تحميل رواية «تسأليني الجزء الثاني» PDF

مسائكم قرنفل

#سوزان المندلاوي،

كون الابو من يموت ياخذ بناتة ويا

لان الاخو بفركا ينكر خواتة

بقيت ساكته واباع بلوجوهه

واحجي وي واحد واحد

صدك لو تشاقون ..

حسيت بالم فضيع..من راسي لحد رجلي،

مو الم روح لا الم جسد

يوجع حييل

ومنها احس رجلي تبنجت

وكعدت بلكاع

بعدها كمت ماحس بشي

صح اسمع ..

واشوف

بس مو وياهم

روجه تاخذني وروجه ترجعني

واني بس اعاين

خيمتي ونهدت فوك راسي

ماعرف شلون وصلت لبيتتا حافية مفرعه

بس وصلت

من الباب جنت اصيح اكعد لا انت هم تروح

فركه وحدة تكفي وتهد الحيل

دخلت هوسه بهوسه

وثاري ماخذي للمغسيل ومناك للدفن

حتى لا شفته ولا حضنته

طبيت جوة

(اختصرت مجموعه الم ربي يرحم موتاكم )

بس جنت فاقدة لا اني عدله ولا ميته

ولا اعرف امي ولا اهلي

بس اسمع. .

ون ونحيب

بين هوسه العالم ..

ردت الايام بيه هذيج البيها محنه

اني صغيرة واللعب بلحوش وابويه يدخل من الباب

بلعلاليك

ويصيح كمر اخذي المسوك ميت تعب ويمسح كصته

ويكعد ع كرويته ويكول

يابه كلاص مي بارد

لو يوديني ويجيبني للمدرسه

وشلون اول يوم مجلبه بي وابجي ومعفته ولا عافني

وجان يفرح من انجح ويكافئني

هيج هزني الحنين

اختضيت وكمت ارجف ارجف حييل

لان ماعرف اعبر عن حزني بس روحي بقت هيكل روح

وجسد راح ..

بس روحي تون

وكمت اون ..ع حالي،.

ماذكر شلون عدت الفاتحه وخلصت

بدون ما احس بالي داير مدايري

بس اتذكر نظرات الشقفة من النسوان

خطية هاي لرجلها مات قبل فترة

والاقارب يذبن اللوم عليه من قهرها ابو مات

وكلام منا ومنا

ندى مشفتها خالتي تكول متتحمل وبتها صغيرة راحت لاهلها

ولا عبدالله شفتة من تطلع النسوان اصعد بالغرفة اعتزل

احس نفسي وحيدة

شنو اكول

وين اروح

الي بداخلي مينوصف بس صار بي خوف على ايهم اتخيل يومية هو التالي

قائد وابوية بعد منو احب بعد عينهم ايهم

اريد اجبر نفسي اكرهه

لازم اكرهه ايهم ..حتى لا يموت ..

بعد الفاتحة رجعت للبيت

شفت تمارا راجعة

بس محست بوضعي ولا قدرت الي اني بي

اول مدخلت كالت

ها بومة وجه الفكر  مات ابوج من وراج

واخوتج علة الطريق

كافي تمارا اسكتي

مسكتت ابد

خلك الله كله تصبح صباح الخير

هي تصبح مسعدة ام الولد

والي يمةتني محد يكدر الها ابد

تترزل تنضرب نفس الشي

لعد خوان قائد الباقيات شلونهم اذا هاي صغيرتهم

استمرت بكلامها ..

منا هموم الدتيا فوك راسي

منا قائد وابويه

وكسرة امي واخويه الي،

هنا محسيت على روحي

الا واني فوكها واملخها وشعرها بايدي

جرها مني قتيبة كلتة متبقى بالبيت

اذا بقت اطلع من البيت اني

لو انيرلو هي،لو يوميه املخها والله

تعبت ياناس،..

والحجية هم كلتها لهنا وكافي تمارا مالج كعدة هنا

وصدك اخذت بتها الصغيرة وراحت وعافت الجبيرة

صعدت لغرفتي

نزلت ملابس ايهم وكل حاجتة يم الحجية كتلها

يمى اخذي ما اريد اشوفة ولا اشوف احد

يما الحزن مو هيج هذا وليدج ..

كتلها ماريد احبه ..خلي،يمج ..

اعتزلت من الكل صح الولد يواسوني

بس مصيبتي جبيرة

وصح اشوف علاليك بلياب جباسه ونساتل

بس تبقى هي هي

مرات العزله ترجع الانسان لوعيه

ومرات تخلي يعرف ليش هيج حياه

عرفت سنو بيه

بوكعتي بلحفرة

صابتني لعنه

لعنه قائد اسمها

مرت علية ايام ما احجي ولا كلمة

اباوع على ابني من بعيد اخاف عليا من نفسي

انزل اكل واشرب،واصعد

ومن يحجون ويايه ع كد الجواب بس،

وبعد وفاة ابوية بمدة

ام قائد صاحتني

قمر بنيتي

هااا يوم

حدري،جوة

وحدة جاية عليج

اسمعها تكول

تفضلي يمة ليش بالباب

منو هاي

نزلت اريد اعرف منو ؟

واتفاجئ بمروة

معقولة

ركضت حضنتني،

شلونج حبيبتي مشتاقتلج والله

البقية بحياتج

وحياتج الباقية شلونج وينج مختفية

والله قمورة جنا بسوريا

تعرفين الاوضاع شلون صارت طلعنا الحد متصفى اشو كل يوم تصير اتعس

  وهسة رجعنا

والله قمر لبارحة رجعنا واليوم اجيتج شخبارج

ليش هيج صايرة

مروة تعبت اني انتهيت قائد كسر ظهري

وابوية هد حيلي

حتى لو قمر صح معذورة بس مو هيج

شوفي وجهج شوفي شعرج ليش متغيرة هل الكثر

اوووف مروة ياريت على الموت والفركة

المشاكل هدت حيلي

بقينا نحجي ونسولف

شكد مشتاقة لريحة صديق

من شفتهااتذكر ايام الي جنت مرتاحة بيها

بقينا بالساعتين نسولف

الى ان صاحتلنا الحجية

وينج قمر تعالوا تغدوا وياية

نزلنا شفتها خطية مسوية برياني وتشريب

كتلها يما  ليش مصحتيني اساعدج

كالت بس ارتاحي وطلعي همج لرفيجتج

ام قائد احن واحلى شي بحياتي كلماته مسكن الالم

كعدنا نتغدى ومروة طبعها

شقى وسوالف كعدتها

نسولف وناكل اول مرة اكل من صدك

اكمل الماعون واصب ثانيؤ

واحس الضحكه تطلع من قلبي صدك

من تقلد صوت مدرسه لو مديرة

نسيت مصايبي وية مروة

وهي تسولفنا على سوريا

وموقع باب الحارة واكلهم

واني والحجية متونسين عليها

انفتح باب المطبخ ودخل همام

السلام

مكمل من الصدمة شاف مروة كاعدة

اني من يمي انصدمت

من شفت منظرة وخفت

بس هي كامت عليه

وعليكم السلام شلونكم همام

شدعواك لا تسأل لتكول

كلها

والله مشغول وضيعت رقمج

دار وجهة على المغسلة غسل وجه وايدة

هي بقت تحجي بصفة

هاي شنو همام محلو وسمنان

لايك عليك الهم والحزن

ممتعبك مثل قمر

باوع عليها بطرف عينة ودار وجهه

هي رجعت كعدت

ام قائد كلتلة تعالي يمة اكل ويانة

على واهس السوالف مال مروة

كلها

شبعان سوالف ....اني اريد اكل وانام تعبان

رايح للربعة وصبيلي هناك يمة

كملنا اكل واني صافنة شنو الي يصير ليش هيج يسوي همام

هو مو يحبها وعايش دور عنتر يشرب ويسمع اغاني

شنو هل الاستقبال الجاف الها

قررت ورة الغدة افتهم منها كلشي

سويت جاي وكتلها تعالي نكعد بغرفتي احسن

ام قائد نامت وية ايهم

وهمام بعد مطلع من لربعة

مروة شنو سالفتج وية همام تدرين

ولا افتهمت منج شي

يا سالفة قمر ماكو شي

مروة شبيج مو جنتي حامل لو نسيتي

شلون وين الطفل

ذبيتة قمر يم جدة

ياااا صدك وشلون

قائد

لو مو قائد الله يرحمه جان ما اعرف شنو صار بحالي

قائد شدخلة

اسكتي قمر

هو اكو مثل قائد وشهامته ورجولتة الله يرحمه كسر ظهري موته

وكامت تبجي

شنو مروة فهمني

قائد شدخلة بيج وبالحمل ........

مو هو ساعدني

المهم خلي احف وجهج ..

ضليت حايرة بكلامها شتقصد

مروة عدج شي وي قائد

كامت تفتر بلغرفه ..وجرت هدوم قائد اني ع حطتها ماشلتها ابد

حتى ساعته وغراضه بنفس المكان

حسيت اكو شي ماعرفه بديت اشك

رجعتهن وكالت

يلا خلي احف الج واصبغ شعرج اسود احسن

ولا هسة مطكع لونين

كتلها ابد عزة

ولج هوة الحزن بلهدوم لو بهلسوالف

لا مروة ابد

مجاوبتي ..

شنو قمر

قائد

شبي ..

سولفي الي،..

شسولف باعي راح اروح وباجر يمج اني

اجيب صبغ واجي

كمت من افراشي ووكفت يمها

مروة ..

لزمت ايدي ماكو شي لا تفكرين

وبوستني ودتنزل

بلباب

كالت هذا الخبل خوما يضوجح

منو

همام

لا

اها ستر الله ساكت شعجب رادها من الله جته من عبدلله

ولج شنو ..

بوستني باجر اجي وابات يمج هم

مروة

قمر عفية ما اريد احجي اكثر خليني على راحتي

لا عفية مروة

فهميني شنو السالفة وشدخل قائد

كلتلي

قائد مثل مكتلج شهم

اني بقيت صافنة عليها

وتالي شلون وياكم

لشوكت ابقى مثل الاطرش بالزفة

وحياتك يا قائد غموض بغموض

لازم اعرف كلشي من همام

واعرف شنو علاقة قائد بالموضوع

وسماح وينها

سديت لباب وراها وطبيت للمطبخ لكيت

همام كاعد كبالي ويفر بسبحه بايدة

ومدنج ..

رفع راسه ..

شعدها هاي يمج

مليكتي احسن من هاي ادخليها للبيت

شنو همام شدتحجي انت

اولا هاي صديقتي

وهذا بيتي واني حرة المن استقبل بي

الزمي حدج بكلام وياي ام ايهم ..لا دوسين علي،

لازمه حدي،

وبعدين هاي مو حبيبتك

ويومية تشرب وتسمع اغاني علمودها

وحارك روحك حرك

كام عليه ويحرك بيدة

شهل الحجي ول يابة منين تجيبي هلخريط

منو كلج اني اشرب ؟

شفتك عيني

انتي والله بطرانة ..

بس،بقت عليه هاي،..

همام قائد شعندة جان وية مروة

وقصة حملها منك شنو

وسماح وجهال قائد

ويييين ؟؟:

وللحكايه بقيه

مسائكم ..حب

تسأليني 2

الفصل الثاتي

ج 12

#سوزان المندلاوي

كال ماعرف ماعرف

لا تلحين قمر

ابوس ايدك فهمني همام راح اتخبل مكافي سماح

ادك براسي ..

وهسة مروة

ولك ارحمني

كال

ابوس راسج عوفي ماعرف شي

كولي مين حامل مروة

منك من قائد

شلج بهلسالفه قمر

كولي خاين كوولي

حياته الغاز بالغاز

لا عشت وياه ممرتاحه لا ميت مرتاحه .

المن الطفل

ماكو هيج شي اسكتي وكافي

الحجيه تشارك وتكولي يمه صلي ع نبيج شجرة الج كمرة ترة تخبلتي

كتله

سماح وين

بلاردن

والجهال

يمها

ليش مجتي بلعزة

مو طلكها ومشاكلهم متخلصؤ

ماصدك

شلج بيها كافي،وراح للربعه

ركضت وراه جريت من هدومه

مروةطفلها مين

اسكتي ماعرف مين

باجر تجي واعرف مين

كال ماتجي ولا تعتب بابنا

مو بكيفك بيتي

قمر

مالك دخل بيه

قمر يزي اسكتي

همام منو قائد

يول تخبلتي

اي تخبلت

اذا يريحج كلامي

مني مني

ارتاحي كافي بعد الرجال راح لدار حقه

يزي بعد طلايب

ماصدك

بيكم كلكم

اكو سر ولكم ضامي عليه

كولو الي

قائد عدل لو ميت

مييت شبيج

كبرة اريد اشوفه

منطقه ساخنه شترحين بس تهدة اخذج

ماعرف راح اتخبل حرام عليكم

اقسم عليك بالله كولي

ماات

اي والله ماات والكل شافه ودفنه

وشعندة وية مروة

ماعندة شي والله

لا همام مروة حامل من قائد مو احجي

لج كااااافي ملحة قمر

مني والله مني

واذا حطت رجلها هننا مروةاكصها كص

بس هذا بيتي همام واني حرة بي

هيج الحجي مو ست قمر

اي هيج ولازم افتهم كلشي

حدري لعندي وافتحي اذانج زين قمر

عجل ماطول بيتج هذا مالي كعدة بي

بس اذا مروة عتبت هنا اكسر رجلها

بيتج صح بس انتي امانة وهاي وحدة اعوذ بالله

هنا كمت ابجي وهدئت نفسي

كعدت يم رجلة ولزمتها لك همام لخاطر الله كولي وريحني

شعدها وية قائد

قمر لتثيريني ولتخبليني ماكو شي والله اني سبب المشكلة

وهو حلها وياها مااعرف شلون وكافي بعد قمر ترى تعبت حيل

ممقتنعة ابدا

مسحت عيني

واني متعبت ولا راح اتعب الا اعرف كلشي

قمر اخر كلمة الي وياج ديربالج مني ترى تعبتني هواي وبعد ما اتحمل طول لسانج

تعبتيني بالله

عفتة وصعدت فوك افكار تأخذني وتجيبني

ليش معقولة

وتذكرت الذهب والتليفونات وكلشي الي جانت تتبهى بيهن مروة بالدوام ومن صعدت وياه وشحط بسيارة

لو رقمها يمه ..اكو شي مخفي

ثاني يوم كعدت الصبح ماكو طالع

همام وقتيبة لهيت روحي بلبيت

واية بت تمارا الجبيرة بايدها ايهم

ولا تشبه امها ولا ابوها فقيرة وخدومة

اندكت لباب

جنت اغسل المواعين اعاين من باب المطبخ ممبين شي

نشفت ايدي وطلعت برة

صحت منو

كالت مروة

فتحت الباب ..

واعاين يمنا يسرى لا همام يجي

طببتها ..

بس خفت من همام

دخلت واكلتنا بلسانها وسلام وبوس 

جرتني وراحت يم ام قائد

خالة الحزن بالكلب لو بالشكل

لا بالكلب

راضين على خلقت قمر والله تخوف صايرة اريد ارتبها

اي ولله يمة مابيها شي

كتلهم

لا والله مالي نفس

مروة

قمر ترى الحفافة نظافة مو مكياج واحد تلعب روحة يباوع عليج تعالي

اسويلج وجبت صبغ احمر و اسود

لا اسود مثل حياتي

كافي قمر اصلا حلو الاسود هو الموديل وانتي بيضة تطلعين تخبلين

منا منا قنعت بعد ماشفت الكل يكولي اي،

بدت تحفلي

اني استغليت فرصة

مروة شلون حبلتي

قمر عليج الله لتحرجني والله ما اكدر احجي

كتلها ترى مو صغيرة اتزوجت وخلفت مابيها شي كوللي

قمر استحي بس والله مصار شي بس هيج بس صار حمل

شلون يعني بس هيج

قمر يعني جنت بعدني بنية

كملت وجهي وخليت الصبغ

اني احاول اجررها حتى اعرف قائد شلة دخل

كتلها وقائد شنو دورة جان

والله ياقمر قائد وكفلي وكفة ما انساها بحياتي

وهي

اسمع الحجيه تصيح يمه صلي ع نبيك مو هجي اكف اكف

هنا طب همام

وركع الباب علينه

شعندج هنا مروة مو كلت مالج طب لللبيت

ليش همام شبية اني لو خايف

انجبي منين اخاف

يلة اطلعي منا

صيحيت علية متطلع مو بكيفك

كامت مروة وكفت باب الغرفه عتها برة

دفعني للغرفة وسد الباب عليه

والحجية تصيح عليه

وهويصيح مالكم دخل لحد يفتح حكلة

امشي طلعي برة ..ومروة مدري شتحجي ..

فتحلي لباب وكلي

كلمة وحدة قمر هاي

دايحة وغلطت وياها

اني سمعتوا يا اهل الدار

ما اريدها تدخل هنا شلون  ترضين تدخل للبيت

واني شيخصني بيك هي صديقتي

لج وحدة سمعتها مو خوش وتدخل لهنا وانتي ارملة

شتنتظرين يحجون العالم

وهاي شمسويه بحالج وشتقرا براسج

الحجية ادخلت

ميخالف يمة مو هيج عف عنها

اني مخبل اتحملوني

اندار عليا

ماتحمل ممجبورة بيك اني ومالك حق عليه

كال حكج ..بهاي ..صوجي اني كلب وابن الف كلب

بس مروة مطب ويعيط ..

كتله مالك دخل لا تصير رجال عليه

سكت ..

