تحميل رواية «النوك الحمر» PDF

يس- طلعت من البيت وخايف لا يخذلني طبيت لبيتنا وي العلويه  وبنتي شفت العلويه طبت راسن للغرفه وفرح صفنت

بابا شبيج

بابا صدك حنروح لبغداد

اي موردتي نروح خبصتيني

اي كلتها ونصيت راسي بس وين نعيش

جريت نفس فركت وجهي الله يدبر الحال بابا

يعني احضر هدومي

لا انتضري للاذان مال فجر ونشوف بلكن يغير رايه

ماشي  طبيت لغرفتي وبابا داباوع عليه شفته بقه كاعد بالهول بحيره شوي وفات للغرفه مالته

يس- طبيت شفتها كاعده ترتب الهدوم بنتره وعصبيه. وترجع بالكنتور بقيت اباوعلها كملت كامت عالكوي تكوي باستعجال  وعصبيه  جريت نفس متحجي ولاتباوعلي نزعت دشداشتي وفتت للحمام سبحت وطلعت لكيت هدومي حاضره لبست وكفت كدام المرايه دااعدل شعري شفتها طبت للغرفه وذبت الفوطه اللي على راسها وعلكتها وطبت للحمام شوي وطلعت راسها مبلل جانت هادئه بس عصبيه بحركاتها  عفتها تهدا تمشط بشعرها بقوه  ملخته اعصابي تعبت  كمت وكفت وراها كدام المرايه باوعتها بعتب هدات ونزلت ايدها من شعرها ونصت راسها اخذت المشط من ايدها اللي بحضنها وبديت اسرح بشعرها بهدوء. شوي شوي نزل على طوله وريحه الحنه من تترطب تدوخ الراجح عقل   كملت ذبيت المشط ومسدت على شعرها الرطب غطت  وجههه وبجت  بحركه فريت الطابوريه وحضنتها

بس كافي كلتها بهدوء شو رفعي راسج وخري ايدج بريسم وخرتها بيدي بهدوء ومسحت وجهه من الدمع  ابتسمت قربت شفتي لكصتها

ليش هلكد خايفه كالت تبجي

اوخوي عنادي مايكسره ولا يلينه غير موتي

لا هسه يجي

انه اكولك ما يجي اخذها مني عنادي ومايرضه حد يلينه ويتنازل

شسوي شيري علي

امشينا نروحلو

ابدد

لخاطري

كالتها وبجت متوسله

جريت نفس صعدت راسي ليفوك مغمض عيني وكفت بعدما كانت كاعده عالطابوريه  واني رافع راسي ليفوك لزمت زيك دشداشتي

عليك بروح اميمتك امشينا نروحلو تلكاه هساع لان وياخض الجلمه فد اخر نوبه نجرب وهاذ هو

هزيت راسي بالرفض نصت على ايدي وباستها جريتها راسن

هاي شبيج مو انتي علويه

وانت تاج الزلم وزلمتي حلالي وماينكص من كدري يزيده عد رب العالمين وعدك لون حبيت ايديك

بقيت اباوعلها وانتي  كل روحي صرتي والتردي حاضر بي البسي خل نروح وتدللين

ركض لبست وتبوشت ولبست دشداشتي  وطلعنا  لبيتهم راسن فتحت الباب وطبت ذب عبايتها جانت متلهفه وتركض واني ثميل حيل كوه اجر برجلي لان كسرت حجايتي  ورجعتله برجلي طبيت وراها شفته متمدد بالهول من طبينا وكف  باوعلنا بعتب. ركضت لحضنه وتبوس بيده

غمض عينه ولمها بحضنه

بقيت بمكاني  واكف كال

عليش ما تخش

اذا مااتلبيلي طلبي مافوت

جر نفس ودار وجهه كال

ابو فرحه تفضل

طبيت مبتسم وكعدت واستلمته اخته وهو مخلي ايده على كتفها مبتسم  يباوعلها بحنان وهيهز راسه بالقبول جانت تبحي بحركه وتوسل

وبديت احجي

هسه عوف هالحجي كله. مو انت سيد ابن رسول الله مو حتى متقبلون  بالديه  اذا احد كسرلكم غرض تكولوله فدوه احنا مانقلل بالديه

عبد الله- عمي هاي اذا مايعرف هاي اذا بجهل وقدر وصار مو متغصد واكولن ميهم  فدوا له   

سيد وهسه شون زين عوفك من هذا كله الحرام والحلال شنو عدك     زين بس خلي مكان سيد حسين بمكانك شون ممكن يتصرف

اوخوي لو عدل يوكفهم عد عدهم

نتر بعصبيه وياشر بيده عكد الحاجب

درت وجهي تعبني خرب روحك

اخته كالت

خويه لا تيتم احد والمسامح كريم اسمع جلمه ابو فرح وتفاهم وياهم شوف منهم رجه لو لاع وهاذ هو

بقه صافن فرك وجهه واني اباوعلهه كال

اجل  الحين نروح انه موكادر اتحمل

سيد اذان الفجر  مماذن اقلها تطلع الشمس

لاه  الا الحين    وكف مزمجر

لا والله هههاي هواي تفاهمنا وحصلنا حك وباطل اكعد عمي اكعد اكععععد اكله

كعد وذب غترته بعصبيه اشوت لبريسم

فد كلاصين لبن من ايديج علويه

صار بعيني

كمزت بامل وتتلفت تباوعله وهذا موجر صحت على اخته

خليله ثلج بلكن الله يبرد كلوبنا نتر من يمه

انه كللبي بارد وحكي اخذو

اني الي الي اني كلبي صااير نار.

سكت ودار وجهه ضحكت التفت عليه خزرني وفرك وجهه ضم ضحكته كال

عمي اذوني اجل انه المنضومه مخليها سبيل ويعادوني فيها

حقهم رزقهم هذا وكطعناه اذا اجه واحد بصفك وديبيع نوك بلاش والعالم كلها علي والنوك مالتك نامت على كلبك وكبرت ومحد اشتراها شيصير بيك

سكت ودار وجهه  متحسب رافع تك رجل عالقنفه والثانيه من لها يهز برجله بسرعه شربنا اللبن سولفنا شوي والو  كت طار  بريسم كالت

يومين النوك مامحلوبه اضنها محمومه الحين

يس- دزيت مرت ابو محمد ومحسن يحلبها البارحه ليضلج بال

بريسم- يبعد رويحتي من الله كون هيج من يمه يفررح كلبك ويبرده ياارب ويآذي اللي ياذيك

يس- ابتسمت واكفه وتدعي  والسي صافن عليها مبتسم حر نفس كال

اضن اذن كومو للصلاه

يس- وكفنا ولمحتها توضت وصلت ورانا عرفت نضفت من خليت عيني بعينها نصت هدودها صارت حمر كملنا راسن صبت الريوك تريكنا وهاي شايله السبحه وتروح منا وتجي منا وكفنا وكفت ويانا من دنطلع فوتتنا من جوه القران وتدعي وتباوعلي بتوسل

بعيونها يعني فدوه هدي طمنتها بابتسامه وطلعنا الطريق كله نمشي وكلسا ينتر ان كللو هيج اكولهم هيج وان كالو هيج اردهم هيج كلسا ينتر  واتي كوه لازم الضحكه. وصلنا بيت الشيخ دكينا الباب وطلعولنا ٣ محزمين  شافونا طبينا بله سلاح هداو  الكلام عبد الله مخوزر صاير كبره

هللو بينا باستغراب طبيت وعبد وراي عاظ شفته رافع تك حاجب

ها سيد مو متفقين

نتر

هسه انه رطنت شييي

جتني الضحكه وكتمتها طبيت شفت الشيخ واكف هلل بينا وطببنا ديوانيته والتمو شوي شوي بلشت اتي بالصلاه على محمد وال محمد وهمه استقبلو وبلشت حجي

شيخنا الفات مات السيد عبد الله جاي ويريد يوكف الدم عمي منكم ثنين تصوبو ومن عدنا السيد وابو عوف تره هجمتكم بتوالي الليل مراهمه وانتو شيوخ تغدرون

ماغدرنا حنا بس شبابنا دمهم حامي وماتحملو كسر ارزاقهم اكثر من نوبه طرشت طارش للسيد انه رزقنا على المنضومه وما سمع شنسوي بعد حركناها وانتم اللي بديتو ورميتو وحنا بدورنا ردينا

سسيد عبد الله - اجل تحركونهااااا

يس- نتر بعصبيه واحد من ولده راسن خله ايده على سلاحه خليت ايدي على رجل عبد الله باوعتله غمضت عيني همست عبد الله الزم اعصابك لو تطلع اتفاهم وياه جر نفس كال

اللهم طولج ياروح سكت وباوعت للشيخ

عمي الشيخ المنضومه سنين تروي كيعان الفقره ماترهم نوكف ميها اني دااكولك من اليوم ارجع اصلح واير واير بيها وارحع اشغلها واخلي جيش عليها ازيد اشوف منو يتعرضلها بس مراح تخلص الامان مراح نحس بي بعد الوش دنسوي هيج خلينا نحلها بتفاهم واحنا اهل نسيت افضل سيد حسين مومعقوله مو من شيمكم تنكرون الاحسان

جر نفس ونص راسه كال بهدوء وقهر

رحمه الله على رويحته عمي لو اهو عدل ما ياذينا برزقنا

شيخنا من وكته المنضومه تشتغل للمساكين شنو ناسي

عمي ماكلنا شييي انت الكلتها للمساجين الي اهم خمستاعش كاع داير حبل كاعكم الوش بعد جاي ينطيها ليغادي احنا شون نسترزق واليرحم اهلك كللي

شيخنا كيعان ال مساكين عن طريق ديصير ارواء للبقيه شنسوي يعني

اجل عدي حل وحاولت اكلو للسيد مارضه يتغابل وياي

كوله وتدلل انشاء الله

اجل اسمع. حنا النا الارواء سبوع واسبوع الكم لانختلف ولا تختلفون ويانا اقلها نسترزق وانتم تاخذون اجركم من سبيلكم

لا كيعان المساجين تموت لونها سبوع ماروت ولا حنا ينكطع رزقنا هاي وحيده والثانيه تشترط على كيعان المساجين يحيطوها بصبه حتى ما تنروي كل الكيعان وياهن ها شتكولون

سيد عبد الله- صفنت على يس ونزلت راسي اسبح بسبحه السيد حسين احاجينو بوجداني سيد شور علي شنو الاسوي سيد انطيني اشاره

جاوب يس

يابه صلو على محمد واهدو سوره الفاتحه لروح السيد حسين

سيد عبد الله- بقيت صافن من ذكره بقيت اصدلو لون هالاشاره من. وي يس اجت ببكتها مهناها اتوكل على رب السموات والارضين قرينا الفاتحه وهزيت راسي موافق كام الشيخ حبني من كتفي وراسي وتعذر وانه رضيت بصوره غريبه تسالمنا وتصافينا وطلعنا منهم وكال الشيخ

عمي تكاليف المنضومه كلهن بهالركبه

يس- افا عليك شيخ انت بيوم النرد نفتحها بيدك تطك الكاك نستبارك عليها بيدك مو سيد

سيد عبد الله- حريت نفس هزيت راسي اي

وطلعنا منهم كلها ساعه وجابو عشر ذبايح. ذبحوها بالباب جننا بعدنا يم المنضومه وصاح ابو محمد ومحسن علينا رحنا السيد ارتاح. حيل وابتسم واخيرا رجعنا للمنضومه جانت ساعه. ب٨ ونص تقريبا. وبديت اشتغل بيها وواحد منهم يمنا يساعدنا والسيد عبد الله كلسا يكوله روح بويه توكل بالله

وهو يرد

الشيخ وصاني وكال كل فلس ينصرف اني ردا دو

سكت السيد وفعلا كومه وايرات ماطور جفتته من جديد من غير السب السبيته الهم بكلبي من ال٨ للاربعه ونص يله كملت

والله العضيم اخاف اشغل وتطلع متشتغل ذاك الوكت يمكن ذبحه تصير عدي تعبت حيل بيها تضخمت من فوك ليجوه اني وسيد عبدالله والولد وخطيه ساكتين حسهم مطلع حتى اركز كملت واباوع الكع كلها صخام ومخلين عليه مشمع حتى نشتغل براحتنا شلنا المشمع وكنسو الولد الكاع ورشوها مي وكشطوها بقيت صافن سيد عبد الله كال

عمي كول يا الله وشغل

مديت ايدي وسمعت

يا الله ياحافظ التفتت لكيت الشيخ صدك سواها واجه طب وكال

بيدي حركتها وبيديني اشقلها وعسى تغفرون الصار ونغفرلكم بعد

مغفوره عمي جاوبنا ثنينا مد ايده وشغل شتغل شوي ومي ماكو شنو انهبطت هبطه شوي وضخ المي بصوره مرعبه صلينا كلنا على محمد وال محمد سيد عبد الله مكدر يغفر ميه بالميه بس ساكتت على مضض والشيخ اعتذر باكثر من طريقه وهو خجل وسكت طلعنا وجوي ولدهم نضفو غرفه المنضومه وصبغو الحياطين وتطبكت سبراميك والسيد يردد،

والله عني مالها داعي والله يابه مابيها معنى

وهمه لحو كملو شغل لل٩ بليل وانصب الاكل بالبستان انمدت سفره محسن وابو محمد. يصبون عرفنا الاكل ديطلع من بيت السيد مادري شخبار برييسم شنوكالت وشون فرحت من وصللها الخبر جنت فرحان حيل رغم تعبي. كملنا الاكل والولد لملمو والباقي للفقره توزع السيد اشرلي كوم توادعنل وي الشيخ وبلشنا من اليوم سبوع النا وسبوع ليهم اخذ الحيش مالته ورح اباوع ابستان تاذه اندمر من المشي لان همه تقريب الخمسين شاب الله يحفضهم

وراحو طبينا بعد ماوصلناهم لللباب وراحو رجعنا للبيت السيدالتفت عليه مبتسم محجه شي بس وجهه كله تعابير امتنان خليت ايدي على كتفه اباوع ايدي سوده

لك سيد شون حطب على اختك بهالسواد هههه سيد تخترع خاف هي ممهبوطه عالبارحه

الداخل ابيض عمي الداخل ابيض

نصيت راسي مبتسم وصلنا البيت طبينا وتلكتنا بريسم بشعر كزبر جلدي

هله بباقكي هلي ورفعه راس موتاهم

هله باللي وكف بنص جيش وصداهم

هله باللي غفر هله باللي صبر هله باللي نذر

اسد وعيون اهلهم كرت بلكياهم

بقيت صافن عليه بوسته وتبجي بفرح باسها من راسها كال

روحي لزلمتج تراه تعبان حيل

عيوني له من عسى من عمري لعمره اجر وعافيه

تقربت باست كتفي وتباوعلي بنضره والله كل تعبي راح طلعت فرح مبوشه ووكفت ورايه والعلويه تلبس السيد منصي راسه كال

علويه لاتنسين النوك بكره

لاه وشلون تريدني انسى امرك يابعد الامر كله

ديله جعل الصباح التصبح ن فينو عافيه

يس- رحمه الله والديك سيد باجر طالع للبر

ايه اكيدا. رايح لون يومين ما كابل عليهم بيد ال صناع.

الله ييسرلك امرك

فيماللا

يله يابه يله

يس- طلعت ولاكاني محيسن كال

عمي  هاي الحلال لوين اودينو

يابه خلي بقن ٦ هنه مو عوفهم بالحضيره وي النوك اكو مكان ام رابح فارغ باعوها ذاك اليوم خليهن بمربعها

جا خوش فيماللا

فرح- يحجي وكلسا عينه تباوع عليه وينصي اخذتني خاله وطبينا للبيت  واني راسن فتت نمت هلكت اليوم من الشغل سمعت خاله فاتت غطتني وطفت الضوه وطلعت

يس- طبيت للبيت وتلكتني بريسم بكلاص عصير برتقال

خل اسبح همست مصخم تصخم

لا تشيل هم

جاوبت وعيونها مليانه حب بقيت اباوع مهلي حتى ارمش جريت الملاص اخذتها من ايدي ولزمت ايدي وباستها جريت راسها وحضنتها تنهدت براحه

ابتعدت خجلان من ريحتي ووصاختي طبيت للحمام  ساعه وطلعت  وانصدم بلبسها  بدله بسيطه بيضه وواكفه منصيه تفرك باصابعها وشعرها نازل على طوله جمدت بمكاني شعري ينكط مي رجعته ليوره ماريد شي يعيق نضري الها كل ذره مني رادتها جانت ماسه وتلمع بس نصيتها اذتني ردت شهد عيونها تقربت لزمت حنكها غمضت مرسومه عينها بكحل والشفه حمره محمره رجف جفنها ودكات حنكها ورطتني ---بطرك السروال ملابس فانيلا

همست وصوتي يرجف

بريسم هاي شنو

جاوبت ومغمضه وخدودها حمره من الخجل وايدها تعصر وحده باللخ ومزينتها الحنه بالاطراف

همست

انه من الليله طوع امرك انه وهبت نفسي لك من الليله

جريت راسها لحضني حضنتها دفو وجهه بصدري ماعرف شصار بيهه حنان انترست بعدت شعرها عن ضهرها وبين تقاسيمه وبينت السحاب شاورتها

فرح وين

نامت وغفلت الباب علينا

جانت تحجي وترجف بستها من ركبتها ومالت مثل الورد

مادري بيش ابدي بيج كلشي بي حنان اكثر من رغبه كلشي بيج دفو مشاعر واخاسيس كلشي بيج حنيه وعطاء وشرف

نصت راسها

ارويني وعوضيني تعب سنين عمري كله

رفعت راسها فكت عينها يايابه شصار بيه. تقربت وحنكها بين اصابعي قربت شفتي على شفتها غمضت بقوه واخذتها بعاطفتي وحناني مدري شتذكر واتاثر اكثر اول مره شفتها ارتباكها اول مره لو من رفعت البوشي وعرفتها لو نضره عيونها من خليت الدخان باذنها وعطر الحنه اللي اكل عطر الجكاره وطغى عليه . لو اول اعتراف منها الي لو اول حضن لو اول مره نزل بيها شالها وسحسلت روحي

يايابه كومه مشاعر طلعت مره وحده وطرت بيهامنضرها بالبدله وخجلها اللازمته بعيونها المغمضه وتقربت منها اخجل اخجلها بس حناني ورغبتي فاقت الحد وكلها تصيح

ان الاوان كافي

وكعت بدلتها ولفت ايدها على جسمها الضوه الموحود ضوه شمع بس اربع شمعات صغار تبين تقاسيم جسمها رفعتها بيدي وشلتها شعرها نزل ربي شون حصبر روحي الرحمه الهي كل حركه مني تكرمش جفت عينها اكثر وساكته مادري ابوسها لو احضنها لو اباوعلها

كسرت كل الحدوذ ونزعتها بهدوء وغطيها حميتها حتى من عيني وتقربت منها همست ترجف

يواشك

لتخافين مني بس هدي روحج وسلميها الي

كلي لك

كالتها وفكت عينها سالت الكحله اول مره اشوف كحله من تسيح تزين اكثر بستها وذابت بيدي مثل دمع الشمع واخيرا اخذتها وابتعدت بهدوء اغطي بجسمها وامسح بعيونها الدمع كام ينزل بهدوء ومدفعتني ابد

احببج

عضت شفتها همست

و انه بعد

لفيتها بحضني وغفينا ليله من ليالي الف ليله وليله اجزم وكلي تاكد بحياتي كلها ممرتاح هلكد روح اني طافت علي بالنوم تهنيني كعدت على صوت الاذان وحبيبه كلبي مو يمي سمعت دخلتها للغرفه ابتسمت. نصت

عمري وينج وين رحتي

اوخوي اتصل علي ورحت للنوك

تقربت الملم الهوسه مال بارحه واني اباوعلها شعرها مبلل وتمشي بهدوء

متوجعه

باوعتلي ونصت كالت

شوي

لعد جان كتيله ماروح

لا ام عوفي عد زلمتها ماترهم بحيدو رحت وياه

جان اخذتي فرح

لا ماكامت وماهلي اوعيها خطي البارحه تعبت جثير

دتعاي يمي شوي

تقربت حضنتها ابتعدت راسن

شبيج

لالا فيني ريحه افوتن اتسبح بعدها نصلي ونرد ننام ولو اني ماخابزه بس عدي مالت البارحه

خوش كمت من مكاني شغتها طلعت من الغرفه كيفت فتت للحمام سبحت وطلعت اصلي كملت شفتها ورايه تصلي رجعت تمددت شفتها مبدله الفرشه مال فراش كملت ولمت ساجدتها ابتسمت

الجرجف وين

ياهو هاذ

مال بارحه

نصت راسها

لتغسلي

لالا ضميتو

مبروك عليه

بالمبارك حياتنا الجايه يكول الله يباركلي واترسلك البيت ويلاد

ههههههه ضحكت من كلبي تحجي خجلانه وايدها على حلكها

اميين هههه امين ---------

يس- رجعنا نمنا واني مثل المشايف وشاف  وهي حبيبتي مطيعه ادري بيها خجلها والمها مانعها من  تتالف ويايه بس يجي وكتها  ترستها غزل وحب حاضنها ولاف ايدي عليها مثل الاخاف تضيع مني واهمس باذنه.  كلسا وسائلها  تحبيني وهي ترد ب

مم همم

وروحي تكتفي بهالشي وكلي. ثقه بصحه كلامها مو بيدي من اقارن الكلام المغلف بالكذب قبل بصدقها هسه دااعيش ايام من اجمل ايام حياتي تمنيت ننه عدله بكل لحضه افرح بيها بكل نضره مني الها واردد كون امي تشوف بعيوني هالفرحه والراحه

يس- فرح وين فروحه بابا دكومي عاد دنتريك

كاعده بابا دارتب الهدوم

فرح- هالفتره كلها كمت مااطلع صدقا ماريداشوف وجهه وماريد حجايه تجي لبابا بس بليل بليل اختنك واشتاق لبيبي ونوبات حتى لماما موو بيدي رغم كل السوته بس كلبي يحن الها جننا نتريك سوه نتغده بس عشه نادرا ميجمعنا لان اني مااكل ماحب العشا اكل فاكهه اكتفي جنت اساعد خاله بكلشي وهي ابد متطلب الا اني اذب روحي.

بقيت بونستي الكتاكيت الكبرو والخوص انسج بيها سلال ام عوف رجعت تجينا وره مطلع رجلها من المستشفى وبعدني يوميه اروح وي خاله للبيت الجبير نشتغل ونرجع كمت اخجل اطب لغرفه السيد ماريد اذب روحي بمصيبه

فرح- بليل صارت ساعه ٢ مكدرت انام طلعت للطرمه. عالمرجوحه شفت الشاهين خفت اجي يمه بعد الصار من اهز المرجوحه يطلع جرس مال حجلي مدري ليش تخنكني عبرتي من. اضل سهرانه. اريد بيبي رغم خاله ممقصره واله يوميه تطلعلي لهوه جديده واني اكيف للفجر قبل الاذان طلعت خالتي

تفاجات من شافتي ابجي مسحت دموعي راسن

فروحه يمه شجاج

ها خاله لا مبيه شي

ياهو المسج بجلمه لااكطع رسو

لاخاله والله مبيه شي وكفت دافوت كالت

انه اروحن لامراح مايعجبج تجين

بقيت صافنه عليها

كالت

يمه براحتج ماجابرتج بس لحتى ماتضلين بحيدج

نصيت راسي ويامن تروحين

وي ابوعوفي

يعني السيد ميجي

ها لا مااضن

اوك لعد اجي وياج بس خل البس

ديله متانيتج

لبست بسرعه وطلعت خاله جانت دتلف العجين باوعتلي كالت ياله يمه

طلعنا وي ابو عوف وطبينا للمراح وركضت عالحوار الجمل الصغير فتحت الصونده وغسلتله. وبدلنا الاكل مالتهم وخاله تحلب وي ام عوف وتباوعلي تبتسم بعدها جيت يمها اساعدها كملنا وصفطنا الدبات مال حليب وطلعنا وصار السيد بوجهنا والسبحه السوده بيده متحزم بالسلاح والغتره خضره ابتسم من شاف اخته وبس لمحني وراها عكد حاجبه زمجر دار وجهه وجر حسره

بقيت مرتبكه مدي ارجع للمراح ام عوف حجت

سيدنا ماكليت مو حطيتلك ريوكك

اكلت يمه اكلت

جاوبها رافع تك حاجب مغضب مشيت بموازاه الخوص او الحايط الفاصل بين البستان والمراح بس امشي لسرع منهم دنيا سنطه بس صوت الجرس برجلي الخفيف كلش كلش مبين اباوع صفح ولان لابسه البوشي مابيين من اباوع شفت السيد يحرك عيونه يمنه ويسره وارتكز نضره على رجلي واحنا نمشي جنت لابسه جواريب وسوده هم همس باذن خاله خاله راسن باوعتلي ونصت هزت راسها بالموافقه كمت امشي واتعثر صابني تقلص بمصراني من وراه وصلنا طبيت راسن للبيت ذبيت هدومي وطلعت يم خاله عالخبز واكفه بصفه واريد اسالها اخاف اخر شي سالت

خاله السيد شكلج عليه

صفنت بعيني ونصت كالت

لاماكال

كلج بعد لتطلع مو

ر اسن التفتت عليه متفاجاه ونصت تشلع الخبزه من التنور

هو ليش هلكد يكرهني. برطمت والله كانما كان ناقصني كالت

لا يمه مايكرهج شعدو وياج بس اهو غيرته ماتسمحله لون انتي راجعه لبيت السيد

هو اني شسسسويت نترت صوتي عله كالت

يمه ماسويتي حبيبه بس لانج لابسه الخلخال وصوتو عالي

خاله انتي مو لابسته

بس مابينو اجراص

اني كلش ناصي

اهو اوخوي سمعو كوي

واني شنو ذنبي بعد ماروح

براحتج امي

هو اصلا ميقبل اروح مو

بقت تباوعلي جرت نفس ودارت وجهه وشلعت الخبزه وخلت اللخ باوعتلي كالت

يمه فروحه حكج من تشوفين صعوبه هنايا بس هذي عيشتنه والله لوبيدي ما خلي احد يحاجيج واخليج تفوتين وتردين ومحد اله جلمه عليج بس غير اخافن تصلج جلمه وترد لابيج

يعني شكددد اكره عيشتكم اتمنى انهزم وبعد ماارجع اتمنى ارجع لبغداد هناك كلمن عايش وحده ومرتاح من العالم مو متدخله حتى ببطن بيتهم والله شون اطب واطلع والبس الاريده مااحد يكولي انتي حتجيبين حجايه لابوج

احجي وابحي بقهر

سكتت محجت شي خاله

اكره العيشه هنا كلش واتمنى ارجع واكره شكو واحد يتدخل بيه حتى السيد اصلا هو اكثثر واحد اكرههه حجيتها وسمعت صفكه الشاهين بجناحه وره الخوص خاله فزت وخلت ايدها على حلكها اني عفتها وطبيت جوه بجيت هواي متاذايه شوي وسمعت خاله تحجي بالطرمه بس تبسبس وراها فاتت والخبز بيدها كمت ماباوعلها انحرجت شون فقدت وحجيت وخربطت بالحجي شون كدرت

اجرحها هيج وهي متاذيني ابد هي هم متباوعلي يمكن زعلت مني كمت اخجل حتى احاول مراضاتها رحت نمت وسمعتها هي هم طفت كلشي وفاتت نامت  وسدت باب غرفتها

حياتي مخربطه لاام فوك راسي وحنينه عليه وابويه خطيه حاول هواي حدما لكه هالناس الطيبه بس المشكله بيه اني لا اني الكملت دراستي ولااني الدااعرف اتالف وياهم احس كوكب وحدهم هالبستان صارلي كومه ماشوف غير ام محمد وام عوف وخاله نسوان والباقي زلم واذا شافوني  تنكلب قيامه عليه وهذا السيد الكارهني وكارهته النوب هو مالك البستان يعني لازم كلشي مااحجي وخلف  الله عليه من قبل يلفينا ونطه اخته لبابا

ايام مرت واني تقوقعت حتى للطرمه مطلعت بعد اكلي قل هواي وبابا يطب ويطلع يحاجيني يتوسل بابا كومي اكلي حار بيه كام يشري بالتكه وينطيني لو معلاك يدري بيه احبه وحده وخاله كلسا تفوت تقترح عليه اقتراح جديد اسوي  فلان شغله  وبيوم الضهريه جتي طبت يمي جنت متمدده اسوي روحي نايمه كعدت يم راسي مسدت بشعري همست

انه عرف انج واعيه مو بنومج. شلي صار يمي عيني وكرهتي عيشتنا مو جنتي شحلاتج شني بيه السبب  خافن حسبالج حجيت عليج وي السيد لا باللهه انه مارضيتها عليج جلمه ولااهو النطك بيها بس كالي  صوت الخلاخل تجيب التايه عن دربو  وانه اخافن على سمعه ابوها

