تحميل رواية «تل الذهب» PDF
بقلم Raghad Almoualy
جارٍ تجهيز التحميل... برجاء الانتظار
سيظهر زر التحميل خلال 10 ثانية
جارٍ توليد الملف...
التحويل يتم بالكامل داخل متصفحك — لا يُرفع أي شيء للسيرفر.
اختر مجموعة الفصول للتحميل (كل ملف حتى 10 فصول)
عن الرواية
بسم الله الرحمن الرحيم سوف اكون معكم ب اتمنى لكم قراءه ممتعه الروائيه رغد الموالي الحياة ماهي الا غابه والبقاء فيها للاقوى فكيف لغزالة صغيرة تتربى وسط الذئاب لابد ان تكون كذئب بمكر الثعالب كي تأمن الوجود لكن الى متى...... اتركني وشأني لست من عالمك لاأنا أنتمي لك ولا أنت لست اعرف من انا من اكون من اي بلد ومن اي ديانه كفااك ترقب واهتمام لمن ليس لك كفاك محاولة اقتحام قلبي اتركه مهجور ارجوك فأنا لا أعرف الحب لا اعرف العشق والاشتياق وكلمات التودد لا اعرف غير سحب السلاح واطلاق الرصاص ورؤية الدم لا اعر...
رواية تل الذهب الفصل الحادي وخمسون 51 - بقلم Raghad Almoualy
ــــــــــــل الذهــــــــــــب
رغــــــــد الموالــــــــــي
ــــــــــــــــــــــــــــــــــــــــــــــــــــــــــ
قبل اللقاء....
صعدت بالسياره حتى اروح وي ضرغام جان شعور متقلب ماعرف شنو من شعور داهمني لحضتها
لكن ضرغام جان ساكت واعتقد مركز وياي رغم هو يسوق جان
ضرغام... شبيج متوتره
مريم... مااعرف خايفه
ضرغام.. لاتخافين هسه تشوفين اختج بس اكلج ولد خالج ثنين شباب عزابيه شلون تعيشين وياهم
مريم.... مااعرف
ضرغام... اختج اذا بيتها وحدها ترحين وياها
مريم... ماشي
سكتنه لدقائق وتذكرت بااابو غضب والولد
صار عندي فضول أسأله
ابو غضب وليو شراح يصير وياهم
باوعلي وتكلم... لاتشيلين هم دااشتغللهم
مريم.. ليش
ضرغام.. عليهم ملفات وتهم لتنسين ابو غضب جان وي الحجي وعليه قضايا هواي
مريم ... وليو
ضرغام... ليو مخدرات جان يساعدهم بالمخدرات
وحيبقون بالسجن
.. ميبقون بشكل نهائي هم تعاونو وي الشرطه وصارو سبب بااكمال المهمه
بسسسس ااااخ وضرب الستيرن
تفاجأت سألته... شكو شبيك
... الحجي
... شبي
الحجي شانق روحو وميت
مريم.. تفاجأت جانت صدمه ثانيه... شتحجييي
.. جنت بس رايد اعرف مكان حسام النذل ويطبو طب مايموت
... هاي بعدك تدور على حسام
... وانه ناسي وعيونج لااجيبو واخلي جوه رجلج
.. سكتنه ثواني سألته
هو اني بعد مااشوفك؟
..ليش هالسؤال
... لاتغيب وماتخليني اشوفك
... الله كريم
طلع كارت نطانياه كال... هنا رقمي من تحتاجيني خابريني..
ماشي
مشت السياره بينه وتذكرت اسأله..
ضرغام
التفت باوعلي بمعنى كولي
... ضرغام والله اني مدااتجسس بس انه سمعتكم جانت نور تحجي عني قبل لانطلع الصبح
.. باوعلي تفاجأ بعدين تكلم
شنو سمعتي
... نور صدكت بكلام سندس مو
... كلامها جان يدفع اي مره.. وهي ماندفعت بس تعرفين هي تمر بضرف صعب فتحس ان هي اقل من بقية النساء لهسبب هي تنقهر مرات
... حقها اني ماالومها بس سمعتها وهي تكلك مريم حلوه وصغيره وانت اكيد حلت بعيوتك وجبتها
... لا مو هيج مريم انتي مفتهمه الموضوع غلط
.. لعد شنو
... بعد كلام سندس كتلج اي مره حتتأثر بالكلام فهي نقهرت كالت...
... كامو يباوعولي اني مو حلوه ومريضه
ضرغام... ومنو كال انتي مو حلوه بعدج نواره الي الحلوه
نور... لا ضرغام لا لاتبقه تجاملني اني داشوف روحي بالمرايه واليوم سندس حسستني من كلامها على نور
سندس دكلي لاتخليها تفتر كدام رجلج تحلى بعينه معناها اني مو حلوه صرت
ضرغام.. سندس كلتلج هيج
نور... لا تنزعج من كلامها هي حجت الصح مريم حلوه وصغيره بعدها واكيد راح تحلى بعينك
ضرغام... لاتحجين هيج نور تبقين انتي ام علي الغاليه
نور... هذه حقيقه... ضرغام مريم صحيحه سالفتها لو اكو غير شي انت ضامه عليه اذا متزوجها احجيلي اني ماازعل منك
ضرغام... مامتزوجها والله.... نور ماعندي اي علاقه غراميه بيني وبينها هي بنيه مضيعه اهلها وانه دااسعيلها اوصلها لااهلها وينتهي كلشي
نور.. صارت تبجي... اني المرض ذبلني لو مابيه شي هم حلوه
ضرغام... بعدج گمر.... لاتبقين تسمعين لخواتج ولاتفكرين غير تفكير بعدني احبج وبعدج ام ولدي وروحي والي وكفتلي حلوه ومره ام علي انتي غاليه عليه وتبقين غاليه....
مريم... حقها تغار عليك او تخاف تروح من ايدها
ضرغام... اعرف والمره من تحب بجنون تصير تغار على زوجها حتى من بنتها تصوري هي حتى مره كلتلي ضرغام انت تحب زهراء اكثر مني
كتلها لا نور انتي حبج شي وهي شي لاتقارنين
جنت اذا اجيب قراصه لزهراء اجيبلها لنور حتى لاتحس انه مااحبها او تفكر بشي ثاني
مريم.. لهدرجه حساسه وتغار
ضرغام... وااكثر وحتى.... رن جهازه جاوب
ورجعت گلبت ملامحه غضب ونتر
انتوووووو وووووووين جنتوووووووو.... بصياح
والله لو اكو مراقبه كل هذا مايصير
بسيطه التحق ويصير خير
لا سيدي ولا هالتصبغ مالك كتلك يصير خير
وسده للخط
مريم... علمود الحجي مو
ضرغام... هز براسه متحسف وضرب بيده الاثنين على الستيرن كال وهو يسوق يباوع للشارع... اغبياء
اغبيييياء متصيرلكم جاره
مريم... صار شي ضرغام
... لا... بس الحجي تحت التحقيق كوه اعترف كدامي وبعدها محجه شي ووكعت نور خلتني اعوف كلشي وارجع
... بشنو اعترف.... شنو الي صار... شنو كلك لما تواجهتو
ضرغام... جان بالسجن منفرد هو واجيت انه وكفت كبالو وتفاجأ من شافني مريم ماصدك هذا انه كال..
الحجي... ماكذب لساني وكت سميتك الاسد
الاسود يوم تموت... تموت بعز وتموت بفخر
وتموت يوم تنغدر من اشباهه وانه الي خليت تغدر بيك مره معناها مو نهايتك...
... تبسم بااستهزاء... شفت الحياة شلونها يوم الك ويوم عليك
انه هسه اكدر العب بيك طوبه الي كل الصلاحيه لانك مجرم اول وانه ضابط ولانك عذبت ضابط جريمه رقم 2 يعاقب عليها القانون بس انه مراح اسوي مثلك واستفرد بيك انه وربعي واعذبك وانطيك حبوب مخدره كل هذا مااسوي انه راح اترك القانون يعاقبك
.... هه مو انه الي يعاقبني قانون وراح تشوف يالضرغام
مريم... حقه ينصدم بيك
ضرغام... كل ظنو متت
سكتتنه ثنينه وبعدها تكلم...
حترحين وتعيشين هناك بالبدايه مراح تتعايشين وي الوضع كون حياة جديده وناس غير بس بمرور الوقت حتتعودين
... اختنكت وطكت الدمعه بعيني مثل الي دك على وتر فعلا هيج حاسه ومن هسه مستغربه وحاسه بوحشه باوعتله واني مختنكه كوه كاتمه دموعي
ضرغام لاتعوفني تعال عليه بين فتره وفتره لاتروح وبعد مااشوفك
... مريم باعيلي الحياة هاي مرات تقسى علينه ومن تقسى تقسى حيل صعب بس نتعود انتي لازم تتعودين انه مااجيج واريدج تنسيني وعيشي حياتج وي بيت اختج وعيشي حياة غير البهذله الي انتي تبهذلتيها
... همست.. بس اشوفك
... مااجي انسي
بجيت وهو مااهتم بقه يسوق بسيارته ولما بقيت ابجي همس
كافي
انت قاسي اقسى انسان شافته عيوني
... لان علمودج ومن يمج انه
... لا انت اناني ومتحب الا نفسك
... هز براسه بمعنى اي ومباوعلي ابد طول مااني ابجي واكلمه مركز بالشارع يسوق ماالتفت حتى متت
اسكت احس حطك احجي ويا بارد وياي بجوابه
تكلمت واني ارجف بكلامي صارت عندي رعشه من خنكتي... شوف هاي
هاي الكلاده الي انت اشتريتها الي شوفها ضرغام حبقه محتفظه بيها واتذكرك
ماباوعلي ابد ولارد
من شفته هيج عتيت الگلاده بقوه من ركبتي گطعتها ونزلت دموعي ونترت وشمرتها بالكاع داخل السياره
حتى ذكرى منك مااريد
وصرت اصيح مااريد من واحد بلا احساس
باوعلي
ردلي
التفت الي همس
شنو التردي ابويه احجي
... تجي
... مااجي حدنه لهنا
.. بس اشوفك
... كتلج حدنه لهنا
... بجيت وغطيت وجهي بيدي الاثنين وصرت اجهش بالبجي بصوت فجأه وكفها للسياره وصرخ
كتلج لاتقتربيييييييين
انه شكتلج
شلون فهميني شلوووووون
... نزلت من السياره اركض عفته وهو صاح
وين رايحه اوكفييي
واني اركض وابجي ركض وراي لزمني عتيت ايدي منه واصرخ
عوفنييي
والله اكلهم خاطفني والم الناس عليك عوفني
اتبسم وتكلم بهدوء... ولج مخبله مااعوفج
كذب اتشاقه وياج
.. تكذب انت تكذب
... ماعوفج مريم وعيونج الحلوات
... ضميته بقوه وهو تكلم ولج شارع منا الناس
مهتميت ابد همس يله مريم حنوصل اهلج ينتظروج
وخرت عنه ومسحت دموعي وصعدت ويا بالسياره
ورحنه لبيت خالي....
عوده للوقت الحالي....
حضنت سديم وهي هم تبجي واني ابجي
سديم.... اخيرا شفتج
شفتج يابنت امي وابويه شفتج يانور عيوني
كليلي وين عشتي وين جنتي هاي السنين شنو صار وياج
باوعت لضرغام وضرغام دنك مباشرة وباوعتلها
ج ج جنت عايشه وي عصابه سديم هم خطفوني واخذوني هاي السنين كلها عشت عدهم
باوعت سديم لضرغام كالت
انت منو وليش رحت كل هالفتره هسه يله جيت
ضرغام... صارت ظروف مكدرت اخلص اختج
مريم... هذا نقيب ضرغام هو ساعدني هو خلصني منهم
سديم... همست بخيبه... وجنتي عايشه وي العصابه بصفتج شنو مريم
مريم... بجيت وباوعت لضرغام اريده يجاوب هو لكن هو مباشرة ترخص حتى يطلع فزيت ويا
وين
وين حتروح ضرغام
... رايح انه مريم
مشى ومشيت وراه
ضرغام تعال باجر بس اشوفك شلون راح اعيش
.. طلع موبايل من جيبه... هذا جهازي الثاني خلي عندج خاف يصير وياج شي باجر ادزلج موبايل وخط جديد وتدزيلي هذا الجهاز عليه ارقام مهمه ديربالج عليه اي شي يصير وياج تخابريني ابن خالج هذا مارتحتلو خاف يخلوج يمه بالبيت
... مريم... اي اخابرك بس مااعرفله
... طلع جهازه واتصل على الجهاز الي باايدي كال تدوسين هنا وتحجين عادي ولمن تردين تخابريني
تدوسين هنا وهنا وتضغطين اتصال
... ماشي ضرغام
... اشوف وجهج بخير مريم وسامحيني اذا قصرت وياج
... سامحني لاني عذبتك وياي
... لا مريم لا وتلمس وجهي مسح على راسي برقه
انتي غاليه عليه مع السلامه
... ا ا ا ا الله وياك... كوه رديت ختنكت
... اجت سديم... ها راح
.. اي
... تعالي فوتي عندي كومه حجي وياج كووومه
... اني وين حعيش
... ويايه بيتي... حسن ومحسن بعدهم مامتزوجين ومو حلوه كعدتج.
.. لعد زوجح وين
..جوه هذا الي يم حسن محسن ماموجود على طول بره
... وانتي حامل شكد عندج جهال
... هذا اول طفل مريم راح اولد عن قريب
سكتت مختنكه ومستغربه مااعرف شنو اسوي
يله مريم حصيح ادم ياخذنه لبيتنه
هزيت براسي بمعنى اي
شويه واجت هي ويا
ادم... سديم اشو انتي واختج نفس الجهره
سديم.. ياطلابة ادم الي ماتخلص
صعدنه بالسياره... ورحنه لبيتهم
طول الطريق افكر
شلون حعيش... خاف فتره ويضوجون مني
لو بقيت عدهم الى متى اعيش عدهم
ولحد شوكت
حسبه توديني وحسبه تجيبني
وصلنه البيت دخلت لبيتهم جان مرتب كلش وعلى مايبدو سديم اختي مرتبه
كعدت عدهم مستحيه مستغربه من المكان
كعدت يمي
مريم حبيبتي لاتستحين اني اختج وهذا بيت اختج
تعالي هنا هاي غرفتج
نامي وارتاحي هسه مبين عليج تعبانه
كعدت وهي طلعت وسدت الباب
طلعت الجهاز واتصلت على ضرغام همست بخنكه
... ضرغام تعال اخذني
.. ليش مريم بيج شي
... لا بس مختنكه
.. فتره وتتعودين
.. ا ا ا ا انت وين
... بالمزرعه
.. سكتت
... مريم روحي وابقي يم اختج باي وسده للخط
خليت ايدي على وجهي ابجي مااعرف شنو كم هالدموع الي نزلت عليه
مددت مكوره روحي شويه واجت سديم
... مريم تعالي سويت عشى
... مااريد اكلو انتو بالعافيه
... جربي طبخ اختج تعالي ناكل
.... باوعتلها سكتت وكمت وياها جانت فارشه سفره ومخليه العشاء كعدت كالت حنطي ملابسه لاادم واجي توه طلع من الحمام
راحت... بقيت كاعده استحي امد ايدي
اجت كعدت.... جانت الابتسامه متفارك وجهها فرحانه بيه
سديم... مريم حبيبتي ليش احسج مستغربه وعبالك احنه غربه
مريم... لا بس خاف مثكله عليكم
سديم.. لا بالعكس ادم كلش فرحان لان التقينا وعرفناج بعد هاي السنين كلها
سكتت اجه ادم... اكلن يمعودات شعدجن تنتظرني
سديم... مريم مستحيه من عدنه عبالك
ادم... تدلل يله تعشن تره ميت جوع اني
كعدنه تعشينه وكمت قبلهم رحت لغرفتي
مر وقت واني افكر ب ضرغام ونور احس هذوك اهلي فعلا
اجت سديم وكعدت...
سديم.. مريم شبيج حبيبتي ليش منعزله وشنو علاقتج بهذا الرجال الي وياج
... مابيه شي والرجال هذا هو حماني من العصابه الي خطفتني
... عشتي وربيتي عدهم مو
... اي
... وشنو جانو يسوولج مريم هم جانو يأذوج
... من جنت صغيره جنت أكدي بالشوارع
...بخرعه... شنوووو شتحجين
... راح اسولفلج كلشي
وبديت احجيلها شلون جنت اكدي بالشارع وشلون نام وشلون عايشين ولما كبرت ولما راد يبيعني لهذا وهذاك وحجيتلها شلون التقيت بضرغام وتعرفت عليه وحبيته لحد الساعه الي كلمتها بيها هي جانت تسمعلي وتبجي مسحت على راسي كالت
سديم... مريم حبيبتي ان شاء الله دموع الحزن راحت والجاي دموع فرح
مريم... وانتي وين عشتي هذا الرجال هم عشتي عنده
سديم... ضحكت... لا مريم هذا زوجي عشت اني بيت خالي وربتني مرت خالي خاله خلود متتذكريها ناسيتها مو
... اي
... بعد الحادث والي صار ربتني هي عشت وياهم حلوه ومره لحد ماكبرت وتزوجت وهاي اني كدامج حامل وراح اصير ماما بعد كم يوم وانتي حتصيرين خاله
.. هسه نامي وارتاحي وباجر نبدي بحياتج الجديده اكو هواي شغلات لاحضتها عليج يرادلها تغيير مريم
كامت وطلعت بره
وااني مددت حاولت انام مكدرت وكأني اول ليله اعيشها بعيد عن ضرغام يمكن هالمره لان اعرف بي عايش وبحياة ثانيه
بقت افكار هواي تجي براسي طلعت جهازه وتذكرته شلون جان يباوعلي ويكلمني وهو رافع تك حاجبه ويسلمه الي عيونه جانت تخليني اتراجع عن اي قرار اتخذه فتحت جهازه وصرت اضغط على الشاشه من برنامج لبرنامج اخر شي فتت على برنامج بي صور
كلبت بالصور صور هواي بي
صوره هو وجماعته بالشرطه بدلاتهم الخاصه وصور هو ولده صور هو وبنته صور ولد شاب ومبين يشبه ضرغام عرفته هو اليا
بي فيديوهات هم وشفت فيديو اله هو وجماعته بالمزرعه يسكفون سمج ويضحكون ويتشاقى وياهم
حيل دمه خفيف وياهم ويضحك بقهقه وصوت ومنطلق لااخر درجه ولاجنه ضرغام الي اعرفه
سديت الموبايل بعدها
وغمضت عيني ونمت بعد تعب اعصابي من التفكير
غفيت وكعدت الصبح جانو بعدهم نايمين سويت مثل ماجنت اسوي بيت الضرغام حاولت احضرلهم الريوك بصعوبه ندليت الجاي وعلكت الطباخ وحضرت هالي عرفته وندليته
علكت صوبه وانتظرتهم يكعدون
ساعه كاعده بره تقريبا اجت سديم
... صباح الخير مريومه حبيبتي كاعده هنا؟
.. من زمان
... اني مااكعد من وكت من صرت حامل لليوم مااعرف شنو صار وياي
... نوم العافيه
اخذتنه السوالف وسألتني
مريم اسألج سؤال بس لاتفهميني غلط
اسألي
سديم... هم صار بينج وبينه شي
مريم.. منو هو
سديم... انتي وهذا ضرغام يعني تردين تقنعيني مخليج شفقه هيج بيته
مريم... اي جنت اساعد مرته هم بالشغل
سديم... بس مدااقتنع خصوصا هو ماعرف شلونه عيونه وساع تخوف بخزرته يعني داايباوعلي عادي خفت
مريم... هو مقهور هالفتره
سديم... حقه اذا تكلين مرته على فراش الموت اكلج هاي رموشه طبيعيات
مريم.. شلون يعني
سديم... ماشاء الله كثيفات وطوال
مريم... يعني شنو طبيعيات غير هي هيج عنده ابنه حيل يشبها
سديم... بس على هذا معروفه كون نرده بجميل بسيط نعزمه مثلا
فزيت بفرحه اي اي نعزمه
سديم.. باوعتلي بشقاوه.... الرجال متزوج مريم ثكلي
مريم... شكو شحجيت
سديم... شوفي مريم حبيبتي الي فات مات والماضي انتهى وراح احنه بنات اليوم حياة غير دنيا غير ابدي من جديد وعيشي من جديد خلص ننسى كلشي
.. ان شاء الله
... اريدج مثلي تصيرين مثل امي
... امي.... كلت هالكلمه وحسيت بدفو بعد سنين برد
رجفت شفتي وختنكت
امي.... سديم اني ماجربت اكولها حقيقه واحس بهذا الاحساس ام.... أب.... عاىله وبيت وأهل
.. احنه صح نحرمنه من اهلنه مريم وانتي اكثر وحده تأذيتي حتى اهلي ماتو وارتاحو وخلصو من هالدنيا بس انتي بقيتي تتعذبين طول هاي السنين
... اني حتى على العذاب تعودت والي اجه يخلصني من عذابي هم طلع مو من حقي ولغيري عايش
... هاهيه الي صار صار.... تعرفين مريم جنت اتمنه الكاج اتمنه نعيش سويه تهونين عليه مر الايام واهون عليج مرها هم
بس القدر جان اقوى مني ومنج
رحت جبت البوم الصور.... شوفي امي ابويه تعالي
كعدت يم سديم وصارت تشوفلي الصور
وشفت امي حنه ننطيها شبه بسيط
باوعت لسديم.... شوفي هاي امي باعيها شكد حلوه
سديم... اي حلوه امنه مريم حلوه
مريم... وابويه هم
صرت ابجي واعتبهم
عفتونه من وكت حيل من وكت تعذبنه بعدكم
تعذبت بعدج يمه ليش عفتينيييييي
تذكرت كل ايامي السوده العشتها وحتى ضرغام صار وجع بالنسبه الي
حسيت روحي ترجف واذب حركة السنين كبال الصوره وابجي
سديم... كافي حبيبتي كافي
حضنتني وسكتتني كوه
ماسمعت الا الباب ندكت اجه حسن
سديم... هلو حسن شعجب شعتب
حسن.. هاي موبايل دزه ضرغام لمريم ويرد جهازه
سمعت اسم ضرغام طلعت
وينه وين ضرغام
.. دزه بيدي شبيج جيبي جهاز الرجال
.. هذا جهازه هو دزه بيدك
... اي هاج هذا جهازه مو عيب تاخذين جهاز من رجال غريب
.. ضرغام مو غريب
.. حسن.. مو غريب شنو... اخذه مني للجهاز وسمعته كله تفضل تعبناك
عرفته وره الباب دااطلع عليه لزمتني سديم ولج وييييين تخبلتي
هو وره الباب
سكتيييي متطلعين
... بس
... شششششش خلص
لمحته صعد بسيارته باوعت من فتحه صغيره بالباب وراح
... سديم... حاسه بشعورج بس حرام عليج عنده مره بحياته وهي اكثر منج محتاجته
مريم... هذا الحارك گلبي والا ماعفته سديم حتى لو يرجعني الكم
سديم... تنسي خلص لا هو من عمرج ولا عزابي رجال متزوج وعنده، 3 اولاد تهجمين بيته مو حرام عليج شراح تفرقين عن الي جانو يماشون ادم هاااا
جنت احترك بنار مريم
اني مجربه هذا الشعور يألم كلش
احنه نسوان وحده تفهم الثانيه صح ونفكر تفكير واحد الرجال مو مثلنه وعدهم عادي من وحده لوحده
مريم... كتلج هذا الي خلاني اجي اعيش عدكممم
سديم... هاهيه وزين سويتي
وليش ماكلتي اريد جهاز موبايل او ماعندي هذا مو مالتي جان جبتلج بصفته شنو هو يشتريلج
... اني مااعتبره غريب
... رجعنه....؟ هاااااا
... خلص سدي الموضوع فدوه
... حسده والعصر نطلع نتسوك يرادلج كومه ملابس ذني قليلات
... اشترالي هواي ضرغام بس اني مااخذتها كلها
... اي يرادلج بعد
... هاهيه مثل متريدين
نضفنه البيت سويه هي طبخت جانت بطنها جبيره وكل شويه تلزم ظهرها وتتعب حملها ثكيل
... اكلج سديم اشو بطنج جبيره عبالك تؤام حامل
... لا طفل واحد
.. شوكت نروح
.. يجي ادم نتغده ويوصلنه بدربه
... ماشي
... اجه وتغدينه وتحضرنه وصلنه للسوك
اشترينه ملابس وهي اشترت الها واشترينه للطفل
وتسوكنه هواي شغلات داانمشي ونسولف ضحكت مباشرة ركلتني بعكس ايدها
همست لج عيب شنو هالضحكه هاي احنه بالشارع
... شكو شدااسوي قابل
... عيب ولج شدكول الناس علينه
.. ماادري
عيني بالكاع مترفعيها وتمشين وتباعين بوجه رجال زحمه
ورجعنه للسوك
... مريم... اكلج قطيتي اليوم رجلج
... حبيبتي هذا اكثرها مني نسيت اكلج عدنه راتب مال اهلنه وفلوسها دسمه هم
... ليش ابويه شيشتغل
... لج مال السجناء وهم معدومين النه حقوق وراتب البيت الي لتقينه بي هذا بااسمي اشتريته وهسه احوله نص بااسمج ونص بااسمي والراتب منا وجاي الي والج
... شكرا
مرت الايام وبديت اتعود على الكعده وي سديم بيتهم علمتني هواي امور اولهم الصلاة كالتلي
... لازم تصلين منا وجاي وحرام والصلاة مهمه
جانت توكف تصلي واوكف وياها اصلي
مرات تتعب تصلي من جلوس واني اوكف واكمل الصلاة
علمتني لازم ملابسي طويله وعريضه وحرام يبين جسمي منها حتى لو كدام زوجها ادم
صرت دااىما اتحجب وعلمتني...
... مريم حبيبتي اكو شغلات انتي ماتنتبهيلها وهي ضروري كل بنيه لازم تعرفها
حبيبتي بشارع لاتضحكين زحمه
شي براق ملفت للنظر لاتلبسين ميجوز وكل صلاتج تضيع
لما تدنكين تلتقطين حاجه خلي ايدج على فتحة الدشداشه من جهة زيكج
ملابس ضيقه او مو محتشمه لاتلبسين حتى لو ابوج اخوج لا مايصير
الفاظ عندج مو حلوه مريم هالامور لاتحجيها بعد اني حقدر جنتي بوسط رجال ومجرمين واشكال يحجون اما انتي هسه بوسط عاىله وبيت واختج وناس ومجتمع
حبيبتي مريم لاتستثقلين كلامي اني اختج واعرف بمصلحتج لازم تحفظين هذني الي علمتج عليهن
قد نضل الطريق ونستدل بشمعه تنير دربنا بعد عتمة وعثرات أنهكتنا...
بارت قصير لكن افضل من ما يتأخر البارت
شكرا لكلامكم الحلو حبيباتي بارحه قريت تعليقاتكم لكن عددكم هواي وماارد خاف تزعل الثانيه ممتنه لكم من القلب... التمسكم الدعاء
كنت معكم انا رغد الموالي في امان الله ♥
رواية تل الذهب الفصل الثاني وخمسون 52 - بقلم Raghad Almoualy
تــــــــــــــل الذهــــــــــــــب
رغـــــــــــد الموالـــــــــــي
ـــــــــــــــــــــــــــــــــــــــــــــــــــــــــــــــ
مريم...
بدت تعلمني هواي نصحتني هواي
مريم هذا سوي مريم هذا لا هذاك غلط
جنت ضايجه گلبت بالتلفزيون طلعت اغاني وعليت الصوت بسرعه طلعت سديم هاي شنووو.
طفي طفي
تفاجأت شكوو شبيج
.. اغاني مريم وبيتي وجهررر
... شنو يعني شكو بيها
.. لا فدوه لاعيني تلتم الشياطين بيتي يصير بيت مابي راحه يخنك
... شنو هاي شلج بيها
... انتي مجربه بيوت من تفوتيها نفسج ينقبض تختنكين رغم هو نضيف ومابي شي بس هيج روحج تنقبض
... اي شنو يعني
... هذا البيت معناها لايقرأ به القران ولا تقام فيه صلاة او اغاني بجهر يشغلون بالبيت وهذه الشياطين تلتم الملائكه تبتعد عن البيت
... هاي شنو هالحجي سديم
ادم... اجه من المطبخ جان ياكل برتقاله كال
تكلمت الشيخه سديم
عيني مريم تحمليها هاي طول عمرها تفتي
سديم.. اني ماافتي بشي هذا غلط شنو اغاني
ادم... خلي البنيه تتونس لتصيرين حقنه
سديم.. الا بالاغاني بعدين اني حامل وااريد الطفل هو وبطني يسمع قران يجي هادىء ومبارك ان شاء الله
ادم.. تعالي عيني مريم كعدي هسه اشغلج فلم يموووت بين مااشغله دسويلنه شي نتعلل بي ونتفرج
مريم... صار
. سديم هزت بيدها ماعاجبها... هه شلون ثنين لايكين
.. باوعلها ادم... عود نكمشج من ايزارج من تفوتين للجنه حتى منوكع بالنار ههههه
... ضحكت لضحكة ادم ورحت للمطبخ جبت زيتون بماعون وجبت جبس وجبت عصير وخيار وخاثر خلطتهن سويه صارت جاجيك
وفواكه ورتبهتها على الطبله وكعدت
اتفرج على الفلم
باوعت ادم كوه كاتم ضحكته
وسديم رادت تاكلني خازرتني
باوعتلهم شكو شبيكم
سديم.. هاي منو معلمج هيج تسوين
مريم... هااا تلكأت... ليش
ادم... ضحك بقهقه عاليه وصفك... برافوووو
باوع لسديم كللها تعلمي من اختج يحظي
سديم باوعتلي بغضب ونترت... مريم هاي شنوووو
مريم... شكووو شبيج
سديم... كعادي ببار احنه ومخليه هالسوالف هااا
شنو جاجيك وزيتون تحجين صدك
مريم... غير ناكل لعد شنخلي هي شفتها بالثلاجه خليتها
ادم.. سديم لاتصيرين نحيسه كافي تعالي مريم كعدي نتففرج ونضحك على عناد المؤمنين طلعتي من ربعنه انتي ويضحك
سديم... لا لا لا انتي دمااار كلش همزين ياربي مو كدام احد مسويه هالمصيبه جان شكاااااال شحجه علينه
ادم... كافي سديم خل نتفرج عاد
يلا مريم صبيلنه بالكاسات
سديم... اسمها كلاصات
ادم... باوعلها بشقاوه وضحكته مبطلها
صبيت العصير ونطيتهم وكعدنه نتفرج على فيلم
اندمجنه جان فيلم كلش حلو ادم كل شويه يحجي حجايه على البطل ويضحكني
التفتت شفت سديم نايمه
مريم... هاي نامت سديم
ادم... هسه اكعدها تروح لغرفتها
كعدها...... سديم..... سديم.... روحي لغرفتج سديم
كعدت... كالت بنعاس... عود طفوها للصوبه لاتنسوها
وراحت للغرفه تكمل نومتها
كعدنه نكمل الفيلم ادم همس
اكلج مريم
ها كول
... نروح نجيب مشروب ونشرب سديم نامت
... عزه لا
... ليش
... لا ادم خلص اني حرمت وبعد ماارجع لهاي السوالف بعدين هي كالت ادم هم صاير حباب
... اي شسويلها وداعتج مليت من المشاكل وكلت نعدل من نفسنه
... اي ابقه هيج لعد لتبقه تقهر بااختي
... مو حسيتج فرري مو مثل اختج
.. مو هسه عايشه يم اختي
... لاتبقين تسمعيلها تره تعقدج
... لا بالعكس اصلا وين جنت وين صرت
قببل جنت احس روحي حالي حال الحيوان
الحيوان هم ياكل ويشرب ويتكاثر احنه تميزنه عن الحيوان بالعقل بالدين بالحفاظ على النفس
... اي عفيه مريم تأثير سديم وااااضح عليج حيل بس برافو
... برافو شنو
... ضحك كال حتى هاي متعرفيها... يعني عفيه... جيد... هيج شي
... هااا
... اكلج هذا الي جابج شنو قرابتج منه يعني انتي ويا تعرفون بعضكم
... اي هو ساعدني هوايه لحد ماوصلني لهنا
... هاا عاشت ايده
... الفيلم خلص واني نعست حروح انام
... اي هم يله وراي كعده الصبح اني
..رحت لغرفتي انام....
ايام صارت تمر وكل يوم كنت اعيشه بقاعده شكل اتعلمها من سديم هواي تعلمت شغلات
اشتاقيت لضرغام هواي بس ابد مااتصلت عليه كلت لازم اتعود لازم ادوس على گلبي وانساه هو تعذب وياي هم وعنده مرته خطيه حرام اكسرلها گلبها
يوم يروح ويجي الي بعده وماعرف وين حتمشي بيه الحياة وين حتوصلني
مرات اتلمس الگلاده الي جابها الي واتذكره وابجي
احس ضايعه بدونه رغم اختي وياي واكفه بضهري
بس حياتي ناقصه بدونه
مر شهر اشتاقيتله حيل جربت اتصل عليه جان وقت متأخر وسديم وادم بغرفتهم
رن وي رنة الخط گلبي صار يدك
توترت حيل مرتين رن سديته
هاي شدااسوي هو حذرني مااتصل عزه خاف يم نور
خاف اسببله احراج شلون هيج سويت
الله لايوفقج مربم
رن جهازي.... ومكتوب اسمه جان رغم مااعرف اقراه لكن جان عليه اسم
فتحت خط ومباشرة تكلم...
... مريم متصله عليه بيج شي
... ا ا تلكأت معرفت شنو احجي بقيت اعتعت بالكلام وتكلم هو
... شلونج مرتاحه
... اختنكت حيل من سمعت صوته حيل وكابرت كتله اي
... احجي مريم اسمعج
... لا هو ا ا ا اني ماتصلت هاي يمكن بالخطأ
... جان يتكلم بهدوء مفرط... ليش مانايمه ساعه 2 ونصف
... مااجاني نوم.... خاف احرجتك بااتصالي
... لا انه اصلا كاعد
... ليش
... بالدوام انه ونومي يصير قليل
... ونور منو يمها
... جبت عامله بنغلاديشيه يمها
... صحتها شلونها
... زينه... اخذت جرعه كيمياوي والله كريم
... مابيها الا العافيه
.. الله يعافيج
... تصبح على خير
.. وانتي من اهلو
وسديت الخط فرحت حيل من كلمته حسيت الدنيا ماواسعتني حتى من فرحتي مانمت الا وجه الصبح
حسيت على سديم تكعدني
... ولج صار الظهر كعدي
... عوفيني نايمه
عافتني وراحت حسيت وره ويين كمت
لكيتها تشرب الجاي بره
... صباح الخير
.. صح النوم... صار الظهر
... شسوي نعسانه
غسلت وجهي وصبيت الجاي وكعدت يمها
.. كومي... كومي سويلج ريوك
... مااريد حتى فد شويه اتغده
تقديم احداث...
