زمهرير الاوجاع الفصل السادس 6 - بقلم قدر ال هاشم

الاوجاع (الليالي من عذابك)

حفصه الهاشمي

......................

يمر بينه الحزن ضيف وانداريه ..
ونفرشله الجرح من جور الايامومن هم الكره علينه نلوليه بلجن من نلولي براحته ينام
لوليت وبجيت وكمت احاجيه .. اثاري الجرح يكبر لو ينلام ..

جابر الشكرجي
................

.سعدون // شنو عمي ؟ يا سهونه منهن ..

ابتسم بخباثه وهوه يهزله براسه بأستنكار ويجاوبه// شبيك عمي يا سهونه يعني متعرفها ..

قاطعته واني انتر بي بحده // سهنندد تحلم توصللها زين ... تراب اختهاا بعده ما ناشف وانته ادور زواااج .

التفتت على عمي جبار الكاعد وما نطق بحرف واحد ..//عميي شهالحجي هذذااا شلون ترضى على كلاامه .. سهند بعدهي صغيره .. على شنو تربطها ويه هذا ..

اجاني صوته الخشن وهوه ينتر بيهمعترض على كلامي الافندي ..
فراهد // يوووسف ... تراك زودتهاا هاا ... منو هذاا ولك هاا .. الظاهر نسيت احترام الاكبر منك موو ..

جاوبه ابويه وهوه يباوعلي بنظرات يكولي بيها اسكت مو وكت خبالك ..// فررااهد .. ويوووسف .. سدووا الموضووع هذا ومحد يحجي بي سهند حاليا عدها دراسه ومنا مصيبة اختهاا مو وگت زواج

باوعلي فراهد بعصبيه وهوه يهز براسه ويتمتم بصوت مسموع/ خير انشالله هوه اني موجود وهيه موجوده وين تروح يعني تكمل دراسه ونشوف ..

النذل حاط عينه بس على الصغارامه تجيب وتخطبله بنات بعمره كبار يفهمون عقليته المتحجره بس هوه وين ما يقبل يكول اخذها صغيره كتكوته .. وهوه بكد البعير

شويه وفاتت سهند علينه سلمت ببرود وكعدت بصف عمي ..
ومتباوع بوجه ابوها زعلانه منه

وهذا فراهد النذل اكلها اكل بعيونه رايدلهن فكس .بأصابيعي .

فراهد // شلونج سوستنه انشالله زينه

باوعتله صفح ومجاوبته ..اجاها صوت عمي عبد الجبار الغاضب // ولج مووو يسللم عليييج شبييج ملصوومه ..

جاوبه ابويه وهوه يهزله براسه // عبد الجبار اعصابك شويه البنيه بعدها بصدمه تريدها تسولف ويه الرايح والجاي
كال هيجي و وجه نظراته على فراهد

كام عمي عبد الجبار بجبروت وبكل قساوة قلب وهوه يكول بصوت عالي ويأشر عليها الحاضنه ابويه وتبجي// ديلاا يلاا مو بس اختهاا الماتت بنتي همم وهايي الدراما ما اريدهاا مو تصررع راسسنه وتسويلي افلاام هنديه زعل ومن هالحجي الماصصخ تحترم نفسها وتكعدد .. وبلا هالمهزله ...

كال هيجي بصوت عالي وصياح وطلع من الاستقبالكام فراهد وهوه يباوع على سهند بأبتسامه جانبيه ولحك عمي وطلع ورا ..

بقه ابويه يهديها بكلماته المعتاده عليهن هيه ويمسح على ظهرها بحنيه// ابويه انتي صيري قويه واحتضني اخوج ابوج تعرفي انتي لا تخلين فراك اختج يكسر ضهرج بنيتي انتي العزيزه وخليها بالج اني دائما وياج اخاف عفت ابوج يتصرف على راحته ويه ازل الله يرحمها فخليها بالج انتي ما اخليج طعم الهم .. لا ابوج ولا فراهد ..

رفعت راسها من حضنه ومسحت دموعها باوعتله بأستغراب وجاوبته// عمو فراهد شله دخل .هذا الغول

.مسح ابويه على وجهه وجاوبها // ماله بنيتي ماله بس انتي تجنبي ولا تذبين ميانه وياه

ضحكت بأستهزاء .. وحضنته // على اساس هالكد ما احبه خيولي .