جريت نفس ودرت وجهي غطيت راسي مسدت على شعري كالت

تدرين فرحه هاي ايدينج البيض لون تنقش بحنه شون تصير انه الملحه وتلوكلي عجل لو بيديج الجنهن كطن

فكيت عيني شوي تباوع لايدي تبتسم كالت

واسوي كردان نقش على ركبتج البيضه تطلعين عروس.  واذا تردين افصلج بوشي بي ليرات حتى مايخنكج  بوشينا.  وهمات بعد يضم فتنه وجهج الجنه كيمر السده

ابتسمت جتني الضحكه نصت باستني من.  راسي

دكومي يايمه سبوع ملت رويحتي   بحيدي لاخبزات  اليضوكهن سنج لا خاله  انه اريدن حنونه شكر لاخاله باعي الخوص السويتو ولااجي وياج اعاونج بالحوش الجبير

كعدت عدل اعدل بشعري بخجل حسيت روحي شي حلو بحياتها من توصف فراغ عدم وجودي وتاثيره بنفسها كالت

ها تجين وياي لبيت الجبير

هزيت راسي مبتسمه منصيه خجلانه واعدل بشعري

كالت

ونعجن الحنه

اي ههه

اروح فدوه لهالخد الغامز سبحان ربي وخلقه ايده سبحان الصور علومج ولج كومي ياهو اليستاهل دمعه من عينج ياهو اليسوه  وتغمضين  عيونج  ليل ونهار عن هالدنيا اللي انتي عسلها    كومي يازهره البيت ورجعي و فتحي ودوهنيني  بسوالفج الماتنمل

كمت من فراشي لبست وهي ويايه تبتسم وتساعدني البس وطلعنا رحنا لبيتهم.  نضفنا ام عوف جانت  دتشجر بالتنور واني خاله نمسح بالبيت احلى شي بالبيت كاعه بس تمسحها قاط تكوم تلالي.  ساعدتها وكملنا طبت للحمام مال غرفه السيد الله يرحمه طبيت وراها وانصدم بوجود بانيو مربع جبير

اللله خاله هاي شنو

ها حوض طركتيتي يفرحه شجاج

خاله خل اسبح بي

ها ايمتى هساع

اي حبابه خاله الله يخليج عزه باعي بي منهذا ابو الفقاعات

اي سوده بجهي من جان يرجع مكسر يدخل. بي  ترد ضلوعه

خاله بس مره وحده اجربه  حبابه

ياله ياله املي بس لاتطولين بعدو الغدا ماساويتو وشون محضرتلج غدا من هاذ اليفرح كليبج الابيض

ههه اوك خاله طلعت واني سديت الباب ترسته راسن انترس بقيت بالملابس الداخلي وفتت بي يابه شون شعور حلو  صننطه وصوت الفقاعات واعصابي ارتاحت.   وره شوي الباب اندكت كمت راسن تعليت ولبست وشلت السيفونه ونضفت كلشي ورجعته بمكانه

لبست البوشي دااطلع توني واسمع صياح السيد هو ديحجي عادي بس عبالك يصيح

ياهو الفايت غرفه السيد

ياخوك جاي اغسل الحمامات

لا اكو ادمي فايت جوه يتسبح انه مو ياهل تاكلين بعقلي يفططم

اووهوو منك عبد الله توخر جاي افرش دساعدني ساعدني وياي

فرح- سمعته وكلبي صار بين رجلي حضي المصخم يوميه ب٤ يله يطب اليوم ب١١ صوكر فوك راسي افتريت وره البيت وطلعت من الباب المشتركه دااجر  بيها لان مشدوده بخيط خوص جريتها  بيها قوي واتلفت خاف يشوفني ويعرف اني الجنت بالحمام  والتفت الكاه من بعيد يباوعلي رافع راسه وعاكد الحاجب كمزت من على الخوص وطبيت وانجبح على وجهي صاح

عمممه

جاوبت بداخلي عمه بعينك اي والله عمه اليعميك الله ياخذك شكد حقير طبيت للبيت وببالي خاله ليش هيج سوت ليش مجتي كالتلي هففف كمت نضفت بيتنا لكيت خاله منكعه دجاجات ٢ بالللبن ومحطوطه عالسنك لميت هدوم ورجعتهم وانتضر تجي من اذن طبت ملهوفه

هاا فرحه لخو شافافاج اوخوي

خاله غير تكوليلي اجه الله ستر انهزمت قبل ليعرف اني جنت اسبح

يمه هو انه شدراني طب فرد طبه وانه تدوهنت السموحه يبعد امج ها نضفتي  سوده ببجهي  انتي مناك نكضانه عبن اشتغلتي وياي

لا خاله عادي جريت نفس باوعتلها كالت

حفوت الدجاج بالتنور انتي مو جان فد نوبه عاجبج واجاي على بالج منو انه الحين نكعتها وراح اشويها لج والله لا تاكلين حتى العضم

ههه شكرا   خاله  حبيبتي كلتها وسكتت بقت صافنه بوجهي تبتسم وجان تجرني لحضنها

يعلم الله ورسوله ش كثر حبج بكلبي يفرحه.

اني هم خاله همست وبعدت روحي بدلت خاله وخلت الدجاج وتركته

شفتها تسرح شعرها وسوته ضفيره  وحده وفركت شعرها

تقربت منها

خاله عادي اسويلج ضفيره مثل مالتي

ها اخافن اتعبج

لاخاله شعرج حلو حتى بابا يشوفج حلوه

اجل انه مو بحلوه هيج

لا خاله تخبلين بقيت صافنه بوجهه نصت خجلانه

مو كثر حلاتج يم عيون غزلان ياللي يحير الوادم بيا لون تتلون

خجلت من حجيها ونطتني  شعرها سويته ضفيره وحده فرنسيه غير طلعت تخبل وشعرها  كل خصله لون لون حني لون جوزي ولون اسود من الحنه اجه بابا وتغدينا يابه شون طيب الدجاج عزه غير يخبل صار جانت تراقبني من اكل واني اراقب عيون بابا من يباوعلها بحب ومكيفه بانجاز الضفيره ههه والله زيدتها حسن

وفتح بابا موضوع وكف عقلي كال

بابا جاييج ناس الولد ذهب خوش ناس وخالتج تعرفهم واني هم اعرفه بس باقي على جوابج

صفنت فكيت عيني خاله نصت راسها كتله منو هذا ووين بيتهم

كال

وره البستان بس على كد حالهم

نترت وبرطمت راسن

بابا ماريد اتزوج اني النوبه اتزوج فلاح اني كارهه العيشه هنا

بقه بابا صافن عليه جر نفس كال

هاهي بابا التردي يصير وطلع

للمغرب راح بابا للشغل مره لخ وكعدنا وره شغلنا نقشت ايدي بالحنه شكد حلوه صارت   وسوت بصدري هم مثل الكلاده من الحنه  هم  كلش حبيت روحي بيها فرحت حيل دااغسل ايدي وخاله تكوي هدوم بابا واخوها وسمعنا مصايح بالبستان بس بعيد. وهناك صار صوت سيارات شرطه انهبطنا الصار قبل شهر خلانا برعب اقل طلقه نفز ساعه وخاله ختمت القران اله شوي وطبت ام عوف تركض كالت

الحكي يالعلويه اخيج تهاووش  وي سلمان ابو الدبس

لويش    جفاه ربو.  لوويش

لنه جايب سيره اهلو

سيرت منو جايب وشعدو يسلمان بهلي

عبن ابن اخو راد فرحه ومانطه يكولو يتشرف ويزيده شرف هالمحيسن  عليمن رفضو وهو متهاوش وياه يكلج صارت د،مايه وخضوهم الشرطه

فرح-ضربت خاله على  صدرها كالت

ابو فرحه عجل ويينو

كالت

وياه صعد ماقبل يهدو وابو محمد بعد راح وياه وراسه لسلمان بي شك ها كبره 

فرح- متت خوف مره لخ لليل خاله مكامت من السجاده حتى اني كمت اسبح خايفه طب بابا بالليل وركضت خاله عليه نتر

مااكو شي ياببه شوي قوي كلبج

وينو

هناك ببيتكم علويه فات ديسبح

شون طلعو

دفعنا كفاله ونطينا لسلمان فلوس انلصم يعني ولاعبالك ابن ابو محمد  اخلاقه ززفت

هاذ من زمان اول هيج حتى اوخوي السيد حسين حرم عليه دخله البستان باياميته ادري شفوته ليجاي

لا مطب بس السيد راح لبيتهم ديزور ابو محمد شوي مريض وذاك موحود واستلمه اثاري حاجي عليه جيف رفضت محسن والسيد كاب وهو عاد ميصدك

تالي

هاي هي طلعناهم وكدفعنا الكفاله حتى ميبات حتى للضابط مجاوبه وناتر بي خلاه يتخبل كال ميطلع الا يبات عاد كفاله سدت حلكه كفلته باسمي وطلعت واخذته كل عقلهم ابيته عدهم

كفو ابو فرحه 

اعجبج هه دكومي حضريلي عشا

تدلل اطيب عشا لعيونك بس امرن لاخوي اشوفو

روحي

فرح- حضرت العشا لبابا ونمنا وره متعشى ومن الصبح تقريب ال٧ فزينا على صوت السيارت مال شرطه والدك مال باب وصياح السيد وابو محمد وابو عوف فتحت البرده بالميت شرطي بره وسيارات مليانه طلع بابا يركض شكو هاي

بابا ديدكون الباب وديصيحون

طلعت خاله وجهه اصفر وتلبس بحجابها

سترك ربي شجانا عليش  مطالعين هلال هالشهر ربي فكها دخيل اسمك ياكافي يارب

يس- لحد يطلع وصاح السيد

ابووو فرحه اطلع رايديك يابا

طلعت واعدل بهدومي وشعري والكه معشر قريش كلها صافنه عليه تقرب مني ضابط من رتبته عرفته كال

حضرتك يس----

اي نعم تفضل

انت من بغداد

اي وسكنت السماوه  قبل سنتين وشويه  تفضل

كال

عليك تهمه قتل. هارب  صار سبع شهور يدورون عليك والبارحه من كفلت عبد الله عبد الاله  ودكينا اسمك بالكفاله طلعت القضيه عليك انت هارب من العداله ومهزوم بين الزرع  تفضل ويانا

المن قاتل اوكف خل افهمم

جرني قوي وكلبجني عبد جيت عليه يريد يتضارب

والتمو علينا صاح الضابط

انت قاتل العضو البرلماني ---- بعمليه اغتيال بتاريخ ---   هاي عمليه ارهابيه  بحته تاخذ عليه بالقليل موبد اي شي تصرح بي يكون ضدك

عمي لاقاتل ولاابد الاسم هذا اسم ابن خالتها الجلب صاح

امشششي للمركز ومناك افهمم عبد الله حاول يتقاوه وياهم والعالم كلها صافنه تخزينا اشرتله

ماكو شي راجع كال

لاحكك واريد من الله واحد يتدنى صوبك

صعدت السياره الشرطه حاير مقتول ابن خالتها مقتول واني شنو ممعقوله من ضربته مات اصلا اني من اخر ضربه بعده الروح بي  طلعت السياره وكومه افكار براسي صدقا خفت بريسم

فرح

شون حيكون رده فعلهم

------

ةاعذروني تاخرت. نت ماعدي وتوني طبيت للبيت وكنكت ونزلته

شكرا للمتابعه

مريم السعدي

ا

يس- وصلنا المركز وورايه عبد وابو عوف طبيت اباوع لايدي مكلبج والله يادنيا شتسوين بيه بعد بس ببالي ضلت الضلم ميدوم والحق  يبين  ومرتاح طبينا وبدت المناورات والتمو ضباط عليه ٣ وممنوع دخول احد عبد الله اسمع صوته بره يصيح ويكول محامي جايب اله

ومحد يقبل يدخل عليه احد والضباط يحققون واني نفس كلامي اعترفت ضربته بس مو ضربه موت حجيت كل الصار وليش ضربته وشنو الصار ويايه من مرضه امي لحد مااخذت فرح ورجعت للسماوه واحه الضابط الثاني وعدت  الحجي ودزو ضابط من بغداد وهم عدت الحجي نفسه حدما روحي طلعت ليلت الدنيا واني كلاص مي مشارب حابسيني بغرفه وحدي داير مدوري مري  ومااسمع اي شي من بره رجيت راسي عالميز الكدامي غفيت بتعب وكلبي ممرتاح مو مثل اول مفتت باوعت عالساعه وره مكعدت ساعه٤ يمكن فجريه اعصابي بدت تنهار حاره نار واني مماكل اي شي وحمام مفايت ومي ميت عطش رجعت نمت كوه وانخه بالله ورسوله اني مضلوم وانتو تعرفون رجعت نمت كعدت ب٦ حسيت الباب انطكت طب واحد جثيث بس هاديء جان كلش خلالي كدامي مي وجبن وصمونه كهربائيه بس شربت المي وغطيت وحهي بيدي جريت نفس

ن

سيدي صلاه ممصلي رحمه لاهلك بس سجاده وتربه ومي اتوضه

كال

اي دقيقه راح شوي وجابهن واجه صليت الفايتني كله ورحعت كعدت رجع كلبج ايدي وبده الملتم شوفلي فديو بلاب توب فديو مصور بالكامرات انه دااضربه ووكع وبعدها اربع شهور الرجال اغتالو ومات

سيدي واني شلي علاقه انت نفسك دتكول وره اربع شهور

مامو غيرك متهم وزوحته الثانيه اتهمتك الك كالت ماكو غيره والتهمه لابستك لانك ضربته وانهزمت اذا كان مثل متكول متهجم على. بنتك جان جيت اشتكيت مو تنههزم بس حتى تكدر تغتاله مره لخ وتقتله انهزمت منو الورراك

سيدي انت تعرف منو زوجته الثانيه لو اكولك اني

اي اعرفها هم برلمانيه

هاا وصلت والله يابه زين. سيدي زوجته تكون زوجتي الاولى ام بنتي وبنتي انهزمت منها واجتني الي لذلك حاقده عليه ودتلف التهمه عليه

اخ ياسين التهمه لابستك وان ما اعترفت تره منكدر نساعدك اعترف حتى الحكم يتخفف ولو

بقيت صافن ضحكت درت وجهي

سيدي اعترف بشي اني ممسوي

ضرب عالمييز

اخ يسسس التهمه لابستتك تره  

بقيت ساكت مله كلبي الخوف واباوع بعيونه عافني وطلع شوي وطب محامي كال عبد الله دزعليه وكعدت وياه خرطتله من جديد الصار كله وهو يسجل ويهز براسه مايس كال

المشكله ابو فرح اكو شي متعرفه الموضفين بالمبنى الحان مدير بي كلهم شهدو عليك انك متهجم عليه بوسط الدوام و  مهدد راح تقتله والحرس مطلعيك

صفنت هزيت راسي

فعلا صح بس هاي قبل اربع سنين تقريبا

اي بس هذا من مات اخذتهم زوجته وشهدتهم

ومكذبت فعلا اني سويت هيج بس مو داكولك  كلبي جان محروك

جر نفس وفرك وجهه

كال

اني مصدكك بس شراح  يقنع الفوك ابن اخو مخلي اربع محاميين وابنه واحد مسوين غرزه مال محاميين

بقيت صافن يعني شنووو يعني ماكو امل

جر نفس وارتجى كال

اعتذر ماالزم قضيه خسرانه الله يفرج عليك

شال جنطته وطلع  ايست من حالي    كلش واردد

ربي مسني الضر وانت ارحم الراحمين

ربي مضلوم وانت اعلم منهم كلهم. معقوله انسجن وتهمه قتل اذا مواعدام موبد غمضت عيني  ساعه ودخل محامي ثاني وهم خرطتله الاكو والماكو هز راسه كال

اكو من يشهدلك

عمي السماوه وبغداد تشهد باخلاقي بس الناس تخاف اذا تريد اني صار ٣ سنين بالسماوه ادز عليهم ويشهدولي

هز راسه مايس باوعلي كال

صارحني

ضحكت

عمي اذا انت منصدك شون حتقنعهم الهم اكولك من تطلع كول لعبد الله ماريد محامي اريد من الله اني الضاهر قضيتي خسرانه

هز راسه وطلع ورجع طب الضابط ووياه ثنين افترو داير مدوري ويسالون واجاوبهم وراها اخذوني التوقيف. وكالو المحاكمه بعد سبوع عب الله بهالاسبوع متركني يوميه جاي جايب  اكل غيارت ويحجي ويايه ويصبر بيه  اخر يوم احه بي قبل المحاكمه بيوم كتله اريد فوطه ننه   حسيت روحي احتاجيتها لجد الان منصدك اكمل صلاه بالتوقيف واصفن مادري  شدعي  اختبارك صعب ربي هونها عليه. وافرجها.  وفعلا ثاني يوم جابها 

فرح---

مينوصف كم الخوف العشت بي هالعشر ايام خاله بس تبجي مابيها حيل تكوم واني من شفتها هيج ترس كلبي الرعب كلت بابا راح مني يوميه السيديجيها للطرمه ويحجي  وياها همس  ويحضنها وهي تموت من البجي واني اكول لا هاي هي خوافه هسه بابا يطب هسه يعوفو اصلا هو ممسوي شي

خاله تمرضت صخنت بالليل كلش خفت عليه ترجف وعركانه والله متت خوف لزمت التلفون خابرت ام عوفي مردت وره شوي دكت كتلها

خاله مريضه مدري شبيها

يااع شجاها ولليج انه جايه فكيلي الباب

اي كمت فتحت الباب وطبت ام عوف تركض عليها ركضت ردت طلعت شوي وصاح السيد

يا الله ياساتر ركض طبيت للغرفه عني ابويه موجود وهو مستلمني عاد بالسجن  طب على خاله وراسن اخذوها للمستشفى صاحتني ام عوف كالت. يصغيرونه. ياا وينج

ها خاله

يمه وين لفيتي

مو اجه السيد

ها صديك باعي يوم خليلها الدله عالنار وحمي مي لون ماترد لاجل الورد هاي بردانه معدتها

اي خاله

ووحميلها النوب حليب

اي خاله

ديله تعاي زقفلي البا ب وراي ولا تفتحينها لاحد

اي

طلعت ام عوف واني سويت الكالتلي علي ساعه ساعتين ومرجعو خفت كلش وحدي من صدك بجيت بقهر فعلا استهضمت رجعت لايام وفاه بيبي وهالمره اكثر اباوع هدوم بابا بغرفته معلكه سوالفه وضحكه المحبس البيدي من رحنا اشترينا وتسوكلنا. لزمت راسي وكعدت بالمرجوحه سمعت السيد بالحديقه يحاجي ام عوف

يابه دصيحيها تجي ليجاي هاي شون مصيبه المره محمومه واخافن ابيتها ببحيدها بويه ليصيبها شمره وهاذي جاهل ماتعرف

ام عوف ردت

هسه اكولها سيد

شوي وطبت كالت كتلها ابقى ببيتنا حدما يجي بابا ضلت تلح كتلها خاله ماروح والله ماروح روحي دااقفل الباب طلعت وقفلت الباب وطبيت للغرفه مكدرت انام كضيتها بجي معقوله امي تسجن بابا معقوله وصلت هالمستوى مفكرت بيه ابد هيج مااسوى عدها

ثاني يوم الصبح الباب اندكت طلعت لكيت ام عوف وخاله بريسم كوه تمشي. طببتها للبيت ونامت بفراشها دااطلع من الغرفه كالت

فروحه تعاي نامي صوبي

تقربت منها لزمت ايدي ونمت وهي هم نامت حسينا الضهر تتلمس بشعري وعيونها عركانه دمع بقيت اباوعلها

خاله شكو بابا بي شي

هزت راسها لا وبجت

خاله ليش تبجين كالت

يمه شكولج

يعني بعد ميطلع بس فهميني

حبيبه محاكمتو باجر ادعيلو

خاله واذا خسر

خلت ايدها على حلكي سدته وغطت وجهه واندارت تشهك لزمت كتفها وابجي وياها حضنتني كالت

يمه بس ادعيلو كون الله يسهل ويفرج عنو ويبين الحك

بجيت بقهر وارددبداخلي ننه ادعيله انتي قريبه من رب العالمين وتدرين بي مضلوم

مر اليوم كوه وخاله كلسا تتخربط السيد اجه مرتين يصيح امشي هناك وهي ماترضى اعرف بيها علمودي واني بس يجي لبيتنا انهزم بالغرفه لحد ثاني يوم محاكمه بيومها منمنا لااني ولا خاله بس نصلي وندعي للفجر محاكمه بابا ب٨ جانت نمت عالسجاده من التعب وكلسا احس الكه خاله تقره قران وتصلي. وتنخه بالامام الكاضم. لانه سجين كان لل٧ دك الباب السيد طلعتله خاله وبقه يحجي وياها وراح

كالت الزمي سبحه لاتنامين اريدن كون الله شارته تبين اليوم

اي خاله ووياها وياها لزمت السبحه واستغفر لل٩ وخاله كلسا مخابره السيد والسيد ينطي رفض للعشره طب السيد واني ركضت جوه كلت هسه بابا يطب وياه كد مااندعينا تيقنت هسه يطلع سمعت خاله صرخت وهو يصيح عليها لبست وطلعت وكفت وره الباب سمعته

بسسسج انططي مجال بلجن فد شهر واعيد الحكم باستئناف

وووك شهررريش ولك سبوع تمرمطت بغيابووووو شكل لبنيتوووو

فكيت حلكي كلبي وجعني مدري ليش لابسه الشال ومغطيه بي نص وجهي والسيد معصب وخاله مجلبه بزيكه التفت بس حس بيه كالعاده سمع ماعرف شون ونصه راسه راسن خاله باوعتلي وكعدت بالكع تلطم وتصيح

مووو انهه اكللك انه كراطه زللييييم وتكلي لا تصدكين برطن الوادييم اكولك انه فكررر تكلي هذا حجي المايفهمون هاي الززلمه راح مننني ولك اموتن دونهه امووتن

فرح- بلعت ريك اخاف احجي اصلا الحجي مديطلع بس الدموع وبلعومي ورم كعد بالكع يمها وخله ايده على راسه همس

بويه اصبري بس خلنا نعيد المحاكمه باستئناف انه ماخليت شي ماساويته جبتله نص بغداد ليجاي تشهدلو وماكفه محامي واربعه كالو الغضيه خسرانه انه شبيدي كليلي وماساويته

صاحت خااله

اررريده من الله واهل البيت مارايدته من احددد ربي بجاااه جدددي زلمتي مضلللوم بجاه ضلع الزهره لاتخلي. ياكل سنين العمر بالسجنن ربييي

حضنها واني كعدت بالكع عرفت بابا بعد ميطلع توقعت وره كم سنه حسيت الدنيا تركتني ومضل الي احد

بابا

وبيبي

وماما اللي ناسيتني

وين اروح اذا كضاها كم سنه صدك اني وين اروح اريد ابويه ارييده هسه اريده بجيت بقهر بس ساده حلكي حايره احس نفسي وكعت من الدنيا لااني الميته. ولااني العايشه

لااني اليتيمه ولااني العدي اهل. خاله واهلها شنو ذنبهم يتحملوني اتذكر بيبي جانت تكول

ابن ادم عضمها ثكيل اني وين اروح البستان ملك السيد وهو يكرهني وابويه موجود وحابسني لو بقيت وحدي شيسوي بيه

يس- كلها انتهت كلها طبكت عليه الموضفين مال دائرته القديمه شهدت عليه من كالو شهاده زوجته وكف كلبي كلت معقوله الجلبه حتطب كدامي توكف هاي الدنيا هلكد حقيره فوك مذلتني هي التنتصر بس طبت زوجته الاولى وحجت كالت مااعرفه اني بس حاجيلي المرحوم انه مشتري بيته لان باعه بخسران لعلاج امه وانه هي كالتله خطيه حرام عليك وهو راد عليها الدنيا للقوي مو للضعيف

البنيه بت اصول وحجت الحق والتعرفه وحتى الموضفين حجو الشافته عيونهم ابن اخو كلسا ويريد يكمز عليه والقاضي طرده لزمت راسي لابستتي التهمه لدرجه شكيت بروحي خاف اني قتلته عبد الله مخله شي مسواه حد ما تنفذ الحكم موبد. حسيت روحي

خسرت كلشي وهاي خياتي كلها راحت بالبوش من ولادتي واني متعوب الناس تشمر بيه من ايد لايد حدما اخذتني ننه وعمي علي وهسه بنتي هم صارت هيج

بريسم شون حالتها بس لاتكول على روحها مثل مكانو يحجون بسلا تلوم بنفسها بنتي وين حتروح فرح بابا يمكن يجي يوم تكرهيني بس قسم بروح ننه مالي ذنب كل الردته الج حياه كامله ماردت اقصر وياج حبيبتي. بس القدر كان اقوى مني

اجه عبد يمي وصايرجمره غمض عينه لزم ايدي نزعت حلقتي ومنصي راسي

سيد هاي تنطيها للعلويه كلها. اذا تريد اعتقها لوحه الله شنو ذنبها هي تكضي حياتها وي واحد سجين وكوللها مالج ذنب اني الصوج بيه من جيت للدنيا نحس

استغفر ربك عمي شهالحجي بس يمر شهر استانف الحكم وانه مراح اكعد لاافر بغداد فرع فرع واشوفن ياهو جتاله لاادور على غريمو ازيد من ولدو

جريت نفس ورفعت راسي ليفوك

دمعت عيني

عب الله فرح امانه عدك

رفع عينه باوعلي ونصه

دخيل جدك امنها عدك وين تروح

هز راسه

عمي لاتشيل هم حسبه اوخيتي

لاعبد فدوه امنها تتذكر من حجيتلي عال بنيه اللي امنها. الرجال حدما جتي قسمتها

هز راسه موافق ومنصي لازم القضبان واعرف عبد من ينقهر حيل ومجتف شون يمون وجهه كملت كلام

امنها عدك اعقد عليها وامنها كولها ابوج كال

كسرتني عمي كسرتني كدما السيد حسين كسرني وازيد بعد مجتف مادري وين اولي واخضلك حكك

يحجي منصي. وعيونه دمعت

سيد محتاجك اكثر من قبل فدوه لتعوف فرح تحمل طيشها وعلمها مثل بريسم اني هاي حياتي البقت هنا راح تخلص وبنتي راح تنداس ماريد اجبرك على شي مرايده بس والله العضيم ماعدي غيرك وكوللها بلكن تقتنع بمحيسن اقلها رجال شاريها

عمي شني السالفه مو كتلك لاتشيل هم شني حتشمر بلحمك

هو انشمر عبد الله يدري اني موزون وهذا اختباره والحمد لله على هالاختبار بس كون اصير كد الاختبار وافوز بي

اجوي كلبجوني لزمت ايد عبد همست

فدوه ماوصيك

هز راسه ونصه طلعوني واشوفه كعد ولزم راسه شال غترته ومسح وجهه عيوني مفاركته حدما طببوني بريسم يعطر الحنه تمنيت اكضي وياج كل حياتي. فروحه بابا لتكرهيني بذنب اني ممسوي حبيبتي

ننه لزمت فوطتها وشميتها بقوه ننه وينج عني كون تشوفين حالتي طبيت للسجن لوجوه غريبه عني حتى بالشارع مشايفها نضراتهم الي الوكت جبرني اكون واحد م نهم ويمكن بعد كم يوم فعلا حصير منهم اخذت زاويه وكعدت العيون عليه نصيت راسي بحضني وغمضت بس اريدارتاح. كون انام وبعد مااكعد. بس ارتاح من هالضلم بهالدنيا الغبره

فرح- خاله تخربطت واخذوها للبيت الجبير شوي واجتي ام عوف وواني مثل الفصلت من الدنيا اجتي لبستني بوشيتي واخذتني هناك بس شفته فزيت طبيت للغرفه كبل قبل ليشوف حتى وجهي خاله بالغرفه اللخ اسمع ونينها ونخوتها وعتابها بالله واهل البيت ودموعي وياها تنزل بهدوم بداخلي صراخ ونار بس ضاهري تعبان مابي حيل بس دموع حاره تنزل على خدي محجر عيني تجرح احس يحركني كدما سهرت وبجيت بقيت نايمه يومين وروحي انتفضت لبست سمعت صوته بره جانت دنيا ليل توها تصير العشا لبست بوشيتي السوتها خاله وفوكاها الخمار والجبه وطلعت كلت لازم اواجه والدي اشوف وين اروح اروح بيت خاله للخارج هي خالتي اقلها تتحملني وحنينه عليه حتى عمو عرفان

طلعت للطرمه بلهفه يومين ممهليه بحلكي شي غير المي طلعت صار بوجهي جان يترس مبرده الديوان بالصونده من شافني ذبها وتلفت عاكد حاحبه تقرب يمي كال ونصه راسه جان عصبي

