زمهرير الاوجاع الفصل السابع عشر 17 - بقلم قدر ال هاشم

زمهرير الاوجاع.. حفصه الهاشم.. صلو على نبي الرحمه..

فَالشيء أَلذي لا يمكن ألتعبير عنهٌ بالكلمات... لا يمكن إدراكهٌ إلا بالصمت...

ــــــــــ قدر

اول مره ابو رامي هيج يتقرب مني .. اتوترت كولش ..ورأساً جميل اجه على بالي.. سؤاله اغرب من تصرفه ..شنو ليش شايله هالعيون..؟! غير الله انطانياهن.. باوع بعيوني بغرابه..! ويه ما اريد ادفعه هوه سبقني ودفعني بقوه ..لدرجة انشمرت ليورا على القنفه.. اوس//وللي منااا قدرر ..

كمت على حيلي وباوعت عليهِ لازم وجها ويفرك بي بعصبيه.. ..منو لازم يعصب اني لو هوه..! رجع باوعلي بعصبيه وعيونه حمر ..// تحررركي ,,ولا تطلعييين كداامي مرة الثااانيه لا اذبححج قدرر...

ركضت على غرفتي وكَلبي نزل بين رجليه من الخوف.. هذا عنده انفصام بالشخصيه يجوز.. اني شلي دخل ..هوه الي صاحني .. بس اني هم غبيه لو دافعته لو مرزلته ... تصرفاته هاي الايام كولش متغيره ويايه .. عبالك بايكه حلال ابو .. .......

ثاني يوم الصبح كعدت بنشاط من الصبح.. لو عسى ما اكعد من الفجر لازم الكه عمتي ميساء كاعده قبلي .. نزلت جوه سلمت عليها جانت كاعده يم باب المطبخ وفاتحه الباب الصبح تصير نسمة هوى كولش حلوه ببغداد قبل ما يجي الظهر وتسلكنه الشمس سحبت كرسي وكعدت يمها ..//ها يمه شلونج اليوم.. //الحمدالله خاله.. ام فراهد// شلونه اوس وياج يمه شو لهسه لا طفل ولا شي ليش بنيتي..؟

حكيت كصتي بحيره واني ابتسملها..شجاوبها ..هم من حقها تشوف جهال ابنها.. بس مو مني انشالله..نور هيه الي لازم تجيبلهم جاهل.. //هههه ءء انشالله خاله انشالله.. ابتسمتلي وطبطبت على رجلي// اي يمه بس استعجلوا..ما اصدك شوكت يجي يوم واحط فريخات اوس بحضني.. فاتت علينه علياء تثاوب// هاا كاعدين..صباح الخير..

//صباح النور.. كعدت على الكرسي وصفنت حواجبها معقوده عبالك دتتعارك ويه عدوها بخيالها ههه
كامت عمتي تسوي ريوك ..واني قربت كرسي عليها // ها علياء خيرج ..
فزت من صفنتها وباوعتلي بأستغراب..//شكو..؟ //ما اعرف اشو احسج مهمومه..؟
تنهدت بضيق وسكتت ..رجعت سألتها// شبيج حبيبتي من شنو ضايجه..؟ جاوبتني بصوت ناصي وعيونها تباوع على امها// يمعوده ماكو سوالف مراهقيين..
ضحكت عليها //ولج يا سوالف مرهاقيين شكبرج بعد تصيرين ههههه. //هههه لا عمي اني سوالفي مضبوطه ضبط ..بس اقصد هذني المراهقات يحومن ويلفن علينه ما يصدكن يلكولهن
رجال تلزمه من ياخته الا تتزوجني..

//منو يا مراهقات قصدج..ترا هبه ذاك اليوم جانت تشاقه والله لا تفهميها غلط..
جاوبتني بضوجه وهيه تكوم على الثلاجه// لا ياابه هيه هبه وخوات هبه ما يصدكن يلكولهن زلم...

سمعتنه خالتي اجتي عليه لازمه السجينه وتحرك بيها..// لا دادا لا تصدكين بهذا تمسكنهن ترا ماتعرفيهن على يا ساعه ينكلبن عليج.. اردفت وهيه تسحبت كرسي وكعدت تكشر بالبتيته /// اسأليني اني يمه هاي اني مو اخذت اختهن غزل شحصلنه منها بس شلعان الكَلب.. جاوبتها بسرعه//لا لا خاله حرام نحجي على الميت لو حتى جانت مو زينه.. عقجت وجها بأنزعاج//ختولي كبر لفها ويلف خواتها ..اسكتي اسكتي دادا رفعتي ضغطي ..امهن ولت وشمرتهن علينه لا تسأل عليهن ولا تحن...شنو من كَلب شايلته.. راحت يم الطباخ وبقت ادردم عليهن لو تدعي..

احنه ابويه معلمنه حرام نحجي على احد بغيابه وحتى اضوج ابقه كاعده يمهن وهنه يحجن هيج..عفتهن وطلعت من المطبخ.. الي اعرفه علياء علاقتها زينه ويه سهند.. بس يجوز ضايجه من هبه

.. ...............

مرت ايام رجعنه بيها لنقطة الصفر اني وابو رامي نفس الحاله يطلع من الصبح ويرجع بالليل ..وعلى اقل شي يصير عصبي ويكوم يغلط ويفشر.. اني دائماً اتجنبه من يجي العصريه لو المغرب.. ومن يفوت يسبح يريد ملابسه اني احضرلهيا ..لو يكوم يصيح من الطابق الاول ..على اساس ديلمحلي ترا راح افوت اسبح حضريلي ملابسي..

