زمهرير الاوجاع الفصل الثامن والعشرون 28 - بقلم قدر ال هاشم

زمهرير الاوجاع

حفصه الهاشم

@hafsa03987 بنوتات لا تنسون. النجمه ووو صلوا على النبي

ـــــــــــــــــــــــ

قاطعته بسرعه // لاا اطلعه وغصباً عننك موو بكيفك تسجننه اني ام الراهي وما اريد اسجننه زييين لو لا. سييف اطلعه من السجن يعننني اطلللعه. لا تسويلي دور الضاابط الشرريف. براااسي. ...

عبد الجبار /// سهنننند

انداريت واني انفث الشرار من عيوني.. اول ما انداريت ضربني راجدي صحاني من نوبة عصبيتي..
من قوت الضربه وكعت بالكاع واني لازمه خدي ومصدومه ..هذا شوكت اجه..

عبد الجبار/// بربوووك انعل الخلفووج واحد وواحدد

من شدة الخوف الحسيت بي ما اذتني الضربات .. خوف وعصبيه من ابويه بنفس الوقت .. يمد ايده يضربني واني ارجع ادفعها بقوه واخنزر عليهِ عاد هوه تخبل وانكلب وحش عليه تتحديني ولج اني اكسر راسج وراس اممج تتحدينييي ..

سحلني من المطبخ وهوه يجرني فوك للطابق الثاني وهذا عود اوس صارلي حنين يلزم بي وابويه يدفعه ويفشر عليه .. ما اهتميت للضرب الاخذته المهم احصل الاريده .. والاريده سيف يطلع من السجن اذا مو على مودي على مود اهله

دفعني بالغرفه وقفل الباب واوس هجم الباب من برا .. واسمع صوت يوسف وعمو سعدون يصيحون على ابويه..عافهم واجه عليه مثل الوحش ولا عبالك ابويه لزمني من شعري وهوه يغلط عليه ماكمت اعرف الضربات منوين كامت تجيني ادفعه ايده يضربني بالثانيه.. عبد الجباروهوه يضربها راشدي// انعل واالدييج تريديي موو ..؟ وللج ادبسزز اني ابعده عنج وانتي تعاركين بالعالم علموددده..

رفع ايده ديضربني دفعتها واني اجاوبه بعصبيه مخلوطه ببجي.. // اي اي اريد اطللعه ابوويه حررام عليكم امه مرره جبيرره ..ثواني حسيت نفسي انرفعت من الارض ورجع ضربني بقوه حسيت ضهري انكسر ..

لزمت ضهري واني اتلوه وهوه بعده فوكايه ولا اهتم لصياحي انعل ابوج وابوها سويه اذا ابقيج عااايشه كسره الباب وفات اوس ورا عمي والولد..سعدون وهوه يجر اخو// يمعووود وررطه خووما وررطه البيت كلله كللبته على كيفففك هوه هيجي تنحل الامور شبييك عبد الجباار..

اجه عليه اوس وهوه يصيح على ابويه واني بعدني لاززمه ضهري موتني احسه انفصخ نصين .. اوس// عمميي بلااا هااي سواايه تسووويها يررحم والديييك ...

التفت عليه ولزمني من ظهري اول ما حط ايده واني عطت من الالم.. سهند/// وخررر منن يميي وخرر الله يااخذك..

اجتني دفره من ابوي على ضهري حسيت لثواني روحي طلعت من جسمي .. عبد الجبارر// وللك عووفها خلي انهي عليهااا الادبسزز.. يوسف وهوه يسحب ابوها// لا حوول ولا قووة الا بالله عمي شوو اطللع خلي نفهم السااالفه اطلع

لزمني اوس وهوه يكعدني ..والم ضهري احسه خف من الضربه الثانيه..ماعدا صوت الفقرات الي طكت عندي. اوس// كوومي كوومي لاباارك الله بيج محد عم علييج غير لساانج كوومي..

دفعت ايده واني اخنزر عليهِ // وخرر مني حقيير الله لا يوفقك ززين الله يااخ
ضربني راشدي وهوه يحجي بهسمي وعصبيه// انجبي قليلة الاددب ..هسه يسمععج ابووج ويجي ينهي حيااتج بربووك شهالصلافه العنددج لو ما هسه شبعتي طن كتل ..

اجه عمي سعدون وهوه يستغفر ويباوعلي بقلق // شو كوم كوم اطلعوا برا اريد احجي ويااهاا اطلعووا.. 'لع اوس وهوه يخزرني النذل الله يطلعها بيك يا حقير .. فد كرهته بهذا المووقف عود ديسوي زين ويوخر ابويه عني النذل لعد جان طلعت سيف..