.................

عفتهم وطلعت براخابرت اوس اخو فرهود القاصرات .. بدال فرهود الدجاج ..

اوس عمره 35 اصغر من فرهود الدجاج ب3 سنوات هيجي شي
يشتغل ضابط يروح دوامه بين الناصريه وبغداد ومرات قليله يروح بيها للبصره ..

من هوه وصغير من توفى اخو حب يمشي على خطا ويصير مثله ضابطوكل ما يسألو شنو حلمك جان يكوللهم اصير مثل مراد ..الى ان تعب على نفسه وشد حيله وصار ضابط

جانت بوقتها الكليه العسكريه صعب الدخول الها وذاك من ذاك اليختاروا .. ومعدلها عالي هم ..بس هوه طموحه جانت اكبر من معدل ومن كلمة صعب ..

ما متزوج عزابي .. مره خطبتله امه قبل سقوط النظام ..
بس وراها بفتره فسخ الخطوبه وكل ما اسأله يكولي ماعاجبتني مع العلم عيونه جانت تبث الاعجاب بيها قبل الخطوبه ..وكل ما يشوفها يبقه صافن عليها وعلى حركاتها وتصرفاتهاهمه مجانوا عاقدين شيخ بس ملبسها الحلقاتوفجأه سمعنه بي تاركها .................

خابرته وكالعاده مره مرتين يالله يجاوب اليكول مخابر على الرئيس
اجاني صوته بجمود وعدم مبالاة // شتريد يوسف ...

جاوبته بأستهزاء // لا والله مكلف نفسك يبن العم ...

تذمر بصوت مسموع // شلون اني ويه هالملحه هااااي (طولها للهااي بنفاذ صبر ) ... ولك عندي شغل لراسي شراايد انطق ..

// لاا عمي مرايدد اخووك العاار يريد يزوجك لهبه ..

جاوبني بجديه تاامه. // على ابن عمه .طالع ...اي وشكو بيها صغيره وحلوه ليش لا اذا اكو نصيب الله يقدملنه البي خير ..

حسيت كلماته نار وديذبها على اذاني عطت بي بصوت عالي واني اقبض على ايدي اريد اتمالك اعصابي// ولللك اوووس انتته تريد احفرلك كبر انته واخووك العااار ... !! شكد خسيس وللك انته

قاطعني بصوت ضاحك شويه ضاحك حييل شووويه // هههه ديلا يلاا العاشق الولهان امشي من يمي هسه عندي شغل .. ومن ارجع نتفاهم ..

سديت الخط منه وفتت جوه ..اوس يعرف بيه اريد هبه بس مو هسه من تكبر واشوف شهادتها بأيدها ..ما اريد اضلمها ويايه بالزواج من هسه وهيه حته الزواج متعرفه شنو ..عبالها تنضيف تسوي جاي تبطخ ..افكار امها بعد ..

فتت جوه سمعت سهند وهيه تحجي ويه ابويه علمود يوديها لقبر اختها .. اتربعتلها اني واخذذتها العصر لقبرهاجانت تمشي وضامه ايدها لصدرها بخوف ولازكه بيه لزك ..عبالك راح تطلعلها ايد الاموات ويسحبوها من جوه القبر ..

وصلت لققبر ازل الله يرحمها .. كعدت يم راسها وبديت ادعيلها واقرالها الفاتحه اباوع عليها بطرف عيني صافنه على القبر مثل الواحد الي يريد يستوعب حجم المصيبهباوعتلي بعيونها المدمعات ورجعت باوعت للقبر ..كعدت بحيل مهدود وهيه تبجي وتهمس

بصوت ناصي// اشوو مداصدك هيه جوه! !؟ اخاف جذب ما ميته هاا! !؟

نزلت راسي بأسى واني امسح على القبر واكوللها // الله يرحمها سهند .. ترحميلها لا تعذبيها ببجيج ...

