تحميل رواية «تسأليني الجزء الثاني» PDF

صباحكم جوري

#سوزان المندلاوي .

انسد الباب وطكه القفل طكت بروحي

اصوات الزفة والهوسة ترن بأذني  بعدها

وصعدة همام ومنار

لساها ابالي

ثوبها الابيض اتمنيت جفن الية

احسة تصوير على البطيئ

جهال مدري منو يركضون والحجية تصيح

غسلت وجهي ع المغسله

اشوف شفتي زرك مطكعه ..

نشفته ..

طلعو الموجودين

جانت تمارا يمنا ..

حضرت العشة للحجية ..

وللبنات ..

بدون وعي لزمت الكبه بدهن الحار  عود

اكلبها ..بخاشوكه لزمتها ..

عطت ..

ورحت ركض ع المغسله وفتحت المي ..

اسمع هلاهل ..

هلال ..زفه عريس ..ومشاف فرحه

عرفت اخذها لمنار ..

واسمع صوته الخشن يرن بلممر شكرا يما .. ..

وانفتحت باب السطح واسمع رمي ..

عرفت قتيبه رمه ..

غسلت ايدي ونشفتها ..بس اصابيعي اثنين

راحن ..

محسيت بحرك ايد

هذا حرك روح ويدك بروحي ..

طبلي كال جوعان ..

كتله ..

قتيبة جاب من برة عشة للعرسان ..

كال لا اريد كبه

بس دهن مزين عليك ..

كال معليج ..

هزيت راسي اي

لابس فانيلا كيمونه سودا وبرمودا ..جنز ..

عطر ه..ترس المطبخ

وكف يمي لف وحدة بصمونه ..

شفت طكعه حمرة بركبته ..

بقيت اباوع

سوالي هيووو..شبيج ..حركتي الاكل ..

لا ..

ماكو شي..

كملت الصينيه مالتهم ..

صار قريب يمي ..

ماعرف كشت روحي منه ..

اتمنيت احط بي سم ومنوم واخلص ..

اخذة وصعد..

احساس صعب وبالي يم سماح

شلون اتحملت واني اخذت منها قائد

وله هو شلون اتحمل ..

ربي ليش اني داضوك كل وجع ليش..

اشتغل واشيل الهوسة من لمطبخ ..

طلعت ..الميز برة

كعدت

واجلف الكاع..بسيم ..

وايهم  يلعب بلمي ..

عطت بي ..

اكعد..

وضربته ع ايدة

صرخ  بابا بابا اوا ..

الححيه ..هدت بيه استهدي برحمانج

تمارا قتيبه الكل حجه عليه

ممنوع اضربه لو اطخه ..

اسمع همام يصيح

يول ..شبي ..ايهم ..

كالوله مابي شي يلعب ..

وراها سد بابه ..

بين الرزاله والتجرجر

لمحت تليفون همام

اخذته ودخلت للغرفة..وقفلت الباب ..

ايدي ترجف ابحث بالاسماء

ام جراح

اي ادك لازم احجي وياها

راح اموت واني افكر بي وبيها

الدكة عبالك اسمعها بكلبي خايفة

وما اعرف شحجي

الو الو خير شرايد مني همام

والله لو مو كرابتي ارزلك كاافي بعد

مأخذت غير حقي وحقي اطفالي

وسدتة

اني لساني انخرس ..

قويت نفسي ورجعت دكيت

الو شطلعت وياك شكو

الو ام جراح

اي منو انتي تفضلي

اني ام ايهم

هااا خير عيني شرايدة مني بعد

اخذتي حبيبي ورجلي وابو بيتي ونيمتي لكبور شتريدين بعد

عفية اسمعيني

اني اسفة والله مو قصدي اسوي هيج لو يرجع بيه الوكت ما اخذة منج

بعديش حبيبتي وشيفيد الندم يرجع الراحوا

الله يخليج سامحني بجيت

سكتت

كالت همام اتزوج مو

اي

اليوم

اي اليوم

حستي وضكتي الي ضكتة

بجيت مجاوبت

وسمعتها بجت

كالت تعرفين شنو قاهرني

اكثر من الي عشتي هسة.او الي عشته اني

شنو

قائد مرتاح ولا تنهى لا وياج ولا يمي ..

غصيت ..

هسة شرايدة مني قمر

تسامحني وبس

لا بعدة كلبي مجروح

وجرحي جديد وكل يوم يندار بي ملح

ولو مو انتي السبب

قائد هو السبب دمر عائلتي ودمر عائلتة ودمر همام الي جان يحبج ما اعرف شلون كدر يأخذج وحتى انتي اتدمرتي قمر

سامحني ام جراح حتى ارتاح

مهما يكون ابني و ولدج اخوان مهمايكون

  الحجية تحبج والله ومشتافة لجراح

تعالي والله متهمني فلوس ولا املاك

تعالي وسامحني

الله كريم ام أيهم

اسمعها منج وبجيت

سامحتج قمر ربي يريح بالج وبجت وسدتة..

اووف ربي ..

سمعت صوت الحجية تصيح على أيهم

طلعت شبي يمة

شوفي الا يصعد فوك

والا ضربي هليتيم ..عاند

حجيه ..

لا حجيه ولا يوم ماينضرب

اي ..كتلها

يراد انحط باب خشب

علىالدرج هاي مو حالة

صاير وكح وحرك ومتعلق بهمام

كام يصرخ هواي مدلل ايهم

اسمعت لباب انفتح وهمام يصيح شبي ايهم

وايهم يصيح يابه

منهو وياك يابعد يابه وعشيرتو وهلو كلهم ..

صعدت

جريتة قوي

دمشي شلعت كلبي

اكفي جيبي ليش ديبجي

يريد يصعد فوك

خلي يصعد ..

مدت راسها من الغرفه ..منار

مثل راس القلق ..

ميصير يصعد ..

وانتي شبيج تبجين

مو عليك لتخاف خابرت

ام جراح واتذكرت قائد

ليش خابرتي منين

من تليفونك ناسي على الميز بالمطبخ

لحظة اجيبة رجعت للغرفة

وسمعت صوت الحجية تحجي بعصبية

عيب بنتي هذا ميجوز

طلعت بسرعة شفت

منار لابسة ثوب خفيف

ويع شلون جسم شكد حاقدة عليك همام شلون تتقرب الهاي

انطيتة لتليفون ودخلت للغرفة

اسمعها تكول

مو جنا نريد نغسل و هو نزل

اسكتي بنتي عيب هلكلام شنو ممعلمتج امج الاصوال

دخلت للغرفة الحجيه

صعدت منار وهمام شال أيهم وصعد

ناار وتسعر من اسمعها

تعب ومرض بية عقوبة ما اعرف اليا جريمة..

سديت بابي ..وكعدت بغرفتي

كمت ع المرايا ..

شبيج قمر ..

نارج مبردت ..ابد

قائد نسيتي ..

لا ..

لعد شبيج ..

لبسي اليوم يجيج

ارجع اكول لا تعافيت اني مارجع للوهم

لا يجيج بس لبسي وتعطري مشتاق الج

لا قمر لا

هيج عقلي يحجي مدري اني مخبله ..

اخذت علاج

و

اخذت ..كحله وحطيت ..

وشفتي الي مطكعه ازرك خليت حمرا

وفتحت الكنتور ..

طلعت ..ثوب ..ربع ردن ..لونه وىدي فاتح

لبسته ..وخليت عطر ..

ابتسمت ..

اي اني هم انثى ..مو اله رجال لروحي هاي

شغلت تلفزيون

بعد مانكضت تعب ..

ومددت اباوع 

ورة نص ساعةاكثر 

نفتح لباب همام  وشايل ايهم نايم

وجه بي لمع ..ترتر

استغفر الله ..ربي مائحه وتلمع هنوب

ذبه يمي ..

الطكع بلركبه اكثر ..

عزة بعينج من مرة ..

ما اعرف اول مرة اكره همام هيج ..

درت وجهي على التلفزيون

كعد يمي

كلي اشكرج على وكفاتج وياية

بهدوء ..

العفو تستاهل كل خير ما انسى

الي سويتة الية

بس المن مكيجه ..

هيج لحالي ..

هاااا..

اني زوجج ترى بعدني هذا الطلاك

باطل جنت عصبي ومو بوعيي

همام لا تخاف مازوج

سمعت كلمه منج ..

اي ..

صدك ..

هزيت راسي اي ..

غمض عينه ..كال ..

انفتحت الباب

اباوع منار ..واكفه ..

لابسه دشداشه ..لونها فيرزي ..

واخضر فوك عينها وحمرة حمرة

ابتسمت نص سنونها حمرة ..

كالت مو دانتظرك اخااف انام ..

باوعت عليه واشرت اله توخاف تونام

روح عيني ..

وكف وكفت بظهرة

كلي تصبحون ع خير ..

طلع واحسة طلع من حياتي

صار لغيري

ابالي وكفتها ورة ظهره

صار سندها

واني سندي هذا من يكبر والحجية

بعد ما أمن برجال لا الي حبيتة

وحبني بقى ولا هذا وفى

خل اعيش شلون متصير...

ردت انام مكدرت الوب..

واتكلب ..

اخذت حاسبه وفتحتها ..

واباوع ع الصور ..

ودخلت للايت سي ..

اسماء..غرف ..

ادخل من وحدة واطلع ..

هيج ومفتهمت شي ..

تاليها طكت روحي ..

طلعت .منها وسديتها ..

لميت الممات ..

وطلعت داغسلها..

اسمع صوت اطكطك..

بلمطبخ ..

فتحت الضوة ..همام

يجر من جوة القنفه علاكه

ركضت ..

جريتها منه ..

شبيج جيبي ..

خليتها ورة ظهري ..

مانطبك نفس السم لا همام لا

جيبي داكولج

لتخليني اضربج ..

عادي

اضرب مانطيك ..

اششش لا احد يسمع جيبي ..

وكفت بظهري الكاونتر ..

جر ايدي جيبي ..

اخ ايدي ..

جرها هاي شنو ..

احتركت ..

خرب ..بهلج بيش ..

لا اسب اهلي ..

عمي هلي مو هلج بيش احتركتي

بلطباخ ..

طاير لحمج

اي عادي ..

جيبي عاد ..

جرهن مني ..

لزمته همام لخاطر ايهم بطل ..

كال ..

هي كلها غلط بقت ع هاي ..

هو انا خسران من كاعي

بس اليوم عرسك ..

ضحك ..كال بلمبارك لعد

ليش الميت هم ينزف ..

دقيقتين ..ومنار فوك راسنه ..

هيمو ..وينك ..

بكلبي عوذة منج ..شنو مجلبه بي ..

كلها جاي جاي ..

ثاني يوم يمنه ..واسوي اني الريوك

والغدة والعشا ويصعد فوك ..

وكلما ..افوت بلممر ..اسمع .صوتها العالي ..

وضحكها ..

واكول اسكت ..ماريد اسوي مشاكل ..

ورة اسبوع طلع لشغله ..

نزلت يمي ..

قمر ..

نعم ..

اكولج شي لا زعلين

كولي ..

ايهم

شبي ..

تحجي وتتموع

تعرفين احنه عرسان ..وهمام مجلب بيه

موتني ..و يحبني

اوكفي اوكفي

دتححيلي موتج لو ع ايهم

هااا..

اي مو يصعد ..ويسلب راحتنه ..

افتهمتج ..

لا زعلين بس عرسان ..

وراحت ..

شمرت وراها قبق مال جاي ..

كبر  عود موتها و مكطعها هو انتي مكطعه من كاعج ..

كبور ..

العصر اجه همام

ركض عليه ايهم ..

جايب اله جيس حلويات

اجاني ايهم يكولي اني وياج ماما

اي حبيبي بس منروح يم بابا عيب

خزرني .مثل ابو و همام ..

مااا الوح ..