اسلوبه بالزعل يضحك كولش وبنفس الوقت يقهر لان يجرح المقابيله بالكلام بدون ما ينتبه.. مره جان كاعد المغرب ويه اهله هستوه اجه من يم اصدقاء. ..واني صايره من يجي هوه اني اتبخر من االوجود.. كام يصيح على علياء بصوت عالي جنه كاعدين اني وياها بالمطبخ نغسل مواعين العشى ..او بالاحرى اني اغسلهن وهيه كاعده على الفون اوس// علياااااء ...عليااء تحرركي سوولنه لكمة اكل صخااام من الصببح ما حاط لكمه بحلكي ماا تحسووون..

باوعت علياء بعصبيه وذبت تيلفونها // هذا هذاا زوجج صاير ما ينااطق .. //ههه هوه اخوج قبل مايصير زوجي.. كامت صبتله تمن ومركه بتيته من الغدا..ودتهن اله.. شويه وكام يصيح بصوت عالي// لييش جاايبته انتتي رجعيي خللي تصببه وتجيييبه هيه تحرركي.. غسلت ايدي وجان تفوت علياء وبأيدها الصينيه.. شمرتهاا على الميز بعصبيه حتى المركه وكعت نصها بالصينيه.. //يا ستار شبيج.؟ جاوبتني بنتر//زوجج ما يقدر صبيتله الاكل
وتعبت نفسي تاليها يكولي خلي قدر ترجع الاكل وتصبه هييه وتجيبه الي والله ناس فسكانه..

اخذت تيلفونها وطلعت من المطبخ ضايجه.. سلمت امري لالله كمت نضفت الصينيه ما رجعت الاكل خليتها هوه نفسها واخذتلهيا.. جان كاعد يم اهله بالأستقبال.. وراسه بالتيلفون وعاكد حواجبه الافندي رحت حطيتله الصينيه على الطبله وهوه على اساس ما يباوع عليه بس عيونه رافعهن ومن اباوع عليهِ ينزلهن .. وهوايه مواقف يسويهن بس يتعمد يخليني اني الي اشتغله.. ومن يشوفني يسوي نفسها مو مهتم وبعدين الكا صافن عليه..!

والله يا الله على اساس اني ميته عليك.. ماعرف شوكت الله يفرجها عليه ويلكون الرجال... هاي صارلي هنانه شهور ولا هوه فتح الموضوع ولا اني سألته.. انشالله بس يرجع احجي ويا.. لبست حجابي وشعري مبلل وطلعت من الحمام.. احب اسبح بالليل .. اسبح وانام تصير النومه منعشه ههههه.. دافوت الغررفتي ..فززني صوته من الهول..وفوكاها الاضويه مطفيه ..عبالك بعبع. //حضريليي ملابسسسي...

ذب كلامه وفات للحمام .. طلعتله ملابسه تراكسود وخليتهن على القنفه.. مشطت شعري وضفرته.. متردده اروح احجي ويا هسه لو اخليها بعدين.. سمعت صوت الباب مال الحمام ينفتح..انتظرت شويه علمود يلبس ملابسه..وطلعتله.. جان مطفي الاضويه ونايم على القنفه ..ايد جوه راسه والثانيه لازم بيها التيلفون.. وكفت على بعد مسافه منه..متوتره من عندده عبالك اول مره احجي وياها.. هوه انتبه عليه بس خلس.. //ءء ابو رامي اريد احجي وياك شويه..
كعد رأساً وذب التيلفون وباوع عليه.. //تعااي..

سوالي مكان رحت كعدت على القنفه على بعد مسافه منه .. كمت اطكطك بأصابيعي رفعت راسي اله ..شفته ديباوع عليه وساكت.. رجعت نزلت راسي وحجيت ويا// ابو رامي صارلك فتره ما منطيني خبر عن اهلي..ولا عن السايق..
جاوبني بسرعه// اي ما لكينا.

// زين اني صارلي هوايه كاعده يمكم.. باوع عليه عقد حواجبه وجاوبني// اي وشكو بيها مرتي..
قدر// اقصد انته تعرف وضعنه وضروفي.. واني هم ما اريد اثقل عليك واخليك تنتظر انته ونورهم خطيه والعمر ديروح من بين ايدكم .. رجع قاطعني بنفاذ صبر//المطلوب شنوو قدرر..نزلت راسي وجوابته// ترجعني لاهلي ..ابويه هسه اكيد هدئ مرت شهور واني هنانه توديني لاهلي احجي ويا ..
//واذا اقتنع..؟ رفعت راسي وجاوبته// اذا اقتنع ابقه اني يمهم وانته ترجع لحياتك القديمه..

طلع جكاره و ورثها
وعيونه تباوعلي بهدوء// خير انشالله ..باجر جمعه بيت عمي عازمينه راح تجي حبوبتي من الفلوجه عكب باجر اخذج ونروحلهم.. //اي انشالله ..اني اروح انام تصبح على خير.. /واانتي من اهله

.. ........

صح خايفه من قراري هذا واعرف ابويه اذا راح يقبل يحجي ويايه اصلاً.. بس شسوي اتوكل على الله ونروح بلكي ابويه يقتنع..وهيج الله يفتحها عليه وارجع لبيت اهلي وبين ناسي.. اخخ يا امي شكد مشتاقتلها.. الله اليعلم هسه شنو تسمع من كلام من ورايه .. امي طبيعتها تسمع وتضم بكلبها وتضل تاكل بروحها.. اذكر من جنت ادرس سادس وابويه قبل يرجعني .. عماتي سوولي طبل وزماره .. شلون مره تروح تدرس وتطلع كدام الوادم وجنطتها بظهرها..وضلن ياكلن براس امي.. وهيه تجاوبهم الشيخ رادها تكمل .. هاي ماعده الجناين.

. ...............

