تحميل رواية «عشق المومنين(أبناء الساده)» PDF

مسائكم محبه

نازك الحمراني

‏"إلَهي إنْ كُنْتُ غَيْرَ مُسْتَأْهِلٍ لِرَحْمَتِكَ،

‏فَأنْتَ أهْلٌ أنْ تَجُودَ عَلَيَّ بِفَضْلِ سَعَتِكَ"

غفران//

بقيت متردده الى ان ندستني عقيله سولفت الماما على عباس...

وبديتلها من أول موقف صار بيه..

ماترکت شي اله سولفته...حتى موقف الحديقه..

وسولفتلها عن ايناس صديقتي تعرفهم

وخبرتها بدفتر...ونطيته الها......

والورقه الي بيها الشعر مزقتها...لأن اخجلت

قلبت وهي تقراء...بسطور الي اعتذر بيهن اليه..

رفعت راسها وهي تتنوعلي ...

-هسه هذول جوارينا بيت أم هاني...ونعم منهم

برغم مااعرفهم هلكد...

بس الدربونه تحلف براس ولدها..

انتي شنو رئيچ قبل لا آخبر والدچ وخوانچ...

بین الخجل...واحساسي بحب عباس

.متمتت بريج يابس

-ها ماما أي خوش ولد...وتردين الصدك أشوفه كفأ الي

أنسان غيور..وصاحب عرض..واني من فتره؟؟

ابتسمت اليه وهي تجر آيدي...

-أشبيچ متوتره...بلا مادكليلي احبه

یله خل نتوضى..ونستخار بلقران..بينا مانتوضى صفنت على البروده الي تتكلم بيها ماما...

برغم هي حنينه كلش..بس بهيچ مواقف تتعصب

توقعت تغلط علیه او هیچ شي..

فرشت سجادتها وسجادتي.. كعدت وبيدها القرأن شوفي بنتي...من انذكر الحب بلقرأن..انذكر

بأحسن القصص..وهل شي بقصة يوسف وزليخا

الي با القرآن يصفها المولى تعالى : " نحن نقص عليك أحسن القصص..سورة يوسف تحتوي على المعاني

والكلمات ومنها الحب اكثر الناس أدگول انو الحب كذبة وخداع بسب اغلب الي يسمون باسمه ينضرون للحب بشهوانية...

-استغفر الله اي شفت بلجامعه هيچ‌‌بنات

والعیاذ باالله گملي ماما اريد اسمع أكثر

-المهم بنتي القران ذكرت فسر الحب نرد العدل القرأن الي همه أهل بيت ألنبوه معدن الرساله ومهبط الوحي واهل البيت

ألي همه عدل القرآن..

حينما سالوا الامام جعفرالصادق عليه السلام عن الحب

(قال وهل الدين الا حب في الله وكره في الله)

يعني لازم يكون للحب هدف الشريف

بلا مصلحة مؤقتة شهوانية لأن الحب بين المرأة والرجل ماأله أي علاقة لا بالعمر ولاالجمال ولاالمال،ولا بلماديات

-ليش ؟؟

-لأن اذا ارتبط الحب بلماديات،والمصلحه والحچي الجريء الحرام معناها حب مادي،مؤقت،زائل والمحب الحقيقي لازم يخاف بشخص الي يحبه ،يغار عليه يهتم ويحترم ويخلص"يصون حبيبه يعني لو أطبقت كل هل اشياء چان هسه

ما سمعنا بمفردات الغدر" الجرح " البكاء" ودموعوسهر وشحوب الوجه والضعف و

ضياع...الحب هو أن تخاف على محبوبك من دمعه..

فهل ولد ومواقفه..وعدم تجاوزه عليچ

شجعني انو أتكلم وياچ بهل صراحه..

-اشكرچ ماما

-لاشگر علی واجب هسه فتحي المصحف

فتحته بقينا نستخار رب العالمین...بيدها القرآن

بقت ماما تقرآء..اني ايدي على گلبي

بس لا تطلع موزينه فتحت القرأنن وهي تقرأء..سدته خلصت استخاره

وملامح وجهه هي هي

طبكت وگامت انه مثلها سویت طلعت رحت وراها أفتر وهي ساكته ابد متحچي دنيت عليها اريد اسئل..وارجع أبتعد

دخلت للمطبخ...فتحت الثلاجه، واحس كل كلشي بيه..يريد يعرف.سدت باب الثلاجه واني وراه...صارت بوجهي..

گالت..

-هااااا یمه غفران تردين شي

-لااااا بس اريد

-تردين تعرفين الخيره شنو گالت،وشطلع

لخیره طلعت زینه، وباچر خبري الشاب

بلموافقه...

فرحت وخبیت فرحتي متصنعه البرود واجاوب بثگل

-تمام ماما...ابتعدت بهدوء منها الغرفتي..

عقيله کاعده تقرآء قرأن...

ماأكدر اقاطعها واعرف اذا اقاطعها راح تضوج وحتی احسسها انه محتاجتها

بقيت أفتر منا‌ومنا،فرحتي مااشاركها ويه أحد بس وياها،فتحت باب الكنتور وسديته كعدت على الطبله جدامها كمت

ورديت كعدت اخذت السبحه بيدي أشكر رب العالمين،منااااااااااا لمن خلصت

اول ماسدته طفرت من مكاني..حضنتها.

بست خدها حيل وا گلها

-وووچ عقیله حبي ماما موافقه مووافقه

.وذاااااااااااااااااموافقه يعني بابا موافق

جاوبت تحضني أقوى من حضنتي

-ياالله يااالله فدوه حبيبتي تستاهلييييين

-خبيبتي انشاء الله زواجنا سوه هل سنه

أني وياچ نزوج سووه حضنا بعض وحنا نبچي، بچینه اگثر من ماضحگنه

كالت

-اوووووکفي ليش نبچي احنه غير نفرح

-أي مو رااااااااح أنفاررررررك بيت أهلي.. ونصير بغير بيوت،ونفارك شقى علي

بچینا من صدك...

ردت عقيله

-خلينه نصلي ركعتين الشكر لله

گمنا أصلي الصلاة وصلينه النوافل گملنه

گل طقوس التسبیحات ونمنا وكل وحده من عدنا عدها حلم قريت دعاء قبل النوم

اللهم إن ناصيتي بيدك، وقلبي في قبضتك، تعلم منقلبي ومثواي، وسري ونجواي، فاستر ذنوبي وعيوبي، وما خفي على الناس من سوء عملي، يارب أستودعك أمري كله، اللهم إني أسألك تياسير تعقبها تباشير يارب بشرني بما يسر خاطري فأنت خير المبشرين

كعدنه الصبح حضرنا نفسنا انروح للجامعه لبست تورتي ،والقميص،وحجابي والعبائه جاي أطلع من الغرفه شفت دفتر عباس فتحته وكتبت جوه كتابته بخط واضح "اهلا وسهلا تشرفونا"..

طلعنه انه وعقيله وصلنه للجامعه هي راحت القسمها وانه دخلت للقسم مالتي خليت الدفتر على الستيج مالتي وطلعت

مااريد يشوفني يبوو غير اموت خجل

مشيت الممر اليفصل قسمنه وكفت بنهايه

بقيت دقائق منتظرته يجي ..وفعلا اجى

يمشي بوقار وتواضع وذا بنيه تعبر منه ينصي راسه ويوكف حتى يسوي مجال

لاحظت العيون على أخلاقه مو بس البنات حتى الولد قميصيه الابيض وهو مسدود الى حد نهاية الياخه،ومخليه فوك

البنطلون الرصاصي.لزمته للفكس،بأيد

تناوعت اله من دخل للقاعه مالتي،بقى دقيقه اشوي وطلع فرحان..وجهه يضحك ويلتفت يمنا ويسرى يدورني خفيت نفسي من عنده حتى ميشوفني توجيت على الحايط

من ظنَّ بِالله خيراً ،فلنْ يُخيِّب الله ظنَّه، ومن شكر الله علىٰ نعمةٍ ، زادهُ الله مِن فضله ، ومن توكَّل على الله فهو حسبه

يارب اجعلنا من الشاكرين الحامدين يارب

رجعت للقاعه،من محاضره المحاضره الى ان خلص الدوام طلعت ماشفت عباس

أجتني عقيله گالت

-هااااا بشري

-خليت الدفتر والله كريم

رجعنا للبيت تغدينه ،وماما رادت أنظف البيت رتبته وگملت عقیله المسح،ورحت اسوي چاي جبت بسكت،جاي اصب چاي

أندك باب بيتنا،تناوعت من الشباك راحت ماما فتحته...ماشفت منو اجى

كعدت اريد أكل أجتني عقيله فرحانه....

-گوووومي حظيييي گووومي ووووولچ هذا عباس،وياه أمه، واخته بسرعه

حضري نفسچ.

الكلاص،يركص بيدي،أرتبکت،ایدي ترجف.

-يااااا صدك تحچین،الصبح نطیته موافقه‌‌‌‌

شنو شبسرعه بلا شعور صرت نادره بسرعه طلعت الستكاين والصينيه حضرت شاي،وكعك

أجت عقيله تضحك گالت

-هااااااا واگلچ عدنه گعك دكولين البسكت اطيب هههههه

-لااااا موووهييچ

-دیله صبي صبي

-لاااااااا أنتي صبي اروح اغسل وجهي

غسلت،وجهي لبست گلبیه، وغسلت وجهي بصابون تلث مرات،رحت للنسوان

وعرفت الي اجو، أمه"واخته"وخالته

من وجوهن أمبينين ناس بسطاء كلش

وجه امه سمح من نسوان ،لابسه الشيله سوده وچلاب،والحنیه بصوتها،من سلمت

باوستهم وكعدت يمهم،كالت الام

-أم احمد بناتچ ینحلف بشرفهن، وابني عباس، من شافها كال اله تخطبولي ياها... حتى ماخلانه،نغدى علموده أكلنه على السريع واجيناكم..

-هلا خيه هلا بيكم

-ومن گال‌‌ الهلا ومثل ما تعرفين داده عباس لساته طالب مرحله ثالثه‌ نوبات يصحله،يشتغل وي أخوه بمحل بقوليات

بس هو كشغل ثابت ماعنده،لان ولیدي مااريدن اكسر خاطره وهو الحنين مال اخوته،وراد زواج، والده كال اني عندي أشكم فلس ضامهن اروح للحج..

أزوجك أثوب اليه من ان احج بيت الله، يعني الفليسات ماحرزات، بس أوليدي عباس شاريها وماعنده سوالف بنات

مااگلگم متدين، وتربه بكصته بس هو يخاف الله ويصلي ويصوم وعلى كيفكم

وياه بطلبات،

جيناكم بصدق وماچذبنا،ولا گلت هو صاحب ملك وتجاره،بس عدنه الاخلاق،

بس أنشاء الله ما أنقصر بلنكدر عليه

وحتى من كد مايوصفها،اول مادخلن بنياتچ الله یحفظهن..

عرفت هاي ام شامه، البنيه ألضعيفونه هي غفران،فدوه الوجهه، وفدوه الوجه ابني،شلون وصفها

وهاي ابنيچ الثانيه،أشرت على عقيله

جاوبتها ماما أنريدها لوليدي الثاني

-لااااااا تعذريني هاااااااي محجوزه الناس ساده

-ياااأوسفه چان اخذتها أله يله ربي يوفقها وتكون زواجت الدهر

-يارب اميييين

-هسه شكلتي ام أحمد

-انتو جوارين ونعم الجار،انشاء الله بس احچي ويه والدها وذا على المهر فبنتي مو سعله، واقيم سعرها واطلب فلوس

مقام بنتي كنوز الدنيا ماااقيمها، لان تعبت عليها وربيتها تربيه صح وصالحه وعلمتها على العفه،والطهاره وخلي بالچ ام سلام

احنا نمشي بحديث النبي محمد صلى الله عليه واله

(خير نساء امتي قليلات المهور)..

انشاء الله..أشاور ويه ابوها،واخوانها

وانطيكم خبر، بقت ماما اسولف وياهم.

والأريحيه الي حسيتها مالها مثيل.

حسيت اعرفهم مو غربه، بقن الحد المغرب راحن، وانه رحت الغرفتي اصلي بينما خلصت صلاة أساعد ماما بلعشاء

أجت ورايه عقيله ولگیناها آتسولف ويه اخويه علي،من دخلت ضحك صچمني

-أغفيران أم شامه كبرت وصارت مره ويخطبوها والله زمن

استفزاني جاوبته

-اي مره وانثر شعبالك،بس انت عندك عمى شوف،او لو ما حلو مايتخطبوني چا غير انه خبل

طك راسي بشقى

-عمي لاااااااصدكين روحچ‌‌ اری طلع الولد اعمى آشبییییییيچ لاصدکین أنتي حلوه

دفعت ايده

-ماما صیحیله يعيب عليه

-علاوي ماما عووف اختك لااااتضوجها

أ تقرب مني وهو يبوس راسي

-شوفي خيتي انتي وعقيله مو بس خوات لاااااا وعزيزات عليه من سولفتلي ماما عن بيت ابو هاني، فرحت تدرين ليش ؟؟

-هذا عباس ولد ماكو من عنده،ودره مال الله اعرفه حق المعرفه برغم وضعهم زين

بس من الم أفلوس للأيتام كل شهر..يطلع شكو بجيبه وينطيني ياه بلا مايباوع

واصدقائه رغم كلهم أغنياء،ربع مينطون

هاي اولا ذاك اليوم اتعارك وي حمود سبايكي جارنا يكوف بركن،وگله بس توكف بعد اصچم وحده‌من بنات دربونتنا اروح الچبیرکم..

یعني هيچ نسیب ینشد بیه الظهر...لأنچ طیبه اجاچ

-هاا یعني،حباب

-أي حباب على گولتچ

طلعت من المطبخ،الغرفتي فرحانه أكثر...

صدك مااعرف شنو الحب،بس هسه الي جاي اشعر بيه فرح ماله مثيل..برغم خلال الاربع اشهر مامحتكه بيه

ومن اشوفه اظل مغندبه وشايله خشمي علیه‌ لأن عمري كله مامحتگه ولا معجبه بأي ولدوحتى استلطاف اونظره الأي شخص

أله عباس حسيته أخترق حصون قلبي،بأبتسامته بسلاسته"حتى خطه بلكتابه حبيته، من يكتب أجتني عقيله

فرحانه اليه

-غفوره اعيونچ تلمع ربچ یدیمها..تعالي نصلي ركعتين للحجه المنتظر..يديم هل فرحه الي بعيونچ

‏حبيبي الله هناك أمور كثيرة يجدر بي أن اناديك من أجلها كل عمري، لكنك تعرفها دون ندائي وتحفظها دون تكرار النداءات .

وأثق تمام الثقة أنك مدرك لضياعي دونها ،

اللهم معيتك في كل شيء .

آمين .

........................

عقيله

يارب ان نعيش ذاك اليوم لاااا تسعنا فيه الأرض وتطير فيه قلوبنا من شدة الفرحة وما نلقى تعبير فيه أبلغ من سجود الشكر لله

أنقطعت آخبار سید مهدي ماعاد اله أثر

ألحزن بداخلي گبر آشلون أوصله واني عنوانه ماأعرفه، بهاي الفتره صارت هواي تجيني طلبات أرفض

ورفضة گل اخطابه يجوني، بسبب آحترام الجدي والقراره‌،ول أختياره

لااااااا ليش أنكر،انه أحبه سيد مهدي

حبه داخل ثنايا قلبي أحبه"الحد العشق..

حبه بگلبي سكن واستقر،كأستقرار القلب

داخل الجسد

بسمّ الله ع قلبي الذي سكنت فيه وهاج بسم الله حتى يهدأ قلبي ،يطمئن يسكُن حين أراك

كل خاتمه بدعائي،وكل ختمة للقران أختم بيها الدعاء بحفظ سيد مهدي، حفظه يكون بسلامه وصحه،وادعي أن الله يجمعني بيه عاجل وليس اجل

حرت من اختفائه،وهو يستغل گل فرصه حتی آنجمع بیه، ليش هییچ صار هواي ماكو

رح يصير سنه على فراقه وهو مختفي

اختفائه مو هروبه مني أختفائه بسبب أو عارض هيچ گلبي يحس،وعقلي يگول

گل یوم أذرف دمعة شوق اله واختمها بقرائة دعاء للحجه المنتظر حتى ماانسى نفسي بمتطلبات الدنيا وگل یوم آرفعت أيدي أدعِ وناجي ألحجه عليه السلام

انني اقطر خجلا في هذه اللحظة مولاي !

فلست اهلا للحديث معكم سيدي

لكنني والله فاض الشوق بي

واختنقت بعبرتي حين ذكرت اسمك ...

ما اقسى قلبي الجافي مولاي ...

إنه مبتعد كل البعد

لكن لطف الله وحنانك قد اعادوني اليك.

اجعلني من عشاقك ألمؤمنين ألمنتظرين

حاولت ماايس وا أبقى مطمئنه لأن ايماني باالله هو اليطيني،أطمئنان نفسي

أتشقي والله ربك

آتيأس والله دربك

آتفكر في همك والله المدبر

اللهم اني اشكو بثي وحزني اليك يارب العالمين

رغم فراك سيد مهدي حاولت مااضيع فرحة غفران والتتهيت بهل ايام بفرح اختي، أريد اصبر نفسي، بفرحتها

ولهيت نفسي أكمل حفظ القرأن،ما أيست

ولا بچیت بلا سبب،أبچي،بس من أسجد أو من ألزم السبحه واسبح حتى تكون دموعي خالصه لوجه ألله

حفظي للقرأن سهل كلشي اليه،وتشجعت أحفظ أكثر ا و صلت بلحفظ الجزء ١٥

بمعدل كل يوم أحفظ ورقتين كاملات

تعلمت أتغلب على هوى القلب بلقرأن

أتعلمت أتغلب على حزني..بلقرأن

هو الي ينطيني أمل بكل حرف منه.

وهنة شاركت للمره الثالثه،بدوره التجويد

وفزت الثانيه،قرائتي وصعودي للمنصه فوزي مرتبه ثانيه هديتهم للقائم المنتظر...

وكلي أمل أكون من أتباعه..

صادف الخميس صوم الأيام المستحبه بوقت أذان المغرب صعدت فوك السطح.. مافطرت برغم اذن وعطشانه كلش عيوني للنجم الي يلمع وبگلبي ادعي ربي يحفظه سيد.مهدي أليه.

صفنت اتذكره،من يوكف يم العمود..

العمود الي صرت كلما ادخل للجامعه اتنوع له وتنزل دمعتي لا اراديآ عليه ابقى أنعى نفسي وحبي اله

يامن اختاره قلبي

فراقك أبكً عيني

اذكرك بين دعوتي

وحتى عند سجدتي.

يا سرآ بيني وبين الله

لم اشكوك الا عند الله..

ولم أبكيك ألا بين يد الله..

سأنتظرك وسأدعو لك عند الله

صوت مامت وهي تصيحني على علفطور نزلت على السريع، بینما افطر اتذكرت اجانا شيخ للجامعه..لقى محاضره

وبيها حچی عل حب الي بين الطلبه

.ومن بينها حديث الأمام الصادق "العشق

ومنو يصاب با العشق فقال

قلوب خلت من ذكر الله،فأذاقها الله حب غيره"

كملت فطوري أخذت سبحتي أستغفر...

يارب اجعل عشقي لك، ولأهل بيتك الطيبين فعشق المؤمنين، عشقكم أنتم

فيا أخواتي،وصديقاتي

احرصن على أن تظهرن

بالصورة التي كانت عليها الصديقة الطاهرة فاطمة الزهراء عليها السلام

أجتهدن مثلها في كسب العلم والتقوى.

وتذكرن سيظهر الإمام المهدي (عج)

في يوم ما وسيحتاج الى فتيات مميزات بالعلم و الدين و العفة

..............

سيد مهدي، طلعت من العمليه،متعوب ميت وجع ماكو نتيجه،وجهي باقي على وضعه،التشوه واضح نسبة ٨٠بلميه وايدي وحده منهن ما أكدر أحركها،بقيت متمدد على الچربایه،من یروح مفعول البنج یبدي الألم فضيع

ضلوعي ماأگدر آلزمهن حرگت راسي صدفه،وطخت ايدي بضلعي

و إن إشتدَّ بك الحال وضاق النفس ..

فنادي " أماه يا زهراء أنا أبنك "

یازهراء الغوث،ياأمي ألغوث ، اكررر اسم مولاتي ألزهراء وبين الوجع أشتاقيت العقيله،تمنيتها يمي،بس عاتبت نفسي ليش صار بيه هييچ لأن حبيت أنسانه قبل أن نعقد العقد الأسلامي

ثُم إنك إذا عصيتهُ تجد الأشياء كُلها تُعاتبك، كُل الرسائل مُوجهةٌ إليك، كُل الآيات تُتلى عليك وكأنهُ سبحانه يُحدثك يُريدك الله ألاّ تَميل عنه.

بعد عملية الوجه وراي عملية لازم للمره العاشره عملية الرجل فاض الكيل گل فتره عمليه شكل مره يلحمون عظم الفخذ مره يربطون أوردت ايدي حتی تحرك...مره عمليه الراسي،واغلبهن يفشلن،وارجع اجدد العمليات

وحتى صارت دولة الهند شمرت عصى...

كل شهر اروح الها

ايران، كل اسبوعين بيها عمليه علمود عيوني اليمنى طفت،صلاتي بعد ماكدرت اصلي طبيعي گله بجلوس...

لدن مااگدر اثني رجلي،أو امدها ،كلشي انقطع بيه بس املي بالله ماانقطع ندائي للحجه المنتظر عجل الله فرجه ماتركته

دموعكم في النُّدبة لا تمسحوها،

دعوها حتّى تجفّ وتتركَ في وجوهكم ذلك النّور ياصاحبالزمان نظرة منك

دخل عليه اخوي مجتبى ولي من يوم الحادث الى هسه ماتركتي...هو الي يمشيني هو ليوگلني،هو يسبحني صار الي مثل ظلي وتذكرت هل أيه القرأنيه

"سنشد عضدك بأخيك"

كلما اشوفه هيج وياي...احمد الله واشكره

الكل ماقصر،امي مهندسه مدنيه...

حتى أداريني، قدمت على تقاعد مبكر

جدي عاف شغله ومگابلني، الی آن رجعت المستشفى بغداد بعد ماهلكت من فرفرتي بين المستشفيات، الهند"وايران

دخلت الغرفة المستشفى ساعدني سيد مجتبى نددني على الچربایه گال

-محتاج شي سيد مهدي، أريدد اروح للدوام

-لا يخوي اشكرك، رووووح الله يسهل الك طلع من عندي، بقيت وحدي،اجاني الوجع ساعدت نفسي، جريت أشماغ جابه جدي اليه زمزور من حضرت الحبيب محمد

.صل الله عليه واله

من الوجع لفيت شماغ على راسي....

أتمددت يم قرأن اخذته وفتحت بديت قراء، بترتيل وصوت ناصي

اندك باب الغرفه سديت الكتاب صدق الله العلي العظيم

واشوف الي دخلت كتلها بتعجب

-((آستغفرت ربي واتوب الیه))‌سناآااااااء

گتمت ضوجتي، من جيتها‌ اتقربت تمشي بخطوات بطیئه كعدت على الچربای

خلت جنطتها يم رجليه...

عصبتني حركتها الجريئه عدلت كعدتي كوه والألم يزداد ويه أقل حركه الوجع يزورني مثل ضيف ثقيل

گالت

-شلوووونك سيد مهدي

رديت بعصبيه كاتمهاااا

-أشجااااااااااااااابچ سناء

-امممم حمدالله على سلامتك سيد مهدي.

اجيت أطمئن عليك،هيچ الساده ترحب بضیوفها

-آولآ مشکوره علی جیتچ..وثانیآ اکعدي على القنفه ، اهناااااك كعدي عل الكرسي.

لاتتقربين مني ترى اني محرم عليچ

برغم مااتنوعلها،ولا رافع راسي

بس عرفت من خلال کلامها ونبرته اترید آثیرني كالت،بنبرة دلع انثوي

-ليش هيييييييييييييچ قربي يأثر عليك ومتتحمل صرت كخخخخخه

تعصبت منها رفعت عيوني أخزرها نترت

-كووووووووووومي هسسسسسه وخلي النفس طيبه عليچ

گامت تتغنج بلحچي تدلع أمشيتها صوت

كعبها نرفزني نزلت عيني منها طلعت من جوه المخده سبحتي بديت ادير خرزاتها

استغفر ربي..من هل بلوه اليمي...

استغفر الله من كل أمراه اثمه

-هاااااايه عليه شنو السالفه قابل دشوفني نازعه ملااااااابسي

رديت من بين أسناني

-أااااااا تفضلي برى اخت سناء...

ضحكت ضحكه مصريه فلتانه وگالت

-زاااااااد فضلك، بس یاعیني أنت هسه محتاج وحده يمك..متكدر حتى تشيل ايدك يراد وحده مثلي أتحبك،

ادلعك،

اداريك

وحده تموت على تراب رجلك خاصه بعد هل حادثه واني والله والله وانت ممحلفني من عقدت عليه؟؟

عن اهل البيت(ع) : بينما موسى جالس إذ أقبل إبليس وعليه برنس ذو ألوان فوضعه ودنا من موسى وسلم ، فقال له موسى :

من أنت ؟.. قال : إبليس ، قال : لا قرّب الله دارك ، لماذا البرنس ؟..قال : أختطف به قلوب بني آدم ، فقال له موسى (عليه السلام) : أخبرني بالذنب الذي إذا أذنبه ابن آدم استحوذت عليه .

قال : ذلك إذا أعجبتْه نفسُه ، واستكثر عمله ، وصغر في نفسه ذنبه ، وقال : يا موسى!.. لا تخلُ بامرأة لا تحل لك ، فإنه لا يخلو رجل بامرأة لا تحل له إلا كنت صاحبه دون أصحابي ، فإياك أن تعاهد الله عهدا ، فإنه ما عاهد الله أحد إلا كنت صاحبه دون أصحابي ، حتى أحول بينه وبين الوفاء به ، وإذا هممتَ بصدقة فأمضها فإذا همّ العبد بصدقة كنت صاحبه دون أصحابي ، حتى أحول بينه وبينها

.......................

إنّ في القلبِ حكايـه لا تُقال الا لـ ابا الفَضل

غفران...رجعت من الجامعه گالت ایناس

-رااح تنخطبین موو اگید اذبين العبائه

-انه اذبهاااا وووچ یحظي اسمعي يگلچ

عَــرَقُ النساء من شدة ‌الحرّ تحت العباءة

یتحوّل إلی نور لهن في ثلاث مواقع

في القبـر و البـرزخ و القیامـة..

-ااااه الله خوش راح البس

-لبسیی بس گووون مقتنعه مو هیییچ

-وهسسسه شسویتي على عباس

-دز بابا عليهم يطيهم جواب لان حتى بابا طلع يعرف اهل عباس حق المعرفه

-مبرررروك حبي

-الله يبارك بيچ

رجعت للبیا بيومها الخمیس طلعنه اخوي علي انه وعقيله بليل،تونسنه وضحگنه رجعنه نمت وعقیله بقت تقراء قرأن الجمعه كعدت وعرفت بابا انطى جواب للناس

عصر الحمعه أجى والد عباس وعمته

"وامه"وبابا كاعد، رحنا نتسمع اني وعقيله عل حچیهم‌وادعي ربي ميطلب بابا مهر چبیر...

فکلهم بابا..

-شوف یاابو هاني يجوز زوجتك خبرتك گالت الها م آحمد احنا بنتا مو سلعه..وانه مثلها آگول

بتنا مو سلعه حتی انقیمها بمهر...

لآن بناتنا لو طیاره ذهب مايكفي قدرها..

بنتي اغلى مااملك. .

المهر...مو تقييم للزواج السعيد..

كد مايكون الخوف من الله هو التقيم.

لأن الرجال الي يخاف الله بنات الناس..

رح يصونها"يحفظها "ويحترم الناس الي نطو بنتهم

وذا اذهاااا وهان مشاعرها بذاك الوكت حتى املاك الدنيا متعوض أحساسها وقهرها

فأنتم شتقيمون قيمو مهر،هي بنتكم بعد

وانتم سمعتكم سبقتكم...گال عباس..

-لاااااااااااعمي انت گول....جاوبت ماما

-زين انتم ماتقيمون..خلوني أني اقيم...

الأمام علي عليه السلام..من خطب السيده الزهراء

چان ماعنده مال..النبي محمد صل الله عليه واله‌ گله ماذا تملك..قال درعي وسيفي....

قال اعرض درعك للبيع..

فأ یا ابني عباس بنتي مو احسن

من السيده الزهراء..أنتم قيمو الدرع اشكد دراهمه يصيرن بهل وقت..

واحنا ننتظركم ونتظر التقييم..

الكل ظل ساكت على كلام ماما مو بس اهل عباس حتى والدي وعمامي

بقو يسولفون وحتى من طلعو الدهشه بوجوهم رجعنه انه وعقيله وبسرعه دخلنا للصاله شفت بابا باس راس ماما...گلها

-أصيله ام احمد...مشوفيني وين مااروح احچي بيچ وتری مو بس همه انصدمو حتی اني صدمتيني....

-هذا هو دينه ياابو علي ترى ممسويه شي

-الله يحفظچ

طلع بابا ونتظرته يروح ركضت حضنت ماما والدموع بعيوني..

-اشكررررررررچ ماما..

-الشکر لله بنتي هااااي الفرحه بعيونچ تسوی الدنیاااا

بعدها مر اليوم عادي بين ضحكنا سوالفنا

ثاني يوم رحت للجامعه صار بوجهي عباس أبتعدت عنه...صار وراي...کتله

-ارجوك لاأااأاتبقى گل شوي تجي يمي

..ميجوز

رد

-اااااااوكفي غفران من حقي اتكلم ویاااچ امام الله لان ارید آتفق ویاچ علی آمور...

-تمام ماارید ابجامعتنا من روح الجامعة اختي عقیله روح وهسه اجي وراك اخلي اختي تجي ويانا

-صاااااار وانتظرچ غفران ترکته ورحت العقیله...‌چان عدها ریست آخذتها

-ووووین

-تعاااآي دقيقه

رحنه للمكان الواكف بيه وشفت عباس

منتظرنازواني كوه مسيطره ارید ابین قویه.. هل شي اكدر أحب ابين قويه..

فتت من جدامه،كعدت عل مسطبه..

وعقيله كعدت عل مسطبه الثانيه بعيد من عدنه لميت عبايتي ولفيتها زين عليه..لأن ايدي ترجف

اجى عباس وكعد على الثيل مقابيلي

يتنوعلي برغم هو اشوي جريء احسه بس كلامه مهذب..گال

-خويه اهووووو نسیت لازم بعد مااگلچ خویه‌منا وهيچ

لان رح آصیرین مریتي

بس أني مو بعينچ جاي اطلبون مهر ملیون ونص..

تلعثمت بس سيطرت علموقف اجاوبه..

-وووووووشنو الجدید احنا مو أسلام...مو هذا دينا يگول

مو السيده الزهراء بنت النبي عليهم الصلاة وسلام‌هذا مهرها

بشنو افضل اني...

يعني على الذهب ترى مجرد حديده...

زين اطلب منك مهر قوي، وانت طالب منين اجيب‌تداين وارجع اني بورى العرس احتار بدين، كلشي اشوي اشوي...

مازال انت شاريني...

فأني بكل ثقه اخبرك..انو قدوتي بلحياة

السيده الزهراء،والسيده زينب عليهم السلام..

هذا مهرهن چان واني على خطواتهن امشي

چنت امدنجه أحچي مابدر منه اي صوت

ولا قاطعني توقعته تركني..

رفعت راسي

والكاه ساند راسه على ايده‌ ويتنوعلي...

حركت حواجبي معنا شكو...

ضحك واول مره انتبهله

برغم ملامحه عاديه،بس حواجبه وشمرتهن‌ مطياته رجوله...... گال

-اقسم بأخو زينب اعوضچ وادللچ دلال..‌

واخلیچ آسعد آنسانه...والکل یحسدچ علیه لآن عندچ هیچ زلمه یحبچ...وهسه خلیتني ‌انصدم بيچ..

لآن متوقعت آگو بنات هییچ یفگرن آنتي انسان ماکو منچ آثنین..واخوو زينب راح اعوضچ تعويض

وحتى أختچ عقیله شاهده..علی حبي.

گمت بخجل لآن صوته شويه عليه رتبت جنطتي بيدی نصیت راسي واشوفه

اتلمس طرف عبايبي الي مترب اشوي

باسها وخلاها على كصته...

تفاجأت من موقفه بقيت مبحلقه عيوني

من المستحى اشرت العقيله نروح

خجلت من حرگته وهو یبوس طرف العبائه بس شعورها مينوصف

لزم طرف العبايه گانما لازم تربت حتی من ويبوسها باسها بقدسيه عجيبه

ساگته ومحچیت شی الى ان گالت عقیله

-تری عباس انسان كلش محترم‌حقچ صافنه انه مثلچ اندهشت أشلون سوه هل حركه تعرفين معناها بين بيها أنو هو يحترمج ويقدرچ وحتی مقدسچ..

ربي يديمها...

-اشگرچ عقیله یوم الالچ

رجعنا للبيت..جنت تعبانه كلش..وفرحانه

الساعه بتلاثه العصر ...ندك باب بيتنه

اجى عباس وامه وابوه وياهم شيخ معمم...وشكم رجال...

أجتني عقيله ماصدكت...كالت

-والله حتى واحد كامش كاميره تصوير صور،

-يااااا عوود خطوبه هاااااي

-أي والله عقد كهررر

دقايق واجتني امي گالت

-بسرعه جهزي نفسچ وتحضري يكول والدچ جایبین شیخ، یردون یعقدون

لآن همه دارین ابوچ هواي يسافر أيفادات

-ماما يعني عقد مهر والحفله

-تااالي يمه تالي

اجتي زوجة اخوي احمد ماما دازه عليها

جرتني من ايدي..

-ييييييييييله تعالي اخذچ بدلي صعدت الغرفتها كلشي صار بسرعه مدا استوعب ومااعرف اشلون، تبت وجهي ممصدكه

طلعت من‌الگنتور فستانها مال السابع

لبسته واجی مخصر علیه عقیله یمي

گتلها

-هااااا حلوه حضنتني

-تجننين والله

نزلت الدرج لابسه فستان ابيض مخصر...

حاله شعري علی طوله مكياج خفيف...

اجت ماما شمرت عليه بيرغ ابيض طويل‌ ودخلت للغرفه ودخل عباس من صوته عرفت بدا الشيخ يعقدنا...

وهو يحچي نذور العقد...كلشي بيه يرجف

كلشي بيه ممصدك...

شخص كتمت حبه بداخلي...

ودعيت الله يجمعني بيه هل لحظه وبسرعه صار زوجي..

شالت ماما البيرغ خلته على راسي حتى يغطي شعري

ودخل المصور طلع اخوه عبلس گال

-یله لبسو حلقات، واحد یباع للثاني انه وعباس حتارینا اشنلبس...

ماما چانت واكفه يمي نزعت حلقتها

ونطتني ياها... گالت

-هاااااك خاله لبسهاااا هااايه

عباس يضحك،واشوفه نزع محبسه الخرساني ونطاني ياه...گلي

-يله غفران لبسي اليه علساس حلقه وهاي حلقة ماما انه البسها الچ

وفعلا لبسني حلقة ماما ..وكل حركه نكص صور، همسلي بضحك

- رااااااح تنذكر خطبتنا بتاريخ الخطوبات

البسچ حلقة امچووانتي تلبسيني محبسي

على اساس حلقه هههه

صار هل يوم احلى يوم مر علينا بقى يمنه الحد اليل يسولف وي اهلي ويايه

كام يترخص..

اشرت ماما اليه اكوم وراه اول ماطلعنه

همس بخفيف

-ماتوقعتچ هیچ حلو...کلساع انصدم بیچ

علی شغله...

-ها وانت همین

-اني شنو..

-انت خوش رجال

-الله وياك صاحبي، اشكرك محتاج شي..

-لا اشكرك...طلع والضحك بعيونه قبل شفافنا حتى عقيله ضحكت من كل كلبها.

الصبح بدلنا اني وعقيله نروح للجامعه...

وشفت عباس واكف منتظرنا....فتت من يمه.. كتله

-يا ياااأااااا شني اشكد عيب شدگول الناس علينا.. روووووح منااااا روووح

زحمه لا تشوه سمعتي..هسه تجي عقيله

-غييررررر خطيبچ

-اي وذاااا روووح

ألسلوك الحكيم للفتاة

أن لا تفكر في إثارة الفتيان بمظهرها وحركاتها، بل تهتم بوقارها ومتانتها

فا إحتشام الفتاة في لبسها

لا يعني جهلها بالموضآت !

بل هي إجابة لربها ،

و إقتداء بقول نبيها

ولأنها أيقنت بجوهريتها الفآخرة النادرة...

ف حياء الفتاة ليس عيبآ بل هو تاج لها

....................

السلام عليكم..

...نازك الحمراني...لاتنسو اختي من قرائة سورة الفاتحه قبلها الصلاة على محمد وال بيت محمد

.

بسم الله الرحمن الرحيم

بينما كانت السيدة الخفِرة تطحن الدقيق،

كان طفلها يحبو في بهو المنزل. هبّت رياح فانفتل حبل الغسيل المعقود في نخلة الدار

تعثرّ الطفل به.

فزّت الأم. رفعت طفلها، وقع بصرها على

الحبل وهو مستلقٍ على الأرض. فسحبها

إلى ذلك الحبل الذي سُحل به والدها في

أزقة الكوفة.

رأت فيه حمرة فجيعة، تذكرها بدم والدها،

ثناياه الطائحة، عينيه المسمولتين

المحشوة بالرمال، وهي شاخصة نحو

المولى ترسل سلامًا إلى كربلاء.

ارتفع بكاء الوليد، احتضنته وهي تمسح

دمعتها بطرف كمها ( السلام عليك يا أبتاه

يا مسلماه).

لا عباس روح الله عليك شدكول الناس..

تشوه سمعتي...بقى واكف وهو يبتسم..

-البارحه حسستيني اني أخوچ...

الیوم صاحبچ...وتخافين من اهلچ

ادري الشيخ البارحه المن عقد..بس لا مو النا عقد

-لااااا النا انه وياااااك وحتى بعدني لابسه حلقة أمي

-يارحمتك يعني أنه وانت أقصد أنتي مزوجين

-لا بعدنه

-يله بعدنه بعدنه صالح الله عمييي خلينا نمشي علما تجي عقيله...

-ووووين نمشي

-انه انه رااااااااااااااح امشي جدااااااااامچ

واااااانتي ورايه؟

حتى من أنسولف أنه وياج محد يعرفنا

شدگولين

-هااااا والله خوش فكره بس خل تجي عقيله أحسن ألنه

-أي ونعم منهاااا

يمشي متبسم بقيت عيوني تتلفت على الشارع، خاف واحد من الجوارين يشوفنا

التفت صارت عيوني بعيونه غمز اليه يحرك حاجبه، وبهمس ويه روحي يحچي ويسمعني

-هذاااااااااا أول يوم الك ياعبيس المكرود

.تالي شلون ويه حظك ياعبيس المكرود

-ها شگلت تحچي ويايه.

-لا ضلع صاحبي ابد مو يمك اريدك سالم

صفنت عليه رفعت حاجبي

-لاااااادكول صاحبي اني أبنيه،مو ولد سمعت صوت وراي..اخوي علي جاي يروح للدوام....من شافني صاح

-هلا بلنسيب شلونك عباس...

شخبارك وي اخونا الثالث ابو شامه

أتنوعت الأخوي واني اشر بيدي بلخفيه..

اريده يسكت...

غمزلي علي...

-هااااا عبد الغفور ليش تاشر ترى عادي انت صاحبه وانه صاحبك واثنينه صاحب صاحبك

عضيت شفتي حتى يسكت درت منهم

التفتت أجتي عقيله من بعيد تتمشى

كال اخوي علي ماد ايده

-هلاااا وغلا وستين تمر محشيه وحلا

أجت سورهن ونورهت خيتي الحلوه........

سلمت عقيله تضحك.

-السلام عليكم

ردينه

-وعليكم السلام

علي اخوي تناوع الساعته وگال

-خواتي رايح وانت عباس أترخص خويه عينك على ابو شامه واختي الحلوه

اترى أمانتك عقيله

-هااااااا واغفران مو أختك ماتوصيني

-للأااااااه اااااابوشامه كلف مينخاف عليه ههههه من راح علي

تقرب عباس مني يحچي.

-يعني اكلك ابو شامه...لو إم شامه

رفعت عيوني علیه بخزره وهو رفع ايده بحرگه عود رح اسكت كال

-العفو نبقى على ابو شامه احلى

-هااااااااا

-لااااااااا اشاقه انتي طفلتي ومرية عباس

.خل يكولون ابوشامه المهم اني

اشوفچ هم ابو شامه آقصد احلی وارق حرمه، واحلی ابنیه ياأم شامه

-اشكرك

-لااااا يمعوده شگلنه قابل

ركبنا بسيارة الجامعه كعدنا اني وعقيله وعباس ورانه تحرگت السیاره گال

-خويه عقيله عیونچ بيهن بيااااض ليييشش

دارت وجهه عقیله الیه وخایفه تسال

-شوووفي عيونی عقیله بیهن ابیض اي انه صوچي ماراجعت طبيب بعد

جاوبتها

-هووو گل عین بیها بیاض شسالفه ههههه

دنجت خجلانه و التفت العباس اخزره گتله بهمس

-عبد الغفور لاتخزر أنت بيك مرض زرويد

درت وجهي العقيله اسالهاااا بخوف

-انه بيه زرويد مين تعالي فهمني من وكعت ذيچ المره أنتيو ماما گلتو مجرد مغص

رد ضحك وجاوب مگان‌عقیله

-منو بلدنیا ماعنده زر وِأيد هاي الايد وهذا الزر الفخذ

هل مره عقيله ضحكت عليه، وهنا عباس كل اشوي يشمر كلمه‌ ويضحكنا نسكت شوي ویرد يسولف وينكت، الى أنصلنا للجامعه گال

-لاااا تمشین حیل غفران أنه أوصلكم للقسم

وكفت مقابيله...

-عباس عندي طلب منك...قبل لاندخل...

-عيون عباس"وعافيته"وگلیبه الآخذتيه

تصنم كلشي بيه من كلامه، ینتقي كلمات راقيه كلماته كل حرف منهن بيهن حنيه

"وحب"تمنيت الوقت يوكف ونبقى اني وياه...اشكد احبه

بس استحي اعبر عن حبي له...اشكد اريد اعترف له أنو هو من أول موقف نقذني بيه حبيته ..

بس لا لساني مايقبل يتحرك، ولا نفسيتي

لان دوم وي اخواني اني اخوهم الثالث..

الحد مااجت عقيله

أخواني يعاملوها كأخت ويحترموها

واني بقيت الأخ الثالث بينهم...اول واحد يعاملني انثى هو عباس حسسني صدك أني ابنيه خاصه من يتغزل

من يحمني بكل موقف.حسسني أني أمرأه تريده ،وتريد حبه النقي، النظيف...

كطع صفنتي و گال

-یاحلوخ من اخذ بالچ

-هااااا لا مااگو

-زین شنو ردتي مني...

-ردت ا گلك مو هنا نلتقي نروح للحديقه مال كلية عقيله ..

-اي احسن حتى محد يكول علينا مكبلين

عیب الطلاب تحچی

-مكبلين يبووي

-العفو قصدي حتی ميكولون مخطوبين

ويشوهون سمعتنا الناس

لأن الجامعه نصها مكبله عيب احنا بوسطتهم مخطوبين"وعاقدين ههههه

-عباس خليك جدي الله عليك

-غفرااااان اريد اضحكچ الله علییچ

ابتعدت منه دومه يستفزني بكلامه الحلو

شفت ايناس یم باب القسم باركت اليه

-هلااااا بام شامه بلعافیه علی الخطوبه یاااارب منها للزواج والجهال

-حبیبتي اشكرچ

دخلنه القسم وبطبيعتي مامحتكه بأي طالبه،بحیث تعجبت من ايناس شلون عرفت انه مخطوبه،لان هی مجرد زمیلة جامعه

كعدت وكعدت يمي تهمس

-يعني عباااس چان یگعد علموودچ شلون

لفتي انظاره وهوووو مااايباوع على اي ابنيه شلووون ابسرعه استعجل وخطبچ

عيوني الها ردیت

-وولچ مین عرفتي صدقآ انه شاكه بييچ أستخبارات أشلون عرفتي بخطوبتي احنا حاى سويناها سكتاوي...

ضحكت وهي تجاوب

-أااامي الصبح ملتقيه بأم عباس..وسائلتها اشوكتازوج ولدها، البقیه وهم گبرو ومن هسوللف فكالتنا عليكم ههههه

-امممم شگولچ یااااینلس متلگده هسه أذا اسئلچ عن آي طالبه تعرفيها هههه

- هههه شعبالچ

اجت صاحبتنه نور کعدت یمي ايناس ونور بس هن صديقاتي بلجامعه..ودائما نضحك على أخبار ايناس مدري منين أجيبهن..

حتى بهل لحظه تمنيت اسئلها عن سيد مهدي...بس ماكدرت خاف تطلع سمعه

طلعنا الملازم انريد نقره

كعدنا عل مسطبه واشوف عباس جاي علينا

-السلام عليكم غفران،اشلونچ وین دفتري

-وعلیکم السلام هااا هاااها أي، لقاعه خل اشوفه دقيقه

ترخصت من البنات ضايجه...صار جدامي يبتسم

-اشبيچ حبیبه،شو ضجتي

-اي مو خبرتك لاتجي، ترى هيچ یحچون علیه البنات وهمين عليك

-والله یاحبي عم نفسي گلت آلجماعتي بخطوبتنا‌ انتي ليش اسكتين،،وتخبين

-عباااااس ترى انه مااسكت بس أنت جاي أشوف البنات لمن ينخطبن تبقى وحده تحرك گلب الخ...

واشوف بنات أمرار يقاطعن علاقاتهم وي صديقاتهم لان بخطبون والحچي المباح يصير عن شيسوون المخطوبين وشنو

اني مااريد هيچ یاخذن نظره..

-وتفگرین بگل الناس وانه لااااا مو ارید اگعد ویاچ شلون نبقی هییچ یاعینی

أي أخلينه هيچ لمن نتزوج، أفضل

ولاچن احچي وياه نطاني ظهره يصيح المصور....

-ابووو ااشباب تعاااااال

-يااا عباااس ليششش

-دتعااااااااي يااااااعيني،أشرلي وحچی

مشى واني اتبعه للحديقه حرك ايده اجي يمه‌ اقتربت المكان ورى شجره..

-وین

-تعاي يميييي قريب

ماكدرت اعارضه،وجه مبتسم وعيونه تضحك قبل شفافه مردت اكسر فرحته الي ملت ملامحه وگفت یمه همس بأذني

-الله هسه رح المس عبائتچ بکل قدسیه

.ماعرف شیقصد‌مااشوفه اله خلی آیده على چتفي،قربني آله بحیث چتفي صار ملاصق الجسمه گل مكان بجسمي قشعر

ورجف اله شوي ردت أدوخ واوکع بلگاع

تنوع آله يضحك ولاچنه مخلي آيده عليه

یجوز احبه اكثر،لأن كل حر گه من عنده

تقلب احساسيسي،تنتشلني،وهو محتار بس شلون تطلع الصوره مرتبه

عِينك تخصني جدا حین تبتسم لا بل گل مافیک یخصني

لزم ايدي يمشي سالته

-وووين فدوه عبلس

-أخذنا اربع صور بجامعتنا خلينه ناخذ

بلقسم مالتي، أنكص صور..حتى بگل مگان هناااا تلگین بصمتي،وتلگین حبنه بگل زاویه

-حلووو حچیك

-بعدچ مشایفه شييي

ماادري فرحته چبیره‌‌.مادري فرحتي اكبر.

كعدنا بلكافتيريا،يتنوع اليه گال

-أطلبي حبيبه ريوك بلي ترديه،ولااااااا تگولین متریگه اي شي تردي طلبي أكلهم طيب كلششش

فكرت هو ماعنده،ولسى مثابت بشغله وهسه كصينا فوك السبع صور...گتله

-چاي أو "كهوه"بكيفك

ضاج وعدل كعدته

-ليش ليش ياااااحبي،انه جوعانه اگتلچ طلبي اريوك نتريك سوى

-وانه شبعانه والله شلون أگل

ضاج،ونصی راسه فات صديقه بيده طفل

حبيت أغير الموضوع،لان تحسس.گتله

-عباس انت تحب الاطفال جاوب بصراحه

رفع راسه ورجع الابتسامته الحلوه گال

-اعشق هل مخلوقات، واريد تلث أطفال منچ،ثنین ولد،وبنیه،االبنیه گون الکر والاولی ونسمیها صلاوات..

