رواية تراتيل الاسد العاشق اماسي الليل الفصل الثامن 8 - بقلم مريم اماسي الليل

#تراتيل_الاسد_العاشق
جزء١٠
اماسي الليل
حواء: قروا الفاتحه ... واني خدودي گامت اطلع نار ... ويا اول غمزه استلمتها من إسد.... بعد ما
استغل ... الكل يسولفون ... خلاني ما اكدر ارفع راسي ولا اخذ راحتي بالكعده
وراها نقذتني الحجيه من كالت
_يله يبنات گوموا حضروا العشا ...
اول وحده طفرت من مكاني وطلعت من الهول ... البنات باركولي ...وأمنه فكت ...ورجعت طبيعيه 
دا اقشر البتيته وبجيب دشداشتي التلفون دقايق ووصلني مسج
ما صبرت اكمل بسرعة فتحت التلفون
طوقتني بالخجل حين غمزتها
وأشعلت بالقلب  لوعة الحرمانِ
امسكتها بأيات من القرآن  وامام الكل رددتها
طرقت الباب راجيا ... ان تكون سلوى ليالي العاشق الولهانِ
حين املتي ... غزوتي كل تقلباتي وأذعنتُ للحب
تائب ندمانِ
على سنين خسرتها ... وانت بعيدة ... ولهيب الشوق
أتعبني وانساني
تعقلي ورجاحة عقلي ... فأنا بين يديك طفلا عنيد وأناني
يريد منك كل شي ... سرقه  الزمان مني ... واضناني
انا المتيم بأبنت ادم ... اريدها الان في عرين احضاني
بأسم كل قيد ... اهبك ما في القلب ..يا معذبتي لفيني
بحبال ودك ... واحبيني بكل ما اوتيتي من قوة  وكوني
سعادة لاحزانِ
جاوبته والله احبك .
أسد: ابتسمت هالحواء مثل ما اخذت قلبي راح تاخذ الباقي من عقلي انتظرت عمي يكمل سالفته بعدها بشويه  طلعت من الهول
رحت للمطبخ صحت يا الله قبل لا اوصل لباب المطبخ
جانت ملتفته وظهرها عليه 
حواءعندي حجايه وياج تعالي
حواء: على الصوت التفتت والخجل ثولني كدام البنات جان اسلوبه مثل الامر واني هذا الاسلوب ما احبه طلعت ورا لگيته واگف  مبتسم ينتظرني
نعم
أسد: نعم الله عليج  اريد اسمع الي كتبتي لان من لحظتها واني مو مركز ويااحد  اريد اسمعها بصوتج
حواء: فتحت عيني ما اكدر
أسد: ليش صرتي خطيبتي رسمي وهالايام نعقد .
حواء: ميخالف انطيني مجال اخذ  عليك .
أسد: خلص نبقى واگفين ما ورانا شي منا لحد متتعلمين عليه واسمعها
حواء: غير وكت لازم ارجع اساعد البنات
أسد: شوفي اني مو صبور ولا عندي قابليه تحمل ... هاي انت
تعلميني عليها ... بس ورا ما اسمع الي كتبتي
حواء: نزلت وجهي  اني هم رفع وجهي .
أسد : باوعيلي واحجي شلون من باوعتيلي ودموعج تنزل
يله حبيبتي خلي عينج بعيني  واحجي
حواء: كلمة حبيبتي  طيرتني للسما جاوبته
ابو فهد
أسد:  يا قلب ابو فهد ... بين الناس  صيحيلي ابو فهد بس وحدنا أسد ... ماشي
حواء: ان شاء الله أسد راح ارجع للمطبخ وبعدين نحجي
بالمسجات
أسد: گولي والله احبك مثل ماكتبتيها  وخليني اني هم ارجع لخطاري
حواء: بقى مخلي ايده جوه حنچي ورافع وجهي  غمضت عيني والله احبك
أسد: من شوكت ابقي مغمضه وجاوبي
حواء: ما ادري شوكت حسيت بهالمشاعر بمرور الوقت فهمتها
أسد: يعني من دزيتي المسج جانت موجوده هالمشاعر
حواء: ما اتذكر، شفته بقى ساكت فتحت عيني لگيته مبتسم
اسد: يله اخذي راحتج بس من اليوم شيلي حاجز الخجل
والخوف بيناتنا
مكانج صار هنا اخذت ايدها وخليتها على قلبي
حواء: بقيت صافنه بوجهه  وعيونه وهو ديحجي قلبي يريد يطلع من مكانه بداخلي اجاوبه  اموت عليك ... ولحد هاللحظه مامستوعبه انت خطيبي ...يعني راح  اكدر ابوك لك بلي  بداخلي .. مثل ما انت هسه
مخليني بقلبك اني مخليتك  بقلبي  وراح اخليك بعيوني ...
