تحميل رواية «تسأليني الجزء الثاني» PDF

للكاتبه

سوزان المندلاوي

مرت الايام صعبه كلش ..من يوم الي طلع ومرجع الي احس الكون كله يخنك ..

بلفاتحه خواته ..الي عايشين بلغربيه اجوي ..

الفاتحه صارت بيت امه ..وخالته

جنت كاعدة بصف الحجيه وخاله راسي بين رجلي ..

مرات من القهر والهم اغفى ع كعدتي ...انام ماانام

بس،اغمض عيوني ..اريد ارتاح

لان من يوم الي راح قائد عيوني ماشافت نوم عدل اغفي ..ماحس ..

دقايق ..وافز بصوت صريخ ..

فتحت عيوني ..شفت مجموعه نسوان طبو ..

من الباب ..كامو يهوسون ويلطمون ..وكامن النسوان وياهن ..يلطمن..والتمن عليهن ووحدة بلنص ضخمه وحيل تضرب ..ع ص رها ..

اني ع كعدتي متحركت ابد ..

اجتي وحدة وكعت ع عمتي .وحضنتها وتبجي ..

اني ع بجيهم دموعي كامت تنزل ..

جانت دموعي ..منتظرة بس ..اشارة من اي احد ..

كمت ابجي ..

اندارت عليه ..كالت انتي قمر ..

هزيت الها براسي ..ي ..

تفلت ..عليه ..

وكامت تعيط غراب ..ططوة ..موتي الولد ..موتي اخونه الله لا يوفقج ولا ينطيج ..

كامو عليها نسوان تهجمت عليه تريد تضربني ..

لحت منها دفرة ع رجلي ..

عساها بيج طلقاته .موتي وارتاحيتي ..

جان مرتاح وعايش حياته حرمتي من جهاله ومرته ..

ليش ليش

وحرمتي من شم الهوى ..

ارتاحيتي ..جروها عني ..

هلكلمات جانت ..بنسبه الي ..

مو طلقه لا ..سجاجين .وتنبت بروحي ..احسها نار وتاكلني

لا هيه الي ميته عليها .ولا هيه الي تذبحني واخلص ..

ولا اني الي عايشة ..

طلعوني من الاستقبال ..

كعدوني بلمطبخ ..بيني وبين نفسي ..جنت اعاتبه رغم ..اعرف هوة زعلان عليه ..

جنت اكوله وينك يولو ..وينك ..تعال شوف حالي بدونك ..

مر بيه ..حلم طيف..مر بيه موت وخلصني .من حياتي ..

تعال شوف حالي بعدك شصار ..مو تكول انتي ملكتي ..شوفني ..

بقيت كاعدة بلكاع وابجي ..مغطيه وجهي ..بشالي ..وبس اشهك ..

سمعت قمر ..فزيت ..

رفعت راسي ..

شفت همام كال شمكعدج هنا ..

كتله اختنكت ..

كال منهو وياج تمارا ..

كتله تمارة منو ..

اخت المرحوم الصغيرة ..

لا عيوني محد ويايه بس اختنكت حيل ..

كمت ع حيلي ..كتله ..

همام ..شفته بعيونك هوة ..جان ..متاكد ..خاف بعدة مخطوف ..فدوة تاكدت منه ..

كلي ..بيدي ..جريته ..نفس شكله ..بس مغمض عيونه ..

وين ..طلقاتة وكم وحدة ..

كال خمسه ..وبصدرة كلهن ..

اختنكت ..كلش..

كتله هذا المكان الي جان يوجعه ..ويضرب عليه ..

بسببي .هذا مكاني الي ..يضرب عليه ..من ازعل من افرح .

هذا مكاني اخلي راسي عليه

ماحسيت بروحي ملخت روحي ..

جانو اكو نسوان يطبخون ..صاح عليهم ..لزموها ..

بس ردت اموت ..كون عشر طلقات بصدري الي ..

اريد اشوف شكالت روحه الحلوة .من طلعت ..

ميفيد .لو ..اذبح روحي ميفيد ..

كلمه وكالها لازم واحد منه يموت حتى نرتاح ..

بس ..يمكن هو ارتاح ..واني ماعرفت طعم الراحه بعد ..

بعد موقف تمارة عزلت روحي عنهم ...

اكعد وحدي اكل وحدي ..ضايعه ماعرف وين تصفى ويايه ..

امي جانت تروح وتجي ..

كالت راح ارجعج وياه للبيت ..ماعدج كعدة هنا بعد ..

محجيت شي ..انتظر تخلص الفاتحه

عالم هوايه ..رايحه وجايه ..

خلصت الفاتحه ..واني ..الرايح والجاي يكول بومه غراب ..

بس الحجيه جانت متقبل ..تكولهم هاي روح قائد بيها ..

لحد ياذيها ..بس بقن خواته ع نفس الشي ..

كومه اسمع حجي منهم ..اسكت وانتظر امي تجي تاخذني ..

وحدة من بنات خالته ..كالت قمر ماترهم ترحين ..

لازم ضلين هينه منا للسابع هذا اقل شي ..

بس .مدشوفين شديسون بيه فدوة اعصابي تعبت ..

قمر ..الي عليه كلته الج وانتي حرة بعد ..

بقيت كاعدة واسمع لكلامها اريد اقنع بي روحي ..

شبقى عندي بعد بيتي ونهجم ماعندي شي هنا ..

ماكدر اكابل صور وحياطين .تاخذ روحي ..

كل مكان يذكرني بي .كل زاويه كل ركن ..

والندم اخذ من حيلي حيل ..

مرات عليه ايام مانام ..بس ابجي كثر مابجي صوتي بدة يروح ..كوة احجي ..الموت حق اعرف بس يوجع .

والي يوجعني اكثر ماشبع مني ولا شبعت منه ..

جنت اتمنى اعيش وياه كول العمر واسمع اليولو لحد ماموت ..متخيلت الموت يخطفه مني بسرعه ..

ولا انحرم منه بيوم جنت ادلل ادلع ماعرف اثبت نفسي يمه اثبت كرامتي معرفت اني داثبت ضعفي بحبي اله ..

تمنيت ترجع بيه الايام لو دقايق لو لحضات حتى ..

اكوله شكد احبه وشكد حياتي بدونه فارغه اني الي ازرعت نار بيه وماضنها تطفى بيوم ..

بقيت يم اعيالي ..وبدت العالم تروح ..بس اهله وخواته يمنه ..

فديوم الحجيه كالت قمر لازم تتنقبين بلعدة .

راح تكضين عدة المرحوم هنا ..

اني بقيت ساكته ماعرف شكول الها احس شي ودينفرص عليه ..باثناء الكلام ..حطو نقاب وجفوف بايدي ..

اخت قائد ..تمارا ..

اني رفعت راسي ..كتلها ..شنو هذول ..

كالت اابسي ..لو تريدين سلسله مال نار ع ركبته ..

المكرود ..

المن تقصدين ..

اقصد اخويه البسي عيني .. الي طميتي جوا التراب

اهلج معلومج شنو عدة يوميه امج رايحه جايه شنو لعد ..

بس تتمختر النه ..

صفنت عليها كتلها ..عفيه ..امي شعليها ..

عاطت واندا رت ع امها ..يمه باعي السانها من ضيمه مات من قهرة خلص منها ..بقيت اباع بلعيون ..وعيوني انترست دمع ..

كالت شوفي ..هنا الولد عايشين همام وقتيبه .وحازم رجلي رايح جاي ..وانتي عين النبي عليج مفرعه ولا عبالك ميت رجلج ..وهاي كلها حرام بركبه المكرود الي سكن كبور ..

من ورة شكولج ..

طب قتيبه كال اذا هيج احنه نطلع من البيت ..

كالت ولا وعليمن تطلعون عيني ..

هيه تمشي بلي نريدة ..

ضلو يحجون بينهم ..اني مدافتهم ..

اخذت الغراض وطبيت ..

هاي الفاتحه توها خلصانه ..

طبيت للغرفه ..سديت الباب وكمت ابجي ..لحد ماحيلي انهد ..اخذت اهدومه شميتها بعدهي عطرة بي ..

وحضنتها ونمت من احضنها شويه احس بلامان هلكد ماجان هيبه حتى هدومه هيبه ..

فزيت ع صوت الباب ..

فتحتها ..

تمارا ..

شدسوين ودفعت الباب ..شافت هدومه ع الفراش ..

كالت ..كومي جاين عالم يعزون ..

اي ..جاية ..

لبست ..الجبه ..وداطلع كالت

وين هجي ..لبسي نقاب ..وجفوف وجواريب وصوتج ميطلع احجي همس ..

بقيت اباع عليها ..

كالت لا ضلين تفرين بعينج ..العدة مالتج هنا تطلع ..

لا تفكرين ترحين لاهلج شمدرينه هناك ..

يجوز حتى الاسود ذبي ..

تمار ..اني موهيج انتي مفتهمه غلط قائد اعز من روحي .

والي تريدي لاجل عينه اسوي ..

ضلت تعوج بحلكها اي مبين ..

وكعدت ..ولبستني ..النقاب وغطت حتى عيوني ..

ولبست الجفوف والجواريب وطلعت وراها ..

طلعت من عالم وطبيت لعالم ماعرف شنو ..

ونهايته شنو ..كل شي مجهول الي ..

كل شي عليه جديد ويختلف ..كل شي بي فارغ وبي مرارة ...صار الكل يتحكم بية ..وحكمو عليه اكمل العدة يمهم ..صارت مشاكل بين ..اهلي واهل قائد ..بسبب العدة ..اني ضايعه بيناتهم ..الي سكن روحي راح ..ميهمني شيصير بعد ..كلامات جانت الي سيوف الي تكول تريد تزوج والي تكول تريد ذب الاسود وتحف ...

بعدة بخيالي..صار ملاذي الامن بداخلي احسه عايش ..

بقيت يمهم ..فات شهر شهرين ..جنت يوميه اتامل يرحع ..مرات اقنع عقلي واعيش قصه ..

اكول تبدلت الجثه ومعرفو زين ..

وهسة يجي مثل الفلام واعيش بخيالي ويا ..

احضنه اشمه ابوسه انام ع صدرة ..جان خيالي معيشني ..مرات افز ع نفسي واني اضحك ..وي روحي واتخيله ويايه يحجي ..عقلي يرفض غيابه ..

مجرد مادخل للغرفه اسد الباب ..

وانزع الاسود والبس شي يحبه واتعطر واكعد ..

واسولف ويا واحجيله شكد مشتاقه مرات ابجي ومرات اضحك ومرات ..اضل اباع بعيونه ..

موجود معافني لحضة ..

ويحجي ويسولف ويايه ويضحك ..

مرات ..يزعل مني ..لان ماسمع كلامه ..

ومرات ..اني ازعل عليه ..

عشت ويا بخيالي ..

واكعد ثاني يوم مجرد مافتج الباب ارجع لواقعي ..

تمارة ..

اصعب شي مريت بي وجود تمارة ويانه بلبيت ..

جانت تحاسبني ع النفس الي اتنفسه ..

ع الكلمه ..ع اللكمة ..

ع كل شي ..

اخر شي ..قبل متطلع العدة بكم يوم ..بدة حالي يتغير نفسي تلعب من ريحه الاكل ..انام هوايه ..مالي خلك شي ..صح الشهرية فاتت هوايه بس كلت حاله نفسيه ..

راودني شك ..بان اني حامل ..ضليت الوب ماعرف المن اكول اتصلت بامي ..

الو هلو ماما شونج ..

هلو قمر شونج انتي ..

تمام ..الحمدلله ..

شبيج يمه ..

ماكو شي ..بس تعالو اخذوني ..بحجه..

قمر متكوليلي ليش هلكد تخافين منهم الي يربطج بيهم راح ..

اعرف ..والله بس ماما ..ماكدر ..لخاطر روحه ..

باع هاي يا روحه هذول مينعاش وياهم ..

يامي ..بس تعالو ..

شنو اذوج

لا بس اكو شغله اريدها منج ..

خوش هسة ادز اخوج ..

رحت ..ع الحجيه كلت الها اريد اروح لاهلي اليوم..

خيرج يمه ..

ماكو شي بس اروح ..زيارة وارجع بليل ..اختي هناك

خوش يمه روحي ..

جنت اخاف من تمارا ..هي اكبر مني

يعني ..لميت غراضي ..مثل الحرامي نهزمت ونسحبت من البيت ..

انتظرت اجه عليه اخويه واخذني وجنت لابسه البوشي والجبه والكفوف ..

احمد بلباب ..شنو هاي قمر هذا حالج ..

امشي ..

يمعودة شبيج جنج مرت الزرقاوي ..

دمشي ..هسة مشيت اني ويا ..

وخرت البوشي لحد حلكي وكمت اخذ هوى صار شكد مخنوكه حتى من الهوى ..

وضليت اباع ع الشارع احس بي يحجي ..

هنا كعدنه هنا مشينا هنا حجينه ..

بدت الدموع تنزل من عيوني ..

وامسح بيها ..

اندار عليه احمد ..شبيج يمعودى ..

مابيه حبي ..

وصلت لبيتنه ..

طبيت جوة ..

سلمت ع اهلي وكعدت ..بديت احس بفراغي كبر اكثر ..

عبالك البيت هوة روحي وروح قائد بي ..

للعصر اخذت امي ورحنه للمختبر ..

حللت دم ..

وانتظرنه ..

صاح اسمي كلبي كام يدك اكثر ..وصلت يمه اباع بعيونه ..

ضل يباع عليه ..كال نتيجه ايجابيه

ضليت اشر بايدي شنو يعني

اختي حامل ..

حسيت نص حيلي راح ..

خوف وفرح وحزن ..

بدونه ..وطفل ..وين الفرح ..وين اني ..وين هوة ..والمن جاي الطفل الياضيم وقهر

انا بلاياك ..

اوقت ساعه الموت

بس ياساعه اموتن مامحدد.....

وللحكايه بقيه

#سوزان المندلاوي

اباوع على حلك ابو المختبر وهو يلفظها

مبروك اختي حامل احسها مثل العرض البطئ ما اكدر

استوعب الكلمة بقيت صافنة بوجهة مصحيت الا صاح

اسم الي بعدي

ماما تنتظري بالصالة اريد اوصل الها ما اكدر احس رجلي ترجف احساس غريب من اكو شي ابنطج احس كل حركة تخوفني

وصلت الها

خيرج ماما

ماما اني حامل

نزلت  دمعتي وية هل الكلمة

بالخير حبيبتي هذا رزق ربج وهذا لمكتوب الج

لا ماما ما اريدة شلي بي وراح راعيه

شلون ولج شنو هل الحجي حرام عليج بنتي

ماما انتي ميتة تعرفين شنو ميتة شلون اكو روح ابنطي واني ماعندي روح

امشي كومي خل نرجع للبيت لحد يشوفنا  هنا بعدين

نتفاهم

اي هذا لمخوفني ماما اهل قائد ابدا مو اوادم بالخصوص

تمارا

مو هذا الي ردتي والي استقتلي عليا ابوج كلج هذولة مو

طبعنا ولا حياتنا بس انتي اختاريتي اتحملي

اختاريت قائد مو اهله وقائد راح وعافني اسمع حجي

يسمني

من الكل محد رحمني حتى امي

قمر مو قصدي والله بس كلبي محروك عليج ليش سهلة

عندي بنتي بهل الحالة وما اكدر اسوي شي خل يصير

غندج طفل وتحسين بلي دا احسة هسة

ما اريد الطفل ما اريد ..

عفتها وكمت امشي ..

وصلت ..لا رج ..

كل بايه انزلها ..احس نهايتي بيها جنت مبوسه وكلشي

ماشوف .حتى الدرجات ماشوفها

اسمع امي تصيح قمر قمر ..

قبل اخر بايه كعدت ..ع الدرج

وكمت اردد اني فارغه

جتي امي تنهد ..شبيج تخبلتي

امي اني فارغه ياروح داخلي

فاارغه من كل شي ..حتى مشاعر ماعندي ماتت

يانبض جوايه ..ينبض وروح ..

كومي صل ع النبي كومي

احسها اجرني مثل الطفل

الشارع جان متروس عالم .

عجوز وابنها كايدها ..هنا طفل بحضن امه ..

وهاي نسوان اثنين ..

فات بصفي ..

داطليي .داطل...هيج اسمع مغوش مو واضح ..

ماذكر شلون ركبت تكسي ..

وكعدت ..

وامي تححي ..ويايه مستمرة ..

دخلت لبيتنا واني احس نفسي غريبة

وخطار اوووف ربي احس انكسرت كسرة

جبيرة ومالها جبر

نزلت ندى ما اعرف ليش احسها ولا تحبني اتمنى عندي احد اسولفة على همي والي يصير بيه

هاا حبي قمر شلونج شخبارج

شلوني هذا حالي واخباري حامل بطفل يتيم وامة ميتة

ياااا صدك شنو هل الحجي اسم الله عليج وبعدين انتي لا اول ولا اخر وحدة تحبل ورجلها متوفى لازم تصيرين قوية

واهلة هم موجودين اكيد كلهم راح يوكفون وياج

من سمعتها امي ..نزعت شالها ..

وكعدت ...