ثاني يوم جانوا عازمينه بيت عمهم همه كل جمعه لو همه يجون لو احنه نروحلهم.. لبست عبايه اشترتليها ام فراهد خالتي ميساء .. تفصالها كولش حلو من تلبس عبالك فستان مو عبايه بيها حزام من الخصر ومن جوه صايره مثل الجرس.. دالبس بحجابي جان يصيحني ابو رامي.. // قدرر وين الدشداااشه السووده .. طلعت دشداشته من الكنتور مكويه .. طلعت عليه ..جان هستوه طالع ن الحمام لابس فانيله سوده وسروال طويل.. نزلت راسي وانطيتهيا اخذها من ايدي بسرعه // يلاا ابويه راح نتأخر.. فراهد اخذ امي وابوي علياء جوه تنتظرج../اي هسه نازله.. دانزل جان يرجع يصيحني // قدرر الشمااغ الشمااغ.. رحت جبتلهيا // تفضل.. اخذه وراح على المرايه ديلبس بي ويحجي

// تعرفين تشدين الشماغ مو..؟
// اي
اندار عليه وابتسم
// اي اخوج كالي جانت تشدلي الشماغ وكل ما اطلع يصيحولي علمود اشدلهم الشماغ وابتلي بيهم عاد

ابتسمت لا ارادياً همزين اكو بيهم واحد يتذكروني جاوببته بفرحه /// اي اخويه سالم جنت دائماً اسويلهيا . باوعلي عليه ورفع حاجبه بأبتسامه هادئه //تعاي لعد سويلي الشماغ داشوف كلامه صح لان مدح بيج الا ان طكت صفاحه..

وكف كدامي ودنك عليه يباوع عليه بأبتسامه دينتظر اسويلهيا.. صراحة اني ما اريد اتقرب منه زياده لا من بالكلام ولا بالافعال.. رجعت ليورا كم خطوه حكيت راسي وجاوبته بضحكه // ههه مو نسيت شلون يشدووا .. صارلي هوايه ما مسويته..

باوعت عليهِ رافع حاجبه بعدم تصديق ..رجع على المرايه وكال ببرود // انزلي جوه علياء تنتظرج.. ..
نزلت جوه بدون ما
اجاوبه.. حسيت نفسي فشلته..بس هوه الاحسن ما اريد ارجع اضرب ويا ميانه .. وهذا كل يوم برأي شكل ... وهوه بلا شي ثقته بيه مو هاللكد على اي موقف يكولي انتي هيج وانتي هيج ابتعد عنه احسن.. ..... نزل عطره يركض قبله .. صاح على علياء بصوت عالي مع العلم هيه جانت بالاستقبال قريبه مو بعيده.. // عليااء تحرركن عاااد تأخرررنه..

ضمت علياء تيلفونها بجنطتها وجها اصفر صار .. اجتي تركض عليه وهوه طلع قبلنه.. ///خوما شافني..؟ قدر // هاا.. جاوبتني بنرفزه// ولج ثوله زوجج خوما شافني.. //لا ما شافج بسرعه طلع .ليش قابل شمسويه انتي..

سحبتني من ايدي وطلعنه بالطرمه// لا ما مسويه بس تعرفيهم هذوله ما يحبون يشوفون البنيه لازمه تيلفون بأيدها ..يلا تحركي راح نتأخر .. غلست عليها ..صحيح همه اخوانها شويه متشددين.. طلعنه هوه مشغل السياره دينتظرنه.. فتحت علياء باب الصدر وكعدت واني كعدت ورا.. التفت على علياء اوس// خيررج انتي مرتي لو هييه .؟ جاوبته هيه بضحكه// هههه لا هيه بس اني اكبر منها .. جاوبها بحده وهوه يأشرلها بعيونه على الباب// دنزلي لععد وانتي خااتون تعااي هنناا ..تحررركن عااد..

نزلت علياء معصبه واني هم ضجت لو مخليني كاعده ليورا.. كعدت ليكدام وسكتت طول الطريق محد حجه كلمه وحده ..عبالك قانبل موقوته كاعده مو بشر..

.............

وصلنه لبيت عمهم استقبلتنه مرت عمهم ام يوسف شلون مره حبابه على نياتها.. بقينه يمهم للعصر ومرت عمهم ميقات مانزلت .. اجتي كعدت بصفي خالتي ميساء ام فراهد ..عوجت حلكها وضربت ايدها وحده فوك الثانيه // دهااج هذيج المره الجبيره وصارت حامل وانتي نتوسل بيج توساله وهم بالتواسيل وماكو لا طفل ولا صخام..نزلت راسي وما جاوبتها لان جانوا كاعدين يمنه ساهر واخو سهند جاسم وعلياء بالهول.. جاوبتها علياء بصدمه // يممممه منوو حاامل..؟ جاوبتها عمتي بضوجه// منوو يعني مرت عممج ميقااتوو حاامل .. كملت كلامها جان ترفع ايدها وكامت تصفك واطم عليه كولش استحيت من تصرفها ..الدمعه وكفت بعيوني وهذوله الولد صافنين عليها وعلياء بس تضحك .. //هااا ييمه خخير انشالله .. عرفته اوس من صوته.. همزين اجه دينقضني من امه.. كامت امه على حيلها // ههه لا يبعدد امك ماكو شي سووالف نسووان..

ما رفعت راسي عليهم ضليت اللعب بأصابيعي وبالكوه لازمه نفسي.. اجه كعد بصفي ومد ايده وره ضهري ويحجي وياها//
// سووالف النسووان تنحجي بالببيت مو كداام الولد هذوله هم نسووان..! //ههه لا يا يمه مو اخذتنه السوالف وما حسينه عليهم..مو قدوره.

