زمهرير الاوجاع الفصل الخامس 5 - بقلم قدر ال هاشم

زمهرير الاوجاع

حفصه الهاشمي

ـــــــــــــــــــ

يكلي اصبر ولك شأصبر ..
اخاف من الصبر اكفر .. جسر والناس عبرتني ..
بس انه حرام اعبر
اريد احجي حجي المجروح وادري حجايتي تعور
وينه المايخون الزاد و وينه الوفي الما يغدر
فتت سوگ الوفه ويا حيف .. لكيته معزل ويصفر

_______

رجعت للشقه والدنيا طافره من خشمها ...

من جها اختها ومن جها ثانيه هذولي الاثنين واحد اضرب من الثاني ...
ابد ولا عدهم اسلوب ..

تريد ترجع لبغداد على الاقل تشوف قبر اختهها تشم ريحة ترابها ..
تحس بيها حواليها ..! بس شلون تحس وهيه التراب حضن محيطها بعد ماجانت هيه التتوسد احضانها !!

نزعت عبايتها .. وشمرتها على القنفه ..
الشقه صاير بيها ريحة وخمه يومين ما مهويتها راحت على الشباك وفتحت البرده البطانه ...

بقت بس التول علمود لا يبين للشارع البيت والي بي الا من تقترب على الشباك
رفعت راسها تعدل البرده وهيه مزعوجه منها لان علكانه بالشباك نزلت راسها والقت نظراتها على الشارع اليصير مقابيل شقتها ..

شافته واكف وسبحته بأيده يهز بيها ويلفها على اصابيعه مره ويرجع يفتحها مره ثانيه
ويباوع عليها بنظرات هادئه ومتفحصه بنفس الوقت

عقجت ملامحها وهيه مزعوجه منه معقوله لحكها من الجامع لشقتها ..
هالكد شاك بيها مو زينه ..

كل هالافكار ادور براسها وهيه تتباوع عليهِ بنظرات سهام ومتجمره بالغضب ..
هز براسه وهوه يباوعلها .. سدت البرده بقوه وابتعدت عن الشباك ... شكد حقير ...

عود هذا ابو الجوامع والمؤمن .. مايعرف ان بعد الضن اثم .,.

حطت راسها على المخده ودخلت بسبات عميق مو نوم ولان نعس لا سبات تحاول تنسى بي ال صار تحاول تنهزم من الواقع للخيال

...........

كعدها صوت التيلفون وهوه يدك .. ينفصل ويرجع يدك مره ثانيه وعلى هالرنه ..مستمر كامت وهيه تفرك عيونها بنعاس

بلا شي هيه ورمانه هالكد ما بجت ..
شالت التيلفون وهيه تشوف اسمه منور شاشتها قلصت ملامحها بزعل .. متريد تحجي ويا ..

هوه الي تعتبره صديقها واخوها .. شلون يضم عليها هيجي موضوع .. شمرت التيلفون وهيه تقنع نفسها

// سهند لا تجاوبين عااقبي ...يستاهل لا تحجين ويا ..

ثواني وركضت على التيلفون وفتحت الخط قبل ما تخلص النغمه .! غبيه ما تكدر تقاوم قلبها .. دائما قرارات قلبها تغلب على عقلها

... اجاها صوته وهوه يسألها بقلق وخوف عليها // سهنند .. وينج من من البارحه اخابر عليج وانتي ماكو هاا ...؟ الوو مو احجي ويااج .؟

// اي اعرف دتحجي ويايه بس اني ما احجي وياك ومزاعلتك هم ... شوكت تجي تاخذني .؟

جاوبها وهوه يسحب نفس بضيق // انشالله اليوم .. حضري نفسج ..شلونج انتي سو

قاطعته بسرعه // مع السلامه يوسف ...اريد احضر نفسي ..

سدت التيلفون وكامت تحضر غراضها بروح مسلوبه فقط جسمها يتحرك

,,...____......

ورا ساعتينسمعت صوت الباب يندككامت فتحته عرفته يوسف وصل ..سلمت علي من ورا خشمها وفاتتهيه مشتاقتله ومشتاقه لكل اهلهابس سوايتهم كولش كسرتهايدفنون اختها وهيه حته ما شايفتهاولا مودعتها

......................

