تحميل رواية «عشق المومنين(أبناء الساده)» PDF

السلام عليگم لاتنسو اختي سجى من دعواتكم

....._

غائبيِ

أين أنتَ؟

أمْا عَلمـتّ

أنَّ أشوُاقَ الأشِتُّياق تنهَشِ عظَّامْ صَّدرِي

..........

اجة سيد مجتبى يمي وامي كعدت بلكاع بصفي يحاجوني

واني فاصل عنهم كلشي ما اسمع بس اردد بالدعاء

نفتح باب الصالة وطلعت دكتورة كمت وانة اتجى على الحايط ومجتبى ساندني

_ بشري دكتورة مرتي اشلونها

_للأسف

قبل لا تكمل قاطعتهه

_للأسف شنووو؟

_للاسف الطفل نازل كلش والمي خلصان و هالشي خطر

وحاليا المريضة غايبة عن الوعي وجاي تنزف ومدنكدر نسيطر على النزف

ـ مكدرت اوكف على رجلي تراجعت خطوتين وكعدت على الكرسي((ربَّاهُ أنتَ المُغيثُ لمَن سُدّت مذاهبُهُ

‏ أنتَ الدليلُ لمَن ضلّت بهِ السُبُل))

مگدرت أگمل دعائي بس اشوف أهلي ركضو كلهم علية واخوية مجتبى وگف يمي سندني لزم ذراعي

_عضيدي اجمد مو هيچ گول يالله

رفعت راسي بس مابية احچي خفت اسمع كلمه (( حالتهه خطرة ومالهه چارة))ج

گالت الطبيبه

ـ لاااا ممقبوله منگ أشبيك دگتورنا اهداء ان شالله ماگو شي

أتنهدت وبلعت ريگي وكوة حچيت..

_دگتوره گلشي احچي لاتضمين علية

_دگتور ترى ماگو شي وهالحالات مرﭢ علينة هواي أو ان شالله نگدر نتعامل وياهه

_خلاص أاحلفچ بشرف المهنة لاتضمين شي

ـ بلا متحلفني تعرفني ما اگدر اضم عليك شي انت مو بس زميل وصديق

وبعدين انت طبيب وتعرف هالامر وترى واضح من جبتها وياك وضعها مووو تمام خصوصا المريضة خلصت فترة حملهه گلهه تعبانه

رد سيد باقر

ـ وهسة الحال شنو بنتي فهمينه

ـ والله ياعمي على حسابنه بالسونار بعد اياااام و تدخل بشهرهه يعني لسااااهاااااا بشهر الثامن بس لازم نجيبهه لان حالتهه وحالة الجنين متتحمل نبقيهم لثاني يوم

أبتعدت من مجتبى الي چان ساندني وصوت لطمت عمتي زينه الي ماادري شوكت اجت على خدها وهي تعيط

ـ ياااااا عزاااااا العزااني الطفل ثميني ماااااايعيش

ردت امي

ـ لالا لا لا شنو سونار يمعوودين منو ياخذ بحچي هالاجهزة هواي سونارات يغلطون عيني همة أبخت يكولون ولد ويجي بنية انوب يضبط الحساب..

يمه مهدي گول ياالله ولاتصدگ بالتسمعه

رد سيد مجتبى يريد يصبر عليه

ـ كولو يالله يمعودين وشوي نصو صوتگم لاتصيحون الناس كلهه عدهه مرضة نايمين بالمستشفى مو بس احنة لحد يعلي صوته

دكتورة سحرر يررحم الله والديچ خلي نفهم حالة ام علي شبيهة مابيهة يعني احچيلنة بالتفصيل

جاوبت

ـ ما اخفيكم لان وضع الطفل كلش حررج وواضح بالكشف والتقارير يبين تعبان يعني ميگدر يتحمل صراعات الطلوك الطبيعية فگيف هي أجتنه منهاره وتنزف فلااازم وحتما عملية قيصرية

ردت امي

ـ على كيفچ دكتورة كل سالفة وصحتو عملية ادري شلون چنة نجيب گبل احنة وامهاتنه شو كله طبيعي وبعدين شعلي الطفل بالطلوگه ليش هو اليطلك لو امة وترى أبنيتنه زينة تتحمل طلوگه ومانريدها تتعب بلعمليه

ردت الطبيبة

ـ اكيد الجنين اله دور چبير بالولادة ترة همين يدفع نفسة حتى يطلع وهذا جهد على الجنين لكن الاهم هالطفل ميكدر يتحمل تقلصات الولادة لان هو بالاصل مجهد وهالشي حيگون خطر على صحته واذا ماقبلتو بعد على مسؤليتكم يصير اي تبعات للام والطفل أنتم تتحملوون

تركت امي ورااسا حچيت برجفان

_دكتوووورة عووفي ألگل اهم شي مرررتي ام علي اريدهه من الله ومن اهل البيت ومنچ

-مااگدرررر اوعدك انت طبيب وتعرف هيچ عمليات شنو تكون مضاعفاتهه وشنو ضماناتها

وكفت على حيلي أجمع شتات نفسي متجلد بصبر بقايا أيماني ويقيني الي نسحب ويه کل بلاء ومصيبه مرت عليه وكأن القدر يعاندني گل فتره بشي أحبه يجرحني بگل شي أرغبه جاوبتها

_اناااااا ااناا وياااج اادخل ما اعووفچ ومثل ماقبل دخلت بولادة ابني وطلعتوني هسه راح ادخل وابد مااطلع وموافق أشتغل جوة ايدچ بببس اااحلفييلي تسوين كل شيي لانقااذ ام علي والطفلل

ـ اشوي اهداء حتی نگدر نفگر وانعالچ المووضوع بعقل مو بهالطريقة والعفو دگتور العين ماتتعدى الحاجب

جاوبتها والحد هسه مااگو اليفهم معنى حبيبك بين الحياة والموت ومطلوب منك تسمع رديت

- اذا العمليية بيه انقاذ حياتها سويهه..

و هسة اناا راح اعقم نفسي وداخل اابدل ملابسيي واچي وياگم

.

مشيت خطوه صاحت

_ اااصبرر سيد ان شاءلله سلامات لا تخااف بس شلون تدخل وويايه وانت تررجف بهالطريقة دتشوف ايدك ابد مدا تثببت أشلون تريد تساعدنيي وانت يرادلك مساعدةة انت هسه بحالة انهيار واعصابك دمار

مسحت وجهي ورجعت التفت عليها

ـ ولا يهمچ هسةة اهداااء لايضل باالچ متعود على مواقف أكثر من هاي

مدت ايدها الطبيبه عليه لان كل جسمي ينفض وايدي اثنينهن يرجفن لزمت ايدي وحاولت تهدائني بس هنا الأجل الحرمه حطيت ايدي على صدري اتشگر منهه وهي اتفهمت الموقف

_متفضله دكتوره بارگ الله بيچ

ـ احنة زملاء عمل وواجبي اهدئگ واطمنگ

ـ اهداء واطمئن من ادخل للصاله العمليات وياچ.. رحمة لاهلچ دكتورة لاترفضين

ـ مااشي دكتور ...بس خلي بالك انا قبلت أنت ويايه

لان جاي أشوف عشقك الزوجتك شي فوك الخيال وفوك ماقاريه وسامعه الأجل زمالتنا وحبك راح اتلافه مهنيتي أجري العمليه وانت تبقى بعيد

_متفضله دگتوره

_لا العفو بس راح يكون بين ايدك روحين مو بس روح وحدة.. خلي باالك وجودك بهالشگل خطأ واحتمال چبير تعاقبگ نقابة الاطباء اذا عرفت بيگ بهذا وضعك ونهيارگ داخل لصاله العمليات لان اااكيد گلنة راح نشهد ڪدامهم على كتاب الله انك ما گنت مهياء لاجراء عملية لزوجتك وابنك وهالشي ممكن يڪلفگ مهنتگ

جاوبتها

ـ كل هالكلام اعرفة دكتورة

باوعتلهه بعين مكسورة وبيهه توسل..

بس لااااااازم اادخل واااوگف ويه زوجتي ما اڪدر ابقى هنا مچتف وهي چوة بين الحياة والموت وانا وعدتها أبقى وياها

_أذا عل وعد تگدر تتلافى هي تحت تأثير البنج منو راح يگلها أنت مدخلت راجع قرارك رغم قناعتي وقنعت تدخل. ويانا

_حتى لو تحت تاثير البنج أنا صاحي وانا صاحب الوعد الوعدتها الها وانا الاحبها أگثر وخاف عليها أ من أگثررر من روحي انتي وافقتي ونطيتني وعد مو

مسحت دموعها دكتورة سحروگالت

ـوالله يادگتور طول عمري أشوفك أنسان عصامي قوي 'مايهزك أي صعب وهسه خوفك على زوجتك ذبل گل هذا الجبل وخلاه منهار گسرت گلبي والله ميهون عليه اشوفگ بهالحاله افضالگ عليه هواي راح ادخلك على مسؤليتي بس اگعد واسكت لا تشارك بشي ولا مطلوب منك شي راح تگون فقط مشاهد

هزيتلهه راسي بمعنى تمام..

صاحت الدگتوره على الممرضات والواکفين

_يلة شباب بناات حضروو المريضة حتى تدخل صالة عمليات واهم شي عيدو التحاليل باسررع ووكت

يلةة سيد مهدي حرك نفسسك ووروح كملو اجرائات التعهد بسرعه

تقربت عليها

_اشگرچ دگتوره

ردت

_مااانسى بيوم مواقفك ويه والدي وگفاتگ متنسي..

يلة استأذن لازم اشوف المريضة

اخذي راحتچ دگتورة...

عافتنة وراحت حتى تكمل اجرائات العملية انداريت على مجتبى

_تعال ويايه عضيدي خاف ماگدر لوحدي

_صاررر خوية

رحنه انا ومجتبى أنسوي طبله واكمل باقي الاجرأت

ماصار بالي غير شي واحد فقط

وهو خوفي على عقيله من شغلتين

اذا فقدتها اموت وراها

واذا فقدت طفلها افقدها مرتين

مره كأم ثكلى

ومره زوجه وحبيبه

الدعاء والتوسل برب العاالميين واهل البيت مافارك لساني واردد ويه گل خطوه ((اللهم إن الأمر أمرك ، والخلق خلقك ، والقضاء قضاؤك ، اللهم إنِّي وكلتك وفوضت أمري إليك))

گل خطوه اخطوها وذکر ربي مااينقطع عن للساني انطيت المجتبى يستنسخ الجناسي وانا بقيت افتر بين ما كملت الاوراق واهلي مخبوصين ويايه اتلاكينة انا وجدي كال

ـ بشرر شسويت

_خايف ياجدي ممطمن ابد

_لاااا يوليدي انت مؤمن خلي بالك اللحظه الحسيت أنو كل شيء يعاكس وياك ويأذيك تذكر قول رب العالمين(لَا تَدْرِي لَعَلَّ اللَّهَ يُحْدِثُ بَعْدَ ذَٰلِكَ أَمْرًا))

_يارب

اجى مجتبى بيده الاستنساخات

_اتاخرت چنت محتاجك وين رحت

ـ اخذتني عمتك حتى نروح نجيب جنطة الطفل لان كلشي مجايبين لا لا لطفل ولا لزوجتك وهاي الجنطه مال الطفل وعند عمتي اشياء ام علي.

دنكت راسي ودمعت عيني

حط ايده على متني

ـ لاااااااتخاف عقيلة وابنهه يعيشون ومن هالشارب اخذهه انتو بيگم شي لله بطيبتكم وكلبكم الصافي

ـ يارب ياالله ارفعلي معنوياتي عضيدي لان مصفر فد مره

ـ مو طبعك اليأس وانت تعرف بيه حرام.. عينك بعين الله ولا تخاف أحنا من عندك ناخذ الحزم

_ اشگرك عضيدي وهسه خلصت الاجرائات لو بعد اگو شي

ـ اي كملت هاگ اخذهن خوية

_ لا ما اگدر انت روح سلمهن

لان انا وقعت وهسه رايح اتحضر

ـ عضيدي وين وين تعاال

ـ رايح ادخل للعمليات شبيك

ـ ااااااخ يارب صير عاقل سيد مهدي مترهم

ـ المااااترهم اعوف قارورتي لوحدهه بهالوضع وانا ادري بيهه تخاف من صالة العمليات لازم اوكف يمهه يلة ادعيلي مجتبى انا رايح

-عضيدي موو متسسيطر على الوضع تعال يمي انا اهديء بيك

- ماعيد الحجي بعد يااااخويه... يلة نسألگم الدعاء

عفته ورحت دنجت على أمي بست ايدها

-أنت والده وانا ابنچ ادعي المرت ابنچ يمة لان ابنچ بلیاها میت

-اسم الله علیك وعليها وعلى الطفل لاتخاف وليدي.. ساعه وکلشي تنسى الصار وتاخذ مرتك وضناك للبيت

ـ اللهم امين يارب العالمين

رحت السيد باقر جان كاعد على الكراسي ثنيت عليه وكعدت يمة

_جدي دخيل بخت جدك انخى جدك اليه لان ماجاي اعرف شنو راح يصير بيه كد ماخايف عليهه

-الله يسهللهه وليدي صير جلد ماعهدتك هيج طرري يابعد جدك والله مگسورن گلوبنه عليك گد ماعاشگها موهيچ وانا أبوگ تعبت وراح تموت گد ماتحبها

ـلااااا ياجدي انا معلول من يوم ذاك الحادث وهي عليلة وابني همين كلبة تعبان والطفل الجاي صحته ممعلومه شنو سويت وهيچ عقابي...

مرتي اذا صار عليهه شي وين اروح انا واطفالهه ياجدي((لاحول ولاقوه ألا باالله عليه توكلت وهو رب العرش العظيم

_تعاااال وليدي اقراء على راسك

خليت راسي بحضنه وهو يقراء

اللهم صَلِ عَلَى مُحَمد وعلى آلِ مُحَمد كاما صليت عَلَى إِبْرَاهِيمَ وَعَلَى آلِ إِبْرَاهِيم إنَّك حميدٌ مجيدٌ اللهم بَارِكْ عَلَى محمد وعلى آلِ محمد كَمَا باركت عَلَى إِبراهيم وعلى آلِ إِبراهبم إنَّك حميد مجيد

كتله

_ليش ياجدي ليش كل هالاختبار يصير بية ليش مابينة واحد صاحي احس مو حمل بعد اي اختبار

ـ ها ها ها ياا ابني مو هيط الحچي لا اعترااض على حكم الله وهذا بيد رب الكون هو اعرف بشؤنه صح الله اخذ منكم الصحة لكن نطاكم حب الناس بكلوبهم

ألوادم گلها تحبگ وتحب حرمتک

ـ ياحب ياجدي وال

ـ لا تكملل يااووليدي حرام الدتحچي اابني مرتك وابنك بين ايد خالقهم اي كلمه اعتراض شيلهه من دماغك وخلي بهالعقل بس الدعاء والاستغفار وماريد اسمع غير هاللكلام

شلت راسي مسحت دموعي واخذت نفس عميق وگفت وجاوبته

_ان شاء الله جدي تأمر..

تمشيت ألغرفتي دخلت على حمامها وکفت يم المغسله نزعت حلقتي والساعه والمحبس حتى أبدي ألوضوء أسبغت الوضوء طلعت غرفتي أخذت سبحتي من المجر لفيتها على معصمي,فوك قميصي

لبست ملابس العمليات و عقمت ايدي ولبست الكفوف

أخذت بيدي ألقرأن ودخلت ألصالة العمليات حاضن القران بثنين ايديه اريده ينطيني الثبات دخلت ودموعي خانتني ورجلي وگفت شفت قاروتي نايمة والاوكسجين بوجهه

عاندت روحي وتقربت عليها بقهر وگفت يم راسها دخلت خصلات شعرها جوه الحجاب رخيته الها وهنا اتمعن بعيونهه النايمة حطيت ايدي على بطنهه وبقيت اقراء

اللهم يا مسهّل الشديد ويا مليّن الحديد ويا منجز الوعيد، يا من هو كل يومٍ في أمر جديد، أخرجني من حلق الضيق إلى أوسع الطريق. للهم إن ضرورتي قد حَفت، وليس لها إلا أنت، فاكشفها، يا مفرج الهموم،

ايا لا اله إلا أنت سبحانك، إني كنت من الظالمين، اللهم اكفني ما أهمني، اللهم يا حابس يد إبراهيم عن ذبح ابنه، يا رافع شأن يوسف على أخوته وأهله.

اسالك أن ترحم حال زوجتي وتفرج همها، وتزيل الكرب عنها، اللهمّ صلّ وسلّم على محمد وعلى آل محمد

صوت ابو التخدير صديقي عماد

-يمه الحب يمه شجابك شدخلك ويانه دكتور

ـ ادعيلهه عماد يكولون دعاء الغريب مستجاب

ـ هي وابنك ان شالله يطلعون سلامات وتعزمني على خروف مشوي

ـ لوجه الله اذبح الذبايح اذا طلعو سلامات

ـ اضررب عمي راح اشبع قوزي

مگدرت أبتسم رغم يريد يغير جو اليه جاوبته

ـ چنك على قوزي يجيك لبيتك

ـ بوية هالحب احنة نشوفه بس بالمسلسلات نشوفه بلروايات الگلاسيكيه ماشايفي بالصدگ من يامسلسل جاي أنت

- وگ دكتور عماد ام بيتي هاااااي وام گلبي هاي الحقيقيه المطلقه بحياتي

- عمي الله يحفظگم لا تنضربون بعين مو هيچي ياسيد مو تخليني أغار وازوج لان دمرتنااا يااخي

ـ موو مزاح يادكتور لكن ماتلکى بية عرچ صاحي ورب الكون وهي. الصحوه

ـ لااا تخاف معود ترى اخطر من حالتها استقبلنه وطلعناها مثل الورد وهسة جهالهن بالشوارع دايحين مثل القرودة ويشمرون طابوك على. سياراتنا

.-يارب يارب بلگي بختك عند الله چبير

ـ هووو لو بختي چبير چان ماتلگاني بلعراق لان بس المغضوب عليهم هنا يعيشون فا ياصديقي أيس

_موو وگتك ياصاحبي

_دگتور گوووول يالله وربك يحلهه.. بس اهم شي الذبايح والقوزي لاتنساه

_ما تصيراك چاره

_أيس اپددددد هههه

دقايق و ودخلت دكتوره سحر علينا

گالت

-هااا دكتور مهدي هااااي ليش هيچ ترى أانريدك تبقى قوي شو احنا منك نتعلم وناخذ القوه ونستمدها ترى ماتوقعتك هلگد ماتتحمل قوي نفسك والله ميصير انت صحتك تعبانه

-انشاء الله..أنتم زملاء ونعم منگم وگفو من حليبگم

جاوب عماد

_أنت ونعم منك گل واحد بينه أنت متفضل عليه

_استغفر الله الفضل لله فقط

_يله سيد مهدي قوي نفسك

_انشاء الله اعرف ماراح تقصر سواء ويه مرتي او غير مريضه بس بعد اكلچ دگتوره بالچ عليها

- لاتخاف نذبهه على الله خير حافظ ومعين وانشاء الله تقر عينك بشوفتهم أثنيهم سالمين غانمين

ـ يالله يارب..يااااارب

عفتهم وشوي ابتعدت عنهم يگملون کلشي گعدت بلگاع بيدي القران احاول مااباوع عليهم ولا أتحرك طلع دگتور عماد ودخلن الممرضات المساعدات ويه الطبيبه

فتحت القران وطلعت سورة مريم اعرف هالسورة لتسهيل الولادة بديت اقراء

أعوذ باالله من الشيطان الرجيم

بسم الله الرحمن الرحيم

كٓهيعٓصٓ (1) ذِكۡرُ رَحۡمَتِ رَبِّكَ عَبۡدَهُۥ زَكَرِيَّآ (2) إِذۡ نَادَىٰ رَبَّهُۥ نِدَآءً خَفِيّٗا..

(3) قَالَ رَبِّ إِنِّي وَهَنَ ٱلۡعَظۡمُ مِنِّي وَٱشۡتَعَلَ ٱلرَّأۡسُ شَيۡبٗا وَلَمۡ أَكُنۢ بِدُعَآئِكَ رَبِّ شَقِيّٗا (4)

انهاريت بچي من هالاية الحزن الترس روحي وكأني اول مرة اقراهه رغم طول عمري گل حرف أقراه بتدبر لگن هسه عرفت معنى الانسان يعيش الايه

بچيت برجاء عبد مذنب مامعصوم اذا گان نبي شگبر مقامه عند الله يبچي ويتوسل وينادي رب العالمين وانا بهاي ألگم يوم وصلت مرحلة ألتقهقر مو الجزع

فا حقي يارب

رفعت راسي واشوف الدكتوره بلشت بلعمليه أدموعي نزلت على لحيتي وبللتها الحد النحر حاولت ما امسحهن حتى ايدي لا تتلوث متحسب لكلشي طارئ يستدعي دخولي اساعد الدكتوره بلعمليه

أستمريت بقرائة الايه القرأنيه مااريد اوصل مرحلة اليأس ويه ربي لأن العندي والصار ويايه قليل حتى لو اشوفه صعب ومااتحمله أخلي صوب عيني

دائما صرخة أمي فاطمه الزهراء من عصر ت الباب

فيا امااه يافاطم انتي مني قريبةٌ قريبةْ إلى الحدّ الذي يجعلُني لا أملكُ قلبًا ينبض بل أحتوي دارًا إسمه فاطِمَة في صدري، أحبّ كلّ ما تحبه هي وأبغض كلّ ما تُبغضه وأُحِس بالأمان يُغلّفني عند ذكرك يا أمناااا

اماه فاطمه يحيطني حنانُك كلما ذگرت اسمك

أنا أغبطُ نفسي لأني أجزع من ظلم الدنيا ياااااماه فاطم تحملت ماتحملت أسأل الله بحقّگِ ألّا تترگيني بحق احبابكِ أبيكٓ وبعلكُ وببنيگِ يا الله.

ضغطت على عيني حتى افرغ گل دموعي ورجعن بللن لحيتي الحد النحر استمريت بقرائة الايه الى

قَالَ كَذَٰلِكَ قَالَ رَبُّكَ هُوَ عَلَيَّ هَيِّنٞ وَقَدۡ خَلَقۡتُكَ مِن قَبۡلُ وَلَمۡ تَكُ شَيۡ‍ٔٗا

قادر يا الله تخلص زوجتي وابني من الموت

اللَّهُمَّ لا سَهْلَ إِلا مَا جَعَلْتَهُ سَهْلا، وَأَنْتَ إِنْ شِئْتَ جَعَلْتَ الْحَزَنَ سَهْلاً

رجعت اقرة ووصلت الاية..

فَأَجَآءَهَا ٱلۡمَخَاضُ إِلَىٰ جِذۡعِ ٱلنَّخۡلَةِ قَالَتۡ يَٰلَيۡتَنِي مِتُّ قَبۡلَ هَٰذَا وَكُنتُ نَسۡيٗا مَّنسِيّٗا (23) فَنَادَىٰهَا مِن تَحۡتِهَآ أَلَّا تَحۡزَنِي قَدۡ جَعَلَ رَبُّكِ تَحۡتَكِ سَرِيّٗا

احيانا نقرة القران وان گان بتفقه وفهم لكن منحس بمعناه والبشر ميحس غيرة الا اذا مر بيه.. هالاية من قريتهه انعصر گلبي عصر گبس على ضلوعي

.

صرت أدعي بجنون وحرگة گلب وكأن السيدة مريم عليها السلام تتراوالي وهي تمر بمحنتهه وتطلگ لوحدهه ما يمهه بشر يساعدهه عدا رحمه ربي..

ذگرت وجعها وألمها بحيث أختص الله سبحانه الأجل صبرها والمها سوره گامله الها أمرأه وحيده صغيره تعاني الطلق بلا زواج

صبر سيدتي مريم وام مولاي أمير المؤمنين وهن فقط متوگلات على رحمة ربي بلا معين ولا طبيب ولا مساعد واحنة كل هالاطباء والاجهزة المتطورة وخايفين لان نفتقد لرحمه الله..

رغم جنت مركز بالاية القرانية لكن اذني يم الطبيبةظ

هنا الخوف بدا ياخذ مني وشفافي مره تسگت حتى أذني تسمع صوت الدكتوره تحچي كلمات انكليزية بهمس حتى لا اسمع بس سمعتهه تحچي وعرفت النزف مستمر ويه عقيله بعدة ومدينگطع

أقاوم حتى اقوي نفسي مستمسك بحبل الله ماايس اقراء ومااخلي بالي يم گلشي حتى ابقى هاديء

صوت طگطگت اجهزه وادوات العمليه صار غريب شوي وهمهمة ممفهومه ماريد ارفع راسي حتى لا انصدم بس مگدرت استمر صدقت وسميت وسديت كتاب الله وخليته على جهة

راسا گمت ووكفت يمهم شفت الجهاز يأشر لعلى موجودة وكل شوي يصفر يعني القلب ديتوقف وميشتغل عدل..

مديت ايدي لزمت ايد عقيلة لكيتهه جدا باردة وهالمؤشر خطر أنخضيت عليهه سالت الطبية بنترة بصوتي بس بدون وعي مني

_ ووووينچ دگتووورة خيرررررررر شصااااااااير

بعدها تشتغل وبثقه بدون متباوع علية.. ردت

ـ ماااااااااااااااأصاير شي ارجع لمكانك

جاوبة معاونة الطبيبه

ـ لازم نكلة دكتورة.. المريضة كل وضائفهه الحيوية تقريبا عطلت وتحتاج صدمات كهربائية

أثناء ما يحچون ويايه يريدون يطمنوني جابو جهاز الصدمات وهنا لزمت الطبيبة ثوب عقيله شگته حتى تحط جهاز الصدمات ماعرف أشلون بقيت واکف ومسيطر على هذا المنظر قارورتي هيچ يصير بيها جدام عيني يشگونه

أول صعقه عقيلة ماگو أي ردت فعل ولا أي فايدة

بهاللحضات اتوقف بية الزمن وصرت باللاشعور

ماعرف ان چان فقدتهه او لا لكن عقيلة جثة هامدة يصعقون بيهه ومتكعد مجرد جسمها يغتض بقوه

ضغطت على ايدهه بقوه شهگت مو طبعي الضعف دائما تواجهني هيج مشاكل بس يم عقيلة انتهى الكلام وخلصت الحياة

الطبيبه المساعده تضغط على كلبهه كل ثانيتين ورة الصعقة وتگرر الضغط

گالت الطبيبة بيأس وتعب

_ هاي اخر صعقة راح اصعقهه واذا ماكعدت نستسلم لقضاء الله وقدرة

بحلقت عيوني وبغضب وخوف على فراق الحبيبه رفضت استسلم لهلكلام رفضت أي ردت فعل من زميلاتي

بلا شعور طبيب بأحساس حبيب وزوج مديت ايدي شلت الصوندة من حلگ عقيلة دنجت عليها وهنا سويتلهه تنفس اصطناعي شلت راسي ووخرت الطبيبه المساعده

وبقيت اسوي تنفس صناعي و اضغط على گلبها وامسده بحرگ

جريت الصواعق من الطبيبة وصرخت بعالي صوتي

_يااااالله ياااااامحمدد ياااااااعلييييي دخيييلك يااجدي وواكعلك دخيل لاترردني

صعقتهه ماگو استجابه رجعت دنجت سويتلهه تنفس صناعي ومساج للقلب اكثر من اربع مرات

الطبيبة خافت مني تريد تاخذ جهاز الصعق صاحت

_حررررررررام الدتسوي المريضة ماتت مااااتتتتتتت

رفعت راسي الها خازره ما جاوبتهه بقيت مستمر والطبيب المساعد والممرضين الي ابتعدو مني خايفين تقربو عليه گالت المساعده

_وياك اني دگتورر رااااح اضرب على رجلهااا التفت الها بنظره اشگرهاااا هي والوياها من الممرضات

شافتني دكتوره سحر انا مصر على قراري گالت

_يله دگتور اني وياااك بس على گيفك وياها

_اشگرج دگتوره. يله انطيني أبره قلب

بقينه دقايق ننطي نفس ونمسج جسم الدقايق مرت كأنهه الف سنة ردت أيس أخر شي اخذت نفس قوي ونفخت بقوة بحلك بعقيلة ورجعت اضغط كلبهه

ثواني ورجع جهاز القلب يأشر يعني رجعت الروح بعقيلة مگدرت أوكف رجعت من الفرحه والدهشه والخوف على الحايط صرت ابچي بشكل هستيري من المريت بي ما گدرت أعبر عن شي بس سجدة بلا وعي اشكر رب العالمين

گمت من السجده لزمت ايد قارورتي وبقيت ابوس بيهن الكل فرح وهنو بعض والممرضات رجعو الاوكسجين بعقيلة والكل كعد بالارض من الاجهاد المر علينه

ـ الف الحمد لله على سلامتهه سيد مهدي

ـ اشكرچ دكتورة

ـ سبحان الله عسى ان تكرهو شيئا وهو خير لكم.. جنت رافضة وجودك بصاله العمليات لكن الله يوضع سرة باضعف خلقة

ردت مساعدت الطبيبه

ـ كلشي يتعوض اهم شي الام بخير

طخت ابالي كلمته گتله

_ليش هي جابت

ردت الطبيبة بأستغراب

ـ شبيك دكتور وين چنت هو من أنت چنت تقراء قرأن زوجتك ولدت

گمت ارگض من مگاني ادور الطفل وين الطفل شنو جابت

كالت الطبيبة

- هسة الحمد الله من طلعت زوجتك سلامات من حلگ الموت

وگفت على كلامهه ميطمئن وخصوصا ابد ما سمعت صوت بچي طفل.. ماكو شي سنطه أي صوت ماگو

مجاي أگدر أشوف نفسي كفيء بهيچ أختبارات من مطب المطب ثاني أدخل لزمت گلبي أجهد من الموقف الصار من خمس دقايق وهسه ضناي ماعرف شنو بيه مابيه

چنت رافع ايدي ألتفت على حامل الخدج فارغ

انعصر گلبي نزلت أيدي ملت راسي أتمشى صوبه

دخيلك ربي من هبطة لهبطة اتقربت شوي واشوف جثة طفل مدده على السرير

لا مو طفل هاااي طفله أجتني بنت مثل فلعه الگمر أضاهر دموعي متريد تفارگني والحزن صاحبي مااا يرضى يعوفني مثل قرين متربص عليه وعلى گلبي

تناوعت للدكتورة اسألها واعرف الجواب

ـ دگتوره بنيتي ليييش هيچ مشمورة ليييش

-للاسف.. الله يعوضكم

_عووفي هاي الگلمه الله يخليچ

_للأسف اسفه

تناوعت البنيتي بيضه شحمه بنيتي مو ضعيفه گلش مثل ما اتصورت لا بنيتي عدهه خدود تجنن مديت ايدي لزمت ايدهه صغيرة ناعمه ترفه قربتها الشفتي الراجفه بستها

_يروح أبوچ يحلاة أمچ

مسحت على راسها عيونهه واسعه رغم مغمضة لا هاي نايمة مو ميته اليوم أنا بصراع ويه القدر ماريد اتقبل فكرة موت أي أحد

تنفسي صعب بسبب تعب ريتي من الحادث بس هل شي مامنعني أخذت صوندة واسحب السوائل وارجع اخلي شاش على حلگها واسوي تنفس وارجع انطي أوكسجين وادلك بظهرها مره ابطنها

وارجع افرك رجليها وسويلهة تنفس سريع وارجع اضغط على صدرها بقيت احاول واحاول حتى جرت الدكتورره ردني حييل

-كااافي والله هواي ضغطت عليها وقفصهه الصدري ميتحمل هالضغط يتگسر الطفلة ماتت هي طير من طيور الجنه وحتى شكلهه بنت اخره من جمالهه العوض بيكم ان شالله والحمد الله على سلامة امها

تنهدت بيأس فعلا گلامها گافي

جاوبت نفسي

_لاحول ولا قوه الا باالله العلي العظيم اللهم لا أسألك رد القضاء لگن اسئلك الطف فيه

بعد ما اتحمل اكثر نزعت صدرية الاطباء مددتها على السديه شلت بنيتي وخليته على صدريتي لفيتهه شلتها حضنته. الگلبي ملمسها ترف مثل ترافه فراشة وبيهه عطر من الجنة

حضنتهه واشمشم بيهه احاچيها

_وچ بابا شراح اگوووول لأمچ شجاوبهه من تسالني عليچ ويين حگ تعب امچ بهالاشهر بيچ

گلت للدگتوره

_چان على الاقل لفيتوهه بالكماط ليش عفتوهه هيج

ـ اعذر الممرضة سيد مهدي انخبصتت ويانه بالمريضة

كول الحمد لله الصار مو سهل

حضنت بنتي بحرگه الحمد الله والشكر على كل حال

بقيت شايلهه ورحت يم عقيلة الطبيبه المساعده

گالت

ـ هاي كارتونه خلي الجثة بيهه راح اخلي الك گطن وشاش حتى متتأثر الجثه

تناوعت بگسرة أب فاقد يريد يگرم جثة بنيته

ـ لااااااا ميحتاج هاي أبنيتي خليني شايلهه على گلبي اريد اشبع منهه

قربت جسم بنيتي خليت وجهه بنتي على وجه امهه حتى لاتزعل مني عقيلة وتگلي ماحضنتهه قبل لا تدفنها

الأم نايمه ومنتظره تگعد حتى تشوف بنتها وهاي بنتها بيدي ميته بابهامي والسبابه مسحت دموعي متحملت هالموقف رجلية ما ساعدتني دنجت قبلت جبين عقيلة وجبين بنتي

أخذتها بين أيدي وگل خطوه حتى مايدخل اليأس والجزع کلبي يتصور اليه مولاي أبا عبدالله وهو يواري بين ايده رضيعه مذبوح النحر والدم ماليه وانا بين ايدي طفلتي بجسم بارد كارهه حرارة الدنيا

طلعت خارج صالة العمليات عفت الممرضات ينقلون عقيلة لغرفة الانعاش اتلكاني مجتبى شافني شايل صدريتي

ـ وجهك مخطوف عضيدي شگو أشلونها أم علي والطفل

نصيت وعلى نحيبي گل جسمي أهتز حتى بنيتي بيدي نهزت من نحيبي مگدرت احچي دگتورة سحر جاوبت بمكاني وكلتلهم على الصار

_مع الأسف ألبنيه أجت مجهده 'وضعيفه مگدرت أگثر واللحظة الي نولدت بيها قلبها جدا تعب أقل من ثانيه عاشت وماتنن

گال مجتبى

_يعني سويتو گل الفحوصات أنعشتوهااااا

ردت الدگتوره

_مووو بس اني سويت ألها أنعاش حتى دكتور مهدي هااااا وديربالگم عليه ابو علي لأن الصار جوه بلعمليات أخذ گل صحة وطاقة چانت

_ليش شنو صار جوه

_صار أهوال من أنعاش زوجته من دمارات نفسيته ألمهم أخوك تعب کلش واچهد بس يقاوم

ألدگتوره تسولف وانا حضنت بنتي وبچيت سيد مجتبى أجى عليه حضني أنا والبنيه بچية على چتفه

ثواني اجتي امي وعمتي زينه اخذو الطفلة مني يتناوعولهه ويبجون

وجدي لزمهه بين ايده ياذن بأذنهه يحاول يبين قوي كدامنه بس واضح عليه مقهور أخذتها منه رغم

راد ياخذهه مني مجتبى حتى يدفنهه ماقبلت انطيها

رد جدي

ـ اكرام الميت دفنه يا ابني وهالطفلة توگفلكم بالجنةن

ما كلتلي شراح تسميهه

ـ الدرة البيضاء

_الله يرحمها ويصبرك الاسم القاب سيدة فاطمة الزهراء بجاه الزهراء عند ربي تبرد گلبك وگلب امه

_أمين جدي بجاه عند ربي

اريد منها تجبر خاطر عقيله

طفلة انا اخذهه بيدي بس ديرو بالكم على عقيلة

گالت أمي

_روحي علويه زينه ويه وليدي لان مااتحمل اشوفه مكسور بعد مجتبى لا تعوف اخوك

_انشاء الله يمه راح اخذه

جدي گال

_ام مهدي ابقي يم عقيله وانت سيد مجتبى ابقى هنا خاف أمگ تحتاج شي

تمشيت ويايه عمه زينه وجدي يبچون بصوت ناصي صارت جدامنه أم غفران وابنها منتظر گالت

_هاااا وين بنتي هاااا ليش هسه گلتووو ليششش ماحچيتووو وينهااا

گتلها

_الحمد الله عقيله زينه هناك بلغرفه يمها أمي ماترکتها بعد ساعه اقل تگعد من البنج

_الحمد الله بنتي زينه اشگرك ربي بس شنوو جابت

وين الطفل

جاوبت عمتي

_الطفله نطتچ عمرهااا البقى براس عقيله

طگت اخدودها أم عقيله وبحرگه

_يمه بنتي عقيله يمه ياظليمتها يمه ياصبرها يمه الله يعينچ يايمه وين ماخذين الجاهله ياااربي هل يتيمه يمتى ترتاااح

جاوب جدي

_يله بويه خلونا نروح

گالت أم غفران

_وين سيد وين

_ندفن الطفله ندفنها ياام غفرااااان

شهگو گلهم يبچووون بحرگه وقهر ألگل واحد بيهم حزن وجع وانا وجعي غير عنهم وجعي نار شابه بضلوعي نار ما تطفي اله اطفيني مشينا وترافت بنيتي وهي بين ايدي دمرتني

حتى ماافقد أملي ولا تجزع مره ادعي مره اند مره

أردد((اللهم إن ( أبنتي الرضيعه)في كفالتك وفي ضيافتك فهل جزاء الضيف إلا الإكرام و الإحسان و أنت أهل الجود و الكرم

رگبنا السياره توجيت بصمت وداخلي مأتم گال جدي

_راح انا اسوق ناخذ الجاهله المگبره الاطفال

وهم يسوقون أشرت الجدي وگتله

_،سيد باقر لا تاخذنه مباشر للمقبره لان مامستعجل أدفنها اريد حتى لو من بعيد اباع الغريب الغرباء عسى ابرد نار گلبي بذكرى استشهاد رضيعه

_صار بويه صاررر الله يصبرك يوليدي الله يصبرك

ام غفران تبچي وتخابر بابو غفران وعمتي تخابر البيت تخبرهم والگل يسولف ويعبر عن حزنه والمه

وانا افگر بعقيله أشلون راح تگعد وماتلگى بنتها

أشلون راح تتحمل موتت بنيتها وهي خلصت حملها صعب بصعب والم بألم حتى مااخذت علاج تحافظ على صحة الجنين

فتحت الصدريه أتناوع الملامح بنتي وجهه الي صار أصفر قبل موعده أدموعي النزلت على عيون بنتي

گالت أم غفران

_غطيها يمها غطيها خطيه وانت راح تدمر وراك تقوي نفسك علمود عقيله

_مو بيدي خاله فراك الاحباب وضياعهم من بين أيدنا شگى منه أمير المؤمنين فگد الاحباب حنى ظهر مولاي الحسين بساعة الطف وانا عبد مذنب مو معصوم النار الشابه بگلبي ماظنها تطفى أله موتي

_أسم الله عليك وليدي اسم الله خاله

_أنتي مثل أمها يخاله شنو راح يصير بيها وهي چانت منتظره هل حمل مثل أمل الفقدته والحمل رجع الها الأمل

_مااعرف يمه سوده عليه عقيله

رجعت غطيت وجهه بنتي صرنا گبال شارع الياخذنه على حضرة الأمام الحسين وگف جدي سيارته عيوني شارع الي ياخذنه للأمامين نزلت من السياره وگفت متوجي تناوعت للگبه اناجي أمامي الحسين

((السلام على من تضافرتْ على أخته المصائب والكروب، وذاقت من النوائب ما تذوب منها القلوب

بأختگ بأختگ باختگ زينب برد قلبي ياحسين))

مولاي والله مو گد الفراك أخاف أخسرر بهذا الاختبار أبني ميت بحضني وماا اعرف وين اروح والمن أشگي هم ضناي ‏گلبي جابني الحضرتك مولاي ياابا ابا عبدالله كفكفت دمع عيني خجلت من نفسي امام مصائب ألأمام الحسين رفعت ايدي اندبه

‏يا سيدي يا حسين قل لولدك المهدي

‏أن يدركني قبل ان أضيع..

عمتي بحرگة تبچي'على صوتها هي او ام غفران وحتى جدي واعرف جدي يبچي على بچيي أشلون أصبر نفسي وعقيله الي تلوم نفسهة من يتأذى شخص وتحمل نفسها الملامه فگيف هسه والميت بنيتها

رفعت راسي مو جازع ولا معترض بس محروگ ملگوم صحت بصوت عالي ياااااااارب ياااارب يااارب

گال جدي وهو يوگف السياره

_وليدي مهدي لااا تگطع گلب جدك والله موتتني

_مووو بيدي جدي موو بيدي والله موووبيدي

رجعت للسياره ساق جدي قريب نوصل للمكبره مال الاطفال مگدرت ابقى بس لا زم بنتي صعدتها الگلبي حضنتها حيييل متأسي بجدي الحسين عليه السلام (ياحسين ياحسين يامولاي مولاي اليـد التـي تُنمـد الك مولاي

ماتتُـرد خـائبـة وانا هسه ظني خاب مووولاي

الـﮫـي بـ الحُسـين الهـي بلحسين

راح جدي للدفان وگفنه يمة يحفر قبر للطفلة

لازمهه وابجي واشه‍گ ما مستوعب هالملاگ راح اخليهه بهالحفرة الضيقة واذب تراب عليهه هواي جنايز اليوم بالمدافن

بس الجذب انتباهي قريب من يمنه اجت كوستر مليانه نسوان واضح المتوفية مرة لان ملفوفة بعباية سودة عفت الناس والتهيت ببنتي راد ياخذهه الدفان مني بس رفضت انطيهه كلتلة انا انزلهه للقبر بيدي نزلت للقبر وهي بيدي دموعي ما سكتت ولاتوقفت شلون راح اعوف هالطفلة بنص هالتراب مدستوعب الفگرة..

خليتهه بالقبر وكلبي راد يطلع من مگانه سمعت صوت اطفال يبجون اتخيلت علاوي من يعرف عندة اخت ماتت اگيد راح يبجي مثل هالاطفال الديبجون عفت الطفلة وطلعت ولو عليه مستحيل افارگهه بس امر مفروض عليه قبل لا اطلع من القبر سمعت صوت طفل رضيع يبجي انعصر كلبي اتخيلتهه بنتي تخاف تبقى لوحدهه

شافني سيد باقر مدلي ايدة

ـ وگ اطلع ابني ميصير هيج تبقى القبر اله حرمته

مسحت دموعي وگوة احجي..

_ بس

ردت ام غفران

ـ خطية شوف هالناس مصيبتهم شكبرهه الاماية متوفيه وجهالهه گلش صغار اسمعهم شلون يبجون يكطعون الكلب

ـ سلمت امري لقدري وطلعت من القبر ورد اجى صوت طفل بأذني انتبهت على الصوت لكيت طرف من كماط طالع من ورة القبر المقابيلنه...

‏ماكنت يوما أظن بأني سأفقد

روحًا أحب إلي من روحي !!

لكن الله قضى وعلى العبد الرضى

اللهم اجعلني من الصابرين المحتسبين الراضين بقضائك وقدرك

........

أتعبتني يا قلبُ في دُنيا هواكَ،

تِيهاًً ولا أدري متى تَلقى مُناكَ

مجتبى//افتر بلغرفه منتظر ميسم تدخل محترك كلبي منها لان نبهت عليها ماتقترب الاي احد من اقربائنه خاصه ام عامر حتى كررت الاسم عليهاا وحسستها انا اشكد اكرهه اشلون تصرف من وراي وترحب بيها نفتح باب الغرفه

دخلت للغرفه اول ماشافتني ابتسمت وهية تنزع الرداءوالشال وتفتح شعرها وتحجي

،هااااا حبيبي وينك جنت بس انتظر خطار يروح واجي اصعد بس ماتحملت اجيتك ركض عرفت اشتاقيتلي وتأخرت عليك

لزمت ايدها

ابعدها عني

-ليش تتصرفين منن راسچ مو حاجيتچ وضحت الج

-شتقصد

-اقصد وكتلج تبتعدين عن اي شخص خارج اطار عائلتي

-واني ممقتربه الاي شخص غريب حبيبي

-لااااا تغشمين نفسج

-اهاااا تقصد نسوان عمومتك وووي هو اني شفتها المسكينه الام عامر واكفه يم الكراج وعمه زينه واكفه يمها تسولف وهي اشرت اليه ادخلها

-عمه زينه

-اي لعد من كيفي ادخل اشتتوقع اعرف احد اني

-ميسم

-يقلبي

-ماريدچ في يوم تخذليني انا اومن بيچ ایمان قوي

-مستحيل انت حبي وروحي وعقلي

-متاكده

-اي لعد هو منو سحل روحه على منو انت جنت فد واحد متعجرف ومغرور متباع على اي وحده شلعته الگلبي شلع يله انداريت عليه

-امممم وشراح اسمي هذا الحجي

-سمي ياحبيبي رجوله..

يعني ماقبلت تشوفني غير زوجه الك

-عبالي

-هسه سامحتني

_على شرط.... ماريدچ تسولفین او تقتربین او تحچین،او حتی اسلمین

علی ام عامر لان ثقي بمن احل القسم راح يكون تصرفي

غير وياچ وراح شوفين غير وجه

-میموو لیش تتعصب موضوع مايستاهل وكتلك تم

-مامتعصب انتبهي زين عليه،عندي يستاهل الموضوع لان هاي الحية ام عامر اشوف دم سنوني ولاشوفه افتهمتي

ومن اتعصب انا او اخوي او حتى جدي راح يبرز هنا عرج الهواشم بكصتي هنا راح تعرفين انا متعصب وذا اعصب اخرب والله يستر بعد ديري بالج من هذا اليوم

-الله واو شنو هذا عرج الهواشم

-هذا وريد خاص بس بينه احنا الساده الهواشم

-اممم حبيت..

شي حلو

زوجي حبيبي سلاله نادره نبيله

-حبيبي لا تعيشين جو الادب التاريخي هاي مو سلاله نادره هاي سلاله طاهر مطهره

-امووووت بشي اسمه طهاره هههههه

-حقيره متصيرلچ چاره

-لان احب الطهاره

-لا لان گلاوچیه

-غير حبك جنني وخلة بألي يروح بعيد

-لاضيعين الموضوع ميوس لاتخليني يوم أندم

-امم تددلل مااحچي ولا اسولف ولا اسلم على ام عامر لا من قريب ولا من بعيد ولا

-هاااااي هيه راح اسامحچ

-بس

-روحي جوه ماما تحتاجچ

_يعني انت ماتحتاجني

_لااا حاليا تعبان شوية ضايج

عافتني وراحت للميز المراية واخذت قلم حمرة أحمررر

وطوخت شفايفها وتباوع عليه وتغمز الي

بس اني صدگ ضجت منهة راحت للكنتور وعافت باب مفتوح وكفت وراه تبدل

كتله..

مو كتلج نزلي امي تحتاجج

ترد عليه وتنزع وتشمر ملابسه جانت لا بستهن

-یااااي شكد لئيم

-ليش

_يعني ماتردبيني

اوووك هسة اروووح

طلعت من ورة باب كنتور لابسة فستان قصيرر جدااااا فاضح اكثر ماااساتر

تقربت كلش عليه وتحجي بميوعه ورفعت ايديه ترتب ياخة الاتراك وتفتح السحابة الاتراك

كتله اريد ارتاااح نزلي بس عيوني فضحتني

وكفت على أطراف اصابعها باست خدي

-لازم اخليك راضي عليه بشكل تااااام ويروح منك الزعل

ويطيب خاطرك ورجعت باست خدي ثاني

ابتسمت الها

-اشلوون بله اركدي بعدنه بأول اليل

دفعتني بيدها على سرير وعيونها تتحرك بغنج

مديت ايدي على ظهرها وهي فوكاي....

وفجاه سمعت صياح اخوي سيد مهدي دفعتها حيل من عندي نزلت الدرج حااافي واني امسح بوجهي وأسد سحابه وصوت اخوي معصب وغضبان نساني نفسي وروحي ورغبتي رفعت اكمام رداني انزل بحرگه

وصلت للصاله

واشوف اخوي سيد مهدي فاتح قميصه وصدره ودك على صدره ويحجي بحركة

تفأجات اول مرة اشوف سيد مهدي فاقد واثار العمليات الحادث كلها مرسومه رسم على صدره

..رجعني الذيچ الحظه الشفت جسمه ممدمى

الحد هاي الحظه ماانسى منظره وهو بين الحياة والموت

الحد هاي الحظه صوته يفزز بيه وجع والم الحادث وخوفي لا افقد اخوي عضيدي

الحد هاي الحظه اشوف سيد مهدي اعز واغلى من روحي وحتى من امي

صحت شكو

بلااا شعور بلا سابق تفكير من شفت نظراته وصياحه التفت على ام عامر الي چانت واگفه بقبح وحقاره اول ماشافتني لفت عبايتها چانت علی چتفها لبستها

گلت السید مهدي

-هاااأي السبب بصياحك موووو مووو هيه موووو هي الخلتك هييچ

سید مهدي بعده ينتر ويصير

رحت عليهة اريد أضربها شردت جدامي ابسرعه مااشوفها اله طالعه المطبخ ركضت وراهااا اريد امسح الكاع بيه وتوبه بعد مااذتنى أخوي وعائلته حالف اله أخلي دمها بطولها بس سيد مهدي صاح عليه

-مجتبى الحك مرتي

وووگ حضر السياره بسااع

طكيت الحايط بحرگه رجعت ركضت على صوته اشوف شكو لكيت عقيلة شايلهه سيد مهدي

طلعت سيارتي وانطلقنه للمستشفى واني اعض بايدي واشوف اخوي حتى بجي يبچي على مريته من ورة هاي الحية ما اعرف شمسوية وهيج صاير حال عقيلة

وصلنه مستشفى ودكتورة فهمت اخوي رحنه اني وعمتي انجيب ملابس لطفل وامه

وصلت للبيت راحت عمتي تاخذ ملابس

دورت على ميسم ماكو جوة بس جدتي ويمها سيد علي

صعدت فوك يم غرفتي واسمع ميسم تحچي وتسولف بضحك وتكول

_اي أي وحدي بغرفتي راااحو گولهم ركض شالو هالخرسة وطارو للمستشفى وهي مثل المعوقة ممطولة بالكاع لا من راسهه ولا من رجلهه..

أوي ياعيني مشاعرهم أوفر بحيث زلم شواربهم ثخان راحو رگض علىالخرسه والله ياماما فد عيارة فد تتعاير لوتشوفهم اهتمو بيها

لان من وگعت گامت تسوي فعالياتهه وتمطل بروحهه وتسوي روحهه مواته هالكذابة بس الله اخذلي حوبتي منهه فد نزف نزفت تكولين حنفية دم وانفتحت كبر طمهه لوصتنه

اوي مدا أعرف شهل اوفررر

اي والله هسة محد موجود هنانة بس ..

هههههههههه اااي ضل البيت لمطيررة

اسمعهه تضحك بطريقة استفزتني وكأنو عدنه حفلة مو شخص بين الحياة والموت

چنت جاي اخذ افلوس من گنتوري وتالي أتفاجأ

بتصرف وگلام ميسم زين ليش الضحك زين ليش هيج تحجي عن أنسانه من أيام تعرفهاااا

باغتهه بحرگه وفتحت باب الغرفة ...

شافتني وانخضت وكفت و كالت

_مجتبـــــــــى ميموو

يلة باي

السلام عليكم...صيام مقبول

حينَ تجد الحب

تجد نصفکَ وكُلک،

وكُلّ شكلٍ هندسِيٍّ فيک،

تتكئ حينَ العرج وتسير حينَ الوقوف،

تتنفس من صدرک هوائين اثنين،...

نصفٌ منک ونصفٌ من كونک الذي تُحب،

فصار للحياة معنى وغاية،

وصرتَ أنتَ روحًا بينكما

تميلُ لأَن تكونَ فيه أكثر من كونک فيک.

خليتهه بالقبر وكلبي راد يطلع من مگانه سمعت صوت اطفال يبجون اتخيلت علاوي من يعرف عندة اخت ماتت اگيد راح يبجي مثل هالاطفال الديبجون

أكيد راح ينقهر ويبقى يحچي بأخته

عفت الطفلة ماأگدر اشوف اشلون يدفنها الدفان ولوعليه مستحيل افارگهه بس امر مفروض عليه..

قبل لا امشي خطوه من القبر سمعت صوت طفل رضيع يبچي أنعصر گلبي اتخيلتهه بنتي تخاف تبقى لوحدهه

شافني سيد باقر مدلي ايدة

ـ وگ اطلع ابني ميصير هيچ تسوي ياوليدي

ـ مو بيدي جدي

ـ سلم امرك لله واطلع..

ـ بقيت ساكت وابجي ماگدرت اجاوبة..

ـ چنك ماتگدر تبقى لان اذا تبقى وتشوف دفنها تتأذى وهم القبر اله حرمته

مسحت دموعي وگوة احجي..

_ بس جدي هاي بنيتي

_وگ بويه النبي يگول الله سبحانه لملائكته: قبضتم ولد عبدي؟ فيقولون: نعم فيقول: قبضتم ثمرة فؤاده؟ فيقولون: نعم، فيقول: ماذا قال عبدي؟ فيقولون: حمدك واسترجع، فيقول الله: ابنوا لعبدي بيتا في الجنه اسمه الحمد وانت مؤمن يبوي

مسحت أدموعي التفت على ام غفران گالت

ـ أبو علي بنيتنه طول عمرها ماتحب تتواصل ويه الناس ومن أنت أزوجتها أشوفها حتى تحب تحچي تسولف يعني انت ألتچايه التنتچي عليها زين اشلون راح تشوفك هيچ منهار بيمن تتقوى وانت قوتها

_أم غفران نار شابه بکلبي

_اعرف خاله والله وحقك أسألني أنه هذا حالي وانه مضيعه شاب بطل بس أتأسا بمولاتي زينب وانت اتاسى بمولاي أمير المؤمنين

_عليه السلام والله يرحم ابنج

اندارت تاشر

_يرحم موتاك خاله..

بس تناوع يا خاله و شوف هالناس خطية مصيبتهم شكبرهه الاماية متوفيه وجهالهه گلش صغار اسمعهم شلون يبجون يكطعون الكلب شوف حالهم وحسب مفهمت هاي المريه بحضنها طفل خالة الجهال ترى مصيبه تهون على مصيبه ثانيه

التفت منصي وكل تفكيري بعقيله بمريتي اشلون حالها من تسمع وتدري رفعت راسي للسما اردد بشفاف يابسه عطشانه

لا تَرْفَعْنِي فِي النَّاسِ دَرَجَةً إِلاَّ حَطَطْتَنِي عِنْدَ نَفْسِي مِثْلَهَا، وَلا تُحْدِثْ لِي عِزّاً ظَاهِراً إِلاَّ أَحْدَثْتَ لِي ذِلَّةً بَاطِنَةً عِنْدَ نَفْسِي بِقَدَرِهَا.

اللَّهُمَّ صَلِّ عَلَى مُحَمَّدٍ وَآلِ مُحَمَّدٍ، وَمَتِّعْنِي بِهُدًى صَالِحٍ لا أَسْتَبْدِلُ بِهِ، وَطَرِيقَةِ حَقٍّ لا أَزِيغُ عَنْهَا، وَنِيَّةِ رُشْدٍ لا أَشُكُّ فِيهَا، وَعَمِّرْنِي مَا كَانَ عُمُرِي بِذْلَةً فِي طَاعَتِكَ، فَإِذَا كَانَ عُمُرِي مَرْتَعاً لِلشَّيْطَانِ فَاقْبِضْنِي إِلَيْكَ قَبْلَ أَنْ يَسْبِقَ مَقْتُكَ إِلَيَّ، أَوْ يَسْتَحْكِمَ غَضَبُكَ عَلَيَّ.

نزلت راسي سلمت امري الربي جاي أمشي من القبر عمتي زينه واكفه جدامي مو هي اخذت الطفله مني وين جثتها كتلها

_وين بنتي عمه

_هااااي يمه عند اخ الدفان

التفت وراي اساله

_وين جثة بنتي

گالي

_هااااي غير ندفنها اخذتها هسه من المره هاي

التفت العمتي ورجعت سالته

_وين الجثه ..

_هااااي هناااا. نطيتها الابوي

سگتت حتى مالتفت لان تعصبت خالي بلاش همه غير يدفنوها عليمن تعصبت انا...

ملت راسي بحزن وذكر ربي مايوكع من للساني وكلمة(لاحول ولا قوة الا بالله العلي العظيم صبرا جميل والله المستعان)كررت هواي(صبر جميل والله المستعان)الى أن اجى صوت طفل بأذني انتبهت على الصوت لكيت طرف من كماط طالع من ورة القبر المقابيلنه...

التفت ارید اروحلة كلش قريب على مكانة تقريبا قبرين بيناتنه.. شووفو هذا كمااط مالت طفل.

ردت ام غفران

ـ يمة سودة عليه معقولة طفل عايفي اهلة

عفتهم يحجون وكمزت للكماط تقربت شفت بس كماط وملفلف بشي كأنو طفل تقربت مدنج اشیله مالگیت طفل بس مجموعه ملابس والكماط ملفوف بيهن ما اعرف شنو هذني فتشت مالكيت طفل

عيوني بچت من هالمنظر یجوز هاي هم طفل ميت وهاي أشيائه هنا ذابيهه

صاح عليه جدي

-تعااال يبووي خلينه نهل التراب ونمشي

تمشيت مكسور خاطر ومسيطر حزني وقهري عليه

وكفت يم القبر اريد اهل التراب بس ايدي ترفض هالشي مالي كلب ادفن بنتي..

شال جدي شوي تراب وهل عليهه اجة بأذني صوت طفل كوة يبجي يتنهنه عبالك..

صرت مثل المجنون ادور براسي يمنه ويسرة

ـ يلة يابني ذب شوي تراب

-لااااا لا جدي مااذب اترااب

-ليش يبووي شبيگ

-اسمع صوت ووالله العظييم اسمع صووووت بأذني..

اي جدي هذاا صوت رضييع

صووت بچي طفل باذني

رد جدي

-اي اي اعصابك اهداء اكيد تسمع اطفال مو بس طفل هاااي العائله الهناك خطية وياهم جهال

-صبر صبر جدي رحمه الجدك صوت بچي طفل رضييع مو چبير

ـ الف اسم الله عليگ يا جدي شبيك صرت تتوهم

اجت عمتي تحجي مثل كلام جدي شفت الدفان يريد يهل التراب بيني وبينه خطوة لزمت ايدة وشمرت الگرگ مالته

-اووووكف اووووكف ليش مستعجل

-هااا بويه شكووو

-صووت بچي جاهل اسمع كلش واضح

التفت وراه ورجع باع عليه كال

-بوووويه هاأي مريه ابنها يبچي بحضنها شسالفه

تناوعت ورى الدفان واشوف امريه بحضنها طفل يبجي

بس الطفل عمره قريب السنه لاااا مو هذا الصوت

راح الدفان يفتح بطل المي ورد ورجع الصوت من جديد بس هووسة الناس كلش ضربت براسي وجدي منا يصيح وعمتي ام غفران تبچي

عفتهم ودنجت بالقبر ثنيت رجليه وخليت وجهي على التراب

القبر صغير ميكفي ادخل جسمي قربت راسي سمعت صوت طفل كوة يطلع صوته مخنوك روحي طفرت من مكانهه و احس گلبي انخطف وانرعبت من هول الاسمعه

بغريزة اب وحزنة بگلبة الملگوم بفقد ضناه

مديت ايدي سحبت السعف الحاطهن الدفان على الطفلة وشمرتهن وجريتهه لبنتي وطلعت من القبر

بس الله يعلم بحالتي بهاللحضات انفاسي وگفت

اي مااريد اي نفس خفت اتنفس لا يطلع الاسمعه حلم الكل يصيح عليه عبالهم اتخبلت بس گلي ثقة وايمان برب العباد شلت الطفلة وصرخت بالدفان

_ساعدني اااريد اطلع رحمه ال اهلك

رد الدفان

ـ شدسوي الله يصبر گلبك

رد جدي

ـ ووولك جدي شجاااااااي تعمل شلون ااطلع الطفلة من مكانهه ليش

ـ عااايشة بنتي عااايشةة

مدت ايدهه عمتي ام غفران واخذت بنتي مني وطلعت من القبر محد مصدگ كلامي كلهم متصورين اتوهم...

اخذت الطفلة وكعدت بالكاع وخليتهه على رجلية وكشفت وجهه شفت وجهه احمر الزمهه دافية

عيوني ثبرتني بالدمع ممصدك الاشوفة جدددي بنتتي ووجهه داافي داافي

ـ وولك ياا ابني ااهدي الجو حار واكيد جسمهه يصير دافي

ـ لالااا بنتي عااايشة والله عايشة

ااخذت بنتي قربتهه لوجهي اتقربت على خشمهه الناعم حسيت بهوة قليل يطلع منهه كوة تتنفس عرفت بيهه تحتاج اوكسجين

انا منهار واصيح يالله بجاه كلمن عندة يمگ جاه لا تفشلني

لملمتهه شلون ماچان ما اعرف شلون لزمتهة وطرت بيهه للسيارة

وجدي وام غفران والدفان وبعد ناس چانو بالجنازة گالت المرة اجوي علينه ممصدكين الشافو كلهم كامو يكبرون ويصلون على محمد خليتهه بحضني وصعد جدي باقر يمي وام غفران وعمتي وراية ناولتهه وشغلت السيارة وكلتلة للدفان حسابك يوصلك بالليل

سقت السيارة بشكل جنوني

اول مرة اسوق بهالشكل وسرعه سريعه من بعد الحادث السويته قبل

طلعت المقبرة والاقرب مستشفى. للاطفال على طريقي طبگت السيارة وركضت على ام غفران اخذت الطفلة ودخلت اصيح بقوه

_بنتي وووينگم بنتي بنتي تحتاج اووكسجين بنتي تحتااج خددج سااعددووني يمعووودين

اجتي ممرضه وطبيب گال

_جيبها جيبهاااا بسرعه هاااي وين چانت

مگدرت من الصدمه احچي أكثر اخذو بنتي مني ودخلوهه للردهه تبعتهم گال الطبيب

_ووين وين أخيي ميصير

جريت نفس واكح لان حلگي بيه تراب

_أنا الدكتور مهدي الهاشمي دگتور جراحه بمستشفى العام

_اهلا وسهلا دگتور تشرفنه اتفضل ويانا

بعد أن عرفتهم على نفسي دخلت وگفت على جهه ايدي تون عليه ورئتي متاخذ الهواء اللازم گوه أجر نفس احس بخنگه مو طبيعية صرت اخذ شهيق وزفير باسترخاء حتى اضل متوازن

أتوجيت على حايط,مچتف ايدي على صدري مگدرت احچي أو أفسر سبب التراب المالي ملابسي عاد جاوبت ام غفران واسمعها دکلهم

_بنيتنا چانت ميته بس رب العالمين نجاها وحفظها

جدي گال

_أي يعمي بنيتنا هلينه التراب اعليها وبچت بگبرها

انهت من صدري وجدي وعمتي يحجون للاطباء والممرضات عن بنتي لأن استغربو الطفلة على وجهه تراب ومصلخه

أجى الطبيب اليفحص بنتي سحب أليه گرسي گلي

_أتفضل دگتور لااااو توگع وجهگ صاير أصفر

_مشگور مشگور

کعدت على گرسي وردد(صبر جميل والله المستعان

صبر جميل والله المستعان)رفعت راسي البنتي والاطباء بعدهم يسوون مساج الها ويحطون أوكسجين

وانا من خوفي عليهة أقراء((يا حي ياقيوم ياحي ياقيوم يامن تحي العظام وهي رميم))

غمضت عيني بقهر واردد ألى أن سمعت صوت بچي طفله واضح بعد أن مر تقريبا ثلث ساعه وهي تحت الاوكسجين الاطباء طمنونه وكالو

_ألحمد الله الطفلة استقرت حالتهه ونقلوها للخدج

من الفرحه سجدت شكر لله وجدي هم سجد ويايه..

وگفنا سوى وتحاضنه الفرحه ماوسعت گلبي الطاف الله علينه ورحمته فاقت حدودنه وگان دائما وابد

تنقذنا رحمة الله.. لا شيء أخر

إن عوض الله آتٍ ليمحي مُرَّ ما رأيته كله .

ألگل يفرح وفرحته چبيره الا أنا فرحتي من تگعد عقيله وماتعرف بلي صار رفعت راسي اشگر رب العالمين على أفضاله

أتناوع الام غفران اخذت التلفون وخابرت على امي تبشرهه من تلفون عمتي سمعت هلاهل امي وام غفران گامت تهلهل وياهه الكل ممصدك بالصار ويانه

وانا أبقى ممتن طول عمري على هاي الحظات وهذا اليوم الي عاشو بيه أحبابي ومانفجعت بفقدهم ولا ضگت لوعة فراقهم بس ساعات

عقيلة وبنتي الدرة البيضاء انشلعو من الموت شلع بفضل الله والنبي محمد واهل البيت وبفضل نداء

أماااه يازهراء أغيثيني

أبا علي مظهر العجائب أنجدني

أبا صالح بحق خنصر الحسين أدرگني

الدموع مو بس للحزن الچبير

حتى الفرح الچبير نعبر بيه بدموعنا

لأن الدمع هو وسيلة الأبيضين الحزن والفرح

وهنا تذگرت حلم سيد حامد من صوت النداء يگله (قربت)يعني أفراحي قربت وصارت بين أيدي وهسه لمست هاي الافراح بعزيزاتي وطفلاتي حسيت فعلا رب العالمين يحبني ومايخليني شخص جازع غاضب

رب العالمين يحبني رجعلي عائلتي كلهم ﻤن الموت بعد مادفنت بنتي وخليته بقبرهه ترجع للحياة رغم صوتهه النااصي الگوة ينسمع لكن رب العالمين الهمني وگدرت اسمعهه

أتذكر هالامر انهار بالبچي واشكر الله الف مليون مرة لان سمعتهه.. بلة شراح يكون موقفي لو ماسمعتهه وبقت بالقبر واندفنت وهي عايشة أاااخ ياربي أشلون

قهر

أيد طبطت على چتفي

ـ گاااااافي بچي يااااااااوليدي گول الحمد لله والشكر الصار وياك اليوم معجزاات مو معجزة وحدة

ـ هوووووووو ياجدي بسبب الصار انا ابچي مااااگدر اسيطر على دموعي

ـ مو كلتلك رب العباد ياخذ شي وينطي اشياء بس انت ماصدگتني

ـ الف الحمدد لله والشكر.. ويستاهل الحمد ربي لطفه وحنانه عليه وعلى عائلتي بهذا اليوم مااعرف أشلون أگدر ازيد الشگر والحمد لله

_لأنك گلبك يخاف الله يگون العطاء على قدر الأيمان

والابلا على قدر اليقين والتحمل وهسه غسل وجهك

_أنشاء الله وانت جدي.اخذ ام غفران وعمتي وروحو لعقيلة وانا باقي يم درة هنا..

