تحميل رواية «توبه» PDF

في نص الطريق كانت عربيه عم إبراهيم عطلت ب توبه و مها

مها : اي ده في اي يا توبه

توبه : مش عارف خليكي في العربيه انزل اشوف في اي

مها : يعني هيا جايه في المنطقة المقطوعه دي وتعمل معانا كده

توبه : متخافيش يابت منا معاكي هو أنا سبتك و مشيت

مها: طب انزل

توبه : ( الله يحرقك ياعم إبراهيم الجو تلج وفتح العربية يشوف العطل فين تأخر أكثر من نص ساعة ولم يجد العطل )

مها : توبه يا توبه رد عليا أنا خايفه

توبه : لا لسه الخوف كله جاي

مها: في اي تاني

توبه : مش عارف كل حاجه تمام بس العربية مش عايزه تمشي

مها : يمكن علشان مش دايره

توبه : يا حبيبتي ما العربية كانت على الطريق اذاي مش دايره الله يهديكي

مها : بتكلم مين

توبه : بكلم عم إبراهيم يمكن يكون عارف العيب فين

مها : هيا عربيه كهنه أصلا يا توبه أنا أول مره اشوف عربيه بالشكل ده

توبه : علشان جاهله اقولك اي

توبه : ألو

ابراهيم: اي يا توبه رجعت

توبه : رجعت اي بس ياعم إبراهيم العربية عطلانه ومش عارف أتحرك بيها

ابراهيم: في سلكه تحت المفتاح واخد بالك منها

توبه : اه اهي

ابراهيم: لمس السلكه في التانيه هتدور معاك

توبه : اه تمام تسلم يا عم ابراهيم

ابراهيم: انت فين كده يا توبه صحيح

توبه : ربنا يخليك في حالك يا عم ابراهيم

ابراهيم: شوف الواد ياض يا ما تقول

توبه : لما اجيلك سلام

ابراهيم: سلام

مها : صحيح كل واحد عارف حاجته كويس

توبه: اه طبعا يابنتي علشان كده اتصلت بيه

مها : فك وشك بقا من ساعه ما خرجت من عند بابا وانت قالب وشك

توبه : كلام أبوكي تقيل على قلبي بصراحه يا مها

مها: لا ياتوبه والله ازعل منك

توبه : يعني طردنا من البيت وقل من كرامه اهلي وعمل معايا اللي عمله وجاي الوقتي عايز نروح نقعد في البيت عنده هو فاكرني متجوزك علشان فلوسه وطول ما هو شايفني كده عمرنا ما هنتفق أنا وهو

مها : ياحبيبي اهدا أنا معاك صح ولا غلط

توبه : يا حبيبتي انا عارف انك مش ضدي بس انتي شايفه اني غلطان

مها : أنا قولتلك قبل كده من أول يوم جواز ما بنا كرامتك من كرامتي حصل مني

توبه : حصل

مها : من يوم ما دخلت بيتك سمعت بس مجرد سمع اني خدت حاجه من بابا

توبه : لا

مها : يبقا سيبك من اي كلام تسمعه أنا معاك في اي اختيار تختاره عايز تعيش في بيتنا مع شفيقه زاي ما احنا موفقه عايز نعيش مع بابا موافقة اهم حاجه تكون مرتاح ومبسوط

توبه : خلاص ماشي يا مها وانا مش هتكلم تاني

مها : أصل عارف تزعل وتقلب وشك امتا لما اقولك تعالي نقعد مع بابا إنما أنا بقولك أنا معاك يا توبه

توبه : ما تيجي اقولك حاجه في بوقك المقطقط ده ( وبيضحك)

مها : احنا في الشارع يا استاذ

في اليوم التالي بعد نزول توبه إلي العمل

محمد بيه: آلو

مها: عامل اي يا حبيبي

محمد بيه: تمام انتي عامله اي

مها : تمام الحمد لله يا حبيبتي

محمد بيه: عملتي اي مع جوزك

مها : في اي

محمد بيه: وافق يرجع

مها : رافض والله يا بابا خالص

محمد بيه: يعني اي رافض أنا عايز افهم

مها : سيبه براحته يا بابا علشان خاطري

محمد بيه: لا أنا امبارح قولت ماشي إنما هو راكب دماغه وعايز يعمل راجل عليا

مها : اي بس يعمل راجل دي يا بابا هو حد قال لحضرتك أن جوزي عيل

محمد بيه: والله واي كمان علمك اي تاني يا مها

مها : علمني اي مالك يا بابا في اي بس هو أنا يا أسيب حضرتك تقول على جوزي كلام مش فيه يا أبقا وحشه

