زمهرير الاوجاع الفصل الخامس عشر 15 - بقلم قدر ال هاشم

زمهرير الاوجاع..

بقلمي حفصه الهاشم.. صلو على نبي الرحمه ♥ ودوسوا النجمه
فديت الي يتابع وما يصوت ..ناوشووني الخيزرررانه بنننناات

كثرولي تعليقاتكم بين الفقرات يخياات هههههه

ــــــــــــــــــــــــــــ

سهند...
وتظل سراً بين الورق وقلبي...
يقرؤنَكَ سطراً.... وأَنت بداخلي روايه....♥

ــــــــــــــــــــــــــــــــــــــــــ

مشيت بأورقة الجامعه وابتسامه بلهاء على وجهي ...
مجبوره لو لا..

جوري تحجي ويايه واني مو يمها اضحك على نفسي ومررات الخوف يتلبسني ..
اي اخذته الرقم ..

اتذكر معالم وجهه من اخذته منه الابتسامه شكت حلكه صارت من الاذن للاذن ..
وحتى اني سحبت الورقه من ايده وطلعت اركض ركض على الشارع وعود مسويه نفسي عصبيه ..

وهوه يصيح ورايه // سهنند يولو اذا ماخابرتي اليوم باجر اخذ رقمج منها...

مجبوره ...هههه يجوز اضحك على نفسي اذا اكول مجبوره..
اي مجبوره خارجياً ..وبداخلي لا راضيه

.. ..............

دخل علينه والطلاب كولهم سكتوا نزلت راسي ماعرف استحي لو اختبئ وره العصبيه علمود لا يبين عليه الخجل..
عبالك كلتله احبك مو اخذت رقمه ..الى الان ايدي ترجف ..

بقه يشرحلنه وكل شويه يباوع عليه وينزل ويحك خشمه ..! كمت اشك بنفسي اخاف خشمي بي شي .. // جوري جووري..

// اشش يمعوده لا نترزل ..
سهند// بس باااعي عليه شويه اكو شي بخشمي ...؟

نزلت راسه ودتكتم ضحكتها // ههخخخ ولج خههخه يا خشم ..؟
ضربتها على ايدها // ههه ثوله بس بااعي..

/// سهند والي بسدددهها ..

التفتنه اني وجوري عليهِ وهوه واكف وحاط ايده على خصره ..
سيف// والتاالي صارلي ساعه ناطر كل شويه واكول هسع يبطلن تبسبس ..اذا كملتوا لجن نرجع لدرسنه..

جوري// هههه اي استاذ كملنه..
سيف// زين....

باوعتلي جوري بعصبيه// ها شفتي الا تترزلين ..
بقيت ساكته ما جاوبتها وكل شويه كمت امسح خشمي بالكلينس ..

خلص الدرس اليوم عكس البارحه كوله جدي وما يضحك ..ولا عبالك سيف الي اعرفه..
ماخذ دور الاستاذ ابو الافلام..

طلعنه اني وجوري وهيه سطرتني بس تضحك عليه // الله عليج ههههه اخاف صدوك خشمج جان طالع منه شي وهوه هيج يسويلج.. سهند /// ياا جوري قابل اني طفله علمود يطلع منه شي وما انتبه ..
جوري//ههههههه اخ بططني تخيلي طالع منه شي..

عاد اريد اسكتها ماكو .. انوب زرعت الشك بداخلي قابل اني ما انتبه على نفسي .!..

ـــــــــــــــ

رجعت للبيت اليوم ويه السايق الي جوري صاعده ويا ..
الحمدالله قبل لان هوه طريقه مو على بيتي .. بس الله سهله الي ... نزلني يم الشقه ..
نزلت وابو عباس واكف ..اول ما شافني تقدم عليه // هاا بنتيي الله يساعدهم..

//ويساعدك عمو..
تقدم على السايق وسألني،// هذا السايق مالتج الجديد..
// اي عمو..
التفت على السايق رجال جبير وكام يحجي ويا// الله يساعدك حجي..
السايق// ويساعدك...

ابو عباس// اي والله خوش اختاريتي بنتي .. عاد انته حجي دير بالك على بنيتنه بأمانتك
السايق// لا حجي شحلجي بلا ما توصي انشالله حسبة بنياتي كلهن ..ابو منو انته بالخير..

همه مندمجين بالتعارف مالتهن هذا يسأل وهذاك يجاوب..
انتبهت على راس الفرع .. كأني لمحته ..كأني.. سلم السايق وراح ابو عباس// بنتي اي شي تحتاجي احنه هنانه وام عباس حسبة امج لا تستحين..
| // تسلم عمو ماتقصر..

