السلام عليكم
رواية طوفان رجل
الفصل 28
نورا ناصر 🌸
أصعب ما نمُر به ، أن نعيش دون خيارات ، أن نشعر أننا مُقيّدين في كل شيء نقوم به ، بكل نسمة هواء ، بكل لفتَة ، بكل نبرة صوت ، نشعر دوماً أنّ هذا المكان ليسَ مكاننا أبداً ، ولكن ما بيدِنا حيلة وليسَ باستطاعتنا فعل شيء ، نرضخ للأمر وقلوبنا تعتصر ألماً ، منتظرين أن يحدث شيء واحد فقط يغيّر كل شيء ..كم يعُزُّ علينا أن نمضي في سُبُل لانرغب بها..ولكنها الحياة..
طفيت اضوية البلكونات همزين اندليت مكانهن واخيرا
وعرفت اطفيهم ، سديت الابواب مال بالكونات وجريتهم بهدوء وصارت الغرفة ظلمة هندس واني ارتاح من انام بالظلمة ...
نزعت الروب الي جنت لافه روحي بي وفتحت شعري وتوجهت للسرير امشي واتلمس لان ظلمة ، خليت الروب على الجرباية واريد انام
بس صوت عياطه فزززني ورعبني وهو يصررخ بصووت مرعب لااااااا لج لااااااا ليشششششش ظلللمة لييييش
خفت متتت خووف ركضت واني امشي واتعثر وفتحت الضوة بسرررعة وركضت اله ....
جانت عيونه حمرررة تخوووف صرت يمه دا ارريد اهدءه لزمني من رگبتي وخنگني حييل بحيث انقطع النفس عني
لزمت اديه واتوسسل بي يهدني ، وحسيت بيني وبين المووت شعرة وحدة بس
جان شكله مرعب عيونه مفتوحة على اوسعها وبدت گصته تتصبب عرگ شفت الموت بعيني بهاللحظة ....
بعدها استووعب كلشي وتركني ... ظليت اجر نفسي بصعوبة مثل غرگان وطلع يتنفس واگح بصوت عالي
واسمع صوته يدردم يمي مو كتلج لاتطفين الاضويه مو كتلج لج شنو هالعناد بربج شنووو من بشررر أنتِ ...
اني مددة على السرير واكح واتنفس وهو مد ايده ولزم عكسي قوي وسحبني حيل اله
اظافره نبتت بايدي صرت بمواجهه وياه وجه لوجه
عركان مي يذب وجهه ....
اني اهتز بيده وكوة كدرت احجي اكول
اسم الله اسم الله عفية اتركني
احجي ونفسي سريع وجسمي يرجف كله بيده من الخوف
كتله بنبرة سريعة :- اسفة والله بعد مااسويها صل على النبي فيصل الله يخليك اتركني عفية
لانت ملامحه شويه ، تنهد وتركني بهدوء وكعت من ايده
على السرير ...
وهو ظل يستغفر ويمسح وجهه ، يغمض ويتنهد
ويرجع يكول :- استغفر الله استغفر الله
يرددها اكثر من مرة
بعدين باوعلي واجه انحنى عليه و لزمني من عكسي وايده الثانية ساند جسمه بيها
وجهه بوجهي مخنزر عيونه
كال لاتخليني اندم خليتج تدخلين اهنا ترى اخليج حالج حالهن التزمي بالي اكوله مفهووم
انفتحت عيوني على اوسعها بصدمة ...
وسكتت رجع كال مفهووم ؟؟
هزيت راسي مبرطمة ..
عافني وراح شرب مي ، مسحت وجهي
كتله تمام بس اهدئ
صعد على السرير و كال اششش تعاي بحضني وتمدد
رحت يمه كال ليش ولج اني كوه جنت انام و هسه ياله ارتاحيت يمج
خليت راسي على صدره ورافعته ليفوك اباوع عليه
كتله بعد مااعيدها اصلا انت نفس جدي مايقبل ينام بالظلمة يكول تذكرني بظلمة الكبر اسم الله عليه وعليك
ابتسم وظل يمسح على شعري بحنية ويشم بي وياخذ ايدي يبوسها
( اني ردت ابين الوضع عادي وردت اعرف ليش هيج يضوج من الظلمة وهم الفضول الي بيه ماخلاني )
جاوبني لا مو من الكبر
كال هيج وسكت ثواني ....