محمد بيه: سيبي الزباله اللي انتي قاعده فيها دي وتعالي خلينا اخدك عند الدكتور اطمأن عليكى

مها : يابابا زباله اي ودكتور اي أنا امبارح كنت عند الدكتور وغير كده بعد اذن حضرتك أنا مش عايشه مع زباله ولا في زباله ليه بتقول كده الناس دي حطاني فوق رأسهم مينفعش أقبل الكلام ده ابدا

محمد بيه: يبقا خلي جوزك يسمع كلامي بدال ما وكتاب الله يا مها أوريله وش يحزن على نفسه منه

مها : يعني اي يا بابا هتعمل اي مع توبه

محمد بيه: معرفش بس أنا سبتك وقولت بكره تعقل وترجع بيتها وكنت سايبك تشيلي نتيجه اختيارك إنما الوقتي في طفل حفيد محمد الشبرويشي مينفعش يعيش في منطقة شبه اللي انتوا فيها دي

مها : بابا علشان خاطري بلاش تهدد توبه صدقني والله ما هيقلق ولا هيخاف والموضوع هيكبر و ممكن اخسر جوزي وانا بحبه وبحب حضرتك بلاش تبقا مصدر الضغط عليا علشان خاطري أنا مقدرش اخسر حد منكم علشان خاطري بلاش

محمد بيه : يبقا عقلي جوزك سلام

مها : ألو الو

في جانب آخر

توبه : بس كده يا سيدي

ابراهيم: طب ما تروح تعيش عنده انت غريب اوي يا اخي المفروض تمسك في الفرصه بأيدك و سنانك

توبه : فرصه اي يا عم ابراهيم أنا بحب مراتي مش بحب فلوس مراتي في فرق

ابراهيم: يابني تاخد نصيحه مني

توبه : قول

ابراهيم: بلاش تقف قصاد راجل زاي ده احنا مش حمل الناس دي ومهما كانت بنته بتحبك عمرها ما هتقف معاك قصاد ابوها مشي حالك حالك يمشي يا توبه

توبه : خليها على الله ياعم إبراهيم السيراميك ده عايزه فين

ابراهيم: اركنه كله في الاوضه دي

توبه : تحت امرك يا كبير

بعد انتهاء العمل ورجوع توبه إلي المنزل

شفيقه: لالالا خليكي انتي قاعده أنا كده كده هعمل كل حاجه

مها : لا كده كتير يا ماما

اميره : بلا كتير أنا كده كده هقف مكانك معاها خليكي انتي قاعده

وفجأة قطع النور

توبه : اهو ولا انتي ولا غيرك اقعدوا اقعدوا

وفجأة رجع النور

اميره : مش مكتوب علينا الراحة قومي يا شفيقه قومي

مها : اي ده

توبه : في اي صرصار ولا اي

مها : الحقي يا اميره الجهاز بتاعك

اميره : اي ده ( وبدأت تظهر ملامح الفرحة على اميره و مها )

توبه : طب في اي طيب حد يطمني لقينا آثار ولا اي

اميره : الجهاز بتاعي اشتغل

توبه : جهاز اي ده

اميره : النور لسه قاطع بره في الشارع اهو

توبه : ( قام فتح الشباك ) اه فعلاً المنطقة كلها ضلمه

اميره: بكره نروح نعمل براءة اختراع مليش في خليتكم قاعدين في النور اهو

توبه : طب اي الافاده من اخترعك ده منا ممكن اجيب كشاف بدل الهري اللي انتي عامله ده

مها : استني يا مها أنا هفهم توبه

توبه: قولي

مها : الجهاز اللي انت شايفه ده ممكن يشغل النور للمنطقة كلها مش للبيت بس وكمان بيشتغل بالطاقه الشمسيه يعني لو الجهاز ده خد طاقه شمسيه وحد وصل الجهاز على محطه كهرباء الشارع كله يشتغل و ببلاش ومن غير ما تدفع فلوس كهرباء كمان

توبه : أنا اختي عملت كل ده

اميره : تخيل

توبه : اسمعي وفري عليا كهربه كل شهر اللي بدفع فيها دم قلبي وقفلي على موضوع اختراعك ده بدال ما حد يشم خبر و يمنعوا عن بيتنا الشمس و ليكي عندي ١٥٠ جنيه كل شهر

مها : ١٥٠ جنيه كل شهر اي يا توبه دي ممكن تاخد عقد رعاية من أكبر الشركات في مصر وتبقى مديره المشروع انت متخيل ممكن توصل لحد فين

