زمهرير الاوجاع الفصل التاسع 9 - بقلم قدر ال هاشم

زمهرير الاوجاع (الليالي من عذابك)

حفصه الهاشمي ..
البارت السابع

.............

اصبو إليها الى إجلال مرآها ...
الى الخدود التي زانت محياها ..
الى العيون التي إستأسرت بصري ...
حيناً من الد هر تهواني واهواها ..
الى الشفاة التي القت على كتبي ... ظلال عشقٍ من الالفاظ سكناها ..
الى الحديث الى الالفاظ ترسلها ...كأنها الوحي لولا صاغها فاها ..
الى الطريق التي مرت بها زمناً .. فتفتح الور من انسام رياها

.... ...........

رجعت ليورا خطوتين تتفادى قوة الدفعه مال الباب ... وكل الي يدور ابالها هذا يا خبل فتح الباب هيج ..

باوعتلها بأستغراب بنيه سمرا سمررا ...
مو ذاك السمار الصافي الي يجبر الناظر على الغرق بصحاري بشرته ... لا سمار طاغي علي بعض التصبغات ...
عيونها السود الحاده تخزر بيها وكأنو تريد تاكلها ... تباوع عليها بحقد وبخزره ...

استغربت من طريقة تقدمها هيه اصلا متعرفها .. على شنو هالنظرات الي تباوعلي بيها هيج ...

صاحت بيها الحجيه بصوت شبه عالي ... // يولي يالمصگوعه هوه هيج يفتحون الباب ؟""

باوعت على الحجيه ورجعت باوعت لسهند بعصبيه وخزره وجاوبتها بقلة ادب /// يمه رحمه لابووج لا تزكحيين بييه هذا سووييف يكول زهبن رواحتجن راح توصل خالتي بعد جم ساعه ...

جانت تحجي وتباوع لسهند بعصبيه من فوك ليجوه وكأنو نظراتها تريد تحرقها ..
اتقدمت سهند خطوات وهيه متجاهلتها ...

سمعت صوت الحجيه من وراها ترزل بيها وهذيج ولا يمها .... /// تانيني الحين افتن عليج لسيف اخلي يجرجر اذانتج اذانات المطي ... اصبريلي ..

عافتهن وطلعت ...

وكل الي ببالها شبيها تباوع عليها هيج هيه اصلا ما تعرفها ..
انوب تكعد تخزر بيه .. والله ناس فسكانه ...

طلعت من الجامع ... شافته حاط كرسي يم باب الجامع مال الزلم .. وكاعد علي وبصفه بنيه شابه

لا لا مو شابه تطلع بعمر هبه هيج ... ملامح شكلها طفولي بس جسمها لا يظهر العكس ...

واكفه بصفه وتحجي ويا بأمور ما كدرت تسمعها .. وهوه مدنك راسه ويلعب بالسبحه .. والبنيه خدودها البيض مكلوبات حمر ...

وتفرك بأصابيعها بتوتر ..
وتباوع علي بنظرات غريبه ...

اول ما طلعت سمع صوت الباب ورفعلها راسه ...
التقت نظراتهم سويه بمشاعر مختلفه ...

باوعتله بعدم اهتمام ودنكت راسها ومشت ..
اما هوه الي كام على حيله وهوه يفر السبحه بأيده ..

وعاف البنيه الجانت واكفه يمه بصدمه

حسيت علي ديمشي وراها .. لزمت ملابسها وهيه تعصرهن بيدها بغضب ..
همم لحكني ..هممم لحككني ...

التفتت علي بعصبيه وعيونها تبث شرار اله .. نترت بي بعصبيه وهيه تخزره /// خيرر يااابه اشوو هم لاحكني موو حااله هااي ..

باوعلي بهدوء واستفزاز وكال بأبتسامه وهوه يفر بسبحته /// بوويه لا تضلين تزامطين اني جاي امشي بطريج عام انتي شكو .. بعدين لازم تفرحين بنيه حديثه جاي يمشي وراج رجال كلشي يصير هين ماتأمنين بالاوادم

باوعتله بخزره وتمتمت بصوت حرصت على انو يسمعه // هوه لازم نخاف منك انته ابو الافلام ..