ليوين كاصده ضللي هنايا ماترحين لحوشكم

االله ييخيلك وديني لبابا بس اريد احاجي

ليوين ليوين ليوين اودج ترردييين

لبابا بابا نترت

كال

وشلون اوديج بنص الززلم انتي ماضل عكل براسج شني

تركته دااطلع من بيتهم كلت اروح لابو عوف مشيت سريع افتر وسد الباب الجبيره ويتلفت خاف احد يشوفني نتر

امشي داخخل

ارريد اششوف بابااا

امشي دشي داااخل نحجي

مافوت ماافوت اختتتنكت اريد ابويههه داكولك ارريد ابوويه

فقدت بعصبيه اشر باصبع على شفته اشش وخزره تخوف رجعت ليوره بس النار تاكل بيه اشرلي بيده بغضب ساكت عالديوان مشيت واتلفت ورايه منصي وصلت لحايط الديوانيه كلت شعدي اسمع كلامه التفتت

مافووت اريد اروح لابويهه

مااوددجججج له. لون متتي مااتوصللين كلها زلممم

رفعت الخمار وطلع البوشي ابو الليرات بس عيوني منه بارزه نترت

موو لابسه صخاااام شلبس بعدددد لابسه محد يشوفني اريد اروح لابويه

رفع راسه باوعلي بغضب يريد يصيح وصفن بعيني بحياتي مصرت بهالقرب كباله بالضبط ومستعره نار ابويه تاكل بكلبي ملامحه تغيرت من الغضب هدات يباوع عالعين اليمنه واليسره بهدوء يغير اتجاه عينه

وديني اله بس عشر دقايق اففتهم منه الله يخليك. شفته هدا توسلت بي بلكن يلين ملبه

كال

ابوج امنج عدي لاتخليني موكد هالامانه

نصه راسه

يعني شنو قابل اني بطانيه ديامنني عدك اني بششر صحت وراسن اشر باصبعه على شفته وعيونه بالمع

هسسس حسججج

اريدبابا عليك القران بس احاجيي

كال

جاي اكللج ماتررهم شني التردينه ماتكوليلي انه اروحن واكوله له

ااريد اروح بيت خالتي بينما يطلع من السجن

فك حلكه صافن عليه ونزل عينه كال امشينا للحوش نتفاهم انشي

طبيت كدامه شوي وطب ورايه صاح

علويه

جاوبت خاله بتعب

بلي

تعاي هنا

فرح- طبيت جوه اني منهاره تعبانه حيل وين عفتني شوكت تطلع لشوكت اضل انتضر هنا بابا سمعت السيد يحجي خاله تجاوب طلعت بالبوشي لان ماريد يخزبط بالحجي ممتحمله كلمه منه كال ويدري بيه وراه

كوليلها بيت خالتها بامريكا وطلع لجوئهم مايكدرون يردوها ولاتكدر تروحلهمم خاله كالت

لا لاتروح خلها من ريحه ابوها انه بعيوني اباريها

ورجع كال

فهميها ابوها امنها عدي ان رضت وان مارضت

جاوبت وحيل حيلي مهدود

خاله لشوكت كم سنه انتضره

جر حسره كال بهدوء

ابوج محكوم موبد

يعني كم سنه

يعني طول العمر ادعيلو

كالها ووكعت من طولي جنت اتوقع والله خمس لو عشر سنين بعدين ملت يجوز عشرين يعني حتى كمت اشوفها شويه من كال طول عمره وكعت مكدرت اسيطر خربت حسيت خاله يمي وكوه كاعده وراها تمددت مثل الغميت مداافهم. شوي شوي وتذكرت فزيت كمت املخ بروحي وابجي ام عوف لزم ايدي نترتها من صدك فقدت كلمه طول العمر بيها انتهت كل حياتي

مكدرت اسكت مكدرت الزم روحي كمت اختنك واصرررخ بعلو حسي وام عوف تسد حلكي صرخه تطلع من صدري مومسووله عنها مو بيدي كمت اضرب براسي ماحسيت اله طب نغضب وجر ايدي وجتفني وضرب ابره بيدي وطلع نتر

لاتعوفوها خلكم عدها بايتين فتحت عيني حسيت خاله نايمه متخربطه وام عوف وام محند كلهم يمي ويبجون لبجايه لكيت روحي مملخه نفسي وعبايه عليه لافيني بيها من طب يضربني ابره هدات ونمت حسيت الصبح

بقيت نايمه وخاله هم معلكيلها مغذي وام عوف وام محمد كلسا طابين لازمين روسنا رجعت نمت مرت يومين تحسنت حالتنا بس خاله ضعيفه اني كمت اكل شوربه كوه بلعومي مجرح بليل اختنكت كلش لبست وطلعت ردت اروح لبيتنا اجيب غراضي اطب اغسل شفت البوب مفتوحه مال بيت كلها والبستان ضاوي بقيت صافنه ابوعوف صار بوجهي كال

البستان مامن لوين ماتبين روحي وشمي هوه الله يبنت الغالي كل احنا وياج

نصيت راسي بجيت بقهر شكد يحبوك بابا حبيبي اللي هيج اهتمو بيه طبيت لبيتنا سبحت ولبست وطلعت افتر بهدوء بالبستان واتلفت ماكو احد ورايه اصلا فاارغ التفتت شفته من بعيد يراقب من شافني شفته راح رجعت للبيت. طبيت انام ببيتنا هناك مااحس بالامان اريد هنا بمكان بابا نمت حسيت الصبح خاله نايمه بصفي------

ةيتبع

مريم السعدي

فرح- حسيت الصبح خاله نايمه بصفي كعدت ومثل كل يوم احس نفسي بحلم وبابا هسه يطب من شغل البستان ويصيح

فروحه وينج باباتي

واارجع اتذكر كمت سبحت وطلعت خاله كاعده عالقنفه كدامي

هلو خاله

هله امي هله حبيبتي. كالتها بتعب باوعتلي ونصت كالت

فرحه حبيبه انتي امانه ابوج تعاي حدري صوبي اردن احاجيج راس جلمه

شلت شعري وضفرته وجيت يمها كالت

يمه شده مافيني بعد ورب العباد وروح اخوي

شبيج خاله

يمه انه ماكادره اشيلن حيلي لزوم نردن للحوش الجبير

خاله اضوج هناك اريد هنا اخذ راحتي

يايمه لاتكاطعيني اكلج مافيني شده وعلي

اي خاله برطمت لزمتني العبره. اني اشوفها مثل الورده اليبست بغياب بابا ازيد مني كالت

يمه نروح لذاك الحوش وام عوف ويانا موجوده مابيه انه بعد وبنات ابن ابو محمد ينضفن ويقيمن بالبيت انه وكفه ماجاي تشيلني رجليه مو بيدي وداعت ابوج وغلاتو

خاله شون اروح هناك واخوج

يمه جاييتج بالحجي بس شويه امييه. ريجي يببس

اي خاله جبتلها كلاص المي شربته وغمضت فركت.   وجهه

كالت

ابوج طرش بيد السيد خبر كايله امننها عدك

يعني شنو اممنها والله دقيتوني نترت خاله بصياح

يعنيي يكطع مهر علليج

شنووو اني اتزوج السيد عزززه ماما لو اموتت لو تذبحوني هاي كذاب هو ديكذذب بابا مستحيل يكوله هيج هذا هو حتى يكسر خشمي والله خاله هو مره كال -- وصيحت بيه كطعت كلامي

فرررحه اوخوي مايكذب حشه من كدره اسمعي ولا تكاطعين

بجيت وغطيت وجهي خايفه حيل كالت

يمه ما يتزوجج فدد. يامن علليج عددو افهمييي افهمييي شيكسر من خشمج وانتي بنت الغااللي لا تتبلين عالعالم فرحه لاتوجعين كليبي عينيني خلنا ايد وحده موجايه اكدر استوعب اروحلنلج فدوه كون عساني ميته ولا هاليوم

بجت بقهر وغطت وجهه تريد تلطم مابيها حيل كالت

كلله مني اني فالي نحسس. عبن جايه بعاشور انه اليكربلي يتدوهن حضو

بجيت وياها كعدت كدامها مقرفصه وهي عالقنفه خاله اني ممقتنعه بكلامج ماكو هيج. شي انتي صايمه ومصليه وبابا لابد يوم يضهر الحق علميني شنو اكول بالتسبيح ونبقى نسبح ونصلي حدما الله يفرجها عليه

يمه ماابيه وكففه حيلي باددد يبنت الغالي حيلي بااد

ميخالف شوي شوي. زين علميني الي

الله كريم امشينا الحين

خااله ههو السيد كلج خل تجي

اي يمه اهو الكال انتي امانه عندنا

زين خاله شوكت يكطع مهر

والله يمه مادري بس لزوم اكرب وكت لن ماترهم يبات نفس الحوش وانتي تحرمين علي العالم تاكل وجهو

خاله وبابا مموجود شون نعقد

يمه انتي عمرج. يتقبل الكطع المهر دون وجود كفيل

نصيت راسي كالت

يا يمه كتلج ماهو بزواج هاذ امانه والعقد لحتى يامنج عدو

زين وابقى لابسه البوشي اختنك بالبيت خليني هنا هو. اني بصفكم

ابددد فرحه لا تتعبيني والبوشي ماله معنى بعد لننه يحل عليج امشي يايمه لا تتعبين كلبي

اي خاله كمت بثكل لبست وكلبي معصور ادري بي شكد يكرهني واني اكثر قاطات شايفني احب المكسرات والمواقف الصار ثبتت عليه هواي شغلات مو بنيتي اصلا. ولاريد اثبتله اني موهيج ميهمني بعد. المشكله. ماعدي غير  مكان اروحله

شي يوجع كلبي من احس روحي بحكمهم حعيش ولازم اتحمل لحضات اتمنى بيها الموت  امنيه حياتي اروح لبيبي 

رحنا لذاك البيت خاله حالتها تازمت وام عوف بقت عدنا. كلسا تسويلها. لو شوربه لو حليب دافي وهي مدري شبيها بس نايمه وتون واني كاعده كبالها حتى من الغرفه مطلعت

منحرجه خجلانه حايره وخاااييييفه

بكل ما للكل،مه معنى.    خايفه  ضايعه  مادري شون حتكضي حياتي  ام عوف تروح وتجي تباوعلي معاجبتها اخر شي نترت

كومي وياي فزززي هبي شبي دبي وياي عالحوش شني ماتخجلين من كعدتج

كمت راسن وعدلت شالي بسرعه مرتبكه

ااي خاله اي ششنو اسوي خنكتني العبره من كلتها حسيت روحي خادمه خاله حجت بهدوء وتعب

عوفج منها ام عوف كدرتج عالمكروده تعاي يمه حدري ماعليج منها

يا علويه شجاج خلليها وياي تتعلم هاذ مو رايح يصير بيتها خلها تتعلم

ام عووف روحي

اي صار على امرج

فرح- طلعت وتباوعلي  معاجبها خاله همست

كعدي.  يوم ما عليج شوكت ماعجبج  انتي من نفسيتج   تساوين شي كيفج حبيبه هاي ام عوف تهربد ماعليج منها

خاله اني اريد اشتغل بس اخاف اشوف السيد وواستحي وومادري شسوي

يمه لاتستحين اهو مايكرب صوب الحوش دامج بي ومانج حلاله اخضي راحتج ييمه لاتحبسين رويحتج  انه مريضه انتي جنج ورده مفتحه  روحي يبعد كلبي

هزيت راسي. باوعتلها

خاله يعني اكيده ميجي

لا ابدا مايجي

طلعت واعدل بشالي شفت ام عوف تمسح بجام المطبخ باوعت. الطباخ غراضه مشيوله ناكعتهم بالقاصر.   جلفتها ورجعتها لمعته الجام مالته جتي باوعت وهزت راسها كالت

تعاي كابليني خلنا نجلف الحمامات.

اي كلتها بهدوء طبيت وراها شتسوي اسوي وام محمد جانت تخبز وتعدل بالمجمده كلسا تباوعلي وتجر حسره يمكن ضايجه مني لان رفضنا ابنهم 

الوضع الاني بي حاليا احس روحي بنص  قصر  ولازم اطيع.     اسمع كلامهم كلهم اصحاب سلطه بس اني ماعدي سلطه واخاف اسوي شي يطردوني لازم اسمع الكلام كمت انضف واتعب روحي وام عوف نضرات الرضا الكه  بعينها عرفت السيد دينام بمضيف الوره البيت وكلسا يدك عليها رايد شغله وتدزها.   بيد ابو عوف اللي يوكف وره الباب  من يجي ميفوت اصلا

بليل جاب هدوم السيد وصخه دااغسل هدوم جنت بالحمام بالغساله صافنه على هدوم بابا من راح لليوم مغاسليها لان خاله تخربطت بعد هملت كلشي باوعتلها اطرافها بيها. طين واكو بيها قطرات حليب  شميت عطرها حضنتها سديت الباب مال حمام عليه  بجيت بكل قوتي  ضعفت بعدك بابا ضعفت ماعدي غيرك واتمنى الموت صرت اندكت الباب بقوه فزيت مسحت دموعي هي ام عوف طبيعتها هيج تخرع فكيتها باوعتلي كالت

يااا فرحه مايصلح تبجين بالحمام. مايصير مزين عليج تنعكد ذيالج

اي خاله ذبيت هدوم بابا بالغساله    كالت

شجاي تغسلين

هدوم. بابا

ها الله يرده ويفك اسره يمه هاي وياج هدوم السيد جم هدمه مهواي

صفنت عليها ذبتهن وطلعت. والله اخاف اجي يمها ليصير بيها شي خلصت هدوم بابا وخليتهن وحدهن وغسلتهن واروح واجي. اباوع خاف لونها جلح بقت بس الدشداشه السوده لو. اموت ماذبها بالغساله خل اغسلها بيدي اشرفلي بقيتها بيدي واني اجلف المغسله قبل لااغسلها بيها

جذبتني ريحه العنبر شميتها بيها ريحه مال عرك قليله مثل ريحه بابا من يجي من الشغل بس الاقوى ريحه العنبر طاغيه غسلتها بيدي مكان مكان بالزاهي وشريت الهدوم وهي اروح واجي اباوعلها لدرجه بقيت بالربع ساعه يمها اباوع خاف لونها جلح ومرتين رجعت عليتها شكيت  الزاهي بعده بيها  ممغسول زين لحد مانشفت واشوفها  ملحه مجولحه طبيت لغرفه خاله واتلفت خاف ام عوف تشوفني تشهرني خاله خطيه تون والتفتت عليه

ها يمه فرحه

خخاله هاي بس باوعيها مجولحه.

فكيت الدشداشه كبالها عكدت حاجبها وباعت عليه كالت

لا مافيها شي شجاج فرحه ماتشوفين

للا خاله مو خفت ليصير بيها شي واتورط

يا يمه فدوه تروح لايدج

بس والله خاله عبالك موكلش سوده خاف هو ينتبه

يااا فرحه لا تتعببيني امشي ذبيها وحدري ارتاحي 

خاله اذا كويتها تروح الجلح

جرت نفس وكالت

اي يعدل تبين سوداها ازيد

اوك اكويها واجي انام

اكلتي

ااي   تغديت وي ام عوف بيتنجان ولبن كلش طيب وانتي

كالت

ماشتهي بس طرشيلي. امييه فدوه نشف ريجي

صار

جبتلها المي وطبيت ادور عالاوتي. لكيته شغلته وام  عوف راحت   دااكوي بيها تعدلت صارت حلوه ومرتبه لحيت عليها من يم الردن صدك وتتبزك من ناحيه الكتف وخرت الاوتي ولطمتت على وجهي  متت خوف شلت الاوتى ورجعت الدشداشه واحجي وي روحي

  ممبين ممبين وتلفلفت وتغطيت احاول انام بس بيه خوفه وهم واني بهالوضع صعبت عليه روحي وبجيت  بجيت هواي احس العبره تطلع من كلبي

خايفه حيل

ردت بس امان ابويه.  واخلص من الهم جنت مامنه   بجال بابا ببطن بيتنا ماخذه راحتي هسه حتى بيت مبقه عدنا اخذ  راحتي بي

وشايله هم مدري  شون نمت حسيت الصبح على صوت ام عوف والمي دتغسل بالبيت البيت كدما جبير بي صدى يصير التفتت لكيت خاله تاكل بيض شرب بالكو ه تتجرعه وتنزله بالحليب كملتها ودفعت الصينيه بهدوء دتكوم توكف داخت لزمت الحايط بقيت اباوعها محني جسمها وملامحها باهته و صلت للحمام غسلت دتطلع لعبت نفسها رجعت واسمع صوت تقياها  وجتي ام عوف ركض عليها سويت روحي بعدني نايمه اخاف اكوم من وره الدشداشه  طلعت ام عوف خاله وتمددت ولزمتها البارده ترجف ام عوف كالت

انده اوخوج السيد

جاوبت خاله

اليوم يكطع مهر على فرح ويبات بالبيت كالت ام عوف

ها زين اكعدها تتحضرشون عروس هاي

ام عوووف هدديها بقهر كلبها لا تزيدين علبها البنت. تعبااانه والكطع المهر جاي نسوي  لخاطر الامانه   مو سالفه رنه وعرس انتي شتحجين احنا بيا حال

جا شبي اوخوج ماياخذها عجل

ام عوووف لا تددخلين كتلج

صار علويه على امرج انه كملت كلشي ضل بس هدمات السيد لمن يطرش عليهن طلعوها له

اي روحي روحي

فرح- بلحضه حسيت خاله عدي.  حسيت محد يكدر ياذيني وهي موجوده   راحت ام عوف همست خاله

انه ادري فيج واعيه مانايمه كومي ييمه محتاجتج وياي

كمت ووخرت اللحاف ابتسمت بتعب واني اعدل شعري خجلانه منها كالت

روحي تريكي سندي رويحتج انه تعبانه ماجاي اكدر اشيلن لشتي

خاله شنو تردين اسوي

يمه حبيبه بس ديري بالج على رويحتج

اوك كمت تريكت ورجعت كلشي بمكانه مرتب ام عوف رغم بالستين سنه عمرها بس عبالك شابه قويه تنضف وتمسح وتخبز شوي وسمعت التلفون مال خاله يدك باوعت مكتوب

سيد عبد

وديته الها اركض ردت بتعب

الو ها خوي.  لاه  مزينه لساني.  ايه.  كيفك.  لا مامش احد بالبيت فد فرحه وياي جا دطرش ابو عوف وتنطي الهدمات

ديله الله وياك

سدته وباوعتلي كالت بتعب وتمددت

يمه لبسي واكعدي وره الباب خاطر العقد وهساع يجي ابو عوف انطي هدمات السيد

بلعت ريك واندكت الباب فزيت خاله غمضت عينها ركضت جبت هدومه كلهن مصفطتهن ام عوف واني خليت فوكاها الدشداشه المكويه واعدل بالمبزك اكول ممبين ثنيت طرفها من جوه   على وجهه وخليتها بسله الهدوم المصفطه وطلعتها بباب الطرمه وسديت الباب شوي واجه ابو عوف سحلها واخذها

طبيت للغرفه فتحت عينها خاله كالت

يمه مابدلتي السيد على جيه عجلي

باوعتلها بحيره خاله فدوه تعاي ويايه صفنت بوجهي هزت راسها بتعب.  كالت

ايه  امشينا لبست عدل وكعدت وره الباب مال الهول وهمه بالطرمه سمعنا صوتهم ودك تلفون خاله ردت اي وره الباب خله يبتدي  وكمت اسمع الصوت مال عقد رجفه سرت بجسمي وباوعت على صفحه ايدي اليمنى بابا مكانه فارغ وحتى بيبي وحتى امي اللي المفروض تكون ويايه بهيج يوم    ضل يعيد ويصقل واسمع يكول.   عشرين مليون موخر ومقدم كتاب الله. باوعت لخاله

خاله منو كال عشرين مليون جاوبت بتعب

يمه اوبوج يطلب اوخوي هالمبلغ وضماه الج

سكتت ونصيت وصل لحد كالت

كولي يمه وكلي السيد بحمايتج وامني رويحتج عدو

هزيت راسي برطمت وجاوبت برجفه

نعم انت وكيلي

كمل العقد وراح السيد صارت صنطه همست خاله

عسى مانكصر وياج  يبنت الغالي عسى بيوم اليكون ابوج راجع ويفرح بيج بيدو يزوجج باللي يرضى عليه كلبج

هزيت راسي منصيه همست

يمه  هاذ بيتج ومانج موكله بتنضيفو براحتج تصرفي حوشج صار هاذ

هزيت راسي اندكت الباب بقوه فزيت وطبيت راسن طب السيد من صوته عرفت باوعت من فتحه الباب الصغيره باسها من راسها وحضنها خاله بجت بقهر وهو ضل يمسد على شعرها مبتسم بتعب

سكتت خاله وحجه

بويه وجهج طافي يخوج ترديني اموتن

مابيدي يضي عيني مابيدي

الا بيدج وضعف ايمان هاذ يسمونو سكتت خاله وهو سكت اشر عالجتف مال دشداشه

كال هاي ياهو الكواها ام عوف.صخمتو ويهي جدام الوادم شيكلون هدمته مبزكه جا هاي المريوده يبنت امي وابوي

فرح- خليت ايدي على حلكي بخوف كالت

خويه مانا الكويتها اضن  ام عوفي

ام عوفي ماتكوي و انه اعرف وانتي بعد هساع عرفت ياهو الكواها وتعمد يساوي هيج  نفس شغيله العكال مال سيد حسين هاي مااا

يحجي همس بس وجهه ناركالت

خويه ماتهده رحمه لهلك البنيه كاضيه

الا كاضيه وتنفذ انتغامها بويه هاي كارهتني لني مارضه بالشينه واهي متعلمه عالتبرج

يهمس بس اسمعه تاذيت حيل مو قصدي والله خاله ديحجي جان وتخربطت وكعت بالكع  وشالها مرتبك ميت خوف يصيح ام عوف بعلو حسه وجتي تركض مناك واني اخاف اطلع بس عيوني تجري على خاله لبسوها العبايه جتي ام عوف طبت ركض تاخذها شافتني وره الباب فزت نترت

ماتطلعين عليش متختلههه  والله عين وكحه واخذت العبايه وطلعت  بلعت ريكي خايفه طبيت غسلت وطلعت البيت فرغ وحدي بقيت  متت خوف شوي وطبت ام محمد وصاحت عليه طلعت شوي راحت الخوفه سوت عشا وتعشيت وبقيت الوب على خاله للوحده بليل طبو اني راسن انهزمت للغرفه بالحمام وسديت الباب اباوع من الزرف مال بابا غطاها ويتلفت جتي ام محمد يمه ام محمد مره جبيره تطلع بكد ام عوف سالها

لعد وينها كالت

ياهو فرحه فاتت لبيت الراحه

عضيت شفتي اباوع لخاله خلالها المغذي بالوريد وتلمس بشعرها مبتسم كال

جنت شاكك وهساع توكدنا عاد انتي شديلنا حيلج انه همات اريد ن اصيرن خال ويجينا وليد يصيحلي خالي واكوله بعد روح خالك

ابتسمت خاله بتعب واخذت ايده باستها وشال ايده مسد على شعرها همس

فطم ماتنكسر  تعدل عشاير

فطم ماتنحني  تجبر خواطر

بيدج سبحتج اليوم وباجر

محلوله القضيه  ياام البشاير

ابتسمت خاله واني دمعت عيوني لو عدي اخ جان صرت مثلهم خاله كالت

اتمنى اسمع صوته لمن يعرف انه حبله اتمنى افرح كليبه

صفنت عرفت خاله حامل بجيت وكعدت بالكع اشهك وابجي مداسيطر اضم بجيتي اتخيل بابا شون جان فرح لو يعرف فرحت حيل من كلبي توني اكول لوعدي اخ جان هيج صرنا كمت داباوع من الزرف شفته اتجاه نضرته باتجاهي مدري شهمس لخاله وطلع وسد الباب شوي وخاله صاحت

فرحه يمه وين صرتي

فتحت الدوش اريد البجيه تروح جلبت بقيت شوي وطلعت خاله شالت ايدها مبتسمه اشرتلي تعاي تقربت منها بس تطخني ابجي من كلبي اخذت ايدي وخلتها على بطنها كالت

حتجيلج اخت لو اخو  ان انه وياكم ادير بالي عليكم  ثنينكم وان ماجنت موجوده فديري بالج عليه نفس ما الحجيه اهتمت باوخوها 

بجيت بقهر نار تحرك بكلبي واهمس

لاخاله فدوه انشاء الله انتي وبابا تربوه

والله يمه شكل الزمن يعيد روحه دين ورد دينه عبالك

لالاخاله اشهك وابجي خاله ننه قويه وشبعت من ابوها اني مشبعت اريد افرح بيكم انتو الثلاثه اريد كلنا سوه نعيش

جرت حسره وغمضت همست،ادعيلنا فرحه

اي خاله اي نمت يمها وايدي على بطنها وهي ايدها فوك ايدي وتتلمس بشعري غفيت وشي انو لد بداخلي امل مثل البرعم فتح اخويه يجي ويهتم بيه اذا بابا صدك مطلع  بعد. مادري شصار بعقليتي بس ردت اتعلق بامل بكشايه اعيش لاجلها من يومها صارت وضيفتي مدارات خالتي ----

ماجورين. وعضضم الله اجركم

وينطيكم مرادكم سنه التجي يارب

مريم السعدي

ساره علي محسن

فرح- من الصبح جنت اسو يلها الريوك  السيد يطلع من الفجر واني اكوم وراه اشتغل انضف واسوي ريوك وعصير لخاله واكعدها كوه تكوم بس علمودي تكعد لان اضل اتوسل تاكل وتشرب العصير وتجي ام عوف اساعدني صح هواي تسمعني حجي ومتعرف تسكت واني بعدني موكلش ام بيت فاتعلم منها بس من يوم ما ابويه اسجن تعلمت اسكت اخليها بكلبي اختنك مااختنك ابجي ماابجي المهم مااحجي اسكت لو شمااسمع كل شهر بابا يصير يزورو مقبل اني اروح رغم خاله ترسلت بالسيد كالللها

ابد لا انتي ولا هي  ودنتتضر مقابلته يوم يوم خاله تكول بس اريد افرحه واسمع صوته من يفرح بالخبر مال حمل  مره سبوعين السيد بس يطب انهزم للغرفه مااطلع منها اسمعه يحجي بعدوم وي خاله او وي ام عوف نوبات يجيبون سيرتي اتصنط وره الباب بامعان اشوف شيكول اسمعه نوبات يكولها

انه مامن البستان ان ردتو تطلعون تشتمون هوا الله اخضن راحتجن  وان احتاجيتو اي شي انتي او حتى اهي انه سداده واذا شي من السوك خلها تبلغ ام عوف هاذي امانه ابو طه مانريد نكصر

خاله جانت تجاوب ممحتاجه شي بس تريدابوها يوميه تلح تريد تزورو 

الا هذا الموضوع تنساه انتي واهي ماترهم ياخوج ماترهم.