توبه : لأ

مها : يا حبيبي دا أقل عقد رعاية ممكن يوصل ل اختك يتخطى ١٠٠ مليون جنيه

مع طلوع النهار

توبه : البيت كله يجمع هنا حالا

شفيقه: مش العاده صاحي بدري يعني

توبه : بتقولك ١٠٠ مليون جنيه ياما هيا فين ل تكون خدت الاختراع وراحت من غيري

اميره : لا طبعا هو أنا أقدر اروح من غيرك يا توبه

مها : ربنا معاكي يارب يا حبيبتي

اميره : لولا انك حامل والله ما كنت روحت من غيرك ابدا

توبه : ياله بينا ولما نرجع نشوف القصه دي

اميره : ياله بينا

بعد نزول توبه و مها

مها : ألو

محمد بيه: عامله اي يا حبيبتي

مها : الحمد لله تمام

محمد بيه: مش العاده يعني تتصلي بدري كده

مها : علشان أنا عندي خبر حلو جدا وممكن يغير رايك في حاجات كتير

محمد بيه : خير

مها : أن شاء الله مها خلصت الاختراع بتاعها اللي كنت كلمتك عنه قبل كده

محمد بيه: اه فاكر

مها : والله والله يا بابا توبه ولا اميره يعرفوا حاجه عن المكالمه دي علشان بس حضرتك متقولش أن حد قالي اقولك كده

محمد بيه: مها قولي عايزه اي

مها : عايزه حضرتك تعمل مكالمه بسيطه جدا جدا لاي حد معرفه في الهيئه علشان حد يهتم مش اكتر إنما والله اميره عامله اختراع مهم جدا وشاطره اوي كمان

محمد بيه: بس كده دا من عيوني هما رايحين امتا

مها : هما في الطريق الوقتي

محمد بيه: طب اقفلي بقا خليني ألحق اتصل علي الناس

مها : ربنا يخليك ليا يارب يا حبيبي

محمد بيه: سلام

مها : سلام

في جانب آخر كان توبه على مقربه من هيئة العلماء

محمد بيه: حسين بيه

حسين بيه: ياه عاش من سمع صوتك يا محمد بيه

محمد بيه: والله مشاغل يا حبيبي معلش

حسين بيه: أومرني يا محمد بيه اكيد في حاجه عند حضرتك

محمد بيه: اه والله كان في بنت جايه الهيئه عندكم اسمها اميره كده وليها اخ اسمه توبه معاهم اختراع كهربائي

حسين بيه: يا سلام دا احنا عنينا لحضرتك اعتبر الموضوع انتهى والاختراع مقبول

محمد بيه: لالالا انت فهمتني غلط

حسين بيه: أما اي

محمد بيه: هقولك

في جانب آخر

السكرتير: حضرتك اتفضل اقعد عشر دقائق وتدخل

توبه : شكرا اقعدي يا اميره عبال ما يقول ندخل

اميره : مرعوبه اوي

توبه : مرعوبه من اي والله اتقبل تمام محصلش نصيب يبقا عملتي اللي عليكي هو احنا يعني كنا خلاص يا اميره

اميره : بس انت عشمت اوي في الموضوع

حسين بيه: ( على مكتب السكرتير خد ورقه اسامي الناس شاف اسم اميره ) فين اميره دي

السكرتير: اهم

حسين بيه: انتي اميره

توبه : اه يا فندم

حسين بيه: تعالوا على مكتبي

توبه : قومي يا اميره تعالي ندخل

اميره : حاضر

توبه : اهدي شويه حتى لو مفيش نصيب كده كده مش فارقه

حسين بيه: اتفضلوا

توبه : تسلم

حسين بيه: قوليلي يا اميره فكرتك اي

اميره : ( بدأت تحكي عن الاختراع ب أستفاضه )

حسين بيه: ممتاز ممكن نعمل تجربه

اميره : اه طبعا

حسين بيه: اتفضلي أبتدي

بدأت اميره بمساعدة توبه في تحضير وتشغيل الاختراع وفعلاً كان كل شيء ممتاز وفعلاً اشتغل الجهاز

حسين بيه: مش معقول بعد اذنك اشوف بنفس

اميره : اتفضل

حسين بيه: اي الجمال ده معقول في دقه كده

توبه : في طب حضرتك فهمنا

حسين بيه: بعد اذنكم ثانيه محدش منكم يمشي خليكم

توبه : انتي سارقه البتاع ده ولا اي يخربيتك

اميره : سارقه اي والله ابدا ده بتاعي

توبه : أما الراجل وشه اتغير ليه

في جانب آخر

حسين بيه: ألو

محمد بيه: عملت اي

حسين بيه: يامحمد بيه مينفعش اقول لا صدقني البنت عامله مشروع موفر طاقه رهيب أنا في مجال العلم بقالي ٤٠ سنه معداش عليا فكره ذاي كده

