زمهرير الاوجاع الفصل العاشر 10 - بقلم قدر ال هاشم

زمهرير الاوجاع (الليالي من عذابك)

الجزء الثامن حفصه الهاشمي

...........

ترعرتُ في عالم الاحياء ونضجت في عالم الاموات في ضميرهم ...
تخبطت في صعاب الحياة تارةً ... وكُسرتُ في جبروت الطغاةِ تارةً اخرى ...
رأيتُ الجشع في عيونهم ... وتغاضيتُ عن اللوم المرسوم في افعالهم

...... ...................

قدر ....

لحظات بيني وبين مصيري الي راح يصير خراب من ورا هذا الرجال الفاجر
شعور ابد ما اتمنى حتى لعدوي ...

اصيح على بكل صوتي .. صرخاتي هزت اركان القرفه بس ولا همه توسلاتي ولا دموعي

سنونه انبتت برگبتي بكل وحشيه .. احس الالم نهش ركبتي وصدري نهش ...

ادافر بي برجلي وايدي ... مثل القول (الغول) وهجم عليه ..

العباييه وكعت وماعرف وين صارت مو بحالها بحال روحي هسه ومصيبتي ..
سحب غميصي من جوه الصدريه بغوه لدرجة الدكم مالتها تغطعن (تقطعن) سحبني من صدريتي من يم الصدر وهوه يفشر ويسب

باوعت يمنه ويسره اريد اي شي اضربه بي ماكو .. لمحت بطالة العرگ مطشره مديت ايدي اريد الوح واحد بس ماكو ..

طولي ما ساعدني وهذا نايم فوكايه .وراسه بركبتي مديت ايدي مره ثانيه بس بلا فائده بجيت بصوت عالي ونحيب وانه اتوسل بي

/// عمموو الله عليييك وخررر ابويي يذبحنني حرررام عليك وخررر ...

ما جاوبني استمر بالي جلن يسوي .. حسيت على صار يتمادى اكثر ..

سحبت بطل وصل يم راسي من ورا دفراته لزمته وبدون اي تفكير ركعته براسه ..
ورفع راسه مصدوم الضاهر الضربه ما اثرت بي الكزاز اطشر بالكاع ونصه بأيدي ...

باوعت علي وحش شيطاان ولا تأثر .رجعت بنفس الكزاز الي بأيدي نبته براسه والدم ترسه ترس ..

وكع على صفحه وهوه لازم راسه ويصيح من الالم ... باوعت علي بكره وحقد ماعرف منوين اجتني الجرأه ..

رجعت لزمت بطل وضربته براسه والكزاز نبت بي ..والدم سبحني وسبحه ..

وكع على الارض ماعرف مات عدل ماهمني

طلعت اركض من الغرفه واني اضحك وابجي وكل الي يدور براسي ابوي اليوم يجنزني بالعباس ..

لو حته حجيتلهم ما يصدكون بيه ... طلعت اركض على الشارع العام وانه ابجي بحركة گلب وكل شويه ادير راسي اشوفه اخاف لحكني بس وين حسيته مات ونفسه انغطع ... لان قرگ (غرك) بدمه وحته ملابسي كولهت دم صارت ...

مسحت دموعي بأيدي التارسها الدم .. وكفت على الشارع العام اريد اتذكر الطريغ ارجع لبيتنه مو مهم لو حته انكتل اهمشي احفظ نفسي واحفظ سمعة اهلي ...

عبرت الشارع ركض . . فززني صوت الهورن مال السياره وصوت شخطتها على الشارع ..

رفعت راسي وعيوني مقوشات من الدمع .. باوعت على السياره وفتحت عيوني بصدمه ... جمييل ..!!

نزل من سيارته وعيونه حمر من العصبيه و وجهه محتقن هالكد ما معصب ما اهتميت لخوفي ركضت علي وانه ابجي اريده يتلاحكني وافهمه بلكي الله يفهم ابوي ..

ركضت علي واني اصيح بأسمه وابجي // جمييل ..... هههه جميييل همزين جيييت ..

وصلت يمه اول ما تغربت منه سمطني براجدي فر راسي فر ...
وكعت على الشارع وراسي انركع بالتاير مال السياره ...