سديم لازمه ظهرها وتروح وتجي حملها ثكل كلش واشرفت على الولاده جنت كاعده اكرز حب وادم عينه بتليفونه
ادم... شبيج سديم دكعدي بس تلوبين
سديم... حموت مدااكدر
مريم... كون انتو الزلم تحبلون وتشوفون الظيم
ادم... يله عيني ست الي يسمعج حامل وشايفه الوجع قبل.
مريم... يمه ساعه سوده جانت الله لايعودها
سديم باوعتلي بخرعه وادم لطف الله شملني لحضتها خطف نظره التليفون
ادم... شنو... مفهمت شنو هي الله لايعودها
مريم... ها ا ا ا اقصد يعني هيج مرار وايام مره المره تتعب بيها اكول ان شاء الله ماتصير عليه هيج احس اني بمكانها
ادم... والله منظرجن يضحك الي يباوعلجن يكول سديم قبل الزواج وبعد الزواج بث مباشر ههههه
سديم... متضحك تره اني متوجعه وانت تصنف
ندكت الباب بهل الاثناء
سديم... روحي فتحيها مريم يمكن هاي ام الحليب اجت موصيتها على حليب
مريم.. ماشي... طلعت على الباب فتحتها جانت مره بمنتصف الاربعينات تطلع لابسه عباءة راس وشايله سله بيها بطاله حليب وصينية خاثر على راسها
داكه ثلاث نقاط زرك بحنكها ومكحله عينها شافتني
اخترعت ياااااا خيه سديمه شبسرعه خلفتي وكمتي على حيلج ماشاء الله سور محمد وعلي لاتنحسدييييين
... جبتي الحليب خاله
... اي يمه جبته الا انتي شوكت جبتي الفرخه وهيج كمتي لاشيله براسج لا جواريب عيني الدنيا بعدها بيها بروده ومو زين عليج انتي توج والده
طلعت سديم.... متكليلي وين صرتيييي
شافتها.... يمه اسم الله الرحمن شني هاي
... باوعتلي بملل كالت حجيه هاي اختي اني وياها توم
... يمه نسخه وحده شني هاي
... جبتي الحليب حجيه
... اي يمه جبته هاج تفضلي
اخذت منها الحليب واخذت خاثر وراحت كالت كبل ترحين لغرفتج بنتره
باوعت هاي شبيها
رحت للغرفه وره ماطلع ادم اجت
... مريم شنو الكلام الي سمعته بالصاله
... تلكأت.. م م م ماحجيت شي
نترت... لاحجيتييي
... سمعي سديم اني صار ويايه شي قبل
... انتي شنو الي ضمتي عليه مريم
... صحيح ضرغام حماني ودافع عني بس بعد ماااا
... فتحت عينها بوسعها بعد ما شنووووو احجييي
... بعد ما اعتدى عليه واحد وبسبب هذا الاعتداء اني صرت حامل
... دكت على صدرها بخرعه شتحجييين حاملللل
... سمعي راح افهمج... لما صار واعتدى عليه ابن الحجي بوكتها نهزمت وبقيت فتره متشرده بالشوارع
وبعدها حسيت بروحي حامل واكتشفت بنفسي حامل بوكتها بقيت عند ضابط وهذا الضابط هم حاول يعتدي عليه ونهزمت منه ولما نهزمت طلعت للشارع وصار انفجار شمرني العصف على بطني وعلى اثرها مات الطفل بطني ضرغام بوكتها هو ساعدني لكاني مشموره بالشارع واخذني بمزرعته
وحتى كلي نزلي للطفل ماقبلت لحد ماضغط عليه وخلاني انزل الطفل وتخلصت منه
... مرييييم تردين تمشيها عليه شلون لكاج وشنو هالفلم هذا حبلتي ومات باانفجار انتي شتحجين جاهله تضحكين بعقلها الطفل يعني مو ابن ضرغام مو ابنه واستفرد بيج وخلاج تذبي مو لمن حبلتي
... لا لا صدكي لا
... السالفه واضحه مريم بقيتي عند ضابط وحاول يعتدي هو منو الضابط غيره هاااا منو عرفتي ولج شماشيه اوادم انتييييييي ( وضربت على خدهاا)
... ( كمت وكفت على حيلي ونترت) لعد من عشت بنص مجرمين شتتوقعيييين هااااااا
شوفي اكلج خاف فد يوم تعرفين وتنصدمين اني كلشي سويت تره بنوادي اشتغلت وشرب شربت وحملت ونزلت بعد شنووو
ضربتني بكف وبصقت عليه
وسخه تضمين عليه كل هالشيييي خوالج لو عرفو شحيسكتهممممم
... وصرخت... خووواليييي شسوييلهم لو زلم وبيهم خير مايخلونه من بيت لبيت بسبب منو صار كل هذا هااااااا
... ولج لعبتي لعب وانتي كلج بعد 25 ماكملتي لو تكبرين شتسوييييييين
... كلشي سويت وحتى قتلت دااريحج ولو ماضرغام اني بالسجون هسه افتهمتييييي عرفتي ليش احبه وابقه احبه واتمنه اتزوجه اليوم قبل باجر لو عشر نسوان عنده يلا ارتاحييييي
عفتها وكمت من يمها طلعت صعدت كم درجه وهي وكفت جوه مكدرت تصعد وراي
ولج جايتني بعد ماخربتيييي بعد ماكلشي منج راح بقه بس شكللللج ولج شلون اصدكج ماعندج شي وي هذا هم وجايبلج موبايل هممم حتى يبقى يخابرج بنصاص الليالييييي
موووووو
جايبج يتخلص من بلوتجججج
.. سمعييييييييي هذاااا انيييي افتهمتي ليش مقبلت احجيييييييي عرفتيييييي
... احجيلي شعندج ويا لاتكذبين وتكليلي ماعندي شي وشفقه كذبببببب لاتكذبيييين
محد يقدم شي لااحد بدون مقابل
مل منج وجابج مو والطفل ابنه مو
... صرخت واني اقنعها... لاااااااا كتلج لااااا
مالمس مني شعره لهذا اليوم واني عرضت نفسي عليه ورفضني ارتاحيتييييييي
لا مدا اصدك وتفر براسها بالرفض بعدين مثل الي استوعبت وصارت تلطم على وجهها نهارت وتبجي
وفجأه صرخت ظهريييي
اااااخ ولج مريم لحكيليييييييي خابري ادم بطني حمووووت
نثبرت على صراخها اريد افتح جهازها مااعرف
جبته الها هاج خابري مدااعرفله
دكت عليه وانطتني الموبايل
وخابرته ادم تعال سديم حتولد
... جاي..... جاي
وهي تلوب صارت وتعض بالدشداشه
رحت بسرعه لبست واخذت الجنطه الي جنه محضريها بيها ملابسها وملابس الطفل اجه ادم صعدنه بسرعه ويااا وهي طول الطريق تصرخ وتبجي
وصلنه المستشفى ودخلت صالة الولاده تولد بقينه اني وادم نلوب بره وكل ساعه نكول حتولد
ساعات توتر مرت علينه متعبه بعدها سمعنه صوت الطفل
اباوع لاادم مثل الي روحه ردت وابتسم الا شويه ويدخل للصاله
شويه وطلعت ممرضه مبروك اجتك بنت مثل الگمر تخبل
شالها فرح بيها حيل واني هم فرحت
صار يكلمها
يروح البابا انتي يعمري
فدوه شنو هالجمال
شكد صغيرونه انتي
عمريييي
ضل يكلمها شويه وطلعوها لسديم بالسرير تعبانه ونايمه
الممرضه... ترتاح شويه وبعدها تكدرون تطلعون حمد لله على سلامتها
فتنه بالغرفه وياها وكعدنه ننتظرها شوكت تكعد
جانت ملامحها ذبلانه مبين عليها التعب وغافيه
بعد ساعه تقريبا كعدت
مريم... حمد لله على سلامتج
باوعتلي باانزعاج همست.... وين بنتي
ادم... هياتها حبيبة ابوها... حمد لله على سلامتج عمري
سديم... همست... الله يسلمك حبيبي وينها اشوفها
شالها وجابها الها وصارت تكلمها
يروح الماما انتي يعمري
فدوه.... ادم شوفها شكد حلوه... وصغيره
ادم... اي حلوه تخبل مثلج
الممرضه... صار هسه تكدرون ترحون للبيت
اخذنها لسديم للبيت واني شلت الطفله وياهم جانت هي كلش تعبانه
فاتت للغرفه مددت ترتاح وخليت سرير الطفل قريب عليها ونيمتها بيها
مريم... شنو سميتها ادم
ادم... سميتها لارين.... لارين ادم.... حلو مو
مريم... اي حلو
ادم... مريومه فدوه سويلها شي تاكله سديم
مريم... اي بعيوني
رحت سويتلها اكل وجبته الها كعدها ادم وصار يوكلها بيده
ادم... سديم هسه ينزل حليب رضعيها لارين ماكو افضل من حليب الام
سديم... تعبانه ادم مااكدر
ادم.. ميخالف حبيبي هي بحاجتج هسه
سديم.. اكلت وكعدت ارضعها جانت صغيره بس تعرف تاخذ الحليب جان شعور الامومه جدا جميل
رضعتها ونيمتها ومددت حتى ارتاح
مريم... كعدت بغرفتي افكر بلي صار بيني وبين
سديم.... اني المفروض مااحجيلها اني ليش كتلها.
هسه تكرهني ويمكن تطردني
شتسوي بوحده مثلي
اني صوجي حجيت صارت ذاكرتي تروح وتجي تصورلي الايام الي مضت وشلون عشتها
من جنت متبهذله باايام تل الذهب
تذكرت شلون مره ضربني سعدي لان ضميت من الفلوس وكنت طفله صغيره
سعدي... ولج شلون تبوكين هاااااا بشنو مقصرين عليجج
مريم... باوعتله وكان بالنسبه الي كبير وضخم لان كنت صغيره بوكتها كنت حتى ضافره كصايب ثنين وابجي خايفه منه... ا ا ا ا ني اجوع وانتم اكلكم ميشبعني
سعدي... اذا مااكل للحجي عليج كلبه وصار يضربني واجه حمزه... عوفها سعدي عوفها يمعود
سعدي... لك بعدها بطول حذائي وتبوك
حمزه... ياه انطيك فلوس اني بمكانها دعوفها لاام خدود صدقه الله غير جوعانه كرصني من خدي بوكتها كال يله من صدقه لهل الخدود عوفها سعدي هاي مالتي ولك
سعدي... هه كل عقلك الحلوات تعرف وين يوديهن الحجي
اخذ الفلوس بوكتها من حمزه وحمزه توقعته يخاف عليه صدك طلع تفكيره بيه غيرر
عشت متشتته ولما اجاني ضرغام حسيته البيت الامن رغم لقائي بي اول مره مو محبب وكنت حيل خايفه منه
تذكرت من ضربته بسجين وشاغت روحه لان يم كليته وكع بوكتها واني نهزمت تذكرت لمن صوبته بسلاح وعفته يشهك باانفاسه تذكرت شلون جان يقاومهم لما حاصرونه بالبيت وراد بس يخلصني لكن ضربوه واغمى عليه وتذكرت شلون دمعته نزلت وكت مارادو يعتدون عليه وهو مايكدر يسوي شي
بهل الاثناء سمعت صوت لارين تبجي كمت بسرعه لغرفة سديم لكيتها نايمه
.... حبيبي لولو يعمريييي لاتبجين
شلتها وصرت احاول اسكتها كعدت سديم
همست بغضب... جيبيها
مريم... بهمس... شبيج شكوو
... همست لاعبالج نسيت حسابي وياج ثكيل مريم
... نطيتها لارين وطلعت بره
الايام صارت تمشي وطول هذه الايام اني اساعدها ب لارين وهي تباوعلي بغضب ومافتحنه اي موضوع
لحد ماصارت زينه
سديم... اي ست مريم شعندج بعد دواهي
مريم... شوفي تره نظراتج الي بغضب الي حتى رجلج انتبه الها عديتها مال تعامليني هاي المعامله لاااااا حدج لهنا سديم
اذا وجودي زاعجج اني اخابره واخلي يرجعني واعتبرني مارجعت اصلاااا
... والله وبهل السهوله هاي
.... شتردين لعدددد
... احجيلي سالفة ضرغام شنو لتجذببن وتكليلي شفقه على سواد عيوني
... رجعنه هااااا
... مااعوفج الا تفهميني كلشي
... كتلج الرجال احبه بس لان ساعدني لان عرف بيه مخطوفه افتهمتييييي مو بحالي حتى يقيم وياي علاقه متزوج وعنده جهاااال
... ماشي مريم ماشي
... بهل الاثناء ندكت الباب
سديم.. روحي فتحيها
... اووووف امري لله
رحت فتحتها طلع حسن
حسن... هلو مريم عيني شونج
باانزعاج... زينه
... اشو من وره خشمج تردين لازم ممرتاحه هنا
... لا مرتاحه
... وين ام لارين جيت اسلم عليها
... جوه.... انتضر هسه انطيها خبر
..رحت نطيتها خبر لبست حجاب
تفضل
فات كعد يم سديم
حمد لله على السلامه بنت عمتي
... الله يسلمك حسن شونك
... اني زين جيت اسلم عليج
... هلا بيك محسن وين ليش مااجه
... محسن دايروح هواي للنجف وهم مرات يشتغل هناك ﻤرتين جا للبت بس
... يعني وتالي وي محسن
... هاهيه شنسوي غير هذا البيت الي مابي اهل يصير حلل
.. انت شوكت الله يهديك وتشوفلك مره داتشوفني اني من شي لشي ماعندي مجال
... بنت عمتي شطارتج شويه نريدها شوفيلي انتي
... والله ياحسن اني لااطلع ولاعندي اختلاط بالناس حتى ادم يتخبل من صديقاتي ومن طبة وطلعة الجيران
مريم... جنت واكفه واسمع لكلامهم باوعلي ورد باوع لسديم
حسن... بنت عمتي الي يدور مو بعيد مرات قريبه علينه وعدنه مرك زايد نذبه علينه ليش ننطي للغربه
باوعتلي وردت باوعتله... حسن الله كريم
روحي مريم سوي جاي
سديم....
... انت مخلي عينك على مريم
.. فدوه اختج تخبل صحيح انتي وياها تتشابهون بس هي احلى اشوفها
... ومتأكد تريدني اخطبها الك
... اي اريدها
... راح افاتحها بالموضوع بس انت لاتحجي اي شي هسه
... اكلج هي شنو نضامها هم اريد اعرف وين جانت عايشه وهذا الي جابها منو
... جانو مربيها ناس وهذا الي جابها هي جانت ربيانه عدهم وشافوني بالكليه يعني اخته شافتني ونفتح الموضوع كالت عيني عدنه وحده نسخه طبق الاصل منج انتي عندج اخت تؤام كتلها اي
.... هاااا باعي بنت عمتي اني اريد اتزوجها على معرفتج وضمانتج انتي واني شفتها متحجبه ومرتبه كلت هاي مثلنه منه وبينا
... اي شعبالك لعد مريم اختي صوم وصلاة ودين بعد اكثر مني
... هاهيه على بركة الله
... سد الموضوع هسه حتجي هي
... يله خل اشرب جاي من ايد مرتي اشوفه طيب لا
... شششش ولك تسمعنه
مريم....
اجيت وجبت اباوع لحسن يباوعلي ويتبسم وهو ياخذ الجاي همس عاشت ايدج
... باوعتله باانزعاج ومارديت
خليت الصينيه يمه وطلعت بره كعدت
شويه وطلع حسن وراه سديم وكللها لتنسين بنت عمتي
طلع وسدت الباب واجت
سديم... عندي الج خبر يمووووت حتطيرين من الفرح
مريم... شنو هو
سديم... حسن رايدج للزواج
مريم... باانزعاج.... شنو عيني شنووووو
سديم... اي ابن خالج ورايج وين تلكين هيج فرصه
مريم... اني مااتزوج
سديم.. متتزوجين شنو تبقين هاي كعدتج لعد
مريم... ايييي مااتزوج
سديم... شوفييييي الرجال رايدج على صخام وجهج لاعبه لعب حضرتج لو نسيتي
مريم... مااتزوج ومو بكيفج افتهمتي لو لاااا
سديم... ليش يمه لمنو تنتظرين هااااااا
مخليته بالج بعدج موووووو عبالج حيجيج انسي تموتين وميتزوجج افتهمتي
شيسوي بوحده مثلج عنده مره بنت حسب ونسب ودين واخلاق حيدورج انتي
مريم... وليش ميدورني الي صار وياي كله مالي ذنب بي وهو يعرف وعاذرني مقدر ظروفي اكثر منج
سديم... والله؟ حبيبتي الرجال المره الي يصاحبها غير الي يتزوجها اذا متفتهمين اني افهمجججج
مريم... حتى لو ميتزوجني اني مااتزوج
سديم.... لااشو تتزوجي على الاقل ابن خالج ويستر عليج
مريم... افهميييي زووااااااجججج مااتزوووووووججججججج.... وعلى صوتي اكثر
افهمييييي
اجه ادم.... ها شكو شبيكم شنو هاي اصواتكم واصله سابع جار
سديم... احجي وياها ادم مريم رايدها حسن ابن خالو وهي حضرتها رافضه
ادم... والله حقها ترفض هو ابن خالج هم ادمي
سديم... هاي انت فوكاها
ادم... والله احجي صراحه اني واذا على الزواج عندي صديقي يريد يتزوج اني اخطبله مريم والله يفرح اذا عرف سديم عدها اخت
مريم... انتو شبيكم تردون تزوجوني وكبل اني مااريد اتزوج
ادم.. تره صاحبي خوش رجال فلوس ويعجبج شيجيبها على حسن
مريم... مااتزوج والله لو شيصيرمااتزوج حلو عني عوفونييييي
صرخت بيه مرييييييم والله مايصيرررر خييييررررر
ادم... كافي سديم عوفيني اني احجي وياها روحي يم لارين
راحت سديم وهو كعد على تخم كال تعالي مريم
نترت... مااتزوج ادم لاتحاول
... سمعيني بس سمعيني وراها انتي بكيفج
... كعدت.... احجي شنو
.... انتي ليش متقبلين تتزوجين
.... ادم افهمني اني مااريد اتزوج
... اكو احد معين بالج تردي وهو رايدج
... تلكأت... ودنكت.. لا
... جوابج مال وحده دكول اي
شوفي مريم مو عيب اذا نحب كل بشر عنده مشاعر ويحتاج ان يفرغ مشاعره تجاه شخص هو حس بهاي المشاعر ويا بس مريم هذا الشخص اذا دربنا مسدود ويا وماكو امل منه نتركه افضل حتى لو نتعب فتره ونتعود الشخص الي انتي تحبي لو فعلا رايدج او ضامنه ان هو يتقدملج جان كتيلها لااختج اني احب هالشخص وناوي يتقدملي بكل صراحه لان هذا شريك حياتج حيكون بس انتي ماضامنته ومتعرفين شنو نهايتج فتتهربين بالصراخ والرفض لااي شخص يتقدملج
المشكله يامريم مو بحسن او غيره المشكله بيج انتي
اكعدي وي نفسج وعيدي حساباتج والشخص الي بالج اذا مؤهل ويتقدملج ارفضي واذا لا فالزواج افضل
عافني وراح لغرفته واني فتت لغرفتي
وقفلت الباب نهاريت بالبجي
احس دايلفون حبل مشنقه حول رقبتي
طلعت الموبايل اتصلت عل ضرغام
رن... رن.... وراها جاوب
... هلو مريم
... كلمته واني اشهك بالبجي... ضرغام ابن خالي خطبني وسديم داتضغط عليه سديم حتى اوافق...
مازلنا في تلك الطرق الخاويه المتعبه ننتظر من يصلحها من ينيرها من يربت على اكتافنا بحب...
كنت معكم انا رغد الموالي في امان الله ♥
رواية تل الذهب الفصل الثالث وخمسون 53 - بقلم Raghad Almoualy
تــــــــــــــل الذهــــــــــــــب
رغـــــــــــد الموالـــــــــــي
ـــــــــــــــــــــــــــــــــــــــــــــــــــــــــــــــ
- أيّ جميلٍ صنعتُ لكَ، أيّ خيرٍ قدمتُ إليكَ ، صحيحٌ إنني متعلقة بكَ من أعماق نفسي ، صحيح أنني أحبكَ كثيرًا ، كثيرًا جدًا ، ولكن قدري قاسٍ ، مُرٌ حزين.
- دوستويفسكي 📚.
ـــــــــــــــــــــــــــــــــــــــــــــــــــــــــــــــ
مــــــــريــــــــــم....
خابرت ضرغام واني أبجي بحركه
... ضرغام حسن ابن خالي رايدني للزواج وسديم داتضغط عليه حتى اوافق
.... ببرود... وشكتيلها
... نترت بدموع شكللهااااا يعني مااقبل مااتزوج
... ببرود... ليش
... بجيت مجاوبت
... بطلي بجي واحجي ليش
... بتلكأ وصوت مخنوك.... أ أ أ اني اريدك انت
.... ببرود... مريم انه شكتلج
... لتكلي ضرغام لاتحجي مو بكفي أحبك انت
... ببرود... اختج تريد تزوجج هي تدري بكلشي
... اي كتلها
... وحسن
... مااعتقد يدري
... طبيعي مايدري
... ضرغام اني مااريد اتزوجه واختي صارلها فتره تريد تاكلني من عرفت بكلشي لليوم وحتى بيك تهمتني
... وشكتيلها
... كتلها لا وانت ماسويتلي شي
... نتر... غبيه شلون تكليلها هيج
... لعد شكللها
... انتي لو كاذبه عليها وكايلتلها تزوجني حتى يحمني من العصابه الي وياهم جان ماخافت منج ورتبت هي وابن خالج حتى تتزوجين
... بس انت
... رجال انه شكو عليه
.. ساعدني ضرغام
... خايفه لايعرف بشغلتج ابن خالج مو
... لا بس مااريده
... لاتتأملين بيه انه مافيدج
... همست بخيبه وصوت مخنوك واارجف
ي ي ي يعني شنو.... ش ش ش شلون م م م متفيدني
... مريم اساعدج اوكفلج ماخلي ابن خالج يعرف بشي بس اتزوجج لا
... ضرغام انت واعي للي دكوله.... ضرغام حتزوج افهم
... نتر.... واانه مااتزوج وحده دخلت لناديييي لج لساها صورتج بالي وتحرك بگلبي حررررك
... سديته بوجها وبجيت بحركه
وصرت اشهك بالبجي بصوت
رجع اتصل مارديت
قفلت الباب عليه بيومها وبقيت بغرفتي اتصل عليه مره ثانيه قفلت الجهاز
بقيت كاعده احاول استوعب الي يصير وياي
افكر شلون وشنو اسوي
بيني وبين نفسي فكرت
ضرغام من بعد شوفته الي بهذا الوضع مستحيل يفكر بيه
صرت اتذكر حنيته وحبه الي قبل
شلون لما لدغتني حيه وهو سهر عليه حتى يعالجني
وشلون لما كان ضاربني الحجي وهو اجاني بهذيج الليله
شلون خلصني من الحجي لما راد يحركني بالسياره
شلون ساعدني وداراني لما اجهظت الطفل
كل هذا وتريدني مااحبك ضرغام بس بعد الي صار مستحيل اتقبلك بحياتي اني الي مااريدك
فكرت بكلام ادم الاخير... وقررت اقبل ب حسن واحجيله كلشي
للصبح كلمت سديم
.... سديم اني موافقه
... باوعتلي فرحت يعني قبلتي مريم صدك
... اي موافقه بس هو يعرف بكلشي
... لا واياااااااج تكليله على شي
... شنوووو انتي شتحجين شون مااكله
... كتلج ديري بالج مياخذج ويفضحج
... على شنو يفضحني
... لج انتي حايره شمسويه منو يقبل بهيج وحده
... مصيره يعرف
... لا ميعرف اذا لسانج هذا ميحجي مراح يعرف
... وشلون
... منا لوكتها الف حلال يحلها
....هي شنو الحلال الي يحلها شلون لو عرف اني بوسط عصابه جنت عايشه
... مراح يعرف افهمييييي خايفه غير شي يعرفه اني
... شنو هو
... يعرف انتي احد معتدي عليج ساعتها مصيبه بس حدبرها لاتشيلين هم المهم هسه انتي قبلتي
.... بوستني وتباركتلي واني عفتها وفتت جوه مختنكه
كعدت ابجي وجهازي ابد مافتحته مااريد اسمع صوته بعد
مر يومين سديم كالت راح نسوي خطوبه رسميه ويجون خطبة زلم ماكنت اعرف شداتحجي وشنو خطبة زلم وشنو مهر كتلها اي وهاهيه
سديم... باجر اخذلج فستان و ترحين للصالون وتسوين شعرج ومكياج تطلعين تخبلييين
مريم... اي
ثاني يوم اشتريت فستان ولبسته ورحت للصالون سويت شعري ومكياج بس جانت غصه بگلبي
متوقعت ضرغام يخذلني لهاي الدرجه ومستعر مني
ام الصالون... اي دضحكي ياعيني شنو مجبوره خل نشوف ضحكتج
مريم... الي تضحك كون تتزوج الانسان الي تمنته
سديم.. مباشرة كرصتني بمعني سكتي
ام الصالون... ياعينيييي متكليلي هذا منو الي كدر يعوف هيج جمال فدوه لعينج الواحد شيريد بعد
مريم... ظروفنه اقوى
ام الصالون... حبيبتي الله يسعدج ويهنيج
طلعت من الصالون ورحت للبيت وصوت الهلاهل والجكليت الي يطش عليه صارت ترن فرحانين ويصفكون واني مثل طفله بعمر 9 سنين ويزفوها
متعرف اي شي وين حتروح او شنو ينتظرها كل الي تعرفه ان هي نخذلت من اكثر انسان روحها تعلقت بي...
كعدت على التخم واجو الزلم وسمعت يحجون
بالمهر عرفت يعني فلوس مقدمه ينطون اشتري بيها ذهب
خوالي اجوي ونسوان خوالي
الي سبق وان شفت خوالي مره زارونه لما رجعت
السابق....
مريم... جنت كاعده واجوي خوالي لبيت سديم اختي بالبدايه ماعرفتهم لكن سديم عرفتني عليهم
مريم حبيبتي هذوله خوالي اكيد حتستغربين ومتعرفيهم
تكلم واحد من خوالي... مريم واخيرا شفناج ورجعتيييي والله توقعنه هاهيه بعد منشوفج احجيلنه شنو الصار وين جنتي كل هاي السنين
باوعتلهم مستغربه وبس عيني تفتر مااعرف شنو اجاوبهم
سديم... هي مستحيه هسه بس اني اكلك خالو هي صحيح خطفوها بس الي خطفوها لزمتهم الشرطه وعايفيها لمريم من هي وصغيره بشارع وربتها عائله
اي وعاشت عدهم
عوده...
نسوان خالي اول مره يشوفوني
ولج عيني تخبلين فدوه الله تشبهين اختج واحلى هم صدقه
منار... اكلج شنو احلى نفس الشكل
سعاد.. اي بس مريم شويه اخشن اكثر من سديم سديم اقصر منها وبعدين شامه بخد مريم سديم ماعدها شامه اني هيج فرقت بينهم
منار... فررق الطول مو هواي شويه بس على كولتج من الشامه نفرق
سعاد.. طكيلج هلهوله
وهلهلت منار وسعاد ويتباركون
شويه وكالو لبسو شالاتكم حيجي العريس
باوعت لسديم حتى البس كالت لااا هو زوجج يعتبر هسه
اختنكت من كالتلي هيج ولمعت الدمعه بعيوني
شويه واجه حسن
فرحان والضحكه تارسه وجهه ب
كعد يمي واني دنكت مو خجلا بس مدااتحمل مدااطيق الي اني بي
حسيت العالم كله ضدي
وكلهم بكف وضرغام عندي بكف قتلني بخذلانه الي
انتبهت لفستاني كان لونه اوف وايت بي لمعه
تذكرت لما كالي
واانه مااتزوج وحده دخلت بنادي لج لساها صورتج تحرك بگلبي حرررررك
هنا حجم الخذلان الي مو طبيعي
سديم خذلتني وضرغام خذلني وبقالي امل ولي هو حسن رفعت راسي وطلعت من ذاكرتي وافكاري السيئه وباوعت لحسن الي بس يباوعلي واتبسمت بوجهه رغم الكسره الي بگلبي بس كابرت
حسن... لج گمر طالعه صدقه الله
مريم... شكرا
... صدقه لهل الصوت
... شكرا
... اكلج باجر نعقد علمود اخذ راحتي اجيكم اكعد محد يكلي انت مو عاقد
.. ماشي
رجعت باوعت للمعازيم
واصوات الهلاهل احسها مثل ساعة انذار ودكت
ودكول خلصصص كلشي انتهى.....
