رواية طيحة عكال الفصل الثامن 8 - بقلم لحن الهدوء

رفل ..
وجعتي بكلبي جبيره والله لو ما امي ما اروح خلي اضل بحدي ما اريد اروح هيه كوه لزكوا بيه لزكه اله تروحين
اعترضت اروح  وبعد اصرار امي بحجه وين تضلين حتى امير راح يروح ويانه رحت بس طبينه العماره كلت لامي كبل خلي نروح لبيت اختي الجبيره  ما اروح لبيت عمي....حتى اتجنبه  وما اريد اشوفه بدون اعتراض من امي رأسآ
وافقت كلت لابوي حتى كبل نروح الهم واعترض وهيه اصرت لان كالت اله هاي جم مره نجي هنا وما نروح الهم حتى بتك تعتب علينه وافق بعد مجادله واتوجهت السيارة هناك امير ما قبل يروح لبيت اختي يضوج من رجلها ابوي نزله بفرع بيت عمي  وراح الهم ..

طلعنه لبيت اختي الجبيره ونزلت عليه بلاسئله شنو شبيج وليش هيج عيونج صايرات ..

اخخ  كلها لاحظت البيه كلها اله انته وينك تعال شوف شصار بيه ..
كتلني فضول اختي الي ما فكت مني ياخه بلسؤال شبيج وشبيج كمت وخليتهن وراي يحجن .. ضجت حيل وكل ما واحد يكلي شبيج اتذكر ورأسآ الدمعه توكف على طرف عيني ابعدها بكل طريقه عفيه لا تنزلين كبالهم وتفشليني عفيه كمت فاتحه حلكي حتى ابعد الدمعه ..

.. وثاني يوم تريكنه طلعنه ب١٠ الهم بس بوستها وسلمت على عيالها صعدت ما نزلت وحتى الغده ادري تصرفي غلط بحقهم بس ما اكدر مو بيدي ضليت فوك زينب الي اصرت انزل بعد ما ودوها عليه نزلت كل ما ارفع عيني الكاهن يباعن عليه اووف هسه وكتهن هذني مبين جايات يخطبن والله عرفت رأسآ كلت لزينب ..
خلني اضم راسي ما ارفع ابد ووانحشكت بامي ما قبلت ارفع راسي بعد
نقذني ابوي من كال يالله وهن مصرات وي امي ترد الهن خبر حتى يجون هنا بذام بعدنه هنا امي كالت الهن بس اشوف ابوها وارد الخبر ..

طلعنه وعمي اصر نروح الهم اجه بلعزيمه اووف هسه وكتك تحججت بلجنط وملابسنا هناك كال ما عليهن شي اودي امير يجيبهن حتى تضلون يمنه اووف يارب هسه شلون

.............................
زينب
طلعوا اهلي وحجن النسوان  هيه شحلاها بس مبين متكبره اشو حتى ما نزلت
عمتي كلت الهن لا بس تستحي مبينه لان مبينه حتى ما رفعت عينها
ام الولد كلت لاخته والله ما دخلت براسي  اشرت على راسها وهيه تفر بايدها صدك ضجت شمالها هاي

حتى ما احترمت وجودي يمها وتحجي هيج الي صدمني اخت الولد كلت لامها يمه هيه ااختياره بعد احنه مالنه شي يمه
التفت عليها من كالت هيج ردت اكلها شنو اختياره هو وين شايفها بس سكتت يجي رعد وافهم شنو الي صار
...
خلصنه منا للمغرب يالله طلعن وهنه يكولن اذا ردت امج خبر عفيه خلي رعد يخابر على جواد هلا هنوب اسمه جواد حلوو مبين من اسمه
طلعت وراهن رعد اشر الي اصعد ما فهمت شنو
خزرني التفت وراي واشوف ولد واكف حتى ما شفت كال شلونج خويه وانه مو ليكول سلم ليكول اكلني بلكوه طلعت مني زينه الله يسلمك يااا امداني  كل ما اذكر الموقف اكول شمالني عود حتى ما سلمت عدل شردت منهم من الممر الوره يطلع على المطبخ وصلت للمطبخ ورعد كبالي صاك على سنونه وهو يخزر تعاي وراي
يااا بس لا علمود هذا الولد اي وشنو بيها هسه شنو سويت هو سلم وحتى ما شفت شكله
طلعت للسطح واحجي اذا حجه اكله وين ادري اكوو زلم هنا
فتحت الباب بس انفتح جرني من شالي تعاي خايبه شلون انتي وجهج هذا هيج طالعه ما استحيتي

