زمهرير الاوجاع الفصل الثالث عشر 13 - بقلم قدر ال هاشم

زمهرير الاوجاع ...

حفصه ..ال هاشم

سهند..

هكذا هيَ الحياة ... لقاءٌ بلا موعد .....
وفراقٌ بلا سبب

ــــــــــــــــــ

صفنت على الورقه ..

اخابره عززاا العزاني هذا شكد جريئ..
هاي وعود الصبح طردني ..

هوه صحيح مكالها مباشر بس هاي تعتبر طرده وهسه يريدني اخابره...!!

لويمووت ..
فتحت البرده شفته بعده واكف اول ما فتحتها انتبه عليه ورفع راسه

باوعت عليهِ بعصبيه ولزمت الورقه كدام عيونه وشككتها
اباوع عليهِ اشو هذا كام يضحك سديت البرده بقوه وطلعت من الاستقبال كوله ..

اخابره والله يالله مو هيته علمود اخابرك ...

كعدت افكر بيني وبين نفسي ..
اذا تجرأ ودزلي الرقم لبيتي اكيد يتجرأ ويسوي الاكبر ..

لا لا سهند ابتعدي عنه وانجبي مناقصه بلاوي خليني ساتره على نفسي واكمل دراستي على خير ..
هوه ابويه بس يريدله زله علمود يكعدني بالبيت ...

انوب اخابر ولد غربه ..يذبحني على القبله ..

بقيت طول الليل اتكَلب بفراشي ..|
ومرات اكول احسن لان ما اخذت الرقم ومرات الندم ياكلني ..

ماعرف تفكيري متخربط

.. ...........

كعدت الصبح متأخره على صلاة الفجر ..

لبست عباتي بسرعه وطلعت ..
عقلي يكولي بعد لاتروحين للجامع وقلبي يكولي انجبي وامشي ..

وصلت للجامع فتت لكيت الحجيه دتسبح وتدعي ماقاطعتها ..
صليت وكعدت شويه استغفر ذنوبي هاي الايام كثرانه من ورا ابو الافلام سويفان..

الحجيه // تقبل الله حبيبه

// منا ومنكم خاله شكرا على الكيك البارحه دزيتي ..

// حبيبه ماله داعي الشكر .. سويفان وليدي تعرفي لكاله وضيفه الحمدالله عبن وضيفته وزعنه للمنطقه كلها ..

// هاا على الخير .. يعني عنده شهاده..؟

الحجيه// اي يمه عنده بس هوه عاف التدريس من جم سنه وكابل ابيه بالجامع يعلم قرأن الكريم للويلاد ويه ابيه .. عادينه لحينه عليهِ اني والحجي يرجع يدرس على الاقل يحصله راتب باجر عكبه ازوجه بنت الحلال منوين يصرف والحمدالله لكه وضيفه ..

// اي الحمدالله ..

سلمت عليها وطلعت قبل ماهوه يطلع
حتى الوقت حفظته من يطلع من الجامع ويضل يمشي ورايه ..

هاللمره طلعت قبل طلعته بشويه ..

طلعت مثل الحراميه اتلفت منا ومنا ..
وصلت يم الفرع واني ابتسم بنصر اي خلي هيج خلي اختفي منانه لكم يوم .احسن الي ابتعد عنه حجيت بصوت شبه عالي بيني وبين نفسي /// اييه الحمدالله ..ماموجود .. ابو الافلام حسباله الشارع شارع اهله ويطردني منه اشو باجر افرشلي فراش هنانه وانام

/// اي والله تسوين فضل عادين اشوف نومتج عوره صوره من هساع لجل ما ابتلي بعدين ...

التفتت ورايه بسرعه كلبي وكع بين رجليه من الرعبه هذا شابه جني خوما جني ..
عزا العزاك ..

عفته ومشيت سرييع ..وهوه يمشي ورايه ويحجي مستمر هذا ميخاف العالم لو تشوفني شتكول عوف العالم ابو عباس لو يشوفني يفضحني فضيحه مصايره

سيف// يوولي يسسهند العناااد مو حلوو للبنت ...مو احاجيج ركبتيلج محرك بين رجليج يولووو ..

سحبني قوي من ايدي لدرجة التفتت عليه مصدومه من تصرفه ..

سحبت ايدي منه بقوه وهوه خازرني واني خازرته .. // وخررر ايددك ... لا تلزززمني ..

خزرني وهوه عاقد حواجبه عود هوه المعصب // حسسسج لاا تعللي مو دالغيي وياااج وين مطيورره لو تريدين تلحكين على الفرع علموود ارجع لا يشوفج ابوو عبااس ..

قاطعته بسرعه // ترااا اني ما مسويه شي غلط انته الي دتلحكني لو حتى يشوفنه ابو عبااس اكوله هوه لحكني وحتى اكول لابويه عليك و لولد عمي ولعمامي ولخوالي هم ..