وليش اهلة وين رحنا احنا اني وابوها واخوتها كلنا وياها

اي طبعا خالة بيكم البركة متقصرون بس قصدي خطية هسة يفرحون بالطفل

حتى واذا فرحوا مو اول طفل اله الله يرحمة عندة من ذيج مرتة اطفال خل يفرحون بيهم بنتي ترجعلي بعد

صدك وهمة يقبلون

قبلوا والا ماقبلوا الي جان يربطنا بيهم راح الله يرحمة

حسيت من كلامها متريدني بالبيت

حتى بيت ابوية استثقل عليا وصرت بي خطارة

عفتهم يحجون وصعدت لغرفتي اتذكر ايامي ويا قائد اتذكر جنت اتمدد هنا واسمع منه كلام واباوع على غراضي وملابسي حتى هاي اللعابة الي على الميز شكد جنت اصفن عليها من جان يتغزل بيه واذكر هذا الكرسي الي كعدت عليا من كلي احبج اول مرة مصدومة واتذكر كلشي حتى لباب ..اول مرة من خابرته ..من فون اخويه وضحمت ع خوفي وارتباكي منه ..

جنت اباوع واني واحجي اخاف احد يفتحة واتذكر واتذكر معقولة حياتي راح تكون عبارة عن ذكريات وبس

زين هذا الطفل شلون ابقي لو اذا اجة شلون شكلة يشبه قائد مو اي يشبه وشنو اسمي مثل مراد ايهم واذا بينة هم قمر

بس اذا كبر اخاف يلومني مثل اهلة ويكلي انتي السبب حرمتني من ابوية

اكثر كلمة اخاف اسمعها هاي

من كثر الهم تمدد ونمت وعيوني على اللعبة واتذكر

ول يابة اخ شكد احبج

اتذكر حضنته ..ودفو صدرة

خليت راسي ع صدرهه

ايام جانت قبل ايام عفية دنيا شلون تفرينا

كعدت على صوت انهار تحجي وياية وتلعب بشعري

قمورة حبيبتي اكعدي ياعيني .

اجيت علمودج قلبي ..

انهار شلونج حبيبتي مشتاقتلج

كالت ليش هيج صايرة كومي

انهار ماتدرين شنو بي وشنو دا اشوف

اعرف قمر عرفت حامل واعرف قائد عافج وراح واهله صعبين

بس ترى انتي لا اول ولا اخر وحدة تمر بهل الظروف اكو اتعس منج

اكو الي عدها 4و5 اطفال وماعدهم اهل ورجلها راح

اكو غيرج رجلها موجود وتتحسر على الحجاية الحلوة منه وعلى لكمة واكو واكو ترى ماكو شي سهل بالدنيا وماكو احد مرتاح قمر صيري قوية ترى الي انتي بي لا يرضى الله ولا روح قائد ولا احنا وارضي بقسمتج وربي ابنج وعوضي عن ابو وعوضي نفسج بي ..

رجعي هنا قمورة حبي شعدج هناك ..

اي ارجع ..

ان شالله انهار انتي شلونج شخبارج وية رجلج

الحمد الله يوم عدا ويوم اعوج بس عايشين

ليش اعوج اسم الله

ليش ههههههههههه بسبب امة تريد طفل عبالك صارلنا 10 سنوات متزوجين لو اكو شي بيدي يوميا حجي وبسامير

واني اطلعها بي

خطية شنو ذنبة

واني شنو ذنبي فلانة حامل وعلانة جابت

قمر ارجع اكلج دنيانا صعبة صيري قوية شنو

هاي شنو هل الصوت

هاي ندى يمكن

اي شدعوة هل الصوت العالي والتمضحك شكد سخفية ومتستحي

عوفيها انهار خليهم فرحانين ياريت اشوف الكل فرحان

لا قمر اعرفها حقيرة وتتقصد تأذيج وتحرك كلبج

تحرك كلبي ليش هو كلبي ممحروك

خل تولي يراد واحد يوكفها عند حدها

لا انهار عوفيها اني ادري بيها متريدني ارجع هنا بالخصوص من عرفت اني حامل وهي هم حامل

لا قمر هذا بيتج وبيت ابوج

لا بيتي بيت قائد ويم امة ومثل مكلتي لازم اصير قوية

دكومي ولج متت من الجوع وريحة الدولمة دوختني

الله دولمة قائد جان يحبها

الله يرحمة ديلة اكلي واقريلة الفاتحة

وصدك ندى تتقصد تتموع وتسوي حركات ما اعرف ليش اكو نماذج تزيد وجعك وتفرح من تأذي غيرها ..

طلعت كوة امشي ..

دايخه واحس بوخه وجسمي بي نار ..

رحت ..

شفت بابا ..

ها بابا خيرج ..

سلامتك يابه وبوسته ..وكعدت بصفه ..

لزم جتفي ..كال ..العوض بلي ابكنج ..

انداريت عليه ..

بابا ..

نعم ..

تعبانه ..

غمض عينه ومسح لحيته ..

كال..بنتي ..شبيدي عليج والله منام اني وامج ..

نفكر بيج .اكوم الفجر ابجي وادعي اللع يبرد كلبج ..

كلمه كلمتين الغصه لزمتني ..

حضنته ..لزمت روحي كوة ..

الانكيار ..

مكسورة مجروحه مخنوكه محتركه

اني بوسط نارر..نار تسعر وتحركني مابقت بيه شي ..

الوب الوب ..

مزوهرة هيج ..

روحي تفرفح وتكمز ....

كال بنتي هذا بيتج واذا البيت مشالج عيوني ..

الج ..

دخلت امي ..وشايله صينيه جبيرة

وبدوا يفرشون ..الاكل

ريحه الدولمه ..تارسه البيت بس احس نفسي مسدودة

كعدت ..اكل ..

بصفي انهار وامي وكدامي ندى ..لكمه العا ولكمه لاخويه

الف عافيع عليكم ..

كملت وكمت .

كل شبر بلبيت الي ذكرى بي ..

الكل الي يسمع قصتي ..يسد الفون ويرحع لحياته يمكن

ينقهر ..ساعه اكثر

اني جنت يوميه اجرع الموت ..

واعيش بكبر ..

بديت اغسل ايدي ..

رفعت راسي للمرليا

جفلت ..

وحهي اصفر ..ازرك جوة عيوني ..

شكلي شاحب ..بشرتي ..باهته ..

بديت امسح وجهي ..

وكفت ندى بصفي ..

وخرت اني ..

كالت ..اوي بلحمل شكد اكل ..راح اصير دبة

ابتسمت الها الف عافيه ..

وانتي ..

كتلها توني ماعرف ..

كالت ..ي واكو سالفه هم احبها ..بلحمل ..

وخرت الخاولي وشريته ..

كالت ..اخوج اموت علية ..حتى كال لو ادري الحباله هيج..

يوميه احبلج ..

وحجت كم كلمه عرفت مقصدها .

ردت كالت اسفه انتي ..قائد مات ..

اوو يلساني ..

ماعرف شكول الها ..ولا شجاوبها

تمارا هناك هنا ندى ..

عفتها ومشيت خطوتين ..

كالت قمر ..لو ماخذة اخويه مو احسن الج ..

لو ماخذة السايق مالتج مو احسن من حالج هسة

عجوز صايرة تخوفين ..

انداريت عليها ..

ندى قسمتي هاي ماله داعي كلامج ..

قسمتج ..الف مشكله وجلبتي بي ..

عفتها مالي نفس احجي ..

المهم قررت ابعد عن المشاكل لبيتنا كافي

الي سمعته ..

والي سببتة الهم ذيج الفترة واتحمل مشاكل تمارا

لبست النقاب وسلمت عليهم ووكفت بالطرمة انتظر احمد

تذكرت قائد من اجاني سكران وشايل مسدس

اووف لو ضاربني ومرتاحة

طلعت ودموعي تنزل امشي بالشارع وبكل خطوة بي الي بي ذكرى ويا

دخلت لكيت تمارا بالمطبخ كالت همزين اجيتي هسة ردت ادز عليج همام

ليش اشتاقتلي

لا بس اريد العدة على اخوية تعدي على خير

مو تفرفر بسوك ..

ياسوك ..

شافوج جماعه طالعه ؟

واذا

كالت ..ولج انتي شنو من بشر ..رجلج مات وتفرفرين

شنو ..متهمدين ..شويه ..

تمارا ..عيب ..هلحجي ..

عيب عليج انتي ..

فات همام ..

شكو ..؟

ماكو شي همام اني صاعدة ..

تمارا ..لا اكو الخانم امها ماخذتها وتفرفر بشوارع ..

بديت افور

همام :تمارا عيب هلححي واذا طلعت ..

هينا محبوسه ..شوي تغير ..

كالت لا بالله..

ع الماكو سوت هوسه ..

كااافي يولو   ..احترمي نفسج وحدج لهين وياها قسم بذات الله ..ماتلومين غير روحج ..كفي عنها

..ولا تعلين بحسج

وال انا ..مو جاهل ..احترمي ..وهذا بيت ابو الجراح  ..وقمر هينه ..تبقى ومالج شغل بيها ..

لا تنعثليين ..

اللهجه نفسها ..

مجنت اسمع اليولو الهينا ول ..الا من قائد

كمت اركز البيت كلة نفس اللهجه ..

عاطت تمارا بصوتها الخشن .

لو اعرف شنو بيها الزلم ترجف عليهااااااااااااااا

صوتها رن ..البيت

احس جسمي كزبر وبرد غمضت عيوني حيل

جنت واكفه بين المطبخ والممر ..

عفتهم ..ومشيت ..

..

احجي واصعد على درج ولشتي كامت ترجف

كتله كافي ولزمي حدج ويايه ..رحت حللت

لان حامل

شنوو حامل..شوكت ومين ..عيني ..

وللحكايه بقيه

صباحكم ..ياسمين

#سوزان المندلاوي

عندما استقيظ صباحآ لا اريد ان افتح عيني بسرعة

  ارى نفسي  تأخرت على الدوام وامي تنادي عاليا

للاستعجال ...

قمررررر..

وهنا ابي ..

وهنا اختي ..

وهذا ..قائد ..

ولحن اغنيه تساليني ..قد ملئ ارجاء العالم .باكمله ..

وها انا ملكه بين يديه ....

لحظات اتنمى ان تتحقق فيها الاماني

التي طالما ادمنت رؤيتها بأفلام الاطفال

ولكن الواقع اقوى وامر فمع اول نظرة له تتلاشي احلامي ...

واصبح حبيسة الذكريات ..

اشوف دشداشة قائد كبالي معلقة وصورة على الحايط

لشوكت من اكعد لازم كلبي يتلوع شوكت يصير عادي عندي واتعود الحياة بلا قائد

تعلمت اصير اقوى من قبل وواجه تمارا الي ابدا مفكت مني بالخصوص من عرفت حامل

تمارا طويلة وضخمة تنطني شبه لقائد شوية عدها 2 بنات

وراها مصار عدها اطفال سمعت من الحجية هواي راجعت

اطباء وشيوخ وماكو فايدة وهي تحب زوجها بجنون وتريد

تجيبلة طفل فصارت عدوانية هواي مرات انقهر عليها ومرات

انقهر على بناتها لان تفقد عليهم تضربهم وتأذيهم

طبعا هي استقرت هل الفترة هنا لان زوجها ضباط وانقل

لبغداد وهي دائما مشاكل ويا عيالها فأجتي هنا

حسب الي افتهمتة من همام  قائد الله يرحمة اشترى نص

لبيت قبل لنزوج بفترة منهم ولو هو ماكو احد من بيت خالته

بي بس همام وقتيبة ولبقية رجعوا للرمادي  وال راح لللاردن

بس راد نرتاح بي اني وهو وجان ميكدر يشتري كامل لان

مهري جان هواي والمشاكل وية عمامة

تمارا ابدا محنت عليا يومية تأذني وتأذي اطفالها امها واذا

ماكو احد يمها تأذي نفسها  لاحظت من زوجها يجي اجازة

تتغير ..حتى تمكيج ..وحفت ..شعليه بيها ..المهم

تهدئ وتتغير تلبس وتحجي بهدوء بس تقبى تصرفتها بنرفزة

واعصابها مشدودة دائما وما اتصور بس شغلة الخلفة المشكلة بش هو جان حلو ومرتب اشكراني واحمر

وهي ضخمة وملامحها رجوليه اكثر من زوجها نفسة

فديوم  جان رجلها حازم  اجازة سمعتها تصيح بليل كعدت لبيت كلة

نزلت اركض فكرت الحجية بيها شي

شفتها ملخة نفسها وتصيح وينج ام الرياجيل متعلمة تبوكين

الرجال من مرتة مو جديدة عليج مثل ما سويتي بقائد انداريتي على حازم بس لا مو كل اصابعج سوة

بقيت مصدومة هااي اني تقصدني الية

لا عيوني اقصد امي حبيبتي لتبعين سوالفج عليا عود فقيرونة ومكسورة

كعدت على الدرج وكمت الطم وابجي

همام اجاها بعصبية لج  انتي شنو محد بعينج ادري اخوج مات بس ترى مرتة امانة بركبتي ليوم الدين وشاهد الله مطالع منها العيبة

اي طبعا تدافعلها هي حبيبة الزلم وتضحك عليكم بدموعها وسوالفها ..

تمااارا اسكتي لا طلعيني من طوري لخاطر شيبات الحجيه ساكت ...

ولا يمها ..مستمرة ..

والله قمر اذبحج وراها افضحج والله يارباية الشوراع

همام ..

اسكتي تمارا لتخلني اطردج خليني محترمج بالبيت ترى احنا تعبانين والي بينا مكفينا منقصنا مشاكلج

تطردني همام عفية عليك تطردني علمود هل الساقطة

انجبي واحجي عدل خل نفتهم منج ليش هل الحجي على لبنية

لك همام كتلة لحازم اذا جابت نأخذ الولد ونرجعها لاهلها

يكولي ليش خليها اتزوجها وهم نكسب اجر وهم تخلفلي ولد

هنا كمت الطم والحجية ..

صعدت يمي لا عيوني انتي لا يروحت ابني لتخافين محد يأذيج ومحد يربي ابنج وابن قائد غيرج يمة يوميا يجني قائد بالمنام يوصني عليج يكول هاي روحتي يمة

من سمعت هيج سكتت وكتلها صدك حجية راضي عليا اريدة اشوفة اوووووف واسمعها منا

ووكعت محسيت بروحي الا يم ابو نور المضمدوهمام واكف على راسي

حسيت بهمام فوك راسي شلونج قمر

زينة اني وين ليش هنا شكو

ماكو شي هبوط صار عندج بس يخلص المغذي نطلع

رجعت نمت وهو كاعد يمي كلمت المغذي رجعت لكيت الحجية واكفة بالباب خطية تبجي

خير يمة ابن قائد راح

جاوبها ماكو شي يما

الحمد لله

بس ترى لازم توكفين تمارا عند حدها صايرة متنحمل

شبيدي يمة ما اكدرلها

دخلت لكيتها كاعدة كبالي

ها اجيتي وجه البومة مات الطفل ان شالله

لج ليش متهابين احد انتي

يمة من وراها راح اخوية وهسة تندار على رجلي

رجلج ابو النسوان مو هو يندار على اكبر وحدة اسكتي اسكتي لتخليني احجي

تمارا احترمي نفسج ترى لبنية ما طلع منها لعيبة

اي دافعوا دافعوا كلكم عليها مو هي لراح قائد من وراها هذاك الهيبة اندفن بالتربان وهي جامعة الزلم دايرة مدايرهاة

اجة قتيبة من الهول وكف على باب المبطخ

تمارا قمر ورة متجيب اتزوجها واربي ابن قائد واذا اسمع كلمة منج منا لحد متجيب اكصو لسانج

همام

لا قيتبة قائد رفيجي واخوي وانا اربي ابنة

الحجيه عفية بيكم ولدي اروحلكم فدوة انتو عوضتني عن قائد

كومي خالة ليكون ابالج واذا تمارا محد يكدر عليها اني اكسر راسها

انا اباوع عليهم وبغير عالم ناس تغلط عليا وناس تدلل عليا

اذكر ..لعبة بصغر ..شدة ياوردة  شدة ..واني بنص ..

هيج رحت ..اني بنص والكل عليه ..

كعدت ..كلت

كملتوا خلصتوا اتفقوا

كيكه وقسمتوها

منو كلكم اتزوج ورة قائد

الموت اهون عليا افتهمتوا

تمارا ...زين قمر جيبي ولي لاهلج وابن قائد اهله 

ليش شبيه اني اني اربي اني امة

وين تربي عيوني يمكم لتنسين انتو غيرنا

يعني شلون انتو غيرنا قصدج من غير مذهب  مو

قصدي مو قصدي ابننا واحنا اولى بي

كام همام جرها

لج تمارا احترمي نفسج والله اطردج من البيت لو مو خلي خاطر لخالتي

يابيت عيني متكدر هذا نصة لقائد

اي وهل النص لقمر وابنها...

قتيبه ..بصوته الهشن ...

قمر بس جيب اعقد عليها ...والي يفك حلكه ..وياها بعد

مايلوم الا حالو ...

الحرمه ..ماتطلع من هينة ..وولدنه ..يتربى بيد الغرب

يابه ...عجل ..المن احنا هينه ..

عفتهم وصعدت ...

صعدت سديت الباب..الغرفه .. بقيت الضوة مطفي ..

وسديت الباب .

ماريد بعد اسمع شي من اي احد

لا تمارا ولا ندى

اني منو الي ..

معقوله هيج انذليت ..

زين وين راح ارتاح اني والمن ادك بابه ..

امي تكول ..انتي السبب

ندى كلامها مشمئز اكو هيج بشر ياربي ..

كعدت ع الجرباية ..

ذبيت البوشي والحجاب ..ونزعت الجبه ..

غمضت عيوني ومديت ايدي ..اتلمس .الفراش

حسيت بنفس دافي ..