وين ادري والله رأسآ دمعت والله عبالي ماكو احد هنا
هاا عدالج ماكو احد مووو بعقلج مطي انتي حتى لو هيج ماكان لزوم تطلعين وراهن اكو الاكبر منج

عمتي كلت الي طلعي وره خطارج
مو اكو غيرج ليش محد طلعت

وين ادري.. بلكوه هدني بدفعه على الجبيره
سمعي ولج زنيبه والي خلقج وحق هو علي لو دش علينه احد وشفت طولج كبالي اعدم حياتيج مو تكولين

ترى هاي اول مره
صاح اييييي واخر مره اكطعج وصل وارميج للجلاب فهمتي
جنت اباوع عليه بغصه ما كدرت احجي شي صاح كولي صار
ما حجيت .. كلتج كولي تقدم يريد يطك
صار
من الله لا ينطيج حركتي دمي
طلع وبعدهي الخمشه بكلبي امداج هسه شورطني ورحت والله لو ما عمتي ما اطلع وراهن شعليه
.........................................

رفل
وصلنه وياريت ما وصلت ولا طبيت كان واكف وابوي ركن السيارة وعمي طبك ورانه
شنو هاي يارب شكد ردت احاول ما اشوفه بس هو سبقني بس سلم بدون حتى ما يباوع بوس ابوي وامي وراح ..
لعد شبي حظي ضليت فاهيه اباوع لعيونه ولوو نظره تكفي نسيت كرامتي ونسيت كلامي بأن انسى وما اريد ادخل بيتهم وين صار كلامي كله راح وكله اختفى بمجرد شفته ..

طبينه للبيت وهو راح طلع وي امير تعشينه وكملنه
جيهان رحت وراها اغسل وياها اماعين العشه عرفت منها انو هيه الها خبر بالي صار كالت ما ردت اكلج بس كلشي عرفت جنت واكفه اتنصت بس امي اجت وشردت للحمام تدرين احمد ليل ونهار ما ضل يجي للبيت اله شوي ما نشوفه وابوي يوميه متعارك وياه حتى فكر بي جاي يروح لغير درب لحد ما راح وشافه يروح يم النهر يكعد
اي واني شكوو
.. صرتي شكوو هسه اكلج خصم الكلام اخووي يحبج
.. جان هسه لا
.. والله بعده على حبه ما جنت اعرف اله لمن عرست زنيبه وشفت شلون بقاج والله خفت عليج

.. اي صح مبين تهي بهي تدرين اخووج سوه بيه علمود جي طحت ليكول متقصده

.. خاب ياهو يقبلها والله كتلج هنا عدنه عيبه هاي البت تطيح والودام  تشوفها

اوووفف خل اسكت ٠

...

وهما ما اجو الساعه ب٩ ونص يالله طبوا للبيت

كلبي يريد يحقد عقلي انملى عليه خلص بس كلبي يحن اله
ابوي الي امي كالت اله عيال زنوبه خطبوا رفل ويردون خبر من عدنه علمود يجون كالوا نجي لبيت عمها حتى اذا هاي نتفق
ابوي التفت عليها ياهم منهم
من عدهم ابن عمهم واحد اسمه جواد يمكن كالت امه

عمي التفت على ابوي
احنه نريد بتك رفل النه

طفر احمد من يمه كنت موجها عيوني عليه بنظره خاطفه كال بويه انه ما اريد اتزوج السنه اللاخرى يالله
.. اي وشكو بيها تكمل واخذها الك