كتله تعال افرك راسك لأن من الفزة يظل يوجعك
كال بحسرة كله من صفية
كتله عزا شنو شبيها عمة
اشر بيده وتنهد بعدين بعدين دره تعبان مو هسه
سكتت ثواني وحجيت ليش هي تلام شوكه من تكول عليها كلبه بت ١٦ كلب
هو ضحك ضحك بصوت عالي
كال وجدج شنو ذنبه تسبي ؟
كتله لا تعبير مجازي ومو اني اكول شوكة ..
انقلب صفح وراسه على اديه ويباوعلي
ظل يلعب بشعري صفن بوجهي ثواني
نظراته تتنقل على كل ملامحي
لزم حنجي كال اوف دره اخاف عليج تتعبين وياي
هزيت راسي ، لزمت ايده
جاوبته لا مااتعب نام انت تعبان ارتاح
رجع حضني ....
واني ظليت اقرا ايات بصوت مسموع
ومن كملتها كتله اصلا اني اخاف من الظلمه بس اذا جدي يمي مااخاف وهسه انت يمي و اصلا اني عندي قناعة اذا شخص عزيز يمك بالضلمه تكدر تكول اشياء تخاف تحجيها ووجه بوجه مثلا مثلا
كال احجي بالله شنو
كتله لا اطفي الضوء واذا لازمه ايدك واحجي جرب الشعور حلوو والله يعجبك اصلا الظلمه يصير تناغم بالارواح بعيد عن شهوات العيون
ضحك كال بتعجب هاي شنو ؟؟؟
كتله درة اكبر من تصوراتك ...
ظل يضحك
كملت كتله جرب يله
هز راسه مديت ايدي وشغلت التبيلام ورحت طفيت الاضويه ورجعت تقربت يمه يله مد ايده غمض عيونه
و طفا الضوء صار ظلمه بس اكو ضوء قليل كولش
كال احجي
ويشدد على احرف الكلمة ...
كتله مااعرف شكول ميخالف احجي اي شي ؟
كال اي احجي عن حبج لجدج
جاوبته لازمه ايده : جدي ماكو كلام يكفي حتى احجي عن حبه ولااكو شي يوصفه اذا اوصف او اقدر اكون ظالمه لحبه
شد عليه بحضنه كال دره اريدج تحبيني مثل جدج حتى لو ربع من هالحب الكلام الي اسمعه يلمس قلبي ويوصله حتى الحجل هذا وتمسكج بي رغم راح وكته كوليلي اي شي اجيبلج وابد لاتنزعي شنو قلاده محبس حتى لو ماس بس كولي بعيوني
كتله تريدني اجذب عليك لو استغلك مااكدر اني وجدي زرع وكاع وخزين سنين شون انت تريد تساوي هالشي
سويلي مثله وراح تلكه روحك بقلبي هي مو دكمه هي شعور وواها جدي بعمره ماضربني اكثر شي يسبني ورا نص ساعه يرجع يسال عليه
لو اني ارجع اتوسل بي مايزعلني
كال اعتبريني ابوج الميت وطلع عايش
رفعت راسي يم وجهه كتله شون شون يصير واني اضحك
سكت شوويه قرب مني وباسني ....
دك المنبه مال الساعة كعدت طفيتها وهو كعد وراي
صبحت عليه كتله اهنا الشيطان وصلني وفاتتني الصلاة والله لو يدري جدي يموتني موت
صاح مية مره كتلج عوفي الموت
خليت اديه على حلكي ، خوفني بصووت عياطه واني منعسة كولش ....