ردت عمتي زينه

ـ لالا خلينة يمگ شلون تبقى لوحدگ

ـ لا عمة السسترات يمهه وانا مستحيل افارگهه وترة عقيلة تحتاجگم اگثر روحو بشروهه وطمنوهه بين ميحين اللقاء

ـ صار جدي صار..

هاي سويج االسيارة بقي يمك كلشي يصير خاف تحتاج شي..

واحنه نروح بتكسي

تمام جدي...

الله وياكم

طلعو ورحت للسيارة عندي بيهه سجادة وتربة وقران صغير

نزلت ويه جدي والعلاوي ازتهم للباب وانا رحت للسياره جبت السجاده والتربه ر وخليتهن بمگاني قريب علئ الخدج..

رحت للحمامات توضيت واسبغت الوضو رتبت شعري ورجعت فرشت السجادة صليت الفرائض

وبعدين صليت صلوات الشكر النذرتهه

كل فرض اخلصة اباوع لبنتي من الجام ويمر كدامي الاحداث الصارت وشلون خليتهه بالقبر بيدي وگلبي ينعصر ورد استغفر واشكر الله الف مرة

اخذت القران وقريت سور متفرقة

وية بنتي اربع اطفال بالخدج نايمين كل طفل بمكان لوحدة كعدت على السجادة اقرة اجتي السستر وشافت المغذي للطفلة وسوتلهه ممه كلش صغيرة وبدت ترضعهه من سحبت الحليب بجيت من الفرحه يعني استرجعت صحتهه وصارت ترضع

كل شوي التلفونات تخابرني يهنوني على رجوع بنتي للحياة بالسلامه

خبيت التلفون بجيبي ومگدرت اضل صاحي كلش تعبت من احداث اليوم و غفيت على السجادة

ما اعرف شگد مر من الوقت وحسيت مجتبى يصحيني من النوم

عقيلة// اخر شي اتذگرة من صار عندي نزف وراهه ما ادري شنو صار ويايه

حسيت بألم قوي ببطني وجسمي كلة يوجعني متبند تبند اريد ارفع ايدي ما اگدر

باوعت لبطني مو چبير منفوخة يعني جبت بس الوجع الاحس كلش قوي

حرگت عيني على يمنتي ويسرتي مالكيت سرير لطفل گلبي انقبض وين طفلي

محد يمي بالغرفة بس انا اريد احچي مابية حيل

بس اتذگرت صوتي ميطلع ورغم هذا ما استسلمت

جمعت قوتي وصحت..

م.. ﻤـ...

اتنهدت واخذت نفس ورديت صحت..

مـ.. هـ.. دددي

راسا انفتحت الباب ودخلت عمتي ام مهدي رگضت عليه وباستني من راسي وتصيح

_اللهم صل على محمد وال محمد اشلونج بنيتي

_ا انا ان

_لااااا تعبين نفسچ يمه هسه گلشي يمر سلامات

اريد اسئل عن سيد مهدي لان ماممگن يتركني واريد اسئل على طفلي المفروض يمي هسه أو اقلاها شغلاته جنطته يمي زين معقوله امي تسمع بيه وماتجيني..

المفروض اول وحدة تجي بس لا هي ولا غفران

أکو شي صاير مجاي يحچون الا أن اجتي دگتوره سحر وياهه تسلم عليه وتضحك الفرحه بوجوهم جبيرة اكيد فرحانين بالطفل

گالت عمتي

ـ الف الحمد لله والشكر گعدتي من البنج بالسلامه. وحچييتي يرااد اطش وهليه بالاماامين

ـ ا.. اب.. ني ووين

ردت الطبيبة

ـ لاتكملين الطفلة بخير وتخبل مثلچ

ابتسمت رغم الوجع البية

عرفت جبت بنية عيوني دمعت من الفرحه.. ردت احچي الطبيبة ماخلتني

ـ عيوني أنتي أمانه دگتور مهدي أهدأي هسه ورتاحي راح تشوفيهه وتشبعين منهه لاتخافين بس شدي حيلچ وگومي بالسلامه حتى تستلميهه

باوعتلي ام مهدي تمسح بدموعهه و تحجي..

سبحانگ ربي اليوم يوم المعجزات انتو طلعتو سلامات ورجعلچ النطق االف الحمد لله والشگر ربي

ـ مفتهمت شنو تقصد بيوم المعجزات وشنو يعني طلعتو سلامات ماخليت بالي يم هالكلام لان گلولي بنتي بخير..

ردت كلتلي عمتي

ـ مهدي يم الطفلة ميقبل يفاركهه هههه شفتي اجتچ التنافسچ على حبچ بكلب مهدي ياعقيلة بعدهه عمرهه جم ساعه وعافچ علمودهه

ابتسمت لأن مبية اضحك وحمدت ربي وشكرته ..

بس بقى بالي يم سيد علي

_سييييييد ع ل ي منو ضل يمه..

شنو بنيتي شتريدين تحجين

ـ عمة..

م.. نو ضل يم ع ل ي

ـ لاتخافين زينة قبل لاتجي ويانه اخذت الطفل لأمج وخطية امج ودته يم غفران واجتنة تركض تعرفين كلنه انشغلنة بيج وببنيتج..

ـ شنو سما... هه سيد مهدي

ـ الدرة البيضاء

لان وجهه مثل فلعه الگمر تخبل

ـ اااااه

أتشوقت اشوفهه وينهه

ـ هسة تجيج وتشبعين منهه ان شالله.. هاج شوفي هاي صورتهه بالتلفون دزهه مهدي

اخذت النقال شفتهه الصورة مو كلش اِلـهي اِنْ عَفَوْتَ فَمَنْ اَوْلى مِنْكَ بِذلِكَ، وَاِنْ كانَ قَدْ دَنا اَجَلي وَلَمْ يُدْنِني مِنْكَ عَمَلي فَقَدْ جَعَلْتُ الاِقْرارَ بِالذَّنْبِ اِلَيْكَ وَسيلَتي

لان حاطيهه بحاضنه لزمت التلفون وبستهه وحضنتهه اتمنيتهه يمي واحضنهه من صدگ

والصورة الثانية سيد مهدي وية بنتي طالع وجهه بس شفت عيونه حمر دم اعرفة من يگون تعبان وواضح عليه هواي باچي بس ليش يبچي صاير شي

اخذت التلفون مني عمتي واجتي الطبيبة ماعرف شنو انطتني بس حسيت بأسترخاء ورة فترة رجعت نمت

أرقى أنواع الاناقه

هي أن تكون بعيداً عن القيل والقال وعن التدخل في شؤون الآخرين ، نظيف القلب ، ناصع الفكر ، طيب الأخلاق ، أفكارك أكثر تهذيباً من شكلك، ومشاعرك أزكى طيباً من عطرك، وخُلقك أكثر جاذبية من خِلقتك

... ......

وما أقسى الحياة لولا امل الضهور

مدوا أيديكم نحو صاحب الزمان

ولنغير واقعنا معه شيئاً فشيئاً

سيد مهدي

اجاني سيد مجتبى وكعدني تحاضنه وبجينة من اهوال المواقف الصارت اليوم

راح لبنتي يشوفهه ضل واكف يم الحاضنه ويلعب وياهه وهو يشاقة ويايه ويكلي راح تعبك ولك هاي تشبه امهه

ـ هو انا رايدهه تشبه امهه چا شتريدهه تشبهني

ـ اي هم صدگ بنية وتشبهك تحمض على كلوبنه..

_هاااا ولك تقلد

_لاااا معود انت بس گول عمرك حياتك شفت سيد موحلو وأچگم أبدد

ضل يتشاقة وياية ونضحك انا وياه متعطشين للضحك والفرح والونسه

شوي وخابرتني امي وكلتلي عقيلة نطقت وحچت تسال عن الطفلة اخذت صور بالتلفون للطفلة انا وياهه ودزيتهن حتى تطمن

الأيام مرت رغم صعوبتهة بس. حلوه لان بدت عقيله تحچي ومن أللسانها بديت اسمع عذوبت صوتها

وبدينا نرجع الروتينا القديم نتبارز منو صوته احلى بتلاوه

بقت عقيلة بالمستشفى اسبوع والطفلة همين بقت اسبوع چنت نتناوب انا ومجتبى وامي على بنتي

من اريد اروح ألعقيلة جان مجتبى يبقى يم بنتي أو

امي ومن ارجع لبنتي يروحون وعقيلة وياهه امهه وامي

أبني علي تأخرت بعلاجه وعمليته بس مع ذالك بقيت اراجع حالته ويه طبيبه

عقيله والدره البيضاء صارت صحتهن زينه كتب الهم

الطبيب خروج وثنينهن طلعو بنفس اليوم اخذت عقيلة بالسيارة وبقيتهه برة رادت تدخل وياينه للمستشفى بس مقبلت بعدهه عمليتهه خضرة وصحتهه على كدهه دخلت للمستشفى طلعت بنتي انا ومجتبى

وامي بقت يم عقيلة رجعت ألعقيلة فتحت باب السيارة ونطيتهه بنتنة چانت هاي اول مرة يتقابلن الام وبنتهه حضنتهه عقيلة وكامت تبچي فرحانه

اطمئنيت محد من اهلي وصل خبر العقيله شنو صار بيوم ولادتهه ولا گالو ألها الطفلة ماتت وندفنت ورجعت للحياة

وقبل لا أرگب السياره ووصيت الگل محد يحچي منهم شي ألعقيلة بين متشد حالهه هيچ خبر اكيد يضر بصحتهه ويأذيها لأن متتحمل

أنطلقنا بالسيارة متوجهين للبيت أول ماوصلت البيتنا لگيت باب بيتنا متجمعين گرابتنا وجدي محضر عجلين وخرفان العجلين يذبحهن جريان دم لكومتهن بالسلامه

وواحد من الخرفان عقيقة للدرة البيضاء والبقية همين للسلامتهن

فتحت باب السياره أسند عقيلة حتى أدخلها للبيت وامي شايلة بنتي

عمتي زينه وام عقيلة واگفات باب بيتنا محضرات واهليه اول مادخلنا طشن علينه وهن يهلهلن اجة سيد علي متلهف يرگض ألامه ارتمى عليه بس مديت ايدي حجزت بيناتهم لزمته وشلته على جتفي گعدت عقيلة يلة نزلته

گالت اليه

ـ عوفة عوفه سيد مهدي خليني اشبع منه اشتاقيتلة بگد رحمه الله مو اسبوع مر عليه سنة كاملة جهالي اثنينهم بعاد عني

ـ ميخالف قارورتي كلة علمود صحتگم انتي تعبانه وهو هم تعبان ميتحمل المستشفيات

ـ المهم انجمعت بيهم خليهم بحضني اثنينهم الله يخليگ

ـ عاد مو هيج خليهم يمچ حبيبتي عمليتج لاتنتفح

حضن علاوي امه وضل يبوس بيهه ويسالهه ليش ما اخذته وياهه نوبة يبچي زعلان منهه نوبة يحضن بيهه

شگلة يكطع الكلب من يحضن بامه وهو زعلان منهه من تصرفاته واضح يعاتبهه رغم كلامه مو كلش مفهوم بالكوة راضته واتصالحو الطفلة طول هالوكت نايمه

ورة ربع ساعه اتحركت وبجت شوي بس صوتهه كلش ناصي بقى علاوي يباوع على اخته وصافن عليهه باستغراب وتعجب

جابت عمتي زينه حلويات وخلتهه يم راس الدرة البيضاء وكلتلة هاي حلويات من اختگ

اخذلة فترة ممتقبلهه لأخته بس تقريبا ورة اگثر من نص ساعه يلة ضحگ الهه..

وشوي لعب وياهه يختل راسه بامه ويرجع يباوع عليهه ويغطس من الضحگ..

كل هالوكت وميسم مابينت ولا اجتي اتحمدت لعقيلة على سلامتهه

ما ارتاحيت لهالوضع وعرفت لازم نطلع من البيت مترهم نبقى هنا

اجى جدي ومجتبى واهلي كلهم گاعدين كلت انسب وقت افتح الموضوع وياهم..

_جدي انا راح انقل مريتي عقيله والجهال واروح للبيت الثاني

ـ شنووو ووليش؟؟

ـ لان بيتي بعدة ماكامل والعمال يرادلهم وكفة على راسهم وانا هذيج الايام مجنت متواجد فـ

ـ ف شنوو؟ ليش تريد تاخذ مرتك وتطلع منو طارددك يا ابني

ـ محد طاردني ياجددي بس ماريد بعد ضغوطات على مررتي دخيل بختك انا ماصدگت يرجع صوتهه

ـ هسة رجع صوتهه ومرت عمگ بعد ماتدخل هالبيت والتريدة يصير

ـ جدي ماريد اكسر كلمتك بس متگدر تمنع زوجه ابنك تدخل بيتگ وسابقا حجيتهه انت

ـ يا اابني مررتك مريضةة وبنتك مريضة وابنك مرريض وحتى ااانت مريض يعني تحتااجون ناس يمكم طول الوگت

_اجيب ممرضه اثنين ااربعة اذا اقتضى الامر

_وتأمن بناس غرب لا تعرفهم ولا شي

اشلون حچي هذا

امگ هنا عمتگ زينة وام عقيلة ومجتبى واناا هم وياهم

ااحنة وياگم نعين زوجتك بس اذا تطلع منو يداريكم؟

الممرضة الغريبة مو احن عليكم من عدنه

ـ ياجدي الله يخليك لاتضغط عليه

ـ ااضغط عليك طالما بيهه مصلحتك ومصلحه عائلتك

ااضغط عليك ولازم تتقبل كلمتي من يخلص بيتك اخذهم وروح محد لازمگ

بس تروح للهذاك البيت لاااااا تصيرون بعيدين علينة مدگلي شلووون تقبل تروح وانت حالة عائلتك الصحية ممستقرة

ـ ياجدي ما ارح ااگعد بچولة ترة هو همين من ضمن مدينة كربلاء مو بعيد

ـ بعيدين علليية ياا اابني اافتهم..

مااكدر اجازف

بلةة اافرض انت طالع والطفلة اتخربطت او ابنك او زوجتگ منوو يمهم

ـ ابتسمت وكلتلة..

اكو تلفون يا سيد باقر

ـ وشكد يرادلك حتى توصل لاهلك يجوز انت بعيد عنهم ومتلحك توصل

ـ ما ابتعد وداعت عيونگ

ـ كاااافي حجي..

هذاا اخرر كلام عندي

ستوكم طالعين من المستشفى والكل فرحان

واهم شي علااوي رجع يضحك ويلعب بشوفة امه لا تنغصهم وتنغصنة وياهم..

_جدي الله يخليك لا تجبرني

_والله مااجبرك.. اصلا انا اريدك تعزل وترتاح من الهوسه

بس عدي هااي الايام على خير وكمل بيتك واطلع

كومي بويه زينة ااخذي ام علي اخذيها لغرفتهه وجهالها وياهه خلي يرتاحون خطية صارلهم اسبوع مشلوع كلبهم بلمستشفى

_جدي ترى انا تعبان من المشاکل لتاذي عقيله

_بعد جدك انا مثلك ماريدك تتاذى ولا مريتك ولا وليدك ولا بنتك بس هل فتره عديها بين مايگمل بيتك واصلا انا حاچيت الخلفه مال بيتك گالي شهر شهرين تلاثه گلشي گامل حتى المطبخ والصاله

_يصير خير جدي يصير خير بس هاااا أي گلمه أسمع

ماا أوعدك أسكت

_حقك بويه حقك بويه هو انت ومرتك مابيگم اي اذيه بس الحسد والغيره هو السبب

_بس ممجبور اتحمل

_احچي المصلحتك يجدي ولا عبالك راضي على اليصير انت تعرف الغيره خلت اخوه يقتلون اخوهم

الغيره خلت الصحابه تكره الامام علي عليه السلام

فاالغيره دمار بس تحمل هل فتره

حاولت أحچي مافاد اشرت عقيله اليه معنا ميخالف خلي نبقى وابتسمتلي حتى لا انزعج..

كمت ورحت يم عقيلة لزمت ايدهه گومتهه مبينة الحيرة بعيونهه واضحه حاولت اطمنهه بنضراتي

تمشينا الغرفتنا وفكره تاخذني وجيبني اشلون اطلع من البيت بدون مايزعل جدي..

عقيله//رجعت وجان ودي صدك انشيل لگن قنعت بحچي سيد باقر اشرت لسيد مهدي نبقى ميخالف حتى لايضل بحيرة ويبقى يجادل وية جدو باقر ...

صعدنة الدرج ووقبل لانوصل للنهاية طلعتنة ميسم

ـ ياا هااي منوو اااجاانة يااعيني صلووات نووور البيت حبيبة

تقربت عليه وبوستني وانا هم بوستهه اتحمدت لسلامتي انا والطفلة وعافتنة وراحت

دخلت للغرفه وچنت نت كلش محتاجه اسبح بمي دافي احس نفسي كلش توصخت اجت أمي كعدتني وسبحتني وغيرت ضمادي وعمتي ام مهدي سبحت الدرة البيضاء كلش ارتاحينة احس هل حمام نطاني راحه بحيث اول ماخليت راسي على المخده تغطيت ونمت بسرعه

مااعرف شگد نمت وشگد طولت حسيت على صوت هوسة زلم ونسوان يحچون عرفت خوال وخالات سيد مهدي اجوي

گمت عدلت گعدتي ولو بصعوبة بس گدرت اگعد باوعت لمگان الطفلة ماگو يمكن ماخذيهة برة

گلبي اگلني عليهه ماداريتهه من يوم الاجتي للدنية لا رضعتهه ولا بدلت ملابسهه

ردت انزل من السرير وانفتحت الباب عمتي زينه دخلت مبتسمه گلتلي

_لا لا يمعوده لاتنزلين راح يجنج النسوان

_عفية عمة اريد الطفلة گلبي اگلني عليهه

ـ ههههههه الطفلة گعدت ونامت وردت كعدت ولعبت وهسة نامت

ـ شسوي عبالك النوم سلطان مالة رداد

ـ ولا يهمچ حبيبتي هسة اجيبهه

بين مانحچي اجن النسوان اقارب سيد مهدي وعمتي ام مهدي بيدهه درة اجوي عليه بوسوني وتحمدولي على السلامه الي جايب هدية بيدة او فلوس حطوهن يمي..

اخذت بنتي وخليتهه بحضني فرحانه بعدني ماشفت وجهه ولا شبعت من ملامحمهه بالسيارة نايمه ومن رجعنه سبحنه ونمنه

كاعدين النسوان يسولفون وانا وية بنتي اتأمل بوجهه بعدهه نايمة ومتقبل تفتح عينهه

دخلت يمنه ميسم وكعدت تسولف وية النسوان وتضحك بدت درة تكعد على صوت الضحك والهوسة احاچيها

_اي اي ياحبيبتي فتحي عينچ خليني اشوف جمالج يروحي ياحلوه

ردت ميسم

ـ ههه شنو القصة ليش محد كللهة بنتج عووورة

فزيت من گلامهه شتقصد بهالكلمه رديتهه..

ـ عزااا العزااني شبيهه بنتي شنووو عوورة

اجت عليه عمة زينة وكعدت يمي

ـ وچ عيني شسالفه مااااااابيهه شي لاااتخافين مثل البزونه تخبل والله مابيهه شي

ردت امي. على ميسم

ـعيوني ليش هيچ تحچيين على الطفلةة جدامنه ما اسستحتييي مااخفتي الله ماگلتي الام وبنتها اثنينهن تعبانه صحتهن

ردت ميسم وهي تبجي او تتباجه.

_اناااا مااستحيي اناااا ليش شنوه اني مسويه وعلى شنوو هيچ تحچين ويايه والله ما ااقصد شيي انا ااحبهن مو قصدي شي والله اادري اثنينهن رجعن من المووووت وداعت عيوونچ عمة ام مهدي ما اقصد شي ليش هيچ ددگول

وكف كلبي من هالكلام گتلهة

ـ يعني شنو رجعنه من الموت شبيهه بنتي

ردت عمتي ام مهدي

ـ مابيهه شي ياعقيلةة هسة انتي تاخذين بحچيهه وتعوفينه

ردت وحدة من كرايب ام مهدي

ـ يااااا يعني انتو محاچين شي كدامهه

جاوبت ميسم

ـ لا شلون متعرف اكيد تعرف بنتهه دفنهه ابوهه وطلعت عايشة خطية لااااليش يكذبون عليهه خطي

ـهنا ماعت روحي وردت اتخربط بنتي حطوهه بالقبر ودفنهه الصدمه خلتني متفاجأه ما اعرف شحجي ودي املخ روحي..جاوبتها

_لاااا تحچين هيچ على بنتي محد دفنها سگتي وگاااافي الله يخليچ لااا تفائلين على صحتها

_شنووو گااااافي فوك مااافطنچ فلا تستحييين

_ليش تجاوزين

_لاااان المثلچ لااازم يتجاوز عليه حتى يعرف قيمة نفسه ومقامه

تناوعت الامي,والکلشي جاي يصير بلغرفه والنسوان المتجمعات جدال صار بين البعض صارت هوسة چبيرة طلعو الخطار وبقينة لوحدنه

مسحت دموعي مديت ايدي فتحت عين بنتي بايدي اريد اشوف شبيهه عينهه واتفاجئت بعيونها شي غريب مشايفه مثلها تمعنت زين واشوف وحدة من العيون زركه والثانية خضرة.. تك وتك

صحت بصوت عالي وبحرگه لان شفت هيج عين بنتي

_ابوووو علي ألحك اليه

اجوي الولد يركضون على غرفتي عمتي زينه وام مهدي وامي بقو يحچون على ميسم

وميسم تبرر لروحهه جدام زوجهة وزوجي وجد باقر وتبجي بدموع

ـ والله العظييم مو قصددي والله بيش تريدون احلفلكم اصلا اني احبهن والبنيه عيونها نادره ماگو مثلها يسموها الحسن

ردت عمتي زينه

ـ تحبيهن وتگولين على الطفلةة عوورة

ـ لااا مو قصددي اقلد عليهاا بس احنة عدنه العين تك وتك نسميهه عوورة

صاح بيهم مهدي

ـ كاااااااااااافي ما ااااااسمح لاحدد ينتقص من بننتي والعدهه حاله مررضية كل عين ملوونه شكل العوورة يا بنت الاصل والفصل يختلف عن هالحااله وهذا البتي مووو عين كريمه هااااي العين الحسنه

جاوبت تتبگبگ

ـ يااا عيني خووية وسندي سيد مهدي حقك على رااسي وااني الي هنايه غلطانه واااعتذرر منك واابوس رااسسك وراس بنتك ومرتك همين بس والله وداعت كولش غالي على گلبي وداعت مجتبى ماجنت ااقصد العتب عليه ماعرفت ااعبر اامداني االله يكص لساااني

ردت ام مهدي

ـ كاااااااااافي كااااااافي شكد دعيتي على روحج

ـ والله يا حبيبي ماقصدت ااحجي شي يأذيهةة

عقيله

اتقرب عليه سيد مهدي وحضني

گليي

_قارورتي كااااافي ااهدي ماااااكو شي اصلا هالشي يزيد بنتنه جماال تخلي عدسه لونهه اازرك لو ااخضر حسب رغبتهه

تناوعت اله گتله

ـ و... و شنو قصة الدفن حچيتهه وغصيت بالبجي

عافني وكف سيد مهدي

ـ وتالي يعني هاي هم حچيتهه يا ميسم

رد مجتبى

ـ اول وتالي چان راح تعرف ليش مگبرين المواضيع

ـ عضيدي يعني عندك هالشي طبيعي

ـ مو طبيعي بس ماحچت شي كذب يجوز مو وقته تحچي بس بعد انحجة يعني لاتضلون ادققون

وانتي يامرة اخوية ام علاوي الصار صار والف الحمد لله والشگر هسة انتو عايشين وبصحه زينه بعد ليش هالبچي

لم الموضوع مجتبى ونبه ميسم بعد لاتحچي شي والا حسابهه يكون عسير ماشي يخوي نبهه

لزمت أيد سيد مهدي لان سكت ماچان قابل بس ميريد يخسر اخو

مرت الايام ماگو شي جديد عدا ميسم من تفوت من غرفتي أو تشوفني لازمه بنتي تحاچيها وتضحك تسميهه فالة وما اعرف شنو يعني كلمه ( فالة)

بهل فتره سيد مهدي گام يطلع عمال شفتين للبيت شفت الصبح وشفت العصر بس لان ميوگف على راسهم ميشتغلون مضبوط

مر اسبوعين عمي وراد يسوي عزيمه لان دورة السنه مال أبو سيد مهدي وهم على سلامتنة انا والطفلة

لان هو ماسوة عزيمه بس ذبايح وزعهه للفقرة

جابو طباخين وطبخو والناس مخبوصين بالترتيبات واهل ميسم اجوي واهلي ولبست بنتي وگعدت يم امي وعمه زينه

.؟.............

ط

‏"اللهم يا خالق هذا القلب املأه ايمانا حتى ألقاك يوم ﻻ ينفع مال وﻻ بنون إﻻ من أتى الله بقلب سليم

سيد مجتبى//

اوي مدا أعرف شهل اوفررر

اي والله هسة محد موجود هنانة بس ..

هههههههههه اااي ضل البيت لمطيررة

اسمعهه تضحك بطريقة استفزتني وكأنو عدنه حفلة مو شخص بين الحياة والموت

چنت جاي اخذ افلوس من گنتوري وتالي أتفاجأ

بتصرف وگلام ميسم زين ليش الضحك زين ليش هيج تحجي عن أنسانه من أيام تعرفهاااا

باغتهه بحرگه وفتحت باب الغرفة ...

شافتني وانخضت وكفت و كالت

_مجتبـــــــــى ميموو

_اي أصخااااام. ليششش تصرفين تصرافات ماتليق بيچ موو گتلچ اريد أتباها بيچ تالي هيچ تحچين ويه أمچ عن انسانه فقره

تقربت عليها لازم ذراعها اهز بيها

_تحترمين أخو ومرته وجهالها فااااهمه

گعدت على الچربايه تبچي ودردمين

_ااادري ادري ادري شدعوة هيج مخبووصين بمرة اخوك وبنتهه

ـ بنتهه هي بنت اخوية ومخبوصين بيهم لان طلعو من حلگ الموت

ـ يعني قابل بس هي الجابت ووصلت للموت ترةة كل النسوان بالحباله والجيابة تمووت وترجع ترجع للحياة

ـ شبيج ميسم ليش ضايجه

ذاك اليوم فوتته الج من تخابرين وتتمضحكين وضلتي تتوسلين وتعذرتي وگلتي مااقصد وجاي افضفض امي وچنت ضايجة و تبچبچن وتتوسلين

اسامحج على ضحكج على انسانه

مامذيتنه بشي لللليش هذا الحقد

احذرج ميسم مالج شغل بعائلة

اخويه

ـ يووه بعدك تذكر مو اعتذرت الك ماكنت اقصد والله علييك ااني قدرووني ااهلك مثل ماا قدرووهه جم ذبيحة بذبيحه ووزعوو علموودهه وهسة مسوين عزيمه ولامين العشيرة كلهه

ـ اي قدرووج ليش ماقدروج مو ذبحو وطبخو وعزمو ولبسناج بدلة وزفة والقاعه فتحناهه

ليش هاي غيرة شنو ناقصج

ـ ماانقصني بس انتم عدكم مرة اخووگ بس هية وبس وعلى الطالعه والنازلة تفتحون القاعه وهي خلللك هالفااالة مخلفتلةة

جريتهه من ايدهه ولزمتهه من ذراعهه وخزرتهه

ـ كااافي تغلللطين على الطفلةة وتصبين كل غضبج وحقدج البلااا معنى وسبب عليهه

ـ اااي اييي ايدي

ـ اااذا مرة ثاانية ااسمع تكولين عنهه فااالة متلوومين غيرر نفسسج

ـ هااي شبييك مجتبى

ـ عبااالج مااعرف شنو يعني فااالة يعني القبيييحه ياااا بتت الاصوووولل يابنت الحسب والنننسب

ارتبكت من عرفت بية اعرف معنى كلمه فالة

ـ هاي شبيك هي طفلة صغيرة واذا كلت عنهه فاله قابل صدك صارت قبيحه

ـ وكلمتج الثانية عوورة همينن لازم اعدييهه

ـ هاي لهل درجه تحبهم.. ااكثر مني تحبهم

ـ ولج بابا شنو ااكثرر منج احبهم بس الغلط ما اقبل عليه مثل ما اقبل احد يتجاوز عليج همين ما اقبل احد يتجاوز عليهم

وللمرة الاخيرة أحذرج

اتقربت عليه وكلتلي..

ـ على كيفك ويايه لو ما انت صيدلاني وتعرف تقلبات المرة ليش تصير

ـ يعني شلون مفهمت

اجتني وكعدت بحضني ولفت ايديه على ركبتي وتمشي اصابيعه على وجهي

وكالت....

ـ اني همين شفت نفسي صايرة عصبية وما ادري شبيه ووصيت ماما تجيبلي تيست حمل وياهه وهسة حللت وطلعت حامل.. لفيت ذراعي محاوطه راسة هسة عرفت ليش هيج حالتي متقلبة

ـ صددددك ااانتي حاامل

ـ اامم

ـ. حظنتني وتسبلي بعيونهه خلتني انجن و ااطير من ألفرحة

ـ ااي راح تصير باباااا

ـ بوووية ااحلى ماما شلتهة وفريتهه بالغرفة شلتهه وخليتهه على الفراش

قللي حركتچ بعد لاتضلين تصعدين رككض وتنزلين رركض

ـ لااا وولي العهددد اااخاف علييه ااكثر من رووحي

ـ نصيت لبطنهه.. وولك بابا يكون تركض الايام وتجيني ااحضنك واشمك وابوسك كلش مشتااق اصير اب

_راح تخبرهم هسه

_اي اكيد أخبرهم خلينا ننزل

عقيلة/طلعت من الغرفه لازمه بنتي واشوف نزلت ميسم ووياهه سيد مجتبى لازمهه من ايدهه مبين كلش دايخه البنية مادري شبيهه اجتي كعدت يمنه والنسوان سالتهه

_يااااخاله شو متغيره

_تعبانه ودايخه

_ليش يمه خيرچ بيج شي

أمهة جاوبتهم

"بنتي مااابيها الا العافيه بنتي حامل

عمتي ام مهدي كمزت

ـياااااا صلااااااوات على محمد شنووو ااشو اسمع من اامچ اانتي حاامل يمة عايشة يمي لو يم اامچ

ردت ام ميسم

ـ نفس الشي حبيبة انتي يمهه واني على التلفون وياهه ليش ضايجه

ردت عمة زينه

ـ صلوات بسرعه شالت

ـ اي بس كلش تعبانه ونفسي تلعب. ما اشتهي شي اابد ايع نفسي تلعب من ريحه الاكل

ردت عمة ام مهدي

ـ ياااا والبارحه منو اكل البامية والتمن واليوم الصبح اتريكتي بيض وجبن وحليب اشو نفسج مالعبت خاف هسة من عرفتي حامل اتفطتني

ـ اووه ماما حبببتي اابد مابية حيل ريحه الاكل لعبت نفسي ماما ساعديني اروح لغرفتي ااتمدد راح استفرغ ماكدر بعد

ردت عمتي زينه..

ـ كعدي لاتصعدين حتى تلتهين ويانه

ـ لاا عفية ماريد اابقى هنانه

اضل اتوحم على هالجهال المرضى الكدامي واحد مريض وكلبة تعبان الله يساعد سيد والثانية عينهه تك وتك عفية اخاف على ابني ماريد يطلع بي شي

مردت گلبي من هيچ حجت شكد جنت متعاطفة وياهه. واكول خطية يمكن صدك تعبانه بس من عيرتني بمرض اطفالي كلبي انهار ونفسيتي تعبت حاولت ما ابين ابچي بس ماكدرت بهيج مواقف اااابد ماعرف ادافع عن نفسي ولا ااكدر اخذ حقي وحق اطفالي وگاني اقول

-

اللهُـم طهرنـا من ضيـق الحيـّاة واسقنـا السعـادة وآغمُـر قلوبنـا بمغفِرتـک.

هملتها وماحبيت اخلاقك وذوق

خلصت العزيمه واجى مهدي شافني هيج حالتي ماقبلت احجيلة بس عمة زينه حجت اله الصار

ـ وبعديين وياااااااااااااج ياا عقيلة لشووگت تبقين ماااااااااتعرفين ادافعين عن نفسچ وهسه حتى على واطفاالج ماجاي ادافعين زين انه مادايملچ ولا ااحد دايملچ خليچ قويية واليحجي االطمه على حلگه لن ساكت مايفيد وياهم

صار صوتي عالي وصحت بأعلى صوت وووينك مجتتبىى

اجى جدي على عصبيتي واجاني مجتبى.

ـ ها ها خوية

ـ ااادري شلون ووية ممررتك مااتجووز

ـ شبيهه مريتي خير شصاير

ـ تقبل هييج تحچي عن ااطفاللي لليش هو المرض يتعاايرر بيي

ـ اادري ليش عصبيي ترة ميسم ماا نزلتت من بدايه النهار وهي وامهه بغرفتهه واانا بيدي صعدلتهم الغدةة بعد شووكت هيج صار الحجي

ـ يعنيي ماتصدددك بباخووك

ـ صاارت بلاا ملح يعني لو زوجتي حاجية هيج صددك عقيلة تبقى سااكته ترررة حتى البزوونه تخرمشش بس زوجتك سااكته وعمتي وامي اليحچن

معناهه مكبرين المووضوع وماكو شي اانتو ااي شي من يم ميسم تتحسسون منه ليشش يعني ليشش لان غريبة ومو على مرامگم هااي بدل ما تباارركوولي لان مرتي حامل مو جنتو تنتضرون هاللخبرر اشو ولا واحد منكم فرحاان لفرحتي واي شي تسوي ميسم تسوو سالفه وقصة شكبرررهه

ـ هو هذا الجنت خايف منه

يجي يوم والنسوان تخربنه يا ابن ابوية وعضيدي..

صحت بصوت عالي

_يله عقيلة لمييييي الغراضات العندي وجيبي الجهال وامشي احنة طالعين من البيت

رد سيد باقر

ـ ووين باالله الكررريم

ـ لاااا تحلللف هسة لو تحلفنييي بساابع سمواااات ماا اااسمع كلمتك ورااح اااطلع من البيتت بررضااك ااو لاا ياجددي..

يلةة يااا عقيلةةة بسررعه لاتتاخرين

ردت عمتي ام مهدي

ـ ولك يمه خلينه نتفاهم

ـ ميفيد يمه خلص يوم ثاني ونخسر خوتنه الينضرب بيهه المثل..

اي كلام منكم ما اتقبلة

البيت بعدلة چم يوم ويخلص وراح ارجع اگابلگم واكعد أعتبروهه مسافرين وفتره نقاهه لاتعتبرونه بالبيت القديم كاعدين

اخذنه سيد مهدي وطلعنة من البيت عمتي زينة وام مهدي لمو ملابسنه بجنط وجابوهه ورانه

البيت جاهز بس يحتاجلة قنينة غاز يترسوه ويترسون الثلاجة گعدت بيه رغم مو بجمال بيت سيد باقر

الايام العشتها وحدنه گلش حلوه وراقيه مابيها اي شي لان لوحدنه

اتمنيت ابقى بهالبيت لان بعيدين على الساده حسيت نفسي من كل المشاكل خلصت

مهدي ومجتبى مخبوصين بالبيت والبناء الحمد لله من رجعو سوية

اقل من عشر ايام وخلص بيتنه وشلنة للبيت الجديد اجتي امي وام مهدي وعمة زينه يساعدوني ومنهم اسمع سوالف ميسم

يكولون تاكل كلشي من زوجهه وجدو باقر ماموجودين بس يرجعون تسوي روحهه متخربطة والوحام ماذيهه وكل شوي يغمى عليهه ومجتبى مصدك بيهه

مرة الايام والاشهر وجانت احلى اشهر بحياتي

استقرار ولوحدي ماكو منغصات ولا مشاكل

صار محرم وصفر واهل مهدي نصبو مواگبهم

بهالشهرين يصير شغل هواي عدهم

وبالاربعين مالت الامام عمتي عزمتنه على قراية وغدة هناك

ميسم صار عليهه تقريبا خمس اشهر حامل..

ودرة بنيتي شوي نشنشت وصار بيهه لحمه تجنن وابوهه يخاف عليهه من العين..

بيومها سيد مهدي گلي

_قارورتي لزمي الجهال وكعدي وابد لا تتحركين خارج الغرفه اله بوقت الاكل عندج الحديقه مال الغرفه گعدي بيهاانتي وجهال

_زين ليش

_أفضل وهم بيتنا مبقى بس الجام واليوم يخلصوها

_ياااارب يارب

اخذت حچي سيد مهدي وفعلا منريد مشاكل

لزمتهم وكعدت

من بدا المجلس اشرلي سيد مهدي احضري المجلس رحت حضرت

كل النسوان جانو كاعدين يسمعون زيارة عاشور عفت ايد سيد علي واخذت كلينس مسحت دموعي

ثواني انتبهت سيد علي مو يمي

اباوع يمنه يسرة ماكو خليت درة يم عمة زينه ورحت ادورة وين

رفعت راسي لكيته واصل اخر درجه يريد يصعد فوك صعدت اله ولحكت علييه لزمته وية لزمته طلعت ميسم من غرفتهه شافتني ونفخت وكالت

ـ يبووو ااعووووذ بالله من وجووهكم بوجه منو مصبحه اليوم حتى اشوف جهرتكم

ـ ليش يابنت الناس شمسويتلچ وهيج تكرهيني

ـ لانج عيارة وكذابة وحقيرة تريدين الكل يلتهي بيج وينخبص مثل مابكتي ليلة عرسي

ـ والله لو اعرف سيد مهدي يريد يسوي عيد ميلاد فلا خليته بس والله وداعت جهالي ما جنت اعرف

ـ طبعا تحلفين بجهالج ليش بيهم واحد صاحي من حقدج وسمج يا سمانية

ـ لا الله الا الله ماراح اجاوبچ س اكول الله يهديج

ـ امشي ووولي اامشي ااموت منجن يالمتغطايات بالدين والربطة وكل الحقد والسم والمصايب ضاماتهه جوة عبايتجن بابا ااحنة الساافرات نسووة رااسچن يااا زبااله المجتمع

متت قهر منهه بس مجاوبتهه اخذت ابني جاي ارجف وهي رادت تسابق وياية وتنزل قبلي بس چانت لابسة مكسي كلش طويل وداست عليه ووكعت من الباية العاشرة

غاطت وعطت وياهه لازمه ابني وحاولت الحك بيهه والزمهه بس ماكدرت وصلت للكاع وهي تصرخ

الحكولي

الحگووووووولي عقيلة دفعتني عقيله گتلت أبني

..............

_فإذا اطعت الله

تصل إلى مقام..

بحيث يصبح العالم تحت تفرفك.

وكفت يم سيد حامد اسئله

-اشوكت تبلش العقد مازال امها وافقت واخوها

-يراد اشوي وقت لان اجرائات ايران تتاخر وهم تحويل النفوس يراد وقت

-زين حجيت وياها بلخلوه الشرعيه

-اي حجيت بس احس بعد الي صار بوالدها مكسوره ضعيفه

-لاااا ابد سيد حامد لااااا تتوقع انو أكو أمراه ضعيفه لان المرأه بحد ذاتها قويه تستمد قوتها من ضعفها

-فعلا ودليل أشوفها شايل هموم امها وضعها وهل شي جعلني اتمسك بيها اكثر بس نظراتها كلها كسره رب العالمين بعثني أكون سند الها واشيل حمل من حملها

-يارب يجعلكم البعض

-امين يارب

-زين من كم يوم رحت للنجف شجنت اتسوي

-التقاء بطلبة الحوزه نتناقش بامور الدراسات البعض قرر يكمل السطوك والبعض يبقى ينطي محاضرات وأكو لااا راح يصيرون خدمه للمراقد او كلاء بمكاتب المحافظات وهنا تبقى گل واحد وقراره

-وانت حلمك رادود

-أي أحي الشعائر الحسينيه مو بس اقرا حتى اشارك بشعيرة السيف

-أي محرم على ألأبواب

-عل أبواب واريد منك مثل ذيج المره من قرينا الطميه

تشاركني

-انشاء الله

-مو بس القرايه حتى شعيرة السيف

نصيت راسي والضوجه لبست وجهي مقهور

-لااااا سيد مهدي لااا تضوج ولا تنقهررر انا وياك صاحبي

أنت الصاحب الوكف ويايه في حين اتخلى عني حتى القريب كل ظنهم اروح استجدي منهم الزاد لكن انت وكفت ويايه وكفت مسلم وسيد هاشمي أصيل

-مو تعرف البلاتين ضارب على ايدي حتى وظيفيتي أداوم فقط مافتحت عياده ولا مجمع مثل اقراني

-اعرف سيد اعرف وضعك ياابو علي بس هل شعيره راح أكون الك صاحب بيها لان نفس الطول ونفس بحة الصوت ونفس العقيده والفكر انت تاخذ بيدي وانا اخذ بيدك

-هاااا وتصير الصاحب الياخذ رفيقه للاستشهاد والجنه

دنج ورجع تناوع الوجهي

-سيد مهدي الي يحب الشهاده ويريدها لااا تتوقع تكون صعب حصولها لان من عاش على شيء مات عليه

-يارب لا تمتنا الا وانت راض عنا ولا تاخذ ارواحنا الا ونحن شهداء

-يارب يارب ياابو علي اريد ارد بعض من أفضالك عليه وانت البقت الملاصق اليه

-استغفر الله حبيبي الفضل والمنه لله

-حقيقه سيد تعال شوف هذا السيف الشتريته

-اخ اشتريته ليش

-راح اشارك بشعيرة السيف المشق جنت ادرب بلعصا لكن الحوزه اعطتني اكراميه٥٠الف اشتريت السيف وراح اشارك

-شلون اجتك هيج فكره يعني انت قررت اتصير رادود

-شوف سيد مهدي انت اعرف مني هيج امور القرارت الربانيه تجي هينه لينه سهله دون تدخل ارادتك بحيث من رحت للنجف وشفت الشباب بعمري وهم يتوضون ويجهزون نفسهم يقراون الدعاء للسيده زينب عليه السلام اجاني هذا الالهام والقرار

-وتريدني اشارك وياك

-لااااازم

-انشاء الله بس تعرف سيد حامد چنت اگول منین هاااي

الشعائر تطلع هوو بس لطم والاذكار والنياح ليش هيج يجون يسوون شعاير ماسامعين بيهن،ولا شايفيهن حتى هيج تشويه للقضيه الحسينيه

-وشنو الغير فكرتك

-الغير فكرتي من رحت للسيد والتقيت بيه انا وجدي اسمعت يسولف ويه ساده معممين الصوت لان ناعم مسمعت من طلعنا سالت احد المعممين گلت شنو گال علی شعیرة السيف المشق گالي

-هاي الشعيرة مابيها اي حرمه ولا اي بدعه الشعيرة جايه من طف كربلاء چانت السيده زينب علیها السلام خایفه ومن سمعو الأصحاب اجو گلهم يم الخيمه وکفو رفعو السیوف وگان لسان حالهم احنا يعني عتد عيناج ما نعوفچ وماکو اي ضرر ولا اضرار من تجي شباب ترفع

السيف لنصرة السيده

-سلام الله على مولاتي هم يعتبر أحد أنواع الاستعراض للامام الحسين أي انا نحن شيعتك جاهزون للقتال مع الامام الحسين والدفاع بس مكلت يعني راح تشارك

-ياسيد حامد نعم الصديق انت اي اشارك حتى لو احس بالم بسيط الثواب على قدر المشقه

-الله ينطينا على كد نيتنا الاجر ايضا للخانم رملة اثناء الخلوه الشرعيه ناقشتني بهاي الشعيره وقنعتني وانا هسه قنعتك

-بركات خانوم رمله

ابتسم خجل وعرفت سيد حامد يحبها واصل مرحلة العشق

رجع سألني سيد حامد سؤال شخصي کلي

_مهدي أنت راح تشترگ؟

#يتمع

السلام عليكم لاتنسو اختي بصالح دعائكم بحق هذا الشهر الفضيل وعظم الله اجورنا واجوركم

بِـ علِـيٍ ، والقلـبُ خَـائفٌ مُرتَقب

بِـ علـيٍ ، والفَـجرُ يَـقترِب

بـ عَلـيْ ، وسلامٌ على قلبِ زَينب

...... ....

للمرأة تأثيرٌ كبير علىٰ الرَّجل، وقد كان تأثيرها عليه أكبر من تأثيره عليها؛ فالرّجل مدينٌ للمرأة في كثيرٍ من إبداعاته الفنيَّة، وفي شجاعته، ونبوغه وشخصيّته، إنّه مدين لحياء وعفاف المرأة.. المرأة تبني الرّجل باستمرار وهو يبني المجتمع، وحينما تفقد المرأة حياءها وعفافها، وتريد أن تلعب دور الرَّجل فستفقد أوّلًا دورها الحاني، ثمّ ينسىٰ الرّجل رجولته؛ وبالنهاية تنهدم البنية الاجتماعيّة.

أمشي ووولي اامشي ااموت منجن يالمتغطايات بالدين والربطة وكل الحقد والسم والمصايب ضاماتهه جوة عباتجن بابا ااحنة الساافرات نسووة رااسجن يااا زبااله المجتمع

ـ متت قهر منهه بس مجاوبتهه اخذت ابني ونزلت وهي رادت تسابق وياية وتنزل قبلي

بس چانت لابسة مكسي كلش طويل وداست عليه ووكعت من الباية العاشرة عاطت وعطت وياهه

لازمه ابني وحاولت الحك بيهه والزمها اثني عليها حتى چات وگعت گد مارگضت عليها بس ماگدرت أوصل ألها صلت للكاع وهي لازمه بطنهه وتصرخ

الحگوووووووووووولي عقيلة دفعتني من الدرررج

چنت أنزل الدرج من تهمتني وگفت صفصفت بمگاني خايفه من تهمتها وبنفس الوگت الخوف ترس روحي عليهة وعلى الطفل

أنقهرت عليها متناسيه تجاوزها خلتني وگفت على اول بايتين من سمعت تهمتها اليه حتى تفاجأت بهيچ چذبه وتهمه جاي تذبهه عليه

ولو مو غريبة يطلع هالاتهام منهه دمعتي بعيني وصرت ارجف...

گتلها

_ووچ وووچ والله مدفعتج وحق مصاب ابا عبد الله ما سويتلچ شي مو حرام تتهميني بشي ممسويته حتى أنتي مو يمي ودليل مالحكت عليج الزمچ لان الوكعه سريعه...

احجي وابرر وهي متسمعني تصرخ بعالي صوتهه..

شگد ما اعلي صوتي مينسمع لان صوتها گلش عالي بالصريخ اول واحد رگض عليهه مجتبى

اضاهر چان قريب مننا..

الكل تجمع ووكفو يمهه يحااولون يسعفوهه

والعيون گلهه عليه عبالك متهمه..

گل النسوان الجانو بالصاله اجو هنا على صريخها وحچیها جاوبتهم وانه انزل

- والله العظييم وحق مصاب ابا عبد الله الحسين مو ااناا مسوويت شي بالعكس ردتت الزمهه مالحكتت عليهه

ردت ااام ميسم وهي تزمخ

ـ ووووولچ يااااللئييييمة ياللحقوووودة يالحسوودة

گتلتييي بنتييي وحفييدي البعدنني مااشفته...

يوم ماما سووودة علييية ميسسسسم ي غرررگانه بدمهه راااح ترووح من ااايدي بنتتيييي لحگووونه يااعالم

جاوبتها

ـ على بختتج خاله اام ميسم شنوو گتلتيي بنتي والله ما سوويت شي هيي وكعت..

اباوع ألسيد مجتبی مصدوم ويباوعلي بنضرات تخوف گاعد يم مرته وساندهه ويخزرني بنضرات بحياتيي ماشفتهه منهه

يحاچيها

_ میسم حبيبتيي شنوو هذا الدم ميسم ااتتي قووية لاتستلمين هسة اخذچ للمستشفى

ردت ام ميسم

ـ لاااااااا لااااااااااااااتحركهه خاااف موو زين عليهه شمدرييينه شمكسوور بيهه يجوز تمووتهه أذا تشيلهه

بعد ما چانت تعيط وتصرخ ميسم اختفى صوتهه وصارت گوة تحجي

ـ أ.. ااه الحگنيي مجتبى راح اموت ويموت ابننة ماكدر اتحمل الوجع الحگني..

مجتبى نظراته غضب عليه وهو يتهمني بلا مايحچي

ردت أحچي للمره الثانيه بس صوت ميسم وبچیها منعني وربكني

-مجتبی للحگ علی ابنا گتلته هااي الحقوده المخلوسه اام عشر وجوه

صاح مجتبى بعالي صوته

ـ حسبــــــــــي الله ونعم الوووكيل بييج يااعقيللةة هسةة اناا شسووي

ـ لالا لايامجتبى لا تتحسب والله چذب بشنووو تريد احلفلك

والله وبالله وتالله

مادفعتهه هي ثوبهه طوويل وعثرت بي هي مالزمت لمحجرر وتعثرت بثوبه و وگعت من الدرج...

ردت ام ميسم

ـ شترررريديين تگووولين بنتتي متعرررف تمشييي وتعثرررت ليششش خررسة ثووولة ماالاكيية تلبسسس مثلل حاالج ووولج بنتتي بننت عززز واشكال لااابسهه مو هالمگسييي يعثرررهه بسسس انتيي موتتي ابنهه من غيرررتج وحسددج ووحقددج علييهه

بقيت لازمه ابني واسمع لحجيهم واتهاماتهم الكل وكف ضدي

عدا عمة زينة بقت ويايه عاطت بيهم

ـ ياااااابة على گيفگم اگلتووهه حااصل فااصل لعقيلة تعرفون ام علي لاا هذاا طبعهه ولا ثووبهه شبييك مجتبى متعررف مرةة ااخووك

ردت ام ميسم بعيطة

ـ واانتي شمدررريچ جنتتيي وياااهم وبعديين بنتيي متككذب هااي الحقوودة ووكعتهه لان تريدد تقتل حفييدي

ـ عيني ام ميسم حيري ببنتج بمگان هالحجي الزاييد شيليهه للمستشفى اذااا هيج خايفة عليهه

صرخت ميسم

ـ مجتتتبىى اااااالحك ابني المالحك يجي للدنياا

ااااااه الوجع موووتنيي اااه ماما لحگييني

لزمها يحاول يداري ظهرها ويصبرها

-حبيبتي اصبري اصبري لاااا تتحركين ابد

مااااكو شي انشاء الله ماكو شي هسة داخابر على طبيبتج ااصبري

ام سيد مهدي... وسيد باقر...

وام عامر وباقي النسوان الجانت بالقراية

الكل يباع عليه بنضرات اتهام دمرتني انا حاضنه سيد علي وابچي بسكته واردد الاية القرانية..

(ان گيد الشيطان گان ضعيفا)بقيت اررد

يارب انصري مالي غيرك يشهد على برائتي

متت قهر لان احس محد مصدگ بيه ولاي منهم حتى سيد باقر...

انخبص البيت بيها وام سيد مهدي گالت بغضب

-اااحلفي ياميسم عقيلةة وگعتچ

ردت ام ميسم

ـ شنووووو وووفوگاهه ممصدگييهه وتريدوهه تحللف بعددد

ميكفي ببنتي وحفيد راح يمووتوون بسبب حقدهه ميكفي شفناهه بعييينة وواگفة وررى ميسم ميگفيي بنتيي علىى الگاااع وهي على الدرررج يااانااس

يااعاالم ااشهدوو بنتتي بين الحياة والمووت ومحد يريد يصدگههه لان غرييبةة عنهم ومو منهم محدددد يريدهه بهالبيتت وولا يرييدون يصدگووهه سوودة علييه بنيتي ساعة السودة الدخلتي بيهة هالبيتتت

رد سيد باقر

ـ على گيفج ام ميسم مو هيج تقصد ام مهدي بس لازم تسالهه

ـ ليش حجي ليشش مو انت الجبير وحدة بهالوضع يسالوهه وفوگاهه تحلفهه يعني وواگعه وغرگانه بدمههه ومحدد مصدگهه ليشش

ـ ااي خاله عقيله الخرسه وگعتني عمة اني ممسويه شي وهي وگعتني الوجع ذبحني كلة بسبب هاأأااي تعمدت تووگعني من الددرج ما ادري ليش شمسوويتلچ وهيج تگرهيني ااني وابنني البعدةة ماشااف هالدنيةة لليش ياعقيلة ليشش

تحجي وتبجي بدموع غزيرة

دموعهه خلتني ااشك بروحي انا صدك دافعتهه لان انقهرت عليها

جدي تناوع اليه باستغراب

ـ معقولة يا ام علي يطلع هيج منچ

حجايته گطعت اخر خيط امل اليه اخر اامل جنت متمسكة بي ان جدي مصدگني وما مصدك بيهه بس خسرت كل الاطراف وياخوفي اخسر سيد مهدي همين ويصدك مثلهم ربي شنو دليلي وانت ماعندي دليل غيرك ربي اضهر برائتي مثل ما اضهرت برائة النبي يوسف عليه السلام بقيت اردد اية ( صبرا جميلا والله المستعان على ما تصفون)

ردت ميسم وهي تبجي وتتاوه

ـ والله ياجدو دفعتني من الدرج ماكو ام تأذي جنينهه هي دفعتني الله يسامحج ليش دفعتيني هاي كلة لان شفتيني ابوس ابنچ هيج تسووين بيةة

هز راسه جدي بأسف بلا ميحچي اي كلمه.. نظرته هزتني وحطمتني

جاوبتهم

-موو انه موو انه مااسوي هاي الامور التغضب رب العالمين مو انا تعرفوني كلش زين ماعدي سوالف الخباثة والگره صدگوني بشنو تريدون ااحلف مستعدة احلف

احاچيهم وجسمي يرجف...

صاح سيد مجتبى

ـ يممممممه يممةة تعااي ساعديني تعالي بمكااني كعدي ااسندي راسهه خلي اروح اادخل السيارةة بالكراااج

طلع جدي وسيد مجتبى سووية وعافوني

ام عامر كالت

- هسةة مو وكت الحجي والعتااب كووووم اخذهااا لا يتاذى الطفل.

ـ اي اي كالت طبيبتهه شيلهه وجيبلباهه للمستشفى هي موجودة هناك...

ردت ام عامر..

ـ سوده عليه ميسم اوووف يالمسكيينة راح وليدهه شووف الغيره كلشي شتسوي الله لاينطيچ العافية حرمتي ام من ضنااهه انتي مثل رجلج نفس الطينة والعجينة

ردت عمة زينة

ـ كولو يالله مابيهه شي ان شالله وماكوو داعي لهلحچي اام عامرر لاتزيدين البنزين على النار وبعددين ترة هالدم شي كلش قليل مامبين دمم طرح شووفوهه خاف مجروحه شي

ردت ام عامر

ـ ياا وانتي شمفهمچ شنو طرح وشنو وحباله وجاااية تتفلسفين بكلب باارد برااااسي وبراس هالمگررودةة

خلصتي عمرج عاگر وتحلمين بخيال طفل ابطنچ جاية هسة تنطينة درووس احنا الي مخلفات تعلمينا شنسوي وشلون نحچي ولج بابا رووحي لو بيج خيرر ميطلكچ رجلج وشمرج عليينة

،،، عمة زينة كلش اتأذت من هالحجي وجهه بين عليه الألم سكتت وماحجت شي وباوعت عليه بنضرة فهمتهه تگلي حاولت ادافع عنچ بس مارهمت كل شي ضدچ وبعد ماكدر لتحمل اهانة وحجي انسحبت وراحت لغرفتهه

النسوان الكرايب والغربة كلهم موجودين بالوجو ماتتفسر

وانا بعيوني ادور على سيد مهدي ماگو مابين جسمي يختض من الخوف هسة صدك صرت وحيدة ومحد ويايه نسيت الايات القرانية الچنت ارددهه وبقيت اردد حسبي الله ونعم الوكيل

ردت عاطت بية ام عامر

ـ اااااادري شدعواچ ياعقيله ويه مرت حماچ

شعوزچ وتغارين منه بعد الله شيطيچ وترضين حتى لا تلوميني ياام مهدي من اگلگم هااااي السگوتيه كل البلاوي وراها

رادن ام ميسم وام عامر يتكابلن عليه يضربني بس دخل جدي ومد ايده وصاح بعالي صوته

-والله الي تدنى على ااام عليي اله املص رگبتها ولن وولزمن رواحتچن

كااااافي عييييب... ولاااا تضلن تحچن بهالسيررة.. واتبعدوو عنهه

أضن ماتقصد عقيلة بسوايتهه يجوز صار الصار بغير قصد..

خلن سيد مجتبى يشيل مرييته ياخذهه للمستشفى..

سيد مجتبى//جنت رايح لغرفة جدي اجيبلة سبحته وعوچيته الثانية سمعت صوت شي وكع وصياح طلعت من الغرفة صار على يسرتي الدرج شفت ميسم واگعه بالگاع ولازمه بطنهه وتصرخ عقيلة شايلة ابنهه وواگفة على الدرجه الثانية

مفتهمت شنو القصة رگضت عليها لزمت ايدهه افحص نبضها خوفي عليها رعبني اول مرة احس بخوف بهالطريقة بديت أفحص بيها مابين أگو شي خطر بس بچيها وجعها خوفني

اريد أعرف منو وگعها خاصه لأن عقيله واگفه گانما بريئه تباوعلي باسف تحاول تبرأ نفسهه

وجسمها ينفض وترتجف

حرت اريد اسئلها أخاف اظلم بختها وهاي ميسم اذا هية واگعة ليش تهمت عقيلة جريت نفس وسكتت

ودعي رب العالمين مايصير ميسم شي

الكل التم علينة بهالثواني ميسم تصرخ وام ميسم همين تعيط ردت اشيلهه ماقبلت امهه بعدين فطنت هي صدك واگعه من الدرج خاف ضهرهه متاذي واحرگهه وتصير كارثة

بقيت افحص بيهه بگل تركيز بس الصياح والحجي اليمي ميخليني اركز صار حچي ومناوشات كل الادلة ضد عقيلة ماکو شي يثبت برائتهه قبل چم شهر چنت شاد كاميرا علمود العمال الينضفون البيت وبعدين شلتهه بطلب من ميسم چانت متضايقة منهه

لو ادري هيچ راح يصير چان بقيتهه ونشوف ويامن الحق

معرفت افگر زين عقلي مرتبگ خايف على زوجتي والطفل

جدي كال

-اهدا اهدا بويه مابيها شي انشاءالله شيلها شيلهة واخذهه للمستشفى..

اخذت التلفون وخابرت طبيبتهه وانطتني الخطوات الامشي عليهه

رحت لميسم حرگتهه من مگانهه شفتهه تحرك ضهرهه عادي رغم جانت تبجي ولازمه بطنها

صح الدم قليل نزفت بس يبقى مؤشر لشي مو تمام وان كان قليل

عفتهه ودخلت السيارة للكراج ورحتلهه مديت ايدي اشيلها وركضت بيها وجدي وراية وصلت للكراج شايلها والف فكره براسي

عقيله ليش هيج دفعتها وليش هيج سوت معقولة هالحمل البريئ يطلع بالاخير ذيب متغطي برداء الحمل الوديع يجي مهدي والحجي وياه مو وياهه

اخذت ميسم للمستشفى ودخلت أمه‍ه للطبيبة عفته وطلعت انا وامي بطلب من الطبيبة ...

عقيلة //

راح سيد مجتبى اخذ ميسم وامهه و ام مهدي

بقيت على وكفتي وحاضنة ابني وابجي وارجف

كلهم صدكو ميسم وعافوني بدائرة الاتهام

النسوان الغريبات طلعن من القراية اخذن سفريات الثواب وراحن وبقن الگريب بالبيت يسولفن بالصار

ردت صاحت ام عامر عليه شووف شلوت تتبجبج العيارة تقتل القتيل وتمشي بجنازته مو حرام عليج

تريدين تعيدين قصة رجلچ من قتل ابني

طلعت عمة زينة من غرفتهه واجتي متحاملة عليهه

_گاااااااافي ولچ گاااااافي أگووول اسگت الخاطر أخوووي ومااريد أضوجه مني گااافي خلااااااااص ماااااالج شغل بييينة

اااححناااا عائلة بينااااتنه نحل مشاااكلنة بينااتنه ااانت لاتدخليبن ولاتحشريين رووحچ موزين دخلناچ

للبيت بعد جرايمچ

ـ هااا هسة صررت غريبة موووو

ـ وتبقيبن طوول عمررج غريببة وما تنتميين لهلبييت تررريدين تبقييين تتتبقيين بااادبچ والا اااشوفج ووجه زيييينة الثااانيي شلوون صاااير افتهمتتييي يااا ام عاامر لوو لااا

_هاااا خاااف لأن گتلچ العاقر موو نبزيتي شوف ربچ حارمچ من هيچ نعمه

عمه زينه صارت أعصاب اجت تتهجم على أم عامر

لنسوان ادخلت بين عمة زينة وام عامر هاي التكلهه عيب هيج تحجين وية الاكبر منج وهأي تكلهه شصار بيكم جنتو عائلة ينضرب بيكم المثل بالاخلاق كل الحجي صار على عمة زينة خطية بس رغم هذا ماهتمت لاحد

ـشوووفي يااام عاامررر سوالف الحقد مالتچ معروفه مثل مااااحنة بهاللبيييت چبيررنه وو صغيررنة يعرف عقيلة شنوو ونعرف گلش زين ماااتسوي الغلط ومااايطلع منهه الغللط مثل غيرهاااا

ردت ام عامر

ـ شدعوووووووةة خاف ماخذة صگ العصمه بيدها وهيچ منزهيهه

ـ ااااي يااام عامر ماااخذذذذذه صگ المثل أاخلاقهه وادبهه وطيبة كلبهه وتدييينهه الحقيقييييي تااااخذذ صك ليشش ماتااخذ صگ مننو بعفتهه وتديينهه لافد يوم اخذت غيبة ااحد ولا فد يووم ااااذت بشرررر ووولو بحچاااية مووو مثللچ يا ا ام عاامررر

ردت زوجه وحدة من عمام سيد مهدي

ـ اعصابچ زينه ليش العياط اهدئ

ـ ووية هااي واشكالهه مينفع المستحة والسكته...

يلة ااامشي رجعي البيتچ أحسن اابهذلچ بيت هالنسوووان

ـ هاااا وتطرديني يالعااگر

ـ اااي عاااگر والفف الحمددد لله وللشكرررركل اليجي من الله خير وبرركه الله عووضني بوولد وبنااات اخووتي وخواتييي يحبووني ويرييدوون خااطريي

كلهمم معتبررتهم ااولادي ووبناتتي

شسوووي بااابن بطنني اااذا يمد اايدة علييه ويضربني؟

عمه زينه من حچ هيج وجه ام عامر انخلس بقت تباوع عليهه بحقد واستغراب

ـ وووولج عبااالج مااا ادرييي بالي يصيرر ابيتتكم عباالج نااايمة ورجليية بالشمسسس بابااا ااناا ترباااة سيدد ابو باقر ووالعلووووية الچاانت نسووان وزلم وجهال يشهدولهه

ااانا لان تربيتهممم ما جنت أحچي وااطلع اليصيرر عدگم ولااا نرككص على جراااحكمم ونززيد الطين بلةة مثل متسووين لااان ااحناااا فرررق من السمااا للكاااع عنچ وعن ااخلااااقچ

ولج باباا عبالچ مندري ابنچ مد ايدة علييچ وضربچ قبل اااسبووع عبالچ منندري حتى بنااتچ عاافننچ وتركنج لانج هجاامه بيووت كل ووولدج عرفو اانتي شنو من ملةة متتعااشريين هجاامة بيوووت

بقت ام عامر واكفة وتخزر بعمة زينة كل شوي اكول راح تضربهه لعمة زينة لو تسويلهه شي بس ماسوت اي حركه

ـ يلةةةة ااانكلعيي برررةة سيد مهدي على جية وبس يشوفج يتأذةة وتردد ترجع المشاكل واحنة ماعولنه رجع يزورنا ويدخل بيييتناا

ـ ماجاية لبيتج هذا بيت عمي سيد ابو باقر

ـ وانااا بنت ااابو بااقر والبيييت بيتيي ااطلعي من الببييت يااحية الصحراء االخبيثةة

وولج لاااتفرحين ولاعبالج سيد مجتبى راضي بطبتج لهناا

لاااااا

ترة هو بس االتهى بزوجته ولو يدري عنج متواصلة ويه مرته

جان العب جولة بيكم ااثنينكم روحي مناا كفينه مشاكل ولغووة.. بس اريد ااعرف منو عزمج واجيتي

_على كيفج عيني علوية سبينه العنب

خبصتنه خبص علمود هالمخلوسة واذا مجتبى يدري بتواصلي وية مررته قابل شكوو شمسووين

بايكة ناهبة اصلااا العزمتني ميسومة كالت االاا تجين وانا ااجيت لررغبتهه

وبعدين جاية تعيرييني بابني المد ايدة عليه ووبناتي

عيوني من علاييمج ااحنة بيت واحد ااهل عاائلة اليوم غلط بحقي باجر يصحة على زمانة ومرجعه الييي اانا امه الشلته تسع شهور وربيته من عمرة ساعه لليوم يعني يلف العالم كلة ويرجعلي اول وتالي بس اويلي على الماعدهه ضنةة ولا احد يحملهه لابشبابهه ولا بشيبتهه

ـ شما تحجين حاطة كلامج جوه رجليه.. لاا تتصيدين بالمي الوصخ يا ام عااامر

ـ خل اروح واجي بعدين البيت يخنك صار وسودة عليه ياميسم بس لايموت طفلهه بنيه فقيرة وحبابة مو مثل الحياية اليمهه ..