ثواني وصوت السيارات التمت علينه ... اغدام (اقدام) ابوي تغترب شويه شويه هنانه انتهيت هاهيه محد يصدكني ...

رفعت راسي وانه استنجد بيهم بنظراتي وصل ابوي يمي لزمني من شعري وحالتي حاله ..
رفعني من ايدي وهوه يتمعن بمنظري .. نزلت عيونه على غميصي المشكشك وعليها اثار جشع الحقير ...

رفع مظره الي وعيونه اسودت هاللكد ما عصب رجع سمطني براجدي وهوه يفشر عليه بنص الشارع ويرجع يلزمني ويضرب بيه

/// بنتتت الزمااايل ولجج وين جنتتتي يسااغطه ... بتتت الكواويددد وين جنتي تهر... لانعل سلفه سلفاااج ...

سحبني من شعري سحل وذبني بالسياره وانه الزم بأيده اريد بس افهمه الموضوع صعد بالسياره بس ما شقلها .

. صعد بصفي وجميل بالصدر ويباوعلي بعصبيه ابوده يريد يكوم ياكلني سحبني ابوي من شعري وهوه يصيح عليه وانه مثل الطير المذبوح ..

من الخوف حته البجي اختفه من عيوني اريد بس ابرر موغفي ... /// احججيي بنتتت الزمااااايل وين الكوااد الجنتي ويااااا والله اليوووم اذبحج واغسسسسل عااااري كح....

لزمته من ايده وصوت بجي مالتي عله /// ابويي ابوي وحق العباااس انه ما سويتت شي ابووي هوه السايغ السايغ خطفني والله ابوي كا اجذب عليك والله

ركع راسي بجامة بسياره وهوه يصيح // بت الكواويدددد خطفج لووو انهزمتييي ويااااا .... لانعللل ابوو رسسج ..

اتذكرت المكان والقرفه الي ذبني بيها هذا الحيوان ....
تذكرت شلون ضربته واددم ترسه ترس ... رجعت لزمته بتوسل وانه ادعي يوافغ .. //// ابووي ابوووي اشوفك الززلمه والله كتلته انه حاول يعتدي علي وانه سمعتكم قاليه عليه والله كتلته وخليت دمه بطوله ...خلي اوديكم على المكان الجابني بي واشوفكم بعينكم بالعباس ابوي كتلته ...

باوعلي بحقد وحجه ويه جمييل //// جميييل شوووف المكااان وين ... بس غسم بالله اذا جذب لاذبحج بنفس المكان ...

هزيتله راسي واني ابتسم الحمدالله الحمدالله يربي ساعدني دخيلك ...

وصفت المكان لجميل الي جزن ينافخ .. تمنيت يوكف ويايه ويدافع عني كدام ابوي بس وين هذا جميل العصبي الي خلكه اصقر من حبة الفاصوليه ...

صف السياره ونزلت ركض مثل الطفل الي لكه امه بالسوك من بعد ضياعه لدقايق ركضت للمكان وانه أأشرلهم بأيدي /// هنانه بابا والله هنانه فوت فوت شوف الزلمه كتلته والله ...

فتحت الباب وابويه دفعني وفات غبلي هوه وجميل ... وكفوا كدامي وكل واحد اضخم من القول واطول من عامود التيل ..

تغدمت من الصفحه وانه أأشرلهم وأشرحلهم شلون جابني

فتحت عيوني بصدمه عززا عززا العززاج يا غدر (قدر) الزلممه وين اختفه

والله بابا جان هنانه واني كتلته بأيدي والله كتلته ...

اباوع لابوي عيونه صارت بكصته الزلمه اختفه اني تأكدت من ضربتي حيل على راسه شلون لحك يكوم ويشرد ......

باوعت على ابوي وجميل تغدم ابوي من الجربايه وهوه يضقط (يضغط) بأديه بعصبيه باوعت على الجربايه كلها دم اتغدمت علي بضحكه وكتله

// شوف شوفف بابا هذا دممه انه كتلته والله هذذا دمه

ضربني راشدي غوي حسيت رغبتي (رقبتي) طكت سمعت صوت العظام بيها وحده اطك بالثانيه ...