والولد الثاني نسمي فضل

وثاني "كميل" ونسوي اسرتنا زغيره

نتعين أني وأنتي،ونعيش احلى أيام..

اعوضچ عن کلشي..اشتريلچ ذهب مثل البنات..

أشتريلچ الي ترديه وحققلچ‌الصعب گله

-انشاء الله

-انشاء الله مابقالي مجرد سنه وأتخرج..

واني انكليزي بسرعه اتعين ها وبحفلة التخرج،أخبث على الگل تفقنا من هسه

نلبس اني وجماعتي لون ماروني بس اني وانتي نلبس لون غيرهم‌ لون صحراوي قريب الون عیونچ ..ونخرب عليهم ههههه

-هههههههههه حتى على أصدقائك تخبث

مو بس علیه

-اي بس والله انه فقیر اخبث للضحك

طلعت الموبايل من جنطتي گال

-ليش طلعتي ام شامه

-اريد اتصل على عقيله تجي يمنا لان‌نفسیتها تعبانه فد مرره

- برررراحتچ حبي،شنو الييعجبچ‌ سوي

يا ام صلاوات أم جهالي الي مااجو للدنيا.

-ام جهالي،بسرعه سويت

-أسمعي الأقوى رح ماادخل بتربية الأطفال أنتي تربيهم..لأن عاجبني

وعاجبني كلشي بيچ..وخصوص تربيتچ

لان على امچ

-اشکرك عباس خجلتني

اجتي عقيله گام بگل ادب یرحب بیها

اتعجبت على ذوقه وكل حركه يبدي بيها

رغم ماعرفت ليش گام من اجت ولیش کعد من كعدت .

أتذكرت حركته من باب الاحترام كلشي يسوي بحساب، طلبنا كهوه بحلیب....

چان اليوم الأساتذه عدهم اعتصام

فخلصنا بلكافتيريا..

واهم شي عقيله ضحكت ويانا..

من سوالف عباس واريحيته المحترمه

اللهم أعطنا من الأمان ما يكفي للتغلب على ما نخافه، ومدّنا بالطمأنينة كي نتجاوز ثقل الايام

.........

سيد مهدي

بعضي لديّ وبعضي لديك، وبعضي مشتاقٌ لبعضي فهلا ياقارورتي لأحضاني أتيت ..

وكفت سناء يم رجليه متچتفه و تتناوع الحالي،وضعي رجعت رفعت نظرها اليه

-هسسسه شقرررت عليه

-انتي امرررچ محسووم رووحي من يمي

-زين انع احبك ومن ازوجتني الى حد ماانتهت مدت العقد، مافكرت ولا يعجبني واحد مثلك..

-قبل هسسسه شوفييي حااالي

-احبك دا أگلك رغم ألندوب بوجهك...بس كلشي بيك يجذبني،عود هسه مالك خلك ياربي حتى من تلف الشماغ على راسك ناااااااازك،انييق جبهتك خيوط عمليات جراحيه بارزه،خدك، كله ندوب ناعمه نحول جسمك،أيدك من چانت تتلمسني بحنان،من تحضني،من تتمدد يمي

ااااه والا تريدني انسى وانه حتى أتذكر من چنت العب بشعرك الناعم وانت بحضني گلشي بيك يعجبني

-لاااا حول ولاقوة الا باالله ،وانا لله وانا اليه راجعون

-ليشش،تحوقل،خو أنجدد العقد اني وياك وارجع اصير زوجتك،شدگول

تعصبت،نزعت الشماغ بحركه سريعه

وبعصبيه،شمرته بلگاع نترت بیهااا

-شوووووفي سناء وبلاااااااااكلام زايد..حتى شعري الي تتغزلين بيه بعد مااربي منا لمن اعالج فطر الجمجمه

وجهي هو والحرك،والتشوه التارسه همين ماااعالجه يله كولي شنو يعجبچ..

-روحك،احساسك،رزانتك،رجولتك

-استغفر الله ربي هذاااااا كلامچ اليه گله محرمات ،واثم،احاسب علیه،قبل لا انتي تحاسبين،وانه مااااااااااريدچ زوجه حتى لو مجرد ساعه

رجعت صفنت الثانیه علیه،وتشهك...

-أنت بنظري شخص تجنن وانت اكرع

الساحه هل فتره للأكرع

-مااااريدچ فهمييي فهمييييي

تقربت علیه ترید تلزم متني رفعت أيدي البيها ضماد حتى ماطخ صارت رفعتي على ضلعي،تأذيت لازم مكان الوجع الالم زاد اختنگت سحبت گمامة الاوكسجين

صاحب بصوت ناصي وتاشر بيدها

-ليييييييييش سيد مهدي مو ست اشهر

اني وياك خلصنا أحلى فتره احبك حررام

تحرمني مننك

نزلت كمامة الوكسجين عطت بيها

-سنااااااااأاااااااء اااااااااااطلعي مااحب اعلي صوتي على أمراه..اترجاچ احفظي ماء وجهچ وطلعلي...انتهت فترت العقد

انتهى ویاهااااا كلشي، ماوووعدتچ‌ احبچ ولا وعدتچ اجدد العقد

ولا وعدتج، زوجچ دائمي..

انتي الي ردتي...وأنتي الي سعيتي...

ولأن لحيتي عليه...وافقت أزوجج متعه...

اله أني رجال حر حر حر وماارغب هيچ سوالف

رن الموبايل مالتي...چان عل میز..

مااکدر آکوم اجيب الموبايل اله واحد یسندني، حاولت احرك رجليه مثبتات

ردت أگوم سناء گالت

--لااااااااااااااتتحرك اني اجيبه الك

حاولت تتقرب علیه تلزمني خزرتها وانتر

-مااااااااااالچ دخل اني أدبر نفسي...مديت ايدي بصعوبه كاز على اسناني واحسن ضلوعي مالن ويه ميلت جسمي كتمت صرخت ألم قويه ومن الوجع چن وتر ایدي انكطع، جريت الموبايل فتحت خط جدي..گال

-اخووووك يتاخررررر راح أجيك هسه سيد مهدي...

-اي اي جدي تعااااااال اريدك اريد هسه محتاجك،ليش عفتوني وحدي

تنوعتلي سناء بعصبيه وگالت

-صارت هیچ سید مهدي

خليت ايدي على الموبايل اجاوبها

-اي وااااااااااكثر خلي بالچ ألي بينا هسه شغل ،وبزنس وبسسسسسس

-معقووووله

-أكيد انتي دتشتغلين كونچ أديرين شركة جدي، القانونيه ولو مااخاف من الله

چان خلیته بهااااااي الحظه یرفضچ..

-تهددني

-سید مهدي مايهدد التهديد للجبناء،جاي انبهچ حنی تحافضين على لكمتچ.....

-بس اني احبك...

-وانا متواعد ويه ربي بدعاء على‌ آنسانه"

عفيفه"طاهر"شريفه،نجيه محافظه على نفسها، الأجلي..

وهسه ييييييييييييييييله ااااااااااااانكلعي

لا وحق شهيد كربلاء، اخلييچ‌‌ طول عمرچ تتندمين

سحبت جنطتهااا طلعت ویه سدت الباب الوجع دمرني، وسمحت النفسی آصیح من الوجع واحس راسي ينفجر

دخل جدي،واسمع بس صوته.

-اااااااااااااااااااكعد اکعدددددد سيد مهدي اشبيك، بويه ابني وللك بعد جدك ولك ردت اروح اليوم اخطبلك عقيله أكعد

متمتت بطرف أللساني

-عقيله،عقيله وينهاااا اغمى عليه من الالم

كل اشوي اكعد وافز اصيح من راسي وضلعي

غوشت الدنيا بعيني واسمع الدكتور يگول

-رجعو للهند نزف داخلي صاير بدماغ احنا منكدر انسيطر على وضعه اخذو وتقاريره جيبوهااا اليه هنا

گال جدي

-أي أي ناخذه هسه،راسي صار اثگل من جسمي ،كأنما حديده فوگاه،والنزف اشتد وكد الألم الفضيع کل اشویه اتخيل عقيله يمي یجوز حلم او حقیقه طلع جدي وراه

بديقه اجت عقيله

مصدكت فتحت عيوني...والكاها طبيبه هنديه، عيونها زرك، تشد المغذي الأيدي...

قارورتي الجميله..

اشتقت لخماركِ العفيف

لوجهكِ ذي البشر الطيف

أشتقت لعبائتك الطويله..

لأقبل أطرافها أشتياقآ..

وحبآ لمحياكِ الرهيف...

فزيت داخل غرفة العمليات تذكرت أول لقاء بيني وبين سناء من دخلت الجامعتها عندي موعد وي العميد بشغل جاي أطلع خلصت شغلي شفت أبنيه بسد الجامعه

رجال يريد يضربها وشكله ملخبط...مو على بعضه اريد ابعده عنها لأن راد يضربها

وتتوسله وتبچي صرت جدامها حميتها منه قبل لايضربهااااصاح

-لك اني اخوهاااااااااا انت شعلیك...

ابتعدت من عنده..صدك هذا اخوهاااااا

ومااااا اشوفه اله ضربها راشدي.. رجعت عليه جريته وضربته بوكس

-لك أااااااااااااااكو بيوت وحاسبها اذا انت رجال وثانيآ ماعندك غيره

اتمد ايدك على اختك جدام الناس وين بلجامعه، شدكول الناس عنها..

-اخووووها وبضربهاااا

-تاگل تبن الاخ مايضرب اخته

تلاويت وياه جوي الأمنيه وعرفو انو شکله متعاطي، اخذوه ندرايت عليها

اشکد استخطیتها...

نقذتها من عنده..

لأن انسانيتي تكلي، وديني السمح

تالي ظهر وجهه الثاني، وعرفت نیتها...

برغم تكفلي بعائلتهم كل مره أطالبني مبلغ أشمئزیت منها....

وهي تعند وتجيني دائما للجامعه...برغم نبهتها ماتجي عليه

بعد الحاح منها عليه قررت اعقد عليها عقد متعه وينص ان عقدنا مدت العقد انو ست ِآشهر نبقی

مارحت الها مجرد اتواصل وياها علنود امها المريضه وحتى هجرتها شهر اي شهر كامل ومن وصلت عقيله البيتهم هي وأمها،وشفتها تبچي عرفت نفسي هاي الأريدها،وهي الانسانه التستحق أحبها..

داومت بل جامعه مالتي ،وهنا المفاجئه... سناء جایه واني محذرها،وچنت مجادل ویاها....

رفضتها لان ماعجبني تصرفها ولبسها

الي تلبسه فابقى على عقدنا شهر ويخلص مدتهة بیومها أقتربت منی متبرجه بزايد

لبسها مادمألوف رادت بهل حرگات أثير غيرتي.وكل مره أنبهه گلت الها

-هنااااا حدچ لاااااتجین گل مره آگلچ لا تتبرجین تقربت عليها..وتعديتها حتی تجي ورايه

رحت ورى الجامعه تبعتني گبي غايض

طلع صوتي رغما عني حادا أشر بسباتي

-خبرتچ وگلت الچ لااااااااااااااتچین لااااا

تجیین

جاوبت

-بس اني زوجتك وباقي عل موعد شهر وانت ول ماااااااااكو شسوووي باه

حچیت بعصبيه بدفاعي عن نفسي.. حسيت أربكها صوتي طمت حلمها لأشلاء.

حلمها وهي تتزوجني زواج دائمي...كگتلها

-شوفي حتى لووووو فی یوم جمعنا سرير واحد، هل شي ما يعني أن يجمعنا بيت وحتى لو جمعنا عقد زواج، هل شي مينطيچ الحق أن تلاحقيني،وطالبیني بشي ماوعدتچ بیه..وعقلچ راسمه

لآخر مرة يا سناء لاتجين الجامعتي

ولا تراويني وجهچ اله من اناااااأخابرچ ا

اقتربت بخطوات مني توكف مقابيلي

انسحب الدم من وجهها ..بسبب عصبيتي

وبصوتها وهي تعند

-صدك وحقك الي دگوله منو اني؟

مجرد أبنيه نقذتها وشمرت روحها عليك

برغم الست اشهر ماوصلتلي بس چم مرة

بس اخر مره...

احتقرت نفسي لان من ردتك تقترب الیه بدیت تحچي وتتلفظ بأسم ابنيه غيري

يعني شفتلك حبيبه....

عرفتك انت ماعندك حبيبه من أزوجتني حبيت اشوكت"وليش حبيت"

واني احبك موتزلويش محبيتني...جاوب

چانت تحچي وعود هي بريئه...

تتمسكن كرهت صلافتها.، وانه اتظاهر بالأسف..هزيت راسي ورفعت حاجبي بغضب

-انتي متحبيني سناء وهل شي نعرفه أثنينا أنتي حبيتي وضعي"شكلي حالتي

وثانيآ حقچ تشعرين بلحقاره

لأن انتي خليتي نفسچ بهل موقف

کلما آقترب منچ....

توکفین آکبالي وطالبني بثمن قربچ حتى أذكرچ بآول مره النا سوه..

طلبتي زيادة المبلغ مقابل أن تسعديني ..

وبالمرة الثانية طلبتي أن اشتريلچ کلاده ذهب‌وانا لبيت طلباتچ وما أبخلت علیچ .

منحتچ مقابل عروضچ واجتهادج لحتی آسعدیني، انت من قَدَّرتي ثمنچ الغالي بنفسچ ! "

نزلتي نفسچ بعیني...وحسستيني مماخذ انسانه‌بنت عائله... حسستني ماخذ زانيه

وطالب ثمن فراشها

وووکککلچ خليتني أكرررهچ بهل تصرف

و اكره جنس حواء...کله وتوقعت بسبچ هل كره يلازمني طول عمري

بس لا..

الله حبني ويحبمي لأن خلاها بطريقي

،خلاها الطیف المنقذ

-منو هاي الي خلاها بطريقك وشنو أخذت انت منها...

وشنو انطتك..حتی تحبها خلال فتره قصیره.. شنو الي سوته الك اكثر مني..

بلحضتها تعصبت منها كلش

ونفسي صار الحار واني ادنى منها

ضغطت على جتافها اثنينهن هزيتها بقوه

وحتى ماشفقت عليها...اذا ألمتها بضغطي القوي

-انلصميييييييييييييييي سناء شتتوقعين الحیاة عباره عن غريزه حيوانيه

لو لبالچ هي مثلج‌ طامعةً بفلوسي

هل طاهره، الي أشوه اسمها من اذكرها بوجودج حتى مااتعرف وضعي المادي اشلونه..وانتی؟؟

أنتي أستغفر الله...

شوفي اني ماأضربه مرأه...

ومارح تستفزيني حتى أضرب..وطلعيني من رجولتي

لأن ديني"ورجولتي تمنع اضرب مرأه

وهل أبنيه التحچین عنها أحبها واعشك تراب أقدامها لأن هي عزيزة النفس .... عفيفة گلب ...

طاهرة روح" نقية‌خلك

"مؤمنة دين..

أحبها..

لأنها الوحيده شفتها تستحق أسميها

أم أطفالي

الوحيده الي رح أمنها على عرضي ومالي

"وبيتي

أندارت عليه بصلافه حقيره..

-یعني متزوجني دائمي لعد اخبر جدك..

انت مزوجني متعه

-ههههه جدي كلشي يدري وهو كالي مادم هي طلبت تزوجك"روح بفالك..

فأني لو ماجدي...أصلآ ماافكر ازوجچ..وقتي هو گال لاتنحرف وهي جايه بنفسهاااا

فتعلمي لاتهدديني، لأن جاي تخليني كلش مااحترمچ...كالت بقوه

-بعد لااااااااااااااااااتجینی للبیت

-ها ها منو الجاي على منو، روحي سناء

لاتنجرحين مني زايد....

الخاطر والدچ "والدتچ"وخواتچ"رح اخلي جدي

يتكفل بمصرفكم، ويدفع اجار بيتكم

-لاااااا تروح سيد مهدي

-ارووووح وكتلچ قبل وآکلچ هسه...

اني مااريد دائمي گلتي أي اريدك بلأسم تحميني"من أخوي"وطليقي

حميتچ......

هددتهم بعد مایجوچ..دفعت ضعف المبلغ الطلبو منچ

بعد لهنا وکافي، واكررها عليچ لا تتأملين مني شي‌أناااااا حر وماأخذ اله حره نفس مثلي...

فزيت من هل ذكرى المزعجه. احاسب نفسي على الي صار بيه...

الله حاسبني وخفف عليه ذنبي برغم ماعاصي كد ما،ذنبي رحت وي نفسي الأماره بسوء...

مازنيت"ولا نكحت بحرام"

بس كل هذا واحس نفسي مذنب...

فتحت عيوني دكتور هندي يمي

ومجموعة اطباء سمعته يحچي انكليزي يكلهم...

-موهذا الشاب اجيت كشفت عليه....

كتلكم رح يموت

شلون عاش...

اني خدمتي تلاثين سنه...عمري ماخطأت بتوقع. الجمجمه مال راسه مفطره من النص یعني مشطوره بنص مثل رقيه

ردت اگله...الله واهل البيت وكفولي

طلع....واشوف عل قنفه مقابل الچربایه مالتي.... جدي تنوعت للغرفه.. بقيت امتمت بشفافي

-الحمد الله لساتني بغداد مارحت للهند

برغم اشتاقيت الغرفتي المحافظتي بس كلشي ولا الهند"وايران..كرهتهم كد ماسافرت الهم واتوجع

طلعو الدكاتره جدي بقى يقراء سورة يس

بصوته العذب....

غمضت عيوني انصت اله بخشوع خليته يكمل احب صوته رفع راسه شافني منتبه له،اقترب مني دنج باس ايدي

-شلون صرت ياعيون جدك. ولك مردت گلبي عليك كد ماصحت من الوجع

دفنت اخوك ابن عمك عامر وحتى نسيت الدنيا... لا تجمر گلبي عليك بويه وليدي

ردلي ياسيد مهدي جدك حزين کلشي ولا انت يلغالي مدنج علی آیدي ويحچي

رفعت ايدي تلمست غترته الخضره...گتله

-اااآاااادموعك غاليه جدي...لا تنزلهن عليه

ادريك مااقصرت.. بس هذا الدكتور اشجابه مو هو هندي

-أي یبعد ابوك جبته منااااااااااك علمودك.

ادري بيك تعبت من السفر..وكرهت السفر

بقى نستمر على علاجك كل شهر نجيبه من الهند بفلوسنه وانشاء الله صحتك زينه.....

-وجهي جدي وجهيييي يخوف

-دگوم علی حیلك أدور نلتفت الوجهك

.وكلشي يصير زين طمنوني كل الدكاتره.

البنانيين"والأيرانين

بس الهندي"مأيس من روحه..لأن هندي ههههههه

مايدري رحمة ربك"فوك توقعاتهم..

جاوبته

-وسنااااااء جدي

-وهااااي سناء هم حليت قضيتها بعد مااضايقك.. لكيت الها شغله بوحده

من فنادقنا الرئيسيه الي بغداد....

اجرتلها بيت هي، وامها وابوها..واخواتها الثنين...هناك بعد مضايقك"فهمتها انت عندك مره وتحبها.

.

جانت كل ظنها انت لساتك بلا مراه....

كتلها لا زواجكم من سنين خلص

وهسه هو بحكم مزوج.. وگلبه بعد مو اله.

-معقوله وتفهمت

-اي أتفهمت وراحت من البارحه..

-اشكرك جدي ماتقصر.. لو ماانت مااعرف شلون وضعي....

-لااااااا مقصر وياك تدري احس نفسي قصرت من مازوجتك عقيله..

-لا جدي ابد..مقصرت چان التهیت بیها وحتی مادرست

انت دائما تصرف بحكمه...رجعت غمضت عيوني...

-اقراء قران اليه

-صااااار يبويه

غمضت عيوني ريد أسمع صوت جدي من يقراء..اول مابلش دخل عمي جعفر..سيد معمم

كل ظنهم أني نمت... وأسمع جدي يسولف وياه

-ياسيد جعفر عیوني تتنوع الحفيدي مهدي، ربيته من عمره ثمن سنين هو واخو صارو اعز من أبوهم...وحتى نسيته ابوهم بيهم

طلباتهم أمر... كلشي يردو يجيهم جو رجلهم.. بيوم تمرض رفيجي حجي أبو كامل..تعرفه مو وقبلها شفت حفیدته

ومن گلي مهدي احبها...

لاول مره اخاف على شخص اكثر من مهدي خفت على عقيله..

شفت بيها البنيه الطاهره المظلومه..

وخصوص من سولفلي حجي كامل قصتها، هي بنيه يتيمه

قررت أحجزها المهدي..

وصرنا انا وحجي ابو کامل وكلاء

محد يدري بهل عقد الكلامي...

بس اني وياه محد یدري صرت وگیل عن عقدهم

ماعلنته.. لأن حفيدي مهدي.. چان بتجربة زواج متعه.. وقبلها هم تجربه بفتره بس المده قليله...

فخفت لامشاعره وي عقيله اعجاب وهو ستوه مخلص مدت عقده من سناء

وقبلها چانت هدى، الي عقد عليهن وقتي.

.

خوفي على عقيله خفيت عنه ان انه عقدت الهم وصرت وگیل عنهم

من مات الحجي، ولده انتقلو

كلمن امحافظه، اله ابنه ابو علي..وزوجته ام احمد

مااعرفهم حق المعرفه ‌فقررت بهل لحظه انو مهدي يكمل دراسه يله اخطبله عقيله.

حتى يتاكد من مشاعره"وحبه الها

وماانتحمل ذنب ابنيه يتيمه بس صار الحادث...

وهو بين الموت..تحسفت وتندمت لان مازوجتهم..بس گله الاجل وصية صديجي

حجي أبو كامل گلي...هاي بنيتي العزيزه

أريدك من تزوجها الحفيدك..تكون أمانتك

أخر يوم الي يجالع بيه..

خبرت حجي أبو كامل أنو مادام حفيدتك وحفيدي موافقين خل نعقدلهم بل وكاله...

وافق بس أثناء ماصرنا وكلاء حاله تغير

لأن حجي كامل الوجع أخذه..

وهو يهذي منه.

.

فهنا صحة العقد مو تمام...لان يهذي هذيان موت بس أني شيعت بوسط نسوانا وقرابتنا آنو العقد صح...

واني عقدتلهم...

لأن أم مهدي تريد مهدي لبنت أختها

وعقيله ما أفوتها"ولا أضيعها من أيدي"لأن طاهره حافظت على أمانته...

بتأكدي من حب حفيدي مهدي.

یعني عرفت مهدي عاشكها"مو بس هاويها..

وعرفت أنو يستحق يكون كفأ العقيله....

فا بيوم التخرج وشفت الحب بعيونه

صار الحادث.. ومات حفيدي الدكتور عامر..دفنته بأيدي وراحت نص فرحتي

لأن هو هم چان یحب وحده..

وخبرته آزوجکم سوه آنت وسید مهدي...

هل شي تعبني..

التهيت بسيد مهدي من عمليه الى عمليه.

واگول راح يصحى وأخطبها له...بس الي وقفني، سمعت أم عامر تعارك أم مهدي

....وتصيح

-ياربي موتت عامر...وعيشت مهدي..

كون يموت مهدي....مثل ابني عامر..

ليش بس اني اتصوب بابني..

خفت عليه من الحسد"

ونفس أبن ادم يكتل..

قررت يصحى كلش سيد مهدي

واروح واخطب عقيله اله

شدكول يخوي‌وانت سيد معمم....الي سويته صح...جاوبه

-صح وعين العقل..لآن وصیة ميت..

وانت خايفه على ابنيه يتيمه وسيد مهدي رجال سبع‌مؤمن يخاف الله..متأكد رح يدللها

-اشكرك من طمئنتني هسه بس أريد عافيته ترجع آروح البيت أبو احمد وأخطبها

-ليش هم مايدرون بهل حادث يا سيد قاسم..

-أي ميدرون..هم بيتهم كلش بعيد عنا بذيج المنطقه‌ بعید شارع الگفیل

واحنا هنا...

وأبو حمد يركض على عيشته لأن موظف وراتبه قليل. نوبات المدير مال الدائره یننطي سيارته الحمل يروح يحمل بيها بضايع..

وينطي القاسمه الله" فما متواجد دائما..

يجوز كل اسبوع، يومين يجي بس یایوم بلاسبوع یتواجو و شوكت...ماادري...

-يعني ماعنده وكت يسأل..

-ای ماعنده وهم أصلآ ناس مو أجتماعيآ

الناس تعرفهم على معرفة حجي أبوكامل من مات‌أنسد بابهم....

مثل منكول ناس كافين خيرهم

أما نسوانهم مايعرفن العلويات بناتي..

لأن تعرف العلويات عكس الولد‌" يدورن مظاهر متكبرات، ميصادقن اله المثلهن.

...وهل شي حسسني أني مافلحت بتربيتهن.. فشلون يعرفون...

كتلك ابو احمد الرجال ممتواجد، ولده حدهم منطقتهم، عني حتى لو صادف قرو نعي‌ميعرفون هل نعي النا..

لأن العلاقات چانت علاقة اجداد...وبس

-انه وانت نروح الهم

-یله‌انروح هسه مازال سید مهدي نايم

طلع جدي وتذكرت عقيله الي ماناسيها...

صميت ايدي حيل...

حرگت رجلي، لازم أقوي نفسي الاجل

عقیله

الشی الحلو بحیاتي ماشفت مثل طهارتها

مايدري جدي عقيله بلنسبه اليه النفس الي خلاني أعيش..

هاي قاروتي الشفافه غمضت عيوني..

أذكرها من هي منقبه وتتنوع أليه..

كزيت على أسناني وكل جسمي ينفض..بغضب

تتنوعلي لأن شاب حلو...

وهسه؟

وهسه...مشوه تقبل بيه...

أخ ياربي سندت نفسي بثقل أنزل رجلي للكاع، جريت العكازه يمي....

لازم اتعلم امشي وحدي...انتچیت علیها..

وکل خطوه آکو الم فضيع..وصلت للشباك... ايدي على الجام، أثر وجهي ظاهر تنوعتله بقرف أشلون تقبل بيه...

بقايا رجل، وجهه منتهي جسمه نحيل هزيل ، زلت دمعه من عيني حاره

احس بيها حرورة وجعي اذتني

عقيله ماتقبل متأكد وذا قبلت شفقه....

أي وضعي صاير هيچ.بس تشوف وچهي تنصدم وتخترع وانا مااريد أظلمها

هي وجهه الملائكي وي وجهي المشوه.

عيوني أدور على ارجاء الغرفه

انتچیت عل عکازه أمشي واعرج

أريد أفرغ غضبي وصلت يم القنفه يمها طبليه عليها تحفيات ويمه كتاب القرأن دنجت أتلمسه اخذته بيدي كعدت....

فتحته بديت أقرأء بصوت حزين

اريد ارجع النفسي..المهدي مو الأجل شي الاجل روحي "وأيماني"مااريد انسى

ايماني بالله وظني..

كل الي صار بيه من قضاء"وقدر حتى ربي يشوف صبري وكيف قدرتي على تحمل بلائي..

اهم شي بلائي مو بديني،قابل ياربي بلاء جسدي

قريت مطمئن من تقديرات ربي اليه

كملت جزء واحس انتعشت من كل حرف أقراه گمت حسيت بدوخه....

أتمددت وايدي جوه راسي، تناوعت العلك جابته امي اله مزورته قبر ام البنين عليها السلام سحبتها وخليته بين ايدي وعيوني راحت لعيون عقيله

سديت جفني وعلى صوت فزيت انفتح باب الغرفه ردت اكوم الها اريد اصدك هاي هيه لو حلم وردي يلاعب جفوني.

تكشي مثل طيف ملائكي تتخطى بخطوات قدسيه بعبائتها تمشي بخجل بحيائها مثل حور العين الي يتوصفنا..

يازرقاء العينين متى الوصال

طال موعدنا وطال ذالك اللقاء

وا القدر يعامل قلبي الحزين بجفاء

هل سيكون لنا موعد بعد الفراق..

أم سأبقى ك كل عاشق يعاني الفراق

وتذوق لوعت الحبيب المشتاق

متى فقد طال وطال ذالك اللقاء

كعدت يمي وتحچي بخجل

-اشلونك سيد مهدي؟

‏إلهي ..

بقلب أم البنين المُمتلئ حُباً للحُسين "ع"

بأم البنين نعم أُمَّاه أم يا ام البنين نحنُ على بابك ، الـذي وقفتِ به تنتظرين عودَّة الغُيّاب ،

نرجو الله بكِ

قضاء الحاجه،والشفاعه

..................

عباس وين

-غفران ام شامه السيد گال الجهاد الکفائي وانه ارفع ايدي بدعاء الربي وادعي

‏ها انا عائد إليك ڪالحر الرياحي ، و اسوأ

حالاً منه فـ يا قابل الحر اقبلني ..

-وانه عباس

-انتي گولي فداڪِ ياسيدتي زينب أمي وأبي يا روح الامير علي عليه السلام

نحن الَذين مادام نبض خافق

سَنَبكي ونرثي وندمي عَليكم المحاجِرُ ..

........

الادمن جنة كربلاء مشكوره على الغلافات

💙السلام عليكم💜

أخِي، حَبيبِي، كَفيلِي، حَارِسِي، عَمَدي

حِرزي، مُعِيني، مَلاذي، عصمتي، ذُخري

-أباالفضل قُمْ يَا أبَا الفضلِ وانظُر حال الحسين غدا بِـلا أبي ألفضلِ فرداً دونَما سنَد

اذكروي اختي بلفاتحه و بدعواتكم

....نازك الحمراني..

من قال ان قارورتي بعيده .

انتِ تسكنين هنا

هنا بالضبط فى قلبى ...

أجتني عقيله للمستشفى بنقابها، كعدت يمي على الچربایه...وهي تخلع أچفوفها السود نفس عجزي ماساعدني أكوم ألها ولا كدرت اكعد

بس بقیت آتنوع الحرکاتها تفتح الجنطه..

الي بحضنها وتخلي أچفوفها داخلها سدتها بيدها البيض

شالت النقاب مبتسمه اول مره تقترب مني غرقت أبحر عيونهاوموجهن القوي بحركت مد وجزر سحبتني داخلهن

ارتطمت مشاعري وكل أحاسيسي بهل موجه، الزرقيه الأطمئنان الملائكي بوجها

ماخلاني أنظر ألها..اله نظره عفيفه...

بعفة روحها الطاهره....

تنوعت التفاصيلها الصفاء بشرتها، المايله للبياض اقرب من السمار...

حركت أيدي الميته اريد ارفعها أتلمس وجهه..

قارورتي بقربي...

عشقي من النساء

أنتي...

القصه التي لا أريد ان يكون لها نهاية أنتي

زين هي ممصدومه من وجهي المشوه والمرعب ألمخيف

أشلون؟؟

بعدها مبتسمه وصافنه عليه حاولت أرفع ايدي، مكدرت، درت وجهي عنها خجل منها،ومن ضعفي،و عجزي..

چانت دورتي بحركه قويه،كد متعصبت بحيث كل جسمي ملته من الصفحه اليسرى لليمنى حسيت روحي اسقط

أيد تلمستني بفزع،وخوف،ومحبه فتحت عيوني شفت عضيدي مجتبى ينداه اسمي ويصيح

-سيبيييييد مهدي خيرك ياخوي أكعد أصحى أصحى على روحك ليش متعصب اشرب مي..بيده الكلاص

أفتح عيوني واسدها التفت أدور عليها

عقيله وينها صحت بقوه واريد أدفع سيد مجتبى واگله

-وووووووووووووينها، چاااانت هناااانه مجتبى آنت مااتصدگ وینهاااا چانت هنا چانت یمي،اريدهاااااااا

لزم أيدي حيل،،يطمأني

--سید مهدي ياعقيله ترى بس اني موجود

چنت آفتتر من غرفتك ألغرفة وسمعت صوتك أتصيح متعصب،منها

عدلت راسي ضايج جاوبته

-هااااااا يعني چنت نایم

-اي نااايم، يخوي نايم هذا كلاص مي

اشرب.... شربني رجع الكلاص علميز...جر كرسي كعد يمي صافن مرتجي وجهه على ايده گال

-سولفلي حلمك بلكن أساعدك

ركزت بيه ودي اضحك حيل فرحان يجوز

فرحت من طلع حلم..

لأن مااريدها أتشوف عجزي وعدم قدرتي على الحركه‌وفكيف وجهي المشوه،

جاوبته بجر النفس

-شنهي أكلك ياعضيدي أااااااااااااااخ من الصبر أااااااخ من الفراك تحلمت بعقيله

ماذا لو اخبرت قارورتي بانً الحديث معها شيئاً يشبه احتضان الف غيمه

تحلمت چن آجتني هنا اجت وكعدت يمي وكلشي تخربط

-وتالي

-تالي يا سيد مجتبى أخوك مسحور بشي

أسمه عقيله ماتفيد الف رقيه شرعيه انه

أاااااااااانه أااااااااانه احبها بس گلي شلون تقبل بيه..

أني هذا وضعي‌ايد وحده تتحرك الچفوف عاجزه من ان تلزم شي

ظهررررررررررررررررري لساه يوجعني من اي حركه لو حتى قليله اتأذى فكيف زواج وفراش،وقرب،وصال

من غير راسي الوجع فضيع وفطر الجمجمه شلون ما اله اي علاج أو حل

زين أقدامي وحده نصها من الفخذ ميته يادوب ترعش وثانيه بلاتين بلاتين بلاتين

ومركبه رجل صناعي

هل أشياء تخليني أفكر ماأظلمها ويايه هي انسانه دافيه،صافيه،عفيفه،طاهره مااريد أظلمها

توجى على كرسيه وتنهد

-يخوووي بلعكس،مابيك اي غلط وحتى لو مثل ماحچیت یگفي اخلاقك،اسلوبك مية الف وحده تتمنااااااااااك

تبسمت رديت

-شنيه تقشمرني بابا انه بقايا جسم رجال

بقايا عظام،منخوره، وثق لو عندي أخت... مازوجها الواحد مشوه ومثل وضعي حتى

لو يوزن وزنها ذهب

فكيف وحده مثل نقاء عقيله،تدينها ايمانها

-ليش تفائل على نفسك وربي أنت أوسم واجمل،واحسن شاب بهاي الدنيااأااااا

-أنت تگول هیییچ یابعد اخوك وگلبه بس

اي ابنيه او مرأه من ارید تفكر مشروع الزواج، اول مایخطر بالها تتحلم أبفارس احلام...يشيلها يتلمس شعرها..

زين أني اكدر اسوي أحده ذني الاشياء

اكيد لا أني مااصلح فارس احلام

-لااااا تصلح ونص

-شنووو فارس الكرسي المتحرك والعكازه

-ههههههههه والله تنكت شوف خويه...انت احمدالله وشكره طلعت من حلكت الموت

بحد ذاتها معجزه لان نفس الحادثه الخلاك معاق.. اخذ ابن عمنا عامر

-الله يرحمه ابن عمنا الله يحبه استراااااح من العذااااااااااااب..من الووووووووووجع

وووووووووولك تمنيت اموت ولا نوبات الصداااااااااع...

وووووووجهي وتشوهه المن عااااااايش

عايش ابچي حالي لو ابچي حبي

-سيد مهدي انت مجاي تبچي موزين عليك عاد فضفض رتاح انه يمك انه اخوك

-اضفض الوجع مايتفضفض تدري ليش بس أصيح،واعيط حتى ماابچي ليش ماابچي، مو لأن أني رجل لا والله..اكو هواي ارجال تبچي وهمه زلم خشن

ما أبچي لأن حلمي بسيدتي الزهراء وابا الفضل(عليهم السلام) أنطاني أمل..

أنو أعيش، وواروني بلمنام شنهي الصار وشنيه الألم

من وقتها وعدت نفسي، اانزل دمعي على المي لأنو بعينهم وبعين مكسورة الضلع أحتسب ألمي وحالي السيدتي ومولاتي

-سلام الله عليها...زين ليش متسوي عملية تجميل حتى لو العاشره، أنداريت عليه بعتاب

-يااااااااااااااااا أخي قرفت من شي أسمه عمليات، مااريد أسبلي اشکم عملیه سویت، ١٥ عمليه وعمليه اصعب من الثانيه، زین الآلم الورى العمليه تعرف اشكد عذابه

الالم موتني تعرف شكد اتأذى وا تحمل

زين والخوف القبل العمليه بنجاح اوفشل

العملیه...زين والقهر،والوجع

تدري من سوو الوجهي عملية تجميل...

شلون چان حلمي ارجع مثل قبل

واشوف وجهي رايحه ندبه وحده..لو اثر واحد.بس من اصحى يصير عندي أحباط

خليني هيچ بلاااااااا تفكير

وعشكي القارورتي لأزم اكتمه ماتستحق أذيها بزواجها مني وانشاء الله ربك يدزلها واحد احسن مني مااريدها وماريد الزواج

-هوووووونها سيد هاي أنت المؤمن

-شهون ووووووووووولك حتى قلم جاف مااكدر أتلمس، وأنت الى متى تبقى أسبحني، وتبدلي "وتحلقلي

وتمشط شعري للشوكت،تبقى دنج تلبسني جواريبي لشوكت اتشيل ايدي حتى تغلي الابطي روكسان

لشوكت تنزع كاااااااااافي عضيدي ماهو انت هم متعذب ويايه احس صرت..هم ثكيل علييكم كلكم

-عفا عفاااااااااااااااااااا عليك يخووووويه شلون گلبك أنطاك هيچ تحچي بيه

قابل انت أي واحد خاااااب أنت الغالي اخويه أبن أمي وأبوي الطلعت بيه من الدنيا

أنت سندي بهل عالم والحايط الاستند عليه اذا مالت بيه المايله

يعني لو صاير بيه مثلك تتركني.. بربك تتركني

-حشااااااااااااالاااااابد

-خلاص جاوبتني انت وهسه لو تطلب عيوني أنطيك يخوي

بس هسه رحمه لهلك لا تحچي زايد...

تتاوعت السيد مجتبى دمعت عينه مسح دموعه بسبابه كام من يمي مقهور لان اول مره اشگي یمه

وهو مايتحمل يشوفني هيييچ داّئما یشوفني القوي ، والسند،اله طلع من یمي

واني فكري بقى يم الحلم تمنيته حقيقه حتى أملي عيني منها..

وفرحت مو حقيقه لأن ماريدها اشوفني..

مااخطبها وبعد لحد يجيب طاريها..

مااريدها

مااريدها..

ولا رح ازوجها...

لا تستسلم بسهولة ، فقد تكون أنت قدوة لكثيرين رأوا فيك إصراراً على التغلّب على مشاكل الحياة ، فكن جديراً بهذه الثقة لان ‏ليست كل الكسور نهاية ..

فقد ياتي من بعدها ، بداية حياه جديده

...................

عقيله

المسافة مابيني وبينك لا تُقاس إلااااااا بإنكسار الروح في كُل مرة أذكرك فيها.

لذالك كل مره ادع وقول ألهي بتلكَ العُيون التي غَفَت علی رِمالِ كربلاء لا تَحرمنا من من اختاره قلبنا

خاصه كل مره يجون خطابه اليه...

وا أرفض..وارفض وارفض

ومتخوفه من أهلي يجوز هل مره رح يصير عدهم شك برفضي

خصوصآ موضوع سيد مهدي شبه انسى

وتناسو بيتنا الا انه بعدني

بلحظتها چنت کاعده یم غفران تخابر بخطيبها ،واني أقرأء قرأن، سديته مقهوره

رغم من أيام فرغت دموعي يم أبا الفضل

عليه السلام ودعيت السيد مهدي رفعت ايدي اتوسل باهل بيت النبوه واردد

بِسم اللّه

أنتُم الماء ونحنُ العطاشىٰ.

'اسقِ عطشَ أرواحِنا، يَا أبا الفضل

فما ممن شيءٍ وضع في أمانتك يا امامي ياعبّاس إلّا وحميته بكلّ وجوده، اسألك بحق الرّاية، والخيمه حقق سؤلي

دخل خالي ابو علي وهو مبتسم نزلت ايدي كعد يمنا،غفران خطيه بسرعه طفت الموبايل،بوجه عباس وبخوف

اما اني شلت القرأن والسجاده خليتهم على الكومدي كعدت يم غفران..گپالهم

گال خالي

-بنیاتي تعرفن شگد غاليات عليه واخاف عليچن من الهوی مثلا أبنيتي غفران اني من حرصي عليچ، ماآخلي خطيبچ یجي للبيت، لأن هاي عاداتنا من زمان منغيرهن

ماعدنا بلخطوبه طبه وطلعه، لأن الدنيا ماتتأمن، وهمين حتى أصيرين عزيزه عند رجلچ وحتى بلجامعه الحمد الله اجيتچ

شفت الولد بجامعته وانتي بجامعتچ....

هل شي كبرچ بعيني....

جاوبت غفران

-لااااااااااا تقلق بابا هو هیچ نصرف وذا كعدنا او التقينا اني وياه بجامعه..يمنا عقيله کاعده اشر ابراسه وهو يلتفت عليها

-ربي يوفقچ بنيتي غفوره وهسه الدور الچ عقيله...

بتردد وخایفه جابلي خطابه گتله بقلل

-تفضل خالي گووول

-شووووفي بنيتي،أنتي ربيتي على أيدي اني وعمتچ من چنتي لحمه، يعني أني مو بس خالچ، انه مثابة والدچ...

-اي والله خالي واعز من والدي الله شاهد

-المهم يااا بنتي بکل مره یجون خطابه

وترفضين واكول ميخالف تكمل الشهادتها لان تحب العلم

برغم گل الي يتقدمولچ،موافقین تکملین...

بس آني أحترم رئيچ..

بس هسه بنتي الولد الي طلب أيدچ مني

خوش انسان..وملتزم وحالتهم خير من الله، فأنتي بعد مالچ عذر.. مازال والدچ حتی بزواجچ میدخل.

لآن اذا يدخل رح يجيبلچ واحد میخاف الله بیچ‌ ،وانه اريد أطمئن عليچ

تعرفین زلمه عسكري حیاتي مالها أمان ومثل مااطمأنيت على غفران بشاب يخاف الله بيها اريد اطمان عليچ

-شلون خالي

-أنتي بنت اختي الغاليه العزيزه ناجيه

وصية والدي...

شنو رئیچ؟؟

-بشنو خالي

گوه طلعت هل گلنه لان خاني الكلام وهو يعرض عليه أزوج غير سيد مهدي

سید مهدي الي دعيت الله وكل يوم ادعيه

يارب لأن أول حب دخل قلبي، اريده هو الأخير دنجت ضايجه بعد كلام خالي مكدر أكسر كلمته.......

جاوبته..

-براحتك ولي تشوفه صح يا خالي سويه

مشى خطوات اجى دنج باس راسي

-عفيه بنيتي لأن عمتچ دگلي زوجت بنتك الزغيره، وعفت الچبیره، لا ابوها یعرف ویاخذها، وشوفلها عريسو يرجعها الهم وظلم مرته

فأني المصلحتچ؟ وهل جاي أشوفيني اركض عل عيشه..‌مجاي ابقى يمكم دائما

تلث أيام هناك...والباقي هنا

-متقصر خالي ربي يحفظك

طلع خالي وترگني بحيره، غفران يمي كامت،‌تتنوعلي وتفكر ،رن موبايلها...شالته گالت

-عباس خاف تجي...لا تمر على بيتنا بابا موجود، باجر يروح وتعال الله ویاك

سدت تلفونها وتقربت مني أجر ايدي...

-تعاي وياي...

-وووين ماخذتني

-انتي فاهيه ولازم دوم انه مگانچ افگر

-خااااب غااااي مشاگل وین ماخذتني تسحلين بيه

-ووولچ انتي سالفتچ ماتحلها بس ماما مثل ماحلت سالفتي

جريت ایدی منها خجلانه

-لاااااااااااااااااااااااااغفران عيب لا دگولين

بعد كلشي بيد الله واني مااعترض

على أي شي يقدمه اليه ربي....

وکفت متچتفه

--بس رب العالمين يكول،اسعى ياعبد وانا أسعى معاك لازم نتحرك..

-مااااروح یمه انتي غاوي مشاكل انه اعتبريني متنازله عن حقوقي

-مااااشي أبقي هنانه واقصد انتي كعدي واني رايحه

-وووووووين كعدي

-معلييييييچ لان‌ اذا اسكت اموت من برودچ وسگووووتچ، وتلگیني مجلوطه

طلعت غفران من الغرفه وانه نفس المغص اجاني من أخاف من شي بعدني محافظه على وصوئي فرشت سجادتي الهي بروحي من الخوف

وبقيت كاعده اكمل حفظي لجزء ١٥ من القرأن الكريم

بعدني ممراجعه الورقه الثانيه نفتح باب الغرفه اجت غفران وياها ماما

گلت الماما

-تری شگالت غفران انه مالي علاقه بيه

كعدت ماما يمي وكلامها ماما بريبه وشك

-ماگالت غفران شي اريدچ انتي أسولفين من اول ماشفتي الحد أخررر يوم

سديت القران بسته خليته على كصتي ورديته للسجاده تنوعت الغفران..اعاتبها

-هاااااا غاااااوي

ردت غفران

-غااااوي ولا بارد وسكتاوي

اشرت ماما بيدها حتى احچي گتلها

-منوووو الي شفته ياماما

ردت

-سيد مهدي من اول ماشفتي

جاوبتها

-لااااااااااا ماما ماشفته اقصد بس هو اجى الجامعتنا يتناوعلي وينصح

.عاطت

-ينصحححح شنووووووووو زعط احنه وشلون مو حرام مو عيب

جاوبتهة

-اي بس مو هووو الي نصح بلسانه ابد لان من نصح دز بنيه گالت الگاله الها

وهو خلاني البس النقاب وبديت أسولف كل التفاصيل واني محرجه منها..

.

گامت ماما وچنت متوقعه رح آثور علیه،أو تغلط انه كاعده وهي واكفه كالت

-شوفي بنتي رح اسوي شي وأمري الله....

اسوي الخاطرچ بس اله همه الساده من صدك میستاهلون، راحو وماگالو ورانه ناس منطیهم گلمه

خطبوچ وقرو الفاتحه وسکتو صارلهم سنه ونص، ورا ح ندخل بسنه الثانيه

لاکالو عیب، لا حچو، شني بنات الناس لعبه عدهم...

عجیب علیهم‌ علی وضعهم ساده وجدهم محمد ويتعيقلون..علينا وهسه احنا راح انسئل عنهم لأن زحمه، خاف يكولون

يدللون على بنتهم...

وأنتي عقيله عزيزه وغااليه منريد نحكرچ جدامهم. بس همه من مات عمي الله يرحمه،بعد ماشافناهم.عجيب أمرهم

بس خاف سيد مهدي حب وحده وزوجها...

أو بطلو بعد ميردوچ شدکولن، حچي ماما خلا گلبي يخفك...بخوف

جاوبت غفران بلأ كثر رعب

-آي ماما أكيد هسه هو مزوج وعنده حتى طفل..

لا اراديآ نطقت

-لااااااااااااااااااااااا ابد ابد مامزوج متأكده

گلبي يگلي..هو يحبني ورايدني

ماما والله لو ميحبني ماخلاني أتنقب..

خجلت من جرئتي....

ابتعدت خطوات مغطي وجهي اعتذر

-اسفه العفو ماما، والله گلبي يگلي اگو شي‌ برغم كلامچن وارد....گالت ماما

-ماااااااااااااااااااااااشي عقيله باچر آروح العمتچ...اخذها ونروح للبنك

لأن وحده من حموات عمات سید مهدي نعرفها اداوم بلبنگ خل اجس نبض العلاوي ، والله كريم طلعت ماما

رجعت غفران اول ما اجيت عليها..گالت

-اروووح اغسل ماعين معليه انه

طلعت بسرعه حتى مااجادل وياها

ردیت اخذت القران واحفظ اقتل توتري

نمت بلا عشى من الخوف لايطلع مزوج

بقيت متوتره ألصبح گوه شربت چاي لان بثمانيه طلعت ماما تروح للبنك وروحتها

زاد خوفي لزمت سبحتي انخى ابا الفضل

انه بحاجتكَ افزعلي يالعباس

‏إلهِي بقمر بنِي هَاشم الهي بقمر بني هاشم والبَاقي وحدڪہ تعلمُه

برد گلبي أنتظرت ماما وگلي أمل اگو جواب‌الحد العشره اجت، صارن الساعتين طوال عندي..