ودفر الباب ..دفرتين غطيت راسي

حسيته قريب عليه

كلل وحك الحك ..لونا عزيزة لسانج اكصو

رفعت راسي

عض اصبعه اخخخخخخخ

واندار

جان الصبغ والطاسه ع كوميدي جرهن كسرهن وطلع

هنا سكتت وبجيت

ضلت الححيه يمي تحجي

يما دخيلج عيفي انا اله تخبل بس فطير

لميت غراضي واخذت ايهم

وترخصت من خالتي اروح لاهلي

مااكدر اشوف همام

وتعبت ولو ما اريد اروح

كتلها

يمة اروح ليلتين واراها اربعين ابوية نروح

للنجف وارجع لهنا

ترجعين مو وبقت تحجي ساعه وتتوسل وتبوس بيه

كتلها ارجع

على راحتج حبيبة وأيهم تأخذي وياج

يمة خلي يمي يتعبج

لا اريد يشوف كبر ابوية

يكول احمد جان مشتاقلة

ويسولف بي بس ملحك عمت عيني يشوفة مرة ثانية

روحي يمة وسلملي على الامير علي

وكليلة ناخية عليك لزهرة تفرجها علينا

ان شالله يمة ان شالله

طلعت لبيت اهلي ..مسافه قريبه

بس ماعرف امشي وحدي رغم جنت اروح وارحع وحدي

هسة كل شي اختلف وياية

دخلت لكيت امي تعبانة ونايمة

اووووف من شافتني بجت حسيتها

هسة يلة حست كسرت لرايح وليها

كعدت يمها بوستني وبوست ايهم

حبيبي يخبل صاير

واحنا كاعدين دخلت ام اوس جارتنا

شلونج عيوني هاي شصار بيج ليش هيج

كتلها ليش يعني ليش ابوية ورجلي راحوا

اصلا من يوم الي طلع قائد ماشفت راحة

كلتلي

اهاااا هذا عينة وراج يمة

مراح ترتاحين طول عمرج الا تسوين الكطعة

دفنه شنو خالة

دفنه يا يمة تسويها حتى ترتاح روحة ويتركج بحالج هاي نفس ميت وراح مبين

وشنو هاي الدفنه شسوي

شوفي خالة تجيبن قطعة

من ملابسة الله يرحمة

وعلوية ممتزوحة تدفهنا جوة نبكة

شنو هاي خالة معقولة اكو عيج شي هاي خرافات

لا والله بنتي صدكيني

والله وراها ترتاح روحة وانتي هم

واحنا كاعدين دخلت انهار

حبيبتي بعد اتعس  من حالي صايرة

هم استلمتها ام اوس

شبيحن حظ ماعندجن الله

منطيحن جمال واخلاق وحظ ماكو

يمة انتي سوي كطعه تابعتج قويه

حتى تحبلين بسرعة

ان شالله خالة نسوي كطعة

ودفنة

وتمن وزلاطه

كامت تفر باديها ..وتسولف وي امي ..

كالت شعلي اني دانصحجن

كتلها  اذا الحظ اعوج شنو نسوي

بقت تسولف ومخلت احد مجابت طاريه

كمنا دخلنا لمطبخ احمد كاعد وعبدالله

سلمت طلع عبد الله مسلم عليه  انكسر كلبي

والله تعبت شنو سويت

احمد كلي لتضوجين خيتي هذا يمشي ورة حجي مرتة وبشار الناقص

تعبت احمد والله

احمد

قمر اني اريد اكلج شي بس لتنقهرين

شنو احمد خوفتني

اني راح اسافر اروح لسجاد

ليش هو بس انت بقيت اشد بيك الظهر

قمر تعبت وما اتحمل وشوفي وضع العراق قبل يومين صديقي راح بمفخخة هو واخو وابو وامة متخبلة

اوووووي الله يرحمهم

شفتي قمر اكو ناس مصيبتهم اكبر بس احنا منحس هاي من جهة ومن جهة ثانية مااتحمل ندى وعبد الله بكيفهم لبيت يمشي وامي لا تحل ولا تربط

اي والله ما اعرف ليش هيج تسوي امي

قمر لتلوميها هي مجبورة عبدالله يقرأ براسها وصاير رجال عليها

سودة عليه متشوفها مهدود حيلها

صاحتلي انهار فوك

دا اصعد ونزلت ندى

ها حبيبتي شلونج

ابرحمة الله

الله كريم ربي يفرجها عليج وترتاحين الحمد الله عندج ولد وبيت باقي بس رجال فوك راسكم

ماكو رجال غير قائد

يمعودة قابل تبقين هيج طول العمر لازم تستقرين

هسة شوية اريد اصعد

اي اصعدي عيني

طبت على انهار

وتالي وية ندى اشنقها واخلص

عوفج منها قمر تعالي اكولج شي

خير شبيج شنو حامل

ههه يا حامل قمر راح اسافر

شنو وين شكو كلها تريد تسافر

قمر بعت ذهبي وراح اروح لسوريا اسوي انابيب تعبت وماكو حمل

عزة لعزاج شلون تبعين ذهبج

وبعدين صارلج سنة مو 10 سنوات

قمر تعبت ودتقرأ براسة تعال تزوج بت خالك

شبيها هاي شنو هل التدخل والله حرام عليها

المهم قمر اني ورة الاربعين ان شاللة اسافر اندعلي قمر اجي حامل يارب والله تعبت

ياربي ان شالله

انتي شلونج

بعد الي سمعتة محجيت شي

الحمد الله على كل حال

ومحد عالم بحالي غيرك ياربي

مرت عليه ليومين ابيت اهلي بمرار كل شوية اتخيل ابوية واسمعة حسة

ومن طلعنا للنجف اول مرة ادخل لمقبرة طول عمري اخاف اروح من بيبي توفت وجدو

شفت هواي كبور امشي واقرة اسماء واكو معقولة كلكم ميتين واكيد اكو ليحبوكم وكلبهم محروك

صدك الفراك امر من الموت

من وصلت كتلهم جذب ابوية مو جوة

يابة كون اجيتك اني وجبت ايهم وياية

( اختصر لكلام احساس صعب ما اتحمل )

رجعنا بس حسيت الدنيا طلعت من عيني كلها تموت واني باجر اموت لازم اهدئ واتقبل وضع الدنيا واصير اقوى لخاطر ابني

والحجية ام قائد

وصلنا للبيت المغرب صليت واكل لكمة ودعت انهار جان لازم تروح تحظر نفسها للسفر

واني لبست وسلمت على امي وخليت باديها كم فلس

وكتلها ماكطع اروح واجي عليج يوم

ودعتها

دا اطلع

حسيت واحد جرني  من ورة

وين ؟؟:؟

حس عبد الله هذا

انداريت

وخر اروح لبيتي اريد

ماكو طلعة منا

جر ايهم من حضني،راح

ادز الولد لاهلة

وانجبي واكعدي .انتي ......

وللحكايه بقيه

#سوزان المندلاوي

شبيك عبد اتخبلت عوفني

لا قمر خانم عقلت ماكو طلعة من البيت

كافي بعد

لك كافي شنو عوفني اروح لبيتي

واجر بابني منه ..

لج يا بيت اكو واحد يدز اختة لبيت بي شباب اثنين واحد بيهم يسكر

هسة اشتغلت عندك لغيرة بالسنة صارلي عدهم ماشفت منهم شي باطل

بلا لغوة اكعدي

امي اجتة

لك كافي هسة رجعنا من لكبور

ابوك مات اخوك راح وما اعرف اشوفة بعد لو لا

اختك سافرت وهاي ارملة وحال الضيم حالها ولك اكعد انهد

دفعني اجر ايهم ويجرة  مني

عاط علينه ما اسمع منكم ولا كلمة العالم اكلت وجهي

كمت ابجي واصيح انطني ابني ولك عبد وايهم يبجي

وامي تبجي

دفعني من باب المطبخ 

كال

ابنهم يرجعلهم وبتنا العار

رجعت وخلاص انتهى ما اريد اسمع بيهم بعد

اخذ ايهم وطلع واني ابجي

كمت الوب يمه وليدي ..اريد اطلع احر بيه

اكعدي اصبري ..

عوفيني ..وين يودي لا يذبه بشارع 

امي يمي تواسني

كتلها عفية يمة هسة حجيتي

ههه روحي الله لا يرضى عليكم اريد ابني لو احرك روحي وابليكم هسة ..

اصبري ..اح الله تعبانه قمر ..

من شفنه غراب البين قلئج مشفنه قطرة راحه

اببووووج ماات

كتلها ابو ابني هم ماتت ..

عفتها وصعدت شفت ندى كبالي

غير يريد مصلحتج اخوج على كيفيج تدعين علينا

وصوتج مال هرج ..

كتلها

الله لا يوقفكم ولاوتشوفون خير

ارملة ويتيمة ومالي احد

وينك يابة كوم شوف سوة بيه ابنك

احمد سجاد وينكم تعبت ..

دفعتها وصعدت ..

اروح وارجع ..كلت ينامون وانهزم ..منهم

صعدت بغرفتي ابجي منو عندي والمن اروح

رجع..اسمع حسه برة ..

مديت راسي من الدرج

كتلة وين ابني يا ظالم يا ناقص

ربي يحرك كلبك على بنتك مثل محركت كلبي

صعد علية.نهزمت قبل لا اطب غرفتي جر شعري ووكعت  ملخني ..بقى يضرب وادعي عليه

وندى وامي يدفعون بي

جروا مني وطلعوا

كعدت ولا بجيت ولا حسيت بي بشي

امي،تكولي راح اموت

ندى تكول موتي رجلج وابوج وهسة اخوج وامج

طبيت للغرفه ..بعد ماكومتني امي ..

وكعدت ..

بقيت صافنة على حظي واريد ابني

سمعت صوت تليفوني يدك كمت سحلت نفسي

اشوف المتصل قتيبة

الو قمر الو وينج ام ايهم

ميطلع صوتي احس بلعومي متجرح

ال  لو

ها قمر خير شبيج

خيتي ليش عبد الله مرجع ايهم للبيت

هسة الحجية خابرتني وتبجي

قتيبة اريد ابني اريدة  الله يخليك

ماعندي احد لا اب ولا اخ ولا ام بس هذا الظالم

موتني كتل قتيبه جيبيلي قائد ياخذ حقي،

اخ يابة قمر حركتي كلبي والله

اسمعيني لتخابرين همام هذا مخبل

كتلهاىللحجية لتخلي يطلع هم

واني هسة جاي للبيت اجيبة واجي

لبيتكم اشوف شنو يرضي لاخوج

اي عفية اريد ارجع لابني وللحجية همة

لخاطرهم عايشة وبيه روح

سديت التليفون وكعدت بالكاع

معقوله فكر اني،

معقوله حتى ابني اخسرة ..

وين اولي ياربي

هذا اخ لو عدو ..

اخ جسمي يون عليه المن اخابر اشتكي عليه بشرطه

لو شسوي ..اووف يابه .

كمت اتجى ع الغراض وكفت كبال المرايا

المراه تعكس انكسارنا

عكست الي غربه بوطن

وبيت بلايا والي

شفت شفتي مشكومه واكو ضربة بخدي حمرة

وشعري منفوش ..

مسحت دموعي ..

كتله يولو ..دشوف حالي ..

واتلفت بلغرفه دشووف لو لا

اتخيل قائد يمي ويحجي

وياية يكولي

منو وياج منو ضربج ول يابة اليوم اطروا لعبد الله منو يضربج اني بس الموت يمعني عنج

وينك قائد وينك حبيبي

واشكيله..

(هيج عشت خيال والم )

فزيت على صوت..عياط ..

فتحت الباب مال غرفه

مديت راسي ع كيف 

همام يصيح

لك ناقص غيرة انت شلون تمد ايدك على مرة

ويتيمة

لك تشمر طفل هيج على بيبتة

لك هم حاسب نفسك زلمة انت وعلى وجهك شارب

تفوووو على هيج شارب

نزلت اركض..من الدرج اكو سنادين ع طول الدرج اخر بايتين عثرت بيهن ووكعت ..ع ايدي

كوة كومت روحي

وين ابني وين ابني

جرتني امي تعالي كافي بعد مصايب

وباست ايدي ..كفي شر ..قمر

ابوس راسج لا تكسروني

سمعي كلام عبد

دفعتها كتلها اريد ابني عوفني

طبيت ابني وينةة

عبدلله عاط امشي طلعي ..منا

وكفت بلباب

شفت قتيبة ديكعد همام

ويكلة امسحة بوجهي لعبد الله 

من شافني همام

شوف شوف شنو مسوي بيها ولك عوفني قتيبة

قتيبه لك انجب واكعد خل نفتهم منه شنو يريد

احجي خوية عبد الله

كلهم

يا اخ يرضى اختة تكعد ابيت بي زلم غربة

قتيبة

لا وبهاي حقك بس،قسم بالله اختنا وع راسنا

اذا حقي شعندكم جايين تفضلوا يلا

همام يباوعلي ويريد يهد عليه

بس قتيبة يكلة انجب واكعد

قتيبة

بس اخوية بيا قانون تمنع ام عن ابنها هاي منو يرضها

حجيت كتلة

واريد الحجية هم اريد ام قائد وايهم  جيبوهم هنا

عبد الله

وين هنا ولج شدتخربطين

كتلة

هنا هذا بيت ابوية مثل مالك حصة الية حصة

اسوي حمام ومطبخ فوك ونكعد

عبد الله

اهاا حلو طالبين بورث ابوج وتاركة ورت رجلج الهم ولهذيج مرتة

قتيبة

والمطلوب اخوية نفصل البيت وتكعد بي هي والحجية

عبد الله

وتكعد وحدها هن نسوان بطرك روحهم مترهم

همام صاح

لك عجل شرايد والحل شنو اكوم اجنزك هنا يلاطرم

ويسكتة ..قتيبه ول خلي،ناكل وحل ونححي،لا تنط

عبد الله

تفصل البيت وتزوج قمر

قتيبة

تدلل عندي استعداد اعقد عليها اليوم اذا ترضى هي

كتلهم

ما اريد اني ما اتزوج

عبد الله

كلي اي طبعا متزوجين من هذولة اشفنا منهم مو كافي قائد سوانا علج بحلك العالم

انزوجها لابن خالتها

همام كام ويجرة قتيبه

لك تقصد هل الملكلك بشار اكسرة قبل

ليربي ابن قائد

قتيبة

لك اخوية منعرف شتريد انطبلك منا تطلع منا شبينا وشبي قائد يحلفون بي العالم

عبد الله

يحلفون ميحلفون ماعندي غير هل الكلام لو تبيعون البيت ونأخذ الحصة لو تفصلون وهااا باقي الاملاك مو تبلعوها قمر وابنها الها حصة وحصة جبيرة هم

همام

اسمع ولك عبد الله ابننا احنا انربي ومحد يتزوج قمر الا براضها واذا تريد بشار تحلم تشوف ابنها

وفلوسها تأخذوهن على القندرة

عبد الله

كوم اطلع يلة

احترمتكم زايد يلة

ديطلعون دخل

بشار ما اشوق همام الا طفر من نصنا اني وقتيبة

ونام فوكة

لك عار ابو عين الوصخة 

وكعلة ضرب ما اشوف همام وين بس ايد على عبدالله وايد على بشار

امي دخلت تصيح وندى هم

واني اتوسل بي همام عفية الله يخليك

العالم متحب فضايح مدري مين طبت اتفازع

بالموت جروا الجواريين وقتيبة

صارت فضيحة شكبرها

اول مطلعوا  انهزمت صعدت فوك وقفلت لباب

اسمع هوسة جوة وندى صعدت

من ورة الباب

ولج يا ام الرياجيل بعد شسوين

من مصايب يا دايحة

كتلها

ماكو دايحة غيرج ندى

بسيطة قمر تزوجين اخوية غصبن على خشمج واخلي يطيح حظج

امشي ولي مني روحي لاخوج المرة

امسحي الدمة هلخنثي  اول بعدين خل يطيح حظي

نزلت وهي تغلط وتفشر

صدك ارجف بس ارتاحيت من كتلهم همام المخبل

اعصابة اعصاب قائد

سمعت التليفون يدك

مروة

اووو وكتج هذا

الو

الو ها قمر شلونج هيج جزاتي يمج زعلانه منج

وهذا الكلب همام اني الة

مروة عفيه مالي خلكج روحي

شبيج

شبيه ابيت اهلي وابني مو يمي

وعبد الله يريد اتزوج بشار

هذا شبي اخوج ليش هيج

مروة معليج بهذا الكلام اريد اسئلج سؤال واحلفج بالله

شعندج وية قائد وابنج من منو

لج قمر والله ما عندي شي

ويا ولا بيوم خانج

بس ساعدني اخذني

لوحدة وكعتلي الطفل

وانطاني فلوس

بس مروة والطفل

هاااا من همام غير

مروة تعبتيني

والله بس ماكو غيرها

بس قمر ديري بالج من همام

شبي همام

مابي شي بس مو طبيعي

اعرف عصبي وما اعرف شنو علتة

اني اعرف علتة وقائد هم عرف

شنو شبي

مو وكتها قمر اجيج باجر

لا لا ابد ..روحي يمعودة عزة فوك راسي

قمر

ها

تعاي اطلعج لسوريا وتعيشين احلى عيشه بلاذقيه

شلون اعيش

شبيج نشتغل بصالون صديقتي ولا احد يمن عليج ولا شي

دروحي هسة

الله وياج

احس ارتاحيت شوية بس بعد الف ونه براسي

بقى اشوف سماح وين

وهمام شبي

خطية مبين مكسور مرات

ومرات محد يتحملة

سديت التليفون ورحت على لباب اسمعهم

يسولفون ويقررون

وبشار يتحلف لهمام

واني اكول لو بيك خير جان كدامك صرت مثل الجريدي بين  ايدية

اندكت لباب امي

يمة افتحيلي لباب

فتحت لباب وكعدت على جرباية

كعدت كبالي

يمة ما بينا حيل مشاكل كافي يمة

شحصلنا منهم غير شلعان الكلب

شوفي حالج يمة صايرة اكبر مني عبالك

اخذي بشار من اول جان عينة عليج ورايدج

وبقت تحجي واني ساكتة

كتلها يمة اتحبني انتي

كالت شلون ما احبج يمة

اني القهر كسر ظهري وتعبت بس بالي يمج اريد احط راسي مرتاحة

اني هم احب ابني وحيدي

وما ارتاح وهو بعيد عني

شلون تريدون اتزوج وارتاح وهو مو يمي

وبشار ما اريدة مو كافي ندى يمة تريدين بشار هم

كامت جر بهدومها راح اموت اموت من وراج

عافتني وطلعت

ردت انام ..

كلت اي اخذ ايهم واسافر واعوف كل شي

هااا اخاف يحلكوني ياسوؤيا واخواني هناك

كوة انكلب ..