لا حبي عيب بابا ينام

ماااا اروح

ضل يبجي ويدك برجله ..

بين ماسبح همام ..

حضرت الصينيه ..مال غدة ..

اجاني كال ..

شنو هم عليج الغدة

درت وجهي

كتله ..

مو ..

وسكتت احجي شنو مو .

لا هيج بس واجبي ..

لا مو واجبج بعد هي تسوي لكمة

صاح منار ..

مناااار..

نزلت

هلا بقلبي وبوسته ..

كلها شمسوية اكل

كالت هااا..

مو العروسه مو زين تطبخ الا ورة شهر

اوف ايبااااة من شوكت هاي

والله هيج كل خواتي ..

لا ماكو هيج

من باجر شغل عليج وعليها وطبخ

هيموو بس اني ..

طبت الحجيه لا هيمو ولا نيمو يمه

شنهو هاي عجل بس نايمه ..

ضاجت وعافتنه وصعدت ..

همام اترفز

لزمته اوكف ..بلهدواة مو ضرب ..

قمر

اي بلهداوة ..

لا يابة شسوي الها ..

حجيه كالتله نيموو عكيفك

ضحك ..وراحت

كلي قمر

شفتج ليش زركه ..

مابيها شي

عبالك معضوضه ...

شبيك همام وخر مني

دحكي عليه

جرني  منا ومنا يباوع على ركبتي

وجر الدشداشة يباوع على صدري

شبيك همام تخبلت

لا اريد اعرف شبيها شفتج

شنو بالك همام انت صدك متستحي صاير

لا والله مو قصدي شي شبيج بس اخاف دتأذين نفسج

جنت مخبلة وهسة طبت مابي شي خاف على روحك وعلى وصلة المسح

همام انت جوة

بت الوصخ ابذكرها تجي

شنو شكلتي

لا عيني مكلت شي دا اكول الخاتون دتصيحك

نزلت لابسة جلد النمر دلع وبس صافنة على لمع بوجها

والله يا الله منو كلها هذا يخفي عيوب هو يظهرهن بالزايد

اشو هنا كاعد تأكل متكول هاي جوعانة تنتظرك

بكيفي وين اريد اكل اكل

غلست

عفية قمر شنو مسوية اكل

مثل مدشوفين فاصوليا وتمن وخضرا وزلاطه

لا صدك اووووع ما احبها ابدا

لا والله هههههههه يلوك لام شلوك لبس الدندشة

شنو

لا دا اكول ما ادري ليش مطبختي النفسج

اووف همام هسة شلون روح جيبلي كباب شي

ما اروح ..وياكل

اني كتلة

ليش روح جيب من هذا المطعم الي جيبلي منه لج منار يسوي كص تحفة وهمركبر مو طبيعي

وبكلبي اكول اني اعلمج الا اموت قهر وجة البومة لارملة وتبحي على راتب التقاعد

كالت

لا ما احب ريحة الثوم ما اريد همبركر

انهجم بيت البامية

هااا

دا اكولج لعد شتحطون بالبامية انتو

همام يأكل ويضحك..

بس مردت يفكر اني اضوج منها لخاطرة

لا همام ماغثك اكول وي روحي

بس هيج نماذج هي بأسفل المجتمع وتتعقيل على كلشي اكرهها

ميعجبها العجب ..صرصر البلوع

وهسة شنو ابقى جوعانة

كتلها حبي

اكو لحم مثروم سوي مخلمة واكلي.

لا ما اكدر تعبانة كووم عفية همام

شنو من كل عقلج والله ما اطلع روحي اكلي جبن وجاي

افففففف صدك هيج همام زاعلتك

لا والله دروحي حبابة

اي عفية كبال هنا شي  عليه وفوك توسل بيه

ذب الخاشوكه

وتالي وياج انتي

مو همام ليتوسل

بمرة لتنعثلين

جرت خدودة اموت عليك

كتلهم

عيني بلا مشاكل يمي اني الي بيه مكفني

روحوا فوك رجاءا

صعدها فوك

وهي تتنعوص اني اعلمك همام

امشي امشي خوفتني بجلد النمر .

ما اعرف من اسمعهم اضحك ابجي اللطم

الله يسعدك

ايهم احاول امنعة منهم بس ميفيد ويا

وهو همام يشلة ويصعد

اما منار بقت

يوميه تكعدت نعسانة

ما اعرف اسوي هاي المركة

ويومية حجة شكل

هوواي تتعيقل وتأذي واني استمتعت بسواللفها التعبانة وحججها...

واخدم وماكول شي ...عمر السغل ميموت بلعكس

يتعبني حتى انام .

وبليل اسمع صوت طكه العلاكه الشرب ...

وانتبه همام يشكي من معدته ورجع وجهه اصفر

ونفسه تلعب والاكل ياذي

كل يوم واشوفة جايب علاكة سودة اعرفها مال سموم مالتة

وتالي وياك همام الا تموت وتموتني

مرة مرتين بعد متحملت

ديصعد بليل وجريتها منا

كاافي عاد همام شنو بيها

معليج انتي قمر

رجعنا ولك راح تموت محد يخسرك غير شبابك وايهم

لك زواج وتزوجت تريد تزوج بعد اتزوج

تضربني تريد  اطلع من البيت لك كااافي تنتحر بهذا

جريت ايدة ابوسها لايدك عوفها

تريدين ارتاح قمر

تقرب مني ..صار ظهري ع المحجر

رجعت

اي

راحتي يمج وصل يم وجهي قريب

جرني من خصري،

همام وخر

قرب شفته

باسني واحس جسمي كله  تخدر

ما اعرف بس حسيت

كلبي نزل برجلي وراسي افتر دخت

عبالك اول مرة  بحياتي يبوسني

يمكن نمت

سمعت صوت منار  من فووك

حلوووووو استاذ همام

وللحكايه بقيه

شوفوا النهايه شكد بيها تفاصيل

بس لا ضغطون عليه براحتي اكتبلكم

😊

#سوزان المندلاوي

اهلا استاذ نورت ...

كوة فتحت عيوني ..

اسمعها تكول ..

شنو هاي همام شعندك

هنا وشدسوي

كلماتها كفختني من عالم الاحلام لوجهها كبل رفعت راسي ..

كتلها ..

هااا ماكو شي منار اني

صحتلة اريد اخذ السم من ايدة

دار وجهة عليها

وجرني من جتفي وحضني بايدة ..

وانتي شنو يول

بكيفي شسوي اسوي

وكامت تنزل من الدرج

شلوووون عيوني

اي مثل ما سمعتي

هاي مرتي حالها حالج

بس انت كلت على الورق وبس

ورق اقلام بكيفي

وامشي اصعدي فوك اليوم انام جوة

عفتة وصعدت عليها

ترى هو شارب منار ميعرف

شديحجي والله ماكو شي

بيني وبينا دا اخذ الجيس منه

والله الدكتور كال يموت

اذا اتزقنب هذا السم بعد

لا عوفيني ما ابقى اخابر أمي تجي ..

تاخذني ..كله صار كم يوم وعروس

ويعوفني ..

كام يضحك بصوت عالي

كاعد على الدرج

كال محد يصدك

منار تصدكين ما عندي شي وية قمر

صحت عليه من فوك

كاافي عاد همام شنو هلكلام

كام يغني ودخل للربعة

بقيت احجي وياها

والله مثل اخواتي هو وقتيبة

وهي تتعيقل وتبجي

لا لا اطلع ..شفته شابكج ..

ماعرف شيسوي وياج هذا حظي ..

وبداخلي اكول مو حبا بيج

بس ما اعيد الغلط وية قائد

كتلها

من زمان همام يشرب

ويكوم يخربط انتي احتوي احجي ويا

هو يتذكر امة عافتهم صغار

وينقهر على قائد

خربطتها عليها احسها اقتنعت ونزلت

شفتة نايم جريت الجيس من يمة

وغطيتة جر ايدي

صدك ماكو شي بيني وبيج قمر

وخر همام كاافي لتنزل منار

لج قندرة عليها بس كولي

همام ما اريد مشاكل انت شارب باجر نحجي

بس اوكفي اكلج شي

شنو كول بسرعة

طلعت منار صدك ماسحة

ههههه لك نام كافي عاد

دخلت لغرفتي

ما اعرف افرح لو ابجي

اي اريد همام بس ما اريد عيشة سماح

كاافي مرة غلطت

وهمام هم غلط ومصبر عليه

نمت وكعدت على صوت تمارا

ليش همام نايم هنا

الحجية تكلها وين نايم

والله نايم هنا بلربعة

طلعت عليهم

جان شارب عوفوا نايم

تمارا كالت

هم رجع مو كلنا لازم يبطل شرب شبي

زواج ومتزوجت اثنين فلوس وعندة خير من الله

غير نعرف هذا السم ليش يتزقنبة

كعدوا بالمطبخ

حضرت الريوك ونسولف

تمارا تغيرت هواي وياية وصارت اهدئ واحسن

نزلت منار

وكالت

هاااا قمر اروح اخذ همام لو بعدج تريدين منه شي

شبيج منار

تمار ا

هاي شتخربط عيني رجلج نايم بلربعة

تمارا بدت تجاوبها اني ساكتة

شتاخذ عيني ..

دخل همام للمطبخ

شكوو من صباحيات الله صياح

منار

شفتهم هيمة شلون هجمن عليه

تمارا صاحت

ولج انتي والله عيارة ومتستحين

كاااافي راسي راح ينفجر

صعدي منار فوك هسة اجيج وراج

مباوع بوجهي اصلا

وتالي وياج قمر حتى ابداخلج متكدرين تفرحين كل ساعة بشكل

تمارا من صعدوا كامت تحجي على منار

ماكو هيج وحدة هاي مفتحة ولوتية تعالي وياية

جرتني للغرفة

شبيج تمارا

ليش حجت عليج هاي العايقة

هااا ما ادري والله

احجي ولج شبي همام

لبارحة من جان شارب كلها قمر حالها حالج يوم انام جوة ويوم فوك

صدك عفية عليا

لج شبيج تمارا مستحيل

ليش انتي مو مرة

وبعدين شنو هللبس والشكل اليوم تمشين وياية للصالون والسوك

لا تمارا ما اكدر

اسمعني ولج هذا الكلام يحرك كلبي اكثر منج انت جنتي مرة الغالي بس هاي ما اخليها تتهنئ بهمام هذا هم اخوية ولخاطر ابن اخوية هم

واذا انتي عوبة اني اعلمج

امشي اطلعي هسة كملي شغلج بسرعة حتى نروح

وين ولج

معليج انتي

اخاف همام ميقبل

ليش عيني مو يومية مرتة مصخمة وجهها وطالعة

اي صدك

يلة اتحركي بسرعة

كملت شغلي

وطلعنا الظهرية

بعدنا اباب المطبخ ودخل همام

وين وين

تمارا

وين عيني للسوك لو حرام

لا شعدكم كلشي دا اجيب

لا عيني اكو اشياء لازم نسوان تجيبها اسئل منار هي اعرف

طبعا ولا حجة وياية بس يباوع عليه من فوك ليجوة

طلعنا اول للصالون

وسوت شعري اسود

وحفيت وتنظيف بشرة

طلعت مو اني

ورحنا للسوك

كلما الزم حاجة تشمرها

شنو انتي تشترين لامي لو الج

لو بس اعرف شلون كدرتي تجرجرين قائد بهذا غباءج

اخذتلي تراكات

ولج مالبس اني عيب

ليش بلة قتيبة وماكو بالبيت

وملابس داخلية ومكياج حتى صبغ اظافر

عبالك جهاز عروس اخذت

اني صافنة بالتكسي

صاحت شبيج متكليلي

تمارا ما اكدر اخذة من مرتة احنا اتقفنا على الورق اني متندمة على الي سويتة وية سماح

لتأخذي قمر البسي الج النفسج مو الة لرجال

واريد تحركين كلب هاي العكربة

هههههه يعني مو حب بيه

لا ولج عصفورين بحجر ..

