زمهرير الاوجاع الفصل الرابع 4 - بقلم قدر ال هاشم

بنات فضلا صوتووا ..
الاوجاعحفصه الهاشمي...
ــــــــــــــــــــــ

والعزيز اليبتعد تكثر معزتهابتعد شما تبتعد ..تبقى انت انت

_________رأيتكَ من بين زحام الحياة ..
نعم رأيتكَ نجماً ساطعاً ينير ضلام حزني..
رأيتكَ لا بعيني فوالله انا رأيتكَ بقلبٍ بريئ..
رأيتكَ في دوامة حزني اليائسه ..
تبث الأمل في فؤادي..
تغزل كلمات الحب في عينيكَ رأيتكَ وما عادت الطرق مفتوحه للعوده عن طريق تمردي...بقلمي....

.ــــــــــــــ

التفتت على مصدر الصوت وهيه توقفت عن البكاء ولكن صوت شهقاتها تتمرد عليها وتخرج هاربه من حنجرتها ..

باوعتله بعيون باكيه وهيه ضامه ايديها على شكل قبضه لصدرها ..
انتبهت فقط لضخامة جسده ما جان واضح شي من شكله او بالاحرى الدموع حجبت الرؤيى عن عيونها ..

باوعت على الباب الي جانت تضن انو هوه هذا المسجد ورجعت باوعتله بضياع ..

رفعت اصبعها السبابه بذبول وأشرت على المسجد بأستغراب وسألته بصوت ناصي يادوب تحاول اطلعه من ورا البكاء// ه..هذ ..هذا بيتك..؟ هذ ج

قاطعها وهوه يتقدم خطوه ..// اي بيتيي .. شعندج هنا شسالفتج انتي يا بنت بالهوكت بالليل ...؟؟

باوعتله وهيه مبرطمه شفافها // اني اريد اروح للجامع مال نسوان واذكر هذا هوه الجام

رجع قاطعها وهوه مقلص عيونه عليها /// انتي مانج من هينه صح ..؟ماتعرفين المسجد مايفتحوا للنسوان بهيج وكت عجل شجابج هينه بنصاص الليالي ..ماتخافين من الاوادم وانتي بنيه شابه ..حدري غادي عن طريجي ما ينفتح المسجد ..

باوعتله وعيونها تنذر للبكاء ..
كال هيج بحده وعافها واتوجه للجامع مال الزلم المقابيلها ..

رجعت باوعت للباب هيه تعرف كل زين هذا هوه الجامع مال النسوان ليش يكوللها بيته ..رجعت على الباب ودكته بكل قوتها وهيه تكول /// افتحووولي الباب هذاا بيت الله مو بكيفكم ما ينفتح ..افتحوو

رجعت سمعت صوته من وراها وهوه يكوللها بحده // انتيي ما تجوززين .. حدري من هيين لا تجيبيلي دوخة الرا..

قاطع كلامه وهوه يسمع صوت الرجال الكبير الي طلع من المسجد مال الرجال .. واضح عليهِ الوقار بدشداشته البيضه وسبحته المزينه اصابيعه ../// شصاير هينه وليدي .. ؟ليش حسكم عالي ..؟ ومنو هاي الحديثه..(بنت شابه)

جاوبه وهوه يضغط على ايده ويباوعلها بحده // ياابه هاي فارغ...

قاطعته بسرعه وهيه تتقدم للرجال الجبير بالعمر /// عمو حبابب اني اريد افوت للمسجد اصلي بس هذا ....وهيه تأشر عليهِ بأصبعها .... هذا ميقبل افوت ويكولي منفتح الجامع للنسوان حباب عمو اريد افوت اصلي بي

...كالت كلماتها الاخيره وبدت تبجي وهيه حاطه ايدها على حلكها ..

جاوبها الشيخ وهوه يوجه كلامه للولد/// لا يابو فلاح هيج تحاجيها ..

