تحميل رواية «الرقاصة والمعلم» PDF

رواية الرقاصة والمعلم

الفصل الواحد والثلاثون31بقلم اميرة خالد

الفصل 31

وفي السنتر عبد الرحمن كان بيشتغل وعلي نزل من المخزن

وقال له يزيد ما جاش معاك ليه

رد عليه والله ما عارف انا خايف على اخوك شكله كده هيرتكب جنايه مع نيفين ديت

رد عليه ليه بتقول كده

قال له عشان اتصل بسيد عشان يعرف الراجل اللي كان معانا نيفين في الفيديو ده يبقى مين

اتوتر علي وقال له بصوت مهزوز قصدك ايه

رد عبد الرحمن يا ابني مدام قدرت وجابته بيت جوزها يبقى هتقدر تجيبه عند امها فعشان كده هيراقبها

رد علي بخوف ان شاء الله هيمسكوا انا هروح اشوف المصنع ما نزلش ليه العبايات

رد عبد الرحمن ماشي اروح اشرب فنجان قهوه بقى يروق دماغي بدل ما هتفرقع كده

علي مشي وهو خايف ان يزيد بيعرف ان هو اللي كان مع مراته وبيدعي ربنا انه يسترها معاه

اما في الجامعه سمر كانت قاعده في الكافتيريا وتامر راح هناك مع واحد صاحبه وشافها قاعده لوحدها

وقال لصاحبه دقيقتين واجي لك

رد عليه ماشي يا عم وراح تامر

قال لها انتي قاعده لوحدك ليه

ردت عليه ما فيش مستنيه دينا تخلص عشان نروح على البيت عشان نلم الحاجه

رد تامر بس تقى قالت ان هي هتيجي لم الحاجه

ردت عليه معلش اصل حصلت ظروف في البيت وتقى مش هتقدر تيجي فانا اتفقت انا ودينا اللي هنلم الحاجه

رد عليها طيب سكت شويه

وقالت سمر انت عايز تقول حاجه بس مش عارف بص لها

وضحكت هي قالت له قول ما تحبسهاش في بقك كده كتير

رد عليها بصراحه انتي جريئه قوي

ردت عليه ومين قال لك ان انا بريئه بالعكس انا بتكسف

ضحك تامر قال لها دي نكته حلوه قوي انتي بتتكسفي ده من امتى ده انا من يوم ما شفتك واحنا بنتخانق

ردت عليه مش يمكن انت اللي ما بتنزليش من زور برق لها قوي

ضحكه قالت لي انا بهزر

رد عليها ماشي يا ستي محتاجه حاجه

ردت عليه انت ما قلتليش انت عايز تقول ايه

قال لها بصراحه عايزك تغيري ستايل لبسك مش حلو ليكي وكفايه اخر مشكله حصلت بسببه

ردت عليه وده ليه يعني

رد عليها انا خايف عليك

ابتسمت وقالت له وخايف عليا ليه انا ولا اختك ولا حتى خطيبتك ولا حبيبتك

رد عليها بس انتي صاحبه اختي وكمان اخت جوز اختي

قالت له يعني في مقام اختك

رد عليها بسرعه لا مش اختي وسكت

وهي ابتسمت وقالت له طيب انا كده كده كنت هنزل اجيب لبس جديد وقلت لدينا وهي هتيجي معايا

رد عليها طيب ممكن نبقى اصحاب

ردت عليه اكيد طبعا ابتسم وصاحبه نده عليه

قال لها ابقى اشوفك بقى في البيت يلا سلام ومشي

وسمر ابتسمت وهي سرحانه فيه

اما في شقه سميه كانت نيفين قاعده على السرير ودخلت سميه قالت لها بقول لك ايه يا بنت انتي لسه جايه ما بقالكيش ساعه كنت بايته فين من امبارح

ضحكه نيفين وقالت لها كنت سهرانه مع اصحابي في ايه

ردت عليها بقول لك ايه حال المايل ده ما يعجبنيش لو هتقضيها سرمحه يبقى تسيبي البيت ده وما تقعديش فيه ثاني

مش ناقصه كلام الناس علينا بعد ما اتطلقت كمان تتسرمحي وما تنسيش ان انت لك اخوات وسمعتك من سمعتهم

ردت نيفين كده كده هسيبه عشان يزيد هيجيب لي شقه اقعد فيها انا والعيال

ضحكت بسخريه سميه وقالت لها تبقي بتحلمي وخرجت وسابتها

وتليفون نيفين رن باسم سهر وردت عليها ايه يا بنتي ما انا لسه كنت معاكي

ردت سهر بقول لك ايه اعملي حسابك ان هنخرج النهارده

ردت نيفين نخرج فين يا ستي خروجتك كلها كحيانه

ردت سهر ليه بتقولي كده

قالت لها مش كفايه جايبه لنا واحد بلطجي يخرج معانا

ردت سهر البلطجي ده يعرف ناس علاوي قوي وساعات بيخرجوا معانا اسمعي مني وانتي هتاكلي الشهد

ردت نيفين انا مش عايزه اكل الشهد انا عايزه ادلع واتعرف على ناس حلوه

ردت سهر وطلبك عندي النهارده الخروجه هتبقى جامده وفي ناس علوي قوي هتخرج معانا

ردت نيفين طيب بس اعملي حسابك ان اجي اقعد معاكي يومين عشان اتخانقت مع امي

ردت عليها تنوري يا حبيبتي هستناك باليل وقفلت معاها ونامت نيفين نوم عميق

اما في الجامعه وصلت دينا لسمر وقعدت قصادها وسمر كانت سرحانه

وقالت دينا اللي واخد عقلك وسمر فضلت سرحانه

ابتسمت دينا وقامت قرصتها في ذراعها صوتت سمر

وقالت لها في ايه يا بنتي

ردت عليها قاعده بقى لي ساعه وعماله اكلمك وانتي سرحانه

ردت عليها ولا سرحانه ولا زفت يلا اتاخرتي ليه

ردت دينا متاكده ان انتي ما كنتيش سرحانه

ردت سمر بقول لك ايه خلصي عشان ورانا شغل كثير

ضحكه دينا قالت لها طيب هتصل بقى في تامر واقول له عشان يعمل حساب ويجي على هناك

ردت سمر ما هو عارف ولسه انا قايله له من شويه

ردت دينا وانتي شفتي تامر فين

ردت عليها هو وصاحبه كان في الكافتيريا واتكلمنا ولسه ماشي ما بقالوش 10 دقائق

ردت دينا بغمزه اهو انا دلوقتي عرفت انتي كنت سرحانه في ايه بصيت لها سمر وساكته وبعد وقت