محمد بيه: وعلشان خاطري يا حسين بيه

حسين بيه: مش عارف اقولك اي حطتني في موقف بجد صعب اوي يعني أنا مش عارف انام ازاي وبنت موهبه زاي دي تنام مقهوره بسبب اختراع شقيت عليه زمن من عمرها وأنا عارف انها فعلاً موهبه يا محمد بيه عارف لو فشله وجت بمشروع فاشل وطلبت مني اقبل كنت هقبل كده كده الاختراع بيتم مناقشته مره تانيه وهو وحده إنما دا اختراع مهم جدا جدا جدا

محمد بيه: خلاص يا حسين بيه اللي تشوفه بعد اذنك سلام

حسين بيه: يا محمد بيه اهدا بس الو الو

حسين بيه: استغفر الله العظيم اعمل بس الوقتي (وفتح باب مكتبه ودخل )

توبه : خير يا بيه

حسين بيه: اقعدي يا اميره

اميره : أنا قلقانه هو في حاجه غلط أنا عملتها

حسين بيه: حاجه غلط اي بس دا احلي اختراع شوفته طول عمري انا متخيلتش يوم أن شاب مصري يفكر الفكر ده

اميره : شكرا يا دكتور

حسين بيه: ( بزعل شديد) انتي شغاله على الإختراع ده بقالك أد اي يا اميره

اميره : بقالي سبع سنين بس بصراحه القطعه اللي كانت نقصاني دي جت من امريكا زوجه اخويا جابتلي القطعه دي هديا

حسين بيه: امريكا نفسها مقدرتش تطور القطعه دي اكتر من ما وصلت ليكي ماشاء الله عليكي

توبه : أنا ملاحظ أن حضرتك زعلان في حاجه يا دكتور

حسين بيه: خد الكرت ده

توبه : اي ده

حسين بيه: دي شركه اجنبيه مهتما جدا بتطوير الطاقة المشروع بتاع اختك حلم دول كتير اسعى ورا حلم اختك اختك موهبه بجد

توبه : طب ليه حضرتك عملت كده أنا ليه اروح اخدم بره بلدي طالما بلدي أوله من اي حد احنا مش طماعين في فلوس هبل يعني احنا ناس بسيطة جدا جدا جدا بس أنا حتى لو مش هاخد فلوس أنا اهم حاجه عندي اختي تاخد حقها من الاحترام والتقدير في بلدها

حسين بيه: والله ما لاقي كلام اقوله بس أنا في موقف محرج لابعد الحدود وعلشان ضميري يرتاح نوعاً ما حبيت اساعد معاك اني اديك الكارت ده الكارت اللي معاك ده يساوي ملايين بس أنا عملت كده لان حرام اختك ترجع البيت ومعاها الاختراع ده

توبه : مش فاهم حاجه

حسين بيه: مقدرش اقولك اكتر من كده من فضلك من فضلك ارفع عني الحرج وخد اختك من هنا حالا على الشركه اللي عنوانها عندك في الكرت وأنا هتصل ب واحد صديقي هناك يقابلك والمشروع بتاع اختك ياخد حق الرعاية بس علشان خاطري كل حاجه حصلت النهارده سر ما بيني وبينك صدقني والله غصب عني

توبه: هو أنا مش فاهم حاجه بس تمام ياله يا اميره

حسين بيه: اميره أنا في سن والدك بالله عليكي سامحيني

اميره : أنا مش فاهمه حاجه بس انا محبطه جدا ( وبدأت تبكي )

حسين بيه: والله ابدا يا حبيبتي ربنا يكرمني وأشوف بنتي دكتوره كبيرة زايك كده والله يا اميره انتي مش جايه ب اختراع انتي جايه ب اكتشاف علشان خاطري اوعي تسيب اختك ترجع البيت النهارده ومعاها الاختراع ده اسمع كلامي أنا هتصل على الناس حالا

توبه : اميره ياله واللي ربنا عايزه هيكون احنا رايحين ننفذ أمر الله فينا امشي معايا

أميره: ونعمه بالله شكرا يا دكتور حسين علي نصيحه حضرتك وشهادة حضرتك الغاليه اوي فيا دي