باوع عليه وكال ... وانتي يابوي منين انتي مانج تكريتيه .؟

جاوبته بصوت ناصي // اي عمو اني من بغداد ..

اتقدم الرجال الجبير وبأيده المفاتيح وديفتح باب الجامع وهوه يسألها // زين يبعد عمج اني افوتج الجامع ..بس شني حالتج ليش هيج صاير شي جايد(جبير) وياج ..

اكتفت بالصمت ومجاوبته ..

باوعلها بنظرات حانيه ثواني وكاللها // فوتي بويه فوتي هسه اندهلج (اصيح) ام سرمد تفوت وياج للجامع تلكيها تتوضى هسه

..هزت راسها وفاتت سمعت صوت الولد يكول للشيخ بأنزعاج// يابه انته شلون تفوتها هيج مانعرف سالفتها شنهي ..يجوز وراها شي جايد وهيه وحيدها بنص الليل ..

هزت ايدها على كلامه وفاتت وهيه تكول / اني بيا حال وهذا يتفلسف شي جايد جيد الله راسك ..

فاتت للصاله فرشت سجادتها وصلت الفجر ..
سجدت سجده طووويله وهيه تبجي وتنوح ..
على اختها الوحيده بهاي الدنيا ..
رفعت راسها وهيه تشوف مره جبيره بعقدها الرابع ...

مزين وجها الحجاب الابيض ..
لازمه السبحه وكاعده بصفها على بعد كم خطوه وهيه صافنه عليها ..

اتكلمت المره بصوت حنون وهيه تباوعلها // تقبل الله بنيتي ,..

ابتسمتلها // منا ومنكم صالح الاعمال ..
أشرتلها المره على المكان الموجود بصفها وهيه تكوللها //حدري هينه يمه حدري...

باوعتلها طكتها بصفنه وكامت كعدت بصفها ..
هيه مستغربه من لهجتهم التكريتين ما يحجون هيج .,.

كتمت فضولها وهيه تستمع لكلام المره ..// يمه احجيلي شسالفتج بنص هالليل ..ليش هالبجي .. اهلج وينهم..؟

// خاله اني ..اني ادرس هنانه .. واهلي ببغداد .

// هلا بيج من ممشاج لملكاج .. بس ما كتيلي ليش هالبجي ..صاير شي لأهلج..؟

نزلت دموعها وارتفع صوت بجيها جاوبتها بصوت متقطع // خاله .,... اخ..اختي توفت ...

تغيرت ملامح المره للحزن والشفقه على حالها ..// انا لله وانا اليه راجعون .. يمه هذا حال الدنيه .. لا تبجين ادعيلها اترحميلها ..لا تأذيها بالبواجي ..

بقت كاعده المره وسهند نايمه بحضنها وتمسد على راسها بحنيه ..اخذتها الغفوه وما حست بالوقت ..حضنها دافي وبي حنيه ما معهوده الها من قبل .....

بي حنية ام ..
اتململت بحضنها وهيه تسمع صوت سامعته ..

وكرهته بنفس الوقت// يما هينه هينه ورا الباب ... شمعتازه .. دحكتج بطيتي وانتي وحيدج ويه هالبنيه .. ساعه طخت ال ال8 ..

ضحكت المره بخفه وجاوبته بصوت ناصي //ولك سويفان نصي حسك ..البنت نايمه هينه واذا بطيت( تأخرت) قابل كاعده يم الوحوش اشو ببيت الله ..يلا حدر من هينه ..جنك جاهل مضيع امه ماتجوز من سوالفك ..

ثواني وفتحت عيونها ..كامت من حضنه وهيه تبتسم الها بأحراج// اسفه خاله محسيت على نفسي ..

// لا يمه ليش تتأسفين .. انا موجوده هينه كل صلاة فجر تلكيني من الغبشه هينه افوت من الباب الخلفي جيف ما نفتح الجامع للنسوان الفجريه اذا تحبين تصلين هينه اكول لبو سرمد يفتحولج الويلاد الباب الفجر وتصلين وياي ..