باوعت عليها متوتره حيل ماحبيت ازيد الطين بلا // اي خاله..
// يلا لعد اروح اساعد مرت عمكم خطيه وحدها بالمطبخ..
راحت عمتي وعلياء السفيها بعدها تضحك شويه وترجع تكتم ضحكتها.. وهذا اوس ما لكاله مكان الا بصفي..!! نزل ايده الجان حاطه وره ضهري وحطها على جتفي .. باوعت عليهِ بحده..وهوه رافعلي حاجبه !! شديحس هذا ..

مو اكوللكم ما اريد اضرب ويا ميانه لان يتماده ..وهاي اول خطوات التمادي.. حجه ساهر بحده ويه علياء// وانتتي على شنوو دتضحكيين شكد تاافهه اكو شي يضحك..؟ جاوبته هيه من ورا خشمها// انته ما الك دخخل زين على كولة امي سواالف نسووان خووما اانته مره..

اوس// عليياااء.. الززمي لساانج..
ساهر// شتلزم حتى تلززم ..عاابت هاي الخلقه لعبت نفسي حتى ..خننن اباوع على عيون قدوره احسلي من خلقتتج على الاقل يفتحن النفس.. عاف علياء وصفن عليه وهوه فاتح حلكه بفهاوه...

دفره اوس برجله // وللك كوواد موو زووجها كااعد لعد لوو اعووفها وحدها شتسوون وخرر عيننك..
هوه دفع رجل اوس ورجع على نفس حركته// عمي دوخر انته هم بطران خنن اصفن تعاال يووسف ..ولك يوووسف تعال .. اجه يوسف جان واكف يم الباب ديحجي ويه .. // هاا خيررك.. سواله مكان وكام يطبطب عليهِ مثل العجايز// تعالل تعال خن نصفن على عيوون قدوورتنه.. جاوبه اوس بحده// وللك قندرره اشوو انته ما تستححي..نززل عيينك..

اجه يوسف كعد بصف ساهر على الكاع واحنه كاعدين على القنفه .. باوع يوسف لاوس ورفعله حاجه ..// اي نبااوع ليش ما نباوع..شو قدوره بعد اخيج ارفعي راسج خلي نشوف عويناتج.. باوعت على اوس خطيه صاير احمر ماعرف ازرك ههههه نزلت راسي وضحكت عليهم بأبتسامه خفيييفه..

اوس// ولك جااسم كووم كوواد جيبلي الخيزررانه خلي اكطعها على راسسهم المايستحوون ..
التفت عليه وصاح بحده// وانتتي خااتون كووومي للمطبخ اصعد فووك حي الله تحررركي ..

كمت طلعت من الهول وعلياء هم لحكتني.. وصوته وهوه والولد عالي هذا يفشر عليهم وهمه يضحكون..

يوسف...

مرت فتره اوس هادئ واني هم خلصان منه هههه مرات جان يحجيلي عن وضعه ويه قدر وشلون اطورت علاقتهم من اخر مره حجيت ويا بس هذا اوس ابنه مستهتر .. راح لاهله على اساس ديكحلها جان يعميها عمي ورجع...
بوقتها اجاني عصبي ويفشر على قدر وعلى اهله... يابه شكو شبيك.. والله هذا جميل ابن عمها مفصلها كدامي وانعل ابو لابو الجابه وهيه بنت الكلب ما تحجيلي اكوللها احجيلي عن علاقتج بي متقبل اكيد وراهم شي ..

ورايح هاللكد ما معصب ايده ترجف ,.. خليته يفرغ طاقته بعدين لزمته وكعدته يمي .. // انته شتريد بالضبط.. انته مو تحب نور.؟ جاوبني بعصبيه// وهاي شلها دخل بهاي اي احبها هذيج النذله..
// ايي بععد شكوو انتو زوااجكم بس شكللي لا ادوس زاايد اووس مثل ما انته متزوجها وتحب نور هيه هم متزوجتك وتحب ابن عمها .. لا تنسى زواجكم فتره مؤقته وينتهي ..

باوعلي بععصبيه وجاوبني // انتته ززماال مهجرر شي ..لو حتى زواجنه شكلي بس صعبه من يجي واحد يكعد يفصل بجسم مرتك تفصاال.. ......

بوقتها شكد حاولت ويا علمود افهم هوه شيدور اباله بس ماكو عبس.. كل جوابه اني غيرتي عمتني وشعندي وياها قابل بس الكه الساقط السايق ارجعها لاهلها وكان الله يحب المحسنين... وانوب ساهر ابد مو خبيث.. من شفته شلون معصب ومحترك شكيت بأمره مو خالي .. كعدت يم ساهر وبقينه صافنين على قدر وهيه خطيه انكلبت حمره.. الى ان كام ابنه الثور يصيح عليها و وكعت بيها هيه..

ورا مراحت حجه ساهر بضوجه // عمي اووس هااي اختتك تخلي الوااحد يكوم يدفنها ..ترا سويت هيج داضوجها بس .. لا يروح بالك بعيد..
جاوبه اوس بحده وهوه يدفره// قندرره بحجة تضوجها وشبعت شوف بعيون قدر..
جاوبته اني بسرعه// اي عيونك لو عيونها شتريد انته منها..

// يووسف انتته انجب زين حساابك بعدين.. كام على حيله وصاح على قدر..
//قدرر ..قددر .....

قدر.. رحت عليهِ جان واكف بباب الهول قبل ما افوت سحبني من ايدي وطلع للمر .. // تعااي هنااا وينن فاايته..
سحبت ايدي منه بهدوء وجاوبته واني منزله راسي// تفضل ابو رامي شمحتاج..
جاوبني بحده // بعد الاستقبال ممنوع تفوتيها مفهوووم.. ومن تشوفين الولد كاعدين بفد مكان ابتعدي او كومي من المكان يصير احسن // انشالله...
//وامي ممنوع تجاوبيها بشيء لوو تنترين عليهاا من تحجي ويااج على موضوع الحمل
جاوبته وراسي منزلته// انشالله.. رجع جاوبني بس بضوجه// مترفعين رااسج لو كداامي تنزلي لو تغمضين عيوونج علموود ما اشوفهن لوو شنوو.؟ وكدامهم عيونج مفتوحات شكبررر الووحده..