حسين بيه: بالتوفيق يا حبيبتي

وخرج توبه واميره من المكتب الي فرع الشركه الأخري

في جانب آخر

حسين بيه: ألو

محمد بيه: خلاص يا حسين بيه مفيش حاجه والله بس أنا كنت عشمان في اخويا يعني

حسين بيه: خلاص يا محمد بيه رفضت الاختراع

محمد بيه: ايوه كده يسلم لسانك هيا كانت ناقصه شويه ناس زباله تعمل علينا بني أدمين

حسين بيه: ليه بس كده في اي هما عملوا مع حضرتك اي لكل ده

محمد بيه: بعدين بعدين معلش مضطر اقفل الوقتي يا حسين بيه وهكلم حضرتك تاني

حسين بيه: تمام ماشي سلام

محمد بيه: سلام

محمد بيه: ( وحيات امك ل اخلي مصر اوضه متر في متر عليك يا توبه ) ألو

مها : ها عملت اي يا بابا

محمد بيه: للأسف كلمت الناس متأخر كانت رفضت الاختراع

مها : ينهار ليه كده بس

محمد بيه: اهو اللي حصل بقا معلش يا حبيبتي

مها : طب اقفل اكلم توبه طيب و ارجع اكلم حضرتك تاني

محمد بيه: اه ماشي سلام

مها. : ( بدأت ترن على توبه )

اميره ؛ مها بتتصل

توبه : لا بلاش تردي علشان لو عرفت اللي حصل وقالت ل شفيقه هتزعل عليكي وعلى مجهودك أنا والله يا اميره ما فارق معايا جنيه واحد أنا كل اللي عايزه الوقتي اشوفك مبسوطه

اميره : ربنا يخليك ليا يا توبه والله يا حبيبي انا مبسوطه كفايه انك جمبي

توبه : تفتكري الدكتور ده كلم الناس فعلاً

اميره: مش عارفه بس الدكتور حسين ده حد من الناس المحترمه جدا جدا جدا انا اعرفه كويس

توبه : اهو احنا وصلنا وهنشوف كل حاجه ياله نطلع

اميره : ياله

في جانب آخر

محمد بيه: عملتي اي

مها : مش عايز يرد

محمد بيه: لو رايح مكان تاني قوليلي الحق اكلم الناس تقبل منه الزفت اللي وجع دماغنا بي ده

مها : مش وقته يا بابا والله اميره تعبانه اوي عليا

محمد بيه: على اي هيا كانت من باقي عائلتك

مها : دي اختي والله يا بابا دي بتحبني اوي

محمد بيه: اختك بقا الزباله دي اختك الناس دي كلها بتحبك علشان فلوسك يا هبله انتي مش فاهمه حاجه حتت عبيطه

مها : بابا من فضلك من فضلك خلاص سلام سلام

محمد بيه: هو كلام الحق طول عمره بيوجع سلام

في جانب آخر

السكرتير : انتي اميره مش كده

اميره: هو حضرتك تعرفني

السكرتير: تعالي دا دكتور حسين اتصل على مندوب الشركه وصاحب الشركة نفسه مليون مره لحد الوقتي لدرجه ان في اجتماع هيئة كامل منتظر انك تيجي تعالوا معايا بسرعه

وخد السكرتير اميره وتوبه الي قاعه الاجتماعات

السكرتير: مستر جون اميره جت

المترجم : خليها تبدأ حالا

توبه : شغلي يا اميره متقلقيش من حاجه

اميره : طب مش هنعمل مناقشه عن المشروع

المترجم: دكتور حسين اتكلم بأستفاضه عن مشروعك احنا بس عايزين نتأكد اللي قاله ده حقيقي ولا في مبالغه رغم أننا واثقين جدا جدا جدا من دكتور حسين

اميره : تمام ( وبدأت بمساعدة توبه في تشغيل الجهاز ومن اكتر اعجاب صاحب الشركه ب الاختراع قام وقف سقف ل اميره هو وكل الحضور في قاعه الاجتماعات)

اميره : ( وقفه مش مصدقه اللي بيحصل)

المترجم بعد حديث طويل مع صاحب الشركه: تعالي معايا من فضلك انت و اميره

توبه : اجيب الجهاز

المترجم: لا خلاص سيبه

توبه : حاضر تعالى

بعد الخروج من القاعه دخل توبه والمترجم وبعض رجال الأعمال الي غرفه مغلقه

السكرتير: اسمك اي

توبه : توبه

السكرتير: خد كلم دكتور حسين عايز يكلمك

توبه: ألو

دكتور حسين: مبروك عليكم والف الف مليون مبروك ل اميره اسمع يا توبه الكلام اللي هقوله ده ومن غير ما تعيد ورايا الحديث

توبه : تمام

دكتور حسين: الوقتي هيطلع شيك قصادك أتفاوض مع الناس على أعلى سعر الاختراع اللي مع اختك لو في ايدي وبتاعي كنت طلبت ٢٠٠ مليون جنيه سيوله تحت أيدي ومعاهم عقد عمل ١٠ سنين كل سنه ٥٠ مليون جنيه واكون أنا المالك للحقوق الفكرية فهمت يا توبه