،،، طلعت ام عامر بدون متسلم على احد

اجت عمتي زينه جرتني من ايدي وكعدتني وطتني كلاص مي شربت وشربت سيد علي سودة عليه جان خايف من الصياح

كتله

_عمه والله ماوكعته هية ضلت تغلط وتحجي علية ونزلت تعثرت ووكعت

_مصدكة بيچ بگل حرف گبتي لاتضوجين يا عقيلة الله موجود يحق الحق بوقتهه ان شالله بس تعرفين حيالة ميسم مينگدر عليهه تگدر تقنع أكبر واحد

ـ عمه بس ماعرف ليش هيج تگرهني

ـحقها تغار لان عرفت من ام عامر عندچ املاك باسمچ

ـ صددك ليش تگلها ام عامر متخاف

_خاااااب مووتيني برودچ شنو ماتخاف الله ترى اي ماتخاف الله

ـومن خلالها تيقنت داخله على طمع بس جيب العقل اليفهم والاثباتات التأكد كلامنه.. حتى سيد مجتبى المعمي على عينة يصحى ويعرف حقيقة مرته شنو

وداعتج ياعقيلة اذا تعرف ميسم كلشي مسجل باسمج وحصتج ااكبر من حصتهه راح تكب حريقة بهالبيت ماتنطفي

كعد سيد علي بحضني وخلة راسة ونام.. اتذكرت بنتي درة ما ادري وينهةة.. يمة بنيتي ووين

ـ لاتخافين من دخلت اخذتهه ونيمتهه بغرفتي..

ـ تعبتج ويايه عمة

ـ هاي بنيتي وعلاوي ابني.. والام متتعب وية اولادهه

مر الوگت گوة يمشي خابرت على سيد مهدي مغلق تلفونه يمكن حاير بالمواكب ينكل الهم اكل لو يم سيد حامد

ورة ساعة دخل جدي عينه عليه ويستغفر ..

_ ليش ياابنتي...ليش ياجدي معقولة ياعقيلة هيج تسوين الحقد ماوراه نتيجة واان چان غلطت بيچ عديهه مثل ماعديتي الگبلهه أنتي طيبه بنت طيبة

تفاجأت من حچي جدي مكدرت الزم نفسي راسا بچيت اريد احجي الغصة بصدري متخليني اكمل..

ردت عمة زينة

ـ بويه انت فاهم غلط الموضوع مو هيچ معقوله صدگت بحياية النسوان

ـ الله اعلم يازينة منگدر نأگد كلام عقيلة

ـاي بوسه ولا نگدرر نثبت كلام ميسمم وانتو

تعرفوهه شنو ميسمم

_بس وضع ميسم ميسمحلهه تچذب البت أتصيح وتستريح من ضهرهة وهذا مجتبى تفرفح حاير شيسوي الهة وطفل مهدد بلسقاط

انطوها مهدى ومثبتات وبقت يم رب العالمين..

راح يجون وراية ادخلي وتعذري ماكو بشر مايغلط

تفاجات بحچيها يعني مصدگها يعني جدو مايعرفني اني شنو حاچيته والعبرة مكسرة بصدري

_جدو انت ماتعرفني اني تحملت مهانات ولايوم رديت او عابيت اوحقدت على بشر اني عدي مخافة الله سبحانه جدو والله اني

دخل مجتبى وميسم وامهه وعمتي ام مهدي يتجون الهة وهية گوة تمشي شافتني وضلت تصيح

_ألله ينتقم منج ياحاقدة مجتبى نتر بيها

_كااااافي لاصيحين موزين عليچ..

رادت تصعد لغرفتهة بس مجتبى ماقبل كال الدرج مو زين... دخلوها لغرفة امي وراحت هي وبنتهه

واجت عمتي ام مهدي وعيونه كله لوم كعدت كبالي وكالت بصياح

_ليش يااظالمةة ليشش خطية البنيية نزفت وتأذت وضهره متأذيي وطفل مهدد بالاسقاط ليشش شنو اليستااهل قتل النفسس

ـ اانا ااقتل؟؟!! والله اانا مو هييج اانا مو هييج

ـ صدمتني اليوم صدمةة متنسيي ووولچ ذاك اليوم الله طلعچ من حلك الموت شبسررعه نسيتي وصارت عينچ كووية

طلع مجتبى على صياح أمه منصي راسه وگال

_يمااااا يمة كااااااااافي مايفيد الحچي بعد الصار صااار التفت عليه واني ابچي واحچي

_صدگنني سيد محتيى انه مادفعته انه صعدت انزل سيد علي صاعد فوك هية نزلت وضلت تغلط وتحچي واني مامحاچيتها فـ نزلت وتعثرت وگعت

بقيت أحچي وامسح دموعي ونشغة بصدري مثل طفل أردد﴿وَتَشْتَكِي إِلَى اللَّهِ وَاللَّهُ يَسْمَعُ﴾

باوع عليه متعصب گعد وخله راسه بين اديه وصاااح

_هية تبچي وتصيح انتي دفعتيهاااا وغالطة عليها

وانتيي تگووولين هيي وگعتت زين اني بمنو أصدك گللولي

ضل يصيح ويحچي كعدت بمگاني وسيد علي يمسح بدموعي لاااااتبچين ماما حبيبي يجي بابا تعبان يشوفچ تبچين ويضووج

هالطفل عبالگ يعلم بجية اابوه سمعت صوته سيددخل البيت دخل سيد مهدي وسمع صوت گال

_ألسلام عليكم... شكووو شبيها عقيلة

رفعت راسي واشوف سيد مهدي واكف ومتفاجا من حالي ودموعي مقهور عليه بس هو سندي وحمايتي قهرته عليه كسرتني لان يريد يعرف شكو

ردو السلام عليه

وردت امه

_هلا وليدي جاي تعبان ليش وجهگ نخطف هيات يمك مرتك ماكو شي يمه مرت اخوك وگعت من درج

واخذناها للمستشفى

التفت الها

_خوما صار شي بيهااا

_نطوها مثبتات ومهدى ونامت

اجة كعد يمي على درج لزم ايدي باسها مسحها

_ومريتي گولي شبيچ تبجين

باوعت عليه ودموعي صب هزت راسي الة مابيه شي

رجع أبتسم يطمئني ويسال

_لااااا مريتي صاير شي تبچين وترجفين وسيد علي مكابلچ ويبچي شنو تخربط مره ثانيه

الكل ساكت ومحد يحچي لا مجتبى ولا جدي

سيد علي عافني وكعد بحضن أبوه گله

_بويه لش تبچي يوجعك شي

_لاا بابا مايوجعني بث ماما تبچي

_ليش

_ثيحوو عليها تلهم حتى بيبي ثيحت على ماما من حلوها تبچي لان عمة وكعت من فوووود

رفع راسه سيد مهدي ويريد يعرف شكو گالهم

_يمعودين شكوو احچوو

راسا طلعت ام ميسم تعد وتصف علية

_هااااااي مرتگ ماتستحي حقوده وگعت بنتي من الدرج على ظهرهااا تريد تموتها وترتاح

اتفاجئ سيد مهدي بالديسمعه گام مجتبى ودخل ام ميسم يم بنتهه وعاط بعصبيه

_عمه جوووووه رحمه الاهلچ جووووووه

السيد مهدي حضن علاوي وگال

_ فهموني شصاير

جدي يگله ماگو شي وعمة زينة تقاطعه تسأل عن شي هي ممحتاجته

وام مهدي تحجي دگله

_يايمه ماگووو شي مجرد من وگعت مرت مجتبى نسوان عمامك حچن ونقهرن على ميسم

بهل لحظه طلع سيد مجتبى

_,عضيدي لا تشغل بالك ماگوو شؤ يخوي

_حتى انت مجتبى متسولف اليه

_ابو علي ماگو شي بس مرتي دگول أم علي دافعتها من الدرج وصار نزف عندها

_لا يخوي تتوقع ام علي تسويها وهي حتى الدود الي طلع بحديقتنا تنطي شگر فما ممگن تسويها ومتيقن من برائت مرتي لان أومن بيها أيمان مطلق

سيد علي عاف ابو واجى لحضني يبطي من الخوف وويمسح بدموعه و دموعي

الاصوات صارت عالية صاح جدي بيهم بصوت عالي

ـ اااالكل يكعد بمكانه وكافي صيااح

ايد سيد علي ناعمة وتمسح بدموعي ويگلي

_ لاتبجين بابا اجى محد يغلط علينة بعد رغم كلامه شوي مكسر بس مفهوم

شافه سيد مجتبى شلون يحچي ومقهور ومبرطم ويبجي

صاح عليه..

ـ تعال عمووو تعال بابا يمي

راح اله وهوة مخنوك ويمسح بدموعه

_شبيك علاوي ليش تبچي لا تخاف ابني احنا نشاقا

_لا ماتشاحا ماما تبچي على عمه وكعت

_حبيبي انت شفتهه من وگعت من الدرج

_اي من فوود ( فوك)هي

الكل سكت منتبه لسيد علي شنو راح يحجي

_ زين عمو شلون وكعت عمة سولفلي

_اجت ماما شالتني وعمة صيح على ماما ياحكيرة ياذبالة انتي وبعدين نذلت وكعت جوة

كله عيونه على سيد علي وحجيه تفاجو من سمعوو

صااح جدي

_ استغفرالله استغفر الله دخلنة ابختج وظلمانج

رد حجة وياه

_زين عمو ماشفت احد دفعهة

_لاا عمو هي دفعت ماما ونذلت ووطاحت عمه بكاع

باوع عليه سيد مجتبى ودنك راسة..

،رد سيد مهدي

ـرغم ما أعرف شنو الصار لگن حچيت وگلتلگم عقيلة اعرفهه اكثر من نفسي تاذي نفسهه ومتاذي اي مخلوق مو عاد بشر بس أظاهر گلگم تسرعتو بالحكم

عقيله عايشه حياتها تحت مبدأ

إخسَر لأجل اللّه ولا تخسَر اللّه...

سيد مجتبى مدنج راسة وخجلان مقهور

_ اعتذر يخوي مني بس انت تشوف مرتگ تصرخ ودم واگعه بلگاع ترتبك

_عااااادي يخووووي الگلام الي أگوله مو بس ألك الگل أهلي عقيله تموت ومااتأذي بشرر لذا أمنوو بيها

عفت اديه على وجهي وابچي بصوت ناصي وابوس بعلاوي متخيلت راح يكون دليل برائتي هو يحچي متوقعت راح يصدگو بقيت الهج بذكر الله واشكرة على اضهار برائتي

اجت عمة زينة وحضنتني

_شوفي بنيتي يوضع سررة باضعف خلقة سبحان الله

گال سيد مهدي..

_يلة عقيلة جيبي جهالچ وبعد مالنه دخلة بهالبيت

رد سيد جدي

ـ لاه لاه يا ابني

ـ جدي بيتي يم بيتك شوگت متريد اجيبلك جهالي تشوفهم وتشوفني بس مانضل اكثر من خمس دقايق تلافيا للمشاكل عزلت وصارلي أشهر مرتاح الحمد الله ومرتي هسه جرت نفس

ـ لاا يا ابني لاتخلي مشكلة صغيرة مثل هاي تأثر على علاقتنة الاسرية

ـ هي ااثرت وخلللص بعد لوو زوجتك ياامجتبى شايفة عيين حمررة ووتحتررمك وتقدررك مااچان كدرت تتبلى وتتهم عقيلة بهيج تهمة

شهوور واحنة نتجنب زوجتك بكل الطررق

ودوس ابطنه واحنة سااكتين لان مقامك عالي بگلبي

صاحت عمتي زينه

ـ ااي والله حررام عليگم تهمتوهة وصدگتو بميسم وانتم تعرفوهه عقيلة تخاف الله وماتعابي الي اذيه

رد سيد مهدي

ـ يعني جدي صدك بميسم

ـ اي صدك بيهه جدك واجى هنا يعاتبهه ااتخيل يكلهه ليش هالحقد لو معديتهه مثل القبلهه شيصير

وكف سيد مهدي وباوع بنضرة خيبة لجدة..

ـ هو هذا الكدرت عليه مولاي هاي أمانتي يمگم بعدني ماميت وهيچ تأذوهااااا خلوو بالگم اليأذي مرتي كأن مأذيني والينزل دمعتها كأن دايس على گلبي

جدي أشلون تگلها ميخالف خليچ سااكته واتحملي مثل القبلهه لأن تتخلق بأخلاق أهل البيت هيچ تحچون مااگول بس لا حول ولاقوه الا باالله

ااسلووبكم هذا يخلي الوااحد يطلع من طووورة ليشش مو انت المتديين ومتقبلون على العاايزة نت تردوها تنهان وتنذل وهمين تسگت

أبمكان متشجعوون الحق على الباطل سويتوهه بالمگلوب اطالبوهه تسكت عن حقهه واهدار كرامتهه

گال جدي

ـ ياجدي جل من لا يغلط احنة بشر وعدنه اخطاأ

ـ بس انت القدوة لهلعائلة باجدي وطالما ظلمتهه بدون بينة مجرد لقلقة كلام فبعد ماگوفايدة بالحجي

وفوكاهه ظلمگم وگع بهيچ يوم عظيم اربعينه الامام الحسين أمام المظلومين وجاي تظلمون أنسانه يتيمه

بصراحه شحچي بعد...

گالت ام ميسم وهي نافخة روحه

ـ عفيية بيت السييدد عفيية بيت الاكباارية يصدكوون بحچي الززعط

صاح سيد مهدي وهو يرفع سبابته بفضب

ـ اشششششش أااحترمي نفسسچ ولاتغلطيييييييين على ااااااااابني

كام سيد مجتبى وجر ام ميسم من ايدهه..

ـاااااااامشي دخلي يم بنتچ

ـ هااااااا مجتبى يييعني ااانت مصددك بحچييهمم تصددك بكلامم طفلل عمررة اقل من خمسس سنين ووتككذب مرررة شطوولهه شعررضهه عمرهه بالعشررين وغررگاانه بدمهه وولگم هذااا عدلگم بييت الساااادةة هذااا اانصااافگم ياا نسلل الائمةة

رد. سيد مهدي

ـ الطفل التحجيين عنةة مستحيل يكذب

ـ لااا العفووو بنتي اانيي التكذبب اابنكم سيدد من ضهرر سااادة طلع من بطن اامة يقرة قرأن بنتيي بييش كيلووو يمةة

رد جدي

ـ كافي ام ميسم الصار صار والحمد لله عدت سلامات

ـ الصاار صاار شنووااريد حق بنتيي الهدرت بينااتگم تصدكون بطفلل يلبسس حفااااضةةة وولگم زعطوط يلبس حفااضة سويتوو نبييي براس بنتيي لووو حچاايتة قرااان بالنسبة الگم ووولگم مريييض معلووول لو بي حظظظ مثل متگوولوون مو يجيي معلووول سوييتو اابن رسوول الله براااسي وبراس بنتيي

رد سيد مهدي

ـ تعرفين أنت حرام الكلام بيج مو مال اضيع وكتي و ياچ يلة عقيييلة لمي جهااالچ وامشي..

ـ اي اااي انهززم واطلع ااركض كلامي بالصميم ووياااكم كل الادلة ضد عقيلة بس انتوو مسوييهه بنت أمام ومحد يحچي وياها

اسمع سيد ااني حسافر وماخذة بنتيي للبغدداد ييمي تبقى الحدد ماتجييب مجاايزة من بنتي اابقيهه يمگم تالي اصبح على خبر موتهه

رد جدي

ـ مو گلتو مخطورة والطفل يجوز ينزل

ـ هااااا ااي قاابل دنگذبب عليگم

ـ شلون راح تتحمل خضة الطريق؟

ـ ااني اااااااادبرهه أاخابر ابووهه يجي ياخذنةوشوي شوي نمشي ونوصل

ـ ميسم متطلع من هالبيت..الطفل الشايلتة بنتگم اابنة.. هو وامة مسؤليتنة

تبقى هنا معززة مكرمه الى ان تولد بالسلامه وراهه يصير خير

ـ هااااا هااااي هممين تحرمووني منهه

ـ البيت يرمح بي الخيل تريدين تبقين يم بنتچ على الراس والعين نشيلچ والبيت بيتچ بس ميسم متطلع الى ان تجيب

، بقت ام ميسم تعيط وتصيح كامت عمتي ام مهدي واخذتتهه يم بنتهه وجابتلي عمة زينة درة ومهدي شال علاوي جاي نطلع

صاح سيد مجتبى

_عضيدي وين اريد حضنك

وكف سيد مهدي مبتسم ماد ايده تحاضنو

ـ سامحني عضيدي تعرفني ابد ماعندي سؤ ظن ابد

ـ الله اليسامح مو منك زعلان بس هاي ماصارت عيشة ماريد خوتنة الينحلف بيهه تفلشهه النسوان.. خلينة گلمن بمگانه وتبقى خوتنة مثل اول لا نضحك الشمات علينة

أخذنه سيد مهدي وطلع رانه سيد مجتبى وعمة زينة وام مهدي وجدو..

چنت ارجف وعلي همين شوي تعب

درة كعدت ومتقبل تنام رحنة لبيتنة ودخلنة

ـ ممتغدين مو

ـ ومنو اله نفس ياكل

ـ علاوي جوعان ومحد يستاهل نصوم علمودة..

شوكت صار الحادث

ـ والله ما ادري بس چانت بعدهه الملاية تقرة وصار الي صار يمكن ساعه 12 وعشرة الناس وزعولهم سفريات بسبب المشكلة

ـ والله فضايح. اول تالي بيت ابو باقر يطلع صوتهم بين الناس

لو مو زيارة وازدحامات جان اخذتگم بالسيارة افرگم لو نزور بس الشوارع مسدودة

ـ لا مبية حيل ولا الجهال خلي ابدللهم ونرتاح شوي

طلع سيد مهدي جابلنة غدة من الموكب مالتهم لحم وتمن وتشريب شوي

گعدنه نكل وسيد مهدي ودرة بحضني و طلبت مراد

_عقيله ليش احبك

_‏لأن گلما أشوفك أقراء ﴿وَأَلْقَيْتُ عَلَيْكَ مَحَبَةً مِنِّي ﴾

مرة الايام عمة زينة تمر علية حسب فرغتها لان موضفة وترجع تعبانه فتجي شوي وتروح

مابينة هواي حجي ولا مواضيع سلام وسؤال وتروح

بهاي الفترة ام مهدي صار بيهه سكر وكطعت رجلهه من عندي

رحتلهه وية سيد مهدي شفتهه چانت تعبانه

كلش تعبانه استغربت منهه اول ماشافتني بچت وكلتلي

_اووف يمه شگد ظلمتچ يمگن حوبتج بينت بية ابريني الذمه صفنت بوجهه

_لااا استغفر الله عمة ليش هيج تحچين ماعندچ الا العافية

ردت عمة..

،ـ والله ياعمة انتي بيج حوبة وحوبة چبيرة محد من الاذاج ما اتأذة ووكع..

_لااااا عمه مبريين الذمه انتو اهلي وتصير بين الاهل

بهل فتره عشت أنا وسيد مهدي أحلى عيشه مابيها أي منغصات گان الفرج فتح بابه اليه من أوسعه الضحگه صارت ماتفارگ وجهي ولا الفرح يعوفني

نسيت شي أسمه دمع ونسيت شي أسمه حزن

‏"عوِّد نفسَي بعد هذا العيش الرغيد كُلِّ يوم من أکعد الصبح أحط أيدي على کلبي وتَوجَّه للإمام صَاحِب الزَّمان عَليه السَّلام أکله صباح الخير يامولاي أسألكَ الدُّعاء وَاالنظُر داخل قلبي

سيد مهدي يغمرني بحبه بحترامه وحنانه الزايد اليه أسلوبه خلى السعادة مرافقة النهو تربطها الألفة والمودة والرحمه بسبب هوو سيد مهدي حبه اليه خلاني أگول الغفران هاي السعاده الچنت اسمع بيها ومااشوفها وهسه شفتها

بيومهة دخل عليه أسوي غدا ومثل گل مره عادته ماغيرهة حضني وباس خدي

'الله يساعدچ قارورتي

التفت عليه

_ويساعدك روح بدل ملابسك واصب أگل

_لااا أجي أساعدچ بس أغسل أيدي

بين ماهدرت ألتمن دخل سيد مهدي رغم تعبه بس يحاول ييضحگني

_أنطيني خيار أسوي زلايط...

_لاااا حبي أناااا أسووي

_قاررررورتي گم مره گتلچ اساعدج من أنا موجود

وگم مره گتلچ دلعيني

_ماااعرف والله للساني ماخذ من چنت عدگم گله يصيحون ألك سيد مهدي

_موووو هسه وحدنه

_استحيييي

_تستحين من زوجچ

_اي والله لا تخجلني الله عليك

_أشلووون بأم الساده ودلعهااااا عليه

_هااا خووش أنطيني فرصه أتعلم اصيح الك بس مهدي ونوبه اتعلم أدلعگ شدگول

_نصبرر ان الله مع الصابرين بس على شرط الأسم يگون حلو وراقي ومثل مااني اتغزل بيچ تتغزلين

لزم خدي وهمس

فعلا الزواج الناجح يبدأ من لحظة اختيار الشريک.

وانا مو بس شريگه اختاريت لاااا لأن انتي أمرأه نيقه

أمرأه ألتجئ إليهِا بوجعي

أمرأه أحبها حتى أنفردُت بقلبها

يا دار التجيء اليه في وقت حزني

يا شخصًا أُلقي عليهِ حُبي .

_أحبك سيد مهدي

_هااااا شنوو عيدي عيدي حبي

_موووو

__يله حبي أنطيچ مهله شهر وراها أدلعيني

مرت الايام وسيد مهدي كل يومين تلاثة ياخذ الجهال يشوفهم لجدة وامه ربع ساعه ويرجعون علمني سيد مهدي بهاي الفتره سياقة السياره

گل يوم بليل ياخذني المنطقه تعليم السياقه الى أن صرت من أروم الأهلي يخليني أنا أسوق السياره رغم الخوف والرهبه بس تعلمت حتى صرت من أروح الأي مگان قريب ينطيني السويچ ويسوي نفسه يلعب

الجهال حتى مااسئله

ألى أن يوم من الأيام چنت الصبح نايمه ردت أگعد اجهز اله الريوگ اشرلي أنام بس أسمع صوت سيد مجتبى وياه بيتنا چبير وبيه طرمه وگراج

فزيت من النوم جيت أطلع للصاله سيد مهدي دخل

کلي بحرگه بيده دخلييي جوووه رحت للمغاسل غسلت وجهي طلعت للطلرمه ووشوف جگساره سوده بلکراج

وسيد مهدي جدامها طلع الطگاگه طگوها عليه سيد مهدي وسيد مجتبى کالي سيد مهدي

_مبرررروك حبي هاي السياره الچ ترحين بيها للدوام

_اليه معقووله

_شوف مجتبى متصدگ

گال سيد محتبى

_ترى من الصبح انرتب بهاي المفاجأه ونحضر النفاخ عاااد سوي حرگة المتعجبه ههههه

کال سيد مهدي

_لااااا قارورتي هي بحد ذاتها المفاجأه

_الله يحفظكم

وفعلا صرت اروح بسيارتي اخذ سيد مهدي للمستشفى الدوامه وارجع الدوامي وسيد علي والدره وياي.

الاشهر ميسم وصلت بشهرهه

أجتي يمي عمة زينة وكعدنة عصرية سويت جبن وخبز وجاي وكعك درة صار عمرهه تسع اشهر وبدت تتجي وتوكف مو بس تزحف.. بالسوالف والحچي حچتلي عن ميسم

ـ استغفر الله اكيد راح تعتبر غيبة بس كلبي موورم منهه

ـ شسويلهه عمة ادعيلهه تكوم بالسلامه

ـ وولج كلشي مبيهه مو تدرين امهه عافتهه ورة تلث اياام من وكعتهه بس رادن يضبطن على سيد مجتبى وسيد باقر ماگدرن من شافنهه هيچ خلت وراحت ام ميسم وبقت هاي الحية

لو تشوفيهه من يطلعون من البيت الزلم وعمتچ تنزل ركض من الدرج وتروح للمطبخ اطلع شكو شي بالثلاجه بالجدر وتاكل من غير الدلفري التطلبة وكل هذا ومجتبى يصيح ميسم متاكل

ـ اي ياعمة خلي تاكل حامل خطية اكيد تجوع

ـ اكلج انتي مناوية تجوزين من فهاوتچ شبيچ عقيله

اكلچ تمثثل جدام الزلم وعمتچ هي متوجعه ومتكدر تااكل وجدامي تسوي هالسوالف

ـ زين ليش جدامج هيچ تسوي

ـ لاني عاگࢪ

گايمة گاعدة تگلي عاگر ومحمضة على كلوبنه

ـ لا الله الا الله

ـ اشكال الحجي تسمعني بتعلوم من ام عامر وامهه بس انة ساكته وماريد السالفة تگبرر

ـ تعالي يمي عمة زينة والله بعيوني اخليچ

ـ يااا شبيج واعووفلهه القصرر؟

هذاا بيت ابووية الي صدر البيت وديوانه وهي التطلع منه زوجهه حاله حال زوجچ عندة املاك بس ماعاجبة يبني ويطلع من بيتنة علمود ينغص على جدج ويذكرة بضربه الراشدي الاخذهه وهاي نتايجهه يمعودة لاتخافين عليه انة همين اخذ حيفي ما اضل ساكتة الهه مابينة وحدة فقيرة بس اكو التستعمل ذكائهه بوقته..

ـ الله يهديهه

ـ يلة انة اروح حبيبتي محتاجه شي

ـ لا عمة تسلمين.. سلميلنة

مر تقريبا اسبوع وولدت ميسم جابت بنية (((سموهه ريماس رغم .كول فترة الحمل كالولنة ولد ..

جنت مترددة اروح اتحمدلله على السلامة لو لا

الى ان اجى سيد مهدي سالته

_اروح اوجب لو متسحتق

ـ اذا مترحين توجبين يعني انتي مو عقيلة

ـ ماحب الكطع ابو علي وهاي مناسبة مو زيارة عادية صح هي اذتني وسلمتهه بيد الله بس فدوة لاسمه ربي مافشلني وبين برائتي بنفس اليوم..

خلي نروح نتحمدلهه على سلامتهه وناخذلهه شي بيدنة

ـ والله ما ادري خاف تسوي سالفة من جوة الكاع وتبلشنة وانا متحامل عليهه وهي نفسه منا وخاف اسويلي سالفة اندم عليهه

ـ زين انت روح غير وكت وانا اروح يم عمة زينة واشوفهه

ـ لو ادري بيچ تاخذين حقچ ومتبقي جان كلتلج روحي بس بهالحال لا رجلي على رجلج...

طلعوهه الصبح من المستشفى واحنة أجينة العصر سيد مهدي خلة ضرف بي 500 الف دينار

اول مدخلنه ميسم وجهه تعبان ومتضحك ابد اول مشافتني بعدت النضر عني

_حمدت الله على السلامة

_الله يسلمج

بغرفة عمه زينه نايمه على السرير وانا كاعده على التخم سيد مجتبى وسيد مهدي يفصلون البنية الله يحفظهه حلوة بيضة بس بعد ملامحمهه ممبينة يمكن تشبه ابوهه

كعدنة ربع ساعه واترخصنة وطلعنة..

مجتبى//من وكعت ميسم من الدرج وحجى سيد علي الصار صدگناه

ميسم انگلبت عليه صارت متنجرع كل الاتفاقيات الاتفقتهه وياهه حذفتهن حجابهه صار ابد مملتزم تريد اطلع شعرهه ملابسهه العريضة كصكصتهن وتلفتهن تطلع تفتر بالبيت ببجامه لازكه على جسمهه من احد يجي من ولد العمام او العمام تطلع بكامل المكياج والكذلة طالعه وملابس البيت تغيرت تدريج

اكثر من مرتين طلعتني من طوري ووصلت بية اريد امد ايدي عليه واتعوذ من الشيطان

طول فترة حملهه كلتلي بية ولد واختارينة اسم ولد

بس من ولدت طلعت بنية اتحمدت الله وماحچيت شي لان اعرف هيج اخطاء تصير بالسونار وبنية او ولد مو فرق اهم اتمام الخلقة

جانت كلش متنرفزة بعد الولادة يمكن لان اجتي بنت هي جانت تريد ولد حاولت احجي وياهه واهدىهه بس ماگو فايدة قافلة

تعبتني رحت أشيگيها السيد مهدي مريت عليه بلمستشفى دخلت شفته يريد يغير ملابسه ويطلع

شافني گال

_هلاااا بعضيدي شعجب عايف العياده الشعبيه وجاي للمستشفى شنو نقلت

_لاااا اربد أحچي وياك

نزع الصدريه وگال

_سولف أسمعك أنشاء الله خير

_ميسم تعبتني وحتى ابتعدت مني ومااعرف اشلون اراضيهااا عضيدي هي وعدتني تتغير علمودي بس هسه كلشي اختلف شنو اسوي اطلگها وارتاح

_استغفر الله حبيبي لا دگول هيچ ترى هاي زوجتك ماتصرف هيچ ولا تتغير اله لأن علاقتگم توترت فاأنت گـ زوج ورجل(قوامون) يعني الله أختص الرجل ان يحتوي حواء خليگ قريب عليها طمئنها حسسها تحبها

_والله گلشي سويت وياها

_ميخالف زوجتك وهذا واجبك لان أجتك أنسانه غريبه عنك وصرت أنت سترها وغطاها انت زوجها شفتها بحاله أكثر من أبوهة وامها ماشافوها ضحت ونطتك روحها وجسمها

_اي اعرف بس شسوي لعنادتها ةأ

_أگعد سولف وياها فهمها

_مو گتلك متفقين على کلشي قبل لا نزوج

_,الحچي قبل الزواج بمگان والحچي بعد الزواج مگان ثاني يجوز قبل الزواج چنتومتسرعين هسه روح حسسها مشتريها گول الها بطلي عصبيه أنا ويأچ بگلشي حتى لو عندچ سلبيات وماراضي عليها بس عندچ ايجابات هواي راح اساعدچ نتخلص من السلبيات حتى حياتنا تصير حلوه

مو بس حياتنا تصير حلوه لا لان انا أحبچ ا

_أشگرك عضيدي

_وين رايح اسشاره نفسيه مو بلاش اعزمني على گهوه

_مو تدلل بس صدك راح تشارك بجيش الابيض

_ يخوي اصلا صار فتره مشارك من اول ماگال السيد

علاج مرضى كورونا ورعايتهم والقيام بشؤونهم واجب كفائي على كل المؤهلين لأداء هذه المهام من الأطباء والكادر التمريضي وغيرهم."

_اشلون وانت مريض بلاصل وهو كفائي نگدر مثل ماسوينا بفتوى الحشد ندفع افلوس

_عضيدي الوضع اختلف أگو اطباء مداومو اطباء ترگو كلشي أذا انا مااشارك وغيري منو يعالج الناس

_ماخذ حتياطك

_اي البس البدله البيضه والقناع والكفوف والكمامه بحيث اموت من الحر على گد ملابس الوقايه تاذي

بس يااخي تحس براحه من تساعد هاي الناس المحجوره حتى عدنا ممرضين يغنون يلطمون الهم

حتى يغرون جو للمرضى

مرت أيام ومشيت بوصية سيد مهدي الي يجوز تنفع گل مرأه اله ميسم وبعد الولادة بيومين گلتلي اريد اروح لبغداد لان هذيج الفترة اني محبوسة ما حجيت شي لان فعلا ماطلعتهه بس داخل كربلا ما اخذتهه لبغداد

كلتلهه يلة لمي ملابسج ونروح لبغداد لشقتنه تخلص الاربعين ونرجع

سلمت على اهلي ووادعتهم وطلعنه ميسم هناك انگلت بعد اكثر اطلع للعياده ارجع ماالكاهه بالبيت و عايفة الطفلة لوحدهه بحجة نايمة واجي اسمعهه مفرفحه من البچي من غير شقاهه وضحكهه وية الجوارين وملابسهه مثل ماشفتها

رجعت مثل قبل تلبس وازود خبلتني اتصوورت هالشي العدهه (گأبة مابعد الولادة)

وقررت اصبر عليهه الى ان تطلع الاربعين گمت ارجع للبيت من وكت علمود بنتي لان أعتني بيها بدالها

طلع الاربعين ودخلنة بالشهرين وبعدهه ميسم على نفس وضعهه طلعتلي بسالفة تريد تستقر بدولة اوربية وية اهله ما اخذت كلامهه على محمل الجد

وبيوم رجعت وشفت بنتي لوحدهه وتفرفح بچي

اخذتهه وطلعت من الشقة لشقة اهله بابهم مفتوح

دخلت ولكيتهه كاعدة يمهم تسولف وتضحك عطتب بيها ولازمه الطفله

ـ اادري شللون عاايفة الطفلة بالشقة لووحدهه

رفعت حاجب وحطت رجل على. رجل

ـ نايمة شگوووووووو عليهااا

ـ شنو نايييمة شنو. ناييمةةة طفلةةة عمرهه اقل الشهرين شلون تعوفيهه

ـ عييني هيج خاايف عليهه كاابلهه اانت واكعدد احد كلك ااني موووو خدامةة

ـ خدامة شنوو شهالحچييي هاااي بنتچ

ـ هذاا العندييي تريدد جيبلهه مربية فلووسك قلييلةةة لو تستخسرر تصررف عليية

شوووف ااخوووك مسجل ااملاكه كلهنننن باسم مررته ووانت تبخل عليية بشغااالة للبيييت. ومربييية لبنتك

ـ هميين رجعنة لهل مووضوع تعررفين ما اائمن ااخلي بنتي باايد غرييبة

ـ ااي اارجع لهلمووضوع لليشش ااني عنددي غيررة ااانت بخييلل تبخلل علييية وتستخسر بية كلشيييي شوووف عقيلة الخررسة ام نص عقلل كوومه املاااك باسمهه وسيااارة اخر مودييل جووة ايدهه وتسوووق وولك بنت كربلااا تسوووق سيااارة وبنت بغداااااد حاافية منتفةة والله ووكتتت

ـ ميسم شنو هالحجي ووولج شبييج.. اانتبهت عليهه لابسة فتسان قصير وضيق..

راسا عطت بيهه ووولج شنو هااي تعالي هننااا هاايي شلابسة اانتي

ـ هو هذااا الفالح بيه شلابسه حجابچ قابل من اخذتني القديسه مريم چنت وثانيٱ هذاااااا لبسيي هذاااااالوني من يوووم الخذووني

شنوو عيووني غشييتك لعبت علييك جنت مطلعه كراعيني وانت انعمييت على عينك واجيت تركض وراية لو ترييد مستوورة مثل عقيلة خااتون ليش مااخذت منكم يمة جييت عليية ليششش واني هذا لبسيي

ـ بس اني ماغشيتچ اتفقت وياچ

ـ اعتبر الاتفااق انلغى

موو انتم المتديين تگولون المرأه ناقصه عقل معدهه

كلمة اني ماعنددي كلمة

التفتت شفت ابوهه ساكت وامهه تباوع بنضرات حادة واخوهه بالغرفة ولاااااااا يمة الحچي

گتلهم

_يمعوووووووودين عقلو بنتكم

وگفت جدامي

ـ معليك باهلي واني خلصص لعبت نفسي من السچن ومن بخلك ومن ااهلك ومن قيوودك اريد ارجع لحياتي الطبيعية

ـ ولج يابخل شتحجين انتي شتريدين ذهب جبتة الچ ملابس ارقة مارگات وگله بدولارات أحذية ماتلبسين من المحلات تشتريهه من الامازون واكلچ يرخصلچ

مطاعم التريدي وتأشرين عليه مصرف بجيبچ بالرقم التريدي الذهب الابيض عجبچ جبت الچ

گلتي ملييت من بيت ااهلك طلعني من جنتي حامل اخذتج لارقى فندق وحجزتلج اسبوع تغيرر جو كلت خطية حامل وماطلعت خارج كربلا واكيد ضاجت ولج شتريدين بعددد وكل هذا وتكولين بخيييل علية

ـ ليش متقبل تسجل بيت باسمي ليش متقبل تشتري سيااارة الي حالي حال العدكممم لو هذيييج ضااحكة علييكم بحجاابهه وعبايتهه

ـ لا تقارنين نفسج بعقيلة

ـ ليشششش عيوني مااقاارن روحي بيهه

مصبوبة من ذهب وااني من تنك

ـ اذكري الله وامشي جدامي للبيت وراح اعتبر نفسي ماسمعت شي

ـ لا أعتبر مفسك سمعت وكلشي عرفت وهذا قراري اريد بيت باسمي وسيارة حاالي حال مرة حمااااية راسي براسهه

ـ لا انتي عقيلة ولا انة مهدي

انتي ميسم وانة مجتبى

مو شرط نقلدهم بكل شي فااااااهمه لو افهممممچ

ـلا حبي هذا حقي وحق بنتي

ـحقج بالمهر المؤجل والمعجل غير هالحقوق ما ال جي عود اذا متت تورثين

ـ هاا هيچ الحچيييييييي يعننيي

ـ اي يعني شنووو

ـ ااخر كلامك يااااااااامجتبى

ـأي هذااااا اخره وماعندي غيرة

ـ خوش لعد... طلگني ياا ابو بنتي

وگفت الثانيه بين مستعد الهذا گلامها ومتوقعه بس گنت أگذب نفسي لأن گلت تعبي وياها يغزررر

غمضت عيوني تنهدت وجاوبتها بحده وبرود

ـههه شوووفي مااااااااراح اكلچ انصدمت وماتوقعتهة منچ لان چنت متصور ررااح تطلبين الطلاق..

بس على الاقل فگري بالطفلة بعدهه عمرهه شهرين وتريدين تبعديهه عني

ـ لو تحبهه صدك مثل متدعي جان كلشي تسوووي حتى تبقى يمهه بس انت ااخر همك بنتك ومرتك

ـ اني هيج؟

ـ اي.. وهذا اخر حجي عندي

ـ عمي عمتي احجولكم كلمة

ـ ردت امهه.. هي چبيرة ومسؤلة عن كلامهه مادخلنه بزواجها رغم احنا وانتم نختلف تريد أدخل بطلاگها

ـ يعني موافقين على قرارهه؟

ـ رد ابوهه وهو يشرب گوب الگهوه وليدي أحنا عائله

أوبن مايند منگدر نجبرهه على شي يابني

ـ بس اني ممقصر وياهه

ـ واني اشهد ممقصر وياهه

بعدة ممخلص حجايته وصاحت بي ام ميسم صيحه قوية خلتة يسكت

ـ شنو ممقصررر وياهه ياابة مدتسمع شجاااااااايب ااخووه لمررته وشمسوويلهه اادرري شبييهه بنتك بنت الخداامه حتى ميقبل يخلي بيييت واحد باسمهه لو يشتريلهه سياررة مثل باقي النااس فلووسه وووين المن وووين يكدسهنن

ااكيد كلهه ينطيهه بيد ااخوه مهددي وهذيج الحية الضامه راسهه تلعب بفلووس بنتي وحفيدتي لعب وهنة باقيات بالضييم

ـ هاي مين جبتو هالحچي سيد مهدي مياخذ فلوسي واصلا ممحتاجلي

ـ لعد من فمك اادينك

مهدي مين اله كل هالفلوس والاملاك يخليهه باسم مرته

ـ هاي حصتة هو وتنازل لزوجته

ـ ووانت شنو وين حصتك اابنهم لو ابن الفلاح حتى مالك حصةة

ـ شنو هالحچيي عمة عيب

ـ عوووف العيب وجااوبني ووين املااااكك

سگتت وماردت اكلهم شكد حصتي وشنو عندي عرفت دخلو على طمع واخذت اكبر مقلب بحياتي

أگبر خطأ خطئته وتحمل قراري

جاوبتهم

_ماعندي شي باسمي لان تنازلت بكل املاكي لاخوية

ـ هااااا ييييمةةة شفتتتتي شكللللت شحجييت يااابةة

ااااااخخخ يااااعمررري االرررراح والضااااع ووياكك

ـ صارلنة عشر اشهر متزوجين ماقبطنة سنة بعدنة لا تأفورين الموضوع يا عمر التحچين بي

ـ من سااااعة السووودةةة الشفتك وعرفتكك وواتزووجتتك ياااكذاااب ياساده واگعين بيد مررة ااخووك السحاااارة يااا ماا

ـ اشش مبصمي حساب ثكل على هالغلط ياا ميسمم

ـ اتنازلت عن كل مبادئي لخاطرك غيرت نفسي ولبسي وكلبت حالي من ساسي لراسي لخااطرك تالي اطلع مجرد رقم بحساباتك مجرد مرة بحياتك لا حبيبتك ولا شريكتك

ــ انتي الرسمتي هالطريق بايدج من حبيتيني ماگلتي شكد املاكك ولا طلبتي رقم رصيدي بالبنگ

ردت ام ميسم

ـ غير عبالنه ثكيل وعندك املاك من دفعت فلوس ابو ميسم يعني عندك مو فكر

ـ الحمد لله ابن خير ومتهزني الفلوس ولا تغيرني.. اكيد ام عامر الهه ايد بهالشي

ـ خلف الله عليهه نبهتني ووعتني والا جان بقيييت حالي حال الثوولة مضحووك عليه وخيرك لاخوك ومررته

طلكني وخلصني يا مجتبى وخليهه تخلص باللتي هي احسن ليش سحلك بالمحاكم واخليهه تصير مو حلوة وياه

ـ وووووووبنتي

ـ اذا تريدهه ادفع فلوس واخذهه

ـ شنووو تبيعيهه؟!!

ـ ااااي ابيع بنتي قابل گفرت ويبقى كلشيي بثمنةةة انا حبلتت وتعبت ووووصلت للمووت بيهه وجبتهه بطلعان الرووح تالي تريد تاخذهه بلووشي تددفع افلوسهااااا تااخذهه...ماتدفع ثمنها تبقى عندي وبس دزلي ورقة طلاگي يامجتبى تستلمها

_موافق

أذهب حيث يرتاح قلبك حيث ترغب أنت حيث تشعر بالأمان والإطمئنان احرص أن لا تأخذ إتجاه لا يعجبك

..................

حلو بيارغهم

وذبوا عمايمهم

وبشيبته اتحزم حبيب الهيبه

وگلها يزينب ذوله زلم النيبه

صدگيـة صحبتهم

صدگيـة صحبتهم

______________

لمهم حبيب ابخيمته وگـللهم

تدرون زينب خايفه نغدرهم

دخنت الروس وذبو اعمايمهم

وللخيمه مال ام عون رگـضو كلهم

گللها إبن ظاهر

يابت علي باچـر

اشلع اعيونه الكال شاف اخيالچ

يبنيتي زينب خلي هايه ابالچ

وگضو شواربهم .. وحلو بيارغهم

________________

گلتله عمي وكفـو من سمعته

وذب على راسه اتراب من حاچته

اتراب ابلحيته ويبچـي من شافته

سكته بچـت متعوده تبچـي ابسكته

وعاين عله ربعه

كلمن لبس درعه

وكل واحد اعله الباشط امخلي ايده

بس الحسين ايگـله هد إيريده

واتحزمو كلهم .. حلو بيارغهم

استعرضوا يم الخيمه مالت زينب

وشال ايده ابن ظاهر وسـوو ملعب

هوس اگـبال حسين وحسين اطرب

گـله اظن حــسبو عمك شيب

ارخصني أرد اخليهم

اتضيچ الأرض بيهم

غير آنه عمك وانته المسميني

شيخ الأنصار وهالإسم يكفيني

يعرفوني قاتدتهم .. حلو بيارغهم

ايعاين حسين اعليهم ومتـبسـم

واحد بالآخر يحس بـي متـحـزم

بأنفاسهم عطر الوفه ظل إيـشم

وعاين على العباس شافه امغيم

گله علي خلها

هاي الزلم كلها

وصارت امسابگ بين أخو وأصحابه

وهوسو للحگ هل إجت طلابه

وضحكن صوارمهم .. حلو بيارغهم

گلهم حسين الراي يمي التمو

يابوالفضل انته وحبيب اتقدمو

الباقين عالمعركه كلها التفو

وكلكم فرد هدة عليهم هدو

گلوله چا وانته

واتـحزم ابشته

چا شنهي صار العزم عنده انصاره

حسين وإيهد وياهم ابتاره

ويحلف ابغيرتهم .. حلو بيارغهم

الرادود يقراء واحنا رافعين ايدنا لفوك باعلى مانگدر لازمين السيوف بقوه مثل قوة عقيدتنا نرفع ایدنا عالي بقدر نصرتنا وفزعتنا للسيده زينب عليها السلام

رفعت ايدي أحس كتفي يريد ينخلع محسيت بلوجع

لان الهيبه والاحساس بهاي الشعيره جعلني مندمج عايش النصره والفزعه ومندمج وي شباب المشق متناسي گل اوجاع ايدي

نرفع ایدنا ونرجع انثني اجسامنا ايدنا على أجتاف بعض متحدين تحت لواء الطف متذكرين صوت برير من صاح الصحب والاحباب ملبي نداء الحسين وزينب

الرادود يقراء واحنا مندمجين بطف العشق والألم

الى أن رفعنا نهز السيوف هز عدم انتهاء الثأر حتى ظهور صاحب الثأر

خلصنا بيدنا سيوف الشعور بهاي الشعيره كأن عشت النصره التامه خاصه من أنت لازم السيف بقوه ولازم اقرب رفيق الك في عشق الحسين اقرب رفيق الك في الحنين للحسين في البكاء على الحسين اقرب رفيق الك في ووجع الشوق للحسين وکان انا وسيد حامد مثال القول ، " فَلْيَتَنَافَس الْمُتَنَافِسُونَ

الفرحه داخلي لان سويت شعيره ممسويها قبل تقربو الشباب سلمو علينا وگلمن راح الطريقه أما اني بعدني محافظ على وضوئي رتبت اسدارتي الخضره على چتفي

تمشيت للحضره ازور مولاي لان أعداد الزوار قليل بسبب گورنا الحزن دب بگلبي

اول مرة من سنين هيج يفرغ الامام

هو صح مو كلش فارغ بس مقارنه بالسنين السابقة يعتبر فارغ..

ذنوبنا جاي تمنعنا أنزور الأمام الناس لابسين گمامات وچفوف متخوفين من الوباء ومن الزياره

رغم أگو البعض ما متقيد ولا مهتم رغم توجيهات الصحن الشريف وتوجيهات الحكومه ووزارة الصحه بس مامهتمين

الشعب العراقي تعود على الموت والمحن

صار عندة مواجهه الموت شي طبيعي ميخافون منه

كلشي صار اليوم بلحضره مو مثل قبل..

تخوف الناس وانا أولهم من گورنا وأكو ناس طاگه الوضع عرض الحائط مايعرفون حجم الكارثه

بيدي سبحه أسبح اخر طقس من الزیاره

وعيوني على الموجودين شفت اثنين جهال يلعبون بالحضرة ووياهم اختهم الصغيرة تقريبا اعمارهم بين الست سنين والاربع سنين

شلون يخافون عليهه لا تطيح وتوكع واحد وراهه والثاني كدامهه ويلعبوهه بينهم

اتقرب عليه الطفل يريد ياخذ تربة من الصندوك اليمي شلت التربة ونطيته بيدة وطلعت نستلة من جيبي وكلتلة

_هاك عمو هاي الك ولاخوتك

_ ليش لابس هيج يقصد كمامة وجفوف وشرحلته حسب فهمة

_,لازم البس ولازم حتى انت تلبس المرض هذا خطر

_ماما دگول چذب دعايات

من بعيد صوت صاح للطفل وراح يركض ما اعرف ليش هالطفل بقى ابالي غير عن كل الاطفال

رجعت ادعي ربي يخلص هذا الوباء قبل ان يخلص علينا شلت التربه من الگاع بستها أتمشيت داخل الحضره اتناوع للناس...

شفت سيد حامد من بعيد بيده السبحه يسبح ويبچي بحرگه أتعاطف ويه سيد حامد لأن عايش وحده وماعنده أي أقرباء

عائلته الوحيده طلبة الحوزه وطلبعا هم الهم وقت وگلمن يروح الحال سبيله

تقدمت عليه ووكفت يمة بقيت اتناوعلة ماحس بيه لان من يدعي يكون بغير عام فاصل عن عالمنة الحقيقي... من خلص تسبيح

لزمت متنه وگعدت يمه على مدرج الحضره سالته

-وين سيد حامد صافن

تنهد حيل باس التربه وکال

_مااعرف سيد مهدي هل الصار سبب أو أزمه وتعدي

_قصدگ على وباء كوفيدا

._أي والله أجى سبب حتى ماانجمع بخانم رقيه لان طول ذيچ الفتره العطل زواجي منها معاملات واضابير النقل والجانسي من قرب الموعد ظهر وباء گورونا دون سابق أنذار

_زين يجوز سبب فعلا.. عسى ان تگرهو شيئا وهو خير لكم

لبس العمامه على راسه ورتب العبائه وهو گاعد

_الحمد الله على گل حال رغم حسره في القلب

لکن أومن أن ألطاف الله تحيط بيه

_يستاهل الحمد شو لبست العمامه والعبائه على خير

-أريد أروح المهمه مستعجله لان النجف مكلوبه بعد كثير من طلاب الحوزه أنصابو بكورونا بسبب الطالب الي أنت تعرف سالفته يجوز الوضع ميبشر بخير

-هو طبعا الوضع ميطمئن هذا المرض خطر هواي توفو وبأعداد كثيره بظرف اشهر فــ المنظمات العالميه عتبرته وباء خطر

تنهد سيد حامد

-وهذا الشي القالقني خوفي على الناس وهالشعب مايلتزم ومايصدك منهم اله القليل

ـ الشعب اتعود على المصايب

ـ بس هذا هلاك النفس اذا ما اخذو احتياطاتهم

-احنا جاي نحاول ننشر توعيه عسى ولعل يستيجب

-وين منو اليستجيب جاي تشوف الصحن اشلون اغلب الزائرين بلا كمامات جائز بس انا وانت وكم شخص يخاف الله بهاي الناس

-يجي يوم ويحسون بحجم الكارثه من يشوفون اقرباء واحباب الهم مصابين

_هو هيچ اله يلدغون

- لاتضل ضايج سيد حامد كلشي ينحل بالتساهيل من الله

ـ جنت متأمل وراح الامل

ـ ان شالله سهلة مابقى اله الختم وتصير خانم رقيه حليلتك

-گنت متأمل بهاي الفتره أنجمع بيها وگعدت أرتب بداري. وصبغته حياطين والجام المكسور غيرته

ـ كل تأخيرة بيهه خيرة

ـ هههه قول عجائزنه

ـ شنسوي نصبر روحنه بسوالف العجايز وحتى جاي يگافحن گورنا بلحرمل والثوم تجيني گل وحده بيهن لابسه خيط على رگبتها وخايفه عليها بس ليش ضايج ياخويه

ـ ضايج ومقهور ولكاسرني هي هم جانت متأملة وانا متأمل ننجمع بهالفترة

ـ لا تكول الكاسرني ان شالله ماكو شي يكسرك اازمه وتعدي وتنفتح الحدود وتجي الخانوم وازفكم بيدي

ـ ان شالله يا سيد مهدي

بس انا ماريد اشغلها بيه أكثر لان صارت تعشقني هذا مالمسته في اخر حديث بيناتنة

ـ الحب والعشق والهيام مو بأيد البشر

ـ تبادلنة نفس الشعور بس بعد الصار والله يعلم شوكت تنفتح الحدود قررت اخفف مخابراتي الهه لكن كل فتره اتواصل مع اهلها وابعث سلام

-لا تأيس انت تحب وقلب المحب مثابر ودائما من تضيق بينا السبل و تتهاوىٰ طاقتنا ونشوف الحياة بعِين العـاجزْ نکرر من قول

‏"اللهم أخرجني من حولي وقوتي إلى حولك وقوتك، لا حول ولا قوة إلا بالله العليّ العظيم"

-ونعم باالله لگن مو يئس هو واقع

عائلة رقيه داخل أيران الحدود مسدوده بين البلدين ماتكدر تغير شي حتى أي معامله اومراجعه مايصير وتغيير الهويات طال وهسه حضر تجوال عن السفر مو بس داخل أنحاء ايران بگل العالم

لذا متأمل ان ربي يعوضني عوض جبير

-العوض قادم رب العالمين مايوجع قلبك ولا يجعلك تشعر الفقد اله أگو عوض وعوض چبير لكن اثناء ماتتصل بعائلتهة شنو شعورها أو شنو يگولون ألك

-الخانوم انسانه صابره محتسبه صامته عن لغو الحديث حتى لوتشوف بيه زوج مستقبلي لگن احسها جاي تتاذى

-وانت شلون عايش

-عايش برحمة الله ومصبر نفسي بحديث((من حب وعف وگتم ومات فهو شهيد))

-العمر الطويل رفيقي...

لگن بقى ببالي سؤال

_جواب

_عدنا أعداد هواي ناس جاي تموت بهذا المرض وحتى محد يدفنهم من أهلهم يخافون

الي شفته ألگل يخاف يلمس المتوفي الحامل للمرض

فا انتم گ حوزه شنو التعليمات الاجت الكم

-التعليمات أجتنا بلأنظمام للفرقه العباسيه

-هااا وراح تشارك وياهم

-طبعا بلا تردد

لان اجرها اجر المجاهد في سبيل الله وذا الله اقسم النا وتوفينا بلعدوى يكون اجرنا اجر الشهداء... قابل اخليك وحدك تشارك

-هههه هااا سيد صرت تغار مني

-طبعا اغار من اشوف رفيقي ياخذ اجر على شي انا بستطاعتي اخذ مثله

-هو انا جنت منتظرك تسويهه لان اعرف سباقنا بلتقرب لمرضات

الله وال البيت مايخلص ان شالله

-اكيد اكيد بس تعرف سيد مهدي من رحت وشفت الناس تسلم الجثه وتروح حتى ماتشارك بالدفن

تذكرت اهوال يوم القيامه

(يوم يفر المرء من ابيه)

-فعلا هذا واقع كلما تضيق بينة السبل نعرف ماعدنا صاحب بس الله ذو الجلال والاكرام ونادي بصوت عاشق أين انتَ يا صاحب الزمان

لقد طال أنتضارك

-عجل الله فرجه سيد مهدي سؤال

-جواب

-انت ماتخاف على نفسك من شاركت ويه الجيش الابيض خصوص انت انسان مريض جسديا وصحتك على كدك

- الميخاف مو بشر.. اكيد خفت مااخفي عليك

وخوف گبیر همين

لکن الاجر أعظم واكبر والاجر على قدر المشقة يستاهل نخوضة

ـ طولت العمر ان شالله وتشوف اولادك يتربون كدامك وتزوجهم وتشوف احفادهم

ـ ان شاءلله...

طلعنا توادعنا وكلمن مشى بطريقة مشيت خطوات واسمع صوت سيد حامد يارفيق الدرب انتظر وكفت مكگني أجى حضني

وكال

_ راح اشتاق الك يا صديقي

_شنو سيد راح تبقى هواي بلنجف

_بس على هذا وضع الخطر مااعتقد اشوفك بعد لان انا راح ادخل دوره مكثفه تعليم غسل موتى گورونا وايضا أخوات مؤمنات راح يشارگن بغسل النساء المتوفيات بمرض گورنا ومثل لان هو هذا دربنا

.

أن تكون محمّديًّا يعني: أن تسعىٰ بكافّة أنفاسك ليلك ونهارك، أن تمهّد ميدانيًّا لثورة القائم من آل محمّد التي ستقيم جمهوريّة الزّهراء العالميّة بدستور العدل العلويّ.

_يارب يجعلنا الملقبين بعشق المؤمنين العشاق الي

أسخْتَمّون يَومَكُم بأعتِذار لِصَاحب الزَّمان أو دَمعة علىٰ أبا عَبدِ اللّٰه، تَسبيحة أو أستَغفار.

_خويه ربي ينجيگم الخير أشوگت اشوفگ

_اني اجي اشوفك راح نبقى على تواصل

ولاا شلون اعرف الوضع

رجع حضني وباااسني بعيوني انت رفيقي وصديقي واخويه

سيد حامد شنو سالفة جاي تودع اسبوع وترجع

ودعته واني الهث اله بدعاء يحفظه من مرض

وهو يدعو الي بلحفظ

رجعت للبيتنه و گفت باب الغرفه أتأمل وجهه شافتني همست الها بصوت ناصي حتى ميکعدون للجهال

مَا كُنْت أُومِن بِالْعُيُون وَفِعْلُهَا

حَتَى دهتني فِي الْهَوَى عَيْنَاك

أبتسمت وبقت عقيلة تنوم بدرة بحضنه وسيد علي نايم على رجله گاظ ايد اخته وغافي من صفحة اليمين شلت سيد علي وعفته بسريره

_ادري بحبيبتي جاي تعبين بدرة وسيد علي وغيرته

_لا حبيبي جاي تتعود على نومته وسيد علي جاي تشوفه أشلون متعلق بيه بس انت من توصل يمه وتلاعبه يغار

اخذت درة وعفته بمهدهة وطته ايدي وكومته

وكتله تعالي لخلوتنه قبل لايكعدون

تقربت عليه والخجل تارسها گتله

لما الخجل والقلب بحبگ أکتمل

بحبگ صلى ثم سجدت وَقُلت ‏"بِِفاطمٍ بِفاطمٍ بِفاطمْ وجاء الدنيا ببرك الزوجة الصالحة وانتِ ايضاً

مشت الايام وصار على روحة سيد حامد أسبوع

واتصالي بسيد حامد يوميا مانقطع دايما اطمن عليه

دايما يوصيني ادير بالي من فيروس لن انتشر

وقتي بلمستشفى والحالات كثرت زادت الاعداد المصابة منكدر نعوف المستشفى

اتصل على سيد حامد لن صار يومين مايرد اعرف من ماكو رد يعني عدهم حالة غسل ودفن

رحت غسلت ايدي وعقمت والبست جفوف وگمامة وقناع والبدله البيضه دعاافتر على المرضى اقيس الاوكسجين كملت المناوبة ورحت الغرفة الاستراحة رجعت خابرت ورة اربع ساعات ماگو

أتصل بسيد حامد اتصل مايجاوب مرتين ماكو رد للمرة ثالثة صوت غريب

_السلام عليگم ورحمة الله وبرگاته

_,وعليگم السلام ورحمة الله وبرگاته أخي هذا رقم سيد حامد

_نعم بس سيد مايگدر يرد عليك

_ليش وينه صار يومين اتصل مايرد

_سيد انصاب بفيروس گورنا أثناء ماغسل چثث

المتوفين أختنگ من الحر وصار ثلاثة ايام نايم بلحجر

#يتبع

السلام عليكم

أسألكم الدعاء لروح اختي.. المقرر كان ينزل البارت البارحه لكن ظروف قسريه منعتني

......

رساله لك /

الامام المهدي عج

يريد انسان يراقب نفسه ويحاسب نفسه بستمرار ..؟

هل راقبت نفسك وحاسبت نفسك ام لا .

لاتدعي الحب وانت لست مطيع لحبيبك

الحب

تضحيه ... وترك الذنوب .. والمراقبه ولمحاسبه

اتكلم معكم عن تجربه شخصيه

اذ اردت ان تتخلص من ذنب عاهد امامك واكتب في ورقه ان لاتفعل كذا وكذا لمده ٤٠ يوم وثق انك ستنجح

ألشوارع فارغه ولرعب يحيط حتى الهوى كأن عام ٢٠٢٠اتعس السنين كئابه علينا لان رغم الحروب رغم حتى الاحتلال بقينا نتواصل مع بعض نحاول نخطف من الوقت واحد يشوف الثاني واحد يحضن الثاني

رغم گلشي صار بينا وعلينا لكن كورونا جعلت من عدنا اشخاص جلدين قاسيين ظهرت أتعس شي بينا ظهرت نفوس مريضه المتخبيه خلف نفوسنا الطيبه

كورنا درس تهذيب لكن الظاهر تهذيب لحد الجلد

بحيث القسوه الفرضتها گورنا علينا گانت مو فرض گد ماگانت مرض نفسي تحت أمراضنا

گد ماچانت صفه متغطيه جوه صفاتنا الورثناها من ام واب علمونا على الطيبه لكن گورنا خلتنا ننسى تربيتنا ونمشي ويه متطلبات ألعصر الحديث الئيمه

شگد حميت نفسي وردت ما أنصاب وشگد حافظة على روحي وردت أبقى سالم ومايقربلي مرض گورنا لگن القدر گال گلمته

أول مادخلت او أول خطوه مشيتها داخل حديقه ألمستشفى الي چانت جميله بسبب الورد والخضار

وترتيب الزرع بطريقه مستطيله لگن جمالها ماشفع

لان ألبوئس يحيط زرعها حياطينها حتى العصافير أختفى تغريدهن

ألوضع خرج عن السيطره والامر متروك للسماء مثل ماگالو رؤساء البلدان ومثل مالمسناه لان حتى الناس مخبوصة باهلهم المرضة اليجيبوهم وبيهم بعض المرضى يتوفون لا أگثرهم

الاعصاب نهارت على گف عفريت بحيث گامت تصير هواي مشاكل بين الگادر الصحي واهل المتوفي واحيانا ويانا توصل للسباب وتوصل المشاكل للتعدي بالضرب والتهديد

ـ لا اله الا الله صح نفس الشي صار ويايه انا وزملائي الناس اعصابهه تعبانه بس مايحقلهه تأذ لان احنة نأدي الواجب بتعب

اخذ سيد حامد نفس عميق شوي واتنهد كوة يتنفس حرك نفسه وعدل نومته نزل كمامات الاوكسجين وعدل كمامته الزرگه

وگال

ـ مو بس هذا الشي تعبنا اريدك تتخيل أشلون

الصحه ادز النة عدد من الجثث بسيارات المستشفى

مكتوب الاسم والرقم على كل جثة نستلمهم ونقوم بالواجب ويبقون بعض اهل المتوفي واكفين بعيد منك ومن جثة قريبهم

بحيث المسافه جدا بعيده بين الاقرباء وميتهم واگو حتى مايدخلون يشوفون ميتهم اشلون انغسله لان يخافون على نفسهم وبعضهم اصلا ميحضرون ولا يوگفون بعيد يذبون المتوفي ويطلعون...

ـ لا اله الا الله هيج البشر ينسى العشرة

ـ اي أهواي مرضى ذبوهم اهلهم أتخيل بين مانغسل واحد ونخلصه تجينه خمس ست وفيات يعني تجي بلساعه الوحده فوك العشر جثث لان هواي وفايات

ينطونه اوراق ورقم الجثه نغسلهن غسول شرعي

بعدها أنكفن ونصلي عليهم صلاة الوحشه وندفنهن ونوزع الرقم واسم المتوفي على القبور نرسلة للمستشفى الجابت الجثه

_الله يساعدكم يعني گل الاهالي هيچ يتعامولون مع ميتهم متناسين أحبابهم

_لا لا لا يخوي أگو ناس تلبس گمامه وتوگف يمنه حتى يردون يذبون نفسهم على الميت واحنا نلزمهم أگيد مو الگل أگو ناس طيبه أکو ناس الحنيه تغلب عدهم حتى على المرض وانت أعرف بس الي يترگ الميت ويروح هلشي صعب علينه گلش

_ليش لأن أمنو أحبابهم يمگ وراحو

_أي أگيد لان يصير عدنه ارباك وتوتر و يجوز يتغير الرقم واسم الميت يروح على غير جثه لان بسب الاعداد يكون وضع المتطوع هلكان ومحطم نفسيا بسبب الوفيات والاعداد الجبيرة النشوفهه اولٱ

ثانيٱ يكون ممركز بسبب الحر و الكمامه اللابسهه و البدله النايلون المبطنه وجواها ملابسنة عانينة من الخنگة وضيق تنفس بسبب الحر وتعرف الحر عدنه يبدي من شهر الرابع فكيف بشهر السادس والسابع يعني ضروف قاهرة اشتغلنه بيهه واغلبنه گان ميتحمل الحر ويفتح شوي من بدلته وگمامته

-صح انا شغلي ميداني بالمستشفى والحر چان يخنگني شحال انتو بالمقابر تشتغلون تغسلون وتدفنون لوحدكم الله يعينكم...

زين سيد حامد أشلون انصابيت يارفيقي وصاحبي يعني چنت فاتح بدلتلك شلون لامست المصابين

أختنك وهو يكح رجعت خليت الاوكسجين على وجهه..

_ارتاح لا تحجي رفيقي لااااا تحچي

غمض عيونه بتعب وانا كعدت على كرسي مقهور عليه ودائما علاجنا باشد حالات الحزن نلتجأ الزيارة عاشوراء طلعت من جنطتي گتاب الإدعيه وبديت أقراها اله، خلصتها قريت زيارة الناحيه وصلت الى

"اللَّهُمَّ إِنَّكَ أَمَرْتَنَا فَعَصَيْنَا، وَنَهَيْتَ فَمَا انْتَهَيْنَا، وَذَكَّرْتَ فَتَنَاسَيْنَا، وَبَصَّرْتَ فَتَعَامَيْنَا، وَحَدَّدْتَ‏ فَتَعَدَّيْنَا، وَمَا كَانَ ذَلِكَ جَزَاءَ إِحْسَانِكَ إِلَيْنَا، وَأَنْتَ أَعْلَمُ بِمَا أَعْلَنَّا وَأَخْفَيْنَا، وَأَخْبَرُ بِمَا نَأْتِي وَمَا أَتَيْنَا، فَصَلِّ عَلَى مُحَمَّدٍ وَآلِ مُحَمَّدٍ، وَلَا تُؤَاخِذْنَا بِمَا أَخْطَأْنَا وَنَسِينَا، وَهَبْ لَنَا حُقُوقَكَ لَدَيْنَا، وَأَتِمَّ إِحْسَانَكَ إِلَيْنَا، وَأَسْبِلْ‏ رَحْمَتَكَ عَلَيْنَا.

اللَّهُمَّ إِنَّا نَتَوَسَّلُ إِلَيْكَ بِهَذَا الصِّدِّيقِ الْإِمَامِ، وَنَسْأَلُكَ بِالْحَقِّ الَّذِي جَعَلْتَهُ لَهُ، وَلِجَدِّهِ رَسُولِكَ، وَلِأَبَوَيْهِ عَلِيٍّ وَفَاطِمَةَ، أَهْلِ بَيْتِ الرَّحْمَةِ، إِدْرَارَ الرِّزْقِ الَّذِي بِهِ قِوَامُ حَيَاتِنَا، وَصَلَاحُ أَحْوَالِ عِيَالِنَا، فَأَنْتَ الْكَرِيمُ الَّذِي تُعْطِي مِنْ سَعَةٍ، وَتَمْنَعُ مِنْ قُدْرَةٍ، وَنَحْنُ نَسْأَلُكَ مِنَ الرِّزْقِ مَا يَكُونُ صَلَاحاً لِلدُّنْيَا وَبَلَاغاً لِلْآخِرَةِ.

هنا فز من نومته يگح جريت الكرسي تقربت عليه گلي

-ماعفتتني ياسيد مهدي

ـ شلون ترضاهه اعوفك

ـ ليش عوفني سيد عوفني

ـ لو انت بمكاني وانا المريض تعوفني؟

ـ انت رفيق دربي الاخ الماجابته امي

-أذن لااااااااتطلب مني اتركك..

