تحميل رواية «النوك الحمر» PDF

     --- فتره عدت عالموضوع واتي ساكت بس صدقا جزت روحي من يمها على كولت سيد حسين.  وهي طبيعيه حتى امي انتبهت عليها نضراتها الها باستغراب وكامت متتدخل ابد انما اني   ههههههههه والله من اتذكر اني بااارد وهادي. كانما كلشي مصار موضوع القاصه منفك بعد فروح تروح وتجي للمدرسه   واني كمت اتسوك واخذت فلوس من امي بينما يكمل الشهر واجه راس الشهر والحلو بهالشهر حصلت ترقيه اتذكر وكتها ٢٠٠٦ جانت ١٨ بشهر حزيران يوم فلا انساه راتبي تضاعف وزاد عليه حوافز  شنو رجعت طاير شنو فرحان طبيت للبيت ركض لننه لغرفتها جانت عالسجاده خليت الراتب عالسجاده عكدت حاجبها سلمت باوعتلي تبتسم كالت

شنو هاي

ضحكت

ننه شكد دتندعيلي بروحه لعمي

يووو بس الله يدري

يوم ترقيت وزيدو راتبي للضعف

يا يمه صلوات على محمد حضنتني بستها من راسها جريت نفس من ريحتها اوف ياريحه العفه والطهر يمه بدلي اريد اروح. لعمي علي بدلي فدوه.

يله يله دقايق دتغده اقلها

لالا هناك تغدينا  دااحجي وطبت دعاء خليت الفلوس بجيبي كدامها ابتسمت كالت

خو ماكو شي  شو خاله تبجي ننه كالت

يمه رجلج ترقه زيدو درجته

كالت

ايييي الحمد لله مبروك حياتي

شكرا باعي حروح وي امي للنجف ازور ابويه وعمي تجين

ادري الواحد يترقى يعزمو بمطعم  بسفره. مو يروح مكبره 

تجييين لو لاا نترت

لالا وديني لاهلي

ماشي صعدت فوك ضميت الفلوس بالقاصه بهالفتره غيرت نضامها والرقم السري هالقاصه قاصه عمي علي وابنه الشغله الوحيده المضلت بباله واخذها هي هالقاصه. خليت بيها الفلوس وطبيت للحمام طبت دعاء تبدل تتحضر اوديها طلعت انشف وفرح تكمز دعاء كالت

اكولك شو القاصه متفتح

شتردين بيها عكدت حاجبي مبتسم ببرود

دادااخذ فلوس داروح لاهلي خاف اطلع سوك

شكد تكفيج

هااه شنو غيرت الشفره

اي طبعا دعاء من الاخير ٥٠ كافيه عليج بالشهر كلش اني كلت هيج. وهاي عيطي عيطه

شنووووو ليش يمه شو تترقى تنفكر شبيك حضي ميت عالفلوس كتلتني ببخلك

ضحكت من كلبي واني انشف بشعري تركتها ضلت تهوبز وتصيح وتلم بهدومها واني مو يمي كالت وديني لاهلي وفرح حبيبتي صافنه بالوجوه خايفه  كتلها

فرح دوامها شون

صاحت ويطططبها مرض اذا ابوها ممهتم بيها شون تريد تدرس

فرح بابا تبقين يم بيبي كالت وتبحي

ماما

ماشي اني اجي  عليج  يوميه خل ماما ترتاح كم يوم بيت جدو ودعاء تخبلت

اهلي طول عمرهم حايرين بيه وانت بخيل  عبالك جنت مموتها جوع. بقيت ساكت والبس بارد للاخير اعصابي من ناحيتها طفت ولو هي ابد ممشتغله غير كم مره فرفحتني وبعد عطلت هاهي كامت متهمني كملت تبديل ونزلت شوي ونزلت النوبه تصيح على ننه

اخوج واحد بخيل ننه عاطت صفنتني

ننه- معلليه اني انتي وياااه اني معلليه

جاوبت

طبعااا تكيفين عيني تكيفين الفلوس تصير الج.  لو تردين تزوجي.  شمدريني شمخليه براسه

يس- مثل كلوب واشتغل عدي اي وليش لا اني ششايف من حياتي وياها اريد احب واعيش لتجنفسي وحده تحبني اني مو علمود روحها وفلوسها اشرت لننه تسكت سكتت وهاي بعدها تصيح صعدت للسياره وهي تدعي متخاف الله بيه متخااف الله باهلي منيلهم يصرفون عليه وعلى بتك هذا كله تتحاسب عليه مو انت تصلي وتصوم كلشي متعرف من الدين

ننه عاطت

ولج منو صارف علليج غيره  لج كل متروحين كومه يتسوك لاهلج

هاه وعينج عالمسواك غير اني دابات هناك وبته  بس شترجى منج مو انتي الذبيتي اخوج بدار الايتام حتى ميورث وياج هنا اني متحملت بعد بباب بيت اهلها وابوها واكف يصلح الخرس نزلتها كدامه وكتله كل الحجي صاحت لا يابه والله مكلت انداريت على فرح

فروحه شكللت ماما فرح بجت كتلها لتخافين شكالت مانا باوعيلي الي  لتباوعيلها وفرح لسان خرطت الاكو والماكو ابوها جرها للطرمه وكلي روح عمي روح وراك زياره وطريق جريت فرح خفت عليها تضربها ونطيت فلوس بيد امها الضلت صافنه وتعض باصبعها وتباوع لبتها وبتها تصيح

عساها حوبتي  متتعداك يا يس يبن اميره عساك انت. واختك بمرض متشفون منه وتنذلون طلعت وسديت الباب واسمع ابوها

يصيح ويضرب اصلا ولا رفلي  جفن  صعدت السياره وطلعت وامي ترجف اعصابها هي وفرح الا اني خرب ببليس عبالك بالع ابو الصفنه بااارد

فروحه بابا

ها

تحجي وتشهك

اوديج مطعم حبيبي تغديتي كالت

لا جوعانه

يله هسه نروح للمطعم وناكل شنو تريدين

اريد كباب مال بيبي

تقصد كباب طاوه

خرب يومج اكولها مطعم تكولي كباب طاوره

ننه- انزول عليج. وعلى ببيتج

يس- نشتري لعابه

اي لابسه بدله بيضه وبيها ورده حمره

وهاي وين راح الكاها بخيالي مداالكه هيج شي ننه كالت

اخذلها  اللعابه واني افصللها بدله للعابتها والها

يس- الله لايحرمني منج  ننه حبيبتي  باوعتلي وجرت نفس مهموم باوعتلها

يوم شنو رايج اتزوج

شنووو اسكت عمي اسكت

لج يوم شبيج راتبي تحسن والله ميتات الموضفات بس افرجوت يصيحون اللي تعزم على ريوك واللي تكولي قميصك شكد حلو لونه ضارب وي عيونك

ضربها مغص كوونغ لك تسكت لو شون بتك كاعده

فرح- بابا اني ماريد غير ماما ام

يس- هههه اتشاقى بابا

وصلنا النجف ونزلنا المكبره وزرنا الامير بعدها وكعدنا مطعم مخليت شي بنفس فرح شتريد تاشر واخذلها  واخذتلها اخر شي. اسم  فرحه عمري لكيته صدفه واخذته لبسته الها كيفت امي دمعت عينها

ننه شتردين بس اشري عمري انتي تره شايل خير من الله

يمه اني هاي فرحه فروحه بالدنيا لك تدري بمعزتك لو متدري

ادري ادري غير انتي دنيتي الخضره يووم

بتنا بيومها بالفندق وبليل هم طلعنا للامير فرح حيل ارتاحت وننه هم واني

شبيه اني.  معقوله حضل طول حياتي احس بهالنقص العشت بي رغم تعب ننه وعمي علي   حضل اتمنى  حب من نوع ثاني بحياتي باوعت للقبه مال امير وجريت نفس

انت تعلم داخلي لا اني الادور ماده  ولااني الادور مكسرات بس شي بنفسي اكون عائله متماسكه هواي عليه يعني انولدت يتيم الابوين ورغم تعب ننه ويايه بس احس روحي. مو مثل البقيه  ومن تزوجت ردت اسد النقص معقوله حكضي كل حياتي هيج

غمضت وارتجيت على حايط الحضره جتي فرح يمي لابسه جلجادر صغير اني مخيطته الها يخبل عليها كالت

بابا انت حتتزوج غير ماما

صفنت عليها ابتسمت واذا متزوجت بابا

برطمت كالت

ماحبك بعد

شلتها وحضنتها همست

لابابا مااتزوج لتخافين باوعت بعينها رصاصي مشخط باسود تللمع بستها من راسها  كالت

هسه لعابتي كعدت من النوم

ههههههه دمشي هسه نروح للفندق وتنام يمج عود مو تدوخنا ببحيها

لاع ماخليها تبحي

عفيه  يومين ورجعنا والبيت هادي نفسيا ارتاحيت وجوه مصلحجيه ماشوف

هالفتره فرح تعلمت تصلي وي بيبيتها بس كلسا وسالت مانا شوكت تجي  اذتني 

فتره اسبوع ودز ابوها  عليه والله كام يصيبني مغص من اشوف رقمه يتصل كال

تعال عمي نتفاهم ورحتله. وكعدنا كلنا بيومها حتى ننه جتي طبكت ويايه واني ساكت  الحلو بالموضوع تكذبنا  ونسال فرح وفرح ترد بعفويه معبالها شي حيسوي مشكله  ضل ابوها يسال ويباوع لبنته كال

شوفي اكولج هالمره صارت مره لخ اني ازوجه لرجلج مو تكو لين مكلت خزيتينا وي الولد   كافي بابا عيب

بقيت ساكت منصي شوي وطبت خالتها وكفنا نسلم اباوع شو هاي متخشخشه بالذهب منيلها جان حال الضيم حالهم. وتقربت على دعاء بوس بوس ودعاء تبجي وهي تكوللها

لتبجين خاله ولا يهمج تعاي يمي عين خد وعين فراش بقيت صافن هو رجلها مات سوو فاتحته ببيت اهل دعاء ياغطا يافراش بيت ماعدهم كلهم بغرفه تالي من كعدنا وضلت تحجي وتحمد  بابنها  اثاري العينتين مشتغل وي الامريكان ومنا الحواسم طاك للستار

ومشت ي بيت شكبره والعالم تنطي فلوسها يشغلها وهو صاايع اني اعرفه مارلي كم مره للوضيفه على معانله تنكر نفط وي النقليات واني  اكول  شجابه هالمكطم اثاري يشتغل وي خوالنا الامريكان وطاك

بقينا ساعه اني صافن وننه فاكه حلكها راسي صدك من الكنح  والكذب وكفت

يله ننه يله عمي اني اترخص ابوها وكثجف تصافح ويايه نتر ببنته يله لج امشي بوسي رجلج من راسه تقربت تباوع بعين وكحه وتخزر باساتني وراحت لبست عبايتها وطلعت ورانا صعدت بالسياره واباوع ابن خالتها محفحف والسياره اخر موديل صعدت وطلعت حسها نطلع يومين مااسمع حسها واني انام جوه

وفرح يمي شو يومين وصعدت فرح وكامت تتعلم تجيب حجي وتودي حجي كلسا وكالت

بابا بيبي هيج تكول شنو متحبني

لا بابا شون متحبج هاي بيبي

مرت الايام  واني تقريب الشهر مااصعد صدقا تعلب روحي وهي تنضف بالاسبوع مره  وامي على كيفها بيتنا ميحتاج تنضيف  حتى فرح مرتبه معلمتها امي وحتى دعاء تغيرت هواي  بنضافتها للغرفه مو نفس بدايه زواجي منها بس اخلاقها متغيرت للاسف  والله كمل الشهر واني اكلي من ايد امي وانام جوه تالي بيوم بليل نزلت توني اغفى خلت ايدها عليه فزيت كالت

تصعد فوك تنام دااخاف وحدي

بقيت صافن هسه تذكرت تخاف بس محجيت صعدت فوك راسن لان كلبي لان حاجتي  الها فاقت  نمت عالخربايه تقربت مني تحضني واني مرتاح لان حسيت اشتاقتلي حسيت باهميتي تجاهه  حضنتها وتقربت منها بلهفه وهي حاولت تبين انه منسجمه بس اني اعرفها مو دعاء اول برود عدها ناحيتي يمكن لان الفلوس تصعد عدها الحماوه ماعرف مااعرف هالمره ابدااا مو واضحه  واني اتعب هيج متنحزر ابدا

ابتعدت بقت بحضني للصبح مكدرت انام تعبت من تفكيري رحت لشغلي ورجعت والكاها متناقه اخر اناقه دعاء حلوه  وجسمها مربرب صح كصيره. بس حلوه  كيفت من شفتها هيج وامي كيفت كلنا هاه يا الله راح تتغير  حتى وي امي تغيرت. حدها لراس الشهر وكلبت من منطيتها  بس ٥٠ كالت بهدوء

بيش قصرت وياك

وانتي تسوين هيج علمود الفلوس شنو بابا انتي ---

لا بس مثل مااني ممقصره ماريد انت تقصر

ممقصر بس عذريني هاي كافيه لو انطيج ميه والله تكفيج وعمي شوكت متردين ترحين للسوك مسواكج وملابسج عليه بعدد

اني اريد فلوس بيدي

دعاء الله عليج وين دتوديهن

هي وينها ياسين شبيك

جانت هادئه بارده حيل وكانما مطمانه

دعاء سنتين القاصه كدامج وفارغه توقعت مجمعه بالقليل فد سبعه والله العضيم مطمن والقران. تالي انصدم

انت متحس بالصرف

حبيبه اني مو دااصرف هاج خمسميه بالشهر كوه تخلص وماخلي شي ماحيبه نقص ماكو انتي من بقه بيدج المصرف ماكو شكولكم تكولون خلص وامي الفطيره تكولي خليها تلزم ضهرك باوعتلها ودرت وجهي الله يعلم وين دتروح

