رواية ياقدري واحلى قدر الفصل الثامن 8 - بقلم Shody ✨✨

سديت التلفون وكتلة
- تفضل معتز رايد شي
- ويامن چنتي تحچين ؟؟
- رقم غريب صار الف مرة داگ علية وگلت خلي اشوف منو طلع بالغلط وسديتة
بس مگتلي انت على شنو صعدت
- منو هذا الي خطبچ ،، تعرفي
- واحد اجة حجة وياية بالكلية ورفضتة ،، ومتوقعت حيدز اهلة لبيتنة
- وهو شمعرفة عنوان بيتنة ،، وشلون اجرء يدز اهلة اذا انتي ممنطيتة مجال
- معتز من الاخير انت شرايد
- رايد تحجين الصدك ،، منين هذا الولد وعندج شي ويا
- انت صدك تحجي ؟؟ داگلك اجاني للكلية ورفضتة ومتوقعت حيدز اهلة ولا اعرف منين جاب عنواني وبعدين انت على شنو دتحاسبني ،، الرجال اجة خطبني ،، مو شفتني ويا مدگاودين
- حتى اكسرهة لايدج
- انت شلون دتحجي وياية هيج ؟؟
- طبعا احجي هيج واكثر،، لاعبالج فوتت سالفة لبسج الضيق والقصير راح اسكت على غير شي لاوحق ربچ اذا دريت عندج شي وية هذا الحيوان
لا اسوي بيج سواية مصايرة
لابستلي احمر ونازلة تستقبلهم وتگول رفضتة هين ياايلاف
وطلع وسد الباب ....
بلله هذا صدك يحجي ،، يعني اني شنو سويت حتى استاهل هذا الحجي اخذت نفس وكعدت افكر بهدوء ياربي شلون حلهة منك اريدهة يارب خلصني من هذا الموضوع لتروح تصيرلي سالفة والله مالي خلگ
انفتحت الباب ودخلت سمر
- ها ولج شكو
- شكو بعد يمعودة احجي
- لا بس شفت معتز نزل وجهة صاير احمر واخذ سويج السيارة وطلع حتى مرتضى صاحة عافة وطلع عرفت چان يمچ
- بلله بشرفج يكلي عندج شي وية الولد ولهذا اجة خطبج
- لا والله شنو القصة ،، يلله حبي لتاخذين على خاطرج هو معتز هيج يدقق بكل شي
- اشو ميدقق وياجربس علية ياسمر ،، والله العظيم اجاني الولد للكلية اكثر من مرة ودائما اتعذر منة وكتلة ماافيدك والله ياسمر ماعندي شي ويا
- والله يروحي مصدگتج ليش مااعرفج اني يلله حبيبتي غسلي وجهج وتعالي نزلي قبل لتصعدلج هاي السعلوة وتستلمچ حاصل فاصل
- ماشي
نزلت جوة وساعدتهم بالعشة ورتبنة الميز وكعدنة ناكل واني اجامل هذا وهذا وعيني عالباب بكل طگة افز
كملنة وگمت غسلت المواعين والجهال يلعبون يمي وملوكة بحضن بيبيتهة بدت تفتهم وتباوع عالجهال
كعدنة نشرب چاي بيتنة چان المطبخ چبير ومسوي حار وبارد فالگعدة دائما بالمطبخ جانت حتى تلفزيون حاطين بي وقنفات وميز طعام
كعدو يسولوفون ونور كل ساعة عايدة الموضوع اخر شي حجة عمي
- بابا ايلاف اني مااريد اظلمچ ،، اذا انتي رايدة الولد وقابلة مااگدر اوگف بوجهج انتي امانة المرحوم
قبل لا اجاوب انفتحت الباب ودخل معتزباوعلي صفح وگعد راحلة زيودي يركض شالة وعينة علية ،،اني من خوفي قبل لا انزل حتى القميص الاحمر نزعتة ولبست اسود
- ها ابو ملاك وين رحت صحت عليك مسمعتني؟
- لا خابروني وطلعت مستعجل ؟؟
رجعت نور حجت
- ابو ملاك انت شتگول ،، الولد كامل مكمل حتى بيت عندة والبنية شتريد من الرجال غير يوفرلهة اساسيات الحياة  الي هي بيت ومصدر مال والولد صاحب شركة والله اني اگول لو توافق احسن
رفع راسة وباوع علية وحسيتة خزرني وگال
- البنية بعدهة صغير ،، خلي تلتهي بدراساهة هسة ،، تلحگ بعدين على هالسوالف
- ابني الي حجيتة صحيح ،، بس لازم نشوف رأي البنية ،، ها بابا شتگولين
اني مثل السعفة اليابسة رجفت رجيف مصاير وعين على عمي وعين على معتز اراقب حركاتة وتعابير وجهة
اخذت نفس وحجيت