سد الباب واجه كعد يمي وهوه يمسح الدم من وجهي بفوطه صغيره دائما يخليها ويا.. سعدون // ليش هيج ابويه ليش هيج تسوين بنفسج ها تعرفين ابوج خبل ليش تراددي اتجنبي بنتي زين هسه من سوا وياج ..كعد[ عن الدوام ويوميه اهانه الج وضرب عاجبج هيج بويه

شمرت نفسي بحضنه واني ابجي ..// عمو .. عمو ماتعرف ساجني ..ساجني لسيف..
مسح على ضهري وصوته مقهور اكثر مني // يااابويه كل هذا علمود هالسيف هذا ..؟!
//لعد شلون عمو غير ابن خالتي خطيه امه وابو حرام عليهم..

وخرني عن حضنه وهوه يوخر شعري عن وجهي // تحبي بابا.؟!

نزلت راسي وسكتت .. سمعته يتنهد ويجر انفاس مهمومه.. طبطب على رجلي وكام //ارتاحي شويه غسلي وناميلج شويه انهد حيلج من الطب .. طلع من الغرفه وبقيت وحدي.. كل ما اتذكر سيف بالسجن الكأبه تاكلني .. شديسون بي هسه ..؟

هذا اوس حقير من يخلي واحد اباله الا يشعل شيب الخلفه يلا يرتاح.. كمت غسلت ورجعت للغرفه وقفلت الباب على نفسي ورحت على فراشي.. حطيت راسي على المخده ودموعي بدن يتسابقن على خدي.. حقير اووس الله يطلعها بييك انشالله

......

مرت ايامي حابسه نفسي بالغرفه او بالاحرى ابويه الحابسني..

الطابق الجوه ما شايفته صارلي اسبوعين..
وكل هاي المده وسيف حارك كلبي حرك ..شديسوي بي هسه ابن عمي النذل ؟ ولا امه المسكينه شنو حالتها .. اسبوعين واني اكلي يجيبوليا للغرفه اسمع ابويه يصيح عليهم عود ديسمعني .. الجلاب ماتاكل ويه الاوادم ودولها السم لغرفتها..

واوس النذل هم ماشفته همزين لان بعدني حاقده عليهِ لو اشوفه يجوز ادفنه وهوه عايش و وراها يجي ابوي يدفني ..

يوسف هم ما يصعدلي والتيلفون اخذوا مني لا اكدر اخابره ولا هم يحزنون.. استغرب على يوسف شلون هيج صبر عليه.. اسبوعين هوه ما حاجي ويايه ولا سامع صوتي.. وحتى مرات من يروح ابويه لشغله اريد انزل جوه المحه يطلع ركض للطرمه.. اني هم تركته على راحته ..هاهيه على شنو اذب نفسي عليهم.. كواويد ولا واحد بيهم شريف .. هاي لو فراهد مسوي السوا سيف جان ابويه مشه العشيره كلها علمود ويطلعه مثل الشعره من العجين..

على نفسهم ما يرضون بس على الغير اي يرضون.. ....

فاتت عليه وهيه تضحك وتحجي بالتيلفون.. هبه// انشالله عود اكوللها يدلل يوسف..
سكتت شويه وهيه تسد الباب وراها وتباوعلي بشفقه ماعرف حزن .. تيهت بنظرات العالم الي ..كمت ما اميز ياهو الصديق وياهو العدو..

هبه// لا لا بعدني صغيره مو هسه اريد اتزوج من اكبر شويه .... اي اي بعد سنه علمود ادخل ب 18 .....
اي عاد ابويه يعرس علينه ويرفضك مثل ما سوه بسهند.. ضحكت بخوف // ههه يلا باي..

سدت التيلفون واجتي كعدت يمي وهيه تباوع على ملامحي وجهي التعبانه ..احس نفسي صرت هيكل عضمي .. عضام وجهي كلها برزت من الضعف ماعرف من القهر.. تاهت عليه.. بادلتها بنظرات استغراب..// ياهوو هذاا التزووجي وولج..؟

نزلت راسها وجاوبتني بضحكه خفيفه// ههه منو يعني هذا يوسف سمع ابن خالي يريد يخطبني عاد حاجي ويه عمو سعدون يخطبوني بس اني كتله اجلها هسه لان الوضع متوتر.. باوعتلي بتوتر ونزلت راسها وهيه تحك جبينها // وو انتي..