مجاوبت وكتلني برودها كالت بهدوء

ااني اسمي طلع توضفت من شهر اللاخ اشتغل

شون منو طلعه

ابن خالتي

رفعت حاجبي هااااا هيج.  فيصل افندي صاير يطلع التعيينات والله عمي طكو الحواسم

لتكول عليه هيج الولد يشتغل بكده

اي عمي حقج هاهي يله ماكيف وين تعيينج

بدائره ---

هاه بس بعيد عن اختصاصج

شسوي هاهي

عالخير يله بدلي خل نطلع بهالمناسبه وين تردين تروحين مطعم منتزه

ابتسمت ببرود كالت كيفك بس ملابس ماعدي

عمي نجهزج ولا يهمج

بيومها رغم فرحتي هالشهر باتزانها ويايه  ولاول مره بحياتي. يوميه اقترب منها وهي بارده مو يمي مو دعاء قبل  بس خفت من برودها  حيل. طلعنا بس اني وياها حتى فرح عفتها يم ننه واشتريتلها كلشي تريده بالغت واستغلت بس اني مرتاح لان ريحاني هالشهر وجرت عدل بله مشاكل حتى  وي ننه  داومت يومين بالوضيفه   وفد مره جيت قبلها خابرتها كالت بالطريق مدري ليش فضولي راح لكنتورها وفتحته بقيت ادور ملكيت فلوس والله ارتاحيت وانصدم من اشوف حبوب مانع حمل  بقيت صافن يعني اني هالشهر هالشهر يله فكرت  اسوي جاهل لخ   لان.  صارت ادميه بس ليش تاخذ مانع متريد طفل ليش شنو السبب رجعت كلشي لمكانه وكعدت مضجت كلش ذبيت اللوم بالوضيف كلت يجوز متريد تنلزم بطفل وهي توها واني افمر سمعتها طبت للطرمه مديت راسي باوعتلها وصار انفجار كسر جام بيتنا نصه ---------

صارلي مجال ونزلت وتستاهلون ----

-----------

--- تكسر الجام نصيت بصوره رد فعل وبالي يم ننه وفروح ودعاء ركضت جوه وره ثواني  بس صياح فرح وترديد ننه

يااربي رحمتك ارحمنا صحت بعلو حسي

نننه فرح يممممج

اي يمه انت ويننك

هياتني خو مبيها شي

لالا مبيها بس فزت

دعاااء دعااء وين ركضت للطرمه شفتها واكعه ومضروب راسها ببنيد سيارتي  يمكن اثر العصف هزيتها كعدت باوعتلي عيونها ذبلانه

بيج شي شدتحسين

اهلي اهلي فدوه اهلي طالعين عالشارع توني شفتهم

فكيت عيني لزمت التلفون هي كوه وكفت طبت تغسل وجهه وامي ركضت بمي وشكر اخابر اهلها كل مغلق  الشبكات وكفت فد نوب. دعاء تصيح

دروح شوفهم بس تاكد يا اللله عليك  من رجال على برودك

شطلع مدتسمعييين  الاسعافف منا لهنا متمشي السياره هسه يوم اني رايح مشي

ننه- تعاال لك يمه وين رايح 

اي لعد ابقى كاعد مثل النسوان 

اي انتضر ياامييي لتخليني اتخبل

كعدت يوم كعدت ها اهااا وبيدي التلفون ادك وماحصل بزعت روحي  ودعاء تلوب ساعه ومكدرت بعد بس طبت ننه للغرفه تلم الخزاز طفرت لبيت خالتي والكه البيت مثبور   ثبر وخالتي تدك وتلطم  سالت ابن اخت دعاء كال جدو ماكو ديدورون عليه راسي افتر وياهم للليل لكو بالطب العدلي انكلب بيتهم دعاء ملخت روحها صدقا انقهرت عليه انسان عادل الله يرحمه وخلصت ايام الفاتحه

بين عزاء وتركيب وابن هاله دعاء مقصر بالهبل ساعدهم ويتسوك   ويجيب ويحط كمل العزه ورجعت لبيتي وي دعاء   انهد حيلها وكفت وياها اتذكر اكثر فتره تقربت منها اوكلها بيدي وانيمها بحضني واخاف اغفه واكعد الكاها بالحمام تبجي   كضت الايام  ورجعنا لوضيفتنا.

اتذكر ذيج الفتره صبيت اهتمامي بالبيت حتى كمت اساعد امي بالتنضيف وي ننه حتى دعاء  متتعب لان الدوام بدايته اثبات جداره من جانت ترجع متكول شي ولا تعلق كبل تتغده وتنام واني عدي المهم امي ووجهي ابيض كدام الله   فتره مو طويله وكلت كافي بعد حاولت اقترب منها مقبلت صدتني على نفسيتي تعبانه تركتها ونفسي كلش انكسره عفتها شهرر ثاني شهر كامل مقتربت منها  وهي مو يمها تروح وتجي حتى لفرح هملتها  والبيت فندق وكلشي معاجبها هنا اني فقدت اول نطلت عطت بيها وعياط ومصايح ارزل وهي تباوعلي ببرود  نضرتها مستهزاه  بابتسامه ردت اتخبل ضربتها وعاطت فرح   تبجي وتصيح ماما تخبلت الا شوي وهي مو يمها

شبيج انتي شبيييج فهميني هامله البيت وبنتج ننه تدرسها كالت

غصبا عنها حبيبي غصبا عنها مو بت اخوها وكاعده ببيتك هاهي

بيتيش للج بيتها هذا لتخليني اغلط

بيتيش بابا الك الحصه الامبر تقربت عليها رفعت حاجبي

لتخليني  اتخبل و اخلي باسمها  واطلعج من المولد بله حمص

باوعتلي متفاجاه كالت

شتريد مني

تجرين عدل كل اسلوع البيت ينكرب يعني ارجع من البيت المه امي تنضف بغرفتي واتي عبالي انتي الدتنضفيها وحتى هدومج تغسلها

شسوي وكت ماعدي دااتعب تريد انطيها فلوس

فقدت كمت اضرب بله مااحس انهزمت مني وتعد وتصف بصياح

فرت راسسسك فرته لراسك اييي تريد تزوجك

بت القندررره وليش مااتزوج هو اني هم محسوب عالمتزوجين من امداني خركه صاير بيدج والنوب تبلع حب مانع امشي لمي هدومج اشمرج بيت ابوج امشيييي لا انعل والديج

صعدت قبلي وحضرت هدومها ببرود خبلني واخذتها وذبيتها  ورجعت مرتاح سبوع سبوعين وفرح ليل نهار تبحي هي ششايفها منها تبجين  عليها.  وفعلا قررت اتزوج وفاتحت امي كالت

يمه المن اخذلك الدنيا متنحزر هاي بت خالتك وهيج سوت بيك

بقيت صافن الويايه بالدوام كلهم ماخذين راحتهم مرشهر على بقيتها عد اهلها وكل متروح فرح وترجع تكول بيبي تطلب ماما هلكد وانطيهايعني فلوس اكلها وشربها مدفوعه بس خل اخلص. وبيوم بليل مكدرت انام كاره حياتي فرح نايمه جانت صف ثالث ابتدائي نزلت جوه لكيت امي دتصلي وتندعي وكفت وراها سمعتها كالت

يارب فرج على بريسم بت حواء وفك كربتها وخلصها من الضلمرها دخيل اسمك

فزيت وكل نبض بيه دك مدري شصار بيه من سمعت اسمها صار سنين من طلعنا من البستان واشكال احداث صارت ودوم على بالي الساده والبستان النوك الحمر وعيونها ورفه الشاهين على ايد عبد الله كملت صلاه امي التفتت

ها امي حبيبي شبيك

ننه ابها ببالج

والله يمه حلمت بيها وفزيت كون الله تكون بخير ياربي هلكد مضلومه هالبنيه اجتتوسل بيه تكولي خاله انتي هواي تصلين ادعيلي اخلص منه وتطلع من عده ويكول ماريدها

خطييه انكسر كلبي واخذني الحجي وي امي كالت

خلمت بستانهم يحترك وهي تشيل على راسها تراب وتنكته لمعت عين ننه هي وتحجي المنام

صدك كلبي لزمني لاهي وي مصايب الخاتون اللي مافد يوم حسيت براحه وياها وابد مسالت عنهم هان عليه الملح والزاد شكد عيب

وكضت الايام ولكتلي امي وحده تخطبها الي جالت ارمله توها متزوجه ورحلها استشهد بانفجار كتلها عمي بس جون تقدر الرجال  مرايد  شي. وفعلا تقدمت امي ورحت وياها ورجعت لكيت فرح بالبيت ميته بجي

لج بابا شبيج

بابا اذا تزوجت غير ماما اكتلها لروحي

بقيت صافن عليها كالت

انت متحب ماما شكو بعد دااعيش وي مرت ابويه بس تتزوج اموتها لروحي والقران

تحجي وتبجي اسكت اهدي ميفيد تركتها كلت توها عمرها عشر سنين تنسى  طلعت فلوس الذهب وحضرتها لامي ردت زواج باتم مايكون بقيت بالليل  افكر واتذكر ملامحها وداخلي يردد

بس متشبه بريسم

ردت وحده تشبهه ولو بخجلها وارتباكها

ردت وحده ولو بس نفس نضراتها وخوفها

استغفر الله ربي مو حقهم ميخلون احد يباوع لاهلهم هاك نضره وانحفرت ببالي صار سنين. الصبح طلعت للشغل وخليت الفلوس عالميز لننه جنت متفاهم قبل يوم وياها   تشتري الذهب والملابس للبنيه ودعاء كلت اذا رجعت تبقى هنا واخذ امي واطلع ااجر بينما ما اقسم البيت  هيج جنت مقرر وفعلا جبت مهندس وقسم البيت سوالي خريطه رهيبه   كلت شهر وابلش  لان جامع خوش مبلغ صدك وارجع من الدوام احجي وي امي عالذهب كالت

جان بقيتلي الفلوس ياماما ورحت اشتريت

وكفت صافن مو بقيتلج هنا عالميز

كالت وين شوكت

معوده الصبح جنتي نايمه يم فرح صفنت على فرح اللي ارتبكت وخافت تبعد بعينها تقربت منها

همست

فرح بابا الفوس وين

مادري ماخذتهن مو عدي والله والله والله موعدي

تحجي ووتبجي وترجف

طكت وايراتي  تخبلت لزمتها من شعرها اهدد اذبحج اذا بايكتهن مثل امج وامي ورايه تجر بيه تكولي لك امي عوفها.  اني  فصلت بعد ضربتها وطبت للحمام ركض وقفلت الباب عليها كمت اصيح

اذا متحولين وين وديتيها تره اسجنها لامج

صاحت لا بابا حببباب الله يخليك لتتزوج

اتزوج وغصبا ماعليج وعلى امج  تدافعيله بعدج هلكدوتج وتدافعيلها   متدرين شسوت شون انتي دتبوكيني هي هم باكتتي امي تجر بيه تسكتني اني غديت نار بتي تبوك هاي الحقيره تعلمها البوك اااخ يانار كلبي احجي واصيح واهدد اموتها لامج بسيطه بسيطه خنست فرح واني تعبت بقيت كاعد صافن. شسوي الها هاي جتي يمي ننه صبتلي عصير ليمون شربته وايدي ترجع اعصابي تلفت شون شسوي تعلمها عالبوك هاي

يمه غللط تصرفك غلطططط

يمممه باااكتني هاي تعلوم الافنديه يووم

اي انت كلتها شفتها شون ارتبكت وخافت

اي هالمره هيج مره اللخ عادي تصير

استغفر ربك يوم

لج امي البارحه وديتها اليوم تخبلللت لطمت على وجهي اني بتي تمد ايدها وتبوك خرب اهلل دعاء من ساعه السووووده ساعه السوده الجتي خالتي بيها وشافتني ساعه المصصخمه كون

جريت نفس اريد اهدي روحي وامي تلوب تروح وتجي تفرك بيدها تخاف تحاجيني

شبيج ننه شكو

يمه مطلعت فرح خاف تخربطت

يمه تخاف لا اضربها

اني داادك بالباب اشاورها  اكولها اخليج بالغرفه وقفلي الباب متقبل

غنضت عيني ووكفت متت خوف على بتي دكيت الباب بهدوء مردت

حجيت وياها

بابا احاجيج ماس ي شي بعد لتخافين

مامو رد

خفت حيل كسرت الباب بصعوبه طكت والكاها خانكه روحها ومزركه بتعلاكه الحمام   ----------

مردت اقصر بالتنزيل رغم انشغالي

دمتم سالمين لتنسون التصويت لست مريم

مريم السعدي

الناقله سا ر ه علي محسن

ياسين-   الدنيا وكفت بعيني امي ركضت وتردد   بسم الله الرحمن الرحيم لك يمه ساعدددني لتصفن

اباوعلها مزركه ترفس تبنجت وامي تصيح لك ماما ويايا عيينني. ياربي دخيلك دخيللك يارربي. ركضت شلتها وافل الشال من اللافته على ركبته صايره مثل الليه بيدي تخبلت اكعد بيها لج بابا فرررح فرح بابا عينها كلبتها تنفس اصطناعي اي اي همه هيح يسوون سويته الها غصت وكحت قوي وذبي من راسج غسلت وجهه اباو امي كعدت مابيه وكفه بعد واتي اعصابي ترتعش كوه شلتها واخذتها بره وكعدت عالقنفه اريد اجر نفسمدااكدر  نفسي انكطع واباوعلها تتنفس ويصعد صدرها وينزل كوه فتحت عينها رد الهوى بصدري بجيت مكدرت وغطيت وجهي اني شسويت والله بلاني بهيج وحده بيش قصرت وياها شو اشرف الموضفين كلها  اللي سوه بيت واللي اخذ كاع الا اني من وره جهرتها مكانك راوح مددتها ترتاح وغطيتها رحت لننه بعدها كاعده بمكانها على طابوريه الحمام

ننه فدوه لعينج مابيها شي كومي

يمه حيل حيلي انهد البنيه جان ماتت

الله ستر باوعت لفرح عالقنفه ورجعت باوعت لننه

كومي بره امي كومي هنا يمها

كامت ويايه وانتجت عليه كعدت يم فرح فرح حسيت ومتريد تفتح عينها تقربت منها

بابا كومي بدلي نروح نطلع

كالت

وديني لماما

لا بابا دااحاجيج ليش هيج سويتي حبيبتي ليش اني هيج ربيتج مو ذاك اليوم حجينا وسولفنا اني وياج شتريدين كوليلي وداانطيج سبوعيتج تجمعيها عد بيبي وكتلج حرام السرقه قطع اليد عقابها مو صح حبيبتي

جنت احجي همس مكنبص كدامها  واحاجيها بهدوء البنيه راحت تروح من ايدي انعل ابو امها  كلشي ولا فرح كالت وتبجي