رحت طبيت سبحت قبله طب ركض ركض وصليت ومشطت وهو بعده بالحمام
افتقدته اشو هذا ماكو كلت خل اطلعله ملابس على ذوقي
طبيت لغرفة الملابس لكيت صباح وياها ولد
بسرعة طلعت كبل تخبلت وواعصابي نار نار صارت
ذوله شنو ليكون هذا خالد الي كال عليه ينظم مواعيده وملابسه
تخبلت اروح واجي بالغرفة واعصابي نار صايرة مدخنة
وهذا صار اكثر من ساعه ماطلع شنو جاي يسوي معقوله كله سبح !!!
دكيت الباب كال مفتوح ... طبيت عليه لكيته لاف الخاولي على جسمه من جوه باوعلي متساءل
كتله احم اشو اتاخرت
كال انتي ليش كاعده ارجعي نامي
كتله اني متعوده اكعد من وكت وياجدي اريكه واشربه دوه انت صار شكد تسبح شدعوة
هو ظل يضحك ويشسور بشعره
ووجهه عالمراية كال يوميه الصبح حمامي تقريبا بحدود الساعه بعدين شعرج ليش مامنشفته تعاي تعاي
تقربت منه وهو ظل ينشف بشعري يعني اني بحضنه واكفين وهوينشف ويغني يردد بااغنية لجورج وسوف
ابتسمت كتله استاذ فيصل منتظريك صبوحه وولد وياها بغرفة الملابس
كال اعرف وصبوحه شنو اشو تدلعيها
كتله اصرفهم اثنيهم اني اتكفل بكولشي يخصك
كال لالا ابد مااقبل تدخلين بهيج اشياء
كتله واني لالا مااقبل يدخلون غرفتي واذا شفتني اقصر وياك الك حق ماشي عمو النظيف
عقج حواجبه شنو عمو النظيف
ضحكت من جنت صغيره وتمر علينا اكول لجدي عمو النظيف لان صدك نظيف واشوف شعرك مبلل بس جدي فهمني تخلي دهن اله وانت صدك نظيف مووووووت
شبع ضحك كال وصدك يلوكلج لقب بهجة روحي مااعرف اضحك بس يمج ومااكون سعيد بس يمج شنو السر
كتله بضحكة اني درة والاجر على الله بالمصري
لاتغلس على الموضوع اصرفهم اصرفهم
كال بتساؤل انطيج رواتبهم ؟؟
ضحكت لا طبعا هذا واجبي واريد اخذ راحتي بعدين تريدهم ليش انت حتى يحضرولك الليالي الملاح من ورايه لوانت مابنيتك نكمل سوه؟؟
كال ابد مو هيج بس مااريد اتعبج
كتله اللساني طويل من اتعب اكولك ماعندي شغل وعمل غيرك يابعد گلبي
ضحكنا كال ماشي ولا يهمج يصير الي ترديه
كتله صبوحه نهائيا تختفي من حياتك لاهنا ولا مصانعك ولا بشغلك سمعتني؟
كال شنو تحجين وعبالك تامريني
كتله ججججج مو امر ، وكملت بدلع بس اتدلل عليك
لزمني من حنجي كال اتمندللي على قلبي عسل والله
باوعتله بهيام وهو راح وطب لغرفة الملابس
واسمعه يكولهم خالد بعد لاتجي للغرفه فوك شغلك حدك للمكتب
وصباح صفي حسابج هالفتره اخذي راحتج ويوصل راتبج لبيتكم
سمعتها تكله لازم دفعتك عليه الخانم ماتقبل اشتغل من شوكت تاخذ حجي النسوان
صاح بصوت اني خفت منه كال لاتنسين نفسج صباح هاي دره مو اي مره لاتتجاوزين حدودج واكدر هسه بالشارع اخليج انتي والكاع وجهج بعد ماشوفه سمعتي بره بره بسرعة
و الظاهر طلعوا طبيت للغرفة اتلفت يمين ويسار
وبعدها درت وجهي عليه كتله منين يطلعون ؟؟
كال منا باب خارجي ينزل بدرج على الحديقه ومقابيله مكتبي ذاك كدامج ...