ابوي صفن عليهم كل لاحمد هسه انه بدون ما اخذ رائي بتي ما اشوف مثلك احسن وانسب الها انته تريدها حتى لو السنه الجايه ما نختلف بس شنو تجاوب هسه تريدها لو انطيها

كنت اتمنى احجي واكول لا عمي ما اريده بس عيب بحقي ما اكدر  احجي واكول اي شي
هو دمرني باخر كلمه كالها لا عمي انطيها رفل مثل اختي قهرني ابوي الي كعد يعرض بيه وكأني سلعه للبيع
ضل كاعد يباوع وكأن يكلي انتي انتهيتي خلص

ولك ابن الكلب  شنو مو كلت اريد اتزوج .. اي بويه بس مو رفل
وشبيها ولك تاج راسك هاي ابوي كله عيب عليك ولك شبيها بتي حتى هيج تحجي
محشومه عمي والله مو قصدي قصدي مثل اختي ما اشوفها كزوجه اشوفهن خواتي
عمي ضل يصيح وبت عمك ليش تروح من ايدنه راحت الاولى للغربه حتى الثانيه وهو مجلب ما اريدها وما اريدها ومثل اختي كمت من يمهم وراي جيهان ما اتحملت الكعده الدمعه كوه واكفه ما خليتها تنزل طول الكعده
طبت للغرفه مال امها وهيه تكلي يولي خايبه على شنو تقهرين رويحتج خاب ما يستاهل دمعه من عينج
اريد احجي دموعي عشره عشره شلال صارن بلكوه تطلع الكلمه خلص والله خلص بعد مالي شغل بي ولا اعرفه سكتي رفل سكتي

.. يالله حبيبه هو خسران والله انتي وين وهو وين سكتت بلكوه اسمع ابوي يكله خويه الزواج مو اجبراي خوو مو كوه هيه الاكله  الي ما تشتهيها مو تجبر روحك عليها واذا هو حاسبها حساب اخته ما نغصبه خويه

.. خويه والله مو هيج هو السنه الفاتت كال رايد من بنات عمي اخذ
.. اي يمكن قصده زينب ولان رفل تدوام انه ما انطيتها الشاهد الله شكد خطبوها منطقتي تحلف براسها تدوام كليه لا يوم انحرفت لا هاي لا شفت عليها وانه ضد البت تطلع وتطب بس شفت رفل شلون محافظه على نفسها للذالك خليتها

عمي اسمعه يكله خويه عوفه بس اقنعه لا تنطي هسه

.. وليمتى يا خويه انته ذيج السنه كتلي وانه كلت بس تكمل وهسه راح تتخرج وهو يكلك ما اريد تجبره وشكد خطبوها ورفضت على وعدك هسه بعد ما اكدر وخوش قسمه ابن شيخ وشفت عيال زينب شلونهم

.. مو هيج بس اصبر عليه اشوف شغيره

.. ترى زلمه مشورب شكد وشكبره وانته تكلي اشوف
تصبحون على خير يالله يا مره باجر نطلع للبصره
متت بدمي
حسيت نفسي رخصيه وابوي كاعد يحجي وكأن شي عادي شنوو هيه هيته والله بكيفي اوافق لو لا شنو كاعده على كلبك يا يبه خلي نرجع واحجي وياه ..
نايمه بس ما اجاني نوم بس متمدده على الفراش بلجذب اواجهك قبل ما اطلع للبصره

..الساعه ب٢ طفيت كلش عيني تطفي بحدها بس البجي منعني انو انام بلرغم حيل منعسه وحتى صوتي تغير والخنكه بيه

اجه هو سمعت طكه بلمطبخ شلون خاف اطلع وامير وياه لا خل اباوع واشوف لان من طلعوا هو وامير
مديت راسي امير راح للدوانيه ينام كله فارشين لو لا

