تحميل رواية «عشق المومنين(أبناء الساده)» PDF

السلام عليكم....طبعا من قفلت بناء على طلبات لكن الحاحكم كتبت...بارت عقيله وسيد مجتبى طويل فصار ختمه اولى وحتبقى ختمة غفران وسلمان ومريم رعد ختمه ثانيه...

..

احـد العلمـاء سـألوه :

(مـن هـو صاحـب الزمـان )؟؟

فـقال:هـو ذلك الأب الـذي يحـبك رغـم عيـوبك و ذنوبـك

لان ""من علاماتِ حُبِّ اللّٰـهِ لكَ

‏إصرارُكَ على التَّوبةِ بعد كلِّ ذنبٍ ‏فاثبُتْ

كعدنه بصاله اجت ام غفران سلمت علينه

كال جدي

-ام احمد اريد ابنيتنه تجي هنا

-هسه اصيحها..

راحت اشوي ورجعت وياها عقيله لابسه نقابها وعبائتهاسلمت علينه تقربت باست جدي تبچي

بچینه گل احنا..راسن جدي مد ايده الثوبه طلع نقال سيد مهدي

عقيله كالت

-هذاااا موبايل سيد مهدي وووينه اريده

مد ايده الها نطا

كتله

-جدي اشوووكت اخذته ليش مگتلي اني محتاجه

كام توجى على العصا وكال الام غفران

-بعد عمچ مشیني

گالت عقيله

-وووين جدي اسندك انه

جاوبها

-لاااااا تبقين يم ابو ريماس تسمعون السمعته انااأأأ

بعد ماطلعنا منهم واكفة عقيلة بلباب يمهة سيد علي ودرة

وين رايح جدي ابقى

-ادخلي يم عم الجهال ااااسمعي السمعته بويه

كالت عقيله جدي بصوت مبحوح

-ماااسمع شي اني ام السادة ام علي ودرة والي ابطني لاااا تتوقع راح تقنعني بشي

سيد مهدي زوجي الاول والاخير وانه ام الساده وجهالي يبقون على ذكرى ابوهم

ويبقون باسم ابوهم وبسسس

(ابناء سيد مهدي الهاشمي)(ابناء الساده)

مجتبى/تفاصیل التارکهم سید مهدي غصه طول الطريق أفكر وين اضمهن عزيزات

اولهن التلفون بس من دخلنه بيت عقيله

وطلعاه جدي ورادنة ندخل وحدنه نسمعه حسيت أكو شي خصوص ردة فعل عقيلة شالت نقاب تحچي بعصبيه عمري مشفت منها هيچ اسلوب طبیعتها هادیه

گمت من التخم اخذت التلفون خليته بجيبي احاچي

ـمولاي مو وقت نسمع شي المرة كوة ثبت حملهه والتؤام طول فترة الحمل تعبانين وية امهم فالتلفون مو وقته

ـ ماباقي بالعمر وسعه يا ابني وهاي وصيةة واجبة التنفيذ

ردت عقيلة

ـ اذا چانت آلوصية مثل مفكرر ف اسفة ياجدي مستحيل اتقبل هالشي

ـ انتي بعدج ماسمعتيهه يابنتي

ـمااريد اسمعها لان هو يحبني يغار عليه مااكدر اسمع شي هو بحياته مكايله اليه وذا گاله فهو اضطر خوفآ عليه معناها مو من گل گلبه...وانا ویاه متفقین حتی بسما نگون ازواج بعض.یبقی سید مهدي زوجي عايش ويايه مستحيل اشوف احد بمكانه

متعصبه تحچي وترجف وكعت مثل سعفه صفره ركضت امهه لزمتهه گمت خایف علیها

-شبيچ شتحسین

ردت ام غفران

ـ عدهه فقر دم قوي متاكل شي

وكفت خايف عليهة وعلى جهال اخوي امانة عندي قبل لتكون عندها

جاوبت

ـخاله راح اجيبلهه شوي معلاك

ردت عقيلة وهي منهوته

ـ لااأاا أروح اتمدد

ـ-اشلون نطمان على سلامتج  والاطفال

ردت ام غفران

ـ هسة تجي جيرانه ممرضة تضربهه ابر مقويات

ـ هاي يومية تاخذهن؟

ـ لا مو يومية لان كلش قويات اكو ابر بين يومي ويوم تاخذهن اكو يومية اكو بالاسبوع مرة

رد جدي بخوف

ـالعافيه عندج بنيتي بس اااشلون راح تفشليني

بهستيريه وحركه تضرب گلبها وتحچي بصوت مبحوح بلا اي دمعه

ـجدي دخيل جدك محد بيكم يحس بيه والله السيد هناااا مكانه هنااااا متربع اول رجال واخر رجال يدخله..افتهمو ياعالم سيد مهدي الله خلقه اليه وانه اله  احنا اثنينه البعض اشلوون تردون احد يدخل بينه

سيد تعرفون سيد مهدي يغار عليه حتى من نفسه ليش تاذو هيچ وتردون تاذو باكثر شي يحبه وهو انااااا لان مااااات عدكم مااات عدكم رراح عندي عاايش

عايش كل يووم يجيني يطبط عليه حتى يسالني عنكم وانتم هیچ تجازونه حرررام علیگم حرررام والله ولكم ماايستاهل من عدكم هييچ

وخلي بالك جدي ماعاش ليفشلك ياجدي انت الغالي من ريحة  الغالي  تتخيليني هيچ اتعامل وياك بس الله يخليك لاتضغط عليه السيد يزعل عليك وعليه

مسحت دموعي من نهيارها وكل الدكوله صح هي أمانة اخوي هي حبه وعشقه وراحته وهي اللمعه بعيونه من يحچي بيها..محد يعرف هل شي بس هي وانااا

تقربت عليها والدموع من لحيتي تنزل

-الله يحفظچ یامرت اخوي

طلعت بخطوات تكسر الگلب ودي الوم نفسي ليش مااكدر احتوي احباب اخوي وامسح دمعتهم

همست لجدي

ـ عوفهه ياجدي خليهه تهداء صوتها رايح صحتها تعبانه

-ووك وليدي لبابكم ماعرف اخوك شكثر يحبها مووو عاند عمامه لجلها وانا طبكت وياه بس وليدي مايخلوها تتهنا بجهالها

افهم ابني

-فااهمك  صحة مرت اخوي اهم هسسه

-براحتك يبوي براحتك

گمت من مكاني دخل سيد علي لزم ایدي

-ابقى عموو لا تروح

-حبيبي عمو انت الزلمة هسة بالبيت تاخذ بالك من ماما واختك وبيبيتك وتلفونك يمك من تحتاجني راسا خابرني ..

عندك رصيد مو؟

ـ اي عمو عندي هواي ماصار اسبوع خليتلي

ـ خوش دير بالك على امك واخوتك

ـ اخوتي ابطن ماما بعدهم ماجوي بس اختي هنا

ـ حبيبي بابا اروح فدوة لهل لسا

بوست ايده نطيتهم مصرف

-يله جدي خلينه نگوم

-والموبایل

-اوعدك غير مره

كوه  قنعت جدي نروح طلعنة من بيت ابو غفران

ركبنا السياره جدي كال

-مشتاقين الريماس يمتى تجيبها

-هو راح اجيبها بعد عمتي اخذت اجازه

-اي وليدي احسن ميسم ماتتأمن

-شسوي ياجدي بسبب عمامي ومشاكلهم

خلوني افر باذاني وامن بنتي عند الميسم

-خاف الك نيه ترجع مريتك

-لااا جدي ابد ميسم كارهه كرهه بحيث أكول سبحان اليحول المشاعر من حب لبغض خليتها تاخذ ريماس مااريد اظلمها توسلت تبقى بنتها يمها فوافقت

-الله يتمم عليك عقلك وانت هم تعبت بس فكرر ببنيتك

-والله يجدي چنت اقبل تبقى يم امهه هالفترة الطويلة مضطر  عمتي ممقصرة وياهه بس لان موضفة وين تبقي ريماس من تطلع للدوام…وجدتي شوفت عينك تخاف على زعل ولدها وباقيه يمهم

-ما اكدر اتقبل فكرة اعوفهه يم مربية

-بعد جدك لان هل حرمه ماتفيدك

-حتى ل  تفيدني ماااريدهااا

-صایر تفگر مثل مهیدی الله یرحمه

-هم جاي احس ياجدي بحيث زاهد الدنيا

-تعرف من شفتك تحرك بگلشي ملابسك الكابوي المشكك وشتريت ملابس من محل المحل صاحب اخوك فرحت وليدي

-منو گالك

-صاحبكم گال سید مجتبی من جبت بضاعه طلب مثل استايل اخو واي قطعه

مال لبسه ماطلب وتغيير ابن ادم يبدي من ألبس المظهر الى ان ينتقل للجوهر

وشي يتمم شي

الاول مره جدي يحچي عني وهيچ را‌ضي رغم انا لا صاحب علاقه لا سهر بس يحب يشوفني انا وعمامي مثل سيد مهدي

رجعت للبيت انا وجدي بعدنة مانازلين اخذ تلفون سيد مهدي من كشن ماحچيت شي ولو بقت بنفسي اسمع وصيته بس ماريد اجادله گلش ضايج وتعبان وصحته بنازل

دخلنه بصاله كعدت على تخم  عمتي زينة اجتني  بيدها كلاص مي

ـهااااا عمه  شلونك

ـ بخير الحمد لله عمتي انتي شلونج

ـ اليوم اخذت اجازة لخمس سنين من دائرتي

ـ اخذتي اجازة ؟ مالت شنو

ـ تعبت من الدوام والالتزام اريد استريح واهتم بابوية وبلگي امي همين تجي يمي وانت جيب رموسة مشتاقه الها

ـ بس ماكلتيلي عل  اجازة

ـ اشتغلته ويه صديقتي علمود رموسه  جيبها ترة روحي رايحه عليهه

-ان شاء الله  خايف على عقيله  تعبانه البنية و خایف علی الجهال من تعبها

ـ ان شالله يارب یسلمون

ـ يلة ان شالله باچر اجيب رموسة

رحت الامي نطيتها علاجها اخذت صورة سيد مهدي شبكتها ونامت هذا حالها ابد ماغيرته

غطيتها طلعت الغرفه سبحان الله امي چان صوتها بیه حزم من تحچي هسه ابد مكسور بكد كسرتها

دخلت توضيت سبحت لبست ثوب طاهر مددت السجاده اصلي صلاة ألليل بيدي المسبحة  دعيت الاربعين مسلم  قريت زيارة عاشوراء...دعاء المجير الى

وتيقنت فعلا صلاة شرف المؤمن الله يريد يشوف منو الي يحارب دفو الفراش  والهدوء والراحه ويكوم يتوضى ويصلي

وخصوصا بالشتاء منو يتحمل البرد والمي البارد من يتوضه وساعات كهرباء طافيه

بس محد يعرف الراحه بعد ماتصليها ماكو مثلها راحه

اذن الفجر صليت رغم طول عمري أصلي

بس هسه حسيت انو صدك الصلاة كوثر تطهّر الإنسان وذا محسينا بأثر طهارة الصلاة بأنفسنا صلاتنا معناها مو حقيقيه وغير مقبوله

كعدت ٨اليوم عطلتي بدلت بلا ريوك طلعت لبغداد منها ألبيت ابو ميسم الطريق اشرب بس مي لان الاكل ماشتهي دكيت الجرس طلعت ميسم لابسة ملابس متستر من شي ماچانت هيج ملابسهه قبل…

غضيت البصر عنهه دنجت شابك ايدي ومنزلهن سلمت

-السلام عليكم

جاوبت بضحك

ـ هلو مجتبى وعليكم السلام هذا انت لوو أأخوك المرحوم جدامي..

اشووو ألحيه والقميص اسود مسدود الحد الرقبه...غض البصر....الوقار القميص

فوك البنطلون..سبحه بيدك محبس..اثررر السجود بلكصه يلمع ..شنوووهاي کلکم من تصيرون متدينين تسوون هييچي لبالك نسخ مستنخه من بعض

بهدوء صنعته

ـبلا زحمه حضريلي رموسة اريد اخذهه

ـرحمه عيوني رحمه ماكو اي زحمه بس مكولت تطلعون بالسيارة مشوار فدوه ميمي طلعني وياااااك

ـ بأي صله أو قرابه اطلعچ جیبي لبنيه

-قرابة  العفو طليقه تموت وتريد ترجع الك وتصير خدامه بين ايدك وحتى البس عبائه شدكووول

-استغفر الله ربي واتوب اليه روحي بسع جيبي البنيه وثنايا انتي اكفه بلاااسترر

-وي وي او ماااي گاد مشایفني قابل قبل

-وراي طريق اريد ارجعهه للبيت صارلهه هواي يمچ مشكور

ـ اني امهه شنو مشكورة

ـتمام ياريت تحضريهه حتى اخذهه

ـ زين تعال أدخل

ـ لالا بالباب واكف

ـترى ااااکوو محرم اقصد ابوية بالبيت

ـ حتى لو بالبيت انا هنا انتضر اتجيبين الطفلة

ـيامجتبى الطفلة ما انطيهه

حاولت ارفع عیني اجاوبها  مكدرت نترت

ـشنو ما انطيهه

ـبنتي ورجعتهه لحضني ورحت للمحكمة وطالبت بيهه وبحضانتهه وانحكمت الي

عيوني طفرن من راسي…باوعت بعينها والغضب ترسني عطت

-شنووسقطت الحضانه ششنو انحكمت الچ؟ اانتي شكاعد تحجييين

ـ ماكو داعي صياحك وعياطك ااجوي المحكمة للشقة ماالتك بلغوك بس مالكوك

ـ ليششش انتي مو تددرين اانا ما اتوااجد بلمهجومه وقااافلههه ليش مادزيتي الورق الكرربلاا

ـ واالله ما اندل

ـ للللللچ ميسسم ترررة عفاريت الدنييية تتكامزز جداااامييي  وقعتي على ورررقة واخذتي ثمن بنننتچ مااالچ حق اطالبين بيهه

ـ هذا الحچي ميمشي بالقانون مالتنة… 

رحت واسترجعت حضانتي لبنتي واذا ممصدك اكو اوراق تثبتلك

ـجيبييهن…

بن ما راحت اتجيب الاوراق طلعت نقالي خابرت المحامي حچيتلة بالصار گلي

-صح أكو ثغرة قانونية تگدر ترجعهه بس صورلي الاوراق خلي اشوف الاختام اذا مزيفة نكدر نقلب الطاولة عليهم..

جابت الاوراق وكفت على حدى صورتهم ودزيتهم واتساب هالدقايق حسيتهه گوة تمشي ماحچيت باي كلمة

رد المحامي رجعلي خبر كتب گل الاوراق اوصوليه سيد…

اتخبلت درت عليها وعطت .

-أاااااانتي بأي حق تخلفين بالاتفاااق اانتي قبضتي ثمنن بنتچ ماالج شي يمي

ـ كلشي اليه يمك هاي بنتي مو بس بنتك والفلوس الاخذتهه حقي لا بعتت ولا اشترريت حق ثمن زواجي منك

ـ راح اندمچ يا ميسم

ـحبيي ميمي اوكف اني ماريد شي منك بس بنتي تبقى يمي

ـ اكبر غلطة ارتكبتهه خليتهه يمچ لو حاطهه يم چلبه ولا یمچ

ـ ليش هيچ تحچي كل هذا لان اريد بنتي يمي

ـ انتي مافكرتي ابنتچ من چانت لحمة حمرة بعدهه ماخلصت اربعينهه شمرتيهه جايه هسة من راح يصير عمرهه سنة اطالبين بيهه

ـ ادخل خلي نتفاهم مجتبى ماكو داعي نسمع الجوارين

ـ ايباااااه

ـ مجتبى والله العظيم انا بعدني احبك

ـ هاي اسطوانه قديمة صارت شوفي غيرهه

ـ خلي ننجمع انا وياك مرة ثانية وشوف شلون راح اصيرلك مثل المي البصينية

رفعت السبابه بعینهاآآ گاز اسناني

ـ لااااا ماي لا صينية نفسي چازه منچ  فلا تتخيلين ارجعچ بعد السويتي..وبنتي راح اخذهه والخسران الوحيد هو انتي وبس

طلع ابوهه وامهه من اصواتنه علت ابوهه ماتغير بي شي همين ساكت وامهه نفس حالهه بس تلغي .

.

كالت ميسم بحقاره

ـحضرت جنابك عينك علي مرت اخوك لان عیونها زرك موووو

بحلقت عيوني ودي اسحلها من شعرها

ـوووچ شنووو هل اكلان تبن

ـ اعترف تريد تتزوج عقيلة

ـشتخررربططين

ـ واضحةة يامجتبى كلش واضحه تنتضروهه اتجيييب وتتزوجون تلتمووون سووية مو هاي الجنت تقارني بيييهه

ـشوكت قارنتتج بمررت ااخوي

ـ تتذكرر من گلتليي لاتجيبين سيرررة عقيلة على لسااانچ تتذكررر  شلون گعدت تمدددح بيهه كداامي

ـ وكلتلج لاتجيبين سيرة عمتي زينة همين ومدحتهه جداامچ

ـ باوع ..خلي نتفاهم مجتبى هذيچ الايام شكد ردت اتقربلك بس انت متقبل

ـ وابقى رافضچ یاارتگابیه الى ان اموت انتي آسووواء واحقر،وانذل وارخصص اختياراتي واتعسهن انتي الخطاء الرتكبته والى هسة استغفر عليه لان امووووت

ـ لا مو معقولة هيچ تشوفني

ـ لعد بعدچ متعرفين الهواشم

ـراح اروح وخلي ريماس يمچ بس اقسم بذاات الله اااقسم بكل شي مقدددس بهاي الحياة اذاا فكرتي تلعبين بذييلچ اكطعه وشمره لچلاب

هاااا وابشررج اذااا تحاولين تاخذيهه وتسافرين خارج العراق مو من حقچ لاني الولي الجبري على بنتي

يعني في وسوس الشيطان العقلچ الحلو وانهزمتي تعرفيني ايدي طايلة وتعرفين الفلوس بهالوكت كلشي تسوي

لا تخلين راسچ براسي اابدا احترمتچ وبقيت بنتي يمچ لضروف خارجة عن ارادتي بعد السويتي مستحيل اسكتلچ…

ردت بخوف وعناد

ـ متنلام ام عامر  گالت بينكم شي والله حچتهه وصدقت مرت عمكم اكيد شايفة عليك وعلى عقيلة شي وهيچ معمي علی عيونك ومتريدني وووك اانا ميسم الچنت بنضرة منهه ينكلب حالك وتتغير نسيتني

ـاووووووهام براسچ وبراس هذيچ الثانية بس دواگم يمي انتو الاثنين…

عفتهم طلعت من العمارة صعدت السيارة وخابرت جدي هوة اضبط مني بهيچ امور خابرت وفهمته

جاوب

ـ خليهه عليه وليدي انا احلهه لاتخاف…

رجعت الكربلا جنت امشي سرعه 240کم طبكت السيارة ونزلت اتلكتني امي وعمتي زينة

ـ شنو هالخبر السمعناه

ـ ادعيلي يمة تريد تاخذ بنتي مني هالحية

ردت عمتي زينة

ـ صووچي انا صوچي لو ماخذة هالاجازة من زمان ماچان اخذتهه هالبوومة…

صاح جدي

ـ تعال ابني وينك

دخلت تعبان

ـ ها جدي انا هنا

ـ خابرت شيخ عشيرتنة وفهمته هو یحلهه اليوم العصر ونروح لبغداد وهناك يجون نضيفة شقتك لو لا؟

ردت زينة

ـ انا اروح وياكم انضف الشقة واسويلگم جايات

ـ امشي حضري روحج وانت يامجتبى وين حاط ورقة تنازل بنتك

ـ ورقة بنتي؟هي غير يمكم چانت يم سيد مهدي

ـ ميين اجيب سيد مهدي ااخ ياكسررررر ضلعي..ولیدي راااح

لزمت متنه اصبر امي كاعده بس تباوع كالت بصوت ناصي

-يجوز الاوراق وية الوثائق الاخذتهة عقيلة لو بالخزنة مالت الشركة لو بالبيت وين حاطهه

ردت زينة

ـ راح اتصل على عقيلة واسألهه وانت يامجتبى روح للشركة وانا اصعد فوك ادورهه

رد سيد باقر

ـ اتصلي على عقيلة وروحي انتي دوريهه بوثائقنة واذا ماكو نروح للشركة نشوفهه بالخزنة…صاحت عمه زینه

-هذن لكيتهن بخزينة ابوي

دخلت جدتي مستنده عل عوچیه گالت

-و ین رایحین

جدي گالها

-یامررره تری عندچ بیت عووفي ولدچ وتعاي كعدي يم ام مهدي

-صار سيد هوو جايه ابقى هنااااا

-عفيه بام صادق

الکل جهز نفسه رحت للغلايه سويت كوب كهوه شربته بعدها ركبت السياره تجهنة لبغداد…

وصلنة للشقة دخلنة  خليت جدي يتمدد بغرفتي لان مغطي السرير بچراچف عمتي بدت بالتنضيف والترتيب  نزلت للماركت جبت كهوة وجاي وصناديك مي

العصر اجی الشيخ وطلعت استقبلتهم  جدي تعبان ماكدر ينزل صعدتهم للشقة ضيفناهم بقينة كاعدين ننتضر تلفون من شيخ عشيرة ابو ميسم شوي واتصلو علينة وكالو احنة موجودين فوك طلعنة كلنة فوك عدا عمتي بقت بالشقة…

صارت الگعده ولازم نسمع اتفاقاتهم عرفو ميسم تريد ترجع اليه وتعيش وية بنتهه وهواي بدو یلحون اعتبرو توفيق راسين بالحلال او سعي لاعمار بيت اتهدم

شيخ عشيرتنا كلهم نحچي وي ابو ريماس

رد شيخ عشيرتهم

ـ الزلمة بيناتنة كاعد خلي يحچي ونسمعه

ردت احچي اشرلي شيخنا بمعنى اسكت لاتحچي..عرفت هاي مجيجيخات بين شيوخ  بقيت ساكت كالهم

ـاحنة جايين على  سالفة الطفلة امهه اخذتهه ماجايين نرجع المرة لرجلهه

ـ بس الطفلة من حق الام

ـ والام تنازلت مقابل 30 مليون والسيد كرم منه نطاهه 50 مليون واشترة بنته

ـ بس انت شيخ عشيرة چبير خوية وتعرف الام تبقى ام متتساوم على ضناهه

ـ لا ياخوية غلطت بحقنه وراح نعديهه الك منو كلك دنساوم بنتكم على ضناهه؟

هاي اوراق تثبت هي الطلبت الفلوس وهي التخلت عن بنتهه

كل شوي اتنهد واستغفر الله من الحچي الاسمعه مدري شيخ عشيرتهم كلاوجي مدري صدك لاعبين ومصدك بحچيهم

بهاليوم مافضت سالفتنة وشيخ عشيرتنة كللهم باچر مافارغ نأجل شغلتنة على غير يوم گلبي انقبض ليش يأجل

من طلعنة ضغط علا ايدي الشيخ واشرلي بعينة نزلنة للشقة وفهمني گلي

ـ يريدون يلفون السالفة عليك والقانون وياهم يا ابني اذا من هسة نشد عليهم احنة النخسر

ـ لعد شلون شيخ شسوي

ـ الي يبيع مرة يبيع مرتين وتلاثة لاتخاف من شافوني ممستاهل وياهم واجلت المشكلة لچم يوم راح تبين سالفتهم صدك البنية رايدتك لو كذب

ـ واذا بينت صدك رايدتني  شلون ووانا ابد مارايدهه شلون

ـ شوف ابني طالما اختاريت فلازم تتقبل هالواقع اما تقبل بام بنتك ترجعهه وتعيشون سوية او تتقبل تبقي بنتك عدهه

ـ امران احلاهما مرُ

ـ يبقى الاحتمال الثالث والاخير انو سوو كل هالبلبلة علمود تاخذلهه چم فلس

ـ وانا ابقى ادفعلهه شيخنة

ـ اذا جان هيج السالفة فلا تخاف .. قوانين العشاير تكسر ضهر الحكومة

ـ يعني شلون

ـ لكل حادث حديث خلي كلشي بوقته واهم شي انت لاتبين انك متلهف لبنتك والافضل ترجعون لكربلا

ـ صدك تحجي شيخنة وابقي بنتي هنا

ـ انت بقيتهه مابقت علي هالجم يوم..

واخذهه حجاية مني ابد لاا تتصل على زوجتك وبنتك وراح تشوف اليريح كلبك

طلع الشيخ وجدي كلي نلتزم بكلام الشيخ هو اليحل المشكلة قفلنة الشقة ورجعنة الكربلا  مشتاق لبنتي صارلي اكثر من اسبوع مشايفهه بس شسوي لازم التزم لخاطر بنتي..

مر تلث ايام وردينة رجعنة وية الشيخ وعرفنة ميريدون ينطون بنتي ونقضو كل الاتفاقات..

كال شيخ عشيرتنة

ـ البنية راح تبقى يم امهه بس اي شي يصير عليهه انتو تتحاسبون ولوو بكد الشعرة هذا ابوهه كدامكم  توكلني ااحجي نيابة عنك

ـ اي طبعا شيخنة

ـ خلص بنت ابنه شيصير عليهه انتو محاسبين حتى لو تتمرض فلاونزة هاي مو شتى وكل الجهال تصير نشلة راح نحاسب امهه

رد شيخ عشيرتهم

ـ هاي شلون هيچ وين اكو طفل ميتمرض

ـ هذا العدنة والا اذا انتو مو كفوهه انطونه بنتنة..

ما وصلنة لاتفاق وبقت البنية يمهم

مر اربع ايام وانا على جمر جانت تخابرني ارقام غريبة  انا مخلي(True Caller)

كاشف الارقام

فيطلع يمي اسم ميسم… ماجنت اجاوب فهمت اللعبة اكيد تريد بعد فلوس مثل مكال الشيخ…

مر اسبوع واتصل الشيخ على جدي…

ـ بشر جدي

ـ تريد ترفع قضية استرداد نفقة..

ـ يعني متريد تنطينياهه

ردت عمتي زينة

ـ طول بالك كلشي بدايته صعب شكد تريد تاخذ نفقة اقوة شي 250 الف وهالسعر ميفيدهه صدكني

ـ واذا فادهه شلون ؟ انا ما اثق بتربيتهه

رد جدي

ـ لو الملامة تفيد چان بقيت الومك بس الفاس وكع بالراس ..

ماعدنة غير نمشي ورة كلامهم الى ان نوصل لهدفنة

،، مر اكثر من شهر وانا مثبور ثبر بين

بنتي وامهه  وبين عقيلة وحالتهه المرضية واولادهه وبين جدي وبيبتي وامي وعمتي  وبين شغلي ووضيفتي

وبين مشاكل عمامي ودعواتهم ضدي كل يوم دعوه شكل

وكلهم بچفة ووصية اااخوي بابنة سيد علي هالمرض المديطيب منه وگلبة المیصحه ويومية يم طبيب شكل الى ان استقرينة لازم نسافر بي للهند وبأسرع وقت لسلامته

حسيت راح انجن من التعب والمسؤلية چنت راجع من شغلي تعبان وهلكان شخطت السيارة وطلعت للنجف بدون ماخابر احد غلقت التلفون وشمرته بالسيارة

وصلت للامير دخلت صليت دعيت رحت للمقبرة كابلت قبر سيد مهدي‌مره ابچي مره احاچي

-سيد وين عفتني چنت تگول بس عقیله راح تتبهذل خلافك بس طلعت انا متبهذل مادبرهه بدوونك عضيدي ماانفع لشي حتى بنتي اخذووهه مني سيدد مهدي لو انا الميييت ولا انت

مالي فايدة بهالدنية انت چنت خيمه سيد مهدي علي يريدك ودرة تريدك ومرتك تريدك وجدك يريدك وامك وعمتك تريدك انت الناس كلهه بسدك چانت عايشة حتى انا ما اسووة شي بلايااك…

زين تگول صحتك على كدك بس تدري تحملك ومحتوي الناس كلها حتى عمامي يسوى عشر اشخاص صاحين مثلي

مسحت دموعي كعدت اقرة سورة يس ووگف شخص كبالي رفعت راسي شفته  رجال چبير شايب دشداشتة رصاصية نضيفة وشماغ وواكف متجي على عوجية..

اجى وكعد يمي.. 

ـ اقرة وليدي صوتك حنين جابني من يم قبر الحجية المرحومة الله يرحمهه صوتك عذب وبي حنية كمل ولو زحمة عليك…

ممتعود اقرة جدام احد كملت صدقت

سديت القرأن  هو بعدة كاعد اترخصت منه رشيت مي ورد وعلكت بخور شفت الشايب متأثر وحزين وكاعد يباوع 

ـ عمي تريد اروح يم قبر مرتك اقرة

ـ ها خاف زحمة عليك وليدي

ـ لا بس دليني على قبرهه

ـ هذا هذا قبر الحجية

ـ مكتوب على القبر حجية(بدريه )

فتحت القران وبديت اقرالهه طول فترة قرأتة القرأن الرجال يبچي خلصت وصدقت واشتريت مي ورد وبخور وخليت على قبر المرة… 

باوعت لوجهه رجال كلش چبير بالعمر تجاعيد الوجه ضاهرة عليه بس بياض لحيته وكثافتهه مغطي…

-تريدني اوصلك لبيتك عمي

ـ البيت عگب عين ام غايب  وحشة

ـ الله يرحمهه…  وين ولدك حجي

ـ ياوليدي انا ماعندي ضنة يسموني ابو غايب بس جانت ام غايب هي كل دنيتي ويايه على الحلوة والمرة اخوتي كلهم خلفو واخوتهه كلهم صار عدهم بزر الا احنة.. رضينة بقدر الله وقسمته وعشنة  قانعين بحياتنة متخيلت راح يجي هاليوم اليخلة بي من نفسها 

جنة نگعد سوية ونسولف سوية ونضحك سوية ونبجي سوية ونصلي سوية حتى من نتمرض سوية بس الموت(یحسسك انت شخص بلا كرامه بلا عز بلا شخصيه

بلا هيبه يجي ياخذ منك أعز ماتملك بلاااا

أن يترخص منك أو يستأذن او يدك باب بيتك  هاي حقيقيتنه كل احنااااااا البشرر

الحجي يبچي بحركة گلب ردت اهون عليه گتله

-الله یصبرك ويبرد گلبك

ـ لا تهون عليه يا وليدي اذا تريد ادعيلي الله ياخذني حتي اندفن يمهه قبل لا احد يموت وياخذ مكاني

ـاسم الله

ـ لاتكلي اسم الله بوية الحياة صعبة بدون ناس صعبة يا وليدي الكل ملتهي بعائلتة بس انا ماعندي احد ينسي وحدتي ام غايب چانت تارسه هالدنية علية وراح شلون انسة طيب لسانهه ومعشرهه…

نصیحه ولیدي ألعائلة نعمة چبيرة من رب العالمين بس هواي من شباب هالوگت ماحاسين بيهه هواي

اليقتل ضناه واليأذي اهله واليموت مرتة صارت الحياة ابتعدو عن قوانين الله ورسولة

ـاعتبرني ابنك ياعمي وهذا رقمي

ـيحفظك لشبابك بس  ما اعرف اقرة متشوف اجيت يمك لان تقرة قران

ـ بالخدمة عمي شوكت متحتاجني تلكاني ان شالله هذا رقمي

طلع تلفون من جيبة وكلي

ـ اكتبلي رقمك انت شسمك ابني

ـ مجتبى ابو ريماس

ـ ما اعرف اقراه بس اكتب واهل الرحم يقرولي

ـ ان شالله

سيفت رقمه رجعت نقاله اله نطيته اله

ـ رحم الله والديك وليدي..

هذا اخوك

ـ مو بس اخوي عضيدي وسندي بهالدنية الموت خطفة مني

ـ عندة اطفال

ـ اي عمي عندة اثنين وان شالله اثنين بالطريق جايين

ـ وانت عندك اطفال

ـ عندي بس بنية

ـ الذرية نعمةالله انعم عليكم بيهه اسأل المحروم المثلي ويجاوبك حافظ عليهم ولاتصير مثل شباب هاليومين حافظ على بيتك وصلاتك ربي يوفقك

-انشاء الله عمي

اضيفلك شي وليدي مبين انت ابن اصول وتسمع..ليش گتلك على الصلاة لان هسه الناس اصليها اما متاخره او بس بشهر رمضان

بينما النبي محمد جان من يحين وقت الصلاة يكول للمؤذن بلال (ارِحنا بها يا بلال)نبينا عليه واله السلام يوضح النا اشلون  الراحه النفسيه ببالصلاة يعلمنه لازم نشتاق  للصلاة ونفرح  من يجي وقتها مو نتعاجز لازم نحبها ونأديها بأكمل وجه

بعدين الله الي ويانه بكل دقيقه وثانيه (لاتأخذه سِنة ولا نوم) السِنة يعني الغفوه النعاس ..

الله ويانه من چنه برحم امهاتنه لحد اخر نفس وجاي اشوف شابات وشباب تتعاجز تقابل رب العالمين  بهالخمس دقايق؟

-عاش اللسانك عمي مثل مايگول عضيدي الله يرحمه شگد حلو وراقي وتأدب من صلاتنه تصعد ويه صلاة صاحب الزمان

-الله یرحمه ویرحم‌ اختي

اخذت الشايب ووصلته لبيته بدربونه ضيقة يم الامام البيت قديم طلعو الجوارين استقبلو وانا يمة واكف سألوني منو انا كلتلهم اسمي وعرفتهم بنفسي ونطيتهم مبلغ حتي يتسوكون اله لان همة مسؤلين عنة

رجعت آلكربلاء جريت التلفون وفتحته

دخلت عقيلة بشهرهه ودعائي مستمر ربي يحفظ امانة اخوي..هم رحت للعمال الي يرتبون البيت الشترى جدي لكيته كمل أمي راحت يمهه يتناوبون عليهه هي وام غفران… .

رجعت للدوام ضايج من ميسم ومنتظر الفرج يمتى يصير..تذكرت بلمجر مال غرفتي دعاء نطاني ياه سيد مهدي مو بس اليه..حتى الاصدقائه نسخه وزعاه علينا كل احنه

رحت للمجرات طلعته رجعت السجادتي

فتحت الورقه وبديت اقراء مكتوب ان هاذ الدعاء من دعوات القهريه فعال وقوي يقراء بليوم من  ثلاث مرات تسع مرات لمدت ١٤ يوم

بسم الله الرحمن الرحيم رب أسألك مدداً روحانياً تقوي به قواى الكلية والجزئية حتى أقهر بمبادئ نفسي كلنفس قاهرة فتنقبض لي إشارة رقائقها انقباضاً تسقط به قواها حتى لا يبقى في الكون ذو روح إلا ونار قهري قد أحرقت ظهوره يا شديد يا شديد يا ذا البطش الشديد يا قهار أسألك بما أودعته عزرائيل من أسمائك القهرية فانفعلت له النفوس بالقهر أن تودعني هذا السر في هذه الساعة حتى ألين به كل صعب وأذلل به كل منيع بقوتك يا ذا القوة المتين ﴾

بعد قراءته تلث مرات تقول  ثلاثين مرة: يا رحمان يا رحيم يا أرحم الراحمين أسألك اللطف بما جرت به المقادير))

كملت بخشوع وثقه  لملمت السجاده

رن نقالي سفط السجاده والتربه فتحت خط   جدي كال

ـ وينك  بسرعه تعال

ـ شنو جدي خو ماكو شي

ـ اي شيخ العشيرة اتصل عليه وكال اهل طليقتك ميريدون بنتك ويريدون يبيعوهه

ـ صدك يعني همين يبيعوهه

ـ بس هالمرة راح نكسر ضهرهم..  عوف كلشي من ايدك وارجع

ـ جاي جاي مسافة الطريق…

رحت للبيت سبحت وغيرت ملابسي واخذت جدي وعمتي زينة وطلعنة لبغداد

مر الوقت واجة شيخ عشيرتنة ووياه زلم…تقريبا اكثر من اربع شيوخ

صار الوققت وصعدنة لبيت ابو ميسم لكينة شيخهم وكم زلمة وياه وابو ميسم واخوهه

اول ماحچو كالو البنية بمية مليون نتنازل عنهه صفنت بوجهم مين اجيب هالمبلغ؟

شيخ عشيرتنة ماقبل وبقى يتفاوض وياهم على السعر بحكم قانون العشاير يطيحون من السعر لخاطر فلان وعلان

نزل السعر من 100 مليون لل 20 مليون

طلعت بنص الزلم ميسم وصرخت

ـ لاا عيني بنتتي ما انطيهه ااقل من خمسيين مليييون

اانصدمو من صلافة ميسم راسا شيخ عشيرتهم وكف على حيلة وكال

-اخذو بنتكم بلاش واحنة ممنونين بنتنة ممتربية الظاهر ومتعرف شنو عشاير

گبت العيطة بالبيت وكام جدي  وكف بيناتهم

ـ انا ما اقبل اظلم حظ وبخت احد بس هاي شوفة عينكم تصرفها ماخلي العلوية تتربى يم امهه وخصما للنقاش انطكم خمسه مليون وتوقعون كدام  تنازل عن العلوية واذا نقضتي الاتفاق انت ياشيخ التتحاسب

ردت ميسم

ـ شنوو خمسة مليون كل عقلكم

زمخ بيهه شيخ عشيرتهه وحجة وياهه بنتر

ـ يول ماكو زلمة هناا نحچي ويااه غير هالمررة

ـ عمو الشيخ انت

ـ اااش وولا نفسسس استحي يوول ووحدة من ااثنين جداااامچ

لو تقبليين بلخمس ملاین الهمة حددو وانا طیحت منهم لو ياخذون بنتهم بلااااااش  وفنججچ الفتحتين حلكچ بوجودنة

ـ عزة بابا احچي

رد ابوهه

ـ انا مالي حجاية بعد حجاية الشیخ

ـ تقربت من يم جدي وهمستلة

ـ جدي المبلغ مو جوة ايدنة

ـ لاتخاف جدك مايخلا بس خلي نخلص منهه… نطرونه بس نجهز المبلغ لباجر

رد شيخ عشيرتهم

ـ لا والله بعد الشفتة بعيني وسمعته باذني الطفلة ماتبقى هنا ليلة ثانية اخذوهه وجيبو الفلوس على راحتكم

رد شيخنة

ـ الورقة حاضرة باجر نوقع عليهه من يجيبون الفلوس

ـ جيب جيب خوية نوقع ونبصم وحسبوهه علية ومسحوهه بوجه سوايه هالادبسزز وياكم..

