زمهرير الاوجاع الفصل الثامن 8 - بقلم قدر ال هاشم

زمهرير الاوجاع ..(الليالي من عذابك)

حفصه الهاشمي

كان لقاءٌ عادي بسيط يتمثل ببعض الكلمات ..
يستوطنهُ نظارت الهيام ..
لا ادري ماذا جرى وكيف مر الوقت على ما جرى ...
هل اصبتُ بلعنة عيناهُ ام تلك الابتسامه الخارقه لكياني ...
كنت في محض صدفةٍ بعيدةً لهً فأصبحتً الان اقرب من حبل الوريد لفؤادهِ
انه يتمرد بكثرة ويقتحم حصون تفكيري ... كيف سيمضي! !!
وماذا سنصبح بعد هذا اللقاء! ! هشيماً تذروا بنا الرياح! !
ام جبالاً تتحدى تلك العقبات

بقلمي حفصه الهاشمي

...........

///نعم! !!؟

ابتسم الها بأستهزاء وتقدم خطوه لناحيتها وكال بصوته الخشن/// نعم الله عليج ياابه ... صارلي يومين اجي هين بس ما الكاج وين وليتي بلا ...

باوعتله بعصبيه وهيه تخزره جاوبته بنتره/// وليت ما وليت انته شلك دخل ومنو علمود تدخل بيه هااي حلووه والله ...!

مسح على لحيته السوده وهوه يصبر نفسه
باوعلها بأبتسامه بس مو ابتسامه عاديهابتسامه يكوللها بيها اذا تماديتي بعد ادفنج بأرضج .../// اني سيف منو يعني ...!

باوعت علي لثواني وهيه عباله اسمه سويفان.. ماعرف شنو

نقلت نظرها بينه وبين هذا الي ديحجي بالتيلفون واكف ورا ...يتشابهون كولش ...
بس هذاك يغلب علي طابع الغرور او يجوز لان شافته شلون يمشي ويتباها بلبسه العسكري حسته مغرور

باوعت على الواكف مقابيلها ويوزع ابتسامات ابلاشكل عقله هذا ...
خزرته ومشت وهيه معصبه من كلامه ... انوب حاط عينه على تنورتي المايستحي هسه هوه شله دخل ..

قاطع صوت افكارها صوته وهوه يصيح عليها ../// يولي يسهندد جاي تااعزيج لوفاة اختج يولي ..

التفتت علي بصدمه وهوه شلون يعرف ...الافكار كامت ترسم ابالهابس لا لحكني لبغداد ...
انجبي سهند شيلحك منج ولج ...
عقدت حواجبها بأستغراب وسألته بنتره/// وانته شمعرفك بأختتي ...!؟

تقدم خطوات منها وهوه يحجي// يمعثوره خليني انطك بكلمه كامله كل كلمه وتقاطعيني شتهجزين بلا ...!؟

// شمعرفك بأختي شنوو انته تراقبنييي تراا عيب عل...

قاطعها وهوه يتصنع الصدمه/// يااابوي ياا بوي على هاللسان الاكشر ... ما تسكتين شويه بويه! !... شمعرفني بأختج ماعرفها البنت بس سألت امي عليج وحجتلي قصتجوجيت تاصلح سوء ضني ... تعرفين اني رجال دين وماحب سوء الضن بالاوادم ...

باوعتله صفح وجاوبت وجاوبته بأستنكار // اي حيلل ...

مشت من يمه وهيه تفكر ويه نفسهاامه منو ..!؟
بس لا العجوزه الي جانت تحجي يمها علي ... عزا غير فشله اذا هيه ..
لا سهند شنوو .. هوه غلط اني ما حجيت شي علي ..

سرعت خطواتها ومشت للشقه ..وصلت لفرع بيتهاوشافت كدامها ابو عباس ...

هذا رجال جبير بالعمر .. يعرف ابوها من زمانوعايش مقابيل المشتمل الي كاعده بي سهند ...
وابوها اول ما جابها لتكريت وصا عليها ...دائما تجي مرته ام عباس خوش مره وتخاف الله لو مرات ادز الها من اكلهم لو تعزمها يمهم ...وعينهم دائماً عليها

...............

