تحميل رواية «النوك الحمر» PDF

يس- اعصابي تدمرت مكدرت حتى الزم روحي كدام امي فقدت يومين جمعه وسبت عطله للاحد رحتله وامي مخلت امام منخته وصلت للدائره وطبيت شفت العينتين كاعده عالميز بس شاقتني وكفت بخوف واني والنار تاكل بيه طبيت كبل لغرفته حسب مدلوني واقره عالميز المدير خرب حضي خرب وكت المرعبل صار مدير ذاك القاط وذاك المكتب من شافني ابتسم بشماته

ها استاذ شونك. جيت تسدد

كلمتيييين ورد غطاهاااااا وعافيييه امي ازوعك العافيه اقتلللك خلاااص

كعد عالكرسي وارتجى يضحك بصوت عالي تخبلت عقل مضل براسي كال

تفضل تفضل نضايفك بشي

ابو علييي كمت اضرب عالميز. العقد الاصلي ويين احرك الشركه عالاسسه وروح ابويه

دكافي تحلف بسسس بوخه مال تمن بس عاد عالعموم ديني توفي لو اخذ البيت براحتك اقلها تبقالك ٥٠ مليون تاجر بيها فكر بغجعقلتنيه ابو فررح

جيتت علي مكدرت خنكته داس دكمه بالميز شوي وجوي الامن سحلوني بره واني اهدد بي واصيح اقتلك طفه عقلي من تفكيره صار كل همي احركه وابرد ناري عفته ورجعت للبيت مرت خمس شهورعلى سلامه امي الدوامه الخلتني بيها السافله دعاء وبنتي وبقاءها عد امها وموضوع الدين اللي انكلب عليه مدري شلون كلها خلتني التهي عنها وماراجع مره لخ رحت لبيت خالتي عياطي وصياحي فاقد وعرفان يحاول يهدي بيه اخر شي كال

دعاء كاعده بشقه من شقق مجنع سكني هو مشترك بي وي ابو زوجته عقلي من راسي طار

عرفان امشي وديني اجيب فرح

بس تهده واني اصعد اجيبها وانزلك تبقى بره

خوش اي اي زين هاذ هو اباوع خالتي صايره هلكدوتها وكفه متكدر توكف وعرفان كوه مدير اللكمه اله ولعائلته حاير بعلاجها هم. اخذني للمجمع صعد واني نار بي تغلي شوي ونزل هو وفرح نزلت من السياره ركض حضنتها ضلت تبحي بحضني

بابا امشي ويايه

بابا وين اروح

امشي عدي مابقيج هنا

بابا وماشوف ماما بعد

مشتاقيتيلي بابا هيج مغزر بعينج شغله وحده

كملت كلامي وماتت بجي فرح كالت

كل يوم ابجي لحد مانام بس انت عفتني كلت هسه ثاني يوم تجي عليه بعد مجيت وماما تكولي شوفي ابوج لو حابج ميعوفج ابوج كل همه اخته ويريد يتزوج

وانتي صدكتي بابا اني عبالي بيت خالتج وكلت هسه تخابرني اجيبها شفتج مخابرتي كلت لازم تعرف الصح من الغلط

بابا شسوت ماما وطلكتها ليش هيج بس كولي علمود البيت صدك بعت بيت جدو

جريت نفس باوعت بعينها حوه عيونها اسود ووجهه ذبلان اصفر

بابا امشي ويايه

وبعد متخليني اشوف ماما متجيبني

لا بابا  عود اجيبج الها بس امشي

اخذتها ورجعت للبيت جانت بس صافنه وكلسا تبجي خابرتها امها تعيط  وصيحت  عليها  ليش رحتي وسدت التلفون بوجهه

يومين واني حاير من محامي لمحامي واسال يكلولي العقد سليم وهاي الشروط مكتوبه بصدقه بكاتب العدل واني جني  ويتلبسني واكول مزور ميبين ميكدر احد يكشفه محد يسمع مني  رجعت للبيت بيومها لكيت امي بالحمام تاخرت دكيت الباب اكثر من مره طلعت كالت

ها يمه شسويت

بقيت صافن ملامحها تعبانه حيل جاوبت

لا يمه انحلت كلتها واقره عيونها نسيت حتى اني من نار كلبي كالت

احلف

والله يمه ماكو شي اتطمني دك تلفوني رديت عرفان

ها عرفان كال

ابو فرح خالتك طتك عمرها واني وحدي  وحلفتني دعاء متجي بفاتحتها ولا تغسلها

جمدت بمكاني جايك عرفان باوعت لامي

يوم  خالتي طتج عمرها

لا اله الا الله صاحت فرح

بيبي ماجده ماتت

اي بابا الله يرحمها مريضه كلش جانت

عزه بابا شون تعاركت وي ماما اخر شي  هسه ماما تموت قهرسوده عليه بيبي

مجاوبت لبست حذائي وطلعت وفرح ميته بجي.  اخذناها وغسلتها رفاة  بنتها وطلعناها شيعناها ودفنتها بيدي كال

وصيتها تندفن بيدك.

سبحان الله كانما  دفنت اني اخر ذكرى من امي الماشفتها هي خالتي رغم عذابي وي بنتها بس جانت بصفي  دوم الله يرحمها رجعنا وسوينا الفاتحه اول يوم اجه ابو علي طلعته من الفاتحه وعرفان كاله

ابو علي روح خالتك حالفه متطب عزاها لا انت ولا بنتها

طلع. وصاير اعصاب عود جاي يفيك بسيارته  وقاطه بنص العزه  ودعاء جايه لعزه النسوان ورفاه للباب مطببتها بقت فرح تبجي وحاقده عالمل ليش هيج تعاملون امي شريد اكوللها امج زنت    مكدرت.   امها تضل وصمه عار اخذتها ورجعت لبيتي وراسي من التفكير شطح باحر راس الشهر يعني يصير ١٦٠.  ماعدي حل بس اروح احجي وي ابو يلزمه بلكن الله اكدر ااثر عليه

رحت لبيت اهله.  طلعت امه انكس من دعاء باوعتلي وعوحت حلكها طلبت ابوه شوي وطلع رحب بيه الرجال شفت ابن اخو طب سلم وجده طلب منه سويج السياره ورزله كدامي

السياره بعد لتجي يمهااا فاهم

عرفت هذا ابن اخو ابو علي اخو المتوفي اباوعله عينن عمه محفحف ومسقط ذب السويج بعصبيه وطلع.  بقيت احجي وي الاب والرجال ختمها كال

ابني مااكدر عليه من يوم مشكله التزوير واني مقاطعه وامه من تريد تشوفه تروحله لبيته اعذرني ماكدر اسويلك شي

رجعت للبيت ممحصل شي طبيت لكيت امي عالمغسله ونزيف مستمر من انفها لهنا ووكفن  دكات كلبي

ننه شبيج حبيبتي

يمه من البارحه ينزف ويرد يوكف

غييير تحجي رب الحلووو

فررح بابا فررح

مترد ننه كالت

عوفها يمه زعلانه علمود امها

وزعللله كلك امشي امي امشي لبستها وطرت للمستشفى  فحص وتحاليل وقفو النزيف بالقدره ورجعت  للبيت  صافن عليها

ننه حبيبتي شيوجعج

ميوجعني امي بس حرت بالدم وثولني لاصلاتي لا دعائي وقراني اريد اركز ماكو

سلامتج ياروحي انتي باجر اخذ اجازه اسويلج فحص

لالا يمه بس شوفلي فروحه مااكلت اليوم

خوش طبيت للغرفه واني راسي مقبط مدري بيش احير لكيت فرح نايمه كعدتها بقت زعلانه متقبل تكوم

حجيت وعاتبت

هذا تعبي كله وياج هيج بس لامج شناطيتج كدما مانطيتج اني كدما دللتج دللتج قاطات  بالتتمني جرالج بس متكتفين مثل امج امج تعرفين شسوت

اي كلي شسوت شسوت

امج  اخذت عقد البيت ونطته لابن خالتها حتى ياخذ بيتنا ارتاحي روحي حبيها بعد  انعل ابوج لابو الرادج

لا بابا مستحيل

ليش مستحيل موعمرج ٨ سنين وعلماج تبوكين فلوس الذهب من داريد اتزوج نسيتي

لا بابا بس هي جانت تغار عليك تخاف تتزوج مو معقول تنطي البيت وليش شتستفاد اصلا هي كتلت روحها عالبييت

لج بابا امشي ويايه فوك وشوفي بعينج

صعدت ويايه جريت القاصه وشوفتها بقت صافنه هاا. شبييج

بابا يعني ماما تبوك

بقيت صافن لصفنتها اصعب شي من تشوف اقرب ناس الك وقدوتك مو مثل تصورك يخيبون الضن

مجاوبتها تحسرت ونزلت شوي ونزلت ورايه صبت وتغديت وهي بس صافنه ودموعها تجري واني كلبي خلص ثاني يوم من الصبح اخذت ننه ورحت للمستشفى فحص عام وتحاليل وانصدم   بورم جديد يم محور عينها  جانت القاضيه بالنسبه الي.  نغزات بكلبي كمت احس وي النفس وراسن رفعت رايه  الاستسلام   يوم يومين سبوع ورحت برجلي للدائره ووقعت على بيعه البيت ونطاني ٥٠ مليون وبيدي وديت فرح لامها واخذت امي وطرت للبنان   رغم امتناع امي وهمتها انه اموري انحلت بوساطه ابو لابو علي وقبل يقسطلي المبلغ عالراتب وحلو حلو.  حتى  غراض البيت عفتها واتصلت بعرفان كتله كلهن اخذهن وخليهن عدك كال

ابيعهن واضملك فلوسهن جان من يحجي يبجي عرفت حالتي شكد تبجي بسنه وحده مات بيه كلشي فرح اللي توسلت تجي ويايه واني اردد

ماكدر بابا روحي لامج صفيت عالحديده ماتت بجي واعدتها من ارجع ااجربيت من راتبي ونكعد بي كالت

بابا راح انتضرك اني كمت اكره ماما

كل كلمه منها صداها لليوم باذني تدمرت اني مبقه مني شي ابد وصلت لبنان ورجعت لنفس الدكتور ورنين  وتحاليل كال عمليه نسبه نجاحها ضئيله تخبلت وكتله سويها اريد امي عسى ما بروحي من طبت للعمليات هلمره كانت اقسى من الاولى خوفي وتعلقي باخر شي يثبت اني حي  انه اخسره  دخلت والدمعه بعينها همست

دير بالك على فرح بوسلياها وحللني واوهبني

بس انسدت الباب كعدت بالكع حسيت روحي ركام رمادد حطب خليت ايدي على راسي

رفعت راسي ليفوك

ربي بس هي خليها كلشي يضيع فدوه بس هي خليها لو بس نفس اداريها بعيوني

ساعتين وطلع الطبيب كال

الحمد لله شلناه بس اثر على وحده من عيونها غمضت عيني واحس اني انعميت موهي كال

احمد الله وشكره اني كتلك كل شهر فحص جان كدرنا نسيطر عليه بجلسه اشعاع وتنتهي السالفه

مرديت محد يعرف ضرف التمر بي غير روحك ومحد يسندك غير ضهرك. طلعت اني خلصت  فلوس بقيت هناك سبوعين ورجعت ماريد احجي معاناه مرضه امي والمها واحساسها بيه وتعبي ماريد احجي راسي اللي صار رصاصي كثر  الشيب البي وصلت لبغداد لاول مره بحياتي

ماعدي نقطه رجوع ماعدي مكان اكعد بي وين اروح هسه خابرني عرفان

ها وين انت

وصلت باوعت لامي عالعربانه ادفعها كال

غراض البيت بعتهن واجرتلك شقه صغيره  بفرعنا.  طابق اول وجهزناها ورتبتها الك حتى خط من عدي جريت مبعي ه علينا قريبه بقت انت من راتبك تنطي شهر اليجي

غمضت عيني حزيت نفس

الف رحمه عالحليب الرضعته عرفان

منسوي شي ياسين لو بيدي اسوي اكثر بس الايد قصير والعين بصير الله يشهد

عمي لو اخويه ميسندني هالسنده

لتحجي شي متعرفه الاخ لو موجود مجان حرت بامك وحدك تدري المثلك قليلين اللي يجازيك بحياتك على وكفتك وي امك

تسلم سديته منه ورحت لبيته ودلاني عالشقه طبيت لكيتها دافيه امي بس صافنه وتتلفت كالت

هذا موبيتنا

وتعصر بعينها تغوش

ابتسمت وعيوني غدرت بيه بستها من راسها

حبيبتي ديصبغو

تركتها ترتاح. وطبيت للحمام شعدي تعب وبجي ذبيته اريد اصرخ صرخه. واطلع قهري بس بعد بيه صبر خسرت كلشي بس بعدن عدي العافيه ولاخر نفس بيه امي ماعوفها.   بقه راسها ملفوف  ويحكها واني باجر تخلص اجازتي خابرت فرح مردت عليه مره مرتين ماكو رد تركتها امي تك عين متشوف بيها علاجها وياها وياها  فتره وشالو اللفاف والبلاستر ووجع الراس خف وشعرها بده يرجع يطلع   واني مسيطر خلصت اجازتي ورحت اداوم وانصدم

اسمي ملغي من اضباره الاجايز اثاري الاجازه ممقبوله وناطيني فصل لان شهر ممداوم  والاضرب مخلين احد بمكاني  كلشي راح بلحضه حياتي تدمرت مبقالي ايي شي حجيت توسلت ماكو  قفلو مدير جديد وكلب ابن كلب جايب جماعته بمكاني نطيت اسبابي اوراق امي ماكو موضفين شهدولي كلهم وهو قافل فصل فصل حتى تقاعد ميرهملي رجعت فتحت سيم كارتي القديم والكه جماعتي موضفين كومه مخابريني من جنت بلبنان  ورسايل ركع

يس يمعود باجر اخر انذار يس رحمه لا الله داوم

واني مادري

صفنت على روحي

اني شسويت وهيج افترت عليه

ربي اختبارك صععب زجربي لخاطر صلاه اني وصلاتي

لو تاخذ ارواحنا سوه  لو تسهلها عليه ربي بجاهك وبمقامك لاعدي اب لاعدي اخ وين اروح وحملي ثكللل 

بيومها   الساعه ٣ بالليل   واني مثل الجهال كاعد ادخن وابجي بشباك الشقه  بنص شهر التاسع ٢٠١٦.

للصبح حد ماجهجر الوكت واني ادعي ودموعي على خدي الله يشهد حتى مكرم السامع جلاب  الشارع صفنو عليه  طلع الضوه فرشت السجادات وصليت بعدني لهاليوم افرش سجادتين وهالمره صدك حسيت روحي وحدي لاول مره احس روحه ممرافقتني

سفره لبنان الاولى احسه ويايه بكل خطوه

نوبات احاجي

عمي علي وردتك مريضه. ادعيلها اتجنت اقرب من رب العالمين

عمي علي وردتك تتوجع جنت تموت ولاتشوفه تتاذى من شي

شفره لبنان الثانيه كنت احسه ويايه حتى تحس اشارات من مااندل شي اضل صافن احجي وياه اكوله دليني وينه المختبر او وينها العياده واصير كدامي

شي استعقدت بي من صغزي انه عمي علي ويايه معايفني بس اليوم حسيت روحي وحدي نزلت لموضع السجود محسيت على روحي اجهشت بالبجي فقدت وكمت اشهك فزت امي عليه

ماما حبيبي شبيك عمري انت يمه يسوني شبيك

مابيه امي مابيه ابحي وارددمابيه مكدرت اسكت حضنتني وحضنتها بصدري اريد ادخلها ولايمسها شي ربي اختبارك صعب ربي تحاوطت من كل صفحه وانت تدري لا اخل حرام لا ماسه ربي دخيلك نضره وحده بس لعافيه امي

احضن بيها وابحي وادعي بداخلي امي كالت

يمه والله احس روحي زينه بس عيني شوي تغوش والله ماما مبيه شي لتخاف

اي يوم الحمد لله

ياسين شو باوعلي البيت راح مو

هزيت راسي مغمض وكفتني كالت كوممم

وكفت كوه مغمض عيني خجلان متها مسحت دموعي كالت بنتره

انييي معرفت ارربي الصاهرر اني مربيت هيج رحال ضعيف ربيت.  سبببع جان ماكل شارع السوك. ربيت هبه رريح شو باووعليييي

صاحت فزيت باوعتلها بلعت ريك راحت العبره كالت

شوف اكولللك تاشر وترزل باصبعها

شوف باوعنييي اني بتك عييين انت عيوني   اريدك سبع واذا مصرت سبع الوش سويتلي العمليه وخليتني اعييش المن  حتى اشوووفك تنهااار كوم بوجه الدنيا انت تربايه علللي تعرفه لعلي لو اعرفك عليه

اعرفه يوم اعرفه كلش زين

لعد شوفني شون راح توكف لهالدنيا الزفرره

هزيت راسي صارننه بستها من راسها كالت

بنتك باحر تجيبهااا

اي ننه لتصيحين صار

امشي نام يله باجر وراك شغل

صار

كملت صلاتي وتمددت صافن بكم القوه الصارت عدي   ----

منذ ان ابصرت وبك ابصر الدنيا  بين اعينك

اماه ماانتي ببشر لا والله

انتي روح طاهره مطهره  قطره عذب. نقيه منقات من ماء الكوثر

امي عديني بالعدول عن تركي عديني بالا تستسلمي لدائك. عديني ان تكوني روحي القويه كما كنت كل لحضه من لحظات حياتي ---------

من يومها وبديت ادور شغل بنتي الاتصل بيها باليوم الف مره مترد رحت للمجمع سالت كالو شالت خابرت عرفان كال مسافره       ومامليت من اتصالي بيها. بقيت ادور رحعت للكهرباء والبواري والماطورات وحتى المجاري وكوه الاجار يطلع ولاالحك للكمه عرفان متركني هاليكدر عليه مسواك  مخضر مجنت اقبل متحملت نفسي عزيزه  صبغت بيته ورممته وياه  يله كمت اقبل منه. لاهو العده ينطيني فلوس ترميم  ولااني الطلبت بس صرنا بيت واحد تقريبا.