توبه : أنا مش عارف اقولك اي

دكتور حسين: رقمي تخرج تخده من نفس الولد اللي بكلمك على تليفونه ده وتكلمني اتفقنا

توبه : اتفقنا

وقفل الخط ورجع تانى اتكلم مع رجال الأعمال وقال توبه فعلاً كل البنود اللي قاله عليها دكتور حسين

عادل بيه : بس دا مش كتير يا استاذ توبه

توبه : لا والله مش كتير

اميره : ( اقتربت من توبه) توبه انت عارف انت قولت اي

توبه : اسكتي انتي الوقتي

عادل بيه: لا صدقني كتير

فهمي بيه : عادل بيه خلاص أنا موافق بس بشرط

توبه : قول

فهمي : الاختراع ده يتباع بمعرفتنا احنا إنما اسم صاحب الاختراع مكتوب طباعه حفر على كل قطعه في الجهاز وغير كده كل حاجه قولت عليها موافق عليها إنما أبيه فين ولمين مش بتاعكم

توبه : موافق

فهمي بيه: اتفضل الشيك معاك و معاك مندوب من الشركه هيطلع معاك على البنك يفتح حساب بأسم اميره وخد قبل ما يحط الفلوس في الحساب اللي انت عايزه وبعد كده ومن اول الشهر هتكون دكتوره اميره في المقر علشان تبدأ العمل

اميره : من أول الشهر

فهمي بيه: أنا عمري ما اديت حد فتره طويله كده للتحضير بس أنا عايزك تيجي ومفيش اي حاجه في دماغك إلا الشغل وبس

توبه : تمام شكرا لحضرتك

فهمي بيه: احمد مع دكتوره اميره خلص مع البنك كل حاجه

احمد : تحت امر حضرتك اتفضلوا معايا

توبه : اتفضل

بعد الوصول إلى البنك كان احمد بيعمل كل الأوراق المالية الخاصة ب حساب اميره

احمد : اميره ممكن تيجي تمضي هنا

اميره : ليه

احمد: علشان تفعيل الحساب بتاعك

اميره : لا معلش يا استاذ احمد الحساب افتحه بأسم توبه

احمد: اللي تشوفيه مفيش مانع

توبه : ليه يا اميره دي فلوسك وحقك

اميره : هو أنا من غيرك كان زماني هنا أصلا يا توبه دا انا حرفياً كل نعمه في حياتي بعد ربنا بسبب تعبك وشقاك علينا من يوم ما بابا مات وأنا لسه في الابتدائي

توبه : ( حضن اميره )

احمد : استاذ توبه هات بطاقه حضرتك طيب

توبه : اتفضل

تليفون توبه بيرن

اميره : شوف مين

توبه : مها

اميره : هات اقولها أنا والنبي يا توبه

توبه : خودي

اميره : ألو

مها : انتوا فين يا اميره قلقنين عليكم اوي أنا وماما شفيقه

اميره : احنا في البنك

مها : بتعملوا اي في البنك

اميره : بنعمل حساب ل توبه علشان يحط في فلوس المشروع بتاعي

مها : بتهزري

اميره : والله العظيم ابدا أنا فرحانه اوي اوي اوي

مها : أنا فرحانه اوي والله أخيراً تعبك ومجهودك خد حقه

اميره : احنا أن شاء الله نص ساعه ونكون عندكم

احمد : استاذ توبه

توبه : كملي مع مها عبال ما اشوف احمد عايز اي

اميره : ماشي

توبه : نعم يا استاذ احمد

احمد : امضي هنا وهنا

توبه : تمام ماشي

احمد : و الورقه دي كمان

توبه : ماشي

احمد: أن شاء الله فيزا خاصه بحضرتك تستلمها بعد ٢١ يوم بس الوقتي تحب اسحب لحضرتك كام قبل ما الفلوس تدخل حسابك كلها

توبه : مش عارف

احمد : مش عارف اي بس هقولك أنا (وطلع ورقه وقلم ) نحسبها

توبه : نحسب اي ( وبيضحك)

احمد: لا أنا عارف اصلي مش اول مره اجي المشوار ده اسمع يا سيد الفلوس اللي هتطلع الوقتي مش هتقدر تسحب تاني إلا بعد اسبوع كامل علشان شغل البنك وكده والرقم كبير انت عارف