يوسفالتفتت على صوت امها الي يلعلع مو مره دلاله ..
اليسمعها يكول شو شنو مسوين ..تقدمت عليها بعصبيه وهيه تفشر بأنواع الغلطوهاي الفطيره ختلت ورايه واحس بأيدها الصغيره لازمه قميصي من ورا وتتوسل بأمها

//ماما والله اشااقه ويا ما سويت شي والله انتي مو تكوليلي ازوجج مكلت شي

سحبتها من شعرها الاسود وهيه تفشر عليها وعلى الي يطلع ببالها

//بنت الكلبب تردين تفضحينيي انتيي شتزوجين مننه ولج هااا بطوول النعالل وادورين زواج ولج نذذله ..

عصبت من كلامها كولش احس الشيطان يكولي الزمها وكص لسانها على كلامها ..
بس تبقى مرة عمي وام هببه ..

لزمت ايدها وسحبت هبه منها وهيه بس تبجي وتتوسل ..
جاوبتها بححده واني اباوع بعيونه واايد تمنعها من التقرب والايد الثانيه لازمه هبه وضامها ورايه ..

/// ام هببه ... شهالكلااام هذاا منو التارس راسها بسواالف الزوواج انتي لوو جدي .. وهسه معصببه من كلاامهاا ... والله اذا تمدين ايدج عليهاا ..

//هاا هااا يا يوسف تهددني .. تهدد مرة عمك وللك ..

جاوبتها ببرود//لا عمتي اني ما اهدد اني اسوي الفعل .. مدي ايدج عليها وجربيني ..

باوعتلي بغضب بحواجبها السيوف انطتها منظر الساحره الشريره ..
هزت راسها بوعيد وطلعت من المطبخ تنفخ دخان من خشمها

// خير انشالله خيرر ..

التفتت على هبه تبجي وتمسح بدموعها ..باوعت عليها بحده ..//امسحي دمووعج وهالكلام مرة الثانيه اذا عدتي اني الاكص لسااانج.زواج شيلي من باالج نذله بطول النعال ودوريلي زوواج

..باوعتلي وعيونها مليانه دموع ..
طفله صغيره بعدها ال18 ما صايره وحطوا براسها زواج .

.//والله يوسف بعد ما اكول ازوج والله ..

باوعت بعمق لعيونها السوود .. ثواني وعفتها وطلعت

.. ............

خابرت على سهند تتحضر علمود اجيها والاخت زعلانه. !
حقها والله تزعل اني لو بمكانها اگلب بغداد على راس اهلي .. وهيه هم ام لسان ما تقصر ..

ورا ربع ساعه طلعت لتكريت علمود اجيبها .. وهيه ماخذه اجازه اسبوع

.. ..........

وصلت لبيتها هوه مو بيت اشبه بالمشتمل طابق واحد غرفتين ومطبخ وصحيات ..
وطرمه ويه حديقه صغيره .. عمي ما يحب الاقسام الداخليه ..

ومن ازل الله يرحمها قنعته تروح سهند لتكريت كاللهم ما تدخل اقسام داخليه ما احبها ولا ارتاحلها ..
هوه عايش سنتين بتكريت .. ويعرف عدة مناطق بيها ..ويعرف اهل المنطقه وهمه هم يعرفوا عز المعرفه واني هم معارفي هوايه كتله على منطقه بس هوه ما قبل اختار هاي المنطقه وجان اله بيها غاايه

.. ..............

اني مو اول مره اروح لسهند جنت اروحلها بين فتره وفتره ..
فتت للبيت وهيه سلمت عليه من ورا خشمها وراحت للغرفه ..
مسحت على وجهي اصبر نفسي على مزاجها ..الوردي ورا ربع ساعه طلعت ولابسه عبايتها وتسحب جنطتها ..

وكفت يمها اخذت الجنطه منها وطلعنه ولا اني الحجيت ولا هيه ..

صعدت السياره وشغلتها وهيه بصفي .. صافنه على الشباك .. وجها اصفر اعرف بيها ما ماكله ..
حركت السياره و وكفت يم محل مثل الكشك صاير براس الفرع وبصفه جامع ..

