زمهرير الاوجاع الفصل الرابع وثلاثون 34 - بقلم قدر ال هاشم

زمهرير الاوجاع

صلو على النبي 🖤🖤

حفصه الهاشمي..

ــــــــــــــــــــ

باوع عليهاا هوه وخازرها وهيه سوت نفسها ماشايفته

//اي شنو هاي الحقيقيه وتيلفونها يشههد

عليااء عيب عليج هيه البنيه كل تيلفونها صرصرفيسبوك منوين تجيبه .؟

جاوبتني وهيه تدفعني للمطبخ ما اهتميت لردة فعلها خطيه الرجال سمع كلامها واحتقن وجهه

علياء// انتي انجبي بس انجبي شدخلج بالموضوع انتي ها .؟

سدت باب المطبخ و وكفتلي هيه وبنت خالتها دفعتها من ايددها واني خازرتها
اي عيب عليج تريدين اكول لاوس عليج شلون تجذبين على بنت عمج هيج

فتحت عيونها عليه بعصبيه وحصرتني يم الباب
//قسماً بالله اذا فتحتي حلكج بكلمه وحده الا اخلي يتزوج عليج ضره بعدين تعالي انتي منو يسمع منج وهوه كل عقلج بي زهايمر شو دولي

فتحت الباب وطلعت هيه واقاربها
عزا العزاج شكد حقيره اذا بنت عمها هيج تحجي عليها

اخاف اكول لاوس وانوب ميصدك بييه
الحقيره شلون تتشمت بيه على اساس بيه زهايمر

كلبي اكله القهر من ورا كلامها رجعت داغسل المواعين وبالي يم سهند

احسن شي احذرها منها واكوللها تقلل وياها كلام هذا احسن حل

..........................

مر اسبوع ويوسف شاد حرابه الا يعقد هوه وهبه وصدوك

ورا اسبوع هم عزمونا على خطوبتهم وميقات هاي الفتره كلها يم اهلها هيه وهبه

كل هذا علمود يوسف مايشوف هبه او يتواصل وياها

اما سهند ماحجيت وياها من يوم الخطوبه
التهيت بالشغل وعمتي هاللفتره هاي حاطه دوبها من دوبي

ما اصدك اصعد فوك دا ارتاح ترجع اطلعلي شغل من جوا الكاع
مو هنا المصيبه اذا على الشغل عادي اشتغل

بس اني تعبانه هاي الفتره كولها
راسي ماتفكه الدوخه ابد وكل ما اسوي شي ارجع الكا صاير بغير شكل

وعمتي متهدده بيه الا ترجع تكول لاوس علمود الدكتور
واني اتلوكلها بلكت الله تنسه الموضوع

طلعن كولهن للسوك بس اني بقيت بالبيت
مابيه حيل اطلع والواحد اشوفه ثنين

عندي فستان مرتب عود البسه مو الا اشتري

نزلت جوه راسي لازمته الدوخه
رحت للمطبخ خلي اكلي شي شغله واني هم جوعانه ههههه

طلعت الاكل اول ماشميته لعبت نفسي..

رجعت الاكل بمكانه وطلعت من المطبخ مع العلم جوعانه بس ريحة الاكل تلعب النفس
ماعرف اني اشمها هيج..!

استمرت الحاله ويايه اكثر من يومين نفسي تلعب من اقل ريحه مال اكل
الدولمه شكد جنت احبها من اشم ريحتها تلعب نفسي واروح استفرغ

وعلياء الحقيره تكولي هاي علامات الزهايمر بدت تظهر عليج
قلقتني بزياده حتى اخاف اكول لاوس وانوب يربطها بالزهايمر

....................

رحنه لبيت عمهم يوسف عالك الدنيه
من بداية الفرع الاغاني تركع ركع ههههه

اوس// انزلن بسرعه مناك الزلم الترفع عينها الا افكسلهيا.

نزلنه اني وعمتي وعلياء مشيت اني وعمتي ليكدام وعلياء ورانه تأخرت..!