رفعلي حاجبه الايسر ويباوعلي بمكر حسيته ديستهزء بيه // خوالج .هاا.,.؟

جاوبته بتردد بس ماريد ابينله توتري ...
همه وينهم اصلا خوالي مانعرف لا خوال ولا خالات .. // اي اي خوالي ..

لف السبحه على اصابيعه ويبتسم // اي اي بويه كولي لخوالج لخالاتج هم لا تنسيهم ..وفزعي ولد خالاتج هم ما اوصيج..

كال هيجي وغمز بنهاية كلامه ..
فتحت عيوني عليهِ عزا العزاك عود هذا انته الشيخ ..

عفته ومشيت ركض بس خلي الزم راس الفرع مال شقتي .. خبل والله حتى كلامه مو منطقي اكوله اكول لاهلي يكولي خوالج

.. ......

رجعت للشقه ..لملت غراضي باوعت على التيلفون علياء متصله عليه خير انشالله مو من عوايد الصياد تخابرني الصبح شعجب ..

خابرتها من اول رنه فتحت //علياء هلو شبيج مخابرتن..

قاطعتني بسرعه // ولج ثوله من الصبح اخابر عليج رحتي للجامع لو لا ..؟

// يا جامع ..؟..شبيج حلمانه بالجوامع انتي ..

علياء بضحكه// لا ههههههه حلما هههههه حلمانه بهذا سيوفي ..

انوب هاي الثانيه فتحت عيوني مصدومه منها ثوله هاي شبيها !! // شبيييج علياءء مخابرتني على هاي الاموور التاافهه ترا ورايه دوام وصخا

قاطعتني بسرعه// ديلا يلا ام لسان اي غير اني احجيلج انتي تحجيلي المن قابل تحجين .. عليج الله رحتي ...

// اي رحت .. والبارحه دزلي رقمه هم .. بس اني ما اخذته الحقير قبل يوم تدرين شصار مريت من يم شارعهم جان يطردني وبالليل دازلي طفل ويا ورقه يكولي خابريني تخيلي واليوم لزمته بالشاارع هم رزلته اني ارزل بي وهوه يرزل بيه شكد مكروه,..
اني منانه معصبه من هذا سيف انوب خرطتلها الاول والتالي بدون ما احس ..

// ولللج يالفاهيه كرهج عزرائيل كولي امين .. ولج هذوله اهل الرمادي وربعهم يكولون عليهم حلووين وشخصيه وزناكين ويدللون المره واني اخيتج يبعد امي وابوي ما ادعبلي لطريقي هههههههههه

// ههههه ولج علياء انتي هم فسكانه اكو وحده تنعجب بواحد عن بعد ...يلا روحي اخرتيني

.. ...... سديت المكالمه منها حضرت نفسي وطلعت لدوامي .. وصلت للكليه اجتني جوري تركض من الممر ...

// ولللج يسهينه سياان خييسه حي الله الحححكي الحححكي ..

. سهند // خير انشالله شكو منوو مات ..؟

جاوبتني وهيه تلزم قلبها // ولج كليبي شاافو وادعبل يم رجلينوو شلوون زلممه عممي نسيت استاذي القديم اريدوو اريدوو

سهند // يا الله هم لكيتيلج استاذ جديد هههههه ..

سحبتني من ايدي وتركض بيه للقاعه// اي ولج اي .. لو تشوفينوو نتكافش اني وياج عليهِ ههههه جابو للرياضيات غير يكهرب ..

// ههههه وانتي راكضتلج ورا الاساتذه
جاوبتني وهيه تضرب ايدي/// ولج سياان .. لعد خوما اركض ورا الطلاب هذوله كولهم زعاطيط غير ناخذ الجبير العاقل الفاهم ..

سهند // اي اخذ الجبير واكبر مني بقرن شو دتطري هههه ..

كعدت اني وياها وهيه بس تحجي شكد تحجي ما تتعب !!

طلعت دفتري ودفترها وبديت انقللها الحل خطيه ماحاله كم سؤال تكول جايهم خطار وملتهيه ..شويه وصار هدوء بالقاعه اكيد اجه الاستاذ الجديد..

رفعت راسي من الصدمه وكفت على طولي ..هذا شجابه ..!!

عزا بس لا هوه المدرس.. يباوع عليه وابتسامه خبيثه على وجهه ,,,

انتبهت على نفسي الطلاب كولها تباوعلي .. كعدت بهدوء وهاي جوري سطرتني تكرص بأيدي وتحجي ولج شوفي هذاا هووه الحجيتلج عنه ..

واني مسطوره سطر كام يحجي ويه الطلاب ويعرف عنه نفسه سييف هم هنانه لحكني !!!

شبي هذا من بين كل الكليات قدم على هاي الكليه ..!! صدفه !! لو هوه النذل مراقبني حتى بالكليه ..!

