا هي تحبني واني احبها

ادم... مادام سوت هيج شي هاي ماتحبك

حسن... لا تحبني

سديم... تاليتكم تصيرون اعداء من وره وحده فتنت بينكم

وخالتي توكع بيها مو حرام عليكم

لو متهمكم امكم

تركضون وره التعبانه تموتون على هاي النماذج

ادم... كليلهم لولد خالج

سديم... هي ياريت لو بس ولد خالي

ادم... باعولي عيني هالبنيه متفيدكم حجيتو وياها ضحكتو تونيتو خلص بعد تتركوها

هيج خلو الجد جد ولصدك صدك

موووووو سديم

سديم... اي مو مشاعر الناس حجر اساسا ليش يحجون وياها وهمم يخدعوها

ادم... يكسروون الروتين ههههه

سديم.... خل يفيدهم لعد

رحت يم خاله خلود خطيه هي جانت تباوعلي وكو حجت

شونج بنتي

.... زينه خاله تحسين بروحج

احسن شويه لآ

سديم... راح ابقه هنا عيني عليج واداريج

تبارك... لاسديم اني يمها روحي لزووجج وانتي حامل

لا شون اعوف خالتي

تبارك... يمها اني

سديم... حبقه يمها هاليومين

تبارك... على راحتج

لليل فرشت بالاستقبال حتى انام اجت تبارك كالت

وزوجج فرشيله..

اوك... رحت جبت فراش وفرشته

ومددت مااشفت الا ادم اجه

ابتسم بشقاوه...

شفتي شلون فترت

سديم... خير شكو

ادم... مو علساس كل. واحد بغرفه

سديم.. هاليومين بس وراها نتفاهم

ادم... حبيبي انسي عاد كافي

وتالي ادم

اني احبج

سديم... الي يحب ميأذي الي يحبه

ادم... راح اصير عاقل

سديم... ادم اريد اتناقش وياك بهدوء وجديات

شنو

سديم.. اني اريد انفصل

حقيقه اني دااتعب وياك ادم

ادم... زين والطفل

سديم... اني اريد انزله

ادم.... لا اني اريده للطفل

سديم... ليش

ادم.... اني بنفسي اكون اب واريده للطفل منج

مو حابه حياتج وياي من حقج تبقين يمي طول فترة الحمل تولدين الطفل وراها ننفصل وانطيج كل حقوقج وزايد هم مقابل تتنازلين عن الطفل

سديم... بس

يعني شون انطي الك

ادم... انتي مو تردين تنزلي.... لاتنزلي اني رايده

سديم... سكتت لثواني وبعدين كتله

موافقه

ادم... نعيش سويه بيتنه انتي بغرفه واني بغرفه مثل ماتردين بس انتي علاقه بيه ماالج ابو ابنج اني وبس وانتي هم براحتج بس طول ماانتي بيتي تحترمين وجودج بحياتي ننفصل وراها شتسوين براحتج اني مااجبرج على حياة انتي مو حابتها

سديم... اوك اني قابله نعيش هيج وراها ننفصل والطفل الك.....

وددت ان تكون لي اماناّ اي امان ذاك الذي يأتي من غزوٍ تحت النفق....

كنت معكم انا رغد الموالي في امان الله ♥

تل الذهب...

رغد الموالي...

ـــــــــــــــــــــــــــــــــــــــــــــــــــــــــــــــ

طيفك الذي يحوم حولي أرهقني اتعبني

شق عليّ الحياة زادني ألم فوق ألمي

لن يتركني حتى يراني جثة هامده.....

مريم.....

باوعت لنفسي بالمرايه بالفستان البني

الي بارز مفاتن جسمي والميك اب كان بشكل بارز باالوان جريئه شعري الاسود المسرح ومنثور على ظهري

واني اباوع للمرايه

للحضات تخايلت ضرغام بالمرايه واكف يباوعلي بغضب

نفس نضرته من باوعلي واني بلا حجاب من اجه ابو غضب والحجي للبيت

وكأنه يكلي هاي شمسويه بروحج

اختنكت حيل اختنكت ضرغام دااشوفه بالمرايه

طكت الدمعه بعيني وطلعت مذعوره ابجي

وارركض

رحت للغرفه ابجي شافتني لمى

شبيج

ضرغام...... ضرغام. مايقبل لمى

وهو وينه ضرغااام

شبيج لتخبلينيييي

شفته هسه شفته

وينه وين شفتيييييي

هناك

امشي رحنه وباوعت ها وينه

ـ لمى بالمرايه

باعي مريييييم لتخبلينييييييي

هو مات وندفن وراح هاهيه لتبقين عايشه بهذا خيالج وتتخبلين وتخبليني وياج

شوفييييي اذا تبقين هيج اخابر ابو غضب ياخذج

اني البيه كافينيييي

اوووف

وعافتني وراحت

حرت شسوي شون

رحتلها

شوفي خابري لاابو غضب يوديني على صاحبه هو كلي

لمى، منو كلج

مريم ـ ضرغام

لمى ـ يبوووو عليه.... وشكلج ضرغام

مريم، اسمعيني هو كلي قبل لايصير اي شي كلي لو صار عليه شي روحي لواحد صاحبي

هو يعرفه كلي روحيله وهو يساعدج

لمى... وتتوقعين حيساعدج ويدري بيج انتي قتلتي

ليش ضرغام من كلج جان يدري انتي حتقتلي

مريم... بس هو ميدري اني قتلته بس يساعدني

لمى... حبيبتي ميدري شنووو

المكافحه والداخليه والامه كلها درت ضرغام جان جاسوس وقتلته مره

وخل ازيدج من الشعر بيت

اساسا كلها لامته يكولون وكعته مره وكشفته وقتلته

مهمته فشلت بسببج

من ترحين لصاحبه تتوقعين حيرحمج

مريم... هااا بس

لمى... لابس ولا شي

اكلج هو وين عنوان صاحبه هذا

مريم.. ها

ا... ا..... نسيت

لمى... هاااااا خوش عود من تتذكرين كولي

وامشي يله نطلع تره بقيتج هنا متفيد والبيكه هسه تحجي امشي

مريم... اغير لبسي مااطلع بي

لمى... يبووو عليه يمعوده لبسي اي شي بس فضيني

مريم... لبست بنطرون ووتيشيرت ربع ردن وفوكاه ستره وطلعت وياهم حتى روحي ماشفتها بالمرايا

خفت

رحت وياهم

طريق كله ضحك ويحجون حجي مو زين واني بعالم ثاني

يتشاورون عليه ويحجون

ويذبون حجي

انتي بعدج

مريم... شنو بعدني

... مستخدمه لو جديده

مريم... وانتي شعليج

.... وشكلنه يمه

وشكلنه عينيييي

وكامت على حيلها تريد تتعارك واحنا بالسياره وكعدوها البنات وصارت تصيح

مارديتلها

عفتها

وصلنه للنادي

جان شكله فخم من الاماكن تحسها معروفه

نزلو البنات واني ترددت بس لمى ودعاء كالو احنه وياج نزلي

نزلت وياهم واستحي من لبسي ومكياجي

كوه مشيت

لمى... باعي انتي اليوم تفرجي واكعدي يم الزبائن حتى لو بس تكسبين رجل هم ماشيه الامور منا لما تاخذين على الجو

دعاء... تعلميلج كم حركه من عدنه ولج اذا امورج مشت تمام تشوفيلج طفره وتنهزمين منا وتخلصين