خلصت الحفله وكلمن راح لبيته ودخلت غرفتي من دون كلام وقفلت الباب
مددت على سريري احاول استوعب الي داايصير وياي كل هالفتره
تمنيت اغيظ الظرغام واشوفه واني بفساتني وبمكياجي بس شلون مااعرف لكن تذكرت موبايل بي كاميرا رحت فتحت الجهاز وفتحت الكاميرا وطكيت صور
تمنيت يشوفها بلحضتها بس كلت تتلاكه الوجوه
بدلت ملابسي لبست بلوزه وبجامه رفعت شعري شديته وطلعت حتى اغسل وجهي من المكياج تلكتني سديم
... حبيبتي طالعه گمر اليوم الف مبروك
.. مارديتلها
.. شبيج شو ضايجه
مشيت غسلت وجهي وصرت انشفه بالخاولي وهي وراي تمشي
دااحجي وياج شبيج شو گالبه خلقتج ومتحجين شكو
... ماكو شي
.. شعندج لعد قافله الباب عليج
... ارتاح والتفتت عليها بغضب أأشر بالسبابه
سمعي خاف عبالج انتي اجبرتيني اقبل باابن خالج لاااااا
هالشي اني ردته واني قبلت بحسن
... شعجب
... ميخصج شعجببب بس لاتفرحين وكأنج انتي الي جبرتيني راح اخلي يتزوجني بأقرب فرصه وااروح ويا واخلص منكمممم لااشوف وجهج بعد ولا وجهه ضرغام النذل
... ابتسمت.... ضرغام كووولييييي هييييج
لازم كعطتي الامل وقبلتي باابن خالج
... ماعليج انتي ميخصج بييييييه
... عفتها ورحت للغرفه
مددت على سريري مكوره نفسي واابجي
بجيت هواي حدما غفيت
كعدت الصبح حسيت بثقل بجفوني باوعت بالمرايا ورم بسيط بجفوني طلعت بره لكيت سديم
ماحجيت كلشي وياها سكتت وتكلمت هي
... البارحه دموع وبجي بحركه ليش
... ميخصج
... اني بس اريد اعرف انتي شلون تحبين واحد متزوج
... نترت معليج ميخصج انتي
... كامت وتكلمت
دااحجي وياج مدااتعارك بس فهميني
تبجين على واحد متزوج شلون هاااا
شلون كدرتي تحبي
.. شعليج انتي
حبيته
هو اني صرت مو خوش ادميه وحبيته اني انسانه مو زينه واخطف زلم من نسوانها وبكيفي يله شتردين بعد
... ولج افهمي هذا مايريدج صدك لو رايدج يجيج مايخليج تبجين هيييييييج
... مرته بين الحياة والموت
... كلتيها بلسانج مرته... يعني انسيييي
... وهذا الي خلاني انجب وااعوفه افتهمتييييييي
وقبلت بابن خالج حتى انساه حتى يطلع من بالي
( وصرت اضرب على راسي من جهة خدي متقصده بالي) منااااا مناااااا بس مدايعوفني لحضه
مدايفارك خياليييي افهمييييي
سديم... بهدوء... حبيبتي مريم اني علمودج كتلج اقبلي بحسن صدكيني حسن هم محتاج من يحتويه مثلج تماما
بعدين ضرغام لاهو من عمرج ولااعزب داتتأملين بي
وفرضا لو راد يتزوجج حتكدرين تشيلين مسؤولية عائله كامله تلاث اطفال وام ضريره وهو
وانتي تكلين هو بجهاز مكافحة الارهاب يعني يوم يمج وعشره لا
وشايفج باأسوء حالاتج تتوقعين يقبل بيج
يقبل يتزوجج يقبل يكولون مرتك بيوم من الايام اشتغلت بنادي
افهمي مريم هو مكانته حساسه بالمجتمع والحركه محسوبه عليه الف حساب تلكين معارفه بكد شعر راسج ومو بعيد من معارفه جانو بالنادي الي انتي بي
مو بعيد مريم
لو حتى يحبج بس محيكدر يتزووجج لان انتي غلطتي غلطه جبيره امام خلق الله كلها صعبه عليه
صعبه يتزوجج ويخليج وكأنه شيء لم يحدث
انتي بلسانج كتيلي مرته مثلج صلاة وصوم ومتطلع باب البيت
برأيج منو وره عدم طلعتها هااااا منوووو
ضرغام هو الي يخاف عليها ومايخليها افتهمتي
جنت اصغي لكلامها وجان كلامها صحيح رغم يحرك بگلبي بس هاي الحقيقه
هاي الحقيقه الي اني رافضتها وماشيه بقلبي
عفتها وصرت امشي بخيبه ودموعي تنزل وحدها
لحكتني.... سمعي مريم انسي وابدي من جديد
باوعتلها.... حتى ابدي من جديد حسن لازم يعرف كلشي
... لا ميعرف ولا راح يعرف واني ارتبها
... باوعتلها وقفلت الباب بوجهها وكعدت بغرفتي
ثاني يوم اجه حسن حتى نعقد بالمحكمه
كنت متحضره ولابسه
صعدت وي ادم وسديم بالسياره وهو اجه كملنه الفحوصات بالمستشفى وبعدها كال سبقوني للمحكمه اني حجيب الشهود واجي اجه للمحكمه وثنين ويا ماعرفتهم
وكفنه كدام القاضي حتى يعقدلنه انتبهت على احد اصدقائه مره يباوعلي ومره يباوع لسديم حتى ولا منتبه هواي للقاضي عقدنه وطلعنه
حسن... مريم نروح لبيتنه؟
مريم... يابيتنه تونه عقدنه
... نتغده
سديم... افضل مطعم بعد خل تاخذ عليك حسن
حسن... يله براحتكم
رحنه كعدنه بمطعم جنت متوتره وقلقه حيل
طلب حسن الغداء وصرنه ننتظر بين مايجي اخذنه الكلام
حسن... احنه عقدنه الحمد. لله شهر بين مااارتب وضعي نتزوج شتكلين مريم
مريم... باوعت لسديم بتلكأ.. والتفتت اله... لا بعد يعني خل اعرفك اكثر
حسن... راح تعرفيني وداعتج
ادم.. خليها تعرفك البنيه اكثر بعدين هي لحد الان علينه مامتعوده كلشي صار بسرعه انت ليش مستعجل
حسن... هاي شنو عديلي بنت خالي واريدها قابل تبقه بيتكم لعد
ادم... واحنه غربه بيت اختها واني زوج اختها
حسن... اي وهسه صارت مرتي واني اريدها بيتي هم محتاج مره تدللني تهتم بيه البيت فارغ لاطبخه لا احد يغسل ملابسي
مريم... اا ا اني موافقع هاهيه شهر
سديم... مريم ليش الاستعجال تعرفو على بعضكم
مريم... اكول انتي لو تسكتين افضل
ادم... شبيج مريم ليش ضايجه ومقهوره
مريم... لا مابيه شي باوعت لحسن... اني موافقه بأي وقت
سديم تلكأت وتعرقت صارت تمسح بجيبينها اجه الغداء وتغدينه ورجعنه للبيت
اول مافتنه تكلمت سديم... ليش قبلتي هسه
... خطبني حتى يستقر مو حتى يبقه يباوعلي
... بسسس
ادم... بس شنو كلام اختج صحيح سديم ليش متقبلين اختج تتزوج هسه
مريم... لان على مزاجها مخليتني
سديم... لا مو هيج افتهمو
ادم... خلينه وحدنه سديم روحي
ادم افهمني... قاطعها ونتر روحي سديم
وانتي مريم تعالي نكعد واحجيلي شبيج
مريم.... م م م م ماكو شي
ادم... مو على بعضج انتبهت عليج البارحه قافله الباب عليج ومتكلمين احد
مريم... مابيه شي
ادم... براحتج مريم بس وكت متحتاجيني اني موجود واختج سديم ماعليج منها مرات الخوف الزايد على المقابل يأذي ومنعرف شلون واني هذا الي دااشوفه بسديم
كام وطلع اجت سديم همست
ولج ليش قبلتي
... وليش انتظر
... لازم تتعالجين لازم تسوين عمليه وتخلصين نفسج
... عملية شنو
... حسن راح يعرف معتدين عليج ومراح يصير خير لهسبب يراد وقت نشوفلج دكتوره
... ماعليج انتي اني احلها
... وشلون يافهيمه
... ميخصج
... مريم لاتزعلين مني بس علمودج
... خلص مازعلانه منج الي مزعلني كاسرلي خاطري
خلص مو يمج
فتت وقفلت الباب عليه بجيت هواي واني خلف الباب واكفه
اتصل حسن عليه
... شلونج حبيبي
... حاولت ابين مداابجي... اني زينه
... شداتسوين
... بغرفتي كاعده
... اي عفيه لاتكعدين يمهم وبالذات ادم
... ليش
... ادم مو خوش ادمي تره طيح حظ سديم يله جر عدل
... الرجال ماشفت منه شي
... ماعليج بعدج متعرفي لتكعدين يمهم واتجنبي
... اي
... مريم اجي باجر اخذج للبيت
... بكفيك اني هم مختنكه واريد اطلع اغير جو
... يله باجر اجي بس انتي لادكولين كدام سديم حتى ماتقفلها عليج
... لا شعليها هي اني بكيفي
... تحضري ونطلع وبالطريق كليلها
... اوك
صار يسولف وحاول يضحكني وضحكت
بقيت لوقت متأخر من الليل اسولف حد ما نعست
ثاني يوم العصر اتصل كال اطلعي اني بالباب لبست ودااطلع تلكتني سديم
... وين
.... طالعه
... اي وين رايحه
...اريد اطلع وي خطيبي عندج مانع
... لا شعليه اطلعو تعرفوا على بعض اكثر شرايده منكم
... لتتصلين وتضوجيني شوكت ميعجبني ارجع
... شوفي مريم خاف يحاول يقلل ادب وياج لتنطي مجال
... عود افكر.... باي
طلعت وعفتها صعدت وي حسن بالسياره ورحت ويا
حسن... ها هو مادرت اختج
مريم... تدري وله متدري ميهمني
حسن... شبيج وياها ماصدكنه تنجمعون صدك جذب
مريم... ماكو شي حسن عفيه شغل اغاني شي تره كلش ضايجه
حسن... يدلل الحلووو
وشغل اغنيه لساجده عبيد وعلاه بصوته ويصفك وياها
افترينه واشترالي ايس كريم وجبس وكرزات واخذنه عشاء ورحنه للبيت
حسن... فدوه انتي غير دمج خفيف مو مثل اختج
مريم... اكلك انت كل حجايه والثانيه اختج
حسن... وانتي الي كايلتها معوده خل نكعد ونتونس ننسى الدنيا
مريم... خلينه العشى وتعشينه وبعدها كعدنه نتفرج فيلم وخلينه الجبس والكرزات جنت كاعده يمه وهو محوطني بيده ماعرف ليش هيج صرت اتصرف وكأنو اعرفه من سنوات واحبه رغم الي بداخلي يصرخ كومي اطلعي مكانج مو هنا بس مثل الي صرت انتقم من كلشي
وصرت اتهرب من نفسي واكذب على روحي
احساس متناقض متعب ردت انساه بأي صوره بأي طريقه تخليني انساه
حسن... حبيبي تباتين يمي اليوم
.... لا غير مره
... نروح لغرفتنه
... لا حلوه الكعده هنا
... بكيفج
بس انتي حلوه هواي توه يتقرب يطبع قبله على وجهي كمت وكففت وبنتر مليان غضب
لاتقترب افتهمت ديربالك
.... شبيج هو اني شسويت
.... اجيت حتى اغير جو مو قذارة الي بالك
... وشنو الي بالي
... صار ساعه تلمح وساكته تجرأ تسوي شي واني اشوفك مربم منو
... يمه يمه ثاري خاطبلي رجال وماادري
.... كوم وصلني
... شبيج مريم
... كتلك كوم وصلنييي
امشي يابه امشي.... اخذني داايوصلني
مااعرف شنو من احساس مقرف حسيته وضجت ردت بأي لحضه اطلع
داايسوق بالسياره ورن تليفوني جنت اعرف رقم ضرغام من اخر نهاية الرقم كل مره اخر رقمين حفظت شكلهم باوعت عرفته ضرغام
جمدت وگلبي رجف
حسن... هاي منو
تلكأت وجاوبته هاي اختي سديم
... جاوبيها
... لا مااحجي وياها
... نطينياها اردلها
... لا لا لا تولي ماافتحلها خط عود تتعود تتصل على طول وتتدخل
... اي هم صدك لتنطيها مجال
اكلج تره البيت الي راح نتزوج بي بااسمها وانتي من حقج يصير بااسمج هم
كليلها اريد نص البيت بااسمي
... شنو يعني مداافهمك
... شوفي مريم البيت كله مال سديم اختج واشترته من الفلوس الي اجت مال اهلج تعويض هسه انتي جيتي كليلها اريد نص البيت بااسمي حتى تصيرين حالج حالها تصير عندج فلوس واملاك والراتب هم بالنص
.. اي هي تنطيني منه بالنص
... حلوو كلش حلو... كليلها على البيت وهااااا لاتكليلها حسن كلي ومو هسه تحاجيها فد يومين وكليلها
... ماشي
... يلا حبيبي وصلنه نزلي
... باي
... باي عمري انتي
نزلت دكيت الباب فتحتها سديم
... تأخرتي مريم شعندج
... ماعندي شي جنه نتفرج فيلم
... هااا بسسسس
... ايييي
... وعفتها ورحت للغرفه تفاجأت ليش اتصل ضرغام
طلعت سألت سديم
سديم ساعه بيش
... بال12
معناها مصارله شي من متصل زين ليش شعنده
فكرت بين اتصل بين لا
بعد تفكير طويل اتصلت بقه يرن ماجاوب
ضجت حيل وقفلته للخط
... منو هو وشنو شايف روحه اني صوجي
اني اتصل
مددت حتى انام وبقيت اتقلب يمنه ويسره حتى انام مكدرت
بعد تعب تفكير وارهاق نمت
وكعدت من الصبح يمكن نمت ساعتين
كمت طلعت بره طلعت حركتي بتنظيف البيت
صرت اشتغل واشتغل غسلت فراش وغسلت المطبخ والبيت كله شي كنس ومسح شي غسل كعدت سديم
هاي شنو شمسويه
مارديت
خلي شي على راسج ادم كعد
... خليت الشال على راسي وخليت قوري الجاي على النار وحضرت الريوك
اجه ادم... صباح الخير عروستنا
... ادم بلا عروستنا فدوه لعينك
... براحتج صبيلي جاي تأخرت اليوم دااروح
... اجت سديم شايله لارين وتحضرلها الممه
بين مانتريك اني وادم اخذتنه السوالف
... شلونه حسن وياج
... زين
... خو مدايضوجج
.. لا هو احنه شلحكنه
... من يضوجج كليلي ومعليج تره هو يخاف مني
... ضحكت وهو ترخص وطلع
فتحت جهازي توقعت يتصل لكن مرت الساعات والايام ومااتصل وكطعت الامل مامن ورانه رجعه
بيوم بلليل ادم اجه وجنت كاعده ماجايني نوم وسديم بغرفتها تنيم لارين
فتحت الباب ودخل ادم جوه للبيت كانت مشيته متمايله نوعا ما وكلامه ثكيل
... سديم حبيبتييييي شلووونجججج
... اني مريم سديم جوه
.... ضحك تجذبين عليه اختج يوميه مطنكره وفايته بغرفتها اكلج نيمتي لارين مشتاقلج
ارتبكت وصحت على سديم
سدييييم.... سديييم
ادم وخرررر شجااااك
طلعت سديم ها شكو
تعالي لرجلج وعفتهم وهو نزل ضحك اكثر من شافنه ثنينه
وسديم نزلت عليه بالكلام... رجعت لسوالفك ادم انت متجوووووز وتاليييي ويااااااك
وهو نتر... شبيييج جنت بعرس وعيب مااوجب
... صارت تضرب على وجهها
اني صوجي عايشه وياك انت مايفيد وياك الكلام نوب تتحارش بااختي عبالك انييييي يوم واحد ماابقه وياك
... مريم... لا سديم عوفي معذور هو عباله انتي
... من السم الشاربه
... انتي ويا حلوها عوفي عصبيتج هسه
.... والله ياادم مايصير خير على هاي عملتك اني لااعوف البيت وااطلع
مااهتم الها وراح لغرفته
سديم... مريم لاتقفلين الباب راح اجيب لارين واجي يمج نام بالغرفه
... حبيبتي لارين كل شويه كاعده واني اريد انام ابقي بغرفتج يم رجلج
تصبحين على خير
رحت مددت اتصل حسن
... شلونج مريم
... زينه انت شلونك
... اني زين شخبارج
... الحمد لله
... مريم شنو اسم العائله الي جنتي عايشه عدهم
... ليش
... صديقي من شافج بالمحكمه كال شايفها لمرتك
ردت اعرف وين جنتي عايشه شنو اسم هذيج العاىله
... بيت ابو اليا وامهم مره جبيره وعميه
... وهذا الي جابج ضرغام لعد منو
.. هو ابنها بس متزوج وعنده جهال
... واليا
... اليا ابنهم شهيد
.. وشعجب جابج بحده ليش مو ويا احد
... هااا مو كتلك امه مره جبيره وعميه متشوف
... ومرته
... مايقبل تطلع ف جابني
... واجيتو وحدكم شو هذا ماحبيته ياسبحان الله هواي شايف روحه ويباوعلي رافع حاجبه معاجبه الوضع
ومن اجه جابلج الموبايل كتله ليش انت تجيبلها اني ابن خالها واشتريلها
... يكلي تربات ايدي هاي مو اجت يمك البارحه صرت احق بيها مني جيب الموبايل ولتدوخني
... اي وشكتله
.. شكتله وعيونج مريم لخاطرج سكتتله اني غير لو صاعده براسي اكسره وداعتج
... هو انت بطل حسن حدكلي
... شعبالج لعد اني مره داامشي بالشارع قطاع طرق 7 طلعولي واني جنت ضايج ولافيه براسي نزلتلهم بس كفيت ردني هذوله هزو من الخوف
لزمتهم واحد واحد كسرتهم الاخير باس ايدي علمود اعوفه عايش
.... مو عبالك بالغت حسن
... انتي متعرفيني بعدج اراويج ان شاء الله
وعيونج مره هم تعاركت بعرس شكلج اصدقاء ومعارف العريس يمكن 30 واحد صارو كلهم عليه
كتلهم انتو متعرفون بوجه منو وكفتووو
شكلج لزمتهم كسرتهم تكسر بجي النسوان صارو يبجون والبنات كتلو نفسهم عليه فدوه هذا رقمي وخابرني فدوه وفدوه واني ماعبرت وحده ابدد
...هاي شنو معقوله
... بعدج متعرفيني مريم... يله حنام هسه ياجر وراي شغل
سديت الخط. منه جنت نعسانه مددت وغفيت
والروتين الصباحي كما هو للظهر جنت مدده على سريري رن تليفوني باوعت هو مااعرف شنو من شعور يجيني من اشوف رقمه اصير ارجف واخاف وگلبي يدك بسرعه
فتحت خط وخليته على اذني بدون مااحجي شي
سمعت صوت الحجيه تحجي
... اتحملي حتى لو يضوج يعصب ميخالف المره الشاطره تتحمل رجلها
ورديت سمعت صوت بس كان صوت مامألوف ولاصوت نور اني اعرف صوتها
عمه تعبني اتحايل عليه اقترب منه مو مهتم
... مو كتلج طولي خلك ويا ياعيني
... عمه تعبت شصبرر احسه مو وياي روحه وعقله مو وياي يمكن يفكر بوحده ثانيه يحب غيري
مريم... شمااحاول اركز على صوت هذا مو صوت نور
منو هاي البنيه
بقيت اسمع صوت صار يبتعد حد ما صار صوت اطفال وتكلم الووو
... انت حسين لو علي
... انه علي منو انتي
... اني... وسكتت
وتكلم
... هذا بابا نطاهيا الموبايي لزهراء تلعب
حروح ادل ( اكول) لبابا
.. لا لا... هو بابا وين
.. نايم بغفه( بالغرفه)
- وماما وين...
... ماما لاحت اناااااك
... وين حبيبي
... انااااك بابا كال
... بابا بغرفته نايم
... اي
... ومنو عدكم
... هاي... هاي ماما هم
.. شنووووو.....
لم اكن مهيأه لصدمة منك لقد ألمتني وكسرت قلبي
كسرته للحد الذي جعلته فتاتا لايجبر ابداً...
كنت معكم انا رغد الموالي في امان الله ♥
رواية تل الذهب الفصل الرابع وخمسون 54 - بقلم Raghad Almoualy
تـــل الذهب
رغد الموالي
ـــــــــــــــــــــــــــــــــــــــــــــــــــــــــــــــ
طاب مسائكم بكل خير متابعين تل الذهب
نشرت اليوم حسب طلبكم
اعزائي الي مادخلت لكروبنا الخاص او مدايطلع الكروب بالبحث اارابط بحسابي في الواتباد
الرابط الاول حساب الانستا والثاني رابط الكروب
يسعدنا انضمامكم للكروب
اي استفسار في حال عدم الرد تابعو الادمن على الانستا salama_194
تحياتي رغد الموالي
ـــــــــــــــــــــــــــــــــــــــــــــــــــــــــــــــ
- يُمكن لأي شخص أن يَختارك في توهجك، لكني أنا سأختارك حتى حين تَنطفىء ، تأكد بأني وإن رأيت النور في غيرك سأختار عَتمتك.
- شمس الدين التبريزي 📚.
ـــــــــــــــــــــــــــــــــــــــــــــــــــــــــــــــ
مريم... بعد ماسمعت صوت المره ردت اعرفها منو سألت علي كال ماما
... شنوووو
ماما شنو
.. هي كالت كلي ماما
... وانت تسميها ماما
... اي
... وبابا
... بابا يكللها شيماااااء هيج م يكللها ماما
... ماشي حبيبي لادكول لبابا حجينه سوااا تمام
.. اي
... بيباي
وسديته منه نار احسها شتعلت بصدري ردت اعرف هاي منو وشنو يقصد علي ماما اهناك
شنو الي صار معقوله بالمستشفى زين وهاي البنيه
اكو خلل
معقوله ضرغام سوه هاي الحركه علمود يشوف ردة فعلي
مااعرف بقت حسبه توديني وحسبه تجيبني
اروح واجي بالغرفه صرت الوب ماادري شنو اسوي
دكت الباب سديم
فتحتها الها وكان مبين عليه مو طبيعيه من ردة فعلي
ها سديم شنو
... شبيج اجيت اكلج تعالي ناكل كيك سويت كيك وجاي
... اي جايه
رحت وياها كعدت بالصاله وهي جابت الكيك والجاي
ولولو هم مخليتها على التخم بالصاله
صبيت الجاي واشرب واكل كيك بس بالي مو وياي
صافنه افكر بغير عالم
واحجي وي روحي
... اذا ضرغام الي وره هاي المخابره راح يتصل بس اذا مو هو وره هاي المخابره مراح يتصل شمدري
بس اني لازم اعرف شنو الي داايصير كون اجيب علي بين فتره وفتره يحجيلي كلشي ويروح خوش ناقل اخبار يفيد بس شلون وبيا طريقه
سديم... شو صافنه مريم اكو شي
مريم... لا ماكو شي
سديم... شسوه حسن علمود العرس
مريم... داايحضر
سديم... بيها الخير وانتي شوكت تتحضرين
مريم... عود من يجي وكتها ... شخبارج انتي وادم
سديم... لخاطرج بقيت بعد مااحجي ويا ولا يمه
مريم... على كيفج شبيج لتكبرين الموضوع
سديم.. هاي مو اول مره مريم هو على طول هيج شويه شويه يكوم يفقد ويجيب بنات ويرجع لعبان النفس الي جان يسوي
مريم.... حقج بس لاتتعاركين ويا عوفي
سديم... لا شنو اتعارك اصلا ساكته بس مااحجي ويا ابد
مريم.. هاهيه خلص
سديم... هو عرف انو توهم بيني وبينج وكلش استحى كال اعتذريلي من مريم
مريم... اعرف اشتبه خلص اني مو زعلانه
ررررن التليفون باوعت هو ارتبكت كلش وصرت اباوع للجهاز واباوع لسديم
سديم... منو داايخابرج
... ها
.. باوعت للشاشه ضميتها كالت هو مو
... سكتت
نترت احجي... هو موووو
... لا
... لعد متجاوبين
... كافي سديم
...شنو كافي هاااااا شنو كاااافي انتي هسه متزوجه وهو متزوج مخابراتكم هاي شنوووو معناهاااااا
... نترت بهستيريه... مو هوووو كتلج مو هوووو
... كذابه هو عيونج وردة فعلج كلها دكول هوووو
... مو هو كتلجججج
... جاوووبي لعددد
خلصت المكالمه ورديتها اي هووو ارتاحيتيييييي
.. شعندج وياااااا مو كلنه صفحه قديمه وطويناهااااا
... ماعندي شي ويااا
.. لعد ليش يخابرج هااااا مريم ومن احجي تكذبيني من اكلج هو الي معتدي عليج وابو طفلج دكليلي لااااا مو هوووو
... كتلج مو هوووو
... لا هوووو شافج وحدانيه وكلشي متعرفين حليتي بعينه واستكعدج كل هالمده حد ماملجججج
... سديم لتخبلينييييي كتلج مو هوووو مووووو هوووووو
... لعد هسه كدامي تخابري
... مااخابره كدامج مايخصج بيه انتيييي
.... شفتي كذابه تكذبين ماتستحين متخافين من ربج ثنينكم عدكم اشخاص بحياتكم هالمخابرات هاي شنو
واني الوم بروحي خاف جبرتها لااختي خاف حسن يطلع مو ادمي وياها
بس زين الي سويته حتى تثكلين
... باوعتلها وعفتها ومشيت فتت للغرفه رجع اتصل
فتحت خط من دون مااتكلم
ضرغام... شلونج
... زينه
... متصلين عليج الجهال وحاجيه وي علاوي؟
... لا ماحجيت
... التسجيل يمي مريم
... اي ردت اشوفه شبي طلع ميعرف طفل ومتصل
... هااا
سكتنه ثواني رجع تكلم
شلونج
... شتريد اتصلت
... بعد لاتحجين بعلي
... نور شلونها
... نور؟ جر حسره كال زينه
... كلي ماما هناك وين يقصد شنو هي بالمستشفى
... اي
... سلملي عليها
... يوصل
وسديته للخط
ردت اسأله منو هاي المره وشنو ردت اعرف تفاصيل بس هو جان كوه يحجي ماطولت ويا بالكلام
... بس بجيت وهواي لدرجة احس گلبي حينشلع من الالم لاول مره انهار وابجي بوجع بحركه وصوت مسموع اضم روحي بالفراش وابجي بحركه اريد اطلعها للحركه الي بصدري وتطفى ناري بس احس تزيد بكل دمعه
خلص يأست لااني اله ولاهو الي بعد محد الي بهاي الدنيا محد حيساعدني لو تأذيت محد راح يكلي اني عندج واني يمج مو من حقي ابدد
قبل كنت مخيره مابين عزة النفس او الابتعاد
هسه اختارلي القدر الابتعاد
حتى ماخيرني
دكت الباب سديم
مريم فتحي الباب مريم شبيج مريييييم
صرخت عوفينيييييي
عوفوووووونييييييييي
صرت اضرب على وجهي عوفيني
فتحتها الباب منهاره
شتردين عوفينييييي اني حعوفكم كلكممممم
رحت بسرعه اركض وطلعت الگلن الي بالصوبه بي نفط
سديم... ولج شداتسويييين تخبلتيييييي
مريم... عوفينييييييي
ذبيته على روحي ورحت اركض للمطبخ اخذ الجداحه ماشفت الا ادم اجه لزمني
حوطني بيده وجرني طلعني بره واني اصرخ
عوفنييييييييي
اضرب على روحي
عوفووووونيييييييييي
اريد افوت ويلزمني
ادم... ولج على كيفج اهدأي شبيج مريم نتر بسديم شمسويتلها ولج شبيج وياهاااا
سديم... ممسويتلها كلشي
ادم... مريم اهدأي على كيفج
راح اعوفج بس تهدأين مريم
هدأت وحجيت عوفني
... تركني وأمن مراح اروح للمطبخ
ادم... شبيج منو وياج
.. هزيت براسي بمعني محد
ادم... امشي سبحي مريم
جرني من ايدي دخلني للحمام سبحي انتظرج هنا باب الحمام سديم حضريلها ملابس
فتحت الدوش وبقيت بملابسي جوه الدوش واكفه
حدما سبحت وبدلت بالحمام وطلعت جان ادم بره ينتظرني
... نعيما مرايم
... شكرا
سديم جانت تبجي اجت حبيبتي شبيج منو وياج
جنت بحاله مذعره متعبه مابيه حتى اتكلم مثل طفل كان معنف وصار يخاف من كل البشرر
ساكته ومااحجي كعد ادم يمي تكلم بهدوء
... مريم لتحجيلي كلشي هسه مددي ارتاحي جيبيلها مخده وبطانيه سديم
جابتلي مخده وبطانيه نمت وتغطيت وادم وسديم كعدو يمي
هدوء صار ردت شي يكسرلي وحشتي وتذكرت سديم جانت تشغل قران بالتلفزيون بوكتها حسيت بالراحه واني استمع للقران
مريم... سديم شغلي قران اريد اسمع
اي بعيني مريم كامت بسرعه وشغلته بالموبايل وجابت الموبايل يمي خليته يم راسي وصرت استمع للقران
بقيت استمع كانت الايات تتلى بشكل هادئ وحلو مريح للنفس
لدرجة حسيت بالنعاس
ادم... سديم راسي دايوجعني جيبيلي شريط البندول
سديم... اي بعيني
راحت جابت البندول واخذ حبايه وخله الشريط يمي
همس
شلون تحسين بنفسج مريم
هزيت براسي همست احسن.... اريد انام نعسانه
... فوتي لغرفتج
سندتني سديم ورحت لغرفتي مددت على سريري ونمت
حسيت هدوووء مفرط بقيت بفراشي وكلبي يألمني مقهوره فكرة الانتحار مافاركتني تذكرت ضرغام مره كلي على الحبوب لمن ردت اخذ اكثر من حبايه
مو زين تاخذين جرعه اكثر من المحدود ممنوع خطررر
كمت من فراشي انتبهت سديم فارشه بالكاع ونايمه يمي
كمت من دون متحس فتحت الباب وطلعت بره
ورحت على شريط الحبوب اخذته واخذت حبوب بعد من العلبه الي طلعتها واخذتها كلها
ورجعت للغرفه مددت
وره بشوية وقتت مر حسيت بتعرق
جسمي كله تعرق
اخذت الموبايل واتصلت على ضرغام ردت اودعه قبل مااموت
رررن تليفوني شويه وفتح خط مذعور..
... مريم
مريم... صرت اكلمه بتعب لان بطني بدت توجعني وجسمي صار يحكني
.. اني... ا ا اخابرتك حتى اا ا اودعك ض ض ضرغام
انت ق ق قتلتني م مم م من عرفتك م م متزوج وووعندك ج ج جهاال
اليوم ا ا اني موتت روحي.
وو تزوجت وعفتني و و و خلي وخليتني و ووحدي
ا ا ا ا انت ت ت ت ت تدري اا ا ني ماعندي احد ا ا احبه بكدك وووحتى مااريد احب ا ا احد
وسكتت لان الوجع صار قوي
تكلم... مريم انتي وين
... كتلك ب ب بس ا ا اشوفك لا لا لا لاتعووفني ب ب بس كذبت ووورحت ت ت تزوجتتت
و و ماهميتك ا ا اني هو نتر بصوت وصيح ويييين انتي بس فهمينييييييي
... م م ماعليك مني ان اني ح ح حموووت وا ا انت
ت ت ترتاااح م م منييي
ااااااااخخخخخخ بطنيييييي
وصرختتت وهو صاحححح
هذوله الجلاب وين عايفييييييج
وين انتيييييييي
وكعت التليفون من ايدي واجت سديم مذعوره
ولج مريم شبيج
بطنييي
صرت احس بتعرق اكثر وجسمي بده ينمل اطرافه
وعيوني صارت تغوش
صاحت سديم على اااادددم
اجه ادم نفس الخرعه ها شكووو شبيها مريم
عيوني غوشت اكثر وغمضتها صرخت سديم
مريم راحت مريم من ايديناااا اددم بسرررعه
ماحسيت بشي بعد
سديم...
ادم اغمى عليها مداتحسسسس صرت اضرب على وجهها مريم كعدي مريييييييم
تحضرنه اني وادم بسرعه وادم شالها لمريم خلاها بالسياره واخذت لارين وطلعنه للمستشفى
مريم مغمي عليها وادم يسوق بسرعه الا شوي ونسوي حادث من سرعته
وصلنه للطوارئ وبسرعه اسعفوها
سوولها غسيل معده وانطوها ابر ومغذيات
ادم... شبيها دكتور
الدكتور... ماخذه جرعه من الادويه بكميه كثيره
ادم.. وهسه شلونها
الدكتور... تحت المراقبه لازم تبقه وضعها مو مستقرر
بقينه نلوب بره ساعات مرت واحنه مشدوده اعصابنه ومريم مغمي عليها
صار الصبح اجه اتصال ل ادم
ادم... اهلا وسهلا تفضل
احنا بالمستشفى
اي بمستشفى ال....
وسده
سديم... هاي منو متصل من الصبح
ادم... ضرغام
سديم... شنوووو
ادم... باوع بشقاوه كال... يكلي انتو وين
سديم... باأرتباك... اي ه هو ل ل ليش خابر
ادم مثل الي لكف شغله ...دموع اختج وانتحارها وخوف ضرغام عليها وراه سالفه جبيييييره
سكتت لان ماادري شنو اكول مر وقت قصير ماشفنه الا ضرغام اجه عيونه جانت تنط خوف حتى ماسلم مباشرة اشر باايده وتكلم
وينها مريم
ادم... بالغرفه تحت المراقبه
فات عليها للغرفه اجه يمها ومسح على راسها
مريييم
مريم
صار قريب عليها وجهه يم وجهها يكلمها بهمس
مريم ياعمري انتي اسف
اعرف كل حرگتج مني انه ارجعلي واوعدج كلشي يتصلح
قبل ايدها ويمسح على راسها
اجه الدكتور
ضرغام... شنو وضعها..
الدكتور...بره نتكلم....طلع الدكتور وطلعنه وراه دكات گلبها بطيئه صارت خلال 24 ساعه اذا تعدتها بخير وسلام ف الحمد لله والا تموت
لزم الدكتور من قميصه بيده الاثنين
شنو 24 ساعه شنو تموت انت شدتلغيييي
سويلها جاااااره
... الحبوب الي اخذتها هواي وتأخرو يله جابوها اني شنو ذنبي
... باوعلنه وادم اجه بعد ضرغام عن الدكتور راح الدكتور وتكلم ادم
هي رادت تحرك روحها دخلت للبيت لكيتها مخليه نفط على روحها تريد تحركها
كوه خلصتها يمكن لو متأخر لحضات جان هسه هي حاركه روحها
ضرغام... باوعله بخرعه من يحجي.... متعرف شنو الصار وليش الا اليوم
... مااعرف
بقه يروح ويجي بالممرات ومبين عليه التوتر من حركاته مره يمسح على وجهه ومره يوكف شويه يباوع للحديقه يلوب مثلنه
فتت للغرفه على مريم كعدت يمها لزمت ايدها قبلتها وحضنتها وصرت اكلمها
مريم حبيبتي اني اسفه حبيبتي ردي عليه
كعدي مريم حتى ضرغام اجه عليج مو تحبي وتبجين عليه هياته اجه عليج
ردي عليه يروحي مريييييييم
صرت ابجي وابجي دخل ادم
... يعني شطالبه اختج بطالبه عوفيها يمعوده
اني السبب ادم انيييي
... بخرعه... شنوووو شلون يعني
.... اني ضغطت عليها حتى تتزوج حسن اا ا اعرفها متريده
.... ااااااااخ منج سديممممم كومي طلعي
...لا عوفني يم اختي اني السبب اني غلطت بس والله جنت خايفه عليها خفت
كلت هو ابن خالنه وقبل يتزوجها هي سنين بره ومو بيتنه منو حيتزوج وحده مايعرف وين ماضيها من كالي عليها حسن فرحت
يعني
يعني ماعبالي هيج يصير والله
ادم.... نتر... كومي منااااااااا..