رد شيخنة

ـ لا خوية كلك خير وبركه بس خاف تنكر بنتكم وتكول ما استلمت الفلوس

ـ خلص براحتكم باجر نوقع وتسلمون وتستلمون…

ثاني يوم رحنة للبنك سحبنة المبلغ وطلعنة الشيوخ والتمو العصرية ووقعنة الورقة وستلمو الفلوس واستلمت بنتي حضنتهه  وگانو صارلي سنة مشايفهه 

-بعد ابوچ بعد متضيعين مني ابد حتی شيوخ الوكفتلج يالعلوية…

رجعنة لكربلاء وعمتي ألتزمت ببنتي

مرة الايام وعرفت ميسم ماخذة محل هنا بكربلاء كوزمتك وتأجير بدلات اعراس عرفت هاي مناوية تتركني وتترك بنتي

بس اصبر نفسي او من أنقهر اذكر نصائح سيد مهدي واتمنى لو باقي وياه أكثر وشابع من شوفته..من نصائح دائما ينبهني من اباع افلام هنديه يكلي

-الله منطيك حواس امانه حافظ على امانة الاذن لا تسمع اغاني..حافظ على امانة العين غض البصر عن المتبرجات وو

صرت بگل خطوه اصبر وستشعر رضا الله

گلما تضيق بيه الدنيا وانحسر اقراء سوره واقراء زيارة عاشوراء ارتاح

عرفت الخلاص والراحه بلقرب من ربي

عرفت طريق الصبر هم اهل البيت النبي

رغم چنت گلشي اعرف لكن مو معرفه بصيره صرت كل جمعه ونداء الابرار بذني

((أَيُّهَا العُشاق في الله تقربوا أكثر بدُعاءِ كُميل، فلا شيءَ أكثرَ قرابةً منَ مُناجاةِ الأميرِ في ليلة المعشوق))

بيومها رجعت للبيت جدي تعبان شفت عمامي تلاثتهم واكفين..عيني لسلاحي ضميته داخل الصندقچه(استغفرت ربي)

ماعرف اشلو السيد چان متحمل طمعهم

نزلت غضبان منهم گتلهم

-خیررر

گال ابو عامرر

-الحلو انت مو مثل مهدي تتحمل الاجل عيون ابونه على طول الشيطان براسك

-مادام تعرفون مو مثل اخوي الله يرحمه

المن جايين ترى ارتكب بيكم جريمه وماا يرف اليه جفن الكم..بس الخاطر جدي ساااكت وحذرو اذا اشيل الخاطررر هاي ثالث دعوه تقيموها على زوجة اخوي وهمشهااا من يمي لااااان ماسمح الكم ولااا لشكولاتكم دخلوها محاكم

-انريد حصصنه من المشاريع مهدي چاان

ینطینا گل واحد(٥٠٠)الف كل شهر احسب

شكد صارو خلال هل ٨اشهرر

ابتسمت بلأم الهم

-اوكي انطيكم ويجرالكم كل شهر ٧٥٠الف

يعني اكثر من الينطي اخوي الله يرحمه

بس شرررط

-هااااا وتشررط

-طبعا وتسمعون مممنونين مني

-مامؤدب ولا عندك اخلاق

-يشرفني لان وياكم هيچ ینراد

-گول شرطك

-تمسحوون كل الدعوات الي قايميها على زوجة اخوي،

-انسى هل شي اصلا جاي نتابع كل شي يخصها حتى الدكتوره النفسيه لتعالجها

وعرفت مرت مهدي تعاني جنون اليقضه يعني غير صالحه تكون ام

طلعت من جيبي(سچین الاکوبي)فتحتها

واشر على وجوهم

-اريد اشووف القضيه مالتكم اذااا وصلت للمحكمه وستدعو مرت اخوي فياااااأاااا ويليكم مني

-هاااا صاير شقاوه

-واكثررر

-كله علمودهااا چانت ساحره اخوووووك وهسه انت

جاي احاچیهم رن نقالي  بصقت بلكاع

وكتلهم

-تلفون مهم ولوو مو مهم چان عررررفت

تصرفي وياكم

فتحت خط اسال المتصل سيد علي

-هااا عموو صاير شي

-اي عموو  ماما تصرخ وهسه احنا عند خاله غفران لان بيبي وجدو اخذو ماما

للطبيب

-حبيبي ابقى عاقل شويه ونجي انا وماما

غلقته طلعت عمتي وجدي گالو

-همزین انت هنا عقيلة جاي تطلك

-يله بسرعه ركبو

الطبيبة ماقبلت تجيبهه باول التاسع مر اكثر من عشرين يوم وجيبتهه

كلنة رحنة وكفنالهه بالمستشفى وعمتي زينة بقت يم الاطفال

طلعت الطبيبة وكالت جابت ولد اثنين ركضت للخدج چانو كلش تعبانين الام واطفالهه

اخذت الچبیر كبرت واقمت بأذنه وجدي

اخذ الزغير اذن باذنه كال امهم تسميهم  هي الحبلت وتعبت دخلت على عقيله

سلمت عليها

-حمد الله على سلامتچ

-الله یسلمك

-اريد اسوي البيان شنو مقرره تسميهم

-حسن وحسين..

-يتربون بدلالچ...

طلعت من الغرفه مقهور کاتم دموعي اخوي چان فرح لو موجود تمالكت نفسي كملت الاجرائات بقت تلث ايام بلمسشفى

وطلعت مقبلت عقيلة تجي ويانه لبيت جدي واصرت تروح لبيتهه كالو اختهه وامهه يجن يدارنهه وامي وياهم وعمتي زينه… 

عشر ايام مرو رحت ألبيت اخوي اتسوكت لحوم ودجاج وقواطي حليب وحفاضات والاحتياجات اليريدوهه…

واتفقت وية كصاب يجي باجر حتى نذبح عقيق للسادة الصغار…

دكيت الباب وفتحتهه عمتي وسمعت امي تحجي گأنو تتعارك خليت الاغراض واتقربت عليهه

شنو يمة شبيج

ـ مررة اخووك موتتني تريد تاخذ جهالهه وتروح لسيد مهدي ميصيير يايمة ميصييرر هي بالنفاس والجهال ولد نفااس مييصيرر يدخلوون مقاابر

ـ هسة احچي وياهه بس اهدئي

ـ متاخذ حچي صامه ااذنهه

دكيت باب الغرفة وفتحتهه ام غفران

ـ ادخل خاله 

دخلت لكيتهه لابسه عبايتهه وكاعدة تبجي.. 

ـ سلام عليكم ام السادة شلونج

ـ عليكم السلام .. شنو السمعته

-اريد اروح لسيد مهدي اشوفه جهاله اريد ازورة صارلي اسبوعين مارايحتلة لاااااا تحرموني من رجلي ضايج مني كلش لان مااجيته

ـ ميخالف خيتي اتحملي شوي بين متطلع الاربعين

ـ يعني بعد شهرر لالالا مستحيييل محد بيكم يعرف اشلون جاني البارحه مضوجر

يعتب عليه طول عمره ممباوعلي هيچ

من تحچي هيچ اغار وانحب مثل طفل ليش يجيها وانا يستخسر بيه حلم حتى لو ثواني كابلتها ردت اسالها اشلون ضايج

وشيلبس ضعفان سمنان فرحان حزين

بس لازم اتماسك وبين قوي ومانهار بغصه گتلهاا

ـ اذا مو آلخاطر صحتچ آلخاطر السادة امانة ذوله

ـخرافات محد يتأذة صدكني صارلنة عشر ايام مبينة شي الحمد لله اريد اروح خوية شوفلي چاره

ـام علي اسمعيني آنا راح اخذ سید علي للهند ومحتاجچ ویایه اکو اجرائات لازم انتي ويايه

صفنت مسحت دموعها

-يعني تعالجه

-اي صار تسع ایام افتر بتقاریره العلاج لازم نوقفه لان یاثر علی نشاط قلبه ارید من اخذه انتي بمكاني بعناية اولاد ارجوج

-ليش تخوفني على وليدي

-مااخوفچ لان انتي تعرفين وهم تعرفين كلش زين اشلون عضيدي يحبه اذا صار عليه شي انا وانتي نتحمل

ـ يعني شلون ما اروح ازور ابو علي

ـ تروحين والسادة يروحون بس مو هسة من تطلع اربعينج انتي واطفالچ وراح ابدل سیارتي بسياره اكبر الخاطركم

ـ شوكت راح تاخذ سيد علي

ـ بس يراسلني الطبيب

جاي اطلع وكفت طلب ثاني منچ

ـ تفضل

ـ لاتبقين هنا لوحدچ

ـ وين اروح

ـ بيت جدي مفتوح الچ والجهالچ واذا متريدين  بيت اهلچ او بيت خالچ ابو غفران المهم لاتبقين وحدچ

ـ لا مستحيل ماعوف بيتي

ـ انتي تعرفين عمامي رافعين عليچ هواي دعاوي وانا الواكف بوجهم طالما انا هنا وذا اسافر اشلون أئمن عليج لوحدچ وية الاطفال بهالبيت

ـانت خليت الي كاميرات

الاول مره أكوول اسمها لان احترمها بس خوفي بهل لحظه زاد

ـ عقيلة افهميني ولاتعبيني اذا تحبين سيد مهدي واله خاطر اسمعي كلامي

رفعت عيونها حمر من البچي تتوسلني

ـ ماراح تتأخر بلهند

ـ ان شالله منتأخر بس اتحملي هالفترة ولا تبقين وحدچ

ـ ان شالله سيد ان شالله…

اخذت سيد علي أكمل تحاليل واحجز الها بطياره انقهرت عليه شبع أبر الدكاتره ولا واحد يطمأني وخايف عليه...دزیت تقریر

رجع الجواب العملیه تتاجل بسبب زخم المستشفیات وعدم تعقیمهم..رغم اكدو لازم نستعجل بلأجرائات

حضنت علي خايف عليه..بس لازم اطمأن امه وحتى اضيع الاسئله مالتها اخذت ذبيحه(عقيقه)وجبت صاحبي دكتور طهر الساده الزغار وصارت الفرحة فرحتين

جذب اليكول فرحه لا بعد وفاة عضيدي محد شاف الضحكة والفرحه كلشي ناقص

الفرحه والدمعه والمه وحتى الگمه ناقصه

سلفنت رداني اوزع العقيقه..بعد هل ايام والشهرین من‌اخذت الساده انه وامي نلقحهم النسوان بدت تنقل الحچي غلست

اخذت انا وجدي حتى اثبت عقلها كامل

سبقت عمامي لان عرفت من امير گال راح یرفعون قضيه حجر على جدي وعقيله(انسانه مجنونه)

جدتي تريد ولدها وحقها ام لان ابو عامر يحبها ومداريها اربع مرات يروح عمره هو وياها من غير سوريا والامام الرضا متكدر

تنطي بيهم البقيه يحبون رجليها

ربحت القضيه بعد ان ذبيت دم گلبي بحيث طلعت حضنت جدي فرحان كتله

-اول مره افرح بعد موتت اخوي بعد ابد ميكدرون يطعنون بعقلك وعقل عقيله

جدي مقهور وحلكه يرجف لان ممتوقع هيچ یسون بیه

بطریق رجعتنا المحگمه صرخت عقیله

بیدها النقال اخذه جدي وانل كلبي يرجف

خايف على جهال اخوي شفت رساله من  ام عامر گلبه العقیله(لاتفرحين ب الساده ترى يشبهون ريماس يعني ولد مجتبى مو

وصلنا البيتها نزلت بسرعه من يمي كلي جدي روح وراها..نزلت لكيتها تفتح باب بيتها الطلاقتين طلعت بسيارتها ام غفران سدت الباب  وعقيله تكلها

ـ لااحد يلزمنيي خلصص عقيلة الضعيفة اانتهتتت

ردت ام غفران

ـ ولج يمة حچي آلساان متكدرر كلشي تسووي

ـ عوووفونيييي

ساقت سيارتهه جدي تعب من المحكمه نزلته كلت الام غفران

-بسرعه سويله نومي بصره بين مرجع

رحت بسرعه السيارتي اتبع عقيله عبائتها طالعه من الباب احاچيها طايره مالحكت تسوق بسرعه جنونية تعتبر بالنسبة الهه الشوارع مو خارجية لا تدعم احد او هي تندعم بشي وتنهي حياتهه

أشرت الها بالايتات ولا مهتمة دست هورن تنتبه ولاگأنو اكو بشر يمهه صرت بموازاتهه فتحن الجامه واصرخ

-ااااام عليييي يمعوودة مو هييچ خاااف يثبوون بالمحكمة عليچ التهمة ويكولون مضروبة بعقلهه

اهتمت وداست بانزين طلعتني ووراهه انا بين ماوصلنة شارعنة

بالف ياعلي وياويلة لافت على بيت ام عامر طبكت السيارة  بنص الدربونه نزلت وانا وراهه‌ام عليي اوووكفي لحضة

ـسید مجتبى رجائا للصبر حدود

ـ شالت طابوكة من يم بابهم وشمرتهه على شباك بيتهم وراحت ادفر بالباب والجرس حتى يطلعون ناوشتها طابوگه اگبر اخذتها شمرتها حيل

بقيت حاير شلون اوكفهه  طلع ابو عامر يهوس

ـ لللج يالمخبلةةةة كسررتي جام بيييتنة

ـ احتررم نفسسك ولاتغلط بمرت اخوي

گالت عقیله

ـ طلعلييي مررررتك لو انت رجاال وينهه

ـ زلمة غصبا عن الخلفووچ

عطت بیها

ـ لاتغللط بمررة ااخووي احذرك

،،، طلعت ام عامر تعرج وتصرخ

ـ يبااوو لحكوونه جايين يكتلوونه صور صور بعبایتها ونقابها چنها مخبله صورها

بعدهه ماخلصت كلامهه ام عامر ودخلت عقيله عليهه لزمتهه من حجابها دفعتها على الحايط تضرب راسها حیل وتصرخ

ـ جهااالي خط احمرررر كلشي اتحمللت منچ ومن رجلچ بس تطعنييييين بنسبب جهااااالي مستحييل ااغفررلچ

رکض ابو عامر على عقيله بسرعه لحكته

ماخليته يتقرب لزوجته ولا لعقيلة

جناينهه ماموجودات مححد يمهه بالبيت غيرهه هي وزوجهه

كال ابو عامر يتوسل

ـ ماتريدني ااتقدم لعقيلة روحلهه اانت ووخرهه عن مرررة عمك وولك عييب هاي مو ااخلاق سيد مهدي لو موجود جان ماقبل عليگم

جاوبته

ـلو سوي مثلنه سيد مهدي  ماستجريتوو تضربون مررته بيووم وفاااته لو مسوي هيييج سييد مهدي چن مااسرقتو الذهب منهه وورجعنااه لان الكاميراات صورتكمم

ـ وولك ابني عييب لو موجود ابوك سيد صادق جان اتبررة منك

ـ لا والله چان اتبررة منك اانت ولا اعترف بيك اخووه ..

جتفته من ايديه وثبته بمكلنه وبقيت عقيله اطلع حركة كلبهه بيهه گتلها

-عقیله موو وجهه بالچ لا تسوي تقرير

اختاري مكانات متبين

ام عامر قوية بس رجليهه متأذية ممتاگد لان متكدر ادافع عن نفسهه مدري طول عقيله مساعدها تتغلب اول مرة بحياتي اشوفها هيچ شرسة الهدوء والنزاكة تغيرت بثواني الخاطر اطفالهه وتحولت لوحش شرس

عطتةبيها

-يله بسرعه كملي بس لو هالشراسه چان المفروض من زمان تضهرين هل من اول وفاة اخوية الله يرحمه

عشر دقایق  ام غفران وابو غفران بسيارة والسيارة الثانية بيهه جدي وعمتي زينة وامير جايبهم ابن ام عامر نزل يركض وصرخت بي…

ااحذرر تلمس عقيلة ..وگف ماسوة شي بس سحب امه منهه ودخلهه جوة يعرف امه غلطانه…

ركضت ام غفران و عمتي زينة وامي على عقيلة جروهه وهي بعدهه تصرخ وتبچي وتكول ماشفيت غليلي منهه

ردت امي

ـ االله لاينطيچ يا ام عامرر الله ينتقم منچ عسااهه بصحتچ وعافيتچ  هااي مرة ابني تاح رااسچ يامجرررمة يااحراامية

صاح ابو عامر

ـ لا تكولين مجررمة وحراميية ام مهدي عييب

ـ هو اانتو تعرفوون العيييب ومرررتك واانت همين ويااهه مجرمين وحرامييية ونصص مو بگتوو ذهب عقييلة

ـ رجعنااه رجعناااه وانسجنت ام عاامرررر واخذت جزاائهه لاتضليين تهيجين الناار

ـ طلعت بكفااااله الحرامية المجررمه هجاامة البييييوت ووولكم مررة اابني اااشرف منك ومن مرررتك تتهمووهه بشرفهه هي وجهالهه ياظلاام حوبتها مااا تتعداگم

صاح جدي

ـ اليوم راح اقيم الليل خصيصاا حتي اصلي صلاة وادعي عليكم بيهه واريد الله ياخذ حوبة هالارملة المظلومة والايتام المظلومين منكم ولگم ميكفي مشتكين عليهه وعلیه بالمحاگم علمود فلووس مو فلووسگم

تريدون تاكلون حق اايتاام ووولك ااانت  عمل غير صالح سويته بدنيتي وربي جازاني بهيچ ولد عاااق مثلك وانوب زوجتك وياك حسبي الله ونعم الوگيل عليكم….

گوة سحبنة عقيلة رجعنه للبيت متهستره

گال خالهه

-روح ابني الحاله ماتروح منها وتبقى تبچي لان تروح القبر السيد

هزيت راسي وعرفت اخذهه هي وجهالهه ورايحين لقبر سيد مهدي ومزورين الاطفال للأئمة…

ردت من عقيلة تعوف البيت وتجي ويانه بس ماكو فايدة عقلهه قافل ضبط كاميرات البيت وشغلتهن گلهن جنت حاس راح يصير شي وكلبي ممطمن…

رجعنة للبيت وثاني يوم خابرتنة عقيلة كالت الشرطة اباب بيتي ويريدون ياخذوني

عرفت ام عامر مشتكية على عقيلة وراح تنسجن طلعت من المستشفى ورحت ألبيت عقيلة خابرت جدي بالطريق وكلي جاي وراك..

وصلت للبيت لگيتهه متلفلقة بعبايتهه وواگفة ..

خير خير خوية خير

ـ جاينته شگوة عليهه من ساجدة عبد

ـ گلبي انعصر اكيد عدهم تصوير گاميرا.. 

خوية شنو دليل ساجدة عبد على مرة اخوية ام علي

ـ هالشي متسولف امشي للمركز وتفتهم گلشي خليت اعتبار هي حرمة ولوحدها

احنة بمدينه مقدسة فما اخذتهه انتضرت زلمة يبين  هسة لازم اطبق القانون.. 

تفضلي ويانه اخت عقيلة

كتله

ـ خوية خلي اخذهه بسيارتي وامشي وراكم

ـ مايصير اخي

ـ الله يخليك هي مشاجرة بين نسوان مو ممنوعات حتي تكلي ميصير شلون تقبلهه على سيد مهدي الله يرحمة زوجته تصعد بسيارة شرطة

ـ هالبنية زوجته سيد مهدي؟

ـ اي خوية وانا اخو سيد مهدي

ـ انت مجتبى صادق باقر

ـ اي خوية انا

حجى وبين الخجل بوجهه اتقرب عليه وهمس باذني ..

ـ فضل جدك مستحيل انساه ساعد عائلتي بفترة الاعدامات وخلص ابوية من الموت دينكم بركبتي جبير مينسي

ـ اذا هيج خوية انا بشاربك صعبة حرمة تصعد سيارة شرطة مثل المشبوهات

ـ اصعد سيارتك خوية وخلي اختي وياك والحكوننة للمركز الشرطة

ـ خاف الضابط يعاقبك

ـ لاتخاف محلولة ان شالله …

صعدنة السيارة انا وعقيلة ومشينة ورة الشرطة خابرت على امير مرتين ميرد انجنيت رديت اتصلت وشاله…  وووووينك

ـ جنت بالحمام شبيك شصاير

ـ اامك مشتكية على عقيلة هسة تاخذههه للمرركز وتنازل لا بالله الگررريم اسووي سسوايه ماتررضيكم

ـ اوكف فهمني

ـ امك مشتكيية على عقيلة امشي امسح الكاميراات بسررعه

ـ بدون متحجي مسحتهه من البارحه بس

ـ ييعني ممسوحات.. ولك خاف الجيران عدهم

ـ الجيران ماعدهم انا متأأكد

ـ لعدد شلون مشتكية

ـ يجوز ماخذة شهود

ـ منوو جاايبة شهود بس انتو جنتو موجودين

ـ استغفر الله اصبر خلي البس هدومي وجاييك حتي افتهم…

ـ بسرعه لا تبطيي.. سديته منه وخابرت المحامي كال انا جاي وراكم

وصلنة للمركز ونزلنة

الشرطي اليعرف جدي دخل قبلنه للضابط ماعرف شنو حچى وياه وطلع وكللنة

ـ استريحو هنا عدكم محامي؟

ـ اي بالطريق جاي

ـ تمام من يجي راح يدخلوكم

دقايق واجي امير والمحامي وراه اخذ الاوكي ان ماكو كاميرات ودخلو للضابط

حقق وية عقيلة وانا انتضر على نار اقل من عشر دقايق وطلعو

كال المحامي لامير

ـ  امك جايبة شهود راح يجون يحلفون همة كانو موجودين بوقت المشكلة احنة لازم نثبت همة مكانو موجودين

.ـ منو جايبة

ـ رفض ينطي الاسماء القاضي الا من يجون نتعرف عليهم..

زمخت بالمحامي

ـ مررة اخوووية متبقى هنااااا

ـ لاتخاف الضابط صديقي

ـ اذا صديقك ليش مانطاك الاسماء

ـ هاي الامور شكليات جدام القانون لاتخلينه كلشي نحجي..

ـ اقل من ساعه ونص واجتي ام عامر تمشي على عگازة منضدية بيهه اربع رجلينات وتسحل بروحهه ووياهه اخوتهه ..

شافهم امير ورگض..

ـ شسوون هنا ياخوالي

ـ لگ عار تقبل الصار على امك

ـ اصبرو شووي لاتمشوون بحچي امي ترة تاخذكم وورة االشمس

ردت ام عامر

ـ انت طابك وياهم من زماان يا نذل

ـ ووية الحگ طابك يمة…

وبراحتكم ادخلو واشهدوو بس دتشووفون هذاك المحامي ترة كرايب الضابط ومن راح يعرفون شهادتگم شهادة زور

وبسهوووولة يكدر يثبت دتشهدون زور راح تنسجنون بفترة متقل عن سنة او سنه بتهمت شهادة زور وغرامه ماليه بالاضافة لصخام الوجه

ـ لك ابن بطنيي وهيج تحيلهم عليه تفوو عليك ميكفي مسحت الكاميرات

ـ احسن مما يبتشلون وياج يمة حرام عليج انتي البديتي وياهه واذيتهه ..

خوالي كلكلم عدكم بنات وتخافون عليهن حرام عليكم تشهدون زور وانتو كلشي ماشايفن لخاطر بناتكم على الاقل..

راح امير يتفاهم وية امه وخواله وفعلا دخلو خواله وسحبو اقوالهم والمحامي تكفل بكل شي ..

آ

بنفس اليوم صار كلشي والا چان اتحولت القضية للقاضي وصارت جبيرة

بعد شهر تقريباالمشاگل ماخلصت المحاكم بيناتنه صارت كلة بسبب الاملاك والفلوس اي باسم عقيلة واطفالهه..

وبيومها تعبت من المشاکل رحت  بالامام الحسين ازور مجايني نوم قلق الوضع مو

تمام بقيت اتعبد واصلي ..

كعدت احچي بيني وبين نفسي واناجي ربي

یارب  كل المطلوب من العبد يسوي حتى يخلص من التايهات سويته

يومية ادفع صدقة وكل الادعية اقراهه

استغفر الله ربي شهالوساوس…

صليت ركعتين وكعدت انتضر صلاة الفجر اذن الفجر صليت وطلعت

اخذت التلفون لكيت 85 مكالمة من امي وعقيلة وجدي عمتي زينة تنتوعت للگبه

(الصبر علی ابتلائات الزمن مولاي)

ركبت للسيارة وبنفس الوكت اريد افتح التلفون ماعرف شلون فتحت التلفون واول رقم كدامي صار خابرته…  الوووو

ـ ووووينك يمةةة ووووينك اااالحكنة بيت عقيييلة طاافريين عليييهم حرامييية

ـ شنننوووووو

ـ ووولك ااحنة رايحيلهم وانت الحكنة

ـ ووووين تروحوون لا يقتلوووكم اوووكفو…

شخطتهه لبيت عقيلة لكيت الناس ملتمين وسيارة جدي طابكة اباب البيت اشكال الافكار السودة اجتني عفت السيارة بنص الشارع ونزلت لبيت اخوي

دخلت لكيتهم كاعدين كلهم بالهول التفتت يمنة يسرة شفتهم كلهم مابيهم راسا انهارت قوتي وكعدت بالكاع اريد اجر نفس ماكو جنت مرعوب بس الله يعرف بحالتي…

ساعدوني الموجودين وسندوني اكعد على القنفة

كال جدي

ـ نخابر الشرطة ونشوف منو هذولي

ردت عقيلة

ـ ملثمين جدي راح تسجل ضد مجهول

ـ وين التسجيلات

كمت ورحت للكاميرا راجعت التسجيلات شفتهم خمسة ملثمين كلهم ممبين منتم اي شي حتى جفوف لابسين راسا اجى ابالي عمي ابو عامر وزوجته معقولة توصل بيهم النذاله لهيج مستوة..

اتشكرت من الجوارين على وكفتهم وية مرة اخوي وهمة همين اترخصو وراحو…

صار الصبح واحنة ممتفقين على شي..

فعلا اذا اشتكينه ماكو شي واضح حتى سيارة ممبينة بس رغم هذا لازم نخبر الشرطة هالشي من صالحنة همة بمعرفتهم يثبتون همة منو…

صاح جدي وكام من مكانه

ـ لهنااااا وكااافي ياعقيلة اتحملتت هواااااي هبطاات على احفاادي

  ومن غير ابن عمج وابوج وزوجة ابوج  كل يومين وجاينج  ضالة بوحدج تعالي يمنه لو تزوجين ابن عمج

كلليلي  اولادي ظلام  وقضايهم

يوميه قضيه  رافعيه

لو ابوج وربعه

كل ساعة براي وصار حنين

عليج انه مااضامن روحي

وهل تشوفين ناس لاذمه ولاضمير 

،،، طلع تلفون سيد مهدي من جيبة وفتحه..

ـ ااااسمعي رجلج چان يعرررف كل هالمصااايب راح تصيير خلااف عييينة من ووصه هالوووصية هووو مو ميفتهمم ولا بطررراان وهاي سنه تعدت

،، فتح البصمة وخلة التلفون علي الطبلة ملامح عقيلة راسا تغيرت

(للسلام عليكم..واشهد ان لا اله الا الله وان محمد رسول الله وعلي والاده المعصومين حجج الله اليوم احسه مو عادي الدنيا احسها ماتريدني اكمل ويه الاحبهم..لان مستخسره بيه الضحكه

وبنفس الوقت عذاب المرض ويه مرضي زاد(صبرا جميل والله والله المستعان امي  حبيبتي تعبتي فنيتي شبابچ الاجلنا جدي انت اكثر من اب الكلام مايوصف الجاي اشوفه مع ذالك مااكدر احچي اختنك بس كلامي العضيدي سنوات من حياته  معاشهن كا شاب لان ملتهي يداريني رغم

انا الچبیر ولازم انا اداري..وهسه كورنا هم

كاعد يمي وحتى الماي هو يشربني..مثل ماحافظ وخاف عليه اريد يكون زوج كف

العقيله..وأب الأطفالي اتمنى ياحليلتي أن توافقين واعرف الموضوع صعب عليچ مثل ماآصعب عليه)) انقطع الصوت وبس تنفس قوي..

الگل چان یبچي كامت عقيله وانا بعدني دموعي تصب

گال جدي

-بنتي مو گل مرة  تسلم الجررة السالفة جبييييرة وانتي ماحاسة بيهه لا فاهمتهه

ـ الكاتبة  الله يصير جدي

ـ انتي مسلمة متدينة ملتزمة لو لا

ـ اكيد طبعا قابل متعرفني

ـ اذاااا لازم تعرفين تنفيذ الوصية وووااااجب…

-جدي  انا مو عقيله الخواااافه انا عقيله التهذلت دخلت محاكم وشرطه ونضربت

يعني أگدر اعتني بجهالي

ومثل ماساعدت عمتي ام سيد مهدي وكفت وياها وربت ايتامها تكدر توكف ويايه بلا ماازوج سيد مجتبى ابقى ارمله

حالي من حال عمتي..وهم نفس العمر انه وياها هي ترملت عمرها بلعشرينات بعمري

-بس ذاك الوكت يختلف عن هذااا

-نفس الشي ياجدي  وخلي بالگم گلکم سيد مهدي اليوم الي أستشهد بيه٦/٦هو نفسه تاريخ وفاة وسشهاد گلبي حتى آلرجفة الهزتني من سمعت بموته هاي مو رجفة عاديه هااااي رجفة نزع الروح

والجدامگم مرأه متصلح الأي رجال فقط هي أم(أبناء الساده)لان عمري الراح اعيشه هو اربي جهالي مثل مارادهم  جنود للامام المنتظر عجل الله فرجه

ونبضات گلبي كل نبضه منهن هي عزاء حتى التقي بحبيبي وزوجي

...

دموعي كل يوم تنعى فراقك

وخافقي انسل شوقاً للقياك

أفكاري تحاورني عنك ومعك

فنستذكر اجمل سجاياك

يغيب فؤادٌ كان مؤنسه انت

ويكسر قلبٌ جابره قلبك

انا لا احلم بل....حقيقةٌ أمامي أنت

ناديتك زوجي والصوت أجابني!!

فركضت نحو مصدر الصوت هائمه

لأجدُ شخصك اول من لباه

تتلو كتاب الله في سحر

بتهجد وتسبيح

حتى دعاء الليل يهواك

عشقت بألليل جبهتكم

واليوم تنعى بشوقٍ دفئ كفاك

استغفر ربي ولم أجزع لفقدكم

لكنه فراقك قتلني عدت مرات...

#يتبع الخاتمه الاخيره

لاتنسو متابعة يوزر التيك توك الخاص باى اخواتنا الزينبيات هذا اليوزر shams5t

السلام عليكم...لاتنسو اختي بدعائكم

رحمة رب العالمين أوسع، أم رحمة يوسف؟.. يوسف بشر، وقد ارتكب إخوته في حقهِ جريمة، ولكن بكلمة واحدة أصلحوا أمرهم مع أبيهم..

وكذلك بالنسبة لنا نحن العصاة الغرقى في المعاصي، بإمكاننا في ليلة من الليالي أن نخاطب رب العالمين، نقول: يا رب!.. عفوكَ!.. عفوكَ!.. عفوك!.. انتهى الأمر!.. {ما يَفْعَلُ اللَّهُ بِعَذَابِكُمْ إِن شَكَرْتُمْ وَآمَنتُمْ وَكَانَ اللَّهُ شَاكِرًا عَلِيمًا}. م

مريم//من عرفت عندي تكيس علي المبايض حمدت الله وشكرته  چنت كلش خايفة لا يطلع عندي مشكلة متتصلح طلعنه من الطبيب قلقه

شافني رعد مهمومه  ركبنه السياره سأل:

ـ ليش القلق حبيبتي؟

ـ چانت امنيتي اصير ام

ـ ترة بعدج صغيرة والعمر كدامچ

ـ بس انت چبير واذا هسة متخلف شوكت تلحك تشوف اطفالك يكبرون كدامك

ـ شسالفة سويتيني شايب تری بحیلي ولا تجعيده بوجهي وشعري كد ماثخين ولاينفرگ

ـ اهو رعد عفيه مو وكت مداهر

- لا تشيلين هم حبيبتي منا لچم شهر اذا ما صار حمل نشوف غير طبيبة

ـ يعني منسوي طفل انابيب

ـمريم الانابيب للحالتهم متأخرة واحنه ستونه متزوجين ماصارلنه سنة وشغلتج ميحتاجلهه هالقلق

ـ اعرف هواي عدهن تكيس صار سنين وما صار طفل عدهم

ـ يصير حبيبتي يصير

ـ زين ليش متقبل على الانابيب

ـ مريم تعرفين بيه بهيچ امورعقلي قديم ابد ما اتقبل الانابيب واحنه منحتاج  للعملية وبعدين احنه عدنة الائمة ببختهم يصير عدنه عشيرة جهال

ـ والنعم منهم بس صار جم مرة اروح كربلاء ونجف وانخيهم وماكو!

ـ اولا لا ليش تبجيين.. صبر حلو بعدنه بداية المشوار

وان شاءالله ما يقصرون ويانه

ثانيا راح اخذج انتي ونورة ونروح گصادة للعسكريين نزور وطلبي منهم

ـ صددددك للحسن العسگرررري راح تأخذنه لسامراء

ـ قابل سامرة بغير دولة حتى متصدكين ولو جنت ضاملچ مفاجئة بس انتي مستعجلة علي رزقج وجنت انتظر جنسية نور تتغير واخذكم سوية للرضا عليه السلام بس ما صارت

ـ رررعد راااح تاخذني للرضا

ـبس تكمل جوازاتنا نروح لسامرا گصادة ونرجع نزور الكاظم عليه السلام

،،، الفرحه ما شالتني اريد ابچي واضحك بنفس الوكت  طبك سيارته رعد واخذلنه عشى وحسب حساب احمد ويانه…

رجعنه للبيت وحجينه لنوارة الصار

ـ ان شاء الله ميردلكم حاجة الإمام الحسن العسكري ولا الرضا ولا موسى بن جعفر

رد رعد:

ـ جنت اتمنى اخذج ويانه لإيران يانورة

ـ لاتخليهه ابالك روحوا انتوا وادعولي

ـ بس انتي ويانه من نروح للعسگريين والكاظم

ـ طبعاااا رجلي علي رجلكم

ـ بس رعد وين نعوف نورة واحمد

ـ احمد يضل هنا ما عليه شي الولد صار زين واكدر اعتمد عليه ونوارة اخذها لأرشد خصوص التزامه بالأيات القرانیه

-انت بسبب احمد تدخل الجنة.. تروح ادور اله حليب جمل منو يسويها؟

-لااااا يسووها العنده ضمير يسوي كلشي والماعنده ضمير ينعدم فعل الخير منه..

والجاي اسوي الاحمد مو اله اليه تجيني حسنات بيوم القيامة لاتعد، اذن منو متفضل على منو؟

-صح كلامك.

-من جربنا طريقة صديقي الروحاني لمدة(٤١)يوم قرينا على راسه ١١مره سورة الرحمن ومره سورة الانفال تحسين من خلصنا(٤١)يوم احمد صار احسن، بنسبة٣٠ بلميه فلازم نكرر عليه كل(٤١)يوم القراءة الى ان يطيب بأذن الله تعالى

ردت نوارة

ـياخويه اصلا احمد صار شخصية ثانية من يوم الذكرته فوكها نطيته الثقه التامة يدير سوبر ماركت ونطيته غرفته الخاصة وحياته الخاصة.

ـ لا نواره كولي سبحان الغير اخوج وخلاه يتقبل احمد ويخليه بالسوبر ماركت.