رفعت راسي عليهِ بصدمه// لا والله نزلت راسي من جانوا كاعدين شلوون بلا شفتني رفعته..
جاوبني بمكر // اي عمي همزين كدرنه نرفع راسج دنشوف احنه هم خوما بس همه يشعوطون بيه ..
جاوبته بفهاوه // هاا..

نزلت هبه تركض من الدرج فززتنه// اجتي بيببببي .. باوعت علينه بأستغراب // شكوو اجتي بيبي شعدكم واكفين هنا.. طلع اوس قبلنه وهوه يجاوبها بضوجه // هاا اها طلعنه طلعنه كرايب يوسف ...

طلعنه كولنه للطرمه وهبه خابصه الدنيا كل ساعه وتريد تطلع للشارع ويجي يوسف ساحلها وين طالعه بنت الاوادم اوكفي هنانه..وهيه مثل الفاره تدور ادور وترجع تطلع.. نزلت بيبيتهم من السياره اول ما فاتت للبيت ذبحوا جواها على سلامتها هاي عادتهم كل ما تروح لاقاربهم وترجع بعد غياب طويل يذبحون ذبيحه... فاتت للاستقبال وبدوا يسلمون عليها صاحني اوس علمود يعرفها عليه .. نزلت عليها بستها من راسها وايدها واوس يكوللها // حجيه عذرينه صارت بسرعه وبقه يتعذر الها .. نزل ديبوسها وهيه لزمته من اذانه وتجر بيهن /// يول يالفااين هيجه تراضيني شنو ياابو طفله وتقنعني بهالجلمات اخذ مريتك و ولي من جدامي انته وياها ..

اجه عمهم عبد الجبار وكعد يمها وضل يحجي وياها .. وهيه مطنكره على الكُل.. بقينه كاعدين يمهم وبيبيتهم كل شويه ولازمتلها واحد ومرزلته بس هبه حاطتها بحضنها وتضحك وياها.. اتعشينه يمهم وطلعنه اني وعلياء واوس ديوصلنه للبيت لان باجر من الصبح نطلع اني ويا نرجع لاهلي انشالله.. ...... اول ما وصلنه صعدت فوك داحضر غراضي .. شويه واندك الباب.. //قدر كااعده.. عدلت نفسي وجاوبته // تفضل ابو رامي.. فات كعد على القنفه وبأيده علاكه حطها بصفه وباوع على الجنطه بأستغراب. // شنو اخذتي كل غراضج .؟ //اي ..لعد شلون.. تنهد وجاوبني // ومنو كال ابوج راح يقتنع لا تتأملين حيل قدر.. نزلت راسي وسكتت ..هوه اباله شي واني ابالي شي ثاني ..

اوس // تعاي كعدي هنا.. سوالي مكان بصفه ..رحت كعدت وهوه فتح العلاكه وطلع منها تيلفون واني صافنه عليهِ وهوه ماعرف شديسوي بي .. // هاج هذا خلي جوه ايدج .. وممنوع منعاً باتاً تحطين رقم اي احد بي .. حطيت بس رقمي ما اريد اشوف رقم ثاني بي مفهوووم.. جاوبته بدون ما اخذه// ابو رامي ميحتاج والله ما محتاج.. خزرني بعيونه // اخذي وبلااا كلام زاايد .. اخذته من ايده وحطيته على الميز .. ضل كاعد شويه بعدين كام طلع.. ..... ثاني يوم كعدت من صلاة الفجر .. صليت وبقيت كاعده على السجاده ادعي ربي يسهلي
امري وما يفشلني .. يا الله انته اعلم بحالي تعلم مافي نفسي ولا اعلم ما في نفسك .. فأرزقني على حسن نيتي يا رب.

. .....

طلعنه بالثمانيه من البيت .. كولش متوتره وخايفه .. من الخوف ما تريكت انسدت نفسي.. افكار ابالي تاكلني اكل .. ابويه شراح يسوي من يشوفيني .. امي اخواني .. لو جميل .. هوايه مشتاقتلهم ومتلهفه لشوفتهم وبنفس الوقت خايفه من شوفتهم.. طول الطويق هوه ساكت واني ساكته..احاول الهي نفسي بذكر الرحمن علمود ما اتخيل اشياء فوك طاقتي .. تقريبا بالعشره ونص وصلنه لمنطقتنه.. فتحت الشباك شويه مشتاقه لريحة التراب ههههه .. ثواني وسدها اوس من يمه // سديها العالم عيونها تاكل الاوادم.. بقيت اباوع على الطريق الى ان فتنه بفرعنه... وكف السياره يم بيت عمي جمال ..ونزل منها ما خلاني انزل .. دك الباب وفتحله عمي سلم عليهِ وفاتوا جوه... شويه وطلعوا ثنينهم وجمال وياهم... بقيت اباوعله متغير وسمنان شويه.. بس بعده نفس حلاته.. اجه اوس فتحلي الباب // انزلي سلمي على عمج .. وهذاك القندره من بعيد سلمي عليهِ ما اريد بوس وحضن ..
هزيتله براسه ونزلت برسه دالحك على عمي عبالك راح يطير من كدامي.. رجع سحبني وخزرني بعصبيه// شداالغي اننني .. جاوبته بهدوء // اي والله فهمت ..