امي بعد فتره شهرين بدت عوارض المرض والتعب ومكدرت اخذها طبيب بعد بقيت عالدعاء.  واخذتها لمدينه الطب.  وفحصت كالو

توه بده.  سلمت امري بيد الله وبعدها نستمره يوميه تنطيني قوه.  بس بدت تخربط ساعه تكولي علي ساعه تذكرني اني ياسين. عيونها فد نوب صارت متشوف بيها الا خيال واني اشد بالبواري والعرك يصب والتعب اكل بيه اكل وبالي عد امي اخاف توكع لو تنضرب برجلها لان مركعت الكرسي للمطبخ نسيته ودك تلفوني

رقم غريب اثير صفنت عليه رديت

الو

الو سلامن عليكم

هلا

حجي ياسين. ابو فرح

اي بلي تفضل

هههه ماعرفتني اول يالدنيا بريه سنتين لاتسال لاتكول رغمك انمسح من يمي بويه انت اسال كول عدي وليد بالجنوب چا اهل بغداد بس حجي لسان چا مو كتلي انت وليدي

دمعت عيني كعدت همست بتعب

سيد عبد الله

وصلت هههه  هالشكل عدكم   تنسون بلعجل

محجيت شي ساكت ودموعي جرت

چني مخابر بوكت مازين

احسن وكت كلتها وخنكتني العبره

ها ههه شونك عمي

موزين

خيرك عمي ركابنا سداده بس كول ماعول اسدن  وكفتك وياي

محتاجك حيل مضل عدي احد

كال

افه عليك وينك انت انه جاي الولايه ازورن. الكاضم بس طيني بكان انه امرلك

جريت نفس صافن

واتذكر حجي امي

احلى وكت كضيتها عدهم غمضت مرتجي مالي غيره وهذا الاتصال الوردني رحمه من الله وكفت واحجي بالتلفون ذبيت السبانه من ايدي ونزعت الجف

جايك اوكف يم الشريف الرضي ------

مردت اتعمق بتفاصيل اذيه ياسين

حاولت اختصر الاخداث كد مابيه

هالقصه اكثر قصه اثرت بيه   لكون شفت عيون ياسين من يروريها  ومن تدمع لكل موقف  

مرض امه

فقدانه لبيت ابو

خسارته لوضيفته

وناره اللي ضلت تسعر بكلبه

وبنته اللي مكدر يسيطر عليها وعلى عقلها اللعبت امها بي

فرح من مواليد اصغر من هالمواليد النطيتها   الاحداث   قبل الموعد الناطيته بس مردت انطيها بالمضبوط حتى متنعرف رغم بعدهم عن الولايه   بس تصير ولان القصه واقعيه ميه بالميه.  راح ينعرفون

من اليوم منحدر جديد حيكون بالروايه.  راح تتنفسون الصعداء ويانا رغم تعب ياسين بس ربك لابد يخلي فسحه امل لو تنسد كل البوب بوجهنا باب الله مفتوح

متابعه ممتعه

الناقله

ساره علي محسن

مريم السعدي

ياسين- باوعت لهدومي مدهنه ومزرفه مال لحيم والشد مال بواري عت للبيت بدلت وغسلت تطمنت انه بنت خالتي يمها زوجه عرفان ورحت لعبد الله مادري شناوي بس ردت امي باخر ايامها ترتاح وتشم هدوه نضيف وصلت للكاضميه ووكفت يم مرقد الشريف الرضي انتضر واتلفت ولاعبد الله ولا ابو عوف بقيت اتصفن شنو السالفه ماعدي رصيد ادكله لازم تلفوني وانتضر باوعت لكبه الامام وفاضت روحي الا شوي واكول بعد بعد خل امي ترتاح اول ماريد تتبهذل بعدي وراها اموت براحه واتذكرت فرح هلكد واحشتني مشتاقتلي هي متذكرني صار سنه بالضبط سنه وينج يابويه محتيتي لابوج دعيت كون الله ساتر عليها اخر. شي كالو من مريت للوضيفه انها مسافره لاربيل وفرح اكيد وي امها احاحي الامام وعيوني تهمل

بس كون الله يستر عليها ماعدي شي الها بعد بس حبي بقه سمعت صوت ورايه

عطاك مرادك وماردك عمييي

التفتت نفس الضحكه التجيبدالعافيه ونفس اللبس البدوي الاسود تقدم حضنني وباس راسي بقيت اباوع بعينه مادري شحجي كال

من اهمداها الدنيا العوجت العدلين

ابتسمت

شونك سيد

انه هساع صرت بخير عمي تعذرني بطيت عليك جنت ازورن لنك بطيت وضليت اتاني خجلت من الامام وفتت

يحجي وايده على صدره ومميل راسه يعتذر متروس حنيه وكرم واحترام واني صافن مبتسم بكومه تعب كال

ماتزور عمي خله ايده على كتفي واخذني مره لخ للامام تفتشنا وطبينا زرت وصليت وهو ورايه يسبح التفتت عليه لكيت ابو عوف بصفه ضحك من كلبه وطلعت سنونه الواكعه

شونك حجي ابو عوف

بعد روحي ابو طه شلوناك شلونها صحتاك

الحمد لله

باوعت للسيد كاله

عمي روحي اشبع زياره انه كاعد هنايا وي عمي ياسين

اخضو راحتكم عجل

ياسين- كلشي بيه حن لذيج الايام للراحه للامان اللي مشفناه بعد الحرب لعافيه امي ولسيد حسين وطيبته كال

احجيلي عمي ياهو الغثاك هلكثر لا ادوسه بمداسي حشه الامام وحشاك من السمع

ابتسمت نصيت راسي لزمني من راسي وباسه وكعد كدامي

عمي لا تدنج انت ماهديتني بكت وكعت سبع تشهر انه مسوحل بالسجون بيد الامريكان وانت ماهديتني رايح راد علي غده وعشا وملبس ورشاوي للحراس انه ماانسى الوكفلي

بقيت ساكت عيوني غوركت

اهاا عمي صديك جذيب تبجي هاي شجرى بالدنيا خبرني

افترت عليه حييل فرتني حيل وكعتني من السما شهكت وباوعت للامام وغطيت وجهي

كال

عمي لاتكولها عين غطا وعين فراش وتدري بولد السيد من يتحچون

حجيتله كلشي. بس وصلت لسالفه الخيانه مكدرت بقيت ساكت منصي كملت متعدي السالفه محجى ولا كلمه من كملت جر نفس همس سهله وتلفت يدور ابو عوف لكاه كاعد بعيد والسبحه بيده ينتضر منه اشاره كال وضرب على فخذي

عمي هساع انت وين كاعد

كتلك شقه طابق ارضي

عمي خضني ليكم ماتردون خطار

كل الهله بيك وانت موخطار عبد الله

اخذته وطلعنا لشقتي الماجرها بقه منصي لحد ماسويت درب احس ركبته انكسرت بقينا سهرانين اجه يمي بالمطبخ سويت جاي وعشا كليت بيتنجان جنت كلش محرج. شفته جر من الحيس الطماطا الجايبها بطريقي بالمسواك وكام يقطعها دواير ويحجي بالي سواه كال

عجل وين النمجه

نمجه شنو هه عبد الله فسر فسر

عمي مالتلكلون بيها

ها طاوه طلعتها خلاها عالطباخ

يابه اني داسوي

انت حير بالاسود وانه علي الاحمر. عببالك مااسوي من اجوعن لا انه هم احب اعتمد على روحي

هههه سبع من يومك

كمل حجي كال كملت المعهد طبي تقني ومتوضف رجع للبر ومكثر النوك ومحضرهن للجري للماراثون عالثامن يصير وسبعه منهن حوامل ومجهز ٣ مبيوعات على عاشو وصفر الجاي وبقه يحجي مسوي معمل صغير للجبن واللبن والزبد بي مكينتين ومكبر البستان دونمين بعد  

اسمع واهز براسي مكيف بي كال وشله  ردن دشداشته ليفوك كال ورافع حاجبه

يعني يعمي  اجيتني بالوقت المناسب    انه معوز زلم عالمكاين الكهربائيه وانت ماشاء الله عليك  تلفهن لف

بقيت ساكت باوعتله ملتفت عاكد حاجبي كال

ولد عمي الطيبين راحم لدار حكهم اخوي وياهم بعد

يحجي بهدوء بعد ماكان صوته راج الشقه كام يحجي بهدوء وحسره كال

ولد خالي الاثنين بكربلا

يس-صاحب هم انقتل

باوعلي ونصه راسه ذب من ايده الالملح الحان يرشه عالطماطا ودار وجهه كال

لا منقتل

لعد ليش مو وياك

عمي محتاجك ذخر مامن بيك انه وانت ماعدك شي يربطك بالولايه بعد

جريت نفس باوعت لصفحه امي جاوبته

امي محتاجه هوا نضيف

يعني موافق

اي ماعدي غير حل

لخو مجبور بروح موتاك

سيد اني اموت على بستانكم وعيشتك والبر انت شتحجي

لچن الباجر من الصبح ماشين اكول لبوعوف  ناخذ غراضكم بالبدي خما عدكم هواي

لا جم غرض وهدومنا  جريت نفس خلينا الصينيه  وكعدنا داير ميدورها اني وابو عوف وهوه امي جانت ماكله ياكل بنهم ولاكانه بيتنجان وطماطا.  ولبن

كملنا وبذدينا نحزم الغراض للبدي اجه عرفان جايب فاكهه خطيه بالصينيه وببسي كال

هسه عرفت عدكم خطار وعرفته على السيد وتسالم وياه عرفته على انه اخوي الماولدته اني وكتله راح اروح للسماوه بقه صافن عرفان كال

والله ابو فرح تعودت عليك كلما ضجت جيتك

تعبتك ويايه عرفان

لاتكول هيج انت ابن اصل ابو فرح

سيد عبد الله- امانه بكت ماتردون مر البستان والله هناك الهوا يرد الروح والناس بسيطه

عرفان- اجيكم فد يوم والله بالعطله

اشيلك عراسي عمي انت وهلك

يس- الفجر طلعنا احس شي شي بيه ينزاح من نمشي منطقه منطقه محافضه محافضه حدما وصلنا السماوه وطبينا عبد الله كال

عمي الحجيه وي ام عوف تضل بالبيت الصغير وانت تفضل الديوانيه

لا عبد الله رحتلك فدوهه امي ماريد افاركهه اريد اشبع منها باخر ايامها

لاحول ولا قوه الا بالله

نصه راسه كال

عجل البيت الفارغ فد اليوم نحضره الكم

اي بيت بيت ابن عمك

اي مو هله بعد مكتله راحو لاهلهم. خذوهم مارضو يضلون عدنا

بقيت صافن بيوت مليانه فرغت الله يساعدهم حجيتها بداخلي هزيت راسي

ماشي يابه رحمه الله والديك يعني مادري شون داثكل عليك بس مراح اقصر انشاء الله

كال

عمي انت شتحجي  لاتوجع كلبي جاي اكلك انه معوز زلم

سكتت ماعدي غير حل كال

الليله نجهزه انت ارتاح بالديوانيه والوالده عد ام عوف لليل بس

هزيت راسي طبيت الديوانيه سبحت من عرك الطريق.  وطلعت افتر بالبستان يخبل صاير النخل محمل صلوات  على محمد

شفت الولد طبو للبيت طلعو الغراض القديمات الميحتاجوها وسمعت تشغيله الماطور يغسلون بالبيت رحت وياهم بيت مصبوب صب مو كاشي بس الصبه ناعمه والمطبخ كامل مرتب وبسيط شغلو الثلاجه.  وغيرو حلفات المبرده واني وياهم وياهم وسيد عبد الله هم حسيته مكيف بيه  البيت طابقين جوه غرفتين ومطبخ  وطرمه وحديقه اذا رفعت راسي من سياج الحديقه اشوف حديقه البيت الجبير وبيت ابو عوف الصغير  اللي بصف الديوانيه 

باب البيت وسياجه خوص مال نخل مو حايط   على طول البيت خوص ببعرض الحايط  جرابي حديد اكو نزلنا بهول الجوه  وخليت ورحده وره اللخ علمود امي تكون جوه عيني والحمام مرتب هم صب وبي شاور.  وبره تنور طين. كالعاده بكل بيت من البيوت

لليل  جابو اني بالعربانه  مالتها      اخذتها اضحك

ها امي  حبيبتي

يسوني وين عفتني واني عيوني تغوش

يمه شبيج احنا وين متدرين

اكولك مو سمعت حس ام عوف من جنت نايمه

هاي كضيتي الوكت كله نايمه

اي والله يمه  الجو بارد وبقيت جريتها نومه

يبعد روحي تعاي اكولج احنا وين فريتها بالبستان بالعربانه والسيد ويايه  جنت مرتاح حيل قربت  غصن البرتقال منها وعصرته بيدي خليته يم انفها

ها امي عرفتي وين احنا

وين حديقه

ههههه يمه احنا ببستان سيد حسين

ياعينيي كالتها وبجت. يايمه سوده عليه

اسكتي لخاطر الله يمه عيونج

سيد عبد الله- حجيه شلونييج

هلو امي منو هذا همست

يمه سيد عبد الله

صلوات صاير صوته مال زلم

عبد الله - حجيه چاغير كبرنا  هههههه

اللله يحفضكم حبيبي

ههه سلمج الله وعافاج  شون تحسين روحج

والله يمه اليوم يله ارتاحيت نمت زين يوميه الحر والبرغش ياكلني

لا سلامتج عجل اصيحن ام عوف وياج تاخضج للحوش

اي والله يمه واحشتني سوالفها

يس- باوعت لعبد الله

فدوه لتبات عدكم

لالا اجيبها الك ربي يعافيها ماتعرف ربك يجوز منه معجزه  تلبسها ثياب العافيه

والنعم بالله والنعم

تعال وياي  عمي تعال

شيت وياه اخذني للمراح او حضيره الابل وشوفلي انتاجهم بفرح كال

هذي ابن شهرين بكره ناخذها البر بعد لاجل تدريب الجري

وهذي للتسمين جاي تشوفها شلونها

وهاي هنا للحليب هسه ساعه اللخ تجي ام عوف واهلها يحلبوهن

ماشاء الله سبع عبد الله

عمي البركه والفضل بعد الله الك

جريت نفس مبتسم. باوعت للمشمع المخلي نفس فكرتي ونضيف والريحه جدا قليله

بعدكم عالمشمع

نبدله كل ست شهور عمي يرحم والديك على هالافكار  هواي عنتني.  بعد انه اشيلن ايدي من  البستان هاذ شغلك وعدك هنايا ١٣ عامل فلح يعاونوك  من غير ببكت الحصاد

ماشي جريت نفس باوعلي كال

منضومه المي ست ساعات باليوم نشقلها حتى تروي البساتين اليمنا عبن احنا مامحتاجين الماي هواي تعرف النخل مايريد ناي هواي

امم صح

بس انه مخليها على روح السيد بله اجور

واصل انشاء الله تنهدت باوعت للنخل ونصيت

كال

وعدك النوك  سكايه يومي قليل مهواي واكلهن هممه. من نوه التمر. وهاذ كدامك المعمل تفضل شوفه همه يغسلون النوك مالك خص لاتتعب رويحك بيهن وتطعيم كل ست شهور

بس انه الردته منك اهم شي اشرافك عالمكاين لان جاي يلعبون بيهم لعب مايعرفوهن كل يوم وكاطيننا وحيده موتوننا.

لا لتشيل هم

لا عني انه جيتك كاصد هالشغيله ردت منك وحيد  من يمك يكون ضامنه يقبل  يجينا ويشتغل عدنا سبحان الله اجيتني كلك والله حضيضان بيك انه

يحجي ويجر نفس بقيت صافن عليه لحيته وبياض خده الخفيف والسواد اللابسه وسبحه اخو بيده

سيد شوكت تذب الاسود

التفت متفاجا ونصه سكت شوي وكال

عمي مو بس عليك لفت علينا هم خلي البلكلب ببجانه   لا تبرحه---   خلي اللي بالكلب بالكلب لا تحركه. يقصد

جريت نفس هزيت راسي. كال

هاي ابو عوف اجالك لخاطر امك الضاهر خضوهم  للحوش تفضل تفضل

-----

ياسين----

ايام كضيتها امي كامت تمشي من جديد رغم بهداوه  بس رجعت مشت طاري المرض ماجبناه بعد  العلاج تاخذه بليل بليل من يهيج وجع راسها.  حفضت اركان البيت بضرف سبوع كد فرحتها بي.  يوميه بليل تقريب ال٩ اطلعها ساعتين ٣ افرها البستان واصف غضن غضن ونخله نخله الها تضحك وتحجي. والحمد لله متشوف دموعي من ابجي

نوبات نغني سوه اغاني جان يغنيها عمي علي وياها وتضحك من كلبها. ام عوف بشكل يومي جانت تجي عليها جايبه الغده وجايه كامت يوميه تسبح مو مثل من حننا بالشقه تخاف تطب وينكطع المي والصابون براسه. مرتين شفت الحنه براسها ام عوف محنيتها وروحي تطير اموت على ريحه الحنه بالبيت     رجع الدم بوجهه حليب الابل والاكل التازه والهوا النضيف.  رجع عافيتها شوي ولو مو وجع راسها اللي يجيها بليل اكول

طابت من مرضها حلم جنت اعيشه يوميه وي روحي واكول بمعجزه ويروح وجعها ومتكول تاخذ المسكن واكول طابت هم صدك يصير هيج

لزمت شغل البستان والمكاين وحتى تنضيف المراح.  سرحت سبعه من العمال ممحتاجهم ووزعهم السيد عالبساتين القريبه علينا

كمت النهار كله اشتغل بالبستان وارتاح كل ساعتين ساعه عد امي اشوفها وابقى ساعتين لو ويايه تمر لو ويايه حليب لو روبه ابل.  وكلما اطب الكه ام عوف وبنتها بالبيت مبوشات. اصيح من باب البيت

يا الللله يا ساتر تعلمت اصيحها بعلو صوتي وانتضر شوي حدما تصيح امي فوت يوم

واطب الكاهم مفترين من ذيج الباب مال الممر وطالعين لبيتهم عن طريق الحديقه الرابطه  

اييي حجيه متونسه

والله يمه ييونسن يخربن ضحك وهاي بتها تنحط بالكلب  بس غريب وضعهم

ليش شكو

يمه ايال عن بنت منتضر ام كصايب تذمرها

اي اي اتذكرها

ميردون. عليه اسال عن بريسم يجيبولي غير حجايه

يمه شعلينه المهم مرتاحه

اي والله يمه حبيبي انت شونك هاي شنو بيك ريحه جبن

ههه انجب الخضاضه مال الجبن عليه

ههه ليجيك جيري الجريدي

هاا ننه تقلدين عليه عاد ريحه الحنه من راسج فاحت كمتي تقلدين على ريحتي اكوم اسبح احسلي

كوم كوم كتلتنا

طبيت سبحت وطلعت وابتسم مرتاح حيل بس بنتي ذكراها ياكل بيه امي ياكل بيهازالسرطان واني بنتي تاكل بروحي طلعت لكيتها تصلي وتتلمس الطبله قبل لتنصي بست من راسها شميت بقوه اوف يريحه. العافيه ربي لخاطري موتني بعدها بيوم ماريد اعيش بدنيا مابيها امي

فرشت السجادتين اصلي كملت والتفتت لكيتها تسبح وعيونها على الضوه تضيق بعينها وتفتحها

ننه شبيج حبيبتي

ها يمه لا مبيه شي

عينج بيها شي

شوي تحركني

ليش اخذتي مسكن

لا شو ممحتاجته

هااا انترس كلبي فرح صدك يووم ممحتاجته صدك يمه

والله يمه لا متوجعه ولاابد تعال شنو اليوم متفرني

لا افرح واشيلج على راسي

ههه انزول عليك يسوني اخذتها وطلعت لاكيت السيد ابتسم شال ايده

ها عميي

ها سيد الله يساعدك شوكت رجعت

الحين شونيج حجيه شون عافيتيج عساج بخير

الحمد لله وليدي اليكعد عدكم ينولد من جديد

والله حجيه بفضل دعواج عايشين بخير الله يحفضج انه كمت من اشوفه اتمننى امي تعيش واددلها كثر  ما دللج.

الله يحفضك وليدي يبارك بذريتك

خلاج الله

مشيت بالعربانه باوعت لامي. ذريتيش شنو عبد الله متزوج

شنو متدري هاي شنو صار شهرين احنا هنا

يمه عدهم هالشي مينحجي بي كمت احس قريه بس زلم بيها وام عوف هههه

لا يمه متزوج ومطلك مدري ليش ومرته حامل عساس ومقبل يرجعها مدري هي متريده

ها هاي شوكت

قبل اربع شهور توها بالرابع يعني

ها

اي مادري بعد.

جريت نفس امي كالت

روحي لايبه على فروحه خاف ماشوفها بعد

تنهدت ساكت ودموعي جرت ماريد اجيب امي تحس بدموعي كالت

صدك هاي ام عوف يمكن خرسه. مدري صوتها رايح شو من تحجي تبحبح

يمعوده دسكتي والله كمت اخاف احجي بالنسوان من وراهم عبالك النخل عده اذانات.