جميل سحب الجرجف الجان على الجربايه وهوه يصيح على ابوي /// عمييي دمم عذريتتهااا الساااقطه دمم عذريتهاااا اذبحهاااا هنانننه واغسسل عااارهااا الكح.... اذبحهااا عمييي ولا تسوددد وجهك بين الخلگ (الناس)

زحفت بسرعه وجلبت برجل جميل وانه ابوس بيها واتوسل بي /// لاا لاا جمييل لااا والله ما سوللي شي والله اني كتلته كتلته هذا الدم مو الي هذاا دمه دمه هوه ساعدني الله يخليك ...

ويه ما جاي احجي واتوسل بي حسيت على ابوي سحبني من شعري وركعني بوسط القرفه ...
باوع عليه بغسوه وكال لجميل

جميييل جيب السلااح من السياااره حكها جكيلله وادفنها مثل الجلاب

باوعت علي بصدمه وخوف الروح عزيزه ...
لزمته من رجله اتوسل بي وهوه ولا يمه دفرني بغوه وصاح على جميل جان صافن عليه وبعيونه نظرات مدري شنيه

معقوله انغهر عليه ...
باوعتله كلت اتوسل بي بلكي الله يحنن كلب ابوي علي زحفت ليمه وانه اتوسل بي وابجي

/// جمييل لا الله عليك حاجي ابويي جميلل انه والله شريفه ماسويت شي بعدني طاهره والله جمييل فدووه ساعدني لا تعوفني ...

باوعلي ثواني حسيت بعيونه لمعة حزن بس يكابر ما يبينها

دفرني من يم رجله صارت الضربه على بطني .. بس ما اهتميت من كد الخوف الي انه بي
سمعته كال بصوت اشبه بالهمس وهوه غريب مني مي (قريب) /// ضيعتي نفسج وضيعتينه قدر ...

باوعتله بأستغراب شنو قصده .. ضيعتنه ... قصده عليه وعلي لو على عائلتي كولهم ...
نظراته جانت تختلف عن كل مره يباوعلي بيها ...

استسلمت للبجي وابويه الي كل شويه ودافرني لو بصصفحتي لو راكعني بالحايط ..
. احس جسمي تبنج .. هاهيه يعني راح اموت واصير هامش بالحياة ...

لا اهل يترحمولي ولا ناس تذكرني بالخير من ورا هالسالفه ...
يعني هيج راح تكون نهايتي نهايه فاجره ... بس مظلومه وربي ..

انه دافعت عن نفسي ضربته اي والله ضربته .. انه شفت الدم ينزل منه مثل الشلال شلون كدر يكوم ويشرد ...
هيه لحظات والله لحظات شلون كام على حيله ... شيطان هذا جان اول شيطاان بشري اشوفه بحياتي ... وشلون شيطان نذل وحغير

.... فات بخطوات بطيئه وانطه السلاح لابوي .. ما باوع بعيوني انطا السلاح والتفتت يريد يطلع ...

صفنت عليهم صدك يعني راح يكتلني ابوي شلوون ما يرفله جفن معغوله (معقوله) ما راح يحن على بنته ...

شفت جميل يريد يطلع عطت علي بصوتي وانه اشوف ابوي يعبي بالسلاح الجيلات ... /// لااااا لاااا يبوي الله يخليك والله ما سوييت شي جمييييييل جميييل عليك العباااااس احجييي ويااااا والله شريييفه اننه مااا سويت شيي والله ...

طلع وعافني ما سمع حته لكلامي صياحي مله القرفه ملي منو يسمعني ...ومنو يصدك بيه ...

ثواني واندفرت الباب بغوه وفات عمي جماال انه من شفته ما صدكت عبالك انفتحتلي ابواب الفرج ...

ركضت علي واني ابجي واتوسل بي // عمووو عموو الله يخليك لا يكتلوني والله ما سويت شي عموو ابا راح يذبحني ...

سحبني ابويه من شعري ودفعني ليورا اتقدم عمو على ابوي وسحب السلاح منه بعصبيه وهوه يصيح على ابوي وبابا يصيح علي جمال

/// تخبللتت ولك قاسم تخبلللت وخرر عن البنيه والعن الشيطاااان ولك شلون تكتلهااااا شلووون

جميييييل صاح ابوي علي وهمه يتلاون بالسلاح والطلقه موجوده بي حسيت كلبي راح يوكف من الهبطه

//// جماااال وخر عني خلي اغسللل عااري هالنذذذله نزلت روسنه بالطييين ماتعرفهاا شسوووت الحقيييره ولك جماااال وخر عنييي ليغاااد ولا تخلينييي احطك وياهااااا ....