عفته ورحت على عمو جمال حضنته وبقيت ابجي بحضنه مشتاقتلهم كولش . اشم ريحة ابويه بي.. وهوه هم خطيه ما قصر // شلونج بنت الغالي .. شلونج حبيبيه ليش هالبجي ابويه وخر راسي من حضنه واني ما اريده يوخره اريد ابقه بحضنه للحظه حسيت نفسي حاضنه ابويه,..

سحبني اوس من ايدي وفوتني للطرمه كل هذا السلام واحنه بالشارع ما حسيت على نفسي .. صارلي شكد ما شايفتهم ..حقي انسه نفسي واسمي هم .. وكفت بالطرمه وطلعتلي مرت عمو والبنات سلمت عليهم وضحكتي اختلطت ويه دموعي.. انداريت داشوف اوس وين راح .. تقدم عليه بسرعه حتى ما لحكت افهم شيريد يسوي.. اتقدم عليه وحضني بكل قوته .. ابتسمت مجامله لعمو لان جان ديباوع علينه..

جمميل! يحضني .. دفعته بس ما وخر رجعت دفعته ويه دفعتي سحبه اوس ودفعه على الحايط..

ـــــــــــــــــــــــــــــــــــــــــــــــ

سهند..........

كُفي القتال وفُكي قَيدَ أَسرُكِ.. يكفيكِ ما فَعَلَت بالناسِ عيناكِ ...

ـــــــــــــــــــــــــــــــــــــ

اول ما فتحته حجه ويايه بصوت عالي عبالك ديتعارك ويايه سيف/// يول يسهند مال
اكضبج بأيديني هذني واطلع نار حركتي بيج وريتيني ور بت الاوادم ... يول اكلج رايدج على سنة الله ورسولوو تسدين التيلفون اجيج من الباب تصديني اجيج من الشباج تصديني خالي مراح اخابرج بعد بس دليني على بيت ابيج ابغداد واسير عليهم خطابه ..موو وريتيي ابيي ..

جاوبته بتوتر وكاتمه ضحكتي عليهِ شنو اريد بالضبظ مداعرف..! سهند// لا شنو تجي تخطبني بعدين اني ابويه مينطيني للغريب.. قاطعني بسرعه// لا خااالي منو كال غريب انا اجي احاجي ابوج وافهمه لا غريب ولاهم يحزننون ابويه..

سكتت ما جاوبته من احجي ويا ماعرف ليش احب اضوجه وبنفس الوقت ما احب انقطع عن شوفته ...وكل هذا بكون وكلام علياء بكون ثاني .. قاطع سلسلة افكاري بصوته الجهوري// ها يولي سمعيني صوتج .. ليش سديتي التيلفون بوجهي ذيج المره.. ماعرفت شنو اجاوبه اذا اكوله استحيت هسه يكولي وين سهند تستحي .. اتذكرت شسويه ويايه بالمحاضره فريت السالفه عليهِ رأساً.. // اي اي وانته شسويت بيه بالمحاضره .. اي اي لا عبالك ناسيه لا والله ما نسيت ومراح انسه طردتني واني ما مسويه شي .. واني اصلاً متحلفتلك الا اكول لخالتي عليك ..اصبرلي

جاوبني بضحكه خفيفيه// هههه اي ابويه خالتج بعد ليش ما تكوليلها لازم تكَوين علاقتج بيها بعد.. ثاني شغله اني جم مره لمحتج تسولفين بدرسي ويه رفيجتج وداكتها سوالف
قاطعته بسرعه// لا والله اصلاً اني ما حجيت وياها بس شنو ..
جاوبني هوه بسرعه // اي بلا شنو..كولي اسمعج.

// هيه طلبت قلم من عندي واني انطيتهيا وانته شفتنه بسرعه طلعتني من الدرس حتى بدون ما تفتهم مني...
جاوبني بأسف عبالك ديقنعني // بوويه اعتتذر حكج عليه .. وهاي صارت وحده بوحده ..راضيين خاالي..

جاوبته واني عود ما مقتنعه // اي خوش .. سكتت شويه وهوه هم سكتت .. مدا اصدك اني داحجي ويا وبالهدوء هم ..! قطع سلسة افكاري وهوه يسألني// ها ياابه هسه شنو .؟ جاوبته بغباء // شنو .. هاا اي هسه اسد التيلفون ..

قاطعني بسرعه // ولل يااابه لاا وين تسدييينوو عممي جاي اكلج شنو رأيج .. دليني على بيت ابوج واسير عليهم اخطبج .. جاوبته بتردد// بس شسمه يعني اني ماعرفك شلون ات

قاطعني بسرعه عبالك لازم طفل ديقنع بي.. // عمي هذا تيلفوني تعرفي عليه شكد ماتحبين.. يولو يسهند انتي تنحسبين من عرضي لا يلعب الشيطان ابالج ابويه انتي //شلون اني انحسب من عرضك وانته اصلا غريب عليه..
تنهد بضيق وجاوبني / ايييه ابويه غير الزمن رمانا بطريج الغربه.. الحمدالله هذا مكتوبلنه ..هسه انتي اخذي راحتج فكري زين سهند سواء رفضتي او قبلتي اني مطرش ابوي على اهلج يخطبج زين ابويه .. يلا انتبهي على دروسج في امان الله ..

سد التيلفون حتى قبل ما اجاوبه.. لزمت التيلفون وباوعت على نفسي بالمرايه .. خدودي صايرات حمر ..وحلكي شاكته الضحكه من الطول للطول.. اريد اخابر علياء احجيلها الصار بس متررده .. ما اعتقد راح تفرحلي ..اكيد راحح ترزلني وتكولي عوفي .. بس شلون اعوفه ..! ما اعرف تعلقت بي كولش .. ولا عبالك واحد غريب عليه .. اريد امشي ويا بهذا الطريق .,. وخايفه من المستقبل ..يجمعنه .!لو يفرقنه..!