التفتت عليها واني منزله راسي//يلا علياء بسرعه

باوعت عليها صافنه على مكان محدد
التفتت اشوفها وين تباوع.!؟

مو معقوله هاي البنيه

رحت سحبتها من ايدها واني احجي وياها وضاغطه على سنوني
عليااء عييب علليج عوفي الرجاال بحااله

باوعتلي بطرف عينها وفاتت جوه ..!؟

هاي متحس.؟
خطيب بنت عمها شلون عينها عليهِ صدوك متستحي.

..................

هبه ما شاء الله طالعه تجنن
فستانها بصلي منفوش عبالك اميره

والضحكه شاكه حلكها ويوسف كاضيها دبكه ويه الشباب بالشارع

عقدوا شيخ وبدت الهلاهل تركع ركع
عمتهم جليله بكل عزا لطامه

ماتحب تهلهل ابد هههه هم خطيه هيه حيل تحب يوسف وتعزه
فرحتها يجوز اكبر من فرحة يوسف وهبه

فات يوسف ديلبسها الذهب ويشوفها هم

هوه فات لو تولاها الدك ساعه يبوسها من خدها ساعه من ايدها لو راسها
خبل نفسه واحنه ميتين ضحك عليهِ

يوسف// يجليله يعني انتي بخطوبة سهند كل شويه وتدفعين بالرجال على البنيه ماتدفعيني هسه بحضن هباوي

نزلت راسها بخجل وهيه تضربه على جتفه
هبه// يووسف عييب..

دنكت راسي وحجيت يم اذنها علمود تسمعني من ورا الاغاني مطرشين
// ولج لاتخليني هسه اشيلج واروح اعرس عليج واشعل ابوهم لابوهم

رفعت راسها وضحكت // يلا خلي نروح هههه

جليله// يا جليلة الحيه ولج يالماتستحين اثكلي اثكلي عفيه بنات عبد الجبار كلهن خفيفات

يوسف// عاد انتي الثكيله لوما كتلتي نفسج على ابو اللوري ههه

جليله// هههه يول هذا زنكيين خوما مثلك منتف

يوسف....

بعد خطوبة سهند دكيت رجل لعمي الا تزوجني بنتك

وعاد هوه ميحب يعاند بس الله يخلي عمتي جليله وبيبيتي
هم نكن فوك راسه الا تزوجهم للويلاد

وعاد صدوك عمي استسلم للامر الواقع وحددنه العقد
اني منا مستعجل على شنو اطول خليتها هيه عقد هوه مهر

بس ميقاتوو المندسه على كولة سهند
شالت بنتها وطارت يم امها

على ابو ماشوفها وتخاف على بنتها
الثوله على اساس اني راح افوت اغتصبها

مو عبالك هيه طول عمرها يمنه

المهم
صارت الحفله وخلصت واني عيني مارفعتها عنها ابد

هاادئه لابعد الحدود

احاول استفزها بأي طريقه علمود اسمع صوتها الهادئ..

لازمه ايدي وكاعده عبالك تلميذ وكاعد بالحصه
وكل شويه تباوع على امها

عاد ميقات وماتحب تخرب لحظات سعادتي

كل شويه وناطه بنصنه لو تسحبها لو ماعرف شتصخم بوجها

واني هم مو قاصر خليت جليلتنه توكفلي حارس
كل ماتجي المندسه تسحبها عمتي من ردانها وتبعدها

اييه هيج خلي اشوف دربي وين بهالخلقه هاي
احير وين اباوع على العيون الخشم الحلك

انهجم بيت عمي على هالخلقه هاي

طلعت من يمها واني ازفر النفس براحه

اييه هاهيه صارت مرتي ومسجله بأسمي
ياكواد بعد يجي ياخذها مني ههههه الا اشكه شك

سيف// مبروك يولووو نشمي حبيتها منا خذيتها منا

جاوبته واني احضنه// الله يبارك بيك سيف عجل شلون على كولتكم اذا ماخذيتها اذبحها هيه وابيها ههههه

سيف// ههه يولو الظاهر انعديت مني

اجيت اجاوبه جان يجي اوس وهوه يرفع بصدره كدام سيف

اوس// مبروك ابو السيوف منك المال ومنها العيال

حضنته وجاوبته// الله يبارك بيك اي عاد من اول اسبوع كله اذبلكم درزن جهال بس اصبرولي هههه

