زمهرير الاوجاع الفصل السادس عشر 16 - بقلم قدر ال هاشم

زمهرير الاوجاع . حفصه الهاشم..

بنوتات تابعوا حسابي علمود يوصلكم اي اشعار عن القصه..
صلو على نبي الرحمه ودوسو النجمه..❤️

ـــــــــــــــــــــــــ

قيل لأعرابي.. حدثني عن العشق..
إبتسم ونفضَ الغبار عن ثوبهِ وقال.. هوَ قيسٌ واحد..أحبَ فصدق...فَجُنَ..فَمات..!

ــــــــــــــــــــــــــــــــــــــ

سهند..

اول ما سمعت كلامه سديت التيلفون رأساً بوجها .. لزمت خدودي احس حراره تطلع منهن ..هسه اني ليش دارجف ..! شنو قصده رايد سنة الله ورسوله بيج !! معقوله يتزوجني..! عقلي راح يوكف شسوي .. لازمه التيلفون بأيدي وهذا سيف ما بطل رجع خابرني كم مره واني انطي رفض وهوه سواها عناد.. ماعندي غير علياء احجيلها .. لزمت التيلفون اخابر عليها وهذا رجع خابر انطيته رفض وخابرت على علياء .. من اول رنه فتحته ..

// الو عليااء ..
علياء // هلا سهند شعجب ذاكرتني دادا.,.
جاوبتها بسرعه عبالك واحد ديركض ورايه// علياااء مو وكتج هسه انتي وين ..؟
//بالمطبخ يعني وين..؟ سهند// اي كومي روحي لغرفتج شويه عندي موضوع وياج بسرعه ..
شويه وجاوبتني // هاا اها فتت بالغرفه شتريدين ..بشري بلكي الله قنعتي تنطين رقيمي لسيوفي ..

جاوبتها بنفاذ صبر // علياااء انني وين وانتتي وينن لج بابا الرجال خابرني يكول..
قاطعتني بسرعه // بشررفج سهنند خاابرج ..شلون عرف رقممج ولج احجيلي السالفه كوولها.. حجيتلها السالفه كولها من كالي اكول لصديقتج علمود الرقم الى الاخير .. وهيه ساكته ما حجت شي .. اني سكتت وهيه سكتت رجعت ورا دقايق حجت
/// زيين شنو كالج شحجيتوا..

سهند// والله ما حجينه شي بس كتله شتريد مني كالي رايد سنة الله ورسوله بيج .. شنو معناته هاا يعي يتزوجني.؟؟.. جاوبتني بصياح فززتني الثوله// جذاااابه .. هوه كاللج هييج لو تجذبببين ..؟
// يا علياء هاي شبيج على شنو داجذب عليج والله هوه كال هيج حتى اني توترت ماعرفت شنو ارد سديته وخابرتج .. ولهسه هوه يخابر ويرجع يفصله ويرجع يخابر ...شسوي.؟
جاوبتني بسرعه ونبرتها تحولت لتهديد// ديررري باالج مننه سهنند .. ممنوع تردين عليهِ مرة الثانيه..

قاطعتها بأستغراب// يااا سبحان مغير الاحوال من حالٍ الى حال..مو انتي ولج جنتي تكولين جيبي رقمه شصار هسه .؟.. جاوبتني بعصبيه مو طبيعيه !// ايي ادررري ادرري بس جنت اشااقه وياااج خووما صدووك .. بعديين اني احجي لمصلحتج سهنند انتي ابووج دازج للدرااسه خووما للعب والحبجيه هااا خلي ثقة ابوج وسمعتج بين عيووونج .. يا سنة الله يا رسووله شديخربط هذااا ؟ ديرييي باالج مننه واصلا انطي حضر لرقمه لا يسويلج ساالفه .ديري بالج تنسحرين بعيوونه السوود ...