ماريد افتح عيوني ..هذا قائد

اني ومغمضه رجعت راسي ونمت ..

بقيت مغمضه ..

قربت نفسي اكثر ..هذا قائد ..

اي خيالي عايش وياك ..حبيبي ..

عوفني اعيش ..اريد اعيش ..

تقربت اكثر اكو صدر ..وجسم ..مابين اريد افتح عيوني ولا

اريدة .عساه مجاني حلم طيف راضيه ..

سمعت..

تنهيدة ..وجسم دافي ..

كلها دقايق ..

بين عقلي وخيالي اريد اثبت ..

فتحت عيوني ..

اشوف ..لزمت ..ايد هاي ..

انتفضت ..فتحت عيوني ..

كال شبيج ..تعالي اعوضج ..الحرمان ..

هذا  صوت حازم ..

وللحكايه بقيه

#سوزان المندلاوي

احيانا ..كنت اظن ان ..الاموات يتوجعون ..

لفقدان

الاحياء

لكن ايقينت ..ان ..الموت ..راحه ..

والحياه ..دار ..عذاب ..

وايقينت ..ايضا ..

اشد انواع الفقد ..من يموت ..

ويحيا في داخلك ..كل يوم ..

تعالي اعوضج ..الحرمان ..والحنان ...

هذا  صوت حازم ..

ييييمه ..اريد اتنفس احجي ماكدر ..

اريد اوعى ع الي ديصير صدك لو لا ...

كال تروح فدوة الج تمارة وقائد وعشيرتهم هم ..

كمت ركضت ..

اوكفي اوكفي ..احاجيج ..والله ..

ماعرف شلون ..فتحت الباب ..وعبرت ..الدرج

نزلت واتلفت .. ..

ماكو ..احد بلمرر رجلي اطك ..من الرجف ..

طبيت للمطبخ ..

نزلت وشفت همام بالمطبخ ..كاعد ياكل ع الميز ..

وهدوء،..

شافني بدون غطا ع راسي ..ماعرف اغطي راسي بشي

شفت قميص خليته ع راسي ...

كام ...

شبيج قمر خير صاير شي صفرة

هااا لا بس حااز

يا حاز شبيج ..

شبي حازم

مابي شي مابي شي

احجي يولو شبيج ...

كعدت ع التخم كام ..شكو ويفر بايدة منهو وياج ..

راح يصعد ..كمت وراه ..

نزل من فوك حازم ولا مكسورة عينة عادي

هذا شعندة فوك جان جاي عليج مو

مجاوبت بلساني دموعي جاوبت

عته ..من اخر بايتين ..

يول  يا عار هاي حرمة قائد تتحرش بيها  انت مو زلمه ولا  مال بيوت محترمة الشارع اشرف منك

كله احترم نفسك همام اصلا هي اشرتلي تعال وراية

همام اندار عليه ..وعلية ..

اني لساني صار .طابوكه ..وهاي رجلي ..من الرجف عبالك ..سعفه ..اريد اثبت ماكدر ..

عاط همام ..وجرة قريب ع وجهه

كله عيد ..ماسمعت ..

دحك علي وعيد ..جلماتك ..

بخوف حازم كال ..هي حرش ..شبيك

لك كلب متبقى هنا ..ودفرة ..ونام عليه ..

ماسمع بس تركع راسه بلكاع ..لحازم

تلازموا وطلعت تمارا والحجية اني كعدت ابجي بالمطبخ وين اروح  يربي وين بقيت افتر ..مثل المحروك ..افتر ..

وصار صياح

بدون مفتهمت تمارة شي 

بدت تمارا تتهمني وتعيد الحجي

ساقطة ام الرياجيل ...

صوتها اخشن من ملامحها ...

الخوف عماني ..

قتيبه كام ..اجه ركض .. جرها كلها شوفي ولج متبقين انتي هل العار هنا عجل منعرف بسوالفة السكط يوميا متحارش بمرة ..حتى من دائرته مرفود ..

حتى لبنات مال مدراس ميسلمن منة

لا قتيبة هي مو راحة نسيتوا شلون جرت قائد وقشمرتة نسيتوا المشاكل بالشوراع من وراها

يولي قائد جان مخبل الله يرحمه واني ويا

هو جان يركض وراها وسوا سوالف متسولف لخاطرها

مالكم كعدة هنا تمارا وحازم الكلب....

بيت اخويه تطردني منه ..

وكبرت المشكلة واني بس اباوع وين وشلون وشسوي يا ناس اروح لابوية المريض لو لاخوية الي حتى مواساني من انكسر ظهري احسة يتشمت بيه هو ومرتة

المن يارب انتحر واروح لقائد وينك عني يملك الموت والله بايعة روحي الك

بس اني هيج ..جريتها عياط وطلايب ..هاي حياتي ..

شبعت تكفخ ..ومن زوجته راح ومن حبلت منه ..هيج صفت

طلعت الحجية وصيحيت يبووو عليكم محد يحس بيكم

صار هدوء ..

كالت ليش تمارا ردتج عون توكفين وياية بمصيبتي يومية عزة بالبيت

..حازم عمة والله هي تتحارش من اول مأجينا

انجب ناقص هذولة الزلم ليسون راسك ما رفعت عينها بعينهم تباوع عليك يلعار

ووكعت الحجية وكعت ام قائد

كمت احبها اكثر وحدة بعد قائد احسها شريكتي بالهم والقهر بس كلمن شكل اني لحبيب وهي لابن

شالها همام بسرعة وقاس سكرها وطلع صاعد حيل

طلع حازم بهل الاثناء وقتيبة كلة متعتب هنا بعد اكسر رجلك

وتمارا تكتر على صفحة وتبجي..وسكتت ..

احسها تعرف رجلها هو الناقص بس متنطي بي تقشمر نفسها ما اعرف

بعد منامت الحجية ردت اصعد لزمني همام

كلي سدج امين انتي تاج راسنا واختنا ومنصدك بيج اي حجاية محلوة وهذا الكلب معروف ترى ياما سوى فضايح بس تمارا ساكتة عليا

كتلة ردتك سالم اخوية متقصرون واذا بأي وقت تستقلوني ارجع لاهلي

قمر ابدا لتطلع منج هل الكلمة بعد ترى البيت مال قائد والحجية روحها بيج....

عفتهم ..

طلعت بلحديقه ..مشيت بلطرمه ..وطبيت للحديقه

اول ماطبيت ..بلاك كام جان مربوط ..بشيش .بلكاع ..

طلع همام ورايه ..

ليش هينه ..

مخنوكه ..

حقج ..

كتله افتح بلاك ..

ابتسم ماتخافين منو ..

لا ماخاف ..تعلمت عليه ..وابتسم بداخلي يامه ايام يخوفني بي ..واختل وراه ..لو اطب اركض للبيت وامه تحجي عليه

وهوة يضحك ...

اخذت حسرة ...

راح عليه  همام وبلاك يفر بذيلخ ..

فتحه ..

اجه ركض ...

اني جنت كاعدى بلمرجوحه كشيت رجلي ..

جانت دنيا لليل ..

ولفيت الشال ع وجهي ..

اتقرب من رجلي بلاك ..وخله راسه جواها ..وكعد

متحرك ابد ..

بقيت مجببه منه ..

اريد الزمه وارجع ..مديت ايدي ..

يباوع عليه ..

قسم بالله عيونه تحجي بحزن ..

ضليت امسد اله ..

كتله مشتاقله مو ..

اكو صوت غريب منه ..لا هوة نبح ولا هو ون ..

ضل ..راسه بلكاع ..

كتله حنيت لصاحبك انت هم ..

همام ..كال اخ الله ..

وراح ..ويحرك ..بايدة ..سمعت صوت باب الكراج نفتحت

عرفته طلع ..

كلت لبلاك اني هم مثلك ..انذليت ..واتيتمت ..مثلك ..

مشتاق ..لول يابه مو ..

صدك مات ..هو ..

كولي ..

تذكر شلون جان يخوفني بيك

اجه همام بسرعه ..

جرة وربطه ..

مثل الحلم مر شلون جان يهدة عليه ..

وكعدني همام ..منه ...

كتله ليش،عوفه ..

كال هاج ..الكفي

همام شمر جيس بحظني

هاي شنو

هاي حلويات وجبس حار وببسي

مثل متحبين

هااا اشكرك ليش كلفت نفسك

لتكولين هيج قمر انتي عزيزة ومرة العزيز

قمر ..

نعم همام ..

شكد عمرج ..

بعدني مطابة ال 19 ليش ..

هجي .مجرد سؤال ..قمر لا ضنين اسكت للي ياذيج قسم بالله والفرقان والقران املص راسو ملص واحسب الله ماخلقوا ولا سواه ..هذا واح مكطم ..امرد راسو ..بس،يدنى الج

وعلى تمارا دبارها يمي انا  ..

انا وله قتيبه مانرضى بلظلم والسوالف التعبانه ابد ..

بقيت فاتحه عيني ..عليه سيناريو ويتكرر.

معرفت اجاوبه

..كومي نامي .

خوش..

شكد كسروني بهاي الليلة تمارا ورجلها

بس حسيت عندي ظهر احسن من اخوتي وامي

الحجية وهمام قتبية

قفلت غرفتي ونمت ..ومادري ع هبطات الكفل ميت عدل

بطني ...غفيت واني افكر ..ليش بس اني حياتي هيج مخربطه

وليش الكل طمع بيه ..

باقي ايام واكمل العدة ..وراها شسوي ..

كعدت الصبح  مرتاحة ومخايفة من تمارا

نزلت سويت اكل للحجية وكعدت بصفها

كتلها

خالة انتي بمكان امي وما اريدج تضوجين مني اي شي تكولين عليا اني اسوي اروح لاهلي ماروح

ابقى جوة رجليج خدامة هم حاضرة وعيوني الج ..

بس لا اريد ازوج ولا شي عوفوني اعيش واربي طفلي

ما اريد يمة لا تروحين ولا تبقين خدامة اريدج معينة الية اريد ديرين بالج على قائد لبنطج اريد ارجع اشمة

شمدريج خالة بية ولد

اعرف بيج ولد تحلمت بقائد لبسج محبس بي شذرة زركة قبل لا تحللين عرفت حامل وبولد

اي شي من نعمة من الله المهم تمام الخلقة

اي بنتي واريد تعذرين تمارا ترى يمة هي حنينة بس هذا خبلها ابن عديلة حوزيم

ههههه منو عديلة

عديلة امة مو ابو متوفى من زمان بالحرب مال ايران

وهي ربتة على الدلال وطيحان الحظ اني ما ردتة من اول بس هي دكت رجل علية وهو سمعتة مو خوش اتحمليها يمة لخاطر قائد

اي خالة تدللين بعيوني

وبعد شغلة خالة هم ما احبها كليلي مثل قائد يمة

حاضر يمة

نسولف ونتريك خطية سويتلها لجاي بلا شكر وخبزة سمرة وشوية جبن عرب احب سوالفها مال اهل قبل والحوادث الي بالانبار وهاي السوالف هي مصبرتني مرات احسها مثل المخدر الية بالاخص من تحجي عن قائد وعركاتة وخبالاتة من هو وطفل لحد ما كبر

دك تليفوني انهار

الو شلونج حبيبتي

هلو قمورة شلونج

برحمة الله انتي شلونج

مو زينة اني تعارك وية المحروس،

يامحروس

رجلي ..

يااا ليش خير

تعالي واسولفلج

لا انهار ما اكدر اطلع مالي واهس وما اريد اشوف ندى

تعالي انتي  يمي نكعد فوك ونسولف

ولج استحي

ماكو بس اني وعمتي وتمارا بغرفتها وقافلة لباب عليها تعالي

يلة 5 دقايق ويمج ...

كملت باقي شغلي شلت اكل الحجيه ..

وكتلها اختي راح تجيني ..

كالت كل الهلا بيها ...

دقايق ...

اجتي جنت مشتاقة اله

اخذتها وصعدت ...

طببتها للغرفه .وسديت الباب ...

شبيج انهار

تعبت قمر جتي علية من الصبح خالتي العلة تعالي البسي عباتج وكومي

وين ما ادري بس كومي بسرعة ..

لبست العباه مكلوب ..

جرتني وتسوحل بيه ...

طبينا ابيت مال جواريناا عياط عالي ..

يبجون ويلطمون افتهمت ابوهم ميت راحت حجت وية لحجية وصاحولي

شنو شتريد منج ولج خوفتيني ..

لو تعرفين شرادت

دكولي

افتح عين الميت

يممممممممة ليش عود

حتى احبل ...

جذب ..

والله ...

ياساتر ..

ولج بلاوي دمرتني ..يوم جرني بلمكابر دنيا غروب ..

ومدري شسوي ..

عزة بعينج انهار ..

انتي شلونج ..

سكتت كتلها الكل يحبني هنا ..

وتمارة

ها تموت علية ..وحبابه ويايه ..

صدك ..

اي حبي ..

يارب تحبلين نهورة حبي

كالت ابو كمرة لا اني ولا انتي بينا بخت ..اثنينه حظنه زفت ..

اوكفي اجيب شي نشربه ..

كمت فتحت الثلاجه

ضلت انهار تكول غرفتج تخبل ..وبيتكم يخبل ..

صدك ..قمر تعاي باتي يمي ..

ها مو الحجيه وحدها ..

كالت انتي بطرانه والله اعوفهم ..

لا انهار اول شي هذا بيت الي والبني نصه ..والحجيه امانه بركبتي ..

قمر ندى دمرتني ..كل شويه تتبطح مشتهيه فرولا اوي بطني ..وتلزمها وطكطك حرمل وامي ساكته ..

وابوج من مرضه لمرضه ..واخوانج ولا يمهم ..

هاااا واحمد يريد يسافر ..

هاي شنو ..

والله ..

اووف منو بقى النه ..لو اهلنا مثل الناس هذا حالنا من ندى وغيرها ..

كتلها كملي مال ميت شصار ..

كعدت بصفها وطلعت النمنمات ..

كالت ..ي والله وجرتني افتح عيونه للميت ..

انفتحت الباب ..

تمارا ..

هلا هلا امهات الموته والسحورة الدفن ..

وللحكايه بقيه

مسائكم ..جوري

سوزان المندلاوي

كمزت من مكاني حسيت صدك بطني توجعني ..

انهار..صاحت يمه ..شنو هاي ..

كالت امهات السحورة ..والدفن ..

تمارة شبيج ..

مابيه عيني وكامت تنزل من الدرج وتصيح ..

وتضرب ع رجلها جايبه اختها تسوي سحر وياها

عرفت اخويه شلون مات من سحورتها الدفن بعيون المين ..

الولد مو بلبيت ..

طلعت الحجيه ..

ياستار شكوو ..

وعادتها هاي جنتج عيني ..الي تحبيها ..

كله تسوي سحر ..بلموته ..

الحجيه اسم الله ..

سمعتهم باذني والله ..هي واختها ..

الحجيه وشصعدج انتي ..

رحت اشر هدوم ..

واسمعها تكول ..سويله سحر مثلي ع ميت هسة يحبج

مشوفين اني حبني ومات وسجل بيت باسمي حتى مرته وجهاله اختفوا..

ضربت ع وجهي عزة ..

يمه يمه ..وتصيح ..

نزلت ..جذب حجيه الي صار اختي تسولف الي ع عمتها ..

وحجيت الها انهار تحلف والله هطا الي صار ..

بنات تمارا يصرخن ..

يمه حتى حازم سوتله سحر ..

حتى الولد وانتي ..

كامت ..كالت مابقى هنا اروح اجيب شيخ

يفك سحرها..

عمتي حجت مافاد ابد ..

لبست جبه وخلت جهالها يصارخون

وطلعت ..

بقيت اباع ع انهار ..

وعمتي تسكت بصغار ..يصرخون ..

جرتني انهار امشي ويايه ..شجابرح متحمله هلهمج ..

اوكفي اسمعي

ماسمع والله

امشي داكولج ..

الحجيه يمه اسم الله علينا شجانه ..ياربي ..

انهار وكفت بلباب كالت تجين لو اروح وادز اهلي اوكفي فدوة اروح الج ..اوكفي

بين كلام الحجيه وانهار طب همام وقتيبه من شغلهم

ع صوت الصياح

قتيبه ..

خيررر يالله شكو شصار ..

الحجيه يمه تمارة تخبلت وتضرب باديها

انهار عتت ايدي وطلعت ..

وضلت تحجي عائله همج مخابيل ..

الولد حاجوها محد سمعت وراحت ..

اني واكفه ..اباع ..الدنيا كامت تفر بيه انتجيت ع الثلاجه ..

قتيبه يحجي وهمام ..

شكو..

احجو ..

الححيه كالت..راح اموت والله حتى حزن ماحزنت ع ابني من المشاكل يماااا تعالي شوف حركت البيت بموتك يمااا..

تجيت ظهري وكعدت ..

بلكاع ..بكعدتي ..اكو دفو ومي ..بلكاع ..

اجاني همام ..كومي فهميني شصار ..

ساكته شحجي ..

قتيبه ..اني مليت وتعبت راح ارجع للاردن ..

امشي ويانه قمر..

الم بطني ..قوي ..

طبت تمارة تلعلع من بعيد ..

ماكدر اكوم فاتت وياها حازم ..

الولد راحوا يم الباب ..

اشوف همام ..ركض ..الحجيه صرخت

هوسه بهوسه ..

طبت ..

ولكم ام سحورة هاي وهسه حازم يفضحها الكم

شلون مشربته شربت وكال اريد ازوجها ..

وتكولة تعال لغرفتي ..

كاعدة محجيت ..