هههههاي انزلول عليك يسوني

يوو هاي عيني كامت تدمع

باوعتلها شبيها ليش جانت الدنيا ضلمه ضوه خفيف من اباوع زين وجه امي تشوه رجفت روحي ساكت اخذتها وركض للبيت كالت

يمه شبيك انثبرت مو دنتمشى

مامو شي لا مومو دفوت للحمام

طببتها غسلت وجهاا وصافن عيوننها تذب دم ربي برحمتك ارحمنا

كالت

ااخ عيني حركتني ناوش ناوش المسكن عود كلت مااحتاجه اليوم

ااي يوم اي اي ههاج

يلسين شبيها ايدك ترجف ماما

ها ننه مابيها. هيج شوي تعبان ههواي شغلتها اليوم

ياسين ماما شبيك شبي صوتك حبيبي

مابيه امي شبيج خنكتني العبره

لك يمه الوش تبجي ليش اني ماعرفك

مابيه يووم حضنتها وكمت اشهم خايف حيل توني صار عدي امل

مكدرت اسكت بقيت ابجي بقهر حاولت تهديني فهمت خوفي عليها مثل مجانت تفهمني من عيوني انهضمت من حسيتها مدتفهمني ليش داابجي هدتني بهمس مثل مجنت اهده بيدها من صغري لحذ ماصرت رجال من يصيبني الارق

ربتت عليه امي لفتني بديها وغنت بهدوء

نام الولد نام

نام الولد نام

نام الولد نام

يايمه ياسبع الزلم

نام الولد نام

يمه ولا ينطاك

تعب الكلب ذاك

عونه اللذي اذاك

وانحسب بعداك

وبحيره خلاك

باجر يجي هناك

تغفرله ترجاك

بلهفه تلكالك

يم الله يلفاك

وباجر يجي رباك

وبدمه يفداك

لا تهل عيناك

اصبر لدنياك

غمضت هدات روحي لصوتها. وملمس كلماتها بس ضلت دموعي تنزل من وحدها بروح هاديه غفيت يمها عالجربايه

مفاركتها بليل حسيت عليها تريد تكوم بقيت بمكاني اشوفها شتسوي تلمست الجربايه والطبله ومشت شوي شوي للميز تلمست حبوبها وبلعت واخذت من الدولكه مال مي بقيت صافن لترتيب ام عوف الها حتى متحتاج شي من الله ينطيها على كد نيتها رادت تفوت للحمام لحكتها اشوف راح تسيطر الحمد لله فاتت وطلعت ورجعت نامت تلمست الجربايه همست

يسوني

نعم ننه امريني

حبيبي شو كمت شكعدك

لا اني دانام بجربايتي تردين شي

لا حبيبي دانام اخذ راحتك

ااني حطلع شوي للبستان يمكن ناسي المنضومه تشتغل راح من بالي

يااا دروح روح هسه الكاع غركت خطيه

اي مااتاخر

طلعت وجريت باكيتي اختنكت اليوم حيل معرفت شون اوكف نزف عينها. ومن وحده وكف ربي دخيلك نضره لعافيتها دخيلك طلعت تقريب الساعه اربعه جانت الباكيت بيدي ادخن افتريت بالبستان وصلت وره المراح. حضيره النوك سمعت همس بيها استغربت باوعت من بين فتحات الخشب مالتها لكيت نسوان يحلبون ببواشي تذكرت ام عوف وبنتها درت وجهي تذكرت من كال السيد يجون يحلبوهن بقيت جامد بمكاني خاف يشوفوني وتصير سالفه عيب عليه واخاف والله اخاف من السيد لا يزعل شايلني بالصلوات. بقيت وره الحضيره سمعت صوت ابو عوف يحجي وي احد واني وزهرالحضيره المكان ضلمه بس ضوه خفيف من الحضيره راسن اذا شافني عباله داباوع على نسوانه كمت من مكاني ختلت وره حايط خوص كبال الحضيره صاير قريب حيل من الباب ابوعوف ترك الرجال داباوعله من تسالم وياه وراح الولد عدل يشماغه ابو عوف وتحمحم

احممم يا الله يا الله تلفت داير مداير الحضيره ودك بابها همس

حجيه ماكملتن

جاوبت ام عوف

اي اي اجينا هاي هيه

طلعو واني اباوع وانصي احس عيون داير مدايري يشوفون شون اباوع لنسوانهم سوو بيه رعب ابو عوف يهمس

يله يله يابا استعجلت لا يلالي الفجروالناس تطلع لنداء الله

طلعو وقفلو الباب ام عوف راحت وره ابو عوف ببعد كم متر وومره لخ تقفل بالباب جانت طويله عكس ام عوف وابو عوف ابو عوف وام عوف يتناكرون وهاي تقفل الباب مال حضيره جلب ردن عبايتها دجرها باوعتلها مغشايه من فوك ليجوه مدري

شكرصني من رجلي واني دوم متحذر من جيت لحد الان لان اخاف من الحيايه وسمها والعكارب اكثر من مره حذرني السيد جريت رحلي وطلع صوت وكعه الجداحه ارتبكت متت خوف لا تشوفني البنيه وتحس وتكول لابو عوف ردت اطم روحي باوعت من الخوص لكيتها ملتفته ناحيتي بس عيونها طالعه وتجر بعبايتها وعيونها عليه وكف كلبي شافتني من بين زروف الخوص فكت عيونها كلها حرت ردن عبايه ايدها قوي ومشت لناحيه ابو عوف ومرته وهمه يدردمون ويمشون كامت تمشي وتلتفت خايفه مشت قبلهم شبه ركضت لناحيه بيتهم وتعدل ببوشيها متت فشله وارتباك وخوف خرب حضي رحت بيها ردت بلحضه الم هدومي واخذ امي واطفر من البستان بس شون راح تعرف منو اني اولا مشايفتني ثانيا مشافت وجهي كامل اصلا بس عيوني خرب خرب شكد عييب رجفه صارت بيه ولزك خيالها بعيوني حتى بالحلم شفتها تكول لبو عوف واجه رزلني ليش تباوع لعرضي وافز من النوم

نعله الله عالشيطان من ساعه السوده الطلعت بيها للبستان هالوكت هسه عرفت السيد ليش يكولي لا تفتر هالوكت خلي الليل للستر وارتاح بي اكثر من مره كالها لتطلع بليل

ضل ببالي بياض عينها ولمعتها رغم الضلام والضوه الخفيف من فتحات المراح بس عينها جانت واسعه وبياضها صافي. مشفت غير عينها استغفر الله. بقيت نايم وكلت

بس احس بنبره ابو عوف انه حس على شي او بسمرني انه اني شفت بنته ماابقى هنا عيب عليه فوك محايرين بامي اباوع لعرضهم

كوه مره اللليل كووه----

يتبع

مريم السعدي

ت

ياسين- يومين مرت والسيد محجه شي اشوفه يوميه نكعد سوه ساعه او اواكثر بالديوانيه ويضل يحجيلي عالنوك والبر واحجيله على شغل البستان ولمعمل والمنضومه ويضل يسولف بو يوكل بشاهينه ويغطي بعيونه

باوعتله

سيد شياكل هذا

خههههه عمي هاذ يوميه صايدله حمامه لاتخاف عليه اذا مااكل كتل روحه

ها ههه يلوكله والله

اي چا شون

رفع حاجبه يباوع لشاهينه

ليش تغطي عينه

هذا البركع عمي الشاهين يتضايك من الضوه ولابد اغطي عينه من وكت لوكت

هاا سلامته

انه اهواه من هواياتي الشاهين والكاميرا تتضكرها

اي اي هه بعدها

بلي بعدها وجبت الاحدث منها

يحجي ويباوع لشاهينه شوي وكام كال

يله اترخص عمي بس درد اكلك سالفه

ها سيد كول

وكفت داامشي ورجعت عليه كال ويباوع ورايه

عمي دايره نسوان يشردن من اهلهن بالبساتين يختلن لثاني يوم يطلعن الصبح حك البيتوته. هنايا ليجاي منا بستان عواد لاكيلك وحيده خاتله بكاعه وره التنور يكولك لاكفها وطببها لبيته ليش ما اهلها واصللهم خبر واجمي بليل علي وكربسوها براسو والا تعرس عليها وخضاها عنوه وهو مايودها عبن شارده من اهلها تربايتيش هاي المهم شلنا غرض عمي مغصد الكلام

انه ارد اكلك فد تشوف هيج حاله تتصل بيه راستنا

بقيت صافن بوجهه صدك تحجي

عمي اكله تكررت الحاله هذن مو ينهن عليهن لو ينهدن لو يننطن فصليه يشردن هم يعينهن الله بس احنا مو حمل بخوت وعروض عمي فانت خاف تصادفك هيج حاله مثل ماكتلك اتصل بيه وانه بعد بلغت الويلاد بالبستان كلهم

بستاننا مسيج سيد

بلي مسيج بس ذنه ماتعرفهم يتشلبهن رب الشردت من اهلها سياج ما تتشلبهه

خطيه

انه شذنبي توكع براسي عمي كل لشه معلكه من كراعينها

هههههه صح والله يله تصبح على خير

وانت الخير كله عمي

طبيت للبيت رحت يم امي لكيتها تسبح مسدت على راسها فتحت عينها تبتسم

يسوني تاخرت

عذريني حبيبتي

يله تاكل عالطباخ الاكل

الله ينطيهم العافيه كعدت اكل واني صافنه وتسبح

ننه شبيج

يمه شو

وكفت اللكمه

شبيج ننه شكو

لا مو رجلي وكفت ذيج السع كمت كوه هسه داريد افوت للحمام مااكدر

فزيت دفعت الصينيه

هسه انت كمل اكلك بعد ماكلت كلشي

يمه بس كومي فدوه

حاولت تكوم مكدرت لزمت رجلها فركتها ماكو متحس بيها بجيت بهدوء ربي امتحانك صعب

عوفها يمه هاي الباجر اكدر احركها يمكن اليوم هواي تحركت وتعبت

اي ننه كمت شلت الصينيه وتمددت بحربايتي ودموعي تحري اباوعلها صافنه حايره. شون كون انطيها عافيتي شون حتفوت للحمام ماراح اكدر اداريها بعد شون شسوي للفجر مكدرت انام اختنكت طلعت للبستان وتذكرت ورجعت لبيتي بالحديقه وكعدت يم السياج الخوص باوعت من زروفه باوعت على باب الحضيره وركعت باوعت للسما

ربي نضره عطف لتذلها باخر عمرها دخيلك ربي

بقيت صافن عالسما ودموعي تجري سمعت مشيه ابو عوف السريعه تجاه الحضيره وتلفته خاف احد يشوفه وصل للحضيره وطلعو نسوانه ومشو باتجاه البيت بقيت اباوع من الفتحات التفتت ناحيه السياج بنته باوعت وباوعت كبل رجعت باوعت بنضره الصدمه التقت عيوننا بمسافه اقرب من قبل هالمره بقت تباوع مرتبكه ونزلت الغشا الثاني ابو عوف انتبه

ها يابه شبيج

هزت راسها برفض بعدت عينها عن السياج مال بيتي كال

مامش احد هنايا امشينا لا تخافين محد يشوفج

مشت سريع تجاه بيتهم وطبت قبلهم

حيرني وضعها شدعوه هلكد خايفه وشون تحس بيه داباوعلها اني مو داباوعلها اني صافن عليهم هي وين بيها شي يتباوع مغطيه من فوك ليجوه

نوبات احس روحي مراهق من وره خوفي منهم ارتباكي وفضولي بهالعيشه حيرني ومن اوصل لصفو عينها انسى كلشي وارجع اتذمر بريسم من ارتبكت وماتت خوف من صرنا وجه بوجه

بيهم سر عجيب شون يكدرون يعيشون هيج

ديننا واسلامنا ينص قرص الوجه ضاهر ليش هلكد مغطيه زين امها ممتغطايه هي حتى بالحضيره مبوشه خاف ارمله يجوز الله اعلم شعليه الله يستر عليها وعلى بنتي يارب

طبيت للبيت ونمت بس جذب مضكت طعم النوم الصبح طلعت عالمكاين لكيت الحليب مخلي ابو عوف مثل كل يوم بلشت بي اشتغل ساعه واروح لامي ساعه

والصدمه

امي صارت معاقه حمام كمت اشيلها شيل تبجي كلما شلتها تخاف عليه ثكيله عليه واني اتخبل كمت اطب واطلع الكاها تبجي واتوسل بيها تتحمل وتنسى انها مريضه بس عبث موهينه عليها

ام عوف وبنتها ممقصرين بس اني مداكدر اعوفها اخاف من رجليها وكفت لليوم واني احوالي تخربطت.  كلسا واكول خاف تسويها على روحها من كد مامحصوره وتنكسر اكثر من ماهي مكسوره

ننه متبين ضعفها لو تموت   وارد اجع للبيت والنسوان كلسا طالعين منه لحد ما اجه اليوم الاغبر

رجعت من المعمل طبيت سبحت ركض طلعت شفتها  دتريد تمشي ووكعت وكاعد تبجي بانكسار هي تبجي بزاويه بهدوء واني بزاويه اللخ بهدوء  لاهي تحس بيها اني موجود ولاتدري انه اني داشوفها متت قهر هالورده التفتر بالبيت سبحانك ربي الك بيها حكمه تقربت منها

يوم حبيبتي اوديج الحمام

اي. اي وديني حبيبي

صار شلتها طببتها للحمام وطلعت انتضر بالباب ودموعي تجري وادك على راسي بالحايط شوي وصاحت عليي

فززت روحي.  علي!!

ةعلي تعال عاونني

صار صار طبيت ورجعت شلتها من الحمام عالجربايه صايره ريشه     بقيت يمها بيومها مطلعت كالت

علي فدوه كلاص مي

اي صار

علي ميخالف اصيرلج علي   احجي وي روحي

غديتها من الاكل الجابته ام عوف بيدي اوكلها تاكل وتبتسم كالت

شكد مشتاقه لابويه

صفنت ودموعي نزلت بله ماابذل جهد خفت حيل رغم كل تعبها وتعبي بس صوتها بالدنيا كافي

بقيت ساكت. كملت اكلها وشلت الصينيه وديتها ورجعت لكيتها مببله الفراش اباوع ماكو يمها مي باوعتلها تبجي

ننه شبيج شنو هذا المي

شهكت تبجي عرفت مدتحس على روحها تقربت اشيله اغسلها وديتها الحمام توني ارفع هدومها اعليها كامت تصيح وتبحي

عوفنييي اطططلع اخجل منك اطططلع ماانزع كدامك

ابتعدت صافن صياحها وصل للبيت الجبير الباب اندكت طلعت لكيت ام عوف طبت تركض وراها بنتها مبوشه ام عوف صاحت

شبيييها الحجيه شبيها وانت عليش ماطلللعت لشغلك لاخليتنا نحدر لا خليتنا نداريها ماااتخاف الله

غطيت وجهي منصي راسي

حجيه مدتحس على روحها صاحت

وانتتتت شكووووو امشي يله امششييي عفيه بزر مامنكم بس وجع الافاد امشيي بره يله روح لشغلك لا تتكسل لابارك الله بيك من ولد

بقيت منصي راسي  وحجيها يدك بس ممهتم كد اهتمامي بامي واذيتها طلعت للديوانيه غطيت وجهي بيدي مثل الجهال اريد على قهري مدااكدر روحي معصوره عصر سمعت

الله يساعدهم

رفعت راسي

هله سيد من وكت اليوم تنهدت

كال

ماكوش شي سلمت النوك لشرايها ونزلت خيرك شفيك متكدر خاطرك

جريت نفس باوعتله ونصيت راسي كال

عمي خوما متعبينك

عمي تعبيش تعب الكلب شي وتعب البدن شي لخ

عجل شنهو الجره

امي تعبانه شوي

الله ينطيك الصبر والقوه

بقينا نحجي وشاهينه على كتفه  لليل طلعت من الديوانيه.  ورجعت للبيت بليل هم كعدت  امي تبجي وهم داريد اوذديها وكامت تصيح عبالك كامت متعرفني روحي احتركت جتي امي عوف وحدها وي ابو عوف اخذني ابو عوف وطلعنا البستان نفتر القهر اكل وشرب ويايه كال

اصبر لحكم ربك  ابو طه لا تتعب من وكت

هزيت راسي ساكت شوي ورجعت ام عوف كالت وتباوعلي

بعد يرادلها.  ---- مال عجزه تلكاهن عد الحكيم عالشارع

هزيت راسي

وانه بسسسس اغيرلها لا تتجرا وحدتنا من تنكشف حت لو على ابنها الموت بذاك الوغت اشرف  الها

هزيت راسي منصي وعيني بالكاع.  ثاني يوم الصبح رحت للصيدليه وجبتلها تجهيزات. وخليتها يمها  تقربت منها ابوس راسها همست

يسوني ماما جيت

ارتاحيت من ذمرت اسمي تذكرتني

ها عمري انتي

يكه شيل الجربايه  منا ولو حتعبك.  خليها كبال المبرده داموت حر

صار

خاف ثكيله عليج

يمه سنين شايلتني

ههه قابل شلتك ببطني

لا شلتيني على ايدج عمري خمس سنين ولاكع ماانزل يوم

ههه انزول عليك يسوني جانت احلى من العسل

واني هم عدي احلى من العسل عدي خليني ادللج حبيبتي

الله يخليك ويفرح كلبك بفرحه تخليك تنولد من جديدد الهي بحق هاي كسرتي

كزبر جلدي لدعاها حولت الجربايه جتي ام عوف وحدها كالت

حدر ليغاد روح لشغيلك

طلعت وكملت كل شغلي مرجعت للبيت بعد اخاف من ام عوف واشيل هم للطبه والطلعه بقيت بالديوانيه جاب ابو عوف الغده لحد الان اني لاماخذ راتب ولا السيد فاتح موضوع راتب بس اكلنا وكعدتنا بلاش ومن احسن مايمون اتمنى ميفتح ويايه موضوع الفلوس ولا ينطيني اقلها احس روحي  م مستغلهم

كاعد وافكر اخذ بت ابو عوف اعقد عليها حتى بلكن تقبل بليل تداري امي حمام شي  اخجل  اكولها بس شسوي لازم يجي عبد الله واحاجي بلكن الله يفهموني بس شكواجل اريد مره تخدم امي يربي شهالمصيبه

لليل اجه عبد الله وكعد يمي

سيد عدي موضوع وياك. بس حاول تتفهمني

كول عمي افهمك لاتخاف. بس على مهلك بروحك لا تتدوهنها

جريت نفس باوعتله عبد الله  رايد منك  تحجي وي ابو عوف

باوعلي عاكد حاجبه مستغرب

على ايش؟

رايد اطلب بنته

فك عينه كلها وكف بعدما كان كاعد كال بنتره بصوت ناصي ويتلفت يمنه ويسره للبستان يشوف خاف احد يسمعه

وانت وين شفتها

بنتره وتاشيره ايده بصوته الخانكه بغضب طار الشاهين من على كتفه وكفت وياه

عبد الله كتلك افهمني  بس دوكف شبيك لتعصب ممشايفهاا يمعوود والله العضيم وعافيه امي كلتها واختنكت

عبد الله رحمه  لاخيك  والله ماضللي حيل هدات ملامحه وكعد

اني شكول واحد يريد يتزوج باوعلي باوعلي ونصه راسه اني علموود امي  مدتقبل اوديها حمام وابدللها والله اخجل اكولها لاحول ولاقوه الا بالله صرت نار

عمي اهده فاهمك تعذرني

لزمني من ساعدي وكت الجنت داكوم كعدني كال

ام عوف عسى ما غصرت وياها

لا يابه لا والله. لو بنجتها مداريها هيج شايليها بعيونهم بس امي بليل دتحتاج حمام واني  مدتقبل عليه ابدللها تستحرم ومومال تبات ام عوف يمها ولا اني الاكدر اغجعوف البيت الها اريداشبع منها

كلتها وانترست عيوني دمع ربت على كتفي بهدوء ونصه كال

عمي تريدلك حرمه يجرالك

اني ردت وحده بليل تداري امي ومامو اشكال اذا اني موجود بالبيت عمي وخل تبقى ببوشيها

هز راسه منصي كال

طيني مهله يومين

بس فهمه علمود تداري امي لان ماكو وحده هيج تقبل والله اخليها بعيوني اذا رادت وهي خطيه وي امها تداريها على طول يعني متعوده

بقه منصي يهز راسه  بالقبول صافن على كاع البستان جر نفس كال

يومين واردلك خبر

الله يرضى عليك

رحت لبيتي وهو راح لبيته   بليل غيرت ام عوف لامي وبقيت وي ابوعوف حدما كملت كامت تجي وحدها متجي بتها وياها او يحوز تجي وكت الضهريه من اكون بالمعمل   مادري. سيد عبد الله بليل شفته كال

الفجر طالع للنجف

استغربت ابو عوف كاله  اخذني وياك الليله ام عوف بايته عد الحجيه ام ياسين وابو طه يبات بالديوانيه

عبد الله-لالا عمي  يسلم راسك  ضل هنا عينك عالبيت غير نوبه  اخضك وعد اوعدنك

ابو عوف- چا خوش روح توكل بالله

ياسين- صفنت على ابو عوف من راح السيد للبيت باوعتله

ليش ام عوف تبات عد امي

اهي كصدتها تبات عدها والحجيه ماكدرت تردها 

يعني مابات يم امي اليوم

لا بات بالديوانيه شني عمي خلي الاهل ياخضون راحتهم اهمه يحبون التكركر بليل

سكتت احس اخر ايامها تمر هالايام خليها تتونس بنص عذابها اني شسويلها بس ابحي احجي وي روحي وامشي للديوانيه بقيت اتكلب مكدرت انام طلع الفجر كمت كلت الحك على عبد الله  يجيبلي من النجف ملابس لان مبقالي هدوم حسبت فلوسي شكد بيدي ٣٤ هذا كل ملكيتي يله اخذ دشداشه وحده.  لان هدومي تزرفت   طلعت امشي من الديوانيه للحديقه مال بيت الحبير للبستان داريد اوصل باب البستان لازم امر عالحضيره جنت امشي يم السواكي مردت اوصل يم الحضيره خاف هم اشوفها ماريد بعد خاف تجيني حجايه

واني بين النخل والسواكي لمحت عبد الله يتلفت بهدومه السود والسبحه بيده تقرب من باب الحضيره دكها دكتين وابتعد يتلفت داير ميدوره ضليت صافن ديسوي انفتحت الباب وطب وسدها وراه.  عقلي وكف مشيت سريع وصلت الحضيره وراها باوعت من بين الفتحات مال خشب شفته

حاضن ام البوشي  بتك ايد مبتسم يحجي وياها بهدوء ويهز براسه بقبول وهي هم تهز راسها بقبول شال البوشي وباسها من راسها ضهرها عليه بس عبد الله كدامي الحضيره جبيره كلش

الاحساس الحسيته فضيع

معقوله عبد الله وي بت ابو عوف لالا مداصدك خاف متزوجها بس جان من كتله كاللي طلع من الحضيره مكدرت اوكف مشيت وراه جان يمشي بثكل واتزان بدرب  باب البستان للسياره مالته ديطلع يروح للنجف صحت

عبد الله

اندارلي رافع تك حاجب  بغضب  بقه صافن عليه تلفت داير ميدوره واجاني بسرعه

عمي.  انت انت شموعيك الحين

عبد الله صدك تحجييي ولك انت اخو السيد حسين مداصدك والله يعنيي مو انت ابو الغيرره

فك عينه وسد حلكي ويتلفت عمي تعال تعال رحمه لاهلك

ماريد ابتعد باجر طالع من البستان واخذ اميي ماريد وخر سيد. انت سيد قدوه شون تخل بعرضه

عميييييي افهههم واسكت  لا يطوف احد كلامك 

دفعته ورد اجه بسرعه عليه جرني واخذني للسياره وسد الباب لزم راسه وانسند بعكسه عالستيرن

واني اباوع كبل عالباب بقه ساكت تقريب الدقايق واني ساكت كال

عمي شتشوفني خاين شرف قليل ناموس

مادري نترت داانزل لزمني من ساعدي

غمضت وسديت الباب باوعتله

خو تزوجهااا والله مصدكت من شفتك

عمييي شتزووج     نتر بغضب عمي هاي اوخييتييي

كالها بصياح وضرب على الستيرن   فاك عينه بغضب

سكتت بلعت ريكي همست

بت ابو عوف هاي

الا مو بنته اوخيتي هاي اوخييتي واليرحم اهلك  لا تغلل من شيمتي  ماتنطي مفكه للواحد يعرفك انه ناويلمن ارد اسولفلك وانت مانطيتني  مجال للتالي تفضال عمي  انزل وراي طرريج

يتبع

مريم السعدي

بس انت كلت وسكتت -- يعني انتو مدري شون عايشين مخلين اهلكم لغز ادري كلنا غيره خلوه بس موهيج مووهييج استغفر الله

سالفتي طويله عميي انه ناوي اروحن ازورن اخوي اخظ اذنه وارد احجيلك بس مانطيتني مفكه.

