رواية تراتيل الاسد العاشق اماسي الليل الفصل العاشر 10 - بقلم مريم اماسي الليل

#تراتيل_الاسد_العاشق
الجزء الثاني عشر
اماسي الليل
حواء: ان شاء الله ... دخلت للغرفه ..بدلت وكعدت على الفراش سانده خدي على ايدي ... افكر هذا شلون راح اغير اطباعه
من هادئ شخص ثاني ومن عصبي مايتفاهم عنده حجايته هي وبس
شويه ودخلتلي نور گالت أسد سأل عليج يگول خلي اتفوت تعلك ملابسي
حواء: فتحت عيني ... حرام اذا افتهم تصرفاته وقصده من هالسوالف ...
طلعت لغرفته  فتت لكيت علبه مبينه مال ذهب على الفراش
وملابسه هم ... شلت الملابس علگتها ... بالكنتور ..حسيت اكو احد دخل التفتت ...  هو ...سألته قبل لا اطلع
تحتاج بعد شي
وگف كدام المرايه خلى عطر على ايده ورگبته ... ويحجي ويايه وهو ديشوفني من المرايه ... وعاكد حاجبه
أسد: ليش ما فتحتي العلبه ...
حواء: اتحذر الزم  اي  شي بهالغرفه ... وما ادري بيها الي
(ابتسم )
أسد: وتالي وياج ...مو گتلج ما احب الزعل ...
حواء: إجى وگف يمي حاوط وجهي بين ايديه
أسد: بداعتي كافي  ترى زعلج هذا يتلف اعصابي ... واني اتقصد ادزج للغرفه ترتبين  غراضي كدام البنات  حتى يعرفون
انت الكل بالكل ...
حواء: شفته قرب وجهه غمضت عيني ...خلاني احس بحبه وحنيته بتملك... رفع وجهه مجرد التقت النظرات  حاوطني بأديه وضامني لصدره ...
أسد بدون عصبيه ... ترى والله خوفتني منك  حيرتني مره قاسي ومره لين
أسد: اتخبل من المره ألي تزعل ...وقلبها اسود تتحامل عليه
بالاخص انتِ لان المفروض تعرفين ألي بقلبي ... ما تتحاملين عليه  بساعة عصبيه ... وتبقين بعيده عني ... ( لان معناها  متحبيني  )ترى اني ما متعود اصالح احد ... بس وياج سويتها واجيتج للغرفه ...اصالحج
رديتيني مره ثانيه اذا كررتيها انسي بعد اصالحج ....
حواء: والله انت صعب ... وعندك مزاجيه ... واني ما اتحمل
خلى ايده على شفايفي سكتني
أسد: سدي الموضوع انتهى ...تتعلمين على طبعي بعدين /
بس راح افهمج شغله
اني وضعي بين اخوتي واهلي يختلف عنهم ... اني چبير البيت  وشيخ عشيرتي ... يعني صاحب كلمه على الكل اذا مرتي طلعت عن طوعي وما احترمتني معناها اني مو رجال والكل بعد ميحترمني ... هالمره مشيتها الج لان بعدنا ما متزوجين والسالفه ضاعت كدامهم من شافونا صار يومين كل واحد  بجهه ومابيناتنا كلام ...ممكن تتفسر  بسبب الخجل او بعدنا  واحد ما متعود على الثاني
لكن من نتزوج ... اياج تصرفين هالتصرف ...الي يصير بيناتنا
بهالغرفه من نطلع خارجها ونسد الباب ورنا يبقى بهالغرفه ما يطلع ويانا
تكونين طبيعيه ومتخلين احد يحس بشي ... لان اذا بين عليج وگلبتي وجهج  عليه كدامهم
راح تجبريني  احذرج واردج  كدامهم وساعتها قللتي من قيمة نفسج وقيمتي
خلينا من البدايه نتفاهم على كلشي ... هسه اشوفيني صعب لكن بعدين راح تفهمين وضعي ... صار معلوم
حواء: صار معلوم بس اسلوب التهديد اتركه
أسد: هذا تحذير مو تهديد ما مجبور أهدد ... واكدر أتصرف بلحظتها واعالج الموقف
حواء: ترى انت بهذا كلامك تخوفني اكثر ما تريحني
أسد: هههههه ليش مو دا اعلمج طبعي وافهمج أسبابي  ...
حرت وياج ... انت لا دوخين نفسج ... بس امشي ويايه مثل ما اريد  ... كلشي يجرالج ...
حواء: بس هذا يسمو تسلط .... قربني اكثر مبتسم چتف ايدي
أسد: شنو يسمو ...
حواء: ههههه تسلط الله عليك هد ايدي دتأذيني
أسد: يعني اني متسلط ومستفز ومغرور بعد ... شراح اطلعين عليه القاب ... گولي شي يشفعلج حتى اترك ايدج
حواء: خلى جبينه على جبيني وسألني اني شنو
حبيبي
أسد: وبعد ابقي احجي
حواء: وحياتي وقلبي ...
يوم الحنه ....
يتبع غدا