الكل تصرخ وتحجي ..

فرغ المطبخ بقيت وحدي

احس الاضويه كامت تطفى وبس اني بلمطبخ

صوتهم بعد ..وتشوش عني

كمت افتح عيوني واسدها

صحت قائد ..هسة عرفت ليش تكولي عوفي اهلي ابتعدي عنهم ليش عفتني  يمهم قائد خلصني

ليش وكمت اضرب حييل ع رجلي

خلصني ..اني بغابه ..مو بشر هنا ..

فتحت عيوني ..

بعدها لخه وهوسه

قتيبه قريب عليه ..

مديت ايدي الكاع بيها مي لزج ..

تلمست هدومي منكعه مي ..

لونه بني ..

اريد اوكف ماكدر ..

قتيبه قريب

جريت بنطرونه ..

دنج عليه

كتله كومني

لزم ايدي وكومني ..ركض همام دفع اخو وجرني..

مشيت خطوتين صاح ..قتيبه

الله ..الله استغفر الله استغفر

اندراينه

الكاع بيها مي ماعرف دم لونه مبين

ماعرف شلون لفلفوني بعبايه

واخذوني

ماذكر ..

شلون مشيت وصعدت ..

وطبيت لمستشفى الراهبات ..ومقبلوا وحولوني للعلويه

وهناك ..

كهدت انتظر مكاني ..

جانت اكو مرة كاعدة

كالت خيرج ..حبوبة

انداريت عليها وسكتت ..

كالت ..يسد باب ويفتح الف باب واشرت فوك للسما ..

مجاوبتها ..

وهمام يركض منا ومنا اني بس اباوع

ماكو ردة فعل والصدمه بعيوني واضحه

دخلوني ..

بقيت واكفه ..

استريحي ..شبيج

دكتورة عشرينه ..

انزف ..

اسئله مكررة صار شكد حامل وكذا ..

فحص وسونار وهيج ..

الجارة نازله والحمل راح يطب الشهر الخامس

ونبض موجود وقوي ..

صار شكد ميت قائد ..خمس اشهر حامل

معقوله هلكد عافني وحدي ..هاي الوحه ..ماعوفج للوحه

.

بقيت كاعدة ..كتبت علاج من خارج المستشفى ..

مد راسه همام ..

صاحت رجاءا ردهه نساء اطلع اخي برة

كلها ..

يعني ماكو شي يخوف دكتورة

لا بس ترتاح وان شالله ماكو اي خطورة

عاد ضحكت الدكتورة ..كالت

شفتي شلون يحبج يرجف عليج الله يسعدكم

رفعت راسي لا دكتورة الي يحبني عافني وراح

شلون شنو

اي دكتورة زوجي راح وبقت مالي ظهر

الله يرحمه ويصبرج بعدج طفلة

اجة همام

تكدرين تمشين لو اشيلج

لا اكدر

سندت علية ومشيت

صعدنا بالسيارة بقى يحجي على تمارا وعقلها ضارب وصايرة مو طبيعة اني ساكتة ودموعي تجري

قمورة لتبجين والله بس نرجع اطيح حظها

عوفها همام لخاطر قائد اتحمل ...

بنت اصول والله ..

سكتت ودرت وجهي ..

حسيت السيارة وكفت ..

ملي وين العلاج ..

انطيته اله واباوع عليه فات من يمي للصيدليه ..

بقيت سارحه ..بروحي

رجع وخلاهن بصفي وكال كتب الج كل التعليمات ..

ومشت السيارة ..كضه الطريق بس يدخن ..

وحدة ورة الاخ ..

وصلنا ...

اول مطبنا بالفرع  من بعيد ..

شفت احمد واكف وابوية هم

نزلت

احمد..قمر شكو

بابا  شبيج حبيبتي

ماكو بابا سلامات

لتخاف عمو مابيها بس الخير ويرادلها راحة

احمد كال يا خير من شفناكم مشفنا الخير

بابا ..احمد عيب انجب

لا يابة خليني ..عيب يمهم البنيه وهمه اثنين زلم ..

وهيج يسون بيها ..

احنا ارجعها يمنه ..خلصت وياكم الي يربط ماااات ..

همام ...حمودي حبيبي حقك بس والله قمر على راسنا

والي ابطنها ..ابنه ..

اني عفتهم ودخلت لكيت امي وتمارا ديتصايحن والحجية تهدأ بيهم وترجف

بس ام قائد تكسر كلبي بين نارين باقية تركض تهدأ امي وتصيح على بتها

كتلها خالة العدة مالتي راح تخلص هل الايام وارجع لبيتنا خلوني ارجع من هسة

صاحت علية تمارا

ام السخورة متعرفين العدة مالتج متخلص الاتجيبين

شلون

اي يمة صدك الا تجيبن يلة

شيصبرني بعد 4 اشهر

تمارا حقج متعلمة على الشوراع متحملين العدة على اخوية

هنا دخل همام دفعها وكلها

كافي تحملناج هواي عوفي لبنية بحالها

والا اطرج طر

اول مرة اشوف همام هيج عصبي

كلي شتريدين قمر

اريد ارتاح تعبت ارجع لبيتنا

وتعوفينا؟

قصدي تعوفين الحجية وبيتج ترى لبيت بيتج قمر وتمارا خطار

همام اريد ارتاح عفية

شنو الي يريحج كولي ..

تمارا ..كافي لا تلح عليها درب يسد ميرد ..

وكف فوك راسها ..

واشر بصبعه ..قسم بذات الله ..وروح العزيز كلمه ثانيه ..

ماتلومين الا حالج ..

نفس ماسمع منج ..

قتيبه يم احمد وامي واكفه ..

رجع كلي ..

زين روحي ارتاحي كم يوم وارجعي ..قمر ..

ما اعرف اشوف همام تعبببت ..

امي جابت غراضي من فوك وابوية رجع للبيت تعبان ميكدر يتحمل ..وضعه تعب حييل ..

واحمد يتنظرني برة وجان قتيبه يمه يحجي ..

شفته صافح قتيبه ومشى ..

طلعنا والحجية تبجي رجعت عليها بوستها وكتلها يمة وداعة قائد ارجع بس ارتاح

لان الدكتورة كالت نامي على ظهرج كم يوم

روحي يمة بس لا تبطين عليا..والله اموت

لزمت ايدي ..يما قمر ..مرات افز بليل احس من نكي وياج ع زوجه المرحوم واكولج خلي يصالحها انا موته مو ..

وتمسح دموعها بفوطتتها ..

لا لا حجيه ..ابد ..اني موته ...

لا يما ..مو انتي

سكتت كالت ..لا تحرميني منكم ..

اباوع ع امي تخزرني ..

وكف همام بصفنا

اوكفي قمر ..مد ايدة بجيبه

امي عاطت رجع  ايدك ابن الاوصول بتنا مميته جوع يمنا

كلها خالة  ...

ومشت امي ...ومشيت وراها

طلعت واحس روحي انشلعت وية طلعتي ..

اتعس احساس من ماعندك

احد يفهمك قريب عليك يحس

بوجعك امي تمشي وتدردم علية وعليهم

ساعة السودة..ووكفت اندارت عليه ..

شكد حجينا بطلي قمر شكد ضربت ولافاد بيج هسة زين

طلعنا امهات سحور ورياجيل ..

اني بيا حال ماما عندي نزف حرام عليج

طبج طوب ان شالله يوكع منريد شي يربطنا بيهم ..

البيت قريب ..واخذته الطريق كله رزاله

مارضيتي بابن اختي بشار ..

ولا بميثم ..ابو الخط ..

رحتي ع هذول الوحوش ...

دخلت للبيت ادور على انهار ..شفتها بلمطبخ

ونمت بحضنها وابجي وهي تبجي..

عفيه دموع .ماخلصت بعيوني

من يوم عرفت قائد مانشفت الدمعه

من انلكفت احجي ويا وكتلني اخويه

وصارت المشاكل لزواجي لموته ..

عفيه حظ اكعد دقيقه احاجيك ..

ليش بس اني هيج

18سنه شفت المر..اصير 30-ششوف

امي كالت 

اي تباجن هو هذا حظي وحدة ارملة

وثانية زعلانة وتريد تتطلك

نزلت ندى

هاااا خير صدك سقطتي نفسج ..

جاوبتها انهار لعصبية اسم الله عليها ان شالله الي يكرهها

كالت هااا مو خفت عليها عبالي اكو شي

انهار لا لتخافين..سلامتج ..

ضليت كاعدة ..ابويه يحجي واحمد ..

هذا يكول ..خطيه وهذا يكول طبها مرض،

اما عبدلله بحث اخر ..

احس كل كلمه يكولها ..يذبحني بيها

كله عساها بموت ..

هاي الي تخالف اهلها ..خلي تشمر الي ابطنها وترحع

مو حجتهم هاي ابنه وابنه عساه اجه ميت مثل ابو ..

واندار عليه اثنينكم كون تموتون ..

غمضت عيوني ..واسمع بيناتهم يتعاركون ..

سجاد حاير بغربته وشغله ..

احمد حبيبي بس هم تعب ومل ..من المشاكل والحجي،

عفتهم .وطلعت ..دايخه والم بطني بعدة

رغم ضربوني ابرة خبط ..

بقيت كاعدة ..

ميملون حجي لو منا لسنه ..

جابتلي اكل انهار اكلت وصبتنا جاي وكالت امشي فوك نكعد على راحتنا

صعدت وتمددت على مكاني

اخ يا مكاني شكد شفت دموع على حب وشوق لقائد تعال اشوفك دموع لفراك شكد صعبة

اجتي انهار بصفي

لج شلون جنتي متحملة هل القرج هاي

تدرين من طبت وعاطت امهات السحورة

فزيت كلت جني طلع النه هي وكفشتها يمه ..

تخوووف ..

ههههه

انهار خطية مو عبالج اضوج منها والله انقهر عليها

شلون وليش عيني شبيها جنها ثلاجة 20 قدم انقهري على حالج

لج مريضة برجلها تحبه بجنون وهو واحد ساقط

يعني تغار

اي كلش تغار عليا ومشاكل هواي بيناهم بس هي متنطي بي

والي يهون علية الولد حبابين وخلوقين ممخلين احتاج شي

كالت اي والله ونعم منهم والحجية هم بس هاي تمارا اوووي علة مثل عمتي

صدك تعالي كملي على عمتج ولو اخاف تدخل علينا هل مرة ندى ههههههههه

خل تولي والله منطيها مجال تحكم وتأمر وتنهي

عوفينا منها عفية ما اريد مشاكل كملي على عمتج

عمتي وما ادراك ماعمتي

اذا بس على سالفة الميت تهون والا هي يوميا سالفة شكل

قبل يومين اغسل بالحمام ومحسيت الا الباب انفتح وطاسة مي بارد مثلج وعليا

ياااااااااا كولي والله

كالت اي والله تكولي اخرعج حتة تحبلين

وهم يومية تفرني على شيوخ ونسوان هاي تكول دايسة وهاي تابعة وهاي محسودة تعبت قمر تخبلت

كتلها حقج والله زين ليش مرحتوا الاطباء

مو رحت 3 مرات ويكولون مابيكم شي مسألة وقت وبيد الله

بس هي تكول هذولة زمايل وشغلتج مو يم الدكاترة

كتلها وهوو شيكول بلة

شيكول بين نارين باقي اني وامة مرات انقهر علية ومرات اتقهر على نفسي

بلة احنا شنو مسوين وهذا حظنا

اندكت الباب ..انهار كالت

منو يدك لباب

هاي ندى اكص ايدي اذا مو هي جاية تسمع شنو تحجي

انهار صاحت منو ..

ندى من ورة الباب اني بنات شبيكم قافليها ..

كمت فتحتها ..

ها حبيبتي

قمر همام وقتيبة اجوي جوة يعتذرون من عمو وخالة وجابين حلويات ومسواك وعصاير

اي وبعدين

ماكو يريدون قمر تنزل

اكلج قمر صدك لبيت بأسمج

جاوبتها انهار وانتي شعليج بلة

كتلها والله ما ادري ندى

لا ليش شعلينا بيتها تكعد بي

وهذا بيت ابوها هم

اخذت شالي ونزلت مابيه حيل حجي

اول مدخلت للصالة كام قتيبة وكال اعذرينا لوممزوجة جان كسرتها والله بس صدكوني مو طبيعة هي ..

همام كاعد وبس يباوع ..

ويدخن ..

حجي منا ومنا اتفقوا ارتاح وارجع لخاطر ام قائد ..

اهلي فقرة ..مو جماعه الي هدهم ظهر اخويه بايعني

امي تاكل قلبي

ابويه تعب

احمد حاير بروحه ..

منو الي ..

بدو يطلعون ..طلع قتيبه وابةيه واحمد بقيت اني وهمام ..

اجة  يمي همام على السريع وشمرلي جيس بصفي

باوعت هم جبس وببسي لا وياهن حامض حلو ومصاص

شلون الي بايك بوكه

ضحكت وهو شمرهه ومشى

طلعت وراهم ..

كلي قتيبة اي شي تحتاجين احنا اخوتج بس اتصالي..

الله كريم ..

راحوا بقوا اهلي يحجون بلطرمه ..

حبابين وخوش ولد ..

سبحان الله من الغلط للحبابين .

كل شي متعب ويوجع ..بلحياه ..

طبيت جوة ..

دقايق ..

واندكت الباب ..

جنت اشرب مي ع سنك ..وشربت الحبوب ..

اباع هذا همام لفيت الشال وغطيت وجهي وطلعت

وكفت يمه ..

ها خير همام ..

هذا جوالج ..نسيتي

اخذته من ورة الباب ..

اوكفي قمر ..هاج فلوس ..

لا ماريد .

شوكت ترجعين لينه ..

صفنت عليه ..كتله اريد ارتاح ..

ول يابه اووف ...

زين روحي دكتورة

اي باجر اروح ..

اجي اوديكم

لا قريبه هنا بسوك ..

ياسوك

هذا يم الفلكه ..

ها ..

اي ..

بس اريد .تكرم شحاطه حذاء  من البيت جيت بلنعال..

هسة لجيبهن واجي ..

لا لا باجر اريد انام ..

امي صاحت منو ..

انداريت ماما همام جاب الغراض ..

روحي طبي ..دنيا ..لليال ..

اكولج بعدج تلبسين 39 قياس ..

ليش ؟

حتى اجيب الج شي طبي مال حوامل

وانت شمعرفك اني هلكد قياسي ..

جان يدخن بايد وايد الثانيه يلعب بلحيته ..

كال مو حذائج يمي ؟

ياحذاء .الي قائد نزعه الي ورجعني حافيه

فتحت الباب ..

شجابه يمك ...

وللحكايه بقية

#سوزان المندلاوي

طلعت يمه وسديت الباب..

الحذاء وينه

رجع خطوتين وطفه الجكارة ..

برجلة كال طبي جزة

وين طالعه بنص الشارع

همام الحذاء وين

كال ..هااا .

مو من صارت قائد وراها نزل .

هسة دطبي جوة حتى اكدر احجي ..ويتلفت ..

شبيك احجي

دحكي ..قمر لا احد يجي ويشوفج برة طبي ..

طبي جوة ..

واذا ع الحذاء قائد من نزل وصلت اهلي واضطريت

اضمه يمي ..

كتله

بس اني جنت اساله يكولي ماعرف معناها يمك ؟

ها مو يمي شمرته بلغرفه وكتله لقائد بس هو نسى

طلعت امي

شكو خير ؟

عدل بشعره ماكو شي خاله

انا رايح وداعه الله

وراح ..

سديت الباب وافكر شجابه يمه

وقفلتها ..

طبيت جوة واذكر شلون دكها بيه قائد ونزلنني حافيه

مرات اضحك ومرات انقهر

طبيت امي سدت الباب ودفعتني

كالت مخلصنه من الغضب قائد

طلعنه هذا ابو لحيه ..همام ..

شوفي والله ادفنج هلمرة لا عبالج صرتي مرة

وطولتي شبرين وحبلتي

ترة مابيه لسان ندى وعبدللة وابوج ماله خلك

ماما شبيج

وحمة شبيه شدسولفين ويا ..

ماما ..

ووجع ..روحي انطمري

كتلها شدعواج هلكد خايفه من ندى ..عبالك اني خطار

قمممر ..اسكتي

عفتها وصعدت شفت انهار. تحجي وي رجلها

ذبيت هدومي..

واريد اغفى ..

انهار كالت باجر ارجع

انداريت عليها صافيتوا ..

كالت عادي حبي ساعه حب وساعه حرب ..

كتلها الله يسعدح ..

ورجعت افكر ..شبيها امي

وليش اني هلكد ضعيفه

وينه لساني الرشاشه ..ع كوله حبيبي،..

ليش الكل يكفخ بيه واسكت ..

بس انكسرت هواية من اهلي الى زوجي ..

بقيت اتكلب ..

والنزف بعدة ولويات تروح وترجع بس خفيفه ..

مادري شلون نمت

بالكوة اكدر انام ابقى يومية اكلب بصورنا مال عرس واقرب صورتة واباوع على حركاتة ..

واذكر شلون سكمني بيوم العرس..

مرات اضحك

اوووف يا قائد معقولة انت جوة لتراب..

هذا طولك الحلو هذا صدرك العريض ..

ابجي ابجي الى ان انام ما ادري افقد الوعي ..

المهم هوة خلاص ..الي النوم ..وجنت اتمنى اشوفه بحلم اعرف بي زعلان عليه ..ميرضى يمر الي ..

حتى لو حلم ..لو طيف يفزز روحي ..