اتقدم عليها بأبتسامه طمأنينه .. مثل عادته // هاا بويه خلص دوامج

ابتسمت اله وجاوبته // اي عمو هسه رجعت

...باوع وراها بأستغراب وعاقد حواجبه بتساؤول ...باوعت علي شبي هذا العجوز!! ... اشو تغيرت ملامحه ميه وثمانين درجه

التفتت وباوعت للمكان الي يباوع علي هذا العجوز ...بالرغم ماهوه حباب وياها وتعامله زين بس تحسه برج مراقبه على الصغيره والجبيره يخابر ابوها وينطي نشرة الاخبار

سوت هيجي ساعه هاللكد طلعت رجعت فلان وقت مصيبه ....

فتحت عيونها بصدمه ..هذا خبل ابد مو صااحي ...
جان يمشي وراها ومن التفتت علي نزل راسه وسوه نفسه يلعب بسبحته ..

باوعت علي بنظرات حقد وعصبيه ...ورجعت التفتت على ابو عباس ...// ءء .. عمو اني رايحه للبيت تحتاج شي ...

جاوبها وهوه يباوعلها بشك ويرجع يباوع على سيف ...// لا بويه روحي لبيتج واهتمي بدروسج زين ...

شدد على اخر كلاامه وهوه يباوعلها بنظرات حاده ...
هزتله راسها بالموافقه وراحت ...

هسه اكيد يشك بيها عدها شي ويا هذا الاسمه سيف ...
هسه هوه شعنده يلحكني اخته امه ...!!

فاتت لبيتها التفتت تسد الباب شافت ابو عباس بعده واكف ويباوع عليهاينتظرها تسد الباب وتفوت وهذا الاسمه سيف واكف بعيد عنهم نسبياومنزل راسه يسوي نفسه يلعب بالتيلفون ورافع بس عيونه السود عليها ...

سدت الباب بقوه وفاتت وهيه تنفخ دخان من خشمها ...
وكل الي يدور ابالها هذا خبلل ابد مو صااحي ...!! شعنده يلحكني !! اعرفه يعرفني !!؟

غيرت ملابسها ... وراحت نامت وهيه تقطع سلسلة الافكار الي تجيها بسبب الي اسمه سيف

....................

يوسفجنه كاعدين بالاستقبال اني وعمامي والولد .. و ابويه و عمي عبد الجبار كالعاده كاعدين على الاخبار ويتناقشون بينهم على امور الدوله...

قاطع حديثهم صوت تيلفون عمي عبد الجبار ..نصى صوت التلفزيون وجاوب على التيلفون// هلا هلا بيك يخوي شلونك ..!؟

// لا يابو عباس شهالحجي احنه اخوان ما بينه هالسوالف ..!؟

// اي شلونها بويه ..!؟
سكت شويه وعقد حواجبه بأستغراب وانتظر شويه وهوه يسمع ابو عباس ورجع جاوبه....

هااا ماتعرفوا انتوا ... على ما اعرف انتو ما يدخل واحد للمنطقه اذا ما تعرفون اصله وفصله ..
سكت شويه ورجع جاوبه ..// خيرر انشالله تسلم ابو عباس ما تگصر ... لا لا اني راح اعرف الموضوع بطريقتي خلي عينك عليها

...سلم علي وسد التيلفون ..
باوعله ابويه وسأله بسرعه لان يعرف ابو عباس موكله عمي على سهند ..// هاا شبيها سهند !؟

باوعله عمي نظرات هادئه وكاله /// انشالله راح افتح وياها موضوع فراهد للزواج ..

انصدمنه كولنه من قراره باوعله ابويه بعدم رضى وكاله بحده/// افتح افتح ... بس والله اذا سهند رفضت وما قبلت تزوجه وانته تجبرها مثل ازل الله يرحمها ما يحصل خير يابو جاسم ...

سحب عمي نفس قوي وجاوبه وهوه يمسح على وجها// خير انشالله

................

كام عمي وصعد لغرفته ولحكته ميقات ..
والعجيب بالموضوع عافت هبه وما سحبتهاهيه هيج ما تحب هبه تختلط ويانه حيلومن تشوفنه نشاقه لو نضحك ويه ازل الله يرحمها وسهند تضوج وتكول انتوا مفرقين تحبون بنات تماضر وبنتي ذابيها صفح ..!!