دخلت وهي تعبانه...فتحت الثلاجه جبتلها كلاص ماي كعدت يمها آشرت الغفران تحچي، لأن وجه ماما ميطمئن....

گالت غفران مستعجله

-يله ماما أاااااااا بطني اذتني عفيه أحچي شحال عقيله

-تعالن فركن ايدي تعبت

كعدنه نفرك بأيدها، ضحكت علينا

-شوفي بنيتي عقيله، طلعت منا مريت على عمتچ سولفتلها علی جدچ وشلون

قارين فاتحتچ آنتي وسيد مهدي

فرحت والله

هي خلتني نروح بسرعه فارحنا للبنك

شفناها ام زاهر، صاحبت عمتچ غاليه كاعده عل حاسبه بس شافتنا گامتنا بصلاوات...سئلتننا

-شعجب جااااااایین للبنك...عمتچ کالتلها

-والله داده، خطوبة غفران من فتره وبعد چم یوم خطوبة عقيله، وأخوي أبو علي

أحتاج أفلوس جاي أسحب من فلوسي

ظلت صافنه علينا...من غير ماتحچي بس گالت

-عقیله لیش اقصد تستاهل عقيله خوش ابنيه‌مجرد هل كلمه كالتها...بس حسيت بضوجتها..‌بلكن اتخبر السيد الچبیر...

گالت غفران

-وشلون نعرف هو ممزوج

-أحنا ننتظرهم اسبوع، ذا ماأجو بعد نقبل بلمهندس الي جابه خالچ..

لان العلینا سویناه لان معناها مهتمه بييچ

حتی ماگالت غفران تستاهل

ضحكت ماما وضحكنه وغفران متجتفه تتناوعنه وتصيح

-ليشششش ما گالت تستاهل غفران هااا

رجعت للغرفه خليت ماما وعقيله يسولفن

فرحانه بحياتي ويه عباس وياه صارت أجمل مايكون، برغم عنادتي،روضني.

احساسي بلقوه الي مغلفه نفسي بيه...

سحبته اشوي اشوي...

لان احبه..

صرت احبه حب قوي،حب ماله مثيل

حبه نظيف.ما مره طلب مني شي جريء

امداري خجلي.ومداري رفضي البريء

لمساته الحلال حسيته خاضع كلش اليه.

اخر يوم النا بلجامع،أذكر كعدنا ع مسطب

بالي مية سؤال قررت اسئله عن واحد منهن

-ليش عباس توافق على أرائي بكلشي.

يعني شكو شي مااريده انت ماتريده

شكو شي مااحبه انت اظل متحبه

شگو شي مااوافق عليه،انت هم ماتوافق عليه

يلعب بحواجبه وهو ينزل واحد ويصعد الثاني ويجاوب..يضحكني

-نرجع للصدق..

-أكييييد

-الرجل عدنا أذا حب وخصوص وحده مثلچ مزیج من طفله عنودیه"وآمرآه ناضجه... وانسانه تتصنع دور الولد....

هاي كدام أهلچ وناس...

آما أني أشوفچ طفلتي الزغيرونه الحلوه

الي تمون على ابوها..لهيچ آسایسچ محد فاهمچ

داخلچ‌‌ آلطیبه الحنیه آلحب آلبرائه

"الأنوثه أتحدى انسانه تمتلك ربع هل صفات الي عندچ

اضافه العفتچ العفیفه ..وجمالچ الحلو

-اامممممم هاي كله اني شايلته وماأعرفه..

-أو إكثر واکثررر، أنتي ماگو منچ اثنین یعني مثل الحديقه الي بيها متاهات گلما تمشین مفترق تاخذيني على متاهه ثانيه

صفاتچ الحلوه مخبیتهم بغرف المتاهه

وموزعتهن بغرف مختلفه حتی محد یندل صفاتچ ویکسرچ وحتى تبقين قويه

بس ليش هيچ اسوین بروحچ.....

آرتبگت من سؤاله...بس جاوبته

-شوف عباس أني ربيت بوسط أخواني

يعني مثل ميكول ربیت واني ولد

دائما شعري ولادي..بحيث من نطلع اني اخوهم الزغير ويصحولي أبو شامه...

من رجعت عقيله...أشوفهم يصيحولها اختنا الحلوه واني بقيت اخوهم أبو شامه

يحتى مااعرف البنات شلون يلبسن لبسي اتنظمه عقيله وتنسق الألوان اليه...

يعني من صار موقف سيارة الريم...

احترمتك كلش ماانكر بيومها جفاني النوم..افكر بيك والي زاد الطين بله.موقف الحديقه مال كبلات

حسستني بأنوثتي وغيرتك عليه لهذا قنعت ماما انو لازم توافق...كام متعصب

-خرب لشتك عبيس...يعني تحبيني من زمانزواناااا رجلي بشمس...

يابعد عباس وكل غالي يعرفه...

ولچ اله آعوضچ بحناني "وحضني الدافي

وما أخليچ تغفین اله علی صدري...

-لا لاااااااااكافي عفيه،رجع كعد يجر أيدي

قلبها يبوس راحت ايدي...سحبتها

--فدوه الگلبچ الي حارم گلبي اليوم اخر يوم بلدوام...اتاني والدج يسافر واجيچ

بدت اول ايام العطله يجيني...مجردن نضحك وسوالف تعلمت على وجوده

نتخابر من اطلع للسوك اني عقيله يوصلنا

رغم اشوفه قليل لان هل فتره يشتغل

ساعه عماله" ساعه تكسي بسيارة والده...

حتى يجيبلي هدايه بسيطه...بس بعيوني ثمينه

فرحت من الده مسوي سلفه...قبضهن

وي افلوس شغله اشترالي بيهن عباس

حلقه ذهب"ومحبس"وتراچي...

فرحت بيهن...وهو اكثر لبستهن كانما لابسه اشياء ثمينه رغم رخص ثمنهن

الى ام صادف بدايه الشهر السادس سنة ٢٠١٤ كاعدين وصدر امر فتوى الجهاد الكفائي

اندك باب بيتنا طلعت ماما اله لان عرفت اجا عباس اشرتلي ماما أحضرت نفسي

لبست گلبیه لونها سمائي وتعطرت وشمرت الحجاب على شعري اخذت دولگة مي بارد دخلت عليه....كعدت يمه

شفته مو على بعضه منصي راسه يتنهد بقيت ساكته أتناوع اله رأسن رفع راسه وگال بثقه وغيره

-حبي غفران رايح للجهاد، ألسيد گل فتوى الجهاد واجبه وبحگم غيرتي على عرضي،وديني‌لازم البي نداء السيد

ارتبگت متوتره حزینه جاوبته

-هااااا وانه

-لااااااااااا تعارضين حبيبه اول ماشفتیني وعرفتيني اتعارك علمود ألعرض شرف

وخواتنا هناك بلموصل بيد الدواعش

وسترهن وستر بناتنه الايزيديات ينهتك

انتي تعرفيني. مجرد واحد صچمچ

ارت غيرتي،فكيف اسمع بخواتي بلموصل.

يستجندن من الانذال أنا عباس وراسي حار على الستر وحگ الاسمه عباس

بچیت، ویه گل گلمه یگولها أتنوع له.

گمت من القنفه المقابیله..اجيت كعدت يمه الاول مره اتجراء وياه جريت ايده

أتوسل بيع

-لاااأااااا عباس، لاااااا تروح أرجوك جر ايدي باسها وخلاها على كصته

-معقووووله هاي انتي تمنعيني..توقعت اشجعيني مو أحنا شيعه دائما انكول" ياليتنا كنا معكم سادتي"مو هذا الوقت نقراء بيه

‏لهفِّي لِليوم العبَّاس ! يوم الحاجاتِ المقضيّة، الكُفوف المَرفوعة، الدعاءُ المصحُوب بيقين الإجابة ، لهفِّي لجبر كافِل العقيلة لِقلوبنا .

احنا انصار السيده زينب سمعنا واعيتها هو هذا الوقت، حنا جيش الحسين عليه السلام.

احنا راح نرفع راية العباس لوائنا

وهم جيش يزيد وارية الشمر...

مسحت دموعي گمت منه أذكر ديني...الي نسيته بحبي،العباس گتله بثبات وقو

-مااااشي مثل مااتريد روح عباس"روح وانه انتظرك" روح قاتل تحت لواء ابو الغيره...

يا ابا الفضـل العباس

ارواحنا كسيره تائهه نرتجي وصلآ منكم

وصلا سيدي يروي حنين قلوبنا

فمازَال المَاء يَطوف حول قَبرك مُنڪسراً

مُعتذراً عن عدم سَعيه أمَامك الى المُخيم

يا ابا الفضل ياعباس

رووووح روووح بس اريدك توعدني انت

ماراح تگسر گلبي، الله علیك لا تكسره...

وتذكر انت گلتلي وگل مره دگولها راخ أعوضچ..روح وانه منتظره تعويضك

لا تعوضني خسارتك،ودموعي..

روح وأني أنتظر تعويضك اليه...

گام مستبشر باس ایدي

-لاااااا لاااااا لا تخافين حبيبه أرجع ألچ

ما أطول وشیفکچ مني ارجع..ونحضر العرسنا سوه انتي گولي شوكت أنعرس‌

-مااااادري

-الباچر التحق...تقرب باس راسي وراح

طلع. عبلس..واني ادعي بسلامته...

رديت الغرفتي لزمت سبحتي أفرغ قهري ألى أن غغفيت وصبح الصبح...اجاني من غبش دك الباب..

طلعتله...واشوفه واكف وبيده فايل التقديم..

كتمت دموعي كوه...كتله

-روح وارفع راس الحجه القائم...بقتالك

ذبيت وراه ماي...وياه ادموع حبي

اندر عليه بأبتسامته الحلوه...

-لاتبچین وسوین روحچ قویه...طلعي دموعچ

ولا تفاولين مريتي...نعرس وتملین مني..

شعبالچ...

........

.............

عباس

- ‏كل مافيّ الأمر أنني أستطيع التعايش مع كُل الأمور مهما كانت ,أستطيع التغلب وتقبل كل شيء, ليس لأنني شخصٌ لايبالي ,بل لأنني أريد عيش الحياة التي أستحقها.••وكان ستحقاقي هي انتي وأبتسامتك فإن دوَاء حين أثاب باليأس

مرت الايأم وي عباس أجمل مايكون...

برغم عنادتي...روضني..

احساسي بلقوه الي مغلفه نفسي بيه...

سحبته اشوي اشوي...

لان احبه..

صرت احبه حب قوي ....حب ماله مثيل..

ما مره طلب مني شي جريء....امداري خجلي

ومداري رفضي البريء....المساته الحلال

حسيته خاضع كلش اليه...

اخر يوم النا بلجامع...كعدنا على مسطب وبالي مية سؤال قررت اسئله عن واحد منهن

-ليش عباس تواطني بكلشي.....

يعني شكو شي مااريده توافق...

شكو شي مااحبه انت اظل متحبه

يلعب بحواجبه وهو ينزل واحد ويصعد الثاني ويجاوب..يضحكني

-نرجع للصدق..

الرجل عدنا أذا حب وخصوص وحده مثلچ

مزیج من طفله عنودیه"وآمرآه ناضجه...

وانسانه تتصنع دور الولد....

هاي كدام أهلچ وناس...

آما آني فأشوفچ طفلتي الزغيرونه الحلوه

الي تمون على ابوها..

فلهيچ آسایسچ...لآن محد فاهمچ

آلطیبه"الحنیه"الحب"البرائه"الأنوثه أتحدى انسانه تمتلك ربع هل صفات الي عندچ

اضافه العفتچ العفیفه ..وجمالچ الحلو

-هاي كله اني شايلته وماأعرفه..

-أو إكثر...أنتي مثل الحديقه الي بيها متاهات

وصفاتچ الحلوه مخبیتهم بغرف هل المتاهه...

وموزعتهن بغرف مختلفه

حتی محد یندل صفاتچ ویکسرچ....وتبقين قويه

بس ليش هيچ اسوین بروحچ.....

آرتبگت من سؤاله...بس جاوبته

-شوف عباس أني ربيت..بوسط أخواني..يعني مثل ميكول...ربیت واني ولد

دائما شعري ولادي..بحيث من نطلع اني اخوهم الزغير

ويصحولي أبو شامه...

من رجعت عقيله...أشوفهم يصيحولها اختنا الحلوه

واني بقيت اخوهم أبو شامه...

يعني حتى لبسي اتنظم عقيله...لبسي

وتنسق الألوان اليه...

يعني من صار موقف سيارة الريم...

احترمتك كلش

ماانكر بيومها جفاني النوم..افكر بيك

والي زاد الطين بله...موقف الحديقه مال كبلات

حسستني بأنوثتي وغيرتك عليه....

فلهذا قنعت ماما...انو لازم توافق...نهض متعصب

-خرب لشتك عبيس...يعني تحبيني من زمان

واني رجلي بشمس...

يابعد عباس وكل غالي يعرفه...

ولچ اله آعوضچ بحناني "وحضني الدافي...

وما أخليچ تغفین اله علی صدري...

-لا لا كافي عفيه...رجع كعد وهو يجر أيدي

كلبها وهو يبوس راحت ايدي...سحبتها

--فدوه الگلبچ...الي حارم گلبي..

اليوم اخر يوم بلدوام...اتاني والدج يسافر واجيچ

........

بدت ايام العطله وهو يجيني...مجردن نضحك

وسوالف...تعلمت على وجوده....

نتخابر...

من اطلع للسوك اني وعقيله...هو يوصلنا...

بقى هل فتره...يشتغل"ساعه عماله"

ساعه تكسي بسيارة والده...

حتى يجيبلي هدايه بسيطه...بس بعيوني ثمينه

والده مسوي سلفه...قبضهن

وي افلوس شغله اشترالي بيهن عباس

حلقه ذهب"ومحبس"وتراچي...

فرحت بيهن...وهو اكثر

صادف الشهر بدايه الشهر السابع...

سنة الفين واربعطش...قبلها فتوى الجهاد الكفائي

اجا عباس البيتنا....دخلته ماما...

حضرت نفسي...ودخلت عليه....كعدنا وشفته

مو على بعضه...رأسن كال..

-حبي غفران رايح للجهاد...السيد كال فتوى..

واني بحكم غيرتي على عرضي...وديني

لازم البي نداء السيد لااتعارضين حبيبه

ألعرض شرف..

وخواتنا بيد الدواعش...انتي تعرفيني.

مجرد واحد صچمچ ثارت غيرتي...

فكيف اسمع بخواتي الي بلموصل...بيدهم

وهم انذال...

بچیت. أتنوع له أجيت كعدت يمه..الاول مره اتجراء ظجريت ايده اتوسله

-لا عباس..لا تروح..ارجوك جر ايدي باسها

-هاي انتي تمنعيني..توقعت اشجعيني..

مو دائما انكول" ياليتنا كنا معكم سادتي"

هو هذا الوقت...

احنا جيش الحسين عليه السلام..وراية العباس لوائنا

وهم جيش يزيد وارية الشمر...

نهضت منه.واني اذكر ديني...الي نسيته بحبي جاوبته

-روح عباس"واني انتظرك" روووووح قاتل تحت لواء ابو الغيره...

‏الڪِتابة عن العبَاس تحتاج مُعجزة للـبقاء حيّاً بعد أن تُحاول أن تخـوض هـذه

المساحة المُؤلمة. وليتني رحلت

ليروي الظامئون في سند متصل.. عن القربة

عن السقاء، عن النهر ، عن المشرعة، عن

الفرات ، عن جود وراية وعامود وسهم أنه

قال :

كان الماء بطعم الوفاء ولون الإباء ..

ومنذ احنت الشمس ظهرها على القمر

المخسوف عند العلقمي ما عاد للماء لون

ولا طعم ولا رائحة .!

رووووح عبلس بس گلبي لا تكسره...

وتذكر انت گلتلي‌وگل مره آدگول یاغفران أعوضچ فلا تعوضني خسارتك، ودموعي..

روح وأني أنتظر تعويضك اليه...

گام باس ايدي

-لا تخافين حبيبه، أرجعلچ وشیفکچ مني

ارجع ونحضر العرسنا سوه هااا گولي شوكت آنعرس، لان الباچر التحق...

-الله ویاك الله طلع.. ادعي بسلامته رديت للغرفه مالي خلك روح لازمه السبحه اسبح الى اصبح الصبح...اندك الباب فتحه عليه اخوي

كعدت وعرفت عباس أجاني من غبش

طلعت واشوفه واكف وبيده فايل التقديم

كتمت دموعي كوه...گتله

-روح وارفع راس الحجه القائم...بقتالك

-گفوو منچ یاام شامه گفوو باس کصتي

ذبيت وراه ماي...وياه ادموع حبي

اندر عليه بأبتسامته الحلوه...

-لاتگتمین وسوین روحچ قویه...طلعي دموعچ‌ولا تفاولين مريتي، أنعرس وتملین مني،وزهگین

شعبالچ...بس هذا الدفتر ابو تلاثين اخذي

اخذته منه اقراء بيه فتحته گاتب

-من هي بلعداديه اراقبها،حبيتها وحبيت رزانتها، چانت تمشي مدنجه راسها أبد

ماترفع عيونها..

بقيت اطلع كل يوم الصبح للمدرسه أراقبها

صارت الروتيني اليومي الي مااغيره..

كل يوم اوكف اشوفها...

حبيتها مثل السر بيني وبين نفسي..

محد يدري بيه...عاشكها ا والله عاشك حتى ظلها ...

چانت حلم طاهر، نظره بريئه مابيها واهس شيطان

بس نظرة حب"وشوك

يجوز الي جذبني بيها...ماترفع عيونها من تمشي حتى بداخلي كلت..متزاعله وي الشمس هل ماتشيل عيونها..

من صار موقف باص الجامعه حلفت اله اخذها، خبرت بيومها والدي...اني معجب بنت أبو احمد جارنا‌ وچان ظني يرفض..

لأن وضعنا المادي صعب...واحنا عايشين على راتب كل شهرين مليون وربع...

بس شفت الفرحه بعيونه...وهو يكلي

-يااااااااااااااااااااااااااااااااازين مااختاريت ومازال اخوك رح يخطب نسويلكم عرس اثنينكم

جريت ايد والدي ابوسه

-يابويه اشكد احبك...واني چنت اظن رح تنزع العكال‌وتركض وراي ودگلي اتخرج يله.

بيها دخلت امي وسمعتنا،هلهلت..بعلو

-هسه افرررررررح بيكم يا عزوتي بدنيا..

دخل اخوي حسين ضايج...

اهل البنيه الي خطبها ردو جواب‌طالبين مهر غالي...عشرين مليون حاضر وعشرين غايب..

وخمسه مليون ذهب...‌من سمعت هيچ ایست... گلت بس لا اني هيچ ومهر غالي

كمت حتى ماسمعت اخوي

العصر طلعت امي وانه يم ابويه التفكير

موتني بس دخلت امي وهي راجعه النا فرحانه طتني امل

شمرت العبايه على التخم وكالت

-ياااااااااااااااابیت ابو احمد یاااااتواضعهم

رادو مهر مثل مهر السيده الزهراء

جاوبتها

-شلووووووون يمه

-يعني من هل موجود

تفاجأت من حجي امي قررت أعااتتتتب غفران لأن برغم خجلها قنعتني...

وخلتني اقارن بينها ‌وبين حبيبت أخوي...

قنعت بکلامها لآن‌چنت اظن احتقرت فقري‌

التقیت بیها وهتا بلعكس صدمتي وهي دكوم من يمي موافقه ‌واني جو رجلها یم بطرف كاعد ‌قبل لا تروح جريت طرف عبايتها...الي شايل قدسية روحها

شميتها مال شوك سنين وعشك ليالي

رحت والصديقی سید ابو مصطفى.و سيد عزام الي يصير خادم الموكب الي الطم بيه...

وماردت اطول بلجيه البيت غفران

حتى والدي كلي عيب...زبس سيد عزام قنع والدي...وقنع والد غفران نعقد

صارت احلى خطبه بجو روحانيوايماني بسيط...كله فرح

وصوت ضحكاتنا...مثل صوت البلابل...

برغم الحصار الي مسويته عليه.

لأن والدها مايقبل...ابنيه تطلع"اوتكعد وي خطيبهاداحاول اسرقلي لحظات من الدنيا. بس حتى اصير قربها...

امووور هواي صارت منها سقوط الموصل

فتوى الجهاد الكفائي...

اجى سيد عزام صدیقي جمع موكبنا مال زنجيل وهو يخطب بينا...كال

-اليوم طف الحسين رجع... اليوم عقيله الطف

اصيح واحسيناها..واعباساه...

هذا يوم الشهاده الكربلائيه...

اخواتنا بلموصل"والانبار ينادنا...

وين ولد الملحه قبل لينداس خدرنا

يزيد هناك

والحسين عليه السلام هنا...

ليريد يطوع ونقاتل تحت راية القائم...

بلا مااافكرررر ومجرد ماسجلو جماعتي..

وسيد عزام..اجاني كالي عبيس رح اروح..تجي

الثانيه فكرت بغفران"بخواتي"بكل حرمه اعرفها...

اذا دخلو الدواعش...

شرح يصير،اكيد مثل ماصار بلمناطق الدخلولها د ا ع ش، قررت اطوع...والبي نداء الجهاد امي من خبرتها...كالت

-روح يمه السيد علي انطى فتوى..حرام أمنعك.. قنعت امي...

غفران من رحت الها اول ماسولف أدموعها تنزل. وعدتها بس الموت مابي وعد

وعدتها واني رايح

شفتها تكتم ادموعها.. كلبي وجعني عليها.

بس الوطن وقبله الدين ناداني....

وذن فدائهن گلبي...

مريت على سيد عزام...وحازم

تجمعنا بلحسينيه وفايلاتنا بيدنا...اخذونا بتريلات،مجموعات، ألجو حار.. كلش عطش وصلنا البغداد...مراكز التطوع..

وهناك شفنا الاف من الشباب "والشياب "معمين"واكو شباب من الانبار نازحه..هم طوعو.الكل بيده فايل.وكفنا سر طويل..

الحر والعطش..أكو شباب انسحبو من الوكفه..

لان حتى ماي ماكو...بساعات أنسحبو وكالو باچر نرجع، وكف سيد عزام يشعر

يشجعهم

-أجيناك ياطف حسين اجيناك

نريد الشهاده جوه رايتك وتحت عیناك..

من صاحت و انتخت بينا اختنا عراقيه..

صاحت يخوتي وينكم تعالو ليه..

سمعها السيد السيستاني

ونزل فتوى الجهاد

اول سطر منها

هبو ياشباب

لا تتعب يخوي وترجع

الخاطر شيلة امي وامك التلمع

ها ها ها

منريد الراحه نحفظ كاع حسين

بقينا نهوس....

وكل اشوي يجي مهوال يشد بعزيمتنا

اخذو فايلاتنا....

رحنا للسيارات.. وهناك بدت مرحلة تدريب السريع@واخذتنا السيارات وزعونا على السواتر...بدت مرحلت التدريب...

اشتاق الغفران"الامي"والدي عشرين يوم اخمسطعش منهن تدريب خمسه هجوم وقتال...

بهل خمس ايام ماقبلو نتصل من حددو اجازتي... نزلنا اني وسيد عزام "وحازم

احنا منطقه وحده....

وصلت للبيت الظهر.قريب للعصر

رنيت على موبايل غفران

الباب مفتوح...شفت والدتها رحت بست راسها

-اشلونچ عمتي ام العزيزه وين غفران

...ضحكت

-هلااااا يمه ضعفان كلش وتعبان روووح

روح يمه ادخل...

جنطتي على كتفي دخلت للأستقبال..

واشوفها أم شامه...مدري ابو شامه

غفران

أن أنظـر لك بحب،وحب،وحب هي ذات العين التي كانت تنظر لك بغرابه وخوف

.

اشتاقيت العباس ومااعرف اشكد اتحمل فراكه مااكو اتصال.،ممنوع....

كل يوم اني وعقيله...نندب حظنا...

مدري دنيتنا المو عدله، صبرنا القران

والدعاء.. بعد كم يوم للدوام مال الجامعه مرحله ثانيه..

تعودت على عباس اشوفه بيها ضجت كلش مشتاقه له،جى اخوي علي يشاقيني

چان یطبخ وي جماعته عدهم فاتحه

..

من دخل شفته من فتحت الباب...

متحلفه بيه...زلأن بليل شمر عليه مي بارد....وفزعني فلازم اخذ ثاري منه...بيدي دولكه مي مجرشزشمرت عليه المي بارد

.صافن بشهكه تنوعت الأيده بيها صخام...

مال الجدوره... چان یغسلهن وی جماعته

شردت منه واني اكله

-والله علي ااااااااااااتوبه بعد ما اشمر مي عليك...وهو يصيح

-والله ابد اله المي اصخمچ، غفررران صبر وووولچ چااااان‌وکف گلبي ولچ مي بارد

یا ابووو شامه

صحت وانه ارکض

-ااااااانت البدیت، ختلت بغرفتي..دفع باب الغرفه مالتي دفع البلب ودخل رفع ايده مسح الصخام بوجهي وجر شعري بيده

هوساه فرحان وانه اطك بيه حيل

جراني من ايدي يضحك هو وعقيله

ويضحكون عليه،شاركتهم ماما..گالي علي

-روووحي شووفي تسريحتچ تجنن

عفته رحت عل المرايه شفت وجهي يخوف وي كفشتي، شعری واگف گله وجهي مامبين من الصخام

رحت الماما ابچي واشگي

-شوفي ابنچ آشسوه رووحي گتلي

-ياااا ماما اخوچ چبیر غير يشاقيچ

-ماااحب شقاااااه

کالت وهي تضحك

-تستاااااااااااااهلين اكلچ بعد کبرتو....ظاله تعاركينه رويسيه بطلووو گبرتووو

ومادام گفشه اني رايحه وانتي روحي نضفي الاستقبال..

ام كفشه المصخمه

لان بعدين يجن عماتچ....

رحت الغرفتي انگت بیدي لبست سروال اسود وقميص اسود مخليتهن للتنظيف...

وجهي وشعري بعدهن هوسه وصخام

كلت بعدين اسبح من اخلص تنظيف....

عقيله راحت تنظف المطبخ. کمشت وصله أمسح بطبليات.افكر بعباس، مشتاقه اله بابا مظلمها عليه..

واني مظلمتها عليهه..

صار النه ست اشهر مخطوبين...وماكو

بقيت ارتب المكتبه انداريت واشوف عباس واكف ولابس مرقط.. وجنطته على جتافه... من شافني وكعت جنطته...گال

-بويه علي " دخيلك يلحسن،انتي جنيه وين مريتي

لا انتي د اع‌ شي ه"

وذا انتي غفران بطلت ماازوج...رااایح

قشمرتوني

تفاجأت من شفته فتحت حلگي اريد اغطي وجهي... لو انزل شعري الواكف

"لو ملابسي، اختزيت... ياربي حظي وين..

ختلت ورى البرده، اتنوع له بتك عين

وبيه خجل"وفشله منه...هو شلون حلو

ولايكله المرقط عليه....گال

-عووووووود صدك غفوره.‌هیچ بلبیت

بطلت نزوج...

جاوبته بسررعه

-لاااااااااا عبااااس علییك الله لاتبطل حباب ترى هاي هيچ ستایل مال تنظيف..

لا عبالك...دوم نوبات هييچ

-ههههه ولچ عبالي دا عش سلاحي بجبهه،شلون اقتله ماينلام يسموچ ابو شامه...

-ها...

-لا حبي اشاقه مريتي تعالي طلعي مشتاقلچ...

-معلي روح هسه، الله عليك...

-موو احبچ عاااادي طلعي انتي وكفشتچ

-الله علیك لاااااا

شال جنطته خلاها على چتفه يطلع

گال

-صار أم شامه رايح حبيت اشوفچ اول وحده‌ حتی قبل امي،بس انصدمت. اظن اظن من من الصدمه مايصير عندي جهال

-هاااااااا أشكلت عباس

-ماكلت شي مريتي حضري روحچ وسرحي عطوبچ

-شنوووو

-حبیبه باچر نعقد محکمه ماعندي بس اسبوع، خجلت اطلع...

شلت كرة گريگر مال ابن اخوي ‌شمرتها بعصبيه للگاع رجعت بوجهي شرگت بصرخه‌ ردت ابچي واشوف عباس رجع على صوتي.

گال

-هاااااا وطلعتي أتلعبييييين طوبه والله ياعبيس مريتك مابقى شي عليها وصير ولد عوزها شارب. ويصيحون مرت عبسكه رجال

سمعت کلامه...كزيت على سناني من ستفزازه

-منوووو رجعاااااااك رررررروح بسرعه رح يجي بابا رووح.

-بـعـيـونـي عـشـگـ

مـا يـحـلـى بـس الام شامه وطـاريـها

راااااايح ابو شااااامه رايح انطيك باص خزيتنه بصخام وجهك

-روووووح

شلت جنطتي من صوتهااااا واشرد بسرعه

حتى نسيت البيريه يمها

..........

#يتبع

.....السلام عليكم....

..نازك الحمراني...الفاتحه على روح أختي

...عشق المؤمنين...

حب وشهاده

غفران//

سُئل أحد العارفين:

ما هي مصاديق جهاد المرأة ؟

قال: من مصاديق جهادها.. "حجابها الشرعي"

خصوصاً في الأيام شديدة الحرّ، فالثواب على قدر المشقّة.

أتعودت على عباس،على ضحكته،سوالفه صرت ماأتقيد منه من يوم شافني بكفشتي ،عباس تغيرت طباعه كلش من دخل للحشد ،

صرت اشوفه شخص،ماگو منه ثنین بدنیا چان‌ینگت هواي ،يضحك هواي،لحيه ماعنده او هو گلي مايحب يربي للحيه

هسه صار هاديء،صار،شخصيه غير بثنين أنه حبيته وتعلقت بيه لأن الشخصيتين تجمعهن طيبة گلبه،وحنانه،وحبه،الیه

عباس علمني احب نفسي،احب روحي علمني انه انثى مو ابنيه مسترجله عباس صار اليه الحضن،والامان الي ماعرفته اله وياه رغم حاسه بلامان عند اهلي بس ويه عباس چان شي مختلف،شي يداعب كلشي بيه

عباس خلاني اعتني بنفسي،تركت شي اسمه سراويل ولاديه،والوان قاتمه صرت البس الوان الطيف الشمسي،كل هذا بس بحچي،وافعاله،دون ان يجبرنبي على شي مااريده

أراكِ في كُل الوجوهِ وفي كُل الأحداثِ

وكأنّما لا أحَد ولا شيء في الكون إلّا أنتِ

فرحانه وفرحتي گملت من صرت مرته من صدك واحنه نبصم ،ونروح منا،ومناك حتى أنكم عقد المحكمه

لازم ايدي،واعرف بيه لازمها بحجة يخاف عليه من الأزدحام..منتظرين اسمی واسمه يصيحونه ندار اعلیه گلي

-ليش بعدچ، متخليني نلتقي سوه،ولا نگعد وحدنه

-مو تعرف بابا،میقبل

-أقصد بلجامعه متخليني نلتفي سوه اله بجامعة أختچ

-ميخالف انت گلت علی راحتچ مخلیچ

ها رجعت بقرارك عبيس

-لااااا ابد ابد ام شامه عبيس لتگوله ام شامه ینفذه وهو ألممنون بس ترى ست أشهر خطوبه هووواي ،وهسه يله لزمت ايدچ لازم نفسي كوه عليچ

-أنت مو تگول اهم شي أنتي يمي صرتي

باسمي والباقي ميهم

-أي وبعدني أگول عااااد بس حضنه منچ

هناك ورى الساتر أدفي بيها جسمي من الموت،من الجوع،من صوت الطلق،النار

-أسم الله علييك لااااتجيب طاري الموت

مو تعرف أنه أحبك عبيس انت شي چبیر

شی ماتنوصف گد ماحنین علیه،وحباب

-هو لان حباب،ترفضین مني لمسه،بوسه

-عيييب هذااا الحچي

-هوو عيب هاااي اوراق المحكمه همين عيب بيدي ههههه

-عباس شووو تلح عليه

-والعباس اعبيس مكرود هييچ حبیت اخلص وقت ویاچ اعرف تنفذين وصية والدچ

تعرفين غفران شي

-شنو؟

رفع راسه ورجع تچتف وگال

تدرین شنو الحببني بيچ خجلچ"عشگته روحچ‌ الطييه مصبرتني ع طلباتچ الغريبه

-طلبات غريبه

-أي چنت آظنها غرييهظبس قنعتني أنتي

-انه اقنع معقوله أكدر اقنع أحد

-أي قنعتيني "أنو أشهار الحب بين الناس حرام" الحب الطاهر يبقى بين الحبيبين

يعني ماحاجى أنبين للناس أحنه نحب بعض،ونفتر،ونضحك ونتباها،قنعتيني أن نتبتها بأخلاقنه ودينه بدل أسوالف الغرب

-اشگرك خجلتني

-وانه مثل ما گلت اقتنعت بهل چلمات الحلوه من شفافچ

........

عباس

مولاي

يا سيد الجمال ، و مالك قلبي المحطم

ارجوك مولاي لا تؤجل مجيئك و تخمد نيران الانتظار فينا اذما رأيتنا اسأنا التصرف فنحن معك والله اقوى و انقى و اتقى ياابا الغوث يامهدي

حياتي جدا طبيعه،مثل اي شاب،يحب يصير عنده شغل،شهاده،حبيبه،هاي أحلامي يجوز مو معصوم وعصبي، لكن دائما عصبيتي،الاجل اطلع حق أنسان

غفران هل أنسانه الي اراقبها سنين وماچنت اصد الها مجرد نظره وادنج لان اخت صاحبي،واعرف وضعي مو مال زواج

الى أن شفته بسيارة الجامعه،هنا گلبي عصرني،وخفت لايجي أحد يسبقني وياخذها مني رجعت ضايج للبيت خبرت امي،وطلعت ضايج

لان اعرف منين امي تجيب،والدي صاحب جامع ومتقاعد يعني يادوب ألگمه تطلع

وانه اشتغل،على كد مصرف الجيب

وحتى مااضيع من ايدي اخذت امي،

ورحت الها اخطبها بوضعي هذا وگلت اذا رفضو بعد الله ماقاسمها اليه

وهنا چانت الصدمه اهلها چانو مثل ماهي غفران،الخلق والدين الي عليهم ،صارت خطيبتي،وحتى حلقه ماجبت الها

ماعترضو،ومتظرت شهرين منا لمن قبض والدي راتبه،اشتريت الحلقه والتراچی

حیاتي وياها خلتني ارجع ديني،اقارن نفسي ويه غفران،رغم انه ملتزم بصلاتي وادي الواجبات فقط

بس هي حببتني بهواي شغلات قرائة القرأن،صلاة ألليل،النوافل،التسبيح الزايد

ادرس كل هل اشياء منها،بس ماطبقتهن

لان ملتهي بحبي الها،بعشگي العيونها

أحبها،واموت عليها،على عفويتها،حضوره

احس رب العالمين انطاني ياها ونطاني عفتها لان عمري ماتناوعت الحرمه بنظره حرام عندي العرض،والشرف غالي

اقدس بغفران عفتها،عبائتها،حجابها،كلشي بيها بنظري مقدس،حتى حچیها الی آن اجی الیوم گملنه بیه العقد

ثاني يوم داومنه الجامعه طلعت من الكليه مالتي حتى اروح الكلية أختها عقيله،گلي لهفه شوق الهة وكفت أنتظرها

هنا مکان النحچي بيه،ونسولف،ونضحك

مشتاق الها لان وراي التحق بسواتر جنت مرتجي لمحتها من بعيد أجت، عدلت وكفتي الهة احترام،وهيبه العبائتها اجت

تزهي من دون هل الطالبات

منصيه راسها ولهواي وعبايتها تتماوج ويه هبات نسيم الصبح تتخطي تتمايلُ بثكل ابنيه بنت بيت..

تزهي "وتلمع "مثل نجمه جوه ضوء القمر

من شفتها؟

نفسهن دكات قلبي هن هن ماتغيرن

عيوني الها وكأنما أول مره أشوفها

مثل ماالتقت عيوني بعيونها

من اقترنت روحها بعقلي....

وتلابست روحها بيه...

أحبچ ودي اخذچ الصدري مثل جندي حشدي حاضن أسلاحه حاوط أصابعه بزناده السلاح... لو يستشهد لو يقتل العدو

حتى صنع إجمل رايات النصر..ويزرع الأبتسامه بنفوس ناس تريد تعيش بأمان

گل خطوه منها مشاعري وأحاسيسي

تتخربط مثل أول مره اشوفها گلبي دگاته تعلی،وگلشي بيه يتغير بس ا الشيء الوحيد الي ما تغير هو جمالها!

ياربي يالله اشلون بهل ابنيهة كل يوم تصير احلى عن يوم عن الثاني؟؟

تخليني ما كدر حتى ان رمش بعيني بعيد عنها خصوصا أبتسامتها من ثغرها الناعم

كل هذا الجمال الي أشوف بيها..

وهي مسويه حصار عليه

كوه قابل بيه اني هل وضع...لان احبها

بعيوني من شفتها امنت انو ماكو وحده تشبهها، گل تفاصيلها تشدني كل همساتها تجذبني كل شيء بيها يحتويني،

اي احبها بجنون" بكلب وروح" وجسد "احبها، حبي الها مثل أفة تنخر بعقلي

وتبعد كل تعقل مني... وصار مكانه جنون عاشك

اخيرا اجتي وصارت عيونها البريئه بعيوني المتلهفة والعاشكة‌من وصلت يمي سبلت جفونها تبعد نظراتها عني.. مستحاها اقوى من الأول اشوكت يروح خجلها الزايد...وفطاريتها...

گعدت علی المسطبه انه گعدت یم اطراف

عبائتها گتلها

-أشلونچ مریتي

-انه زینه انت شلونك

-تفضلي هل ورقه،كتبت مشاعري من وگلشي ماحاچي الاي شخص كتبته الچ

وحتی من شفتچ جایه من بعید، يعني هسه

ولو خطي مهلكد حلو بس ينقرى هههه

فتحت الورقه...تقرأ وانه بگعدتي يم طرف عبائتها أتناوع الها شلون تحرك رموشها وشلون شامتها حلوه

رفعت راسها..فرحانه رغم طولت

-عباس يعني الحجي كتبته گله علیه

مو انت هییچ هواي ادلعني

-انتي ماشايفه الدلع خليني أزوجچ واعرفنچ شنو الدلع

-مشكور

-الشكر لله...

چنت متربع عدلت گعدتي ايدها على عبايتها تلمسها تفاجأة

اتصنعت الا مباللات، حتى مترفضني

شكد دافيه ايدها، وشكد عاشك دفاها

قربت ايدها الشفتي،ماكدرت تسحبها

تنهدت ارجعها گتلها

-ام شامه ایدچ اافیه بس كاع الوطن

نادتني بردانه‌وتريد دم يدفي ترابها...حتى لو دم عاشك

-یعني هذا السبوع هم تروح

-أي حبيبه اروح ام شامه هناك تشوفين ناس تشتري الموت مشترى

-وانه

-انتي هناك الشي الحلو اليصبرني على تعب السواتر

-زين سؤال عباس

-گولي يامرت عبيس يل غلب بعشگه حتی قیس

-لیش انه من‌آگعد على مسطبه وانت‌يم رجلي يعني تبقى جوه يم رجليه

-بعد ٦ اشهر هسه انتبهتي انه أگلچ لیش ان احب اتنوع التفاصيل وجهچ واني كاعد....

یعنی أتناوع من ترفعین راسچ او جتی تردین ادنگین مني اشوفچ ماکو مهرب

-ولشوگت تبقی هیچ

-قصدچ ابقی مرتجي وايدي على خدي وانه يم رجليچ

-،أي

-موووگتلچ حتى اصيدچو من تنزلین عيونچ، وحتی اتناوع ابمنظر أشفافچ‌‌ من تتحرك

-لیش تحبني هلكثررر

-معناها تسأليني ألمن عايش

-احب حبك اليه

-مادام تحبين حبي أشوكت تحبين نزوج

ترى طولنا كلش والله هسه لو شوي تفگین نفسچ الیه ماآستعجل منا ساده الحدود علیه ومنا ماتخلیني نزوج

-عبيس مووو عقيله منتظرتها تنخطب

"اخطيه

دنجت راسي وصدت نظرتها....كتلها برائه

-والحسين محد بهاي الدنيا اله عبيسس ابوي جهز غرفنتا أني وأخوي الاخشاب منصبات....

امي من شهرين قبضت سلفتها و أشترت النضده...

وعبيس من اربع سنين مصموط حالها...

يمه شيشة عسل...ومايكدر حتى يغمس اصبعه ويلك..

-مامسوي شي مو جاي نكص صور

-هووو من الخطبه الحد هذا اليوم بس باقيين انكص صور...

-أمممم أكووو احلى من الصور

-أي عيني أكووو

-شنوو

-ما احچي اسكت احسن المهم علی طاري الصور.. حسبتهن صور الجامعه...ستين صوره..هههه

-ها" أي هنه هنه

-هو محد مخربنا اله هل انه اريد اعرف منين طلعت أنه..ولا يهمچ براحتچ

-ضجت مني لان ما نعرس

-لاااا مااصوج منچ مخلیچ براحتچ وانه بعد چم یوم التحق وبقي‌وحیدچ محد بحالچ

-لیییش الله یستر

-لااااان قاطعنه وصل للصحراء وهناك ماكو مخابره هناك..بس صوت طاك وطيك و نقاتل...

رفعت عيونها وبيها دمعه....

-عباس أني احبك ويجوز اذا اكو أقوى من الحب

چان كتلك....

اني أتخردل كلش يمك..مااعرف شلون أوصلك الاريده‌يعني خاف تقترب زايد مني...‌واني أتخربط "اوهيچ شي..

خليني نزوج مثل متريد،من نزوج كلشي سوي واني اشكرك لان تتحملني...

-انه متخربط من زماااان علعموم مااحب اشوف آدموعچ ولا يهمچ اذا مااتحمل عنادتچ وقراراتچ منو یستاهل أتحمله

-أحبك

-وانه اموت بيچ واریدچ یمي اني عطشانچ آرید من آرجع بهاي اجازتي

الکی حضنچ،یحتویني ينسيني صوت الطلق"والموت"والجثث،والدم والشباب الماتو بيدي

-انشاء الله حبي

-عيديها..

-شنو أعيد ياعباس..اني خايفه عليك من التايهات.. وأنت گلبك خالي ومتخاف

-چا استوچ عرفتي اليحب كلبه خالي...‌.

اي أي اكيد خالي لان لو ماخالي

چان ماحبیت...

اسکتي مريتي ام شامه اخت عقیلهِ اجت خل نصیر عقال..اششش

-هلا بخیتي....

-السلام عليكم...شلونك خويه...

-وعليكم السلام برحمة الله..انتي اشلونچ یااخت الغالیه

-الحمد الله

-والله يااخت الغاليه جاي أنضايقچ بجيتنه وكعدتنه

-لا خویه عادي،التفتت الغفران...وشفت دمعه منها على خدها.

مكدرت اكضها لان ماتقبل مديت ايدي سحبت طرف عبايتها...بستها خليتها على خدي وتناوع الهة سألتهت

-اشبيها العزيزه عيونها تدمع...اذا عبيس دمعها فما يستاهل...

-اخاف عليك والله من تروح للجبهه

عيوني تغرك بس واحد يحاچینی ابچي...

عباس مااتحمل فراكك....واريد السيده الزهراء تعذرني لان جاي اجزع

رجعت بست طرف عبايتها...

-اااااااااعوضچ حبیبه....هااااايه دموعچ تخلیني مااروح من ارجع أعووووضچ والله بس لاتبچیین

-ماااااكدر

-تكدررررين لأن تعرفين هسه اني جندي عند القائم..

مو اني الوطن يريدني..اختي بلموصل والأنبار..رادنا‌نكعد هنا ونخليهن بيد الدواعش... بيد اصحاب يزيد لا ياغفران...

عشكچ وعشك هل كاع...ميزان

مابيهن كفى ترجح...

-ماشي عباس همین اریدك قدم زواجنا

خليني اشبع منك، وتشبع مني بعد مااكدر

على فراكك

ولااااااااأا اكدر اكلك لاااااااااااااتقاتل...لان حرااااااام عليه

لو بيدي چان رحت اقاتل ویاك

والبي نداء السيده زينب عليها السلام

شوف عباس...من اشويه چيت چان حچي بنيه تحب زوجها تخاف تخسرك

أمااااا هسه عقيدتي دكلك روح قاتل...

وراية الحسين مرفوعه..ياعباس..

-اعبيييييسسسس عبيسااأااأااان..التفت

واشوف جماعتي صاحوني

كمت گلت الهن

-دقايق وارد الچن

سولفت وياااهم عن الحشد واگو شباب ترید تطوع ‌وهمین آگو معمل يريد عمال رجعت على غفران فرحان ابشرها

-حبيبه هاي الخمس أيام...الي بقن من الاجازه مالتي رح اشتغل أشيل بضاعه

المعمل خوش أجره.. تلاثين بليوم انه وطلاب راح نشتغل ورى الجامعه.....ألچ خمسطعش

والي خمسطعش اجمعهن للحشد اجيبلهم صناديك مي

-براحتك عباس...بس شلون بيك حيل

وتشيل ثكل وراك قتال بلجبهه..

-ااااااالحييييل من ألله...اهم شي أنطيچ عرق جبیني ههه

-الله يحفظك وترجع سالم غااانم

خلص دوامنه رجعت للبيت ما أكلت بقبت كاعد بغرفتي متمدد فكر بعرض غفران

.وهي دگلي خل نستعجل بزواجنا..

لأن والدها ميقبل كعدات وطلعات...دخلت أمي هي كعدت يمي...

-ااااااشبيك يمه هايم.....العاشكها خطبتها ألك وعقدتووو

-يمه اريد استعجل بزواج بس فلوس نيشان مادبرتهن ماااادبرت ولااااااا فلس

چان عندي امل صاحبي ينطيني ديني

بس گال ماعنده وماحرجته لان وضعه اخس من وضعي

گامت أمي...واني خجلان ليش هيچ کتلها.. قابل هي منين أجيب...اتبوك المسكينه‌رجعت اول مدخلت طلعت علاكه سوده ورجعت كعدت يمي..

-ااااااااااوليدي عبييييييييس لااأاااااا تفكر

.مدت العلاكه وطلعت منها فلوس وكالت

-هاي تلثمية الف‌روح دزهن لمريتك...

قبضت حصتي من حلال اهلي مليون..

وفيت دين قديم ونطيت الاخوك يجهز عرسه...وهذن تلثميه الك...

حتى نعرسلكم سوه...جريت ايدها واني ابوسها

-ااأشكرچ یمه مااعرف شسوي لو ماانتي.

-كلشي لا سوي بس ارجعلي سالم یمه فدوه الگلبك مااريد أنكب بيك ونثگل

-انشاء الله ييمه

بقيت هل أيام اشتغل اشوف غفران بلجامعه..ونسولف وهي متلهفه مثلي للزواج حضرت نفسي اليوم هو يوم التحاقي كعدت بتلاثه الفجر سبحت ولبست بدي اسود..

بنطلون مرقط...

وقميص مرقط...

مشطت شعري...والحيتي مشطتها..

صارت طويله بضرف اربع اشهر....

الحشد هواي غير بيه....

مو بس الحيه حتى نفسي زهدتهااا

تذكرت السيد من گال اول ماتکعدون

"جددوا العهدمع الحجة آقرو دعاء العهد"

ومن‌توصلَ لـ عبارة "وأحيي بهِ عبادك"

خل يدك علی قلبك وگول

""أحينا به يا ربّ""

ولآن گعدت متاخر علی صلاة الليل گال آلسید صلو ركعتين الشفع وركعة الوتر

رغم ماتاخذ من وقتك هواي لكن قيام الليل بيها معجزات عظيمة تتر اثرها ..

وبعدها بلش بصلاة العشق العظيمه

وهي بعدصلاة الصبح تهدون ركعتين لصاحب العصر والزمان بنية تعجيل فرجه

تناوعت لفلوس النيشان. صليت وگملت

آخذت جنطتي العسكريه...على چتافي....