اكيد مراقبني..

لابس بنطرون اسود وقميص اسود اول مره اشوفه بلبس غير الدشداشه.. بس لايكله ..

كاموا الطلاب يكولون اساميهم بالسره وصل يمي كمت على اساس ماعرفه

اشو هذا اول ما وكفت صاح بأسمي بصوت عالي وعيونه بيهن نظرة خبث سيف// سهننند عبد الجباار...

ـــــــــــــــــــــــــــــ

أَحبوا هوناً وأَبغضوا هوناً..
فقد أَفرطَ قومٌ في حب قومٍ فهلكوا...
علي بن ابي طالب (رضي الله عنه)
ـــــــــــــــــــــــــ
قدر..

اوس// انشالله ترجعيلهم انشالله ... هسه هذا ابن عمج جميل خابرني ...يريد يحجي وياج

اني من سمعت اسمه عبالك اتكهربت ..

عدلت كعدتي وكمت اجرجر بحجابي عود اعدله..

جميل !!! جمييل يريد يحجي ويايه ياربي بلكي الله يرجعني ويا ..

جاوبته بتوتر واضح على صوتي ..// ها .. جم جميل يحاجيني ... وينه ..اقصد اي يلا ..احجي ويا ..

رفعت راسي اله شفته صافن عليه وعاكد حواجبه بأستغراب عبالك جاي يدرسني ..

من الفشله نزلت راسي وسكتت ..
وهوه بعده على نفس الحاله احسه يباوعلي بشك .. معقوله هاللكد مبينه لهفتي عليهِ ..؟!

ثواني ومدلي التيلفون بدون ما يحجي شي ..
اخذته منه وايدي ترجف .. يا الله احبه مو بيدي..

اجاني صوته الي أسرني ..ياا يابه صارلي شكد ما سامعته .. // الووو قدر .؟!

جاوبته والعبره خنكتني // جميل .. اي اني غدر (قدر)

// قدر شلونج ..

بالكوه لزمت العبره // الحمدالله انته شلونك ..؟

// الحمدالله قدر الحمدالله .. شسويتي بينه ولج ما نطلع بالحوش الا ويجينه حجي الجواريين من ورا السياج يطافر علينه .. وين فوتي نفسج بيا طينه اخوانج يمشون وروسهم بالكَاع ..

هيه الشعره وقسمت ظهر البعير معقوله اني البشر الي لا حول ولا قوة امنع دموعي من النزول كدام هاللكم الهائل من المصايب .. كلامه زاد الطين بله

ما جاوبته بشي بقيت ابجي وبس صوت شهكاتي يوصله ..
وابو رامي (اوس ) واكف بعيد من يمي على اساس منطيني خصوصيه ..

سكت واني سكتت شحجي ماكو شي ينحجي .. سمعت صوت امي يمه تسحب بالتيلفون وتحجي ويا // ول يممه هاي قديره ناوشني التلفون خن احجي وياها قبل ما يجي عمك يفضحنه ..يمه بنيتي ديحوها .. يمه ياايمه ..
الوو قديره الوو ياا يمممه لا طرشولي خبر منج ولا علم وينج يممه .. الله لا يوفق الجان السبب بنيتي ..

جاوبتها من بين شهكاتي // يممه حبيبتي شلونج اني زينه انتي شلونج ..بيبي شلونها خواتي ..

جاوبتني وهيه تبجي // يممه زينين زينين حجيت ويه ابو رامي الله ينطي العافيه انشالله وينطي على كد نيته الطيبه رجال ابن رجال انشالله يلكَه الرجال الساقط ويجيبه لابوج يمه اتحملي ان مع العسر يسرا ..

// انشالله يمه انشالله ..

سمعت صوت جميل يحجي ويه امي // يلا عمه هسه يجي عمي وتوكع براسي انطيني التيلفون .

.// اي اي تمام الله عليك جميل خابر بين فتره وفتره علمود احجي ويه امي .كولش مشتاقتلها ..

جاوبني بتنهيده// ايييه اي انشالله يبنت العم انشالله ..ديري بالج على نفسج ..

قبل ما يسد التيلفون سمعت صوت بيبيتي تصيح عليه // ولك جمميل مضعوف البخت عساك ما انوجدت ليش ما انطيتني قديره احاجيها وسد التيلفون ..

اجه ابو رامي اخذه من ايدي وكعد بصفي على القنفه على بعد مسافه .. واني مستمره امسح بدموعي وينزلن غيرهن ..

شكد جاف ..
شكد تمنيت يطمني بكلمه وحده ولو حرف .. بس هذا جميل هذ المغرور ..

اووف يا يمه كل كلمه منها حفظتهن ابالي شلون اصبر على فراكها هاي نبع الحنان هاي جنات الرحمن تحت اقدامها ..

حسيت بي ديباوع عليه بهدوء وصمت .. اتوترت نسيت اصلا وجوده ..