وصل يزيد البيت ولقاهم في المطبخ ومؤمن بيلعب مع العيال وقالت منار كنت فين يا حبيبي

رد عليها ما فيش يا حبيبتي كنت في مشوار كده وقلت اجي على البيت ارتاح شويه

ردت عليه عيني اللي عقلي يا حبيبي انا عايزاك ما تتهورش وكل حاجه هتتحل لوحدها

رد يزيد انا عارف انا اخش اريح شويه هي تقى فين

ردت عليه في المطبخ بتعمل محشي

ابتسم يزيد وقال لها طيب قولي لها تعمل لي فنجان قهوه

ردت عليه حاضر من عيني ودخل يزيد الاوضه ودخلت منار المطبخ وقالت تقى اعملي فنجان قهوه ليزيد

ردت عليها هو جه

ردت عليها ايوه لسه داخل ما بقالوش 10 دقائق وفي الاوضه بتاعته

ردت تقى خلاص هعمل له كوبايه عصير عشان العلاج بتاعه

ردت منار هو ده علاج ايه

قالت لها ما فيش هو كان عنده سخونيه وكان تعبان شويه بس الحمد لله راق بس العلاج لازم يمشي عليه فتره معينه

ردت منار طيب انا هطلع البس بقى عشان مصطفى اتصل بيا وقال لي هنروح للدكتور

ردت هند ابقي طمنيني عليك

قالت لها حاضر وخرجت منار وهند تليفونها رن باسم علي

وقالت لتقى هروح اكلم علي وارجع

قالت لها طيب وخرجت هند قعدت في اوضه سمر

اما تقى صبت كوبايه عصير وراحت اوضه يزيد وخبطت ودخلت لقت يزيد قاعد على السرير وماسك التليفون وقربت منه

وقالت له خد كوبايه العصير دي احسن من القهوه

رد عليها بس انا محتاج فنجان قهوه من ايديكي

قالت له هعملها لك بس مش دلوقتي لما تاخذ العلاج تتغدى الاول

قال لها ماشي واخد منها الكوبايه وبدا يشرب فيها

وقال لها ما رحتش لاخواتك ليه عشان تلم معاهم حاجتهم عشان يجوا

ردت عليه مش دلوقتي كفايه المشاكل اللي احنا فيها

رد يزيد ما فيش مشاكل ولا حاجه وكل حاجه هتتحل

ردت تقى متاكد يزيد مسك ايديها وقاعدها جنبه

وقال لها صدقيني كل حاجه هتتحل وهنعيش مع بعض انا وانتي والولاد وان شاء الله ربنا هيكرمنا بعيال كمان

ردت تقى انا خايفه لاكون غلطت ان اديتك فرصه

رد يزيد ليه بتقولي كده انا عارف ان قلبك في شويه مشاعر ليا وانا متاكد من كده

ابتسمت تقى وقالت له هقوم انا بقى عشان اخلص المحشي واتصل بدينا وسمر اشوفهم اخلصوا الايه ولو لسه ما خلصوش هروح اساعده

رد يزيد هي سمر راحت لدينا ابتسمت

وقالت له شكلها كده هي ودينا بقى واصحاب قوي

رد يزيد يا ريت سمر غلبانه وطول عمرها عايشه تحت جناح امها اللي كانت هتوديها في داهيه بس الحمد لله منار لحقتها ودلوقت اختك لحقتها هي كمان

ردت تقى انا عارفه انها بتداري باللسان الطويل بس هي من جواها غلبانه وبتحبك على فكره قوي

رد عليها انا عارف اخواتي دولت غلابه بس منها لله امهم هي اللي عملت ده كله بينا

ردت تقى معلش كل حاجه هتتحل يلا هسيبك ترتاح شويه اكون خلصت المحشي

قال لها ماشي

اما في اوضه سمر ردت هند انت متاكد من الكلام يا علي

رد عليها ايوه والله عبد الرحمن لسه قايل لي الكلام ده وانا من ساعتها وانا خايف

ردت هند ما تخافش مش انت بعيد عنها وما تتصلش بيها خالص وساعتها ما حدش هيعرف مين اللي كان معاها في الفيديو

رد عليها ربنا يستر والله العظيم انا توبت على اللي انا عملته وان شاء الله ربنا هيسترها معايا للاخر

ردت هند يا رب يا علي انت المهم انك ما تكلمش امك خالص الفتره دي كمان

رد عليها انا اصلا ما بكلمهاش انا كنت هقول لك انتي اللي ما تكلمهاش خالص

ردت عليه حاضر يا علي يلا اقفل عشان الحق اعمل الاكل مع تقى قال لها طيب

اما في المصنع عند مصطفى قال لوليد معلش يا صاحبي هتقعد مكاني الساعتين دولت عقبال ما نروح للدكتور ونرجع

رد وليد براحتك يا باشا بس بقول لك ايه هي مين اللي كنا بنودي لها عفشها امبارح ديت

رد مصطفى بتسال ليه

قال له ما فيش اصل شفتكم كلكم مهتمين بيها

رد عليه يا عم ديت تبقى بنت عمي وتبقى طليقه يزيد

رد وليد طب هو طلقها ليه

رد مصطفى وانت بتسال ليه

رد وليد بصراحه كده من غير لف ودوران انت عارف ان من ساعه مراتي ما ماتت وانا عايش مع امي ومعايا بنت الصغيره وامبارح من ساعه ما شفتها وهي ما طلعتش عن بالي ابدا