ماتعرف بنتهاا عالته للكلب عل ...
صفنت عليها شلون تضحك ويه عامر اخويه الصغير (عمره 6 ينوات)
وتلعب ويا بأيدهالعبة ذبحنه الطلي وذبحنه الطلي ...

وتصعد على ايده شويه شويه وهذاك خربان من الضحك ...اباوع عليها وافكر شوكت تكبر وتصير من نصيبي ...

اذكر من كشفتني سهند بقت اسبوع تضحك عليهوتكولي بابا انته جبير وهيه صغيره شلون تتوالمون ..
اختارلك وحده بعمرك تفهمك وتفهمها ...

بس هذا مو شرط ..!اكو هواي اشخاص من نفس العمر وما يتوافقون ابد ..!
اني مطمأن عليها هيه الي الي ..مو لان ابن عمها واولى بيها ..!لا بس عمي ابو جاسم بس اكوله عليها اكيد ينطينياها..! بس تبقى العله الاكبر امها ...!

يلا نتحمل خبالاتها شويه لبين ما اخصلها وعود نتخلص منها ...!

باوعت للساعه تأخر الوقت ب 11 ونصوهذوله وراهم دوام ..
باوعت عليها وامرتها بصوت شبه عالي .. // يلا هباوي اصعدي نامي وراج دوام ...

باوعتلي وهزت راسها ورجعت تلعب ويه عامر ...

وجهت كلامي لامي // يممه اخذي ولدج نوميهم اتأخر الوقت وهذوله وراهم مدارس ...

صاح جاسم اخو سهند عمره 18 واخويه ساهر بعمر سهند ساهر// يوسسسف بس شويه راح يخلص الفلم ...

ايد كلامه جاسم وهوه يحجي ويايه ويباوع على التلفزيون ويلزم الريمونت علمود ما اديره /// اي اي هسه بس خلي نشوف يموت لا

...؟! عاط ابويه عليهم .. // ولكم كواويد مو ديكوللكم كوموا نامووو ...طفي التلفزيون سااهر ...

اتأففوا بأنزعاج وكام ساهر طفى التلفزيون ويجاوب ابويه // حاضر ياابه

... .............

كاموا ناموا كولهم وابويه بقى كاعد على التيلفون مو تيلفون واحد عنده لا 3 وكل واحد عنده بي شغل معين اتعجب علي اني تيلفون واحد واتيه بي ...!

ساهر كليه مرحله اولى هندسه ..
وجاسم صف سادس ادبي ...

طلعت بالطرمه سحبت كرسي وكعدت ... خابرت على ازل اشوف شبيها .. كلام عمي زرع الشك بيه ..!؟

اني اعرفها ما تسوي شي غلط تربيتها من تربيتي حته عماتي السته من يحجون يكولولن تربية بنات تماضر مثل ولد سعدون ...

خابرت عليها ثواني وجاوبتني ... صوتها مبحوح وبيها الخنكه الضاهر جانت تبجي ... تنهدت بضيق عليها وجاوبتها // شلونج سوسه ..!؟

جاوبتني وهيه تتصنع القوه // بخير الحمدالله يويو انته شلونك ..!؟

// بخير بخير ... اييه احجيلي شسويتي ما سويتي .. شلون جان يومج ..!؟

اني بس اسألها هيج ينفتح الراديو مالتها وجيب السبع الي يسده .../// مصار شي اليوم كعدت متأخره على الدوام عبالي اكوم اصلي الفجر بس ما لحكت حراماترحت للدوام والحمدالله الاستاذ طلع متعارك ويه المدير وراح يبدلوا.... كول الحمدالله ههههوبقيت احجي ويه جوري صديقتي وهيه سألتني هواي اسئله بس تحجي وتكركر اتعجب عليها شلون تكدر تحجي هاللكد اشو اني من احجي رأساً اتعب هههههه

هزيت راسي واني اضحك عليها واحجي بگلبي( لا حيل تتعبين مبين) قاطعني صوتها وهيه مستمره بالكلام ...// والله رجعت من الدوام مكسره تكسر يويو.. بس اريد الزم الفراش عبالك جنت احرث ...هههههبس والله كل مزاجي تعكر من ورا هذا شيخ الجامع ماعرف منوه ...والله مستفز ..