عافته ومشيت .. وهيه تحس بخطواته وراها ... وصلت للفرع مال بيتها ونفس الموقف انعاد واكف ابو عباس ينتظرها من صباحية الله هذا شعنده ما يروح ينخمد استغفرالله ولو شينوم نشرة الاخبار ابتسمت اله وسلمت علي ...

راحت فتحت باب المشتمل التفتت بسرعه تريد تشوفه بعده زفرت انفاسها براحه من ما شافته اكيد راح من بعد الرزاله ... شكد لزكه لخاطر الله ...

سدت الباب وراحت تسوي ريوك لنفسها .. ولو هيه تلعب نفسها من ريوك الصبح بس لازم تاكله علمود نشاطها

... ...............

كمت لبست ملابسها تنوره تصير منفوشه (بف) سوده وقميص طبعاً هيه لو يم ابوها ميخليها تلبس هيج ولا الوان كوله اسود يكوللها الالوان تجذب الانظار لو تلبسون عبايه لو جبه والمترضه تضرب راسها بالحايط وتكعد ...

اخذت غراضها وطلعت الكليه بعد نص ساعه عن المشتمل مالها صديقتها جوري اتكفلت تلكا الها باص لان الاداره مالهم شغل بهالموضوع مع العلم هيه طلبت من مشرفتها وكالتلها اني ما اكدر اطلع لساحة السواق واحجي وياهم استحي بس هيه كالتلها هاي الشغله متخصني دبري نفسج

... .............

طلعت لدوامها ومشافته لسيف سحبت انفاسها براحه لان لو شافه هذا ابو عباس جان نشر غسيلها بالمحافظات

.. .................. .

رجعت للبيت من بعد ما خلص دوامها ... وراسها راح ينفجر هاللكد ما مسطوره من الهوسه ومن الحر هم ...

وصلت لفرع الجامع بس ما شافته استغربت معقوله حس على نفسه من الرزاله وكال خلي اعوفها ...
اي دخيولي شكد لزكه حيل زودها ويايه ...

كملت طريقها وهيه منزله راسها عبرت بيتهم شويه وانصدمت ببنيه قصيره طلعت كدامها من البيت الي يصير بصف بيتهم بس بين بيت سيف وبيت هاللبنيه بيت واحد ...

رفعت راسها شافتها نفس البنيه الي جانت واكفه يم سيف الفجر باوعتلها ثواني ونزلت راسها ومشت تريد تعبرها سمعت صوتها وهيه تحجي وياها بدلع /// انتي منو ما شايفتج هين اني ؟!!

باوعتلها سهند بأستغراب وجاوبتها بكلمتين // جديده هنا

باوعتلها الثانيه بنظرات تفحص من فوك ليجوه وهيه تهمهم // همم مبين عليج مو من...

. قطعت كلامها بسرعه وهيه تشوف سيف واخو الي شافته سهند لابس زي عسكري ويتبختر بمشيته عبالك اسد واليمه كولهم كلاب

... باوعتلهم بلهفه وراحت سلمت عليهم بحفاوه
وهيه تاكلهم بعيونها وهمه ما مهتمين سيف اليلعب بسبحته ويباوع لسهند وهوه منزل راسه شويه
واخو الي حاط راسه بالفون ويرجع يباوع عليها

ما اهتمت الهم وكملت طريقها مع العلم ضوجتها نظراتهم المتفحصه ياكلون الواحد اكل من فوك ليجوه

... ..........

وصلت لفرع بيتها ونفس الحاله جان واكف ابو عباس وعيونه على راس الشارع ينتظرها تجي سلمت علي بسرعه وفاتت ..
هذا هم فسكان

... ............

مرت ايام وهيه نفس الحاله
صارت تتجاهل سيف الي كل ما يشوفها يمشي وراها الى ان توصل لبيتها يلا يرجع
وكل ما تطلع يجي وراها من بعيد بس ما يحجي اي شي بس يمشي وراها الى ان توصل للمكان الي تريده

صارت هاي الشغله اعتياديه بالنسبه الها كل يوم لازم تشوفه على الاقل مرتين 3 والي يزيد اطمأنانها انو ما يحجي وياها ولا يتقرب او حتى يتعده حدوده وياها ...