اوس // اي كوي كوي على كولة ذولاك العالم

باوعله سيف بطرف عينه وتجاهله
بس ابنه مستهتر مايبطل الا ياخذ رزاله

//عاد انته صونها مو هم اطكها بطلقه على والله احبها

جاوبه سيف وهوه يتناظح ويا بالعيون
يوول لاتظل تزامط سالفه وانتهت على شنو هالملحه الماصخه منك

باوعله اوس بطرف عينه وطلع جكارته وهوه يكعد على الكرسي

والله ماحبيتك من سوايتك السويتها وزواجك منها كله على بعضه ماعاجبني

سيف// وانته منهو طالب رأيك .؟

يوسف// يابه لاتكلبون خطوبتي عراك استهدوا بالرحمن وخلونه فرحانين

سكتوا ثنينهم بس بقه الجو بيناتهم متكهرب

.......................

بعد شهر

يوسف..

مر شهر تقريباً على خطوبتنه اربعتنه ههه
اني وهباوي
وسيف وسهند

هبه طول هذا الشهر يم خوالها
أمر من عمي عبد الجبار

واني المتكرضم عليها شكد حاولت ويا بهذا الشهر نعجل بالعرس

بس عبس معاند عبالك راسه حاطين بيها بطيخه
وهاي ميقات المندسه ادري بيها تحشي براسه

والله بسنة 2008 شهر الثامن

اقتنع عمي نسوي الزواج وزواجنه صار قبل سهند وسيف

وهذوله هم سالفتهم سالفه
عمي كل ما زاده يأخر ويأجل بالموضوع شنو غايته ماندري

والله طلعنه اني وامي وهباوي والمندسه ميقات وسهند
هذا الاسبوع كله كاضي سواكه علمود يلحكن يكملن جهاز هباوي

وطبعاً اني هم دكيت رجل الا اطلع وياهم من يحضرن جهازها
هم منها اختارلها الاشياء التعجبني ومنها اشبع عيوني من شوفتها

................

طول الطلعه وميقات ذبحتني ذبح
كل ساع اتوازه عليها اكول هسه الزمها واذبحها بنص المحلات

وسهند تهدي بيه ..

اني رايح اشتريلها جهاز عروس وهاي شكو محل عبايات تفوتنه بي..!.

ميقات // هايه العبايه والله حلوه شتكولين ام يوسف ناخذها.؟

جاوبتها بنفاذ صبر // عمه مابقيتي عبايه بالسوك تعتب عليج جهاز العرس وين بس اريد اعرف.؟

جاوبتني بعصبيه// اي لعد خوما تريدني البسها شلح بلح ..؟

ام يوسف // يمه يوسف وليدي ودينه هسه خلي نرتاح وعود نتفاهم وليدي

استغفر الله من هالبشرر تحركووا..

وديتهم كافتريا كعدتها هيه وامي وسهند

لزمت ايد هبه واخذتها ويايه // يمه هسه راجعين منطول

ميقات// ويين وييين ماخذ بنتي.؟

باوعتلها بطرف عيني // رايح داذبحها

عفتهم وطلعنه من الكافتريا..
هبه خجووله حيل وهادئه

اسوكها سوك على المشترا

فوتتها محل فساتين ورا تراكسودات وماعرف شني
بس اريدها تنطق تختار ماكو صم بكم

اختاريتلها على ذوقي اي يعجبني اخذت منه ..
وكله على كولة ميقات شلح بلح

اريد اشوف ميقات من تشوفهن شراح تسوي
الا تجي تذبحني بنص العرس

فوتتها على محل ملابس نسائيه
وهايه انكلبت حمرا واجرجر بأيدي

هبه // يوسف كافي عاد خلي نرجع يم امي

باوعتلها بطرف عيني وجاوبتها واني اختارلها ملابس
هوه محد عم علينه غير امج شو شوفيلي هذا عاجبج

باوعتله بخزره ونزلت راسها
ههههه ولج هبه لاتعاندين باجر تتندمين كولي يالون تحبين

هبه// يوسف كاافي عااد خلي نرجع

//انجبي حبيبي

بقت تجرجر بأيدي كافي وكافي
واني ولامهتملها اخذتلها كل شي عاجبني

رجعنه لامي وامها
وميقات متحولتنه وحش شعدكم تأخرتوا وشنو اخذتوا

عفتها بحيرتها ولاجاوبتها..