ـ لان عرفت بي داخلة طفل وهالمتلازمة يحتاجلهه ناس فاهمين يتعاملون وياه انو هو انسان طبيعي لكن من صغره اتعرض لتعنيف وضرب واذية رغم امه الله يرحمها هواي حاولت اداري بس ماكدرت بسبب الناس بالشارع يتنمرون صار الصار الولد ما بي اذية ابد.

ردت نورة:

ـ هو بعده معتبرني صديقة نوار ممعتبرني بنية كل ما يشوفني يتعامل ويايه گأنو ولد.

ـ عقلة عقل طفل بعدة من ياكل الجبس ويطلع بي هدية يفرح ويگوم يگمز ومن يطلع كارتون يتربع ويكعد يتفرج ومن يدخلون جهال يحب يلعب وياهم مرات أشوفه يتصرف مثل الزلم ومرات أشوفه يتعارك ويه الجهال على نستلة.

ـ مريم لا تضلين تباوعيلي هيج.

ـ والله ما شوف بيها شي بس انتي مكبرة الموضوع.

ـ شنو يابنات شكو شدتحجون؟

ردت نورة:

ـ ماكو شي رعد مرتك ضارب عقلها.

ـ ياااا صدك اني ضارب عقلي؟

ـ غير افتهم شكوو؟

ـ يعني شكو بيها اذا انجمعوا احمد ونورة بالحلال

ـ گلتلج مستحيل تصير لان تلعب نفسي بعدني ممتخلصة من فكرة كوني رجل وصرت انثى وتريديني افكر برجل واتزوج مستحيل من عاشر المستحيلات

ـ شنو هالحجي مريم  ولا الولد اصغر منها بسنتين

ثانيا هويته بعدهه تقرا ذكر معناهه اذا تزوجت وصار طفل راح يبقى بدون هوية ذكر ومتزوج ذكر من غير المسائلة القانونية الراح تركض ورانه وثالثا متلازمة توريت وراثية.

ـ بس نورة بنت والبنت الها وقت وتكبر مو مثل الرجل.

ـ وانا قانعه بقسمتي يامريم لا اكدر اتقبل احمد ولا اكدر اتقبل غيره تكدرين تكولين صرت من جماعه المضربات عن الزواج وانه عايشة حياتي حاليا كلش مستمتعة بيهه حققت جزء من احلامي ويكفي عندي عائلة مثلكم اخ يحبني بكل حالاتي واخت مثلج ممحسستني بشي وخلتني اندمج  بالمجتمع واحمد اعتبره اخوية الصغير واذا راد يتزوج انا اروح اخطبله واختارله بنية تخاف الله بي وان شاء الله انتم تترسون البيت اطفال والله العظيم احلى عيشة والف الحمد لله والشكر.

ما انسى أخوتي رعد وارشد وصادق وخواتي انتي وام ريتاج شأريد من الله بعد حتى يصير طمع.. بس اتمنى الله يسهل لجنسيتي وتتحول بشكل قانوني انثى حتى اروح عمرة لبيت الله هاي امنيتي الاتمنى احققها…

،، مرة الايام وأخذنه رعد للنجف نزور ورجعنه لكربلاء ووراهه بيومين طلعنه للعسگريين گصادة بحملة رحنه وزرنه وطلبت مراد مناك من اني وطفلة اجيت للعسگريين وراهه مكدرنه نجي بعد جانت الاجواء كلش حلوة وامان شي فوق الخيال رعد اشتره حلال مشاكل ووزعه بالحضرة طلب مراد أثنينه طلبنه مراد علمود طفل ونورة همين طلبت مراد بقينة يوم كامل ورجعنه بالطريق

رعد عاف الحملة كلهم اريد اروح للكاظم واخذلنه تكسي وللكاظم رحنه… من الطريق تعبنه وردنه نروح لفندق نرتاح بي بس شلون بنورة يافندق اليتقبلها.

ـ اكلك رعد ماكو داعي للفندق

،، رغم نورة رفضت بس ماقبلنه نعوفهه رحنه للحمامات العمومية غسلنه توضينه وطلعنه للأمام قبل الفجر الزيارة خفيفة ماكو احد تجنن الزيارة صلينه وقرينه قرأن ودعينه بقينه من قبل الفجر احنه بالإمام.. صار الفجر وصلينه وبقينه گاعدين كل شوي نزور شبعنه من الامام ولو الزيارة مينشبع منها للساعه عشرة الصبح يله طلعنه گعدنه بمطعم واتريكنه وانطلقنه لكراج النهضة ورجعنه لبيتنه.

جايبين صوغه لأحمد ويانه رعد اشتراله علك وقميص من العسكريين واشتراله  بنطلون من الكاظم …

واني اشتريت لبنت اخوي سلمان ملابس اطفال من سامراء والكاظم زورتهم وجبتهم ويايه.

لان جايبه صوغه الاهلي رحنا الهم سلمنه عليهم شفت غفران لونهه مخطوف ..

شبيج غفران شنو مريضة؟

ـ لا تخلين ابالج ان شاءالله ماكو شي.

ـ شنو ماكو شي فهميني شبيج؟

ـ والله شكلج .. بس شاكين بيه غدة سرطانية بصدري

ـ ستررررررك ررربي شنوو  غدة سرطانية مين اجتچ ووولج ماخابرتيني وحجيتي

ـ غير نتأكد يله اكلچ خو موبس افزعج

ـ وشطلعت التحاليل؟

ـ غدة سرطانية ولازم اشيلهه قبل لاتكبر

ـ شوكت طلعت النتائج؟

ـ البارحه بالليل جبنة النتائج.

ـ ومعرفتي تخابريني ؟

ـ عدكم سفر ليش انغصچ ان شاءالله ماكو شي.

ـ ان شاءالله بس شوكت تسويهه العملية؟

ـ الجمعة الجايه.

ـ لعد ماروح ابقي يمچ.

ـ لا اسمعي يمي امي وامج وسلمان ..

ـ شلون اعوفج.

ـ اني بس  محتاجة للدعاء اكثر يامريم.. 

مريم/بقيت اراجع للطبيبة علمود علاج التگيس صرت اتعالج علاجين علاج الي تكتبه الدكتورة وعلاج اخذنا من سيد معمم كاللنه ابقوا كل يوم ردد عقب كل فريضه

("اللهم لا تذرني فردآ وانت خير الوارثين"

اللهم انك انت الرزاق الكريم ارزقني بالذرية الصالحة من حيث لا احتسب يارب العالمين

اللهم انك انت السميع البصير استجب دعائي وابصر بحالي يارب العالمين استجب دعائي اللهم انك انت الرزاق الكريم ارزقني واكرمني بالذرية الصالحة يا اكرم الاكرمين يارب العالمين يامجيب الدعوات اجعلها ساعة استجابة الدعاء، واستجب دعائي يارب العالمين .....ولا حول ولا قوة الى بالله الحي القيوم الاحد الصمد رب السماوات والارض ورب العرش العظيم وهو على كل شيء قدير))

مرت اكثر من اربع اشهر ونص من زيارة السامراء والتزامنا انا ورعد بلورد بس ماكو نتيجة

مره طلعت انظف الطارمة بس حسيت الم ببطني وصدري..عرفت هاي اعراض دورة  هاي دارت سنه على زواجي وشهرين وماكو حمل كعدت ابجي بسگته

وشهريه رجعت تتخربط يمكن تكيس رجع

تأخرت عليه عشرة ايام ومانزلت بس الوجع

مااشوف اله اجتني نورة جايبه بيدهه خاشوكه راسا مسحت دموعي وعدلت كعدتي

ـ اكلج مريم شوفيلي طعم الدولمة طيبه تحتاج ملح حامض شي؟

اخذتها منهه

ـ الله شنو هالطعم يذوب بالحلك

ـ  صدك والله واخيرا ضبطتهه

ـ مستووية اروح اصبلي ماعون

ـ متنتضرين رعد بس اكلچ چنتي تبچین

-لا عیني ليش ابچي ويله حبابه اريد صحن دولمه ماانتظر رعد

ـ خابري احس روحي متت من الجوع

ـ هسة اروح للمحل واصيحله اصبري ..

راحت نوره تصيحه وانه ركضت للجدر فتحته شميت الريحة ادوخ من كثر ما طيبة حضرت الصينية وخليت الخبزات وشلت الجدر مانتضرتهه تبرد

احس روحي كلش جوعانة خليت الخبزات على الجدر والصينية ولزمتهه وكلبتهه رغم الجدرية چبيرة شوي وثكيله بس لان مشتهية دولمة ما حسيت بثكل

خليتها على الميز طلعت‌ من‌ ثلاجه الخضرة والطرشي گفخت بخشمي ريحه فلفل باوعت ماكو فلفل حار… جريت اللبن وطركته وعصرتله ليمونه مديت السفرة بالهول وكمت انقل بيهم واجتي نورة ويايه تنقل بالأكل.. 

ـ راح اسوي صينية لأحمد ورعد يتغدون رعد ميكدر يعوف المحل جايتهم بضاعه

ـ اكلچ نورة شوفيلي ماعدنه فلفل طرشي

ـ عدنة طرشي

ـ لا اريد فلفل

ـ هسة اشوف عدهم بالمحل

ـ زين اكلچ شوفيلي لبن شنينة ابو الغاز

ـ اي اكو البارحه جابوا وجبة جديدة

ـ حبابة بطل چبيررر بارد يكون ويه الفلفل

ـ شنو هاي من شوكت تشربين شنينة وتاكلين فلفل طرشي؟

ـ روحي رايحه عليهن نورة بسرعه هاي الدولمة مالتج ضربت براسي

ـ زين يابة زين.. بس ترة انتي صارلچ‌ چم يوم مو على بعضچ هواي تشتهين

ـ اعوض هذيج الايام الما اكلت بيها شي

سوت صينينة وراحت وجابتلي فلفل ولبن وماكدرت انتظر رعد بلشت بالاگل ونورة تباوعلي ..

-اهوووو یانوره اااشلون بيچ جم مرة كلتلج لاتباوعين عليه من اكل.

ـ سالفتج مو خاليه!!

ـ هاي لان  اكل بیها سالفه.

ـ لا طريقة اكلچ مال وحدة حبلة.

سدت نفسي من هيچ حچت…

-اووف  اشكرچ اگوم احسن

ـ لج مو قصدي شيي هاي شبيچ بس انتي من شوكت تاكلین فلفل؟ ومن شوكت تشربين لبن ابو الغاز چنتي مو هلكد تحبي وبعدين حتى الدولمة تاخذين جم لكمة وتكومين

ـ كلتلچ دا اعوض  الايام الفاتت.

ـ لا تعويض ولا شي روحي حللي وشوفي.

ـ خاف متعرفين بس التحبل متشتهي تاكل

ـ خاف متعرفين انتي مو كل الحبالات سوية .. رجعي اكلي خلي ياكل النونو

ـ ردت ابچي من حجيهه صدك اني حامل خاف انصدم ويطلع ماكو شي

ـ اكلي اليوم العصر نروح  نشتري اختبار حمل وسوي بالبيت اذا حمل كولي لرعد واذا لا ابقي ساكته

خلصنه غدة ولمينه گل شي ويه العصر اخذنه اذن من رعد وطلعنه للسوك مرينه بصيدلية وأخذنه احسن نوعيه اختبار حمل عنده وطلعنه ثاني يوم لازم اسويهه على الريك ماكدرت انام من القلق خايفة لا انصدم صليت الفجر وبقيت كاعدة للصبح واجتي يمي نورة دخلت الحمام وسويت الاختبار وقريت التعليمات انتظرت كم دقيقة حسب المكتوب وشفت النتيجة… حــامــل

ماصدكت روحي خاف غلط خاف ممضبوط دكت الباب عليه نورة

ـ وينج شطلع

ـ فتحت الباب ممصدكة .. نورة طلع هذا حامل

ـ هذا حامل شنو وولچ اانتيي حامل اااالف مبررروك

ـ مااريد افرح خاف يطلع جذب

ـ انتي هيج متشائمة؟

ـ صارلي كومة انتظر نورة معقولة صرت حامل بس عندي اعراض العادة الشهرية

ـ عادي والله انا شايفه نسوان اخوتي همين هيج اليوم تروحين للمختبر تحللين وتطمئنين

ـ حضنتني وهنتني وانا بعدني خايفة اصدك .. اكلج نورة لاتكولين لرعد

ـ لعد منو يروح وياچ

ـ انتي عوفي اخوج ماريدة يتأمل

ـ عنيدة..  ميخالف بس اكعدي گلشي ممطلوب منج انا انضف واطبخ وارتب انتي كعدي واتفرجي وكنكي

ـ فرحانة نورة

ـ شنو هالحجي يول شبيج طبعا فرحانة وراح ادخل اصلي صلاة شكر لله

ـ لعد شلون راح تصير فرحه رعد

ـ حبيبتي..  ان شاءالله من يثبت الحمل توفون النذورة العليكم ..

،، رحنة العصر للمختبر وحللت دم وطلعت حامل‌ هنا وگفت ادموعي تجري  ماصدكت نفسي ودي اصيح اصرخ راسا نورة اخذتني للدكتورة مالتي

قرت التحاليل واخذتلي سونار

وكالت:

-ماما انتي حامل بالشهر الثاني بعدچ ما قبطتي نطتني فيتامينات ومقويات وكلتلي اراجع المستوصف علمود التلقيحات بطريق رجعتنة للبيت متحملت اسكت اكثر خابرت رعد ما شاله يجوز ماسمعه دزيتله مسج..

ـ ابنك يسلم عليك يكول مشتاق لبابا..

رعد/چنت ملتهي وية الناس ابيعلهم عايف تلفوني على الشحن شفته رن مالحكت اروح اشيله لان عندي زبون يتأخر من يشتري خلص طلع....افگر مریم

مسگینه تاکل بنفسها علمود الحمل رحت اخذت التلفون حتی اعرف منو اتصل شفت المتصل مریم

ردت اتصل وقريت الرساله من مريم…

شنوو ابنك يسلم عليك

راسا خابرتهه خفت على اعصابها تنهار لان ميصير طفل.. 

-هاآااشبيج حبيبتي؟

ـ اني حامل..

ـ حامل؟ انتي وين هسه

ـ راجعين اني واختك من الطبيبة

ـ يعني صدددددك

ـ والتحاليل ويايه وصورة السونار راح تشوفه  بكد الحمصاية

ـ اللهم صل على محمد وال محمد

راح اروح للمخبز بهالمنسابة اوزع خبز العباس

ـ تريد نسوي كباب؟

ـ لالا ماريد تتعبوون انا عندي جبن عرب والافران يمي اخذ خبز والخضرة هسة اجيبهه بس تنظفوها وتلفون الخبز

ـ ان شاءالله

ـ الف مبروك حبيبتي  گلتلچ‌ ربي والائمة ميردون احد، خايب اليروحلهم گصادة مايخيبوونه. 

،،، مرة الاشهر متعبة لان عندي سكر بس نورة ورعد ابد ماقصروا ويايه كل فترة سلمان يزورنه هو وغفران وريم همين تجي بس ريام ماتقبل تجيني حتى بابا خطية همين اجى للحلة علمودي كلهم زاروني الا ريام رغم تعرف تعبانة بحملي

كل يوم اندعي ربي يسهل عليه ولادتي

خوفي على طفلي وخوف رعد عليه وخوف نواره على رعد وخوف احمد علينا صرنه حلقه طيبه ورحمه وسند البعض...

نياتنه ما اختلفت حبنا البعض مانقص ابد رجولة رعد اثبتت موقفها مو بس ويايه

حتى ويه اخته واحمد.

قلبه الطيب وشهامته وغيرته ويه الگل زادت حبي وتعلقي اله

حبه الاخته وحنيته عليها. احتوائه الأحمد

احس ربي صدك يحب رعد.. لان محتوي اكثر اثنين العالم رافضه نوره اخته وحالتها واحمد وحالته

رغم العالم يشوفهم مذنبين ويتنمرون عليهم بس رعد يشوفهم نعمه ورحمه وطيبه، خلاني حتى انه اشوفهم مثله

وهنا عرفت العلاقة الزوجية مو علاقه عاديه انما علاقة إنسانية لان كلشي بيها مبني على احترام الانسان للأنسان

شگد چنت اشوف كبار السن محبتهم البعض كأنما هسه مزوجين لان  علاقتهم إنسانية..

وهذا الحسيته برعد چنت اگول عنه یحبني لمجرد شهوه يجي يوم ويمل منها او تتلاشى بسبب عملته ويايه لكن مواقفه واحتوائه اليه والمرضي اثبتلي كما يقول تعالى:

{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ}

فالسكون ، و المودة، و الرحمة ؛ كلها أمور قلبية.

خمس اشهر عليه منتظره ابني حسن ينور حياتي...

.....

.........

لا حُب مثل حبِ الله إن أحَب عبده ؛

اللهم حبكَ ..ثم حبكَ ..ثم حبكَ ..؛

لاحب عبد من عبادكَ .. "

( كانَ فيما ناجى الله عز وجل بهِ موسى بن عمران عليه السلام ان قال لهُ : يا بنَ عُمران كذبَ مَنْ زَعَمَ انهُ يُحبني فإذا جَنه الليل نامَ عني أليس كل مُحب يُحبُ خلوة حَبيبه )

غفران//بعد ولادتي منتبهت على نفسي اشلون صرت اضعف ..وحتى صدري من بدت اوجاع تصير بيه منتبهت عليه زين

الى أن مره من المرات جاي ارضع بنتي وحسيت اكو شي صلب ،  الحاح سلمان انطلقنا للطبيبه وتبين عندي التهاب بالغدد اللنفاوية التهاب حاد الدكتوره قيمة وحده منهن سرطانيه

الحزن سيطر علينا اول ما اجه ابالي خوفي على بنتي...اللحظه احبطتني لكن اعتمادي على رب العالمين ودعم سلمان اليه خلاني اشوف نفسي مريضه كأنما مرض أفلاونزا عاديه

بديت رحلة العلاج قبل اي تدخل جراحي

الرحلة چانت صعبه گلش حاولت اسیطر علی نفسي والتزم بالعبادات ورود العافیه

((لا حول ولا قوه الا بالله العلي العظيم

اللهم صل على محمد وال محمد))

رغم أحساسي بألم بمنطقة الصدر بس چنت آگول مجرد شد عضلي بسبب الغدد

الى ان الدكتوره كالت اشك أنتي مصابة (بسرطان اللمفومة اللاهودجكينية)خفت

خذني سلمان الامير المؤمنين عليه السلام

شايل بيده سمانه..فرش شالي بالحضره وكعد بيده السبحه كعدت وراه  قراه دعاء المشلول لزم بيده السبحه ويردد بحرقه ودموع الاول مره اشوف هيچ یبچي

((نادي عليًّا مُظهِرَ العَجائِبِ

تجدْهُ عونًا لك في النَّوائِبِ

كُلُّ همٍّ وغَمٍّ سَنجلي

بِولايتِكَ يا عليُ يا عليُ يا علي))

يردد حتى كد ما قراء دخت ودي انام رضعت بلممه سمانه شبعت نيمتها بلكاع

يمي  حس بيه تعبانه طلع البطانية من الجنطه ولان هواي نسوان مدده  خلاني انام على فخذه وسترني  يجوز ربع نص ساعه نمت فزيت لكيته بعده يردد بلورد

كتله

-خلينا نزور ونرجع..

-صار ياصبر كلبي...

هل كلمة من يحچيها اتاذى عليه يحبني وانه على ساعه اموت صرت افكر بيه اكثر من ما افكر ببنتي. رجعنا لبيتنا مريت على امي عيونها عليه من البچي حمره

خليت يمها سمانه لان اليوم موعد تحديد مرضي نهائي دخلت كل الكاعدات يمي مصابات  بس انه اكتشفوا مبكر خفت لا يطلع مرضي مثلهن ومثل شك الدكتوره

(سرطان اللمفومة اللاهودجكينية)

المريضات يحچن عنوآلم  العلاج الكيميائي وحده گالت خلال 6 جلسات بدأ شعرها یوکع وصار راسها اصلع 

الثانیه تسولف عن غثيان الجلسات بدیت  انرعب وافقد احساسي بتحمل ردت اكوم گللت وحده من المصابات

-اشلون تحچن هیچ هذا الحچي يحبطكم

بالعكس اتخيلن هذا التعب الشديد والألم انو انتي راح تبقين قويّة وقادرة تتخطين العلاج الكيماوي ليش لان مصير الجلسات تنتهي

ثانيا اعتبرن المرض هو رساله النا لان قبل المرض شكد چنا نشتگي من بلاء او من احد خذلنا او اذانا ،شگد نبچي من موقف

او حاله بس تالي يطلع بچینا شي وقتي

ليش لان ماكو ديمومه لاي شي حتى هذا المرض وخلن ابالچن وتیقنن أن الله لطفه خفي،ما تدركه ضآلة أبصارنا.

لا تكرهون شيئ اختاره الله النه

‏لان على البلاء تؤجر،

وعلى المرض همین  نؤجر،

وعلى الفقد نؤجر،

وعلى الصبر نؤجر،لان الله سبحانه هو رب الخير فما يچي منه إلا بخير ..!

﴿ فمَا ظَنگُم بِرَبِّ العَالَمِينَ ﴾

گلما تجزعن من المرض حطن ايدچن علی قلبچن

ورددن بخشوع بقلبٍ راضٍ، وکلام صادق  ((رضيت يا رب)

ابتسمت انه والبنات المثل حالتي ودخلت لدكتوره كأنما شي بارد على گلبي شرحت

الها استمراري على العلاج وحتى گلت الها  التزامي بزيارة عاشوراء بعد كل فريضه لان چنت بس ورا صلاة الفجر اقراها

ابتسمت الیه وهنا گالت الیه بوجه حلو

-الغدد او الكتل حسب اخر تحاليلچ بعد  ما تصنفه ككتلة مسرطنة بس للأمان لازم نبقی انتابع صحتچ  بشكل دوري بعد الانتهاء من العلاج

-لیش دگتوره

-احسن حتی تتجنبين أي مضاعفات أو أضرار وتبقین بالجانب الآمن، وماترجع علیچ الغدد

طلعت ابشر سلمان چان كاعده يم مكان الرجال ومايمه بس اثنين زلم شياب كتله:

-الدكتوره دكول تقاريرچ وصلت الصبح وجسمي استجاب العلاج بهذا الشهرين او اي عدد سرطانيه ماكووو رفع راسه تناوع اليه وعيونه نملت دموع مااشوفه اله ساجد بحيث الكل على موقفه تفاجئ

طلعنا من العيادة اشترينه جكليت وبالطريق سلمان يقراء ورد.. نادى علي مظهر العجائب..

وزعنا الكل النعرفهم...رجعت بشرت الكل

حتى عقيله باركت اليه...بس الاول مره اشوف اخوي منتظر هلكد مقهور من سالته كال:

-غفران ما تعرفين سيد مجتبى من تشوفي

لحيته طولانه بحيث من سمعنا وصية اخوه خلصها نحيب وبچي الدمع من لحيته ينزل انهار جدامنا بس محتفظ بكعدته وثگله موت اخوه گلفه نص شبابه

-حقه لا تنسی خوتهم حلوه

-اي والله..الله يرحمك ياسيد مهدي ودعت عقيله بوستها كالت:

-هاااا مو گتلچ سید مهدي كال ماعليها شي بس ماصدكتوني

سكتت عنها لان هاي حالتها وهذا وضعها

ركبنا السياره البيتنا كلت السلمان عليها

گال

-عووفوها علی حالتها خلیها تتخیله موجود ویاهاا

-مو السالفه صارت ما صخه

-بلعکس احلام اليقظة العدها هاي عقلها سواه حتى يبني جدار يحمي نفسه من الجنون لان هي بعدها لسى ممصدكه او مقتنعه تدريجيا راح تتقبل الفكرة لكن مو هسه مستقبلا هسه هي عايشه اليقظة بأصولها..

-مقهورة عل  اطفالها

-هي ام كفوئه جاي توازن بين اطفالها وبين رغبات عقلها الدكتوره لتعالجها كالت:

المهم من هذا كلشي انا احبچ یاصبر گلبي

-حبتك العافية ياابو سمانه

وصلنا للبيت بشرنا عمتي والبنات..صعدنا الغرفتنه رحت للحمام اسبح...واسمع صوته اشلون ينيم سمانه...

طلعت لكيته مخلي سمانه بغرفتها كعدت امشط شعري اجى عليه الفرحه بوجهه

گالي

-فرحان كلش

-انه همين

كمت اله..لزمت ايده بستها رفع ايدي باسها گال:

ياصبر گلبي..انا مؤمن وعابد اعشق الله فلا استطيع ان أطيلُ النَظَر في عَينيكَ

-ليش موو انه زوجتك

-لان حَرّمَ اللّه ما يُذهِبَ العقل وعيونچ تاخذ عقلي

طكيته بصدره ابتسم وهمس بصوت شاعري يسلب الفؤاد

-شنو اطلبین مني هل لحظه؟

جاوبته:

-گلي انتي احلى بنيه بالعالم 

-انتي احلى ابنيه بالعالم وانا اسعد رجال لان عندي انتي...ولوماانتي بحياتي ودنيتي چان هسه انا شخص تعیس الحظ

-بس هيچ شو بخیل بالحچي؟

-يصير اگلچ انتي الدعوه الثانيه بعد طلبي ان أكون من عباد الله الصالحين

-بس

-انت الشكر الاشكر الله عليه من أسجد سجود مستحب  الرب العالمين انتي دعوة امي النقيه من تدعيلي يارب ارزق سلمان مره صالحه طيبه

-هااا

-لا حبي مو وقت هااا لان هسه وقتنا

لازم اردد(اللهم لا تجعل الشيطان علينا سبيلا))

هل كلمه وراها ندخل بأمواج من العاطفه والحب والتفاهم والاحترام لان زواجنا انه وسلمان  ماچان ينقاس بالماديّات ولا حتى بجمال ولا المظاهر احنا من قوله:

"يغنيهم ﷲ من فضله" اغننا الله سبحانه بالود والرحمة والرئفة بحيث گلبي

يردد كل يوم بكل وقت من اوقات حياتي

اللَّهُ واحد..

القران واحد

والقلبُ واحد..

وحبيبي الاخير بهاي الحياة واحد هو انت

ياسيد سلمان لان كلامه غزله ماله مثيل

حتى من اشوفه تعبان اويجي من الشغل

واسأله شلونك ياابو سمانه ؟

يجاوبني جوابه الدائمي والوجداني

غفران قلبي ياغفران ذنبي ونصف ديني اتعافى وصير زين بنظره من عيونچ

........

......

مجتبى// حقهه ام علي ترفضني

لان..  لا انا متقبلهه تصير گ زوجه الي

ولا هيه متقبلتني..

اثنينه ممتقبلين بعض و نشوف سيد مهدي بنصنه واكف مو بس نستصعب هالخطوة نشوفهه مالهه داعي

طول هاي الفترة وجدي غضبان عليه وعلى عقيلة لان الوصية واجبة التنفيذ بالشرع والدين واحنه منقبل نلتزم بالوصية

كل حياتي گرستهه لبنتي واولاد اخوية قسمت الاسبوع وخليتلهم يومين اتفرغ الهم تماما الي اخذهم انا وعمتي وازورهم لو اطلعهم متنزهات او جولة بالسيارة ونشتري ونلعب

احاول قدر الإمكان ما خليهم يحسون بفقدان ابوهم سيد مهدي ولا اخلي بنتي تحس بفقدان امهه لان همين عاشت وياهه كم شهر من بعد وفاة اخوي واخذت عليهه شوي…

بهالأشهر شفت ميسم اكثر مما شفت اهلي ما بقى مكان ماطلعتلي بي .. گأنو تتقصد تتواجد بالمكان الاتواجد بي ان گان بالشغل بالمستشفى او قريب من الشركة او بالشارع وتبقي عينهه بعيني او تحاول تختلق فد شي تسوي حتى تخليني اشوفهه وانا تماما متجاهلهه لان اغلب الاحيان اكون لابس نضارة شمسية فمتكدر تميز شفتهه او لا …

مشاكل بيت عمي ابو عامر ماخلصت يومية طالعيلنه بمصيبة شكل گلش انقهر على امير واخوته لان صاروا يخجلون من ابوهم وامهم وهالشي گلش صعب على الطرفين يتحملوا…

هواي تعبوا جدي بهالفترة من القضايا الرافعيهه عليه بس وكلت ثلاث محامين ويه محامينه و گلهم معروفين والهم اسمهم بالقضايا احيانا ربنا يستر ويجي امير او احد اخوته او وباقي ولد عمي ينبهونه على اهاليهم شيريدون يسوون ونتلاحك للمصيبة قبل لاتوگع…

امي هواي تغيرت بعد وفاة سيد مهدي گلش ذبلت وصارت من امرأة تسولف وتناقش وتدخل بحوارات ويه المقابل ..

الى امرأة ساكته مالهه خلك شي حتى ويه احفادهه گوة تضحك بس لخاطر تشوف ضحكتهم  گلش متمزقة بداخلهه

دائما دمعتهه بخدهه وتبجي من تكون وحدهه او حتى من تكون گاعدة بيناتنه اشوفهه بغير عالم رايحه..

عمتي زينه تحاول متخليهه بهالوضع وتبقي تختلق گلام وسوالف وياهه بس اغلب الاحيان امي فاصلة عنهه ومتجاوبهه صرت اشوفهه متخوض بنقاش ولا الها بسوالف النسوان مثل قبل

اذا اضيع امي اشوفها مگابله صورة سيد مهدي تحاچي وذا بليل قايمه ليلهه مهما كان بارد  صايمة نهارهه بعز الحر..

يومية تهدي ثوابات لابوية واخوية تطبخ وتوزع او اقل شي تمر ولبن تنثر الحبوب وتخلي طاسات مي على السطح وبالحديقة للطيور بثواب ابوية واخوية..

كل هذا بصمت منهه تماما تغيرت المراة الحيوية والتضحك للهوى الطاير الجانت بزمن سيد مهدي اختفت ..

جانت تشكي بأستمرار من راسهه وعيونهه ومن اريد اخذهه للطبيب ماتقبل تكول هسة انام وارتاح مابية شي اتعارك وياهه اريد اجبرهه اخذهه للطبيب ترد عليه بصمت قاتل تخليني اكره نفسي لان عليت صوتي عليهه رافضة شي اسمة طبيب نهائي وماكدر انطيهه وصفة من عندي لان ماعرف علتهه شنو

الى ان بيوم جنت مخنوك ضايج وين مااروح الحزن داير ميدور..طلعت برة شغلت الماطور اغسل الكراج وجدي نايم وعمتي يم امي جوة

مرتاح لان ريماس دزيتها يم عقيلة جلبت بيهه متعلقة بمرة عمهه واولاد عمهه غسلت الطوس لتخليهم امي للطيور نشفتهن وخليت بيهن حبوب

غسلت السيارة وسديت بابهه و سمعت صوت ضربة قوية بالبيت مثل شي انهبد بالكاع ووياهه صرخة عمتي زينه شمرت الصوندة ودخلت اركض شفت امي مددة راسهه على الدرج صاير

تقربت لكيتها مغمى عليهه وعمتي تحاول تشيلهه تخبلت من هيج شفتهه لزمت ايدها امسدها..ماتتحرك ولان صايره ضعيفه بسرعه كدرت اشيلها.طلعت ارگض للسيارة عمتي زينه جابت عباتهه وحجابهه وخلته فوك امي التفتت عليهه وكلتلهه

-اناااا اخذها  عمة ابقي يم جدي

-لااا عمه لااااا ترى بيبيتك هنا لااتخاف .. سدت باب السيارة وطلعت للمستشفى بعدها ممستفاقه وصلنه شلتهه ونزلت وخليتهه على السدية الاطباء كلهم يعرفونة صرنه وجوه مألوفه يمهم من گد المصايب المرت علينه

انتضرنه الاطباء بين معاينه سريريه  كالو تحتاج اشعه سويت اشعه...جبتها للطبيب كلي ابسرعه تحتاج فحص طبيب نضر مختص ..

مفهمت شنو بيهه ومحد يريد يوضح تعبت من المستشفى وهوستهه وقعت على خروج امي ورجعنه للبيت ...

امي تون من الالم والوجع ومغمضة عيونهه متكدر تفتحهه

كلت لعمتي تحضر ملابسهه راح اخذهه لبغداد وانا اقيم بيها، طلعنه بالليل لبغداد وصلت للعمارة وغيرت رأيي طلعت لأقرب فندق نزلنه بي انا وامي وخابرت صديقي طبيب العيون واتفقت باجر اخذهه لعيادته

صار ثاني يوم واخذتهه فحصهه وشاف الاشعه ..

ـ الوالدة كان عدهه التهاب بعيونهه

ـ والله ياخوية جانت تشكي من راسهه دائما وشكد اتعارك وياهه حتى اخذهه لطبيب يكشف عليهه بس جانت ترفض الى ان صار الصار وجبتهه

ـ والله ما اعرف شكلك بس نازل على عيونهه المي الازرق بالاضافة ارتطامهه بمكان صلب ادى للاسف لفقدان البصر بالعين اليمنى تماما وضعف البصر بالعين اليسرى

ـ يعني شنو فقدت بصرهه بعينهه اليمنى دكتور عملية تصحيح اي شي سوي بس رجع عيون امي

ـ العملية لعمرهه بهيج وضع صعبة لو تفيدهه العملية بدون متكلي يامجتبى راسا اكلك وقع على دخولهه بس متفيدهه مجرد تتحمل الم واذية العملية وماراح يتحسن شي

ـ اسفرهه للخارج

ـ تريد تسفرهه براحتك بس اخذهه حجايه مني .. حاله امك ميفيدهه حتى السفر

ردت امي:

ـ شسوي بعيوني بعد يا وليدي بمنو اكحل الشوف بيهن؟

ـ يعني انا ما استاهل يمه؟

ـ شلون متستاهل وانت البقيتلي بهالدنيه بس خليني هيج قانعه بنصيبي الحمد لله على كل حال…

ـ من عرفت ماكو فايدة بعيون امي ما قبلت تضل ابغداد ورجعنه طول الطريق جانت تبجي وتكول هاي حوبة عقيلة لان هواي اذيتهه على حياة سيد مهدي بقيت اصبر عليهه

ـيايمه هذا شلون حچي يعني حوبة عقيلة تبين بيج ومتبين بأم عامر؟

ـ يمة كلمن حسب ذنوبه وغلاته عن الله سبحانه التبين بيهم الحوبة بالدنية هاي رب العالمين يريد يغفرلهم والحمد لله من بينت بيه هسة ولا بالقبر شيحمل الذنب يايمه ماادري بيا عقل جنت من اذيت هاليتيمة؟

ـ كولي ياالله حجية راح ابقى اسأل وبلكي الكه علاج لعيونج الحلوة بس لاتنقهرين يمة بعدچ شباب تری ماخاشه  العمرين

ـ اذا صدك تريدني ما انقهر.. اسمع كلام جدك

ـاهووووو یاحبیبه؟  رجعنه لهلموضوع

ـ ماكو احد يحافظ على ولد اخوك مثلك

ـ عقيلة ما قاصرة يمة وثبتت باخر اشهر هيه كدهه وگدود

ـ بالله الكريم انتوا اثنينكم لاتحترمون سيد مهدي ولا عدگم دين حقيقي لا احترمتوا وصية شخص متوفي ولا طبقتوا الدين الاسلامي لان  الوصية واجبة التنفيذ.

،،، بقت امي تحجي عليه طول الطريق وانا ساكت وما سكتت الا وصلنه للبيت…

وصلت للبيت لكيت جدي مخابر عقيلة ومرزلهه ومتعارك وياهه على نفس الموضوع

هاي كل فترة هيج يهيجون علينه ويحجون علينه لان ممنفذين الوصية اتلكوا امي وعرفوا بحالتهه وعقيلة خابرت على امي تسألهه عن صحتهه

مرة الاشهر ورغم مصاب امي لكن  بعدهه على نفس وضعهه تاخذ هدومي وتغسلهن بيدهه متقبل احد غيرهه يغسلهن…

رجعت من الدوام سبحت وغيرت ملابسي طلعت من الحمام اريد اروح لغرفتي وسمعت امي بغرفتهه تبجي وتدعي الله يگصر عمرهه وتعاتب ابوية واخوية لان راحو وتركوهه … 

انقهرت من گلام امي ودكيت الباب عليهه ودخلت لكيتهه فارشه السجادة وكاعدة تبجي..

ـ ليش يمه انتي همين تريدين تعوفيني ميكفي ابوية واخوية وانوب انتي؟

ـ كلبي محترك وليدي گسرة الضنة گسرة متنحمل

ـ ليش انا مو ابنج يمة يعني مالي خاطر يمج فد نوب

ـ لاتعتب مجتبى انت واخوك نفس المعزة بكلبي لا احد منكم فضلته على الثاني ولا فرقت بينكم وانت تدري بس يايمة شوف عقيلة الماعاشت وية اخوك غير جم سنة ينعدن على اصابع الايد الوحدة شلون متدمرة عليه ..

آشلون تريد تشوفني وانا الحبلت والربيت والداريت وگبرتگم كل شبر بنذرر يمة الخراب الجواية ماصار جوة مرة

ضگت لوعه فقد الرجال الحنون الخايف الله الصايم المصلي وانتهت حياته بطلق براسه وصدرة واخذة الموت مني ..