بابا اني مو حراميه

لعد اليبوك شيسمو

انتو تريدون تجيبون وحده غير ماما وتكوم تضربني  وتكرهني

ومنو كال اخلي احد يمد ايده عليج اني مماد ايدي عليج

بعدين تكوم متحبني

هاي منو مفهمج هيج

بقت تفر بعينها مبرطمه حضنتها قوي

بابا  تدرين لو صاير بيج شي اني قبلج اموت تدرين مااتحمل يصيبج شي

بابا انت تحبني

طبعا اموت عليج

لعد ليش متحب ماما

جريت نفس حبيبتي تكبرين وتعرفين

لان ماما باكت مثلي

بقيت ساكت همست منو كايلج عالحجي

خاله اعراف سمعتها تكول لماما انتي صوجج كعدتي تبوكين من رجلج

انصدمت بقيت ساكت اعراف اخت دعاء مرتاحه بحياتها وزوجها يحبها خوش انسان زوجها احترمه الضاهر هناك حاجين وياها شوي بردت ناري احد طبك ويايه مجاوبت فرح كالت

اني من تتزوج اموت روحي بابا ماابقى عايشه ابد اروح يم الله وجدو

اسم الله عليج حضنتها طفله مو مال تحاجيها وتوعيها هزيت راسي برضا ساكت مبتسم كالت

الفلوس ماريدها اصلا مبكتها بس ضميها جوه الزوليه حتى متشتري ذهب

هاهي بابا موضوع انتهى لازواج ولا غيره. جريت نفس تعبت مو مال استعجل خل تكبر  شلت من راسي الموضوع وننه خابرت العالم صرفت نضر ودزيت واحد من الوضيفه ديريد يتزوج على هاي البنيه وفعلا خطبها  بقيت فتره سنه كامله دعاء هناك وفرح هنا  عد ننه صارت صف خامس متفوقه الاولى صلاه وحجاب تعلمتها من ننه نضافه وحتى  دتتعلم تطبخ يوميه التكلاه بليل عليها العشا واني طاير بيها  احير ششتري وتروح كل اسبوع مره بيت جدها تجي مكلوبه عالبطانه ونرجعها وره يومين كوه  وفجاءه تمرضت  فرح بامتحانات نص السنه  تخبلت طكع جسمها كله ازرك واحمر صخونه حمى مااعرف راد يوكف كلبي اربع دكاتره وديتها. مفاد. كامت تهذي اخر شي بعد الرنين الايكو  والاشعات طلع عدها فتحه ثلاثيه قلبيه الدنيا صغرت بعيني اول شي كاله الطبيب ابعدها عن كل توتر منكدر نسويلها شي هسه من تبلغ عمر ١٨ سنه يسوولها قسطرتين وان مافاد فتح قلب   اي عمليه القلب المفتوح

كرهت كلشي حلو بالدنيا صارت فرح كل همي ودومي بغير عالم وتعبان خايف عليها شتريد اسوي دون نقاش يوميه الكه امي تصبرني وتقويني عادي يمه فلانه سوتها وطابت وفلانه هنجم عدها وتعالجت. ارتاح ومن اسمع بجي امي بليل عالسجاده يتجدد رعبي    مرت ايام رحعت لحياتها فرح  ادرسها بهدوء اطلعها شتريد اسوي مرت فتره شهرين بحاله طيبه فجاه ---كالت

بابا اريد امي رجعها للبيت اذا تحبني

اويل يابه ششايفه منها حنان صخام دترديها سكتت ورحت مثل الكرته حشه اليسمع وطبيت بيت اهلها وكعدت  وي امها  خالتي وهي مطلعت وحجيت لخالتي حاله فرح  وانه اريدها وصاحت على دعاء وجتي اباوعلها الخلقه مكلوبه حاجبها متغير ووجهه عبالك موهي ضعفانه  والاضافر مطولتها وشفافها مبرطمه كعدت وكلبت عينها اني منا كارهه  كالت

شبيها بنتي اخذتها قبل ثلث شهور ورده مفتحه

دعاء من الاخير بنتج دتريدج  ترجعين لو لا حتى اكوللها مقبلت داانهي كلشي اني لعبت روحي

كالت

ارجع بشرروط ماارجع هيج بعد وي اختك المصون

فركت وجهي باوعتلها شايله خشمها والله صدك لو كالو صعبه على الماشايف بقيت ساكت

وشتريدين خاتون

تعزلني عزل تام  عن اختك اني ببيت وهي ببيت

استغفر الله صار بسيطه اصلا اني مسويها بقه بس الشبابيك ووقفت لان ردت اتزوج بي بس مصارت

معليه اني عود روح تزوج بذاك البيت مال اختك اني وبتي النا هاللبيت

اوك ماشي  بعد اي اوامر

هاهي ششفتني فد يوم متطلبه وشوف اكولك سالفه كل حجايه واوديج لاهلج بعد تنساها بالقران اخذ بتي واطلع متشوفني بعد ومتدري بيه وين ماوين الجنت اخاف منه وراح لدار حقه

ههههههاي اي والله كلتيها جبيرج راح امشي امشي هو اني جافص بعد امشي لاجل عين الكون كله يكرم مو الف عين

اخذتها ورجعت جانت غير عن دعاء التتوسل اصالحها وتترجى مني حضن ونومه بفراشها رجعت للبيت حتى على ننه مسلمت بقت ننه صافنه وراحت لبنتها بلواكتها

خبيبتي وحياتي وعمري وفرح الفطيره تبجيي ميته بجي  مرت الايام عزلتها بالبيت اللي قسمته نصين ميه بميه بخارطه مهندس واني بقيت يم ننه وجهزت البيتين كاونترات واثاث وغرفتي مال نوم وديتها هناك وكملتها. بقيت يم ننه فرح مكامت توصل الا نادرا كمت اتسوك مسواكين لهنا وهناك ومقصرت بشي والله يشهد وبنتي فتره سبوعين ثلاثه كامت فرح من اجي تجي تتغده يم ننه وتكعد تدرس ووراها تروح ثاني يوم من نكعد وحدنا وادرسها الدروس الصعبه على ننه تكعد تحجي

بابا بيبي هيج رزلتني

بابا بيبي تكولي غبيه

بابا بيبي تكولي ريحتج مطيبه

بقيت صافن عليها اعرف تربايه امها او تعلمت نقل الحجي يسويلها انتباه وهي بعمر مراهقه تحب تجذب انتباه الناس الها جنت اهديها ببرود وحب

لا بابا تحبج لابابا موقصدها هيج لحد مافاض صبري عطت بيها

بسسس عااد اذا بعد حجيتي على بيبيتج حلكج اشكه فاااهمه

سكتت وراحت تبجي لبيت الثاني وجتي دعاءتركض شعرها واكف مدري محروك مدري صابغته ومهلوس وبقت تصيح

شنو تصيح على بتي من وره اختك وشنو و شنو ----وامي تتوسل بيه ماضربها شوي شوي وعله صوتي صبري فاض

لج تسكتتتتين لا ابتلي بيج ننننه اطلعي فوتي لغرفتج ررروحي لغرفتتج من وراج كلها من وراج الديصير بيه وبعد وبعد هاي تططلع عينها طبعا تروحين لغرفتج لا وحق محمممد اطلع ماارجع بعد

امي عافتني وايدها على حلكها تباوع لدعاء بخوف راحت ننه وباوعت لفرح وباوعت لدعاء

شوفي دعاء. بنتج تلزميها يمج لهنا متوصل بعد

بعددداحسن تتعلملي سوالف مكسره وحجي فارررغ وقال وقيل

شلت ايدي وضربتها على وجهه بكل قوتي اجتي تريد تهجم تخرمشني باضافرها صفنت دفعتها اني مو مره دامد ايدي على مره

صحت فاااقد اططلعي لبيتج طردتها وقفلت الباب البينه بقت فرح بالزويه خايفه وتبجي التفتت عليها

شوفي لج هاي من وراج تودين وتجيبين حجي شوفي امج شسوت ببيبي شكد احبج ولخاطرج رجعت امج ومتزوجت وشوفيها لامج بس مهتمه بروحها ولبسها وعايفتج منو الديدرسج هااه ها منو الديسويلج. اكلل هدومج منو يكويها ويعدلها لج حتى تجليد كتب خياط قميص صخام بوجه امج كله بيبيتج تسوووووي من الفحر تكعد تسويلج ريوووك وانتي هيج تسوين

بقت فرح تبجي وتتاسف كتلها

بيبي هن بعد متريدج

لا بابا ااني حروح اكولها اسفه

وللي منااا لبيت امج ماريد توصلين بعددد مو بيبي متحبج وتكرهج وتسمعين من امج ولي يللله واذا وصلتي رجلج اكس ها خل اشوف امج شون تفيدج

سكتت تشهك وراحت تلك بكتبها وغراض المدرسه طلعت امي من الغرفه همست

فرح بيبي

فرح بجت وهمست

اسفه بيبي اني ماعرف شون هيج سويت كولي لبابا حبابه

صحت

يلللله فضيهااا ---

ملتقانا بعد غد باحداث جديده من

النوك الحمر

لمريم السعدي

احب انوه هالقصه مليئه بالاحداث بس للاسف وقتي محرج فمااكدر انزل هواي ووعد مني اذا كدرت انزل انزل اكثر من بارت باليوم وتستاهلون

ساره علي محسن

لتنسون الكاتبه من تصويتكم الحلو

متابعه ممتعه

يس-  يومين مرت فرح متدخل عدي للبيت باحر دوامها واني الاوديها واجيبها لازم تتادب ادري متكدر دون ننه.  ولااني الاتحمل يمر يوم وماشوفها خايف لا تتخربط بعدما اذيتها بكلامي صار بيه واهس اخلي اذني على حايط الفاصل بيننا اسمعها كلامها خاف بيها شي  وننه تباوعلي  بعتب

ماما البنيه طفله شون متجيبها تجي بعدها صفيره وهاي امها تتعلم من كلامها الله يهديها

هاهي ننه لازم تتعلم لو تسمع مني لومنها خلص هذا وكت تاديبها تتذكرين عمي علي الله يرحمه شجان يكول سنتين دلل سنتين علم  وسنتين اددب يووم

كيفك يمه كيفك بس البنيه مزج يضه حبيبي ممتعافايه

انكس مرض مرض الاخلاق ننه مابيها شي  جريت نفس انشاء الله تعرف الصح من الغلط

ثاني يوم  الصبح بدلت وبقيت انتضر جيتها لبيتنا وكت دوامها مجتي طلعت بالسياره شفتها طلعت من الباب شافتني ونصت راسها وكفت يمها ماباوعلها عرفت وكغجفت على مودها افترت وصعدت ساكته طلعت بهدوء مباوعتلها ابد وصلتها وكفت بباب مدرستها بقت كاعده ساكته واني محجيت ماباوعلها احس اعاقبها واعاقب روحي وياها تقرب باستني من خدي   ونزلت اباوعلها مبرطمه ومنصيه تمشي سريع فاتت للمدرسه وطلعت لدوامي شغله وحده مسويت عرايض وهندسه ميت مره عدتها  مدااركز بعملي تعبت وكعدت ارست بالي يم بنتي ماعرف شون اتصرف هالفتره بنيه ويانا اسمها مياده حسيتها تريد تقترب مني كلسا جايبه اوراق وتسالني شون تاصرف لكونها جديده عالعمل واعلمها  لوجه الله البنيه حلوه  مقاصره. رغم سبورت وشقاها وي كل الموضفين بس نضراتها الي احسها غير واني كلبي خلص والشيب بده يطلع واني توني  بدايه حياتي المشفت منها اي شي حلو

مياده هالمره جابت الريوك وكعدت كدامي كالت

صديقاتي راحو تريكو بالمطعم ملكيت غيرك اتريك وياه ولتمولي متزيك

ههه اي والله وي الحجيه تكلت ااكعدي اخذي راحتج

والله وكعدت فرشت شي عالميز وخلت الغراض بيض واجبان وحميسه لحم والصمون حار وصبت الجاي واني صافن عليها بعدت غراضي واوراقي. كعدت كبالها

كالت ويايه لتفشلني مد ايدك

ههه لا راح اكل

كالت

متزوج وعدك بنيه كالو

اي هه فرح نصيت عالاكل واحجي كالت

ابو الحاسبه محمد يكول مطلك

ههه اخباري طاشه

هه لا بس مره اجه تبليغ لمكان عملك 

امم صح فعلا هزيت راسي منصي رفعت عيني شفتها صافنه بوحهي وايدها جوه خدها كالت

بطرانه طليقتك العدها رحال باخلاقك ورصانتك من البيت متطلع

نصيت راسي راحت الضحكه كالت

شنو مشكلتها ولو تدخل

لا العفو هيج مشاكل تافهه ووتدعي اني بخيل وهالسوالف

بخيليش على بختك كل عيد جايب كومه كيك توزع على روح ابوك  وكل ترقيه عازمنه

الحمد لله بس تكو عالم متكتفي

باوعتلي كالت

والله انت وحدك كافي بس متعرف قدرك

نصيت راسي مديعجبني كلامها رغم كله اطراء. بس ماحب هيج نموذج لان هواي تعرضت اله كالت

اسفه طوخت بكلامي

جريت نفس باوعتلها ونصيت كالت

فرح شونك وياها

والله ههه موزين للتالي تعبتني

كمادري شون حجيتها بس ردت احجي كالت

اكيد الام تاثر عليها الله يساعدك

اي والله النوب مريضه بالقلب

لا والله الله يعينك والله اذيتني

هاي انر الله حريا نفس ارتجيت وجريت الجاي ابتسمتلها 

عاشت ايدج الجاي كلش طيب تخديرته مضبوطه

ههه خبره بالجاي اني

امم واضح بقيت اباوعلها اعتزالي عن عالم حواء ونسياني لرغباتي خلاني بموقف منحاز مادري شسوي وهي تعرض  روحها عليها وانوثتها  واضحه من ملابسها نسيت روحي واني اتامل وصلت حد توني اتخيلها  ويايه بموقف زوجه وزوجه ولعبت روحي كمت منتفض فاز اريد انهزم  بروحي

كالت وين مكملت ريوكك

االالا شبعت عدي شغله

انهزمت للحديقه مال دائره  ردت اطلعها من راسي لكيتها مرجعه كلشي لمكانه وماسحه الميز ومخليه ورقه ورقم تلفونها  كاتبه

من تحتاج تحجي اني موجوده اعتبرني شون متريد ---

عقجت الورقه وذبيتها بالزبل وكعدت خليت ايدي على راسي غمضت عيني احتاجها اي احتاج وجود امراه بحياتي يمكن تكوم تحبني حتى وان كنت كاره شي اسمه ارتباط بعد بس يمكن هي غير رجعت نصيت عالزبل اخذت الرقم ضميته بجيبي كمل الذدوام وطلعت  لرحت جبت فرح صعدت تبتسم كالت