احس عظامي تون ..اريد انام ماكدر

رغم ايهم قليل انومه يمي اخاف  لا لعنتي تصير بي

بس الوب ماكدرت اغفي

نمت شوية دكت التليفون

شفت الساعة ب3 الفجر

جاوبت بدون ماشوف

منو

همام

الو همام شبي ايهم

صوتة مخنوك ويجر بكلامه

مابي شي ايهم

اني تعبان قمر

تعبااااان صار سنتين تعبان واحترك ..ومحد يحس بيه

شبيك همام

ما اعرف انتي

تعرفين شبيه

لا ما اعرف اخاف ضايج من عبد الله

كلي

لا هذا هو وبشار الكلب

الا اسحلهم سحل على هاي الدكة

وهسة تشوفين

عوفهم همام كطنة ويطلعوها

من اذانهم اتزوج بشار

والحل قمر

لشوكت تبقين هناك وتعوفينا

وتعوفين ايهم

همام قررت

شنو قرارج قمر فهمني

راح اوافق على قتيبة

شنو .........

وللحكايه بقيه

صباحكم  رحمه

تسأليني 2

الفصل الثاني

ج 14

#سوزان المندلاوي

شنو قمر شكلتي ؟

ماعندي حل ارضى بقتيبة حتى اخلص منهم

هههههههههههههههههههاي قويه والله

كولي والله قمر

شبيك همام ليش تضحك هيج

ليش والله ما ادري قمر تخبلت يمكن

اخاف شارب

لج انعل ابو الشرب لابو حظي  لابو ساعه السودة

امشي

روحي قمر

سدة بوجهي وراح

هذا شبي دك وسدة وما اعرف شيخربط

اني فوك حالتي الله يدعبل عليه مخبل

بس اني صدك ارضى بقتيبة

شلون ومستحيل اصير لغير قائد

حياتي وعمري دفنتهن ويا

لازم احجي وية قتيبة اكلة زواجنا بس على الورق

اريدة يخلصني من عبدالله وبشار وندى والكل لان تعبت

اوووف ياهمام طيرت النومة من عيني واني بالكوة غفيت

بقيت اتكلب

وغفيت هم دك تليفون ما اعرف بيش ساعة لو صارلي شكد نمت

اباوع بال6

وهم همام

الو هااا همام عفية اكو شي

لا ايهم مابي شي اني بية

شبيك همام صوتك مو طبيعي

شبيك يمعود احجي

احبج قمر  سمعتي احبج

واذا قبل سنتين رحتي كبال عيني

هلمرة ما اخليج تنزفين لاخوية

اموتج واموت روحي قمر

لك شبيك انت اكيد شارب بيك شي

ولو تقصد مروة انت مخبل مثل مكالت مروة

لج انعل ابو مروة هلساقطة لابو اهلها لابو اهلج

سمعت صوت ضربة وانكطع التليفون

هذا هم حظي

فوك الي بي اني هسة شلون وية هذا

تهبل عليه بامصباح ..

عزة بعينك همام

اني اعرف يسوي هيج حتى ابقى يمهم

كمت نزلت جوة

ممكالة شي وراسي راح يطك

خدرت جاي وكعدت اكل

كعدت امي محجت وياية شي

كتله اصبلح جاي هزت راسها اي ..

كعدت كبالي،..

اريد احجي واتردد

مابقى طريق لو ازوج همام لو انهزم وي مروة

ماما

ماما قررت اتزوج قتيبة

اني ميخصني بشي انتي واخوج تفاهموا

كتله

انتي من زمان ميخصج بشي وهذا مو اخو هذا عدو

مجاوبتني بشي بس كالت شوفي وجهج وبعدين احجي

كتلها الزود بابنج

سكتت ..

اني اكلت ولا همني شي

كلت بس يصير ب8 اخابر على قتيبة

واتفق ويا اصير مرتة بس على الورق يعقد عليه حتى اخلص منهم

اريد ابني وام قائد وبس همة سلوتي بعد قائد

بقيت الوب شلت الاكل ونضفت المطبخ

وامي كالت طلعي سمج ثواب لابوح

طلعت وغسلتهن وملحتهن وقريت الفاتحه

مرات الانسان ميصدك بلموت الا بهيج مواقف يصدك

من قريت الفاتحه صدكت

رغم ع كبرة بقيت ا دك بي اريدة يطلع

لو بيدي احفرة وانام بي ..

كعد عبد الله

واكفه ع السنك غسلت ايدي وانداريت

شعجت نفسي

ووكفت كبالة

عبدالله اني موافقة على قتيبة

عبدالله

امشي ولي منا لا قتيبة ولا بطيخ ماكو زواج

واذا عاجبج رجال اكو بشار

كتلة

لك احجي عدل اني اختك مو بت شارع

وبشار ما اريدة

صيح عليا

لج يا اخت انتي مو اختي من زمان نسيت عندي اخت اسمها قمر

انتي عدوة وخجنر بالظهر

من يوم الي خنتي ثقتنا وفتريتي الشوراع وية الكلب قائد

لا والله من يوم الي شفتج تحجين بالتليفون ويا تذكرين بنفس هل المكان بالمطبخ من ضربتج كرهتج وراها

من حجة على قائد وذكرني بي

بجيت وكتلة

لك حبيت مكفرت مسويت شي غلط مخليت يلزم مني شعرة

انت شنو حتى لو غلطت انت اخوي مو عدوي تجي تعلمني تحن عليه مو هيج لك عبد الله مو هيج

جاوبني بأستهزاء

هيج وماعندي غير هيج

والبيت اريدج تنظفي قبل لتكعد تاج راسج ندى لبارحة خطية منامت من ورة بتها

كافي عبد الله صحيت بصوت

عندي بيت واروح بي ما اعيش خدامة الكم

طلعت امي ساعة سودة عليج قمر بس مصايب

من وراج يصيحون النه بيت ابو العرايك

اني بس مصايب مو راح اخلصكم مني ومن مصايبي حتى ترتاحون

بدون وعي ولا ترتيب

اخذت الجداحة بالمطبخ وطلعت ركض ورة البيت

ادور نفط ..

كلبت ملكيتة

عبد الله يصيح ويجرني

وامي تعيط

لحظات فقدت بيها والكل تصيح

عليا

جرني عبد الله وبقى يضرب بية مثل المخبل واني متحركت من جوة ايدة ولا دافعت عن نفسي

عرفت نفسي رجعت لايام الاذيه

والضرب يامه اكلت كتل منهم ..

يامه شفت ويل منك قائد ..

ليش ..

يمكن بعدها تبنج جسمي كمت ماحس بشي

وكمت من يمه وهو يحجي

وامي تكوله عوفها ..تزوج منهم ..

اسمع يكول اذا تزوج بشرط واحد وكفت ..

تتنازل عن حقها من البيت

ومتدخل البيت بعد ..

انداريت موافقه اني ..

خوش ..من اطلع قسام شرعي ..

ترحين وتتنازليين .عن كل شي

موافقة والله ..كل شي

خوش قمر ..ماعندي اخت من اليوم اخذي سلابتج وروحي

والله والله والله ..اذا رجعتي وشكيتي منهم

رحت قريب عليه

اوكف اوكف

كتله 3مرات جبت طاري رب كريم

تعرف الله انت ..جاوب

قبل لا تذكر اسم جلاله ..اعرف ربك ودينك زين

مامنقهرة والله لو كايل محتاج ابيع هدومي وانطيك

عبد انت اخويه

وانداريت ع جوة الدرج

تذكر جوة الدرج من ادك الغارة تاخذني،

وتحضنه اني وانهار و نعلب ..جلكه

لو بيضه

اني محتاجتك خويه كلبي ميشيل عليك

وداعه ابني ..

الفلوس واني جوة رجلك

ولك من دمك اني اخذ كل شي بس لا تنكرني،

وكانما جبت العار الكم

اسمع امي تون

عرفت اذيت الكل اني

ولازم اريح الكل

عافني وطلع ...

ماما اسفه اذيتكم هوايه تعبت والله

لبست وطلعت .

روحي تفرفح ع كل شي ..

اخ اب زوج ابن ..

ضايعه

امشي وصلت ..

فتحت الباب من جوة وطبيت

شفت ام قائد كاعدة

بلباب ورة السيم

وبديها ايهم

ركضت اخذت ايهم وبقيت ابجي وحضنتها

كتله يمه انتو اهلي وماريد احد يسالني بعد

لا تسالوني عنهم ابد

بقت تحضن بيه

ارتاحيت ..ايه جابت كلاص مي غسلت وجهي

وشربت منه ايدي ترحف ..

اريد الزمه عدل ماكدر

يمه كمر

اححيها لله اني ام ..

يمه اني مدايمه واهلج وصفكت اديها همه والماكو

خلف اموت ..

ترة حازم واهل سميحه يتولج يمه

طلايبج ماتخلص يلماعندج حظ

ازوجي منا واخذي وروحي لعمان

وانا كم سنه لو اشهر اعض لساني

ي لا تباعين الي هجي

اي والله خاف هسة اكو فراش تنامين عليه

ترة من اموت وانتي بوحيدج

ماتحصلين شي

اخذيها مني ازوحي يما

راح تكولين قايد ..

اكولج ..لو شوفين كليبي غادي اسود من القهر

بس الحي اوله من الميت

اخذيها ترجيه بلاذن

بعدج ريحانه توها طاكه

حجي هوايه

صعب ينسمع

وصعب ينقبل

كتلها راضيه بلي تكولي

بشرط ..

شنو ؟

ماصير اله مرة

يما قتيبه حاجاني الفجر كال هي مثل اختي

ماتدنه روحي الها

لعد

عجل همام ياخذج

حجيه

خاف هم يخاف مني منو يكول يقبل

وقتيبه كال كدام اخوتي اخذها

ليش غير

يما روحي لابنج ونامي وغسلي هلوجه الحلو

حجيه اسمعي الاول زواجي ع ورق بس

يمة قتيبة مو صغير بكصة قايد

ويريد مرة واطفال

وهو حاجني الفجر

عرف ما رايدتة انتي

اي يمة ما اريدة لا هو ولا غيرة

لتخليني اعيد جلامي

والحل يمة

الحل اخذي همام صح عصبي بس كلبة طيب يا يمة

واحنا حاجينة وهو يصبر عليج لحد ما يبرد كلبج

ميبرد كلبي للموت

يبرد يمة ياما راحوا منة احباب وعايشين

كولي اي يمة خل ارتاح واعقدلكم اليوم

تفاجئت

اليوم شلون لا عفية

يمة اريد اضمن مكانج يمنة ما اريد يرجع اخوج يأخذج

ما اعرف يمة منو يكول قابل هو

هوشاب ويحب نسوان وسوالف لشباب انتي اعرف مني بي

ليش يرضى بأرملة وعدها طفل

كلتلي

كتلج قبل وكال اصبر عليها ليش تطلعين حجج

اتوكلي على الله

وروحي غسلي ونامي

سودة عليه وجهج ارزك وخشمج بي دم

روحي يمة ارتاحي

بقيت ساكته 

اباوع اريد اشوف همام

وينة صدك اني ويا هذا مو عاقل شلون

اكو شي مو طبيعي ممرتاحة ابدا

جاوبت روحي

ديلة قمر هو شنو لطبيعي بحياتج

كالت الجحيه

وفكري

وانا امج

ماموت اذا مو انتي مرتاحه

ضنوة قايد انتي

انتي جنته الي ماتهنه بيها

وصار الج نار

حريمه الي صار بيج يما

كمت كوة امشي

تعبانه دايخه ..حجيها ..اهلي ..

صعدت فوك ..

من كثر ما تعبانه نمت بدون ماذب هدومي

حسيت العصر

تعبانه كمت ..

عدلت الفراش

وطلعت اليه هدوم

جريتها نجر وياها تيشرت مال قائد

مرة اجاني للمعهد و جان لابسه وكعدنه بظهر المعهد

نسولف

اذكر من كال ربي ماريد بس سويعه وياج

شلته وشمرته

كرهت كل شي بيك وصلني لهل حاله

خلاني اتوسل بلعالم

ولك مو حب هذا اعصار وقلعني وشمرني

وكره العالم بيه

شسويت بيه

جريت هدومي والخاولي

واحجي وي التيشرت ايي اكرهك اكرهك

طلعت مشيت خطوتين اريد انزل الدرج

ختنكت ركضت شلت التيسرت وبقيت

ابوس بي واعتذر منه

جنت هيج اعيش ويا بلمعاتب ومرات ازعل

حتى بلحب ..

حتى بلدلال

اي وصلت مرحله

دكيت باب الجنون وي خيالي ويا ويردون ازوح غيرى

شلون وهو وياية

مرات جنت اكول احسن من غيري بهوايه

بس الي يعاشر مثل قائد ميكدر يقارن احد بي

ولا يفضل احد عليه

رجعت كل غراضه مثل مايحبها مرتبه

ونزلت سبحت

مكدرت اليف ولا امشي ايدي ع جسمي

..جسمي جان الوجع بي جبييير

والاكبر روحي ..وجعها  ..

كملت وطلعت

صعدت فوك ..

سمعت صوت امي

صحيت على صوت امي

اي امي الام مو الي جابت

الام الي حنت والي قدرت

جايبة صينية بيها مي لحم وتمن

كومي يمة شنو هل لنومة

كمت صدك جوعانة اكلت وهي يمي

نفس حجيها وكلامها

اكو بي يقبلة عقلي بس كلبي مستحيل

شلون يربي

كملت

كالت يلة خلصتي

كومي غسلي ولبسي الشال على راسج وانزلي وياية

وين يمة

قتيبة جاب الشيخ وينتظروج جوة

صدك شبسرعة بعدني اني مقررت عفية لا

كافي يمة مو جهال احنا

خل نخلص من المشاكل

نزلت وياها بدون وعي

شفت شيخ ويمة قتيبة وشايل ايهم

ولد كرابتهم شايفتة

وادور بعيوني على همام وينة

اخاف بطل يا ريت مقبل وطلع

وبلحظة شفتة كبالي

شكلة متوتر اكثر مني

يفرك ايدة ويرجف بيدة جكارة

ويحرك برجله ..

همام اسمر اجلح ع كوله امي ملامحه عصبيه

وعيونه كبار وصاحب لحيه مربيها بس مو عاليه

جان لابس تيشرت اسود ..

انتبهت ع ملامحه زين ..اريد استوعب

الي ديصير

الشيخ يسولف واني مو يمة

كعدوني وكام يحجي شيخ

ردت اتخبل لا لا عقلي ميستوعب

قررت ابطل اي لازم اروح لسوريا

واخلص اني خلصت من عبدالله انوب همام

لا لا

الشيخ بنتي قولي هل انتي موافقة

لا .....

وللحكاية بقيه

....................................

ايامنا هذه..لله ..ولحفيدالرسول وقرة عين البتول

الحسين عليه السلام  خالصة

نتوقف فيها عن كل شي الا عنه

ممكن ان تكون قصة او فلم او اي شي

بالحياة ذا اهمية لنا

لكن الحسين اهم

للذلك سأتوقف هذه الايام عن النشر

لاترك نفسي واياكم لاداء مناسك الحزن والحداد

وليسكت العالم بأسرة

ويرتفع صوت الحسين

سنسكت

دمتم في رعايه الله وحفظه

اختكم سوزان المندلاوي

صباحكم ..مغفرة ❤

#سوزان المندلاوي

لالا لا

كمت من يمهم طلعت وكفت يم الدرج

اريد بس ابجي ..

جتي الحجيه ..

شنو لا قمر

ما اعرف يمة

اسمع الشيخ يكول اترخص اني ..وديكوم

اباوع على همام كام يضحك وايدة على راسة وكام وطلع برة

قتيبة كلة لشيخ

اسمحلنا شيخ ترى انت افتهمت الوضع

اي ابني اخذوا راحتكم  بس ماريد شي بجبر

جرتني ام قائد برة

لج يمة لج عيوني انتي والله لمصلحتج انتي

محد الج بالدنيا ابنج لحمة حمرة واني مرة تعبانة

واهلج ما اريد اعيد واحجي انتي تعرفيهم اكثر

كعدت ع بايه الدرج ويصير الخطار مقابيلها

قتيبة اجة وسد الباب ..

اختي ام ايهم اسمعني

هو كال اختي واني مصدكت ..بقيت ابجي

اني بس ابجي

كتلهم اعرف تريدون مصلحتي ومصلحة ايهم

بس صعبة والله صعبة ما اكدر

قتيبة

ادري صعبة بس احنا ملبسناج بدلة العرس ونريد نزفج

همام كال بس اعقد عليها وهي على راحتها ما اضغط عليها ابدا

وبعدين ترى دزيت على اخوج يكون حاضر حتى نخلص وتخلصين بعد ماعندي حل غير هذا

ام قائد من جهة

يمة والله همام وليدي ومثل قائد بالضبط ياهو ليشوفة يسألة انت اخو قائد

قتيبة كلها

لا يمة همام احلى ترى مجلوح اكثر ههههههه

اني ودموعي ضحكت

اي منين طلعت الشمس عجل يلة اخوج على جية تعالي

رحت غسلت وجهي ..

بس مرفعت عيوتي ع المرايا ..

واخذت نفس عميق ..

ومشيت للاعدام ..

دخلت واني شبه مقتنعة  الزواج

على الورق وشكلي

لو اموت ما ارضى بي هل المخبل

ولو قائد هم جان مخبل اتعس من همام

كعدت من جهه التبريد ويصير بصفي البردة

واعاين من برة

شفت همام  برة يدخن ويباوع بالكاع

صاحة قتيبة كلة لحظة

دزيت الولد على عبد الله

بقيت كاعدة ومدنجه ..

هاي بس لا من صبغت عبالهم اريد رجال

اوةف ياربي

زين قائد شراح يكول عليه ..

خانتني داكوم ..

دخل عبد الله نافخ روحة

السلام عليكم ..

