زمهرير الاوجاع الفصل التاسع والعشرون 29 - بقلم قدر ال هاشم

زمهرير الاوجاع

حفصه الهاشم ...

______________________

اخذ التيلفون مني وهوه معصب حط السماعه على اذانه وجاوبه /// وعليكم السلام وعليكم السلام ......

لا بويه انتوا اتفقتوا تطلكون وانه بنتي رايدها يمي بعد عل....

قطع كلامه وسكت شويه ورجع جاوبه /// يصير خير انته تعال ونتفاهم بهالموضوع. في امان الله ..

سد التيلفون وحطه بجيب الدشداشه ابو قدر // منا على ما يجي لا تحججين ويا زين
قدر حاضر بابا ..

عافني وطلع خلاني بصدمتي ... ابويه جان عاجبه اوس ليش هسه گلب عليهِ! ؟
دخلت عليه امي وتلطم // الصخمج غدر الصخمج صدوك تريدين تطلكين من رجلج. ولج ياخذونه علج بحلوكهم صدك يووولي .. قدر // شمعرفنيي يووم غير زوجج اجه هداده عليه اني شلي دخل ..

كعدت بصفي وجاوبتني // ديري بالج يا يمه والله خوش رجال ومامنه قصور حرامات تضيعينه من ايديج هيج. ......وهذا الاغبر جميل شيلي من بالج ادري بيج تحبي ..

جاوبتها بخوف //لا يمه والله شنو احبه ههههه ..والله ما احبه
كامت وهيه تبوس راسي // اي عفيه يمه لا تخلي ابالج ما يسعدج ديري بالج على رجلج وبيتج بنتي. والله لو تطلكين العالم تاكلج اكلج يمه غدوره
نزلت راسي وجاوبتها // انشالله يوم ..

بقيت يومين افكر. كلام امي صح. .. حتى اني رغبتي بجميل اختفت اللهفه الي جنت احس بيها من يفوت لو من ينذكر اسمه اختفت على عكس ابو رامي .. يوو على عكس اوس اقصد هههههه

ورا يومين اجه اوس يجوز جان عنده شغل بس ميصير لازم يجي من اول دقيقه اي لعد اني مو زوجته ..

اسمعهم برا يسلمون عليهِ وفاتوا للمضيف .. سويتلهم جاي واجه اخويه اخذلهميا ... بقيت كاعده بالمطبخ انتظرهم يصيحوني لان ابويه يكول خلي ناخذ رأيج كدامه. كمت على المرايه ركض واني اسمع صوت اخويه يصيحني باوعت على شكلي مابي شي. خلي اجرب اسوي مثل علياء شويه كرصت خدودي ورجعت ضربتهن راشديات علمود يصيرن حمر مره شفت علياء هيج تسوي بخطبة سهند المفاجئه ....

فتت عليهم واني منزله راسي سلمت عليهم وردوا السلام .. شويه ورفعت راسي. اجتي عينه بعيني .. صافن عليه ومبتسم ... بادلته الابتسامه ورجعت نزلت راسي ..
ابو قدر // بويه انتي تعرفين ليش ندهتلج. اذا تريدين توافقين وتمشين بهالزواج اني بأيدي ارجعكم لبغداد. واذا لا هاهيه كلمتج تمشي

.. باوعت على اوس بخباثه شكد حلو لو هسه اخبث عليهِ واكوله ما اريدك ..
بس المصيبه اني اريده. اقصد تعودت تعودت عليهِ دائما يمي. وتحرشاته اللطيفه. الي جنت قبل اكرهن ..!

صاح عليه اوس بنفاذ صبر // يلا يااابه هيه كلمه كولي اي وخلي نفض هالفلم ...
ابو قدر // يوول استجن خل البنيه تفكر ..
قاطعته بسرعه // اي بابا اني ما اريد اطلك .... اريد اكمل زواجي ويا ...

كام هوه على حيله وابوي هم كام هوه نفش ريشاته على ابويه. عبالك ديكوله شوف شوف هيه هاي تربيتي ..
اوس /// هاا عمي اني شكتلك. مو كتلك ماكو هيج سواالف بس انته ولي يسلمك ..