گرست حياتي الگم انتو ضنايه الاثنين وضوه عيوني ونضرهه جنت اشوف الدنيا بيهم جنت عايشة لخاطركم ولاجلكم بس يمة متحمل فقد اخوك…

گوة اتحملت فقد الوولف وگوة عديت هذيج المرحلة الصعبة جنت احارب نفسي لخاطركم بداخلي ابجي ولازم ارسم الضحكة على وجهي حتى لاانت واخوك تشوفوني ابجي وتكابلوني وتبجون بس هسة ما اگدر اتحمل بعد يمه

صبري خلص ومل الصبر مني وجزع الضنه غالي الابن عزيز حرگة بالگلب متنطفي توجر جوايه شوف اخوك صارله شكد متوفي فوك السنة بس ما اكدر اطفي ناري لا یبرد عزا گلبي هي السيده الزهراء

عليها السلام عن لسان الشاعر

(انا الوالده والقلب لهفان ادور عزا ابني وين ماچان))..

هیچ یصیر گلب الام المضيعه شباب ابنها

ـ يمة يعني انا ما استحق تحاربين لخاطري وتعيشين لجلي؟

ـ شلون متستحق ولك مجتبى شلون هيج تحچي بس ياوليدي اصلا هالنفس اليصعد وينزل بيه لخاطرك انت

بس انت اب وشكد متريد تصير عاطفي ما راح تعرف شعور الام الحقيقية التحب اطفالهه وتستقتل علمودهم انا خايفة يايمه اافقد بعد احباب بهالدنية الگشرة وولگ والله وبعد ماعندي حيل وصبر وقوة اتحمل فقد الغاليين

،، حضنتهه وهي تبجي وتنوح..  حاولت ما ابجي واتذگرت سيد مهدي من جان يصبرهه على فقدان ابوية جان ميبچي حتى لايزيد الطين بلة گوة حبست دموعي والله حقهه هو اخوية وانا هيچ جزعت من الدنية شحال هو ضناهه…

سكتهه وابتسمت بوجهه وحاولت اطيب خاطرهه وهي هم سكتت وگامت لمت سجادتهه.. امي مثلي ماتنسى شماتت ام عامر  بستشهاد اخويه فدائما اسمعها تدعي بحركه بعد صلاة الليل بهذا الدعاء

((يا من لا يخفي عليه انباء المتظلمين .و يا من لا يحتاج في قصصهم الي شهادات الشاهدين .و يا من قربت نصرته من المظلومين..ويا من بعد عونه عن الظالمين

قد علمت ، يا الهي، ما نالني من(( فلان ابن فلان)) مما حظرت و انتهكه مني مما حجزت عليه ، بطرا في نعمتك عنده ، و اغترارا بنكيرك عليه .اللهم فصل علي محمد و اله ، و خذ ظالمي و عدوي عن ظلمي بقوتك ، و افلل حده عني بقدرتك و اجعل له شغلا فيما يليه ، وعجزا عما يناويه .اللهم و صل علي محمد و اله ، و لا تسوغ له ظلمي ، و احسن عليه عوني ، و اعصمني من مثل افعاله ، و لا تجعلني في مثل حاله .اللهم صل على محمد و اله ، و اعدني عليه عدوي حاضرة ، تكون من غيظي به شفاء ، و من حنقي عليه وفاء اللهم صل علي محمد و اله ، و عوضني من ظلمه لي عفوك ، و ابدلني بسوء صنيعه بي رحمتك ، فكل مكروه جلل دون سخطك ، و كل مرزئة سواء مع موجدتك .اللهم فكما كرهت الي ان اظلم فقني من ان اظلم .اللهم لا اشكو الي احد سواك ، و لا استعين بحاكم غيرك ، حاشاك ،فصل علي محمد و اله..وصل دعائي بالاجابة ،و اقرن شكايتي بالتغيير

اللهم لا تفتني بالقنوط من انصافك ، و لا تفتنه بالامن من انكارك ، فيصر علي ظلمي ، و يحاضرني بحقي ، و عرفه عما قليل ما اوعدت الظالمين و عرفني ما وعدت من اجابة المضطرين .اللهم صل علي محمد و اله ، و وفقني لقبول ما قضيت لي و علي ، و رضني بما اخذت لي و مني ، و اهدني للتي هي اقوم ، و استعملني بما هو اسلم .اللهم و ان كانت الخيرة لي عندك في تأخير الاخذ لي و ترك الانتقام ممن ظلمني الي يوم الفصل و مجمع الخصم ، فصل علي محمد و اله ، و ايدني منك بنية صادقة و صبر دائم . واعذني من سوء الرغبة و هلع اهل الحرص ، و صور في قلبي مثال ما ادخرت لي من ثوابك ، و اعددت لخصمي من جزائك و عقابك ، و اجعل ذلك سببا لقناعتي بما قضيت ، و ثقتي بما تخيرت .امين رب العالمين ، انك ذو الفضل العظيم ، و أنت علي كل شي ء قدير))

كد ماسمعتهه تقرا بصوت يكسر حفظته وصرت مثلها اقرأ بعد كل صلاة الليل

الامور بحياتنا ماشيه واكفه حتى عمتي زينة لساها مصره تگرست حياتهه لابوهه وامهه هواي ييجون يخطبوهه خصوصا بعد ماطلعت سنوية سيد مهدي بس هي ترفض الزواج واصلا متقبل لحد يفاتحهه بهالموضوع رغم جدي وبيبتي وحتى امي هواي حجو وياهه ..

ولو اغلب اليتقدمولها ارامل وعدهم اولاد او مطلقين او هو يريد احد يداري لان جبير بالعمر  ف جوابهه بدال ما اداري الزوج لو اولادة ويجوز مايرضون عني وتصير خلافات انا بغنى عنها اداري ابوية وامي اولة بصحتي وعافيتي واحصل اجر وثواب انا محتاجتها لاخرتي..

بيبتي اجتي وعاشت ابيت جدي  بعد ماچنت يم اولادهه صح تحب ابو عامر لان يداريهه بس ماچانت راضيه علی تصرفاته هو وزوجته فعافتهم ورجعت لبيتهه رغم الخلاف بينهه وبين جدي نوعا ما بعدة قائم بس مثل منگول

خد وعين مرة جدي يسكت عنهه

ومرة هي تسكت عنة…

مره حنفية الحمام تلفت ونگسرت ودخلت اسويهه صرت خبرة بهيچ امور من بعد عين سيد مهدي چنت متيه الدنية گلهه بوجود عضيدي واخوية ..

خلصت وگعدت شوي العب وية رموسه

اجني بيبتي وامي گعدت يمي

كالت بيبتي

ـ بيبي مگافي الطفلة همين تريد ام

ـ يعني شلون تريد ام؟

ردت امي

ـ يعني شوف حالك واتزوج

ـ وليش اتزوج واجيبلهه مرة اب الله يعلم شتسوي بيها

ـ لا يمة مو گل اصابعك سوية

ـ حبيبة هالطفلة امهه مارحمتهه تتخيلين الغريبة ترحمهه

ماعرف منين  تجیبن هسوالف رحمه الاهلچن

-لیش ولیدي انت هم شاب وحلو عندك حال ومال المن يبقى

اخذت ريماس الحضني

-يبقى الهاااي بنيتي كله الها حالي ومالي وشبابي مااريد اي ام تاذيها لو بكلمه

راسن اجت عمتي زينة بيدها صينية فواكهه كالت:

ـمو كل مرة اب ظالمه وريماس لا تنسى بقت فترة طويلة يم عقيلة؟

والى هسة رموسة تروح يم عقيلة وشوف اشلون اداريهه وتموت عليهه

تنرفزت وجاوبتهة

ـياعمه وشدخل عقيلة بالنص ؟

ـ هاي هم غريبة عن بنتك

ـ لا مو غريبة هاي مرة عمهه تصير وترى عقيله مو مثل اي وحده عقيله تخاف الله

بكل خطوه بكل فعل تسوي فهي تصير مرة عمها

ـ ترة ام عامر همين تصير مرة عمك تتصور هيج دارتكم؟

ردت امي:

ـ وين يمعودة چانت ادز جهالهه يكتلون ولدي من چانو صغار سبحان شلون گبرو وعقلوا

عرفت مقصدهن لان گل عقلي عبالي يردن يقنعني ازوج وحده من العلاوي

گتلهن:

ـحبيبات عقيلة الله يستر عليهه عدهه دين وتخاف الله وين انا اللكة مثل عقيلة؟

جاوبت عمتي:

ـ وليش ادور و تلكه والمرة جاهزة

ـاوووف شتريدن توصلن بگلامجن؟

ردت بيبتي

ـ لم مرة اخوك وصيرو بيت واحد

ردت امي

ـ والله صح محد مثلهه راح تحب بنتك ولا يجي احد مثلك يحب ولد اخو

وكفت متعصب وبهدوء جاوبتهم

ـ التحچو مستحيل مستحیل مستحیییل

وشي اقرررب من الخيال لااااا انا متقبلهه ولاهي متقبلتني كااافي هل حچيچ حچي

-لاااا تتعصب يمه انت وليدنااحنا الخاطر بنتك وانت هم تريدلك مريه تسامرهاااا تكعد يمهااا

-يمه يمه مووو شرط اريد مره تسامررني اناااا بعدني ممستوعب موووت اخووووي وبنتي مووو الا نتزوج هاي عايشة بيناتنه ست ايام يمي يوم يم جهال مهدي الله يرحمه نفس الشي يمي ويم امهم والحياة ماشيه

ردت بيبتي:

ـ يعني لا تريد مرة اخوك عقيلة

ولا تريد تتزوج وتستقر؟

ـ بيبي فدوه اااااااحد گلج انا مامستقر؟

الحمد لله عايش بحياة هواي شباب يتمنوهه الحمد الله عيشتي نعممممممه

ردت عمتي زينة:

ـ بس هاي وصية اخوك يا مجتبى وحرام متتنفذ متشوف ابوية شكد ماخذ على خاطرة منگم

ابتعدت خطوات امسح وجهي شديت شعري من ورى اريدهم يفهمون

ـعمه يعني شلون اجبر عقيلة تتزوجني؟ ترة رااااجع تعبان ياعمتي فدوة لاتفتحون هيچ موااااااضيع ييمي مابيه حيل مناهد

ردت امي

ـ فهمت قصدك  يعني اذا عقيلة تقبل تنفذ الوصية.

تتزوجهه ؟

-لااااا مو مسالت تقبل  بس اعرف عقيلة مستحيل تقبل يتم زواجنه تحت اي ضرف گان ف حجيت ويااااااكم بهيچ ثقة تامة

-ابني انت يرادلك ولد من صلبك

ـ ليش يمه ليش ماهمه ولد اخوي ولدي وهاااا عوود اذا  تقبل عقيله بيه عادي ماكو مشكلة خو مو افرض نفسي عليها بحجة وصية...

ابتسمت عمتي جاوبت

ـ خووووووش يصير خير

فتحت عيوني عليهم شهل قابليه والملحه ماهتميت لكلامهن طلعت من البيت حتى مااوصل الطريق مسدود ومشت الحياة

مرة الايام وصارت تجيني تهديدات غير مباشره مره ورقة مكتوبة بالطابعه وبيها رصاصة يهددوني بالقتل او يهددوني ببنتي يخطفوهه ويحثوني اخذهه واسافر و اذا ماسافرت حياتنا معرضة للخطر.

التهديدات چانت تجي من رقم تلفون اسيا ومن قدمنه بلاغ وللقاضي وهالهوسة طلع الرقم گلك ومابي اسم مبيوع بالاسواق السوداء والورقة جنت اشوفهه ملزوكة على سيارتي بحيث صار شغلي الشاغل اطلع افتر على سيارتي وافتشهه قبل لا اطلع للشغل

وحتی  ومن اوصل للدوام الكة الورقة ملزوكة علي احد بيبان السيارة الخلفية

من يجيني تهديد امي تتخبل وجدي يتهستر ومن خبرت الشرطة  ميطلع اي دليل ‌الشك واصابع الاتهام كلها لبيت ابو عامر بس ماعندي اي دليل عليهم

اسلاحي قدمت بيه طلب حتى يترخص حصلت موافقه وصار سلاحي مرخص

لان عاندت وبقيت بكربلاء رغم ضغوطات امي وجدي عليه  ماهتميت

مرة الايام وجنت بالشركة مالتنه عدنه مناقصة جبيرة احاول اخذهه گاعد ويه المحامي ونتناقش واجاني تلفون من المحامي الثاني اللازم قضايا عقيلة وجدي ضد  ام عامر گلي:

-ترى الجماعه رافعين قضية گلش جبيرة على عقيلة والوالدة وجدك …

-صبررر ترى فتهمت قصدك صاير شي چبير فهمني شنو هالقضية بس؟

-عندي هسه مرافعه راح ادخل

-ماااشي جاييك للمحكمة..

عفت المناقصة بيد محامي الشركة وطلعت ارگض بعدني ماصعدت السيارة واشكال التلفونات ادك عليه…

تناوعت منو يتصل طلع جدي رفعت التلفون..

الو ها جدي

ـ عوف گلشي من ايدك وتعال مصيبة جبيرة ووگعت على روسنه

ـ شنو يمعود شگو شصاير؟!

ـ تعال لبيت عقيلة بسرررعه مو وكت شرح

ـ جاي جاي بالطريق لفت الفلگة وگبل لبيت عقيلة ارید اصبر گلبي وما اتوتر

دائما اردده ويبرد قلبي::

"يا أعز مذكور واقدمه قدما في العز والجبروت،

يا رحيم كل مسترحم، ومفزع كل ملهوف اليه،

يا راحم كل حزين يشكو بثه وحزنه اليه،

يا خير من سئل المعروف منه واسرعه اعطاء،

يا من يخاف الملائكة، المتوقدة بالنور، منه

أسألك بالأسماء التي يدعوك بها حملة عرشك ومن حول عرشك، بنورك يسبحون شفقة من خوف عقابك، وبالأسماء التي يدعوك بها جبرائيل وميكائيل واسرافيل الاّ أجبتني وكشفت يا الهي كربتي، وسترت ذنوبي،  يا من أمر بالصيحة في خلقه فاذا هم بالساهرة يحشرون، وبذلك الاسم الذي احييت به العظام وهي رميم، احي قلبي، واشرح صدري، واصلح شأني،  يا من خص نفسه بالبقاء،

وخلق لبريته الموت والحياة والفناء، يا من فعله قول وقوله امر، وامره ماض على ما يشاء،

أسألك بالاسم الذي دعاك به خليلك حين القي في النارفدعاك به فاستجبت له وقلت يا نار كوني بردا وسلاما على ابراهيم وبالاسم الذي دعاك به موسى

من جانب الطور الايمن فاستجبت له، وبالاسم الذي خلقت به عيسى من روح القدس،  وبالاسم الذي تبت به على داوود،  وبالاسم الذي وهبت به لزكريا يحيى وبالاسم الذي كشفت به عن ايوب الضر، وتبت به على داوود وسخرت به لسليمان الريح تجري بأمره، والشياطين، وعلمته منطق الطير،  وبالاسم الذي خلقت به العرش، وبالاسم الذي خلقت به الكرسي، وبالاسم الذي خلقت به الروحانيين، وبالاسم الذي خلقت به الجن والإنس،

وبالاسم الذي خلقت به جميع الخلق، وبالاسم الذي خلقت به جميع ما اردت من شيء، وبالاسم الذي قدرت به على كل شيء،

اسألك بحق هذه الاسماء الا ما اعطيتني سؤلي

وقضيت حوائجي يا كريم وصل على محمد وآل محمد))

ركنت سيارتي لگيت سيارة اهلي طابگة ويمهه سيارة امير ابن عمي احس گلبي صار برجلي مااعرف شلون طبگت السيارة ونزلت ارگض ..

الباب الخارجية مفتوحه دفعته ودخلت لكيتهم گلهم گاعدين بالهول وامير اخوته موجودين بس عقيله ماوياهم…

رميت السلام بصوت مبحوح والهث تعب

-السلام السلام عليگم شنو صاير فهموني؟

ردوا السلام گلهم

ورد جدي بنتر ..

ـ تعال يالعنودي اقرا هاي الاوراق اليوم جابهه المحامي من المحكمة

شبخت الكل حتى اخذ الاوراق منه…

-شنو يا اوراق شگو؟

ـ اقرة وشوف بعيـــــنك

اخذت الاوراق وقريتهه عمامي قايمين دعوة على جدي وعلى عقيلة وعلى امي

استغربت

-شنوو جدي ولدك قايمين دعوة بالجملة علينة زين مارافعين دعوه على الجوارين

ـااانا شحجييييت شكلت قبببل

ـاصبر ياجدي خليني اجر نفس و اقرا ..

هاااي دعوة تاهميك بزهايمر

وهاي دعوة على امي عدم اهليتها لتربية اطفال لان شبه عميه

ودعوة على عقيلة سبب هي شابه وتعيش وحيده بلا زوج

كعدت على التخم افرك راسي

احس صدمه مابعدهه صدمة بالنسبة الي

شنو من بشر لايتعض ولايهاب رب الكون

-جدي شنــــــــو شنووو هالحجي

رد بصياح

ـ موووو حچيييت مووو گلللت اثنييينگم طررررشان وعميااان صرررتوا محد منگم سمعني ولا ااحد عبرررني ولا التزمتتوا  بووصية اخوووگ ولاهذييچ التزمت بوصية زوجهه

وهااااي النتيجة

انا سووني مزهمروااامك عميية وامهم طعــنوو بشررررفهه

ـجدي يعيط ويصيح منهار وانا صافن على الاوراق

رد امير:

ـ ماعرف مين اودي وجهي منگم من سوالف ابوية

ردت عمتي زينه:

ـ ابوگ بدون امگ گلشي ميعرف يسوي بس حسبي الله ونعم الوگيل عليهه يعني الله سلبهه صحتهه وبعدهه بهيچ جبروووت

ردت جدي:

ـ زينة.. لاتحجين هيج وية امير واخوته دتشوفيهم واكفين ويانه وديتعذرون شيسوون بعد..

،، التفتت على امير..

ـ ولگ انت شنوو من‌ بشرر مچنت تعررف بهالگلام

ـ لا والله ابن عمي ابد لا احنه ولا نسوانه تتخيل نعرف انا واخوتي ونضم عليكم؟

ـ استغفر الله ربي…

طلعت التلفون وخابرت المحامي فهمت منه اليوم مستلم التبليغ وراسل النسخ النه ..

ووشنو دليلهم؟

ـ دليلهم صور وشهود سيد

ـ صور شنو شهود شنوو؟

ـ مستغلين التقارير الطبية عن جدك وامك

ـ ومرة ااخوية شلون طعنوا بيها.

ـ  مستغلين  طباتهه وطلعاتهه  للطبیبه النفسیه ومكان عملهه همين جايبين شهود منه وبالاضافة للشهود الجايبيهم من يم جيران بيت الاخت ام علي…

ـ منووو هذوول الشهوود فهمني ياجيران كلهم نعرفهم وعلاقتنة طيبة بيهم وبعدين نكدر نثبت هي رايحه لدوامهه ماريحه تلعب منا ومنا

ـ  تتصور ماقدمت طعن بساعيتهه طعنت بالقرار آصلا قبل لاآنطيك الخبر طعنته

لگن المشگله هالمرة چبيرة

-لیش؟

-جايبين الشهود من نفس مكان عملهه ومن جيرانكم هالشي يكدرون يقلبون القضية كلهه لصالحهم

ـ غير افتهم منو هذووول؟ 

ـ الشهود سريين ماقبل القاضي يكشف عنهم لحماية حياتهم

ـ شنو السالفة عمي قابل قضية سياسية ومتكتمين؟

ـ سيد مجتبى الادلة مرفقة بالدعوة اقرة وشوف السالفة مو بس شهود وصور السالفة داخل بيهه شخصية جبيرة

( ابو دولار))

ـ  منو هذا انوب

ـ اسأل ولد عمك خوية همه یعرفون دمارات ابوهم

ـ لاتكلي اسأل.. اانت فهمني

ـ راس  بالدولة ويشتغل بالمحكمة

ـ  زين منگدر ننقلهه لغير قاضي اومدعي او اي واحد لاخ

ـ نكدر نطلب هالطلب لكن من هسه اگلك مرفوض الا نثبت عليهم الرشوة والفساد ونثبت اكو واسطة بينهم وهالشي مستحييل نكدر نثبته

والا يكون طلب تغيير القاضي مجرد كسب وقت مو اكثر

ـ اكلك انت وين؟

ـ انا بالمحكمة

ـ اصعد سيارتك وتعال لبيت سيد علي ابن اخوي تندلة هالسالفة مو مال تلفون…

سديت التلفون وكعدت انتضرة على نار ..

كلهم يحچون عليه وعلى عقيلة بس عمتي زينة تهون علينه

وامير واخوته خجلانين من فعايل ابوهم تالي اترخصوا من عدنه وراحو يشوفون ابوهم شمسوي كال‌ امیر:

-راااح‌ احچي وياهم واضغط عليهم بلكي اكو حل واخذ نصيحة جدي،اتزوج مرت سيد مهدي الله يرحمه، هنا مو تلصمون

ابوي حتى امي وامة محمد

تناوعت اله بضوجه خلى وراح كمت لغفت ردن قميصي احس الوسيعة ضيكه

گتلهم:

ـ شسالفه‌ لاتگبرون الموضوع وهو  سهل حتى لو ثبتو عدم اهليه عقيلة وهالشي راح يكون حسابهم ويايه وانا اعرف شلون انتقم منهم بس لاتنسون انا عم الجهال وانا الوصي عليهم

صاحت امي

ـ والتهمة قليلة وولك هاي طعن  شلون بعلوية درة شلون باخوتهه حتى لو اغلب الناس يعرفون ام علي شريفة وعفيفة بس راح تبقى بصمة بمرة اخوك انسحبت منها الوصاية لهل سبب

ـ استغفررر الله

المحامي دخل وسلم راسن كال:

ـ لنفرض جدلا اخذت الوصاية الك متتذكر تهديدات القتل المرت عليك بهالاشهر

ـ ماكدروا يسوون شي انت كلت طول هالاشهر يهددون زوبعه بفنجان

رد جدي:

ـ يافهيم هاي تهديدات القتل عدهم زلاطة

ـ والحل؟ شنو الحل

ـ  انا والمحامين صارلنه من الصبح ندور مالگينة غير طريقة وحدة؟

ـ هيه؟

ـ تتزوج انت وام علي حتى تكدر تحافظ على زوجه اخوك من التهمة وتكدر تحتفظ بالاطفال

ـ يعني اذا اتزوجتهه ماراح يقتلوني؟

ـ احنة صار شهور مدنكدر نثبت منو اليهددك اهل طلليقتك همه جهه متنفذه  لكن مجرد عقدك الشرعي على ارملتكم  راح رأسا ارفع دعوة ضد عمامك لان شكد رفعت دعاوي ضدهم القاضي ما اقتنع لان المقصود بقضايا عمامك عقيلة وجدك

ماجايبين سيرتك ابد فكلشي راح يتغير لصالحنه ونكدر نسوي تعهد بعدم تعرض واي شي يصير عليك يحاسبون

جاوبتهم

ـ لازم اكو حل ممعقوله تنسد هيج

رد المحامي:

ـ المرافعة بعد عشر ايام شوفو نفسكم واستشاروا باقي المحاميين اذا تريدون

رد جدي

ـ شنو معنى عنادكم .. اااام عليييي يا اااام عليييي وووينج

،طلعت ام علي لابسة العبائة والحجاب والنقاب اجتي وكفت يم الباب..

كالها جدي

ـ سمعتي الحچيناه لو انتي بغيرر عاالم ياابنتي طاعنيچ وانا تعبت وهذا لعنودي يريدون يقتلوا اولااادج راح يضيعووون استوعبي عاد

جاوبت برود:

ـ الكاتبة الله يصير

ـ اااااستغفر االله لا انا خاف طلعت من الجلطة هذيج هاي مستحيل اطلع منها سلامات

ـ سلامتك جدي

ـ يابنتي اافهمي واعقلييي زوجج الله يرحمه من وصى هالوصية مو عن جهل يابنتي ماكو غير حل

ـ اكو حل ثاني ياجدي اسهل

،،فز كلبي من كالت اكو حل ثاني

گتلها:

-عفیه ماااتجیبها اله نسوانها سعفينة بي  بلكي الله نلگة حل

ـ  احنة كل مشاكلنا ومصايبنه وتعبنه ودمارنه من ام عامر وزوجهه

ردت امي:

ـ اي والله من هالمصيبتين

ـ اي ياجدي صح شنسوي الله بلاني بولد عاق

ـ احچي  شنو براسچ؟

رد جدي:

ـ كلتلكم ماكو غير زواجكم يكسر شوكتهم

گالت عقیله:

ـ اليكسر شوكتهم ..

هو قتلهم اقتلهم واخلص واخلص اولادي منهم وانتو ابقو دارو اولادي….

نترت

_ووچ شنو هذا الحچي ضيعين روحج على ناس ماتسوة

رد عليه جدي

_ام علي هذا مو حل ولامنطق وضيعين روحچ قبلي بالوصيه

_والله وداعت ابو علي وجمرت گلبي وحرگته مااصير الغيرة ولاا اسمى بأسم غيره كااان من يگووون  لهنا وگافي ربي موجود

هو اليتگفل باليتامى...

-عقیله خلینا بس علی الورق

-حتی علی الورق مااكدر وانه هناا گاعده

وعقیله الدخلت محاکم وشرطه مو عقیله

الفقیره

بهل لحظه دخل ابو عقيله وابن عمها ياسين كال ابوها:

-بنتي هذااأ ابن عمچ قبل رادچ من چنتي

زغيره وهسه بعد رايدچ هو یحمیچ

رفعت النقاب وصاحت

-انت اووو ابن اخوووك اطلعوو من بيتي

لااااا ابلغ الشرطه عليك واخيسكم سجن

هسسه عرفتني بنتك وووانت طول عمرك

محملني مووتت امي وكارهني تشوف دم سنونك ولااا تشووفني

اسمعووو كلكم الكاعدين والواكفيييييين

انا لبوة سيد مهدي لبوة ذاك الطااااهر

وللموت ابقى مرته.. ام الساده ناذره عمري

اربي بس أبناء الساده...

اليعيني هلا بيه وليجيب طاري الزواج لو مهما يكوون اكرهه مثل كرهي الام عامر.

- كوني مثلما كانت زينـب شامخة الآباء صلبة الإرادة طاهرة النفس والعفة .

حافظـي علـى ارث زينب فهو  الإسـلام و إلاسلام بدون طهارة نفس دون احتشام "إسلام ناقص"صلاتك كلامك جوهرك

،عبائتك زيارة عاشوراء رسالة زينب لكِ حتى تتتذڪري دائما {إنكِ زينبية}

تنويه.. هذه الاحداث مو معناها القصة انتهت،، لان الابطال بعدهم عايشين والحياة مستمرة لكن من نهيتها معناها الى الان ماكو شي جديد،، انما مجرد روتين وشغل وبيت وساعة عركات وساعة طلايب وساعة راحة،، حالهم حالنا، لذلك لهنا وننهي، يجوز يكون اكو احداث قوية يجوز مفرحة يجوز محزنة محد يعرف القدر والمكتوب الا الله ذاك الوقت يجوز اذا الابطال وافقوا راح نكتب جزء ثالث، لكن اكيد مو هسه ويجوز اذا حدث مهم نطلع نسوي بث وتسألون على راحتكم لهنا وانتهت القصة.. ومن الله التوفيق

السلام عليكم ورحمة الله وبركاته

..__طبعا الكل يعرف الكاتبه نازك الحمراني منو!؟

#هي كاتبه للقصص الواقعية الي تجيها من أشخاص يطلبون ان تكتب قصصهم بقلمها..

فمو بالضروره من أكتب القصه الفلانيه من النجف معناها من النجف...او العكس صحيح يجوز هي من النجف فعلاً... اوتجيني قصه بعض الاحيان من الغربية لكن ابطالها طلبوا أغير المنطقه حالي حال كل اغلب الكاتبات الي من جيلي...ولي دائماً يحاولن يغيرن اسماء ومناطق الابطال خوفاً على حياتهم الخاصه.

اذن اني(نازك) من أكتب القصه اكتبها  بصوت أبطالي،، قراء قصصي يعرفون انو مو كل قصصي دينيه...لان كتبت لكل الطوائف والاديان العراقيه وحتى الطوائف الشيعيه (الكسستائيه والاسماعليه) لان مثل متعرفون المذهب الشيعي(متعدد).

طول تاريخي القصصي ورواياتي ما كنت اسوي حملات(تبشيريه)لمذهبي ابداً، ولا انشر او اروج لمذهبي" لان انه مو أمام ولا شيخ "

بالحقيقه الكل يعرف انه« شيعيه» شي ما  اخجل من عنده ولا اخفيه عنكم..بلعكس فخر مثل منازله باسم عشيرتي(الحمران) ومفتخره بيها * اذن افتخر بمذهبي حالي حال كل طائفه تفتخر بمذهبها، لكن للاسف ضعاف النفوس يعتقدون انو الشيعه مرتبطه بايران!!

والمتداول الجيل الجديد او الجيل اليبين نفسه يعرف وفاهم الدين او التشيع ايراني...

الاصدقاء المقربون وحتى اهلي يعرفون اختلافي وتحفظي عن ايران شنو؟ وهذا الشي شخصي مااحب اكوله...

فيا عزيزتي(ومثل ما اكو ضياء الصالحين اكو رياض الصالحين) عدكم، للعلم ماراح انشر اسمج مو خوفا مثل ماهددتيني تقاضيني عشائرياً وقانونياً،، لان ابد مراح تهتزلي رمش لكن لاجل مهنيتي،، انا انسانه مهنيه بحته.. مثل مااتقبل النقد، اتقبل المدح، لكن هنا انتي انتقدتي مذهبي ومعتقدي فألي حق الرد.

-قصصي متاحه لكل المذاهب والاديان والهم حق القرائه او لا.. ممخليه قرائي فقط شيعه..لان يجوز عندي متابعين من اخواتنه واخوانه السنه اكثر من(الشيعه) وعندي قراء عرب ،، مافد يوم اعترضوا ععلى قصصي لان اني  منزله ١٨ قصه بين قصيره وثلاث رويات الوحيدة القصة الدينيه هي (عشق المؤمنين) وامسيت قربان...

هل قصتين بيهن زيارة وذكر اهل البيت عليهم السلام،، فهل معقوله الزياره خاصه بايران؟!

رغم  انو في زيارة الاربعين اهالي الاعظميه والزبير مواكبه ويه مواكبنه المسيح مواكبهم ويه مواكبنه..  اذن ليش تزرعين الطائفيه وتهددين؟؟

كلمه اخيرة الى متابعيني وبالذات الي هاجموني

ولو كانوا سلمان المحمدي بوقتنا هذا وهو قريب على  نبينا محمد (صل الله عليه واله) وكال بحقه(سلمان منا اهل البيت)والله چان اتهمتوا النبي مثل اتهامكم اليه ولأمثالي...

فيا عزيزتي« اذا ذكري لأهل البيت والادعيه والدين تلغي متابعتج الثمينه..فأني اقول مثل ماقيل؛(مازاد حنون في الاسلام خردلة ولا النصارى لهم شغل بحنون)

وذا متعرفين القصه روحي بحثي بلكوكل

وبالختام عزيزتي لا يؤسفني الغاء المتابعه ولا تهجمج عليه، ولا تهديدچ الیه، لان تهدیدچ بسبب حبي لاهل بيت النبوه ،  واگول مثل ماقال الشافعي (أن كان  رفضا حب آل محمد فليشهد الثقلان أني رافضي).

ارجو الرد من متابعيني الراقين..واتمنى اخوتي هل كلامي فيه شك وهل كلامي

اذى مذهب او طائفه معينه..رغم قانوني

كلنا اخوه في الدين ونظراء في الخلق

وفي الختام

ارجو الرد من متابعيني الراقين..واتمنى اخوتي هل كلامي فيه شك وهل كلامي

اذى مذهب او طائفه معينه..رغم قانوني

كلنا اخوه في الدين ونظراء في الخلق

السلام عليكم...

ملخص البث...

اخر اخبار ابطال

#عشق_المؤمنين...

عقيله نفس حالته لحد هذا اليوم، كل يوم تخلص نهاره بين قرائة القرأن والرجوع للحفظ وتحفظ اولادها لان تنتظر  الليل حتى ورى صلاة الليل والفجر تكعد تسولف ويه سيد مهدي الله يرحمه  كل شي صار وياها يعني عايشه بعالم  اليقضه ولي تشوف بيه السيد الله يرحمه، رغم للان  تراجع طبيبه نفسيه

للان رافضاا رفض قطعي زواج من سيد مجتبى والي يحاجيه بهل موضوت تصم اذانه من الحجي وماتسمع الهم

وبعدهم الظلام  العمام مستمرين بالمحاكم و الدعاوي و احتمال العمام السيد رح يربحوه لصالحهم لان عدهم علاقات

و عرف بالدوله... وظلمهم مستمر

اما سيد مجتبى لحد الان بلى زواج وحاول يقنع عقيله مثل ماهو أقتنع بلوصيه وفكره الزواج من عقيله على ورق بس هي الرافضه

سيد مجتبى بعده لحد الان متكفل الاولاد بكل شي طلعهم يشتريلهم حتى ملابس العيد متكفل ومااخذهم مشتريلهم

سيد باقر حالته تعبانه جدا جدا

ام سيد مهدي مثل ما تعرفون مريضه وحالته تعبت شبه عميه

غفران الحمدلله مرتاحه ويا السيد الله يسعدهم و عدها بس سمانه بسبب  صحتها الموزينه

رعد و مريم وضعهم تمام وعدهم صار ولد

نواره بعدهي عل وضعه و متحذره من العالم رغم تقبلها الظاهري الوضعها

ام عامر لعنة الله عليه عايشه

وكلشي مابيه وظلمه وتلفيقه مستمر

احمد..بسبب التزام رعد وياها مرض توريت بقى يخف عنه..وصار رجل مستقيم نسبيا خادم من خدمة الحسين عليه السلام ويه رعد

القصص: انتو شتردون تكمل قصة شيوخ لا تعرف الحب جزء الاول عندي كامل وعندي نص  الجزء الثاني فقط تقبلون بيها لان مالي خلك اكمل اي كتابه حاليا

او تردون نبداء بقصة جديده ( اسمهان) و احداثه النار بين الرمادي و كردستان

وضابط من الاشاوس..وقصة حب عجيبه و مشوقه

والبطله جاي تلح عليه انزله بس محتارة وياها بينه وبين قصة ثانية اقوى

رغم الغلاف كملته ادمن جنه كربلاء

لقصتين راح يتم الاختيار بينهم

و اكو قصه دينيه عن المذهب الحنبلي اسمه ( مولاي الصوفي)  احداثه قويه و حلوه تعرفنه عن المذاهب الاربعه ومولانه الوسيم الزاهد...هل يدخل الحب بقلبه ام لا....

بين قوسين تردون نبقى على نمط الديني

اونغيررر رومانس

الدميه والعنيف...الشاب المهذب الراقي الغني..الوسيم..لكن داخله شي مايظهره جدام الناس..لكن الي يشتغلون وياه يعرفون خلف وجهه الهاديء البريء قسوه دمويه..يحب يمارسها على خصومه ولي يرفضه يلاقي اشد العذاب حتى حبببته

(حاليا ماكدر اكتبها لان قصه ذات طابع فلسفي نفسي تاخذنه العلم النفس الاجتماعي ونشأت الطفل وحيثياته)

بلاخير  ادمن جنة كربلاء راح اتسوي استفتاء  بلكروب و نختار القصه تنزل

ان شاءلله  وماانزلها اله من اكمل كتابتها

وكروبي اسمه(كافيه نساء حائرات)

متابعين بحث(تاروت المنجمون)راح يتم النشر عل بيجي حسچه و سواليف

لأن صفحتي نغلقت من بلاغات حسنه ملص وصويحباتها

الكل يسأل عن عقيله واحداث جديده للان عقيله نفس وضعها المحاكم وعمام السيد الله يرحمه..

اضافه سيد باقر حالته منتكسه كلش ويقنع عقيله توافق على سيد مجتبى

وعقيله للان موقفها الرفض وبعدها عايشه بعالم سيد مهدي الله يرحمه

غفران هاي الفتره مريضه وستورياتها دمرتني ادمر اندعولها ربي يريحها كلياتها كلش تعبانه اضافه ام غفران ايضا مريضه بسبب عقيله وغفران

نواره على وضعها+ رعد وزوجته همات مثل ماهمه..

عقيله وخوفها على اولادها وشوكت ماتجيها مشغله قصيدة(ليالي الجروح) عقيله وغفران مصابات بمتلازمة ليال الجروح وهاي صور بستوريات الواتساب كل ليلة جمعه تقريبا ينشرنهن بواتسابهم خمطت صورتين

وهنا تعليقات لكيتهم بليوتيوب عن سيد مهدي الله يرحمه وانا اتصفح بهذا الرابط

وبعد موجودات تعليقات بكل قصيده بليوتيوب مال ليال الجروح

السلام عليكم....طبعا من قفلت بناء على طلبات لكن الحاحكم كتبت...بارت عقيله وسيد مجتبى طويل فصار ختمه اولى وحتبقى ختمة غفران وسلمان ومريم رعد ختمه ثانيه...