ابو عباس// يلا فوتي لشقتج بنتي الدنيه ضهريه..

فتت للشقه اضحك عليهِ قابل وين راح اروح...
حطيت جنطي على الميز وفتت سبحت وغيرت ملابسي بس بالي يم الجنطه والرقم.. شوكت اخابره ..؟
من اخابره شكوله..؟
شنو راح نحجي ..؟
اكوله هلو لو السلام عليكم..؟

طلعت من الحمام ساعه اضحك على نفسي
ساعه ارزل بنفسي وأأنبها شلون اخذ الرقم منه هيج بس كلبي يكولي العكس..!

مشطت شعري وظفرته ..طولان وصاير يوكع ..!
على كولة بيبيتي الشجره المابيهها خير اكطعها من عركها .. والشعر مثل النبات ..

بيبتي نادره ..
كولش حبابه وحنونه غرفتها دائماً دافيه ..السبب بحنانها لو التدفئه ماعرف ههه..
حالياً هيه مسافره يم بناتها الي همه عماتي بالفلوجه..عندي ست عمات ماشالله .. وكل وحده عدها جيش مال جهال الله يحفظهم ... اكثر عمه منهن مقربه اليه ..عمه عطيه كولش حبابه عدها بنتين و ولد وزوجها مطلكها عايشها بالفلوجه هيه وجهالها ..

رحت على المطبخ سحبت الجنطه اخذتها ورحت للهول.. طلعت تيلفوني الصرصر..وطلعت الورقه..

فتحتها وصفنت على الرقم.. خطه حلو الحقير! ...

لازمه التيلفون بأيد والورقه بأيدي الثانيه شسوي اخابره لو لا ..؟ واني على هالحال جان يدك التيلفون فززني وانوب خالته صامت ....للحظه تخيلته سيف ماخذ رقمي ومخابرني..!

يوسف// الوو ..سهند..
سهند// الوو يوسف شلونك ..؟

يوسف// هلا بيج خيتي .. عاش من سمع صوتج وين يابه اخابر عليج ماكو.؟
سهند// والله يوسف ملتهيه بالدراسه وجان التيلفون صامت اعذرني ..انته شلونك شخباركم.؟

يوسف// معذوره يابه لا تسوين التيلفون صامت مرة الثانيه تشغلين بالنه عليج ..
//تمام..

//واخوج يسلم عليم جويسم الزعلان هههه
/// يا شبي جسومي ليش مزعلي ..بلا هذا ساهر مو بلا .؟
يوسف// ههههه اي هوه لعب بي طوبه هههههه غير البارحه لزمه ساهر عود كاعدين يم ابويه وتعرفين سوالفهم واحد يجذب على الثاني هذا يكول لساهر اني اقوى منك وساهر يضحك عليهِ عاد خلوا ابويه الحكم وكاموا يتصارعون..

// يااا متبطلون سوالف المصارعه انتو هههه ..؟
يوسف /// هههههههه ولج سهند غير زوعه العافيه ههههههههه ابويه عود ديوكف ويه جاسم بس هيه مليوصه عليهِ هههههه واليوم ساهر النذل لازمها عليهِ الفطير والفطير ..هههه

سهند/// لاا عينني ما اقبلل لا تحجون على اخويه هيج ..
يوسف// هاج هاج هذا اجانه ساهر جنه جني بكل عزه لازم يضحك مو لطامه ههههه

ساهر // الووو سهنند خيه شلووونج اخبارج خيه عجل ليش ما تخابريني تسألين عنييييي عن احواليييي هاا خيه ..؟

جان يحجي ويقلد بصوته على اساس صوت بنات متت ضحك عليهِ
هيه هاي سوالفه كَلبه طيب كولش بس مرات من يطبكن عنده يخبص البيت بالصياح ..

// خيه يساهره مشغوله وتعرفين الدراسه فوك راسي ..اعذرينيي..
ساهر // ديلا يلا دكت اليتيمه لوما كل ماروح لبيت عمي الكاج تحجين ويه علياء الزركه..

سهند// ولك ساهر انته ماتوب ..عيب تحجي هيج عليها ..بنت عمك واكب..
قاطعني بسرعه// بلا ما تسكتين انتي وعمي وبنته هم .. هاللكد ما احبها اني علمود احترمها اكولج داحجي وياج مثل الاوادم لا تجيبن سيرة الحيوانات.زين..