طلعت من غرفتي سلمت على امي وبست ايدها اخواني يمها خواتي سلمت عليهم

وابوية دنجت وبست ايده

ابويه رفع راسي بيده وهو....گلي

-ااااانت مرفوع الراس يا بطل بالك تنزل راسك .العدو

شبگت ابويه حيل اشم بصدرة

التفتت لأمي تنوعتلها چني املي عيوني من جنة الله عالارض...

امي ترجف و تقرا ايات تحفظني

وتردني الها سالم. ‌بشيلتها علك نزعته

...وهي تدعي لفته بيدها تقربت منها...

تفتحه من ايدها العللك زغير اخضر شدتة بمعصم ايدي

- يمة عبااااااااااس حافظك الرحمن يمة بجاه الائمة الاطهار تردلي سالم مرفوع الراس .

- يمة لااااا تبجين، راجع وبأذن الله اجيب مابقی شی علی آلنصر بس یایمه

ما يهلي اشوف دموعچ..

-یمه انت ولیدي لحنين ابقى

-يمه اعرف بس مایهلي اعوف شرفنا تدنسة الانجاس

دنگت واني ابوس ايدها ورجعت خليتها على گصتي

-یمه تحرسك الزهره الله ووووووووووووووياك يمة حافضك الرحمن و سور القران وهذا اسلاحك...يمه

-مشكوره يلغاليه اخذته منها

طلعت من بيتنا وشفت جماعتي بلجامعه..

واكفين سلمت عليهم گل مره یودعوني

سيارة سيد عزام جاي تفتر على جماعتنا بالمنطقة هم حيلتحقون ويانا

باوعت الهم واتفقت وياهم ع مكان نلتقي بيه وترخصت منهم اروح البيت خطيبتي.

دگيت الباب، وبعد سلامة وي اهلها دخلت للاستقبال...‌نزعت سلاحي وتچیته عالحايط ورا الباب..

كعدت مشتاق لحبيبته‌وعز عليه توديعها مثل كل مره،الوداع صعب‌بقيت كاعد

.....منتظرها‌دخلت غفران بكامل احتشامها.

بدخلتها حسيت بگلبي يرجف،

شفت بعيونها اثر بجي ومورمات

فعرفت بيها تخاف اروح ما ارجع...

حبيت اطمنها فوعدتها وانه اگوم

- ام شامة راجعلچ وجايب مهرچ ويايه؛

مهرج غالي يا مريتي. ‌شفت زاد خوفها ودموعها جرن

-لیش تحچي هييچ ناوي تروح ومترجع يا عباس،

ليش علقتني بيك ،

انت مو وعدتني شو كلامك احس بيه تلمح تجيب دمك مهر الي يا عباس.

اختنكت بعبرتها

كمت وتنوعلها بحب عاشك

-لااااااااااااااااا لاتجزعي انتي مؤمنه ولا تشائمي منو يكول شهادتي مهرچ

لا يا روحي يجوز النصر هو مهرچ

من نطهر ارضنا من الكفار...هذا اغلى مهر اقدمة الج.

- عباس الله یخلیك لا تعوفني ، ادري مكدر امنعك من الجهاد بس اخاف لا مترجعلي وانه احبكككككككك

- لچ رااااااجع وحنزوج واخذج بحضني حتملين مني لاني حصير لزكة ههههه

باوعت لكتاب زغير چان دعاء الصحيفة السجادية رفعت ايدها وخلتة،بجيبي...

من شفت ايد غفران وهي تمتد لجيبي وتستودع بيه كتاب الصحيفة السجادية.

دمعت عيوني.....

بس مابينت

ادري هي متعلقة بهذا الكتاب

وين متروح وياها...حتى بجامعه اشوفه بيدها..

طلعت علاكة النيشان....

- غفرااااااااااااان لهذي الدرجة تحبيني

مو اکلچ انتي مؤمنه وايمانچ یخلیني اتعلق بيچ...

-اي دعائي يحفظك انشاء الله هاي العلاگه شنووو

-هذا النيشان،خاف تشترین ملابس...

ادري مو كد المقام

-مشگوور عباس الله یرزقگ وتجیب اگثر

استغليت لزمتها للعلاگه گتلها

- لااااااتضوجين مني انتي حلالي ومريتي

واريد اسوي شي مريدة يضل بنفسي.

-هااااااااااا عباس كوول شسوي ارید اعرف‌گبل لا تفهم عليه شيريد

باغتتها وحتويتها بحضني..

أخذتها على صدري بعناق طويل صحت بصوت ناصي وحسره مگبوته

-ااااااااااافيششششششش يااااااغفران

اصابيعي ترفع راسها...ليورى ‌وشفافي تلتحم بشفايفها بقبلة عميقة تلاقت

ويه دموع عيوني،ودموعها وبايدي الثانية ابعد حجابها لمست شعرها شفته شلون سرح

بقن اشفافي على شفافها حسيت أختنك وگل جسمها یرجف، تخربطت

بعدتها مدري شصارلها ...عيونها ذبلت مثل الدايخه دفعتني وشردت وهي مختنكة

وتردم

ندارت علیه بعتاب

- مچان لازم تنتهز فرصة وسوي هيج بعد لاتعيدها‌ مسحت وجهه من دموعه

اقتربت منها وهمست

- آنتي مريتي والكعبة مريتي ممسوي شي حرام،

راحت وشردت وانه اريد اخذ منها واخلي يمها تذكار من أطلع وهذا احلى تذكار...

طلعت من الصالة شفت اخوها علي گال

- ها خوية ابو الفضل ملتحق

- اي والله رايح ينتظروني جماعتي خوية انطي هذا لغفران...‌نزعت محبس بیدي..جان محبس عقيق يماني...

طلعت من بيتهم منتعش من شفافها...

وبالي هاي اخر روحه الي وانه عزابي

الجيه الثانيه التحق واني مزوج

دك هورن سيارة سيد عزام...صعدت وي هل الشبان......

بحرورت الجبهه مر شهر كامل مانازل...

الحر قوي...وماكو اتصال مشتاق الها

كاعدين على التراب الي الشمس مخليته جمر... عطش وجوع .. ألساعه بتلاثه الظهر..أتريكنا الصبح.....كل واحد صمونه وبطل مي

الرمي قوي علينا بقناص متطور..

اسلحتنا عاديه"مااتوصل الأسلحتهم...

كل واحد شاجورين عنده...

صار الرمي قوي...

سيد عزام يمي "زيد الأنباري"من غير القائد وشباب متوزعين مايجاوز عددنا عشره..

بمكان بعيد عن فرقتنا...

أكو شباب أخذها التعب والجوع والعطش

يبس شفافنا

الحظه فرحنا اجتنا همر جابونا ماي...

نفتح البطل المي حار اكثر من الكاع...

نشربه ونكول الحمد الله(الله يساعدك ياابا عبدالله)

سيد عزام وحميته...

وهو يشعر النا

كل شعر يكول يحمسنا ننسى العطش "والجوع

عرفنا نفسنا احنا هنا نقاتل الاجل الدين"

مو بس الأجل العرض..

بداية الفلوجه...

اكو ناس تجي نازحه

يسولفون قصص عجيبه...

ميصدقها العقل

من نسمع هيچ انثور آکثر"

ونهجم آکثر لآن یصیر بالنا

آنو لازم نقاتل حتی نحرر الي محاصرين جوه

الحد اليل عتادنا خلص ومااكو دعم..خابر القائد مالتنا على الضباط المسئولين عنا...

بس الفهمنا من القائد من كلامه ويه الضابط..من عاط بيه

-وسفه عليك من ضابط ذابنا بحلك الدواعش...

لا اكل لا ماي"وقتال بصحراء چبیره..

شني اشكد قبضت

ثمن هل أبطال....سيد عزام يمي...گال

--لا تضعفون اخوة زينب انتم..

بيكم غيرت العباس يهنيالكم..

لاتضعفون حتى لو اكو خاين

اتذكرو طف حسين وهو حاير..

من كااال الا من ناصرآ ولا ناصر..

استشهدو اهله"وربعه"والخادم

وبقى رافع راسه ويكول ياجد

عندي شيعه تقتل الرجس باچر

الكاع تريدكم تاخذ بس جسمكم...

و الحور عين بسماء تحضن أرواحكم..

انسى العطش ياحشد انت طف حسين.

واسيه بعطش عباس"والاکبر" وجاسم..

بكلام‌سید عزام ننسى كل تعب

.وخصوص الشباب آلي اعمارهم أزغار...

من يسمعون هيچ یشجعون...

مانمنا منتظرين اسناد...وسيد عزام الي كل شوي

يفزع بهوسه...نسينا كل جوع...كل عطش

واحنا نقاتل...

كعدت يم سيد عزام... أسولف له...

-شوف سيد عزام عندي وصيه...

-،گول ابني

-من عندك هوواي تعلمت اشياء منها صلاة ألليل كيف التزم بيها بس هسه اطلب منك طلب

-گوول ابني

-ريدك تتكفل بدفنتي اذا استشهدت لأن ابوي مريض"وخواني فقره كلش..

.

لاتخليهم يحيرون"بدفنتي كلش فقره

واريدك ازفني زفت عريس..

هذا اذا نحرمت من عرسي...وذا عرست لا خلاص

طبطب على چتفي وگال

-واني اريد عباس اذا ستشهدت...عينك على اولادي مااريدهم ينذلون.. بقينا واحد يوصي الثاني‌الحد الصبح...مانمنا...جابونا أسناد...واسلحه

صار بحينها عدة اشتباكات وي العدو

وجنا متقدمين بيها كدرنا نحرر احد قرا الفلوجة،

قدمت فرقتنا هواي من الشهداء آشوفهم يتساقطون،جدامي...

بليل چنا انسولف‌آلصبح دمائهم صبحت علینا مر اسبوعین واحنا بقتال مستمر

من دون تخاذل...

قتالنا عصی موسی...وهم فرعون

احنه كرارين غير فرارين

ضاربين العدو بعقر مواقعهم رافعين راية الله اكبر

ویاها رایة لبيك ياحسين

خطوط الفلوجة بالقرب من العامرية اشتد القتال...التقينا بفرقه ثانيه...وسيد عزام ماتركنا..

اسرو شباب من الفرقه الي التحمنا وياها

اربع ايام ماكو عنهم خبر...

بس اجى اصدار الدواعش...تناقل بين الموبايلات

شفنا صحبانه مثلوهم امام محكمة دولة الدواعش

قسم منهم حكم عليهم بالحرق بالاقفاص

وقسم منهم ذبحا....

كل ظنهم بهل اصدار يخوفونا...بلعكس ثرنا بزايد

وفكرنا اذا دخلو على اهلنا شيسون....

حصلت شبكه...

خبرت أمي..على ستعدادات العرس..

كالت جهزت الغرفه...وفرشتلك فرشه ورديه...

ضجت بس اشكرتها ماحسستها لان اريد فرشه بيضه

رجعت فتحت خط خابرت غفران...وكتلها -مریتي تلگین بنقالي هوواي كاتب شغلات خليتهن الچ من نزوج تقریهن

-اي اكتب گلشي حتى اعرف شتفكر

-اي حبيبتي وبعد اريد منچ تجيبین فرشه بيضه..ماارید وردیه

نگطع الاتصال واته مشتاقلها...بكد رحمة الله.

انكطع الاتصال واني فرحان بكلامها...

الحبيبه صارت جريئه...‌لو ادري بايسها من زمان‌اليل صار تعرض...

صاحو النه اني وسيد عزام..وزيد الانباري

وعلي ناصريه"واحمد عماره

بقينا نقاتل..الحد الفجر...النوم طلگناه

خيط الفجر بزغ‌ وحنا على الساتر...گل واحد صمونه وجبنه.. اگلنا...وبقينا نهجم..

مااعرف الحظه واني رفعت رأسي..رمي قوي‌ زيد الانباري..تصوب آولد مصوبين...

واني طلقه بصدري، ختنكت تحاصرت مگدرت بس رفع راسي للسماء وهمست ابتسم انتظر ابواب السماء تفتحلي لجنان الخالده

- ام شامة ماچذبتي صدك طلع مهرچ غالي بس دمي مایغلى اعليچ

ودماء الشباب امثالي مهر لطهر وشرف العراقيات

‏مُذنباً وبدمع الحُب اُناديك يا قابل الحُر اقبلني

صوت تكبيرات، ورايه وغلط،وسب

اايها الزنديق الئ جهنم وبئس المصير...

رفع خنجرة التمع نصل الخنجر الحاد بشعاع الشمس

نشف ريجي وكثرت العطش ردت استسلم

تذكرت كلام ابوي گلي لادنج عبيس

ظل مرفوع الراس...

كعدت مثل ساجد ورفعت راسي أباوع للسما رفس وجهي برجله حسيت بطعم الدم بحلگي

ريحت الداعشي مثل حذاء جندي نتنه

باجرام لزم شعري من ورى حسیت يريد يكسر رقبتي بحرورة الشمس تلسع جناتي

ابتسمت واحس باخر لحظات

تأملت وتخيلت موتي.. وامي تطش جكليت بعرسي وتهلهل تهوسلي عريس وربعة يزفونه.

وتخيلت غفران بثوب العرس ويزفونه الي

تخيلت اخذها بحضني

مريتي عذريني ابريلي الذمة

وعدتچ بس القدر اله حكم

وراح اطلبچ حوريتي بالجنه مو يكولون

،الشهيد يكدر يطلب اي شخص يحبة وياه بالجنه

بدت الخيالات تجيني امي وهي تنتظرني ارجع وتزفني وغفران،الي تنتظر رجعتي وما اعوفها

صوت سيد عزام...يصيح تعالو شباب عباس"وزيد تصوبو....

اريد افتح عيوني، مو هنا چانو الدواعش.

نو چانت شفافي يابسه لیش هسه ارتوت اي ارتوت من ماء الشهاده ماء ألكوثر

ڪانوا عوام وأصبحوا ،بالقتل ساده

هم نفسهم غدا بعسڪر المهدي قاده

............

غفران

يالبعيد، يالغالي

شكد ألي بملكاك واهس"

يعز عليه نوم الليل

يا لعيونك توالي الليل خطاري

مااعرف اشلون باغتني عباس وباسني...

چانت بوسه قویه اختنکت منها...واحس جسمي باد وخدر ركضت على عقيله اريد اتنفس...گالت

-ولچ وجهچ احمر اشسویتو هااااا

-ها ممسوین شي والله...بس ختنكت غسلي وجهي

غسلت وجهي..وبقیت آغسل الا ان احس رد النفس اليه...بس باسني اني ختنكت

-باسچ ‌یاااا‌عییب

-اي وشوقي نطاني افلوس النيشان...

وفرحانه لان حصير يمه

جفلت اجاني اخوي علي...مسحت وجهي

-غفوره....هذا محبس من عباس الچ حرامات فضه يجنن

-أخذته منه بلا مااحچي تعجب حتى اخويه عليه متعلم اعاركه اول ماطلع بقيت ابوس بلمحبس

اشكد احبه...

يارب احفظه الي.

يوم يوم واني اتحلم بزواجنا..بيومها خابرني..گال

-مريتي امي جايبه فرشه ورديه...اريدچ اجیبن‌بیضه

واريدها تركيه...وبيها قلب بلوسطه..

وترحين ترتبيها....

واريد بياضها نااااااااااااااااااااااااصع...عني مو بياض املح ویه بدلتچ البيضه...

وكلبچ الابیض

تصير ليلتنا احلى ليله....ولا تنسين شعرچ...لا تلعبین بیه

-بس اني ميشته...خصل

-ميخالف حبي اهم شي مو اصفر لان مااحب الاصفر

وحواجبچ.لا تلعبین بیهن...

ارید مثل ماشفتچ....

-وین حفیت وطکک وجهي......

-فدوه العمرچ حبي...يله رايح يصيحولي..

ولا تنسين ابريلي الذمه...

-اي حبي هو كل مره...د گلي ابريلي الذمه.. وگلبي يوجعني عليك

-بعد مايوجعچ اجي بلسبت لا تنسين العرس بلأثنين..

اريد ارتاح يومين حتى استلمچ استلام

-الله کریم...انشوف شسوي

--تتحدیني هههه امنيتي اشوف وجهچ شلون هسه صایر..

انتي بوسه خردلتچ حومرتي وصار بيچ فلك من نزوج شیصير بيچ

کلامه نعشني وهو يحچي.طلعت للسوك الاربعاء‌سويت قائمه بشغلات الي احتاجهن

مااريد انسى أي شيء...

اشتريت الفرشه البضه گملنا تسفيط الجنط اني وعقيله...‌رحت الكنتور عقيله

.اخذت حجابها...صاحت

-ولچ مال الکلیه...فرهدتینا...

-بس اکشخ بیه هههه بیوم‌ الخمیس

.كعدنا..

الفرشه فتحتها...اريد اشوف كبرها...

رنيت على عباس ماگو...طلعنا اني وماما

كالت اخذ الفرشه هسه رجعي...

دخلت للبيت أتلمس حلكي فرحانه

واحسب بجنط...صارن هواي، عقيله يمي حضنتها...

-انشاء الله يوم الچ...دخل اخوي علي وهو يدفع الباب ونفسه يصعد وينزل...

شبخت جنط النیشان وجنطي وكفت يمه

-خويه علي شبيك تلهث زين ماما وين...

عيب تاخذ الفرشه لازم...شدكول ام عباس علينا مستعجله غفران على الزواج

حضني يبچي..دفعته اضحك

-لااااااااتبچي ترى اني جوارينكم...بعدته...

اجت ماما وجهه احمر...ركضت عليها

-يمه وين چنتي...عند ام عباس هزت راسها أي.. مااريد اصدك الأشوفه...

اريد اصدك نفسي...هو عباس گل مخابره يگلي آبريلي الذمه...

زين اخوي يبچي"ماما...هذا بابا دخل مدنك راسه گعد يم ماما

شكو اشصاير....صوت طلق "رمي بری

هوسات شباب یم بابنا...لا مو بابنه باب‌باب بیت عباس

گمت ماما تحضني...وتنشغ

-عباس..

الاول مره ابعد ماما گتلها

-ماما عباس بلسبت يجي...اي بس هسه مفاجأه سوه الیه مووو هو ابو المفاجئات

خوش ماما اخذي الفرشه‌مازال بعدها بيدچ اخذيهاااا يمه قبل لايدخل الغرفته

گال ارید اشوفهاااا اول ماارجع

عاطت ماما بصوت عالي

-كاااااااافي ووووووولچ كاااااااافي عباس استشهد...استشهد استشهد أصوب بكلبه ونزف مالحگووووو عليه....

احچي وممصدگه

-لا ماما خابرني..هسه مامات

-لاااا مات

-هاااااستشهد رجليه مشت بلا وعي

رحت للغرفه دفعت الجنط لبست حجابي دنبسته

اخذت العبايه من الچربایه فتحت وحده من الجنط طلعت چیس الچکلیت.

رحت الامي اخذت منها الفرشه البيضه

مشيت خطوات أمي وعقيله وراي يمشن

طلعت للشارع شفت جماعته يهوسون

عريس وربعه يزفونه"..كلهم لابسين مرقط گلهم من الحشد

مشيت والخطوه..صارت طويله‌خنكه بگلبي، ماتقبل تطلع‌ رغم بيتهم مو‌‌ گلش

بعید بس علیه صار طووویل الدرب وحار

وصلت البيت ام عباس...دخلت

التابوت بلطرمه، لملمت عباتي فتحولي الشباب الطريق...

عرفوني العروس

العروس المارادها رجلها....وراح الحور العين...

كعدت يم التابوت فتحت جنطه الفرشه...

طلعتهااا غطيت بيها التابوت زين گتله

-عباس هاي فرشتنا ردتها راقيه‌وحلوه‌

طشيت عليه چکلیت حتی الچکلیت..من‌

هذا ردته مایع

دموعي بلا بچي تنزل..

اخو عباس واخوي ..واگفین گتلهم

-يله خل انزفه كومو لااااااااااااا تبچون

رحت علی امه گومتها ماقبلت كووووه سندتها واصيح

-یله عمه..اااااااااااااااابنچ شهید بجنه...

رجلي مااحس بيها..الي يمشيني عقيله لازمتني حيييل واريد اعرف منين القوه اجتني

ايدي حاضنه ام عباس بقوه حتى مااطيح

وعقيله ساندتني اقوى حتى ماطيح

شالو التابوت خلوه على سياره...وعيوني تتنوع التابوت اريداطلع الصرخه...بس بچي... السياره تمشي على كيف...

واحنا نزفه...وصحبانه.. واحد منهم هوس

يجوز سيد عزام ليسولف عنه...

لان اسمعه كالهم تصوب براسه وبصدره غدر وحتى رفسو وجهه مالحگت علیه

صاح سید عزام ویهوس

-روح الحور العين ياعباس..

يل متت وانت رافع الراس..

نزفك احنا صحبانك اليوم..

وباچر احنا هم مزفوفین...

شهید یوصي شهيد..

وشهيد يودع شهيد

هذول احنا خوته ياناس.

سبقتنا وانشاء الله احنا وراك..

باب الجنه الك مفتوح الك والنا

يتلكاك القاسم العريس..

يازلمه كلف شايل غيرت العباس

بدیت أذكر كلامه...وهو يگلي اعوضچ..

عوضتني بكسر گلبي...

عوضتني بدمار روحي...

عوضتني بدمار عمري

عوضتني يارب

ياسيدتي زينب عذريني...ترى مو بيدي ابچي هذا الراح وياه روحي راحت..

مختنگه وانت چنت هواي...

هااااا عبيس مو ردت زفه زفيتك شتريد بعد مني

راحت السياره والتابوت عليها واخوانه يصرخون بحرگه وبنشغه ابتعدت السياره وطحت للكاع ومو مثل گل مره عبیس یسندني طحت ونتهيت

رجعتني امي للبيت،مددتني على الچربایه.

وبیدي جنطة الفرشه فارغه...ماتركتها..

شلون اعوفها وانه تعبت يله لكيت الي يريده، جت امي تنام يمي....نداريت عليها...

-روحي يمه ارجوچ تری زینه...والله مابیه شی

راح شهید هنیاله. كمت من الچربایه

فرشت السجاده اخذت القران...گتلها

-شوفي أريد اقراء قران ...طلعت ماما وهی سد الباب كمت وراها سمع بابا من ورى الباب يكلها...

-اشلونها غفيره ليش متنامين يمها...گالتله

-جاي تقراء قران..روح ادخل عليها صبرها

-مااكدر ام احمد مااگدر اشوفها هیچ

.بعدها زغیره نحسبت ارمله...

یمي عقيله اتنوعت الها

اجت یمي حضنتها اريد حضن ابچي بيه.

بخنگه گتلها

-عقیله صدك مات عباس منو بعد اليه

...منو يفهمني من عيوني

گليله هم اكو واحد مثله...

لا والله بس هو هيچ....شایل غیره"وحنیه" علیه

عقیله ارید عباس...لو اموت وراه ولچ شفت طرف اصبعه من‌التابوت هذا اصبعه متعور كد مايشتغل بسمنت ويخبط

-گولي يااالله

-عقيله راااح امووت گلبي يوجعني اريده

-استغفر الله

-عقيله کلچ اقریلي جماعته شنو قرو عليه من زفوه.. كالت

- جابو مكبره صوت ..وظلو يهوسون ويلطمون

يمة ذكريني من تمر زفة شباب..

من العرس محروم وحنتي دم المصاب

شمعة شبابي من يطفوها..

حنتي دمي والكفن دار التراب

يمة ذكريني يمة ذكريني من تمر زفة شباب

من ثدي النيبا راضع بصافي الحليب

..وبهالشهادة صار الي قسمة ونصيب

حوفتي بدمي خلها يفرشوها .

. حنتي دمي والكفن ذار التراب

يوم المبارك أصبح لديني شهيد ..

#يتبع

////صباح الخير//////

/////نازك الحمراني////

/////عشق المؤمنين////

وعن للسان غفران المنكوبه...وحين لقاء

‏سأتجرد منى أرتديك لباس حور لا ينضب



....

فقيدي متى ألموت الذي فرقنا يجمعنا

فقد تعبت من الم الفراق البعد

أخال نفسي سأجن اراك امامي تبتسم لي

تقترب فيخفق القلب في جنبي كالرعد

بكيت وسأبكيك بعدك عمراً لست أحسبه

فالحب،والشوق يأخذني حيناً ويرجعني

ويوقفني كأنه البحر بين الجزر والمد

لما رحلت هل لتترك القلب في ألم

شهيدي،أشفع لي،عند مكسورة الضلع عسى تسكن بقلبي نار ألفقد والفراق

غفران/بقيت أبچي ومن كد مابچیت آختنگت عیوني ماشفت بيهن شي بس غفيت،ماادري شگد،الوقت

مو غفوه أنتقام كل ساعه أتخيل نفسي مكان عالي واطيح وافز،وابچي اريد عباس،

وارجع أغفى، واشوف نفسي بلجامعه وهو يبتسم أليه،واركض عليه ويختفي

،وافز من الركض تعبانه أبچي عليه، واريده واخبص الدنيا بيه ادوره وينه

أسمع صوت أمي ،وبابا،يمي يروحون ويجون واخويه علي،واحمد،وزوجته بس ماأگدر آفتح،عیني،شي يمنعني،عايشه مثل كابوس ممل

بفقد فقيدي الشهيد صرت مثل الي أن تنتقل من سعادة عارمة الى أكتئاب خلال دقيقة " أنا أركب هاي الموجه الشعورية من يوم استشهد بيه حبيبي عباس

يومين،بنهارهن،أنه هذا وضعي، كعدت على ايد تمسح بوجهي،ونقاط مي تطيح على خدي،فتحت عيوني،واشوفن أخويه عليه،يبچي على راسي ويگلي

-ابو شامه أكعد ويامن بعد أسولف،أحچي

كومي بعد أخوچ،گومي الخاطرنه ،الخاطري انه صاحبچ

کعدت،ولزمت ایده وهو تبسم،ممصدك انه

كعدت گتله

-صدك عباس مات وعافني ،زين أذا يعرف روحه يستشهد،ليش علقني بيه،ليش خلاني،أحبه،،ليش صار حنين عليه،ليش مخليني على راحتي مايجبرني على شي

-استغفري ربچ یخویه تری لو یعرف هو راح یستشهد ماخابراچ علی توفي يحبه ولا خابراچ علی لون فرشه،تری شاب گل ظنه يزوج ،ويتخرج،ويتعيين، وتصيرله خلفه

-ليش عافني وانه بعدني زغيره ماشفت شيى منه

رد علي عليه

-عجب منو يحچي هييچ أنتي المؤمنه

وداخله حوزه،ومثقفه نفسچ دینیآ نسیتي

سيدتنا زينب عليها السلام وبليلة الهدعش

الخيام المحترقه،خوف الأطفال ،وتشوف الأقراط المسلوبة ، رائحة الدخان ،هناك

زينب جمعت فجيعتها، وقهرها گله راحت الجسد الآمام الحسین علیه السلام

رفعت الجسد آلمقطع بآیده صاحت يا رب تقبل صدع القلب،کن أنت الشافي وصرخت((اللهم تقبل هذا القربان))

-علي،أنه ماأكدر مو قويه ولا معصومه

حتى جاي ادعي

-لااااا تكدرين أذا أيمانچ قوي،تگدرین أذا عندچ یقین باالله وتری السیده زینب علیها السلام مو معصومه(عصمتها عصمه صغرى)لكن ثقتها ويقينها باالله قوي انتي

وگل وحده تتخذ العقيله مثال تمشي عليه

-علي خويه ماأگدر حتى صرت ادعي

اللهم آني احاول كثيرًا وانتَ اكثر من يعلم فـلا تتركني وحدي ارجوك.

-ونعم باالله بس انتي تگدرین آگلچ لیش آول بارحه موقفچ وأيمانچ خلانه صافنین علیچ آنه وابویه لازمه أم عباس وتمشین بیها عبالك صدك ماخذتها الزفت أبنها،تگدرین وانتي من فرشتي فرشة العرس على التابوت

گام علي باس راسي وطلع دخلت عقيله

عليه جايبه كلص چاي وبسكت خلت الصينيه يمي وگالت

-یله آگلي حتى تسبحين ونروح للفاتحه

أم عباس أدور عليچ بین النسوان خطیه

ماحچیت شي اخذت بسكته اكلتها كوه

ولازم اطبق وصية عباس من استشهد انتي سندي أمي

أخذتني عقيله للحمام أسبح،دخلت سدت الباب جرت تخته سيراميك كعدتني عليها

نزعت ملابس،وانه مثل ألجاهل لاحول ولا قوه جابت طاسة المي تغسل شعري

تجيب طاسة المي وذب على جسمي

الماي أحسه يوجعني "وچنه جمر جفلت یعني أني أسبح وعباس النازك نايم جوه التراب رفعت راسي العقيله

-مو اليوم لازم عرسي...

-لاااا تعذبين نفسچ غفران

-اليوم مو لازم أسبح بحمامهم عقيله ألله عليچ ‌ليش هيچ یصیر بیه تری والله اول واحد یگلي أنت أبنيه وحساسه

--گولي ياالله

-ياالله جاي أگولها مالنه وغيره بس تدرين کلي عباس أصبريلي أني الچ شیفکچ مني لا تتحديني...گل ظني راح يسوي مايسوي

تالي طلع مو كد التحدي أني فزت عليه انه گتله مو گدها

-الله یساعدچ شبیدي عليچ واسوي الچ

-أريد اصرخ عقیله کولي ألبچي ليييييش رافض يطلع مني صدري ضاك عليه...مثل صخره فوگااااا

-گوومي حبيبه ليفت جسمچ هي تغسل بيه گملتني لبستني ثوب اسود واخذتني للغرفه...

جاي ندخل صاحت ماما

-عقيييله تعاااي اخذي اجواريب الها

راحت عقيله الامي وانه دخلت للغرفه

وكفت جدام المرايه أشوف وجهي شاحب

اتلمست أعيوني. چان یتغزل بیهن عباس

هسه ورمات گلشي ممبين بيهاااا كد الورم

أتلمست أشفافي"الشامه" خدي كلشي يذكرني بيه گلشي تغزل بيه عبااااااس

تعصبت واصيح بهداي، عبيس عااااابس حبيبيييي وووووووووووينك مديت ايدي نزعت الخاولي من شعري.شمرته للگاع

بهل لحظه كلشششششششي واكف عندي بهل لحظه"الوجع"الأحساس"الألم قوي

بس دموعي رافضه توكف...

تنوعت الشعري وللخصل الصبغتهم..واني امشط بارهاق المن خصلتهن...

زين هاي أول مره أطول شعري اول مره

اعتني بيه حتى واصل الظهري

دورت بلجرارات ادور المكص من المجره

سحبت الخصله المصبوغه بقيت اسحبهن

كصيتهن زجريت خصله الثانيه كصيتها كول الخصل بقيت أكصهن وحده ورى الخ..أكص الخصل واشمرهن بلكاع

نصيت صار يم رجلي گووم خصل شعر

دستهن برجليه بحررررگه‌ ادوسهن حرام

رجعت أتنوع للمرايه واحچي

-هاااااا عبااااس انت مو ردت خصل قليله....هاي اني مااريدهن بعد وكصيتهن كلهن مابقى بس لون شعري الاصلي

بچيت، مگدرت آوگف رحت تمددت على الچر بایه ومن جوه المخده طلعت صورته

اتامل هاي الصوره حاط ایده علی چتافي

حاچیته بدمع ""حبيبي وين رحت عني

شتاقیت الك للسوالفك ،التحشيشاتك زين

مافكرت بيه ماگلت بگلبك غفران تحبني خطيه شو علقتني بيك حتى تعذبني

مو تدري راحت روحي وياك...

مانمت اله على صورته. وبديت أتخيله يمي يسولف وياي زين من مشيت من يمي ليش بضحكه حلوه، وعاتبه على بوسته گتله بوستگ البوس هوو موت...

تعبت عباس أشلون انساك...

زين اشلون أعيش‌أبوس الصوره جامده

شفت اشلون جريئه اني زفيتك بيدي....

حتى الفرشه الي فريت السوك عليها...

نطيتك ياها...وياها روحي"وگلبي"وكل شبابي

دخلت عقیله گالت

-یله نروح للفااتحه ماما منتظرتنه

لبست حجابي والعبائه والجواريب رحت للفاتحه وهناك الصبر أجاني الخاطر أم عباس اجيت يمها سندتها انه نفسي تعجبت على نفسي شلت من امه هووواي

گل اشوي تبوس راسي وتصرخ تگلهم

-هااا الحلوه حبیبته حبهااا وخلاني اركض

ركض ومستعجل حتى اتصير أله شووفن شلووونهااا

متت قهر على امه تريد تعبر عن حزنها بأي شي تشوفه الحد ألليل اخذتني ماما وعقيله رجعت ألغرفتي رغم رحت قويه.

قويه الأجل أمه وخواته بحيث أكو نسوان يصچمن

البیهن تکول"صلفه"الثانیه فكر"الثالثه دکول چساحه

واني همي أمه واني تنوع الها وهو یگلي

-أم شامه حبييه من أستشهد أوعديني تصبرين أمي وماتركيها..امي تحبني كلش

امي تنتهي عليه اريدچ تخلیها بعیونچ امي مريه فقيره من اهل الله كلشي بيها من اهل الله سوالفها ومحبها اليه من دوم اخوواني

وثانيآ تزفيني زفة عريس وفيت ديني أله وزفيته وهو ماوفى دينه هوو بقى مطلوب اليه واطلبه گالي بيناتنه العباس ارد

ثالث یوم الفاتحه تمشيت وهمین رحت عند امه المنكوبه گعدت يمها مديت ايدي أمسح وجهه اصبرر بیهاا تصرخ گل صرخه توجع گتلها

-عمه لاااااصرخين هو راح يم غفور رحيم راح شهيییید

تدرين عمه الشهيد مكانته شنو..

تتلكا الملائكه ويزفونه الحور العين..هسه هو متونس،فرحان،یضحك

وانتي تبچین....

مو بس هييچ عمه شوفي عمه باچر بیوم الحساب یشفع السبعین واحد

یشفع الچ والي...

هنااا اختنگت علیه‌حچي ودي أصرخ.

بس أشوف امه تسمع اليه حضنتها وابچي

-الله یصبرنه خااااااله الله یصبرررچ ویصبرني ااااااه ياعبااأااس اخخخخخ يااأاعبااااس

ألحد السابع الفاتحه وانه كل يوم أروح البيت أهل عباس اصبر امه وتصبرني

بيومها عطشت بيت عباس تعديت الغرفه

هنا فضولي حرك رجليه على الغرفه الي لزم أزوج بيها

فضولي اخذني الها فتحت الباب واشوف شلون مرتبهه شلون معتني بيها

حتى نشرات حمر مخلي على تاج الچربایه دخلت سدیت الباب،آتناوع الها ونزاگتها

مثل ماوصفلي مسويهااا حتى ألوحات الزغار المعلگهن وصفهن الیه،مثل وصفه

تمشیت خطوات الحد الزاویه معلك عليها ملابسه تلمست قمصانه معلگهن بترتیب بلزاويه،تلمست الخاولي مالته

وكفت يم المرايه فرش الشعر مختارهن

كلش الوان حلوه بستهن وحده وحده درت وجهي للچربایه،مرتبه،فرشه وردیه ومخدتین وگوشه،ومحطوط قاط العرس

بقیت صافنه،الی أن أختنكت طلعت الغرفه،مااكدر ابقى،اريد عباس،اريد حبي

اريد الرجال الگال أنتي مرتي،انتي حرمتي،أنتي تاج راسي،

رديت للبيت،وماأحچي اي شي،ذكرياتي ويه عباس هواي،من يرجع من الواجب يسولف اليه شلون لبخ حايط الغرفه

،شلون گبر الشباك،وشترى بنگه جدیده

والبرده اختارها تول آبیض،بقيت حبيست

الفراش،والسجاده اشگي همي بيها

عشر ايام مرن بايامهن ولياليهن أجازت الجامعه خلصت،وماليى صبر غير القرأن والدعاء

الاكل صار مر بحلكي وتركته أكل على گد مااقوي جسمي حتی اگدر اصلي كرهت بلدنيا كلشي، أفرش السجاده واسجد

واشگي الله، مااگوم اله التربه مبلله من عرق جبيني...

اطلع يم ماما وبابا قويه واسولف..

لأن مرضى اخاف عليهم..

يجي اليل أحضن عقيله وابچي...وتبچي وياي‌حضنها صبرني، بدفوه وهي تقراء عليه،وتبچي على حظها بيومها رفعت راسي الها گتلها

-عقيله باچر دوام یا هو الي يحجزنا بسياره وياهو اليغار علينا بعد من روح للجامعه،مسحت دموعي..

-ليش هيچ غفران مو آنتي تقرين بدعاء بأبي أنت وأمي ياأبا عبدالله، آشو انتي بس زوجج وماتحملتي صيري قويه

الاجل الحجه المنتظر عليه السلام

من يشوفنا جازعين على الشهاده،يتأذى

الدنيا دار بلاء،والأخره دار القرار....تحملي الاجل ذيچ الدار..

-افراك عباس عذاب وبفراكه صار النوم سلوتي حتى انسى نفسي

-شفتي عقيله گل وحده عدها مصيبة تتعب تنام وترتاح ويهونون عليها

الا السيدة زينب صلوات الله عليها مانامت وكملت مسيرتها الرساليه وگامت بكل قوة، حامله للواء اخيها بكل فخر

-السلام على جبل الصبر وتالية المعصوم..

-اي تاسي بزينب،قائدتنا، وفخرنا

وخلي ذَخيرتُچ ،من تنقهرین زيارة عاشوراء وتَسبيحةُ الزهراء ولا تآیسین

کعدت آگبالها، ودموعي الماتخلص

-والله عقيله بلعافيه عليه الشهاده بس فراكه عذبني أمير المؤمنين شيكول...مو أصعب من الموت فراق الأحبه...

وهو مو أي احد هو ألحبيب"والزوج"الي ماتهنيت بيه

حضنتي تبچي...مدري عليه تبچي"مدري على مهدي المهم اريد حضن يدفيني لأن من يجي الليل برغم الغرفه دافيه...ارجف برد

صبح الصبح...لبست صايه سوده وحجاب اسود وعبايتي السوده...نزلت حجابي كلش شربت ستگان چاي ماردت أگوم اخوي علي مد ايده اليه گال

-یله لااااتتاخرین علی الجامعه

-مااگدر اگوم علي والله مااگدر

-عفاااا عندچ اخو وتگولین ماگدر اگوم

وین رحت منچ گومي توجي عليه البيت راح يمرضچ

مدیت ايدي،گمت ویاه لبست عبایه طلعنا للشارع اخوي‌علي،وعقيله‌واني‌بوسطتهم

يگودوني لان منصیه راسي مااريد اشوف صورة عباس معلگه براس الدربونه

سمعت صوت طلاب،رفعت راسي شفت سيارت الجامعه وطلاب يصعدون الريم

گتل علي

-عباس وينه ووووينه خويه خل اروح للباص بلكن سابقنا شدگول نلگاه هناك

نزل ايده مني ضايج عاط بيه

-كااااااافي يختي والله حزنچ تعبني كافي

ماتركبن الريم أمشي عقيله جدامي أجر تكسي الچن....

گادوني اشر علي من بعيد وگفت رکبنا السیاره...وعیوني للشارع بلكن اشوفه ماكو

وصلنا للجامعه عقيله راحت الجامعتها وعلي اخوي راح ويه السايق ايناس شافتني اجتني

-شلووونچ غفران

-بلااااا لوون انتي شلونچ

-تعاآاااي تعااي ندخل للكليه مشيت وياها خطوات واشوف لافته مكتوب تنعى الجامعه شهيدها البطل عباس..بتاريخ الفين واربعطش الشهر الثاني عشر

الذي استشهد لاجل الوطن "والعرض

"والمقدسات

النعي بوستر چبیر مخلين صورته حاضن السلاح، ومبتسم، ولحيته،ايناس حاضنه ايدي..

عيوني لصوره الچبیره، تقربت للحایط

تلمست الصوره صدك گلشي بيك تغير قبل لا تستشهد‌ حتى شكلچ تغیر مو بس طبعك.

تدري قبل چنت تخابرني وأستحي من جرئتك من صرت بلحشد صرت تحچي ويايه بلموت،والعمل الصالح صرت أبن أخره تحچي كله بشهاده وگل حچیك طاهر....

شقاك قليل"ضحگتك"تعليقاتك

حرگاتك"گلشي يكول انت ابن جنه وموت مو‌ دنيا..

رفعت راسي للسما مهنا ياعباس بس چان ماخليتني إحبك نهت جسمي لان صورته خردلتني طاحت جنطی والملازم للگاع رجليه ماعاد شعرت بيهن ثگل بگل جسمي طحت ساجده للكاع‌ متسنده على چفوف ایدي دخل بيهاكزازه ناعم تناوعت

الهن اشوف الدم والجرح چبیر يوجع

بس عیوني للصوره مو الايدي الى ان اجتني العامله وايناس گومني ركضت

عقيله من بعيد وياهن دگومي..تحچي بيه

-شسووووووووويتي بروحچ غفرررران

أیدچ مشگوگه لیش یااختي،ليييييييش خل نخيطها

جريت ايدي ودم نفط

-أیديييييي مايهم ولچ کلبي شي يخيطه

خيطو گلبي خل يوگف قهر

لزمتتي عقيله وايناس خذوني للمضمد...

وبالي يم صورة عباس والنعي...

اريد أچذب الموت" عباس ماميت

گمل المضمد ايدي گال

-لیشش هییچ الگزاز داخل جوه آللحم حتی ماگدرت اضربج ابرة تخدير لان الكزاز هوواي كون توجعچ

-مووو بگد وجع گلبي

گمت منه‌ رجعت للبيت عبايتي متربه من الكاع، شكد چانت تلمع من چان عباس یمي.. شافتني ماما ظلت تبچي‌ وتعیط

-كااااااااااااافي غفران ولچ مات تموتین روحچ‌..

-اي ااااااارید اموت وراه...المن اعیش کولو‌وووو جرررررتني من ايدي دكعدني.

-ارررید اناآااام اسفه ماما

ترکتهم ورحت للغرفه...أفتح الدعاء كميل

"للّهُمَّ اِنّي اَتَقَرَّبُ اِلَيْكَ بِذِكْرِكَ ، وَ اَسْتَشْفِعُ بِكَ إلى نَفْسِكَ ، وَ أَسْأَلُكَ بِجُودِكَ أن تُدْنِيَني مِنْ قُرْبِكَ ، وَ أَنْ تُوزِعَني شُكْرَكَ ، وَ أَنْ تُلْهِمَني ذِكْرَكَ ، اَللّهُمَّ إني أَسْأَلُكَ سُؤالَ خاضِع مُتَذَلِّل خاشِع أن تُسامِحَني وَ تَرْحَمَني وَ تَجْعَلَني بِقِسْمِكَ راضِياً قانِعاً"

سديت الگتاب استعد النوافل اللیل

مرت الآیام ولیالي گلشي اسود بعيني المصبرني الدعاء عشت علمغذيات....

آبمكان الاكل

الجامعه صارت گبر.، کل مکان آشوفه

المسطبه الي يكعد عليها جماعته عالكين اشموع عليها.الستيج مالته..

مخلين صورته بيها...

جماعته من بعيد يوكفون...اروح يمهم اكول هسه يجي‌ويضرب صاحبه..ويضحك بصوت عالي..‌حتى ينبهني جاي وراح يجيني...ماگو

وهنانه صارت آربعین عباس رحت واگلي أمل ماالكى گبره وبعده عایش

وصلنه حضرت اِلامام علي علیه السلام ركضت ركضت طويريج

وكفت يم الشباك بعيد عليه لأن هوسه...

اريد احاچي أمير المؤمنين، شدگول

ياأمامي من اروح مالكى گبره...عايش

زین احنا من نجي نزور عدنا حاجات وي حبنا ألكم...‌حاجتي منك ياأمير المؤمنين

بچیت بحرکه

شکلك ياأمامي أريده عباس یطلع عايش

...خاف دكولون جازعه‌بس عندي طلبه ياأبو طلبه

سلملي على عباس...

كله عفتلك نثيه مكسورة جناح..

عفتها بكسرت کلب..وکوم جراح..

.آخذتني عقيله وأمي واسمعهن يسولفن

هسه شوف الگبر وصدك بيه أستشهد

مااكدر اجاوب هذا الحبيب الي كلي بيه الأجله مستنفر، سمع نسوان يكولن عتبتها فكر....چسحته..

اسمع یکولن من خطبها مات اشو قويه

وصلنا للگبر...والفرشه البيضه مفروشه عليه صرررخت حیییل وبقووه

-عباااااااااس ووووینگ اکعدددددد جیتك

شمرت روحي عل گبر،صرخت اعلی من صریخ آمه واصيييح

یعني مات عبااااااس مووو بلحشددددد

ااااااأااخ عباس حبيبي گتلي كلمه حبیبي

لادگوليها الواحد غيري.وعدتك وفیت الك

بس وين وعدك اليه...

امه اصيح وتصرخ

-يممممممممه عباس جبت مريتك جبتها الك مثل ماردتهاااااا البارحه بلحلم ردتها

مني...گلت یمه جیبی ام شامه ویاچ خلیها اتصدك انه مييت

سمعت حچي امه عطت وابچي الی ان اجن خواته گمت سویت الهن مگان یگعدن یم آخوهن

اهمس بشفاف مفطره أعذرني ياصاحب الزمان لان جزعت وعليت صوتي

كمت من الگبر تركتهم كعدت بعيد على كبر ثاني، اريد ابچي وحدي أسمع شباب ورايه واكفيم لابسين مرقط عرفت ذول من الحشد نفس فرقة عباس يسولفون

يگولون....

هذا الولد عباس شلون بطل هو وجماعته قاتلو الدواعش هم عطشانين لان تأخر المي عليهم...عود رحنا انجيبه الهم التانكر المي وصناديك الأكل ولگينا الدواعش

قريب عليهم...

أوهو وجماعته أمقاتلين الحد مامخلص عتادهم والقناص من بعيد مصوبهم

ومن اقتربو عليهم الدواعش كل واحد مخلين طلقه براسه..

ولحگنا بس على واحد بیهم صار بينا مواجه ويه الدواعش...وقتلناهم كلهم..مع الاسف وصلنا متأخرين گلهم اسشهدو لان بذيچ المناطق هواي خيانات...وراحت هلجنود الابطال بسبب خيانات آلله يلعنهم خونه ‌ارید التفت علیهم عینی الصورته عل گبر...کتله

.-شتررید یاعباس یاحبي بلعافیه عليك حچیت هواي بشهاده، وردتها من الله وشلون شهاده حتى عطشان،وجوعان

...گمت يم أمه، بست صورته واحسه يضحگلي"ضحگتله..

-تضحك اليه انت أشون جرح خليت بگلبي متت عطشان استشهدت عطشان

سودت الدنيا بعيني ورجعت الحزني لان تيقنت عباس مستشهد..اذن من هوست يم تابوته(هاي الرادها وهاي التمناها)

صدك أنت ردت الشهاده وماردتني

حياتي بعد زيارة المقبره صرت أشوى قررت أرجع الدوامي صدگت بستشهاده

اقوي روحي الاجل اهلي...

بس الجامعه توجعني لان گلشي يذكرني بيه حسرتني البچیه مریت علی جامعة عقيله ارید اغير جو يمها لان اليوم حفلة تخرج،وضحك

كرهت الضحك من شفت عقيله گتلها

-یله عقیله خل ناخذ أجازه مااريد اشوف جماعة عباس محتفلين بتخرجهم...

لأن گلي بحفلة التخرج رح تكونين حامل

و تصير بطنچ الحد خشمچ....راح هو وخلاني مايدري فراگه وجع وخلی وجعي واصل الحد خشمي

-یله اجیب الجنطه واجي نتظرتها طلعنا

جاي أعبر من باب الجامعه...

انداريت فجأه،واشوف جماعة عباس لابسين گلهم روب تخرج اسود مثل ممقررین یضحگون، یسوون حرگات يكصون صور، بس مو وحدهم‌ لازمین بیدهم صورة عباس مأطره شايليه وهم واكفين يكصون صور....وكفت أتنوع

-شوفي عقيله عود عباس أتخرج وياهم شايلين صورته يضحك شوف شلون يضحك عبلك عايش انهار گل جسمي

ماشفت بعد اي شي بس واحد من جماعته حاضن الصوره، وهم حاضنين الولد الي شايل صورة عباس يعني حفلة التخرج الكل كاعد على كراسي..وهذا كرسي خاص عليه صورة عباس...وهو لابس مناظر وقميص ابيض، وبنطلون اسود، مثل أول ماشفته...