وصلنا للبيت ..

مثل الجهال طبيت ..

كدرت قطعه قطعه ..

وجنت افرح من البس..

واحس نفسي ضاعت من سنين بكدر وهم وحزن ..

هناك وهوى بارد ..يمر بيه..

اذكر الي فنيت عمري عليه ..

ومعشت ويا بس اشهر ..

ارد انتكس ..

هناك واصحى ع صوت ايهم واعرف الحياه اخذت وانطت اليه اشياء ..

لميت غراضي بلكنتور وعدلتهن ..

وطبيت

غسلت..بس فرحانه حييل ..

عبالك عندي عيد ..

ماعرف شنو الي بداخلي ماينوصف ..

كملت .. ولبست ملابس جديدة

طلعت يبست شعري ..

ومشطته ..اي عيشي ..مو وحدج الكل وياج

وعايش ..عيشي ..

خليت مكياج خفيف

احس نفسيتي تغيرت

مو الا لهمام ليش اربط حياتي برجال

بس ليش لازم اكسر روحي

بس هاي الشغلات سوتلي مشاكل

اكثر من الفوايد..

العصر طلعت ..

الحجيه صلت ع النبي شنو هاي

شنو ..هلجمال وتغمز هاي كلها لنيمو ..

صفنت عليها يانيمو ..يمه ..

حجية شلج بهل سالفه ..

بس عجبني اغير ..

كعدت وسويت جاي ..وكعك ..ولتمينه

العصر ..

احس اريد اسولف واضحك ..

واشاقه نزلت منار ..

يمنا ..

وكفت يم الثلاجه وطبت ..

جان ايهم بحضني،..

كالت ..ماجه هيمو

الحجيه كالت لا والله نيمو ياتاخر ..

هووف مليت وحدي ..

كعدت ع التخم

الحجيه كالت نزلي يمنا ..مو الا نيمو موجود

سكتت.

وراها كالت ..

هاي شنو قمر ..شمسويه بروحج

خوش تغيرات رجلي خضرة عليج

لا حبي ..من زمان هيج اني

بس محلو شعرج ..

اي اعرف محلو بس عاجبني ..

ايه ..جيبي ماسحه اكو وسخ هنا

وينه عمه ..

كلت لا جيبين ماسحه وموجودة

هي ولا يمها تلعب بشهرها

معطبته تعطب بشعر الاصفر ..

وفوك العين ازرك ..ولابسه ..تراك اسود وازرك

يعني مادري .شجاه همام وشنو بيها

رجعت اووف مشتاقتله ..لهيمو ..

حجيه كالت كمرة واسمها عليها

الله تفنن بخلقها ..

عافتنه وكامت طك بشحاطتها

رفعت ايدي كون تتسكرب من فوك الدرج

وميبقى بيها عضمه صاحيه

الحجيه كالت يمه ..

دتقربن الفاتحه للموته مو

هاا اي يومه اقرا..

وضحكت

قبل الغروب دخل همام

محمل علاليك ..ركضت عليه ايه

اخذت منه

كمت اني

الله يساعدك

هلا ..

اخذت منه وبديت اصفي بيهم واغسل واكتر ع جهه

كعد كال يمه نكضت ..

مالي حيل بعد

اسم الله يوم شجره الك ..

ماكو بس متعوب وتعبان من روحي

اسم الله ع رويحتك الحلوة يايمه

اني دايرة راسي

كلت من علاليك الليل ..

جاوب بحديه  انتي مالج شغل ..

شبيك ياعلاليك ..

انداريت ..رحع يشرب ..

ليش يمه تشرب اني مو كتلج معليج انتي ..

لا تحجين شي

اي معليه صح بس انت ابو ابني لا تنسى

وايهم متعلق بيك ..

مالج شغل عساني متت

يمه شبيك فارة وبزون ..

وضلت تحجي .

حجيت كلمتين كلي انجبي ..انتي ..

سكتت

وهاي شمسويه بوجهج وشعرج ..

المن ..مسويه لو تردين تنهزمين ..

شمرت ..الطاسه بايدي ..

كتله لهنا وكافي لو اريد من زمان ازوج مانتظرك

ولا اخاف من احد

ع صوتنه جتي منار ..

ها حبيبي شبيك ..

ماكو شي ..معليح انتي ..

هاي شنو شبيك ..

منو غثك وكلبك عليه ..

اسكتي منار ..وولي منا ..

يمه شبيك طاب هايج علينا ..شجرة الك

عافها وصعد

شويه ونزلت منار ادور حبوب معدته ..

وكالت كله من وراج ..

خزرتها ..

وسكتت لان حلفت بعد اسكت وماحجي ..

وماطي احد

بس صارت سولتي اعض بشفتي لحد مانتبهه

عليها بيها دم ..

كلش انقهرت الي يشوفه بليل مو نفسه

بنهار

بليل نزل يدور عشا

بس خاطري مكسور منه وايهم يون عليه

طكت روحي ..

كلش وميصير الزمه لو احاجي ابد ..

صدك ضغط عليه من كل مكان ..

وكف يمي جوعان

جنت اغسل بلكاونتر

جيت اكوله الماسحه شبيها مسويلك اكل

تاليها سكتت..

طلعت لحم هسة احمسه

وضل يلاعب ايهم

وكاعد يمي ..

تقرب مني ..

شفتج هم زركه ومكياج وصبغ ..

شنو الي صار وياج

همام رجاءا ..لا تحجي شي يجرح

اعصابج ..

كمت سويت الاكل ..

واحس نفسي خدامه بس

يعني لساني هم جان ارحم اخذ بي حقي

بس بعد ماكدر احجي شي كمت اخاف من كل شي

هناك ونزلت وطك بشحاطتها

هيمو ..

كال اوف يالله بصوت ناصي

نعم ..

باجر اروح وي اهلي لسوك ..

شكو

اشتري غراض .

روحي

انقهرت شمعنه اني ليش وشكو ومنو

وهسة ساكت الها ..

بقيت احمس بللحم واحضر عشا

وكعدت بصفه ..

وتضربه وتكرصه

لو تعضة ..

يعني حركات مزعجه كلش ..

وهو ..يلاعب ايهم ..

والحجيه مكترة روحها بغرفتها

دك فوني ..

اخويه ..احمد ..

كتلها عينج ع الجاي

وطلعت برة ..

الو هلو احمد شلونك ..

هلو قمورة شخبارج ابنج شلونه 

تمام ..

احمد بين فترة وفترة يخابر ويدز مصرف

و يتوسل اسافر بس اخاف ياخذون ايهم مني ..

ضليت احجي ويا ختمته

احس احد ورايه

درت وجهي ..

همام

ابنج يبجي ..

اي ..

جر الفون مني وضل يكلب بي

منو احمد

اخويه شبيك ..

جريت الفون منه ..وطبيت

كملت العشا ..

وسويتلي لفه ورحت

يخلصون الروح هم ماسحه وملكلكه ..

طبيت لغرفتي..

بدلت هدومي ..

ونومت ايهم ..

وسهرت مثل كل يوم وحدي

اكلب افلام

جانت قناه توب موفيز كلها رعب

وجديدة ومكابلتها وكاعدة

اكرز خب واباوع

صارت فوك ال1

اشوف الباب انفتحت

طب همام ..

سكتت..

ذب روخه يمي

ريحته شرب ..

كال انتي حكي ..وهذا حك يمج يوم ويمها

يوم اليوم يمج خوووش ..

يلا تعاي نامي ..

شنام .

جر ايدي حيل ..

ولك شبيك ..

تعااي .

لا اكسرج ..

جرني ..وحضني..وخله ع رجله  ع رجلي

ايييي تعبان اريد انام ..

احبج ..

احبج ..

وشمني ..ويبوس بركبتي ..

يمه احس روحي تروح ..

احبج ..قمر ..

اوووف ...

ونام ..

خنكني ..لا اكدر اتحرك ولا شي

وريحه الشرب عبالك سبرتو ..خنكتني

ضجت منها

اجر روحي يسوي شششش ويجرني ..

تاليها ع دفو حضنه ..

دخت ونمت ..

حس الصبح نايمه بحضنه..

حتى هدومي صاعدة ..

عدلت روحي

فز كام ...

شجابني هنا ..

انت جيت ..

وشصار ..

مصار شي،..لا تخاف ..

كام بطلي سوالف الفون نص الليالي

والمكياج والعطور ..

ترة اعرف كل سوالفج ..كلهن .

وساكت ..

روح همام لمنار الماسحه ..

الحظ للزرك خوما الي روح الله يسامحك

ع كلامك هذا ..

عافني وطلع

همام صار شكاك ومريض

كل شوية يفوت للغرفة يجر التليفون

واني احجي وية انهار

حتى بلحمام يدك الباب عليه .

طلعي ابنج يبجي

اطلع ماكو شي .

حتى الطرمة هم خلة بيها قمرية

المكان الوحيد الي اتنفس بي سدة عليه

همام من يشرب شي،

وبنهار شي ..

عدوة اله ..وميتحملني ابد ويغثني .

بهاي الفترة حلويت اكثر وبديت اسمن

انامو هواية

احسب حساب الشهريه فاتت.

بس اخاف احلل

ياربي هي مرة وحدة صارت

معقوله حامل من همام

ياربي شلون

بس انام واشهى اكل

خوب ريحه الجكارة ادوخ عليهار

بس سكتت..ومحجيت

ومنار صارت تشد وياية من تشوفين

اهتم بنفسي

ومرة ايهن نزل من يمها يبجي

وخدة احمر يمكن ضاربته بس مردت تصير مشاكل

سكتت

ابالها اريد اخطف همام

منها متدري هو جان الية

وقدمتة الها على طبق من ذهب

يوميا ترادد وصوتها عالي

ومرات تعاند من انام اني

والحجية تعلك المكناسة

الكهربائية لو التلفزيون

كل فترة شكل واحنا ساكتين

ومتحملين

لخاطر همام الي مترك الشرب يوميا يشرب وبدة يتعب

من يجي شارب

يوميه يجي ينام يمي بليل

بس منار متحجي شي ..

ويضل يمي للصبح .

اني هم كمت مانام اذا ماكو

جنت اسمع كلام مسامعتة ابد

يتغزل ..

واحس بي مو هو الي يحبني هاي روحه

الي تحجي ..

يضل اكثر شي ربع ساعه وينام ..

بس تعب حيل حتى من يشرب ينتهي

ميركز بعد ..

وبيوم اجة كلش طينة

اني بالمطبخ اعزل الثلاجة على نومة ايهم

دخل

كاعدة قمورة

مجاوبت عرفت بي سكران

اجة قريب مني

قمر وتالي وياج

انت وتالي همام كافي شرب تريد تموت انت

اي يا ريت لو ميت بمكان قائد جان شكد ارتاحيت

بس قمور لو قائد موجود جان اتحملتج بكدي

تعرفين اني اخاف حتى اتقرب عليج وانتي من حقي

اخاف أذيج بس من دماغي يسكر اريدج

كاافي همام وخر لتلزك بيه لتجي مرتك

لج يا مرة بعد عينج متحلي بعيني مرة

وتعالي انتي

محلوة هواي ترى هذا عذاب فوك لعذاب

لا محلوة ولا بطيخ

قمر لتكولين راح انكضي العمر هيج

شلون هيج

هيج احبج وما احصلج

وانتي تريدني بس من ورة منار

وقبلها قائد وبعد مااعرف شنو

اجة يمي

قمر تعالي نأخذ أيهم وننهزم

اريد اخذج لغير دنيا

ضحكت شننهزم ..

ادري بي شارب ..

بس اخاف اكوله شارب لا يضربني ..

