تحميل رواية «الرقاصة والمعلم» PDF

وضحكه تقى وقالت لها تبقي بتحلمي يا اموره انتي هتبقي معايا بكره يا اما ما فيش نت طول النهار

ردت دينا بغيظ ربنا على الظالم

ضحكه تقى وقالت لها انا ظالمه ويلا قومي عشان نجهز الحاجه عشان بكره نكون فاضيين كل حاجه قدامنا احسن

ردت دينا اتفضلي يا برنسيسه وقامت دينا تغسل الحاجه

وتقى حطه الرموش على الترابيزه وجهزت المكاوي وكمان الميك اب ظبطته عشان يكون على استعمالها على طول وحاطط الضوافر كمان

وحطت الدبابيس والبنس ولمعت المرايات ومسحت الارضيه ودينا جهزت الاطباق والشامبو والبلسم والحاجه حطيتها للتجهيز الشعر

وصل تامر ودخل وقال السلام عليكم ردوا عليه وعليكم السلام ورحمه الله وبركاته

وقال لهم بتعملوا ايه

ردت دينا هنعمل ايه يا اخويا عندنا عروسه بكره وبنجهز الحاجه عشان بكره

رد تامر بسهوله كده في عروسه تجيلكم انتوا لسه فاتحين امبارح

ردت تقى قول ما شاء الله يا ابني احسن وكمان العروسه دي تبع الحاج صالح

رد تامر طيب يا ستي المهم يلا عشان نروح نتغدى مع بعض

ردت تقى اصبر بس شويه هخلص اللي في ايدي ونطلع سوا

رد تامر طيب يا ستي

وقالت دينا عملت ايه في الشغل النهارده

رد تامر الشغل كويس جدا وكمان استاذ يزيد انسان محترم

ردت تقى طب يا حبيبي يلا انا خلصت وخرجوا وتامر قفل محل والانوار

في شقه عبد الرحمن وطلع واتفاجئ ان الدنيا هاديه ما فيش صوت

وقال يا لهوي لو وفاء قتلت العيال وطلعت وفاء من وراه

وقالت واقتل العيال ليه هقتلك انت احسن اتصدم عبد الرحمن من جمالها وشعرها والميك اب

وقال لها هو انتي مين انا عايز وفاء مراتي

ردت عليه ما انا وفاء يا اخويا ايه شايفني عفريته

رد عبد الرحمن قال لها عفريته ايه انا شايف حته مزه ما فيش زيها ضحكه وفاء

وقالت له هم حبه الميك اب والشعر اللي هيخلوني مزه ما انا طول عمري مزه يا حبيبي

رد عبد الرحمن انا عارف بس انتي يا قلبي النهارده حاجه ثانيه ايه الجمال ده

ردت وفاء اعمل ايه الكوافير النهارده لغى الحجز بتاع الفرح بكره وافتكرت ان لما عم صالح قال لي على الكوافير اللي فتح تحت قلت انزل

قلت انزل اتكلم معها واتفق وكانت معايا ولاء والبنت كانت زوق قوي بصراحه وكمان عملت لولاء شعرها وعجبني

وقلت لها اعملي لي انا كمان بس ايه رايك





رد عبد الرحمن رايي ايه بعد الجمال ده كله ده انتي زي القمر انتي اعملي معاها اشتراك شهري هتنزلي لها مرتين في الاسبوع

ضحكت وفاء وقالت له للدرجه دي

قال لها اكتر يا قمر ما تيجي اقول لك بس كلمه واول ما حضنها شم ريحتها الجميله

وقال لها وكمان ريحه جميله

ردت وفاء ايه رايك

قال لها لا ده انتي قمر ده انتي النهارده ليله دخلتك يا جميل

ردت وفاء طب يلا عشان ناكل الاول

وشالها عبد الرحمن وقال لها اكل ايه دلوقتي انا ورايا حاجه اهم من الاكل ودخل اوضه النوم ونسيبهم

وفي البيت يزيد وصل يزيد ومعايا مصطفى وممدوح وعلي ودخله لقوا منار قاعده بتهزر مع سمر بيلعبوا مع العيال

وسناء كانت قاعده متضايقه ومخنوقه وقال يزيد فين الغداء

وقالت نيفين من عيني الاتنين يا حبيبي

وعلي استغربت طريقه نيفين وقامت منار وسمر يحضروا الغداء مع نيفين

وقال يزيد هي فين هيام

ردت هند في شقتها فوق مع اختها

رد يزيد روحي يا صفا اندهي الهيام قولي لها بابا تحت وعايزك

قالت له حاضر

اما في شقه هيام كانت شيماء بتساعد هيام عشان تجهزها عشان يزيد هيبات عندها

وقالت شيماء اتلحلحي شويه وقول الكلام للرجاله بيحبوا يسمعوا

ردت هيام صدقيني بتكسف قوي ما اعرفش اقول الكلام ده

ردت شيماء لازم تقولي فاهمه ولا لا

ردت هيام ان شاء الله والباب خبط وفتحت هيام

وقالت لها صفا بابا بيقول لك انزلي عشان هو عايزك

ردت هيام حاضر

وقامت شيماء لبست العبايه وقالت لي العيال يلا يا عيال

وقالت لها اصبري هلبس العبايه وهنزل معاكي

قالت لها طيب ودخلت هيام لبست العبايه



وشيماء روقت الصاله ولمت الاطباق حطيتها في الحوض

وطلعت هيام من الاوضه شافت شيماء بتدخل الحاجه المطبخ

وقالت لها تتعبيش نفسك يا اختي انا هطلع اعمل كل حاجه

ردت شيماء اسمع مني ما تعمليش حاجه اهم حاجه تخلي يزيد يقرب لك النهارده فاهمه ولا لا

ردت هيام حاضر كل شهر بقول كده ما بيحصلش حاجه

ردت شيماء ان شاء الله يا حبيبتي ربنا هيرزقك الشهر ده يلا بقى عشان الحق اروح عشان مش عايزه اشوف منار

ردت هيام طيب يا ستي ونزلوا تحت ودخلت شيماء سلمت على عمها ويزيد وكمان مصطفى اللي كان عينيها عليه

واتكلم صابر ما تقعدي يا شيماء اتغدي معانا وبعد كده روحي

ردت عليه معلش يا عمي هروح عشان العيال وكمان فايز في البيت مستنيني

رد صابر طيب يا بنتي توصلي بالسلامه اطلب لها يا مصطفى اوبر يوصلها البيت

ردت شيماء مش مستاهله يا عمي وانا هركب توك توك قدام البيت

رد مصطفى ازاي يعني تعالي بس هركبك وكانت شيماء فرحانه وخرجت معاه هي والعيال ومصطفى وقف لها التوك توك

وخرجت منار من المطبخ قالت لهم يلا عشان تتغدوا والكل قعد وقعدت قالت منار هو ومصطفى فين

ردت سناء خرج يركب شيماء وعيالها التوك توك ردت منار طيب وقعدوا كلهم يتغدوا ونيفين كل شويه تحط الاكل قصاد يزيد

وهيام كانت متغاظه ودخل مصطفى وقعد يتغدى وهو ساكت

قال ممدوح انا هنزل بكره السنتر

رد يزيد خلاص يا ممدوح ما تتعبش نفسك وخليك في المصنع انا جبت شاب يقف مكانك

رد ممدوح شاب مين ده انا حد نعرفه

رد يزيد ايوه الحاج صالح هو اللي جايبه يبقى اخو المستاجره اللي عنده

رد ممدوح يعني هو كويس وبيحسب كويس يعني وما فيش لخبطه

رد يزيد بصراحه شاطر جدا في الرياضه وكمان ما غلطش النهارده وقفل الميزانيه لوحده بتاعه اليوم

رد ممدوح طيب وسناء بصت على علي اللي لقيته عينيه على نيفين

وقالت هو انتم هتروحوا الفرح بكره

ردت منار اكيد طبعا لو انتي مش عايزه تيجي يا مرات ابويا خليكي ما تتعبيش نفسك

ردت سناء ازاي يعني لازم اجي وفضلوا يتكلموا

اما في شقه تقى كانوا قاعدين بيتغدوا

وقالت تقى انا مش قادره اعمل حاجه والنبي بس حط المواعين في الحوض وانا لما اصحى ابقى اغسلهم واروق الدنيا

ردت دينا خشي ريحي نفسك وانا هعمل كل حاجه

ردت تقى طيب يا ستي تسلمي وعلى فكره انت ليكي معايا 100 جنيه

ردت دينا حق اليوم يعني

ردت تقى لا يا اختي مش حق اليوم الزبونه اللي كنت بعمل لها الميك اب سابت لك 50 ووفاء سابت لك 50 هي كمان

ردت دينا تمام قوي كده خليهم عشان اشيل عليهم فلوس وانزل اشتري الطقم اللي انا عايزاه

وقال تامر ما تتعبيش نفسك يا حبيبتي وتعالي خدي الهدوم اللي انتي عايزاها وانا هبقى اخصمها من المرتب بتاعي

ردت تقى وانت مرتبك كم اساسا

رد تامر تصدقي ما اعرفش وما سالتهوش

ردت تقى ازاي يعني المفروض تعرف انت هتقبض بالاسبوع ولا بالشهر

رد تامر ما فيش مشكله هبقى اساله بكره

قالت له تقى طيب يا سيدي تصبحوا على خير وقامت دخلت الاوضه نامت على السرير

اما بره قامت دينا تلم الاكل وغسلت المواعين وتامر دخل نام ودينا هي كمان

اما في شقه يزيد كان قاعد بيشرب السيجاره بيفكر في اللي هيعمله مع تقى

وهيام دخلت اخذت الدش وخرجت لبست قميص نوم ورشه برفان وسرحت شعرها وقعدت على السرير



وقالت له ايه يزيد هيومه ما وحشتكش ولا ايه استغرب يزيد من طريقتها

وقال ازاي يعني طبعا وحشتيني وطفى سيجاره وقام قرب من على السرير وهو بيبتسم

وهي كانت خايفه واقرب منها يزيد بطريقه مختلفه عن كل مره وهيام كانت مستغربه نسيبهم

ونروح عند هاني في الكباريه اللي قالوا الاتصال من البلطجي

وقال له انا عرفت طريقها بس بكره هتاكد

رد هاني ما تتاخرش عليا

قال له ماشي وابتسم هاني وقال هانت قوي وانا هوريكي يا تقى ازاي تعملي معايا كده وقربت منه واحده

وقالت له ايه يا هاني مالك بتضحك على ايه

ردهاني ما فيش اصل انا عرفت طريق ليالي

ردت البنت توتر بجد طب كويس حتى لما هترجع اترجع زبون المكان برده

رد هاني ايوه فعلا وفضل له يتكلموا

وبعد وقت خرجت البنت من عند هاني وماسكه تليفونها وبعتت رساله وقفلت التليفون ورجعت تاني لشغلها

اما عند يزيد فقام دخل الحمام اخذ دش وخرج ولابس البنطلون و عاري صدر لقى هيام نايمه وانام جنبها

وقال لنفسه هانت كلها يومين واتهنى بالمهلبيه لوحدي وابتسم وراح في نوم عميق

اما عند نيفين كانت قاعده على السرير وماسكه التليفون وبتقرا الرساله بتاعه علي اللي طلب منها انه يقابلها دلوقتي على السطح

وكتبت هي مش هينفع اصل العيال نايمين جنبي على السرير وقفلت التليفون

وقالت كل واحد دلوقتي بيدور على مصلحته وانا مصلحتي مش معاكي يا علي مصلحتي مع يزيد ونامت في نوم عميق

وعلي كان متضايق من ردها وهند كانت نايمه جنبه والدموع على خدها عشان عارفه ان عمر علي محبها زي ما هي بتحبه ونام علي

وهند بصت عليه وقامت من جنبه ودخلت الحمام تاخد دش

في اوضه سمر كانت قاعده مبسوطه من كلامها مع منار وتغيرها معاها حتى يزيد لما سالها انها محتاجه حاجه ولا لا

وقررت انها بكره تروح السنتر تجيب فستان تحضر بالفرح واللاب توب كان مفتوح وجالها رسائل قفلت الفيسبوك ده وشغلت موسيقى هادئه وفضلت تسمعها لغايه ما راحت في نوم عميق

وثاني يوم صحيت تقى من النوم وماسكه تليفونها وبصت في الساعه ولقيتها 8:00 وقامت دخلت الحمام غسلت وشها وخرجت تعمل الفطار

اما بيت صابر كانت الكل قاعد على الفطار وبيفطروا

وقالت سمر بعد اذنك يا بابا انا عايزه اروح السنتر النهارده اختار فستان اروح بالفرح

وقالت منار انا هاجي معاكي ننقي الفستان سوا

ردت سمر ماشي وقال يزيد خلاص هستناكم النهارده في السنتر وفرح صابر بعلاقه عياله ببعضهم

وقالت صفا هي وحور ومالك احنا عايزين لبس جديد نروح بالفرح

رد يزيد ماشي يا ستي تعالوا انتوا كمان ونقوا اللي انتم عايزينه

وقالت منار ملوش لزوم عندهم هدوم كثيره والاطفال اتضايقوا

وقال يزيد خليهم يجيبوا الهدوم الجديده يا منار ما تزعلهمش

قالت له طيب انت اللي مدلعهم والكل ابتسم

اما عند تقى خلصوا الفطار وقالت يلا يا دينا عشان ننزل المحل عشان العروسه هتيجي هي واهلها

ردت دينا حاضر هدخل بس احط العبايه عليا وهاجي معاكي

وبصيت لتامر وقالت له عايزاك تخلص الشغل وتيجي عشان تقفل المحل

رد تامر حاضر من عيني الاثنين

وخرجت دينا بعد ما لبست العبايه ونزلت مع تقى المحل

وتامر راح السنتر

اما البيت الحاج صالح كانت وفاء نايمه على بطنها وشعرها نازل على وشها

وصحي عبد الرحمن على صوت خط الباب وقال بصوت ناعس مين

رد الحاج صالح ايه يا ابني كل ده نوم يلا عشان نفطر وصحي وفاء

رد عبد الرحمن حاضر وبص جنبه وافتكر اللي حصل امبارح وابتسم وقرب من وفاء اللي ريحه جسمها جننته

وقال لها ما تيلا يا قمر اصحي كل ده نوم

ردت وفاء وهي مغمضه عينيها سيبني يا عبده انا تعبانه خالص ابتسم

وقام دخل الحمام اخذ دش وخرج بعد دقايق لقاها لسه نايمه

وقال لها لا قومي انتي مش قلت لي هتنزلي الكوافير الساعه 10:00 مع العروسه ودلوقتي الساعه 9:30

قامت منطوره من على السرير وفاء ونسيت منظرها

وعبد الرحمن سرح في جمالها وقرب منها وقال لها لا انت كده مش عايزه تروحي الفرح تعالي بس اقول لك على كلمه سر زي امبارح

وقالت وفاء اللي انت بتقوله ده وزقيته ودخلت الحمام اخذت الدش

وخرج عبد الرحمن وقال له معلش يا حاج راحت علينا نومه بس مين اللي حضر الفطار

رد الحاج صالح يا ابن مراتك عامله كل حاجه في التلاجه يا دوبك انا طلعت وحطيت على السفره

رد عبد الرحمن تعيشي يا حاج وخرجت وفاء وهي لابسه العبايه انا اسفه يا عمي ان راحت عليا نومه



رد الحاج صالح ما فيش مشكله يا بنتي كفايه تعبك معانا ابتسمت وفاء وقعدت تفطر

اما في السنتر وصل تامر السنتر و شاف العمال بيفتحوا ويزيد واقف هو وعلي

وقال لهم السلام عليكم وردوا عليه السلام وقال انا افتكرت اني اتاخرت

رد يزيد ما تخافش انت جاي في وقتك المظبوط رد تامر تمام

وفي محل تقى فتحت ودخلت وشغلت النور والمراوح وبعد دقائق سمعت صوت عربيات واقفه قدام المحل

ونزلت ولاء ومعاها اخواتها البنات والعريس واخواته البنات ودخلوا

وقالت ولاء احنا جينا في الميعاد المظبوط

ردت عليها طبعا يا عروسه والف مبروك

ردت ولاء الله يبارك فيك عقبالك يا حبيبتي

ردت تقى ان شاء الله وبصت لدينا وقالت لها جهز الماسك عشان نعمله للعروسه قبل اي حاجه

ردت دينا تمام

وقالت تقى هو الفستان فين يا عروسه

قالت ولاء تصدقي نسيته في العربيه

ضحكه تقى وقالت لها معلش اتصلي بالعريس يرجعه لك

قالت له حاضر ومسكت ولاء التليفون واتصلت على وائل

وقالت له انها نسيت الفستان في العربيه

وقال وائل 10 دقائق واكون عندك ورجع وائل بالعربيه وشاف عبد الرحمن و وفاء والحاج صالح واقفين قدام المحل

وقال الحاج صالح مبروك يا ابني

رد عليه الله يبارك فيك يا حاج

وقالت وفاء بتعمل ايه هنا

رد وائل هعمل ايه ولاء نسيت الفستان في العربيه واتصلت بيا قلت اجيبه لها

قالت وفاء طب سيبه وانا هدخله لها

رد عبد الرحمن يا ابني فيها عريس زيك يصحى من بدري ليله فرح وكده

رد وائل اعمل ايه مع حكم القوي

ضحك عبد الرحمن وقال له لا ده انت عايز مني جلسه وهتبقى زي الفل

ردت وفاء بقول لك ايه ابعد عن اخويا هو كده كويس قوي اضحك الكل

وقال عبد الرحمن وانا اللي كنت عايز مصلحته

رد وائل يا عم بعدين خليني اروح انام ساعتين قبل ما اروح للحلاق

رد عبد الرحمن ماشي يا عريس راح وائل ركب العربيه

واخذت وفاء الفستان ودخلت عند تقى وزغرطت وهي ماسكه الفستان

وقالت لها اتفضلي يا تقى الفستان اهو

قالت لها ماشي وعلقيته لها والبنات كل واحده علقت الفستان بتاعها

قربت وفاء من تقى وقالت لها بصراحه تسلم ايدك امبارح كان احلى يوم في حياتي

ضحكه تقى وقالت لها اي خدمه

ردت وفاء خلاص يا ستي هعمل معاكي ابونيه شهري وكل اسبوع هنزل لك مرتين

ردت تقى عيني لك يا قمر المهم تكوني مبسوطه

ردت عليها واكتر من مبسوطه وبدات تقى تشتغل مع العروسه والبنات ومعاها دينا الحاج صالح باعت لهم العصاير والكنزات

ودينا شغلت الاغاني ومسكت البنات يقوموا يرقصوا ويزغرطه

اما في السنتر دخل عبد الرحمن

وقال يزيد يا ابني نفسي مره تيجي بدري هو كل يوم سهر كده

رد عبد الرحمن المره دي بريء وما سهرتش بره طول الوقت كنت في البيت

وقال يزيد كذب طبعا عايز تقنعني ان انت امبارح طول اليوم في البيت

رد عبد الرحمن والله كنت في البيت اصل انت ما تعرفش اللي حصل لي

رد يزيد يعني حصل لك ايه

قال له عبد الرحمن ملاك كده من الخيال بقول لك ايه فكك مني وخليني اخلص الشغل اللي ورايا عشان هخلص بدري واروح عشان الفرح

رد يزيد ماشي يا عم وراح عبد الرحمن يخلص الشغل اللي وراه

اما يزيد مسك التليفون وبعت رساله على رقم تقى وطلب انه يقابلها وتقى كانت راميه التليفون في الدرج وشغاله مع العروسه والبنات

اما في البيت بتاع يزيد

وقالت منار قوم يا سمر جهزي نفسك عشان نروح عند يزيد والدنيا رايقه

ردت سمر من عيني الاتنين ودخلت تجري على اوضتها

وقالت منار الاكل النهارده على نيفين وهيام

وقالت سناء وانتي يا منار هتعملي ايه

ردت عليه وانتي مالك يا مرات ابويا انا هعمل ايه بس عشان هريحك راحه مع سمر نجيب الهدوم والعيال

وهرجع على البيت عشان اروق الشقه في حاجه ثانيه يا مرات ابويا

ردت سناء ابدا كنت بسال عادي يعني

ردت منار طيب يا اختي وطلعت منار شقتها لبست العبايه

وحور راحت عند هند وقالت لها ممكن يا ماما تعملي لي شعري

وقالت هند تعالي يا حور وعملت لها ضفيره

السنتر يزيد كان واقف على نار وماسك التليفون وكل شويه يبص عليه

وتامر قال لعبد الرحمن انا هطلع الحمام ممكن تقف مكاني شويه

رد عبد الرحمن ماشي بس ما تطلعش الحمام اللي في الدور بتاعنا روح الحمام اللي في مكتب الهدوم الخروج هيكون احسن

رد تامر ليه

قال له عشان السباك بيصلح هنا

قال له حاضر وطلع تامر

وصلت منار وسمر مع العيال ودخلوا وسلمت منار على عبد الرحمن

وقال لها ازيك يا ام مالك ايه النور ده

ضحكه منار قالت له كويسه يا عبد الرحمن

وقالت صفا بابا فين

رد عبد الرحمن في المكتب يا ست صفا ما كنتش هتسلم على عمك عبد الرحمن عايزه تطلعي لابوك على طول

ردت صفا ببراءه انا اسفه يا عمو بس انا عايزه اروح لبابا

قال لها ماشي يا حبيبتي اطلعي له وطلعت تجري صفا

وجه علي وقال له ايه ده جيتي ليه يا سمر

ردت عليه في ايه يا علي حتى امك قالت كده برده مش يزيد من امبارح

قال لي لو عايزه اخذ طقم احضر بيه الفرح النهارده اجي واختار اللي انا عايزاه

رد علي ايوه

قالت له خلاص انا جايه اخد الفستان اللي هحضر بيه النهارده الفرح

رد عبد الرحمن يادي النور سمر هانم هتحضر الفرح بنفسها

وقالت سمر بغرور اي خدمه يلا بقى يا منار خلينا نطلع ننقل اللي احنا عايزينه

ردت منار يلا يا ستي وقربت حور من باباها

وقالت له وانا يا بابا عايزاك تنقي لي فستان حلو

رد عليه وهو بيشيلها من عيني الاثنين يا قمر ويلا يا بنات خلونا نطلع

وطلعت صفا مكتب يزيد وقالت له بابا

رد عليها ايه يا حبيبه بابا جيتي مع مين

قالت له مع عمته منار وعمته سمر

رد عليها هم فين

قالت له طلعوا يشتروا فستان اللي عمته سمر وانا كمان هشتري فستان انا وحور

رد يزيد وهو بيشيلها من عينيا الاتنين يا قمر وخرج بيها

اما في المحل عند تقى كانت شغاله مع العروسه بتظبط لها التاتو اللي عملته لها بدل الحنه

وقالت ولاء هو كده هيبقى حلو

ردت عليها طبعا حلو الحنه بتروح بسرعه اما التاتو هيفضل فتره طويله

ردت وفاء اسمعي كلامها وانتي مغمضه اسمعي مني

ردت ولاء ماشي يا ستي وفضلت مع البنات تعمل لهم تاتوهات ودينا بتساعدها

اما في المحل سمر اختارت فستان وقالت انا عايزه اقيسه الاول عشان محتاره بينه وبين التاني

وقالت منار خلاص خشي الحمام

قالت لها طيب وراحت عند الحمام وخبطت على باب وتامر كان جوه بيتوضا والباب عمال يخبط

وقال ثواني وسمر اتضايقت وخرج تامر وهو بيقول في ايه مش بقول ثواني عماله تخبطي ليه كتير كده

ردت سمر انا حره واعمل اللي انا عايزاه انت اللي بني ادم ما عندكش دم قاعد كل ده في الحمام بتعمل ايه

رد تامر مش هرد عليك عشان انت بنت

و قالت له ولا تقدر ترد انا ممكن امشيك دلوقتي حالا من المكان

قال لها ليه كنت صاحبه المكان وانا ما اعرفش

قالت له لا مش صاحبه المكان بس بنته

قال لها ولا يهمني ومشي وسابها وسمر اتغاظت

وقربت منار وقالت لها ما جربتيش الفستان ليه

ردت سمر مش هجرب حاجه ويلا عشان نمشي

قرب يزيد وقال لها في ايه وعايزه تمشي ليه يا سمر

قالت له في واحد قليل الذوق ضايقني

رد يزيد مين هو قالت له كان هنا في الحمام من شويه

قال لها طب ثواني وراح سالت مين اللي كان في الحمام

واحد قال له ده كان تامر وراح ينده عليه

وقالوا له انه بيصلي قال لهم ابعته لي قالوا له طيب وراح لها

وقال لها ما تزعليش نفسك انا هجيبه يلا قيسي الفستان اللي يعجبك

قالت له حاضر ودخلت الحمام تقيس الفستان

وبعد دقائق تامر خلص صلاه وقالوا له اطلع الدور اللي فوق عند يزيد قال لهم طيب

وطلع تامر وقالت سمر هو ده يزيد اللي ضايقني

وقرب يزيد منه وقال له ايه اللي حصل يا تامر رد عليه باحترام انا كنت بتوضا وهي عماله تخبط وانا قلت لها ثواني وهي فضلت تخبط ولما خرجت كلمتني بطريقه قليله الذوق وقلت لها مش هرد عليك عشان انتي بنت وهي قالت لي انها تطردني

رد يزيد هي قالت كده رد عليه ايوه يا فندم ندى على سمر وقال لها الكلام اللي تامر قاله ده حصل

قالت له ده كذاب ما حصلش الكلام ده قال له انا مش كداب يا فندم ولو مش مصدق براحتك انا ممكن اسيب الشغل حالا

ردت سمر يا ريت وقال يزيد بس انتم الاثنين الكلام ده انا هعرف من الصادق والكذاب لما ابص في الكاميرات

خافت سمر وقالت خلاص يا يزيد مش عايزين مشاكل انا هختار الفستان بتاعي وهمشي

رد يزيد ماشي يا سمر قولي لنا كلام ثاني بعدين وبص لمنار وقال لها خدي سمر وروحي قسم الاطفال نقي فستان لحور وصفا

قالت له حاضر يا اخويا ومشوا وقال يزيد حقك عليا يا تامر ما تزعلش قال له ما فيش مشكله يا فندم

وراجع تامر على شغله ويزيد طلع على المكتب ماسك التليفون وبعت رساله لتقى ومعاها صوره ليها وهي بترقص

وقال لها لما قابلتنيش النهارده هجيب لك هاني لغايه البيت وقفل التليفون

اما في البيت هيام كانت ماسكه التليفون وبعتت رساله ومقطع من الفيديو على نيفين وقفلت التليفون وخبته

اما في شقه نيفين كانت قاعده وسمعت صوت رساله ومسكت التليفون واول ما فتحت الرساله خبطت على صدرها جامد

وقالت يا مصيبتي السوداء مين اللي صور كده ورجعت اتصلت على الرقم لقيته مقفول وفضلت تفكر مين اللي ممكن يعمل كده

وقالت اكيد خالتي عشان انفذ اللي هي عايزاه بس لو طلعت هي هوريها النجوم في عز الظهر