ابو قدر // ياابه بنيتي ظلمتها ما اريدن اظلمها مرة الثانيه. اني سمعت من الولد تطلكون عذرنه وليدي ..
مسح على شواربه وهوه يباوعلي // لا ابو. قدر معذور شيخنه ..يلا قدور حضري نفسج دنرجع لبغداد

ابو قدر // لاا ياابه ماكو هيج شي. تغدوا وتوكلي .. وصدك تغدينه واوس خلصها عليه يلا ويلا لميت غراضي وامي فراحنه بيه جانت شايله هم اكثر مني انو اطلك ... ما تلام مجتمعنه يخلي هيج صور بعقول العالم مو لحالها تجي ..

سلمنه على اهلي وطلعنه ركبنه بالسياره وهوه كل شويه ويضحك ويكولي جبتج للدرب قدرري بس لو اعرف يا درب جابني عليه اشو اني زوجته من زمان. خبل هذا مو صاحي ..

قدر // اوس طلعت
قاطعني وهوه يسحب ايدي ويبوسها // عيونه الاوس كوولي غرردي ..
سحبت ايدي منه بتوتر وسألته // گرايب سهند ما طلع من السجن ..

باوعلي بأستغراب ورجع باوع للطريق // وانتي شلج دخل بسيف خيرر؟ ؟ سامعه شي ياابه؟
قدر // لا والله بس جنت دافكر بسهند واجه على بالي ..

سكت ثواني مجاوبني شويه وجاوبني. وهوه يسحب نفس /// لا راح يطلع بعد كم يوم ...
قدر // اي انشالله ..

بقينه ساكتين طول الطريق و تيلفونه ما سكت كل شويه وتجي رساله .. لو مكالمه وهوه ساعه يرفض ساعه يشوف الرسائل اني من يمي توترت هاللكد ما دك قدر // جاوب خطيه يجوز يريدوك بشي مهم ..!؟

جاوبني بصوت ناصي وهوه ينطي رفض للمكالمه // لو تعرفين هاي منو جان شمرتي التيلفون من الجامه ..
قدر // ليش منو. ...

قاطعني بسرعه وهوه يغير الموضوع /// مو مهم مو مهمم صبيلي مي من يمج ولج نشف ريكي ..
صبيتله مي. وهوه يتأفأف ماكدر اشرربه ولج شربيني ..

ادري اكو عالم تسوق بأيد وحده بس هذا ثعلب مكار شربته وخرت عنه ... وصلنه لبغداد ويه المغرب .. نزلنه واوس ينزل بالجنط يا ترى عمتي راح تفرح بجيتي لو لا صراحة اني هم مشتاقتلها شويه جانت خوش مره ويايه لفتره محدوده ..

.وصدوك من فتنه بقت تهلي وتمرحب بينه عبالك ما مصدكه توه نورت البيت. يمه البيت وحشه بغيابكم بست راسها وسلمت عليهت. شلونج عمه؟ ! هيه بادلتني البوسه هم. زينه يمه زينه انتي شلونج شلون اهلج. ؟
والله الحمدالله كولهم زينين يسلمون عليكم ..

علياء // ديلا عاد هاي طلعه صارت بحسابج رحتي وتونستي يم اهلج شهر اذا مو اكثر ..
جاوبها اوس وهوه يفوت الجنط /// وانتي كاعده تحسبيلها الطلعات ولج؟

علياء // لا ياابه داشاقه وياها .. شلونك خويه سلم عليها وصعدنه فوك ياايابه هاي الغرفه صارلي شكد ما فايتتها .. عبالك سنه مو شهر ..

اخذت الجنطه من ايده اوس هاي الغرفه شوفيها شلون بارده تريد حضنج ولج. كال هيج وغمزلي بنهاية كلامه ...
عيونه مال واحد مستهتر مو مال رجال جبير
احس بيهن هواي كلام بس يضمه هوه نزلت راسي وجاوبته /// هههه اي انشالله ابقه بيها وادفيها ..

عاف الجنط واجه عليه بسرعه لزم ايدي وهوه يباوع بعيوني // اي يابه اندفيها واندفي عشيرتها هم لعد فوتي سبحي وانتظرج هنانه تاندفيها اني وياج زين قدري ..