جاوبت بحس ناصي

قبل ليحجي الشيخ سأل عبد الله قتيبة

شكد الحاضر والغايب

جاوبتة اني

ميخصك عبد الله لو تريد تبعني مرة ثانية مثل ما بعتنوني لقائد

كام عليا انجبي انتي

دفعة همام اكعد واسكت

والا وعزة جلال الله اجنزك هنا

وشكد تريد اكتب

والشيخ كال هذا زواج لو طلاابه

كعدوا وقتيبة هدأ الموقف

دائما قتيبة هادئ وخلكة طويل

عكس همام عصبي ورحة بخشمة وبي حزن مو طبيعي

الشيخ  رجع عاد كلامة

الى ان وصل قولي نعم وانت وكيلي

لحظات باوعت بيها بعين همام

نظراتة بيها توسل وخوف وحزن وترقب غريب

غمضت عيوني ..

حسيت احساس غريب ..اشبهه بسقوط من العلو

شلون من جنه نركب بسفرات سكه الموت او سفينه نوح

نفس اللحساس كلشي نزل .بيه .

جاوبت 

نعم

من كلتها جرحت كلبي

بس شفت همام تنفس وضحك

الحجية هلاهلت ..بصوت مخنوك وبجت

امن يا بعد روحتي

أمنت على مريتك ووليدك  بيد اخيك

امن يارويحه اليما نام رغد بكبرك ياروحي

باسها من راسها همام

كلمات توجع كلب

حتى الشيخ نزلت دموعة

عبد الله  قبل لا يطلع

كال اسبوع الجاي الصبح تجين

هزيت راسي اي ..

والشيخ طلب يحجي وياية وحدي

طلعوا

كعدت على بعد

كلي بنتي

مو كلمه بنتي لا احساس غير

بي حنيه ابويه ودلاله وخوة خواني وحيل امي وضحكتها

يمه يمه عيوني جرن وارجف

حسيت صدك دمرت الكل واهلي،صدم اني ططوة

ابجي بنتي الرسول جان يبجي ع فقد الاحبه

اخ يابه ..

كمل ..

بداها ع الرسول ..شلون حفز ع زواج الارمال

وشكد بيها اجر

الموت حق ..يابنتي ..لا ضنين الاموات مثل حياتنه عايشين

ولا الهم نضرة مثل نظرة البشر

رجلج شهيد لان مغدور ..هنيئا اله الشهادة

وربج ميعوف كسر الا يجبرة

اول شي الله يساعدج ويساعد كل وحدة فاقدةعزيز مثلج

بنتي انتي لا أول ولا اخر وحدة تزوج بعد وفاة زوجها

وزوجج الحالي  اله حق عليج

حق العشرة

اني ابجي وهو يحجي

يا بنيتي الحي احق من الميت وهاي سنة الحياة

واذا انتي لكيتي الي يستر عليج اكو غيرج بعازة اللكمة وعدها بدل طفل واحد خمسة

واخر شي هلالشاب الله يحفظة

طلب اخلليج مهر عالي من البداية

وديري بالج بنتي للزوج حقوق عليج

وعندة واجبات ربي يوفقكم ويفتحها بوجهكم

عندح شي تكولي

كتله لا بس كلامك مي بارد ع قلبي

اتفضلي بنتي وصيحلي واحد يشولفي الطريق

اكو كلام ممكن يتقبلة العقل بس من المستحيل تطبيقة

كل الكلام صح الشيخ وام قائد وقتيبة بس ما اتقبلة اني

ما اعرف اني طفلة والقهر هدني وشبيت

صدك طك الشيب بلقلب والراس

مرات اكول اني لو بغير دولة

جان هسة اركض بالشارع والعب

احنا هنا نكبر بسرعة وننهي حياتنا بسرعة

طلعت ودخل قتيبة للشيخ

طبت لغرفة الحجية على ايهم مشتاقتلة وصاير يسوي حركات ويناغي فدوة

شفت همام كاعد ومنزل راسة ميريد يخلي عينة بعيني مستحي اكثر مني

بس كلت لا لازم اعاملة عادي لا بمستحة ولا خجل حتى ليفكر بغير شي

شلت ايهم هو طلع

للباب ورجع

وطلع ورجع

متردد ما اعرف شنو يريد بس اني بقيت وية ايهم العب والحجية تكول

شوفي يمة شلون صاير الوكح

بعدها حجي

تريدون شي يمة اجيب شي

كللتلة لا يمة كلشي عدنا

كال

ميخالف لتسون عشة راح اطلع واجيب وياية

وين رايح يا يمة الوكت مو خوش وكت صاير لتأذي كلبي ماكو طلعة بليل

لا يمة مو بعيد وما اتأخر

من سمعتهم يسولفون كلبي وجعني

صدك الوكت مو خوش اخاف يأخذ مني بعد مثل ما أخذ قائد ما احب همام بس خفت احساس غريب حسيت كلبي لزمني

ما اعرف ليش اخاف اني بومة وفكر واخاف الولد يصير بي شي

تعوذت من ابليس وكمت

شفت البيت مو كلش نظيف صح الحجية بي واية بت تمارا هم موجودة بس صغيرة ومتعرف

كعدت انظف واغسل البيت ولملابس

سبحان الله احساس غريب من الزم شي يخص همام

مدا اتقبل هذا الشخص من حقي

كملت البيت وباوعت على ساعة ماكو همام اتأخر وصار تكثر من ساعتين طالع

كمت الوب اعرف حظي الفكر اي اكيد صار بي شي

اطب واطلع احس روحي مخنوكة

مليت وصار 3 ساعات ماكو

الحجية نامت وأية تباوع تلفزبون قتيبة يطلع يتأخر

ادري وين صار هذا اني شجاني وقبلت بي وخليت ذنب بركبتي ..يبوو راح اموته هم

اخابر لا عيني لا هسة شيكول هاي مصدكت

كعدت على الميز بالمطبخ واعصابي بدأت تتعب وتذكر لحظات من جنت انتظر قائد ومرجعلي

انفتح لباب ودخل شفتة كبالي اوابتسم بوجهي

اني انفجرت بوجه بدون وعي

ادري انت وين صرت

مو كلت هسة راجع ما اتاخر

ساعة لسودة لرضيت بيك

ذب العلاليك واجاني على سريع

اشبيج قمر صار شي اخوج لو منو شبيج

ماكو شي

اخاف اخاف يصير بيك شي لان رضيت بيك

لك اني منحوسة

اني اي وتحد بتقرب الية يصير بي شي

اش اش

لتكملين ولا تحجين هيج

هذا الوجه البريى الملائكي يكون مصدر شر وفكر

مستحيل

لتخافين علية قمر

منو كلك اخاف عليك اني او اصلا مفكرت بيك

افتهمني اخاف من حظي عليك

اخاف من الناس الي تهمتني اني السبب بموتتة قائد

والي كالت ابوية مات من وراية ورة قهري

اذا صار بيك شي شراح اسمع منهم 

افتهمت لو لا

كام من يمي وطلع جكارة وكلي افتهمت قمر ومفتهمتج من البداية

عفتة وصعدت فوك

اريد افتح الباب استحي

شكول لقائد ازوجت

ضربت خدي عزة بعينج قمر شسويتي بروحج

فتحت الباب وسديتعا

وكلبي يدك سريع

طبيت

فتحت الضوة ادور عليه

طلعت دشداشة قائد وعطرته

وحجيت ويا

لتزعل مني يا روحي

انجبرت والله

وصح جبروني انطقها بس

محد يجبرني اعاشر لو احن لغيرك

هاي كعدتي وياك

وية هدمك تسوى الدنيا بكل شبابها

أمن اني الك لحد ما اموت واجيك

واني دااحجي اندكت لباب ...

فصلت من خيالي

كمت فتحتها  اكيد هذا همام وراح يعيش دور الرجال براسي

منوو

اني

صوت أية بت تمارا

مسحت عيوني وصحتلها تعالي حبيبتي

دخلت وشايلة صينية بيها لفة وببسي ومقبلات

هاي خالو همام دزها الج

جنت جوعانة وشكل المقبلات يشهى بس كتلها

اخذي مجوعانة حبيبتي

ايهم نايم لو كاعد

كالت

لا كاعد يلعب وية خالو وبيبي

كتلها

روحي انتي اكلي واذا تحتاجون شي صيحيلي

نزلت

ورجعت لقائد وسوالفي ويا لمتخلص وكلها بواجي

مر بيه حلم مليت فراك

حبيبي لشوفتك كلبي مشتاك

قائد زعلان مني يا نظر عيوني

لو تعرف شلون ضربني عبد الله اليوم تذكر من جنت احجي وياك وضربني شلون تخبلت

هسة منو الية ليش ليش تعوفني ابجي وساعة اعتذر منه وساعة اعاتب

نمت على دشداشتة وفزيت ب3 جوعانة

ما اعرف ليش من اجوع ما اكدر انام نزلت جوة

ع كيف ..

باوعت على غرفة الحجية نايمين وايهم نايم وايدة على عيونة مثل نومة قائد بالضبط

رحت قريب

شميتة اوووووف يا ريحة الجنة

وغطيتة وطلعت

شفت باب الربعة مفتوح شوية

باوعت همام ويمة كلاص وبطل مبين مال شرب وهم يسمع اغاني مركزت ويا بس فكرت اخاف يحب وانجبر بيه

والله ماعندي مانع يتزوج ويعيش حياتة اني رايدة بس اخلص من عبد الله واريح ام قائد

تسحبت ع كيف ..ورحت للمطبخ

فتحت الفرن شفت لفتين

باقية مال كص وريحة تموت بس عزت نفسي لزمتني

لا ما اكل هسة يكول ميته عليه .

خدرت جاي وطلعت

جبن وفتحت لفريز اطلع خبز سديته بوجهي صار همام

كمزت

شبيج شفتي جني

لا بس محسيت عليك وانت جاي

لسانة ثكيل بالكوة يجاوب

اانتي يا يوم حستي حتى هسة تحسيين اسفين احنا

شبيك همام لو بس اعرف شتريد وشنو بيك

اهاااااا الي بيه ميتسولف

رحت من يمه اخاف منه 

رحت على جاي صبيت كتلة

اصبلك وياية

لا ما اريد بس ليش مطلعة جبن جبتلج شاروما بس مااعرف

تحبين لحم لو دجاج جبتلج اثنينهن

لا ما اكدر معاجبني

شنو الي معاجبج الاكل لو اني

همام كلامك مخربط ما افتهم منك شي بس ماطولك هادئ اريد اسئلك سؤال

اسئلي اسمعج

همام وين سماح

اخاف هي ورة موتتة قائد

هم رجعنا لسماح قمر سماح باعت الاملاك مال قائد وسافرت

محد ميعرف وين

شلون باعت الاملاك

طلع جكارة يشرب ويسولف وكعد ع التخم

شوفي.. زورت هي وعمها اورق وباعت الاملاك واني دا ادور وراها

ناس يكولون بسوريا بس اني شاك هي بعمان وين تروح تطير باقي وراها وراها

كتلة

لهيج تسوي عدها اتسعداد تقتل اي يجوز هي ورة اختطاف قائد

همام

اسمعي قمر قبل من زماااان جان لواحد من يموت يعرف ليش مات واهلة هم يعرفون

لو ضد حكومة لو معها لو سارق ناهب

يعني اذا انقتل شخص الكل يعرف السبب

بس هسة محد يعرف شنو السبب ناس تموت وحتى الميت هسة لو تسالي ليش متت يكولج مااعرف والقاتل اذا تسالي ليش قتلت يكولج مااعرف عبالك لعنة وصارت علينا

مو سماح يعني

لا مو هي تعرفين ليش لان هي حبتة حب من طرف واحد

بس معرفت تصرف ويا

وهذا اتعس انواع الحب يخلي لواحد مخبل ميعرف شلون يتصرف ويحسس المقابيله

وهو انجبر عليها فكانت دائما تهجمية من دافع الحب والغيرة عليا والله يساعد كل شخص مثلها تعبان

يعني هي تعبانة اكثر مني همام ومحد خسر قائد مثل ما خسرتة اني..

كال ..واني

امه ..اطفاله ..سماح 

كام وياشر

ليش دائما تصورين نفسج اكثر وحدة متاذية على قائد

انتي شنو عرفتي من يومين ..

كاافي

اني عشرت سنيني وايامي

ضحكنا ولعبنا  والكعدة الطلعة والوكفة بالشارغ حتى الحب اني دليته عليه 

وسوالف المراهقين عشت عمري كلة ويا لحضة متفاركنا

دشوفين قتيبة دوم عازل روحة كلامةةقليل وعاقل ومؤدب واني وقائد نفس الافكار والخبال

تعرفين شكد احب لدرجة انطيتة روحي

قدمت روحي الة تعرفين شنو روحي ...

وعافني وراح واني

صافنة معقولة سماح هيج تحبة حقها من جانت تغار عليا مني

تعبت والله

لملت المطبخ وهم اخذت نظرة على ايهم

ولمحت همام نايم صعدت لغرفتي تكلبت واني الف فكرة تأخذني وتجيبني

اني طول  الفترة فكرت بنفسي مفكرت بسماح شلون حست واني خطفت منها قائد

صح اني مالي ذنب هو حبني واني لا اراديا حبيتة

بس هم خطية

اني اغار علية

من فكرة مروة حاجي وياها هي شلون تفكر وتغار من عندي اكيد جان كلبها محروك ولحد الان عليك

اووووف يا قائد ماكو شي اعرف

عليك يريح كلبي كلة عذاب بعذاب

نمت وفزيت على صوت هلاهل قوي هز البيت هز

تزوجتي همام

كللللللللللليش

وللحكايه بقيه

مسائكم بعطر الزعفران

#سوزان المندلاوي

بالمبارك عرسكم عيوني

كلللللللللوش

اهوووووووو هذا حس تمارا

عفية لا تتعب ولا تمل من المشاكل

كمت ادور على القراصة بلفراش مثل العميه

حتى اطلع اشوف شبيها

واسمع الحجية تصيح عليها

تعالي ولج وين صاعدة ...

انفتحت لباب

وين عيني عريس الهنا نايم بفراش اخوية مو

كمت وكفت

كتلها

منو سمحلج تدخلين لغرفتي وشنو هل الحجي

هاااا يدادة صابغة وحافة ماشالله تخبلين صايرة وينة همام خل اباركلة

اسمعي لج هذا مكان قائد محد ينام عليا غيرة وتفضلي برة

هاااا والله اصلية انتي

وهمام صعد وراها وعيونة وارمة

خيرج تمارا شنو هل المهرجان الصباحي

غير اجيت ابارك واهني كلت الحك عليك قبل لتقطك هاي البومة

شنو هل اللغاوي تمارا وهل الالفاظ مال شوراع الفاظ حازم وربعة

عوفك من حازم ليش منايم يم المسعدة ام الولد

انتي بيج شي مو طبيعية ابدا مو كلتلج قمر هذا مكان قائد

ومحد يأخذ مكانة

عافها ونزل اني صافنة عليهم

نزلت ورة

وينك تعال عجل ليش اتزوجتها اذا منايم بصفها

طلعت من الغرفة اريد اسمعها شتحجي

كلها

انتي شعليج شيخصج تدخلين روحج بكلشي مالج دخل 

شبيك همام نسيت اني اختك

لا انتي نسيتي معنى الاخوة

مو هذا ابن اخوج تريدين اعوفه للغرب لو للشارع

اذا مواني لو قتيبة نشيل لحم قائد منو يشلة

هاي كامت تبجي وتنوح وراحت على ايهم شالتة وتشمة

واني بكلبي اكول

ايبااااه شنو هل المحنة هيج هل الكلام اثر بيها

رحت غسلت وبدلت ونزلت

غلست مليت الانسان الطبيعي مرة مرتين يتعارك مو يوميه وتترزل ولا يمها

دخلت على المطبخ شفت همام بي

كلي قمر عوفيها لتمارا  هم خطية هاي ..غلسي عنها

شريد منها همام الله يهديها

اذا ضوجتج بعد كليلي

لا عندي لسان اردها

بكيفج قمر انتي حرة

اي احلى كلمة هاي اني حرة ومتقيدني بورقة

كلي

اكلج شو انتي شايفة نفسج شي ياهو  الكاتل روحة عليج

ولتكعدين تعيدلي انا لقائد وهل الخريط

ترة حفظناها ..

افتهمت ومفتهم من زماان

بس عدلي جلامتج وياي ترا خلكي صغير

واشر ع خشمه واصله هينه حدها

لا تنعثلين ..

وعافني وطلع ..

هذا شبي اليوم من يشرب شكل ومن يصحى شكل

صبرني ياربي

كعدت وية الحجية وايهم يلعب ويناغي

صوتة بالبيت بلبل اغنية روح حتى من يبجي نفرحلة او بالخصوص الحجية

24 ساعة تغنلية وتسولفلة

احس هو سلوتها صار

وهو اتعلم عليهم هي وأية وهمام

حتى من اشيلة اني احس عينة عليهم

اي الدم يحن يبن قائد

اني هم جنت ابتعد عنه ماريد انحسه بحظي

صح كلبي يوجعني عليه بس اخاف عليه

مني

تمارا راحت لغرفتها نامت مثل القتيلة

والله خطية طول وعرض وعبالك هبلة ولسانها متبري منها

كمت اني واية نظف ونلملم هوسة ايهم ..

اذب روحي بشغل..ساعات ..واني اشتغل

وسمعت لباب فتحتة بت تمارا الصغيرة سرى

طبت تركض بيبي بيبي هاي بنية تريدكم

يااا منهي هاي

دخلت وراها مروة ياهلا بذاته

جان شبه صدمة بعد طردت همام الها متصورت تدخل للبيت

هاا مروة خير خو ماكو شي

لا حبيبتي ماكو شي حبيت اشوفج ضايجة

ادخلي اكعدي

قبل لا اكعد اريد اسئلج

صدك تزوجتي همام

هااا اي لبارحة عقدنا بس ماكو زواج بس على الورق لتخافين

لا ليش اخاف اني شعليه

ليش مو جنتي تحبي

جنت مو هسة

ترى ماعندي مانع يتزوج ويعيش حياتة

يااا صدك وهو يقبل

اي صدك وما اعرف هو يقبل لا بكيفه بقت

اني معليه بي اهم شي انتي  بس ترتاحين هاي كافية

مروة ماعندي راحة بعد قائد

الله يرحمه قمر ويصبرج على بعدة

امين

صدك شخبار انهار

والله شكلج لبارحة ساحبين البيضيات واليوم التلقيح ما اعرف شنو بس خطية خايفة وتبجي وتكول ادعلي

اوووي خطية بس ولله قمر هذا عمل دواها مو يم الطبيب

لعد وين دواها يم الصالون

شبيج قمر والله هذا عمل يجوز ام رجلها مسوية الها عمل صخام

ما اصدك بهل السوالف

ابقي غشيمة اكو اعمال باليد ومجربة .