// شكرا خاله ..والله ياريت تكوليلهم لان الصبح جان اكو ولد مقبل افوت اصلي الا اجه عمو واحد جبير بالعمر يلا فوتني ماعرف شبي عبالك الجامع مالته يكولي بيتي وماعرف شنو حيل مكروه ..

صفنت المره عليها وهيه تبتسم ..
طبطبت على ظهرها وكالت الها بأبتسامه،//هين الحينه اكوللهم هذا الوليد ما يدنالج بعد ..ابشري ..

ابتسمت الها بطفوليه وكالتلها // شكرا خاله ما تقصرين والله كولش ضوجني هوه..

// انشالله بعد ما يدنالج .. الحينه انتي ماعندج دوام ..

//لا خاله .. اليوم ما اداوام ارجع للشقه هسه ..

// اي يمه الله وياج ديري بالج على رويحتج...

سلمت عليها وطلعت ..
فتحت باب المسجد الخارجي ..

اول ما فتحته شافته كام مثل المفزوع واتوجه الها بعيونه الحاده عبالك يريد ياكولها بعيونه ..
فتحت عيونها بصدمه من ردة فعله ..

صح هيه طالعه بنص الليل بس ما ميحتاج هالكد يقلق قابل هيه ارهابيه علمود يسوي هالسيناريو هذاوكف على بعد مسافه منها وبنبره حاده كاللها // ها وين الحجيه اشسويتلها ..؟

باوعتله بصدمه وفاتحه عيونها على وسعهن ..// انته شبيك ..؟شنو شسويتيلها قابل ارهابيه اني ..مجرد فتت صليت وطلعت شبيك .؟شدتحس.؟

باوعلها بغضب وحده قبض ايده بعصبيه وكال // انتي حرمه وما اريد اتجاوز عليج جان عرفتج شداحس..من تحجين ويايه عدلي جلمااتج ...كولشي يطلع من وحده بنص الليالي طالعه وحدها ..ولا رقيب ولا حسيب..

باوعتله مصدومه شكد حقير ..
ومستفز ابو الافلام الهنديهتمتمت بصوت خافت // انسان معاق عقلياً..

فتح عيونه عليها بصدمه ..
باوعتله بطرف عينها وهيه تريد تمشي من كداممه ..

كتمت ضحكتها على شكله يستاهل ابو السيناريوهات ..
سواها ارهابيه وهيه النمله تخاف منها ..

سمعت صوته من وراها وهوه يكوللها // لسانج لازم اكصو الج واعلكو بركبتج .. تعلاكه الج

تجاهلته ومشت من يمه ..
رفعت راسها تريد تعبر الشارع ..
انتبهت لشخص يتقدم ناحيتها وهوه مبتسم يباوع عليها وعلى الولد ابو الافلام الهنديه حسب متسمي ..
لابس زي عسكري ماعرف جيشي ..يلا كولهن يشابهن ..
السلاح مزين خصره ويمشي بتعجرف والنظارات حاضنه عيونهعبالك اسد وديمشي بين الضباع وبس هوه الملك ..

وصل يمها وابتسم ابتسامه عريضه حتى بينت سنونه البيض القى نظراته عليها وعلى الولد الوراها وكال بنبرة استهزاء //هههههه ها ابو السيوف اذا محتاج اني هم اساعدك خبره بكص اللسانات ترا ..

باوعتله بحده ورجعت باوعت على الثاني الواكف وراها بالزي العربي والشماغ مزين راسه ..
والسبحه بأيده ...
وكأنو ينطي خبر للماره من ملابسه اني شيخ وابن شيوخ..

سمعت جوابه وهوه يجاةب هذا الضابط ماعرف عسكري/// يوول ابن بغدادد همزين دحكناك وينك عنه يول يسافل ...

