زمهرير الاوجاع الفصل السابع 7 - بقلم قدر ال هاشم

كان للأنسان ان يموت غرقاً بداخلهِ لولا البكاء

.............

زمهرير الاوجاع (الليالي من عذابك)
حفصه الهاشمي

.............

اتقرب عليها بحركه مباغته الهامثل الثعلب المكار .. شلون يتحايل على فريسته علمود ينقض عليهافراهد مثله بالضبط

نزل لمستواها وهوه لازم فكها بأيد والايد الثانيه محاوطه خصرهاحركت راسها بعنف وهيه تشوفه يقترب منها ..

عفتها ونقائها اكبر من فراهد وجشعه رفعت رجلها وضربته ضربه قوي على اثرها رجع ليورا خطوات وهوه مدنك ويتألم ويفشر عليها بأنواع الغلط والفشار

ركضت للباب وهيه تستنجد بأحد بأي شخص يطلعها من براثن هذاالظالم//عليااااااااء ...... عليأاااااء ساااعدينييي تعااي افتحيلللي الباااااب علياااء ...!!

ثواني وسحبها من حجابها من ورا وهوه يفشر عليها مثل المخبل// بنت الكلللب اني تضربيني هييج نذذله لانعل ابوج وابو الخلفج هسه با عليااء يا نعال ..وحگ الله الا ادميج

صارت تضرب بي وهوه مقيد حركتها
شالها من ورا وهيه تصيح بعلوا صوتهامثل الغركان ويريد يجلب بقشه تنجي من هذا الغرق

ثواني وشمرها على الجربايه وهوه يتفحصها بنظراته الوسخه

اندفرت الباب بقوه ويه عيطتها كامت من الجربايه وهيه تبجي بخوف على فرحهركضت عليهِ وختلت ورا وهيه تشهك بالبجي ..

عاط بيهم بصووت عالي هز اركان الغرفه///شديصيرررر هنااااا فررراااهد ..؟!

صار وجها اصفر وعيونه تفتر على كل الغرفه بأرتباك وخوف ..باوعله بنظرات يصطنع القوه بيهن//م .. ماكو شي .. اني وخطيبتي شتريد اوس؟ !!

تقدم عليه اوس بعصبيهوبكل غضب دفعه من صدره بقوهوهوه يصيح علي بحركة قلب من تصرفات اخو الطائشه/// ووللك فررراهد لاا تخبللني شعنندك حاصر البنيه هنااا ما تخااف الله انتتهمو عنددك اختت فررراااهد

باوعله فراهد بعصبيه وجاوبه بتلكأ //انته .. انته اشوو ما تحترم اني الشيخ سلماان الي اريدده اسوي لا تدخلل زيين

قاطعه اوس بعصبيه وهوه يلزم ايد سهند ويجرها ورا ويطلع من الغرفه/// شييخ موو فرييخ احسن خرا بشاررب كلل شييخ مثللك

...التفت علي وهوه يهزله براسه بوعيد // اصبرلي اصبرلي راجعلك ...

سحبها من ايدها وطلع من البيتقابلتهم علياء بالطرمه و وجها اصفرر
ركضت على سهند بخوف وكاالتلها وهيه تلزم ايدها//سهونه والله مجنت اعرف بي راح يصعدلج صدكيني عبالي راح يروح لغرفته والله

هزتلها راسها بالموافقه وعافتها وطلعت
الهبطه والصدمه اخذت من حيلها هوايه

فراهد زوج اختها شلون ينطي قلبه وضميره يسوي بيها هيج .. صعدت بالسياره وهيه تكتم صوت بجيهاحرك السياره ومشى بدون اي كلام وكف على شارع هادئ وباوع عليها بصمت وهدوءعكس العواصف الي بداخلهم

///كملتي ..؟

سألها ببرود وهوه يباوعلها بنظرات ابرد من شهر يناير ...

ومقلص عيونه تجاهاباوعتله من بين دموعها وهيه تخزره//رجعنني لللبيييت ...