دخل جميل بسرعه وهوه يسمع صياحهم جانوا يصيحون بصوت عالي و واحد يسحب السلاح من الثاني ...
تغدم جمييل وسحب السلاح منهم وهوه يصيح عليهم راح ننضرب وراح ننضرب ...

عاد ابوي عاف السلاح واجه علي يريد ياخذني ويا بس عمي دفعه وصاروا يتضاربون ...

جميل لزم ابوي بغوه وغيد (قيد) حركته وعمي جمال سحبمي من ايدي بغوه و وداني لسيارته ... اضحك ماعرف ابجي ... مشاعر متضاربه والخوف سيدهن كولهن

... .......................

اخذني عمو لبيته وانه بس ابجي ما حجه ويايه كلمه وحده فتت للبيت وكبل لقرفة البنات ...

بغيت (بقيت ) كاعده بالساعات واني ابجي وبنوات عمومي يريدن يفهمن شكو ما قيرت (غيرت) ملابسي منوين اقيرهن (اغيرهن) وانه حال الضيم حالي كرهت المدرسه وكرهت الطبيبه وكرهت حته مستغبلي وين صفه بيه الدهر

...............

عمو طالع و ولده هم طالعين سمعت يريدون يروحون لابوي يتفاهمون ويا

البيت فارق (فارغ) بس النساوين موجودات بي ... ثواني وصعدتلي مرة عمي رسميه ... فتحت الباب وهيه اطك وتلطم

/// ولج يمعزايه كومي كومي اشرديي كوومي تنحنحي

باوعت عليها هاي خرفت شبيها انه اريد اخلص نفسي من مشكلتي انوب اشرد

غبل (قبل) ما اجاوبها سمعت صوت ابوي وصوت جيلات هوايه وصوته جاي من البستان مالتنه وهوه يصيح ولك جمااال والله اهد عليك وخر عن طريقييي

صوته صار يغترب كولش متت بدمي سحبتني عمتي رسميه وهيه تضرب على وجها

/// ولج تحركي ابوج اليوم يذبحج اشردي اشرديي الى ان نلكه حل اشرديي ولج

انطاني عباتها ودفعتني من الباب الاماميه وابوي ورايه جاي من البستان الطريغ (الطريق) كدامي مفتوح اكدر اشرد ... باوعت لعمتي ورجعت باوعت للشارع بلا وعي مني لبست نعالي ورفعت عباتي وركضت بسرعه وين !؟ ما اعرف !!؟

الخوف اتلبسني والخوف يجي من الشيطان ابوي يكولي ... وجان الحل الوحيد الهروب ... ركضت مسافه وصرت اسمع صوتهم من ورايه التفتت بسرعه شفته بس جميل واكف بنهاية الشارع واني براسه الفرع

باوعتله بلكي الله يحن وما يكوللهم فزيت من احلامي الورديه على صوته وهوه يصيح ويضرب جيلا ت/// لكيتهاا لكيتهاا هياتها عميي قااااسم ...

جفلت من صوته والتفتت اركض بسرعه وبس صوت انفاسي مسموعه حسيت نفسي راح يقمى (يغمى) عليه

صرت اسمع اصواتهم وهمه يقتربون وصوت ابوي يكوللهم // الزموها الزموها ....

لفت بالفرع ... ودموعي تنزل ونص الطريق ما اشوفه شفت واحد نزل من سيارته لابس لبس عسكري .. ونظارات والسلاح بخصره ... ركضت بلا وعي واني ابجي اريد القشه الي تنقضني من هالظلم ...

ركضت علي بسرعه وصوتهم صار غريب عليه (قريب) لزمت ياخة الغميص مالته واني ابجي //// دخيللله بشاارربك ..

. نزع نظاراته بفزع وهوه يباوع عليه بنظرات حاده ومستغربه
ويباوع ورايه على صوت ابوي الي يرمي بالجو

حسيت رجلي بادن وكعت بالكاع وانه بعدني لازمه بياخة غميصه
بجيت بصوت عالي ورجعت رددت عليه بكل حزم انه اعرف بيها منطغتنه منطغة شيوخ وهاي السوالف تهمهم صحت علي بصوت عالي واني مجلبه بياخة قميصه

/// دخيلله بشااااربككك انه دخييييله بشاااربك

... .........................