وابو عباس الي كل ما يشوفه واكف يفر راسه ويرجع .. وكأنو أمن عليها يم ابو عباس ...!!!؟
ومرات تشوف اخو الي عرفت اسمه سرمد هذا الي تسمي المغرور فوك ما مغرور عيونه زايغه ..!!

اغلب المرات من تمشي تشوف سرمد يباوع عليها ويرجع يباوع لسيف ...!

.................

مرت ايامها هيج والحجيه كل يوم تشوفها بصلاة الفجر ...
جانت كاعده بغرفتها ... ومطشره الكتب عامي شامي عود دتقرا ...

شالت تيلفونها وخابرت يوسف كالعاده جاوبها بسرعه // ها سهند شلونج بويه ..!؟

// بخير انتو شلونكم! !؟ شخباركم كولكم

// والله بخير الحمدالله شلون دروسج دترسين! !؟

جاوبته بعدم مبالاة // اي قابل دالعب. !؟

سمعت صوت اوس يضحك بصوت عالي ويفشر على ساهر اخو يوسف بالشقه /// ههههههه ولك يكواد مو اذا اكوملك اصلخ من جلدك جلد ههههه

وهذاكه ماعرف شنو يكوله لان صوته بعيد سألت يوسفبأستغراب // ها شعجب الحقنه ديضحك ضاربي على راسه اليوم! ؟

جاوبها يوسف بضحكه عاليه // لا ولج خلي اليوم سارحات عنوزه رايح لمدرسة الحب والضاهر منطيته نظره لو نظرتين هههههه

// هههههه خرب ادري اذا يحبها هاللكد شعنده فسخ خطوبتهم !؟

// والله يابه ما ادري ..هوه ما يحجيلي عن هالموضوع واني هم ما اريد اضغط علي بس هوه لهسه يروح كل يوميه لمدرستها يوكف يم الباب وينتظرها بالطلعه!!؟

// هاا حرامات بعد ميكدرون يرجعون سوه

// ليش بويه ميكدرون عادي اذا يرجعه يصير

//لا يوسف شلون يصير همه مو فصخوا هسه لازم تزوج يلا تطلك وتصير اله حرا...

قاطعني بضحكه عاليه ..// ولج هو ينلام اوس من يكولج حماره مهجره هههههه ولج همه بس لابسين الحلقات يعني ما عاقدين شيخ و وره كم يوم فصخوا يصيروا يرجعون

// هههه واني شمعرفني !؟

سمعت صوت اوس وهوه يحجي بصوت عالي علمود تسمعه

// هاا هاي الفتان الصغير ..شلونها ولك

سمعت اوس كاله اي هيه تسلم عليك جاوبتع بسرعه

// ولك يوسف اشو ما دافعت عليه دافع عليه يلا خلي ميكول الفتان الصغير

جاوبها يوسف بعدم اهتمام / // خوش لا تكوللها الفتان الصغير ها اها كتله ..

. // اي خوش ... يلا يويو اني اروح اقره سلملي على الكل ..

سدت التيلفون ورجعت حطت راسها بالكتاب فززها صوت الباب وهوه يندك ...
صفنت على الكتاب وهيه بحالة صدمه منو هذا !!؟

بس لا سيف قرر يجي يغتصبني بعد ما جان يراقبني علمود أأمن بي! !!؟

لو اجه يبوكني !!؟

فززها صوت الجرس يندك عدة مرات ضربت راسها بخفه وهيه تكوم بسرعه وتلبس عبايتها

// ثول ثول سهند انتي ام الافلام الهنديه مو هوه المسكين ..!؟
اكيد هاي خاله ام عباس ...

لبست حجابها وفتحت الباب بسرعه بدون ما تباوع من العين السحريه ..!

باوعت بصدمه وهيه فاتحه حلكها تريد تستوعب هذا حقيقي! !؟

// خيرج بوويه ماناويه ترحبيين بيه ..!؟؟

..................

قدر ....

اماكن لا استطيع الوقوف بها والدفاع عن حقي
أحقاً انا تلك الفتاة الفاجره. !!!؟
ام اني اصبحتُ انجرف مع إشاعاتهم الزور علي..!
متى ستهدأ ثوران البركان في ايامي ...!
انهم لا يصغون ولا يصونون القوارير ..!!
انهم لا يعدلون ولا يسمحون للعدل بالولوج الى قصور خرابهم ..!

