طيحة عكال الفصل الحادي والعشرون 21 - بقلم لحن الهدوء

اضغط على النجمه😗

زينب .. عمي كال هيج لو طلعت عيون زينب لبره
حتى هو حس بخزرتها صفن ابو علي ما عرف شنو يحجي
انه كان ضني راح يعزلني لان حجيت علمود الملابس بس كان ضني غلط هو راد يكسر خشمها ويروايها باعي عود بيج خير احجي بعد وعاركي نط رعد .. بويه شسالفه على شنوو اعزل ترى سالفه ما تستاهل اعزل علمودها شعدي ما تكلي

ادري بيك ما عدك شي وكلها ماعدها شي بس جفيان الشر مله عليوي
خولة نطت عمي هو منو ابده يعزل انه صاحبة جهال
ابو علي باوع عليها بخزرة بمعنى سكتي
عمي كلها وشنو جهال ما يكفيهم البيت اشو غرفه الهم وحدهم بعد على شنهي وبعدين اريد اعزل رعيد جيف مشاكل تصير وخافن انتي تريدن العزال كولي وانه عمج ما عندي مانع

ابو علي .. لا يابه على شنو نعزل شعدنه اصلآ البيت جبير وهذا هو بذام تعزل رعد احنه على شن نعزل

توجه عمي بنظرة لرعد كله رعيد القطعه الك اليم اخوك عقيل اخذها باجر طلع المساح خلي يشوفها حتى تحدد المكان عدل وتشوفه وابني بيها واخذت مرتك وروح من يمي هسه وانته ابو علي هم اخذ مريتك اريد ارتاح كافي مشاكل

طلعنه من يمه بس خوله تمشي وترافس ليكول عاضها جلب
الباب مال الغرفه انربد صعدت فوك رعد طب ضايج
شوفي هيه هاي المشاكل احسن هيج ابوي راح يعزلني

يعني شتقصد على شنو شنو مسويه مشاكل اصلآ لا يمها ولا كربها انته حاجي عمي خلي يتراجع ابوي ما تعرفينه اذا كال كلمه ما يتراجع عنها ترى ابوي واعرفه

يعني انه شكوو حتى هيج تحجي كلت لعمي يعزلني اصلآ مقهوره تدري هسه افكر واكول خاف لان كلت علمود الملابس هو تصرف هيج

لا مو علمود جي حجيتي اصلآ ابوي راد يكسر خشمها بس انه ما اريد اعزل حتى لو هاي شنو شعدي العشره

حاجي باجر
اي اكله خلي يعزل خوله انه ما اريد اعزل
كيفك
كعدنه الصبح رعد ما راح للشغل ضل كاعد يريد يحاجي عمي
كله وعمي رفض ولمن سألت بعد ما صاح عليه اصعد وراه كتله هاا شكلك
يكول ما اريد تبقى هنا وكتله زينب مستحيه منك تكول خاف جي كلت هيج
كال لا انه اريد ادب خوله حتى توب ادري بيها كل مشاكلها بس حتى تعزل واله اخليها تتحسر على العزال وادري بزينب وانته رافضين تعزلون للذالك كلت انته تعزل بعد حتى ما الها حجه ويامن تتعارك وي الحايط

والله عمي يفهم الناس من نظره
اكدت عليه ما اريد اطلع وهو مصر اطلع كال وديت على عقيل حتى يشوف الكاع ونبني بيها

طلع ما اخفي فرحتي انو راح يصير بيت الي بحدي وبين مقهورة راح اطلع من يم عمي صح عمتي هم الها دور واحبها. بس مو مثل عمي لان ساعات بس تكعد يمها خوله تنكلب عليه ولو تجي وحده من البنات وحجت كلمه تتغير كبل وادري اغلب كلامهم علمود جي رعد يطلعني ونطلع سوه وهمه عدهم هلشي مرفوض
المهم استمر رعد يبني وبطني تكبر ضليت احسب حاسب يمتى اشوفه
...............
رفل . .. احمد خلق فجوه جبيره والي بده بيها هو انه
لمن كتله ما احبك هاج عليه
كلي انتي البديتي
ولمن شفته معصب حاولت اترجع علن كلمتي كتله احمد خل نحجي اوكف التفت عليه
عيونه تريد تطلع سمعي ولج هنه جم شهر تجبين ابني وترحين منا سواء ولد او بنيه تعوفينا وكبل لبيت اهلج لعبت نفسي منج ما اريدج

ايي عود خلي يصير والله كريم

هااا هيج الحجي كولي هيج من الاول خووش جاا همزين انتي البديتي
تنطيني ابني وترحين
ضلينه يوم عن يوم نبتعد كل ما احاول اتقرب ينفرني
والسبب انه حاولت شكد اصلح الوضع ما كدرت ما كدرت حتى بلفراش ابتعد ضل ينام بصفحه وانه بصفحه اذا شافني صعدت على الجربايه ينزل واذا نزلت يصعد ابدل والبس واكشخ وهو هو. ابد ما هزيت شعره براسه جنت اضن عنده حاجته ازيد من كلشي بس جنت غلطانه

عمي وعمتي وحتى جيهان الكل لاحظ انو احنه كلامنه قليل اذا حاجيته كدامهم يرد من وره خشمه نسيت كلشي نسيت ضربني نسيت اذاني نسيت غلط تمنيت يجي ويحظني خلص نسيت سامحتك ليش هلحقاره

ملابسه يشمرهن على الغساله ويصيح لجيهان تغسلهن اجي ابعدها واغسلهن
بطني بدت تكبر وبدى همي يكبر خاف صدك يسويها وبيوم اجيب ابني يرجعني