بابا حبيبي

باوعتلها رافع تك حاحب كالت

اخذت ميه بالرياضيات لان انت درستني

تنهدت مبتسم باوعتلها كالت

سامحني اجلخاطر النيه ميلت براسها وباوعتلي بتوسل

ضحكت مكدرت تقربت باستني من خدي وابتعدت  وصلنا للبيت نزلت ويايه حضنتني قري وركضت تصيح

بيبيي بيبي نسرين

جاوبته ننه

هله بفرح كلبي هله

ركضت عليه تحضن وتبوس بيه وتبجي وتعتذر تقربت منها مهدد

فرح بابا اخررر مررره خليها ببالج مره لخ ابد متدخلين  هنا بعد

لا بابا اخر مره   بيبي جوعانه ميته جوع شنو عدج غده

قيمه سويت ابوج عاجبه

اللله التمن بي حكاكه

ايي طبعا تعاي احجيلي شتاكلين متاكلين

بيبي كضيتها صوصج وبيض لاكرلج ولاتكوليلي

يس- اسمع واتكطع والله انعل ابو خيركم كومه دااتسوك من ذاك اليوم قررت فرح اكلها هنا بعد وهي خل تحير بروحها  بالاكل عليه الخط مال كهرباء وبس ورجعت  فرح يمي تاكل وتدرس وهدومها تاخذها من ننه نضيفه مكويه ومعدله ننه هواي شغلات تغيرت حستها كبرت كامت ابد متجرحها بالكلام وياها   حتى لو بالشقه جانت قبل بالشقه تكوللها شكد غبيه وتضحك دومها. هسه حتى هاي جازت منها دومها تعلم بابتسامه  وهدوء مفرط امها بليل تخابرها وتروح كامت من تجي متجيب سيره امها ابد اعلم اادب ارزل بهدوء وهي تستوعب واحس مترتاح الا يمي  مشيتلها مصرف وشتريد اشتريلها     يوميه اشوف امها تطلع تروح للوضيفه وترجع لبس يلعب الروح سافرت بلبنان علساس سفره عمل عشره ايام  ورجعت  بقت هالفتره فرح يمي صارت صف سادس فاتحتها بالموضوع انه اريد اطلك امها وهي تبقى يمي نفرت وبجت

لا بابا حباب اريد ابقى هنا وهي هم تبقى

بابا اذا طلكتها شعدها باقيه بالبيت بعد هذا بيتي وبيت بيبي ترجع لاهلها

لا بابا عفيه هناك مااكدر اروح لماما

لتروحين لعد

كامت تبحي منهاره تخربطت بيومها ووديتها مستشفى  وسديت الموضوع وعدت سنه لخ واني لخاطر فرح ساكت وممهتم صراحه بس احس محتاج حياه جديده ابدي بيها اني رحل والي احتياجاتي محتاج احب من جديد  ومرت الايام داافتر بالسوك وي ننه   دنشتري عبايه  الها   ابو العبايات كال

هاي مشيرزه بخيط بريسم 

ابتسمت وباوعتلي امي كالت

عساها بخير كون ياربي

بقيت اتذكر عيشتي هناك باوعت لننه

يمه يمكن احلى ايام كضيتها هناك تدرين

والله يمه عيب منهم لا رحنا لاسالنا والله فشله

والله يمه شوفه عينج من الوضيفه لفروحه

اي بس لازم نمر اني كلما اتذكرها  بالمنام مدري شيصير بيه

انشاء الله ماكو شي رجعنا والحديث بموضوعها ذمرني بعبد الله وحسين الله العالم شون صارو عبد الله يمكن كبران  وسيد حسين صالح وصاحب الله العالم وين صارو النوك الحمر وين صارت بعدهم يشتغلون  بيها  لو غيرو تجارتهم وي الهوسه الصارت بالبلد اخذني التفكير  ووصلت لبيتنا شفت حرس بباب جيراننا كومه  وبالبيون ديفتشون وي الامريكان باوعلي كال تفتيش

هزيت راسي صار طبيت لكيت فرح ببيتنا

ها بابا

بابا دمو الباب كتله ىحدي

دروحي كولي لامج تفتيش

ماما سافرت لتركيا سفره عمل ضحكت من كلبي والله عمي زين متطلعي سفره من سفراتها بقت تباوعلي فرح مقهوره من كلامي سكتتوراها  وكتلها

لملمي البيت ديفتشو حبيبتي

راحت شوي اي كالت كملت

طبيت وطبو ورايه الحرس فتشو كلبو البيت كلاب ونزلو من فوك الكنتور فايل احمر كلبو بي وذبو ملكو بي شي يهمهم  يمكن بس من لزمته اني انصدمت بارقام المبالغ وكلشي استنساخ باسم -----  ارقام بالهبل موقعه من وزاتهم  والتسليم باسمها واسم ابن خالتها وراها كلبت بالاوراق دعوه قضائيه ضد نفس الاسم. مدري شصار بيه عرفت الدتلعبها لعبه وصخه. وابن خالها السبب اخذت من كل نسخه ورقه ورجعت كلشي مكانه ورجعت للبيت صافن وافكر  يوم يومين وعشره وراسي  مدااكدر اتحمل بعد واخذت زمنيه من دوامي ورحت لدائرتها. سالت عن هالاسم كالو

جان موضف وانسجن   دااحججي  وي الاستعلامات كال

ماعرف شي  انت ليش دتسال

والله عدي اثباتات ووالتفتت شفت المحروسه وي ابن خالتها طبو شافتني انصدمت كالت

ياسين

هله ام  فرح

شنو ششعجب جاي.  ابن خالتها اجه ابتسم مد ايده تصافح  ويايه  ورديت السلام كال

نورت الموسسه

النور نورك 

دعاء- شعجب منورنا خوماكو شي يخص فرح

ها لا هيج عدي صاحبي هنا دااسال عليه

كالت ها دتفضل اشرب جاي يمنا

حانت تحجي وعيونها تبتسم كانما كيفت جيتها لمكان عملها ابن خالتها راح وهي بقت تتوسل بيه ابقى شي بيه رضه غروري كتلها

لا غير مره كالت

تتغده يمي باجر خطيه فرح تتمنى نتغده سوه

يصير خير جاوبتها ترخصت وطلعت. تاكدت ماعدها شي وي ابن خالتها بس شون تاكدت  من شفتها  جلبت بيه لا هذا مو دليل وليش دااشك لجبيها اصلا والله مادري مادري بيعني البزر يكسر الضهر  لخاطر فرح مبقيها الا اني مبقى شي بيننا يربطنا بعد   غيرها وكت وكت مساله وكت بس خل اسويلها العمليه ومستحيل ابقى وي امها بعد  رجعت للبيت وبقيت بتفكير يصعدني وينزلني رجعت طلعت الاوراق قريت اسم المحكمه  بذاك الوكت حان اللي يلعب بههيج اوراق يلعب بعداد عمره  بس مدااكدر تانيب الضمير وبخيالي ممكن عده عائله ممكن مضلوم ومكربسين السالفه براسه مكدرت بعد كعدت وي ننه وحجيت كلشي  كالت

جيبها اني اوديها باجرللمركز

يمه وين ترحين

ماما انت معلليك.  اطلع منها اني اوديها واذا سالوني منين اكولهم فاعل خير

سكتت واعرف دومها ننه صح بس بسالفه دعاء غلطانه والغلط بالف  نطيتها الاوراق

ننه فدوه خاف يضلون يجرجرون بالاساله

ماما اوديها للادعاء العام اني مو ماافتهم عمك علي مفهمني من ذاك الوكت مو بت البارحه الكدامك روح ونام رغد

الله يستر بس اني اجي. وياج

اي وصلني ماريد تكون بالصوره

اوك  سكتت واباوعلها كبرت واحسها سند غشيم اني. وافضل عليج مره انتي بروحي افديج

احجي وي روحي واباوعلها تقربت بستها من راسها وشميتها قوي شكد طيبه ريحه الحنه براسج

ههه انت من صغرك تحبها تعلمت من عمك علي

الف رحمه على روحه

مرت يومين وامي كالت خليها هسه واني عبالك ارتاحيت لان امتلكني الخوف صدك وارجع من الدوام وطلعت موديتها. وخلتني اكمز

ليش هيج تستضغريني

لا يوم اخذت استخاره والله  وكلت لازم هسه اروح

مو صغير اني دتضحكين عليه

لك ماما شبيك

يمه دروحي مو كتلج اجي وياج هسه احجيلي وين رحتي

رحت للادعاء العام اللي مذكور اسمه بالورقه سالت كالولي ذيج غرفته وطيتهيا كتله فاعله خير جلب  بيه   كتله. تره اذا لحيت اكولهم ماعرفه واسوي روحي مخبله بقه صافن عليه تركت المكان وطلعت وهوصافن بالاوراق يمه سالفتهم جبيرهه والضاهر ابن خالتها واكع بيها انت ماريد تجيب اسم الاوراق بعد ابد

لا طبعا شعليه جايز من روحي ياروح مابعدج روح يعني هو مكلح شتكربين الهم

سالني وكتله كرابتي وبتت يمهم ولكيت الاوراق وبلغت لان اكو مضلومين بيها

هاه واقتنع

بعد مادري العلينا سوينا

هم صدك -- مرت يومين يومين بسس وسياره شرطه بباب بيتي تسال عن اسم دعاء الثلاثي ومكان تواجدها اشرت بهالبيت واخذوها مكلبجه  وفرح تبجي ومفرفحه اني بس صافن معقوله متورطه وياهم بس اني مقريت اسمها بس اسم ابن خالتها. تخبلت انفضحت بالمنطقه كلها وصممت انهي حياتي وياها وفرح بقت الليل كله تبجي لحد ماطلع الصبح تخربطت وهالمره خربطتها قويه وصلت للموت---------

يس-    بيومها خابرت خالتي تبجي وتتوسل وتحلف مضلومه 

خاله اتي خاير بفرح الدمتور كال عمليه حالا اني بيا حال

لك يمه والقران بتي ماعدها شي ذاك اليوم جتي وحجتلي كلشي كالت اني بس  عرفت انه واحد متورط واستنسخت  تحلف وتكول مع

صحت بزعانه روحي

اي خالله شسوييي رحمه لا الله شسوي شسوي

يمه على بختك اوكفلها خل تنفصل من شغلها بس خل تطلع على بختك بروح عمك وبداعت فرح وواختك

هسه خل اشوف فرح شمعرفني شسوي اني فيماللا خاله

سديته بوجهه روحي طلعت امي تروح وتجي والسبحه بيدها طلع الدكتور والممرضين باوعلي كال

الحمد لله عمليتها نجحت قسطرتين والسداده كعدت بمكانها بقه عالعلاج وتعب تره ابد ممنوع الها

مدرستها دكتور

ماكو بطلها اي تعب وارهاق تتاذه لتنسى عمليتها مو مال عمرها اضطريت اسويها هسه لانها  حاله حرجه  مرت بيها

بقيت صافن على ننه ودموعي ودموعها تجري  طلعت من العمليه وبقينا بالانتضار يومين استقرت حالتها بس متحجي ولا تقبل تتجاوب بس نايمه واني وننه ناكل بروحنا واني صافن ليش انسجنت هل جانت فعلا متورطه هل مشتركه ببلاوي  ومورطه الرجال ووصل للموبد من وراها اخذت بنتي ورجعت  اخذت اجازه اداريها وي ننه لان خفت اتركها  مكدرت وبقيت وياها يوم بيوم حاولت اقترب احاجيها وهي كل ما اطبلها الكاها تبجي بهدوء

بابا حبيبتي فروحه موزين عليج حبيبتي

بابا اريد ماما ساعدها لخاطري

تنهدت باوعت لننه ماتت بجي ادري بيها تحس بتانيب الضمير منو جان  يتوقع انها متورطه  كالت

بابا اذا تحبني طلع ماما من السجن شون حعيش وامي مسجونه لخاطري بابا

بهالاثناء طبت خالتي من اول مطبت تبجي وتشهك

لك يمه والله ماعدي غيرك لا ورايه ولا كدامي

خاله شكدر اسوي

يمه لخاطري. رحت للمركز كالو الولد رايد تعويض ١٥ مليون وتنفصل من شغلها الله يخليك اوكفلها والله وشوف شون حتخليك بعينها

ليش ابن خالتها وين

طلعوا وسفرو وكومه ذبو فلوس علي والله يمه هو الورطها هي احتي كلتلي قبل شهر كالت يمه ولد ورطو وخلو اسمه بمكان غير اسم وكومه حصلو فلوس وهسه هو بالسجن واستنسخت كل الاوراق اللي ثبت التهمه

وهي شعليها لعد جتي بالرجلين

يمه مو هي عالتدقيق تكول خفت احجي

خاله هذا موحجي هاي متورطه لعد سفراتها وعملياتها ولبنات وتركيا  منيلها  غشيم اني زعطوط

والله يمه مضلومه

استغفر الله خاله من الاخير اني مالي دخل طلعت فرح من الغرفه تمشي بثكل كالت

فرح- بابا انت الاخذت الاوراق من فوك الكنتور  انت الكتلهم مو

بقيت صافن عليها اباوع ننه تخربطت يم الدرج ردت اتخبل الا ننه ركضت واصيح فاقد كوه كعدت ارتكزت عليه طيتها مي باوعتلي همست

حموت قهر ياسين روح سويلها چاره مااكدر احرمها من امها بنتك دتموت يمه لخاطري بقيت اباوع بوجهه تحجي وتبجي وتهمس خالتي وفرح من بعيد بالممر يباوعولنا بشك

عفت البيت وطلعت بقيت افتر بالشارع وروحي احس دتطلع مني

البت الكلب لازمني من ايدي من روحي من الدنيا من فرح رجعت للبيت بالليل كلش كبل نمت ومردت اشوف احد حسيت الفجر على ونين فرح فزيت ركضت للغرفه

ها بابا شبيج

كلبي بابا يوجعني حموت

لا لا بابا مبيج شي

بابا الله يخليك دااحس روحي حموت وديني لامي بس اشوفها يمكن حموت اني

اششششش لتكولين هيج بابا العمليه خلصنا منها خلص هاذ هو بس شوي انتي تعبانه اهدي بابا اهدي حبيبتي اهدي

بابا مداااكدر اريد امي الله يخليك وديني الها

لاحول ولا قوه الا بالله لج بابا انتي ليش تستغلللين ضعفي كددامج

بابا امي ارريدها والا حتى العلاج اقطعه

يس- سكتت صافن بعينها رجعت لفراشها وتغطت عفتها ورحعت لغرفه ننه انام شفتها تقره قران باوعتلي ونصت راسها احس قاطعوني كلهم