توبه : يعني اللي هخده الوقتي مفيش حاجه طالعه غيره قبل اسبوع اقل واجب

احمد : بالظبط

توبه : فهمت قصدك

احمد : انت محتاج تغير سكن حالياً ولا لا

توبه : لا مش وقته

احمد : محتاج عربيه خاصه ليك أو ل دكتوره اميره

توبه : اه طبعا

احمد : تمام واي كمان مثلاً قول اربعه مليون يكفي طلباتك لحد ما البنك يفتح حسابك

توبه : لا دول يكفوا طلباتي لحد ما اموت ( وبيضحك)

احمد : ربنا يديك طول العمر أنا هطلع من فلوسك اربعه مليون اتفقنا

توبه : اتفقنا

اميره : تليفونك يا توبه

توبه : اقعدي بقا اسمعي صوت المكنه بتاعت الفلوس بتغسلني من جوه

في جانب آخر

مها : خلاص يا بابا الحمد لله مشروع اميره اتباع وخدت الرعاية

محمد بيه: مين اللي خد المشروع

مها : معرفش بس شركه اجنبيه

محمد بيه: طب كويس يعني بالدولار كمان

مها : مش عارفه بس أنا حبيت اقولك علشان متكلمش حد الحمد لله الموضوع خلص هما الوقتي في البنك كمان

محمد بيه: والله و عرفوا مكان البنك كمان

مها : في حاجه يا بابا

محمد بيه: لا مفيش مبروك

مها : الله يبارك فيك

محمد بيه: كده بقا اقدر اقولك انك اول حاجه هيفكروا يطلعوها من حياتهم

مها : نعم

محمد بيه: هتشوفي هما كانوا عايزينك علشان فلوسك والوقتي بقا معاهم فلوس ف خلاص بقا مبقاش ليكي لازمه

مها : برضوه مصمم تكسر فرحتي كل شويه

محمد بيه: كده كده هتشوفي فرق المعامله اول ما يرجعوا مش من بكره

مها : طب سلام الوقتي يا بابا علشان وصلوا

توبه : شفيقه بقينا من الأغنياء يا شفيقه

بدأت شفيقه في الزغاريد

اميره : مها فين

مها : أنا هنا اهو

اميره : تعالي بقا انتي كده علشان أنا مهما اقولك مش هديكي حقك لولا القطعه اللي جبتيهالي من امريكا ما كنت عرفت اوصل ل حاجه

مها : يا حبيبتي ده تعبك ومجهودك

توبه : أنا عايز كل واحد منكم بقا كده يسرح في خياله ويطلب طلب مكنش متخيل أنه ينفع حتى في أحلامه قولي يا شفيقه

شفيقه : أنا عايزه اعمل عمره

توبه : من بكره يكون الورق بيتعمل ونطلع كلنا مع بعض كمان وانتي يا اميره

اميره : عايزه عربيه ونعيش في بيت حلو في مكان حلو ولبس كتييير

توبه : ماشي ومن النهارده كمان مش بكره بس البيت الجديد ده بقا بعد شهر من النهارده نشوف الموضوع ده ها وانتي يا وش الخير كله

مها : أنا والله ما عايزه اي حاجه إلا اننا نكون مع بعض ونكون مبسوطين

توبه : ( ضم مها في حضنه ) يا حبيبتي احنا الحمد لله تمام من غير الفلوس و بي الفلوس بس طالما بقيت معانا اي المانع الفرحه تزيد

مها : لا طبعا مفيش مانع

توبه : احنا نشيل الفلوس دي في البيت وناخد اللي يكفي مصاريفنا واحنا بره البيت ياله كل واحد منكم يلبس علشان ننزل نشتري حجات لينا كلنا

في جانب آخر

محمد بيه: ما لو كنت عملت اللي طلبته منك مكنش كل ده حصل إنما حضرتك وصلتلهم أنهم اي حد يتمني ياخد منهم المشروع

حسين بيه: محمد بيه هو أنا شغال عندك وأنا مش عارف انا عملت معاك خدمه ضد ضميري ومبادئ والآخر تكلمني ب الأسلوب ده

محمد بيه: عندك حق أنا غلطان اني كلمتك

حسين بيه: وأنا غلطان اني سمعت كلامك ( وقفل السكه ف وش محمد بيه)

محمد بيه: تمام اوي الرق على اللي ميزعلش في الآخر

في جانب آخر

حسين بيه: ألو

توبه : دكتور حسين معلش بس علشان أنا بره البيت ممكن اكلمك أول ما ارجع

حسين بيه: لا لا لا أسمع مش هاخد من وقتك دقيقه

توبه : تمام اتفضل

حسين بيه: خلي بالك في واحد مش عايزك تنجح ابدا مش عارف السبب بس هو ورا اني ارفض اخد مشروعك