باوعتله بأستغراب عفت ايده ورحت جبت جهاز التحكم مال السبلت قدمته الي وهوه مستغرب مني قدر // هاك شغل التدفئه لعد لبين ما اسبح على شنو تنتظرني خو هسه شغلها احسلك اذا بردان ..
حسيته انصدم مني واني انصدمت من صدمته؟ !!!
شكو؟ اكو شي غلط؟

سحب الجهاز مني بعصبيه وهو يباوع على الجهاز ويرجع يباوعلي // لوو اركع هذاا هسه برراسج احد يكوولي ليش ..مو مال رومانسيه انتي مال طب. امشيي من كداامي

شمر الجهاز على الميز وراح يطلعله ملابس وهوه يدردم عليه // الثوله اكولها دفيني تنطيني الجهاز الغبره .. اردف بصوت عالي وهوه يباوعلي هذاا قنعي بي ابووج ابوو راس

رجع ياخذ ملابسه وهوه يهمس ..ثوله اخذ ملابسه وطلع للحمام ..
هيه وحده من الاثنين ياما هوه مخبل ياما اني التخبلت ..؟"

طلعتلي ملابسي وانتظرته يطلع شويه وطلع واني فتت ورا داسبح. الطريق. تعبنه كولش .. لفيت راسي بالمنشفه وطلعت. نزلنه جوه تعشينه وعلياء ماقبلت اغسل المواعين خليتها على راحتها وصعدت هاللكد ما تعبانه من الطريق غيرت ملابسي لدشداشه خفيفه وحطيت راسي على المخده وغفيت مثل القتيله ..

.............

واني نايمه احس بشي يمشي على وجهي وخرت ايدي داكشها عود ذبانه ..
شويه ورجعت ..شلون ورطه غطيت راسي. واني اتأفأف وره كم ثانيه جان تكلب على رجلي .. وخرت البطانيه واني متحلفتلها الا اضربها .. // اليووم لوو اني لوو..

. قطعت كلامي فززني الملعون // اووووس .. هاي انتنه ..
جاوبني وهوه يضحك ويسحبني لحضنه // اي ابويه اني منو قابل ..؟!
قدر // لا عبالي ذبانه .. ضحك بصوت عالي ورجع حضني قوي حسيت عضامي تكسرن // خلف الله عليج يابه سويتيني ذبانه ... هسه شنو مناويه. نشغل تدفئتنه ..؟

دفعته. شويه وهوه ورجع سحبني جاوبته بأنزعاج // دخليي اكووم اجيب جهااز السبلللت خنكتني ..
اشو هذا كلبني على الجربايه وصار فوكايه ما انطاني مجال احجي لو افتهم الديصير ..

كام يوزع بوساته على وجهي وهوه يغلط عليه // انهجم بيت الثوول الشايلتته اني السبلت ياابه بس شغليني اني ادفييج ..
وخرت ايده الجان حاطهن يم راسي. قدر // اووس كاافي. شوو وخرر ..
شال ايدي وحطهن فوك راسي ورجع يبوس بوجهي //انجبي قدرري الكافي شنو ليش اني بلشت .. تجاهل كلامي. رجع يبوس بيه شعور غريب خوف على خجل ...

وهوه ولا يخجل يعوف خدي ينزل على شفتي .. حسيت نفسي لعبت من الديصير ..
وهوه ولا كأنو. ماعرف شكد مر من الوقت وبدت تظهر استجابتي ويا ..

عاد هوه تخبل ساعه يكعد يتغزل ساعه يسب عليه .. انعل ابوج شهالجسم ولج. ..عمي اني الاغبر الجنت عايفج كل هالمده ..
كل شي صار بسرعه صح جنت احسه عصبي حتى وهوه ديتقربلي بس بنفس الوقت. حسيت بخوفه عليه ...

ماجنت متوقعه راح اصير زوجته بهيج سرعه وبهيج طريقه .. جنت اتخيل حب ورمانسيه اني ما اكول هو مجان رومنسي بالعكس بس تخيلت مثل الافلام والمسلسلات يكولي احبج واني ارجع اكوله احبك ..بس هذا اوس يا مسلسلات حتى مانطاني مجال افهم اجه مثل الغول وخر ملابسي وفقد ..
وهم ما اكدر اكول اني جنت رافضه الموضوع لان تجاوبت ويا. بس خايفه من التسرع السويته

........................

كعدت الصبح هوه ماكو استغليت الفرصه لبست ملابسي وطلعت للحمام .. سبحت ونشفت شعري ونزلتلهم. ما انكر الالم الي اجاني اول ما كعدت بس بعيدين اختفه .. نزلت جان عمي طالع هوه وفراهد دخلت للمطبخ وصوته هوه ويضحك ويه امه يلعلع

قدر// صباح الخير
// صباح الخير يمه تعالي تريكي ويانه مادام الاكل مصبوب
اوس جاوبني بصوت عالي // صباح العسسسل ياابه تعالي تعالي كعدي يمي دااشوف ..