أسد: وين صفنتي  يا حواء 
حواء: بلحظات سرحانه  بهالغزل وبهالنظرات جاوبته بيك
أسد: هههههههه ترى انت قضيتي عليه بسرعه
حواء: وعيت على الكلمه الي طلعت مني  من ضحكته وكلامه ...
عفته ورجعت ... ميته بدمي ... ياربي شبيه  من اشوفه ما يبقى عندي عقل ...
يا الله رجعت يم البنات بس احس نفسي بغير عالم ... طايره بقلبه وبعيونه وكلامه ... ما اسمع شنو ديحجون ...
باقيه كلماته ترن بأذني ... ولمسة ايده لأيدي من خلاها على قلبه
أسد: ابتسمت واني اتذكر عيني بعينها ... ماكو ضرر اذا نأخر  العمال ... كم يوم
وتبقى هالبزونه يمي بالبيت ...
رجعت للهول ... وبالي كله ... افتح موضوع العقد ... بس دا انتظر عمي يخلص كلامه ويا ابو حواء
كأنه امي قرت حالة السرحان الي عندي ... والابتسامه على وجهي فاجئتني
الحجيه : يا جماعة كلنا اهل ما بيناتنا فرق ... واني اريد افرح بيهم ...  ماطول تمت الخطبه ...  وابو فهد من البدايه گلي اخطبها وأعقد خلال ايام ... ياريت تقبلون يعقدون
هاليومين حتى ان شاء الله وراها .... ما يطولون ونسوي العرس
شتكول حجي ( ابو حواء) 
أسد: وافق ابو حواء... دزيتلها مسج ... هاليومين نعقد ...
حواء: ان شاء الله
ورا العشا طلعوا بيت عمه ...بقوا هم گاعدين بالهول واحنه البنات
دخلنا الغرفه
دزلي مسج مو تنامي ... اريد اسمع صوتج قبل ما انام ...
جاوبته راح انتظرك ...
أسد: بقيت كاعد وياهم ... وكل عقلي يمها ...لحد ما دخلت لغرفتي ...
اول شغله سويتها ... دكيت عليها الو  اتوقعت نمتي لان تأخرنا بالكعده
حواء: الو ...لا ما نعسانه 
أسد: گتلج راح اخليج تحجين ويايه مكالمه  طلعت كد الكلمه لو لا
حواء: بس المسج سببلي رعب ...ما فهمته بوقتها
أسد: شنو فهمتي
حواء: اتوقعت ... تريد تگضي وقت ... كصداقه ... ودتهددني
أسد: ليش مبين عليه ادور لعب ...
حواء: وياك ما اعرف افكر صح ولا اتكهن ... بأطباعك ... شخصيتك غامضه
متبين مشاعرك وبلحظه تخطبني ... بدون ممهدات
أسد: مو گتلج تعالي للمطبخ عندي حجي وياج ... جان قصدي على هالموضوع
ما خليتي كدامي طريقه الا افاجئج ...
حواء: ما خفت ارفض ....
أسد: متأكد مترفضين ... عيونج وصلتلي الموافقه ... من قبل الغدا ... من عاتبتيني لان جنت لاف وجهي ... من سلمتي
يعني ... وصلتيلي الي ردت اتأكد منه ...
حواء: ترى انت مغرور ... تدري
أسد: ومستفز ... وانت الي تستفزيني ... اليوم عرفت شنو الي
خلى هالقلب ..ينبض بيج
حواء: شنو
أسد: قويه وعنيده ... لكن ويايه احسج طفله ... بلا عقل .. واني محتاج انسانه اطلعني من عقلي ...وانت هالانسانه
بعدج تفكرين بيه ...
حواء: ههههه شكد مغرور ... طلعت مني بالغلط
أسد: قصدج بدون وعي ... وبلا عقل ... هذا مو غرور هذا
ثقه ... تخليني اعترف ... ما متحمل هاللحظه وانت بعيده عني ..
خليتني اشتاق اشوفج ... وانتِ كدامي ...
حواء: أسد راح اروح تصبح على خير
أسد: حتى اسد ما اريدها ... صيحيلي بغير شي ... اي كلمه تحسين بيها
حواء: تصبح على خير قلبي 
أسد: وانت من اهله  الخير يا نبض هالقلب

يتبع باقي الجزء