توبه : مين

حسين بيه: اسمه محمد الشبرويشي

توبه : كده ماشي يا حسين بيه تمام أنا هتصرف

حسين بيه: هو انت بينك وبينه اي

توبه : أنا زوج بنته

حسين بيه: نعم

توبه : اه والله بعد اذنك يا حسين بيه

حسين بيه: اتفضل يا توبه سلام

توبه : ( وسط المشتريات اشتري لنفسه اشيك بدله وعربية فخمه جدا جدا جدا وفي اليوم التالي كان عند منزل محمد بيه لكن بدون ميعاد زاي كل مره )

بيفتح محمد بيه باب المنزل دخل توبه

محمد بيه: لحقت تلبس و تشيك

توبه : هو أنا لبست من جيبك أنا حر اعمل اللي أعمله

محمد بيه: جاي عايز اي يا توبه

توبه : كل اللي حصل قبل كده شيء واللي هيحصل منك بعد النهارده نقطة ومن اول السطر اللي جاي العين بالعين والسن بالسن وانت راجل كبير وراس مالك معارفك إنما أنا مليش سقف و مليش معارف عايزه تمشي بالحسنه معنديش مانع عايزها تمشي مشاكل من عيوني

محمد بيه: الفلوس جمدت قلبك

توبه : الأول كنت خايف تملي دماغ بنتك بفقري إنما الوقتي انا قادر اعوض كل كلامك مع بنتك بفلوسي

محمد بيه: بفلوسك

توبه : اه بفلوسي مش انت كل دماغك وحياتك فلوس أنا بقا معايا فلوس تشتري عشره منك كمان

محمد بيه: روح عيش حياتك يا توبه و ملكش دعوه بيا

توبه : منا رايح وعلى فكره بنتك عرفت اللي عملته مع الدكتور حسين زهقت بصراحه بقالي كتير بداري بلاويك بس لقيتك متستهلش قولت أفضحك قصاد بنتك وعرفت بقا حوار العربية وحوار رفضي للعربيه لما جت لحد بيتي وعرفت أن أنا اللي طلبت منك تعمل كده لان بنتك زعلت منك يعني من الاخر خليتها تكره تشوف وشك

محمد بيه: اه يا زباله

توبه : لولا انك عضمه كبيره كنت عرفتك الزباله ده يقدر يعمل فيك اي وخصوصاً اني نفسي بصراحه اديك درس عمرك

محمد بيه: أما كنتش ارجعك تحت الصفر مبقاش أنا محمد الشبرويشي

توبه : ولا تقدر تعمل حاجه وبكره تعرف تمامك ( وخرج من البيت ركب عربيته ومشي )

محمد بيه: ألو

مها : عايز اي بعد ما خلتني في نص هدومي قصاد أهل توبه

محمد بيه: دا كداب اوعي تصدقي حاجه

مها : لا يابابا توبه مش كداب أنا شوفت بعيني كل حاجه وبعدين واحد زاي الدكتور حسين هيكدب على حضرتك ليه وبعدين لو كدب هيجيب المكالمات المسجله بينكم منين

محمد بيه: أنا كنت خايف عليكي

مها : لو كنت خايف عليا كنت وقفت جمب جوزي اللي حبيته وكنت وقفت ايذاك عن أهله الموضوع وصل بيك لدرجه انك تستخدم نفوذك انك تكسر قلب بنت صغيره زاي اميره أنا مصدومه فيك اوي ولا صحيح اتصدم ليه اللي خلاك كسرت قلب بنتك وليه علشان فلوسك خلي فلوسك معاك الحمد لله مش محتاجه من حضرتك حاجه ولا حتى ورث امي مش عايزه منك إلا أنك تبعد عن جوزي سبني افرح ابوس ايدك سبني اعيش حياتي لحد ما أنسا اللي حصل منك بلاش تزيد اللي ما بنا بلاش تجبرني اقطعك من حياتي

محمد بيه: تقطعي أبوكي يا مها

مها : اللي حصل منك فوق قدرتي على اني اسامح بسرعه كده علشان خاطري بلاش تعمل حاجه تانيه تخليني اخسرك خالص

محمد بيه: خلاص يا مها أنا مسافر المانيا تاني مش راجع قبل سنه ياريت لما ارجع تكوني في انتظاري

مها : ترجع بالسلامه يا بابا

محمد بيه: سلام يا مها وخلي بالك من نفسك

مها : سلام

وبعد مرور شهر كان اشتري توبه بيت جديد وانتقل في وبدأ في بناء حياه جديده مع مها و اميره و شفيقه وعمل بزنس ل نفسه وكان ناجح في جدا وفي ناحية أخرى كان محمد بيه ساب القاهره كلها وسافر المانيا في عمل من أعماله وعاش توبه مع أهله بدون خلاف مع اي شخص