الصبح كعدت راسن سويت ريوك لفرح واخذته الها كالت بنتره

ماريد

بابا وراج علاج

كتلك علاج ماااخذ

ويطبج طوووب صرخت طلعت للمطبخ اعصابي فارت احجي وي ننه متجاوبني

ننه هاي شبيج

سوي جاره لامها تره مااتحنل اعيش وي تانيب الضمير من ورايه انحرمت من امها

رحت للدوام حتى اجازتي تركتها  بس افور اغلي غلي  واحد من جماعتي انتبه عليه كال

محتاج شي

لا سلامتك شوي تعبان

الله يريحك

تسلم

دخن تريد جكاره

بقيت صافن اخذتها حسيت  روحي اريد اطلع قهر كلبي بشي دخنتها ووحده وره اللخ مرت اربع ايام لا اني الاحجي وي ننه ولا ننه الترد من احجي وفرح متقبل تاخذ علاجها وخالتي مستمره تتوسل وماعدي غيرك كاعد بمغربيه من المغربيات بالحديقه وادخن حسيت احد ورايه

التفتت ننه بيدها جيس فلوس كالت

هاي مجمعتها من الراتب اليبقى روح بلكن تكدر تسوي  شي

اخذتها باوعتلها كالت

فرح كلبها مديفك الم

مدتاخذ علاج

ولا دتاكل

غمضت عيني وكفت واخذت السياره وطلعت ومادري وين اولي لكيت روحي ابيع السياره واضيف الفلوس المخليها جوه ايدي وايد ننه واتداين فوكاها اربعه  واروح اطلع دعاء  من الحجز وادفع التكلفه طبعا التكلفه مجرد لصم حلوك والغاء اسمها من القائمه السوده واخذها وارجع للبيت

جانت مكسوره وتبجي هادئه حيل واني مالي خلك احجي شي بعد  طبت لبيتي وراحت لبنتها وتبوس وتحضن. لاتكول هي نفسها الهملتها  سنين تبجي وتتوسل وتكول ماريد شي بعد غير بنتي تشكرت مني وتبجي واني ماريد اباوع بجهرتها

عفت البيت وطلعت للنجف تركتهم كلهم  خذلوني بقيت اربع ايام هناك  ننه تخابر كل يوم تكولي ارجع مشتاقتلك واني ارد تركيني ارتاح كسرتوني وتبرر

يمه لخاطر فروحه تعال شوف وجهه شون تفح

اي خليها خل تشبع بامها مرت يومين لخ

وفجاه ضغطي تخربط بليل رحت للمستشفى مال النجف قست الضغط طلع صاعد  طوني ابره وبقيت اريد ارتاح شوي وعلكت بالمستشفى كالو

هجوم عالامريكان صاير  بالسماوه ومتصوبين وجايبيهم لمستشفى النجف لان متروسه المستشفيات

بقيت صافن اتلفت وياهم والعالم مخبوصه كلها. تركض وعكل وناس تبجي ودمايه الممرات مال مستشفى تدمرت دخت انسطرت اختنكت فجاه واشوف بوجهي  وجه شايفه قبل مو غريب عليه ابد  عالسديه منتهي متصوب بصدره اربع طلقات طلعوها بالطواريء واني متت بس ردت اتاكد

هذا سيد عبد الله لو اني متوهم اسال محد يرد

واحس عيون الداير مدوري تعرفه ومتحجي هناك انتبه امريكان ويانا واكفين حراسه على عبد الله انسطرت انسحبت بهدوء واني اترقب حالته

من انتبه واباوع السديه اللي بصفه  ابن عمه 

صالح  ميت غطو راسه تخبلت شوي وصاحو سيد حسين راااح راح السيد ولهنا حيلي انهد

انكسس --- صدددفه --- مررت --- بحياتييي 

-----

بارت عنوني تصبيره

وعذروني مداادقق تعبانه

مريم السعدي

الناقله ساره علي محسن

ياسين- صدك تاذيت واركض وياهم وكانما واحد من ربعهم الصفنني ساكتين حسهم مطلع بس عيونهم تنفض شرار الغضب سمعت الامريكان بينهم يحجون

اذا صحى المتصوب ياخذو تحقيق اكيد ينطي اخبار عن الهربو

بقيت صافن شنو مسوين هجوم عالامريكان بس لو افهم اخذو سيد حسين ومن باب المستشفى يصيحون

ثاررك بالركب سيد

جسمي نمل مدااعرف شديصير مشيت وراهم شيعته واخذو غسلوه وطلعو بي للنجف بس ابو عوف بيهم اعرفه الباقين ابد مشايفهم. رجعت للمستشفى كلت ماعوف عبد الله لو تنطبك السما عالكاع بقيت واكف انتضر وطلعوه بالسديه وحرس امريكان وياه وواحد من اهلهم هم مشايفه قبل بقيت مرافقهم الولد الوياه التفت من شافني طبيت الردهه كال

عمي تفضل

زاد فضلك باقي وي سيد عبد الله

تعرفوا

اي اعرفه من زمان

كال

من وين ماشايفك انه

اني صديق اخو باوعت للامريكان همست

شورطه وياهم

سالفه طويله وجثيره المواقف راحت كل اهلنا داسوهم

الله يساعدكم

بقيت اباوع لعبد الله ملفلف جسمه شفافه مفطره طلع الولد اللي عرفته يسمو فضيل لان كلسا يخابرو ويكول انه فضيل ابوي هد الجوال وراح للنجف يدفن اهلنا

كال

عمي بس خلليك هنايا جايك بس شويه اميه اشربن جفت عروكي هذا صار نار -- اشر عالبطل

روح اخذ راحتك باقي يمه

طلع من الغرفه وبقيت يم السيد

شفته فاق كام يحرك راسه يمنه ويسره بهدوء مغمض عينه شفافه مفطر وناشفه كام يبللها بطرف لسانه ويبلع ريك

سيد واعي

ماي

همس وصوته مليان خشونه وبحه قربت البطل بالقبغ طيته فتح عينه على كيف باوعلي وعكد حاجبه ابتسمت وكلبي معصور على سيد حسين كال

اخووي

معرفت شكوله جريت نفس باوعت لشباك الغرفه

اخوي استشهد مو هيج

باوعت لعبد الله عيوني فضحتني من دمعت دار وجهه وهز راسه عقج وجهه وون بهدوء

اااخ ياخووي شكثر ترجيتك

لزمت كتفه بهدوء

اذكر الله سيد

استغفر الله ربي واتوب اليه

كالها كوه ورجع باوعلي

ولد عمي

باوعتله كتله

والله راحو للنجف

نزلت دمعته وغمض

چا نايم واهلنا يدفنون اخوي چن لاعده ضهر ولا اخو يتحزمله بدفنته اخخخ يابه اخخخ ياخوي

يون بهدوء حيل مبي

سيد كوم بسلامه وتروحله روحه هسه طتيفه عليك

هز راسه بتعب همس مغمض

هذا التمناه يلحك اهلو هذا الچان وده اياه

هزيت راسي فهمت قصده على حبيبته ومرته وابو وامه رجع التفتلي بتعب هم

انت ياهو

ابتسمت

ماتذكرتني

بقه صافن يكرمش بعينه ويرمش ويغمض ويرجع يفتحها همس

ابو فرحه.

ايي بالضبط هه

شجابك ليجاي

صدفه وتلاكينا

عمي ساعدني اردن لاهلي حراير بحدهن دخيل مذهبك

لتخاف ماعوفك لحد مااامن عليك

چا الجيش هدونا

لا الحرس بالباب

انه انتهيت عجل كلوني وضلن اهلنا ببحيدهن

ليش تكول هيج شنو الصار هناك احجيلي اساعدك

كال

البر اهجمت عليه طيران امريكي ورمو عشوائي واحنا كلمن لزم تفاكته ورمه صار الرمي اوسع وتكتلت اهلنا سيد حسين جن جنونه كال الا اطيحها وضل يرمي رمونا كلنا تالي حتى النوك ماسلمت منهم

همه البدو

احنا مانتتقارش وياهم من زمان اول بس اهمه اللي ابتدو يرمون

لاحول ولاقوه الا بالله

هذول ماراح يهدوني الا ياخذوني لسجنهم واذا خشيت ماراح اطلع النوب

لتخاف ماراح اعوفك امن

طلعت واجه فضيل صارو بوجهي الامريكان حجيت وياهم وكتلهم اني اعرفهم من زمان مسالمين واخذوني تحقيق وحجيت عنهم وعن تجارتهم وعن عملي ووضيفتي وحجيت شون صارت الهوسه مال البر نفس ماحجالي عبد الله كالو

همه رمو رصاصتين. ومصوبت الطياره ورمينا نخوفهم مهددين وهمه ضلو يرمون عاد صفوهم

بقيت صافن كالو

ارهابيين

لاعمي مو ارهاب بقيت احجي بسياسه وانه دوم يبيعون النوك للسعوديين والامريكين اللي يريدون يشاركون بالماراثون واجه فضيل حققو وياه اللي خفف الوضع ولا امريكي ميت رادو بجيندلون البستان وعيشتهم توقعوهم فعلا ارهاب واخذو فضيل ووداهم لمكان سكنهم فتشو كامل حتى مجندات دخلو لبيوتهم وفتشوها ورجعوا. وتركو عبد على انه الموضوع غلطه واصرو انه اول رصاصه انطلقت من برهم وبقه فضيل وابو عوف حايرين منو الطلق كلها تعرف حدها. وميتجاوزوا

الموضوع خلص بمساعدتي ومساعده ولد خاله الجانو بكربلا اجوي وشهدوله وواحد منهم جان يشتغل عدهم الامريكان اقصد. بقو شهر واني اروح لبغداد وارجع للنجف وين مبقه عبد الله بالمستشفى.

ومكفى الموضوع طلع عبد بسلامه واخذو الامريكان وانسجن وولد خاله وفضيل انسجن وياه بس ابو عوف لان كان بالبستان ضل خطيه يروح ويجي واني هم متركته. السجن كان ببغداد جنت كلما اروح اخذ ويايه كومه جكاير اوزع عالجيش والله حتى نوبات قواطي بيره حتى اشوفه واحاجي جان مايس حيل بكعدته. واحنا نجيب ناس ونودي ناس لحد ما ابن خاله دبرله مقابله وي جنرال امريكي وحجاله الموضوع كله ووياه شهود واللي ساعد اكثر ماكو خسائر من الجيش الامريكي مااعرف شلون الله من عده من بعد سبع شهور سجن طلعو

بيومها احس حمل وانزاح من صدري هالفتره كلها فرح باحسن حال دعاء تركت العمل كانت تتوددلي ودوم عدنا بالبيت واخلاقها متحسنه واني روحي نفرتها بعد للموت. الراتب بيد ي اتسوك. واضم الباقي هواي صرفت على سيد عبد الله وماريد احجي بيها بس ردته يوكف على رجله رجع للبستان ويايه وخطيه استقبلو بالذبايح

ابو عوف طلع ابن اصل وماترك حلالهم بس البر مكدر يسيطر عليه.

طب عبد الله للبستان جنت امشي وراه عبالك ابني وخايف عليه يباوع على نخله نخله عيونه دم ويردد

هاي الزكاها سيد حسين

من يومها السيد عبد الله الاسود مذبه غتره ودشداشه سوده واللحيه والوجه الكئيب. عرفت بي تزوج بت عمه اللي بكربلا وحده من خوات صاحب الح بنت امه وابو يعني

لزم البستان من جديد وع للبر كان هاديء وساكت حيل وميحجي بقيت يمه اربع ايام ولد خاله رجعوا واني هم رجعت لبغداد. مالح عليه اضل بس توسل بيه امر دوم عليه واخذنا ارقام بعض ورجعت واني احس روحي باكبر انجاز بحياتي سويته

رجعت حجيت لننه كلشي جانت تبجي بكل تفصيل. واني احترك لدموعها

فرح صارت احسن رجعتها للمدرسه للاول مع العلم زميلاتها صارو صف ثاني متوسط بس كدرنا نعدي هالسنه سلامات

يمكن حجيت سالفه عبد الله بسرعه بس التفاصيل الحانت بين سطورها مولمه حييل

اذيته بالسجن

وقهره على اخو واهله

والدمار الشامل حيموت ويعرف منو اول شخص رمه عليهم وخلوهم يرمون

-----

هديه من ست مريم السعدي للمتابعين

بعد غد ملتقانا.

ساره علي محسن ----

يس- هالفتره. فرح احسن بدت تكبر وتوعى وامها وننه وياها واحمد الله واشكره كل يوم الف مره انها. صحت لدنيتها. والتفتت لبنتها بس البيننه مااكدر اصلحه احس روحي اكتفت منها رغم دلالها الجديد الي وودها ومحاوله تقربها مني والكه روحي انهزم منها كمت اخاف لا اقترب وتتحول لوحش خليها لبنتي كافي منها. اذيه بس اكتفت روحي فروحه الحمد لله عمليتها بتنم مايكون نسينا شي عدها اسمه مرض قلبي تركض وتلعب طايره احوالي نوعا ما تحسنت. وارتاحيت بعد ماوفيت الدين مال امها وسجلت على عمره وي ننه فرح رادت تجي بس امتحاناتها وبدت رحمه الله

دعاء-

زين ليش متاخذنا وياك

بنتج امتحانات كلتها ودرت وجهي اصب جاي جتي ورايه احسها تلوب داشوف صبرها ليوين مستغرب سكوتها كالت

زين انت الا هسه تروح

مرديت حريت نفس باوعتلها رفعت تك حاجب

مو جنج اخذتي راحتج همست وعيوني على فرح الكاعده بعيد وتباوعلنا بخوف باوعتلها وكالت بصوت

اني هم اريد اخذ بنتي واونسها مو بس انت واختك

بقيت اباوعلها

اييي اي اطلعي على حقيقتج احجي وي روحي فرح صاحت

لالا ماما بابا مواعدني من يجي ياخذني لتركيا

وهو الحاي من العمره هم تبقاله فلوس وين يبقى عده

فرح جاوبت

ماما بابا مافد يوم واعد وموفى بوعده

جريت نفس ابتسم اباوع لفرحه عمري كبرت وكامت تعرف صفات ابوها تقربت ننه كالت

يمه خاف مو وكتها

شمرت الكلاص بالسنك صحت

لتعووورضوون بحياتي مطالع

فرح- لالابابا والله اني مكيفه حتروح لبيت الله

يس- باوعتلها ونصيت راسي دعاء كالت

عود خليلي مصرف

يس- ليش اني يايوم عايفج بله فلوس دردمت وي روحها

دعاء- شون فلوس صدقه نوه ينطيها بالكطاره

حجتها. بدرجه صوت بس اني اسمعها سويت روحي مسمعت وشعرايه مااثرت بيه المهم بنتي بدت تعرف تحضرنا للعمره وخابرت خالتي تجي يمهم هنا دعاء تخبلت

وعليش داز على امي شنو صغيره اني

لا ليش بالعكس اني ردتها وياكم يضل بالي وصراحه انتي ما اامن وحدج متعرفين تتصرفين اخاف على بنتي

كامت تصيح وتعيط واني بالصاله وحدي وياها عفتها تهوس صارت مثل المولده الخربانه بحياتي اخليها تهوس حد ما تطفى طبت خالتي وخنست نترت بيها

دعاء وتاليها وياااج

يوم بيني وبين زوجي محد يتدخل

يس- دردمت ماكو شي بيننا اسمه زواج احجي وماباوعلها عفت الغرفه وطلعت وصلت لخالتي بستها من راسها والله خال لو عدي اخذج ويايه بس وروح عمي علي المره الجايه الج

يمه فدوه لعينك متقصر حبيبي.