نزلت اشتريت الها حلويات وعصائر لا تروح تتخربط عليه بالطريق وانوب تعالي يا يوسف احتار بيها وهيه بلا شي عدها فقر دم حاد ..

التفتت عليها لكيتها صافنه على نقطه محدده وحواجبها معكوده ومبين عليها مزعوجه ...
التفتت على المكان التباوعله ..

شفته شاب طويل ضخم اضخم مني اني شكد ما يكولون عني انته اضخم واحد بالعائله لو يشوفون هذا يغيرون رأيهم ..

لابس الزي العربي دشداشه سوده وفوكاها بشت رجالي ..
وسبحه بأيده .. ملامحه حاده عيونه سوود اسمر ..

وهوه ايضا جان يباوع على سهند وعيونهم تتناطح عبالك بمعركه مال ثيران ..

والفائز هو الي يكسر عين الثاني ..

اخذت الغراض من الرجال وركبت السياره واني مستغرب من تصرف سهند هي ابد ما ترفع عينها على رجال غريب ..
تستحي تسلم على ولد عمامي الباقيه الا احنه اني واخوتي لان عايشين سويه .. تعتبرنه اخوانها وتاخذ راحتها ..

حركت السياره وطلعت .. التفتت عليها وسألتها بأستغراب عين عليها وعين على الطريق ///سهند منو هذا الجان يباوعلج ...؟ تعرفي؟

باوعتلي بطرف عينها ورجعن باوعت على الجامه وجاوبتني بنتر// منووين اعرفه يعنييي؟ ...

سحبت نفس بعصبيه ..من اسلوبها الستفز ..

اني شكد وياها ميانه بس مو مال تتعامل وياي هيج الشقى شقى والجد جد ..
سكتت وهيه هم التزمت الصمت

...........

وصلنه لسيطرة بغداد ..سؤال منا وسؤال مناك وفتنه ..اتنهدت بضيق وكتلها بهدوء علمود لا تتخبل علينه بعدينوهيه الي توكع بيها .

.// سنهد ..باوعتلي تنتظر اكمل كلامي سحبت نفس وكتلها /// شوفي من نوصل ما اريد مشاكل ويه فراهد ..(زوج اختها اذا نسيتوا)

عقجت ملامحها بأستغراب وكالت// ليش عود اتعارك ويا هوه من حوره يعني علمود اتعارك ويا ...

// لا حبيبتي بس اخاف يحجون وياج ابوي وعمي انتي لا تتخبلين ماشي سايسيهم واخذيهم بعقلج الجبير لا تاخذيهم بلسانج لسان الدلالات وتعاندين وهمه يعاندون اكثر زين ..

عگدت حواجبها بغضب وكالت بتهجم ../// ليشش شايفني ماكلتك بلساني علموود لسااني لساان الدلالات .. هاي وهوه ابو الراهي .

..// لا ماشالله مو دلاله ابد ... والله يااابه حشى الدلالات منج ومن لسانج زيين ...//

خووش يووسف هايي صاروو الك ثنينن شووف منوو اليحجي ويااك بعددد اصبررلي

...سكتت عنها لو احجي بعد اطلعلي رشاشتها ..
وصلنه للبيت وكفت السياره ونزلنه ..بيتنه جبير .. اليشوفه مو بيت يكول قصر ..ثلث طوابق .. وكل طابق يكول بيت كامل ..مع العلم الطابق الثالث ما نستخدمه الا من يجون عماتي بالعطل ومع ذالك احنه كولنه اني واخوتي وابويه ننام بالاستقبال نحب التجمع مو بيدنه ...........

فتنه جوه والكل جان منتظرنه ..اباوع عليها كاتمه دموعها بملامح الغضب ... تحاول تسيطر على نفسها ...ركضت عليها

اختها هبه وذبت نفسها بحضنها وهيه تبوس بيها// سهنند اشتاقيتللج والله ... همزين اجيتييي ... والله البيت ضووجه .

.باستها سهند وحضنتها ..اجتي امها ميقات وسحبتها من ايدها ..

// امشيي لدرووسج عاد كاافي تتحضضن ..وتبووس

التفتت على سهند وسلمت عليها بتمثيل وعيونها تتشمت بيها// ها سهونه شلوونج الحمدالله على السلامه .. والله زعلامه عليج ماشفتي ازل خط

قاطعتها سهند وهيه تدفع ايدها وتمشي//موزينه بشوفتج ...