ورجعت قالت اكيد مش هي ده حد ثاني يا رب مين اللي بيعمل كده

وبعد وقت روحوا البنات البيت

وقالت منار يلا يا سمر خشي جهزي نفسك وانا هاخد البنات واطلعهم عند امهاتهم عشان يجهزوا عشان نروح الفرح

قالت لها طيب ودخلت سمر وهي متضايقه من الاسم تامر ده

اما في السنتر قال عبد الرحمن بقول لك ايه انا همشي انا عشان الحق اجهز اروح الفرح

رد يزيد احنا كلنا هنروح دلوقتي اصبر شويه

رد عبد الرحمن بقول لك ايه يا عم اليوم عندي طويل قوي ولسه هستحمى واحلق واطلع هدومي

رد يزيد ماشي يا سيدي بالسلامه انت

قال له انت هتمشي امتى

رد يزيد احنا هنتغدى هنا انا وعلي وهنروح نلبس وهنجي لكم على الفرح على طول

رد عبد الرحمن طب ما تتاخرش

قال له حاضر وخرج عبد الرحمن ويزيد كل شويه يبص في التليفون

ودخل علي وقال له عبد الرحمن روح هو احنا هنمشي دلوقتي

رد يزيد لا ابعت هات لنا اكل هنا عشان في البيت اكيد ما عملوش رد علي ماشي

وفي البيت منار قالت بقول لك ايه يا هيام الراجل بتاع الكشري جاي

دلوقتي خد الفلوس ديت وادفعي له عشان مش هنلحق نعمل اكل عشان نروح الفرح

ردت هيام حاضر

وقالت لها نيفين فين ما نزلتش من الصبح ليه

قالت لها مش عارفه

قالت لها طيب وبعد دقائق وصلت دليفري واخذت منه هيام الكشري

وبعد وقت الكل اكل

وقالت منار كل واحد يطلع يلبس في شقته ونتقابل هنا وانتي يا هيام ما تنسيش تطلعي هدوم ليزيد عشان يبقى يلبسها وهو رايح الفرح

ردت هيام حاضر من عينيا

و نيفين كانت سرحانه وبتفكر من اللي بعث لها الفيديو

وطلعت منار شقتها تلبس ولبست عبايه تحفه ولفت حجابها وعملت ميك اب رقيق ولبست مالك وحضرت الهدوم لمصطفى



اما في الكوافير تقى كانت خلصت العروسه وولاء والبنات

وقالت وفاء ايه الجمال ده كله يا ولاء





ردت عليها مش اجمل منك انتي ووفاء

ردت بنت من البنات بصراحه ايد تقى تتلفف حرير شاطره جدا

ردت دينا اختي اشطر كوافيره في مصر كلها

ردت ولاء طبعا يا حبيبتي

وقالت وفاء لازم تيجوا بقى تحضروا الفرح معانا

ردت تقى والله ما نقدر احنا ورانا شغل كثير وكمان احنا تعبانين جدا

ردت وفاء ماشي يا ستي سماح المره دي عشان انا عارفه انتوا تعبتوا قد ايه قولي لي بقى الحساب كم

ردت تقى ابدا ما يحصلش عيب عليكم انتم تبع الحاج صالح

ردت ولاء ابدا والله كفايه ان انتي مطلعاني زي القمر كده بصراحه تسلم ايدك

ردت عليها انتي اللي زي القمر يا حبيبتي قالت لها وفاء بقول لك ايه الحساب كام

ردت تقي بصي هو كل بنت من البنات عليها 300 جنيه والعروسه نقول 600 جنيه بس يا ستي الحساب كده

ردت وفاء كده قليل قوي احنا ما كنا متفقين مع الكوافير ب 2000 جنيه

ردت تقى انا بجر رجلكم بس وبعد كده هبقى اغلى من الكوافير نفسه

ضحكه وفاء وقالت لها طيب يا ستي بصي دولت 5000 جنيه حسابنا كلنا وياك تقولي كلمه عشان هزعل منك

ردت تقى عشان خاطرك بس هاخد 4000 جنيه وال 1000 جنيه ديت نقطه مني للعروسه

ابتسمت وفاء وقالت لها مقبوله منك

وقالت تقى يلا يا بنات علوا الاغاني عقبال ما العريس يجي ويرقصوا وبدات ازغرطوا

وولاء قالت يلا نتصور كلنا مع بعض وكانوا بيضحكوا ومبسوطين

وبعد وقت وصلت عربيه العريس والزفه قدام المحل

وعبد الرحمن نزل من شقته

وائل دخل عشان يجيب العروسه والبنات طلعوا الموبايل عشان يصوروا اللحظه ديت

وائل معايا بوكيه الورد واول لفه ولاء اتصدم وائل من جمالها ورقتها وقرب منها و بسها من دماغها

وقال لها مبروك يا حبيبتي

ردت عليه الله يبارك فيك يا حبيبي مسك ايديها وخرج بيها وراء البنات

ووفاء واول ما شاف عبد الرحمن اتصدم من جمالها ورقتها وشكل الفستان والميك اب بتاعها





وقال لها ممكن نتعرف ضحكه وفاء

وقالت له اسفه انا متجوزه وسابته ومشيت ومشي وراها وفتح لها العربيه جوزك جنبه وهو مبسوط من جمالها ورقتها

وتقى اول ما هم خرجوا بدات تروق المحل هي ودينا وخلصوا

وقالت تقى اتصلي على تامر شوفي فين عشان يجي يقفل المحل ونطلع نتغدى

ردت دينا انا تعبت ومش قادره اعمل حاجه

قالت لها معلش حقك عليا تعبتك النهارده

ردت دينا ولا تعبتني ولا حاجه اهو بدل ما انا اقعد لوحدي فوق طيب يا ستي مسكت دينا التليفون واتصلت على تامر اللي قال لها 10 دقائق وهكون عندك

قالت له طيب وقفلت معاه وقامت تقى تخلص اللي وراها

اما في السنتر قفله والكل روح ووصل يزيد البيت وطلع شقه هيام ودخل ياخد دش

واخرج بص في التليفون وما لقاش حاجه وبدا يلبس هدومي ويسرح شعره ويرش برفانه



مفاتيح وموبايله وخرج ركب العربيه ومع مصطفى وعلي وممدوح وراحوا على الفرح

اما في محل تقى وصل تامر وقفل معاهم وطلعوا الشقه وتقى رمت شنطتها والموبايل بتاعها على السرير

وقامت غسلت وشها ولبست وجلابيه بيتي وخرجت



وقالت لهم انا مش قادره اعمل حاجه اطلبوا لنا اي اكل وخلاص

ردت دينا طب هنجيب اكل ايه

قالت لها مش عارفه انت عايز تاكل ايه يا تامر

قال لها اي حاجه

ردت دينا ايه رايك نجيب شاورما وكريب

رد تامر طب وانتي يعني يا ناصحه معاكي رقم محل من بتوع الكريب والشاورما اللي هنا

ردت دينا طبعا يا عم انا النهارده البنات جابوا من المحل وانا خدت الرقم

قالت تقى طب خلاص اطلب لنا عبال ما اريح شويه جوه قالت لها ماشي وطلبت الاوردر

وتقى دخلت فردت على السرير ومسكت التليفون ولقت الرساله وقامت منطوره وهي مصدومه ومسك الدماغها مش عارفه تعمل ايه وفي الاخر قررت انها لازم تواجه واتصلت على الرقم اللي بعت الرساله

في الفرح كله قاعد على الترابيزه وقربت وفاء من ترابيزه منار عشان تسلم عليها منار ما كانتش عارفاها

وقالت لها هو انتي من قرايب العروسه ولا العريس ضحكه وفاء

وقالت لها للدرجه دي انا متغيره

ردت منار بصدمه وفاء والله معرفتك

ردت وفاء عذراكي عبد الرحمن برده ما كانش عارفني و بيلف ورايا عايز ياخد رقمك

ضحكه منار وقالت لها ازاي كده

قالت لها بعدين هبقى اقول لك وقربت تسلم على سناء و نيفين وهيام وهند وسمر اللي ما عارفهاش

وابتسمت وراحت قعدت جنب منار

وقالت لها ده لو انتي شفتني امبارح بقى كنت قلت ايه

ردت منار لا بقى انا عايزه اعرف ايه سر الحلاوه دي كلها

ردت وفاء هي كلمه واحده تقى

ردت عليها يعني ايه قالت لها بصي هي عايزه قاعده طويله اصبري بعد الفرح

وانا هقعد معاكي واحكي لك كل حاجه بس انا لازم اروح اشوف امي عايزه ايه وابقى اجي لك

ردت منار طيب يا ستي ومشيت وفاء والكل كان مصدوم

اما عند يزيد كان واقف مع الرجاله وعبد الرحمن عيني على وفاء طول الفرح

وقال له يزيد عيب كده مراتك في الفرح لو شافتك وانت عينك على واحده هتبهدل الدنيا

رد عبد الرحمن بقول لك ايه فكك من الكلام ده وانا ببص على اي واحده وخلاص

رد يزيد انت عينك على الست اللي لابسه فستان بيج هي بصراحه قمر

رد عبد الرحمن لم نفسك يا يزيد دي وفاء مراتي

رد يزيد ازاي يعني قال له ما فيش يا عم راحت اللي الكوافيره اللي عند ابويا

رد يزيد اه طيب يا اخويا روح بقى لمراتك بدل ما انت واقف مش على بعضك كده

قال له ما انا هسيبك وامشي وماشي عبد الرحمن

وتليفون يزيد رن باسم تقى وكان مش مصدق

وقال له مصطفى ما ترد

قال له طيب انا خارج بره عشان اعرف اسمع

قال له ماشي خرج يزيد وهو مش مصدق انها بتتصل دلوقتي وفتح

وقال لها ايوه

قالت له انت جبت الصور دي منين وعايز ايه مني

رد يزيد الكلام مش هينفع في التليفون لازم نتقابل دلوقتي حالا ضحكه تقى

وقالت له واكون فاكر ان انت هتهددني تكون بتحلم

رد يزيد بابتسامه خبيثه انا مش بهددك انا بطلب منك نتقابل ونتكلم

ردت تقى تمام هنتقابل بس الصبح مش دلوقتي

رد يزيد ليه خايفه على نفسك ما انتي كنت بتسهري بره لغايه الصبح اللي اتغير

ردت عليه بصرامه بقول لك ايه اقف عوج وتكلم عدل انا قلت لك هنتقابل بكره يبقى هنتقابل بكره وهقفلت السكه في وشي

وقال يزيد ماشي يا تقى انا وانت والزمن طويل ودخل الفرح

وسناء كانت متغاظه من قعدت سمر جنب منار وبيضحكوا بيهزروا وبيتصوروا في التليفون

اما في شقه تقى كان محروق دمها مش عارفه هتعمل ايه في المقابله ديت

وقررت انها لازم تكون قويه وتعرف تاخد حقها عشان ما حدش يستقوى عليها او يلوي ذراعها بالموضوع ده

ونده الدينا على تقى عشان تاكل وقالت لها انا هنام ما ليش نفس

رد تامر ما ينفعش يا تقى انت واقفه على رجلك طول النهار تعالي بس كلي وبعد كده نامي

قامت تقى وهي بتفكر هتعمل ايه بكره مع البني ادم ده

تاني يوم صحي يزيد من النوم هو مبسوط عشان قرب من هدفه

قام دخل حمام خد 🚿 وبعد دقائق خرج طلع هدومه والبسها



وشاف هيام نايمه

ونزل شقه ابوه وقال صباح الخير يا حاج

رد عليه صباح النور يا ابني اول مره اشوفك بتضحك على الصبح

رد يزيد اصل عندي مصلحه النهارده ادعي لي يا حاج

رد صابر يا رب يا ابني يدي لك كل اللي بتتمناه

رد عليه اللهم امين هي منار لسه ما نزلتش ولا ايه

رد عليه لا نزلت وبتعمل لي القهوه بتاعتي جوه

قال له طيب هخش اصبح عليها وتعمل لي معك القهوه

ودخل يزيد المطبخ صباح الخير يا قمر

ضحكه منار وقالت لي يسعد صباحك يا حبيبي ايه يا عم الضحكه اللي منوره وشك ديت

رد عليها والله عادي بس اول مره اصحى من غير رغي النسوان

قالت له طيب يا حبيبي اطلع اقعد بره وانا هعمل لك القهوه بتاعتك

قال لها طب يلا بسرعه

قالت لي طيب يا حبيبي وخرج يزيد ونزل مصطفى وممدوح وعلي وسناء خرجت من الاوضه

وسمر كمان وشافت يزيد ورجعت تاني الاوضه خافت يتكلم معاها في اللي حصل امبارح

وبعد دقائق خرجت منار ومعاها القهوه ولقت هيام ونفين نزلوا وقالت لهم يلا خشوا اعملوا البطاطس وانا جهزت كل حاجه وسخنه العيش قالوا لها ماشي

وسناء كانت قاعده ويزيد بيضحك مع صابر

اما بيت تقى كانت قاعده على السرير بتفكر من الشخص اللي ظهر في حياتها بعد ما قررت تسيب كل حاجه وهتعمل معاه ايه وبصيت في الساعه لقيتها 9:00 الصبح

وخرجت غسلت وشها ولمت شعرها كحكه ودخلت على المطبخ تحضر الفطار لاخواتها وراحت ناحيه اوضه تامر

وقالت له يلا اصحى يا تامر الشغل يا حبيبي

رد عليها حاضر بس صباح الخير الاول

ردت عليك صباح النور يا حبيبي ورجع تاني من المطبخ وهو قام دخل الحمام

وقامت دينا وقالت صباح الخير يا تقى وهي كانت سرحانه وبتفكر في المقابله

ودينا استغربت انها ما بتردش عليها قربت منها

وقالت لها ملك يا تقى سرحانه في ايه

ردت عليها ما فيش يا حبيبتي اصل بفكر انزل اجيب بضاعه بدل اللي خلصت بس مش عارفه مين هيقف في المحل عبال ما اجي

ردت دينا روحي وانا هقف مكانك قالت لها طيب

قالت لها يلا خدي اطباق الفول والطعميه وحطيها على الترابيزه عقبال ما اجيب الجبنه والعيش

قالت لها حاضر وبعد دقائق خرج تامر وقعدوا كلهم يفطروا وتقى ما كانتش بتاكل وبتفكر

وبعد وقت نزل تامر راح السنتر ولقى يزيد قاعد على مكتبه وعلي بيشتغل على المرتجع للمصانع ودخل تامر قعد على الخزنه

ويزيد ماسك التليفون وبعت رساله لتقى انه يقابلها دلوقتي

وردت عليه بعد الظهر هقابلك وقفلت التليفون وقام يشوف شغله

اما في بيت الحج صابر نيفين كانت قاعده عايزه تعرف مين اللي بعت لها الرسائل

وهيام كانت شايفاها ومبسوطه

وسناء قالت تعالي يا هند عايزاكي

وقالت منار رايحه فين يا مرات ابويا النهارده الدور عليك في المطبخ

ردت سناء ماشي يا منار هتكلم مع هند كلمتين وهخرج لك

قالت لها طيب يا مرات ابويا ودخلت سناء و هند

و نيفين كانت بتبص عليهم

وهيام دخلت الحمام وطلعت التليفون من جيب البنطلون اللي تحت العبايه وفتحت التليفون وبعتت لها رساله لما ابعتي 20 الف جنيه على الخط ده بدل ما ابعت الفيديو كامل ليزيد

وقفلت التليفون وشالته مكانه وطلعت قعدت بره و نيفين سمعت صوت التليفون وفتحت الرساله واتصدمت

وبصت على باب الاوضه بتاعه سناء وقالت اكيد انتي عقربه اللي بعتي لي الرساله دي ماشي وانا هوريك انا هعمل ايه

وقالت منار ايه يا نيفين يلا قومي عشان عليك الغسيل انتي وهيام

قالت لها حاضر بس هروح اقول حاجه لخالتي واجي لك

ردت منار ايه حكايتكم هي عايزه مرات ابنها وانتي عايزاها في ايه

ردت نيفين اصل انا عايزه اطمن على خالي عشان عرفت ان هو تعبان

ردت منار طب بسرعه عشان الشغل ده عقبال ما اطلع اجيب الغسيل اللي عندي وانزل

قالت لها طيب وخرجت منار وقالت هيام انا داخله المطبخ

وراحت نيفين ناحيه اوضه سناء وسمعتها بتقول امك جابت اللي انا قلت لها عليا هند

قالت لها ايوه يا عمتي وفتحت الباب

ودخلت نيفين وقالت لها بقول لك ايه يا خالتي ايه حكايتك معايا وقصدك ايه بالرسائل اللي انتي بتبعتيها لي ديت

ردت سناء باستغراب رسائلي يا بنت اللي هبعتها لك هو انا بعرف اقرا ولا اكتب عشان ابعث لك

قالت لها لا بس انتي خدتي هند معاكي عشان تكتب لك الرساله قولي لي بقى على بلاطه انتي عايزه مني ايه وانتي فاكره لما تهدديني بحاجه زي كده انا اللي هقع لوحدي تبقي بتحلمي

وردت سناء في ايه ما تتكلمي عدل يا بت

ردت عليها يعني انتي مش عارفه انا بتكلم على ايه

ردت سناء والله ما اعرف راحت ماسكه نيفين التليفون وفاتحه الفيديو وشافته سناء وخبطت على صدرها

وقالت يا مصيبتك السوداء يا نيفين مين يا بنت اللي صور لك الفيديو ده ضحكه بسخريه

قالت يعني مش انتي يا خالتي بعد ما رفضت اعمل لك اللي انتي عايزاه

ردت سناء بصدمه انتي عبيطه يا بت انا اصور لك حاجه زي كده انتي عايزاني اضيع ابني معاكي انتي هبله يا بنت ولا ايه

اتصدمت هند وسكتت

وقالت نيفين باستغراب يعني مش انتي يا خالتي اللي بتبعتي لي الفيديو ولا الرسائل اللي عايزه فيها الفلوس

ردت سناء مستحيل اعمل كده انتي عارفه لو يزيد عرف بالفيديو ده معناته ايه كل اللي عملناه هيتفضح واوله موضوع هيام

ردت نيفين يعني مين اللي بيبعث لي الرسائل ديت ده عايز مني 20000 جنيه

ضحكه سناء وسخريه وقالت لها ادفعي يا اختي الفلوس وشوفي مين اللي صور لك الفيديو ده

ردت نيفين انتي بتحلمي يا خالتي انا مش هدفع جنيه وانتي هتدفعي معايا الفلوس دي يا

اما نعرف مين الشخص اللي بيبعث لي الرسائل ديت يا اما هروح ليزيد واقول له على اللي انتي عملتيه في هيام واللي بتعمليه مع منار دلوقتي

ردت سناء وانا بعمل ايه يا ست نيفين عشان تهدديني بيه انتي اللي كنت بتحطي لمنار والهيام دلوقتي حبوب منع الحمل في الاكل

قالت لها ايوه بس قبل ما اتجوز انتي اللي كنت بتحطي لهيام والمنار ولا نسيتي يا خالتي ولا اقول على الاعمال اللي انتي بتعمليها دلوقتي

ردت سناء ماشي يا نيفين انا هساعدك المره دي بس بس بعد كده ما لكيش حاجه عندي يلا اطلعي بره

وهند كانت بتعيط من اللي شافته

وهيام اتصدمت من اللي سمعته وجريت على الحمام وهي بتغسل وشها من الدموع

وقالت في سرها يعني انتوا اللي كنتم بتخلوني مخلفش طب والله لاخليكم تلفوا حوالين نفسكم وانا هوريك هعمل فيك ايه انتي والعقربه الثانيه

وخرجت على صوت منار وقالت هاتي يا منار الهدوم عشان اغسلها

و منار قالت لها مالك يا هيام فيكي حاجه

ردت عليها لا يا حبيبتي ما فيش حاجه واخذت الهدوم وراحت ناحيه الحمام تشغل الغساله وهي حزينه من اللي سمعته

وفي اوضه سناء قالت لها بتعيطي ليه يا خايبه

ردت هند يعني انتي مش عارفه يا عمتي ابنك عمل ايه

ردت عليها عشان انتي خايبه ومش عارفه تلمي وتخليه خاتم في صباعك اما هي بتلعبه

ردت هند لا يا عمتي انا ما غلطتش ابنك اللي وسخ ودايما بيبص على اللي في ايد غيره بس انا خلاص ما بقتش عايزاه

ردت سناء بس يا خايبه ما تقوليش الكلام ده وخلفي منه حته عيل كمان وحاولي معاه

ردت هند اخلف ازاي عمتي وابنك ما بيقربش مني خالص خبطت على صدرها سناء

وقالت يا مصيبتي السوده ازاي يعني يا بت

قالت لها خلاص يا عمتي ما انا عرفت ابنك ما بيقربش مني ليه عشان مكفي نفسه بالغندوره بتاعته بس اعرفي يا

عمتي انا يوم مقلب هقلب عليكم كلكم واولهم ابنك فاهمه يا عمتي ويا ريت تعقليه عشان ما ازعلهوش

وخرجت هند وهي مقهوره من اللي عمله علي فيها

وسناء قعدت وقالت للمصايب دي كلها جايه فوق دماغي مره واحده يا رب انت اللي عالم بيا اني غلبانه

ودخلت منار وقالت لها غلبانه قوي يا مرات ابويا يلا يا اختي عشان تعملي الغداء

قالت سناء يلا وخرجت

في محل تقى قالت دينا يلا يا تقى روح العتبه ما تتاخريش عليا

ردت تقى طب يا حبيبتي مش هتاخر وماسكه التليفون وخرجت وهي بتلبس العبايه



واتصلت على يزيد اللي رد عليها وقالت له انا هستناك في كافيه اسمه اولاد الشمس في المهندسين

قال لها طب انتي فين وانا اخدك معايا ونروح

ردت عليه ما لهوش لزوم انت هتروح هناك هتلاقيني وقفلت السكه

ويزيد اخذ تليفونه ومفاتيحه وخرج من المكتب وقال لتامر بقول لك ايه اول ما اتصل عليك رد عليا على طول

رد تامر حاضر وخرج يزيد ركب العربيه هو ماشي في الطريق شاف تقى بتركب التاكسي

بعد وقت وصلت تقى الكافيه ودخلت قعدت على الترابيزه وهي لابسه النظاره

ويزيد كان قاعد على ترابيزه تانيه واول ما شافها قام راح لها

وقال لها اتاخرتي قوي

قالت له بعد ما بصيت له كويس ما تاخرتش اتفضل اقعد خلينا نخلص من الحوار ده

ضحك يزيد قال مستعجله قوي يعني

ردت عليه ايوه طبعا قل لي بقى انت عايز ايه بالظبط

قال لها انا عايز حاجه واحده نتجوز لمده كم شهر وبعد كده نتطلق ضحكه بسخريه

وقالت له وانت فاكر اللي ممكن اقبل اتجوزك علشان انت معاك صور لي وانا برقص تبقى بتحلم

رد يزيد ما انا عارف مش ده بس اللي هيخليك توافقي حاجات تانيه تخليكي توافقي وتبقي مبسوطه كمان

قالت له تبقى بتحلم

قال لها حتى لو اتصلت بهاني وقلت له على مكانك

قالت له عادي قول له على مكاني ولا يفرق معايا ببصله واذا كان على اخواتي هم اللي محتاجيني مش انا اللي محتاجاهم

رد يزيد متاكده من اللي انتي بتقوليه يعني انتي مش فارقه معاكي اخواتك خالص

ردت عليه انا متاكده انا بقول لك ايه وشكلها كده المقابله انتهت

مسك يزيد التليفون وفتح السبيكر ورد تامر ايوه يزيد وقفت تقى اول ما سمعت صوت اخوها

وقال يزيد بقول لك ايه يا تامر اطلع مكتبي في ظرف ابيض في الدرج عايزك تطلعه وتصور لي اللي فيه وتبعته لي على الوتس

رد تامر هو الظرف ده فيه ايه

رد يزيد دي صور تبع الشغل اللانجيري

رد تامر طب خليك معايا على الخط ورجعت تقى قعدت قصاده وهو ابتسم

وقال له استنى يا تامر انا دورت في التليفون ولقيت الصور عندي ارجع لمكانك

رد تامر حاضر وقفل معاه

وقالت تقى بعصبيه وانت تعرف تامر منين

رد يزيد ما هو تامر شغال عندي اتصدمت تقى

وقالت له يعني انت ابن اخت الحاج صالح قال لها تمام

قالت لي طب انا مش عايزه اتجوزك شوف حل تاني

رد يزيد يبقى انتي مش عايزه تامر يكمل تعليمه ويخش كليه الهندسه اللي بيحلم بيها

ردت تقى وماله تامر بالموضوع ده ابتسم يزيد

وقال لها تامر هو اساس اللي هيخليكي توافقي على الجواز مني

قالت له ازاي يعني واطلع من محفظته صوره من وصل الامانه اللي تامر مضى

ومسك التقى الوصل وشافته واتصدمت

وقال لها انتي شايفه ان مكان الفلوس فاضي يعني انا ممكن اكتب اي رقم واحبس اخوك حالا

ردت تقى وانت هتستفاد ايه من كل ده

رد عليها ما انا قلت لك هنتجوز

ردت عليه ماشي بس المده معينه ونطلق

ضحك يزيد وقال لها اكيد طبعا انا اخري في الجواز سنه او ست اشهر وما بطولش

ردت تقى وانا موافقه هنروح للماذون امتى

رد يزيد ماذون ايه احنا هنكتب ورقه عرفي

قامت تقى وقالت له يفتح الله يا جواز عند ماذون يا اما بلاش

رد يزيد وانا موافق بس انا اللي هختار الماذون ضحكه تقى

وقالت له لا طبعا انا اللي هختار الماذون وهجيب حد من عندي يبقى الوكيل بتاعي

رد يا يزيد بس انا عايز جوازنا في السر

قالت له مين قال لك ان انا عايزه اتجوزك في العلن مش انت الانسان اللي انا اختاره يكون جوزي قدام الناس كلها عشان انت معدوم الرجوله وقامت وسابته

وقال يزيد ماشي يا تقى والله واكسر عينك واوريكي مين هو يزيد وخرجت تقى

وهي مخنوقه وعينيها مدمعه ومش عارفه تعمل ايه في المصيبه اللي تامر حط نفسه فيها

الفصل 13

خرجت تقى من الكافيه ومسكت التليفون واتصلت

وقالت انا محتاجه لك يا عم سعيد

ورد عليها انا موجود يا بنتي ومستنيكي في المحل بتاعي

وقالت له تمام قدامي نص ساعه واكون عندك

قال لها ماشي وقفلت معاه وركبت التاكسي وهي بتقول في سرها غبي يا تامر ازاي تعمل حاجه زي ديت

اما يزيد ابتسم هو ماسك التليفون واتصل على سيد البلطجي

وقال له قول لهاني انك ما لقيتش تقى ولا اخواتها وعرفت اني مسافره بالصعيد لانها هتعيش هناك