انصدمت من عدها جوابها صدمني كولش خابرت عليها توقعتها راح تفرح بس اشو صار العكس..! وحتى نبرة كلامها مال وحده معصبه كوولش ادري بيها تخاف عليه ولان اني وحدي بس صدمتني كولش !.. جاوبتها بفهاوه من ورا عصبيتها ماعرفت شجاوبها ../ على بختج علياء كوولي يا الله.. قابل اني شسويت علياء كتلج ما جاوبته بعدين تعرفين بيه كولش زين اني هنانه علمود دراسه وبس ..شنو تكولين حبجيه ماعرف شنو هاي انتي وتعرفيني وهيج تحجين الغريب شيكول لعد..؟

رجعت جاوبتني بصياح مو طبيعيه هاللبنيه // الغرريب يكووول ويكوول اكثر من هيج .. ولج سهنند اني خايفه عليج وهذا بيتهم قريب منج على يا سااعه يفوت عليج وتصخمين وجهنه.. قاطعتها بسرعه// ياا ولج عليااء كلل عقللج تحجين ..خبله عااقله شبيج اول شي الررجال شيخ جاامع شيجيبه لهالسوالف هاا بعدين شصخم وجهكم قابل اني ما عندي مخافة الله ..

// اوووو سهنند مصختيها ترا اني العليه كتلج هذا الرجاال اني ما مرتاحتله ..وكتللج انطي حضرر احسن ما تصيرلج مشكله من ورا وكولي علياء مكالت .. وهسسه وخري من خلقتتي اريد اخاابر صديقتتي .. سدته بوجهي ..!!

وخرت التيلفون وصفنت عليهِ ..رجعت خليته على إذاني عبالي دتشاقه ..! سدته من صدوك الثوله ..! صدوك ردة فعلها ضوجتني .. شلون تحجي هيج قابل هيه ماتعرفني ..؟ صحيح اني بديت اميل اله شويه بس مو معناها ابيع نفسي ..! كلامها كولش نرفزني ذبيت التيلفون بالاستقبال ورحت لغرفتي .. تمددت على فراشي واني افكر بكلامها .. كلامها هم صح ..اني هم لازم اخذ حذري مهما يكون هوه يبقى رجال غريب عني والشيطان ما يكعد عاقل ..

كلامها يدور براسي اني ثقة اهلي اذا راحت مني صعبه ترجع تنبني .. باوعت على الحايط قلصت عيوني بأستغراب .. اذكر هيه كالت عيونه السود..!! وهيه شمعرفها بعيونه السوود.؟؟ كمت على حيلي مامعقوله تعرفه !!
رحت اخذت التيلفون ..طلعت رقمها اريد اخابرها جان يخابر سيف.. هسه هذا غير لزك لزكه انطيته رفض وخابرتها.. مره مرتين يطلعلي مشغول..!! وبعدين كامت ترفضني .. هاي البنيه خبله لو شنو ..فوك ما داخابرها اخذ رأيها هيج تسوي..

هيه كالت عيونه السودد لو اني داتوهم ..!!
التفكير راح ياكلني.. حطيت راسي على المخده بلكي انام.. وشيجيب النوم افكاري كامت تضرب اخماس بأسداس..

ثاني يوم كعدت بخمول .. من التفكير والارهاق الصارلي البارحه اليوم حتى مشي مابيه حيل امشي .. باوعت على الساعه بالسته ونص .. مابقت لا صلاة فجر ولا هم يحزنون .. رحت غسلت بمي بارد بلكي اصحصح.. صليت ..ورحت للمطبخ سويتلي لفة جبن وجاي داقنع نفسي بيها .. اليوم الثلاجه فارغه ..رايدلي روحه للسوك.. شربت من الجاي وخليته على الميز ..
علياء ابد ما راحت من بالي ..وفوكاها ما تجاوبني الحقيره .. شكد خابرتها تنطيني رفض..

كمت غيرت ملابسي ..وحضرت غراضي كعدت انتظر السايق شوكت يجي .. اني ياخذني رابع وحده يعني شويه يتأخر . شويه وسمعت صوت الهورن عرفته اجه .. طلعتله وابو عباس هم جان واكف ديسلم عليهِ.. سهند// صباح الخير.. جاوبني السايق وابو عباس// صباح النور ..
ابو عباس // ها بنيتي محتاجه شي بويه.. // لا عمو تسلم متقصر .. // يلا لعد اصعدي وديري بالج على دروسج .. جاوبته واني اصعد// انشالله عمو . ........