مريم... هزيت براسي بمعنى اي

دعاء.. الي يسألج شسمج كليله ميمي

اني هسه اسم الحركه مالتي دودو

مريم... اي

فتنه وجان جو النادي عباره عن اغاني و

اصوات عاليه وبنات واكفات على الستيج ومغني يغني

وناس كاعده على الميز وكدامها مالذ وطاب من الاكل والمشروبات

لمى ودعاء ماعرف وين راحو واني بقيت واكفه حد ما شفت ميز محد كاعد بي ورحت كعدت بي

شويه وشفت لمى ودعاء على الستيج يم المغني

ويركصون

يباوعلي ومرات يأشرون اروح يم الزبائن بس ماارحت ولااهتميت

شويه مااشوف الا رجل كعد يمي

كان يبدو عليه منتصف الاربعينات

بشكل لابأس بي

هاي

مريم... تفضل

... ها اذا بيها تفضل يعني مو وي الجو

مريم..... شتريد

.... انتي ليش عصبيه ياحلوه خل نحجي نتفاهم على كيفج

مريم... اعرفك تعرفني

..... ونتعرف شنو المشكله

مريم.... مااريد اتعرف

.... اموت بالعنوديات واليشلعن الگلب

مريم... وكبر الك ولهل الخلقه

عفته وكمت بضوجه ولمى رادت تاكلني خزرتني انزعجت

حرت وين اروح وهذا هم اجه ورايه

شبيك ياحلو مو دانحجي وياك

مريم.... شوف اكلك تره واصله لهنا مو ناقصني انت

.... من امداه للمزعلج شكد ميفتهم وعايفج وحدج

مريم... باوعتله اختنكت وطكت الدمعه بعيني كوه سيطرت عليها

انت شدتحجي

انت شلون تتجرأ تحجي عنه هيج

... وفوكاها تحبي ومتقبلين نحجي عليه

مريم... روح منا

.... مو قبل مااعرف هذا العافج الي ميقدر النعمه

مريم... صحت بي

روووح مناااااا

باوعولي الناس

رد عنهم

سوء فهم متدري بروحها

.... امشي اخذيلج كاس روقي اعصابج

مريم... يبوووو عليييييه

عفته وطلعت بره النادي ولحكني

وين حترحين

مريم... لجهنم انت شعليك

... امشي وياي

مريم... روح منا

... امشي لبيتي

مريم... من كون احترك هو وصاحبه

.... من فدوه لهل اللسان

شافو الامن

هيييي انت شعندك وياها

... ماعندي شيي

مريم... دايضايقني هواي واني شغلتي زبائن

الامن... اطلع منااا لااتعرف مصيرك

باوعلي كال

ماشي ياحلوه نلتقي

راح ورجعت للنادي وبقت السهره راسي جا ينفجر من صوت الاغاني

بعد مااخلصت الليله ورجعنه استلمتني لمى بالطريق

شبيج اليووووم شعندج طفرتي للرجال

مريم... جلبلي

لمى... وانت تحلمين تطولي لهذا لج تعرفين هذا شنووو

مربم... ومنو يكون خل يكون يحترم نفسه

لمى... هذا من رجال الاعمال المعروفين

مريم... وشسويله يعني

لمى... اني شفته لزك باعي من يجي مره ثانيه تجري

مريم... مالي علاقه اجي وياكم بس اتفرج

لمى... نوصل للبيت ونتفاهم

وصلنه للبيت وقبل حتى لااغير ملابسي حجت

سمعي انتي مو تريدين تخلصين منا هذا

هذا اذا رتبتي امورج ويا تكدرين توصلين للبلد. الي تريدي ومو بعيد تلوفين عليه وتخلي يتزوجج

مريم... مااريد احد اني

لمى... ولج علمودج هذا يوصلج للقمه

مريم... وضر

لمى... هم حدكول ضرغام

لج افتهمي هذا رجل اعمال مشهور عنده فلوس نايمه على قلبه كومه يوميه يجي يطش بالفلوس عبالك يطش تراب ومو هامته

جانت سوسن خاصه اله بعدين سوسن بحح راحت محد يدري بيها وين ومن يومها يجي يتفرج ويشرب ويروح ومحد كدرت تلفت نظره

اني اليوم تفاجأت شلون ركض هيج وراج

ولج استغلي هالشي انهزمي خلصي بروحج

ضرغام مانجحتي ويا انجحي وي هذا

باوعتلها ماعرفت شردها من جهه اريد اخلص منا ومن جهه مااريد اسوي شي واتندم عليه

صرت اتذكر بكلام الضرغام لمن يكلي

لان عايشه بوسطهم متعرفين غلطج

بس من تعرفي راح تكرهيني

جان يقصد هالامور غلط

جان ميقبل هيج اسوي

حتى شعري يكلي لتخلين احد يشوفه ملابسج لاتكون كصيفه

جان يعلمني

وحبيت هذا كلامه من جان يكلي احس جنت لاكيه روحي ويا

بس هسه من راح احس كلشي ضاع وضيعت نفسي

غيرت ملابسي وغسلت وجههي ونمت

كعدت على دعاء وهي تصحيني

مريييم

مريم

هااا شنو

كعدي عاد يمعوده صدك جذب

مريم.... بيش الساعه

دعاء..... 3 ونص العصر

مريم... فتحت عيني متفززه شنووو هاي شكد صارلي نايمه

دعاء... عادي لان نمتي وجه الصبح

يله كومي نتريك ونتجهز حتى نطلع

وين

دعاء... نروح للسوك

مريم... والشرطه

شرطه تدور عليه

دعاء.... حيلزموج بهل المشوار الصغير دمشي امشي

مريم.... تريكنه وكملنه اجت جايبتلي هاينك وبنطرون

لبسي هذا

مريم... هيج حطلع بالشارع

دعاء... اي هيج

مريم... اخذته باانزعاج ولبسته ولبست شال

شافتني ضحكت

مريم.. ليش تضحكين

دعاء... شجاب الشال وي هذا لبسج

دنزعي نزعي لتفضحينه

مريم... نزعته واخذتني وطلعنه للسوك

دعاء... امشي وياها واحس الناس كلها تباوعلي

سمعنه كم كلام واحنه نمشي

صدقه لهل الوجه

دعاء.. يحاجيجج درديله

مريم... شردله امشي

ههههه امشي عيني امشي

اخذت ملابس الها جانت شقه وضحك وي ابو المحل حد ما صاحتلي

ميميييي

اجيت يمها

هااا

شوفي هذا حلو قياسج

باوعت بدلات حفلات

... هاي شنوووو شسوي بيها

.... منا وجاي تحتاجيهن

... مااريد ماالبس

... باوعتلي وضحكت مااهتمت وصارت تكلم ابو المحل

اريد بعد كم بدله من ذني الي اخذتها سهير

تاامرين دودو

هاي جديده وياج

دعاء... اي متشوفها شلون مستحيه

.... ليش المستحه عيني هو اكو احد غريب

دعاء... دكللها

اخذتهن وطلعنه

امشي للبيت دعاء بسرعه

دعاء... اوووي ولاينطلع وياج شكد نحيسه

فوك مادااريد احسن مزاجج ونفسيتج

ـ شتحسنين مزاجي منو كلج اريد احسن مزاجيييي

دعاء... شبيج تخبلتي عليه

يااااا

شجااااج

مريم... عوفوني بحاليييييي انتو شتردوووووون منييييييي

دعاء... ولج تخبلتي

مريم.. صيحت عليها بالشارع ولااهتميت لااحد

بعدين اخت تكسي وجرتني صعدتني بسياره ورحت وياها للبيت

افكر شلون شسوي شلون

لليل صارو يتحضرون داايطلعون

جنت كاعده اباوعلهم

فجأه فاتت البيكه

هله ببنياتي عفيه بيجن عفيه

باوعتلي

وانتي عيني متكومين تهزين طولج وتحضرين نفسج

مريم... مااروح

... وليش يمه على راسج ريشه شنوو

مريم... مااروح كتلج

... انتي ضاهر عنوديه وحتشلعين گلبي سمعيييييي

اني هنا ماعندي اكل ومرعى

تطلعين وتشتغلين وتجيبيلي فلوس

مريم.. سم اجيبلج مو فلوس

... هاي عليه

تعالي اليوم اني اعلمج

اجت عليه جرتني من شعري وصرخت والبنات واكفات يباوعون

وخرررريييي وخرييي عنيييييييي

ـ ولج اني تكلين عليه هييييج اني اعلمج اليوووووووم

ـ جيبولي الموبايل اخابر واوي

اجت دعاء

عوفيها بيكه عوفيها هاي

هاي خبله متعرف شتحجي

ااااااااششششش لتدخلييييين

دعاء... اروحلج فدوه عوفيها اني هسه اقنعها تطلع ويانه

مريم... مااطلع خل يموتونييييي

اني رايده اموت وارتااااااح

دعاء باوعتلي عضت شفتها وخزرتني

وكالتلها

هسه تعتذر منج هي متقصد

مريم.. مااعتذر ومنو هي دااعتذررر

للبيكه صاحت للواوي

واووويييي

اجه واوي جان رجل كصير وسمين شويه اصلع نصف رأسه

كولي بيكه

توصل خبر للحجي تكله ليتعب نفسه ويدور على وحده تفجر بالمزار مريم موجوده

مريم... تخبلت من سمعت هيج

كمت عليها

لا بيكه ياتفجير يامزار ياحجي الي توديني عليه

بيكه... وشلي بيج على كلبي

مريم... فدوه خليني بالبيت

وياهن ترحين

نزلت على رجلها اروحلج فدوه خليني هنا ولو هلكم يوم

بيكه... ليش شعندج

مريم... بس اخذ على الجوو

بيكه.. الج مهله اسبوع

بس خلال هالاسبوع تشتغلين وتنضفين تطبخين هم

مريم... ماشي اسوي كلشي الي تردي

يله طالعات احنه

طلعو البنات وبقيت بالبيت جان فعلا وسخ

لزمته ونضفته سوبته يخبل

مر كم يوم وكضيتها اشتغل من صبح لحد ماانام

اتعمد اطلع شغل واشتغل بس حتى مااكعد وافكر ارتاحيت شويه وصرت الهي نفسي بالبيت ومرات بالسوالف وي البنات