عقدت حواجبي بأستغراب وسألتها بفضول ..// منو هذا شيخ الجامع ولج ..؟

سكتت شويه وصوت انفاسها المضطربه توصلني بوضوحالضاهر جفصت جفصه ودتحاول تفكر بكذبه تطلع منها ...
قطعت كلامها قبل ما تكذب وكتلها بحده./// ديري بااالج تجذبين عللليه سهندد من شوكت صاايره تضميين عليه هاا ..!؟

جاوبتني بسرعه // لا لا يويو والله ما اضم عليك اصلا جنت اريد اكولك بس هيه سالفه تافها .. علمود هيج

// اي احجيلييي اريد اعرف هالسالفه التافهه ...!

// يمعوووود .. هذا واحد عباله اني ارهابيه ..!

فتحت عيوني بصدمه وجاوبتها // لا ماشالله سالفه تافهه احجيي منووه ..!

// واحد اني مو اروح للجامع اصلي فمره رحت الفجر وهمه جانوا سادين الجامععاد هوه عباله اني مو خوش وما قبل يفتح الجامع الا اجه الشيخ الجبير والضاهر يكون ابو فتحلي الباب وفتت صليت..عاد اليوم هم شفته هذا طلع اسمه سيف .. بس اني ضجت منه ماعرف يجوز لان شك بيه اني اراهبيه عاد هوه شلونه والله يويو عيونه من تباوع عليهن عبالك هوه الارهابيبس هوه جان يمشي ورايه يجوز يروح لبيته وشافني عمو ابو عباس كلت هسه اكيد وصل خبر لابويه ... بلا خابر باابا لو لا ..!؟

مسحت على لحيتي وجاوبتها بحده/// اي خااتون خابره والضاهر كايله .. ادري هذا عجوز النار غير يفهم السالفه يلا يحولها لمنصات الاذاعه ... استغفر الله ..

جاوبتني بفزع // عززا وشنو سوا ابويه هسه اكيد عباله اني عندي شي ويا مو! ؟ عزا يووسف

جابوتها احالو اهديها// لا يابه قابل منعرفج انجبي شويه ...
سكتت شويه ورجعت سألتها بفضول ولو اني اعرف جوابها بس للحرص// سوسه ... اذا فراهد خطبج تقبلين ..!؟

جاوبتني بعصبيه وهيه تصيح/// لاااا والف لااا اتزوج هذااك النذل حقيررر شلون حاول يعتدي عليه النذذل لو اموت ما اتز...

قاطعتها بسرعه واني اوكف على حيلي/// دقيقه .. دقيقه دقيقه ...شنوو حاوول يعتدي عللليييه ..!؟

سكتت والظاهر نست نفسها من حجت هيججاولتني بتلكأ// ها .. لاا منو كال

/// سهننددد احجييي لا والله اجيج لتكرريت ...

// اي اي بس الله عليك مو تعصب

عطت بيها بصوت عالي /// ماااا ماكل تبببن ماا معصبب احجييي ...

جاوبتني بسرعه// اي واضح ..من رحت يمهم اسلم على عمه وهوه فات للغرفه وقفل الباب بس اجه اوس وتعارك هوه ويا ..

// وانتيي شلووون ما تكوليلي غبييه ..!؟ والله لانعل والديه و والديج همم ...

سديت التيلفون منها .. واني افوربس فكرة سهند تتعرض للاعتداء ومن منو !؟ من اهلها تخلي شياطين ابليس ترگص كدامي رگص شرقي ..خابرت على النذل اوس ..ميجاوب ...
رجعت خابرته تقريبا خمس مرات يلا جاوبني وصوته مبين علي جان نايم ..

// اوسس جاايك للبيت واحسلك تخلي فراهد يطلع من البيت لا احركه على راسه ..

همهم الي وهوه يكول بصوت نعسان ..// همم خوش ..

سديت التيلفون واخذت سويج السيارهصاحني الوالد كتله شغله صديقي محتاجها ...وطلعت

...........