.........

/// يمه حبابه قابل انه شراح اسوي كليله الله عليج خلي تكمل هالسنه هيه بس هاي واتخرج منالاعداديه حبابه يمه ...

جاوبتني بنفاذ صبر /// خااايبه اهفج بالگدر هسه احد يكلي ليش شصخمين بالشهاده هاي كاتله نفسج دكتورا دكتورا وانتي زباله ما تفلحين ...

باوعت عليها بحزن ولزمت ايدها واني اتوسل بيها يلا عادي خلي تغلط عليه اصلا اني متعوده خلي انهان شويه في سبيل اوصل لمرادي ... // يمه عليج العباس اغنعي ابوي يرجعني للمدرسه حلفتج يمه والله ماسوي شي بس ادرس وبعدين الشهاده اعتزاز وفخر لويش هيجه تحبطين معنوياتي....

وكفت وتخصرتلها بأعتراض وهاي اول مره اسويها احنه هنانه ماعدنه تمرد الي تعترض ولد او بنيه ينشك حلكه بالقندره .. // يممه اني دراستي اكملها بالعباس اذا ماخليتوني اكمل اشرد منكم واهج واخل...

قاطعتني بضربه قويه على حلكي بظهر ايدها وهيه تشهك وتضرب على صدرها /// يمعزايه فلك طرج كون كولي امين ولج لا يسمعونج ويلاد عمج واخوتج يجنزوج بعلي انجبي لا اهفج بنعال بيبيتج كريمه ... ادبزز بنات اخر زمن ...

باوعت عليها وواني مخنزره بعصبيه على وشك البجي حجيت بصوت ماليته الغصه واني انهزم من المطبخ // كريمه تهي بهي على اساس هيه كريمه رب البخل ...

صعدت لقرفتي بسرعه واسمعها من ورايه تصيح علي // ولج غديررره (قديره) الزمي لسانج لا اكصلجيا

عفتها وصعدت لقرفتي هه عود قرفتي (غرفتي ) بس مشتركه بيها امة لا اله الا الله كولهم ماعدا الفراشات الي مسويلهن ميز ومسفطين الفراشات علي من دواشك وبطانيات ومخاديد و فواكهن حاطين جرجف عود دنضم البلاوي الي حاطيهن

كنتور واحد ابو اربع بوب محطوط بزاوية القرفه الي ولخواتي ومن يجون عماتي وبناتهن من بيت عيالهن هم يحطن بي قريضاتهن (غراضهم) بين ما يروحن

قادره الجبيره ما متزوجه والعيون عليها البايره والبايره عمرها 25 بعدهي صقيره
اني ما احب اتزوج واني بهيج عمر احب اكبر شويه واصير واعيه واخذ شهادتي بس هنانه جيب السبع الي يغنعهم (يقنعهم) اكمل دراسه

اختي الاصقر (اصغر) من قادره اسمها بتول عمرها 20 متزوجه ابن عمي لؤي

من كبرت وسمعت من امي مره يسولفون بتول بلقت (بلغت) بتول بلقت اتخبلت العالم عليها والعرسان صارت تتراكع عاد بنت الشيخ غاسم (قاسم) بلقت لازم يزوجوها

بوكتها فرحت رحت على امي واني مكيفه شفت البنات وعماتي وزوجات عمامي شلون يهتمون بيها وصبقولها شعرها اشغر (اشقر) وراح يلبسوها بدله

كلت اني هم اريد ابلق (ابلغ) ويسوولي هيجه مثلها بدله واصبق شعري اشغر رحت ركض على امي جانت بالمطبخ فتت عليها جانن نسوان عمامي ثنينهم موجودات وبيبتي كريمه كاعده على الكرسي وتضرب بعصايتها براضي صقير جان // يواشك ولك خايب جوزز لا اهفك بالعصه .. فلك طرك ابن لميعه (ام قدر ) عوف النعال هذا من جدك هداليها يالمعثور ...

جان راضي اخويه الصقير يزحف صقير بعده نعال بيبي جان وردي وبي فصوص زرك وحمر و وردي هم وهذا من يشوف هاي الفصوص يكيف عليهن ويجرجر بنعال بيبيتي وهيه تضوج وتضل تصيح علي وتقلط هذا من جدك وهذا من جدك ..