كل جسمي كزبر...يرعش بلا سبب گلياتي وجعني لزمت مگان الوجع ماگدرت اگتمه

تخربطت من الصدمه والقهر

مااشوف بس عقيله خابرت على بابا

لكيت نفسي بلغرفه مالتي واشوف ماما وبابا يبحوشون بغراضي يلمون بصوري

صورنا أني وعباس...

عقيله كامشه ايدي، البيها كانونه گمت بحرگه‌ رحت الماما..لزمتها

_مانا شسوون بصورنا اني وعباس...

لا گلشي ولا رسايل ‌ماما ذني مصبراتني

بابا ارجوك..ليش هيچ سوون‌حرام علیکم.

جرت ايدي ماما نزعتني الحلقه

نداريت العقيله

-عقيله حابه حاچیهم...راااح یحرگون ذكرياتي ويه عباس روحي أمشي وراهم كوه...بثگل

ركضت على علي اخويه لزمت متنه

-مو اني اختك عفیه ابوس ایدك حاچیهم خویه...محد یفهم تبعتهم وصلت للطرمه...

اشوف ماما خلتهن بل طشت صور کارتات رسایل حتی الفکس البي حرفي خلته صرخت اخرمش خدودي

-مامااااا لااااا فدوه اروحلچ لاااا تحرگون

صوووره ماعنده فلووس ویصوررر خطیه ماما عفیه الله یخلیچ

بابا لاااتشمر رسایله گالي خليهن ذكرى خاف اموووت ذگرني بيهن،وسولفي الجهالچ عني،وشلون اشتغل واطلع الفلس بعرك جبيني

اجت يمي ماما جرتني حضنتني...

-علمودچ بنیتي رح تموتين"وتموتينه"

هو راح استشهد راح يم رب كريم

وانتي كل يوم حاضنه الصور وتنامين عليهم

هواااااااااااااااي انطيناچ مجال...

-ليييش انتم والدنيه عليه نهاريت طحت للكاع ارد کوم دایخه،بس عیوني مغوشه تتنوع للصور شلون يحترگن، آخر صوره حترگت عباس حاضني ‌اريد احچي اتوسل حلگي انگتم....

آتنوع البابا شلون يكلبهن حتى يحتركن.

گتله بضوجه وحرگه وعتاب

-هذن الحرگتوهن المغذي مالتي ليش بابا لیییش سحفت سحوف وصلت للطشت

بس فحم بقی فحم مثل گلبي المات وراه

قطعت نسبیا الحچي سنه كامله مرت أستشهاد عباس اندك باب بيتنه رحت افتح الباب واشوف اخت عباس شبگتها

اعیط دخلتها للبیت بیدها علاگه‌ گالت

-غفران حبببه هايه گلبیه نزعني الاسود

اخذت الكلبيه الجابتها واسمع امي دگلها

-عينگم على أمچ حبیبه عباس استشهد وراح الرب رحیم، بس آرید منچ بنتي

بعد ماتروح وياكم للگبر ثالث مره اجت من الزیاره ویاگم من القهر صار عدها عجز بلکلی..

ردت اخت عباااس

-لیشششش عجز بعدها زغيره

-اي عجز وبثنین گلیاتها واری ختمت القرآن ثمن مرات اله هاي السنه...بس شوفتكم من تروحون للمقبره وتروح ویاگم ترجع أطيح، عدنا ونركض بيها للمستشفى

-یاااا ام احمد والله مانعرف واشوف غفران مگیفه من تروح

-اي تكيف لان مشاعرها مو بيدهااا بس لهنا وكاافي بنتي تموت سلمي عل والده..

وهي تحب غفران ماتعترض

🌱

يا صاحب الزمان هل ترانا

في شدّة بما جنت يدانا..

إنّا نريد منكُم أمانًا

ليس الزمان سيدي أمانا..

قد عظُم البلاء يا إمامي

وانقطع الرّجاء بما كفانا..

وضاقت الأرض بمَن عليها

ولا نرى غيرك مُستعانا..

إنّا توسّلنا بكم غياثاً

لُذنا وفي سمعك مُشتكانا..

يا صاحــب الزمــان .. ³¹³

.........

علي///

يستحق الإنسان بأن يشعر ولو لمرّة واحدة عالأقل بأنهُ في المكان الصحيح الذي لا شك به ولا حيرة.‏فعندما رايت من احب عشت معها شعور أول مرة من كل شيء‏ وهذا يكفي لأتذكرها دائمًا وأن تكون لي زوجه

استشهد خطيب غفران أختي،أجلت كلشي بالي چنت معجب ببنیه بلجامعه..

وقررت من إخطبها من تزوج غفران اختي.. تخرجت وبالي زهراء

زهرء ابنيه نازكه بجمال بسيط ماأگدر احاچيها اله وانه على ابواب التخرج لذا

راقبتها سنتين كاملات وعيوني مانزلت ولا صعدت اله الها

من تخرجنا أعترفت الها بحبي وهي ظاهر مثلي فرحت حبيت تواضعها رغم غنيه....

اطلع تعييني،وتصلت على زهراء..

كتلها أجي اخطبچ وافقت، بس بقی عندي خيتي غفران وكسرتها...

رحت للغرفه ولكيتها تقراء قرأن...سدته

ندارت عليه

-كول خويه علي..كعدت يمها بست راسها

-سالمه اخوي ابو شامه...ابتسمت بحزن

شوفي خيتي احب وحده من سنتين وتانيت اخلص

جامعه واعترفلها...

وصدك من تخرجنا اعترفت الها واخذت رقمها تواصلت وياها بحدود الدين..

واريد أخطبها بس افكر بيچ...

وانتي البارحه نزعتي الاسود...

شدكولين أخطبها....لو واهسچ ماكو لان اخوي ابو شامه الاصل والفصل بگلشي

ردت

-لا خويه اخطبها واني اروح وياك وافحصها الك فحص لان يوم السعد اشوفك عريس

عباس شهيد...واحنا انريد شفاعته ولوات نكون مثله ومثل يوم استشهاده

-خرب حظچ یاغفران دومچ تخفین وجعچ وتبينين قويه ليش

--لا یخوي صدك اول مره جزعت بس تذكرتأن مولاتنا زينب عليها السلام حضرت مأتم ٧٠ شهيد بنصف يوم اعرف جبل الصبر لازم اقتدي بصبرها وقوتها

لو امامي السجاد عليه السلام باقسى تفاصيل المُصاب، والوجع من صار يوم العاشر گال امامي السجاد " أنا في خيمتي وقد كنتُ أسمع اضلاع أبي الحُسين تتكسر،

-سلام الله عليهم وعلى صبرهم

-وهم خويه الوجع بقرأت ايه القران بتدبر تنسى..

-ربي يبرد گلبچ ياگلب آخوچ

گمت فرحان دائما خواتي يخلني انصدم بقوة دينهن رحت للمطبخ اخبر ماما..گتلها

-یمه ابنچ عاشك،ومحافظ على دينه الى ان يصير عندي راتب والحمد الله تعينت اريدچ تخطبین الیه الختارها گلبي

تناوعت اليه فرحانه هلهلت جرت خدي

باستني حيل صاحت

-يله عقيله غفران العصررر جهزن نفسچن

نروح نخطب الفرحه شویه ردت البیتنه

العصر راحت أمي وعقيله"وغفران يخطبون چنت متخوف اهلها اغنياء يرفضون... بس رجعو بقبول...

صار يوم الجمعه...واحنا استعدينا للخطبه.. والدي جهز الغرفه..والذهب

كلشي كامل...

احلى خطبه صارت واني أشوف حبي زهراء يمي الله سهله الخطوبه بشروط بسيطه....بديت اجهز للزواج...

اخوي الچبير احمد ساعدني شال العشاء..

وحضرنا للعرس واشوف الفرحه بعيون اهلي..

وخصوص خواتي عقيله"وغفران"فرحلي رغم كسرتهن

اشكد تمنيت اشيل من سعادتي الهن

وانطيهن وينسن وجعهن...

قال: الامام علي بن ابي طالب

أمران لا يدومان للمؤمن

شبابه وقوته

وأمران ينفعان كل مؤمن

حسن الخلق وسماحة النفس

وأمران يرفعان شأن المؤمن

التواضع وقضاء حوائج الناس

وأمران يدفعان البلاء :

"الصدقة وصلة الأرحام

.......................

عقيله

كــــ" فاطمة العليلة "

أحتَاج أَن تمسح على رأسي

بيدك الحانية لـِ يسكُن أنين الفُرَاق .

حبـيبي حســــين

رغم اختفاء سيد مهدي عني بقى الشوق هو هو الزم سبحتي واردد دائما يابشير عسى ألگی بشری عن سید مهدي

وأني يا اللهُ اخافُ عَليه حتىَ منّ نَفسي .

يانبُض كَلبي ورغُبته وأختياره

خطبة غفران صرت أحتاجه أكثر خاصه خوف عباس على غفران وغيرته لكن بعد استشهاد عباس،التهيت بغفران أخفف عنها وصرت أخاف عليه اكثر من مااشتاق

أي خفت لا صار بيه شي رغم كل يوم أدعيله كل يوم استودعه عند الله وكله

-يارب هو ودعيتي عندك يامن لاتضيع عنده الودائع هل شي مطئمني

من راحت ماما عليهم وراها التهينا بمصاب غفران، خالي بعد ماجاب طاري الخطوبه...

بيومها عمتي ام صابر الصبح ملاكيه وحده من العلاوي اسمها زينه وعارفتها هاي عمة سيد مهدي ... ومسولفتله عن خطوبتي...العلويه زينه ضايجه..كايله

-شنو عقيله تنطوها الناس غير جدها الحجي ابو كامل قرى فاتحتها الابنه شسالفه يم صابر وترى ابنا يريدها

عمتي ام صابر كايلتلها انتم تاخرتو، واحنا تأخرنا چان زوجناها للمهندس بس لآن عدنا مصاب زوج بنتنا شاب استشهد بلحشد

عمت عيني

-اي وتردون ازوجوها لو ما المصاب العدكم مو

- اي والله بس احنا عبن شاريگم خبرنا

وحده من حبايبكم شعجب ماگالت الگم

-یااااا یمتی

-هاااآي سالو العلي خبرتچ وانشاء الله نعزمگم علی خطوبة عقيله

فتاركتها عمتي..سالتها

-عمه أم صابر گتیلهم راح انخطب

-آي گتلهم چاااا عود أغنياء ويذلونه لو يجون لو يسگتون

گمت للغرفه ضايجه بس مابينت ضوجتي

كعدت الزم القران واكمل ختمة سورة البقره يوم الأربعين وضجت لأن اليوم صار أربعين يوم وانه گل یوم اقرا سورة البقره لسماع خبر عن سيد مهدي

دخلت غفران عليه وجهه مملي دموع من شافتني ضايجه گالت

-هااااا شووو ضايجه لان عمتي هيچ‌گالت

-لااااا لان گملت ختمة سورة البقره الاربعون واليوم لازم اسمع خبر وماكووو

بلعكس سمعت خبر محلو

-لاتئیسین یجوز هذا الخبر ألگالته خالتي

ام صابر

سگتت اعجن لان ماما تخبز العصر أندك باب بيتنا صاحت ماما

-عقیله گومي فتحي الباب گمت ضايجه

وافگر بسید مهدي ليش تاخر فتحت الباب واشوف السيد الچبیر .بثوبه الآسود وشطفته السوده، الرحمه الي بوجه

خلتني اضحك من الفرحه من الصدمه

ضحك ورى خيالات مافرزنتها رحت الماما فرحانه مطيتني ظهرها اهزز بيها

-ماما ماما ماما هذا السيد الچبیر صديق جدي

-اشبيييي احچي يايمه

-اجو اجى هو وياه؟؟

عندما يذوب كل شيء في روحك لأجل محبوبك...

فعندئذ تسمى أنت عاشــق

عندما تحاول جاهدا أن تبحث عن مايسعد قلب معشوقك

عندئذ تسمى أنت عاشقـــا...

#عند رؤية العاشق معشوقه

يصعب عليه حتى أن يذهب صوبه ليعانقه ...

العاشق هو من يحافظ على وجود معشوقه في قلبه

طول فترة غيابه...

عندما يحترق قلبـــك رغبة برؤيته

فعندئذ تسمى أنت عاشقـــاً

#يتبع

بقلوب مؤمنه بقضاء الله وقدره وبقلوب يعتصرها الالم والحزن ادعو لشهيدنا البطل(عباس)والعزاء موصول لجميع من استشهد معه من شهدائنا البرره

اللهم إن شهيدنا في ذمتك وحبل جوارك فثبته عند السؤال وثبته على الحق واغفر له وارحمه وأبدله دارا خيرا من داره و أهلا خيرا من أهله في جناتك يا أرحم الراحمين اللهم صبر قلب امه وخطيبته واجبر مصيبتهم واكتب لهم أجر الصبر والاحتساب..اللهم اجعله عندك في عداد اصحاب اليمين فِي سِدْرٍ مَّخْضُودٍ وَطَلْحٍ مَّنضُودٍ وَظِلٍّ مَّمْدُودٍ وَمَاءٍ مَّسْكُوبٍ وَفَاكِهَةٍ كَثِيرَةٍ لا مَقْطُوعَةٍ وَلَا مَمْنُوعَةٍ،،

اللهم اجعله في كفالتك و ضيافتك وبجوار حبيبك محمد صلي الله عليه واله وسلم اللهم اجعل يوم شهادته خير ايامه

وأجعل ساعة نحره اطهر ساعه وانا لله وانا اليه راجعون....

///صباح المحبه////

///نازك الحمراني////

////عشق المؤمنين//هواي بنات جاي يكولن نازك ليش تتاخرين هي معاده وربي عجزت وانه افهم انه مو بس جاي اعدل جاي اضيف احداث للجزء الاول علمود نستعد للثاني مثل بارت اليوم ٢٠٠كلمه سويته ٥٠٠٠الف وتخيليو التعب اضافه عدنه طبخ ذيج اليومين ومنزلت التهيت بثواب نشرت جزء منه بانستغرامي الشخصي

.................

🌱‏الحمدلله

هل تعلم من هو ذلك الواحد؟

هو انت نفسك. قلبك. باطنك. ..لو نعتقد أن أمر الإمام متوقف علي فقط انا لتغير الكثير الكثير ولتقدمنا خطوات كثيرة

المسألة المهمة التي كان الشيخ العارف رجب الخياط يؤكدها هي استعداد و أهلية الشخص المنتظر ، و إن كان عمره غير كافي لأدراك زمن ظهور الامام المن

الإمام لايريد فقط بكاء وندبات واشواق

فهذا لك قبل أن يكون له فأنت من فرط شوقك له تبقى تبكيه وتندبه،ولكن الذي هو يريده هو نفسك.باطنك.قلبك.....

فهل ستعطيه له؟!!‌

الامام لا يريد أرواح ودماء بقدر مايريد نفوس واصلاح

احد حواريين النبي عيسى عليه السلام يقول:انا لست اهلا لأن اربط شسع نعله...وهو من الحواريين

ونحن وكان لنا المنة عندما نقول:سيدي اجعلني خادما لشسع نعلك

ماما هذا السيد الچبیر صديق جدي...یمه اجو اجووو

-هاااااا ،وين

-بلباب بعدهم

طلعت آلهم ماما،دخلهم،عيوني من ورى الباب عليهم من دخلو واشوف واحد مثل طول سيد مهدي، لابس قميص ماروني،وبنطلون أسود،يمشي مدنج،دخل بسرعه

وراه واحد خطيه واحد مكرم،مغطي

وجهه بشطفه خضره،وبيده عكازتين

نقهرت عليه، لأن السيد الچبیر،وياه واحد ساندين أبو عكازه

رفعت راسي "عیوني الأبو لبنطلون خاص

من دخل ركزت بيه ،شعره بيه خيط شكار من جوه، اي هذا سيد مهدي

نفس أناقته

نفس لبسه...

نفس وسامته

كون يدور وجهه حتى لو شويه بس همه دخلو للديوانيه،رديت رفعت راسي

-يارب اشكرك على رحمتك عليه يارب

ويمي غفران حضنتها فرحانه اليه گتلها

-اجو اجو شوفي گلبيي علم مجرد ماسمه تتأأ

والله مااشك لحظه بحبه اليه...

بس اشوي شعره بيه شكار،خاف مو هوه لأن سيد مهدي شعره أسود فاحم كلش

جرتني غفران حضرنا الشاي وبيدي السبحه،استغفر ،كل شوي اروح واجي

ماما خابرت على بابا،عشر دقايق واجى بقيت استغفر خايفه من بابا وبعد هوي حچي سمعت صوت الصلاة على محمد وال محمد...فرحت

رحعت الغرفتي أجاني بابا گال

-شلونچ بنیتي

-الحمد الله

-تعرفين اقدر جدچ هواي ک عندي ماتنزل للگاع واعتقد انتي مثلي همين ماتكسرين حچي جدچ الله یرحمه

-ابگیفك بابا

-هو قرينا الفاتحه،تعالي اوكفي ورى الباب

السيد الچبیر رح یعقد

-صار بويه

لبست عبايه فرحانه، وگفت،وری البابا‌

والسيد الچبیر صار هو الوکیل‌بقی یردد طقوس العقد.

واحلی کلمه من کلت قبلت خالي‌الزغير يمي

تمنيت اخوي علي يمي لان طلع للزياره..

سمعت صوت سيد مهدي،گال

-هاااا جدي دخيل جدك راح اكعد

صفنت اي هذا صوته يارب اعرفه بس ليش صوته تعبان،ردت اسئل خالي،چان واكف يمي شبيه نداریت راح الماما

خلص العقد, رجعت الغرفتي بارگتلي بهل لحظه أندك الباب طلعنه انه وغفران وأجن نسوان تلاثه وياهن وحده لابسه مخصر وتباوعلي صفح كارهتني من اول لحظه

تعارفنه وبعد السلام طلعت ام سيد مهدي تبسمت اليه وگالت

-شوفي عيوني هاي الجنطه الچ ارویچ

فتحت سحاب الجنطه طلعن علب مال ذهب مقدفات کامت وصارت وراي وانه بعدني گاعده یم غفران فتحت اول علبه تلبسني كلاده چبیره فتحت علبه ثانیه لبستني گلاده اگبر

صارت جدامي طلعت حلقه،وسوارت عشره وبدت تلبسني،دور طلعت علبتین کل علبه بیها طخم،ضحكت،وگالتلي

-كل الذهب بصفحه وهاي التخمين صفح

لان ذوق سيد مهدي كال بيه شذر مثل لون عيونه أزرك وماچذب من گال

والبقیه من جدج السيد الچبیر‌

-الله یحفظهم ماقصرتو وهواي كلش

-لااااا بعد هذا فلوس لنيشان فتحت جنطتها مدت ايدها انطتني وگالت

-هايه خمس ملايين، لاتخلين شي بنفسچ

.اندارت ماما علیهن گالت

-بلا زحمه خل نشوف صور السيد زوج بنتي ماشایفته ویجوز گبل شفته یعني مو هسه وهم ماذكر شگله

-،یاعیني تدللين

طلعت ام سيد مهدي الموبايل راقي شاشته عريضه وصارت تراوينا،صوره مال حفلة التخرج،وصوره من هو بلجامعه

صور من هو بأربيل صور لابس زي دكاتره

غفران ندستني وهي دگلي

-ولچ حلو خوش شاب احلی من وصفچ

آبتسمت ابفرح ودي اضحك بصوت عالي

جاوبتها

-هاااااااااااااا مو گتلچ یخبل احلی شاب بهاااااي الدنيا كلهااااا

-الدنيااا كلهااا خوش خليني سااااااااكته

ماما کالت وهي ترجع الموبايل

-علويه لیش تآخرتو هلكثر أشهر أسنین واظن هاي السنه الثالثه يجوز

كالت ام سيد مهدي..

-الله يكفيكم شر التايهات صار حادث ويه ولدنا الساده ومات من عدنا دكتور ابن حماي شاب چنه العافیه جمال واخلاق وفوک هذا كله متدين وكمال اجسام

وسيد مهدي ابني الحمد الله طلع بسلامه جده وازناه بفلوس وهمزين مابيه شي مجرد اشوي ايده تضررت وهسه نعمه من رجع الصحته فقررنا نجيكم لان مادام الله طلعه سالمه النه هاااا وترى عقيلة بنتنا

جاوبت ماما

-اي اي طبعا اعرف

-اي والله الحجي ابو كامل قرا فاتحتها

النه صار ماصار هي النه ولحگنه علیها

وهسه اترخص لان السید مستعجل

گامت تترخص هي والعلاوي طلعو وانه ممصدگه معقوله بسرعه وبهیچ ظروف صرت خطيبة سيد مهدي وعقدنه

الذهب بيدي اضحك السوارات يدندشن گالت غفران..

-صرتي چنچ مصریه بهذا الذهب الهواي

ضحكنا گلته فرحانین وفرحت اهلي اليه چبیره بارگلي ابويه وراح

رديت للغرفه أفكر بشعر سيد مهدي الفاحم الاسود ليش بيه شقار من ورى اعرف هوو اسود كلش زيله مو مهم المهم صرت زوجته

‏انت وحدك فقط ولا أحد سواكَ قلبي مُمتليَ بحظُورك دائماً انت الأقرب دائماً لقلبي أنتي وحدك نوري في الحياة فبين قلبي وتفكيريَ خُلقك الله انت يكفيني ان تكون بقلبي لأقول أن كُل العالم معي .

وكل العالم قربي فا اجمل هديه اقدمها لأنفسي بك هي اني كنت الدعاء لأشخاص بضهر الغيب حيث هذه الدعوات تُرد لنا بضهر الغيب ايضاََ فأنجاك الله لي"

..

..........

غفران//

لاتــراهني على شباب على هذه البــلاد .. فــ بعد أن قتل خيرتهم بين شهيد،وقتيل

ومغدور،ومسلوب،وبين مطالب لحققونا يوجد بعضهم يحــتاجــون لجــرعات شــرف لعل الــرجولة تستيقــظ بهم يوماً

الأيام بلا عباس صارت متشابهه حتى لو اضحك فلأجل أهلي،لأن تعبو ويايه خلصتها من مرض،المرض،من طبيب الطبيب،من غير اول سنه من ستشهاد عباس،گلما یرحون آهله للزیاره اروح ویاهم واجرجر ویایه ماما وعقیله

ذگریاتي،ويه عباس،كتاباته،صورنه،دفاتره گلهن احترگن،بس هو بعقلي،ثابت،وبقلبي باقي

كعدت الصبح،وصارت عاده اول مااكعد اقراء الفاتحه على روحه،واستغفر

گملت تبدیل،طلعنا للجامعه،انه وعقیله وأيناس

ومثل گل مره عیني على الدرب واگول هناااااا چان ینتظرنه وبتسامته تارسه وجهه،هسه بلمگان الیوگف بیه صورته

جداریه چبیره

جاي نتعدى الدربونه سمعت واحد يتغزل

ويصوفر يگول

-شامه على الخد،والوجه دائري منمش فدواااااتك ربي

نزلت دمعه من عيني التفت للشارع تلث اسنين هنانه عايشين عمري مسمعت لا أني ولا بنات منطقتنه أحد مجاوز،مصچم

اله هسه راح عباس،وهیچ صرت اسمع حچي صدك لو گالو الرجال تروح...وتبقى اشباه الرجال

كتمت حسرة صعدنا للباص،ايناس كعدت

يمي عرفتني ضايجه گالت

-لاضوجن هذا حمودي أسبايگي مراهق مابیه خیر گل المنطقه تعرفه هو جماعته راح صاگرهم رجعو يوكفون براس الدربونه ويصچمون

درت وجهي للجام مااريد أسمع شنو صار

بلدنيا بعد عباس رغم مر سنه ونص على فراگه ابد مانسيته ضحگته شقاه،سوالفه

بگل مگان اشوفهن،بگل مگان مخلي أثر

تبسمت أتذكر من أجى أخر جيه،يحسب يوم يوم حتى يلتحق بلبجبهه...گلي

-أم شامه أمريتي اريد السبع أيام يخلصن

بسرعه لأن سيد عزام خابرني‌ گلي جاي نهجم على الارهابيين وحدنه ضجت لان أشلون يهجمون ويقاتلون من دوني

جاوبته

-قاااابل يعزلون من انت تجي غير قتال ياعيني

-أي فا صعبه عليه اسمع هييچ وهمه رغم الجوع والحر يحاربون وانه هنا كاعد أتغزل ويه حبيبتي،وبيتي

دمعت عيوني أحاچي..

-زين ليش تگول هیییییییچ أنت ماتحبني عباس ليش تريد تقاتل،حتى تموت موووو

ضحك يحرك حواجبه الحلوه..

-ام شامه ماگو واحد يموت ناقص عمر

گلمن آو آجله یجوز هسه احچي وياچ

وتجیني موتت الغفله...

هنا الفرق الواحد يموت موووته ممحسب الها ابد أو يموت موته جاي يجهز الها بگل جوارحه حتی ینال مرتبت آلشهيد الخالد

وثانيآ ليش تفاولين عليه مو أني ازوجچ واحبچ ،واحب ذيال عبائتچ مااموت خلي بالچ اله ازوجچ وادللچ،وااااشبعچ حب

،ورومانسیه ونخلف فد تلاثه اربع جهال

-اسم الله لاااااتحچي بلمووت الله علييك

مسحت اخر دمعه ألتلفت الباص وکف وصدى كلماته من یگول اعوضچ

شتعوض ياعباس وين عوضك"وين وعدك

نزلت واسمع ضحكته ترن بأذني دورت وين الصوت طلعت أتخيل مثل تخيلاتي اليوميه اشوكت أنسى"هل گلمه آگولها معناها شوكت أموت

دخلنا للجامعه اول محاضره ماعدنه شي،كعدته بلحديقه، وصديقاتنا نور ماگو التفت على أيناس وعقيله اشرتلي أسئلها

-ايناس حبيبه شو نور ماگو، گلتها بأبتسامه،أحسها ضاجت،دارت وجهه من عندي، وگالت

-شسالفه وليش أضحگین یااا حتی عقیله هم تضحك

عقيله فشلت وانه ضجت من أسلوبها لأن حچت بضوجه لزمت ايد عقيله وگتلها

-گومي نتمشى بساحه وانتي ايناس شوفي وداعتچ ترى مانضحك بلا سبب بس لان حبينه نسال بذوق ولان صديقتچ اگثر من ماصدیقتنه فا ردنا نعرف أخبارها اذا ماتردين تحچين براحتچ...

مشینا خطوتین أنه وعقيله صاحت ايناس

-تعالن عيني شبسرعه رحتن خلينه نگعد واسولف آلچن شنو الصار لان گلبي ماينطيني مااگول

رجعنه للحدیقه گعدنه لان المگان الوحید الي ميجي احد بيه..رديت على ايناس

-صدك ديله سولفي نسمع

-راح اسولف بس لاضحگین،أنتي، وعقيله لان نور خطيه

-الله يستر ليش خطيه شنو الي صار

-نور خطيه خطبها واحد بلعطله،ومثل ماتعرفين هن تقريبآ عشر خوات والدها حالته تعبانه شويه فا ماعون واحد اجا على الوحده من بناته

ولن يطلع الرجال الاجى يخطب راد نور من دون خواتها دز ابوها عليها فا دخلت حتى أتشوفه طلع شاب يخبل"مال"جمال

طلعت من الديوانيه فرحانه وهم أهلها فرحو ،ولان چانو مستعجلین اهل الولد،

دخلها أبوها تعقد،هي فوكها وصله عود عيب من الشيخ،خلصو عقد وخذو مستمسكاتها صدقو زواجها بلمحكمه

وبعدها ماتواصلت وياه ولاه ليش ما صار الزواج بسرعه،بسرعه، أبليلة العرس وچان

یدخل علیها العریس،مو مثل الشافته ولا هوو فباقيه أتصرخ وتبچي

-اررريد ذااااك،جيبووو هذاااا منووو هذااا

عاد رجلها،شابعها گتل وضرب،حتی ینايم وياها ،الصبح جايه أمها،الها ومسولفتلها على زوجها وشلون طالع موهوه،مبدليه...

ام نور شافت بنتها شلون مزورگه، وشلون مغيرين رجلها مو هو الشافوه، فا مخابره زوجها على ومسولفتله‌طالع يدري‌بحقيقة زوجها

وذاك الشافته حماها، وهم خوش قسمه...

وكايل الأمها لا تدخلين،فأني من خابرت نور....

گتلها شلونه زوجچ، گالتلي هو مو بشكل شكله ميهم ، بس مجرم طلع‌ بيه حاله نفسيه گتلها شلون

گالت بنهار يدللني دلال،ماصاير‌ وبليل من يقترب يضربني الحد مايطلع دم ويرتاح

وهسه بعد هي بقت لأن والدها ممنوع عدهم الطلاق

گالت عقیله‌ بصوت عالي

-ياااا شنيه السااالفه والله خفت وهسه شلون واحنه ضحگنه والله مو قصد اضحك عليها لبالي مخطوبه وتخاف من عدنه

-اي هو ليش ضجت لان مو عوايدتچن تستهزأن ،اعرف بيچن تخافن الله

ردت عقيله

-اي بس شلون تبقى ويااااه صعبه وحماها

-حماها مزوج ترى وشغله عاديه تصير لان الاب هو الي يعرف البير وغطاه

بقت ايناس تحچي بقصة نور وانه وعقيله خايفين من هل كلام السمعنا، عقيله

تنوعت الايناس ..گالت

-ليش غشوهاا الغش حرام و همه اسلام

او اسلمنا يگول(من غشنا فليس منا)

يعني يطلع من الأسلام، خطيه نور

أيناس بضحگه

-لچ ابوها بکیفه قابل ماكو غش، بس هي خطيه

عقيله بقت تصفن مدري ليش ضايجه بعدها رحنا كلمن للكليه مالتها،

خلصنا المحاضرات،عقيله اشوفها ضايجه،

گتلها،

-أشبيچ خیتي، ضايجه تنوعتلي بحزن

-افكر بنور، خطيه والله الدنيا ماتتأمن

يعني أنتي من باسچ عباس الله یرحمه

گلت هسه غفران تحمل،تالي عرفت اشياء تخوف،عن زواج يله الوحده تحمل، وهسه سيد مهدي خطبني وحتى ماشفته...

ليش؟؟

-گلمن ونصیبه

-زين والدي البارحه گلي المريه السباعيه

اداري زوجها لأن الرجال مو نضده...

يعني مااعرف شنو،،ولیش

وانه ماازوج غير سيد مهدي وسيم بشكله

ليش يكول هل كلام قابل أيده متضرره لو معاق حتى تعجبت ابويه اول مره هيچ یحچي

-مااعرف ياغفران الدنيا راح تضحگلي...

شدكولين معقوله صدك گال ابوي راح يخطبوچ

-انشاء الله حظچ اسعد من حظي،..يله خل نطلع ،ورانا نيشان نشتري "ملابس...

ومانطونا مهله مجرد اسبوعين

-احسن خليها أسبوعين،همزين،اتخلص من نگ مرت عمي يوميه دگول اذا عقيله ماجاها السيد اخطبها لأبني ياسين يريدها

-الله خلصچ من خاله ام ياسين وابنها العصبي

-اي والله يله غفران خلينه نطلع نگمل النیشان،لان الفلوس هوواي نطلع حتى انتي تغيرين جووو ونزعي الاسود كافي

-الله كريم

.

-مُمهَّد و مُمهِّدة.

زينبٌ بَقيَت حتىٰ آخرُ أنفاسِها تُدافِعُ عن إمامِ زمانِها، لمَ تترُك المُصيبةَ تؤثر علىٰ موقِفها وثباتِها أمامَ الطاغية حينها فمن مِنّا يبقىٰ ثابتًا بموقفهِ، لن يهتزَّ بالفتنِ ومُجرياتها لإجلِ إمامِ الزّمان!

-زينبٌ صدحَ صوتها بالحقِّ فقط، نقلَت مُصابَ إمامِ زمانِها للعالمِ أجمع، فكانت خيرُ إعلامٍ للثورةِ آنذاك.

-فمن مِنّا يصبحُ إعلاميّا فيصدَحُ صوتَهُ وينطقُ بما ينفعُ لأجلِ إمامِ الزّمان!.

-زينبٌ تكلَّمَت بلسانٍ فصيحٍ عربيّ، ببلاغةِ أبيها علي، تجللَت برداءٍ واحتشامٍ فاطميّ، بحجابٍ أُمِّها الزهراء، كُلُّ ذلكَ لأجلِ إمامِ زمانِها حينها.

فمن مِنّا يقتدِ ببلاغتِها وحجابِها لأجلِ إمامِ الزّمان!

-﴿إنَهُم يَرَونَهُ بَعيـداً وَنَراهُ قَريباً﴾.

..............

..............

علي//قرب موعد زواجي وجبت ملابس الوان الغفران تغير لبسها وصار زواجي وتزوجت واحلى زواجة شفت الضحگه

بعيون غفران"وعقيله...

يجوز من يضحگن عندي احلى من يوم عرسي..بلحفله هواي اصدقائي خطبو غفران"وعقيله وثنینهن يرفضن

غفران ادري بيها مكسوره، بس عقيله ماعرفت ليش‌ رفضت،برغم مابينا اسرار

وگلشي مايضمن عليه

بس اعرف كلمن وجرحها...واعرف كلمن شتحس،من ازوجت نذرت من تحمل زوجتي وتدخل بسابع،أروح للزياره

وفعلا مر على أزوجنا ورى أشهر...وحملت زهراء،دخلت بسابع،ورحت للزياره.

من رجعت تفاجأت لكيت عقيله مخطوبه...

اشلون "وكيف...

زين صورت العريس وين،هواي تسائولات براسي....الي يلغي أسئلتي هو من اشوف ضحگت عقيله وفرحتها....

وانشاء الله اليوم الاشوف ضحگت غفران

زهراء بيومها گالت الیه

-شلون تحب خواتك شو حتى اكثر من اخوك احمد

جاوبتها

-مو بس خواتي هنه صويحباتي وبناتي واليردنه من هاي الرگبه،

-نیالهن علیك

-بدينا انغار

-لاااعيني الله يحفظكم البعض ومايفرقكم



.....................

سيد مهدي//

طال فراقنا وطال

وظننت لقائنا شيء محال..

سأنساكِ قارورتي وأريح البال..

لكني سمعت صوت العقل

قال...

هل للعابد ان ينسى سجده.

أم للناسك أن ينسى ركعه..

أم للمتصوف ينسى زهده..

فأنا العاشق الذي ابتليه قلبه..

كل عابد.

كل ناسك..

كل متصوف..

ابتلي بفتاة هيه عشقه..

بيومها كعدت دكتور أمريگي يمي سيد مجتبى مقهور گلش لان الدگتور...گالي

-سید تری ایدك أربطتهااا مقطعه...يعني مارح تتحرك ابد، ولا تتحرك أله بعد علاجات ،وجلسات طبيعيه

ضجت طلعت من المستشفى عيوني للسماء ماارید انهار جدام مجتبی لان اعرفه یحزن من یشوفني مكسور ..دعيت

-اللهم لا أسئلك رد القضاء لكن أسئلك الطف فيه

اخوي مجتبی سندني حتى أصعد للسياره

صعدني،وصعد یسوق السیاره مقهور

عیونه تدمع..

کل اشوي تناوع اله يمسح ادموعه

.....نداريت عليه

-ليش تبچي خويه،مو انت عضيدي،تخش عليه ضوجتك ،وحزنك

رد

-لالااااا لا لا لا مااااابچي....

-ايدك أنترست دموع ترس

-لاااا هييچ مو دموع

-ميخالف آعرف سبب دموعك بس شوف سيد مچتبی،حنا مازال بهل دنیا لا تتوقع کل آیامنا حلوه...

حتی لو فلوس عدنا..

لآن لازم یجي اليوم الي راح الله سبحانه يختبرنا باحد بلائات الدنيا..

يجوز أني وأنت بفضل الله وجدي

ماشفنا تعب بس غيرنا لا

فحب الله أن يشوفنه صبرنا شلونه

أذا أني أئيس"وأنت تبچي وين الصبر بلموضوع

جر ايدي باسها سحبتها منه

-يخوي أنت اخوي عضيدي،اذا مو عليك تذرف دمعتي،منو يستاهل

صعبه گلش صعب أعلیه انت وين چنت وهسه وین صرت....

لیش یخوي هذا حالك تلث سنين تعذبت عذااااااب ماصاير لو گاتل سید هم مو هیچ تتعذب

كاااافي كاااافي عذاب كااافي كووووون بعد رب العالمين يرحم حالك...

كتله بحديه

-استغفر الله ليش ليشششش ليش تحجي تتكلم هيچ حرام يخووي حررام معناها نعترض على اقدار رب العالمين

والاعتراض ،كفر الله سبحانه ماينسأل

أستغفر ربك لاتتحاسب على هاي الكلمه

يله استغفرررر

رد عليه

-استغفر الله موقصدي أعترض

-عشت يخوي عشت،يخوي انت عضيدي ترى دمعتك صعبه عليه

أشوفني ممتأثر أبد لان الحمدالله الولد الي قبلي دخلوه مشلول، شلل كااااااامل

بسبب كرة القدم طاااح على ظهره

يعني أني نعمه الكزازه مال سياره بوجهي..وثكلها على ضلوعي،وجسمي

ربك اله حكمه بهل حادث...يجوز نسيت نفسي بهل دنيا والفلوس والسفرات

وراد ربي يرجعني أله ويسمع دعائيي

يجوز التهيت بعشگي ...وابتعد عن عشق الله فرادني ارجع له

مسح مجتبى اخر دمعه وضحك

رد

-ههههههه خاب ضحگتني خوش أصبر الواحد فووك الاخبار التعيسه تحشش

-ديله خل ننزل وصلنا للبيت وچنت اشوي جوعان...اجت عمتي زينه تتنوعلي

..سلمت عليها ردت برود

حسيت اكو شي بس ردت أسئلها أذن اذان الظهر، رحت للمغسله توضيت أدخل للمكتب

ومثل كل مره لگيت العامله زنان فارشه السجاده اليه..

-شگررر تفضلي

شكرتها طلعت،صليت بلگوه گملت فتحت القرأن..الي صار وسيلتي وصبري

دمعه طاحت مني دون ارادتي،مااكدر أكوم اله يجي مجتبي يسندني گملت جزء كامل وهو ماجاي،مو عوايده يتاخر اعرفه

لان مايريد يحسسني انه محتاجه

التفت للباب بيدي السبحه منتظره حاولت أتوجى على ايدي الالم موتني،استغفرت ربي رغم الالم مستعين بصبر مولاتي

‏" تهون جميع الابتلاءات عند مُصيبة الأمام وصبر زينب ، صغيرة أحَزان الدُنيا و إن صُعبت جميعها بعين الله .. فَ زينب التي رأت عُظم المُصاب قالت : ما رأيت إلا جميلا"

كتمت الألم مستمد قوتي من اهل البيت

أجاني اخوي مجتبى....گال وهو يسندني

-شنوووو یخوي ما اتگوم تتغدی هسه گلت انت جوعان

ماگتله انت تاخرت بلعکس جاوبته

-هاااا اي كملت جزء من كتاب الله حتى اروح عن نفسي،من اخبار اليوم

كمت متوجي عليه اكشي صعوبه گعدت على ميز الطعام توسطتها جدي مقابيلي...

ومن يمناي أخوي، واليسرى أمي "وعمتي زينه‌وبنت خالي منتهی.بديت أكل واسمع عمتي تسولف

ويه جدي بصوت ناصي‌ رغم شراها اكل

.سمعت أسم بيت حجي ابو كامل لازم الخاشوكه ا أراديا تركتها، منتظر اريد اسمع شدكول ذول اهل عقيله الحبيبه

گالت عمتي

-وعلى ساس لو توافق على المهندس لو ابن عمها ياسين

جفلت منو رح تنخطب، زین یجهزون الخطوبة منو،انتبهت علی نفسي اشبيك سيد مهدي..صار تلث سنين معقوله بعدني مانسيها...

بقيت منتظر عسى احد يجيب طاريها اريد أسئل عن شي مانسيه رغم أحاول أتناساه..وحتى ماكدرت أتناساه

برغم عرض الصاله مال الطعام، حسيتها ضيقه على نفسي، اريد أگوم منا اطلع

ارید اطلع حتی ادعي ياربي لااااا تمتحني بيها وانت حطيتها بگلبي بهاي الصوره

ارجوك يارب حب لو بلاء لا هذا مرض..

لا كدر مرض"ولا ألمي ينسيني عقيله

غمضت عيوني تراوتلي صورتها...مو بس هل لحظه لا كل لحظه تطرف صورتها گبالي، وهي كل الي شفتها بیه

من بعید گلش ومره وحده قریب بس مره وحده من قریب

مانسیتها ادري حتی لو ما ذاكرها بطرف لساني عقلي يفكر بيها،موبس گلبي..

كأن ذكر اهل عقيله کدامي عذاب انضاف العذابي

وكأن الي بيه من عوق،وجع هسه موكافي

لأن بعد مااصلح الهل انسانه الملاك زوج

وهنا حسيت أنشطرت نصین...

نص اني

ونص عقلي وكلبي اليردوها.

رفعت راسي العمتي زينه وگتلها

-عمه مازال انتم بطاري بيت حجي ابو كامل شخبار عقيله،زفرة حسره قویه

وهي مثل تنهدت وگالت

-والله سمعت راح تنخطب جاي يجهزولها

برغم كلشي صار بيه من حادث والالم

"والعمليات لكن اليئس مدخل الگلبي مثل هل لحظه...

دفعت الكرسي...وگفت ومااعرف شلون تلافیت الوجع الي بايدي ورجليه يمكن لان وجع گلبي أكبر

كتلها

-متاكده عمه راح تنخطب

-،اي حبيبي متأكده حتى عمتها گالت

خطواتي ثكيله،بعناء عفتهم آروح آلغرفتي

مااعرف شلون وصلت سدیت الباب کآن شي ونكسر داخلي....كعدت على الچربایه

راسي بين ايدي شلون اتحمل هييچ خبر

ِ

شگد ماهسه یشوفوني قوي وظاهري ساكت، س داخلي ضجيج قوي متعصب

شنو الأنتظره وشني الأريده، زين تزوجني تقبل بيه وهاي خلقتي

أدموعي نزلت غصب رغم كاتمهن جريت سبحتي أريد استغفر ربي....واحاچیه

-یارب هاي البنيه حلمي الوحيد أشكد راقبتها،خفت عليها، ماتقربت الها ردتك ياربي انت وبس بيها تبارك بزواجي منها

وتنطيني ياها...

مانظرتلها نظرة سوء،حتى أزيد بركاتك منك عليه ياربي أني مو طلبتها منك..

هيچ جاي أشوفني قوي...وتحمل كل الي يصير بيه

دخل جدي عليه...واني كاعد بلكاع..

كعد يمي...

-بعدك تحبها يبوي....

-يجدي شكلك عاشكها من جدمي للراس..

بس مااريد خاف متقبل...

-شني متقبل أني چنت منتظرك تشفى زين لا تحزن

-مولاي أني مااصلح الشي...اني أدمرت

چنت طول عمري عايش بترف ودلال..

يجوز صدمتي الوحيده...

أستشهاد والدي حتى من استشهد خليتني أترك ادراسه سنه لان بقيت أمتمت بلحچي..دللتني أنت وعوضتني حنان والدي ونسيته وسفرتني كل دول العالم...

بحيث ماكلت يوم اريد أبوي شسوي..گلي

-رح أخطبها الك كلشي ولا حزنك يبوي...

اشتريلك السعاده مشترى...بس أمر وگول انت

چان قراري أقبل وماأقبل"اريد وماأريد...

-اخطبها جدي، اریدها

رد علیه

-هسه كوم خل أبدل.گمت وگلي أمل قوي

بدلت ملابسي عيوني للمرايه

شفت وجهي تعبان،مشوه، جريت شطفه من كنتوري،لبستها،بحیث مغطي وجهي

طلعت والعکازات سانداتني ولكيت عمي ابو عامر وجدي واخويه دخلت ايدي بستاند العكازه، مشي بخطوات موجوعه..

.

وصلنا للبيت ومن شافنا أبوعلي أستقبلنا بوجه بشوش كعدت ابسد جدي وأخوي

...مال جدي

-شلونك أبو علي جايين ناخذ الأمانه مالتگم عقيله حرمتنا...واحنا تأخرنا بسبب ظروف آوليدي حفيدي مات وبعدنا حزنانين عليه، فعذرون

ا

واني كاعد امي دزت مسج على الموبايل مالتي...

-وافقو أبني وحتى صورك راويتهن ماعدهن اعتراض

وسولفتلهم على وضعك وماطلبو يشوفوك

بداخلي شي فرح... بس حسيت اكو خلل بلموضوع یاصور راوتهم

گمنا أروح البيت والدها، بعد مااتفق ابوعلي‌ وجدي فگرت بلي صار...أشو خالها چنه آمشبه علیه..

عیونه علی جدي ومچتبى، واني يتنوعلي بحزن عليه،نزلت الشطفه،ومقدمت شعري

ماحبيت نظرت الشفقه، گمت آروح البيت والدها، وصلنا طلعنا ابو عقيله، عرفته لان نفس عيون عقيله‌سلمت عليه...وياه أخوه ولده اثنين

وهم تنوعلي بنظره طويله وبدهشه وگالي

-أنت العريس...

-اي عمي اذا ماعندك أعتراض وانت والدها

-لا ماعندي أعتراض جدها الله يرحمه يعرف مصلحتها

وصاني بيكم وخصوصآ أنت ماكلي أنت؟؟

دنجت بخجل رديت رفعت راسي

-انشاء الله عند حسن ظنك عمي...

-اكيد مازال انت اختيار حجي أبو كامل...تستاهل بس عينك عليها لان امانته هيه

-انشاء الله

صرنه نحچي بگل المواضيع وبسبب الروحه والجيه كلش دخت، ردينا البيت أبو علي.جدي هو الي يعقد

من ورى الباب...من سمعت صوتها ادکول الجدي

-وكلتك نفسي، الروح ردت اليه وبالي لازم احچي

لازم أحچي ويه عقيله واكلها تقبلين بيه...هيچ واترك الچ حریة الأختيار...

من خلص جدي العقد...همس الجدي لازم اشوف عقيله، گام جدي يكعد يم ابوها

گاله

-خل عقیله تجي تكعد هي والسيد...ابوها تعصب ورد

-لا مايجوز ماعدنا طبه وطلع ولا بنات يكعدن وي خطاطيبهن...

-بس من حقهم واحد يحچي وي الثاني..

-اي من حقهم بس هي بعهدتي....اتصير عدكم‌‌‌ وشبعو حچي...

وثانيآ العلويه مراويه صور أبنكم

وبتنا مقتنعه

چنت متمني يوافق...

لأن الكلام يصير وجه لوجه حتى أترك العقيله حرية الأختيار.....وبگيفها

ضجت من أبوها من منعني واحنا نطلع....

رجعت للبيت افكر...اشلون اتأكد بحبها

يارب قويني،ومثل گل مره من ضوج اكعد اقرأء قرأن...

كملنا شغلات العقد"وجواز السفر شهر العسل جدي يشتغل بيهن..

اكعد افتح القرأن اخذ خيره مااكدر افتحه،، خاف أيكلي للسوي غلط...

حرت بين ضميري حبي...بين عقلي وقلبي

لازم اروح للكليه مالتها، واحچي وياها بس شي ويمنعني يجوز انانيتي

عقلي يكلي أسكت وعوفها على الله

..والدها موافق

وشاف وضعك....

ضميري لي...خالها الاخر لحظه مشبه عليه

مرت الآسبوعين...جدي يوزع بطاقات العرس‌بيوم العرس،البيت مخبوص بقیت نايم آلليل كله انتهيت من التفكير...

شربت شريط كامل مهدئات...

الوجع براسي زاد من التفكير...والأرق..

اتصلت على الدكتور البريطاني عن سبب الالم کخبرتي خاف مطول شعري

لأن الفطر لسى مملتحم زين والشعر ويه الحر بلجو يعرك الراس يسبب ألم...

اجاني مچتبی اخوي بعدني متمدد على الچربایه

بغرفة جدي...

حتى غرفتي كرهت أدخلها..