كمت وطلعت كعدت بره ابجي جان الضرغام كاعد ويدخن رجل رافعه ليمه ورجل نازله للكاع باوعلنه بلاأبالي
كعدنه واني دخلت بحالة هيستريا بس ابجي
مرت ساعات وخلال هذه الساعات ضرغام كل شويه يروح عليها يشوفها
لحد ما حست وفتحت عينها شويه من شفتها هيج فرحت وكمت طلعت اركض ابشرهم
مريم كعدت
ورححت عليها اقبل باإيديها حبيبتي مريم يروحي
باوعتلي بعيون تعبانه
ضرغام اجو يمها بس هي بالبدايه ماانتبهت
عطشانه سديم اريد ماي
مااكدر انطيج شي الا يجي الدكتور هسه ادم بلغهم
فتحت عينها اوسع شافته لضرغام وبقت تباوعله
ضرغام... حمد لله على سلامتج مريم
ماردت باوعتلي... هو.... هو شجابه سديم ليش كتيله
ضرغام... ماكلتلي انه اجيت واعرفج خاطرج مكسور مني بس راح افهمج كلشي
اطلع روح من يمي مااريد اشوفك
... رايح انه مريم بس بعد ماااشوفج طالعه من المستشفى
... باوعتلي سديم كليله يطلع ماريده مدااتحمل وجوده يمي الله يخليج
سديم... من رخصتك.... اجه ادم
وابتسم من شاف مريم كاعده
حمد لله على سلامتج ضلعه شنو هاي قلقتينه عليج
حركات الدراما والاكشن وكذا بس حبيت وضحك
صار يمسح على راسها وقبلها من جبينها
باوعت لضرغام اغتاظ ومسح على وجها بتوتر وكلم ادم.... امشي نوكف بره شدكول
ادم... لا خليني يم الضلعه هاي العزيزه غير خلتني مثل المخبل امشي بالشارع الا شويه واسوي حوادث مو حادث
ضرغام... عاشت ايدك مقصرت
ادم... تالي مريومه تخبلنه هيج ليش ولج مو جنه حلوين ونسهر يوميه وتلفزيون وافلام ومزه هاااا وضحك
ضرغام فتح عينه على وسعها وكوه ساكت حسيته من تصرفه يريد يحجي او يتعارك على كلامه جانت واضحه ردة فعله الي كوه كاتمها صار نوبه يمسح على وجها نوبه يروح ويجي نتر ب اادم وين صار الدكتور
... هسه يجي بالعمليات
... اهماااال هنا اهمااااال
ادم... تعبناك ويانه تكدر تاخذ راحتك استاذ ضرغام البنيه بنتنا واني اعرف شلون اعتني بيها
ضرغام... وانه مو غريب وهي تدري كلش زين
ادم... بس كلفناك هو انت ليش اجيت
ضرغام... عجبني واجيت
وطلع جكاره داايشعلها ادم اخذها منه ممنوع مو زين عليها
حسيته ضرغام تخبل من ادم الا شويه ويتعارك ويا بس ساكت
مريم... ادم اريد اروح للحمام سندني
ادم... ماشي ضلعه راح اشيلج
ضرغام... تسندها شنو تشيلها شنو وخر انه اوديها
ادم... اني رجل اختها انت شنو قرابتك منها
ضرغام... تربات ايدي هاي عوفها
ادم... ومقصرت وهسه هي يمنها طير ورجعلنا
مريم... وديني ادم
لزمت ايده تكأت عليها وتمشيت حتى اروح للحمام
باوعت لضرغام راد ياكلني بنظراته
ابتعدنه شويه عن الغرفه لان الحمام بره الغرفه همس باابتسامه شفتي شلون كطعته
مريم.... عوفك منه وكله يروح مرته مريضه ومحتاجته
ادم... ماشي مرايم
وكفت حتى ادخل للحمام التفتت واكف متكأ على الحايط رافع وحده من رجله على الحايط يدخن ويباوعلنه
دخلت للحمام وطلعت لكيت سديم
ها حبيبتي تحتاجين شي
لا بس وين لارين
... نطيتها لاابوها نامت همزين
... تكأت بيها وتمشينه
... وضرغام وادم واكفين جانو بره
اجه الدكتور وي ماداادخل للغرفه
... اييي ماشاء الله زينه زينه
كعدت على سريري وسألني كم سؤال عن صحتي وكتبلي ادويه وكال تكدرون تاخذوها للبيت
طلعنه وصعدت بالسياره وي ادم وسديم
باوعت بالمرايا ضرغام صعد سيارته
مشينه بالسياره وهو ورانه صار يمشي
ادم... ورانه ضرغام مريم
سديم... اي شنو يعني
ادم... سديم تره الموضوع كله بين محاجه تضمين
مريم هو مو
مريم... شتقصد
ادم... اني الگفها وهي طايره مو نوب بعد الي صار
مبين عليه خوش رجال بصراحه مايتعيب
مريم... خلص انتهى كلشي
ادم... يعني
مريم... متزوج وعنده اولاد
ادم... هااااا هيج الحجييي ولهسبب متزوجج
سالفتكم سالفه انتو
مريم.. اي
سديم... يعني هو. جان يريدها وهي من عرفت متزوج كالتله خطيه مرتك
ادم... بعده يمشي ورانه تتوقعين يجي للبيت
مريم... راح يجي وانت لاتخلي يدخل
ادم... خل نشوف
مشينه حد ما وصلنه للبيت ونزلت وهو طبك سيارته ونزل
فتت للبيت وي سديم وبقه ادم يحجي ويا
مريم... ليش ادم يحجي ويا
سديم... خليهم يحجون خل نفتهم سالفته مريم
مريم... جيبي الموبايل
سديم... ليش
مريم... اخابر حسن خل يجي
سديم... ليش ولج تردين تعلكيها انتي
مريم... يجي ياخذني اني مااريد ابقه هنا
سديم... بلا تهورج هذا مريم واصبري خل نفتهم شنو الموضوع
شويه ودخل ادم.... مريم ضرغام يريد يحجي وياج
مريم... ادم اني شكلت
ادم... لخاطري مريم
سكتت كال تعالي هو بالاستقبال امشي
فتت وكعدت على التخم كال اني بره من رخصتكم
جنت اتجنب النظر اله هو اجه كعد يمي
دنكت اكثر
ضرغام... كل السويتي اعرف ليش واعرف سببو شنو بس غير تسمعين مني بالاول
.مارديت عليه
... الي سمعتي بالتليفون مو مثل مامتوقعه مريم
... باوعتله بحديه... كافي كذب لتكذب انت تزوجت مو وبعدين نور شلون هااا دخلت مستشفى جبت مره بمكانها بهل السرعه هاييي
... نور؟ ولمعت دمعه بعينه حقج ماتعرفين
مريم نور توفت مداتشوفين حالي ولحيتي
... فتحت عيني بوسعها شنوووو
توفت؟ شوكت؟ شلون
... من اسبوعين توفت
... وهاي لعد منو بالبيت
... هاي بنت خالي ومن يوم الي توفت نور لليوم هي بالبيت ويم اهلي انه مااكلج هي ضيفه لا
من يوم الي وكعت نور قبل لاتموت هي اجت للبيت
جنت جايب مساعده بالبيت كالت اني هنا وعيني على عمتي وعلى بنت عمتي وانت ابن عمتي ومو غريب بقت بالبيت
... وكلامها
...بعد ماسائت حالة نور نقلناها للمستشفى من يومها هي صارت تتصرف غير وهي تحاول تتقرب مني تريدني اتزوجها وامي شيبت راسي بيها بس انه مااريد اتزوجها ومامهتملها ابد وعيونج مريم مو يمها
.... سمعت الحجيه تكللها المره تعرف شلون تكسب رجلها
... اي هاي حجايات امي لان من هسه كل حجايه والثانيه مريتك واخذها ومداريه جهالك حتخبلني امي لو مانور هي اختارتها
بس دكلي جهالك محتاجين مره تداريهم وانه عميه مااكدر
... لهسبب هي تحاول تكون قريبه مني مريم
جانت نور بالمستشفى وحاير بيها سبوع انه وياها بالمستشفى وهي اجت قبلها لان هي سائت حالتها حيل خواتها صارو يجون واجت بنت خالي واشتغلت المشاكل شفت حالتها زادت نقلتها للمستشفى وبقيت يمها عفت البيت والاولاد عليها بنت خالي
تصوري مريم ارجع من المستشفى مرات ارتاح اكون تعبان ومانايم اسبح ابدل تصرفاتها اعوذ بالله منها كلت يمكن متقصد مشيتها
ماتت نور وفاتحه ومتبهذل هوسة العالم والبيت نسوان اشكال والوان طابته مااعرف منو وخواتها تصدرو وكلت عزه نسوان ومااتدخل عفتهم براحتهم كمت ابات بيت صديقي لابقت ملابسي مكانها جهالي تبهذلو وكل مااطب واطلع مايبطلون خواتها مشاكل اخر شي امي ملتهم طردتهم من البيت
وبقت بنت خالي
صارت ترتب بالبيت تعدله اجي الكه غرفتي مرتبه ملابسي
امي قبلها كالت اخذ بنت خالك لو مريتك الله اخذ امانتها هي كبرت والعين فاتتها وانت ابن عمتها وهي اولى احسن ماتاخذ غريبه
ضرغام... يمه سدي الموضوع انه بيا حال
... يمه انه تعبانه وجهالك يرادلهم وحده تداريهم والبنيه تبقه يمنه اليوم وباجر بالنهايه اخوتها حيسكتون انت بلا مره وهي بنيه مامتزوجه
... اجيبلهم مربيه ماكايللها تبقه
... ومنعرف اصلها من فصلها وتجيبها شمدرينه شتعلم جهالك شتسويلهم انت شداتحجي ضرغام
... الله يخليج سدي الموضوع لخاطر الله
... شوف ضرغام حسكت هسه لان مرتك بعد تربتها ماناشفه بس تتزوج بااقرب وكت
.... جنت اعوفها واطلع وارجع بوقت متأخر من الليل
جنت بيوم راجع تقريبا 1:30
جانت كاعده تلكتني
... اسويلك اكل
.. اشكرج
... طلعت ماتعشيت وسويتلك اكل اكعد اكل لكمه عمتي وصتني كالت ضرغام حالته تصعب على الكافر وجبه وحده ياكل باليوم وتعبان
... معليج باامي هي شويه تكبر الموضوع داافوت متوجه لغرفتي وكفت بوجهي حيل تقربت جنت انتضرك
ابتعدت باوعت لبسها كان مامحتشم نهائيا
شنووو
.. اقصد يعني محضرتلك الاكل
... خلي الج... وعفتها ومشيت وثاني يوم من الصبح كتلها لاامي متبقه هنا تطلع
.... وجهالك
... انعل ابو جهالي كتلج متبقه هنا
.... صار يمه انه اكللها
.... طلعت وكل ظني ارجع ماالكاها لكن اول مافتت
تلكتني
... ضرغام انت كايل لعمتي اروح اني ماضايجه واهلي ميكولون شي عادي
... لا سوينه زحمه عليج
... لا لا اني باقيه هنا مااروح
... استغفر الله... وعفتها ورحت للغرفه شسويلها
وبقت كل هالفتره بالبيت وتحاول وياي لكن مالكت مني وجه مانطيتها مجال
... وسمعت كلامهم بالتسجيل واعرف امي وياها صايره بس شسويلهم
... قهرتني نور حتى تمنيت اشوفها قبل لاتموت
... گطعته لگلبي نور قبل لاتموت كل سنيني ووجعي الي مر بكف وايامها الاخيره بكف
بكل يوم جانت تحتضر اكول حتموت جانت ماتريد غيري
جانت تكلي ضرغام راح اموت جهالي بأمانتك ضرغام
لاتجيبلهم زوجة اب تقسي عليهم
تمنيت أعيش وياك طول عمري بس الموت
الموت حياخذني واروح جنت اتمنه اعيش وياك
ضرغام لاتنساني أني حبيتك هوايه
أكثر من روحي وأكثر من اي بشر بالدنيا
جانت تشهك باأنفاسها وانه قريب منها تمنيت الي بيها يصير بيه اموت ولايصير بيها شي
بس شبديه
جانت ترجف وحتى نفسها بي رجفه تشهك كل مره وتشوغ روحي وياها
لما ماتت جانت عيونها موجهتها عليه كالتلي
اريد اخر وجه اشوفه هو انت قبل مااموت
مريم هضمتني ماخلت بيه روح احس طشرت وي ماغمضت عيونها ذره ذره صرت
اكعد بيها
نووور.... نووووورررر
ردي نور
طلعت اصيح على الاطباء وسعفوها بالصدمات الكهربائيه لكن ماكو فائده ولما غطو وجهها فقدت
كلي الدكتور ماتت
... شنو يعني ماتت بعدها صغيره ماتت شلووووون
سحبت سلاحي وجهته عليه
تسويلها جاره لو افرغو براسك
.... واني شبديه طبيب اني مو إله
يأست بعد وكعدت بالكاع خلص بعد انتهت وراحت من ايديه نوور وفقدتها
وهاي انه اليوم يمر عليه بسنه مااعرف شسوي والله من خابرتي وسمعتج تتوجعين متت هو ناقص يامريم انه گلبي موجوع ناقص توجعيلي گلبي مره ثانيه
... مريم... لا ماأوجعلك گلبك بس اني وانت بعد خلص لا أني أناسبك ولا أنت تناسبني
اني هسه مره متزوجه وشوف هاي حلقة خطيبي بعد الي صار اترجاك ابتعد عن طريقي ومالك علاقه بيه بعد اني كلها اسبوعين ومتزوجه.....
كان عليك ان تبقى بجانبي حينما هزمتني الاشياء لا أن تكون ضمنها....
كنت معكم انا رغد الموالي في امان الله ♥
رواية تل الذهب الفصل الخامس وخمسون 55 - بقلم Raghad Almoualy
تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
- لا أحد يتعافى من صدمته الأولى بشكل كلي ستظل تلك الندبة مدفونة فى أعماق قلبك و لكنها ستحيا فى كل موقف مشابه و كأنها تُعاد من جديد.
- أحمد خالد توفيق 📚.
ـــــــــــــــــــــــــــــــــــــــــــــــــــــــــــــــ
مريم... كتلي كلمه وحده ضرغام اني ماافيدج وعندي اشخاص بحياتي اني هم اليوم اكو اشخاص بحياتي اني وانت بعد خلص لا أني أناسبك ولا أنت تناسبني
اني هسه مخطوبه وشوف هاي حلقة خطيبي بعد الي صار اترجاك ابتعد عن طريقي ومالك علاقه بيه بعد اني كلها اسبوعين ومتزوجه.....
... تتهنين ان شاء الله مريم اتمنه يحافظ عليج ويكدر يسعدج
كام وكف حتى يطلع صاح
ادم سويلنا طريق اترخص اني
ودك الباب حتى ينبه ادم
كمت وطلعت من الاستقبال وادم راح عليه وطلع ضرغام
رحت لغرفتي مددت بتعب تفكير وجسد وملل وكارهه كلشي
سديم.... بقت تحجي ويا ماعرف شنو الي صار ضرغام طلع وادم اجه
سديم... ها ادم شنو شصار
ادم... تحجيلي كلشي افتهمتي
سديم... شنو هو الي احجي
ادم... كلشي كتلج
سديم... م م ماكو شي
نتر سدييييييم مريم اختج شنو سالفتها وتردين تمشيها عليه حياتها جانت نظيفه وماكو شي
... يعني شتقصد
... مريم شبيها وليش الا ابن خالج وافقت عليه
تحجين لو شلون
... اني راح احجيلك بس توعدني يبقه بيناتنه
... تمام احجي
... وبديت احجيله كلشي ولما سمع الكلام بقه صافن
سديم شلون تورطين اختج بهيج موضوع انتي عاقله
... والله خفت عليها مافكرت صدمتني بكلامها ماعرفت شسوي من كلي حسن احسيته انقاذ واجه
... انتي دمرتي اختج بهاي سوالفج ولج شصار بعقلج
تحجين بالمثاليه وبالدين والله شوهتو صورة الدين بحكمكم القاسي هذا
... من خوفي عليها والله ماتوقعت هيج تحبه ومتعلقه بي كلت اسويلها جاره واستر على اختي ردتها تعيش حالها حال البنات
.... مو هيييييج مو بهاي الطريقه
ولج اختج طالعه من نص عصابه من مجرميييين تعرفين شنو يعني جانت عايشه بيئه قذره وهذا الرجال الله دزه الها ملاك ينقذها افتهمتيييي
... كلت الي صار وياها حرام وهي دخلت ملهى و..
.... شششششش كافي الحرام خلي الج منو گلج رب العالمين يقبل بلي دايصير بيها والي صار قبل
ياسديم الدين دين رحمه دين حب دين تسامح دين واحد يساعد الثاني دين اخوه دين ستر
الدين مو تكلين اني اصلي واصوم واحكم على غير بالموت
بسبب هيج حكم منج ومن غيرج هواي ناس ابتعدت عن الدين انتي تغيرتي سديم وراحت الي جانت تعلمج وتوعيج بقيتي بحكمج المستبد
مفروض من عرفتي بلي صاير وي اختج تساعديها مو تفرضين شخص بحياتها
... مافكرت والله خفت عليها
... الحمد لله بعدها اختج ماتزوجت جان دمريتها اكثر واكثر ضرغام يعرف كل ماضيها والرجال رايدها رغم ماحجه يس اتفهمته من كلامه وخوفه عليها
... زين شنو اسوي اني هسه
... لاتسوين شي اني اع
طلعت مريم لابسه للطلعه كالت اني رايحه وي حسن اجه
... ولج وين رايحه تعالييي
ادم... خليها براحتها سكتي
... بس
... كتلج سكتي
طلعت مريم وادم زعل مني وعافني وراح للغرفه بقيت بحيره شنو من غلط وقرار اتخذته بلحضة غضب جان المفروض مااتخذ هيج قرار واني بحالة غضب
مريم.. هلو حسن
... شلونج شبي وجهج هيج اصفر وعيونج مطعنات
... لا ماكو شي اني منايمه ومريضه
... سلامات
رحت ويا للبيت واكلنه وسولفنه
حسن... اختج شوكت ناويه تسجل البيت بااسمج.
مريم... خل اصير زينه واخليها تسجله
حسن... والراتب
مريم هياته عندي بالجنطه
حسن... اي عفيه
مابقه شي واخذج حبيبي عندي الج مفاجأه
... شنو هي
... غمضي عينج
... غمضتها شويه وكال فتحي عينج
فتحتها جانت ساعه يدويه
ها حلوه؟
اي حلوه
..شفتها وعجبتني وقتيها بالتوقيت الصحيح
... هااا أ أ ا ضوج وقتها انت
... اووف منج اوف جيبيها
بقيت طول النهار يمه وبعدها رجعني للبيت
وبالليل خابرته وبقينه نسولف ونضحك
نزلي العاب بتليفوني وهدالي اغاني اسمعها جنت العب بالالعاب وكت مااضوج
انعزلت هواي بغرفتي على طول بالغرفه حتى لسديم صرت مااساعدها بالبيت النهار تحول نوم والليل نهار اكعد
على طول طافيه الضوه ومدده بفراشي
مرت الايام وفترة زواجي بدت تقترب
وجان كلما يعدي يوم ازيد باانعزالي
واكثر من تليفوناتي وي حسن
سديم صارت تحاول تكون قريبه مني وتساعدني
لكن اني كنت قافله من نصيحه او مساعده حتى ادم صار يشغل افلام تعالي مريم نكعد نتفرج
تعالي جبت عصائر كوكتيل كنت اجاملهم بالكعده او الكلام ماعرف شنو من حاله مريت بيها
بيوم اتصل حسن
مريم اني جاي بالطريق تحضري
تحضرت وطلعت صعدت ويا جان عصبي كلش تكلم
.... انتي وين جنتي عايشه
... ليش هالسؤال
... احجييي
... سكتت عرفته يمكن عرف كلشي
... جنت عايشه يم عائله
... كذابه وصلنه للبيت جرني من ايدي بقوه وتكلم
احجيلي كلشييييييييي والا مايصير خييييير
.. منو كذب عليك ضرغام مو هو اجه كلك وكذب حتى يفرق بيناتنه
... همس... ضرغام شعليه وليش حتى يخرب
... لان هو يريد يخرب زواجنه
... احجيليييي ليش يريد يخرب زواجنه شنو مصلحته
... كلي انت شنو الي تريد تعرفه بالضبط
... كلشي افتهمتي كلشي تحجين
... بقيت ساكته مااعرف شنو ارد نتر احجي وين جنتي تشتغلين بنادي مو
باوعتله نصدمت شلون عرف
نتر... حتبقين صافنه بوجهي احجيييي
.. راح احجيلك كلشي
من زمان ردت اكلك على كلشي بس ترددت لكن هسه راح احجيلك
اني جنت عايشه بوسط عصابه مجرمين............. وهذا كل الي صار.
حجيتله كل الي صار وياي بصوره مختصره بقه صافن وهمس بغضب
.. وتكذبون عليه انتي وااختج وتكليلي جنت بوسط عائله عايشه
اني تاليتي اتزوج وحده حملت وطرحت بالحرام
اتزوج وحده كضتها نوادي
وجرني من شعري بغضب انتي تكذبيييين عليه
انتي واختججججج
.. هي كذبت ا ا ا اني ماقبلت والله
... لججججج شنووووو مقبلتييييييييي
وانهار عليه يضربني
ضربني بقسوه تركني بعد ماتعب كد ماضربني انحصرت بزاويه وصرت ابجي مااعرف شنو اسوي
نتر... اختج تذب بلوتج براسيييي
اني اعلمهاااااا
تكلمت واني ابجي... هي من سمعت انهارت مثلك ولهسبب قبلت نتزوج
... سدي حلكج... اني احضر للزواج وعرسنه مابقاله شي تاليها العروس حايره شمسويه ماضيها اسود من السواد نفسه وين انطي وجهي اني هسه
ولج صديقي عرفجججج شايفجججججج
مريم... شنووو
... شايفج بالنوادي يابنت الشرف والاصول بالنواديييي
صار يضرب على رجله متحير اجه عليه رفعني من زيك قميصي كال كوميييي
كمت عيوني جانت تسأل بمعنى شنو
حوصلج لبيتكم وجهج مااريد اشوفه بعد والا افضحكم كدام رجل اختج وامة محمد كلها
... اني تغيرت والله جنت ضايعه وماعندي احد
ابوس ايدك استر عليه وخلي الموضوع يمشي
اني حجيتلك الحقيقه وشغلات انت ماكان عرفتها لو مااكلك معناها اني رايده اتغير وتغيرت واتغير هم
سكت وتنهد كال... اوصلج هسه بعدين نتفاهم
اخذني ووصلني للبيت اختي ورحت فتت تلكتني سديم
.... وين جنتي
... نترت... عوفينيييييي
فتت للغرفه ابجييييي
اجت يمي... حسن وياج مو
... كتلج عوفيني
.... مريم اعرف الي صار وياج مو قليل واني زودتتها عليج بس صدكيني اني بلا تفكير كتلج تتزوجيه يعني خفت ماعرف شنو صارلي
مارديت عليها
... مريم حبيبتي باوعيلي حسن اذا مو زين وياج ويأذيج تركي
عوفي واني عندج
.... مااعوفه
لمنو اتزوج ضرغام
ضرغام الي مافكر بيه الا لما اتصل ابنه عليه وهو ميعرف هااااا كذاب ضرغام وراسم على بنت خاله يتزوجها ولما اني عرفت بالصدفه صار يبرررر
ونترت يبررررررر كذاب عباله حموت من وراه
اني قويه اني قو وبجيت ماكملتها
اعرف دااكذب على نفسي
حضنتني سديم
لاتبجين مريم عوفيهم الاثنين وبلا زواج وابدي من جديد اني تسرعت وغللطت
... لا بعد خلص اني قبلت وراح اتزوج
...مرت الايااام لاحس ولاخبر من حسن وتركته براحته... بعدها اتصل
... تحضري جايج
.. اوك
... وياج جيبي فلوس محتاج 200 الف
اي
تحضرت واخذت الفلوس وطلعت حتى بدونن ماكللهم
وكفلي بالباب وصعدت ويا ورحنه للبيت
... شوفي اني قررت اسامحج لكن شي مقابل شي
.. يعني شنو
.... يعني اتزوجج مقابل الفلوس كلما اريد تنطيني فلوس
.. اي عادي
.. واني هم عادي نتزوج
... زين احنه مو المفروض عرسنه هالايام
... لا أجلته خل نعرف بعضنا اكثر
... هزيت براسي بمعنى اي وسكتت همس تعالي يمي
... ها لااا هيج احسن
... تعالي كتلج
شنو تخافين ليش من جنتي بالنوادي متخافين
.... سكتت ودنكت مارديت
كومي سويلي اكل جوعان
... اي
كمت حضرتله الاكل وجبته قدمته اله
كعد ياكل من دون كلام
... بقينه هيج تقريب ال عشر دقائق
بعدها تكلمت... يعني شوكت بالضبط نسوي عرسنه
... خل اعرفج اكثر ولو شعرف بعد اكثر من العرفته
... اذا حتبقه كل شويه تذكرني ننفصل افضل
... والله.. عود تهدديني سمعي لججج انتي واختج مو تضحكون عليه وعبالكم اعديها على خير افتهمتووو
مو اني الي ينضحك عليه ويمشيها عادي لاااااا
بس سهله اعرف شلون اطيح حظج وحظ اختج
واذا ماصرت سبب بطلاكها اني فلا حسن
... كوم وديني للبيت
... مترحين هسه نظفي البيت وغسليلي ملابسي وكوهيهن يله اوديج يلاااا
... شنو خدامه عندك اني
كام عليه وجرني من شعري بقوه وتكلم باعي لججججج غصبا ماعليج تسوين الي اكلج عليه افتهمتيييي
... مو بكيفك عوفني
... لا بكيفي ونص ونزل عليه ضرب
وتكلم بصياح
شوفي لجج مره ثانيه حجايه احجيها مره وحده تكلين اي مفهووووووم
... هزيت براسي بمعنى اي واني ابجي
فك ايده من شعري
يلااااا سوي الي كتلج عليه حنام ساعه واكعد
راح لغرفته بقيت بمكاني كاعده مااعرف شنو اسوي
مسحت دموعي وكمت نضفت البيت وغسلتله ملابسه طولت فوك الساعه يمكن لان هو كعد وبعد ماكويتهن
نتر.... هاااااا هاي بعدددددج
.... ملحكت
بشنو ملتهيه وصار يغلط ويذكرني بالماضي ويحجي
... نترت... كتلك ملحكت
... بوجه منو تعلين صوتج وتنترين وضربني كف
كويهن يلاااا
كويتهن وكملتهن واني دموعي مانشفتت
حقدت بوكتها على اختي وعلى ضرغام ولو صايرين بوجهي يمكن اذب حركت گلبي بيهم
وصلني بالسياره وقبل لانوصل بشويه كال
اذا بينتي شي من الي يصير بيني وبينج اختج اسبب بطلاكها افتهمتي ورجل اختج واحد شكاك وبسهوله يصدك باعييي لج فلوس تسحبين من اختج مليون خلال يومين يمي شلون وشنو اسوي بيها ماعليج افتهمتييي
... اي
... واذا كتيلها شي مايصير خير مريم
... كتلك اي وصلنه للبيت ونزلت وسديت الباب بقوه
تلكتني سديم... ادك عليج متجاوبين
... مانتبهت على الموبايل
... ادم انتبه لطلعاتج كال ماتطلعين ويا بعد لحد متزوجون
... كلام ادم لو كلامج ست سديم
... شبيج اشو انتي كل متجين تتخلبين عليه
... مابيه شي وماعليج بيه شوفي اريد مليون
... شتسوين بيها
... محتاجتها ولاتسألين بعد
... هو كلج مو وو
... ماعليج انتيييي
... ابن خالي واعرفه هذولي مو اهل شغل يحبون يعيشون على اكتاف غيرهم
... واني قابله ماعليج انتي
... عوفي مريم عوفي هذا ميفيدج
... والله؟
هسه جايه تكليلي عوفي
من تعرفين ابن خالج زباله ليش خليتي يخطبنيييي
لو من حسيتي مخلي عينه على فلوسج ماعجبج الوضع وتركي مريم
... انتي شداتحجين ولج هذا حيدمرج دااشوفه مو وادمي
... تعرفين ابن خالج مو ادمي واجبرتيني اتزوجه
خلص تنجبين وتسكتين
... هاي عليه مريم
... ايييي كافي حلي عني عوفيني
اني اعرف دواج عد من
... هه خوفتيني بي انتي ورجلج وحتى وضرغام متخوفون جلبي افتهمتي لولا
... لا لا غاسل دماغج غسل
... ماعليج كتلج ولاتدخلين
... عفتها ورحت للغرفه مددت شويه واتصل ضرغام
نطيته رفض رجع اتصل ورفضته ورجع اتصل جاوبت
خير شعندك متصل
... عدلي كلامج واعرفي وي منو داتحجين
... شتريد مني
... شبي خطيبج وياج
... مابي شي ولتدخل انت
... ولج هاي وياي مريم
.. اييي عوفني عوفونيييي
وسديته بوجهه
طلعت دااصيح على سديم صار بوجهي ادم
... مخلي ايده بجيوبه واكف
سكتت وكفت تكلم بهدوء شبيج مريم
... تكلمت بتردد... و و ولا شي
اجت سديم.... ادم احجي وياها حسن اذا ما منه فايده تعوفه
ادم... سكتي سديم اخر من يحجي بهذا الموضوع انتـــــــــــي
سديم... مافكرت ياناس ياعالم بغضب خفت عليها وكلت بعدين احجيله كلشي وهو يتفهم
ادم... يتفهم؟ منو بالله الي يتفهم بهيج امور ست هااااااا منوووووو
سكتي ولاحرف تحجين والموضوع هذا ينسد وهي تقرر اذا تبقه ويا لو لا لاانتي ولاانييييي
مريم.. اني موافقه اتزوجه ومرتاحه ويااا هي لاتدخل
ادم... فكري زين
مريم.... فكرت واتخذت قراري
ادم... براحتج مريم
الايام صارت تمشي وديتله مليون لحسن مثل ماطلب وكنت اروح للبيت على طول انضف واطبخ وارجع جان يقسي عليه على اتفه الاسباب يضربني وجنت اسكت تغير هواي وصار كل هوسه يسحب فلوس محسن اخوه اجه كم مره مثل الخطار ويطلع عرفت دايشتغل بغير محافضه ومستقر هناك ومرات يمر يشوف اخوه حسن
بيوم اجه للبيت كان حسن ضاربني ومبين كدمات على وجهي وكنت ابجي دك الباب وفتحتها تفاجأ
مريم شبيج
مسحت دموعي... مابيه شي
... لعد شنو هاي الكدمات وليش تبجين
... صاح من وراي حسن هله بسبعي تعاااال
... فات وتكلم... هاي شمسوي ولك بيها ليش ضاربها
... وحده طايحة حظ تعال اكعد
... ولك ماالطايح الحظ غيرك خطيبتك وهيج مسوي بيها من تتزوجها شلون
... هه عووود من اتزوجها
... عووود
شتقصد يعني داتلعب على بنت عمتك ولك
... هه مو على اساس شكد مستوره هي
... شتقصد
... نتر... معلييييييك انتتتت اني وياها معليك
... ولك لان ماوراها احد حيوووان تستغلها وتستضعفهاااااا
... شوف محسن قبل جنت اسكتلك وره وكعت امي هسه ماعندي شي اخاف عليه هاي مو صاحبتي الي ماشيتها
... اني ماشيتها لو انت نفسك دنيه وحطيت عينك عليها
.... اني حطيت عيني عليها يانذلللل وضربه بوكس
ورده محسن بوكس ثاني وتلاكو ثنينهم صار واحد يضرب الثاني حسن فقد الا شويه ويقتل محسن
لزمت حسن وصرت اصرخ
عووووفه حيمووووت
شافني ددالزمه حتى مايضربه التفت الي وضربني بوكس وجرني من شعري
لجججج تدافعين لخوي شعندج ويااااا
هااااااا
داايضربني توه ولزمه محسن من وره جتف ايده ودفعه على الحايط وصار يضرب بي
صرت اتوسل بمحسن
عوفه الله يخليك لايموووت
وهذاك فقد يضرب بي بوكسات
كعدت بالكاع اصرخ يله عافه
ونتر وهو ينهت من الضرب
تفووو عليك يانذل ياابو المخدرات
وباوعلي
لتبقين وي هذا النذل
هذا مدمن مخدرات ومطلوب بكد شعر الي براسه يكبسل وميدري بروحه شيسوي ميسوي تبقين ويا ابقي خل يسويلج شي ويقتلج عود
اني الي عليه كتلج
عافني وطلع بقيت بمكاني كاعده مااعرف شسوي دااكوم لزمني من شعري جرني
صرخت وتكلم بنبرة تهديد
سمعييييي لجججج سالفة المخدرات اذا حجيتي عنها افضحج واشهرج شهيره
... عوفني حقييير نذلللل
.... اني حقير اني اعلمج الحقاره اليوم بسيطه
سحلني من شعري واني ارفس وداني للغرفه حاول يعتدي عليه لكن كنت اقوى منه لان هو متعوب من الضرب ودفعته وصرخت
وخرررر عنيييي وخررررر
دااطلع لزم رجلي وكعت بالكاع سيطر عليه لما وكعت جتف ايدي الاثنين وخلاهن جوايه وطلع جيس بي ماده مخدره عرفتها اول ماشفتها خلها على اصبعها وكال شمي
كمت اهز براسي بطريقة الرفض حتى مااشم سحبني من شعري وكعدني كال شمي
مااريد مااشم
شمييييي وضربني كف ماشميت لحد مااجبرني اشم
وهو هم شم حسيت بنحول هو غفى واني هم غفيت
حسيت دنيا ليل وضلمه وراسي بي ألم يوجعني
جان هو ماكو كمت تمشيت ماكو بالبيت مااعرف وين
رحت لموبايلي باوعت مكالمات هواي
جنت مخليه رمز لسديم ول ادم وعرفتهم هم متصلين عليه اتصلت بيهم لكن رصيدي كان خلصان
رحت للباب ردت اطلع جانت ضلمه وصوت كلاب خفت رجعت بقيت كاعده وره ويييييييين اجه
جان مبين مرتاح يغني ويفر بالسبحه شافني
وكف وضحك بااستهزاء
صح النوم
.... امشي ودينيييي
... بهاي وجهج المزورك
... والله لااكلهم عليك وبعد كلشي بينه انتهى
... اهووووو شوف هاي شلون حتضوجني لج بابا افتهميييي غلطه وحده منججج اطيح حظج وحظ اختجججج افتهمتيييي
... شتسوي روح سوي اني مااخاف منك
.... والله ههههههه
تبقين وتخدميني وزواج مااتزوجج وشوكت مااريد مصرف تجيبين وغصبا ماعليج افتهمتي لو لا
... شتريد تسوي سوي متخوفني
.. لا لا لا حتزعليني منج واني زعلي ثكييييل
لدرجه اطلع وساختج بلبسج العاري بالنوادي واشوفهم لخوالج ولرجل اختج
... شنو ياصور
... تحبين تشوفيهم ست مريم
... ياصور
طلع موبايله وشوفني صور الي كنت بفساتين السهرات تخبلت منين جاب الصور ومنو التقطهن الي
... اشوفهم واخليهم يشوفون بعينهم بنت اختهم المصونه وين جانت
.... انت شتريد منييييي
... كتلج شنو اريد تصيرين عاقله وحبابه والي اكلج عليه كولي اي لاتجين براسي تبعين مثاليات
والليله تباتين يمي
... ادم ميسكت ساعه بيش هسه
... كتله تريد تبقه هنا نفسيتها تعبانه وطالع اجيبلها عشه
... وهو صدكك
.. اي غصبا ماعليه
اجه كعد على تخم كال
اي ست مريم سولفيلنه على بطولاتج بالنوادي
.باوعتله وتكلمت .. وديني ضرغام
كام وكف على حيله بعين غاضبه شنووووو
ضرغاااااام
لججججج الي كدامججججج ضرغاااام داتشوفيييييييي
هذا الكلب هو الي جان مخليج جوه ايده حد ماملججججج
... لا والله لا غلطت
.. لزمني وصار يضرب بيه ويحجي
والله اليوم لااطلع حليب امج من خشمج كلبه نذله
اني اعلمجججججج
ضربني حد ما حسيت بروحي انتهيت
وبعد مااحس بشي
بقيت بالكاع مدده مااكدر اكوم
تذكرت لمن ضربني الحجي شلون اجه بوكتها ضرغام وتعارك ويا وعالجني
صرت ابجي
بقيت على هالوضع للصبح حتى غفيت ماحسيت بشي بعد
للصبح حسيت دايكعدني وهو يركلني برجله
هيييي لججج كومي يلا
باوعتله...
كومي اني حطلع اجي الكه كلشي جاهززز
طلع وقفل الابواب من بره
جان جسمي احسه مكسر
كوه كمت تمشيت للسرير مددت وتغطيت
لحد ماحسيت ارتاحيت شويه سمعت الباب الخارجي تندك بقوه والجرس هم يدك بس ماكدرت اطلع لان مقفله الابواب فتحت الشباك وصيحت بلكت يردون لكن محد رد وعلى مايبدو ماسمعوني
طلعت طبخ من مال البارحه حميته على النار
وكعدت لحد مااجه
..اتبسم اول ماشافني
هله بالشيخه
... موبايلي وين
... عندي ليش
.... محد اتصل
... قفلت الجهاز وخابروني كتلهم ماتريد تشوفكم
.... وديني الله يخليك
... اوديج ليش لا بس خل نشم بالاول ونرتاح واوديج
... لا مااريد
... شششش ولا حرف صبيلنه غده رحت صبيت الغده وجبته اله
كعد يتغده باوعلي متاكلين
مااريد
اكلي
مااريد
انتي ليش تعاندين كتلج اكلي
كعدت اكل بصعوبه اتقبل اللكمه بعدها كملت الاكل وشلت الصينيه وديتها صاح عليه تعاليييي
.. شنو
... تعالي كعدي يمي
... ليش
دنحلي مو وره الاكل يحلون
طلع جيس المخدرات هزيت براسي بالرفض لااا ماااريد
... شششش وتعالي يمي
لا الله عليك
.... ليش تخليني اكوملج هي هالشمه هاي
بس قبل مانحلي خابري على سديم وصيري حبابه هاااااا تعرفين شيصير تره
تخابرين سديم تكليلها اني راح اطلع وي حسن حنروح نزورر ونغير جو افتهمتي
اي
وياويللللج يامريم لو سويتي غير شي
... لا مااسوي
ماشي
اتصلت على سديم... رررن وردت ولج وينج
.. هلو سديم اني وي حسن
... وين انتي اجينه كسرنه الباب ماكو
... احنه بالزياره .... اشرلي حسن بمعنى كليلها مفاجأه... وتكلمت.... حسن سواليها مفاجأه
... صدك تحجين شلون تطلعين ويا مريم ليش ماكلتي
... مو كتلج مفاجأه
... وشوكت تجون... باوعتله... همس كم يوم مااعرف
وكتلها كم يوم مااعرف
... مريم ديربالج على نفسج لايقشمرج ولج
جر التليفون مني وتكلم وكأنو يمازحها ولااكو شي
هاي شنو منج بنت عمتي بدال ماتكليلها دللي ونسي
...حسن من تتزوجون انت شلون هيج تسوي ومتكول
... اشتاكيت لاامي وكلت ازورها وهي مارايحه مريم
... ديربالك عليها الله عليك لاتسويلها شي
... بعيني ادللها يله باي بنت عمتي
همس... عفيه مريم يله هسه حلي
.... خله من المخدرات على ايده وكال تعالي استنشقي شويه
باوعتله اشر بحاجبه وعيونه بمعنى يلا
خليت كم خصله من شعري وره اذني من توتري وتذكرت شلون قبل جانو يشمون بتل الذهب وشميت
همس عفييييييه سباعيه
شفتي شلون احبج واريد سعادتج
صرت كوه افتح بعيوني شفته هو هم شم
مرت ايام على هذا الحال وحاجزني بالبيت
تعبت حيل واحس جسمي تعب من تأثير المخدرات دائما نحول عندي
واني يأست من حالي وكرهت نفسي صار كلما يكلي تعالي شمي بدون تردد اجي اريد اموت واخلص
باوعت لنفسي بالمرايه اسفل عيوني مطعونات
وجان اكو اثار ضرب بوجهي وجسمي
شعري مبعثر 5 ايام اني لاسبح ولا تغيير ملابس
صار يومي يمر عباره عن اكل وشرب وانضف البيت اشم وانام
بيوم اندكت الباب بقوه لدرجة حسن فززز
هاي شكو منو هيج يدكها للباب
صعد للسطح ونزل خايف صار يضم بالمخدرات جنت توني شامه وكاعده على التخم
اجه عليه ولج كومي شرطه بالباب كومي
الباب صارت تندفر حسيتها
هو شالني وداني على السرير جنت منحوله مااكدر اكوم
سمعت صوت الباب الكليدور ( الحولي) صار يندفع بقوه
حسن جاوبهم
جايك جايك
راح فتح الهم الباب شويه وماشفت الا ضرغام بدلته العسكري فتح باب الغرفه
همس مريم
جنت اباوعله وبس مارديت ولا تحركت لان حيل تعبانه اجه وكف يمي باوعلي من نظراته توحي وتتكلم انه مامصدك هذا اني
... تكلم بخوف.... مريم شصاير بيج احجيييي
مارديت
سحب سلاحه وصاح لكككك كلببببب
طلع سمعت هوسه بره وصوت زلم
وراها حركت سيارات الشرطه عرفتها من صوتها
وهو اجاني
عيونه جانت تفسر كلشي
تكلم شمسوي بيج هذا الكلب
حوطني بيده ورفعني
لما صرت قريبه منه لهل الدرجه متحملت اغمرت وجهي برگبته وبجيت بحركه
حسيت اني الوطن الي جان مضيعه ولازم يحميني
همس... لاتخافين هذا انه يمج خلص اجيتج مريمي
أريدك رغم وجعي منك ك طفل أبرحته أمه ضرباً وعاد إليها يبكي....