. جوري جانت موجوده لان هوه ياخذها ثاني وحده.. كعدت بصفها بس ضايجه كوولش .. ماعرف ليش ضايجه من تصرف علياء لو من تصرفي ويه سيف..! اني ليش سديته بوجه لو مخليته يكمل كلامه ..حتى مو من الاداب اسد الخط بوجها وهوه ديحجي.. بس شسوي الغباء عماني عمي .. ضربتني جوري على ايدي // ولج سهند ..وينوو عقلج احجي وياج وانتي بأستراليا شبيج .؟
جاوبتها بهدوء // مابيه.. ضربت ايدها وحده بالثانيه وجاوبتني بصوت عالي // ياااا ولليييج سهنند انتي تكعدين هيييج عااقله ..دكولي الله عليج شبييج .؟

ابتسمتلها ابتسامه هادئه // والله مابيه شي بس تعبانه ما نمت زين البارحه..
// يلا انشالله ترجعين وحطي راسج ونامي بس لا تبوزين.. .....
.بقيت ساكته طول الطريق وصافنه على الشارع..وجوري خطيه تحجي ويايه عود دتخفف عني ..اني لو حاجيه لجوري مو احسن ما صخمت وجهي ويه علياء..! ادري بيها علياء مراح تكول لاحد لو تأذيني بس تصرفها فاجئني ..وكل هذا بكون ودماغي ذبحني من كالت عيونه السود .. هيه صدوك كالت لو اني متوهمه..!

وصلنه للكليه وماعرف لازم افرح لان رراح اشوفه لو اخاف ..!! هوه عنده ويه قسمنه محاضره الاخيره .. انهزم من المحاضره ..علمود ما اشوفه ..هذا احسن حل.. كولش مستحيه من عنده ...تصرفي تصرف وحده غبيه وزعطوطه هم.. ........

سحبتني جوري وياها وتضحك //تحركيي بسررعه ..ولج رااح يجي غير حضرت الماده وبصمتها بصم علمودوو .. شلت غراضي اريد افلت منها// ههه اي عوافي عليج بس اني راسي يوجعني بعدين اخذ الدروس منج.. سحبتني من ايدي وكعدتني بصفها// ولج سهند انجبي وين توليين هالساعه اكعدي يمي خلي نشوفه شلابس اليوم هذا اقاربج ..
//ياا ولج مو اقاررربي كتلج جيراان جيررران .. جوري// خوش خوش .. اجه اجه ولج اسكتي..

فات سلم على الطلاب وعيونه احس بيهن ادور عليه.. نزلت راسي وختلت ورا الطلاب ..شلون طلابه هاي ..شراح يخلص الوقت.. جان لابس بنطرون اسود وقميص هم اسود .. ماعنده غيرهن..!

صارت عيني بعينه ..رأساً ختلت ورا جوري ..عود ما منتبهه عليهِ .. عيونه حمر ..ومبين عليهِ عصبي .. بلش بالدرس رأساً ..على عكس عادته جان قبل يشاقه ويضحك ..هسه وجها ما يكصه السيف.. جانت جوري تكتب كل الي يكتبه على اللوح حتى النقطه الي يكتبها تنسخها.. هيه شاطره حيل وهواي طلاب يجون عليها علمود تشرحلهم ,..والملخصات الي تسويهن عن المواد اغلبية الطلاب ينسخوهن وياخذوهن يقرون بيهن...

ضربتني بأيدها بخفه وحجت بصوت ناصي علمود لا يسمعها..لان من ورا الهدوء صوت الابره ينسمع.. // سهند انطيني قلمج قلمي خلص الحبر مالته عرس عليه هسع, ههههه..
//هسه.. طلعت قلم من محفضتي انداريت عليها ابتسمتلها اني واقدمه الها../ هاج هذا ما يعرس عليج ههههه..
بعدها ما ماخذته من ايدي صاح علينه بصوت عالي .. سيف/// سهننندد ..