برغم جهزوها بأرقى اثاث...مكدرت أدخلها

لزم ايدي مجتبى

-يله كوم سيد مهدي الواحد معرس والف مجانين

تعال شوف عماتك"خالاتك...گالآلبات البيت صالون واني رتبت شعري...وحددت شواربي..

وانت نايم...

خبصتنا قبل زوجني لا احرك روحي. ههه تنوعت له ماحچیت شي لان خلاص

دخلت للحمام،اخذت مكينة الحلاقه وبديت ازين شعري رغم حلو ومغطي هواي تشوهات..هو وال للحيه الوجع زاد..

جريت المكينه الكهربائيه الثانيه رغم الالم بيدي...وبديت أزين بشعري بلحيتي....

بايد وحده....

الثانيه بدت ترجف ماتتحرك

تعصبت واني معند جبت موس وزينت راسي صفر. زينت لحيتي صفر اتنوع الوجهي

كلشي بيه مشوه...

ابتعدت من المرايه...سبحت اريد الألم يروح نشفت جسمي...لبست بس سروال

مااريد أعرس خلاص، اشلون اعرس بيا وجهه...ليش هسه حسيت

أنو لازم اکنسل کلشي، دخل مچتبی أخوي صافن عليه..بتعجب نتر بعصبیه

-اكوووو ووو احد يدك صفر بيوم عرسه

گمت بكل حيلي...

بأيد وحده دفعته من صدره...

-لالاااااااا مااااکو خووووو احچیها خویه لیش تخجل مني...كولها آنت مشوه ودور أزين صفر...طلعها للحچایه أو اطلع

تقرب مني يحضني،ویبچي

-والله ياسيد مهدي ماقصدي الله يعلم...بس ليش هيچ‌ زینت...الیوم زواجك "عرسك"

دفعته

-آطلع اطلع"محد يعرف بحالي ولكم اني تفگيري صار على جرف هاويه..اطلع

بقى واكف يم الباب كعد على رجله..يتنوعلي مقهور مني وعليه

اريد اعتذر منه اول مره اصيح عليه

هذا عضيدي الماتركني..عضيدي الماخله جدي يجيب ممرض اليه گله

دخل جدي على صياحي العالي هم تفاجا

بس غلس گالي

-أااااااااشبيك يبوي سيد مهدي أول تالي يصيح...

گال مچتبی...

-استلم حفيدك يريد يبطل مايزوج..

عاط جدي

-ولك شني تبطل هو لعب جهال..تضحك عليه على الوادم المتانيه

تقربت منه اعرج واشر على وجهي وايدي

-اي اي اي العب على الوادم شوف شوف

أااااااااشلونه شكل عريس..تقرب يصيح

-ولك شبيك بعملتك هاي بروحك صخله ماانطيك هسه حسيت على روحك

.والبنيه شني ذنبها.. شدگول الناس على سمعتها...

ماتفكر

ماعندك عقل..

ولك بويه شناقصك شباب "وثقافه"ومال"وجاه"

وسمعه الكل يحلف بيها...

وفوك هذا كله اخلاقك الورده...ليش يبوي أسوي هيچ ولك جدك خسر واحد مثلك

...مايريد يخسرك

نعمه من عشت"ردتك من الله بس نفس یصعد وینزل وين صرنا وين چنا..وشبي شكلك‌‌ هاي أنت المؤمن الحافظ قرأن

...لحظة شيطان تلبسك

سمعت كلامه بحزن كمشت راسي بيدي ابچي واعیط،

-نااااااقصني شگل جدي...حضني يبچي...

-كافيك یبویه گافیک سيد مهدي..لو العافيه تنشرى..‌چان اشتریتها الك كافي ..کافي وليدي گووووم..

اعاين الجدي والمجتبی بدو يلبسوني.....

لبسني القميص جدي‌ ویبچي ويگلي

-السموحه يوليدي كون مزوجها لك من زمان.. كله السبب مني من طفت عيني....

دنجت بست ايده...

-لاتحچي هيچ مولاي...كلشي ولا انت

ردت ادكم القميص مكدرت... نكتت ايدي

-شوف جدي اريدك ماتردني ماادبر البس قميص..

ليش تكسرها وياي والله تستاهل الافضل مني تستاهل اليداريها شنو ذنبها وتاخذني

مااريد الزواج جدي...

يتيمه مااكسرها فوك يتمها حرام...

لبسني سترة القاط سندني

-لا تزعلني يبوي منك هاي هيه اليوم زواجك

ولازم نروح....

مجتبى فرحان وجدي اخذوني صعدت بسياره....

مجتبى أخوي يسوق،وصلنا الباب البيت...

بقى مجتبى كاعد يم الستيرن...

جدي يمي

گلت الجدي

-يله وهسه گلي شسوي أحير بروحي منو ينزلني آحير بيها، احیر بیدي، احير بدلتها

اندار مچتبی عليه يضحگني....

-حيره بيها خويه اليوم يومك...

مالي واهس ضحك طبطب جدي على فخذي

-اني اجيبها الك لايهمك، نزل جدي يلبس عباته ،ادعي ربي يعدي اليوم على خير

آشوي وانفتح باب السياره،صعدت عقيله

بدلتها وجدي هو الي رتب كعدتها وصعد طرف البدله ،وسد الباب

اشكد تمنيت بيوم عرسي اني انزلها من اهلها

بس حمدت الله وشكرته....وگلبي مقبوض من الأعظم

خاف يصير شي اعظم من هذا وضعي...

تنوعت الايدها ترجف، عنت نفسي حتی احاول اهدیها لان خایفه لمست ایدها

گامت ترجف ایدها اگثر كلشي الغى بهل لحظه...بس دكاتي گلبي

وملأتُ روحي منكَ حتى لم يَعُد

‏مني لروحي موضعٌ ومكانُ

‏ما ذَابَ من فَرْطِ الهوى بك عاشقٌ

‏مثلي ولا عَرَفَ الأسى إنسانُ

‏قالوا هَجَرتَ فقُلتُ إنّا واحدٌ

‏وكَفى وِصالًا ذلكَ الهِجرانُ

‏هو موطني وله فؤادي موطِنٌ

‏أتَفرُّ من أوطانها الأوطانُ ؟"

ساق اخوي السياره،گلبي مايرگد یدگ قوه

وصلنا للفندق،نزلها جدي وياه امي

واني بقيت محتار،شسوي وشلون ادخل

ولد عمي،اخوي الكل فرحان..

اجی مجتبی گال

-یله یخوي اساعدك مديت ايدي نزلني رغم الكل يهوس يضحك اله انه عقلي يضرب اخماس باسداس

كعدت على الكرسي أن صاحلي جدي...

-كوم ابني اصعد الحرمتك عيب يبوي واني رح اصلي ازور الامام وادعيلك يتمم على خير....

خطواتي للمصعد وبيدي السبحه استغفر...

-يارب هون لي صعوبتها،هون مافي قلب عبدك وابن عبدك

فتحت باب الغرفه اشرت المجتبى يروح دخلت الغرفه شفتها كاعده ومغطيه وجهه بنقاب سلمت

-السلام عليكم

جاوبت من ورى النقاب

-وعليكم السلام

تقربت منها وخايف لا تخترع من وجهي بس الشوق خلاني اتلهف عليها تقربت كلش كعدت على الچربایه کعدت کوه یمها بايدي الصاحيه درت جسمها اليه وهي بسرعه ندارت مديت ايدي ونعكاس وجهي المشوه صدمني انه هي شلون شلت النقاب الأبيض؟؟



////_نازك الحمراني////

/////عشق المؤمنين////

‏وأذكرُ لُطفهُ الخافي فأسْلُو

لعلّ الأمر بالبُشرى قريبُ

وأمسحُ عَبرتي برجاء ربي

فظنّي فيه حتمًا .. لا يَخيبُ .

عقيله

و ان الساعي إليك حلال لن يخونه دربه سيسوقه الله لعقر دارك مجرورا من قلبه

لزمت الخمس ملايين وسوينا قائمه اني وغفران بلشغلات الي راح أشتريهن النيشاني،سوينه قائمه طويله

طلعنه للسوك الفلوس بيدي،اصرف ومتخلص اشتري الاشياء المهمه والمو مهمه أول مره اكمش هيچ مبلغ..

شگد متلهفه اشوف سید مهدي،ورى تلث ايام اجى أخوي علي من زياره سألني

-هااااا خيتي بشري شفتي خطيبچ

جاوبته بتردد

-هااا لاااا والله مشایفته،بس اذكره شگله من بعید من اجی الجدي الله يرحمه

،

-وهسه شلون نبقى عل قديم

جاوبت ماما مكاني

-هووو لو انت وابوك هناااا جان خليتوهم يتشافون الروئيه الشرعيه بس؟

-شنوو الصار خالي مووو اي هووو خالي تلگي چافص بام السالفه متاگده یمه هووو اخووچ

-والله یاعلي گتله لیش متخليهم يتشافون ترى حرام

گالي

-ومن شوووكت عدنه النسووان تشوف خطيبها وتكعد وياه انه ماااريد أصلا سيد مهدي بقى يلح عليه رغم مريض گالي عمي لااازم الخلوه الشرعيه،ولاااازم رضاء وقناعة الطرفين، وبقى يتفلسف براسي بدين وقال الله وقال رسوله وانا رفضت يتشاوفون حتى قبل لایطلع گال عمي يبقى اثم عدم لقائنه بعص تتحمله

علي جاوب ماما

-يعني الولد راد يتشافوون وبوها مارضى وتالي يمه اخوچ طلعها من ماعونهاااا

همه یحچون وانه‌ فرحانه لان سید مهدي راد يشوفني يعني يحبني بعده

الفرحه ماوسعتني كد مااشتري قسمنا طلعاتنا شفتات

لوعماتي لو أني وغفران اذا تاخذ اجازه

بليل رجعت تعبانه من السوك ارتب ملابسي بقينه كاعدين أني وغفران بلغرفه..ونرتب بلجنط مال نيشان ولكينا أكو نقص..

گالتلي غفران

-أكلچ عقيله شغله عجيبه سيد مهدي ليش مخابرچ

آو طلب رقم تلفون،معقوله هم خالي رفض

جاوبتها

-أسكتي أني خايفه..بس يجوز يعرف تقاليدنا

ماعدنا خطیب یطیب وتطلع

-ولچ انه وياچ عاااد بس یحاول...ماتذكرين عباس الله يرحمه چان یراقب بابا یطلع آو یسافر لحتی یجي دورات یبقی خاتل وری سیارة جوارينه علمود يجي ويكعد يمي

-كااااااااافي غفران الله عليييچ تری مااريد أفكر بشي يخوف..خليني عايشه الحظه،وحامده الله وشاکرته

رد

-اي اي امشاء الله ربي يتمم على خير الغايب عذره وياه وهمه همين مستعجلين يعني تلحگین تشوفینه

-یارب گون مابیه شي لان صوته تعبااااااااااااان كلشش من يحچي احسن ينهت من يحچي

-لاااا مابي شي من اللهفه خااب يحبچ مادام هیچ

عطشت طلعت من الغرفه

طلعت من الغرفه واسمع خالي وأمي يسولفون...يگلها

-إم أحمد تری السيد باقر لا گاني بصناعيه هو وحفيده الثاني وگالي خل سيد مهدي وعقيله‌ يكعدون سوه، ومايصير

-أي صدك والله ليش لا هم خطیه عقیله

-وافقت بس أخوچ طلع من المحل عصبي وگال بنتر

-شووف سید تری آنه مخلي معزه على معزت الحجي بنتي ماااايشوفهااا ابنگم أتصیر عدگم وبیتگم یله خطیه

لح مرتین، علمود الكعده ورفض

-ليش هلكثرر مصررر

-والله يا ام احمد آخوچ وراه سالفه،واني الضغط ماگلني

.وكوه واگف، بس گتله الأخوچ...لازم اشوفه الروئيه الشرعيه.رفض؟؟؟

بس گلبي ناغزني كلش من اخوچ القاسي

واني عندي بضاعه

أحملها الأربيل بلكن هل مره اكدر أكمل بلفلوس

بنيان الغرف الورى بيتنا..

حتى علي يكعد هو وزوجته واكون مامقصره بينه وبين أحمد الي بنيتله قطعت ابوه

-الله يرزقك روح ابو علي وذا ماأجيت بيوم العرس

ترى معذور...

بداخلي ضجت خالي الي رباني ودللاني

مرح يجي بزواجي وهم بخطوبتي وهو اعز حتى من ابويه بس عذرته العيشه تريد،وكل الحمل عليه خطيه

خطواتي للغرفه ضايجه من والدي ليش مانطاهم رقم موبايلي وليش ماخلى سيد مهدي نكعد اني وياه سوه

رجعت الغفران سولفتلها بلي سمعته...تعصبت.

-ترى لا زعلين خالي هذا وضعه بس ضوجني شدعواه

-ماادري غفران ماادري

-حيره أبوچ شنو هسه عرفچ، زين مایستحي من بابا یفشله جدام الساده والله لو ادري اتعارك وياه لو شيصير

باچر آطلع من الجامعه واخذ

علي أخوي...ونعارگه

مسوي روحه الاب الحنون لااااا ماانسگت اذا انتي تسكتين وحتى علي اذا عرف يگلب الدنیا

-اسكتي غفران فدوه هذا ابوي مهما يكونو لاتحچین

ولاااا تگولین هییچ ادور دگولین العلي...يعارگه لا لا خطیه

-اااوف منچ انتي مادگليلي گلبچ اشکد فطير..مو كل اب

يسمى اب،تری الصار غللللللللط

-اي بس يبقى اب لو شيسون (وبلوالدين أحسانآ)

يعني كل الوالدين القران ماقيم الوالدين المخطئين

أو المصلحين،او الفاسقين،او الظالمين هو گال احسانا

لازم نحترمهم على حد سواء،اعصابچ الله علیییچ مااعرف شلون اشكرچ آحترك كلبچ علیه.....لاااا وصدگ

مااعرف شلون آفارکچ انتي واخوي علي..

دخل علي بهل لحظه وعيونه اليه...

-اجیت لان سمعت اسمي بس والله أنتي شمعة هل بيت مااعرف شلون ترحين ونبقى اني وابوشامه مناكر

....يعني محد يفاككنا،ويحاجزنه انشاء الله ترتاحين ويوم الغفران همين تزوجن أثنينچن وعود هم تعالن زعلانات،وتبچبچن يمي. وتعال اخوي علي افزعلنا

...عيونه له والغفران

-وانت اكيد تظل لازم النقال وتكنك وماتفزعنا مو

-ههههه شلون مافزع اذا مافزعت الچن... آلمنو أفزع...

بس اكلچن حبابات یابعد آخوچن من تجن للبیت مسيرات آو حتی زعلانات تعالن وحدچن اني اطيتچن وعد بلفزعه آطني وعد مو جيبن قرودتچن ویاچن...

تری البیت هلکدوته.... وبي لوحات اني ارسمهن

اكيد يخربون احلامي...ويطشروهن وخصوص جهال ابو شامه يطلعون اهل طلايب مثلها...

تعصبت غفران جرت سرايحه بيها مي بارد شمرتها عليه

اجى عليها لزم شعرها سواه كوشه ويصيح بيها

-ووووولك ابووو شامه مااااتجوززز..

بقو یتناکزون علی راسي، وعلى صوتهم على جدالهم اجى خالي فلتت غفران من علي وراحت اله

-بابا عفيه هذااااااااا علي گتلني،موتني حتى كسر ايدي

علي وانه فاگین حلگنه گاله

-والله بابا هاآاااا وحده ترتكب لاصدگها دا اشاقه ویاها

خالي لزم غفران من چتفها وگله

-ااااااااطلع من غرفة خواتك ليش تضربهن روح المرتك

طلع ضايج علي لان خالي صدك غفران و غفران فرحانه

تباوع العلي تحرك بحواجبها عود فازت عليه،

من شافها علي هيچ احترگ‌ گلبه وگال

-هاااااااا بابا هااااا ظل للاخير اصدگها وانه الفقیر محد بحاااالي

ضحك خالي وضحگنا جر علي من ايده

-اختك خطيه حبيبي

-بابا والله انه خطيه

كعد يمنا يسولف گلي

-هااااا يابنت خيتي شلونها نفسيتچ علی الزواج

-الحمد الله وحتی من افگر افارگم واخاف اقراء قرأن

-عفيه بنيتي اعرف بيچ سباعیه وعذريني يبويه اذا فد يوم قصرت وياچ

-لاااا خالي بلعكس دومك سند اليه من الدنيه وحتى من ابويه

-خلي بالچ انتي رايحه،بس مكانچ یبقی محفوظ اذا احد

غثچ اذاچ مایردچ اله للسانچ ولو انه مآمن علیچ هناك لان سيد باقر يعزچ علی معزت ابویه

-اي حسيت هيچ

گام خالي باس راسي وگال

-عذريني بنيتي لاحضرت خطوبه ولا راح احصر عرسچ شسویه ارید آگمل قطعة اخوچ علي جاي تشوفين مرته حامل وباچر الله یستر علیهم عائلته تگبر یراد اله بیت مثل آخوه احمد

-الله یرزقك خالي وهذا حچيك مكفيني

طلع واسمع غفران تحچي وجادل ويه عليه تمنيت اصير

مثلها قويه،عندي السان أدافع عن حقي،بقيت ارتب بلمكياج أجتني عمتي كعدت يمي،اشرت الغفران لا تجي

وبدأت تفهمني عمتي على ليلة الدخله، وانه فاگه حلكي، بين مدهوشه واني شلون أدبرها، طلعت من الغرفه مقهوره وخجلانه رحت الماما حضنتها..ابچي

-ماما فدوه گلشي ماااااااريد مااااريد اي شي أشو عمتي ادكول،اشياء وشغلات موحلوه ليش هيچ، بطلت ماآزوج

کلش خجلت بس لازم أحچي، عن الي بداخلي

جاوبت

-شوفي يمه اول مره تحسين بخجل،بضوجه وقلق تالي رب العالمين ينزل السكينه والأمان القلبچ مو انتي قارئة قرأن وتعرفين

-أي ماما اعرف بس عمتي سولف أشياء تخووووووف

-هي عمتچ بس عیونهااا،تخوف مثل عين أبوچ

-هاااا مو ابویه بلون عینی یعنی عیوني تخوف

-لاااا انتي عيونچ بیهااا برائه،وعفه،بس ابووچ لااااا

-هوو لیش بابا هییچ شو تگول عمتی چان خوش رجال

-اي وچان حنین،وگلبه طیب لعد لیش امچ قبلت بیه چان قاري قرأن،وما يصلي اله بلجامع،حتى صلاة الفجر

-معقوله لأن ماتت أمي

-أي معقوله ابوچ چان یحبها حب ماگو منه،حتی بیوم ولدتچ وامچ تعبت سگن الجامع یبچی ویدعي بچی گل واحد یمه من ماتت انصدم، صدمته قلبته٩٠درجه،

واعتقد قل ايمانه

-لااا يمه اشوفه يصلي

-أي اي أكيد يصلي،ويصوم بس كتلچ مو اخوي الاولي

فقد اعز اثنين يحبهم ناجيه وراه بفتره امي تحول ألغير شخص وماظن يرجع ليش أكلچ ادعن بحسن العاقبه أبوچ من هو زغير الى أن صار شاب قاريء للقران مهذب

يعطف على الچبیر قبل الزغير

ماتشوفين خالچ یسگت اله لان مقهور علیه حتی جدچ چان یکعد یطك صفنات يگول شغيراه

-الله يهدي

-يارب وهسه روحي لزمي سبحتچ واشکري رب العالمين

لأن جاي الامو تصير مثل ماتردين

-شكرا ماما رجعت للغرفه أجتي غفران ورايه کعدت یمي گالت

-شبیچ ضايجه

-عمتي سولفت بلاوي عن ليلة العرس وانه اريد سيد مهدي تبقى نظرته عليه ذيچ الانسانه المنقبه المؤدبه

-تردين طول عمرچ تبقین یمه منقبه ههههه خرب بلیسچ

-لاااا بس موهییچ اوو اگلچ ماارید ازوج

-أي تبطلين الناس هسه شیکولون علیییچ اسگتی سکتي

-شغله عادیه، وانتي منين تعرفين عاديه..

.

-ولچ غیر چنت مخطوبه، وشوي سوي تعلمت وهيه ولي خل أروح أنام،بخت خلصتي كليه مابقالچ بس امتحانات

،اي والله والحلو ماراح اداوم بعد

-ليش

-لآن سید باقر یعرف العمید..وکایله لاتجي هل شهر

بس باخر كورس تمتحن...

-عااااا واني وراي دوام يله خل أتمدد،ونتي ابقي سولفي

گمت آتوضى حتى اجهز نفسي الليل بديت باول ركعه الى ان وصلت الاخر ركعة الوتر خلصته قرأت القرأن..

طمئنيت ماكو خوف من سيد مهدي،الخوف بس من الدخله الصبح كعدت غفرلن تبدل لبست عبائتها طلعت للدوام جاي اكوم اسد باب الغرفه رجعت غفران ضايجه

أخذت دفترها ودردم

-هااااا آشبيچ غفران شکو...

-ماکو شي اندك باب مال بيتنا جاي اطلع فتحت الباب

صار بوجهي شاب يفر بسويچ سياره وجهه مبتسم..

کتله تفضل ..گلي

-زاد فضلچ...آرید آم علي بلا زحمه جاي أدخل وكع قلمي

مااكدرت ادنج حتى أخذه لان‌ يم رجله وهو همات مشاله ولا نطاني ياه بقى يم اقدامه

من الفشله رحت اصيح ماما، حتى أرجع عليچ اخذ قلم

-منوو ماعرفتيه

-لاااااا وين اعرفه ومانتبهت على وجهه بس مبين غني

ووولچ هذا غثيث"اعصابه بارده"مستفز" بااااااااارد ليش

ماكلف نفسه وشال القلم الله يرحم الزينين..

-هييچ متعصبه معناها إكيد ماسكتي من مانطاچ القلم...

-آي أكيد مااسكت خنزرت عليه،وهو لسى يبتسم مدري شبيه لا اعرفه ولا شايفته ويحرك گلبي

أجتي ماما بهل لحظه تحاچي وغفران

-روحي بنتي اجت أيناس واعصابچ علی شنو معصبه

-لیییش ماشال القلِم

-منووو

-هییچ ماما یله رایحه

گالت ماما

وأنتي عقيله،اجى حماچ من اشویه راد المستمسکات مالتچ‌ حتی یکملون العقد بلوگاله‌‌

-یاوگاله

-الي سويتها الجد خطيبچ سید باقر

آباوع الغفران لبست عبایتها خجلانه طلعت للدوام..

مرت الأيام بين التجهيزات بقت مليون عندي..

اشتريت بيه كلاده ذهب بيها ميداليه بأسم مهدي..

اجرت بدله محتشمه بلعرس،ورحت للصالون ميشت

فضي على شعري، وخليته على طوله

اشگد مااگو ضوجه بداخلي على خطوبتي..

بكد ماأفرح من اشوف ماما وغفران يضحگن...

الليل صار اشطوله مقهوره اول مره أترك غفران"وفارگها

كعدت اريد اصلي....

سجدت سجدت الشكر، تذكرت دعائي الي چنت آدعي بيه من تأخر سيد مهدي عليه"أللهم ان كان فيه خيرآ فقربه مني

وأن لم يكن به خيرا

أهديه ثم أهديه ثم أهديه ثم قربه لي"

:﮼اللهم آجعله سند ڪ سند العباس ࢦـ زينب

احس صدك ربي استجاب دعائي بعد طول الفراق

الصبح‌گعدت رحت للصالون گملت گلشي من رجعت

اخوي علي بل باب استقبلني اول ماشافني اجى عليه باس راسي...گلي رايحه يلغاليه

مااكدر أحضر زواجچ عذريني رايح للزياره ماتعرفين يجوز اخلصها قهر وبچي عاد هناك بزياره اندعيلچ

لآن مااکدر اشوفچ ترحین

-لاااا انت ولاااا خالي ليشش

-مانكدر نزفچ انتي عزيزه عدنه

وصدك الحد هيج الحد يوم العرس الي صار بأجواء سريع..صارت كعده بس عماتي وبنات خالي...

ضجت لأن خالي مايلحك على زواجي..وهو صارلي اكثر من اب بحنيته ودلاله اليه...وعرگاته ويه والدي

مقهوره لان سندي الثاني علي اخوي بلرضاعه

يستحي ومقهور عليه...طلع من الظهر

احمد ابن ماما الچبیر محرم علیه وميصير یسلمني

نقهرت لأن ماكو احبابي، سمعت ماما خابرت ابوي

لازم يجي علمود يحضر خفت لا مایجي مهما يكون هو ابويه عشر دقايق واشوف ابوي دخل لابس بنطلون وقميص مرتب نفسه ومحلق شعره ولحيته من صدك

اجه فرحت بجيته....

يمي غفران كلساع تبچي رح أفاركها وانه چنت منتظر سید مهدي يدخل عليه بهيبته وسامته

يمي ايناس...وهي تشاقيني..

-لااااااااا تخافين الزواج گلش حلو یجنننن اختي ادكول

-جاوبتها غفران

-وين حلو وقصة نور تخوف

-أذا على قصة نور تخافين منها ترى اتصير واحد بلألف..

چنت آشرب مي وشركت بيه..نداريت عليها..

-يلعن أبليسچ...صیحي غفران خل تجي يمي عوزي خوف شويه اشوف كالو الزفه اجت تبسمت ومنتظرته

اسمع هوسه يمي بس ماكو سيد مهدي رفعت الغطوه الي على راسي وأجة سيد باقر بس لي طب....بابا گومني له گلي

-گومي بنتي جدچ یرید یاخذچ

وگفت اتناوع السيد بيده وصله خضره،دنج باس راسي وخلاها عليه..صارت غطى ماما لبستني عبايه بيضه أم الكبوسه ‌وفوگاه العبايه ربطه بيضه

هاي ربطه لاگيها بحضره لامام علي عليه السلام

داخل شباچ وصارت عدنا عرف تلبسها البنيه يغطوها بيها فوك آلبركع ....

أحس ختنکت بس آهم شي الستر حاوط ايدي السيد باقر يطلعني الحد سياره لعرس مو كفيها كلش قريب على باب ببتنه...وكوه امشي طلعني من الباب صعدت بسياره..

من صعدت ايد انمدت عليه...لأن هواي بقطع مبوشه

مافرزت شي...بس عرف هاي ايد سيد مهدي من محبسه الشذر الخرساني وايده البيضه

كمشني داخل سياره ساعدني اكعد شويه شلت من البركع اريد اتنوع له من تلث سنين مشتاقتله

مشفت شيى جريت نفس ختنكت عرفت من البطلون الأسود هو كاعد بصفي..

حچى سيد مهدي وگال

-شغلي انشودت باسم

(ياسيدي سبحان من صور وجهك يبو الأكبر)

كلما اريد اتنوع مااكدر...اخاف يطلع وجهي

ومنا الشارع...

بس أشوف ايده البيضه وبيها محبسه الخرساني يلمع

وي ساعته الفضيه،وسبحته الكزاز يدير بخرزاتها

بين فرحتي..وبين اشتياقي الاهلي من هسه أجاني

خصوص محد اجى وياي، لأن الفندق مقابيل الامام الحضره ماما واخوي علي وغفران .اتفقوا يلحكوني يباتون بيت عمتي ...

علمود صبح يجوني يودعوني قبل لاسافر شهر عسل وصلت للفندق لزم ايدي سيد مهدي انتبهت على مشيته يمشي بهدوء واأكو صوت طكه وي المشيه..

بالي اجت افكار خاف عكازه"او صولجان جده واجى ويانه أجتي ام مهدي من صوتها عرفتها...

كمشت ايدي...واخذتني للغرفه....

اول مادخلنا نزعتني عبايتي السوده والعبايه البيضه

والوصله الخضره..وبعد وصله...گالت مبتسمه

- ماشاء الله سبع طوابق ....مضحكت لان اسمع اصوات

ولد وشباب يهوسون اباب لفندق وخبصه

كمت ارجف من الرعب نتبهت علیه گالت

-ارتاحي عقيله لاتخافين، هذول هيچ یهوسون واحد معرس والف مجنون ضحكت اخذتني للحمام ..توضيت

فرشتلي السجاده..

صليت صلاه المغرب

فتحت قراني...بقيت اقراء بيه الحد بثمانيه ونص انفتح الباب واني خايفه شفت هاي أمه فرحت بس گالت

-جهزي نفسچ راح يجي آلعريس شالت العبايه البيضه

ورجعت غطت وجهي...

-غطيتچ خاف يزفونه ولد عمه.

بقیت مدنكه والهوسه قربت والباب انسد‌کلشي ينفض بيه رغم كاعد الچربایه حسیت ايد حاوطت چتافي

گومني وگمت مشتاقه اله سمعت صوته ارتاحیت بقی وجهه ارید اشوفه رآسن أنشالت العبايه البيضه وباس كصتي

رفعت راسي وريتني مرافعته..

ياريت ضاله مدنجه حالة خوف"ورهبه اشكد ماچانت عندي اكو فرحه واخيرا شي اني ردته من كل گلبي صار

بس الي شفته چانت صدمة حياتي بهمس حچیت

-منووووووووانتتتتتتتتت هاااااااا منوووووو انتتت

خفت منه ابتعدت خطوات منه مصدومه اريد اسال

عطت بهداي وبصدمه

-منو انته مو مهدي مووو سيد مهدي لاااااااااامستحيل قسما بالله ماعرفتك...منو انت هذااااااا ضرب من لخيال

أو شي مستحيل ..

الله عليك منوووووووووووشنو هذا لي جاي يمر عليه

ومنو انت قسم ماعرفتك

انت مو سيد مهدي ألي حلمت بيك مو هذا لاعترف اليه يحبني انت مووو الاني اني احبه...

اي احبه بس ماجاوزت وياه حدود ديني..

ذاك مهدي كان سر بيني وبين ربي..

مانسيته يوم بدعاء....ربي مايبليني بغيره اكيد

اني قبل لحظات جنت منتظرته هسه يوكف كدامي واحد ثاني.الله عليك احچييييييي منوووهذا لي واكف جدامي مو هذا لي اني بلعقد كلت عليه نعم ..

ابتعدت يم الشباچ مال الفندق ابچي بالكوه مکتومه

نفسي من الرهبه...رزيت عليه ودرت

-ااااااااااااااااحچي منو انت عيوني على عبايتي السوده

متت من لخوف لكفت عباتي سترت روحي من عنده

-الله عليك حراااااااااااااااااااااااااام تتنوعلي اريد زوجي

عقلي واكف مااافكر بحد ولا اسال عن احد...

ذاك كلشي بيه يلمع وجهه صافي شعره عيونه

هذا لا شعر لا وجهه ياربي مرعب مو هو

بس صوته نفسه اي صوت سيد مهدي گال بهدوء

-عقيله قارورتي أهدئي شبيچ

نترت

-لاااااااااااااادكول قارورتي آني ماأعرفك

هسه اريد ماما قسما بالله اذا ماجيبلي امي هسه اكطف روحي من شبااااااااااااااااااااااااااك

صفن عليه مصدوم من فتحت الشباچ چان سلایت

الهوى اجاني حلو أريد اهداء مااكدرحچی بهدوء یستغفر

-وووووووووولچ اهدئي شجاچ يرفع بايده ويحچي

-ماااا هدآء لا تقترب لااأاا تقرترب

-عقيله هاي هي ما اقترب يمچ حبیبه بس لااأا تنتحرين

بس گولي أنتي حافظه رقم امچ تنوعتله...طلع موبایله من جیبه يميشي ويعرج نطاني یاه واني لسى خازرته

لا تقترب زااااااايد لاااااااااا تقترب جريته منه وابتعدت

دكيت الرقم خابرت ماما ابچي فتحت خط..گتلها

-فدووووووووووه يمممممه الحگيني يمه ماعرف هذا منوو دخلووووو عليه رجال غريب ماعرفه مو مهدي مو سيد مهدي

ماما احسها تعصبت، گامت صيح ووووولپ شتحجين شلون غریب

صوت آخوي علي يحچي بعصبیه

-ووووووولچ عقیله خویه شكووووو شنو صار احچي...

جاوبته

-تعاااااااااااال تعااااال خويه آخذني آنت گلت تذكر انت موكلت تتفزعلي والله اذب روحي من شباك اذا ماجيتوا هسه اموووت نفسييي

صاح يهدي بيه وخايف

-گوووولي وووولچ صبري انتي بيا فندق وين وشسمه...

تنوعت بعصبيه جاوبته علي ماعرف خل هذا الرجال هو يكلك

تقرب ويمشي مستند بعكارته أخذ الموبايل مني

.واسمعه يوصفله العنوان واسم الفندق ومكانه

تنوعلي بحزن واثر دمعه بعيونه اثر خذلان وقهر ،وجرح

هز راسه واجى يعثر بعكازته بسرعه عافني وطلع

.يردد

-ااااستغفر الله ربي والتوبه اليك....بقيت كاعده على الچربایه اردد

بسمِ اللهِ الذي لا يَضُرُّ مع اسمه شيءٌ في الأرضِ و لا في السماءِ ، و هو السميعُ العليمُ""

اشوي اندفع الباب خفت ‌لا يجي هذاا الغريب غطيت روحي بلعبايه والبدله چانت کلوشتها چبیره..کعدت للکاع واشوف امه وجده سيد باقر صرخت بچیه..

ارید واحد اعرفه لان خايفهة كلش كمت انه وبدلتي اجیت علی سید باقر،دنجت بست ایده....

-فدووووه جدي انت مو وصاك جدي بيه ليش هيییيچ

آرحمووني ليش زوجتوني الغير سيد مهدي هاي وصية جدي لك...شال راسي من ايده حضني الصدره گال

-يابويه ستهدي برحمان شنو صاير

-ااااااااااااريد امي اي امي هسه تجي عيوني تتنوعلهم هم مصدومين مثلي والسيد الچبیر ميعرف شكاع يصير شفتهم ساكتين خفت اكثررر

صرخت بهستیریه احاچي سيد باقر

-مووووو يكولون بختك چبیر وتخاف الله....وین امی...

-هسه یبوی تجي اهداي بويه

كعدت على الچربایه ربع ساعه ماما دخلت گمت الها

حضنتني عيوني للغرفه اشكد ماصغيره ‌بس صار بيها امه محمد گلها

ماما اخوي علي وزوجته وجايبين ابوي وياهم

سيد مهدي وهذا عرفته‌سيد مچتبی واكف بالباب

وماما شابكتني گالت

- يمه شكو شبیچ

- يمه مایخافوون الله انه مو خطبني سيد مهدي دخلوا رجال ماعرفه مو مهدي..أرجف من الخوف احچي برعب وابچي يمه شوفي شوفي هذاااااا ذاااااااك الولد

وااشر عليه ....

علي اخوي چان كاعد على ميز ألمجرات گام بعصبيه ...

بس ماماميزه منو بيهم صاح بغضب وبحركت اخ حنين

- ولكم هااااااااااااااي گلگم انتم متخافون من الله

لاتحللون ولاتحرموا شنو خيتي تايهتلكم ...احرك عشيره علمودها شكايليلكم يانقصين شرف"

ياناقصين ناموس

تقرب عليه علي و يگومني من حضن ماما ويصيح

-گووووولي منو الي دخلو عليچ خل احرگه...اشرتله علیه...

-هذااااا ابو القاط والعكااازه

مااحس اله اخوي علي تعصب وطفر علیه كمش سید مهدي من ياخته يهزززز بيه وبحرگه

-ووووووووولك ناقص اشسويت الأختي عااااار الزلم

أجى سيد مچتبی جر آخوي علي ويصيح ويگله

-اتمددددد ایدك على أخووووي يانذل اليوم امحييييك

-التفت علي على مجتبى ضرببه بوكس بوجهه طاح للكاع سيد مجتبى برجله ضرب رجل علي وكع عليه بقو يتكامش ويتعاتون

اخوي علي يصيح اختي تهتكون سترها على غريب ناقصين شرف... ولکم تبرت الساده منکم...‌

تبری نبینا من نسلگم

وذاك يكله ولك اني مچتبی اخووو سید مهدي ماعاااش

ولااااا صار زلمه يمد ایده علی آخوي

فاككوهم وصوت سيد مهدي متوجي على العكازه يصيح

ع اخو

-عوفه سيد مچتبی کااااااااااااااااافي اختزينا اشبيكم

دخل ابوي وصارت الغرفه خنگه...وصياح ماما وامه

وزوجة اخوي بسبب العرگه...

دخل ابوي زمخ على علي وفاككهم،وهم كلمن على صفحه يلهث من التعب، وقمصانهم مزگه

سال ابوي بعصبیه

-شصاير شگو شبيگم....گله علي

-مدخلين هذا علی عقیله یعني مو نفسه الاجى وخطب

ومراويها غيرها..ولك مو انت أبوها مو حضرت العقدلك ماتفطنت زوجتهااااا المن... گله ابوي

-أي ادري هو سيد مهدي وشفته وافقت علیه وهايه غير وصيت جدك ونفذتها وانه الحجي ابو كامل وصية فرض

كلت البابا

-شنووو شجاي يصير هنا بويه

تقرب ابوي عليه عصبيه رفع ايده يعيط

-وووووووولچ بنت الگلب شمسوووووووویه هاااااااااااا

جرشعري سحلني من الچربایه للگاع نطک راسي بحافة

الچربایه ینگت شعری بیده و يعيط

-وووووووووولچ دللچ خالچ گله من خالچ ودلاله هل خلاچ تتمردین...

-رااااسي بويه راسي

ماخلاني احچي ضربني على حلگي حيل بحيث نفطت الشفه دم ماما كمشتني وفكت ايد ابوي...

-ابو رامي البنيه كلشيييييييييي ممسويه وك بنيتي

ممسويه هم لي ميخافون من الله ضحكوا علينا

گال ابوی وهو یتهادد علیه

-ام احمد شنو ضحگوا عليج اني ادري‌سيد باقر گال

-ام علي بويه شنهي ضحكنا عليچ وحنا بشنو ضاحگين عليگم ‌صاح اخوي علي بغضب

-شنو ماضاحگين علينا مو هذا لي طيناگم اختنا

اني سئلت ابوي گتله وين سيد مهدي من طلعتو

اشرلي على هذا الي تعاركت وياه ومديته بلكاع ومطلت راسه جوه الکرسی

وهسه دگلولي لا والله بدلناه بأخو هذا وياشر علی سید مهدي.......سيد مهدي اقترب من علي

- من رخصتك جدي احچي خويه شنو بدلت بأخوي

اني بنفسي اجيتگم للبيت رغم مريض اجيت الكم وانت جنت يجوز مموجود

اندار على ابوي كله شنو عمي أجيت بالمشيه

وسلمت عليك كله ابويه

-اي صح اجيت للمشيه وهاي كل هل

خبصه علمود هاي الچلبه اقترب مني يصيح الله يطيح حظج رجع لطمني ع حلكي حلكي صب دم بزايد..اقترب علي من ابوي

جر ياخته حيل ودفعه للحايط اجى يضربه بوكسي

...ماما جرته تبچي

-ولك خالك علي ابني هذاااا خالك

دفع ابوي حيل وهداه يصيح

-من لعنت الله عليه من خال لعنت الله عليه من اب...لك يتيمه هسه عرفتها بنتك وجاي اصير اب عليها..

وحك الله لو ماامي چان مدیتك بلكاع وخليت راسك جوه الكرسي مكان هذا

عاط مجتبى بحرگه

-،خااااااب تاگل تبن مطلني هوووو لك لو ماخوي سيد مهدي چان جنزتك تجنز

عاط علي وكل المجتبى

-خاااب بيك بخت بدمعة اختي وانت ماكول خالي لان تطبك وياهم على بنتك...سيد باقر ماقبل على والدي..

كام يحجي على ابوي

- لبنيه معذوره بس حنا حتى لو زلمنا ماگالت وحچت عدنا نسوان گنالهن يخبرنچن عل الحادث‌ام علي انتن مو شفتن صور ولیدي مهدي يبويه

وموبس دزيت صوره...كتل والدها ‌خل ايكعدون واحد يشوف ثاني ‌والبنيه احق اشوفه وتقرر تقبل بيه لو لا

ماما كلتله

لا سيد محد كلنا مو بس بالي صاير بابنك

اصلا مكالن هو مسوي حادث وما جابت طاريه

واحنا ماطالبنه نشوفه

وحنا ماطلبنا لان البنيه شايفته

وهو شايفها فكلنا ماله داعي

والصور راونا صوره قبل الحادث والله

سيد باقر افترك بعصبيه أندار على ام مهدي كلها

-سود الله وجهچ علی هل سوايه ياام مهدي الله يلعنچ من مرآه موووو حرررررام

ادنی یمي يبوس راسي گالي سيد باقر

-بووووويه شتريدين أحنا وياااااااااچ سید مهدي كال الأخوي

-أخذ أختك خوووويه واسفين الصوچ مو منگم،ولا من زلمنه السببب هو أمي وابو عقيله نكتو بينه

أم مهدي صاحت.بقسوه

-ووووووووالله اذا اخذتوها ماتلومون غير رواحكم واحك الله تنفضحون فضيحه

سيد باااااقر

-الله يلعنچ ،یاعلویه،علی هااااي الدگه،،ماتخاافین من الله ربچ یحبچ،مانطاچ بنیه چان طلعت حوبة عقيله بيها

صاحت بحرگه

-اي ابني مال وشهاده شتريد الخاتون

صاح بيها مهدي كل الأخوه مجتبى

-طلع امك منا لا ابتلي بيگم ثنینگم‌ امگ تعیییط انت تتهجم طلعووو بسرعه

گالت امه اله

-لاااایطگ‌عرج الهواشم ییك طالعين يمه طالعين

من طلعت ام مهدي ومجتبى لازمها صاح ابوي

-مااااااااكو هيج حجي تااااااكل خره وتنچب بنت الفگر

مااااتروح تضل هنا آتگمل زواجهااااااا أتريدون تصخم وجوهنا ماما أندارت علی ام مهدی گالت

-لیششش مووووووو انتي يعلويه آلي تهددينا بشرفنا

ولاطعنین بعر ضنه بنتي عقیله ينحلف براسها وباخلاقها

وثانيآ اعرف انه شنو ربيت هاي شغله

الشغله الثالثه مو اني لي تطلك بنتهاااا لان والله شنو طلع رجله معوق أو متمرض والله وحك آلي تحلفين بيه

لو جايتني وبايعتها بيضه ويانا ماچان يختلف حجينا

تاخذيها بعباتها

بس ماگول‌غير حسبي الله ونعم الوكيل علیچ

وكل هذا واگلچ مو خوفا منچ لا...والف لا بس احنا ناس نخاف الله ونعرف بالاصول وبنتي صارت مرته بعد هاي

تقربت من سید مهدي، هاي هيه يمه مهدي اني شگد شايفتك وحاچيه وياك من وصلتنا لهسة ممصدكه انت نفسك جمالك وحلاتك چنت تخلس كم الجمال

بس يمه عسى لعافيا ماتفارگك واعذر عقيله على الي صار وصیاحهااا بعدها زغيره

علي تقرب مني لزم ايدي گال

-شوووووفي خويه مالچ غرض بأمي شنو تگول لو شنو تحچي تجين ويايي، وخره بناس اهم شي انتي

وهذا ابوچ أحسبه رجال وزلمه اذا تدنالچ أو سوه شي

اموووته وموته قرب وعلى ايدي انشاء الله

-مشکور خویه والله ماتقصر اعرف بيك بس تعرف انت وانه وغفران وگل البیت ناخذ كلام ماما

تقربت ماما علی ابویه گالت اله

-هيچ ابو رامي ردتك عون البنتك طلعت فرعون..

وفوگاتها خلیت ابني الي هو ابن اختك يجاوز عليك بسب عمايلك

روح الله يسامحك وهسه من رخصتكم خلوني وي بنتي شويه طلعوا اجتني زوجة اخوي وماما خذني للحمام غسلن وجهي نزعتلي بدلتي وماما لبستني

گالتلي

-شوفي يمه هسه يجي زوجچ من يدخل عليچ ابد ابد لاااااااااااا تخافين

واعتبري الله سبحانه وتعالى هنا يختبر أيمانچ

ویرید یشوفچ‌ شبگتها لان دائما امي تنطينه مثال قوي للصبر امي دائما هي المثلجه للقلب المتعصب والمرشده

حضرت السيّدة فاطِمة الزّهراء (سلام الله عليها) عندما أخذت قطعة الخبز من أمام صغارها لتعطيها للسائل لم تفكّر بأنَّ أولادها الأحبّاء لن يشبعوا، بل فكّرت بالدّرس العظيم الّذي سيفهمونه بفعلها هذا، بدلًا من أن تجلس لتشرح لهم تفسير آية "ويطعمون الطّعام علىٰ حبّه" أرتهم ذلك.. ففهموا وفهمنا

طلعت أمي هي وزهراء أخوي علي...اجى باس راسي

وعيونه الامي والابوي

-باچرررر ااااااجي أودعچ، خاف تسافرون وخاف تردين ترجعين للبيت وتكنسلين زواجچ انه جدامچ

-مااااتقصررر یخوي ربي يحفظك سند النه ياروح اختك

لکل طلع ودعتهم وحچي ماما برد گلبي

من ناحية سيد مهدي خاصه من جهزتني اله

من ورى الباب اختفت اصوات اهلي والساده وكفت يم المرايه نزعت الربطه

متعجبه بنفسي شلون لابسه ثوب ابيض رغم مستور بس مخصر

دخل سید مهدي وهو يتنوعلي كانما شايف شي فاقده من زمان همس بهداي

"إشكو الغَرام وأنتَ عَنيّ غافِلٌ"

جفلت بهدايه جاوبته

هااااا

-السلام علیگم

رديت

-وعليكم السلام

ركن العكازه على الحايط تقرب من يم المجر أخذ الكلنس طبكها رتبها مد ايده

ویمشي بتجاهي الى ان صار قريب كلش

گال بهداااااي ونبره هاااديه وهو قريب

-تفضلي امسحي شفتچ بیها اثر دم

وشتأمرين اني حاضر ؟؟؟؟

#يتبع

...صباحکم رحمه...

..عشق المؤمنين....

...نازك الحمراني..

...

هل ستداوين جراحي...

ام ستزيدين من الجرح جراحي..

فتاتي انتي..

وعشقي...

فياسيدتي...

كوني دوائي..

وكوني البلسم الصافي...

سبحتي بقت بيدي ابدت ماتركتها ادير بخرزاتها بالي يم جدي ليش مارح للزياره

وهو ياهو يارجال من عائلتنا ميبقي يزوجه لو بنجف لو بفندق قريب على الامام الحسين عليه السلام

وهو يضل بالحسين لو بالامير عليهم السلام هاي عادته يدعي الله يبارك بزواجه

ويرزقه ذريه صالحه

وتعدي لليله بخير

بس لااا اشوفه كاعد على الكرسي ومتوجي بيده على عوچیته ادري بي ماراح يروح ‌وباله يمي...

بقیت كاعد يم ولد عمي أجاني جدي گال

-هااااااا سيد مهدي ابني ليش بعدك كاعد هنا آدخل المرتك لاتخلينها تنطر

خفت من كال ادخل ...

حسيت اليوم المواجهه...بس لازم اصعد

الحظه الحاسمه

التفت يمتى يسرى وخطواتي بطيئه لدرج أنه والعكازه علما وصلت كوه

فتحت الباب مرتجي بيدي عل عكازه...

رجيتها عل حايط مااريد أبين عاجز يمها اتحمل وجع ولا أظهر الهة عجزي

شفتها كاعده بدلتها وهي محتله الچربایه

هاي الحبيبه أسنين منتظرها.

من بعيد وهي سالفتي چانت وبكل دعائي بكل وقت اسمها يتوسط

چانت بعیده،شلون هسه هی قریبه شنو حالي وشيصير بيه

تمشيت بثقه كاز اسنوني من الوجع صلت يمها،ردت أكعد الم فضيع برجلي‌ مگدرت استمر واگف اگید راح انهت جدامها

رتلت بدعاء بيني وبين نفسي يارب أنت المعين..

يارب انجدني

يارب اجعلها تتقبلني ثم تتقبلني ثم تتقبلني بقبول جميل

چانن هل کلمات بطرف لساني...

كعدت متوجي على ايدي متحمل رغم الالم كاز اسناني ماااعيط مصبر نفسي من الالم شوفتها بعد طول السنين

مديت ايدي شلت البركع آتنوع رفعت عيونها اليه...