بقت كاعده يمها واني كمت وابتعدت شويه انطيها مساحه اطلع الي بقلبهاسمعتها تبجي بصوت عالي وهيه تعاتبها مره ومره ثانيه تشكي الم اشتياقها الها .../// اززل هااي صدووك عفتيني ... اشوو بسررعه هاا... مو كلتي ... مو كلتي اريد اصير ام .. ها اشو انهزمتي ليش هيج هاا . مشتقاتلج كوومه ازلل .. جنت جنت احلم بيج تكوليلي .. جوعانه ليش متوكليني ... واني .. واني الغبيه عبالي مينطوج اكل ... طلعتي تريدين دعاء واني غافله عنج ..

.طلعت جكاره وكمت ادخن واني اباوعلها من بعيد .. وصوت بجيها يوصلني على طبق من ذهبشكد بجت وشكد حجت بس بلا فائدهخليتها على هالحال تقريبا نص ساعهالى ان شفتها انهارت رحت عليها سحبتها من ايدها ورايه وهيه تبجي صعدتها للسياره ورحت اشتريتلها مي وعصائر من كشك قريب على المقبرهغسلت وجها ورجعت صعدتما حجت شي خلت راسها على الكرسي ونامت من كثر البجي

................

وصلنه للبيت كعدتها ونزلنه اني وياهافاتت قبلي ومشيت اني وراها

فتنه من يم باب المطبخواحنه نسمع صوت ميقات مرة ابوها تحجي ويه امي بعصبيه وتحد بسنونها// خييه امم يووسف هيه البنيه جانت عاگرر ما تجيب جهاالل كوتره خوما كوتره مسكين فراهد تزوجها تالي عمره يريد يحضاله بوليد يصير ونيس اله ما لكه منها غير شلعان الكلب .. الى ان انطمرت وعافته لا وليد ولا بنيه .. خلي يتزوج قابل اول رجال تتوفه مرته ياااا ... هاي اذا ما طلعت اختها هم عااگررر

باوعتلي سهند بصدمه وفاتحه حلكها وعيونها على مصراعيها اتقربت عليه وهيه تحجي بصدمه// هاايه افوت ااكص لساانها هسه لهااي المعاااقه عقلياً افووت اكص لسااانها هاا .

..سحبتها من ايدها واني احجي وياها بس وين دفعت ايدي بعصبيه وفاتت// ولج سهنددفتت وراها شفتها واكفه مقابيل ميقات زوجة ابوها وهذيج تباوعلها بأبتسامه خبيثه عكس سهندالمفوره من العصبيه ..عبالك تنور

/// انتيي شلوون تحجيين على اختتييي هيييج ... مااا تخافين الله انتييي هاااا متخاافين ... هذاا تفكيرج متغيري الجاااهل اختيي موو عاقر اختيي تجيب جهاااال والخلل من فرراهد النذلل متخافين على بنتج موو هم الله يطلعها ببنتج ويعذذبج

جاوبتها ميقات بصوت بتمسكن وهيه تعلي صوتها // يمه يمه منج ولج انتي شنوو هالتربيه العندج داادا ... ما تستحين تكولين العيب من فرااهد وللج يممه يمممه التهامه

قاطعها صوت عمي عبد الجبار وهوه يصيح عليهم// شددديصييير هنااا ... شهالمهزله هاااي ميقاااات

تقدمت علي بخطوات وهيه مدنكه راسها /// ابوو جااسم ما شفتها شلوون تجذب وتعلي حسها عبالك اني بعمرها

قاطعتها سهند بصوت عالي هيه الثوله من تعصب تنسه نفسها وما تسيطر على صوتها// بابااااا ماشفتها شلون تحجي على ازل الله يرحمها وتكو

قاطعها ابوها بصوت عالي وهوه يصيح عليها // تجيننن تكوليلييي ماااا تصيرين انتتي الفاااندااام حامي الاعراااض تجينن تكوليليييي واني اتصررف وياهاااا ما بينه حيلل مشاااكل ترا البينه مكفينه ... هاي بمقام امج احترميها وتبوسين راسها وايدهااا

باوعتله سهند بغيض وهيه عاقده حواجبها بعصبيه وخازرته عاط بيها من ما شاف استجابه منها/// عينننج بنتت الزمااااايل على منووو هيييج تخزررين سااافله

تقدم عليها يريد يهجم عليها سحبته من ورا بس هوه ضخم حيللوكفت امي مقابيله وهيه تتوسل بي// لاا يابوو جاسم لخاطريي عوفهااا هالمره لا تمد ايدك عليهاا لخااطري

باوعلها بعصبيه وعاط بيهاا// والله لو ما عمتج جان دفنتج بيدييي ساافله مربيلي ادبسززيه بالبيت اني اني الج بسيطه ..