كمت علمود ارجع لغرفتي سمعت صوته يحجي ويايه // تعالي ابويه قدر كعدي شويه ..

رجعت كعدت بمكاني واني منزله راسي ..// تفضل ..

// جميل ..

رفعت راسي عليهِ بسرعه // شبي ..شبي جميل.؟

انتبهت على نفسي شعندي ملكوفه هاللكد وحتى هوه الرجال صفن عليه .
رجعت جاوبته بصوت هادئ عود داكحلها .:// ءء اقصد شبي جميل ..

باوع بعيوني لثواني مرات احسه حيل يصفن بعيوني مدري شبي ..؟!

سألني // تحبي .؟!

من الصدمه حسيت الجو صار حار ..
اباوع عليه منتجي على القنفه ويباوعلي بمكر ..

دخيلك ربي شبي هذا تخبل .. يمعود لا تتخبل هسه رجعني لاهلي وتخبل عود..

هوه شلون عرف .. ما معقوله مبين عليه هالكد ..

جاوبته بتوتر واني انزل راسي واطكطك بأصابيعي // ههه لا اني ما اح

قاطعني بسرعه بس بصوت هادئ // لا تجذبين عليه ...شايفتني لازملج سوط وهاللكد خايفه ..

سكتت ماجاوبته اذا هوه يعرف على شنو ديسألني ويحرجني .؟ ثواني ورجع سألني /// وهوه .؟

رفعت راسي // هاا ..

// هوه يحبج ..؟

شجاوبه .. اكوله يحبني واجذب على نفسي ..لو اكوله مرات يتقزل بيه ومرات ينفرني ..؟
هسه انته شجابك على هالموضوع هي مضعوف البخت على كولة بيبيتي ..

// ها وين صفنتي .. لو اعتبر هذا سكوتج جوابه لا ..

باوعت عليهِ ورجعت نزلت راسي ..

شجاوبك يعني .. السكوت افضل جواب مرات ..
سحب باكيت الجكاير الجان موجود على الطبله مقابيل القنفه اردف وهوه يطلع منها جكاره

/// قبل ما ننتقل لهذا البيت جنه ساكنين بمنطقه بعيده عن بيت عمامي وعمي عبد الجبار الشفتي ..

عدلت كعدتي وهزيتله براسي بمعنى اي ..

رجع كمل كلامه وهوه صافن على نقطه معينه ودخان الجكاير خنكنه خنك /// جانوا جيرانه ابوهم استاذ جامعي .. ابو نور .. عنده ست بنات وماعنده ولد .. اكبرهم جانت بنته نور ..

صفن شويه وسحب من الجكاره ورجع نفث الدخان وكمل // نور اسم على مسمى ...

باوع عليه حسيته صفن بعيوني شكد يوترني من يصفن هيج احس نفسي بيه شي قلط ..

// جانت صغيره من اول مره شفتها بصف الخامس الاعدادي ..بس الي يشوفها يكول اكبر من عمرها بقيت وراها عجبتني بالرغم اني جبير عليها بس مو بيدي .. بقيت انتظرها من ترجع من الدوام علمود اشوفها بالطريق واربعه وعشرين ساعه جنت مراقب بيتهم

.. سكت شويه سألته بفضول عبالك ديحجيلي قصه مديحجيلي عن حياته // زين وهيه تحبك ..؟
باوع عليه رأساً وسكت ..
بس عيونه نظراتهن جانت حاده استحيت من نفسي سؤالي بي شي قلط .. اخاف يفتهمها بقير (بغير ) قصد ..

نزلت راسي وسكتت ..وهوه هم سكت ..

المثل يكول الطيور على اشكالها تقع واني وكعت على شكلي هم ...

من بعد سكوت باوع عليه وكال // انتي شتشوفين ..؟

جاوبته بتردد .. ماعرف ليش ما احب اندمج ويا بالكلام .. // ءء .. من سكوتك امبين لا ..

طفى الجكاره وهوه يسحب نفس // اي ... يلا كومي نامي طولت عليج ...

كمت بدون اي تردد ولا حتى اي كلمه ..قبل ما افوت للغرفه رجع صاحني بصوت عالي // قدرررر ابوويه جيبيلي بطانيه ومخده دانام هنا ..

هزيتله براسي ورحت للقرفه هم حاطين بطانيات ومخاديد زايده .. طلعتله بطانيه ومخده وانطيتهيا ... اتمدد على القنفه ونام ..

واني هم رجعت لقرفتي .. صارلي كم اسبوع هنانه هاي اول مره يبات بيها بالبيت ..
ويكعد يحجي ويايه بهدوء وعبالك يعرفني من زمان احد ضاربه على راسه شي !!

مشطت شعري وقفلت الباب ونمت ...
ثاني يوم كعدت الصبح لبست حجابي وطلعت للحمام لان هوه ينام بالصاله علمود اتحجب والبس مستور يلا اطلع ..