نزلت راسي خجلانه منه هووايه حسيت دخان كام يطلع من اذاني .. رحت كعدت يمه واني منزله راسي نزل هوه لمستوايه وحجه بأذني اوس // ها بويه بعدنه متوجعين لو تمام اذا يوجعج شي داشوفلج جاره ..

وخرت عنه واني اطكطك بأصابيعي // لا. مابيه شي تسلم ..
ضحك بخفه وغمزلي // اي عمه لبووه لبووه. غير طيرتي عقلي البارحه احتاريت شنو ابوس صراحةً اني الي احرر المنطقه المحصنه بثواني احتاريت وياج

رجعت ليورا عنه و خزرته المستهتر جاوبته بهمس عود عمتي يم الممر اكص ايدي اذا ما شمرت اذانها يمنه // ترا صااير حيل مستهتتر ابو رامي. ولاعبالك هذاك الرزن ..

ضحك بصوت عالي وسحب الكرسي الكاعده عليه بصفه ///ههههههه بعدج ما شايفه شي اني اخلي الاستهتار بالليل علمود ينفعنه بويه

خزرته وسكتت عنه هذا لو ارجع احجي ويا يغتصبني بالمطبخ .. كعدنه نتريك وهوه كل شويه ويحط شي كدامي اوس // اي قدري اكلي زين البارحه سحبت طاقتج كلها ههههه

بلاني بلوه بقه يومين بس يشمرلي كلام واني من اخر مره ما خليته يتقربلي ..ولا هوه كاتل نفسه مره كعد على الجربايه ويدخن ومقهور ليش مدا اخلي يشوف شغله على كولته باوعلي بغيض وحجه مثل الطفل الي يريد شغله وما ينطوهيا // والله انتي ترا حرام عليج زين اني مخليج على حل شعرج بس ترا من يطبكن عندي اجي اشعلهن للمغارات. شعل

جنت كاعده. مقابيل الميز وداظفر بشعري // الله اليستر منك لعد .
رجع جاوبني وهوه ضايج // ترا مادام تصديني الملائكه كلها تلعنج اخاف متعرفين ..

شمرت المشط وكمت كعدت بصفه بخوف لزمت تيشيرته وجاوبته. //لا اوس الله عليك لا تخليهم يلعنوني ...
باوعلي هوه صفح عود زعلان. // اي غير تسمعين كلمتي من اكلج تعاي عندي شغل وياح تجين ركض. عليه تحيرين شتسويلي. بس انتي بربوك ماينفع وياج غير السحل ..

بوقتها ضليت اتوسل بي. جنت اكوله كول ما اريدج علمود الملائكه ما تلعني وهوه يسويها عناد اريدج اريدج اريدج.. ______________

سهند

اخذت التيلفون منها واني ملهوفه اسمع صوته .. حطيت السماعه على اذني واني اباوعلها اخاف يطلع جذب

سهند // الوو سييف؟ !!

اجاني صوته المتعوب صاارلي شكد ماا سامعته عبالك رجعت روحي لجسمي من سمعت صوته
سيف// ااخخ يولوو عيونو لسيف واهلوو ..

اول ما سمعت صوته ماسيطرت على دموعي كعدت ابجي بصوت عالي. من الشوگ ماعوف الفرحه .. سيف // ول بويه لاتبجين جم مره كايلج انه ... مسحت دموعي وجاوبته // مدا ابجي اني ..بس مشتاقتلك هووايه .. شسووا هذوله الحقراء ييك لو مخاطبني هواي احسن الك ..

جاوبني بحده // يوول ماتعرفين تحجين جلمتين براسهن خير ..عجل اذا ما اخطبج المن اخطب ابوي يولوو لو ما خاطبج جان هسه اني عاظ اصابيعي ندم .. لاتعيديها بويه
جاوبته واني ابجي واضححك // هههه يولو عبالي مليت مني ..