وصلت لبيتهم اضويتهم نصها مطفيه الضاهر نايمين ...
صفيت السياره وقبل ما ادك الباب فتحليا اوس لابس فانيله نوم سوده وبجامه قطنيه ... وعيونه حمر من النعس ..

باوعلي بملل وفتح الباب وفات وهوه يكولي بملل// فوت فوت يالاغبر ...

كعد على الكرسي الحاطيهن بالحديقه ويباوع عليه ينتظرني اكعد يمهاتقدمت علي بعصبيه /// انته شلوون تضم عملة اخووك العاار هااا ... ماا تخاافون على اختككم انتووا لو شنوو ...

جاوبني ببرود وهوه يسحب باكيت الجكاير من جيبه ...ويطلع وحده ويحطها بين شفايفه// نخاف نخاف .. ليش منخاف بويه ..!

جوابه مستفز وهوه اصلا كله مستفزز// ولك اووس لا تخليني هسه اروح اذبح اخوك العاار واطلع اول واحد من عشيرتنه كتل ابن عممه .. وبدم بارد هم ...

جاوبني وهوه يشعل الجكاره // خووش ..مو اكولك انته عامل مساعد على نشر الفواحش والبذيئه بعشيرتنه بس تضوجون من الحقيقه

......سحب نفس من جكارته ونفخه وهوه يكمل// شلون اكولك وانته راسك راكبه شيطان عشريني متهور ...

قاطعته بحده ..// اوووس

جاوبني وهوه يهز براسه وينفث الجكاره بالنفاضه ...// وهذيج ام لسانين ماكدرت تضم سالفه الا وحطتها بحلكك ...انته اثول شي ... البنيه وما تريد تزوج فراهد شايف لو ابوها عرف بسالفته يزوجها ثاني يوم وما يهتم لاي شي ... وهاي لمصلحة فراهد عاد بكيفك انته

...حط الجكاره بحلكه وهوه يسحب نفس منها ويكول بعدم اهتمام// اني بالنسبه الي نعنت ضلوعه وهوه هم نعنعني .. بس يلا تهون خلي يتأدب

سألته بصدمه// ضربته ..!؟

هز براسه بنعم وهوه يزفر الدخان من حلكه ونصه طلع من خشمه ...

جاوبته بحقد علي /// اي يستاهل هذا اخوك عار عليكم ...

هز براسه بالموافقه وكال // اي طالع عليك ..

طفه جكارته بالنفاضه وكمل كلامه // وانته الحمار المهجر مكعدني من نومتي علمود عقلك المطي عصب واني ورايه شغل .. من صباحية الله ..

رخيت ضهري على الكرسي وكتله بعدم اهتمام // ديلا يلا هوه اني كل ما اشوفك تكولي ورايه شغل وتاليها تروح توكف يم مدرسة الحب ...

باوعلي بعمق وعيونه تحجي هواي امور ... جاوبني وهوه يتنهد بتعب // لا ولك ورايه روحه للعماره ... صديقي هناك عازمني وعدنه شوية شغل بالمركز نطكطك بيهن ..

// هاا الله يساعدك .. كوم نام لعد وراك شغل ..

باوعلي بطرف عينه وفات حته ما كلف نفسه يسلم ... ابن الوزير ...
متعود اني على علاقتي ويا صح مستفز بس حباب وكلبه طيب قبل ما الواحد ينخا نلكا واكف مثل السيف النه ...
وحتى للغريب ... سحبت سويج السياره ورجعت للبيت

... .......................

كعدت الصبح اليوم نشيطه لبست عبايتها وحذائها وطلعت للجامع
وهيه تستمع لصوت الاذان شكد حلوو وهاادئ ..

لو بيدها تبقه تسمع اله طول الوقت ..
بس للاسف ثواني وخلص الاذان وصلت للجامع شافت الباب مقفول مال النسوان عقدت حواجبها بأستغراب المره العجوز كالتلها راح يفتحوا الها ...

تقدمت على الباب بخطوات ودكت الباب بخفه .. غمضت عيونها وهيه تستلهم الصبر لنفسها ..

التفتت علي بعصبيه نترت بي // انته والتاالي ويااك ترا ميصير هييج الباارحه عمي شاافك تراا وصل السااالفه لبابا. ... ميصيرر هيي...