شفته ماموجود اكيد طالع الحمدالله ..
رحت للحمام ..فتح الباب وطلع ..جان دينشف وشعره كله مي ..

نزلت راسي وابتعدت على صفحه علمود يطلع ... شعجب باقي ليهسه .!.

// هاا قدر كعدتي صباح الخير ..

جاوبته واني منزله راسي // صباح النور ..

شكد استحيت افوت ورا اني ولد عمي مرات واخوتي استحي افوت للحمام كدامهم ..
مو انوب عاد غريب اطم نفسي من المستحه ..

طلع من الحمام وراح للصاله وهوه يحجي ويايه بصوت شبه عالي // يلا اني نازل كملي ونزلي بيت عمي راح يجون يتغدون يمنه اليوم ..

كال هيج ونزل ..
فتت للحمام غسلت وطلعت لبست حجابي ونزلت اساعدهم خطيه

كاعد بالهول (الاستقبال) ابو رامي واخو فراهد وابوهم ديتريكون سلمت عليهم // صباح الخير ..

ابو فراهد // صباح النور بنتي تعالي تريكي ويانه
جاوبته واني مدنكه راسي .. // لا عمو تسلم ما مشتهيه ..

نط فراهد من يمه بصوت عالي // لااا دشتهي اشتهيي وتعالي يمنه اكلي ..

. باوعت عليهِ هسه هذا شردله .. نزلت راسي ومشيت

واوس يرزل // دتكول ما تريد على شنو تلح ..
وهذاكه يضحك وياه شكد تافه

اوس مرات اسمعه يحجي وياه بعصبيه وهوه يجاوبه بضحك لو يحول الموضوع كوله شقه ..
عبالك صغير واوس هوه الجبير.

بس هم عنده بعض الصفات الحلوه .. يعني هوه صحيح عينه زايغه بس كريم وقلبه طيب على اخته وعلى اهله حتى هاي الفتره البقيت يمهم بيها دائما يدز عليه علياء يكوللها اسئليها شمحتاجه ما محتاجه تريد شي انجيبلهيا ...

بس عقله احسه اصقر من عمره فتت على المطبخ كالعاده ..
خالتي ام فراهد دتسوي غده من الصبح علمود من أذان الظهر من يرجعون من صلاة الجمعه يصبولهم غده وعلياء كاعده على التيلفون وعمتي لازمتها حاصل فاصل // ولج علياء دكومي سويلج زلاطه شي صخام لطام لازمه هالمهجوم اربعه وعشرين ساعه ومكابلته كومي ساعديني ..

رفعت راسها باوعت عليه ورجعت حطت عيونها بالتيلفون وجاوبت امها // يمممه هااي قدر خليها تساعدج انتي وجنتج اني شكو ..؟

باوعت عليه خاله ام فراهد جانت تسوي باللحم وتضرب الخاشوكه بالجدر :// ها يممه كعدتي صباح النور ..

عافت الشغل الي بأيدها واجتيني ركض سحبتني من ايدي وتحجي ويايه عود بصوت ناصي بس اكص ايدي اذا ما سمعوا // ها ها شصار احجيلي .. اوس البراحه نام بالبيت فوك ما طلع ..

كعدتني على الكرسي وهيه واكفه مقابيلي .. وهذيج الحقيره علياء تركصلي بحواجبه ..

نزلت راسي وجاوبتها // خاله يعني شصار مصار شي الحم..

/// هااا يمممه .. غداكم خلص لا .. راح يقرب آذان الظهررر ..

فات وهوه يصيح بصوته العالي شكد يصيح ما يتعب ..
باوعلي بنظرات تحذيريه علمود ما احجي ..
نزلت راسي عنه هوه اني شنو حجيت ماحجيت شي ..

جاوبته عمتي وهيه ترجع على الطباخ // اي هيانه خلص .. روحوا صلوا انتوا وعوفونه براحتنه ..

فات فراهد يغسل ايده ويحجي // اي اي راحتكم بالحش والنش موو ..

اباوع على علياء ذبت التيلفون من ايدها اول ما فاتوا اخوتها وعدلت كعدتها
ولا عبالك هذيج الجانت نايمه نوم على الكرسي...

اوس //كوممي عليااء ,,

رفعت راسها عليهِ// وين

جاوبها فراهد // وينن يعني لشيب الخلفوني ..كومي اخذي الجدر عن امممج ..

كامت ركض وشالت جدر التمن عن امها وكامت تصفي بي ..ودردم بينها وبين نفسها ..

اني هم كمت اسوي زلاطه وهمه كاعدين ينتظرون يأذن علمود يطلعون ..
شويه وصار هجوم على الباب مال الشارع ..