تنهد بتعب وجاوبني // يولي اكو واحد يبزع من روحو مو اكلج ماتعرفين تحجين لسانج فالح يس يصيح عليه ...شلونج انتي بويه ؟ بعدني ما مجاوبته جان تفوت علياء وقدر وياها فززتني بنت الذين ..
درت وجهي ما انطيتها اهميه هاي الحقيره هم لا سالت عليه ولا هم يحزنون

سهند // اني. زينه اذا انته زين ..
سيف // اي عفيه بويه لا تكتلين روحج بالبجي اريد من اطلع اشوفج ورده مفتحه مو ذبلانه حبيبي
سهند // اي وانته هم اريد اشوفك اسد قوي مو ضعيف

ضحك بخفه وجاوبني. اي انه اسد بويه اسد بس غير ما شايفه شي انتي انشالله بس اطلع تمر فتره وارجع لعمج سعدون الظاهر عليهِ خوش رجال مو اغبر مثل ابوج.
جاوبته بخوف // لا سيف اخاف يسوولك شي عاد مابيه حيل بعد ..
سيف // هاا يول شكتلج انه مو كتلج قبل لا تضعفين واوكفي وياي اشو هسع انسحبنه ..

سهند //لا والله بس اني خايفه عليك.
سيف//لاتخافين حبيبي زوجج اامستقبلي اسدد
سهند // اي ربي يحفظه ههههه

صاح يوسف من يمه /// يلا ولكم راح يجنه الارعن اوس يكرع روسنه..
سيف//هذا المصكوع لو الزمو اطلع حركة كليبي بي ..يلا بويه سهند ديري بالج على نفسج لاتنسينه بالدعاء ..
سهند // انشالله وانته هم دير بالك على نفسك..

سديت التيلفون وحضنته بفرحه تخيلت التيلفون سيف وكاعده احضن بي

علياء. ديلا ولج اشو دكيتي بالتيلفون حضنات هذا منو الجنتي تحجين ويا سيف مو؟ "
انداريت عليهت جانت متخصره و واكفه بضوجه سهند//انتي لاتحجين ويايه بذاته هسه يلا تذكرتيني ..
علياء //ياا ولج سهند طلعتي حاقده عليه مو؟
جاوبتها هبه بغيض. هبه من زمان تضوج منها /// اي لان انته غداره ولامره اجيتي سألتي عليها مگضيتها كولها صديقتي هند وصديقتي هند وشامره بنت عمج على صفحه ..

صاحت عليها علياء // ولج هبببه لسااانج صاااير حيلل طوويل اذا اجي ترا اكصلجيا .. اندارت عليه وكملت. ولج سهند والله جنت مقهوره عليج فماردت اشوفج هيج مكسوره تعرفيني انتي كولش زين ..

كعدت بصف قدر وجاوبتها // اي اعرفج مصار شي هيه هاي حجتكم كولكم
كعدت كدامي بحماس ورجعت عادت سؤالها // ماكتيلي هذا سيف الحجيتي ويا مو على اساس مسجون؟
سهند //اي خلف الله على يوسف ولا هذا اوس اشمره على صفحه الحقير

جاوبتني قدر وهيه تبررله // لا والله سهند هوه كال راح اطلعه علمودج لاتحكمين عليهِ والله مقهور عليج هوايه ..
جاوبتها بعدم اهتمام. اي الله يزيد قهره اكثر ..

سكتت هيه وعلياء لزمتني اكس مربع وانتي بعدج تريدي موهوه ضربج وهذا مانكدر نأمن عليج يمه سهند.
علياء سدي الموضوع لان سيف. قفلت عليهِ واذا مو حب قفلت عليهِ عناداً بيكم وبأبويه زين فلاتحجين كلام ماله داعي وميأثر بيه هم .. سكتت هيه مصدومه من ردي حقها قبل ماجنت احجي وياها بهيج اسلوب بس هيه تستاهل علمود تعرف اني زعلانه عليها ..

باوعتلها بفضول وسألتها //وانتي منوين تعرفين هند اخته؟ !
علياء //ها ...تذكرين مره هذوله العالم النزلوا يمنه بمنطقتنه القديمه هيه جانت وزوجها بس هيه طلكت اني من هذاك الوقت اعرفها بس ماعبالي اخت سيف هههه

سهند //ماشالله شلون صدفه ..وهيه تحجي وياج طبيعي لو رافعه خشمها؟ !
علياء//لا والله كولش حبابه خطيه جنت احجي وياها تكول امي تعبانه كولش ومقهوره على سيف واربعه وعشرين ساعه لو ضغطها معلك لو السكر ..
تنهدت بحزن عليها وجاوبتها //اي من ورا اخوج الحقنه ..

..............................................

.بقوا البنات يمي لليل وراحوا واني هم مانزلت من الغرفه بقيت ابني امالي على سيف واصنع عالمنه بالخيال اني ويا ...