رد مصطفى بص يا وليد انا ما ينفعش اقول لك اي حاجه دلوقتي اولا عشان خاطر هي لسه في شهور العده عشان مطلقه امبارح خليها لما شهور العده تعدي ابقى اتكلم معاها اذا في دماغها الجواز هقول لك على طول

رد وليد ان شاء الله كل حاجه هتعدي

ابتسم مصطفى وقال له ممكن بعد تسيبني اروح عشان الحق اروح للدكتور

رد وليد روح يا عم وابقى طمنا ابتسم مصطفى ومشي

اما في شقه تقى واخواتها دينا كانت بتلم هي وسمر الحاجه وخلصوا

وقالت دينا ما ناقصش غير حاجه تامر وهخش انا وانتي نلمها دلوقتي

ردت سمر يلا يا ستي خلصي بقى ودخلوا الاوضه ودينا اتفرجت على منظر الاوضه وقد ايه ان هو مرتب وابتسمت وبدات هي وسمر يلموا الحاجه وبعد وقت

ردت دينا بقول لك ايه انا تعبت خالص ايه رايك نشرب كوبايتين نسكافيه يفوقونا

ردت سمر يا ريت اصل انتي ما عندكيش دم من ساعه ما جيت حتى ما جبتش كوبايه عصير

ضحكه دينا وقالت لها ويعني انتي غريبه ما تخشي تفتحي التلاجه وتطلعي اللي انتي عايزاه

ردت سمر اصل انا بتكسف ضحكه دينا

وقالت لها لا بتتكسفي قوي

ردت سمر هو انتم يا جماعه مالكم مش متخيلين ان انا بتكسف ليه

ردت دينا اصل انتي جريئه قوي

ردت سمر حتى انتي كمان مش كفايه اخوكي

ردت دينا وايه علاقه اخويا بالموضوع ده

قالت سمر اصله لسه قايل لي الكلام ده النهارده

ردت دينا بقول لك ايه شكلها كده ما فيش نسكافيه واحكي لي اخويا قال لك ايه بالضبط

ردت سمر مش هقول لك حاجه غير لما تقومي تعملي لي النسكافيه الاول

ردت دينا امري لله وقامت تخش المطبخ وجرس الباب ضرب وقامت سمر بعد ما حطت الطرحه فتحت الباب

ولقت ممدوح وتامر في وشها وقالت خير

رد تامر هي الشقه دي مش بتاعتنا ولا ايه

رد ممدوح شكلها كده

ردت سمر ايه خفه انت وهو

رد تامر ممكن يا ستي تدخلينا دينا اتصلت بيا وقالت لي انكم خلصتوا كل حاجه والشنط عايزه تنزل العربيه فممدوح مشكورا مع العربيه هياخد الشنط معانا

ردت سمر متاكد

رد عليها ايوه

قالت لي طب خشي شوفي الشنط واول ما دخلوا شافوا الصاله مليانه حاجات

رد تامر هو احنا معزلين ولا ايه يا دينا هي مش اختك قالت هاتوا هدومكم بس خرجت دينا وهي معانا الصينيه النسكافيه

وقالت له ما هي دي الهدوم والكتب بتاعه الدراسه

رد تامر لا يا ممدوح عربيتك دي مش هتنفع احنا عايزين عربيه ربع نقل ديت هي اللي هتودي الحاجه

رد ممدوح سهل قوي هتصل بواحد يجي ياخدهم وانتوا اركبوا معايا العربيه

ردت سمر انا مش ماشيه غير اشرب كوبايه النسكافيه

ردت دينا وانا كمان

و قال تامر طب ما تقومي يا بلوه تعملي لنا احنا كمان

ردت دينا خشي يا اخويا اعملي نفسك مش قادره اقف مش كفايه لمت لك هدومك وحاجتك كمان

رد تامر ماشي يا ستي ودخل المطبخ يعمل النسكافيه وممدوح عينه كانت على دينا والابتسامه من الودن دي للودن دي

وسمر كانت ملاحظه وكل شويه تغمز لدينا وخرج تامر ومعاه كوبايتين النسكافيه وبداوا يشربوا ويتكلموا ويضحكوا مع بعض

وبعد وقت طويل في شقه سميه صحيت نيفين من النوم على صوت التليفون وردت على سهر

وقالت لها في ايه يا بنتي بترن كده ليه

ردت سهر قومي يا ستي الساعه 8:00 عقبال ما تجهزي وتجيلي عشان نروح المكان

ردت نيفين طيب هقوم بس اخذ شاور والبس وهنزل لك

ردت سهر بقول لك ايه ما تيجي تغيري عندي احسن بدل اللبس اللي انتي بتلبسيه ده

ردت نيفين طيب هشوف وقفلت معاها

اما البيت يزيد الكل كان متجمع السفره وبياكلوا وهم فرحانين وقال صابر نورته يا ولاد البيت

ردوا عليه منور بيك يا عمي

ردت سمر بفرحه احلى حاجه يا بابا ان دينا هتقعد معايا الفتره ديت

ردت منار ماشي يا ستي بس اهم حاجه اهتموا بمذاكرتكم

ردت دينا ما تخافيش هنذاكر كويس وفضلوا يتكلموا ويضحكوا وهم مبسوطين

وعلي كان قاعد جنب هند وهي ماسكه ايديه بتطمنوا ان كل حاجه هتعدي

وقال يزيد النقاش هيجي بكره وان شاء الله هيخلص كل حاجه

رد ممدوح براحته احنا مش مستعجلين

رد عليه مدام كده خليه يبدا في شقتي انا الاول وعايزك يا تقى تشوفي العفش اللي انخت عايزاه عشان نجيبه

ردت عليه حاضر ومنار قاعده ساكته

وقال يزيد مالك يا حبيبه اخوك من ساعه ما جيتي من عند الدكتوره وانتي زعلانه

ردت عليه مش زعلانه ولا حاجه بس الدكتوره بتقول ضعيفه شويه لازم اخد فيتامينات

رد مصطفى بس كده ما قالتلكيش ارتاحي وابعدي عن العصبيه

ردت عليه خلاص بقى يا مصطفى انت طول الطريق بتانب فيا اكنه بايديا يعني

رد يزيد بصي يا حبيبه قلب اخوك ما تحطيش في بالك واذا كان موضوع نيفين شغلك فانا بطمنك ان كل حاجه هتتحل فالمهم انتي تخلي بالك من صحتك ومن صحه العيل اللي في بطنك