عافتها وراحت سلمت على امي وامي لزمتها ونصبتلها فاتحه من جديد .
.سلمت على اخواني وساهر (بعمرها عمره 19) يجيب ويشاقه وياها عود يطلعها من الجو الي هيه بي ..

عافتهم وصعدت فوك حته ما سلمت على عمي وابوها ..حقها ..بس اهلنه شيفهمهم حقها ..

ايدهم والضرب ..صحت اخوها جاسم يصعدلها جنطتها ..ورحت للاستقبال

................

من الباب ويوصلني صوته شكبره اكبر واحد بينا ومن يريد يتزوج يدور البنات المراهقات لو القاصرات ويروح ركض عليهن

فراهد ابن عمي حامد( ابو مراد ..)مراد الجبير بس توفى الله يرحمه من زمان

جان ضابط بالجيش العراقي وتوفى ...
هوه التراب ما ياخذ بس الزينين

عمي حامد اصغر من عمي ابو سهند عبد الجبار بسنتين بس هوه تزوج قبله ..
و تزوج من جان عمره 18 سنه عدهم قبل الرجال من يكبر يصير 16 /18 وفوك لازم يتزوج ويفتحله بيت

عمي جان حامل المسؤوليه من هوه وصغير تزوج ومن اول سنه مرته صارت حامل وجابت مراد الله يرحمه .
.وراها بسنه جابت فراهد .. وبعدين ويين يلا جابت اوس اخو فراهد الصغيربس سبحان الخلق مراد والخلق فراهداختلاف الشمس والقمرالنار والمي

مراد الله يرحمه ..حكيم بتصرفاته وقراراته.. وما ياخذ اي تصرف الا ورا تفكير وسين وجيم اما فراهد ...

طائش بالرغم من كبر سنه يحب يعيش جو الشباب والمراهقين ..ابد ما يتحكم بتصرفاته ..
عمره يطلع ب 38 دائما ويه الشيخ عمي ابو سهندوعمي ابو سهند عبد الجبار دوم يسمي الشيخ سلمان ..لان ميحب اسم فراهد يشبها بالدجاج (فرهود) بالدواوين والكعدات يصيحله شيخ سلمان ..

بس ابد ما اخذ من عمي لا حكمته ولا ذكائه اخذ بس من عصبيته وضلمه ..اذكر من اتخرجت ازل من السادس انتفض فراهد مثل الغول ومنعها من تكمل دراستها على والله ماعدنه بنات تكمل والي ساعده بقراره مرة عمي ميقات الي تترس براس ابوهن الى ان بطلها وكعدها

ما طول اسبوع واجه فراهد على عمي وكاله اني طالب بنتك مره الي ..وعمي ما قصرازل الك .. وما تروح لغيرك .كبعها واخذها ... ومن هالسوالف وفراهد ما صدك ثاني يوم رأساً .. جاب الشيخ وعمامي وعماتي وعقد عليها ..

عقد عليها بالغصب تحت بجيها ورفضها اله بس عمي وما ادراك ما عبد الجبار ..

اذكر جنه كاعدين اني واخوتي وسهند بالاستقبال
وعمي صاح ازل وصعد فوك هيه ويا عود يتفاهم وياها ..

نسولف ونضحك وابويه مره يشاقه ويانه ومره نصوا صوتكم كواوويد ..

جابت امي صينية الچاي وفاتت كام ساهر وصب چاي لابويه والنه وصل يم سهند قدملها الاستكان ورجع سحبه يرجع يقدمه ويسحبه وهيه تعصب عليه وتغلط علي بصوت ناصي وتكز على سنونها عود علمود ما يسمعها ابويه ..

وابويه يباوعلهم من جوه النظارات الطبيه منزل راسه ورافع عيونه ويباوعلهم من وره النظارات

عاط بي بصوت عالي وهوه على نفس كعدته ولك كوواد انطيهاا الجااي لا اكووملك ..

صار مثل ميل الساعه انطاها الجاي وهيه ترفعله حواجبها عود على عنادك لان تعرف ابويه كولش يعزها ..
وما يقبل احد يضوجها ابدد ..يكوللنه اني الله ما رزقني ببنيه عوضني بسهونه ..