..

احـد العلمـاء سـألوه :

(مـن هـو صاحـب الزمـان )؟؟

فـقال:هـو ذلك الأب الـذي يحـبك رغـم عيـوبك و ذنوبـك

لان ""من علاماتِ حُبِّ اللّٰـهِ لكَ

‏إصرارُكَ على التَّوبةِ بعد كلِّ ذنبٍ ‏فاثبُتْ

كعدنه بصاله اجت ام غفران سلمت علينه

كال جدي

-ام احمد اريد ابنيتنه تجي هنا

-هسه اصيحها..

راحت اشوي ورجعت وياها عقيله لابسه نقابها وعبائتهاسلمت علينه تقربت باست جدي تبچي

بچینه گل احنا..راسن جدي مد ايده الثوبه طلع نقال سيد مهدي

عقيله كالت

-هذاااا موبايل سيد مهدي وووينه اريده

مد ايده الها نطا

كتله

-جدي اشوووكت اخذته ليش مگتلي اني محتاجه

كام توجى على العصا وكال الام غفران

-بعد عمچ مشیني

گالت عقيله

-وووين جدي اسندك انه

جاوبها

-لاااااا تبقين يم ابو ريماس تسمعون السمعته انااأأأ

بعد ماطلعنا منهم واكفة عقيلة بلباب يمهة سيد علي ودرة

وين رايح جدي ابقى

-ادخلي يم عم الجهال ااااسمعي السمعته بويه

كالت عقيله جدي بصوت مبحوح

-ماااسمع شي اني ام السادة ام علي ودرة والي ابطني لاااا تتوقع راح تقنعني بشي

سيد مهدي زوجي الاول والاخير وانه ام الساده وجهالي يبقون على ذكرى ابوهم

ويبقون باسم ابوهم وبسسس

(ابناء سيد مهدي الهاشمي)(ابناء الساده)

مجتبى/تفاصیل التارکهم سید مهدي غصه طول الطريق أفكر وين اضمهن عزيزات

اولهن التلفون بس من دخلنه بيت عقيله

وطلعاه جدي ورادنة ندخل وحدنه نسمعه حسيت أكو شي خصوص ردة فعل عقيلة شالت نقاب تحچي بعصبيه عمري مشفت منها هيچ اسلوب طبیعتها هادیه

گمت من التخم اخذت التلفون خليته بجيبي احاچي

ـمولاي مو وقت نسمع شي المرة كوة ثبت حملهه والتؤام طول فترة الحمل تعبانين وية امهم فالتلفون مو وقته

ـ ماباقي بالعمر وسعه يا ابني وهاي وصيةة واجبة التنفيذ

ردت عقيلة

ـ اذا چانت آلوصية مثل مفكرر ف اسفة ياجدي مستحيل اتقبل هالشي

ـ انتي بعدج ماسمعتيهه يابنتي

ـمااريد اسمعها لان هو يحبني يغار عليه مااكدر اسمع شي هو بحياته مكايله اليه وذا گاله فهو اضطر خوفآ عليه معناها مو من گل گلبه...وانا ویاه متفقین حتی بسما نگون ازواج بعض.یبقی سید مهدي زوجي عايش ويايه مستحيل اشوف احد بمكانه

متعصبه تحچي وترجف وكعت مثل سعفه صفره ركضت امهه لزمتهه گمت خایف علیها

-شبيچ شتحسین

ردت ام غفران

ـ عدهه فقر دم قوي متاكل شي

وكفت خايف عليهة وعلى جهال اخوي امانة عندي قبل لتكون عندها

جاوبت

ـخاله راح اجيبلهه شوي معلاك

ردت عقيلة وهي منهوته

ـ لااأاا أروح اتمدد

ـ-اشلون نطمان على سلامتج والاطفال

ردت ام غفران

ـ هسة تجي جيرانه ممرضة تضربهه ابر مقويات

ـ هاي يومية تاخذهن؟

ـ لا مو يومية لان كلش قويات اكو ابر بين يومي ويوم تاخذهن اكو يومية اكو بالاسبوع مرة

رد جدي بخوف

ـالعافيه عندج بنيتي بس اااشلون راح تفشليني

بهستيريه وحركه تضرب گلبها وتحچي بصوت مبحوح بلا اي دمعه

ـجدي دخيل جدك محد بيكم يحس بيه والله السيد هناااا مكانه هنااااا متربع اول رجال واخر رجال يدخله..افتهمو ياعالم سيد مهدي الله خلقه اليه وانه اله احنا اثنينه البعض اشلوون تردون احد يدخل بينه

سيد تعرفون سيد مهدي يغار عليه حتى من نفسه ليش تاذو هيچ وتردون تاذو باكثر شي يحبه وهو انااااا لان مااااات عدكم مااات عدكم رراح عندي عاايش

عايش كل يووم يجيني يطبط عليه حتى يسالني عنكم وانتم هیچ تجازونه حرررام علیگم حرررام والله ولكم ماايستاهل من عدكم هييچ

وخلي بالك جدي ماعاش ليفشلك ياجدي انت الغالي من ريحة الغالي تتخيليني هيچ اتعامل وياك بس الله يخليك لاتضغط عليه السيد يزعل عليك وعليه

مسحت دموعي من نهيارها وكل الدكوله صح هي أمانة اخوي هي حبه وعشقه وراحته وهي اللمعه بعيونه من يحچي بيها..محد يعرف هل شي بس هي وانااا

تقربت عليها والدموع من لحيتي تنزل

-الله يحفظچ یامرت اخوي

طلعت بخطوات تكسر الگلب ودي الوم نفسي ليش مااكدر احتوي احباب اخوي وامسح دمعتهم

همست لجدي

ـ عوفهه ياجدي خليهه تهداء صوتها رايح صحتها تعبانه

-ووك وليدي لبابكم ماعرف اخوك شكثر يحبها مووو عاند عمامه لجلها وانا طبكت وياه بس وليدي مايخلوها تتهنا بجهالها

افهم ابني

-فااهمك صحة مرت اخوي اهم هسسه

-براحتك يبوي براحتك

گمت من مكاني دخل سيد علي لزم ایدي

-ابقى عموو لا تروح

-حبيبي عمو انت الزلمة هسة بالبيت تاخذ بالك من ماما واختك وبيبيتك وتلفونك يمك من تحتاجني راسا خابرني ..

عندك رصيد مو؟

ـ اي عمو عندي هواي ماصار اسبوع خليتلي

ـ خوش دير بالك على امك واخوتك

ـ اخوتي ابطن ماما بعدهم ماجوي بس اختي هنا

ـ حبيبي بابا اروح فدوة لهل لسا

بوست ايده نطيتهم مصرف

-يله جدي خلينه نگوم

-والموبایل

-اوعدك غير مره

كوه قنعت جدي نروح طلعنة من بيت ابو غفران

ركبنا السياره جدي كال

-مشتاقين الريماس يمتى تجيبها

-هو راح اجيبها بعد عمتي اخذت اجازه

-اي وليدي احسن ميسم ماتتأمن

-شسوي ياجدي بسبب عمامي ومشاكلهم

خلوني افر باذاني وامن بنتي عند الميسم

-خاف الك نيه ترجع مريتك

-لااا جدي ابد ميسم كارهه كرهه بحيث أكول سبحان اليحول المشاعر من حب لبغض خليتها تاخذ ريماس مااريد اظلمها توسلت تبقى بنتها يمها فوافقت

-الله يتمم عليك عقلك وانت هم تعبت بس فكرر ببنيتك

-والله يجدي چنت اقبل تبقى يم امهه هالفترة الطويلة مضطر عمتي ممقصرة وياهه بس لان موضفة وين تبقي ريماس من تطلع للدوام…وجدتي شوفت عينك تخاف على زعل ولدها وباقيه يمهم

-ما اكدر اتقبل فكرة اعوفهه يم مربية

-بعد جدك لان هل حرمه ماتفيدك

-حتى ل تفيدني ماااريدهااا

-صایر تفگر مثل مهیدی الله یرحمه

-هم جاي احس ياجدي بحيث زاهد الدنيا

-تعرف من شفتك تحرك بگلشي ملابسك الكابوي المشكك وشتريت ملابس من محل المحل صاحب اخوك فرحت وليدي

-منو گالك

-صاحبكم گال سید مجتبی من جبت بضاعه طلب مثل استايل اخو واي قطعه

مال لبسه ماطلب وتغيير ابن ادم يبدي من ألبس المظهر الى ان ينتقل للجوهر

وشي يتمم شي

الاول مره جدي يحچي عني وهيچ را‌ضي رغم انا لا صاحب علاقه لا سهر بس يحب يشوفني انا وعمامي مثل سيد مهدي

رجعت للبيت انا وجدي بعدنة مانازلين اخذ تلفون سيد مهدي من كشن ماحچيت شي ولو بقت بنفسي اسمع وصيته بس ماريد اجادله گلش ضايج وتعبان وصحته بنازل

دخلنه بصاله كعدت على تخم عمتي زينة اجتني بيدها كلاص مي

ـهااااا عمه شلونك

ـ بخير الحمد لله عمتي انتي شلونج

ـ اليوم اخذت اجازة لخمس سنين من دائرتي

ـ اخذتي اجازة ؟ مالت شنو

ـ تعبت من الدوام والالتزام اريد استريح واهتم بابوية وبلگي امي همين تجي يمي وانت جيب رموسة مشتاقه الها

ـ بس ماكلتيلي عل اجازة

ـ اشتغلته ويه صديقتي علمود رموسه جيبها ترة روحي رايحه عليهه

-ان شاء الله خايف على عقيله تعبانه البنية و خایف علی الجهال من تعبها

ـ ان شالله يارب یسلمون

ـ يلة ان شالله باچر اجيب رموسة

رحت الامي نطيتها علاجها اخذت صورة سيد مهدي شبكتها ونامت هذا حالها ابد ماغيرته

غطيتها طلعت الغرفه سبحان الله امي چان صوتها بیه حزم من تحچي هسه ابد مكسور بكد كسرتها

دخلت توضيت سبحت لبست ثوب طاهر مددت السجاده اصلي صلاة ألليل بيدي المسبحة دعيت الاربعين مسلم قريت زيارة عاشوراء...دعاء المجير الى

وتيقنت فعلا صلاة شرف المؤمن الله يريد يشوف منو الي يحارب دفو الفراش والهدوء والراحه ويكوم يتوضى ويصلي

وخصوصا بالشتاء منو يتحمل البرد والمي البارد من يتوضه وساعات كهرباء طافيه

بس محد يعرف الراحه بعد ماتصليها ماكو مثلها راحه

اذن الفجر صليت رغم طول عمري أصلي

بس هسه حسيت انو صدك الصلاة كوثر تطهّر الإنسان وذا محسينا بأثر طهارة الصلاة بأنفسنا صلاتنا معناها مو حقيقيه وغير مقبوله

كعدت ٨اليوم عطلتي بدلت بلا ريوك طلعت لبغداد منها ألبيت ابو ميسم الطريق اشرب بس مي لان الاكل ماشتهي دكيت الجرس طلعت ميسم لابسة ملابس متستر من شي ماچانت هيج ملابسهه قبل…

غضيت البصر عنهه دنجت شابك ايدي ومنزلهن سلمت

-السلام عليكم

جاوبت بضحك

ـ هلو مجتبى وعليكم السلام هذا انت لوو أأخوك المرحوم جدامي..

اشووو ألحيه والقميص اسود مسدود الحد الرقبه...غض البصر....الوقار القميص

فوك البنطلون..سبحه بيدك محبس..اثررر السجود بلكصه يلمع ..شنوووهاي کلکم من تصيرون متدينين تسوون هييچي لبالك نسخ مستنخه من بعض

بهدوء صنعته

ـبلا زحمه حضريلي رموسة اريد اخذهه

ـرحمه عيوني رحمه ماكو اي زحمه بس مكولت تطلعون بالسيارة مشوار فدوه ميمي طلعني وياااااك

ـ بأي صله أو قرابه اطلعچ جیبي لبنيه

-قرابة العفو طليقه تموت وتريد ترجع الك وتصير خدامه بين ايدك وحتى البس عبائه شدكووول

-استغفر الله ربي واتوب اليه روحي بسع جيبي البنيه وثنايا انتي اكفه بلاااسترر

-وي وي او ماااي گاد مشایفني قابل قبل

-وراي طريق اريد ارجعهه للبيت صارلهه هواي يمچ مشكور

ـ اني امهه شنو مشكورة

ـتمام ياريت تحضريهه حتى اخذهه

ـ زين تعال أدخل

ـ لالا بالباب واكف

ـترى ااااکوو محرم اقصد ابوية بالبيت

ـ حتى لو بالبيت انا هنا انتضر اتجيبين الطفلة

ـيامجتبى الطفلة ما انطيهه

حاولت ارفع عیني اجاوبها مكدرت نترت

ـشنو ما انطيهه

ـبنتي ورجعتهه لحضني ورحت للمحكمة وطالبت بيهه وبحضانتهه وانحكمت الي

عيوني طفرن من راسي…باوعت بعينها والغضب ترسني عطت

-شنووسقطت الحضانه ششنو انحكمت الچ؟ اانتي شكاعد تحجييين

ـ ماكو داعي صياحك وعياطك ااجوي المحكمة للشقة ماالتك بلغوك بس مالكوك

ـ ليششش انتي مو تددرين اانا ما اتوااجد بلمهجومه وقااافلههه ليش مادزيتي الورق الكرربلاا

ـ واالله ما اندل

ـ للللللچ ميسسم ترررة عفاريت الدنييية تتكامزز جداااامييي وقعتي على ورررقة واخذتي ثمن بنننتچ مااالچ حق اطالبين بيهه

ـ هذا الحچي ميمشي بالقانون مالتنة…

رحت واسترجعت حضانتي لبنتي واذا ممصدك اكو اوراق تثبتلك

ـجيبييهن…

بن ما راحت اتجيب الاوراق طلعت نقالي خابرت المحامي حچيتلة بالصار گلي

-صح أكو ثغرة قانونية تگدر ترجعهه بس صورلي الاوراق خلي اشوف الاختام اذا مزيفة نكدر نقلب الطاولة عليهم..

جابت الاوراق وكفت على حدى صورتهم ودزيتهم واتساب هالدقايق حسيتهه گوة تمشي ماحچيت باي كلمة

رد المحامي رجعلي خبر كتب گل الاوراق اوصوليه سيد…

اتخبلت درت عليها وعطت .

-أاااااانتي بأي حق تخلفين بالاتفاااق اانتي قبضتي ثمنن بنتچ ماالج شي يمي

ـ كلشي اليه يمك هاي بنتي مو بس بنتك والفلوس الاخذتهه حقي لا بعتت ولا اشترريت حق ثمن زواجي منك

ـ راح اندمچ يا ميسم

ـحبيي ميمي اوكف اني ماريد شي منك بس بنتي تبقى يمي

ـ اكبر غلطة ارتكبتهه خليتهه يمچ لو حاطهه يم چلبه ولا یمچ

ـ ليش هيچ تحچي كل هذا لان اريد بنتي يمي

ـ انتي مافكرتي ابنتچ من چانت لحمة حمرة بعدهه ماخلصت اربعينهه شمرتيهه جايه هسة من راح يصير عمرهه سنة اطالبين بيهه

ـ ادخل خلي نتفاهم مجتبى ماكو داعي نسمع الجوارين

ـ ايباااااه

ـ مجتبى والله العظيم انا بعدني احبك

ـ هاي اسطوانه قديمة صارت شوفي غيرهه

ـ خلي ننجمع انا وياك مرة ثانية وشوف شلون راح اصيرلك مثل المي البصينية

رفعت السبابه بعینهاآآ گاز اسناني

ـ لااااا ماي لا صينية نفسي چازه منچ فلا تتخيلين ارجعچ بعد السويتي..وبنتي راح اخذهه والخسران الوحيد هو انتي وبس

طلع ابوهه وامهه من اصواتنه علت ابوهه ماتغير بي شي همين ساكت وامهه نفس حالهه بس تلغي .

.

كالت ميسم بحقاره

ـحضرت جنابك عينك علي مرت اخوك لان عیونها زرك موووو

بحلقت عيوني ودي اسحلها من شعرها

ـوووچ شنووو هل اكلان تبن

ـ اعترف تريد تتزوج عقيلة

ـشتخررربططين

ـ واضحةة يامجتبى كلش واضحه تنتضروهه اتجيييب وتتزوجون تلتمووون سووية مو هاي الجنت تقارني بيييهه

ـشوكت قارنتتج بمررت ااخوي

ـ تتذكرر من گلتليي لاتجيبين سيرررة عقيلة على لسااانچ تتذكررر شلون گعدت تمدددح بيهه كداامي

ـ وكلتلج لاتجيبين سيرة عمتي زينة همين ومدحتهه جداامچ

ـ باوع ..خلي نتفاهم مجتبى هذيچ الايام شكد ردت اتقربلك بس انت متقبل

ـ وابقى رافضچ یاارتگابیه الى ان اموت انتي آسووواء واحقر،وانذل وارخصص اختياراتي واتعسهن انتي الخطاء الرتكبته والى هسة استغفر عليه لان امووووت

ـ لا مو معقولة هيچ تشوفني

ـ لعد بعدچ متعرفين الهواشم

ـراح اروح وخلي ريماس يمچ بس اقسم بذاات الله اااقسم بكل شي مقدددس بهاي الحياة اذاا فكرتي تلعبين بذييلچ اكطعه وشمره لچلاب

هاااا وابشررج اذااا تحاولين تاخذيهه وتسافرين خارج العراق مو من حقچ لاني الولي الجبري على بنتي

يعني في وسوس الشيطان العقلچ الحلو وانهزمتي تعرفيني ايدي طايلة وتعرفين الفلوس بهالوكت كلشي تسوي

لا تخلين راسچ براسي اابدا احترمتچ وبقيت بنتي يمچ لضروف خارجة عن ارادتي بعد السويتي مستحيل اسكتلچ…

ردت بخوف وعناد

ـ متنلام ام عامر گالت بينكم شي والله حچتهه وصدقت مرت عمكم اكيد شايفة عليك وعلى عقيلة شي وهيچ معمي علی عيونك ومتريدني وووك اانا ميسم الچنت بنضرة منهه ينكلب حالك وتتغير نسيتني

ـاووووووهام براسچ وبراس هذيچ الثانية بس دواگم يمي انتو الاثنين…

عفتهم طلعت من العمارة صعدت السيارة وخابرت جدي هوة اضبط مني بهيچ امور خابرت وفهمته

جاوب

ـ خليهه عليه وليدي انا احلهه لاتخاف…

رجعت الكربلا جنت امشي سرعه 240کم طبكت السيارة ونزلت اتلكتني امي وعمتي زينة

ـ شنو هالخبر السمعناه

ـ ادعيلي يمة تريد تاخذ بنتي مني هالحية

ردت عمتي زينة

ـ صووچي انا صوچي لو ماخذة هالاجازة من زمان ماچان اخذتهه هالبوومة…

صاح جدي

ـ تعال ابني وينك

دخلت تعبان

ـ ها جدي انا هنا

ـ خابرت شيخ عشيرتنة وفهمته هو یحلهه اليوم العصر ونروح لبغداد وهناك يجون نضيفة شقتك لو لا؟

ردت زينة

ـ انا اروح وياكم انضف الشقة واسويلگم جايات

ـ امشي حضري روحج وانت يامجتبى وين حاط ورقة تنازل بنتك

ـ ورقة بنتي؟هي غير يمكم چانت يم سيد مهدي

ـ ميين اجيب سيد مهدي ااخ ياكسررررر ضلعي..ولیدي راااح

لزمت متنه اصبر امي كاعده بس تباوع كالت بصوت ناصي

-يجوز الاوراق وية الوثائق الاخذتهة عقيلة لو بالخزنة مالت الشركة لو بالبيت وين حاطهه

ردت زينة

ـ راح اتصل على عقيلة واسألهه وانت يامجتبى روح للشركة وانا اصعد فوك ادورهه

رد سيد باقر

ـ اتصلي على عقيلة وروحي انتي دوريهه بوثائقنة واذا ماكو نروح للشركة نشوفهه بالخزنة…صاحت عمه زینه

-هذن لكيتهن بخزينة ابوي

دخلت جدتي مستنده عل عوچیه گالت

-و ین رایحین

جدي گالها

-یامررره تری عندچ بیت عووفي ولدچ وتعاي كعدي يم ام مهدي

-صار سيد هوو جايه ابقى هنااااا

-عفيه بام صادق

الکل جهز نفسه رحت للغلايه سويت كوب كهوه شربته بعدها ركبت السياره تجهنة لبغداد…

وصلنة للشقة دخلنة خليت جدي يتمدد بغرفتي لان مغطي السرير بچراچف عمتي بدت بالتنضيف والترتيب نزلت للماركت جبت كهوة وجاي وصناديك مي

العصر اجی الشيخ وطلعت استقبلتهم جدي تعبان ماكدر ينزل صعدتهم للشقة ضيفناهم بقينة كاعدين ننتضر تلفون من شيخ عشيرة ابو ميسم شوي واتصلو علينة وكالو احنة موجودين فوك طلعنة كلنة فوك عدا عمتي بقت بالشقة…

صارت الگعده ولازم نسمع اتفاقاتهم عرفو ميسم تريد ترجع اليه وتعيش وية بنتهه وهواي بدو یلحون اعتبرو توفيق راسين بالحلال او سعي لاعمار بيت اتهدم

شيخ عشيرتنا كلهم نحچي وي ابو ريماس

رد شيخ عشيرتهم

ـ الزلمة بيناتنة كاعد خلي يحچي ونسمعه

ردت احچي اشرلي شيخنا بمعنى اسكت لاتحچي..عرفت هاي مجيجيخات بين شيوخ بقيت ساكت كالهم

ـاحنة جايين على سالفة الطفلة امهه اخذتهه ماجايين نرجع المرة لرجلهه

ـ بس الطفلة من حق الام

ـ والام تنازلت مقابل 30 مليون والسيد كرم منه نطاهه 50 مليون واشترة بنته

ـ بس انت شيخ عشيرة چبير خوية وتعرف الام تبقى ام متتساوم على ضناهه

ـ لا ياخوية غلطت بحقنه وراح نعديهه الك منو كلك دنساوم بنتكم على ضناهه؟

هاي اوراق تثبت هي الطلبت الفلوس وهي التخلت عن بنتهه

كل شوي اتنهد واستغفر الله من الحچي الاسمعه مدري شيخ عشيرتهم كلاوجي مدري صدك لاعبين ومصدك بحچيهم

بهاليوم مافضت سالفتنة وشيخ عشيرتنة كللهم باچر مافارغ نأجل شغلتنة على غير يوم گلبي انقبض ليش يأجل

من طلعنة ضغط علا ايدي الشيخ واشرلي بعينة نزلنة للشقة وفهمني گلي

ـ يريدون يلفون السالفة عليك والقانون وياهم يا ابني اذا من هسة نشد عليهم احنة النخسر

ـ لعد شلون شيخ شسوي

ـ الي يبيع مرة يبيع مرتين وتلاثة لاتخاف من شافوني ممستاهل وياهم واجلت المشكلة لچم يوم راح تبين سالفتهم صدك البنية رايدتك لو كذب

ـ واذا بينت صدك رايدتني شلون ووانا ابد مارايدهه شلون

ـ شوف ابني طالما اختاريت فلازم تتقبل هالواقع اما تقبل بام بنتك ترجعهه وتعيشون سوية او تتقبل تبقي بنتك عدهه

ـ امران احلاهما مرُ

ـ يبقى الاحتمال الثالث والاخير انو سوو كل هالبلبلة علمود تاخذلهه چم فلس

ـ وانا ابقى ادفعلهه شيخنة

ـ اذا جان هيج السالفة فلا تخاف .. قوانين العشاير تكسر ضهر الحكومة

ـ يعني شلون

ـ لكل حادث حديث خلي كلشي بوقته واهم شي انت لاتبين انك متلهف لبنتك والافضل ترجعون لكربلا

ـ صدك تحجي شيخنة وابقي بنتي هنا

ـ انت بقيتهه مابقت علي هالجم يوم..

واخذهه حجاية مني ابد لاا تتصل على زوجتك وبنتك وراح تشوف اليريح كلبك

طلع الشيخ وجدي كلي نلتزم بكلام الشيخ هو اليحل المشكلة قفلنة الشقة ورجعنة الكربلا مشتاق لبنتي صارلي اكثر من اسبوع مشايفهه بس شسوي لازم التزم لخاطر بنتي..

مر تلث ايام وردينة رجعنة وية الشيخ وعرفنة ميريدون ينطون بنتي ونقضو كل الاتفاقات..

كال شيخ عشيرتنة

ـ البنية راح تبقى يم امهه بس اي شي يصير عليهه انتو تتحاسبون ولوو بكد الشعرة هذا ابوهه كدامكم توكلني ااحجي نيابة عنك

ـ اي طبعا شيخنة

ـ خلص بنت ابنه شيصير عليهه انتو محاسبين حتى لو تتمرض فلاونزة هاي مو شتى وكل الجهال تصير نشلة راح نحاسب امهه

رد شيخ عشيرتهم

ـ هاي شلون هيچ وين اكو طفل ميتمرض

ـ هذا العدنة والا اذا انتو مو كفوهه انطونه بنتنة..

ما وصلنة لاتفاق وبقت البنية يمهم

مر اربع ايام وانا على جمر جانت تخابرني ارقام غريبة انا مخلي(True Caller)

كاشف الارقام

فيطلع يمي اسم ميسم… ماجنت اجاوب فهمت اللعبة اكيد تريد بعد فلوس مثل مكال الشيخ…

مر اسبوع واتصل الشيخ على جدي…

ـ بشر جدي

ـ تريد ترفع قضية استرداد نفقة..

ـ يعني متريد تنطينياهه

ردت عمتي زينة

ـ طول بالك كلشي بدايته صعب شكد تريد تاخذ نفقة اقوة شي 250 الف وهالسعر ميفيدهه صدكني

ـ واذا فادهه شلون ؟ انا ما اثق بتربيتهه

رد جدي

ـ لو الملامة تفيد چان بقيت الومك بس الفاس وكع بالراس ..

ماعدنة غير نمشي ورة كلامهم الى ان نوصل لهدفنة

،، مر اكثر من شهر وانا مثبور ثبر بين

بنتي وامهه وبين عقيلة وحالتهه المرضية واولادهه وبين جدي وبيبتي وامي وعمتي وبين شغلي ووضيفتي

وبين مشاكل عمامي ودعواتهم ضدي كل يوم دعوه شكل

وكلهم بچفة ووصية اااخوي بابنة سيد علي هالمرض المديطيب منه وگلبة المیصحه ويومية يم طبيب شكل الى ان استقرينة لازم نسافر بي للهند وبأسرع وقت لسلامته

حسيت راح انجن من التعب والمسؤلية چنت راجع من شغلي تعبان وهلكان شخطت السيارة وطلعت للنجف بدون ماخابر احد غلقت التلفون وشمرته بالسيارة

وصلت للامير دخلت صليت دعيت رحت للمقبرة كابلت قبر سيد مهدي‌مره ابچي مره احاچي

-سيد وين عفتني چنت تگول بس عقیله راح تتبهذل خلافك بس طلعت انا متبهذل مادبرهه بدوونك عضيدي ماانفع لشي حتى بنتي اخذووهه مني سيدد مهدي لو انا الميييت ولا انت

مالي فايدة بهالدنية انت چنت خيمه سيد مهدي علي يريدك ودرة تريدك ومرتك تريدك وجدك يريدك وامك وعمتك تريدك انت الناس كلهه بسدك چانت عايشة حتى انا ما اسووة شي بلايااك…

زين تگول صحتك على كدك بس تدري تحملك ومحتوي الناس كلها حتى عمامي يسوى عشر اشخاص صاحين مثلي

مسحت دموعي كعدت اقرة سورة يس ووگف شخص كبالي رفعت راسي شفته رجال چبير شايب دشداشتة رصاصية نضيفة وشماغ وواكف متجي على عوجية..

اجى وكعد يمي..

ـ اقرة وليدي صوتك حنين جابني من يم قبر الحجية المرحومة الله يرحمهه صوتك عذب وبي حنية كمل ولو زحمة عليك…

ممتعود اقرة جدام احد كملت صدقت

سديت القرأن هو بعدة كاعد اترخصت منه رشيت مي ورد وعلكت بخور شفت الشايب متأثر وحزين وكاعد يباوع

ـ عمي تريد اروح يم قبر مرتك اقرة

ـ ها خاف زحمة عليك وليدي

ـ لا بس دليني على قبرهه

ـ هذا هذا قبر الحجية

ـ مكتوب على القبر حجية(بدريه )

فتحت القران وبديت اقرالهه طول فترة قرأتة القرأن الرجال يبچي خلصت وصدقت واشتريت مي ورد وبخور وخليت على قبر المرة…

باوعت لوجهه رجال كلش چبير بالعمر تجاعيد الوجه ضاهرة عليه بس بياض لحيته وكثافتهه مغطي…

-تريدني اوصلك لبيتك عمي

ـ البيت عگب عين ام غايب وحشة

ـ الله يرحمهه… وين ولدك حجي

ـ ياوليدي انا ماعندي ضنة يسموني ابو غايب بس جانت ام غايب هي كل دنيتي ويايه على الحلوة والمرة اخوتي كلهم خلفو واخوتهه كلهم صار عدهم بزر الا احنة.. رضينة بقدر الله وقسمته وعشنة قانعين بحياتنة متخيلت راح يجي هاليوم اليخلة بي من نفسها

جنة نگعد سوية ونسولف سوية ونضحك سوية ونبجي سوية ونصلي سوية حتى من نتمرض سوية بس الموت(یحسسك انت شخص بلا كرامه بلا عز بلا شخصيه

بلا هيبه يجي ياخذ منك أعز ماتملك بلاااا

أن يترخص منك أو يستأذن او يدك باب بيتك هاي حقيقيتنه كل احنااااااا البشرر

الحجي يبچي بحركة گلب ردت اهون عليه گتله

-الله یصبرك ويبرد گلبك

ـ لا تهون عليه يا وليدي اذا تريد ادعيلي الله ياخذني حتي اندفن يمهه قبل لا احد يموت وياخذ مكاني

ـاسم الله

ـ لاتكلي اسم الله بوية الحياة صعبة بدون ناس صعبة يا وليدي الكل ملتهي بعائلتة بس انا ماعندي احد ينسي وحدتي ام غايب چانت تارسه هالدنية علية وراح شلون انسة طيب لسانهه ومعشرهه…

نصیحه ولیدي ألعائلة نعمة چبيرة من رب العالمين بس هواي من شباب هالوگت ماحاسين بيهه هواي

اليقتل ضناه واليأذي اهله واليموت مرتة صارت الحياة ابتعدو عن قوانين الله ورسولة

ـاعتبرني ابنك ياعمي وهذا رقمي

ـيحفظك لشبابك بس ما اعرف اقرة متشوف اجيت يمك لان تقرة قران

ـ بالخدمة عمي شوكت متحتاجني تلكاني ان شالله هذا رقمي

طلع تلفون من جيبة وكلي

ـ اكتبلي رقمك انت شسمك ابني

ـ مجتبى ابو ريماس

ـ ما اعرف اقراه بس اكتب واهل الرحم يقرولي

ـ ان شالله

سيفت رقمه رجعت نقاله اله نطيته اله

ـ رحم الله والديك وليدي..

هذا اخوك

ـ مو بس اخوي عضيدي وسندي بهالدنية الموت خطفة مني

ـ عندة اطفال

ـ اي عمي عندة اثنين وان شالله اثنين بالطريق جايين

ـ وانت عندك اطفال

ـ عندي بس بنية

ـ الذرية نعمةالله انعم عليكم بيهه اسأل المحروم المثلي ويجاوبك حافظ عليهم ولاتصير مثل شباب هاليومين حافظ على بيتك وصلاتك ربي يوفقك

-انشاء الله عمي

اضيفلك شي وليدي مبين انت ابن اصول وتسمع..ليش گتلك على الصلاة لان هسه الناس اصليها اما متاخره او بس بشهر رمضان

بينما النبي محمد جان من يحين وقت الصلاة يكول للمؤذن بلال (ارِحنا بها يا بلال)نبينا عليه واله السلام يوضح النا اشلون الراحه النفسيه ببالصلاة يعلمنه لازم نشتاق للصلاة ونفرح من يجي وقتها مو نتعاجز لازم نحبها ونأديها بأكمل وجه

بعدين الله الي ويانه بكل دقيقه وثانيه (لاتأخذه سِنة ولا نوم) السِنة يعني الغفوه النعاس ..

الله ويانه من چنه برحم امهاتنه لحد اخر نفس وجاي اشوف شابات وشباب تتعاجز تقابل رب العالمين بهالخمس دقايق؟

-عاش اللسانك عمي مثل مايگول عضيدي الله يرحمه شگد حلو وراقي وتأدب من صلاتنه تصعد ويه صلاة صاحب الزمان

-الله یرحمه ویرحم‌ اختي

اخذت الشايب ووصلته لبيته بدربونه ضيقة يم الامام البيت قديم طلعو الجوارين استقبلو وانا يمة واكف سألوني منو انا كلتلهم اسمي وعرفتهم بنفسي ونطيتهم مبلغ حتي يتسوكون اله لان همة مسؤلين عنة

رجعت آلكربلاء جريت التلفون وفتحته

دخلت عقيلة بشهرهه ودعائي مستمر ربي يحفظ امانة اخوي..هم رحت للعمال الي يرتبون البيت الشترى جدي لكيته كمل أمي راحت يمهه يتناوبون عليهه هي وام غفران… .

رجعت للدوام ضايج من ميسم ومنتظر الفرج يمتى يصير..تذكرت بلمجر مال غرفتي دعاء نطاني ياه سيد مهدي مو بس اليه..حتى الاصدقائه نسخه وزعاه علينا كل احنه

رحت للمجرات طلعته رجعت السجادتي

فتحت الورقه وبديت اقراء مكتوب ان هاذ الدعاء من دعوات القهريه فعال وقوي يقراء بليوم من ثلاث مرات تسع مرات لمدت ١٤ يوم

بسم الله الرحمن الرحيم رب أسألك مدداً روحانياً تقوي به قواى الكلية والجزئية حتى أقهر بمبادئ نفسي كلنفس قاهرة فتنقبض لي إشارة رقائقها انقباضاً تسقط به قواها حتى لا يبقى في الكون ذو روح إلا ونار قهري قد أحرقت ظهوره يا شديد يا شديد يا ذا البطش الشديد يا قهار أسألك بما أودعته عزرائيل من أسمائك القهرية فانفعلت له النفوس بالقهر أن تودعني هذا السر في هذه الساعة حتى ألين به كل صعب وأذلل به كل منيع بقوتك يا ذا القوة المتين ﴾

بعد قراءته تلث مرات تقول ثلاثين مرة: يا رحمان يا رحيم يا أرحم الراحمين أسألك اللطف بما جرت به المقادير))

كملت بخشوع وثقه لملمت السجاده

رن نقالي سفط السجاده والتربه فتحت خط جدي كال

ـ وينك بسرعه تعال

ـ شنو جدي خو ماكو شي

ـ اي شيخ العشيرة اتصل عليه وكال اهل طليقتك ميريدون بنتك ويريدون يبيعوهه

ـ صدك يعني همين يبيعوهه

ـ بس هالمرة راح نكسر ضهرهم.. عوف كلشي من ايدك وارجع

ـ جاي جاي مسافة الطريق…

رحت للبيت سبحت وغيرت ملابسي واخذت جدي وعمتي زينة وطلعنة لبغداد

مر الوقت واجة شيخ عشيرتنة ووياه زلم…تقريبا اكثر من اربع شيوخ

صار الوققت وصعدنة لبيت ابو ميسم لكينة شيخهم وكم زلمة وياه وابو ميسم واخوهه

اول ماحچو كالو البنية بمية مليون نتنازل عنهه صفنت بوجهم مين اجيب هالمبلغ؟

شيخ عشيرتنة ماقبل وبقى يتفاوض وياهم على السعر بحكم قانون العشاير يطيحون من السعر لخاطر فلان وعلان

نزل السعر من 100 مليون لل 20 مليون

طلعت بنص الزلم ميسم وصرخت

ـ لاا عيني بنتتي ما انطيهه ااقل من خمسيين مليييون

اانصدمو من صلافة ميسم راسا شيخ عشيرتهم وكف على حيلة وكال

-اخذو بنتكم بلاش واحنة ممنونين بنتنة ممتربية الظاهر ومتعرف شنو عشاير

گبت العيطة بالبيت وكام جدي وكف بيناتهم

ـ انا ما اقبل اظلم حظ وبخت احد بس هاي شوفة عينكم تصرفها ماخلي العلوية تتربى يم امهه وخصما للنقاش انطكم خمسه مليون وتوقعون كدام تنازل عن العلوية واذا نقضتي الاتفاق انت ياشيخ التتحاسب

ردت ميسم

ـ شنوو خمسة مليون كل عقلكم

زمخ بيهه شيخ عشيرتهه وحجة وياهه بنتر

ـ يول ماكو زلمة هناا نحچي ويااه غير هالمررة

ـ عمو الشيخ انت

ـ اااش وولا نفسسس استحي يوول ووحدة من ااثنين جداااامچ

لو تقبليين بلخمس ملاین الهمة حددو وانا طیحت منهم لو ياخذون بنتهم بلااااااش وفنججچ الفتحتين حلكچ بوجودنة

ـ عزة بابا احچي

رد ابوهه

ـ انا مالي حجاية بعد حجاية الشیخ

ـ تقربت من يم جدي وهمستلة

ـ جدي المبلغ مو جوة ايدنة

ـ لاتخاف جدك مايخلا بس خلي نخلص منهه… نطرونه بس نجهز المبلغ لباجر

رد شيخ عشيرتهم

ـ لا والله بعد الشفتة بعيني وسمعته باذني الطفلة ماتبقى هنا ليلة ثانية اخذوهه وجيبو الفلوس على راحتكم

رد شيخنة

ـ الورقة حاضرة باجر نوقع عليهه من يجيبون الفلوس

ـ جيب جيب خوية نوقع ونبصم وحسبوهه علية ومسحوهه بوجه سوايه هالادبسزز وياكم..