سهند// ديلا هوه الكلام ما ينفع وياك اربعه وعشرين ساعه عركه انته وعلياء ..انطيني يوسف ..
ساهر // هاج هاج خلي اروح على اخوج اداهره شويه ..

يوسف// هااا ما انسطرتي من هذا الخبل..ههههه انوب اني عندي ثنين هذا وابن عمج الحقنه اوس
//يا وهذا الثاني شبي.؟

يوسف// يمعوده متعارك ويه مرته ساعه يكوللها انتي امانه عندي من تنحل سالفتج ارجعج لأهلج وساعه يجيها مشوط ويتعارك ويه بنت العالم شعندج ويه فلان وعلان..
سألته بأستغراب//ليش هيه شبيها يا سالفه.؟

يوسف //ولج نسيت محد يعرف بسالفتها واني هم احجيلج بس لاتحجين كدام احد خاصة علياء ..
حجالي سالفتها كولها من بدايتها الى البارحه ..

خطيه انقهرت عليها كولش ..
هيه مبين عليها حبابه وفطيره كولش ..الله يساعدها.. سديت من يوسف وسالفة قدر بقت براسي ..

لعد هيه يم اهلها وحاولوا يعتدون عليها .
.اني هنانه وحدي لازم احافظ على نفسي حيل .. على الاقل بس هاي السنه بعدين اسوي نقل لبغداد...
وعلى طاري قدر اتذكرت سيف اخابره لو لا..؟

بس هوه مبين عليهِ شيخ جامع ومحترم ليش ما اجرب على كولة علياء خلي اجربه ..؟
حطيت الرقم بالتيلفون وايدي ترجف عبالك داسوي جريمه...! وفعلاً هاي جريمه.. لان اني داخون اهلي وثقتهم بيه ...

بس سيف اهتمامه الزايد وحرصه .. اربعه وعشرين ساعه عيونه لازم تبقه ورايه من اروح ومن ارجع .. احسه حريص عليه اكثر من نفسي ..
خطيت هالخطوه وماعرف بالمستقبل اذا راح اتندم او لا....!!

يرن ...واني ادعي ميجاوب ..
من اول رنه انفتح الخط.. // الوو سهند مو.؟

ياستار ..حسيته لازم التيلفون وكاعد ينتظر اخابره..

حرت شنو اجاوبه هلو لو السلام عليكم لو اي .. // ءء سي..
بعدني ما مكمله كلامي جان يسد المكالمه..!

بقيت صافنه على التيلفون بحيره ..
ثواني اقل الثانيه جان يرجع يخابر هوه .. فتحت الخط وهوه استلمني اول ما فتحه // ادري ما تحجين ..تره ادري بيج سهند بس لا خجلانه يولوو ههههه لسانج الطويل وينوو يطركاعه..؟

جاوبته بسرعه عود داسوي نفسي ما متأثره بي// ترا شسمه ..يعني اني ما مستحيه هاا ,,وانته ليش هيج تسوي مو على اساس شيخ جامع وابوك شيخ شلون تهددني هيج بالشارع هاا .؟ يعني تقبل هسه اخويه يهدد اخ..

قاطعني بسررعه // يوووول يسهنننند ... جاي اتفااااهم ويياج لا تخووطين وتخربطيين بالكلااام ...عمي ردتج تحجين بس مو تسبيني سبيي بلساانج..

سكت شويه واني هم سكتت .. هذا الرجال مزاجي لأبعد الحدود ..بمزاجه يهدأ وبمزاجه يعصب ..
اخذ نفس واردف بهدوء// انتي شنو شايفتي ..؟....هاا يولو بس لا نمتي ..

// شنو شنو شايفتك ..؟انته ولد..

اشو هذا طكها ضحكه قويه طرش اذني بيها ... كل عقله .. واني الثوله هم صفنت بضحكته ...
شكد حلوه ضحكته هذا الحقير ...!

سيف// ههههه يابه خلف الله عليج رجال شطولني شعرضني الشيب تارس راسي وسويتيني ولد..! ههههه

صفنت شويه ورجعت جاوبته//ليش انته شنو ..مو ولد شبيك.؟
//ههههههه لاا عممي ولد ولد هاهيه براحتج... ابويه انتي اقصد شنو شايفتني؟؟ ..صارلج شكد تعرفيني ..معقوله ماعرفتيني ..ترا الوادم سهند تنعرف من نظرات العيون..الزين يبين على وجها من اول ما ادحكين علينو.. والشين هم يبين عليه..