مرت ايام واني بليل اطلع نوبات وره ال١١ ماكو اي احد بس ابو عوف يفتر البستان انهجر  بعد بابا كمت اروح كل فتره للديوانيه الخارجيه البطات تسبح بيها. واني اوكلهم جنت اتخيل بابا بكل ركن بالبستان  السياج المسيجه داير ميدور جمار النخل ترتيب المسكف مال عنب بالزويه  اشجار الليمون والبرتقال كلش مرتبات بس بده هسه الاهمال بيها. دااتفرج لمحت السيد من بعيد واكف من شفته دار ضهره عليه درت وجهي كمت ورجعت للبيت خاف يحجي واني دنيا ليل طالعه طبيت راسن للغرفه شوي وسمعته فات وقفل البيبان خاله طلعت للحمام سمعته يحاجيها بهدوء كلش

ها فطم شونيج اليوم بويه شكلج تعبانه حيل

خويه حيلي باد مافيني شد ووكفه مو بريسم اول بعدو كضيت

الله يرده لج سالم يخوج الصبر الصبر   ماهاد الموضوع انه

اعرف بيك ماتكصر بس يخوي خايفه حيل وانه نحس عليه والله لو ما اللي ببطني اللي زرع فيني امل انه ميته البارحه قبل باجر

لا سلامه كلبج يااوخيتي   ردت اكولج ام عوف ان مرت باجر كليلها. اهي المسووله عن هدماتي النوب لاتخلي احد يجيسها

ليش ياخويه عسى ما شر

لاخويه مافي  شي. بس انه وتعرفين نحاسيتي بعد. ماريدن احد يفوت لكبتي غيرج وغير ام عوف

واهو ياهو الفايت يخويه  يااا شجااك

خويه انه نحس وي قراضي مااحب احد يتدكر فيني افهميي لا تطلعين حسي ماريد اجرح باحد كلمن همو تارس كلبو

جاي اكلك مامش احد صعد ليفوك غير ام عوف جا مشيول منك قرض

لاااع  بس خافن اضحي بشي عزيز لاجل تبرد كلبها فيني عبن انه ضاقط عليها ومعيشها عنوه عيشتنا

اوهووو يعبد الله هاي عالجلباب والغتره كلبت الامه معيب عليك لايهيسك بشر شيكلون سيد كرميده

هاه وانت تعرفيني هيج

عجل كلامك وش يدل

انه كل رغبتي لا تدكر بغريضاتي وكبتي مفهوووم

هاذ هو هاذ هو عسى مايطلع ابوها ولا تتحمل منيتك كول امين

امين بس انه مامني  احد يخوج  بس تكررت  الحاله هاذ هو مابي اعيد وارد احجي

اي كتلك هاذ هو

فرح- سمعت وكلبي انعصر طبيت لفراشي قبل لتطب خاله سويت  روحي نايمه. بجيت بيومها هواي بس بعدها نطيته الحق

حقه عباله داانتقم منه فوك مالامني ببيته  وعقد عليه لان كل احد ماعدي اني غراضه العزيزه عليه دااتلفهن جريت نفس والنبي بله قصد شكد جنت كارهته بيوم الغتره بس متجرات اسوي شي بس هي صارت على حضي   فكرت اكص الدواير البيضه مال قاصر واخيطها وهي صايره باطراف الغتره متبين لان هو يلفها همزين ضامتها الغتره  مذبيتها  والدشداشه شسويلها غمضت عيني فكرت اخيطها من ناحيه الكتف خياط ناعم ميبين حتى واركعها عالزاويه مالته وكانما مرجعه كلشي بمكانه اخر مره اطب لغرفته باجر

عبد الله- ثاني يوم رحت للزياره موعد المقرر زيارته  واخذت كلشي يحتاجه من شافني ابتسم ونصه حضنته ماعرف شون اداويله جروحه الوكف وياي بكل مطب كوي بحياتي انه ماكادر اكف له

يس-  نوعا ما اخذت عالسجن هالشهر بس كلبي محروك على بنتي ومشتاق لبريسم. ايست من روحي عايش بله امل. اعتب وابجي وانتخي وناجي برب العالمين

والله مغلطان بحياتي وانت تعرف ليش هالوكعه ربي اختبارك صعب بنتي وين تروح هي منا تموت منه شون اخليها تعيشوياه بس لا السيد اخو خيته حيحافظ  عليها  وميغثها. ومن يجي اوصي عليها.  ربي دخيلك.  بنتي   بنتي  ماعدها غيري   ثاني يوم كانت المقابله واجه من شفته كبل وابتسم ملهوف رحتله خجلان شونك سيد

هله ابو فرحه واحشني يعلم الله

هزيت راسي بتعب كعدت كدامه تقريب دقايق ساكتين منصي راسي وهو يباوعلي جر حسره كال

عمي يشهد الله ماعايف الموضوع انه

عوفه سيد انتهت حياتي بس بنتي  الله يخليك. خليها امانه  بروح ابوك واخوك تره حساسه حيل واي شي تاخذ على روحها والله هي طيبه بس حظ ماعدها مثل ابوها ااخ ربي واذا اجه نصيبها وخوش ناس انطي سيد اعتبرها بنتك اواختك

عمي شني السالفه بعيوني   لاتشيل هم والله انه محسن رد تكدم  من جديد. وطرشت العلويه تسال واهي رفضت قطعي وسديت الموضوع من يومه

محسن سبع بس اهله عمامه مو شي وماعده بيت بيت جده  وعمامه محاودي الله يساعده

اي والله صدكت على العموم انه بركبتي لاتخاف حالتها حاله فطم لاتشيل هم

جريت حسره من ذكر اسمها غمضت  وفركت وجهي سيد شلونها العلويه

مزينه عمي مزينه

تلفت خاف احد يسمعه وفرك وجهه كال

العافيه هدتها من يوم هديت البيت

سيد فهمها نزعت حلقتي كوه مخنوك. سيد كوللها اذا تريد اطلك وهي حره انطيها الحلقه خليتها بيده وسديت ايده فك عينه وعكد حاجبه

شجاي تسوي عمي عيب عليك

حرام عليه سيد بنيه ماكضيت وياها غير الاربع شهور وعفتها واخليها تنتضر طول عمرها ليييش تره اتي اسمي عايش ميت اني تره بس نفس حرام عليه اوكف بطريقها. كوللها  شوكت ماتريد لاتتردد

ههه عمي شني السالفه  تعال جاي تعال ههه اكف خلني ادكلها تعال منا عالم

سيد ماريد رحمه لاهلك دمعت عيني فركت وجهي كال

لا اله تسمع منها حلفت كالت اله مني يسمع

صفنت مستغرب كال والتلفون على اذنه

ها علويه كصري حسج منا لوادم هاج هذا اهو وياج تكلمينه

يس- نطاني التلفون لو روحي  طلعت. صوتي راح من جر نفسها وشهكتها

الو

يابعد روحي وكل هلي وناسي

غمضت عيني كعدت عالمصطبه ونصيت راسي مدااكدر احجي عيوني انترست دمع عبد خله ايده على كتفي. كالت

ياسين

اول مره تكول اسمي كل مره تكول ابو فرح

ياسين يبعد كل طوايف هلي رد على كليبي رد يا روح فطم

بريسم

ياعمرهااا

شونج زينه

مزينه ببعدك مززينه فد نوب

جريت حسره باوعت للسما ورحعت نصيت كالت

اريدنك كوي اريد وليدك من يجي  اكله واجه اختبار ربو بحيل صدر.  وطبق بقول الحسين

اللهم اني مضلوم فانتصر

صفنت لكلامها باوعت للسيد وكفت بلعت ريكي ابتسم السيد من استغرابي

بريسم انتي حامل

اي يماي عيني جن زرعت فيني بذره وعهدا عليه لون ماتطلع احافظ عليه واباويه بعيوني

بريسم بريسم متدرين شسويتي بيه علوييييه

بجيت وغطيت وجهي  السيد فرك بكتفي يبتسم

حييتيني علويه ميت وحييتيني

لاه مانك بميت دامك تصلي وتندعي عجل مانك بميت ياسين اريدنك موي اريدن اتباها فيك وازمتك تطلع منها تطلع  والله يدري شجاي احلم فيك   وخله سر بيني وبين ربي. مستبشره خير بس ثق بالله الواحد الاحد انك تطلع ولو طال الامر

انزرع بيه امل وادري باحلامها  من تحلم علويه  وعدها نور من رسول الله غمضت وابتعدت عن عبد الله همست

بريسم

ياعينها

جاوبت نفس نبره صوتي

احبج متدرين شون فرحتيني كون يمج واداريج بمي عيني

لا تخاف ياضي عيني فرحه مامكصره تخاف على اخوها توكل وتداري وتعصر بالعصير وماتلحك

فدوه لكلبها

هاي يمي تبيها

بس اوكفي

كول

مشتاقلج ماريد صوتج يروح

وانه بعد واحشني حيل  بس احصن بجلبابك وانام

تحبيني بريسم

الا اموتن على تراب اليدوسه جدمك انت سنت روحي وكلبي ياسين

ااخ ربي الحمد لله توقعت حتعوفيني توقعت تتعبين

امن تتعب انت وانه مااتعب انه معلمه على الضيم وخوفي لا محسي يصيبك

كلج خير حبيبه كلبي بس هذا اختبار من ربج وبلكن اكون عد حسن ضنه

بعون الله وارد اكولن لك انه مستبشره خير بمناماتي

يا الله يا الله

ديله هاي فروحه طك كلبها عليك

طينياها

الو بابا

صرخت تبجي بقهر شكت كلبي مكدرت اوكف

عيوتي باباتي شونج حبيبتي

بابا  صدك بعد متجي

ادعيلي بابا

والله ليل نهار ادعي صدك يعني بعد متطلع

جريت نفس اي بابا صدك

وواني وين اروح ابقى هنا

سكتت غمضت عيني وعضيت شفتي السيداجه قريب عليه وهاي تبجي باذني واني دموعي تجري

بابا ليش هيج صار بينا  بس كولي انت صدك قاتله

لا والله بابا

لعد ليش ثبتت عليك ليش والله لو اشوف امي اقتلها بيدي اني

لا بابا الله ايد هيج

بابا انت مو. تكول الله مهالقنا حتى نتعذب

اي بابا بس ينطينا اختبارات يشوفنا نايس من رحمته

بابا مشتاقتلك دااختنك اريدك يمي 

صاحو انتهت الزياره باوعت للسيد واتخيل حيروح يشوف بنتي وبريسم واني محروم منهم

فروحه بابا

بابا حباب لتروح بعدني مشبعت منك

بابا بس خل اكولك 

يس- جروني واخذ عبد الله الفون ويصيح

لاتشيل هم ابو طه ماعايف السالفه هاي غريضاتك وبعد شتحتاج  بس اكتبو ودزو بي رفعت العسكري

فرح- ضليت اصيح الو بابا الو رد

راح فات مايصير يطول بعد

بحيت بقهر ونطيت التلفون لخاله صرت نار. طبيت للغرفه كمت املخ بروحي واصيح وابجي

ضللم والله ضللم اخذو بيته واخذو للن حرموني منه للليش شمسوووي

عبد الله- اذتني صرختها سدته بريسم من يمي ورحت للبيت واسمعها تصرخ وتبجي وبريسم تتوسل بيها

حكها باللي تسوي مكدرت اضل انمرد كلبي ونضرات ابوها اذتني مايس واختي دبت فيه الحياه من كالتله حبله   بس من دااطلع ضل يتوسل فيني مااجرحها

فرح- ساعتين اني مفرفحه تالي نمت من التعب وخاله يمي تتوسل وتذكرني بحملها وتخلي ايدها على بطني واني ارجع اتخبل واصيح

خاله شوننن حيكبر. وابويه مو يمههه حرمو منه وحرمو ابويه من عده لييش لييش شسوه بابا وهيج يصير بيبي

S

لكيت روحي سحت من التعب تمددت وغطتني خاله واشهك حركه ببلعومي من الصياح  همزين المنضومه الماطور مالبير  مال بيت شغله ابو عوف بس سمع صياحي حتى مينسمع صوتي  نمت وكل لشتي ترجف وراسي حيطك

كعدت حسيت روحي جسمي يون عليه وصدى صوت خاله يمي

يمه فرحه جاي تسمعيني

خاله راسي

اي يمه دكومي بلعي دواج وردي نامي

ماريد اريد انام

لج يمه مزززين باع وجهه مدررك حمار كومي كزين ابلعي دواج والنوب نامي

كمت بالكوه شربت المي والحبايه ورجعت نمت سمعت دكه الباب طلعت خاله وصوته يسال

شالحها الحين شون اصبحت. شنو صار الصبح صار ثاني يوم شبلعجل بلاعيمي تموتني اسمع خاله تكوله

خويه خاي شوطه صابتها ماتشوفها محمومه

غمضت ونمت حسيت الدنيا سنطه والاضويه مطفيه كمت فتت للحمام ميته عرك سبحت وطلعت لبست ميته جوع وعطش. لبست حجابي ومديت راسي البيت اضلم بس ضوه المنور وره البيت طلعت للمطبخ فتحت الثلاجه شفت لبن وشفت شوربه حمره مال شعريه ومي لحم بجدريه صغيره طلعت الشوربه خليتها عالنارتوني اكعد انفتحت باب المطبخ وطب السيد مستعجل ديصعد دجات المطبخ اني كاعده بزاويه المطبخ اله يتلفت يله يشوفني وكف عبالك حس بيه وراه بقه ناطيني ضهره منصي شمر سبحته لفها على ايده وباوع عالطباخ التفت نص التفاته باوع لرحلي ورجع اندار كمل مشيته صعد فوك

كلشي بيه يتقلص من نصير فد مكان اتمنى اكون شفافه حتى ميشوفني بعد منزل صبيت واكلت كوه ابلع وكلسا اكح وكحتي صوتها عالي من صياحي الفرفحت بي كمت اكل ورجعت كلشي بمكانه البيت يلمع يمكن ام عوف منضفه رحت نمت

الصبح حسيت  خاله نايمه باوعت ساعه ٩ وصوت المكنسه الكهربائيه بالصاله كمت من مكاني راسي مسطور غسلت وطلعت ام عوف باوعتلي ودارت وجهه معاجبها

هاي شحيخلصها وياها طلعت للمطبخ وسالي على راسي ام محمد جانت دتطبب الخبز ابتسمت

صباح الخير خاله

هل اني هله حبيبه

ابتسمت لا اراديا جتي ام عوف كالت

ها شونج اليوم

زينه خاله الحمد لله

عجل يمه صياحج واصل لنهايه البستان معيب شيكلون عليج بيت السيد بالعزايات ماطلعلهم صوت الحمد لله من السب. مجان بالحوش جان سبانا

نصيت راسي جريت نفس بحسره كالت

مايصير يمه انه انبهج عبن رايده مصلحتج اخافن  مرت ابوج ماتكدر تحجي   لنه خايفه عليج انه اكلج 

خاله محسيت بروحي كلتها واني منصيه كالت

لااه اله حاسه ابن ادم. الله عطاه احساس يكدر يسيطر في عروحو ويلزم اعصابو سالفه ماكدرت وطاش مخي ماتمشي علي انه مكسره كحوف الدنيا على راسي

هزيت راسي بالقبول كالت

ماتسوينها النوب

لاخاله

يله وياي ايدج من تشغلين ايديج يرتاح عكلج.  يالمد لله يصغيرونه.

باوعتلها كالت

ياله تعرفين تخبزين

هزيت راسي.  جج

عجل  امسحي الحوش والاخشاب وانه اخبز خبز اللحم لن ام محمد اكملت. الخبز كله

اي خاله

بس بالاول كوي عودج تريكي يله يمه بعدج ورده مفتحه والكعده تيبس عودج

اي خاله

طبيت اكلت لكمه وكمت وياها طلعت هي عالبره تغسل الطرامي وراها مسحتها بوصله مسح واني نضفت البيت كله طبت وتباوع منا ومنا كالت

يصغيرونه

نعم خاله

هاي الروازين ماماسحته زين تعيدين عليها هاذي اماكن تجمع الشيطاين ولو بيت السيد مايخلي من قران وصلاه بس لحتى مانخلي بكان للشيطان وصخ يفوت منو

اي خاله

ياله خليتي ملح بالسطل مالت الماي

صفنت عليها كالت

النوب من تمسحين مسحي بالملح وي سطل المي البيت يصير فيه  بركه  ويبعد الحسد

هزيت راسي اخذت ملح نترت

موهااذ يبوووويمه لاتتعبيني

اي خاله لعد ياهووو راسن خنكتني العبره.  كالت

هاذ هاذ بالحمام الخشن

تصيح وتحجي فتحت القرطيه وخليت ومسحت البيت من جديد ابتسمت وتباوع كالت

اها هساع انتي عيني ياله خضي جسمج. تشطفي  وتعاي وياي حتى اعلمج عالتركيب لن خالتج مطوله حملها صعب نفس امها الله يرحمها

خاله اني اعرف اطبخ

ياله عجل شوفيني ندارتج

وكفت يمها طلعت باميه وتكلم بيها كالت شراح تخلين هسه

همست اللحم طلعتلي لحمايه بكد راسي شكبرها  شمرتها بالجدر وباوعتلي كالت

يحمس وخللي الثوم طلعت راس شكبره عززه كله

اجل فص

ها لا كم واحد

خايبه سكتي سكتتي حسبالي تعرف

ابتعدت وهي تسوي  بسرعه  وتشتغل بيها وغطتها وخلت التمن يتهده كالت

هاذ ساعه ويطفى الطباخ لا تعلين العين خلها اتهده

اي خاله

وهاذ الخبز

اي

ياله رايحه انه لبيتي

االله وياج راحت والبيت فرغ كعدت كبال الطباخ حدما خلصت الساعه تذكرت خاله سوده عليه ب١ ومتريكت كبل عصرت عصير برتقال وسويت لفه مال زيد وعسل لان هي تحبه ووديته كعدتها كوه كامت شربته واكلت وبلعت علاجها وكامت كوه تمشي دايخه غسلت وتوضت ووكفت تصلي كلسا تريد توكع خليتلها كرسي وطبله كملت صلاتها كالت

يمه يمتى وعيتي

من ال٩

ووحيدج ماكعدتيني

خاله ام عوف جانت ويايه وراحت

هاه  ياله اكلتي

اي خاله

عفيه يمه عفيه

رجعت تمددت وغمضت همست

ربي من العزم والقوه ربيي

طلعت من الغرفه وكفت كدام مرايه الكليدور طويله على طولي ضيقت الدشداشه العريضهه عليه واشوف معالم جسمي شعري النازل جو ضهري خفان من جوه يرادله مساواه ورجعت لبست جبتي وحجابي دااطلع سمعت صوت السياره طبكت يم الكراج مال بيت ركضت طبيت للغرفه خاله جانت دتنشف شعرها وكاعده بتعب عالطابوريه مال غرفه وتتنهد وكفت وراها ونشفته الها ابتسمت الي كالت

باحر ادزن على  بت ابن ام محمد تكصلي شعري ماحاي اكدر اشيله تعبني

لا خاله بابا يحبه طويل

نصت راسها برطمت

خاله بابا خاف يطلع ويشوفه مكصوص يزعل

بطلت كلشي ولازعلو

اي حبابه مشطتلها بهدوء لان ادري براسها يوجعها نزلته شوي شوي وضفرته برهاوه مغمضه عينه وتسبح بعد شوي اكمل سمعت حمحمه السيد بالباب وصاح

يا الله ياساتر. احمم  علويه. وينج ياب

نعم  يا خوي

فرح- طبيت راسن للحمام وخاله طلعت وره شوي طبت كالت

يمه ماتتغدين

لا خاله توني شربت  عصير برتقال مجوعانه

باوعت بعيني فهمتني وفهمت ارتباكي وهروبي منه عافتني براحتي وطلعت بقيت اتصنت والسيد يحجيلها عاللي صار بالبركال

انه كملت بيعتهن ضلن يمي فد الحواوير والاسله سبع بسبع وكلهن محجوزات للماراثون فمنا لشهر السابع ماروحن لميت الديوانيه وجبتهن وجيت لجاي علما يكبرون اردهن وادربهن

جا خوش

يخوش البارحه رحت لبغداد ورديت وحاولت ومامش امل تعبوني وماطلع الاستئناف حسبالك مشترين القضاه والمحاكم من نعله على ابهاتهم

الله الكوي خويه الله الكوي  لا تشيل هم يفرجها

هاه. شني بشرج الله بالخير بشريني يخوش تراني تعبت بحيدي البستان كاعه تبجي على راعيها ومالكيت نفسو والمعمل شغلو بالنازل

لاخويه خله سر بيني وبين ربي

المهم انج مستبشره

الله يسهل خلها على الله

والنهم منو. والنعم منو

يخوج طالع انه فد اتسبح وهاذ العلاج جبتو خلها تمشي عليه كحتها مابزينه

تعيش خويه الله يسدد خطاك

ويحفضج لي  علويه

فرح- جايبلي دوه معقوله  هيج يحب بابا شكد ضايج من تصرفاتي بس يدير باله لان امانه هاهي خل اكضي ايامي  شسوي يعني منو يلفيني بعد

سمعته طلع طبت خاله كالت

يمه تعاي تغدي البيت فرغ اخضي راحتج

طلعت وياها تغديت واكلت الحكاكه يايابه شكد طيبه زلاطه جنت مسويتها مطيريها سويت مره لخ كالت خاله

هلكد طيبه مسويه الزلاطه كملتها حموضه معدله والنعنع بيها ريحني حيل

ههه خاله هذا اخويه طالع عليه يحب الزلاطه

يبختي لو طلع نفس حنيتج وفطاريتج يبختي لو ربه على ايدج

خجلت من مدحها حبيت نفسي من جديد واتخيل اخويه واوكلها وشربه واداري بس ماريدها مموجوده  اريدها هي وبابا. كالت

يمه رايحه اتمدد المغذي لازم اخذو وصفلي الحكيم بطل باليوم لازم ينوخذ

خاله تعرفين تخليه

يايمه الكانونه موجوده بس اغرزو وانه اعرف اوخوي علمني عليه اكعدي اكلي لا ينشغلج بال وهاذ التلفزيون شقلي

اوك كملت اكل رتبت وكعدت اتفرج متمدده رفعت راسي شفت تلفون عالشحن فوك راسي كعدت عدل هاي مالمن مال سيد لان خاله تلفونها عادي

جان حديث لزمته طلعت صوره  واحد يشبها بس لحيته مشيبه وهم لابس اسود مثله ونفس سبحته وبصفه واحد صغير يطلع بالمراهقه بيده سبحه صفره عبالك من شفته رجعت لايام قلل عبالك شايفه صورته قبل بمخي مخزونه سمعت طبه بالطرمه دارجعت التلفون على يده القنفه وانهبد بالكع من درت الشاشه وشفتلها مفطره تخبلت سمعت الباب انفتحت وكح  كلبي وكف ركضت جوه للغرفه وطبيت للحمام قفلت الباب واعصابي ترجف لو اكو مكان بالبلوعه الا افوت وانهزم كلبي يدك خوف ورجفه بيدي صاح بعصبيه

علوووويه

فزت خاله كامت كالت

خير

كمت املخ بوجهي طلعت خاله وطلعت وكفت وره باب الغرفه والدموع مادري منين تطلع كال

هاذ ياهو لاعب بي

كالت مامش شفي

مكسر علويه مكسسسر

وعليش معصب وعليش هادو هني

يخوج اشحنووو مايصير اشحنووو فبيتي

وانت عليش جاي تصارخ شتقصد

اقصد لزوم تحاجيننها انه كافلها وخادمها بعيوني لخاطر ابوها  لا تضل تخبث مثل الكطوه الخو عشاها فهميييها لا بالله اطلع بروحها الحين

برحمن تطلع تغصد بروح ياهو انت تناسى  هاي من بنته

مانسيت علويه بس الماتحترم. راعي  بيت الحواها  وتتصالف و مالها رداد انه اعرف شقلي وياها. فهميها اما تحترم حالها واما

امااا شني يبن امي واوبوي اما شني.  تتهجم عليها الضاهر يخوك انت ما تكدر عالامانه والضاهر انه كعدتي هني طوللت

فرح- سمعتها وضربت على وجهي والله بجيت من الخوف والقهر وحضي الفكررز

جاوبها بصيااح

هااذ ياهو الموكد الامانه هاااذ اننننه يبريييسم

دحج بروحك وتعرف انه اخض البنت واطلع لبيت زلمتي  وماكصرت ورحمه الله والديك صاح بعصبيه

جاااي تهددديني فطططم   تهديني وتضلين وحيدج

ماني بوحيدي انه وياي ربي وبنتو ونفسه ولا هالذله

هاذ بيت اوبوج اجل تنذلين فينوووانه ذاللج انننه

اله اليذل بنتو ذلني واكثر بعدد انت مخلي عكلك وياها معيب عليك طكطك الشيب براسك يخوي مانك بجاهل

يخوج مامخلي عكلي بس انها ماتستحي وماتحترم   من يوم يومها ترادد وماتسمع الجلمه ولون ما ابوها خاويتو خوه وكت ماخليها يوم هني

اهاااااا وهسه اوبوها راح وخلالك الجو كلت تاخض راحتك

انه ما جايسلها طرف بريسم شجاااج جاي اكلج حاجيها عكليها

لا راح احاجي ولا راح اعكل انه لامه غريضاتي واردن لحوشي اشرف الي والها  ومشكور

يااا بريييسم

برريسم تعاي خلني احاجيج

هدني ياخوي النفس مليانه بكهرها  هدنيييي صارلك فتره معصب على جم قرض تافه ابن ادم روحه عزيزه كلسا وكايلي عكليها خويه البيها كافيهااا والبنيه عاكل بس انت الماتتحملنا بعد

ان طلعتي يبريسم  ماارضه عنج ان خطيتي خطوه بره الحوش

وكفت خاله وضهرها عليه وعبايتها بيدها داباوع من زرف الباب عليها حانت متوجهه للغرفه من كال هيج وكفت جرت حسره دتمشي للغرفه وتخربطت وكعت ركض عليها ويصيح علويه.  واعيه علويه همست

مافيني شي بس بعد عني

شالها وطبيت ركض للحمام وسديت الباب وقفلتها بهدوء طببها للغرفه على جربايتها بقه يباوعلها بغضب وهي دايره وجهه عنه مغمضه داباوعلهم همس كال

انه طالع ان رديت ومالكيتج  بالحوش قسم بالله انسى خوتي وياج  تالي وكت ياهل يفركنا

بجيت بقهر تعاركت وي اخوها من ورايه طلع وسد الباب بقوه كعدت بالكع وراسي بحضني

وين اولي وين وي هذا حضي المصخم  يربيييييي موتني وخلصني النوبه تعارك وي اخته من ورايه شوي وصاحت خاله

فررحه فررحه وينج ييمه تعاليلي

فتحت الباب بهدوء وطلعت يمها وكفت والشهكه ملازمتني واكفه يمها وهي نايمه تبسمت اخذت ايدي كالت

حبيبه لاتبجين

خالله والله مادري ههو وكع

ياااه هههه يفداج البيت مو عاد تلفون

خاله شون هسه

لا تشيلين هم لمي غريضاتج نرد لحوشنا لحتى تاخضين راحتج يايمه عليش رجفتج حبيبه ياهو اليكدر  يتدنالج  لاتخافين

لاخاله ماريد

شني الماتردي

اريد ابقى هنا حبابه

لاه انتي لاجل كلامه هيج تكليم بس انه اشوفج مامرتاحه

لاخاله مرتاحه

اجل لويش دموعج

كعدت على ركبي كدامها بجيت بقهر خلت ايدها على راسي

ييمه كطعتي كلبي لاتبجين يبعد امج

خاله امي امي مدافعت عني كدج تردين تخسرين اخوج من ورايه ليش هلكد تحبيني

لني شفت الماشافه اوخوي شفت حنيتج وبياض كلبج حبيبه ابوها

بجيت مكدرت بعد اوكف بجي جرتني خاله يمها وتمسد على راسي غفيت حسيتها تغطي بيها وتقره على راسي رجعت نمت للصبح حسيت الفجر خاله خلصان المغذي ومعلك بايدها باوعتله مسدود وخرت الصونده على كيفي  تحركت براحه غطيتها وكمت طبيت غسلت وطلعت اباوع لروحي بالمرايه الحمار اللي اكتسى خدودي اثر الحمام وشعري اللي تسرح ضفرته بنعومه ولبست كلادتي وجنجلي وسواري  ومحبس بيبي ومحبسي صليت صلاه الصبح. وتمددت اخاف اطلع ويكون موجود حدما انسدت الباب عرفت بي طلع كمت من مكاني نضفت وركبت  حتى هدوم غسلت ووي روحي احجي بعد معليه باي شي يخصه مالي دخل هدومه وغرفته على ام عوف واني البيت عليه طبت ام عوف ابتسمت تتلفت كالت

ام بيت الصقيرونه صبحت

خاله بس هدوم السيدمغسلتهن

ياا ليش اهو المهم

ماريد خاله خاف يصير بيها شي

زين لا تشيلين هم انه اغسلهن شركبتي مضروبه

مركه بتيته

خليتي لحم هواي

اي بكد راسي

ههه عفيه عليج فتحت الجدر كالت

اهي مو نفس ملتنا بس جنها طيبه تتعلمين شوي شوي

هاذ الخبز هيانو وهاذ الروب ياله اجل رايحه انه وماخذه هدوم السيد واردها العصر فيماللا

الله وياج------

---

فرح- مراليوم بسلام لليل اجه السيد حتى متغده بالبيت لليل سمعت سيارته وكالعاده طبيت للحمام خاله جانت تصلي وكفت وره باب الحمام سمعته دك باب الغرفه خاله مردت لان دتصلي مره مرتبن صاح

يا الله ياساتر وفتح الباب باوع عليها وطلع وسد الباب يمكن ديشوف موجوده لو لا. صعد فوك واني طبيت للغرفه ونمت للصبح حسيت خاله كعدت كمت توني اطلع اسمع كلامها وي ام عوف كالت

ام عوف لا تجين بعد فد الخبزات جيبيهن وردي

اي علويه مايحتاج بعد بس كل اسبوع ادز لو ام محمد لو وحيده من البنات يعزلن البيت وغرفه السبد ويشطفن السطوح والطرامي

اي

يله مع السلامه دااطلع من الغرفه وسمعت نزله درج

عزه بعينها لامي مطالع هذا رجعت طبيت يعني اكيد شاف فتحه الباب وسدتها طب للمطبخ. خاله متحاجي داباوعهم وره الباب كال