فات ابن عمهم يوسف وهوه يصيح .. // ياا اهلل الدااااار ميتيييين عدلييييين

جاوبه ابو رامي هم بصياح وهوه كاعد على الكرسي /// صدييييج لووو عدووو

فات يوسف وسلم عليهم وراه فاتوا اخوانه الصقار وامه بس ميقات مرت عمه ما اجتي بس بنتها هبه
سلمنه عليهم والمطبخ انكلب بس ضحك

يوسف // لا صدييج صدييج ..

سلم على اوس ورجع كاله بخبث ... شلونك حقنتنه .؟

اوس // ولكك كوواد موو اكووم احقنك حقننه مااتكوم منهااا الا وانته بالبرزخ

يوسف لزم دشداشته جانت بيضه ورفعها وسرواله ابيض وعريض جواها جاوبه وهوه يلفها على خصره // ديلا يلا بيك حيل وكوم

لزم اوس الاستكان وهوه يهز براسه بهدوء
وهذاك يوسف اخذ راحته عباله مراح يكومله ثواني ودفع الميز وهوه يصيح على الولد // ولكمم الزمووا الزمووا كواوييد ..

يوسف طلع بالطرمه يركض و ورا اخوانه ساهر وقادر وابن عمهم اخو سهند جاسم يريدون يلزموا واوس يركض ورا للطرمه .. وصوت ضحكهم واصل لراس الشارع ..الله يحفظهم

.. .....

ام فراهد /// ام يوسف دادا وين ميقات اشو ما اجتي ..

ام يوسف// كالت تعبانه تجي فد شويه نوب انشالله

// هاا الله يساعدها ..اخاف حامل

ام يوسف // والله هيه تريد حمل هههه

// اي خطيه غير تجيب ولد علمود تكسر القبلها ههههه

اجتي هبه كعدت يمي وضلينه نسولف اني وياها حبابه كولش بسرعه تنحب ..
وعلياء رجعت على التليفون ...وعفنه عمتي ام اوس وام يوسف على كولة فراهد يحشن وينشن

يووسف /// ولللك ااخخ ياابه داكولك التوبه التتتوووبه ..

اوس // كول العفوو... يلااا ولللك دداايح ...

يجاوبه ساهر بصوت عالي /// عليكك الخوووه اووس لا تعوفه الا تكسر عضاامه البارحه دنشوف فلم جان يكوم يحرك علينه يم ابويي علييك الله لا تعووفه ...

يوسف بصياح /// ولللك جللب ساااهر اني اعلممك ...ولكك اووس خنكتني غووول خووما غووول خرا بشيبببك يااابه مو كنالك العفووووو كلنالك خرااا

عافه اوس وهوه يضحك // يلا بس لا تبجين امسحي دموعج ..

يوسف انداريت على ساهر وخزرته /// انته خرري.. يلا امشيي ولي يم الولد لاا اذبحك عود هذا سندي تححرك ..

راح وهوه يفر بأيده ويحجي بصوت عالي // ليش انتو بناات يعني هم حقكم شعندي كاااعد يم الببنات ..

يوسف // تعال انته الثاني شصخمت ويه بنت العالم ..؟

اوس سحب كرسي يم الحديقه وكعد // شصخمت يعني بعدنه ندور هالزمال السايق ماكو اختفه ..

// انشالله خير

اوس من اول يوم جابها لهاي البنيه قدر وهوه اربعه وعشرين ساعه لافي بغرفتي

يمعود اوس روح لاهلك امك تسأل عليك حرام عليك صخام لطام ماكو قافل
استحلها لغرفتي استحلال صهيوني

وهاي بالليل لازم يسهر والسماعات بأذنه شكد حجيت ويا يابو الغيره اننتو مادام متفقين ميحتاج تتصرف هيج ..
وهوه يصيح اني نور وين اوديها .. اني شلون سويت هيج شدخلني بهالخبصه هاي عشائر وصخام ..

مره من المرات هم جان سهران وعيونه حمر كعدت يمه شويه اخفف عنه بس هوه ميحجي اذا هوه الى الان ما حاجيلي ليش عافها لنور وهمه جانوا لابسين حلقات! ..

// اوس يعني هسه هاي حالتك زينه هاا .. كاعد بنصاص الليالي جنك جني وتشرب بهالسم (*جكاير)...

هوه دفعني بملل// ماتوخر مني لا ابتلي بيك ..

// زينن عليك الله هايه نور الكاتل نفسك عليها تريدك هيه هاا .. انته مسوي نفسك هنانه روميو وهيه عايشه حياتها على اكمل وجه شبيك ابويه ...قابل انته ما تستاهل تعيش مثل البشر .. كل يوم توكف كدام المدرسه مثل الناطور وهيه تفوت من يمك عبالك انته ما موجود اصلاً حس شو...

قاطعني بسرعه // لا حجت ويايه اليوم الصبح ...

باوعت عليه ِ// صلاوات وشحجت وياك نفس الكلام عوفني وما اريدك ..