فتحتهن بدهشه خايفه مني مرعوبه وانه صافن على لونهن ويه الكحل والمكياج يخبلن

أبتعدت مثل المصدومه،تصرخ مني وكفت رغم الوجع ليش تصرخ انه بعثت صورتي

دزيت مكان تشوهاتي

زين ليش صوتها عالي

أنحرجت منها"ونحرجت من نفسي دنجت

الهل درجه وجهي مشوه،ومرعب،وخوفتها

اقتربت منها خطوه من شفت ردت فعلها

تصنمت لان ردت فعلي خليتها بارده

استغفر بصوت تسمعه دموعها تنزل تشهك

اريد أحاجيها ماتقبل تسمع

رفضتني وترفض مقبلت تستمع لاوتقبلت تستمعلي

چنت حاس اكو شي بلموضوع واكو غش هل متفاجئه بيه

كامت من الچربایه لاغفه بدلتها ركضت لعند الشباك خفت علیها تفتح الشباك.

چان بلا آعمده نسیت احراجي من نفسي.

نسيت صدمتها مني

.

بقيت اردد اللهم أجعلني من الكاظمين الغيض صبرآ من الله وهو المستعان طلعت موبايلي بايد ترجف طلعته من جيبي نطيته الها ردت أهديها ...حلفت

-وحك الگبه الوراچ وحگ جدي النبي اني سيدمهدي العرفتي نفسي انه نفسي انه چنتي تشوفيني

تهز براسها بقت على هستيريتها..صاحت

-روووووح مني رووووح مو انت مو انت

كلمتها هانت رجولتي وجهي كب نار من الخجل والفشله اخذت العكازه طلعت مكسور خاطري من وجهي اكثر من كسرتي من الوجع، مكسور حال،ونفس

بس مرفوع برحمه الله

دخلت على غرفة امي سديت الباب حيل

محد هنانه طالعين للحضره همزين

الصداع اجاني،صوتها "دموعها"ارتجيت علباب

ياربي تبليني باعاقتي"كل ماأنسى وجهي يصير موقف ويذكرني أني بلائي وجهي...

نزعت الستره اريد اتمدد على ااجربايه

دخلت امي واخوي التفت عليها... گتلها

-روحي يمه روحي الخاطر ربچ الخاطر الله‌البنيه شافتني شافت وجهي خترعت.

عب,الك شايفه زومبي

ليش هيچ يمه ليش مگلتولها لیش سببتي احراج الها واحراج اليه

-يمه انت تحبهاااا تحبها

مافهمت امي ولا عرفت قصدها ردیت

-عوفيني ،عوفني سيد مجتبى،روحو الها

ترى البنيه تهسترت من وجهي روحو الها لااااااتنجن

الکل طلع،وانااا راسي محاوط أيدي...

اني أناني چنت شاك بأمي مانطتها صوري

بس حبي وأنانيتي خلتني اصدك بچذبتها

انفتح باب الغرفه دخل جدي مهموم حزين عليه كعد

-ها يبوي ليش مخنوك دگوم الحرمتك الزلمه مو بشكل..الزلمه بخلاقه

شريد اكله شريد احجي كمت م الجربايه ستند بعكازتي امشي رجعت الغرفة عقيله

.سمع نوحها ودورأجو اهلها والموقف صار أصعب، صار الكل یدور علی المذنب ذنبي

والتهمه عجز ايدي...

وتشوه وجهي..

دخلت الغرفه تخنك أتنوع العقيله...الكل يحچي...

أمها"

اخوها"

والدها"

امي

حتى جدي ومصطفى"اله هي واكفه بعيد ودي اخذها الحضني وأسگتها

اعرف بنفسي اني دواها"ومرضها...

ردت أقترب منها لان نشغت ونلچم گلبي

اجرها الحضني،اقترب منها احويها

بس مااحس اله اخوها بعصبيه سحبني من ياختي ولان مااسيطر العكازه فلتت من ايدي زنخني،ورجعني دفعني،تشلعت دگم قمیصي

أتمنيته يضريني موبس يجر ياخة قميص

لان انا غايب عنهم،وعقلي مغسول بدموع عقيله،تمنيت،وتحلمت أخلص الليله يمها بحضنها....بس القدر گال كلمته

يارب اريد منك قوه تصبرني‌،على شوفة أدموعها.. ‌رفع ايده اخوها يضربني‌ بس

نجر من يمي تناوعت جراه اخوي ‌مچتبي

اشوفهم بلكاع مددين سيد مجتبى واخوها واحد يريد يضرب الثاني بوگس

الموقف ميتسولف...لان المشاعر نعدمت من الأحراج، آو من تصغير الحال

الكل چنه یحملني سبب تشوهي..انو هاي جريمه جريمتك واخويه يدري بيه مااگدر ادافع عن نفسي هو مگاني يتلاوه وياهم

أهلها يباوعون اليه كأنما كللولي ليش خليت انانيتك توصلنه ألهیچ‌ شي لیش یلمشوه

ماكو مجال للتفكير، بس تتمنى وتمني ميفيد.تمنيت كون وجهي موهیچ.

چان رضیت قارورتي...

وتمنيت كون رايح للجامعه،اخبرها بحبي

وتمنيت ماصار الحادث چان هسه احلی للیله انا وياها

وتمنیت آموت ولا آشوف هیچ موقف، الكل متواجد يردوني اشرح الهم ليش مشوه صعب علی رجال یعیش الي دا اعيشه هسه

تمنیت مخابرها بس گلبي هو الحكم

حكم عليه اصدك كذبت أمي حاولت اتماسك لان تعبت من الاحراج

بس الي نقذني وتفاجأت مو بس انقاذ هو ردت فعل والدها وقساوته علیها مارئف بيها رغم صدمتها...

تفاجان بغيرت اخوها نغرته عليها ودفاعه عنها ورجولته كا أخ بس كلهن بكفه ...

والي صدمني امها،اكثرررهن هي امها

توقعتها ماتسكت وراح تلعب لعب بيه

خاصه من والدتي حجت،وعيطت وهددت

وكلامها بتگبر برغم جدي ماسگت الها

وماقبل على كلامها بس امي عاطت

یمگن موقف امها صادم لو كل ام هيج سوي چان ماكو طلقات بهل وقت اجت علیه وگل ظني راح تتعصب عليه بس لا

حچت وگانما تعاطفت ويايه لان ساگت

گالت بحنیه

-ربي يحفظك آلشبابك يمه ومو اني لي اخذ بنتي، والله لان رجلها مريض،او شي

أذا الزوجه ماوگفت ويه زوجها بضراء قبل سراء لاخيرآ فيها ابد

وبنتي مو افضل السيده زينب عليها السلام‌‌ من قبلت بابن عمها ضرير وهي عمرها من زوجت ازغر من بنتي عقيله

لكن والله ولي هو اسمه الله،لو گايلينا بلي صار ماگلنلگم على عينگم حاجب

ولاصار أبنتي لي صار

نصیت راسي خجلت منها ومن موقفها

من سمع والدها هل كلام ضرب عقيله

واني مرتجي لا اگدر أحچي لان موقفي موقف غشاش بس جدي صاح عليه...

-شنیه ساااالفتك لاااااتضرب بنتنا انجنيت

،تسودنت هاي حرمة حرمة اوليدي

ورغم ماتحرگت ادافع الها بس عجبني شجاعة اخوها دفع خالها للحايط اجى يضربه شفى غليلي..

لان حلكها نفط دم، مشیت خطوه بيني وبينها زوجة اخوها وامها،باكيت كنيلكس ناوشته الأمها،

-خاله ماگدر انوش ايدي هذا حدها خليهة تمسح حلگها آلگل بهل لحظه متعصب اله اثنين

جدي وامها....

أمها الي عتبرتها سيده فاضله،مؤمنه

تقترب مني...وتلقي عليه كلمات بمرثيه أم

-العافيه عندك وما تفاركك يمه...دنجت راسي تمنيت صبرها لو شوي عند عقيله...

چان مصار هیچ

لا خلتني أفهمه"ولا فتهمت

الكل طلع واني قبلهم....

اجاني جدي...

-روح أبني الها ترى والدتها طيبه..ومطيبه خاطرهازيعني انت النچر اعلمك قابل

-رحمه الجدك ياجدي اعتقني،هي بيها نچر هوسه صارت وصیاح علمود خلقتي..

تدنت امي يمي واني ضايجه من تصرفها گالتلي

-صوچك اول لليله دلعتها،مثل مالطمها ابوها على حلگها أنت الطمها على حلگها ومشي اليوم..

آحسن هسه بسبب دلعك الحق انرگب علينا وصرنا موخوش وهم الخوش

لیش هلگد بس شفت دمعتها ماتحملت

وخليتها تخابر اهلها،لاااا ونطیتها الموبایل قوي نفسك‌حتى لوتحبها، تنوعت الامي بعصبيه...

-شوفي يمه اليوووووووووووم ماااااالي خلك أرد على احد

بس قسم بذات الله لو غيرچ خادع الناس.وغاشهم‌چان دفنت العافیه وراسه‌..

بس آنتي أمي"والمصلحتي تصرفتي هل شي صبرني لاگثر ولا اقل

وانت جدي بيا وضع وتريد أبشرك...وبيض وجهك.خل تتعلم عليه يله‌ انا هسه بمصيبه"ومحنه وهي تشوهي،واعاقتي

مااريد اظلمها"ولا اغصبها"كافي انغشت

"ونخدعت بيه

ابتعدت منهم ولسان حالي يردد..

"ياعدُتي في شدتي ..يارجائي عند مصُيبتي يامُؤنسي عند وحشتي ياصاحبي عند غُربتي ..ياولي عند نعمتي الغوث" الغوث" الغوث"

وصلت للغرفه فتحت الباب ،تنهدت

بعد ان انطتني هل كلمات الامان ألنفسي

ولساتني محرج منها.....

اول مادخلت دارت وجهه عرفتها ماتريد تحچي عفتها ماحچیت وياها لان بداخلي مقهور عليها...

مشيت أدخل صوب ألحمام،آريد اسبح...

نحرجت من نفسي لأن طولت بلحمام

رغم مجرد فتحت الدوش،عليه تاخرت بسبب دكم القميص كوه افتحهن،لان ايدي متتحمل بحيث وصلت الاخر دگمه أصابع ايدي متجرحه كلهن

غسلت جاي ابدل صدري بطول بيه توضيت طلعت من الحمام فتحت المجر أخذت كتاب مفاتيح الجنان،فرشت السجاده،رید اشگي الربي عن بلائي،آشکِ المولاي الغائب

يا مولاي الغائب، السلام عليك.كم ارغب الان في صلاة ركعتي الحب أمام مقامك المبارك

انا اعلم بأنك تسمع وترى وانا اكتب لك وكلي يقينٌ بانك تقرأ قبل ان اكتب لك

سيدي ارجوا عطفك علي واطلب منك ان تمسح على قلبي المتعب

ولي حاجة عندك ف أسألك ان تنظر لها بنظرة ابٍ حانٍ عطوف ف انت نعم الأب

مولاي قلبي يتفطر شوقاً لزيارة آبائك فسهل لي وكن وجيهي عند ربي

صليت ركعتين ألصاحب الزمان قبل صلاة الفجر صليت ركعتين بقيت اقرأء بدعاء الندبه بصوت عالي قريته بكد الحزن الي بيه اندب صاحب الزمان اريد يحضرني...

خلصت التفت واسمع نشغاتها جوه الغطا

گمت ألها اجريت الغطا أشويه كعدت يمها..گتلها

-الخاطرررررررر جدي النبي محمد اسگتي راحت ادموعچ،وعيونچ ورمن گافي بچي

اذا تردين من هسه أوديچ الاهلچ

.بس ياعيني فگري والدچ موقفه ویاچ

اخاف یآذيچ..ومااسكت اله ويجوز زعلين

گولي یابویه شنوتردين عقيله أحچي ويايه دا احچي ..همست

-مااريد شي سيد مااريد بس عوفني الحالي

گامت من يمي تناوعت الها من راحت للحمام خذت مكانها تمددت على الفراش

طلعت کعدت علی السجاده بديت أسمعها طول الليل تبچي وتدعي اخر شي دعت وبنشغه وصوت مسموع

امَاهُ فَاطِم

اماهُ جئتنكِ بكلي وكلي خراب

اماهُ اني أحتاج الى حنانكِ

اماهُ احتاج تضعِ يدكِ على قلبي المُتعب

اماهُ أنِ اختنق كثيراً احتاج أن

تضعِ يدكِ على روحِ الذابلة

'خذي بيدي أماهُ فاطِم لا املك شيئاً

في هذهِ الدنيا غيركِ وغير حنانكِ

وانا بأنتظار أن تضعِ يدكِ على

قلبي المُتعب

انقهرت لان هلكد حزينه ‌وافكر ماأحچي بعد وياها لاأن احنا حاجزين لايران شهر عسل ولازم نطلع ماتناقشت بشي وياها

سويت نفسي نايم واني اتصنع النوم

ونار بگلبي واجه نار من اسمع بواجيها .

وماكدر اسوي شي اخاف عليها من روحي

ولو بيدي جان رديتها الحضن امها بيدي

سمعتها اغلى واخاف عليها ناس مترحم بيها محد راح يكول رجلها مشوه أو معاق

ومحد يلومني

كلها راح تحچي عليها ولايمكن اسمح لاحد يحجي ويجيبها بنص حجايه كاني عايز هم ثاني غير عجزي

وربي كل لحضه يبينلي عجزي ويختبرني بيه وبنفس الوقت اصبر نفسي...

لصبرا جميلا والله المستعان

بقيت اتنوع الها مانمت ولا هيه

ماعافت سجادتها للصبح.....

اشوي غفيت الصبح كعدت بعدها على نومتهة لكيتها لابسه عبايتها ونقاب.

ومجهزه نفسها،كتلها

-صباح الخير

جاوبت

-صباح النور

كمت غسلت وجهي،اجى الكل حتى نروح جابو الاكل گتلها

-هذا ريوك دزته امي ورانا طياره..اگلي لادوخين

ردت

-مااريد مامشتهيه...

-براحتج..شربت بس چاي شويه وطلعنا

نزلت بحزن عاجز وهي بوراي. من طلعنا باب الفندق والتقينا بامها سلمت على أخوها...

-السلام عليكم..رد بثكل عليه

-وعليكم السلام....طلعت اتركهم..

طلعت لاكيت جدي بوجهي لاسلام ولاكلام.... وبسرعه وبستعجال گال

- ها بشر....صفنت بوجهه هذا رجال يحجي صدك.

جاوبته

-بيا حال احنا وفوگها تريدني ابشر

بساعتها جدي فهم واني أتنوعله ماعرفت

ليش رجف توتر ضاج ...بس گال

- روحوا خل اخوك يروح وياك اگید راح

تحتاج شي بديار الغرب وهو یسندگ

وغيروا جو بس ماترجعلي اذا مافاض سالفه‌حاجيها چم كلمه وفر راسها

موش انه لي اعلمنك یاجدي...

ألعاشكاتك هواي‌ليش مادبرها وي حرمتك

ماحجيت شي وياه ودعته واني احضنه

- الله كريم مولاي....ابتعدت منه...وافكر

يريدني افر راسها بکلمه‌انه مارايدها بس رغبه" وشهوه" ماريدها جسد

اريد كل ذره بيها

اريد گلبها

وعقلها

وروحها

من امتلگها...

اريد امتلگهن گلهن

مو بس جسد

بس جدي اهم شي عنده الضاهر

وصلت واني اودع امها...واخوها

ورحنا للمطار وبالي يمها ماتريگت بس لا تتخربط‌‌ صعدنا للطياره كعدت يم كرسيها

اول ماطارت الطياره لزمت ایدي رادت تتقيء، صحت للمضيفه..تجيبلها علاج

تقيء

نطيتها اسمه وجابته، شرت الامي تاخذها

تاخرن گمت وراهن اتعدی الگراسي بصعوبه والم وكفت يم باب الحمام كلش اسمعها تتقيء

طلعت لزمت ايدها مامنعتني بلعكسس فرحت أخذتها من الحمام،كعدتها اجت المضيفه گالت

-هذااا العلاج اتفضل

-زاد فضلچ..اخ ذته منعا أنطيته الهقيله صفنت علیه تتسائل جاوبتها

-اخذي علاج حتى بعد متتقيئين اخذي يا قارورتي...ابتسمت

-شكرا سيد

فرحت هاي بداية خير وتباشير كل اشوي اسرق نظره، واحنا نوصل لأراضي

أايران لغريب طوس أول مانزلنه الطياره لزمتني حييل فرحت امشي وياها الى أن دخلنا للفندق صعدت ابسرعه وي امي...

سولفت ويه مجتبى شوي صعدت ورها للغرفه مالتنا.. شفتها نايمه..

اني هم مانمت بليل وتعبان نمت يمها متمدد رغم متوتر بس مرتاح لان خلاص صارت اليه نمت وشبعت نوم

كعدت افرك عيوني لكيتها لساها نايمه فاقده وفوكها نايمه بحجابها..

اووف ياصعب هل موقف

وشنو معناه انو حتى مامعترفه بهل رباط للشرعي الي بينا مو بس مامتقبلتني زوج

طلعت مخنوك كلش هاي ثاني يوم رافضه

رحت أزور الامام الرضا علیه السلام حيث رُوِيَ عن الإمام محمد بن علي الجواد ( عليه السلام ) أنهُ قَالَ : مَن زارَ قبر أبي بطوس غفر الله له ما تقدَّم مِن ذنبه وما تأخَّر

دخلت للحضره ادعي ربي يغفر اليه ذنبي بحق عقيله، وبحق نفسي

لزمت كتاب الزياره متذكر قول الإمام علي بن موسى الرضا ( عليه السَّلام ) أنهُ قال : ما زارَنِي أحَـدٌ مِن أولِيائي عارِفا بِحَقِّي إلاّ تَشَفَّعتُ لَهُ يَومَ القِيامَةِ

دعيت وسؤلي هو الشفاعه بيوم الحشر

وان اكون جندي من جنود الامام الحجه عجل الله فرجه والمسشهدين بين يديه

كملت طقوس الزياره رجعت للغرفه وهم لكيت عقيله نايمه عسى ما اعوفها شويه الكاها نايمه ياهيه تنبل ياانها تكذب وتدعين النوم

عفتها اشوف مچتبی السفره له هو لي تونس مو احنا العرسان زلت للرسبشن

خابرت جدي وجدي قبل السلام سال

-بشر تمت

-جدي شتمت ياجدي افرض نفسي علیها

متريدني والله لساها ثاني یوم تلبس حجاب ماا گدر مولاي أغصبها...

صاح

-ووووووووولك وليدييي شنو متريدك...

روح الها

روح بويه..

كلمات جدي بالي ..

واني ادخل للغرفه؟؟؟

ادخل والعشق،والحب جدامي اي هي اليوم بتسمت اليه يعني تقبلتني تحبني

"وعَسَى اللِّيَالي بالوصال رواجعٌ"

- الحُب

حيّن قال علياً ؛ يا رسوُل اللّه إنى لا أطيقُ العيّش بدون فاطمةة

#يتبع

حال سيد مهدي انشوده

///صباح الخير/////

/////نازك الحمراني////

........

صدمة عروس

إن لغة الحب والزواج عميقة

إلى حد لا يستطيع أحد ترجمتها

ولم أجد معناها الكامل في أي

شخص يتحدث عنها أيا كان تخصصه

بقدر ما وجدته في حياة السيدة فاطمة (ع) لذا من يريد أن يتعلم شيئا فليبدأ بسيرتها.

عقيله

لليلة العرس ماصارت مثل ماردتها،رغم انخدعت،ونغشيت،بس اتفاجأندت من طلع هو نفسه سيد مهدي، ذاك الي چنت اشوفه هیبه،بلجامعه،

ومن یمشي،ومن يحچي بثگل،وقار،وادب

ماعرفت هو خصوصه مشیته،خصوص وجهه،خصوص ضعف جسمه،شعره صدمه

من زنخ ياخته علي مگدر حتی یرفع ایده

بقیت بصدمه منه وصعوب أستيعابي

وا صعب موقف من طلعو اهلي،بعد هاي الهوسه الصارت لسى الصدمه بالي...

ليش صار بسيد مهدي هيچ انقهرت علیه.

بقيت أبچي لأجله الدنيا چانت تضحك له

بين أيام هذا حاله...

من اجى ستحيت احچي وياه شي لان بسببي تعرض للاحراج،من شگله وعوقه بحیث سويت روحي نايمه، مقهوره علیه

برغم صوت البچي مالتي عالي مگدرت آگتم تانیب ضميري تجاهه

بقيت أتنوع له من ورى الشرشف، دخل للحمام،خفت لايريد يقترب مني حرام أمنعه، خاصه من طلع لابس برنص أبيض والخاولي مخلي على رگبته خفت أكثر

اي هو يريد القرب لأن ملابس بس برنص شلون أتقبل ونفسيتي لنخدعت بهیچ‌ يوم

آنتبهت على ايده كوه يحرگها،مثل الی بیه شلل رعاشي اركز بيه دون أن يعرف اظافره مبين متجره ودور گلهن لیش؟

فتح باب الكنتور،بعد ماشفته شيسوي لان‌ بقی وری آلباب من سدا تبين چان یلبس لان لبس ثوب ابیض وسداره الخضره خلاها على چتفه

راح للمجر فرش السجاده وعيني تتبع كل حركه يسويها کل خطوه يمشيها بلا عكازه

يغمض عيونه بألم‌الحظه تمنيت اروح اله أصبر عليه الوجع الي دا يعانيه مگدرت

خجلي المميت يمنعني

ماأنكر طبيعتي متعبتني من زمان‌أنو آنه أنسانه غير أچتماعیه عکس غفران بکلشي

حقي مسلوب

امري مغلوب

مااعرف اعبر عن الي بداخلي..

وگف جدم للصلاة رغم وجعهه بدآ یصلي وتكبيراته عاليه، غمضت عيوني أريد أسمعه يصلي بخشوع، وتدبر

كزبر جسمي من حركات صلاته المتقنه..

من يسجد،من يقوم،من يركع،من يدعي رافع ايده بخشوع وچني أتنوع الأمام جامع عادل

خلص صلاه فتح كتابه يمه مافرزتن شنو

بس من قراء عرفت هذا دعاء الندبه

وبداء ببسم الله صوته كلش حزين بيه بحة بتجويده،

قشعر جسمي الكل كلمه يقراها،كأن اجى هل هذا الدعاء بوقته حتى افرغ قهري وحزني على جماله وعلى صحته وحاله

تفاجأن بصوته شلون حنين، ومخارج الحروف شلون تطلع بصيغه صحيحه

بچیت وبقيت أندب واشگو حزني ويه كل كلمه يقراها أشگي الامامي علی وضعي..

ودنيا الي ماترضى تفك عني وا أكثر شي اذاني من لي مر عليه مو موقف سيد مهدي لا ابد

الي أذاني موقف ابوي الي مارف عليه

و لاكال بنيتي مصدومه خاصه من دخل ردت أحضنه وگله بويه غشوني،خدعوني

تلگاني بضربه على حلگي من دون وعي شكيته المولاي ليش اني من دون البنات

هيچ ويايه يصير،وليش أبقى اتمنى وفقط

أتمنى تمشي ويايه الدنيا ولو مره صح

انهاريت بالبواچي،ماعرف رحت بعالم ثاني من آلبچي..

من گلمات الدعاء"عذوبة صوته"وموقف أبوي، خلاني غرگانه دموع مااشوف اله وسيد مهدي أجاني گعد ع طرف ألچربايه من گتري،بعیونه حزن قوي،وگسره خاطر

كعدت منتفضه استر شعري .گال

-قارورتي هو انتي راح ضلين تبچين يابويه مو راحت عيونچ لخاطرررررر

جدي محمد كاااااااااااااافي بچي

ماحچیت بقیت ساکته رجع گال بضوجه

-عقيله أنا شبيدي اسويلچ گولي والله گولي بويه إذا تريدين بس يطلع صبح

أوديج ألأمج .... هزيت راسي برفض

-مااااااريدأروح ماااابيه شي هسه اسگت

متاگده تردین تبقین

-أي متاكده

گام من یميزعافني راح لجهه الثانيه من الچربایه تمدد نام علی ظهره

گمت للحمام أتوضى‌مقابيلي مرايه شفت عيوني من ألبچي ورمت ولأكثر عيوني الضربتها سميره بسچین من يوم مضربتي بسچین،صار بیها تخلخل بعدسة العين

ماكدر، أفتحها هواي تبقى العدسه تهتز

شفت قميصه الابيض معلك بلحمام مكان الدگم،بیهن نقاط دم،وهنا قارنت ویه اظافره لمجرحه بس ليش مجرحات

گملت وضوء رجعت للغرفه نعست بس شلون أنام.،يا الله استحي،أصلا بطبيعتي عند لمستحى قويه،أقصى حالاتي من اجن عماتي أستحيت أنام يمهن

وهسه بين يوم ولليل اني ورجال بنفس الغرفه يبوووو عليه ياربي

شفت سجادته على حطتها...كعدت عليها

عطره مالي المگان جريت نفسه شميته

مغمضه عيوني،نفس عطره من اجاني بلجامعه وكف يمي

فتحت عيوني درت وجهي عليه رجعت فتحت قرأني،مااگدر اقرا بغيره بديت أفتح اوراقه بحذر ابتسمت أجت بالي ذكرياتي ويه هذا القران أبد ميفارقني

هذا القرأن اله معزه خاصه عندي..

.

بيومها شاركت بمسابقه قرانيه وتجويد

وفزت انه افضل وحده تقرا الوفد الجاي من العتبه العباسيه كرموني بيه، من كد ماأخاف عليه خليت أخوي علي يغلفه بنايلون أليه خاف عليه لايتمزك لان هواي استعمله وأ احبه

خليته على صدري أطمئنيت،فتحته اقره بيه الحد الصبح گمت لميت ألغراض سبحت السید قربتها اشمها،هم بیها عطره

بسرعه رجعتها یم محفظته رجعت على قميصه اليه بلحمام وسترته ودي اشمهن...

بس بعدتهن لآن شفته یتگلب بنومته

ضميت قرأني ‌هذا عشقي، وهذا حبي ألي دائمآ حاملته ماافارقه أبد أاكثر

الاحيان اكون حاملته بايدي بأي مكان اروح وأحط قريب على قلبي..

حتى لو أزوج مااريد ألعاده تتغير عندي

القران من يگون قريب على قلب الانسان یصیر هو راحته وجوده

يعني انه بوجود گتابي حس بطمئنينه.اذا قرأني يمي خليته على ميز لبست الحجاب ونقاب"والچفوف

ضميت غراضي طاحن الأمشاط"والعطور

وطلعت ملابسي وعباتي ...

عیوني للمرايه

أتنوع للسيد الطوله وشلون متغطي اكيد نايم مااأحس اله شال ألغطى عن راسه.....

گالي بهدوء

-نااااااااااااااامي حتى لو مجرد ساعه

لآن وضعيتچ متتحملین تتخربطين ورانا طياره...

خجلت منه

واني لبالي نايم أستحيت من عده اكيد زعجته ‌سكتت ودنجت،كعدت أستغفر بلمحبس الأكتروني..

كاعده عل كرسي وراجه راسي عل حايط.

أستغفر...بدل ماأبچي انتصرت على نفسي

لان سبحت مكان البچي تناوعت للمسبحه الالكترونيه اشوف نفسي وصلت الحد خمس مية أستغفار..

استغفار بتدبر،أفضل من أن اظل أندب حظي،

اشويه وگام سيد مهدي من فراشه

أخذ ملابسه يبدل من كتر الكنتور

عيونه تتنوعلي، وچن یرید اشاره مني..

والخجل وقف گل الأشارات عندي

عيوني العكازته،أرتج عليها بوجع يارب شلون قهر وضعه وجعه اشرلي ننزل

نزلنه انه وسيد مهدي شفت أمي جوه بصالة ألانتضار هي وعلي إخوي بوستني وعلي شبكني وباس راسي....

رجعت الحضن أمي أدموعي تنزل بغزاره

أخوي علي جر أيدي يبوسها...

-أم دميعه شبيچ خیتي،گون أذاچ،حچی

-لا خویه آبد ماحچی اي شي

-شوفي عقيله اعتبري ماكو احد بلدنيا...

مالچ غرض

لا بأبوچ"

ولا أمي ولا حتى الساده....

تخيلي بس أني يمچ..وأنتي ورايه خاتله

بسدي وبظهري ترى أخوچ علي ألي يقتل

وينقتل لجل دمعه من خواته فاهمه...

-ماتقصر خويه...الله يحفظك بعد اخنك

ماما تتنوعلي وبعتاب

-شلون تبچين شكلتلج حبیبه هاي تربيتي انتي انسانه مؤمنه أمني بقضاء الله ....

لا تسوين هيچ ولاتبچين كدام زوجچ.

سید مهدي ورايه سمع گل حچینه و كأنما آمي وحيده النصفته

أبتعد ضايج من عدنه عافنا وراح يمشي يتوجى عل عكازه مدري موجوع من اسلوب اخوي وقسوته

مدري موحوع مدري من وجع رجليه

خاصه علي أخوي كوه رد عليه

ومن سلم بثكل اضافه الگلامه التبسمر

سلم على ماما واستاذن واني اراقبه

الى أن طلع من لفندق ماعرف وين راح

ردت ماما

-عقيله بنيتي صيري سباعيه وحتوي زوجچ آنتي مو احس من السيده زينب واتخذيها الچ‌مثال تقتدين بيها يمه.....

كوني ك زينب سلام الله عليها

وعيونچ لیش تبچین شگال الطبیب

البچي لهواي يحرف العدسه ومتشوفین

-ان شاء الله یمه لاااااتخافين عليه ماما

حضنتها وحضنت أخوي گلي

-لا تنسين كلامي ولا تخلين واحد يمسچ

طول ما راسي يشم الهواء،انه وياااچ

-مشكور خويه متقصر سلملي على غفران وزهراء"بوس أبنك‌ماطولت ودعتهم دموعي

إول ماطلعوا أجى سيد مهدي گال

-عقیله متاگده تردین تجین ویایه یعني

مامغصوبه لان اخوچ خایف علیچ امچ تنصحچ القرار قرارچ اذا متردين

-لااااا أجي انه زوجتك بعد

تبسم طلعنه للمطار راحوا ويانا امه اخوه لان مچتبى يعينهمن يحتاج شي ويبدل

كزت بخوتهم كلش عجيبه قل وجودها بهل وگت شگد ماهیبه شخصيتهم،بس جدام بعض اخوان واحد يخضع للثاني

مجرد ماسید مهدی آتصل عليه گله

عضيدي محتاجك ...يجي ركض

قبل لا نروح مدرج المطار أنفتح قيطان

حذاء سيد مهدي، دنج عليه سيد مجتبى

سواه اله ابتسمو البعض

وصلنا للمطار خوف ألأنتظار لعبت روحي

وتاخرت طيارتنا،عود بالعشره أطير

للوحده يالله قلعت واني طول هل فتره اقراء قرأن أول ما طارت الطياره بسبب

ضغط الجوي دخت كلشي صار ضبابي

تقيئت تعبت من ألطياره صارت السفره عليه نقمه عليه

دوار صار عندي واذاني بعد ماسمع بيهن...

رغم سيد مهدي وحالته الصعبه بس كلش أحتار بيه گل شوي يودي ألمضيفه على اسم علاج تجيبه

ويحچي وياها بلجنكليزي طلاقته بلانكليزي صفنتني شگد احبه وخجلي يمنع البوح،والحچي

والاكثر حبيت خوف عليه يتناوع لعيوني من أدوخ لزم طرف معصمي ويتناوع للساعه اخر شي گام كووه لان شافني اخجل من يلزم ايدي گام ورجع صاح الأمه تاخذني للحمام

أجت امه وبدت تغسل وجهي رجعنه اله مد ايده وطاني علچ گال

-غمضي عیونچ وعلچي هذا العلچ زین

-لیش اغمض عيوني

-حتى أحسن ألچ

وصلنا سلامات ‌من نزلنا من طياره اشر الآمه اجت علیه گلها

-یمه أخذيها للغرفه لان تعبانه،وهم مماكله شي من الصبح أخذتني عمتي للغرفه....

رحت،غسلت وشويه ارتاحيت ولأن ماتاخرنا بالمطار مالت بايران من طلعنا من المطار الجو يخبل صرت شويه زينه رحنا للفندق..

دخلنه للفندق واول مره بحياتي اشوف هيچ فخامة فندق ،يجوز بس بلافلام

دخلت ومثل الماشایفه ادیر بعیوني..

تمنيت غفران"واخوي علي يشوفون الأشوفه سيد مجتبى يسولفون ويه اهل الفندق كانما يعرفون بعض اوگثر مایجون اله صارو زبائن متگررین

أخذتني أمه الغرفنا حاجز غرفه الأمه والأخوه سويت‌.....وغرفتنا كلش راقيه

آول مادخلنا بيها ممر ضيق ندخل مساحه صغيره بنص الغرفه السرير آلثنائي

ولمسافه لباقيه بالغرفه جدا صغيره

علی کد الحرگه، آلممر البیها اول مدخلنه باب الحمام مشینه فخامة الاثاث السریر

فدشي راقيي يعجب

بيدي جنطتي رحت للحمام حتى المغاسل

شگلهن فد شي غسلت وجهي ورگبتي بدلت ونمت مادري بدنيا وين

كعدت ساعه بالعشره باليل وحدي خفت

سيد مهدي ماگو، دخلت للحمام

وعرفت نفسي، اجاني العذر الشرعي

طلعت بحدود نص ساعه اجى سید مهدي دخل وهو يسلم.

-سلام عليكم...صح النوم

-أشكرك..سيد مهدي

-ماشاء الله أحلى ضحكه بس صح نوم

هذا گله نوم ... بشري شلون صرتي

گعد یمي جاوبته

-زينه الحمدالله ودي أجامله بعد

لساني يخرس والحچايه مني كوه تطلع

من انجمع ويا ينوكل الساني مو بيدي

عيونه بيهن حچي من المستحی درت راسي عنه،يأس من حركتي الأ أراديه

.بس مفشلني گام مبتسم

-العافيه تداريج أهم شيى راحتچ يااااا نور عیني

-هاااا

-دتريدين أزورين...الجو حلو وغريب طوس مكان الراحه والأطمئنان...

-هااااا اي أبكيفك

عقد حواجبه يتنوعلي بمعنى شعجب ممتشوقه ماأكدر اكله معذوره من زياره

لكن چنت مشوقه ازور الآمام الرضا علیه سلام

وبالي حتى لو من بعيد ازوره ألمهم اشوفه مقام أزوره بس بكتب الزیارات

واشوفه بتلفزيون...

ممصدگه راح ازور غريب طوس معقوله أشوفه .دخلت أغيير ملابسي بلحمام.وهو يجر حسره ويه كل حركه مني أسويها

صار عندي فضول اشوفه زين عاد دنجت ومن ن زرف باب الحمام، أتنوعت له..

الجمال الي برسمة عينه راقي...رسمة حاجبه.....الخط الي على طول خده الي بادي من مقدمة راسه

خده الثاني أثر خياطات هواي

كل هل ندوب ممأثرات على صفاء بشرته

الي منطي مظهر التشوه راسه لأن بلا شعر بارزه خطوط عمليات أطوال

زين ليش هيچ خفت منه الهل درجه

اسئل نفسي وأجاوب...

لا تذكرت زواج صديقتنا نور چنت أظن اني مثلها صار بيه، ولي دخل مو سيد مهدي‌طلعت من الحماما‌ آرتب حجابي...

وهو اجی يتقدم عليه

بسرعه دنبست حجابي شفته يريد يمد ايده عليه..‌أنداريت بسرعه عليه..گتله

-كملت اروح

-تمام يا احلى قاروره..

خجلت گلش شلون یحچی هییچ ویایه

طلعت قبله نزلت. واکوسياره منتظرتنا باب الفندق..انتظرته واگفه وركبنا سوه

الجام السیاره فتحتها والطریق یاحلوه. الهوى الصافي‌نزلنا من السیاره

وتنوع السید مهدي يمشي بلا عكازه

بس مشي بطيء...

عيوني للقبه...گلبي خفك خفگت شوق

دخلت متلهفه...والحلو ماعدهم تفتيش

ولا شي خطواتي بخجل واني بداية الصحن كعدت وهو واگف...

لاف الشطفه على راسه والضوه الوجه نفس عيونه الي حبيتهن‌قبل لاينتبه علیه نزلت عيوني.

همس بابتسامه ..

-عقيله مناااا دخلي وانه همين ومن رایح ازور مم تخلصين هنا بصحن انتظرچ مو تيهين اشر بأيده

هذا آلباب آلدخلين منه وهو أطلعين منه

ومن اطلعين منتظرج هنا.....

-أنشاء الله تركته امشي للباب بس مدخلت للحضره كعدت باب انيس نفوس الأمام الرضا عليه السلام أدموعي الي نزلن بلشوق....

نسيت اهلي"

وامي

ودنيتي "

ولي صار بيه

هنا ضايعه بعشق ال محمد عليهم السلام

مچنت مصدكه ولا آصدك أني واكفه أباب الحضره باب من أبواب الله

جنه من جنانه

واگفه باب الحضره دنجت على اعتابها قبلتها اول شخص خطر على بالي واني أبچي بشوق

معشوق المظلومين..

معشوق المؤمنين الأمام الحجه عجل الله فرجه

وموقف الأمام الرضا من أنذكر الحجه ببحضرته وقول دعبل الخزاعي

خـــروج إمام لا محالة واقع

يقوم على اسم الله والبركات

ساعد الله قلبك مولاي وعجل الله فرجك الشريف دموعي هل لحظه نزلن مو على ألدنيا فانيه

لا ابد..

چانت آدموع فرح...

آن الله من عليه بهل زيارة...واني أخاطبه

- رب شمسويه عندك من حسنات حتى ترزقني بهاي الزياره شنو الحسنه الي سويتها حتى ارزق زيارة غريب طوس

يارب اني انسانه مذنبه "وعاصيه "

وضعفت بأقل موقف صاربيه بيوم زواجي شنيه الكرامه الخلتني ادخل حرم الامام الرضا عليه السلام

وصف شعوري بهل ساعه سعاده ماتوصف

وانه اناجي مولاي

ارريدك مولاي تكون لي شفيع..بذاك اليوم

فيا رب شوقًا للحُسيّن ، وشوقًا للرِضا ، وشوقا لزٓيْنٓب ، إرحم شوقَنا يا الله

خلصت شوقي ومناجاتي گمت

رجعت ألمكان الي اجيت منه....

وتنوع السيد مهدي وجه و شكله بشوش

وضحكته الرزنه شدتني وجذبتني بقوه

قبل لا اقترب عليه تمتمت

‏ اللهم أبعد عنّه وعن أحبتي متاعب الدنيا، ولا تذقه طعم الحزن ، ولا دموع الضيق ، اللهم بحجم سمائك أرح قلبه وأسعده سعادة لا تفنى يارب

أقتربت عليه يستقبلني بضحكته ألحلوه

روحُ صارت تألفُ روحك لأنهما يوافقان طبع بعضهما

وصلت يمه گال

-تقبل الله قارورتي استحيت ارد عليه

ودي اطك روحي من سكوتي يمه عاد من فشلتي دنجت

گال

-لاتردين ولا يهمچ...اهم شي راحتچ..

من زرتي قريتي دعاء الزياره،لو شنو

رفعت راسي

-ها..لاااااا مقريت

مد ايده بجيب بنطلونه طلع موبايله يقلب بيه گلي يله أكعدي اقري الزياره بيه.

أني ماكدر اضل كاعد بالكاع هواي تعرفين

بسبب اقدامي لهذا بقيت واكف أنتظرچ

آنتي اخذي راحتچ رايح أشوي...

-هااا

-سلامتچ

أبتعد خطوات عرجه،تگسر الخاطر بقیت اتناوع اله مقهوره عليه

صار بعید مني بشوي متوجي على مشبك منتظرني وا گف ياربي الخجل موتني منه من اسلوبه من طريقته،من تعامله وحنيته رغم وجعه كعد يتعب علمودي ويتأذى

بديت أقراء الزياره هو يروح ويرجع

ماترگني

عاد شفته دنج شويه يتلمس افخاذه كاز أسنانه ومغمض عيونه من الوجع القوي

مایگلي بقى واكف مقابيلي...برغم چانت الاجواء روحانيه تخبل والجو حلوو خلصت بسرعه الآجله..

أشرت اله أقترب مني من شافني وكفت

گلي وجهه گله وجه

-احبيبه أذا خلصتي خلينا نرجع للفندق

-اي خلصت..

رجعنا للفندق،دخلنه الغرفتنه نزعت العبائه بقيت بلحجاب والمانتو هو راح فتح الثلاجه أخذ علاجه تمدد شوي گال

-خاف تستحين عشاچ بثلاجه...وحلویات وعصایر

-اشکرك....طلع من الغرفه مايريد يتعبني

اول ماطلع فتحت الثلاجه لكيت لحم ودجاج ومشاوي طلعتهم وكعدت اكل تعشيت وچنت جوعانه.....أکلت هواي

غسلت ورحت للچربایه نمت...

وهو وری دقایق اجی تمدد یمي نام واني نمت عل حافه حتى ردت اطيح...نمت بقوه

واسمع اسمي...

-عقيله كعدي ألصلاه صبح فتحت عيوني

وهو فوك راسي مبتسم

كعدت نفس شي توضيت سويت روحي اصلي خلصت الركعتين...

جاي أتمدد انام..گل

-خل أنزور هسه لان الصبح زياره حلوه

واخف طلعنه لگینه السیاره منتظرتنه ‌رحنا للحضره، ومااعرف الحياة الي جاي اعيشها قمة البذخ،والراحه الماظيه

دخلنه للحضره سوه لازمه عبليتي وهو لازم بيه سترة خفيفيه،مديت ايدي اخذتها منه ابتسم وهنا زرنا سوه هو يقرا يصلي وانه وراه

تريكنا تونست بلاجبان بطريق بعدها

ارجعنا للفندق تمددت الى ان حسيت بنعاس نمت بهدومي، وماأحس اله وهو يكعدني

-عقيله صلاه ضهر...صار جدامي وانا وراه اصلي طلع واجتني عمتي ومچتبی سلمو علیه...هنا عمتي...فرحانه وهي تتقربلي بضحگه تسولف ويايه حبيت لمتهم تلاثتهم يشاقون ويسولفون

طلعو وبقى سيد مهدي،گعد يمي على الچربایه..حاول یتلمس آیدي بعدتها

گام بيده السبحه..

-لاحول ولاقوه الا باالله يله بويه بدلي خل أخذچ المکان. اقل مایقال عنه جنه

مكان راقيي كلش

-اييييبب اي اروح ابدل

-حييييلچ حییلچ روحي بدلي وانه راح انتظرج ...طلع وترکني واني ودي انام.

من يجيني العذر الشرعي أخلصها نوم..

هاي حالتي

بدلت وصلنا للرسبشن،وکفت یمه..ونطاني موبايل ...گال

-خابري أمچ...ارتاحیت واني أسمع صوتها..

وهي دگلي

-يمه بنتي عيونچ لاتبچین...خطر علیچ..

وشوفي الكلشي ربچ خلی آسباب...

وزواجچ هم اله سبب وحکم بنتي...احتوي زوجج

-صار ماما...خلصت مكالمه ونطيته اله

-شكرا سيد مهدي...

-الشكر لله... رحنا بسياره وصلنا المكان بيه زرع گالي

-هاي شلالات شانديز...وماادراك شلالات شانديز

-ابتسمت له....يخبلن جمال..

-لعد لوضايگه أكلهم بعد اجمل...

-صدك هنا مطاعم ضحك يتنوع

-اي بس خل اراويچ هنا،اجینا اني ولد عمي وگتلهم رح أجيب الحب هنا...

-منو تقصد الحب

-قارورتي

-منو قاروره هاي سعيدت الحظ...گلتها وبداخلي غيره

-هذا اسم بيني وبين الله

-منو هاااي

-أنتي مخلي بس ألچ قارورتي

وجهي صار نار....

أريد أختفي من يمه.صار كم يوم أسمعها...

ثاري يقصدني انه قارورته...لیش مافطنت

ثوول عليه

گال

-عوفي الخجل خل نروح للمطعم مادام‌عرفتي هسه منو قاروره

خجلت اکثر من الفشله واحنا نتمشى اشوف مطاعم رهيبه هو خلى الأختيار عليه..وانه بحياتي مشايفه هيچ مطاعم

تونست بيها يالله من جمال‌آجو من بعيد امه واخو دخلنا مطعم بي كعده عربيه حلوه تعشينا بفت عيوني لشلالات

مچتبی گال

-عقیله تری سید مهدي صعد الشلالات

وهو يدخل جواها هل حجي ترى قبل...

ویحچی بس بیچ

نصیت وشفت اشياء احلى من اشياء صارت گام سيد مهدي بنفس بتسامته

مد ایده

-من رخصتچ نمشي سوه

گمت استأذن من امه وأخو

تمشينا اني وياه الهوى حلو وا لأجواء

وگعت العگازه نصیت علیها نطیتها اله

مد ایده لمست ایدي رد

-اسف

بقينه نمشي تونست ونسى تجننن

رجعنا للفندق، بقيت بحجابي..برغم يضوج بس مامنعني لان عرف لساتني أخجل منه

نام وعافني على راحتي للصبح كعدنا

طلعنا قبل أمه وأخو

عزمني على مطعم نتريك مجاملته اليه حلوه....باحترام وذوق كانما يتعامل مع شي يخاف عليه وصلنا المنطقه حلوه ابتعدت منه أتأمل الطبيعه....گال

_هاي منطقة ناصر وياسر خل أخذچ آلحديقه الحيوانات...

تنوعت ابتسم الیه راد یکمش آیدي

سويت روحي ماادري ابتعدت

ضحك يسولف عن جياته لهنا

وي اصدقاءه وي ولد عمه يسولف بكلشي

يضحك ویضحگني

خلاني اعرف عنه شيحب وشيكره

سولف انو بگل مگان اله ذكرى هنا

أحلى اربع ايام كضيناها خامس يوم رحنا الجبل كوسنجي..

بيه مصيف يجنن الناس تصعد...

مصعدنا للجبل ضلينا جوه اني وياه

كعده يم البحيره ...وصاحني

_خلينا نتأمل الطبيعه هنا..

-يالله منظر يرد الروح كلهم شايفهم

-اي كل سنه اجي مثل هيچ سفره

تعالي اخذچ المکان احلی .....

كمنا نفتر بيه كلش چبير ودخلنا الحدائق صغيره

كلها خضار كعد...

-عيب‌سید مهدي محد كاعد هنا

-هههه مالج دخل ماكو عيب بيها جر ايدي

لحتى اكعد ضحك عليه لأن اخجل

ودي أتنوع له...

ماكدر احط عيني بعينه لأن كل ماارفع عيوني شوي

اشوف عيونه مينزلها مني يسولف

وجهي حمى بسبب نظراته وكلبي يدك بالتسعين‌كمش يدي وهو ينزع الچفوف

من چفي

موچن لزم ايدي صرت آرجف بقوه" مغص بطني

رجليه ماتت تحمدت الله همزين كاعده...

واني منزله عيوني

-تُلبين الأقراط في العينينِ

‏ما لي أراكِ ترتدين ياقوتةً في كل عين ؟

-هااااا سيد

-گلت عجبچ‌ آلمكان

-أي كلش حلو ودي اسحب أيدي منه

بس هو يتلاعب بأطراف أصابعي..

يريد يوصل الشي..

وأني يااتلفت

يا ادنك بهدوء سحلت ايدي

وسويت نفسي الف بصبعي العبايه ...

-ههههه ميهم حبيبه گومي خل ارويچ الحدیقه من صدك

ضلينا نفتر بيها.... وفترينا

بقی یسئلني واجاوب على كد السؤال...

مثل اليريد يعلمني عليه...بهدوء

ومنحس اله صارت العصر رجعنا

رجعنا للأمام الرضا زرنا وهو صلى

واني كلما اجي ازور ومادخل اضوج

بس اديت مناسك الزياره كامله

أجاني وهو بعيونه هواي كلام...

-صيري وراي عقليه...صرت وراه وبدا يقراه الزياره بصوت عالي..