ردت منار حاضر يا حبيبي

رد صابر ربنا يخليكم ليا يا اولادي ما يحرمنيش منكم ابدا الكل قال امين

وتقى وهي بتاكل حست بزفاره الحمام مع انها غسله كويس وسابت الحمام بعيد عن الطبق بتاعها وكملت اكل مخلل مع المحشي وكان ميكس غريب

وتامر ملاحظها وقال مالك يا تقى بتاكلي يعني المحشي ومعاه مخلل الكتير لكده

ردت عليه اصل انا بحب المخلل جدا ضحك تامر

وقال لها ما انا عارف

رد يزيد بتضحك على ايه

قال له اصل تقى ما بتحبش المخلل خالص ويوم ما كانت بتاكل مخلل كانت بتاكله جزر بس الغريب ان هي بتاكل خيار وزيتون ولفت اكثر من الجزر

رد عليه وايه يعني يا ابني ما تسيبها تاكل اللي هي عايزاه ما لكش دعوه انت

رد تامر حاضر يا سيدي ما ليش دعوه

اما في مكان تاني كان سيد قاعد ومعاه واحد

وقال له انا هوريك صوره واحده عايزك تعرف لي عنها كل حاجه

رد عليه ماشي يا سيد وريني كده صورتها

قال له استنى افتحه كده اصل انا ما شفتش الصوره من الصبح

ضحك الراجل وقال له غريبه يعني اول مره ما تعرفش الشغل عن مين

رد سيد اصل انا قابلته على الصبح ما كنتش نمت واول ما صحيت من النوم قلت اكلمك عشان نعرف هنعمل ايه وما تنساش ان احنا هناخد من وراها فلوس حلوه

رد عليه مش مهم اهم حاجه نصيبي هيبقى كام

رد سيد على حسب اللي هتجيبه من وراها

رد عليه ماشي وفتح سيد الصوره واتفاجئ انها نيفين وقفل التليفون

وقال للراجل التليفون فصل شحن اول ما يفتح هبعت لك الصوره

رد الراجل تمام يا سيد وانا مستني ومشي الراجل

وقعد سيد يقول يا ترى اللي بينك وبين يزيد يا نيفين عشان عايز يعرف انتي بتعملي ايه

وقام خرج واتصل على سهر وقال لها بقول لك ايه هي نيفين ديت متجوزه

ردت عليه لا مطلقه وبتسال ليه يا سيد

رد عليه طب انت تعرفي كانت متجوزه مين

ردت عليه ايوه يا سيد اسمع ان هو تاجر كبير وعنده سنتر ومصانع هدوم واسمه يزيد صابر

رد عليها ماشي يا سهر ما تتاخريش عليا عشان انا كلمت فاروق

قالت له من عيني الاثنين هي كلها ربع ساعه وتكون عندي وهننزل على طول

رد سيد ماشي يا حبيبتي وهقفل معاها وقال شكلها كده لعبه وهكسب من وراكي من ناحيتين والسبوبه دي هتبقى ليا لوحدي

وماسك التليفون واتصل على فاروق وقال له بقول لك ايه معايا حته كده عايزك تروق عليها

ضحك فاروق وقال له على طول كده

رد سيد بقول لك ايه دي حته متريشه جامد

رد فاروق اموت انا في المتريش المهم السن كام ما تكونش سنها كبير

ضحك سيد وقال له ما تخافش تلعب في التلاتينات

رد عليه حلو قوي كده اهو الواحد يدلع كمان ودي نظامها ايه

رد عليه الفشخره الكذابه

رد فاروق موجوده بس اهم حاجه بالنص

رد سيد ماشي يا فاروق مع انك طماع بس مش مهم مش خساره فيك

رد فاروق طيب هنتقابل ازاي

رد سيد كمان ساعه هبعت لك عنوان تيجي لنا عليه

قال له ماشي وقفل معاه

وفي شقه سهر كانت قاعده بتشرب سيجاره وجرس الباب ضرب

وقامت فتحت ولقت نيفين وقالت لها اتاخرت ليه

قالت لي يا ست عقبال ما نزلت بقول لك ايه انتي هتفضلي موقفاني على الباب كثير

ردت سهر لا يا حبيبتي خشي ودخلت قعدت على الكنبه

وسهر مسكت السيجاره وكملت شربها

وقالت نيفين بقول لك ايه يا بنت يا سهر ما تجيبي سيجاره

ردت عليها من عيني الاثنين يا قمر وطلعت لها سيجاره

وقالت نيفين بس دي سيجاره عاديه

ردت سهر لسه شويه على السيجاره ديت

ردت نيفين وهي بتخطفها من ايديها ولا بدري ولا حاجه وبدات تشرب وسهر استغربت انها ما بتكحش

وقالت يا بطل انتي ضحكه نيفين

وقالت لها طول عمري يلا خلينا نشوف هنلبس ايه على الله الخروجه تبقى عدله

ردت سهر عدله قوي وهتعجبك

قالت لها هنشوف وقاموا دخل الاوضه وطلعه هدوم وبداوا يلبسوا ويعملوا ميك اب وبعد وقت

