رواية تراتيل الاسد العاشق اماسي الليل الفصل الثالث 3 - بقلم مريم اماسي الليل

بيوم المهر ( براء) لان اعرف بس نسوان لبست ...
نفنوف بسيط  اشتريته ... وخليت مكياج بعد مده طويله من اخر مره خليت كانت قبل ما نترك بيتنا ومدينتنا حسيت بالتغيير ولفيت شعري ... شفت الخصل الي جنت مسويتها نازله .. لاول مره
من اجينا لهذا المكان .... اشوف نفسي حلوه ... واسترجعت ذكرياتي واهتمامي بنفسي .... متنلام نور جنت الخصل متلحگ تطلع اروح اسويها ... والصبغ ميوكع من أظافري حتى من اصلي ... امسحه اصلي وارجع اخلي ...
امي اعتذرت علمود ابويه منكدر كلنا نروح ونتركه وحده ...
لبست عبايتي والشال ... وطلعنا حتى انساعد البنات قبل ميجون خطارهم
وصلنا لبيت الحجيه انتبهوا على التغير بشكلي من ورا المكياج ألي خلتلياه نور
خاله سهام طلبت مني
_انزعوا العبي ماكو احد بالبيت
الحجيه ام اسد: لا  اسد بعده ماطلع يمكن عنده شغله يكملها ويطلع  ادخلوا يم نورس بالغرفه جانت دتنتظر نور ( علمود تخليلها مكياج ) لان براء راحت للصالون وياها فاتن
دخلنا لگينا نورس اسشور بشعرها ...سلمنا وكعدنا يمها ...
نسولف .. دك تلفونها جاوبت ...
نورس: هسه اجوي ... اي هسه انطيها خبر
حواء : التفتت عليه ... نورس
_ حواء الشيخ برا يريد يسألج على شغله تخص والدج
_ارتبكت ... وكلشي خطر على بالي لكن شغله المسج ما جانت على البال لان مطمئنه منها انتهت
لحد ما طلعت  لگيته واگف بنص الفسحه الي بين الغرف رحت لحد عنده سلمت
مساء الخير
أسد: حواء وياج تلفونج تتصليلي بالوالد
حواء: استغربت ما رد السلام
اي ويايه بس اكو شي ،صاير على ابويه شي
أسد: مع الاسف اذا يعرف بتصرفات بنته يصير بي ،جنت احجي وياها وبأيدي التلفون دكيت على رقمها رن عدها ارتبكت .
حواء: ويا ما بدا الحجي بعصبيه من الخوف والفشله والاهانة
نزلت دموعي وما كدرت احجي شي بس من دك عليه التلفون
ونتر بيه
أسد: مراح تكدرين تنكرين انت الي دكيتي عليه وانتِ الي دزيتيلي المسج وهذا رقمج تدرين مصدوم بيج  لان خطرتي على بالي انت الي دزيتي المسج لكن استبعدت تسويها هيئتج وتصرفاتج الي توقعتها رزنه  خلتني اشيل الفكره والاكثر لان متخيلت تعرفين رقمي وممكن تحصلي
بس طلعتي  مو هينه متقصده ومخططه لكل تصرف اتصرفتي من اول يوم التقينا لحد هاللحظه  اذا جان بالج تنزعين الحجاب بيتنا وتاخذين راحتج حتى اشوفج  ومتوقعه  راح اوكع
بغرامج  انت غلطانه .
حواء: لمحت كاتب رقمي بأسم ( المستفز) متحملت كم الاهانات جاوبته ودموعي تنزل
_ دزيتلك المسج لان مكدرت انطق بهالكلام كدامك ,بيوم  الي دخلت للهول وانطيتني ظهرك وفشلتني بَطريقه مهينه بحياتي ما متعرضتلها بدون ما تفكر بمشاعر الغير والظروف الي خلته بهالموقف وهالمكان  واني بوقتها كاعده ابررلك التصرف مو مقصود والسبب حتى لا تفهم غلط بس هسه ميهمني اذا صدكت تصرفي مو مقصود او لا المهم الله يعلم بالنوايا
بحياتي ما غلطت غلطه  بس هالمره بسببك غلطت ,وعلى كل الي حجيته عليه واتهمتني بي  مجبوره اگلك ما قصرت شيخ  تحملتنا بما فيه الكفايه بس اريد
تنطيني مهله ايام الگى مكان ننتقل بي وأسلمك مفتاح المشتمل وما اريد اهلي يعرفون بالموضوع
احجي ويا واحس قلبي مقبوض ومخنوگه اتمنيت الله ماخذ روحي ولا صايره بهالموقف كرهته وكرهت اليوم الي التقيت بي كرهت الظروف الي خلتني انذل وفوك اتهامه وكلامه عليه مجبوره اشكره واطلب منه ينطيني مهله
أسد: من عرفت الرقم بأسمها  صابتني صدمه ما متوقعها
بقيت افكر شلون جابت تلفوني وشنو هالجرئه الي عدها ادك وادز مسج تتحارش معناها ب بالها شي تريد توصله من رجعت للبيت
سألت نورس دا اتأكد راح تجي اليوم
اكلج نورس بيت حجي ابراهيم عزمتوهم
_ اي طبعا
_ تمام
تغدينا واخوتي طلعوا بقيت بالبيت .. بالصاله انتظرها تدخل ... حتى أواجهها ...وبعدها اطلع
عرفت اجتي من سمعت صوت خالتي ذكرت اسمها بصوت مسموع ... دكيت على نورس اول مره  ما جاوبت ... ورا دقايق جاوبت ... تحججت بكلامي ويا نورس اريد حواء حتى اسألها على وضعهم وابوها أخاف محتاجين شي
_ خلي تطلعلي دا احجي وياها
اول ما صارت كدامي جنت معصب .. فرغت بيها عصبيتي ... وهي منزله عينها بعدها رفعت وجهها تشرح موقفها ... بالاول جنت حاقد عليها .. بس من شفتها مكسوره وحسيتها مقهوره وصادقه بكلامها انتبهت على دموعها تنزل من عيون بنيه صافيه ..