بقيت ساكت اباوعله منصي وايده عروكهن بينت من العصبيه جريت نفس كال

عمي دربي طويل عودك من اردن النا كعده ونحجي بيها

همست اخذني وياك

التفتلي متفاجا

الاهل عدهم خبر

خابر ابو عوف كله

هاذ هوه توكل بالله.

طلع وبقه ساكت وعيونه عالطريق واني ساكت افكار تتعارك براسي اذا اخته ليش يكولون بت ابو عوف ليش ناكر خوتها

شنو فلمهم   يعني عايشه بالبيت الجبير زين  وليش  يكولون بت ابو عوف

السكته سكته لمقبره النجف. المشكله بلبسي جان ممرتب عكسه  كال

اصف السياره ونزور ومن بعدها نروح اهلنا

خوش هزيت راسي كال

اهلك وين مكابرهم

مكبره الحاج ---

ها مبعيده علينا چا  زين

يحجي وميباوعلي ذبينا السياره وطلعنا للامير زرت وطلعت انتضر انتضر ماكو كال بعد ساعه نلتقي اني كملت بنص ساعه افتريت بالشارع لكيت دشاديش  ديبيعون اخذت وحده رصاصي تذكرت حجي ننه

البس بلون عيونك من يومها احب الرصاصي  حاسبت وبقيت بيها بعدما كدرت اخذت داخليات ووشلت فلوس كل البيدي٤

رجعت لمكاني انتضر شوي وطلع يترخص من الامام مميل راسه وعكاله بيده مسحه بالباب ورجعه لبسه ولفه عدل وتلفت شافني عكد حاجبه وابتسم بعدها تقدم يفر بيده مستغرب

قبل الله

تقبل الله اعمالك چا شنو عمي بدلوك

ههههه  والله هدومي تعبت اخذت دشداشه

چا غير طالع مننا وبينا

هو اني بعد صرت منكم وبيكن من عاشر قوم ٤٠ يوم صار منهم صارلي٥ شهور يمكم

اي بالله. عدل  امشينا عمي

جر نفس

بقينا نمشي منصي راسه  اخذ حلويات كومه

المن متكولي هواي هاي

لاهلنا عمي يحجي ويهز راسه موافق ويحسب بالفلوس  وطلعنا للكراج خله الغراض وتوجه للمقبره كال

بالاول نزور اهلك

لا شون يصير

التفت ضيق عينه

عمي ماترهم  يرادلنا كعده

زين براحتك رحنا لعمي علي وزرته صدك بجيت والكه المكان البصفه فارغ   من اول جانت ننه تكوله تره اني. بصفك مو تنطي لامك باوعت كبر امه وراه صاير جريت حسره. بالم  باوعت لعبد الله

يابه خابر ابو عوف شو كلبي اكلني

توني اتصلت عمي لا تخاف ام عوف عندها

هزيت راسي ماشي.  زرت ابويه وامي ومشيت وره عبد الله القره الفاتحه لاهلي وبينما كاعد يم عمي علي راح جاب مي ورد وذبه     مشيت وراه وره مكملت زيارتهم مشه  مشه ووصل لسرداب جبير طك زلج الباب وكال. 

يا الله من طبيت روحي انتفضت اللي انقتلو بالبر كلها هنا مدفونه وصورها على كبورها عبالك رجعت لذيج الايام والسيد حسين بالنص بلبس اسود مبتسم وشاهينه على كتفه اختنكت خنك وعبد الله نزل وباس قبره بقه صافن عالصوره ورجع باس القبر بللهن بمي الور وكعد بالكع على كارتونه جانت مفروشه من اول كعدت بصفه  وكعد يقره زياره عاشوراء عالغيب ورحع قره حديث الكساء وختمها بصوره يس كلهن حافضهن تجي مواضع يختنك بعبرته ويضل يفرك بسبحه السيد حسين البيده يسكت شوي ويرجع يكمل بصوت  عالي جهور  كمل وسكت جر نفس كال

خويه اليوم جايك بسالفه  وادري من اجيك وانشدك  حاير ثاني يوم تجيبلي ردها بالمنام

هذا ابو فرحه تعرفه وجنت تكولي ريت كل بغداد نفس طينته   تتذكر كلما تفك صنبور المنضومه تكول

الف رحمه عالحليب الرضعته يابو فرحه الله يضكرك بالخير وين ماجانت اراضيك

هذا الحين  عدنا وصار مننا   ورايد مننا مره ومالكيتله احسن من اوخيتك عبن اهو شار عليها

اوخويه شور عليه وعليه   وباركلنا بالزيجه وانه ادري بيك تشعر بيه وبيها وانه اخضت موافقتها وكصدتك وكصدت صحن الامير

چا موش   جنت تكلي من تحير اكصد باب الله

لليوم صار اله عدنا خمس شهور ماطلعت منه العيبه لا والله   شايلني شيل وشال عنني هم البستان ومعمله وحتى المراح.   وماطلب اجر لليوم

كلما اشوفه اكولن راح يطلب وماطلب انه ردته يطالب بحكه واضن محكوك بس ماطلب رغم انه عازلهن اله بس ماردت احرجه

يس- اسمع وجسمي قشعر حسيت كاعد بنصهم بالبر مثل قبل  التفت عليه عبد الله وكال

عمي الك خلك تسمع مني للنهايه

هزيت راسي ونصيته بس عبد الله موزين الحجي بامور الدنيا بالمقبره

انه من احير بدنيتي اجي لهنايا لاخوي دك عالكبر برفق وباوعلي

باوعت لصورته يبتسم  هضيمه هيج انسان معدل يروح كلتها بداخلي عبد الله كال

عجل نروح للمضيف مال ابوي نحجي هناك

براحتك

كمنا سلم وطلع قفل الباب ونضر نضره اخيره للسرداب جان نفه وجبير ومبي درجات غير وحده الله يرحمهم ويسكنهم الجنه

اخذني لحسينيه وتلكو برحابه صدر انثبروا بي ثبر طببونا لمكان بي ديوانيه مرتبه وجبير شغلو السبالت وكعدنا  طلعو من يمنا باشاره منه

مشكور هاذ هو رحمه الله والديكم

عمي السيد نصب الغده

لا يابه فردن ساعه

صار على امرك

طلعو من يمنا وسدو الباب تقرب عبد الله كعد بصفي نصه على الكع وبده يحجي كال

اللي كصدتها   هاي اوخيتي منها بنت ابو عوف.

هزيت راسي ساكت كال. يحجي ويتنهد ويرجع ينصي

ابن عمي نهه عليها  واهي ماحانت راضيه جانت تتوسل باخويه تكوله مااوده واهو يكولها ابن عمج احك بيج

عطاها وكت  ونشد صاحب بعد كاله عطيني عامين وافق صاحب بس -- ماراضي من كلبه بس عبن مايكدر يكسر  جلمته سكت

يحجي واهز راسي بقبول جان منصي من يحجي بالم

كال

صاحب  ابن عمي عميي  اللي توفى فده روحه لابوي بزمانه من هجمو عليه قطاع الطرق بالبر وجيت على جسم ابوي لمن رمو واهو راح لدار حقه وعافه اهو واوخيته يتامى

هزيت راسي

كال

وابوي بعدها زوج امو لعمي ابو منتضر حتى يضللون عياله بعزوتنا. حقد صاحب كبر من يوم اللي ابوي عاش وابوه مات والنوب زاد بعدما زوج امو لعمي ماتحمل امه تنكشف على غير زلمه حتى لو عمه وكبر صاحب وزاوجناه بت عمي   محمد اللي اهو تزوج امو. اوخيت منتضر واذاها حيل   لحد انه كتل ثنتين من بنياتها ببكت الحانت حبله بيهن وبالموت طلعوها من بطنها وصلت للموت وعمي مامدر يحجي عبن زوجها والمسوول عنها بس يباوع ويتكرضم عبن نفس الحوش. بس جان يطلع قهره وياه بغير شغلات

راح عمي لدار حكه  واخذ صاحب ورثه من عمامي ثنينهم  ومن ابوه وعمو

وعزل امو واختو ببيت  وي مرتو وشاف اوخيتي وهم رادها بعد بنهوه جدام السلف لمن اجه  عدلها

اخوي بقه صافن توسله يسكط النهوه مارضى كال

انه نفسي بيها. متانيها تكبر حت اخضها

اخوي سكت انلجم حلكه بس داخله ماراضي بس خجله جدام السلف ماكدر يرفض كاله عطيني مهله

حنا ندري مغصده نعرف قصده يبي ياذيها وياذينا بيها عبن وحيدتنا. ومدللله ابوي ومدللتنا  مافك منها ابدا.  مرت شهرين بعد السقوط وحبلت مريته نوبه اللخ

بس الطفل اجه معاق لان. ضربها. من جانت حبله وتعوق

راد يذبحه بس ماخلو خواله شوي بيهم يستحرمون.  وانجبر عبن يشتقل عندهم

التالي حكر مريته وتزوج بنت خاله وبنت عمي   تاذت.  ولد عمي ماسكتو عاركوه بس مارضى احد يتدخل وسكتو عبن كل واحد بيهم متزوج ثنتين.  تالي من دعواها عبن علويه وصايمه ومصليه.  تصوب  اصابه كويه حيل    فقد بعدها رجولته بس مااحد يدري عننه

فتره سنتين  واهو ساكت عن النهوه  بعدها بنت خاله فضحته كالت لانها وامها جفجير الطرف فضحته وطلكتها منه انكسرت نهوه اوخيتي من بحدها واخوي بيومها ذبح لوجه الله ناكه ماكال لاحد ليش ضل موضوع صاحب سر بالسلف ومرت سنه وسنتين

واوخيتي اجه عدلها مرت اللاخ وصاحب ماله  خبر مامش بالديره كلها  حتى امه واختو مايعرفون وين اراضيه.

تقدم لاخيتي ابن شيخ محمد ووافق اخوي وصارت المشيه وبيوم الملجه.  ابن الشيخ الليض تقدم لاوخيتي انقتل الدنيا كامت وماكعدت

محد فكر انه صاحب عبن الموضوع صارله سنين. وانسى كلنا يجوز ثارات يجوز لاجل السياره الراكبها ببكت الطائفيه جان الصك عالبارد

كالها وتنهدت كمل وارتجي كال

مضت  سنه لخ ورجع تقدم لاوخيتي  وحيد من ربعنا خوش وليد واخوي كاله تم لانو مايتفضل عليك ابن عرب وتربايه شيوخ وهمه صارت الخطبه  وبيوم المشيه انقتل

هنا اخوي توكد كال ماغيرو صاحب بس بيننا عبن ابن عمي كال

تكومون الدنيا وتجعدوها صاحب ابيه الليله عدي

يحجي بنتره وياشر عالكاع تنهد ورجع كمل حجي

كلبنا عليه الديره مالكيناه واهل الولد همات  ضلو يبحثون بغضيه ولدهم وياهو الطكاه وجتله

بس مامش خبر ماتت السالفه حدما   سنتين واجه النوب ضابط لاخوي وكفله نفس ماوكفتله انت بالبر.  ابن اوادم ودواوين  وطلع اخويه من سالفه راد يروح بيها بالرجلين. عبن مغصر باوراق واثباتات بس الضابط ماكذب اخوي ووكفله كاله

مبين هالوجه مايكذب

واخوي  صارممنونه كاله بيش اجازيك

الضابط جاوبه

كاله رايد منكم مره وانت التختارها لي

اخوي كاله انطيك بنتنا.

الضابط هاذ جان وراه تمشي حمايه بهاي السنه انه تزوجت اوخيه صاحب عبن امها ماتت ماضللها قيرنا  والحو علي اخضها

وبيوم مشيه اوخيتي واوخوي يلوب لنو تاخرو كال

بس لا جتله والعالم تروح وترد طلع صيط على اوخيتي انها   تكرط زلم. والنسوان كلت وجهه   تاليها الضابط متصوب اصابه خطيره طلع بيومها  وراحله اوخوي للمشفى كاله

تره اللي صاوبني منكم وبيكم كاللي اكولك

فاطمه انما صارتلي ماتصير لغيري

اخوي هون عن الضابط من شافه متردد وكاله ماعدنا مره حسبالي زلمه وانطيك   وتركه

اوخيتي انذاع صيطها تاذت جثيركامت ماتطلع من الكبه لون اجم خطار وصار يكلون انها تعقدت وصار يطلع حجي انها راكبها جن مايخلي احد يتزوجها لا احنا النكدر نكول ابن عمنا الجاي يكتل بخطابينها. ولا احنا المدرنا نلكفه ونوكفه عد حدو .  بالتالي

منتضر ابن عمي كال

انه اخضها واشك حلكه المسها بجلمه اوخيتي ماوافكت  خافت حيل بس اوخوي قنعها  وقنعت   تالي   بيوم دخلتهم حت ماساوينا عرس فد نوب تالي بيوم دخلتهم جان اخوي بالبر وي ولد عمي ومرت طيارات الامريكان وصاحب  شافوه ضرب عليهن ورمو اهمه بدورهم

وراحت كل اهلنا

وانه بعد تصوبت وانت تدري بغضيتي وشفتني شكثر جنت خايف على اهلنا عبن ادريه يغدر

وانه كمت بسلامه ورديت للديره كل همي الاول صاحب الكفو اوخيتي فعلا تعقدت والناس لامتها الها   من يومها راحت لخوالي لكربلا وحت هناك ما جزو منها ابن خالي رادها واجتني فاحطه كالت

اوخوي اقتلني وخلصني

هضمتني حيل حدما ام عوف كالت

كولو تزوجت بالجنوب وخضاها وراح وخلها تنستر عن العالم وحجيها وخلها تخلص

نتر وشمر سبحته فرك وجهه رجع كمل

كال

واحنا بعد هيج ساوينه بيت ابوعوف بصفنا وكلت انها نطيتها لواحد من الجنوب وابو عوف بعد كال كدام الوادم انه اهله جايين لعده واهو ماعده اهل مايصير عده خطيه  والناس تدري كال

بت اخوي وحسبه بنيتي وضلت اوخيتي ببيت ابوها وبكت اليجم بي الخطار تروح من الباب اللاخ لبيت ابو عوف تصل حدما يطلعون لحتى تخلص من حجيهم الماصخ

صاحب اللي طلع مو خوش صاحب.

يحجي ويهز براسه متحسف جر نفس وكمل كال

لكفو عشيره الولد اللي انكتل قبل هالفتره وجابوه لي واوخيته تخبلت

اللي اهي مريتي كالت

ان كتلته ماصيرلك مره عكب

كتلها وانتي طالك بالثلاث عمري ماوديتج  وطلكتها بس ام عوف لجمت حلكي من كالت

المره حامل

تخبلت جبرتها تضل حبستها وسلمت صاحب لعشيره الولد كتلهم انتو تكفلو هاذ ثاركم عبن انه ابن عمي مااكدر اكتله والعشيره تكاونت وياي على ابو انت ماتوكدت كونه اهو اللي ضرب  مارديتهم قاطعوني وانقتل صاحب ومن يومها مريتي تخبلت طرحت روحها شمرت نفسها من عالدرج قتلت وليدي وبعد النوب عاقبتها تضل واجبرتها عالعيشه جنت انتقم من صاحب بيها  بس والله مايوم اذيتها  بس جبرتها عالعيشه عبن وين تروح وانه ملزوم بيها فوك ماهي بت عمي اخوها جتال اخوي رجعت حبلت وتخبلت وانه ماكدرت اسيطر بعد كالت

هدني لا اقتل الثاني بعد هديتها وراحت لخوالها من ٥شهور.  وبكت وي خالها ببيت عمي وخوالها كالو بكت التولد اخظ ابنك وطلكها

وهذا الصار ارتاحيت واوخيتي ارتاحت وكمت على شغلي الهامله عاد

يس- رفع راسه باوعلي وكصدتك

ابتسمت وفركت وجهي

بقيت صافن عليه ششايف من قهر

مو اكولك مو بس انت اللي افترت بيك الدنيا

اي والله مو بس اني لاحول ولاقوه الا بالله

وهسه شون اذا خطبتها العالم اللي كايللهم انه هي بت ابو عوف شون

لا تشيل هم وانت كصدتني على مطلبك سبحان اله جاني شيخ سالم اكبر شيخ عشيره سالني عنك وجن طارش من رب العالمين

كال

هاذ ياهو اليشتقل عدكم بمعاملكم هاذ نسيبك

بقيت صافن ماصارلك ساعه من طلبتها واجاني كلت هاذ طارش وكت اللي كلت ماراح افاتحها واوجع جروحها  وارفض مطلبك بطيب خاطر وانطيك غير مره بس بعد هالشي الصار جاوبته للشيخ

بلي وكصدته يعينني وكالي تم 

كال

والنعم منه من وين ما من وين

ورديت عليه

يس- حريت نفس رجيت راسي عالحايط. باوعت لعبد الله 

مادري شون ارد جمايلك

عمي لاتكولها ماشفت بذمتك.  جا اجرك ماطلبته

ابتسمت هو انت مخليني محتاج شي قبل لااطلبه الكاه بالبيت

من طيب اصلك

تنهدت كال

وهاذ انه اكلك اوخيتي موافقه  تعين امك

سكتت نصيت راسي مبتسم رحمله والديك عبد الله الله يرحم اخوك على هالتربيه

يرحم والديك عمي

صاح

سيد علي اليوم ماتغدينا شني عيب من النسيب

كالها وابتسم يباوع لباب الصاله انفتحت الباب كال السيد

ثواني والغده منجوب سيدنا

يس-    شكد شافت قهر هالبنيه وشنوهالنهوه اللي مالها حتى بالقران ذكر   غمضت والله اذا صارتلي اعيشها احسن عيشه.  فاطمه فاطمه حتى اسمها  متعوب

سلام الله عليج سيدتي مولاتي----

يتبع

مريم السعدي

ياسين-

رجعنا بعد الغده للسماوه جنت متلهف وكلبي على امي من الصبح مشايفها وصلنا ونزلت باوعتله كال

عمي اخظ راحتك انه عرف كلبك على اميمتك

اي والله سيد يله اترخص

مرخوص يابا

مشيت سريع رحت للبيت طبيت صحت

يا الله

شوي وسمعت صوت تطبك بالبيبان كالت ام عوف

تفضالل

طبيت راسن اباوعلها شحلوه طالعه مبدله هدوم جديده وممشطيلها والفراش مرتب والبيت اختنكت بعبرتي

ننه عمري

هاحبيبي يتقبل الله زرت عمك وابوك

اي امي اي تقربت حضنتها قوي

ههه شبيك يمه

يمه شتاقيتلج

اني كلش فرحت من كالو راح وي السيد عبالي تجيبلي فروحه

كالتها وبجت يمه كلبك مااكلك عليها

ننه شسوي عرفان بين يوم ويوم اخابره يكول ماموجودين. باربيل شسوي

لك يمه لحمممك متخاف علليه

هدي روحج ام ياسين رغم كلشي دعاء تخاف على بتها

اني اريد اشوفها قبل لاموت

يووم عفيه فدوه رحتلج لتاذيني وبعدين تعاي  هاي شون طالعه كيكه كله حنه ومعدله هدومج وجديده

هههه هاي ام عوف وفاطم فدوه لكلبهم

يمه ردت اكولج اني راح اعقد على العلويه فاطم علمود تبقى وياج واني هم مااطلع من يمج مدترهم