رد شيخنة

ـ لا خوية كلك خير وبركه بس خاف تنكر بنتكم وتكول ما استلمت الفلوس

ـ خلص براحتكم باجر نوقع وتسلمون وتستلمون…

ثاني يوم رحنة للبنك سحبنة المبلغ وطلعنة الشيوخ والتمو العصرية ووقعنة الورقة وستلمو الفلوس واستلمت بنتي حضنتهه وگانو صارلي سنة مشايفهه

-بعد ابوچ بعد متضيعين مني ابد حتی شيوخ الوكفتلج يالعلوية…

رجعنة لكربلاء وعمتي ألتزمت ببنتي

مرة الايام وعرفت ميسم ماخذة محل هنا بكربلاء كوزمتك وتأجير بدلات اعراس عرفت هاي مناوية تتركني وتترك بنتي

بس اصبر نفسي او من أنقهر اذكر نصائح سيد مهدي واتمنى لو باقي وياه أكثر وشابع من شوفته..من نصائح دائما ينبهني من اباع افلام هنديه يكلي

-الله منطيك حواس امانه حافظ على امانة الاذن لا تسمع اغاني..حافظ على امانة العين غض البصر عن المتبرجات وو

صرت بگل خطوه اصبر وستشعر رضا الله

گلما تضيق بيه الدنيا وانحسر اقراء سوره واقراء زيارة عاشوراء ارتاح

عرفت الخلاص والراحه بلقرب من ربي

عرفت طريق الصبر هم اهل البيت النبي

رغم چنت گلشي اعرف لكن مو معرفه بصيره صرت كل جمعه ونداء الابرار بذني

((أَيُّهَا العُشاق في الله تقربوا أكثر بدُعاءِ كُميل، فلا شيءَ أكثرَ قرابةً منَ مُناجاةِ الأميرِ في ليلة المعشوق))

بيومها رجعت للبيت جدي تعبان شفت عمامي تلاثتهم واكفين..عيني لسلاحي ضميته داخل الصندقچه(استغفرت ربي)

ماعرف اشلو السيد چان متحمل طمعهم

نزلت غضبان منهم گتلهم

-خیررر

گال ابو عامرر

-الحلو انت مو مثل مهدي تتحمل الاجل عيون ابونه على طول الشيطان براسك

-مادام تعرفون مو مثل اخوي الله يرحمه

المن جايين ترى ارتكب بيكم جريمه وماا يرف اليه جفن الكم..بس الخاطر جدي ساااكت وحذرو اذا اشيل الخاطررر هاي ثالث دعوه تقيموها على زوجة اخوي وهمشهااا من يمي لااااان ماسمح الكم ولااا لشكولاتكم دخلوها محاكم

-انريد حصصنه من المشاريع مهدي چاان

ینطینا گل واحد(٥٠٠)الف كل شهر احسب

شكد صارو خلال هل ٨اشهرر

ابتسمت بلأم الهم

-اوكي انطيكم ويجرالكم كل شهر ٧٥٠الف

يعني اكثر من الينطي اخوي الله يرحمه

بس شرررط

-هااااا وتشررط

-طبعا وتسمعون مممنونين مني

-مامؤدب ولا عندك اخلاق

-يشرفني لان وياكم هيچ ینراد

-گول شرطك

-تمسحوون كل الدعوات الي قايميها على زوجة اخوي،

-انسى هل شي اصلا جاي نتابع كل شي يخصها حتى الدكتوره النفسيه لتعالجها

وعرفت مرت مهدي تعاني جنون اليقضه يعني غير صالحه تكون ام

طلعت من جيبي(سچین الاکوبي)فتحتها

واشر على وجوهم

-اريد اشووف القضيه مالتكم اذااا وصلت للمحكمه وستدعو مرت اخوي فياااااأاااا ويليكم مني

-هاااا صاير شقاوه

-واكثررر

-كله علمودهااا چانت ساحره اخوووووك وهسه انت

جاي احاچیهم رن نقالي بصقت بلكاع

وكتلهم

-تلفون مهم ولوو مو مهم چان عررررفت

تصرفي وياكم

فتحت خط اسال المتصل سيد علي

-هااا عموو صاير شي

-اي عموو ماما تصرخ وهسه احنا عند خاله غفران لان بيبي وجدو اخذو ماما

للطبيب

-حبيبي ابقى عاقل شويه ونجي انا وماما

غلقته طلعت عمتي وجدي گالو

-همزین انت هنا عقيلة جاي تطلك

-يله بسرعه ركبو

الطبيبة ماقبلت تجيبهه باول التاسع مر اكثر من عشرين يوم وجيبتهه

كلنة رحنة وكفنالهه بالمستشفى وعمتي زينة بقت يم الاطفال

طلعت الطبيبة وكالت جابت ولد اثنين ركضت للخدج چانو كلش تعبانين الام واطفالهه

اخذت الچبیر كبرت واقمت بأذنه وجدي

اخذ الزغير اذن باذنه كال امهم تسميهم هي الحبلت وتعبت دخلت على عقيله

سلمت عليها

-حمد الله على سلامتچ

-الله یسلمك

-اريد اسوي البيان شنو مقرره تسميهم

-حسن وحسين..

-يتربون بدلالچ...

طلعت من الغرفه مقهور کاتم دموعي اخوي چان فرح لو موجود تمالكت نفسي كملت الاجرائات بقت تلث ايام بلمسشفى

وطلعت مقبلت عقيلة تجي ويانه لبيت جدي واصرت تروح لبيتهه كالو اختهه وامهه يجن يدارنهه وامي وياهم وعمتي زينه…

عشر ايام مرو رحت ألبيت اخوي اتسوكت لحوم ودجاج وقواطي حليب وحفاضات والاحتياجات اليريدوهه…

واتفقت وية كصاب يجي باجر حتى نذبح عقيق للسادة الصغار…

دكيت الباب وفتحتهه عمتي وسمعت امي تحجي گأنو تتعارك خليت الاغراض واتقربت عليهه

شنو يمة شبيج

ـ مررة اخووك موتتني تريد تاخذ جهالهه وتروح لسيد مهدي ميصيير يايمة ميصييرر هي بالنفاس والجهال ولد نفااس مييصيرر يدخلوون مقاابر

ـ هسة احچي وياهه بس اهدئي

ـ متاخذ حچي صامه ااذنهه

دكيت باب الغرفة وفتحتهه ام غفران

ـ ادخل خاله

دخلت لكيتهه لابسه عبايتهه وكاعدة تبجي..

ـ سلام عليكم ام السادة شلونج

ـ عليكم السلام .. شنو السمعته

-اريد اروح لسيد مهدي اشوفه جهاله اريد ازورة صارلي اسبوعين مارايحتلة لاااااا تحرموني من رجلي ضايج مني كلش لان مااجيته

ـ ميخالف خيتي اتحملي شوي بين متطلع الاربعين

ـ يعني بعد شهرر لالالا مستحيييل محد بيكم يعرف اشلون جاني البارحه مضوجر

يعتب عليه طول عمره ممباوعلي هيچ

من تحچي هيچ اغار وانحب مثل طفل ليش يجيها وانا يستخسر بيه حلم حتى لو ثواني كابلتها ردت اسالها اشلون ضايج

وشيلبس ضعفان سمنان فرحان حزين

بس لازم اتماسك وبين قوي ومانهار بغصه گتلهاا

ـ اذا مو آلخاطر صحتچ آلخاطر السادة امانة ذوله

ـخرافات محد يتأذة صدكني صارلنة عشر ايام مبينة شي الحمد لله اريد اروح خوية شوفلي چاره

ـام علي اسمعيني آنا راح اخذ سید علي للهند ومحتاجچ ویایه اکو اجرائات لازم انتي ويايه

صفنت مسحت دموعها

-يعني تعالجه

-اي صار تسع ایام افتر بتقاریره العلاج لازم نوقفه لان یاثر علی نشاط قلبه ارید من اخذه انتي بمكاني بعناية اولاد ارجوج

-ليش تخوفني على وليدي

-مااخوفچ لان انتي تعرفين وهم تعرفين كلش زين اشلون عضيدي يحبه اذا صار عليه شي انا وانتي نتحمل

ـ يعني شلون ما اروح ازور ابو علي

ـ تروحين والسادة يروحون بس مو هسة من تطلع اربعينج انتي واطفالچ وراح ابدل سیارتي بسياره اكبر الخاطركم

ـ شوكت راح تاخذ سيد علي

ـ بس يراسلني الطبيب

جاي اطلع وكفت طلب ثاني منچ

ـ تفضل

ـ لاتبقين هنا لوحدچ

ـ وين اروح

ـ بيت جدي مفتوح الچ والجهالچ واذا متريدين بيت اهلچ او بيت خالچ ابو غفران المهم لاتبقين وحدچ

ـ لا مستحيل ماعوف بيتي

ـ انتي تعرفين عمامي رافعين عليچ هواي دعاوي وانا الواكف بوجهم طالما انا هنا وذا اسافر اشلون أئمن عليج لوحدچ وية الاطفال بهالبيت

ـانت خليت الي كاميرات

الاول مره أكوول اسمها لان احترمها بس خوفي بهل لحظه زاد

ـ عقيلة افهميني ولاتعبيني اذا تحبين سيد مهدي واله خاطر اسمعي كلامي

رفعت عيونها حمر من البچي تتوسلني

ـ ماراح تتأخر بلهند

ـ ان شالله منتأخر بس اتحملي هالفترة ولا تبقين وحدچ

ـ ان شالله سيد ان شالله…

اخذت سيد علي أكمل تحاليل واحجز الها بطياره انقهرت عليه شبع أبر الدكاتره ولا واحد يطمأني وخايف عليه...دزیت تقریر

رجع الجواب العملیه تتاجل بسبب زخم المستشفیات وعدم تعقیمهم..رغم اكدو لازم نستعجل بلأجرائات

حضنت علي خايف عليه..بس لازم اطمأن امه وحتى اضيع الاسئله مالتها اخذت ذبيحه(عقيقه)وجبت صاحبي دكتور طهر الساده الزغار وصارت الفرحة فرحتين

جذب اليكول فرحه لا بعد وفاة عضيدي محد شاف الضحكة والفرحه كلشي ناقص

الفرحه والدمعه والمه وحتى الگمه ناقصه

سلفنت رداني اوزع العقيقه..بعد هل ايام والشهرین من‌اخذت الساده انه وامي نلقحهم النسوان بدت تنقل الحچي غلست

اخذت انا وجدي حتى اثبت عقلها كامل

سبقت عمامي لان عرفت من امير گال راح یرفعون قضيه حجر على جدي وعقيله(انسانه مجنونه)

جدتي تريد ولدها وحقها ام لان ابو عامر يحبها ومداريها اربع مرات يروح عمره هو وياها من غير سوريا والامام الرضا متكدر

تنطي بيهم البقيه يحبون رجليها

ربحت القضيه بعد ان ذبيت دم گلبي بحيث طلعت حضنت جدي فرحان كتله

-اول مره افرح بعد موتت اخوي بعد ابد ميكدرون يطعنون بعقلك وعقل عقيله

جدي مقهور وحلكه يرجف لان ممتوقع هيچ یسون بیه

بطریق رجعتنا المحگمه صرخت عقیله

بیدها النقال اخذه جدي وانل كلبي يرجف

خايف على جهال اخوي شفت رساله من ام عامر گلبه العقیله(لاتفرحين ب الساده ترى يشبهون ريماس يعني ولد مجتبى مو

وصلنا البيتها نزلت بسرعه من يمي كلي جدي روح وراها..نزلت لكيتها تفتح باب بيتها الطلاقتين طلعت بسيارتها ام غفران سدت الباب وعقيله تكلها

ـ لااحد يلزمنيي خلصص عقيلة الضعيفة اانتهتتت

ردت ام غفران

ـ ولج يمة حچي آلساان متكدرر كلشي تسووي

ـ عوووفونيييي

ساقت سيارتهه جدي تعب من المحكمه نزلته كلت الام غفران

-بسرعه سويله نومي بصره بين مرجع

رحت بسرعه السيارتي اتبع عقيله عبائتها طالعه من الباب احاچيها طايره مالحكت تسوق بسرعه جنونية تعتبر بالنسبة الهه الشوارع مو خارجية لا تدعم احد او هي تندعم بشي وتنهي حياتهه

أشرت الها بالايتات ولا مهتمة دست هورن تنتبه ولاگأنو اكو بشر يمهه صرت بموازاتهه فتحن الجامه واصرخ

-ااااام عليييي يمعوودة مو هييچ خاااف يثبوون بالمحكمة عليچ التهمة ويكولون مضروبة بعقلهه

اهتمت وداست بانزين طلعتني ووراهه انا بين ماوصلنة شارعنة

بالف ياعلي وياويلة لافت على بيت ام عامر طبكت السيارة بنص الدربونه نزلت وانا وراهه‌ام عليي اوووكفي لحضة

ـسید مجتبى رجائا للصبر حدود

ـ شالت طابوكة من يم بابهم وشمرتهه على شباك بيتهم وراحت ادفر بالباب والجرس حتى يطلعون ناوشتها طابوگه اگبر اخذتها شمرتها حيل

بقيت حاير شلون اوكفهه طلع ابو عامر يهوس

ـ لللج يالمخبلةةةة كسررتي جام بيييتنة

ـ احتررم نفسسك ولاتغلط بمرت اخوي

گالت عقیله

ـ طلعلييي مررررتك لو انت رجاال وينهه

ـ زلمة غصبا عن الخلفووچ

عطت بیها

ـ لاتغللط بمررة ااخووي احذرك

،،، طلعت ام عامر تعرج وتصرخ

ـ يبااوو لحكوونه جايين يكتلوونه صور صور بعبایتها ونقابها چنها مخبله صورها

بعدهه ماخلصت كلامهه ام عامر ودخلت عقيله عليهه لزمتهه من حجابها دفعتها على الحايط تضرب راسها حیل وتصرخ

ـ جهااالي خط احمرررر كلشي اتحمللت منچ ومن رجلچ بس تطعنييييين بنسبب جهااااالي مستحييل ااغفررلچ

رکض ابو عامر على عقيله بسرعه لحكته

ماخليته يتقرب لزوجته ولا لعقيلة

جناينهه ماموجودات مححد يمهه بالبيت غيرهه هي وزوجهه

كال ابو عامر يتوسل

ـ ماتريدني ااتقدم لعقيلة روحلهه اانت ووخرهه عن مرررة عمك وولك عييب هاي مو ااخلاق سيد مهدي لو موجود جان ماقبل عليگم

جاوبته

ـلو سوي مثلنه سيد مهدي ماستجريتوو تضربون مررته بيووم وفاااته لو مسوي هيييج سييد مهدي چن مااسرقتو الذهب منهه وورجعنااه لان الكاميراات صورتكمم

ـ وولك ابني عييب لو موجود ابوك سيد صادق جان اتبررة منك

ـ لا والله چان اتبررة منك اانت ولا اعترف بيك اخووه ..

جتفته من ايديه وثبته بمكلنه وبقيت عقيله اطلع حركة كلبهه بيهه گتلها

-عقیله موو وجهه بالچ لا تسوي تقرير

اختاري مكانات متبين

ام عامر قوية بس رجليهه متأذية ممتاگد لان متكدر ادافع عن نفسهه مدري طول عقيله مساعدها تتغلب اول مرة بحياتي اشوفها هيچ شرسة الهدوء والنزاكة تغيرت بثواني الخاطر اطفالهه وتحولت لوحش شرس

عطتةبيها

-يله بسرعه كملي بس لو هالشراسه چان المفروض من زمان تضهرين هل من اول وفاة اخوية الله يرحمه

عشر دقایق ام غفران وابو غفران بسيارة والسيارة الثانية بيهه جدي وعمتي زينة وامير جايبهم ابن ام عامر نزل يركض وصرخت بي…

ااحذرر تلمس عقيلة ..وگف ماسوة شي بس سحب امه منهه ودخلهه جوة يعرف امه غلطانه…

ركضت ام غفران و عمتي زينة وامي على عقيلة جروهه وهي بعدهه تصرخ وتبچي وتكول ماشفيت غليلي منهه

ردت امي

ـ االله لاينطيچ يا ام عامرر الله ينتقم منچ عسااهه بصحتچ وعافيتچ هااي مرة ابني تاح رااسچ يامجرررمة يااحراامية

صاح ابو عامر

ـ لا تكولين مجررمة وحراميية ام مهدي عييب

ـ هو اانتو تعرفوون العيييب ومرررتك واانت همين ويااهه مجرمين وحرامييية ونصص مو بگتوو ذهب عقييلة

ـ رجعنااه رجعناااه وانسجنت ام عاامرررر واخذت جزاائهه لاتضليين تهيجين الناار

ـ طلعت بكفااااله الحرامية المجررمه هجاامة البييييوت ووولكم مررة اابني اااشرف منك ومن مرررتك تتهمووهه بشرفهه هي وجهالهه ياظلاام حوبتها مااا تتعداگم

صاح جدي

ـ اليوم راح اقيم الليل خصيصاا حتي اصلي صلاة وادعي عليكم بيهه واريد الله ياخذ حوبة هالارملة المظلومة والايتام المظلومين منكم ولگم ميكفي مشتكين عليهه وعلیه بالمحاگم علمود فلووس مو فلووسگم

تريدون تاكلون حق اايتاام ووولك ااانت عمل غير صالح سويته بدنيتي وربي جازاني بهيچ ولد عاااق مثلك وانوب زوجتك وياك حسبي الله ونعم الوگيل عليكم….

گوة سحبنة عقيلة رجعنه للبيت متهستره

گال خالهه

-روح ابني الحاله ماتروح منها وتبقى تبچي لان تروح القبر السيد

هزيت راسي وعرفت اخذهه هي وجهالهه ورايحين لقبر سيد مهدي ومزورين الاطفال للأئمة…

ردت من عقيلة تعوف البيت وتجي ويانه بس ماكو فايدة عقلهه قافل ضبط كاميرات البيت وشغلتهن گلهن جنت حاس راح يصير شي وكلبي ممطمن…

رجعنة للبيت وثاني يوم خابرتنة عقيلة كالت الشرطة اباب بيتي ويريدون ياخذوني

عرفت ام عامر مشتكية على عقيلة وراح تنسجن طلعت من المستشفى ورحت ألبيت عقيلة خابرت جدي بالطريق وكلي جاي وراك..

وصلت للبيت لگيتهه متلفلقة بعبايتهه وواگفة ..

خير خير خوية خير

ـ جاينته شگوة عليهه من ساجدة عبد

ـ گلبي انعصر اكيد عدهم تصوير گاميرا..

خوية شنو دليل ساجدة عبد على مرة اخوية ام علي

ـ هالشي متسولف امشي للمركز وتفتهم گلشي خليت اعتبار هي حرمة ولوحدها

احنة بمدينه مقدسة فما اخذتهه انتضرت زلمة يبين هسة لازم اطبق القانون..

تفضلي ويانه اخت عقيلة

كتله

ـ خوية خلي اخذهه بسيارتي وامشي وراكم

ـ مايصير اخي

ـ الله يخليك هي مشاجرة بين نسوان مو ممنوعات حتي تكلي ميصير شلون تقبلهه على سيد مهدي الله يرحمة زوجته تصعد بسيارة شرطة

ـ هالبنية زوجته سيد مهدي؟

ـ اي خوية وانا اخو سيد مهدي

ـ انت مجتبى صادق باقر

ـ اي خوية انا

حجى وبين الخجل بوجهه اتقرب عليه وهمس باذني ..

ـ فضل جدك مستحيل انساه ساعد عائلتي بفترة الاعدامات وخلص ابوية من الموت دينكم بركبتي جبير مينسي

ـ اذا هيج خوية انا بشاربك صعبة حرمة تصعد سيارة شرطة مثل المشبوهات

ـ اصعد سيارتك خوية وخلي اختي وياك والحكوننة للمركز الشرطة

ـ خاف الضابط يعاقبك

ـ لاتخاف محلولة ان شالله …

صعدنة السيارة انا وعقيلة ومشينة ورة الشرطة خابرت على امير مرتين ميرد انجنيت رديت اتصلت وشاله… وووووينك

ـ جنت بالحمام شبيك شصاير

ـ اامك مشتكية على عقيلة هسة تاخذههه للمرركز وتنازل لا بالله الگررريم اسووي سسوايه ماتررضيكم

ـ اوكف فهمني

ـ امك مشتكيية على عقيلة امشي امسح الكاميراات بسررعه

ـ بدون متحجي مسحتهه من البارحه بس

ـ ييعني ممسوحات.. ولك خاف الجيران عدهم

ـ الجيران ماعدهم انا متأأكد

ـ لعدد شلون مشتكية

ـ يجوز ماخذة شهود

ـ منوو جاايبة شهود بس انتو جنتو موجودين

ـ استغفر الله اصبر خلي البس هدومي وجاييك حتي افتهم…

ـ بسرعه لا تبطيي.. سديته منه وخابرت المحامي كال انا جاي وراكم

وصلنة للمركز ونزلنة

الشرطي اليعرف جدي دخل قبلنه للضابط ماعرف شنو حچى وياه وطلع وكللنة

ـ استريحو هنا عدكم محامي؟

ـ اي بالطريق جاي

ـ تمام من يجي راح يدخلوكم

دقايق واجي امير والمحامي وراه اخذ الاوكي ان ماكو كاميرات ودخلو للضابط

حقق وية عقيلة وانا انتضر على نار اقل من عشر دقايق وطلعو

كال المحامي لامير

ـ امك جايبة شهود راح يجون يحلفون همة كانو موجودين بوقت المشكلة احنة لازم نثبت همة مكانو موجودين

.ـ منو جايبة

ـ رفض ينطي الاسماء القاضي الا من يجون نتعرف عليهم..

زمخت بالمحامي

ـ مررة اخوووية متبقى هنااااا

ـ لاتخاف الضابط صديقي

ـ اذا صديقك ليش مانطاك الاسماء

ـ هاي الامور شكليات جدام القانون لاتخلينه كلشي نحجي..

ـ اقل من ساعه ونص واجتي ام عامر تمشي على عگازة منضدية بيهه اربع رجلينات وتسحل بروحهه ووياهه اخوتهه ..

شافهم امير ورگض..

ـ شسوون هنا ياخوالي

ـ لگ عار تقبل الصار على امك

ـ اصبرو شووي لاتمشوون بحچي امي ترة تاخذكم وورة االشمس

ردت ام عامر

ـ انت طابك وياهم من زماان يا نذل

ـ ووية الحگ طابك يمة…

وبراحتكم ادخلو واشهدوو بس دتشووفون هذاك المحامي ترة كرايب الضابط ومن راح يعرفون شهادتگم شهادة زور

وبسهوووولة يكدر يثبت دتشهدون زور راح تنسجنون بفترة متقل عن سنة او سنه بتهمت شهادة زور وغرامه ماليه بالاضافة لصخام الوجه

ـ لك ابن بطنيي وهيج تحيلهم عليه تفوو عليك ميكفي مسحت الكاميرات

ـ احسن مما يبتشلون وياج يمة حرام عليج انتي البديتي وياهه واذيتهه ..

خوالي كلكلم عدكم بنات وتخافون عليهن حرام عليكم تشهدون زور وانتو كلشي ماشايفن لخاطر بناتكم على الاقل..

راح امير يتفاهم وية امه وخواله وفعلا دخلو خواله وسحبو اقوالهم والمحامي تكفل بكل شي ..

آ

بنفس اليوم صار كلشي والا چان اتحولت القضية للقاضي وصارت جبيرة

بعد شهر تقريباالمشاگل ماخلصت المحاكم بيناتنه صارت كلة بسبب الاملاك والفلوس اي باسم عقيلة واطفالهه..

وبيومها تعبت من المشاکل رحت بالامام الحسين ازور مجايني نوم قلق الوضع مو

تمام بقيت اتعبد واصلي ..

كعدت احچي بيني وبين نفسي واناجي ربي

یارب كل المطلوب من العبد يسوي حتى يخلص من التايهات سويته

يومية ادفع صدقة وكل الادعية اقراهه

استغفر الله ربي شهالوساوس…

صليت ركعتين وكعدت انتضر صلاة الفجر اذن الفجر صليت وطلعت

اخذت التلفون لكيت 85 مكالمة من امي وعقيلة وجدي عمتي زينة تنتوعت للگبه

(الصبر علی ابتلائات الزمن مولاي)

ركبت للسيارة وبنفس الوكت اريد افتح التلفون ماعرف شلون فتحت التلفون واول رقم كدامي صار خابرته… الوووو

ـ ووووينك يمةةة ووووينك اااالحكنة بيت عقيييلة طاافريين عليييهم حرامييية

ـ شنننوووووو

ـ ووولك ااحنة رايحيلهم وانت الحكنة

ـ ووووين تروحوون لا يقتلوووكم اوووكفو…

شخطتهه لبيت عقيلة لكيت الناس ملتمين وسيارة جدي طابكة اباب البيت اشكال الافكار السودة اجتني عفت السيارة بنص الشارع ونزلت لبيت اخوي

دخلت لكيتهم كاعدين كلهم بالهول التفتت يمنة يسرة شفتهم كلهم مابيهم راسا انهارت قوتي وكعدت بالكاع اريد اجر نفس ماكو جنت مرعوب بس الله يعرف بحالتي…

ساعدوني الموجودين وسندوني اكعد على القنفة

كال جدي

ـ نخابر الشرطة ونشوف منو هذولي

ردت عقيلة

ـ ملثمين جدي راح تسجل ضد مجهول

ـ وين التسجيلات

كمت ورحت للكاميرا راجعت التسجيلات شفتهم خمسة ملثمين كلهم ممبين منتم اي شي حتى جفوف لابسين راسا اجى ابالي عمي ابو عامر وزوجته معقولة توصل بيهم النذاله لهيج مستوة..

اتشكرت من الجوارين على وكفتهم وية مرة اخوي وهمة همين اترخصو وراحو…

صار الصبح واحنة ممتفقين على شي..

فعلا اذا اشتكينه ماكو شي واضح حتى سيارة ممبينة بس رغم هذا لازم نخبر الشرطة هالشي من صالحنة همة بمعرفتهم يثبتون همة منو…

صاح جدي وكام من مكانه

ـ لهنااااا وكااافي ياعقيلة اتحملتت هواااااي هبطاات على احفاادي

ومن غير ابن عمج وابوج وزوجة ابوج كل يومين وجاينج ضالة بوحدج تعالي يمنه لو تزوجين ابن عمج

كلليلي اولادي ظلام وقضايهم

يوميه قضيه رافعيه

لو ابوج وربعه

كل ساعة براي وصار حنين

عليج انه مااضامن روحي

وهل تشوفين ناس لاذمه ولاضمير

،،، طلع تلفون سيد مهدي من جيبة وفتحه..

ـ ااااسمعي رجلج چان يعرررف كل هالمصااايب راح تصيير خلااف عييينة من ووصه هالوووصية هووو مو ميفتهمم ولا بطررراان وهاي سنه تعدت

،، فتح البصمة وخلة التلفون علي الطبلة ملامح عقيلة راسا تغيرت

(للسلام عليكم..واشهد ان لا اله الا الله وان محمد رسول الله وعلي والاده المعصومين حجج الله اليوم احسه مو عادي الدنيا احسها ماتريدني اكمل ويه الاحبهم..لان مستخسره بيه الضحكه

وبنفس الوقت عذاب المرض ويه مرضي زاد(صبرا جميل والله والله المستعان امي حبيبتي تعبتي فنيتي شبابچ الاجلنا جدي انت اكثر من اب الكلام مايوصف الجاي اشوفه مع ذالك مااكدر احچي اختنك بس كلامي العضيدي سنوات من حياته معاشهن كا شاب لان ملتهي يداريني رغم

انا الچبیر ولازم انا اداري..وهسه كورنا هم

كاعد يمي وحتى الماي هو يشربني..مثل ماحافظ وخاف عليه اريد يكون زوج كف

العقيله..وأب الأطفالي اتمنى ياحليلتي أن توافقين واعرف الموضوع صعب عليچ مثل ماآصعب عليه)) انقطع الصوت وبس تنفس قوي..

الگل چان یبچي كامت عقيله وانا بعدني دموعي تصب

گال جدي

-بنتي مو گل مرة تسلم الجررة السالفة جبييييرة وانتي ماحاسة بيهه لا فاهمتهه

ـ الكاتبة الله يصير جدي

ـ انتي مسلمة متدينة ملتزمة لو لا

ـ اكيد طبعا قابل متعرفني

ـ اذاااا لازم تعرفين تنفيذ الوصية وووااااجب…

-جدي انا مو عقيله الخواااافه انا عقيله التهذلت دخلت محاكم وشرطه ونضربت

يعني أگدر اعتني بجهالي

ومثل ماساعدت عمتي ام سيد مهدي وكفت وياها وربت ايتامها تكدر توكف ويايه بلا ماازوج سيد مجتبى ابقى ارمله

حالي من حال عمتي..وهم نفس العمر انه وياها هي ترملت عمرها بلعشرينات بعمري

-بس ذاك الوكت يختلف عن هذااا

-نفس الشي ياجدي وخلي بالگم گلکم سيد مهدي اليوم الي أستشهد بيه٦/٦هو نفسه تاريخ وفاة وسشهاد گلبي حتى آلرجفة الهزتني من سمعت بموته هاي مو رجفة عاديه هااااي رجفة نزع الروح

والجدامگم مرأه متصلح الأي رجال فقط هي أم(أبناء الساده)لان عمري الراح اعيشه هو اربي جهالي مثل مارادهم جنود للامام المنتظر عجل الله فرجه

ونبضات گلبي كل نبضه منهن هي عزاء حتى التقي بحبيبي وزوجي

...

دموعي كل يوم تنعى فراقك

وخافقي انسل شوقاً للقياك

أفكاري تحاورني عنك ومعك

فنستذكر اجمل سجاياك

يغيب فؤادٌ كان مؤنسه انت

ويكسر قلبٌ جابره قلبك

انا لا احلم بل....حقيقةٌ أمامي أنت

ناديتك زوجي والصوت أجابني!!

فركضت نحو مصدر الصوت هائمه

لأجدُ شخصك اول من لباه

تتلو كتاب الله في سحر

بتهجد وتسبيح

حتى دعاء الليل يهواك

عشقت بألليل جبهتكم

واليوم تنعى بشوقٍ دفئ كفاك

استغفر ربي ولم أجزع لفقدكم

لكنه فراقك قتلني عدت مرات...

#يتبع الخاتمه الاخيره

لاتنسو متابعة يوزر التيك توك الخاص باى اخواتنا الزينبيات هذا اليوزر shams5t

السلام عليكم...لاتنسو اختي بدعائكم

رحمة رب العالمين أوسع، أم رحمة يوسف؟.. يوسف بشر، وقد ارتكب إخوته في حقهِ جريمة، ولكن بكلمة واحدة أصلحوا أمرهم مع أبيهم..

وكذلك بالنسبة لنا نحن العصاة الغرقى في المعاصي، بإمكاننا في ليلة من الليالي أن نخاطب رب العالمين، نقول: يا رب!.. عفوكَ!.. عفوكَ!.. عفوك!.. انتهى الأمر!.. {ما يَفْعَلُ اللَّهُ بِعَذَابِكُمْ إِن شَكَرْتُمْ وَآمَنتُمْ وَكَانَ اللَّهُ شَاكِرًا عَلِيمًا}. م

مريم//من عرفت عندي تكيس علي المبايض حمدت الله وشكرته چنت كلش خايفة لا يطلع عندي مشكلة متتصلح طلعنه من الطبيب قلقه

شافني رعد مهمومه ركبنه السياره سأل:

ـ ليش القلق حبيبتي؟

ـ چانت امنيتي اصير ام

ـ ترة بعدج صغيرة والعمر كدامچ

ـ بس انت چبير واذا هسة متخلف شوكت تلحك تشوف اطفالك يكبرون كدامك

ـ شسالفة سويتيني شايب تری بحیلي ولا تجعيده بوجهي وشعري كد ماثخين ولاينفرگ

ـ اهو رعد عفيه مو وكت مداهر

- لا تشيلين هم حبيبتي منا لچم شهر اذا ما صار حمل نشوف غير طبيبة

ـ يعني منسوي طفل انابيب

ـمريم الانابيب للحالتهم متأخرة واحنه ستونه متزوجين ماصارلنه سنة وشغلتج ميحتاجلهه هالقلق

ـ اعرف هواي عدهن تكيس صار سنين وما صار طفل عدهم

ـ يصير حبيبتي يصير

ـ زين ليش متقبل على الانابيب

ـ مريم تعرفين بيه بهيچ امورعقلي قديم ابد ما اتقبل الانابيب واحنه منحتاج للعملية وبعدين احنه عدنة الائمة ببختهم يصير عدنه عشيرة جهال

ـ والنعم منهم بس صار جم مرة اروح كربلاء ونجف وانخيهم وماكو!

ـ اولا لا ليش تبجيين.. صبر حلو بعدنه بداية المشوار

وان شاءالله ما يقصرون ويانه

ثانيا راح اخذج انتي ونورة ونروح گصادة للعسكريين نزور وطلبي منهم

ـ صددددك للحسن العسگرررري راح تأخذنه لسامراء

ـ قابل سامرة بغير دولة حتى متصدكين ولو جنت ضاملچ مفاجئة بس انتي مستعجلة علي رزقج وجنت انتظر جنسية نور تتغير واخذكم سوية للرضا عليه السلام بس ما صارت

ـ رررعد راااح تاخذني للرضا

ـبس تكمل جوازاتنا نروح لسامرا گصادة ونرجع نزور الكاظم عليه السلام

،،، الفرحه ما شالتني اريد ابچي واضحك بنفس الوكت طبك سيارته رعد واخذلنه عشى وحسب حساب احمد ويانه…

رجعنه للبيت وحجينه لنوارة الصار

ـ ان شاء الله ميردلكم حاجة الإمام الحسن العسكري ولا الرضا ولا موسى بن جعفر

رد رعد:

ـ جنت اتمنى اخذج ويانه لإيران يانورة

ـ لاتخليهه ابالك روحوا انتوا وادعولي

ـ بس انتي ويانه من نروح للعسگريين والكاظم

ـ طبعاااا رجلي علي رجلكم

ـ بس رعد وين نعوف نورة واحمد

ـ احمد يضل هنا ما عليه شي الولد صار زين واكدر اعتمد عليه ونوارة اخذها لأرشد خصوص التزامه بالأيات القرانیه

-انت بسبب احمد تدخل الجنة.. تروح ادور اله حليب جمل منو يسويها؟

-لااااا يسووها العنده ضمير يسوي كلشي والماعنده ضمير ينعدم فعل الخير منه..

والجاي اسوي الاحمد مو اله اليه تجيني حسنات بيوم القيامة لاتعد، اذن منو متفضل على منو؟

-صح كلامك.

-من جربنا طريقة صديقي الروحاني لمدة(٤١)يوم قرينا على راسه ١١مره سورة الرحمن ومره سورة الانفال تحسين من خلصنا(٤١)يوم احمد صار احسن، بنسبة٣٠ بلميه فلازم نكرر عليه كل(٤١)يوم القراءة الى ان يطيب بأذن الله تعالى

ردت نوارة

ـياخويه اصلا احمد صار شخصية ثانية من يوم الذكرته فوكها نطيته الثقه التامة يدير سوبر ماركت ونطيته غرفته الخاصة وحياته الخاصة.

ـ لا نواره كولي سبحان الغير اخوج وخلاه يتقبل احمد ويخليه بالسوبر ماركت.

ـ لان عرفت بي داخلة طفل وهالمتلازمة يحتاجلهه ناس فاهمين يتعاملون وياه انو هو انسان طبيعي لكن من صغره اتعرض لتعنيف وضرب واذية رغم امه الله يرحمها هواي حاولت اداري بس ماكدرت بسبب الناس بالشارع يتنمرون صار الصار الولد ما بي اذية ابد.