.....................

سهند...

مرت اشهر على خطوبتنه اني وسيف

بهاي الاشهر الفاتت ما اريد احسد نفسي من الراحه العايشتها

مرات اصفن بيني وبين نفسي معقوله بعد كل هالتعب هيج نرتاح اني وسيف..؟

دائما اني ويا على تواصل
كل يوم لازم اسمع صوته

احس نفسي تعلقت بي اكثر ماهوه متعلق بيه

صحيح هوه كل يوم يخابرني
ودائما يجي لبيتنه علمود يشوفني
بس دائماً اشوف حبي اله اكبر من حبه هوه الي .

طول هالفتره كلمة علياء ماتنزل من لسانه
كولش ديضوجني بخصوص هذا الموضوع

عوفي علياء عوفي المصكوعه
ما اريدج تحاجيها ولاتتصلين بيها

واني علياء هم زايده بأتصالاتها الي
واخجل اذا ما اجاوبها تروح تكول هاي لكتلها رجال كامت تتكبر عليه

مرات اجذب عليهِ واكوله بطلت احجي وياها
بس من تخابر عادي نسولف ونحجي

وهيه أسألتها دائما على سيف
واني قدر المستطاع احاول ما اجاوبها

بس لو اعرف ليش يكرها هيج
عاد هوه اصلاً ما حاجي وياها شلون كرهها بهالسرعه.!؟

اتذكر مره من المرات جان سيف ابغداد يم صديقه

جنت نايمه من وكت
واني نايمه جنت احلم حلم مو زين يخوف حيل ما اتذكر شي منه

بس الي اتذكره اني اركض وحيه ورايه جببييره
هالكد ما جبيره عبالك صايره مثل الوحش

فاتحه حلكها الي ومثل التريد تاكلني واني اصيح واركض
والمكان الاركض بي كله اظلم

فزيت من الحلم مرعوبه ريكي ناشف
عبالك بالحقيقه جنت اركض

كعدت على الجربايه بخوف وكمت ابجي

هاي العاده الما ابطلها
من اني وصغيره من احلم حلم يخوف واكعد
اخذلي فاصل مال بجي كم دقيقه وارجع انام

بهالاثناء تحديداً خابر سيف.

باوعت على الساعه
صايره 1ونص

فتحت الخط وصوتي مبين عليهِ البجي

// ها سندي يولو نايمه من وكت شني فروج ابويه .؟

جاوبتها بخنكه
سيف مو نعست ونمت.

جاوبني بأستغراب// وانتي شبيج هسع جنتي تبجين.؟

هوه كال هيج واني رجعت ابجي
اي مو ...مو حلمت حلم يخوف حيل..

// ياببوي لانعل ابيو الخوفج هسع جايج انه انطريني.

كال هيج وسد التيلفون بوقتها بقيت اخابره
وين يجي والعالم كلها نايمه حتى الحلم نسيته من ورا

غير لو ابويه يشوفه الا يذبحنه

اخابر عليهِ وماكو

تقريباً ورا كم دقيقه جان يخابرني يوسف
يكولي انزلي للأستقبال الافندي اجه

لبست حجابي ونزلت

كلهم نايمين بس عمي سعدون كاعد بالطرمه ويوسف

طلعت للطرمه جان كاعد ديسولف ويه عمو
بس كاعد على اعصابه رجله يهزها ويباوع على الباب
عبالك دينتظر جيتي

سلمت عليهم وكعدت وعمو على اساس انطانه بعض الخصوصيه
عافنه وفات جوه

اول ما فات عمو اجه كعد بصفي وحضني قوي
حسيت عظامي تكسرن

حجيت ويا واني اتململ بحظنه
سييف خنكت..خنكتني.