اندارينه عليهِ اني وجوري ..الطلاب كولهم كامت تباوع عليه عبالك مسويه جريمه .. وكفت وكتله // نعم استاذ.. جاوبني بعصبيه وجهه محتقن ..// اذاا انتي ماا ترديين تكعدين بالدرس اكوو غيررج يريد يفهمم على شنو تشوشيين عليهاا .. باوعت عليهِ كل عقله ..هوه اصلاً ما مفتهم شنو السالفه .. سهند// لا استاذ فهمت غلط..
//سهننند اخذي غرااضج واطللعي براا.. جاوبته بفهااوه//هاا

رجع هوه فززني بصوت عالي // اخذيي غرااضج واطلعي ماعننده وقت للجدااال تححركي..
ماجاوبته لميت غراضي وطلعت ..واسمع جوري تبررله .. صدوك حقير ..هاي عود ديسويها وحده بوحده لو شنو ..! طلعت للحديقه كعدت على المسطبه ولازمه نفسي بالكوه واقنع بيها علمود ما ابجي .. ديري بالج تبجين سهنند اذا بجيتي اضربج راشدي افر راسج فر.. خلي يولي اصطبرلي سيف افندي الا اكول لأمك عليك ....

دموعي كامت تنزل بدون ما احس على نفسي ..عود هاي صارلي ساعه اقنع نفسي ما ابجي.. بقيت كاعده بالحديقه الى ان خلص وقت محاضرته للافندي..الشمس سطرتني سطر و ويه الشمس الهدوء يخلي الواحد ينعس.. حسيت صار ظل فوك راسي .. رفعت راسي شفتها جوري متتخصره بعصبيه.. //ها شبيج..؟.
جاوبتني وهيه تكعد يمي// بيه انتي ثوله لسانج يلعلع عليه وكدام الاستاذ ماكدرتي تكوليله اني طلبت القلم منج موو..
جاوبتها بملل// عوفيني من هذا خيولي المغرورو..
//ياا ولج ليسمعوج الطلاب ترا هواي بيهم فتانين لا عباللج..شبي وجهج احمر ..
كمت اخذت غراضي وجاوبتها// اي لان ما شالله ماكو شمس والجو يجنن ..دمشي بنتي خلي نروح للسايق نعست اشو اني.

. مشيت اني وياها وهيه تكرك يمي // اي صارلج ساعه كاعده جوه الشمس اكيد نعستي

.. ................

رجعت للبيت ذبيت نفسي على القنفه حتى بدون ما اغير ملابسي.. غفيت بدون ما احس على نفسي ..ماكعدت الا على صوت التيلفون يدك.. فتحت عيوني بنعس ..شدعي عليج علياء ..هسه يلا ذكرتني ويه نومتي .. كمت على حيلي وجاوبتها// هلو عليااء..
علياء// هلا بيج..
//ها بعدج زعلانه..؟
//لا يابه على شنو اززعل ..بس اني عصبت لمصلحتج ..كوليلي بعدج تحجين ويا..
سهند// يا ولج علياء داكولج بس مره وحده حجيت ويا بعدين سديته بوجهه حتى هوه اليوم طردني من المحاضره الحقي..
قاطعتني /// ههههه اي خيولي

// اي مالي علاقه بي بس هوه يتحارش ههههه
جاوبتني بصوت جامد// اي خوش اي شي يصير وياج احجيلي مو ..
سهند// اي اكيد قابل المن احجي ..ها اتذكرت انتي البارحه كلتليلي عيونه السود شمعرفج عيونه سود ولج..؟
// اني..؟ هاي شوكت كتلج .؟ههه اخااف متوهمه يمعوده قابل شمعرفني عيونه سود هههه

ضحكت على نفسي هاي صارلي يوم كامل التفكير اكلني تاليها طلعت متوهمه ..اعرف بنفسي غبيه.. جاوبتها بضحكه// ههههه اي اني هم كلت يجوز متوهمه لو بالي كام يخيلي ..
جاوبتني هيه بسرعه// هههه ااي اي بعدين لو حتى كلتلج عيونه سود همه العراقيين كولهم عيونهم سود قابل انتيي رااح يجييج واحد عيونه خضر ههههههههههه.
//هههه هم صح ..يلا حبي توكلي خلي اكوم ابدل راح تصير بالسته ولهسه مافاتحه كتاب
علياء// اي بس اي شي يصير وياج كوليلي .. //انشالله... ........