وقالت سهر يلا عشان ننزل سيد عمال يرن عليا

ردت عليها يلا يا اختي ونزلوا ركبوا تاكسي

وطلعوا على المكان اللي سيد مستنيهم فيه وبعد دقائق وصلوا

وقالت نيفين ايه يا بنت يا سهر ده ده كباريه

ردت عليها ما انتي فاكره ايه سيد صاحب الكباريه ده

ردت نيفين المعفن ده صاحب كباريه ضحكه سهر

وقالت لها اه يا اختي صاحب كباريه ده لسه مشتريه من قريب

ردت نيفين طيب يا اختي يلا خلينا نخش ودخلوا

وسيد اول ما شافهم سلم عليهم وسهر بسته من خده وقال لها ايه الجمال ده كله

ضحكه سهر وقالت له تسلم يا سيد هي فين الترابيزه بتاعتنا

رد عليها ترابيزه ايه انتي هتقعدوا معايا فوق في الدور اللي فوق احسن

ردت سهر يبقى احسن برده وطلعوا فوق ودخلوا وفاروق كان قاعد برنس في نفسه

واول ما شافته نيفين انبهرت من الكاريزما

وقالت سهر ايه ده فاروق باشا موجود معانا

ضحك فاروق وقال لها عشان تعرفي بس اول ما سيد

قال لي انا جيت على طول

رد سيد طبعا يا باشا ده انت نورتنا

وقال فاروق بغمزه مش هتعرفوني ولا ايه

ردت سهر دي نيفين صاحبتي يا فاروق بيه مد ايده ونيفين سلمت عليه

قال لي هتشرفنا ابتسمت نيفين قالت له وانا كمان وقاعده وفضلوا يتكلموا ويضحكوا

رواية الرقاصة والمعلم

الفصل الثاني والثلاثون32بقلم اميرة خالد

عدى اسبوعين والحياه مستقره في بيت يزيد وكمان تقى علاقتها بقت كويسه مع يزيد وطلعوا شقتهم وكلمت وفاء اللي جات لها وزارتهم وقعدت معاهم

اما يزيد كان متفق مع المحامي ان كل ما يجي المحضر يدوا له فلوس ويمشي ويكتب لم يستدل على عنوانه

اما علي وهند بيدعوا ربنا اني تعدي المحنه دي على خير ويعيشوا مستقرين مع اهلهم

اما ممدوح كلم مصطفى عشان يخطب دينا

اما سمر اتغيرت 180 درجه وبقت بتلبس محترم وكلامها واسرارها كلها مع دينا وعلى طول سرحانه في تامر وكمان علاقتها كويسه باهلها في البيت وبقت تقعد معاهم اكتر

اما تامر فحاسس انه معجب بسمر وخايف تكون مش معجبه بيه

اما منار فبهتم بعلاجها بعد ما مصطفى عرفها ان يزيد مش هيتاذي وكل حاجه عدت على خير وان المحامي شاطر جدا وقال لها على موضوع وليد اللي عايز يتجوز هيام وفرحه منار وقررت تتكلم مع هيام بس بعد شهور العده

اما نيفين قعدت مع سهر وسابت بيت امها وكل يوم خروجات وسهر عند سيد في الكباريه ومع فاروق

وسيد اوقات كثيره بيصورها فيديوهات وهي قاعده سكرانه في حضن فاروق

اما سهر كانت مبسوطه من اللي بيحصل وعلى طول صورت الذهب بتاع نيفين وراحت لواحد بتاع دهب صيني عشان يعمل لها شبهه بالظبط وهتختار الوقت المناسب عشان تحطه في مكان الذهب الحقيقي

وفي يوم جديد صحيت تقى وراحه ناحيه الدولاب وطلعت علبه ودخلت الحمام وهي واقفه قدام المرايه وبصه على العلبه

(وافتكرت لما كانت وفاء عندهم وقالت لها شكلك متغير قوي يا تقى

ردت عليها ازاي يعني

قالت لها تخنت كده شويه وشك منور كده

ضحكه تقى وقالت لها يعني دي حاجه حلوه ولا وحشه

ردت وفاء اصل انا ما ببقى حامل ببقى بالشكل ده

ردت تقى قصدك ان انا ممكن اكون حامل

قالت لها ممكن هي البتاعه ما جتلكيش من امتى

ردت تقى تصدق انا نسيت خالص

ردت وفاء يبقى شكلك يا حلوه حامل بقول لك ايه انتي لازم تجيبي اختبار وتعمليه

ردت تقى انا خايفه

ضحكه وفاء وقالت لها تخافي من ايه يا بنتي ما انتي متجوزه هقول لك على حاجه انا هبعت ابني يجيبه دلوقتي من الصيدليه بيخبي في جيبه

ردت عليها طيب بس مش هعمله دلوقتي

قالت لها مش مشكله اعملي في وقت اللي انتي عايزاه المهم تبقي تطمنيني بالتليفون قالت لها طيب)

وبدات تعملوا تقى التحليل وواقفه مستنيه والباب خبط وقال يزيد انتي جوه يا تقى

ردت عليه ثواني انا خارجه واخذت التحليل وشالته في جيبها وخرجت

وقال لها يزيد مالك

ردت عليه ما فيش كنت بغسل وشي

قال لها طيب ودخل الحمام

وهي حمدت ربنا وراحت عند التسريحه وفتحت الدرج وحطت فيه بتاع التحليل

اما يزيد كان واقف بيغسل وشه ولاحظ علبه محطوطه على الحوض واستغربها وخرج لقاها مش موجوده وحطاها على التسريحه وبدا يلبس هدومه ويسرع شعره

ويطلع موبايله صور العلبه وسابها وخرج شاف تقى بتسرح لصفا شعرها

وقال لها ايه الحلاوه دي ابتسمت صفا

وقالت له شفت يا بابا ماما مخلياني احلى واحده في المدرسه ازاي

رد عليها طول عمرك يا قلبي احلى واحده ضحكه صفا وقالت تقى صاحي بدري يعني

رد عليها اصل انا اللي هودي العيال المدرسه النهارده فرحه صفا

قالت له طيب استنى خد كوبايه عصير قبل ما تنزل

رد يزيد لا ما ليش نفس راحت جابت بطرمان العسل الابيض وادت لصفا معلقه

وقربت من يزيد عشان تدي له معلقه عسل بص لها برفعه حاجب

وقال لها طب صفا بنت صغيره انا كمان صغير

ضحكت تقى وقالت لها شفت يا صفا بابا بيخاف من العسل ازاي ما يعرفش فوائد العسل

ردت صفا بطفوله ليه يا بابا العسل ده بيخليك قوي وشجاع وكبير وشعرك ما يقعش

ضحك يزيد وقال لها حاضر يا ست صفا هاخد معلقه العسل وامري لله

ردت تقى شاطره يا صفا وادت ليزيد معلقه عسل ونزلوا على تحت لقوا هند ومنار مجهزين الاولاد وعاملين السندوتشات