كنت معكم انا رغد الموالي في امان الله ♥
رواية تل الذهب الفصل السادس وخمسون 56 - بقلم Raghad Almoualy
تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
- كل يوم تصيبني بلوى ما ، و لكني لا أتذمر ، تعودت، بل حتى أبتسم.
- تشيخوف 📚.
ـــــــــــــــــــــــــــــــــــــــــــــــــــــــــــــــ
مريم.....
شالني وداني لسيارته قبل لايوديني حسيت خله شي على راسي غطى بي شعري وهو محوطني بيده مثل ام شايله طفلها
فتح باب السياره
تكلم.... مريم يله ابويه كعدي بالسياره
كعدت بالسياره من دون كلام ولاحتى كتله وين حنروح
كعد يمي وقبل لايسوق نزع بيريته والتفت الي
نعسانه لو شنو شو مو طبيعيه انتي
.. لا مابيه شي
... خله ايده على جبيني انتي حتى مامصخنه
... هزيت براسي بمعنى اي
شغل سيارته وطلع بيه
وصلنه للمستشفى وكف باب المستشفى وتكلم
... ابقي هنا مريم هسه اجي
... نزل وراح شويه واجه واحد يدفع عربانه مقعدين وضرغام ويا
اجه ضرغام فتح باب السياره وشالني كعدني على الكرسي ودخلوني للمستشفى اجريت فحوصات
والدكتور شافني ماعرف شنو تكلم وي ضرغام بعدها كتب علاج وطلعنه بس جان مبين على ضرغام الغضب بوجه
... صعدنه وهو ماتكلم اي شي اكتفى بااتصال ل ادم
...مريم وياي احنه جايين وسده للخط
وصلنه للبيت ركن سيارته واجه عليه
... تكدرين تمشين
... هزيت براسي بمعنى اي
نزلت بصعوبه ومشيت وهو لازمني
دك الباب فتحها ادم
هلاااااا عاشت ايدك مقصرت
... سويلنه طريق خل اوصل مريم
بداخلي فرحت لان ماراح مباشرة
اخذني وصلني لغرفتي وكعد على الكرسي
ادم.... بيته جانت
ضرغام... اي
... ندك الباب محد يفتحها
... مقفل عليها البيبان
... فاتت سديم... حبيبتي مريم حمد لله على سلامتج
باوعتله لضرغام... وين جانت شسوه بيها هذا النذل
... ناطيها جرعات مخدرات
باوعلي... وبعد شنو سوالج مريم
... باوعتلهم وسكتت ماردت احجي
ضرغام... هاي الكدمات جان يضربج مو
... اي
... بسيطه وين يروح مني
مريم... مجان يقبل اطلع من البيت
.... سهله مريم سهله عوفي هسه للكلام وارتاحي لاتبقين تتذكرين
انه اترخص
لزمت ايده وهو باوعلي عيونه سألت شنو
همست.... بخنكه حتروح؟
تنهد وابتسم... اجيج بس هسه عندي دوام واجيت علمودج
ترخص منهم وطلع....
سديم... الله لايوفقه متوقعته نذلللل هييييج
مريم... لعد شتوقعتي هو مو مخلي عينه على حبيبة اخوه
سديم... ماادري كل واحد يحجي شكل درب الصدك وين متعرفي
دخل ادم.... والله هذا ضرغام مااعرف الواحد بشنو يجازيه
سديم.... اي والله لو ماهو
ادم.. لج كل يوم اروح وادك الباب وماكووو وهذا النذل قفل جهازها
مريم احجيلي شنو الصار شسوه بيج هذا الكلب
مريم... شممني مخدرات وجان يضربني
ادم.... النذل كله منج سديم
سديم... هو اني ادري نذالته واصله هيييج ادري بيهم ميشتغلون وبالفتره الاخيره كامو يشتغلون ماادري واصل للمخدرات والله ماادري
ادم... الي صار صار بعد الملامه متفيد مريم تفسخ خطبتها من حسن وانتهى كلشي
سديم.... اكوم اسويلها كمادات لوجهها كله كدمات الله لايوفقه
راحت جابت قطعة قماش وبللتها بمي بارد
وصارت تمررها على وجهي
جنت اتألم وهي تمرر قطعة القماش على وجهي دمعت عيونها وقبلت ايدي بترجي
مريم سامحيني اني السبب اني الي وصلتج لهذا الحال
مريم.... لا لاتهتمين اني الي بقيت ويا ومسمعت كلامكم
سديم... مااعرف نصدمت بلي سمعته مكلت ماعشتي بوسط مجرمين انتي لو وحده بمكانج جان اكثر بس لطف الله شملج
... الحمد لله الي صار صار المهم ضرغام رجعلي سديم
... يحبج هواي
... مرات اكول يحبني مرات اكول يشفق عليه
... راح يبين كلشي بقادم الايام لاتستعجلين
سمعنه صوت لارين تبجي
ااني اروح لارين تبجي
راحت عليها
واني غلبني نعاس ونمت
... حسيت على رنة موبايلي باوعت جان ضرغام
احساس الامان والدفو حسيته بمجرد اتصال
وارتسمت البسمه على وجهي رديت بهمس
ضرغام... شلونج
... زينه
... خو مامتألمه
... لا مابيه شي
... جنتي نايمه؟
... اي وحسيت على رنة الموبايل
... ازعجتج لعد
... لا
انت ابد ماازعجتني
.... مجامله لو حقيقه
... لا حقيقه
... جر نفس وهمس زين
سكتنه لحضات وتكلمت
مريم... شكرا
ضرغام... على شنو
... على كل شي
... مفهمت
... ساعدتني قبل وهسه
... وبعد وشوكت ماتحتاجيني انه عندج مريم
لاتكولين ماعندي احد طول ماانه عايش شيخي على الگاع وكولي ضرغام بظهري
... ربي يحفظك ضرغام كلامك يزرع بيه امل احساس مااعرف شنو هو
... بس انه ماحجيت شي بعد
... هو انت وين
... بالمكتب
... يامكتب
... بالدوام مريمي
... لعد الجهال منو يمهم
... اكو غير بنت خالي حالفه متطلع
... انت مكيف هي هناك
... لا وعيونج مريم ولايمها اصلا
بس هي متأمله ومخليه امي وسيط تريد تسوي مثل ماسوت نور قبل
.... الله يرحمها
... نور قبلت اتزوجها لان شفتها تحبني وخوش بنيه من كلتلي امي عليها ماترددت ان اتزوجها بس جان ضرفي غير
...وهسه هم تتزوجها
... لا مريم مااتزوج
شتكلين اتزوج؟
... بكيفك
.... هو حتزوج بس كون وحده احبها
... شعور غريب حسيته بس قلب كل حالي للحزن
تكلمت... اي حب وتزوج
... هو حشوفلي وسكت واني هم سكتت
رد تكلم جنت حيل مشتاق اشوفج
... ليش
... مشتاقلج بس انتي.... وقاطع كلامه دكة باب المكتب ودخل احد سمعته
سيدي اللواء ماجد طالبك
ضرغام .. تمام جاي.... مريم اروح انه تحتاجين شي
... لا
... بحفظ الله عيني انتي
... بييباي
وسد الخط... استفزني بكلامه من كالي اشوف وحده احبها احسها نار واشتعلت بيه
مرت تقريب النص ساعه اتصل ضرغام
... مريمي اكو ضيوف يردون يشوفوج ويحجون وياج
... منو وين هم
مو هسه يجون راح امرلج بالليل ويجون وياي
... منو هم
... حتفرحين بيهم حيل خليها مفاجأه
... اوك
فضول صار يثير أسألتي منو حيجي احس نشاط تجدد بيه وكمت من فراشي رحت لسديم سألتها جانت تنيم بنتها
سديم الساعه بيش
باوعت بالموبايل ساعه 4
شكد بعد ويصير الليل
... ليش
ابتسمت م مااعرف بس ضرغام كلي حيجون جماعه وراح تفرحين بيهم حيل
... منو هم الجماعه
... مااعرف
... خاف اهله معقوله حيخطبج مريم
... يمكن
.. بس انتي مخطوبه وعقد بينكم
... ماادري شتتوقعين منو
... بالليل يبين كلشي بس انتي شنو هالنشاط الي صار بيج فجأه
... مااعرف سديم عبالك ردلي روحي من شفته
... ان شاء الله يكتبه من نصيبج مريم وتفرحين
... ان شاء الله
اكلج اني شلون حيشوفوني وجهي كدمات وايدي ورجلي هسه شيكولون عليه
... لو منتظر شويه ضرغام
... خل اشوف منو حيجي
اكلج سديم هو شلون اجه ضرغام وليش وحده ليش انتو ماجبتو الشرطه شلون عرف اني بالبيت
.... احنه بالبدايه توقعنه انتي بالزياره صدك حتى ادم كال خليهم يتونسون ويتعرفون على بعضهم اكثر عرسهم مابقاله شي وماكلنه كلشي بالنهايه هو عاقد عليج وابن خالنه
مرت خمس ايام وجنه نخابره نوبه يكول نايمه نوبه يكول داتزور نوبه مايرد
جينه دكينه الباب ماكو رد
ادم كال ننتظر يومين واذا مارجعوا راح ابلغ الشرطه
گلبي جان مامرتاح نمت قلقه وكل تفكيري يمج
جان احلم....
بير وأني بي واكعه ومااكدر اطلع والثعبان لتف حولي ولدغني من رقبتي حاولت ابعده بس ماكدرت وااريد اصرخ مااكدر كعدت لازمه رکبتي عبالي صدك لكن كان حلم هذا الحلم قبل فتره هم حلمت بي لكن كان الثعبان قريب مني نفس البير ونفس الوكفه سابقا يامريم كنت أكول هاي اني لكن بعد ماشفتج اتضح انتي بس اشوف بهيأة أني
خفت حيل عليج وأتصلت بوكتها بضرغام كان الوقت متأخر
.... الو... ضرغام؟
... تفضلي سديم خير صاير شي
... ضرغام مريم صارلها كم يوم وي حسن وكالت حروح للزياره بس دااخابر خطيبها يرد هي مترد وخايفه عليها
... انتو شلون تخلوها تروح ويا وهم مخطوبين
... هي كالت فاجأني ماكالت من راحت
اخذت مليون وراحت بعد مارجعت
..شتسوي بيها
... اني متاكده هو ضغط عليها وجابت الفلوس
هي قبل لاتروح ويا صارت بس تسوي مشاكل ومو طبيعيه تصرفاتها وهسه ماكو مااعرف وين صدك ويا لا ماادري وادم يكلي ننتظر وراخا اذا مااجت نخابر الشرطه
... سهله سديم انه احلها باجر هي يمكم
... تسلم متقصر
.. ولو...
جان اتصالي ساعه 1 بعد منتصف الليل الظهر ماشفته الا مخابر على ادم وجايبج
.... لكاني شامه سديم خاف يسجلها عليه مثل النادي
...لا هو يعرف جنتي مجبوره ولو هيج جان ماكلج راح اجي
... اي صح
... فوتي هسه سبحي وغيري ملابسج رتبي نفسج حتى لليل انتي جاهزه
اي هسه اروح
رحت بدلت وتحضرت
بقيت انتظره يجي والوب حتى اكل قليل اكلت بالي يمه
كل شويه أسأل ادم وسديم على الساعه ويكلولولي
ادم... يابه على كيفج تره مو خطابه انتي بعدج عاقدين عليج
... بس اريد اعرف
صارت ساعه 9 رن جرس البيت
گلبي صار يدك اريد اعرف منو
باوعت من شباك المطبخ ضرغام واكف ويحجي وي ادم شويه وكال ادم سولنه درب لحد يطلع
سديت الشباك وبقيت انتضر اريد اعرف منو
اجه ادم كال مريم تعالي
... دخلت للاستقبال باوعت جانو ابو غضب وليو كاعدين
من شفتهم فرحت حيل كامو وكفو من شافوني وابتسامه ارتسمت بوجههم
ابو غضب... شلونج مريم
ليو... اشتاقيتلج والله مريم
مريم واني هم اجيت على ليو ردت الزم ايده لكن تذكرت هالشي ميصير عدلت حجابي وتراجعت
كال ابو غضب كعدي مريم
كعدت وهم كعدو
ابو غضب... جان عاجبني اشوفج الي زمان ماشفتج
وضرغام يأجل بيها كل مره
مريم... بس كلي ضرغام انتو بالسجن شنو طلعتو
ضرغام... لا بالسجن بس يكدرون يطلعون ويشوفون اهلهم تحت انظار الشرطه حكمهم مخفف بااعتبار سلمو نفسهم للحكومه وساعدو القضاء بالقاء القبض على مجرمين تبقه اجراءات السجن هاي لازم لان هم عليهم قضايا ايضا
ابو غضب... والله احنه مدللين بزود الضرغام المركز كله يكللنه وصانه الرائد عليكم
مريم... منو رائد
... لج الضرغام رتبته رائد هسه على ايامنه جان نقيب وضحك
ليو... والله سيدي انه جنت بتل الذهب حيل اخاف منك
ضرغام... وهسه ولك
... علم انت سيدي
ابو غضب... مريم انه جيت اشوفج اليوم واسلم عليج
... فرحتني جيتكم كلش
سكت حسيته يريد يكول شي بس جان يباوع لاادم ويسكت
ضرغام... احجي ابو غضب مااكو احد غريب
ابو غضب... مريم انه مامرتاح ضميري يعذبني انه صحيت بعد غفلة سنين عايشها وماادري شلون جنت عايشها
مريم انه خطفتج يوم جنتي صغيره وانه صرت السبب بدمارج كل هذيج السنين
اتمنه تسامحيني مريم واذا متردين تسامحيني انه قابل ترفعين دعوى عليه بتهمة الخطف وانه اعترف واخذ جزاتي
مريم... لا ابو غضب الي صار صار وانت كلت انه جنت غافل
ابو غضب... صدكي يامريم مداارتاح واكول انه الي عذبتها للبنيه انه اتمنه الله يسامحني على الي سويته قبل جنت مااعرف وكل همي اخلي الحجي يرضى
هسه عايش صحيح بالسجن بس على الاقل عيشه بكرامه لكمه اكلها حلال مااذي احد ولااقتل ولانخطف
مريم... لاتلوم بروحك اني مسامحتك وكفتك وي الضرغام وانقذته هاي كلش كافيه عندي
اني ماانسالك هذا المعروف
... ابتسم وضرب على كتف ليو كال هذا الي جنه نعيب عليه بالمنطقه الضعيفون تتذكري طلع بي كل البله ونقذ ضرغام
... اتبسم ليو... والله انه من شفت الضرغام بالكاع ترددت بالبدايه هو قبل جنت اخاف منه نوب عرفت نقيب
بس جان حيموت كتله سيدي حنقذك بس الله عليك لاتقتلني
ساعدته وبلغت الاسعاف
مريم... معروفكم ماانساه اني
ابو غضب... واسف هم نشغلت وي الحجي وعفتج وضعتي من جديد
مريم... الي صار صار هسه احنه ولد اليوم
ابو غضب... بس اعتب عليج مريم شلون تشتغلين بالنادي
مريم... بسببكم بوكتها جنت مقهوره وانتو كلكم تخليتو عني
ابو غضب... ماتعرفين الي صار مريم انه نسجنت واللواء بدل مايوكف وياي بالبدايه ماسأل عني محد باوع بوجهي انه وليو نسجنه وبقينه شهور بالسجن ضرغام مااجه ولاشفته وتوقعت خلص هاي النهايه
مريم...(تحولت ملامحي للغضب) يعني جنت تدري بضرغام عايش
انت شلون توديني على قبر وتكلي هذا قبر ضرغام
ضرغام... اهدأي مريم على كيفج
باوعتله ونترت... مااأهدأ انتو كلكم كذبتو عليه ليش تكذب ابو غضب لليششش
مريت بأيام صعبه أيام عشتها صعبه حيل
جنت تشوفني شلون أتعذب ومكتفي تتفرجج
ابو غضب... افهمي مريم انه لو كايلج على البهذله الي شفتيها حتكشفين أمر الضرغام ويقتلوه
جان الامر مالته موصينه منحجي
احنه نقذناه صحيح طلعناه من تل الذهب مغمي عليه وحالته خطره
باوع لضرغام.. ضرغام انت متدري بنفسك بس احجيلها جماعتك شلون لكوك
ضرغام.. انه حجيتلها وضحتلها كلشي
ابو غضب... لعد ليش تحاسبيني مريم انه حطيت ايدي بيد الشرطه من نقذت الضرغام وخليت ليو
بعدها اخذو هم وخلوني اكمل مهمته
سألت عليه كال الامر عايش بس مااادري وين وشنو وضعه ماكالو
... والقبر شلون وديتني عليه ومنو وداك اهله شلون صدكو ماشافوووه
... جابو واحد محترك كالو ضرغام مقتول ومحترك
مشوها عليهم وماعرفو ودفنو على اساس هو الضرغام وعرفت قبره انه من الامر
.... ليش من كتلك خل نكعد بيت ونخلص من كل الي دايصير مقبلت ليش خليتني يم البيكه لعدددد
....انه ماضامن روحي اموت لو اعيش ومااكدر اخليج وحدج بيت اخليج مريم وره مانكشف امر الضرغام تشدد الوضع اكثر وتأزم انه جنت بمهمه وياهم وجان لازم اكون ليل نهار هناك
... بس انت وهو وليو وكلكم كذبتو عليه وعفتوني وبسبب كذبكم اني تبهذلتتتت
ليو... مريم الوضع صعب حيل جان لهسبب احنه كذبنه عليج
ضرغام... لاتلوميهم مريم الي غدروني مني وبيه انه ماجان صارلي شي لو مانغدرت وانكشف امري عند الحجي والجماعه
... انت گلبك شلون نطاك بيه تعوفني انت تعرف شصار بيه وكت ماكلولي انت ميت اني شهوووور عشتها برعب ليالي مرت ماانام وابجي وتعذبتتت وهم ( أشرت عليهم) وهمم يباوووعوووون وگبالهم مايحجون لكم ليييش يعني اني حغدر بي
وباوعت لضرغام... حغدر بيك ضرغااااام
ضرغام... راح تححجين مريم يتحكمون بيج يحجوج المهمه جانت جبيره ومو مال عواطف ابددد
نزلت دموعي وبجيت... تكلمتت... اني عمري مراح اسامحكم على الي سويتو بييه ابدد
... ابو غضب... مريم انه جيت حتى بس تسامحيني مو تكليلي مااسامحكم الي صار صار وهسه انتي بخير وان شاء الله يمج الضرغام وهو كال انه عيني عليها
... كذاب تخله عني وفضل حياته باوعتله بدموع ونترت... انت ماتهمك الا نفسك ماتهمك الا مصلحتك فوك الكلللل
مهمتك... عائلتك ... اولوياتك... منضرك كدام الناس
الاستعطاف هذا الزايد منك مااريده
ولا اريد مساعدتكم ولا حبكم وعمري مااسامحكممم
عفتهم وكمت ابجي طلعت من يمهم
صاح عليه ضرغام مارديتله
شويه واجه ادم جنت بالغرفه يمي سديم...
مريم الرجال جا يتعذر منج ويريدج تسامحي خلص سدي الموضوع ويا
... ابددد اترجاك ادم عوفهم تره دمروني والي جابهم تأنيب ضميرهم مو حبا بيه
... حقج... خلص اني من يمي اتصرف
... راح طلع عليهم
سديم... لاتبجين مريم
... تعبت سديم تعبت من كلشي تعبت كافي كذب كافي خداع مليييت
... حقج حبيبتي احنه كلنه غلطنه بحقج
... مددت مكوره نفسي ابجي حسيت بنغزات بكل جسمي مثل وغز الابره
صار خشمي يأذني ويحكني مثل الي اريد شي استنشقه عرفت مخدرات وعرفت بديت ادمن رغم كم يوم بس اخذ جسمي جنت اعرف عن المخدرات لما كنت. بتل الذهب
تعصبت شويه وتوترت حيل بسبب ان احتاج بس مااالكه
لكن ضغطت على روحي جنت اعرف حتمر بيه هاي الحاله كم مره وبعدها تروح
لفيت روحي بالبطانيه اكثر وعرگت كلش بس ضغطت على نفسي
لحد ماخلص صرت مااتحمل التعب رحت تمشيت استند بالحايط متوجه للحمام شافتني سديم
... مريم شبيج
... مابيه كلشي وفتت للحمام سبحت بقيت جوه الدوش وتحت المي الدافي
والذكريات احسها ترررن بأذاني مثل شريط سريع
تذكرت من شفته اول مره وشلون باوعلي بخطف النظر
تذكرت من بده يتودد الي
من ساعدني
من اخذني للمزرعه
من اشترالي مداليه ولبسها الي
من لزموه وعذبوه وضربوني
من جابولي خبر موته وعشت بأيام مررره
وصرت اشتغل بالنوادي
ورحت لبيت انمار وراها للنادي
ومن لكاني بالنادي وضربني
وتذكرت شلون جابني بيتهم وصار يتودد لزوجته كدامي وشفت علاقتهم شلون حلوه
وشلون جنت اعتلك بنار
وتذكرت شلون تغير وياي وعاملني معامله مو حلوه
وتذكرت من خطبني حسن وشلون أذاني
وضغط اختي عليه
جوه الدوش واحس بحرارة دموعي الي تنزل على وجهي
ندكت الباب... سديم... مريم وين صرتي
... انتبهت للباب... جايه جايه.. بس اريد منشفه ماحضرت ملابس
جابتلي البرنص( منشفة الحمام)
... طلعت من الحمام لابسه برنص
وفتت للغرفه البس ملابسي وكفت
لبست ملابسي وكفت كدام المرايه حتى امشط
باوعت لروحي والهلات السود عيوني والكدمات بعدها باوعت ايدي
نزلت دموعي ومسحتها واني ارجف بسرعه صارت عيني على المكص للحضات فكرت اكص شعري
شلته باوعتله وباوعت لروحي بالمرايه ولشعري صحيح هو ماكان طويل كلش لكن كان يتوسط ظهري لزمته وكصيت منه لكن مكدرت اكمله واكصه بشكل كامل بجيت
وعفته
ورحت شمرت نفسي على فراش ونممت
غفيت للصبح حسيت بسديم تكلمه لاادم
لساها مكعدت شلون اكعدها
ادم... عوفيها نفسيتها تعبانه خليها ترتاح
سديم... خايفه عليها وهي مااكلت شي
... سديم عوفيها الله يساعدها على الي مرت بي
سمعتهم بس ماكمت بقيت بمكاني
صحيت لكن مااريد اشوف احد
صافنه للسگف مااعرف شلون حرتب حياتي
شلون حبديها شنو حسوي ماادري
تنزل دمعتي وارجع امسحها
سمعت صوت لارين تبجي بره
وادم يكلها هسه تجي ماما لا لا حبيبيييي
يروح البابا لاتبجييين
ويحاول يسكتها
صاح على سديم
... وين صرتي داتبجي روح ابوها
صفنت وبيني وبين نفسي كلت هسه لو
اهلي عايشين جان صار كل هذا بيه
لو كان عندي ام مو جان هسه محافضه عليه وماصار بيه كل هذا
او حتى أب... يعني أكيد لو كان عندي أب راح يحبني ويكون حنين عليه ولو فرضا اني خطفوني ورجعت بعد هاي السنين راح يخاف عليه وميزعلني
بس يله هي الدنيا نصيب واني نصيبي أتبهذل وأشوف كل هذا القهر...
دكتها للباب سديم... مريم... مريم
وفتحتها للباب فتحت الضوه لكتني كاعده
... تعالي مريم تغدي
... اتغده؟ ليش هسه بيش الساعه
... ٢ مريم انتي نايمه
.. بيني وبين نفسي كلت معقوله كل هذا الوقت اني نايمه وماحاسه على روحي
كمت احس جسمي مكسر
خليت الشال على راسي وطلعت رحت غسلت وجهي واجيت
جان ادم مدد على التخم يتفرج بالموبايل شافني كال
صح النوم
... جنت تعبانه
... اعرف هم حقج
اجت سديم جايبه الغده بالصينيه كالت
ادم نريد نطلع نغير جو النه زمان ماطلعنه وحيل ضايجه
... يله بالليل نطلع ونتونس وهم تغير جو مريم
... اتفقو سويه جنت اكل ماتكلمت كلشي
... اكلت وكملت شلت الصينيه خليتها بالمطبخ وفتت للغرفه
ندكت الباب بس بالعاده مااهتم منو يروح ومنو يجي
شويه واجت سديم...
ضرغام اجه مريم
كمت وكفت نترت... شيريد
... على كيفج اهدأي.... شوفي شنو يريد
خليت الشال على راسي وطلعت رحت للاستقبال
ادم كال... ضرغام عنده حجي وياج
اخليكم تحجون براحتكم.... وطلع
ضرغام .... انه مراح الومج واكلج ليش انفعلتي وضجتي وحقج شما تكلين
تكلمت بخيبه ... جان المفروض من البدايه اعرف انت ماعندك ثقه بيه يوم الي ضميت عني هويتك الحقيقيه يوم الي وهمتني مجرم حالك حالهم وطلعت غير
جان لازم اتوقع كذبه جديده حسمعها
.... مريم مهمتي جانت صعبه من البدايه كالولي ممنوع تضعف ممنوع تستخدم گلبك هناك
... وانت هذا الي سويته مشيت بعقل
بس اني لااا
اني غيرررر
ضرغام أنت شلون گلبك انطاك تكون قريب مني لهاي الدرجه وبعدين تنسحب اني بشنو أذيتك شنو سويتلك
.... الي صار لو اي واحد بمكاني يسوي
جنتي تحت رحمة ناس مجرمه وانه مابرئتج بالبدايه عبالي حالج حالهم بس لمن وسكت
... لمن شنو
... مريم انه عرفتج انتي غير وتختلفين وساعدتج
... يعني شلون
هاااا شلون بالله عرفتني غير شنو هالالهام هذا الي اجاك
... انه جنت ادري وتأكدت يله ساعدتج... من هذيج الليله بلشت الحكايه
... ياحكايه وياليله
... من ضربتيني بيها بسجين ونهزمتي بوكتها لفتي انتباهي ومن يومها انتي تحت عيني حتى وانتي مهزومه انه ادري
وحتى من تحارش بيج هذاك الكلب ونهزمتي من شفتو ادري
حتى لمن وكعتي بالانفجار واجيت ماجان صدفه مريم
انه وياج من اول يوم خلاج الحجي يمي وردتي تنهزمين وماخليتج وياج من يوم الي ضربتيني
... همست متفاجئه... شنووووو
شلون هيج
مداافهمك احجيلي كلشي كافي غموض حتخبلنييي
كل يوم اكتشف ضرغام جديد حتخبللللل
شنو انت
منو انت
فهمنييي
شلون عرفت اني رحت بيت علاء شلون عرفت اني بالانفجار
وساعدتني وليش ساعدتني
بقه يباوعلي وكأنه يحضر اجوبه لكل سؤال
سره ونكشف كدامي
ولازم اعرف كلشي......
ك البحر انت ب أسرارك
كلما ظننت أنني أكتشفتك أدركت أنني لاأعرف الا القليل عنك....
لاتنسون الضغط على النجمه ومتابعه للحساب لو حابين تقرولي للروايات القادمه
كنت معكم انا رغد الموالي في امان الله ♥
...
رواية تل الذهب الفصل السابع وخمسون 57 - بقلم Raghad Almoualy
تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
مريم... هاي اخر مره أسألك يااما تحجيلي كلشي ياأما ينتهي كلشي اتصور هو مابقاله شي وينتهي
ضرغام... بهذيج الليله الي نهزمتي بيها وانه تصوبت
بداية الامر مااعرف وين نهزمتي لكن لما رحتي تبلغين عن الحجي وجماعتو
بلغتي بوكتها يمنه
جهاز مكافحة الارهاب تتذكرين مريم
... صفنت عليه وتكلمت بهمس مصدومه
يعني انت جنت هناك ومن يومها عرفت
.. بوكتها اجيتي انه يامريم شغلتي بالتحقيق هم بوكتها اجيتي تبلغين مباشرة اتصلو بيه كالولي وحده جتي تبلغ عن الحجي وجماعتو انت عندك علم تعرفها
جيت بوكتها جنت متوقع انتي
وكفت وره جامه جبيره بغرفة التحقيق جنت اشوفج بس انتي ماشوفيني
بوكتها كتلهم هاي مو وياهم هاي وحده ضحيه تلكيها حالها حال الموجودات والتابعات للحجي
مريم... ليش ماكتلهم جنت وياهم
ضرغام... لو كايل انتي وياهم جان نحسبتي حالج حال ليو وحمزه ومناف يعني متعاونه ليش انتي بالذات بتل الذهب بالبدايه ماحجيت ردت اعرف سرج
مريم... وبعدين
ضرغام.. بعدين حجزوج كالو لازم نحقق ليش وشنو الشي الي خلاها تجي تبلغ
اساسا يامريم تبليغج جان فتنه على نفسج انتي ماعندج اي دليل عليهم يعني مراح يفيد تبليغج بشي انه من البدايه بعدتج
لما قررو يسجنوج على ذمة التحقيق ردتها فرصه اعرفج زين
مريم... ليش
جان تكدر من البدايه تتخلى عني من البدايه تحسبني حالي حال اي وحده
ضرغام... حقيقه اكولها ولاول مره احجيها
انتي ثرتي فضولي هواي حسيت انتي متشبهيهم
وتأكدت من جابج الحجي النه هديه
جان معتدي عليج ابنه وحالج يقهر
بوكتها نقهرت عليج وبقيت اراقب بيج بالليل لان جنتي خايفه حتى لمن نمت بالصاله جان علمودج
انه ماجنت اعرفج بس كتلج شفتج متشبهيهم
لما نسجنتي وجون اخذو منج دم تتذكرين مريم
... اي انت هم وراها
...( هز براسه بمعنى اي) وللاسف توقعي جان بوكتها صحيح انتي حامل
العقيد اركان ... ليش تسويلها تحليل وشنو الغايه منها
ضرغام... لازم نعرف اذا حامل اولا تبليغها وجيتها لهنا مو من فراغ يجوز هم دزوها واكو بلوه وراها
العقيد... ضرغااام بس هيج يعني ماكو شي ثاني
ضرغام... ماكو شي
العقيد... خليها بالك انت بمهمه وغلطه وحده تنسحب منها وتعرف منو يصعد
.... اعرف
عوده..