لا ياربي فدوه اروح الك فدوه اهدي وخلي يرجع الي
ضل يتأخر وافكر خاف راح لوحده خاف تزوج ما معقوله هسه راح يصير شهرين على رجعتي وهو حتى ما تقرب الي

شلون يارب الشيطان يلعب بعقلي وافكر واطحن بروحي طحن هسه هيج وهسه يمكن كاعد يمها وحتى فكرت بشكلها ويمكن صدك هسه يشوفها مكياج ولبس وهسه يضيع

خررب حظي كافي ولج رفل اطردي هاي الافكار من راسج
كمت طفرت الله لبست روب اسود ومكيجت بسرعه بسرعه انتظرت ساعه ساعتين وانه كل فكري اليوم اذا اجه اصالحه خلص ابوسه من راسه واكله اسفه صارت ب١٢ ونص وهو ماكو المشكله ما اكدر اروح لعمي واكله خاف تصير مشكله

نمت من كثر التفكير وباوع على الضوه شوي شوي نصه الضوه ونمت حسيت الباب انفتح بس عيوني من كثر النعاس ما اكدر افتحهن جنت متغطيه بلبطانيه يعني كلشي ما شاف مني ما يسوه التعديل عود اسوي اغرائات امده حظي

حسيت احد تقرب مني نفسه عدلت نومتي احس بحركاته سويت نفسي غافيه حتى استمتع بلمسة ايده
بعد شعري عن وجهي وطبع بوسه بخدي بحركه خفيفه وكام فرش فراشه بلكاع ونام عيوني من وحدهن الدمع اريد يوكف ماكو
حتى فراش ما فرشت اله جوه ردت علمود من يجي يصعد يمي وماكو ما فاد
شسوي يارب شسوي اهدي رفل برغم نعسانه وعيوني ما كدرت افتحهن بس لمن ابتعد حسيت النومه طارت من عيني تعبت منه ومن اهماله ليكول محملني منيه على شوفته

وخرت البطانيه اجيت اشوفه اوجه بس ما كدرت ليكول صمغ وصمغ حلكي ضليت ارجف ورجعت نمت خفت يكول بعدهي كاعده ويضل يشك بيه وما يرجع الي وهاي اول مره يتقرب الي يعني يحبج رفل عوفي للزمن هو من وحده يفك صدكي

........................................
زينب .. كمل البيت بعد ٣ اشهر بضل هاي ال٣ اشهر روحي طلعت خوله ما فكت مني وتزيد مشاكل وعلى كلشي صاحت وين يرحن يسون سحورة اريد اسوي بلكي حظي ينعدل مثلهن واغلس عنها
رعد هو واخوانه نقلوا الغراض مال الغرفه انه بس عزلتها اما رعد فتكفل االفتح مال الغرفه وخوانه وياه لميت ملابسنه وكملت ورحت لبيتي متشوقه يوميه اعد يوم يوم حتى اشوفه ولوو رعد ما قصر يوميه ياخذني ويروايني شكله شلون صار وين وصلوا العمال بس كل هذا مو مثل النهايه شلون اريد اشوفه اول ما وصلت البيت تصميم اخوه صممه تطب على الجهى اليسره حمام وتواليت بره كال خاف يجونه خطار احسن الهول جبيره والدوانيه تتوسط الهول
والمطبخ اول ما تدخل بلوجه كلش حلو استلغيت بلبيت وفرحت كلها اجت تتبارك النه بس خوله ما اجه ابو علي جايب هديه هيتر على الكهرباء بس احسه مو راضي
كعدتي
شعليه المهم راحتي

..........
رفل .... كعدت الصبح من بعد من نام وعافني سبقت كعدته عرفت ما راح يروح لان اجه متأخر
كعدت حظرت ريوك ردت ابدي خطوه واشوفه اخلي الاكل واكل وياه بذام اليوم ما رايح للشغل
صبيت وكملت شفته كاعد ومشغل التلفزيون على فلم اجنبي
بيده الريمونت باوع عليه ودار وجه
صباح الخير ما تجي تاكل
سكت
رحت يم مكانه احمد كووم وخري منا .. وكفت كبال التلفزيون كال كتلج وخري
ما اوخر
ليش تخليني اكوم اغسلج ترى ساكت لان حامل

ميلت واجيت كعدت يمه كوم تريك وياي ما اشتهي اكل بحدي

ما اريد اكابل وجهج

ليش بالله اعض لو اخرع

ايي بس وخري
لعد ليش بستني امس دار عليه دفعني وكام خرب بحظي شحجاني هسه عفت الاكل على حطته ما تركيت كضه اليوم وهو طالع ما رجع ما اعرف راح للمحل مدري وين من اجه عمي سألنه كال مر شوي وراح اتصل بي كله يم جماعتي

بنص الليل مثل كل يوم كعدت انتظره مديت ايدي على بطني واحجي وي. روحي انته تصبرني بس انته
دخل شافني كاعده جنت لعبانه نفسي من روحي حتى قطره مكياج ما مخليه شافني دار وجه فارشه فراشه بلكاع لاول مره اسويها وافرش اله كله اخلي هو يفرش لروحه

بس اليوم كلت خلص لازم ادبه شوي شاف الفراش ضل واكف عليه ما نام وانه حاطه ايدي على بطني تخوصر وضل يتأفف
ووتالي وياج انتي

شنوو هم سويت شي غلط

حسي بيه كافي حسي شوي

يتبع
بقلم منى الطيف تحياتي لكم جميعآ