يومين واخذت ننه وطلعت روحي ضلت بالباب وفروحه تذب ورانا المي وي خالتي تمنيتها ويايه وتخبلت من شفتها بجت وكفت السياره ونزلت

بابا لتبجين

بابا حشتاقلكم

هاي بيبي وياج حبيبتي عشر ايام وارجع اشتريلج كلشي يعجبج

دير بالك على روحك وبيبي خاف يخنكوها بالازدحام

هههه ميخالف ديري بالج على روحج حبيبتي وعلى بيبيتج

اوك باي

رجعت صعدت للتكسي وطلعت كبرت حبيبتي وصارت نفسي الاتنفسه. اكثر من قبل تعلقها وتفهمها للامور بعقلانيه شي مغاير لشخصيتها الطفوليه وصلنا وادينا المراسيم وامي اعتمرت لعمي علي واني اعتمرت لبويه وامي جنت محتضن امي بقوتي خايف عليها وتبوس بكتفي وتردد

يمه كفيت ووفيت لو ابني مايسويها ويايه

كلمتين جانت كفيله تخليني اسعد انسان بالدنيا ننه اني ابنج وروحج نسيتي

اي والله وروحه لابويه انت احلى هديه من ابويه انت دنيتي ياسين

كملنا العمره واشتريت اشكال لفرح وامي اشترت لدعاء متقارشت وياها ابد ادري كلشي ميعجبها. وخالتي اخذتلها ارقى عبايه رغم بنتها واذيتها بس خالتي تستاهل رجعت وفرح طايره تكمز بين الجنط وهداياها ومملت من الاساله. واني ممليت من الجواب ودعاء كاعده على صفحه بهدوء نطتها امي صوغتها وهي اخذتها بهدوء وبوست امي بقيت صافن مو عوايدها ابدد رجعت داومت يومين ثلاثه وعرفت جاي ابن خالتها من الخارج وره سنتين من مصيبتهم يمكن بتغيير وزيرهم التابع لدائرتهم تغيرت هواي شغلات اسبوع. دعاء بافضل افضل مايكونن. وفجاه طبت بلبس نوم لغرفتي اللي ببيتي وي ننه بنص الليل وننه نايمه صعدت بهدوء وطبت فزيت على لمساتها وجزيت روحي

ضلت تحاول تحضنني تتقرب مني واني ابتعد كمت احسها وباء سبحان الله حتى رجولتي من توصل لمستها تطفى

دفعتها بقوه ونزلت تبجي استغفرت ربي وكمت ادخن اروح منا وارجع منا ماريدها مو بيدي اريد ابقيها لبنتها وماريد توصللي رجعت نمت يومين ودعاء بس ساكته مقهوره فرح تتوسل بيها ماما شبيج وهي مترد من يوم التركت العمل صار غداها. عشاها ويانا بس نومتهم هناك فدوم بالبيت تساعد ننه وعلى اتم مايكون

وفجاه بليل انفتح موضوع كالت بتوسل

اابن خالتي رجع وطلع براءه ووكال اكدر ارجع اعينج

وكفت بنتره صحت شنووووو مستحيل باوعت لفرح فزت جتي ركض من الغرفه

ليش بيش ماثره عليك

عيني تردين ترجعين لشغلج اطلكج وروحي لوصي زوري صخمي

والله اني مضلومه مسويت شي بس مكدرت احجي اخاف منهم

يعني على حجيج هذا يكدرون يعيدوها ويضلموج. اي معناها مترجعين

ليش يابه واني ششايفه منك رجال مثل الناااس. لو شخص انسند عليه شو حتى راتب تنطيني. خرده

خردتيش لج شو شتردين وناطيج ذاك اليوم كلتي ارد اروح للسوك شلت ٢٠٠ طيتج لج انتي متشببببعين

اني اريد ارجع للشغل انت مالك سلطه عليه فاهم مالك دخل بيه لا انت رجلي مثل الناس ولا ابد

اي هاهي روحي لاهلج واطلكج

تدري كلش زين بيت جدي باعو وماعدي مكان اروح هي اني كاعده وي اختي ببيت هلكدوته

اي اني شلي دخللل مو تردين تشتغلين ترحين يم اختج

فرح- ماما هم حنرجع للشغل ماريد تشتغلين والله اذا اشتغلتي بعد ماحاجيج ولا ريدج امي

اي اي تربايه ابوج وببيتج صدك لو كالو ربوني وانه وليد اهلي

يس- هسه من الاخير تره شغل ماكو واذا اشتغلتي باجر اطلكج خللل اخلللص واشوف حياتيييي هي هاي هم عيشههه

فرح- لا بابا لتكول هيج والله متشتغل والله

دعاء- ليش انت هم زوجي هم تعتبر رجال

يس- غصبا ما على راسس اكبر واحد بيكم رجال فاهمه وضربتها راشدي وكعت عالقنفه اثرها استغربت ننه ابد متدخلت بس مبتعده بالباب مال غرفتها وتسبح وغجفرح تلوب يمي ويمها تتوسل من ضربتها صاحت

لاااا بابا مو هيييج

عفت البيت وطلعت شكد ردت مامد ايدي عليها مو شفقه ورافه ابد بس ماريد تستفزني وتخلي نقطه عليه كدام فرح مكدرت حقيره

يومين وجتي خالتي واني هاليومين دعاءمتجي لبيتي وفرح تاخذلها الاكل بالصينيه وابد مجابت سيرتها كدامي اجتي خالتي كالت

يمه وينها ام فرح شو ماكو

فرح-بيبي هناك

ها رجعنا للغوه الزايده

باوعت لخالتي ابتسم كتلها عقليها لو تاخذيها وياج لبيت اختها تره واصله لهنا اشرت على خشمي كالت

مالك دخل خاله  روح على باب الله

يله فيماللا عفتهم وطلعت 

رجعت جانت الدنيا مكلوبه وحتى وي فرح تعاركت واني تخبلت جريت فرح بيتي وخليتها تبددل ووديتها بيت اختها. يومين بقينا وحدنا فرح بليل اسمعها تبجي هالفتره هواي تعلقت بيها    لان تركت الشغل وفرغت روحها الها وهي بليه شي عدها امها روحها من الدنيا موعاد هسه

حاولت اني وننه  اسولف وياها اراضيها تضحك وتحجي بس بليل اسمع بجيها واتخبل

ننه- دتسمعها

اي يوم

ادري هاي  متشتاقلها شون تكدر تغفى عينها وتدري ببتها تريدها

ننه هاي مو مثلج  تره

استغفر  الله. واتوب اليه

مرت يومين لخ وجتي دعاء.  شمروها من الباب مبوزه واله خفت احاجيها. تنفجر تركتها. وحاجيت امي متحاجيها تلبسها حالها حال حشه اليسمع جلب الشارع.  وحتى فرح محاجتها لليل متحملت   وعاطت ببتها وبتها صيحت عليها وكبت وتصيح نزلت ركض وطبيت

هاي شكووو

مامو شي عيني من الله لاوفقك ولا هناك والله لارزقك مثل مكطعت رزقي عبالك كراح تطلع بيك تطلع لتخاف تطلع

استغفررر الله لمي هدومج لا احرك البيت عليج امشي اوديج وانعل عشيرتج واليوم الشفتتج بي

فرح- بابا حبيبي روح.  اااني احاجيها

يس- اسكتتتي انتتتي امشي هناك يله روحي لذاك البببيت

اي بابا

سكتت دعاء وضليت اصيح واعيط واسحل بيها تبدل وهي كاعده منصيه واعصاب صايره

صحت هاااا متولين

لاع

لعد تكعدين باحترام تدرين انتي والقندره عدي سوه ولخاطر فرح اني ساااكت ومبقيج تره ميربطني بيج غيررر القهرررر وفرح 

اي اي فهمت

اي كعدي باحترامج اقل غلطه تصفين بالشارع رحل اختج ممتحملج يكول مالفي. مزورين   خلف الله عليه من حملتج

طلعت من يمها كالت

يجيك يوم واذلك   يجي يومك بسيطه. رجعت عليها

شنوو كلتي عيدي عيدي

مكلت شي كالت ولطمت على وجهه مكلتتت شيي

عفتها وطلعت طبيت لبيتي فرح ركضت عليه باستني وتتوسل بابا لتوديها

شوديها بابا كاسره ضهري بيج شوددديها مو كالوها البزر يكسر. الضهر

بابا ااني اسفه بس والله احب ماما

اي يابه هاهي روحي ارتاحي باجر دوامج

اي

مرت شهور  وفرح كملت الاول ودخلت ثاني واني وياها وياها جمعت واشتريت سياره لخ والحمد لله مصرف اتسوك لبيت واحد وممشي شهريه واسبوعيه لبنتي ولامها اللي ميربطني بيها غير فرح   كملت العطله واجه ابن خالتها لدعاء وخالتها بقو يتوسلون بيه اقبل ترجع للشغل  على انه انضلمو واسمائهم بالغلط وبدليل من رجع من الخارج ملزمو عباله اني زوج كتله

مستحيل بتها وبيتها اوله بيها متريد عادي اطلكها وتروح تاخذ راحتها

ايس مني وراح وهم العينتين كلبت على فرح وبقت زعلانه سبوع وراها فكت من كطعت الشهريه كامت تكلب منا على بتي تقصر اقصر بيت كاعدها يلفيها الله اعلم لو ابن خالتها ممتزوج. بت المدير مال الموسسه الجديد يخليها تطلك و  يتزوجها  هي هم مشايفه مني شي ولا اني الاكدر اكمل حياتي وياها بعد هي شبقت من حياتي انترست تجاها شك وتعب حتى شاك بيها عدها شي وياه  بس ملصوم لان ام بنتي

سيد عبد الله كل شهرين ثلالثه ويتصل خطيه  يسال  شونك شون صحتك ويروح  العرفته  ذاب تعبه عالبستان والتمر وعايف النوك لان فلوس ماعده وديريد على موسم حصاد التمر يشتري ناكه   ولاده    وي السليل الصغار العده اللي مفروض هسه  كبرو كال مابعتهم للذبح خلي للتكاثر ولاجل الجري  لازم اشتري زوجين

دااحجي وسالت امي

اساله عن بريسم كرايبه مدري شتصير منه تزوجت شخبارها

اشرت لامي اشش سكتت وهو سكت كال

ياله فيماللا لاتنسانا عودك مر

الله كريم على بالي والله

تنور الكاع ذره ذره ابو فرحه

سديته منه باوعت لننه

بله بربج هاي سوايه تسويها الولد ضل صافن

شمدريني بالي يمها

والله مادري الله العالم يجوز زوجها وي الماتو مااكدر اساله مستحيل هو جان صغير ومخبل موعاد كبر هسه يكول ماعدي غيره

نسرين- لا شعلينا بعد ميصير نتدخل

جان يحجي بمختصر ويتوسل بيه اجي يمه كم يوم واني الدنيا شاغلتني فرح ماخذه كل وكتي وننه هم  ومصايب دعاء والله رغم كل هذا واطلعهم وزيارات وشيردون اشتري الهم  

وفجااه-----

ننه تخربطت ونزف انفها وتخبلت اول مره بحياتها تشكي من شي اخذتها وركض للمستشفى. فحص عام كالو ضغط  ارتفاع ونطوني حبوب   وكمت انطيها الها بيدي اني وفرح نذمرها

جنت اتامل ملامحها يوميه ساعات اشوف شنو التغيير بيها لان متشكي اباوع شيباتها شيبه شيبه شكد زادت واشوف تجاعيدها ووجها

اصفر لو تعبان لو احمر

اعصر بيدي عصير الفاكهه وانطيها جانت تبتسم ادري بيها تطمني  واسمعها بليل تفتر بالحديقه. نوبات اطلع تكولي

ماما حبيبي نام اني مابيه شي

كاعد يمج ننه

انت تضل تسولف اريد اسبح يوم

ها هيجي

اي مو سولفنا العصر ياامي

يله كيفج بستها من راسها وتركتها

بس كذب منمت اباوع ضلها من يروح ويرجع خاف تتخربط مثل ذاك اليوم خاف توكع واني نايم

لحد ما تطب وتقفل الباب ثواني واغفى

مرت فتره عالحبوب زينه   بس صار عدها وجع براسها انتبهت تبلع حبوب وجع راس

بالبدايه جانت بين يوم ويوم بعدها يوميه وراها كامت باليوم مرتين ومتقبل تروح طبيب على ابو شنو

ميفهمون زمايل

كمت امشي واسال سبوع مر وامي تقريبا باليوم حبايتين تبلع بعد مكدرت اخذتها طبيب مختص جمله عصبيه لان مو طبيعي وجع راسها موقضيه ضغط ومن اخذلها الكاه طبيعي-----

يتبع

مريم السعدي

عذروني تاخرت

ساره علي محسن

  طبيت المشفى واخذت رنين عام رغم رفضها وتداعيها انها مدتشكي من شي  بس اني اردد مبتسم

لا يوم حتى واحد يرتاح. ويتطمن  جنت اشوف جفن عينها الذبلان. ولمعه عينها المطفيه مدري شبيه يرجف ربي كلشي ولا امي  اختبرني بروحي بعافيتي ولا امي  مدري ليش ممرتاح ---يومين  انتضرنا تطلع التحاليل ورحت عليها وحدي استلمها والطريق كله اردد