ردت منار خد السندوتشات بتاعتك يا صفا

ردت عليها حاضر يا عمتو

وقال يزيد يلا يا اولاد عشان اوديكم المدرسه انا

ردت منار ما مصطفى كان هيوديهم

قال لها مش مهم انا صحيت بدري قلت اوديهم انا

قالت له طيب وخرجوا ركبوا العربيه اما مصطفى فنزل وقال العيال فين

ردت منار يزيد وداهم المدرسه خشي يا حبيبي ريح شويه في اوضتي القديمه

رد مصطفى لا انا قاعد معاكي شويه قبل الشغل

ردت منار طيب يا حبيبي

اما تقى دخلت المطبخ مع هند يحضروا الفطار للرجاله عشان يروحوا شغلهم

وفي شقه سهر دخلوا البيت

وقالت سهر اول مره نخش البيت بدري كده

ضحكه نيفين وقالت لها بدري من عمرك يا اختي انتي عارفه الساعه كم 7:30 الصبح

ردت سهر مش انتي اللي لازقه لفاروق ومش عايزه تسيبيه

ردت نيفين يا هبله كنت بربط معاه في مصلحه كده يمكن نطلع من وراه بقرشين

ردت سهر باستغراب مصلحه ايه

ردت نيفين بصي هو مش عايز سيد يعرف عشان خاطر ما يقولش عايز يخش المصلحه عشان بقى له كذا مره يقول له شوف لنا مصلحه يا باشا من اللي احنا كنا بنخشها

فهمت سهر ان فاروق عايز يلعب لوحده وياخد كل حاجه منها من غير ما سيد يعرف وقررت تلعب معاه بس بطريقتها هي وتعرف سيد كل حاجه

ردت سهر طب يا اموره وانتي هتجيبي له الفلوس منين عشان تديها له

ردت نيفين ممكن ادي له الذهب بتاعي وشويه من الفلوس اللي في البنك

ردت سهر طب بقول لك ايه ما تتجوزيه عرفي وتبقى فلوسك هي فلوسه وما تديلوش حاجه خالص واطلبي منه المهر تكون هي الارباح اللي هتطلع لك من المصلحه ديت

ردت نيفين تصدقي معاكي حق بس رجعت وقالت مش هينفع

ردت سهر ومش هينفع لي يا اختي

قالت لها ما تنسيش ان انا رافعه قضيه على جوزي عشان اخذ حضانه العيال وهشرط عليه انه يرجعني لذمته

ردت سهر يعني انتي عارفه توصلي له ده كل ما المحضر يروح لهم لم يستدل على عنوانه يعني القضيه لسه عليها بدري اتجوزي شهر ولا اثنين ولمي منه قرشين حلوين وتدلعي نفسك كمان في العز اللي هو فيه

ردت نيفين بطمع تصدقي معك حق ده كفايه الفيلا اللي كان مسهرنا فيها اول امبارح تحفه وبيقول لي ان هو جايبها للمزاج وبس يعني ده بعيد عن الفيلا اللي هو عايش فيها

ردت سهر عشان تعرف انك غبيه وكنت ناويه تضيعي اللي حيلتك عليه

ردت نيفين خلاص انا هتكلم معاه بس انا مش هعرف اجيب له سيره الجواز

ردت سهر سيبيها عليا وانا هخليه يطلب منك الجواز بكره الصبح كمان

ردت عليها طب ازاي

قالت لها سهله قوي احنا هنقول له انك جاي لك عريس او جوزك هيرجع لك وانتي بتفكري في الموضوع وهو عشان بيحبك وداخله دماغه هيقول لك انه عايز يتجوزك بس انتي اشرطي عليه انك تتجوزيه عرفي

ردت نيفين ومش معنى عرفي يعني

ردت عليها عشان يا حبيبتي وقت ما جوزك يروح المحكمه وتشرطي عليه انه يرجع لك ساعتها تقطع الورقتين ولكنك كنت متجوزه وفي حياتك راجل تاني

ردت نيفين خلاص ماشي شوفي هتعملي امتى وقولي لي

ردت سهر طيب يا حبيبتي خشي ريحي وانا هنزل مشوار وارجع

ردت نيفين هتروحي فين

قالت لها ما فيش هروح بس اشوف الفيزا بتاعتي مش شغاله ليه واشوف الارباح ما نزلتش للشهر ده

ردت نيفين طيب ودخلت الاوضه عشان تنام

وسهر مسكت التليفون واتصلت على سيد وقالت له انت فين انا جايه لك

رد عليها ماشي انا في الكافيه مستني زبون

ردت عليه تمام وقفلت معاه وسيد كان قاعد مستني يزيد اللي وصل

وقال له عملت ايه يا سيد رد عليه بص يا معلم دي فيديوهات وصور انا عرفت اجيبها لها في الكباريه اللي بتسهر فيه

استغرب يزيد وقال له كباريه ايه

رد عليه اصل ملمومه على واحده وماشيه معاها وبيجوا الكباريه عندي وبيتقابلوا مع واحد هناك وبيسهروا مع بعض وانا صورتهم

رد يزيد تمام يا سيد ما تعرفش اللي هي ملمومه عليها اسمها ايه

رد سيد اسمها سهر وعايشه معاها في نفس الشقه وده العنوان لو حابب تتاكد

رد يزيد تسلم يا سيد ولو في جديد ابقى قول لي وانا هبعت لك بقيه حسابك ال 200 الف النهارده

رد سيد يدوم يا معلم وقام يزيد عشان يمشي وخرج عشان يركب العربيه

كانت سهر دخل الكافيه ويزيد بيطلع المفتاح عشان يفتح العربيه وافتكر انه حطه على الترابيزه اللي كان قاعد عليها هو وسيد ورجع عشان يجيب المفتاح