صرت بصفه جنن قراءته...حتى ناس صار ورانا‌رجعنا للفندق گال

-ادخلي للغرفه رايح اشوف امي

دخلت وسبحت ونمت

بس ماعرف شكد نمت من التعب

سمعت صوت الدوش...بس بقيت نايمه

حسيت احد سحب الغطاء بهدوءو دناني

ماعرف بعدني ممستوعبه الوضع

بس قشعريره الجسمي مشت...وي گل لمسه

وهمس ناعم....

قارورتي أشكد احبچ...خمس آیام یمي

وسنين منتظرچ صار خمس ايام اعلمچ علیه اگید تعودتي

اي لان ادري بيچ آنقهرتي على گلبي العاشكچ فتحت عيوني اريد افتهم..

بس كلبي يدك بكل مكان حتی برجلیه

الساني نعكد

وجسمي والله حسیته آنشل من لمساته وحچیه الرومانسیه

شكول شحچي..‌ماعرف شلون الموقف

...اني معذوره وسوالف عن هل يوم نسيتهارفعت راسي صرت خشبه جمدت

كلماته ترن بهمس خفيف هو يحجي بذاني

-والله ماأتحمل گافي خجل رحمه الاهلچ رحمي حالي

ماحن كلبج يبت الناس مرمرتيني شنو سالفت برودچ...

اعرف الیریده وعلمني عماتي، وأنو امر لابد منه ... خلفيتي عن زواج متبشر بخير

وثانيا اني معذوره وميصير يدنالي

ذني شغلتين براسي واريد أفهمه

شگله لساني ميرضى ينطق اخجل

اريد اشيل ايدي الحضه‌مدري دقايق بس بالنسبه الي سنه

صار فوگي رغم كوه عليه لان رجله تاذي بس انه بدون وعي وكوه نطق لساني صرخت

و بسرعه رفعت رجلیهه دفعته برجل

هی‌ دفره كد الخووف دفتره وجعته

نزلت ثوبي وطفرت من الچربایه للحمام

سديت بابه فشلانه من رفستي له

بس لا اذيته..

اي اذيته كلش وهو مناك متوجع

تربعت بالكاع البارده

بساعتها كلبي اجى يوكف

وهاي بدفعتي اذيته عرفت هوه ورى اباب لحمام‌بس أسمعه يستغفر...

وشوي سمعته طلع من الغرفه سد الباب حییل‌گمت غسلت اريد اطفي حروره بجسمي كمشتني بحينها البارده....

رجفه قويه، وجسمي نار...

تغطيت بلبطانيه.

ومن رجيف نمت....اصوات يمي

كعدت عمتي يمي تسويلي كمادات...گالت

-ها عمه شلون صرتي...

جاوبت

-الحمدالله عمه سيد مهدي وين وینه

ردت

-هسه يجي

انفتح باب الغرفه دخل وهو قلق عليه ومناك رجليه تاذيه عباله نايمه

گال

-الف لاباس علیچ حبیبه‌،أجیت لکیتچ عرکانه ومصخنه...خليتچ یم امی ورحت اجيبچ علاج من ساعه...

-هاااا

جاوبت امه

-،أولیدي هلگد خايف عليها وتحبها مو گافي گلتلي حتی گلت اليه وصيتني

-اي يمه مو عقيله مصخنه وترجف ضلي يمهاا ورايح وهسه يجي...

ِ

برغم متكسره من المرض..بالي يمه

شنو الصار بيه، اعرف ذيته بدفعتي راح

اشويه ورجع فتح باب الغرفه...

فتحت عبوني مشتاقه اله اريد اشوفه

دخل مهدي وبيده علاكة اللعلاج وجهه ميكصه طبر حتى ميتنوعلي..

اطه لعلاج الامه وعلماها شلون تنطينی ياه ر غم حچى بس طلع ولا فترگلي ابد

رغم شافني كاعده

..اول مره مايشيل عيونه اله رتب العلاج على الميز وطلع.

ردت اصيحه

احبه موت واخجل اعترفله نزلن دموعي

وابچي بحرکه...

تمنیت غفران یمي

بس هي تعرفني...عمتي مسحت دموعي

-شنو عقيله متعارگين ...غمضت عيوني

ماحجيت شي..اخذت العلاج ورجعت تمددت بعد ما بلعت دواي ونمت فزيت هو ماكو... اظن زعل لان رفسته حيل

عمتي تكعد اشوي وتروح..أول يوم الثاني

خلصتها مدده السيد يدخل عليه مغنتب ويطلع مايحچي

ثالث يوم صرت زينه وغسلت غسول الطهاره دخلت عمتي وهي تسألني

-شلونچ عقیله...

-برحمة الله بس عندي طلب اريد اروح للزياره

-سيد مهدي ماهو خل اخابره طلعت فونها صدك خابرته.. سمعته لان هي فاتحه سبيكر

كلها بهدوء

-يمه روحن...بس بالچ علیها

من هل لحظه عرفت جفاه صعب وحيل تاذيت منه.. موقفه مني قوي...

تلث ايام مجرد من الباب اسمع صوته ويوصي أمه ميدخل اليه

أنهضمت منه لان چنت معوله هواي اشياء

رحت للأمام الرضا..الساعه اهدعش صبح

واخيرا دخلت للحرم المطهر..

چنت بوقتها محتاجه احد يحن عليه ...

محتاجه من أشکیله وضعي وكفت كبال الأمام وشباك هوسه عليه وكفت مقابيله

بيدي القرأن مافتحته..گمت ابجي واشگي

- مووولاي والله أنه يتيمه ام مولاي انه يتيمة أب همين

ابوي مايوم حسيت بي هو ابوي واكفه بابك تطردني هسه أستحي اشگي الاحد آستحي احچي البيه الاحد

شنو صار بس یاامامي اني مادري..

أصرفت غلط ماعرفت اشلون اصرف

حلها ياابو محمد....

حلها دخيلك

ياأمامي مو ايگولون الي يجيك اول مره

اله تلاث طلبات....واني اريدها من الله ومنك

اول طلب آرضوا عني وبرضاتكم...

ابلغ رضاة الله....

وعجلوا بفرج صاحب الزمان عجل الله فرجه

وثاني طلب زوجي يامولاي...

زوجي لايكون سبب اغلاطي المامقصوده

اخسره

زوجي اريده الي ومالي غنه عنه

وثالث طلب اريد عافيته وصحته منگم

ترجعون صحته اله ومااريده يشوف الوجع لا مني ولا من المرض

بقیت ابچي عنده..‌صلیت الظهر"والعصر..

رجعت اناجي امامي...واشگي ضعفةحالي

ماطلعت من الحضره..الا من أجتني عمتي

گالت

-بسچ شنو ماتعبتي عيونچ ورمن من البواجي شنو صاير انتي تبچين بحرگه

وسید مهدي كالب خلقته ..

اعوذ بالله شيطان الي دخل بينگم

يمه سيد مهدي يموت عليچ

تعرفين شنو يموت عليچ

یعني يحبچ ويتمنى رضاچ

لو شصار بینگم هو ميزعل عليچ

-انه هم احبه عمه

-دگومي یمه هسه رح آشوفين شلون قلق علينا واني گد ماارید راتگم تاخرت

-لیش

-هو تعمدت نتأخر...حتى يقلق

وتصالحون هاااا شفتی حتی تعرفین لیش

ماراویتچ صورة ااسيد الحقيقيه اوليدي طلع من الموت ورايدچ مستعده مو بس اگذب حتى اسوي الاذيه الاجل راحته

-حقچ عمه حقچ

رجعنا للفندق جاي نصعد الدرج التفت انه وعمتي على صوته گال بهدوء

-وعليكم السلام ورحمة الله وبركاته

چان نلگا كاعد بالانتظار بالفندق اجی علینه یمشي بحرگه وصوت العگازه یطك بلگاع حیییل

تلكانا وجه احمر" كاز اسنانه كلش عصبي صاك سنونه تنوعلي بغضب دنجت

اندار يحاچي امه

-شنننننننننننننني يمه هاااااااااااااااي كلهااا زياره ليش مابتوووووووووو هناأاااااااااك

مو احسن فددددنوب...

زين كووووووووولي هنا شخص عنده گلب یخاف علیچ يخااأااااااااف ضيعين

لاااااتندلین ولاااااتعرفین آاااااي مكان

شلووووون هييييچ تسووین بیییه هااااا

تفاجات امه متبسمه گالت اله

-ياااااااا فلك صاب عدوك شبيييييك يمه اااااأاااااني مااندل يمه اشبيك هو الأمام هذااااااااات هل هناااااااااااااااااااااااااااك

والفندددددددددق هذااااااااااا اررررروح واجيهن وانه مغمضه...

سنين وازور شني اااااضيع..خاف تقصد

مخلا امه تكمل بتوتر گال

-مييييييخالف يمه اخاف عليچن اقصد علیچ یمه غير امييي انتي

ردت عليه

-سید موو ازدحام وردنا نوصل للشباك

ومدافع ونسينا رواحنا...

علی گیفك حااااااااارك دمك لاااااااااايطك عندك عرج الهواشم

رفع حاجبه اليه وماتنوع عافنا ومشه كدامنا وصلنا للغرفه سديت الباب نزعت العبائه اشوي ود الباب علينا...فرحت راح يجي

بس هو انطى عشى الأمه وطلع افكر ليش هلگد زعل چیف رفسته،وطاح من الچربایه،على ظهره، يارب اهدي اليه

كعدنه اكلنه شويه انه وعمتي باتت يمي

والصبح من رحنا للمقام هو ورانا

بس مااجى يمي حتى ابالي بعده يذكر الرفسه اشوكت ينساها

زرنا بس اني وعمتي من رجعت دخل ورايه اخذ ملابسه من الغرفه بقى واكف شويه يريد يحچي أو منتظرني أحچي حتى يبقى مكدرت مو بيدي مثل الخرسه

طلع سد الباب حییل دخلت عمتي اسوي

أجانا للغرفه سید مچتبی...گال

-یله یمه سید مهدي منتظرنا جوه...نزلنه

انه ویاها دخلنا المطعم مال لفندق واحنا تنعشى كالت عمتي

-خلونا نروح لسوك لسى مطلعنا‌ همینه نشتري شي الجدگم البيبيتگم والعمتگم

وهمات عقيله اشوف مولات ايران

خاف بنفسه شي تشتري...

عيوني اله...گیفت

وهو دنج ياكل... كال ألاخو

-أنت خذهن أنت ردته يرفع عينه الي..

خلصت اكل وصعدت للغرفه وياي عمتي

-عمه ماروح الخاطر السيد

- لايمه شلون تبقین وحدچ يمه ‌لاتعاندين السيد تری لاشوفينه هادی وراكز

الله وكيلج هذا طفره ونص

سكتت ورحت وياها...کلشي حل بس بالي يمه ليش مغنتب عليه وبالي يم نفسي من خجلي...

ثاني يوم اجت كالت سيد مهدي"ومچتبی

راح يروحون الطهران ‌سید مهدي عنده علاج ‌لازم يكضولهم چم يوم ويجون..

دخل للغرفه ووجهه ثكيل ومبين ضايج

أقترب مني باس راسي..همس

آآااه آهن علی حِسنُ عيناكِ أتعبَ قلبي

رفعت راسي اله تبسم راد مني اشاره وامه ردت اگله أبقى ارجوك

كلشي بداخلي يحچي.بس الساني صامت

-رااااااااااااايح اريحچ منييييي وانتي من الزياره للفندق ومن الفندق لزياره

لاتمشين لامنا ولا منا

ومن تمشين وي امي لاضحگين

دنج مره ثانیه باس راسي...گلی بگتم

-معقوله ماااااااااااااااااااعندچ کلام تگولي اليه...خرب برودچ یاآنتي شني ثلچ لو متثلجه مني خلااااااااص راااااااااااااااح ترتاحين مني كم يوم.. وعسسسساني مااااارجعت

طلع واني ابچي....اريد اضرب حلگي

ليش ينخرس يمه

راح وگل يوم يزيد حبه ماينقص گل یوم ادعي ربي يحفظه اليه ظل تسع أيام العرفته يسوي عملية تجميل مايعرف انه احبه بگل حالاته

سلاما لعينيكَ البَعيدتين للوقتِ الذي يمضي وأنا هُنا وأنتَ هُناك ..‏فقت حببت الهدوء الذي في اهدابك في كلامك فهو يمنحني الطمأنينة

رحنه انه وعمتي للزياره رفعت النقاب لان ازدحام گلش مجرد ماطلعنه الحضره

هناك لزگنه واحد عراقي، بس یتناوع ویغمز شگد خجلت من ربي وحالي

گلت العمتي نرجع رجعنه للفندق بقیت بلغرفه كاعده اقراء قرأن الحد الساعه ٢ لليل انفتح باب الغرفه واشوف واحد ملثم وجهه دخل وسد الباب

#يتبع

بس حبيت انبه حبايب صار خلل بتسلسل البارت انتبوه على بارت التاسع عشر وين👇👇👇👇

///صباح الخير////

////نازك الحمراني////

تبگي فتاتي بسببي

‏"لك عند الله خيراً يُؤجله حتي تتهيأ ظروفك لأستقباله، فلا تظُنّه ناسِيك إن تأخر."

تركتها حاز بنفسي دمع عينها بسببي

رحت الغرفة جدي،تمددت على چربایته من ضوجتي لازم السبحه اسبح الى أن غفية الحد الظهر كعدت اصلي،

كمت أتوضى حمام جانبي بغرفة جدي توضيت وصليت ،وبالي هواي افكار اتنازل عن نفسي واروح الها لو همين بعد مره تصدني

مااكدر انسى اللحظات الي ستجابت بيها

دخل اخوي مجتبى يتثاوب گلي

-هااااا سيد هاي الغرفه صارت مكان لجوء

-لاااا استراحه اسكت الخاطر ربك

-مو رسيني على بر العرس حلو خاف اعرس ونطي للعروس غرفتي واجي أگابلك بغرفة جدي

-هااا هيچ سید صارت موو

-لاااا مو مسالت هیییچ تعرف اخوك مخلص حياته دياحه وسفر وشلون ابدل نوع سيارتي

-الله يزيد جد سيد باقر وينطيك

-المهم اريد من ارجع من الصديلتي الكى زوجتي تتلگاني

-ماتتلاك انه شكوو

-مو خاف سالفتنه وراثه سيد باقر قدوتنا من شفنا وشافنه هو بغرفة وجدتي وحد بغرفه ثانيه

وهسه انتي قدوتي الثاني همين زوجتك بغرفه وهي بغرفه ليكون انه مثلكم هههه

-اي انشاء الله كووول امين وابقى اضحك عليك مثل تضحك عليه كووووم منااااا كوووم

كام سيد مجتبى يصفك بيده

-هم عريس هم نشمي وبغرفة جده يطردونه رفعت السبحه اريد اشمرها عليه

طلع بسرعه من يمي

طلعت للصاله محتام عليه كعدت على القنفه رافع رجل ورجل منزله موجوع كلش دخلت عليه عمتى العلويه تتبسم

-هااااا سيد شوو وحدك وين مرتك

-بغرفتها ترتاح

-اممم علينه سيد جاي اشوفك اصلا زوجتك يمي چانت بس تسولف بسفرتگم

-هااااا هی تحچي معقوله

-شنو گلت

-لاااا اقصد شتگول تعبت لو تونست

-لااااا تگول اول مره احس براحه هییچ مبین تحبك

-اي غير زوجهااا

-مو انه عمتك كول شنو صاير بينكم شوف و جهك مغنتب من حچیت بیها ليش وانت گتلت روحك عليها

-علويه موجوع شوفيني شلوني يامره

ياقهررر

-يله المهم اجو عمامك برى كاعدين عود تعال شوي سلم عليهم ورد ارتاح

-صاااار وتدللين

طلعت عمتي أخذت عكازتي طلعت يمهم صار بوجهي عمي ابو عامر مديت ايدي عليه تنتوعلي نظره بيها قسوه وشي ثاني مافرزنته

گالي وعيونه الجدي سيد باقر

-الف مبارك عليك الزواج اكيد تونست هناك أنت وسيد مجتبى بايران وصعدتو جبال ولو مااعتقد تونست لان أنت وسيد عامر الله يرحمه جنتو دوم ترحون سوه يعني ممرتاح اكيد

بحكم هوو صاحبك ورفيق دربك الطيب

جنت واكف كعدت على كرسي قريب

وحتى اخفف من حزنه على ابنه گتله

-شوف وضعي بيه ونسه یاعمي

من گتلها هیچ سكت ودار وجهه الجدي بقينه نسولف الحد ماصار الفطور اجو بقية عمامي سلمو وكعدنه بين سوالف وضحك وهيج خلص الیوم الاول بين اهلنا وبالعزيمه

رحت الغرفتنه اول مادخلت چانت طالعه من الحمام لافه الخاولي على راسها شافتني خترعت نزلت كل جسمها ورى الچربایه

رحت صوب الكنتور اخذ ملابسي ويجوز طولت بلوكف بلكن تبادر بكلمه لان بعد رفضها اليه بضربه قویه مااكدر اتخذ اي خطوه الها

انتظرت دقيقتين ماشفته منها كلمه

وبعدها وری الچربایه خاتله وعود لابسه گلبیه طویله ردن

اخذت قميصي وطلعت من الغرفه،لان مثل ماهيه ماتغيرت

دخلت للغرفه من التعب نمت حتى ماصليت صلاة الليل بس الشفع والوتر

ثاني يوم ولان رمضان هم كعدت قريب الصلاة الظهر وهمين قرايبنه كلهم جايين

شكد ودي اختلي ،بيها مكان،

بس هي باقيه تتهرب مني ،وحتى بلغرفه ماتتواجد لان گله یم امي وعمتي

وگلما اقرر ارجعها البيت اهلها يصير شي وافگر آشلون

یومها دخلت للغرفه تقریب ساعه ١١ليل

متحجج اخذ عطري

لگیته ترتب بگنتورها لابسه گلبیه طویله

وحجاب،وتحنیگه،وجواریب سود بقى بس النقاب وتصبح متصوفه

دارت وجهه علیه ماحچت شی مجرد چانت گاعده وگفت فرحت بوكفتهة

تقربت منها،وهي مثل ماهيه،خجلانه وماتريدني لجت روحها على الكنتور

رأسن رحت الكنتوري اخذت شغلات راه وجسمي ينهت ،وگلبي يخفك حيييييل اشلون البيت اهلها ردها واهية زينة بيتي ويا بعد بيتي

طلعت بسرعه ،من الغرفه لان بس ابقى يمها وانه ميت عليها اسوي بيها ماسوي ومااريد اكسرها لان هي متحبني

دخلت الغرفة جدي، ولگیته جایه من النجف دنجت بست ایده

-حمد الله علی السلامه مولاي چنت اظن راح تبات هم اليوم بنجف يم السيد

-الله يسلمك لاااا بعد جدك، هو حليت چم شغله،وهمين مريت على شباب العتبه نطيتهم فلوس ياخذون ارزاق،وفطور للحشد

-زين ماتسوي جدي بس والله لو تخليني اروح والتحق بركب الشهداء هناك وجاور ابويه الله يرحمه

-اسم الله عليك،يبني تعرف جدك ماعنده بهااااي الدنياااا كله اعز منك لاااتچی هیچ

ماهو انه ادفع عنك عن اخوك،وعمامك الجهاد الكفائي بلاموال

-ماااشي جدي مااكسررر كلمتك وهسه خليني انام يمك

-ومرررررررررريتك ووووووولك ييييمتى تخش بيها يابويه خااأااااااااف ألحادث مسوي بيييييييييك عطل

-استغفر الله ياجدي شسالفه رحمه الاهلك ترى ماايصير ياجدي ماعندك ويايه بس هايه السالفه خلينه نرجع على الصيدليه

مال سيد مجتبى كملتهاااا وهي والمختبر

-اي كملوها وجابو الاجازه،وباچر المندوب یجیب العلاجات،واخوك وصديجه وياه

-هاااا زين وانه اريد ارجع اداوم بلمستشفى مااعاد اكدر على كعدت البيت

-يبووو صحتك اهمممم شجاي تگووول

-موووو تعبت

-گعدت یمي نزع اعگاله الاخضر وگال

-اي يبعد جدك شي المتعبك سوللف

-شسولف ياجديى غيرررالوجع أذاااااني

-ومريييييتك يبوووي مو اذا تتاخر

كمت من الچربایه ضايج يوم بالاستقبال

مافرض نفسي عليها

وكرامتي متسمحلي مره ثانيه اتوددلها

واني اعرف نفسي ضعيف يمها أذا

ضلينا بنفس المكان وبنفس الغرفه

انسى لو اموت وارجع وهي لو چان تريديني چان اجت نيوحجت حتى لو كلمه لشوکت هذا برودها"وخجلها

اتنوعلها تسولف وي جدي وي امي لو عمتي الا وياي تتخورس ومتحجي

واحينن جدي من اجت ماسالني...اخذ أمي على صفحه وسئل امي شصار،ممخبرته

سمعت صوته يحچي ويه امي غلست خليت ايدي على عيوني حتى من يجون مايحققون ويايه

مااشوف اله واكفين على راسي شلت ايدي وجدي سألني

-ليششش بعدك يبوووي ليش مادخلت كل ظني تشاقى ويايه ،بیك شي ييوووي

ماطاني مجال احچي اي شي ماحاچاني ولا كلمه..کام تنوعلي وطاح عل تخم

اجت امي يمه وانه افرك بصدره تخربط كلش رحت على المعرض جبت جهاز الضغط چیکته ضغطه صاعد..

لزمت ايده افركهااا وحاچي

-جدي رحمه الجدك لاصير انت والوكت عليه وماكدر اتحمل مرضك

وحك ربك وصلت الروح الحد طرف خشمي وبعد ماتحمل خلينا بحالنا

عدت الأيام لا أني الحاط حد الحياتي وياها ولا كادر ارجعها الاهلها لان أحبها

ولا اكدر اعلى فراقها

رابع يوم من جيتنه والدتها اجتي البيتنه هية واختها غفران رحت الهم سلمت

-السلام عليكم ردن

-وعليكم السلام

-شلونچ خاله ام احمد

ردت

-هلا یمه شلونك انت صحتك عافيتك

-برحمة الله وانتي خويه شلونچ

ماسلمت عليه حتى اختها موقفها عدائي ويايه مثل اخوها علي‌

طلعت من الصاله ،اخذ علاجي وارد الهم وبالي اگول آلأمها تاخذها لان خلصتها زواجها مني بچي ونوح

اخذت علاجي ورديت للصاله دخلت وشفت أخوي مچتبی ويه امي وحدهمز كاعدين يسولفون وسيد مجتبى یتنوع الغفران كعدت يمه كلش بتخم الرئيسي

گتله بهمس

-غض البصر...ياأخي

نأصی علیه همس

-غاضين ترى عدنه نظره حلال وحده محافظ عليها تعلمتها من اخوووي

ترکته..

ولازم اگلها تروح وي امها ترتاح مني اذا تريد...أشلون وهي حاضنها امها واختها

اناوعت الها درت وجهي اريد ربي يقوني

حتى أكلها روحي وياهم‌ مااگدر

صعب بيدي أفاركها

‏على ما يبدو أننا سنبقى هكذا ، الأيام تمضي و نحن متوقفان على نقط مجهولة و لا أملك أدنى فكرة عن ما سيحدث ، أو ربما لن يحدث شيء ، فما رأيك يا قارورتي لان هزائمی لم يرها أحد

لكنها ظلّت كندوبٍ معلقةٍ في قلبی•‏أمّا هزائمي فلم يرها أحد

لكنها ظلّت كندوبٍ معلقةٍ في قلبي

..............

‏أصدق علامات قرب الفرج اشتداد الكرب

ليست مجرد عبارة إنشائية بل من الحقائق التي خلدها القرآن لما بلغ بيعقوب عليه السلام البلاء منتهاه وفجع بفقد ابنه الآخر وابيضت عيناه من كثرة البكاء وحرقة الحزن أدرك هذه الحقيقة الآن فقال لبنيه﴿لا تيأسوا من روح الله﴾

فكان الفرج بعدها.

"غفران" قرب موعد زواج عقيله...

حسيت بغصه.. رح تفاركني هي الي من اختنك تحضني

خلصنا الوقت أني وياها ماختلطين بشر..

ولا بأقاربنا زياراتنا كعداتنا سوه من روح للزياره..اله وياها

مسابقاتها مال قرأن انه وياها نروح سوه

نمت مغثوثه لان رح افاركها..فرحانه لان رح تزونا

الصبح طلعت من البيت ضايجه.. هذا طريق الجامعه اخذ مني عباس.. وهسه عقيله رح تروح...

فتحت الباب وبوجهي صار شاب سلم مركزت بيه زين...شفته طويل هواي...كال

-السلام عليكم ممكن أم علي

ح

-وعليكم السلام جاي أرجع طاح قلمي..

تنوعت للقلم مالتي ماكلف نفسه ينطيني ياه...

حرت شلون ادنج وهو واكف

مستفز وهو یحرك سويچ السیاره بیده...

مكدرت أتنوع عيوني للكاع على القلم

....رجعت

صحت الآمي وطلعتله...تركتهم

وتمشيت وگلبي مقفوص.واشوف صورة شهيد جديده...

يم صورة عباس

صورة عباس الي بس هي ذكرى بقت

من ذكرياتنا الهوايه هل صوره وهو مبتسم للشهاده

.بوجه الملائكي قريت اسم الشهيد السيد عزام البطل وتذكرت عباس حبيبي

من يكول هل سيد يشجعنا بهوساته وارزوجاته يشجعنه

ودي يسمعني عباس.. ارد اكله مكانك بلجنه احلى منا

بس گلبي اليريد يشوفك هنا

طول هل فتره بقى گلبي مقبوض مااعرف اشبيه لاطروى عباس تروح مني...ولا حزني سكت

ابچي كل ليله..الى ان انام خصوص يوم زواج عقيلة..

من فرغت الغرفه عليه خلصتها نوح ومناحه

بهل فتره علي أخوي حاول يطلعني من حزني وكل مايطلع المكان هو وزوحته يطلعني وياه حتى الزياره ياخذني... يريدني اغير جوه.. لان تكئبت والكل لاحظ هل شي عليه

العصر اندك باب بيتنا...واني كاعده بغرفتي ختمت القرأن العباس للمره الخامسه مدري السادسه خلال تلث سنين سديت القرأن جتني ماما..واعرف شتريد... لأن هل موضوع تكرر وزاد عن حده..گالت

-ام زياد اجتي تخطبچ الآبنها مدرس، شاب ملتزم خلوق

شافچ من اسبوع راجعه ودز امه، آدموعي يصبن أتنوع الامي گتلها اتوسل

-ارجوچ ماما مااکدر، کافي لو هسه ياهو الچان‌ماارید

ماما مالگی مثل عباس فدوه، واني وعدته مااحب غيره...صاحت بعصبیه

-كاااااااااااافي یمه عباس أستشهد وماااااااااااااااااااااات

ردیت

-اي واني گلبي "وشبابي استشهدو وملتو ويااااااه

-ولچ لیش تعاندین یمه موتيني بعناااااااااادچ

-اووف ماما هاي انتي امي ودگولين موتيني

دائمآ الوكت ينبهني انو عباس ماالگى مثله

چان ألي اعشق بيچ العناد‌ وحتی امرار امصخه ویاه بعنادي لان مااقبل نلتقي بجامعتي واگله ليش تقبل وتسايرني...

يگلي انتي ترگيب شخصيتين

طفله مرحه عنوديه

وامراءه قويه وقت المواقف" الحقيقه "وجاده

تظهر عدج المراءه القويه الواعيه

تتصرف بعقلانيه وبلاوقات الباقيه طفلتي الصغيرونه

دلوعه وتمون عليه

مثل هذا لانسان تريديني انساه ماما

او يتقارن بأي شخص يتقدملي

واحطه ويا ماما ماگوووووو احد يگرردر يتقارن بعباس.

-اي اعرف بنتي يمه راح الربه بجهاده وستشهاده

كمت أتلمس ايد امي اترجاها

-ماما حتى من طلعت سالفه جهاد گلي راح التحق بالحشد شعبي ندافع عن عقيدتنا ماعارضته بقوه

لأن شفته عاشق للشهاده، عشق الرجل المؤمن للشهاده

قبلت يروح فداء للامام الحجه عجل فرجه

بس بنفس الوقت، ماتوقعت الله يفجعني بيه وبگلبي

مامعقوله اني عمري مو مال هيج فاجعه بعدني باول طريق بعدني گلشي مشفت منه

اول درجه جاي اصعد بعد حتى ماكلت يالله...راح

ماما اشلون ارتبط بغيره وترديني انساه

صاحت بصوت عالي

-راااااااااااااااااااح تمرضيني

كااااااااافي ...الدنيا ماتوكف على احد شوفيني اني وياچ برغم الحزن وستشهاد عمچ

کملت حیاتي..وزوجت وخلفت

آرید مصلحتچ بنتي محد دايم ألچ...جريت ایدها مني

وضاجت طلعت سدت الباب وسمعتها تنطي رفض للعريس الثالث

كعدت للكاع ابچي و أشكي العباس ماده ايدي الشباك غرفتي اتنوع للسما تخايله عباس وجه القمر...واحچیله

-ششششششششفت عباااس حارميني مازور قبرك وماأجي الك بحجه ماعرف مصلحتي...

وفائي الك والي كاعد اسوي يعتبرو خطاء

واني مصختها بحزني عليك وين چنت انت من اعند وياك وادري بروحي عنوديه ماتضجور وتسايرني مثل طفله صغيره تريد تقنعها

بس انت تفهمني من عيوني ودگلي اشياء بيه ني

بقرارت نفسي معترفه بيها بس اظاهر للناس بعكسه

علمود مايستضعفوني ااوف عباس من اكلك اني قاسيه وماتاثر باحد ‌آتگلي ماشوف هاي القساوه

شو اشوفچ كلش حنونه

اگلك ماتعلق باحد بسهوله ‌ادگلي لا انتي تتعلقين

بس تظاهرين انتي ممتعلقه بيه

اشلون ياربي اريد احد يعرف انو كپگلشي بيه مستنفر لهذا شخص

هواي اشياء يعرفه عني من دون الناس وتعاملك ويه طفله لي بداخلي‌مو هاي البنيه الي بلجامعه

لي تدعي انها قويه وفاهمه وعيتني على نفسي اني بنيه احب"وانحبکوعندي مشاعر اول مره مشاعر امراه

مو مثل مايعامولوني اهلي الاخو الثالث

بچیت بحرکه

نمت من العصر لليل،احضن المخده وابچي بهمس

الكل يلومني من أبچي...

افهم منو بيهم الي صار موشويه...

الصبح كعدت احضر نفسي عندي أمتحان

دخل آخوي علي...متبسم

-هلااااااا ابوشامه صباح الخير

-صباااح النوررر مغبشش مو ماخذ اجازه من الشغل

-رايح للموكب نجهز اليوم جرح الامام علي عليه السلام

-بس بعد وگت الیوم یله ١٥رمضان

-مو نفتح الحسينيه نغسلها وهل ونرتبها ونفطر الناس منااااا اليوم الجرح وهمين أساعد جماعتي مناك أزور الأمير علي عليه السلام..

-هلووووو رااااح تروح لا ابد ابد اروح وياك..تانيني بس باچر حباااااب

-ماااأااااااکدر خویي ابو شامه..ارید آسوي الماطور مال الموكب مالنا...وهو بس اني اعرف اصلح ماطورات المي

وهمينه اسبقچ احصل اجرر اكثر منچ

-ادررررري تحصل ووبلعافیه عليك بس تانيني اروح

سوه حبيبي علوش لان تعرف مناسبة الأمام مبقى شي

-ابو شامه من ارجع من الزياره وعد اخذچ انتي وزهراء"وأبني انروح للمقام باس راسي

طلع من يمي لزم ابنه بوساااه چان لابس زي العتبه والقبعه علی راسه طلعنه انه وماما وراه وزهراء زوجته ذبينا ماي وانه ذبيت ماي على دى ضحك...

گلي

-كااااااافي نكعتوني خرب من تتحدن ضدي وانااا مكرود وحدي

صبرر ابوو شامه انتي وزهراء من ارجع اله اسووووي بيچن مقالب

لزمت دولگة ماي جاي اشمرها راح من عدنا ركض شارد واحنه نضحك عليه ودعنه رفع ايده النه يسلم وشمر

بوسه الابنه رضاوي وكلمن التهت بينه بشغلها

بين ترتيب البيت والغدا الحد العصر انه وامي وزهراء

نسولف اخذت موبايل ماما اخابر علي فتح خط گال

-هاااااا ابو شامه شگد غثيث محد يخابر بوقت حرج غيرك حتى مريتي مو لزگه مثلچ

-هاااااا چیف اسال عنك موووو صوچي

-ام كفشه عود تسال گولي شتردين وفضيهااأ كاعد أسوي الماطور مال حسينيه وهذا الخامس وفرررحان مالي خلگ النك مالتچ زوعي شتردين

-فديت الاخوو اليعرف اخته اريد كيلو كعك چاي وقطب نص كيلو وطرشي النجف

-خرب يوومچ هلگد اطلبین ولچ خلیچ انثی وطلبي اكل عصااافير

-لاااا تصير بخيل وجيب الگتلك عليه

-صارررر وتدلل ابو شامه روحي نگلعي اصلح الماطور السادس جاي اصلحهن واحد ورى الثاني

-الله وياك حبيبي

رحت الماما اساعدها نسوي عشى الحد الليل زوجته زهراء يمي ...كالت

-خلينه نحرك گلب علي ونگله جاي ناكل گلیچه وچاي..

طلعت موبايلها تتصل عليه ميرد عقچت حواجبها ضاجت طتني رضااخذته منهاااا كامت وبدت تخابر عليه وبقت تخابر وعلي مايرد

ابن علي رضا بقى بحضني يبچي وعلى صوته توترنه فد مره من بچیه و مناك علي مايرد

تصلت ماما‌ علی ابو حیدر صاحب الحسینیه مااااااگو خبر عنه....ابوي رجع من الشغل زهراء ركضت عليه گالت

-عمي عمي علي مايرد علينه

جاوبها

-ليييش مايرد العصر خابرته وسولفت وياه يصلح الماطورات

-هم انه خابرته العصررر بس من المغرب الحد هسه ماااااكوو

كعد ابوية وبقى يخابر همات ماكو اي رد راحت ماما جابت ماي شرب شويه منه بس متوتر مثلنه الى ان گال معصب

-ماااتحمل بعد طالع اشوف ولیدي عمره ماسوى هيچ بیه من اتصل لو بدائره یجاوبني ابني بار بيه اله بيه شيييي اروح اله لازم اشوفه وين

ردت امي

-تروووح للنجف هسه خاف ماتشوف بليل

-لاااا ام احمد وليدي اشوفه صيحيلي احمد يجي ويايه

.

رحت عبرت على المشتمل البيه احمد ومرته گتله احمد بابا یریدك بسرعه

طلع احمد بسرعه رااح ويه ابويه ملابس الشغل واحنه انتظرنه ماكو اي خبررر

طلعت للطارمه مااعرف شبيه بس جاني حساس شتاقيت الاخوي علي واحس اريده بهاي الحظه راسن اندفع باب بيتنه

گلبي خفك من دخلت بابا شكله مغنتب

وياه اخوي احمد دخلو..ووجوهم مغنتبه جمر من البچي

ابوي مثل الفاقد يمتمت سانده اخويه احمد حتى مايطيح

تقربت عليهم ودموعي نزلن بلا سبب بس على منظر ابوي كل خطوه مني اختنك

قهر بس افتهمت منهم من بين شهكات ابوي وصوته صار عالي وخلة ايدة على القميص وشكة و من شافني

راااح اخوج غفررران وصاح

-يااااعااااااااااااالم يااااااااانااااااس تفرهدت يااااعالم تفرررهدت انتل بلماطور ومات ابنيييييييي

....................

أوتعلمون ماهو الحب

حين_قال_علياً (عليه_السلام)

يارسول_الله

اني لا أطيق العيش دون فاطمة"

"عقيله"

خامس يوم من رمضان

صارت رجعتنا للعراق چان البیت عباره عن قصر ولا بلأحلام گلشي بيه راقي والمساحه من دخلت للباب الحد الصاله مشیت هواي خطوات

جنطنا مچتبی یسحل بیهن جدامنه سید مهدي دخل قبلنا وصلت للصاله‌جتني وحده شكلها اسيوي وعرفت هاي عامله تفاجات من شفتها وهي

دگلي

-ماما يكول بابا مهدي اخذ جنطه، تجين ويايه من حجابها ولبسها العريض عرفت هي من اندنوسيا..

لابسه حجاب اميره وزي هندي وردي

تبعتها ممصدكه عبالك صرت مثل الخليجات الشيخات حسيت بدلال والبذخ اول ماوصلت وين غفران نتعارك انه وياها منو تشيل علاكة الملابس من نروح للزياره

دخلت للغرفه كعدت على الچربایه چنت متظره سيد مهدي حتی نسیت فخامة البيت كلت هسه يجي سيد مهدي مااااكوو

دخلت عليه عمته زينه ترحب بيه

وراها ابنيه تتنوعلي من جوه اليجوه بنظرات حقوده

قرايبهم بدو يسلمون ويجاملون وبالي يم سيد مهدي

باول يوم سيدباقر سوه عزومته للعرس، فطور للناس

.والناس هوسه اقربائهم ساده ومعممين هوواي تحس اجواء ايمانيه تخبل

الحد الليل خلصت العزومه ماتبين سيد مهدي

لبست فستان قصير وتمددت لبالي يجي ماأااجى

كعدت اصلي الفجر...هو ماكو

زين بقيت ت بكلبييه دون ان أاأا شلون اشوفه الصبح طلعت من الغرفه شفته نايم بلأستقبال

مانجمعنا بغرفه وحده،ولا حاچاني..ولا طخ بيه..ماينظرلي چن مموجوده حز بنفسي تصرفه وانه مااعرف

شنو اسوي بيت چبیر گلش وناس طابه طالِِعه حتى من ايريد اتقرب أو آحچي

..يبتعد هل شي خلا بداخلي كسره... اريد ابدي ویاه برغم خجلي..

بس هو يعاملني برود وكانما شبح يمه

خطارهم كل اشوي واحد يجي من غير بنت خاله ماعرف شنو تريد.... وعلى شنو تلمح گالت الیه

راااااح یهملچ لاااااعبالچ

یحوز غلطي محاچیت ویاه رغم منيت بلفندق اكول اله الحمد على سلامه بلغرفه بس هو منطاني مجال....

طلع بسرعه...وخجلي زاد الطين لان من رجعنا للعراق‌كان بعد أقسى..

بروده أبرد"

تجاهله أكثر

كل يوم يمر... واريد اروحله للأستقبال بس شكول اله

كل خطوه مني اروح الخ مااعرف ترجع اقدامي ترجعني

اندعي بصلاتي گله آليشافيه..الي مصبرني حنية وحنان سيد باقر.. الي تذكرت بيه جدي...يحبني ويريد رضاي

هو وسيد مهدي قريبين عليه

البقيه أحس ممرغوب بيه نهائيا من الكل.. بلا ميحچون بس أحس بیهم

بيومها أجتني غفران وماما..فرحت طلعت ألهن...

كعدنا أنسولف وبالي اريد أكلهن..بلي صار

دخل سيد مهدي خجلت منه رحب بيهم

آيسولف بأبتسامه برغم ثكل كلام غفران ویاه لان ضاجت منه

مابقو هوايه رن نقال ماما عرفت أخوي علي اجى بلباب ياخذ ماما وغفران

...طلعو ردت اطلع وراهن مقبلت ماما..

رجعت وبالي أتكلم وي سيد مهدي

لازم أبدي انه شفته كاعد بلصاله، مخلي ايده ورى راسه

وصافن اريد احچي وياه من شافني

دار وجهه عني مايريد احجي وياه لا كأن شافني هيچ غطيت على فشلتي

لاكتني جدت السيد...

گالتلي

-تعاي بنيتي الغيض البينكم موش زين علیش هییج

-ها جده شدكولين.....هو ميجي للغرفه

كح

الكل حس بينا احنا ممصافين شكد عسب

کل هل آیام وهو مبتعد الحد یوم ۱۳رمضان.. صادف وقت الفطور دخلت للمطبخ چنت احضر ويه عمتي الفطور وعمه زینه... نجیبب الاکل ونخلي عل ميز

كملنا وصبينا... واحنا نفطر.... العامله شالة الماعيين

سيد باقر جمعنه كل احنه امم بينا انصلي وراه ايملنيه وو صلاة المغرب

خلصنا صلاه جاي نكوم أجى اتصال السيد باقر بسرعه كام وهو يكول انا لله وانا اليه راجعون

من تغير وجهه

صرنا داير ميدوره حتى انه كمت خايفه بقينه متانين يخلص اتصاله.. ونعرف منو مات... سيد مهدي تقدم منه

-بويه احچي منو مات...تنوع له

-تعال يبوي طلعوا ثنينهم وگام وراهم مچتبی أتنوع العمتي قلقانه ورا شويه دخل سيد مهدي..تقرب مني وگال

-عقيله اريدچ....فرحت هاي أول مره من خمس ايام

يصيحلي،معناها سامحني اليوم راح اتغلب على خجلي

والبس من فساتين النوم الشترتهن ماما

تبعته بخطوات خجوله،نسيت الخوف من الاتصال المهم انه وياه راح ينسد علينه باب واقتل خجلي ونام سوه

بغرفتنه

تبعته امشي اي لازم اعتذر منه واجامله دخل ألغرفتنا واني وراة سديت الباب ابتسمت منصيه تقربت اله ندار عليه وجه متغير

- البسي خل اوديچ الهلج...کل جسمي رجف...

اني مو مال فرح اعرف نفسسسي. بلا شعور تقربت عليه

-منوووووووووووو مات سيد مهدي..

وهو قاطب حواجبه

-محد مات موووووووو يمچ.....

اقترب آکثر علیه..لزم متني بهداي

-انتي متريدين أتشوفين آهلچ

-آي أريد علوات سيد بس خل آبدل...

-ماحاجه تبدلين روحي بثوبچ هذاااا

وانتي لابسه حجاب وجواريب

....انصدمت من كلامه اندریت علیه ماارید آحچي هو صار فتره مغنتب عليه شکله ضايج.. وگلبي خايف

تناوعت البسی انه لابسه حجابي وجواريبي

ومعاصم حجابي كامل جدام حماي بس طلعت لعبايه ولبوشيه... واحس گلبي بدا يلجمني...وچن صاير شي باهلي آنقفص صدري ورجليه مشيلني..

طلعت وتلكتني عمتي بدموع..

- يايمه ألبقاء بحياتج...شلت راسي عليه اريد اعرء اشوفه مخنزر على أمه..

صرخت بحركه.وقهرررررررمنو الي مات حاچوني فدوه..

خالي مات مو

حاچوني؟؟

الکل ساکت....

صرخت أضرب وجهي

-ولكم هذا ابوي الرباني هو مو.،هدئوني وهم يحلفون مو خالي... أشوي برد گلبي اقترب مني مهدي..

كمش ايدي ثنينهم مشاني وكعدني على تخم...مسح دموعي بابهامه

- اااااااهدئي عقيله انتي انسانه مؤمنه.. الموت حق تعرفين

-اي أعرف ارجوك منو الي مات فدوه الطولك مولاي

نصى راسه

-هناك تعرفين حبيبه

-احلفك بجدك منووو

-أخوج علي چان یصلح ماطور الموکب الي يخدم بيه ولان الحسين عليه السلام حباه خلاه يموت اثناء الخدمه حتى يلتحق مع الشهداء والصديقين

-هاااأااااااااا شنوووو

- أنتل ونطاچ عمره

شي بيه ممستوعب "صاعقه نزلت على راسي يد اضحك.. وأكذبه گمت منه....وعيوني بعيونه..كتله

-يمعود كول غيرها...كذب لا...

-خل أنروح عقيله....حچاها بحسره وتنهد

عرفت کلامه صدك

-ليش اني سيد دخيل جدك ليش انه تگكلولي چذب...

چاا‌‌شلون يموت اخوي..

أخوي علي هذا حزام ضهري

هذا كل اهلي وناسي هذا التحاما

هذا الوحيد لي اعتبره سند وهذا رضيعي اخ ياگلبي..

والكم اخوي راااح مني

تهسترت واني ابچي ولكم قبل لاكول اخ..

الكا فازعلي...

كووووووووووولولي مامات چذذذذذذذب

لاااااااااااااامستحيل علي ميموت...

ميموت لأأاأاأأان ااااااااااخوي

الله مينكبني بيه...

لان هو الوحيد أخوي ملخت نفسي

أدك ولطم كعدت بلگاع أضرب بثنین ادیه بحيل وأصرخ

سیدد گووول چذب لاااااااااااااااااا ياربي لاااااااا تختبرني بيه ...

اله هو ياربي

ليش اخذته مني..يارب هذا انت اخذته مني.

قبل لاتاخذه من امه" وقبل لا تاخذه من أخته"

ومرته "

وابنه "

ياربي كلهم عدهم غيره....

أني بس هو عندي ياربي

بس هو

واخذته..ياااهوية ياااعلي ‌لاااااااااتعوف اخيتك وحيدة

أنهاريت واشوف سيد مهدي كومني

اخذ بيدي ساندني وحاضني جضنه قويه بيدة وطول الطريق بسياره. ابجي واون

وسيد مهدي يصبر بيه

-اششششش حبيبه كاااافي وگول لاحول ولاقوه الا باالله ترى على كيفج ويه رووحج

هذاا امر الله

بچیت وابجي واصفن واكول چذب مااميت علي مايعوفني اخوي

وصلت ألبيت اهلي واسمع صوت غفران..

شلون أشوفها وهو رويسيتها وصاحبها...

دخلت للبيت شفتها وهي وزهراء زوجة علي وأحمد الچبير يبچون..

نسوان المنطقه كلها ملتمه عليهن...

وصلت يمهن تقربت عليهن ثنينهن

شافتني غفران كامت اليه كانما تواسيني مو انه اواسيها تشابگنه تصبرنبئ حضنتنی وصرخت

یااااااااعالم رااااح اخوي راااح احزام

ضهري وچ غفران راااحت ضحكة البيت

كابلتني غفران صرررخ وتبجي اي يااختي راااح من عدنا شلون راااح عاافني

شبيه دنيا كل يوم تبز عيني تكبلنا بجي ولطم

ودك على وجه ودير وجهي وشوف

ماما منهارة كللش

وخالي ولولد كلهم رايحين للمستشفى

الكل يريد يحچي لبداخله...

والحزن يطغى

االفاتحه تنصبت واجى خالي من الدفنه

سمعت صوته يصييح بحرگه

-دفنت ابني ولكم دفنت روحي وياه

دفنت عافيتي

غفران شافت ابوها هييچ لغفت عبايتها طلعت اله وانه وراه گالت اله

-بوووویه گووم بویه رااح وهو یخدم راح یخدم ال بیت محمد یعني شهيييد بويه

الكل يصرخ زوجته آمه منهاره وكلما تلطم حيل تگوم غفران تنطیها قرآن ودكله "يمه لااااتصرخين اقريله قرأن

كل اشويه تعوف امها وتوکف علی راس النسوان تتوسط المجلس ودکلهن بحزن

-التحبه أخوي العزيز وابن گلبي الغالي فدوه الگلبها تقراله جزء من قرآن...

تروح للمکتبه تجي بيدها هواي قرائين وتوزع الكل وحده وتتوسلهن يقرن له...

-الله يخليچن اقرن اله اخوي مايحب المكانات الضيكه من تقرن قرأن يتوسع گبره الله یخلیچن

ومن يشوفنها تتوسل یاخذن منها ويقرن...

يجوز اليعرف علي ولمايعرفه قراله..

أيام چانت سوده ‌مامصدكين،

ماما انتهت..

وزوجته زهراء تصيح حبيبي‌انسدت دنيا بوجهي

هذا چنت اشوفه سندي

الي الله دازه الي

وتاليها هم اخذه مني

ماعرف شكول

آخي راح من بين اديه

لو بيدي اشتري بعمري

چان شتريته

خلصت الفاتحه ثالث يوم وكلنا منهارين ضاع علينا النهار من ليل ونريد ننسى وا من جابو التابوت

شفته اشلون أمدد ونايم بتابوت مكدرت انسى هاي اللقطه كل اشوي افز وتذكر نومته وشلون وجهخخ مبي شي اااااابيض يخبل

...ولحيته حلوه محددهووشعرر اسود جنه ولاميت كل مااذكر هل موقف

أصرخ واصيح راااح حزااام الضهر

راااح دخل خالي علينه ملثمه وجهه بشطفه وراه سيد مهدي

#يتبع