رمقتهم بنظرات عصبيه وتقزز ..وعافتهم ومشت ..واحد اضرب من الثاني

.............................

في مكان ثاني ..في قلب العراق ..ونبضهُ...

واكف يصيح بجبروت وصوت عالي وماخذ الناس بصياحه

..معتبر البيت سجن وهوه السجان ../// انننته غبببي ... بس كولي غبببي شلون تكوللها غير تكولي يلا تكووللهاااا ..؟

جاوبه وهوه يحاول يهدي عمه الي صاير نار وشرار من الغضب // عمي اني ماكتلها .. التيلفون جان مفتوح بالغلط وسمعتني من حجيت ويه بابا علمود ازل الله يرحمها ..

// اييي موو مطططي ...مططي ويكولك ليش تعصصب ...الباجر امشي جيبهاا .. من تكريت هسه خابصه الدنيا ومحد يمها هناك الله اليعلم شنو حالهاا ..؟

// ان شاء الله عمي ..سهند اختي انشالله اكيد ماعوفها وحدها ..

هز بأيده وهوه يرمق ابن اخو بنظرات غضب .. عافه وطلع من الاستقبال

..........مسح على لحيته السوده وهو يطلب الصبر من الله

يوسف....

فتت للمطبخ واني معصب ....
معصب من نفسي ..ومعصب على سهند ..

هسه اكيد منهاره ..
اذكر جنت احجي وياها بالليل تقريبا جانت الساعه 2 ونص هيج وقت اتعودت هيه تحجي ويايه كل يوم واني هم ابد ما معتبرها بنت عمي ..سهند اختي ربيت وياها وربيتها على حضني ..

اني اكبر منها ب 7 سنوات ..عمرها هسه 19 واني 26....

جنت احجي وياها بمواضيع عده وهيه طبيعتها من تحجي ويايه تذب الاول والتالي ..
من زمان معلمها شيصير وياها تجي تحجيلي لو ابسط الاشياء لازم تحجيلي وهايه عاده مشت وياها من كبرت من شب على شيء شاب عليهِ....

خلصت كلامي وياها وهيه كل شويه تسألني شبيك وشبيك جنت ضايج عليها ومن نفسي هم لان ضميت عليها وفاة اختها ازل ..الله يرحمهاوابد ما كثرت بكلامي وياها وهاي مو من عوايدي ..

نهيت المكالمه وياها وشمرت تيلفوني على فراشي احنه استقبالنه جبير وابويه ينام بي واخواني الصغار ..
اني اكبر واحد بيهم و ورايه يجون 4 ولد ساهر وقادر ..
عمر وعامر ساهر عمره 19 بعمر سهند وقادر 18عمر 10 سنوات..وعامر 6 سنوات ...

احنه كولنه ننام بالاستقبال الجبير وابويه هم ويانه واخو سهند الصغير ابن عمي ابو جاسم وام سهند ( تماضر ) عمره 18 هم ينام ويانه

وامي واخوتي الصغار عمر وعامر ينامون بغرفه وحدهم

ذبيت التيلفون على فراشي واني افكر بحالتها لو عرفت شيصير بيهاهاي اختها الوحيده من امها !سألني ابويه وهوه يدخن جكارته

,,.سعدون ( ابو يوسف)/// ها شلونها ..؟
مسحت لحيتي بغضب وحيره وجاوبته // بخير بس الله اليكون بعونها من تعرف .. هسه زينه بس بعدين لا ..

جاوبني وهوه يطفي جكارته /// اي غير عمك الافندي ميريد احد يكوللها ازل ماتت ..ولا اني جان رحت عليها من اول يوم وجبتها هم تشوف اختها قبل الدفنه وهم تودعها ..بس عممك ااخ منه ..

// الله كريم اني كم يوم واروحلها ...

قاطعني صوت التيلفون وهوه يدك ..
شفتها تتصل فتحت الخط واجاني صوت بجيها وشهكاتها العاليه ..