بيوم جنت مدده على سريري طافي الضوه ومدده لمى ودعاء هم فتحت ضوه الموبايل على السكف

تذكرت بضرغام

من اجاني وجنت مضروبه ومقهوره وخلاه للضوء بالسكف

بهذه اللحضات حسيت فعلا ضرغام يمي هدووووء

ودنيا ليل حسسيته فعلا يمي..

لمى... شعندج مشغله الضوء

مريم... سكتي

دعاء... طفي نريد نام

مارديتلهم وبقيت سارحه بخيالي وبذاكرتي يوم الي اجاني

اجاني وااخذني للمزرعه هيج وكون يدفع الباب ويجيني ويكلي مريمي كومي انتشلج من القاع ومن هذه الحياة والمجتمع التعبان

صرخت لمى ولللللج طفييييييي

مريم... بهدوء شبيج لمى شكووو

طفي صار ساعه نحجي

مريم... تدرين جان هو من يجيني والضوء طافي يفتح ضوء يخلي بالسكف يوزع ضوء للغرفه كلها

لمى... هم ضرغام

مريم... جان يكلي لاتخافين مريم

تخافين وانه موجود لعد انه وين رحت

بس

بس هو عافني

هو مات وراح وعافني وحدي بهل الدنيا

لمى... رجعنه شلوووون

مريم... موبيدي دااتعذب.... دااشتاقله

حتى ماعندي صوره تصبرني على فركاه

دعاء... ولج اطلعي ويانه تعرفي على واحد هسه تنسي

لمى... هه ليش متدرين مو الخانوم اجاها حازم وبقه يركض وراها وهي متريده

دعاء... حازم هذا اليطش

لمى... اي البارحه اجه طشلي وسألني عليها

دعاء... لابشرفج... وشكلج يعني هو يعرفها

لمر... لا.... كلي اكلج هاي  الحليوه وينها جانت وياكم

كتله متجي

كلي شسمها وكتله ميمي

راد رقمها وكتله ماعدها موبايل

دعاء.... ولج فرصه واجتج للحلك انتهزي الفرصه لتضيع من ايدج

مريم... شدتحجين انتي

اني مستحيل ااتعرف على واحد غير ضرغام لو احبه

دعاء... لاتحبي ابقي عايشه على ذكرى ضرغام بس هذا ماشي لمصلحتج

مريم... مااطلع مااروح اصلا

لمى.... شحيخلصج من البيكه

تره على اي ساعه متشوفين الا الحجي على راسج

مريم... شنو وشيسوي الحجي

لمى... ليش يمه هذا شغلنه المنو  دايروح لمنو تابع النادي والبنات لمنو راجعات

مريم.... تحجين صدك

لمى... لااشاقه وكأنه متعرفين

مريم... بس ماعبالي يجي

لمى.... حتى ابنه حسام هم يتردد

مريم.. فتحت عيني بوسعها

ش شنو حسام ابنه يجي وين يجي

لمى... للبيت مرات ومرات للنادي

مريم.... صدك يعني

.... اوووووي لحيتي باأسألتج انام احسن الي

...... خابريلي ابو غضب اروحلج فدوه خابري

..... وليش يمه اخابره

.... بس احاجي

..... يبوووو

طلعت موبايلها وخابرت على ابو غضب

رن.... رن... فتح خط

ها لمى شكو

.... اني مريم

ابو غضب... هله مريم

مريم... تعال اخذني وديني ل أي بلوه خليني بمزرعة الضرغام مااريد ابقه هنا

ابو غضب.... شوديج

مريم سايري امورج منا لما تفرج

مريم... شنو شلون يعني تفرج

ابو غضب... الوضع صعب يمي حيل

اجتنه اخباريه انه ضرغام جان مخلي بالمخازن تسجيلات وهسه حتى الكبار واكعين بيها مو بس الحجي

مريم.... شلون يعني

ابو غضب... ضرغام

ضرغام مقدم اسمائهم كلهم ومبلغ عليهم وبالادله

جان مخلي سماعات بالمخازن

مسجلهم والتسجيل هسه يم جهاز مكافحة الارهاب

الحجي حيسافر اكو كم واحد طلع بره البلد وحيروح الحجي

.... واانت حتسافر

.... الحجي دور روحه غدر بينه ماهمته الا نفسه ولده بره باقي هنا بس حسام يمكن يروح ويا

.... وانت وين حتروح ابو غضب لاتعوفني

... انه اذا دبرت مكان امان اخذج انه وياج وليو نشوفلنه مكان بس هسه مااكدر ابقي وين ماانتي اقلها الحكومه محدور عليج

.... بس انت دكول سماعات

... ضرغام مخليها بالمخازن مال المخدرات والاسلحه مو هنا

يعني انتي مامسجله يمكن كلنه تسجيلاتنه يمهم لان احنه نروح للمخازن انتي مرايحه مخازن مامسجله بس اذا مبلغ عنج

.... ضرغام هم وعدني ياخذني وعدني ميعوفني وعافني بعد مااأمن باأحد لازم ننهزم من هسه

ابو غضب... صعب مريم صعب

مريم... ليش

ابو غضب.... منعرف شنو يصير بعد ساعه مااضمن هسه هاي المكالمه الي بينه اساسا بس اني وياج نسمعها ممكن الحكومه

ضرغام على كلشي استحوذ

مريم... شلون لعد

ابو غضب... شوفي حتى اطلع من خطية ضرغام

وخطيتج هو امنج يمي وراح

مريم الوضع مخربط اذا نفذتي بروحج اخلصي

شوفيلج صرفه من يمج واطلعي بروحج معليج باأحد

مريم... بس شلون اني كلشي مااعرف

ابو غضب... مريم مابيدي شي هسه انتظري لحد ماتفرج انه حوصي ليو يدبرلنه مكان

مريم.... ماشي

ابو غضب... مريم لاتشتغلين شغلهن ولاتبينين على نفسج هم ممكن يقتلوج

مريم.. شلون يعني

ابو غضب... لاتطلعين وي احد مريم ابقي محافضه على نفسج ماعليج بيهم واذا كلولج وجبروج كليلهم مريضه كليلهم اي شي طلعي حجج

مريم.... ماشي

سديته منه للخط وقلقت توترت اكثر

شنو حيصير

ضرغام لاعب لعب بيهم طشرهم حتى وهو ميت

شعجب الشرطه ماعرفت من جان يمنه من عذبوه ليش ماخلصته ليش مااجوووو

ولو هم اساساً ماحجو بالمخازن

اتصالاته نقطعت عنهم معقوله ماعرفو

هم اساساً ماطول يمهم هواي يعني بين ما حسو عليه انتهى كلشي

مدااقتنع دخت شنو الي صار

لمى.... شبيج تحجين وي نفسج

مريم... ليش ماخلصوه جماعته

لمى... منو هو

مريم... ليش عافوه يموت ليش ماجون هو زارع الهم نقاط تجسس

لمى... قصدج ضرغام

مريم.... اي

ضرغام....... من بقه بالتعذيب تقريبا 4 ايام شعجب مااجت الحكومه

لمى... الحكومه متعرفيها شلون تفكر

مو مثلي ومثلج

تلكيهم من عرفو شغلته نكشفت ضحو بي

مريم... مستحيل جان جون

لمى.... يعرفو ميت ميت لا محال خلوهم يأمنون على نفسهم وعلساس الحكومه ماعدها علم كشفو الي وره الحجي منو عنده