ردت نورة:

ـ هو بعده معتبرني صديقة نوار ممعتبرني بنية كل ما يشوفني يتعامل ويايه گأنو ولد.

ـ عقلة عقل طفل بعدة من ياكل الجبس ويطلع بي هدية يفرح ويگوم يگمز ومن يطلع كارتون يتربع ويكعد يتفرج ومن يدخلون جهال يحب يلعب وياهم مرات أشوفه يتصرف مثل الزلم ومرات أشوفه يتعارك ويه الجهال على نستلة.

ـ مريم لا تضلين تباوعيلي هيج.

ـ والله ما شوف بيها شي بس انتي مكبرة الموضوع.

ـ شنو يابنات شكو شدتحجون؟

ردت نورة:

ـ ماكو شي رعد مرتك ضارب عقلها.

ـ ياااا صدك اني ضارب عقلي؟

ـ غير افتهم شكوو؟

ـ يعني شكو بيها اذا انجمعوا احمد ونورة بالحلال

ـ گلتلج مستحيل تصير لان تلعب نفسي بعدني ممتخلصة من فكرة كوني رجل وصرت انثى وتريديني افكر برجل واتزوج مستحيل من عاشر المستحيلات

ـ شنو هالحجي مريم ولا الولد اصغر منها بسنتين

ثانيا هويته بعدهه تقرا ذكر معناهه اذا تزوجت وصار طفل راح يبقى بدون هوية ذكر ومتزوج ذكر من غير المسائلة القانونية الراح تركض ورانه وثالثا متلازمة توريت وراثية.

ـ بس نورة بنت والبنت الها وقت وتكبر مو مثل الرجل.

ـ وانا قانعه بقسمتي يامريم لا اكدر اتقبل احمد ولا اكدر اتقبل غيره تكدرين تكولين صرت من جماعه المضربات عن الزواج وانه عايشة حياتي حاليا كلش مستمتعة بيهه حققت جزء من احلامي ويكفي عندي عائلة مثلكم اخ يحبني بكل حالاتي واخت مثلج ممحسستني بشي وخلتني اندمج بالمجتمع واحمد اعتبره اخوية الصغير واذا راد يتزوج انا اروح اخطبله واختارله بنية تخاف الله بي وان شاء الله انتم تترسون البيت اطفال والله العظيم احلى عيشة والف الحمد لله والشكر.

ما انسى أخوتي رعد وارشد وصادق وخواتي انتي وام ريتاج شأريد من الله بعد حتى يصير طمع.. بس اتمنى الله يسهل لجنسيتي وتتحول بشكل قانوني انثى حتى اروح عمرة لبيت الله هاي امنيتي الاتمنى احققها…

،، مرة الايام وأخذنه رعد للنجف نزور ورجعنه لكربلاء ووراهه بيومين طلعنه للعسگريين گصادة بحملة رحنه وزرنه وطلبت مراد مناك من اني وطفلة اجيت للعسگريين وراهه مكدرنه نجي بعد جانت الاجواء كلش حلوة وامان شي فوق الخيال رعد اشتره حلال مشاكل ووزعه بالحضرة طلب مراد أثنينه طلبنه مراد علمود طفل ونورة همين طلبت مراد بقينة يوم كامل ورجعنه بالطريق

رعد عاف الحملة كلهم اريد اروح للكاظم واخذلنه تكسي وللكاظم رحنه… من الطريق تعبنه وردنه نروح لفندق نرتاح بي بس شلون بنورة يافندق اليتقبلها.

ـ اكلك رعد ماكو داعي للفندق

،، رغم نورة رفضت بس ماقبلنه نعوفهه رحنه للحمامات العمومية غسلنه توضينه وطلعنه للأمام قبل الفجر الزيارة خفيفة ماكو احد تجنن الزيارة صلينه وقرينه قرأن ودعينه بقينه من قبل الفجر احنه بالإمام.. صار الفجر وصلينه وبقينه گاعدين كل شوي نزور شبعنه من الامام ولو الزيارة مينشبع منها للساعه عشرة الصبح يله طلعنه گعدنه بمطعم واتريكنه وانطلقنه لكراج النهضة ورجعنه لبيتنه.

جايبين صوغه لأحمد ويانه رعد اشتراله علك وقميص من العسكريين واشتراله بنطلون من الكاظم …

واني اشتريت لبنت اخوي سلمان ملابس اطفال من سامراء والكاظم زورتهم وجبتهم ويايه.

لان جايبه صوغه الاهلي رحنا الهم سلمنه عليهم شفت غفران لونهه مخطوف ..

شبيج غفران شنو مريضة؟

ـ لا تخلين ابالج ان شاءالله ماكو شي.

ـ شنو ماكو شي فهميني شبيج؟

ـ والله شكلج .. بس شاكين بيه غدة سرطانية بصدري

ـ ستررررررك ررربي شنوو غدة سرطانية مين اجتچ ووولج ماخابرتيني وحجيتي

ـ غير نتأكد يله اكلچ خو موبس افزعج

ـ وشطلعت التحاليل؟

ـ غدة سرطانية ولازم اشيلهه قبل لاتكبر

ـ شوكت طلعت النتائج؟

ـ البارحه بالليل جبنة النتائج.

ـ ومعرفتي تخابريني ؟

ـ عدكم سفر ليش انغصچ ان شاءالله ماكو شي.

ـ ان شاءالله بس شوكت تسويهه العملية؟

ـ الجمعة الجايه.

ـ لعد ماروح ابقي يمچ.

ـ لا اسمعي يمي امي وامج وسلمان ..

ـ شلون اعوفج.

ـ اني بس محتاجة للدعاء اكثر يامريم..

مريم/بقيت اراجع للطبيبة علمود علاج التگيس صرت اتعالج علاجين علاج الي تكتبه الدكتورة وعلاج اخذنا من سيد معمم كاللنه ابقوا كل يوم ردد عقب كل فريضه

("اللهم لا تذرني فردآ وانت خير الوارثين"

اللهم انك انت الرزاق الكريم ارزقني بالذرية الصالحة من حيث لا احتسب يارب العالمين

اللهم انك انت السميع البصير استجب دعائي وابصر بحالي يارب العالمين استجب دعائي اللهم انك انت الرزاق الكريم ارزقني واكرمني بالذرية الصالحة يا اكرم الاكرمين يارب العالمين يامجيب الدعوات اجعلها ساعة استجابة الدعاء، واستجب دعائي يارب العالمين .....ولا حول ولا قوة الى بالله الحي القيوم الاحد الصمد رب السماوات والارض ورب العرش العظيم وهو على كل شيء قدير))

مرت اكثر من اربع اشهر ونص من زيارة السامراء والتزامنا انا ورعد بلورد بس ماكو نتيجة

مره طلعت انظف الطارمة بس حسيت الم ببطني وصدري..عرفت هاي اعراض دورة هاي دارت سنه على زواجي وشهرين وماكو حمل كعدت ابجي بسگته

وشهريه رجعت تتخربط يمكن تكيس رجع

تأخرت عليه عشرة ايام ومانزلت بس الوجع

مااشوف اله اجتني نورة جايبه بيدهه خاشوكه راسا مسحت دموعي وعدلت كعدتي

ـ اكلج مريم شوفيلي طعم الدولمة طيبه تحتاج ملح حامض شي؟

اخذتها منهه

ـ الله شنو هالطعم يذوب بالحلك

ـ صدك والله واخيرا ضبطتهه

ـ مستووية اروح اصبلي ماعون

ـ متنتضرين رعد بس اكلچ چنتي تبچین

-لا عیني ليش ابچي ويله حبابه اريد صحن دولمه ماانتظر رعد

ـ خابري احس روحي متت من الجوع

ـ هسة اروح للمحل واصيحله اصبري ..

راحت نوره تصيحه وانه ركضت للجدر فتحته شميت الريحة ادوخ من كثر ما طيبة حضرت الصينية وخليت الخبزات وشلت الجدر مانتضرتهه تبرد

احس روحي كلش جوعانة خليت الخبزات على الجدر والصينية ولزمتهه وكلبتهه رغم الجدرية چبيرة شوي وثكيله بس لان مشتهية دولمة ما حسيت بثكل

خليتها على الميز طلعت‌ من‌ ثلاجه الخضرة والطرشي گفخت بخشمي ريحه فلفل باوعت ماكو فلفل حار… جريت اللبن وطركته وعصرتله ليمونه مديت السفرة بالهول وكمت انقل بيهم واجتي نورة ويايه تنقل بالأكل..

ـ راح اسوي صينية لأحمد ورعد يتغدون رعد ميكدر يعوف المحل جايتهم بضاعه

ـ اكلچ نورة شوفيلي ماعدنه فلفل طرشي

ـ عدنة طرشي

ـ لا اريد فلفل

ـ هسة اشوف عدهم بالمحل

ـ زين اكلچ شوفيلي لبن شنينة ابو الغاز

ـ اي اكو البارحه جابوا وجبة جديدة

ـ حبابة بطل چبيررر بارد يكون ويه الفلفل

ـ شنو هاي من شوكت تشربين شنينة وتاكلين فلفل طرشي؟

ـ روحي رايحه عليهن نورة بسرعه هاي الدولمة مالتج ضربت براسي

ـ زين يابة زين.. بس ترة انتي صارلچ‌ چم يوم مو على بعضچ هواي تشتهين

ـ اعوض هذيج الايام الما اكلت بيها شي

سوت صينينة وراحت وجابتلي فلفل ولبن وماكدرت انتظر رعد بلشت بالاگل ونورة تباوعلي ..

-اهوووو یانوره اااشلون بيچ جم مرة كلتلج لاتباوعين عليه من اكل.

ـ سالفتج مو خاليه!!

ـ هاي لان اكل بیها سالفه.

ـ لا طريقة اكلچ مال وحدة حبلة.

سدت نفسي من هيچ حچت…

-اووف اشكرچ اگوم احسن

ـ لج مو قصدي شيي هاي شبيچ بس انتي من شوكت تاكلین فلفل؟ ومن شوكت تشربين لبن ابو الغاز چنتي مو هلكد تحبي وبعدين حتى الدولمة تاخذين جم لكمة وتكومين

ـ كلتلچ دا اعوض الايام الفاتت.

ـ لا تعويض ولا شي روحي حللي وشوفي.

ـ خاف متعرفين بس التحبل متشتهي تاكل

ـ خاف متعرفين انتي مو كل الحبالات سوية .. رجعي اكلي خلي ياكل النونو

ـ ردت ابچي من حجيهه صدك اني حامل خاف انصدم ويطلع ماكو شي

ـ اكلي اليوم العصر نروح نشتري اختبار حمل وسوي بالبيت اذا حمل كولي لرعد واذا لا ابقي ساكته

خلصنه غدة ولمينه گل شي ويه العصر اخذنه اذن من رعد وطلعنه للسوك مرينه بصيدلية وأخذنه احسن نوعيه اختبار حمل عنده وطلعنه ثاني يوم لازم اسويهه على الريك ماكدرت انام من القلق خايفة لا انصدم صليت الفجر وبقيت كاعدة للصبح واجتي يمي نورة دخلت الحمام وسويت الاختبار وقريت التعليمات انتظرت كم دقيقة حسب المكتوب وشفت النتيجة… حــامــل

ماصدكت روحي خاف غلط خاف ممضبوط دكت الباب عليه نورة

ـ وينج شطلع

ـ فتحت الباب ممصدكة .. نورة طلع هذا حامل

ـ هذا حامل شنو وولچ اانتيي حامل اااالف مبررروك

ـ مااريد افرح خاف يطلع جذب

ـ انتي هيج متشائمة؟

ـ صارلي كومة انتظر نورة معقولة صرت حامل بس عندي اعراض العادة الشهرية

ـ عادي والله انا شايفه نسوان اخوتي همين هيج اليوم تروحين للمختبر تحللين وتطمئنين

ـ حضنتني وهنتني وانا بعدني خايفة اصدك .. اكلج نورة لاتكولين لرعد

ـ لعد منو يروح وياچ

ـ انتي عوفي اخوج ماريدة يتأمل

ـ عنيدة.. ميخالف بس اكعدي گلشي ممطلوب منج انا انضف واطبخ وارتب انتي كعدي واتفرجي وكنكي

ـ فرحانة نورة

ـ شنو هالحجي يول شبيج طبعا فرحانة وراح ادخل اصلي صلاة شكر لله

ـ لعد شلون راح تصير فرحه رعد

ـ حبيبتي.. ان شاءالله من يثبت الحمل توفون النذورة العليكم ..

،، رحنة العصر للمختبر وحللت دم وطلعت حامل‌ هنا وگفت ادموعي تجري ماصدكت نفسي ودي اصيح اصرخ راسا نورة اخذتني للدكتورة مالتي

قرت التحاليل واخذتلي سونار

وكالت:

-ماما انتي حامل بالشهر الثاني بعدچ ما قبطتي نطتني فيتامينات ومقويات وكلتلي اراجع المستوصف علمود التلقيحات بطريق رجعتنة للبيت متحملت اسكت اكثر خابرت رعد ما شاله يجوز ماسمعه دزيتله مسج..

ـ ابنك يسلم عليك يكول مشتاق لبابا..

رعد/چنت ملتهي وية الناس ابيعلهم عايف تلفوني على الشحن شفته رن مالحكت اروح اشيله لان عندي زبون يتأخر من يشتري خلص طلع....افگر مریم

مسگینه تاکل بنفسها علمود الحمل رحت اخذت التلفون حتی اعرف منو اتصل شفت المتصل مریم

ردت اتصل وقريت الرساله من مريم…

شنوو ابنك يسلم عليك

راسا خابرتهه خفت على اعصابها تنهار لان ميصير طفل..

-هاآااشبيج حبيبتي؟

ـ اني حامل..

ـ حامل؟ انتي وين هسه

ـ راجعين اني واختك من الطبيبة

ـ يعني صدددددك

ـ والتحاليل ويايه وصورة السونار راح تشوفه بكد الحمصاية

ـ اللهم صل على محمد وال محمد

راح اروح للمخبز بهالمنسابة اوزع خبز العباس

ـ تريد نسوي كباب؟

ـ لالا ماريد تتعبوون انا عندي جبن عرب والافران يمي اخذ خبز والخضرة هسة اجيبهه بس تنظفوها وتلفون الخبز

ـ ان شاءالله

ـ الف مبروك حبيبتي گلتلچ‌ ربي والائمة ميردون احد، خايب اليروحلهم گصادة مايخيبوونه.

،،، مرة الاشهر متعبة لان عندي سكر بس نورة ورعد ابد ماقصروا ويايه كل فترة سلمان يزورنه هو وغفران وريم همين تجي بس ريام ماتقبل تجيني حتى بابا خطية همين اجى للحلة علمودي كلهم زاروني الا ريام رغم تعرف تعبانة بحملي

كل يوم اندعي ربي يسهل عليه ولادتي

خوفي على طفلي وخوف رعد عليه وخوف نواره على رعد وخوف احمد علينا صرنه حلقه طيبه ورحمه وسند البعض...

نياتنه ما اختلفت حبنا البعض مانقص ابد رجولة رعد اثبتت موقفها مو بس ويايه

حتى ويه اخته واحمد.

قلبه الطيب وشهامته وغيرته ويه الگل زادت حبي وتعلقي اله

حبه الاخته وحنيته عليها. احتوائه الأحمد

احس ربي صدك يحب رعد.. لان محتوي اكثر اثنين العالم رافضه نوره اخته وحالتها واحمد وحالته

رغم العالم يشوفهم مذنبين ويتنمرون عليهم بس رعد يشوفهم نعمه ورحمه وطيبه، خلاني حتى انه اشوفهم مثله

وهنا عرفت العلاقة الزوجية مو علاقه عاديه انما علاقة إنسانية لان كلشي بيها مبني على احترام الانسان للأنسان

شگد چنت اشوف كبار السن محبتهم البعض كأنما هسه مزوجين لان علاقتهم إنسانية..

وهذا الحسيته برعد چنت اگول عنه یحبني لمجرد شهوه يجي يوم ويمل منها او تتلاشى بسبب عملته ويايه لكن مواقفه واحتوائه اليه والمرضي اثبتلي كما يقول تعالى:

{ وَمِنْ آيَاتِهِ أَنْ خَلَقَ لَكُم مِّنْ أَنفُسِكُمْ أَزْوَاجًا لِّتَسْكُنُوا إِلَيْهَا وَجَعَلَ بَيْنَكُم مَّوَدَّةً وَرَحْمَةً ۚ إِنَّ فِي ذَٰلِكَ لَآيَاتٍ لِّقَوْمٍ يَتَفَكَّرُونَ}

فالسكون ، و المودة، و الرحمة ؛ كلها أمور قلبية.

خمس اشهر عليه منتظره ابني حسن ينور حياتي...

.....

.........

لا حُب مثل حبِ الله إن أحَب عبده ؛

اللهم حبكَ ..ثم حبكَ ..ثم حبكَ ..؛

لاحب عبد من عبادكَ .. "

( كانَ فيما ناجى الله عز وجل بهِ موسى بن عمران عليه السلام ان قال لهُ : يا بنَ عُمران كذبَ مَنْ زَعَمَ انهُ يُحبني فإذا جَنه الليل نامَ عني أليس كل مُحب يُحبُ خلوة حَبيبه )

غفران//بعد ولادتي منتبهت على نفسي اشلون صرت اضعف ..وحتى صدري من بدت اوجاع تصير بيه منتبهت عليه زين

الى أن مره من المرات جاي ارضع بنتي وحسيت اكو شي صلب ، الحاح سلمان انطلقنا للطبيبه وتبين عندي التهاب بالغدد اللنفاوية التهاب حاد الدكتوره قيمة وحده منهن سرطانيه

الحزن سيطر علينا اول ما اجه ابالي خوفي على بنتي...اللحظه احبطتني لكن اعتمادي على رب العالمين ودعم سلمان اليه خلاني اشوف نفسي مريضه كأنما مرض أفلاونزا عاديه

بديت رحلة العلاج قبل اي تدخل جراحي

الرحلة چانت صعبه گلش حاولت اسیطر علی نفسي والتزم بالعبادات ورود العافیه

((لا حول ولا قوه الا بالله العلي العظيم

اللهم صل على محمد وال محمد))

رغم أحساسي بألم بمنطقة الصدر بس چنت آگول مجرد شد عضلي بسبب الغدد

الى ان الدكتوره كالت اشك أنتي مصابة (بسرطان اللمفومة اللاهودجكينية)خفت

خذني سلمان الامير المؤمنين عليه السلام

شايل بيده سمانه..فرش شالي بالحضره وكعد بيده السبحه كعدت وراه قراه دعاء المشلول لزم بيده السبحه ويردد بحرقه ودموع الاول مره اشوف هيچ یبچي

((نادي عليًّا مُظهِرَ العَجائِبِ

تجدْهُ عونًا لك في النَّوائِبِ

كُلُّ همٍّ وغَمٍّ سَنجلي

بِولايتِكَ يا عليُ يا عليُ يا علي))

يردد حتى كد ما قراء دخت ودي انام رضعت بلممه سمانه شبعت نيمتها بلكاع

يمي حس بيه تعبانه طلع البطانية من الجنطه ولان هواي نسوان مدده خلاني انام على فخذه وسترني يجوز ربع نص ساعه نمت فزيت لكيته بعده يردد بلورد

كتله

-خلينا نزور ونرجع..

-صار ياصبر كلبي...

هل كلمة من يحچيها اتاذى عليه يحبني وانه على ساعه اموت صرت افكر بيه اكثر من ما افكر ببنتي. رجعنا لبيتنا مريت على امي عيونها عليه من البچي حمره

خليت يمها سمانه لان اليوم موعد تحديد مرضي نهائي دخلت كل الكاعدات يمي مصابات بس انه اكتشفوا مبكر خفت لا يطلع مرضي مثلهن ومثل شك الدكتوره

(سرطان اللمفومة اللاهودجكينية)

المريضات يحچن عنوآلم العلاج الكيميائي وحده گالت خلال 6 جلسات بدأ شعرها یوکع وصار راسها اصلع

الثانیه تسولف عن غثيان الجلسات بدیت انرعب وافقد احساسي بتحمل ردت اكوم گللت وحده من المصابات

-اشلون تحچن هیچ هذا الحچي يحبطكم

بالعكس اتخيلن هذا التعب الشديد والألم انو انتي راح تبقين قويّة وقادرة تتخطين العلاج الكيماوي ليش لان مصير الجلسات تنتهي

ثانيا اعتبرن المرض هو رساله النا لان قبل المرض شكد چنا نشتگي من بلاء او من احد خذلنا او اذانا ،شگد نبچي من موقف

او حاله بس تالي يطلع بچینا شي وقتي

ليش لان ماكو ديمومه لاي شي حتى هذا المرض وخلن ابالچن وتیقنن أن الله لطفه خفي،ما تدركه ضآلة أبصارنا.

لا تكرهون شيئ اختاره الله النه

‏لان على البلاء تؤجر،

وعلى المرض همین نؤجر،

وعلى الفقد نؤجر،

وعلى الصبر نؤجر،لان الله سبحانه هو رب الخير فما يچي منه إلا بخير ..!

﴿ فمَا ظَنگُم بِرَبِّ العَالَمِينَ ﴾

گلما تجزعن من المرض حطن ايدچن علی قلبچن

ورددن بخشوع بقلبٍ راضٍ، وکلام صادق ((رضيت يا رب)

ابتسمت انه والبنات المثل حالتي ودخلت لدكتوره كأنما شي بارد على گلبي شرحت

الها استمراري على العلاج وحتى گلت الها التزامي بزيارة عاشوراء بعد كل فريضه لان چنت بس ورا صلاة الفجر اقراها

ابتسمت الیه وهنا گالت الیه بوجه حلو

-الغدد او الكتل حسب اخر تحاليلچ بعد ما تصنفه ككتلة مسرطنة بس للأمان لازم نبقی انتابع صحتچ بشكل دوري بعد الانتهاء من العلاج

-لیش دگتوره

-احسن حتی تتجنبين أي مضاعفات أو أضرار وتبقین بالجانب الآمن، وماترجع علیچ الغدد

طلعت ابشر سلمان چان كاعده يم مكان الرجال ومايمه بس اثنين زلم شياب كتله:

-الدكتوره دكول تقاريرچ وصلت الصبح وجسمي استجاب العلاج بهذا الشهرين او اي عدد سرطانيه ماكووو رفع راسه تناوع اليه وعيونه نملت دموع مااشوفه اله ساجد بحيث الكل على موقفه تفاجئ

طلعنا من العيادة اشترينه جكليت وبالطريق سلمان يقراء ورد.. نادى علي مظهر العجائب..

وزعنا الكل النعرفهم...رجعت بشرت الكل

حتى عقيله باركت اليه...بس الاول مره اشوف اخوي منتظر هلكد مقهور من سالته كال:

-غفران ما تعرفين سيد مجتبى من تشوفي

لحيته طولانه بحيث من سمعنا وصية اخوه خلصها نحيب وبچي الدمع من لحيته ينزل انهار جدامنا بس محتفظ بكعدته وثگله موت اخوه گلفه نص شبابه

-حقه لا تنسی خوتهم حلوه

-اي والله..الله يرحمك ياسيد مهدي ودعت عقيله بوستها كالت:

-هاااا مو گتلچ سید مهدي كال ماعليها شي بس ماصدكتوني

سكتت عنها لان هاي حالتها وهذا وضعها

ركبنا السياره البيتنا كلت السلمان عليها

گال

-عووفوها علی حالتها خلیها تتخیله موجود ویاهاا

-مو السالفه صارت ما صخه

-بلعکس احلام اليقظة العدها هاي عقلها سواه حتى يبني جدار يحمي نفسه من الجنون لان هي بعدها لسى ممصدكه او مقتنعه تدريجيا راح تتقبل الفكرة لكن مو هسه مستقبلا هسه هي عايشه اليقظة بأصولها..

-مقهورة عل اطفالها

-هي ام كفوئه جاي توازن بين اطفالها وبين رغبات عقلها الدكتوره لتعالجها كالت:

المهم من هذا كلشي انا احبچ یاصبر گلبي

-حبتك العافية ياابو سمانه

وصلنا للبيت بشرنا عمتي والبنات..صعدنا الغرفتنه رحت للحمام اسبح...واسمع صوته اشلون ينيم سمانه...

طلعت لكيته مخلي سمانه بغرفتها كعدت امشط شعري اجى عليه الفرحه بوجهه

گالي

-فرحان كلش

-انه همين

كمت اله..لزمت ايده بستها رفع ايدي باسها گال:

ياصبر گلبي..انا مؤمن وعابد اعشق الله فلا استطيع ان أطيلُ النَظَر في عَينيكَ

-ليش موو انه زوجتك

-لان حَرّمَ اللّه ما يُذهِبَ العقل وعيونچ تاخذ عقلي

طكيته بصدره ابتسم وهمس بصوت شاعري يسلب الفؤاد

-شنو اطلبین مني هل لحظه؟

جاوبته:

-گلي انتي احلى بنيه بالعالم

-انتي احلى ابنيه بالعالم وانا اسعد رجال لان عندي انتي...ولوماانتي بحياتي ودنيتي چان هسه انا شخص تعیس الحظ

-بس هيچ شو بخیل بالحچي؟

-يصير اگلچ انتي الدعوه الثانيه بعد طلبي ان أكون من عباد الله الصالحين

-بس

-انت الشكر الاشكر الله عليه من أسجد سجود مستحب الرب العالمين انتي دعوة امي النقيه من تدعيلي يارب ارزق سلمان مره صالحه طيبه

-هااا

-لا حبي مو وقت هااا لان هسه وقتنا

لازم اردد(اللهم لا تجعل الشيطان علينا سبيلا))

هل كلمه وراها ندخل بأمواج من العاطفه والحب والتفاهم والاحترام لان زواجنا انه وسلمان ماچان ينقاس بالماديّات ولا حتى بجمال ولا المظاهر احنا من قوله:

"يغنيهم ﷲ من فضله" اغننا الله سبحانه بالود والرحمة والرئفة بحيث گلبي

يردد كل يوم بكل وقت من اوقات حياتي

اللَّهُ واحد..

القران واحد

والقلبُ واحد..

وحبيبي الاخير بهاي الحياة واحد هو انت

ياسيد سلمان لان كلامه غزله ماله مثيل

حتى من اشوفه تعبان اويجي من الشغل

واسأله شلونك ياابو سمانه ؟

يجاوبني جوابه الدائمي والوجداني

غفران قلبي ياغفران ذنبي ونصف ديني اتعافى وصير زين بنظره من عيونچ

........

......

مجتبى// حقهه ام علي ترفضني

لان.. لا انا متقبلهه تصير گ زوجه الي

ولا هيه متقبلتني..

اثنينه ممتقبلين بعض و نشوف سيد مهدي بنصنه واكف مو بس نستصعب هالخطوة نشوفهه مالهه داعي

طول هاي الفترة وجدي غضبان عليه وعلى عقيلة لان الوصية واجبة التنفيذ بالشرع والدين واحنه منقبل نلتزم بالوصية

كل حياتي گرستهه لبنتي واولاد اخوية قسمت الاسبوع وخليتلهم يومين اتفرغ الهم تماما الي اخذهم انا وعمتي وازورهم لو اطلعهم متنزهات او جولة بالسيارة ونشتري ونلعب

احاول قدر الإمكان ما خليهم يحسون بفقدان ابوهم سيد مهدي ولا اخلي بنتي تحس بفقدان امهه لان همين عاشت وياهه كم شهر من بعد وفاة اخوي واخذت عليهه شوي…

بهالأشهر شفت ميسم اكثر مما شفت اهلي ما بقى مكان ماطلعتلي بي .. گأنو تتقصد تتواجد بالمكان الاتواجد بي ان گان بالشغل بالمستشفى او قريب من الشركة او بالشارع وتبقي عينهه بعيني او تحاول تختلق فد شي تسوي حتى تخليني اشوفهه وانا تماما متجاهلهه لان اغلب الاحيان اكون لابس نضارة شمسية فمتكدر تميز شفتهه او لا …

مشاكل بيت عمي ابو عامر ماخلصت يومية طالعيلنه بمصيبة شكل گلش انقهر على امير واخوته لان صاروا يخجلون من ابوهم وامهم وهالشي گلش صعب على الطرفين يتحملوا…

هواي تعبوا جدي بهالفترة من القضايا الرافعيهه عليه بس وكلت ثلاث محامين ويه محامينه و گلهم معروفين والهم اسمهم بالقضايا احيانا ربنا يستر ويجي امير او احد اخوته او وباقي ولد عمي ينبهونه على اهاليهم شيريدون يسوون ونتلاحك للمصيبة قبل لاتوگع…

امي هواي تغيرت بعد وفاة سيد مهدي گلش ذبلت وصارت من امرأة تسولف وتناقش وتدخل بحوارات ويه المقابل ..

الى امرأة ساكته مالهه خلك شي حتى ويه احفادهه گوة تضحك بس لخاطر تشوف ضحكتهم گلش متمزقة بداخلهه

دائما دمعتهه بخدهه وتبجي من تكون وحدهه او حتى من تكون گاعدة بيناتنه اشوفهه بغير عالم رايحه..

عمتي زينه تحاول متخليهه بهالوضع وتبقي تختلق گلام وسوالف وياهه بس اغلب الاحيان امي فاصلة عنهه ومتجاوبهه صرت اشوفهه متخوض بنقاش ولا الها بسوالف النسوان مثل قبل

اذا اضيع امي اشوفها مگابله صورة سيد مهدي تحاچي وذا بليل قايمه ليلهه مهما كان بارد صايمة نهارهه بعز الحر..

يومية تهدي ثوابات لابوية واخوية تطبخ وتوزع او اقل شي تمر ولبن تنثر الحبوب وتخلي طاسات مي على السطح وبالحديقة للطيور بثواب ابوية واخوية..

كل هذا بصمت منهه تماما تغيرت المراة الحيوية والتضحك للهوى الطاير الجانت بزمن سيد مهدي اختفت ..

جانت تشكي بأستمرار من راسهه وعيونهه ومن اريد اخذهه للطبيب ماتقبل تكول هسة انام وارتاح مابية شي اتعارك وياهه اريد اجبرهه اخذهه للطبيب ترد عليه بصمت قاتل تخليني اكره نفسي لان عليت صوتي عليهه رافضة شي اسمة طبيب نهائي وماكدر انطيهه وصفة من عندي لان ماعرف علتهه شنو

الى ان بيوم جنت مخنوك ضايج وين مااروح الحزن داير ميدور..طلعت برة شغلت الماطور اغسل الكراج وجدي نايم وعمتي يم امي جوة

مرتاح لان ريماس دزيتها يم عقيلة جلبت بيهه متعلقة بمرة عمهه واولاد عمهه غسلت الطوس لتخليهم امي للطيور نشفتهن وخليت بيهن حبوب

غسلت السيارة وسديت بابهه و سمعت صوت ضربة قوية بالبيت مثل شي انهبد بالكاع ووياهه صرخة عمتي زينه شمرت الصوندة ودخلت اركض شفت امي مددة راسهه على الدرج صاير

تقربت لكيتها مغمى عليهه وعمتي تحاول تشيلهه تخبلت من هيج شفتهه لزمت ايدها امسدها..ماتتحرك ولان صايره ضعيفه بسرعه كدرت اشيلها.طلعت ارگض للسيارة عمتي زينه جابت عباتهه وحجابهه وخلته فوك امي التفتت عليهه وكلتلهه

-اناااا اخذها عمة ابقي يم جدي

-لااا عمه لااااا ترى بيبيتك هنا لااتخاف .. سدت باب السيارة وطلعت للمستشفى بعدها ممستفاقه وصلنه شلتهه ونزلت وخليتهه على السدية الاطباء كلهم يعرفونة صرنه وجوه مألوفه يمهم من گد المصايب المرت علينه

انتضرنه الاطباء بين معاينه سريريه كالو تحتاج اشعه سويت اشعه...جبتها للطبيب كلي ابسرعه تحتاج فحص طبيب نضر مختص ..

مفهمت شنو بيهه ومحد يريد يوضح تعبت من المستشفى وهوستهه وقعت على خروج امي ورجعنه للبيت ...

امي تون من الالم والوجع ومغمضة عيونهه متكدر تفتحهه

كلت لعمتي تحضر ملابسهه راح اخذهه لبغداد وانا اقيم بيها، طلعنه بالليل لبغداد وصلت للعمارة وغيرت رأيي طلعت لأقرب فندق نزلنه بي انا وامي وخابرت صديقي طبيب العيون واتفقت باجر اخذهه لعيادته

صار ثاني يوم واخذتهه فحصهه وشاف الاشعه ..

ـ الوالدة كان عدهه التهاب بعيونهه

ـ والله ياخوية جانت تشكي من راسهه دائما وشكد اتعارك وياهه حتى اخذهه لطبيب يكشف عليهه بس جانت ترفض الى ان صار الصار وجبتهه

ـ والله ما اعرف شكلك بس نازل على عيونهه المي الازرق بالاضافة ارتطامهه بمكان صلب ادى للاسف لفقدان البصر بالعين اليمنى تماما وضعف البصر بالعين اليسرى

ـ يعني شنو فقدت بصرهه بعينهه اليمنى دكتور عملية تصحيح اي شي سوي بس رجع عيون امي

ـ العملية لعمرهه بهيج وضع صعبة لو تفيدهه العملية بدون متكلي يامجتبى راسا اكلك وقع على دخولهه بس متفيدهه مجرد تتحمل الم واذية العملية وماراح يتحسن شي

ـ اسفرهه للخارج

ـ تريد تسفرهه براحتك بس اخذهه حجايه مني .. حاله امك ميفيدهه حتى السفر

ردت امي:

ـ شسوي بعيوني بعد يا وليدي بمنو اكحل الشوف بيهن؟

ـ يعني انا ما استاهل يمه؟

ـ شلون متستاهل وانت البقيتلي بهالدنيه بس خليني هيج قانعه بنصيبي الحمد لله على كل حال…

ـ من عرفت ماكو فايدة بعيون امي ما قبلت تضل ابغداد ورجعنه طول الطريق جانت تبجي وتكول هاي حوبة عقيلة لان هواي اذيتهه على حياة سيد مهدي بقيت اصبر عليهه

ـيايمه هذا شلون حچي يعني حوبة عقيلة تبين بيج ومتبين بأم عامر؟

ـ يمة كلمن حسب ذنوبه وغلاته عن الله سبحانه التبين بيهم الحوبة بالدنية هاي رب العالمين يريد يغفرلهم والحمد لله من بينت بيه هسة ولا بالقبر شيحمل الذنب يايمه ماادري بيا عقل جنت من اذيت هاليتيمة؟

ـ كولي ياالله حجية راح ابقى اسأل وبلكي الكه علاج لعيونج الحلوة بس لاتنقهرين يمة بعدچ شباب تری ماخاشه العمرين

ـ اذا صدك تريدني ما انقهر.. اسمع كلام جدك

ـاهووووو یاحبیبه؟ رجعنه لهلموضوع

ـ ماكو احد يحافظ على ولد اخوك مثلك

ـ عقيلة ما قاصرة يمة وثبتت باخر اشهر هيه كدهه وگدود

ـ بالله الكريم انتوا اثنينكم لاتحترمون سيد مهدي ولا عدگم دين حقيقي لا احترمتوا وصية شخص متوفي ولا طبقتوا الدين الاسلامي لان الوصية واجبة التنفيذ.

،،، بقت امي تحجي عليه طول الطريق وانا ساكت وما سكتت الا وصلنه للبيت…

وصلت للبيت لكيت جدي مخابر عقيلة ومرزلهه ومتعارك وياهه على نفس الموضوع

هاي كل فترة هيج يهيجون علينه ويحجون علينه لان ممنفذين الوصية اتلكوا امي وعرفوا بحالتهه وعقيلة خابرت على امي تسألهه عن صحتهه

مرة الاشهر ورغم مصاب امي لكن بعدهه على نفس وضعهه تاخذ هدومي وتغسلهن بيدهه متقبل احد غيرهه يغسلهن…

رجعت من الدوام سبحت وغيرت ملابسي طلعت من الحمام اريد اروح لغرفتي وسمعت امي بغرفتهه تبجي وتدعي الله يگصر عمرهه وتعاتب ابوية واخوية لان راحو وتركوهه …

انقهرت من گلام امي ودكيت الباب عليهه ودخلت لكيتهه فارشه السجادة وكاعدة تبجي..

ـ ليش يمه انتي همين تريدين تعوفيني ميكفي ابوية واخوية وانوب انتي؟

ـ كلبي محترك وليدي گسرة الضنة گسرة متنحمل

ـ ليش انا مو ابنج يمة يعني مالي خاطر يمج فد نوب

ـ لاتعتب مجتبى انت واخوك نفس المعزة بكلبي لا احد منكم فضلته على الثاني ولا فرقت بينكم وانت تدري بس يايمة شوف عقيلة الماعاشت وية اخوك غير جم سنة ينعدن على اصابع الايد الوحدة شلون متدمرة عليه ..

آشلون تريد تشوفني وانا الحبلت والربيت والداريت وگبرتگم كل شبر بنذرر يمة الخراب الجواية ماصار جوة مرة

ضگت لوعه فقد الرجال الحنون الخايف الله الصايم المصلي وانتهت حياته بطلق براسه وصدرة واخذة الموت مني ..