جاوبها ببرود وهوه يباوعلها وكأنوا مصار شي//هذا الموضوع ينسد وما تحجين بي لاي احد لا يوسف ولا غيره مفهووم

باوعتله بعصبيه وهيه خازرته نترت بي بصوت عالي// ليشش تريدد تحممي اخووك الحقييير...هااا علموود تبقى سمعتته الوفيي الحبابب الي ما حط عينه على وحده غيرر اززل هااا
انتووا كولكم نفس الطيينه مابيكم واحد عااادل من ابويه وجرر ايددكماا اسكت ...واكوول لبابا وعموو علي خلي يطيحوون حضه ويشوفون تصرفات الشيخ شلون صاايره

يباوعلها بنظرات هادئه بس بداخلها نار وشرار من عصبيته//كملتي ...؟!!

باوعتله بصدمه من برودده اتمنت تشيل الجداحه الي بأيده وتحركه بيهاعلمود يحس بحرگة قلبها
خزرته بعصبيه ورجعت عاطت بي//رجعنييي للب..

قاطعها وهوه يعدل كعدته ويسحب جكاره من باكيتع ويكوللها// بلاا ماطلعيلي لساان الدلالات ...
اكوولج لا تكولين لاحد لمصلحتج يا ثوله .. انتي تعرفين شراح يسون من يعرفون فراهد حبسج بغرفه وحده انتي ويا ..
لا متعرفين لانج حماره مهجره ...

باوعتله بعصبيه // لااا تغللط ...

كمل كلامه وما اهتم الها// ابوج اول شي تعرفي اكثر مني لازم..اذا ما زوجج لفراهد ثاني يوم ما اطلع ابن امي وابوي لج بابا فوتي الكلام بدماغج المطي
عائلتج يكسحون البنيه وهمه يضحكون تريديهم يصدكون بيج ..؟!! ..وهاي اني كتلج وانتي عاد طبج الف طوب اذا ركبتي راسج وحجيتي الهم ....

نهى كلامه وهوه يفتح الشباك ويذب الجكاره منها
حرك السياره ومشه بدون اي كلمه زايده

صفنت بينها وبين نفسهاصح ابوها يحب فراهد كولش وهوه بلا شي يمقت البناتاو حسب تفكيرهايحب يخنك البنيه بقوانينه البعيده عن الشرع وعن الانسانيه ..

اكيد مراح يصدكها ويصدك فراهدوهوه اصلا شلون يجذب فراهد ويصدك بيهامن سابع المستحيلات اذا تصير ....

............

وصلها للبيتاتشكرت منه بحيره وضياعوفاتت جوه
صعدت لغرفتها رأسةً اتجاهلت كلام ميقات المسموممثل كل مرهبس هاللمره يختلف هاللمره كوله عن فراهد كال فراهد وحجه فراهد...

بقت كاعده بغرفتها منطويه على نفسهاانفتحت الباب بهدوءوانسدتبقت على نومتها ما رفعت راسهاثواني وحسيت بأيد ناعمه تلعب بشعرها الاسود بكل خفهابتسمت بهدوء و وخرت الجرجف وهيه مبتسمهفتحتلها حضنها

وكالت بأبتسامه /// تعالي تعالي نامي شويهقبل متجينه امج ..
ضحكت بفرح وحماس عبالك كالتلها تعالي لطلعج لمدينة الالعابنامت بحضتها وهيه تحرك راسها بحضن اختها وتشم عطرها

هبه /// سهونه اني احببج هووايه والله ..

ضحكت عليها بخفه هيه ومغمضه عيونها وجاوبتها بصدق// اني هم احبج حبيبتي ..

//انتي تضوجين من امي وراح تكرهيني هم من وراها مو ..؟ ! لا تكرهيني حبابه والله احبج كوومه اني

ضربتها بخفه على كتفها وجاوبتها بتأنيب// شنو هالكلام عمري ... اني احبج انتي ..امج شلها دخل بالموضوع لا تفكرين هيج نامي واسكوتي

ضحكت بفرح وحصنتها قوي ... دقائق ورجعت سألتها // سهند ... اني احب يوسف يصير اتزوجه من اكبر؟ !!