ويا عمي لا تخاف شوفني گدامك گلشي لابس وماخذ احتياطي ومأمن نفسي صاير أشبه جايسون ابو المنشار گد

أبتسم وجاوب

ـ بس أگيد اختنگت من البدلة والحر منا أطلع روح ارتاح وانزعهه

ـ طالما وياك وانت بخير انا مرتاح.. هسة گلي اشلون صرت اكو شي يوجعك

-الحمدالله شوي احسن

_اجيب أگل الك هسه

_لا لاااااا وين اشتهي حلگي مررر اريد. أسولف وياگ

ـ بيك حيل تسولف

ـ اي بس انت بيك حيل تسمع

ـ كلي اذان صاغية سيد.. گول گمل گلامك

ـ تدري ليش لازم أگلك وهاي أمانه يا سيد مهدي البعض بدة ينسحب من عمل الغسل لان الوفيات كثيرة و الاصابات اكثر وگلشي بحاتنا مايجي بسهوله حتى الشهاده ألها ناسه الخلص بحيث النسحبو تدري ليش مانسحبت

_ليش رفيقي

من چنت طفل زغير والدي الله يرحمه، دائما قبل لا أنام يسولف اليه عن عن الحمامة الي أنقهرت وحزنت على رؤية النبيّ إبراهيم عليه السّلام وهو وسط النار جمع شعلها ألنمرود واعوانه الحمامه گد مانقهرت على النبي ابراهيم وهو وسط هاي النار المرعبه طارت حتى توصل للنهر واغترفت من مايخ بمنقارها، وراحت تسكب قطرات الماي فوگ النار العظيمة عسى تگدر تطفئها!

شگد أحزن وانقهر من أتخيّل كيف يتسرّب من منقارها الماي وهي بلطريق، وكيف أنّ النمرود حتى ماشافها ولا عرف بوجودها بس ماگدرت تطفي ولو جزء من نار النبيّ.

وافرح دورات الحمامه حاولت بالقليل الي عدها والله وحده من رأىٰ مساعيها مهما چانت بسيطة على ونبيّ زمانها.

اليوم، أيقَنتُ أنّي مثلها، ما أملك سوىٰ بضع مقاومات صغيرة أرشّها علىٰ نار صاحب الامر عجل الله فرجه ناره المستعرة منذ ألف عام، فلا النار تنطفئ ولا نماردة الزمان والمذنبين يهتمون للي جاي يصير ولي جاي ننصحهم بيه

_وليش تحب قصة الحمامه ونار النمرود

_لان أنا وانت وگل شخص صاحب دين مثل حمامة نبي الله إبراهيم، أجنحَتنا ضعيفة هَوَت بينا آلاف المرّات في الطريق لان أعداءمولاي عمالقةٌ كالغيلان، مسعورون ككلابِ ، يهشّمونا بغياب مثل جرّة فخار.

أحنا جاي نحاول بلگلمه هم يرسلون علينا جيوش من قائلي الگلام

وجاي نحاول مره ثانيه بلقتال سالت دماء أشرافنا ونگرت وهسه جاي نحاول بلجهاد مع مرض خطر وهم راح يجي من يقتل جهادنا

لگن عزائنا أنّ الله يرىٰ،و صاحب زماني- لايضيع لديه شيء.

طوبى لمن نال الشهاده دونكم

ماهزهم صوت السنابك واللهيد

_الله الله ياسيد حامد لهذااحب اسمع الك توصل الحجي الداخل گلبي گمل حبيبي

_بعدها صار الثقل علينا احنة البقينة نجاهد لوحدنه لاجل انسانيته والاجل فتوة المشارك اجره اجر المجاهد والمتوفي شهيد هل شي خلانة احنة القلة نثبت بصفوفنه و تبقى ثابته ماتتحرك لكن هواي ماكدرو يكملون بسبب التزاماتهن او اسباب ثانية

وحتى النساء المتطوعات الغادرو اجن اخوات مؤمنات بمكانهن جدد لان صار نقص حاد وهالشي يحتاج وقت وتدريت اقل شي اسبوع

- وليش انسحبو

-لان اسابيع ويجوز شهر مايشوفون عائلاتهم واحبابهم وهنة نساء مو مثلنة احنة الرجال نكدر نضل خارج البيت هنة محكومات من ازواجهن او عائلاتهن فصار نقص حاد بين النساء

بقيت مستمر بالجهاد

لان انا غريب بعالم الغرباء،

وحيد في عالم الاهل والناس

المن ارجع ووالدي وامي تحت الثرى

المن ارجع والبيت الجهزته للخانوم ماصارت اليه وضلت بس الاماني

المن ارجع ولا اهل ولا عائلة ولا اقارب ينتضروني

ـ يعني مافكرت بيه انا اخوك وعضيدك وصاحبك

ـ انت الوحيد الماغبت عن بالي بس اعرف بيك جنت بالخدمه وحالك من حالي انتم الجيش الابيض ثقل عليگم

ـ طيب چان فكرت بالخانوم ترجعلهه صاحي وتگون الها زوج وسند وحبيب

ـ هووو لو بالايد چان كل المنتسبين رجعو سالمين لاهلهم بلا ماينصابون

ـزين انت ماخابرتهه بعد ماخابرتك تطمن عليك عندي نقالي خابرها. صوت وصوره انت نقالك جهاز الصرصر مابيه هاي الخاصيه يله نطيني رقمها

ـلااااا سيد ابد ماريد اتشوفي بهيچ وضع واصلا انا قطعت علاقتي نهائي

_عود صدك تحچي ليش هيچ

_سيد مهدي كثر ماأحبها تحبني ماريدهه تتعلق بيه اكثر لان اخر مكالمه چانت منهارة وتبچي ورافضة اتطوع وحالتهه تعبانه كلتلهه لا تتصلين ولا اتصل بعد لأن گلشي يصير واحتمال ماكدر اتواصل ويأچ وهمين ماأريدچ تتعلقين بشخص مقطوع من شجره.

حجى هل گلام وثغب يبچی بلوعة عاشق حبيب

گمت طلعت منديلي مسحت أدموعه اصبر عليه

-سيد لا تبتأس أنت مؤمن وان شاء ألله ازمه وتعدي وانا رااااح أزفگم بيدي وأگمل ترايبات بيتك وتصير الفرحه فرحتين فرحه شفائك وفرحة زواجك

هاا ألبيت مالتگ رطب فد مره راح اطلع العمال ارتبو بيتي شغلهم گلش حلوووو وحتى راح أثثه ألك

-لااا تصبر عليه أبو علي لا تصبرر ألشوق جارح والالم قووووووي اااادعي ربك ان يلهمني الصبر على تحمل الالم وتحمل الشوق لان ثنيهن دمرني

جسدي البالي لاااااايتحمل لاااا يقدر شوق ألحبيبه نهش لحم جسدي

والمرض كسر عظامي

-رفيقي انت الصابر المحتسب شنو هالجزع

ـ لا استغفر الله ماجزعت أبد ولا حتى دخل گلبي لكن المشاعر فياضه.. احتمال بسبب المرض وشعور الوحدة والغربة الحسيت بي قبل لاتجيني

ـمااااا چنت اعرف بيك مصاب هواي سالت عنك من أسبوع أتصل وماگو رد تالي يلة گلولي

ـ لاااااااااااتهتم انت هم حقك مشغول بمهنتك واهلك أدعيلي ابقى على قوتي وجهاد نفسي يارب يارب ابقى مؤمن وصابر محتسب اوجاعي عند صاحب العصر والزمان عسى ان يخفف عنة غربته ووحدته احتسب اوجاعي عند امامي عجل الله فرجه عسى ربي يبريء أوجاعه من ذنوبنا

لزمت ايده رغم اصابته كعدت ساجد ابچي بحرقة عابد عاشق للظهور مولاي عاشق للبلاء الذي يغربل الروح من الدنس حتى تصعد لبارئها طاهره مطهره تشكي وجع الناس وجع النفس الاماره بسوء

همست

- سيد حامد لا تحچي هييچ

_لاااا ماضايج بس على شي واحد چنت ملتزم طول عمري على زياره عاشوراء ورى گل فريضه وملتزم گل صلاة الفجر أقراء زيارة الناحيه المقدسه بس من ألتعب قبل أصابتي بيومين ماقريتهم هذا الشي هم

حسسني بذنب

_بارك ألله بيك ولا تتوقع مولاي يزعل منك بس تترك رفيقك لاااا انا ازعل منك

ولا تحچي هيچ لانو حچيك معناها تريد تعوفني واااانا بالخيال رافضة فكيف بواقع حال اقسم بالله اموت بعدك وماااا أتحمل

أبتسم ودار وجهه اليه مسح على راسي

-لااااا لااا سيد مهدي عندك زوجه واطفال ينتظروك

وعشق زوجتگ وحليلتگ فاق عشاق الجاهليه

-أي.. واغلى من حليلتي وابنائي مااملك وهمة روحي البين جنبي واخاف عليهم خاصه حليلتي اذا ابتعدت عنها مو بس تشتاق حتى تخاف من كل الحواليها

حليلتي متحس بالامان الا ويايه ومتعلقه بيه وانا اكثر منها.. بس انت غيرر يا سيد حامد غيرر أنت صديقي الي فارقته أربع سنوات وتالي رجعت صداقتنا فلا تجازيني بلفراك أنت وانا نبلش بدروس أشبال الأمام

- لكل اجل كتاب مجاي أگلك أريد ألموت بلعگس عندي أموور هواي بحياتي ممسويهن عندي قرارت مستقبليه ودي أشتغل عليهن

_عمرك طويل بأذن الله

_وانت ديربالك على نفسك واولادك وزوجتك وامك واهلك اجمل شي بهالحياة الاهل مهما بدر منهم يبقون النفس اليهون عليك مصاعب الحياة وووومصايبهه

مسحت دموعي وعدلت گعدتي اشوف بوجهه سيد حامد وحسب خبرتي بالمصابين سيد حامد ميخلص من هالمرض احتمال چبير تكون نهايته بس سبحان الله القوة الي بوجهه وعدم خوفة من المنية وشجاعته ثار فضولي...سئلته

_سيد حامد واضح عليك ماخايف من الموت

- لاااااا لان راح التقي بارحم الراحمين الي يرحمني ويخليني برحمته ادخل الجنه واشوف امير المؤمنين يتمشى ويه السيده الزهراء لو اشوف نبي الرحمه وسبطيه واتأمل انجمع بالخانوم بذيج الحياة.اردد گلما أتوجع من جسمي واحس گلبي يوکف

"لكنني صبور يا الله، حين أضع ه يدي فوق قلبي مئات المرّات في الأيام التي مضت، يَارب يدُك أرحم من يدي وعطفُك ولُطفك أعظم من خوفي وقلقي."

فـ گل احنة بشر خطأء والميخاف من الموت فقط الانبياء والمعصومين وما انكر انا خايف لأن

-لأن شنو سيد حامد انت ماعندك اخطاء وذنوب چبيرة وان شالله انمحت بهذا مرضك فـ ليش خايف

- أبو علي خايف من ذنوبنا البينه وبين نفسنا احنة بشر يا سيد مهدي اگيد بيوم حچيت على احد او انتقدت او سويت شي حسبته هين وهو عند الله كبير وعسير.. خاف هالامور. لنشوفها سهله هي راح تحرمنه من رؤية ذو الجلال والاكرام والاحبه أهل بيت النبوه عليهم السلام

-لاااا انت ونعم منك مافد يوم اذيت بشر او سويت شي... والله غفور رحيم ياصديقي..

انتبهت على نفسي شجاي أاااااحچي وشلون اتجراء وافتح هيچ موضوع وياه حسيت بنفسي غلطت

راسا غيرت الموضوع مبتسم

_مگتلي اشلون انصابيت سولفلي

- قبل تقريبا عشر ايام بهذاك اليوم اجتنه تقريبا ٥٥ جثه وبعض اهالي المصابين واكفين بعيد حتى ما دخلو ويانه شافونه اشلون نغسل اهلهم..

انا وجماعتي طلبة الحوزه نغسل ونكفن ونصلي على المصابين مثل متعرف رتبنا الجثث ال٥٥ لكن بعد تعب وبعد ما اجهدنة واستنفذت طاقاتنه بقينة نفرات معدوده بفرقتنة نغسل ونكفن وندفن

صار علينة ضغط قوي لان لازم ندفهم قبل الليل الدفن بالليل شوي صعب خصوصا بهالاعداد الچبيرة ورغم هذا ماگدرنه نكمل بالوقت المطلوب صلينه صلاة الوحشه

فــ احنا والدفانين رحنه ندفن بالليل على ضوة لايتات السيارة والاضوية البيدنة او أگو بلايت نقالهم لذلك صار شوي خربطة بالارقام والاسماء

ـ الله يساعدكم على ضروف العمل

ـ مرهقة ومتعبة يا سيد مهدي لكن كلشي بأجرة عند الله وهذا الاهم صح بعض الناس حجو علينة وذمونه وهواي طلع كلام علينة

لكن محد يعرف بالمصايب الصارت وضروف التغسيل والدفن..

الاخرنة بهاليوم ناس توفة ابوهم واجوي هدادة على المستشفى وبين الضرب والصياح بينهم وبين الكادر حسبنة شكد يحبون ابوهم ويهتمولهه ويريدو يعيش

هيچ گالنه ابو الاسعاف لكن الصار شمروه علينة والكل عافه وراح لبيتة لان حالته متأخرة بالكورونا

ويانه صديق اسمه شيخ شبر من الطلبه الأكفاء ولان نازع چفوفه وقناعه وطالع برة المغتسل اضاهر لامس هالرجل بشكل مباشر ودخلة للمغتسل من شاله للرجل وغسلناه ودفناه باليوم الثاني حسيتة صاحبنه شيخ شبر مو على بعضه ويمشي گوه

وچان بهذا اليوم عليه توزيع ارقام واسماء الجثث

وبهاليوم كلش اتخربط وكام يخربط بالاسماء والارقام گال ما أگدر أرتفعت حرارتي رأسن وكع للكاع

رگضنا احنا وزملائنا نسعفه حرارته جانت عاليه

و اختنك راسا من البدلة الجان لابسهه

الرجل ماطول يومين واستشهد

ـ الله يرحمه.. ليش لامسته اذا تعرف بي ملامس

ـ ماجنت ادري ملامس ولاهو يدري بعدين حجالنه گال يجوز من مسحت بيدي وجه الرجل المصابـــــ انوب صاحبنا لثاني البيده الاوراق همين داخ من الحر وكع وكعت منه الاوراق

.هنا بسرعه طلعناه من الكابينه اشويه حتى يتنفس نزعت ملابسه ودلكت صدره اشوي صحى خلينه الاسعاف تاخذه واحنا كملنا لتغسيل وتكفين

جماعتتا صارو ينصابوون واحد ورى الخ

وحتى والنساء المتطوعات همين الاصابات صارت بينهن صار اللود بعد اكبر علينا

الحر بجهه

واهل المتوفي بجهه والناس التذمنه بجهه..

مين منلتفت اذية نفسية

والاذية النفسية وية المرض الجسدي يقضي على المريض وهذا الصار بينه أحنا المتطوعين المعممين

مسحت دمعه من وجهي هواي اتأثرت بكلام سيد حامد رغم انا بنص الگادر الطبي وگلشي جدامي بس خدمه سيد حامد تختلف...

چنت يم سيد حامد من ألليل الحد ثاني يوم الظهر وگلش وضعه صار متأزم حتى من يريد يحچي شي مايگدر بيومها أشر اليه رفعت الاوكسجين شوي وقربتله راسي وهمسلي..

_اخذ مفاتيح البيت بهاي الغراض هاي امانة خليهن يمك اي شي يصير لاتنطيهن واقراء رساله تلگاها داخل گتاب القران

رجعتلة الاوكسجين وعفتة ينام

ما اگدر ارجع لكربلا واخذ امانة سيد حامد من بيته..

بقيت انتضر يمة عندي امل قوي يتشافى ويتعافى

بيدي مفاتيح بيته وهو وضعه مايسرر ومشتاق العقيله فد مره مامطول عليها هلگد

طلعت من المستشفى للحديقه أشوي أشوف الزرع اصوات الصريخ من كل سياره تطلع من المستشفى أختنك أكثر گعدت على مسطبه راسي بين ايدي متخوف على الناس على أحبابي على ناسي

هل مرض الي دخل المدن دخل القرى دخل بيوت الناس شتت العوائل قتلت الشباب قبل العجائز نزعت الگمامه طلعت نقالي اخابر عقيله عسى بسماع صوتها أنسى همي أنسى الموت الجاي أشوفه يحووم على الناس بگل مگان واعرف صوتها هو الوحيد الي ياخذني من وادي سحيق السابع سماااا

فتحت خط سلمت

-السلام عليكم قارورتي

-وعليكم السلام سيد اشلووووونگ مووووو طولت

-ليش مشتاقه اليه

-هااا أاي أي گاش مشتاقه وحتى سيد علي يتناوع الصورك بنقالي ويكول اريد بابا مشتاق اله

-اه يگلبي على مرتي الخجوله ويگلبي على حنان أبني الورثه من أمه انطيني ياه

-للااااااه سيد اريد اشبع من صوتك

-اشلون بقارورتي تريد تخليني اعوف واجبي واجيها ركض رکض ركض

-لااااا لااا لاتجي بسرعه اخاف عليك من الشارع والطريق والسرعه

-احبچ ريتچ الهوى الاتنفسه حتى على طول يمي

هاااا شو سگتي يارب گون هسه يمچ واشوف اشلون خدودج صارو حمرررر

.-سيد

-عيونه السيد وروح السيد وبيرغ السيد وسبحة السيد اااخ شگدددد احبچ ياانا

-واحبك انه همينه سيد

-ماكو دلع منا منا مو گلتي من اتعود وصار هواي عازلين وعايشين وحدنا عاد هسه مو يمچ همسيلي بنقال أسمع الدلع

-استحي مااگدر انتظر شويه بعد

-انتظر يروحي ليش لا بس گون اسم حلوو

-ضجت مني مووو

-لااااا ماعاش ليضوج منچ بلسم الجرح ونبض القلب

وهسه حبيبي اروح اشوف سيد حامد

-الله وياك لا ألله ألا الله

_محمد صل الله عليه واله رسول الله

غلقته لبست الكمامه گمت أتمشى رواق المستشفى اروح السيد حامد وصلت الغرفته لگيته كاعده ماد رجليه ومخلي المخده وعليها التربه والاوكسجين بلحكه يصلي ولابس عمامته

تقربت عليه وجهه مايطمأن رفع ايده وسجد من حس عليه همس

قى ساجد طول بسجوده طريق العِشق نحو المعشُوق ألكُلّ يسعَى للوصول بجسدِه

ولكِنْ هُناكَ مَنْ حلّق بروحِه ووصل

جاي أجاوبه رجع سجد وانا فرشت سجادتي حتى أصلي قريب عليه جاي أگبر رأسن سمعت صوت شهكته خفت عليه شلت السجاده واجيت أله گومته من التربه مددته على المخده وهو فاتح حلكهه يريد يتنفسكويختنك فاتت الممرضه من يمي صحت بيها

-الدكتورررررررررر بسرررررررررعه صيحي بسرعه

-صار

راحت ركض وبخبرتي كطبيب بسرعه مديت ايديه اثنينهم الصدره اسوي انعاش للقلب عيوني بدت تنترس ادموع گلبي مئيس حزين الاسعافات الاوليه كلهن سويتهن

دخل الطبيب طلع سماعة القلب گال

-روح اخوي

جاوبته

-ترى هذا صاحبي

-ارجوك لا تربگنا لان احنا مالنه خلگم والله روووح

ماجادلته لان محد يعرفني هنا بس ممرض أقدم والشفت مالته خلص

كال طبيب ممارس واعتقد شايفه قبل بس مااذگر

-لااا يبقى دكتور لان دكتور مهدي من الاطباء الراقين بكربلاء مارست داخل المستشفى اليداوم بيها

احس الطبيب ممقتنع من نظراته طلعت من الغرفه واسمع الطبيب يصيح يله بسرعه شيلوو الجثه منا وجهزوووووو الغرفه وعقموها المريض غيره السيد الرئه مالته تالفه فد مره گعدت يم الغرفه اقراء قران ومره ادعي الله يحفظه ويطلع سلامات من هاي المحنه

الحظات والدقائق صارت طويله الاصوات العاليه

الممرضات يرگضن منا ومنا الى أن هدئت الضجه

طلع الطبيب گالي وهو يعقم ايده

-البقيه بحياتگم المريض تعب ورئته ماعاد بيها تتحمل أگثررر فقدناه والاحسن اله الموت راحه

تفاجأت صحت

-لااااا ادكولها دكتور

طبطب على چتفي وگال

-الله يصبرگم والله رئته منتهيه ارتاح هسه كال هاي الكلمه هد جتفي وراح

گعدت بلگاع فقدت عليه صحت بيه ياخوية الماجابته امي ياصديچي

يارفيچ عمري بعدني مااشبعت منك شوف بعدني مازفيتك بديه وگ عروستك متانتك موو كلت

مو گلت راح اطيب ونرجع سوة شجاك مستعجل على الموت تمنيت الشهادة واجتك وك حااااامد شلون أرجع بلياك

التمو عليه دكاتره هذا الي صبر وهذا اليبچي على حالي وانا كاعد وباهت ودموعي على خدي وردد

إنّا لله وإنّا إليهِ رَاجعُون

أجى عليه دكتور مشرف على حالته گال

_راح يجون جماعته بلفرقة ياخذوه يتكفلون بتغسيل وتكفين ودفن ربي يكون بعونك ويصبرك على فقدانه

هزيت اله راسي گمت على حيلي انتظر يجون ماقبلو أدخل عليه طلعت مفاتيح الجنان من جنطتي وبقيت أقراء دعاء العديله بين ما گملت اجو جماعته لابسين ملابسهم البيض وعمامتهم البيض والسود بكامل لبسهم وقايافتهم تقدمت الهم

_أعرفگم بنفسي أنا دكتور مهدي صديق سيد حامد

اريد احضر دفن وتغسيل...

رد عليه واحد منهم .

_ اعتذر الوضع تعبان الاصابات جاي تعدى اكثر بكل تحذيرنا والبسنا وجاي اكو ينصابون مااكدر تحمل ذنبك

_لا اني اجي وياگم واگون حذر تعرف اني دكتور واعرف الخطورة الموقف

_يااخي علمودك جاي أحچي

بقينا ثوان نتناقش وبين الحاح قبلو اروح گالي واحد منهم

_لازم تلبس مثل لبسنا الوقائي

_تمام

مسحت دموعي مشيت وياهم لازم السديه الي عليها جثة سيد حامد ندفعها لحد سيارة الأسعاف الچرجف مالته مبلل گد ماعقمو

وگفنا يم سيارة الأسعاف رشو عليه بعد تغسيل عمامته خلوها على جسمهوبعد وتطيهير لبست ملابس الوقايه ووصلنا الكابينة التغسيل اتناوع الوجهه اشلون مغمض عيونه ملامحه اثر السجود بجبينه

وكتله

_سيد حامد أوادعك وداع المحبين حضنك حضنه موادع تذگر من انت ودعتني وحضنتني وبستني بعيوني بس اني ضلت حتى ماودعتك انت غصة بگلبي مودع بالله خويه وان شاءلله شهادة مكتوبة الك تمنيتها أنت واجتك

بدوء بتگفينه واني دموعي على خدي واردد...

اللهم آنسه في وحدته، وفي وحشته، وفي غربته، اللهم أنزله منزلا مباركا، وأنت خير المنزلين، اللهم أنزله منازل الصديقين، والشهداء، والصالحين، وحسن أولئك رفيقا، اللهم اجعل قبره روضة من رياض الجنة، ولا تجعله حفرة من حفر النار. اللهم أفسح له في قبره مد بصره، وافرش قبره من فراش الجنة اللهم أعذه من عذاب القبر، وجفاء الأرض عن جنبيها.

گملو تگفينه مشينه رحنه لمقبرة لگيناهم محضرين القبر نزلوا التابوت وكعدت يمه وانحب واستغفر

أخذوا الجثة رادو ينزلوها للحد القبر كتلهم اني انزله

نزلت للقبر تنوشت منهم وكملنه دفن وتلقين

وقفت يم راسه

اللهم آنسه في وحدته، وفي وحشته، وفي غربته.

اللهمّ أنزله منزلًا مباركًا، وأنت خير المنزلين، اللهمّ أنزله منازل الصدّيقين، والشّهداء، والصّالحين،

وحسُن أولئك رفيقًا.

اللهمّ اجعل قبره روضةً من رياض الجنّة، ولا تجعله حفرةً من حفر النّار، اللهمّ افسح له فيقبره مدّ بصره، وافرش قبره من فراش الجنّة.

اللهم أعذه من عذاب القبر، وجفاف ِالأرض عن جنبيها.

اللهم املأ قبره بالرّضا، والنور، والفسحة، والسّرور.

اللهمّ إنّه في ذمّتك وحبل جوارك، فقِهِ فتنة القبر، وعذاب النّار، وأنت أهل الوفاء والحقّ،

فاغفر له وارحمه، إنّك أنت الغفور الرّحيم.

اللهم اغفر له وارحمه واعف عنه وعافه وأكرم نزله ووسع مدخله، واغسله بماء وثلج وبرد،

ونقه من الخطايا كما ينقى الثوب الأبيض من الدنس، وأبدله داراً خيراً من داره، وأهلاً خيراً

من أهله، وزوجاً خيراً من زوجه، وقِهِ فتنة القبر وعذاب النار.

گملت عملية ألدفن وجماعته مگابلينه يبچون وهنا سيد حامد جان نعم صديق للكل

سيد حامد حبه لامام الحُسَيْنِ؛ هو السِّر!

لأن گل من عشق الحسين رحل إليه مبگرٱ

بگل صوت وشهگة من ورة القناع أحاچي

_مودع يااصاحبي يااارفيچ العمر ياخوية ياحامد

بقيت يمه أبچي لاعتراض لگن الفقد صعب گوموني أصدقائه ماقبلو أبقى أكثر رحنا وصلت للمسشفى غسلت وتعقمت ذبيت الملابس وطلعت من جنطتي ملابسي واخذت اغراضي ومبايلي جنت مأمنهن

اتصلت على مجتبى

_السلام عليگم

_هلا بسيد مهدي صوتك تعبان شخبار سيد حامد

_سيد حامد اتوفى

_لا اله الا الله وانت شلونك

_عضيدك گلبه تعب مات سيد حامد

_ وين انت اني جايك

_تلگاني مقابيل الأمام علي عليه السلام

دخلت من بعيد منتظر ألحضرة يفتحوها لأن مسدوده الحضره عيني للگبه

_موووولاي سيد حامد بشفاعتك ياعلي وحيد

وشهيد أجاك

گملت اصلي و زيارة وكعدت بصحن الامام حزين

بيدي القرأن اقراء واعتقد مرت ساعة ونص أشوف مجتبى يمشي وتلفت ويدور بين زوار

صحت عليه

_سيد مجتبى تعااااااال

التفت سمعني كمت اله وصحت سيد مجتبى

أجاني بهمة وركض وحضني

محتاج حضنه کلش

_عضيدي ماااات ماات صاحبي ورفيجي بچيت وبجى ويايه

صحيح الموت قضاء وقدر وانو احنا كلنا مصيرنا نموت لكن فراق الأحبة صعب يخلي كسره بلقلب والنفس تبقى على طول حزينه

طول عملي بلمستشفى اشوف هواي ناس تموت لكن موتت سيد حامد اثرت بيه

قبل ساعات جنه نسولف ويحجيلي شنو مضوجه هي هاي الحياة الي علمودها تصير مشاكل علمودها واحد يحقد على الثاني

مسحت دموعي ولازم اتقوى حتى اشوف شنو الامانه لمخليها أليه وشنو يريد مني..بقينا انا وسيد مجتبى كاعدين كانما عزاء السيد حامد بس نقراء قران حتى سيد مجتبى قرا

ابتسمت كوه عليه لان مجتبى تغير بعد الصار اله كومني بهدوء وكال

-يله سيد انروح للبيت وهم انوزع سلات غذائيه على روح صديقك تعرف الفاتحه ممنوعه

-اشلون نوزع عضيدي

سئلته هيج حتى اعرف اشلون متغير للاحسن

گلي

-أعرف عوائل مصابه بمرض کورونا وميكدرون يشترون ومحد يدخل عليهم نروح نسوك الهم ونجيب علاج وملابس وا اوكسجين مو احسن

-ليش اجتك هاي الفكره

-مو أكو ناس من تسمع عائله عدهم نفر مصاب تبقى تشهر بيهم وتحذر الناس منهم واحنا راح انساعدهم لان اعرفهم مساكين جدا((خير الناس انفعهم للناس))

-الله يبارك بيك حبيبي شكد جنت ضايج من زواجك وشكد ايام فكرت بخطورته لكن سبحان الله تغييييرت كلش زين التغيير الي نبحث عنه

-بفضل رب العالمين

-الحمد الله وخاصه من اخلي بنتي عدكم اشوف ابنك رغم زغير بيده النقال ويسمع القران والطميات سيد علي

هو هم احد الاسباب حتى الاقراص الجابتهم ميسم بسيارتي

-انت خوش واحد بس الشيطان اشوي لعب براسك ومازال متندم (خير الخطائون التوابون)

ألتفت للگبه أشوي شوفت عضيدي أرتاحيت گملنا زیاره انا وياه رجعنا للبيت گلي سيد مجتبى

-وين اخذك الجدي

-لااااا لااااا اريد عقيلتي تاخذني من حزني

-ماشي خويه هو هم عنده احد سيد حامد

-لاااات معنده وحتى ذمم مااسوي عزا اله بس خليت جماعته يقروله قران ويختمو على روحه.

-والله هااااي كافي لا تضوج نفسك اتت مريض عضيدي

-لاااا مااراح اضوج كلما اشتاق اله اقر زيارة الناحيه او

القران على روحه

وصلت للبيت سيد مجتبى جاب سطل التعقيم خلاني اغسل وبوجهي للحمام سبحت وعقمت نفسي وعقيله مثل كل مره منبهه من ارجع من الدوام ماتطلع اليه الا من اطلع من الحمام

طلعت وعقيله ماكو اكيد بلغرفه مسحت وجهي بلخاولي

جاي اروح للغرفه وجنطة بنت سيد مجتبى بصاله تذكرت هوو بلكراج واكف طلعت اله صحت

-عضيدي ووينك

اجى عليه

-ليش ماتدخل البيت بيت اخوك

-اعرف يخوي بس أحسن ابقى حتى ام علي ماتتقيد

-عقيله خيتك يخوي وانا موجود

-انت بلحمام وخاف تشاقى ماااعرف سوالفك وثانيا يخوي أنت علمتني،هيج من رحنا البيت امير وزوجته موجوده وهو بلحمام وكلت خلينا بطارمه مناااااااا لمن يخلص سبح وحتى من ميسم موجود هم متدخل

-ههههههه اي ذكرت تتعال هسه

دخلنا ويه دخلتنه طلع سيد علي لازم بيده بنت سيد مجتبى وحاضنها الصدره من شافني ركض سيد مجتى ركض عليها شال بنته

-عمووو بنتي توكع منك لا تركض بيهاااااا

-موووو بابا مشتاق اله

نصيت جسمي ماد ايدي احضنه

-بعد ابوووك يابويه

بقى لازم رگبتي ويبجي

-ليش عفتنا انا وماما مشتاقين الك هوووووووواي

-بعد ماتعوفني

-اي ماااعوفك

-دول والله

-مووو كلنه مااااكووو حلف

-اسف بابا غير احبك

-وانا ياباباتي امووت عليك

كال سيد.مجتبى

-روح اترخص

-ابقى بين ماعقيله تسوي اكل

-مستعجل والله وانت بعد عوووف المستشفى كااافي

_من تعوفهااا انت

ضحكنا سوه بين مااطلع اجت عقيله اليه تبجي وايده على حلكهااا

-البقيه بحياتك سيد

-وحياتج الباقيه محتاجچ

-اروح اسوي اکل

-لاااا ابقي يمي

كالت عقيله السيد علي

-روح ماما الغرفتك ولا تطلع الا منااا لمن اصيحك وبالك على اختك

-مووو اريد العب ويه بابا

-بعدين حبيبي بابا تعبان

تقرب باس ايدي وراح الغرفته

دخلنه للغرفه واعرف قارورتي تريد اطلعني من جو الحزن حتى اقتل خجلها المبالغ

-ليش طردتي ابناااا وهو مشتاق اليه

-مو وجهك تعبان

حاولت ابلع حزني مابينه الها لان اعرف ماتتحمل اتشوفني مقهور دنيت عليها مديت ايدي للدنبوس انزع حجابها عطر شعرها داعب حواسي

نصت وكالت

-البارحه مااجاني نوم ابد

-اممم مو جنتي دكولين اليه مااعرف انام يم اي شخص

-اي هذا الحچي قبل ست سنوات

-اشلون بتناقض العندچ

-لاااادكولها الله عليك

-زين من مانمتي بشنو جنتي تفكرين

-ولا شي كمت اتوضيت وصليت صلاة الليل وقريت قران وادعيه من مفاتيح الجنان

-هاااا هيج

تقربت عليه سندت راسها الصدري مديت ايدي محاوطها

اعرف اعشقها والكل املاحظ عشقي الها لكن بيني وبين نفسي أگول عشقي الها ماينوصف لان ياخذني من گاني وحزني يخليني والضيق الى مرفاء بحر عيونها الزرك حضنها اجج نيران مكبوته حرقت اوراق حزني على فقد صديقي همست

-صدرك المكان الوحيد اليحسسني بلامان وحتى ماخاف

من اي شي يصير

سكتت اريدها تحجي لان عقيله طول فترة زواجنا بدت تتغيير للاحسن ترجع النفسها تكون عدها ثقه بروحها تحجي تسولف ماريد أكول اله(حسبي الله ونعم الوكيل بلشي الخلاها هيج)رغم سولفت اليه عن تعذيب زوجة والدها الها عن حجي ابوها يحملها سبب وفاة امها عن هواي امور خلتها تنحصر بزاوية الخوف لكن هسه مطمأن لان هي صارت احسن

-ليش ساگت مولاي

-اريد اسمع صوتج

ايدي تمسد ضفيرتها الطويله الاحبها واحب التعرجات الي تصير من الزم ضفيرتها غمضت عيني وانزل ايدي واصعدها على ضفيرتها مستمتع كان حياة جديده غير هاي الحياة اعيشها هل لحظه

-شتحسين هسه

-مااكو اي احساس يوصف مشاعري يمك رغم مره قريت (الحب الحقيقي ان لاتخاف وانت وسط واغابه مرعبه كلها رهبه خوف) وفعلا هذا الاحسه وياك

-حلو وين قريتي

-انطيك الصدق انا ماقريته طلعته من گلبي وطلع بس الك لان انت الوحيد تستاهله

-شهل تطورات حبيبتي بعد كل فتره اغيب عنج حتى اسمع هييج حجي حلوه ينعش

همست باذني

-مو بس هيچ عوفلي نفسك ربع ساعه

غمضت عيني اطرد خيالات الفقد والحزن وهي ترسم بايدها وشفافها لوحه من الحب والغزل والشوق وكاني مفارقها دهرر دگات قلبي زادت وتتصاعد

نبضه نبضه حتى وصل صوتها الاذنها ابتسمت وهي تلمس قلبي غمضت عيونها وانا افگر كتب علينا نحن العاشقين ان تهتز قلوبنا ان ترتبك ان تتحرك مثلما تهتز وتتحرك الكره الارضيه بهزات لا مفر منها

حبنا بهل لحظه صار شعله من النار هي وحرارة الشعله اخترقت اجسادنا بحراره لا تنطفيء اله بنهايه فوران وانتهاء رغباتنا

راسها على ايدي دموعها بللت مسام جلدي رغم الفرح الي عيشتني بيه بس بچت ماعرفت لیش حتی اجی بالی لان اول مره هی تبادر بس گالت بقهر

-الله علیك لااااا تعوفني بعد ولا تخليني احس بلغربه والخوف من گلشي

-ليش تگولین هیچ

-لان اول مره تبات بعید مني رجع اليه خوفي قبل لا ااحبك خوفي من ان الناس راح ترجع تتفل عليه وتضربني،وتاذيني لمجرد امي توفت اثناء ماولدتني

-مااعوفچ لان انا احبچ حب ابدي

-لااااا سید انا اگثر احبك حب سرمدي مابي بدايه ولااا نهايه ولا اول ولا اخر مثلك انت مولاي

-وانتي النور الي اجى حياتي لان خليتيني اشوف الحياة تستحق اعيشها بعد الصار اليه

يله كوم اسبح مجهزه گبة وبيتزا بس احميه

-تمام بس ايدچ محاوطتني اشلون اسبح

-بس گلي فگرت بیه هناك

-اي بحيث تخيلتچ انتي غيمه بگل مگان اروح اله اشوف الغيمه ورايه ويايه مره تحميني من الشمس مره

ومره تنطيني مطر الكاعي اليابسه

سبحت وطهرت بسرعه نشفت جسمي وهي جدامي اطهرت

حتى تروح تجهز اليه الاكل مشطت شعري ورحت الغرفة سيد علي لگیته یهز گاروك اخته شافني ركض عليه نصيت اله حضنته

-ليش تهز الكاروك

-احتي(اختي)كعدت تبچي وماما يمك ماصحت عليها نطيتها مممه شربتها

-يقلب ابوك افديك بروحي

-يله اطلع على تيييف(كيف)ريحة بيزا

-هااا ابو بطن يله حبيبي

_لا تدعد(تگعد)بسرعه

طلعنه للمطبخ عقيله مرتبه گلشي اثنين بيتزا وكبب طلعتهن من المايكوو صوت الخلاط وكف وهي تصب النه عصير برتقال

-عاشت ايدك حبيبتي

-الف عافيه

-وهم اشكرچ نیابه عن اخوي

-ليش

-جاي تعبين بنته وشوي بنته بچايه عكس جهالنه

-لاااا دگولها سید تری حسبتها حسبت الدره البیضاء اصلا اذا مااشوفها اضوج تعلمت عليها ولاااا تنسى هي يمي من عمرها ايام يعني بنتي صااارت لو ما عمه زينه تحبها كلش وتنام يمها چان حتی اللیل هی یمينا

بقیت اکل وعقیله تسولف بدا العرك يصب من وجهي والحراره فجاه ارتفعت اخر لگمه ماگدرت ابلعها

واحس بدیت افقد طاقتي اشوي اشوي اخذت كلاص العصير اشرب من عنده کلت نحول جسمي يجوز من التعب لذت سكري هبط جاي اشربها حرگني بلعومي وكع الكلاص من ايدي اختنكت

وهمست بصعوبه

-عق عق عقيله

#يتبع

السلام عليگم

حبايب بارت قصير للاطمىنان

..

وجود الله مُريح، مِن حَيث أنّ هُنالِك

دومًا شَيء مَا أعلىٰ مِن الإنسّان،

قوّة كَبيرة تتخطاهُ، عَادلة ورَحيمة،

وفِي الوقِت ذاتَهُ جَبّارة..

إلهي إن من تعرّف بِك

غيــــرُ مجهـــــــــــــول

-

كلتها عقيله خفت عليها وعلى الجهال أخاف كورونا واكون سبب أصابتهم ..واتحمل ذنب العدوى وذنب فراقهم أستغفرت ربي وداعي بگلبي رغم ألاغماء

.

وهم أمانة سيد حامد الي وصاني بيها والرساله اقراها اهواي أمور بالي أجت عقيله گومتني ومثل ماخبيت حزني عليها وقهري على رفيقي اريد اسند طولي مااريد تخاف عليه

أيدها ترجف وصوتها يرجف كلشي بيها خايف عليه وانا خايف عليها أكثر تحاچیني بخوف

-مولاي على بختك انه أنه مااعرف شسوي بدونك انه اوكع ولا أنت سيد سيد مهدي ماگدر اسند طولي لان انت سندي س س سيد مهدي والله مگدر وانت انت تتمرض

_مابيه شي قارورتي

تمشيني للغرفه وتمتمت بلحچي حلگي الخنگه گبست علی ضلوعي دخلتني  للغرفة مددتني على جرباية صوت ابني سيد علي يحاچيني ولازم ايدي

-سيد أدعد(أكعد)ماما فاتحه عينها تحوف(تخوف)ادعد

سيد ماما وانا ودله(دره)نحاف عليك بابا حبيبي

_مابيه شي بابا

_يعني من يجي الليل تقرا النه قصة محرم وماما تساعدك يمك تقراء زيارة عاشوراء

_اي بابا اي بس گول انشاءالله

التفت على عقيله اشلون انهبطت وسيد علي بعقله الطفولي يحچي افگاره ويريد اشياء رغم خوفه عليه

رفعت ايدي وعيوني بين الغواش و احس بروحي تعبان ،وجسمي متكسر گضتني بردة گتله

-سيد علي

_مولاي دول(گول)

_روح حبيبي جیب النقال ذاك

التفت على المگان الاشر بيه نزل من الچربايه جابه ورجع عليه

_هذاا بابا

_طلع قائمة الاسماء اي اي هاااي بتباتي هذا الاسم خابر عمك سيد مجتبى

صوت بنتي نرجس تصيح(باه باه)عقيله رجعت شايلتها اجت يمي تحاچيني

-سيد مهدي حبيبي شنو بيك يروحي

-وين رحتي قارورتي

-جبت بنتنا وخابرت عمه زي زي زينه

-لاااااتخافين ينبضي موو اخاف عليچ قارورتي

_مو گثر خوفي عليك گول سيد

_بسرعه  غطيني غطيني بردت كلشش

-سيد

غمضت عيوني وفتحتهن جاوبتها

- لاااااتبچین قارورتي مااااابيه شي ستبردت من السبلت  مااابيه

-لااا بيك شي وتريد متخوفني وجهك صار ازرك

،

-لا تگطعین گلبي عليچ اهدأي رووحي جيببي قرأن أريد اسمع صووتچ

سحبت التربه من الميز لزمتها بايد والايد الثانيه رفعتها تدعي بچي

اللهُم أني أسألك بحق الملك الذي قبضها

وبحق النبي الذي خزنها

وبحق الولي الذي وسد فيها

أن تصلي على محمد وآل محمد

وأن تجعلها أمناً مـِْن كُل خوف وشفاء من كُل مرض

قربتها الشفتي أخذت بطرف أسنان أقل من حبة العدس أگلتها  اثناء ماامضغها بفمي عقيله بدات تقراء سورة القدر 7 مرات متتاليه

لزمت ايدها ردت اصعدها الشفتي ابوسها واشگرها رجفة سرت الحد اصابع رجليه حست عقيله برجفتي غطتني بطانيه ولسى أرجف همست الها  زيدي غطاء بعد بعد غطاااااا

أغمض وفتح  اريد اتنفس مفقدت آحساسي تمامٱ صار اشتياقي السيد حامد اشتياق يوجع وتراوالي أشلون واكف واغسله وياي جماعته اشلون تمنشينه دفنته اشلون بچیت یم گبره.‌‌..وهنا تذگرت حچي سيد حامد من گتله شلون تتحمل الوحده والظلام وحتى ماتسحب مولد

گالي بأبتسامه عاشق ولهان من عشقه عشق المؤمنين الخلص

_شوف يا صاحبي  ياااا سيد مهدي راح تعرف شي واتمنى أن متگون المعرفه متأخره أتمنى تعرف أنوو المتعة چانت تكمن بــ ألطريق وليس في الوصول،

وأنك بإمكانك صناعة سعادتك مما هو متوفّر بين يديك بدلاً من البحث عنها بعيدًا عنك، وأن العناية بتفاصيلك الصغيرة باشيائك التملگهن بأب تُشكّل لوحة راحتك الكبيرة، وأن الرِضا حين يسكنك سيُحِيل الحياة جنّة في عينيك

دموعي نزلن على رفيقي الغالي الي يخليني اتخطى کلشي صعب رغت حسرتي الخشيتها من عقيله

وصرت أبچي بحرقه واثغب حد گطع النفس نگراني الحزني اذا جسمي ،وبهت روحي واجى الوقت افرغ

بقيت متمدد واعرف موگورونا لان هاي الحاله تجيني دائما بسب الحادث وبسبب ضلوعي التگسرن واذى رئتي من أجهد واتعب زايد وانشاء الله ربي مايخيب ظني لان بهل حال معناها انقل عدوى كورونا العائلتي

ردت أگوم علمود صوت بنتي وسيد علي لان عقيله كاعده يمي بهت گلشي حواليه بس اسمع صوت عمه زينه وامي تصرخ

-وليدي يمه مهدي ريتي صحتي على صحتك يايمه

صوت جدي ونحيبه

-وليدي بويه بعد طول جدك أگعد

سید مجتبی گال

-عضيدي عضيدي شكو شنوه تشگئ صوت مجتبى وصوت امي وجدي

وصوت نحيب عقيلة مااگدر افتح عيوني من صخونه

هوسه بیتي صارت وعقيله صوته ماتختفى من يمي ودي أگوم اراضيها أطمأنها أحسسها موجود انا يمها ابتعد صوتها عني وحتى جهالي ماگو

معقوله شگو أو يتوقعون بیه گارونا واخذو عقيله وجهال مني بس وين ودوهم وبيا بيت يوم گامل وماگو بس صوت جدي ومجتبى رجع يمي يحط المغذي لزمت ايده وحچیت

-عضيدي مريتي وجهالي وين

-هاااا سيد مهدي شووو تفگررر بس بیهم ماگتلي من اخذت دمي وخزعه من خشمك شنو طلع عندك

ضغطت على ايده حيل واعرف اذيته ومايهون عليه اذيه واحرك گلبه

-وین مرتي وجهالي گتلك

-ايدي سید اریدها  هد واجاوبك

تركت ايده گعد علی گرسي مقابيلي يفرك بيها بالم

گال

-مرعدت ايدي تمرعد هاي وانت المريض خرب حظي شوف حبيبي مرتك والساده الزغار بغرفة الجهال حجرناهم لان خفنا عليهم ليكون بيك كورنا وتعديهم

لگن بعد تحليل الدم مااطلع بيك اي التهاب بقت المسحه باجر تطلع وهم تاكدت  مو بس انا حتى  صديقك دكتور عماد انو ماعندك لان الاعراض ابد ماتوحي الكورنا

-هو مابيه اي كورنا ومتاكد بس جسمي ميبس ومكسرر

اعتقد افلاونزا لان سبحت وتمددت مقابل السبلت ورجعت سبحت وهم من تغديت كعدت بلمطبخ مقابل السبلت ومناك مجهد وتعبان يومين بلا نوم

-موو بس هيچ انت صار فتره مجاي تعتني بصحتك ولا جاي تلتزم بعلاجك

-انت شخبارك حاليا

-زين كلش  الحمد الله عايش اتلاطش انا او ام عامررر

-عوفك منها

-بس اريد اعرف عمي ليش باقي عليها وهي حتى ولدها هجوو منها

-استغفر الله ربي احنا مالنا علاقه باحد بس بالي شغله

- گول حبیبی

-سید حامد موصیني على بيته

-المن

-مااعرف بس هووو قبل گال عدنا شباب من طلبة العلم ماعدهم بيوت ياجرون بيه راح يكون وقف

-اي اخذ نصيحته

-اله اشوف شنو كاتب اليه

امي تدخل عليه تلبس كمامه وبدلة وقايه عمتي كذالك عقيله من بعيد دمرتني جدي تعبان من ألقهر والخوف عليه

حتى ولد عمومتي سمعت راح يجون مقبلت حتى يجون بس فجاء دخل ابن عمي سامر اخو عامر تفاجات من وجوده وبيتي

دخل منصي راسه يسلم

_السلام عليكم سيد مهدي

بعدني ممدد عدلت جسمي اتوجى على السرير

جاوبته

_وعليكم السلام سيد شعجب بعد هااااي السنيييين الطوااال

_تعرف بعد وفاة اخوي انا وزوجتي استقريت بنجف يم بيت اهلها بس جدي يوصل اخبارگم اليه

_اشگر سؤالك سيد بس أمک مو انت هاجرها اقصد هي تعرف بيك جاي هنااا

_اي اگيد تعرف. وهي ألحت عليه أجي عليك لان

_لان شنو ابن عمي وانت تعرف امك شنو حتى تارگ البيت ومگانك بسببها

_بس تبقى امي

_گول سيد طلباتك أوامررر

_اتريدك اتسامحهااا

_على راسي يبن عمي بس هي اذت حرمتي مرتي

_اي وهي هسه حاسه بذنب

_لااا هي تريد ترجعگم الحضنها وتستخدمتي طعم تعرف چنتو مو بس ولد عمومتي چنتو صحباني حتى متفشلين من اسلوبها وتهمتها عليه

_وهو حقٱ مثل مدگول بس. الخاطري اعتبرها والده ملگومه

_تمام رح أگول ألك شي ومنها اذا قنعت بلي أگوله بعد مالك حق عليه وذا مقتنعت انطيني دليل ضد دليلي وذا انا اقتنعت اروح أوگع على أمگ مو هي تجي توگع

_تمام يبن عمي

_قبل من چنا مراهقين دخلنه حوزه وانت ويايه وسيد عامر الله يرحمه ويانا وگلنا سوه قرينا  الآية

"تحسبونه هينآ وهو عند الله عظيم"چنت تصفن بيها

مره سألتك

_ليش بهاي الأيه تصفن ماجاوبتنا الى أن سيد عامر جاوبك کالك هاااا تخاف على أمي موو جاوبتنا

وکلت

_لااااا شباب بس هاي الايه  كلش تخوفني دائماً بدون مانعرف او ممتقصدين نسوي شغلات أو أشياء او نتصرف فد تصرف بسيط ويجوز نحچي كلمة بدون قصد

ننسا ونعتبر الگلمه أو هذا  موقف عابر وبسيط كلش أو نگول هي گلمه عاديه س لو نعرف شنو تركت هاي ألگلمه أو الموقف بالشخص المقابل بدون ما ننتبه

ممكن أذينا ممگن  جرحنا بكلمة او حسسنا بنقص

أو زعلنا بتصرف وخلينا دمعته بطرف عينه

فياريت ننتبه ونتحذر  لهيچ أشياء لأن احنة نعتبرها عادي بس عند رب العالمين مو عادي ذنب عظيم

گلت تلنا أتخيلو انو بيوم القيامة نتحاسب على أشياء احنة ممكن نگول مامسوينهة بس تنعرض اعمالنة ويتبين النة انو جزء من ذنوبنة سويناهة واحنة معتبرينهة هينة

هنا  أمگ السوته بمرتي مو هين ولا مجرد گلمه أمگ أذت وطعنت وجرحت وعدرت وهانت مرتي فد مره وصل للطعن بشرف وذا أقبل بصلحها أطلع صدگ بلا شرف لان معناها راضي بفعلها

سگت ودنج گتله

_هااا يخوي شدگول يصير اصالح امك

_لاااااا حقك حقك السموحه يخوي المهم طمنا عليك

_الحمد الله 

_زواجك اشلونه

_اخذت نصائحك وصرت توب  وهسه اروح وعندك العافيه يبن عمي

طلع سيد سامر وانا االيومين ومالي اله دعاء والصلاة وترديد بلساني دعائي

لكن -يا مولاي- أنا لا مصائب أو زوابع لي في الدّنيا والآخرة سوىٰ صدرك المهشّم، وقلبك بعدما اخترقته سهام طمعهم الأعمىٰ، وظلّ رغم ذلك ينبض بألوان الحبّ والرّأفة.. مولاي، لقد عظم مصابي بك.

سيد مجتبى ونعم العضيد والسند دائما اتصير وكعتي بين ايده لا يتذمر ولا يمل

اليومين مرو  بثقل بسبب خوفي على عائلتي وكان الدنيا بهاي الفتره رگبتها ضاغطه على صدري بقوه تخنگنب وتضيق على انفاسي لكن ماايأس بسبب التزامي بقرائة الايات القرأنيه الادعيه الي تاخذ بيدي من الارض الى السماء وترجع روحي گلها یقین وایمان مطلق

الفرج  قریب وان الله یعطی بعد التعب بشاره لام  متمسک بلقرأن ودعاء احبه واردده من اتالم حتى من طلعت من الحادث

گمت من السرير  لبست گمامتي احس نفسي صرت احسن رحت الشباك الغرفه فتحت البرده وفتحته اتناوع

للورد الزرعته والخضار فرحت لان الكرفس خضر بسرعه

رغم گلشي صار بيه وعليه هسه مطمأن على صوت زقزقت العصافير قريت دعائي الاحبه دائما وابد مديت ايدي على گلبي وقريته حافظه لان دوم

اللّـهمَّ انّى اسأَلك باسمك بسم الله الرَّحمن الرَّحيم يا ذا الجلال والاْكرام يا حىُّ يا قيّوم يا حىُّ لا الـه الاّ انت، يا هو يا من لا يعلم ما هو ولا كيف هو ولا حيث هو الاّ هو، يا ذا الملك والملكوت يا ذا العزَّة والجبروت، يا ملك يا قدُّوس، يا سلام يا مؤْمن يا مهيمن يا عزيز يا جبّار يا متكبِّر يا خالق يا بارئُ يا مصوّر يا مفيد يا مدبِّر يا شديد يا مبدئُ يا معيد يا مبيد يا ودود يا محمود يا معبود يا بعيد يا قريب يا مجيب يا رقيب يا حسيب يا بديع يا رفيع يا منيع يا سميع يا عليم يا حليم يا كريم يا حكيم يا قديم يا علىُّ يا عظيم يا حنّان يا منّان يا ديّان يا مستعان يا جليل يا جميل يا وكيل يا كفيل يا مقيل يا منيل يا نبيل يا دليل يا هادى يا بادى يا اوَّل يا اخر يا ظاهر يا باطن يا قآئِم يا دآئِم يا عالم يا حاكم يا قاضى يا عادل يا فاصل يا واصل يا طاهر يا مطهِّر يا قادر يا مقتدر يا كبير يا متكبِّر يا واحد يا احد يا صمد يا من لم يلد ولم يولد ولم يكن له كفوا احد.............الى

اسالك يا الـهى وادعوك يا ربِّ وارجوك يا سيِّدى واطمع فى اجابتى يا مولاى كما وعدتنى، وقد دعوتك كما امرتنى فافعل بى ما انت اهله يا كريم، والحمد للهِ ربِّ العالمين وصلَّى الله على محمَّد وآله اجمعين .

ختمت الدعاء دخل سيد مجتبى فرحان وياه جدي امي وجوهم مستشره عدلت گمامتي درت عليهم مديت ايدي سحبت أگوانتي لبستهم صاح سيد مجتبى

-لاااا عضيدي الصار بيك موو گورونااا لان انت هذيچ الایام متاگل زین وهامل نفسك انخفض عندك سكر الدم

لان سبحت بذاك اليوم مرتين مسوي نفسك بطل زمانك وكعدت جوه السبلت وجسمك مجهد صار الصار هاااي الفيتامينات لازم تاخذهن خوووفتنا حسبالنه  كورونا

هلهلت امي فرحانه وجدي كعد ساجد يبجي دنجت عليه

-كووم ياجدي دخيل جدك وهل مره شني نذرت اليه

كام وهو يضحك كمنا سوه حضني يطبطب على ظهري

-يروح جدك انت تموتني يله ترتاح

-ريت عمري على عمرك جدي لادكولها رحت الامي حضنتهاسيد مجتبى  گال

-وانا ماالي حصه

حضنته وگلبي قبل عيني يدور عقيله اجت مبتسمه وعيونها مغورگه دمع شهگت تبچي اخذتها الحضني محاوط جسمها بايدي ولهان مشتاق،محتاج واريدها بعلو صوتي صحت

-افيششششش افيشش يااااامريتي افييييييشششش

ولچ اشلون بغلاچ ومعزتچ تارسات گلبي ترس

همست بخجل

-احبك

-ومووووت الف مووته عليچ یاانا

جدي گال

-استخفیت ولو انت مستخف من یوم یومک اثگل اثگل  وانا ابوك

مديت ايدي الگلبي

-وهذا ياجدي متلوع وميت عليهاااأ هم شايف ورده ناعمه ترفه على شگل بنیه هیچ قارورتي

جاوبت عمتي

-الله يحفظكم من العين ييمه عقيله نسمة هوى ربي يطعم مجتبى ببنت حلال مثلها

جاوب اخوي

-رحم الاهلكم لاااااتحچون بزواج خلوني عزابي اربي بنيتييي

ضحكنا گالت عقیله

-اروح اشوي چبده جابها جدو الك وجاب حلاوة راشي

گال سید مجتبی

-لاااا ام‌ علي انا اشوووي ارتاحي

طلع سيد مجتبى وياه امي

كلت العقيله

-اي اهم شي حلاااااوة الراشي

غمزت الجدي

گال

-خليني اطلع من يمك حتى البنيه خجلت من سوالف مااااتخجل ولك

-لاااااه ياجدي مامرجيه منك حلااااوة الراشي شبيهاااا ذنب وتستغفر

طلع بسرعه يهز راسي ضحكت بعلو صوت اسمعه

-وين وين جدي تعاأاال

-سيد مستخف اذا ابقى يمه يدولب دواليب

اجت تطلع عقيله كالت

-اروح اساعد عمتي

لزمت ايدها

-ترى جدي يفهم طلع وعافنه وانتي تردين تمشين هيچ حتی عیب بحقي

-موو اساعد امك

-قارورتي وفري جهدچ الحد اللیل لاتعبین نفسچ

خجلت وخدودها الحمر حچت خجلها

گرصت خدها

-لاااا لااا مو وگت خجل عاد استحملي اتفاهم وياج من يرحون اهلي

خزرتني فاتحه عيونها الزرك

جاوبتها

-وووين راح بالچ  ارید اتفاهم ویاچ شني چنتي تسوين وانتي بعيده عني وشلون نمتي مو على ايدي وصدري

ختلت راسها بين صدري تهمس

-سيد والله ماكو نوم

تقربت الها هامس

-مو گلنا ورانا بعد وگت

صوت امي تصيح

-سيد جهالك يردون ياگلون ویاااك

گالت

-یله بلا اي نقاش سيد تعااال أگل لان انه ميته جووووع من يومين بس اشرب مي

طلعنا السفره جاهز اكل الجهال ركضو عليه سيد علي يبچي بحرگه مسحت دموعه

-بابا لیش البچی

-يومين عمو يدول لحد يتحلك(يتحرك)

-هسه ناخذ من عمو فصل بس ليش لازم الحجله مال بنت عموو هااا

-حتى نلعب انا وياها

دره تمشي وتوكع تريد تجي شلتها الاعبها فرحان بيهم

التمينا على السفره ناكل والكل فرحان واعرف مثل كل مره ربي يعوضني ويحسن اليه مجتبى يجيب شيش ورة شيش ويصيح

-ترى ماااكو مثل الشوي مالتي

مقهور عليه وهو مكسور كسرته شگد مایخبیها ظاهره اعرف بيه مو لان يحبها بس لان باعته برخيص وطلعت مو مثل مايتمنى

گملنا اگل صبت عقبله النا الشاي رحت للحمام شطفت بسرعه اصحصح جسمي من النومه اليومين لبست تراك بارد بين ماامشط شعري دورت بلملابس على مفتاح سيد حامد حتى اروح اشوف السر الي گالي عليه

اجتني عقيله مبتسمه

-هاااا سيد وين

-اروح بشغله

-انا اسوق

-تردين اطلعين

-لاااا احب اسوق وانت وياي  حتى اگل الغفران انه مو السبب

ابتسمت ارجع المشط للميز

-ياسبب

-بس مووو تضحك مثل ماضحكت امك وعمه زينه

-غفران دگول اول ماتعینتي مدرسه اسبوع داومتي صارت گورنا وسدو المدارس تعلمتي اتسوقين اربع اشهر صار حضرر تجوال دگلي الله عليچ گعدي وسگتي لان دولبتي العراق والعالم

حصرتني الضحگه من سوالف غفران بعز قهرها تحشش  ماجاوبتهة الى ان طگت صدري

-هاااا شووف اشلون تضحك انت

لزمت ايدها ابوسهااا

-حشى حشى اضحك لااا قارورتي بس حچي غفران

-اي گول گول شبیه حچیها

تچتفت جاوبتها

-ماتشوفین حقیقی ویراد ادفع گفاره عن گل الضرر الي سببناه للعالم

ضحگت بصوت هامس  حضنتها باريحيه اطمأن قلبها العاطفي الحساس

-انتي الخير والبرگه یروحي بس غفران وتعرفين سوالفها ماينزعل منها

-اهم شي انت رئيك خلاص شدگول هو الصح

حضنتها اگثر وجاوبت

-راح ادفع گفارة اطعام ستين مسگین هههههه

حاولت تفلت من حضني لزمتها اقوى دخل سيد علي بقى واگف بلباب رفع ایده العیونه یغطیهن ویگول

-اتف اتف اتف(اسف)

بعدت عقیله احاچي

-شيل ايدك بابا نطلع مشوار زغير

فرح وصاااح

-هاااآاااا هااااا

طلعت جدام عقیله امسح السیاره بسرعه شلت النایلون المغطيها فتحتها اتاكد بيها بانزين  كلشي تمام اجت عقيله شايله دره وجدامها يركض سيد علي صعدت جدام الستيرن لافه عبائتها

گم يعجبني سترها

حجابها عبائتها

عبائة الزهراء واية عبائه تحيي قلب رجل

هل يحق لقلبها ان لايعشق شخص من طهر فُاَْطمٌ

سيد علي ورانا ودره بحضني ساقت عقيله ادليها على المكان الى ان وصلنا الدربونه سيد حامد گتلها

-اوگفي ام علي هنا راح انزل دقايق وارجع

دخلت البيته المتواضع نفس الريحه ريحة المسك وريحة الرطوبه

تمشيت للمگان الوصاني بي عبرت الديوانيه وصلت للگنتور اول مافتحته لگيت فايل بيه اوراق فتحته واشوف چيس اخذت اول ورقه مثل ماوصاني تفاجا گله جسمي اتخربط وانا افتح الورقه متفاجا قريت

اول سطر؟

عثرت على نفسي المخفية بين الرّسائل، ووجدت أني أهدأ بين تفاصيلها كأن العالم مُبعثر حولي.

-

#يتبع

مساء الخير كل عام وقلوبكم تُزهر بالعطاء والحب ، كل عام وقلوبكم عامرة بالخير والمودة والصفاء ندعو الله أن تكونوا ممن ذاق حلاوة الإيمان وعرف حقيقة الصيام تقبل الله طاعتكم وعبادتكم وكلّ عام وانتم بخير

.........

سيد مجتبى

سمعت شيخ دين يقول أن الأشياء التي لا نُحركها حولًا كاملًا تجب عليها الزكاة ...

شعرت أنه يتحدث عن علاقتنا فأخرجتك زكاةً عن قلبي .

ـ شنوو تبيعيهه؟؟!!

ـ ااااي ابيع بنتي قابل كفرت ويبقى كلشيي بثمنةةة حبلت ووصلت للمووت بيهه وجبتهه بطلعان الرووح تريد تاخذهه بلووشي تدفع تااخذهه...

وااذاا مااا تدفع ثمنهه الاقرره اني تبقى عندي وبس ادزلي يامجتبى ورقة طلاقي باااااچرررر وبنتي تحلم تشوووفهه بعدد

كزيت على أسناني بغضب ومواني الي تنلوي ذراعي

جاوبتها بحقد

ـ موووووافق

بلعت ريجها متخوفه

ـ على شنو موافق متشوف بنتنا بعد؟

_لاااااااااا يميسمممممممم موافق على طلااااااااگچ

بللت شفافهاااا ورفعت حاجبهه رفعت ايدها تلعب بشعرههه نصت راسها ورجعت تناوعت اليه

_خوووووووش لعد گلشي بالاتفاق يصير سهل

بغرور وشوفة نفس جاوبتها

ـ تمام...

بچي رموس خلاني واگف ساكت وماحچيت ملتهي وية رموسه تعبت ايدي خليتهه بجهه الثانية ونزلت ايدي الطفلة تعبت شوي وكامت تتضجور وتتنهنه من الشيل يمكن تريد تنام على سرير

جاي أطلع حتى أنومهااا گالت ميسم

ـ يعني هيج سهل عليك اطلگني؟

ـ انتي طلبتي مو اني الفرضته عليچ

ـ يعني عندك عااادي تخررب بيتك وتحطم حياة بنتتك ولا تسجليي بيت باسمي؟؟!!

ـ ما حچيت هيچ وماعزيت عليچ شي شتريدين يجي يمچ وتردي بس انتي بتصرفاتج وصلتي لهلمواصيل

صفگت ايدها وبحقاره جاوبت

ـ ايبااااااااااااااه.. سيد مجتبى صررت هسةة نبييي وخووش ادميي مووو وطلعت ااني الشيطااان والاريد اهدم بيتي لااااااااااا عيوني هو بيتي محطم ومهدددم من ورةة ااخوك ومرته اام العبااية الوصخه

خزرت تعيط

ـ اااحترمييي نفسسسچ ولاااتجااوزييين علييهم لا اشوووفچ وجههي الثاااااااااااااني

التفت خايفه

ـ شفتوووو ماماا باباااا سمعتووو شلون يتخبللل ااذا حچيييت على اخوووه ومرتةةة شعننددددك وياااهه وهييييچ ادااافع عنهه

رفعت حاجبي احرك گلبها

ـ اصلااااااااااا بعدني مادافعت عن زوجة اخوي ولا على اخوي فـ ياااميسم انتبهي لحجي وشوفي شكاعدة تخربطين  وتصرفي عدل

ـ وااالله  اااني احچي واتصرف بگيفي وباالطريقه التعجبني يعني من اشوف نفسي أنحط بموقف ماااااحبه واشووفكم تتتجاوزوون عليه ماحسكوت ولااا ااقبل بهالمهززلةة مهما كان عمره او مقامه او صلة قرابتي بيه الواكف كدامي اطيح حظةة وحظ ااهلهه

عيوني جدحت نار من تجاوزهه عليه راسا طك عرك الهواشم بگصتي بس حاولت اهداء نفسي لان الطفلة شايلها بيدي تبچي خليت الطفلة بيسرتي و تقربت عليها لزمتهه من ايدها وعصرتهه وصلت حد الجنون وياهه و هزيتها ضاغط على لحم  ايدها بكل قوتي واصييح عليهه

-لاااااه انتي تجننتي ونسيتي نفسچ انتي نااااااااسيه نفسسسچ منو ووووووووووللچ انتي جنتي تتحلمين تتزوجيني اناأا السويتچ ادميه

تتذكرررين شلووون ذليتي انوثتج كدااامي حتى انتبهلج ووارضى بيچ وورغم هذااا عاملتچ بمايرضي الله وحبا باالله لاا اذيتچ ولا هنت كراامتچ

اهز بيها وضاغط حيل تريد تفلت مني مگدرت الى أن

ضلت تصرخ وتتلوى جوة ايدي گامت امهه وابوهه يريدون  يخلصوهه من ايدي

ـ اااااي اااااي ماااماااا باباااا الحكگيي شوفو شلون يمد ايدةة يريد يضربنيي

صرخت امهه

ـ ااانت صدددك متستحتي كجداامنه وتمدد ااااليدك علييهه هااااي شحااااال ورانه

خزرت أمها ونترررر

ـ لوو بيگم خيرر ماچان سمحتوولهه تتتتتتتتجاووز على زوجهه وانتو كاعديين تتفرجوون

رد ابوهه

ـ مو هي تحس بظلم يا ابني

ـ اذاا انيي ظالم وااانت مقتنع ااوكف جداااااامي طوولك بطوولي وگلي ااي انت ظلمت بنتتي ياسيد

انتضرته يوگف بس ماقبل رغم زوجته وبنته بنضراتهم اكلو اگل بس الزلمه مابيدة شي على بنته ومرته دنك راسه وراح كعد على جهه..