هم اجتمعو مو

مريم... اي عذبوه بالقاعه الجبيره

لمى... وتلكيها القاعه بيها تسجيل وتسجل كلشي حتى يكشفوهم بالادله ضحو بالضرغام

مريم.... حبيبي شكد تعذب حتى محد اجاه

لمى.... شغلهم صعب هذوله والموت عدهم راحه

مريم... اي جان يكلي

حتى جان ميأملني بي ابد جان يحس عبالك حيموت يوصيني لاتتعلقين بيه

لاتقتربين مني

مريم ابتعدي

لزمت كلادتي هذه منه

مريم... اي منه جابها الي

... حلوه.... ذوقه حلو

بس منو مسرب هيج اخبار عن التسجيلات

الي يطلع هيج كلام معناها منهم بيهم

والي كال للحجي عن التسجيلات اكيد هو الي كال عن الضرغام نقيب فتن عليه وصار الي صار

هل بريح الصبا تمر عليّ

اتنفسها فتزيح همومي

أو هل لي بقميصك

أشمه فترد إلي روحي

كما رٌد النظر ليعقوب يايوسفي..... بقلمي.. رغد الموالي

سديم......

ادم... انتي مو تردين تنزلي لاتنزلي اني رايده

تبقين لحد ماتولدين الطفل بعدها انتي حره

ننفصل مو مشكله

سديم... موافقه

ادم... خلص هاهيه لعد تبقين يمي حدما يولد الطفل تردين تبقين هم فترة رضاعه ومنها تخلصين دراستج هم عادي احسن الج من بهذلة الاقسام

ماعندي مشكله

سديم... منا لوقتها عود اقرر

ادم... نعيش اصدقاء بالبيت الج حريتج والي حريتي

بس تحترمين وجودي كون انتي على ذمتي

سديم... هالشي لاتوصيني عليه اني اعرف الغلط من الصح

ادم... احترام خصوصيه.... محاسبه ماكو متحاسبيني اطلع اروح اجي عسى مااجيب بنات للبيت متدخلين

سديم... وتقبل انت هيج هم اتصرف بكيفي ومتحاسبني

ادم... المره مو مثل الرجال لتقارنين

سديم... سؤال اسألك

ادم.... لا مااقبل شنو يمه احد كلج اني ديوث

سديم... لعد اني عادي اتحمل

ادم.... انتي متحملتي ست هياتج تردين ننفصل

سديم... خلص براحتك

ادم.... من جنت بره يم اهلي بااوربا جانو هواي اصدقاء عايشين بيت وحدهم مثل المتزوجين بس هم مامتزوجين

سديم... وهالشي هذا حلو بنظرك

ادم... لا طبعا اني اكيف اذا وحده تقبل بس وحده تخصني او عرضي  تسويها وي احد اذبحها

سديم... وليش بله شنو هالتناقض

ادم... مو تناقض عزيزتي هذه طبيعه بالبشر

تحللين على نفسج وتحرمين على الناس

سديم... اني مو هيج

ادم.... والله

تردين تقنعيني انه انتي ماعندج شغله تقبليها على نفسج بس متقبليها على الناس

سديم... لا مستحيل

ادم.... يعني هسه فرضا لو انت تحبين واحد وهو يحبج وتموتين عليه عشقتي عشق ولو انتي متعرفين بالحب

شعرفج بي

سديم... خليته الك ابو الحب

ادم... اي طبعا قيس ابن الملوح مو مثلي بالعشك

لج اني مخبل بالحب متعرفيني

سديم... داشوفك متخبل بيه

ادم... وانتي كل عقلج الي يتزوج يبقه مجنون بحبيه ويحبها لمرته مثل قبل

سديم... شون يعني

ادم.... مو دااكلج اكو طبيعه بالبشر مثل الغريزه حتى لو يكابر ويحجي بالمثاليات بس بينه وبين نفسه عكس مايحجي

سديم... تشوف روحك ماتحبني عبالك كل الزلم هيج

ادم... الرجال مو ميحبها لمرته يحبها بس مو عشق سديم مو عشق

العشق شي والحب شي

سديم.... قال الله تعالى في كتابه... بسم الله الرحمن الرحيم... (وَجَعَلَ بَيْنَكُم مَّوَدَّةً وَرَحْمَةً)

ادم... اي موده الموده يعني محبه مو عشق

سديم... المهم يحبها

ادم.. اي يحبها... شوفي بعدينه عن الدين هسه اني مو قوي بسوالف المؤمنين

بس راح احجيلج بتفكير المنحرفين الي اعرفهم

سديم... قصدك المنحرفين الي اولهم انت مثلك

ادم... اي الي مثلي المهم

شوفي هاي الطبيعه بالبشر من مامتلك شي يقتل نفسه عليه حتى يمتلكه

يعني الرجال لمن يشوف وحده تعجبه وماتنطي مجال يموت نفسه عليها حتى بس يسوي وياها علاقه لو يتزوجها

مجرد ماتصير اله خلص بده يملها

خو اول يوم زواج هو تشييع للحب ههههه

سديم.... والله هاي انت هيج مو كل العالم هيج

ادم... ولج بابا طبيعه بالبشر يسمو شغف ولمن يحصل عليه يسمو فقدان الشغف

ويكوم يدور غير امور او يدور الافضل هيج شي يعني حنطيج مثل

الرجال اول مايصير راح يشتريله دراجه خل نفترض وراها حيستقتل حتى يشتري سياره وراها حيشتري سياره

بعدين حيفكر يشتري سياره احدث من الي عنده

وحيستقتل عليها هم وره مايشتريها حيبقه ينتظر موديل جديد وراها كذلك وكذلك ويرغب بالاحسن كل مره لان بكل مره دايرغب ودايحصل عليه

حب الامتلاك وهذا كلنه احنه بينه واذا دكولين لا

فمعناها انتي فاشله لاتزعلين مني

الفاشل شنو الفاشل الي ميحلم والي ميدور الافضل لنفسه

افتهمتي هسه اكو ناس تشوفيها فقيره تروح سنين تمر سنين حالها تعبان شنو السبب

السبب هم ناس يدورون بدائره منغلقه مطمحو بالاحسن بالافضل او هم ميحبون بتعبون لهسبب بقو على هذا حالهم

سديم.. هسه انتي الي كلته صحيح بس خو مو على البشر ينطبق يوميه وي وحده

ادم... كتلج حب التملك شافها عجبته رادها نطته مجال فتره وملها

والبنيه شنو ذنبها

ادم... مو علساس انتن البنات شكد فقيرات وحدتجن بس تماشيها تنزل بيك طلبات ونكد

اني اعرفهن الي يماشني علمود فلوسي واني اماشيهن علمود راحتي يعني مصالح

اصاحبها يومين واكلها احبج وهي دكلي احبك 

نكضيها جذب لحد ما واحد يمل الثاني ونطلع ثنينه خونه وكذابين

الكذاب الحقيقي منو متعرفي

سديم..... اي ثنينكم كذابين

ادم.... اي لعبه وبسرعه نكشفت

سديم... من جانو يطلبون جنت تنطيهم

ادم... اي طبعا لعد شلون

هدايا.... عيد ميلاد اسويلهن..... اجيبلهن ذهب...

مره وحده طلبت مني فستان بتلاث اوراق

مال حفل تخرجها وجبته الها هديه

سديم.... وجنت تذب فلوسك على البنات

ادم... وين اوديها لعد عزابي وكلشي ماعندي واحب اشتغل

سديم... شعندك لعد يمي حتبقه هاليومين مو عندك شغل

ادم.... عندي مساعد مالتي هاي على ايامج جنت اجي بس اني

سديم.... هاااااا

ادم.... اي... فلتبقين تحجين بالمثاليات ست سديم

سديم.... نعست راح انام

ادم.... نامي عيني نامي

بقيت افكر بقراري

يمكن تسرعت شلون انطي طفلي هو اني لو حتى تطلكت مستحيل انزله للطفل مستحيل اقتل روح مالها ذنب جنت اكله هيج حتى يطلكني بس هو يريده للطفل

اولده واذا بقه على حاله ادم انفصل منه اني مااتحمل ابقه ويا

وي شخص متجرد من الاحساس

للصبح كعدت باوعت ادم مو بفراشه كمت لكيت تبارك تسوي الجاي

صباح الخير

صباح النور

ادم ماكو بفراشه مشفتي

... لا

خالتي شلون صارت

... نايمه ماكعدتها

اتصلت عليه......