قاطعها بحده وهوه يخزرها .. حسسج يوولي لاا تعلي صاارلي ساعه انطرج هيين تافتحللج الباااب شتهجززين انتي ...

باوعت علي بفشله ابتعدت عن الباب وهيه تسوي نفسها ما تأثرت بأي شي // خوش افتحلي الباب يلا ..

تقدم من ناحيتها وهوه يفر بالمفتاح وخازرها .. تمتم بصوت تكدر تسمعه هيه // ويل ياله تهدم رحيج بويه ..

باوعت علي بعصبيه وهيه رافعه حاجبها اله فتحلها الباب ... واشرلها تفوت // حدري ..حدريي خلصيني من شرج ..

باوعتله بطرف عينها وفاتت من يمه وهيه تفر بنفسها بغرور ...

ابتسم عليها وراح للجامع مال الزلم .

. ............

فاتت صلت الفجر وكعدت على السجاده وهيه تدعي ثواني وفاتت عليها المره ام سرمد مثل ما سماها الرجال الجبير كامت سلمت عليها وباستها من راسها ابتسمت الها ام سرمد وكعدت بصفها

// شخبارج يمه ... !؟

ابتسمت الها وجاوبتها بخجل من موقفها اخير مره وشلون حجت على ابنها وهيه تقنع نفسها ابنها هوع يستاهل الواحد يحجي علي// بخير خاله الحمدالله انتي شلونج ..!؟

// بخير دامج بخير .. رجعتي لدوامج صح ..

// اي انشالله وارجع بالعطله لاهلي اشوفهم ..

//اي خوش عجل احنه بيتنه قريب من هين .. هذا البيت البسد الجامع ..

// اي شفته هذا الجبير

// اي هوه هذا اي شي تعتازي بس دكي عليه الباب تلكيني بسدج

// تسلمين خاله والله متقصرين ..

ابتسمت الها المره // عجل شلون يابه غير بنيتنه انتي ..

باوعتلها العجوز بمكر وسألتهاالا ... صدك ذكرتيني هذا الوليد ما تعرضلج بعد !؟

باوعتلها سهند بأرتباك وهيه تفرك بأصابيعها// خاله والله اعتذر مجان عبالي ابن..

ضحكت المره عليها وجاوبتها .//. لويش تعتذرين يخاله ... مابيها شي اني جرجرتلج اذاناته لسويفان علمود يبطل شكه .. كتله بنيه من خلگ الله جاي عليها ونازل بيها الدك ....

ضحكت سهند بأنتصار وسألتها // خاله يعني ضربتي ..؟!

// هههه لا يمه هذا سيف وليدي الجبير .. متعلگ بيه مو شون ما جان .. يطير عليه مثل نسمة الهوه بار حيل بينه اني وابيه ..

// الله يحفظه الكم

// عاد كتله حدر هين يولد .. اني من احجيله هالجلمات يحس على نفسه مسوي فاينه .. يجي ويكعد بسدي ويفرك رجليه ويبوس بأيدي بس اني هالمره قسيت علي كتله هاللبنيه سهند اذا تعرضتلها نوبة الخ ازعل عليك زعل جايد .. عاد هوه بلع لسانه .. ومشه مثل ميل الساعه .

.ضحكت سهند بصوت عالي وهيه تكوللها// والله خاله يستاهل ابو الافلام ...هههههههه

باوعت على المره المبتسمه عليها

قطعت ضحكتها وكالتلها ..// اقصد .. الله يحفظه الكم .

.// انشالله بنيتي يلا انتي حدري لدوامج لا تبطين ..

!؟سلمت عليها .. وصلت الباب تريد تطلع ويه ما وصلت انفتح الباب بقوه لدرجة انضرب بالحايط

......................

هالبنوته اهديلها هالبارت على تفاعلها الحلو ♥Asooo115وطبعا اقرا تعليقاتكم كولكم واحد واحد واشبع ضحك ولاسيما تشجيعاتكم الحلوه ♥♥

واكيد بالبارتات الجايه احط المتفاعلين الحلوين احم ومنا تبلش الاحداث رأيكم الحلو هاا واوس ما اوصيكم بي هم اله دور

دمتم سالمين حفصه