صاحت ميسم وهي تخرمش ايدي تريد تزيحني

_دعوووفني عاااااد عوووف ايدي

هزيت ايدها بقوة اگثر حتى چان نخلع چتفها بحرگه

حاچيتها

_ووووووووچ گافي غرووور گافي حقاره گااافي عاد ميسمگليلي هذا مقلب گليلي هاي كذبه نيسان ولو احنة مو بنيسان گليلي چنت اكذب عليك ولچ فگري ببنتج البعدهه لحمه حمرة شلون تقسميهه بيناتنه

نترت ايدها مني وهزهز بريماس لان بچت ميسم جاوبتني بثقه

-هلو هلو هلو بعد كلامك هذاا گول عقلك اااااافگرررر ارجعللك.. أنت دااااا تعيررني لأن چنت رايدتك واني الگلتلك اخطبني ماا انكرر هالشي بس من حبي ااالك ووانت ششسوويت گاعد وتعيررني بحبي الك

ـ ماعييررتچ ردت بس اذكررچ

ـ شتذكررني؟

ترة اانت هم نسيت ليش تزوجتني  لااعباالك تمشيي سواالف المتديينين عليييه لوو مااني حلووة ومطلعه جسمي وااننتت انعمييت على گلبك بجماالي حلاوتي واانوثتي هم چان كلبتني  وردتنيي

سندت جسمي على الحايط جاوبتها

ـيول بس اني حبيتچ حبيتچ ومن كل گلبي

ـ ايباااه شلون حبيتني مثلااا فد يووم حچيت ويااك بالديين لو بأيه قرانية ولو اجيتك لابسة عباية على راسي حتى اقنع حضرة جناابك..

باباا انتت حبيتنيي لان شفت جماالي واتمعنت جاااي هسسسسسسه تستشررف براااسي وتريدني ااضمهنن

اانت شبعت شوووف بيهن يالمتدييين ووين ديينك وووين ايماانك مو گلك الدين غض البصررر ليش ماغضيت بصررك يمةة

لو ما هاللبس الماعاجبك والتشووفه بنفااقك اوووفرر چان ما اجييت ولا كلبتني ولاا ازوجتني

عدلت وگفتي وهي تستفز أخر ذرات صبري کتلها

ـ اااااانتي كاعد تحسين على نفسج شدتحجين؟ انتي دطعنين بنفسچ ياشريفه

ـكووووولش زززين ااعررف شدحچييي لا تخاااااااف

موو اني الاطعن بنفسي لان هذاا لبسي من قبل لا اشووفك

وماا راح أگولك انت اخذت احسسسن وحدة بالكرة الارضية ااكيد عندي اخطااء وعندي ذنووب

بس متووصل لذنووبكم اانتو يامدعيين الدييين ومدعين التدين

و المفرووض تحمد الله وتشكره عليه االف مررة اخذتلك مرة مثلييي واااضحه وصريحه موو متسترة بالعباية والدين والحجاب مثل نسووانكم واااااااااالف واحد جوة عبااتي مدخلته والعب لعب بذيالي

عضيت شفتي لأن جاوزت گلش على ناسي مو بس عليه وهسه بعد مو مال سگووت رفعت ايدي الشعرها

متحملت كلامهه جريت شعرها بقوه ونترت...

_لچ ياااااااااااااااادبسزززززز نسووان بيتنه يشررفنچ وويشررفن عشيرررتج يااا متستحيين وچ امي تااااج راااسچ عمتي زينه تسوى گل ناسچ الخيررررررررره

لزمت أيدي وگامت تصيح امهه وامها تريد تسحب ايدي وانا أچر بشعرها إجى  وابوهه خلصهه من ايدي واخذهه على جانب أمهه تحجي وتعد وتصف وتفشر

بس انا فاصل عن الدنية ومركزز عيني عليهه اريد اشوف شتحجي بعد

صاحت وهي تهز بيدهااااا

ـ وولك ااني بقيت صاينتك ومحاافضة علييييك رغم ااكدر اسووي علااقة وية االف غيررك وانت ناييم ورجليك بالشمسس شمدرييك شيصيرر بالبيييت ميصيرر واصير حاليي حال عمتك المطلگة وفوگاهه مووضفة ووعااگررر يعني تلعب لعببب بذيلههه ومحد منكم يعرف بشيي

تقربت عليها محافظ على توازن جسمي حتى مااذي بنتي حاضنها الصدري بحنيه

تقربت عليها برراشدي  حتى حلگها نزف دم رفعت السبابه وأنترررر

ـووووچ ياعار البنات العلويه عمتييييييي تشرررفچ لاتجيبيين سيرتهه على لسااانچ القذررررر ولچ گافي تحچيننن موووو ر ررراح ارتكب جرييمة بيچ هنااا

بصقت الدم من حلگها وتهز چتف

ـ ييمة يمه يمه  خفتت يمه هههع والله يالله على اساس خووفني...

غمضت عيوني ورجعت تناوعت الها اريد أحچي بهدوء وياها مااريدها اطلع البدائيه البعقلي جاوبتها

ـميسم ياميسم لاااااااااااتحچيين بهالطريقةة وياييه ولاتجييبين سيررة اهليي

حديت صرتها خفت وجاوبت

ـطبعاا لان عندك الكل ااااااااحسن منييي بسس اني صووو جيي السمعت كلمتك ومشيت على مايك بس مو لخاااطرك لااا لخااطر نفسيي

لأني عنديي غرور بنفسي مو اي شخص يدخل حياتي واتقبلةة لذالك قبلت بشروطگ بس شوووف منو ميسم ومنووو اني أني ميسم البغداديه اني أني اصيد ماااااااااانصاد أگل مااطبخ اخطط ونفذ لذالك ممتحسفه  صيدتي لان مو اي شخص يدخل عقلي واقتنع بيه بس  الظاهر قناعتي بيك اگبر واکبررغلطه بحيااتي

حرگت دمي وفورتها

- وتحچيهه بوجهي

- احچيهه جدااااااام أکبر شارب مو عاد جدامك هسه

فگررر. بگلامي أذااا تريد ارجع ألك

ـأفگررر وبيچ وووووووووولچ بعد لو تنصاغين ذهب متصلحيلي مرة

ـوووولااا انت تصلحلي زووج عيووني وو كل العندي حجيته توافق على طلبي ادللك دلال مصااير وتصير ابو بيتي وتاج راسي ماعاجبببك انساانه ااني وبنتتي

-ههههه مو گلتي بنتك ماريدهه وتريدين تبيعيهه

ـ بطلت بنتي الي ولحضني

عصبت ودي ءشرب دمها

ـ ترى موو انا الي تنلوي ايدي ومانخلقت المراه الي تخليني أحني كرامتي الهة ولاانا الي انزل نفسي لجلها حتى لو چان الجنه عرضها السما والارض مقابل انزل راسي  عندي اموت ولا اتنازل الشخص.

صفنت عليه هي وامها رغم عيونها الحلوه الاحبها هيمتني بيهه...ردت أحاچيها بهدوءبس رجعت لوعيي نظراتها مو بريئه مثل ماتخيلتها عيونها گلها مكرررر رافعه حاجبها بغرور وثقه بعدها تحس ماراح اتخلى عنها كالت بتوتر وهي تجتف ايدها

-انا اصيد ماانصاد اترك ماانترك  فلا تهددني

ـخلاص ميسم أنتي مريضه والظاهر ماااااابيچ فايدة الحجي ضايع وياچ

رجعت شعرها تستهزاء وصاحت

-اووي على اساس كاتلة روحي عليك

لازم روحي كوه وكل شياطين الدنيا براسي ويردن يطلعن حتى الزمها واجنزها اجنز..  بس كوة لازم نفسي حتى مااضربها صوت ابوها يصيح بهدوء

-ميسم بابا الحچي مو هيج عيب

-بابا دشوفه اشلون واگف متعجب بلي أگوله بس مداا يفهم ولا يصدك اني مارجع اله الاا يصير رجال مثل اخوه

رفعت ايدي عليهة وضربتهه راشدي ثاني على خدها الناعم  بحيث خدهه طبع جف ادي وايدي صارت حاره من الضربة القويه وگد قوة الراشدي اندفعت على الكاع وكام ابوهه وامهه يركضون عليهه طلع اخوهه يريد يتعارك ويايه بس ابو سكته

اباوع عليهه عيونها تحولن حمر من العصبيه گامت على حيلهه وكفت طولهه بطولي ورفعت ايدها تريد تضربني لزمت ايدها بقوه ولويتهه صار ظهرها بصدري وبهمس أنتروو

-أاااااااااااحترررررمي نفسسسچ لا ابيس بيچ تبيس

ومطلچ هنا جدام أهلچ واعلمچ الرجال منووو

فتحت عيونها بفجاه‍ هديتها گالت بتعجب

-انت احترم نفسك يااااا سيد زمااااانك تسترجل هااا

بسيطه الحچي الگلته هسه ماراح انسا الك والله الااا الاااا أااندمك الا ادفعك الثمن غالي الا اخليك تبچي دم علييه وتتمنى خيالي وخيال بنتي

نظراتهه چانت حاقد استنفذت اخر ذرات صبري من ضربتهه صح تندمت لان اليضرب مو زلمه بس مو بيدي طلعتني من طوري بستهزاء وضحك جاوبتها

-رررجاااال وغصب عليچ وگتلچ کلشي يطلع بيدي

سترتچ وماخليت القاصي والداني يشوف عرضي خذيتچ سافره متشلحه مطلعه الميطلع واتفقت وياچ على الستر والحجاب وسويتي نفسج تريدين تتحجبين وطلع كل هذا كذب بكذب كل هذا علمود توصلين لغاية معينة ومن مكدرتي طلعتي وجهج الحقيقي

ومثل منكول الاولة شرط اخرة نور ياميسم لاااااااا غشيتچ ولا كلتلچ بعد الزواج تمشين على حل شعرچ  طالماا انتي عندي غصب عنچ تمشين محتشمه ومحجبه تشوفين تفكيري مو ويه تفكيرچ بفلس مااشتريج

كالت امها بعجبه وفشله

- صدك هسة نزلت من عيني صيدلاني وبالك عني طلعت معيدي وتريد تسجن بنتي بلحجاب والبس المعقد وفووووك القهرر كلشي ماحاط باسمهه؟

روح بابا روح مسوين نفسگم متديين وانتو المصايب كلهه بيگم والله ماااريد انصدم بيك اكثر لخاطر حفيدتي

استغفرت ربي جاوبت امها

-ترررى بنتچ الغلط علميها هاي بمكان متهديهه وتعقليهه تزيدين النار بانزين

- ياعيني جاي تعلمني..

خوب هي زوجتك اخذها بلمسايس وعقلهه ونطيه تريده جاي تلقي محاضرة هنا ابشرك محد يسمعك

-جربت وبعد لهنا وبس

-اييي ياالله اعتقني يابخيل خلي مرة ااخوك تفيدك

ـ هاي اخر مرة تجيبين سيرة عقيلة على لسانچ

ـ ااايباااخ ليش عيوني شدعوووة هيج موت نفسك علييهه شمشوووفتك الخااتون وهيج منعمييي على عيووونك بحيث حلالك ومااالك عدهه على گولت ام عامرررر بس هي الخيره بيگم

فقدت عقلي بهالحجي هميت عليهه اريد اضربهه بس بجت الطفله وبجيهه كأنو خايفة من العياط حاولت اسكتهه ماسكتت بيدي

اجتي ام ميسم گالت

-جيبهة يمعود انطينياهه خلي اسويلهه ممه

جاوبتها

ـ ترى الطفلة خايفة مو جوعانه هسه شربتها مماه

ـليش متخاف هاا من صياحك ياعيني عليش هالحرك اعصاب شوف مرتك شتريد وانطيههه شكو بيهه اول وتالي حلالها  الك

نطيته الطفلة الام ميسم وعفت الشقه جاي اطلع من البلب  واشوف ميسم اجت وراي التفت الها ضغطت على ايدي بحرگه

دمعت عیني انداريت عليها وبگد وجع گلبي طلع صوتي

- بعد ميفيد شي

ـ لهل درجه؟

ـ واكثر... اكتشفت نفسي من هل لحظه احتقرج یاااا میسم لاااا اریدچ ولا اكدر اشوف بوجهج بعد

وحتی ارتاح منچ وارتاح من وجع الراس الجاي منچ

راح اطلكچ

مهما يكون انتي ام بنتي  ما اخليج تدخلين محاكم ومشاكلهه واتعبج  هاليومين ادزلج ورقة الطلاق 

بعدني منطيها ظهري لأن خذلتني جاوبت

ـ وليش يومين اريد  باچررر

ـيجرالچ  راح اتصل على المحامي يرتب الاوراق..  وطلاق السيد اروح لوحدي حتى يعتبرو طلاق تعسفي وتاخذين كل حقوقچ كاملة

تفاجات من الگلته الها خاصه من جبت طاري المحامي لبالها ابقى واستسلم الكلامها بهمس جاوبت

ـ يعني اطلكني بهالسهولة

- مو هذا التريدي يا بنت الناس

دمعت عيونها  بكبرياء گالت

-راح الم ملابسي من شقتك

- يكون افضل وياريت تستعجلين

طلعت منهم ورحت للشقة دخلت وهي دخلت ورايه مباشرتا ما اهتميت الهه ورحت للمطبخ اشرب مي حسيت عليهه تلحكني..

شربت مي وخليت الكلاص

اجتي علية وحضنتني من ضهري وخلت راسها عليه نصيت راسي رغم گلشي حچته وسوته بس حسيت بضعفي تجاهه وتجاه انوثتهه لكن كرامتي رجعتني لعقلي مرة ثانية بعدت ايدهه عني وابتعدت عنهه.. حاولت تسحب ايدي مرة ثانية و تاخذني الحضنها لزمت اثنين اديها ودفعتها للحايط بكل قوه حتى شهكت وابصبعي اشرر

-لااااا تحاااولين ترخصين نفسج جدامي اكثررر من هيج

ـ بس اسمع

قاطعتهه ماخليتهه تكمل..

ـ وولج لاااتبسبسسيين  تدريين شلون جاااي اشوفج دا اشووفج نساااانه ثانية شخص ثااني

انسانه غريبة عني لا شايفهه قبل ولا اعرفهة لچچچ ندمتي گلبي لان حبچ الله يلعن الحب وسنينه

ـ خليني اكمل

ـ لا تبررريين ماريد اسمع شي تدرين من احتقاري الج صرت اشوفج بهيئة خنزيرررره مو بشررر

تتهمين عمتي زينه وزوجه ااخوي بشرررفهن ووولچ تعرفيين شنو يعني قذف ألمحصنات بالاسلام تعرفين شنوو يعني تحطين تهمه ببننت بريئة زور وبهتان بدون بينة ودليل وفوگها تصير زوجة أخوي عضيدي

جبرتيني اااتاامد ايدي علييييچ وهذا موو مبدئي ولا تربيتي ولان وياية الحق ااهلچ حتى متفشلين ومااااا يکدررون يحچون

عندج اسهل شي التهمة بالشرررف مراح ااكلچ عندچ بنتت خافي عليهة لان اصلاا انتي ماعندچ ضميرر ولا كلب يحس بهالطفلة

بس اكلچ انتي بببنت وخافي على سمعتچ  وصحتچ وعافيتچ ترة دعاء المظلوم على الظالم مصيبة جبيررة ياويلللچ منهه

ـ على كيفك اني ماتهمتهن

ـ من تكولين جوة العباية عن عمتي زينه وتكولين شمشوفتك عن عقيلة شييعتبرر هالحجي ؟

ـ ها..

وانت شكو تاخذ بهالحجي

ـ مااريد بعد اامد ايدي عليچ لانج ما تستحقين الوث اييدي بيچ انتي انسانه وصوليه مغروره ماديه وانا سيد مجتبى سيد وابن سادةة ومن نسل اشراف وهسة خسيت بحچي اخووي وجدي فعلا لا اانتي ولا امثالچ يليقوون بيية

ـ شنو..  هسة صرت ما اليق بيك ليش شبيه

، تحجي ويايه وترمشلي بعيونهة  وتناوعت اليه بنظره طفلة خايفة وحزينه تعرفني اضعف جدام هاي التصرفات

وانسى عيوبها 

همست ببني وبين نفسي

سبحان الجلد گلبي وقساه عليهه..

- رغم كل الحجيته والجرح ألجرحتنيا بس بعدني احبك مجتبى

ـ هههه لاتحچين بلحب بعد ترة عيب عوفي الحب الاهلة انتي وينج وين هالكلمه

دفعت ايدها حيل مقهور منهااامخذول من قسوتهااا خذلت حبي وعشمي بحبها رجعت شربت مي ويندت ايدي على الکاونتر

وهي جاوبت

ـ لهل درجه تستهزء بمشاعري

ـ اسلوبي انعكاس لاسلوببچ فلا تحاولين تلوفيهه عليه

ـ اريد افتهم بشنوو عقيلة احسن مني  اااااشوو ااني احلى منهه واااثقف منهه واحسسن منهه واارقى منهه ووبنت عاائلة وناس شايفين وعايشفين من الخير لوو لااان جبتللك بنييية وهي عدهه وووووولد هيييچ تفضلهه عليييه صاررررررتلي ضرررة مو مررة حمةةة ام العباااية الووصخة

كزيت على اسناني رفعت ايدي و صميتهه حيل جيت اضربهه ضربت ألگاونترر تلث مرات انداريت عليها

هي راسا غمضت عيونها عود خايفة تقربت عليها رفعت أيدها  الوجهه تغذي طكيت الحايط بوكس بقيت أضرب من الالم ماحسيت بالالم ..من شفت الدم بيدي سندت ايدي عل حايط هي بلوسط واكف

گتلها بألم

_اااااااااااريد افتهم شنو من بشررر انتي لا لا ذمه ولا ضمير ولا محسوبه اصلا على البشر

أجت تحچي طلعت من المطبخ متعصب ماريد اروح لغرفة النوم لان اعرف راح تستغل هالشي لان هي تمشي بالمثل اليكول((اكبر مشكلة يحلهه الفراش))

عفت الشقه كلهه الهه وطلعت رغم محاولاتهه ابقى يمهه بس قاومت وطلعت

ولو عقلي مايستوعب كل كلمه منها رغم الگالته من زمان تگرره علیه، وتردده بس چنت اکذب على نفسي... اي ماچنت اريد اصدك لان مااتحمل صدمة فشل اختياري

نزلت مدرج الشقه حتى عمي ابو غايب راد يحاچيني بس مالي خلك أي بشر ركضت بسرعه اركبت سيارتي

الغضب والقهر دمرني شگد چنت منتظر ولادتها گلت بلكن تعقل الظاهر حتى مسؤلية بنتها متريد تتحملهه

صعدت كاره نفسي وكارهه لزمت الستيرن وضغطت عليه حيل حسيت بخنكه بصدري دمرتني ماعرف شنو اريد ضربت السيرن مره وحده الألم قوي لان أذيتها بضرب من چنت فوك ردت أبچي على گلبي على حظي الخلاني أحبها

باوعت يمي طبگت سيارة سايبة صغيرة نزلت منهه عائلة اب ملابسة بسيطة وام ملابسهه ابسط جبة وحجاب بسيط وشحاطة تعبانه نوعا ما انتبهت عليهه مالابسة ذهب ولا حلقة بيدهه يجوز ماعدهه حلقة وبايعتهه حال اغلب نساء العراق

اول مرة اركز بامرأة بهيچ شكل غضيت البصر عنهه استغفر ربي بس ضحكات الاطفال جذبت انتباهي وياهم اربع اطفال مبتسمين وفرحانين رغم بساطه ملابسهم وسيارتهم شوي التعبانه اطفالهم نزلو يضحگون بيدهم العاب بسيطه نفاخ و سيارة صغيرة العابهم بسيطة مو ثمينه ورغم هذا مقتنعين...

دعيتلهم بالحفظ والستر والرزق والعافية

فعلا القناعه كنز ميثمن بثمن اله أنااااصارت بطريقي هالاستغلالية بدون ما انتبه ولا احس عليهه

كل هالصرف الصرفته عليهه والدلال وتگلي بخيل

فعلا فرق چبيررررر بين بنت الاصول الشبعانه ررغم ما عدهه تكول الحمد لله

وبين بنت الفگر الماشبعانه شكد متخلي بحلگهة تكلك مجايبلي شي وميوگف شي بعينهه

رفعت راسي لكيت ميسم وامهه وبيدهه بنتي اباب العمارة نازلات ميسم لابسة نفس ملابسهه القصيرة وطالعه بيهه  شافتني بالسيارة كامت تسوي حركات استفزازية

اعصابي اشتعلت نار منهه ردت انزل اضربهه بنص المجمع بس فتحت الباب كوة لزمت نفسي  ماكو شي يستحق االوث ايدي بيهه هسة اروح للسيد واطلگهه وتصير غريبة عني وتتحمل اثم نفسهه

والمحامي يكمل باقي الاجرائات وترجع غريبة عني مثل ما چانت..

طلعت حرگتي بالسيرن لزمته وضربته بوحشية اريد افرغ الطاقة البداخلي هدأت شوي باوعت بالمراية ورتبت شعري التناثر بعد ان چنت مرتبه تخربط مثل ماتخربطت حياتي

جريت نفس وبرگان جواي يغلي هسه لازم اكون قوي ومامهتم جدام اهلي ولازم ابين انا جبل ومانهز من شي سبحان الله ردت اعاقب جدي على ضربك الراشدي بنص عمامي  تالي تعاقبت بنص حياتي

هاي اكبر عقوبة شفتهه بحياتي لان بنص هالعقوبة صارت طفلة لا حول ولا قوة الا باالله

طفله وةمالهه ذنب بشي غير سؤ اختيار ابوهه بلحضة غباء

تنهدت جريت نفس تنفست بشهيق عشر مرات وانا هسه غصب ماعليه اتحمل قراري

منو وشلون ميسم دخلت حياتي وستحوذت على عقلي وشلون صارت اليه حبيبة ماعادي يمهني الحيثيات صح دكيت رجل اله ازوجها تالي طلع حبها لعنه دمرني بس خلاص اتحمل غلطي

ليش ماتشوف شكد عوائل تريد حياتهم تخرب بس حكمة الاهل تحاول تجمع ماتفرق بحيث كل واحد صار يبحث عن كيف يسد الثغره حتى تستمر الحياة

طلعت من المجمع وصارت بنتي وامهه وبيبيتهه يمي..  نزلت شباك السيارة وحجيت بصوت عالي

_ديربااااالچ ااااي شي يصير على رررريماس ادفعگم الثمن غااالي ااااي شي يصير من الله عليهه راح ابليچ  بيه واكول صار من عبد الله جفو شري لان تعرفون مجتبى گول وفعل

ردت البيبية

ـ يا قابل شراح نسويلهه مطليعهه ويانه

ـ الجو ترأب وانتو ممهتمين للطفلة ف اااي شي حتى لو تصير بيهه نشله راح ادفعكم الثمن غااالي... 

رايح هسة اطلك بنتچ يم السيد وتستلم كل حقوقهه

هذا التهمته بالبخييل راح يتعامل باصلة وياهه وينطيهه كل حقوقهه بدون ما اسحلهه محاكم

بسسسس بنتي اااذااا صار شي عليهه اعتبرو نفسكم متهجولين بالشاررع ووابوگم راجع للسجن

عاطت ميسم

ـ شنوو وباباااااااا شعلييه

ـ هذا الررباچ ييبعد اابوچ شلون معليه هو مسؤل عنكمم حالياا لانچ بنته وبنتي يمكم يعني مسؤؤليين منه وتعرفين بييية وااصل ياميسم وواكدرر اسوي الميخطر على بال ااحد..

شخطت السيارة وعفتهم ومشيت سوق بسياره فكري كله يم وبنتي  بعد ماترهم كلمن يروح حال سبيله لن سدت كل طرق مافاد وياهة شي بس بنتي شلون

بالطريق اتصلت على المحامي وفهمته گلي اني ارتب الاجرائات وبسرعه

ردت اروح لاي سيد اطلك بس شفت نفسي اسوق بتجاه كربلا.. خلص يم سيد الاحرار هناك اطلگهه واتحرر منهه

بعد طريق ساعتين وصلت اهلي حاير شكول الهم

دخلت وسلمت گبل الغرفتي سبحت وطلعت للكيتهم حاطيعن عصرونية گاعدين صبولي ةاي وجريته يمي قدمتلي امي الكليجه والكعك وعمتي زينة خلت الجبن كدامي.. 

مالي نفس اكل شي اخذت ستكان الجاي وشربته..

عيوني عليهم حاير شكول الهم واحچي على طلباتهه لو على طعنهة الي لو على لعبهه بيه

سال جدي

_شلونهه مريتك وبنتك مشتاقيلهم

_زينين الحمد الله

ردت امي

ـ والله بس للطفلة مشتاقة الا امهه الا لايردهه

جاوب جدي

ـ على كيفچ ام مهدي ااذا الله غفور رحيم البشر مايغفر؟

ماعجبهه الحجي امي والتفتت عليه..

_خير ابني شبيك... ايدك شبيها مزلغه احچي يمع

بقيت ساكت ماعرف شحجيلهم ضميت ايدي بجيب البجامه

جدي گال

ـ صاير شي ااحچي اابني ليش ماجووي وياك بيهه شي الطفلة امهه

_ لا مابيهم شي..

ـ ةا شبيك بعد ليش وجهك ينطي الوان.. بيك شي انت..  صاير شي ولك احجيلي

ـ لاتخاف جدي مابية شي بس ميسم  بعد ماتريد تجي أختارت حياتهه هناك

_شنو مايجون وختارت حياته فهمني اكثر

ردت عمتي زينه

ـ وااضحه ياسيد صادق مرته بقت يم اهله ابغداد عيشة كربلا متلوك الهه

ـ اذا تريد تستقر ابغداد عادي يا ابني وگعت گلبي عبالي صاير شي

ردت زينة

ـ اي والله تسوي فضل ااصلا دخلت للبيت شبچت لحية بلحية شسوت شعملت بينة احنة وعقيلة المسكينة گل شوي ذابتلهه حةاية شكل علينه غير احنة ساكتات ومنحچي

کال جدي

ـ هسة مو وكت هالحجي الفات مات لاتضلين تهذين بي يابنتي

ـ شننسة سوالفهه هواي ومتنسي وكلهه بجفة وحبالتهه بچفة كدامكم مواته  ومتنحسه وومتكدر تاكل ووكدامنة تدبچ بالعشرة وانتو مصدكين بيهه

ردت امي

ـ والله بهاي انا اشهد صلوات چانت تاكل اكل مال عشر نفرات وتصيح الوحام موتني وتروح تخلي اصبعهه بحلكهه وتستفرغ وانتو مصدگين هاي ميثتب ابطنهه شي

ـ كافي يابوية شي صار وراح لاتفتحون دفاتر قديمة

ـ ليش يابة تسميهه دفاتر قديمة وحتى لو قديمة حجيهه يحفر بالكلب تسميني المطلكة العاكر وتعير عقيلة بمرضهه هي واولادهه شتريدنه ننسى..

والله يا مجتبى لاتزعل مني انت ابن اخوية واموت عليك وبنيتك قطعه منك واحبهه بس مرتك الله لا يسامحهه على الحجته والسوته ما اكدرر اغفرلهه السوته

جاوبت بهدوء

_ اعتذر منكم بالنيابة عنهه مسحوهه بوجهي

ـ لا ياجدي على شنو تعتذر سوالف نسوان هاي وعادي تصير بين البشر

ـ راح اخلصكم منهه لان متستحق تبقى بهالبيت

ردت امي

ـ اي المسعدة عدهه بيت وجاهز ابغداد الهه

ـ هي طلبت طلاق تكول بعد مااكدر اتأقلم وياك

الكل سكت بالبداية ماعرف مصدومين من الخبر لو ممصدكين راح يخلصون منهه

_لا ياابني شنو هالحجي ميفيد الطلاك بينكم ابنيه

_جدي هذا ختيارهه هي

_لااا ماكو ختيارهه شنو هالحجي چنك راضي وتريد اطلك

_هية اختارت هالطريق.حةيت وياهة ومافاد لو انفذ شروطهه لو تبقى مصرة على قرارهه وتنفيذ شروطها  من سابع المستحيلات

ردت امي

ـ ياشروط شتريد منك

_شني يابوية بيه شرروط انوب

_اي ياجدي تتشرط عليه

ردت عمة زينة

ـ وشنو شروطهه بللة

ـ تريد اسجل بيت بأسمه واجيبلهه سيارة وتبقى على راحته باللبس والطلعات والطبات لو تطلك

عمتي وامي ضحگن بس جدي بقى يباوعلي بخزرة عين جنة يأنبني بنضراته..

ـ البيت والسيارة مكدور عليهن بس اللبس شتقصد بي  تاخذ راحتهه

ـ تريد ترجع تلبس مثل مچانت بنية يم اهلهه

گال جدي

_وشنو چان لبسهاانه شفته

ردت امي

ـلا مشفت هنا چانت تشمر الطعم وهسه تريد تشلح وتصلخ

ردت عمة زينة

ـ اي يا ابن اخوية وشنو جان ردك

ـ انا مستحيل انفذ شرطهه

ردت امي..

ـ زين شنو سالفة البيت والسيارة

ردت عمة زينة

ـ طمع ترة واضحه

ـ مو بس طمع...  الغيرة والحقد على عقيلة عمة عيونهه وخلتهه انسانة ثانية

رد جدي

ـ ومنو كلهه عقيلة باسمهه املاك؟

ردت عمة زينة

ـ اكيد الحية ام راسين ام عامر..  وبعدين عقيلة دتاخذ سيارتهه واداوم طول فترة حمل ميسم واكيد هاي شافتهه وشاطت

ـ همم..  وانت يا ابني شرايك

ـ جزت نفسي منهه والرغبة انقتلت بية

ـ الضحية الوحيدة بينكم هي الطفلة والا انت تستحق هيج مرة

ام مهدي

ـ شفت من مشيت بشور راسك شسويت

ردت عمة زينة

ـ ميفيد اللوم بعد  الصار صار وبينهم طفلة...

زين الطفلة وين تبقى؟

ام مهدي

ـ اااكيد يمنةة تجيبهه خو متبقى يمهه وهي تريد ترجع لحياتهه

ـ بالنسبة الي مااريده ولا أطيقه كرهته ولعبت نفسي منهه

كال جدي

_ستهدئ بلرحمان يا ابني هذا زواج وعشرة ومودة ورحمه هي سترك وانت سترهه يجوز بساعه غضب كلتلك هيج

ـ صدكني ياجدي ماگو حل خابرت المحامي وگلتلة يخلص الاجرائات ردت اروح لسيد اطلگهه بس لگيت نفسي جاي لكربلا.. خلص هنا اطلگهه وادزلهه ورقتهه

رد جدي

ـ ان شاءلله اكو حل وانا اروح واتفاهم وياهم گلشي ولاطلك والبنيه مافكرت بيهه ادري انتو بس تفكرون براحتگم حررررام بويه حررررام

-الحرام استمر وياها ويا جدي اذا على ميسم  تتربة حالهه حال هواي ايتام ام ومشت بيهم الدنية ان شالله ماقصر وية بنتي ومتاكد منكم متقصرون وياهه

لان  امهه طماعة واستغلاليه  ميفيد امر وياهه

حجيتها ودنكت اعرف بروحي غلطت بهذا زواج

_يابوية مالومك بعد فات الفوت ماادري بيك جنت معمي  اروح وياك الهم واحاجيهم لاابد وتلين وترجع ادري بيك تحبه وروحك هسة نااار على بنتك

لاتخاف محلولة

ـ شلون تنحل

وهي حتى بنتهه تريد تبيعهه

الكل صرخ واستغرب من هالكلام

كالت امي

ـ شنو تبيعهه ووولك المن تبيعهه

ـ تگلي اذا تريد بنتك ورق وادفع فلوس والا بعد. متشوفهه

ردت عمة زينة

_ سبحانك ربي تنطي الجوز للماعندة سنون

شتريد بعد مو كعدت يم اهله وكل طلباتهه اوامر شنو تريد. بعد

كالت امي

ـ غيره من عقيلة حطت راسهه براس ام سيد علي والفرق بينهن فرق الثرا عن الثريا

_لاا يا ام مهدي البنت بنتنه و ان شاءلله ماكو طلاك اروح ونتفاهم وصير خيرر ميسم چنتنا عيب ننطي بيها ونحچي

_لاعمي هية من قبل لا تروح تغيرت انگلبت گلاب مو ذيج اول مرة اجت لاا لبس بيه خير ولاحتشام ولاسلوب كله ندغ

هية هاي رادتك شردت بيت اخوك وماكفاهة وهسة تشرط وتريد طلاك وبنته مافكرت بيه لو بس روحه

_يمةة ادري اني غلطان ادري اختياري غلط ادري عصيتكم ادري سكتت عن الحق ادري  بروحي مسوي هالامور كلهه

بس عبالي نهدت من جابت وخوش بنية صارت ماادري بيهة جاحدة وستغلاليه ماادري بيه حسودة ومنافقة

_لاا يابوية هسة تهدى وترجع عن قراره وانة وياك بشنو تريده اسوي

وانشاء الله ارتاح الااا طلاك باجر من صبح رايحين حضر روحك بثمانيه

كمت رحت الغرفتي وتمددت على چرباية  راسي راح طگ اتخيلها چدامي تمشي وتتمايل وضحگتها

شگد مااحبيتهه

من كلامه ووساخت حجيها نفرتها حتى لوتراجعت تبقى ام بنتي وبس

نمت مااحسيت  لصبح على دكة باب امي تصيح

_يله حبيبي  جدك يريدك

_صار يمه جاااي

گمت غسلت وبدلت ورحت الجدي لكتيه متحظرر

تريكت وكملنه طلعنا البغداد بلعشرة جدي يحاول يهدي بيه اول ماوصلنا رحنا شقتي دخلت ماگو احد رحت للغرفة كناتير  مفتحة ملابسه ماگو ولاملابس بنتي طلعت لجدي

_شووف جدي. ماخذه گلشي امشينا روحلهم قبل صلاة ظهر

رحنا شقتهم دگ بلباب فتح ابوها الباب شاف جدي رحب بيه ودخلنا

شوية واجت ام ميسم شايلة طفلة سلمت وكعدت كمت اخذته منهة وبوسته وانطيته لجدي هم باسه وخذته عفته بحضني

جدي سال على ميسم امه كالت هسة تجي

اجت ميسم وصدمتني بملابسه بطلون كابوي ضيق وبدي نص ردان ابيض وشعره المفتوح  وعطره تارس شقة خزرته وهية بنضرة تتحداني ترفعلي حاجب

سلمت على جدي

_هلاوو جدو شلونك

_هلاا بنتي زين انا الحمد الله  ماطول ربچ راضي عليه انة بخيرر

همست

_ترى أنت قصفتهاااا

ماهتم اليه رجع گال الها

_ شلونچ بنيتي أمورچ

ـ حفيدك يعرف شلوني

ـ لااااا مالچ علاقه انتي سولفيلي اريد اسمع منچ

ـ ياجدي شنو اني بالنسبة الك

ـ طالما دخلتي بيتنه زوجه لابني صرتي ام بنتنه ف انتي وحدة من عدنه

ـ يعني بنتكم؟

ـ طبعا بنتنه

ـ زين تقبل انظلم

ـ لا طبعا

ـ تقبل ينغبن حقي

ـ اكيد لا

ـ تقبل مجتبى يعامل مرة اخو احسن من زوجته

ـ حددي شلون

ـ كل كلامهه مطاع مجاب واني اذا ردت شي بطلوع الروح

ـ همين مفهمت شتقصدين كلام ام علي مطاع مجاب

ـ يعني ليش عقيلة گلشي عدهه بيوت املاك وسيارة ورصيد ومدري شنو واني كلشي ماعندي

ـ يا بنتي هاي فلوس زوجهه

ـ يعني بس مهدي عندة؟  ومجتبى گولشي ماكو زين مو هاي املاك سيد مهدي على اساس املاك ابو ليش مجتبى ماعندة

ـ ومنوو گلج ماعندي

ـ شفت جدوو شفت يعتررف عندة

ـ اسةت انت مجتبى خليني اانا احچي وياهه وافهم

اي بنتي گملي

ـ شنوووه  اكمل وين املاك مجتبى وليش ميقبل يخلي شي باسمي؟

ـ مجتبى حاله حال اخو بالاملاك بس الفرق ةبير بينهم الورث اتوزع على مهدي ومجتبى بالتساوي

بس الفرق مهدي طور شغلة ومشاريعه عكس مچتبى

ـ شتقصد جدو

ـ مجتبى طول السنين هذيج ياخذ فلوس ويسافر بكل مكان بالكرة الارضية تقريبا ماكو بلد مارايحله زوج

،  التفتت عليه تريد تستفهم هزيتلهه راسي يعني ااي صح

ـ ومن يسافر يابنتي خو مو ياخذ مليون ومليونين؟

هاي كلهه دفاتر مو الالفات

حضور ندوات للصيادلة على حسابة الشخصي باغلب دول اوربا واسيا وهالشي كلش مكلف بالاضافة لحب السفر هوايته

يعني من يسافر بالأضافة لمصاريف السفر اكيد لازم يحسب حساب مصاريفة الثانوية بالسوك والمولات والبضاعه وغيرهه سافر لاستراليا وسافر لامريكا الجنوبية راح لكندا حتى ندوات بجنوب افريقيا حضر طيب ياجدو هي الفلوس تبيض لو تولد لو تنشطر؟  راس المال يجيب راس مال اكبر هالتفكير عند مهدي لكن مجتبى ماعندة هيج نضرة مستقبليه ولا يفكر بمشاريع واذ فكر  يفكر بمشروع واحد او بزيادة مشروعين بينما مهدي يدخل مناقصات وين مچان ويطور شغلة

ـ مدفتهم شي جدو يعني مجتبى ماعندة فلوس؟

ـ من رحتو للفندق بكربلا شكد صرفتو تقريبا

ـ مادري

راس رديت..

ـ بقينة اكثر من اسبوع وية الاكل دلفري والشرب والمصاريف واشترينه حلقه من الذهب ابيض گل المصاريف  تقريبا صرفنه اربع ملايين ونص او خمسه

ـ شفتي بنتي هاي انتي بالعراق وداخل كربلا هالكد صرفتو زين حسبي من يسافر لاي دولة شكد يصرف باليوم الواحد

ماكلج مجتبى ماعندة فلوس..

لا عندة لان اخو بضهرة وهو يشغل فلوسه

ـ هاا يعني مهدي يشغل فلوس مجتبى مثل متوقعت

ـ اي يشغل فلوسي وينطينيي مياخذ اله مثل محچيتي

ضحك جدي وهز راسه عدل عوجيته ونضارته

ـ وچ جدو مهدي الوحيدد بعائلتنه الميتقرب على فلس احمر بالحرام

ـ مادري اني دخت

ردت ام ميسم

ـ يعني يا سيد ابو باقر من الاخير مچتبى ماعندة هيچ املاك وتقريبا فلوسة خلصانه

ـ الحمد لله العندة يكفي وزايد بس مو بثروة وامگانية سيد مهدي.. 

فيا بنتي لاتقارنين نفسچ بعقيلة

ـ هم..وليش عود هي بنت الملائكه واني بنت ابليس

ـ لا محشومه بنتي

بس هي زوجهه سيد مهدي انتي زوجچ سيد مجتبى

يا بنتي انتي بنيتنه وماانقبل أصير طلاك بينكم وانتو بيناتكم بنت وانة اعرف مجتبى وليدي مامقصرر وياج لامال ولادفاع

_جدو اني كلت الأريدة وهوة ميقبل

_وشنو ترديه بعد الاعرفه زوجتو على شروط وقبلتي بيهن وتعرفين مجتبى يسكن ويانه شنو التغير

_التغير اشوف الماتسوة صارت احسن مني واني لاااا

ليش مايصير مثل اخوه ويسجل الي بيت

_يابويه شحچينه من ساع؟

مو كلت كلمن حاله وبعدين انتي شعليج باخوه ومرته بنتي المقارنه تهجم بيوت عامرة لاتقارنين

ـ مستحيل اصدك مجتبة ماعندة امكانية يشتريلي بيت ويسجلة باسمي وهو يصرف صرف مصايرر

ـ هل گلتيها يصرف صرف مصاير وهو عندة ماكلت ماعندة وعندة قطعتين ارض همين

ـ ماكو داعي ياجدي تكشفلهم كل الاوراق

ـ قابل راح نحسدك يا مجتبى افندي

ـ ااحترمي نفسسچ مسيم ترة محترم وجود جدي وساكت عنچ لااا راشدي أخو البارحه

ـ كااااااافي يا ابني انا دحجي وياهه.. 

بنتي زوجج متفق وياج على كلشي من البداية من بينهن البس واحتشام انتي هذن

عبرتيهن وتردين تبقين هيج وفوگه يسجل بيت وسياة باسمج

ـ خلي يسجل باسمي واصيرلة مثل المي بالصينية

ـ يا بنتي منشتري سمج بالشط

ردت ام ميسم

ـ هو هذا لبسهه من البداية

ـ هسة اتزوجت يا ام ميسم وكلشي بالاتفاق صار بينهم وانتي يابنتي عندج بنت خليه تگبر بيناتكم لاتخلين الوسواس يخرب عيشتكم

_ماتنازل عن شرطي وهاي گدامه هذا لبسي وماغيرة

لو بيت بسمي لو اطلك

_ يابنتي مجتبى شاريچ بدليل اتحدة الكل علمودج سوة هواي اشياء الج ماوكفت بعينج؟ 

وبعدين يجي يوم من يشوفج سند اله بالشدايد وتحبيه  وتجاوزين وياه كل المصاعب

ذاك الوكت اكيد يسجلج كل املاكه مو بس بيت واحديعني مو الة تشرطين هيج شروط ومابيهه رجعهه لو تنفذ لو طلكني

واماا البسج يا بنتي لااا انا  مااقبل عليه احنة ناس يحكمنه دينة وعاداتنه وتقاليدنه وانتي قبلتي ماغشيناچ كلشي من البداية صار وحطيتو النقط على الحروف اارجعي بويه البيتج وبنتج ربيهة بينكم

_اعتذر جدو بس مارجع

_جدي عوفه هية رايدة الطلاك وطالما اانت هنا خليني اطلگهه وااخلص منهه

-والعلويه صغيرة مافكرتو بيها

_جدو يمي تبقى

_انتي رايدة طلاك وانتي تشرطين ومقتنعه مافاد لاجيتي عليچ ولاحجيي وياچ

ـ جيتك على عيني وراسي بس ما اتنازل عن شرطي

ـ وانت وليدي سيد مجتبى

ـ مارايدهه گتلك ياجدي مااااااريدها وياريت اطلگنه ليش تخليني اطلع اادور على سيد بهالضهاري

ابو ميسم

ـ سيد ابو باقر انت تعرف اطلگهم عادي مثل باقي السادة اليطلگون الناس

ـ هاي الغتره الخضره  مالبستهه اتناضر بيهه على الناس ولا اتشيم بيهه..  وهو منو العقدلهم بزواجهم غيري..  يعني اعرف اعقدلهم ما اعرف اطلگهم؟

ـ خلص..خلص لعد سيد طلگهم بنتي واعرفهه راسهه يابس

ـ مابيهه خط رجعه

ـ كلتلك بنتي واعرفهه مستحيل تتراجع

ـ هاي هي.. تعال سيد مجتبى اكعد وتعالي انتي..  وابو ميسم احتاج احد وياك شاهد لاطلاك

ـ ينفع اخوهه يشهد

ـ اي ينفع

كعد جدي وكعدنة يمة وكال كليشة الطلاق ورددتهه..

من خلصنه راح لغرفتهه وجدي كام من مكانه

وام ميسم تدعي عليه وتصيح

_الله لااات ينطيك ولچ كتلچ معقد دگليلي يمه عيونه ملونه طويل رياضي عنده جارجر انيق هذاااا شووفي طلع بنطلونه الكأبويه وقميصه الابيض هو المنتصررر

أبتسمت على دعاويها گلت الجدي

_يعني اذا لابس قميص أسود چان يعجب عمتي ههه

جدي ضايج وانا اگثر بس تعبت خاصه من حچي ام ميسم  وابو ميسم يسكتهه گوه عرمات

الشي الوحيد الكسرني بنتي ريماس

اخذتهه شميتهه وبوستهه ورجعتهه بيد بيبيتهه..

طلعنة من الشقة وراسا نزلنه للسيارة اخذت جدي رجعته لكربلا اغلب الطريق ساكت وجدي يحجي ويسولف بس انا مو وياه

بس فهمت هل جمله من جدي

ـ هاااا وليدي يبعد جدك السويته من قبل سنة لليوم غلط بغلط اذيت نفسك اكثر مما اذيتني وگتلك يبوي واگولها الك والغيرك(الياخذ غير شوو أهله مايفلح)

ـ فدوة جدي ماعندي حيل للوم والملامه

ـ انا اكثر واحد يعرف الملامة متفيد بس اريد اذكرك لاتاخذ قرار بوقت عصبية لان هالشي ماراح يضر شخص واحد فقط لا راح يمتدد الضرر لاكثر من شخص

ضل يسولف وانا سوق وصلنة كربلا والكل عرف طلكت ميسم  دخلت الغرفتي مگبل گاروك بنتي گلبي عاصرني عليهااا مشتاق الها

ألايام مرت صعبه عليه رغم وجود اخوي سيد مهدي خابرني المحامي حتى أگمل طلاق  المحگمه بضرف أسبوعين گمل گلشي وطلكتهه محكمه  المشاهدة لبنتي يحقلي مرتين بالشهر اشوفهه

بيوم المتجيب بنتي للمشاهدة اروح للشقة وادز ابو غايب يجيبلي بنتي من شقته ابو ميسم

اكعد وياهه واشوفهه وبيدي ملابس الهه وحبشكلات ومن اخلص ارجعهه بيد ابو غايب واطمن عليهه

بيومها دخلت الشقة واروح تقريبا مر شهرين على هالحال ميسم ماشفتهه طول هالوكت ولا يهمني امرهه گلبي انغسل منهه

دنزل الدرج وصارت كبالي ام ميسم.. اتجاهلتهه

وماهتميتلهه

ـشدعوه ياااااعمه  يعني حتى سلام ميهلك تسلم

ـ السلام لليستحقة مو لاي شخص

ـ على العموم احنة همين منريد سلامك

ـ يكون احسن...  عفتهه اريد انزل گلتلي

ـ جايين خطابة على ميسم

ـ هههههه ترة عدة المطلقة تلث اشهر وعشر ايام وبعدهه ماخلصت عدتهه

ـ ها تحسب لعدتهه انوب

ـ لا احسب ولا شي بس احسب على مشاهدات بنتي مو اكثر

ـ على طاري البنية..  منريدهه اخذوهه لأن ميسم ماتعرف حتى تحفظها وانا وابوها تعبنا نسهر ونشرب

فرحت وجاوبتها

ـااااممم..  اي يلة انطونياهه

ـ لا عيني انطينه رقم جدك نتفاهم وياه

ـ معليگم بجدي..عدگم شي احچو ويايه

ـ لا عيني لا انطينة رقم جدك انت وياك منوصل لحل مايطلع منگ ولااااا فلسسسس ووووهذا العدنة تريد بنتك انطينه رقم جدك وياريت بسرعه لان مستعجلين

عافتني وراحت

استغربت ليش تريد جدي ومصممه عليه

رجعت لكربلا سولفت لجدي وثاني يوم الصبح اخذته ورحنة لبغداد گعدنه بالشقة خابرت ابو ميسم وكال صح متقدمين ناس لميسم والبنية اخذوهه بس عدنه حچي وياكم

ـ اي طالما عدگم حچي ويانه انزلو لشقتنة انا وجدي موجودين

سمعت ام ميسم تصيح

ـ لاااا عيني شنو ننزل همة يجوون الشقتنة

رد جدي

ـ ولك جدي خلي نصعد الهم لخاطر العلوية بنتك گوووم ياااابويه العلويه فوووگ

ـ همست بحديه

_لااااااااااااااا ابقى مابيك حييل جدي هذول مو مال احترام ذول مال نعل

جاوبهم جدي

_ابو ميسم على  العموم  تريدنة احنة هسة بشقتنه منا لساعه نطلع...

توتر خاف مايجون وانا مشتاق البينتي مامر خمس دقايق وندگ باب بيتنه گمت فتحتهاخذت الطفلة من ايد ام ميسم وكعدت

كال جدي

ـ عذرونه ماعدنة احد يضيفكم

رد ابو ميسم

ـ معذور سيد معذور  أحنة همين ممطولين

ـ تفضلو كولو العدگم

ردت ميسم

_جدوو اني اريد اشوف حياتي انتو تتگفلون ببنتي

لان ماريدهه ومتحمل مسؤليتهااااا

نزلت مني دمعتي وغطيتهه صدك هسة حسيت بذنب چبير مينغفر ماعرفت اختار ام حقيقية لبنتي

جاوبتها بثقه

ـ اي ياريت انا ابوهه واعوضهه عن گلشي

جاوبت ميسم

ـ لا تفرح عيووني لاااااان گولشي وحسابه موووووو بلاشش

گتلها

ـ يعني صدك راح تبيعين بنتچ؟

رد جدي

ـ تبيعيهه؟دسگت وانا جدك لان ماااااا معقولة

گالت ميسم برفعه حاجب

ـ ااي أبيع وواريدهاااا بخمسة وعشرين مليون وتنازل عن ميسم ااااالكم اقصد عن العلويه هههاي

عفت البنية على تخم وهمت عليه گامت شرت بصبعي على وجهه

_انتي صدگ صلفة ومأعندچ ذرة أحساس وووووولچ تبيعين ضنااااااچ

گام جدي جرني كعدني وكال

_اهداء أهدئ خلينه ناخذ بنيتك  واطوي هاي صفحة الكشرة المامنها أمل

اباوع عليهه خلت رجل على رجل وترفع بشعره وتتبسم  وابوها وامها گاعدين ولاشارگو بس ابوها كال

_ترى هذاا الجيل موو مثل جيلنا صعب تحرزه وهية تعرف مصلحته وامهاااا كالت شي خاص بيه

بأوع عليه جدي بتأسف وضل يصفك بيده رفع راسه

وتوقعته يرفض لان المبلغ چبيرررر گام وستند على عوچيته وبحزن كلهة

_وانا حاضر أنا ادفعهن مايسون جدام عيون علويتنا

بأچر الفلوس يتحولن الچ حضريهه ناخذ بنيته

گالت ميسم

ـ لاااااا عيني جدو من تجيبون الفلوس اخذو ريماس

ـ هااااااااا يعني ماكو ثقة

بقت ساكته وماجاوبت

رفع التلفون جدي خابر على صديقة يحضرله هالمبلغ لان سيد مهدي مو بالشركه كلة دزهن حواله هسة عن طريق المكاتب خلال ساعتين تلاثة  اريدهن واصلات

راحو اهل ميسم لشقتهم يتتضرون الفلوس واخذووو ووياهم بنتي

خابرت المحامي وسولفتله شنوو الصار والموضوع

گالي

_اصبروووو راح احضر ورقة تضمن حقگم

ساعتين وصلت الحواله نزلت الشقه رحت استلمت الفلوس ورجعت للشقة لكيت المحامي يم جدي وبيدة الاوراق

خابرنه ابو ميسم ونزل هو وبنته ومرته وبيدهم الطفلة 

شلت بنتي واجت ام ميسم حضنته وباستهااا حييل بحيث الطفله بچت

كالت الجدو

" جيب جدوووو

بيدها جنط الطفله رجعت اخذته ودارت ضهره حاضنه البنية وتبوس بيه جت امه طتني جنطة ومسويه ممة

_هسة شبعانه من تبجي نطيها ممة واتلث نقاط من قطرات بيبي گون

ميسم الها قدره تغير وجهه استرها دمعت عيونها على ريماس من شافت الفلوس أتغيرر وجهه باستهن وراحت

وانا نزلت من الشقه تبعني جدي والمحامي الي وقع اهل ميسم على أوراق خاف يغدرون

رجعنا الكربلاء وية بنتي عافها جدي بحضنه وضل يمسد عليه من تبچي رجع نطاها  ممة ونامت بيده

وصلنه للبيت وتلگتني امي وعمتي وأخذوها مني وهنة يحضنن بيهة ويبوسن  عفتهم وصعدت لغرفتي  ضجت على بنتي تعيش بلاا أم

ضليت كاعد واسمع صوت بنتي تبچي وبصريخ

طلعت اشوف شبيهاااوالكى امي وعمتي حايرات بيه

شبيه تبجي هيج

ردت امي وتستغفر

_يمة الطفلة كلش مشگة ومطككه غسلناهة كامت تفرفح مبينه تتأخر يالة تتغسل والممة من كوة تاخذه

جاوبتها

_يمه اخذها للطبيب

_لاتخاف عليهة بعد عمتك هسة تهدئ روح ارتاح

تتعلم وتعيش هاي دنيا مو كلهه حلوة

عفتهم  مالي طاقة تحمل ولا ملامة بس كل ضوجتي وقهرتي على مود بنتي

مر يوم سمعت عقيلة البنيه تبچي وماتنام بليل

فتفقو نهار يمنه وبليل دزهة العقيلة داريه لن فرق مو جبير بينها وبين  درة بنتهم ثمن اشهر وبين بنتي اربع اشهر  الصبح ارد ارجع اخذه من عدهم وهكذا مشت الامور

ألگل عبالهم تعايشت ويا الوضع بعد مااطلگت من ميسم واخذت الخمسة وعشرين مليون

بس بعدني من أدخل غرفتي اذكرها ومااچذب على روحي اي  أحن الهاااا الشقاهة ودلعه وطوله وشعرها

وعيونه الماتفارك عقلي..

احيانا احسهه نغسلت من گلبي غسل واحيانا احسهه بعدهه متربعه

ردت اسافر بس الوضع وكرونا

ماكوو سفر  أباوع البنتي شكد اله شبه الامه العيون وساع وسود وشعر أسود حجري مثلها والوجه متفح وأبيض ياسبحان الخالق

نسخه امها ميسم

تعلقت بيها أكثر وحبيته البنتي  بيومها كعدنه نتغدة وكلنا مجموعين وجدي أبااوع عليه شلون مهتم بيها

گال....

_علويتنه الصغيرة حلوة بيضه گلش

ردت عليه جدتي بضحگه

_ البت على امه كلش مامضيعه شي

بس الخشم على ابوه  هاي تبوع شكد مايحب أمه طلعت البت عليه

دنكت ساكت أكل والعبها رد جدي عليه

_چااااااااااااانتي ماتعرفين السادة اذا أحبو الا يخلون بصمة تبقى  طول عمرهم

بهل فتره حقدت على ميسم رجعت صرت مااحس بيها ابد ولااا چني مزوج غيرت غرفتي وحتى الوون طگيته أبيض ساده بدل البيجي والصحراوي

نبدت حياتي نوع ماااا تستقر أشوف بنتي متعلقة گلش بعقيلة  مستغرب هالمرية شنو طبعهه

رغم ميسم اذتهه وهانتهه وعيرتهه بس ماحقدت ولا ضاجت

وانا رغم شگككت بيها هي دافعه ميسم بس هي أبد گلبها ابيض صارتلي أخت ونعم الاخت خاصه من أشوفها  تحب بنتي وبنتي متعلقة بيهه كلش ماصبت اذيت امهه عليهه

هالشي يخليني احترم واقدس عقيلة  بعض الناس يكرهون الاطفال مو لذنب بيهم لا لان همة اولاد ناس يكرهوهم واذوهم

بينما عقيلة وحتى عمتي زينة ابد مو هيج وهاي نعمة چبيرة من رب العالمين اليه الله يهيء عمه زينه وعقيله يحبون بنتي

بعد اشهر سمعت من ابو غايب على اساس ميسم انخطبت بمجرد ماخلصت العدة بعدهه ماصارت اربع اشهر على طلاقنه وانخطبت

ما اهتميت طالما بنتي يمي خلي تسوي التريدة

مرة الايام وخابرني صديقي حسين

ـ لك هلا والله بأبو علي

ـ شلون ابو ريماس شخبارك

ـ الحمد لله ماشي الحال انت شلونك الاهل العائلة

ـ كلنة بخير الحمد. لله.  كلي انت وين بغداد لو كربلا

ـ انا اليوم ابغداد باجر اروح ألكربلا

ـ ااي الله يبشرك بالخير..  الحكني يابعد اخوك

ـ سلامتك حسين خو مبيك شي

ـ والله مبية شي بس اخوك مضنووك بضنگه من هاي التعجبك

ـ أي داحچي شبيك

ـ ولك عزمت المرة واختهه على مطعم ودتفيك گدامهن وتالي محفضتي انباگت وراح الاول والتالي وطفر بالدخل الحرامي

ـ حييييل  ههههههههه لالا تالي تغسل مواعيين

ـ اتخيل ولك سيد مجتبى راح امسح الكياعين مو بس المواعين ههههههههه

ـ هههههههه جاايك خوية جايك انا اصيرلك فلووس

ـ الحگني يابعد اخوك ترة النسوان راح يخلصن اگل

ـ انطيني عنوانك انت وين

ـ بمطعم اغصان الزيتون

ـ يلة جايك مو بعيد عني فد عشر دقايق وتلگاني يمك بس مو تسوي سوالف العجايز  وتخليني اخطب اخت المره

_لاااا ماغيرك عجيز ولاااا مفگررر هيچ

_اااي عبالي مو الاهل گل يوم يشوفولي وحده واغلس لو اشرد

ـلااا حبيبي دتعال والله مينسي فضلك ابو ريماس

ـ عيب هالحجي انت اخوي..  سديتة واتجهت لاغصان الزيتون

دخلت وخابرت على حسين طلعلي وچلب بية

_ماااااا تطلع الا تگعد ويانا

_ماااگدرر ابد مستعجل

حاولت افلت منه ماقبل جرني من ايدي

دخلت لگيتهم گاعدين بالحديقة زوجته ووياهم بنية واولادةة رحنة وكعدنة ولگيتهم بعدهم ماطالبين شي

باوعت لصديقي عرفت هذا مقلب منه لا ضايعه فلوسة ولا شي يريدني اجي اشوف اخت زوجته سولاف

ما انگر البنية جدا حلوة سمرة وعيونهه گبار رشيقة محجبة وملابسهه گلش حلوة صح مو جبة لگن محتشمة ثوب طويل مكسي

كعدت وگل شويه أخززه وهنا بى السؤال تعارفنة وبينا سولفنه رطلبنة الاكل نزل گعدنة ناگل

ابن أخو صديقي حسين عمرة سنتين دفع المزهرية على عمه وكع الورد  ضحكت لميت الوردت حطيتهه على جهه سولاف  بلا قصد هي ابتسمتلي ضجن

رفعت راسي وشفت ميسم هي وامهه واكفة عينهه علية وكأنو مصدومه...

والله لو كانوا

يستحقون طيبة قلبك ما كان الله أبعدهم عنك يوماً

فـ أحيانا حتى القطار الصح ياخذنا لمحطة خطأ لا تبتأس لابد من أن الحياة أن تستمر

#يتبع

السلام عليكم((حتى تعرفون ليش ركزت بحياة سيد مهدي وعقيله اخر البارتات الجواب بهذا البارت اسالكم الدعاء لروح اختي سجى))

اَللّـهُمَّ اِنّي اَسْاَلُكَ خَيْرَ ما سَأَلَكَ مِنْهُ عِبادُكَ الصّالِحُونَ، وَاَعُوذُ بِكَ مِمَّا اسْتعاذَ مِنْهُ عِبادُكَ الْصّالِحُونَ.

سيد مهدي//

-اوگفي ام علي هنا راح انزل دقايق وارجع

دخلت البيته المتواضع نفس الريحه ريحة المسك وريحة الرطوبه

تمشيت للمگان الوصاني بي عبرت الديوانيه وصلت للگنتور اول مافتحته لگيت فايل بيه اوراق فتحته واشوف چيس اخذت اول ورقه مثل ماوصاني تفاجا گله جسمي اتخربط وانا افتح الورقه متفاجا قريت

اول سطر؟

عثرت على نفسي المخفية بين الرّسائل، ووجدت أني أهدأ بين تفاصيلها كأن العالم مُبعثر حولي.

فتحت الرساله ودموعي نزلت على كل كلمه من المكتوب داخلها سديتها الورقه لان هاي الها مگان اوديها

شفت ضرف ثاني مكتوب عليه  خصيصا لسيد مهدي فتحته بي رسالة مگتوب يجب أن تقراء بتمعن حاولت افتحها گلعا تردد اخذته عفتها بجيبي بعدين اقراه  لأن هي أليه يعني مو وصيه

گمت من المجر وعيوني ألغرفة سيد حامد للعمامته المرتبه بسله خوص الصورته هو والده من چانو بلحشد للحيطان الرطبه الي ياما أجيت هنا وتريگت وياه وسولفت

ماأبقى أگثررر لأن عقيله منتظرتني برى بساره

أخذت الاوراق اليى السيد عازلهم ومفاتيح البيت اسلمهن الصاحبنه ابو زهراء وهو هم صديق سيد حامد بلحوزه وأحد طلبة العلوم

دخلت بسياره عقيله گالت

_هاااا سيد ضايج

_لا حبيبتي ماگوو شي بس أگو امور لازم اسويها اليوم موو باچر

_تمام براحتگ شعدنه قابل بس گون نفس المناطق حتى مانضطر نعبر سيطرات

_انشاء الله

سقت السياره وصلت البيت ابو زهراء لكيت قطعه نعي  سوده مكتوب

(نعتذر عن استقبال المعزين التزام بوصايا المرجعيه)

ختنگت من کلشي حواليه صعدت السياره ومابين وضعي جدام عائلتي و بين الحزن البگلبي

حست بيه عقيله ولزمت ايدي

-يااااقرة العين ليش هيچ حاير

ـ الله واخيرا غاازلتيني

خجلت ونصيت راسي لاتخجلني مولاي تعرف بية من اخجل بعد اگوم اخربط بالحچي

ـ ههه لا مو اخجلج بس ممصدك..  عيديهه بداعتي

ـ مگدرت ارفع راسي واخلي عيني بعينة..رجعت سالته

_گوووول مولاي بيك شي

_ابتسمت..  اعرف عقيلة متعيد كلامهه خصوصا من تخجل بعد ترتبك..  لاااا غاليتي ماكووو

-اكيد انقهرت بسبب قطعه صديقك المتوفي..  شفتهة وتذكرته

ـ ليش هو انا نسيته ياعقيلة سيد حامد ميتعوض ولا ينسي ولا يتكرر

ـ الله يرحمه ويجعل قبرة روضة من رياض الجنة

ـ الله يرحمه يارب امين يارب العالمين

ـ لاتضل مقهور الله يخليك

ـ تدرين شنو المصبرني على فراق سيد حامد..  انو احنة كلنة على هالطريق..  اليوم باجر بعد سنة بعد خمسين سنة كلنة نمشي بهالدرب..  واتمنى انجمع وياه بجنة وحدة

ـ صديق الله يرحمه ينافسني على الجنة وياك

ـ لاااااا ياعقيلة ااكيد اتمنى انجمع وياچ ووية سيد حامد ووية كل الاحبهم بس حامد اله معزة بگلبي ماعرف اترجمهه على ارض الواقع.

ـ راح تلتهي بي وتعوفني هناااااااك

ـ مستحيل التهي عنچ باي شي بس مثل ماقرينة ودرسنة بالحوزة الجنة نعيش بيهه گ عوائل لكن بدون جنس وهالشي يخلي سكان الجنة عايشين بوئام وسلام وعائلة وحدة يعني كلنة نكعد وناكل من سفرة وحدة هناك

ـ تدري شكد احب كلامك خليتني ماخاف من الموت مثل مايوصفو النه بنگرة ضلمه وتخوف

ـ رحمة الله واسعه واكيد كل شخص يلاقي اعمالة هناك وان شالله نكون من اهل الجنة...

ـ اذا انت هيچ تفكر ليش مقهور على سيد حامد

-مو مسالة مقهور على صديقي.. ضايج على الناس المجاي يلتزمون بالتعليمات وماخذين الامور باستهزاء..

ديلعبون بالموت ومحد منهم حاس بشي الا القلة القليلة

ـ كلمن يحمل وزر نفسه

ـ مو اليحمل وزر نفسه راح يحمل اوزر واثم غيرة يعني بمكان ميتحاسب على اعماله يتحاسب على تسببة بقتل هالناس

الوفايات كثرررو بشكل جبيرر هسه احنا بسياره وحدنه ورغم هذا لابسين كمامات انتي والجهال لان هاي مسؤلية امام الله والاغلبية متهاونه بهالمسؤليه

-لاااا تضوج نفسك الله عليك شسويلهم قابل راح تغير تفكير هالناس من تضوج

- باوعت بعيونهه اللي بلون السما انتعشت رغم الحر الاحس عيونهه مثل نسمت ثلج بااارد مثلج ومجرش بيوم شديد الحرااارة..

جاوبتها

_. شلون اضوج وانتي يمي..  احبچ ام علاوي

ـ دنكت راسي خجلت من نضراته وانوب كلي احبچ

عاد سيد علي جاوب بمكاني

-وانااا همينه احبتم تلتم ( احبكم كلكم)

ضحكنا كلنة ولفت على شارعنه وصلنة البيت

رجعتهم للبيت ونزلت شربت مي ورحت للحمام وتوضيت وطلعت الدوامي،

گعدت بلاستشاريه حاولت اقراء الرساله مره ثانيه مااگدرت  لان وقت ماصار عندي الگوادر الطبيه اگو من بدى ينسحب واگو من اجى يطوع..بگل الاحوال لود علينه قوي

جنت اريد ارجع للبيت ودزت رساله عقيله عدنه خطار خوالي جايين وامي وياهم اخذت فواكه طازجه ومجففة همين تين وزبيب اخذت  واخذت معقمات

دخلت من الباب الخلفية سبحت وتعقمت و طلعت لخوالي سلمت عليهم وكعدنة شوي وضيفتهم عقيلة اقل من ساعتين وراحو

من راحو تمددت لان احس ضهري اتشنج وعلى هالوضعية نمت وغفيت تقريبا حسيت ساعه اثنعش ونص بالليل يعني ماضل شي على خفارتي تبدي بالوحدة...

