طيحة عكال الفصل العشرون 20 - بقلم لحن الهدوء

اضغط على النجمه لطفآ

رفل .. رجعت بس ما اجه ابوي وبخزره منه وقبل لا يكمل كلامه توجه احمد لابوي كله عمي يرضيك بتك جاي اعتذر منها وارجعها وهيه تكلي غصبآ عنك تطلكني يعني انه شنو مو بعينها وحتى ما اعتذرت

ابوي كله لا عيب هلحجي رفل مو عيب بويه التفت عليه اعتذري لرجلج يالله عيب تطلع منج العيبه
بضجر وقله صبر كتله اسفه مو قصدي
ابوي خزرني هاي من وره خشمج ما اريدها كومي لرجلج حبي راسه وكولي اله حقك عليه

بس يبه من طكني اشو ما اعتذر وباس راسي ولا خله حرمه الي وتقدي ..ردت اكمل صاح انه احترمي ادب سزز كومي ابن عمج رجلج فهمتي ديري بالج تجاوزين ما عندي بنات يجاوزن على رجولتهن
ردت اكوم
هو نط سوه روحه زين لا عمي انه ابوس راسها صدك حقها عليه هيه غلطان بحقها
اتأفف ما اشتهي اشوف وجه وهو يسوي نفسه الملاك الصالح كدام اهلي
باس راسي هاج باعي وهاي راسج احبه عمي اسف كدام الكل ما كان لزوم امدن ايدي عليج
رفعت راسي خزرته ونصيت
يالله بويه هذا رجلج حب راسج بعد شتردين كومي لمي ملابسج وروحي البت مكانها بيت رجلها
ااذا طلعت من بيت ابوها ما ترجع هيه تصلح بيتها بيدها مو تخربه

طلعت من الديوانيه جنطتي بعدهي على حطتها مطلعه بس كم هدم اخلي بيها وادعي عليه ربي شسويت عندك وانطيتني هيج بلوه
عدلت نفسي ولبست العبايه ورحت لكيته كاعد ضليت واكفه ما اقبل اتحرك واكله امشي باوع عليه كله يالله عمي اترخص طلع بوست امي ابوي ما ودعته بس الله وياك وصعدت حقدت عليهم هم وياه

احنه صاعدين بلسيارة شغل اغاني وكل شوي يهد اديه ويصفك حيل بوجهي
ترى بس دخت طفي شنو انته ما تدوخ
هسه خل نوصل السريع وادوخ بعدني ما دايخ كلتي تكرهيني .. جر نفس .. تكرهيني موو راح اخليج تكرهيني من صدك

ترى ما يحتاج اكرهك من صدك لان صدك اكرهك
ههههه اعرف اعرف ليش اصريت اخذج رغم انقطعت عنج لان عرفت وراج شي وليش اصريتي حتى ما تتصلين وتكولين شلونك وانه ردت اجربج وانتي جن ما صدكتي ابتعدت طفرتي وافقتي

انته شنو بس كلي ليش تحور وتلفق لا عبالك ناسيه كلامك وي ابوي ترى ذاكره كلمه كلمه انته كلت ما اريد وانطوها تذكر من اجيتك بليل وطردتني

ههههه ايبااا والله ليله غير بيها شي ونكهة تدرين هسه كل ما اذكر هذيج الليله اتحسر ..دار عليه ردت اشوفج شنوو تسوين ترفضين لو لا للذالك رفضت بس من شفتج وافقتي كلت اله اكسر خشمج

انتي كتلي تزوجي
ما كتلج تزوجي
لا كلت
ايي حتى لو كلت كلمت التنكال هسه اكلج روحي ذبي روحج بلشط هم تذبيهااا كال بصياح
سكتت
دار عليه
رفل كاااافي تعبت

من شنووو من شنوو انته تعبتي مو انته الي ليل ونهار تكفخ بيه تطك على كل شي اشوفك تضحك وتسولف وياي مد بوزك

عصر زندي باديه ويسوق بيده الثانيه لسانج لسانج

احمد راح تغبط النه اربع اشهر واحنه ما يوم عشنه راحه كله غلط وسب انه ما سويت شي غلط شفتني غلطت حتى هيج تعاقبني انه صوجي امداني حبيتك

دار عليه
شنوو كلتي
ما كللت شي
لا كلتي شنو امداني حبيتك انتي تحبيني يا يوم شفت منج حب يا يوم كولي