رد سيد من عيني الاتنين يا معلم وقال يزيد ابقى عدي عليا عشان تاخد بقيه حسابك

رد سيد ما لهوش لزوم يا معلم خيرك سابق

رد يزيد اسمع الكلام يا سيد واقفل معاه وخرج ركب العربيه وراح على السنتر

اما في البيت كانت هيام بتتجنن من اللي حصل وقررت انها ما تاكلش معاهم ولا تشرب خالص بس مش عارفه هتعملها ازاي

وقامت سناء ودخلت المطبخ تعمل الغداء هي و هند راحت منار على اوضه سمر

وقالت ست سمر مش كفايه نوم

ردت عليها انا صاحيه من بدري بس كنت خايفه اطلع عشان يزيد ما يزعقليش

وقالت منار ليه يا اختي هيزعق لك هو انتي عملت حاجه

ردت سمر لا انا ما عملتش حاجه بس انا قلت هيتكلم معايا في موضوع اللي حصل في السنتر

ردت منار وهي بتقرب من سمر بتقول لها انا عارفه من اول دقيقه انك كنت بتكذبي بس ما حبتش اتكلم بس اللي انتي عملتيه ده غلط فاهمه يا سمر

اتعصبت سمر وقالت لها على فكره مش انا اللي غلطانه هو البني ادم ده اللي غلطان

ردت منار برده بتكدبي براحتك ويلا عشان تطلعي تروقي الصاله بره واعملي حسابك ان النتيجه هتظهر بكره

اتوترت سمر وقالت لها انتي بتتكلمي جد

قالت لها طبعا هكذب ليه وخرجت منار وسمر وراها وهي سرحانه في النتيجه ومنار بدات تشتغل هي كمان

وتليفونها رن باسم وفاء وقعدت وفتحت عليها

وقالت لها عامله ايه يا جزمه يا اللي ما بتساليش على حد ضحكه وفاء

وقالت لها غصب عني والله عبد الرحمن فاكر نفسه انه لسه عريس

ردت منار ازاي يعني

قالت لها اصل انا عملت ميك اب وصبغت شعري وعملت تاتو خليه يتجنن وبقى من البيت للشغل من الشغل للبيت

ردت منار وهي بتضحك بجد والله مش مصدقه

ردت وفاء البركه في تقى هي اللي عملت كل ده

ردت منار وهي على كده شغلها كويس

ردت وفاء جدا جدا وبنت زي القمر هي واختها

وقالت منار خلاص انا هاجي لها واشوف بنفسي

ردت وفاء تمام وهستناك قالت لها ماشي وقفلت معاها وقامت تكمل شغلها

وفي حي شعبي قديم في محل يبان عليه الزمن دخل تقى وهي

بتقول ازيك يا عم سعيد

رد عليها انا كويسه يا بنتي انتي اللي عامله ايه

ردت عليه تعبت يا عم سعيد مش عارفه اعمل ايه

ابتسم وقال لها مهما تعبتي هترجعي تقفي على رجلك تاني واحسن من الاول

ردت عليه المره دي غير كل مره

رد سعيد ازاي يعني وقعدت تقى تحكي له كل حاجه حصلت من اول هروبها من هاني لغايه مقابلتها ليزيد النهارده

وابتسم سعيد وقال لها مش يمكن يكون خير ليكي وانتي مش عارفه

ردت عليه بسخريه خير ازاي يا عم سعيد وهو عايز يتجوزني عرفي لولا حطيت شرط ان الجواز رسمي

رد سعيد وايه المشكله يا بنتي ما هو جواز رسمي

قالت له المشكله انه عايزني لفتره معينه وبعد كده يسيبني

رد سعيد ما تفكريش بالطريقه ديت يا تقى وحطي في بالك انك هتتجوزي وهتكوني في عصمه راجل واحسن من المرمطه اللي انتي فيها

ردت عليه ده لو كان في العلن مش في السر

رد سعيد في حاجه اتعلمتها في الكار بتاعنا ده وهو ان مهما اخيط لاي زبونه دايما كل واحده بتحط اللمسه بتاعتها في الحاجه اللي بخيطها لها ودايما بتبقى مختلفه عن اي واحده تانيه

ردت تقى مش فاهمه انت قصدك ايه

رد عليها قصدي لعبي وخليه يحبك وهو اللي هيطلب منك ان الجواز يبقى في العلن

ردت تقى والله يا عم سعيد انت راجل طيب ومش فاهم حاجه في الدنيا ديت

ابتسم 😊وقال لها ومين قال لك اني مش فاهم حاجه انا سامع كل كلمه قلتيها وانا بقول لك ان الراجل ده

ما لقاش اللي يحبها بجد وانا متاكد ان انتي هتبقي نصيبه وهو هيبيع الدنيا كلها عشانك

ردت تقى ان شاء الله يلا هسيبك انا عشان اروح المحل واعمل حسابك ان هتصل بيك تيجي وتجيب الماذون عشان تبقى وكيلي

رد سعيد ماشي يا بنتي وخرجت تقى وهي بتضحك على الدنيا وانها يوم ما هتتجوز في السر مش في العلن

وسيد وصل مكان هاني

وقال له انا عرفت مكانها

رد هاني فينها قل لي بسرعه

رد سيد انا عرفت انها اتجوزت في الصعيد وخدت اخواتها وسافروا هناك اتعصب هاني

وقال له انت متاكد من الكلام ده

رد سيد انت مش مصدقني

رد هاني انت متاكد من الكلام ده

رد سيد متاكد مليون في المئه ودي مش متجوزه اي حد يا متجوزه فرده تقيله في الصعيد وليها كلمتها يعني الغلطه معاهم بموته لو انت مستغني عن روحك روح لها بس انا ما ليش دعوه

رد هاني خلاص ما لهوش لزوق

وقال سيد فين بقيه حسابي

رد هاني هبعته لك مع البنت

رد سيد ماشي يا هاني ومشي وهنتعصب هاني

وقال فلتت من تحت ايدي يا تقى بس ماشي

وعدى يومين وجه يوم النتيجه الثانويه العامه وكان تامر بيشتغل السنتر وتليفونه رن باسم دينا

رد عليها وهي بتقول له ما جيتش ليا تامر عشان تجيب لي النتيجه

رد عليها هستاذن من صاحب الشغل وهاجي لك

قالت له طيب واقفل معاها وطلع تامر

لمكتب يزيد وقال له بعد اذنك ممكن استاذن ساعه هروح اجيب فيها النتيجه بتاعتي انا واختي

رد يزيد تمام وخرج تامر ومسك التليفون ابعت رساله لتقى وهي ما بتردش عليه

وقال في سره ماشي يا تقى لما وريتك ما ابقاش انا

وراح تامر المدرسه عشان نجيب النتيجه ودخل جاب النتيجه وخرج وهو مبسوط

وراح على محل تقى ودخل شاف تقى قاعده قلقانه هي ودينا

وقول لهم السلام عليكم قامت دينا تجري

وقالت له عملنا ايه وسكت تامر

وقالت دينا سقطت صح واللي الصراحه ما تخبيش عليا وفضل ساكت

ودينا عيطت و تقى فضلت في مكانها

وقرب تامر من دينا واخذها في حضنه

وقال لها انا نفسي بس اعرف انتي جبت 98% ازاي

وقالت دينا انا برده مش عارفه واخذت بالها من الجمله

وقالت بصدمه انت بتتكلم جد انا جبت 98%

ضحك تامر وقال لها ايوه يا فاشله

ردت عليه وهي فرحانه انت بتتكلم جد مش بتضحك علي صح

قال لها انتي اتجننتي ولا ايه يا دينا

ردت عليه مش مصدقه نفسي وتقى دموعها على خدها وجري عليها حضنوها

وهي قالت وانت يا تامر عملت ايه

قال لي انا غلبان انا جاي ب 99% وواحد من 10

ردت دينا وانت كده غلبان ده انت هتخش هندسه مرتاح مش زي انا

رد عليها ازاي يعني يا اختي ما انتي هتخشي طبي مرتاحه برده وابتسمت تقى ودينا زغرطت وهي مبسوطه

وقالت احنا لازم نحتفل وتامر بص في الساعه

وقال لهم انا لازم اروح الشغل انا استاذنت ساعه بس

وقالت تقى ماشي يا حبيبي روح الشغل واحنا هنقفل بدري ونطلع نجهز الحفله بتاعتنا

رد تامر طيب يا قلبي

اما في مكتب يزيد اتصل على منار وقال لها جبت نتيجه سمر ولا لسه

ردت منار راحت عشان تجيبها ولسه ما جتش

قال لها ابقي طمنيني واقفل معاها وخرج ولقى تامر جاي مبسوط

وقال له عملت ايه

رد عليه جيت 99.1%

وقال له يزيد الف مبروك

رد تامر الله يبارك فيك وراح على شغله

اما يزيد طلع المكتب تاني وماسك التليفون واتصل على تقى

وقال لها مبروك لاخواتك

ردت عليه الله يبارك فيك عايز حاجه

رد يزيد النهارده هبعت لك عنوان الشقه عشان هنتجوز النهارده وياك تقولي اي حجه ثانيه

ردت تقى تمام وانا هاجي ومعايا الماذون وقفلت السكه في وشه

ابعت لها رساله بالعنوان وقعد يصفر وهو مبسوط

اما تقى كانت دينا فرحانه وبتشغل الاغاني ودخلت الزباين وبدات تقى تشتغل هي ودينا

اما في المدرسه سمر نتفاجئت بالنتيجه وانها جابت مجموع قليل وتضايقت

وروحت على البيت واول ما شافتها سناء جريت عليها

وقالت لها عملت ايه يا بنت في النتيجه

ردت سمر انا هكون عملت ايه جيت 60%

ردت سناء ليه يا بنت جبت المجموعه القليل ده مش كنت داخله دروس في كل المواد

ردت سمر كان عايزاني اعمل ايه الامتحانات كانت صعبه

وقالت منار وهي خارجه من المطبخ عملت ايه يا سمر

ردت عليها جبت 60% يا منار

وقالت منار مجموعك وحش قوي يا سمر ده يا دوبك دخلت كليه تجاره ورده سمر وايه يعني كليه التجاره هي احسن من ما فيش ودخلت الاوضه

وقربت نيفين من سناء وقالت لها مبروك يا خالتي

ردت سناء الله يبارك فيك يا نيفين

وقالت لها بصوت واطي الفلوس فين يا خالتي عشان ابعتها

ردت عليها اصبري شويه يا نيفين عقبال ما اتصرف بالفلوس

ردت نيفين ماشي يا خالتي معك لبكره

وطلعت نيفين شقتها ومسكت التليفون واتصلت على امها

وقالت لها انا هبعت لك رقم يا ماما واعرفي لي صاحب الرقم ده مين من الواد شادي بتاع الموبايلات

ردت سميه رقم مين ده يا نيفين

قالت لها بعدين ياما هبقى اقول لك كل حاجه قالت لها طيب وقفلت معاها

وبعد وقت طلعت تقى البيت مع دينا واحضره الغداء والحلويات بتاعه الاحتفال وبعد وقت

ووصل تامر بالحاجه الساقعه ودينا كانت مشغله الاغنيه الناجح يرفع ايده وبتغني معاها بصوت عالي وتامر بيضحك على اخته

وتقى بتفكر هتقول لهم ايه وهتخرج ازاي ودخلت الاوضه ومسكت التليفون واتصلت على سعيد

وقالت له انه يجيب الماذون وهتبعث لي العنوان على رساله ويكون هناك في الساعه 11:00

ورد عليها ماشي يا بنتي وقفلت معاه

وخرجت وبدات تغني وترقص مع اخواتها وهي مبسوطه

اما في بيت يزيد وصل البيت ومع علي ومصطفى وممدوح

وقال ايه يا منار ما اتصلتش بيا ليه وتقولي لي نتيجه سمر

ردت عليه هي نجحت بس جابت 60%

رد علي ليه ما كانتش بتذاكر ولا ايه

ردت سمر في ايه يا علي الامتحانات كانت صعبه

ورد يزيد بغيظ والامتحانات كانت صعبه عليك انتي بس ما تامر اللي شغال عندي جايب 99% وهيخش كليه هندسه ما كانش بيخش كل الدروس كان داخل مركز بس

وردت سمر بغيظ وانا مالي بيه انا ليا دعوه بنفسي

رد يزيد انتي حره وطلع على فوق

وقال الحاج صابر ليه كده يا بنتي

ردت عليه وانا عملت ايه يعني

وقال مصطفى فين مالك يا منار ردت عليه نايم يا مصطفى هصحيه دلوقتي عشان يتغدى

قال لها طيب وطلع هو كمان ومعاه ممدوح

وهيام كانت قاعده وبتبص على نيفين وسناء بغضب

وبعد وقت خلص يزيد لبسه ونزل

وقال لهم انا خارج وقالت منار هتتاخر يا يزيد

قال لها مش عارف حسب الشغل وخرج يزيد راكب العربيه وراح على الشقه

اما تقى كانت قاعده مع تامر ودينا

وقالت لهم انا هروح النهارده المستشفى عشان اتصلوا بيا النهارده

وقالوا لي ان الورق بتاعي في مشكله بتاع الاجازه

رد تامر هو احنا مش اتفقنا انك هتسيب الشغل

ردت عليه ايوه انا متفقه معك على كده بس كنت واخده اجازه من غير مرتب عشان لو المحل ما اشتغلش ارجع تاني

رد تامر طيب يا حبيبتي ما دام المحل اشتغل وكل حاجه كويسه ما تسيبك من المستشفى بقى

ردت تقى حاضر يا حبيبي بس انت يا حبيبي عارف ان الدنيا اتغيرت وانك دلوقتي داخل الجامعه انت واختك وهتعوزوا فلوس كثيره الفتره الجايه

رد تامر انا بشتغل وانتي بتقولي من محل شغال كويس يعني مش هنحتاج فلوس كثيره ولا حاجه

ردت تقي طب سيبها على ربنا وانا هقوم البس عشان اروح المستشفى

ودخلت تقى وطلعت فستان ولبسته وعليها الحجاب وخرجت



وقالت له فبقفل الباب عليكم بالمفتاحيه يا تامر وابقى شيل المفتاح من الكالون عشان لما اجي ابقى افتح

رد تامر هو انتي هتتاخري ولا ايه

قالت له حسب ظروفي بس الاكيد اني هاجي بدري

قال لها طيب ونزلت تقى وركبه تاكسي وقالت لي على العنوان

اما يزيد وصل الشقه ودخل والبواب طلع له ومعاه الحاجه اللي كانت في العربيه

وقال له كل حاجه تمام زي ما حضرتك امرت وروقنا الشقه النهارده ونضفناها

ورد يزيد وهو بيحط ايده في جيبه شكرا يا عم سعفان وطلعه له الفلوس واديها له

وقعد يزيد مستني تقى

ووصلت تقى عند البيت ولقت عم سعيد واقف ومع الماذون

وقالت له يلا بينا نطلع وطلعت وخبطت على شقه ويزيد فتحت باب الشقه

وقال نورت بيتك يا عروسه ابتسمت تقى

وقالت اتفضل يا عم سعيد ودخل ومع الماذون واثنين شهود وقال السلام عليكم

رد عليا وعليكم السلام ورحمه الله وبركاته اتفضل يا شيخنا ودخلوا وقعدوا

وقال الماذون فين بطاقتك يا عروسه وطلعت له البطاقه ويزيد طلع بطاقته

وقال تقى فين الحمام

وقال يزيد على ايديك الشمال

ودخلت تقى الحمام وفتحت شنطتها وطلعت واحده اولوز وطلعت قزازه دم وفضيتها عليها وحطيتها في البنطلون

وعدلت هدومها وهي بتقول في سرها والله لربيك يزيد الكلب انت واوريك انت لعبت مع مين وخرجت

وقال سعيد يلا يا بنتي عشان نكتب الكتاب

ردت تقى ابدا يا شيخنا وبدا الشيخ وقال لها فين وكيلك يا عروسه

قالت له عم سعيد وحط ايده في ايدي يزيد وبدا الماذون يكتب الكتاب لغايه

ما اخلص جمله الشهيره بارك الله عليكم وجمع بينكما في خير وعلى خير

وقال سعيد الف مبروك يا عريس الف مبروك يا عروسه

ردت عليه الله يبارك فيك يا عم سعيد ويزيد حاسب الماذون وخرج مع الشهود

وقال سعيد انا عايزك في كلمتين يا ابني

رد يزيد اتفضل يا حاج وانتي يا عروسه خشي اعمل لنا فنجانين قهوه بصيت له تقى باستغراب

و قال سعيد روحي يا تقى وبصت ليزيد

وقالت له المطبخ فين

قال لها على ايديك اليمين وراحت تقى المطبخ تعمل القهوه

وقال سعيد بص يا ابني انا يمكن ما اقربش حاجه لتقى بس اللي عايزه اقوله لك

انها بنت محترمه وتعبت كتير في دنيتها ويا ريت تخلي بالك منها وتحطها في عينيك تستغرب يزيد الكلام

وقال له بمجامله ان شاء الله يا حاج

وخرج التقى وهي معها صينيه القهوه

وقالت اتفضلوا

وقال سعيد المره الجايه والف مبروك مره ثانيه وخرج سعيد من الشقه

وقال يزيد يلا يا عروسه عشان ليله دخلتنا

ردت تقى بكسوف مصطنع مش هينفع

وقال لها ليه

قالت له عشان انا عندي ظروف

ضحك يا يزيد وقال لها العبي على حد تاني مش انا

ردت عليه يعني انت مش مصدقني قال لها لا ومسك ايديها ودخل بيها الاوضه ولقاها مستسلمه

واقرب منها وبدا يبوسها وهي ثابته وبدا يقلعها هدومها واكتشف انها بتتكلم حقيقي

وابتسمت بخبث وقالت له صدقتني

قال لها قوم يلا البسي هدومك عشان ناكل

وقامت تقى واخذت هدومها ودخلت الحمام وهي بتبتسم على فكرتها

وهو قال انا عارف ان حد باصص لي في ام الجوازه ديت

وخرجت تقى بعد ما عدلت حجابها وقالت له انا مش هينفع اتاخر اكثر من كده

رد يزيد ليه بقى

قالت لي عشان انا ما قلتش لاخواتي اني هبات بره وبعد كده مقابلتنا هتكون بالنهار مش بالليل

رد عليها طيب يا تقى وهي البتاعه دي هتمشي امتى

ردت عليه اسبوع

وهو اتعصب وقال لها ده كتير انا اسمع انها ثلاث ايام او خمس ايام بالكثير

ردت عليه ببرود بس هي بتقعد عليا اسبوع والنهارده اول يوم ليها

قال لها طيب يلا عشان اوصلك وخرجوا من الشقه ويزيد طلع مفتاح واديه لها

و قال لها مفتاحك للشقه عشان لو جيتي قبلي ولا حاجه

قالت له طيب وهو كان مستغرب هدوءها

الفصل 14

عدي اسبوع وتقى كانت شايله المحل كله وكمان وفاء كانت بتنزل لها كتير وجابت لها قريبها

اما دينا وتامر راحوا سحبوا الملفات بتاعتهم عشان يقدموا في الكليات

اما يزيد كان متضايق من بعد تقى وكل ما يتصل عليها ما بتردش عليه ومستحلف لها

اما هيام كانت ماشيه في خطتها واتفقت مع شيماء انها اللي هتستلم الفلوس بتاعه نيفين وبطلت تاكل من ايديهم او تشرب بحجه انها مش جعانه

اما نيفين فبتدور على صاحب الرقم ولقيت ان الرقم من بتوع الشارع وهتتجنن

اما سناء فخدت العمل من الشيخ وبدات تستخدمه في البيت

وسمر علاقتها بقت كويسه بمنار وعلى طول معاها في كل حته

اما علي التزم في الشغل وبقى مع يزيد علاقته كويسه وكمان مع منار وندم على اللي عمله مع نيفين وبيصلح مع هند حياته

والنهارده صحي يزيد وهو مبسوط وقالت هيام صباح الخير يا يزيد انا حضرت لك الحمام

استغرب يزيد وقال لها صباح النور يا هيام وتسلم ايدك يا حبيبتي ودخل الحمام

وهيام طلعت له هدومه ومسحت له جزمته ونزلت على تحت عشان تحضر الفطار مع منار وهي حاسه ان في تغيير كبير في حياتها

وخرج يزيد من الحمام ولقى هدومه على السرير واستغرب وبدا يلبس هدومه وبعد ما اخلص مسك التليفون وبعت رساله قفلواوحطه في جيبه واخذت سلسله المفاتيح



ونزل وشايف منار وابوه وقال صباح الخير

ردت منار صباح النور يا قلب اختك اعمل ايه

قال لها انا كويس انتي اللي فيك ايه متغيره بقالك كم يوم

ردت عليه انا كويسه ما فيش حاجه بس النهارده انا رايحه مشوار مع وفاء

رد يزيد ماشي يا حبيبتي لو محتاجه فلوس قولي لي او انتي عارفه مكان الفلوس خدي اللي انتي عايزاه

ردت منار ربنا ما يحرمنيش منك ابدا بس مصطفى سايب لي الفلوس

قال لها هو فين

ردت عليه خد ممدوح وراح المصنع عشان هيستلموا القماش بدري النهارده

رد يزيد تمام هو الفطار فين رده منار انا نزلت لقيتها هيام بتعمل الفطار كله وزمانها خلصت

رد يزيد ماشي

اما في شقه تقى صحيت من النوم وبصت في الشقه ما لقيتش تامر ودينا واستغربت

ومسكت التليفون واتصلت على تامر اللي رد عليه على طول

وقال لها صباح الخير يا تقى

ردت عليه صباح النور انت فين انت واختك

رد عليها هو انتي نسيتي ولا ايه مش انا قلت لك اني هروح بكره عشان التنسيق نزل ونقدم في الكليات

ردت تقى اه اه ده انا نسيت طب ما صحتنيش ليه كنت جيت معاكم

رد تامر مش عايزين نتعبك وكمان احنا عارفين المحل بقى شغل كثير اليومين دولت وانا النهارده اخذت اجازه من الشغل بعد ما اخلص المشوار ده هاجي اريح في البيت

ردت تقى طيب يا حبيبي خلي بالك من اختك وقفلت معاه

ودخلت غسلت وشها وقفت تعمل القهوه ولقت رساله على تليفونها وفتحتها

وقال يزيد هستناك النهارده الساعه 5:00 في الشقه ما تتاخريش وقفلت التليفون تقى وهي بتفكر هتعمل معاه ايه وصبت القهوه

وجات لها فكره وقالت لازم انفذها وبدات تشرب في القهوه وهي مبسوطه من الفكره

وبعد وقت خرجت تقى من المطبخ بعد ما عملت الغداء ودخلت اوضتها وطلعت فستان لبسته وفوقيه العبايه ولفت الطرحه



وخرجت خدت تليفونها والمفاتيح ونزلت على المحل تفتحه

اما عند يزيد سنتر كان الشغل شغال كويس

وقال يزيد اتصل يا علي بممدوح يجي يمسك الخزنه النهارده

رد عليه ليه هو تامر فين

قال له بيقدم على الكليه بتاعته ومش هيجي النهارده هو قال لي امبارح بس انا نسيت

رد علي حاضر

اما في البيت قالت منار يا نيفين انتي اللي عليك الغداء النهارده

وانتي يا مرات ابويا وهند هتروقوا الشقه وانا رايحه مشوار وهرجع بدري

وقالت سمر طب انا هاجي معاكي

ردت منار يا حبيبتي يلا البسي عشان تيجي معايا بس عارفه لو ضايقتي وفاء انا هعمل فيك ايه

ردت سمر والله ما هعمل حاجه

قالت لها طيب وصفا قالت ممكن اجي معاكي يا عمتو وحور قالت هي كمان

ردت منار طيب يا حبايبي عمتو روحي البسه وتعالوا معايا

وفرحه سناء قال لمنار هتمشي عشان تعرف تحط العمل في شقتها وهي مرتاحه

وقالت سناء حنيه مصطنعه براحتك يا منار خدي وقتكم ما تشيليش هم شغل البيت انا هعمله النهارده

استغربت منار وقالت لها من امتى يا مرات ابويا

ردت سناء انا عارفه ان انتي بتحبي سمر وانا مبسوطه انها قريبه منك فعشان كده انا هشيل شغلك النهارده

ردت منار لا يا مرات ابويا ما حدش هيشيل شغلي وما لكيش دعوه باي حاجه

وطلعت منار شقتها لبست العبايه ولفت طرحتها ومسكت التليفون واتصلت على مصطفى وقالت له انها رايحه عند وفاء



رد مصطفى طب ما تتاخريش يا حبيبتي ارجع الاقيك في البيت

قالت له حاضر ونزلت

وقالت لهيام خلي بالك من مالك عقبال ما ارجع يا هيام

ردت هيام من عيني يا منار وندهت منار على سمر اللي كانت لابسه عبايه مفتوحه وتحتيها بنطلون جينز وبلوزه قصيره

وقالت منار اقفلي العبايه يا سمر

ردت عليها حاضر وخرجوا ركبوا التوك توك ومسكت سمر التليفون

ومنار اتصلت على وفاء وقالت لها انا هبقى تحت البيت يلا انزلي

ردت وفاء خمس دقائق وهكون عندك ودخلت وفاء لبست العبايه

واتصلت على تقى وقالت لها انها معاها زباين

ردت تقى تنوري يا حبيبتي وقفلت معاها

اما في الجامعه فخلص تامر الورق بتاعه هو ودينا وعرف المصاريف هكون غاليه

وقال انا هغير الكليه بتاعتي وهكتب تجاره مصاريفها قليله

ردت دينا انت عايز تقى يقرا لها حاجه مش هتقبل بالكلام ده ولو على المصاريف انت بتشتغل وكمان تقى المحل بتاعها بقى كويس وبيجيب فلوس حلوه

رد تامر انا خايف ان نكون حمل على تقى كفايه انتي كليه الطب برده مش سهله

ردت دينا سيبها على ربنا بس لو انت عملت كده تقى هتبهدل الدنيا وانت عارف بكده انها حلمها ان انا اكون دكتوره وانت مهندس فما تكسرش حلمها دلوقتي

رد تامر خلاص انا هنزل اشتغل حتى وانا بدرس

ردت دينا كده حل كويس وانا كمان هنزل اشتغل ويلا بقى خلينا نخلص عشان انا تعبت من الوقفه ديت

قال لها يلا يا اختي

اما في محل تقى وصلت منار وسمر تحت البيت ومنار سلمت على خالها صالح

وقالت له اعمل ايه يا خالي

رد عليها كويس يا حبيبتي انتي اللي عامله ايه وحشتيني قوي

ردت عليه انا كويسه وقربت صفا منه وقالت له ازيك يا جدو

رد عليها ازيك يا حبيبه جدو وحور كمان سلمت عليه وهو كان مبسوط

وقال لهم خشوا يا بنات اقعدوا جوه

ردت منار والله ما ينفع يا خالي اصل سايبه مالك في البيت انا بس هروح مشوار مع وفاء وهروح بسرعه