قدر كالت راح يطلع من السجن .. وصدوك ورا يوومين سمعت من يوسف طلع .. بوقتها الفرحه مالتي طيرتني للسما عبالك اجه خطبني و وافقوا مو طلعوا من السجن ..

من سمعته طلع رجعت سويتلي عنايه بجسمي وبوجهي من جديد غير صايره جني عبسي هذا لو يجي يخطبني من جديد واذا اهلي وافقوا وشافني بهيج شكل يجوز هوه يلزم دشداشته بحلكه ويفلت ..

مرت ايام من هوه طلع من السجن بس ماله حس ولاخبر ...!!
بقيت مرات اخابر على رقمه يطلعلي مغلق لو خارج نطاق التغطيه قلقني كولش ..

مرت الايام والاشهر وهوه ماكو الفرحه الي طيرتني للسما رجعت وكعتني على الارض وكسرتني هم ...

لبست حجابي ونزلت على يوسف. ميقات //هاا نزلت المسعده خاتون جان بقيتي فوك ليش نزلتي ..!
سهند//اي عاجبني اخذلي جوله بالبيت اشوفج نظفتي زين لو لا ..

فتحت عيونها عليه وجاوبتني وهيه تتخصرلي // لو بيج خير جان نظفتي انتي بس يلا حقج عماتج كلنج اكل بلسانهن هههه لو شفتيهن شيحجن عليج كصنج كص ..
جاوبتها بعدم اهتمام //اي وانتي مو وياهم ??
ميقات //لا والله اني جنت اكوللهم هايه المستهتره بنت زوجي اقصد الغااليه الغااليه ..

باوعتلها صفح وطلعت من يمها //شعجب ادري بيج تموتيين على الحش والنش بنت غاافل ..

بقت ادردم ورايه واني عفتها .. عليها سوالف هاي ميقاتتو. تضحك الواحد وتنرفزه بنفس الوقت القزمه ..
هيه قصيره حييل تقريبا بطول هبه اذا مو هبه اطول منها .. دكيت الباب وفتحته بدون ما ينطيني الاذن حته

سهند// يلا البيت بيتي عادي ..
جان نايم. وحاط رجل فوك رجل وديلعب بتيلفونه بهاي الفتره نزلت التيلفونات الجديده واالعالم تخبلت عليها حتى علياء اشترت منه بس اني بعدني معتزه بالصرصر مالتي غير يجنن بي ذكرياتي ويه سيفي

يوسف // اني كتلج فووتي اشو ماعندج ذوق ولج يا بيت بيتج هذا؟
كعدت كدامه على الگاع وجاوبته /بيت الجيران ..تعال كلي سيف طلعتوا من السجن لو لا؟

جاوبني وهوه يرجع عينه على التيلفون //اي يمعوده مو كتلج طلعنا ..
سهند // لعد وينه ديخابرك تحجي ويا؟ ...
يوسف //لاوالله سهند اخابره مغلق لو خارج نطاق التغطيه ماعرف وين راح يجوز مل منج ومن حظج الفكر

ضربته على رجله //لاتحجي على حضي على اساس انته حضك كاعد فوك القمر مو هذيجياها هبه لاهيه الك ولا هيه الغيرك . جاوبني بعدم اهتمام وهوه مركز على التيلفون // اي اي خوش ..من يخابرين عود اكلج كومي يلا اطلعي ..

باوعتله بضوجه وطلعت ادري وين راح ... ماكو غير علياء اخابرها واخليها تسأل اخته على سيف .. صعدت فوك ركض وطلعت تيلفوني خابرتها مرتين يلا جاوبت ..

سهند // هلو علوش شلونج؟ !
علياء // زينه انتي شلونج ..
تجاهلت سؤالها // اكولج علياء حبابه خابري على هند اسأليها على سيف كوليلها وينه اشو اخابر عليهِ ماكو صارله فوك الشهر فدوه حبيبتي
علياء // خوش هسه اخابرها انتظريني.

سديت التيلفون واني كعدت انتظرها ..
تقريبا مرت ربع ساعه ورجعت خابرتني ..
سهند // ها بشري ؟

علياء // شكولك سهند ..اشو هاي تكولي مسافرين لسوريا ناوين يستقرون هناك ..

......................................................

االغلاف تصميم الحلوه alraawih

رأيكم الحلو وتعليقاتكم المشجعه علمود تحفزني للبارت القادم
ههههه احبنكم واايييد وااايد ♥ حفصه الهاشم ♪