كمت غيرت ملابسي وهم رجعت سويتلي لفة جبن هههه خلف الله على الجبن ساتر عليه

طلعت كتبي كعدت اقره ونص الملخصات اخذتهن من جوري .. ما حسيت على الوقت مشى رفعت راسي من الكتاب والساعه صايره بالثمانيه.. صارلي هوايه محاجيه ويه ابويه ...ولا هوه خابرني ولا اني.. اخذت التيلفون اريد اخابره .جان يخابر سيف.. انطيته رفض رأساً بس كلبي ما ينطيني علمود انطي حضر ..

ذبيت التيلفون على صفحه واني معصبه منه ..هذا الرجال متقلب المزاج.. ساعه يطردني ساعه يدزلي رقم بيد الطفل وساعه يرزلني كدام الطلاب وساعه يرجع يخابرني..

تقريبا خابر مرتين واني انطيته رفض ... بس اني هم غبيه على شنو ما اجاوبه خايفه منه! ..خلي اجاوبه وارزله على سوايته الصبح.. لزمت التيلفون وخابرته..من اول رنه انطاني رفض..! ثواني ورجع خابرني.. ههه عود علمود الرصيد لا يكلف عليه

فتحت الخط بسرعه واني اتنفس بغضب علمود يعرف اني معصبه..بلكي الله يخاف مني.. اول ما فتحت الخط اجاني صوته بحده سيف/// يول يسهند مال اكضبج بأيديني هذني واطلع نار حركتي بيج وريتيني ور بت الاوادم

ـــــــــــــــــــــــــــــــــــــــــ

لا أَراكَ ..ولكني أَلقاك..
فَرؤية أَلعينِ رؤيه... وَ رؤية أَلقلبِ لِقاء.,..

قدر ... رفع اصبعه السبابه بتهديد // هذا الموضوع ما ينتهي لهنااانه ..خلي اشووف شنو بينج وبين جميل الساقط علمود اذا اكو شي ما ادور على السايق .. لان الي تبيع نفسها لواحد تبيعها لالف واحد غيره ...

انصدمت من كلامه صارلي شكد عايشه وياهم معقوله لهسه يشك بيه.. ما تحملت كلامه جاوبته بعصبيه بس حاولت ما اعلي صوتي عليهِ.. // لا يبوو رامي هاي ما مرجيه منك اني صارلي شكد عايشه يمكم فد يوم شفت مني شي مو حلو .. لو اهلك شكو عليه ..فد يوم حاول اتقرب الك بطريقه مو زينه..اني احب جميل اي بس مو معناته ابيع نفسي وشررفي ..اني ما حجيتلك لان اصلا ماكو شي يحتاج احجي ..مجان بيناتنه اي شي ..

جنت احجي ويا بحركه ما سيطرت على دموعي من نزل... باوعت عليهِ جان صافن عليه وجها صاير احمر من العصبيه.. عافني ومشه قبل ما يطلع ..رحت عليهِ لزمته من معصم ايده..// ابو رامي اذا ما مصدكني رجعني لاهلي..
التفت عليه بعصبيه حتى فززني سحبت ايدي منه بس هوه اسرع مني .. لواها وره ظهري ويعصر بيها بقوه.. قرب وجها على وجهي وجاوبني بصوت ناصي بس مبينه عليهِ العصبيه.. // انيي شوووكت ماا يعجبنني ارجعععج ارجعج فااهمه...شتريديني اسويي وهذااكه الكوواد يكولي كدام الزلم اني حافظ جسم مرتك حفظ هااا..اكعد اصفكله واكوله عفيه بالبببطل...