فتحت الباب وانصدمت بيه هذوله شجابهم هسه /// ماناويه ترحبين بينه بويه! ؟

رمشت عدة رمشات وهيه تبتسم الهم // هلا هلا بيك يابه تفضل نورت تكريت والله

ابتسم الها وفات فات ورا فراهد وهوه يباوعلها بنظرات حقيره ويبتسم الها بخبث // شلونج بنت عميي ..!؟

باوعتتله بحقد عافته وفاتت تحت نظرات ابوها الي يراقبهم بصمت // بابا تعال غسل هنانه وريح نفسك ...

// اي بويه جاي ...!

باوعت علي بحب صح ابوها شويه قاسي بس يبقى اب وتحن اله وتحتاجه بأيام الشده

غ سل ابوها وأشرت لفراخد من بعيد بدون ما تقترب منه ولا انش واحد ...

فرشت لابوها فراش بالارض لان ما يرتاح على القنفه والجربايات ... راحت قدمتلهم مي بادر .. ونظراته لفراهد ما نزلت عنها .... صاح ابوها عليها // سهنددد بوويه اخذلي غفه شويه وكعديني زين! جاوبته من المطبخ ..

/// انشالله بابا

شافت ابوها نام وفراهد كاعد وعيونه بالتيلفون ما اتأمن بي

فاتت ركض لغرفتها سمعت صوته من وراها يصيحها بس ما اهتمت قفلت باب الغرفه بسرعه و وكفت تسمع صوته وين راح ... سمعته يحجي وياها بهمس من ورا الباب // ولج سهيينه افتحي الباب داحجي وياج بموضوع ...

ما جاوبت علي بقت ساكته وحاطه اذنها عللى الباب .

اردف بصوت هامس وبنبره لعوبه /// هههه اي اختلي اختلي بس نهاية الفار بحضن البزون ... انشالله يكعد ابوج ونتفاهم على خطوبتنه ....!

سمعت خطواته يبتعد عن غرفتها حطت ايدها على حلكها بصدمه معقوله ابوها جاي لهنا علمود يجبرها على فراهد

اخذت التيلفون بسرعه وخابرت على يوسف وهيه ترجف من الخوف

ما احببه ماا احبه حقيير شلوون اكمل عمري ويا .. /// ها سوسه شلونج اليوم مشتاقتلي هوايه الضاهر ...

جاوبته بسرعه // يوسسف مو وكت شقه ابويه وفراهد هنانه وسمعت فراهد يكول علمود خطبه ماعرف شنو عفيه جيب عمو وتعال حباب

جاوبها بعدم مبالاة // اي بابا اعرف ابوج جاي كال لابويه واجه عنده موضوع وياج بس ما اعرف هذا النذل ويا ليش اجه ويا ...

// هااي شبييك يوسف ليش اجوي ثنينهم اصلا اني ما اريدهمم يجوون

/// خوش لكلكه والله ولج ثوله هذا ابوج انجبي واسكتي بس ابتعدي عن فراهد زين تشوفي بمكان كومي منه وبالليل قفلي غرفتج لان يجوز يبقون كم يوم ابوج حن لايام الماضي الضاهر ...

// يا مااضي ..؟!!

سمعته اتنهد بصوت مسموع وجاوبها /// انسي ابويه انسي ...اكولج خوما هذا الولد بعده يلحكج لا تسويلنه مصيبه ولج سهندد ...

صفنت بينها وبين نفسها
عززا عززا صدوك بس لا يشوفه ابويه والله انتهي شلون ورطه انوب مو بس يمشي ورايه وعيونه الي تاكلني اكل شكوله هسه ..!!

بلعت ريقها بخوف وجاوبته بتوتر // ها .. لا لا على شنو ... اقصد على شنو يلحكني لا ما اشوفه هههه وين اشوفه ..

// لازم اصدكج يعني ولج سهند الولد بعده يمشي وراااااج ...

جاوبته بسرعه وهيه تهمس اله تخاف لا يسمعها فراهد لو ابوها // لاا لاا والله هوه صح يمشي ... شووف شووف خلي افهمك زين

سمعت صوته العصبي يكوللها بنفاذ صبر // شفتت شفتت الغيي خلي افهممم! !