شلت راسي من الفراش شفت  عقيله نايمه يمي وحاضنة ريماس ويم ريماس الدرة البيضاء نايمين وسيد علي نايم بفراشة

بست عقيلة وشميتها احس عطرها دخل ريئتي..

رجعت بوست البنات ورحت لسيد علي بستة من راسة

وصلت للباب ورديت رجعت

بست عقيلة من راسه بدون ماطلع صوت مااريدهة تفز لان تضوج من اطلع لشغلي 

ورديت رجعت بوست الجهال وطلعت..

دخلت للمستشفى والسديات تنقل المتوفين بکورونا هواي وفيات اجتنة هيچ اسمع الممرضين

انتهت خفارتي ورجعت ثاني يوم الصبح ساعه سبعة ونص دخلت للبيت ركض علية سيد علي بس اتهربت منه حتى احميه دخلت للحمام ومن تعقمت طلعت

اله اريد اخذه بحضني

تمددت اشوي تقريبا الضهر عقيله تريدني أبقى بس گتلها ام الساده اخلص شغلي ارجع

اخذت المفاتيح واوراق بيت سيد حامد متوجه الصديقه موجود الرقم بلورقه راسلت ابو جواد تواعدنة انطي اوراق البيت بين الحرمين لان سمعت اليوم راح يفتحون الحضره

فرحت  دخلت ازور ولساتي يلهج ((إلهي إني أدعوکَ دعاءً لا أُجيد ترتيب كلماتِه،

ولكن كُلي يقين بأنکَ تسمع ما يختلجه صدري،

وما يشتت صفاء ذهني

وانا متوجه داخل الحضره من بعيد  شفت أبو جواد بقى يصلي وانا هم صليت ركعتين وقريت زيارة اشرت بيدي اله بست التربه وطلعنة خارج الامام الحسين متجهين للامام للعباس عليه السلام وهناك سلمته الاوارق بچينة اثنينة نتذگر سيد حامدد

هدينه اشويه  بطريقنة للامام وسمعت احد يصيح باسمي

_سيد مهدي سيددددد

التفتت شفت خمس زلم بيهم الشباب بيهم الشياب اتقربو عليه واحد منهم گلي

_مووووو انت سيد مهدي صديق حامد الله يرحمه

_أي  اي انا

رأسن انكلبت وجوهم البيضة لحمرة واحنة هم كابلناهم وبجينة..

ـ انا اصير عمة لحامد الله يرحمه

ـ عمة؟  شلون عمة

ـ شني شلون عمة يابعد عمك انت ماتعرف صاحبك من عشيرة جبيرة

ـ طبعا اعرف بس بحياته ماگال عندي عمام الاعرفة ابو وحيد اهلة وامه وحيدة اهلهه

ـ يابعد عمك والوحيد اهله ماعندة عمام جدود ولاد عم ابو ولاد عم جدة

ـ مهما تكونون تحت اي مسمى ف اهلا وسهلا بيكم تفضلو

ـ عدنة امانة يمك مضمومه وجايين تردلنة الامانه

ـ صفنت من كلي امانه ومعروف عني كلش نحس بهالمواضيع واخاف من الامانه..  كول عمي شنو الامانه

ـ مفاتيح بيت حامد الله يرحمه ردهه النة ياوليدي

ـ بيت حامد؟

ـ اي اشبيك مستغرب

ـ بس البيت وقف وسلمت مفاتيحه

ـ كمز واحد من الشباب..

ـ شنووو ووووقف هذاا البيبت حقنااا النةة ااحنة نوورثةة اانت ووين كاعد تحجي

ـ ماگووووووو داعي للصياح الاوراق مثبتة عند الاوقاف البيت ووقف وهاي وصية شهيد ولازم تتنفذ

كلمنة مني ومن ابو جواد وكملة منهم صارت عركه كلش جبيرة

يعني اانتوو بحياتةة ماذكرتووو ولا مريتو علييه ولا عرفتوو ااصلا المسكيين مااچان يعرف واحد بيكم وكل تصورة هو مكطووع من شجرةة وتالي حك الاستشهدد تطلعون كرايبة من جوة الكااع وفوكاه اطالبون بوورثث منه والله عيب عليكم عيييب على شواربكم

هالكلام استفز الشباب وهمو علية واتضاربنه ودخلو الكيمين اصدقائي يفازعولنه صح بين الحرمين فارغ بس هالمشكلة سوت صدى طلعونه الكيمين خارج سور الحرمين

كالو لحرمه الاماميين ميصير تصير هنا مشاكل ومضارب ورغم هذا ما فاد وية اقارب سيد حامد وردو يريدون يتضاربون ف اتصلو الكيمين واصدقائي بالشرطه واجتي اخذتنة بالجملة قدمنه اوراقنه للشرطه وحجينالهم الصار وطلعنة ورقة الوقف واخذو الشرطه تعهد منهم بعدم التعرض النه...  فعلا(( الاقارب احيانا عقارب))

  كهدت شوي هدائت وغسلت وجهي بالمغاسل العمومية شفت وجهي شوي مكدم بكدمة حمرة

وافكر بعقيله وجهالي شلون اذا شافو الكدمه بوجهي ولو مو كدمه قوية بس لان بشرتي بيضة بينت لازم اضل لابس الكمامه حتى متشوفهه..

كل تفكيري كله يمهم  خايف عليهم من هالاوضاع وخايف عليهم من الاقارب بعد الشفته اليوم من اقارب سيد حامد غسلت ايدي من صلة الرحم حسبي الله ونعم الوكيل على هيج اقرباء

وصلت المستشفى وشفت الاصابات رهيبة اطفال وكبار وشباب رضع اشكال اكو شي رهيب هالمنضر ةلكل مختنق ويريد هوى اوكسجين صار الاوكسجين بالدم يشترو

شفت رجال جبير يشبه جدي من بعيد انخضيت رحت اركض عليه بس اتضح مو جدي اسعفته ودخلتة للردهه وخليتله الاوكسجين اطمنت غليه بخير وطلعت  على بالي اهلي وجدي خصوصا

طلعت التلفون وخابرت على جدي سلمت عليه وطمئنيت عليهم كلهم

يوم كامل  ماگدرت ارجع لان الاصابات كثرت وانا متحير بينهم وبين المرضى بقيت على اتصال بعقيلة وجدي وامي واخوي مجتبى مامنقطع  وطمأنهم

خابرت عقيلة اني جاي للبيت صار عدي مجال ساعة اشوفكم وارجع لان مشتاقلكم وكل تفكيري يمچ 

نزعت بدلة العمل وغسلت وعقمت واخذت احتياطاتي وطلعت وكت المغرب من باب المستشفى

واشوف مرة شايلة طفل عمرة بل خمس سنوات واتصيح وتبچي الحكولي وليدي مختنك لحكو يااهل الرحم

اباوع للطفل گوة يجر نفس بدون وعي مني اخذته من ايدهه وحضنته من ورة وخليت قبضة ايدي على بين الحجاب الحاجز والرئة وسويتلة والاسعافات الاولية والف الحمد لله والشكر طلع من حلكة كشر الجوز الچان مختنك بي  أشرتلها على سديه حتى تجيبهه التمو الممرضين حوالية خليتة على السدية وبديت افحص بيرغم طلع كشر الجوز الجان خانكه بس بعدة يجر النفس بصعوبة

صحت الممرض كتله بسرعه اخذي كبل للاوكسجين

امه كعدت تبچي وتصيح راح يروح مني مثل ابوه

دخلت وية الطفل وحطيتلة الاوكسجين وكملنا صفنت بوجهه مادري وين شايف هالصغير..

رغم هو يكح ويباوع عليه بنضرات كأنو يعرفني بس ميكدر يحجي عيونه ذبلانة من الخنگه الاختنگهه

عصرت ذاكرتي واتذكرته هالطفل شفته بالامام چان هو واخو يدارون اختهم الصغيرة واجة نطيتة حلويات وسولفتلة عن كرورونا شلون نحتاط منهه..

ابتسمت بوجهه وهو ابتسمت عيونه

مسحت على راسه وكلتلة

_ ها يا ابو الغيرة السبع والبطل شلونك هسة

هزلي براسة يعني زين

_يلة صير زين وكوم بالسلامه حتى اجيبلك هالمرة كيك مو بس جكليت..

نزلي براسة يعني اي..

ودعته وكلتلة اجيلك غير وقت ان شالله

طلعت وطمنت ام الولد وياهه بعد نسوان كلتلهم مابي شي لاتخافون بس يجهزون الاشعه ويشوفو خاف شوي متخدشة بلاعيمة من الكشرة

رحت غسلت وعقمت وبدلت كمامة لن الطفل من كح ترسني رذاذ وكله صار على وجهي وايدي واني لابس بس كمامة..

جنت اريد اطلع واجتي حاله كلش طارئة شاب واصل للموت فحصته واتضح بسبب مصران الاعور وضروري بنفس الوقت نسوي العملية والا ينفجر ونفقد الشاب

الممرضين اخذو الشاب يحضرو دخلت وياي زميلي عقمت ولبست ملابس العملية والكمامه ودخلت للعمليات استمرت العملية اكثر من تلث ساعات لان هواي عراقيل صارت و الشاب طلع من حلك الموت..

خلصنة العملية وصارت نص الليل ومنع تجوال وانا احس بروحي شوي تعبان مو مال اسوق سيارة كلت ابقى للصبح واروح

دخلت غرفتي وخابرت عقيلة لكيتهه دازتلي صور سيد علي وهو يوكل اخته وبنت عمة سريلاك لزمت الصور وبقيت ابوس بيهن  أشتاقيتلهم بكد رحمه الله

ردت اخابر عقيلة بس خفت نايمة

راسلتهه واتساب........

كعدت الصبح مابية حيل جسمي نار عضامي توجعني راسي يوجعني عندي ضيق تنفس بس مو قوي

اكيد من السبلت صخنت..

غسلت وجهي وطلبت جاي وحليب وشربته لبست بدلة العمل وطلعت اتفقد الطفل والشاب..

مريت على الطفل كالو حرارته كلش عاليه استغربت الاختناق ميسوي صخونه..

استفسرت من اهله وعرفت عم الطفل مصاب وميقبل يحجر روحه واضاهر الكل ملامس للعم...

بدون ترددت اخذت العنوان وشتكيت عليه وطلعو مفرزة طبية وعسكرية حتى يحجرون عم الطفل بشكل اجباري...

رحت للشاب لكيت حالته مستقرة الحمد لله واهله يتشكرون مني كلتلهم من بعيد ومن ورى قناع البدله

_ الشكر لله بفضل الله العملية نجحت...

رجعت للطفل و بقيت يمة الى ان سخونته شوي نزلت..

ماقبلت ارجع للبيت لان حسيت بروحي مصاب او على الاقل ملامس لان الطفل كح بوجهي..

خفت على اهل بيتي وحجرت روحي بالمشفى منهه احجز روحي هنا ومنهه اساعد المرضى

مارجعت للبيت وخابرت عقيلة سلمت وهي تسال

_اشوگت تجي

_ عندي هواي اصابات ماكدر اجي

ـ يعني بس انت بالمستشفى سيد مهدي الله يخليك

ـ تعرفين يا ام علي عدنة عجز جبير بالكادر شلون تريديني اترك الخدمة الالهية الانسانية واجي هذول المرضى يحتاجوني

ـ واحنة همين نحتاجك سيد مهدي

ـ غركت عيني بالدمعه ماكدر اكلهه يمكن اني ملامس..

اتنهدت وكلتلهه..

قارورتي اكو الاهم واكو المهم رغم انتو اهم شي بحياتي بس اني مامن عليگم بس المصابين الشياب والاطفال واكو عوائل كاملة محجوزة تحتاج اكل وشرب ولبس لازم نوفرلهم كل هالامور خطية

ـ حتى الاكل والشرب واللبس توفرو انتو

ـ اني وكم طبيب ومساعد طبيب وممرض.اهل الخير يتبرعون.. تعرفين اكو محجورين اهلهم عافوهم ميسالون عنهم احنة نصيرلهم اهل.. وهسة ذروة الاصابات منلحك حبيبتي..

عذريني ام علاوي ان شالله اعوضچ من تمر هالازمه على خير

ـ اهم شي صحتك ماريد تعوضني بشي اريد ترجعلي سالم

ـ احتاج دعائج ياحليلتي..

لاتخافين اذا طولت الغيبة كم يوم وارجع الله يحفظكم من هالمرض اللعين

ـ امين يارب   ...

بقيت افتر على المرضى ببدلة العمل  واادي واجبي

البدله ويه الاصابه اذتني بس. الوضع يطلب گوادر

الحد العصريه دوخه اجتني غلست وجهي و بقيت افتر على مرضى

وعقيلة كل شوي ترسلي صور الصغار تلاثتهم مم يلعبون ياكلون سيبحون نايمين بكل حالاتهم صح بعيد عنهم بس خلتني بالصور اعيش وياهم واتفاعل وية ضحكاتهم..

بالمستشفى شافني الطبيب عماد

ـ شبيك دكتور مهدي اشو وجهك اصفر دنزع القناع

ـوالله مادري ودي انزعه هو والبدله بس يمكن مصاب

ـ كول غيرهه شلون

ـ اذا صدك مصاب فبسبب الطفل الاجة البارحه للمستشفى عمة مصاب وميقبل يحجر روحه

ـ هذا الاشتكيت عليه وطلعو مفرزة يجيبو

ـ اي هو

- زين تعااال للاحتياط اسوي الك مسحه وجهك مصوفر وجاي تنهت

-ليش تعتقد صدك بية كارونا

-أن شالله لا

بس لازم نتأكد حتى نحجرك

-ياظالم  شبسرعه شووف نباهتك

-هههههه بعد للاحتياط وانت باجر هم خفرر ونطيك النتيجه..

ـ هو راح ابقي هالايام هنا ماريد اروح لاهلي..

اخذ مني مسحه وخلص وراح

وانة رحت اصلي ركعتين لله بسرعه رحت اصلي والشك اخذني اذا انصاب معناهه انحرم من جهالي

دخل طبيب عماد وانا بلاستشاريه ضايج

ـ لاتبقى ساكت احجي

-النتيجة ايجابية

ـ  يعني مصاب.. 

الحمد لله على كل حال

.....

عقيله

مو مثل كل مرة حياتي ويه سيد مهدي بهاي الاشهر من العزال نستني حتى نفسي حتى اهلي اروح الهم ساعة زمن وارجع ودي ماطلع من مملگتي وبيتي صرت مو عقيله الكئيبه

تغيرت 180 درجه صرت عقيله التضحك ويه ضحك زوجها واطفالها تضحك وتبتسم للهوى الطاير

صرت احب الحياة كد ماجنت متخوفه منها واكرهه

حتى بنت سيد مجتبى صارت مسؤليتي انا وسيد علي بحكم دره اكبر منها باشهر

وصرنة احلى عائلة بتلث اطفال وام واب

ام سيد مهدي ماتاركتني احس من صدك رب العالمين عوض صبري..

بهيج ناس واهل

صرت اتفنن بالاكل واجهز احلى اطعمه

مره جاي اسوي بيتزا لان سيد علي يحبها وخليتة يساعدني بالعجينة رغم لوص نفسة بالطحين وصار مثل اطفال التلفزيون من يساعدون امهاتهم ويلوصون بس ابد ماحرمت اكل ولا ذبيتة لان سيد علي نضيف رغم يشتغل بعبثية ولعب لكن ميوصخ الاكل

خبزناهه وكملناهه وراد يمها فنكر بتيته كتله

-لااا ماما اكل البيتزا وبعدين سويلكم الفنكر لان تعبت

-اليد بيتز وفندر(فنكر) اني اثوي

-ماما علاوي أكعد شتسوي وين تعرف تلزم سچينة

-دولي ثيد علي وادعد (واكعد)

- ههههه يابة سيد علي اكعد

-هيت ام حتوه انتي احبت(هيج انتي ام حلوه انتي احبج)

ـ لك اروح فدوة لهلسان عساني ما انحرم منكم يافرحتي

بهل اثناء دخلت عمتي ام سيد مهدي للمطبخ شافتني اشلون اركض منا ومنا حتى اسوي البيتزا  وسيد علي وياية

ووياهه سويت شوربة الحليب الدره ورموسة

اشوفه تتناوع والدمعه بعيونها  كعدت يمها اطبطب عليها وسالها ليش حزينه

-خير عمه سلامتح

-ماكو شي يمه بس نقهرت لان اذكرت اشلون جنت مثلج محتاره اركض منا ومنا اجهز الاكل او الزلاطه وخبز العروك اليحبوها

يرجعون من المدرسه ويتجادادلون بينهم منو يكتب اول واجب يغسلون ايدهم ومرات اجادل وياهم على غسل الايد حتى يتغدون واصيح على تدريسهم ووو هواي اشياء

بس بغمضت عين وبعد تعب وسهر اليالي والقرايه وتعليم كبرو بسرعه طارو مثل حمامه كلمن راح العشه

كعدت يمها اواسيها

-بس احنة يمچ ياعمة بيتنه وبيتچ بينهم حديقة

ـ مو مثل منكون بنفس البيت

ـ و سيد مجتبى ميكفي يكون يمچ

-لاااا وين هم دوام ومن يرجع يبقى يم بنته لو يطلع الاصدقائه..

تدرين صرت انتظر الجمعه حتى اسوي چاي العصر واكعد بلحديقه ويه سيد مهدي وسيد مجتبى لان سيد مهدي حلف مايدخل البيت بس الحديقه مخليه العائله كل جمعه تجهزه علمود اكعد وياهم حتى لو بس ساعه

تخلص الساعه وكلمن يرجع الحياته وتكعدين ضايحه وتكولين بعد مااطبخ ولا اكعد انتظر احد منهم ولا  راح يدخل سيد مهدي لو سيد مجتبى يردون احل واجباتهم لو شنو يشتهون اكل لو ميكدرون ينامون وحدهم الا اني يمهم

-صح صعبه بس هي هاي سنة الحياه ياعمة.. 

-اي صح سنة بس ياخاله العمر شبسرعه تعدى ومر وهمه

كبرو بسرعه حتى بلا مايگولون اليه چنت احتار شنو البسهم شنو اطبخ الهم،واصيح عليهم حتى ينامون من وكت واتعب لان سيد مهدي يحب التمن معجن وابيض وسيد مجتبى يحبه اصفر والحبايه مفرطه

-هاااا يعني هيج سيد علي طالع على سيد مهدي مايحب التمن الاصفر بس الابيض

-اي ويحبه كبس مو بزل

-زين عمه شنو مضوجج هسه

-ماكو شي بس شفتچ تقنعین سید علي ياكل البيتزا وبعدين يله تسوين اله فنگر ودگليله روح بعدين اجيك نصيحتي الچ بعد هذا العمر وانشاء الله مثل امچ انه من يكبر سيد علي ودره  راح تشتاقين الطفولتهم تشتاقين واحد منهم يجي ويكلچ ماما اريد افلان اكله

لا تتزمتين عليهم وعلى هوستهم اتمنى يرجع الوكت بيهومااخلي اي واحد منهم مااحضنه كل اشوي رغم چان كل وقتي الهم بس احس مشبعت من ريحتهم وهمه زغار لان الدوام ماخذ وقتي چانو طول الوقت يمي وماكعدت هواي وسولفت وياهم وهسه اتمنى ولو ساعه وحده ترجعلي الذاك الوقت

-شكد حنينه ياعمه ماتوقعتج هيچ

-اي حنينه بس الوحده من تصير ارمله اذا ماتقسي قلبها تنوكل وانه عن زغر ترملت بداية العشرينات ماستمتعت بحياتي كشابه عشت فقط ك أم تريد تربي ولدها ومتخليهم ناقصهم شي وسيد باقر ساعدني هوووواي وصار اليه الاب والسند

-الله يعوض صبرة والبيت هذا بيتچ واني الضيفة بي شوكت متريدين تعالي وابقي شكد ميعجبچ

-لا يابنتي اني اتعودت ع بيتي وغرفتي ومن علايمج بيناتنه حديقة بس تعرفين مرات المرة تحجي تفرغ بالجواهه

ـ الله يساعدچ حبيبتي عمة

ـ امين يارب كولي بشنو اساعدچ

-خلصت عمه وهسه السيد على جيه

- ليش وين راح

-ماادري  يمر للمستشفى لو ينطي مفاتيح البيت الصديق سيد حامد الله يرحمه

-الله يرحمه بس حاجي انتي كليله خل يخفف طلعاته لا ينعدي ذاك اليوم الله ستر وعدت

-شكد.احجي ياعمه ميفيد

- ربج هو الحافظ

،يله حاخذ الجهال انه وزينه اشوي نغير جو

-وين ترحن

-بيتنا قابل وين

-ههههه.. 

اخذت عمتي الجهال  وانا رحت أجهز نفسي السيد مهدي وانا بغرفتي سمعت صوت سيد مهدي وسمع صوت وياه طلعت اشرلي البس حجاب لبسته ودنبسته وتحنكت ولبست اجواريبي

طلعت شفت خاله ومرت خاله واولادهم ما شالله خير وبركه اني سامعه بيهم وشفتهم مره من جبت ابني سيد علي سلمت عليهم..تقربت عليه مرت خاله تباوسني

-وعليكم السلام قمر ورزانه ونزاكه وحشمه اشلونج

-اهلا وسهلا خاله زارتنا البركه

-البركه بوجودكم حبيبتي

-اروح خاله اجيب شي بارد نضيفكم

-لاااأ ابد جاين انسلم ونروح لان عدنا سفره التركيا وهناك بعد معانات حصلنه اقامه..

طريق السلامة ان شالله

سيد مهدي لهاهم بالسوالف

وانة رحت للمطبخ احضر الضيافه شوي وسمعت عمتي اجتي وعمة زينة وياهم ومجتبى

دقايق و سيد مهدي لحكني للمطبخ

واشوفه اشلون سحب الصينيه الكزاز من الكاونتر وانا على وكفتي لان متفاجاه كل يوم يفاجئني رجع  سحب كلنس مبلل  مخليته بعلبه الكلنس وبدا يمسح الصينيه بيها لان نظيفه بس للاحتياط هيچ یمسح

راح للثلاجه طلع عصير راني وکلاصات رتبهم الکلاصات ورتب صحن بسکت واخذ الضيافه وراح

اخذت بيدي كلاصات ماي جاهزه هم رتبتهم بسيت الصينيه الكزاز وطلعه ..

خالته راسن كالت

-ماشاء الله اشلون ترتيب وسرعه نيالك سيد مهدي على زوجتك فعلا يازين ماختاريت البسگت والعصير ترتيبهم ماشاء الله

ابتسم وكال الهم

-مو بس هية ترتيبها بلبيت ماكون منها اثنين...

اذا تحبون تشوفون اشلون نظافه

تلعثمت من حچيه لان غرفتنا اشوي هوسه لان على السريع طلعت حجابي من العلاگه ومسدیته وغرفة الجهال لان عمتي فوك راسي بدلت الجهال بسرعه ردت أاشرر اله بس هو سبقني وطلع

اشويه وكالت خالته

-يله عيني خلينه انشوف بيتكم اكيد سيد مهدي راح يجيب استنساخ اوراق خاله طلبهم

وكفت مترردده ودي امنع الصار والاول مره سيد مهدي يخليني موقف محرج كمت وخالته كامت ويايه افترينه الصاله وهي كل اشوي تكلي عاشت ايدج على التخم والكاعيه وفرشها وانه كل اشوي ودي اكلها الغرفه مالتي

ومالت الجهال هوسه بس مجرد ماوصلنه الغرفتنه شفتها قمة الترتيب وحتى متعطره تعطر تناوعتلي مبتسمه

-ماااشاء الله نظافه وذوق لبالك غرفة عروووس ولاااااا چن عندچ جهال اثنین

-اشگرچ خاله

وصلنه الغرفة الجهال سرير دره وسيد علي مرتب والكناتير مسدوده والالعاب ملمومه وكلشي مرتب على اخر حبايه وكلشي محطوط مكانه وهم نفس الحجي عادت مرت خاله دخل سيد مهدي مبتسم وبيده اوراق كال المرت خاله

-وين خالي هاي الاوراق جبتهم من السياره

ردت

-يااوراق ماشاء الله عيني الحاره بارده عليكم مين لكيت هيج مره اريد الابني حسن مثلها بعد ماراحت بنتي منتهى البيت وكع براسي

-والله ياخاله هي عقيله وحده مااعتقد اكو نسخه منها

ابتسمت مشت خالتها سيد مهدي مبتسم اجيت يمه اشاوره

.-والله راح گلبي كلت على هاي الهوسه راح تطلع تعيب وتقلد الله اشلون اجازيك

همس اليه

-اممم والله ياقارورتي الجزاء على قدر المشقه وانتي وفهمچ

ابتسمت دخلنه للصاله وبین حچي وسوالف گمت اجهز غدا اجت عمتي جايبه الجهال والتمو بيتنا ورحت اجهز اكل الهم طبخت برياني دجاج واشريب اصفر وتمن ابيض ومرك باميه

اجى سيد مهدي شافني تعبانه واكفه يم الطباخ جاي اسوي كاستر

كالي

-لااااا انطيني انا اسوي كلشي بس علميني

كعدت على الكرسي الكط الخضره ويمه علبة الشكر والكاستر وباكيت الحليب والجدريه خلا الجدريه على النار كتله

-من باكيت الحليب خلي أربعة اكلاصات حليب وبنفس الكلاص قيس شكر كلاص واحد وخاشوكة فانيليا سائل

وخوط

بدى يخوط ورجع كالي بابتسامه

-تدرين احبچ

-اي من زمااااان

-من شوكت قصدچ من زمان

-من چنتي تجيني وانه طالبه بلجامعه

-ههههه ماتنسين مووو

-لاااا اشلون انسى وانت اول حب عرفته حتى من قبل مااعرف شنو الحب

-اشلوون بهذا الحچي وعدنه خطار

واحنه نسولف اجى يفور الحليب هدر انار كتله

-يله سيد تلث خواشيك باودر كاستر اخلطنهن بنص كلاص حليب بارد فتح علبة الكاستر وخلط تلث خواشيك ويه نص كلاص حليب وخلاهم على الحليب الحار وبدى يقلب الى ان صار ثخين

دخلت عمتي ام مهدي وهو بعد يقلب بجدرية

كاستر الحظه استحيت من موقفه بلعكس كمل الكاستر وسحب صحون من الكاونتر وبدى يصب الكاستر بصحونه الخاصه ضحك وكال الامه

-يمه شفتي ابنچ مو بس شاطر بدراسته وطبیب حتی صرت شیف وام بیت معدله..‌

جاوبته بابتسامه

-اي وانت كلاص چایك چنت اله اخوطه انه یله تشرب

ضحك بصوت ناصي. شفتي يمة المرة كربت علية وشغلتني

ـ ههههه الله يسعدكم ماما

وگلي

-وين مبروش جوز الهند ازين صحن الكاستر

صبينا الاكل وهو  ويايه يشيل الصحون للميز الخاص بلاكل بصاله اعرف خاله وزوجته ونظراتهم رغم مو خبيثه بس متعجبين بسيد مهدي وانه اكثر منهم لان سيد مهدي كل يوم يفاجأني بشي جديد منه....الطبخ تعبني فد مره من كملنه ترتيب السفره جاي اروح اجيب الخبز اشرلي اروح وراه

دخلنه للغرفه هو سبقني طلع من الخانه الكنتور كلبيه گلي وهو يحيبها اليه

-غسلي وجهچ الحلو ولبسي هاااي احلى عليچ لان الون یبرز لون عیونچ

جاوبته بضحكه

-لاااا گول هااااي اعرض من الابسته

ابتسم باس راسي

-اروح اطلع الخبز واخذه للسفره وتعاي وراي من تگملین

طلع وسد الباب وكفت جدام المرايه اريد انزع الحجاب

وانتبههت ثوبي الوردي امتلف برتقالي وذكرت انچب علیه صبغ الوزينه من فتحت الچیس مالته وتلف ثوبي بدون ان انتبهه ومن عرك وجهي مسحته بيدي وشويه خدي تلف

تنهدت براحه لان ابد  ماااحسسني انه متوسخه ولا حسسني وجهي متلف وملابسي بلعكس طلع اليه ملابس يحسسني هنه احلى عليه من غيرهن...

غمضت عيني وانه ارقي واقرا المعوذات لان من صدك كل يوم وكل لحظه احسد نفسي عليه

مر گلشي بسلاسه وهدوء الى ان راحو الخطار رحت للمطبخ اغسل الصحون انظفهن من بواقي الاكل وهو يخليهن بغسالة الصحون..

.لملمنا الهوسه غسلت ايدي وهو هم غسل دخلت للغرفه  تبعني وراه سيد علي لان دره تعبت ونامت  

جاب النيفيا سيد مهدي وكلي

-مووو كتلچ وری گل غسل صحون لازم ترطيب الاكل

سيد علي مد ايده يساعد ابوه يحطولي نيفيا

كال

-اي ماما بابا يدول حطي دهن هواي وذا بابا ماتو(ماكو)

انا احط الايدج خوث(خوش)

ضحكنه الى ان شفته تعب لان رجع تعبان تمدد وانا وسيد علي نمنا يمه ايد حاضنتتي وايد حاضن سيد علي

غفينا فزيت ولاول مرة السيد يروح مااكعد وياه

وعرفت أنجازي الثاني  الاحسن هوو أختياري وتمسكي بسيد مهدي لان دائما يعظمني جدام الناس ويحطلي الف والف أعذر جملته اليكولها بعلو صوته

كانت تليق بي ، وأنا خلقت خصيصآ لأليق بها"

اجت عمتي يمي لان السيد خفاره باتت يمي الصبح راحت لان موعد نزوله خابر راح يجي  انتظرته مااااكوو الحد العصر دز رسالة مكدر يجي هسة لليل يجي

أنتظرت لليل بدلت لبست سيت ستن بيتي بجامه وقميصه ازرق لأ كلش يحبه السيد وعفت مكياج خفيف

وشسورت شعري ورتبته وكعدت انتظر ومفكرة اليوم افك قيود المستحى وراح اسوي كلشي يحبه وراح تعود ادلعه  لن ضالة بنفسه واني مايوم دلعت اسمه كله السيد

بس حايرة شكول اله سيد مهدمد للا مو حلو

لاا هوة مايريد اكول سيد..هااا راح اصيحله مثل مايصيح الي عقيلتي اني اگله مهددينااا...لاا بس خاف موحلو ومايحبه  ضلت صافنه وافكر وتعلم على الاسم دلع مهدينااا  انتبهت لساعة ...  للوحدة وهو ماكو مااجة

جهال ملوو من انتظار ونامو اتصل عليه ميجاوب

نص الليل يلة خابرني صوته تعباااان

_هايروحي اعتذر واعدتچ ومااجيت

_سيد شبيه صوتك اشو گوة تحجي

_لاا ماابيه شي بس هسة خلصت منوابة المرضى..  شلونج حبيبتي

_زينه اني مااطول انت زين وجهال زينين انتظروك ونامو

يعني هسة ماتجي

_لاا مااكدر اجي عدنه نقص بلاطباء

_صدگ مااتجي

_قارورتي عقيلتي لااضوجين بس يصير فراغ اجي

_لاا مااضجت بس انت هل مرة من رحت حتى مشفتك

وتعرف قارورتك ميغمض عينهه وانت ناطيهه وعد تجيهه

ـ اسف حبيبتي حالات طارئة اجتي للمستشفى وجان لازم ابقى

ـ يعني مابيهه امل تجي

ـ احس روحي تعبان مبية اسوق..  ستوني خلصت عملية شاب بعمر الورد وجانت عمليته كلش صعبة

ـ لا اذا مابيك حيل تسوق لاتجي ضل ارتاح

ـ نامي حبيبتي اعرف الصغار هدو حيلج

ـ بالعكس همة ونستي بالبيت من انت تعوفنة لوحدنة وخصوصا سيد علي كل سوالفة تذكرني بيك

ـ هههه سيد علي علية طالع ودرة عليج بالضبط ممبقية شي منج

،  بقة يغازلني بالتلفون واني ساكته لو اضحك الى ان غفة سودة عليه وما يدري بروحة بقيت اسمع انفاسة وابجي شكد تعبان بحيث نام بهالشكل .. 

متت خوف عليه لان احاجيه و گوة يحجي احسه تعبان وجاي ضغط على روحه شيقنعه مايروح بعد للمستشفى وهو حالته صعبه

كمت بدلت وغسلت وجهي

ولميت شعري وضفرته

رحت اتوضى واصلي بقيت ادعي اله بالي يمه لن صوته مامرتاحة من سمعت صوته مخنوك

ضليت اردد بهذا دعاء..

يا كاشف الهم يا مفرج الكرب، يا مجيب دعوة المضطرين اللهم ألبسه الصحة والعافية عاجلًا غير آجل، يا أرحم الراحمين، اللهم اشفه، اللهم اشفه، اللهم اشفه

ثاني يوم اتصل مايرد ادز مايجاوب وتالي خابر صوته متغير من گوة سلم

ثقرورتي مااكدرت ارد عليج لن مشغول 

هل يومين مااكدر اجي ويحاجيني صوته متغير يحجي شويه ويسكت ويرد كمل

_سيد ليش هيج من كوة تحجي گول بيك شي

_لاماكو شي بس جنت غافي من التعب انتي ديري بالج على روحج وعلى جهال صيري قوية انتي هسة ام واب اني هاي الايام ماگدر اجي تعرفين علينة ضغط ولود قوي

_ لاا اني راح انتضرك تجي تكدر حتى لوتاخذ زمنية

احس مامطمئنة عليك بيك شى

لاتضم عليه

_لاماگو شي اذا صار عدي مجال اجي بس راح اقفل جهازي التهي ويه مرضى المصابين هواي ويحتاج وقت وتفرغ يادوب الكه وكت للصلاة

ـ بقيت ابجي بسكته ممطمنه هو كمل كلامة وسلم علية

_الله وياك تحفظك امك الزهرة

لثاني يوم اتصل وماكو أيست  خابرت على جدي

كال راح اروح اله المستشفى لأ بارحة مااخابر عليه

انتضرت لليل اتصل بجدي مايرد شغل بالي اكثر

لساعة بثنعش

خابر جدي وبعد السلام 

_ ام علي سيد مابيه شي بس شوية صدره تعبان

_عليك الله كوول لاضم شي  ادري بسيد مايقبل تكول الي بس صدره تعبان من صوته شنو لگيته مريض

_مصاب بس اصابه خفيفة بعدهي بدايته لاتخافين

_لااتكوله تعال اخذني الة يمةة گلبي حسييت هوة مريض حسيت من صوته الينهت

صرت أبچي واناشغ. شگد صارله مصااب

_يمكن اربعة ايام

_اريد اجي اشوفه

_لااسيد مهدي مايقبل لو يدري کلت الج مايرضى ويضل يحجي

_اريد احاجي بداعت گل عزيز نار عليه

_راح اروح يمه اذا اكو مجال اخلي يحاجيج

قفل المبايل ضليت انوح وابجي سجدت ربي العالمين

"اللهم لا أسألك ردَّ القضاء، ولكن أسألك اللطف فيه"

يافاطم اغثيني سيد مهدي بامانتج

ورة شوية اجتني عمة زينه وام مهدي واصل الهن الخبر

دخلت وحضنتني عمة وتبجي

_عقيلة انتي فقيرة ومظلومة وكله جارت عليج وانة وحدة منهم أدعي لوليدي يكوم من هاي شدة

_بقت ابچي بحضنها واناشغ اخذتني عمة زينة كعدتني وشربتني مي گالت

_سيد مهدي درة بيج دريتي وضال يحجي على ابوي وعلى سيد  مجتبى وخابر مجتبى يكول سيد مهدي يرحن لعقيلة ويخابرن على امه  ادري بيه تنقهر

من سمعت هيج وهو مريض ويفكر بيه

فقدت أگثرر الطم على وجهي واصيح انه حسدت روحي انه اكول محد مثلي انة هسة ارتاحيت وعشت احلى ايامي تاليه سيد يتمرض وانه مويمه ولاا اداري

كمشتني عماتي وحضننيى ويبجن

اهدات واستغفرت ربي وكمت توضيت وفرشت مصليتي

اصلي واقرأة قران ودموعي صب على كتاب الله

خالقي العزيز ؛

كم آنستَني ولاطَفتَني

كم آويتَني وضمَمتَني

لم تنسَني حين غفِلتُ عنك

بل أنزلتَ رحمتَك ورأفَتك عليّ

ومسحتَ على قلبي المُظلِم بِنور قُدسِك

يا كثير الوفاء، يا عظيم الثناء..

تقبّل منّي العملَ القليل

أوَلستَ الكريم الجميل،

ذو العفوِ الكثير!

افضي حاجتي وشاف زوجي

اجت عمتي ام مهدي

_گااااااافي يمه وجهچ اصفر صار

ارتاحي وارجعي

هزت راسي الهن ب لاا.. طلعن يم جهال

ورة شوية ورن مبايل عايفته بصفي سيد مجتبى يتصل

صدقت وفتحت خط واجاني صوته يگح وكااال

_عقيلة اني زين

صحت

_ سيد اروحلك فدوة من عافيتي على عافيتك

_اسم الله عليج من كل مرض

يحاجيني ويناهد بنفسه ويگح ومن كوة يحجي

_سيد لااتعب روحك اريد اجيك أشوفك گلبي ناار عليك

_لاا عقيلة اني يومين وارجع للبيت صرت زين اطمني

_لااسيد عليك الله خليني اجي اشوفك واطمئن

روحي تلوب عليك

_عقيلة ااخاف عليج وعلى الجهال المستشفى كلة مصابين ابد لاتفكربن تجين

بعددت المبايل على صفحة مااكدرت احجي اختنكت بلبچي ورجعت احاچي لااا باجر جايتك بداعتي عندك اذاا عندي خاطر يمك خليني اجي

_حلفتني بعزيزة الروح

تعالي قارورتي

سيد عليك الله خليني اجي اشوفك واطمئن

روحي تلوب عليك

_عقيلة خاف عليج

بعددت المبايل على صفحة مااكدرت احجي اختنكت بلبچي ورجعت احاجي

_لااا باجر جايتك بداعتي عندك

_حلفتني بعزيزة الروح

راح ادزلج بدلة تلبسيهه قبل تدخلين ومن تطلعين وتوصلين للبيت غيري كل ملابسج

ـ اي اي صار بس خلي أجي اشوفك...

احاجي العلويه زينه حتى اجهز نفسي اروح اله..اجتني عمتي كعدت يمي تلوب جنت جاي اجهز ممه الدره عفته الممه على الميز وكعدت يمها

_گولي عمه شنووو صاير شو ضايجه

_مااااگووو شي

_عمه اعرف سيد مهدي يگلگم لا تخلون عقيله تعرف لان يخاف عليه ميخالف عمه بس ترضيها اربع أيام انه ماشايفته وانه حتى من اولد ابقى يمه عمه گلبي لاااايب اليه اريد اروح اله

_لااااا الساده يتمرضون سيد علي ودره وريماس ميصير تروحيين يابنتي اابنج عليل وبسرعه يتمرضض متخافين عليه اابقي

_الله يخليچ عمة لا توكفين سجينة خاصرة الي راح ينطيني بدلة البسهه وقبل لا ادخل البيت اعقم نفسي واغير هدومي يلة ادخل

صفنت عليه وگالت

_موو هوووو يگول الگورونا تاثرر. على الحوامل والماعدهن مناعه

_بس انه مووو حامل وعندي مناعه

ـ يامناعه وانتي راسا تتمرضين

ـ هم اروح

_اقصد يگول سيد علي بسرعه ينعدي

ـ مينعدي ان شالله فدوه عمه مشتاااقه اله

کعدت يم رجلها اتووسل

گومتني گالت

اوووف صار عمة صار  حضري نفسچ الفجر اجي اخذچ مااگدر أكسرر خاطرچ لأن ألگل شاف سيد مهدي بس أنتي

_منووو تقصدين ألگل

_اخخ يلساني

دخلت عمة زينة بهالكلام

ـ كليلهه يا ام مهدي لاتضمين عليهه حبيبتي عقيلة البارحه سيد مجتبى اخذ الجهال للسيد ومن بعيد شافهم السيد

_ووواگوول سيد علي مااايبچي على فراكه

_اي والله

ـ وليش ميريد يشوفني

ـ هاييي مين جبتيهه ميريد يشوووفج.. وج غير انتي ماعنددج منااعه من اااي مرض شنوو عقيلة نسيتي الطبيبة شحجت

ـ هذا الححي من جنت حامل بدرة اي ماجان عندي مناعه بس مو هسة.

ـ تشكين بفحص سيد مهدي؟

ـ شتقصدين عمة الله يخليج

ـ يا بنتي مهدي فحصچ ويكول ماعندج مناعه ابد اي شي يمرضج

ـ حتى لو يموتني..  اروح يعني ارروح

ردت عمة زينة

ـ خلص حبيبتي روحي واطمني على سيد مهدي بس ياريت متتقربين علا السيد انتو كلكم غالين علينة والله ميتين خوف عليكم

ردت ام مهدي

ـ لان اعزچ راح اخليج تروحين بس والله خايفين عليكم..  راح أجيچ بلضبط ورى صلاة الفجررر امرر عليچ عووفيلي الباب مفتوح لااااا تقفلي بالسركي

دنگت بست ايدهاا

_اشگررچ عمه فدوه الگلبج انووم الجهال وننطي المفتاح للعلويه ونروح

ردت عمة زينة

ـ انا اصلي الفجر واجي يمهم

ردت عمة ام مهدي

_اي هووو هيج احسن اخذي سياررتچ وصلينة بيهه..

ـ ان شاالله  متلهفة اشوف السيد اعد الثواني حتى يمشي الوكت

ـ  والله ياعمة گسررتي کلبي

يايمه ليش هيچ تبچين يابنتي

_مااأگدررر عمه أول مره يعوفني هيچ اول مره يجافيني هيچ تالي يطلع مريض ومايگلي وكلكم تشوفو الا انا ميقبل يشوفني غصة بكلبي ليش مووو انه مرته ومثل ماشالني أشيله

._يخاااف عليچ يالعوبة قابل كارهج

وعلى العموم لاتضلين تدوين هسه راح أخذچ وعتابه راح يتعبني بس لان اعيونچ راحت من البچي

_مااجازيچ عمه اشگرچ

نص ساعه اندك الباب طلعت عمتي رجعت بيدها سيد علي ودره گالت

_جابهم سيد مجتبى چان ماخذهم للحديقه اليمنة وفرفرهم شوي بسياره

اشرتلي ماابين السيد علي أعرف يروح الابوه

نصيت على سيد علي حتى أبوسه واشتم ريحة المعقمات بيه تنهدت مشتاقه السيد مهدي وشوفي اله تعبني

رحت حضرت عشى للجهال ولهفتي اله ماتنوصف راح اشوفه بعد اربع ايام افراق

نومت سيد علي ودره سوية بس درة غفت وسيد علي بقى گاعد

_هااااايمه اشوگت تنام

عيونه غورگت دمع وگالي

_,چاااان بابا بتولف اليه گل يوم عن الأمام المهدي يتولف شون لاااازم أحبه

_أنشاء الله هو وعدني يرجع ويشبعك سوالف

نصى راسه وتناوعلي

_زين انتي گل يوم صوتچ الحلوه تقرين اليه أية الگرسي شو ماقريتيهه

__أرجع حط راسك على المخده خليني اقراء الك سورة الگوثررر

صفن عليه ودار وجهه

_لاااا صعبه مااليد بابا يگول قصتها تقهر

صفنت عليه وليدي صايررر فاهم بقيت العب براسه

واقرا بترتييل اية الكرسي غفيت يمهم شوي فزيت على صوت نقالي گمت على کيف طلعت الغرفه رحت للنقال المتصل (جندي الامام)فرحت هذا سيد مهدي.

فتحت خط كعدت على التخم العب بضفيرتي

_السلام عليكم

_وعليگم السلام مولاي شنو ماشتاقيت اليه

_اه اه يا ام الساده مشتااااااق الچ الضفيرتچ من احلها بيدي وشعرچ يتموج ويتمرد مشتاق البحر عيونچ الازرق من يخليني أغرگ بيهن للعمق اشلونچ

_أنه بفراگك تعبانه

_ليش

_المشتاق مالة دوه اله بشوف الحبيب

__گملي

_ماگدر اوصف الشعور بس أکلك  غيابك هو غُربتي

_عقيله لااااا تحجين هيچ

اريدچ أقوى من کلشي لان انتي قويه تعلّمي من مَولاتي زَيِنب (عليها السَلآمُ)الصَبر والرِضا بِقَضاءِ اللّٰـه لان الصبر مَنْ مراكز الإيمان والحُب اللّٰـهِ

_سيد ليش تحچي هيچ بيك شي

_لاااا مابيه واصلا باچررر اجيچ الصبح الحمد لله تعافيت

_گووول والله

_من شوگت بينا قسم أحنا گلامنا مع بعض حجه وبرهان من شوکت تشگككين بكلامي

_مووو قصة اشگ بس مشتاقه الگ وانت الاول مره تجافيني

._حشى اجافيچ چنت خايف عليچ تشوفيني بهيچ وضع وانتي مناعتچ ضعيفة يعني مو بس تأذين روحج تأذين كل احبابج همين

ـ همست..  اي صح

ـ بس هسه الدكتور طمني وگال اطلع للبيت اذا بقى أوكسجينك هيچ

_أگيد مولاي

_أي ياتاج راسي أي تعبت سيد مجتبى ويايه خطيه ماعرف هيچ أخ اشلون اجازيه  أتمنى سيد علي يصير عنده أخ وعضيد مثل سيد مجتبى شگد مااتمرض شگد مااوگع الگى هوو اول الراگضين عليه

_الله يحفظگم ولا يحرمكم من بعض

_ ان شالله يارب..

هااااا منتظرين منچ أخ السيد علي واريد تربي مثل حنية سيد مجتبى عليه

_ انت التربي وياية سيد انشاء الله التريدة يصير بس أنت شتريد أگل من تطلع شنوو اجهز الك

_اريد تجهزين نفسچ اليه مثل عروووس أريدچ حوريه مثل گل يوم من اجي من الدوام

_أي مو تأمر وتدلل يصير الك مولاي يصرر بس سمعت گورونا تاثر على الرجل

رغم صوته ينهت وتعبان ضحك وجاوب

_هههههه تشگين بفعاليت الساده مووو مرتي صايره جريئه من اشوووگت

_من صرت حليلتگ

_اه ثم أه ياااااااااااحليلتي ثم حليلتي ثم حليلتي ثم حليلتي قد دخلتِ عروقي وانتهى الأمر الى عشق

_أو انت رفيقُ الأيّام سند وصاحب وجدارٌ أتكئُ عليه من بطشِ الدُنيا يا دنياي الصغيره المليانه امان

_حليلتي‏قلبي‌ مُرتبط‌ ممسك,مطوق بقلبگُ فَأنت‌ أشد أشيائي‌ قربٱ'وحبٱ'وعشقٱ

_بعد خليني أسمع صوتك

_أنشاء الله باچررر  اجيچ لان مجتبى يگلي صار ساعه أدور الگ علاج وانت تتغزل هههههه

_ هههه ماااشي حبيبي روح وانه هم اجهز نفسي الصلاة الليل وادعي ربي يطلع الفجر بسرعه حتى اشوفك

سديته منه وگلبي گله أمل حتى يجي طلع خوفي عليه بلاش وانه شکيت بحبيبي يچذب عليه

جهزت غرفتي وبخرتها شريت ملابسي چاننن بلغساله جهزت سيارتي خاف تجي عمتي اريد اسوي مفاجاه السيد مهدي انا اجيبه للبيت

بعدها رحت سبحت  غسلت غسول الزياره اريد  أزور مولاي اباعبد الله الحسين عليه السلام واقرا زيارة عاشوراء هل زياره الصارت ادمان اليه والسيد مهدي لان آخر أنفاس للحُسين عليه السلام جان يسطّر التاريخ النه بدمه

سمعت صوت سيد علي رحت رکض لگيته يهومش بلهوى خوفني قريت سورة الفاتحه سمعته يحچي

_اوودف(اوكف) بابا لا تلوح انااا احبك انا مليض(مريض)لااااا تلوووح بابا

شعلت الضوه گعدت يمه اقراء على راسه ردت أگعده بس الظاهر هو نايم وجاي يتحلم الى ان رجع نام گلش طفيت الضوه وطلعت

رحت الباب الحوش عفته مفتوحة ماقفلتهه حتى بس عمتي تسحب السيم وتدخل عليه وهمات باب الصاله ماقفلته لان تريد تجي بلا صوت وبلا مادگ الباب حتى الجهال مايگعدون

گملت کلشي توجهت للصلاة أقراء قران گملت چزئين صلية صلاة الليل گملت الشفع والوتر' سمعت صوت المؤذن يئذن الفجرر صليت ومن التعب بقيت على سجدتي اشگر رب العالمين الى أن شبه غفيت

وسمعت صوت البيبان انفتح گلت هاي عمتي بقيت على سجدتي بين غفوتي على التربه مااحس اله دفره اندفرت من السجاده انصدمت بلحايط الضربه اچت عدل بظهري

عقلي كلة اانشل بهاللحضة وجسمي اكثر تيبس لان شبه غافيه چنت حتى ماكدرت اتحرك يمكن من خوف او رعب او صدمة او الضربه القويه ماعرف

فتحت عيني اكيد هذا مجرم حرامي متربص الي ودخلي اليوم منو هذا الديدفرني بهالشكل اريد اصرخ بس خايفة على اطفالي اتكمكش بيدي خاف يروحون عليهم ياذوهم لو يتقلوهم  بعد جهاد وية نفسي فتحت عيوني

بس ماشفت شخص ملثم وخافي وجهه وبيدة سلاح مثل المجرمين مثل ماتصور اليه عقلي الي شفته

اشد الناس جرمٱ وحقد شفت   أم عامر لازمه بيده صونده زغيره هجمت علية و تضرب وادفر بيه من شافتني باوعتلهه صاحت بوجهي وتفتح عيونها

_اليووووووم يااااا عقيييييله اليووم أخذ ثاااري منچ ياااحقيييره اليوووم الله نصررني عليچ وعليييگم الييوم تحقق حلميييي وااخذ الله بثاااااااار ااابني الشااااب القتلة مهددددي

مفهمت شتحچي اريد بس أفگ جسمي منهااا تقربت سحلت الچادرر من راسسي  جردتني من الچادر الصلاة حتى تملش شعرري  على راحتها

الوجع من طکاتها القاسيه مو گد وجع وهي تسب سيد مهدي ما اگدر اصرخ يكفس صريخهه بالي يم الاطفال لا يفزون من النوم ويكعدون مخترعين

ابچي الوجع القوي وودموعي تكت بس أريد اعرف شنو شبيهه  اريد احچيي وياهه شردت منها اريد اختل بزوية الغرفه طگت رجليه طحت للگاع اجت لزمت شعر الهامه وسحلتني أيد لازمه شعر الهامه وايدها الثانيه  ضفيرتييي

جررتني  للطارمه على ضوة اضوية الطرمه واشوف الدم تارس ثوبي الوردي ترس

ترفس بطني وطگ راشدياااات گمت اريد ادفعهااا

_الله عليچ يااااظالمه لهنااا وگااافي اله أگل السيد مهددي جرت من الجزامه شحاطة السيد عاليه شمرتهااا اجت لخشمي طگ دم وتصييح

_ هههههههههههههه ووووولج ماااااات ماااات مهيدييي ماااات امهيييدي الله نصرني عليه ومااات

دنگت نزعت شحاطتها گل راشدي أطگني بشحاطتها مو بيدها بس أنا مستسلمه لأن مااستوعب حچيها وشماتتته ولا أريد أصدك الدگوله بس اريد اخطي أذاني حتى مااسمعها تصيح

_كللللوووش. مهيددددي مااااات

شهيدي يليقُ بك أن تكون ضوءاً لا ينطفئ.

فانت البطل الذي مات في الصفحة الأولى!

وانت المفكر،والفكرة

سيدي كان جميلا ، لكنه أصبح أكثر بهاء لا يضارع عندما ابتسم ورحل

ولو استطعت في لحظات الحياة الشاقة أن أخطف ومضة

و حسب من تلك الابتسامة لما عرفت للحزن معنى

بقلمي

#يتبع

السلام عليكم البارحه ردت انزل والبارت گامل بس خلل بلگابينه وتعطلت مانشرت حتى بلفيس علمود جماعة الواتباد لان تعليقاتهم وتفاعلهم يشجعون

.......

‏اللهم إني أستودعك قبور احبتنا من الضيق والظلمة

اللهم أنزل عليهم نوراً من نورك 🤍

اللهم أجعل قبورهم منيراً مضيئاً بارداً فسيحا

اللهم أرحم اخي وأغفرلهم برد تربتهم آنس وحشتهم وأجعل قبوره روضة من رياض جنتك يا أكرم الأكرمين وانعم عليه بفردوسك الأعلى يا الله

سمعت كلمة مات ووياهه ضحگه بس مامستوعبة التحچي لان دتضربني بدون رحمه وانه گاتمه صوتي أخاف على الصغار يفزون من النوم وسيد علي گلبة ضعيف ميتحمل الخرعه ولا الهبطه

الألم قوي واحچي بهمس

_أاااااشبيج عمة شنوو صاير شسامعه والله ممسوية شي والله ماجايبة سيرتچ ولاااا يمچ

دفرتني برجلهه وندفع ظهري يم باب الغرفة ماعرف شنو لازمه بيدهه وتضربني اخر ضربة حسيت ايدي مثل الحترگت مادري يمكن ايدي انگسرت لان مأگدرر احركهه ابد وحسيت بوجع مو طبيعي

صرخت وايدي على حلگي گمت اون من الوجع القوي والوب بروحي وهي بعدهه تضربني

تغلط وطگ

_حوووبتي حووبتي

اعطت بهداي

_ووچ گاااااااااااافي ياحاقدةة شتريدين منيي حرام علييچ شمسوويتلچ كاااااااافيي عوفينيي شساامعه اليووم بهالفجرية

تتناوع اليه من فوگ ليجوه وانا اللوب من الوجع وگالت بصوت لئيم

_ ووكعتي بييدي وگعتي ووولچ أااااااشگد صليت واندعييت ونذرت'حتى اعيشش هاللحضة السعيدةة أشکددددد انتضرتهه حسيت مو ايام سنين تمشي حسيتهه دهرر يمر عليه بس حشى ربي يگطع بيه استجاب اليه دعااائي ونذوري

_يااا نذرر روووحي من بيتي ررووحي

ردت إگوم بس هي مخلتني تتقرب عليه وانا ارجع ليوروى سحل طلعتني برة الغرفة وتقريبا وصلنة الهول وهي بعدهه تححچي بغل وحقد مدفهم شنو تريد وشاسمعه عني.

گالت بهداي

يـاااااغرراب البين أاااتسووين نفسج فااااهية ياااكح*

عباالچ ماعرف معدنچ الخايس ياانذللةةة ياااا گلبه

بس حيييل رررررررراااح الي يسندچ راااح وانگبررر الچاان مسوويلچ قيمة وفارضچ عليينة ومشيخچ مثل ملگة زماااانها راااح النااهب فلووسنه وخلاههن باسمچ وبحلكچ الوصصخ ااانتي وهذوول المعلولين المرضى بسس نهايتگم على اايدي اااااموتكم وترجع فلووسي أفلوووس ابوية وتعببببببة وشگاااااااااااااه فلووس وولدي ووولچ ااناااا تسوون بيه هيييچ انااا يجبرووني اعتذرر منگمم والله لا اشوفچ ايام اسوود من ضلمة الليل

_أششجااااي تحچييين الله فووك راااسچ شدگوولين

گمت حيل وهي تخوف عيونها لان گبار وفاتحتهن حييل خلتني رجع ليورة وهي تتقدم علية

أگدر أتجاوز عليه بس خايفة من حقدهه لا تاذي جهالي لان الحد الان ماأگدر أستوعب حچيهه شنو راح منو راح لاااالاااايارب ماريد اصدك حچيهه اكيد أم عامر جاية تقهرني هي مابيدهه شي غير تچذب علية وتقهرني

کتلها بأدب ولازمه أيدي اليسرى بايدي اليمنى

_ااارجعي عمه رجعي ألبيتج گافي مهززلة شتريدينن منيي متخافيين من مهدي والله اذا يشوفج هنا يكون يگلب الدنيا عليچ وعلى عمي أبو عاامرر

رفعت راسها تصفك بيدها وتضحك

ـ ههههههههههه منين راااااح يجي من تابوته لوو من النايلون الراح يغلفون بيه حتى مايعدي احد ههااااي

قربت ايدي على وجهه

ـ اااااااااااااااسم االله ليش تفااولينة على مولاي الهي بعدووينه موووتي بقهرچ گلتي مايصر عدنا خلفه ولا راح نشتم ريحة الجهال وربي فشلچ وهسه دگولين راح يمووت وهم ربي يفشلچ ويحفظه اليه وجهاله

_ههههااااي متأگده

_أي متأگده مثل مااهسه انتي واگفه يمه سستوووني حچيت وياااه بس انتي حااااااقدة گافي عااد حرام علييج عييب احتررمي عمررچ وهسه روحي لايجي ويشوفچ

ااحچي وياهة وامسح بخشمي وحلگي الينزفن دم ايدي اليمنه تون عليه ماگدر احركهه ابد والصواب بعده حار يعني خدر

_الله ياخذ جهالچ مثل مااخذه

خزرتها لان تدعي على جهالي مديت ايدي الصاحيه لان کلشي ولا دعاء البطر جاي أدفعها هجمت عليه جرتني من الجادر مالتي شكته من الطول للطول طلع شعري ضفيرتي دفعتني وگعت للگاع جرت الضفيره تسحلني بالكاع سحل

وانا لازمه شعري بتك ايد وابچي واتسحب عليهه

حسيت بهالضرب ماراح يخلص وينتهي بالضبط من چنت طفلة ومرة ابوية تضربني وتعذبني نعادت عليه نفس الوجع والمعانات لفت الضفيره على ايدها تسحلني بداخل الهول قربتني على الشباك ودفعت راسي بيدها الثانيه على جام الهول بقوه أنگسرت براسي وشك وجهي من الكصة بالعرض

الجام تكسر ووكع بس من سمعت صوت أبني سيد علي ودره وريماس يتصارخون فقدت گمت اصيح عليهه

_حاااقده عووووفي جهاااالي جاي أگوم اروح الهم جلبت بية ماخلتني اتحرك سحلتني للحديقة احس جسمي بعد ميگدر يقاوم

بس عيني من دم گصتي مااشوف وافگر وين عمتي ام مهدي وين العلوية زينه مو گالو يمرون ياخذوني ألسيد مهدي وينهن

اي سيد مهدي عايش من ساعات هو طمئني وگالي راح يجي وهو مايچذب عليه اي ماريد اااصدك ربي مارييد ااصدك كلام هالخبيثة اقاومهه بتك ايد وهي تضرب بية وتسحل دفعتها برجلي بقوه رغم گلشي قاومتها

بهالاثناء دخلت عمه زينه تصرخ وتصيح على ام عامر حسيتها المنقذ بهاي الحظه رگضت عليه عمه زينه تريد تخلصني من ايدهه بس رغم قصرها بيها قوه بحيث دفرت عمه زينه وماگدرت الها

صحت حيل والاول مره اعلي صوتي

ـ عمة زينه عووفييني وروحي للجهال ااختررعو من الصووت بس يتصارخون التفتت واشوف سيد علي واكف اباب الهول ووراه درة تخطي وتوكف وريماس تزحف خفت عليهم يروحون يم الجام المكسر ويتذبحون

بس سيد علي چان مخطوف لونه ولازم کلبه اضاهر وجهي يخوف من الدم راسا غطيت راسي بالجادر العندي حتى لا يركز بوجهي ورحتلة اركض وعمة زينه راحت تركض عليهم حضنتهم وتصرخ

_ووووچ ام عاااامرررر ياااااا ظاالمه يااااحقيره ولچ اشسووويتي بلبنيه

عمه سيد علي ولك يمه أگعدد امك مابيها شي جاااي يلعبون فتحت عيوني اريد اطمئن على سيد علي وجهه من البچي صااار ازرگ دره توکف وتوگع

دفعت ام عامر حيل رکضت على جههااالي گعدت للگاع احاچيهم والزم بيهم

_لاااا تخااافوون گعد نلعب ماما لاااااااااتخاف ماما علويه لحگيلي ماكددر امشي للغرفة الم ببطني قووي وجسمي متكسرر اخذي الجهال لغررفتي وانطي الدووة لسيد علي راح يرووح من ااايدي ووليدييي يمةة وووليدي صاار ااازرررك ييييييييييمةة اختنك

العلويه زينه گالت

لاااااااتخاافين هسة ااخذة ييمي بس اانتي شلون ااعوفچ وجهچ گله دم ياااعمه

عووووووفيني عووفيني واخذيهم للغرفة من هاااي المچلووبة خااف تاذيهم تلاثتهمم اانطيي الدوة للسيدد علييي لااتتااخريين عمه وليدي راح يروح لازم گلبه عمه استعجلي

اخذتهم وراحت تركض لغرفتي وقفلتهه ردت اگوم ماگدرت عرفت راح تجي تضربني مرة ثانية لازم أگوم اجيب الماسحه واطگها وانسى العيب حاولت أگوم بس سمعت صريخ اخوية من بعيد ممصدكة يمكن صرت اتخيل أريد التفت بس جسمي خاني ماكدر اتحرك

سمعت صريخ ام عامر وعياطهه وصوت ضرب گوة التفتت وشفت غفران لازمه ام عامررر وتفر بيها من حجابها المره صارت زرگه وتعيط ماتگدر چنها راح تموت

_ركض عليه اخوية مصدوم من شكلي متفاجئ يباوع عليه وعينة مفتوحة ومنصي نفسة يباوعلي من فوك لجوة

_ووولچ عقيييلة ليشش هلمجرمة سووت هيييييچ بييييچ

صافنه عليه اريد اعرف ليش اجى شنو صاير ماريد ااصدك حچي ام عامرر من تكول سيد مهدي ماااات

گتله

_خير خوية امي بيهه شي

ـ وووووچ ياا امي اانتي شصااير بيچ ياخويه

ـ معلييك بية سوالف نسوان بس فهمني شنو صاير جاييني وية الفجر شسامعين

ـ يعني شسامعين اقصد غير عليچ اجيينة وشوفي الله جابنة چان موتتج هالنذلة

رگزت بمنتظر اعيونه حمررر مبين باجي بعدني ما

سألتة عاط بصوت عالي على غفرران

-غفرررررران اانا زززلمة مااگدرر اامد ايدي على هاي المجرمه ووولچ يااا ام عامر لو عدگم ززلم خليي يطلعوولي الا اااجرم بيگم

ردت غفران تلهث

ـ ااخييتكم هنااا مااتحتاجوون ززلمة منهم اانا ااوفي انة اخت علاوي أطلع قضى والمضى اليوم

ـ اايدچ االجچ خييتي شووفيهه ااهل عقييلة منووو

مو بنتنةة التتنضررب ونسكتت والله لو ماعيب چان گتلتجج ودفنتجج هنااااااا بسيفوونه

رفعت راسي المنتظر مد ايده يگومني مگدرت امد ايدي ولا بية حيل اكوم لوجع بايدي وراسي وأذاني وكل جسمي بچيت مجرد ما رفعت ايدي

گتله

-وووين تاخذني وانا بلا ستر وشعجب اجيت البيتي

راح خطوات لغرفتي وطلعت عمة زينة چادر نضيف أسود جابه السيد اليه من أيران اعلگه دوم بغرفة المصلى اتناوع اشلون جابته ونطتة لاخوي

گلتلة

_هاااك خاله هذا اللگيتة وهو مدري شحچة وياهه

اخذ چادر الصلاة ولبسلياه غطي شعري ودموعه تنزل نزع شطفه چان لافها على رگبته مسح وجهي وگال

_صببرر يااا ام علي أرگبچ ينزفن

نصيت راسب وانا اكول شهالوجع طلعت هالكزازة بركبتي مسح وجهي ورفعني أگوم نجنيت خووف

صرخت...

__ووووووووين خووويه

ووين تااخذني سيد. مهدي يريد يجيني خابرني راح يجي للبييت مااگدر اطلع اله وياااه هوو معلمني ومايقبل

گالي وهو يسندني

ـ يدري يدري أنطيته خبر

ـ لالا انا ممخابرته لازم ااستاذن لااااخويه موو تعرف حرام اطلع دون اذنه

ثبتني بثنين اديه ونتر بحزن

-گااااااااافي عقيله كلتلچ يدريي

الاول مره يعلي صوته عليه لان هو ازغر مني

سحبت ايدي وگتله

-هوو شنو گااافي رجلي راح يجي و ام عااااامرر عوفوها خل تروح كل الغفران لاتضل تضربهه راح تموت وهيه لا يجي السيد وانه انه حسبح واضمد جروحي مااريده ينقهر ولا دگلوله على ام عااامرر اريده اريده يرتاح ينااام ويرتاح گلولة وگعت من الدرج هاااا لاااا گله زلگت بلمرمر مال الطارمه خوش

طلعت عمة زينة بيدهه ضرف چبير اعرف هالضرف مالت مستمسكاتنه وسندات البيع والشراء من سيد مهدي اليه

صاحت ام عامر

.-رااااح يگتلووني السااقطيين تگابلو عليية ولية مخاانييث غفيره الفگررر گتلتني وتضربنيي ووينكم ياا ولدي ااابو عامرر الحگني علويه زينه تعاااااااي

عللى وگفتي يم منتظر دخت اله شويه تناوعت للگاع الدم وصل للچادر النضيف بس الدم من گل مكان

مشاني منتظر خلاني بالسيارة عيني على غفران قست على ام عامر لازمتهه من حجابها تجرها حيل وتدفعها على الحايط بقت مدده بلگاع گلت غفران راح تعوفها بس راحت عل طبلة صاج حاطيهه بالحديقة

شالتها رفعتها وشمرتهه على ام عامر بقت واکفه جدامها اجت تعوفها بس تناوعت اليه رجعت تعض بيهه وتملخ نزعتهه حجابهه ووسحلتهه من شعرهه حسيت غفران حاقدة على ام عامر اكثر مني

حتى كرك الحديقة شالته وضلت تضرب بي على رجل وضهر وبطن ام عامر صاح منتظر على غفران

_خبله وچ كااااافي لاتفقدين بضربهه خاف تنحسب براسنة مرة

ـشو بعد بيه حيل روح ااخذ عقييلة للمستشفى ومعلييك بية اخيتك وتعرف تتصرف خليني عليهه

ـ بس لاتموتيها

_لاااا بس القصاص واجب ومااحب يسجل ذنب عليه ترضاهااا يسجل عليه عايفه واجب القصاص

_لااااا معوده مارضى

يحچون وعيونهم رايحه من البچي الوجع بجسمي وخلاني ساگته منتظر حرك السيارة وانا ساگته شبية ساگتة ليش ساگته مادري يمگن ماريد اصدك بگلامهم

أي حبيبي عايش بس ليش وشعجب انجمعو گلهم بهالوگت اگيد المصيبة چبيرة ماريد اصدك السمعتتة لا سيد مهدي عايش يجوز انتكس شوي وعبالهم مات وهيچ اجوي عليه ميعوفني السيد هو گلي ميعوفني

طلع منتظر السياره من البيت وبهل الحظه گلشي بهت بنظري الدنية وگلشي بردت وماعدت اهتم الشي حتى للألم البجسمي بس افگر بسيد مهدي.