باوعت عليهِ بصدمه ..عزا العزاج قدر..
مستحيل جميل ما يكوول هيج.. خزرته بعصبيه وجاوبته بحده// ابوو راامي ابنن عممي واعرفه ما يحجي هيج عللييه..

لوا ايدي اكثر من قبل حسيته راح تنكسر بس ما حبيت ابينله ضعفي بهيج موقف..هوه الغلطان..وفوك كل هذا يبرر الخطأ بالجذب.. قرب وجها على وجهي بعصبيه وكام يصيح بعصبيه ويضغط على ايدي اكثر.. /// قصدددج داجذذب علييج هااا ... عيووونج هذني نزلييييهن لا افكسلجياااهن قدرررر..

بقيت اباوعله بعناد وبعصبيه .. حسيته بعد ما يكدر يسيطر على نفسه.. رفع ايده الثانيه وضغط على على خدي بقوه..// نزلي عييووونج داكوولج لاتباوووعين هيج بنت الزمااايل..

نزلت راسي وكمت ابجي وهوه مستمر لازم خدي وعاصره بأيده الحقير... مجنون هذا ..
باوعلي لثواني وراها دفعني وطلع من الغرفه.. جان لابس محبس بأيده الي لزم بيها خدي..من سحبها خدي اتخرمش بمحبسه القذر.. باوعت على وجهي بالمرايه صاير احمر من ورا..ومن يم عيني مخرمش.. شكد مكروه.

.لعد شيريدني اشوفه يتهمني واسكتله.. رحت على الجربايه غطيت نفسي وما بطلت بجي.. جمال مستحيل يكول هيج عليه .. خوما اثق بالغريب واشك بأبن عمي.. هذا اوس واحد مجنون ..هسه بس يجي اكوله يرجعني لاهلي عسى ما انذبح.

. ..............

نمت ما حسيت على نفسي الا شخص فوك راسي.. فتحت عيوني بخوف عبالي رجع ديكمل عليه الكتله..
علياء// لج عيني اشو نايمه من وكت اليوم شو دكعدي..

راحت فتحت الاضويه واجتي تباوعلي..هسه ابد مو وكتج عليااء.. لزمت وجهي بأيدها وفرته على ناحيت الضربه// ياا عزا العزااج ..هاي شمسوي بيج ..ضربج راشدي الله عليج هههههه
دفعت ايدها بعصبيه// لا ليش ديضربني..بعدين على شنو دتضحكين اكو شي يضحك
علياء مستمره بالضحك// هههههه اي والله خدج صاير ازرك..عود هاي انتي معرسه بالجديد..دكومي خاتون ليش مغاسله مواعين العشه..

جاوبتها من ورا خشمي شكد سخيفه// خالتي كالتلي علياء راح تغسلهن ..
وكفت على حيها وتخصرت // اي مو البنكلاديشيه مالتكم ..دكومي كومي غسليهن..نازله اني ..يلا لا تبقين وحدج..
باوعت على الساعه بالدعش ونص بالليل.. بلا هاي كل عقلها مكعدتني على مود مواعين..!! طلعت للحمام غسلت وجهي ..صدوك صاير ازرك خدي..ايد لو كرك!.. لبست حجابي ونزلت رأساً على المطبخ..وهوه الافندي جان هستوه جاي من يوسف ابن عمه صوته ديسلم على اهله بالاستقبال..

رفعت ردانات الدشاشه وبديت اغسل بالمواعين.. الاكل لازك عليهن ..!!

ماكدرت تنكعهن بمي حار بين ما اجي ..! غسلتهن على السريع وصعدت لغرفتي.. دشداشتي تنكعت مي طلعتلي ملابس وفتت للحمام اسبح.. اكره شي عليه من افوت اسبح ..شعري صح طويل..بس يوكع هوايه.. بس اذب عليهِ مي تنزل خصله كامله.. شكد استخدمتله اعشاب بس بلا فائده..