وين ننهزم ومن منو ننهزم

من الكل

امشي وياية

وين

نروح ..

ما اعرف همام هذا اختياري

واختيارك لهنا وصلنا

خليني اعيش وياج لحظات

والله مو اكثر بس اخذ جرعة

شلون الي بي سرطان ويأخذ جرع

هسة احس بدة يأكل جسمي اريد جرعة

شتريد همام 

ارديج انتي

شلون يعني ما اكدر ما اتقبل

تروح يم غيري وتجي يمي

انجبرت قبل هسة لا همام

ما اتحمل لان  احبك

وما ارضى بشريك

انطيك كلك وما اريد اخذ من حصة غيري

لج يا حصص قمور انطني

بوسة بس شمة حضن لج داموت

يولو بوسسسه

تقربت عليه بخوف

اخاف منه احس بي مثل الاسد المجروح

خليت راسة على صدرة

وكتلة اسفة همام

شال راسة وقربني مني

رجع راسي تبنج

وكف وجسمي رجف بين ايدة

خلة راسة على ركبتي ويشمها

وكام يبجي

قائد جان يكول قمر الجنة مالتي

واني احسج النار

اي قمر انتي جهنم همام

مستحيل ليحب يعيش بجنة

العاشك من صدك دوم محروك

حسيت اكو صوت

بالممر كمت بسرعة من يمة

ودخلت منار هاااا هم سكران

مجاوب واني كلبي

وجسمي يرجف مااعرف

من الخوف لو من شنو

كامت تصيح وتالي وياك انت

ليش مرجعت مو كتلك اليوم عيد ميلاد توتة بت اخوية

انت شنو اووووي

كتلها مو هيج منار دشوفي تعبان

شبي تعبان من شنو

جان يمه نفاضه شمرها عليها

شفتها راح تخربط عفتهم

طلعت للغرفة وهي بعدها تنك وتحجي وتجر بالحجاية

بس هو ميجاوبها

وراها زادت بالصياح

الحجية فزت

وتالي شلون وية

كلتلها الحجية

..

صح هي يومية تصيح ومشاكلهم مبطلت

بس هايالمرة صوتها عالي 

صعدت اركض والحجية خطية صعدت زحوف وراية

شبيكم بهل الليل العالم راح تلتم

باوعت عليه دفعني معليج انتي

اليوم اجنزها هنا

وهي تكولة خابرت امي واخوية

اليوم انعل صفحة امج على اخوج

والحجية صعدت وهي دائما كلامها طيب

يمة عيب ميصير هيج يوميا هوسة وصياح

همام يروح ويجي يريد يضربها

وهي وراية ما اخلي وجها مروم ضرب

ويصيح

لكم هاي حقيرة وناقصة

عاطت مثل تربيه قمر

ماحس الا ونام عليها

ماشوف شي بس صريخ

وللحكايه بقيه

مسائكم ياس 🌱

حسيتة نام عليها

وهي تصرخ

والحجيه ادفع بي

وهمام يصرخ

صرت بوجهه وخر عنها حرام عليك

ليش كسرت بختها ..

دفعني ورجع يضربها

نمت عليها

ضربني ضربتين حسيت روحي شاغت للسما

اريد اكوم اختنكت

بقيت بمكاني

جرني

اريدهوى الضربة ع ظهري ورجلي

هدئ ..

وخر عنها مثل اسد وهاج ..

هي مكفشه ..

اصوات هوايه يمي

اني كعدت ع الجرباية

كتله كافي ..همام ..

اسكتي انتي متعرفيها لهاي

ثواني ورجعت تلعلع

الا اخلي اخوتي ..وتفشر عليه

عيوني صارت بلحق

لزمتها من حلكها اسكتي

كالت

كلها من وراج انتي ميت عليج

ليش ازوجتني اذا تحبها ليش

قهرتني

بوستها كافي لخاطر الله

تنك وتحجي وتجر بالحجاية

والحجية صعدت وهي دائما كلامها طيب

يمة عيب ميصير هيج يوميا هوسة وصياح

همام يروح ويجي يريد

يضربها وهي وراية ما اخلي وجها مروم ضرب

ويصيح

لكم هاي حقيرة وناقصة تربية

لج يممة وصخة وبس تعرف خطاط وحمار وكلت تتعلم

اطفال ما اريد اخاف يخرب جسمي كلت ممستعجل أيهم عندي بالدنيا تغار منه

اكل خو هاي ماكو انلغت

طلعة وفرفرة ويومية اختي تريد هيج واني هيج

وامها تكول من حقها تطلع مرتين بالاسبوع

وسكتت كلت تمل

بس لهنا وكافي

شنو بعد اصاار

اندكت لباب قوي انهجمت

كالت اجوي اهلي الا يطيحون حظك

لج حظ منو يا ساقطة

جرني حيل وملخه

دخلوا اثنين اخوتها يمكن

. دفعوا

وضاربو وصارت بس عياط

كمت اكمز

مدري شلون طبو العالم ..علينه

وفاككوهم الولد

وجروها من بين ايدة

وامها ما شالله نفس صوت بتها لصياح وصل لسابع جار

وكلهم تحملتها لبتكم بكلشي وممديت ايدي عليها بس توصل من انام تكعد تراسل كروبات لا لهنا وكافي

امها تكلة

شكو بيها يا متخلف قابل شسوت حرام لو عيب

شو هو النت ثقافه

ويعيطن ويفشرن

اني تكرت بزويه وسكتت

كال

لا حرام ولا عيب

عجل انتو والله عائلة مثقفة وشريفة

تدافعوا ودخلوا للبيت

اشوف  الجوارين يمنه كلهم

ويجرون وينزلون بيهم

وكلهم هيج زبالة ما الفي

امها جرتها ..

الا اطلكها منك ..واخليك تبوس القنادر

نزلو جوة ..

ماعرف شلون اهلها طلعو

كلمن راح لبيتة

همام بقى يكسر وعصبي

اني وين جان دماغي وأخذت هاي لساقطة

كل من وراج قمر انتي كله من وراج

..

انتي دمرتيني

وموتي قائد

انتي ..

الحجيه كاعدة ولا حجت شي

كتله ..

لا لهنا وكافي لو  جاريه جان اعتقوها

شو شايله البيت كله لان بيتي

وردت وحاولت وياك مصبرت عفتني بلبه المرض

ورحت الها وازوجت وسكتت

تجيني شارب

واسكت الليل كله تنام بحضني والصبح

تهد عليه اسكت دكافي

محد دمرك غير نفسك

ومحد دمرني غيري اني

لا الذب الوم عليه

درت ظهري شوف ظهري يمه احجي

منو تقبل منو تسكت كافي

همام الشرب طير عقلك

روح اتعالج بعد ماتحمل شي

لان احبك

واحبكم كلكم

ادوس وادوس ع نفسي بس كافي

الرحمه حلوة للبشر

كاافي

انت كسرت ركبتها وتعرف بيها مشعشعه

كال اريد اكسرج جنت

كتله لا هذا حرام

اي اطك مرة بمرة واطكم بعد

ايبااه ترنتي صرت ..علينه دكافي اصحى ع نفسك

الحجيه هنا طلعت

جرت الجهال وطلعت ..

مخابيل والله ..مخابيل راح انامن فوك ماريد اسمع صريخكم

تعاي يمه

لا يمه ولا حمه عجل موتوني

وخبلتو الوادم

هاي تصيح نيمو

وهاي تصيح سكير

كطيعه اثنينجن هو الي يخاوي نسوان شيحصل

اهمداك همام ..اكلها ..

وعافتنه

اني ضحكت ع كلامها

كعدت ..

هو هم ضحك كال اي والله امداني

راح غسل وجهه

كتله كافي مو اني والله دمرتك

كال ولا اني قمر

لعد منو

اتعبت والله ومدمر بلاياج

همام الي يحب عمرة مياذي وانت اذيتني

وانتي هم دمرتيني

والحل

نكعد كعدة عرب ونحل كل شي

شلون ..

كال

هاي منار دبارها يمي شلون سفرت مروة

شسويت بمروة

معليج انتي

وشلون ضبيت تمارة

احجي شسويت

مسويت اسكتي

لا ماسكت قبل كل شي ..

هسة نبلش وحدة وحدة

تبطل شرب اول شي

سكت ..

اي تبطل تريد تموت

اي ..

تبطل ..لو لا

لا ماكدر

خبال

عفته وكمت روحي طلعت

صعدت فوك مكسر الغرفه

كمت الم بلغراض واندب حظي وعمري

ربي شسويت جوة ايدك كولي

اذكرت شلون عصيت امي  وابويه

غضبهم عليه هذا ..ودعاء امي عليه

اباوع الساعه عدت مو مال اخابرها

بديت الم واشيل

ساعه اني الم ...

الغراض ..واصفط ..هدومها مشمرة ..

حتى المري مكسرهن

خبال همام

الله ميذب عليه بس المخابيل..

واحجي ع منار

بداخلي اكرهه من العيارة الي بيها والصلافه شون تفشر

وارجع

وانقهر كسرها

بس سالفه تحجي..بكروب مدري غرف

مادري صدك جذب هو

اني يشك بيه

امدة حظي

شلت الغراض

من اضوج اشتغل

احس جتوفي راحت

وكفت كبال المرايه رفعت هدومي

شفت اثر ضربات ثنين بين زرك وبين الحمر

فات همام بهالاثناء هاي ليش رافعه هدومج

اوكفي هذا شنو شلمحت اني

شبيك همام هم شكو مشكله جديده حرام واحد يرفع هدومه

لا موحرام بس اوكفي

خله ايده ويجر بالهدوم واني اكله شبيك ..

همام مو لهدرجه..

لج احركج واحسب الله ماخلقج شضامه عليه

والله مضامه شي شبيك 

والله ماكو شي وداعت ابني

هو يجر بالدشداشه واني اجر جان تنشك

ويشوف الطبع ع فخذي ازرك

قمر هاي منو يول

همام انت هسه مو كتلت منار لاحتني ضربتين

يولو  اني ممرتاح لتغيريج هذا والصبغ والشعر

اتريدين تزوجين مو اكيد تزوجين وتكعدي هنا

همام انت شدتخربط

هذا الشرب اكل عقلك اكل كافي تره اهج

وين ترحين المن منو عندج اي كولي عدي واحد

انت خبلتني موتتني كافي حموت بس من هيجي تسوي بيه اكرهك

تحبيني يعني

اي بس ماتحمل تشك بيه لو اريد ازوج الف واحد

للللللج منو هذا الالف اكتلج واشرب من دمج بس تفكرين انتي الي وبس والي يجي حدج اكص راسو واحسب الله ماخلقو

كافي همام حبك تعبني احرك روحي واخلص

اخذت نفس...واستغفرت الله

شارب مو ..

كال

مو هوايه

ليش تشرب 

اني يمك هم كول من وراج اشرب

لا

لعد

عجل مادري

همام الحجيه نامت فوك بغرفه قتيبه لا هنا سوينه عرس

اجه

جرني

كال لا توكفين كدامي من اعصب

لزمت لساني وسكتت

من اعصب

عوفيني ولا تراددين

انا وحدي اسكت

روح همام شارب انت

تشرب تصير  زين

تعوفه تتحول

شتحول

اسال روحك

زومبي

جرني ع الجربايه ..

همام ..اكرهه ريحه الشرب وخر ..

وصدك نفسي تلعب منه .

وخر ..

احبج .

حبني بس اكرهها ..

تلعب نفسي ..

مني تلعب نفسج ..

كمت لا من شربك ..ودمارك لنفسك ..

سرحت

ياربي خاف صدك حامل منه ليش نفسي تلعب..

شبيج ..جمدتي

هيج دافكر

بشنو ..اكو احد ابالج ..

عزة اذا حامل..واشهر هم مثل ايهم ومحد يصدك بيه منه

شسوي انتحر ..