الو.... هاي وينك كعدت مالكيتك

ادم .... صار عندي شغل وطلعت رايح للشركه محتاجه شي

لا بس شفتك ماكو

اوك

وسده للخط.....

بقيت يومين يم بيت خالي جان وضع خاله خلود صعب كوه تحجي رجلها قليل تحركها وايدها هم

... خاله حبيبتي تسمعيني

.... هزت براسها بمعنى اي

... خاله بشنو حاسه

... باوعت بشفقه وحجيها ممفهوم كان زين

... خاله لتنقهرين ان شاء الله على العلاج تتحسنين

وتصيرين زينه الطبيب كال لازم نسويلج تمارين رياضيه

كمت حتى اسويلها تمارين

باوعت لبطني وهزت براسها بالرفض

شنو خاله يعني شنو

تبارك... يمكن لان حامل مو زين عليج

باوعتلها لخاله جانت تهز براسها بمعنى اي

وحجت ممفهوم

كعدت تبارك تدلكلها رجلها ايدها جبتلها اكل وكلتها

ونطيتها العلاج

وتركناها ترتاح اليومين الي مرت هيج

بدت تتجاوب ويانه وتساعد نفسها

بعد يومين خابرني ادم

سديم تجين....

اي عادي

تمام اني جايج

اجه عليه اخذني بالسياره...

شلونج شلونهم بيت خالج

... مرت خالو نفس الحال تقريبا ذويه احسن

...شفتلها دكتور زين وحجزتلها بس يطول الحجز يله يوصلنه السره

.... صدك... عاشت ايدك

خو مو غالي هذا الدكتور

.... لاتشيلين هم الفلوس

... لازم اعرف

... شعليج انتي اني حوديها

... لا اني مااقبل

.. واني مامسويها لخاطرج ست هاي حاله انسانيه

... طلعت تعرف بعمل الخير

... عفته عمل الخير الكم يلي تصلون

اخوتها مو يصلون ويصومون شو محد كلها شلونج

... بس خالو حمزه جا

... اي وشسوالها نطاها 10 الاف لان بقت عايشه

دسكتي يرحم اهلج شلون اخوه ولد عدها ينحلف بيهم

... شسويلهم قسمتها هاي

... ااااخ تمنيت الج هالجلطه جان بقيتي تحت رحمتي

.... اشكرك ادم

بهل الاثناء رن الموبايل باوعته موبايله الي بي ارقام البنات رد كدامي وعادي

الوووو.... هلو نرمين

وضحك بصوت

لا بالليل

وباوعلي اني كبل باوعت للشارع الامامي اسوي روحي مامهتمه

كتلج بالليل لاتلحين

ماشي

م

ماشيييي وبعد شتردين

صار... بعيوني.....

واحلى هديه لنمنم

باي...

وسده منها

هاي شتريد

ادم.... اروحلها بالليل عيد ميلادها وعازمتني مسويه حفله بيناتنه بس اني وياها....

75

كنت معكم انا رغد الموالي في امان الله ♥

تل الذهب

رغد الموالي

ـــــــــــــــــــــــــــــــــــــــــــــــــــــــــــــــ

مريم... اسأله هواي صارت تجي بالي

الي دايوصل اخبار عن التسجيلات معناها هو الي مخبر على الضرغام

منو هذا وشلون حعرفه ولو عرفته شراح اكدر اسويله

اجت لمى... مريم متطلعين

مريم... مااكدر

ليش

مريضه وتعبانه اني مو مال هيج جو

لمى... وعيونج كم يوم وتتعودين

مريم.. لا مااريد

والبيكه شلون شحتكليلها

مريم... حكللها مااكدر

لمى... اوي خلصي منها اني ماعليه

بالليل بدو يتحضرون اجت البيكه

ها عيني مريم شوكت ناويه ترحين وي البنات

مريم... اني مااكدر بيكه مريضه واتعب

متكدرين شنوووو بكيفج هيييي

... فدوه بيكه خليني اشتغل هنا بالبيت انضف اغسل ملابسكم بس الي تردو صعببب

... لا مو صعب

مريم... صعب اني مااكدر

... سمعيييي اني مامخليتج هنا على سواد عيونجحج

مريم... داانضف اني ماكاعده وساكته

... تنضفين لعد شنكلج عليه

صار..

صاحت على البنات

يللللله يبنات

فرحت لمن تركتني والبنات طلعو وبقيت بالبيت كالعاده اشتغل وانضف وفتت للحمام سبحت

وطلعت اشتميت ريحه طيبه بالغرفه مشتمتها من قبل وتذكرت

تشبه عطر ضرغام

نفس عطره

منين اجت وين العطر

معرفته كعدت بالغرفه استنشق العطر الي بيها واتذكر بضرغام وباأيامنا القديمه

نعست مددت ونمت حسيت البنات للفجر رجعو

بقيت مسويه نفسي نايمه

مددو على اسرتهم ونامو

للصبح كعدت بقيت مدده بسريري

مضى وقت هواي لما كعدو للظهر كعدو وكمت احضرلهم الريوك وهم كم وحده ويايه يضحكن وسوالف وشقه

ندكت الباب سمعت صوت رجال بره

بنات باوعن واشتغل الهمس بينهم

لج هذا الثكيل الي يطش فلوس شعنده هنااا

سمعته يحجي....

وينها خليني اشوفها

بيكه... شتشوفهااا هي منو

... عدكم وحده حليوه هنا جتي مره للنادي يوميه اجي وماالكاها سألت عليها وكالولي هنا

بيكه... هاااا عرفتها

اكعد هنا خل اصيحها

الانظار توجهت الي البنات الي بالمطبخ صارو يباوعولي

واني مستفهمه نظراتهم

اجت البيكه

مريييم

مرييييييم

بلي بيكه

تعالي عيني تعاليييييي يردوج

باارتباك... م م م منو

بيكه... امشي عيني هسه تعرفين

طلعت جنت مدنكه باوعته هو اول ماشافني وكف على حيله واتبسم

واني باوعتله وباوعت للبيكه رايده اعرف شيريد مني

.... شلونج.... يعني هيج تعبيني تخليني اركض وراج

مريم... انت شتريد مني

... اريدج... دوختيني طيرتي النوم من عيوني

شسويتي بيه انتي

اشرت على روحي... انييي

... اي يفدوه لل اني

باوعلها للبيكه... بيش تطلع هاي

بيكه... شكد تدفع

... خل تخلي الرقم الي تريده واني حاضر

... 5 ورقات

... لازم جديد تشتغل

... اي

... عشره انطيها مو 5

... يله مريم حضري نفسج

.. وين

.... تروحين ويا

... وين اروووح

... ويااااااا

... مااطلع وي احد اني شكتلج اني بيكه

... والله جتني خوش فلوس الحجي يختلف

... اروحلج فدوه بيكه اني مااطلع وي احد

باوعتله وصرخت مااارووووح

... ليش متروح ياكمر وداعتج شتردين اجيبلج

بيكه... شتردين بعد يمه

اجت وحده من البنات بيكه اني اروح اذا يقبل

جاوبها لا هاي شسمها هاي كلتي

بيكه.. مريم اسمها..

... صدقه لهل الاسم امشي وياي

مريم...احترك دمي يستفزني بكلامه صرخت

... مااروووووح

باوع للبيكه والبيكه تفرعنت عليه من شافت الفلوس

اني اخابر الحجييييي يشوفلي جاره وياج

انتي شنو بلوه وذبج على گلبي

.... بيكه عوفينه وحدنه نحجي اني اقنعها

بيكه... ماشي

باوعتلي

كعدي يمه وراحت جوه

بقيت وحدي اباوعله بغضب

... شبيج هيج تباوعيلي كعدي وسمعيني

... شتريد مني

كعدي خل نتفاهم

ديسحبني من ايدي نترت ايده

وخر ايدك

... كعدي

كعدت وهو اجه كعد يمي بعد مسافه صغيره

شوفي انتي عجبتيني ودخلتي مزاجي ومبين عليج جديده هنا

وممرتاحه

تعالي يمي بيتي عندي بيت قصر اكعدج بي وتعتبري بيتج واني الخطار هناك

... باوعتله فكرت شويه...