ركضت على امي واني اضحك كتلها بصوت عالي // يمه يمممممه

جاوبتني وهيه تضرب الجفجير بجدر التمن // وغمه يمه وغمه شمالج تصيحين

// يممه اني هم اريد ابلق مثل بتول والبس بدله واصبق شعري اشغر

التفتت عليه وهيه عاكده حواجبها تباوعلي بنظرات تكولي بيهن اليوم كتلتج بالغرفه عمل شعبي وجماله جانن زوجات عمي موجودات يعني الحرب البارده بين امي وبينهن وحده تقور (تغور) بالثانيه ولو ابسط الاشياء يكعدون وحده تشمت بالثانيه

ضربتني بيبي بعصاتها وهيه تقلط عليه /// يمضعوفة البخت اي والله تريدين رجال لاحكه لاحكه على الخلفه والرجال تشبعين منه

باوعتلها بأستغراب هاي شبيها جده شنو خرفت اي اكيد خرفت .. عطت بأذنها عبالي سمعها صار ضعيف // جددددده داكول اريد ابللق ابلللللقق ...

واني داكول هيجه سمعت صوته من ورايه يحمحم بصوت عالي جميل ابن عمي جمال ..

اسم على مسمى جميل من كل معنه للكمه اسمراني وعيونه خضر ماعرف عليمن طالع احنه كولنه سمر وسود جلح وملح ...

وخاصة بيت عمي جمال يلعبون النفس خو عمي جمال ..
اسمراني حيلل حيلل مو شون ما جان وخشمه جبير حيل وهاي من صفات عشيرتنه خوشمنه كبار .. وبيها طسات من يم البدايه الا جميل خشمه طالع مثل حد السيف ..

اني ماكوللكم خشمي صقير وجميله لابالله خشميي وسط مو صقير ولا جبير .. وسمرا يكولولي سمارج ينطي على وردي لان خدودي دائما يصيرن حمر ..

بس عيوني مثل العسل هنه الشايلات خشمي شويه لين يكولون الله بلانه بالخشوم بس عوضنه بقير شي

جميل طالع على بيبيته ام امه لان هيه امه من بقداد (بغداد) وحلوه حيل .. بيضه وعيونها بني فاتح تكول امي جانت عيونها ملونه وجميل طلع عليها بس شنو عصبي مايتفاهم ايده والضرب ..

هواي يضرب ولد عمي الباغين (الباقين) وحته اخوتي لين هوه الجبير

بس شنوو انه من كبرت حبيته كلشش مدري حبيت شهامته مدري شكله والله مدري بس هوه ابد ما ينطي نظره وحده ...

مقرور حيل .........

سمعت صوته يتحمحم من ورايه اني جنت صقيره بوقتها ماعرف شنو بلوق (بلوغ) عاد انداريت علي فرحانه ما اهتميت كلت هسه اكيد من ابلق هوه هم يهتم بيه ...

اشو هذا خزرني بعيونه الخضر وفات للاستغبال ...

ومن وغتها كل ما يشوفني يباوعلي صفح ويكول علموا البنيه شني بلوق عود يغلد عليه لان ما الف القين و الغاف ...

انه احسه يستحي مني لان اني بنت عمه وهيجه الفظ الاحرف .. بس انه احبه مو بكيفه من اخذ شهاده هوه راح يفرح بيه حيل ويكول زوجونياها اكيد ...

صعدت لقرفتي ضيجانه من غرار (قرار) ابوي ما يريدني اكمل وامي واكفه ويا بدل ما تساعدني ومحد يفك حلكه بكلمه وحده .. بعد الشيخ غاسم وانطه كلمه ما تثنى وتصير ثنين

بغيت بقرفتي يومين ما احجي وياهم وبس اطلع ابوك اكل بدون ما يدرون وارجع علمود يرجعوني للدوام انه شاطره كلشش ابد ما رسبت ومعدلي جان بين الثمانين وتسعين احلم اصير طبيبه واعالج العالم ...

بس مادريت حلمي راح ينكلب عليه واكره الدراسه هالكثر

.. ..........