گرست حياتي الگم انتو ضنايه الاثنين وضوه عيوني ونضرهه جنت اشوف الدنيا بيهم جنت عايشة لخاطركم ولاجلكم بس يمة متحمل فقد اخوك…

گوة اتحملت فقد الوولف وگوة عديت هذيج المرحلة الصعبة جنت احارب نفسي لخاطركم بداخلي ابجي ولازم ارسم الضحكة على وجهي حتى لاانت واخوك تشوفوني ابجي وتكابلوني وتبجون بس هسة ما اگدر اتحمل بعد يمه

صبري خلص ومل الصبر مني وجزع الضنه غالي الابن عزيز حرگة بالگلب متنطفي توجر جوايه شوف اخوك صارله شكد متوفي فوك السنة بس ما اكدر اطفي ناري لا یبرد عزا گلبي هي السيده الزهراء

عليها السلام عن لسان الشاعر

(انا الوالده والقلب لهفان ادور عزا ابني وين ماچان))..

هیچ یصیر گلب الام المضيعه شباب ابنها

ـ يمة يعني انا ما استحق تحاربين لخاطري وتعيشين لجلي؟

ـ شلون متستحق ولك مجتبى شلون هيج تحچي بس ياوليدي اصلا هالنفس اليصعد وينزل بيه لخاطرك انت

بس انت اب وشكد متريد تصير عاطفي ما راح تعرف شعور الام الحقيقية التحب اطفالهه وتستقتل علمودهم انا خايفة يايمه اافقد بعد احباب بهالدنية الگشرة وولگ والله وبعد ماعندي حيل وصبر وقوة اتحمل فقد الغاليين

،، حضنتهه وهي تبجي وتنوح.. حاولت ما ابجي واتذگرت سيد مهدي من جان يصبرهه على فقدان ابوية جان ميبچي حتى لايزيد الطين بلة گوة حبست دموعي والله حقهه هو اخوية وانا هيچ جزعت من الدنية شحال هو ضناهه…

سكتهه وابتسمت بوجهه وحاولت اطيب خاطرهه وهي هم سكتت وگامت لمت سجادتهه.. امي مثلي ماتنسى شماتت ام عامر بستشهاد اخويه فدائما اسمعها تدعي بحركه بعد صلاة الليل بهذا الدعاء

((يا من لا يخفي عليه انباء المتظلمين .و يا من لا يحتاج في قصصهم الي شهادات الشاهدين .و يا من قربت نصرته من المظلومين..ويا من بعد عونه عن الظالمين

قد علمت ، يا الهي، ما نالني من(( فلان ابن فلان)) مما حظرت و انتهكه مني مما حجزت عليه ، بطرا في نعمتك عنده ، و اغترارا بنكيرك عليه .اللهم فصل علي محمد و اله ، و خذ ظالمي و عدوي عن ظلمي بقوتك ، و افلل حده عني بقدرتك و اجعل له شغلا فيما يليه ، وعجزا عما يناويه .اللهم و صل علي محمد و اله ، و لا تسوغ له ظلمي ، و احسن عليه عوني ، و اعصمني من مثل افعاله ، و لا تجعلني في مثل حاله .اللهم صل على محمد و اله ، و اعدني عليه عدوي حاضرة ، تكون من غيظي به شفاء ، و من حنقي عليه وفاء اللهم صل علي محمد و اله ، و عوضني من ظلمه لي عفوك ، و ابدلني بسوء صنيعه بي رحمتك ، فكل مكروه جلل دون سخطك ، و كل مرزئة سواء مع موجدتك .اللهم فكما كرهت الي ان اظلم فقني من ان اظلم .اللهم لا اشكو الي احد سواك ، و لا استعين بحاكم غيرك ، حاشاك ،فصل علي محمد و اله..وصل دعائي بالاجابة ،و اقرن شكايتي بالتغيير

اللهم لا تفتني بالقنوط من انصافك ، و لا تفتنه بالامن من انكارك ، فيصر علي ظلمي ، و يحاضرني بحقي ، و عرفه عما قليل ما اوعدت الظالمين و عرفني ما وعدت من اجابة المضطرين .اللهم صل علي محمد و اله ، و وفقني لقبول ما قضيت لي و علي ، و رضني بما اخذت لي و مني ، و اهدني للتي هي اقوم ، و استعملني بما هو اسلم .اللهم و ان كانت الخيرة لي عندك في تأخير الاخذ لي و ترك الانتقام ممن ظلمني الي يوم الفصل و مجمع الخصم ، فصل علي محمد و اله ، و ايدني منك بنية صادقة و صبر دائم . واعذني من سوء الرغبة و هلع اهل الحرص ، و صور في قلبي مثال ما ادخرت لي من ثوابك ، و اعددت لخصمي من جزائك و عقابك ، و اجعل ذلك سببا لقناعتي بما قضيت ، و ثقتي بما تخيرت .امين رب العالمين ، انك ذو الفضل العظيم ، و أنت علي كل شي ء قدير))

كد ماسمعتهه تقرا بصوت يكسر حفظته وصرت مثلها اقرأ بعد كل صلاة الليل

الامور بحياتنا ماشيه واكفه حتى عمتي زينة لساها مصره تگرست حياتهه لابوهه وامهه هواي ييجون يخطبوهه خصوصا بعد ماطلعت سنوية سيد مهدي بس هي ترفض الزواج واصلا متقبل لحد يفاتحهه بهالموضوع رغم جدي وبيبتي وحتى امي هواي حجو وياهه ..

ولو اغلب اليتقدمولها ارامل وعدهم اولاد او مطلقين او هو يريد احد يداري لان جبير بالعمر ف جوابهه بدال ما اداري الزوج لو اولادة ويجوز مايرضون عني وتصير خلافات انا بغنى عنها اداري ابوية وامي اولة بصحتي وعافيتي واحصل اجر وثواب انا محتاجتها لاخرتي..

بيبتي اجتي وعاشت ابيت جدي بعد ماچنت يم اولادهه صح تحب ابو عامر لان يداريهه بس ماچانت راضيه علی تصرفاته هو وزوجته فعافتهم ورجعت لبيتهه رغم الخلاف بينهه وبين جدي نوعا ما بعدة قائم بس مثل منگول

خد وعين مرة جدي يسكت عنهه

ومرة هي تسكت عنة…

مره حنفية الحمام تلفت ونگسرت ودخلت اسويهه صرت خبرة بهيچ امور من بعد عين سيد مهدي چنت متيه الدنية گلهه بوجود عضيدي واخوية ..

خلصت وگعدت شوي العب وية رموسه

اجني بيبتي وامي گعدت يمي

كالت بيبتي

ـ بيبي مگافي الطفلة همين تريد ام

ـ يعني شلون تريد ام؟

ردت امي

ـ يعني شوف حالك واتزوج

ـ وليش اتزوج واجيبلهه مرة اب الله يعلم شتسوي بيها

ـ لا يمة مو گل اصابعك سوية

ـ حبيبة هالطفلة امهه مارحمتهه تتخيلين الغريبة ترحمهه

ماعرف منين تجیبن هسوالف رحمه الاهلچن

-لیش ولیدي انت هم شاب وحلو عندك حال ومال المن يبقى

اخذت ريماس الحضني

-يبقى الهاااي بنيتي كله الها حالي ومالي وشبابي مااريد اي ام تاذيها لو بكلمه

راسن اجت عمتي زينة بيدها صينية فواكهه كالت:

ـمو كل مرة اب ظالمه وريماس لا تنسى بقت فترة طويلة يم عقيلة؟

والى هسة رموسة تروح يم عقيلة وشوف اشلون اداريهه وتموت عليهه

تنرفزت وجاوبتهة

ـياعمه وشدخل عقيلة بالنص ؟

ـ هاي هم غريبة عن بنتك

ـ لا مو غريبة هاي مرة عمهه تصير وترى عقيله مو مثل اي وحده عقيله تخاف الله

بكل خطوه بكل فعل تسوي فهي تصير مرة عمها

ـ ترة ام عامر همين تصير مرة عمك تتصور هيج دارتكم؟

ردت امي:

ـ وين يمعودة چانت ادز جهالهه يكتلون ولدي من چانو صغار سبحان شلون گبرو وعقلوا

عرفت مقصدهن لان گل عقلي عبالي يردن يقنعني ازوج وحده من العلاوي

گتلهن:

ـحبيبات عقيلة الله يستر عليهه عدهه دين وتخاف الله وين انا اللكة مثل عقيلة؟

جاوبت عمتي:

ـ وليش ادور و تلكه والمرة جاهزة

ـاوووف شتريدن توصلن بگلامجن؟

ردت بيبتي

ـ لم مرة اخوك وصيرو بيت واحد

ردت امي

ـ والله صح محد مثلهه راح تحب بنتك ولا يجي احد مثلك يحب ولد اخو

وكفت متعصب وبهدوء جاوبتهم

ـ التحچو مستحيل مستحیل مستحیییل

وشي اقرررب من الخيال لااااا انا متقبلهه ولاهي متقبلتني كااافي هل حچيچ حچي

-لاااا تتعصب يمه انت وليدنااحنا الخاطر بنتك وانت هم تريدلك مريه تسامرهاااا تكعد يمهااا

-يمه يمه مووو شرط اريد مره تسامررني اناااا بعدني ممستوعب موووت اخووووي وبنتي مووو الا نتزوج هاي عايشة بيناتنه ست ايام يمي يوم يم جهال مهدي الله يرحمه نفس الشي يمي ويم امهم والحياة ماشيه

ردت بيبتي:

ـ يعني لا تريد مرة اخوك عقيلة

ولا تريد تتزوج وتستقر؟

ـ بيبي فدوه اااااااحد گلج انا مامستقر؟

الحمد لله عايش بحياة هواي شباب يتمنوهه الحمد الله عيشتي نعممممممه

ردت عمتي زينة:

ـ بس هاي وصية اخوك يا مجتبى وحرام متتنفذ متشوف ابوية شكد ماخذ على خاطرة منگم

ابتعدت خطوات امسح وجهي شديت شعري من ورى اريدهم يفهمون

ـعمه يعني شلون اجبر عقيلة تتزوجني؟ ترة رااااجع تعبان ياعمتي فدوة لاتفتحون هيچ موااااااضيع ييمي مابيه حيل مناهد

ردت امي

ـ فهمت قصدك يعني اذا عقيلة تقبل تنفذ الوصية.

تتزوجهه ؟

-لااااا مو مسالت تقبل بس اعرف عقيلة مستحيل تقبل يتم زواجنه تحت اي ضرف گان ف حجيت ويااااااكم بهيچ ثقة تامة

-ابني انت يرادلك ولد من صلبك

ـ ليش يمه ليش ماهمه ولد اخوي ولدي وهاااا عوود اذا تقبل عقيله بيه عادي ماكو مشكلة خو مو افرض نفسي عليها بحجة وصية...

ابتسمت عمتي جاوبت

ـ خووووووش يصير خير

فتحت عيوني عليهم شهل قابليه والملحه ماهتميت لكلامهن طلعت من البيت حتى مااوصل الطريق مسدود ومشت الحياة

مرة الايام وصارت تجيني تهديدات غير مباشره مره ورقة مكتوبة بالطابعه وبيها رصاصة يهددوني بالقتل او يهددوني ببنتي يخطفوهه ويحثوني اخذهه واسافر و اذا ماسافرت حياتنا معرضة للخطر.

التهديدات چانت تجي من رقم تلفون اسيا ومن قدمنه بلاغ وللقاضي وهالهوسة طلع الرقم گلك ومابي اسم مبيوع بالاسواق السوداء والورقة جنت اشوفهه ملزوكة على سيارتي بحيث صار شغلي الشاغل اطلع افتر على سيارتي وافتشهه قبل لا اطلع للشغل

وحتی ومن اوصل للدوام الكة الورقة ملزوكة علي احد بيبان السيارة الخلفية

من يجيني تهديد امي تتخبل وجدي يتهستر ومن خبرت الشرطة ميطلع اي دليل ‌الشك واصابع الاتهام كلها لبيت ابو عامر بس ماعندي اي دليل عليهم

اسلاحي قدمت بيه طلب حتى يترخص حصلت موافقه وصار سلاحي مرخص

لان عاندت وبقيت بكربلاء رغم ضغوطات امي وجدي عليه ماهتميت

مرة الايام وجنت بالشركة مالتنه عدنه مناقصة جبيرة احاول اخذهه گاعد ويه المحامي ونتناقش واجاني تلفون من المحامي الثاني اللازم قضايا عقيلة وجدي ضد ام عامر گلي:

-ترى الجماعه رافعين قضية گلش جبيرة على عقيلة والوالدة وجدك …

-صبررر ترى فتهمت قصدك صاير شي چبير فهمني شنو هالقضية بس؟

-عندي هسه مرافعه راح ادخل

-ماااشي جاييك للمحكمة..

عفت المناقصة بيد محامي الشركة وطلعت ارگض بعدني ماصعدت السيارة واشكال التلفونات ادك عليه…

تناوعت منو يتصل طلع جدي رفعت التلفون..

الو ها جدي

ـ عوف گلشي من ايدك وتعال مصيبة جبيرة ووگعت على روسنه

ـ شنو يمعود شگو شصاير؟!

ـ تعال لبيت عقيلة بسرررعه مو وكت شرح

ـ جاي جاي بالطريق لفت الفلگة وگبل لبيت عقيلة ارید اصبر گلبي وما اتوتر

دائما اردده ويبرد قلبي::

"يا أعز مذكور واقدمه قدما في العز والجبروت،

يا رحيم كل مسترحم، ومفزع كل ملهوف اليه،

يا راحم كل حزين يشكو بثه وحزنه اليه،

يا خير من سئل المعروف منه واسرعه اعطاء،

يا من يخاف الملائكة، المتوقدة بالنور، منه

أسألك بالأسماء التي يدعوك بها حملة عرشك ومن حول عرشك، بنورك يسبحون شفقة من خوف عقابك، وبالأسماء التي يدعوك بها جبرائيل وميكائيل واسرافيل الاّ أجبتني وكشفت يا الهي كربتي، وسترت ذنوبي، يا من أمر بالصيحة في خلقه فاذا هم بالساهرة يحشرون، وبذلك الاسم الذي احييت به العظام وهي رميم، احي قلبي، واشرح صدري، واصلح شأني، يا من خص نفسه بالبقاء،

وخلق لبريته الموت والحياة والفناء، يا من فعله قول وقوله امر، وامره ماض على ما يشاء،

أسألك بالاسم الذي دعاك به خليلك حين القي في النارفدعاك به فاستجبت له وقلت يا نار كوني بردا وسلاما على ابراهيم وبالاسم الذي دعاك به موسى

من جانب الطور الايمن فاستجبت له، وبالاسم الذي خلقت به عيسى من روح القدس، وبالاسم الذي تبت به على داوود، وبالاسم الذي وهبت به لزكريا يحيى وبالاسم الذي كشفت به عن ايوب الضر، وتبت به على داوود وسخرت به لسليمان الريح تجري بأمره، والشياطين، وعلمته منطق الطير، وبالاسم الذي خلقت به العرش، وبالاسم الذي خلقت به الكرسي، وبالاسم الذي خلقت به الروحانيين، وبالاسم الذي خلقت به الجن والإنس،

وبالاسم الذي خلقت به جميع الخلق، وبالاسم الذي خلقت به جميع ما اردت من شيء، وبالاسم الذي قدرت به على كل شيء،

اسألك بحق هذه الاسماء الا ما اعطيتني سؤلي

وقضيت حوائجي يا كريم وصل على محمد وآل محمد))

ركنت سيارتي لگيت سيارة اهلي طابگة ويمهه سيارة امير ابن عمي احس گلبي صار برجلي مااعرف شلون طبگت السيارة ونزلت ارگض ..

الباب الخارجية مفتوحه دفعته ودخلت لكيتهم گلهم گاعدين بالهول وامير اخوته موجودين بس عقيله ماوياهم…

رميت السلام بصوت مبحوح والهث تعب

-السلام السلام عليگم شنو صاير فهموني؟

ردوا السلام گلهم

ورد جدي بنتر ..

ـ تعال يالعنودي اقرا هاي الاوراق اليوم جابهه المحامي من المحكمة

شبخت الكل حتى اخذ الاوراق منه…

-شنو يا اوراق شگو؟

ـ اقرة وشوف بعيـــــنك

اخذت الاوراق وقريتهه عمامي قايمين دعوة على جدي وعلى عقيلة وعلى امي

استغربت

-شنوو جدي ولدك قايمين دعوة بالجملة علينة زين مارافعين دعوه على الجوارين

ـااانا شحجييييت شكلت قبببل

ـاصبر ياجدي خليني اجر نفس و اقرا ..

هاااي دعوة تاهميك بزهايمر

وهاي دعوة على امي عدم اهليتها لتربية اطفال لان شبه عميه

ودعوة على عقيلة سبب هي شابه وتعيش وحيده بلا زوج

كعدت على التخم افرك راسي

احس صدمه مابعدهه صدمة بالنسبة الي

شنو من بشر لايتعض ولايهاب رب الكون

-جدي شنــــــــو شنووو هالحجي

رد بصياح

ـ موووو حچيييت مووو گلللت اثنييينگم طررررشان وعميااان صرررتوا محد منگم سمعني ولا ااحد عبرررني ولا التزمتتوا بووصية اخوووگ ولاهذييچ التزمت بوصية زوجهه

وهااااي النتيجة

انا سووني مزهمروااامك عميية وامهم طعــنوو بشررررفهه

ـجدي يعيط ويصيح منهار وانا صافن على الاوراق

رد امير:

ـ ماعرف مين اودي وجهي منگم من سوالف ابوية

ردت عمتي زينه:

ـ ابوگ بدون امگ گلشي ميعرف يسوي بس حسبي الله ونعم الوگيل عليهه يعني الله سلبهه صحتهه وبعدهه بهيچ جبروووت

ردت جدي:

ـ زينة.. لاتحجين هيج وية امير واخوته دتشوفيهم واكفين ويانه وديتعذرون شيسوون بعد..

،، التفتت على امير..

ـ ولگ انت شنوو من‌ بشرر مچنت تعررف بهالگلام

ـ لا والله ابن عمي ابد لا احنه ولا نسوانه تتخيل نعرف انا واخوتي ونضم عليكم؟

ـ استغفر الله ربي…

طلعت التلفون وخابرت المحامي فهمت منه اليوم مستلم التبليغ وراسل النسخ النه ..

ووشنو دليلهم؟

ـ دليلهم صور وشهود سيد

ـ صور شنو شهود شنوو؟

ـ مستغلين التقارير الطبية عن جدك وامك

ـ ومرة ااخوية شلون طعنوا بيها.

ـ مستغلين طباتهه وطلعاتهه للطبیبه النفسیه ومكان عملهه همين جايبين شهود منه وبالاضافة للشهود الجايبيهم من يم جيران بيت الاخت ام علي…

ـ منووو هذوول الشهوود فهمني ياجيران كلهم نعرفهم وعلاقتنة طيبة بيهم وبعدين نكدر نثبت هي رايحه لدوامهه ماريحه تلعب منا ومنا

ـ تتصور ماقدمت طعن بساعيتهه طعنت بالقرار آصلا قبل لاآنطيك الخبر طعنته

لگن المشگله هالمرة چبيرة

-لیش؟

-جايبين الشهود من نفس مكان عملهه ومن جيرانكم هالشي يكدرون يقلبون القضية كلهه لصالحهم

ـ غير افتهم منو هذووول؟

ـ الشهود سريين ماقبل القاضي يكشف عنهم لحماية حياتهم

ـ شنو السالفة عمي قابل قضية سياسية ومتكتمين؟

ـ سيد مجتبى الادلة مرفقة بالدعوة اقرة وشوف السالفة مو بس شهود وصور السالفة داخل بيهه شخصية جبيرة

( ابو دولار))

ـ منو هذا انوب

ـ اسأل ولد عمك خوية همه یعرفون دمارات ابوهم

ـ لاتكلي اسأل.. اانت فهمني

ـ راس بالدولة ويشتغل بالمحكمة

ـ زين منگدر ننقلهه لغير قاضي اومدعي او اي واحد لاخ

ـ نكدر نطلب هالطلب لكن من هسه اگلك مرفوض الا نثبت عليهم الرشوة والفساد ونثبت اكو واسطة بينهم وهالشي مستحييل نكدر نثبته

والا يكون طلب تغيير القاضي مجرد كسب وقت مو اكثر

ـ اكلك انت وين؟

ـ انا بالمحكمة

ـ اصعد سيارتك وتعال لبيت سيد علي ابن اخوي تندلة هالسالفة مو مال تلفون…

سديت التلفون وكعدت انتضرة على نار ..

كلهم يحچون عليه وعلى عقيلة بس عمتي زينة تهون علينه

وامير واخوته خجلانين من فعايل ابوهم تالي اترخصوا من عدنه وراحو يشوفون ابوهم شمسوي كال‌ امیر:

-راااح‌ احچي وياهم واضغط عليهم بلكي اكو حل واخذ نصيحة جدي،اتزوج مرت سيد مهدي الله يرحمه، هنا مو تلصمون

ابوي حتى امي وامة محمد

تناوعت اله بضوجه خلى وراح كمت لغفت ردن قميصي احس الوسيعة ضيكه

گتلهم:

ـ شسالفه‌ لاتگبرون الموضوع وهو سهل حتى لو ثبتو عدم اهليه عقيلة وهالشي راح يكون حسابهم ويايه وانا اعرف شلون انتقم منهم بس لاتنسون انا عم الجهال وانا الوصي عليهم

صاحت امي

ـ والتهمة قليلة وولك هاي طعن شلون بعلوية درة شلون باخوتهه حتى لو اغلب الناس يعرفون ام علي شريفة وعفيفة بس راح تبقى بصمة بمرة اخوك انسحبت منها الوصاية لهل سبب

ـ استغفررر الله

المحامي دخل وسلم راسن كال:

ـ لنفرض جدلا اخذت الوصاية الك متتذكر تهديدات القتل المرت عليك بهالاشهر

ـ ماكدروا يسوون شي انت كلت طول هالاشهر يهددون زوبعه بفنجان

رد جدي:

ـ يافهيم هاي تهديدات القتل عدهم زلاطة

ـ والحل؟ شنو الحل

ـ انا والمحامين صارلنه من الصبح ندور مالگينة غير طريقة وحدة؟

ـ هيه؟

ـ تتزوج انت وام علي حتى تكدر تحافظ على زوجه اخوك من التهمة وتكدر تحتفظ بالاطفال

ـ يعني اذا اتزوجتهه ماراح يقتلوني؟

ـ احنة صار شهور مدنكدر نثبت منو اليهددك اهل طلليقتك همه جهه متنفذه لكن مجرد عقدك الشرعي على ارملتكم راح رأسا ارفع دعوة ضد عمامك لان شكد رفعت دعاوي ضدهم القاضي ما اقتنع لان المقصود بقضايا عمامك عقيلة وجدك

ماجايبين سيرتك ابد فكلشي راح يتغير لصالحنه ونكدر نسوي تعهد بعدم تعرض واي شي يصير عليك يحاسبون

جاوبتهم

ـ لازم اكو حل ممعقوله تنسد هيج

رد المحامي:

ـ المرافعة بعد عشر ايام شوفو نفسكم واستشاروا باقي المحاميين اذا تريدون

رد جدي

ـ شنو معنى عنادكم .. اااام عليييي يا اااام عليييي وووينج

،طلعت ام علي لابسة العبائة والحجاب والنقاب اجتي وكفت يم الباب..

كالها جدي

ـ سمعتي الحچيناه لو انتي بغيرر عاالم ياابنتي طاعنيچ وانا تعبت وهذا لعنودي يريدون يقتلوا اولااادج راح يضيعووون استوعبي عاد

جاوبت برود:

ـ الكاتبة الله يصير

ـ اااااستغفر االله لا انا خاف طلعت من الجلطة هذيج هاي مستحيل اطلع منها سلامات

ـ سلامتك جدي

ـ يابنتي اافهمي واعقلييي زوجج الله يرحمه من وصى هالوصية مو عن جهل يابنتي ماكو غير حل

ـ اكو حل ثاني ياجدي اسهل

،،فز كلبي من كالت اكو حل ثاني

گتلها:

-عفیه ماااتجیبها اله نسوانها سعفينة بي بلكي الله نلگة حل

ـ احنة كل مشاكلنا ومصايبنه وتعبنه ودمارنه من ام عامر وزوجهه

ردت امي:

ـ اي والله من هالمصيبتين

ـ اي ياجدي صح شنسوي الله بلاني بولد عاق

ـ احچي شنو براسچ؟

رد جدي:

ـ كلتلكم ماكو غير زواجكم يكسر شوكتهم

گالت عقیله:

ـ اليكسر شوكتهم ..

هو قتلهم اقتلهم واخلص واخلص اولادي منهم وانتو ابقو دارو اولادي….

نترت

_ووچ شنو هذا الحچي ضيعين روحج على ناس ماتسوة

رد عليه جدي

_ام علي هذا مو حل ولامنطق وضيعين روحچ قبلي بالوصيه

_والله وداعت ابو علي وجمرت گلبي وحرگته مااصير الغيرة ولاا اسمى بأسم غيره كااان من يگووون لهنا وگافي ربي موجود

هو اليتگفل باليتامى...

-عقیله خلینا بس علی الورق

-حتی علی الورق مااكدر وانه هناا گاعده

وعقیله الدخلت محاکم وشرطه مو عقیله

الفقیره

بهل لحظه دخل ابو عقيله وابن عمها ياسين كال ابوها:

-بنتي هذااأ ابن عمچ قبل رادچ من چنتي

زغيره وهسه بعد رايدچ هو یحمیچ

رفعت النقاب وصاحت

-انت اووو ابن اخوووك اطلعوو من بيتي

لااااا ابلغ الشرطه عليك واخيسكم سجن

هسسه عرفتني بنتك وووانت طول عمرك

محملني مووتت امي وكارهني تشوف دم سنونك ولااا تشووفني

اسمعووو كلكم الكاعدين والواكفيييييين

انا لبوة سيد مهدي لبوة ذاك الطااااهر

وللموت ابقى مرته.. ام الساده ناذره عمري

اربي بس أبناء الساده...

اليعيني هلا بيه وليجيب طاري الزواج لو مهما يكوون اكرهه مثل كرهي الام عامر.

- كوني مثلما كانت زينـب شامخة الآباء صلبة الإرادة طاهرة النفس والعفة .

حافظـي علـى ارث زينب فهو الإسـلام و إلاسلام بدون طهارة نفس دون احتشام "إسلام ناقص"صلاتك كلامك جوهرك

،عبائتك زيارة عاشوراء رسالة زينب لكِ حتى تتتذڪري دائما {إنكِ زينبية}

تنويه.. هذه الاحداث مو معناها القصة انتهت،، لان الابطال بعدهم عايشين والحياة مستمرة لكن من نهيتها معناها الى الان ماكو شي جديد،، انما مجرد روتين وشغل وبيت وساعة عركات وساعة طلايب وساعة راحة،، حالهم حالنا، لذلك لهنا وننهي، يجوز يكون اكو احداث قوية يجوز مفرحة يجوز محزنة محد يعرف القدر والمكتوب الا الله ذاك الوقت يجوز اذا الابطال وافقوا راح نكتب جزء ثالث، لكن اكيد مو هسه ويجوز اذا حدث مهم نطلع نسوي بث وتسألون على راحتكم لهنا وانتهت القصة.. ومن الله التوفيق

السلام عليكم ورحمة الله وبركاته

..__طبعا الكل يعرف الكاتبه نازك الحمراني منو!؟

#هي كاتبه للقصص الواقعية الي تجيها من أشخاص يطلبون ان تكتب قصصهم بقلمها..

فمو بالضروره من أكتب القصه الفلانيه من النجف معناها من النجف...او العكس صحيح يجوز هي من النجف فعلاً... اوتجيني قصه بعض الاحيان من الغربية لكن ابطالها طلبوا أغير المنطقه حالي حال كل اغلب الكاتبات الي من جيلي...ولي دائماً يحاولن يغيرن اسماء ومناطق الابطال خوفاً على حياتهم الخاصه.

اذن اني(نازك) من أكتب القصه اكتبها بصوت أبطالي،، قراء قصصي يعرفون انو مو كل قصصي دينيه...لان كتبت لكل الطوائف والاديان العراقيه وحتى الطوائف الشيعيه (الكسستائيه والاسماعليه) لان مثل متعرفون المذهب الشيعي(متعدد).

طول تاريخي القصصي ورواياتي ما كنت اسوي حملات(تبشيريه)لمذهبي ابداً، ولا انشر او اروج لمذهبي" لان انه مو أمام ولا شيخ "

بالحقيقه الكل يعرف انه« شيعيه» شي ما اخجل من عنده ولا اخفيه عنكم..بلعكس فخر مثل منازله باسم عشيرتي(الحمران) ومفتخره بيها * اذن افتخر بمذهبي حالي حال كل طائفه تفتخر بمذهبها، لكن للاسف ضعاف النفوس يعتقدون انو الشيعه مرتبطه بايران!!

والمتداول الجيل الجديد او الجيل اليبين نفسه يعرف وفاهم الدين او التشيع ايراني...

الاصدقاء المقربون وحتى اهلي يعرفون اختلافي وتحفظي عن ايران شنو؟ وهذا الشي شخصي مااحب اكوله...

فيا عزيزتي(ومثل ما اكو ضياء الصالحين اكو رياض الصالحين) عدكم، للعلم ماراح انشر اسمج مو خوفا مثل ماهددتيني تقاضيني عشائرياً وقانونياً،، لان ابد مراح تهتزلي رمش لكن لاجل مهنيتي،، انا انسانه مهنيه بحته.. مثل مااتقبل النقد، اتقبل المدح، لكن هنا انتي انتقدتي مذهبي ومعتقدي فألي حق الرد.

-قصصي متاحه لكل المذاهب والاديان والهم حق القرائه او لا.. ممخليه قرائي فقط شيعه..لان يجوز عندي متابعين من اخواتنه واخوانه السنه اكثر من(الشيعه) وعندي قراء عرب ،، مافد يوم اعترضوا ععلى قصصي لان اني منزله ١٨ قصه بين قصيره وثلاث رويات الوحيدة القصة الدينيه هي (عشق المؤمنين) وامسيت قربان...

هل قصتين بيهن زيارة وذكر اهل البيت عليهم السلام،، فهل معقوله الزياره خاصه بايران؟!

رغم انو في زيارة الاربعين اهالي الاعظميه والزبير مواكبه ويه مواكبنه المسيح مواكبهم ويه مواكبنه.. اذن ليش تزرعين الطائفيه وتهددين؟؟

كلمه اخيرة الى متابعيني وبالذات الي هاجموني

ولو كانوا سلمان المحمدي بوقتنا هذا وهو قريب على نبينا محمد (صل الله عليه واله) وكال بحقه(سلمان منا اهل البيت)والله چان اتهمتوا النبي مثل اتهامكم اليه ولأمثالي...

فيا عزيزتي« اذا ذكري لأهل البيت والادعيه والدين تلغي متابعتج الثمينه..فأني اقول مثل ماقيل؛(مازاد حنون في الاسلام خردلة ولا النصارى لهم شغل بحنون)

وذا متعرفين القصه روحي بحثي بلكوكل

وبالختام عزيزتي لا يؤسفني الغاء المتابعه ولا تهجمج عليه، ولا تهديدچ الیه، لان تهدیدچ بسبب حبي لاهل بيت النبوه ، واگول مثل ماقال الشافعي (أن كان رفضا حب آل محمد فليشهد الثقلان أني رافضي).

ارجو الرد من متابعيني الراقين..واتمنى اخوتي هل كلامي فيه شك وهل كلامي

اذى مذهب او طائفه معينه..رغم قانوني

كلنا اخوه في الدين ونظراء في الخلق

وفي الختام

ارجو الرد من متابعيني الراقين..واتمنى اخوتي هل كلامي فيه شك وهل كلامي

اذى مذهب او طائفه معينه..رغم قانوني

كلنا اخوه في الدين ونظراء في الخلق

السلام عليكم...

ملخص البث...

اخر اخبار ابطال

#عشق_المؤمنين...

عقيله نفس حالته لحد هذا اليوم، كل يوم تخلص نهاره بين قرائة القرأن والرجوع للحفظ وتحفظ اولادها لان تنتظر الليل حتى ورى صلاة الليل والفجر تكعد تسولف ويه سيد مهدي الله يرحمه كل شي صار وياها يعني عايشه بعالم اليقضه ولي تشوف بيه السيد الله يرحمه، رغم للان تراجع طبيبه نفسيه

للان رافضاا رفض قطعي زواج من سيد مجتبى والي يحاجيه بهل موضوت تصم اذانه من الحجي وماتسمع الهم

وبعدهم الظلام العمام مستمرين بالمحاكم و الدعاوي و احتمال العمام السيد رح يربحوه لصالحهم لان عدهم علاقات

و عرف بالدوله... وظلمهم مستمر

اما سيد مجتبى لحد الان بلى زواج وحاول يقنع عقيله مثل ماهو أقتنع بلوصيه وفكره الزواج من عقيله على ورق بس هي الرافضه

سيد مجتبى بعده لحد الان متكفل الاولاد بكل شي طلعهم يشتريلهم حتى ملابس العيد متكفل ومااخذهم مشتريلهم

سيد باقر حالته تعبانه جدا جدا

ام سيد مهدي مثل ما تعرفون مريضه وحالته تعبت شبه عميه

غفران الحمدلله مرتاحه ويا السيد الله يسعدهم و عدها بس سمانه بسبب صحتها الموزينه

رعد و مريم وضعهم تمام وعدهم صار ولد

نواره بعدهي عل وضعه و متحذره من العالم رغم تقبلها الظاهري الوضعها

ام عامر لعنة الله عليه عايشه

وكلشي مابيه وظلمه وتلفيقه مستمر

احمد..بسبب التزام رعد وياها مرض توريت بقى يخف عنه..وصار رجل مستقيم نسبيا خادم من خدمة الحسين عليه السلام ويه رعد

القصص: انتو شتردون تكمل قصة شيوخ لا تعرف الحب جزء الاول عندي كامل وعندي نص الجزء الثاني فقط تقبلون بيها لان مالي خلك اكمل اي كتابه حاليا

او تردون نبداء بقصة جديده ( اسمهان) و احداثه النار بين الرمادي و كردستان

وضابط من الاشاوس..وقصة حب عجيبه و مشوقه

والبطله جاي تلح عليه انزله بس محتارة وياها بينه وبين قصة ثانية اقوى

رغم الغلاف كملته ادمن جنه كربلاء

لقصتين راح يتم الاختيار بينهم

و اكو قصه دينيه عن المذهب الحنبلي اسمه ( مولاي الصوفي) احداثه قويه و حلوه تعرفنه عن المذاهب الاربعه ومولانه الوسيم الزاهد...هل يدخل الحب بقلبه ام لا....

بين قوسين تردون نبقى على نمط الديني

اونغيررر رومانس

الدميه والعنيف...الشاب المهذب الراقي الغني..الوسيم..لكن داخله شي مايظهره جدام الناس..لكن الي يشتغلون وياه يعرفون خلف وجهه الهاديء البريء قسوه دمويه..يحب يمارسها على خصومه ولي يرفضه يلاقي اشد العذاب حتى حبببته

(حاليا ماكدر اكتبها لان قصه ذات طابع فلسفي نفسي تاخذنه العلم النفس الاجتماعي ونشأت الطفل وحيثياته)

بلاخير ادمن جنة كربلاء راح اتسوي استفتاء بلكروب و نختار القصه تنزل

ان شاءلله وماانزلها اله من اكمل كتابتها

وكروبي اسمه(كافيه نساء حائرات)

متابعين بحث(تاروت المنجمون)راح يتم النشر عل بيجي حسچه و سواليف

لأن صفحتي نغلقت من بلاغات حسنه ملص وصويحباتها

الكل يسأل عن عقيله واحداث جديده للان عقيله نفس وضعها المحاكم وعمام السيد الله يرحمه..

اضافه سيد باقر حالته منتكسه كلش ويقنع عقيله توافق على سيد مجتبى

وعقيله للان موقفها الرفض وبعدها عايشه بعالم سيد مهدي الله يرحمه

غفران هاي الفتره مريضه وستورياتها دمرتني ادمر اندعولها ربي يريحها كلياتها كلش تعبانه اضافه ام غفران ايضا مريضه بسبب عقيله وغفران

نواره على وضعها+ رعد وزوجته همات مثل ماهمه..

عقيله وخوفها على اولادها وشوكت ماتجيها مشغله قصيدة(ليالي الجروح) عقيله وغفران مصابات بمتلازمة ليال الجروح وهاي صور بستوريات الواتساب كل ليلة جمعه تقريبا ينشرنهن بواتسابهم خمطت صورتين

وهنا تعليقات لكيتهم بليوتيوب عن سيد مهدي الله يرحمه وانا اتصفح بهذا الرابط

https://www.youtube.com/watch?v=nQbGRVckMaA

وبعد موجودات تعليقات بكل قصيده بليوتيوب مال ليال الجروح