مريم... يعني انت ردت تتأكد مني حامل لو لا علمود هالسبب
ضرغام... لا مريم انه كتلو للعقيد هيج حتى يصرف نظر عنج
مريم... زين ليش ماكتله اني ضحيه واعتدو عليه وحملت
ضرغام... لو كايل هيج راح يعرفون متعاطف وياج اولا انتي مهزومه ممكن يخفوج او انسحب من المهمه لهسبب كتلو هيج
مريم... بقيت صافنه اباوعله مااعرف شنو ارد
ضرغام... وهذا الي صار مريم اخفوج عني
لما عرفت انتي حامل وكتلو للعقيد هيج عنج ماعبرت عليهم مريم جان بوكتها اكدر اخذج وابعدج عن الكل لكن انه مااعرفج زين اول شي وثاني شي بينتي نفسج كدام الشرطه انتي راجعه للحجي وانه داخل بمهمه جان صعب لهسبب جنت احاول مااهتم لاامرج لان مااريد اتعاطف وياج بالبدايه بصراحه
مريم... بس بقيت فتره بالشارع انت جنت تدري
... لا... كتلج اخفوج عني لما رجعت لاابو غضب والجماعه بعد التحقيق انتي جنتي بالسجن يعني يمنه لما رجعت كالو
العقيد ... اطلقنه سراحها
ضرغام...( بغضب) يعني شلون اطلقتو سراحها منو نطاكم هاي الاوامر
العقيد... ضرغاااااام... منو انطانه الاوامر شنو انتبه لنفسك شلون تحجي
ضرغام... لعد تطلعوها على اي اساس
العقيد... نسجنها ونحقق وياها على اي اساس لعد
ضرغام... بس مو وكتها ابد مو وكتها زين ليش مانطيتوني خبرر
العقيد... وليش ننطيك خبر ضرغام
رفع تك حاجب عيونه صارت تنظر بشك
تهمك لهل الدرجه هاي وتريد ننطيك خبر ومتعصب علينه
نتر
كلي
فهمنيييييي
ضرغام... تنهد وانتبه لردة فعله .. همس... لا بس لاتنسى هي راجعه للحجي للمهمه الي انه بيها
العقيد.... ضرغام ارجع واعيدها للمره الالف
عوااااطف منرييييد
واذا تعاطفت واذا مشيت وره گلبك
مصيرك تنشال النجمات وسجن ياسيادة النقيب
مريم... لعد شلون اجيت بيوم الانفجار
ضرغام... لما كلي هيج وطلع انتبهت انه شداسوي وين رايح بعواطفي قرارهم صح وانه الي تعاطفت لهسبب فكرت انو ممكن خطه من الحجي وانتي مخططتها ويا وتكشفون امري شفت قرارهم صح وعفتج
مريم.. دنكت بحزن
ضرغام... لاتنقهرين هاي قبل مريم جنت مااعرفج لاتلوميني على شي من الماضي
المهم اكملج
هملت موضوعج ورجعت وي ابو غضب
وبقيت اشتغل وياهم ومهدت حد ماطبيت تل الذهب
لما فتت تل الذهب نصدمت مريم
مسوين ناحيه صغيره الهم بتل الذهب يمارسون بيها اشر انواع الاجرام
بوكتها كسرو خاطري الاطفال
الي مبينه عظامه من الجوع
والي مريض والي ينضرب بقسوه ووحشيه والبنات والسهر والاغتصاب لعبت نفسي بس جانت الاوامر ان اصير مثلهم حتى اوصل للكبار واوصللهم بالادله
اول مهمه سويتها زرعت اجهزة تصنت
وبقيت وياهم
بس جنتي تجين بالي واكول وين ياترى راحت وشنو صار وياها ارد اتذكر لعبه من الحجي
رغم شهرين انتي يمنه وماكو شي يثير شكوكي بس ماامنت ولاضهرت نفسي كدامج
جنت اجي اشوفج مرات تكونين نايمه
مريم... انت
... هز براسه بمعنى اي اتبسم
جنت اجي واوكف باب السجن اشوفج جنتي ملاك ونايمه عبالك ولاكأنه انتي الي عايشه بوسط هاي البؤره مااعرف احساس غريب ويمكن بوقتها كان لطف الله بيج حتى ينقذج منهم اوكف واشوف حالج اسأل عنج واروح
مثل ماجنت اجي لاأهلي اطمأن عليهم جنت اجي عليج وجنت اوصيهم هم عليج وحتى انطيهم رشاوي بس حتى محد يأذيج بس كل هذا يامريم انتي ماجنتي تدرين
لكن لما بقيت فتره هناك بعد مادخلت تل الذهب بقيت وجنت افكر بمسألة حملج شلون حتواجهين هذا الموضوع وشنو حتسوين
جان كلشي مبهم بالبدايه كلشي كذب وماكو اي حقيقه
الحقيقه الوحيده الي اعرفها هي انو لاتضعف
بعد فتره مرت الجماعه نفسهم الي جنت انطيهم رشاوي خابروني
جنت بتل الذهب بوكتها كالولي
سيدي البنيه الي تدور عليها يم ملازم علاء
... خلوها گبال عينكم
... بالسجن هي
... ليش شسوت
... ضاربه موضف مادري شمسويه
.. تمام
مباشرة ردت ارجع بس جان الحجي عنده شغل
وشغل مهم هم لو اعوف تل الذهب واجي راح اضيع هواي معلومات ولو عفتج مااعرف شنو يصير
وصيت بوكتها عليج صاحبي
تتذكري يامريم صاحبي الي كتلج تروحيلو لو صار عليه شي
مريم... ابو غضب ماقبل بوكتها
ضرغام... لو راحيتلو بوكتها انتي جان متردد لحضه انو يقتلج
جان ناوي على قتلج مريم
مريم... شلون يقتلني وليش هو مو صاحبك
ضرغام... لهسبب يقتلج لان صاحبي وعرف مره الي قاتلتني وهو جان يدري انه ميت
مريم... يعني يعرفني يعرف شكلي
ضرغام... يعرف شكلج انه وصيتو عليج شايفج بالتحقيق
لكن هو بعد الي صار توقعت راح يقتلج بلحضة الي وجهتي السلاح عليه وصوبتيني
وكتها تمنيت ماترحيلو مريم عرفت
مريم... يعني اني حاولت اقتلك وانت خفت عليه
لااروحله ويقتلني صاحبك
ضرغام... اي.... عرفتج مو بوعيج مريم وانه نكشف امري انتي او غيرج مو مهم المهم انو انه حموت
خفت عليج هواي بلحضتها ولما وكفتي گبالي وشلتي السلاح موجهته عليه دعيت الله انو مايأذوج بعدي
وتمنيت ماترحين لصاحبي
مريم... سكتت ودنكت خجلانه ومااعرف حتى شنو ارد
ضرغام... نرجع لموضوعنه مريم بوكتها خابرت صاحبي وكتلو يروحلج وگتها جان طالع بره المحافظه وكلي اول ماارجع اروحلو
تأخرت عليج ودزيت الجماعه هم يشوفون شنو صار وياج عرفت انتي طلعتي من السجن
يعني ضعتي مره ثانيه
فرصه اجت وضيعتها زين ليش اجت وليش تضيع بوقت غلط
لكن شكيت بعلاء ووصيت الجماعه يراقبوه
وصارو يراقبو كالو علاء يتردد لشقه
هنا تأكدت انتي عندو
الفجر طلعت من تل الذهب وبين ماوصلت ورحت للشقه صار الصبح دكيت الباب بعد دك مستمر فتح الباب
... مريم وين
... جان لازم راسه اثر ضربه وبي دم ... تكلم...
نهزمت هااكلبه هاي
...ويييين راحت يعنييييي
... انت منين تعرفها
... انه الي اريدو اعرفو احجي وينهاااااا
... ماادري ضربتني ونهزمتتتتتت والله اذا لزمتها لااطيح حظها
... ليش شنو سويتلها وضربتك
... سكت
.. اتبسم بااستهزاء... نفسك الدنيئه خلتك تجيب وحده متشرده وتعتدي عليها
طيح الله حظك وحظ الي خلاك تشيل هالنجمه على جتافك والنسر فوك راسك جان عرفك شنو تعني هاي بس شحجي وي واحد خسيس مثلك
بهذه الاثناء صار انفجار
نزلت اشوف شكو وشصاير
شفت العالم مخبوصه وجثث بالشارع والدممم عبالك مي بالكاع مو دمم
بقيت اباوع للناس ولمحتج بالبدايه ماعرفتج انتي
لكن شفت مره بالكاع ومحد ساعدها اجيت ولما اقتربت عرفتج انتي
فرحت بس خفت لا متصوبه
جنتي فاقده للوعي ومتجرحه شضايا بسيطه
جان مبين حملج بوكتها
متتصورين شكد نقهرت عليج مريم بلحضتها مافكرت بأي شي لامهمتي ولاانه اخذتج وابتعد بيج عن العالم كلو
واخذتج للبستان وجبتلج دكتور وضمدت جراحج
وبقيت اراقب حالتج
اول يوم قفلت الجهاز حتى محد يخابرني
ارتفعت حرارتج جنت اسويلج كمادات
لما باوعتلج حسيتج طفله كدامي ضايعه ومحد يهتم الها
صغيره وحامل بأغتصاب ومتصوبه باانفجار
لاعدها بيت ولاتعرف اهلها
عاهدت نفسي بلحضتها ان ماأتخلى عنج
ولااعوفج وقررت اساعدج مريم
خفيتج عن الحكومه وعن الحجي
من يومها بقيتي يمي بقيتي يومين انتي فاقده الوعي خفت عليج بوقتها
جنت افكر بيج شلون حتولدين هالطفل وشلون حتربي بوقتها كلت اساعدج وانه اصرف عليج وعلى طفلج واكعدكم بيت وابعدج عن كلشي
لما شفتج كاعده فرحت حيل متتصورين شكد فرحت
... على العكس جنت كلمه متحجي لدرجه حسيتك ضايج مني
... لا مريم حاير جنت بأمرين وصرتي انتي ثالث حرت بيج وخفت عليج
حتى لمن جنت اروح لتل الذهب
جنت اثق بصاحبي وجان مرات يمر للمزرعه يفوت يشوفج ويروح
يعني جان يجي داخل المزرعه
... اي انه ادزو اكلو شووفلي مريم يعبر ويشوفج من الشباك بغرفتج جان يجي بالليل
ومره حتى عثر وطلع صوت بالمزرعه
وطلعتي انتي شفتي وجنتي خايفه
كالي خافت مريم
كتلو ليش ولك خوفتلياها هسه ماتنام الليل
... اني اشكرك لانك ساعدتني
... انه ماحجيتلج علمود دكليلي شكرا
انتي غاليه على گلبي مريم
... سكتت ودنكت
ورد تكلم... وكت الي كشفوج واخذج الحجي من المزرعه واجيت ومالكيتج روحي راحت
حرت وين رحتي نار شتعلت بيها دورت عليج بس ماكو توقعت نهزمتي
حرت شلون الكاج بعد
مريم.... جنت اشوفك من فتحة الباب حسيتك تدور عليه بالبدايه بس بعدين مهتميت كعدتت يمهم وشربت ولااهتميت
ضرغام... لا مريم انه ماابين شي لو بركان بداخلي يغلي من الخارج تلكيني جليد انه هذا طبعي
عاد انه بمهمه شلون ابين
بوكتها صديقي مايدري شلون اخذوج او وين انتي هم مكدرت الومو
ولما الحجي كشف امرج كدامي واجهنا تتذكرين
... كرهتك بوكتها ضرغام شلون يوجه السلاح عليه وانت تتخلى عني شلون
... لان اعرف كذب مايريد يقتلج
... لا راد يقتلني وجه سلاحه عليه
... لو رايد يقتلج مريم جان قتلج من اول ماشافج
بس حجزج وخلاج يمو علمود يجس نبضي
ويعرف اذا بيني وبينج شي لو لا
يعرف انتي نقطة ضعفي لو لا
لو خايف عليج وبوكتها لو متعاطف وياج جان قتلج وقتلني وفشلت المهمه
... انت شلون هيج حسبتها
... واضحه مريم مايحتاج الها توضيح
( جان طول الوكت يتكلم بهدوء... تنهد بأريحيه وتكلم)
تدرين وكت الي وجه السلاح عليج مريم
تدرين من شفتج شلون مأذيج وشلون تبجين
وفوكاها انه نطيتج ظهري ورحت
صحيح انه عفتج بس گلبي بقه يرفرف عليج
روحي كلها يمج
صحيح انه تصرفت هيج مريم بس جان علمودج
جان موقف صعب وعلى اعصابي مرت هاللحضات
شفتي لما عرفوج نقطة ضعفي انتي شسوو مريم
مريم.... لهسبب جنت تكلي مريم ابتعدي؟
ضرغام... لا مو لهسبب
كتلج ابتعدي لان شفتج بديتي تتعلقين بيه
ردت ابعدج وردت اكون قاسي وياج بس مكدرت
مريم... ليش
ضرغام... باوعلي وبعدين تلاشت نظراته وتكلم من دون مايباوعلي
هيج مكدرت وبس
مريم... اي كمل
ضرغام.... تدرين وكت الي رادو يعتدون عليج شصار بيه مريم لج تمنيت ميتتت ولااشوف هالشوفه هاي
مريم... اذوني بوكتها
لان اني سبق وقتلت حمزه وضربني بوكتها قسى عليه تتذكر من اجيت
ضرغام... لج شسويتي بيه من شفت هذا حالج
ردت الزم الحجي انهي عليه والله بس هم تصرفت بعقل وكلت ضرغام لاتروح بعواطفك
.... عواطفك؟
شنو تقصد
... يعني مقهور عليج
... هاااا
... اي.....
... ليش ماكتلي مريم اني متزوج
... لان مهمتي طلبت هالشي
... الصراحه اريد ضرغام
... باوعلي بقه صافن عينه بعيني لدقائق
بعدين تكلم
مااعرف ليش مكتلج مااعرف
.... شلون صدكت ابو غضب مو علساس بيني وبينه علاقه
... تأكدت وعرفت ماكو بينكم شي انه ماسامحت ابو غضب هيج حققت ويا وهددتو
بعدين انتي هم ثبتيلي ماعندج شي
...(بديت احس بوغزات خفيفه بجسمي بسبب المخدرات بس مابينت ) شلون
... عرفتج ماحاجه اشرحلج شلون
.... من حقي اعرف
... وكت الي حاولت اتقرب منج بجيتي مريم
عرفت لسانج يحجي شي وتصرفاتج شي ثاني
تأكدت انتي مامسويه شي
بس كلت لازم اتأكد عدها شي وي ابو غضب لو لا
... وهسه عرفت
... اي لهسبب جبتو يعتذر منج
... الي صار صار ضرغام وهذا قدري بس اني تعصبت لما هو بده يذكرني
... حقج مريم ماالومج
سكت شويه ورد باوعلي
ها مريم اكو شي بعد تردين تعرفي
.... لا
.... (اشر بعيونه) گلبج هذا شخبارو من يمي
... وشعليه گلبي
... أريد أعرف اذا يدك علمودي لو لا
... لا
... ضحك... وحوطني بيده ضمني
فزيت وخررر شداتسوي
.... لج انتي مريمي تعرفين شنو يعني من اكلج مريمي
... شنو بعني
.... يعني انتي ملكي مالتي بس جنت اختصرها بالياء
.... جاوبت بنكران والوغزات صارت اكثر تزعجني وبديت اتعرق ... اي وشنو يعني
.... باوعلي وضيق عينه سكت وبعدين تكلم
يعني مالتي مريم
.... سكتت لان بديت اتوتر بسبب الشعور المزعج الي صرت احس بي بسبب المخدرات صار خشمي يحكني والتوتر صار يزيد وتصرفاتي بدت تصير غريبه
... سألني شبيج مريم
... مابيه
... ليش احسج مامرتاحه
...(نترت...وعلت انفاسي) كتلك مابيه شي لتلح
....باوعلي وضيق عينه
نترت... ليش تباوعلي
.... شكد بقيتي يمو حتى يخليج تدمنين
.... جاوبت بتهرب ونكران... ياادمان
ا ا ا ا اني مو مدمنه
... مسكني بيده الاثنين وباوعلي ولج مريم شكد خلاج يمو مستحيل تدمنين بكم يوم مريم الا اذا الجرعات قويه واكثر من مره باليوم مريمممممم
... عفته دااكوم لزمني نترت عوفنيييي
... وين رايحه
... ماعليك بيه خلص عوفني( توتري زاد وبديت افقد اعصابي)
... هاي اول مره تصيرين هيج؟
... لا ثاني مره
... لازم تتعالجين مريم
... عوفني ماعليك مااتعالج وروح يله اصلا الكذب الي كذبته عليه ماصدكت منه حرف
عبالك راح احبك بهاي سوالفك وتكذب
... ماشي
امشي وياي
... وين
... لازم يشوفج دكتور
... صرخت.... اطلع بره... معليك بيه روح عني
دخلت سديم....
شكو شبيكم شبيها مريم
ضرغام ... اختج مدمنه
ليش ماكلتييييي
سديم... ماادري والله
اجه ادم... مدمنه هي شلحكت تدمن ضرغام تره مابقت يمه اسبوع
مريم. .. شنو سويتوني مدمنه
عوفوووونييييييي
عفتهم ورحت للغرفه اركض وقفلت الباب عليه
اجت سديم تدك بالباب
فتحيها مريم احجي ويااااج
... عوفيني مابيه كلشي عوفونييي
كليله يطلع
مااريده
مااريد اشوفه بعد
.... راح ضرغام بس افتحي الباب
... راح؟
شفتي بالعجل عافنياول ماكتله روح
... مريم فتحي الباب
... مارديتلها
صرت اتعرق وارجف وتوتري زااااد
كورت نفسي جوه البطانيه وهم يدكون الباب وماارد
سمعت صوت ضرغام... مريم فتحي الباب
مريم خليني اساعدج لاتأذين بروحج هيج
لج لاتشلعين گلبي اكثر مريم
نترت بي... رووووح
عوفني
ضرغام.... تعبتيني مريم وهالمره اذا رحت راح اروح وبعد متشوفيني
.... نترت روووح
سكت ثواني وسمعته كال لسديم
شلون توكعين اختج هالوكعه هاي
سديم... ماادري واصل هيج مراحل ضرغام اني شمدريني
ضرغام... تعرفين بوضع اختج شنو ولو سائلتني جان وجهتج شتسويلها
ادم... راح اعالجها حشوفلها دكتور زين واعالجها
ضرغام... فتحي الباب مريم لخاطري
مارديت
مريم فتحي الباب بس احجي وياج
مارديت
صار يدفع بالباب بقوه..... مريم فتحي الباب
ماردت اكوم ولاارد لان فقدت اعصابي جنت اعرف دااحجي كلام مو بمحله وداازعله بس مدااكدر اتحكم بروحي فسكتت
بقه يدك بالباب واسمعه يصيح
حكسر الباب
مريم فتحيهاااااا
كمت وصرت اضرب على وجهي عوفوووونييييييي
جان اكو ميز وعليه سراحيه مي وكلاص وعطور وكعتها كلها وارجف
سمعته صيح بعصبيه مفرطه
فتحيهااااااااا
حكسر القفل مريم
بالسلاح حرمي مريم فتحي البااااااب
بعد الحاح منه فتحت الباب باوعتله باانهيار نترت شتريد
تكلم بهدوء ... مريم عيني انتي هسه اوديج دكتور
والله مااخليج تموتين كدامي
ادم... دنيا ليل صارت وين نلكه دكتور هسه
ضرغام... لعد اعوفها تلوب كدامي تروح تسوي شي بروحهاااا
مريم...( اتنفس بقوه وجهي عبالك مغسلته من التعرق) هسه ارتاح روح
مارد
نترت كتلك روح
سديم كليله يروح
عافني وطلع مباشرة حتى ماكال حروح
سديم كعدت تضرب على خدودها وتبجي
سديم... اني السبببببب
اختي ضيعتها اني بيديييييي
ادم.... نعالجها على كيفج سديم
سديم... مخدراااات نوب مخدرات ادمممم
ضيعتها اني
اختي بيدي هااااي
بيديييييي
عفتهم من الغرفه وطلعت احس راسي حينفجر مااطيق اسمع صوت وروحي تلوب
كعدت على تخم بالزاويه بالاستقبال مكوره نفسي وكأني اتهرب من هالعالم
اضغط على روحي اكثر
ربع ساعه مرت سمعت صوت ضرغام صاح ياالله ادممم
طلع ادم عليه... هياها بالاستقبال
فات ضرغام واادم وياهم سديم جان وضعي شبه مستقر بس بعده تأثير المخدرات
باوعتلهم وعيوني تسأل شكو
طلع ضرغام ابره وسحبها
ادم... هاي شنو ضرغام
مارد عليه كمل سحبها واجه عليه كمت وكفت
هاي شنو
... اهدأي مريم مراح أأذيج راح ترتاحين بعد هالابره
... عوفني شنو هاي
... صاح لسديم الزميها
سديم... غير اعرف ابرة شنو هاي ضرغام
ضرغام... الزميها وبلا أسأله
داتلزمني ودفعتها وخررري عنييي
سديم... حبيبتي مريم علمودج
مريم... لا مابيه شي عوفوني
تقدم عليه ضرغام بخطوه وحده مباشرة لزمني بيده حوطني بيد وحده حاولت ابتعد عنه بس جان ضاغط عليه صاح لاادم تعال اضربها الابره
ادم... مااعرف اضرب ابر ضرغام
... نتر... لعد الزمها
صرخت عوفونييييي
لزمني ادم وضرغام ضربني ابره بإيدي
هدأت مباشرة همست هاي شنووو
همس ششششش ارتاحي مريم ارتاحي
غفيت ماحسيت بشي بعد...
سديم... باوعت مريم نامت خفت عليها
ليش نامت
ضرغام... هاي منوم راح تنام وترتاح وباجر اشوفلها دكتور مستحيل اخلي مريم تتعذب گبال عيوني
والله الاازوعه العافيه لخطيبها سهله انه اعلمو شلون يتمرجل على النسوان
شالها لمريم وراح وداها لغرفتها وغطاها
طلع من الغرفه بهدوء وهمس
احتمال تتأخر بنومتها باجر لاتخافين عليها
راح تكعد تعبانه وخمول عدها هم لتخافين عادي
باوع لاادم... انه رايح اي شي يصير نطيني خبر
ادم... ماكو متطلع هسه نتعشه
ضرغام... مااشتهي وتأخرت على البيت امي الي عشر ايام ماشايفها
ادم... تعذرنه التهينه بمريم وماقمنه بالواجب
ضرغام... حبيبي غيرها ان شاء الله مريم مريمي منا وهيج والجايات هواي يله اترخص انه
سلم علينه وطلع
ادم... سمعتي شكال سديم
سديم.. قصدك مريمي
ادم... مريم مريمي منا وهيج افتهمتي شنو يعني
سديم... سكتت محجيت
ادم... هذا لو ماهو وكفلها لااختج من جانت هناك جان اختج ماشفتيها طول عمرج
ااتبسم وكمل كلامه
هذا مو بس يحبها هذا عاشگها وهايم بيها وهنيال اختج عليه
كال هالكلام وراح لغرفته
فرحت حيل لمحبة ضرغام لمريم رغم هو مامعترف الها ولا اكو شي رسمي وصحيح لكن جانت تصرفاته وزلات لسانه تكول هو يحبها
فرشت يم مريم بالكاع هي جانت نايمه على سريرها
وجبت لارين هم يمي
بقيت افكر اني شلون هيج ورطت مريم
شلون هيج وبلا وعي
ياترى اختي حتسامحني من كل گلبها بعد كل الي صار
لو خاله خلود عايشه وشافتني هيج ورطت مريم شنو حدكول
تندمت حيل
غفيت بعد تفكير طويل وحسبات مستمره
حسيت الصبح على صوت لارين تبجي فزيت بخوفه جنت قلقه هم على مريم
لكيتها نايمه بعدها
التهيت بلارين وطلعت باوعت للساعه ٨ ونصف
رحت للغرفه اكعد ادم لكيته حيكمل لبسه
سديم... تأخرت عليك
ادم... مو مشكله.... مريم ماكعدت
لا بعدها نايمه
ادم.... سوي عشى مرتب اليوم ضرغام يتعشى يمنه
سديم... تمام
كمل لبسه وطلع واني كمت على البيت شغل وتنضيف وطبخ صارت ساعه ١٢ بعدها مريم نايمه اتصل ضرغام على جهازها وماردت فتحت خط اني
ضرغام... شلون صار الحلو
سديم... اني سديم مو مريم
ضرغام... العفو... اسف... لازم بعدها نايمه
... اي نايمه بعدها
ضرغام... ساعه اذا مكعدت خابريني
سديم... اوك
بقيت انتظرها صارت ساعه ١ ونصف فتحت عيونها
جنت يمها
سديم... حبيبتي مريم شلونج
باوعتلي بثقل نظرات وماتكلمت كامت ولزمت راسها
راسي ثكييييل سديم
ارتاحي على كيفج حبيبتي هاي مال النوم
كعدت ترتاح تقريبا الخمس دقايق وتكلمت
البارحه
البارحه ضرغام زعلته
زعلته مو
سديم توترت وطردته
لا هو ضربني ابره
سديم شنو صار وياي
سديم... لا مو زعلان مقهور عليج
... اني توترت وعيطت بوجها
... هو عاذرج ماكال شي
... موبايلي وين موبايلي
... حتخابري
... اي
... هو جايج راح يجي عليج يوديج للدكتور
.... باوعتلي وتكلمت بخنكه
تعبته وياي سديم بس يقدملي اني ماقدمتله كلشي
... ميخالف حبيبتي ان شاء الله ترجعين مثل الاول واحسن
رن تليفون مريم
هذا ضرغام
رديت عليه... وهو تكلم... بشررري مو كتلج خابريني
مريم... كعدت. اني
ضرغام... هلا بمريمي
... انت وين
... جايج بالطريق
تحظري مريمي اوديج للدكتور
... اوك
اجه ادم وحضرتلنه الغداء سديم وكعدنه نتغده وتحضرت حتى اروح للدكتور
اجه ضرغام واول ماشافني فرح ابتسم
يله مريم نروح
.... هزيت براسي بمعنى اي
وداني للدكتور رحت اني وادم وضرغام
وشخص حسب حالتي مااحتاج دخول مستشفى لان ادماني مو قوي انطاني مهدىات وادويه هو دفع كلشي منه ضرغام. ماقبل يدفع ادم
ضرغام... مريم اعرفها قبل لاتعرفكم وتعرفوها انه مو غريب ودكلي انه ادفع
ادم... يابه ميصير هي حتى فلوسها عدنه
ضرغام... وانه رجالها
جان يرن تليفونه فتح خط وراح شويه بعيد عنه يخابر رجعنه وي المغرب جانت سديم محضره العشاء وادم لح عليه
الا ينزل يتعشى ونزل
كعدنه نتعشى وطول الوكت عينه كل شويه تصير عليه يباوعلي
بعد امسيه لطيفه وي العائله داايطلع ترخص منهم طلع واني رحت وراه اوصله
... مريم ديري بالج على نفسج التزمي بالعلاج واي شي تحتاجي خابريني
... اوك
... باوع بعيوني وطول بنظراته لزم وجهي بيده لثنين برقه كال
مريم أنه روحي متعلكه بيج
أحبج بكد رحمة الله
وكأنك بدرا منيراً جاء لينير عتمة سمائي المظلمه...
كنت معكم انا رغد الموالي في امان الله ♥
رواية تل الذهب الفصل الثامن وخمسون 58 - بقلم Raghad Almoualy
تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
سلام عليكم أحبتي
طاب مسائكم بكل خير
اعود وياكم بتكملة رواية تل الذهب متابعه طيبه اعزائي...
ـــــــــــــــــــــــــــــــــــــــــــــــــــــــــــــــ
ضرغام...لزم وجهي بيده الاثنين برقه مريم انه روحي متعلكه بيج
أحبج بكد رحمة الله....
... باوعتله عيوني صارت تتنقل من اليمنه لليسره دمعت من الفرحه صدك الي دااسمعه ودااشوفه لو كذب
ضرغام... خلص صبري ماعاد اكدر اتحمل مااعترفلج
مااكدر ابقه ضام عليج وحبج يوم عن يوم يزيد بگلبي
مريم... اكتفيت بالسكوت مدااصدك احس الدنيا ملامتني من الفرحه تمنيت اكول للعالم كله تعال اسمع وشوف ضرغام شلون يحبني
ضرغام... اعرف بيج تفاجأتي
باوعلي لثواني ولزم راسي قبل جبيني همس رايح انه واعوفج انتي بحفظ الله
استدار حتى يطلع تمشى خطوتين همست
ضرغام صدك تحبني
... اي ياروح ضرغام والله احبج
رايح انه مريمي باي
... الله وياك
... روحي وردتلي مااعرف شنو اكول او احجي
فتت جوه جانت سديم بالمطبخ والابتسامه تارسه وجهي
سديم... ابتسمت وغمزت... شكلج
مريم... فرحانه... فرحانه سديم مدااصدك
گلبي ولج گلبي يدكك
سديم... شكو احجي
مريم... كلي
كلي احبج
سديم يعني صدك يحبني من كل گلبه مو شفقه ولامساعده لا لا صدك يحبني يعني عشك يعني يتزوجني سديم
سديم... ابتسمت.. صدك والله اني من شفته وشفت شلون يخاف عليج وغيرته فضحته بالمستشفى عرفت يحبج
مريم... مدااصدك والله مدااصدك كرصيني خاف دااحلم سديم
سديم... لا حبيبتي مو حلم هذه حقيقه
مريم... دمعت عيوني فرح
هاي اول مره تخنكني العبره فرح سديم
اني حيل احبه روحي من الدنيا هوا والله مدااصدك
سديم... على كيفج لايصير بيج شي
حبيبتي ربي يجعله من نصيبج ويسعدج
مريم... يارب
يارب
اكلج سديم علميني شسوي شلون اصلي اريد اكوله لرب العالمين شكرا
اريد اتشكره سديم جنت على طول اسولف لرب العالمين هواي شغلات بگلبي واكله اني متأكده حتساعدني واني اعرف انت تسمعني سديم سمعني وساعدني وخلاه لضرغام بطريقي ساعدني وحيخليني اكون زوجته
كليلي شسوي اريد اصلي ناسيه شكول
سديم... مو علمتج شلون تكليلي دااصلي جنتي تكذبين عليه مريم
مريم.. شسوي انسى فدوه دعلميني ووعد بعد مااعوفها اني اصلا حابه اصلي والله حابه اتغير اريد اصير المره الي يريدها ضرغام اني اعرف شلون يحبها شلون يريدها لزوجته تكون
سديم... اعلمج ليش لا
تعالي توضي بالبدايه لو هم نسيتي
مريم.. اي نسيت
سديم... حتوضى كدامج وتعلمي مثلي
بدت تتوضى كدامي واني اباوعلها واتوضى مثلها
بعدها رحنه لبسنه الايزار الخاص بالصلاة ووكفنه نصلي شكر لله
اني اكول وهي تعيد وراي حدما كملنه الصلاة
سديم... حجيبلج سبحه وسبحي
كولي الحمد لله والشكر لله فريها للسبحه كامله
وردي سبحي استغفر الله العظيم
حروح اسويلها ممه لارين واجي الكاج مكمله التسبيح علمود اقره دعاء وانتي ترددي ورايه
مريم... اي يله
راحت سديم على بنتها واني كعدت اسبح مثل ماعلمتني سديم سبحت حدما كملتها واجت سديم
ها كملتيها
اي
تعالي نقره هذا الدعاء لتسهيل امرج
كولي وراي
اللهم لك الحمدُ كلُّه، اللهم لا قابضَ لما بسطتَ، ولا مُقَرِّبَ لما باعدتَ، ولا مُباعِدَ لما قرَّبتَ، و لا مُعطِيَ لما منعْتَ، ولا مانعَ لما أَعطيتَ اللهم ابسُطْ علينا من بركاتِك ورحمتِك و فضلِك ورزقِك، اللهم إني أسألُك النَّعيمَ المقيمَ الذي لا يحُولُ و لا يزولُ اللهم إني أسألُك النَّعيمَ يومَ العَيْلَةِ، والأمنَ يومَ الحربِ، اللهم عائذًا بك من سوءِ ما أُعطِينا، و شرِّ ما منَعْت منا اللهم حبِّبْ إلينا الإيمانَ وزَيِّنْه في قلوبِنا، وكَرِّه إلينا الكفرَ والفسوقَ والعصيانَ واجعلْنا من الراشدين اللهم توفَّنا مسلمِين، و أحْيِنا مسلمِين و ألحِقْنا بالصالحين، غيرَ خزايا، و لا مفتونين».
ااااااامييييين يارب العالمين
مريم... شكرا سديم وحضنتها وهي هم حضنتني
انتي اروع اخت بالدنيا
سديم... لا مريم اني صرت سبب بأذيتج
مريم... لا انتي متقصدين واني هم صدمتج صدمه وره صدمه حقج
حتى هو ضرغام جان يكلي اني مااريد اسوي وياج شي يخليج تكرهيني بعدين
جنت اشوف قربي منه عادي
بس هو يكلي لامريم هالشي غلط مو عادي
راح يجيي يوم وتعرفين لااي درجه غلط وبوكتها حتكرهيني
سديم.... اني فعلا نصدمت وحترك دمي وشفتج تحجين ولامهتمه فانفعلت
مريم... عادي ماصار شي
يله اني اروح لغرفتي نعسانه
سديم... تصبحين على خير
بليلتها مانمت مباشرة من فرحتي
بقيت اضحك واحاول اكتم ضحكتي شيكولون عليه لو سمعوني تخبلت
حاولت انام مدااكدر اتصلت عليه
ررن... ورررن.. وررررن يله جاوب يصوت ناعس
..الوو
... هاي نايم وكعدتك
... من صوته بين صحصح رد بخوفه ها مريم بيج شي
... لا لا مابيه شي اسفه كعدتك
... لا لا عادي بس كليلي بيج شي ساعه بيش هسه
... مااعرف بس مااجاني نوم وكلت اخابرك
... ساعه 2 ونصف.... ايييي ليش ماجاج نوم
... مااعرف... وتبسمت
... عادي لانج نمتي البارحه هواي
... يمكن... يله كمل نومتك صحيتك من نومك
.... عادي
.... تصبح على خير
... نامي مريم لاتبقين كاعده
... اي
... تصبحين على خير عيني انتي
... وانت بخير
سديته منه فرحت اكثر
حضنت تليفوني ونمت
حسيت على تليفوني يدك باوعت جان ضرغام
فتحت خط....