بديت البس بملابسي جان يندك الباب واجاني صوته المكروه.. صار مصدر رعب الي..على يا ساعه اكول راح يجي يخلص عليه.. اوس// صاررلج ساااعه ياابه عدله طيببه..
ما جاوبته لان اصلاً اني خلصت.. حطيت شالي على راسي وفتحت الباب.. جان واكف على صفحه ومنزل راسه وحاط ايده على خصره والايد الثانيه لازم بيها منشفته.. نزلت راسي ومشيت من يمه.
اوس//مخرسه انشالله...

هم ما جاوبته فتت للغرفه وسديت الباب.. وهوه كام يستغفر بصوت عالي.. خطيه زعجته لان ماجاوبته.. واني لازم ما انزعج من يسوي هيج ويايه.. شوكت اخلص منه وارجع لاهلي ماعرف..
فتحت شالي نشفت شعري وظفرته.. رحت للجربايه اريد اكمل النومه.. جان يندك الباب.. اوس// قدررر جيبيلي التراكسوود النيلي شفتيني فتت اسبح غير تحضريين ملابسيي تحرككي...

فوكااها هوه ابو الراهي.. كمت فتحت الكنتور مالته وطلعتله حيالله تراكسود مصفط كدامي.. لبست حجابي وفتحت الباب ..ما كلف نفسه يوكف ياخذه.,. رحت على الهول بالطابق الثاني..جان لابس فانيله داخليه سوده وشورت يوصل للركبه.. نزلت راسي وحطيتلهيا على الميز .. واحس بعيونه تراقبني بصمت.. درت ظهري داروح جان اسمعه يصيحني// تعااي ..شوو تعاي خلي اشوف خدج.. جاوبته واني منزله راسي ما اريد اشوف عيونه احسهن عيون شيطان من نظراته التغيرت عليه.. // مابي شي ميحتاج..

جاوبته هيج ومشيت ..بدون ما اهتمله.. جان يرجع يصيح عليه .. // داكووولج تعاااي..
باوعت عليهِ بعصبيه وهوه كاعد ويباوعلي بنفس النظرات.. عبالك دنتناطح بالنظرات.. بقيت خازرته وهوه خازرني.. رفع حاجبه بعصبيه // هاا الظاااهر عااجبج نعيد مووقف الصبح.مو؟ ...تحررركي..

نزلت راسي رأساً ومشيت يمه..كعدت على القنفه بعيد عنه .. وهوه صافن عليه..! سحبني من معصم ايدي عليهِ فجأةً بحيث وكعت بحضنه من الثول مالتي.. عدلت كعدتي وهوه الخبيث مبتسم بخباثه عود شوفي اني اقوى منج.. سحبت ايدي منه بضوجه وهوه رجع لزمها وضغط عليها

علمود ما اسحبها.. حجيت ويا بضوجه // هاي شبيك ابو رااامي شكو..؟

رفع راسي من حنجي ويفربي يمين ويسار.. جاوبني وعيونه على خدودي// داشوف خددج شكوو يعني..!

توترت من قربه مني تقريبا كاعده بحضنه مو بصفه..وايده على خدودي اشو ايده حيل خشنه .!!
خوما مثل ايد جميلي تلمع لمع وعاد اني بلا شي اكرهه انوب يسوي نفسه حنون الجذاب..

بقه يمسح بأصبعه الابهام بهدوء على خدي الخرمشه وهوه يكول // شوف هذا كله من ورا عنادج..عيونج هذني لاتبوعيلي بيهن لأن أأذيج قدر....
جاوبته بحده// لعد بشنو اباوعلك..اصلا اني ما ارفع راسي من اشوفك علمود اتجنب ضن السوء بس
قاطع كلامي وهوه يفر راسي بقوه على وجها عود ديسكتني . باوع لثواني بعيوني..واني من التوتر مشيت عيوني على كل مكان علمود اتجنب نظراته المكروه..

حجه بصوت هادئ مو من عوايده// ليش شايله هالعيون قدر..؟

ــــــــــــــــــــــــــــــــــــــــ

وهااي ياررت طوويل تعويض الكم ❤️
لا تنسون تصويتاتكم الحلوه ورأيكم الاحلى ..

اصبحتم غانمين ..ودمتم سالمين عسلاياتي.. حفصه الهاشم..