جاوبتها بتهجم // شبيه انيي خيرر ..؟
حسيتها خافت من طريقة كلامي بس ما اهتميتلها// لا والله بس انتي ما متزوجه امي تكول ميصير الا الجبيره تت

كفختها على راسها بعصبيه واني اخنزر عليها// اننيي كمم مره اكوولج هاي سووالف الزووواج طلعيهاا من دمماغج الغببي .. يوسف يريد يتزووج يحجي ويه ابوج الشفيه وهاهيه انتي لا تنبطين بالوسطيه.. هبه// انشالله بعد ماعيدها ..بس اهدي هسه ليش عصبيه انتي..؟ جاوبتها بتهجم// ماالج دخل وللج..كوومي يلاا طللعي منا..تحرركي..

فاتت ميقات وهيه تتخصر// يممه يممه منج هاي بنتي بداال ماتجي تواسيج هيج تسوين وياهاا يالعيارره ما تستحين ,,مو بيتتج علمود اطرديها.. باوعتلها بملل وخرت نظراتي عنها// ديلا يلاا اطلعي انتي هم وياها لعد..

كامت هبه ومنزله راسها وعيونها مدمعه..سحبت امها وميقات هذيج الصلفه ما تبلع لسانها دلاله.. مايفيدها غير لساني ..
هبه// يممه كاافي عوفيها تعبانه ماتعرف شتحجي.. طلعت من الباب وصحت اني عليها// هببببه ولج قنندره اذا اكوم اشوفج شلون اححجي ..

باوعتلي مصدومه من ردة فعلي العدائيه // سهند والله مو
سهند/// وللي مناا وسدي الببااب ورراج.. باوعتلي لثواني مصدومه من تصرفي وياها.. سدت الباب وراحت.., خيولون مايستاهلون واحد يحجي وياهم.. على كولة ابويه اني جلب ولازم الجلاب ما تحجي ويه الاوادم الي بلا غيره وبلا وفاء..

كمت طفيت الضوه ورجعت نمت.. اخخ يا سيف هسه شصاير بحاالك..مالي غير رب العالمين اوصي عليك.. ولا هذوله كولهم كواويد.. غفيت من بعد ساعات البجي المتواصله.. شبه نايمه.. احس نص جسمي نايم والنص الثاني كاعد.. داحس بهالة واحد كاعد يمي بالغرفه..!!!

فتحت عيونه برعب اني قافلته الباب منو هذاا .؟؟!
يوسف// اسم الله اسم الله ..ماشبعتي نوم.؟

باوعت عليهِ وعلى هبه الواكفه بصفه ومنزله راسها بخوف.. شبيها هاي الثوله بس لا تخاف مني..؟!

رجعت غطيت راسي وجاوبته// اطللع بررا..
سحب الغطه مني // كوومي للج ذابحه نفسج بالهظلمه كوومي..

رجعت سحبت الغطه منه واني فاتحه عيوني عليهِ// يووسف وخرر مناا ولاتزيد الطيين بلله زيين ..هسه جاي ديمثلي دور الحنين صاررلك اكثر من اسبووعين لا تسأل لاتكول هاي ماتت عااشت..جان استحيييت عللى شوااارب

ضربني راشدي رجعني للفراش.. /// قنندررره لسااانج الزفرر لاا اكصلجيااا صاايره حييل قليلة الادب سهنند...

رجعت غطيت نفسي // ديلا يلا خوش..
هبه بصوت ناصي // يوسف لاتضربها.. يوسف// اطلعي انتي عندي كلام وياها..

شويه ورجع سحب الغطه كمت واني اتأفأف// مراح نخلص اليوم خيررخيرر..
يوسف// خير اليصيبج.. اوس يسلم عليج..؟

سهند// الله لا يسلمه..شتريد..؟
يوسف// ولج سهند شبيج متغيره هوه احنه السوينه بيج هيج لو ابوج اشو حيل تخبلتي..؟
سهند// اي لامو يكولون بوكت الشده يبين اليحبك..وماشالله انته حيل وكفت ويايه بحيث حيل تعبت نفسك ماشالله..
يوسف// والله ولج ماجان الي عين احجي وياج.. انقهر من اشوفج هيج فالاحسن ابتعد عنج هاي الفتره ..ولج ثوله غير انتي اخيتي شلون انساج..؟!

سهند// خير انشالله ..سيف طلعه ابن عمك المكروه لو لا.؟
نزل راسه وحك كصته بحيره..
سهند// شنو ماطلعه.؟ بعده بالسجن..

يوسف// هذا اوس هم سواها عناد بأخو سيف ..سرمد يروحله للمركز للمحل يتعارك ويا واوس يتحدا ويكلبها عناد وماحد واكع بيها غير سيف..خبلل خبلل الله يهدي..
اتجمعت الدموع بعيوني // الله لا يهدي انشالله تطلع بي شكد حقير..
ضربني بالمخده على راسي// ولج لاتدعين عليهِ يبقه ابن عمج..بعدين هوه يكول اني اسوي هيج لمصلحة سهند.. اخذت المخده ورجعت نمت// خيولي المغرور..