صفنت عليها // وانتي شلج بالزواج ولج .. اكول ليوسف عليج اخلي يجرجر اذاناتج ..

جاوبتها بسرعه وخوف // لا لاا حبابه لا تكوليله هوه يضوج من اكوله اتزوج بس اني احبه هسه من اكبر اتزوجه وشوفي عيننج ..

// اي هوه هم يحبج ههههه واشوف عيني ...

سكتوا ثنينهممرت ربع ساعه وغفت هبه بحضن اختهاباوعت للساعه لكتها ب 10 ونص
كامت على كيفها وطلعت من الغرفهلازم ترجع لتكريت اجازتها راح تخلص ..

نزلت للاستقبال وهيه تريد تحجي ويه ابوها بوجود عمها سعدونعلمود اخاف يعترض او عنده نيه مو زينه عمها يحجي ويوكف وياها

فاتت وسلمت عليهمكعدت بصف اخوها جاسمثواني وكالت لابوها// بابا اني لازم ارجع لتكريت اجازتي راح تخلص مابقالها شي

..باوعلها بنظرات منزعجه وكال// خووش منووو يوصللج

جاوبه يوسف وهوه يذب لعبة الدومنه من ايده// عمي اني اوصلها باجر انشالله وهم امر على صاحبي هناك لا يضل بالك

جاوبه وهوه يباوع على الاخبار ويعلي الصوت// ديللا خووش ..

باوعتله سنهد بضوجه من تصرفه

سعدون // ابويه عود ديري بالج على نفسج زين بنيتي وارفعي راسنه ..

ابتسمتله بحب صدوك جانت تتمنى هذا الكلام والاهتمام يطلع من ابوهامو من عمها
بس سبحان الله الله ياخذ منه شي ويعوضنه بشي ثانيلو حتى احنه محاسين بي

جاوبته بأبتسامه وهيه تهزله براسها مثل الطفله// اي انشالله عموو

............

ثاني يوم من الصبح طلعت هيه ويوسف لتكريتواستلمت الطريق كوله نوم عبالك راح ينهزم منها النوم

تحركت بأنزعاج من الطسات الي ماليه الشوارعفتحت عيونها بأنزعاج وباوعت على يوسف الي مطفي من النوموعين فاتحها وعين يسد بيها من كد ما نعسان

فززته بصوتها العالي وهيه تحجي علي /// يوووسفف سووق على كيفك ما تشوفنيي نااايمه .. هااي شبييك.؟

باوعلها وهوه فاتح عيونه بصدمه عليها ورجع باوع على الطريق // لا صدك تحجيين !!فوكاها هيه ام الراهي سايق الخلفوج انيي كعديي خااتون وصلنه سيطره كعددي

غطت وجها بالشال وجاوبته // ديلا يلا هسه من حوري هاا اها غطيت وجهي

جاوبها بنتره // كعدي داكووول منانه الجيش اكعدددي ...

كعدت وهيه تحجي علي بصوت ناصي ...باوعلها صفح وكاللها // ترا سمعتج ها ..

ضحكت علي بصوت عالي // اي وما تسمع ههههههه

سكتت وشويه وفاتوا تكريت .

...............

وصلها للشقهنزلت وهوه نزل وراها ودينزل بالجنط مالتها ...
باوعتله بغرور وكالتله وهيه حاطه ايد على خصرها والايد الثانيه تأشر بأصبعها السبابه

// اي عفيه صعدهم فوك لجناحي الخاص يلااا

باوعلها بطرف عينه وجاوبها وهوه يفوت من يمها ويضرب جتفها بقوه متعمد الها// مصدكه بنفسها الوصخه ...

ضحكت علي والتفتت تسد باب السياره
باوعت بأستغراب للي واكف مقابيل الشقه وعيونه مسلطهن عليهم بخزره
وسبحته بأيده ويفر بيها كالعاده مره على اصابيعه ومره ثانيه يفتحها وحواجبه السود معقوده بوسط جبينه ..