عافنه وراح وهوه يرسم غضبه على الارض بخطواته القويه
باوعتلها ميقات بأبتسامه جانبيه وكالت وهيه تفر نفسها فر وتمشي// اي جان خليتي يعلمها الادب ..

وصعدت وره عمي // سهندد انتي خبله مو كتلج عوفيهاا ليش تجيبين المشاكل لنفسج هااا مخبله انتي بس كولي

قاطعتني امي وهيه تحجي وياها//بنتي انتي ليش ترادديها ها عوفيها خلي تحجي براحتها هيه منو يسمعلها ليش تخلين نفسج بهيج مواقف ... الا ابوج يعصب ويرزلج وانتي تعرفي كلش زين ابوج اعصاب بس ننفخ علي يطلعلنه نار ..

// خير انشالله عمهباست امي من راسها وصعدت فوك

.................

صعدت لغرفتها ذبت ثقلها على الجربايه وهيه تفكر بكلام عمها عن سبب موتة اختها من بعد ما طلع فراهد وابوها ويوسف من الاستقبالسألت عمها عن سبب موتتها

كاللها جانت طالعه هيه وزوجة عمها (ام فراهد) من بعد ما اصر فراهد على انو تاخذها امه للدكتوره تفحصها ليش تأخر الحمل وهمه كولهم متخبلين من هاي السالفه وهيه ما صارلها هوايه مو سنتين ولا اكثر
بس عقولهم واكفه يم هالنقطه هايوصايره علج بحلك العشيره كولها

ازل العاكر وفراهد المسكين المخلص بحبه لازل وما تزوج عليها لان متجيبله جهال

ابتسمت بأستهزاء على كلامهمهمه يعرفون شي وما خفي اعظم ...ما يعرفون ضرب فراهد الها بكل مره يتقرب منها وهيه التخابرها تشكي لاختها ... والثانيه تتقطع من الالم على اختها ...

جانت طالعه هيه وام فراهد للدكتوره نسائيه تحت ضغط فراهد الهم لان يريديسويلها فحوصات ليش تأخرت بالحمل ..
ومن رجعوا سووا حادثوماتت ازل لان صاير عدها نزيف داخلي الضربه جايه على راسها وعمتج انكسرت ايدها ورجلها بالحادثهذا كل الي كاللها ايا عمها شلون وشوكت ماكو جوابتريد تعرف الدكتوره شنو كالتلها تحاليل وينها هم ماكوو جواب

...........

نزلت بسرعه بعد ما سمعت صوت بنت عمهااخت فراهد الصغيره علياءاكبر من سهند عمرها 25صديقتها من الطفوله
عكس فراهد الخبيث ..قلبها طيب وحبابه ..

نرلت ركض عليها شافتها تحجي ويه ميقاتراحت حضنتها بقوه وهيه تبوس بيها // ولج حقيره علياء مشتاقتلج كومه ..

جاوبتها الثانيه وهيه تلف ايدها على اكتافها وتحضنها// اني اكثر عمري شلونج شخبارج ..

باوعتلها سهند وعيونها تلمع بالحب تجاهاهيه تعتبر علياء مثل اختها .. وصديقتها من سنوات// انيي زينه وينج انتي لا تخابريني ولا تسألين اكو كومة سوالف ضامتلجياها ..

سحبتها علياء من ايدها وهيه تضحك بخفه// اي خوش لعد سولفيلي ياهن كواهن ببيتنه اوس ينتظرنه بالسياره خلي نروح لامي خطيه متكدر وحدها وهم انتي سلمي عليها ..

// اي اي بس خلي اكول لعموراحت ركض للاستقبال وكفت مقابيل الباب وهيه تسمع صوت عمها سعدون يحجي ويه زوجتهبحده وضاغط على سنونه// سلوى انتي الجنيتي على نفسسج .. اني ما قصرت ويااج بشيي حاطج على عييني وراسيي بس تماديتيي حيللماالج حق تسويين هالسوايه وانتي تعرفين الوضع التزوجتج بييي على شنو تروحين تعاركيهااا....