ريوك مامش

مجاوبت خاله دتخليله الاكل دفع الصينيه نتر

مااريدن عساني كليت سممم

نتر وعاف البيت وطلع ركع الباب خاله مهتمت تصرفت بلا موبالاه طلعت باوعت بوجهه اخجل احاجيها كالت

تعاي تريكي

اي خاله وانتي

انه كليت

زين بس حل اعصرلج برتقال

تريكي بالاول

جان وجهه تعبان وضايجه اكلت بالكوه واراقب حركاتها كلسا تكعد ترتاح شوي وتكوم تسوي شغله

خاله ارتاحي

مامسويه شي يمه كله نضيف

اسوي اكل اني

لا انه اليوم اسوي انتي ارتاحي

اوك كملت اكل رجعت الغراض للعصر ابو عوف جاب مسواك صناديك صناديق فرغتها وياها وغسلتهن ورجعت بالثلاجه منضر الفاكهه يخبل خجلت امد ايدي خاله كالت

فرحه ساويلج صحن وجهج اصفر يمه

اي كمت مبتسمه بخجل ضحكت خاله كالت

يزين كلبج شكد طيب

نصيت راسي حبيت اسوي مكعبات فاكهه جانت بيبي تسويها الي من ادرس من كلشي مكعبات تخلي بطاسه واكله مثل الزلاطه وكعدت اتفيك واثرم الو وعنب وكرز وتفاح وفراوله وخوخ وتكي وعصرت عليه ليمون وكعدت اتفرج واكل ذبيت حتى شالي اكلت الطاسه وخاله صافنه عليه تبتسم وتسبح وتتفرج ويايه حسيتها تريد تشاركني الحياه متضل عايفتني لليل بقه من الطاسه شوي بقيتها بالثلاجه شبعت كلش وخاله اكلت فاكهه عاديه كالت ماحب هيج. طبينا ننام وخاله طلعت تشرب علاجها سمعت صوت الباب انقفلت عرفت اخوها طب وكت اللي جان. بس يحجون بامور الشغل هسه كلشي ميحجون وواحد ميباوع بعين الثاني صعد فوك بيومها مكدرت انام سمعته نزل بليل كلش صار عديدفضول اشوفه ديسوي شفته من الزرف فاتح الثلاجه الثلاجه كدام الغرفه مالتنا سنترر بس بعيده فتحها ونصه يدور شكو بيها يمكن جاع شفته طلع الطاسه مالتي شمها وخلاها عالميز وطلع مدري شنو بعد وياه وخبز وكعد ياكل باوع على اتجاه الغرفه ورحع كمل اكل طبيعته من ياكل يهز رجله كمل كرصه خبز واني اراقب خاله نايمه ضلمه الغرفه حيل كمل وكام شال المواعين ورجعها وصعد ديصعد الدرج بصف الغرفه الاني بيها شفته باوع لاتحاه الغرفه وكف على اول درجه جر نفس وصعد بثكل ضميري انبني لان خاله متحاجي ولاهو يحاجيها من ورايه الصبح نزل اني ختلت وره الكونتر لان جنت كاعده ختلت من طب وكف باوع على خاله وخاله ناطيته ضهرها متجاهلته تقرب اخذ بيض من الثلاجه ويجر حسره بعصبيه خاله خلت الطاوه عالنار كالتله

انه اسوي

نتر ما وددي انه والحمد لله عدي ايدين

ملااازم نترت بي وطبت للغرفه هو ذب الطاوه من ايده بالسنك بقوه ومشه للباب ديلبس جركزه او مثل الشحاطه بس بي سير عبالك حذاء صيفي وكف خله ايده على جيبه ورد فات اخذ تلفونه من الشحن عبالك حس بيه وكف جامد باوع اتجاه الكاونترالخاتله وراه اني كلشي ممبين مني بقه يباوع واخذ الجهاز وطلع وسدالباب طبيت للغرفه خاله نامت وطفت الضوه عرفت بيها تعبانه

مكدرت بعد طلعت الغتره من كنتوري من بين هدومي وطلعت دورت بالبوفيه مالتهم علبه الابر والبكر طلعت خيط اسود وكصيت الطكعتين البيضه الموجوده بالطارف وخيطتها واباوع ممبينه والله ممبينه بس شوي منا بالطرف وهو يربطها بلفه على راسه تذكرت الدشداشه طلعتها من الغساله باوعتلها جريت كتفها من مكان الخياط وخيطتها نوعا ما انضمت غسلتها بيدي ونشفتها بالغساله وكويتها حتى مشريتها عدلت علكتها بتعلاكه واتصرف بسرعه. ولفيت الغتره عالتعلاكه. جنت لابسه شال وصايتي الخليجي باوعت عالدرج كلت اصعد اخليها بالتعلاكه الزاويه واكتب بورقه اعتذر موكان قصدي وخلص صعدت للطابق الثاني بي اربع غرف كبار وكل غرفه بيها حمام بس غرفته اعرفها طبيت بهدوء ريحه العنبر سكرت نفسي تسكر كتبت بورقه

اعتذر مو قصدي وصفطت الغتره مثل السنبوسك مثلثه وخليت الورقه عليه دداعلك الدشداشه بالزاويه شفت عبايه مال رياجيل سوده معلكه عدلتها زين واسمع صعدت درج يابه شكو خوف بالدنيا صار بيه مادري وين اختل مدري وين اوليي ختلت وره العبايه وسديت تول الزاويه وجسمي يرجف اعض بشفتي كنفدت لميت رجلي بحضني وضميت راسي واكول ميشوفني لا هسه ينزل وانزل راسن

طب للغرفه وسد الباب ذب المحبس والساعه وغترته الخضره بحركات متواصله نزع دشداشته واني اباوع من زروف القماش من نزعها خجلت عضيت شفتي قوي وغمضت ذب دشداشته عزه بس لا يعلكلها عزه بعيني ياربي دخيلك النوبه كلها ماريدها تفوت لغرفتي يبو هسه عباله داعانده يربي شسويت بروحي شفته ذبها عالجربايه وطب للحمام وي البرنس جان لابس فانيلا نص ردت وسروال اسود طب دااطلع انهزم شفته عاف الباب مفتوحه شون خاف يسمع الباب انفتحت بقيت بمكاني هو الحمام ليجوه صاير بس الخوف تملكني مطول بالغسل وطلع بالبرنس نشف شعره واخذ من مجره ملابس داخلي

وطب للحمام طلع بس بالسروال لبس هدومه بالحمام بله فانيلا مشط شعره وخله معطر ومسح بالعنبر واني مغمضه كل قوتي وافتح كل شوي اكول هسه يجي هسه يحس فانيلته بيده  لازمها ويعدل بلحيته كدام المرايه مشطها بالمشط وعدل حاجبه فات من يم الكنتور قريب عالزاويه  والفانيلا بيده طلع سجادته وصفن عبالك فز بقه يباوع لداخل الكنتور عكد حاجبه سد الباب بهدوء بقه يباوع عالكنتور عضيت اصبعي لميت روحي اقوى واباوعله برعب والله موخوف اقصى درجات الخوف والخجل والغتره بحضني شفته صافن جر نفس ولبس فانيلته ونزلها والتفت تجاه الزاويه تقرب خطوه ووكف يابه كلبي راح متت بجي وخوف تقرب خطوه لخ وصل للزوايه شال طرف التول مال زاويه غمضت قوي شال طرف العبايه فكيت عيني عاكد حاجبه مخنزر عيوني  صارت بعينه ايدي على حلكي بكل قوتي خاف يبين نفسي وعيوني مليانه دمع ذب طرف العبايه بهدوء وابتعد افتر وكعد عالجربايه وخله عكوسه على فخذه ولزم راسه بيديه الاثنين

موقفي موومال اضل كاعده مادري شديفكر لكيت روحي بموقف بحياتي ممحسبتله حساب لازم اواجه واخلص بعد لكفني خلي يكول اليكوله بس انطي غراضه واكوله مادري وخلص احلفله ولو طلعت بهدوء ميته عرك. ورجلي ترتعش مشيت وبيدي غترته علكت الدشداشه وعيوني عليه اصلا مندار بقه على وضعيته تقربت وبيدي الغتره جان مغمض ولازم راسه من وكفت كدامه فك عينه مرفع راسه باوع لرجلي لميت اصابع رجلي تقلصت مجرد حط نضره عليها قربت الغتره يمه عالميز الصغير باوعلها رافع تك حاجب بغضب ودار وجهه غمض عينه وجر نفس بعصبيه احس ممتحملني يريد يلزمني يكطعني

كلت لازم احجي

همست وكوه طلع صوتي

سيد ااني صعدت بس دداخلي الغتره ماتك والله موقصدي ااعاند

احجي وارتعش ومبين من صوتي جان مغمض عينه ولازم راسه هز راسه موافق . ساكت

ووالله صلحتها ممبينه واني اعتذر ووههاي الدشداشه ععلكتها هم سوويت كتفها. ووالنبي وداعه بابا مادري شون صارت هيج

كلتها وبجيت جان ديهز رجله وكف هز باوع فك عينه باوع عالكع بلع ريكه واني مدااكدر اوكف بجيتي

ووالتلفون الصدك الصدك جنت داشوف االصوره معبالي ماتك لاجذب ادري ماتك بس بس مادري ليش بس داشوف الصوره وانت جيت وكع وتكسر والله ممتقصده اضوجك

حجيتها بقهر مداسيطر حتى اني على روحي انقهرت همست

قابل عدي غير مكان اروح بي فوك ماانت متفضل عليه ومبقيني ببيتك

احجي وابجي وارجف نزعت سواري

هاي. مادري بيش اخذه وببيعه وصلح التلفون

ذبيت سواري عالميز التفت باوعله رافع تك حاجب مباوع بوجهي ابد واني البجيه جلبت بيه ابتعدت عنه دااطلع همست

اني اسفه بس خاله معليها خطيه تزعل عليها

غمض عينه وفرك وجهه وبعده كاعد ططلعت فتحت الباب ونزلت ركض كرتين ردت اوكع فتت للغرفه وبالحمام بجيت حدما ارتاحيت

احساس الذل صعب حيل صعب احس شي بيه عفته بالغرفه احس نفسي نزلت روحي ممتعلمه ابد اعتذر عن شي ممسويته. ورغم اني سويته بس موبقصد المهم اعتذرت منه ولو لخاطر خاله. سبحت وطلعت تمددت احس روحي تعبانه كللش نمت واتذكر منضر وجهه من داحاجي واتذكر جسمه وعضلاته بالفانيلا البيضه غفيت وحسيت الباب اندكت خاله كامت طلعت سمعت صوته يحاجيها بهدوء كلت حيكوللها كمت اتصنت وره الباب كاللها

يومين منايم لنج زعلانه انتي موفد اوخيتي انتي امي

باوعت من الزرف حضنها وباسها من راسها مبتسم وهي هم ابتسمت كال

اعتذر انه الغلطت

هزت راسها وباست كتفه كال

والله انه جوعان ما ينطيج كلبج تحاجيني وتوكليني

كالت

من عيوني

ياله اجل وكليني

طلعت خاله للمطبخ شفته باوع لباب الغرفه مبتسم ونصه راح للمطبخ----

ارتاحيت بس بعدها رجفتي بيه والله. يخوف بس خزرته ترجف مدري جيف صاحب المال هو   طبت خالتي تبتسم كالت

يوم ماتاكلين

اي خاله

ياله لعد احنا وياج نتغده

اوك

كمت ورحنا سوه تغدينا حانت مرتاحه اكثر من قبل  يومين

لليل نمت براحه هم وانزاح رغم كلما اتذكر من شال طرف ال البرده مال زاويه كلبي يدك سريع

الصبح تقريب ال٩ كمت خاله مموجوده.

غدا اكمللكم البارت تعبانه والله

شكرا الكم

كعدت بالتسعه خاله مويمي كمت لكيتها دتغسل المغسله وتحجي رجعت طبيت للغرفه واتصنت صارت عادتي  اسمعها تكوله

مو لازم تروح ياخوي هاذ اهو

لا انه اردن اكطع الشك باليقين جاوبها وطلع من الصاله  وبيده النفاضه غسلتها خاله ونشفتها ونطتها اله كالت

يخوي انه اعرف ابو عوف كال هيج عبن انت كتلو  ماريد اي زلمه هني هو اخض عروحو  وحكو

اهو يعرف ماكصدو الو الويش يتعزز

مايهم خله عزيز كلو انت غير انت حسبه ابوي وابوها

جا خوش

ياله بامان الله

الله وياك لاتنسى تمر للبيت تطرش  هدوم الشتا

تددللي

طلع واني وره شوي طلعت اعدل بشالي ابتسمت خاله ونصت راسها كالت

الحين ياله طلعت الشمس صباحج خير يمه

هلو خاله صباح العافيه اسويلج عصير

تعالي تعالي يوم ساوالي السيد تريكي برانا شغل لاجل الشتويه لازم نفرش اريدن همتج وياي

اي خاله صار

كالت

البيت برد وانه طاكني وجع بضلوعي منو لابد نفرش لحتى يدفه

اي خاله عادي

ياله امي يله تريكي كويلي عودج

طلعت تريكت مسويتلي بيضتين والخضره والخبز توه مخبوز حتى بي سمسم.

خاله انتي اليوم خبزتي

ايه

خاله شون شلتي العجين

لاه اوخويه شالها واهو يدنج يشلعهن

سكتت ونصيت خاف كللها اني صعدت لا جان كالت كملت اكل وخاله تركب اني غسلت المواعين وطفت الجداري خاله التفتت عليه

هاه نبدي باسم الله

اي خاله يله تشلهتت وبدينا جرينا الزوالي طبت ام عوف ويانه كمنا نجر بيها وماخلي خاله تجرها نفرش وام عوف تحجي على وحده وحده بالطرف بس والله تونسنا حسيتها نقلت اخبار الجمهوريه ههه كملنا المطبخ باوعتلي ام عوف كالت

انتي مسحي الزوالي بوصله مندايه وانه اروحن عالحمامات اكعدي علويه رحمه لاخيج لاتوكعين علينا

سويت الكلتلي عليه كملنا بقت مال استقبال بس ثكيله ذيج كلش كالت لمن يجي اوخوي وي ابو عوف راحت ام عوف واني متت جوع غسلت وصليت وجيت بجين الطباخ خاله جانت دتقره قران من فتحته لكيته مركه دجاج تخبلت اني اموت منها اني بالمي لحم كوه اجرعه بقيت صافنه التفتت خاله لصفنتي كالت

ها يمه تصبين

خاله ااكو روبه

اي اكوش يمه ماتحبي هالمركه

ها لا هي طيبه بس اني ماحبها كلتها وعضيت شفتي مبتسمه كالت

هاذ اهو شتحبين تاكلين

مادري

كالت

اكوش لحم منزل بالمثرمه تاكلينه حمس

اي اكو لحم مثروم اني اسري حميسه احبها

مالت

ايه سوي اليعجبج امي بيتج هاذ

اوك طلعت خاله من المطبخ واني اخذت راحتي ثرمت البطل واللحم والفلفل والطماطه منال العالم انكلبت سويت حميسه صارت تخبل وطبيت للغرفه ابدل لان طفر عليه معجون من دااخلي طلعت واعدل بالشال وصلت المطبخ الباب اندمت قوي طفيت الطباخ راسن واباوع لضله وره الشباك هذا السيد اكيد ابتعدت داارجع للغرفه خاله صاحت

تفضل خوي

يااللله ياستر

دافوت للغرفه لزمتني كالت

لوين شارده شني السالفه اكعدي لشو

خاله لا بس دا

لا تدادين ولا تشوفين اكعدي يمه ماصارت هاي شهرين مضن شهرين ييزي بعد ماترهم النوب هيج. نحن نفس الحوش

جننا بالممر نحجي واني كلسا اتلفت اكول حيطب وهو كلسا يصيح يا الله ياساتر. وخاله تحاجيني وترد

فوت خوي

اريد اجر ايدي منها هي مجلبه بيه تفهمني معصبه

نترت اهو كافلج يمممه حسبه ابوج او اوخوج وحجابج عراسج فوتي ياله فوتي

زين خاله بس ابدل الملبيه تراري

فرتي خلصيني واطلعي نتغده

اوك طبيت ركض يايابه وكعد وره الباب كلبي راح السيد رد صاح

يا الله ياساتر

فوت ياخوي جاي اكولك فوت

صعد فوك كبل بقيت بالغرفه لبست جبه فوك الدشداشه وتمددت منزل بعد ساعه مرت كلت هذا مينزل بعد طبيت للمطبخ خاله نايمه عالقنفه يمكن تغدو فتحت الثلاجه طلعت اللبن والزلاطه والخضره لا ممتغدين يحوز معاحبهم طلعت الخبز متت حوع صبيت الحميسه وسمعت خاله ورايه

ها يمه جعتي

ها اي خاله والله

صبت التمن والمركه وخلتها عالميز وكعدت بتعب

خاله شبيج

نعسانه بس انامن انكتلت

لا خاله احسن حتى النونو يكبر هه

ابتسمت بتعب خلت الخواشيك ولزمت تلفونها شوي ونزل السيد سوه

احممم يا الله

كالت

تفضلل دش

مد راسه شافني ورجع جان لابس فانيله نص ردن وسروال اسود رجع صعدت وخاله محجت شي شوي ونزل لا بس دشداشته الخيطتها اله نصيت ووهو وكف بباب الهول ويباوع عالميز ويتلفت عالدرج يمكن يريد يرجع خاله صاحت

تعال سيد اكلك راح يبرد

همس

السلام عليكم

خاله لازمه ايدي خاف لاكوم اني كاعده عالمرسي مال ميز االحميسه بالنص والزلاطات انحرجت كلش خجل الدنيا وخوفها انخبط بيه جر الكرسي بثكل وكعد جر نفس اني منصيه كلش وجسمي بده يرجف خاله باوعتلي مستغربه كالت

يله بسم الله

باوعت بعينها مدري ليش غركت عيني بالدمع خزرتني واشرت بحاجبها

عالاكل

لزمت الخبزه رجوالخاشوكه وبدت خاله تاكل حتى هو ممد ايده بس يباوع عالاكل ويجر نفس وايسوي

احمم بهدوء

ارتبكت حيل الخاشوكه بايدي اللي بحضني عركت غديت مي والخاشوكه بيدي كامت تزحلك همس

هاي شني الصحن قيمه خاله كالت

لاه. الا حمايس

جره قربه عليه اكل لكمه رفعت عيني اباوعله ياكل عكد حاحبه ويباوع علحميسه همس

عاشت ايدينج علويه خليلي عالتمن شوي

ردت خاله

هاي سوايه فرحه

كالتها وخلتله عالماعون مالته صفن عالماعون ساكت دفع ماعون الحميسه عليه واكل التمن والمرك اني بعدني لازمه الخبزه بيد ولازمه الخاشوكه بايد اللخ خاله همست

اكلي يمه مو سالفه هاي

هزيت راسي كطعت من الخبزه واخذت لكمه يباوع لايدي احسه كوه خليتها بحلكي واكل احس مدتنزل والله امتحان ماخاف هلكد احي روحي مراقبه بس هو مديباوع يباوع بس لماعونه وعيونه تصعد لماعوني لكميتين كوه جرعتها مدتنزل يمي كلاص مي شربت واغص غصه اريد الكحه تروح ماكو اريد اكوم من الميز النفس انكطع خاله تضرب على ضهري وتكول سمله يوم جا شجااج رفعت عيني من راحت الكحه شفته صافن عليه واللكمه بتك خد مدياكل يباوعلي بقلق همس

طيها مي يابا

اخذت من ايد خاله شربته الكلاص ومسحت دموعي جريت نفس وكفت رفع راسه باوع طولي ونصه خاله كالت

لوين

كلت بصوت ناصي. ف

شبعت والله

يمه مااكلتي

لا والله خاله شبعت حجيتها وباوعتله منصي راسه وياكل و يهز برجله

كوه عافتني خاله وطبيت عزززه غاديه مييي نزعت وخضيت جسمي ونمت راسن للعصر يله كمت طلعت بهدوء للهول وخاله جانت شاده المغذي لان واصفلها الدكتور متمدده عالديوانيه. والبطل معلك

ها خاله

هاامي وعيتي

اي

دروحي كملي غداج مااكلتي يوم

هسه اسوي لفه واجيج تردين شي

لا

اجيبلج فاكهه لعد حتى يتقوه النونو

اجل جيبي

جبتلها وكعدت كدامها اكل وتحجي ويايه

يمه فرحه البيت صرتي منو وفينو ماترهم كلما دش شردتي لكبتج حتى اهو ماراح ياخض راحتو فبيتو. راح مايفوت لون انتي هني يايمه سويها عادي مشيها

هزيت راسي موافقه ومنصيه

اهو بعد بيتو وهددشغل البر هالفتره فلزوم يرد لهني يرتاح ياكله لكمه تريح بدنو من تساوين اهيج راح يلفي الديوان وانه بصراحه اخافن عليه اريدنو يرتاح ببيتو فحاولي تاقلمين رويحتج وانه بعد وياج وحاسبج من حالتي وانتي حسبينو بعد

اوك خاله

عفيه يمه تعاي حدري سدي المغذي

اوك تقربت سديته وشلعته بيدها وتمددت تاكل وتسولف على وكت ابوها وامها وتضحكني لل٩ كالت

كومي طلعي ،الكبه سلكيها تعرفين

ياكبه خاله

كبه المدوره ساوتها ام محمد بس خلينها بنمجه جبير تنسك وبعدها تصفينها من المي وتخلينها بالصحن الجبير

خاله ليش مو تكلاه،السيد يحبها سلك

اوك سويت الكلتلي عليه وكعدنا بقيت الاكل بالفرن دنتفرج عالتلفزيون واندمت الباب عدلت شالي صاحت،دش يخوي

يا الله

دش اكولو

داش جا شني الواحد مايذكر اسم الله لو عبن. متكدرت تردين تطلعينها فيني

والله انت المقثوث وجاي تطلعها فيه

هاه

ديكمل حجي وطب شافني سكت باوعلي وباوعلها نصه راسه وصعد

ضحكت خاله كالت

يمه راح يطك ان مارد هو هاذ عبد من يوم يومه يداهر وياي ويحب يرادد

سكتت واباوع عالتلفزيون وره اكثر من ساعه نزل همس

علويه مامش عشه

لاخويه موجود كومي فرحه سا و ينا طماط وخيارلبينما يحمه

بذج اللحضه تمنيت اطم روحي هو كاعد عالمرسي مال نطبخ شون اسوي كمت اكل باضافري توتر وخاله تخلط باللبن وكفت دااثرم الطماط خاله فاتت تجيب دولكه للبن واني وخدي توني الزم الطماطه همس

غسلي ايدينج وفرك وجهه وغمض عينه ونصه وهز رجله بسرعه

سكتت التفتت عالسنك غسلتها زين وباوعتلها. نصيت يباوع لايدي من اثرم بهدوء واني ارتباك الدنيا صارت بيه لزم موبايله وكعد يكلب ويهز رجله انحرجت همزين مطلع دم كملت خليته بطاسه شفت خاله تقسم الكبه مثلثات بقيت صافنه مبتسمه بيتزل البدو كلت بداخلي جر الخبزه هو وبده ياكل برهاوه واني كعدت من خاله جرت ايدي اكعد اكلتها وحدها بله خبز واشوف السيد وخاله كومه اكلو زلاطه كمل اكله وكام غسل ايده واجه عالثلاجه كال

ماضلت مربى علويه

مربى مامش مربى

الا في قبل يومين جانت مربى فاكهه. كليتها وي الزبد.

ياخويه وينه في مامش مربى ماساويت هالصيفيه التهيت

يخوج مامتوهم انه كليتها بليل اكولج جانت بصحن صقير

هاااه هاي فرحه ساوتها فاكهه مقطعه وفوكينها عسل

فرح- صفن عالثلاجه وجر نفس طلع موز واخذها وصعد مباوعلنا بعد يايابه عاد دمست بالاكل احس روحي وكعت عليه شيلمانه من يطب يكعد يمنا ومن يروح اطير بعد منزل كملنا شغل وطبت خاله تنام واني هم حاولت مكدرت لل١ كمت من مكاني طلعت للحديقه مالتهم الباب مفتوحه وابو عوف شفته من بين الخوص يمشي طلعت بهدوء التفت باوعلي ابتسم

ها عمي مانمتي

لا كلتها خجلانه كال

الجو كاسر والهو يرد الروح ان بغيتي تمشي عالسواكي البستان فاضي

اوك

طلعت اتمشى بثكل حسيت روحي طير. وطيروا تمشيت. بكل البستان كطعت برتقاله مصايره من الشجره واكلتها لمحت الشاهين واكف ركضت عالبطات لا كامله وديسبحون بالساكيه مديت رجلي بالمي يوصل لركبي بس ممطلعتها ضامتها بالعبايه. جنت لابسه البوشي شلت عن عيني الخمار بقيت بس البرشي ابو الليرات مالتي السوته خاله بقيت كاعده واتذكر بابا كل خطوه بحياتي من تركته ومن تركني ومن رجعني ودلاله الي. تعبت واني اشتاق اله سمعت طكطكه ورق واحد ورايه بس ببعد امتار

عرفته السيد غمضت عيني ورجيت راسي عالشجره الورايه الهوا يخبل بس لو يعوفني هسه مو فارغ البستان شيريد بعد

تذكرت ماما. مادري وينها كون بس الزمها اعتب لحد مااتعب اتمنى اواجهه واكوللها

حرامات انتي امي بجيت واني افحر بهالشي وكم الكره بداخلي ناحيتها وتذكرت بيبي لميت رجلي لحضني وجتفت ايدي. حولها بقوه وغمضت سمعت صفكه الشاهين طار من فوكايه وراح لصفحه الساكيه اللخ شكد اكرهاا كمت وتمشيت وصلت الحضيره ابو عوف جان فاتحها ينضفها مديت راسي ابتسم كال

تعاي يابا حدري اخضي راحتج

ااعمو عادي احلبهم

كيفج هاي السطل بس ماضلن فد ثنتين كلهن انباعن يبت الغالي

بقيت صافنه بس صغار اكو وثنين كبار جريت السطل وكعدت وبدت احلب بهدوء جنت ناسيه شون بس دبرتها الريحه مطيبه بس صارت مالوفه الي. كملت وحده واخذت اللخ ابو عوف ابتسم كال

اليوم الحجيه تضل نايمه. عبن كملتيهن كلهن

هزيت راسي موافقه واخذت الصونده غسلتهم كلهم هدومي تنكعت بس مرتاحه وحتى الابل هم ارتاحت والريحه مالتهم راحت بقي ابو عوف فاكه البيبان مخلين شافط بالحضيره وبنكات اتفرج عليها صافنه ابو عوف كال

هاذ ابوج خلاهن الله يفك اسرو

الله يسمع منك عمو تحسرت وطلعت لكيت الشاهين قريب عالحضيره عالخوص مجلب اكيد صاحبه وياه بس ماهو طلعت من الحضيره ورجعت لبيتنا طبيت للغرفه شويه وسمعت طبكه الباب وانقفلت عرفته هو فتت للحمام سبحت وبدلت شكد ارتاحيت اذن وصليت وخاله هم كامت صلت نمت براحه بيومها   ودعائي لوالدي منكطع  يوميه وكلزلحضه بيومي  بس ردت الله يبين الحق

ثاني يوم الصبح كعدتني خاله

صارت تكعدني على وجبات الاكل اجباري اكل قليل اكل هواي المعم اكعد وياهم السيد بالبدايه كوه ياكل وميحجي بعدها تضل تسال بي خاله ويتجاوب وياها  على كد السوال

تكعدني الصبح عالريوك  واني كوه اتجرع اللكمه  

اكعدي يمه اساويلج بيض

االا خاله جبن آكل

هاذ جبن عرب

ليش ابو المثلثات خلص

حجيتها وندمت السيد رفع راسه جان منصي عالفون   رفع راسه باوع لخاله وباوعلي جاوبت خاله

اي جننه خلص  اليوم اوصيلج ابو عوفي يجيب لنا

سكتت وعيون السيدتباوع لاتجاه خطواتي ابد ميباوع بوجهي  واني اجمد بحضوره مااتحرك.   خلت خاله البيض المسلوك كومه وخمس بيضات مطكوكه بكل ماعون وحده بصف اللخ واني كاعده كالت

ماتسوين طماط وبصل وزيتون

اي خاله وكفت مرتبكه واجر بدشداشتي واعدل بشالي هو مويمي ديكلب بالفون وعاكد الحاجب ويهز برجله ويحجي وي خاله