ربي مسني الضر وانت ارحم الراحمين. وصلت وطبيت المستشفى وصلت الاستقبال سالت عن تحاليلها اخاف انطي اسمها دور دور الولد ونطاني فايلها

اباوع بوجهه

وهسه شنو شنو بيها

روح لطبيبها مادري اني فقط تسليم

ها اوك

رحت لغرفه الطبيب شفت سره عبالك كيفت كعدت عبالك ماريد اعرف النتيجه خلص السره ووصل اسمي واني سارح بتفكيري من فطنت عليها اتذمر اول ذكرى اول صوره خزنتها مخيلتي وصاح السكرتير

اسمي

نعم -- دخلت ونطيت الطبيب الاوراق فتح الفايل واني واكف هز راسه وتنهد كال

تفضل استريح ليش واكف

امم كعدت واهز برجلي روحي لابت على جكاره كال

والدتك مو

اي اي

انتو فاحصين قبل

لالا هاي هاي اول مره

احجي مرتبك كانما متاكد اكو شي كال

للاسف اكو ورم بنهايه دماغها

غطيت وجهي بيدي مثل الطفل لفيت ايدي على راسي ونمت عالميز ابجي صافن على روحي بحياتي مبجيت.  الدمتور سكت همس

لاحول ولا قوه الا بالله ابني قوي روحك عدها غيرك. اولاد

لالا  حجيت فشلان رفعت راسي وامسح بوجهي وارجع اشهك كال

ابني مشوارنا صعب ووالدتك مجبيره واحتمال يكون الورد حميد بس بالحالتين لازم ينشال  والحمد لله العلم تطور 

هزيت راسي

دكتور فدوه شكد نسبه نجاح عمليتها

ابني مااكدر احدد بعد بس تحاليل

اريد احسن مشفى

امكانيتك

للسما لو تطلب عيوني

يحفضها ربي الك نصيحتي اخذها للبنان مو اشكك بكادري ولا بمكان عملي بس امكانياتهم افضل

هزيت راسي انصحني بدكتور هناك ومن باجر ابلش بالفيزه

كلما كان اوكت كلما افضل واني انطيك اسم مشفى هناك وبروفيسور فعلا كفوء بس اسعاره--

معليه بالاسعار بس تكوم بسلامه

الله يحفضها الك مرلي العصر العياده وره انتهاء دوامي بالمشفى

اوك  طلعت طاير لشغلي اخذت اجازه بدون راتب  ورجعت للبيت سويت حساباتي اباوع كل العدي مليون بس شسوي ربي دبرني حبست روحي بالغرفه خابرت ولد ويايه بالشغل جان مخلي عينه عالسياره كالي من تبيعها اني شراي وفعلا بعتها مثل ميريد  مناقشته   ورجعت للبيت وفلوسها بجيبي جانت امي طول الوكت نايمه ونضرات فرح الي باستفهام خلتني انهزم  منها صعدت ورحعت سويت حساباتي واتصلت بالدكتور كال احسب حسابك

٧٠٠٠٠ دولار

كمت اشوفها تراب كدام عافيتها ووجودها ماعدي شي غيره البيت ابيع نصه ماعدي غيره احجي وي روحي وافكر مسطور  طبت فرح همست

بابا حبيبي مااكلت

ماريد حبيبتي اكلي انتي

زين عدي امتحان فيزيا تدرسني

مااكدر بابا وغطيت وجهي بيدي كالت

بابا شبيك

ماكو شي

زين عمو وين اخذ سيارتنا

همست بعتها باباتي

ليش لعد شون توديني وتجيبني للمدرسه

عود اخليلج خط

بابا شبيك

كعدت يم رحلي جنت ممددها وراسي عالتاج مغمض والمناضر بعيني داسوي الحساب

بابا انت مو تكولي صارحيني لتضمين عليه شي شبيك

مابيه شي حبيبتي نزلي شوفي بيبيتج كعدت

حتى بيبي بس نايمه بالغرفه لا املت لا شربت

فزيت من مكاني خفت من كالت مطلعت

زين مطبيتي  عليهاالبس بشحاطتي واحجي بسرعه

لا طبيت كالت بيبي اريد انام

ركضت جوه فتحت الباب تمنيتها نثل قبل بس افتح الباب لو شكد ما على كيف تفز تصيح

ياسين ماما جيت

بس جانت نومتها ثكيله ولافه العصبه

ربي اخذ عافيتي ولبسها الها 

يوم يوم

همم

كومي يضي عيني نتغده

ماريد مانا روح تغده انت

ماشتهي الاوياج

يمه والله ماريد بس جيبيلي مي

صار تنهدت جبتلها مي شربت ورحعت نامت بقيت صافن حشكت راسي بيها ونمت ٣٠ سنه عمرها هالنومه خوف والم لا افقدها بحياتي كلها معايشها والله وي بنتي معشته ربي شدعي وهي كل مغزه دعوتي ربي بجاه حبيبك ردلها العافيه.

يومين ورحت لنفس المهندس السوه الخارطه لان عده مكتب دلاليه اخوه وعرضت البيت للبيع وبدو الناس يجون يشوفو. طبعا نصه  مو كله ودعاء حست اكو شي من طلعو العالم جتي كالت

شنو دتبيع البيت لو اني متوهمه

ذبيت نضارتي وجريت نفس

اي داابيعه

ليش هيج ووين تعيشنه كلنا ب١٠٠ متر

ميعجبج روحي بقصر اختج تنهدت ودرت وجهي

محتاج فلوس

هزيت راسي اريد احجي وجانت لغه الحوار وياها هادئه اريد اشكيلها ولو مامنها رجه  اريد اكولها فزيت الدائره يداينوني محد عده الدنيا غبره كلها تركض عاللكمه وميته جوع حتى القرض كالولي ست شهور يله يطلع واني يوم  واحد اشتري بذهب مو فلوس

كالت وكعدت يمي

ياسين شبيك مشايفتك بهيج حاله ابد

اختصرت الحاله كلها باوعت بعينها 

امي مريضه ويحتاجلها عمليه

فكت حلكها صافنه كالت

سرطان

بجيت وغطيت وجهي حضنتني بقوه رغم ماعدي اي علاقه بيها بس من الغريب احتاحيت هالحضنه من اي احد همست

لتخاف انشاء الله ماكو شي

داموت قبلها اني

لا اسم الله الله يخليك لبنتك  لتكول هيج اختبارهذا

بقيت صافن عليها هم بيها حانب حلو يجوز اني مشايفه  بيها معقوله ضلمتها بقيت اباوع بعينها كالت

لتبيعه

لعد منيلي

روح لخالتي يداينك ابنها

بقيت صافن هزيت راسي  بالرفض نفس الشي

ياسين راتبك تستلمه ويقسطه الدين عليه

تنهدت همست مادري

تريد اخابر واشوف شيكول

هزيت راسي خابري هسه ومت ماعدي عكبه طالع لبنان

شو لبنان

ماعدي احسن من هالمكان

صدك تحجي بابا شبيها مستشفياتنا

ماكدر ماكدرشششش سدي الموضوع

سكتت وطلعت من الغرفه للعصر جتي امها وخالتها وابن خالتها عرفت محاجيتهم  طبيت سلمت وابن خالتها قواني وخطيه خالتي  امها بقت تبجي وتكولي يمه لتايس تطيب وترحع تزين بيتك

الله كريم خاله ادعيلها فدوه

كالت

ليل نهار ادعي الله يفك كربتك

ابن خالتها كال

يابه شتومر حاضر ولتشيل هم

جاوبته

تسلم.  بلحضه نسيت كل الصار عازتي اذتني  ونسيت السواه كال

اني انطيك شكد متريد وشوكت متريد رجعه

هزيت راسي عالراتب بس خل ارحع اقدم على قرض اجلان كالو ست شهور

عمي التنطي فائده بالقرض انطي الي ونسد السالفه

خوش حجي هاهي

رحنا بيومها لمحامي خاص بي ووقعني على اوراق واخذت منه ميه مليون بضمانه البيت الكاعد بي  لان باسمي حولته امي كله حتى عماني بوكتها تنازلو وعمي اللي بالخارج دز توكيل باسمي عالبيت لان بيت جدي ابو ابويه فياكلون بس همه تنازلو النا اني وننه وننه خلته باسمي  يومين واخذتها وطلعت جانت مستغربه هالسفره ورافضه الا كتلها حجزت يله سكتت مستغربه هدوء دعاء  وفرح  اللي ماتت بجي بقيت خالتي عدهم وطلعت  للبنان ننه اللي بس تحجي وتصنف صارت هادئه وبس نايمه --------

يتبع

مريم السعدي

صارلي مجال ونزلتلكم وتدللون

ساره علي محسن

جانت هادئه وبس تتصفن وتباوعلي عبالك حاسه رغم ضميت المي بكلبي وتضاهرت بالراحه وانه اني جاي اتونس بس بعد الرنين من طلعت كالت

يمه خنكني هالحهاز كتلك وجع راسي راح ليش تلح

ابتسمت حضنتها ياعمري انتي حتى ارتاح يوم الحمد لله طلع ماكو شي

يعني بعد مافوت بي جنه كبر

اسم الله اسم الله اسم الله يوم. لا بعد اذا رادو يفوتوج بي اكولهم يخدروج ها شكلتي

هسه شكو مو سويت

ههه يابعد روحي انتي امي غير اشوف شكو هنا حتى افكارج اقراها عبالج خاف مخليه واحد جوه باطج داشوفه من هذا الاعمى العين

لتخاف غيرك ماعدي روحي من الدنيا انت

هههه رحت فدوه لكلبج يوم

رجعنا للفندق ونامت ورديت رجعت للمستشفى اخذت الاجراءات والدكتور كال باسرع وكت لازم العمليه.

حدد الموعد بعد يومين بيومها اخذتها ورحت عالبحر غيرنا حو احسها طابت من كل الم. ارتجت على جتفي تبتسم كالت

مكان فرح خالي

لااا هالطلعه لحبيبه روحي

لك انت فد حياال

اي يوم شنو غير انتي حبيبتي

الله لايحرمني من هالكلمه ربي هلكد يحبني وطاني هيج هديه

بقيت اباوع بعينها

يمه لو ماانتي وعمي علي اني مااعرف راسي من رجلي الله يعلم جان هسه اكدي بالشارع

لتكول هيج توجع كلبي

اسم الله على كلبج يوم اسم الله عليج حضنتها وبقيت اباوع عالبحر خايف من باجر حيل. كالت

ياسين

ها امي

ياسين ماما هم. نوبات تكول من وره امي هاي حياتي هيج

هه ليش يمه شبيها حياتي

يعني زوجتك وهجرانك الها اني كلت مااتدخل بعد بيناتهم ومااضغط عليه. بس داشوف دتتاذه وتاذيها وياك. اني من ورايه

لا امي هاي قسمتي شمدريج هي هيج واني بعد جزت روحي من عدها

اخاف اكولك طيها فرصه

يمه اني عايش لفرح بعد حياتي كلها الها. و الج

الله يخليك الها ماما.

لتشيلين همي

زين احنا ليش جينا لبنان كتلي ايفاد وشو حتى مشفتك رحت للشغل

باجر اخلص فحصج واروح لتخافين

هسه ليش دتجنفحص بعد مو كلك مابيه شي

يمه نتاكد ليش تلحين تاذيني

اووو كيفك باع الروج شون يصعد هاي لو فروحه هنا جان تشلهت وسبحت.

خل اطك صوره وادزلها

جان بوكتها نازل الفايبر والفيس وهالسوالف اني ماخذ لفرح تلفون ولامها هم واتراسل وياها دوم دزيت صورتنا اني وننه لفروحه كالت

الله بابا يخبل حتى بيبي عبالك وجهه احسن دير بالك عليها

ماشي يابه دتدرسين

بابا اخذت ٤٠ بالفيزيا

اوووويله من اجي ادرسج لتنقهرين احفضي ولو بس الدرخيات

اي دااحفظ بس دااشتاقلكم

بيبي شونها امج شونها

زينين وبيبي خطيه كلبها بليل يوجعها مدري شبيها

شبيها ياستار

مادري بابا عمو عرفان اجه اخذها للطبيب وجاب كومه دوايات

يوو يله من اجي اتفرغلها هم تعبانه خطيه

اي بابا بس لتتاخر لان اليوم بدونكم ميمشي

ميخالف حبيبتي بس صلاتج لتكطعيها وادعيلها لبيبي هاي تسلم عليج

الله يسلمها ياربي بوسلياها

وصل حبيبتي

بيومها الليل كله مكدرت انامه دخنت يمكن باكيتين واروح واجي اباوع بوجه امي

اخاف هاي اخر ليله اخاف يصير شي واندم لان سويتلها العمليه وجبتها لهنا وارجع واكول لا غلطان اني هسه تطيب وترجع الدكتور كال بعدها صغيره وتوه بادي

ثاني يوم رحنا وفاتت لغرفه العمليات على انه ديجرولها فحص من اخذوها من ايدي وهدت ايدي ايدها حسيت روحي تطلع حتى كعده مكدرت اكعد ساعه ساعتين ثلاث ساعات ونص حد ما كلت هاهي راحت من ايدي جيت ابجي وطلعت الممرضه

اخاف اسالها كالت

انت ياسين

اي نعم احم اي اني وكفت تقربت خطوه كالت

ابنا للست نسرين

اي جريت نفس يا خنكه اللي بصدري كالت

الحمد لله عسلامتا امك. عمليتا نجحت وهلا الدكتور راح يطلع بس حبيت اطمنك انو مافي شي يخوف

تحجي وتجر بحلكها بس والله بردت كلبي جاوبت

بشرج الله بالخير طلعوها لامي بالسديه للانعاش والدكتور طلع ابتسم كال

العمليه تمت باحسن ماكنا متخيلين والفضل لله

بجيت وبقيت ساكت وامشي وره السديه دخلوها انعاش للعصر طلعوها واني صافن عالغرفه من الجام اباوع نايمه براحه وملفوف راسها. شحتسوي من تشوف شعرها مزين شحيصير بيها من تعرف كذبت عليها المهم كامت بسلامه توجهت للعياده للطبيب المختص بيها وكال

شلنا الورم وحللناه وكان خبيث للاسف راح نجري الاشعاع بس بنسب قليله

دكتور الوالده متدري بمرضها

طيب لازم تعرف

نصيت راسي مسطور كال

راح نبسطها الها وصدكني راح تعذرك

الله يسمع منك وتهون انحصرت بزاويه وصار وكت امي تعرف كلشي مثل قبل صحت وره ساعه وشافتني كالت