جاوبني بعصبيه/// قندررره ..تحجي عدل لوووو اجيبك بالنفاضه ..
سكت شويه ورجع كمل بأبتسامه // كالت اني غلطت من نهيت كولشي بينه .. شنو تفتهم من كلامها ها ؟؟ اكيد تريد ترجعلي بس اني هاي البلوه فوك راسي حتى لو اروح اخطبها من جديد شيفيد اهلها راح يعرفون اني متزوج ....عاد هوه شلون زواج ..

يوسف// اي انته احجي وياها فهمه السالفه واحد ثنين ثلاثه وفضت السالفه

.. .......

بقيت احجي ويا وهوه يحجي ويايه كلمتين ويصفن ساعه يضحك ساعه يصفن ...
ورا كم يوم اجانه من صباحيات الله سارحات عنوزه ..

كالي حجيتلها على الموضوع كوله وعلى البنيه قدر وسالفتها وهيه ماعدها اشكال كالت انتظر الى تفض سالفتك وترجع تخطبني .. وهوهخبص البيت ضحك وسوالف ..

كتله ارجع لاهلك شوف البنيه شمحتاجه ما محتاجه ,,
قبل ما يروح عليهم دك تيلفونه رقم غريب .

جاوبه وسكتت شويه اوس // هلوو هلو بيك تفضل رايد شي .....

.هااا انشالله هسه اني مو بالبيت من ارجع اخابرك تحجي وياها

...... .... صووتك لاا تعاالي وولللك ... ..
.ولك مو اجيك لبيتتك احشيي حلكك تبببن هسه صايررلي رجال وخاايف عليهاا بيك خيرر جاان ما خليت عمك يشمرها هالشمرره هاااي ...

.سكت شويه ورجع صيح عليهِ ....
والله ياابه لأخرا بشارببك اذااا عنندكك شاارب زيين .... دمشيي وللي وللي ..

سد التيلفون وهوه يفشر ويغلط على المتصل ...

يوسف // خير منو هذا ..؟

جاوبني بعصبيه /// يمعوود واحد كوواد .. ابن عمها لقدر البنيه الجبتها ..بالمجلس السوا ابوها عينك ما تشوفه بس يكمز منا ومنا نذبحها ونخلص منها .. وهسه السرسري خايف عليها ..

// ههه ادري شكالك ..؟

// يمعووود نذلل يكوولي ترا انته متزوجها على ورق ابتعد عنها وماعرف شنو على اساس اني ميت عليها .. دنعل ابوك وابوها سويه ..

ومن ذاك اليوم الحلال رجع لاصحابه
وغرفتي رجعتلي واوس هم رجع لاهله

.. ..... عفته كاعد بالحديقه وفتت للمطبخ ..

كاعده هبه بصف بنيه غريبه عرفتها قدر ..
ديسوون حلاوة تمر بس والله حلوه .. مابيها شي يعني يخلي الواحد ينفر بس هذا ابنه حقنه

هبه /// هههه ها يوسف ضربووك .. هسه اني افزعلك لا تخاف ..

ضحكت عليها الثوله انفخ عليها اطير وتريد تفزعلي هههه // اي والله يهبه خايف حيلل شسوي ..

فتحت عيونها بصدمه // ياا هسه اكول لابوي اخلي يعلكهم بالبنكه علمودك ..

/// هههه اي يبعد حيلي دافعيلي اذا ما دافعيلي المن دافعين لعد ...ا
لتفتت على قدر وسلمت عليها شلونج خويه قدر ...

جاوبتني وراسه ماشالته ابد// الحمدالله .. .....

قدر ...

راح يوسف ..

والتفتتلي هبه تحجي وتضحك // شفتي شلون حلو ...

هزيتلها براسي بمعنى اي ... // اي هذا يوسف الي من نكبر نتزوج حتى عمو سعدون هيج كال والله

علياء // وللللج مستهتره ..الممن تززوجين ... بكد النعااال وادوور زوواج .. اشتغلي انتي وسااكته لا اكول لامج عليج ..

هبه // هاا لا لا والله داشاقه لاتكوليلها ..

خطيه فشلتها
شالت تيلفونها وطلعت باوعت على هبه منزله راسها وادردم على علياء ..

بقيت اشاقيها الى ان رجعت ضحكتها بسرعه ترضه حبابه كولش ..
بقيت اضحك وياها الى ان اجوي وصبينالهم قده

ورا العصر كاعدين بالمطبخ نسويلهم جاي مال تعلوله وحب بس عمهم عبد الجبار طالع يم العماله براس الفرع ديشتغلون وهوه واكف وياهم وابنه جاسم واخو يوسف

ساهر فات علينه يركض وفحان بالكوه يسحب النفس
ساهر /// وللللجن ميييي مييي ولجنن ميي نشف ريكي الله ينشف ريك جااسم وابو .كوولن امين .