سكتت. امي  فكت حلكها كالت

اني ممحتاجه احد

يوم شبيج ضجتي

يمه لاعلمودي تاذي روحك موكافي اني سبب زواجك الاول دمرت حياتك

استغفر الله يمه هاي غير شي مو كدامج

والله ورده مال الله بس اني مااعرف لان انخدعت بدعاء

يمه هاي اخت السيد هاي شبعانه عينها ومستوره ستر محد من صدك شايف ضلها شتحجين شتقارنين

المهم انت ترتاح هي شون صوت ملائكي تتبشبش من تحجي

ههه الله يسترعليها

بس عبالك اعرفها ولو همه كلهم اصواتهم تتشابه سالتهم ميت مره عن بريسم وتزوجته لابن عمها لو لا ومحد جاوب

ابتسمت يمه شعلينا تذكرت وحه بريسم وخوفها غمضت والله لحد الان محفوره الصوره براسي

سبحت ورحعت لبست نفس الهدوم طلعت على شغلي شفت ام عوف رجعت للبيت تطمنت عبالك شفت امي احسن اليوم واني من شفتها تعافيت جانت الساعه عشره بليل رحت للمنضومه والمعمل العايفه عالعمال وتاكدت وعلقت ورزلت على كم شغله وطلعت لمحت السيد ديفوت للمضيف وي واحد باوعلي ابتسم اشرلي تعال

تقربت طبيت للمضيف وراه عرفني عليه على انه كرايب امه من بعيد وعرفني اله على انه نسيبه

كعد يحجون بالحلال والتمر والمحصول الضاهر باعه السيد قبل حصاده. وبايع وياه اربع روس نوك وراح الخطار والتفت عليه كال مبتسم

ها عساها اميمتك بخير

والله الحمد لله

عمي هاذ حسابك واعذرني بطيت عليك بيهن بس فليساتي كلهن بالسوك

خليها يابه لتخجلني موكاعد بلاش ومن غير رعايه امي

اولا انه هاذ مضيف ابوي مفتوح لكل الناس والثانيه خدمه الحجيه اجر وشرف للغرب نسوينها مو عاد لناس وكفتلنا وكت العوز عمي وانت تستاهل

رحمه الله والديك نصيت راسي كال

انه الباجرر طالع لخالي لكربلا

خوماكو شي

لا والله بس طلبني اضنه انه بعافيه

سلامته كلتها صافن عالشاهين الديمشي تجاه السيد كال

اليوم ام عوف تبات عدها كالت

لا سيد فدوه والله طلعت مشبعان منها اني ادير بالي

عمي هاي سوالف حريم ماترهم لاتاذي الحجيه خلهم عدها الليله وباحر وعكب ومن ارد ---

وسكت كمل ونصه راسه

يصير خير

سيد بله امرماريد استغلك اريد اعقد باسرع وكت امي ماضلها وكت ماريد ابتعد وام عوف كلما شافتني رزلتني وحقها والله اخجل فوك ما تخدم بامي كلسا مكشوفه عليه

اختنكت حيل وببالي اريد اشبع من امي الرافضه مداراتي الها كال

لاتشيل هم انه سبوع اليجي

عمي سبوعيش

عجل انه رايح وارد ماريد اواعد وانكر بوعدي خالي بعافيه وموات

عمي خل نعقد. هسه قبل لتطلع باجر ووشوكت متريد. هي وام عوف تجي تداري امي حتى لو تضل ببوشيها واني اساعدها بس لتكولي ابات هنا والله نوم بالديوانيه مانام كلسا افز اكول خاف تروح واني موعدها واصلا مااغفًى اذا مااسمع نفسها

ضل صافن عليه نصه راسه كال

اذا رحت الباجر ماني دريان ايمته راد كوم عمي توكل بالله الله ليطيح بني ادم بحيرتك كوم ماخلك محتار ومتوهك الحين نعقد

زين سيد شون

وانه شنو عجل ماسيد انه للامام الباقر ١٣ ضهر

والنعم وكفت وياه كال امشينا لبو عوف يجيب ابن خالتو اهو هم سيد يعقد للوادم

هزيت راسي منحرج وافكر شداسوي وليش هيج دك كلبي وليش تذكرت خزره عينها من شفتها

اجه ابو عوف وابن خالته الوحيد الي يد ري بسالفه فاطم. وكعدوني وره باب المطبخ وطب عبد الله شوي وطلع باوعلي كال

يكلون قران بحجه مكه

حجاها همس ونصه راسه

هزيت راسي

هاذ هو التامرون بي يصيروالله يقدرني وماخيب ضنكم

هز راسه عبد الله حاير يتلفت احس راد اخو الاكبر منه احس حس روحه وحده لزمته من ايده شاورته

عبد الله لتخاف اني عدي ذمه وضمير واخليها بعيوني بقه يباوع بعيني ودمعت عينه كال

احتاحيت اخوي موقصدي اقلل من شيمتك

اني اخوك من اليوم خل ايدك بايدي ولتخاف

مد ايده بدون تردد ولزمتها قوي مدري ليش تذكرت عمي علي وبده السيد العقد وكتب اسمها فاطم --- واسمي وسال وضل يسال حدما صارت ١٤ مره وعبد دك الباب بخفه همست

نعم انت وكيلي

ء

قشعر حسمي بصوتها شبه صوت النسمه الهاديه بليالي الصيف باوعت لعبد هز راسه باوع للسيد العقد وطبك الورقه مال عقد وكال السيد

على بركه الله الله يبارك بهالزيجه

عبد الله-

ادعيلنا سيد

داعيلك عمي كلما شفت طولك واكولن عسى الساده تصير كلهن مثلك ومثل اخوك المرحوم

رحمته الله عليه

وكفنا ومشينا شي بداخلي فرح وعبد الله كلسا مندار عليه ساكت وينصي منحرج.

ها سيد شبيك

عمي توكل بالله للمضيف بس الليله ام عوف عدها والباجر وبعدها الله يسهل

عرفت اخته الرادت هيج مناقشت

هاهي التامرون بي صاير يله اترخص

عفته وفتت للمضيف ولاكدرت انام بقيت اتكلب سمعت صوت ونه الباب من ينفتح عرفت طلعو يحلبون ردت اشوف ننه شفت سواد العبي وياهم ابو عوف طلعو من البييت الجبير متوحهين للمراح

رحت لامي راسن لكيتها نايمه تقربت منها بستها من راسها فزت

يسوني

ها عمري انتي

يمه شجابج هسه يجون النسوان

يمه خليني يمج تمددت بصفها عالجربايه بقت تمسد براسي وتقره مثل قبل. غفيت باقل من ثواني شوي وسمعت همسه ام عوف

امشينا ماتحتاج شي وامي هم همست

روحي خلي عدي صار كم يوم مشايفني خطيه. وام عوف حاوبت

جا شني مافاطمته زلم تالي وكت وعووو

ضحكت امي شكد حلوه ضحكتها تقربت اكثر منها اريد اشتمها واضمها براسي مو بكلبي كون كل مرض منها يروح. وماانحرم منها ولاهيج اشتاقلها

بقيت مغمض عيني وامي تمسد وتقره بايات حتى دعاء قرت غفيت مره لخ وكعدت على ونتها فزيت

ننه شبيج

ها حبيبي مابيه يوم بس ناوشني مي الكلاص فرغته جبتلها مي شربت المسكن عرفت راسها ياذيها. باوعت بعينها دمارات حمر وكفت صليت وفرشت سجادتين كالعاده طلعت من الغرفه لكيت صينيه الريوك يم امي وريحه الحاي المهيل سطرتني كعدت كدامها تريكنا سوه وكلتها بيدي

ننه منو جابها

ام عوف كل يوم هي تريكني واليوم انت شكد جنت مشتاقه الك

والله تقشمر ين عليه مرتااحه تجرشين حجي وخلصانه مني

انت كلما ونيت وكتلي يمه شبيج وتموت قهر هاي تضحك عليه تكولي هاا راح تعوين مثل الذيبه تخرب ضحك

ههه الله يقويها

يمه عقدت

اي يوم والسيد كال من اجي عود تبات عدج

شوف اني مو شسمه تبدلي ماحتاجها بعد بليل لان يعني ماخذه احتياطي اني هم داشتاقلك

تحجي وكلبي يريد يطك جريت نفس

هاهي حبيبتي التردي يصير

يمه فرح ملكيت منها خبر

تنهدت. لايوم لا

ربي بجاه كلمن عده جاه كون تحبك نفس حبي الك وتشتاقلك وتجي لحضنك

الله كريم كملت ريوك وطلعت على باب الله موسم حصاد وعالكه البستان متروس فلح والحضيره يرادلها غسل المشمع والمكاين يراد تبديل دهن وادامه انخبصت خبيصه وخبصت الفلح والعمال ويايه السيد رايح لخاله والشغل شغل لليل يله كملت روحي طلعت بس مبقيت شي يعتب حتى امي عفتها رحت لبو عوف للمضيف

عمي ابو عوف متسويلي درب اريد افوت اسبح واطب اشوف امي

صارر

بقيت كاعد بالمضيف ردت اغفى اله شوي ودك تلفوني عرفان

الو عرفان

هلو ابو فرح شونك

زين الحمد لله هالاسبوع مخابرتك ملتهي بشر

يابه خابرت على خالتها

وكفت كلبي فزز منوو فرح

اي والله خابرت تبجي وتكولها. بابا خلي يحيني امها مانعتها من اي تليفون ومحافضه رقمك كوه لكت رقم خالتها من الفيس وخابرت تبحي ممصدكه محصله

عليك القران حجيتو وياها

اي والله شبيك. حاجيناها كالت اني زينه وكاعدين بزيونه وعايشين من اجارهاللبيت

يابيت بيت ابويه كلتها واختنكت

ااي ماجري

هاه تالي

اي هاهي ودزت عنوان البيت لخالتها واحدت تروحلها الصبح لانه متكدر بوحود امها تخاف

خوش خوش الباحر امر

لالا يابه باجر جمعه والسبت هم لا للاحد

شنوالسالفه انعل ابو امها بنتي اخذها

ياسين توسلت وكالت كون امي مموجوده وكالت اذا كدام امي اخاف اكول اقبل اروح وي ابويه اصبر هي كم يوم لتروح تجيب شرطه وتورطك

شتورط انعل ابوها يابو. شنو تخاف منهااا

ياسين متعرف شنو المسويته الها ومخوفتها اصبر دكولك اسمع مني لتخليها تنفر منك بعصبيتك سايس امورك خل نفتهم

جريت نفس ماشي الاحد الاحد هاذ هو

يله فيماللا

الله وياك سديته وورثت جكاره روحي رفرفت واتخيلها خايفه منها واتخبل واعض اصبعي ندم لو جابرها تبقى ويايه هواي امور اريد اعرفها دراستها مرضها ونفسيتها التدمرت

شوي واجه ابو عوف كال

تفضال عمي طبيت لبيتنا غسلت وبدلت ونمت واتكلب روحي طكت شحيمشيها يومين امي كالت

يسوني ماما شبيك

ها ننه ماكو شي

للعد ليش مدتنام تعال خل اقره على راسك

كمت من فراشي ونمت يمها بقت تقره وتتلمس راسي بهدوء بحركات اكاد حافظها حافظ الحركه الوراها شنيه. وانتضرها غفيت بس احلامي قلقه. ومنا راشين سماد وهايج الصرصر. كلسا وصرصر كارصني من رجلي وادفره مصدكت من طلع الصبح وفتت اصلي. نفس الحاله لكيت ام عوف حايبه الريوك تريكت وريكت امي وطلعت بعد ماوديتها الحمام وعفتها تسبح من طبت ام عوف وطلعت راسن

كملت شغل واحاني ابو عوف صدمني كال

عمي خال السيدطاك عمره انه رايح اودي فلوس لسيد عبد الله الباحر راد بس عينك عالاهل وخليهم عد الحجيه وانت بالديوانيه نام

وقفل لا تنسى وماوصيك بالبستان وهاي الويلاد وياك طوع امرك

روح روح الله وياك ليضل بالك طلع يركض بقيت صافن كملت الاعمال وداارش المشمع بالمي  القوي حتى ينضف من الروث مال جمل اللي يسمو همه

طرطيره.

ورجعت عدلته شوي واجه الولد كال

عمي البيطري ه خاطر التطعيم

ها اي اي خلي يجون

وطبو طعمو النوك كلهم وطلعو غسلتهن بالمي القوي ونضفتهن يله فرشت المشمع بس ماكو فايده شوي ويوصخو مخبليني زكيتهن ونطيت نوه التمر الهم وطلعت قافل الحضيره.

واباوع عالنخل ديحصدون بيه كل نخله معلك عليها فلاح اشتغل وفكري يم فرح واشوط

طلعت حركتي بالشغل حتى المنضومه دهنتها وصبغتها رغم حديدها مغلون ميزنجر بس صبغتها بس ردت التهي سيارات الجبن واللبن والزبد والتمر المكبوس طلعت تفتر عالاسواق ورجعت صفوها واخذو اجرهم وراحو والفلح هم خلصو شغلهم واخذو اجرهم وعافو التمر وراحو بقيت وحدي بالبستان اجوي الفلح مال معمل كعدو شوي وطلعو كمت قفلت البستان وافتر بي مسووليته جبيره مجرد عدم وجود ابو عوف والسيد خلاني بمسووليته بقيت افتر لليل وين اروح. تمددت يم الساكيه مكان المضيف الساكيه يصيحو

تمددت عالحصران واغفه وحلمت بخزره عينها وارتباكها فزيت ميت عرك والبرغش اكلني متت جوع طبيت الديوانيه شون حطب للبيت اريد افهم شون حاكل وابو عوف عافني شوي واجه ابن خالته لبو  عوف مو العقدلي اللخ صغير مدري ابنه ماعرف شيصير منه ولد مراهق سبع وبيده الصينيه كال

هاي ام عوف طرشته

دجيب يمعود تفضل وياي

لاعمي تغديت اترخص.

مرخوص الله وياك

ضربت الغده وتمددت  عاد نمت مرتاح محسيت بروحي لحد ما فززني صوت ام عوف تصيح من باب المضيف فزيت فزه تسوه حياتي

شكو امي بيها شي

ابو فرحه ببخت جدك العلويه مدري شخاش باذنها كامت تنفر وتصارخ وتكول طلعو

منوه شنو طب اريد اركز توني كاعد فركت وجهي وطببتها بالبوشي للمضيف بس اسمع ونينها بهدوء

باوعت لام عوف

شنو بس فهميني

عمي جاي نكللك نايمين ومدري شخش باذنها وكامت تنفر بس ذب دخان باذنها ماتدددخن انت

اني لا اني اني ادخن باوعت للعلويه مبوشه رحت عالطبله جكايري والجداحه ورثت راسن وهاي تنفر براسه والله خفت

باوعت لام عوف واجر  النفس

عمي هاي لازم طبيب

يمه دذب دخانك ماتفهم وروح ابوي بس ذب دخانك باذنها هسا تزوعه اذنها

زين تقربت مرتبك وهاي مبوشه

باوعت لام عوف واجر النفس اشرتلها ونصيت عيني اشرتلها شيلي البوشي طلعي اذنهاجرتها وطلعت بس الصيوان بقيت منصي راسي واجر اكثر قدر من الدخان ورفعت. راسي وام عوف لازمه الربطه داير ميدور اذنها مبينه فد اذنها حمره وصغيره بقيت خانك الدخان نسيت كلشي من حركت راسها سريع تذكرت تقربت راسن.

مادري شون

ام عوف كالت بصياح

انفخه باذنها كله كون. تقرب حيل جا اهيه حلالك عليمن العياره

تقربت ب شفتي على اذنها كشت شالت كتفهاوميلت راسها نفخت وشفتي ترجف. ولا كانه عمره ٤٢ عام لاابد

رجعت ذاك المراهق وبيده حزام كتبه دك كلبي سريع وبالي يمها هزت راسها برجفه ونت بهدوء ورجعت سحبت نفس من جكارتي وذبيتها باذنها بس اقرب شفتي تكش مثل الورده المستحيه. خلصت النفس وشميت عطرها بهالقرب موقصدي بس داجر نفس وانترست عطر حنه ابتعدت مرتبك فضو ل فضول انترست اريد اشوف وجهه واسمع صوتها سديت اذنها باصبعي وام عوف لازمه راسها فتحتها وره شوي

بس ردت اشوف شطاب داانعل والديه بعدت اصبعي لكيت شي بداخلها ديبين ديتحرك

ام عوف اي شي ماشه ابره بس طيني هياته داشوفه

عافت راسها ام عوف ومدت ايدها على زيكها وجرت دنبوس شطوله بقيت لازم راسها بيدي والبوشي على وجهه اخجل اكولها اصبري بس حركه الحشره داخل اذنها دتبين المها ووجع راسها اليدك ويرجف بيدي

طتني الدنبوس وطببته فزت

بلعت ريكي لزمت راسها ام عوف تنتر

لا تتحركين يالمايعه لايشك طبلتج

طببته بهدوء شوي شوي خدما طلع من كيفه بعده بصيوان الاذن وهدا راسها بيدي واحجي وي ام عوف

هياته هياته طلع

جا ماتجره

لا خاف يكمز صرصر هذا

يا چفاك ربك شطببك ماتكلي

بقيت لازم راسها حدما طلع الصرصر كله واشوف وراه خط دم اخذت الكنينس من الطبله مسحته بهدوء هدات حيل واباوع تنفسها من يصعد وينزل

همست هاهي الحمد لله توجعج ؟

التفتت وخلت عينها بعيني

مدمعه عيونها وحمر والبياض صاافي بس عيونها طالعه رجعت خطوه ليوره وام عوف تحجي والله كمت مااسمعها

ضعت بوسع عيونها. جوزيه فاتح وطوخ مادري متنوصف مكحله برمش ثخين والبوشي مزيد بروزها ضعت هزت راسها برفض

وتعدل بحجابها اخر شي سمعت ام عوف

يااا شجاك ما تسمع. انت طرم وامك عميه جا شني السالفه

باوعتلها بكلبي كلت وصم كون بيج بس تلغي طلعت من يمي وراحت وياها دخت وكلسا نضرتها التجرح براسي وكلبي يروح

بدكاته اني وين من هالاحساس صدك جذب امي دتموت وبتي مو عدي مادري شحال الدهر وياها واني مضيع الاول والتالي وكت عشك وعيون رفعت راسي للسما اناجي رب العالمين

بس انت تدري شصار بي واشرت على كلبي

متابعه ممتعه---

مريم السعدي

هذا بارت الباجر لان مراح انزل هذا بمكانه وتره

٢٣٠٠ كلمه مو تكلون شويه

بارت الحاي الا بششده متشوقه اكتبه بحيث

ساره علي محسن

تنكط مستحه كثر الملوحه البيك

ييسلطان العشك ياثوب باعيادي

يريحه والدي واخر نفس من خوي

يساعه مولدي ياعشك بغدادي

ياليل الجمعنا خلني اشمن بي

ياتاج الزلم يا سيد اسيادي

ياتالي العمر ياجن بديت الحين

باول عمري انه ال يوم ميلادي

باول عمري انه اليوم ميلادي

بقلم مريم السعدي

-------

توقعاتكم للبارت الجاي

ياسين- رجعت نمت والريحه علمت بانفاسي من اتنفس تنترس حنه وهيل غمضت اريد انام وفرح ترفرف بعقلي. اتخيلها تفتر بفرح بالبستان شنو عدي وانطيها بعد صفيت علحديده.