وشنو بالمقابل

.... نعيش عيشة المتزوجين اني اوفرلج اي شي تحتاجي وانتي تلبيلي طلباتي

... جان عرض مغري لكن وصاني ابو غضب وكلي فتره مؤقته اكيد حيشوف حل

لا اني مااكدر

.... زين بالبدايه بدون مقابل اني متأكد من حتعيشين هناك حتتقبلين اي شي

... مااطلع اني مااروح وي احد

... تردين تقنعيني عايشه هنا ومحد دنالج

... لا محد

... شو مامصدك

... وعساك لاصدكت

... اسلوب الي مثلج احبه

... والمطلوب

... فكري

... افكر... وانت لاتلح كدام البيكه

... تعالي للنادي اشوفج

... مااطلع

... هم ماشي... هاج هاي فلوس خاف محتاجه

... خليها بجيبك محد كلك دااجدي

... هديه مني

... وشنو المناسبه يمه

... شفت عيونج الحلوه

... كلنه عيونه حلوات بالبدايه

... اويلي ضاهر قلبج موجوع

... كلها للبيكه وافقت بس اني بمزاجي اخذها

... تدلل ياحلو

عفته ورحت وتكلم هو وي البيكه وطلع....

مرت ايام ولاحس ولاخبر من ابو غضب

ماشفته الا اجه....

جنت كاعده بالغرفه سمعت البيكه ترحب بي

هله.... هله... ابو غضب

هلو شونج

مجرد سمعته من خشونة صوته عرفته هو طفرت من مكاني وكمت

ابو غضب هاي وينك

باوع للبيكه كلها نريد نكعد وحدنه

رحنه بغرفه من الغرف وكعد

ها شلونج

شلوني يعني وحده عايشه هنا شلونها

كلي انت شصار وياك

... التسجيلات مو يم الحكومه طلعت

مريم... شنو شلون يعني شنو الي صار

... لكينه نقاط تجسس بالمخازن التابعه للبارون

وكلنه محد خلاها غير ضرغام

عدنه واحد نعرفه هناك وياهم اتصلنه عليه

كال انه مادري بسالفة التسجيلات بس راح اتأكد

الكبار مجرد عرفو سافرو لحد مايتأكدون

وراها اتصل هذا الي نعرفه كال ماكو اي تسجيل يمنه وضرغام مجرد مقدم اسمائكم بدون ادله

لافيديو يمنه ولاتسجيل

مريم... والحجي يعني حيبقه

... اي ضرغام جان مامتمم المهمه كامله لهسبب حتى لو يلزموهم راح يطلعون شلون القبرص

... شبي القبرص

... القبرص ضرغام دخله للسجن وبأدله

تتذكرين العركه الي صارت يوم الي نباكت الادله الي جانت عند الحجي عن القبرص

وضرغام تهم ابنه حسام

... اي تذكرت

ابز غضب.. جان ضرغام ماخذها وضرغام بلغ عليه وسجنوه القبرص طلعت عنده سوالف يابو سوالف

المهم سجنوه فتره وطلع

من شافه ضرغام طالع من السجن قتله

... يعني لهسبب ضرغام قتل قبرص

.. اي لان طلع وهو عليه بلاوي سوده

... وشلون طلعو

... عنده حيتان بظهره

ضرغام قتل القبرص ولمن قتله مو من مهمته يقتل القبرص بس هو بعصيبته ولان تفاجئ من شافه قتله

بوكتها نگلبت الدنيا على راسه وتعاركو ويا ليش تقتله ومنو بلغك ومنو نطاك امر

وضرغام تعارك وياهم

... انت منين تجيب هالمعلومات ضرغام حجالك

ابو غضب... لا ضرغام مجان يحجي شي طول الوكت ساكت بس الي باعه للضرغام هو الي حجه

.. زين شعجب ماكشفه لضرغام من الاول

ابو غضب... مجنه نعرفه تعرفنه عليه بالفتره الاخيره

نطاه الحجي جم دفتر باع الضرغام والي وره الضرغام

مريم... زين هسه الي راح يصير شنو

ابو غضب... سمعيني انتي ابد ماتبينين اني بينت كدام الحجي بعتج ونطيته فلوس

انتي تبقين هنا ماضل شي وتفرج مريم

بس صبر محتاج صبر

... البيكه داتضغط عليه حتى اطلع وي واحد

ابو غضب... لا لتطلعين ابد.... ابد مريم

واذا لحت عليج هواي اطلعي وي البنات بس لاتطلعين وي احد ضرغام حافظ عليج حافظي انتي على نفسج هسه

مريم... راح احاول بس انت كللها لاتلحين على مريم

ابو غضب.. اذا كتلها راح الفت انتباهه وراح تشك بشي وراح تبلغ الحجي

الحجي ميدري انتي هنا

لهسبب هسه شريدح تسوين تخربطين وضعج وعلساس صار بينه شي مو بس حجينه وطلعنه تمام

مريم... افتهمتك

ابو غضب... كدامها حنتصرف غير وانتي صيري شاطره واعرفي شلون تتصرفين بذكاء

هزيت براسي بمعنى اي

هو طلع واني وراه لكينه البيكه بالباب

بيكه... مو جنكم طولتو

ابو غضب... اشتاقيتلها واجيتها خيرج بيكه واكفتلنه هنا

بيكه... ماعندي شي بلاش اريد عربون على الاقل نستفاد منها

ابو غضب... سهله... طلع فلوس ونطاها

باوعلي وكال يله رايح انه كرصني من خدي بشقاوه ذ كدامها

تفاجأت بس ابتسمت مجامله

وهو طلع

لزمتني البيكه وره ماطلع

... شعنده وياج هذا

مريم... يحبني هو

بيكه... بسسس

مريم... اي بيكه

بيكه... سمعتكم تحجون شحجالج بشنو جنتو تحجون

مريم... كلي مشتاقلج

بيكه... شوفي عينيييي يجي هذا الثكيل ترحين ويا

مريم... بيكه مااريد اطلع هيج طلعات

بيكه... متطلعين هيج طلعات شنووو

شوفيييي ابلغ الحجي تره يشوفلي صرفه وياج

مريم... حطلع اليوم وي البنات والتقي بي هسه اوك

بيكه... اسحبي منه شكد متكدرين فلوس شفته هذا واكع ومحد مسمي عليه

مريم... اي

عفتها ورحت كعدت افكر شلون وشنو راح اسوي

اطلع وي البنات لو لا

راح اغطي عن ابو غضب واطلع مره اطلع مره اتحجج مما لما يرتب وضعه ابو غضب

بالليل تحضرو البنات وكالعاده لبست بنطرون وتيشيرت ربع ردن وخلولي مكياج وسرحت شعري

ورحت وياهم

صوت الاغاني مزعجج والاضويه مائله للون الازرق

متعبه للنظر فتت وياهم

لمى... متجين ويانه على الستيج

مريم... البيكه كالتلي اشتغل الزبائن

لمى... عفيه يله املنه بيج

كعدت وصرت اباوعلهم

شويه وشفت نفسه الرجل اجه

هلووو

... ابتسمت مجامله... هلو

اليوم هنا شعجب

... ضايجه كلت اغير جو

.... زين تسوين... فكرتي لا

مريم .... فكرت وحتى اقبل لازم اتعرف عليك اكثر

.... اسمي انمار

مريم.... اي وبعد متزوج لا

... تزوجت فتره وطلكتها

مريم... ليش

انمار... متفاهمنه عقليتها متناسب عقليتي وتفكيري فد وحده متخلفه

مريم... شلون يعني

انمار.... ليل نهار بدشداشه ومبهذله نفسها

نطلع سويه تفشلني حتى لبس متعرف تلبس

مريم... يجوز انت بخيل ومتنطيها مصرف

انمار... لا بالعكس اني موفرلها كلشي بس هي مريضه بالبخل اول مره اشوف مره بخيله

جان بنفسي ارتبط بوحده حليوه مثلج انيقه

مريم... لاتغرك كشختي

تره البنات مرتباتني

انمار... ليش متعرفين

... مالي نفس

انمار... ليش احسج مقهوره او شي مأذيج

مريم... لا ماكو شي مأذيني

انمار... لعد ليش مالج نفس مهزومه من اهلج اشوفج مو وياهم بالجو

مريم... اني قصتي قصه

انمار.... سولفيلنه

مريم... مالي خلك اسولف خليني بجروحي جايه هنا اغير مود

انمار... هسه انزلج مشروب يعدلج مزاجج

مريم... مااشرب

انمار... مثل متحبين مهم وافقتي نكعد سويه

هزيت براسي بمعنى اي

وصرت اباوع للمكان عباره عن ناس ماعرف شلون تفكر شلون عايشه يمكن جايه هنا تفرغ همها مااعرف....