دزلي صوتك يلولي،..ارد انام ..

كعدت قبل انهار عفتها نايمة خطية لبارحة

سمعتها تبسبس للصبح ربي يسعدها

ويرزقها بطفل يفرح كلبها

نزلت ماكو بس ندى بالمطبخ

كتلها وين ماما بالدوام

لا راحت للسوك

لعد بابا وين بغرفتة

لا عمو راح وية احمد للمستشفى يسوي تحاليل وتخطيط القلب وهاي السوالف

اوووف ابوية بعد بعز شبابة شجة هيج وكع هل الوكعة

كالت ايييي والله خطية عبدالله يكول من ورا قهر قمر

كتلها اني.. عفية هل القمر كلشي تتهموها

والله حرام عليكم فوك كسرتي هاي

كالت اي هم كتلة خطية اختك بس ترى حقة تذكرين شسويتي علمود قائد الله يرحمة

مجاوبتها كمت صبيت جاي وطلعت صمونة وكعدت اكل

كابلتني اكلج قمورة صدك البيت هذا الج ماشالله شكبرة

والله بيج بخت ..مو قليله طلعتي ..

تعرفين شكد يجيب هسة ...

صفنت عليها يابخت هذا ؟

كتلها والله ما اعرف ندى هو مال قائد همام يكول ومو كلة اشترى نص منه يمكن

نص نص هم نعمة يمعودة بال200 متر النص مو

...ما اعرف محاسبة

اكالت ي والله هيج شي اني لو منج اروح اكعد على كلبهم واهجههم واخذ حقي مو بس البيت لا والاملاك الباقية مال مرحوم

مجاوبتها بس كلبت وجهي بضوجة وعصبية ...

وكمت اخوط الجاي بحس عالي ..

كالت ..

عيني قمر لتزعلين بس ترى حقج وحق ابنج محد يدوم الج عمو خطية ملتهي بمرضة وخالتي بين البيت والدوام

و

كتلها اي و اكملي اخوتج كلمن ملتهي بروحة بالخصوص رجلج مطايقني لتخافون ارجع حتى لو ابقى خدامة لتمارا ولا اعيش بذلة يمكم

هنا دخلت انهار

خير قمر شكو

ماكو حبيبتي صباح الخير

احجي قمر شبيج احد مضوجج

كامت ندى عود يم الطباخ

كتلها شبيج

الله يساعد عمتج عليج دنسولف على تمارا وخبالاتها

اهااا اكول

تعالي اشربي جاي وياية ماطول بعدة حار

اكلت وحضرت نفسها اجة رجلها

هم حجوا وياية ابوية وامي هو حباب بس امة كلش نحسة

انقهرت عليها وعلى اهلي صدك الاهل يتحملون مصايبنا بس هو هذاحظنا وين نروح

تحضرنا العصر نروح للدكتورة بنص السوك صايرة

بدلت  ولبست نقاب وحبه وجواريب ..وحضرت روحي

وامي هم وطلعنا براس الفرع..

نمشي،

طبعا امشي واتعثر ..ماشوف شي عدل ..

والدنيا ضلمه ..

امي كالت قمر ..

ها ..

هذا منو ؟

شفنا همام واكف بالسيارة

نزل من سيارته ..

كال..

هلة خالة شلونكم اصعدوا

هلة بيك يمة لا يمة روح منريد انعطلك

يا عطلة خالة عجل اخليكم وحدكم..وقمر مالها خلك

تعالي اتفضلي

نزل فتح لباب وصعدنا..

بقى يسولف وي امي الطريق كله ..

وصلنا ..

طلع فلوس خللها بايد امي ..

حجايه منه ومن امي امي اخذتهن .

وصعدنا للدكتورة عمارة قديمه بايتين والعيادة ومقابيلها مختبر ..

طبيت كعدت الكل تباع عليه ..

اني ساكته وكاعدة ..

دقايق ..امي التهت وي النسوان وتسولف ..

اسمع واحد يصيح ام سجاد ..عيني ..

اندار همام باب العيادة وطالع بس عينه ..

كامت اله امي ..

مدري شحجت ويا ..

وجابت علاكه ..

وكعدت يمي ..

كالت ..هاج ..

وفتحتها وشمرت شحاطه ..نيلي وبيها ذهبي بلكاع ..

لبسس عيني ..

بقيت ساكته وبداخلي ادعي اله بلخير

سجلت اسمي وانتظرت دوري ..

امي رايحه جايه تفتر بلعيادة ..

تكولي بعدة همام ..

بقى جوة ينتظرنا ويدخن

امي تباوع من شباك العيادة

خطية بقى مشتول الولد لو يروح

ورة شوية صعد جايب شربت ومي

تفضلي خالة واي شي تحتاجون اني جوة

سلامتك يمة روح لتعطل روحك ويانة ترى نطول

لا خالة ماعندي شي انتظركم

محتاجة شي بعد قمر

لا تسلم اخوية اريدك سالم

نزل

امي

عفية عليج احجي هيج اخوية واخوية لتطمعين الناس بيج

انتي بعدج طفلة وارملة الف من يستغلج يريد ..

ماما ترى همام وقتيبة خوش ولد مطلعت منهم العيبة ولا اذوني بيوم احسن من اخوتي

كالت باع الصلافه

شتريدين يمة يسولج اخوتج كسرتي ركبتنا بقائد

ورفضتي ابن خالتج

كتلها ..اوووف يا هل الخالة

انجبي ما اسمع منج حرف

دخلنا شافتني الدكتورة وسويت تحاليل وسونار

اصعب لحظة بالسونار وهي تباوع واني صافنة على وجهها انتظر شنو تكول

زين لو بي شي ولد لو بنية

كالت ولد وجنه ورد ماكو اي شي يخوف الحمد الله

وهاي انتي راح تقبطين الخامس ..

كالو بدايته

ضلت اتفر كالت لا ..راح تخلصي ..

صفنت كلت جان عايش واني حامل شكد غبيه ..

ومفرحته بحبالتي ..

صار  اشهر من ازوجت ..

يعني حبلت بدايه زواجي ..

هوة كله زواجي ويا بدايه ..

كالت الدكتورة

اسمعج نبض القلب

اي دكتورة

وخلت جهاز ع بطني واني ارجف ...

وذ سمعت الصوت دم دم دم دم..عبالك موسيقى كلها حياه

حسيت دموعي نزلن وضحكت بنفس الوقت

ولزمت بطني ..حيل خفت لا هم يروح مني

عبالك كلب قائد ابطني..

اخذت العلاج وطلعت ..

مسحت دموعي و

نزلت فرحانة ومقهورة بنفس الوقت

لكيت همام منتجي علىى السيارة ويدخن من شافنة ذب الجكارة واجة ها بشروا شلونة النونو لو نونوة

امي كالت لا ولد

الحمد الله بس اني احب البنات ؟

امي كالت اله بيك خير ازوج وخلف بنات ..

معجبها كلامه ..

هو فشل ..واني واكفه

كال ..

وين الوصفة ...

راح جابلي الدوة

ولا ارتاح اله هذا ..ابد يريد بنات عساك من قمر عشرة

اريد اشوف شتحب ..

بساعتها جنت لازمه بطني ..وفرحانه ..بروح قائد

وقطعه منه ..حسيته عايش ..ويايه ..

اجه

وطلعنابالسيارة

مو طريق البيت

امي كالت

خالة وين رايحين

هنا خالة مو بعيدة وصلنا ..وكف كال عندي شغلة ما أخركم

من نزل لحد ماصعد امي مسكتت .

اجه ..

جايب علاليك همبركر ومقبلات وببسي

تفضلي خالة تأخرتوا يم الدكتورة هذا عشاكم

ليش كلفت روحك ماكو داعي

لا خالة شلون شفتيهن الموجودات

يم الدكتورة جنهن دعبلات

وقمر ماكو ولاعبالك حامل ..لازم تصير دعبله

كالت ..اي صدك يجوز لان طويلة

وصلنا نزلت امي اول قبل لا انزل سالني

شوكت بعد ترجعين للبيت

خالتي حيل مشتاقة الج يولو

ان شالله هل اليومين

لتطولين علينا وليهمج من تمارا بعد ماوتندك بيج ابدا

كتله لا خليها والله انقهر عليها..لان تحب رجلها

كال انا هم انقهر  الحب من طرف واحد

يوصل لواحد للخبال وهي تخبلت

طلعت امي وينج قمر ساعة خوما ساعه

نزلت بسرعة وسلمت عليا ودخلت للبيت

لج شعندج تكركرين بالشوراع

يمة اتشكر من الولد انتي طبيتي لا سلام ولا كلام مو عيب

كالت اي وانتي تعرفين العيب هسة

اي ارجعي لومي بيه عفية بيج انتي امي

لو عدوتي بعد مالوم تمارا يمكن ارحم منكم

منا ندى وعبد وسجاد كل شهر لو يخابر مرة لو لا

دخلت للبيت شفت ندى متمددة عود تعبانة

كالت

وينكم تأخرتوا خفت لا بي شي الطفل

لا الحمد الله مابي كل خير ايهم

ايهم منو

ابني الحلو ابن ابو

هاااا ولد بالخير

كلبت خالقتها وراحت على امي كالت

خالة مكدرت اسوي عشة

امي

احسن جاب همام عشة من برة للكل خطية كال اتأخرتوا

كالت هااا اي اكيد من فرحتهم بالولد

اعصابي تتعب من اشوف سوالفها لندى بس شسوي

اخذت لفة وصعدت للغرفة جنت فرحانة واريد من صدك اكل هواي اجبر نفسي اريد يجي ابن قائد مثل قائد واسمي ايهم مثل ماراد

شوية وماما صاحتني

نزلت شفت قتيبة بالطرمة واكف وية امي سلمت عليا

كلي الحجية شوت معلاك والا هسة تأخذة لقمر وبي فوائد وبعد تعرفنين سوالف العجايز تكول هذا بمكان بطل دم

اشكرك ليش تعبت نفسها والله اكلت همام اشترى عشة

كال

اهاا مو طب وطلع كال عندي شغلة

وبعدة واكف اندك لباب

فتحتة امي اني اخذت الماعون ملفوف بجيس ويا كرصة خبز

دخل همام وتفاجأ بشوف قتيبة سلم وكال

هااا خير خو ماكو شي ليش مخابرين على قتيبة

امي كالت

لا الحجية دزت معلاك لقمر

قتيبه كال لهمام  وانت ليش اجيت

جبت كم حاجة لقمر وياهن نوع مال فيتامينات كتبتة لدكتورة اليوم ماكو هنا رحت دورت بكم صيدلية يلة حصلتة

اني صافنة عليهم همة ويحجون

بس همام جان معصب انطاني العلاكة جبيرة مو مال فيتامينات وطلع باكيت جكاير

وكام يدخن امي كلتلهم

تفضلوا جوة بالصالة

مقبلوا بس قتيبة سأل على ابوية وشلون صار ومن هل السوالف مال دكاترة وعلاجات

وهمام يدخن واكف يسمع

كلي روحي ادخلي ليش متعبة نفسج هسة رايحين

واي شغلة تحتاجين بس خابريني

تشكرت منهم ودخلت

خليت الماعون بالمطبخ ندى جانت فوك فتحت العلاكة ردت اشوف شنو بيها

لكيت قاط مال طفل عبالك مال لعابة وجاروبات وكماطات

وممة صغيرة اباوع عليها وعيون طايرة من الفرحة

وعلاكه بيها نساتل واجباسه ..

سمعت صوت ندى تنزل لميت الغراض مابيه حيلها

اول مدخلت المطبخ

كالت اوووووي شنو هل الريحة الزفرة

يا ريحة اخاف قصدج المعلاك دزتلي ام قائد

اوووع بس الريحة لعبان نفس ..اف اف ..اووع حشا نعمه الله اكل مال صخول هذا ..اوووع ..

دخلت امي للمطبخ انتظرت تجاوبها بشي ماكو ساكتة

كتلها خيرج ندى شبيج ريحة اطلعي من المطبخ لو كليلي بهدوء..اشيل الاكل .. لو الا المغثة

شكلت عيني وغيثيتج ست قمر...

لو حضرتج مدللة

كتلها شوفي ندى لا لزمت عدة مثل الادوام

من وراكم لا حزنت على رجلي من وراكم

لج بابا اني شنو سويتلكم بشنو اذيتكم

حرام ندى ترى الدنيا دوارة

دخل عبد الله

وراسا بدلت من العين الوكحة للدموع والبجي

شوف اختك هيج وهيج وعلمود بيها ولد كامت تتعزز

هي بس كلمة كلت اكو ريحة مطيبة انهدت بيك وبيا

هنا انتظرت اخ بمعنى الاخ مو اخ مرتة

بس لللاسف سمعت كلام منا ياريت اكدر انسى بيوم

اصعب كلماتة جانت هذا لبيت مال ندى وانتي خطار بي

بيتج هناك يم الي جنتي تركضين ورا بالشوراع

والاقوى من كلامهم امي الي منطقت ولا كلمة

وابوية ولو ماعلية عتب المرض هد حيله

كام يعيط عبدلله ويعيرني بعلاقتي بقائد ..

لميت غراضي وامي تركض ورايه وتبجي

ابويه نايم واحمد طالع ..

طلعت

وقررت اكعد بالشارع ولا ارجع

لبيت ندى..واني خطار بي .

طلعت مشيت ..دنيا لليل

اكو كرين براس الشارع ..كعدت بسدة ..ع الرصيف

وابجي ...

اي صفينا غربة ابيت اهلنا.

.وحزامي صفى جوة التراب ..

طلعت ..جوالي

طلعت رقم قائد ..

كمت ادك عليه ..يكولي مغلق ..جاوووب افتح جوالك

ولك وينه وعدك وينك ..وينك ...

وارجع ادك ..ادك ..وادك وابجي ..لحد ماتعبت ..

دكيت ..ع همام ..

جاوب ..

الو ..

ماكدر اججي من البجي صوتي راح ..

شبيج ..قمر ..

يول شبيج ..

جاوبي ..

اني بشارع ...

شنو جايج ..

لا ..تجي ..

بس دليني گبرة ..ولك ارض الله ضاگت  بيه ...

وحشة..... وترد.... وحشة

ووحشة غيابك ..

مامنها ردة ..

رد ليه طيف ..

رد ليه حلم

رد ليه موت ..

بس لا تجازني بهجر ..

وللحكايه بقيه

أنا اتألم وانتم تمدحون كتاباتي 😔

كفاكم ...

صباحكم ..ياسمين

#سوزان المندلاوي

وديني للمكبرة ..ضاكت ارض الله بيه ..

انتي وين ..

اريد احجي ماكدر ..العبرة خنكتني ..

يم الكرين ..

بهل حجي ..

اسمع صوت يمي تخشخش ..

رفعت راسي ..

بزونه عطت ..بس عيون تضوي ..

ولج قمررررررررر وينج ..كوليلي ..

ياكرين لا تطلعيني من طوري ..

ه هذا يم بيت ابو سامي ..

انسد الخط بوجهي ..

كد مابجيت ..فزيت .نسيت البجي

.من البزونه بعيطتي هي انهزمت ..

كمت نفضت هدومي وشلت غراضي ..

امي ادمك علية ..

وضلت ادك ..

اشوف واحد يهبع ..يركض ..من بعيد ..

طلعت من صفحه الكرين ..

اجه عليه ..

انتي اكو عقل براسج ..

وشمر بلكاع حيل تليفونه ..شحجي هسة ..

شلون اصرف وياج ..

بقيت اباع عليه ..

لميت تليفونه من الكاع ..

امشي ..

عوفني ..هنا بس دليني الكبر ..وين ..

جر ايدي جرة .احسها انخللعت ..شلون ام تعاقب طفالها ..

دفعت ايدة ..

وخر شبيك ..

شووووخر ..طالعه بنص الليالي ولابدة بصف الكرين شيكولون العالم طلع الج واحد ....مخبله

كتله مالك دخل بيه..مو تجي تحاسبني

استغفر الله استغفر الله ..

قسم بلفرقان ومن انزل القران لو عندي سلطه عليج ..

ول يابة اخ ..خليني ساكت ..قمر ..وياشر بايدة شلون واحد

يهلس شي ..

بقيت جافله بوجهه ..

تقرب مني اسمعي يابنت العالم ..

لا طلعين خبالاتي هنا

ترة واصله هينه ع اهلج اروح احرك اجدادهم هسة

احنه مو زلم احمد يكولها

طلعتج تالي الليالي يازلم مشوربه تقبلها

حدري وياي ..للبيت

مااه اريد اروح للمكبرة

يمشي وامشي وراه

يامكبرة ..

قائد ..

قمر ..

لا كول قهر ..

امشي هسة ..

همام ضاكت بعد ..وديني

شوديج ..واهلنا هناك راسهم مايطلعوها بهل لليل

همام بلكي طلقه تايهه وتموتني

استغفر .وصلت قريب بيتهم ..

شفت امي ..واحمد بلباب ..

طبيت وطب ويايه ..

جرتني ..

هااا ..شكلت ..هذا طلعتج ..غسلت ايدي منج من سالفه  قائد

انداريت اريد احجي ماكدر ..

همام كال

تفضلي ام سجاد ..

طبت جوة ..

طلعت الحجيه ..هلا هلا برويحه وليدي هلا بام ايهم ..