هااااا لازم انتي مجربة

لا وين يحسرة اجرب دكومي بسرعة سوي غدة واني اساعدج بالبيت

لا مروة اشكرج ماعندي شي

معليج انتي لتخافين اروح قبل ليجي همام راح الملم لبيت وانتي ركبي الغدة صدك شنو راح تسوين

والله ما اردي تبسي يمكن

اي طيب لو مو رجلج الحقنة جان اتغديت وياج

لج لتكولين رجلج ما اريد كل شوية اعيد ما عندي رجال غير قائد

افتهمت

بديت اسوي غدة وهي تنظف كملت الصالة والحمامات والمرمر حتى غرفة الحجية بس لغرفة تمارا موصلت

وجودها مرح وهي من النوع الي متستحي من شي عبالك بيتها من زمان اعرف ذبتها

كملت الغدة والتمن يتهدر ويدي على كلبي ليجي همام ويسوي عرس بالبيت وتمارا تعلكها

هااااا خايفة من همام ترى راح اروح

اتغدي الول

لا تاخرت ..

مروة بس ما اريد يجرحج بالكلام ومشاكل اليه

اي اعرف

راحت عدلت حجابها وغسلت

طلعت تمارا هاي منين انوب

كللتها

اني صديقة قمر واجيت اساعدها

هااااا ليش شبيها وشعدها

رحت يسرعة وجريتنا لمروة

كتلها

تمارا معليج انتي

اي عيني لبيت بيتج جيبي ليعجبج بي واحنا خطار يمج ونريد رضاج وبس

اشرت لمروة عوفيها

كالت شبيها هاي وليش تحجي بصوت عالي

مو كتلج عليها مو طبيعية

سلمت وكالت كل فترة امر عليج

اشكرج متقصرين

طلعت ..

رجعت ..

صبيت غدة لام قائد والية

تمارا وبناتها هم اكلوا وحدهم

الحجية كالت روحي نامي اني اصب لهمام وقتيبة من يجون

صعدت اني من اكل الظهرلازم اخذلي غفة

العصرية نزلت اسوي جاي الية ولام قائد

شفت همام بالغرفة يم ايهم يلعبة

كلش اتأذى من اشوف ايهم يضحك لهمام ومتعلق بي وين ميمشي عين ايهم وراة

دخلت للمطبخ اجة وراية اني يم الطباخ اتقرب مني حيل

وهمس بأذني منو جانت يمج اليوم

كتلة

انطني مجال شوية اولا

وثانيا ميخصك انت

همام

الاولا وخرت شوية والثانيا غصبا عليج شغلي

مروة مو اجتي

كتلة

اي مروة بيها شي ومنو كلك انت اكيد الحية تمارا

مو كلت مالها دخلة لهل البيت بعد ليش تعانديني انتي

مو بيتك مو بكيفك واني مدازة عليها يعني تريدين اصير قليلة ادب واطردها مثلا

لا عيني طبعا مو عيب تطرديها وتصيرين قليلة ادب بس لسانج هيج وياية مو قلة ادب

هي صديقتي انتي مالك شغل بيه همام رجاءا لتصير رجال براسي ولتدخل

اللله ههههههههههههههههههههههههاي عفية بالمؤدبة

لج رجال غضبا ما عليج ..

مو اشفج الامهات شخلفن

ماعندي رجال غير قائد انت

والماكو سوة همام وكافي لهنا يولو

بعد تعالي اضربيني

الله عليج فد راجدي

تخبل كام يصيح ويكسر

اجتي الحجية

خير يمة شبيك

خيررررررر يمة اصلا كل خير بس اني مو رجال

كام يصيح اكثر

اني كعدت بالكاع وسديت اذني

اجة قتيبة

لك همام تخبلت يولو

اي اتخبلت اليوم اكسر البيت كلة اريد اعرف الرجال شلون يصير

جرة قتبة لك مخبل شبيك

عوفني قتيبة

كام يدفع بي طببة

جرة بعصبية وراحوا للربعة

والحجية تحجي وياية

ليش يمة على كيفج ترى الرجال مثل الطفل بعدج متعلمتي من اخطاءج ميصير تتناطحين وية الرجال راس براس

صيري ذكية واعرفي شلون تجاوبين بلا مثيرين الرجال وتخبلي

كامت تصفك باديها نفس اسلوبج وي المرحوم

الي يحبج تاذي يايما

اني الملم وابجي

طلعت تمارا

عوفيها يمة هاي شايفة نفسها فد شوفة

محد رباها قائد راح من وىة مزعطتها وهسة وية همام

كلتلها

اسكتي عود انتي الفهمية طاح حظج شكد تعرفين تتعاملين وية حازم

شبيج يمة ترجفين على جنتج وتأذين بنتج .

تمارا كالت راح اطلع خنكتوني هنا

االي عرفتة من بنتها متعاركه وي رجلها وطاردها

وجايه يممه  ..طلعت

بقيت الم بلبيت والكزاز

مخبل

اريد اشوف ششوف بحياتي بعد

اني اشيل بالكزاز طلع برة الممر وجوة التخم

شفت مثل الدعابل سود شكلهن غريب

طلعتن لام قائد

يمة هاي شنو

ما اعرف ييمة خاف وسخ

ضلينه نحجي كالت ..خاف سحر هاذ

اجتي اية بيبي لكيت منهن بالربعة وبغرفتج هم

ام قائد

يااا صخام الوجه وين دليني

وصدك شفنا منتشرات بالبيت

الحجية كالت

بسرعة نظفوا واشمروهن برة البيت

لو خلي ايهم يدرر عليهن

كتلها

ليش يمة شكو

كالت

هذا جنه عمل من هاي رفيجتج

يمه اسم الرحمن ..

معقولة ليش مروة ما اصدك

يمة اكلج شي اكو ناس نيتهم ابدا مو صافية لسانهم وافعالهم الظاهرية حلوة

بس داخلهم وصخ اني حسيت بيها نظراتها ابدا مو رحمانية

هاي اكيد حاطة عينها على همام

مو مرة سمعت يصيح اني حبلتها استغفر الله

من يومها ما حبيتها لهل بنية بس مالي دخل اكول تلتهين وياها

والله ما ادري شكول ليش هيج اني كتلها زواجي من همام على الورق وبس واذا يريد يرتبط هو حر

كمت اللملم وانظف اني واية

وصدك كل مكان طابتلة مروة اكو بي وما خفي كان اعظم

رحت ركض ع غرفه همام

دورت جوة الجربايه ماكو شي

صحت ايه تعاي

اني ياها ماخليت مكان مدورته ..

مليت ..

رحت داسد البردات

اشوف شي معلك بيها

بس من الظهر

كلبتها اشوف شلون الحرز

صحت يما يما

تعاي ..

جتي الحجيه

اخاف الزمها

نزلنها كوة البردة

حرز ومخيطته بلبردة بس لافه القماش بس

من برة حتى خيوط شعر بطنه خفت افتحه

الححيه

تخبلت شالت البردة وخلتها

بعللكه وبلطرمه

كالت اذبهن بنهر جاري

مروة صرعتنه بيومها

زين تمارا طلعت بوكتها

جان خزتنه

عزة وله همام لو داري

اويلي ع حظج قمر

شكد حقيرة فوك مصيبتي انوب اعمال وسحورة

اشوفها تكول اكو مضبوط وباليد

كملنا لبيت ولقرأن بقينا معلوك يم

ايهم حبيبي اخاف عليا

دخل همام وعيونة حمرة وبعدة اعصاب

واني اصلا مدرتلة بال

كلي اسمعني زين كلمة ما اعيدها مروة مطب لهل البيت

اتقرب مني اكثرر

واني رجال غصبا على الي خلفوج افتهمتني

كتلة

رجال يجوز بس مو عليا يا سكير

كال مو قائد جان يشرب وتكولين عليا رجال

ميشرب لا جذب

وانت تجيبك نفسك لظفر قائد روح بابا روح

ههههههه شنو لسان عندج مال اكصو كص حتى تعرفين تحجين بس اسكت لخاطر ايهم

والله حنين وتحبة لو بيك خير جان مو خليت مروة توكع ابنك حتى تربي ابن غيرك هسة

لج كاااافي

كام يصيح اكثر بعد

كلي

وليش اتحمل

اني شنو ذنبي اتحمل اغلاط الغير

لج مو ابني افتهمتي

قرب وجه على وجهي ولزكني بالحايط

ولزمني من وجهي قوي

مو ابني ابن قائد

افتهمتي قمر

وللحكايه بقيه

سوزان المندلاوي

لحظات تمر من عمرنا يوكف بيها الزمن

نشوف كلشي بالعرض البطيئ

اي قمر ابن قائد

مو ابني

ما اعرف استوعب الي يكولة

دفعتة من يمي

لك كذاب حقير انت شنو من بشر

حتى الميت ميسلم منكم هسة عرفت تحذيرات قائد ما اختلط وياكم ..وليش يحذرني منك دائما

لان انت مو ادمي

خلاص قمر

اني كذاب حيوان شتحجين احجي

المهم ارتاحيت هذا الي صار

كمت اعيط

يا ساقط يا سكير قائد مو هيج انت يوميا وية ساقطة شكل

فقدت

اجتي الحجية

شكووو يا ستار شلون وياكم اني كل شوية الولد مهبوط

تعالي يمة اسمعي شيكول هذا الي كبرتي وربيتي على ابنج

شكو يمة احجي همام شبي قايد

سكت همام ودار وجهة وايدة ترجف

كتلها

ميجاوب لحقير

يكول مروة حبلت من قائد

يمممممة صدك احجي وليدي صدك هل الحجي

اي ميجاوب الحقير يريدني اكره قائد وبس

اسكتي انتي وميلي مني

دفعتني وجرتة لهمام

احجي يوم صدك

اي صدك يمة صدك

اتت خاين ..لا صدكين بي..

خطوتين بيناتنة

حسيته فوك راسي ..

وجر شعر ..اطرافه ..

ودفعني ع الكاونتر ..وفك عينه عليه ..

مكدرت احجي سكتت ..

دفع راسي  مرتين بس موقوي ..

رفع ايدة غمضت

ضرب شفافي ..

حلكج مينفتح ..انخرسي بعد

يما همام

انتبهت الحجية وكعدت من طولها

وهمام يحاجيها

شبيج يوم كومي لتخلبيني كومي

كل من وراج ام لسان بسيطة قمر

فتحي الكراج ..

جهال تمارا يتباجن

فر السيارة وكعدها بيها

طلعها بسرعة للمضمد القريب يمكن سكرها مرتفع حيل

بقيت ابجي يم ايهم وارجف والوم بروحي

عفية لسان شكد طويل ومتسكت كم مصيبة وكعتني من عرفت قائد لحد هل اليوم

ليش قائد صدك هيج تسوي

لا لا كذب ..ميخون

اذكر مرة كال الماضي محد يحاسب عليه

معقوله تطلع منه

اخ الله

صحت ايه

ايه

ها عمه

تعاي اخذي ايهم يمج

وين رايحه عمه

فوك

لزمت ايدي وتبجي عمه كافي عياط ومشاكل

مناك بابا يوميه كاتل ماما وتتعاركون وياها

عمه قمر انتي حلوة لا تعيطين بعد عفيه

اريد ابقى يمكم بس لا تصرخون

حضنتها وكتلها لا منصرخ بعد

هسة انزل

صعدت فوك

صحت وينك ولك خنتني قائد

وطلعت انت محبلها ولك وينك

من اسالك ع رقمها تكولي ها مو اتحذر

من صعدت وياك وذهبها وحجيها عليه

جنت متردها

وتكولي همام دك ناقصه وياها

طشرت الغراض بالكاع

وكسرت صورة عرسنا

بس عيني مبجت

حتى عيوني يقائد متواسني بخيانتك ليش

وهاي الحقيرة شنو سويت وياها ..

ليش هيج الكل ويايه

اسمعت السيارة اجة همام

كلبي يرجف بس الحجية بقت الية

يارب لتأخذها اموت اني وابني

نزلت ركض

طب ومنتجيه عليه

اشرلي همام

اشش

لتطلعين صوت..

هزيت راسي اي

كعدت ..

ذبت عباتها ..

كالت انسد الموضوع

ماسمع بعد شي اني ابني جوة التراب

اسكتوا

هزيت راسي اي

كمرة ..

كاافي

اي يمه سكتت

يلا كومي ع ابنج

رحت داجرها وخرت ايدي ..لا اني امشي

انقهرت ..

انتجت ع الحايط وراحت غرفتها

اسمع بس ون من غرفتها

وهمام كاعد ع التخم ومدنج راسه

اشر الي شلون الي يسب

ارتاحيتي هسة ..لا تموت امي

مو اني انت ..

رجعنا ..ماريد احجي خليني ساكت

اسمعي قمر ..

الي عندي كلته ةالبيت بي اربع حياطين

لو ركعه ركعه ترجعج لعقلج كافي

اسكتي

كتلة سهله همام

هسة حياطين وقبلها ضربتني

واتهمت قائد ششوف بعد

دك فونه

طلع

اني سويت جاي وطبيت للحجيه

شفتها منومه ايهم بلكاع

وكاعدة واديها ع راسها

خليت الجاي بلكاع

ودرت وجي وطلعت

صاحت كمرة

انداريت نعم

حدري يمي

جيت قريب

كالت يما الماضي يوجع ويشبهه الكاع من تحفريها

لو تطلع الج كنز لو تطلع زباله

لا تحفرين وتحفرين روحي وياج

وليدي عدل مايخون بس رفيجتج مو عدله

مخاويه قوم ..

الي عليه كلته ..وهلموضوع خلص

طب همام

كال قتيبه راح يم خالي،

وكعد يسولف ويلاعب ايهم

كالت اله يما تمارا بطت وينها وطفالها هينه

كلها راحت لحازم كالت رجعت يمه وباجر

اخذ الصغار

جانو بيناتهم من يحجون مافتهم شي

من اطب يغيرون كلامهم

بيوم الي سمعت الهمام كاله

اكو شي تغير بيه

هو مصدكت بي

وحسيت نفسي شكد جنت فطيرة وي الكل

من مروة الى الكل

سكتت لخاطر الحجيه

وصعدت ورتبت غرفتي

ونزلت ..بس حاقدة عليه وماريد اشوفه

الححيه الليل كله شايله مني

ومتحاجيني بطيب

اني هم ..لهيت روحي كوة

وسويت الها لكمه ..خفيفه

واني والبنات ..هم اكلنه

وغسلت وبدلت لايهم ..

ورجعته يمهم ..

بقيت صافنه اني المن متحمله هلذله اريد اسافر

وابني ميعرفني

واني مو ططوة

انهزم احسن حل 

الححيه كالت خير شبي ايهم

هاا مابي

بس اريد انومه يمي

خذي نومي

شلته وصعدت فوك جانت ورة العشرة بليل

خليتة بلفراش

كعد كام يبجي

والبجيه بجيه لل12

واشيله وافتر بلغرفه وهوة يصرخ

مليت نزلت

طبيت للحجيه

قبل لا افتح الضوة كالت جيبي

جانت خاله يم راسها

ترمز ستيل

و ممات اثنين ..

وقوطيه الحليب عبالك هي امه مو اني

اخذته مني ضلت تفرك اله ..ونومته ع بطنه

طلعت بدون ماحجيت شي

رحت للهول شفت البنات مشغلات كارتون

ومددات

مشيت للمطبخ

خطوتين ..وعطت

طبت كزازة برجلي

كعدت بلكاع

ذكرت شلون وكعت كبال بابهم وردتها حجة للبجي

..

كمت اكمز تك رجل

وطلعت ملقط وصحت ايه تعاي

جتي الطفله

ضويلي

شبيج عمه

تعورت بكزاز المخبل

يااا

ضوت ااي جانت جبير ة

جريتها

وطكت دم شويه وكمت اعرج

الحجيه جتي

حجت ويايه وليش تبجين

كالت من دوسين ..توجع

اي

بعدهي لعد ترة مزين تصعد لقلبج

لو عندي عيون اطلعها الج

يمه شلون

اصبري هسه يجي همام ويطلعها

راحت من يمي وبقيت الوب بس اريد اطلعها

كمت اكمز بلمشي سويت كهوة وكعدت اشرب،

سمعت نامو

والبنات هم

كمت جبت الماسخه واجر بلكزاز جوة الثلاجه

انجر وياها شي شلون الصرة الصغيرة

بعلاكه وهاي العلاكه ملخه

لزمتها جواها شلون الرمل

اتخبلت

دخلت للمطبخ الحار اني والايت وادنج وادور

ماكو شي

ضليت الوب ياربي شلون

شسوي

اباع ساعه متاخرة مو مال اتصل بامي واسالها

بين فترة وفترة اتصل واسولف وياها

اطمئن عليها

احمد وسجاد هم يتصلون عليه بس بطلت اشكي

عرفت الشكوى لغير الله مذله

جريت الصرة وخليتها بمكرافه

وطلعت برة ذبيتها فوك البردات

وطبيت اكمز واعرج

شويه واسمع صوت الحجيه

يماا منهو

اني يوم ذبيت الزبال

ماجاه همام

لا يمه

بطى خابري

اي هسة

اوو شخابرة

دكيت عليه ماريدها تزعل

الو 

ها قمر

وين صرت الحجيه تسال عليك

بلباب كاعد ..

تعال الحجيه تريدك

اي

وسدة

دخل وجه احمر وعيونة حمر

ممبين منه بس اللحية السودة

سمعت الحجيه بلممر تعاي كمر اخذي الممات

اي ..