...........

عفت افكاري على صفحه وطلعت كتبي اريد اقره .. هملت دراستي وانشغلت بسيف ابو الافلام .. كل فتره يطلعلي فلم اقوى من الي قبله.. بس خلي حتى هوه وافلامه حلو

.. ......................

ثاني يوم كعدت على صلاة الفجر. مو علمود اشوفه لا والله علمود اشوف الحجيه اشو اشتاقيتلها ..! لبست عبايتي وطلعت ..نسمة الهوى الفجريه تنعش الروح فتت للجامع هم شفتها دتصلي ويمها هند بنتها جانت دتسبح. سهند// السلام عليكم... سلمت عليها انتظرتها تجاوب بس اشو هاي باوعتلي صفح وحتى ما كلفت نفسها ترد السلام .. عمي شدعوه السلام لالله مو لعباد الله ...

عفتها و وكفت اصلي .. كملت صلاه واسمع الحجيه تضرب بيها خفيف وترزلها // يا مصكوعه ردي السلام للوادم طرشه خوما طرشه لا تقبل الله منج كولي امين..
جاوبتها هيه وتكوم تطلع من المسجد.// يمممه ترا راسي بلا شي يوجعني مو زين كاعده من الصبح داصلي وياج..

عافتها وطلعت لبيتهم.. ضربت الحجيه ايدها على رجلها ..// ثوله هالبنيه هاي ثوله ..
اندارت عليه وابتسمتلي ../ها يمه شلون رويحتج.. اتقربت يمها بأبتسامه وبست راسها // بخير حجيه انتي شلونج // دمج بخير اني هم بخير ..شبلاج تضحكين ضحكة خير انشالله .. جاوبته بضحكه/ هههه انشالله .. خاله ليش كل ما اشوفج انتي وهند بس تتعاركون ..؟ عدلت كعدتها وكامت تحرك بالسبحه مالتها بضوجه// ساالفه طويله يمه هذي البنت راسها يابس وعرمه . جثير اعلم بيها انصحها بس ما ينفع عبنها عررمه..

جاوبتها بفضول // ليش شمسويه.؟
// احجيلج سويليفه بس ما تحجيها لسويفان لا يكرع راسنه ..عبنه ما يرضه بس انتي بعد بنيتي ومنه وبينه انشالله
جاوبتها بسرعه
وفضولي احسه كتلني// ههه لا خاله هوه اني وين احجي ويه سيف علمود اكوله.. ابتسمتلي وهزت راسها بمعنى اي اي سكتت شويه وبعدين كالت // هاي هلتشوفيها عمرها ثنين وعشرين لو ثلاث ..تيهت عمرها ..المهم يمه من جانت صغيره جنتي تشوفيها مثل الورد تروح للمدرسه بطريجها وترجع بطريجها لا يمنه ولا يسره ..بيوم من الايام نزلوا جيرانه كعدوا بسدنه من اهل بغداد ..ماعدهم بنوات وليد واحد جبير وامه الحجيه وبس .. بنواتهم كلهن متزوجات ..

// اي ..
الحجيه// اي يمه عادينه الوليد لمحه جم مره لبنته هند وكام يترصدلها .. والله يمه اكلج شهر شهرين من نزلتهم بالبيت واجه خطبها من ابوها .. رفضنه احنه ..

سألتها بسرعه// ليش.؟ جاوبتني بصوت ناصي عبالك واحد ديسمعها // يمه الوليد من سألنه عليهِ ببغداد طالع بيهِ انصفام ماعرف شيسمونه عدكم.. // ياا اي خاله انفصام يسموا.. جاوبتني بتأييد// اي انفصام وامه مو راعيه الطويله ..
// يعني شبيها خاله .؟ الحجيه // يمه يعني خلكها ضيك ما تحاجه والولد متزوج ومطلك .. بس هالبنيه هذي ركبت راسها وعندت اريده وارييده ..هوه حلو الوليد بس ما يصلح يا يمه ..سوتلنه بالبيت طبل وزماره ..بالاخير هيه محاجيه اخوها سيف ومقنعته يقنع ابوها ..سيف ناصحها وحاجي وياها بس ما فاد..

// وبعدين..؟

الحجيه// بعدين يا يمه سيف قنع ابوها واتزوجته..ما اكلج ولا تكليلي سنه اقل السنه اخذوها لبغداد منطقتهم اسمه على ما اذكر حي الغ......وياهم اخذوها وره فتره شيلي جوالاتج (غراضج) وذبوها يمنه

// ياا طلكها..؟ اعرف هاي المنطقه جانوا عايشين بيها بيت عمي ..

الحجيه// اي يمه الغبيه ما رضت تسوي عقد محكمه ليش يابه عبن توفيق هسع يكول ماعندي فلوس نتزوج ومن يصير عندي فلوس اسويلج عقد وتراها مشمروه يمنه هيه وابنها لا طلاك شرععي ولا هم يحزنون ..

// ياا خطيه يعني هوه ما مطلكها طلاك شرعي بس عافها .؟ الحجيه// اي واختفه هوه وامه والويلاد شكثر دوروا عليهِ بس ماكو..
// خطيه خاله الله يعينها ..
جاوبتنه بضوجه// عماها العين واعور البين السفيهه ..هذي جزاة التركب راسها وما تسمع كلمة اهلها ..
// يا خاله حرام ..هيه صحيح غلطت بس انتي صيري وياها لا تصيرين ضدها .. هسه تشوفيها شكد شايلها هم بكلبها الله يعينها..