ضرغام... صباح الورد
... صباح الخير
... جنتي نايمه
... اي
.. البارحه ليش سهرانه
... هيج جنت افكر
... بشنو تفكرين
... افكر
... اي غير اعرف بشنو
... هو انت شوكت كعدت
... الفجر
... ليش
... مااكدر انام هواي مامتعود والبارحه رجعت جنت تعبان لكيت زهراء مضوجيها اخوانها خليتها بحضني ونيمتها ونمت
... منو يمهم
... امي وبنت خالي هم يمهم
... شوكت تروح شعدها باقيه
... ضحك... سندس شوفتها نجوم الظهر كامت بين يوم ويوم تجي
...اي بس يعني ليش تجي
... تغارين مريم
... لا بس
بس يعني
... لا انتي تغارين مريم
... سكتت
... تكلم... ومالي اشتاق لصوتك في كل ثانيةً
...جفيت الاصوات ام انت كل اوتار النغمات
... اتبسمت وبقيت ساكته
... همس... أحبج
... اني أحبك بكد هاي الدنيا كلها
... مريم
... ها
... مريمي
... هااا
... عيني انتي
.. شنوو
... أحبج وغلات امي
... ضحكت
... اموت بضحكتج هاي لج تخلي گلبي هيج يدك سريع
... لعد هو يدك بطيء
... ضحك... لا بس هيج احساس ماعرف شوصفو مريم انه عسكري مو قباني واشرحلج صحيح
... اني هم هيج كلبي يصير يدك سريع والله من اكلمك
... دايتكلم واجه حسين يبجي ويشكي لاابوه
مريمي راح اخابرج بعدين ضاهر علي ضارب حسين
... اوك باي
... باي عيني انتي
كمت من فراشي وكلي نشاط وحيويه هيج احس الدنيا ماواسعتني اريد اضحك واريد اطير واريد افرح رحت للمطبخ خليت الجاي على النار وبديت احضر الريوك وااغني كعد ادم لابس متوجه داايطلع
ادم.. صباح الخير شنو هالنشاط والاغاني من الصبح
سديم... تبسمت... هيج حبيت اغني
تعال نتريك مكعدت سديم
... لا بارحه لارين صخنت وبقت سهرانه عليها
... خل نتريك لعد
... يله عاشت ايدج.... مكتيلي شمكعدج من الصبح
... نمت من وكت
... هااا... باوعلي وكأنه مامصدكني... بدينه نتريك ونسولف
ادم... ضرغام خوش ضرغام رجال والنعم منه
... اي حباب وماكو منه
... متزوج هو
... اي وعنده 3 اولاد بس زوجته ماتت
... هز براسه بمعنى اي بعدين تكلم
شوفي مريم راح انصحج واعتبريها نصيحه من اخ
اني هم اخوج وتهمني مصلحتج واخاف عليج
ضرغام صحيح خوش رجال وشهم وابو وكفه بس لاتنطي مجال تحجين ويا وتخابري لااوقات متأخره مريم هالشي غلط قبل جان غير ضروف جبرتكم تحجون جبرتج تسولفين اني هم خليتكم تحجون وحدكم بوجودنه وكلت هم جانو قبل يعرفون بعضهم وانطيتكم فرصه تحجون
انتي بعدج صغيره وهو رجال شايف وعايف واني اخاف عليج اني سمعتج تره وانتي تخابري قبل شويه لاتعتبري تجسس ثقي جانت صدفه
وكلت مااتدخل هاي حياتها وهو حافظ عليها ومستحيل حيأذيها هسه
اني اشوفه مخليج باله بس انتي تقبلين بي وهو عنده تلاث اطفال؟
... يعني شكو بيها
... ثلاث اطفال معناها مسؤوليه مريم اضافه لهذا الشي انتي بعدج صغيره وحتريدين اطفال هو يمكن يكلج اني مكتفي بالاطفال ومااريد ويخليج تربيهم وبس مستعده تقبلين هالشي
... لا ضرغام مايسويها
... شوفي مريم لا عبالج اني رجال همجي بالعكس اني كلش اتفهم هاي الامور واحترم مشاعركم بس خل نعوف العاطفه ونفكر بعقل نفكر صح
الحب ميبقه نفس لهفته بعد الزواج اساسا الحب الحقيقي بعد الزواج مريم قبل الزواج هاي رغبه بمجرد تتحقق بعد يبدي الكلام الحقيقي
اني من دااكلج حتى تفكرين صح تشوفين نفسج هل انتي مهيأه لدخول عائله بيها اطفال
... يعني اني اشوف هالشي بسيط وعادي
... صحيح انتي تشوفي عادي بس اني دااكلج انتي مستعده تتحملين سلبي قبل الايجابي
يعني ضرغام هسه انتي داتشوفي وقت ماهو مزاجه تمام انتي مستعده تتحملي وقت ماهو عصبي
وقت ماهو خل نفترض يمر بضروف صعبه ماديه او عائليه
انتي مستعده تتحملين اطفاله
الطفل كلشي متوقع منه واي خطوره تصير عليهم كل اصابع الاتهام تتوجه عليج لان حتكونين زوجة اب مريم لهسبب فكري بعقل
وأفضل تتركيه حاليا اولا انتي بعدج على ذمة حسن وهالشي شرعا حرام
ثانيا انتي من رجعتي شهرين ونخطبتي وهسه حتفسخين وبعدج مافسختي دخلتي بعلاقه جديده اني اكول لو تنطين لنفسج وقت
تستقرين وتفكرين صح تعيدين نظام حياتج من جديد تشتغلين على نفسج
تره الرجال يحب المره الواعيه اكثر من الحلوه
.. شلون يعني
... يعني اني لمن اجيت اتزوج مريم شنو الي خلاني اتزوج اختج سديم؟
- مااعرف غير حبيتها
... لا مريم مو شغلة حب
اختج اكو الاجمل منها واذا على الحب فحبيت قبلها
واذا على رغباتي ونساتي فجنت كومه عندي بنات بحياتي بس لما فكرت بعقل وردت اتزوج اختاريت اختج تدرين ليش
... ليش
... لان واعيه اولا
ولان بنيه محافظه على نفسها ثانيا
ولان شفت بيها صفات الزوجه الي ممكن تكون ام لااولادي حاربت وياها لحد ما بقيتها تره كلها قبل كم شهر جنه متفقين نتطلك بس اني اصريت يكون عندي طفل منها تعرفين ليش
... ليش
... لان جنت متأكد انو بمجرد حتشوف الطفل حتتراجع غريزة الامومه راح تغلبها وراح تفكر بطفلها سديم واعيه واحب عقليتها رغم وياج طلعتها ابد مو محببه لكن بصوره عامه اني احب عقليتها وتفكيرها
جانت تشتغل عندي سكرتيره راقبتها ودورت وراها واختبرتها
... شلون اختبرتها
... تحارشت بيها مانطتني مجال وعاندت وتعاركنه بس خليتها بالي اكثر وقررت اتزوجها بس جنت اعرفها لو تقدمتلها حترفضني
... ليش ترفضك... انت وين اكو منك
... جنت قبل علاقاتي هواي بالنساء مريم وهي تدري وعرفت كل اموري لهسبب عرفتها مستحيل تتقبل هيج زوج مثلي
... لعد شلون قبلت
... النصيب لما يريد يصير بعد يرهم كلشي مرت خالج خلود تمرضت واحتاجت فلوس عمليه
اني استغليت هالشي وكتلها اتزوجج واعتبري مهر هي ضطرت توافق وتزوجتها
... عزززه شلون هيج
... ردتها ام لااولادي مريم اني قليل الثقه بالنساء من كثر ماعشت وشفت جانت اختج الانسب الي
... الله يسعدكم
... لهسبب اكلج فكري صح ضرغام تطلع على كل جوانب حياتج ممكن ينعكس هالشي سلبي بعدين عليج الحب ميبقه نفسه وره الزواج
فكري صح وبعد لتخابري
باوع للساعه...
تأخرت اني راح اروح باي مريم
... الله وياك
شفت كلامه نوعا ما صح هواي جوانب مافكرت بيها الي فكرت بي هو ضرغام وبس
لكن لو مهما صار اني مستحيل اعوف ضرغام واتحمل كلشي علموده
كمت على البيت اشتغل بواهس ونشاط
وبالي اتخيل اكول هسه بيت ضرغام لمن اتزوج هيج حشتغل وهيج حطبخ وهيج حسوي
اخذني الواهس بالتنظيف ماحسيت بالوقت حد ما كعدت سديم
سديم... صباح النشاط شنو هاي كاعده ومن وكت
مريم... اي وكملت شغل بس اطبخي اني طبخي مو هالكد
سديم... عاشت ايدج ليش مكعدتيني
مريم.. ادم كال سهرانه على لولو اكلج شلون صارت
سديم.. زينه صخنت بالليل وبقيت سهرانه عليها
... حبيبتي تلكيها خاف ماخذه برد
.. يمكن .. يله اروح اطبخ يادوب الحك
كملت تنضيف وحضرت ملابسي وفتت للحمام سبحت وطلعت انشف بشعري وسرحته
وحسيت بنفس الشعور الي كل مره احسه بسبب المخدرات نسيت اخذ العلاج
كمت بسرعه واخذت العلاج لكن الاعراض بعدها بيه
كورت نفسي مثل كل مره وبديت اتوتر جانت لارين تبجي وسديم ملتهيه عنها بالمطبخ
احس صوتها بنص راسي تبجي توترت حيل
واسد بأذني بس متحملت صرخت بسديم
روووووحييييي لبنتجججججج
شنوووو انتيييييي من أأأمممم
اجت... هاي شبيج مريم ليش الصراخ
... كمت ونترت بعصبيه .. سكتيهاااا كافي حسي بغيرج مو عيشه هاااايي
باوعتلي وعافتني وطلعت
رغم الاعراض بدت بالتراجع بعد مااخذتالعلاج لكن التوتر بعده
كمت شغلت التلفزيون جان طالع فلم اكشن كعدت اتفرج عليه انتبهت لنفسي انو اني اشجع الشرير الي بالفلم واحسه هو الصح ولما تصير حروب او يقتل اشوفه حلو هيج تصرف وعادي واحسن ويستاهل الي قتله
انتبهت لنفسي صايره اتوتر بسرعه
والاكشن والاذيه اشوفها راحه نفسيه
اجه ادم بسرعه خليت الشال على راسي
ادم.. هلو ضلعه
.. هلو ادم
.. شونج كاعده هنا وحدج
... اي سديم يمكن فاتت للحمام
... تمام اني هم اريد اخذ دوش احس روحي متكسر شو تعبان اليوم
... سلامتك ليش
... تعبان هالايام مداانطي لروحي مجال هو ضغوطات عليه
... هزت براسي بمعنى اي وهو راح جوه بقيت اني بمكاني مددت احس نفسي احسن من قبل شويه
صرت اعيش بتناقض مدمر
ساعه اتصرف صح وساعه غلط
ساعه هادىه واخلاقي حلوه ساعه العكس
تعبت من نفسي حيل
فكرت بكلام ادم للمره الثانيه وكلت
ياترى ضرغام حيتحملني بهاي مزاجيتي وتقلب حالي؟
مابين صفناتي وحسباتي اجت سديم
طالعه من الحمام لافه الخاولي حول شعرها كعدت يمي وتكلمت بهدوء...
مريم حبيبتي اكدر احجي وياج.
مريم... شنو
سديم... شبيج قبل شويه ليش عصبتي
... مااعرف
...اني عرفت تأثير المخدرات بس يامريم غير تاخذين علاجج بوقته
... نسيت
... دكومي يله هسه نتوظه ونصلي
... هزيت براسي بمعنى اي وكمت وياها حتى اصلي
جانت ترفع بصوتها بالصلاة واتعلم منها وبكل مره صارت تعلمني بديت احفظها للصلاة
وحتى سورة الحمدو حفظتها والاخلاص
كلش فرحت لما شفت روحي صرت اعرف حتى حماسي زاد صرت هواي اسبح لان التسبيح سهل وسديم كالتلي بي حسنات هوايه ورب العالمين يغفرلنه لمن نكول استغفر الله ونبقه نكرر يمسح من ذنوبنا
مريم... يعني شنو ذنوب وشلون يمسحها
سديم.. يعني اخطاء احنه نسويها وهي حرام رب العالمين ميقبل بيها فلمن نكول استغفر الله معناها تندمنه على خطأنه وطلبنه من رب العالمين يغفرلنه ذنوبنه
مريم... يعني الانسان شنو يكون مسوي بس من يستغفر الله يسامحه
سديم... اي طبعا شوفي مريم اهم شغله انو مانأذي الناس يعني الانسان ممكن مسوي هواي غلطات بحياته بس مأذي نفسه وتندم بعدين ويجي يطلب رب العالمين يسامحه راح يسامحه لان الانسان خطاء
لكن لما يأذي الناس ممكن يشهد زور عليه ويدمر حياته هاي ذنبها جبير حيل عند رب العالمين لان الله مايقبل بالظلم مريم
مريم.. وبقية الامور...
سديم... شوفي هو الانسان بكل الاحوال يستغفر وهي بقت يم رب العالمين بعد يسامحه او لا
بس اكيد يسامحه اذا شاف نواياه صادقه وان مايكرر الغلط
مريم... اي اني بعد مااسوي شي غلط والله
سديم.. اعرفج حبيبتي
مريم... زين اكلج هاي شلون اكدر مثلكم اقرأ بالقران نور مرت ضرغام جانت شكد حلو من تقره سديم صوتها يخبل بالقرايه وتقره هيج يعني تطول بالكلمات
سديم... قصدج تجويد
مريم... مااعرف المهم هي تقره كلش حلو هاي شلون هيج عفيه علميني
سديم.. مريم انتي متعرفين تقرين حبيبتي لازم تعرفين تقرين بالاول بعدها حتعرفين تقرين قران
مريم.. شلون اتعلم هو اني مدخلت مدارس اني وصغيره شتعلم هسه
سديم... سهله اسجلج بمحو الاميه وتدرسين
... شنو هاي
... يعني مدرسه مال كبار بعمرج بس ميعرفون يقرون
... اي ياريت... زين اكلج هو انتي ليش تجي ايام تقرين بيها القران وتجي ايام ماتقرين
... لان مو شرط يوميه
... يعني هو من العباده
.. بلي من العباده مريم بس رب العالمين مخيرنه بكيفنه شوكت منحب نقراه بس تعرفين ياوقت يكون افضل القراءه بي
.. ياوقت
... الفجر... كلش بي اجر عظمة كلش جبيره والملائكه تزور البيت الي يقرأ فيه القران
... الله شوكت اكدر اقرأ
... ان شاء الله حبيبتي انتي هسه ماعليج احراج لان انتي ماتعرفين تقرين لكن الي يعرف يقرأ ومايقرأ رب العالمين بيوم القيامه يحشره اعمى لان يعتبر من المتكبرين على ايات الله سبحانه وتعالى
... هسه اتعلم اقرأ واكتب واتعلم اقرأ قران سديم
... اي ان شاء الله حبيبتي
مرت الايام والتزمت بعلاجي ضرغام مرات يخابرني مكدرت اكله لا ولتخابرني او حجيت شي
جانت فترة هدوء مرت لحد ما بيوم اجه خالي دك الباب بقوه
فتحت الباب سديم
ها خالو خير ليش هيج تدك الباب
... اختج وينهااااااا
...شكو شصاير شبيها اختي
... تالي جايتنه وره مالعبت لعببب جايه تخلينه علج بحلك العالم وينهااااا
طلعت وشافنييي وعاط بيه
ولج ام النوادي شلفاج علينه بعد هاي السنين جايه تطمطمين بلاويج بينه
... باوعت لسديم ولخالي وكفت شبكت ايدي ووكفت متوتره وخايفه وساكته
... وهذا الكلب الي مسوي نفسه حريص وجايبج علينه عود مسوي فضل جايبج بعد مامله جيوبه زين
هاااااا
سديم... وانت جاي تحاسبها الها
حاسب روحككك انتو الي تعاجزتو منه واحنه بنات ثنين صغاااار عفتونه يوميه بيت لحد ما اخذو اختيييي انتو السببب
.... احنه السبب سدي حلكج واعرفي شلون تحجيييييين
... اييييي انتو السبببب انتو الي ضيعتووووو اختييييي انتو الي خليتوهاااا توصل لهاي المراحل
لعد هاي السنين كلها شفكررررت وين ممكن تكوووون
... مربيها عنده تكبر يشغلها بالنوادييييي والله لااكعده عشاير والله لاافضحه فضيحه
... راح تفضح بنت اختك قبل لاتفضحه
... بنت اختيييي نفضحتتتت
فيديو مالتها يتنقل بين الزلممممم
... باوعت ولطمت على وجهي شنوووو شتحجي خالو
... والله اليوم لااطلع بروحج
اجه عليه وضربني كف وسديم صارت تصرخ وكفت بوجها دخل ادم وصاح بي
خاااااال
كف عني ضربي وباوعله اجه ادم
مو عيب عليك تمد ايدك على مره متستحييييي
... هاي الي كدامك بنت نوادييييي جايه بعد هاي السنين تحط روسنه بالكاع
... والله وهاي بدل متحاسب روحك هو منو السبب بكل هذا
... انت لتدخل حي الله نسيب اختها نفضحت باجر هم تطلك اختها وتكول مااتشرف بيكم
... هاي عقليتك الطايح حظها تحجي هيج مو اني احترم نفسك وتفضل منا من غير مطرود
... باوع لمريم... امشي لجججج امشي يمي والله لاادفنج بالحياة اني اعلمج
ادم... تدفن منوووو شنو تايها
... انت لتدخل مخليها بيتك على شنووو احنه خوالها واحنه اوله
... هسه تذكرت من الشي مسك خفت وعرفت عندك بنات اخت وين جنت عنها هاي السنين كلهاااا هااااا
... صار مناوش كلام بينهم وغلط وصياح اخر شي خالي كال اني اعلمج مريم مراح اعوفج ياعار انتي عار واجيتي علينه
طلع خالي باوعتلهم واني ابجي وارجف
ااني والله مامصوره فيديو ولا طالعه وي احد
ادم... دايكول فيديو مريم يعني مدايتبله عليج
مريم... ماادري يجوز احد مصورني واني ماادري
ادم... ( هز راسه بتأسف) ليش هيج مريم ليش
مريم... اني حجيتلكم كلشي ماضميت شي
ادم... ادعي ربج يطلع كلامه جذب لان اذا صدك ورقه واحتركتي مريم
عافني وراح جوه وسديم صارت تضرب على وجهها
شلون ولج شحنسوي
مريم... بدال مايروح يدور منو مطلع هذا الفيديو
سديم... خوالج جلااااب شفتيييي جا طلع مراجله عليج كليلي شلون
مريم... اني اعرف منو يخلصني من هاي الورطه
سديم.. لا لتكليله اعرفج تقصديين ضرغام مريم خاف يصير ضدج من يسمع بالفيديو
مريم.. لا يسمع مني احسن من مايوصله الفيديو سديم
رحت جوه لغرفتي واتصلت على ضرغام
... ضرغام شلونك
... زين انه مريم مرتااااح حيل مرتاح
... ان شاء الله دومك... باوعت لسديم اشرتلي بمعنى لاتكليله تكلم هو
.. كولي مريمي محتاجه شي بيج شي
... لا... ترددت بين اكله بين لا... سألته
... ضرغام هو انت لو سمعت شي عني شنو تسوي
... مثل شنو يعني شلون
... يعني لو مهما يصير تتخلى عني ضرغام
... انه مااعوفج مريم شلون الواحد يعوف روحو
... غوركت عيني اختنكت وبين هالشي من نبرة صوتي...
بس مرات نعوف مجبورين
... شنو شلون يعني مريم شبيج
... ضرغام اني احبك خليك متذكر هالشي حبيتك اني ويوم الي أذيتها لنفسي جان بسبب فراكك عذبتها لروحي
... شذكرج بهذا الحجي هسه
... لان.... وسكتت... لان
... لان شنو
... لان اني قررت نترك بعضنا وينتهي كلشي
... شنو ليش
شصاير
... يجيت متحملت اكتم اريد اشكيله تعودت اشكيله
... مريم تبجين منو وياج منو مضوجج
... مصوريني واني بالنادي والفيديو منتشر ضرغام
قد تظن انك نجوت ثم تكتشف انت في اول الطريق
كنت معكم انا رغد الموالي في امان الله ♥
رواية تل الذهب الفصل التاسع وخمسون 59 - بقلم Raghad Almoualy
تل الذهب
رغد الموالي...
ـــــــــــــــــــــــــــــــــــــــــــــــــــــــــــــــ
ضرغام .. مريم تبجين منو وياج منو مضوجج
مريم ... مصوريني واني بالنادي والفيديو منتشر
ضرغام... شنووو... سكت لثواني رجع تكلم
وين الفيديو
مريم... مااعرف خالي اجه وكام يصيح عليه بالبيت ويهدد بيه ويكلي الفيديو منتشر بين الزلم
ضرغام... انطيني عنوان خالج مريم
باوعت لسديم لان مااعرفه سديم اخذت الموبايل مني وكلمته وردتله العنوان
وبعدها قفلت الخط
مريم.. ها شكلج شحيصير
سديم... راح يروح على خالو
مريم... خاف اخسر الضرغام سديم
سديم... وهو انتي هذا الهامج ادعي يطلع كذب سالفة الفيديو
مريم... لعد ليش اكلج اخسره مستحيل حيتقبلني بحياته بعد سديم
سديم... الج الله ادعي كون مايصير شي
بقيت الوب حايره شسوي ماادري
طلع ادم وشايل لارين كال
منو تتوقعون اله مصلحه بهذا التخريب ويتهم ضرغام مريم
مريم... هااا منو حيكون
سديم... غير احد مشوفله الفيديو
ادم ... انتبهي لكلامه يكول ضرغام مكيف ومشغلج منين جاب هاي المعلومات
سديم... بس هي مو صحيحه
ادم... اذا ماطلع وراها حسن اني ماافتهم
مريم.. فزيت... اييي حسن ماكو غيره هو جان يهددني دائما وعرف من صاحبه بشغلي اي صحيح ادم خل اخابر ضرغام خل اكله
ادم... وليش تكلين لضرغام
ضرغام لو عرف ميباوع بوجهج بعد
مريم... هسه خابرته وهو راح لخالي
ادم... انتي شتحجين كتيله
مريم.. لعد اسكت غير افتهم شنو الموضوع
ادم... طلع موبايله وخابر على ضرغام
رد عليه جان فاتح سبيكر
ادم.. شلونك حبيبي
ضرغام... ياهلا الحمد لله انت شلونك
ادم... مريم كالتلي انت على علم بلي صار
ضرغام.. اي وهسه رايحلو انه
ادم... معروفه منو وراها ضرغام
ضرغام.. هاي منتهين منها بس الفيديو اريد اعرف شنو موضوعو
ادم... اتمنه الموضوع بيناتنه يبقه ضرغام لو طلع سالفة الفيديو مو صحيحه
ضرغام... توصيني على عرضي ادم
ادم... اشكرك
... بالطريق انه من افتهم التفاصيل اخابرك
... مع السلامه... وقفل الخط
باوعلي... هنيالج عليه مريم... كالها باابتسامه
سديم... شراح نسوي شلووون
ادم... هو شنو الي شلون ننتظر ونشوف
اجاه اتصال لاادم وراح يخابر
اجت سديم همست
... مريم كليلي شنسوي اذا الفيدوهات صحيح ومنتشره
... شيصير خل يصير اني ميهمني بعد وبالنسبه لضرغام هو يدري بكلشي اني ماضميت عليه شي
... حتى ادم ممكن يتخلى عني يطلكني حتى لارين ياخذها
... هاهيه خل تبين معادنهم لعد سديم ونعتبرها فرصه الله كشفهم النه
... سكتت وباوعتلي بااستيعاب وهمست
صحيح على كولتج فرصه تنكشف معادنهم هم بالتالي يدرون بكلشي
... اي خلص ليش شايله هم
... صرتي متهتمين ولا جنج قبل شويه خايفه لاتخسري
... هذا العقل المنطق هيج يكول بس لو تجين لگلبي اريده ومااتمنه نترك بعضنه
سديم... مااعرف هاي الدنيا لوين حتصفه بينه مريم انتي تعبتي واني تعبت
اني صح عايشه وي ادم بس افتقد الامان
متوقعه بأي لحضه يرجع لسوالفه متصورين شكد تجرعت ايام مره
مريم... ان شاء الله ماكو شي سديم
اني صدكيني تعودت على المر حتى صار الحلو شي غريب عليه مكتوبلي ياسديم اتعذب حتى بالانسان الي حبه گلبي اتعذب الشي الوحيد الحلو الي صار بحياتي وهاي شوفة عينج ممكن يتركني حيصير صعب يتزوجني
هو مكانته معروفه بين الناس واله احترامه وجان متزوج مره ماشاء الله من كلها اني وين وهي وين
اني ماصدكت ينسه يوم الي شافني بالنادي تكوم تطلع بوجهي الفيدوهات حينعاد عليه كلشي
سديم... جان لبسج شلونه مثل هذني الي نشوفهم بالتلفزيون مريم؟
مريم... جنت مو بوعي سديم مقهوره وشاربه كلولي لبسي هذا الفستان لبسته جنت متصوره عافني خلص مهمته براسي وتركني بوكتها انتقمت من روحي
لما شافني واني بهذا لبسي ضربني متحمل نقهر من شافني حتى مره كلي
مريم اني لحد هسه مناسي هذاك اليوم يحرك بگلبي حرك
وااني ماالومه فستاني جان مخصر عليه فتحة ودلعته الفستان كانت كبيره لهسبب نقهر
سديم... شلون اجتج هيج الجرأءه مريم معقوله
لج يكولون الطبع يغلب التطبع
... كتلج مقهوره وصرت اشرب حتى ماافكر بشي فمو بوعي هو حتى لما اجه لكاني مو بوعي خلاني جوه المي حتى اصحى
... يارب كون يوكف وياج بهاي المصيبه مريم
... اعرفه حيساعدني اني واثقه منه تبقه يمه بعد اذا يريدني او لا بكل الاحوال اني عاذرته اني غلطت واتحمل نتائج غلطي
الوقت يمر واحنه نترقب شوكت يتصل شوكت يبشرنه لكن مااتصل
ساعات مرت ومااتصل ابد
بده القلق بداخلي بس جنت اكابر وماابين شي
ادم جان طالع بالشركه اتصلت عليه سديم
بشر مخابرك
... لا مخابر
... دخابره شوف شصاير
... لا سديم هو يتصل
مريم... عفتها تخابره لما بديت احس بالشعور السيء الي احس بي كلما اترك العلاج رحت اركض اخذت العلاج لكن ييدو ان الاوان فات
وغزات وتعرق وتوتري زاد كلش
... اجت سديم عليه
... شبيج مريم
... كلمتها بتعب... مابيه شي
.... مريم اخذتي العلاج
... اي هسه ارتاح
... سوده عليه يامريم شلعبت بيج الدنيا لعببببب
توتري زاد كلش وكوه صرت اضغط على اعصابي جنت مكوره نفسي وكاعده راسي بين رجليه اتهرب من كلشي من المي من عالمي من ماضيي
سمعت الجرس رن
راحت سديم فتحت الباب
ودخلت تركض من باب الغرفه كالت مريم اجه ضرغام واادم
ردت اكوم بس ادري بروحي تعبانه وخاف ازعله بكلمه بقيت بمكاني
ــــــــــــــــــــــــــــــــــــــ
سديم... طلعت عليهم
ادم... وين مريم
سديم... نطيتها خبر هسه تجي
اجيت عليها لكيتها على نفس كعدتها
اجيت يمها
مريم
شبيج مريم امشي اجه ضرغام ويريد الا تجين يلا يحجي
... نترت... كليله هسه تجي
... شبيج على كيفج
... نترت اكثر... لتلحيييين كتلج لتلحيييييين
ضرغام كال سويلنه طريق سديم
اجيت خليت الحجاب عليها وكتله تفضل
دخل وجان نفس وضعها تقريبا
تكلم... شبيج مريم اهدأي على كيفج
مريم... م م مابيه
ضرغام... الفيديو مامنتشر لتخافين مريم هاي زايد من خالج
مريم... هسه عرف عنده بنت اخت
ضرغام... هو مقهور بسبب الي صار وحقو
مريم... حقيش هااااا حقييييييييش
انت صرت ويا وصرت تشوفه صحيح ودكلي حقه
وتهسترت وصارت تضرب على وجهها
كلكم كذابيييين كلكممممم
وانت وياه صرت
اجه عليها ولزم ايديها حتى مااتبقه تضرب بوجهها
مريم كافي مريم سكتي مو هيج قصدي
شبيج
باوع بغضب شبيها ليش هيج منهاره من خابرتني مو هيج
سديم... يمكن مااخذت العلاج
تكلم بحديه... استغفر الله.
مريم....
حاول يهدأني ماهدأت تهسترت هواي حاول يوقفني ماتوقفت على صوتي صراخ واحاول اخلص نفسي منه ضربني كف
وي ضربة الكف توقفت جانت عينه متركزه عليه باوعتله متعجبه
تكلم وعيونه تتنقل لكل تفاصيل وجهي
لازم تتعالجين مريم
باوع لسديم... اختج يرادلهاطبيب نفسيييي
سديم... تكلمت وهي ترجف... اني ماادري والله يعني كلت اعراض مخدرات وهيج
ضرغام... لا اختج عدها حبوب مهدئه وي العلاج من ماتاخذها هيج تصير حاله نفسيه وي المخدرات
باوعلي
مريم لازم تتعالجين حالتج داتزيد ومااكدر اخليج بعد تنهارين وتموتين كدام عيني
مريم... عوفني معليك بيه
ضرغام... مااهتم لكلامي كام وكف على حيله وكلم ادم
انه رايدها لمريم على سنة الله ورسوله
ادم... بس بعدها مخطوبه
ضرغام... تفسخ خطوبتها وانه اخذها
مريم... باوعتله وباوعت لاادم وادم انتبه دااباوعله
هز براسه بتفهم كال ضرغام خل ترتاح البنيه ميصير من شي لشي
ضرغام... اساسا اريد اتزوجها هسه علمود انه اهتم بيها وبعلاجها هنا هي مارتاحت ومريم هواي بعيده عني بقت وبكل مره تتأذه انه مااعوفها بعد
مريم... بس اني
ضرغام... قاطعني... شششش انتي سكتي
ادم... والله القرار الها بالنهايه
ضرغام... وهي موافقه
اتبسم ادم... تفسخ خطوبتها ونكدر نكلكم مبروك
التفت الي ضرغام... اخذتي كل علاجج مو
هزيت براسي بمعنى اي وكال... اترخص انه
ادم... بس ماعرفت شنو الصار
ضرغام... احلها واسولفلكم خلها مريم ترتاح هسه
ادم... مثل متريد
باوعتلي سديم... بعيون كلها امل... مريم بعده يريدج
مريم... خجلت من كلشي شلون وبعد كل الي صار يريدني يمكن يحبني اكثر من مااحبه
سديم... ادعي من الله يعدي كلشي على خير وراها تكوم تضحكلج الدنيا مريم
مريم... ان شاء الله
وحسيت نولد امل جديد وحياة جديده رغم كل المصاعب والمعوقات
مر يوم واحد بعده اتصل ضرغام كال
... حسن طلكج مريم ولازم بالمحكمه تطلكون بااعتبار عقدكم محكمه
... الحمد لله
... يومين ان شاء الله تطلكين محكمه وكلشي ينتهي
... ان شاء الله
... انتبهي لنفسج
... ماشي
.. اروح انه وسده مباشرة
انتبهت كلامه عادي ومو هذاك ضرغام الي يحجي بكلامه المعسول وسده مباشرة عرفت ضايج بس مشي حاليا سكتت وسلمت نفسي للايام والقدر
هي تاخذ مجراها
يومين مرت وهم اخذني ورحت للمحكمه حتى اتطلك جان ضرغام مبين عليه كلش ضايج بس مايحجي شي
وكفت كدام القاضي واجه حسن وكف جان مدنك وبملابس السجن طلكنه القاضي وباوعلي قبل لايروح بنظره مليانه حقد وراها راح
طلعنه اني وضرغام وادم وصديق ضرغام جانو شهود
صعدت وي ادم ورجعنه سويه للبيت ضرغام طلع وي صديقه مااعرف وين راحو
بالطريق تكلم ادم... الي فات مات مريم تنسي وتبدين بدايه جديده
مريم... ان شاء الله
ادم... ضرغام تعابير وجها ماتبشر بخير وادري الي دايسوي مجامله احس حتى من رادج زواج هم مجامله
مريم... اني اصلا مليت بعد شلون متريد تجي خل تجي
ادم... عفيه بيج
مريم... هو ماحجه شي من الي صار
ادم... لا ماحجه ولا راح أسأله
مريم... برأيك ليش ماحجه
ادم... مااعرف
سكتت لان اساسا مااعرف اي شي من الي دايصير
وصلنه للبيت ومشى يوم اعتيادي
عدت الايام مكالماته صارت شبه معدومه بين يوم والثاني لو يتصل لو مايتصل اني مشيت بكلام ادم مااتصلت عليه كلت حتى لو كنت اريده بس مو معناها انسى نفسي ميصير اذب روحي
صرت اهتم بنفسي والتزمت بعلاجي
صرت بالبيت اتعلم شغلات جديده
صفه حلوه بيه بسرعه اتعلم تعلمت طبخ وي سديم
وقت فراغي جنت اتفرج على محاضره دينيه يوميه العصر لسيد يطلع بالتلفزيون يفسر بالقران ويحجي محاضرات كان اسمه السيد مرتضى القزويني هواي يعلم اشياء حلوه صرت احب استمعله دائما واطبق ادعيه يذكرها او صلاة مستحبه او تسبيح
حتى سديم اننبهت عليه
سديم... صايره تسمعين محاضرات وتصلين
مريم... والله حلو كلامه ارتاحله من يحجي وهم اتعلم ضوجه بيش التهي
سديم... ان شاء الله تسجلين بمحو الاميه مريم وتتعلمين تقرين وتكتبين
مريم... اي والله اريد اتعلم اقرأ واحفظ القران
سديم... تحفظين القرآن
مريم... اي شفت دورات تحفيظ القران شكد حلو وحبيت احفظ مثلهم
سديم... شكو بيها ربي يبارك بيج
مريم... جريت نفس تصحبها امنيات بعيده... تدرين سديم بنفسي اتعلم بنفسي اصير فد شي يساعد الناس او الاطفال المتشرده بالشارع تدرين اني عشت معاناتهم واعرف شلونها عيشتهم
اتمنه اساعد الناس الفقره والايتام والي ماعدهم بيوت يعني اتخيل لو اني مكان رئيس الوزراء
تدرين شسوي
سديم... شتسوين
مريم... افتح معامل واشغل هاي الناس الي متشتغل
واسوي بيوت الهم واسوي الشوارع وهذوله الاطفال الي يجدون بالشارع كلهم اخذهم واساعدهم يعني اشتغل للناس اخلي الناس تعيش بالخير
سديم... كل وزير او رئيس لمن يحب يجي يحب يخدم هاي الناس بس تعرفين شنو الي يخلي ميشتغل
مريم.. شنو هي
سديم... الخيانه
... الخيانه؟
... اي الخيانه... لما هو ينطي أمر بتنفيذ كذا شارع او كذا متنزه او مستشفى او مدرسه ويخصص مبلغ معين للشغل طبعا مو هو الي يخصص هذا الشي يجي بعد ما يحسبون الموازنه ويشوفون الميزانيه ويصوت مجلس النواب وتفاصيل كثيره واسع مجالها لكن حاليا نتكلم عن المبلغ المقرر لخدمه معينه تخدم الصالح العام مثلا المبلغ مقرر 80 مليون
60 مليون يتم سرقته من قبل الجهات المختصه
و20 مليون يشتغلون بيها
لهسبب يامريم تشوفين ان العمل رديء وبطيء
التذمر يوقع على كاهل الجهات التشريعيه لكن الجهات التنفيذيه لازمه الحجج والاعذار
فبالتالي يصير تسيب وغضب شعبي مدمر
مريم... يايابه شنو هااااي
سديم... متشوفينه منتقدم بسبب الطمع
مريم... دااتكلم رن تليفوني
باوعت ضرغام فتحت خط
ضرغام... شلونج
مريم... زينه
ضرغام... اليوم الاهل يجون يمكم
مريم...( باوعت لسديم وتبسمت) ليش
... يشوفوج
...اوك
... اشوفج بالليل باي
... الله وياك
سديم... حيجون اهله؟
مريم.. اي يكلي يشوفوج
... راح يخطبج مريم
... يمه گلبي معقوله
سديم... ليش مو معقوله هو مو طلبج كدامنه
مريم... بس صارله كم يوم متغير عليه
سديم... عوفي براحته
وهسه لازم تتحضرين مريم ماعدنه وقت
... شنو يعني شنو اسوي
... ملابس حلوه تلبسين ومكياج مرتب حلو وهم حروح اسوي كيكه نضيفهم كيك وعصير وفواكه
ارتب الاستقبال اكثر لازم كلشي يكون تمام ومرتب
كومي كومي بسرعه
كمت رحت للغرفه وسديم راحت للمطبخ تسوي الكيك
طلعت فستان بينصل ساده لونه وردي غامق
فليت شعري وسرحته بالمشط والكاويه بقه المكياج كلت بعد صلاة المغرب اخلي
رحت لسديم... شوفي حلو هذا الفستان؟
... اي كلش حلو... ليش ممخليه مكياج
... كلت اصلي واسوي عشاء وبعدين اخلي مكياج
... لا ادم حيجيبلنه عشاء مم بره توضي هسه وخلي ميك اب وبعدين من يأذن صلي
... لا افضل انتظر بعد الصلاة
.. بكيفج
جان قلبي يدك من فرحته مامصدكه
بقيت انتظر لبعد الصلاة وراها توضيت وصليت واجت سديم هي خلتلي المكياج هادئ وبسيط
باوعت لشكلي بالمرايه كلش حلو
مريم... احس المكياج البسيط يلوك على وجهي اكثر
سديم... اي حلو عليج
مريم... جانت لمى تخلي مكياج كلش بارزز بحيث جفوني كلها الوان جريئه والحمره طوخ كلشي طوخ
سديم... ذوق بعد بس هي شغلتكم تتطلب هيج.