رخت اخذتهن وراي همام

شافته

هلا يمه هلا

كال خير يمة بيج شي

مديت راسي اباع عليهم من ورة الثلاجه

شفتها تعدل بكصايبها

وتلفهم كالت

يمة لتبطي عليه ماعندي غيرك انت وقتيبة

احس تسمعني ما اعرف تعبت بس هم حقها اني عبارة عن مشكلة متنقلة

كلتلة يمة شفت ايهم شلون ميكدر يفاركني

اي يمة انتي لخير والبركة ربي يحفظج لناشعندي غيرج

اني امشي عرجة دا اطفى الكلتي مال مي تفور بي لممات مال ايهم

صدك يمة شوف رجل مريتك ما ادري شبيها

كتلها

شبيها يعني كزاز مبقى عدنا ماعون سالم

كلي

عساكم علة مواعين باجر اجيب درازن

كتلة

جيبهن فافون احسن

اي هم صدك ما طول لسانج موجود يراد فافون

تعالي اكعد جرني من ايدي على التخم

هذا الحجي ام قائد طلعت من المطبخ

وين هنا

اي بالجعب اخ

اوكفي طلعت التليفون ضوة بي

وجاب ملقط وابرة

يمه شدسوي ..

اخاف

رفع تك حاجب الي يسمع لسانج ميكول اكو خوف

عفيه توجع

ولج اهمدي ثواني

جر رجلي

ركزت عليا حواجبة مخنزرة اكثر من عيونة ..

ع ملامحه التعبانه برجوله مبهمه

حسيت بكسرة خاطر

بس شجعت نفسي كتلة همام بلا صوت ومشكلة

احجي

اريد اتأكد من كلامك

شلون يعني فهمني

وكال خلص طلعت ..

رجعت رجلي ..كتله

خابر على مروة كبالي

وترتاحين لو تتخبلين

قائد صار جزء من حياتي وانكتب عليه خليني افهمة حتى اعرف اعيش

صار قمر تعالي برة بالحديقة واخابر على هل الساقطة مروة

هااا تكدرين هسة تمشين

اي بس اكو وجع عبالك موجودة

طلع ..وطلعت وراه اعرج

اندر عليه ليش تكزلين

صفنت بوحهه

يعني شنو ..بعدها

ضحك تكزلين تعرجين

غير انت مطلعتها

لا طلعتها بس هذا مكانها انطني ايدج اكعدي على المرجوحة

مو لهل الدرجة مابية شلل بعدني

كال يارب يجيج شلل بلسانج

لا والله

اي،

كعدت وكعد كبالي بالكاع طلع التليفون

دك على رقمها

كاتب عليا عاطلين

ضحكت .شنو  عاطلين

رفع حاجبه ويدك ..ويهز برجله وترني

تذكرت قائد جان كاتب اسم ولد على اسمها

الطوووووط يدك كلبي وياها ما اعرف شلون احساس يكطع النفس

الووووو

صوت مايع ولا عبالك هي

كلها الو

شلونك عيني منين طلعت الشمس وتذكرتنا

مروة  بلا لغوة اريد اسئلج سؤال

كول كلي اذان هههه وحلك وعيون

منين جنتي حامل ذيج الفترة

منين امممممممم منك غير

شلون ولج مو كلتي لقائد منك

لا منك انت ياحلو

كولي،ياحلو مين الله جابك

مروة

ولج انتي شنو حية خنزيرة فهمني

يافصيلة انتي مستحيل انتي بشر

لك اسكت واحترم نفسك

بكيفي منك من قائد من ابوك لتدوخني

لج فهمني شتريدين

اسمع ولك الدنيا اندارت

هسة حجايه مني اسكنك كبور وتلحك اخيك

لا عبالكم زمن العجل بعدة

مرروة ..وكام يغلط عليها

بعيوني مروة سهله

اي مخاف منك حلوة ويحك الي ادلل لا تزعل يولو

وجرتها بضحكه

يول ترى انتي عرض..ولحد هسة زلمه وياج

لا تشمرين وتنعثليين ..فهميني

مين

منك ومن قائد لو نسيت 

خرب بروح هلج الي جابو سكط مثلج

لا اني ولا قائد

وعزة الله افضحج واصكطج

كافي ولج يا  *******

وسدة

شنو همام

ما اعرف قمر ما اعرف تعبت والله

اسمعها ما اصدك شنو من بشر

شنو من قناع لابسة كلامها وطريقتها

وليش هيج تسوي

حسبي،الله  عليها

اريد اعرف مين

يعني قائد متقرب لها

سكت

جاوبني فدوة

كمت من لمرجوحه

قمر من جنت احذرج منها تجسارين عليا

يولو لو غيرج وحدة اكص لسانها كص

بس انتي غير

تختلفين عن الدنيا كلها شي غريب

ما اعرف سرج شنو

مرات اكول مرة مثل لبقية بس

ما اقتنع اقنع روحي كوة

سؤال تعبني

شمعنى انتي

وكفت جوة النبكه ..كتله اني اتعس النسوان والله

يمكن كثر مابجيت دموعي خلصن

كمت ابجي بس صوت ودنجت راسي

حسيت

جرة

راسي بحضن دافي

واكو انفاس حار  ع ركبتي

غمضت عيوني ثواني جنت تعبانه واريد ارتاح

عصرة حضن..بيها دفو بيها برد

بيها اربع فصول

..خلت لشتي ترجف

وعيت فتحت عيوني

همام حاضني

سمعت همام

يكول انا سندح لا طاطين راسج بيوم

ورفع راسي وباسني من كصتي،

وللحكايه بقيه

مسائكم عنبر

سوزان المندلاوي

مو جسمي يرجف روحي

فتحت عيوني راسه

ع ركبتي وراسي بصدرة

دفعته من صدرة

هذا الي ردت توصله ..اعرف بيك ..

ابتسم ودار وحهه عني ..

واباع يمنى يسرى

اخاف احد شافنه

اسمع همام اول مرة واخر مرة تسوي هيج

جرني

وخله ايدة ع خصري

انحصرت بلزمته ماكدر اتحرك

غمض عيونة

عزززة راح يبوبسني

قبل لا يححي ضربته ع صدرة  وخر ايدك

حصرني اكثر احس ايدة راح تكسر ظهري

كال ول قمر اخ

اكسرها والله الي تمد اديها عليه مرة ثانيه

اسمعي اكفي

عوفني ..

وان معفتج

همام لا تتخبل ..اصرخ هسة ..

عيب وحرام الي تسوي مضنيتك هيج .

الي تردي شنو

قائد مااات قمر

ماات ...افتهمي ماااات

واني احبج

قبله افهمي

كتله مخبل انت وشارب

عصر ايدي حيل

يولو ليش تخليني اذيج

لا تستفزيني ..لا تلعبين بعمرج وياي ..ماودي اضرج بشي

اسمعي ..

اني دليته عليج

جنت احاول افلت منه ماكدر لزمته قويه

شنو دليته ؟

اي دليته عليج

كتله كمر يفوت الصبح من بابنه سوالف شباب سولفتج اله

وخذاج مني

ردت اكرهه بيج مافد

بديت ارخة واسمع

وساكته

قمر قمر قمر الف مرة اسمعها منه ..قمر نامت كعدت

راحت اجت ..حبج هوى وانا حبيتج ..بنفس الوكت ..

كلشي بيج حبيته منه كد مايححي بيج

وعرفتج حبيتج اكثر ..عرفت الي تحبي والي تكرهي

كتله

انت كذاب صوتي يرجف

انت لفقت سالفه مروة

حتى تكرهني بي

هدني

لا قسم بالله موهجي

بس احبج قمر ..

واحب قائد

ورضيت بيج تصيرن مرت اخويه

انصدمت

اكثر

وهو يعرف بيه احبج

وحاربني هواي هواااي

وخذاج كدامي

وكل هذا واني واكف وياه لليوم ..وسكتت ورضيت

شريد اسوي الج بعد كولي

بدة حسه يعلى

اسكت اسكت

مشارب قمر لا تهافين وماسكت

يول هي روح ماتطلع واخلص

ماريد منج شي لا حب ولا مشاعر ولا عطف

بس اني حظي زفت

لا ام ولا اب ولا شي

هه حتى الدراسه ماحصلتها مثل الوادم

امي حركت مستمسكاتنه

وراحت

ماحسيت بلكلمه يوم.يمه  فديوم ..

يمه جوعان عطشان بردان متت عشت

همام شدتحجي ..عفيه مداستوعب

والحجيه شنو همام

اما الحجيه امي وامج وام ايهم

مثلها ماشوف ولا اشوف

ولج ام ام

مو تجي امي تسلم وتكولي هاي شنو معرفتك طالعه الك شوارب

متعرفني قمر

شكتلها

سكت ..هه شكلت لا طالع الي ريش،

عبالج وحدج الدنيا داستج قمر

اني جفصت وتعدت ورجعت جفصت ..ويدوس برجله

حييل

اكلج يكلون النبكه علويه

ساكته مجاوبته

كال عساه ابختي وبعرضي وبشبابي اذا اكذب

لا كذبت غ مروة ولا شي كل كلمه صدك

رووحي

تقربت منه

همام اني مو قصدي انت كذاب والله

بس ما اريد اصدك على قائد هيج شي

اني احبه لليوم واذا مات وانت اخ الي مو اكثر

كال

قمر

مروة مو تمام كلش وماعدها كلمة هو كم مرة شرب وهي تخابرة وتطلع ويا بس هو جان يحبج

وراها طلعت بسالفة الحمل وتجر فلوس من قائد وتهددة تكولج وبعدها اندارت عليا

قمر كلام هواي واني تعبت ما اريد احجي بعد

صدك قهرني داير وجه ويحجي وراسة بالكاع

مرات العيون ونبرة الصوت تفضح هموم انسان

قتيبه وهمام وقائد لغز تعبني حيييل

خليت ايدي على ظهره

تنفس بفزة

كتلة

همام اسفة انت تعبت بحياتك اتمنى تلكة الي تسعدك بس مو اني

اندار عليه ولزم ايدي بقوة

اسمعي قمر ترى اني همام ماتذلني مرة

داستني الدنيا وماكلت اخ

مو هسة تجين عود تنقهرين عليا

روووحي قمر من وجهي ..

عفتة ..ومشيت سريع

اريد اوصل للبيت ..فتحت الباب

واتلفت اخاف احد كاعد وشافني

ركض الدرج مدري شلون صعدت وفتحت الباب

وسديتها وقفلتها

اخذت نفس ترس ريتي ..

ما اعرف تعبت كل شوية شكل همام مرات احسة طفل محروم من الدنيا ومرات يصير وحش كاسر محد يوكف كبالة

ذبيت راسي ع الفراش

نمت بسرعة اليوم متروس احداث وتعب

بس سالفة مروة ابدا ما افوتها

اول مكعدت

دكيت عليها

وماكو متشلية كلت يجوز عرفت اني عرفت بأكذيبها وافلامها

رجعت التلفيون على الميز واخذت حسرة

جان يدك

مروة

اخذت نفس وشلتة

الو

الوو هلو حبيبتي شلونج

الحمد الله مروة اريدج بخدمة

صدك جذب عيوني الج

تسلميلي لبارحة من كلتي على شيخ ما ادري اعمال

هاا اي مو كتلج سامعة

اي اريد اسوي شي لهمام وتمارا اخلص من لسانهم واذيتهم

اي والله احسن حل عفية عليج

انتي تعرفين وين ترى كلشي ما اعرف

اي ولج اندل اني بس من هسة ترى فلوس يراد

ميخالف عندي

هووواي قمر يطلبون

عندي بس اهم شي شغلهم مضبوط

باليد قمر وهسة تشوفين

دتعالي خل نتافهم احسن منةالتليفونات

يلة بس اتريك اجيج

اوك باي

بس سديت لمكالمة لشتي ترجف معقولة اكو هيج قابلية واعيد وية نفسي شنو اكلها

نزلت على عمتي تشرب جاي وتتريك وية اية

همزين امها عافتها هنا ونس للحجية ودير بالها على ايهم هم

صبيت جاي وكعدت يمها

تحجي وية ايهم بس احسها مثكلة مني

كتلها

يمة خابرت على مروة تجي

الله واكبر شكد متأخذين حجي انتي

مو كلنا سدي الموضوع

يممة بداعة قائد عليج خليني ارتاح

اريد اعرف ليش هيج دتسوي بينا

احنا ودنحجي اندكت لباب

كتلها اي هاي مروة

روحي اية افتحيها

يمة والله ما اسوي شي بس احجي وياها بست ايدها وطلعت

هي بقت ساكتة بس ممقتنعة

شلت الصينية ورحت للمطبخ هي دخلت وية اية

سلام وتبوس

اني جامدة بمكاني

ممصدكة لبشر كم وجه عندة وكم قناع يلبس

شنو انتي

كالت شنو شبيج قمر

شنو انتي تستحقين جائزة اوسكار بالتمثيل

شبيج قمر مدافهمج

اني افهمج جريتها وكعدتها على التخم

وطلعت اية وسديت لباب

مروة منين جنتي حامل

اهوووو هم رجعنا قمر اكيد هذا همام يقرة براسج حذرتج منه من زمان

ليش شبي همام شتعرفين عنا

اعرف جان يحبج من زمان وحتى قائد يعرف

اي كملي

اي وبس شكمل

بعد اني اكلج شعرفت

عرفت صديقتي رافجت حبيبي وطلعت وطبت ويا استغلت حزنة وجان يشرب وتجرجرة

عرفت جانت تشوه سمعتي بالمعهد

وعرفت تسويلي سحورة وتذبلي بالبيت

كامت وبغصبية تحجي

شبيج قمر تخبلتي

لا عقلت مروة اكو غشاء على عيني عامني انشال لبارحة

من سمعتج تحجين وية همام

يولو هههههه

وهسة شرايدة اي كلها سويتها واكثر بعد

خل قائد يشك بيج وبهمام ورة زواجكم

مو بس بالمعهد شوهت سمعتج بس حتى اخوج جنت اخابرة واحجي ويا اشكال

واكثر واكثر ولو بيدي اشوفج ميتة وارتاح

لج ليش شنو سويتلج اني

هههههههههه شنو سويتي لج من عرفتج جنتي قمر لمدللة قمر الحلوة

قمر المؤدبة والشاطرة  قمر الي حبها جان حب حياتي ايام المعهد

هو سويت المستحيل حتى يحس بيا وهو جان فاقد بالاميرة قمر

لج حتى من تركتي قائد واني حاولت استغلة هو سكران وجان يصيح ويبجي عليج لج مكدر يخون الاميرة

انداريت على همام

طلع هم يحبج

لج انتي شنو وشبيج زايد مني ..شنو بيج يختلف عنه

اني كعدت بواسمع ما اصدك كل هذا يطلع منج

اسمعتي قمر احساسي تجاوز حد الكره والحقد من ناحيتج

وعافتني  ..

عساج لا تهنيتي بحياتج كلشي زين الج

حتى الحب واللهل والزواح

طلعت

اني على كعدتي اجتي الحجية يمي

شفتي يمة شكتلج ابني مايخون ولا همام انة ربيتهم عدل

ليش يمة والله بحياتي مأذيته

يمة كالوها ليفتهمون قبل

احذر من عدوك مرة ومن الصديج الف مرة

بهل الوكت مو الف لا مليون وازيد

وكتنا صار الشين لابس قناع الزينية

وانتي يمة هم صوجج لسانج طويل الواحد من يسمع عليج جلمة يصدكها

ماعندج تفاهم يمة الدنيا تعلم وبيها دروس وعبر

الله ليعلم شجانت تحجي لاخوج

وهيج يعاملج وانتي متتفاهين

وغيرها وغيرها يمة الي صار بيج ينكتب بكتاب ويدرس على الماعندة حظ وعلى صداقة السوي ونذل

بس كون تعلمتي يمة شي

كومي يومة ما تصلح هاي كعتدج هيج كولي يارب سلمتلك امري وانت اعلم بحالي

شكد اسمع كلامها لمثل البلسم بس مصدومة مثل لواحد كافخني على راسي

معقولة هاي مروة هيج حية

بعد كلام الحجية وياية

اول مرة من توفى قائد

شفت الحجيه مبدله  ولابسة عبايتها

هاا يمة وين

عندي شغلة ما اتأخر  خلي بالج على ايهم

غير تفهمني وين رايحة اذا اجة همام شكلة

كالت

معليج انتي

وطلعت

اني بقيت الوب تروح على اهل مروة وتسوي هوسة

لو تروح تضيع ومتعرف ترجع ياربي

التهيت بهمي والبيت والجهال

مرات كثر الوحع يبنج الانسان

بديت اتبنج وماحس بشي

ولله ساعة ورجعت جايبة علاكة شموع وبخور

ومي بالبطل

وكامت تدير على اركان كل غرفة بالبيت وتعلك بخور وشموع

وين جنتي يمة

رحت للشيخ وكال سبب مشاكلكم بالبيت وعدم راحتج وحسرتج عمل

قصدج هاي الدعابل والجيس

يا جيس

اكو جيس هم لكيت بي مثل الرمل وشعر

اي والله شفتي هو سئلني وعرف هل العمل على نجاسة صايرة وهاجملكم البيت

معقولة مروة لهلدرجة نكسة

اي وانكس منها ماكو اعوذ بالله عاونني يمة

هااا وكال سورة البقرة يوميا تعلكوها الصبح

ومن يأذن ترفعون صوت الاذان بالبيت

يمة اسمعني ونفذي ليروح يصير بأيهم شي من اعمال هاي النكسة والله اكتلها ابيدي واشرب من دمها

دخل همام

يمة المن تقتلين صايرة جاكي شان شنو

اسكت ولك ياجوكي انوب

ههههههه جوكي شنو لا صدك يمة المن تقتلين

معليك ميل مني عندي شغل

كلي

شنو الفلم شو كالبين البيت مال هنود بخور وشموع

كتلة

انريد انطلع الجني مالتك

صدك اني اعلمج تعالي

ركض وراية ماطول بيه جني ماعليا عتب اني اعلمج

اول مرة اركض من صدك واضحك

واية هم تركض حتى ايهم كام يكركر يحب همام وحركاتة

واني بركضتي لزمني قريب

تفاجئت بي متصورت بي يتجرأ بعد مدفعتة لبارحة

حتى اية طلعت واستحت

كلي

قمر متحنين عليا بعد تعبت..