ياعمر ابوج انتي وفرحته الحقيره جابرتها اثاري واني اكول معقوله حناني وحبي الها ماغزر متذكرتلي.     فد  ذكرى حلوه

اعوذ بالله من الشيطان الرجيم. كمت حتى النومه طارت افتريت عالمنضومه جان الضوه توه يطلع

الجو يخبل بينت معالم البستان النظافه والتنضيم والترتيب والبط يمشي برهاوه. مجاميع مجاميع. افتر وايدي وره ضهري وصوت الديج من يصيح يعلن صباح جديد صباح بامل

اخخخ بابا فروحه شون حتكون رده فعلج عالعيشه هنا حتككون. نفس من جنتي صغيره لوو. متعجبج. بس كون اشوف وجهج شون صايره حبيبتي

بقيت افتر بهدوء شفت النوك بالحضيره محلوبات توهن والحليب مرتب بالمعمل محضر لشغل المكاين ماعدي شي بلشت شغلت المكاين وبديت. طلعت الجبن لفيته وحضرته للبيع رتبته بالبيكب مال ابو عوف وحدي يمكن الولد ابن خالته.  يودي للاسواق اليوم

طلعت دهن الحر والزبد وترست البيكب ومسحت بيدي كاع المعمل بطريقه لف الوصله عالماسحه النضافه اهم دور بمعمل الالبان مكرع راسهم بيها. عفن اللبن يروب وطلعت افتر مادري شوكت يرجع السيد يمكن يكمل الفاتحه يله

شاهينه واكف على خوص السياج مال بيتي يفر براسه والبركع مشيول صوت ورايه سمعته

الله بالخير عمي ياسين

التفتت واحد من الفلح

هله يابه صباح الخير

هله عمي تفضال ويانا تريك

باوعت للصينيه الشايلها كلاصين جاي وجبن عرب وخبزه تنور وخضره. وبيض مسلوك راس بصل ابتسمت بالعافيه يابه

لالا مايصير هسه ابوي يكلبها سوده علي امشينا عمي امشينا

مشيت وراه بهدوء لكيت الاب كاعد عالساكيه وكعدت بصفه ابتسم وجر المخده وره ضهري وبدينا ناكل

كال

البارحه مالحكت عالسيد

طلع من الصبح خطيه مستعجل كال خالي توفى

عمي مافهمنا نحوشهن كلهن لو نخلي التمر ابو السكري حتى ابو عوف مالحكت علي

هسه شوي واخابره خاف نايم واخرعه

جا خوش انه. بنهايه البستان حوشي عمي بله امر عليك بس عودك كلي

انت بيتك هنا

اي انه بنها يه البستان حوشي ضهره على بستانكم بيت صقيرون بس انه ولاهل ولدي زوجتهم وكلمن اخظ هله وراحو  اللي توضف واللي اشتقل بشغله حره وهاي انه روحي بين النخل والطين

الله.   يعزك عمي اباوعله  ب٦٠ من عمره بس والله الله يحفضه اقوه مني ابيض احمر ولاف عكاله بترتيب والدشداشه تلمع كال

هذا الولد ابن اخوي الشهيد استشهد بالحرب وهو توه جاي للدنيا الحمد لله وصارلي ونس وهسا كبر وصار رجال مدوزن

الله يخلي لالا سبع  شسمك باشا

اسمي محيسن

عاشت الاسمامي محيسن وعليك. اسمك

زاد مكدارك عمي

عمه كال

وانه محسوبك ابو محمد انت ماتذب جرش وي الناس اشوفك

يس- اي طبيعتي مااحجي هواي

عمي الناس لاهلها  همك تاكله ببحيدك

بقيت صافن عليه مبتسم نصيت

انت من الولايه كالو

اي من بغداد

اي شلونها بغداد يكلون الوضع الامني ما زين

هه شفتك وماشفتها ابو محمد

اي بالله عساك مريح هنايا

اي كلش الحمد لله

الله يديمك عزوه وسند لسيد عبد الله انه من سالت  كالو عنك نسيبه

اي بالظبط

ينيالك بيهم من نسبان  عمي اشرف  نسسب اشر بايده

نصيت راسي مبتسم  ادري بيهم محضوظ بيهم اني

اي بالله حضيضان يله عمي نكوم على شقلنا ونسولف

يله كول يا الله

عفته وكمت لشغلي وكمت اعرف اسم واحد واحد بيهم محيسن سبع حيل ميخاف يجيت  بس اصيح تعال منو اكو هنا  علمود الحصاد لو علمودنخله سعفته نازله كمز كدامي وصعد عدلها شجرها ونزل

صار بس اكوله على شغله فز سواها وصار اسم محيسن بحلكي كلسا صايحه تورط الولد بس هم اداري فوك اجره

كمل يومين بالبستان واني بس بليل ابو عوف. يسويلي  درب  افوت لامي متلهف  اشوفها لان النهار كله مو يمها

ها ننه حبيبتي

هله امي ها حبيبي شسويت اليوم

هو شغل عادي انتي شونجج

زينه الحمد لله

خو ما عينج نزفت بعد

جرت نفس كالت

يمه يس هو. اني داموت تصالح وي روحك لتضل شبيج وشبيج واموت بعدج ماموت كافي من هالحجي

بقيت صافن تقربت منها يوم شبيج

اهووووو  شبيج وشبيج يعني متدري شبيه هو داموت لتضل تموت بنفسك انت رجال عيب يمه هو داموت اني يعني شبيه

يمه فدوه لتكولين هيج

هم كال لتكولين هيج. شوف اكولك تلزم  خوفك وتامن بربك وهذا امر الله ويا محلاه عيب يمه صير رجاللل ضم حزنك بكلبك مو عيب ام عوف تكول اجاج ابو كلب الرهييف

بقيت صافن عليها

والقران ياياسين ان متت وكعدت تتبجبح عليه حتى روحي مترضه عليك

هزيت راسي  منصدم

اررريدك قوي وتامن بربك

خاف يوكف كلبي واموت وراج فرح منو الها

لااا يوكف كلبك ولاابد جان متت وره عمك علي  لو ابويه.  بس عادي مضت كم يوم وتصبرت بيك وبرب العالمين   الزم بنتك يمه ودير بالك عليهااا. لتضل كلسا ها شبيج ها شنوو هو. اني دااموت مزين من حالتي بقيت لخد الان  مميته لو ماهالهو اء النضيف. لتخليهم يكولون عليك مثل النسوان يبجي عيييب كلشوي واريد اشوف امي ومااكدر بلياها ومااكدر ابات ادري شنو شبيك مو وياك الزلم هنا شوفهم شوونهم

صافن عليها تحجي بعصبيه ادري الالم كاتلها واني اعرفها من تعصب  شي فاق الحد كمت جبت الدوه المسكن وكلاص المي قربته الها

شنو هذا

دواج همست اخذته بلهفه  وشربته وايدها ترجف لزمتها وبستها جرت راسي لحضنها بسرعه وحضنتني

ربي لا اعتراض لحكمك بس نضره لوليدي وبنته

غمضت عيني بشده كلت بداخلي يكون اجر المج كله واشوفج الرجال الميتحمل شيتحمل

شوي شوي هدات وتمددت دانام يمها نترت

كوم من يمي لتضل مجلب بيه ماارتاح شنو رجال جتافك هالعرضهن تنام يم امك

كمت مصدوم  من يمها نمت بالكع بصف الجربايه  وغفيت الصبح حسيت جانت كاعده اني مكتلها على سالفه فرح خاف متصير ولهفتها تروح ردت افاجائها. المقرر اليوم اروح كعدت ب٦ الصبح بست راسها كالت

رايح على باب الله

اي يمه ليضل بالج اذا تاخرت

الله يسهل دروح يمه ماوصيك بعد روح دتجي ام عوف

ماشي رجعت بستها وحضنتها بس محضنتني تركت البيت وطلعت  بدلت هدومي بالمضيف وطلعت عالشارع مكمل كل شغلي البارحه خلصو حصران الخوص بدلت حصران البستان كلها الماكوله سياج البيتين الحبير والصغير سيجته من جديد بعدما حصرانه تعبت ولونها تغير وحصران الكعده  عالساكيه هم بدلتها   افتر بالبستان احسه جديد حتى الطين يلمع قهري مطلعه بالبستان واني محاس على روحي  حتى الاشجار مقلمها اكو شجره رمان بحديقه بيتي مورده ورد احمر  تجنن   قلمتهن كلهن بترتيب اللبارحه. حتى شغل المعمل خميته قبل لااطلع وطلعت اخذت فلوس  وتوجهت لبغداد وصلت لبغداد ب١١ الصبح لبيت عرفان اللي تلكاني بالاحضان واني جنت متسوك مخضر وفاكهه ولحم كومه من السماوه حتى جبن ودهن حر هم جبت خطيه ضل فشلان ليش هلكد وليش هلكد

يول بس انت الوكفت ويايه

عمي شوكفت شو هي الحاله وانت ادره بيها

جهالك شونهم

حسون نجح من السادس بمعدل يرفع الراس وعلى صار ثاني.  معهد صيدله الحمد لله

الله يحفضك الهم بشر مخابرت بعد

دزت رساله وينها رفاه صيح امك يابه

شدزت طبت اختها وكفت تسلم شكد محترمه بله لو دعاء مثلج مجان حالتي بيها خير وكفت وسلمت بقت منصبه وطت التلفون لعرفان وترخصت

اباوع علرساله كاتبه

ب١ يجيني واني اطلعله راسن نروح

الموقع عرفان شون

هاي دزته باوع

اباوع موقع بخارطه صفنت كال

طي لبو التكسي هو يعرف امشي ويايه اني اعرف

بيش الساعه هسه احجي وكلبي يدك سرريع

تقريب الثناعش ونص كوم كمت راسن اخذني بسيارته عرفان ونمشي ونسال حد ما وصلنا  لا نكدر نراسل لان التلفون عد امها اباوع الساعه وحده الاخمسه باوعت لعرفان

خاف مو هذا البيت

يابه علموقع هو هذا كنكت عالرصيد وكتب وصلت

يارب صبرك بقيت اباوع عالباب يربي كون تفتحه وتطلع واكفين عبر شارع واحد من البييت للوحده والخمسه صبري خلص وعيوني احس لزكت بالباب وعرفان يستغفر بسبحته

واشوف الباب انفتحت  بنيه وبيدها جيسين زبل تباوع منا ومنا ولمحت سياره عرفان عيوني كامت متشوف من الدمع عبرت بصايه خليجيه وحجاب مرتب نزلت من السياره كالت بنتره

اصعد اصعد طلعني منا طلعنيي

صعدت ليوره وتكول بسرعه بسرعه طلع عرفان راسن واني عيوني على داير مدايري التفتت شفت رجال بيده علاكه  رجع للبيت لكه الباب مفتوح بقه يتلفت واحنانبتعد بالسياره طب للبيت

عيوني تشخصت على بنتي الميته خوف واندارت عليه بجيت وهي بجت ركضت لحضني صايره مره متكامله يعمري انتي يافرحه كلبي

شتاقيتلك بابا مشتاقيتلي

متت بابا متت هذا عمج اسالي بين يوم يوم اخابره وممليت صار سنتين الا وينج يابويه وينج

رحنا لاربيل بابا متت من اشتياقي بيبي بس لا ماتت

لالا بابا لحكتي عليها لحكتي جريت وجهه اباوعلها وعرفان يردد

لاحول ولاقوه الا بالله

باوعت بوجهاليبجي  وصاير احمر ورجعت بستها بابا حبيبتي شونج

موزينه ابد موزينه نسيتني بابا مجيت تسال يوميه من يندك الباب اكول هذا هو

حبيبتي ضيعت اثرج مخليت لا دائره امج لا بيت خالتها محد ينطيني جواب

بقينا معاتب وبجي حد موصلنا بيت عرفان عرفان كال

ابو فرح لازم تروح متبقى هنا لان اول مكان حتدوركم بي هنا

هزيت راسي ماشي كومي بباتي كومي ويايه

وين نروح وين انت عايش-----

اني فرح اللي مشفت من اسمي  غير العكس. 

اني فرح اللي كضيت سنين عمري واني بخوفه خاف بابا يطلك ماما

كل الحولي صديقاتي  بنت خالتي اشوفهم عايشين وي اهلهم بحب

الا اني عشت لا اني  اليتيمه ولا اني العدي اهل مثل الناس

كلما اروح بيت خالتي واشوف لمتهم عالميز وكت الاكل لو وكت رجعه  ابوهم من الشغل وتتلكاه خالتي بلهفه وهو يبتسم

كل الجنت اعيشه عراك وناس شايله على ناس  وناس تحجي على ناس جنت احير ويامن  اصف   اوكع بحيره اريدهم ثنينهم اريد امي وابويه

احبهم ثنينهم بس همه مكدرو عالعيشه سوه

جنت اروح لامي وتضل بس تكرهني بابويه ابوج بخيل ابوج يريد ينزوج بوج عده علاقات واني مجنت اشوفه هيج جنت اشوف دلاله وحبه الي وخوفه عليه

واروح لابويه ميكولي الي بس اسمعه يتبشبش بليل وي بيبي بكلام اذني الصغيره متتحمل  تسمعه امها حراميه امها تغذر  امها وي ابن خالها عده سندات تزوير ومجنت اعرف المن اصدك

مرت هالسنتين عليه بتعب امي مقصرت  بس حسيت روحي وحدي من الصبح للسته العصر وكل الموجود بالبيت جوارينه الحارس بالباب

جان بيتنا باربيل بالبدايه بعدها انتقلت وره هالسنتين جانت مانعتني كل المنع عن والدي وبس اجيب سيرته تتخبل وتهدد اذا جبتي سيرته اطردج لا حافضه رقمه ولا رقم خالتي  تركت الدراسه لان مكدرت افلح بيها مع العلم حاولت ويايه كوه طلعت من الثالث وبعدها رسبت بالرابع سنتين وبطلت

تعبت من كلشي لشتياقي لوالدي واذيتي من تكول

اعتبري مات

اشترتلي تلفون وبي نت حتى تخلص مني تريدني اعيش مثلها بله اهلها مرتاحه واني روحي بابويه   بقيت ابحث بالفيس اسمه ملكيته بحثت اسم خالتي رحل خالتي حسين ابن خالتي واخيرا لكيت صفحه بنت خالتي بمعجزه من رب العالمين

بعدد بحث مطول 

تراسلت وياها وعرفتني وتخابرت لحد هاللحضه اذكر كلشي مفتهمو مني بس ابجي واحجي جنت وحدي بالبيت من اللهفه تخربطت ورحعت كعدت ورحعت اتصلت وحددت موعد وخابرو ابويه

اني سيم كرت ماعدي مجرد عالفيس  اتصالاتي وي خالتي

وصار الموعد وهياته ابويه كدامي بعد عذاب سنتين صح بشوفته معناه امسح امي من قائمه حياتي لان ميت مره كالت

لو اني لو ابوج وابوج ماعده حتى بيت يلفيج

واني اجاوب بسكوت

اباوعله ضهره عرضان ووجهه ضعفان والشيب تارس راسه التفت بعدما حان يباوع عالطريق شافني اباوعله واضحك  

بس وصلنا بيت خالتي اخذنا تكسي وطلعنا ضل ساكت بالتكسي واني دموعي مكدرت اسيطر عليها كلسا يندار مبتسم ابو التكسي انتبه كال

خو مبيها شي البنيه

لا يابه شوي مشتاقه لبيبيتها هسه تشوفها. وترتاح مو باباتي

اي هزيت راسي وشهكت ابجي  نمت بالطريق لان قبل بيوم مكدرت انام بليل اوراقي كلها ويايه مثل موصاني عمو عرفان  الذهب اللي اشترته امي الي خليته عد خالتي مقبل بابا اخذه. 

وصلنا لطريق بي زرع وبابا ياشر منا ومنا قريت الشاميه باوعت اكو شط يمها التفت بابا يبتسم بس اشوفه تخنكني العبره

مشينا بعد شوي وصلنا كال

هاهي يمك حاسب واشر

نزلي حبيبتي فتح باب السياره ونزلت اباوع بستان شكد حلو والهوا اختلف بقيت اباوع باوع لمكان نضري مبتسم راح ابو التكسي وطبيت بحضنه ضحك حضنني ومشه يباوع داير مدوره

كومه ناس اكو ضلو يباعولنا همس

امشي عدل بابا عيب شال ايده سلم ومشه سريع واني اتلفت بطات يفترون  منا ومنا واكو جملين صغار وجمل بطنه جبيره بقيت صافنه بابا

كال

ها تذكرتي المكان

هاه لا ماعرفه وين احنا

هاي بالحرب جينا هنا

ماتذكر طببني لبيت صاح يا الله فوتي انتي بابا روحي ببيتج هنا طبيت بلهفه لكيت نسوان يمها طلعو من الباب اللخ وحده وكفت من شافتني جانت مبوشه وكملت مشيها لبيت ثاني طبيت للبيت امشي بهدوء وادور اخاف اطلع صوت وحتى صوتي راح من كثر اللهفه على بيبي سمعت بابا ورايه

هنا هنا حبيبتي بهاي الغرفه فتح الباب طب كدامي واشرلي يضحك صاح

هاا ننه الله يساعدج

يمه وين صرت محد يعرف بيك وين رحت التفتتت على فرح ابتسم وهي ميته بجي ايدها على حلكها امي ضعفانه حيل والعمى مبين بعيونها ورجلها ضعفانه حيل  لان ميته متشتغل متغيره حيل مالوم فرح وصدمتها بقينا ساكتين كالت

يسوني ماما زعلت مني من حاجيتك

لاامي اني ماازعل منج جريت فرح وقربتها الها تقربت نصت عليها و حضنتها كالت

منو منو هاي

وتتلمس بيدها وفرح تبجي  بهدوء كالت بصياح

لج يمه فرح وحضنتها تبحي يسوني جبتلي فرح

اي بيبي اي اني فرح

يايمه خفت اموت قبل لا شوفج يايمه يريحه الجنه لج فرروحه

اي بيبي اني فرح

تحجي وتبوس  بيدها وراسها متت بجي وهمه هم ماتو بجي امي احس رغم تبجي  بس طايره من الفرح 

ساعات صعبه بعدها كعدنا فرح نزعت لبسها الخليجي وكعدت يم رجل امي اللي جرت راسها لحضنها وتتلمس بي

احجيلنا بابا شوونج شون كضيتيها عافيتج اهم شي

كلشي مابيه حبيبي بابا

دراستج

بابا كوه طلعت من الثالث وبطلت  مالي واهس كلش

يس- استغفر الله احجيلي وين رحتو

رحنا لل واندكت الباب

يس- منو وكفت ام عوف جاوبت

هاي الغده

اي الله ينطيج العافيه ام عوف

بالعافيه  على عافيتكم يباركلكم رده بنيتك لحضنك

الله يخليج حجيه

راحت وسديت الباب امي كالت

ماما ياسين فاطم هنا

لا يوم شتبقى هنا واني موجود

ماما ميصير هاي مرتك. واليوم حجيت وي ام عوف كالت من يجي السيد  وتحاجي وبعد هنا تبات شنو ميصير

فرح- شنوو بابا تزوجت. يعني نسيتني وكملت حياتك وتزوجت صدك بابا صدك

بابا علمود ببيتج منو يبقى يمها

اني ابقى يعني هاهي تزوجت

لج بابا شبييج بس عقدت تعايضض احجيلي كلشي من يوم الرحتو

بس لتجي هنا اني ادير بالي على ببيبي

نسرين- هاهي بيبي حبيبتي انت داريني بيدج الحلوه يمه دتعاي بحضني مشبعت الحمد لله ربي والشكر

يس- بقينا لليل للفجر حجينا على كلشي نطيتها اولويات على مكان سكني وعملي لبسج وحجابج وميصير احد يشوفج  وحد لباب البيت ودير بالج

بقت صافنه حايره كالت

ليش ميصير افتر بالبستان

لا بابا ميقبلون هنا

وياك اطلع

لابابا حتلو

سكتت  حايره كالت

زين يصير اخابر ماما

بقيت صافن عليها

بابا اني حفضت رقمها بس اخابرها اطمنها وهذا هو

كيفج خابريها بوكت متردين

اوك. نمت بيومها بم امي وبليل كلسا احس عليها توديها للحمام جانت متعرف وامي تعلمها تتوجه على تك رجل والتك الثانيه على جسم فرح وتطب وياها للحمام اسمع ضحكهم وسوالفهم

بيبي شبيج قبل موجنتي تغسليلي هسه اني اغسلج

انزول عليج فروحه

يس-فرحت بيهاحيل ملعبت نفسها مثل متوقعت ثاني يوم الفجر طلعت بالي يم البستان تركته البارحه. بست امي  واباوع لفروحه نايمه جوه رجلها بستها وشميت راسها باوعتلي حست مبتسمه

بابا خبيبي وين حتروح

لشغلي باباتي ديري بالج على ببيتج

بعيني

موتطلعين

لالا ابقى هنا ارتب واداري بيبي

سباعيه حبيبتي من اجي نحجي بسالفه الدراسه بلكن احولج هنا اشوف شون

الله كريم وتقريني مثل قبل

اي طبعا كم فرح عدي

طلعت من يمها مرتااااااح حيل كبل رحت للمعمل يعني ابو الصنعه اذا موفوك راس العمال الشغل يكعد عايفين المكاين وصخه وره التجبين غسلتهن اباوع الحليب بعد مجايبه ابو عوف خاف بعده مجاي من كربلا  معقوله  طلعت وره مكملت المعمل وهياته طلعت للبستان بحافه الساكيه اباوع للحضيره شفت ابو عوف ديفتح القفل مال باب عرفت النسوان جوه بقيت واكف بعد ماكو داعي اتختل من عيونهم المره حلالي. 