ضربني من وره بخفه على راسي
يولوو هسع صار حضني يخنكج

ابتعد شويه عني ولزم ايدي وباسهن
واني هم رجعت شلت ايده وبستهن

مع العلم هوه يضوج يكولي لاتبوسيهن
بس اني ما اهتمله

// كولي ينظر العين شحلمانه .؟

عقجت حواجبي بضوجه وجاوبته
يمعود حلم يخوف اصلا نسيته خلي يولي

سيف// اي خيولي ابويه انتي ابوج مافك العكده جم دوب بعد ننطر.؟

تنهدت بتعب وجاوبته// والله ما ادري مديقبل عمو حجه ويا علمود نسوي العرس ورا يوسف بس معند

حضني من كتفي وجاوبني بضحكه
اي انه مو كتلج احنه مانتزوج الا ابيج ينطي امانته بس تزعلين من جلمة الحك

ضربته على بطنه بكف ايدي وجاوبته بعصبيه
سييف لاتحجي هيج ترا يبقه ابويه وما اقبل عليهِ

جاوبني وهوه يقلد عليه
// سيييف لا تحجيي عليهِ جب جبب ولاكلمه خليني متهني بهالحضن كبل مايجينه العينتين

ظل كاعد يمي شويه وبعدين سلم وراح.

مرات ايامنه وراها عاديه
بس الحب بينه يكبر.
وعناد ابويه هم يكبر ويانه

اليوم الحنه مالة هبه ويوسف

يوسف دك رجل الا تسوها بالقاعه
واحنه سوينه مثل ما يريد

لبست فساتني احمر وفوكا كيبور اسود قصير
ومفضح هم هههه

شعري طولان شويه صاير يم جتفي
واني رجعت طرفته

القاعه الي يفوت بيها ينطرش من صوت الاغاني
والنسوان هواايه

طول الحفله اني وعلياء لازميها ركص ركص
رجلينه تكسرت بس مو مهتمين

قدر خطيه حامل بشهر الرابع
ماتدري بنفسها من جانت حامل الا من صارت بالرابع حللت وبالصدفه عرفت حامل

بس شكلها ضايجه
وتبتسم مجامله

تيلفوني مخلص شحن
حطيته يم عمتي جليله ورحت اخذت تيلفون علياء اطك بي صور وبعدين هيه ادزلياهن

اخذت كم صوره بي
وهم علياء ويايه

..........

ماخلصت الحفله الا ورجلينه متكسره تكسر

مرت يومين على حفلتهم
وسيف كل ما اخابره كل ما اخابره يكولي دزيلي صورج واني ما ادزلهيا

هاي صارله يومين زعلان وميخابرني بس اني اتحرش بي
يكولي من ادزين الصور ذاك الوكت احجي وياج

هوه صحيح صار زوجي شرعاً ومسموحلي ادزله صوري
بس هم الصور مو مستورات ومنعرف كل شي يصير والتيلفونات مو امان

بس هوه ياخذها مسألة ثقه انتي ماتثقين بيه ومن هالسوالف

المهم هسه هوه زعلان الافندي ابو الافلام ههه

....................

قدر

مرت عليه فتره واني نفس حالتي
النسيان ديصير عندي بطريقه موطبيعيه

قبل يومين اوس ديطلع لغير محافظه وطلب مني اروح اجيبله الباج مالته واوراقه
لان ضامهن يمي

نفشت الغرفه عليهن نفش ومالكيتهن
هوه هم صعد وكام يدور ويايه وبش يغلط ويفشر

لانعل ابوج وين الاوراق العالم تنتظر وخرا بشيب هالعقل هذا

واني اتقوقعت على زاويه وكمت ابجي
والله اووس حاطتهن بالمجر والله

باوعلي و وجهه محتقن
بلاا بجيي قدددر

رجع يدور وهوه يدردم ويه نفسه عليه
اني اعرف شغللي ويااج شنوو.. هسه بس خلي ارجع واشوف يا بربووك متروح للدكتور

على صياحه صعدت علياء وبيدها الاوراق
باوعت عليها وعيوني مفتوحات بأستغراب شجاب الاوراق يمها..!؟

اوس هاي اوراقك جانن بغرفة امي سمعناك تصيح وكمنه ندور وياكم

اخذهن اوس من عدها باوع عليه بخزره وطلع لشغله

بوقتها اختفه ظل اليوم كله برا البيت وبالليل هم ما رجع
واني بطني مووتني ولعبان نفس مو طبيعي

ثاني يوم رجع بعده معصب عليه
هسه اني شلي دخل اني الي راح اتخبل مو هوه

حالتي كولش قاهرتني حتى غراضه كام ما ينطينياهن
ولا يأمن بيهن يمي .