شبسرعه احمل وليش ماحس هاي العالم حنى مغذي تشد

خاف خربطه هرمونات من القهر

وين تصفنين ..

انت ليش هيج شك بيه ..

لان ..احبج واغار ..

مو عذر هذا ..

مدد ع الجربايه ..

ويباوع ع سكف

شراح تسوي ع منار

عوفيها اربيها اني

اشفت انت .

شفتها فاتحه الحاسبه وتضحك وسولف

ويامن

وي كروب مختلط

كام دخن ..

انطيني الباكيت ..

انطيته اله ..

همام كافي عراك ..فدوة خلي نعيش مرتاحيين

صارت بينه فزة ..

والعالم تصيح علينه بيت ابو الطلايب بس يتعاركون

كافي ..

اي كافي ..

كتلج نهج بديرة بروحنه بس انتي تموتين ع سحله الروح

وين اهج وامك

ناخذها ..ونزوجها

ايي نيمو كمت اضحك

تقربت منه ..

نفخ الدخان بوجهي ..

تعودني تبطل ..شرب ونعيش بهدوء ..

مجاوب

اهووو منك

جرني لحضنه اريد انسى كلشي قمر نسيني

الي صار ويانه خلينه نعيش  حبيبتي كافي..

ليش صيرين غبيه ..

هاي اني

انتي

شفتي لازم تردين

طلعي لسانج اعضه واخلص منه

لا والله ..

اي والله

الا تحلف انت شارب ..

ليش شفافج زرك

خرب شبيك انت ..

ضحك مابيه شي ..

تعاي محتاجج عمر راح واني انتظرج ..

عقلي يكول هذا ابو ايهم اسكتي قمر استسلمي

قائد مات ..

نفس هاي الغرفه ..عشت بيها وي قائد

قمر ..

صحاني ..

هااا .

تحبيني ..

هزيت راسي اي

جر شعري عجل ليش تلوعين كلبي  حضني

استسلمت بحضن حمام

هذا هو البيت مالتي هذا ابو ابني هذا الي يكملني ..

حسيت بدفو الدنيا

حسيت حضن ابويه الي

انحرمت منه من سنين

خلص قمر هذا هو انتي تحبي ليش تكابرين استسلمت لهمام ولحبه

همام اني احبك لتخليني اتندم على حبي لتجرحني لتأذيني

  انتي روحي اكو واحد ياذي روحه

لا بنتي يااب يضر بنته ..

بس احتويني واني ماكسرلج

طلب هنا حسيت بقوه الي فقدته من زمان

تلمس شعري باطراف ايده

ليش ترجفين بردانه

لا حارة

هسه ادفيج لو اهفي الج

شكد مكروة ..

قمر صار شكد وياج كومه مو

اي ..

مرة وحدة تقربت الج ..

اي ..صح قبل كم شهر ..

اي ..

جنت مجروح وتعبان

وانتي سويتيني تجربه واقعيه ..

اسفه ..

لا تتاسفين ..بس داكولج ماكو رجال يصبر ع مرة

بس وياج مو رغبه وتروح وياج حب اذا عرفتي شنو يعني حب قبل ..

عمر العلاقه متحدد الحب بزواج احسها اجددة

وياج ماردت تجديد .بس ردت روحي وروحج يصيرن واحد

ويختلط كل شي بينه .

كلامه خجلني ومععرفت اجاوبه ..

كتله

كوم..

وين ..

لغرفتنا ..جوة

ليش ..

خاف الماسحه تطلع النه ..

مال هسه بماسحه وانومها ع راسج ..

تعال يلا .جوة

سكت قائد مو ..

لا

بس جوة مكاني .

روحي جاي وراج

كمت من يمه نزلت ..

اوف ياربي اووف ..هل مرة اذا رفضته اخسر الاول والتالي

اريدة وماريدة ..

نزلت ..جوة ..

شغلت الضوة ..

طبيت بدلت هدومي ..

انتظرت ..

ماكو ماجه ..هسه يجي ماكو

طلعت ..

صعدت فوك

شفته ع نفس نومته نايم ..وغافي

طفيت الضوة ونزلت جوة ..

طبيت للمطبخ لملمت المطبخ ..

والمواعين ..

رتبت كل شي ..

والشرب شلته ..ذبيته بلبلوع كله ..

غسلت و

طبيت للغرفه الجوة ..

قريت قران وهديتها للاموات ..

ضليت افكر بمنار

ما اعرف ليش احس نفسي ممرتاحة ومنار واهلها ميسكتون

بس كلت امشي الامور وين متوصل توصل

واذا طلعت حامل شلون

اوووف ربي

كعدت الصبح سويت الجاي ويروك الية وللحجية

هو نزل عادي

اصبلك جاي

لا مستعجل عندي شغل

تقرب مني وباسني من خدي وطلع

الحجية كالت

عفية عليك نيمو غاب القط

كلها

غيبة بلا رجعة خلصت كلبي ..

وطلع ..

بوسه ع خدي خلتني سندرلا بلبيت .

ومثل كل يوم بين البيت وايهم صارت ب11

اندك الباب انهجم

طلعت اية

وطبت وراها ام منار بعبايتها الملمعه والشال الاسود

تغلط وتعد

يا متستحون وينة الناقص الا اشتكي عليه

واخيسه بسجون  ومبطلت لسانها اطول من بتها

كتلها ام ميثم مو هيج

جنت واكفه بصف باب الحديد

دفعتني وخري يالعكربه .

طبت

الحجية

كالت

اكفي اكفي ترى صح غلط يمد ايدة عليها بس بنتج السبب

لا تعرف تحجي وية الرجال حجاية حلوة لا اكلة لا نظيفة

بس تمكيج وتفرفر

عيني بعدها صغيرة وتدلل حرام لو مو حرام كلنا ما عندة ام ولا اخت تأذيها

طلع عدها الاتعس اثنين عكارب ..

الي تريدي شنو

باوعت عليه من فوك ليجوة ..

اخذ حق بنتي ..وصعدت ..

اباع ع الححيه

كالت عوفيها ..

صعدت مثل الغول ..

وضلت ..

تحجي وتصيح من فوك تلم غراض

بتها والذهب اتخاف نبوكة

الحجية تخبلت

بوست ايديها

بس اسكتي يمة خل تولي هي تريد واحد يجاوبها حتى تحجي وتغلط البسيها

نزلت شايلة علاليك

وكالت الي اشبعي بي تبوس جوة الدرج

الحجية كالت

شكو بيها رجلها وحلالها احس من غيرها تشبع تبسبس وية الزلم توالي الليل

هي خلت وطلعت

واني والحجية صافنيين وحدة بوجه وحدة

اجة همام

سولفتلة كلشي

كلها

يممة طبها مرض هي وبتها والي يطلع وراهم..

الي يطلع منا ماله ردة لو تصير بنت ملك ..

لا تهمين روحج ..

غير كله منك يايمه ..

سكت ..

عفتهم يحجون ورحت لغرفتي ورة الغدة

بس اكل انعس مثل الحهال

بدلت وكملت لايهم ..ونومته ..

بس كام من يمي راح يم الحجيه

يسميها امه يعني يمه ..

ضليت افكر ..الي عدها اهل متهاف خوما مثلي .

الكل يكفخ بيه ..

ضليت اتكلب ..اجة تمدد يمي

قمر وهسة

هسة شنو ما اعرف

تزوجني

لا مو زواج ورق ولا زواج تجربة اريد زواج زواج

هههههههههه

ومنار شلون

ما اعرف ما اريدها هي تدك عليه اليوم مجاوبت

زين والشرب

شبي السم

بطل همام راح تموت

معليج قمر صار يمشي بدمي مثلج

لا همام لو اني لو الشرب

وهاي انتي يومية راح تطلعلي بشغلة

قائد تخبلت منار شرب قنادر وتالي قمر

عافني وطلع

وصدك قمر وتالي شلون احبه واعوفة يموت روحة

من غير سالفة الحمل.شلون ياربي اروح احلل

لو اخابر تمارة وتجي توديني نحلل..

خاف يشك بيه ..هذا مخبل

لا لا شنو يشك ..

رجع طب للغرفة

هاا شو رجعت مو تعبت من قمر

لج انتي تعبي وراحتي

اريدج قمر

اني هم همام اريدك

اي كملي خل اسمع

اريدك واحبك واغار عليك من وجه الماسحة

ههههه كملي بعد

البومة ام الوصخ ..ام اظافر القلق

كااافي ولج  مو قصدي تكملين على منار

هاا

كملي عليا

شبيك انت ..السبع ياكل بيك سنه

كفخني ..هوة انت شكول رومانسيه ..

استحي

لا كولي احبك همام وبس

احبك همام

ول يابة راح اموت عيديها

احبك همام

احبك

صار فوكاية كولي لا توكفين ابد

بدة يبوسني ويشمني

اي اني احبك همام سندي وابو أيهم

بس اكره منار البومة

ولج هسة احنا وين وهاي وين

انسي كلشي خليني بس اني وياج

نسيت الدنيا بين ايدة ونمت اي نمت من زمان منايمة هيج طلعة كلشي من بالي

من كعدت

كال هلا بعروستي ..هسة انتي عروستي ..

شلك بيها هاي ..

كلي  ساعة واريدج محضرة نفسج نطلع

وين نروح

نمشي نطلع اريد اطلع وافرح وياج

صار هوواي ما اعرف طعم الفرحة خليني اشبع منج

بدلت وطلعنا..

اخذني ..لمنتزة ..

بعد السقوط خرب كل شي ..بفترة ورجعت الحياه ..

ضلينا نمشي ونسولف ..

ويشاقه ويايه ..

واشتريت واكلت

حتى شعر بنات اشترالي

لك اني مو طفلة

انتي بنتي وطفلتي وروحي

اول مرة بحياتي افرح من يوم الي عرفت قائد بي كلشي مرار حتى من اجنت افرح قبلها عذاب وراها مرار

رجعت غير انسانه ..

وبديت اعرف شنو السعادة ..

من ابني بحضن ايهم واني ويا نسولف

ويسولف الي من جان صغير  وشعوذته وسوالفه ..

ويرجع .يشاقه ويايه

لو بنص الليل ياخذني بسيارة ..

والطريق كله اباوع عليه ..

اريد اكوله ربي لا يحرمني من هالسعادة بس اخاف ..

هاي الحياه قمر هاي ..عيشي

ربي ديمها ..

يحجي وكلبي يدك سريع ..

لو يحضني ..ويشوفني افلام اكشن لو رعب بلحاسبه

ويشاقه ويضحك ..

من سافر قتيبه صار الشغل عليه وحدة ..

يطلع الصبح يرحع بليل ..

مرات الظهر ياخذ كسرة ويجي ياكل وينام .

الليل كله نسهر للاربعه ويكعد مطفي

يرحع ينام وهيج

كمت ماطلع من غرفتي

كد ماشفت الحياه ويايه ..

واحمد ربي ع تعويضه الي ..

مرت الايام  علينا عوضتني ذيج السنين

حسيت اني عروس لا اسعد عروس بالدنيا

وبيوم اجاني بليل معصب حتى ع ايهم ضل يعيط ويصيح

تريد اكل

لا

شبيك حبي

ماكو

ضايج مني

لا

شبيك همام ..

اهوة قمر ..سكتت

جبت عشا خفيف ورحت يمه ..

اكل كوة وبلع حبوب ..معدة

وبقى بلفراش يتكلب ..

جيت يمه افرك اله جسمه اشاقي بس كالب ..الخلقه شبي يالله .. نمنا فزيت ماكو يمي

طلعت ..

هذا وينه ..

دورت يم الحجيه ماكو ..