باوعتله لثواني وهيه مستغربه طردت افكارها الي تكوللها هذا ديراقبج وقنعت نفسها يجوز اهله هنا او اقاربهاخذت جنطتها من السياره وطلعت وسدت الباب

فضولها تمرد عليها وسحب عيونها لناحيتهرجعت باوعتله لكته على نفس الوضعيه ويفر بسبحتهاباوع بنص عينها وهوه عاقد حواجبه بغضبرفعتله حاجب بأستنكار وكأنو تكوله خيرر ليش تبااوع ...

لاحظت شبه ابتسامه على طرف شفته وهوه يهز براسه ...خزرته وفاتت لبيتها ...
وكل الي يدور ببالها هذا خبل مو صاحي اخاف عباله من صدوك اني ارهابيه والله اذا هيج يفكر اروح افخخ وجهه الحلو هذاا

ضحكت على نفسها وضربت راسها وهيه تحجي بصوت شبه مسموع// ثووله سهنند هاي تريدين تفجرين راسه وكاعده تتغزلين بي خيولي ...

/// منوو هذااا خاتووون التتغزلين بي؟ !!!

رفعت راسها وباوعت على يوسف بأرتباكضحكت بخفه وكالتله وهيه تأشر علي /// هههه اتغزل بيك انته ليش انته مو حلوو؟ !! اريد افجرك واتغزل بيك بنفس الوقت

باوعلها بشك وكاللها // همم اي صدكتج ..امشي فوتي سويلنه لكمة اكل ورايه رجعه

سحبت جنطتها وهيه تجاوبه // لا يويو روح جيبلنه لفات من فد مطعم والله تعبانه ...

اخذ سويج سيارته وطلع من البيت وهوه يكوللها بعدم رضى// استفااد نموت من الجوع علما الخاتون يصير بيها حيل ...

...............

رتبت غراضها وراحت سبحت وغيرت ملابسها
طلعت من الحمام وهيه تنشف بشعرها افكارها اخذتها يم هذا الي يسمو سويفان ...

صفنت على الشباك ثواني فضولها اتمرد عليها يا ترى بعده موجود ...!؟
هوه شعنده يباوع على بيتي ؟
عززا بس لا حاط عينه عليه يفوت للبيت يغتصبني ويبوك البيت ويطلع ...؟"!!

فتحت عيونها بخوف من افكارها الجهنميه ضربت نفسها بخفه على گصتها (جبينها) وكالت بضحكه/// طاح حضج سهند منو ابو الافلام الهنديه هوه لو انتي ...!؟

طفت الضوه وراحت على البرده .. على كيفهارفعت التول شويه وهيه طلع بس عيونها تريد تشوفه بعده واكف لو راح ..ا
بتسمت بخفه ورجعت سدت البرده /// يعني اكيد يروح خوما يبقه واكف كدام بيتي ههههه

........................

تغدت هيه ويوسف والجو ما خله من تحرشاتها بي وشاقها...
كملوا الغده وهوه لبس حذائه ويحجي وياها // سهونه راح اروح اني علمود ما اتأخر والوضع هم مو زين هالايام خلي اوصل قبل الليل

جاوبته بتوسل // يوسف راح يأذن المغرب ابقه وباجر الفجر روح حبابب ...

ابتسم الها وباسها من راسها /// لا حبيبتي انشالله ماكو شي هيه وينها بغداد هياتها شمرة عصا ...

باوعتله بعدم رضى وعيونها متروسات دمع ...
اتنهد بملل عليها وكاللها// ولج سوسه اشو صايره حساسه حيل ..ههههه بس لا تحبيني ولج

// ههه لا ما احبك اكرهك ... حضنته قوي وهيه توصي على نفسه ...

يوسف دير بالك على نفسك ترا الاختطاف صاير شربة مي هالفتره هاا ...

//

اي حبيبي ... ديري بالج على نفسج ولا تفتحين الباب لاي احد الا تباوعين من العين ... واهتمي بدروسج سوسه ارفعي راسنه ... انشالله

// يلا في امان الله

......................