بقيت احجي وياها خطيه خاله ولا تعامليها هيج .. وهيه معنده عمها العين واعور البين بس والله قرهتني هذا اليمخاف
الله كولشي يكدر يسوي بلا ضمير .. سلمت على الحجيه وطلعت ..اليوم طولت عدها هوايه

.. .....

طلعت من الجامع امشي بسرعه.. رفعت راسي شفته كاعد على نفس الكرسي والبنيه الشفتها قبل فتره ههم كاعده يمه على كرسي . وهوه مستلمها ضحك ,,, ضحكته رنانه يطلع حلو الحقير من يضحك.. وهذيجه البنيه صافنه عليهِ وحلكها فاتحته بضحكه خفيفه..!! مشيت من يمهم بس بالي يمهم وفضولي يقتلني اريد اعرف هايه شنو عدها ويا دائماً اشوفها تحوم يمه.. اندرايت قبل ما اعبر الفرع اريد اشوفه بعده يضحك وياها..! شفته ديباوع على باب الجامع مال النساء.. بقيت اني هم واكفه ماعرف ليش ..!

شويه ودار راسها على جهتي .. واني بسرعه سويت نفسي دامشي.. طلعت من الفرع بسرعه .. بس لا انتبه عليه داباوع عليهم..! عشتو على شنو اباوع عليهم ..من حلاتهم . بس اني فضولي قتلني فقط لا غير .. اي بس فضول.. /// يووولو سهنند..

انداريت ليورا .. جان يمشي بسرعه عبالك ديريد يلحك بيه ..! وكف كدامي وابتسم // يمته طلعتي ما حسيت عليج..
باوعت عليهِ وحاوجبي معكوده// اي ليش تحس ليش يعني ... بعدين شلك دخل اطلع ما اطلع شلك دخل .

باوعت عليهِ عاقد حواجبه بعصبيه ويباوعلي بعصبيه // يوولي يسهنند الززمي لساانج وضبي لا تخليني ابتللي بييج..
باوعت عليهِ بدون ما اجاوبه اني خارزته وهوه خازرني ... بقيت عود اريد اشوفه اني ما خايفه.. صاح عليه بحده // نزززلي عيننج يسسهند لا تصيررين عررمه..

نزلت عيني بسرعه وانداريت اريد اروح.. اني وهذا الرجال يوم حمامه وعشره غراب.. مشيت نص المسافه ورجعت انداريت عليهِ كلبي ما ينطيني اكول اخاف يمل مني من ورا تصرفاتي ويا ويعوفني ..!

بس هوه يخلي توقعاتي كولها تطلع خطأ... جان بعده واكف نفس وكفته كل مره من يضوج ..ايده حاطهن ليورا ومنزل راسه ورافع عيونه عليهِ.. رجعت التفتت بسرعه اشو هذا عيونه تخوف..! قبل ما افوت بفرع شقتي سمعت صوت بنيه تصيح عليهِ بصوت ناااعم كوولش !!! // هاا ابن عمي شفتك واكف وحدك عبالي بيك شي ...

بقيت لا اني اكدر ارجع اشوفها نفسها البنيه الجانت واكفه يمه لو غيرها..! الفضول قتلني .. كملت مشيتي وفكاري ادور ابالي .. اني ليش هيج اتصرف ويا .. ادري بنفسي كولش زين اريده.. بس شنو اليمنعني منه ماعرف . سلمت على ابو عباس وفتت جوه.. غيرت ملابسي وكعدت صافنه على الحايط.. دك تيلفوني .. شلته لكيته يوسف ..خطيه صارلي
شكد ما حاجيه ويا.. // الو هلا بيوسف شلونك خويه..

يوسف// هلا بيج سوسه انتي شلونج مشتاقيلج ولج وهاي بيبيتج خبصتها علينه خابرولياها احاجيها تجيني.. جاوبته بضحكه وصوت بيبي تضرب وتكوله لا تعيب عليه يبن سعدون..
//ههههه اي اي انطينياها شوكت رجعت بيبي

// هااا سهننند ..شلونج حبوبه يمممه وينج ليش ما اجيتيني تستقبليني شلهاج عني داداا.
سهند// بيبي حبيبتي والله الدراسه فوك راسنه انشالله هاالسبوعين ارجع ..
// اي حبوبه مستاكتلج بنيتي ديري بالج على رويحتج يمه لا تطلعن منا ومنا زين يمه..
سهند// اي بيبي انشالله
// هاج هاج هذا مكصوف الصفحه وياج ..

انطت التيلفون ليوسف وهيه تصيح عليهِ ههههه يوسف// ها سههند ههه شفتيها بيبيتج من اول ما اجتي لازمتنه حاصل فاصل ههههه // ههههه اي بعد روحي بيبي خلي تجرجر أذن ميقات شويه فرغتلها الساحه من راحت بيبي للفلوجه..

يوسف// هههههههه اي عمي كمت اشوف هبه كل يوم مرت ابوج العينتين حابستها فوك مخمرتها ..انتي شلونج شخبارج..
جاوبته بملل // والله ماكو شي يوسف صافيه دافيه.. جاوبني بهدوء بس صوته مو طبيعي عبالك ديستجوبني.. // سهند احجيلي شيصير وياج اشو كمتي لا تحجيلي ولا شي..؟

// ههههه والله ماكو بس هاي مشاكساتنه اني وجوري بالكليه وذاك اليوم خطيه اخذت دفتر..
قاطعني هوه بسرعه// سهننند لا تحجيلي عن جووري احجيليي عن سييف منووو هذا..؟

ــــــــــــــــــــــــــــــــــــــــــــــــــــ

رأيكم حبايبي سواء نقد او مو نقد..
تعليقاتكم الحلوه وتصويتكم الاحلى.. طبتم سالمين ..ودمتم غانمين عسلاياتتي... حفصه الهاشم...