سهند// افتهم كلامك .. بس مدافتهم انته شرايد مني ..ترا كل تصرفاتك من اول ما شفتك لهسه مو طبيعيه.. وحتى هسه كلامك ويايه مو منطقي وعيب وحرام وانته غريب عني ..ساعه تطردني من شارعكم وساعه تكولي هاج رقمي..! شتريد بالضبط مدافتهم..؟

سيف// يولوو يسهند رايد سنة الله ورسوله بيج ....

ـــــــــــــــــــــــــــــــــــــــــــــــ

قدر

... ...................

ــ أَتختار الجميله أم الذكيه..؟

ـــ لا أختار أَحداً...

ـــ لماذا..؟

ــ ألحب ليسَ إختياراً

ــ ماذا إذن...؟

ــ إنسياق..

ــ وماذا عن حرية أَلاختيار..؟

ــ ألحب ألذي يبدأ بأختيار ينتهي بأختيارٍ أخر ...
ـــــــــــــــــــــــــــــــــــــــــــــــــــــ

جاوبته بخوف وصوتي يرجف من كلامه.. ///ابو ..ابو رامي شمسويه اني ..والله ما مسويه شي والله ..

جاوبني بحده بس صوته ناصي الظاهر يمه عالم/// انننجي ..ا ن ج ب ي ...ما اريد اسمع صوتج منا الى ان اجي واشوف تاليها وياج..

كال هيج ورجع سد التيلفون بوجهي ..
من الخوف عقلي وكف .. هوه كال السايق ما لكوا لعد شنو قصده شمصخمه ويا ..! بس لا جذب عليهم .. وهذا صدكه .. اخخ من حضج هذا يقدر ..

نزلت على خاله دارجعلها التيلفون واحس الدنيا بارده من ورا الخوف..
خليت التيلفون على الميز مال المطبخ بهالاثناء فاتت علياء تضحك وتغمزلي بعينها,, علياء// هااا غدر ..شحجيتوا انتي واخويه صارلكم ساعه .؟

//ءء ماحجينه شي بس ديسلم ..
علياء// ديلااا يمعوووده قابل راح احسدج مثلا اذا كتيلي شحجيتوا ندري بيها سوالف متزوجين ..قابل نموونه هيه ..

مجاوبتها بقيت ساكته شجاوبها قابل كلامها مو منطقي .
اني بيا حال وهايه تبيع براسي سوالف متزوجين ...

صبينه عشه اني وعمتي ..وراها كملوا عشه لميت المواعين وبديت اغسل بيهن سمعت صوت سياره بالشارع .. شويه والباب انفتح .. غسلت ايدي وانداريت عليهِ متحضره للرزاله

// ءابو رامي ...السلام عليكم..
جاان شايل جنطته بأيد والثانيه لازم بيها تيلفونه .. سلمت عليهِ كلت خلي ابادر اتحسس نبضه شنو المصيبه الجايبها ويا ..
بس ماكو فات من يمي وما باوعيلي اصلاً.. تصرفه زاد الخوف بداخلي ..

طلعت خاللتي واهله يسلمون عليهِ .. وهوه بس هلو هلو .. ورأساً صعد فوك .. اجتي خالتي من الهول تركض عليه..
//امشي تحرككي يممه صعديله شوفي شمحتاج ما محتاج,,اركضي يلا ..

جاوبتها بضوجه// خاله مو داغسل المواعين احسن ما يضلن لنص الليل ..
// // ماعليج علياء تغسلهن مايضلن ..
قدر// لا والله خاله هسه اكمل واص..

اوس// قدرررر ويننننج ..؟
بعدني مامكمله كلامي صاح عليه .. ادري اني بلا شي منا خايفه انوب هذا يصيح صياح صوته شكد عالي ..

خالتي كامت ادك فوك راسي// ها مو كتلج اسمعي الكلام شكد عنوديه..
اني عفتها وصعدتله ..

جان واكف بنص الغرفه ومنطي ضهره للباب وحاط ايده على خصره والايد الثانيه لازم بيها تيلفونه اول مافتت التفت عليه مخنزر .. نزلت راسي وكمت اطكطك بأصابيعي .. // ءء ابو رامي صحت..

اوس// سدي الباااب وتعالي ..
بقيت صافنه عليه ..راح كعد على الجربايه وراسه بالتيلفون ..
رفع راسه وصاح بيه// تحرررركي..