وكفت ثواني مستغربه من كلام عمها لمرته ..هيه تعرف بيهم كلامهم قليل بيناتهموابد ما ينجمعون بفد مكان واحدومرات مراات يروح يمها وكله مگضيها بالاستقبال ..بس مو متزاعلين هيج

دگت الباب بخفه ثواني وسمعت صوت عمها يسمحلها تفوتابتسمت بوجها بتوتر وكالتله //عمو .. اني راح اروح ويه علياء و اوس لبيتهم هم اسلم على عمه ..

باوعلها ثواني وهوه عاقد حواجبه بأنزعاج من فكرة تبقه هيه وفراهد ببيت واحد// روحي ابويه انتي .. بس لا اطولين وكعدي يم عمتج ولا تتحركين منا ومنا مفهووم

هزتله راسها بسرعه وهيه تطلع جاوبته//اي عمو انشالله .

...................

طلعت ركض وهيه تلبس عبايتها فتحت باب الشارع شافتهم دينتظروها ويوسف واكف يم اوس وديحجونتقدمت وسلمت عليهم باوعلها اوس بأبتسامه وجاوبها// هلا بيج سهونه شلونج خويه شخبارج ..؟

// الحمدالله .. بخير شدعوه عليك سيد اوس لا تخابرني ولا تسأل ..

باوعلها اوس صفح وهوه منزل راسه ويطلع جكاره من باكيته ويجاوبها ببرود // ست سهند طالعلها لسان ثاني ويه لسانها الضاهر ..نزلت راسها بخجل وخدودها انصبغن باللون الاحمر من فشلتهاهيه ما متعوده هاللكد تشاقه ويا ومثل ما تسمي ضابطنه الحقنه

تمتمت بكلبها وهيه مزعوجه (ابد ولا يشاقه ومن يشاقه يكعد يبسمر بالواحد على اساس هذا شقه )

ضحك يوسف عليها وجاوبه بدالها// ديلاا يلاا هوه انتو عشيرة ال... محد يكدر يعيش وياكم اذا ما يطلعله عشر لسانات عاد اذا سهند عدها ثنين هاي رحمه من الله ..

باوعله اوس وهوه يسحب نفس من الجكاره// عاد انته عامل مساعد على تكاثر الفواحش والبذيئه بعشيرتنه ......

ذب جكارته على الارض وداسها ببسطاله وهوه يكوله // هسه وخر عن طريقي هيج ... ورايه شغل ..

عافه وركب بالسيارهابتسم يوسف عليهِ بأستهزاء وهوه يكول بصوت مسموع// شفتك شفتني وراك شغل .. اليكول ابن الوزير

التفتت على سهند وحجه وياها بحده وهوه يتقرب عليها // اسمعيي الكلاام زيين .. تكعدين يم عمتتج وما تتحركين مفهوووم وهم علياء خففي وياها لا اذبين العندج والماعندج بحلكها ... وفراهد من تشوفي بمكان كومي منه فاااهمه ..

گلبت عيونها عليهِ بملل وجاوبته وهيه اطبطب على جتفه // ماشي ماشي باابا هاي الاسطوانه العمريه مو اليوميه فهمتها كم مره كتلك علياء مثل اختي ترا وحبابه ..

باوعلها بحده وهوه يخزر بيها فززهم صوت الهورن الي صرعهم بي اوس التفتوا على الصوتاشرلها اوس بأيده الي لازم بيها الستيرن والايد الثانيه على الگير بأنو تصعد بالسياره سلمت على يوسف وصعدت بسرعه تتهرب منهكل مره من تنجمع ويه علياء يكعد يوصيها لا تحجيلها كولشي خففي وياهامع العلم هيه تشوفها حبابه ليش يكرها متعرف

............

وصلوا لبيت عمها ابو مراد (ابو فراهد)فاتوا للبيت سحبتها علياء وراحوا على امهاشافتها كاعده وايدها اليمنه مكسوره ومجبسهورجلها اليسرى كذلك ..وبعض الخدوش مرسومه على خدها وحنجها

سلمت عليها وتحمدت الها بالسلامهقابلتها الثانيه وهيه تبجي وتعتذر عن الي صار بأختها ..
ابتسمت سهند على الحنيه المفاجئه الي نزلت على زوجة عمها خالده ..سحبتها علياء وصعدوا الغرفتهاكعدتها على الجربايه وسألتها بفضول وحماس ..