يوسف// يلا اني اروح عود ارجعلج مره الثانيه وانتي هم انزلي شويه جوه.. مجاوبته وهوه طلع وسد الباب ورا.. اول ماطلع اطلقت العنان لدموعي.. هاللكد طلع اوس حقير.. ادري هذا اخو مو على اساس ضابط ماعرف شنو ميطلعه لعد.. لو بس كاضيها فخفخه..

هسه اكيد عباله اني نسيته وعايشه حياتي بالعسل.. واني اصلا ممر الطابق الثاني صارلي شهر مشايفته.. الله يسامحك يا ابوي وما يسامح اوس

................

طلعت من الحمام ..باوعت على نفسي.. شصاير بيه..وجهي ماكل وحل من هذا الاصلي..
جوا عيوني اسود وعيوني مطفيات اصلاً وجهي ضعفااان وصااير اصفرر و وجهي من يضعف خشمي يصير دعبله ..

القيت نظره حزن على انعكاس صورتي المتهشمه..وعفتها بحزنها ورجعت تكورت بحزني..

كعدت على الجربايه.. والاكل حاطيليا على الميز.. هاي عمتي ام يوسف من ادزلي الصينيه تترسها تترس بس هاي ام الزوم ميقات من تصب الاكل هيه تخلي شكو شي ما احبه وادزها الي..

باوعت على الاكل مابيه حيل اكل.. صفنت على الاكل وبالي راح يم سيف... هسه شدياكل.. هم ينطوا اكل زين..؟
قاطع صمت حزني هبه الخبله وهيه تدفر الباب وتركض عليه.. انطتني تيلفونها وهيه تحجي ويايه بصوت ناصي

// هذاا سيف سهنند..هاج احجي ويا بسرعه..

ــــــــــــــــــــــــــــــــــ

يوسف.

هذا عمي ماشالله عليهِ اخاف عنده شويه عقل طيرها بعصبيته.. شهر اذا مو اكثر وهوه حابسها .. اني هم اعتزلت شوفتها..من اشوفها راح تسألني على سيف عاد ابقه صافن عليها شجاوبها يعني احسن شي الابتعاد.. واوس النذل شكد احجي ويا وراسه معند.. احبسه يعني احبسه.. حتى الزياره مانعها عليهِ الا بالدفرات يلا يقبل اروح اشوفه..

رحتله مرتين.. مورم وجها الاغبر.. كل ما اروحله يسألني على سهند وطاريها ما ينزل عن لسانه.. يكولي لا تغرك هاي الكدمات ترا هذا ابن عمك ارعن لو صدك جان فتح الكلبجات وادحك منو اليزورك منو.

وصدك اوس من يفوتله ما يفتح الكلبجات علمود من يضربه ما يكدر يدافع عن نفسه... حالته تقهر ضعفان حيل جسمه صاير هزيل..

واني وين وابن خالها لهبه الارعن جاي يخطبها من ابوها.. غير اشعل اهله.. اول ماسمعت حجيت ويه ابويه لان اذا احجي اني ويه ابوها يسويها عناد.. عاد خليت ابوي يحجي ويا طلبها منه بس بكلام مبطن بتهديد اذا رفضت انسه اني اخوك والله عمي وافق بس يريدها تكبر شوكت تكبر ماعرف..اشو هذيج ازل زوجها وهيه ماطلعه ال18.. بس هاي لكلكه من حضرة جنابه عباله اتركها ..

.....

طلعت بوجهي على اوس الارعن.. داشوف شمسوي بالرجال..صارلي اسبوع مرايح شايف.. وبعد سين وجيم يلا دخلني..االارعن حيل متشدد وراسه يابس..

جان كاعد على جهة القبله وديسبح.. التفتلي بأبتسامه تعبانه// ها يوول ساكك الشوك ليهين.

كعدت بصفه واني مقهور على حالته// اي يابه ساكني ساكني..شلونك بويه..؟
باوعلي صفح ورجع يعد بخرز السبحه// صاير تحجي مثلنه يوول ..
يوسف// اي من عاشر قوم ..

سألني وهوه بعده مدنك على السبحه// شلونها..؟
تنهدت بتعب // زينه زينه..

اندار عليه بسرعه وكفخني// يول لا اجذب الجدامك مو اثول .. خوموا كتولها انه مسجون..
حكيت راسي وجاوبته// اي عرفت من زمان..