واتفاجئ بسهر اللي قاعده جنب سيد وهو حاطط ايده على كتفها وبيتكلم معاها

وشاور يزيد للشاب اللي بيجيب الطلبات وقال له انت تعرف الست اللي هناك دي

رد عليه اللي مع سيد

قال له ايوه قال له والله يا بيه شكلها كده مرافقاه

اتصدم يزيد وحمد ربنا انه كان متجوزه عرفي وان ربنا انعم عليه بتقى

وقال له طب بص المفاتيح بتاعتي نسيتها على الترابيزه وروحوا هاتها ولو سالك قل له معلم هو اللي بعتني وانا كنت بره

رد عليه الشاب حاضر يا بيه دقيقتين بالظبط وهجيب لك المفتاح وخرج يزيد

وقرب الشاب من الترابيزه وقال هاخد المفاتيح يا معلم سيد

رد عليه مفاتيح ايه رد عليه المعلم اللي كان قاعد معاك نسي المفاتيح بتاعته وهو قال لي خش اجيبها

رد سيد طب خدها واخدها ومشي الشاب

وقالت سهر من المعلم ده

رد عليها ما فيش يا ستي ده زبون عندي المهم ما نمتيش ليه بعد السهره اللي احنا عملناها

ردت عليه انت عرفت ان فاروق كان عايز ايه من نيفين

رد عليها عايز ايه يعني مش احنا اتفقنا انه هيجيب من وراء الفلوس

ردت عليه لا يا حبيبي ده معلقها في مشروع وانها تكسب من ورا الذهب بس تجيب له الفلوس وهشغلها لها على طول

رد سيد وايه يعني يا بت مش ده كان اتفقنا من الاول

ردت عليه كان اتفقنا لو كان هو ما قالهاش اوعي تقولي لسهر او لسيد عشان سيد كان عايزني اشاركه بس انت عارفه الظروف وانه بلطجي ومش هينفع نظهر مع بعض في الصوره

رد سيد ماشي يا فاروق يا ابن الكلب انا هوريك اعمل ايه خلاص يا سهر روحي على البيت وابقي طمنيني عليك

ردت عليه بدلع من عيني الاثنين ومشيت سهر

اما عند يزيد وقف بالعربيه ومسك التليفون وفتح الصور والفيديوهات بتاعه نيفين واتفرج عليهم وهو مصدوم من لبسها وكلامها وضحكها وقربها من الراجل

وقال ده انا كنت متجوز وسخه وكانت عاملاني ابو قرنين الحمد لله اني طلقتها وقفل الفيديوهات والصور

واتصل على المحامي وقال له يا كرم انا جالي صور وفيديوهات لينفين

رد عليه ما احنا قلنا مش هينفع لازم حاله تلبس

رد يزيد ماشي يا كرم واقفل معاه واتصل على سيد اللي قال له بص يا سيد انا هديك مبلغ ثاني بس عايزك تقول لي امتى نيفين هتبقى مع الراجل ده في شقه لوحدهم او لمكان لوحده

رد سيد بطمع من عيني يا معلم بس اهم حاجه سيرتي ما تبقاش في النص

رد عليه بقول لك ايه ما تلعبش معايا اللعبه دي وانا عارف ان انت اللي مشي الموضوع مع نيفين وصاحبتها فما تصيعش عليا

اتصدم سيد وقال له والله يا معلم ما عملت حاجه

رد عليه افهم يا سيد عشان ما اقلبش عليك وانت عارف قلبتي بالسجن على طول خاف سيد

وقال له خلاص خلاص يا معلم هعمل لك كل اللي انت عايزه

رد عليه ماشي يا سيد بس اعمل حسابك صاحبتها دي كمان عايزه يتعلم عليها

رد سيد حاضر واقفل معاه وهو بيضحك مش عارف الناس ديت فاكرني طيب كده ليه

اما سيد كان خايف من تهديد يزيد عشان عارف ان ممكن يحبسه انه كان بيتعامل مع الريس بتاع سيد ولما ضايقه حبسوا في قضيه شيكات 10 سنين وهو خايف على الشيكات بتاعته اللي عنده

اما يزيد مشي بالعربيه وراح على السنتر

اما في البيت كل قاعد بيفطر وسال صابر يزيد فين

ردت منار راح يا بابا يوصل الاولاد وبعد كده هيطلع على مشوار

رد عليها ماشي يا بنتي انتي عامله ايه دلوقتي

ردت عليه الحمد لله يا بابا بقيت احسن وماشيه على العلاج وعندي زياره للدكتوره النهارده

رد عليها ربنا يطمننا عليك يا بنتي اما تامر كان قاعد وعينيه على سمر وممدوح كذلك

وقالت منار انتم وراك النهارده حاجه في الجامعه

ردت دينا بصراحه كده عندي محاضره بس مش عايزه اروحها كنت اريح شويه في البيت

ردت سمر في حاجات كثيره مش فاهماها والرياضه صعبه قوي بفكر اروح مكان بيدي زي دروس كده اخشها

ردت منار ممدوح في حاجه زي كده

رد عليها ايوه فيه بس المكان ده بعيد

رد تامر بسرعه انا ممكن اساعدك انا في الرياضه شاطر جدا ابتسمت سمر وتقى انتبهت للكلام

وقالت له طب ازاي يا حبيبي وانت في هندسه

رد عليها ما تنسيش ان انا كنت علمي رياضه لان انا ممكن اساعدها بسهوله

ردت منار لو هتعطلك بلاش انت عارف ان كليتك صعبه وكمان عشان خاطر شغلك

رد عليها ما انا هساعدها كل يوم ساعه بالليل بعد الغداء ويوم الاحد هقعد معاها اليوم كله