سألتها بقلق وخوف // سهنند ... شبيج ابويه ليش تبجين ..؟

جاوبتني من بين شهقاتها // يوسف صدوك .. صدوك ازل ماتت ..؟شنو هذا كلامك ويه عموو ..يووسف لا تجذذب عليه فدوه ..

فتحت عيوني بصدمه ..شلون عرفت لا يالله ..اكيد نسيت اسد الخط ..// عمري سهند .. انتي مؤمنه .. لا تسوين هيج بنفسج خلي افهمج عمري

ما انطتني مجال احجي وكل كلامها صدوك ازل ماتت وبس تبجي

رجعت احاجيها واحاول اهديئها
سهند عمري انتي لا تبجين لا تعذبيها كولنه على هالطريق .. سهند ويايه ... سهند ابويه انتي شو جاوبيني ,..سدت الخط بوجهي وراحت ..

ابويه كام على حيله وهوه عصبي ,, على اخو ..ابويه اصغر اخوانه ..
عمي ابو جاسم الجبير (عبد الجبار) ورا عمي حامد ابو مراد وبعدين عمي ثامر مسافر للخارج ..وبعدين ابويه الصغير ..

صاح ابويه على عمي وكبت العيطه بينهم احنه عايشين بنفس البيت احنه وبيت عمي ابو جاسم ..من زمان من احنه وصغار ..الطابق الثاني لعمي جاسم والجوه النه بس احنه دائما نجتمع على سفره وحده وماعون واحد ابد ما افترقنه من سنواات

...............

فتت للمطبخ شفتها تريد تشغل الطباخ وتخاف لا تحترك ..ابتسمت عليها شلون تشغله تمد ايدها وترجع ترفعها بسرعه

والجداحه متشغلها وترجع تخليها وترفعها بسرعه قبل متشغلها ..

تقدمت واحذت الجداحه من ايدها واني واكف وراها التفتت علي بأبتسامتها المعهوده ..ابتسامه بريئه ..احس بيها نقاء وروح طاهره مو مثل امها تبث السم والزمهرير على الرايح والجاي ...// يوسف .. همزين اجيت ..شغل الطباخ فدوه صارلي ساعه وهسه ماما راح تصيح تأخرت عليها

احتدت ملامحي بأنزعاج ..وجاوبتها واني اخذ الجداحه من ايدها واشغل الطباخ// وامج شبيها صوفيا لورين شابعه نوم وتصخر بيج على الطباخ والنار هوه انتي شكبرج بعدج بطول الجداحه مال طباخ ...

تغيرت ملامحها بأنزعاج قبضت ايدها وضربتني على ايدي بخفه ..وهيه تجاوبني ومبرطمه شفايفها/// ترا اني جبيره صار عمري 15 سنه ها ولا تحجي على امي اني اريد اتعلم اشتغل ماما تكول علمود من يجون يخطبوني اعجبهم وبسرعه اتزوج ...

باوعت على ايدها واني منزل راسي وبس عيوني الرافعهن بعيونهاهذا تفكير امها ابد ولا تغيره ..تفكير جهل ..
عدها البنت بس تبلغ لازم تلكالها رجال ..جاوبتها بحده // وانتتتي شللج بهالخرااابيط هبببه ..انتبهي الدراستج وانجببي ..وفكرة الزوااج شيليها من رااسج .. غبيه ..

عقدت حواجبها بزعل وكالت // شبيك يوسف زعلت لان اتزوج واعوفك يلا لتخاف عود اتزوجك انته ........

اجاها صوتها من ورايه وهيه تفشر بأنواع المسبات عليها ولا كأنو بنتها ...
ما خلت مسبه تعتب عليها

..ــــــــــــــــــــــــــــــ

رأيكم عمري ..+سوو تاكات لصديقاتكم كبدات ✂️

حفصه الهاشم