علويه اضن مرت عمي بعافيه

ياهي منهن ياحافظ

ام صاحب

شبلاها. جنها نسره

شمدريني اول البارح اتصل علي اوخوها كللي

فرح- توني الزم الطماطه اثرم واشرلي عالتخته

غسلي ايدينج

فزيت ابتعدت ومنصيه عالتخته هزيت راسي اي رحت عالسنك غسلتها خاله منداره عالطباخ تصب الجاي واني التفتت عليه شفته ديباوعلي معاجبه ودار وكهه رفع تك حاحب كمل كلامه

اتصل كال. لون ما تمر هاليومين افضل كتلو المن  امرن بعد

كال

الك عدنا لحم لازم تباريه

كتلو ماابي خله لكم وان تبي اطلك اليوم قبل الباجر كال يصير خير ونهى اتصالو

عسى خيرهم ماكبلنا كول امين شيبي بعد

انه كلت ماكو غيرها هاي مرت عمي بعافيه ومطرش علي هاذ يخاف يصرف فلس من فلوسو ويموت بعديها

الله يجفينا شرهم

فرح- كملت قدمت الماعون بخجل  وارتباك ضجت حتى من حالتي. وروحي التفت عالثلاجه السيد كال

زيتون عليه هاذ وينو بالباب

جابته خاله وخلاه بالموعون وجر الكرسي وكعد  مديت ايدي اخذ الخبزه دفع الجيس  يمي راسن جريت ايدي وبديت اكل بهدوء كلش حتى معدتي متتقبل الاكل بحضوره ضل يسولف وي اخته ميباوعلي.  وياكل ويشرب جايه وخاله تبادله اطراف الحديث  مدري شون صارت وانتبهت على عضله صدره من يحجي تتقلص وتفك يحجي باعصابه عده شامه بطرف اذنه وركبته بيها شك قديم جوه اذنه   يحجي داير وجهه ومنفعل يصير احمر وخطوط كصته تبين باوع لصفحتي ودار وجهه ورجع باوع متفاجا عكد حاحبه لان صافنه علي اني راسن نصيت متت خجل داادفع الكرسي  برجلي واكوم دفرته برجله يايابهههه شكد كرهت نفسي بقه صافن على حركاتي وخاله تباوعلي

لحضات وابجي وخاله كملتها

فرحه مايصير هاذ خجلج زاد عن حدو باوعتلها وباوعتله عاكد حاجبه يباوع وينصي كالت

كعدي كملي ريوكج يايمه مايصير انه كتلج مثل اوخوج

بقيت منصيه راسي مرتبكه وخجلانه تعبت خلوني براحتي  ضل ساكت وخاله سكتت اندارت عليه كملت حجي اني نفسيتي من صدك انسدت بقيت منصيه   سكتو ثنينهم رفعت راسي ثنينهم يباوعولي  انحرجت حيل برطمت باوعت لخاله كالتلي

كومي يمه اخضي راحتج

كمت راسن دااغسل سمعته يكولها

علويه منا وغاد طرشيلي مواجلي.  بيد  ابو عوف البنيه ماحاي تاخض راحتها

خلها تتعلم ماريدن تتعلم الارتباك والخجل خلها كويه تواجه هاي بهيج وضع تنطوي على نفسها انه بعد بوكتها صرت اهيج ولوما السيد  حسين اضلن طول عمري اهيج مااعرف شوكت اخجل وشوكت اخاف من صدك اضل كل عمري خايفه وخجوله من كل العالم وطول الوكت

- علويه ماجاي تاكل زين 

لا بعد ماتطلع تاكل انه ماخليها

ماعرف انتي الاعرف ياله فيمالله مارايده شي

لا سلامتك يبعد اوخيتك يمتى موعد الزياره

عكبه

جا خوش بالسلامه

فرح- طلع وطبت خاله للغرفه كعدت يمي وضلت تحجي اني جنت هيج واخويه معافتي غلط تضلين هيج غيري وتعودي هو كافلج حسبه ابوج واخوج واني ساكته. واهز راسي بموافقه  راحت وكمت اكلت وسويت سلطه فاكهه اليوم منضفنا لان البارحه نضفنا   بقيت كاعده اتفرج تلفزيون  واكل سويت عصير لخاله والي هم وطبت ام عوف بيدها علاليك وكفت فازه

خاله احد اجه وياج

كالت

لاع فد انه يمه كلاص اميه يايمه نشف ريجي علوييه وينج في هاي مسوواكيج

جتي خاله وكعدت تشرب العصير وتنهد فتحت ام عوف الغراض كلها بناتي ونسائي بهاري يخبلن واني انشخطت تربعت وكعدت بالكع خاله كالت

كومي يمه كدري    هاي الهدوم ذبت عليه دشداشتين فانيله بهاري ووحده قديمه اخضر عسكري لونه كمت راسن تربعت على جسمي كيفت بيها باوعتلي خاله تبتسم همست

ست البنات فرحه البيت مامو هيج طرت نسيت وضعي ثواني وصفنت شاورتها

خاله هاي منين فلوسع

فلوس اوبوج  يمه فلوسو لا تتوهكين هاي رواتب المعمل اللي رتبوا

سكتت ممقتنعه بس مجبوره اقنع روحي. جايبه كماشات شعر كلها ورد وحنه وكرزات وسواف كيك  اشيل غرض غرض واني طايره    معطرات شامبوات ومنشفه كبيره ورديه بنوتاتيه تخبل هناك لزمت  جلادات ودفاتر واقلام صفنت عليها باوعت لخاله

شنو هاي خاله كلبي رجف

امعوف كالت

لاه هاذ موالكم هاذ لبيت ام محمد وصتني لبنت ابنها

سكتت راحت لهفتي للحضه حسيت روحي حرجع اكتب بالمدرسه مثل البنات  خاله حست بيه راحت ام عوف وضميت هدومي   طبيت غسلت ودشنت الدشداشه الجديده ضفرت شعري وتعطرت وضلت لزمه الدفتر تاكل بكلبي تذمرت من بابا جان يدرسني وكلها هاجت رجعت ابجي قبل مانام خاله نامت متعشت يجبس خلت بالفرن عشه لاخوها  ومن سالتني كتلها هواي اكلت فاكهه وهم بقيت شوي بالطاسه شي بداخلي يكول

بلكن يعجبه وياكلها مثل ذاك اليوم شوي احس روحي  داسوي اله شي

لل١١ طب للبيت وصعد منزل بعد لل١٢ طلعت للحديقه اختنكت خاله حست عليه

ها يمه شبيج

هاخاله لا حروح بالحديقه

خومبيج شي فرحه

لاخاله شوي شتاقيت لبابا

ااخ ربي ادعيله يايمه ادعي لايوكف لسانج

اي خاله جريت السبحه  وطلعت اعدل بالشال داسد الباب ورايه السيد نزل جمدت بمكاني  وهو هم وكف عالدرج بعدها كمل نزلته رجعت داافتح الباب اطب كال وهو يكمل الدرج بصوت ناصي

ماعليج مني جني  مني هني جن ماموجود

وعافني وتعداني بقيت بمكاني مادري شسوي اطب لو اطلع. تذكرت حجي خاله وطلعت شفته ديطلع الاكل مندار عليه طلعت بسرعه بالحديقه وكعدت حديقتنا بيها دجه عاليه من انزل رجلي  تطخ بالحشيش  اضل اوديها واجيبها ليكدام وليوره وحيل جبيره  الهوا طيب وصوت الواوي والذياب والجلاب يخوف ضلمه والباب مفتوحه بقيت كاعده ورايه حايط منتجيه السيد طلع سد باب الحوش ونصه راسه ورجع فات للبيت الطرمه كدامي يعني يدري بيه هنا ولمحني بس حتى ما احس بارتباك عافني براحتي  وصدك بقيت  لل٢ ضليت كاعده مضلت لحضه متذكرتها امي وننه وبابا كل يوم وياهم من بغددداد  لهنا  لحد هسه عيشتي بجيت هواي تعبت من صغري وماعرف شون حيكون مستقبلي طلع السيد للباب حجه وي احد ورجع فات لبس محزمه والسلاح بي  وكف ببدايه الخديقه ببعد خمس امتار حجه هو ومنصي 

اا هاي ام عوف مالها خلك

عكدت  حاجبي كمل كلامه

من ردت مني ملتويه رجلها

شسوي يعني جاوبت بهدوء ووكفت صعدت الدجه باوع لايدي الاستندت عالكاع كال

اذا فيج شده اخضج للحلب لون ابو عوف كال البارح انتي الحلبتيهن

صفنت عليه يحجي ويتلفت بامر يطلب وعبالك بداخله يتوسل وهم ميريد يطلب عبالك بس ماله غيري جاوبت

زين وحدي

حنا الزلم مانرهم لاحلب لوترهم مااتعب خاطري واكلج

بقيت ساكته  اباوع لوجهه رفع راسه باوعلي ونصه كال

رايح لبو محمد اخضي راحتج

لا اني اريد اجي بس قصدي اروح وحدي

لاه اكيده وياج زلمه بس تستري

اوك طبيت راسن للبيت لبست بوشيتي والجواريب والصايه وطلعت جان ينتضر بالباب وحده ويتلفت وصلت وراه سد الباب زين ويباوع لداخل البيت وتلفت  عالبستان طفه الضوه الجبير. البلوجكتر همس

امشينا بويه

طلع كدامي واني وراه امشي بهدوء واعدل بروحي التفت عليه كال

فوتي شوي واردنلج لاجل اشقل ماطور الماي

هزيت راسي راح وطبيت احلب

بلحضه حسيت روحي واحده منهم مثل بابا صرت كمت احب الشغل كمت احب الابل والنوك كمت اعرف الحمر الاصيله من الموحمر كمت اعرف اعمارها اسماءها  انواعها اكلها شربها مواعيد الحلب وانواع الحليب ان جان خفيف وبعد وكت حلبه لو مناسب وكته كمت اعرف كلشي  واخاف احب عيشتهم وارضى اضل طول العمرهنا جان هاجز يجي يوم وانتقل راحعه لبغداد هو المخليني عايشه بس ياخوفي هالهاجز مجرد حلم. واتاقلم والكه روحي منهم  واتعود راضيه بامري الواقع -------

ة٣٠٠٠ كلمه

عذروني تاخرت

متابعه ممتعه

بارت الباجر يخبل

ممدققه سامحوني عالاغلاط

مريم السعدي

ساره علي 

ا

فرح- كملت وابتعدت اباوع للحضيره الماطور اشتغل وكفت بالزاويه وصافنه

معقوله هاي حياتي حتصير هنا طب السيد بهدوء صاح ياالله. منصي وجر الصونده تلفت شافني ودار وجهه باوع للسطلات شالها طلعها اخذها ابو عوف بقيت جامده بمكاني البوشي اللابسته الابل والدجاج والريحه والحليب

هاي مواني شون حكمل حياتي هنا تعبت مجرد ان فكرت هالتفكير معقوله حصير وحده منهم وهاي حتكون كل اهدافي الحلب شون حربي اطفالي اذا تزوجت شفت السيد غسل المراح شال المشمع وميله طلعت الوصاخه ليبره. عالبستان بممرات تمشي بالسواكي رجع المشمع بمساطر الخشب ثبتها بالحافات مال حضيره واني بمكاني تشلها رفع دشداشته بالمحزم مال سلاح يشتغل بهمه وسريع

كمل شغل المراوح والساحبه الجبيره ووكف يرتاح نزع غترته الخضره مسح وجه هه وخلاها على كتفه بعد ماكانت ملفوفه على راسه باوع نضره اخيره للمراح وباوعلي درت عيني اشر

يله بويه

وطلع وهو منصي راسه نضره مباوع بوجهي يمشي وامشي وراه بيده اللايت ويتلفت التفت باوع لقدم رجلي همزين جنت لابسه جواريب وكفت جمد الدم بيه رجع التفت كمل مشيته بهدوء وخطوات واثقه دشداشته تنكط مي وينفض بيها سمعت صفكه الشاهين حط على كتفه فزيت مبتعده

التفت عاكد حاجبه ورجع كمل مشيته

ممبين مني شي مثل خاله صرت صرت منهم وبيهم وصلنا البيت الشاهين وكف عالباب وطبينا هو راسن فات الحمام واني طبيت للغرفه للحمام عدل ذبيت هدومي الوصخه واباوع لروحي بالمرايه

تذكرت قبل كم سنه روحتي وجيتي للمدرسه دلالي على ابويه جيبلي ىجيبلي مطاعم وطبه وطلعه سيارتنا من اشتزيناها هواي شغلات تختلف عن فرح هسه سبحت وطلعت ريكي ناشف من العطش لبست حجابي توقعته صعد طبيت للهول دافوت للمطبخ شفته نايم متمدد عالديوان بالفانيله والسروال وايده على عينه وريحه الهول مليانه عنبر

فزيت شجابه هنا شون ارجع لا بس اشرب مي وارجع طبيت المطبخ اخذت البطل مال مي من دافوت من يمه بهدوء طك البطل من عقجه فز رفع تك حاجب بدون ميفتح عينه جمدت بمكاني فتح عينه بهدوء باوعلي ودار وجهه راسن

اني مشيت ركض للغرفه.

شنوالبيك انت فلم رعب شنو البيك هيج جبروت وخوف بس خاله تكدرلك موكف البستان والبر

شنو صنفك هيج راعبهم وراعبني صدك حضل بكنهك طول عمري

حضل بهالخوف والتسلط ماررريد مارريد حسيت روحي اختنكت حييل مدااكدر طلعت من الغرفه عالمنور للحديقه افتريت وكعدت بمكاني قبل لاروح للحلب احس روحي ضايعه صدك ماضلي اهل. بس خاله حنينه عليه

بس ماريد اخلص حياتي هنا. لشوكت حبقى والله طكت روحي

ربي شوكت يستجاب دعائي بابا شون بابا بس يطلع اكوله رجعني

كضاها سنين ويصيح موقتا ونرجع لبغداد تالي ناسبهم وثبت اكثر غطيت وجهي بتعب الشاهين طار واجه يمي فزيت منه ابتعدت رجع تقرب مديت ايدي عليه اتلمسه طار بقيت اباوعله

نيالك الف مره تكدر تطير النوم غادر عيني. واني اباوع الفجر يجهجر دموعي تنزل واندعي

ربي فك اسره بحق حبيبك المصطفى

غفيت على تجوتي بحايط الصاله. وره ووييين حسيت بعطر العنبر بانفاسي فكيت عيني بهدوء شفته واكف بعد امتار يباوع وينصي عاكد حاجبه

فزيت كعدت عدل واعدل بشالي

جر نفس وفرك وجهه ونزل لحيته بترتيب يباوع عالخوص بقه واكف بمكانه وكفت اطب للبيت يمكن ميقبل ووكفته يعني فوتي عدلت روحي وطبيت شفته طلع السياره وسد الباب وعيونه من فوك الباب على باب المطبخ وراح ---

ساعتها نمت بفراشي بيه تعب الدنيا ومايسه حيل من وضعي  ومخنوكه منه الصبح كعدت على صوت الضحك مال خاله والسيد. نوبات احس روحي زايده عليهم مقيده راحتهم يعني يتجبجبون مني على كوله بيبي رغم خاله موهيج بس اخوها من اكون موجوده يسكت بقيت كاعده شوي وصاحت خاله

يمه فرحه كومي عاد الريوك منجوب

كمت واعدل بشعري غسلت وجهي ولبست الحجاب وطلعت لكيتهم كاعدين عالميز خاله دتصب الجاي باوعتلي كالت

يمه طولتي بنومتج عسى مامتوجعه

لا خاله باوعت للسيد رفع راسه باوعلنا ونصه عالخيار اكل قطعه جاوبت خاله

شوي بليل منمت من وكت. كعدنا خاله دتخلي البيض بالمواعين بله وعي خليت ايدي بحلكي اكل باضافري واباوع لخاله التفتت شفته يهز برجله. ويباوع لايدي معاجبه من باوعت بوجهه دار وجهه وجر نفس كال

ياله يابه وراي شقل

درينا ياخوي

يخوج ماصارت هاي ريوك صارله عشر سنين

اخخ طرشي ما يطول هالكثر ههههه

فرح- ضحكت خاله اليوم مزاجها عال جاوبها السيد

الله وكيلج لون مااحجي يصير طرشي ومحمض بعد

ابتسمت نقلولي المزاج المرتاح باوعتلي خاله كالت

يفدوه لفرده الغمزه اللي بخ اضحكي يمه وضحكيها وياج

نصيت بخجل خلت يمي الماعون وتقدمت اكلت براحه هالمره ومرفعت راسي من الماعون حدما طيرته رفعت راسي شفت يمه طاسه الفاكهه ودياكلها وي الزبد.

كملها كال

عاشت ايدينج علويه ربي يكومج بالسلامه انتي ووليدح

خاله ردت

وانه شمسويه سيد هو كلو بيضات وجبن من يمكم

فرح- تنهد يغسل  عالسنك ايده خاله ضهرها علينا تسوي كهوه   باوعتله كال

الحجيه. امي الله يرحمها جانت تكول الوحده منجن لون سوت شغيله بنفس طيب ولو كانت كلاص ماي تلكاه  قير طعم  ولو بنفس مازين  ونفس لئيمه لونها ساوت جدور وحطت وخبطت مابين اثرها  

كالها والتفت باوعلي بابتسامه  ودار وجهه عرفت قصده  عالسلطه ابتسمت نصيت شي بيه ارتاح انه اني سويت شي عجبه كال

ياله بامان الباري  لا تنسين دواج علويه

درب السلامه سيد

فرح- كمت وي خاله عالشغل ساعدتها  وكملنا وكعدنا كالت

باجر زيارته لاوبوج

اي اعرف

حضرتله كم شغيله بس كون  يتهنى فيها ومايوزعهن لن ادري بروحو كريمه

جريت نفس خاله هو بالسجن اكو جرابي مثل الافلام

اي سالت عبد كالي اسره

ها زين ياكلون شنو

والله يمه سوده بوججهي لو شوربه عدس لو شقيلات بسيطه هاي من يخلو لعبد يفوتله مواجيل يكون من حسن حضو ولو منهو الو نفس

خاله تتوقعين توالم وي وضعه لو بعده متاذي ويكول ليش انضلمت

والله يوم مادري علينا بالدعا والباقي يم ربج

الله كريم. جريت نفس باوعتلها

خاله اريد اروح ازور بيبي

صفنت بوجهي هزت راسها كالت

تدللي بس خلي يفضه من شقلو اخليه يودينا

شكرا.  تنهدت بتعب طبيت لغرفتي ردت  اكتب لبابا شي فتحت الورقه والقلم لزمته ردت اكتب شكد داابجي شكد دااختنك شكد محتاجتك شكد حاسه انه اني مثكله عليهم لكيت روحي

اكتب

حبيبي بابا.  لك من قلبي  الف سلام ودعاء خالص التحيه

والدي الحبيبي.   اعلم انك في خوف علي اولا ومن ثم على من احببت بتالي سنين عمرك. ومافي بطنها من ذريه

حبيبي بابا اني بخير كلش مرتاحه ببيت السيد  بيتهم جبير يخبل بابا وكلش حلو ومرتاحه كلش مدلله السيد مدللنا شنو اريد اني وخاله جابه الي

نوبات احسه انت.  بابا حبيبي لتخاف عليه ولا حتى على النونو مال خاله اني يوميه اداريها بعيوني   عيني عليها. واني كلش مرتاحه حبيبي بس انت دير بالك عروحك ولتايس من رحمته

بس بابا ردت اكولك شغله هاي خاله شكد تحبك. يوميه بليل اسمعها شكد تندعي الك وتكولي يوميه الصبح على غفله ابوج يدك الباب ويفوت واني وياها صابرين اصبر انت هم ويانا ولتايس. وتذكر عدك بنيه تحبك ومتنساك لو شكد متطول وحضل افتخر بيك البارحه تذمرت من جننا نقره سوه ونجحت وشتريتلي كلاده هديه تتذكر بيومها رحنا للمطعم وي ننه.

بابا صدك خاله جابتلي هدوم شتويه تخبل عليه بابا خاله كلش هواي تحبني ماعرف ليش ومتخلي احد يحاجيني حرف واحد

بابا ليضل بالك لو شكد مطول الوكت حد متطلع اذا خاله جابت اني اداري. اخويه مثل ما بيبي ننه دارتك بعينها. وراح تحبه هواي مثل ماحبتك بيبي بس بابا لتايس وباوع دزيتلك هديه بيد السيد بس ماريد تبجي من تشوفها واعدني بابا واعدني

هاي البارحه من شفتها كلش تاثرت كلت الا ادزها الك

بابا لخاطري لتايس وتترك دعائك وروحك ودير بالك على روحك لخاطري اني ولخاطر خاله واخويه او اختي بيباي بابا اتمنى اشوفك بس ادري بيك متقبل اوصل للسجن خليك بخيالي احلى صوره احبك بابا---

بنتك اللي تحبك بكد روحها

طبكت الورقه وخليت قران بيبي مبتسمه وعيوني تجري خليتها بعلاكه ثخينه. وتمددت هالفتره اعصابي تعبت مادري ليش مدااكدر اتاقلم عبالك اكثر من قبل قبل جان بابا ويايه واحس يجي يوم وارجع لمكاني الاصلي وعيشتي بس هسه بديت اايس نمت وحسيت بايد خاله بارده وتتلمس بخدي

فتحت عيني. شفتها تبتسم بحنان ماعرف ليش كمزت حضنتها بكل قوتي حضنتني وتتلمس شعري وتردد

مايخالف يضي عيني مايخالف يجي يوم تشوفينه واكف بطوله جدامج مايخالف يروحي

بجيت من كلبي وهي مهدتني حدما هدات وبقتني بحضنها صوت السيدصاح

علويه وينييج

بلي سيد جايه

بارعتلي وابتعدت بعدت شعري عن وجهي ومسحت عيوني همست رفعت حواجبها الاثنين كالت

انه كلت هالعيون مايوكعلها د مموع يمه

خاله شهكت خاله شتاقيتله حضنت روحي جتفت ايدي على جسمي ابجي واحجي فقدت السيطره. --اريد احضنه مدااكدر بعد

رجعت حضنتني وبجت ويايه

يايمه لاتوجعين كلبي يرد وروح اخوي يرد

هزيت راسي باستني من راسي وطلعت التفتت بالباب كالت

يله امي كومي نتغده مااكل اذا ماتجين

هزيت راسي موافقه كمت من الفراش غسلت وجهي وعدلت شعري ولبست الحجاب والجبه طلعت السيد جان دينزل وكف على اخر درجه منصي راسه. ينطيني مجال اكمل طريقي مشيت ومشه ورايه اخاف اعثر واوكع ابتعدت عن طريقه تعداني منصي. راح للمطبخ كعد على ميز الطعام وبده يحجي

وي خاله

علويه ام عوف مااجت ماا

بجلا خوي مااجت كالو بعافيه

ايه الحين اطرش ام محمد وبنات ابنها

اي والله رايده اعزل الصاله

بسيطه بسيطه اليوم جابولي اربع نثايه حمر اسله من السعوديه

هاه بيها الخير عساها مباركه

باللي يبارك فيج والله لكيتها لكطه وعبن بعدهن صقار خذيتهن

جا زين تساوي عجل ياهو الجاي يحلب ام محمد

فرح- طبيت بهالوكت السالت بي خاله باوعلي ونصه كال بصوت ناصي

البارح. اهي الحلبت لن توهكت واحتاريت وحاولت ارفستني ردت اروحن لبو محمد. بس جي لجحتها واعيه طلبت منها وماخجلتني

فرح- خاله فكت عينها ابتسملي وضمت الابتسامه والسيد نصه عالكلاص عالميز يحركه ويحجي بهدوء ولا موبالاه اله خاله طارت وبديت اكل بضافري كالعاده وخاله كالت

فدوه فروحه سراحيه ماي من ايدينج حبيبه

اي خاله كمت داافتح البوفيه شفته شال ايده اشر ويباوع لخاله كال

ايديج غسليها ونزل ايده على راسه ومسحه شعره بقت اباوعله. صافنه هذا شبي نترت نسيت نفسي

مغسلتها تره قبل شوي

كال

غسليها النووب

نتر صوته عله فزيت وخاله التفتت خزرته. وكف بعصبيه كال

ماريدن غدا طالع انه

مجاوبت خاله طلع وركع البابويعدل بغترته بقيت صافنه باوعت لخاله برطمت كالت

ماعليج منه ولا يتغده جننه بعير هاكبرو قابل ياثر فينو عدو قوه. بداخلو اكعدي اكلي اكعدي

كعدت اكلت قليل وحتى خاله هم وكلسا تباوع عالباب وتنصي كمنا لملمنا الغده ورتبنا طبت ام محمد وبنات ابنها استغربت بنفس كصتي من عمري كيفت عليهم كمت كلسا اسولف وياهم وهمه ينحبون ياخذون وينطون بالحجي عزلو الصاله واني وياهم. اساعدهم واحجي وهمه كملو ديروحون خاله كالت لام محمد خلي البنات وي فرحه وهمه كيفو وكعدنا بالخديقه كلسا يسالون

فرحه انتم همات تتسبحون بالحوض البره البيت

لا مانسبح بي

زين همات هاي الصنبوره بوسط الديوان تشقلوها وتلعبون فيها

لا ههه شنلعب بيها

جاوبتها اختها

لا ولج هاذي يخللون فيها ركي

بقيت صافنه

لا منخلي بيها شي

جانت اسماءهم

نور وعلا

نور الجبيره وعلا البس تسال

نور جانت بس تتفحص بالبيت وكلسا تسال

زين اهو السيد ينام عدج

بقيت صافنه

للا السيد ينام بغرفته

هاا جا مامتزوجين معناه صديك كافلج بامانه

اي طبعا هو جبير هوايه

خايبه منيلو جبير شحلاتو

سكتت صافنه سالتهم بياصف انصدمت بيهم

معهد معلمات وحده اول واللخ اخر سنه شون حسدتهم اخر شي نور كالت

ليش مارضيتي بمحسن اخوي والله انه سبع

نصيت راسي متوقعته اخوهم عبالي بنات عمه

جاوبت

بابا مقبل

كالت

حتى مرتين اجه طلبج لمن اوبوج. دخل السجن همات وكالو ارفضوني

بقيت صافنه نصبت راسي شعليه اني

زين انتي ماتداومين مدرسه

لا ميقبلون

هاه السيد مايرضى

اي حتى بابا جان يخاف عليه هو بعيد منا المعهد

كالت

اي فردن نص ساعه ونكون وصلنالو

هاه زين من ياصف

من الصف الثالث متوسط من تنجحين منو

اني نجحت من الثالث يصير اداوم بي

اي لويش مايصير

اتمنى اكمل هسه من يطلع بابا

ليش اهو راح يطلع

اي انشاء الله

بس جدي كال مايطلع بعد

لا لا يطلع حبابه اندعيله

الله كريم يكر عينج بشوفتو ياله حبيبه جدي اجه انه كلش حبيتج عليج الله لاتكطعين طرشي علينا جدتي ونجيج ركض

اوك راحو وطبيت جنت كلش مكيفه عدي صديقات صارو طبيت لكيت خاله تكوي هدوم السيد مغصتني بطني من شفتها تذكرت خوفتي من كويت هدومه وتبزكت

طبت غسلت وبدلت ومشطت شعري ضفرته  وعدلت حجابي وطلعت خاله كالت

ماتتعشين فرحه

اي خاله شنو اسري كالت

هاي شوربه عدس  عالدجاج ساويتها ولون ماتحبينها اكلي الي حباه كلبج

لا خاله احبها صبيت دااكل اندكت الباب خاله نصت عالهدوم واني عالماعون كال بهدوء

السلام عليكم وصعد

انحرجت كلش   اكيد ضل بله اكل من ورايه بعد منزل خاله صعدت الهدوم ونزلت راسن مبين ابد محاجته جتي تمددت واني مكدرت انام ابد طلعت للحديقه افتريت يم الفروخ  واسبح بيدي السبحه طبيت سويت سلطه كلت اخليها اكيد من يجوع ياكلها سويت طاسه جبيره توني اغسل ايدي طب هو شافني  نصه ديرد يصعد . اني حجيت