صحت شايل ايدي

ها ابو عوفي

ها عمي الله يساعدك

هله يابه احجي واباوع بوجهه ابو عوف اخاف ادير صفحتي  خاف يكولون عينه تلصلص

مشو من يمي منزله الوشاح فوك البوشي دارت عينها  ونصت ومشت سريع وي ام عوف اللي كالت منداره

الحجيه عسى مامحتاحه شي

لالا ممنونج رحمه الله والديج

عينك عليها

اي اي يمها رحمه الله والديج تعبناكم

كلتها وعيني صارت على فاطم اللي التفتت من كلت تعبناكم باوعتلي نضره كلبي انفض ونصت راسها مشو وراحو  وانداريت لبو عوف كال

عمي البارحه ماكوش

اي والله صارت عدي شغله جريت نفس كال

چاشني البستان معيد كالبه كلاب

والله التهيت بي وشغلت الفلح خطيه ويايه

السيد باجر يصل

بسلامه انشاء الله

خير كاصدني بشي

يابه الحليب وين

هسا اذز محيسن والويلاد يشيلونه ويجيبونه لجاي

يله يابه المي بالمكينه ديفور

جاخوش

رجعت للمعمل شوي واجتي صينيه الريوك  واني داامسح طبو العمال وتحفو تعلمو يغسلون رجلهم يله يفوتون حفايه  طلعت اكل عالحصيره بالباب وي ابو عوف كملنا ورجعت عالبستان رجعت نضفناه وعدلنا السعف بالنخل بقينا بس الجديد  والتمر ديكبسو والنوه جمعو بعلاليك خوص علف للنوك والشاهين فو ك راسنا يدور على صاحبه 

لليل رجعت لبيتنا كلام امي قواني لتضل ها يمه شبيج وهايمه شبيج. كمت اخجل افوت واسالها

طبيت يمهم واشوف فروحه عصبيه دتسوي عصير برتقال

هابابا شونج

زينه باستني ابتسمت مثل قبل كالت

ولد جاب المسواك خلاه بالباب وطببته ام عوف

ايي عكدت حاحبي كالت

هاي مسواك فركي مدري شنو كلشي مفتهمت منها

هههههههههههاي اي خلي بالثلاجه يعني

خليته وداسوي عصير لبيبي

عفيه باباتي تغديتو

اي جابت ميساء السحاره

لج بابا عييب

ايدبابا بس ترزل اني ماريد بعد تجيب شي اني اعرف اسوي

اي كوليلها بادب

كتلها اذا جبتي بعد مناكل

صاحت امي من يمها

يسوني

ها ننه

تعال يوم

جيت رحت يمها اشرت اتقرب تقربت يم شفافها كالت

يمه هاي فرح رزلت فطم كالتلها بعد منحتاجج لحد يوصل والبنيه فشلت وراحت كالتلها تدللي

فركت وجهي عضيت اصبعي خجل شيكولون هسه بله شيكولون بطل عن الزواج لان بته جتي رحت لفرح

بابا شمسويه

بابا شنو علويش.

حجيت وياها وفهمتها شكد وكفولي وشون نقذوني من الجنت بي سكتت كالت

ماريد احد يداري بيبي

اي هاهي بس عيب لزمي حدودج لتخزيني باباتي

اي بس ليجون

فرررح نترت اندارت عليه متفاجاه كالت

بابا انت تريدمرتك

بابا اني بعدني ممتزوج بس عقد

دريت من بيبي

اي بعد شكو بس لازم اتزوج عيب ميصير شيكولون شبيهاالبنيه وعفتها وره العقد

بابا هسه عود من يصير حجي الله كريم اني داريد. اداري بيبي  واذاريك محد اله علاقه بيكم انتو مسووليتي ممحتاجين مداراه من العالم عود من تتزوحون الله كريم

استغفر اللللله زين بابا زين عفتها وفتت اسبح طلعت وتعشيت ونمت عيب من السيد الله اليعلم شحيكول عليه  يابه زعطوطه شتريد تسوي خلي تسوي ولاافشل من السيد

خلي يجي ويصير خير غفيت قبل ال١٢ من تعبي وراحتي نفس الوكت فشلان من بيت السيد

فرح- للوحده بليل مكدرت انام بابا وبيبي نايمين بقيت افتر بالحديقه واباوع من فوك سياج الخوص عالبستان حان منضره يخبل مرررتب ونضيف وابطات متسطرات نايمات شكد كومه  هواي تقريب ال٣٠ وحده لكيت كتكوت يكمز والكل  نايمين البستان سننطه كل احد ماكو لبست صايتي وحجابي وطلعت كلت بس اخذ الكتكوت

مشيت شوي واتلفت ضوه واحد اكو.  مابين لحكت الكتكوت مشيت وراه واتلفت ماكو احد كلها نايمه طب الكتكوت وره تنور طين ويمه شجره ختل وره الشجره مهزوم مني طبيت وراه ونصيت مكنفده داشيله مكيفه مااسمع الا صوت ورايه

منهو انتي التفتت فازه ضوه خفيف  يبين ملامح شاب طويل وضهره بي عرض لابس عكال لافه مثل البرم على كصته كله اسود باسود ايده على محزم سلاحه عبالك ديريد يطلع سلاحه

فزيت رجعت ليوره تقدم يهمس

ويتلفت

من بنته   انتي من وين شارده

مفهمت لغته سريع يحجي وصوته رغم يهمس بس عصبي خفت حيل

دادااخذ المتكوت وارجع---

يتبع

بارت طويل لعيونكم

باجر البارت الموعود عبالي يرهم اليوم

تره البارت ٣٠٩٠ كلمه

مريم السعدي

شني شجاي تهذرين انتي بتمن بنتتته امشي ردي من وين ماكصدتي

وجرني من ايدي قوي كومني ودفعني التفتت

وين وخرر ايددك لتلزمنيييي مااسمحلك

بقه صافن لنترتي

هسسسسس صوتج مااهيسه كتم كتممم

ضرب على حلكه

اي لعد لتلزمني وخر داررجع

جا وين ترديننن اكولها اطلعي من وين ما كصدتي تردييين اللهم طولك ياليل

فرح- دفعني قوي اندفعت ورديت رجعت عليه دفعته من صدره وركضت سريع لكل قوتي ببالي بس افوت للبيت لباب البيت اامن محد يكدر ياذيني. بعد

مكيفه داركض وعبالي ابتعدت خطوه منه لزمني من شعري من وره هي لزمه حجاب وعي لزمه شعره وانجريت ليوره لزم وجهي ساد حلكي ويسب باهلي وشرفي بكلمات وحده افهمها وعشره لا

مشه سريع ويهمس

بحجي عيب يغلط بي عليه ومسدود حلكي وصل لباب البستان وطلعني الباب مشبك حديد وقفل الباب بقه واكف وره الباب يباوعلي عبر المشبك

عدلت شعري بداخل حجابي وجسمي يرجف

امشي روحي من وين ما اجيتي يلله

بقيت اباوع بوجهه اريد البجيه مال خوف تروح وافهمه ديدير وجهه صحته

تعال تعال بس اكولك

كمل مشيته ديبتعد واني اتلفت ضلمه الطريق جول بره البستان يمشي ويتلفت عليه يشوفني رحت لولا كمت ارجف خوف وصوت العوي مال جلاب كمت اصيح

يوولد حباب. والله العضيم بابا هنانه يعيش بس تعال افهمك

صاح روحيي

روحي يابا امشي لاهلج وستري على روحج لا يذبحوج تردين تورطيني بيج

والله بابا هنا عايش والقران اني موحرامبه تقرب عاكد حاجبه

بابا ياهو هاذ بابا

باوعلي عاكد حاجبه

من وين انتي

ااني بت بابا بابا ياسين

عفيه حباب طببني والله اخاف عزه ماما جلب جلب اجه كمت ارج المشبك مال سياج بيدي ادفع بي واسحبه بقوه واصيح جلب اجه

صاح

اشششش يوااااشججج يوواشششش

فتح الباب بسع وطبيت ركض الجلب راد يفوت ركعه بالسياج مال باب وقفل الباب كعدت بالكع من الخوف بطني ملختني سمي يرتعش

ياهو بنته انتي

باوعلي رافع تك حاجب واكف فوك راسي

ااني بت ياسين احجي وارجف

اساله اني هنا بيتنا.

فك عينه كلها تلفت باوع داير ميدوره ورجع باوعلي

اي ياسين انتي بنت ابو طه

اي اي والله هاي الحجيه المريضه بيبيتي حتى اعرف ام عوف

ششش استغفر الله اسكتي كومي كومي اكووولج

فك الباب الثانيه بسع ويباوع داير مدوره كالي

فوتي بالعجل ولااكضبج بعد بره البستان شني جاي تفترين تفرجين طولج للوادم

اي اي امشي واتلفت عليه بابا كلي لتطلعين ااني مداطلع بصف بيتنا جان الكتكوت بس انت جريتني لنهايه البستان معليه اني بقه يباوعلي عاكد حاجبه. واكف بمكانه واني امشي سريع كال

اكفي احاجيج

لتكول لبابا ماطلع بعد احجي وارجف اكول هسه بابا يحير شيسوي بيه كومه وصاني

وكفت ورجعت مشيت سريع مخبله دااوكف مصدكت عافني كال بهدوء

انتي فرحه مو هيج

وكفت التفتت عكدت حاجبي مستغربه

منين تعرفني

هز راسه عاكد حاجبه. ابتسم ودار وجهه و بيديه اشر روحي بله صوت رجعت امشي سريع طبيت للبيت وكعدت بالكع روحي طلعت خرب اهلك يابه شون رجفه

--------

كمت وذبيت هدومي مال حجاب ونمت والله بليل كلسا افز من وراه ومن وره الجلب الاشوي ويوصل يمي الجلب لا ويمرلي اواشج

يا اوااش من ياكلني يله تفتح الباب. غفيت وحسيت الصبح بيبي تحاجي بابا تكوله انت تسوك بعد عيبشفتها تنزع كلادتها الذهب وتخليها بيده تكوله بيعها

يمه عدي والله بس السيد يزعل

لا امي عيب ميصير

صار هاهي لبسيها والله عدي طاني راتبي الرجال

لعد هاي لفرح اخاف اموت تلبسها لفرح يمه زين ماعدي غير شي يبقى ذكرى مني الها

سلامتج امي سلامتج لتايسين من رحمه الله

حاشه لله الموت الي رحمه يوم روح الله وياك متتريك

لا وي ابو عوف فيماللا

يس- باوعت لفروحه شفتها غطت وجهه تقربت منها كشفتها لكيتها تبجي همزين امي متشوف حضنتها قوي كامت تشهك وكاتمه الصوت

همست باذنها

كافي بابا لتحس بيج تنقهر

بلكن اموت وراها

واني منو يبقالي

اني موجوده ماعوفك

حضنتها قوي بستها من راسها وطلعت للشغل لكيت السيد بالبستان بس شافني ابتسم تقربت بوسته البقاء بحياتك

يعز مكدارك عمي هاي شني ياب من فتت للبستان كلت متيه مو مالنا هاذ

ههه ترتيبات

عاشت الايدين الترتب والله حسبالهم دبيعه العالم

لا شتبيع ماع ابوك هاي والله سيد هاي نعمه نععمه الف الحمد لله

الحمد لله

باوعتله نصه راسه ورجع رفعه تلفت داير مدايره ورجع باوعلي كال

الحمد لله على سلامه اهلك عمي

ضحكت عرفت ام عوف حجتله. الله يخليك والله سيد كلبي هالكبره صاير من الفرح

الله يجعل ايامك كلهن افراح

سيد ردت احاجيك ولو مووكتها

كول عمي ركابنا سداده

يابه علمود كريمتك

نصيت راسي خجلان جاوب

عمي بس خل تفوت شهرين احتراما لروح عمي حتى وان محد يدري والكل يدري بانكم معرسين حتى خالي من زمان بس انه انه نفسيتي ماتتقبل

هاهي براحتك

لا انه اجيبها لك لبيتك عكب شهرين من عيوني

زين اني بس ردت حلقات البس يعني شي رسمي

ضيك عينه باوعلي كال

عكب شهرين نروح للكاتب العدلي ونروح نلبس الحلقات عكب عد الامير

زين زين هاذ هو

عمي انته صرت منه وبينا عدل كلامي

اي صح كول عبد الله ماازعل اامر

لا محشوم عمي بس تعرف تربايه بنياتنا وتعرف انت صار الك بالسنه هنايا فد يوم شفت وحيده تمشت

لا لا ابد الا نادرا. وي اهلهم صفنت عرفت قصده

عبد الله حاحيتها وفهمتها متطلع لتخاف بقه يباوع بوجهي بشك كال

هاذ هو الله يستر على الاوادم

اجمعين

يله عمي اخظ راحتك لوين كاصدش

للمعمل هسه الولد ينتضرون

جا خوش عجل احيب الريوك واجيلك

خوش فيماللا.

عفته ورحت عالمعمل كملت الشغلات ونضفو المكاين الولد وره مكملو وطلعت وره ساعه شفت عبد الله بالمضيف وياه زلم دارجع صاح

ها ابو طه تعال يابا تعال حدر جاي

طبيت السلام عليكم شفت معكلين اربعه كاعدين والوجوه مكلبه عرفني على اني نسيبه طبيت كعدت كال

عمي يكلون اكطع مي المنضومه لان كسرت ارزاقهم شتكول

فكيت عيني باوعتلهم هذا ثواب احره لسيد حسين باوعت لعبد الله مستغرب كال

اعرفك حجي عواد صاحب اكبر منضومه هنايا واهو اليوزع الماي عالبساتين وياخذ عليه اجور ومنضومتنا خلت ٧ بساتين ماتحتاج مي فكسر رزقه

يس-مادري كيفك براحتك

عبد الله- عمي انه داانطي لاهل الكيعان الفقيره من سبع سنين تريدني هسا اكطعه عليهم هذا اجر غير مقطوع ثوابه للساده

يس- صار نقاش حاد وعبد الله نتر

هااذ هووو انت كبر ابوي ماااكدر اجادل انه نطيت جلمتي وانتهى الموضوع

جاوبو بعصبيه وكامو يصيير خير

بقيت صافن طلعو من المضيف وكهوتهم ماشاربيها

عبد الله خاف يعادوك

عمي شاساويلهم كلي اجيت بالحسنى مارضو خلهم ويطكهم عرك

جاب ابو عوف صينيه الريوك وتريكنا والشاهين راح ورد رجع عبد الله مزاجه تعكر

يس- انت جبيرهم هنا ويسمعون منك ومضيفكم معروف شيخهم انت فهمهم باسلوب مادري شون بس مو بعداوه يخوفون

عمي جبيريش تره كلمن جبير بكاعه هنايا ترى لا انه شيخهم ولاابد انه سيد كاعي والفلح تسمع جلمتي لون يكمل الشغل اهو حر بحياته مانه بمشتري احد

يعني مو. انتو مضيفكم يعني ميرد احد

عمي السلف كلها هيج هاي اي بستان تفتوتله تلكاه بي مضيف ومايرد احد لو كصده مو شي غريب ويمكن اكو مضايف احسن مني بعد وانه على كدي هاي حاسبوني عالماي بس اهمه تجار وجشعين لاحول ولا قوه الا بالله

فركت بسبحته متوتر وكام كال

عمي راتبك خليته عد ابو عوف انه كلت الليله ارتاح والباجر طالع البر

عبد الله انتو منين اصلك بدو

لا عمي حنا مو بدو حنا اهل السماوه ساده اصلنا راجع للامام الباقر وابوي وجدي بدو مني واشر عالبستان بس بعدها جربو تجاره النوك وحبوها ونقلو حبها لاخوي والي وشفتني بين البساتين والنوك

هزيت راسي

عمي انه خوالي بكربلا مالهم شغل بالفلح اللي طبيب واللي مهندس واللي قاضي بس جدي جان موذن بالجامع

مالي احد هنايا بقى صفاهم العار بحقده والعشيره اللي بكه منها كاطعوني عبن سلمته بيدي للعشيره الغدر بابنهم وقتلو فانا تشوفني بحيدي والناس تستضعف وتستكوي عالضعيف

نصيت راسي اي والله صح

مايهم الله وياي وانه رايد بي ماجر الله بس اذا صار علي شي امانتي تعرفها شني

سلامتك يابا الله يحفضك---

فرح- كملت ترتيب البيت داافتر سويت غده اني من جنت عد ماما متعلمه عالانترنت اطبخ وهسه كمت اسال بيبي وهي تجاوبني رغم المها بس متبين واعرفها من تكولي طيني حبوبي

للعصر وره الغده طبت ام عوف واللي عاقد عليها بابا طبو سلمو على بيبي اني كعدت على صفحه اباوع على ام البوشي باوعتلي وشالت البوشي جانت كلش حلوه

بيضه وخدودها حمر وعيونها وسيعه ابتسمتلي درت وجهي عنها

شوي وطلعو ام عوف بس تخزر بيه داوصلهم للباب كالت فاطم

اذا عزتي شي اندهي علي او حدري من الباب البيننه مفتاحه عدكم عالدجه

صفنت بحجيها بعدين فهمتها.

ممعتازه شي شكرا قابل اني صغيره

لا انتي سباعيه جاوبت بهدوء ذبت البوشي وطلعت من الباب الاصليه ورحعت لبيتهم اباوعها من الحايط البيننا هو مو حايط بناء هو خوص وناصي طبت لبيتهم من طرمتهم شافتني بحديقتنا وكملت طريقها وطبت لداخل بيتهم وام عوف راحت عالتنور طبيت لبيتنا ولملمت الهوسه بعصبيه

بيبي كالت

شبيج بيبي

بيبي شكو جايه

بيبي غير تشوفني

بس خاف علمود بابا

فرررىحه لتضوجيني ابوج متزوجها وغصبا عنج تقبلين وتسكتين واذا حجيتي حجايه تغثها ازعل عليج ان جنت عايشه لو ميته

اغار منها بابا خاف يكوم ميهتم بيه وهي تكرهه بيه ماريد بيبي

لا ماعدهم هالسوالف صار سنه اني هنا شايليني مثل المي بالصينيه

شوكت تجي

مادري بعد لان خالها توه متوفي حبابه حسها ميطلع. والله تشيلني شيل وتكولي باذني على كيفها انتي امي لا تخجلين

فرح- بقيت ساكته للعصر طب بابا تغديت وياه ياكل ويكولي

اوووف ام بيت حبيبه ابوها. شون اكل طيب ننه شفتي ام البيت شمسويه

اي يمه ايدها صلوات تاخذ ونفسها يخبل عالاكل

فرحت حيل بحجيهم. المغرب بابا طلع واني طلعت للطرمه لبست حجابي بيبي نايمه ضجت وحدي بابا خطيه جاب موبايل وفعله عالنت بس النت هنا طينه خبلني

وعفته مليت كثر ميحمل طلعت للحديقه بحجابي رشيت الزرع حديقتنا اشجارها كلش حلوه اكو برتقاله ورمانه ونارنجه وبس

ثيل رشيت بالمي ميهم قوي كلش داارش باوعت لبيت فاطم وام عوف شفتها دتخبز بنتور الطين هي الضهر خبزت شنو كلسا دارش شفت الولد ابو الاسود نصه عالطبك اخذ خبزه من الطبك حانت الخبزه خضره عرفته خبز لحم زين هذا شنو بيتهم

بقيت اباوعله التفتت دياكل بالخبزه ديعض ووكف من شافني تشخصت عيونه عليه وعيوني عليه درت وجهي عنه التفت على ام عوف تقرب منها مدري شكاللها بقيت اباوعله وارش بالزرع اسوي نفسي ممهتمه ام عوف باوعتلي ومخليه الفوطه على

وجهه عكدت حاجبها. رجعت حاجته هو بعد مباوعلي بس شفته يباوع داير مدوره حول حديقتنا وحديقتهم وطب وركع الباب

شكد. مكروه هذا يا الله جنه غراب البين كملت رش ومسحت الطرامي الجو صار حلو وريحه التراب تخبل شوي وطبت ام عرف بيدها ٦ كرص خبز لحم

صاحت

يصقيررونه وينج

نعم خاله طلعت بتراكسودي ورحعت طبيت فتحت باب البيت باوعتلي كالت

مو انده عليش ماتردين

جاوبتج خاله بس رجعت طبيت بابا ميقبل اطلع هيج بالطرمه يكول شرفيه

لا هيج ولا غير هيج سمعي اكلج

تحجي وتاشر بيدها بتهديد

شوفي سمعيني حنا ما عدنا بزر ينكشف وهنايا كلها فلح

واني شسويت قابل

جاي احجي لا تكاطعين تكطعت مصرا نج السيد يكول خلها تدير بالها لاتجي حجايه لابوها. وابوج صار مرده النا

بقيت صافنه صرت عصبيه عفتها وطبيت ذبت الخبز عالميز وطلعت متت قهر منه اجه بابا اكل

بابا اكولك عادي اذا البس واطلع بالطرمه

اي بابا لبسي حجابج وطلعي تخبل الحديقه ازكيها ورتبيها هسه هم اجيبلج مرجوحه اخليها بيها تتونسين ها تلفونج بعده يحمل

ذبيته ضوجني.