صعد فوك وصاحني بحده
صعدت ورا بعدني ما حاجيه شي أمرني بحده

//غيري ملابسج دننكلع للدكتور تحرككي.

اني هم ما جاوبته بدلت وطلعت ويا
وهوه الطريق معصب عليه ماعفر ليش هاي بدال ما يساندني..!؟

صعدنه لقسم الاعصاب وريحة المستفى دمرتني
لزمت ايد اوس لان احس عيوني كامت تغوش

وهوه هم ضغط على ايدي حيل عباله خايفه
شويه شويه وبدت الرؤيا عندي تقل الى ان اغمى عليه....

ماعرف ليوين جان اصحى
المغذي بايدي واوس يم راسي..

حجت ويايه الدكتوره وسؤال منا وسؤال منا
طلبت نسوي اختبار حمل..

اوس عارض وكاللها ما يحتاج لان جان حاط اباله هاي من ورا مرضي النسيان وماعرف شنو

بس اني دكيت رجل الا اسوي تحليل

وصدوك بقينه ننتظر شويه واجتي الدكتوره بشرتنه
حامل وبشهر الرابع

من الفرحه مالتي كعدت ابجي بنص المستشفى
واوس يسكت بيه وبعده مغندب..!؟

لزمت ايده واباوعله بفرحه// شبيك اوس عبالك مو فرحان.؟

سحبني ورا وما جاوب..!؟

اني هم ما لحيت عليهِ بس ردة فعله
قهرتني كولش حسيته مو فرحان بالحمل لالا مو حسيته هوه هذا المبين عليهِ

فتنه للدكتور وهوه ظل يسألني عن عمري مواليدي
اشياء عن حياتي الخاصه واني اجاوبه و اوس يأيدني

الدكتور كاله مو اكيد بيها زهايمر بس اذا سوت التحاليل وطلع عدها
ف يأثر على الطفل والحمل ما يكون مناسب هسه

اوس جاوبه بتأيد وثقه عمياء
دكتور اذا يأثر حيل عادي نسوي أجهاض للطفل

باوعتله بحده وجاوبته
ماا اوس ماابيه شيي مااابيه شلون اذب الطفلل

جرني من ايديي وهوه يخزرني
فتح الباب وطلعني برا المكتب كز على سنونه وهوه يوجهه تهديداته الي

/// بالببيت اعرف شلوون اكصللج لساانج ..ابقيي هناا بينن ما اشووف شغللي

عافني ورجع يحجي ويه الدكتور.

الدمعه واكفه بنص عيني
مستحيل اسوي اجهاض للطفل مخبل هذا اوس مو صاحي

اكوله مابيه شي ماابيه شكد يعاند

سوينه تحاليل ورجعنه للبيت

عمتي ما فرحت بخبر حملي
يجوز اني الوحيده الي فرحت وهم فرحتي طلعت سم عليه

على اساس هذا الاسبوع اوس يروح يجيب نتيجة التحاليل
وهوه كرة عيني هذا الاسبوع كله مايحجي ويايه

وحتى من يريد شي لو ياخذ شي ما يطلبه مني
هوه يسوي بنفسه

واني فد انقهر اتذكر قبل جنت لو بس اجيبله كلاص مي يكلي هذا يختلف من ايدج احسه يتغير طعمه
الجذاب ..

دائماً بالليل يحضني وينام
عاد اني اخذها فرصه اظل ابجي بحضنه الى ان انعس وانام

اليوم عرس يوسف وهبه
والبيت مخبوص

عرسهم سوينا بالبيت

هذوله عكس العالم العرس بالبيت والحنه بالقاعه

طول الحفله واني ابتسم مجامله
تفكيري كوله يم الي ببطني

معقوله اذبه اذا طلعت نتيجة التحاليل صحيحه..