ركضت على الباب سديته ورجعت وكفت بنفس مكاني .. //ابو رامي شصار هنا..
اوس// كلت تعااي هنااا شدالغي اني باكستااني تحرركي..

أشرلي على القنفه المقابيله رحت كعدت عليها وهوه راسه بالتيلفون .. ثواني ..دقائق..وهوه بعده على نفس حالته ..
التوتر اكلني .. الغرفه هدوء ..وصمته هذا يخوفني..!

طفه التيلفون وشمره على الجربايه .. رجع يباوعلي بهدوء بس نظراته تختلف فصل جسمي من فوك ليجوه....
حسسني مالابسه شي كدامه ..

سحبت الجاكيت بهدوء ولميته على نفسي واني اشتت نضري على كل مكان بالغرفه .
. وهوه نظراته تركزت على عيوني ..!!

اوس// مسويه عمليه انتي .؟

//شنو ..يا عمليه.؟
| رجع وضح السؤال بحده// عندج ندبه مال عمليه يم صدررج الايسررر..؟

فتحت عيوني عليهِ بصدمه هذا شمعرفه.؟.!!.
لميت نفسي عدل وهوه بعده صافن عليه .. // اشو خرسيتي ..عندج لو لا..

جاوبته بصوت ناصي وعيوني تفتر بالغرفه // اي..

هز براسه وبعده يباوع على عيوني واني شتت نضري بأرجاء الغرفه ..؟
هسه هوه شيريد .؟ منو كاله على هاي العمليه ..!!

// كم مره سألتج على جمال..
رجعت باوعتله بسرعه //هاا...
اوس بهدوء// وعرجا ..كم مره سألتج على جمال اني ..؟ احجيلي كل شي جان يصير بيناتكم ..

باوعت عليهِ بأستغراب .. جمال شله دخل بالسايق..!وبالعمليه..؟
هوه مو راح علمود السايق .. شبي هذا ..؟

هوه صافن عليه..واني صافنه عليهِ بس تفكيري مو يمه فززني صوته ..
اوس // الغغييي..

جاوبته بتردد// شجان يصير.. مجان يصير ..
قاطعني بحده// قدررر لا تجذبييين شوفي عيوونج شلوون يتغيرر لونهنن من تجذبييين ..على منوو جااي تضحكيين انتيي ..اللغي شنووو جاان يصييير بيناتتكم لان الكلام السمعتته يخلي الرااس يشيييب زييين احجييي .

جاوبته ونبرة صوتي واضحه عليها الخوف.. ::/ لا والله ابو ..را رامي ..والله مجان يصير بيناتنه شي ..اصلاً اصلا شلون يفوت علينه واحنه معزولين بنات وحد والزلم وحد والله ..

جاوبني هوه بسرعه وأشرلي بعيونه على صدري الايسر //لعد شلون يعرف بالعمليه الموجوده يم صدرج .؟..

باوعت عليهِ بأستغراب ..؟ جمال..! شمعرفه بالعمليه..

وهذا شلون يحجي هيج ويايه ميستحي ..!
داحس بالحراره تطلع من كل وجهي .. رفع حاجه ويباوعلي بأستهزاء// هاا اشو اخرسيتي..؟.... اللغي شمعررفه بالنددبه..؟

جاوبته بضياع ..اذا هوه اني ماعرف شنو اجاوبه.؟ // ابو رامي ..والله ماعرف ..اقصد شلون يعني اكيد سامع من اهله لو من اخته .. يعني قابل شمعرفه..

كام وكف على حيله وشال تيلوفوناته وهوه يجاوبني// امممم كلتيلييي اختته هاا..

وكفت ورا رأساً هزيتله براسي وعيوني تترقب ردة فعله ..
باوعلي وعيونه مخنزرهن عليه ..شيقصد من تصرفه هذا .. اني صح احب جميل ..بس هم احب سمعتي وشرفي ..

رفع اصبعه السبابه بتهديد // هذا الموضوع ما ينتهي لهنااانه ..خلي اشووف شنو بينج وبين جميل الساقط علمود اذا اكو شي ما ادور على السايق .. لان الي تبيع نفسها لواحد تبيعها لالف واحد غيره ...

ـــــــــــــــــــــــــــــــــــــ

رأيكم..بالسرد والاحداث..

توقعاتكم الحلوه والنجمه هم حلوه ترا هههه

.اصبحتم سالمين ودمتم غانمين عسلاياتي..
حفصه الهاشم...