خابرتي امج

للا بعدني اخاف بس كلت لخاله تخابرها تطمنها وخاله خابرتها كالتلها ماريدها بعد

هاهي براحتها

اي

لتضوجين بباتي فتره وتبرد وشوكت متردين اوديج بس متباتين

لالا مابات

ديله اني حروح للمضيف السيد رايدني محتاجه شي

بيبي كالت خلص المسكن ووماعدي بعد لحم

مو تدلل ام البيت

ابتسمت بخجل باسني من خدي وطب بدل جنت كاويتله دشداشته باوتي مالتهم قديم موحود لكيته بس انكوت لبسها ابتسم

هسه يله صرت مرتب هسه اليشوفني يعرف بنيتي تي تداري ابوها وبيبيتها

اي بابا اني ادير بالي عليك

طلع بابا واني رجعت اتفرج تلفزيون همزين عدهم ستلايت جان طكيت ومتت وبيبي يمي احجيلها الفلم شيصير بعمري ممليت منها ابد كلما ضجت اتذكر شكد جنت اشلع كلبها من تدرسني وانترس طاقه وخلك

لليل بابا طب وبيده كومه مسواك وجاب مرجوحه صغيره ام نفر كيفت بيها. رجعت عالمسواك رتبته. بالثلاجه وكعد وي بيبي يسولفون سويت محلبي ونطيت لبيبي وبابا وكعدت اكل جنت مكيفه بكوني ام البيت نام بابا واني مكدرت انام طلعت للحديقه طبيعتي عنوديه واهم شي بابا يقبل والباقي طز

رجعت ارش بالزرع وعيوني عالبيت الحبير سمعت ونه باب انفتحت عرفت حيطلعون. شفته هو مشه سريع تجاه باب حوشهم والتفت مرتين من شافني متفاجا تقرب عكد حاجبه اني درت وجهي وصل للسياج الحاجز بيننا الخوص من وصل يمه بين بس راسه بقه مخنزر واني خفت احس حيدفع السياج ويفلشه ويطب كمت ارش وابعد نضري رجعت باوعته خزرني تخوصر

جاوبت مكدرت اسكت بعد

تتره لابسه حجاب

رفع حواجبه ثنينهن همس ضام غضبه

ام عوف ماكالتلج

ببابا قبل شعليج انت كلتها ودرت وجهي بس كمت ارجف وماريد ابين خوفي ارش وماباوعله انداريت عبالي رايح فزيت من شفته خازرني بغضب خزرته خلتني اذب الصونده بهدوء وسديت البوري وطبيت وسديت الباب ونمت بفراشي

ثاني يوم من الفجر قبل كعده بابا شفته يعلي السياج بالضعف تسيج بيتنا كلله

هاي جانت اخر مره اشوفه بيها وره مده تقريبا شهر. واحنا على هالحال وبابا بده يبدع بالشعل والمكاين جاب بعد اربع مكاين اشترالي كومه هدوم الي للبيت وعبايه عالراس بديت اختنك من التلفزيون وبيبي تحجيلي قصص الانبياء والائمه والكه روحي اغفه بفراشها واحس عليها من تغطيني زين وتنام وارجع انام رجعت لصلاتي الكاطعتها وبيبي ويايه ويايه ام عوف وفاطم مرجعو جوي بس كل يومين تجي ام عوف تشوف بيبي وتروح متحاجيني ولا حاجيها.

وفجاه فد يوم بليل شفت بيبي تحجي وي بابا

يسوني طلعني للبستان يقبلون

اي يمه ليش لعد بابا حبيبتي جيبي الكرسي مال ببيتج

كمت ركض جبته وجيت لبست وي مديلبس بابا. بيبيتي باوعلي بابا ونصه كال

ها تجين ويانا

اي حباب اختنكت

اايله ماكو احد هسه بالبستان ساعه ١٢

اي ابتسمت كلت بس اشوف الكتكوت اخذه اتونس بي

طلع بابا من الباب وديدفع بكرسي بيبي سمعت صوت الحقنه

هاا حجيه شونيج شون عافيتييج

نننه نننه قلدت عليه. بكلبي طلعت وره بابا شو هذا راسن نصه

يس- شونك سيد

ها ابو طه بخير بخير

وعافه وراح بابا استغرب التفت شافني جر نفس

عرفت بابا انحرج ورجعت طبيت بابا حبقى داباوع مسلسلتي

ها يله بابا كيفج

مردت اضغط على بابا رغم حقدي عالولد بس هاي عيشتهم جنت كل يوم ادعي ربي كون مااختنك. بس بديت اضوج بقيت كاعده بالمرجوحه احساس الامان الاحسه هنا غريب حيل ببيت امي محاسته يوم واحد كلسا اكول هسه يطبون الشرطه ياخذوها بس هنا احس زنبور ميكدر يكرصني

كعدت عالمرجوحه افر بيها وبله وعي بجيت يشهد الله بعمري مشتاقيت لامي بس مادري ليش بجيت كمت اشهك وماسيطر على روحي وافر بالمرجوحه قوي

ماشوف الا فروخ من جوه سياج الخوص الفاصل بينهم وبيننا تندفع وتطب ببيتنا بالحديقه واحد وره اللخ ٧. ويصوصوون تخبلت عليهم راحت بحيت كمت راسن وكابلتهم وكعدت سمعت صوت بنيه من وره السياج كالت

اكليهم بايت شعدج تمن خبز مبربر بمي

فزيت وكفت

انتي فاطم

بلي

ههه شكرا الج شكرا جزيلا

ديري بالج عليهم

اوك

باجر اطرش امهن هسه نايمه على بيضات

زين خاف السيد ميقبل

لاع اهو طرشهن البزازين تاجلهن وعدكم سياج عالي مايلوحه بزون

اوك راح ادير بالي

من يومها صارت لهوتي الكتاكيت اوكل واشرب دنفشن وكبرن

بابا انشغل اغلب وكته مضيف ومعمل وبستان وكمت يوميه اطلع بيبي بالحديقه تتونس ويايه انطيها واحد واحد تتلمسه وتضحك

طرت بيهم. مر شهر ثاني

واني حالي نوعا ما تعودت

يس- شهرين مرت والسيد مفتح موضوع واني سوله بيه صارت اركض وره ضلها وكت الحلب. بس اشوف مشيتها واكتفي وكت السحر اطلع قبل الوذان بساعه هذا وكتهم بس مخليتها تحس عليه امي حالتها من سيء لاسوء ورغم ماملتهي بس كلسا ابوك دقايق واروحله ابوسها اخذلها شي وارجع لشغلي السيد وي كثره الانتاج كثر راتبي جان راضي حيل وبيوم من الايام

فتحت موضوع وياه

سيد رايدك بسالفه

لا تكولها عدي سالفتك. الخميس مثل ماواعدتك اجيبها لك بس طلبت مني تهيا اهلك

بلعت ريك هزيت راسي ماشي وره يومين جان ابو عوف مريض والسيد بنفسه طلع يوصلها الحضيره جانت وحدها وطب وياها ساعه وطلع وحده توه يخطي خطوه وصاح محيسن

عميي السيد عمي السيددد اجه بجيركض من بيتهم للبستان ويصيح طلعت من وره الساكيه ومشيت تجاه الحضيره صدك خفت

شكووو صاح عبد الله

شبي محيسنها سيد الله يساعد

ها عمي واعي حسبالي نايم باوعلي مستغرب بشك محيسن قطع نضرته بصياحه

شفييك شفييك شايف جننن

عمي الحك عليه ببخت جدك عمي تخربط لا ايدولا رجل

لاتكولها شفي ابو محمد اليوم شفتها

عمي مدري شبي دخيلك

تروتروح انه لاحكك اودي المستشفى

يس- بقيت صافن كال عمي بله امر بس وتلفت ورجع باوعلي كال بس الاخل بالحضيره وصلهم الحوش رحمه لابيك انت راد اخضهم وياك

هزيت راسي ووراح ركض وره محيسن هذا كلبي اريد ارتب دكاته مااكدر مشيت كم خطوه للحضيره فكيتها. بهدوء اكيد سمعت الحجي لان الحضيره خشبها بي فتحات

احمم يا الله

صوتي كطع

تلفتت لكيتها تقبغ الدبه مال الحليب الفافون وكفت عدل اباوع طولها شنو هيبه شوي اكصر مني عدلت عباتها وببوشيها

السيد كال ارجعج للبيت

هزت راسها اباوع لوجهه وانصي كلشي منبين حتى عيونها وبياض عينها

حريت نفس وطلعت طلعت ورايه قفلت الحضيره وهي بضهري ببعد متوازن بس مادري شديصير بيه واني اسمع بنفسها. التفتت دارت وجهه مشيت ومشت ورايه بخطوات وكانما طايره التفتت عليها لدرجه حسيتها اختفت وكفت ونصت كملت مشيتي وصلت للباب مالتهم فتحتها من فوك طبت وسديتها بقيت اباوعها وكفت بصف الباب اشرتلي بيدها

اىكف بله صوت

ترردين شيي

راحت طبت شوي وطلعت بيدها صفطه خبز توه مخبوز وبي سمسم

ابتسمت باوعت للخبز واحجي وي روحي يس قوي روحك ذوله يحبون شخصيه احجي اثبت ذاتك الخميس هي عدك

وصلت يمي

ليش تعبتي نفسج عاشت ايديج شالت ايدها تنطيني الخبز شفتها محنايه ردت المسها والله متجرات مكدرت اخذت الخبز

يله فوتي داروح طبت وصلت لباب المطبخ التفتت شالت الوشاح الغطه بياض عينها بقه البوشي شوكت اشوف وجهه

نوبات احس حتى مااحتاج اشوف وجهه احس روحي مكتفي بيها شون متكون عساها مشوهه بس مادام اخلاقها حلوه وحنينه هذا الردته. رجعت للبيت اكل بشهيه روحي مرفرفه جنت فرحان اعد للخميس يوم يوم وحجيت لاني حست بفرحتي وطارت ويايه جنت احجي كل تفصيل الها احساسي كلبي من ينبض وتكول

تستاهل فاطم

عذروني تاخرت بس والله مشغوله

البارت مدقق ابد عذروني تعبانه

شكرا للمتفهمين

مريم السعدي

الناقله ساره

نسرين- تحبها يمه  

كالتها بهدوء وابتسامه

جريت نفس مبتسم خجلتني واني بهذه عمري -- والله ننه مادري كل الاحسه من اشوفها ولو من بعيد كلبي ماسيطر على دكاته

واطرافي ترجف بحياتي محاس هالاحساس ابد

ادري حاسه بيك من صوتك  هاي نبره صوتك جنت اتمنى فد يوم تجي تكولي يوم اكو فد بنيه انزرعت بكلبي ساعتها اسوي المستحيل واخليك تعيش اللي عشته اني وعمك علي بس مسويتها   سبحان الله بعد هالعمر دااحس بيك وبلهفتك  اتمنى اشوفها تدري اتمنى تحجيلي شكد تحبك هم الحك اشوف جاهل من جهالكم

يمه اريد ابدي حياتي من الصفر وياها  خجلها وبراءتها رغم مو صغيره هي حسب مكالت فرح تكول تطلع بنهايه العشبرينيات. بس هلكد بريئه من تلمحني ترتبك وتخاف وتخجل يعني من دااوصلها شكد بينتلها بعيوني لهفتي ولا شالت الوشاح

ولا بباوعتلي حد ماصارت بعيده وكفت وشالت بس الوشاح يمه هاي شون يربوهم

والله يمه عيشتهم هيج بس تحجي ام عوف هم اكو فلفوزات ميكعدن تكول بايامنا كم مره لاكفين. بين الزرع نسوان وي زلم بمكسرات وهي المضروبه تلكفهم وتروح تركض لبو عوف

بعد ام عوف

اكولك شوف فرح خاف كعدت

لا يمه نايمه

فرح- لاجنت كاعده وسمعت كل كلمه صعبه من اسمعه يكول حياتي قبلها صفر زين واني اتكطع من يكول احساس بحياتي محاسه خجل وبرائه هيج جان يكره ماما هذا قبل ليجيبها وهيج من يجيبها شون اكيد راح اندفر بقيت مغمضه للفجر فزيت على صوته من ديكح شاور بيبي وباسها وبيبي ضحكت

انزول عليك يسوني

انتي بس ادعيلي المحها

ههه امشي امشي فد حييال يله روح على باب الله

تردين شي حبيبتي

لا يمه ماريد اريد سلامه وعافيتك

طلعت واني اضحك لسوالف امي جنت من احجيلها اللي يصير بيومي  احس كانما حانت ويايه تشاركني بافكارها الحلوه تعلمني الاصول بالفهم جانت دائما تنصحني نصيحه عمي علي

القوه قوه العقل واتزانه مو قوه العضلات  رغم قوه العضلات هم مطلوبه بس دائما كفه العقل تنزل

ددانضف بالبستان  سمعت صوت عبد الله

ها عمي صباخ الخير عليمن مكلف روحك يابا همه الويلاد هاي شقلتهم

لا يابه اني احب اشتغل بيدي

خما شالعين كليبك

لا والله سباع خومحيسن ذهب صدك تعال شونه ابو محمد

والله ودينا للمستشفى كلبه تعبان بس الحمد لله نطو ددوه وعلاج يمشي عليه بعد جاي نشوف منعه من الصعده فوك النخل والرجال جن. يكله للحكيم خو كلي موت

ههه هواتي اضيعه والكاه معلك حصاد مو حصاد

اي ابو محمد بياميته لجدي اهو الجان يلكح من صباه يسموه ملكح النخل

ههه مو خوش سمعه ههههه

هههه شمحلات رنه ضحكتك عمي بهالصباح كون ماننحرم منها

الحمد لله والله اني من رجعتلي بنتي ارتاحيت واحس حتى امي تعافت

ايييه هو الضنه يعلفي الروح ومن بحده الجسد يتعافى لاجل الروح. الحمد لله

صفنت بعينه التعبانه ووجهه من كالها تذكرت يعني مرته هسه جايبه صار كومه من كالت امي ب٤ واحنا هسه صار بالسنه هنا يعني ابنه تقريب الشهر شهرين عمره اذا مو ازيد

سيد ابنك مجاه للدنيا

باوعلي متفاجا نصيت راسي خجلان

هاي ام عوف ماتعرف تسكت شني

اسف تدخلت يله اترخص

مرخوص عمي فيماللا

طلع للبر واني بلشت بشغلي  كمت كلسا اروح لبو عوف لبيته ادك الباب اكول بلكن المح ضلها بس عبث  مر شهر وره موصلتها لليوم مطالعه حتى الحلب  من بعيد اشوفها واحس ابو عوف يحس بيه متختل وره الكصب والخوص   اخجل شيكولون عني علمود مره جاي  يتلكلك

على حجي امي كمت مااوصل عيب  والسيد اعتذر عن جيتها الخميس  لان ام عوف مريضه كلش حتى لامي كامت متجي وامي تستال عنها باستمرار واني اسال زوجها ويكلي

مدري شجاها صارلها شهر

اباوع العشك والخوف بداخل عيونه عليها انقهر  حتى شغل مديشتغل بس صافن شكد حاولت اكسر عليه هو مو يمي ويروح ويجي للبيت شهر علما اجتي ام عوف لامي

للبيت وامي طارت بيها  تحضن بيها وتبجي وعيونها تنزف واني يمها امسح بيها. اخلي القطرات

وام عوف تبجي وياها

لا تبجين يضي عيني والله بس المرض كضني عنج

خفت عليج ام عوف والله كلت فالي موزين  عليها

ياااا كلج خير وعافيه  من شفتج لليوم وانه كل خير شايفه

يس- بابا حبيبتي   عصير. لو جاي للمره

اي بابا حتروح انت

اي حبيبتي عينج على ببيتج اذا نزفت بعد هاي القطرات بقيها بالثلاجه تبردها لعينها

اوك بابا

تردين شي

ااريد  مكياج عجبني

هاه ووين تخلي

هنا اتعلم بالبيت اكو برنامج يعلمون بي عادي لو عيب

لا بابا اخاف على وجهج النوراني 

اوك كلتها بملل كال

مو داريد اشتريلج خلخال امي كاتله روحها تكول لبسها خلخال وداجمع واخذج واشتريلج

صدك هه اي مثل مال فاطم

فكيت حلكي ليش فاطم تلبس خلخال باوعتلها تغيرت معاني وجهه كالت

بابا بس جيب برتقال لان خلص وبيبي تتريك بي

اي همست دايخ   وطلعت واتخيل رجلها مزينه بالخلخال بحياتي مدققت بتفاصيل مره كدما مدقق وياها رغم ماشوف بس السواد   وكفها المحني بس مكتفي 

طلعت كملت شغلي طبلي السيد من البر وشاهينه على كتفه باوع عالمكاين الدتنغسل والولد يدينضفون نهايه يوم   وطلع راضي طلعت وراه كال

عمي  مرلي باليل للمضيف

صار تنهدت صار امرلك. راح عبد الله واباوع على حنيه ضهره  شبي مو على بعضه صار فتره منكسر وحاير بزمانه اكيد راح يفتح موضوع فاطم اليوم كملت شغلي ورحت  للسوك مال ذهب كتلت راتبي وجيت. وطبيت لامي طبيت لكيت فروحه نايمه وامي تمسد بشعرها تبتسم

ها ننه بستها من راسها باوعتلي تتامل وجهي والضحكه تارسه وجهه

يوم شبيج. دتباعين بوجهي

باوعت بعيني الاستغربت حسيتها  دتشوفني

يوم  دتشوفيني

بجت وانترست عيونها دم هزت راسها وباوعت لفرح نصت باستها همست

لك يمه ردلي النضر  وغواش قليل داشوفك. ووداشوف بنيتك يعمري صايره مره

بجيت وحضنتها متحملت وارجع اباوعلها  ركض طلعت الجناحل باعي يوم شتريته لفرح مو وصيتيني  البسها بيوم دخلتي  حتى متنقهر

اي اي حبيبي   ماما زرلي على ام عوف ومرتك اريد اشوفها قبل ليروح النضر

وكفت راسن ثواني بس ليطولون عدي كومه حجي وشغلات اريد اشوفها الج خاف خاف يروح نضرج

لالا اكولهم مو وكت راحه يس  وام عوف تعرف الاصول بس اتمدد تكولي نعرفج ترتاحين بس كعدلي فروحه خل اشوف طولها

كعدت فرح وضلت لازمه وجهه تباوع بي وتضحك تفتر فرح كدامها بفرح وهي تصلي عالنبي ركضت لام عوف دكيت الباب طلعلي ابو عوف

عمي الوالده تريد الحجيه ووكريمه السيد دتشوفهم رجعلها النضر مادري وقتي مادري داءئمي والله ماعرف شديصير بس كالت اريد اشوفهم

هاه بيها الخير بويه ولا يهمك هسه اطرشهم.  السيد بالمضيف يتانيك. كالي امر ابلغك وانت ابن حلال وكصدتني

طبيت للمضيف وشفت النسوان من راحو لبيتي السيد مموجود جان بقيت انتضر متلهف وكت وذان اذن وماكو السيد شنو السالفه. رحت لبيتي من الباب صحت

يا الله فرح بابا  

نعم بابا

بس جسجيبيلي سجادتي داصلي حبيبتي.

حتطب

لالا خلياخذون راحتهم بيبيتج رراح نضرها

لالا بعدها وشافتهم وكامت تبجي طلعت تعرفهم وضلو يتعذرون مادري شنو الفلم

هاه هه اخذت السجاذتين ورحت للمضيف مركزت بكلام فرح فرشت سجاده عمي وسجاادتي دااصلي توني كملت المغرب بديت بالعشا طب السيد كال بههدوء

يا الله السلام عليكم

كال

هاي المن مفروشه السجاده شني لبو عوف طلع وعيوني عليه  تلفت بباب المضيف ذب عكاله توضه ورجع وكف عالسجاده الفارشها  لعمي علي هاي عاده ماخذها من صغزي. اصلي وراه صله كدامي

مااعرف شصار بيه حسيت عمي علي اجه وحسيت امي حتروح وتذكرت نضر عينها الرجع رجفه سرت بجسمي صوت التكبير بالجامع يعلن صلاه العشا  قشعر جسمي  واباوع طول عبد الله عالسجاذه من يركع ويسجد يعلي صوته بالتكبير يجود بالحمد والاخلاص نسيت اني بيا ركعه  بقيت على كعدتي صافن اامن بالاشارت بس هاي اخاف احس بيها صافن عليه كمل المغرب ديسبح وكلبي اانقبض حيل واسمه صيحه وركضه

فررح

بابااا. الحك لبيبي مادري شبيها

باوعت لعبد الله التفت مغضب ونصه راسها عالكاع  والسبحه بيده على كعدته واريد اوكف مااكدر امي دتروح هاي اشاره عمي علي اجه ياخذها اول مره سجادته تنترس والنضر اللي رجعلها هاي صحوه موت اريد اوكف وفرح تبجي ببابا بيبي مدري شبيها ركضت بله شحاطتي لبيتنا والسيد ورايه

يواش عمي هدي هدي ماكو الا الخير كول يا الله اواشك لا تطيح-----

يتبع

بارت الباجر هذا

البارت الجاي لعبودي وبس  راح يسولف ----