اجه جاسم يركض ورا // انجب انننجب على اساس اني كعدني جوه التبريد ..كومي هبه انطيني ميي عليج الله ..

سااهر // هبببه بالله اذ انطيتي اول شيي اكسرر رجليللج ..

وكفت هبه بالنص وشايله دولكة المي وهذوله رويسيه على كولة بيبي واحد يدفع بالثاني

جاسمم // يابه سممم اذا شربته قبللي ..

ساهر بصياح ولازم جاسم من التيشيرت مالته /// بالقرأن اتفل بنصصصه وماخليك تشررب قبلي ...

اخذ الدولكه ساهر بسرعه وتفل بيها ورجع شربها كولها هههههه

هببه/// ايييع ساااهر شنو هاي القذاره..

فات يوسف ضربه على راسه من ورا // اياا جاايف والمي الي بيها راح نذبه من وراك قندره ..

نزل الدولكه من حلكه والمي نصه وكع على ملابسه .. ساهر// اي اي حقك مو انته كاعد هنانه يم التبريد وعمك الحلو سايك علينه ويه العمال عاد لو محصلين شي بجيبنه ..

جاسم// طاحضك انته حمار وسايك عليك تستاهل ..

ساهر // اي على اساس انته جان مكعدك على سجاده حرير لوما كرب عليك كرب الزمايل هههههههه يوسف هههه يوسسف يوسف ههههه عليك الله اوكف

دفعه يوسف بخفه وجاوبه // ول شبيك يالفطير ..

كام ساهر وكف على حيله وكام يمشي بلمطبخ يقلد على جاسم وخربان من الضحك بالكوه يحجي ..

ساهر // جان هههههههه جان جاسم كاعد عود ديرتاح جان يجي ابو ذب عليه الطابوك هههههههه وهذا المايع ههههه لزم ظهره وكام يصيح ظهري ظهري هههههههه بنص العمال ..هههههههههه

يوسف يباوعله ببرود عود دينرفزه ..// وشنو اليضحك..؟

ساهر // مو هنا السالفه هههههههههه هذا الخبل الي بيتهم براس الفرع ههههه هذا الي يصيحوله ابو سمره ..

يوسف// اي اي ابو سمره الخبل شبي

ساهر // اجه طايره من راس الفرع انباوع عليهِ نكول شبي هذا الخبل منو مات وطلع هيج يركض هههههههه تالي ما تالي اجه على جاسم ركض ويسحل بي من ايده ويصيح بنص الشارع هههههه افتحووا الطرييج المررره رااااح اجيب عليه افتحوووا الطريج ههههههههه

يوسف كام يضحك ويا وعلياء وهبه وجاسم يصيح عليهم ههههه

جاسم /// دنجب نجب ساهر اصلا ماكو شي يضحك على شنو تضحكون عليهِ

ساهر /// ههههههههه لا مو دانضحك عليك مو على المجنون هههههه شكولك يوسف العمال بالوا على نفسهم من الضحك انوب هذا عمك الشيخ هههههه يركض ورا ابو سمره هههههههههه يكوله ولك مجنون عوف الولد وين طاير هههههههه

يوسف // ههههههههه كوله عمي لا تاخف ماخذه ديجيبه ههههههههه..

كام جاسم وطلع من المطبخ ضايج// شكد تافهيين ..

يوسف بصوت عالي // ولللللك جووويسسسسم تتتعاااال وين راايح دنشااقه وياااك

ساهر /// ههههههههه عوفه عوفه هاي هرمونات الحمل هههههههه

..................

قدر..

بقوا لليل يمنه بالعشره يلا راحوا وطول السهره ساهر يغلد على جاسم هههههه عاد لزمولهيا حامل وحامل منا السنه مايعوفوا هههه...

علياء بالهول مطفيه الضوه وتحجي ويه صديقتها تكول من اهالي القربيه (الغربيه ) وخابصتني كالت هند وحجت هند ..
وفراهد بالاستقبال هوه وابو ديشوفون اخبار ..

سلمت على خالتي وصعدت لقرفتي ..

ابو رامي جان كاعد بالهول ديحجي بالتيلفون ويضحك ..
الله يديمها

فتت لقرفتي ..كعدت صافنه على الحياطين ..شقلت التيلفزيون وكعدت اشوف افلام لبين مانعس ..
سمعت صوته من الهول مال الطابق الثاني يصيحني بصوت عالي

اوس // قددددر ..قددرر ويننج ..

ياستار .. لبست حجابي وطلعت عليهِ كاعد على القنفه ويهز برجله ..

ـــــــــــــــــــــــــــــــــــــــ

سوو تاكااات لصديقاااتكم تعليقاتكم الحلوه ..

تصويتكم الاحلى ..

ورأيكم حفصه ال هاشم

دمتم بخير عسلاياتي