اني وين جنت

ننه عمليتج نجحت ابتسمت وعيوني غركت دمع. بقت تفتح وتغمض بعينها بهدوء كالت

ياعمليه براسي

اي يوم الحمد لله خلصتي

ياسين امي ماتت بهالمرض بهالعمر

اششششش ننه العلم تطور

ماما لتتعب نفسك

يوووم بسس خلصت هاهي العمليه نجحت

غمضت قوي كالت

راسي ياذيني

هسه يفك خل اصيح الممرضه صحتها طكتها مسكن وسكنت وبلشنا من ثالث يوم اشعاع مخفف في حاله اذا بقه اثر اي خليه يقتلها باذن الله جانت متعاونه ردتلها الضحكه والالم راح اختفى لله الحمد وكمنا نطلع البسها زين واخذها بالعربانه رغم تكدر تمشي بس اخاف تنتكس نطلع نفتر وهي تكيف وتبقى تسولف

يس تتذكر من عمك علي كال اتمنى ازور لبنان

اييي الله يرحمه سبحان الله يله وردته دتزورها بمكانه

ايي. الف رحمه على روحه

بعد لتضم عليه شي

ابد هاهي باوعت بعينها مبتسم التفتت عيونها باوعت لمكان نضرها وحده لابسه بنطرون مشكك وطالعه صرتها باوعت وفرت بايدها

ها تغارين اشتريلج منه

دروح روح وينها عنج ام عوف جان علج علجتج

ههههههه شذكرج بيها يايمه

لك يمه فد مره مرت صاحب شويه دشداشتها بيها كصف ونزلت بيها البيت كله نسوان بليل بليل يجون الر ياحيل هاي شافتها هيج وانزلي عليه

اييي بيانه غزر بيج البارحه نازلتلي بهدوم النوم بعدددج

كتلها ام عوف هاي هدوم النوم يا صدك جذب كالت

عجل ما تشوفينها مطلعها كل دعابيلها خلتني اخرب ضحك

ههههههاي والله يايوم شبعانه ونسه براسهم

والله فد ونسه هناك

اوديج بس نرجع

اي والله خليني اسال على بناتهم ام عوف ميندري شحل الدهر بيها بريسم تزوجت لو لا وذنه الصغار يمكن هسه كبرت سوده عليه يتامى

الله كريم بس خل نكمل علاجج ونروح

فروحه كلبي طاك عليها

صدك خل اخابرها. خابرتها وفتحت فديو

بابا حبيبي

عمر ابوج انتي ها بابا شونج

زينه بس لتضوج اخذت النتيجه طلعت ب٣

لج بابا اقري

ماعرف وحدي وماما متعرف للكيميا والرياضيات والفيزيا بابا شونها ننه شتاقيتلهل

نسرين- ولج فروحتي زينه اني زينه اقري بيبي اقري حرامات تروح عليج سنه لخ

هلو بيبي عمري انتي طيبي بسع البيت يخنك شسوي يابيبي تعلمت الا وي بابا يله ارحعو بسرعه

يس-الله يسهل شونها ببيتج

زينه هاي بيبي بيبي

ياسين- كالت

رايحه لبيت خاله عمو عرفان اخذها.

شفت دعاء عدلت روحها كالت

ها يس شونها اختك

زينه لله الحمد شونكم انتو خو ممحتاحين شي

لا سلامتك شوكت تجون

بعد فد سبوعين خلي يكمل علاج

هاي شنو طالعين عالشط خوش علاج

دعاء روحي دااروح الجو برد على ننه سديته بوجهه ذييل الجلب عمره مينعدل

كلتها بكلبي كمل الاسبوعين وكلما اخابر الكه خالتي بيت عرفان عديلي. رجعت بعد ماكملنا الاشعاع والحمد لله صفرت الخلايا بجسمها جنت طاير شكد ماجننا قريبين تقربنا اكثر من بعضنا صرنا روحين بروح فعلا اخ واخت وام وابن رجعت بعد شهر لفرح. وامي ويايه طايبه الحمد لله ذبحت ذبيحه لوجه الله ومر يومين وخالتي مجتي. واتفاجا بانه دعاء دتداوم

هاي شنو يابه

شنو شسويلك طكت روحي

امج ليش متجي عدنا

تلاغيت وياها ورحاءا لتتدخل بيني وبينها

هااا هيج يعني دشوفي عيني الدوام اذا متبطلين اني الباجر مطلك

ياسيين مو جاييني متونس كاتل فلوسك وجاي تره عيب من الولد داينك ووكف وياك

والله ياعيني الباجر رايحله ابيع نص البيت وانعل ابو الدين

وتعيشنا بهالبيت سوه ميت متر

ميعجبج روحي بيت اختج

ياسسين تره طكت روحي اني ششفت من حياتي وياك

الله وكيلج ولا اني الشايف شي بس هذا اني عمي اني بلوعه مال غلط عوفيني اذا تردين واذا ردتي تبقين دوام تنسي واكدر اكولج ابدي صفحه جديده واي غلطه ترحين بالبيباي

بقت صافنه بوجهي

عفتها ورحت لخالتي جانت مزيضه عرفان كال كلبها تعبان بقيت كاعد يمها من بقينا وحدنا كالت همس باذني جرت راسي هي ومتمدده كالت

يمه دير بالك من ابن بت خاله ابو دعاء

باوعتلها مستغرب

خاله اليوم اروح افك الدين

عضت شفتها وبجت

خاله شبيج

يمه وعضت اصبعها بقوه وتشهك وايدها على كلبها وعيونها عالباب خاف عرفان يطب فكيت عيني صافن

خاله شكو تره تره جمدتي دمي

يمه مادري شكولك

وخلت ايد بيد تفرك بيها وتبجي وتعظ بشفتها

بستها من راسها خاله شبيج احجي والله مااتهور

كالت

مااكدر احجي مااكدر مااكدر دااموت وروحي تاكل بروحي بس فك عينك على بيتك ولتخلي دعاء تداوم ----------

ياسين- بقيت صافن حاله خالتي موزينه بقيت اباوع بعينها طب عرفان وبنتها اللخ سكتت وغمضت ورجعت نامت عدل

خاله امشي ويايه

عرفان- لا يابه عوفها ابو فرح خليها ترتاح  مو وكتها  وهي هنا راحتها

ياسين- كيفج خاله طلعت من يمهم وصلت لبيتي واني اشكال براسي بس شفت دعاء ترتبت وحده --- وحده كالت

وين جنت

هيج كضيت شغله ورجعت امي وين

بالغرفه يم فرح ديقرون

همم بقيت اباوعلها باوعتلي ودارت وجهه  كالت

تريد شي

لا

يله حروح انام

تعاي  دعاء

التفتت وتعدل بشعرها 

ها

طلعي هدومج من ذاك البيت باحر جايين ناس يشوفو

فكت حلكها كالت

لعد ليش تداينت مو علمود متبيعه

لا اتداينت لان مجاب سعر وماعدي وكت ومردت ابيعه بكسران

واعيش هنا انت مطايقني متريد قربي شون اعيش وياك فد غرفه

نامي انتي وبنتج فوك واني يم امي

ياسين اريد ارجع للشغل

شغل ماكو تردين اطلكج وروحي

هو احنا متطلكين باقي عالكلمه

ها بكيفج بعد

ياسين ليش هيج تعاملني خليني اداوم

ابد شيليها من راسج

منو الناس الجايين عالبيت

ناس جماعتي

هااا

اي بعد

لا هاهي  طلعت راحت لبيتها واني طبيت لامي وفرح امي متمدده تضحك وفروحه يمها فتحنا الكتب وكعدنا نقره لل٣ بالليل يله نمت  اني وياها  مرت يومين فرح يمي تنام بغرفه امي ودعاء وحدها هناك الناس اللي جوي عالبيت يوميه ياجلون جيتهم  فد مره خابرو على غفله ب١١ ونص كال الولد

راح امرلك هسه وي والدتي عادي لو نايمين

لا يابه عادي كال نص ساعه احنا يمكم واسف جاي بوكت متاخر بس توني طبيت بغداد    الضاهر جان بالمحافضات. 

كمت من غرفه امي وطلعت للمطبخ دعاء ماكو بس فرح

امج وين حبيبتي

بذاك البيت راحت كالت نعسانه

ها. باوعتلها رجعت نامت رحت  لذاك البيت طبيت بهدوء شفتها تفتر بالبيت وتحجي بهدوء والسماعات باذنها بقيت واكف اسمع مفتحت الباب جان صوت نااصي ومبين تحجي وي ولد بقيت جامد للغه كلامها ماريد اذكر شون كانت طبيت بهدوء لكيتها بلبس نوم مغري والكام مفتوحه فكت عينه وخلت ايدها على جسمها تغطي سدته وذبت التلفون ارتبكت

اني نار وشبت  بضلوعي لزمت تلفوني بهدوء لغيت موعدي وي الولد وهي صافنه عليه احس كلبي دكاته صاعده نازله  تقربت منها جريت التلفون من ايدها كبست  عليه قوي ضغطت حييل على ايدها مانعها  انه تقفله بس قفلته والشاشه رمز 

فكييي

مافك وخر عني اييي ايدي

دعاء فكي سمعتتتتتتتتج صحت بعلو صوته وضربت عالكونتر بقت صافنه

اني مو عصبي بس من اعصب مااسيطر على روحي ابتعدت ليوره كالت

مافكه وشتريد تسوي سوي

وحق مزضه امي اطلكج واطلعج بفضيحه كدام بنتج

متكدر اثبات كاعدك

كالتها ووجهه صار اصفر ولزمي الجهاز وكسري واني لزمتها من راسها وتركع بالفرفوري مال مطبخ فققدت حاولت تقاوم مكدرت ولا اني الداسيطر كمت مااسمع شي من احس على روحي دعاء مدمايه وامي وفرح  يجرون بيها ويبجون. والجوارين يدكون بالباب من صياحها. 

شمرت العبايه المعلكه بالبسمار عليها وانهد بنفس مكطوع

روحي لا هلج انتي طالك طالك طالك

فرح صاحت

باباااا

باوعتلها وصخت

اذاااا حجيتي حجاييه لخ اذبج وييياهاا فاااااهمه

عفت البيت وطلعت خابرت عرفان مكتله شكول شحجي ام بنتي حضي المكطم امهاااااا  كتله تعال اخذها ماريدها شوي واجه عرفان وراحو مطلعت من غرفتي بعد  فرح راحت وياها وامي بدت عوارض التعب

يمه بتك على بختك هالسنه ثالث

يوووم عوفيها يطبها طووب

لك يمه متاكد

اي شفتها بعيني

سكتت امي وبجت كالت

شوف ياسين هالحجي ميطلع لاي مخلوق عسى ما وكفتو محاكم هاي ام بنتك فاهم باجر يعيروها بيها

لعد انييي شمسكتتتني حتى لبنتي مكلت شكول شكووول امج هيييج سوت لج يوم امها تدري خالتي تدري بكلشي اللي صاير اكثر من تلفون من الحجي السمعته لج يوم بسفري مطبببته وخالتي دتموت من قهرها اللي كالتلي دير بالك وفك عينك على بيتك

بس يمه كافي حتموتها لروحكعليش يابه ويطبهااا طوب

يومين والبيت انباع اخذت فلوسه وتخابرت وي عرفان مكدرت اوصل لابن خالتها احتمال اقتله خلاص خليت عرفان يودي الفلوس ولد اثق بي ورغم الصار عبالك عاذرني اتصلت بي

الو هلو عرفان

هله عيني ابو فرح

فدوه ردتك بسالفه

اي بعيني كول

دين ابو علي اريد اوفي تكدر تودي انت

زين ورقه شي توقيع

اا جيبها منه واني العصر امرلك واوقها

ها اي شكو منها

فرح يمك

ابوفرح ام فرح مو عدي طلعت البارحه وي فرح تعاركت وي عمتي وتخربطت واختها طردتها صراحه اني ماحب اتدخل بينهم بس ردت اكولك تدري فرح  كبرت ومبينه مره  واني اعرف حرصك حتى اكثر من امها

فكيت حلكي اوكي

يله  ساعه واجيك

رحمه الله والديك.  سديته بقيت صافن وين اخذتها هاي خفت على بنتي اجه الولد طيته الفلوس وراح ساعه وخابر كال

عمي دينك شكد

١٠٠

غلطان يابه انت تشتغل بالفايز ياسين صدك تحجي صدمتني

يافايز يابه كال فرائد نفس فوائد البنك والعقد عدي وعده ينص على انه المدعو فلان الفلاني يقرض مبلغ  من المال وقدره  مذا مطالب بالتسديد الشهري كل شهر ٥٠٠ 

عمي المبلغ مكتوب ١٥٠ ويزيد كل شهر ١٠ وانت صارلك ٥ شهور انت صدك تحجي

احس السما وكعت عليه كال

جايك اني بالطريق شوي ورصلي شوفلي العقد كتله تزوير اني مقريت هيج

فرك وجهه مال ياسين ويامن وكعت هذا ناقص ذمه ناموس مو ردت تبيع بيتك

مجاب سعر ومجان عدي وكت غير يومين وهو اجه وعرض خدماته اروح منا واجي منا جكاره وره جكاره وروحي تشتعل كال

والحل

مادري شسوي

ياسين اخلص هذا بير ميخلص

منيننن اجييب

بيع البيت كله

وين اكعد ربب الحلو و امي وين اوديها

بيتي افتحه الك ومو حجايه التنكال ياسين

عرفان اني رجال غريب جم دوب اضل عدك انت شدتتتتحجيييي لطمت على راسي

كال

ياسين اخر حجايه اكولك انطي دينه واخلص تره تصفه بالسجن

اقتله خلاص وروح ابويه وهذا العقد عدي طبيت للبيت ادور العقد كلبت الدنيا ملكيته حركت الدنيا حرك ماكو اني مخلي بالقاصه وي ذهب ننه  البقت قطعه اخيره مالي عني علي فارغه القاصه بس القطعه الخفيفه ردت اتخبل كلبت المنتور سحبت القاصه واشوف اثر مال فك براغي من وره الدنيا اندكت  براسي شملفي ببيتي شمللفي حراميه اي مو حربتها قبل ليش استغرب هسه شراح اسوي وين اولي اقتله وروحه لعمي اقتله

احجي وي روحي ونار استعر واردد اقتله---

تكمله البارت

مريم السعدي

النقل بيد

ساره علي محسن