ثواني ونسمع الدبه من فوكانه عبالك نزلت قذيفة هاون على بيتنه ..كمت ركض وصعدت الدرج كل خمس درجات بخطوه وحده ..وابويه واخوتي ورايه ..ليش مو افتح الباب ويطلعلي عمي لازم ازل ويشيلها من دشداشتها ويذبها على الارض ويرجع يدفرها ويبطش بيها بأيده الخشنه ...

/// بنتت الزمااايل .. انني التعصيين كلمممتي .. وللج اذببحج واخسسل عاارج سسااافلله .. ما اريده .. ردت المي بزوررج انشاالله

رفعها من دشداشتها ورجع ذبها بقوه وهذيج ميته لا حركه ولا هم يحزنون ..لزمته من ظهره حضنته بقوه اريد اقيد حركته بس وين

عمي ضخم حيلل مع العلم جبير بس قوته بعدها هيه هيه اليشوفه يكول ابن العشرين .
.لزمه ابويه واني وهوه يصيح ويفشر عليهاوامي وسهند كوموها وطلعوها من الغرفه يسحلون بيها سحل..

وكف ابويه بعصبيه ويصيح عليه// شسووت البنيه علمموود تخسسل عاارها .. اشوو اربعه وعشرين سااعه بالبيت ولا طابه ولا طاالعه خيرك شبييك تخبلت علينه كل يوم والثاني لازم وحده منهم وباطش بيها شبيك ...

باوعله عمي بعيون شبيها لعيون الشيطان بحقدها/// الننذذذله تكوولي اني فرراهد ما ارييددده اكييد عدهاا واحد الحيوووانه ... المن تريدد لعدد ولج اني الج ياااا سااافله ... اشوف منو المايتزوج فررراهد يسوواج ويسوا راسج ساافله ..

جاوبه بابا بعصبيه // وانته تجبرها تزوج واحد بعمر ابوها شبيك عبد الجبار .. هوه هيج الزواج غصب ..

باوعله عمي بغضب وكاله // اني بنتي حرر بييها ... لا تتدخخخل مفهوووم

.................

بوقتها ابويه زعل على عمي وما راد يحضر عقدهم بس لخاطر ازل التوسلت بي وسهند حضر العقد ..

.جان مهرها حتى ما يتسمه مهرراستغلوا صغر سنها وضعفهاواخذوها مثل الفصليات ..ماعقدوا محكمه .. بس شيخومن بابا كال لفراهد وعمي حامد كالوله هوه ابن عمها ويهون عليها عود بس يتزوجون ويرتبون وضعهم يعقدون .. واستمر الحال بيهم هيج سنه كامله .

.. ........................

فتت للاستقبال سلمت علي وكعدت اني ويا ابد مو صحبه ..
ومن نكعد بمكان يتكهرب الجو على الكل باوعلي بأبتسامه خبيثه وكال // ها ابن العم شلوونك

جاوبته من ورا خشمي //بخير ...

باوعلي بعيون حاده وابتسامته الخبيثه مرسومه على شفته القذره وجه الكلام لعمي وهوه يباوع عليه //ها عمي هباوي ما كبررت ..

ضحك عمي بخفه وجاوبه // بعدهي صغيره توها يلا 15

باوعتله بغضب مكتوم مال اكوم اكسر سنونه بحلكه هسه .. هباك البين واعور العين ...

رجع جاوبه وهوه يباوعلي ومبتسم بخباثه // اي انشالله نزوجها لأوس .. بس تكبرلها سنه ..

باوعتله بغضببب قبضت ايدي على شكل قبضه اريد انزلها براسه النذل ...وانزل مخه بحلكه جاوبه ابويه وهوه يضحك بخفه // لا ابويه انتو اخذتوا نصيبكم من عبد الجبار واخذتوا ازل مره الكم الباقي عوفوهم لولدي هباوي اخذها ليوسف ...

ضحك بشماته وجاوبه وهوه يغمزلي // اي واني اخذ نصيبي من اخت مرتي المرحومه ..... سهوونه ...

________________

رأيكم عسلاياتي انتو ♥

ولا تنسون تصويت وتوقعاتكم الحلوه دمتم سالمي

حفصه الهاشم