مر وقت طويل حدما خلصت السهره وجه الصبح ورجعنه

لمى.. شسويتي وي هذا اليوم ولا عافج

مريم... وكع ومحد سمى عليه

لمى... شسويتله ولج

مريم... يحبني

لمى... ايييي شكد نطاج

طلعتها ورقتين هذني شوفيهن

لمى... ايا لعينه ولج بدون كلشي نيالج

مريم.... شفتكم بداية السهره وين اختفيتو

لمى... شغل عيني

مريم... افتهمتها شنو تقصد ووصلنه للبيت تلكتهم البيكه وحده وحده تاخذ منها الفلوس نطيتها ورقتين

وفرحت من شافتها

بيكه... انتي مثل دجاجه بياضه ذهب

باوعتلها بااشمئزاز وعفتها فتت للغرفه شمرت روحي على الفراش داانام وقبل لااغفي تراوتلي بعيوني صورة الضرغام احسه مقهور مني وجعني گلبي حيل تلمست الگلاده وهمست

سامحني.....

أرتجي منك العذر

عذراً إن غبت

وعذراً إن نسيت

وعذراً اذا جفيت......

سديم....

وصلنه للبيت حاولت ماابين انو نزعجت

ادم... حبيبي غراضج امورج نقليهن بالغرفه الثانيه هي بيها كنتور وسرير مرتبه

شغلات ثگيله لاتشيلين

سديم... ميحتاج دكلي

البيت منو منضفه

ادم... اجت منظفه نضفتلي البيت

سديم... تمام

طالع اني تحتاجين شي

لا

تمام باي....

احس نار وشتعلت بيه بس مابينت كدامه

تضاهرت عادي

لليل اجه مستعجل حضر ملابسه بالعاده جان يكلي اني احضرله وفات للحمام يسبح وراها طلع يلبس جان واكف على المرايه يغني ويعدل بشعره وبستايله

واكفه اباوعله

ادم... شبيج تباوعيلي

سديم... حتروح للعيد ميلاد

ادم... طبعا

سديم... وشنو جبتلها هديه

ادم... طلع علبه فتحها جان محبس ذهب راقي كلش

ها شلونه حلو؟

- نار وشتعلت بيه

همست بخنك وكابرت

اي حلو

ادم.. يله طالع اني باي

باي

راح وسد الباب وراه

متحملت بجيت.... متوقعت حيسوي هيج

اني مستحيل اتحمل هالشي

بقيت بالبيت اروح واجي والوب

هسه شديسوي

بشنو يحجون

شلون يباوعلها

هسه يحبها.... اكيد هي الي راح تملي عينه

اني لو مليت عينه جان ماباوع لغيري

الف تفكير اجه براسي احس احد يمي ويشعلني بنار بكثر التفكير والتحسبات انهزم من افكاري والهي نفسي بأي شي وماكو ماكو فاىده

باوعت الساعه صارت 12 ماكو مااجه

... ومو من حقي اتصل واكله انت وين ليش تأخرت

انتظر وماكو وعيني على الباب على لايت السياره شوكت يضوي من جوه الباب

ماكو كلما تفوت سياره افز وياها يمكن هو يمكن اجه

ماكو

ساعه 1 ونص وماكو

2 وماكو ونص وماكو

نعست وتعبت ومدااكدر انام

حسيت بي اجه من صوت السياره فتح الباب ودخلها للسياره

ردت افوت للغرفه واسوي نفسي نايمه ومامهتمه بس متحملت لازم اروح واكله ليش يعوفني لهيج وقت وحدي بالبيت

اي اطلع حجه واخلي يرجع من وكت

فتح باب الصاله ودخل تلكيته

ادم.. بعدج كاعده

سديم... مكدرت انام خايفه

ادم.. ليش تخافين شكو

سديم... ليش عايفني وحدي لهيج وقت تدري بيه اخاف واني حامل

ادم... جنت سهران

سديم... شلونه الحفل بعدين وين اكو مطعم يفتح لهيج وقت

... ومنو كلج بالمطعم.

وين لعد

فات للغرفه وصار ينزع بقميصه

بيت اهلها

تفاجأت سئلته بذهول... أهلها؟ شلون يعني

ادم... اهلها مو بالبيت رايحين بالزياره وباقيه بيبيتها يمها ووبيبيتها متشوف

سديم... وانت شلون تروح متخاف لاتورطك

ادم... شتورطني يمعوده اعرفها من زمان

سديم... بعد لاتتأخر لهيج وقت

ادم... بهاي تعذريني

سديم... ليش

ادم... نصيحه لتسألين ولتغشمين نفسج وعلساس متعرفين ليش مااسهر

سديم... بس عيد ميلاد احتفلت انت وياها

ادم.... اي

سديم... وبسس عيد ميلاد

تبسم وكال... لا مو بس عيد ميلاد

اكلج اشو انتي كمتي تحقيقين شحجينه

سديم... لا مو قصدي بس هيج فضول

ادم... ماشي طفي للضوه حبيبي اريد انام

طفيت الضوه وطلعت وبعدها نار ومشتعله بيه مداتحمل

بس صفنت هيج وي روحي وحجيت

سديم انتي لازم تتعودين

هو حياته هاي متعود على هاي العيشه

انتي لازم تتعودين منا لحد ماتولدين الطفل وراها تنطي للطفل وتطلعين من حياته

... زين شلون اعوف طفلي يتربه عنده ويخلي وي هيج بنات زين شلون لو طلعت بنيه وراح تشوف ابوها يوميه وي وحده هي شلون حيكون تفكيرها شلون حتربه

اكيد حيجيبلها مربيه والله عالم شنو هي جنسيتها وشنو عقاىدها وعلى شنو حتعلمها

اي مسؤوليته هو بعد

هو وصلني لهيج مرحله الخلل بي هو لو كان يريدني ويريد يكون حياة اسريه جميله جان تنازل عن ملذاته

جان كال اني تزوجت وعندي زوجتي وحامل بطفلي هاهيه بعد بس متهمه الا نفسه وانانيته

اطلع من حياته وخلص

مرت الايام ادم صار على طول يتأخر بداية الايام جنت ابقه انتظره بعدين صرت انام واتركه

مرت خالي شويه تحسنت على العلاج وعلى تمارين رياضيه هم صارت صحتها احسن صرت اروحلها على طول

منها ام محمود كالت معاملتكم كملت وان شاء الله قادم الايام تاخذون كل حقوقكم انتو متأخرين يله سجلتو واكيد حينطوكم تعويضات

جان خبر حلو بس مو كلش مصدكه بالبدايه

صرت اهتم بنفسي بلبسي بدراستي صرت اصلي هواي ويوم الي يتأخر وابقه انتظر مرات من غيرتي ابجي احبه ومااريد يمشي بهذه الدروب ولادااكدرله

لهسبب قررت انسحب من حياته

جنت اسمع محاضره للشيخ يتكلم فيها عن صلاة الليل وفضل صلاة الليل

اولا تجعل البيت نورانياً

فقد روي عن الإمام جعفر الصادق عليه السلام

((أن البيوت التي يصلي فيها بالليل بتلاوة القرآن

تضيء لأهل السماوات كما تضيء نجوم السماء لأهل الارض))

إن صلاة الليل تورث الشرف وتورث صحة البدن

وتحسن الوجه فقد روي عن رسول الله (ص)

( من كثرت صلاته بالليل حسن وجهه بالنهار)