وتبوس بيه واتشم بيه

شفت امي واحمد كاعدين كبالي

فقدت اي احساس ما اريد اشوف احد تعبت

امي تكول للحجية متباوع علية

والله حجية ما ادري شجاها نايمة وكعدت مفزوعة واريد اطلع عوفوني محد كدرلها وتعرفين ابوها مريض

الحجية

سودة عليا حقها والله ام سجاد مرات اني هم اريد اهج بالشوراع ما اتحمل

بقوا يسولفون

كعد احمد يمي ويحجي بصوت ناصي،

قمر حبيبتي والله مابيدي شي اني مثلج لو مو ابوية جان لحكت سجاد

البيت صار الندى وعبد الله ميحترم احد وامج ما اعرف لا حول ولا قوة متريد تزعل اختها على حساب الكل

مسحت دموعي وبوستة

حمودي هذا بيتي هم مضايجة ابدا

حبيبي اهم شي ترتاحون

وخلي بالك على ابوية تعبان سودة علية

دنك بس شفت دموعة تنزل

كتله اريد اصعد فوك لغرفتي اكمل نومتي

قبل لا اهج بعد مرة

ع كوله امي ..

قبل لا اصعد دخلت تمارا

بكلبي كلت هلة كملي علية عفية اني طلعت شكد قوية

كالت هلة حبيبتي شلونج اعذريني ذاك اليوم افتهمت غلط خيتي

بوستها ..

ودخلت على امي

عفتهم وصعدت

دخلت لمكاني لريحة قائد شمرت علاكتي وكع القاط شلتة وفتحت كنتوري

طلعت دشداشتة مال عرس

حبيبي اليوم سمعت صوت كلبك من جديد

حبيبي مشتاقة الك موووت واكثر من الموت

لو اوصلك افتح لكبر ونام بصفك اني وابنك

لك وينك وتجي وتشوف حالي

نمت من البجي

ومرت الايام كلمة ما انطق

همام معصب مني وقتيبة ينقهر على حالي

تمارا مهدئت ابدا مني يوميا حجاية بس اني لحايط يجاوب

واني ما احجي ما ضل بية حيل ولا نفس

والحمل بدة يتعبني وبطني كبرت

كوةاصعد وانزل ..

اهلي ما وصلت الهم بعد

تمر امي عليا كل اسبوع تكعد وية الحجية ساعة وتروح

انهار تخابرني كل فترة خطية هم مصيبتها مصيبة

واحسها تخبلت من ورة عمتها

دتفكر تسوي انانبيب وماعدهم وتريد تبيع ذهبها

والله من تخابر ما اعرف اشكيلها لو تشكيلي

احمد كل فترة يجني من لباب ويروح

خطية مكسور على وضعي بس اني من اشوفة احاول ابين نفسي فرحانة ومرتاحة

همام

كلامي ويا شبه معدوم ولو ابدا منساني يومية يجيب غراض من اني جوة يخليهن بغرفتي على الميز الي بصف لباب ويطلع

اصعد اتفاجئ بيهم

وحتى الادوية هم قبل لا اخلص هم الكة ..

فديوم .

جنت كاعدة بلربعه مالتهم ..

صافنه بذكرياتي

يوم واحد مافارك خيالي ..لحصه مافاركها ..قائد

هنا كعدنا هنا اكلنا ..هنا باسني ..

هنا وهنا ..

طب قتيبه

قتيبه طويل ابيضاني ..ملامحه ..هادئه كلش

عكس همام ..اسمر وملامحه عصبيه وعيونه كبار

كعد ..بعيد عني

وكام يكلب بسبحه

كمت اني ..ميصير اكعد بمكان الا محرم حتى لو مجرد كلام

شو العدة من الطلايي مدري شصارت ..

كعدي

ام ايهم

كعدت وعيني ع الباب ودنجت ..

كال عساج مرتاحه

بصوت ناصي رحمه ..

عندي وياج فرد موضوع ..

طب همام ..وكف بلباب بعصبيه ونترة حادة

كال قتيبه خويه ..هاي حرمه ..ميت والها عدة

حرام تحاجيها ..

ووحدك ..

عفتهم وككت وحبست روحي اكثر ع كد اللكمه والحجيه وبس،..

من طبيت بال9 اجتي امي واحمد وابوية

اوووف جنت مشتاقة لابوية ما اعرف من اشوفة تجيني العبرة اشوف حالة شلون صايرة ما اكدر اشكي اضحك والهم اخنكة ابصدري يصعد وارجعة يخنكني

جايبن جهاز الطفل من كلشي درزن امي عبالها بهاي راح افرح اريد احد يطبب عليا وبس ما اريد كلشي

طلعوهن واكثر احد فرحان عمتي خطية كلشي تشمة وتحضنة

الضنة غالي وعزيز

طلعوا يم لباب

لزمني ابوية وضمني حيل على صدرة اني طكيت بجي

كال بابا اني مو ابو طويله

فتحت عيوني حييل ..

اي بنتي راح اروح لايران اسوي عمليه

اريد اطمئن عليج بنتي وحجة بحس ناصي ضالميج بويه

زدت بجي .. دشداشة تنكعت

ابريني الذمم ..

بابا ..

باسني من كصتي ...

ودعتهم وكلبي معصور جان سفرة ثاني يوم

يسوي عمليه قلب ..

دخلت شفت الغراض مطشرة

وتمارا واكفة بالغافية عيني دومج نجمج صاعد

بسرعة حبلتي وبيج الولد

كتلها شلون تحجين صدك انتي عينج عليه هو اني اصلا نجم ماعندي

كالت شبيج ولد وبيت وزلم اثنين يتمون رضاج

يا زلم قصدج

كالت همام وقتيبة

ليش محاسة انتي مشيهن علية يااا شريفه ..

عزة بعينج ..

تمارا اني بيا حال بس انتي صدك مريضة يعني ميصير لواحد يعامل وحدة مكسورة مثلي الا عندة شي ترى مو كل ناس مثل حازم الناقص

كامت تعيط

شبي حازم عيوني لان لبسج مو مثل هذولة واحد يطب محمل الج والثاني الليل كلة يكركر بأذن امي عليج

لا عبالج اني زمالة ويكون بمعلومج ترى همام وقتبية ميتحاجون ..بسببج حركتي بيتنا فكر

حتى ابوج تمرض من عمايجن انتي واختج امهات العلاقات

والحب ..

لا انتي صدك بعد مينسكت عليج كافي بعد اطلعي من بيت قائد  تمارا

طلعيييييي

اي هنا الحجي طلعي بعد شعندج

مو عرف حازم تريدين تهججيني حتى تأخذين راحتج وية الزلم ..

ام السحورة ..

كتلها انتي وحدة ادبسز ..صدك ..واخوج يامه حذرني منكم يعرف ملتكم شنو ..

عاطت شنوو ملتنه ..

ماعدنه ..نثلج ..ميته موت ع الرياجيال

سمعت همام عاااط

خييررررر...وصوت شحاطته سريعه ..

هنا طبوا همام والحجية

ها خير هم رجعنا

تمارا جاوبته كل خير عيوني داسئلها المن تختار بيكم انت لوقتيبة ورة متجيب المسعدة ام شعر الاحمر ..

لو نجيب واحد.اثنين .. ..من الشارع ونطلع كلنا برة

ام الرياجيل ..والسحر الدفن ..

ماشفت شي ..شلون كمز من الباب الها ..

بس،اشوف همام ..فوك تمارة ..واسمع صوت الضربه ترن

وللحكايه بقيه

مسائكم عسل

#سوزان المندلاوي

ا

ماعرف شلون كمز عليه همام

الي شفتي رنه راشدي قوي ..وحجي ..ماذكرهه .

ممصدكة هذا همام هيج وكع عليها ضرب

وصياح

لج كافي تعبنا يومية سالفة انهدي..الله يهدج

بيج حيل وكوية

  احنا تعبانين

هي تصرخ والحجية واني نفزع عفية

همام عليك الله بناتها يعيطن

نايم عليها ..حتى مداشوفها بس اشوفها ترافس .

بس هي هم متسكت

كدرت ادفع همام عنها وصارت بظهري هي ..

كامت تعيط ..

الا اخابر حازم يذبك ورة الشمس وتهدد وهو يتخبل

ويرجع يهم عليه ..

ام الرياجيل ..وفشار اول مرة اسمعه بحياتي ..

ولج ..كااافي ..

وكفت كبالة كتله

بداعة قائد عوفها عوفها وكمت اصيح

محسيت الا بدفعة الية من ورة

وكعت كعود بلكاع احس شي انهز بيه

رغم بطني مو جبيرة جانت ..

والكاع الي جواية

بكعدتي ..صارت مايات

كمت ارجف

همام

شبيج قمر كولي

ما اعرف ما اعرف ابجي وارجف لحظات الى هسة من اذكرهن ارجف

انهزمت تمارا للغرفة هي وبناتها

كعد يمي احجي عيني شنو شسوي

كام يفتر دايرة مداير روحة

الحجية كالت تكدرين تكومين راح تجيبن انتي

ممتوقعة هيج كالوا تحسين الالم واوجاع بس شو كلشي ماكو

بس مايات تنزل هواية

كتلهم

مابي شي بس اخاف اكوم من مكاني

راحت الحجية جابتلي عباية وكتلة لهمام ينزلي الجنطة

جنت محضرتها قبل اسبوع

لفتني بالعباية وكمت احنا ودنطع

طب قتيبة هاا خير

همام كلة

هاي المخبولة دفعتها ما اعرف يمكن راح تجيب

كال والله اذا صارلها شي اذبحها

الطريق كله همام يندار عليه

بيج شي يوحعج شي

اكوله لا وصح ماكو وجع ..

اخذوني لمستشفى

اكولهم  مابيه شي اني

اكلهم مابيه عفية رجعوني

ما اعرف احس برودة بأطرافي وخايفة كلش

دخلنا للاستشارية شفت دكتورة كالتة

خل تنام بسرعة

شافتني كالت

حالا للعمليات مي الراس طاك ومتجيب طبيعي

وملحكه المي خلصان ..

هفت امثر اريد اسيطر ع نفسي ماكدر

شفافي ترجف ..

كمت ابجي

هنا ردت امي وينج يمة اريدج

بقيت ابجي مثل الاطفال

حتى الدكتورة كالت

لج مو عيب شكبرج شطولج اريد ماما

انتي راح تصيرين ماما

طلعت الحجية

وكللتهم للولد جيبوا امها ..

قتيبة راح على امي

همام جان يركض منا ومنا سوالي الدخولية

بس رادوا توقيع الزوج

اووووف من جاوبهم همام

اني بس ارجف ..

ول يابة متوفي

زين ابوها

والله مريض ميكدر اني اوقع

ميصير زين تتحمل المسئولية لان بعدها صغيرة

اهذ الولد ورلح ..وماعرف باقي التفاصيل شنو

الظاهر وقع ..

وصعدوني بمصعد للطابق الثاني

دخلنا بغرفة حلوة مرتبة

همام كلي نامي اخذي راحتج راح اكعد برة

كتلة

عفية اريد امي

هسة يجون والله لتخافين

الحجية ساعة تدعي وساعة تبجي وساعة تفشر على بتها

مكدرت انام بس كعدت ع السديه

وهاي بطني شكد جانت عاليه وصاعدة

كلعا نزلت ..وكمت احس الطفل تكوم ..ويضغط ع بطني

بس ماكدر احجي اخاف ..

طبوا 2 سسترات كالوا كومي انزعي

ولبسي مال عمليات

شي ازرك ومفتوح من ورة مرتاحيت

كتلهم عفية ميصير ابقى بدشداشتي

لا عيني ميصير

مو اني حزينة

هسة قابل جايبيلج بدلة

حبيبتي يلة بسرعة لاتروح تطلع الدكتورة وتعوفج

ما ادري ليش تعاملهم جاف

ويحجون وبعصبية ما ادري اني خايفة

بدلت وابجي اريد امي

راحوا ..

بقيت كاعدة وكتلها حجيه نطيني العبايه ماطلع هيج ..

جابتها غطيت راسي

ضلت تقرا ايات ..يمي

كتلها يمه ..بطلت اريد ارجع

صفنت عليه ..شنو بطلتي

ارجع للبيت

صار هوايه مضاحكه هي

ضحكت وين ترجعين يول

كمت ابجي للبيت عفيه هزميني

ضحكت اكثر ..قمر ..

لزمت اديها عفيه بطلت ماجيب

طبوا علية يلة خل تجي للصالة

ضلت توصي بيهم ..وطلعت فلوس ..وبوستهن يداروني ..

لبست عباتي

وكالوا اي شي لابسة تنزعة ذهب 

نزعت حلقة قائد وانطيتها للحجيه ..

دخل همام ..

كتلة وين امي عفية

كلي

راح قتيبه يجيبها

اريدها عفيه ..

ول قمر لا تبجين ..يزي بعد ..

اريد امي ..

السستر كالت يلا ماما

كلها اوكفي نحاجيها ..

لا تخافين

كلنا وياج

الا ماما شتريدن اجيبلج مصاصة

هههه

اي اضحكي راح يجينا

ايهم صيري سباعية واني وياج

ما اعوفج ابدا والحجية هم

رحت وياهم امشي ارجف

مو خوف ما اعرف احساس

احساس امتزج خوف والمجهول ..

طببوني بغرفه ..

اول ماطبيت .بقيت واكفه يم السديه

شفت ولد اثنين يمي سستر جريتها فدوة هذول يبقون بلعمليه كالت لا

كتلها اني لازمه عدة.  فدوة

كالت الطب مابي عدة انتي مريضة لو يضطر دكتور يجيبج ماعليج حرج

لا فدوى ...

نامي ..هسة

جانت جبيرة بلعمر . وشعرها ابيض ..ملامحها مبينه

السنين

اخذت منها الراحه ..

نومتني وغطتني ..زين ..

الثاني طلع وبقى شاب واكف يم راسي

والسستر ماعرف شتشتغل

غرفه جبيرة ..جانت حتى خفت اباع ع الغراص ..

نمت ..

اجه وكف يم راسي ..

كال شسمج

قمر ..

شكد عمرج ..

راح اصير 19

جيد ..

ليش هيج خايفه ..

بجيت ..

لا لا تنامين تكعدين بحضنج طفلج ..

سكتت ..

ضحك خشمج من البجي شوفي شكبرة ..

ضحكت حسيته يمتص الخوف مني ..

شكد عندج اطفال

وخله شلون مال قراصه الهدوم باصبع ايدي ..

ماعندي بس الي ابطني .

كال يلا سنه واشوفج ..جايه تجيبين بعد

كتله ماجيب بعد ..

جتف ايدة كال ليش ؟

رجلي مات ..

ضل ساكت..

يعني انتي ..ارمله ؟

ي ..

كام يسولف وي الدكتورة طبت ..

ها قمر كالو خايفه ..

رجع كال مدي ايديج ..

دخل كانونه بايدي غمضت عيوني حيل ..

وبدة يحجي ..

شمخلصه

معهد وزوجت ..

صار شكد مزوجه ..

مصار سنه ..

جاب ابرة 5سيسي

وخلاها ..بلكانونه ..

كال الله يحفظج لشبابج ..

ضليت اباوع ع الابرة وصل 3سيسي..

وراها ..نمت ..

حسيت اصوات واضواء

مخربطة ماكو شي واضح

بس حسيت قائد فوك راسي

ومسح على راسي وراح

احساس بس مشفته ..

اريد اصيحة اكلة اخذني

وياك ماكدر رجعت نمت

اريد احس ..واحجي بس اسمع صوتهم مو واضح

حسيت بالغرفة وامي موجود

كلهم فرحانين

يخبل حلو ان شالله يعوضج خير

شويه شويه ..فتحت عيوني .

بالم فضيع ..

والسسترات زرفوني ابر

وهمام يطب ويطلع

وقتيبة يوزع فلوس

ماما ..ماما..

جتي يمي بوستتي شلون كمر اجاج ..يخبل ..

والكل فرحان بيج ..

بس هم مكان قائد فارغ لو الف يمي بس هو غير

شفت ايهم حبيبي متوقعت هيج زغيرون وناعم بس حواجبة معقوجة مثل ابو

يا ترى شلون راح تطلع

منو يوكف وياك ..وهاي دنيتنا مترحم ومحد رحم امك  بيها

طبت سستر ..ضربتني ابرة بلوريد

واندارات ع قتيبه ..

كالت بعد شتريد تموت عليك ..

ضل صافن والكل جفل ومنهم اني ..

كالت ثبرتنه ياقائد وياقائد تعال ..

قاطعتها ..

كتلهم اريد اطلع ما ابقى اليوم

كالت خلي تجي الدكتورة وتقرر..وطلعت بعد ماخذت المقسوم ..

كالت امي اي تجي يمي

كتلها

لا ماما اني اروح لبيتي

الحجية هم كالت

لا عيوني ام سجاد ابن قائد ميفارك حظني ابدا

بعد اجراءات طويله ..وساعات

رجعنا للبيت

لكيت محضرين جرباية بغرفة الحجية

امي راحت كالت اشوف ابوج واجيج

لزمتني الحجية كالت بروح قائد عليج اتركيها لتمارا ولتوضجين منها يمة مجبروين نخليها

هنا رجلها مطلوب هناك

كتلها

مطلوب لعد هو مو ضابط

همام

كلي ياضابط هل كلاوجي جذاب يأخذ فلوس من العالم عود يعينهم وياكلها عليهم

وهسة العالم تريد فلوسها واهلة مبتلين بي طاح حظة سكط..وطاخ حظ تمارا سمعتي يمه

يصيح لام قائد يمه ..

انتبهت بايد همام حلقاي باصبعه الصغير

اريد اكوله عليها ..