حرك سيارته وراحشمرت ورا مي وهيه تدعي يوصل بالسلام
فاتت لغرفتها حضرت ملابسها لان باجر لازم اداوم وهيه تأخرت هم واجازتها خلصت قبل يوم

صارت كدامها صورة اختها ازل الله يرحمهاشالتها وصفنت عليها ثواني ودقائق ..
باوعت على الصوره هيه تذكر كلام ابوها من جان يصفن مرات على ازل بدون ميدري على نفسهجان دائما يكوللها ازل تشبه امج حيلل ..وهيه طفله جانت ..

فضولها يقتلها تعرف امها وينلا الها قبر ولا الها مكان تروح تشوفها ..جانت من تكوله بابا اريد اشوف ماما يكوللها باوعي على ازل ويضحك ...وحتى من كبرت ويروحون يسألوا هيه وازل على امهنيعصب ويكلب البيت بصياحه علمود يخوفهن وينسن الموضوعوهمه يمتثلون للأمر الواقع

............

تنهدت بضيق وضمت الصورهراحت رأسا لفت راسها ونامت والنومه هيه نومه للفجر ...

كامت بملل وهيه تثاوب باوعت للساعه بكسل فتحت عيونها مفزوعه وهيه تشوف الساعه عابره ال 8عود هيه موقته نفسها تكعد الفجر تصلي وتبقه كاعده بس التعب اكل من قوتها ..

كامت بسرعه على الحمام نص وجها خسلته هاللكد ما مستعجلهطلعت تنوره بينصل وقميص ابيضلبست حذائها بسرعه بلا جواريب هم وطلعت ركض

...................

وصلت الجامعتها والحض جان واكف وياها هاللمره استاذهم متعارك ويه المدير ويريدون يبدلوا
علمود هاي طلاب قسمها صايره هوسهسحبت نفسها وراحت على صديقتها جوري ...

بعمرها كولش حبابه ..تعرفت عليها اول ما اجتي لتكريت ... سلمت عليها بحفاوه وكعدوا سوه ...

جوري تسأل وسهند تجاوب شنو سويتي من رحتي ؟!! ابوج شكال؟ !! شفتي قبرها وهوااي سوالف واسئله تحاول سهند تتجنبها ....

خلص الدوام وهيه اخذت الدروس الي فاتتها من صديقتها ...رجعت للشقه مشي ...فاتت من يم الجامع وعبرته ...

لفت نضرها واحد واكف بزاوية الباب مال الجامع ويخابر و واضح علي منهمك بالسوالف ويأشر بأيده بعصبيه والايد الثانيه حاطها على خصره ...وصوته يلعلع واصل لسابع جار ....

تجاهلته وسرعت مشيتها ومنزله راسها ... سمعت صوت من وراها يصيح بأسمها ....!! //// يوول يسهنننند .... ...

وكفت بمكانها مستغربه هنانه محد يعرف اسمها بتكريت !!؟
التفتت على كيفها وهيه عاقده حواجبها بأستغراب ...

هوه نفسه !...

لابس دشداشه وسبحته من الاحجار السوده الي تلمع بأيده ...
اتقدم عليها وهوه مبتسم ... وكف مقابيلها وكال بضحكه ... حته بينت سنونه البيض ... وعطره الي سابح بي احتضن محيطها ... شطوله هذا! !!

؟ كل الي جانت مركزه بي سهند هوه طوله ..

تمتمت بينها وبين نفسها عملاق خوما عملاق ....!!

رفعلها حاجبه بأستنكار وكاللها وهوه يمشي عينه عليها من فوك ليجوه /// يوولوو ماعندج اكصف من هالتنوره ..؟!!

باوعت علي وهيه فاتحه حلكها من جرأته ...
ابتسم الها وهوه يتقدم خطوه

.... ......................

. رأيكم بنوتات وتوقعاتكم الحلوه

وسوو تاكات لصديقاتكم علمود ترتفع القصه ‍♀️‍♀️‍♀ ️

دمتم سالمين قلبوشات ...♪♥ حفصه الهاشم .....