صلاة الليل تريح النفس طمأنينه للقلب

تبعد عنك وساوس الشيطان والاهم من ذلك تجعلك اقرب الى الله

هنيئا لمن ناجى الله في جوف الليل

هنيىا لمن سقطت له دمعة من خشية الله

لمن فقد عزيز ويبكي على فرافه فليصلي في الليل ف الله يهون على عبده ألم الفراق

جميعنا قد فقدنا الاحبه

منكم من فقد اهله منكم من فقد اخاه منكم من فقد اخته منكم من فقد ولده او ابنته او زوجته

حتى في في الطلاق والنسيان والهوان تقرب لربك بصلاة الليل وقرآن الليل

تكلم الشيخ عن فضل الصلاة وكنت مندمجه الى حد ما

لحد ما فززني صوته وراي

جان يضحك

داتتعلمين شسوين وره منتطلق

هو دايعلم الي يحبون يعني المره الي تحب زوجها وتتطلق تصلي علمود تتعود

سديم .. هو دايتكلم عن فضل الصلاة الليل محدد بس الي يفترقون

ادم... لا حدد هياته يتكلم

سديم.. والمطلوب سيد ادم

ادم... سوالفج سوالف عجايز محاضره وصلاه وهالامور

سديم... ليش رب العالمين وجب الصلاة والعباده بس على كبار السن يعني مو واجبه عليك

ادم... عود من اكبر هسه بعدني شباب

سديم... وانت ضامن حياتك بعد ساعه

ادم... عطست اليوم يكولون الي يعطس يعني ضامن روحه يعيش 3 ايام

سديم.. و 3 ايام وقت حتى تكفر بي عن عمايلك

ادم... وشمسوي يمه ماكل حق احد بايك سالب قاتل

سديم... وعلاقاتك

ادم... هم رجعنه

اكلج تره مدااضربها على ايدها اكلها تعالي نسوي علاقه حتى كل شويه تكليلي علاقاتك

سديم... وانت متفكر بروحك

ادم... لا

لجهنم لجهنم منتهين منها

سديم .. وبرأيك جهنم تحتمل

ادم .. ليش جنتي عايشه بيها قبل وتعرفين

سديم... الروايات تحجي عن جهنم والله سبحانه وتعالى ذكر جهنم بالقران

ادم... اي بس انتي شدراج شلون تكون قابل شايفتها

سديم... اسألك سؤال ادم

جواب ست

سديم... الله ليش ارسل انبياء

تحديد شنو يعني ليلة الاسراء والمعراج

ادم... ارسلهم حتى يبلغونه عن وجود الله

وليلة الاسراء والمعراج ماعرفها شنو يعني

سديم.... ليلة الاسراء والمعراج هذه الليله هي معراج الرسول محمد ص الى السماء

يعني صعد الى السماء

ادم... هاي شلج بيها منين تجيبين هالسوالف

سديم... استغفر الله

ادم هاي مذكوره بالقران... بسم الله الرحمن الرحيم..

(سُبْحانَ الَّذِي أَسْرى بِعَبْدِهِ لَيْلًا مِنَ الْمَسْجِدِ الْحَرامِ إِلَى الْمَسْجِدِ الْأَقْصَى الَّذِي بارَكْنا حَوْلَهُ)

ادم... يعني الرسول محمد قصدج

سديم... اي... لمن صعد الرسول محمد الى السماء

شاف الجنه وشاف النار وشاف ناس تتعذب

ناس تنذب بجهنم بقاع النار

يتصارخون من العذاب ويتعطشون وميكدرون يشربون مي عذاب ماله نهايه

حتى الرسول ص

خاف على امته من هول العذاب الي شافه فدعى الرسول لأمته

جنت اتكلم وهو صافن لكلامي بعدين تنهد وتكلم

ادم... تدرين اني كم مره عجبني اروح لقبر النبي

يعني بنفسي ازوره

سديم... وليش متروح

ادم... لا.... مااكدر

سديم... ليش

ادم... اني وين وقبر النبي ويين الي يروحله كون ممسوي غلط سديم

اني اعرف بنفسي الي دااسوي غلط بس تعودت

على هذا الغلط

تكدر تغير

مااكدر...

سديم.. جربت تصلي ولو مره بحياتك

ادم... صليت مره جنت بعمر ال 19 او اكثر هيج شي وكفت اصلي بمزار رحنه نزور

وجماعتي استلموني تصنيف وره ماصليت

صاير مؤمن وصايره سبحتك 101

بقو يلحون كم يوم وهم مجلبين بهاي السالفه حد ما ضجت بعد ولاصليت

مع انو اني اول مره اوكف اصلي بالمزار شفت الناس تصلي وكفت اصلي حتى مااعرف شلون يصلون بس

قريت الحمد والاخلاص ورفعت ايدي مثل ماشفتهم يسوون هيج يدعون حتى بالصلاة

بوكتها دعيت فد دعوه

... شنو هي الدعوه

.... دعوه هيج امنيه جانت عندي

... اي

... ف وكفت اصلي استحيت من الناس لان كلها تصلي واحنه كاعدين منصلي

... وانت استحيت من الناس

الي لازم نستحي منه ادم هو الله مو الناس

... اني هيج بوكتها استحيت من الناس

سديم... ومفكرت تصلي بعد

ادم... لا

اني اساسا ماعرفها للصلاة شلون

سديم... شعجب..... اهلك ماعلموك على الصلاة امك مثلا ماشايفها وهي تصلي

ادم... امي..... امي متوفيه واني صغير

سديم... اعتذر... الله يرحمها

زين ابوك اخوانك خواتك مو عندك اهل وكتلي بالخارج

ادم... اي

سديم... شعجب انت رجعت للعراق

ادم... مكدرت اعيش بره ماكو مثل العراق

سديم... واهلك

ادم... استقرو هناك

سديم... ليش طلعتو خارج العراق

ادم... هيج ضروف صارت

وغير الموضوع بسرعه... اكلج الطفل مدايتحرك

سديم... لا بعده صغير

ادم... اتبسم بتأمل... من يتحرك كليلي

سديم... ليش

ادم... اريد احس بوجوده

سديم... تمام

ادم... اروح انام تعبان اني

وانتي هم ارتاحي

سديم... هزيت براسي بمعنى اي ورحت نمت

كعدت ثاني يوم الصبح جان جمعه وهو يتأخر بالنوم

سويت غده ورتبت البيت اكثر وفتت للحمام سبحت وسشورت وتعطرت وميك اب

ورحت كعدته

صباح الخير

... شافني تبسم صباح النور

... صار الظهر اكعد

.... تعبان مابيه حيل اكوم

.... سويت غده ومراح اكل الا تجي

... هسه راح اكوم

رحت انتظره بالصاله حدما كعد واجه

.... الله شنو هاي الريحه الطيبه ريحة الطبخ اليوم بالبيت تسطر شطابخه

... مندي

... تعرفين تسوي

... وشيرادله

.... دصبي خل ناكل

حضرت الغده وجبته بصينيه واجيت

فيلم مصري قديم وكعدنه نتفرج ونتغده جان جو اسري بسيط ضاهريا يبدو وكأنه احلى عاىله لكن ماخفي كان اعضم

تغدينه وكملنه وشلت الصينيه رحت اسوي الجاي

سمعته رن جهازه

وجاوب...

شويه وعلى صوت الضحك مالته

اني جمدت بمكاني لابيه اسأله ولابيه اسوي نفسي ماادري

وكفت على بعد منه بشويه واسمعه جان يحجي وفاتح سبيكر

... حبيبي شنو هالهديه الي تخبل عسل مثلك

ادم... تدللين عليه

... هذاك اليوم ليش مابتت يمي شعندك رحت اهلي ومو هنا

ادم... مو زوجتي مو مال اعوفها وحدها هم حامل

.... اكلك هي خو ماحاسه بشي

ادم... لا ماحاسه بشي

... هسه انت وين

ادم... بالبيت

... وزوجتك

ادم... بالمطبخ

.... حبيبي لو اني يمك اوكلك بيدي

ادم... فدوه لاايدج الكيك غير هذاك اليوم من وكلتيني اووويلي ولاينشبع منه الاكل

.... فدوه لقلبك حياتي

احبك

ادم... واني هم احبج... حقيقه دااكون وياج حيل سعيد وبديت افكر غير......

نحن نصمد امام الكثير الا التلاعب بمشاعرنا والمساس بكرامتنا....

كنت معكم انا رغد الموالي في امان الله ♥