- بابا الي حجا ابو ملاك هو الصحيح ،، اني حالياً مفكرة اكمل دراستي وماعندي اي نية بالارتباط وارجوك ياعمي اذا تكرر هيج موقف من يمك سدة بدون متسئلني
-الحمد لله يابنتي ، اني ردت اسمعهة منج حتى لا اگول ظلمتهة بس اني بداخلي مراضي والله
انسد الموضوع وكامو يسولفون بغيرمواضعين گال مرتضى
- شنو اخبار الشغل بعدهم يخابروك
- اي والله البارحة نطاني مهلة شهرين گال بعد مااكدر انطيك اكثر
رغم اني دااتابع وياهم عالنت بس اكو اجتماعات دتطلب حظوري وهو محروج كلش من الشركات
- اي روحلك كم يوم وتعال
- مااكدر مرتضى اني مال اعوف ملاك واروح مااكدر اذا رحت لازم اخذهة
- شلون تاخذهة يايمة منو الك هناك
- اخذلي فلبينية تداريهة
- انت صدك تحجي
حجت نور
- ولله ياابو ملاك انت ليش متاخذلك مرة وتتزوج ترى انت مو اول ولا اخر راحد يترمل اذا مو لخاطرك لخاطر بنتك
- والله يانور شعندج سوالف ،، يلله اذا عندج مرة الي خلي نتوكل
- انت بس اشر الف وحدة تتمناك
اني متحملت كمت من مكاني ورحت للحديقة اختنگت ،، كعدت عالمرجوحة وطلعت يمي سمر - ها حب بعدج ضايجة
- لا عادي الحمد لله من انسد الموضوع
دنسولف وطلعو كلهم يودعون بيت مرتضى ديرحون لبيتهم
وخلص اليوم على خير ،، يوم ثاني كعدت الصبح غيرت ملابسي بصعوبة كومة بقيت واكفة گبال الكنتور ياقطعة اجرهة ارجع ارجعهة خوفاً منة اخاف متعجبة لازم هاي الفترة اخلي يغير نظرتة علية
اخر شي اقتنعت ببنطرون رصاصي مقلم وقميص ابيض ويلگ ماروني طويل فوگاهم
نزلت ولكيتهم ديتريگون
- صباح الخير
- صباح النور باباتي
اخذت جنطتي وطلعت بالحديقة انتظر الخط طلع معتز باوعلي صفح وگال شنو اليوم عندج دوام
- صباح النور ،، اي عندي امتحان
- اذا تريدين اوصلج اليوم طريقي عليكم
- واسمعلي محاظرة من الصبح لا انتظر الخط احسن
رفع حاجبة وگال
- ولج شو طالعلج لسان ،، وگايمة تردين
- من رخصتك اجة الخط عفتة وطلعت اركض صعدت بالخط ومشت السيارة
وصلت للكلية ودااصعد للقسم واشوف اثير گبالي اجاني يتمشى
- هلو الوفة
- اثير اگدر اعرف ليش خليتني بهيچ موقف البارحة بدون سابق انذار
- كليلي لعد شسوي مبقت طريقة مسويتهة وياج
- وتتوقع من حتسوي هيج حتحطني گدام الامر الواقع واقبل
شلون اندليت بيتنة ،، ورقمي منين جبتة الله يخليك لتسويلي مشاكل
- يعني شنو افهم من كلامج
- اني الموضوع هذا مااكدر انطي رأيي بي الجواب عد اهلي وارجوك لاخر مرة اگولك ياابن الناس اني ماافيدك
- هذا الي شفتة وياج بالمطعم السبب مو ؟؟
- هذا شدخلة بالموضوع
- لان مشفتي نفسج شلون چنتي صافنة وتباعيلة عيونج فضحتج
- اثير
- لا اثير ولا بطيخ گوليلي هو السبب مو
- من رخصتك راح يبدي الامتحان
عفتة وصعدت وشفت مروة واگفة تسولف وية ولد عافتة وجتيني تركض ها الوفة شلونج
- شلوني كل مصايب الدنيا على راسي
- بس لا شافو متصل عليج
- وانتي شمدريج متصل علية ؟؟ مروة لتگوليلي انتي الي انطيتي رقمي
- ايلاف والله ظل يلح ،، وكال هسة اهلي رايحيلهم والله كلت بلكت الله وت
- لتكملين مروة متوقعتهة منج صدك صدمتيني هاي عود انتي بيت اسراري ومئمنة بيج ماشي اني كلش اشكرج
عفتهة ورحت كعدت بالقاعة طبعا مااعرف شلون جاوبت ،، يعني الانسان شگد يتحمل بعد كلة من ورة الحب شحچي عليك ياگلبي انت الورطتني
.. سلمت ورقتي وطلعت بسرعة حسيت نفسي دخت لان كل شي مماكلة رحت للنادي اخذت گهوة وگعدت دااشربهة فجأة رفعت راسي واشوف شخص اباب النادي واگف بالبداية كذبت عيوني بعدين وضحت الصورة اكثر
- معتز !!!!!!!