وگف منتظر السياره يم سياره ثانيه اانتبهت هذا سيد سلمان گاعد بسيارته وينتضر غفران زين همه أصلا صار فتره مشاگل وهي مو بيته ليش منتظرها

سلم علينة اتناوعت باستغراب منتظر حچى ويه سيد سلمان گله

_سيد مااوصيك الجهال لاتعوفوهم مساگين وغفران تعرف دگتور سيد علي لازم يشوفه لان حتى حلگه صار أزرك

اسمعهم اشلون يحچون معقولة عقيلة حتى جهالي بردت مشاعري ناحيتهم ما سالت عنهم ماگلت الهم جيبوهم ويايه همس بکلبي يدعي بگلب محروك مهدي عايش اي عايش اكيد عايش ميعوفني مستحيل يعوفني

سديت الجام مااريد اسمع حچيهم گلشي بجسمي يوجعني وبگل برود گاعدة ماتحرگت حسيت بروحي صرت صنم ماگو اي روح بس نفس يصعد وينزل

تحرگت السياره وانه متوجيه على الجام غمضت عيوني وصوت سيد مهدي يهمس باذني

_قارورتي حليلتي

فتحت عيوني ادوره منتظر گالي

ـ اسم الله اسم الله خويه راح نوصل للمستشفى

كوة حجيت وطلعت الصوت......

_ اخذ.. ني لمـ.. ـهدي

ـ انتي صابرة محتسبة متدينة تامنين بقضاء الله وقدرة ميصير هيچ تجزعين

ـ اخ.. ذني لمهد.. ي

ـ مترهم اثنيكم بنفس المستشفى خاف تنصابين ياخيتي اخذچ لصديقي هو طبيب ويخيط جرحچ

كوة كدرت اتحرك مديت ايدي على باب السيارة اريد انزل راسا لزم ايدي

ـ وووولچ لااااااااتوگعين ااااااشلون تنزليين والسيارة جاااااااي تمشي

ـ اا.. خ... ذنيي

ـ صار صار بس اهدي هسة اخذچ لاحول ولاقوه الا باالله العلي العظيم

حسيت شي دافي نزل علية والم كلش قوي ببطني عصرني عصرر مگدرت ابقى گاعدة راسا حنيت ضهري وصرخت

_ اااه ااااه

انخبص منتظر بية مشى سريع ووصلنة المستشفى مد ايده حتى يگدر يشلني اشرت اله معنى أگدر أكوم

نزلت رجليه من السياره وگفت ولن الكشن كلة دم

استغربنة من هالدم بعد موگفت شالني الحظه خذلان دخل گلبي محد يشلني ولا يساعدني هيج اله سيد مهدي بحيث صارلي گلشي بحياتي ليش هسه منتظر هو المبتلي بيه

دخل للمستشفى وويصيح بحرگه

_ياناااااس لحگولي أاااااختي راح تموت الحگونة

اجوي الممرضين وجابولي سدية ودخلوني طوارئ وانا بلساني بس ذكر سيد مهدي همس

_اريد اشوف سيد مهدي اريد سيد مهدي

سالتني الطبيبة

_عيني انت حامل هزيتلهه راسي

_لا

كالت

_تحتاجين سونار وهذا النزف كانو حمل

درت وجهي منها وبقيت ممتمدده على السديه بدت تاخذ مني دم حتى تسوي تحاليل صاحت الممرضه وياها ضمدت جروح ألممرضه جارت أهلي ابتلت تفتر بيه بلگرسي المتحرك أخذتني للكسور طلعت الاشعه ايدي مكسورة الطبيب الازم الاشعه يتناوع اليه وللاشعه گأل

_رااااااح نفتح تحقيق منو معذبچ هيچ

بقيت ساكته ماجاوبته

راسا جاوبه منتظر وهو يدخل وبيده التحاليل

_أنا دگتور أگلك منو سوه هيچ بقى منتظر يسولف للطبيب گلشي صار

ورد الطبيب برفعت حاجب

_,لعد هيچ شخصيه قدمو عليها شكوى حتى تكسرون ضهرهه للسوت هيج

كل هالالم اتجاهلته ببالي شغلة وحدة بس اني ومهدي بنفس المستشفى

ضغطت على ايد منتظر من طلع الطبيب كوة همست

_اريد مهدي

ـ موو وكته يااخيتي مو وكته اانتي متفلششة بسبب مرةة عمة

عرفت مابي رجة حركت رجلي اريد انزل من السدية وراسا عاط بية

_ ابقي راح اشوف سيد مجتبى وين

اباوع من شباك المستشفى الفجر طلع.. وانا احب الفجر واتفائل بي دعيت يكون هالحچي جذذب ويطلع عايش مهدي ويجيني هسة يجيني ويدخل عليه وويحضني ويكلي ردت اختبر حبچ واشوف شسوين من يكلولچ مات ابچي وادعي من حركة گلب يارب ماعندي غيرة لاتحرمني منه يارب هو سندي من بعدك ربي انت القادر على احياء الموتى مثل مارجعت بنتي للحياة رجعلي سيد مهدي هو ااهم من اولادي ااهم مني ااخذ من صحتي وانطيي ربي ادعي بگلبي وابجي

راح اكثر من ثلث ساعه واجوي اثنينهم سيد مجتبى عيونة وارمة من ألبجي شافني وانهار دار وجهه وكل جسمه يغتض ماسمع شي بس نشغه مگتومه وصوته يغتض أگيد مقهور عليه ويبچي رجع أندار عليه منصي

گتله بوجع

_و.. ييـ.. ـن سـ... ـيـ.. د مهد... ي

ـ اهتمي بنفسج عقيلة انتي هسة الهم الام والاب

ـ ايدي لافيهه بسبب الكسر وراسي مخيطي والنزف من گل مگان گوه ضمدتني ألمممرضه وگفته بس گل هذا ماهتميلتة بس كلمه سيد مجتبى هدتلي حيلي واگدتلي كلامهم

_عظم الله أجرنا وگسرة عضدي ويميييني.

بدون وعيي گعدت على حيلي وصرخت بعالي صوتي

لاااااااااااااا سيددددددددد مهدددددي لااااااا مااماات شلوون ماات حچيييت ويااه ووگلي طاللع اليييوم شلون يييموت

حاولو يهدئوني بس ماقبلت سحبت أبرة المغذي من أيدي صارت عندي قوه مدري منين وكلتلة

_چذبون أريد اشوف الجثة

ـ ياجثة اام علي بي كورونه ياجثة تريدين تشوفيهه

تسحبت كوة وگمت حافية لان مالحگت البس شي برجلي ومن دخلت المستشفى حافيه

منتظر حاول يمنعني بس دفعته كلة سيد مجتبى عوفهه ميفيد بعد تلزمهه خلي ناخذهه يم امي هسة سگرهه استقر من سمعت الخبر سكرهه علك وكوة نزلناه

مستنده على الحايط ومشي مااريد سند ولا احد يسندني غير سيد مهدي أمشي وبچي رحنة للردهه البيهه عمتي لكيناهه ستوهه طالعه من الغرفه ووياهه جدي

شافتني وصرخت بصوت عالي يبووو راح سيد ياااعقيلة وانا كابلتهه بدموعي

ماگو أحساس يوصف أحساسي صح ايدي مكسورة ولافيهه بس من شوغه روحي ماحسيت باي شي غير صرخه ابوووعلي

ثواني وجابو سدية بيهه جثة لافيهه بنايلون اسود والممرضين لابسين نايلون أبيض من فوك اليجو ومغطيين السدية ميخلون احد يتقرب منهه شفت سيد مجتبى انهار أتوجى على الحايط ونزل اشوي اشوي للگاع يبچي ويباوع للجثة ويضرب راسه هذا سيد مهدي

نهارينة گل أحنه وگعت بالگاع گابلت عمتي الطم بحرگة گلب هواي نسوان بالمستشفى گابلونه گمنه نبجي ونلطم سوية هواي اطباء وطبيبات يبچون دم على سيد مهدي وشاركونه اللطم ســــيـد مـهـدي الة وزنه بين الناس مو شوية ومعروف بمساعدته للناس وطيبة گلبة هواي احترك گلبهم علية

وهالشي مابرد گلبي لا بالعكس زييد ناري لان الزين ميعيش

صرخت بصوت عالي

ااااااريد رررررجليي. ااررييدد اابوو بيبتي گوووووم اااابو علييي يحرگون گلبي بيگ گوووم مولاي الله يخليك ليش تگسرني وتعرف محد اليه غيرك

سميره وابويه راح يجون عليه وياهم رامي يگتلوني راح يمرمروني اني وجهالي أگعد هااا ماتحبني أگعد الخاطر جهالك أي جهاالك بعدهم صغااااااار ماشبعوووو منكك ترى گلت انت تخليهم أحسن شباااب يااخخيرررة الشبااااب

كووووم هذااا مو مكااانك سيدددد كوووم ليششش لافيي بناايلوون ااااسوود فتحوووو النايلون سيد مهدددي ماايذي أجد لا تخافون منه حتى بمرضة حتى مرضه غير گورونا مايعدددي احدددد والله

ولگم من چان عااايش مااذى بشررر من يموت ااايأذي ميااااذي سيددد مهددي تاليتك هيييچ يلفووووونك لاا ماااتقبل مووتك كوووم ليششش هيچ لافييه يجووز بعد بي روووح وانتووو خنگتوووه فتحووو الناايلوون الاسووووووود ييااااناااس

الناس الي بالمستشفى گلهه بجت مچان غايتي ابچي احد بس طلع من گلبي کلشي صح مجتبى منتظرر افتحوو النايلوون يمعوودين عااييش ليش هيج لااافي حتى الماااميت همين يمووت من الخنكةة وولكم سيد مهدي دخل بغيبوبة مااميت مااميت ووخروو خلوني اافتح النايلوون

جدي ومنتظر لازميني صاح مجتبى بالممرضين اخذو السدية وطلعو دفعتهم وطلعت اركض لافه الچادر ساتر نفسي خاف يطلع شعري ركضت وراهم ماعرف شنو دخل برجلي صرت اعرج بس ماهتميت گدرت الحگهم مترووحون بليااي رجليي واريدنة والله العظيم ياامجتبى اذا ترووح وتعوفني يكون اااحرك رووحي وذنبي برگبتك

وگف يبچي

ـ ووووووووين تجين اانتي حامل ودتنزفين

ـ مووووووو حاامل اانه موحامل هالنزف من الضرب هسة ينگطع

اتقربت علية الممرضه الاخذت دم مني وکالت

_أم علي انتي حامل والضرب اثر عليچ ومهددة بالاسقاط

شهكت بالبچي وكلتلة

_سيد هو ابووووو راح شسوي بي والمن جاي يفتح عينة وماعندة ااب راااح

جلبت بية عمتي تبچي

_هذااااااااا امانه سيد مهدي لا يوكع الطفل وتصير برگبتج ياعمة

امسح دموعي واحاچيهم

_ ماااااااااعوف ابو بيتي شسوي بالفرع اذا الاصل مااات

جلبت اباب السيارة مالت الاسعاف لزمني منتظر ويمة سيد مجتبى

ـ اانا اخذج ام علي بس عوفي سيارة الاسعاف لاتنصابين لخاطر جهالج

ـ كلمة شرف تاخذني للدفنة

ـ هذيچ سيارتي بيهه جدي امشي انت وامي نمشي ورة الجنازة

دنگت على رجلي بس عيوني متروسة دمع ماكدرت اشوف شبيهه كعد منتظر بالگاع وشاف قدمي كلهه مجروحه گال بضوجه

_وووچ ونابت بيهه بسمار بس نابت بالعرض مخترق اللحم همزين مو بالطول لو بالطول جان شل حركت٠

ومكدرت اتحرك مد ايدة وسحبه وشاغت روحي ركض جابلي من الطبيبة شاش وكطن ومعقم جابلي هواي كطن وشاش لفافين

اخذوني للسيارة لكييت جدي كاعد ومحني ضهرة ناطي ابرة ضغط ومعلك مغذي كعد يم رجلي اخوية ولف رجليناتي أثنينهن ونطاني شحاطته كلي انة هسة ارجع للبيت معليچ بية

كعدنة بالسيارة ونمشي ورى سيارة الاسعاف واحنة ساعه نلطم ساعه نصيح ساعه كاعدين وساگتين ساعه نبچي بصوت عالي مثل المخابيل نتصرف ماواعين على حالنه

وصلنة الامام ونزلت وياهم بس مادخلت لان ملابسي كلهه دم وكفت اناجي الامام علي عليه السلام وعيني للتابوت أگبال الحضره بقى مايصير يدخلوه بس اشوي طلع سيد مجتبى واخذو الجنازه واخذو گلبي

جار الزمان عليه مولاي ياامير المؤمنين

واشتدت نوائبهُ

بئسَ الزمان زمانٌ أعيش فيه فقد الحبيب

أبچي بحرگه كلب واشكيلة همي الثكيل اشكلية وحدتي العانيت منهه بطفولتي و نسيتهه على ايد سيد مهدي

اشكيلة خوفي من الناس اللي بوجود سيد مهدي ماحسيت بيهه بعد

اشكيلة هالايتام شلون اربيهم بدونة ليش ربي انا عانينت من اليتم وسيد مهدي عانة من اليتم وهسة دور اولادنه يعانون

امامي وسيدي ومولاي انا وجهالي بحمايتك امامي وسيدي ومولاي ماعرف سيد مهدي بشنو ناجاك ودعاك ورجعت الروح ببنتنه درة اتوسلك يالله بمقام خاتم الأنبياء محمد صل الله عليه واله عندك ومقام سيدتي الزهراء عليها السلام عندك تردلي سيد مهدي ويرجع لبيتة

اي طالبة المعجزة بس طلب المعجزة من الله سبحانه مو معجزة يالله تلاشي الكلام من وماعرف بعد بشنو ادعي ذگرت حبيبي الغائب الامام الحجه المنتظر

سيدي العابد..سيدي الزاهد ..سيدي المتهجد..

سيدي الوحيد..سيدي البعيد ..ياصاحب العمامة الخضراء ..يا حزين الزمان ..مولى المساكين ..

وحبيب المناجين .. ناصر المستضعفين.. ألبستني خطايا الجزع ثوب مذلةٍ انجدني مولاي

ماگملت دعاء لأن گملو صلاة وزياره ومشينة للمقبرة ألعائلة ممصدگة راح ادفن حبيبي ممصدگه راح يواري الثرى ماريد اصدك كل ثانية اكول هذا كابوس شوگت اكعد منه

كل ثانية اباوع على الجثة واكول راح هسه يگون ويردلي ويرجعلي

وصلنة للمقبره سيد مجتبى ولد عمه شايلين سيد مهدي واسمع صوت سيد أمير يصيح

_ياااااخويه يااااعامررر صويحبك أجااااك ماتحملت اله تاخذه وياااك ولگم أخذوووني وياگم سيد عااامر صويحبك عاش من الحادث بس عاش حتى يرجع الك وللگم موتوني وياگم

هواي صار يحچي هو وسيد مجتبى عن سيد عامر وحبه السيد مهدي خليتهم منشغلين تمشيت خطوه أروح للجثه ماقبلو صاح سيد مجتبى

_لهناااا ولااا تجيين

ماخلونه نتقرب اكثر بينة وبينهم اكثر من تلث امتار انا وجدي وعمتي وابن عمهم بس سيد مجتبى واگف يم تابوت سيد مهدي

انهارينة من شفناهم لزمو جثة سيد مهدي ويريدون يدخلو للقبر سيد مجتبى كعد على صفحة وصاح ياااخوية ياااعضيدي.. ياارفيجي گلي شلون اضل بلياك وك خوية ابوعلي ردتك انت توكف على جنازتي مو انه خوووووية راحت كلمه الخويه وضل يدڰ على راسه

مالتزمت بكلام الفرقة التدفن ورحت اركض وكلهم يركضون وراية

وووك سيدد كووم هذااا مو مكانك سيدد مهددي عليي يرييدك المن بعد يكوول بابا سيددد كوووم لاتخلييهم يدفنوووك دررة شلوون راح تتذكر وووجهك سيدددد مهديييي مااافكررت بجهاالك مااافكررت بيييه

سيدددد يمكن بعدة عايششش اافتحو هالنايلوون والله يمكن عايش حضنتني عمتي وضلت تصررخ ووج مات رجلج وضلت تلطم على وجه كابلته وكمنه نلطم وملخنا روحنا

اجى عليه جدي ويمة سيد مجتبى يبچون ومنهارين

كلولي مستحيل عايش لان رئته انتهت ونزفت دم لاتضلين تحجين هالحجي وتمردين گلوبنة

ـ مااكدر اااااصدك ميت مااكدر لاادفنوو لاااااا ولكمم عااايش سيدد كوووم كووم شووفهم انت عااايشش وووينك سيدددد اااتحررك كووم حجيت هواي وعاتبت اكثر بس السيد لاحس ولانفس ولاحركه

كطعت الامل من سيد مجتبى گال للدفان

_أووگف خليني أنزل أشوف ألحد خاف ضيك

ألدفان گاله

_ليش سيد وشلون تشوفه

_أنام بلحد واگدره لان أنا واخويه نفس الطول والجسم وخويه ماايحب المگان الضيك

أم سيد مهدي نهارت تصيح

_ولك وليدي سيد مجتبى أخووك نازك ماايحب يتلف يمه أشلون أدفنه والك

دخل سيد مجتبى حتى يقيس ألحد وانه أتناوع اشلون أتمدد بلحد بقى دقيقه وطلع گال الجدي

_قسته جدي على گدي جددديييي

يحچي ويبچي بدو يهلون التراب عليه

وجدي صررخ هااايا وليدي شمعت بيتي أشترتك شراية وهسة رحت مني بعد شسوي بدنيا ومهدي ماكو بيه اااخ ياگلبي معلم على دفن الاحبه

بقيت گاعده يم القبر واشوفهم يشمرون التراب يدفنو راحت روحي ايدي كلش ورمت لان مالتزمت صح توجعني بس لان لطمت يمكن اتحركت والعظم اتحرك الوجع صار مينحمل بس انا ساكته

راسي نزف مرة ثانية من الجرح لجمت الخياط لافين راسي بضماد نملى دم

همة يهلون تراب وانا اشيل بايدي الصاحية واشمر التراب على راسي واصرخ لاتدفنو خاف بعدة عايش لادفنو جهاله يردو درة تنام بحضنة وعلي الا يشم ريحته لا ادفنو

مافاد چانو اسرع مني انا جف يد وحدة تشيل التراب واثنين بالكرك يدفنو

خلصو دفن وراحو بقينة وحدنه تعبنة من البجي واللطم منريد نصدك مهدي اندفن منريد نصدك هالدنية مابيهه مهدي بعد منريد نصدك هذا قبر السيد

ابچي بحسرة والكل يبجي ويايه أنه وعمتي

رادو يروحون بس بقيت گاعدة بمگاني ماقبل اتحرك

كلشي بجسمي يوجعني بس الوجع لبروحي اكبر

صار محبوبي جوة التراب وبعد ميفيد الحجي ولا التوسل حتى يرجعلي

من اذا سيقول حليلتي

من اذا سيقول قارورتي وانا رأيتك مستلقياً لاتتحـرك

رئيتك تفرح للموت

نعم أنت ميت وانا في نظري ألعالم بما فيه توقف عن الحياة ،

توقف عن الگلام ونقطعت الاصوات والاضواء ،

گيف ذهبتَ وانت حبيبي

لم يتبقى منك سوى ذكرياتكَ ورائحتك

تركتَ لي كل شيء ألا روحك غادرتني

گتلهم

_روحو خلص اذا ميرجعلي انا اضل يمة ماروح ماعوفة

كال جدي

ـ وج جدي والله مابية حمل حزن اكثر كومي يابنتي خلي نرجع انتي حامل ومتفلشة ماضل بيج شي

ـ ابو بيتي وراح الرجال الحسيت وياه بالامان راح

شسوي بعد بالسكف خليني هنا كاعدة اكابلة

_گوومي

_بس خلوني أحاچي إريد أگله چنت دگول قارورتي لا تبچين دموعچ غاليه عليه ليش هوو اليوم بچاني بس أريده يحچي ليش يبچيني ويخوفني عليه هيچ‏

كلهم التمو عليه وماقبلو على كلامي...

أم مهدي گالت

_وانا شگووول أنا الأم الطلع من گلبي الصرت أشوفه بيت وخيمه اليه والاخوه من سوه حادث السياره ومات أبن عمه کالي الدگتور أذا ماگعت بعد ساعه يلحك أبن عمه

هجيت بين الحضرتين الشارع چان حار مو هيچ مرمر گعدت وگابلت أبو الفضل وگتله أحلفگ بخدر زينب أتعيش أبني هناك ارمله وهو ابوي واخوي ورجليوحبيبي وصاحبي گلهم بشخص واحد

بگربلا بچيتوبعز الصيف الحار گعدت بلگاع حافيه ومتربه يوم گامل شهگت الربي وعطت الناس بچت على بچيي حتى أيرانيات شبگني وبچن زوار وگفت بچت ويايه زوار گويتيات گابلني گوومني گتلهم ماادخل للحضره اله ينطيني أمرادي عيني للموبايل واخاف سيد مجتبى يگلي مات

وارجع أتصل على سيد مجتبى أسمع صوته يبچي على أخوه أثغب بصوت عالي وأگله هاااا يبوو راس الحارررر لاااا تموته نموت أنا واخوووه ووچ لو ادري أبقى طول عمري بشمس ولااااا أشوفه جثه وادفنه

ولگم هذا أبني وصاحبي هذااا الگلي أنا الرجال مگان أبوي ولگم ام ام أناااا أمه عسى متت ولا أشوف عزا

صحت

_اي عمه بس گووومووو مااروح هوو سندي بس هو

کال جدي

_يبوويه گومي

_أگووم وين اروح هاااااااااا انتو تعرفون شنو يعني هو الاماان لو بسس أتسمعوو بيي أول ما ماااااات اجتي ام عامر سوت السووته بييية تعرفوون شنو يعني سنددد عووفني هننااااا يمة اليوم ليلة الوحشةة وماريد اعووفة يستااحشش هنا بهالظلمةة عوفونني وجهالگم يمگم انسووني معليگم بية

رد جدي

ـ كسرتي ضهري بوليدي گومي يعني احنة مو بعينج يابنتي گوومي

رد مجتبى معصب بحزن ويعيط بيه

_وووچ گووووومي ام علي محد مثل گسري وانه أتناوع اله يجالع يمي وهو عضيدي واخوي الوحيد كووووومي هاااااي جزاتها عليه أم عامر استغلت الفرصة وسوت هيچ بس وداعت هالغالي الدفنته وداعت عضيدي ألکسرني اذا ما اخذ بثارگم مربع وخليهه تخيس بالحبس

عاطت ام مهدي

ـ ووولج عقييلة اانتي دتنززفيين عقييلة وج بنتي الكاع نتررست دمم

ـ باوعت جواية شفت التراب بيهه دم خجلت وبجيت..

صحت

_عوفوني اانزف بلكي اموت واندفن يم سيد مهدي عوفوني رحمه لاهلگم عووفوني والله الدنيا تخوف أنه خوووافه وهو اماني يمه يم سيد مهدي مااخاف

گال سيد مجتبى

_يمه راح افرش نايلون وارجع

ماقبلو يعوفوني فرش سيد مجتبى نايلون چبير بالكشن واجه گال

_يله أم علي گومي

شافني مگدرت مد ايده حتى الزم ردن قميصه مقبلت تقرب ييريد يسندني

بقيت ألوب بنفسي أشلون أگوم هو حس بيه مااقبل

گالي

ـ لعد اامشي واصعدي حتى اخذج لاقرب طبيبة هذاا ابن ااخووية واذا صار عليه شي بسببچ لااااا عبالچ أسکت والله وبااالله العلي العظيم ماراااااح ارحمچ ياعقيلة أجيتي گوه علينا يكفي دفنت عضيدي ماريد اادفن وولدة بسببچ

غطى وجه بختره خضره وتنگب بچيت مو حزن بچيت خايفه من عصبيته والخوف ترس وجهي

حس على نفسه کال بهدوء

_ انتي ام ومسؤله كدام الله وكدام سيد مهدي عن اابنه او بنته بس كليلي لو عايش مهدي يقبل هيج تسووين بضنااه تريدين تقتليين اببنچ اااابن الشهييد سيد مهددي

شهكت بالبچي وهزيت براسي يعني لا ما اقبل..

كلهم حجو ويايه و سندوني وكوموني ودعنة سيد مهدي وگلبي معصور ماريد اعوفة بتراب

رکبت السياره مشى كلش سريع السيد واخذنة لاقرب عيادة بالنجف دخلت واگلهم أنه مو حامل محد يصدك الى أن گعدت على السديه أخذتلي الدگتوره سونار گالت مبتسم

_حبيبتي أنتي حامل شهر ونص والطفل كلش نازل واحتاج ادوية ومثبتات ونوم على الضهر واگو شگ مو بس طفل

ماگملت لأن رن نقالها بقت تسولف وانه عيني الشاشة ألسونار أتناوع الأبني بقيت صافنة شلون ماحسيت بنفسي حامل راسا اتذكرت سيد مهدي من كلي لاتجين ميصير الحوامل يجين

أشلون عرف اني حامل شلون وليش ماگلي ما اتذكر بوكتهه انه محلله ابد أشلون عرف بيه حامل واحنا حتى ممراجعين طبيب

توجيت على السياره وگل عقلي بالي بعده عايش ولكاه موجود بلبيت وصلنه لبيتنه لكت اجت غفران تلكتني دخلت الحديقة أشلون هو معتني بيها وذكرت كل سوالفنه وصحت بصوت مخنوك

_ سيددد هاهية عفتنه البيت أظلم بلياك كعدت على رگبي أبچي بلا صوت اهمس للحديقه

_سيد اشوكت تجي تاخذني مو کلت راح اچيچ شعجب تچذب

كومتني غفران وحضنتني وتبجي أخذتني للحمام مثل ماغسلت الها بيوم استشهاد عباس هي هيچ هم تشمر ماي عليه وتقراء اية الكرسي کتلها

_غفوره ماامصدگة ماات گليلي مافگر بيه

شالت الچيس نايلون من ايدي بعد ما غسلت جسمي ولبستني ملابس أسود من گملتني انتبهت

گتلها بهدوء

_ غفران أنتي مثلهم مصدکه هو ميت گللليلي هاهية لبست اسود يعني ماات يعني بعد ماشوفه وج شفتي حضي عرفت صدگ اني فگر چسحت أمي چسحت جدي وهسة ابو بيتي روحيتي

_استغفر الله گولي يارب

_اريد اصلي الظهرر

_متاكده

_اي اي متاگده لان سيد مهدي چان يگلي من التهي ارضع دره

_گوومي عقيله نصلي سوه لان حبيبنا الحُسين لم يترك الصلاة في أصعب الأوقات فلنلتحق بصفوف العاشقين

توجهت للقبله حتى الصلاة هو چان يأمم بيه گملت

طلعت گعدت جوه رجليه غيرت الضماد وعقمت رجليه لبستني جواريب عدلت للفاف راسي لفت حجاب دنبسته ولبستني بوشيتي وعباتي

_ليش وين ماخذيني غفوره

_شبيچ حبيبتي أنتي مؤمنه

گادتني غفران اخوي منتظر واكف باب البيت

گالي

_البقيه بحياتچ

تناوعت بحقد الهاي الگلمه رجع گال

_ اخذج البيتنه وضعچ مايسمح ترحين للفاتحة

_شلون تقبله يااخوي وهو منتظرني بيت جده

ماايجي هناا

_وج خويه وحدي الله انتي حامل ومهددة بلاسقاط وايدچ مكسورة

_لااله الاالله مابيه شي اخذ علاجي واصير زينه اروح مااضل كاعدة ونايمه وسيد مهدي ماکو اروح شوف ليش تأخر

_استغفر الله امشي اروح

كادتني غفران للسيارة

رغم المسافه مو بعيده بس رکبت سياره ورحنه بيت الجد دخلنا جوة شلت البوشية بچيت أجت امي وحضنتني

_هاايمه ياعقيلة راح تجايتچ راح ابو بيتج راح ابوعلي

_يمه اريد سيد مهدي هم يگووولون مات بس اني اريدة

_صيري قويه يمه رجلج ماات وحضنتني وتبجي

شفت عمتي واكفه وتلطم ويه نسوان

وصيح وليدي ربيتك بدموع عيني ردتك انت تدفني موانة المشي بجنازتك وگ يمه جهالك ومريتك

ماافكرت بيهم مافکرت بمك المن بعد باقيه دفنت زينه الشباب

کعدت بلگاع مااريد اصرخ السيد عايش همه يبچون وحدهم الصريخ يطلع من گل وحده موجوده اله انه صرختي بگلبي ماطلعت بقت مسجونه بگلبي

گمت مااريد أبقى گضتني غفران وانه ومكابلة عمتي وتنوح گلب والده

جدة السيد لزمت ايدي لن دك على صدري ووننن

وناحت

هنا يالفاكده الويلاد هناا ريضي شويه تانيني

انه البين جاويني بأبني ووليده مهيدي

يالراحو الج شبان بلله هنانه عينيني

يالكلبج فاگد الشبان تعاي وچابلني

صرخت امي وبچت وصاحت أاخ يمه عليوي

ضلت تصرررخ وتبجي الگل يصرخ اله أنه ساگته أتناوع الهم وغصه قويه خانگتني

اجت عمتي وحضنتني وضلت تصرخ وتبجي

_عقيله ليششششش صافنه يمه اااخ ياعزيزنه

شباك الصاله البرده مرفوعه واشوف سيد مجتبى گاضيه ولد عمه ثنين وتشيرته اسود شاكة بنص ويتهدد ويصيح

_هاااااي المن جايه طللعوهاااااااا لااا أگتلهاااا ولگم جايه تريد تشمت

ألگل عنده ردت فعل اله انه ساگته حتى دمع ماگو

وصوتي وني بخنيك ونشغه اجر بيه مثل طفل ومضيع ابوه وامه يطلع مني گالت امي

_عقيله العلويه زينه تگول سيد علي راح ياخذو للمستشفى تخربط ردت أحچي بس همهم ماطلع صوت مني

گالت اليه

_بس لااااا ماتحچين ياااعقيلة ولج رااح صوتج

حاولت أنفي انو رجعت خرسه ردت أحچي أحرك اشفافي ماگو صوت أختفى

دگ تلفون أمي شالته وعيونها مفتوحه گالت

_منتظررر يمه متاکددد عزاااا

گالت الها غفران

_شگووو. ماما

_سيد سلمان گااااتل رعد وضاربه

.....

انا مانسيتك يوماً

أذكرك في دعائي دائماً

أتذكر جميع تفاصيلك

لايمكن لذكرى لك أن تتنحى عني جانباً لان کل ذگرياتك ترافقني دائماً

تبقى حولي

نت حيٌ في جميع تفاصيل يومي

فإذا ضحكت مررت واذا حزنت رأيتك بجانبي

أشتاقك أحن إليك لا يمكنني نسيانك

فأنت كنت الحياة لي السند والزوج و الرفيق الحبيب

فقدت من بعدك ألوان الحياة كلها

فقدت الافراح وضحكات القلب

وورثت في بعدك ألام وألام

وأحزان وأشواق

وحنيييين رحمك الله بعدد ماهزني الحنين لك

أنا ..فقدتك للأبد .هذا أقسى ماأكتبه وأبكيه

صباح الخير

....

،،اختلت موازين صبري أني احتاج الحسين ،،،

وصلنة السياره وهي تبجي وتشهك سدت الباب بقوة وانهزت السيارة كل اخوتي موجودين اشوف بعيونهم الحيرة مثل حالي

شي غريب على عائلتنة بعدنة ممستوعبين  وما اعتقد راح نستوعبة ملتمين داير السيارة خايفين من ردة فعلي وفعل مريم

مريم مدت راسها من السياره وتدعي بصوت عالي على ابوي واهلي وعليه

_الله ياخذگم الله ينتقم منگم خونه گل واحد بيگم يغدر بواحد من اه‍لي أنت أبو أرشد غدرت صديق العمر والجيش

وأنت رعد غدرت صديق الدراسه طالعه وحوبتي وحوبت اهلي وراگم

خليت سويج السيارة وشغلتهه ماعرف شلون اخذت السويج من ارشد

وشلون وصل لايدي رفعت راسي شفت ابوي واگف يم شباك السيارة ويصيح السيارات الجديدة بيهه عازل يعزل الصوت الخارجي

باوعت عليه وعلى خوفة من الفضحية واضحه بعيونه ياشر بايدة وبگل حرگه يسويهه اليه يعني يگلي نزل الشباك اريد احچي  وياك

بس بقيته بحيرته ومانفذت امرة رجعت بك بشگل جنوني ولزمت بريك قوي وعيني بعينة حاولو يوكفوني اخوتي

  لان خايفين احچي شي لاهل مريم

اعرف يعرفون بية مجنون وومن رجعت سريع يعرفون ما اشاقة وممكن ادعم السيارة والباب سوية اذا مافتحوهه...

تركتهم مامهتم وشخطت السيارة وحرگتهه طلعت من الگراج من  البيت ورديت شخطت السيارة ومشيت ما انكر  خايف من ردة فعل صديقي سلمان

خايف من اهله شلون يتقبلون الخبر زين اذا گلولي طلگهه أشلون أطلك وانا ماصدگت تصير على ذمتي

زين اذا سحب سلاح عليه وماتفهم الصار مين راح اجيب قوة واشرحله حالة نوار وشنو صار وياهم

زين شلون اشرح حاله اخوي.. لا اقصد اختي شلون اشرح حالتهه وهمة يعرفون اخوي خذاهه شلون ارگعهه(الچذبه) ربي شلون اطمطمهه شلون افهم...

بين تفگيري والتلفون ماسگت كل شوي احد من اهلي يرن عليه اعرف يريدوني ارجع وارجع مريم ويايه بس هذا حلمهم اخذت التلفون من جيبي  وطفيته شمرته يم الكير..

بعز ازمه تفگيري وراسي دايخ بهالمصيبة وماحس الا بصوت مريم تدعي عليه بس من هذا الدعاء الملبلب اليوصل لربنة عدل

_يارب أتموت تنگلب السياره بيك يارب تشرگ بماي يارب تنتل يارب تستشهد يارب تحترك يارب تنگتل يارب تنسحگ يارب تغرگ يارب تشوه يارب توگع واطيح من السطح وتتگسر يارب تعطس وتموت

درت أعليها گتلها

_ترى الموتى وحده اشلون رهمتي  هاي الدعوات

-تستاهل

خففت سرعه ومشيت على البطيئ خليهه تفرغ حرگتهه وبعدين اخذهه  مترهم تدخل لبيت اهلهه بهالشكل 

بقيت استمع الهه بدون ردة فعل مني ولا اي كلمه

نطيتها وقت حقهه والف حقهه الصار وياهه مو قليل شي يفوق العقل اذا احنة اهل الانة وممستوعبين الصار شلون هي

‏أتعلم ما يعني أن يحبك شخصاً يخشى وخز قد يصيب أصبعك

بينما هو متهشم للغاية ؟

امشي بالسيارة بالشوارع مارحت لاهلهه خلي تهداء الى ان حسيتهه تعبت من البچي والحچي والدعاء صوتهه مبحوح وتنهت اعرفهه من تنقهر صوتهه يروح شفتهه صارت كوة تحجي

-الله لااااا ينطيك يارعد...

ولا يخليك..

ليش گسرتوني هيج شمسويتلگم وخصوصا انت مرتين كسرتني ياظالم شسويتلك وهيج تجازيني

واذا باجر تلاگينه ادير  عيونيّ

عن وجهك واكلك غآليه عيوني

حاولت ابقى ساكت هي ادردم محملتني  ذنب كلشي صار والي جرى عليهة

جاوبتها بخيبهة وقهر

-مريم البيه مكفيني

-حقك أستاذ حقك

_أستاذ بعينچ

_طبعا تحچي وتتمندل بلحچي وگ أنت  الذنب تارسك ترس من ساسك لراسك

رگنت السياه ونداريت علبها

-ياريت لو اعرف شنو ذنبي

- وفوگاهه..لااااا انت عندك قابليه ولك بحياتي ماشفت احقرر منك

ـ گافي غلط مريم  يابنت الناس لاتصيرين انتي والزمن عليه

ـإأشلووووون قبلتهه تصيرر انت والزمن واهلللك واهلي وااختتك مدررري ااخووك عليييه شلوون قبلتهه ياا استاااذ رعدد

ـ استاذ بعينچ دگلچ

ـ شكدد مستفزز تتترررة مجاي اشاقة

- اووك گولي وأمري شتردين اسويلج وانا حاضر وتدللين

شفتهه مثل الختنكت او احترت مادري شبيهه رخت حجابهه وكامت تبلع ريگهه

-اريد ومنين منك لك انت واهلك دمرتوني شنو راح اكول الاهلي نوار طلع ابنيه وانه جذبت عليكم واخوه اتزوجني حتى مايقتلوني اهلي معقولة هيج بياا وجه ربي ااخذني سوويلك حاادث سووق سرييع وادخل جوة لووري ولا هالفضيحه

روح  ادخل بهالصبه موتنييي موتنييي وخلصنيي حاولت تفتح باب السيارة وتشمر روحهه بس الحمد لله جنت قافلهه من يمي

دخلت بفرع بي بيوت وهادئة وراسا طبكت السيارة جوة شجرة بيت جبير

طفيت السيارة وانتضرتهه تخلص صياحهه ودعاويها بس زادت وصارت تلطم وتملخ بروحهه حسيتهه مو بوعيهه راسا لزمت ايدهه حاولت تقاومني بس ثبتهه بايدي

- كليلييي شبييج شتريدينيي اسووي بعددد هذااا الكدرررت علييه يابنت النااس هذا گدرتي حتى اساعدچ

ـ وعود مقتنعع

ـ ماادري ماادري المهم انه خلصتج منة

-لاااا كول المهم ازوجتني ووخلصص تتصور راح اصيرلك زووجه والله لو تمووت لو تنصاغ ذهب بعد ماشووف بوجهك

ـ اامني ما اطلب هالشي منجج بس لاتصيحين

ـ خاايف تنفضح وماخاايف علييه من الفضيحه

ـ ووولچ شلوون ماخاف عليچ مممممن الفضييحه وچ بياعقل تفگريين انتي

شالت ایدها وبدت اطک بچتفي وتغلط

ـاحقر ماخلق ربي وووگ اكرهك متعقده منك منقرفه لعبانه نفسسي  الله ياخذك االله ياخذك الله یاخذك

سكتت عنها رغم اذتني تلوم بيه وانا ودي اخذها الحضني ودي اگلها مشتاق الچ وممصدك صرتي مرتي

ممصدگ حتى لو مو وقته وبس بالااسم واعرف تصرفي خلاها متفاجأه من ردت فعلي بس شسوي هذا الكدرت عليه وية اب ظالم

دفعت ايدها لان لحت هواايه حسيتهه ترجف ماعرف يمكن  تعصبت زاید صارت ترجف وتگمش علی نفسها

فتحت باب السيارة وصارت تجر الهوى جر مثل مختگه خفت عليهه احسهه مو طبيعيه

حاچیتهاا

-ااااشبيچ مريم بيچ شيي فتحت الجام

حچت بحيل مهدود وبحة صوت

ـ اريد اااااامي اميي وك ررريگي نشف

مديت ايدي وسديت الباب اليمها وشغلت السيارة  رجعت اكمل سياقه جاوبتها

ـمريم بویه بعد اااااااااااهدئي باااالهدوء نحل مشاگلنه العصبية متحل شي

ـمااااگدررر السويتو مو شوي

-گولي تتشتردين مني بلضبط حتى انفذه وماتتعصبین هل گثرر والله ماااعندي شي صعب  بس گولي لان ارید اروح الاخوي

عدلت عبايتها وجهه للجام ودردم بس كوة تحجي

-اريد ههه..

انت اريد منك شي

وك انت اخرر شخص احتاجه اخررر شخص افكر التجاء الك زوجتني الاخوك وتعرف بيه ابنيه

دمرتني تحت اسم الحب وغدرتني

ـ واالله العلي العظيم ماغدررتچ وحك ابو راس الحاررر

ـ  لاتحلف.شالك ابو راس الحار تدرين انت

كلما تحلف تثبت التهمة على نفسك قانون ثابت  الضعيف ميملك ادلة غير الحلفان

ـ التكولين عليه ضعيف يشهد عليه ربة مايدري  يابنت الناس..

-الله ياخذك

-اذا ترتاحين (امين)

طبگ السیاره ت يم كشك بالشارع اشتريتلهه بطل مي وعصاير شلت العلاگه وخليتهن يمهه اخذت المي وشربته بس بعدهه مو على طبيعتهه

وحتی ماجازت رجعت تحچي عليه وانا بعدني تايه بالشوارع ماريد اوصل بيت اهله واناا ماعندي حجه

همست بتعب

ـ ممصدگه نفسي جاي يصير بيه هيچ ذله

وتعب،ومرض بس هسه عرفت ليييييش  لان خنت ثقت اهلي وعشگت من وراهم

لان تعديت قوانين رب العالمين وهي ماگو عشق بین الرجل والمراه قبل الزواج

ماگو نظرات حب بين شخصين قبل الزواج لهيچ استحق الجاي يصيرر بيه استحق عقوبة ذنبي(وما ظلمناهم)لك  گلي ااأااااااشلون صدگت بشخص مثلك

-مريم بويه گافي

رجعت تناوعت اليه وبخذلان گالت

- تدرري مو صوچك صوچي امنت بانسان خائن الصديقه..لازم اعرف الخاّئن یبقی خائن او آنت وابوك وجهين لعمله وحده

ابوك خان ابوي

وانت خنت اخوي

عائله مالها مثيل ولا راح يجي الها شبيه

عینه نادره من گلشي قبيح

ضاغط على الستيرن بغضب لاول مره احد يجاوز عليه واسگت بقيت ساكت ومتحمل گلامهه ولو گلامهه يحفر الصخر ف شحال گلبي النحفر بهالحچي

جريت بطل مي شربت تنهدت بقهر ردت عليه بعصبيه

ـرجائا لاااااااااااااأاتحاول تبين اليه انت مگسور ومقهور ومدري شنو شخسررت اانت واهلك واختك مدري ااخووك شخسررتوو محد خسر گدري محد خسرر مثليي

ـ اعوضچ كل دقيقة وجع عشتيهه

ـ راح يزييد هالووجع وياك وبوجودك

ـاهووووووووويامريم لخاطر الله كلامچ مثل السم سمم بدني

كلامج يزرف الگلب كافي

ـ هوووو هذا الاريدة اريد اسود عيشتگمم ویصیر بحياتگم مثل ماسويتو وياية یاااا وحوووش  ياغدارر

-مريم اشبيچ انتي تعرفين شجاي تحچين

-ايااأك تجيب اسمي على للسانك ولا تمثل عليية يابن ابو ارشد گاااافي ترة مگشوف وعيب تمثل گبرت التمثيل للمراهقين

فتحت عيوني وكفت السياره ببريك قوي

صگیت سنوني بغضب ضربت الدشبول كل قوتي وعطت بيها

ـلهنااااا حدچ كااااافي عاااااد ام للساااااان

اااحترميي نفسچ‌دائما تتهميني انا الظالم

دائما تجاوزين عليية واااسگت وتعرفين كلش زين اناا ضعيف تجااهچ

دائما تشمرين كلام قاسييي واتحمل بس گاااااافي گااآاااااااافي قدريي وضعي هذاا الگدررت علييييه هذ طلع بيديي افهمييي

باوعت عليه بقهر وعيونهه غرگانه دموع خلتني اكره روحي بالزايد

-مایشفع الك شي

-ليش مايشفع ليش ووووچ اانتي اول انسانه حبيتها ودخلتها گلبي ماعندي اي تجارب قبلچ رغم عمري چبیر

فووك هذا تهمتيني بااابشع تهمة ممگن تمرررر على ررجل عندة غيررة وگرامه تهمتييني بعتچ لاخووووي وسكتتتتت مو لان ماعندي ررد بس سكتت لان اااعرف جرحچ حبيرر ميندمل بسهوولة ووووچ

گااااااافي قدري وضعييي

-وانت شنو سویت یامتخاف الله

-ماااخاف الله دتشوفيني البيت عفتته حتی مانصدم ویاچ وانت بعدت شخص غيري ترگته وترگت امي حتى مااوگع بلحرام

وهسه اابوية معاكسسة واخوتي تضاربت وياهم وشغلي انطردت منه وعفت گلشي لخاطرچ بس حتى لا ااذييج وتالي هيچ تتهمينيييي

من وررراچ أمقاطع الگل وهییچ تتهمیني

صوتي هواي على عليهه شفتهه كوة تفتح عينهه وتبلع بريكهه

دارت وجهه اليه سبلت عيونها مال راسها  راد يمضرب بلدشبول مديت ايدي لزمتهه صحت بصوت خايف

-مررررييم عزيزتي مريم شبيچ بویه مدیت ایدي اسحب بطل مي چفیت علی وجهه ماگو اي حرگه

ثبتتها علی گشن حرگت السویچ شخطت السيارة اخذها للمستشفى همزين چنه گلش قريبين عليهه مسافة دقیقتین الی ان  وصلت للمستشفى

گل اشوي الزم ايدها احاچيهة وهي فاقدة الووعي وصلت نزلت اركض لفت على صفحتها فتحت الباب  شلتهه بسرعه دون جهد مني گدما خفيفة دخلت اركض حیل واصيح وندار

-ووینگم وینگم يمعودين ياهل الرحممم ساعدوني وين الاطباء

اشرت للیه الممرضه اخذتها بسرعه للردهه مددتها على السديه كشفت عليهه الطبيب وطلب تحليل سريع لدمهه

رگضت بتحليل والورقه وعين عليها عين الابو التحليل الى ان طلعت النتيجه

اجيت لطبيبه گالت

-هااآي البنيه سگرهه مرتفع ٤٠٠ ليشش

أنصدمت من عرفت بيهه سكر الطبيبه گالت

-ماانرید نوصل المرحلة الیئس راح آنطیها علاجات وطلب مهم راحه نفسية تامه

-ببس طبیبه  من شنو هالسكر يعني لیش اقصد شوكت صار بيهه هسة اليوم صار بيهه؟

ـ لااااااااااا مستحيل اليوم صار بيهه سكر اكيد موجود وسگرهه مو النوع الاول من السكر يعني مو الخطر بس ميمنع نتحذر لا يتطور

ـ ان شالله دكتور مشگوره

ـ انت زوجهه مو؟

ـ ها..  اي اي..  همست بعدني ممتعود على هالكلمه

ـ انتبه عليهه لازم تلزم بهريز تبتعد عن السگريات  الضغوطات النفسية المشاگل الصدمات العصبية حتى نضمن سلامه المريضة

نزلت راسي وكلت..

-ان شاالله دكتور صار..  شلون اخليهه تبرد وهي اعاصبهه نار

گامت الطبیه وانا رحت يم مریم‌ كعدت رادت تكوم لزمتهه.. 

-اابقي شوي ميصير تگومين

ـ مابية شي اريد اگوم

ـ ضغطت على جتفهه حجيت بحزم وياهه

-ااابقي بمكاانچ ميصير تتحرگين مدتشوفين المغذيي

ـ همست لان خجلانة من النسوان بالردهه لو ما النسوان جان عطت ..

-بس  اايدگ چتفي شيل اايدك

ـ اسمعي الكلام وگافي بهذلةبهذلتيني

بقيت اعد يمهه والمغذي يقطر النسوان انتبهن لوجودي بردهه النساء

رغم كل مريضة الهه سديه الهه وللمرافق الوياهه ويحاوطهم من الجوانب سندويچ يقطع بين السراير وبردة تنسد كانو غرفة مصغرة و وجودي ابدا مماثر على النسوان بس هالشي ماعجبهن

كامت مرة جبيرة مجرغدة بينهن واجتي عليه

ـ ولك يمة انت شني هنا جيتك

-هوو حظي جابچ من دون المرافقین

-هاااا یمه شنهي گلت

ـسلاامتچ یمية جاي ويه مرتي

ـ چاااا يابعد اهلك عشيرتك مابيهه نسوان

ـ خير من الله بيهه

ـ چاااااااا ماتجيبلك وحيدة اداري مريتك شنهو گعدتك بيناتنه

ـ حقچ ححية بس عشيرتي واهلي من غير محافضة

ـ واهلهه ويین

ـ همين من غير محافضة ماعندي احد هنا

ـ چا شجابك البخت

ـ جينة نزور واتخربطت بالطريق

ـااااااطلع يمة ااااااطلع مايصير تبقى هنا نسوان تتحجى وتدوي وتسولف وتضحك وتبپي وانت مكپگابلنه مايصير.اطلع يابعد خالتك انا يمهه اداريهه واخليهه بعيوني

ـ رحم الله والديچ حجية ماتقصرين بس خاف تتعبين

ـ انا عاجبني التعب يابعد خالتك اطلع ولك لا زلم هالنسوان النايمه يصير عدهه علم اكو زلمه بيناتهن وتصير عليك فصول وعشاير عليمن جايب الطلابة لروحك

ـ والله مامحسبلهه اعتذر الف حسبة ابالي

ـ هي مرتك شنو شبيهه حبلة

ـ ها..  لا لا شوي سكرهه صاعد

ـ لا توگلون بالحلويات لجهالگم ونسوانگم مو زين ياوليدي..

يلة ابني اطلع برة غااااد يم الزلم وانا هنا گاعدة الهه من تخلص اطلعهه الك...

نصیت سمريم

-هااااا تحتاجین شي

سگتت ماجاوبتني.. شكرت من المرة وطلعت برة انتضر يخلص المغذي اطلعهه

من  طلع رعد بقيت يم الحجية مرة جبيرة داكپگه هواي بوجهه ولابسة چرغد وطالع شوي من شيباتهه البيضة والحمرة لهجتهه من اهل قبل ايدهه محناية وشوي متروسة

كعدت على السدية اليمي وصارت تسولف وياية

ـ عيب يمة الزلمه اموت رویحته اعلیچ ویسالچ تريدين شي وانتي ماتجاوبي وتحگرينه

ـ معرفت شجاوبهه وشنو احچیلها صح تصرفي خطاء المفروض ماسوي شي جدام الناس الغرب لان مستحيل راح ينطوني الحق نعيش بزمن كل الحق وية الرجل اي كان مصيبته

ـ باين عليه يحبچ

ابتسمت ابتسامه قهر.. 

-وشلون عرفتي

ـ انا مرة چبيرة صج ماعرف شكثر عمري بس يگول  ابني اعبيد عمر فوك السبعين

ـ الله ينيطچ صحه وعافية يطول عمرچ

ـ لا مووش هیچ تگولین الله ینطیچ حسن الختام يابنتي العمر والزمن هسة الگم..  وانا ماطلعلي هالشيبات ووكعت سنوني ووجهي وايدي انترست تجاعيد من كلشي ماكو..

لا كل سن وكع وكل شيبة وكل تجعيدة جواهه الف سالفة وسالفة

-تعبانه مووو

-اووووف تعب صار گلمه سهله

-لیشش

-اوووف تسمعي انا مرة متزوجه ثلاث زلم الاول مات اول ماخذاني الي سبوعين متزوجه عروس وانچتل عمري ما يتجاوز الهدعش سنة

ـ ياا الله يرحمه

ـ يرحم والديچ علمود الكاع ويلاد خاله جتلو...  واتزوجت اخوه من طلعت من العدة

ـ ياعزة صدك

ـ اي واالقرعان ليش ماتصدگين

ـ الله يساعدچ شلون كدرتي تاخذين الاخوة

ـ انا بنت عمهم مو غريبة عليهم والرجال انچتل وهذا حلال الله ورة عشر سنين من زواجنة لكوه غرگان بلعین محد يدري لليوم هو مچتول لو موت الله

ـ الله يساعدچ خالة ويرحم ازواجچ

-ویرحم اهلچ الثالث اخذته من العشيرة همين من ويلاد العم البعيدين وهمين نطاچ عمرة ورة اثنين وعشرين سنة زواجنه...

ـ الله يرحمهم

ـ يرحم موتاج.. رباط حچينه كل هالزلم اتزوجت ومرو عليه هواي بحياتي زلم خواتي والكرايب وغيرهم..

ماشفت هاللمعة اللي بعين زوجچ الا منه ومن خالي الله يرحمه الچان يحب وحدة من غير ديرة وتالي خذاهه ونفس هاللمعه بعيونه...

  وصدك صان العشرة وعاش وياهه ليحد الموت هيچ زلمة يحب ماتلاكيه بهذاااا وگتگم الاغبرر

ـ البيني وبينه صعب يتصلح

ـ ماگوووو شي اسمه صعب گلشي يتصلح بس البشر بيدهم يزيدون النار حطب لو يخمدوهه.. وهذا المغذي خلص خليني اصيح الممرضة تشيلة..

راحت المریه ورجعت وری شویه اجتي الممرضة شالت السرنجه وسندتني هيوالمريه  تلبس عباتي واعدل نفسي طلعت لرعد

صاحت

ـ تعال يمة يلوليد مريتك صحت أخذهه ولا تتعارگون بعد وشربهه حلبة حنضل ميرمية شنهو جوة ايدك انطيهه يخلي سكرهه زوين

ـ اعشاب؟

ـ اي هاي انا جدامك ءد امك وماعندي سگر ياوليدي يوميه اكرعلي شوي حنضل لو مريمه لو حلبة هالجوة ايدي افورة واكرعه وشحلاتني شباب آگثر من مريتك

آبتسمنه اثنينه حبينة الحجية سوالفهه تونس وروحهه مرحه حسیت بطاقة ايجابية بحچيهه بوستهه وسلمنه عليهه طلعت من الردهه بعدني تعبانه احس ممتوازنه بالمشي

والارض اشوفهه صاعدة نازلة لزمت الحايط ووكفت

هنا شفتهه كوة تمشي لزمتهه من ايدهه نفرتني ورديت لزمتهه حیل

-بطلللِللي هالتصرفات انتي هسة مريضة صيري زينه وعوفي ايدي مثل متريدين

سكتت بعد ماسوت شي طلعت من المستشفى وبالي اخذهه لطبيب مختص بس يصيرلي مجال

صعدتهه السيارة ووصعدت سديت باب السيارة وسالتهه هسة نروح لاهلچ لو لا

ـ اي طبعا..

ـ تبقين يمهم

ـ اي

ـ وبعد

ـ دزلي ورقة طلاگ

ـ ناوية تحچين لاهلچ

ـ گلشي من الالف للياء

ومستعدة اتحمل كل العقوبات وشيريدون يسوون حقهم واذا ماصدگوني همين حقهم لان انه ممصدگه

وثانیا هااااي جزاة التمشي ورة كلمه اهل زوجهه وزوجهه توگع بمصايب ماتطلع منهه وانا استاهل اتعاقب لان ماسمعت گلمه اهلي وحبیت من وراهم

من گالا هیچ رجعت تبجي تشهك حاولت بكل الطرق اهدائهه..

-مریم  لاتنفعلين سوي التريدي وانا واگف بضهرچ واتحمل العقاب واشيلة عنچ ماخلي اضفرچ ينمس بسوء بس لاتنفعلين

وگفت السیاره قبل لا نوصل البيت ابو سلمان مرتبك وممحضر اي كلام احچي لسلمان ولا حنی الابو ذبيتهه على الله هو اليساعدني بمحنتي...

حرگت السیاره وصلنة البداية الشارع شفت الناس مخبوصين وهواي طالعين بالشارع وسيارة اسعاف واگفة تقريبا يم بيت ابو سلمان مسافة تقريبا عشر بيوت بين بداية الدربونه والبيت

بداية فرعنه شفت كل الجوارين طالعين وملتمين تقريبا يم بيتنه حاول يدخل رعد بسیاره ماگو طريق الناس واكفة متتحرك والسيارات سادة الشارع ومابقى بس سايد واحد..

طگیت وجهي

-يييمةة صخام بوجهي الاسعاف يم بيتنه

ـ اهدي اهدي يجوز يم جيرانگم

ـ خلييني انززل ااريد انزل

،  اصبري بس اااطبك السيارة

ـ خلينيي انززل بعدين اطبكهاا چان رعد يمشي كلش بطيئ فتحت باب السيارة ونزلت اركض ولو مبية بس اتوجه على السيارات وامشي واصيح

-شگووووشكو يمعودين منوو مات بس محد يسمعني من الهوسة

ـ

--جاي الوف السياره مريم  نزلت تركض عافتني طبگت السياره شلون ماچااااان وقفلتهه على السريع ونزلت ااركض لمريم واصلة البيتهم

وبيتهم مخبوص رادت توكع راسا لزمتهه.. 

-لااااااااتخافين ان شالله ماگو شي

ـجاي ندخل طلعو السدية مالت الاسغاف شايلين حجي ابو سلمان يمكن ضربته جلطة المسكين ومشلول  ايده معووجه طلعو البنات يبچن ويصرخن ووياهن مريم تلطم وتكول شبي ابويه فهموني

سلمان صعد بالاسعاف وية ابوه

والبنات وامهن اجن عليه يتوسلن يبچن بحتى اخذهن للمستشفى

-خاااله اخذنه يمه

-ماااشي بس سدو الباب بسرعه

ساعدتهن وركضنه للسيارة شغلتهه ومشينه ورة الاسعاف

كالت مريم

ـ فهمووني ابووي شبيي

ردت ريام

ـ ووچ مادريي سوودة علييه ياابةة طلعنة نجهزز لعررس سلمان رجعنة لكينااه واگع بالگااع وحالته تبچي الصخرر

ـ شلوون عفتووولووحدةة شلون تترركو

ردت ام سلمان

ـ واالله يايمة ما چنةة ناووين نتاخر و اانا ماجنت ناوية ارووح وياهن اصلاا بس الخيااطة جبرتني اجي علمود الثووب مالتي وگلنة منتاخر بس السووك ااخذنه من شغلة لشغلةةة وگل ضني رريم اجتي يم اابوهه

گاالت النه اانا اروح ييمة بسس اجوهه خطار وبقت ابيتهه واحنة اعتمدنه علييهه وهي اعتمدت عليينه وهالشوفة عينچ

ـ بس فهمووني شنوو صااار يعني ليش وااكع جاان عطشاان  جوعااان يريد توااليت ليش وااااكع بالكااع

ردت ريام

،ـ الباب الخارجي جان مفتوح هسة نشوف بكاميرة جيرانه منو دخل للبيت وليش بابتنه جانت مفتوحه

،  اني ومريم بهاللحظة مثل الطابوكه ونضربت براسنه جنت شاك بسبب سالفتنه واخوي هادي هيج صار بيه بس هسة اتاكدت بسببنه نضرات مريم علیه كلهه حقد وغل تجاهي بقت تدعي

حسيت اهلهه راح يعرفون علينه الدعاء انكشفت يارعد انفضحتو خلص آنوب من سالفة مريم لسالفة ابوهة ذنبة برگبتنه

خلص لحية انربطت بلحية وبعد ماگو شي يرجع العلااقة بين الاهل قوية وصلنة للمستشفى دخلنة نرگض ورة الاسعاف دخلوه للطوارئ والگل واگف ينتضر على اعصابنه

رحت لسلمان سلمت عليه وواسيته البنات يبچن وية امهم شوي واجوي اهل خطيبة سلمان

انا مستعجل اقصى شي لازم باچر اسافر سلمان ماعرف شلون افاتحه بهيچ موضوع

وبهيچ ضروف آگید مو وقتهة احچي بي هي راح تبقة يم اهلهه وتمهد للكلام ابقى الى ان يصير نص الليل واذا ماصار زين اترخص من سلمان وارجع

مريم ابد متكدر تباوع بوجهي

الكل متحلف بكاميرا جيرانهم يشوفون منو دخل لبيتهم

الورطه چبيرة ومالهه منفذ

كلما اتقرب لسلمان واريد احچي وياه لو  اشوفه متوتر ومينفع الكلام وياه لو عصبي ویمسح دموعه حتی محد یشوفه

صارت ساعه ثنعش الا عشرة الوقت كلش اتاخر اشوف مريم فد مرة تعبت گعدت بعد ماگدرت تگوم صرت بين نارين ماعرف شسوي وشلون اتصرف...

شفت الوضع صار حرج بقائي ميفيد ابو سلمان ولا سلمان بشي لان يمه نسابته اثنينهم..

باوعت لسلمان خطية چان واضح عليه الارهاق والتعب مكمبص بالكاع ولازم راسه خليت ايدي  على جتفة...

-یخوووي گوول یاالرب ان شالله مابي شي لا يضل بالك

رفع راسه

ـ الحمد لله والشگر على كل حال

ـ ان شالله السيد قوي ويتعداهه

ـ والله ما اظن ياخوي ماااظن گلشي ولااا ابوي كلشي ولا ابووووي

لان من شفته بالگاع واگع ومتشنجة گل اعصابة فقدت الامل

ـ گووم گووم یخوي ااااا مو سيد سلمان اليفقد الامل مو چنت دائما تكول حرام اليأس

ـ استغفر الله ربي واتوب اليك.. بس هذاا ابويه يارعد ابوي

گعدت یمه وعین المریم وعین اله تنهدت

راسن گال.

-انت همين تعبت اليوم ويانه صارلك جم ساعه واگف على رجليك ماگعدت...

ـ احنة اهل وانت تعرف گلش زین اقربلي من اخوتي ياسلمان

ـ والنعم منكم ومنك..ماگلتلي شخبار نوار

ـ والله حالته تعبانه وكلش مخطور  لازم اليوم الفجر اسفرة حتى يسوي العملية بهاليومين

ـ تسفرة؟!  وين تسافرون

ـ لاربيل اخذة هناك طبيب اجنبي اخذت موعد منه وحجزت

،ـ الف سلامه عليه بس شنو عمليته مافهمتونه بحيث استدعت طبيب اجنبي

ـ هـ.. هو كلت احچي وياك بـ.. هـ.. الموضوع بس خاف مو وقتة

ـ ليش ياستار شنو صاير انشاء الله مبي شي نوار اشو كمت تمتمت

جريت نفس بقيت حاير لساني نعگد اريد احچي متطلع الكلمه مني

ـ شنیه للسالفه اااشو لونك انخطف يمعود شنو بي بس لابي الخبيث ياستارر ليش مرتبك هيج احچي شبي نوار

قررت آحچي واخصم گلشي وياه بعدني مافتحت الموضوع جوي الاطباء يرگضون على غرفة ابو سلمان واحد بیهم یصیح

-بسررعه بسررعه المريض اتخربط گام سلمات ركض سلمان عليهم يسالهم شنو صاير بس محد جاوبة راد يدخل ماخلوه الممرضين

كلهم انخبصو البنات نخبصن وانا معرفت شسوي موقف محرج ما اتمناه لعدوي خطية سلمان متعلق بابوه اعرفة ميگدر يبچي بس گاتم بگلبة هو هذا صديقي الاعرفة مينزل دمعة بسهولة وهالشي ياخذ من حيلة وصحته

دقايق آجاني سلمان اليه لزم متني

گلي

ـ روووووووح رعد مرخوص سالفة الوالد مطولة ما ادري يطلع سلامات منهه او لا و انت معذور وراك طريق ومستشفيات روح خوية وسلملي على نوار والله يگومه بالسلامه

ـماااشي يخوي وانا اترخص وتعذرني بس مريم راح تبقى يمگم..

بعدني ما گملت كلام وصاح بينة اثنيه

ـ لااااااا تبقى شنووو زوجهه محتااجهه خلي ترووح ويااه ماایجوز المراه اذا زوجها مريض لازم توگف ویااه

اجتي مريم تركض على سلمان

ـلااااا مااروح ابقى مكاابلة اابوية اداريييه

ـاي صح يمعود سلمان بقيهه تررة اليوم سكرهه علك خليهه على راحتهه مو شرط تجي ويانه

ـ ليش شبيچ ليش سكرچ صعد

ـ ها.. مابية شي شوي مغثة

هسة معليك بهالحجي اناا ابقى يم ابوية

ـ  انا وخواتي وامي ونسابتنة ويانه يداروو بس زوجج منو يداري؟ امي هيچ ربتچ

ابوية هيچ رباچ تعوفين رجلچ‌ بيوم صعب

دمعتي بعيني وكوة حچیت..

-تری بوية اهم من الف رجال

ـ لو چان وحدة وماعندة معيل غيرچ اي حقچ تحچين بس احنة بمكانج نكفي ونوفي..

ـ بس

ـ ترة تعبان يامريم لاتزيدين تعبي اهل زوجچ خوش ناس لاتفاشلينة وياهم روحي وعود اذا احتاجيناچ ندز عليچ

ـ ترة اخو رعد موجود شيسووي بية

ـ الاااخ مو مثل الزووجه حبیبتي اامشي الرجلچ ياخيتي وساافري وياه واهتمي بي..  ترة راسي متروس مصايب زوجج احوج الچ من ابوي

روحي خيتي وگافي عناد ترة تعبان والضغط بعدة متعبني وهذول طولو جوة مادري ابوية شصار من امرة

ـ لالا ماعووف ابوية انت كلتهه شمدريني شصااير وياه كل عقلك اعوف ابويةة واساافر

ـ هسة خلي نشوف الاطباء شيحچون واذاا بخير روحو..بس گلولي عملية شنو.. 

ـ سكتت وهي سكتت باوع عليه سلمان واخذني شوي بعيد عن مريم..

-وووووگ شنو بس لا عندة بروستات لو دوالي موو

ـ اتفاجئت من كلي بروستات.. جاوبته

-هو مرض داخلي بسس

ـ روح روح خوية ميصير تتاخر اذا هالمرض عندة..

وانتي امشي مريم وية رجلچ حالته تعبانه خطية

ـ انصدمت من كلي امشي وية رجلچ باوعت لرعد باستغراب معقولة سلمان عرف وعندة عادي

فهمت نضرتهه الیه راسا كلت..