مريم... ولا حلو.... هذا حسيته كلش حلو
سديم... بالعافيه حبيبتي
سمعنه صوت ادم بره صاح... ها وينكمممم
تعالو جبت العشاء
لبست عبايه اسلاميه فوك ملابسي وشال وطلعت شافني ادم بااستغراب
اشو هيج لابسه
.... ملابسي كصيفه
... هاااا عبالي حتطلعيلهم هيج
... اتبسمت لا
... خوش... عاد انتي موافقه لا
.. اتبسمت بخجل وسكتت
... باوع لسديم... يله عيني رتبيلنه الصينيه خل نتعشه الناس على جيه
جابت سديم الصينيه وبيها العشاء وكعدنه نتعشه
جان شعوري متقلب لدرجه اكلت شي قليل متلهفه لهذه اللحضات كملنه العشاء وشرب ادم الجاي وترخص وطلع
ادم... اعوفكم براحتكم واي شي تحتاحو خابريني سديم
راح وطلع مرت نصف ساعه تقريبا ندك الجرس راحت سديم فتحت الباب باوعت من الشباك جانت ام ضرغام ومره هم جبيره بالعمر ماعرفتها وياها
ام ضرغام مستنده بالعصا وبهذه المره لان متشوف رحبت بيهم سديم ودخلو للبيت تحديدا بالاستقبال
ام ضرغام... وينها مريم والله ماصدكت من كلي ضرغام عليها
سديم... هسه اصيحها خاله
احت همست يله مريم تريدج امه
مريم.. بهمس... لج مستحيه اطلع
سديم... لويش تستحين باعي جيبي هسه مي وقدميلهم وسلمي اكعدي شويه وبعدها اطلعي جيبي العصير والكيك قدمي وروحي
...اوك
رحت للمطبخ جبت المي واخذته ورحت للاستقبال سلمت عليهم وقدمت مي بالبدايه مثل ماعلمتني سديم
وسلمت على خاله ام ضرغام فتحت ذرعانها اول ماشافتني تهلي بيه
ام ضرغام... هلا... هلا... بمريمه يمه شلونج
مريم... الحمد لله زينه شلونج حجيه
.. انه زينه والله ماصدكت من كلي ضرغام عنج كتلو تاليتك رايد البنيه
يكلي يمه حليوه مثل وجهج
اتبسمت بخجل والي يمها تكلمت
... ماشاء الله تبارك الرحمن والله وعرف يختار ابو علي
مريم.. شكرا خاله... اترخصت منهم وفتت للمطبخ حضرت العصير والكيك انتضرت شويه وبعدها فتت قدمته الهم دااطلع
صاحت ام ضرغام.. بنيتي مريم اذا هنا ابقي لاتطلعين
باوعت لسديم بمعنى ها ابقه اشرت بعيونها بمعنى اي
فتت كعدت وسألت ام ضرغام للمره الي يمها
ها هي هنا لو لا
... اي هنا احجي حجيه
ام ضرغام... يمه انتو اكيد عارفين سبب جيتنه بس راح احجيها لان الاصول اصول
يمه انتي اختها تسمعيني
سديم.. بلي حجيه
ام ضرغام... يمه انه عندي وليدي ضرغام وهالواحد جنت مزوجتو قبل بس حكمة ربج مرتو تمرضت بهذاك المرض وانطتكم عمرها وبقه الوليد بلا مره وبركبتو تلاث جهال يرادلهم حيل انه مابقه بيه حيل يمه شكدرلهم
احنه كلنه نمر بضروف صعبه وممكن منكدر نتخطاها بس بالنهايه الحياة لازم نعيشها حلوه مره هاهيه بعد لازم نعيشها
كتلو يمه اريد ازوجك جان رافض وميقبل والله حتى بنت خالو هذيج البنيه الكحيله فلقه مال كمر مارادها وماقبل يتزوج
جان يحبها لنواره يمه هي شنواره
مااخيرها على مريمه بس نواره هاي العزيزه والله حركتو لگلبي حرك وراحت ربيتها على ايدي وكبرت صارت جنها طيره تخبل من هي وصغيره كلت هاي لضرغام الا ضرغام گلبه هوه بنت جيرانه وحبها
كتلو يمه هاي مو من ثوبنا مانريدها هو ماسمع لحد ما ربج كشفها النه وعافها وانه خطبتلو نواره
صحيح بداية زواجهم ماتفاهمو بس وي السنين والجهال لا صار يحبها وميريد يتزوج بعدها
الا لمن كمت الح عليه علمود الجهال كال يمه
انه رايد مريم
يامريم وليدي
... مريم هاي الي جتي قبل فتره يمنه وراحت
... اي هاي شتعرف عنها متزوجه مو متزوجه
.. لا بنيه مامتزوجه وعايشه وي اختها
... باين حاط عينك عليها من الاول ضرغام وتعرف اخبارها
... يوم هسه تخطبيليها لو لا
... هاهيه اخطبها الك
متحمل لثاني يوم كلي اليوم اوديج يمه وهاي اجيتكم انه وام محمد صديق ضرغام
سديم... تشرفنه
ام ضرغام... ها يوم شنو رأيها العروس
مريم... من سمعت كلمة عروس گلبي صار يدك بسرعه من فرحته متحملت كمت ورحت جوه
تذكرت العروس الي تلبس فستان أبيض بسيارة عرس مره لماجنت بالتقاطع عرفت
من الذاكره ...
وسط الشوارع فاتت سيارات هواي ومقدمة السيارات جانت سياره تزينها ورد ودبدوب كبير
ونشرات لفتت انتباهي هواي وبقيت اباوع لحد ماصارت قريبه عليه وشفت العروس بيها بنيه تلبس فستان ابيض ومغطى وجهها بالقماش الابيض ويمها زوجها لابس بدلة رسميه سوداء
وبعدها راحو وجان مصور يصور وناس طالعه من ابواب السيارات تركص فرحانه بالعرس
بقيت اباوع وحجيتله ليو وكتها كال
... مريم هاي زفه يعني يزفون عرسان
... يعني يتزوجون مو
... اي
... بس شكد حلو فستانها
... اي حلوه الزفه... تتمنين مريم تلبسين مثل فستانها؟
... اي حلو
قاطع ذكرياتي صوت سديم وهي تسلم عليهم حتى يروحون
سديم...فاتت كالت ها مريم شنو رأيج ضرغام واجه خطبج بعد شتردين
مريم... بفرحه... مامصدكه والله مامصدكه سديم
سديم... لا صدكي رب العالمين عوضج حبيبتي
مريم... حروح اخابره
رحت بسرعه واتصلت عليه نطاني رفض
عفته مااتصلت بعد جنت عايشه بفرحتي
ياربي العوض منك واخيرا
تقريبا ساعه اكثر اتصل وفتحت خط مباشرة
... شلونج مريم
.... شنو هاي المفاجأه ضرغام
... هاي مو مفاجأه هاي الي لازم اسويها من زمان
... فرحت حيل توقعت متريدني بعد كل الي صار
... اعرف الي صار مو بيدج لو انتي رايدتها طبعا مااخذج مريم
... شوكت نتزوج
... ضحك بصوت عالي اول مره اسمعه هيج يضحك
كال... مستعجله مريم
... يعني اقصد نعيش سوه
... هانت حبيبي مابقه شي وعيونج
كليلي امي حجت كلشي مو ماضمت شي
... تبسمت وكتله الحجيه الخير والبركه شتحجي عادي
... باجر امرلج انطيج فلوس تشترين كل لوازم العرايس شيشترون انه مااعرف بهاي السوالف
انتي وسديم روحو
... اوك
.... يله تصبحين على خير باجر دوامي لازم انام
... وانت من اهله
... اخابرج الصبح كعدي مو متردين
... اوك
... باي
رحت لسديم وكتلها
... باجر حيجي كال انطيج فلوس واشتري شنو تحتاجي للعرس
... هو كبل جهاز غير تعقدون محكمه يدفعلج مهر شو هيج كبل
... هاااا
ماادري منتبهت
... وهو؟ هاااا شنو ميعرف لو مامتزوج قبل
... اكله؟
... اي اتخابري وتكليله لتجيبلي غير بالاول يدفعلج مهرج
.... ماشي حخابره
... خابري وافتحي سبيكر اريد اشوفه شيكلج
اتصلت عليه وفتح خط
... كولي مريم
... ضرغام اشو انت مباشرة حتجيبلي فلوس اشتري جهاز ولوازم عرس غير بالاول تجيبلي مهر ونعقد محكمه
... سكت لثواني بعدين تكلم...
مريم انه ادفعلج مهرج وكل حقوج بما يرضي الله يمج بس مهر وكعدة زلم لا
زوجتي ماصارلها شي من ماتت مو حلوه بحقي وبحقها
... وعقد المحكمه
... سكت لثواني بعدين تكلم... ملحوك عليها شنو ماعندج ثقه بيه
... طبعا عندي ثقه بيك بس يعني ردت اعرف
... كلشي بوقتو حلو مريم
... اشرتلي سديم بمعنى فلوس مااريد باجر وكتله
فلوس مااريد باجر لاتجيبلي
... ليش
... يعني خليها من تجي ليش الاستعجال
.. براحتج مريم
... ماشي باي
... قبل مااكلج باي اريدج تتأكدين من شغله وحده انو مريم رجال عدها والرجال لايغدر ولايأذي خليج مطمئنه من هذا الشي مريم ومااريد بالج يودي ويجيب انتي غاليه عليه مريم لاتخلين الشيطان يلعب بعقلج
تصبحين على خير مره ثانيه
... وانت بخير
باوعتلي سديم... سالفته مو خاليه وكولي سديم كالت
... كلمتها بنفاذ صبر.. هه ماعاد اهتم يريد يتزوجني فتره ويطلكني عادي مااعتقد اكثر من الي صار بيه سديم
... انتي شلون تقبليها على نفسج
.... وشنو بيدي ىسديم هاااا خلص تقدملي واني وافقت وخلص
... مريم لازم تعرفين ليش ميقبل يعقد محكمه عليج
اذا مايعقد محكمه الزواج هذا مايصير
تشتتنا الطرق وتزرع العواقب لكن كلانا يؤمن بأن القلوب اذا تحابت تلاقت
كنت معكم انا رغد الموالي في امان الله ♥
رواية تل الذهب الفصل الستون 60 - بقلم Raghad Almoualy
تل الذهب
رغد الموالي
ـــــــــــــــــــــــــــــــــــــــــــــــــــــــــــــــ
مريم... كان من المفترض نعقد محكمه لكن هو رفض
ومن يومها سديم تحجي رافضه زواجي منه بدون عقد محكمه
... انتي لازم تكليله مااتزوج اذا مو عقد محكمه
... كافي سديم اني واثقه منه ضرغام مستحيل يخذلني
... لج ضمان لحقج هذا انتي شلون تقبليها
... يعني لو هو راد يطلكني حيعيقه القانون
... لا طبعا بس اقلها تضمنين حقوقج
... خلص هو كال كلشي بوقته حلو
... مراح يعقد عليج تعرفين ليش
... ليش
... لان انتي بنظره وحده اشتغلت بالنوادي لهسبب ميتشرف بيج وتعالي كليلي ليش سكت على موضوع الفيديو وليش ماحجه
... ماادري
... الايام حتكشف كلشي مريم
راحت لبنتها لارين واني صفنت لكلامها جان صحيح نقهرت هواي وبلحضة غضب اتصلت وصيحت
.. انت لللييييييش متقبل تعقددد محكمممممه
... بهدوء... صوتج نصي من تحجين
... بصياح اكثر... ماانصي صوتيييي مااسكت انت متتشرف بيه مووووو لعد ليش خطبتني هااااا
... سكت
... كوللييييي ليش سااااااكتتتتتتت.... قاطعني بصوته نتر... مرييييييم
سكتتت وتكلم بنفس بغضب لكن مو بصياح
... هاي اول واخر مره صوتج ترفعي عليه
مره ثانيه اذا تكرر هالتصرف هذا مريم مايصير خير
... بخنكه... ليش لعد مقبلت تعقد محكمه
... مو وكتها وليش مهتمه للمحكمه هيج مريم شنو ماعندج ثقه بيه
... لا انت ماعندك ثقه بيه
... انه ماعندي ثقه بيج انه لو ماعندي ثقه بيج شلون ادخلج لبيتي واخليج ام لااولادي مريم
... لعد ليش ها كلي ليش
... سكتت دقيقه تقريبا بعدين تكلم
مريم اسمج وي الحجي وجماعتو وزواج منج بهذه الفتره حيسبب ارباك بعدها قضية الحجي مانقفلت انا ابن دوله مريم مو كلشي على هواي لازم اسوي
يحكمني قانون
... يعني شلون ليش اسمي وياهم انت مو كتلي مو وياهم
... افهميني مريم
صحيح انه ماجبت اسمج وياهم بس من قبل اسمج يمهم لما حققو وياج من يومها اسمج يمهم بس انه بعدتج كتلهم مختطفه ومال ايد بكلشي ومو وياهم بعدتج يامريم لتفتحين دفاتر بلكوه سديتها
... يعني لهسبب اجلتها
... اي لهسبب لحد ماتهدأ الامور وتنسي سالفة الحجي ساعتها انه اخذج واعقد عليج
... مو سديم كالت متتزوجين اذا ماتعقدين محكمه
... حقها اختج وتخاف عليج بس انتي كليلها بلي كتلج عليه هسه
... اوك
... خبالاتج هاي بعد مااريد اشوفها مريم مااقبل تكرر
.. صار
... عفيه صيري حبابه وسمعي كلام
.. صار
... عندج بعد شي ثاني
... لا
... يله لعد لازم اقفل الخط انه بالواجب
... الله وياك
رحت لسديم جانت بغرفتها تنيم ب لارين دكيت الباب بهدوء كالت دخلي
مريم... خابرته
... وشكلج
... كال اسمي عند الشرطه وحاليا راح يفتح دفاتر قديمه وهو ميريد هالشي يصير ينتظر تهدأ الامور ويتزوجني بالقانون
... واانتي مقتنعه
... صحيح كلامه سديم انتي متعرفين شنو الي صار تفاصيل هواي انه ماحجيتها الج
... وخالج هاااا شكلج عليه
... ماادري
اني حفتهم ليش انتظر من ضرغام لازم اعرف كلشي مستحيل اخليج تتزوجين على عمى عينج الي صار وي حسن ميتكرر بعد
... اتصلت على خالو
سديم... هلو خالو شلونك
... زين خير متصله
... انت اجيت هذاك اليوم وتبليت على اختي فيدوهاتها منتشره واختي ماشيه بغير طرق شطلع وياك
... مو دازيلي ضابط فاتت يهدد انه اتهدد تالي عمري
... شنو ويا تهديد
.... سمعي سديم لتغشمين نفسج ولو يمكن متدرين هاي اختج كلشي يطلع منها
... شنو خالو شنو الموضوع
... اختج المستوره مصاحبتلي ضابط ودزته عليه جاني للمحل يهدد ويحجي
... شكلك
... راد يعرف منين جبت الفيديو
( مشهد بين الضرغام والخال)
الخال... انت شعليك ومنو انت وتتدخل بمسائل عائليه
ضرغام... كتلك الفيديو منيلك
... ماعليك انت شعليك وتتدخل
طلعلي هويته العسكريه ضابط ويكلي من حقي اعرف انه عبرت عليه بالبدايه
الخال... من ابن اخويه
ضرغام... هو نشر الفيديو
الخال... لا هو مانتشر بس صديقه دزلي الفيديو مال هاي بنت الكلب
ضرغام... يعني الفيديو مامنتشر
... لا... بعدين انت شو وحدك جاي وبملابس مدنيه شنو موضوعك
.... شتحب تعرف
.... يعني مداافتهم انت شلون عرفت وشلون جيت
... ميخصك ومره ثانيه ايدك متمدها على مريم
انه حمشيها كون انت خالها بس مره ثانيه مايصير خير
... دقيقه... دقيقه... انت تهددني...
... شتعتبرها اعتبرها اودعناكم
... عاد اني متحملت صيحت عليه... هيييي اوكف هنااااا خل اعرفك انت منوووو وشنو سالفتك
ضرغام... كتلك محترمك لانك خالها
الخال... حضرتك واحد من التعبانين الي تعرفهم الشيخه مالتنه مووو
ضرغام.... انه تعبان؟ احترم نفسك احسلك طولت خلكي وياك تره
الخال.. بله واذا متطول خلكك شتسوي هاااا شتسوي
.... (فد واحد ميحترم) سحبي من زيك دشداشتي رجعني على الحايط وصار يهدد يكلي
... البوخه الي مثلك مارين عليه هواي لتبقه تحاول تستفزني وتطلعني عن طوري
لو ماخالها هذا وجهك اسوي خريطه
سديم... لعد شلون تكول الفيديو منتشر
... دكسرها لعين اختج الي متنكسر هالصلفه هاي شوفي اختج شعدها بلاوي لمنو تحاجي
... هذا الضابط هو الي ساعدها الي كلمناك عنه شنو نسيته مابينهم شي
... هااااا تذكرته.... اي بله وشمدري بالاستحداثات الجديده
... لان الولد تقدملها واجه خطبها
... شنووووو يتزوجها
... اي رادها على سنة الله ورسوله
... والله لو مااختج طايحة حظ فلا انطيها بس خل ياخذها ويجفينها شرها واحد لايك للثاني
كليلها لااختج احنه متبرين منها ليوم الدين
... براحتكم هو انتو جنتو تعرفوها وكت ماجانت متبهذله
... واحنه ندري وييييين
... خلص الي صار صار مابيها داعي للملامه
... هاهيه يطبها طوب وسده للخط
باوعتلي كالت شفتي شمسوي ضرغام
... شفتي هذاك الكلب مو كتلج هو
... اي هو
.... من يوم الي صار يهددني ويضربني عرفت هو مراح يسكت
سديم.... والله فلااخليله كعده بالبيت بعد لا أأجره وخل يدوح هو بالشوارع
مريم.. محسن اخوه زين هو ليش ماعايش ويا
سديم... وره ماماتت خاله خلود هو صار ميطيق البيت ويشتغل بالنجف يتردد مرات للبيت
مريم... خطيه كلش نقهر عليه بوكتها من اجه
سديم.. اني لخاطر خاله خلود حشتريله بيت هناك وازوجه هو هناك يكول مستقر
... اي خطيه
سديم... وهسه شلون هاهيه على ضرغام
مريم... طبعا اني مستحيل الكه احسن من ضرغام
سديم.. تبسمت... الف مبروك وشايفه كل الخير
شوكت ينزل ضرغام من الدوام
... بعد خمس ايام هانت
... ان شاء الله
خلال هذه الخمس ايام سديم صارت تخليلي خلطات لوجهي واخذتني للصالون يم سميره
سديم... حوديج لصالون جنت اشتغل بي واخلي سمسم تضبطج زين
مريم... اوك
وصلنه ادم بسيارته وادم طول الطريق مابطل كلام
ادم... اي روحي يم سمسم خل تلبخلج زين
هو احنه منين نخاف من الله ومن سميره
سديم... ضحكت... ليش عيني اختي كمر
ادم... اندعيلها للخلطات سديم علينه كاعدات قبل العرس بشهر مادري شكد ترتبن خلطات وصبغ ومشتغل السمكره والصبغ
مريم... يعني غير عروس
ادم.. اي وبعد العرس وتخلفين وجهج وجه سديم يصير
سديم... وشبيه عيني
ادم .. والله ياسديم عبالك اشتغلتيني يم ام عباس اشو جنت اشوفج حلوه
سديم... هو هاي انتو الزلم تشوفون كل النسوان حلوه الا زوجاتكم
ادم.. شنسوي عوق مشاعر وصلنه للصالون
يله وصلنه خلصت كروتكم
مريم... شكرا ادم يوم زواجك
طلع ايده الاثنين من الجامه وباوع للسماء كال ااااامين
سديم... يا ولج ليش هيج
... شو رجلج مصدك
.. دمشي امشي نروووح تأخرنه
فتنه للصالون ورحبت بينه سميره
... هله هله بسديم وينج عينييييي شدعووووه
... والله ملتهين بهاي الدنيا
... لا عيني لااا من لكه احبابه نسى اصحابه
شذكرج بينه
... مريم اختي حتتزوج وكتلها اوديج لسميره تظبطج زين
... هله حبيبتي الف الف مبروووك
... يبارك بيج حبيبتي
... اليوم اطلعج كمر ولو هو انتي بدون كلشي كمر
... ضحكت... تسلمين
ك أي عروس بدت ترتبني تقشير وماسكات وميشت شعري باوعت بالمرايه جان اكو تغيير واضح وحلو حبيته
رجعنه للبيت وجنت فرحانه شعور حلو وبنفس الوقت تغيير واحس بروحي عروس وان هذه الايام مميزه عن البقيه
مرت الخمس ايام وسديم يوميه تعلمني شلون اهتم بنفسي اكثر
سمعي مريم حبيبتي
هسه انتي مقبله على مرحله جديده بحياتج لازم دائما تهتمين بنفسج اكثر وااكثر
اهمال النفس ابد مو حلو
يعني خليج دائما مرتبه لو حتى تكولين اني ماعندي وقت او دااشتغل وره مااكمل شغل اهتم بنفسي لا هالشي غلط
غسل يومي هالشي منتهين منه
دائما متعطره وملابسج مرتبه اكيد احنه كلنه بالبيت نلبس شي مريح اما تراك او دشداشه او نفنوف مو تمام
اكيد
... بس مو معناها ماتلبسين بنطرون وقميص او برموده وتيشيرت واكسسوارات
شعرج لازم دائما مسرح لو حتى مرابطته المهم منظره حلو وريحته طيبه الشعر يامريم مهم جدا تهتمين بي لان الشعر بسرعه يااخذ ريحه مثلا ريحة الطبخ من توكفين تطبخين تجين اول شي شعرج تلكي بي ريحة طبخ هالشي احذري منه دائما خلي قطعة قماش سميكه على شعرج لفيها حول شعرج بحيث متوصله اي ريحة طبخ
وثاني شغله من تكعدين الصبح اغسل وجهي واوكف على المرايه قبل كلشي اخلي مرطب شوية وردي خدود حمره بسيطه لون ينطي جماليه بسيطه مو الوان غامقه ابد مو حلوه من الصبح
كحل بسيط بحيث هيج ضيفي لمسه لوجهج تنطيج جماليه بس سرحي شعرج وروحي سوي ريوك نظفي البيت بعد انتي براحتج
تمام
... تمام
... من ترحين هناك بيتج دائما خلي يدخله هواء
يوميه من تنظفين شلون مااسوي اني افتح الشبابيك والابواب وانظف لو حتى دكولين بارده هسه انتي منتبها عليه اني ادخل تهويه للبيت بس غرفتج اعوفها اخر شي علمود لارين لاتبرد وره ماهويها للغرفه واشغل البنكات ويتجدد الهواء ارجع ادفي للبيت وارجع لارين بغرفتنه انتي نفس الشي سوي حبيبتي هالشي يجنبكم من هواي امراض يطرد الطاقه السلبيه من البيت
فراشكم كل اسبوع لازم تشمسي ابد ابد لاتهملين هالشي مريم وجوه المخاد بالاسبوع مرتين تنغسل
مناشفكم بين غسله وغسله تنغسل دائما خليها ريحتها طيبه
النظافه يامريم مهمه بالحياة وانتي اعرفج نظيفه بس مقبله على حياة وعائله جبيره لازم تنتبهيلها
.. اني تعلمت هواي شغلات من اجيت يمج
ولمن جنت بتل الذهب جانت ماما بدريه تعلمني هواي شغلات هم وتعلمت منها
.... لهسبب ياحبيبتي اريدج تتعلمين وتعرفين كلشي حتى زوجج يحبج اكثر
... اتبسمت بفرحه... مامصدكه حتزوجه احس حلم
... لا حقيقه واجمل حقيقه
... سديم اني هواي احبه احسه امان لقلبي مو بس احبه
... هو احنه كلنه لمن نحب نحس بالامان وي الي نحبه بس مو كلش شخص يستحق الحب والثقه
اكو للاسف شباب لمن يشوفون بنت تحبهم يبدون يتسغلوها تأكدي يامريم من شغله وخليها بالج للزمن
الحب الي تصير بي حرام وماترضي رب العالمين نهايته مترضيج ابداا
هذه قاعده يامريم
جانت خاله خلود الله يرحمها تعلمني
علمتني هواي شغلات نفعتني بحياتي
علمتني شلون اكون عفيفة نفس وان اكون مكتمله بنجاحي بتعبي على نفسي مو ان الكه نجاحي باارتباطي بعلاقات محرمه الله نهانه عنها
مريم... هو ليش رب العالمين نهانه عنها يعني شكو بيها
سديم... لان اي مره ورجل بينهم مشاعر ويختلون يكون ثالثهم الشيطان لهسبب حرم الله العلاقات صدكيني اني لو ماضرغام ماضيج ويا مااخلي يحجي وياج كلمه بس انتو عابرين مرحلة التعارف انتي جنتي عايشه ويا
مريم.. بس ولامره تصرف وياي تصرف مو حلو
سديم.. ضرغام متربي صح وخاف الله بيج ورجولته ماسمحتله يستغلج مريم والا انتي جنتي بين ايديه وماتعرفين حلال وحرام ولااهلج ولااصلج ولافصلج واحد ثاني بمكانه يستغلج ويعبر ذاك الصوب بس هو ماسواها وكفو منه
مريم... جان يكلي مريم مااريد اسوي شي يخليج تكرهيني بعدين
سديم... الرجال قليلين مريم تصدكين حتى ادم مو مثله ادم قبل لايتزوجني حاول يعتدي عليه بس مانطيته مجال ابدد
مريم... خاله خلود وراج وتنطي مجال
سديم... الله يرحمها برحمته الواسعه
جانت مثل معلم اليه
جانت دوم تعلمني سديم لاتضحكين بشارع
سديم عينج بالكاع من تمشين
سديم احد يعاكسج بالشارع لاتضحكين ولاتردين امشي وكأنه ماسمعتي شي
سديم حجابج سديم شعرج لايطلع رب العالمين يحاسبج بالاخره كل شعرايه تنگلب ثعبان سديم ملابسج لاتصير ضيقه فينطبق عليج قول الرسول ص... كاسيات عاريات
لاتطلعين بدون ماتلبسين جواريب كعب رجلج حرام يبين تعتبرين زانيه
خليج مجهوله بالارض معروفه بالسماء
جانت خاله خلود اكثر وقت عبادتها بالليل كان الشغل كله عليها طول النهار تشتغل وبالليل تكعدتصلي وتسبح وتقرأ القران
اكلها خاله تعبانه المفروض ترتاحين بهذا الليل
تكلي ياسديم ورب العباد يياوعلنه كلنه نايمين وماكو احد يسجد ويسبح بهذا الليل اوقات استجابة الدعاء بهذا الوقت مااضيعها ابد
مريم.. هنيالها
سديم... الله يرحمها عاشت طيبة نفس وماتت طيبة نفس والحمد لله على كل حال
... مريم.. الحمد لله
يومين مرت اتصل ضرغام
شلونج مريم
... زينه... شلونك شوكت تنزل
.. انه بالباب اشتاقيتلج واجيت اشوفج
... صدك... جايه
... رحت بسرعه فتحت الباب جانت الدنيا ليل وتقريبا الوقت متأخر
حجيت بصوت ناصي
هاي شجابك هسه
... اجيت اشوفج شنو ماكو تفضل
بيت اختي نايمين وبس اني كاعده شلون ادخلك للبيت
... هم صحيح... شنو هاي شعرج شمسويه
... حلو؟
... اي حلو لايگ عليج
... كالت سديم انتي عروس ولازم تميشين
... اي كل العرايس هيج
حضري نفسج هذا الاسبوع اخذج سوي الي بنفسج عرس عزمي صديقاتج ماعندي مشكله بس انه عرس تره مااسوي يعني اجي انه واهلي اخذج و نروح
... مثل متحب
... هاي فلوس اخذيها وروحي انتي وسديم شيعجبج اشتري بالنسبه للذهب انه وياج نروح من صديقي اخذلج
... اوك
... يله ررايح انه وروحي نامي انتي لاتبقين كاعده
... اوك
راح وباليوم الثاني كتلها لسديم واخذتها ورحنه للسوك
جهزت كلشي احتاجه ملابس وعطور هالمره اني اختاريت بكل شغف وحب وفرحانه
حتى سديم انتبهت عليه
... هيج الزواج عن حب حلو
... شحجيلجججج سديم مامصدكه والله
... حبيبتي الله يسعدج
... احس طايره سديم احس الدنيا صارت تضحكلي
تدرين فرررق جبير لمن ردت اتزوج حسن ولمن حتزوج ضرغام
يعني بيوم حسن شفتيني شلون ضايجه ومالي علاقه بكلشي
... الحمد لله الي رب العالمين جعله من نصيبج
... الحمد لله....
ثاني يوم اخذني ضرغام ورحنه اشترينه الذهب
واختارينه غرفة العرس وفراش جديد كلشي اشتراه جديد رغم بيته اثاثه هم جديد وغرفة نومه جديده لكن ماقبل اشترالي كلشي جديد اجرت فستان الزفاف كان اسبوع يمر بسرعه كلشي سريع كضيتها بين السوك والبيت
سديم... مريم حبيبتي حنه ليش متسوين تبقه بنفسج
مريم... لا عادي مو مهم
سديم.. كل بنيه يعجبها تفرح بهذا اليوم
مريم... فرحتي هو مو مهم اي شي ثاني
سديم... هم صحيح وحتى لو نسوي عرس منو نعزم خوالج يله زفه وياخذج افضل
.... مو صح هم هيج افضل
يوم زفافي حسيته يوم مميز وحسيت الناس كلها فرحانه مثلي اخذنه ادم اني وسديم للصالون وسويت شعري هناك ولبست فستان الزفاف ومكياج خليت لما وكفت كدام المرايا وباوعت لنفسي حسيت وحده غير وحده ثانيه
سديم غطت وجهي وتحجبت بحجاب العرايس ورجعنه للبيت كانت حفله بسيطه سميره وتبارك وكم وحده من الجيران تقريبا ساعتين مرت دخلت سديم كالت اجه السيد وحيعقد رجاءا هدوووء وسدو الباب
بهذه الاثناء دخلت ام ضرغام ونسوان وياها وصارو يهلهلون سدو الباب وكعدت اني وره الباب
صرت اسمع السيد وهو يعقدلنه اصوات زلم بره هم بس مبينين مو هواي
جان يتكلم السيد ومو كل الكلام حفظته لكن دك الباب وكال يامريم هل تقبلين الزواج بالشاب ضرغام على مهر قدره 10 مليون مقدم و20 مليون مؤخر فإذا قبلتي فقولي نعم انت وليّ على العقد
تفاجأت بالمهر وسديم كالت عفيه ضرغام مشتري اختي طلع
كال السيد نفس الكلام تلاث مرات بعدها جاوبت نعم انت وليّ على العقد
بعدها صار يكلم ضرغام وراها كال مبروك
والنسوان صارت تهلهل
هوسة معازيم وعرس صارت خلال هذه الدقائق شويه ودخل ضرغام باوعتله بالقاط الاسود كلش مرتب وحلو طالع عليه خجلت اول ماشفته دنكت
اجه وكف يمي صارو يهوسوله ويصفكوله وبدلنه الحلقات اني لبستها اله بيده اليسره وهو لبسها الي بإيدي اليسره كان مبتسم
بعدها رجعو غطو وجهي ولبست حجاب مسك ايدي واخذني صعدني بالسياره واني صعدت يمه
واولاده وامه بسيارة صديقه وام صديقه وياهم
رجعو هم ويانه
ضرغام طول الطريق فرحان وعلك اغاني اعراس
وكل شويه يتلاكه هو وصديقه بالسياره ويحجون كلام ماافهمه مثل شفرات بينهم
وصلنه البيت وااخيرا ودخلت لغرفتي لما باوعتلها جانت تجنن حرفيا
دخلني ضرغام للغرفه وطلع بسرعه مااعرف وين راح
وكفت اباوعلها للغرفه جانت مرتبه كلش
كعدت ومرتبكه مااعرف شسوي
كلش فرحانه
بيني وبين نفسي صرت اتكلم...
الحمد لله ياربي ان جعلته من نصيبي
يارب اكون سعيده ويا وهو هم يكون سعيد ويايه
بهذه الاثناء دخل ضرغام وابتسم لما شافني مره ثانيه
كمت وكفت وهو وكف كبالي همس
... اخيرا يامريم
... خانتني العبره هنا بجيت وضميته وهو حوطني بيده همس
ليش البجي مريم
لحد هاي اللحضه مدااصدك احسه حلم
... لا حقيقه هاي وهاي انه هسه زوجج ومنا وجاي گبال عيوني
وخرت عنه وصرت امسح بدموعي باوعلي اتبسم اكثر
شكلج وانتي تبجين ومخليه مكياج عبالك وحده زافيها فصليه
.... فصليه شنو
... يعني مجبوره هيج شي
... مجبوره شنو هو اني مامصدكه هاي دموع فرح
... لهدرجه هاي جنتي تتمنين نتزوج
... انت شتكول
... اعرفج تحبيني بس مامتوقع لهدرجه
... احبك اني هواي ضرغام
... وإني أخترتكِ زوجةً لي
ورفيقة دربي وأما لإطفالي
طبيبي حين أمرض
ودوائي حينما أتألم
ومعلمتي حينما أخطأ
وسيدتي حينما تطلب
جميلة هي
رقيقة هي
هادئه شفافه رقيقه
برقة الورد واجمل من الورد
بعذوبة العسل واحلى من العسل
بجمال القمر واحلى من القمر
بجمال الشمس بعد ليلة باردة قاسيه
بعذوبة ريح الصبا في بدايه الفجر
جميلة أنتي جميلة بجمال السماء
جميلة انتي يامريمي....
... اتبسمت خجل
... هاي كتبتها الج هو مو شعر بس هيج احساسي تجاهج وصفتو بهذا الكلام
.. حلو كلش حيل حبيته
... بعد مااريد هاي عيونج الحلوات يبجن مريم
اريد اشوفج دوم تضحكين
... هزيت براسي بمعنى اي
تبسم بتعب مسح على راسي ووحوطني بيده
من زمان جنت اتمنه هيج احوطج بيدي بدون تأنيب ضمير مريم الحمد لله صرتي حلالي........
- أهواكَ وأهيمُ بهواكَ .
- لك قلبي فقل لي ، أكفّاكَ؟
- جميلُ الخَلقِ سُبحان من سوّاكَ .
- والحياةُ لا حياةَ سِواكَ .
كنت معكم انا رغد الموالي في امان الله ♥