هزيت راسي كال يله لبسيني
كتله بعيوني اباوعه مبتسم اختاريت ملابس اله مااعترض الظاهر عجبه ذوقي
كال راح اطلع لدوامي انت الزمي البيت دره غرفتنا محد يطبها سمعتي ؟؟ علاقتنا ماتحجين بيها؟؟
كتله كدامك دره مو تعلمها تعرف الي يصير والي مايصير تمام ضربت تحيه حاضر سيدي
ضحك هسه شنو شراح تسوين ؟
كتله انزل اتريك
رد يعني مراح ترجعين تنامين
كتله لا مرتك نشطه مو كسوله
لزمني من حنجي يهز بوجهي كال شون سوالف عليج
ابتسمت ... ونزلنا لكيت الريوك على الميز الولد وعمة صفية كاعدين لان عندهم دوام
وبس رزان وفاتن نايمات
صبحت عليهم عمه صفيه كبل صاحت نامي حبيبي ليش كاعدة
كتلها لا عمة اني متعوده اكعد من وكت وياجدي من جنت هناك
كالت اي صدك العرب يكعدون من الصبح وراكم الزرع والهوايش وتضحك
وكملت اهنا ماعدنا كولشي شبعي نوم حبيبة
اني اجذب اذا اكول هادئه لا والله دختت كولش وطلعت سوادين شوكه عليه
كتلها عمه شعجب كل هالمده مانسيتي شنو جنتي تسوين غريب والله بس هو المثل كالوه مدري شنو الينسى اصله نسيت بيبي تگوله
هو اني اعرف شنو تكملة المثل بس احتراما لولدها ...
كبت كالت على كيفج اتهدي ياروسيه (قصدها عود انتي نغ....له لان روسيه )
راد فيصل يحجي اشرتله لا كتلها اني كاعده لرجلي يوميه وهم امشي امور البيت
كام فيصل ياله يابه على شغلكم حجي النسوان مايخلص وغمزلي وتقرب و باسني على راسي وكال محتاجه شي كتله بابتسامة : تسلملي
طلعوا كلهم و احمد غمزلي وهمس يم اذني كبري دماغج
ضحكتله وهزيت راسي همه خطيه امهم واني مااريد اضوجهم
اخوانه عمار وهشام واحمد كولش زينين ويحبوني ومن اروح يمهم يشاقوني ودائما يذكروني وحتى يشترولي
اني الزين ويايه اسوي اعتبار لخاطره واشتري خاطرهم
طلعوا رجعت لعمتي صفيه جاي تشرب جاي بيدها الاستكان
كتلها طلعي اوراقج عمه كولي اني تعرفين كولش زين اربات منو ومااطخ راس لأكبر واحد وفيصل على قلبي واكثر مماتصورين فمن الذكاء تتجفين شري
يمعوده اني راضعه منج هسه من نظرة عينج اعرف شنو تفكرين اطلعي بالمفيد بلاتشمر بالحجي
ضحكت كالت زين تعرفيني كولش زين من صالحج
كتلها لعد شلون يكولون عنج بالطفل الرضيع ماترحم بس انتي ماتعرفيني زين اسالي هناء وحامد ومن يجي خبالي احرك الاخضر واليابس الله يجفيج شر الحليم اذا غضب
حسيتها ارتخت شويه شربت اخر قطرة من الجاي بالاستكان
وكالت اني اريد اظل مسؤولة على الفلوس ومصرف البيت وبكيفي اسوي الي يعجبني
كتلها بس !!
قاطعتني كالت اي واني والعباس مالي شغل بيج
كتلها ماشي بس لو صار عكس هذا الكلام ماتعرفين دره شسوي
مدت ايدها اتفاق
كتلها اتفاق ....