رد صالح طيب يا بنتي بس اعملي حسابك الزياره دي مش محسوبه

ضحكه منار وقالت له عيني ليك يا خالي

وسمر كانت مكسوفه وقالت له ازيك يا عم صالح اعمل ايه ابتسم صالح

وقال لها انا كويس يا سمر انتي اللي عامله ايه يا حبيبتي

قالت لي انا كويسه ووفاء نزلت وسلمت عليهم

وقالت لهم يلا بقى بينا خلينا نخلص عشان اليوم هيبقى طويل

ردت منار يلا يا ستي انتي اللي مؤخرانا وراحوا ناحيه محل تقى ودخلوا

وقالت وفاء السلام عليكم ردت تقى وعليكم السلام يا حبيبتي ايه النور ده كله

ابتسمت وفاء وقالت لها نورك يا قمر انتي تعالي بقى اعرفك دي منار صاحبه عمري وتبقى بنت عمه جوزي

ردت تقى اهلا وسهلا شرفتينا

ردت منار انا اللي اتشرفت بيكي يا جميل بصي بقى انا بسمع منك وفاء اشعار عليك وعايزاكي تظبطي لي شعري وتعملي لي لون حلو كده في شعري

ردت تقى من عيني يا قمر بس انتي مش محتاجه حاجه

ردت منار بهزار انا عارفه اني زي القمر بس هنعمل ايه تغيير برده ضحكوا كلهم

وقالت لها من عيني ممكن بقى تقلعي الطرحه وفكت منار الطرحه ولقت تقى شعرها متقصف من تحت

وقالت لها احنا لازم نقص الاول وبعد كده نعمل صبغه حلوه

ردت وفاء اعملي كل اللي انتي شايفاه صح يا تقى

ردت تقى لا طبعا لازم هي اللي تقول لي

ردت منار يا ستي معاكي كارت سماح اعملي كل حاجه انتي شايفاها صح

قالت تقى مدام كده يلا بينا وبدات تقص شعر منار وسمر كانت بتتفرج عليهم وهي مستغربه

اما منار عينيها كانت على تقى وجمالها وبتفكر في يزيد

اما في البيت وصل تامر ودينا ولقوا ترابيزه عليها فطار وما تغطي وقعدت دينا وهي بتقول والله تقى ديت استاذه

رد تامر طبعا يا بنتي حسيسه مش زي جبله

ردت دينا وهي الاكل في بقها بقول لك ايه سيبني اكل مش عايزه اسمع كلام كثير

رد تامر طب قومي اغسلي ايدك الاول وبعد كده كلي

قالت دينا ما لكش دعوه هاكل وايدي كده وكملت اكل وتامر دخل يغسل ايديه وخرج ياكل

وبعد دقائق قامت دينا تعمل نسكافيه وقالت اعمل لك يا تامر معايا

قال لها لا اعملي لي قهوه قالت له طيب وعملت له

وقال تامر انا هنزل اروح الشغل انا مش جاي لي نوم

ردت دينا يا ابني ارتاحي النهارده

رد عليها مش مشكله هبقى ارتاح يوم الاجازه

ردت ودينا طيب يا سيدي ومسك التليفون تامر واتصل على يزيد اللي قال له انه ينفع يجي الشغل دلوقتي ولا لا

رد يزيد تعالى يا تامر هستناك واقفل معاه

وقال انا هنزل اعدي على اختك واقول لها ان انتي فوق وهروح انا الشغل

قالت له طيب يا حبيبي ونزل تامر

اما في المحل كان سمر تليفونها بيرن باسم امها وجت ترد ما كانش في شبكه

وقالت تقى الشبكه وحشه جوه المحل اطلعوا اقفي قدام المحل هتلاقي الشبكه كويسه

وقالت سمر طيب وخرجت ترد على امها وقالت ايوه يا ماما

وردت سناء بصي يا بنت يا سمر اول ما تخلصي من عندكم وهتيجوا تمشوا رن عليا على طول

ردت سمر ليه يا ماما

قالت لها بعدين ابقى اقول لك

قالت لها طيب قفلت معاها وكانت مديه ظهرها

واقرب تامر وكان بيرن على تقى والتليفون مش مجمع ولقى بنت واقفه قدام المحل

وقال لها لو سمحتي ممكن تندهي لي تقى من جوه وسمر بتلف

وشها لقيت تامر وهو قال لها انتي

وردت عليه انت بتعمل ايه هنا وصوتهم عالي

وخرجت تقى بعد ما حطت الطرحه على شعرها

وقالت في ايه يا تامر اهدى يا حبيبي ايه اللي حصل بص لسمر بيضيق

وقال لها ما فيش حاجه يا حبيبتي انا جيت اقول لك ان دينا فوق وانا رايح الشغل

قالت له طيب يا حبيبي خلي بالك من نفسك

قال لها طيب ومشي تامر وهو بيلعن في سمر

وقالت تقى معلش يا انسه

ردت سمر ما فيش حاجه ودخلوا الاثنين المحل وسمر اتفاجئت بلون شعر منار



وقالت ممكن تقصي لي شعر انا كمان وتعملي لي لون حلو

ردت تقى من عينيا يا انسه وقالت منار بصراحه تسلم ايدك ما كنتش متصوره اني هكون بالجمال ده

ردت وفاء ده ولسه لما تعمل لك بقيت الشعر والميك اب واخليها تعمل لك تاتو برده

ردت تقى وهي بتبص في الساعه ماشي هعمل لك كل اللي انتي عايزاه وبدات تشتغل معاهم

اما في السنتر وصل تامر واول ما شافه يزيد

قال له اطلع لي وطلع تامر

وقال له يزيد عملت ايه في الجامعه

رد تامر قدمت الحمد لله بس لقيت المصاريف كثيره قوي

وقال يزيد ما تشيلش هم وانا هساعدك في كل حاجه

رد تامر شكرا انا كل اللي عايزه منك بس انك تسيبناش معاك ايام الدراسه وهكون شاكر لافضلك

رد يزيد ما تقولش كده انت اخويا الصغير وانا هساعدك رد تامر شكرا ونزل تامر يشوف شغله

ويزيد ابتسم وهو بيفكر هيعمل ايه

في بيت يزيد نيفين كان بتعمل الاكل وهيام شايفه سناء وهند بيتكلموا بصوت واطي

وقالت سناء لهند خليكي هنا ولو لقيتي هيام او نيفين طالعين الشقق بتاعتهم رن عليا

ردت هند حاضر يا عمتي وربنا يستر من اللي جاي

ردت سناء اجمدي يا بنت شويه

قالت لها حاضر وطلعت سناء شقه نيفين الاول تحط العمل

وهند دخلت المطبخ عشان شافت هيام مهتميه بمالك

وطلعت هيام هي ومالك شقه منار

وقالت خليك هنا يا مالك هات كراسه الرسم والالوان عقبال ما اجيب حاجه من شقتي واجي

رد مالك حاضر يا خالتو

وطلعت هيام بالراحه وراحت ناحيه شقه نيفين اللي باباها مفتوح وشافت سناء اللي بتحط حاجه تحت مرتبه السرير وبترش حاجه على ارضيه اوضه النوم

وخرجت بسرعه لما لقيت سناء هتخرج وقفت على السلم ولقيت سناء بتطلع المفتاح من صدرها وفتحت شقتها ودخلت

اتصدمت هيام وبصيت عليها بالراحه ولقيتها عملت نفس الحكايه

ونزلت هيام اخذت مالك وقاعده في الشقه اللي تحت بعد ما اتاكدت ان سناء ما شافتهاش ولا هند

وقالت لمالك يلا ابدا لون وانا هعمل معاك

رد عليها ماشي يا خالتو

وهيام مسكت التليفون واتصلت على شيماء

وقالت بصوت واطي الحقيني يا شيماء

ردت عليا في ايه يا اختي ايه اللي حصل

وحكيت هيام كل اللي شافته بصوت واطي

وقالت شيماء بصي اول ما تطلعي الشقه شغل القران على سوره البقره وهاتي ميه بملح ورشيها مكان ما هي رشه الميه وكمان الحاجه اللي شالتها تحت المرتبه طلعيها وحطي طبق في ميه بملح وحطي فيه

ردت هيام وكده الموضوع هيخلص

ردت شيماء اكيد طبعا وخلي بالك من نفسك واوعى تاكلي من اكلهم مدام بداوا يعملوا اعمال يبقى كده يحطوا لك في الاكل

ردت هيام تصدقي صح طب اقفلي يلا عشان سناء شكلها نزلت قالت لها طيب وقفلت معاها

ورجعت هيام قعدت جنب مالك تلون معاه وهي عنيها على سناء وهند اللي بيتكلموا بصوت واطي

وهيام كانت متضايقه ومغلوله منهم

اما محل تقى كانت خلصت كل حاجه مع منار وسمر اللي فرحوا جدا من شغلها

وقالت وفاء ايه رايك بقى يا منار

ردت عليها بصراحه تسلم ايديها قولي لي بقى يا تقى هو انتي متجوزه

ردت عليها لا وما بفكرش في الجواز انا مرتاحه كده

ردت وفاء يا منار تقى شايله البيت بعد بابا ومامتها ماتوا وشايله اخواتها

ردت منار خساره الجمال ده كله يدفن نفسه بالحياه كده

ردت تقى يا ستي جمال ايه المهم اخواتي يكونوا احسن

ردت سمر هو تامر ده يبقى اخوكي

ردت تقى ايوه

وقالت منار تامر مين يا سمر

قالت لها الشاب اللي شغال عند يزيد

قالت منار اه يا ستي طب ما احنا طلعنا معرفه اهو

ردت تقى ازاي يعني

قالت لها اخوك شغال عند يزيد اخويا وفهمت تقى ان منار وسمر اخواتي يزيد

وقالت لها ماشي يا قمر انا لازم اقفل عشان ورايا مشوار مهم هستناكم المره الجايه

ردت منار اكيد طبعا حسابنا كام بقى

ردت تقى دي هديه مني ليكم

ردت منار والله ابدا الحساب كام بقى

ردت تقى طب يا ستي هم 500 جنيه

وقالت منار ماشي يا ستي وطلعت 1500 واديتهم لها

وقالت لها شكرا تعبتك معايا

وقالت صفا وهي بتعيط انا عايزاها تقص لي شعري يا عمتو

ردت منار المره الجايه عشان هي وراها مشوار

ردت تقى بعد صعبوا عليها البنات خلاص سيبيهم وانا هقص لهم بسرعه بس لازم يسمعوا الكلام

ردت صفا وحور حاضر وقعدتهم وبدات تقص لهم شعرهم وبعد دقائق خلصوا والبنات فرحانين

ومنار قالت بصراحه تسلم ايديكي يلا بقى عشان احنا تاخرنا وسمر رنه على مامتها وخرجوا ركبوا التوك توك

وتقى دخلت غسلت وشها ولبست العبايه وخرجت وراحت على الصيدليه الاول جابت حاجه وعدت على سوبر ماركت واشتريت عصاير وخرجت وقف التاكسي وركبته وراحت على الشقه

ومنار وسمر البيت ونيفين اتصدمت من شكل منار وحلاوتها وهند وسناء

وقالت سمر ايه رايك يا ماما وفكه الطرحه



واتصدمت سناء من حلاوه سمر وقالت لها حلو قوي هو انتم كنتم فين بقى

ردت سمر رحنا عند الكوافيره مع وفاء وهي اللي عملت لنا شعرنا كده

ردت هيام بصراحه يا منار انتي زي القمر

ردت عليها ما انتي المره الجايه هتيجي معايا يا هيام وهخليها تضبط لك شعرك

ردت هيام ماشي يا منار

قالت لهم بقى انا هطلع اغير هدومي اروق شقتي قبل ما مصطفى يرجع وطلعت منار

وهيام كانت حاسه تانيب الضمير ناحيه منار وسكته

قربت صفا وقالت ايه رايك يا ماما سكتت نيفين

وقالت لها وحش وصفا عيطت وقربت هيام منها

وقالت لها ما تزعليش يا حبيبتي انتي زي القمر ابتسمت صفا

وهيام قامت قعدت على الكنبه

وسناء كانت مبسوطه ان منار طلعت الشقه

ومنار اول ما دخلت حست انها مخنوقه من الشقه

وقالت السلام عليكم ورحمه الله وبركاته ودخلت وشغلت الشاشه على القران

واول ما دخلت الاوضه حست بكهرباء بسيطه في جسمها

وقالت شكلي كده داخله على دور برد و بدات تروق الشقه وهي مخنوقه

اما في السنتر بس يزيد في الساعه ولقاها 4:30 وندهها على علي

وقال له انا رايح مشوار هتاخر ساعتين وارجع

رد علي ماشي وخرج يزيد وركب العربيه ومشي

اما تقى وصلت الشقه ودخلت وراحت عن مطبخ وفتحت التلاجه ولقت عصاير كثير

وقالت يا ريتني ما كنت جيت وقلعت العبايه ودخلت الاوضه فتحت الدولاب ولقيته هدوم كثيره

وقالت شكلك كده بتاع نسوان وضحكت بعد ما افتكرت الخطه اللي هي عاملاها

وراحت لابسه بيجامه شورت ورفعت شعرها ودخلت المطبخ طلعت الاكل وبدات تعمل وجابت علبه عصير وحطت فيها البرشام بعد ما طحنته



وشغلت الاغاني وبدات تعمل الاكل عشان يبان انها متقبله جوازها منه وبعد وقت

وصل يزيد وطلع الشقه وفتح بالمفتاح وشم ريحه اكل جميله وسمع صوت الاغاني وراح ناحيه المطبخ واتفاجئ من جمال تقى

وقرب منها وحضنها وهو بيبوس رقبتها

وقال لها ايه الحلاوه ديت ابتسمت تقى وقالت له شكرا

رد عليها بقول لك ايه ما تسيبي اللي في ايدي كده وتيجي اقول لك كلمتين حلوين

ضحكت تقى وقالت له طب خد نفسك الاول او استنى احط لك كوبايه عصير

رد يزيد يا ريت بسرعه اصل الجو كان حر قوي

ردت عليك من عينيا الاثنين وطلعت كوبايتين فيهم نفس نوع العصير وشربت كوبايتها وهو شرب الكوبايه وعينيه بتاكل تقى

وقالت تقى خشوا خد دش عقبال ما احط الاكل وناكل سوا

رد يزيد ماشي يا قمر اكيد ما فيش اي حاجه المره دي

ضحكه تقى وقالت له لا طبعا

ودخل يزيد الحمام وبدا ياخد دش بعد دقائق خرج وشاف تقى مطلعه له بالترنج برمودا لابس الشورت بس وفضل عاري الصدر

وخرج ولقاه لسه في المطبخ وقال لها هو بيبوسها مش يلا بقى بصت على الساعه

وقالت له يلا يا قلبي وشالها يزيد وراح بيها ناحيه الاوضه وحطها على السرير

واقرب منها وهو بيقبلها برقه وهي كانت بتستجيب معاه ومبتسمه وعدى اكتر من نص ساعه

ويزيد مستغرب نفسه انه ما فيش اي احساس من ناحيته

وقالت تقى وهي قايمه من على السرير ولفه الملايه على جسمها هروح انا بقى احط الاكل شكلها كده يوم طويل اتصدم يزيد من كلامها

وخرجت تقى وراحت المطبخ وهي بتبتسم

ونرجع فلاش باك

(وبتفتكر لما دخلت الصيدليه لقيت دكتور وواحده

وقالت ممكن يا انسه

ردت عليها ايوه

قالت لها انا عايزه حاجه تخلي

ردت دكتوره حاجه ايه

قالت لها هاتي ودنك

وقالت لها انا عايزه حاجه تخلي مش يعرف يعمل علاقه جنسيه

ردت الدكتوره بابتسامه تمام وجابت لها علبه برشام

وقالت لها بس خلي بالك مفعوله بيشتغل بعد 10 دقائق من الشرب بتاعه بس اوعي تحطيه على قهوه

ردت عليها تمام يا دكتوره محتاجه كام

ردت عليها 250 وطلعت تقى الفلوس واديتها لها

وقالت يلا تستاهل كل خير يا يزيد)

ورجعت من سرحانها وهي بتضحك وخلصت الاكل

ويزيد كان قاعد على السرير وهو مصدوم من اللي بيحصل له

وقال انا كنت كويس جدا امبارح مع هيام ايه اللي حصل وبص على نفسه

وقال الله يكسفك ودخل الحمام اخذ دش وخرج

وقالت تقى تعالى يلا عشان تتغدى وخرج يتغدى وهو مكسوف منها

وهي كانت بتبتسم وقالت له عادي يعني بتحصل كثير

رد يزيد ابدا والله انا كنت كويس امبارح

قالت له احنا مش مستعجلين

رد عليها طب كلي يا اختي ضحكه تقى وهو تغاظ

اما في بيت يزيد منار خرجت من الحمام بعد ما استحمت ولمحت حد في الشقه وخرجت تدور عليه ولقت الشقه فاضيه

وقالت هو في ايه انا مالي اللي حصل كده

اما هيام كانت في شقتها ومشغله سوره البقره وعملت اللي شيماء قالت عليه وحست انها مرتاحه شويه

اما عند يزيد خرجت تقى من الحمام ولبست الفستان وعليها العبايه ولفت الطرحه وخرجت

وقال لها يزيد رايحه فين

قالت له لازم اروح عشان اخواتي

رد عليها خليك شويه

ردت عليه بابتسامه ملهوش لزوم وجودي هنا

رد يزيد طب تعالى اوصلك

قالت له مش هينفع عشان لسه هروح السوق اجيب حاجات

قال لها طيب وطلع فلوس من جيبه وقال لها خذي

ردت عليه اعمل بيهم ايه مش محتاجاهم

رد يزيد انتي مراتي ومسؤوله مني

ضحكه تقى باستفزاز وقالت له ابقى اخذ منك لما اكون مراتك وخرجت وسابته

وهو قال نفسي افهم ايه اللي حصل بالظبط

ونزلت تقى وركب التاكس وراحت على البيت وهي مبسوطه في اللي عملته فيه

وقالت في سرها عشان اوريك اني ما بتلويش دراعي واوريك كيد العوالم بيعمل ايه

اما نيفين طلعت شقتها وحصل فيها زي اللي حصل مع منار ويمكن اكتر

ودخلت الاوضه ولقت حد قاعد على السرير وما لهوش ملامح وصرخت بصوت عالي لم البيت كله

والكل دخل وقال في ايه

ردت نيفين بعياط هستيري في حد كان قاعد هنا بس ملامحه مش باينه

ردت منار اهدي بس يا نيفين ما فيش حاجه

ردت عليها انا بقول لك شفت حاجه هنا

وهيام كانت مرتاحه انها عملت لشيماء قالت لها عليه ما شافتش حاجه

وبصت على سناء اللي كانت بتبتسم وخافت

وقالت منار شغلي يا هيام القران ردت عليها حاضر وفتحت الشاشه على القران نيفين هديت شويه

وبعد وقت نامت وخرج الكل من الشقه وسابوا القران شغال

ونزلت منار وقالت يلا خلونا نعمل الاكل الرجاله زمانها راجعه

ردت سناء يلا وبعد وقت طويل وصلوا الرجاله ومنار كانت لابسه عبايه حلوه وبتحط الاكل مع سناء وهيام

ومصطفى شافها وهو مبسوط من منار

وممدوح كان مبسوط انه صاحب على تامر وبعد علاقتهم كويسه الكل قاعد عالسفره

وسال يزيد نيفين فين

ردت منار اسكت يا يزيد اللي حصل النهارده حاجه غريبه

رد يزيد في ايه وحكت كل اللي حصل والكل استغرب

رد يزيد تلاقيها متفرج على فيلم رعب ولا حاجه

قالت لها ممكن وكملوا اكل

اما في شقه نيفين في القران اتطفى وينفين كانت نايمه وحاسه ان في ايد بتمشي على جسمها وافتكرت انه يزيد

وبتقلب وشها لقت واحد شكله وحش جدا حاولي تصرخ وصوتها مش طالع والشخص ده ماسكها ومكتفها وغمضت عينيها بسرعه

وهي بتحاول تقرا قران بس مش عارفه وفجاه صوتها رجع وراحت صرخه بصوت عالي الكل سمعها

وطلعوا يجروا وفتح يزيد الشقه ودخل لقاها شعرها منكوش ودمعه متقطعه وبتعيط

وقرب منها وقال لها في ايه

قالت له بدموع في حد هنا وهو اللي عمل فيا كده استغرب يزيد وسابها وقام يدور في الشقه ولقى الشقه فاضيه

وقال لها ما فيش حد هنا وكلنا كنا تحت بناكل

ردت نيفين والله كان في حد هنا وشكله وحش قوي

ردت منار اهدي بس يا نيفين تلاقيكي حلمتي بكابوس ولا حاجه

ردت نيفين كابوس ايه ووريتها ذراعها والعلامات اللي فيها الكل اتصدم

وسناء كانت مبسوطه من اللي بيحصل

وهند خافت ورجعت بضهرها ولقت علي في ضهرها وعيني على نيفين وعينيها دمعت وخرجت نزلت شقتها وفضلت تعيط

وعلي لاحظ اللي حصل ونزل وراها ودخل الشقه ولقاها بتعيط

وقال لها مالك يا هند بتعيطي ليه

ردت عليه دموع يعني انت مش عارف انا عارفه ومتاكده من يوم ما اتجوزتك ان عمرك ما حبتني

رد علي ما تقوليش كده يا هند احنا بينا عشره عمر

ردت عليه عشره عمري ايه انت ما بتنام معايا بتقول اسمها حتى وانت نايم لوحدك بتحلم بيها انا تعبت يا علي وقلبي ما بقاش يستحمل اكثر من كده

رد علي طب اهدي بس والله العظيم ما بقتش افكر فيها ولا عايزه افتكرها انا مبسوط دلوقتي اني معاكي ومع اخواتي

قالت هند انا عايزه اتطلق يا علي كفايه كده

رد عليها طب ينفع تديني فرصه وصدقيني مش هتندمي ابدا

ردت هند هي فرصه واحده وما فيش بعدها عشان خاطر بنتنا

رد علي ماشي يا ستي ويلا بقى قومي حضري لنا ناكل بدل الاكل اللي راح علينا تحت

ابتسمت هند وقالت له حاضر والباب خبط

وكانت حور ودخلت وقالت له ايه رايك يا بابا في شعري

رد علي وهو بيشيلها زي القمر يا حبيبتي ماما اللي قصيته لك كده

ردت عليه لا يا بابا انا رحت مع عمته منار وعمته سمر و صفا الكوافير وهي اللي عملته لي كده انا وصفا ايه رايك

قال لها جميل قوي يا قلبي يلا اقعدي عشان تاكلي ماما دخلت تحضر الاكل سقفت حور

وقالت هيه هناكل احلى اكل مع بعض ابتسم على بنته الصغيره

اما في شقه تقى كانت قاعده بتتغدى مع اخواتها

وقالت دينا هو انتي قفلت المحل ليه يا تقى النهارده

ردت تقى وانتي عرفت منين

قالت لها اصل انا بصيت من البلكونه ولقيت المحل مقفول

ردت تقى اصل اشتغلت النهارده مع قرايب وفاء واخذت 1000 ونص وكمان كنت عامله شغل ب 1000 جنيه فقلت خلاص كفايه شغل كده واروح اجيب الطلبات بتاعه البيت وارجع

وقالت لهم عملتوا ايه النهارده في الجامعه

رد تامر قدمنا الورق ولو جات لنا الموافقه لازم ندفع المصاريف

ردت تقى ما تشيلوش هم المصاريف موجوده

ردت دينا بجد

قالت لها ايوه

قالت لها اصل تامر كان هيكتب كليه تجاره عشان خايف ان انتي ما يكونش معاك المصاريف

قالت تقى بصدمه ازاي يعني يا تامر تعمل كده كويس ان انت ما عملتش كده انا كنت هزعل منك قوي

رد تامر انا عارف ان المصاريف كثيره وخفت عليك

ردت تقى ما تخافش يا حبيبي انا كنت عامله حسابي وكنت بشيل فلوس على جنب عشان خاطر الجامعه

رد تامر ربنا يخليكي ليا يا حبيبتي ما يحرمنيش منك ابدا

ردت تقى ولا منكم يا قلبي يلا بقى الحمد لله انا اخش افرد شويه عشان تعبت

رد تامر طيب يا حبيبتي ودخلت تقى تغير هدومها وكل ما تفتكري يزيد تقعد تضحك في اللي حصل فيه النهارده وتعبيره وشه المصدومه



اما في شقت نيفين قال يزيد يلا يا جماعه انزلوا ناموا

ردت منار طيب يا حبيبي لو عزت حاجه بتصل عليا

قال لها ينفع تاخدي صفا تنام عندك هي ومؤمن النهارده

قالت له حاضر واخذت العيال ونزلت شقتها ودخلت المطبخ عملت سندوتشات للعيال

وقالت لهم كلوا بقى والعبوا شويه وبعد كده ناموا

ردت صفا حاضر يا عمتو

وقال مصطفى يلا يا منار خلينا ننام قالت له طيب

وجت تخش الاوضه حاسه بقبضه في قلبها

وقالت اللهم اجعله خير ودخل مصطفى الحمام

ومنار قعدت على كرسي التسريحه بعد ما قلعت العبايه ولبست قميص نوم وعملت اللي تقى قالت لها عليه



وبعد دقائق خرج مصطفى وهو مصدوم من جمال منار

وقال الله اكبر شكللتنا النهارده ليلتنا فل ضحكه منار واقرب مصطفى منها واخذها في حضنه

وقال لها ايه الجمال ده يا قلبي

ردت منار قلت اعمل نيولوك جديد على راي البنت وفاء ضحك مصطفى

وقال لها خلاص من النهارده لازم تسمعي كلام وفاء في كل حاجه ضحكه منار

وقالت له هو انت هتقضيها كلام ولا ايه

رد مصطفى وهو بيشيلها كلام ايه بس ده وافعال كمان يا قمر واخذها وراح ناحيه السرير وقرب منها

وبعد دقائق صرخت منار لما بصت في وش مصطفى ولقيته شخص ثاني

وفضلت تصرخ و مصطفى بيقول لها اهدي في ايه منار بتصرخ والباب خبط بتوع الشقه

وراح فتح ولقى يزيد والحج صابر وقال يزيد مالها منار

رد مصطفى مش عارف ايه اللي حصل فجاه كده قعدت تصرخ

رد صابر انا عايزه اخش البنت دلوقتي

قال مصطفى طب ثواني يا جماعه ودخل الاوضه لقى منار بتكسر في الحاجه

واقرب منها والبسها الجلابيه بالعافيه

ودخل صابر ويزيد بعد صوت التكسير وقالوا هو في ايه

رد مصطفى مش عارف وصابر عيني دمعت والعيال بتعيط

وقال يزيد خدهم يا ممدوح ودخلهم الاوضه

وقالت هيام شغلوا القران بسرعه وبداوا يشغلوا قران

ومنار اغمى عليها

وقال يزيد هات الدكتور بسرعه رد صابر اتصل يزيد على خالك صالح وقول له هات الشيخ وتعالى اللي حصل النهارده مش طبيعي