// اي احجيلي سهندد شلونهاا تكريتت شلونج انتي بيها ؟!

جاوبتها الثانيه بملل// يمعووده مابيها شي نفسها دوام للبيت ومن البيت للدوام .. هذا الروتين بس على الاقل مرتاحه من ميقات وربعها

ضربتها علياء على راسها وهيه تحجي عليها بتأنيب // ثووله هاي وانتي وحدج بمحافظه وهيجي تسوينولج ماما اطلعي تونسي تعرفي على اصدقاء صديقات لا تضلين فاهيه ..

فتحت سهند عيونها بصدمه // لا لا مستحيل ... اني وعدت ازل الله يرحمها اروح على كد الدراسه وما التهي بأي شي وهم اناي تعرفين عمج يعلكني من اذاني بالبنكه مستحيل واصلا عيب ..

جاوبتها علياء بملل// شوف هاي الثوله ولج بابا انتي وحدج ومنو راح يعرف بيج روحي تونسي ومحد يعرف بيج وعدتها والله يا الله هزت ايدها بسخريه على كلام سهند الي تعتبره بالنسبه الها كلام اطفال ..

//يعني متعرفتي على احد يكولون ولدهم حلوين جان جبتليلي واحد ولج

ضحكت بنهاية كلامها بصوت عالي جاوبتها سهند بملل // دسكتي يمعوده حلوين بس ميستحون .. كل واحد تفكيره شاطح صفح

جاوبتها علياء وهيه تفتح الباب وتطلع// المهم انتظريني هنانه هسه اجيب حبشكلات واجي ...وتحجيلي عن هذوله التفكيرهم شطححهزت راسها سهند بقبول وهيه تفكر بكلامها ..

صدوك هيه ابد ما تطلع لا حدائق لا شي بس الجامعه و للبيت واذا تحتاج شي تروح للسوبر ماركت قريب من بيتها تشتري احتياجاتها وترجع بسرعهوحتى من تطلع تطلع العصريه بوقت تجمع الاطفال الي يلعبونكدام بيتها ويركضون بين الشارع وحديقة المسجدوالحجيات الي كاعدات كدام باب بيتهن و وحده تجي على الثانيهويبقون يسولفون
وياريت كلام بي خير كوله قال وقيل وشفتي هاي وشفتي هذيج

ضحكت ويه نفسها من تذكرت كلام فد عجوزهمن حجت عليها وشلون بنيه وحده تكعد ببيت وحدها وابوها ماكو ولا حسيب ولا قريبحتى هيه لاحها طشار من القال والقيل مالتهن ...

فزت على صوت الباب ينفتح بخفه وينسدويتبعها صوت القفل معلن انو الباب تم قفله التفتت ناحية الباب وكفت بسرعه وهيه تخزره بحقد وعصبيه

تقدم ناحيتها وعلى شفته البنفسجيه الي تشكي حالها من الجكاير الي يشربها بكثرهابتسامه خبيثه وهوه يباوعلها من فوك ليجوه بنظرات قذره / سهونه هلا والله منوره بيتج حبيبه ...

باوعتله بعصبيه ومستمره تخزر بي اتقدمت على الباب وهيه تريد تفتحه // فررااهد افتتح البااااب شلوون تقفللله هيييج واحننه وحددنه ما تستحييي ..؟!

فتحت عيونها بخوف تحاول تخفي وصدمه من ردة فعله .. تقدم عليها بلمح البصر ولزم معصمها وسحبها بقوه لدرجة انضربت بصدره .. باوع بعيونها وهوه يبتسم بخبث

// والله عمي عليج لسانج بنت القندره بس الله اليعلم شسوي بي اذا الزمه ...

كال هيج وتقرب عليها بسرعه و بحركه مباغته الها

... ..............................

بلا انتو هم تسمو گير مال سياره لو شنو ‍♀️ رأيكم عسلاياتي

وتوقعاتكم الحلوه وقدروا تعبي وصوتوووا ‍♀️

دمتم سالمين عسلايات

حفصه الهاشمي