اني سايرتها لان اعرف طبعها الغدر بس كلت خلي اوصل وياها لباب الدار ومايعديني العيب
واني مااصور اطول يمهم هالفيصل محتاره بامره خل احير بي هو وافتح مفاتيحه شنو
ماكدر افتح جبهتين سوى صعبة عليه ولو مايصعب عليه شي بس فيصل اهم ..
عفتها وكمت افتر بالبيت اريد اشوف شنو بي
طلعت بالحديقه بصوره دائريه حول البيت نهايتها مرتبطه بكراج السيارات وشويه مسافه مشتمل ابوحسين هو حارس البيت وام حسين لازمة الطبخ ابنهم ويا اهله مسؤل على الحديقة وتنظيفها
هم موجودين من عهد جده اللواء ويحبهم كولش فيصل همه هم ناس فقره وخدومين وامنين
مشيت شويه شفت مكتبه الي يكول عليه تصميمه بمعزل عن البيت وهم كلها جام وبردات لونهم ابيض من بره
لان مقفول واكو بقرب الركن مالته قطعه صغيره من الحديقه مربعه بس ثيل بيها استهوتني كولش مااعرف
ليش وفكرت بزراعتها
اريد شي الهي نفسي بي الفراغ يدمر الانسان ويخلي يدور المشاكل او يختلقها حتى يضيع الوقت
اصلا اني يم جدي جانت كومه سنادين مالتي يمهم بس جهال عمامي ماخلوا على حالي وكطعوهم وهواي مشاكل عفتهم عجبتني الفكرة
كلت من يجي فيصل اكوله بلكي يقبل ازرعها والتهي بيها
شفت المطبخ من الباب الخارجي على الحديقه طبيت سلمت عليهم اجوا باوسوني باوستهم
و همه عبالك مترددين لذلك اني بادرت وسلمت عليهم
لكيت عمة صفية بيدها ورقه وقلم وجاي تكتب الاوامر
نافشة ريشاتها ومفتخرة بنفسها وواثقة من نفسها ..
عفتها اخذت القوري اسوي جاي همه اخذوه مني ماقبلوا اني اسوي
بس اني ماقبلت كتلهم لا اليوم ذوگوا الجاي مالتي
ظلن مبتسمات واني خليت مي وهيل سويته وكملته اخذته بيدي
و طلعت لحكتني كالت باعي بطلي دروب الفكريات هذا شغلهم وياخذون عليه فلوس
قربت منها كتلها ها عمة شتفقنا احنه قبل شوية معليج بيه شنو اتصرف شنو اسوي زي منو اتعامل معليج ريحي راسج اني حرة بتصرفي مدام ممأذيتج ولا مأذية أحد قريب منج او يخصج
صكت على أسنانها بشدة وهي تكول اي اي زين
ودارتلي ظهرها راحت ....
بقيت اني بمكاني اباوع ، البيت مدخله هول جبير مفتوح على الجهه اليمنى منه الصاله مسافه عنه الدرج وبصوره دائريه من جوه الدرج ميز الطعام جبير كولش
بعدها المطبخ بالنص صاير ،و غرفة عمتي ويمها هم غرفه جبيره هم يصيحوها هول داخلي اثاث البيت موديله قديم بي فخامه يعني انتيكات من غير التحفيات الجبيره كولش
المزهريات تصير لونها اسود وبيها نقوش ورورد واغصان ناعمة و اثنين نمور ولوحة الاسلحه معلكة
وصورة كولش جبيره لصدام حسين تذكرت شوكه والله مشتاقتلها ياربي
رحت على التليفون خليت بحضني ودكيت الرقم ظل يدك شوية وطلعت شوكه صاحت بحماس الوو الوو
كتلها ولج مشتاقتلج حيييل
ضحكت كالت والله اني هم البيت اسود مصخم مثل كرعة ابوي
ضحكت كتلها والله حتى ضحكتج مشتاقتلها كل شي بيج مشتاقتله