كتلة.بنبرة جد

اني احن عليك مثل اختك لتنتظر مني غير شي

ووخر مني يمي عفية

رجع ليورة خطوتين

وكلي

قمر صبرت هواي وانتي تروحين من بين ايدي

وهسة هم صابر على طول لسانج ومعاملتج

بس لتصورين اصبر اكثر بعد

كتلة

همام

مطلبت منك تصبر ولا اريدك تنتظر مني شي عيش حياتك

رجاءا خلي حدود

بيناتنه ..مرت قائد اني وابقى مرته ..

تدللي قمر ..

هااا صدك خابر اخوج وباجر لازم تروحين للقسام الشرعي

اي زين

قمر اذا ممقتنعة او تحسين نفسج انظلمتي ترى اني موجود

اريدك سالم همام

هو اخوية والوحيد الي بقى هنا قريب عليا لو يريد مي عيوني انطي الله لا يوفق الي جان السبب بيني وبينا

مرت الايام

واني نفس وضعي قائد عايشة ويا كل تفاصيل حياتة بخيالي عايش مرات عقلي يكول كافي هذا خبال

اكلة مو مخبلة اني مريضة وهذا علاجي

همام  يوم زين ويوم اعصاب بس مشاكل ماكو احس مرات اني ظالمة من اشوف وضعة

ومرات احس اني لمظلومة الوحيدة بينهم

بالاخص الحجية مراضية عليه

لان اعامل همام بهلشكل ولحد الان ما اكدر اصيرلة مرة

وجان يشرب مبطل وكام يبتعد عني وميحاجيني

مثل قبل حتى المصرف يدزة بايد الجهال

ابتعد عني همام

بديت اهدء اكثر وارتاح

بس بعدني ممتقبله موتته قائد

محد يصدك بيه داخل الغرفه اعيش ويا

اذب الاسود والبس اله واتعطر واعيش ويا

ونسولف ونضحك ونزعل .ووووو استمرت حياتي ويا بخيال متعب ..

بديت اتعب

اتمرض

الم بقلبي خدر بايدي

شقيقه

ضغط صاعد نازل

طكطك شيب

خطوط جوة عيوني

احسب عمري ال 20-

لو احسب شكد شفت قهر

بيوم  لقحت ايهم وصخن عليه اخذته ونومته فوك

بليل ذكرت الدوة دا انزل من فوك  الازم ب12 يأخذة

الدرج يصير بوجهه الربعه

سمعت الحجيه

وسمعتها تكول

يوم لمبارك ا ..يوم

احسن شي سويت لشوكت تبقى بلا مرة

حتى حرام علية

هيج عايش .

وللحكايه بقيه

مساء الفل

سوزان المندلاوي

اي يمة اتزوج اريد افرح بيكم قبل ماموت

واشوف اولادكم ..

وصلت اخر درجه

معقولة همام يريد يزوج

دخلت للغرفة على سريع

شفت همام كاعد كبال الحجية ومبتسم

جريت للممات بسرعة

وكتلة شايف كل الخير تساهل

وطلعت على سريع

اسمع الحجية

ها يمة شكلتي

عفتها ورحت للمطبخ اغسل الممات ع السنك ..

ي خلي يزوج اخلص،منه ومن ذنبه احسن

بس اخاف

اسمع صوته ..يسوي احم اح

انداريت همام

فتح الثلاجه

وندار علية

ول يابه اخ قلبي معطب

ماكو ميه ..شويه

جاوبته بثلاجه كبالك ..

اجة وراية همام يضحك

تقرب يم اذاني وهمس بأتسامة

حسيت بانفاسة ..

تغارين

انداريت

وليش دا اغار اني شعليه

بس شكلج عصبتي

ممعصبة ليش تريد كوة تعصبني اني شعليه بيك بس هااا يكون بمعلومك محد تكعد هنا يمي

ليش عجل وين اكعدها...

انصب خيمه بلشارع

مشكلتك ما اريد تجني وحدة تتعيقل براسي واوي و عووع

لا لتخافين الي اختاريتها اني متتعيقل..

وانتي بغرفه ..وهي بغرفه ..

ايبااه الي يسمعك يكول ميته عليك ابو الغرف

ها بدت ...

كال بعد مابدينا..قمر ..

شدتخربط انت

شفتي شلون لسانج رشاشة

هو غير افتهم شكو ؟

لا صدك شنو الموضوع

قتيبة جان يحجي وية امي بس من عصيبتج منتبهتي عليها لازمة التليفون

هااا لا ماكو هيج حجي بس منتبهت جان النوم بعيني

وبعدين لتفرح همام ولتظن مر عليه الوكت ونسيت قائد

لحد ما اموت راح يبقى هو رجلي وبس

اي افتهم ج عدل

بس وينه قائد

وعفتة وطلعت..

رحت على ايهم شفتة بي دفو بالكوة انطيتة الدوة صار وكح ويزحف وبدة يحاول يكوم

وشرب الممة

همام راح للربعة مدخل للغرفة بعد

والله شايف روحه مهم واني اغار عليه

احجي وية روحي واصعد الدرج بس اني ضجت صدك لو لا

ما اعرف لا عيني شعندي ويا

والله وعود يتغزل لو يموت اوووي...

حاولت اعيش بخيالي مكدرت

هو مو خيال هو واقع وجنت اشوف قائد

بكل مكان بلغرفه

بس بيومها مجان موجود .

وانتظرته هوايه وماجه الية

نمت ..ومشتاقه اله ..لان ممر الي بخيالي ..

كعدت الفجر ..

ادورة ماكو ..

جنت من افز الفجر اشوفه يمي نايم

لو كاعد يباوع عليه ..

بس هم ماكو مبين ..

سويت ممه لايهم ورجعت نمت ..

كعدت الصبح ..

دورته بكل مكان ..

يوم كامل مو يمي ..

تعبت ..

طلعت من غرفتي كلت بليل اشوفه اكيد ..

نزلت ...

تعبانه ...

كمت احس بوجع ومرض ..

ايدي تخدر اليسرى ..

صداع مستمر ..

البيت جان هادئ ..

سويت جاي ورحت افتر بلبيت ..ايه تصفط ..بلفرش والحجيه بلحمام ..

خليت ايهم بلحجله ..

ورحت غسلت ..

رفعت راسي ..

هاي شنو ..شبيها عيوني

تقربت اباع ..

يمه ..

اغمض افتح ..

رموشي واكعه ..

اسم الله دخيلك ..

باقيات كم رمش ..

بقيت اباوع ع روحي واتلمس وجهي تعباان ..

واتخايل وجهه قائد

شصار منه جوة التراب

لو اتخايل شلون يشاقيني

ويحرك لحيته ع وجهي

فزيت ايهم ضربني ..بلحجله ع رجلي

انداريت يضحك ويضرب ..بايدة ..ويفتر ..

رحت ..كملت الريوك

كعدت اني والحجية واية

ايهم يفتر بالحجلة

كالت يممة قتيبة خطب لحمد الله

خطية الله يوفقة يستاهل كل خير

اي والله تعبوا بحياتهم الله ما وفقهم بالدراسة ذبوا روحهم بالشغل مخلوا شغلة تعبت عليهم

وتعلموا من ابو قايد الله يرحمهم يشترون املاك كلما يجمعون فلوس يأخذون شي

هنا ابغداد يم اهلنا بالرمادي

واخر فترة اشتغلوا وية وزارة الشرطة

قصدج الداخلية

شمعرفني يمة داخلية شنهي كاموا يجهزون بالاكل والملابس والفراشات وكلشي

بس انة خفت عليهم تعرفين ولايتنا مو أمان كتلهم اكعدوا ابغداد محد يعرفكم

صدك يمة ولو ماكو امان صار بالعراق كلة

ربج لستار ويفرج على امتة بحق محمد رسولة

امين يمة

قتيبة من زمان جان هاوي بت خاله رضوان

هي حديثة فد من صارت الاوضاع

طلعوا منها راحو وين لشمال

هناك ..عدهم بيت ..وكعدو بي وحليوة الله يسعدة خابرني مستحي خجلان مني يكول اذا ما راضية أجل الشغلة

كتلة يمة انة هسة ادورن الفرحة دوارة

راح يجي بعد يومين واهل رضوان هم يجون ابيت كرابتهم

كتلة ما توصل انت للرمادي هنا كلشي يصير وهمة يعرفون وضعك..لو احنه نروح غاد للشمال

نسويلة حفلة خطوبة نفرحة بيها خطية ماعندة احد بس احنا

اي شكو بيها

يمة شوفي شنو تحتاجين الج وللبيت كولي حتى همام يجيب لو ياخذج للسوك

اجتي اية اني هم اريد بيبي بدلة

تدللي ياعيون بيبي فديت هل الكصايب ..

يمه شخبار تمارا

زينه يما خابرتها ..امس

كالت ..بخير ..وادعي الله بلجي جيب وليد

وكون يهمد حازم وياها

الله يستر علينا ..

كمت لميت الاكل ..وعدلت ..البيت

يووم

كولي كمر

جيت يمها قريب غمضت عيوني

شبيج كمرة

رموشي واكعات

اسم الله

اي والله

لا تبجين كافي بجي يمه

كلما اطب عليج اشوفج تونين

كمر

عايني علي

ياهو اغلى قايد لو ايهم

صفنت عليها

كتلها قائد

سكتت

حجية لو ميت ايهم اخلف غيرة بس قائد ميجي غيرة

كلامج عدل

بس هذا وحيدي وانتي توجعيني

عيشي يمه لا تخليني احس انه ذبيتج بنار

كمر

يوم يومين زلمه يصبر مو دهر

وصار اشهر ع زواجج من همام

شوفي اعلمج شي

انا اول هدة جنت ماحبج اكولها الج

فد من عرفتج حبيتج

مين عرفتج من قائد

ياكمر وياكمر

وراها عاشرتج شفتج فد لسان لا تحلين ولا تربطين

هذا وحيدي توقعين هينه عليه فراكه

وانا جنت اتاني العمر يكبر

واشوفه زلمه كبال عيوني

حجيه سمعت وافتهمت داكوم

اكعدي واسمعي عدل

حياتنا مخربطه انا وياج صح

تعبتي ترملتي الكل كسرج

فد انا امج ووياج كمر انا حكانيه وراي موت

مدايمه يمه

همام اذا حلى بعينه زواج

منهو الج

ليش راسج يايس فهميني

مامتقبلته مدة وتتعلمين

حجيه

اسمعي راح تكلين امه وتحجي هجي

اي احجي تعرفين ليش انا اخبرج ليش

لان اخاف الله بيكم

انتي وهلحمه الحمرى

مدووم يومه لو دامت جان اسلافنه دامت الهم

واليوم اوديج للطبيب شوفي علتج شنو

كمت من يمها

ماقتنع لو شيصير

اشبهه بلاغتصاب اذا اسلم روحي اله

شنو هي ..ماريدها هلنومه لليل

كمت اشتغل جنت اذب روحي ع الشغل لحد ماتعب

خليت اكل ع النار

وطلعت ع الطرمه

غسلتها

وشفت بلاك

بدلت المي اله ..جنت يوميه اسلك اله افخاذ

علمني ع اكله ..قائد ..

وبقيت اداري بي ..

احسة يعرفني ..ويجي يشم بيه ..ويدنج راسه يم رجلي

بين ماكملتها

افتحت الباب ..

اباع همام رجع من شغله

جريت الصوندا ..من الطرمه ..طب بسيارة

ونزل ..

السلام عليكم ..

الله يساعدك

ويساعدج ..

هاج المسواك ..

ايه ايه تعاي اخذيهن

كال شمطلعج بهل نهار

داغسل الطرمه

غير ذبين غطا ع راسج

تدلل

قمر

نعم ..

اشفتي من قائد كم شهر ومات

اعرف

عجل شبيج

ماكدر

خوششش..

احمل الوادم مو اخاك سبعين محمل

يعني ..

يعني بية شويه صبر وراها يفيض الصبر

اي

عافني وطب

نشفتها وطبيت ..

حضرت الغدة

بس كلبي فوك خاف قائد يجي واني ماكو ..

صبيت الغدة ..

بس اريد اكمل لكمتي

حتى اصعد اشوفه ..

مكدرت اكل

صعدت فتحت الباب ماكو

جنت اشوف كل مرة مدد ع الجربايه

هلمرة ماكو

ضليت انتظر ..ماجه

بقيت مثل المخبله اتوسل بهدومه يجي اشوفه

مرت ايام ماكو ..وماجاني

بديت اتمرض اكثر واكثر

وقرب خطوبه قتيبه

بس مالي خلك ..

اليل كله اسهره انتظرة يجي

والنهار صاعدة نازله ..

محد يعرف اني عشت ويا لهذا جنت قويه

بس فجاءة راح ليش ماعرف ولا ادري

معقوله زعل مني لو شنو

جنت البس واتعطر وماكو اكوم اشوف نفسي

حاضنه هدومه ..

تعبت  اريد اصررخ تعبت

جوة حايرين بعرس

واني انتظر طيف ..

انا متعبه ...ضائعه مابين الطرقات ..مابين طيف ..

وحقيقه اضعت نفسي ..

من انا واين اكون ..والى اين اذهب ..

الى المجهول ..ام هناك طريق امل ..يعيد ماسلب مني

هل ستشرق سمائي من جديد ..بشمسها او قمرها

ام حدث خسوف ..وكسوف ..وقتل كل ضوء في حياتي

هل ساعود يوميا ..

احيا من جديد وتبث في روحي الحياة

انا متعبه ياللهي

لم اعد اعرف

من انا ..

هالسبوع ..دمرني غياب طيف قائد

حتى لكمة ماتثبت بطني اذبها

وحرارة ترتفع ..بس اني احس بيها

واحس من اريد انام جسمي ينمل كله وابرد حييل

وارجع احتر

عشت ميته

بس خيالي بعد ميتحمل غيابه اكثر عني

اشتاقيت حيييييل

مشتاقه ودررربي بعيد عنه

كمت اوكع ..

وبدت معاناه جديدة

باسبوع نزلت 8كيلو

فجاءة

ومن دكتور لدكتور

تحاليل رنين ..اشعه

واحد يكول كلى واحد يكول دماغ

صفيت الربع

ومحد يعرف العله شنو

واني اعرف شنو

خيالى ..الخصب ..فجاءة صار عقيم ..

فرة طويله فرتتي الدنيا

وحجي طويل

ناس تكول سحر

وناس تكول مرض

سمعت احجايه ..

اخر شي جان مفراس ..بمدينه الطب

نوع خاص بي صبغة يضربوها الي ..الا بلمستشفى ..

اخذني همام ورحت

هاي الفترة ماعرف ابني وين ..

انتهيت ..بيها ..

همام .احسه ملاك حارس الي ..

كعدت بلردهه ..جنت لابسه عبايه راس.

انتظر سرايه ..

كعدت يمي ..مرة وبنات 2

كبالي ..

شويه اجتي بصفي ..كعدت

كالت ..خيرج يمه

كتلها مريضخ

كالت وجع روح لو جسم

سكتت..

كالت .انتي حلوة ..ومنفوسه من صغرج

مسامعه حلوة وخطابها هوايه وعنست ..

هاي انتي من النفس ..انتهيتي..

ماكو احساس وي كلامها

مجرد استمع ..

كالت بنيتي ثلثين المكابر عين ..

اجه همام يلا قمر كومي راح اطببج

قبل لا اكوم

كالت ..هذا مو زلمتج مو

رجعت كعدت شمدريج ..

كالت الي عدها راعي متمشي ..محدبه

هذا مو راعيج ..

يلا قمر ..

كالت روحي بنتي ..الله يشافيج ..

اكو علاج قوي وبسيط ..

انداريت عليها بعد مانتجيت ع همام

كالت الرضا .بلقضاء والقدر

والقران ..

مشيت بلممر ..حتى ماعينت عليها بعد

قبل لا ادخل

كتله راح اوكع

لزمني قمر بس اليوم اسفرج

والله

كعدني ..

بقيت اتنفس ..

وابالي الرضا ..

تصير بظهري غرفه المفراس ..

مديت راسي اباوع

اشبهه بلكبر شكله

كتله رجعني

قمر

رجعني ..

رجعت ..

كعدت بسيارة

الرضا..قائد مات ..

كافي قمر عيشي

كافي ..

وصلت البيت ..

من نزلت للفرلش جوة

نمت ..

شفت قائد طب عليه بدشداشته البيضه مال عرس ..

اجه وكعد ..اباع البيت هوسه ..

وعالم بي ..

رحت ركضت عليه ..

حضنته ..حسيت بي وكعدت جوة رجله ..

كتله وين عفتني هلوكت كله ..

ليش عفتني ..

والزمه ..واتلمسه ..ليش متسال عليه

انت عايش ..الزمه انت عايش ..واخلي راسي بين رجله

جان بس يباع عليه ..

ماحجه شي ..

كتله مكلت شون عاشت بدوني ..قائد ..

اسمع حجي يمي

وعاني من نومي

امي تحجي وي الحجيه تكولها .

جيبوها اسفرة ويانه لسوريا صفينه امورنا وراح نسافر

ليش كعدتوني

جتي امي يمي

شبيج ماما شصار بيج

ليش كعدتوني جان يمي حصني

كمت ع الحجيه يوم حسيت بنفسه وحرارة جسمه والله

اول مرة احلم بي ..

بس محاجاني

كافي يمه يزي عاد حرام الي جاي سوي بروحج

بس شفته اني ..

امي / يلا كومي لمي غراضج دام هنا تتخبلين

كومي ..

راح نسافر

اني وين وهمه وين

ماجي ..

قمر ..

ماجي امي روحوا انتو مو جديدة عليع تعوفوني وحدي

بقت يمنه للعصر

كل شويه امدد بمكاني اريد احلم بي

عرفت بس الميت يجي بلحلم

والطيف خياالي الي تعبني

مرت السنين واني ويا بخيال

بيوم الي فصل خيلي

اجاني بحلم

شوكت يجيني موت وارتاح ..

بعد كلام طويل بعد . تنازلت عن حقي من بيت اهلي

عبدلله باع ورثي وورثه

وجان يريد من انهار هم ورثها بس مقبلت واخذته سوت عمليه ثانية

وهسة حامل بتوم عليها شهرين

ورجعت لبعداد

وحالتها استقرت ..

اجلو الخطوبه حتى ترد صحتي اليه ..

بهاي الفترة اخر مكان رحت اله هو دكتور

عصبيه لان شكو ورم براسي ..