رد يزيد مش وقته يابا خلينا نجيب الدكتور الاول نطمن على منار وبعد كده نجيب الشيخ

رد صابر اسمع مني بس

وقالت سناء مش وقته يا حاج خلينا نطمن الاول من الدكتور

وراح يزيد اتصل على الدكتور اللي بعد دقائق جه كشف على منار ويزيد ومصطفى وصابر قلقانين جدا عليها

وخرج الدكتور وهو بيقول لهم الف مبروك المدام حامل اتصدمت سناء

وفرح مصطفى وقال بجد يا دكتور

رد عليه طبعا

وقال صابر شكرا يا دكتور وخرج الدكتور وقعد صابر ويزيد ومصطفى في الصاله

وقال ايه اللي حصل النهارده غريب جدا الاول مع مراتك وبعد كده مع منار اكيد في حاجه غلط

رد يزيد انا شايف كده يا بابا ولسه هيكمل كلامه سمع عياط منار ودخلوا كلهم

ولقوا منار بتخبط ايديها على بطنها وبتقول مش عايزاه بصوت غريب

وقال صابر اسمع يزيد اتصل على خالك دلوقتي ضروري وقول له هات الشيخ معاك

رد يزيد حاضر وقرب مصطفى من منار وهو بيمسك ايديها ويقول لها اهدي يا حبيبتي ومنار في دنيا غير الدنيا

وسمعوا صريخ نيفين وطلع يزيد على شقه نيفين ولقى نيفين قاعده في نص الصاله وعماله تعيط والقزاز حواليها متكسر بتاع النيش والسفره وهي رجليها كلها دم

ومسك التليفون واتصل على خاله صالح

وقال له على ابوه قالوا

ورد صالح ربع ساعه وهكون عندك وهقفل معاه

وقال عبد الرحمن في ايه يا بابا

رد صالح ما فيش يا ابني ده الحاج صابر عايز الشيخ فتح الله

رد عبد الرحمن طب وده هتلاقيه صاحي دلوقتي يا بابا

قال له ايوه يا ابني واتصل الشيخ صالح بالشيخ فتح الله

وقال له ان صابر محتاجه

رد الشيخ فتح الله خلاص ماشي هستناك تعدي عليا

رد الحاج صالح تمام وقفل معايا

وقال لعبد الرحمن تعالى معايا خلينا نروح نجيبه

رد عبد الرحمن حاضر ونزلوا ركبوا العربيه وراحوا جابوا الشيخ فتح الله

اما ببيت يزيد كان الحال غريب وسناء كانت مبسوطه وعلي كان خايف على منار هو وسمر بعد وقت

وصل الشيخ فتح الله البيت مع صالح وعبد الرحمن واول ما دخل البيت قعد يستغفر ويقول ادعيه

وقال يزيد اتفضل يا شيخ ودخلوا شقه منار الاول

وقال الشيخ شغلوا سوره البقره

رد صابر في ايه يا شيخ

رد عليه بنتك ماذيه جدا يا حاج والطريقه صعبه بس هي عشان بتصلي ما تاذيتش قوي

رد صابر ساعدني يا شيخ ورجع لي بنتي رد الشيخ فتح الله تمام ودخل الاوضه

وبدا يقرا الادعيه وسوره الكرسي ومنار بتصرخ بالم

وقال هاتوا لي ميه وملح وبدا يقرا واقرب من مرتبه السرير وطلع حاجه وحطها في الميه وتحولت لازرق

وهيام اتصدمت وافتكرت لما عملت كده والميه اتحولت لازرق برضو

وقال الشيخ الميه دي تدلقها في الشارع مش في البيت وجاب ميه ثانيه

وبدا يقرا عليها وقال الميه دي هي تشربها باستمرار لمده ثلاث ايام والقران ما يتقطعش في البيت لمده ثلاث ايام مع الصلاه

رد مصطفى اكيد يا شيخ وحمل

وقال مصطفى يعني كده الحمل بتاع منار مش هيحصل له حاجه

رد الشيخ ان شاء الله خير بس لازم تعملي اللي انا قلت لكم عليه وتلتزموا بيه

رد مصطفى حاضر يا شيخ

وبص ليزيد وقال له في حد ثاني ماذي في البيت ده وانا متاكد من كده

رد يزيد ايوه يا شيخ واخذه وطلعه على شقته ودخل الشيخ وهو حاسس بقبضه في قلبه

وقال اعوذ بالله من الشيطان الرجيم ايه ده ده قبر ده ولا ايه

رد يزيد لا يا شيخنا ما كانش كده

رد الشيخ طب يا ريت تشغلوا القران زي ما حصل تحت وفعلا بدا يشغلوا القران والشيخ عمل نفس اللي عمله عند منار ويمكن اكثر شويه عشان خاطر نيفين ما بتصليش ما بتركعش لربنا

وقال اعملوا نفس اللي قلت لكم عليه تحت بس لازم هي تصلي

رد يزيد ماشي يا شيخنا وبص لسناء

وقال لها اتصلي باختك خليها تيجي عشان تقعد مع بنتها

ردت سناء حاضر وخرج الشيخ وواقف قدام شقه هيام

وقال لهم انا عايزه اخش الشقه ديت

رد يزيد الشقه دي ما فيهاش حاجه يا شيخ

رد عليه و مين قال لك ده فيها بس صاحبتها ما قعدتش فيها النهارده ودخلوا والشيخ قال الحمد لله شكلها كده كانت مشغله القران من الصبح وما مسحه بالميه والملح عشان كده ما فيش حاجه تاثرت

رد يزيد منه شيخنا اللي عمل كده قال الشيخ فتح الله وهو عينيه على سناء اللي ستروا ربه ما يفضحوش عبده بس اللي انا عايزه اقوله لك خلي بالك كويس من بيتك ومن اهلك

ونزلوا تحت وقال يلا يا حاج صالح خلينا نمشي

رد الحاج صالح يلا يا شيخ فتح الله وخرجوا ركبوا العربيه

وقال الحاج صالح مين اللي عمل كده يا شيخ

رد عليه بصي يا حاج صالح انت حبيبي وعارف بكده بس ما ينفعش اللي ستر ربه افضح وانا بس كل اللي انا عايزه اقوله لك ان البيت ده مش كويس ويا ريت يغيروا العتبه في اقرب فرصه

رد الحاج صالح ليه بتقول كده يا شيخ سكه الشيخ فتح الله وبدا يسبح والحاج صالح ساكت هو كمان

اما بيت يزيد كان قاعد متضايق من اللي حصل مع منار وبعد دقائق وصلت سميه وهي بتقول بنتي حصل لها ايه يزيد

رد عليها والله ما عارف ايه اللي حصل كل اللي انا عارفه ان مراتي واختي اتاذوا في البيت ده

قالت سميه وهي بتقرب من سناء وقالت لها اذيتي بنتي برده وعملت اللي في دماغك

خافت سناء وقالت لها اللي انتي بتقوليه ده يا سميه

ردت عليها بقول ايه اقول ان انتي كنت عند الشيخ عشان تعملي اعمال بس ما كنتش متصوره ان انتى تعملي لبنت اختك

انتبه الحاج صابر ويزيد للكلام وقال يزيد بعصبيه معنى الكلام ده ايه يا سميه

ردت عليه معناه ان سناء هي اللي عملت كده عشان تؤذي بنتي واختك برده

ردت سناء ما حصلش وانتي كذابه

رد يزيد وهو بيقرب منها وهي هتكذب ليه مع انك اختها

ردت سناء بتوتر مش عارفه

قال يزيد انتي عارفه الشيخ اللي عملت عنده العمل ده يا سميه

قالت له ايوه عارفاه

قالت سناء بقوه يبقى انتي اللي عملتي عنده وجايه تلبسيها لي

ضحكه سميه وقالت لها بالعقل كده لو انا كنت هعمله هاذي بنتي ليه انا كنت اذيت اي حد ثاني

رد يزيد وهو بيبص للحاج صابر وقال له بصي يابا انا مش هتكلم كثير بس انا بقول لك اهو لو عرفت انها هي السبب في اللي حصل مش هتقعد في البيت ده ثانيه واحده

وخرج يزيد بعد ما اخذ الاسم من سميه وسناء كانت قاعده قلقانه وخايفه من اللي هيحصل وصابر كان بيستحلف لها

اما سميه فطلعت على شقه نيفين ودخلت ولقت نيفين نايمه وقربت منها

وقالت لها ما تقومي بقى ما خلاص خلصت التمثيليه

ضحكت نيفين وقالت لها بس ايه رايك فيا ممثله شاطره طبعا ضحكه سميه

وقالت لها بس اللي نفسي افهمه انتي ايه اللي خلاك عملت كده

ردت عليها ما اختك السبب هي اللي حاولت تبتزني وكمان عايزه تكوش على كل حاجه وفاكراني عبيطه ما اعرفش هي بتعمل ايه

ردت سميه لولا اني عارفه الشيخ اللي هي راحت له وبعد كده رحت له واتفقت معاه واديته فلوس كثيره عشان ما يعمل لكيش العمل زي ما هي عايزه

ردت نيفين كده احسن عشان اختك بدات تلعب من ورايا وعايزه تكوش على كل حاجه وترميني انا بره

ردت سميه المهم انا اديته اسم الشيخ بس انا خايفه ليجي هنا ويتعرف عليا انا كمان

ردت نيفين ما انتي مش هتنزلي تحت انتي هتفضلي هنا جنبي ما تتحركيش خالص لغايه ما نشوف هم يعملوا ايه

ردت سميه بس يزيد شكله ناوي على طرد سناء من البيت ابتسمت نيفين

وقالت كده يبقى احسن او خلصنا منها عقبال الباقي

ردت سميه ربنا يستر وسناء ما تحطيكيش في دماغها وتبهدل الدنيا لو عرفت ان انتي السبب في كل اللي حصل

ردت نيفين بقوه ما تخافيش هي متاكده ان العمل اشتغل انا كلي بس اللي عايزاه انك تخلي بالك كويس فهماني ولا لا

ردت سميه خليني وراكي يا بنت بطني ما نشوف هيحصل ايه تاني ابتسمت نيفين

وقالت لها هيحصل كل خير بس لازم اختك تخرج بره البيت في اقرب وقت

وقالت سميه هي بنت حلال وتستاهل برده عشان تبقى تقلب عليك كويس

اما يزيد وصل عند الشيخ وسال عليه في المنطقه وعرف انه بتاع اعمال وطلع بيته وخبط الباب جامد وفتح الراجل

وقال له في حد بيخبط كده قرب يزيد منه ومسكه جامد

وقال له انا يا روح امك انت لازم تقول لي مين اللي قال لك تعمل اعمال لاختي ومراتي

رد الراجل عمل ايه اللي انت جاي تتكلم عنها

رد عليه يزيد انا هقول لك يا روح امك وشده وضربه بالروسيه وشالوا وحطه في العربيه ومشي بيه

شقه منار فاقت وتعادلت على السرير وهي بتقول في ايه حصل حاجه

رد مصطفى ما فيش يا حبيبتي المهم انتي كويسه

ردت عليك اه الحمد لله بس حاسه اني عندي صداع جامد

رد مصطفى طب اهدي وانا اقوم اجيب لك كوبايه ميه وقام مصطفى اجيب لها كوبايه ميه ورجع شربها لها

وقال لها كويسه دلوقتي

قالت لي الحمد لله

قال لها طب يا حبيبتي ريحي شويه عشان انتي تعبانه

ردت عليه هو حصل ايه انا مش فاكره حاجه

رد مصطفى ما فيش يا حبيبتي انتي دوخت شويه واحنا جبنا الدكتور

وقال انك حامل اتصدمت منار

وقالت له بجد

قال ايوه يا حبيبتي انتي حامل وهتبقي ام تاني ابتسمت منار وهي بتحط ايديها على بطنها وبتقول انتي ما تعرفش فرحتي قد ايه دلوقتي

قال لها لا عارف ربنا يخليك لنا يا حبيبتي وما يحرمناش منك ابدا

ردت عليك ولا منك يا حبيبي طب هو يزيد فين

رد مصطفى نزلوا تحت بعد ما اطمنوا عليك

قالت له طيب ونامت منار

اما عند يزيد فوصل عند البيت ونزل من العربيه وماسك الشيخ وجره على جوه

والحاج صابر قال مين ده يزيد

قال له ده الشيخ اللي عمل الاعمال لاختي ومراتي

وسناء كانت ميته من في جلدها اول ما شافته وهند كمان كانت خايفه

وقال يزيد قول لي بقى مين اللي جات لك عشان تعمل عندك الحاجات ديت

رد الشيخ يا ابني انا اساسا ما اعرفكمش انت عايز ايه

رد يزيد متاكد انك ما تعرفناش

رد عليه ايوه يا ابني

قاعد يزيد وقال له تمام وراح مطلع فلوس من جيبه

وقال له وكده زغلله عينه الفلوس طمع

وقال انا اقدر اقول لك مين اللي عمل لكم الاعمال دي دلوقتي حالا

ابتسم يزيد

وقال له اتفضل قول مين اللي عمل كده وانا هزود لك الضعف

رد عليه هم اتنين ستات ومعاهم واحده صغيره كده اللي جم عندي عشان يعملوا الاعمال ديت

رد يزيد انهي واحده في دولت وقف الشيخ قدام الحريم

وقال هي ديت وشاور على سناء وهند

وقال لهم في واحده كمان كانت معاهم

وعلي تعصب وقال له انت بتقول ايه يا راجل يا خرفان انت انت متفق معاه وجاي تقول عليهم

رد يزيد لم نفسك يا علي وشوف انت بتقول ايه

رد عليه يعني انت عايز تلبسها لامي ومراتي وتقول لي لم نفسك ازاي يعني في

رد يزيد انا ما بلبسهاش في حد بس انت ما شفتش منظر اختك ومراتي كان عامل ازاي

رد علي وايه اللي مخليك واثق ان امي اللي عملت كده

رد عليه انا واثق عشان عارف ان امك بتكره اختي قد ايه بس خليك فاكر ان انا مش هسكت على اللي حصل نهائي وامك هتسيبي البيت وهتمشي

رد علي وهو بيبص لابوه انا امي لو سابت البيت انا همشي معاها

رد صابر براحتك يا علي بس امك من الليله ديت طالق مني مش هتقعد على ذمتي ثانيه واحده خبطت على صدرها سناء

وقالت طلقتني يا صابر عشان خاطر صدقت الراجل الخرفان ده ولا ابنك اللي بيكرهني كره العمى

رد الشيخ بقول لك ايه انا عمري ما بتوه عن زبايني وانتي جيتي لي في اليوم كذا وحكى لهم اليوم اللي راحوا له عنده فيه وده في نفس اليوم اللي كانت هند راحت تشوف ابوها هي وسناء

واتصدم علي وقرب من هند وضربها بالقلم وقال لها ازاي تمشي ورا امي في حاجه زي ديت

وقال ليزيد انت حر واللي انت عايزه هيحصل امي هتمشي وهتاخد مراتي معاها كمان

ردت هند بدموع انا ما ليش دعوه ولا اتكلمت في حاجه وكنت ضد الكلام ده من الاول صدقني يا علي

رد عليها انتي هتروحي على بيت اهلك دلوقتي وبنتك هتفضل هنا ولما تتربي ابقى اجي وطلع علي على الشقه

وسناء بتعيط

وخرج يزيد من البيت وراكب العربيه وهو مش عارف هيروح

اما سميه كانت سامعه كل اللي حصل وطلعت جري على شقت نيفين وحكيت لها اللي حصل كله

وقالت نيفين كده خلصت من واحد فاضل الباقي

اما في العربيه فضل يزيد يلف كتير هو مش عارف يروح فين ومسك التليفون

واتصل على تقى اللي كانت نايمه في سابع نومه وفتحت عينيها من صوت التليفون

ردت بصوت نعاس الو

قال يزيد ينفع نتقابل دلوقتي قامت تقى قعدت على السرير و بصي في التليفون ورجعت

قالت انت اتجننت يا راجل انت عايزني انزل في وقت متاخر كده ازاي

رد يزيد انا محتاجك دلوقتي

قالت له مش هينفع انزل دلوقتي خالص

رد يزيد بعصبيه بس انا عايزه اشوفك حالا قدامك ربع ساعه وتكوني عندي بدل ما اجي لك واخدك من بيتك قصاد اخواتك واقفل التليفون في وشها

وهي قالت يا ابن المجنونه طب انا هوريك انا هعمل ايه

وقامت تقى لبسه العبايه وعليها الطرحه وخرجت بالراحه ولقت اخواتها نايمين في سابع نومه وخدت المفتاح والموبايل



وخرجت من البيت وهي نازله اتصلت عليه وقالت له ما فيش تاكسي دلوقتي وانا واقفه في الشارع

رد يزيد انا اصلا واقف على اول الشارع انتي فين

قالت له انا خارجه من البيت دلوقتي

قال لها طب تعالي انا مستنيك على اول الشارع

قالت له طيب وبعد دقائق وصلت وركبت جنبه في العربيه

وقالت له الجنان ده

ويزيد امشي بالعربيه على طول من غير ما يقول ولا كلمه وهي اتضايقت بس سكتت

وبعد وقت وصلوا الشقه وقال لها يلا نطلع

قالت له بقول لك ايه يا جدع انت اطلع فين في الوقت ده انت بتستعبط ولا ايه

رد يزيد بعصبيه اسمعي الكلام احسن لك بدل ما تجنن عليك انتي كمان سكتت تقى وطلعت معاه

وقال لها اول ما دخلوا الشقه اعملي لي فنجان قهوه دخلت تقى عملت له فين قهوه وخرجت اديته له ولقيته مغمض عينيه

وقالت له اتفضل واول ما شرب فنجان القهوه حاسس ان هو بيشربه من ايد منار وابتسم

وقال لها قهوتك بتظبط الدماغ على طول سكت التقى ما ردتش عليه وهو فضل يشرب القهوه وعيني عليها وهي متضايقه

وبعد دقايق اخلص شرب القهوه وقالت تقى ممكن افهم بقى انت جايبني هنا ليه في الوقت ده

رد يزيد كنت مخنوق فقلت اقعد معاكي شويه ايه المشكله يعني

وقفت تقى وقالت له لا في مشكله يا عينيا احنا متفقين ان مقابلتنا كلها بالنهار مش بالليل

رد يزيد بسخرية وايه يعني اكنك في فرح ولا في كباريه من اللي انتي كنت بتروحي

اتعصبي تقى وقالت له اما انت عارف اني كنت بروح كباريهات وافراح اتجوزتني ليه

رد يزيد برود اصل ما فيش حياتي دخلت في دماغي وبسيبها بسهوله غير لما يجي لي المزاج

وقالت تقى مدام كده طيب انت محتاج ايه دلوقتي مني

رد يزيد ترقصي لي اتضايقي التقى وقالت طيب من عينيا الاتنين

قال لها خش بقى غيري العبايه اللي انتي لابساها ديت وهتلاقي كل حاجه في الدولاب وظبطي لنا القاعده

قالت له حاضر ودخلت المطبخ وعملت العصير وحطت فيه برشامتين وقالت في سرها احسن وجهزت الشيشه والقعده والفاكهه وحطتهم بره

ودخلت الاوضه تاني لبست جلابيه وهو قاعد بيشرب الشيشه ومبسوط عشان فاكر انه قدر يسيطر عليها بس ما يعرفش انها هتربيه على طريقه الرقاصات

وخرجت من الاوضه تقى وهي لابسه جلابيه حمراء ويزيد شغل الاغاني وتقى بدات ترقص ويزيد مستمتع وهو بيشرب العصير وهي ضحكت عليه وكملت رقصتها وهو بياكلها بعنيه



وبعد ما الاغنيه خلصت قام شالها وقال يلا بينا يا قمر وهي سكتت وهو فاكر انها مستمتعه زيه وراح بيها ناحيه اوضه النوم وبدا يقبلها وحطها على السرير

اما في شقه هيام كانت قاعده بتكلم شيماء وحكيت لها على كل اللي حصل

وقالت شيماء كويس ان حصل كده وسناء مشيت وارتحت منها

ردت هيام تفتكري بس لسه في عقربه تانيه هنا

ردت شيماء ما انتي معاكي اللي يخليها تبقى زي الخاتم في صباعك

ردت هيام معاكي حق بس بصراحه كنت حاسه بتانيب الضمير من ناحيه منار النهارده

ردت شيماء بكره بقول لك ايه اللي يصعب عليك يفقرك وهي ما وقفتش معاكي لما يزيد يتجوز نيفين ليه

ردت هيام بقول لك ايه يا شيماء منار طيبه ما شفتش منها حاجه وحشه بالعكس بتعملني زي اختها واكتر كمان بس انا اللي خفت سناء تعرف ان انا عرفت وساعتها كانت هتحصل مصيبه وكانوا ممكن يؤذوني انا لوحدي بس كده سناء مشيت مش هيبقى غير نيفين

ردت شيماء طب هتعملي ايه في الفلوس اللي هتحولت لك ديت

ردت هيام والله ما عارفه بس كل اللي انا عايزاه ان نيفين تبعد عني واجيب حته العيل اللي نفسي فيه

ردت شيماء ان شاء الله خير وانتي اهو الشهر ده ما اكلتيش من ايديهم حاجه ولا شربتي ان شاء الله هتحملي

ردت هيام يا رب يا شيماء

قالت لها طب هو يزيد فين

ردت عليها خرج من ساعه اللي حصل وما رجعش تاني

قالت لها طب خلي بالك من نفسك

ردت عليها ان شاء الله كل حاجه هتتعدل وهخلص من نيفين هي كمان

ردت شيماء انا رايي ابعتي الفيديو كله ليزيد واخلصي مره واحده

قالت لها طيب هفكر في الموضوع وقفلت معاها

وقالت في سرها انا ما اقدرش اعمل كده يزيد ممكن يقتل نيفين وعلي وساعتها مش هستفاد حاجه غير اني اخسر يزيد من حياتي

اما عند يزيد كان قاعد على السرير وهو مصدوم من نفسه وتقى كانت بتحاول تكتم الضحكه من تعبيرات وشه

وقالت له وهي بتلبس هدومها يلا بقى عشان انا تاخرت ولازم يصحوا يلاقوني في البيت

رد يزيد بصوت هادي طيب وبعد ما خلصت لبسها خرجت بره وهي بتضحك

وبتقول كان فاكر نفسه هارون الرشيد وما يعرفش ان النسوان دايما هي اللي بتجيب من الاخر مع الرجاله

يزيد عمال يقول لنفسه انا فيا حاجه غلط انا كنت كويس امبارح ايه اللي حصل ممكن تكون سناء عملت لي انا كمان عمل ولا ايه

وقام لبس هدومي وخرج قال لها يلا بينا ونزلوا ركبوا العربيه وما اتكلمش معاها ولا كلمه وهي كانت بتبتسم وبعد دقائق وصل وطلعت تقى بيتها ويزيد مشي

اما سناء كانت قاعده في اوضه سمر بعد ما الحاج صابر طلقها

وسمر قالت لها عاجبك اللي انتي عملتيه ده

ردت عليها بقول لك ايه يا بنت بطني عملت ايه يعني

ردت سمر ولا حاجه انتي اذيتي اختي وكمان بنت اختك

ردت سناء بكره انا ما اذيتش حد انا كنت باخد حقي من منار و نيفين اللي قلبت عليا بعد ما فاكره انها قدرت تاخد يزيد لصفها بعد ما خلفت منه

ردت سمر انتي ليه بتكرهي قوي كده وهم كويسين

ردت سناء بكرههم عشان خاطر امهم الا ابوهم لغايه دلوقتي ما انساهاش وطول الوقت فاكرها واكن انا بديل ليها بعد ما مشيت بس للسرير فقط لاي حاجه ثانيه لا حتى لما كان بيبقى معايا في السرير كان شايفها هي مش شايفني انا

ردت سمر وانتي ايه اللي يخليك تستحملي حاجه زي كده انتي كنت اتطلقت من الاول وما كملتيش معاه

ردت سناء بدموع انا حبيت صابر وكنت بعشقه قبل ما يتجوز مراته بس هي اللي لفت عليه واخذته مني مع انه كان يعرفني انا الاول

ردت سمر ايه اللي انتي بتقوليه ده انتي كده بتنزلي من نظري

ردت سناء بعصبيه نظر ايه وخرا ايه ابوكي سابني بعد ما عملت له كل اللي هو عايزه

ردت سمر عملت ايه قولي اللي انتي كرهتينا في اخواتنا وكنت بتحاولي تكرهي في عياله ليه كل الكره ده

ردت سناء مش هقول تاني امهم السبب وابعدي عني يا سمر خليني اشوف هعمل ايه مع ابوكي وارجع له ازاي

ضحكه سمر بسخريه وقالت لها وانت كنت فاكره ان ابويا ممكن يرجع لك تاني بعد اللي حصل تبقي بتحلمي

ردت سناء ابوك هيرجعني وفي اقرب وقت كمان بس لو انتي ساعدتيني انتي واخوك

ردت سمر انا مش هساعدك تاني وما ليش دعوه بالطريق بتاعك ده ويا ريت تطفي النور عشان عايزه انام وغطيت راسها بالبطانيه وسناء اتغاظت

وطلع يزيد شقه هيام ودخل نام جنبها بعد ما اغير هدومه وهو بيفكر في اللي بيحصل له كل ما يبقى مع تقى واخاف لاكون سناء عملت له عمل في الموضوع ده وبعد تفكير طويل راح في نوم عميق

عدى اسبوعين ويزيد ما حاولش يتصل بتقى عشان يشوفها من اخر مره واللي حصل فيه

اما تقى فكان شغل المحل ماشي كويس وتامر ودينا قدمه في الكليات وبيخلصوا الورق بتاعهم

اما سناء فراحت بيت اخوها وقاعده معاهم هناك

ومنار حالتها اتحسنت وسمر وهيام مش سايبينها خالص

وعلي بيهتم في شغله وسايب هند مع امه عند اخوها

اما نيفين وكانت مبسوطه باللي حصل وبتفكر ازاي تبعد بقيه العيله عن يزيد

اما الشيخ اتصل على سميه وطلب منها فلوس يا اما هيروح يقول لهم على اتفاقه معاها

وصحي يزيد من النوم وهو مستغرب نفسه انه في البيت بيكون كويس مع الحريم

اما بره مع تقى بيبقى في حاجه غلط هو مش فاهمها ودخلت هيام

وقالت له صباح الخير يزيد يلا قوم انا حضرت الفطار تحت

رد يزيد صباح النور نازل وراكي يا هيام منار عامله ايه دلوقتي

ردت عليه كويسه يا اخويا الحمد لله رجعت زي الاول واحسن

رد يزيد ماشي يا هيام وقام دخل الحمام اخذ دش وخرج لبس هدومه وسرح شعره ورش برفانه واخذ مفاتيحه



وخرج وهو بيقفل الباب سمع صوت سميه بتقول له فلوس ايه اللي انت عايزها ما انا لسه مديه لك وكفايه عليك كده هو انت فاكر انهم هيصدقوك ببقى بتحلم وقفلت التليفون