رحت شفت بلربعة..كاعد ومصطر البطاله كدامه .. يشرب

فتحت الباب

ليش همام شدتسوي

معليج قمر لتعبني بلا حجي زايد

شنو همام وتالي وياك

اش ارجعي نامي هسة اجي انام بس شوية

شوية شنو شوية سم وموت كاافي

ولج دكافي روحي

رحت جريتهن ..

شلتهن من يمة راح اذبهن بالبلوع

مشيت ..

جرني من شعري حييل

انداريت عليه ..ترة تاذيني ..

لج اسمعي مني وروحي نامي

اعوفك تموت همام ما اريدك بعد ما اريد احبك وتموت

لا تخليني اتندم ..

لج كل شوية تهديد عبالك مسوية فضل براسي  راضية بية

كومي اني اصلا ما اريدج ولي ..منا

كوومي ..

تدلل همام عود هم ارجع اتوسل بيه احبج واحبج ..

بس اني السبب الي اصدك بيك..مو صوجك ..

كام عليه ضل يضرب ع جتفي ..

لج مو همام يتوسل بمرة ..

اخ وخر ..ايدك ..تاذيني ..وخر ..عني

يلا كومي ..

اني اكره كل النسوان كلهن بس احب قمر

عرفت بي سكران وما منة

فايدة الحجي ويا ب لهنا وكافي همام انت بصفحة واني بصفحة

ماكو مثل هيج عذاب ما الحك افرح الا وارجع انكفخ

حسيت روحي تعلمت وحتى

جسمي متوجع من الضرب

وعيوني جمدت ما بيها دموع

هه قمر ام دميعة خلاص ماكو شي

راح يبجيها بعد جربت كل انواع الدموع ..

احساسي بلحياه تجمد وتبنج ..

ثاني يوم..انتظرت يطلع للشغل يلا اطلع من الغرفه ..

بيني وبين نفسي اريدة يجي

طلعت ..بعدة يشرب جاي ولا باوعت عليه ..

محجيت شي ويه

وهو هم بين العصبي والخجلان ..

قائد جان لغز وانت مرض وحيرة

بيومها حسيت بتعب ..ورجلي توجعني صدك

خليت ايه تشتغل حتى عود تمارا تجي يمنة ع غدة

كتلها ..راح نطلع ..

والححيه مكالت شي تعذرني ..

سويت غدة كوة  واكلنا اني والحجية واية

قبل لا الم السفرة ..

دخل هو

السلام عليكم ..

ياهلا ..اني كمت الم بلاكل ..

كالت الحجيه ..

تعال يمة اتغدى ..

عافها وطب ..وسد باب الحمام ..

كومي كمرة صبي لرجلج

مشال راسة  علينه ..هم تعاركتو

لا يممة

شويه وطلع..لميت كل شي ..

كعد ..بلمطبخ ..

الححيه اصبلك ..همام ..

ما اريد يمه  راح انام تعبان وراح ..

كالت

شبي همام

مااعرف والله يمة

منصدك تفرحون وخلصانة من ام نيمو

هسة شبيكم

ما اعرف والله

دروحي يمة احجي ويا كلام حلو

وجيبي خل يأكل

تعلمي يمة الرجال مثل الجاهل يتزعل ويتدلل يريد واحد يدللة

اي يممة تدللين

مشيت على اعصابي ماكو لا بالغرفة ولا بلربعة

طلع نايم فوك

هه هي فوكاها هو ليزعل همام افندي

كتلها

يممة نايم ويكول تعبان مابيه شي

ما اعرف شلون مشى اليوم

عليه حيرة بتعب بصدمة ..

كعد من نومه ..بس موصل يمي ابد

متوقعت هيج توقعت يجي يبرر يعتذر ..

ليش همام شبيك ليش هيج تسوي

اوووف

اني بالغرفة العصرية ..

ورة مسبحت ..رحت بدلت هدومي ..لبست تراك ..اسود وابيض ..ورتبت روحي وشعري ..

سمعتة يحجي وية أيهم ويلعب بلممر

كلبي كام يدك راح يطب يصالحني ..

اي اي ماريد اعيش بهجر من جديد

هسة ..يجي اصالحه عادي ..ومادلل ولا اخلي زعلان

ميخالف اتحمل ..كل شي ولا اخسر انسان بحياتي ..

رجعت ترست روحي عطر ..

ومددت ..انفتحت الباب ..

عدلت روحي وسويت نفسي اعدل بلمخاد

طب ايهم ..بايدة ..مسدس

ويسولي طا طا ..

كمت كتله وينه بابا

سوالي لاح ..

طلعت ..

صدك ماخد السيارة وطالع ..

انقهرت ع روحي الي دور راحه بال ..بس

عادي مشيت اليوم بين أيهم

الي صاير كلما يكبر يتعب

ويتنحس اكثر وبين الشغل والعشة

والسوالف وية الحجية وانتابع

المسلسلات سوة حتى اتونس

على تعليقاتها على الممثلات

اسمع صوت باب المطبخ تكركع ..

دخل همام

وصاح..يمه ..تعاي ..

كمت وكامت الحجيه ..

فات بلممر .

.كال  تعالي ادخلي

تفاجئنا اني والحجية منو ويا

دخلت منار

مثل المي مثلج وكع على راسي ممصدكة عيوني

دخلت نافخة ريشها

....

وللحكايه بقيه

بقينا صافنين

معقولة همام ليش وشنو السالفة

بعد الي صار كلة رجعها مصار اسبوع من زعلت خرب حظي الي صدك مراح يرتاح بيوم

الحجية تخبلت وكامت ترجف

اكثر مني ضاجت

هي مباشرتا صعدت ..

صاحت الحجيه ..

ولك همام تعال

هاا يمة لحظه

كتلك

بسرعة

دخلت لغرفتها واني كعدت اهديها كافي يمة

ردت اطلع قبل ليجي بس كلت لا اكعد واسمع شيكول

هي تكلي

اكيد حبلت ام الزلم ورجعها

يمة ضغظج راح يعلك وتنجلطين

طبني مرض

دخل

ها يمة

وغمة ان شالله اريد اعرف وين حكي تعبي وياكم

انت وهذاك السكن لكبور

ما بيوم اخذتوا حجايتي

هو يكلها شبيج يمة غير افتهم

ليش رجعت هاي للبيت

يمة والله صارت ..

وهيج من شورك تسوي الي تريدة ..

يووم ..

كافي همام ..اسكت

انجبرت ..

لك يا جبر قليلة تربية ام شوراع

لك شايف لبسهم وحجيهن

هي خواتها لو امها جنها اعوذ بالله منك يلساني

اجه كعد

غرفه الحجيه ..بيها جربايه ..ام نفرين ..

وبوفيه ..وتلفيزيون وستلايت ..

يعني كامله حتى ثلاجه بيها .

جنت كاعدة بلكاع ..ع المدة

كعد ع الجربايه عين عليه وعين ع الحجيه

يمة اسمعني

والله اني هم تورطت بيها  وازوجتها

بس ابوها دز عليه

اهااا وهمزين بين عدها اب وشراد منك

يمة ابوها خوش رجال ومعدل

كلي والله ابني اعذرني وامسحها بيه

وضل اكسرها وجنزها اذا حجت شي

شيكولون علينه مصار شهرين وتطلكت

واني مكدرت ذبها علية ذب

كلي راح تتغير ومن هل الكلام

وصدكت بي

يممة شسوي رجال جبير وكع دخيل دم

وهاي مريتك شنو متفكر بيهل فكر اببنك

يمة على راسي قمر وأيهم ما اقصر ويا

بس قسمه وصارت ..

المهم يمه ماريد اعابيك اني ..صير حكاني

ابقى يم قمر ويمها ..

جان يحجي ..واني فكري يروح

رغم كلامهم وايهم الي يفر بسيارة يمي

وكل شويه ضاربني ع بطني

بس ..يروح ويا وحس بلمسه باردة

ع خدي ..وارجع افز بكلامهم..

سمعته عاط اطلكها لعد ..يايما شبيج ..

اخذت نفس وجريت ايهم بحضني ..

اسمعوني.. كملتوا كلام

منار خطية

وهمام خطية

وايهم يتيم خطية

وقائد خطية مات

واني مو خطية

خليت خاطر لابو منار جان خليت خاطر لابوية لنايم بالنجف

مالي غير هلكلمتين

لو احرك روحي لو اهج والله

البيت ينفصل

وهمام مو رجلي بعد كلمة وغلطة وصارت ولازم تصلح

قمررر..

همام رجاءا ..هذا حدي ..

وابنج يمة

ماحرمه من ايهم ابد هو ابو ..

بس تعبت مشاكل ..

الحجية هم كالت

اي صدك يمة بهاي حقها بعد كافي

باجر تفصل انتو رتاحوا واحنا هم

كلها

بس يمة

لا بس ولا شي كافي امها تكول عكارب احنا

كام عليه

قمر اني علمود أيهم وانتي شلون

لا شلون ولا شي ايهم اني امة وابو نايم بتربان

كافي بعد بس كلام وفعل ماكو

باجر همام تفصل لو اطلع وهلمرة ما ارجع والله

لا افصل افصل

خلص افتهمت ..اسكتي..

ضلت الحجيه تحجي ..كالت روحي نامي لو نامي يمي

كتلها لا غرفتي انام بيها

جريت ايهم ماقبل ..

عفتهم ..

طلعت ..

صعد ودخلت لغرفتي ..

قفلت بابي خاف يسكر ويجي قفلتها

مددت ..ضليت افكر والفكر اكل روحي وعقلي ..

اني شبيه

حبيتك وضحيت وهاي تاليها ترجعها ..واني

4مرات تيتمت

اول شي من مات قائد

وراها من ابويه مات

ومن نكرني اخويه

وهسة انت قضيت عليه ..

اريد اعرف بعد صبري هم اكو صبر

اريد انام ما اكدر يومين..

تلاثة نمت يمي همام هسة

مااكدر انام بلا عطرك وحضنك ..

استوحشت الليل حسيته طوويل ويخنك

بلايه طيف بلايه روح ..

فاااارغ ..

اوووف تعلمت عليك والله همام ..

حضنت المخدة ..يمكن بجيت ويمكن لا ..

يمكن ..مرن ذكرياتي كلهن ..عليه .

مانمت بس ..

عيوني غمضت

حسيت الفجر طلع ...

كمت ..

فتت بلممر رفعت راسي فوك

بابهم مسدودة ..

احساس يوجع حتى العظم .

كمت صليت ..ودعيت الي دعيته ..

مر الوكت ..

نزل همام اني بلمطبخ ..

مبدل ..

اجه كعد ..

ساكته ..

وساكت ..

بيناتنه ..شبرصح بس  ..تعب دهر وسنين خرستنه ..

كال ..

قمر ..

درت نفسي ..كتله ماكو كلام يجمعنا .

عافني وطلع ..

موجوعه ..مادري شلون اكل واشرب واشتغل ..

ورجع وية رجال يحجي ويا

يخلي قاطع  الدرج ويفتح

مناك باب على الشارع

اسمع صوتة من يحجي ويتحرك

شكد صعبة اسمع  واحد احبة وهو الي بس مالي حق بي

وبايع حقوقج للغير وياريت الغير يسوى.

بس صدك القهر خلاني اتبنج ..

كمت ماحس بشي بس بوجع ..

مرت عليا ايام بيت تعب والرمل

والدكدكة وكاحة أيهم وفراك همام

بليل اذب روحي نكضانه بس فكري صاحي

اوووف هسة بتوالي

الليل اتذكر قائد لو احن لهمام

ما اعرف شنو من حظ عليه

احس بنطني بدت تقوى

اي يقمر بس لا حامل بضيم جديد

أيهم متعب حيل

كمل وفصل ..

وبدت معانه جديدة

يوميه صبح لليل ايهم ع درج ويدك ويبجي ع همام

وهذيج ..تعيط عليه ..

ولو همام صح فصل بس متركة

بس يلح بالبجي يجي عليا يشتري اله ويطلعة العصريات

مرات ينزل ينام يمه ..