اااحروح انام  اني

وكف ضهره عليه التفت رافع تك حاجب ومنصي  راسه عالميز البي الهوسه مال الفاكهه

لميت عالسريع عفت الطاسه  وخليت خاشوكه  يم الطاسه  واباوع لايده قربتها يمه بقه يهز برجله  مبين عصبي واني وجودي غلط يمكن اذا عاط بيه انجلط غسلت ايدي عالسريع واباوعله يباوع للطاسه  فتتت من يمه وطبيت للغرفه اريد اسيطر على نفسي ودمه كلبي مااكدر خوفي منه فاق الحدود خصوصا لحضه اليكون  عصبي تمددت مكدرت انام ساعه ساعتين مضل شي مفخرت بي وتذكرت نور وعلا نيالهم خوات ولو يتامى بس امهم رجعت يمهم وجدهم وبيبيتهم موحودين وبالمدرسه شكد حلو جريت نفس تكلبت كومه مكدرت انام كمت اتصنت سمعت صوت تلفزيون يشتغل رجعت سديت الباب اروح واجي فتحت المجر لكيت كحل مال خاله طلعته وتكحلت بي بهدوء ابتسمت لعيوني البرزت اكثر ولونه فتح  خليت بعد  انفتحت اكثر رجعته وفليت شعري مضفور جان وكسرته مرتبه بنعومه اروح واجي كدام المرايه ضيكت خصر الدشداشه. واتفرج على جسمي تنهزت بتعب شبيه تخبلت شلت شعري طبيت غسلت وجهي ميت مره مراحت الكحله وجهي كام يلمع والكحله ذيج وينها مبينه عزه بعيني يله عادي  مديت راسي شفت صنطه طلعت ركض للمطبخ الطاسه فارغه ويمها سواري عالميز معدل ومحطوط لبسته عبالك يكولي هاي مقابل هاي رجعت للهول اتفرج ملل مللل ملل مرت الساعات ركض

سمعت نزلته بهدوء كعدت عدل طب باوع لناحيتي  مو بوجهي رافع تك حاجب ودار وجهه وكفت

ااحتروح للنوك

بقه ضهره عليه ووكف جاوب

رايده شي

ااريد احلبهم

مايحتاج ام عوف اجت

ااريد اشوف الجديدات

التفت باوعلي بغضب عافني وراح

هذا شبي ليش هيج يعاملني  دااطلع للحديقه طاح من فوك الباب ردي داخل

اني اشرت على روحي

كال وطب بغضب

لا احجي وي شاهيني مو خبلانه

داطب للحديقه حجيتها ورجعت ليوره

والحديقه يبيلها كحل امشي داخل بالعجلل

نتر وفك عيونه كلها

رجعت ليوره كلش تاذيت كرهت نفسي وكعدتي دااطب انركعت بالباب صاح

وثول من الله كون

التفتت عليه اريد انتر بي خنكتني العبره بقه يباوعلي بغضب

كال

هاه

تقدم واني رجعت طبيت خايفه شنو حيضربني. الخوف البيه كرهت نفسي من وراه مشيت سريع نزعت صايتي كال

ان شفتج كصدتي بره هالحوش هاي رجلينج اكصهن

رفعت وجهي باوعتله بغضب نسيت منو هو بهاللحظه نترت

شعليك مني مشترريني انت. قابل

هاذ اهو دامج هني وفبيتي عجل تحترمين حرمه البيت

اني شسوويت قابل

مادري شوفي رويحتج كلمن يعرف نفسسو خاطتلي الكحل ماتستحين تدوريلج ررجل

انت شعليك مننني

انتي امانه هني لا تتعبيني

اذا تعبان مني ليش مكتلي على محسن لو قابله بي ولا هالعيشه الزززفره

شمرت البرشي من وجهي من كلتها صوتي عله فك عينه كلها وتقرب كال بهدوء يخوف رحعت خطوه كال

ياهو الكالج جدد خطبتووو هااا احجيي

بجيت خوف منه داريد اركض للغرفه خاله طلعت بوجهي نترت

شكوووش شصاااير

خاله حبابه اريد ارجع لذاك البيت ماريد ابقى هنا

نترت بعصبيه

يول عبد شجاااك

شوفيها مكحله وتكلي عليج ماكلت على محسن ياهو الكلالللج وللج ياهو العلمج والله والليالي العشر ان عرفت انج قلطانه بشي لا تشوفين مني شي تتمنين ماتشوفين بعدو

خاله عفيه هذا شبيي صرخت بعلو صوتي دفعته خاله من البيت وتصيح عليه وايدها على بطنها طلع وكعدت ترجف اعصابها باوعتلي واني ميته بجي كالت

ياهو العلمج نور وعلا

اي خاله شنو يقصد يعني قصده اني داحاجي محسن هو اني اعرفه ياهو محسن

لاتبجين يايمه هاي هي اهو معصب وانتي بعد عصبتي زياده

خاله علمود الكحل كلب الامه والله ميت مره غسلته مراح

اهووويعبد لج يوم هاذ مايتحمل يخااف من يوم يومو يخاف لااحد يجيب سيرتج بشي هاذ ابو عوف شكد مامنلو يخاف منو يكول بني ادم مايسكت لسانو

شعللي مني بنته اخته امه شعلليه خاله اريد ارجع لبيتنا ووكوليله اني اقبل بمحسن

ولج مصري حسج لا يهيسه محيسن شعدو وين يكعدج بالخرابه يولو اسكتي

سكتت والبحيخ مفاركتني اني كلبه وادبسز لان حجيت وياه امداني امداااني خاله ضلت تمسد على راسي ليش غفيت ليش غمضت عيني نار بكلبي صارت لو منجبه عد امي احسن ولو انكس واصخم وين اولي الوش خلفتوني اذا متكدرون علخلفه. دعيت على روحي كومه للفجر يله غفيت حسيت خاله تطكطك باوعتلها ابتسمت بتعب كالت

يمه شعدج كلتي اريدن اطرشه لبوي

هذا الجيس خاله

اي زين

حيروح

اي طرش ابو عوف عالقراض

رجعت خليت راسي عالمخده. للضهر يله كعدت. كمت بلعومي مجرح من البجي هو شصار وهيج كلب الدنيا جيف جاوبته اني ثوله شكو اجاوبه اني اموت خوف منه بس متحملت لا النوبه اركض وراه اريد اروح احلب من طاح حضي لالا لو اسويله فاكهه بعد بوسي ايده

للعصر طب صاح بهدوء

علويه

جاوبت

هله كامت طلعت من الغرفه وسدت الباب تباوعلي بقلق وكفت وره الباب سمعته يهمس بعصبيه وحركان دم

هذن ان وصلن ليجاي لااحرك البيت على روسكم

خويه كصر حسك للصبح مانامت البنيه من البجي هدي روحك شوي

عجل تطلع مكحله وهي بنت بيت ياهو اليرضاها فهميها عكليها ما ذبحتني الا من جابت اسمو كلت هاذ شايفها والنربزانه يومين المحو يحوم حوالين البستان شترديني اصيرن

لالا حكك خويه

جر نفس كال

وانتي بعد لاتنطيها مجال بعد اخوج لازم تتعلم

خويه انت كاصي

انه كاصيي انهه ماتعرفيني لونج اخيتي وبنت اني وابوي انه كاصييي

لا بس ضاهرك هيج

انه موبيدي من اعصب هاي طبيعتي. واهي لسان ماتسمت ترادد طيرت عكلي من راسي اخخخخ. لونها مو بنتو اخخخ يويل ناري

خويه جنك مكبرها

ولج انه تكلي عليش ماعطيتني ولج الا شوي وتكلي عاشكتو

استغفر الله اهي وين شايفتو اهي بنفسها كالت انه اصلا ماعرف ياهو محيسن وشون كايل شكلو

ها ماشايفتو عجل

لا وروح اوخوي

استغفر الله استغفرررر. انه راد الديوانيه

خويه اكصد كبتك ارتاح

مااابي اضل هني واكل بروحي هدديني يخوج وطرشيلي مواجيلي ليجاي بيد ابو عوف

عبد الله

كولي

يخوي هدي لاتخوفني على ضقطك

عساني بالموت --------

متابعه ممتعه

البنات اللي تجاوزوا اخر انذار وراها بلوك تره اعتقد نطيتكم خبر

شكرا للمتابعه

وعذرا عالتاخير

ا

فرح- من يومها حلفت مااطلع من الغرفه من هو موجود ابد ابقى بالغرفه حتى ماااعفن صارت عادتي بالدعاء على روحي يوميه وبكل لحضه ومن اسمع صوته كرهته قاطات عن قبل يومين مرت موصل البيت خاله من تحاجيني بهدوء كلش ومتحجي غير كلمتين

تاكلين

حتنامين

يمه صليتي

وخلص

رجعت لخاله العافيه الحمد لله وكمت احس عليها بالليل يجيها تلفون تبدل وتروح للنوك. واشوفها تسوي صينيه اكل وتدزها بيد ابو عوف وتدز وياها ملابسه. وهو يجيب الوصخه. مرت اليومين بسلام

ثالث يوم بليل كهربائنا طكت لان محملين هواي البيت جبير والتكييف بي مركزي بس طابق الفوك بي تبريد وحد بكل غرفه خاله كالت

يمه حيجي الكهربائي عودك نفوت للكبه ساعه زمان لبينما يكملون

اوك خاله

وفعلا اجه وكمنا طبينا وسدينا الباب

اسمعه يحجي وي الكهربائي ويضحك صوته سوالي عقده شوي وراح واشتغلت الكهرباء صاح

علويه

خاله طلعت راسن كاللها

هاذ اهو اخضو راحتجن

وين رايح سيد ضل ويانا لحد هسه الرجفه بيه اكعد لاتطك مره لاخ

لا بويه ساويناها

لا تروح سيد. وعلي ان مشيت ارد لحوشي.

استغفر اللله بريسم انه مرتاح هناك

اكعد لشو اكعد. نتفاصل احنا وياك ييزي بعد بيتك اولى فيك

فرح- سمعته سكت عرفت حيبقى شوي وصعد بعد منزل طبت خاله كالت

يمه اخذي راحتج مينزل النوب

طلعت للهول شغلت التلفزيون جنت حابه اعانده اغثه نفس ماغثني ااذي بكلبه نفس مااذاني بحيث تمنينجت صدك اشوف محيسن واحاجي بس مو اني هاي لزمت الشال بيدي خاله كالت

يوم جاي اكلج ملينزل النوب اخضي راحتج وان نزل الحجاب مامنه داعي انتي بمثابه بنتو او اختو عاقد عليج افهمي

ذبيته دست على نفسي ادري بي يضوج من يشوفني بله حجاب تقربت عالمرايه خاله كالت

ها فرحه شجاج

خاله اريد اخلي كحله

هاه اي

عافتني مناقشت طلعت المحله ترست عيني ترس وكعدت عالقنفات بالهول اكلب بالتلفزيون والحجاب مو على راسي بس اكو شي عابلك مضيعته اخر شي رحت جبته ولبسته صار مني وصرت منه مااكدر بله شي على راسي بقيت كاعده للوحده خاله كالت

يمه ماتنامين مزين عليج

لا خاله ماريد اريد اتفرج

براحتج

عافتني وراحت نامت تمددت اتفرج متابعه مسلسلتين تركيه تفرجت فلم بعدها باوعت عالساعه ب٣ همه ب٤ يرحون للحلب كلت ب٣ ونص اطب للغرفه كمت سويت خيار ولبن دااكل بالمطبخ سمعت حمحمته الا شوي توكع الطاسه من ايدي لعد وين عنادج جبانه

اريد انهزم بعد فات الاوان لان لازم امر للممر بيني وبين روحي كلت اكعد كانما مشفته وشسويله يعني كعدت واكل وكلشي بيه يرجف حتى الخيار المثروم وي اللبن خفت اكله ويطلع صوت كمت اخذ بالخاشوكه بس اللبن طب للهول طفه التلفزيون عباله ماكو احد ديطب للمطبخ وكف بقيت منصيه عالطاسه مال لبن واكل بقه بمكانه رفعت عيني اباوعله شفته يعاين عالطباخ وعالميز بس مو بوجهي كالعاده دقايق وتحرك خله الجاي عالنار ترس القوري وعافه عالنار طلع بره. واني بمكاني دااكل شوي ورجع خله جاي والتفت ناحيتي صفح يباوع انداريت عليه باوعتله انتبهت ملامح وجهه شوي شوي تغيرت كانت اول مره يخلي عينه بعيني ويطول هلكد بالبدايه جنت اعاند بعدها كلبي كام يدك سريع

نصيت عيني ايدي اكثر من رجفتها رجفت طلع من المطبخ واني بمكاني الطاسه خلصت واني متبسمره شوي وسمعت خاله تكح بالحمام فزيت رحت ركض عليها

خاله شبيج

مادري يمه

وتكح بقسوه وتذب من راسها ركض السيدصاح

علويه شجاج ها اخظج مستشفى

سيد ماحايه امدر معدتي

حا بويه شكليتي بالليل

ماكليت فد شربت عصير

عجل البسي خلني اوديج

لبست خاله واني صافنه عليهم كال ويباوع على باب الطرمه

انتي بعد البسي

اجي وياكم

اجل تضلين بحيدج نتر ويباوع عالحايط عبالك مخبل يحجي وي الحايط

طبيت لبست البوشي وطلعت وي خاله وخاله الطريق كله تريد تون من الالم وصلنا مثل المجمع مو مستشفى ونزل هو وخاله ونزلت وراهم طبت خاله للدكتوره وبقينا بره رحعت خليت اصبعي بحلكي اكل باضافري

همس

ينعل الشيطان شون عاده هاذي

يحجي ويباوع عالباب مال دكتوره عرفت عليه نزلت ايدي عرفت تلعب نفسه لان اكل باضافري فرزنت ونطيته العذر غير غبيه اني بقينا تقريب النص ساعه محد فات من يمنا وطلعت خاله. كوه تمشي اخذناها ورجعنا. للبيت ناطيها خبوب لعبان نفس وهالسوالف تمددت ووجهه صار اصفر كلش ركضت سويت عصير الها وشربته السيد جان يمها بالغرفه كاعد بصفها واني اروح واجي ويباوع على فراشي وهدومي المعلكه وينصي راسه. شوي وطلع بقيت يم خاله كالت

يمه حبيبتي روحي للنوك خطيه ذن يصخنن لون ماانحلبن

اي خاله اوك نامي انتي بستها من راسها وغطيتها وطلعت شفته دينتظر بره كلت الا هو. يكول بقيت كاعده اجه صب جاي وراح للهول ورجع طلع ضل يلوب اخر شي طب نتر

تجين لو لاله

باوعتله بعينه هدات ملامحه ونزل ايده الجان ينتر وياشر بيها سكت نزلت عيني وكفت كال

ان تعبانه اتصل بابو عوف

كالها بهدوء

متعبانه وطلعت من المطبخ سد الباب ورايه وطلع كدامي طفه الضوه مشه سريع واني وراه لان مبقه شي للوذان طب المراح وسد الباب وكعدت راسن خطيه جانت متنكه وبقيت احلب وهو يغسل بيهن وبالمراح. كملت وحده رحت عالثانيه جريت السطله شوي تجبجب بقيت صافنه كال

فدوه بويه فدوه لاتهمين كملي

اوك

كملت شغلي ووكفت

كملتهن

هاه عاشت ايدينج هاذ اهو اوكفي جنب لبينما ماكمل

وغسلها كلها وتشهله قرب الصونده لصفحتي متوقعت علمودي كال

غسلي ايدينج

لا من نرجع

الا غسليها الحين لاتسهين وتاكلين باضافرج

انحرجت غسلت ايدي وهو يباوع عليها بعدتها واخذ الصونده سد المي ولفها وشغل المراوح وطلع وطلعت وراه اذن واحنا بالطريق كال

لبيك ياصاحب الاذان طبينا وطب للحمام كبل واني هم طلعت صليت وباوعت لخاله نايمه بس وجهه تعبانه يربي وصلنا لشهر الثالث شوكت تخلص

مكدرت انام طلعت للحديقه كعدت عالدجه واشوف العصافير تروح وترجع عالمي والعنب النازل من المسكف تاكل بي انفتحت الباب التفتت شفته واكف يباوعلي عاكد حاجبه. وباوع للخوص يعني هاي صدك عباله عدي شي وي محسن يجوز عباله داحاجي من الخوص زين هو مومامن البستان احجي وي روحي سمعت خطواته تتقدم الشمس بدت تطلع. كعد عالدجه ببعد كم متر عني

التفتت اباوعله شفت بيده كامره صغيره ديصور لعصفور من يشرب مي ابتسم برزانه وهو يباوع للصوره بداخل الكامره باوعلي عين بعين صرنا فزيت ضيق عينه ميل راسه مبتسم

مدري شصار بيه عركه حجي براسي صوت نور وعلا

خايبه منيلو جبير شحلاتو

تاملت ملامح وجهه شاربه ولحيته ورجعه شعره المضمومه بالغتره الخضره وهو هم يتامل ملامحي لحضات طلعت بيها من الدنيا بين قساوته وحنيه نضراته وابتسامته. فززني جناح الشاهين اللي نزل على اكتافه. طلع من جيبه الكف الحلد ولبسه ونزل لايده بعد الغطا عن عينه يباوعله ويباوعلي مبتسم برزانه طار الشاهين

صاح

ايهمم حدر ليجاي رد رجع بقيت صافنه شون يعرف اسمه. رفع ايده وطار الشاهين وشال الكامره صوره

بقيت اباوع للكامره باوعلي رافع تك حاجب يبتسم بمكر نصيت راسي امثل اللاموبالاه رجع نزل الشاهين صار بصفي

كال بصوت ناصي خشونه ورزانه ومليان حنان مو هذاك الجان راعبني قبل غير واحد كال

لاتخافين منو ماياذي كريب

مخايفه همست

مديت ايدي اريد الزمه تحرك تجاهه حط على ايده كامالسيد. وتقرب ناحيتي كلشي بيه فز وخاف من تقرب اول مره يسويها قرب ايده البيها كف النازل الشاهين عليها ونزلها لمستوايه كال

وخري البركع

وخرته بهدوء طلعت عيونه ضل يفر براسه باوعت للسيد بهالقرب وهو يباوع للشاهين مبتسم تلمس ركبته وراسه كال

اهو يحب هالحركه جربي

كالها مبتسم

وخر ايده

قربت ايدي بهدوء غمرتها بريش ركبته غمض عيونه. الشاهين كال

هههه حيال لونو عرف ايد نثيه وحس بنعومتها هههه

ضحك. واني ابتسمت بقيت اتلمس ركبته شعور حلو الجنت خايفه منه. هسه صار بيدي. مرتاح. باوعت للسيدابتسم رفع راسه باوعلي بوجهي يبتسم شوي وغابت الابتسامه جر نفس ورجع ابتسم بهدوء نصيت راسي عالشاهين وهو بعده يباوع بوجهي رجعت باوعتله نصه عالشاهين

عبالك استغل فرصه

الشاهين نزل من ايده عالكاع بصفي وكرمش روحه واني بقيت اتلمس بركبته ابتعدت السيد كمز للحديقه برزانه ونزل كنفد يصورنا ابتسمت ميلت راسي نزل الكامره باوعلي مستغرب رجع كمل تصوير طلعت خاله صاحت بصوت ناصي

يمه فرحه

نعم خاله فزيت وعبالك جنت بحلم صامت. كمت والشاهين فز طار باوعلها اخوها سوه احمم ابتسمت من شافتنا كالت

ضل بالي عليج

لاخاله هنا بالخديقه

جا خوش انه جاي احضر الريوك

بعد وكت كالت

مو السيد عدو روحه للبر

باوعتله وباوعت لخاله اللي طبت

بقه يباوع للكامره مبتسم اريد اشوف

شنهي

الصوره

هاه هاذي

تقرب صار بصفي شوفها الي والتفت باوع بعيني ابتسمت واني اباوع للكامره

شكد حلو تصور عبالك بالتلفزيون هاي شون تعرف

جر نفس رد وخله الكامره بجيبه

من زمان وايدي خضت عليها

ابتعد عني وطب للمطبخ طبيت وره شوي ساعدت خاله دااسوي طماطا وتذكرت غسلت ايدي باوعتله ابتسم ونصه سويت الطماطا والخيار قرب ايده اخذ خياره وكفت تقطيع بعدها راسن جان هاديء حيل وخاله تحاجي وهو يجاوب بضحكه. خليت الاكل اني وخاله وبدينا ناكل

لوهله حسيت روحي جزء من هالبيت نسيت تفكير البارحه الاسود وكمت استمع اله بامعان وعيوني محاوطه وجهه

علويه مامحتاجه شي من السوك عدي مره لسوك العبي

لاخوي سلامتك

جا خوش

فرغلي روحك هالاسبوع نبي نزور الامير

هااه

فرح- كالها وباوعلي جاوب

صار يجرالكم الخميس طالعين

جاخوش

لاتسوون غده اليوم. جايب وياي مسكوف

جا خوش

كام كل شوي يباوعلي وينصي مبتسم التفت كال

مامحتاجين شي

لا خويه الله وياك

طلع وسد الباب تمنيت يبقه اساله عن بابا اشوفه بعيونه ردت اشوف شكال شحجه. بس خجلت مكدرت احجي حجايه وحده بعد

للعصر كاعده اني وخاله نتفرج دك الباب وكح لبست الحجاب راسن خاله باوعتلي همست

يايمه موكلنا بلاه.

ماعرف خاله

براحتج

بقيت كاعده بمكاني طب السيد خله الغراض  البيده عالميز والتفت باوعلي ودار وجهه على خاله كال

علويه هاي شوي نوگه وحلويات بالعافيه على كلبوجن

نطلك العافيه خويه

كامت خاله دتعزل صوت الجقجقه مال جياسه وترتني ردت بس اعرف شنو اكو بالجيس التفتت خاله كالت

بره الغده نامله عالمسلسل مالج

اوك وكفت تقربت يم الجيس يايابه والمح نساتل كومه وجيس جبس جبير بتيته  جنها كونيه حتى وياه جيس نكهات   ومصقول وعلوجه ممخلي شي ردت اكمز لو مالعيب بس هم طفرت مني حجايه

اللله شكد احب هاي النساتل

التفت السيد مبتسم جان ديصعد التفتت ورايه شفته ديباوع مبتسم

عزه بعيني اخزي اكبر واحد رجعت كعدت بمكاني  واكل باضافري صبت خاله الغده جنا محضرين كلشي بس ننتضره نزل وخله تلفونه عالشحن بصفي النقطه مباوع بوجهي واني بقيت منصيه راسي رفعت راسي شفته ضام الضحكه وعيونه بالفون تركه راح يم خاله يحجي واني بمكاني اكل باضافري متوتره نسيت نفسي واتذكر من كلت الله شكد احبه واقلد على روحي واغم بنفسي  دك تلفونه  رجع اجه خاله بالمطبخ واني بالهول بصف المطبخ.  وكف يمي واني كاعده عالقنفه منصيه راسي رد

الو ها عمي اي باذن الله

اي الباجر امرلكم اي لاه لاه اكيده

ديحجي وبالي يمه منصيه راسي وايدي بحلكي مااحس الا لزم ايدي وعصرها هو واكف واني كاعده وايد اللخ يحجي بالفون بقه لازمها فشلت حيل عرفت من العاده السيئه بقه لازمها ويحجي ميباوعلي وايده ضاغطه على ايده.  ضاعت ايدي بيده  خشنه وجبيرهه والشعر بيها ومزينه بمحبس لونه دموي بقيت اباوعلها  رفعت راسي كمل مكالمه هدها وذب  تلفونه وطلع  شكد ضجت من روحي مدااكدر ابطل هالعاده انسى روحي واكل بيهن صاحت خاله

يله  فروحه

اي خاله جيت كمت كدامه غسلت ايدي وكعدت  ناكل ويسولف عالشافه بالسوك وعاللي اشتراه محط عينه بعيني ابد  تاملت ملامحه من مرتاحه وتحجي شكد فرق من يكون  عصبي سكت شوي سالته منحرجه

بابا شونه

رفع راسه ابتسم كال

بخير الحمد لله  بخير

زين تعبان وجهه مرتاح

ادعيلو بس اهو بخير وفرحان حيل بحمل بريسم

صدك ابتسمت طيته الرساله

شون عجل امانه ماتوصل لاهلها

بقيت اباوع بوجهه ابتسم يطمني كال

لايضلج بال انه  عيني عليه وهاذ العسكري ابن اوادم  شطرش عطاه له

نصيت عالاكل كملته وكمتا رتبنا ورحترنمت لان منمت قبل يوم للمغريجب يله كعدنا حتى هو صعد نام  كعدنا وخاله سوت صينيه بيها التساتب والحب والجبس واني فد مكيفه عبالك وكت  بابا  من جان يجيب حبيبي سوده عليه  نزل السيد وراح لشغله.  لل١١ خاله نامت واني لملمت الهوسه ورجعت كلشي بمكانه بس مكدرت انام. طبيت للصاله مالتهم شغلت ماطور النفاوره اشتغل اباوعله شكد حلو لكيت مكتبه بداخل البوفيه كلبت بيها لكيت قصه.  اسمها.   ورود ذابله  في نبع النهر   لزمتها كلبت بيها كتاباتها واضحه طلعت للحديقه عالدجه جانت مجموعه قصص بيها كلها عاطفيه. دااقره وسرحت بعالم الحب تاثرت حيل عمري ١٨ لحد هاللحضه ممجربه هالاحساس مجرد ان قريتها حسيت روحي عاشقه مااعرف لمن مشت ساعات واتي من قصه لقصه انفتحت الباب الجبيره رفعت راسي شفته فات عكد حاجبه  من باوع عالكتاب  وباوعلي  بقيت اباوع بعينه لبسك الاسود والغتره الخضره لفتها بدوره وجهك واللحيه الجوزي عيونك وحاجبك ورموشك كلشي بيك  ينبض قوه ضيق عينه وتقرب وكف يمي كال

شجابج عليه

رفعت راسي على كعدتي  باوعتله همست عجبني اقره

هز راسه ورفع راسه يلتفت عالخوص طلع بالباب تلفت يمنه ويسره طفه البلاجكتر ورجع طفه اضوي الحديقه بس ضوه الصاله ورايه يعكس بالكتاب ومضوي الجو شوي سد الباب رجع تقرب

العلويه نامت

هزيت راسي ونصيت عالكتاب جر نفس وكعد   ببعد متر عني باوعتله جر الغتره وعدل شعره ليوره سرح ويلمع التفت عليه كال

مضايكتج. كعدتي هني

لا عادي اصلا جان مكانك قبل

لون انج تدرين عليمن ماخذتو

وين اروح لعد

ابتسم هز راسه كال

لون ماتردين روحي البيت بيتج

شكرا بقيت اباوعزبعينه رمشه كلش كثيف جر نفس كال

شعجب ما مخليه ايدج بحلكج تاكلين باضافرج

تعشيت كلتها ونصيت عالكتاب

طكها بضحكه  ورفع راسه ونصه  كال

معناها لمن تاكلينها تكونين جيعانه

اي ههه

تعشيتم

اي تاخرت كلش انت

ماكدرت اهد الشقل كالها وباوع عالخوص جر نفس ابوج خلاني وحدي كطع فيه

هسه يطلع خاله كالت

وانه اثق بمناماتها  وانتي بعد لا تايسين من رحمتو

لا مااايس  

عفيه سباعيه من صغرج

شمدريك يعني من صغري

لكيت روحي احجي براحه الشال رخه على راسي ومعدلته كلسا يباوع لمقدمه راسي  الطالع منها الشعر ويدير وجهه

كال

انه اعرف عنج. وايد انتي ماتعرفينه

شنو تعرف ميلت رااسي مبتسمه  كال وعيونه  تتامل ملامي من منبت شعري لكصتي لعيوني والخدود والحنك

جان يتامل كل تفصيل  بالتفصيل الممل

جاوب يبتسم

وكيحه وماتسمع الجلمه

اني اسمع والله

والله انج ماتسمعين الا كلامج بعد

لا والله والله اني اسمع كلام خاله،وخالتج مماشيتج باللي تبينه

خاله مدللتني وانت تضوج لان مدللتني

وانه بعد اكولن لج تدللي باللي تبينه

كالها بابتسامه كلبي دك بسرعه  مدري تاثير القصص مدري تاثير عيونه جر نفس ودار وجهه حسيت الشال رخه معدلته جنت ضافره ضفيره راخيه نصه مفتوح ومفروك شعري  شفته باوع ونصه

وكف طلع تلفت بره شوي وطب والشاهين وياه وكعد ذب محزمه البي سلاحه بصفه وباوعلي همس

ماضلت  بزورات

لا اكو بعد بالماعون اجيبه

شوفيني وينو

كمت وكام ورايه طبيت للمطبخ بالملحق فتحته رفعت جسمي برهاوه ايده نزل الماعون حتى مرفع جسمه  باوعلي

كال تاكلين

لا عزه كومه اكلت

عافيات على كلوبجن

رجعنا لمكاننا وكلسا يلتفت يباوع لباب المطبخ خاف خاله تكعد عبالك خجلان من كعدته يمي من اخته. ياكل واني ساكته كال

مرتاحه هني

هزيت راسي الحمد لله

يستاهل نحمدو  بس انه كصدي لون ماخالتج ردت ترحيلها

باوعتله متفاجاه. ااذا جتي اروح

عليش

باوعلي مضيق عينه نضرته باستفهام وكف تكريز جاوبته

مشتاقتلها

يعني ماتردين النوب

لا اع علمود خاله واخويه

ابتسم هز راسه ونصه عالطاسه يلكط الفستق رجعت باوعت عالكتاب اجه الشاهين كال

اجاج الايهم جنه ارتاح بايدينج

لبس كفه واجه حط عليه التفت باوعلي كال

وخري البركع خله يامن

وخرته وتلمسته من ركبته نزله السيد شوي شوي يمي ونزع الكف باوعلي ابتسم  ودار وجهه الشاهين طار فزيت ابتعدت ورجعت كعدت عدل بقه السيد صافن عليه

عليج فزيتي

خرمشني بايدي المطي

ههههههههه باوع لايدي كال

مفروض ماتنزعين من الكف لن مخالبه كويه

شمدريني عابتله

ههه

ضحك وسكت يباوعلي عكد حاجبه يباوع بوجهي كال

هاذي عيونج والله ملونتهم بعدسات

فكيت عيني ابتسمت يعني تعرف للعدسه

اجل علسجيش مانعرف هم داومنا معاهد ونعرف صرنا مانعرف صدكيه من جذابيه

هههه لا هاي عيوني

مره تطوخ مره تفتح

اي من تصير دنيا ليل تصير طوخ وبالنهار تفتح

هز راسه يبتسم

مثل ابوج

ايي

كال ويباوع لمقدمه راسي

عدلي  الشيله بويه عدليها

لا خاله كالت عادي مالبس منك 

هاه الوش

كالها بنتره

مو خاله كالت انت كافلني  ومامني يعني حالها حالي

بقه صافن وكع الشال ضيق عينه اباوع ريكه بلعه يباوع لركبتي دمعت  عينه من كدما ركز اني شي بيه نقص عبالك شلته خليته على راسي هو. راسن تلفت عالخوص بغضب وكف طلع افتر شوي ورجع  كال

ماتنامين عجل

لا انتضر الفجر حتى احلب النوك

مايحتاج ام عوف ردت

حتلو وياها

اهي فد ثنتين

كالها هو ويمشي يفوت جوه

لعد اني احلبهن حباب الله يخليك وكف صافن  عليه هز راسه اجل كومي فوتي

اوك كمت وطبيت جوه سد الباب واني طبيت لغرفتنا تذكرت اني مذبت الزبل وخاله تضوج رجعت دااطلع شفته يم الدرج لازم المحجر ديصعد ابتسمت كال يبتسم

ها شناسيه

لا الزبل مذبيتها هسه بس اذبها

ياله براحتج.