موجود فراش من وكت كلت لجيهان تفرش روح نام

وانته .. خلي شوي واجي اشوف شي اكله اسد جوعتي

ابو بطن خرب يومك شكد تلقف

يالله روح روح .. تصبح على خير .. اجمعين

..........................................
زينب
اجه زعلان ما يحجي وياي وانه اتحرمس تعودت عليه ما ارضى يبقى زعلان عليه ذب ملابسه وطب يسبح جنت على حبايه ونص مبدله ومكياج 😉 اعرف شلون اجيبك

اوكف كبالي دقيقه وباوع بعيوني وشوف اذا ما طيحتك طلع من الحمام سويت نفسي ارش بلعطر
هاي شنوو تخنك ريحته جنت فاتحه باب الكنتور والمرايه تصير كبالي هو باوع عليه شفته رفع عينه سويت نفسي ما مهتمه بزعله ولا هو زعلان اصلآ

.. عوجت حلكي صاح عدلي حلكج لا اجيج

..ااا تجي شسوي بالله

... مو تعرفين شسوي

.. ايي وتعال كلشي ما تكدر تسوي خووش

ركض وراي صعدت الجربايه بطفره انسطرت عليها لزمني من رجلي وجرني عليه ما تكدر مووو ولج ياهو الي ما يكدر
هاا اشوف انبلع لسانج وين راح

ضحكت ما تحملت صاح هو اكو ناس مشتهيه ومستحيه
... يااا والله عيب نصي صوتك
..اي وشني  بيها ترى مرتي قابل بايك ناهب

يالله عفيه لا تصيح .. لا تضلين تنعوصين بحجيج خاب احجي  عدل كافي ترى شعلتي ابو ابوي
عدلت نومتي على الفرش حطيت المخده جوه راسي

يعني شلون تريد احجي

تعاي اعلمج ههههه ... رعد... سكتي هسه اوكف شوي اريد اسألك سؤال عن هاي الولد الي اجه على رفل

وخر عن شوي .. شبي .. ما بي شي بس اريد اعرف سمعت اخته كالت هيه اختياره

.. عوفج من هل الحجي شلج بي كام مفزوع كعد بس لا حجته كدام اهلج

.. لا توه من طلعو اهلي
.. اي ما اريد احد يسمع بي ترى عيب هنا الولد يشوف البت  خاف تصير سالفه

.. ترى شنو السالفه ما فهمت .. هو حاط عينه على اختج ورايدها.. اي بس وين شافها ... بعرسنه
.. وين عرفها يجوز مو هيه

هههه مو انتن مو جيثرات ههههه ولج مو اسولف وهو حلفني ما اتحجى

لا عليك الله كول ... ولج شني  هلميانه هنوب عليك الله
مو قصدي اسفه حجيت بدلع .. كافي ترى
غمز بعينه كملت كلامي احجي عفيه شنو الي صار اخوي جواد هو حجه كالي انوا بيوم وصل اهلج من اجوا للعرس امج وبيت عمج محلف ابو الكيه واهو من كرباتنه انو يسوق ويوصلهن يريد يعرف منو هاي الي طاحت
.. طاحت شنو طاحت
.. غير اخيتج طايحه ومطيحه كلب الزلمه وياها

وين طايحه ... ههععه من نازله من السيارة بعرسنه وطايحه بعتبه الباب
.. ياااا صدك يبوووي كون يمها اله اشبع ضحك بس لاحد شافها .. مو جاي اكلج هسه غير تخلينه نتحجى..
.. اسفه كمل .. اي طايحه والزلمه مسطور سطر لو هيه لو ما اريد ورايح موصلهن حتى يعرف ياهي منهن
.. وشمدري هيه ليش ما ضن وحده من اقرباكم
ايبااا ولج شني من عقل عندج هنا عقل لو شنوو .. حجه وهو يدك على راسي بصبعه
.. عقل بس اكول يعني ليش مو بناتكم .. غير هو ابن عمي ويعرف بناتنه
.. هاا نسيت  وهسه
.. شنوو هسه منتظرين خبر منكم ترجعون حتى يرحون يخطبون