// شوف شوف هوه صح يلحكني بس والله احسه مثل الي يخاف على اخته من الطريق واولاد الحرام والله .... شوف يوسف والله ما اتعده حدوده ويايه ابد من اوصل يم الشقه يفر راسه ويروح والله اكولك ما يتعده حدوده ويايه ابدد ...

جاوبها بحده /// سهنددد هايي السااالفه ما تعدي على خيرر زييين وكولي يوسف مكال اني بنهاية الاسبوع اجي واشوف قصته شنووو يالله في امان الله

سد التيلفون بسرعه بدون ما يسمع منها الجواب ...

بقت كاعده وتاكل بأظافيرها بس لا يشوفه ابوها وهوه يمشي وراها هوه منوين يعرف ابوها اكيد واح يمشي وراها مثل كل مره ...

والله تنفضحين يسهند كوله من وره عجوز البين هذا نشرة الاخبار ..
ادري ماعندك شغله عمله بس مكابل باب بيتي وتراقب ..

سمعت صوت ابوها من ورا الباب يصيحها فتحت الباب وراحتله ركض // ها نعم بابا. ؟!!

جاوبهه بنفاذ صبر // ياابه صارلي ساعه اصيح وينج ؟!! ليش قافله الباب عليج

حكت جبينها بتوتر وهيه ترمش بعيونها ;/ هاا لا بابا ... جنت ...جنت شسمه ابدل ...

// ها خير انشالله المهم ... رايحين اني والشيخ سلمان عدنه شغله هنا نكضيها ونرجع

قلبت عيونها بملل شيخ سلمان هوه كل اسمه فراهد شجابه على سلمان ...

// اي خوش بابا الله وياكم ...

بدلوا وطلعوا هوه وفراهد عود الشيخ سلمان كرة عيني ...
لميت الاستقبال وشالت النفاضه الاستاذ فرهود مسوي الاستقبال كافتريا وريحة الجكاير لاعبه لعب بيها ...

فتحت الشبابيك وفتحت البرده شويه جابت معطر جو وعطرت الاستقبال وتفكيرها مشتغل وين راحوا شوكت يرجعون لبغغداد ليش اجوي اصلا ..

استغفرالله هسه هلا بيهم بس توقيتهم ابد محلو ...

تذكرت سيف من شافته واكف مقابيل الشباك اول مره ويباوع عليها ضحكت بخفه وهيه تذكر نظراته الي عبالك من صدوك يتهمها انتي مجرمه وفجأةً تغير الضاهر حيل يحب امه والله خوش جرت اذاناته هههههه ...

قطعت تفكيرها وهيه تباوع على الشباك يا ترى اذا اروح اشوفه ...

عزا عزا سهند انجبي شبييج شتشوفين منه ولج ...

راحت ودت النفاضه والاستكانات للمطبخ حطتهن على السنك ورجعت ركض للشباك

فتحت البرده شويه اتريد تشوفه يجوز واكف ...
فتحت عيونها بصدمه عززا هذا ابويه ...

جان واكف مقابيل ابوها على بعد خطوات وابوها يباوعله وفراهد ملتهي ويه ابو عباس الفتينه مثل ما تسمي ...

جانت نظرات سيف على ابوها نظرات صدمه على اتسغراب .. سدت البرده بخوف ورجعت كم خطوه ليورا وهيه ضامه ايدها لصدرها كامت تكمز بوسط الاستقبال وهيه تبجي

// عززا عززا رااح يكووله عليه عززا العززاج ماا والله ماما ماسويت شي اني عزا العززاني ...

وكفت على حيلها وهيه تتنفس بسرعه من ورا الهبطه ومن ورا التكميز مالتها فتحت البرده بخفه وطلعت عينها وانفاسها مخربطه شافتهم واكفين واحد مقابيل الثاني وسيف حاط ايده وره ضهره ومنزل راسه شويه وعيونه بعيون ابوها ويباوعله بنظرات اشبه بالخزره ويلعب بالسبحه بأيده الحاطها وره ضهر

.................

رأيكم الحلو يحلوين وتصويتكم

ووو دمتم سالمين عسلاياتي

حفصه الهاشمي