لو منطي حب جان شفت

هاا صرت انه غلطان ولج انتي حتى بعلاقتج بارده

انته من اول ليله اعلنت حرب عليه تذكر الراجدي مالك

غير انته جنج مطي يزاكط تذكرين الرفسه

ايي واذا المفروض ما تمد ايدك واحنه تونه متزوجين

خلصنه الطريق كله بين عتاب هو يرفع وانه اكبس مد وجزر ما خلص ما خليت كلمه بكلبي ولا هو كل ما الكي شغله عليه يرجع ينطي حجه

وشغله الانتقام هاااا مو كتلي تزوجتج حتى انتقم منج

هههه ما لكيت شي اقهرج بي بس صدك بوكتها مقهور منج كرهتج شلون وافقتي

انته رفضت وانه وافقت

اي ادبج حتى ثاني مره من تشوفيني ميت ما تزوجين ولا ترفعين عينج بعين واحد كولي عندي رجال
ردت اقاطعه .. كال
هسه عوفج من هلحجي انتي حامل خل نفتح صفحه جديده

ما اكدر ما اتقبلك ابد

ليش بالله رفع حاجبه خازرني

لان رجعت غصب هسه عرفت ليش
سكت بقى ساكت الى ان وصلنه تلكتني عمتي من الباب بوستني وعمي شوي واجه جيهان الي ماتكدر تعبر عن فرحها اعرفها ليش مو بس لان تحبني ولان مرت اخوها لا لان تريد امير عدها امير روحها من الدنيا اكتشفت هلشي لمن شفت صوره اله عدها جانت وي البوم الصور مالتنه
بس اعرف امير ما يفكر بيها ولا باله اصلآ

السبب الي يخلي بنت العم لابن العم انو هيه لا طالعه لا ماشيه مجرد بي هو تشوفه او مرات ما تشوفه هسه هيه تحبه وتريده لان اصلآ وين شايفه غيره
هااا حكه نسيت شايفه عدها ولد خالها ثنين بس مو كل هاي تطلع تسلم عليهم لو تكعد يمهم اصلآ مرات من يجون كبل للديوانيه ومحد يوصل الهم بس احمد جاي وماي اما احنه فدائمآ جانوا عدنه شكد حاولت اتقرب منها حتى اسراري احجي الها مرات بس هيه ابد ولا يوم كالت احبه واكشتفت هلشي لمن طشرت ملابسها وتسفط بيهن واجيت فجاءه يمها وجان اشوف ابو وجه مدور امير جان زغير يخبل مدنفش وشعره بي شكار كلش حلوو وياهو يشوفه ياخذ عضه من خدوده جنت اربع وعشرين ساعه عرايك انه وياه .. يارب اذا صدك تحبه تاخذه لان من صدك احبها لجيهان فقيره والي بكلبها على لسانها دمها محبوب وهيه حليوه

اما انه وما ادراك ما انه بس طبيت للغرفه وكأن رجعت للسجن حسيت نفسي محبوسه من جديد وهو ساكت على اخر كلمه كلت اله بلسيارة ما حجه

امه يحجي وياها ببس مو هو ضايج ومتكدر خفت من شفته هيج كلت هسه يرجع نفس الشي وترد حليمه لعادتها القديمه

رجعت اسفط بلملابس وارتب بيهن هو متمدد على الجربايه
سمعته همس تعاي يمي عندي حجي وياج
شنو
تعاي ما راح اعضج

كعدت بلطرف مال الجربايه منطته ظهري كال
هو هذا احترامج كتلج دوري اريد اتفاهم وياج

التفت باوعت. عليه
احلفج بكل عزيز عندج رفل تحبيني لو لا

صفنت ما اعرف شكول المشكله مو بسهوله ابدد ابدد انسى شي ما انسى كلامه الضرب الاهانه كلمه كلمه اكو شي بيه حن شي زغير بس عقلي رافض يتذكر اخر مره من مد ايده وشلون هانني ولفق
باوعت عليه وليش تحلفني
لا تلفين وتدورين كولي لو ايي لو لا

وشنو يفرق عدك
يفرق يفرق تدرين هسه راح يصير طفل يعني شي اكيد اذا مو علمودج علموده احاول اغير نفسي

انته ما تتغير
عوفج مني اييي لو لااا صاح بنتر
لا ما احبك
كلت هيج احسه صار نار وشرار

جاااا خووش خوش همزين طلعت منج
يتبع بقلم منى الطيف لا تنسون التصويت