والله ما ادري امي كالت تكل لابوي

... تدرين ابوي كال انه اروح بنفسي اخطبها من ابوها لان ابن عمي كل شوي وجاي النه ويحجي وي ابوي اخطبها واحجي وما عول يجون اهلج ودز امه وخواته والله خوش زلمه ااذا تنطون ما تخسرون  

الله كريم .. هسه خوو لهيتيني حتى ما خليتيني اشوف شغلي
.. ما تشوف ... اااا ولج اثاريج مو فقيره .. تعاي .
.............................
رفل باوعت المكان الي كاعد بي كان كاعد على الكرسي بلمطبخ يصير مقابيل الغرفه شافني فتحت الباب ضل كاعد اجيت ضليت واكفه بلباب

روحي مو حلوة وكفتج هنا لا يجي واحد
.. وليش خايف

.. ومن شنو اخاف

.. ما ادري شوف نفسك

.. روحي رفل كافي لا يجي واحد وتصير سالفه

.. اذا اروح بعد ما تشوف وجهي

.. وكتلج قبل ما اريد اشوفه انتي الي اجيتي

.. ليش تغيرت

.. وتحجين ليش تغيرت وليش صخمت عدالج هينه لو ما سامع اشرف الي

ماجاي افهمك احمد الله يخليك ما اكدر ترى بعدني احبك شكد حاولت شكد ضغطت على روحي بعدني ما اكدر انام اذا ما اقنع روحي انته تحجي وياي .. جنت احجي بهمس حتى لحد يسمع

.. روحي رفل روحي كتلج انسي انه نسيت وانتي انسي

.. انسه شنوو انسه انساك تريد وانته انته احمد نسيت

.. ايي نسيت

.. يعني تقبل غيرك يتزوجني .. طفر من الكرسي
هو هذا الجنتي تردي موو لزمني من ايدي عصرني على الثلاجه سمعي ولج انتي الي جنتي بس انه مالي نفس بيج بعد من سمعت بيج هيج حجيتي .. حط كصته على كصتي روحي رفل تزوجي وعيشي حياتج انسي احمد وانه احاول انساج

هو يحجي وكلبي يريد يطلع من مكانه ودموعي ضلت تنزل ما كدرت اسيطر على روحي

احمد .. جنت اعرفج راح تجين وضليت كاعد متاني اودعج يحجي ويرفع ايده وخر الشال .. اديه ورجليه يرجفن ما عرفت ادفعه ردت قربه بس هو بذيج اللحظه منتهي كأن حسسني مسويه جريمه ما حسيت بي شكاعد يسوي اله لمن اتقرب على شفتي

دفعته .. وخر عيب عليك انه عرضك

.. وين جنتي صالج ساعه اشو حلت الج السالفه
وخرت منا والرجفه بيه مشيت خطوه ورجعت التفت عليه

.. شوف والي خلقك يا احمد اذا ما اتزوجت ونسيت مثل ما انته نسيت انه انسى سمعت باب غرفه عمي انفتحت رجعت بسرعه لبدت وره الثلاجه بلصفحه  هو اجه صار كبالي حتى ما ابين فتح باب الثلاجه انطاني ظهره ..وجه على ابوه

عمي كله ليش لي هسه كاعد توك اجيت

لا بويه من زمان بس جعت واجيت اكل

شرب ماي وراح رجلي ما كدرت احركهن كلت شافني يمكن التفت عليه كال كومي مو كتلج روحي جان سويتي الي مصيبه

رحت صاح عود اريد ادمرج انتي والي يجيج حتى ياخذج خووش

اعتذر عن اخطاء الي صارت بلاسماء احد  ابطال  قصه مشاعر هو ياسر اسمه ومن كثر ما ركزت وي صاحبه القصه ياسر وياسر كتبت ياسر

عفوآ واشكركم على المتابعه تحياتي منى الطيف لاتنسون النجمه