ويزيد مستغرب الكلام وراح خبط وقال ازيك يا حماتي عامله ايه

اتوترت سميه ليكون سمع حاجه وقالت له كويسه يا جوز بنتي انت اللي عامل ايه

قال لها انا كويس هي نيفين فين

قالت له نايمه يا حبه عيني في السرير

رد يزيد هو انتي ما بتشغليش القران وهي لسه ما بتصليش

ردت سميه لا يجوز بنتي على طول مشغله القران وهي بتصلي بس ده تعب من نوع ثاني

رد يزيد ازاي يعني

ردت سميه مبروك يا جوز بنتي اصلي نيفين حامل

فرح يزيد وقال لها انتي بتتكلمي جد

قالت له ايه والله حامل حتى جبت لها الاختبار امبارح بالليل وعملناه وطلعت حامل بس هي ما رضيتش تتصل بيك عشان ما تجرحش مشاعر هيام ما انت عارف انها ما بتخلفش

تضايق يزيد وقال لها ما لوش لازمه الكلام ده يا حماتي

قالت له طيب يا جوز بنتي خشي لها

دخل يزيد الاوضه وشاف نيفين قاعده وماسكه التليفون وقال لها بجد اللي امك قالته

ردت نيفين طبعا يا يزيد ربنا هيكرمنا بالعيل الثالث يتربى في عزك

رد يزيد اهم حاجه ما تتحركيش من مكانك واي حاجه تعوزيها خلي امك تعملها لك وهي هتقعد معاكي لغايه ما تقومي بالسلامه فاهمه ولا لا واي فلوس تحتاجيها قولي لي على طول

ردت نيفين بفرحه حاضر يا يزيد بس انت عارف ان امي مصاريفها كتير وما ينفعش تسيبي اخواتي لوحدهم

رد يزيد وهو بيطلع من جيبه فلوس وقال لها خدي الفلوس ديت اديها لها وانا لما ارجع من الشغل هبقى اديكي تاني المهم انك ما تتحركيش

ردت نيفين حاضر يا يزيد

وخرج يزيد وهو مبسوط ودخلت سميه

وقالت لها الراجل اتجنن ولا ايه

ضحكت نيفين وقالت لها ولا تجنن ولا حاجه ياما انا عارفه ان يزيد ولا بيحبني ولا بيحب هيام حتى بس هو حبي الوحيد العيال عشان كده انا حملت الحمل الثالث مع ان الدكتوره قالت لي انه غلط عليا عشان الرحم ضعيف بعد ولادتي المؤمن عشان اكسبه لصفي واعمل اللي انا عايزاه

ردت سميه نفسي اشوف وشهم تحت لما يعرفوا انك حامل

ردت نيفين لسه التقيل جاي ورا وخدي الفلوس دي يزيد سايبها لك وبالليل هيجيب لك فلوس ثاني فرحه سميه

وقالت لها ده انتي تحملي بقى كل سنه تجيبي له عيل

ردت نيفين المهم عملت ايه مع الشيخ الزفت ده

ردت سميه اسكتي يا نيفين انا كنت هموت من الرعب لما يزيد دخل عليا بعد ما قفلت على طول خفت ليكون سمع حاجه بس هو اتكلم كويس

ردت نيفين ليه كده ياما خلي بالك بعد كده ما تيجي تتكلمي

ردت سميه خلاص يا بت ما قلت لك ما خدش باله

ردت نيفين برضو ياما ممكن حد ثاني يسمع

ردت سميه تصدقي معاكي حق هخلي بالي بعد كده

وقالت نيفين العيال فين ياما

قالت لها نزلوا يفطروا تحت معاهم قالت لها احسن برده بدل وجع الدماغ يلا قومي اعملي لنا الفطار عشان ناكل

ردت سميه من عيني الاثنين يا ضنايا

اما تحت في شقه صابر الكل كان متجمع ويزيد دخل عليهم وجريت صفا تحضن ابوها ويزيد شالها وبسها من خدها

وقال ايه القمر ده يا ناس ضحكه منار

وقالت له اول مره تنزل وشك منور كده

رد يزيد اصلي مبسوط قوي نيفين طلعت حامل اتصدمت هيام ونزل عليها سهم الله وعلي بص له جامد

وقال صابر الف مبروك يا ابني

رد عليه الله يبارك فيك يابا وعيله منار هي وسمر مبروك يا يزيد

رد عليهم عقبالك يا منار ما تقومي بالسلامه وانتي كمان يا ست سمر تلاقي ابن الحلال اللي يصونك

ضحكه سمر وقالت له ان شاء الله يزيد

قال لها قدمتي على الجامعه ولا لسه ردت سمر اه قدمت وهخش كليه تجاره

رد يزيد ماشي

وقال مصطفى مبروك يا اخويا

رد عليه الله يبارك فيك

وممدوح قال مبروك

رد عليه الله يبارك فيك

وقال صابر بعد ما بص لهيام وصعبت عليه يلا اقعدوا افطروا وتعالي هيام اقعدي جنبي عشان تفطري يا حبيبتي

ويزيد شافها واقام وراح لها وقال لها يلا يا هيام تعال عشان تفطر يا حبيبتي

ردت عليه والدموع في عينيها الف هنا و شفا على قلبك يزيد انا مش جعانه

ودخلت المطبخ وبدات تعيط وتقول انا عملت ايه يا ربنا عشان ما ترزقنيش بالخلف نفسي ابقى ام ليه توجع قلبي السنين دي كلها وانا ضعيفه ونفسي في حته عيل يبقى سندي في الدنيا ويقول لي يا ماما وفضلت تعيط

ويزيد كان واقف على باب المطبخ وسمع كلامها وصعبت عليه وخرج

وقال صابر ما ندهتش هيام ليه

قال له سيبها يابا هي هتبقى تاكل لوحدها

رد صابر طيب يا ابني وقعد يزيد يلعب بالاكل وهو بيفكر انه اذى هيام سنين طويله وهي عايشه معاه ومش عارف هيعمل ايه ولا يساعدها ازاي وفضلوا يفطروا

اما بيت تقى كانت قاعده بتفطر مع اخواتها وسرحانه في يزيد اللي ما اتصلش بيها الوقت ده كله ومستغربه

وقال تامر انا اتفقت مع صاحب الشغل اني هشتغل معاه وانا في الكليه

ردت دينا مش هينفع يا تامر انت عارف ان كليتك محتاجه تركيز كبير يعني مش هتعرف تجمع بين الشغل والكليه ولا ايه رايك يا تقى وبصه على تقى لقوها سرحانه وهزت ايديها دينا

وقالت لها ايه تقى سرحانه في ايه

ردت عليها لا مش سرحانه انتوا كنتوا عايزين حاجه

ردت دينا اصل تامر بيقول ان صاحب الشغل اتفق معاه انه يشتغل وهو بيدرس وانا بقول له مش هينفع عشان الكليه بتاعته محتاجه كل تركيزه

ردت تقى فعلا دينا بتتكلم صح انت لازم تسيب الشغل ايام الجامعه

رد تامر مش هينفع انا اتفقت معاه وهو قال لي اني اخلص محاضراتي براحتي واجي على الشغل

ردت تقى طب هقول لك على حل بسيط انت جرب اسبوع ولقيت الموضوع كويس كمل بس لو لقيته مرهق ومش هتعرف توفق بين الاثنين هتسيبه على طول

رد تامر ماشي انا موافق والدينا انا لازم انزل اشتريه لبس للجامعه

ردت تقى اصبري شويه وانا هجيب لك اللي انتي عايزاه

قال تامر بقول لك ايه استني انا هسال لك النهارده اذا في تخفيضات على اللبس ولا لا ولو في هتصل عليك تيجي على طول

ردت دينا يا ريت يا تامر عشان الاسبوع اللي جاي هنزل اجيب بقيه الحاجه اللي هحتاجها في الكليه

ردت تقى يا بنتي لسه بدري فاضل شهر ونص على الكليات

ردت دينا انا فاهمه بس انا لما انزل اجيب من دلوقتي الاسعار مش هتعلى وهشتري بالاسعار اللي انا عايزاها عشان الوقت المدارس والكليات كل حاجه بتعلى ما انتي عارفه يا تقى

رد تامر لا يا بنت موفره قوي ضحكه دينا

وقالت له طبعا يا ابني طول عمري

وقالت تقى تمام وانا معايا الفلوس اللي هتحتاجيها فرحت دينا وحضن التقى وهي مبسوطه

وضحكه تقى وقالت عمرك ما هتكبري ابدا وبعد وقت نزلت تقى وتامر ودينا شغلهم

وتقى فتحت المحل هي ودينا وتليفون تقى رن باسم وفاء ورده ايه يا حبيبتي عامله ايه

قالت لها انا كويسه انتي فاضيه دلوقتي

ردت تقى لو مش فاضيه افضلك يا قمر

ضحكه وفاء وقالت لها طيب يا ستي انا جايه لك انا وولاء

ردت تقى تنوره يا حبيبتي وقفلت معاها

اما تامر وصل السنتر ولقى ممدوح قاعد على الكاشير وسلم عليه

وقال له اعمل ايه يا ممدوح

رد عليه انا كويس قال له بقول لك ايه ما تعرفش النهارده في تخفيضات على اللبس ولا لا

رد ممدوح اكيد في بس انت قصدك على لبس ايه الرجالي يعني

رد تامر لا قصدي لبس بناتي خروج عشان عايز اجيب اختي تشتري كم طقم كده للجامعه

رد ممدوح وهو مبسوط هطلع اسال لك وانزل اقول لك وطلع ممدوح مكتب يزيد ولقاه بيشرب القهوه

وقال يزيد تعالى يا ممدوح في حاجه

رد عليه اصل انا عايزه اسالك على حاجه

رد يزيد قول يا ممدوح

قال له تامر كان بيسال في تخفيضات على اللبس الخروج للبنات ولا لا

استغرب يزيد وقال له ما انت عارف ان التخفيضات الشهر الجاي ما قلتلهوش ليه

اتحرج ممدوح وقال اصل اخته عايزه تيجي تشتري هدوم للجامعه فانا قلت اسالك برده يمكن تعمل له تخفيض عشان هو شغال معانا

ضحك يزيد وقال له ماشي يا ممدوح خليها تشتري اللي هي عايزاه وانا هعمل لهم تخفيض فرح ممدوح وجري عشان يحضن يزيد وضحك يزيد

وقال له للدرجه دي يا ممدوح انكسف

وقال له قصدك ايه

رد يزيد انت فاهم قصدي كويس من ساعه ما البنت دي جات المحل هي واخوها اول مره وانت عينيك عليهم وبعد ما الواد اشتغل هنا وانت واقف معاه مش عايز تروح المصنع

اتوتر ممدوح وقال له بصراحه كده يزيد انا ما اعرفش ايه اللي حصل لي اول ما شفت عيونها حسيت اني كنت تايه ولقيت بيتي

رد يزيد بس البنت دي في كليه طب

رد ممدوح باستغراب وانت عرفت منين

رد يزيد تامر هو اللي قال لي

رد ممدوح اللي عايزه ربنا هيكون ولو هي رفضتني انا مش هقف في طريقها كفايه اني بطمن عليها من بعيد لبعيد وانا مبسوط كده

رد يزيد ماشي يا سيدي ويلا روح على الشغل

وقال له شكرا يا يزيد خرج ممدوح وهو مبسوط

وابتسم يزيد على ممدوح وماسك التليفون واتصل على عبد الرحمن وقال له تعال انا عايزك

رد عبد الرحمن طب ثواني انا في المخزن مع علي بنخلص الشغل بتاع عابد السوهاجي

رد يزيد سيبه لعلي وتعالي لي انا عايزه اتكلم معاك دلوقتي حالا

رد عبد الرحمن حاضر واقفل معاه وبعد دقائق وصل عبد الرحمن مكتب يزيد

وقال له مالك يا عم متضايق ليه

رد يزيد اقعد خلينا نتكلم

رد عليه تمام وقعد

وقال له يزيد انا حاسس بتانيب الضمير من ناحيتها هيام

رد عبد الرحمن ازاي يعني مش فاهم

حكى له يزيد كل حاجه حصلت النهارده من اول ما عرف بحمل نيفين لغايه ما سمع كلام هيام في المطبخ

رد عبد الرحمن بص يا يزيد انا من رايي تروحي للدكتور تاني وتشوف ايه سبب عدم الخلفه

رد يزيد ما احنا روحنا كتير والدكتور بيقول ما فيش اي سبب يمنع الخلفه

رد عبد الرحمن طب هقول لك على حاجه واحد قريب وفاء كان عامل زيك كده وفي الاخر راح عمل حقن مجهري لمراته والحمد لله ربنا رزقهم بتوام اعمل كده

رد يزيد ده رايك قال له ايوه يا عم ده رايي اسمع مني بس

قال له طيب طب ما تعرفش تجيب لي اسم الدكتور ده

رد عبد الرحمن حاضر يا سيدي هتصل لك بوفاء واخليها تجيب لك اسم الدكتور ممكن بقى تسيبني اروح اشوف الزبون

رد يزيد علي هناك

رد عبد الرحمن مش عارف يا عم من الصبح وهو تايه مش عارف يشتغل

رد يزيد معلش يا عبد الرحمن هو عنده مشاكل وكمان مراته عند ابوها استحملوا اليومين دولت

رد عبد الرحمن ماشي يا سيدي بس عايزه اقول لك على حاجه غريبه حصلت في العربيه في اليوم اللي كنا رايحين نوصل الشيخ فيه

رد يزيد حاجه ايه

رد عليه الشيخ كان بيقول لابويا خلي ابن اختك يغير العتبه

رد يزيد وده معناه ايه

رد عبد الرحمن يمكن عايزك تشتري بيت جديد

رد يزيد يمكن انا هبقى اعدي على ابوك بعد العصر افهم منه معنى الجمله دي ايه

رد عبد الرحمن ماشي يا سيدي وخرج راح المخزن

اما في محل تقى كانت قاعده ولاء تحت ايد تقى بتعمل لها حواجبها

وقالت تقى اخبر قريبتك ايه يا وفاء عامله ايه

ردت وفاء انهي واحده فيهم ضحكه تقى

وقالت لها اللي جات معاكي بعد الفرح ردت وفاء اسكتي يا تقى دي تعبانه قوي

ردت تقى ليه بس لكني كويسه وبتضحك

وحكيت وفاء كل اللي حصل مع منار

وتقى اتصدمت وقالت ياه هو في ناس بالشر ده

ردت وفاء واكتر من كده الحمد لله ان هي عدت على كده والحمل ما حصلهوش حاجه ده كانت منار هيجرى لها حاجه

ردت تقى ليه يا بنتي

ردت وفاء اصلها جابت الولد وبقى لها سنين طويله ما خلفتش تاني والحمد لله ربنا رزقها بالتاني اهو

ردت تقى ما يمكن مرات ابوها ديت كانت عامله لها بالخلفه

ردت وفاء تصدقي صح

قالت لها يلا الحمد لله ان هي كويسه ابقي سلمي لي عليها

ردت وفاء من عيني وتليفونها رن باسم عبد الرحمن

وردت وفاء ايوه يا عبده قال لها انتي فين

قالت لنا في الكوافير في حاجه

رد عليها اه عايز رقم الدكتور اللي ابن عمك راح له وعمل الحقن المجهري

ردت وفاء بتسال عليه ليه الدكتور ده هو انت عايزني نخلف تاني ولا ايه وضحكه

رد عليها لا يا ست الناصحه كفايه اللي عندنا ولو عايزه اتشطري بس انتي النهارده وانا هجيبه لك بمجهودي ضحكه وفاء

وقالت له طب انت عايزه ليه

رد عبد الرحمن ده يزيد عايزه عشان هيام يروح بيها عند الدكتور ده

ردت وفاء يزيد عايزه لمراته دي حاجه غريبه يعني ومش معنى دلوقتي

رد عبد الرحمن مش وقته الكلام ده بعدين هنبقى نتكلم بس هاتي لي رقم العياده والعنوان بسرعه

ردت وفاء حاضر وقفلت معاه

وقالت ولاء في حاجه ولا ايه يا وفاء

ردت عليها ما فيش يا ستي اصلي ابن عمه جوزي يزيد ما انتي عارفاه يا ولاء

قالت لها اه ماله

قالت لها يا ستي عايز رقم الدكتور اللي راح له محمد بمراته

ردت ولاء مش هو معاه عيال عايز يروح للدكتور بتاع الحقن المجهري ليه تاني

ردت وفاء ما هو مش لمراته اللي خلفت دي لمراته الاولى شكله كده عايز يخلف منها

اتصدمت تقى من الكلام اللي سمعته

وقالت لها ليه هو متجوز اثنين

ردت وفاء وهي بتضحك اه يا ستي متجوز اتنين غير كمان ما كنت بسمع جوزي بيكلموا في التليفون ويروح يشهد على جوازاته العرفي اتصدمت اكتر

وقالت لها طب هو ليه بيعمل كده

ردت وفاه بصي يا ستي يزيد ده اتجوز اول واحده وكانت بنت عمه وما خلفش منها ابدا مع انه راح لدكاتره كتير وقالوا ما فيش حاجه تمنع الخلفه في ابو قرر انه يتجوزوا تاني وجوزه بنت اخت مراته وهي دي اللي خلف منها ولد وبنت بس اللي انا فهمته من عبد الرحمن واخته انا ما اتجوزش ولا واحده فيهم عن حب وطبعا غير علاقته الكثيره

وقالت ولاء طب ما كنتش خايفه ان عبد الرحمن يعمل زيه

ردت وفاء وانا عبيطه انا على طول بفتش تليفونه ومستحيل يبات بره انا عارفه اخره يروح السهرات معاه بس في الاخر بيرجع لحضني انا وما فيش ست ثانيه في حياته

ردت عليها ايش ضمنك ويمكن مظبط هو وابن عمته

ضحكه وفاء وقالت لها الست الشاطره هي تطنش عمايل جوزها مدام ما بيتجوزش وما بيعملش حاجه غلط وفي الاخر بيرجع لحضنها هي ضحكه ولاء

وقالت لها لا ربنا يكون في عونك وفي عون مراتات قريب جوزك ده ضحكه وفاء

وقالت لها ما تقولي حاجه يا تقى وتقى كانت سرحانه في الكلام اللي سمعته واتضايقت اكثر من يزيد بعد ما عرفت انه متجوز الاثنين وولاء هزت ايديها

وقالت لها مالك يا تقى سرحانه في ايه

ردت تقى مفيش اصل بفكر ازاي قدر يعيش مع الاثنين وبيتجوز تاني على حسب كلامك

ردت وفاء هقول لك على سر بس ما تقوليش لحد ولا حتى منار لو جت هنا

ردت تقى قولي يا حبيبتي ما تخافيش سرك في بير

قالت لها وفاء انا عذراء برده اللي ما بيتجوزش على حب يبقى تعبان وهقول لك مراته الاولى بنت محترمه وكويسه مش زي الثانيه

اما مراته الثانيه على طول عايزه منه فلوس وتشتري ذهب ومخلفه العيال ورمياهم وطبعا غير مشاكل البيت اللي هي عاملاها ودايما عايزه تعمل راسها براس منار في البيت ده انا لو مكانه مش هتجوز بس ده انا اسيب لهم البيت واطفش

ردت تقى وهو اللي مخليه قاعده على ذمته ما دام هي وحشه قوي كده

ردت وفاء ما ينفعش يطلقها بعد ما خلفت والعيال كمان ما ينفعش يكبروا بعيد عن امهم

ردت تقى عادي يا ستي مش هي مهمله ورمياهم على طول

و قالت وفاء وده راي انا كمان بس المشكله يزيد مش عايز يحرم عياله من امهم زي ما هم اتحرموا من امهم وهم صغيرين

ردت تقى ربنا يكون في عونه ويقويه على اللي جاي

ضحكه وفاء قالت لها تصدقي صح ومسكت التليفون واتصلت على قريبهم

اما دينا جالها تليفون من تامر اللي قال لها تيجي المحل عشان تشتري اللي هي عايزاه

وقالت له حاضر يا تامر هلبس واجي لك

رد تامر هو انتي مش في المحل مع تقى

ردت عليه لا انا طلعت اعمل حاجه في الشقه وهنزل لك

رد تامر طيب ابقي قولي لتقى قبل ما تيجي

قالت له حاضر وقفل معاها وقامت دينا لبست الطرحه واخذت مفاتيحها والتليفون وحطيتهم في الشنطه ونزلت عند تقى في المحل

اما عند تقى كانت خلصت ولاء وقالت لها ايه رايك كده يا عروسه ضحكه ولاء

وقالت لها عروسه ايه بقى ما خلاص ضحكتها

قالت لها لا ما تقوليش كده انتي هتفضلي عروسه لغايه ما ربنا يكرمك بالنونه

ضحكه ولاء وقالت لها الحمد لله ما هو ربنا كرمني

وقالت تقى الف مبروك يا حبيبتي وربنا يكمل لك على خير

ردت ولاء يا رب وبصت اللي وفاء وقالت لها هتعملي حاجه

ردت وفاء لا مش دلوقتي بالليل هبقى انزل لك بعد ما عمل الغداء

ردت تقى تنوري يا حبيبتي ودينا دخلت المحل

وقالت السلام عليكم رد الكل وعليكم السلام ورحمه الله وبركاته

وقال الدينا انا رايحه يا تقى المحل عند تامر عشان اجيب اللبس

ردت تقى طيب يا حبيبتي خدي الفلوس اهي

ردت دينا طب ما تيجي معايا بدل ما اروح لوحدي

قالت تقى ما ينفعش اسيب المحل واجي معاكي واحنا هنطول

ردت دينا ولا هنطول ولا حاجه احنا هناخد على طول الهدوم عشان خاطري يا تقى وكمان انتي ذوقك جميل

و قالت وفاء ايه يعني يا تقى ما تروحي

ردت عليها ما ينفعش اسيب المحل افرضي حد جه

ردت ولاء ما جتش يعني على الساعه اللي هتروحيها معاها تنقي الهدوم وما تزعلهاش بقى يا تقى

وقالت وفاء وانا يا ستي هاجي معاكي عشان ادي له رقم الدكتور والعنوان عشان عماله اتصل بيه والتليفون مش مجمع

ردت تقى حاضر يا ستي هروح معاكي وامري لله فرحه دينا

وبعد دقائق قفلوا المحل وراحوا عند تامر السنتر ومعاهم وفاء ودخلوا السنتر

ووفاء قالت السلام عليكم رد عليهم السلام

وقالت ازيك يا ممدوح عامل ايه

رد عليها انا كويس انتي اللي عامله ايه

قالت له الحمد لله هو عبد الرحمن فين

رد عليها في المخزن ثواني هتصل على التليفون اللي هناك خليه ينزل لك قالت له يا ريت

وقال تامر النور ده نورت المكان يا تقى

ضحكه تقى وقالت له ماشي يا بكاش المهم فين الهدوم اللي اختك هتشتري منها

رد تامر طب تعالي نطلع المكتب ثواني يا ممدوح هطلع معاهم وانزل لك

رد عليه لا براحتك وهو عينيه على دينا وقالت تقى مش طالعه معانا يا وفاء

قالت لها لا هستنى عبد الرحمن هنا عشان لازم اروح عشان العيال

ردت تقى طيب يا ستي محتاجه حاجه

قالت لها تسلمي يا حبيبتي وهم طالعين الدور الثالث المكتب كان مفتوح

وشاف يزيد تقى طالع معاهم وقال في سره ماشي يا تقى الكلب انا هوريكي ازاي وروحي في مكان وما تتصليش بيا ولا تعرفيني

وطلعوا الدور الثالث وبدا دينا هي وتقى ينقي الهدوم اللي عايزينها وطلع الولد بتاع المشروبات

وقال لهم الساقع ده من المعلم يزيد فهم التقى انه بيعرفها انه شافها و

قال تامر شكرا يا حوده واخذ منه الكنزات وداها لاخواته تقى كملت مع اختها تنقيه اللبس

اما عبد الرحمن نزل وقال لها اللي جابك يا وفاء

ضحكه وقالت له ما انا بتصل بيك وانت ما بتردش جبت لك العنوان والرقم

قال لها ما كنت استنيتي وانا جيت البيت

قالت له يلا بقى مش مشكله اصل انا ما جيتش لوحدي جيت مع تقى ودينا اخوات تامر

رد عبد الرحمن طب يا ستي اوقف لك توك توك تركبيه

ردت وفاء يا ريت ودته والورقه اللي فيها العنوان والرقم وخرج معاها ركبها التوك توك

ودخل طلع المكتب بتاع يزيد اللي شافه مركز قوي في الشاشه بتاعه الكاميرات

و قال له بتعمل ايه يا عم

رد يزيد عايز ايه يا عبد الرحمن دلوقتي راح مطلع الورقه

وقال له خذ يا عم عنوان الدكتور ورقمه تمام وافتكر ان عبد الرحمن مش لازم يشوف تقى

وقال له طب عملت ايه مع الزبون عابد السوهاجي

قال له لسه بقفل له الشغل وهوريه اللبس الخروج والعبايات

رد بسرعه يزيد لا وريه الجلاليب بتاعه مس نرمين وقول له اني نزلت له في الحته 20 جنيه بس من غير مرتجع

رد عبد الرحمن بس ده 20 موديل عايزني اوريهم له ازاي

رد يزيد اسمع بس الكلام وفاهمه ان ده مش هينفع يترجع هو والمصنع بتاع حسام

رد عبد الرحمن ماشي يا سيدي وراح على المخزن ويزيد تبعه على الكاميرات لغايه ما طلع

واتنهد براحه ومسك التليفون وبعت رساله لتقى وقفلوا

اما عند تقى طلع ممدوح ومعاه حاجه ساقعه واقرب منهم

وقال لهم اتفضلوا ضحكه تقى وقالت متشكرين بس معانا ولسه ما خلصتش

رد ممدوح مش مشكله ابقوا اشربوهم في البيت وعيني كانت على دينا اللي اتكسفت من نظراته

وتقى اخذت بالها من نظرات ممدوح لاختها اللي فيها حب وابتسمت

وتامر قال له ما كنتش تعبت نفسك

رد ممدوح تعب ايه انت اخويا تامر

وقالت دينا انا خلصت يا تامر

رد عليها طب يا حبيبتي هاتي الهدوم عشان اعمل بيها فاتوره وانزلها

رد ممدوح بسرعه لا هات انا هعمل لك انا الفاتوره عشان اوديها الاول عند يزيد رد تامر طيب

واخذ ممدوح الهدوم وراح اعمل بيها فاتوره واعرفهم ان هيعملوا خصم عليها وان ده كلام يزيد وفعلا خدوا الهدوم ونزلوا

ويزيد وقف قدام القزاز يبص عليهم وتقى بتلف وشها وشافته ودورت وشها بسرعه

وقالت يلا يا تامر خلينا نروح وطلعت الفلوس وحاسبه وخرجت وتامر وقف لهم توك توك وركبه

ومسك التقى للتليفون ولقيت الرساله من يزيد قال عايزه اقابلك دلوقتي حالا في الشقه

وقالت في سرها وبعدين معاك مش عايز تبعد عني ليه وقفلت التليفون بعد ما بعثت له رساله بكلمه حاضر