والحجيه كالت يمه قمر لخاطري

كتلها

يمة شعندي وياها اني خليها

بس كون هي تفك مني ياخة

همام

اذا بعد طلع منها شي اكصو لسانها كص

هسة خلونا بهل الحلو فدوة ول يابة يخبل

اريد اجيب ذبيحه الو ..

ضلو يحجون تعبانه ومكان العمليه يوجع ..

نمت شوية وهمة معافوني..

كعدوني ..

اجتي امي وابوية واحمد

مصدكت شفتة  بابا حبيبي..واحمد

شال ايهم وايدة ترجف

اذان بأذن وكبر بأذن

وكلة ان شالله حظك احسن من حظ امك وابوك

وكصتك خير عليهم ..

وسلم عليه وانطاني ظرف

كلي بنتي هاي الج واعذرني ..وابريني يابه ..

احلت السفرة ..من عرفت ولادتج

واني بأريج الذمة وراضي

عليج دنيا

واخرة انتي اكثر وحدة كاسرة ظهري من خلفتي

مرات الدمع يجف بلعيون ..

جفت دموعي بكسرة ابويه ..

كتله يابة كلشي ما اريد بس وجودك كافي

تروح وترجع بالف سلامه ..

وانتظرك تجي بشوفتكم ترد روحي بابا ..

طلعوا علمود السفر ثاني يوم

راحت امي ..

والولد راحو

تمارا ولا نزلت ولا شفتها ولا باركت

ايهم ..مشفته ..

بحضن عمتي ..وحاولت ارضعه مكدرت ..

تعبانه كل شويه انام واكعد

وبديت اصخن

والحجية تكول عادي مال حليب

وانطوني علاج ..

تعبت كلش..

مابيه اتحرك كوة اكوم ..للحمام ..

وهمام ..جاب اكل ..من برة ومالي نفس الاكل ..

كل ام من تجيب اكو فرحه ..

اني مبيوكه مني هلفرحه ..

من كل شي انباكت ..

عرفت العدة خلصت ..مالتي ..

وياريت طلعت صح كضيتها مشاكل بمشاكل

جنت انام وافز ..

والحجيه سهرت وي ايهم..

ايهم قائد. ..

وعندة اخوان .جراح ..والبنيه ..

بقوا شي غامض ..

كمت الفجر ..عركانه وتعبانه حييل ..

كوة كمت وحركت روحي ..

كعدت ووكفت رحت وكفت يم الكاروك شفته نايم ..

ضليت اباوع عليه ..واتلمس ملامحه ..وحواجبه ..

فدوة ..شكد حلو

كامت الحجيه

ها يمه قمر

جوعانه موجوعه

لا لا يوم مابية شي

رجعت كعدت جابته رضعي ..كوة كدرت ارضعه ..

كتلها يوم ..جهال قائدشصار منهم ..

سكتت ..

احجيلي ..فدوة ..

كالت اريد اصلي دام الفجر طر

كامت ..

والتهيت وي ..ايهم ..

شويه وجتي جابت صينيه ..لبن وتمر وجبن وجاي ..

وحطتها ع جربايه ..

اتغذي ..واكلي .

اكلت لكمتين ..

وخليت ايهم بفراشه ورجعت نمت ..

كالت .قايد..

احس روحي انفضت ..من جابت اسمه

قايد جان عنودي ومتعبني .

يمه ..جبته .ع كومه بنات ..جان فرحتي يما ..

غمضت عيني ..

كبر وابو مات ..

توة شب ..وقرو برلسي ازوجه .لبنت عمه سماح

ثنينهم صغار ..

كتله لخاطر حلال ابوك ..حتى عمامك يلزمو ..

قبل يمه وصار الزواج ..

بس من اول يوم ممرتاح وياها ..

ويطلع يكلي حاجيها يما ..

واطب واحجي وياها ..

وترجع نفس الشي جابت اله 2

تصدكين ياقمر ..جنت افرش اله مدة ..بغرفتي،

وينام يمي ..

حسيتها غصت ..

تحجي وتاشر بلكاع ..توصف طوله

كملت

يرجع تعبان مايطب غرفتى يلبد يمي ..

يما خلافه فرغ الدار ..

عوفي حجيه لا تكملين ..لا تتخربطين

سكتت ..

رجعت ..

كالت مامرتاح كضه زواجه وياها مامرتاح

ومن ارتاح سكن كبر ..

كامت تمسح عيونها بلفوطه ..

مدري ..صوجي ..مدؤي حظه ..

سماح

ماتسكت يما ..الا يهطرها ..

ويجون خوانها ..وتصير الج لحم ..

يما ..كلبي خلص. من المكاون

كبرو بزرها ..

هو يطب هي تتولاهم للطفال وتضربهم ..كدامه

لو تعوفه ودور شي تغثه بي هذا حك ..وينكال

بس جانت راعيه بيت ..

وهذا عيونه تجدح ..من تضرب بزرة

والله يامي ..يلزمها يملخها ..

تحجي واني كلبي انعصر ..

ع حظه سودة عليه ..وعساني ابين لفاني وموت ..

كملت ..

كالت فرد مرة .الفجر .انا داتوضى

وقايد طلع من غرفتج ..

كتله هايايما ..شمسهرك

ابتسم بوجهي ..واشر ع غرفتج كال يما

وحق الحق ..ورة هلباب الجنه مالتي ..

اريد الزم نفسي ماكدر

كرهت روحي اكثر ..

ليش جنت ازعل وادلل لييش ..

امداني ..عساني لاشفت راحه بعدة..

كملت كلامها ..

كالت قبلج راد يزوج ..وانا دورته الو ..

فد شصار ..سميحه ..بيوم الخطبه

روحي دزي ع ابوج وخوانج ..

وتكانو وي قايد ..

وزتو بلسجن ..لان بيناتهم شغل ..

وانسجن ابو جراح ..

والا رحت الها انا ..وع عمامه يلا طلعو ..

يما بعد ماكو عم وله خال

لكمن يحود النار لكرصتو

سودة عليه ماشفت راحه ..

كملت ..

طلع والمشاكل جثرت وطلايب ..

مافضت الا من عرفج هدة ..

وردت روحو .الو ..وبدة يضحك صح يعصب ويعاند بس،عشك يايمه ...

سكتت ..

بس مابطلت سميحه بيوم عرسج يايما

سوت الهوايل ..وردت سجنته ..وتكاونو

و طلكها ..

شنووووو.

شلون ؟

وللحكايه بقيه

مسائكم هيل

#سوزان المندلاوي

طلكها

اي ماتدرين

لا

صح يمه ماقبل نحجي شي ..بيومها سودة عليه ..

كملي ..

كالت ..اجمي اهلنا واجتي سميحه ..شويه وبقت تلعن بيج وادعي ..

هنوب بزرة يايمه مايردو ..يدحك عليهم ..يصيحهم

اجاه جراح كله يابه اكرهك ..

تخبل ..

كام سحلها ..لسماح ..

عياط وجمي عمامه تكاون وياهم ..

طب مثل الاسد كلها سماح

انتي طالك .طالك طالك طالك ..

رد وصل للباب ورجع

طالك طالك ..كالها فد عشرين مرة ..

كامت دك وتلطم

لمت روحها وجهالها وطلعت

طلعت منا

سيارة  حدرت بابنه منا شالو

خذو انا كمت ابوس ايادي ..بس كون اشوفه ..

والله يمه كتاله لو جايني

ورايد فلوس ابيعله روحي

يا روحي هدومي ..بيتي ..

ولا يوجعني بي ..

ليش يما ليش .عفتني .ماكلت منو الي

ماكلت هاي يما ..(مو يمه يصحون يما )

بقت تبجي.

صفنت

كل شي وياك قائد مجهول ..

حتى موتك وحبك الي ..

حتى زواجي منك .

تعبت من البجي نمت ..

ماحسيت بشي ..

يكولون ايهم يبجى ..

بس اني بعالم ثاني جنت تعب وهم وقهر ..حتى حزن ماحزنت عليه ..مثل العالم حرت بين المشاكل ..

فرحتي ..راحت وصفت احلام ..

مرت الايام وماشوف تمارا

بس بناته بوكفن بلباب يباعن ع ايهم ..وينهزمن

بهاي الفترة ..امي يوميه تجي ..

وابويه مسوي العمليه وناجحه .ويراد 15 يوم يلا يجي

نوعا ما هدوء

بس ايهم يسوي علينه حفلات لليله

يبجي ..الليل كله ..

والنهار نايم

عمتي كوة شايله روحها

بس جانت وياي غير رجعت ام ال 20

تاخذة وتبدله وتغسله

وشكد تحاجي .وتسولف ويا

هنا اني

تمنيت ترد الايام..جان عفته لقائد بدون حب ..

وكمل حياته ...مخنوكه محروكه

جان الي موت وسكراتة ...

وجنت اله جنة ...

دائما اشبهه بلموت .

وهو جان يشبهني بلجنه ..

يمكن اني موته ..

لا مو يمكن اكيد

يمكن سماح بسببي كتلته

اي ليش لا هي ولايه تايهه

بدة عقلي يفصل من التفكير

من الحجيه  اداري ايهم ..اختنك واكول شلون ..عايشه بدون قائد

الوحيدة الي تكسر عليه

وكالتها جنت خايفه منج بس عرفت ابني يخوف اكثر

لان شفت حبه الج مو طبيعي ..

خفت لا تاذينه ..

لو ماذيتنه..

ولا ميت ..

مجنت اردها بشي

ثاني يوم جابو ذبيحه وذبحوها وعبروني منها

واذكر امي اخذت ايهم وراحت للرعايه ولقحته ..

ورة ولادتي بأسبوع اجتي ندى وخالتي

وبشار

تفاجأت بيهم

وكلامهم متغير سلام وحب وعيني واغاتي

ام قائد بقت تسولف وية خالتي وندى

كعد بشار يمي قريب

قمر اي شى محتاجة اني موجود مجان مانعني عنج بس العدة

كتلة

مشكور ممقصرين بشي وياية

قمر ذولة مهما يكون غربة

اني مراضي على كعتدج وياها

انتي عرضنا

بشار هذا بيتي

اي حتى لو بيتج ميصير كاعدة وية

اثنين شباب ما اعرف شلون ساكتين اخوتج

والله يابشار اسئلهم الهم مو اليه

هو الي حجي وية اخوج عبد الله

مد ايدة بجيبة وطلع فلوس

بهل الاثناء دخل همام

كلة رجع ايدك اخوية ترى ام ايهم ممحتاجة فلوس

جاوبة بشار

اعرف بس هاي هدية لسلامتها

الهدية شي ولفلوس شي وبعدين واصلة هديتك

كله بنت خالتي وامون عليها

وخل فلوس بحضن ايهم

كتلك شيلهن اخوية لتلح

صار شبه مشاحنات

قاطتها خالتي احنا اتأخرنا وطريق بعيد وتعرفون الوضع وحظر التجوال

همام مجاوب بشي شال ايهم وطلع تفاجئت مو طبعة يشلة جان يخاف بس يباوعة من بعيد

بس ام قائد بقت تسلم وتدعي الهم وماكو داعي متعبين نفسكم واحنا اهل ان شالله

كلامنا الحلو العراقي

طلعوا بس حسيت الكل ممرتاحين لا همام ولا بيت خالتي

بس ام قائد مثلي مثل الاطرش بالزفة..

الحجيه وصلتهم

اني عمليتي بديت اطيب ..

طب همام شايل ايهم ..

خلاة بلكاروك ..

وجر الفلوس ..من الجربايه ..

كال شوفي ام ايهم ..

لا هذا يتيم ولا محتاج صدقه هلحركات ماحبها

مو نفسه هذا جان يعشكج ..

بقيت ساكته اي نفسه مو

كتله جاوبت نفسك

المهم ماريد يجي لينه بعد..

ليش تخلوني اطلع خبالي ..

طبت الحجيه

نطرد الوادم يما ..

اي ..نطرد جاي يصدق علينا ..

والله لو اعرف أكسر ظهري وماخلي احد يصدق

همام كافي مو صدقه واجب

كال ها واجب ..

وحسب الفلوس كال هسةانتي عايزة فلوس

شكد تردين ..وهذن اذبهن بزبل خوش ..

الحجيه غمزت الي ..عوفي

كتلها لا شنو الفلم الرايح والجاي يرزل بيه

حايط نصيص ..

كال شنعدو كاعد حدرج لزك .معيب محرم ..

ويين يابصفي ..

همام اعصاب صار .

هااااا هااااا بعيوني شفته حدرج

كتله رجاءا مالك دخل ..

اني صح يمكم احتراما لروح قائد وللحجيه

باجر عكبه اريد اكمل حياتي وادرس واعيش

ماقبل اي تدخلات

عجل  عدل كلامج ..

وطلع..

يمه ..شحاج ..وياه

لا حجيه صايرة مكفخه

لا يمه هاي غيرة خوان يابنتي ..

وانا ربيت قتيبه وهمام من صغرهم

ليش ..وكمت اعدل ..بفراشي

كالت ابوهم هاجر وتركهم

واختي،صغيرة ازوجت وجانت مثل تمارا ما تنحمل

.فد مرادهم هذا زلمتها الثاني

ربيتهم من كدر قايد ..

اذا قتيبه عمرة 5سنوات هاذ جان 3سنوات

ماشوفيهم يكلون يمه ..

الله يستر عليج

كلشي مجهول بحياتي وياك بعد شعرف قائد

ليش جان يضم عليه ..

ليش..؟

مرت الايام..

ويوم السبت صادف عاشر يوم من العمليه

بس الحجيه مقبلت اروح افتح الخيط بله شنو

السبت معيود ..

بهلايام العدة خلصت والسنه طلعت

واني بثوب الحزن ..

مافكرت اعوفه

حتة ملامحي تغيرت مو اني نفسي

كالت خليها ع الاحد

سمعت كللمها .وبقيت

قتيبه الولد ثكيل حيل مايتكرب الي ابد

ع كد السلام ويطب يلاعب همام ويطلع

يكوله شوكت تحبي واخذك وياي لسوك

اما همام

بعد سالفه بشار اذا اطب لمكان يطلع

حتى الاكل ميكعد ويانه

لو بربعه لو طالع

بس بقى بفكري معقوله سماح الها ايد بكتله قائد

ردت اساله

الاحد ..

اخذني همام ..

واخذت بنت تمارا الجبيرة بلبتدائيه ويانه

كعدتها بصدر

وكعدت ليورة

ضل يباوع عليه ورافع تك حاجب معجبه الوضع

طلع بينا نفس الخبال يمشي سريع

وصلنا ..بفلكه

شغل اغاني اني ضجت .

بس ماريد اسمع شي

وبقى يغير بيها

وصل وعله المسجل كله ..

دكه حزينه تعصر الروح

درت وجهي للشباك

بقت الموسيقى ..

وراها انتبهتت عليه ورث جكارة

وبدت الاغنيه

اشمعنى أنتي وياج گلبي يبتدي

رحلة جديدة وليش أنتي وگلبي

يدري انتي شگد بعيدة أني دنيـا

بغير دنيا بأيدة رأسـمـهـا القـدر

أنتي عالم غير عالم كله احلام وصـور

مستحيل أرجع أطاوع گلبي لالا مستحيل

شما يصحيلي المواجع مـا أحن ولا أميل

خلي يذوب يصرخ يون خلي يذوب

لابد يتعبه الحزن لابـد يتـــوب

وشـمـعـنــى أنـتــي

وي كلماتها وصوت المطرب نفسه الي يحبه قائد

انعصرت روحي وبردت حيل

وجسمي كزبر

قبل لا اكول طفيها

وكف وصلنا

بس اني مو بعالمنا رحت بغير عالم

نزلت ارجف مثلجه

ماعرف شلون طبيت من الممر وصعدت البايتين

وحجزت ..

هو جان حيل معصب ما اعرف لان ملبست العباية

الجبة شوية ضيقة جسمي تغير ورة لولادة

لازم اخابر انهار تطلع تشتري كم قطعة تبهذلت ...

بس بنفس الوقت حيل انقهرت

لان احس نفسي مجبورة اتحمل هواي شغلات لان ماعندي غير حل

بعد ما فتحت الخيط 

رجعنا وهم ولا كلمة الطريق كلة ساكت

اللتهيت بلبيت ..

بنفس اليوم اغسل المواعيين وهو شايل ايهم

جابلي تليفوني يدك

همام

تفضلي ام ايهم

بس طريقتة ابدا معجبتني

شفت المتصل بشار

الوو

هلو قمورة شلونج شخبارج

الحمد الله انتو شلونكم خالتي

كلهم زينين بس اني لا

ليش خير

قمر شلون كاعدة يم هذولة ممرتاح قمر بالخصوص لهذا الاجلح

لا والله ماكو شي بالعكس

طبعا همام قريب ما اكدر احجي

لا قمر اريد اشوفج واحجي وياج لهنا وكافي تعرفين بمشاعري من زمان فضلتي قائد الله يرحمه وتحملت وهسة بعد كافي

اني ممفكرة بشي لا هسة ولابعدين

فكري قمر كاعدة وية اثنين شباب وحدكم بالخصوص هذا يوميا يشرب

لا الحجية موجودة هم ومنو يكول

هلالحجي مالشرب

قمر كلام بالتليفون ميرهم لازم اشوفج ونتفاهم اعرف هذا بيتج ما اهرف نصة الج اذا تحبين نحجي وياهم اني وعبد

نقسمة الج واذا على المصرف هم موجودين كلنة وياج

الله كريم ايهم ديبجي اروح

قمر ماكو بعد صبر اريد اشوفج

لازم نتفاهم ومشتاقلج قمر

ان شالله وسديت التليفون

حسيت همام افتهم كلشي

رحت يم ام قائد كعدت ومتحركت من مكان بس هو يطب ويطلع عصبي

طلع ورجع بليل وصدك اول مرة حسيت شارب

المهم اني معليا بيهم مطالع منهم العيلة

وممقصرين وياية لو وية ابني بشي

ام قائد نامت وايهم بصفها

صعدت ارتب ملابسي وملابس ايهم واشوف شنو احتاج اوصي انهار

خابرتها من فوك واحجي وافهمة

ما اشوف غير دخل همام عيونة تجدح

كتلة يلة مع السلامة باجر ادكج

شدسوين هنا كام يصيح

ابنج ميت بجي جوة وانتي تقصصين هنا

جر تليفوني وطشرة بالكاع

كافي يرحم اهلج

حسي بعد ول يابة مو طكيت

شكو همام شبيك شحس

مو من حقك هيج تصرف ويايه ..

