رواية انتي القرار السديد بقلم اسراء ابراهيم | كاملة

بعد الفرح بأسبوع نزلت تحت لحماتها. فقالت: "ازيك يا ماما؟" حماتها: "الحمد لله، بعد كده تنزلي بدري. مش هنفضل مستنيين جنابك للضهر." حنين باستغراب: "ضهر إيه؟ الساعة لسه تسعة، ويدوب روقت شقتي ونزلت يا حماتي." حماتها: "لأ بصي يا حبيبتي، أنتِ هنا تعملي اللي أقولك عليه وماتجادليش. العيشة اللي عيشتيها في بيت أبوكِ تختلف عننا، كل بيت وله أسلوب حياة ماشي عليه. وإحنا لينا أسلوب ماشيين عليه، وجنابك تتبعي قوانين البيت ده. الساعة سبعة تنزلي عشان تجهزي الفطار لسلايفك عشان يلحقوا يروحوا شغلهم، وبعدها تروقي الشقة هنا وتغسلي أي هدوم ولا مواعين. ومش هتطلعي شقتك غير بعد لما نتعشى وتغسلي المواعين وتروقي البيت، فاهمه؟" حنين بضيق: "فاهمه يا حماتي." حماتها: "أهو كدا تبقي شاطرة وتكسبيني. كلمتي هي اللي ماشية في البيت هنا على فكرة، والشورة شورتي. يعني لو نملة دخلت ولا خرجت ببقى عارفة. لو أمك جاتلك ومعها حاجة تسيبها هنا. ومافيش أكل تاخديه معك شقتك غير عيش وجبنة وحبايتين...