وقالت لدينا اطلعي انتي الشقه وانا رايحه مشوار وجايه تاني

ردت دينا حاضر

يزيد وصل على الشقه قاعد في الصاله مستني تقى

وبعد وقت وصلت تقى وشافت يزيد قاعد بيشرب القهوه

وقالت له خير جايبني دلوقتي ليه

قام يزيد بعد ما ساب القهوه واقف قصادها وقال لها ازاي تيجي السنتر من غير ما تقولي لي

ردت عليه وايه المشكله هو انا جيت قلت ان انت جوزي قدام الناس يعني اللي في السنتر انا جيت مع اختي عشان نجيب لبس

رد يزيد انا ما قلتش انك بتقولي ان انا جوزك ولا الكلام ده يفرق معايا ببصله

ضحكه تقى وراحت قعدت على الكرسي

وقالت له متاكد يعني انا لو رحت البيت عندكم وقلت ان انا مراتك مش هتحصل مشاكل

ضحك يزيد وقال لها اوعي تكوني فاكره اني خايف منك ولا حاجه بالعكس انتي اللي لازم تخافي مني لو رحت قلت لاخواتك انك رقاصه

ضحكه تقى وقالت له كان غيرك اشطر الموضوع ده ما بيتلويش ايدي فيه وحتى لو عرفوا هم اللي محتاجيني مش انا اللي محتاجاهم

رد يزيد طب سيبك من موضوع الرقص طب انا لو حبست اخوكي هيكون رايك ايه

ضحكه تقى وقالت له عادي احبسه انا بقول لك فكك مني وهي كلها فتره وهنتطلق يعني ما تحسسش نفسك انك جوزي وخايف عليا والكلام التافه ده

رد يزيد ده انتي قلبك جامد

قالت له طبعا ولا ايه يا اخويا اتغاظ يزيد بعد ما فهم هي قصدها ايه

وقال لها طب انا عايزك دلوقتي

اتوترت تقى وقالت له مش هينفع انا ما عملتش حسابي اني هتاخر وانت ما فهمتنيش حاجه زي ديت

رد يزيد ما ليش دعوه انا عايزك دلوقتي حالا ومسك ايديها وراح ناحيه الاوضه

اما في بيت يزيد منار كانت قاعده مع هيام وبيتكلموا

وصفا جايه بتجري بتقول لها الحقيني يا عمتو

ردت عليها في ايه يا صفا

قالت لها مؤمن وقع وراسه بتجيب دم قامت منار هي وهيام يجروا والولد فعلا كان واقع وراسه كانت بتجيب دم

وقالت هيام اتصلي يا منار بسرعه على يزيد خليه يجي ياخد الولد على المستشفى

ردت منار حاضر يا مالك هات التليفون بسرعه من عندك وجاب مالك التليفون

واتصلت منار على يزيد وما ردش من اول مره واتصلت تاني

وتقى بتقول له ما ترد على التليفون يمكن حاجه مهمه وبص على التليفون ولقى اسم منار

واتعدل من فوق تقى ورد وسمع منار بتقول له الحقنا يا يزيد مؤمن راسه مفتوحه

رد يزيد وهو بيقوم بيلبس هدومه وبيقول لها طب انا جايه حالا هتصل بالدكتور يجي لكم عقبال ما اجي

ردت منار تمام وقفلت معاه وهيام دخلت تجيب البن عشان توقف الدم

اما تقى بتقول له في ايه

قال لها الواد يتعور انا لازم اروح البيت دلوقتي

ردت تقى طيب وهو خرج وهي ابتسمت وقالت الحمد لله المره دي عدت على خير لازم المره الجايه اعمل حسابي مش كل مره هتسلم الجره وقامت لبست هدومها هي كمان ونزلت

اما في البيت وصل الدكتور بعد ما يزيد اتصل عليه ودخل بس على الولد

وقال له الحمد لله الجرح بسيط ومش محتاج خياطه ولا حاجه بس يغيروا عليه كل فتره

ردت منار شكرا يا دكتور وخرج الدكتور بعد ما كتب العلاج اللي هياخده مؤمن

وقالت منار اخوكي وقع ازاي يا صفا

قالت لها والله يا عمتو احنا كنا بنلعب وهو اتخبط في الحيطه ووقع

ردت منار خلي بالك من اخوك بعد كده

قالت لها حاضر يا عمتو

قالت هيام دي عيله مش فاهمه ايه اللي بيحصل امها فين من ده كله وسايبه العيال كده ازاي

ردت منار ده احنا جبنا الدكتور وهي وامها محدش سامح حسهم

ردت هيام يلا ما حدش بيحس بقيمه الحاجه غير لما يكون محروم منها

ردت منار معلش يا هيام ما تزعليش يا حبيبتي وان شاء الله ربنا هيعوضك

ردت هيام يا رب🤲🏻🤲🏻🤲🏻🤲🏻

وصل يزيد وقال الولد عمل ايه

ردت منار ما تقلقش يا اخويا الدكتور طمنا

وقال انها تعويره صغيره بس عشان كان جسمه سخن فالدم نزل كثير

رد يزيد امه فين ولا سته

ردت منار هو حد شاف وشهم خالص ده من ساعه اللي حصل وهي ما بتنزلش خالص ولا هي ولا امها ولا مخليين بالهم من العيال لولا هيام

رد يزيد طيب يا منار الولد كويس

قالت له الحمد لله يا اخويا

وقالت هيام اقعد يزيد انا هعمل عصير للعيال وهعمل لك انت كمان

رد عليها طيب يا هيام دخلت المطبخ تعمل العصير

اما في السنتر خلص علي الشغل ومسك التليفون واتصل على هند اللي

ردت عليه بسرعه ايوه يا علي عامل ايه

رد عليها انا كويس انا عايزك ترجعي النهارده عشان خاطر حور

ردت هند حاضر المهم انت ما تزعلش مني

رد عليه بقول لك ايه يا هند خلاص ما بقاش في منه الكلام ده

ردت هند بدموع حقك عليا والله ما يحصل تاني خلينا نبدا صفحه جديده زي ما اتفقنا

رد علي بعصبيه بقول لك ايه انا مش فايق دلوقتي سيبيني في حالي واقفل التليفون

واتصل على نيفين اللي ما بتردش عليه من الصبح وبدا الشك ياكله

اما في شقه نيفين كانت قاعده على السرير وشايفه تليفونها اللي بيرن باسم علي وعملته صامت وجاء لها رساله منه بيقول لها ردي عليا ضروري

ومسكه التليفون واتصلت عليه ايوه يا علي عايز ايه مني

رد عليها ما بترديش عليا ليه

ردت عليه وعايزني ارد عليك ليه ما انت طنشتني الاول وما كنتش بترد عليا

رد علي هو سؤال وعايز اجابته حالا

ردت عليه سؤال ايه

قال لها انتي حامل ازاي والحمل ده ابن يزيد ولا ابني

ضحكه نيفين وقالت له قول كده بقى انت متصل عشان تعرف الحمل ده يبقى ابنك ولا ابن يزيد بس اللي انا عايزه اقوله لك انت مالك وهتفرق في ايه

رد علي لا تفرق يا نيفين وبقول لك ردي عليا بدل ما تجنن

ضحكه نيفين وقالت له لا بجد راجل وهتعرف بقى تعمل ايه ولا انا لازم اقول لك عشان ست الوالده مش موجوده

رد علي لم نفسك يا نيفين وردي عليا

قالت له مش هقول لك حاجه واعلى ما في خيرك اركبوا وقفلت التليفون

وقال علي ماشي يا بنت الكلب انا هوريك انا هعمل ايه

اما تقى وصلت المحل وفتحته وهي بتفكر في يزيد وتصرفاته ودخلت زبونه وبدات تشتغل معاها تقى

ويزيد طلع على شقه نيفين وخبط الباب وفتحت لسميه بتقول له ايه اللي جابك بدري يا جوز بنتي

رد يزيد بعصبيه يعني مش عارفه اللي جابني بدري انتي ولا الهانم اللي جوه

ردت سميه في ايه بس كفر الله الشر ما انت كنت كويس

رد يزيد كويس اني زفت ايه لما اجي واعرف ان الولد اتعور ولا امه سالت عليه ولا حتى جدته ما فيش غير عمته ومرات ابوه هم اللي يلحقوه

ردت سميه ايه ده هو مؤمن اتعور

رد عليها تصدقي صح اتعور هي فين دي خرجت نيفين من الاوضه وهي بتمثل وبتسند على الحيطه وبتقول له فين ابن يزيد طمني عليه

رد يزيد ابنك ابنك اللي انتي سايباه ورمياه طول النهار ولا بنتك

ردت نيفين وهي بتمثل التعب ما انت عارف يزيد اللي انا فيه ما هو كله بسبب مرات ابوك ومن كرها فينا

ضحك يزيد وقال لها على اساس مش كانت خالتك وهي اللي رشحتك ان انا اتجوزك بقول لك ايه يا نيفين اهتمي بالعيال بدل ما هتشوفي وش عمرك ما شفتيه ثاني وخرج ورزع الباب وراه

وقالت سميه انزل اجيب العيال احسن ردت نيفين لا سيبيهم دلوقتي المهم عايزاك تتصلي بالشيخ ده واتفقي معاه يعمل عمل ليزيد انه يسمع كلامي

ردت سميه الشيخ ده طماع وممكن يبيعنا في ثانيه لو لقى مصلحته مع حد ثاني

ردت نيفين ما تخافيش انا هعمل كل حاجه وهظبط المساله

ردت سميه ماشي ودخلت نيفين قعدت على السرير تاني

نزل يزيد وهو متعصب وقال لو حصل حاجه تاني يا منار ابقي اتصلي بيا انا رايح الشغل وخرج يزيد ركب العربيه وطلع على السنتر

اما هيام قالت لمنار ايه الولد نام اهو هطلع بس اخد دش وهبقى انزل تاني

ردت منار اطلع يا حبيبتي اهي سمر موجوده ولو احتجت حاجه هتصل عليك

ردت هيام طيب يا منار وطلعت هيام شقتها وكانت بتفتح الباب بس سمعت كلام سميه وهي بتقول انتي متاكده من الكلام ده يا نيفين

ردت عليها ايوه ياما انتي هتلبسي النقاب وتروحي على اساس هيام هي اللي هتعمل العمل باسم يزيد

ردت سميه طب افرضي الشيخ ده عارفني من صوتي

ردت عليها ما انتي هتاخذي واحده كمان وتلبسيها نقاب برضو وتخليها تقول انها اختك وانها شيماء وهي اللي تتكلم

ردت سميه طب وليه بنت بطني بتعملي ده كله

ردت نيفين عشان يزيد يطلقها وكده اكون خبطت عصفورين بحجر واحد

ردت سميه ناصحه يا بنت زي امك ماشي بس انا هروح له بكره

قالت لها طيب و هيام اتصدمت ودخلت شقتها وهي مش عارفه تعمل ايه

ومسكه التليفون واتصلت على شيماء اللي ردت عليها ايه يا حبيبتي عامله ايه

ردت هيام بصوت واطي الحقيني يا شيماء شكلي هقع في مصيبه

ردت شيماء في ايه فهميني بس وحكت هيام كل اللي سمعته

ردت شيماء بقول لك ايه يا هيام سيبك من الطيبه اللي انتي فيها انتي لازم تبعتي الفيديو ليزيد عشان تخلصي من العقربه ديت

ردت هيام وتفتكر يزيد هيصدق

ردت عليها هيصدق ونص كمان المهم تلحقي تتغدي بيها قبل ما هي تتعشى بيكي

ردت هيام طيب يا شيماء هعمل كده وقفلت مع شيماء ودخلت طلعت التليفون وبعتت اول رساله ليزيد وقفلت التليفون تاني وشالته

وهي قاعده خايفه من اللي هيحصل

اما يزيد كان في العربيه وسمع صوت رساله ومسك التليفون وفتحه وكان مكتوب مراتك بتخونك ويا ريت تراقبها كويس

ويزيد يتعصب وبدا يتصل على الرقم واتلقى التليفون مقفول وهو مش عارف انهي مراته فيهم اللي بتخونه وتجنن اكثر ومشي بالعربيه وطلع على الشقه

وبعد وقت وصل ودخل الشقه وهو بيقفل الباب قفل على ايديه اتعصب اكتر ودماغه عماله تودي وتجيب انهي واحده هي بتخونه فيهم ودخل المطبخ عشان يجيب ثلج من الفريزر وبيفتح باب الفريزر

ولقى علبه برشام واقعه من فوق الثلاجه وبص عليها وافتكر تكون بتاعه سهر بتاعه منع الحمل وخرج قعد في الصاله واحط الثلج على ايديه وعمال يبص على علبه الدواء باستغراب

وبعد دقائق تلفونه رن باسم عبد الرحمن

ورد ايوه يا عبد الرحمن في حاجه

رد عليه تعالى عشان عايز افتح الدرج عشان اكتب الوصولات بتاعه عابد السوهاجي

رد يزيد المفتاح الاحتياطي فين

رد عبد الرحمن ما انت اخذته معاك ولا نسيت رد يزيد طيب ربع ساعه واكون عندك وقام خد تلفونه واخذ علبه الدواء معاه

وخرج ركب العربيه وطلع على السنتر

اما عند تقى فكانت خلصت الشغل اللي في ايديها وطلعت على الشقه تعمل الغداء

وقالت دينا طلعتي بدري ليه

ردت تقى تعبانه قلت ارتاح شويه قالت دينا طب خشي نامي عقبال ما احضر الغداء

ردت تقى طيب ودخلت الاوضه غيرت هدومها ولبست بيجامه ونامت على السرير

وبعد وقت خلص يزيد الشغل وكانت ايديه وارمه

وقال عبد الرحمن مال ايديك يا يزيد

رد عليه ما فيش يا عبد الرحمن اتخبطت في الباب وهي ورمت

رد عبد الرحمن طب تعال اوديك المستشفى ولا خلي علي يوديك

رد يزيد علي راح عند امه عشان يجيب مراته

قال له عبد الرحمن طب يلا بينا وراكب العربيه عبد الرحمن وساقها وطلع المستشفى

وبعد دقائق وصلوا ودخلوا للدكتور بتاع العظام

وبدا يكشف على يزيد وقال له الحمد لله ما فيهاش كسر هكتب لك على برشام يقلل الورم وكمان مرهم

رد عبد الرحمن تمام يا دكتور بيساعد يزيد انه يلبس القميص في علبه الدواء وقعت في الارض عبد الرحمن شالها وحطها على المكتب عقبال ما يخلص يزيد

ولفتت نظر الدكتور وقال له ايه البرشام ده

رد يزيد ما فيش يا دكتور ده برشام منع الحمل لمراتي ضحك الدكتور

وقال له هو فعلا هيمنع الحمل وهيمنعه بالقوي كمان

رد يزيد ازاي يعني يا دكتور وبتضحك ليه كده

رد عليه عشان البرشام ده مش للمنع الحمل البرشام ده الرجاله هم اللي بياخدوه

رد عليه باستغراب ازاي يعني يا دكتور

رد عليه بص يا استاذ الدوا ده بيعمل ارتخاء في العضلات يعني بيخليك ما تعرفش تعمل علاقه جنسيه خالص

اتصدم يزيد وقال له ازاي يعني يا دكتور

قال له بيتاخد عن طريق العصير بس القهوه لا ممنوع وافتكر يزيد تقى لما كانت بتشربوا العصير وتوترها النهارده لما اقرب منها وبس للدكتور وقال له شكرا

رد الدكتور العفو وخرج هو وعبد الرحمن وسرحان في كلام الدكتور و رساله اللي جات له النهارده

وقال له عبد الرحمن انت جبت علبه الدواء دي منين بتعصب يزيد واخذ المفتاح من ايد عبد الرحمن وراكب العربيه بجنون واتصل على تقى وهي ما ردتش عليه

وقال ماشي يا بنت الكلب والله لاوريكي انا يتختم على قفايا يبقى انتي اللي بتخونيني والكلام عليك انتي اتصل تاني

ردت تقى بصوت ناعس في ايه

قال يزيد بصوت عالي 10 دقائق والاقيكي في الشقه فاهمه ولا لا وقفل السكه

واستغربت تقى المكالمه وقامت من على السرير دخلت الحمام

اما يزيد كان متعصب جامد وطلع على البيت ودخل التلاجه وطلع علب العصر كلها وفضها في الحوض وساب علبه الدواء مكانها

خرجت من الحمام وهي مستغربه عايزها في ايه ما كانت معاه الصبح وخافت ليكون عايزها في الموضوع ليه

وراحت لبست هدومها وحطت الحجاب وخرجت لقت اخواتها وقالت لهم انا رايحه مشوار وراجع على طول

رد تامر رايحه فين يا تقى الوقت اتاخر بصت في الساعه

وقالت له الساعه 8:00 لسه اهو يا تامر على الساعه 11:00 هكون هنا واحده صاحبتي بتمر في ظروف صعبه وعايزاني معاها

رد تامر طيب يا تقى خلي بالك من نفسك

قالت طيب يا حبيبي وانا لو اتاخرت هتصل عليك

قال لها طيب وخرجت تقى وعدت على الصيدليه تجيب برشام منوم وبرشام ملين

وخرجت من الصيدليه وركبت تاكسي وراحت على الشقه

اما يزيد كان قاعد هيتجنن ونفسه يمسكها من زماره رقبتها ويخنقها ولقى التليفون بيرن باسم عبد الرحمن كنسل عليه وبعد كده قفل التليفون قام دخل المطبخ وحاطه علبه الدواء مكانها ورجع اقعد مكانه

وبعد دقائق وصلت تقى ودخلت الشقه ولقيته قاعد ولافف شاش على ايديه

وقالت له في ايه اتصلت بيا ليه ويزيد قاعد ساكت وهي قربت وقعدت على الكرسي

وقالت له مش احنا اتفقنا ان مقابلتنا كلها بالنهار

ورد يزيد بهدوء معلش بقى اعمل ايه ما انتي وحشتيني

قالت له طيب استنى اقوم اعمل عصير اصلي ريقي ناشف من الطريق وهز راسه بالموافقه

قال لها قومي ودخلت المطبخ وفتحت التلاجه ما لقيتش غير علب العصير واحده والعلب كلها في الزباله

وقالت اعمل ايه دلوقتي وحطت ايدها فوق التلاجه ولقت علبه البرشام وحطت كوبايتين عصير واحده فيها البرشام والثانيه لا وخرجت

وهي بتقول له ما لقيتش غير علبه عصير مانجا اشرب كوبايتك عقبال ما اخش اخد شاور

قال لها طيب طب ممكن تجيبي لي علبه السجاير من عندك هناك

قالت له حاضر وراحت عشان تجيبها ورجعت اديتهم له

وقالت له عايز حاجه ثانيه

رد يزيد لا تمام وقامت تقى

وبصيت له لقيته بيشرب وابتسمت له ودخلت الاوضه فتحت الدولاب طلعت قميص نوم ابيض ستان لبسته وعملت ميك اب



وهي فاكره انها حطيت لي البرشامه شاي وبتبتسم

اما عند يزيد كان مستحلف لها ودخل الاوضه واتفاجئ من جمالها واقرب منها واحضانها وهو بيقول لها زي القمر يا حبيبتي

ابتسمت تقى وقالت له شكرا وبدا يزيد يبوسها جامد وزقها على السرير ويتعامل معاها بعنف

وتقى مستغربه وحاسه ان في حاجه غلط وان البرشامه ما اشتغلتش وقرب يزيد منها

وقال لها بصوت هادي في ودنها كنت فاكراني هاخد البرشامه تاني تبقي بتحلمي خافت تقى وبدات تزقه وهو ضربها بالقلم

وقال لها بنى يا بنت الكلب تضحكي عليا وتعملي معايا كده فما فيش راجل قادر يعمل معايا زي اللي انتي عملتيه

ردت تقى بقوه فانت فاكرني هبقى جاريه من جواريك يا سي السيد تبقى بتحلم

شدها من شعرها وقال لها هاخد حقي منك دلوقتي وهوريكي انا هعمل فيك ايه

وبدا يقرب منها بالغصب وهي بدات تضرب في رجليه جامد لغايه ما وقعته من على السرير

وقامت تجري في الصاله وهو اتعصب اكتر وقام وراها وجت تفتح الباب لقيته مقفول

ضحك بسخريه وقال لها وانتي فاكره اني كنت هسيبه مفتوح تبقى بتحلمي هناخد حقي ودلوقتي حاله ولا عايزه تلبسيني العمه مع الواد الصايع اللي انتي ماشيه معاه

ردت تقى بصوت عالي اخرس خالص انا ستك وتاج راسك انا اشرف من اي واحده عرفتها في حياتك

قرب منها يزيد وشدها من شعرها قال لها ليه يا روح امك ده انا جايبك من كباريه

ضحكه بسخريه

وقالت له مدام كده اتجوزتني رسمي ليه ده حتى تبقى عيب في حقك يا سيد الرجاله

رد يزيد ما انا هاخد حقي دلوقتي وهرميكي لكلاب الشوارع وهسجن اخوك وهوريكي هعمل ايه يا بنت الكلب فيكي

ضحكه تقى تبقى بتحلم ولقت الفازه جنبها وبدات تحذفها عليه وهو اتفاداها بسرعه وبقت تجري على التحف تهدفها عليه

وهو جري عليها وامسكها من رجليها وقعها في الارض وبدات تعافر تاني وهو ضربها بالاقلام لغايه ما اغمى عليها واقرب منها بوحشيه

اما في شقه يزيد كانت قاعده هيام بتكلم شيماء

وقالت لها على اللي حصل كله في الرساله

وقالت شيماء ايه يا هبله اللي انتي عملتيه ده انتي كده هتخربي على نفسك وكنت بعتي له مقطع من الفيديو بتاعها عشان يفهم ان انتى بتتكلمي عليها

ردت هيام انا خفت يا شيماء لحد يعرف اللي انا وساعتها هتحصل مصيبه كبيره

ردت شيماء طب يا هبله الحقي لم الموضوع وابعتي له حته من الفيديو زي اللي انتي بعته لي

ردت هيام حاضر وربنا يستر من اللي جاي وراحت جابت التليفون وفتحته وبعثت مقطع من الفيديو وقفلت التليفون ثاني

اما تحت وصل علي ومعاه هند اللي جريت عليها حور حضنتها وقالت وحشتيني قوي يا ماما

ردت هند وانتي كمان يا روح قلب ماما

وقربت هند من منار

وقالت لها انا اسفه يا منار على اللي حصل

ردت منار يا ريت تكوني تعلمتي انك ما تمشيش ورا عمتك في حاجه وتاذي ناس ما لهاش ذنب

ردت هند الحمد لله تعلمت مش هعمل كده ثاني

قالت لها طيب يلا اطلعي ارتاحي وخدي بنتك في حضنك وطلعت هند على شقتها مع بنتها وعلي

اما عند تقى يزيد بعد عنها وهو مصدوم انها بنت بنوت يعني الرساله ما كانتش عليها هي وفضل قاعد جنبها في الارض

وهي القميص متقطع وجسمها مزرق ومليان كدمات ودم عذريتها على القميص ومسك راسه

وهو مصدوم وبيقول ده مستحيل ازاي يعني بنت بنوت

اما في شقه تقى كان تامر قاعد حاسس بقبضه في قلبه

وقال هي تقى اتاخرت كده ليه ضحكت دينا

وقالت له يا ابني ده لسه ما عداش ساعه على غيابها

رد تامر والله انا حاسس ان في حاجه حصلت لها

ردت دينا طب ما تتصل عليها نطمن

قال لها طيب ومسك التليفون واتصل على تقى اول مره ما ردتش اتصلت الثانيه

اما في شقه يزيد فتحت عينيها تقى على صوت التليفون وحاسه بالم فظيع في جسمها وبصت جنبها ولقت يزيد قاعد بيشرب سجاير وحاطط ايده على راسه ولابس بنطلون عاري الصدر

قامت منطوره وبصت على نفسها واتصدمت من شكل جسمها والدم اللي كان على القميص واول مره في حياتها من ساعه ما اهلها ماتوا دموعها تنزل بقهر

ويزيد رفع راسه وشافها قاعده والدموع نازله من عينيها واقرب منها

وقال لها ليه ما قلتليش انك بنت بنوت وقفت عياط

وبصت له وقالت بسخريه هو انت متعود تتجوز الزباله هتفهم ازاي انك اتجوزت واحده نظيفه وانظف منك ومن اهلك كمان

رد يزيد احترمي نفسك يا تقى قامت تقى وهي بتتالم

وقالت له بيتهيا لي كده انك خدت اللي انت عايزه انا عايزه ورقه طلاقي احسن لك بدل ما اجي البيت عندكم واعمل لك فضيحه فاهم ولا لا

ودخلت على الاوضه وقفلت الباب بالمفتاح وقعدت في الارض تكمل عياطها وتبص على القميص اللي فيه دمها

وسمعت صوت التليفون بيرن تاني وراحت فتحت الشنطه ولقيت تامر هو اللي بيتصل مسح الدموعها وفتحت عليه

وقالت له ايه يا حبيبي محتاج حاجه

رد تامر لا يا حبيبتي كنت بطمن عليك مال صوتك

ردت تقى ما فيش يا حبيبي اصل مامه صاحبتي ماتت فكنت بعيط عليها

رد تامر انا لله واليه راجعون طب انتي فين وانا اجي لك

ردت تقى لا يا حبيبي انا جايه كمان شويه

رد تامر طب يا حبيبتي خلي بالك من نفسك وقفلت معاه وقامت قلعت القميص ولفيته وحطيته في شنطه في شنطتها

ودخلت الحمام اخذت دش وهي بتمسح اثاره من على جسمها بعنف لغايه ما جسمها بقى يجيب دم وبعد دقائق خرجت لبست هدومها وبصت في المرايه وهي شايفه صوابعه معلمه على وشها ورقبتها اللي مليانه كدمات وكملت لبس وحطت بودره تداري علامات الوش ولفت الطرحه

وقالت ما لهاش لازمه الدموع ديت خلاص انا لازم ابقى قويه عشان اخواتي مش عشان حد ثاني وخرجت من الاوضه بعد ما اخذت شنطتها وحاجتها

لقيته لسه قاعد في مكانه وقالت له ورق تيجي لي فاهم ولا لا وخرجت من الشقه ورزعت الباب

وهو كان مصدوم من اللي بيحصل وهي نزلت الشارع ماشيه بتفكر في اللي بيحصل معاها ولقت نفسها موقفه تاكس قالت له على عنوان البيت

اما يزيد كان مخنوق فمسك التليفون وفتحه عشان يتصل بعبد الرحمن واتفاجئ برساله جايه له فيها فيديو صغير وجه يفتحه واشتغل منه اول حته

وكانت نيفين حضن راجل وبعد كده الفيديو وقف على الصوره ديت واتصدم وفهم معنى الرساله ان كانت ان مراته هي اللي بتخونه وهي نيفين

قام شد القميص ولبسه واخذ مفاتيحه والموبايل ونزل جري راكب العربيه وراح على بيته

اما في شقه نيفين كانت قاعده على السرير وبتاكل فاكهه وهي بتخطط هتعمل ايه بعد ما هيام هتلبس الحوار ده