ـ خوية سلمان نوار انا وياه لاتخلي بالك

ـ يابة مابية حيل اعيد واصقل بالحچي يامريم روحي وية رجلچ هو اووجب من ابووية كافي لغوة

بعدة ماخلص كلامه سلمان وطلعو الاطباء كلنة اتقدمنه عليهم نريد نفتهم واحد منهم كال

- السيد تعرض لجلطة ثانية بعينة وفقد النضر بالعين اليمنه

الجلطة الاولى براسه ادت للشلل والثانية بالعين فقد البصر لكن حاولنة نسيطر على الموضوع والمريض حاليا نوعا ما مستقرة حالته.....الحمدالله

البنات كامن يتصارخن وية امهن سلمان  گابلهن غطى وجهه بثنين اديه يبچي

موقف صعب ماعرفت شسوي لابية اعوفهم واطلع ولا بقائي يمهم يفيد بشي...

مر تقريبا ربع ساعة نزلت للگافتریه اشتریت مي وعصاير اجيت وزعت الهم وصلت المريم بيدي علاجها نطيتها مي

-اشربي علاجچ لا تتخربطین

اخذته مني تتناوع اليه بغضب گعدت یم سلمان منصي راسه ويسبح لحضات  مرو هدائو گلهم

طلع الطبب گال

-المريض صحته زينه وحتى الشلل انشاء الله الطب اطور نگدر نعالجه اتمنی تفرغون المستشفى ومرافق واحد يبقى

راح سلمان على نسابته وصاهم بامه وخواته  وجر ايد مريم واتقرب عليه...

ـ يلة خوية اخذت مرة اخوك ورورح

ـ وااابوية هييچ مستحيييل

ـ لا راح تفيدي ولا تنفعي..

امشي لرجلچ ولاتعاندين واذا صار شي تلفونات موجودة.. 

يلة خوية

صارت ساعه وحدة نص اليل شوكت ترتاحون شوكت تسافرون

ـ يعني ليش متقبل غيرر افتهم

ـ من تگبرين تعرفين قصدي...

اخذهه رعد وطلعو ماقصرت خوية

ـ الله بحفظ الوالد ولاااا تعيد الحچي اذا ما اوكفلك بهيچ يوم شوكت اوكفلگ

ـ ضامك للشدايد خوية ماقصرت..

يلة بدون عناد سلمي على خواتچ وروحي

،، طلعنة من المستشفى بعد ماسلمت عليهم وودعتهم وحلفتهم الف يمين اي شي يصير يخابروهه

صعدنة السيارة وتوجهنه للبيت الطريق فارغ مابي احد مشيت شوي سريع اريد اوصل من وكت لان تعبت من الصبح الحد هسه جسمي مگسرر

بوسط الهدوء والنعاس صاحت

ـ حسبي الله ونعم الوكيل عليگم بيت ابو ارشد دمرتوني وهسة گتلتو ابوية

مو بشر لا حشااا شياطين

ـ بعدچ مريضة مريم لاتحرگين بروحچ

ـ عفية لاتلعب دوور الخايف عليه ترة ميلوك الك

ـ الدنية ليل وظلمه والصوت واضح يصير

ـ لعد خليني اكمل دعائي عليگم لتقاطعني

ـ اخذي راحتچ.. مبرية الذمه

ـ يابررودة اعصاابك‌ باا اخي

ـ شتريدين ااكلچ اتوسلچ حتى متدعين

ـ واالله لو تبووووس الايادي مستحييل آبطل دعاء عليگم خصووصا اانت انت

-اعرف الحایط النصیص

-لااا استاذ واابووك حسبي الله ونعم الوكيل عليكم الله ينتقم منگم

-استاذ بعينچ عجوز بس مال دعاوي

-الله ياخذك

دست بانزين سقت كلش سريع استمريت اسوق بس اريد اوصل اخلص من حچيها

وصلنة للبيت نزلت فتحت الباب ودخلت السيارة  نزلت جدامي وركعت الباب بقوة طلعت امي تركض علينه وابوية لمحته كاعد بالديوانه لان الاضوي مفتوحه  دخلت مريم وامي وگفتني

ـ ها يمة شسويتو

ـ ابوهه السيد انضرب جلطه من ورة عملة رجلچ وابنچ هادي

راسا لطمت على وجهه امي

ـ يااااا عزززالعزاني

ـ وصار شلل كامل بجسمه ورد انضرب جلطه بعينه

ـ دخيييلك ربي

ـ چم ذننب شاال ركبتهه هل كليط كوومه

گالت امي

ـ كاااااافي يمه ابووووس ايدك الدنية ليل كاااافي فضااااايح ربيي اخذني وخلصني بداعت النبي محمدد

ـمااا بلقي يمگم انا جاي اخذ جنطتي واحضر ملابس نوار واسافر لاربيل نوار بین الحیاة والموت انتم تفگرون بلفضايح

ـيمه  يمه تعاال أكلك يعني ماحجيتو شي

ـ هو هذا الهامچ محد عررررف بفضايحنه ماهامچ ابنچ نوار والجراله ولاااا عرفتي تحااااچین رجلچ ینطیي فلوس اعالجه

-اي يمه صدك منيلك افلووس

-بعت سيارتي حتى انقذ اختي من ظلم ابوهاااا وخوف امهاأ

بقت ساكته وماحچت بس دنجت راسهه وبچت. 

تقربت بست راسهااا

-على العموم ماحچينة شي لان ابوهم بين الحياة والموت وسلمان ماقبل مريم تبقى يمهم اصر تروح وية نوار..  كل ضنه بعدة زوجهه..

وچ يمه اانا خنتت الصدااقه خنتت عهد الاخوة الاخذناه على نفسنه انا وسلمان بيا وجه بعد اشوف بوجهم..

كولي للكاعد جوة ويسمع كلامي وضاام راسه...   اذااااااا من البشرر خججلت

من الله ماخجللت بسواياتك المتنحجييي

الله يعينك على نفسك

لزمت امي حلگي

ـ يمة عيوني اعصابك لااااااتصيح..

ـ اروح احضر نفسي

دخلت للغرفة طلعت ملابسي اريد اسبح محضر جنطت ملابسي كلهه بقت ملابس نوار..

طلعت من غرفتي شفت باب مريم مسدودة اتقربت دگیتهه..

مریم//من رجعت من بيت اهلي الحقد تارسني لو مو حرام گلن بانزين واحرك هالعائلة من صغيرهه لچبيرة .

خفت من افگاري الشياطنية راسا توضيت ودخلت للغرفة اصلي واقرة قران..  شوي واندكت الباب..

منو؟

ـ انا رعد

مافتحت الباب عفت السجاده ووكفت وراه.. 

-ووشتريد جاي عييني

ـ عمي مااااجاي عليییچ اريد الم ملابس نوار ورانه سفرررر

دة احچي وياهه وطلعت ام ريتاج

ـ ها رعد شلونگم شسويتو

ـ ماسوينه شي على حطة ايدچ..  فدوة ام ريتاج اريد ملابس نوار

ـ ترة لميتهن وجهزت جنطته خطية

ـخیتي الماجابتها امي گدهه عاشت ايدج عبالي محد ذكرة

ـ يااااشلون ماذكرة..  شنو مريم مابقت يم اهلهه

ـ ابوهه انجلط بسبب الصار

ـ عزااااااا

ـ اي والله جلطتين

ـ دخييلك ياعلي اثنين

ـ اااآتتتاش صوتچ لاتسمعچ ام‌ الدعاو ي

امشي دخلي عليهه وطلعيلي الجنطة اريد اروح

ـ شنو تروح ومتاخذ مريم

ـ ماعتقد تريد تجي

ـ اوكف خلي اشوفهه..

، اتقدمت ودكت الباب ع مريم ثواني وفتحتهه

مريم//  عرفت ام ريتاج اجتي سمعت صوتهه بس مافهمت شنو يتبسبسون كرهت نفسي اول تالي اوكف واتصنت شنو هالتصرفات

كعدت على الجرباية لابسة جادر الصلاة واندكت الباب.. عطت

لاتخبصني هسة المهنننن واشمرهن عليك..

راسا انفتحت الباب شفت رعد مبتسم يمكن ديضحك على كلامي وام ريتاج دخلت عليه..

ـ يا انوب تشمري بوجهي

ـ بعدچ كاعدة ام ريتاج

ـ خطية الف سلامه على ابوچ

ـ حموينچ هادي ورعد وعمج همة الاذو ابوية

اتقربت عليه وحضنتني

ـ لاا عيوني انتي اتفائلي بالخير لاتكولين ان شالله ازمه وتعدي ويكوم سلامات

ـ ادعيلة ام ريتاج بداعت رتوجه

ـ هو انا گاعدة حتى اصلي صلاة الليل واذكره ان شاالله بالدعاء بدون متطلبين

ـ رحم الله والديچ

ـ اشو كاعدة يامريم

ـ وين اولي

ـ كومي وية رعد ونوار

ـ عزااااا كل عقلللچ

ـ اي كل عقلي

ـ لااا مستحيل انتي شتحچيين

ـ اصبري حسب مفتهمت انتو ماحچيتو شي لاهلچ

ـ وين كدرنه ابوية انضرب جلطتين شلون تريدنيه نحچي

ـ زين ليش مابقيتي هناك؟

ـ سلمان ماقبل

ـ زين شلون تريدين تبقين هنا؟

ـ هم صدك انتو غربة عني..  دنكت راسي بچيت

ـ وووولج يافطيررة افتهمييي اذا ااخووچ عرف بيچ هناا ماراح يكول شنو صاير وليش ماراحت وية زوجهه

ـ من يسال احچیلة كلشي

ـ بهذا وضع ابوپ وفوكاهه اخوچ‌همين چان نايم مستشفى

ـ والحل يا ام ريتاج

ـ كومي وياهم اكسبي وقت روحي لاربيل غيري جو ومنهه عيدي حساباتچ ومن ترجعين شتقررين سوي محد يوكف بوجهچ‌ لان انتي صاحبت حق

بس هسة خطأ تبقين هنا النار بعدهه واجه واي كلمة ممكن تكلف حياة ابوج الثمن

ـ ابووية مخطوور بين الحياة والموت

ـ الاعمار بيد الله اذا صار شي لا سمح الله ارجعي اربيل مو بغير قارة هي چم محافظة تعبريهه

ـ شلون تحچين هيج ام ريتاج منو يگول الحك على جنازته

ـ وووانتي شهالتشاائم يمعوودة شطالبة الرجال يمووت كوومه ناس انجلطو مرة ومرتين وتلاثة وعدت سلاماات وولچ وين تبقين يم هالوحووش هنا شفتي شلون كتلتلج مرة حماچ شفتي المصايب الصارت

ـ چانت خايفة على دون جوان مالتهه لا اخذه وهسة ارتاحت

ـ وام سكينة الاخذتي من اختهه ليال رعد؟

ـ خلي يااخذو يشبعون بييي

ـ وولچ افتهمي يبستي ريكي..  افتهمي المكان مو اماان تبقين خصوصا انا راح اروح لاهلي ولد  اخوية  اثني راح يطهروهم واقل شي اابقى يومين منو يبقى يمج..

ـ ما مقتنعه يا ام ريتاج

-واكف يم الباب وواسمع ام ريتاج تقنعهه بس هي قافلة باوعت الوكت تاخر صحت..

-  ام ريتاج انطيني الجنطة خليي اروح لنوار والحك الفجررية

فتحت الباب ام ریتاج  وكلتلي

-انت هم  ادخل تعال خلي نقنعهه

-ميحتاج اقنعهه مريم مو طفلة ولا بنت غبية مريم عاقلة وعقلهه يوزن بلد بس هسة متشددة باعصابهه بسبب الصار وهي اكثر وحدة تعرف المفروض تجي ويانه ومتبقى هنا..

بس انا مابقالي وقت الكل يفكر بنفسة وومصيبته‌الا انا افكر بمصيبة نوار المسگین الي محد اله ويستعرون منه

لبالك ذنبه هذااا فما بيه حيل الدعاويها خلي حيلي الاختي

لان خاف الطبيب يسافر ويرجع لبلدة لازم اروح لاربيل..

وينها الجنطه هااااي موو اخذت الجنطة وطلعت لغرفتي وحضرت المستمسگات كلهه وبسرعه گملت سبح بدلت مشطت شعري  اخذت الجنط للسيارة طلع ابوية..

ـ بس لايكون  تاخذ السيارة وياك

ـ اي طبعا اخذهه حتى نوار لايتعب

ـ ليش مو راح ينقلو بالاسعاف

ـ اي ووياه ورقة من الشرطه والمستشفى حتى يعبر السيطرات

ضرب العوجية بالكاع وزمخ

ـ مصمم تسوي العملية لاخوك وتفضحني

تاخذه ولد وترجعه بنين

ـ لاتخاف ماراح اخليهه توصل يمك ولا اقرباك يعرفون اصلا نويت اغير مگاااي واطلع من كربلا كلهه

ـ ومريتك ماتاخذهه

ـ هي ماتريد تجي..  ‌ديرو بالكم عليهه لاتأذوهه

ـ ليش بوية احد كلك ناگل بشر

ـ ياريت..  يكون ارحم

وصلت الكراج وركضت وراية ام ريتاج

ـ تعال وين رايح

ـ مستعجل ام ريتاج شتريدين

ـ روح كلهه امشي ويايه هسة تكوم وياك

ـ اكعد اتوسل بيهه يرادلهه خلك وورايه طريق طويل وهي من بيتهم لبيتنه خلصتهه طن دعاوي علية

ـ اسمع كلام اختك ولاا تضل تحپي هسة تشوف بس تحچي وياهه  بزمخه راسا تنخ الك وتكوم تركض وياك بس احجي بحدة لا تلين..

ـ اوووف استغفر الله.. 

كل واحد يرادلة طن جگاير حتى اهضمهه...

-ميخالف الك اجرر

-لزمي الجنطه

طلعت باگیت الجگایر خليت جكارة بحلكي ورثتهاآاا ودخلت للبيت الغرفتهه لكيت الباب مفتوحه وهي واكفة يمكن جانت تنتضرني..

جریت نفس ونترت

-مريم امشي. ويانه واسمعي الكلام عاد لان وصلت حدهاااا ویااچ

ـ واذا ماسمعت الكلام شنوه تسووي

ـ اااسحلج من الغررررفة للسيارررة  سحل اااامشي وووبطلي سواااالف الجهال اگو بشرررىى بين الحياة والموت يجوز ميلحك يوصل ااااربيل لاتأخريني ولمي ملابسچ‌بسررررعة وكووومي كداااامي للسياررة يلةة

ـ لاتعييط..

راسا كامت تبجي انقهرت عليهه اليوم هواي انضغط عليهه بس والله مصلحتهه..

تقربت  علیهااا

-یله گوووووومي لاتضليين تبچین

رفعت راسهااا الیه وعیونها خوف بیهن

ـ مالحك الم ملابسي واريد اسبح

ـ لاتخافين تلحگين دخلي سبحي وجهزي جنطتچ على السريع ماكو داعي تبچين...

يلة بسررعة دة انتضررچ

صدك مثل مكالت ام ريتاج شوي زمخ وحچايتين كامت تركض

اجت ام‌ریتاج طگت چتفي

-على گیعگ ویه البنیه من یمي نخلست

موو خطيه

-انتي وصيتيني واشلون حريص هههه

-ماماگلین شی موو

-اي والله اذا تگدرین چاااي كلاص گامل وزنگلي اليه  حتى اعدل راسي

-صااارر

راحت ام ريتاج وانااا رحت للحديقه افگر مره بسلمان واشلون انه غاااشه ومره بنوار وضعه متازم بسبب الرحم الي راح يتاذى بسبب تراگم الدم

افگر بیهاا اخطیه محد یریدها الگل محملها ذنب مو بيدهاا محملينها ذنب التشوه العندهااا مقهور وحزين الاجلها ودي اساعدهاااا  اليوم قبل باااچرر عسی ربي يغفرلي ذنب غدر صديقي

اجت ام ريتاج جابت كلاص الچاي

-رحم الله والديچ

-والدیگ

شربت الچاي وورث جگاره الی ان مرت

ربع ساعه وطلعت مريم جاهزةلابسه عبايتها شايلة جنطتهه

گمت الها اخذت منهه الجنطه وودعت امي وام ريتاج واخوي ارشد ووصيته

-خاف يصير شي علی ابو مريم لاتحچون عن موضوعنه شي خلوني انا احچي لسلمان كال

- تمام.. طمنا عود

صعدنة السيارة وتوحهنة للمستشفى چنت مكمل كل الاجرائات من دخلت أجتي سيارة الاسعاف حتى تنقل نوار لاربيل

كل هذا وبعدة نوار بالغيبوبة

اثنينه انا ومريم  بالسيارة ساكتين بلا حچي ورة الاسعاف اسوق حتى اتبعهة مانايم وتعبان

والطريق الخارجي اظلم حسيت راح انام من التعب اخذت بطل المي ورشيت على وجهي وشربت شوي علگت الراديو حتى اسمع اخبار

صار الاذان ماعرف شنو اليه هالاسعاف لكن ابدا ماتوقفت وماكدرت اوقفهم علمود الصلاة انتبهت مريم غافية على الباب اتأكدت منهه مقفولة خفت عليهه لاتوكع بقينه نمشي بسرعه چبيرة الى ان وصلنة اول سيطرة خارجية

چان يمهه كشك يبيع نمنمات اخذت باكيتين جكاير.

وباكيت حليب على گيگات وعصاير وكرزات حتى من تگعد مريم تلگى شي تاكلة

منو يكول يخلونه نوكف المطعم..  وانا اتلهى بالطريق ومانام تالي اتذكرت بيهه سكر رديت اخذت باكيت حليب خالي الدسم وباگیتات بسكت مالح

طلع الصبح واحنة على طريق كركوك.. 

هواي سيطرات  وهواي ولد اعرفهم شفتهم بالسيطرات چانو بنفس الوحدة ويايه بالجيش

تقريب سبعة ونص الصبح يلة وصلنة بداية اربيل بعدنه ماداخليهه كل سيطرة يوگفونه تقريبا عشر دقايق يدققون بالهويات والمستمسكات...

وصلنة المستشفى ساعه عشرة الا ربع..

دخلو نوار واحنة وياه بس كلش تعبانين..  اجة علينة ممرض جان مرافق لنوار

ـ اريد البشارة

ـ تبشر بس على شنو البشارة

ـ المريض حرك ايدة وفتح عينه بالطريق

ركضت حضنته ممصدك روحي

- صصصدكك يعني نواار كعدد

ـ اي والله والطبيب اخذ الاجرائات والحمد لله كلشي طبيعي

ـ اااالف الحمد لله والشكررر ربيي

تستااهل البشاارة جننك على بشاارة

مديت ايدي وطلعت 25 الف..  هاي الك وبالعافية بس دير بالك علييه

ـ بعيوني لاتخاف المستشفى هاي ثقة وامينه كل اطبائهه متمگنين

ـ شوكت اكدر اقابل الطبيب

ـ هسة عندة عمليات الصبح متكدرر تشوفه الا بعد ساعة ثنتين ونص وورة تلكاه

دخلنة نوار بغرفته ووراية مريم ساكته ابد مانطقت..

عدلت نومته اانا والممرض ووصيت الممرض عليه كلتلة يدير باله عليه بين من اشوفلي فندق...

حضنت نوار  وبوسته وهمستلة..

لاتخاف اخوك يمك مستحيل يعوفك...

طلعت واخذت مريم دلوني الشباب على فندق كلش قريب من المستشفى

طبگت السيارة ونزلنه اخذت الجنط  حجزت غرفة..

مریم ویایه من شافتني اريد اجررر لزمت ايدي عصرتهة حييل

ـشنوو غرفةةة شنوو غرفةة شبيك

ـ ترة انتي زوجتي شبيچ مريم

ـ اريد غرفة لوحديي

ـ ماراح ادخل للغرفة بس اخلي الملابس بيهه

ـ حتىى لوو اريد غرفة االييي مارييد ويااك

عفت ابو الاستعلامات وجريت مريم من ايدهه وابتعدنه شوي..

-ووچ فتهمي عندي مصاريف عمليية ماگدر ابعثر الفلوس يمنه ويسرة بس تخلص عملية نوار ومصاريفة اخذلچ سويت كامل لوحدچ

ـ مانام وياك بنفس الغرفةة يارعد

ـ تعرفين كلش زين مو رعد اليسوي شي غصب... واصلا يابنت الناس ممفكر بآي شي أنتي تفگرين بي

الغرفة راح تصفى الپ لان حگون مرافق لنوار يعني اغلب وقتي وياه بالمشفى..

والغرفة طول بعرض الچ‌ عیب تفگرین بسوالف اگبر منچ‌ چان سویتها من چنت?

-من چنت شتقصد هااااا

-گلش تعبان امشي وكافي خباااأااالاتچ یااا ام الدعاوي

-الله ياخذك

جريتهه من ايدهه بقيت لازمهه وحجزت غرفة گوة يحجي عربي وگوة افتهملة اخذت الكارت وصعد ويانه دليل الفندق دلانه على الغرفة ونزل...

فتحت الغرفة ودخلت خليت الجنط والمحروسة بعدهه برة ماتقبل تدخل..

اجیت علیهااا

-راح تخزينه شيكولون الناس

ـ ما مقتنعه نتشارك الغرفة

ـ عمي ماشاركج بس اسبح واناملي ربع ساعه و اروح لنوار لا توسوسين اليه مااتحارش گووه خوو مو گوووه

-عزاااا

-یله دخلي

دخلت تتمختر نزلت عبایتها وگالت

-تمام اااا نشوف.. لان دیربالك

عافت الباب وراهه مفتوحه ودخلت

رحت سديتهه

-استغر الله ربي واتوب اليه

اخذت الجنط فتحتهن طلعت ملابس الي والنوار وهي بعدهه گاعدة على القنفة الصغيرة بالغرفة‌ مانطقت ولا حرف

دخلت للحمام سبحت وراي صلاة

همزين جايب تربه صليت..  گملت

اخذت المفاتيح جوعان ونعسان جاي اطلع گتلها

-مريم راح اطلع اجيب اكل لاتفتحين الباب لاي شخص ولا تطلعين من الغرفة ابد

متجاوبتني هزت راسهه واندارت

طلعت اشتريت من سوبر مارگت معلبات كيمر وجبن بسكت مالح حليب...

دلوني على مطعم يبيع دجاج على تمن ولبن وطرشي.. اشتریت

اخذت صمون ورجعت للفندق دخلت للغرفة مالكيتهه وگفت  سمعتهه بالحمام فتحت الدجاج والتمن رتبته عل میز

خليت  الباقي بالثلاجه‌فتحت التلفزيون الهه خاف تضوج ومتعرف تشغلة

انتضرتهه تخلص حمام ونتغدة سوه

طلعت من الحمام لافه شعرهه بس طالع خصل منه من المنشفة

دنگت راسي حتى لاتگول يباوعلي وتسويلي هوسة..

-يلة مريم انتي مماكلة شي من البارحه

ـ ما اشتهي

ـ ميصير انتي بيچ سكر ولازم تخلين شي بحلكچ وتاخذين علاجچ هذااا

ـ كلتلك ما ريد لا تلح

ـ راح تخليني بقلق مقسوم بينج بين نوار

ـ ميحتاج انا بخير اهتم باخوك مدري اختك واعتقني

ـ اخوي او اختي ميفرق هالتسمية عندي المهم هالشخص النايم مستشفى من دمي ولحمي ومابي اذية على بشر.. ولا طاعن بشرر ليش هيچ كارهتة

ضحكت ضحكة خفيفة باستهزاء

وباوعتلي بتك عين..

-عجیب انت وبعدك تسأل

ـ الصار اقوى مني ومنچ ومن نوار مريم

ـ شكو عليگم بالحجي محد يلحك بيگم

ولد شیوخ وگلایط

ـ ماريد اتصادم وياچ..  بس خلي ابالچ اذا متاكلين كل شوي راح اجي للفندق

ـ سوي التريدة..  خلص اكل واطلع اريد امشط و اصلي

ـ براحتچ.  اكلت لكمتين من الدجاجه سديت بيهه مغصة الجوع وشوي طرشي ومقبلات وخليت الاكل بمكانه غطيته ورحت للحمام غسلت..

طلعت 100 الف وحطيته يم ايدهه..

-شنو هااي

-كلشي يصير بهالدنية.. یجوز اموت من دعاویچ وگل الفلوس بجنطتي عنديخلي هاي جوة ايدچ

ـ ما احتاجهه..

ـ اي ميخالف همين خليهه جوة ايدچ.. واگلي لااااتخوفيني

عفتهه طلعت للمستشفى ماگعدت ابد بین تحاليل وفحوصات تقريبا من الضهر لليل انا وياه.. گل الطبيب العراقي مساعد الاجنبي..

ـ انت متأكد اخوك موافق يسوي هالعملية

ـ لا.. بس كلشي على ايدگ صار..

هو دخل بغيوبة وبعد ماگعد وراهة وماچان يعرف حالتهه

ـ اهم شي منريد مسأئلة قانونية منه

ـ حسب ماگلتو اذا ميسوي العملية بيهه خطورة عليه

ـ صح كيس دموي متجمع ويحتاج تفريغ لان ممكن ينفجر باي لحضة

ـ طيب ممكن تفريغ الدم بدون هالعملية

ـ ممكن لكن تصير عملية اگبر يعني شق مباشر على الرحم وهالشي مؤذي جدا وبنفس الوقت نخاف من مضاعفات احنة بغنى عنهه..

مثل مگنالك هو ممكن يصير ام لكن اب مستحيل يصير.. العملية راح تأثر على الرحم وهو بعدة بنت غير متزوج

عقلي انكلب وكاره نفسي من الاسمعه.. خلص انا اتكفل بالتوقيع وكل شي بس اهم شي نجاح العملييةة

ـ العملية ناجحه ومضمونه 1000 بالمية ووراهه مجرد اجراء تجميلي للمنطقة ويبقى رحلة معالجه الهرمونات لان الادوية الكان يتعاطاهه لتحفيز الهرمونات هواي مخربطة جسمه وخلي بالك هو بهيچ حاله راح یفقد غشاء البگاره

-لاحول ولا قوه الا باالله العلي العظيم

-موافق

ـ الله يسهل يارب..  شوكت العملية

ـ باجر بالسته ونص الصبح ان شالله...

ـ ان شالله... 

دخلت يم نوار اتمنيت يگعد واحچي وياه وافتهم منه عن حالته

بقيت يم نوار اكثر من ساعتين ونص التهيت بیه غيرت ملابسه الداخليه وفعلا انتبهت علیه شي ميشبه شي  استغفرت ربي على بلاء نوار خطيته قريت يمه كم ايه قرانيه

غفيت على گرسي هيج بربع ساعه من التعب حتى نسيت اخابر مريم..

لزمت التلفون رنيت عليها ماگو ردیت اتصلت خمس مرات.. ماگو 

حاولت اهدئ نفسي يجوز نايمه يجوز تصلي او بالحمام..

بس بالي يمهه لان ما اكلت شي وهي مريضة..

بقيت اتصل كل شوي الا ان صار الجهاز مغلق..

عفت نوار وطلعت اركض من المستشفى للفندق المسافة قريبة بس حسيت الطريق ميخلص دخلت للفندق وصعدت بالمصعد وصلت الطابق وفتحت ماعرف شلون فتحته دخلت لكيتهه نايمه وشعرهه الطويل متناثر من الحجاب

هي حذره اگید صار بیها شي قربت اذني عليهه اريد اشوفهه تتنفس بشكل طبيعي.

اول ماقربت وجهي ماحس الا صيحه قوية طرشت اذني وياها راشدي قوي

-شسووووي؟

كم مرة ستقتلني بعد …كم مرة

#يتبع

صباح الخیر بارت مفاجا حبایب ولا تنسون اختي من صالح دعائكم

........ 

........

عندما يمنحك الله بداية جديدة لا تكرر الاخطاء القديمة..

غفران بصوت ناصي

_شلونك سيد الحمد الله على سلامه

جاوبتها بأبتسامه

_الحمد الله وبشوفتگم صرت احسن

انتي شلونج ان شالله زينه

نصت راسها متلبگه عدلت جسمي گعدت متوجي على المخده دگمت قميصي لان الطبيب دلك صدري

یعجبني گلشي بغفران رغم عدم مبالغتها بلاناقه ولا تلبس شي فخم لكن أحتشامها هو الاناقه كلهة

أباع الها عفتها بگلامها گنز مهدوي نادر من سورة النور

رجعت  سالتها

-مگلتي اشلون صحتچ

ـ الحمد لله

ـ يستاهل الحمد..

متباوع اليه عيونهه بالكاع خلتني اشوف بشرتهه حمرة خشمهه وردي احمر عيونهه كلش حمرر.

سالتها قلق

-أشبيج غفران خو ماگو شي

ـ لا ماگو شي

ردت امهه

ـ ياماگو شي شابعه بچي

ـ باچية؟

ليش هلكد باچيه شنو صاير

ـ لا لا ماصاير شي

ردت امهه

ـ يامصاير شي غير دگت بچي من سمعت بيك بالمستشفى

دنكت راسهه وحچت بهمس

_صدگني ماباجيه..

فرحت من حچي امها گتلها

ـ ههه لا تنگرين عيونچ حمر ووجهچ احمر

متت خجل من گلامه..

--اي شويه ضجت عليك

ـ صدك.. ضجتي علية وبچيتي حقیقه

‌ممصدك نفسي.. يابختي والله لو ادري تبچين عليه چان يومية اتمرض وانام مستشفى

بقت منزله راسهه خجلانة مني

جاوبتهم

-ااااستريحو ليش واكفين..

رادت تگعد شوي بعيد عني

- غفران.تعاي هنا گعدي يمي على السرير

من بعد اذن ام علي

گالت امها

-لاااا عیني اخذ راحتك

جاوبت غفران

ـ ها لا هنا على الگرسي اكعد

ـ مگاني چبير ارید تگعدين هنا

دفعتهه امهه

ـ دگعدي وگافي خجل يابنتي مایصیر

گالت غفران وهي تكعد

-سيد اذا اذا بعدك مريض نأجل العرس غير وكت

انصعقت من سمعتهه هيج تكول..

_لا  قابل شبيه شوي خربطة بالضغط..  ان شالله الزواج يتم مأيتاجل مابيه شئ لاتخافون

نصيت راسي وچتفت ايدي شلون بي هذا لازكلي لزك...

اباوع عليه شلون يباوعلي ويبتسم..

ـ وليش مستعجل خلي يتأجل

_ لا ليش يتاجل العرس باقي على موعدة

باوعتلة بتك عين من ضوجتي منه... وشروطي؟

ـ كلهه قاأئمة..

ماكو زفة ولاصفگة ولاهلهولة بعد

ردت ام غفران

ـ بلة هو هذا هم عرس یاابو الاشبال

ـ احچي وياهه ياعمتي ياريت تقبل من باجر اسويلهه اكبر عرس بگربلاء

باوعت عليه حچیت بخزره لان یباوعلي ويرفع حاجبه 

گتله..

- لا ماريد.. هالامور متفيد ببناء الاسرة

ـ براحتچ بس علمود فرحه الاهل مو اكثر وفرحة الاهل واجب الابناء

ـ بكل الاحوال راح يفرحون

ـ هم صح... البيوت لا تُبنى بـجمال الزوجة

ولا بــمال الزوج

ولا بمعزوفات العرس

البيـــوت تُبنى هدفها بيت يذكر فيه اسم الله

و أب وام هدفهم ذرية توحد الله وتنصر بقيّة الله

هزيت راسي

- صح..

گلمته بقت ترن بالي شلون هيج مصرر على الزواج اشلون اماطل وشنو اسوي حتى يأجل شبي متصربع بس يريد يعرس ولا عبالك متزوج قبل ومجرب شنو زواج اووف ياربي شلون اخلص منه،..

وگفت وامي وگفت ویايه

-اطمینیت علیك نترخص

گالت امه

-ابو الاشبال یحبچ ییمه

ابتسمت الها وطلعنة من المستشفى.. طول الطريق امي ترزل بيه لان ماقبل على الهوسة والزفة والبدلة..

-هاااا هوو انتي  هل وحيده عندي واريد فرح بيچ مثل  باقي البنات صوچي بقيت

منيتچ وماخلفت اخت الچ عاد الثانیه ماتعاند

ماحجيت شي وياهه خليتهه تحجي وترتاح وصلنة البيت لغفت عباتي ودخلت رگض الغرفتي محد يلحگني بشرده لان امي عصبية بس ابقى يمها احصل اقل شي عضه وكرصة

غيرت ملابسي لان محافظه على وضوئي گعدت اقرا قران بلگن تتغير نفسيتي.

گملت حسیت بجوع طلعت للمطبخ احس بروحي ضايجه كئيبة اريد ا شي افرغ الطاقة البداخلي واريد ابچي لو بيدي

بس ماكدر لان امي تنقهر واخاف عليهه...

رحت للمطبح سويت محلبي وخليته بالمواعين وسويت عصير برتقال لامي

جان اكو جم صحن على السنك غسلتهن وية الجدرية ..آجتني امي ووكفت اباب المطبخ..

-آشوكت عقلچ ينفتح يابنت بطني

ـ ليش يمة هيپ‌شايفتني غبية

-اي غبائج مينجرع وعنادچ ممل

ـ شمسوية رديتيني اتزوج وراح اتزوج

ـ اساعدچ بشي

-هاا لا ماريد بس اكعدي يمي ونسيني هسة راح ابلش بالعشة

-غفران يمه يكول المثل

لو ضاك وكتك اتذكر ايام عرسك..

انتي شراح تتذكرين اذا متسوين عرس

ـ اذا الرجال بي حظ وبي خير ليش يضيك عليه وگتي

ـ افرضي طلع مابي خيرر

ـ اذا هييچ ما واثقة بسيد سلمان خلينة ننفصل وكلمن يروح بطريقة

ـ ااانچبي اانچبي عااد متصدكك تسمعلهه حچاية راسا گالت طلاك لاتصيرين بوومه وضلين تلطمين

ـ يمة شتريدين مني

ـ ماريد منچ شي بس خايفة يجي يوم وتندمين لان مسويتي عرس ولا لبستي بدلة وفرحتي..

ـ عود من يجي هالليوم اكول لسيد سلمان يجيبلي بدلة ويسويلي زفة نعزم خواته واروح للصالون ويكعدن يهلهن ويصفگن..  ماكو شي مستحيل ماما

ـ ايبااخ بهالسهولة ولچ..  يلة يلة انا مالي خلك احجي وياچ بعد

بس تعالي ولچ انتي ممجهزه نفسچ الگلشي والعرس بعدلة يومين

ـ يعني شسوي مثلا اشد وصلة واركص مكيفة بروحي راح اتزوج

ـ لا تبيعين ثول ويايه افتهمي حچيي

-ماما لا تتعصبين بس والله مااگدر

-غفرران تعلمتي على الكتل موو

دنيت كرسيي وكعدت يمها..

-عادي براحتج ضربيني

بس معقولة هيج متلهفة تفارگیني جرتني الحضنها وشبكتني

-يمه شنو هالحچي..انتي قطعه مني شلون اتلهف افاركچ اصلا من هسة ميته قهر بس هاي سنة الحياة ولازم اطمن عليچ قبل لا الله ياخذ اماته

ـ اسم الله عليچ حبيبة

ـ يايمة وجع السنين و الاذية والعوز والحرمان والقهر اي القهرر يعلم حتى الطفل لان القهر أكبر استاذ النا كد مننقهر يخلينا نفكر الف مره نحسب الف حساب حتى احنا واحببابنه ماننقهرر ولاااا نتاذى

وننقهر مره ثانیه

-اووف ماما لووو اعرف  عقلچ اشلون یفگرر

-عقلي من صرت ارمله لو قبلها

-وشنو الفرق

'

-الفرق بعد مامات عمچ ابو احمد الله يرحمه من چنت عنده جنت عايشة مدللة يحبني ويعزني اعز من روحه

عززني وقدرني وعاملني مثل الجوهرة بايدة بحيث گد ماقدرني كل اهلة واخوته احترموني...

جان معيشني ملكة زماني شنو اريد يجيني ويجيبلي  من اكلج مدللة جنت كول وفعل بهالكلمة..

استشهد ابو أحمد وهو زغير الله يرحمه وانا زغيره ومعتمدة بكلشي عليه كل مصرفنة عيشتنة عليه..

حسیت نهایة العالم بالنسبة الي آشلون راح اواجه الناس شلون اعيش بشرف واعيش هالطفل مين اجيب فلوس شنو اشتغل

اهلي على گد حالهم وعمچ براتبه ملگيت كدامي غير اشتغل شغل البيت الاعرفة هو الخبز والطبخ

صرت اخبز للعالم واشتغل اي شغلة تجيني رفضت الزواج وبقيت گاعدة اربي احمد واخدم اخواني بأشي ولادات نسوانهم

تنضيف بيوتهم اكلهم شربهم يدزون عليه

صارو خوالچ يستفادون مني كل هاي سويته حتى لا يكولون نزوجچ لان صرتي عالة علينه وحتى لا يجيبون طاري الزواج

عشرر سنوات راوتني العجب عشر سنوات من تعب لتعب ايدي يبست من الغسل والتنضيف والشغل اما الحرب فهااي بجفة ثانية تعرفين الحرب ماتخلف بس ارامل وايتام 

حيلي انهد ويومية چنت ابچي خايفة من المستقبل والمضموم الي الى ان اجى عمي ابو سلام الله يرحمه خطبني الابوچ

تعرفين ابوپ شاب ازغرر مني بهواي الفرق واضح رفضت ماقبلت شلون عشريني ستوة متخرج بعدة ماشايف دنية ولا متعرف عليهه يتزوج مرة اخو الاكبر منه بحفنة سنين

ـ بس مامبين عليگم اصلا مبينة اصغر من بابا انتي

ـ لاتقشمرين علية ماما هي المرة بيهه وبلايهه تگبر ويبين عليهه عمر ف شحال المكروب عليهه واگبر منة بتسع سنين مثلي 

ـ وبعدچ حلوة تخبلين

ـ متشوفين خايفة عليچ متشوفين اريدچ حالچ حال البنات واحسن انا من اتزوجت ابوچ بلشت حياة جديد سوتلي گلب ثاني،

ابوچ انسان خير وحباب ووردة من الله بس مو كل الزلم مثلة يابنتي الشين اكثر من الزين بهالوگت

ابوچ حبني واحترمني وقدرني رغم فارق العمر البنية بس بحياتة ماحسسني انا عجوز بس رغم هذا الناس ماخلتنة بحالنة

.وهذول لوحدهم يرادلهم كلب ممدشن وپبير بكدر ولاية حتى يحملهم انوب خلفتگم گلبي گبرر ونضج اكثر

وختامهه چان الم بفقدان اخوچ علي لكسرني وكسر جناحي

كل هذا المريت وتسالين شكبرة گلبچ  گلبي ماله حدود لان حمل كل هالضيم

-الله يساعدچ یمه

-یمه غفوره الله مساعدني هواي فدوة لاسمه منطيني ابنيه بالدنيا گلها ماگو منها ناطيني ولد الف ااحمد لله يتمنوهم العالم ويحلفون براسهم

.

اتوكلي على الله ييمه وفوتي بفالچ وافرحي بعرسج وانسي الماضي

-الله گریم يمة.. وصار تدللين

ـ جيبي ورقة وقلم خلي نسجل الاحتياجات

ـ جسمي نظيف لان من كم يوم نضفته من اجتني عقيله وحفتلي

-زين وصالون

-مااروح يمه انه ارتب روحي

-الحمد الله وشكر ربي راح كل كلااااامي وياهه بالششط صارلي ساعه احپي يبس حلكي من الحجي وكلشي مافتهمت

ـ انا احط مكياج يا امي شيرادلة

ـ يااابة دكووومي كوومي هو كحل ماتعرفين تخلين.تلوصين عينج تلوص و تخرعين الرجال هو انا لازكه بلمگرود  لايشرد منچ

-صدگ یمه

-اشلون مو صدگ اصلا انه ادفع گفاره ذنبه لان زوجتج الة..

يمة الله يساعده ويلهمه الصبر على هالمصيبة

-یاااا

-وعلااا مگرود افگر بیه ااااشلون يجرعچ شلون يحملچ مادري

كوومي كومي جيبي ورقة وقلم خلي نسجل الاحتياجات

ـ بس لاتنسين ترة ستوة دافع فصل شكبرة يعني اكيد مفلس

ـ ماراح نطلب منه قصر شعشوع هي چم هدمه وسوالف العرس

-عفیه یمه ارید قصر شعشوع اذا ماجابه ماگو عرس وابطل

مااشوف امي اله نصت راسها ونزعت نعالها شمرته عليه همزين دنگت چان اجی بگصتي

رحت للغرفه جبت ورقة وقلم گعدت یم امي گالت گتبي شنو تردين حتى اندزه لاخت سيد سلمان

گتبت اولا قصر شعشوع

اخذت الورقه مني مااحس اله گرصه بايدي توجعت لزمت الگرصه گالت

-اله تاخذين اللقاح يله ترتاحين وتهمدين

شگت الورقه وگعدنه نحسب الاحتياجات وكل شوي اشطبلي شغلة

خلصنة وكمت اتصلت بعقيله واتفقنا تجي يمي حتى نكمل التجهيزات

وفعلا هل يومين صار سيد مهدي يجيبها العصر وياخذها بليل

الى ان صار موعد العرس يمي عقيله تشسور بشعري تناوعت للمرايه للكوستم الابسته  گالت عقیله

-عاد نزعي الستره وابقي بلقميص والتنوره

-لا خلي الستره منسقه ويه الحجاب

ـ وج شدعوة هيج جنچ رايحه زيارة زين ليش مالبستي فستان ابيض على الاقل

ـ هواي حچينة بهالموضوع ياعقيلة

لبست العبايه فوك ملابسي واجت امي كالت

-يله بنتي عيالچ اجو

ـ استغربت..

شنو هاي اشو ساعه ثنتين جايين شدعوة هيج مستعجلين

ـ دمشي گومي وگافي لغوة على شنو تتأخرون لا صالون ولا بدلة لبستي يجي ياخذچ ويروح ليش التأخير يعني

وكفت كدامهه بقت تباوعلي من فوك ليجوة عيونهه حزينه وفرحانه بنفس الوكت كتمت دمعتهه وحضنتني

ـ يارب سبع سعادات يابنيتي

ـ ان شالله يمة...

اجتي عقيله ووشبگتني طولنة بالحضن لان راح افتقدهه كل وحدة راح تتزوج ويصير عدهه بيت ومسؤليه ردنة نبچي بس كوة سيطرنه على دموعنة

طلعت من جنطتهه ونطتني كلاده فضه وگالت

-هااااي بيها حجر عباس اباد كلش زين هالحجر ومثل مالتي بالضبط

ـ يا فضه؟

ـ ليش يغلى عليچ الفضه

ـليش كلفتي نفسج

ـ صدك تحچين انتي انا چم غفران عندي هي وحدة واليوم فرحتهه واصلا سید مهدي گال هذا الحجر گلش زین

واعرف بيچ ماتاخذيهة اذا ذهب

-بس هم غاليه وذا فضه

-اختي الوحيده ااااشلون ابخل عليهه وانتضري الهدية الجبيرة تجيج بالايام الجاية

ـ وجودگم گافي ويايه عقيلة..

ـ الله يسعدچ‌يارب

ـ ردينة تحاضنه خليت الكلادة بالجنطة الصغيرة مالتي

عدلنة نفسنه وجرتني عقيلة وطلعنة للصاله سلمنة عليهم بس سلمان مموجود بس نسوان

گعدت علی التخم واجی سید سلمان گعد یمی

-السلام علیگم

-وعلیگم السلام

اشر الامي اجت گالها

-خاله ولد عمومتي وياهم شباب غرب اذا اكو نقاب بس من نطلع من بيتكم

-صارر يمه

راحت امي اشوي ورجعت بيدها حجاب خفيف لبسته اليه ورجعت رتبت عبايتي وگف وگفني وياه يريد نروح

حضنت امي ومتحملت شهك

گت وبجيت بجي مصاير بقيت اكثر من ربع ساعه كل شوي احضنهه وابچي وهي تبجي ويايه.

ابوي يمه اخوي منتظر واحمد حضنتهم وذگرت اخوي علي الله يرحمه اوووف یاخويه هذااا يومگ الردت تشوفني عروس ابوي عرف افگر بعلي رجع حضني

سيد مهدي وگف گالي

-اخت عقیلتي مبارك لگم الزواج المسدد وگل قصة صبر ختمت بهذا الوسام الرفيع

(( إنا وجدناه صابرا))وسيد سلمان الاغر نعم الزوج الصالح كفيء الچ ولشخصیتچ

-اشگرگ سید مهدي ربي يبارك بيك

سيد سلمان بقى يسلم على اخواني رجعت امي عليه حضنتها گوة شلعني سید سلمان من امي وطلعنة للسيارة

هو يمشيني وصوت هوسات جماعته تضرب براسي..

-لبسو القوط يا اهل القوط ومدري شيحچون

توترت سمعت هوساتهم صعدنا السياره وهو ساقهه گعدت يمة بالصدر ومشينة..

همست

'مو اتفقنه ماگو هوسة ولاصفكة

ـ ولد عمي وبنفس الوگت اصدقائي ماگدر اگلهم اسگتو

ضجت من گلامه هاي من الاول ما التزم تاليهه شلون

ضل يسولف وانا عقلي وكف بس اذكر هوساتهم ((لبسو القوط يهل القوط)) وهسة هوريناتهم بالسيارات سطرني

وضل هاجس راح يصير شي

ادري بروحي مو وجه فرح

حسيت على نفسي صدك مو طبيعية وتفكيري شؤم

ليش هالگد ممهتمة معقولة  حال وحدة عروس عرسهه اليوم

بالطريق واگفين ازدحام واجتي يمنة زفة ثانية سيارة مزرگشيهه بوصلة حمرة ونفاخات اخذني الفضول اباوعلهم سيارة العرس اتقدمت علينه شوي

چان العریس هو يسوق وهي گاعدة يمه لابسة بدلة وحجاب مثل حجاب الاميرة وبيدهه بوگي ورد وتصفك وهو نزل وية اصدقائة استغل الازدحام واخذله هزة چتف وركص  الناس كلهم فرحانين مبين عليهم وجماعتنه همين ساندوهم بالهورينات وكگامو يهوسون للعريس هاي الرادهه وهاي التمناهه

همزين لابسة نقاب چان بينت خيبتي على وجهي  وكأنو اول مرة اشووف عرس بحياتي

حتی مااضوج لزمت المسبحه الكترونيه

صليت على النبي وقريت المعوذات خفت اصيبهم بعين

بس يمكن صدك ظلمت نفسي وظلمت هالزلمه ويايه من هيچ فرحه حلوة

وصلنا ودخلني البيتهم

هواي معازيم موجودين نسوان وبنات وجهال ماعرفهم وممتخيلت هالگد راح الكه ناس

تلگني خواته والبنات و نزعني العبايه تفاجئن وصرخن بوجهي لان مابيه قطرت مگياج  منا  الدنيا حاره رغم التبريد مشتغل بس الجو نار اعتقد وجهي صاير فلم من الحر وهیچ نخرعن

ورة الصرخه الگل صفن بوجهي خواته وبنات عمة وخواله وباقي البنات حسيت من نضراتهن سويت شي كلش خطاأ 

ريم چانت لازمه تلفونهه بيدهه وفاتحه كاميرا وية مريم لمحتهه چنت كلش مشتاقتلهه بس التهيت بالخبصة مالت اهله

گالت ريم..

ـ صددك چذذب موو هيجچ غفرران مو هييچ

ـ مو هذا اتفاق بناتنه

ـ لا اتفااق ولا صصخاام عيوني هوو وحيدنةة ونريد نفررح بي كل عقللچ لاا بدلة ولامكياااج لاتسرييحه متگليلي شنو القصةة عرس لو فاتحه ياستاار ووولچ شيشوف منچ ااخووية سوودة علييه مضلمته عليه

ـ مو.. 

گلهم گامو يحچون ومانطوني مجال احچي وعقيلة كعدت وسكتت ما حجت ويايه

كالت ريام

-یاغفوره شنو هااي يمعودة حتی مگیاج ممخلیه ولج مو هيج..

يلة ولو احنة دسترنة كلشي بيناتنة

  اخذتني من ايدي  والخجل دمرني عبالك مسوية مكسورة

مشتني بيتهم بس الصاله بگد بيت اهلي

دخلتني الغرفه تصميمها قديم بس جديدة اخشابهه ضخمه وتلمع لمع تناوعت الجمالها للسرير والفرشه المرتبه أتوقعتها غرفتي گد ماجديده ومابيها ولا ترابه

ابتسمت وكالت

-هاااي غرفة الحجي والحجيه امي وابوي اخوي سيد سلمان جددها الهم لان ااخشابها تكمه

-ماشاء الله حلو الله يحفظهم....

گعدت على گرسي نزعتني حجاب شافت شعري مضفور ضفيره تناوعت اليه بصفنه وگالت بدهشه

-عروس وضفيره! ياغفران

-هااا مو مستعجله من طلعت

-هههههه والله ياغفران ماراح احچي واصير الحماة الشرير وامي تحچي عليه عوفيلي نفسچ وشوفي النتائج بس مال مستعجله قابل طالبه مدرسه هههه یمه بطني الله يعينك ياسلمان

-لااا سمعت الزفه وضفرت على السريع

-،يمه بطني وچ گااافي

ماكدرت احچي لان هم حقهن يريدن يفرحهن باخوهن بس نفسي ممتقبلة هالشي لان خلف الوعد

لحگونه ريم وهواي بنات ماعرف منو هنة بالضبط اجتي بنية لابسة فستان اسود دلع على الجسم وشعرهه مصبوغ كلش حلوة طالعه بيدهه علاگة جبيرة

-غفوره عيني هايه مرة ابن خالي جسمهه رشيق مثل جنتنة وهاي  بدلة العرس مالت مرة اخوية تخبل قبل سنتين اشتريناهه وبعدهه بنشعتهه خلي تلبسهه

ـ لاا لا ااتفقنه..

بعدني ماخلصت وعاطت بية هالبنية

ـ شو خبصتيينة باتفقنةة واتفقنةة وچ عمي شنوو هوو اتفااق گومي لازم يصير عررس ابن خالاتنة الوحيد لازمم نسويله زفة وعررس

گالت ريام..

ـ احنة التزمنه وطلعناچ من بيت اهلچ مثل متريدين بس هنا تختلف القوانين

قوانينپ ابيتچ نحترمهه وانتي لااازم تحترمين قوانينة ماطالبين منچ شي بس تفرحينة باخونة وحيدنة..

ـ خجلت من كلامهه رغم بداخلي كلش رافضة الموضوع بس عدهه اسلوب خجلني دورت بعيوني علة سيد سلمان ماكو يمكن متفق وياهن هيچ يسون.. بسيطة الا اطلعهه بيك

سكتت ماحجيت لا قبلت ولا رفضت

صاحو البنات لعقيلة وكلولهه تساعدني البس البدلة ونطوهه علبة چبيرة باودر كلولهه هذا باودر كريستال للعرايس لازم قبل لا البس البدلة تترس جسمي منه تترس

وطلعو وسدو الباب...

گلت العقیله

-هاااااشفتيي ووپ شفتي شلون ماعندة كلمة هالسلماان

ـ انچبي غفران هو شعليه وبعدين حچي خواته صدك يريدن يفرحن باخوهن

ـ وواناا اكوول شعندةة جااااأاي ساعة ثنتيين. بعزز الضهرر طلع مدسترهه وية خواته وكرايبة

ـ غفران عقلي وگافي حچي بلا معنى خلیني اساعدچ سید مهدي منتظرني بلباب گالي عشر دقايق واطلع اله

ـ ماريد البس ماا

ـ اتخيلي يخابرون ابوچ وامچ ويحچولهم شيصير بيهم.. وچ بابا لا تعتبريهه بدلة اعتبريه هدمه ساترة جسمچ حالهة حال باقي الهدوم.. 

يلة يا غفران العالم تنتضر عييب شيحچون يمصخمةة

ـ بسيطة سلمان تجبرني ع شي ماريدة اني الك

ـ دتعاي تعاي فوك مايفرحوچ تتوعدين مو وجه نعمة وجه لطم

ترست جسمي من هذا الباودر ماضل مكان يعتب

وتالي لبست البدلة جانت كلش حلوة نفش وقماشهه تور لامع مسبعه من الصدر تور خفيف بيهه ردن طويلة تورهه لامع ونازك خفيف وتنزل نفشتهه من الخصر وطويلة مكسي عليها

علی جسمي گعدت سووتلي القيطان والسحاب من الضهر..

راحت عقیله فتحت الباب ودخلت هي هاي البنية نفسهه واشتغلت الهلاهل هي وباقي البنات وخواته گعدني على الكرسي چانت الساعة كدامي  كلش صغيرة يمكن بيهه منبه انتبهت بعدهه ساعه ثنتين ونص الضهر

لزمت هالبنية طلع اسمها نمارق بیدها  المكياج تمكيج بوجهي بعدين عرفت هاي بنت خالتهم الچبيرة وعلاقتهه بيهم كلش قوية وتحبهم ويحبوهه وتعرف سوالف الصالون والمكياج بس اهلهه ميخلوهه تشتغل بس على الكرايب.. 

مكيجتني وبقت مدري شتحط لوجهي الثانية يمكن اختهه مدري شسوي بشعري

رجعت استلمت شعري گلتلي

- سويتلج ركض ركض وتسريحه بسيطة لان ماضل وكت

باوعت بالمراية طالعه شكل ثاني مو اني هاي مو غفران اشو عيوني كللللش كبااار ورموشي صايرة طويلة وتاج براسي ونفشت شعري بسبري وكفته وفتحته

گالت مالحك المة خلي هيچ احلى لان

يراد وكت انوب بشرتي كلهه تلمع مدري شحطولي من گد المع گالت عقیله

-هاااا عروس ام للترتر

عاد گالت ریام خلينة نفرح بوحيدنه ليش ساگمته سگم حرام عليچ  وحيد خواته انوب تزوجي سگتاوي عليمن يمعودة

بقيت ساكته ماحچيت وياهن لان ياگلني اكل بلسانهن عقيلة واكفة وفرحانه بية تباوعلي مثل متباوع لبنتهه

من جهزوني وخلصو گوموني من مگاني..

-  عزا وين ماخذيني

ـ شنو وين للصالة امشي صارلنة ساعه وربع نشتغل بيج التاس التمو  شيكولون

ـ لالا استحي ما اطلع

كالت ريام

ـ كلنة نسواان تستحيين شنوو امشي حبيتي احنة وياج.

ـ جروني جر من ايدي ووراية عقيلة مستغربة البدلة اول مرة من سنين اطلع كدام الناس بهيچ طلة لا حجاب لا ملابس محتشمة ومكياج ترس وجهي وشعري مفتوح ومرفوع بالتاج

همزين حذائي مو كعب عالي كلش جان كل شوي تعثرت من الخجل والثول الصرت بي

كعدنة وكعدت يمي عقيلة وريام.ويمنة ريم بيدهه تلفون تصورني وتحچي  وية مريم لان فاتحه گامرا حتی مریم تشوف العرس

رجعت تصور العرس نطتني التلفون

-احچي وية مريم گامرا

اخذته النقال احچي ويه مريم

-وچ كلش اشتاقيتلچ مريم

ـ غفورة حبيتبي الف مبروك

ـ ليش ما اجيتي

ـ ضروفي اقوة مني..  ولچ طالعه كمرر

ـ ماردته هيج واخوچ كسر الاتفاق

ـ لاترجعين على سلمان ترة والله ميدري بهالسوالف كلهه

ـ بعتي صديقتچ علمود اخوج

ـ اثنينكم اغلى من النفس

ـ احسچ حزينه

ـ لا يروحي شلون حزينة بهيچ يوم اتمنيت اني وياكم واردح للصبح

ـ سولنة شوي وردت اخذته ريم خلت مريم تحس نفسهه بالعرس ويانه

كعدت ريام تسولفلي عن اخوهه وبطولاتة وتمدح بي وتنفخ

- والله ياغفوره اتمنى اخوي يرتاح وياچ لان اخوي رجال

ونعم منه مو لان انا اخته بس والله يخاف الله باي شخص اخ ونعم الاخ ابن بار ماكو منه صديق للماعنده صديق

صاحب واخو خيتة اشماا اوصفه الچ قلیل بحقه

-الله یحفظه الگم

-ویحفظه الچ والله حنيته ماگو منها ازوجنه وبعده یذكرني انه وخواتي وخالاتي

-رديت باستغراب خالاتگم؟

-اي خالاتنه لان ماعدهن اب ولا ام ولا أخوه هوو صاررر گلشي الهن يذگرهن یروح الهن لبیوتهن بحیث یموووتن علیه فد‌ مره

تدرين من گال ارید اخطب صارن گل یوم بلیل یجن النه ويجهزنة بسالفه من جيبهن خطية

ورغم اعمارهن اگبار بلعمر یهوسن بعبیهن ویرگصن اله

يجوز راح تشوفين المسؤليه چبیره علیچ لان صرتي زوجته  السيد بس لاتخافين احنة منعوفج 

،ـ مفهمت يعني شلون

ـ يعني يحب يواصل ويعزم، مو قصدي شغل لان هو من يعزم يجيب صاحبه وزوجته بفلوس يطبخون وهمه يغسلون الصحون وكلشي يجهزون بس تعرفين تبقى عزايم ثكيلة

-زين شنو  اسوي انه اذا مو اطبخ

-تصيرين مرة السيد حبيبة وجه الملكة بالضيوف هذا اهم من الضيافة نفسهه

تدرين خالاتي متعلمات كل اسبوعين يتجمعن عند خالتي الچبیره یروح سید سلمان الهن یتغدى يمهن ياخذنه يسال عنهن زايدتهن ناقصتهن وانتي وياه يعني بين قوسين هو حنين عل كل ويذكر الكل وياريت ميتغير عن طبعه

ـ ان شالله ميتغير

اجتي بنت عم ابوهم بيدهه اله تصوير جبيرة وضخمة وكامن يصورني ووية البنات و بقن يهوسن ويصفكن الى ان اشوي واجى سيد سلمان دخلتة ريام حتى بنت عمهم تاخذلنة صور عرس دخل وانصدم من شافني..

بقى عينة بعيني ويباوعلي مشدوه خزاني كدام الناس بنضراته همس((أنتِ مبدعة تقودين قلبي عمّا قريب الى درب الحب والعشق فاسأسلگه بلا خوف معگ

همسته وترتني ماحسيت اله لزم ايدي قربها لشفافه وخذولنة صور

وبقن البنات ياخذنه صور بوضيعات كلش خجلت منهت رغم عادية

رجع لزمني من ايدي وگف وياية وراية ومره يمي گعدت والمصورة تصور بس هو ماصدك لزك لزك بية وماقبل يعوف ايدي وبحجة التصوير وكل شوي يحضني..

حسيت نفسي اشمأزيت منه ماعرف شعوري اوفر لو اني اوفر لو بية شي غلط الاعرفة هذا بالاعراس عادي بس انا متتقبتلة لان ما التزم بالاتفاق...

بقى لازك وكاعد يمي لو بيدة ميطلع يهمسلي ويغازلني باشكال الغزل بس ماحس بشي بتجاهة بالعكس متجاهلته

كوة ولد عمة واصدقائة شالو من يمي سوو العشة واتعشو الناس وگلمن رجع لبيت..

وعقيلة اجتني تسلم

-يله حبي  رايحه البيتنه السيد خلیته ینتظر ساعه گامله گتله متخوفه وارید اساعدهاااا وهسه بااااي

راحت عقيله وانه حس البدلة گلش ثكيلة وتعبتني مدري انا هييچ احس لان ماراضية

وية ساعه ثمانية كل الغربة راحو بس بقو خالاتة الگبار بايتات وبناتهم وولد عمومته كامو يزفونه ويروحون

  اجى سيد سلمان لزم ايدي گالت اخته

-يله عيوني اليووم يومك يابطل

ابتسم وهو ياخذني الدرج صعدت وياه بين خجل وبين خوف من عدم قبولة وبين حجي خالاته اليربك

هوسولة ولد عمة وفتحنة باب الغرفه

-اتفضلي يامن أحل الله لي النظر لها 

دخلت برجلي اليمنة بخطوات خجله بدون أن أحرك أشفافي دخل وراي سد الباب..  تقريبا الهوسة الجوة اختفت...

وكف گدامي وسلم عليه

-السلام عليكم

جاوبته

-وعليكم السلام

وگفت محتاره ماعرف شنو احچي واسوي بهذا الموقف خجلانة من نضراته حسيتة اگلني اگل بعیونه

گال

- أ..  احم..  شنو تبقين واكفه

تناوعت اله ورديت دنجت راسي

رجع گال بثگل

-اقصد استریحي بعد هاي غرفتچ انا اطلع وانتي تبقين

-ياريت

-العفو!

خجلت ونصيت راسي

جاوب

ـ طالعه گمر ياغفران

تدرين انتي اجممل مما تخيلتهة باحلامي

ـسید آنت  چنت متفق وية خواتك

ـ  لا ممتفق ولا ادري راح يسوون هيج ولو ادري چان منعتهم لان احترم رغبتچ

ـ واضح بحيث اگلتني اگكل بنضراتك

ـ وليش لا اتمتع بالنضر لحلالي امراه تشايله جمال نادرة واگفة جدامي باي حق تريديني اغض البصر عنچ

ـ كسرت الاتفاق

ـ وانا حاضر للعقاب

ـ بقيت ساگته بس منفوخه ماريد احچي وياه

- واضح خجلانه وبعدچ‌ مماخذة على الوضع. 

رايح اسبح بين ماانتي ترتاحين

ومثل ماگلت الچ البیت بیتچ...

بقیت ساگته ارید احچي الخجل تارسني اشمالني هلكثر خجلانه والساني ميطلع احچي اشو معارگه امة الثقلين ولساني يلعلع عليهم ليش هنا انبلع هاللسان

بقيت كاعدة بمگاني وفات من يمي راح للكنتور اخذ ملابس وخاولي طلع من الغرفه

تمشيت متعجبه بيها الغرفة

گلش حلوه معقوله صارت اليه لزمت الفرشه اقماشها بارت رحت للكنتور الباب ادور عليه اشو ماكو.. بلة هاي شلون تنفتح..

عاد مديت ايدي وسحبت طلع اسلايت فرحت شنهاي گلشي مثل ماردت باحلامي وتحقف

سدیت الگنتور لایجي ووفشلة

رجعت گعدت على الچربایه  تهتز یعني يصير انگز علیها ردت اصعدها اجی سید سلمان

یمسح شعره بلخاولي شال راسه ضاج گال

-الحد الان ممغيره ملابسچ

بقیت ساگته

گال

- لو اعرف لیش ساگته جان ارتاحيت

زين باباتي اناااا جاي احچي وياااچ ردي گولي

خلى الخاولي على الطابوريه واجى كعد يمي لزم ايدي

گال

-گوميي ياعيني اتحرگي

جريت ايدي

-ليش وشتقصد

-مااااگو اي قصد

بس اليوم ليلتنه الاولى ورانه هووواي

طقوس وفعاليات

-شنو انووب طقوس تحضر ارواح لو جن طقوسيش

گمت من یمه  ادردم للغفت فستاني وگتله

-لاا طقووس ولا صخاام شنو هالحچي

مايصير ولا تگلي ليش

گام بضوجه گال

-شنيه ماا اگلچ  ليششش  الیوم للیلة الدخله  ورانا صلاة وادعية هاي االليله

جاوبته

-لاااا ابد ابد بعد الشفتة الييوم وشلون ردت تمشي الي براسک

تقرب لزم ایدي دارني عليه سحبتها منه

مبتعده خطوات ليورى خايفه من لزمته

حاول يهدأني رفع ايده

گال

-عزيزتي اهدأي ليش الخوف والرجفه أگعدي ونتفق ومايصير اله التردي

تقرب خطوه ابتعدت منه خطوات لان صدك خايفه بس اگابر اشر باصبعي

-لااااا تجي يمي لاااتجي

-غفران عزيزتي

نترت

-لااااعزيزتي ولاااا اي گلمه ماتلزمني  ولاوطخني لووو تمووووت أفتهمتتتت مااتلزمنيي ابددد

#یتبع

....

.............

..................

#شرح عن قصر شعشوع

قصة المثل(شدعوه مخلصت بناء قابل جاي تسوي بيتك قصر شعشوع)

قصر شعشوع دار فخمة في بغداد بلاصل هي قصر الوالي العثماني بعهد الدولة العثمانية تم شراؤها وتعميرها بين عامي 1906-1908م من قبل الثري شاؤول شعشوع اليهودي، سكنها ألفترة بين عامي 1908-1920م، وضرب بهذه الدار المثل لفخامته حسن عمرانه تبلغ مساحته أربعة آلاف متر مربع لكن أتهدم بحادثة الكسرة وفيضان دجلة جزء من المساحة فلا تتجاوز مساحته الآن ثلاثة آلاف متر مربع،سمي قصر الوالي بقصر شعشوع نسبة للتاجر اليهودي الذي آشتراهزاعاد بنيانه وعمره..ولقد أستئجره الملك فيصل الأول ملك العراق لسكناه الخاص للفترة 1921-1926م،وأنتقل إليه بعد أن تعرض قصره في باب المعظم للفيضان لقربه من نهر دجلة ولقدمه حيث يعود تاريخه للعصر العباسي ويسمى اليوم بيت الحكمة، وكان سكن الملك فيصل الأول في قصر شعشوع قبيل توليه حكم العراق، حتى تم تتويجه وبقي فيه لغاية حادثة الكسرة المشهورة في بغداد والتي تعرض فيه المبنى للغرق عند فيضان نهر دجلة عام 1927م(ذكرت الحادثه الكم بتفصيل برواية امسيت قربان)

بعدها تركه الملك فيصل وسكن بقصر الزهور، وتحول قصر شعشوع أو قصر الوالي العثماني إلى خراب بسبب الفيضان أتخذه الملك كمقر مؤقت للبلاط الملكي تالي صار مقر مجلس النواب والأعيان بفترة وزارة ناجي السويدي في عام 1930م، وبعد ذلك أنتقلت إليه السيدة فرحة شعشوع وسكنت فيه للفترة بين عامي 1931-1933م، وبعد ذلك أستأجره الزعيم جعفر أبو التمن وزير المالية للفترة بين عامي 1934-1942م،أتخذه كمسكن شخصي أجرى بعض الترميمات والأضافات للقصر،تركه ثم سكنه النائب المحامي صبيح نجيب هو وعائلته للفترة بين عامي 1943-1945م، ومن بعده سكنه إبراهيم الجيبجي للفترة 1946-1952م، وهو صهر وزير الدفاع العراقي شاكر الوادي،أنتقلت ملكيته إلى الحاج أحمد البنية الذي أشتراه في عام 1953م، وسكنه مع عائلته إلى حد الوقت الحالي.قصر