بيوم ابوي جزع مني وانطه كلمه انه ارجع اداوم طرت من الفرحه واخيرا راح ارجع فاتتني دروس هوايه بس يلا اعوضهن .. وفعلاً اشترينه ملابس مدرسه والبس فوكاها العبا لان ابوي ما يغبل ... (يقبل)

وبديت اداوم سادس واني ما مصدكه رجعوني لحلمي طرت من فرحتي لسابع سما بس نيت الانسان من يطير حيل بالعالي يطيح طيحه تهد حيله هد

ابويه سجلي خط لان ويلاد عمامي كولهم شقل واخواني هم فكال انه عندي عرف ابن صديغي اخلي يوديج وصدك سجلت خط جان رجال جبير يطلع بالثلاثين بس شني عينه زايقه حيل (زايغه) يبغه (يبقه) يبصبص علينه اني والبنات الوياي كلش نضوج منه

بس شني ما نكدر نحجي اي كلمه لان يبطلونه من المدرسه وما يصدكون بينه عاد نسكت ونضل على عمه وجهنه ...

لين منطغتنه كلها هيج مو بس عايلتي ... فالبنات يخافن لا يبطلوهن على اغل (اقل) زله وغليل (قليل) الي اهلهن يخلوهن يداومن .. انه جنت دايماً اكعد بالمغعد (مقعد) الاخير وابد ما ارفع راسي وحته بابا يكوله نزلها اول وحده وتجيها اخر وحده لان انه هم جبينه اخاف ابغه (ابقه)وحدي بالسياره ويا

عاد مره البنات تأخروا بغيت (بقيت ) انتظرهن شويه وطلعنه ركبت بالمغعد الاخير

اشو هذا حرك السياره و وصل البنات غبلي (قبلي) شني !! متت بدمي ابوي يحسبلي الساعه الارجع بيها .. والدغيغه (دقيقيه) والثانيه

هسه تأخرت اكيد كلب البيت عليهم .. سألته بتوتر واني اباوع من الشباج مال السياره // عمو اشو اني اخير وحده ليش؟ !!

باوعلي بالمرايه بس عيونه طالعات ابتسم بخباثه وهوه يهزلي راسه
شني متت بدمي هنانه انه ويا وحدنه كتله بتوتر وصوت شبه عالي شويه وانفجر بالبجي // عمي رجعني للبيت بسرعه ابوي راح يكلب الدنيه عليه ...

ضحك بخباثه وكالي // لا تخافين يبعد عمج لا تخافين ...

صفنت شويه باوعت من شباج هذا مو طريغ (طريق) بيتنه هذا وين ماخذني

فات بشارع بي اشجار هواي مو بعيد عن الشارع العام بس محد موجود بي

خفت حيل ودگات گلبي صارن يتسابغن (يتسابقن) وكف السياره واني انفجرت بالبجي واصيح علي // عموو الله يخليك رجعني لهلي ... ابوي راح يذبحني عموو

ابتسم بخبث وهوه يفتحلي الباب ويقمز (يغمز) بعيونه ويعض شفته ويكول // نتونس شويه يبعد عمج ومحد يعرف بينه وكل يوم نجي هنانه شويه نريح ..

لزمني من ايدي وسحبني ورا وكعت يم باب السياره واني ابجي ابد شعور حيل مكروه ...

لحظات بيني وبين مصيري الي بين ادين هالرجال الفاجر ...

شكد توسلت بي واني ابجي ..
ابد ما وكفت ضليت ادافر بي وهوه جبير اكبر مني واني صح سادس اعدادي وجبيره بس جسمي صقير وناعم ..

فتح باب مخزن جانت بي جربايه من حديد وعليها فراش وجوه الفراش كراتين كومه وماكو بس هالجربايه بالقرفه

واكو بطاله امبين مال عرك مطشره بكل مكان وهوايه والريحه تلعب النفس انه شفتها هيج كلت هسه انتهيت شمرني على الجربايه بقوه ويكولي وهوه ينزع حزامه // يلا بويه بادليني وتونسي احسن ما تتحسرين بعدين

.. ...............

وهاي بارت لعيونكم التصويت لا تنسوا النجمممه ★

شنو رأيكم بقدر توقعاتكم الحلوه وتشجيعكم

دمتم سالمين عسلاياتي ....

حفصه الهاشمي