وقالت سميه خالتك اتصلت بيا النهارده وقالت لي انها عايزه تشوفني

ردت نيفين طب ما تشوفيها ايه المشكله هي اختك برده ضحكه سميه

وقالت لها قولوا لي يا بنت بطني انتي عايزه ايه بالظبط وانا هعمله لك

ردت نيفين لسه بفكر في حاجه كده ولازم تحصل عشان الكل يمشي على مزاجي ويزيد وفلوسه تبقى ليا

ردت سميه بس انا خايفه في الاخر كل حاجه تتقلب عليك ضحكه نيفين

وقالت لها لا ما تخافيش كل حاجه هتمشي صح زي ما احنا عايزين المهم بس تعملي اللي اقول لك عليه ما تجوديش من عندك

قالت لها طيب اما يزيد وصل البيت وكان طالع بيجري على السلم حتى ما سمعش صوت ابوه بينده له

وراح ناحيه شقه نيفين وخبط على الباب جامد

وراحت سميه فاتحه وزقها بره وقفل الباب ودخل على نيفين زي دخول الاسد على الفريسه واقرب منها وشدها من شعرها

وقال لها بقى انا يا وسخه يا بنت الكلب تخونيني انا هوريك انا هعمل فيك ايه وبدا يضربها وينفين تصوت وهيام طلعت من شقتها على صوت العالي

وخط سميه على الباب وطلعت منار وممدوح ومصطفى وسمر والحاج صابر

وقالت منار في ايه يا سميه ايه اللي حصل

ردت عليها ما اعرفش هو دخل وحدفني بره واقفل الباب وعمال يضرب في البنت جوه وطلع علي وهند على الصوت

اما يزيد فكان لسه بيضرب فيها وقال لها هتقولي لي كنت بتخونيني مع مين ولا اقتلك

ردت عليه ما حصلش ده كذب قال لها ما حصلش ازاي يا فاجره يا بنت الوسخه بصي اهو وشغل لها الفيديو

واتصدمت نيفين من الفيديو وقالت له ده كده ده اكيد متفبرك

ضحك بسخريه وقال لها برك ازاي يا بنت المراه الوسخه هو انتي فاكراني راجل بقرنين ده انا هطلع عيني اللي خلفوك

وفضل يضرب فيها لغايه ما نزفت واغمى عليها وتف عليها وقال لها انتي طالق بالتلاته وتقومي تمشي ما اشوفش وش امك هنا تاني يا زباله

وخرج فتح الباب وجريت سميه على جوه وصرخت بصوت عالي

وقالت منار في ايه يزيد ايه اللي حصل سبهم وخرج نزل راكب العربيه

واتصل على عبد الرحمن وقال له قابلني حالا واقفل السكه في وشه اما

في شقه نيفين دخلوا الكل واتصدموا من منظرها وسميه كانت بتعيط جنب بنتها

وقالت منار ودوها المستشفى خلونا نفهم ايه اللي حصل وعلي مسك التلفون واتصل على الاسعاف وهند كانت فرحانه فيها

اما هيام كانت حاسه بتانيب الضمير وخايفه من اللي حصل وبعد دقائق وصلت عربيه الاسعاف واخذت نيفين وامها معاها في العربيه

وعلي ومصطفى ومنار راحوا وراها على المستشفى

اما تقى فوصلت البيت ولقت اخواتها نايمين ودخلت اوضتها وهي حزينه على اللي حصل لها

وقالت يا رب انا ما عملتش حاجه غلط في حياتي حتى يوم ما كنت برقص كنت على طول خايفه وعارفه ان انا بعمله غلط بس انت اللي عالم بحالي

وغيرك ما يعلمش انا كل اللي طالباه انك تديني القوه عشان اقدر اقف عشان الغلابه اللي جوه دولت اللي ما لهمش ذنب ان اختهم تطلع رقاصه وفضلت تعيط وهي بتدعي ربها انه ينجيها من اللي هي فيه

اما يزيد كان قاعد مستني عبد الرحمن اللي وصل له

وقال له مالك يا ابني قاعد كده ليه

رد يزيد انا غلطت النهارده جامد في حق واحده ما لهاش الذنب

رد عبد الرحمن انا مش فاهم حاجه انت بتتكلم عن ايه

رد يزيد انا تعبان قوي يا عبد الرحمن ومش قادر اقف على رجلي

رد عبد الرحمن انت بتقلقني عليك ليه يا صاحبي ما تفهمني ايه اللي حصل فضل قاعد ساكت

وعبد الرحمن قاعد جنبه مش فاهم حاجه

اما في المستشفى فكانت نيفين دخلت العمليات وسميه بتعيط

وقالت والله العظيم احبس لك اخوك ده على اللي عمله في بنتي

ردت منار ملهوش لازمه الكلام ده يا سميه خلينا نطمن الاول عليها ونفهم ايه اللي حصل

رد مصطفى اكيد حاجه حصلت كبيره اللي تخلي يزيد كان فرحان الصبح بحملها ويجي بالليل يحصل اللي يحصل ده

ردت منار وده اللي انا متاكده منه والنبي اتصل لي عليه طمني هو فين دلوقتي

رد مصطفى انا عمال اتصل بيه من بدري وهو ما بيردش

رد صابر اتصل بي يا ابني على تليفون عبد الرحمن هو الاكيد اللي هيطمنا

رد مصطفى حاضر يا حاج

اما في بيت يزيد كانت هند قاعده مع العيال هي وسمر وهيام

وقالت يا ترى حصل ايه خلى يزيد يقوم الاومه ديت

ردت سمر والله يا اختي ما عارفه بس ربنا يستر من اللي جاي

ردت هيام انا هطلع اجيب حاجه من شقتي وانزل

ردت هند اطلعي يا اختي وطلعت هيام الشقه ومسكت التليفون واتصلت على شيماء وحكيت لها كل اللي حصل

ردت شيماء طب وانتي خايفه ليه

ردت عليها خايف علي يعرف ان انا اللي بعثت له الرساله وساعتها يزيد هيطلقني زي ما طلقها هي كمان

ردت شيماء ما تخافيش انتي عملت اللي عليك كل بس اللي انتي هتعمليه ان انا هاجي لك بكره واخذ التليفون ده عشان وجوده في الشقه ما بقاش ليه لازمه

ردت هيام تفتكري قالت لها طبعا يا بنتي افهمي التليفون ده لو فضل معاكي في البيت ممكن تحصل لك مصيبه فلازم نشيله في حته بعيد عن الشقه

ردت هيام طيب يا شيماء وفضلوا يتكلموا

اما في المستشفى خرجت الدكتوره وهي بتقول محتاجين كياس دم دلوقتي حالا

فردت سميه بدموع بنتي فيها ايه

ردت الدكتوره حصل لها نزيف جامد ولازم ناخد دم وكمان ادعوا ربنا ان ننقذ الرحم

ردت منار ان شاء الله خير يا دكتوره

وقال مصطفى وعلي احنا موجودين واخذتهم عشان ياخدوا من الدم

اما في شقه تقى فكانت لابسه الاسدال وقاعده على سجاده الصلاه بتدعي ربنا انه يعدي الايام عليها بخير

اما يزيد اللي كان لسه قاعد وعبد الرحمن قال له انت عملت كده ليه في مراتك ما تفهمني ايه اللي بيحصل معاك

بص له يزيد وحكى له كل اللي حصل مع نيفين

رد عبد الرحمن ما يمكن فيديو متفبرك زي ما هي قالت لك مش كنت اتاكدت الاول

ضحك بسخريه وقال له الفيديو ولا متفبرك ولا حاجه المهم بس انا عايزه اعرف مين الكلب اللي كان معاها

رد عبد الرحمن هتعمل بيه ايه ما خلاص انت طلقتها وهي ما بقتش على ذمتك عشان تدور وراها سكت يزيد وهو بيفكر هيعمل ايه مع تقى بعد اللي حصل بينهم

اما في المستشفى خرجت الدكتوره وقالت لهم الحمد لله قدرنا ننقذ المريضه ونوقف النزيف بس دي حاله اعتداء واضحه عليها

ردت سميه احنا عايزين نعمل محضر باللي حصل ده يا دكتوره

ردت عليها اكيد هيحصل

وقالت منار يعني هي كويسه يا دكتوره دلوقتي ردت عليها ايوه الحمد لله بقت كويسه بس نصيحه ليكم ما تخليهاش تحمل ثاني ان كده غلط عليها وممكن تموت المره الجايه رده سميه بعد الشر على بنتي ومشيت الدكتوره

الفصل 20

وفي اوضه نيفين بعد ما فاقت وحست بالم شديد

وقالت انا فين

ردت سميه انت في المستشفى يا حبيبتي

ردت نيفين حصل ايه

ردت سميه اهدي بس يا حبيبتي وانا هقول لك على اللي حصل كله

ونيفين راحت في نوم ثاني

وبعد وقت طويل يزيد روح البيت وهو تايه

وقابلته منار اللي كانت مستنياه وقالت له تعالى يزيد ومسكت ايديه ودخلت ناحيه اوضته القديمه وقعدت على السرير وحطت راسه على رجليها

وقالت له مالك يا حبيبي فهمني انت عملت ده كله ليه في نيفين

رد يزيد والدموع في عينيه انا اول مره احس اني انسان فاشل واللي انا كنت بعمله بيترد لي

ردت منار اللي انت بتقوله ده يا حبيبي فهمني بس

رد عليها نيفين طلعت بتخوني

قالت له ازاي بتقول كده مستحيل نيفين ما بتخرجش من البيت

رد عليها ما ده اللي هيجنني ومسك التليفون وفتحه وراها الفيديو

واتصدمت منار وقالت له ازاي يعني

رد عليها ويا ريت كده وبس ده خلتني اظلم بني ادمه تانيه

ردت منار قصدك ايه و

رد يزيد انا متجوز وكنتش لسه دخلت على مراتي وجات لي الرساله دي الاول ان مراتي بتخوني وافتكرت هي عشان ما كنتش لسه لمستها وبهدلتها لغايه ما عرفت انها طاهره وما حدش لمسها غيري

اتصدمت منار وقالت له انت اتجوزت يزيد

رد عليها ايوه يا منار اتجوزت

قالت له طب هي فين مراتك ديت ما جبتهاش هنا ليه

رد يزيد انا مش قادره اتكلم دلوقتي يا منار سيبيني انام وبكره انا بنتكلم

ردت منار طيب يا حبيبي وفضلت تطبطب عليه وتقرا ايات القران لغايه ما راح في نوم عميق

اما في المستشفى صحيت نيفين وقالت انا تعبانه قوي يا ماما

ردت عليها معلش يا حبيبتي ان شاء الله يتشك في ايديه اللي عمل فيك كده

ردت نيفين هو ايه اللي حصل اخر حاجه فاكراها لما يزيد كان بيضربني

قالت لها مصطفى كسر الباب هو وعلي وخدوكي على المستشفى لما لقوك بتنزفي والدكتوره عملت لك عمليه والحمد لله قمت بالسلامه

ردت نيفين طيب يا ماما في حاجه تانيه حصلت

ردت سميه انا اللي نفسي افهمه هو عمل معاكي كده ليه

ردت نيفين مش وقته يا ماما

قالت لها لا وقته عشان الظابط جاي ياخد اقوالك على اللي حصل

ردت نيفين بسرعه اقول ايه وزفت ايه وايه اللي دخل البوليس في الموضوع ده

ردت سميه الدكتوره هي اللي بلغت عشان قالت ده اعتداء بالظهر

ردت نيفين انتي هتقولي اللي انا هقول لك عليه وبس

ردت سميه وعايزين اقول ايه يا بنت بطني

هتقولي ان انا وقعت من على السلم

ردت سميه ليه نيفين

قالت لها بعدين هبقى اقول لك قالت لها طيب

اما في شقه تقى كانت نايمه على سجاده الصلاه وقامت نامت على السرير وهي مكرره انها تطلق

اما في شقه علي كان قاعد محتار من اللي حصل ومش عارف ده حصل ازاي

وماسك التليفون واتصل على سميه عشان يطمن على نيفين ويفهم منها اللي حصل ايه

وردت سميه ايه يا علي عامل ايه

رد عليه انا كويس يا خالتي هي نيفين عامله ايه

قالت له كويسه الحمدلله

قال لها يعني ينفع اكلمها

قالت له طيب ثواني وراحت لي نيفين وقالت لها علي عايز يكلمك

ردت نيفين هاتي يا ماما وردت على التليفون ايوه يا علي عايز ايه

قال لها ايه اللي حصل اللي خلى يزيد يعمل كده

قالت له عايز تعرف ليه

قال لها طبعا ودي اول اشوف يزيد بالعصبيه ديت

قالت له هتبعث له فيديو ليا انا وانت لما كنا فوق السطح مع بعض

اتصدم علي وقال لها ازاي يعني طب هو ما قربش مني انا كمان ليه

قالت له عشان وشك ما كانش باين واللي باعت الفيديو عمل نغمشه على وشك وانا شاكه ان امك هي اللي عملت كده

رد عليه ليه بتقولي كده

قالت له عشان الفيديو ده جالي قبل كده وانا بعثت له فلوس ويمكن امك خدت الفيديو من على التلفون وهي اللي بعته بعد ما سابت البيت ومشيت

رد عليه استحاله امي تعمل كده

قالت له ليه يعني

قال لها عشان هتخاف عليا ضحكه نيفين بسخريه

وقالت له تبقى بتحلم سناء ما بتخافش غير على نفسها وبس اصلا الفيديو علينا نغمشه على وشك يعني مش باين

قال لها بس لو راح لحد بتاع موبايلات وليه في الموضوع ده هيطلع الصوره الاصليه للفيديو

ردت نيفين تصدق صح طب هنعمل ايه بعد ما يزيد طلقني

قال لها هنعمل ايه يعني خلاص كل حاجه انتهت ويا ريت تبعدي احسن

ردت عليك تبقى بتحلم يا علي مش هخرج من مولد بلا حمص

رد عليها يعني انتي عايزه تعملي ايه

قالت له انا هقول لك هعمل ايه بس مش دلوقتي وقفلت التليفون

وعلي فضل قلقان من اللي حصل

و هند كانت سامعه كل اللي حصل وقررت انها هتكلم عمتها بكره وتشوف هي اللي عملت كده ولا لا

وثاني يوم صحي يزيد ولقى منار نايمه جنبه وقام بالراحه من على السرير ودخل الحمام

وخرج شاف السرير المتروق ومنار مش موجوده

اما بره كانت هيام قاعده خايفه من اللي حصل

ويزيد خرج وشاف عياله خايفين منه وقرب منهم

وقال لهم تعالوا يا حبايبي انتوا خايفين ولا ايه هزت صفا راسها ومسك ايديها وحضنها

وقال لها ما تخافيش يا قلب بابا

قالت له بطفوله يعني مش هتضربني

قال لها مستحيل حد يضرب القمر بتاعه ده وبسها من خدودها وشال مؤمن فهو كمان

وقال صابر يا ابني ما تفهمنا ايه اللي حصل

رد يزيد ما فيش حاجه حصلت يا ابويا انا طلقت نيفين وهي مش لازماني

فرحت هيام بالكلام ده

وقال له ازاي يا ابني طب وعيالك

رد عليه مالهم عيالي وهم عايشين معايا وفي حضني على اساس كانت امهم بتهتم بيهم اساسا دي كانت رمياهم لمنار هي اللي تربيهم والنبي يا حاج اسكت مش عايزه اتكلم

رد صابر طيب يا ابني اديها حقها وخليها تاخد حاجتها

رد يزيد ان شاء الله و بص لهم وقال لهم روح عند الشغل النهارده انا هروح حته تانيه

رد علي بسرعه رايح فين يزيد

قال له مشوار كده واهتم بالشغل وانا هفهم عبد الرحمن هيعمل ايه

رد مصطفى حاضر

ومنار خرجت هي وسمر بالاكل وقعده يفطروا وقال يزيد ممكن يا منار فنجان القهوه بتاعي

قالت له حاضر يا حبيبي بس افطر الاول

قال لها ما ليش نفس

قالت له طيب وقامت تعمل له القهوه واول ما شاربها افتكر قهوه تقى وساب القهوه

واخذ مفاتيح وموبايله وخرج ركب العربيه واتصل على تقى ولقى تليفونها مقفول وتضايق

واتصل على الراجل اللي كان وكيل تقى في كتب الكتاب وقال له انا عايزه اقابلك دلوقتي

رد الراجل تعالى لي على المحل واقفل معاه

وراح يزيد بالعربيه على العنوان اللي قال له عليه

اما في شقه تقى كانت نايمه وصحي تامر هو ودينا من النوم

وما لقوش الفطار واستغربوا ان تقى نايمه لغايه دلوقتي

وقال تامر انا هنزل اجيب الفطار من تحت وانتي خشي شوفي تقى

قالت له حاضر

وصل يزيد عند محل عم سعيد ودخل وقال السلام عليكم

رد عم سعيد وعليكم السلام ورحمه الله وبركاته اتفضل يا ابني تشرب شاي

رد يزيد شكرا يا عم سعيد ممكن تقعد عشان نتكلم في موضوع مهم

رد سعيد خير يا ابني

رد يزيد انا عملت غلطه كبيره مع تقى ومش عارف اصلحها ازاي

رد سعيد فهمني بس ايه اللي حصل

وقعد يزيد حكى له كل اللي حصل من غير ما يخبي عليه حاجه

رد سعيد انت غلطت غلطه كبيره وتقى مش من النوع انها بتسامح بسرعه وانا عارف انها اشتغلت رقاصه بعد ما ابوها وامها الله يرحمهم مماته

والكل طمع فيها بسبب جمالها وادبها وكانت مستحيل تسيب اخواتها لوحدهم وهم ما فيش واحد عاقل هيتجوز واحده ومعاها عيلين وفي الاخر اتجهت للشغلانه ديت

وهي قالت لي وانا كنت خايف عليها بس

هي ردت علي رد خلتني سكت

وقال يزيد رد ايه

قال له انها عمرها ما هتفرط في شرفها مهما كان قصادها مين حتى لو وصلت انها تموت نفسها وكانت معرفاني كل حاجه وعن الفلوس بتاعتها اللي في البوسطه

وقالت لي اذا في يوم حصل لي حاجه اخواتي امانه في رقبتك والفلوس دي تعيشهم لغايه ما يقفوا على رجليهم

رد يزيد طب العمل ايه يا عم سعيد انا عايزه تكلمني وترد عليا وانا والله هصلح كل حاجه

رد سعيد طيب يا ابني سيبها يومين وانا هحاول اتكلم معاها وافهم منها هي عايزه ايه

قال له حاضر يلا هستاذنك انا عشان ورايا شغل قال له ماشي يا ابني وخرج يزيد وركب العربيه بتاعته

اما في شقه علي كانت قاعده هند بتكلم سناء وبتحكي لها كل اللي سمعته وسناء خافت على علي

وقالت لها يعني انتي متاكده اللي سمعتي يا هند

ردت عليها ايوه يا عمتي وانا خايفه يزيد يعرف ان علي اللي كان معاها في الفيديو وساعتها هتبقى مصيبه بجد

ردت سناء ما تخافيش وانا هحلها قولي لي بس هم في انهي مستشفى

وقالت هند اسم المستشفى وقفلت معاها

وسناء قامت لبست العبايه وخرجت ركب التاكس وقالت له على العنوان

اما في شقه تقى دخلت دينا اوضه تقى ولقيتها نايمه على السرير بالاسدال وقربت منها وصحتها

وقالت تقى سيبيني انام يا دينا عشان انا تعبانه

ردت عليها الف سلامه عليك يا تقى اروح اجيب لك دكتور

ردت تقى لا يا حبيبتي بس سيبيني انام وانا هبقى كويسه

قالت لها طيب وخرجت دينا

وقالت لتامر اللي حصل كله

وقال لها طيب لو لقيتيها تعبانه ابقي اتصلي بيا

قالت له طيب وخرج راح على شغله وقامت دينا شالت الاكل وروقت الشقه وعملت كوبايه اعشاب

وراحت عند اوضه التقى وخبطت الباب ولقت ما فيش صوت رجعت تاني قعدت في الصاله وهي ماسكه تليفونها

اما يزيد وصل السنتر وقعد على مكتبه وحاطط ايده على راسه وهو متضايق ومش عارف يعمل ايه

اما في المستشفى دخل الظابط ياخذ الاقوال بتاعه نيفين اللي نفت ان جوزها هو اللي ضربها وانها وقعت على السلم وامها قالت نفس الكلام

وخرج الظابط والباب خبط ودخلت سناء وقال الف سلامه عليك يا بنت اختي

ردت سميه صحيح يقتلوا القتيل ويمشوا في جنازته ضحكه سناء

وقالت لها انا برده ولا انتم اللي لعبت من ورا ظهري

ردت نيفين لا يا خالتي احنا ما لعبناش من ورا ظهرك انتي اللي خنتينا لما رحتي واتفقت مع الشيخ عشان ياذيني

ردت سناء بقول لك ايه سيبك من الكلام ده انا جايه لك عشان عايزه افهم الفيديو ده وصل ليزيد ازاي ضحكه بسخريه

وقالت لها والله يعني مش انتي اللي ما بعته له

ردت سناء انتي هبله يا بنت اروح ابعت له حاجه تخلي ابني يروح فيها للدرجه دي انا ما عنديش مخ

ردت نيفين طب مين اللي بعت الفيديو ده

ردت سناء مش يمكن الراجل اللي طلب مننا الفلوس هو اللي بعته

ردت نيفين تفتكري

قالت لها طبعا افتكر ونص ده واحد ما لهوش مبدا وطلب فلوس من الاول يعني في نيته خيانه

ردت نيفين ماشي يا خالتي هصدقك المره دي بس خلي بالك الموضوع ما خلصش على كده

ردت سناء لا خلص يا قلب خالتك باماره ما انا خرجت وانتي كمان

ردت نيفين مستحيل يا خالتي اني اسيبهم يتهنوا وكمان هسيب عيالي ليه بسهوله كده

ردت سناء ماشي يا نيفين اهم حاجه ما تقوليش ان علي هو اللي كان معاكي في الفيديو

ردت نيفين ما تخافيش يا خالتي مش هجيب سيرته بس خليه لما احتاج والاقيه

قالت لها طيب يلا سلام وخرجت سناء

واتكلمت سميه هو الكلام اللي انا سمعته ده حقيقي علي اللي كان معاكي في الفيديو

ردت نيفين ايوه ياما علي اللي كان معايا وعمري ما نسيت حبي ليه

ردت سميه ليه كده يا بنتي خنتي جوزك كنت عشت معاه وسبتك من كلام خالتك بس ازاي الطمع اعمى عينيك

ضحكه نيفين بسخريه عمى عينيا ازاي وانتي اساسا طمعانه ياما وانتي اللي خليتيني اتجوزته وانا بكرهه وبحب علي وكل ده عشان الفلوس اللي بيبعتها كل اول شهر

ردت سميه انا عارفه ان انا غلطت بس عمري ما كنت هقبل باللي انتي بتعمليه ده وانك تخوني جوزك

ردت نيفين بقول لك ايه ياما اقعدي ساكته وما لكيش دعوه باللي بيحصل

ردت سميه براحتك يا بنتي بس ما تجيش تندمي في الاخر لما كل حاجه هتضيع من ايديكي

ردت نيفين وهي لسه ما ضاعتش ياما ما هو يزيد طلقني

ردت سميه بس ليكي عيالك

ردت نيفين تبقى بتحلمي ياما لو انا رفعت عليه قضيه يزيد هيقدم الفيديو وساعتها هيتقبض عليا في قضيه زنا وانا كنت متجوزاه

ردت سميه يبقى نبعد عنهم خالص وسيبك منهم

ردت نيفين مستحيل ياما اسيب اي حاجه مش هطلع من مولد بلا حمص

ردت سميه ايه الكلام ده يا نيفين ده انتي معاكي فلوس في البنك غير الذهب بتاعك ما تقوليش كده

ردت نيفين بقول لك ياما سيبيني انا تعبانه وسكتت سميه وخرجت بره وهي بتانب نفسها ان مشيت ورا بنتها واختها في الغلط

اما في السنتر كان قاعد يزيد قدام الشاشه وشايف تامر بيتكلم في التليفون كل شويه وقلبه اتقبضت وبالذات بعد ما سمع كلام عم سعيد

ودخل عبد الرحمن وهو بيقول له مالك يا يزيد حالك متغير ليه

رد عليه ما فيش يا عبد الرحمن انا كويس

قال له طيب تامر طلع

وقال له ممكن استاذن النهارده

رد يزيد بقلق ليه في حاجه

رد تامر ما فيش اصل اختي تعبانه شويه وانا عايزه اروح اطمن عليها واشوف لو محتاجه تروح المستشفى ولا حاجه

رد يزيد بسرعه طب اتصل بيا لو في حاجه طمني

رد تامر حاضر وطلعيها يزيد فلوس من جيبه خد دولت يا تامر عشان لو احتجت حاجه

رد تامر شكرا بس انا معايا فلوس

رد يزيد لا خليهم معايا وانا كده كده هخصمهم من مرتبك

رد تامر حاضر وخرج

واستغرب عبد الرحمن طريقه يزيد وقال له في ايه بقى ما تفهمني

رد يزيد انا خارج دلوقتي وساب المكتب وراكب العربيه وراح على البيت

وبعد وقت وصل تامر البيت ومعه شنط فيها اكل ودخل

وقال خد يا دينا هي تقى لسه في الاوضه

ردت عليه ايوه ما فطرتش من الصبح كمان

قال لها طيب حطي الاكل ده في صينيه وهاتيه وتعالي نخش لها الاوضه

قالت له طيب ودخل تامر الاوضه واتفاجئ بتقى بتعيط وقرب منها

وقال لها مالك يا حبيبتي بتعيطي ليه

ردت عليه ما فيش يا تامر اصل افتكرت بابا وماما

رد عليها الله يرحمهم يا حبيبتي بقول لك ايه انا جايب اكل النهارده عشان ناكل انا وانتي والبنت مفجوعه اللي بره ديت

ضحكه تقى وقالت له صدقني ما ليش نفس

رد تامر ابدا والله لازم تاكلي

قالت له حاضر ودخلت دينا ومعاها صينيه الاكل

وقالت يلا يا ست تقى تامر مضحي وجاب لنا فراخ مشويه وكفته كمان والطرب اللي انتي بتحبيه ضحكه تقى

وقال تامر هاتي يا اختي الصينيه وقعد بياكل تقى في بقها وهي بتبتسم على حنان اخوها

ودينا فضلت تهزر وهي تبتسم عليهم وعلى كلامهم

اما يزيد وصل البيت ولقى منار قاعده ومعاها سمر والعيال وهند كمان ودخل على اوضته

وقامت منار دخلت اوضه يزيد وقالت له مالك يا حبيبي قاعد لوحدك ليه

رد يزيد عمال اتصل بيها وما بتردش عليا مش عارف اوصل لها

ردت منار طب قول لي هي فين وانا اروح لها

رد يزيد متاكده يا منار

قالت له طبعا يمكن كلامي معاها يحل المشكله وتجيبها تقعد معانا هنا

رد يزيد يا ريت بس طب اقول لي هي مين