سيف// يوول يمصكوع ليش كتلها شكتلك انه..

طلعت تيلفوني واني اخابر على هبه.. // اي عرفت من البنات.. مو منه.
سيف// عفيه نسوان ولا يستجنن مايصدكن يضربن فج على القال والقيل..

شويه وجاوبتني هبه.. // ها يوسف ..
يوسف// ها حبيبي شلونج..
جاوبتني بخجل// ههه الحمدالله محتاج شي..؟

جاوبتها واني اباوع على سيف الصافن عليه ورافع حاجبه بمكر // اي هباوي اصعديلي لسهند اريد احاجيها..
// اي هسه

سيف// ايي يوول صااحب نخووه انطيناها احاجيها..
هبه// منو هذا ..يوسف..

يوسف// صوتج نصي فضحتينه ابن خالتها لسهند سيف..

ثواني واخذت سهند التيلفون واني انطيتهيا لسيف.

. ــــــــــــــــــــــــــــــــــــــــــــــــ

قدر..

من بعد الجفصه الجفصتها ويه سهند.. توقعت بأي لحظه يخابر اوس ينهد عليه بس والله اني ماعرف هيه ماتعرف.. شلون هيج زلكت ماعرف..

مرت يومين واوس ماكو ارتاحيت شويه كلت اكيد ماصار شي والوضع تمام.. اجه اخويه الصغير شايل التيلفون ويحجي بي .. ///

الووو انته يااهو زوج كدر.. سكت شويه ورجع يحجي// ولي ولي ما ننتيك كدرنه يلا في المان الله ..
ضحكت عليهِ // ولك صوفي يا المان منو هذا..؟

// هذا وحش ماكو احد مالج دخل..

مصطفى اخويه عمره 6سنوات جبير بس الكلمات مالته مكسرره ويتأتأ بالكلام .. يشلع الكلب يلا يطلع الكلمه..

مصطفى// أأ..أأ أأش .. خل ..خ .,.خل افهم شير..شيريد هذا
سحبت التيلفون منه وخليته على اذني..

قدر// الو من..؟
جاوبني بنفاذ صبر// واخيراً ماتكليلي منو هذا بالع مسجل خوما مسجل.. صارلي ساعتين اجر الكلمه الاثول منو هذا ولج..؟
قدر// هذا اخويه لا تغلط عليهِ..

جاوبني بعدم اهتمام// ديلا يلا انوب ادافعله ام حلك.. وينج انتي لا تخابرني تسألين عن زوجج مات عاش ..
قدر// اي غير انته تخابرني هم ,,اني ماعندي تيلفون واستحي اطلب من اخوتي انته هم لازم تسأل عني لو بس اني..؟

جاوبني بهيام// عمي اسأل واشعل ابو السؤال مو تدللين .. شوكت ترجعين عاد ترا الغرفه ضلمه..؟
غيرت الموضوع ويا// اي شلون سهند..

عبالك ضربته على راسه بهذا سؤالي جاوبني بحده// همزين ذكرتيني انتي هذا لسانج الا اكصه يلا تكعدين راحه ..شلون تكولين لسهند حابسين سييف ولج..
قدر// والله شمعرفني اني انته غير تكولي.. بعدين اذا تكص لساني اشتكي عليك يم ابوي اي نعم..

ضحك بصوت عالي طرش اذني// ههههه ولج صايرلج ظهر وصرتي تهدديني قدري مو ههههه يلا عمي ما اكصلجيا يصير اعضه..

فتحت عيوني بصدمه وجاوبته بعصبيه// اوووس شنوو هذاا الكلااام
اوس// هههه عمره الاوس عمي همزين كتلج اعضه علمود اسمع اسمي ذبحتيني بأبو رامي مشعول الصفحه مدري منوين عرفتي.. داجاوبه جان يفوت ابويه عصبي..

ابو قدر// ويامن تحجين بابا..؟

قدر// ويه اوس يابه..
ابو قدرر// واني سمحتللج تحجييين ويا قدرر ..؟

صفنت على ابويه واوس صاح من يمه// شبي هذاا بس لا تخبل مو مرتي شنو سمحتلج..؟

ابو قدر// جيبي التيلفوون ممنوع تحجين ويااا انتو متفقين تتطلكون بويه يحرم عليج تحجين ويا بالخلوه.. !!

ــــــــــــــــــــــــــــــــــــــ

يلا دادا خلي اروح اقرا قرأن بلكي الله يرضه عني شويه هههه..

انشالله عجبكم البارت والاحداث .

. احبنكمم وااايد واايد

حفصه الهاشم ♥