كالت اظنها صفصف مضوجتج وعلي اكصها نصين بس ودي عليه اجيج طيارة أسرع من كريندايزر من يهجم ويصيح دوق فليت أنطلق
كتلها لاتخافين عليه شنو متعرفين درة انت لو نسيتيني هاي مصارلي شهر من عفتكم
كالت اني رعنه اهجم كبل انتي لا تطيها عدله وتوصليها بالعظم كالتها اي هذا الفرق بيننا
كتلها شووكة
كالت خشمي وعيوني
جاوبت بحزن فدوة ديري بالج على جدي
كالت هو جدج بس يثغب عليج انوب حظي المصخم هو ووليد مايرضون اكعد بغرفتج يكولون غرفة دره ماتصير لغيرها وباليل يطب جدج ياخذ ساعه بالغرفه يبجي ويطلع
يطب وراه وليد وهم نفس الحالة ليكول غرفتج ضريح امام ياخذون امراد واني بالهول اباوع فلم واراقبهم من يخلصون البجي اطب اني انام
ضحكت وطالت هااشلوني
ضحكت شلون بله بجدي سوده عليه ياربي ووليد اشون بي
كالت الخميس كالو نعزمج للعشا
كتلها ان شاء الله
ردت جوبلس شونه العرس ولج احجيلي ع الاقل نسمع مو اله نشوف
كتلها زين
ردت بحماس عيارات النسوان يصيحن لاتزوجن الزواج طيحان خط جا بس انتن جربتن احنه هم نريد نجرب طياح الحظ شلونه
ضحكت على سوالفها
كالت بالعباس عليج مو حضن فيصل يرد الروح بس جاوبيني
كتلها لايسمعوج شنو هالحجي
كالت حلفتج بالعباس الا تجاوبين
ضحكت متت من الضحك يجاوبها هسه بالله
كتلها يخبل بعد شهرين
كالت هي ايي اي انوب ريحته ترددالعافيه
ضحكت ولج شمدريج بريحته انت
كالت غير تنشم عن بعد تسطر سطر
اووف يوم الالي واتزوج واحد مثل فيصل واذبح طلي
يوم الي واذبح طلي
وظلت تكررها ...
كتلها كافي ضحكت هواي ولج رديتي روحي خلي اروح
كالت وين موليه تردين ترحين لحضن فيصل ذكرتج بي ؟
ضحكت بصوت عالي هو هذا الي بس ابالج
كالت جا ووين ترحين
جاوبتها اشوف شنو ورايه شنو كدامي
تنهدت كالت وراج فيصل وكدامج فيصل جاا لعدهه فيصل شعدهه بعد
رديت ولج فيصل بالدوام وسلمت عليها وسديته
خليت التليفون بمكانه وكمت
لكيت صفيه لابسه تنوره وقميص اول تالي هي طول عمرها دشداشه وعباه
كتلها عمه راح تطلعين؟؟
كالت باستفزاز لا بس بعد صرت ام هذا البيت كله بعد ومحد ياخذ مكاني تحجي وتأشر على زوايا البيت باديها
ضحكت كتلها براحتج عمة
عفتها وصعدت لغرفتنا و المفتاح بيدي مااعوف الغرفه مفتوحة ابد وصية فيصل
صفنت وفكرت شنو الغرض وشدعوة هالحذر والحرص
متساءلة وفضولي يقرا الف
رحت للغرفة مالة الملابس وتوجهت على ملابسه قررت اعدل بيهم باوعت عليهم شنو اعدل هي مرتبه اكثر من وجهي
ظليت اعزل واكلب بالاوراق والكتب وكل شي كدامي اكلب بي
لهناك شفت مستمسكات ظليت اكلب بيهم
ووكعت بيدي جنسية فيصل ....
وانصدمت من شفت مواليده ... غير الي كالها الي جدي تماما .....
يتبع
تصميم هديل 😍
تصميم ام عبدالرحمن 😍
تابعنا وما يفوتك جديد
اختر المنصة اللي تناسبك وتوصلك الفصول أول بأول.
التعليقات (0)
جاري تحميل التعليقات...
لا توجد تعليقات بعد
كن أول من يشارك برأيه!