ماسمحلك. .لا انت ولا عشرة مثلك ..

نصه صوته ووكف..بركن الباب ..

ابنج جوة يبجي انزلي من وجهي

نزلت اركض وابجي مااشوف كدامي

لكيتة حبيبي يبجي وام قائد محتارة بي

وميسكت خبلني

بقيت اهزز وابجي كالت

يمة ترى مال لقاح لتخافين

اني ابجي على تصرف همام اول مرة هيج اشوفة صدك هذا يسكر كلام بشار صح لازم اشوف جارة لروحي

الله لايوفقج ندى وين اروح اني ابني

نام ارتاح ورضع وكعدت يمة ابجي

وام قائد تهدني احبها كلبها ابيض

يمة الطفل يتمرض انتي لازم تصيرين سباعية

مو هو يبجي وانتي تبجين ميصير اني مدايمتلج يمة واهلج هم كلمن بهمة لاهي

كومي غسلي وجهج وتعالي اريدج بجلمة

كمت غسلت ورجعت يمها

كالت تعالي بسدي واسميعني للاخير

صح اني ماعندي ولد بس قايد

بس مثل ما كتلج

قتيلة وهمام ولدي

من صفوا مالهم احد بس امي الله 

والله كمت و حجيت وية ابو قايد كلت اخوان لقايد ويتامى احسبهم وباجر عكبة يفيدونا

كلي

روحي جيبهم بلا متكولين عجل اني ما ارضى البيت واسع والخير جثير

قتيبة جان حلو عمرة 5 سنين

وهمام سنتين ونص اجا ومميتة بيدة سودة عليا وصخين محد بحالهم امي ما تكدر جانت تقوم بيهم

ربيتهم يمي وعلمتهم يصيرون سباع لان الدنيانا صعبة وهمة وحيدين ظلوا

وصدك اشتغلوا بألاول وية ابو قايد وراها كونوا نفسهم يذبون روحهم بأخطر الشغلات ويطلعون اللكمة من حلك السبع

مرات يايمة من يسولفون عبالك اسمع حس قايد وياهم

بيهم ريحته وبيهم حنيتة عليا وحتى عصيبتة وخبالاتة بهمام

كتلها

اي يمة والله حبابين ربي يحفظهم ويعوضهم كل خير على الشافوا بصغرهم

بنتي اني اريد منج شي اذا تعزيني واذا قايد الة معزة بكلبج

ولخاطر ايهم اني يمة تعبانة اريد احط راسي وانام مرتاحة

اخاف هي نومة وهي موتة

عمرج طويل يمة ان شالله تزوجي لايهم

ماظل بالعمر باقي اسمعي مني

كولي يمة شنو يريحيج

يمة اريدج تأخذين قتيبة 

وللحكايه بقيه

#سوزان المندلاوي

شنو حجية مستحيل ...

ما ارضى اتزوج ابدا ..

ليش يمة قمر ليش تخليني ممرتاحة ..

لا يمة ابدا ممفكرة ولا افكر بحياتي اتزوج بعد قائد

عيوني اذا تحبين قايد اقبلي اريد واحد على راسج وراس ايهم

يمة الا بالزواج يلة يوكفون وياية ..

لا يمة طبعا بس باجر عكبة يتزوجون ويلتهون عنج وعن ابنج

واهلج الله يخيلهم شايل ايدهم حتى مسألون على ابنج

ما اريد يبقى يتيم ويدور على اب

كتلها

حجية اطلع من البيت واخذ ابني واهج حتى لبيت اهلي ما اروح رجال غير قائد ماكو

قمر لقائد متصير لغيرة هاي جلماتة الية

كافي تأذوني يمة

ما اريد اذيتج يمة بس اريد اطمئن عليكم

اطمئني حجية اني اربي ابني وانتي الله يطول عمرج

عفتها وكمت من يمها ..

طبيت لغرفتي،..اتكلب ..مخنوكه ..

شسوي ووين اروح ..

ياللهي،..

شو متت انت وعفتني المن ..

تعال حاجيني المن ..

بقيت احجي وي روحي مثل المخبله ..

جريت دشداشته مال عرس،..

كتله بيا دين بيا شرع عروس ماشبعت منك .كولي ..

وصرت كيكه كلمن يقسمها شكل ..

وللللك كوم ..حتى كبرك ماندله المن اروح كولي ..

دكيت رجل عليه ولك حتى طلعتني موبنية وطعنت بشرفي،

ولك كوووم كسرتني ..

حياتك الغاز ودمار

الف مرة كلتها انت الموت الي

وسكراته والوجع

تعال حبي خلصني .

مشتاقه الك ..

اي اي انسى كل شي بس دك بابي هسة ..

وطب الي كولي ول يابه اخ مشتاك ..

ولك يردوني لغيرك اتكحل ..

والبس الابيض ..

ولك يردون غيرك يلزمني ..

حبيبي وينك ..

نمت  والعبرة خانكتني

ماعرف هو نوم لو اغماء ..جان ..

طلعت وج الصبح بالطرمة كعدت

على المرجوحة اتذكرت قائد اني شفت منه بس أذية وملحكت افرح بي بس احبه وما اكدر اتقبل غيرة

حبيبي هو مرات احس نسمة هو على ايدي لو شعري

التفت بسرعه اكول بلكي المح خيالة طيفه

اتخيل هاي ايدة

اي الارواح تزور اهلها

واني اهلة وروحة

اووووف شوكت ارتاح ويقل الشوق شوكت مثل العالم اكدر اكول الله يرحمك

ما اكدر اتقبل ما اكدر

بجيت وباوعت للسما ربي رحمتك

من سامعة انت احن من امنا وابونا علينا

ريحني ياربي يا حبيبي

واني صافنة شفت همام كبالي واكف

عدلت روحي واريد اكوم

اوكفي قمر والله اسف مو قصدي مااعرف شجارلي

سامحني قمر اخاف عليج وعلى ايهم

كتلة

مصار شي انت اخوية والاخ يطلع منا اكثرر

همام

قمر لتعوفينا ولتسمعين

كلام احد ترىى انت عزيزة علينا

وامانة قائد وايهم انطى روح للبيت و وسكت

كتله وشنو

ماكو شي بس لتروحين ام ايهم

ان شالله اترخص

دخلت شفت تمارا اباب المطبخ

هاااا وين من الصبح بالطرامي

باوعتها بعصبية ومجاوبتها

هي تحجي وياية وتباوع برة

صحت

همام تريد جاي

هو استغرب

اي اي ياريت

تمارا

هاا همام هم برة

اي ليش تمارا برة اكو شي

لا عيوني البيت بيتج

وبكيفيج العبي لعب بي سرحي ومرحي،

شنو صخله واسرح بي

لا لا حشاج عيني ام ايهم احنا صخول نعوج ..

بس بيتج هذا واحنه خطارج ..

مجاوبتها لان تعبت

وهي متتعب كلما تروح على رجلها وترجع

تكوم تذب حجي

خدرت جاي وسويت بيض

تمارا

عيني قمر ليش ملابسة حجاب

خلصت العدة واني مو محجبة

يعني تبقين تتمشين بشعرج الاحمر رايحة جاية قائد يقبل

قائد الله يرحمة مات ياريت موجود ويأمرني ويضربني هم حتى البس حجاب

بس يا ترى يا تمارا قائد يقبل على لتسوي بيه

احجي كولي يرضى على غلطج وفشاريج

لو على ابنة الي متباوعين بوجه لو لو

يا ريت كل شخص يحاسب نفسة

قبل ليحاسب غيرة

ودخلت جوة كعدت الحجية

هي اخذت اكلها واكل بناتها ودخلت

احنا كلنا اكلنا سوة  بس جنت مثكلة

ولازم احسب حساب حتى لحد يفكر بيه اي شي

ورة الغدة صاحلي همام

قمر تعالي

تفضل

هذا تليفون بمكان القديم ورجعت بي كل الصور والارقام من ذاك القديم

جيت انهد بي تاليها كسرت الشر وسكتت

كتله

ماكو داعي جان مكلفت نفسك 

لا يابة اني كسرتة ولازم اعوضج عنة

اشكرك اخذت ودخلت للغرفة همة طلعوا نظفت البيت كلت التهي بالشغل

مرت الايام حتى ايهم ماشوفه

واحسه مو ملكي،من ايد لايد مرات احمد ربي

لان اكو من يمي ومرات اكرهه روحي،

وتدخلاتهم بيه .

حتى نومه ايهم مينام يمي

حليبي كام يزوهرةوكله يذبه

الى ان

حليبي يبس وجف بصدري

من القهر والطلايب

فديوم ايهم يمي ..تقريبا ساعه 2بليل

نزلت غسلت الممات ..وفورتهن ..

اسمع صوت غنه برة ..

وي دنيا لليل شنو هاي

رحت

من الهول فتحت البردة جانت اطل ع الحديقه

اشوف همام ..بلحديقه كاعد واكو شرب يمه وقواطي

عزة ..هذا صدك سكير

عزة بعينك همام ..

سديت البردة

ورجعت فتحتها ..هم يسمع نفس الاغنيه

انتي عالم غير عالم ..

شبي هذا خطيه المن يحب

معقوله هلون ع مروة ..

صدك شصار من مروة

سديتها وسحبت واخذت الممات وكمزت بسرعه فوك

لا احد يحس عليه

طبيت وسديت الباب وقفلتها

كلت لازم اتصل بمروة ..اعرف شصار منها

ولازم اتقرب لهمام اعرف سماح وين صفا بيها الدهر

نمت وابالي شكل همام

عبالك واحد غاركه السفن مالته

والاغنيه الحزينه شمعنى انتي ..

صار عندي فضول اكثر اريد اعرف شبي هذا

وله قتيبه الثكيل

اووف ياربي

ثاني يوم بين الشغل والبيت

ندكت الباب

صحت الحجية تفتحة

راحت وصاحتلي يمة افتحي

لباب مال صالة هذا اخوج

احمد اجة ورحت اركض افتح لباب مشتاقة لابوية

فتحت لباب تفاجئ بعبدالله صارلي شكد من طلعت من بيتنا مشايفتة ويا بشار

سلمت علية

وكتلة مبارك مجالك تتربى بعزك

ندى جابت ابنيه رحت اديت الواجب وجان هو مموجود

كال

اشكرج

دخلوا ورحت اسوي جاي

والحجية بقت يمهم كلبي ممرتاح

ابدا لجيتهم اكيد اكو مصيبة الله ليستر

ليجي قتيبة لو همام

مابيه حيل مشاكل

تمارا طلعت من غرفتها شكو خير منو اجانة

اخوية وابن خالتي

هااا هذا لجان عاشكج مو

استغفر الله تمارا روحي من وجهي اني مو بحالج

ماشالله لسانج طلع

هااا صدك متعرفين ترى لساني طويل بس القهر كسر ظهري

فلتخليني انفجر بيج

اخذت الصينية ورحت من يمه وهي تكول اي بسيطة ام ايهم بسيطة الا اكسر راسج

دخلت لكيت الحجية تبجي

خليت الجاي وكعدت بصفها شبيج يمة خير

راسن انهد بية عبدالله

لا خير ولا بطيخ شنو احن

ا ماعدنا غيرة كاعدة ابيت وية شباب

كتلة مو جنت يمكم عبدالله

وطردتني وكلت بيت ندى لتبيع مثاليات براسي

اخويه ابن امي وابويه

لج مو اتزوجتي وخلفتي وعود كبرتي براسي

والله اسحلج هنا سحل

بشار صيح عليه

شبيك عبد الله احنا جايين نتفاهم

احجوا شنو تتفاهمون اني رجعة لبيتكم ما ارجع

لان ندواي اختك متتحملني وحدي هسة اني وابني شلون

بشار

مو الا ترجعين لبيتكم هذا البيت مو الج بي حصة

اكعدي بحصتج وخلاص

ميصير وية شباب كاعدة العالم اكلت وجهنا

يعني شلون اكعد بوحدي ومالي احد

عبدالله

كلنا يمج ومنعوفج وحدج وبعدين

انتي من حقح تستقلين تريدين تتعينين تزوجين

كلت لعبدله وبشار

اسمعوني اثنينكم

اني كلبي خلص وتعبت صارلي سنتين منايمة مرتاحة ميعدي يوم عليه بلا مشكلة وقهر وضيم

ما بي بعد تعبت حيييل

ادري المن كاتله خلك الله كله يطلبني ثار

كااافي،ماريد اسمع احد ..

كمت اصيح واللطم وكعدت بالكاع

هم عليه عبدلله .راد يضربني ..

الحجيه وكفت بوحهه ..

وجرة بشار

كله بس احاجيها والله. .

طلع بشار يم الباب

وكف يمي عبد الله

اسمعني مو عبالج بهاي السوالف عود تخوفيني راسج اكسرة

طلقة براسج واخلص من عارج

ياعار ..بكت نهبت تعزيت

ولك اختك اني عبد ..ولك مابعينك ايام

الي تلعب سوة ..

ولك من اوكع شصيح كولي اخخخخ

هسة شصيح صرتو عليه اخوان يوسف ..

انت اخو مريتك ..

واني اخويه الضيم ..

انجبي ولا تلوصين بلحجي ..

احنة لعد مرتاحين نزلتي راسناا قبل

لهنا كافي بعد الج يومين وتشوفين

صرفة لروحج لو ترجعين

خدامة لندى وتعوفين ابنج يم اهلة

لو يفصلون البيت الج وتنجبين وتكعدين بي

ترى ملينا منج

كلامة ينزل مثل السم عليه ما اصدك اكو هيج بشر ميرحم

كتلة امشي اطلع برة اطلع برررة

وينك يابه تعال شوف ابنك شسوة بيه

كلي ابوج بسبج تمرض واذا صار عليه شي

بعد محد يلزمني منج ..دمرتينا الله يموتج

بررة

اني طالع قمر بس راجع وجماعة اليولو والعجل ميخوفوني انتي عرض وبيدي اغسلة

الحجية تبجي وشايلة ايهم

واني اللطم واملخ ابشعري

فتحت لباب تمارا

هاي تالي الشوراع اشربي قمر اشربي بعد

ربع مترة وتصيح بيتي وطلعو برة

والله يالله

قايد جابج من الشارع وتاليتج لشارع

اني ما بي اجاوب وشكول اذا اخوي هيح اعتب على هاي

بس عفية كلب شكد متحمل شنو اني والله قوية

ساعة السودة قائد من شفتك ذاك المصباح الاكشر

لا انتة تهنيت ولا اني

دقايق جانت حدد ميصرنا وميصير روح هم ويانة

كامت الحجية خلت ايهم بمكانة ورجعت على تمارا

شوفي ولج احنا ضايمنا الضيم وانتي مرتاحة

مالج كعدة بعد يمينا افتهمتي دزي على حويزم يأخذج من اخذكم البين دشوفي احنا بيا حال

كالت لا مااطلع ..

ويصفى البيت لام السحورة والزم ..

وكامت تشك بثوبها الله لحظ لهاي بس

واحنه شبينة ..وتفشر افشار بقاموس اللغه مسامعته

منا عبدلله وهي

كمت عليها هي طويله

وجريتها من سعرها وبلكاع ولزمتها من زندها عضيتها عضه

اسمعا تشووغ ..نمت فوكاها

لحت منها كفخه بس بعد ما حسيت دمها طلع

جرتني عمتي ..

اخذتني وكمت غسلت

واسمعها تحجي مسكتت للعصر طلعت عمتي طردتها بس،بقت جهالها يمنا

يمه رحيت قلبي بيها اووف لو شالعه لحمه ..

هديت ..وكعدت

افكر شلون وشسوي واذا اجوي

همام وقتيبة اخاف يصير عزة ثاني تعبت ربي طلع روحي دا اعيش سكرات الموت غير بعد يجي الموت نفسة وارتاح

دقايق غفت عيوني

كعدتني الححية

كومي قمر قتيبة يريدج بجلمة

كمت عدلت نفسي ودخل كعد على الجرباية

اني ارجف كمت بس شكلة مو عصبي مكسور

ولمحت همام من الباب مدنك وعبالك باجي

شكو خير

قمر

البقية بحايتج

هنا طكت عمتي بالبجي

شنو شكو ولكم قائد عدل

احجوا

منو مات 

شبيكم تخبلوا

قتيبه كال قمر ..

كلنا نموت ..وللمريض الموت راحه ..

ايييي

لا فدوة لا تكولها ابوس ايدك لا

ابوج توفى ......

وللحكاية بقية

حبايبي احاول اختمها قبل 10 محرم

وقبل المدارس،..

ماريد منكم شي بس حبكم ودعائكم الي يكفيني

احبكم 💓 يابعد كلبي وغراضه