همام ويايه مفارقني ومتعب بيوم

الي تعبه عنادي ..

وبديت استسلم ..

بنفس اليوم الي مسويت بي مفراس

رحت اله العصر

جنت جبر ياخذوني للدكتور

حجزت وكعدت

طبيت ..دكتور شاب

وبديت احجي عن الاعراض ويكتب هوة

كومني ..وبدة يفحص شيلزم اكول اي يوجع

سوة فحص للاعصاب والعين ..

كلي كومي

واندار ع همام

كله تطلع منا ..تروح لجسر ذبه منه كلشي مابيها

اني بقيت ساكته همام ابتسم

كله مابيها كلشي

مرات الحاله النفسية تتفسر ع الجسد امراض اقوى من المرض العضوي وهذا الي صار يم مرتك

كتله دكتور رموشي وكعت جسمي خفقان مانام

بها الطريقه اسكتي لا تمرضين نفسج

اعصابج اقوى من اعصابي

بس نفسيتج صفر

طلعي طبي عيشي حياتج وكتب علاج

بعد حجي هو. وهمام

طلعنه..

وبقيت صافنه ..

شنو الي بيدي لسوي

وشلون ارجع لقمر القديمه

قمر

نعم ..همام ..

كافي يابه بس دمرتي نفسج وابنج صار عشر ايام لا انتي ميته ولا انتي عدله

اييييي

قمر ..

قبلي بيه ..احبج وماكدر اشوفج متاذايه

انطيني فرصه اسمعي مني قسم بالله ماتكرب الج

بس جمعيني بيج بغرفه وحدة

وخلي اصير سندج

يابه ..انا روح مو حجر ..

هاي اخر كلمه وياج ..

قمر ردي لعافيتج اذا تقبلين بهمام زلمه الج

وحاميج ويفيدج بروحه

كولي

واذا لا فانا ..اطلع من خطيتج

واعوفج

واعيش حياتي

قرري ..القرار راجع الج

انا تعبت وانتي تعبتي

بقى  يرزل بيه كال كافي،تريدين تموتين موتي

بعد منعدرج الي بيج نفسي

همام

اريد شي منك

كولي

اريد اروح لقائد وراها ارتاح اني

قمر ديرتنا خطرة ماهدت

ميخالف ..لعد ليش دفنتو بعيد عني

بعد حجي اهلنا هذا

وديني اله شمعنى الحجيه راحت اله واني لا

ودوني اله ابوس ايدك اريد اشوف كبرة حتى اصدك مات

قمر ..

همام ..

وديني احسبها حساب اخت ..ووكعت دخيلة بشاربك

خرررب اني شحجي وانتي وين

انا كلب  ابن سطعش كلب

انتي حتى قائد من عدل جافه ويا

من مات حسيتي

يراد الي يعاملج بنفس اسلوبج..واتعس

خلص حدي وياج لهينا ..

بج السيارة حيييل

امشينا عساها ما متنه بطريقنا اصحي

يزي عاد

وللحكايه بقية

بسرعه مخابيل مشى

وشغل اغنيه ومشى كل حسها

علاة

جنت احجي وي روحي اني قويه

ارجع اعيش اي قويه

وطلعت علاج شربت بدون ماعرفه شنو

الطريق كله ساكت ويدخن

ويسمع اغاني

كلها تقبص الروح

يصبرني الي مايدري بقصتي ويكولي تهون

هم اسماعيل الفروجي ..

بس صوتة يخنكني جان

خابر اهله

ها يمه طالع للديرة

اييي

يمه مارجع وصلت نص الدرب

اي وياي قمر

احسن بلكي ترتاح

عيني ع الجامه تعكس روحي مشوهه من التعب

طلعنا طول الطريق محجيت شي ولا هو

وقريب منوصل على الرمادي المنطقة تخوف

لو سيطرات كومة وحدة قريبة على وحدة

لو جولة وهيمة وماكو بشر

وصلنا للمدنية اباوع على كل محل وكل فرع

منا فات وهنا كاعد جان وهذا المحل يبع ملابس حلوة يمكن جان يشترى منه

الى ان بدنا نفوت على مكان المقابر

كلبي جفل جسمي برد

مكان مخيف ساكن وصامت بي كلشي حتى الهوة

نزلني

تكدرين تمشين

اي بس خايفة

لتخافين ماكو شي يخوف بالموتى

بقيت لازمة ظهره وامشي

صدك حارسي واماني همام

بلبدايه

كلي هذا

لحظات عيوني متشوف الاسم

قائد وصورته يضحك

اي قائد

بقيت ما اكدر اتحرك

راح كعدة يمة همام قرة لفاتحة ودمعت عيونة

سمعتة يكول الحجية تسلم عليك

وابنك ابخير وبعيوني يولو ارتاح

واني صافنة وعيوني جمدت كلمة الصدمة قليلة

بس اكول وية روحي

لا ما اصدك شلون قائد انت هنا

اجة يمي همام شبيج قمر هذا الي ردتي

لا همام عفية قائد مو هنا احجي غيره ابوس ايدك

جرني حيل ولزمني كبرة

وكعد

قائد هاي حبيبتي

الي حبيتها انت واني سلمتها الك بروح طيبة

هياتة يمك قائد

احجي قمر خل يسمعج انطقي

ابجي ملخي نفسج

ارتاحي وريحني وريحي بكبرة

كلنا تعبنا

كاااافي بعد

مديت ايدي وارجف

كوم ارجع ويايه

كوم

طر كاع الكبر بس احاجيك

كتلة حبيبي سامحني

جمود ورعب حالتي وين تفكري

راح اموت صدك راح اموت

وجع من اضفر رجلي لشعر

احس شلون البسامير وجك راسي جك

صدك كالت الحجية محد يموت ورة احد

بس اني داموت على البطيئ ابفراكك قائد

شاغت روحي بنار ونمت على الكبر شميته حيييل

وبجيت

همام كام من يمي

وكف وشعل جكارة وبقة يفتر ع امواتهم

حجيت ويا وارتاحيت

مثل النار تستعرتسعر وصعدت حركتني حرك

بكلبي بس

مرات من تكب كبة عالية تطفى ويبقى رماد

صح بي دفو ووجع جمر بس هدئ وهدا روحي..

( طبعا اختصرت الوجع والالم احتراما لكل ارملة فقدت حبيب )

رجعت وية همام..الطريق كله واقع كدامي

  وصلنا للبيت .دنيا لليل

طبينه ..

رحت للغرفة جنت كلش تعبانه حييل

بس مكدرت انام ..سبحت وكملت

و

نزلت جوة

شفت همام كاعد بربعه وهم مسطر الابطاله 

ولا يبطل هلسالفه ابد

اووي بس ريحته تكرهه الواحد

طبيت للمطبخ

جان احساس غريب

اشبهه بطير وانفتح قفصه

هيج اني ..

فتحت الثلاجه ..

ول قمر

فزيت

شبيك

شمسهرج

وانت شعليك

انجبي

يمه مو مال كلام هذا مفوول

جوعانه

عجل سويلي وياج لكمه

السم زرف معدتي مو بس كبدي تشمع

شنو

سويلي لكمه

انت ليش تشرب

اشر ع راسه

حتى ارتاح

بس حرام

اي اعرف

شتريد اكل

اي شي

وراح من يمي

يمه الزم الماعون يطك

رحت ع غرفه يمه

شفت ايه نايمهايو ايو

رفعت راسها ها عمه

كومي ويايه

شكو كومي

اخذتها ورجعت للمطبخ ..

نامي هنا ..شكو بس نامي اخاف

وحدي

ماعرف شلون كليت طماطه وبتيته رغم هلكانه تعب

وطبيت

شفته

غافي

بقيت صافنه عليه

ليش يدمر نفسه هنوب تشمع بي هذا شنو ياربي

نايم هوة وكاعد ..

رحت قريب عليه ..

كتله همام همام عدل روحك ..

فتح عيونه كلها عليه

وجر ايدي بقوة ..

شبيك يمعود خرعتني ..

ضل يباع عليه ..

بكلبي كلت بلا هلحركات الهنديه ..

شبيج انتي

اني لو انت

خفف ع ايدي ..

جرها قريب ع شفته ..

باسها ..

اكو قشعريرة بجسمي صارت غريبه جانت انفاسه مو دافيه لا احسها تجوي ايدي ..

همام ..

اكو شي مشايفته ولا راح اشوفه قبل

همام جان يرجف ليش ماعرفت ..

احساس ثواني .

بعدها دفع ايدي روحي ماريد اذيج

اني اشبهه..

بهذا الكارتون بيب بيب ..ماعرف شلون

طلعت ..وشلون صعدت

وشلون سديت الباب ..

اووووو ياربي بيا حال اني ..

ردت انام ..مكدرت .

اول مرة بحياتي اخاف من ميت رغم عشت كومه اعيش ويا

اي خفت لا يطلعلي ..

مثل المخبله اني وكفشتي ..ومخدتي

نزلت جوة ..

طبيت يم الحجيه ونمت حتى ايه عفتها بلمطبخ نايمه ..

اول مرة انام من شهور

منتظر جيتة

بس ردت اشوفة بالمنام

بيومها محجيت شي بس عيوني تركض ورة ايهم اشوفة يلعب ويشمر بالمكعبات

من زمان ممنتبه عليا

عبالك اول مرة اشوفة

سبحانك ربي متأخذ الا تنطني

انطيتني من ريحة قائد نعمة جنت غافلة عنها

يجي يمي يخلي ايدة على وجهي ويحجي

اني ابستم الة واحسها ايد قائد

دخلت ام قايد

وياها امي وانهار

صارلي هواي مشايفتها مشتاقة الها هواي

لج ليش منمتي على ظهرج

اجيت اشوفج قمر بعد ما اتحمل الي اسمعة على وضعج

ليش خيتي هيج شجاج شبيج

تعبت انهار جنت اتحمل كل ذيج الفترة وهسة خلص صبري

قمر كومي وياية للصالة اريد احجي وياج

ليش خل نصعد بغرفتي

مااكدر قمر اصعد الدرج هو بالتوسل اجيت اشوفج واسمعت الف توصية

حقهم يمعودة ربي يتمملج على خير

كعدنا بالصالة

بيها فراش همام

منو ينام هنا قمر

همام

اهااا همام يحبج مو قمر

يكولون

لا قمر تعرفين يحبج ومتحمل صارلة سنين

قمر شبيج فهميني لتكولين احب قائد اعرف تحبي شكد عشتي ويا اقل السنة

مرتاحيتي بيها لا انتي ولا هو دومج متعرفين تصرفين وحقج والغلط منكم اثنينكم هو جبير ومتزوج وفاهم الحياة وانتي طفلة ومدللة ولسانج طويل

شنو شفتي قمر شلحكتي تشوفين عشرة وحب وعيشة وصبرحتى لهلدرجة حالتج تصير

لتحجيم وتكةلين احب اعررف تحبين بس عمر الحب مينتهي بالموت حبي وعيشي

اني اسمعها وابجي

قمر تعبتي الكل واخاف يملون منج ترى الي يتحمل يوم شهر سنة مو اكثر

انتي بعدج طفلة اسمعيها مني دومج تتعالملين بتهجم وية الي يحبج قائد وابو الخط نسيت اسمة وهسة همام

اني اعرف لتصير بي مصيبة يتعلم منها وانتي ابداا تزيدين وترجعين لنفس الحالة

انهار كافي دتجرحني

انتي كافي قمر يراد واحد يوعيج ترى الحب نعمة همام هذا نعمة لدفريها ترى الله ياخذها منج مثل ماخذ قائد

يمكن اكو من اتهكج وحملج ذنب موتة واكو تعاطف وياج بس اذا ضيعتي همام صدكي محد يوكف وياج واولهم اني

شبيج انهار ليش هيج تحجين

لج يا حجي لو مو هل الحمل الي مجلب بهيط جان خطيتج وكتلج حتى تصحين

اهووو ديدك المحروس خلص وقتي لازم ارجع للبيت

بعد انهار اشفت منج اني

ماجيت اشوفج اني جيت اسمعج هلكلام واروح

اصحي قمر وارجعي لعقلج قبل فوات الاوان

ترى محد يفيدج

من طلعت انهار بقيت صافنة واعرف كلامهم صح بس ما اعرف اكدر اطبقة

بس راح احاول لنفسي

لازم اصحى لخاطر ابني

ام قائد انطنتي جيس بي تراب اسبحي بي يمة

مال شنو هذا لتراب

مال كبر قايد حتى يطفى نارج وترتاحين

غسلت بي وحسيت روحي نزلت وية ترابة

قررت اتقوى لخاطر ايهم

بديت اخذ علاج الدكتور واكثرة مقويات ومهدئ

بديت انام وابني يمي اقتنعت وهدئت روحي

وصار حياتي لايهم دا احاول اعوضة على اهمالي الية ذيج الفترة ولو احس تأخرت تعلق بالحجية وبهمام حتى اية يريدها وميريدني

همام متغير شوية جر روحة احس سوة كل الي عليا وينتظر مني خطوة

واني ما اكدر اخطي اي خطوة

صرت احس نفسي مثل الشجرة بالخريف وكعت اورقها

وانتهى جمالها

بس صارت اقوى ويبست وكلش حيل يبست

ما عندي مشاعر حاليا

بهل الفترة صار عرس قتيبة

والحنه مالته

واول مرة احس نفسي وين وصلت

من اشوف العالم والبناات وين واني وين

مو غيرة والله بس انقهرت على حالي بعد مجنت يحلفون بيه انتهيت

الكل مبدل وفرحان بس اني عجوز

افتر بجيس الدوة ..

لبس وشعر وذهب ومكياج

واني حواجبي وعيوني

كعدت بس اباع ع العالم

دخل قتيبه

راحت ذكرياتي بعرسي

والخوف والهبطات..ومشفت شي من البركع

احس ايههم يجر بجبتي

فزيت

كلها تركص

همام قتيبه ولدهم وربعهم

اخذت حسرة طويله ...

شكد حلو الفرح ربي ديمها عليهم .

لمحت همام

يبتسم الي

ابتسمت اله

هد ايد اخو اجه يمي

شبيج .

مابيه

عجل صافنه

ماكو شي

رجع ..وياهم

ماستاهلها اني يستاهل احسن مني

الحجية حست بيه بالحنة

من رجعنا

كالت يمي فكي حزنج الي صار بيج كافي

انزعي السواد مو من لبسج من كلبج ومن روحج

يمة بعدج حليوة ديري بالج على روحيتج وحطي هذا مدري شنهو يخبطوا على وجوهن النسوان

حفي اصبغي

لخاطر روحج ولخاطر ايهم

اي خالة احف باجر على الزفة بس الاسود اعذريني

على راحتج يمة

طلعت الصبح للصالون حفيت واكثر شي يقهر

ام الصالون  ليش وجهج هيج عيني حطي قناع

وكريمات انتي حلوة ليش هاملج روحج

شكد عمرج وطك بلعلج

عشرينات

يمه ..

عجوز عبالك

اسويلج ميش سنفرة

هاي خبطه بخمسه سوي وجهج كيمر

لا شكرا

بس اريد اطلعر

رجعت شفت همام يباوع عليا

اجه محمل علاليك

طب وطلع

لبس قاط نيلي وقميس وردي فاتح

اباع عليه ..

اول مرة اشوفه عبالك

ومخفف لحيته ..

الحجيه ضلت جر صلوات

دنجت اني

ضل

ويلوب يروخ ويجي

عفتهم وصعدت

من صعدت للغرفة اجة وراية عرفت هو من دكت لباب

ادخل

قمر ممكن تقبلين مني هاي الهدية

انطاني جيس فتحتة شفت فستان

نيلي وبي ورد ناعم وردي كلش حلوة

كتلة

شنو هذا

هذا الج البسي مت شفتة شفتج بي

همام

انسى انزع الاسود متكدر تجبرني على شي افتهمت

بدت اشك الثوب واطلع اعصابي وحركة كلبي بي

اعرف غلط بس مو بيدي اتصرف بتهجم ويا همام

ما ادري تعبت اني هو شلون ما اعرف

خبال هذا ..اعقلي كافي

رجعتي لحالتج

يوميه اكول انتهت وياج وارجع احن

تعبتيي ..

متستاهلين شي مني ..مع الاسف

اخسري بعد قمر وصلت مرحله اكولج من ايدج

كل الي جرة

همام اوكف ..

مو هيج

عجل شنووووووووو

تخبلتي رسمي

لاتكول مخبله

بلي مخبله

اسكت  واطلع برة

باوع عليه بنضرة كرهت نفسي

استفزني

جريته من ايدة يم الجربايه

كتله هذا الي تريدة زواج فراش

يلا

حسيته..بونه باذني

وراشدي حار

وكعت ع الجربايه

هذا ظنج بيه ..فراش ..

ولج ملاينن لو اكو  اريد

حسي ع نفسج شنو انتي

ششوفين نفسج ولج ارامل ترسن البلد

وعايشات

بس انتي

قسم بذات الله خلص خلص لهينه وخلص

ونزل

سكتت..

وبقيت ساكته

مرت الايام

همام اذا يشوفني بمكان يكوم منه بوجهي ميباوع

ازوج قتيبه والعروس يمنه

اجتي

وبيوم كعدت الفجرية حارة الغرفة كلت انزل اكعد بالحديقة احب الفجر احس هواها نقي وماكو هوسة

فتت من يم الربعه

سمعت همام يحجي بالتليفون 

احبج

اي احبج وانتي راحتي هلفترة

اي اموت عليج

مو بس احبج

شوكت ينور بيتي بيج

وشيلين تعب سنين

وللحكايه بقية

الى هنا

نختم الفصل الثالث من قصه تساليني

لنا موعد ثاني مع احداث جديدة

قريبا باذن الله

بطلة قصتنا ليست قمر ولا قائد ولا همام

البطله الحقيقه  من حاربت الحزن بابتسامه

واحيت الحياه من جديد

رغم الالم والفقد والجرح

ابتسمت

هي

ام قائد

رمز للام المضحيه

والام العطائه

ربي احفظ كل امهاتنا واحفظ احبابنا

لنا واحفظنا لهم

ودمتم في رعايه الله وحفظه

اختكم سوزان المندلاوي