رحت ركض ذبيتها ورجعت شفته بعده واكف بمكانه ابتسمت داطب  باوعتله واعدل شالي بعدني مادري البسه مادري انزعه  كال وعيونه تبتسم والغتره بيده ومحزم السلاح والسبحه

تصبحين على عافيه فرحه

وانت من اهل الخير والعافيه سيد طبيت وصعد 

ابتسمت احس روحي تعديت مرحله جبيره هاذ هوه مثل مكالت خاله حالي حالها وهاي الدمه اللي بملبي لان جنت اخاف منه بعد انسى شي اسمه خوف صرت من اهل بيته تقبلي وجودج هنا فرح هاي هي هاي حياتج تسنعين كلامه وتطبقيه لان مالج غيره

الفجر نمت محسيت من راحو للمراح كعدت الصبح على صوت خاله كمت طلعت وراها شفته ماعد ديكلب بالتلفون ابتسم من طبيت نصه همس

صباحج عافيه

صباح النور خاله اني اسوي بيض بالجبن

ها تفاحات خاله بلهفتي وراحتي ابتسمت وباوعت للسيد باوعلي ونصه يبتسم ويهز رجله. سويت بيض بالجبن وخاله قطعت الطماطا والخيار جابت ام عوف الخبز جديد وراحت وكعدنا ناكل اكل من اكلي كال

والله انه طعمه طيب ابتسمت دااكل بكل شهيه دك تلفونه رد ويمس بالكنينس اللي بالميز عكد حاجبه وكف كال

الى رحمه الله  عليش جاي  انه شلي دخل لااجي ولااصل ماجورين والله يغفر ميتكم انه مالي فيهم بعد ديمشي ووكف صاح

شنييييي عيد عييد الكلتووو    اليوم احرك ابهااااتكمنم

صرخ بعلو صوته فزينا وخاله كامت ركض صعد فوك ركض ونزل السلاح بيده ويربط بمحزمو ويصيح

ويغلط باعصاب فايره خاله حاولت تفتهم منطاها مجال -------

ة

  فرح- طلع وخاله وراه. كامت تتخربط لو تتقيا لو تدرخ والتلفون موكع من ايدها اجتي ام عوف طبت ركض تصيح كلشي مفهمت منها

خاله لطمت فهمت منها وضربت على وجهه وتصيح من الله  لاهناها لا اهي ولا امها الله لا رحمهااا

ام عوف لغتها ككلش  ممفهومه  ادوخ من تحججي النوبه  كمت اباوع بالوجوه   خاله ضلت تبجي كعدتها ام عوف   سويتلها عصير رسن وجبته  الها  شربته و  تمددت لزمتها البارده   ترجف نغطي بيها وميفيد  نامت خاله وكابلت ام عوف

خاله على كيفج كلمه كلمه كالت

يمه هاي مرتو عبن اهو جتال. اخوهاا  كتلت ولدو ببطنها. واجبرها تضل تالي حبلت مره لاخ وهددتو ان ما وداها لاهلها  كتلتو مره لاخ تالي عجز  ووداها لحين وكت ولادتها اتصلو فيه كالولو انه مات ببطنها واهو راح  وتفاصل وياهم وتعارك ورد صدك بموتته ابنو.  هالحجي من ثلث سنين. تالي طلع حي ابنو وحارمتو منو

عززززززه

اي بالله والحين عبن خوالها. مارادوها بعد موتته امها لونها مشكلجيه ومايبين عليها   اتصلو فينو كالولو تعال اخض لحمك لون الخايفين منها تزعل راحت لدار حكها

عزه بعيني هسه شون

اهو راحلهم والله يستر

خطيه بقيت صافنه  اتخيل روحي بمكانه يمكن اشرب من دمها  راحت ام عوف نضفت البيت وبالي يروح يمه ويرجع.  سويت اكل اني  وسويت سلطه كلت بلكن من يجي ياكلها.  حضرت محلبي لخاله ابيض   واتصفن يعني عمره ثلث سنين عزه جبير خطيه الله يساعده.  لليل تقريب ال١١ خاله نايمه واني بالهول دااتفرج سمعت صوت السياره فزيت كمت سمعته دخلها وصوت طفل يبجي بصراخ كزبر جلدي وخاله طلعت تركض

خاله بداعت بابا على كيفج

ييمه ماضلي حيل من الله لاهناها يايمه جابو جااابو ماجايه استوعب راح يكف عكلي

وضربت على صدرها وتبجي

طب  السيد صاير نار. غترته بيده السوده   ووجهه مدمه من ناحيه حاجبه وشايل طفل لابس دشداشه سوده وجهه منتهي من البجي وعركان فاحط طببه ويحاول يغسله خاله تقربت ووكفت خافت من اخوها لاول مرره.  ابتعدت اني موقف كادري شسوي بي صاح بعلو صوته

ييييزيييي من نعله على روح ببيتك لك ببببس انه ابوووك

وهو يصرخ يمممه

يابه كلبي راح خوف وقهر عالطفل

رفع السيد راسه باوع لخاله تقدمت خاله بهدوء والطفل يصرخ بلع ريك ياخذ نفس السيد باوع بعين خاله كاللها

شفتي شفتي. شساوت فيني شفتيها   حرمتني من حرموها الجنه وهساع ابني مايعرفنيييييي

وضرب عالميز اباوع الميز المرمر فوكاه جام  تفطر وايده تدمت عزه ماما.  متت خوف ركضت جبت الكطن من العده وشايلته بيدي.  الطفل سكت شوي وخطيه يباوع بالوجوه خاله تقربت باسته شمته وهو يشهك ويباوعلها مستغرب السيد ايده على راسه وكعد وخلاه للطفل عالميز نزلته خاله متحجي ابد

كال

مي

نطته مي شرب والشهكه بي ورجفه بجسمه  اخذته للغرفه هدا ورجع يبجي ورجع سكت بقيت صافنه مادري وين اروح ايد السيد انترست دم تقربت منه خليت الكطن يمه رفع راسه باوعلي ونصه صبيتله كلاص مي قربته يمه شربه ديكوم داخ ورد كعد خوف الدنيا صار بيه ماعدنا غيره هو. الكافلنا اني وخاله    رد كام وصعد والكطن بيده لف ايده بي

طبيت للغرفه بهدوء شفته الطفل صافن بوجه خاله خاله وخاله تباوعله وتجري عيونها

خاله فدوه ديربالج لتشوطين

يمه. هذا وليده عايني نفس وحمتو سبحانك ربي عايني تحت اباطو

باوعت وحمه حمره جبيره خاله تبجي وتردد

من الله  لا رحمكم كون

خاله  خطيه لتضلين تبجين باعي شصار بي

يايمه مابيدي يخاف مننا وليدنا ويخاف منننا

يجي يوم يتعلم خاله

بجه بهدوء يباوعلنا يتوسل كال

يمه

حبيبي انت سوده عليه

بجاني ذكرني بكلشي بيه انت هم امك امر من امي احجي وياه بداخلي تذكرت روحي من جنت ارفض لابويه  واريد امي تذكرت من عاندت الدنيا كلها لخاطرها تالي  طلعت متسوه

نام بالكوه والشهكه بي طلعت من الغرفه للهول لكيت السيد كاعد وايده على راسه طلعت خاله ورايه شافته وباسته من راسه

يتربه بعزك يحزام ضهري هاك اجاك حزامك ربه نفس مايبغى كليبك

رفع راسه رافع تك حاجب  بغضب باوع لخاله ورجع نصه

كالت

انسى الفات وليدك بحضينك خويه

والله لااحرمها منو

سوي التبيه

قدمت بلاغ عنها والله لا انسيها حليب الرضعتو من امهاا

بقيت اتصفن بالوجوه حسيت روحي ثكيله فتت للغرفه واسمعه يتحلف ويهدد وخاله تهدي بي كعد الطفل يبجي بصياح ويصيح امي

طب السيد ركض. نضراته تبجي عبالك مايس وتعب الدنيا بي تقرب منه يكله

ابوي انت انه ابوك لا تبجي شنو التبي لا تصرخ.  بويه لا تعذب كلبي والطفل يصرخ ويدفعه ويرجف فقد السيد صاح

ببببسس يززيزززي  وشمره على خاله وضرب على راسه

ابتعدت خايفه بزاويه الغرفه.  يصيح ويعيط والطفل يزيد رخاله تصيح

استهدي برحمانك الطفل انصرع

طلع من الغرفه وخاله تهديدبي هدا اخذته منها واسكته والهي شوي التهه طلعتله قلاقيلي. سواراتي واصباغ الاضافر ضل يلعب ويشهك طلعت شوي اباوعلهم وانصدم بالسيد يبجي ويحجي

ليش هالشكل الووش.  انه شني اللي بذر مني

حضنه خاله راسه.  وتبجي وياه ويردد

انه وليدي خايف مني يبريييسمم

يخوي يجي يوم مايكدر يتصرف دون مشورتك

يخووج تعبان تعب الدنيا فيني يخوج.  اذتتتني يعلم الله بكلب كلبي انتقمت مني واجادت انتقامها.

خلها تولي ربك بالمرصاد شوف خوالها مالفوها بس ماتت امها خلها تخمخم عدهم

والله لااحرمها نفس ماحرمتني

سوي التبي

والله لا ادخلها محاكم واخلها تلف حوالين روحها وماتشوفو ولج تسسيمينو صااااحب انه وليدي.  اسمي على اسم جتتتال اخوي وولد عمييي

ولك ياخوي هدي بصلاه محمد عليك بجاه جدك هدي

ويين اروووحن في ولج يخاااف مني وليددي مايعررررفنيي

هدي بعد اخيتك يجي يوم ويتعلم وكول كالت اوخيتي

يااااارب انت العالم بالنوايا

ايه يخوي ادعي واطلب منو

يااارب ما عامل غلط وانت الكلتها السن بالسن  ربي لاتحملنا مالا طاقه لنا به واعف عنا وارحمنا انت مولانا فانصرنا على القوم الضالمين

هاذ اهو هاذ وليدي السبع عبد الله.  هاذ انت مردك للقران ولربك. بعد اوخيتك

هدا السيد وكعد

بس من جان واكف حاضنه خاله راسه وهو رافعه ويبجي ويندعي يبجي متت بجي عليه هدا وكعد تسحبت لاول مره مينتبه لوجودي  رجعت يم الطفل همزين توه ديلوص بالصبغ اضافر واخذته منه لحكت. 

كام يرفس وتفل عليه بقيت صافنه

رحمه الله والديك  مسحت وجهي شلت الغراض بجه شلته واسمت بي رجعت طبت خاله تعبت حيل اخذته وتقره عليه يسكت ويرد يبجي

للفجر يله غفه السيد ابد منام يطب ويطلع لل٧ الصبح مكدرت انام طلعت من الغرفه شفته كاعد بالمطبخ. ديدخن اول مره اشوفه يدخن من سمع صوت طفاها باوعلي ونصه رد شغل وحده لخ يمكن عباله خاله.  باوعتله واعدل بالشال نصه راسه احس ماله خلكي ابد

طلعت طاسه الفاكهه شوي يبرد كلبه خليتها يمه

عكد حاجبه كال

مامشتهي ودفعها بهدوء

لا اكل حتى شوي تهدا مماكل شي من البارحه

رفع راسه باوعلي ونصه فرك وجهه بايده كال

تدوهنت

كعدت  كباله

باوع انت حقك بس هو هم طفل  متعلق بامه

رفع راسه باوعلي معاجبه رجع نصه

والله شبيك انت متدري ماما شسوت ببابا واني اصيح بابا اريدها ويرجعلها من ورايه. اني مو بيدي اريدها واحبها لان طفله مافرزن

اباوعله منصي ويهز رجله ويجر الجكاره بحركان دم

وكت يرادله. وهو من وحده يكوم يحبك

وجر نفس الجكاره بقوه وجاوب

ثلث سنين اهو رابي بعيد عني ههه والله يادنيا.  فرتني فر والله عاشت اديها عرفت رباطي كلش زين وشالتني منو وشمرتني

متكدر تدري ليش لان ابنك مرده الك   اسمك وره اسمه لو تودي للفضاء يبقى ابنك

هز راسه ومنصي همس

شون راح  يتعلم تعبان وروح اخوي  بزر شيفهمو اكلو انه ابوك مايفهم وياشرلها والنوب شافني ضربتها تخبل

ليش ضربتها كدامه عزه دير بالك تكرهه بيك

استفزتني انه ناوي اشرب من دمها. اشرب مننن دمها بس اهو الوكف بعيني

ميخالف تصير سوالف

يمتتتى يمتى بعد ماتطلع روحي ااااخ ربي اعلم بناري الكايده ماجاي تهده

الله يبرد كلبك.  هو عده هدوم

وكف هز رجله رفع راسه هز راسه لا

نشتريله هدوم ابتسمت هز راسه. اشتريلو الكون بس خله يتعلم علينا

انشاء الله يتربى بعزك بس شكد يشبهك نسخه حتى خاله شافت وحمه جوه ابطه كالت نفس مكان وحمتك

ابتسم ونصه راسه كال

فضحتني اوخيتي. عض شفته متحلف. فررحه فررحه لسانج  يرادلو حشش بويه انتبهي عاليطلع منووو

صفنت ونصيت راسي

حباب اكل الفاكهه

راح اكلها عبن حلكي تمرمر من مرمرو عيشتها كون

الله يساعدك عفته ومشيت طبيت للغرفه نمت والله يوم حافل مر علينا

وفرد جديد نايم يم خاله ووجهه مطكع من البجي كل نضره مني تذكرني بروحي. بصغري نمت واني عيوني عليه حسيت الضهر خاله مامو والطفل نايم تقربت منه اباوعله شكد يشبهه عيونه ورمشه الثيف وخزره حاجبه المعكود بسته بهدوء فتح عينه ضل يتلفت ويفرك بعينه برطم رد كال

يمه

شلته ابتسم واشاور بي

تعال اشوفك كتاكيتي شو حلوات بس طلعت شاف ابوه. عاط يصرخ يمه وكف ابوه عكد حاجبه. تقرب ياخذه مني مقبل جلب ويصرخ ابتعد وفرك وجهه وعض اصبعه خاله صافنه بقهر عليه اخذته وركض بره والله بس شاف الكتاكيت هدا يباوع صافن من تتحرك يبتعد من توكف يقترب يريد يلزمها جبت اكل اله صبيت والسيد وخاله صافنين عليه واني مثل العدها شي جديد التهت بي جبت تمن ومركه قدمته يمه اوكله مقبل نطيت من الخبز المرطب للكتكوت اكل

شوف دياكل انت هم اكل

اكل من شافها تامل ياكل بنهم ميت جوع. واكلت وياه التفتت شفتهم يباوعولنا هو وخاله وهو عيونه طايره عالخوص داير مداير الحديقه عدلت حجابي. وكملنا اكل طببت الماعون السيد كال

كملو

اي خلصه

خاله كالت

يمه ماتقنعي يسبح فيه ريحه

اي خاله

اخذته وتوسلت يغسل مات بجي مهتميت لحد مكملت غسلته لكيت السيد جايب ملابس جديده وبقه مجلب بالبجيه للمغرب السيد فقد راد يضربه واني اخذته وطبيت جوه ضل يصيح وي خاله وهذا بيدي يصرخ ذبيت حجابي ثولني واسكت بي. غفه من التعب بيدي ويردد اريد امي. خنكتني العبره. ذبيته بالفراش ايدي وكعت صح ضعيف بس تعبت لان صار هواي شايلته. لليل السيد رجع من شغله راسن طب عليه جننا كاعدين بالهول مشينا وراه اني وخاله باوعله وسد الباب وطلع نزع غترته بتعب وكعد بقوه عالقنفه. همس

شوري علي يم عكل الرجيح كليلي شاسوي

خويه صبر

اكلها مات الولد من البجي كطططع افادي

جرت نفس خاله دمعت عينها كال

كلها يومين طللعت روحي

مايهم خويه يتعلم

ديحجي والولد صرخ يبجي ريصيح يمه السيد سد اذنه من الصوت رحت طلعته للحديقه كام ميقبل باي شي. لا كتكوت لامرجوحه لا ابد فصل ويصرخ مفرفح اباوع السيد اجه صاح بي،بسسسسس ييزي سد حللكك لا افركي بيدينيي هششش

اباوعله نار صاير عبونه تخوف مرعب من يخزر اخذت الولد وانهزمت للغرفه وخاله حايره بينه وبين ابوه الولد مسكت كام يرفس حد ما خرب بيدي كمت اصيح

خااله خااله تخربط مدري شبي ركض عليه السيد اخذه من ايدي وطلع ركض وخاله تبجي وتدعي للفجر يله طب خطيه الطفل نايم بيده كانونه والسيد جوه عينه اسود وعيونه حمر اخذته منه همس

انتبهي بويه ايدينو

اي اي

نيمته بفراشي ونمت بالكع والسيد صعد نام وخاله طبت البيت هدا وكلنا بحاله حيره شنو نسوي ثاني يوم الصبح جابله بايسكل هم مفاد يريد امه الولد مو بيده للعصر كاعدين ناكل وهو شوي سكت من المسكن الاخذه واندكت الباب وكف صاح

هاذ ياهو

جاوبوا. احنا

فز بغضب صاح

وينو سلاحي

سيد رحمه لابيك وووين صاحت خاله شتريد في

ح

عافها وراح لبس ولف الغتره نتر

فوتن للكبه اريدن من الله ومحمد وعلي يطلعلجن حس وهذا ان بجه اخنكوه حد ما يسكت عسى بالموت

اخذت الطفل طببته وخاله ورايا سمعنا هوسه زلم وطبو الديوانيه مالتهم شوي وام عوف طبت الغرفه تهمس

علويه جايه امو بعين وكحه وخوالها وياها كلهم وشيخ عشيره الباوي همات

شيردون عزه بعينها كون

علويه تريد الوليد وخوالها يكلوله تضل بنت عمك ومالها قيرك اسحب الغضيه

خاله فركت وجهه بتعب كللت

ام عوف قدمت الضيافه

عجل شون سم ببطنهم كون ينزل راحت ام عوف شوي ورحعت كالت

الحكي علويه هاي تريد تضل وي وليدها وخالها يكول خليها خادمه لابنها

خاله وكفت كالت مستحيل وكفت وياها

خاله فدوه لعينج دير بالج اللي ببطنج لخاطر بابا

ولج يمه شسوي هاي ماتعرفيها شني هاي عكرب ابيض

معليج منها هو السيد يعرف يحل اموره

لج يوم شيحل هاذ يخاف الله بابنو شاسوي يااارب. يااارب دخيل اسمك حلها من عدك

ام عوف ردت

كالت

علويه خوالها يملون ان طلعت منها العيبه اطردها خلها خدامه لابنها وماعليها باحد ولا تطلع من كبتها وكت وجودك ولاتحجي وي احد

سكتت خاله حجيت وكااعرف شدخلني

خاله تره بس هيج الولد يسكت والله حيموت قهر دباعي نايم ويشهك صوته راح

كعدت خاله وايدها على راسها

وانه وين اتحمل كتاله اخوي عدي والله ان صديت لها اخنكها بديني

خاله ميخالف لخاطر الولد

اااخ ربي اخخخ

على غفله سمعنا الزلم تصيح والسيد صاح

بناكم طاللك بالثلاث خلها بعلمكم وان بغت تكعد ببيت الترك ماتوصل حدر بيتي حالها حال الخدم وانه المتفضل عليها بعد

سكتو كلهم خاله وكفت كالت

ياام عوف رايحه تكعد ببيتج

ياع وانه وين اولي

مادري يمكن ببيت ابو طه بيتنا الاولى

والله يساويلنا فضل عبن احسن مننو

السيد حاير ومايعرف شجاي يساوي سوده بوجهي ياخوي ماشاف راحه بعد طولي طوله ماتهنه من الله لانطاج سبب كل البلاوي الفيه اهي

فرح- بقيت صافنه ساعه ساعه الاشويه وراحو طب السيد للغرفه لزمته دوخه وسند روحه بالحايط صاح

جيبي وينو

اخذ الولد وراح وهذا يصرخ طب للصاله على غفله سكت باوعت لخاله خاله كعدت وغطت وجهه وبجت بحركه

خاله شبيج ليش تبجين

تاليها زبكت للبيت تاليها زبكت. اخخخ يانار كليبي الجانت السبب من اسباب موت اوخوي صارت فبيتو

طب السيد صاح بيها

يييزي بس ماتخطت عتبه الباب وحك روحو بيت ابو عوف صار بيتها اهي بالعتبه ماتدخل لاتشيلين هم علويه

سيد لا تضحك على رويحتك ابنك راح يجرجرها ليحاي اذا موهساع لمن تكبر واللي جانت تبي يصير لها قصب عننا كلنا

من اموتن ضاك الوكت عودك خلها تدوس عتبه البيت. انه مطلكها لحتى ما تفوت وتحرم عليه حرمه اميييي

صاح وضرب على صدره سكتت خاله وايدها ترجف تمنيت اختفي. بهاليوم من القهر الشافوه واكول على روحي ماعدي حظ انجب واسكت احسن صعد السيدفوك شوي وطبت ام عوف باست ايدخاله

علويه رجمه لابيج هدي

ماابيها ما تصل لهني

ماتصل وروح اخيج ماتصل بذاك الحوش والله انها ماتصل

صاحت خاله وشكت زيكها تخبلت شبيها خاله صاحت

ولج ذااك الحووش وينووو ماا ببطن حوووشنا. ما بكاع ابو حسسسين ما بكااع السيد

علويه اروحلج فدوه خفي على رويحتج السيد تراه ضقطو ارتفع ونزف دم دخيل جدج. دخيل جدج هدي

سكتت خاله وغسلت وجهه تباوع للمرايه ورجعت بجت شوي وراحت ام عوف تنقل غراضها. لذاك البيت باوعت لام عوف

خاله حتكعدين ببيتنا

اي يبنت الغالي ووعد وجلمه حك بس انه يطلع بسلامه الم قريضاتي وارد لاهلي وابو عوف بعد كالها

زين عادي اجيج لبيتكم شوي احبه لذاك البيت جيف بيبي وبابا جانو هناك

ياااا تشيلج عيوني فرحه انتي شيخه البنات وتنوري للحوش برجلج

ابتسمت من شفتها تهدي بخاله ومحروك دمها عليها بيت ابو عوف ببطن حديقتنا بس على صفحه بيت صغيروني بس غرفتين بي وحمام مرتب بس قديم ممجدد مثل هالبيت خاله مادري ليش هلكد ميته قهر هي صح اخوها لمرته كتل ولد عمها واخوها لخاله بس هي شعليها قابل هي كالتله بقيت حايره وياهم اربع ايام واحنا على هالحاله ام عوف متركتنا والولد يوميه يجيبه ابوه ساعتين ويتخبل يريد يرجع لامه

السيد سواله بيان وسماه عبد الحسين وهي امه مسميته صاحب جنت من اطلع بالخديقه يشوفني من شباك الغرفه مال بيتهم يطلع ويايه عالكتاكيت ابد مشفت امه اصيحه حسين ميعرف اله اصيح صاحب يله يرد

ها

سبوع مر والسيد لا غداه ولا عشاه بالبيت كله بالبر ريوكه ومن يرحع يروح المضيف ويدز عالاكل بيد ابو عوف خاله تموضت وهواي اشوفها تبجي حسين كام يجي يمد راسه من الباب من يشوفني موجوده ينهزم يضحك حتى الحكه مره مرتين شفت امه لحكته من ديطلع

انصدمت بيها

سمينه وجهه مدور بعرص وعيونها كبار حيل مفتوحه وبارزه حلوه بس وجهه بي مغضب ومبينه عليها اللئامه. صفنت بوجهي وصفنت بوجهه نترت بحسي صاحت

صااحب حدر ليجاي لا تتنكس بذاك الحوش وركعت الباب بوجهي بقيت صافنه الارعن فتح الشباك ومد ايده يضحك تقربت لزمت ايده ابتسم اشرتله عالكتاكيت نزل وباوع وره ورد طاع وسد الباب واجه ركض كعدنا يم قفص الفروح خاله طلعت شافته همست

حسين حبيبي تعال عمه تعال يبعد ابوك تعال

تقرب وباوعلي كام يترعن تقربت خاله حضنته وتشم بي تهمس باذنه

تجي عدنا بالحوش اشوفك الحوض مال سمج

باوعلي ابتسم هز راسه اخذنا للبيت وضلينا نلعبه وي السمج نطاهم اكل طب السيد اني هالفتره كلها شالي على راسي تعلمت عليه طب صاح علويه

فز حسين وركض عليه كام يرفس ويصيح ماما طب شافه عدنا ابتسم تقرب منه حسين كام يصيح كلش عالي ويبحي وجسمه يرتعش خاله بقت صافنه اني ردت اتخبل

اخذه ابوه كوه ويبوس بيه وهو ميقبل عصب السيد غمض عينه وصاح

لعنننه الله على رحهااا لعنه الله على روحهاااااااا كون منكر ونكير  ماقصرو وياها 

سيد على كيفك بس طينيا كمز عليه بس داريد اطلعه تخبل كام يرفس بالكع ويبجي صيح عليه ابوه

بسسس ييزي عااد ييزييي  ماشوف اله امه طبت شالته صاح بيها

شعععدج ليحاااي طابببه اني شكلت  والطفل يصرخ هي رادت تاخذه وهو يجر  وهو الطفل يرفس خاله صاحت

سيد الولددد حيموت بيدك  دخيلك

اني اصيح حسين حسين بس باوعلي السيدجان يصرخ بغضب دفع امه بكل قوته ردت بس الولد يباوعلي مدري شون غمض عينه اخذته من ابوه واردد صاحب صاحب بس باوعلي السيد جان يصرخ على مرته

ان شفتتج خطيتي ليجاي اكسررج اباوعلها جرت عينه معاجبها تستفز اكبر واحد الولد بيدي تخربط كمت اهزه

صاحب صااحب

مااحس  صيحه هزت البيت هزز

لاااتصيحيين صااحب وضربني  راشدي لدرجه راسي انركع بالحايط لزمت خدي احس نار يطلع منه حلكي دم طلع منه رفعت راسي خزرته  باوعلي عاكد حاجبه تعدل شوي شوي من شافني دمعت نصه راسه عبالك موهو الضرب نفسي اشفقت على نفسي  صارت صنطه خاله صاحت

عبد اللللله راسن تذكرت  بابا كلبي انعصر حيل ذبيت الولد من ايدي وانهزمت للغرفه دمعه مذبيت بس رجفه اعصابي اللي انها رت.  ----------

يتبع

ساره علي

مريم السعدي

متابعه ممتعه

عذروني عالاغلاط