على خدودها وشفايفها انتبهت على التغير بشكلها اليوم مخليه مكياج ونزل من عيونها دموع بيها لون اسود
حسيت قسيت عليها اسلوبها بتوسل وخضوع  اذاني
اتندمت لان حسيت ذليتها  بالاخص من طلبت مني
انطيها مهله ومحد يعرف بموضوع المسج
جاوبتها بهدوء شنو علاقة السكن بموضوع المسج انت الي غلطتي ما احمل احد ثاني نتيجه غلطج  اهلج ضيوف عندي
وما يحتاج تشكريني ولا أحملهم منيه ابوج صديق عمي يعني
مقامه واحترامه عندي من مقام واحترامي لعمي  لتربطين
شي بشي ثاني
ثانيا محد يدري بموضوع المسج بس اني وياج واذا متريدين احد غيرنا يعرف تروحين تغسلين وجهج  وتصرفين طبيعي وتبقين لحد متخلص الحفله
ولي يسألج  شبيج گليلهم لان حجيت بوضع ابويه ومرضه
متحملت الموضوع بس خلي تكون هالغلطه عبره الج متغلطين مره ثانيه واعرفي تستخدمين التلفون صح ،بدون متجيبين لنفسج ولاهلج مشكله وحجايه
حواء: ارتاحيت من هدأ وعرفت محد يدري بالموضوع
بدون ادراك جاوبته والله وداعت امي وابويه هاي اول مره أتصرف تصرف بدون عقل وأدز مسج وادك على رجال .هاك تلفوني ( طلعته دا انطيهيا) شوفه مابي ارقام حتى رقمك ما مسجلته ...
أسد: ميحتاج اشوف هالشي ميخصني بس من وين حصلتي رقمي
حواء: جاوبته بخجل نزلت راسي من تلفون براء جانت يمنا
وجنت اتفرج صور بي اخذت الرقم ...
أسد: رفعتلها حاجبي ... وسكتت رفعت وجهها ... تتعرف على
موقفي من المعلومه ... جاوبتها بوجهها ... طلعتي دهيه
حواء: يا الله ارحمني شوكت ... اخلص من هالمواجهه وهالاهانات
بعد ما اتحمل ... اعصابي تلفت وما بقى عندي صبر ... جاوبته
بعصبيه واضحه على ملامحي ونبرة صوتي ... ودموعي مستمره وأزيد
وبقلبي اگول وين متوصل خل توصل لو انام بالشارع ولا اتحمل .. اهانه بعد
( كلنا بشر ونغلط ماكو احد معصوم من الغلط والمسج جان رد بساعة عصبيه ومقهوره من كلامك ويايه ... وبلحظتها ردت احجي الي بالمسج بوجهك بس الخوف سكتني خفت لا
تمد ايدك عليه لو توجهلي اهانه
بس هسه تمنيت لو حاجيه ومتحمله الموقف بساعتها ولا متحمله كم الاهانات والاتهامات الي وجهتها الي هسه ... مسحت دموعي والتفتت اريد اروح ...
سمعته
أسد: بداخلي بتسمت من گلتلي خفت تمد ايدك عليه تخيلتها شايفتني وحش ...بس قلبي اتعاطف وياها وما اعرف شلون اطيب خاطرها ... من التفتت دتروح ... گتلها مثل ما فهمتج ... اذا تريدين الموضوع يبقى بيناتنا ... اتصرفي طبيعي ... لان اذا طلعتي هسه مجبور أبرر موقفي كدام عمي حتى لا يزعل مني واحجيله الي صار ....
التفتت جاوبتني بهدوء مجبوره ابقى  وأتحمل نتيجة غلطتي اشرتلها منا المغسله تركتها وطلعت لكن دماغي كان طول الوقت يشتغل بهالمواجهه