ومرات ميبات بلبيت

ومرات الكاه بلحديقه يم بلاك ..

حتى بلاك كبر وتعب..

كلنا تعبنا

وبقى ايهم روحه بي ..

ويوميه عركه فوك ..وعياط .واسمع تركع بوب

تعبنه حييل منهم ..

وخواتها يمها لو امها

واشوف همام راح انتهى ..

ويشرب ..كومه ..

بس ماحجي شي .

مرات احس الباب تنفتح واعرف بي هو

واكوم اوكف وراها ..

احس بي ..واكف تاليها يروح

اتردد بين افتح لو لا ..

ويرروح ..

ايهم

تعبني وكبر  حيل وكلشي

يشوف يريد واذا مأخذة بس يبجي

تمارا اخذت أية وطلعو للشمال ..

اية ايدي ورجلي جانت مخلصتني من أيهم

بدت بطني تعلى ..وبديت اسمن ..

وتعب

كلشي تعب بتعب

ونار فراك همام وصوتة

تزيد  بروحي نارى ..بس ابدا محنيت عليه

كام من يجي ادخل للغرفة

يسألني ما اجاوب

خلاص همام الا ادوس عليك وعلى كلبي

بديت اتعب وبس انام

وبيوم الفجرية

حسيت شي يتحرك ابطني وضربه قويه ..

ما اعرف افرح لو ابجي لو اخاف..

من الجاي

هاي اني ام 2راح اصير ..والاب ماكو

رحت على الحجية تصلي

انتظرتها تكمل ..

ها كمرة ..

كتلها

يممة اني حبلى

كامت لفت السجادة ..

ياااا صلوات على النبي

همام يحب الاطفال

بس اني يمة همام بعد ..

قاطعتني

حقج يمة بس بنات هلوكت مفننات ومحد يكدرلهن

وانتي سلمتي الها بطيب خاطر لو نسيتي الهلاهل

ترى الرجال شكد ما وكح ونجر تضحك عليه ام للسان الحلو

وهسة يمة شسوي

الي يرحيج

مااريد همام بعد وانتي كليلة على الحمل

يمة انتي بنتي صرتي

وهاهية بس ارتاحي انتي اريدن

وليد حليو لو بنية مثلج كمرة

التهي بيها بتوالي العمر

بس ديري بالج تطلع جلحة عل همام

صخام الوجه محد يرضى بيها

دكومي يمة نكعيلي جبن العرب

لان مالح هواي هذا

واسلكي بيض الج

لا يمة يا بيض

امشي ولج خل تطلع بنتج حلوة

هههه منو يكول بنية ضربتني سونار

حتى لو ولد مثل همام اجلح ويوكع بوحدة جنها هاي ليخرعون بيها الزرع ام نيمو

كمت اسوي وبالي كلامها من تكول اجلح

ابتسم وروحي تفرفح لححيه وخبالة ودلاله الي ..

اي احب الاجلح ..

.

سويت الاكل الله محلى

السوالف الصبح وية الحجية

يمكن احلى ما مر بحياتي هي

سمعنا صوت همام كعد

يكح لحد مايكطع نفسه ..

كالت ميلي مني اصيحة

اكو شباك بينا

صاحت عليه الحجية

كال بس اغسل واجي

اجة دخل كلي

صباح الخير

مجاوبت

كالت الحجية يمة سويلة ريوك

حميت الجاي

وسوت بيض وجبن

اكل كمل ..

مدد

وهو يسولف وياها خال راسة بحضنها

شكلة تعبان حيل ومصفر

اوووف همام بس لا مثل ايهم ميلحك لبطني يشوف ابو

سئلتة على الهوسة يوميا مو ابوها كال بعد تعقل

يممة هي كوة الاعوج اعوج

وبعدين اني مغلس وانام بلهول

انت تعبان ابني ميصير

يمة تعبي بالروح مو بالجسد

كالت يمة عندي خبر الك واريد بشارة

خير ان شالله

ايدي على كلبي بس لا يشك ويطلعلي سوالف

يارب

يمة مريتك حامل

هههه يمة شفايتلي تحبل  وتعقل متحبل تبلع حبوب وترجع ليورة ماريد منها ..طفل ..

يااااا داوكف قصدي على هاي مرتيك كمرة

شلون قمر حامل

اي والله حامل والجاهل يلعب ابطنها

كام كعد ع حيله .

انة جنت شاكة بس كلت اخاف من القهر تأكل هواي وتنام هواي

رحت من يمهم

كام عليه واجه ورايه

كلي

قمر حامل

اي

ممصدك ولج صدك تحجين

نزل على بطني باسها

اريد احضنة مشتاقة اله بكد القهر لبكلبي

بس لا همام كافي

دفعتة

حامل وبس

يعني شنو شبيج

يعني متغير شي

الي بيني وبينك ايام وخلصت

اني اتقربت الك تجربة

وانت تقرب الية نزوة ونسة سفرة ما اعرف

قمر وروح قائد احبج

والله

كافي لهنا حدنا وخلص ابني واربي

مثل أيهم متغير شي

اي قمر بس متأخذين فرحتي

واريد بنية تشبهج اريد عوض الي معشتة وياج وياها

وادللها دلال

بقيت دايرة وجهي

طلع بس حسيتة طاير من الفرح

شكد ارتاحيت من شفتة فرح

بس شكد اتأذيت على وضعنا وعلى حالة

ايدة ترجف من لزم بطني

ضعفان تعبان ..

ولا واحد بينا عرف طعم الراحه

الكل قرارته غلط ..

مرت الايام ..

همام مجان مقصر قبل بس

من سمع الخبر كام يزيد بكلشي

والحجية هم فرحت

كالت شي جديد يجي لبيتنا

بلكت يطير الحزن المشاكل ويجيب الفرح ويا

بس وين المشاكل زادت من عرفت منار بحملي

ويومية نسمع تكسر وصياح فوك..ويضربها

وتجي يمنه ..بس ميفيد ابد

وتفشر عليه هي وامها

واشكااال مرت عليه بس

اني استسلمت للمشاكل

تعبت

وهمام ديتعب وينهار حتى صوتة تغير

اوووف ياهمام لو جاي

وكايل جبروني ارجعها اتحملي جان اتحملت

ليش تأذي نفسك بالشرب

ابو ايهم وابو لبطني..

اجتي تمارا من صرت بشهر لسابع سحلتني للدكتورة

اني مااقبل لا اعرف شنو الطفل ولا اجيك حالي

قوية قمر تعبت المشاكل ومنهارت

والحمد الله كلشي تمام بلا مقوي ولا شي

من سوت سونار

اجة ابالي همام

اريد بنية تشبهج

واني اريد ولد يشبهك همام

كالت ماشالله وليد وكح شوفي شلون يتحرك

تمارا كالت

علة ابو طالع ماشالله عاد

دكتورة حلو لو لا

لا يخبل

يارب يترك الشرب من يعرف بيه ولد

ورجعنا

شفنا همام وايهم يم لباب

مشتري بايسكل وديعلمة

هااا وين جنتوا

تمارا كالت يم الدكتورة

هااا وشكالت

الحمد الله ولد يخبل

ابتسم الي ...بس حتى ابتسامته بيها تعب والشيب طك براسه ولحيته ...

كال

الحمد الله

شنو راح تسمي

رجع لزم استيرن البايسكل وايهم يصيح ماما شوفي

كال ..

قائد اسمي قائد

اي تمارا قائد لخاطر الحجية اريد تفرح

دخلنا جوة

وكتلها

يمة مو بنية حلوة ولد واسمة قائد

يمممة قايد حبيبي امة

شوكت يكمرة يجي واشيلة اخاف اموت

لا اسم الله عليج يمة

وهمام باسها من راسها

كلتلة

يممة والله مالي نومة اني وابن اخييك من ورة لهوسة مرتك  يومية

اخذها واطلع ..

وين اطلع يمه ..

اجر همام

ترة عياطها صطرنا

ماطلع ..منا وانتو

هلايام ادزها لاهلها  كم يوم..

وصدك بيومها صارت الهوسة اعلى

وسمعنا صوت اخوها وامها

الحجية راحت

ومسكتت

هاي ترد وهذيج تجاوب

واني اجي بالطاري

اووووف يا اني ..

كوة صعدت

القاطع بي باب ..فتحتها

اشوف حرب البسوس ..

شافتتي صااحت يييييي مسعدة..هجامه البيوت

دفعهم همام برة وهي وياهم

راحو وضل يعيط ويصيح كسر الفوك والحجيه يمه

كلنا تعبنه ..

صدك تعبنا ..

ماكدرت انام ولا احد بينه نام ..

من تكسر الفوك

ولا اكدر اصعد

كل فرحه تنسلب منه ..

ورة منزلت الحجيه منه

احسها تعبت اكثر منه كلنه ..

والحجيه وصلت مرحله متكدر عليه .

ولا اني اكدر...

لفت راسها ونامت ..

اسمعه

طلع ...بسيارة مثل المخبل

رجع

ركضت اباوع عليه من الشباك

دخل السيارة ..

وشايل علاكه سودة ..

سديت البردة ..

يريد يموت ..

صعد من برة

صعدت ..من الدرج اني الجوة .

وبقيت يم الباب اسمع ..

اسمع صوت رجله وطكطك القواطي وبطاله

عرفت سهرة العذاب بدت

ويشغل اغاني ..والكاس ولليل طويل

ماعرف شبي الم بلروح .

ماعرف تاليتها شنو ..

بقى ساعات يسمع ويشرب واني كاعدة ع درج اسمع حركته ..

وتنعاد الاغنينه ..وتنعاد ..نساني الي سكن كلبي اسير الروح يايابه ..

ساعات ع هلحطه ..

عرفت نام ..

فتحت الباب مديت راسي ..

ع كيف ..صوت غراض ورة الباب..

طكطن ..طبيت كوة اني وبطني شعلاتها .

فتت مخرب كل شي بلفوك حتى السجه مال بردات منزلها

الصور هدوم غراض مطبخ ..

جننوووون .

رحت للغرفه ماكو ..بس خراب ممبقي شي صاحي

كمت ادوس ع الغراض وطكطك..

هذا وينه ..

طلعت للمطبخ نفس الحال ..

مشيت ممر ..وباب السطح مفتوحه ..

دخلت ..الاغنيه ادك ..

وهو نايم..

تقربت سديت الفون .

وشلت الغراض ..والشرب ..بعلاكه..

وكترتهن ..

رحت علية ..

همام همام ..

فاصل بغير

بقيت كاعدة بصفه واندب بحضي وابجي

بس ..بنومه كام يذب من راسه ..

تخبلت احجي يفتح ويسد بعيونه

ولك وين اولي وين اروح اصحى ..

ماذكر شلون نزلت وشلون كعدت الحجيه

ودزيت ع اخويه

ماذكر شي

والشباب شالوا بالسيارة

الحجية كالت يمة جيبي عباتي

جان تعبان كلش

حسيتة قائد من طلع ومرجع

همام ارجعلي والله تعبت بس صوتك مكفيني

راحوا

واني اروح واجي

متحملت دكيت على قتيبة

الو قتيبة همام تعبان

شبي

ما اعرف وبجيت

كال باجر من الصبح اطلع لبغداد

اجوي ورة ساعتين وهمام محاس بالدنيا وين

عبدلله 

كال ماكو كلشي بابمستشفى

انطني عنوان دكتور لازم نروح باجر

وبس منطي مسكن قوي ومغذيات

خليته بغرفتي ..

وبقيت سهرانه ..

مغمضت عين الية ولا الحجية

همام راح ذبلان وجه اصفر وعيونة

جواهن اسود

حبيبي ليش هيج ضيعيت روحك

صارت ب7 اصبح

انهجمت الباب هجم ..

الحجيه اسمعها بس تعيط وتحجي .