حتى ما اخذت راحتي وياهم
هبه ماشالله طالعه اميره ناازكه حيل

اباوع على سهند ماخذه تيلفون علياء واطكطك بس صور

رحت عليها وسحبت التيلفون منها وهيه استغربت من ردة فعلي
سهند حبيبي هاج تيلفوني اخذي بي صور كامرته احسن

اخذته من ايدي وهيه تبتسم وتكعد بصفي..
عادي تيلفونج تيلفونها مو مهم ههه شلونها بطنج

الحمدلله زينه انتي شلونج ويه سيف

ضحكت من كلبها وجاوبتني
بعد عيني زعلان يريدني ادزله صور العرس والحنه بس اني مدزيتهن اله هههه علياء هم تكولي

قاطعتها بسرعه واني اسحب ايدها واقربها لناحيتي
سهند والله اني احبج واعتبرج اختي الصغيره حبيبتي انتي لاتضلين تحجين لعلياء كل شي يصير بيناتكم لاتحجيلها عن سيف ابد
هاي خصوصياتج انتي ويا لاقرب ناسج لا تحجيله وعلياء هم لاتذبين وياها ميانه زين

باوعتلي بأستغراب وجاوبتني
اي اي اني ما احجي لاحد عن خصوصياتنه بس هم راح اخذ بنصيحتج

ابتسمتلها برضى وسكتت فززني صوت شجن بنت خالها لعلياء من ورانه

شجن// هاا قدرر كااعده هناا

التفتت عليها لازمه تيلوفنها وعيونها خازرتني
شبيها هاي..!؟

//اي كاعده يم سهند شويه ليش شتريدين.!؟

شجن// لا بس راح يزفون المعاريس تسترن شويه

عافتنه وراحت وهيه كل شويه تباوعلي بخزره
مخبله هاي ..!؟

زفينه هبه ويوسف للفندق ورجعنه

علياء وبنت خالها وعمتي رجعوا للبيت

واني رجعت ويه سهند لبيت عمهم هم اساعدهم بيتهم مكلوب كلاب

ظلينه ننظف اني وسهند ومرة عمهم

وخطيه هنه ما خلني اشتغل حيل اكعدي واكعدي

صارت ساعه وحده ونص البيت كله كعد
بس الصغار نايمين

ملتمين بالاستقبال وضحكهم وشقاهم يونس
واوس كل شويه ويباوع عليه عبالك راح اضيع نفسي ..!؟

هاي اللمه ما ناقصها بس يوسف هههه

كعدت بصفي سهند وهيه تحجي ويه نفسها
// ياا سيف مخابرني اكثر من خمس مرات

//جاوبي خطيه اخاف يريد شي

باستني بخدي وكامت
اي حبابه صبيلهم جاي بي ما احجي ويا

هزيتلها براسي وكامت

بعدها ما طالعه من الاستقبال

وصار ههجوم على باب الشاررع
كام ساهر فتح الباب واني هم وكفنه دنشوف يا مخبل ديدك الباب هيج

اوس// هذاا يااكوواد شعل صفحة البااب هيييج..؟

فات علينه و وجهه محتقن ودشداشته مبهذله
وعظام الفك مالته تنزل وتصعد من كد الزوم

باوع على سهند بحقد وعيونه حمر عليها
وهيه المسكينه من صدمتها حضنت ايدها لصدرها ورجعت ليورا

جاوب اوس بصياح وهوه يخزرها
/// اننه موو كوواد بسس ناااسبت نااس كوواوييد

ــــــــــــــــــــــــــــــــــ

صدمه نهاية البارت اعرف 🖤💔

هاكم هذا غش الفيديوا بالصدفه شفته بس عبالك مسوي لسهند هههه

https://youtu.be/kkzHvQ6Q3LU

دمتم سالمين عسلاياتي
توقعاتكم شنو

حفصه الهاشم
🖤🖤شكثرر احبكمم