طبو عسكر اثنين سحلوا من الفراش واخذو

واني والحجيه مثل المخابيل

شكو دعوة عليه مرته رافعتها ..

المن اروح والمن ادز ..

اخذو كوة يمشي ..

الحجيه بدلت وطلعت ..

جتي وياها فزعه ولد اهلهم .

راحوا الولد من كرابتهم واخويه ..

لليل ..تنازلو اهل منار وطلعو من السجن

هوووسه شكبرها كوة فضت ..

بس همام ديموت ..ومحد يحس بي ..

واني والي بطني دنموت ويا ..

مر علينا اليوم بقهر بس نريد

يوصل قتيبة كل شوية يتصل وصلت لفلان مكان

وصل ب4 العصر خطية طالع من 3 الفجر

واخذة بوجه لدكتور جراح معروف

وطلع لازم عملية المعدة منتهية

وفقر دم عندة وحتى ضعف بالاعصاب

تعب همام انهد حيلة وحيلي

انكسر ظهري

وشلون وين يودي

قرر قتيبة يسفرة

اي لازم يسافر يسويها برة بالاردن وهو هناك يداري

ونورا هم

كمل الحجز بيوم واحد مكعد قتيبة

يركض منا ومنا

ويكول اخوية حزام ظهري

لا والله وحزام ظهري اني هم

ما اكدر اباوع عليه اخاف ما اشوفة بعد

دز على اخوية عبد الله

كلة اني رايح ما اعرف ارجع لو لا

قمر بأمانتك

دير بالك عليها

كلماتة وصوتة يهد الحيل

كلة ترجع بالسلامة ان شالله صير سبع ومن هلكلمات

بليل قبل السفر

صاحتلي الحجية

اني طول هلفترة ما اكدر احجي وياه بس دموعي تنزل

رحت كعدت بصفة

جرني خلة راسي على صدرة

كال بطرانيين يريدون عملية اسوي

هو اني علاجي يمج قمر اني تعبان حبج دمرني تورطت ووكعت روحي بزواج ..

وعكلوني بي ..

اعرف أذيتج واريد منج تسامحني يجوز مالي رجعة بعد

همام يا أذية انت لو ماكو جان متت

كوليها قمر

سامحتك همام

بعد

احبك همام والله احبك

وجهه تعبان ..وعيونه راحن

ول يابه اسمعها بعد ..

دخل قتيبة يلة

ليش مستعجل اكول بكلبي خلي بعد شبسرعة

ليش احس واعرف بقيمة الحاجة متأخر

كومة قتيبة

والحجية توصيهم وتكلة فوتة من جوة لقران قبل ليدخل للصالة

وكلام مدا اركز عيني على همام

وهو عينة عليه بيها دمعة وضحكة باردة

احسة يكول

ااااخ قمر ليش

اني ابالي كل مواقفي ويا

من قائد اخذني بالسيارة

وصيح عليه عوفها للبينة حرام عليك

الى خبالاتي اووووف شكد تعبتك همام

جنت مو غبيبة لا بنتك الوكحة

ما اعرف ليش جنت اهاجمك بلا سبب

ضيعتك وانطيتك لمنار

ومن ردت اصلح ضاع الوكت عليه وعليك

سلم عليه وطلع ...

بلكراج كعدة ..ورجع قتيبه ..

طب جوة صاحني ..

الححيه يم همام

خير ابو ملاك كول ..

كال لهنا وبس ..ابيع البيت وانطيج حصتج وروحي

سنين عشتي يمنا خسرتينه الاول والتالي رووحي ..من حياتنه طلعي الكل خسر من وراج ..

واخر شي اخويه ..مكافي سكنتي كبور لقائد

ومرته وجهاله ادمرو ..

ووووووو.

اني بس صافنه ..

الي بطنج وايهم النه وهمام ماله ردة لهنا ..

والحجيه اخذها يمي

والبيت ينباع وحصتج توصلج ..

اريد احجي ماكدر لكمه بنص بلعومي ..

ماريد لاتخاابرين ولا توصلين اله ..

انسي ..وانسينه لخاطر الله ..

ذبين حملج وطلعين من حياتنه ..

وعافني وطلع

بجيت بجي

مال دهر

حركة كلبي متنوصف

ايام مرت ما اكدر احجي

ما اعرف اواسي الحجية لو هي تواسني

اريد اعرف هالعقاب ليش ..

ليش الدنيا وياية هيج .

محجيت شي بس بعد كل الي خسرته ماخسر اطفالي هم ..

ولا اكدر اعوفهم ..

بقيت ايام يومبه اتصل بامي

ابجي لحد ماحس الم بطني اقوى من قهري

واتوسل بيها ترضى عني وتسامحيني

وجانت تبجي ..

وبس تحصل اقامه تكول اجيج

شكد حاولت ويايه ع سفر بس مقبلت اني ..

سجاد واحمد وامي طلعو للسويد واستقروا

ياريت مزوجت ولا وكعت بهذاك النهار

لان 

صدك تعبانه روحي انخرت وانتهت ..

اجتي تمارا يمنا

وكفت وياية وكفة نستني الاذية مال قبل

طلعت بس لسان وصوت عالي

احسب لساعات والدقايق

انتظر الدكة

معقولة يكول قتيبة راح همام يم قائد

اتصلوا

اباوع على وجه تمارا اريد اقرة قبل لتحجي

ضحكت وبجت

الحمد الله

يمة قمر الحمد الله

زالت مرحلة الخطر

رجعت قويت نفسي لخاطر همام وابنة

مرة فترة لازم علاج ولازم نقاهة

صح اريدة بس يرجع وبس اريد

اشوفة بس احسن لو يبقى سنة

بس المهم ميرجع للسم

دخلت بشهري وتمارا بقت يمنا

عشت هاي الفترة بهدوء روح

واكثر من مرة نروح للنجف نزور ونرجع

رغم حملي وتعبي بس جنت اريد يسامحني ابويه

حسيت الي بي عقاب ع

عنادي وي اهلي واذيتي الهم ..

عرفت همام زين ارتاحيت نوعا ما

منار طلعت من حياتنه طلعه بلا ردة

وطلبت الطلاك هي ..

وطلكت غيابي بسبب همام ماكو ..

وعدها تقاير تثبت التعنيف ..

صارت ولادتي ..بلنهار ..

وجبت قائد عمليه ..

هاي الفترة عبدلله مفاركنه دقيقه ..كله يمنه

لو اني يمهم ..

جبت الحمدلله ..وطلع اجلح اسمر ..

يشبهه همام .

ولايشبه ايهم  بس نفس العيون والحاجب الغاضب

ما اعرف ليش مكتوب

ىعليه من اجيب لازم الاب ماكو

عبدالله متركنا ابدا

بس الي تعبنا أيهم

تخبل من فارك همام

صار عنودي ويضرب

وشاف اخو تخبل بالاكثر

الحجية هواي حبتة عبالك قائد  رجع للبيت

من صدك ساعات تسولف وتبجي ويا

وساعة تلعب وتغني الة

مرت كل هلفترة وهمام ماكو

انهار جابت قبلي  بنية تخبل واستقرت حياتها

بديت احس همام راح وبعد ميرجع

اي حقة ليش يجي للعراق والوضع من السئ للاسوء

واخو من سفرة كال كافي لهنا هواي تعب مالة ذنب

حسيت قتيبة يحملني مسئولية مرضة

ويمكن صدك اني يمكن لا ..

.

صح هدوء بحياتي

من جبت وعرفت همام صار زين

بس يراد رجال بحياتي لولدي

جنت

كل يوم اخابر عبدالله مرتين حتى يضب ايهم..

بس ميفيد دلالهم وحبهم اله خربه حييل

وتعبني ..

فديوم

خابرت قتيبه بعد ما طلعت الاربعين مال ولادة

كتله ..

جبت الكم ولد ثاني

اسمعني

ولدي مانطيهم ولا اذبهم

سنين اخدم الكم

سنين شبابي راحن بقهر يمكم

ماذب الوم ع احد

هسه عندي ولد 2.واتامل يكبرون ويعوضوني

تعب سنين ..

تريد تبيع بقيلي غرفه بس وبيع

ولا تحملني ذنوب وقهر ..

هذا كلامي وياك الاخير

ماريد اب ..الهم

بس ماريد ..

لام ولا اب بحياتهم

وسديته ..

مجاوبني بشي .

بس كافي تكفخ ..واسكت

بقيت يم الحجيه والحجيه بدت تكبر وتتعب والامراض اشكال بيها قلب وضغط وسكر

بس نفسها بلبيت الي حياه ..

فد يوم باردة مطر

اخذ البايسكل وطلع ايهم اصيح ميسمع

تعبت ربي انكتب عليه اربي اثنين ولد بلا ابو

جريت الشال وطلعت ظهرية والشارع فارغ

لك تعال ابن ماعدها حظ

طلعت دا اجرة..

طار ببايسكل

اوف منك ولك تعال

طب ..

ووكعت بالحفرة اي

نفس الحفرة الي وكعت بيها اول مرة هنا

ونفس الطينة والجو

لحظات تمنيت اطلع منها قمر الاولية

الي راحت للمعهد ..

ويطلع كل الي عشتة حلم ..

بجيت وحسيت ايد تكومني ..

صحت قائد

تعبت والله

اباوع همام

تذكرت الحلم والوكعة قائد جان

وصار همام

ممصدكة مطينة وابجي

اباوع عليه رادة روحه بي ..

كعدني على ع الرصيف ..

ومن بعيد اجه ايهم ذب البايسكل ويركض .

بابااااااااااااا

همام كال

يولو ..بعدج ثوله

رفعت راسي فرحانه ودموعي ترست عيوني

ع حس بابا ..

وفرحتي رجعت عافيته ..

كتله ..مو ثوله بس جهالك خبلوني

ضحك ...بعدة لسانج طويل يراد الها عض

بقيت صافنه عليه فرحانه بشوفته

تعلمت الي يطلع ميرحع الي ..

كال

  قمر تزوجني

ضحكت ودموعي تنزل

ههه رجعت مخبل ..يوميه نزوج احنه

اريد زواج زواج

وحضن ايهم ..ويبوس بي ..

كمت طبيت وطب ..ويايه ..

لزمني من جتفي وحظني ..

ولج شو صايرة حلوة ام قائد وايهم

ول يابه اخ ردت روحي هينه ..

ما اكدر انكعد لساني

مر عليه الي صار مثل الشريط

هاي الحفرة نفسها يمكن

حظي وكع بيهاقبل كم سنة وهسة رجعلي

يمكن لو احجي محد يصدكني

بس اي يمكن بعثرة يروح الحظ وبعثرة يرجع

رجعلي همام ونور حياتي

ومن يومها اني ويا

بس عمري كلة ولا يوم

مر عليه لليل بلا ما اتذكر قائد

اي جزء من روحي يبقى ويكبر بأيهم..

يمكن قصتي مخلصت ..

وبيها بعد ..احداث

بس لازم تخلص ..لهنا

وابقى

قمر اضوي للكل ..بس داخلي اظلم ...

النهايه ..

احبائي وصلنا الى نهايه ..

الحكايه  ..حملت معها الكثير من الدمع والالم

والاحساس والحب والذنب ..

لاتوجد بها ..عبرة خاصه

..لانها كلها معاني وعبر ..

اسئلة راح تتكرر

وتنعاد ..

1قائد مات بلطائفيه  تسليب ..وانتهى الموضوع

2ام جراح تسكن احد الدول الاوربية ..

3عمام قائد كل شخص بدوله بسبب اوضاع البلد

4مروة مجهوله نهايتها

5منار طلكت غيابي

6اهل قمر بلخارج ..

وفي الختام ..

لي منكم ..اجمل ..التحايا ..والحب ..

دمتم في رعايه الله وحفظه

سوزان المندلاوي