ردت منار شكرا يا تامر هنتعبك معانا

رد عليها ولا تعب ولا حاجه ودينا غمزت لسمر وهي ضحكه

وقال مصطفى يلا يا علي خلينا نروح السنتر عشان هنتاخر رد عليه يلا يا مصطفى

وقاموا الشباب عشان يروحوا جمعتهم هم كمان

وقالت دينا بقول لك ايه يا تقى انا نفسي اكل بشاميل من ايدك الحلوه

ضحكه تقى وقالت لها انتي عارفه انا نفسي اكل ايه

ردت عليها قولي يا اختي نفسك تاكلي ايه

قالت لها نفسي اكل بصاره وبتنجان مخلل وقرنبيط وبطاطس محمره وجبنه قريش

ردت منار تصدقي وانا كمان

قالت هند وانا كمان نفسي اكون الاكله دي

ردت دينا بقول لكم ايه كل اللي انتم عايزينه بس هي هتعمل لي بشاميل ما ليش فيه

ردت منار سيبك منها دي بنت خايبه ما تعرفش يعني ايه الاكله الجامده دي خلاص يا تقى احنا هنعملها النهارده ونعمل صينيه بشاميل وبانيه عشان اللي مش عايز ياكلها

ردت هند وانا هقوم اعمل معاكي

وقالت تقى ماشي يلا يا منار عشان تاخدي العلاج بتاعك الاول والابره

ردت عليها والنبي اسكتي ما تفكرنيش انا مش عارفه ليه قالت لي اخذ ابرتين قبل ما اروح لها

ردت تقى يعني انتي حسيتي بالابره بتاعه امبارح ما انا ايدي كانت خفيفه

ردت عليها بصراحه ايدك خفيفه بس الابره هي اللي قويه شويه بتحرق

ردت تقى معلش ما هي ابره التثبيت كده

ردت عليها ماشي يا ستي امري لله

ودينا قالت لهم انا هخش اذاكر شويه

قالت لها طيب

وهند قالت طب بقول لكم ايه عقبال ما اطلع اللحمه تفك والبانيه حد عنده هدوم عايزها تتغسل

ردت تقى اه في هدوم للاولاد بس خليهم احنا نغسلهم على الغساله اللي انا جبتها غساله حلوه ومريحه مش هتتعبنا

ردت منار الاوتوماتيك دي

ردت تقى اوتوماتيك ايه دي غساله من فوق بتشيل 13 كيلو بس غساله حلوه بتغسل وتعمل كل حاجه احنا يا دوبك هننشر

ردت منار خلاص انا هبقى اقول ليزيد يجيب واحده هنا في الشقه بدل ما نبوظ غسالتك تبقى هي هنا وكل الغسيل يتحط فيها

ردت تقى طيب يا ستي يلا عشان اديك الابره وكمان اكلم يزيد يجيب حاجات من الصيدليه للعيال

ردت منار هتجيبي ايه قالت لها هجيب لمؤمن فيتامينات بشكل الكاندي والملبس والحاجات ديت وكمان خليه يجيب لهم معجون سنان وفرش ويجيب لنا واخواتي كمان عشان بتوعنا خلصوا

ردت هند طب ما تنسيش حاجتنا احنا كمان بقى ضحكه تقى وقالت لها من عيني الاثنين وانتي يا منار مش عايزه

ردت عليها عايزه تجيبي جيبي مش عايزه انا هتصل بمصطفى يجيب لي كل حاجه يا اختي

ضحكه تقى وقالت لها انتي بس تؤمري واحنا نجيب لك يا قمر

ضحكه منار قالت لها ماشي يا اختي كلي بعقلي حلاوه زي ما اكلت عقل اخويا ضحكه تقى

ودخلت الاوضه مسكت التليفون واتصلت على يزيد اللي رد عليها ايه يا قلبي في حاجه ابتسمت تقى

وقالت له لا ما فيش حاجه بس في حاجات انا عايزاها تجيبها لي من الصيدليه عشان خلصت

رد عليها حاجات ايه

قالت له الحاجه للدكتور كتبها بتاعه امبارح للولاد الفيتامينات وكمان معجون الاسنان

رد يزيد طب صوري لي الروشته وانا هجيبها

ردت عليه بس هات لي مالك وحور هي كمان

قال لها من عيني

قالت له ما تنساش تجيب من المعجون الاسنان للكبار والصغيرين وفرش كمان بعددنا

قال لها حاضر يا ستي حاجه ثانيه

ردت عليه ايوه عايزه مجموعه مندولين لصفا وكمان لو جبت الحور تبقى ميه ميه

ضحك يزيد قال لها من عيني هجيب لك كل اللي انتي عايزاه

قالت له بس في حاجه انا عايزاه انا كمان بس لما تروح عند الصيدلي ابقى ادي له التليفون عشان اقول له عليها

رد يزيد بغيره قولي لي انا وهجيبها لك

قالت له دي حاجات للجسم بادي لوشن وكمان شامبو وكريم للجسم وبادي سبلاش

رد يزيد اكتبي كل حاجه عندك في رساله وانا هجيبها لك او صوري لي الحاجه اللي كانت عندك وانا اجيب لك زيها

ردت تقى تمام وقفلت معاه وخرجت عشان تدي لمنار الابره

اما في شقه سهر فدخلت بالراحه وراحت ناحيه اوضه نيفين اللي لقيتها رايحه في نوم عميق ونامت جنبها على السرير وهي بتفكر ان النهارده احسن يوم عشان تبدل الذهب فيه احسن من فاروق انه ياخده ولا سيد هي اولى بيه وراحت في نوم عمتي هي كمان

اما في السنتر عبد الرحمن دخل

وقال ايه يزيد جاي بدري يعني

رد عليه اصل انا كنت في مشوار كده

رد عبد الرحمن مشوار ايه

قال له اقعد وانا هحكي لك وحكى يزيد كل حاجه حصلت معايا من ساعه ما قابل سيد لغايه ما شاف سهر

رد عبد الرحمن وايه اللي جمع الشامي بالمغربي

رد عليه ما هو ده اللي هيجنني اللي خلى سهر بنت الكلب دي تبقى صاحبه نيفين الا لو في مصيبه ما انت عارف سهر مصايبها كثيره

رد عبد الرحمن قلت لك بلاش منها انت اللي قعدت تقول للبنت داخله دماغي

رد عليه بس تصدق انا متكيف من معرفتهم ببعض

رد عليه هي سهر ما تعرفش ان انت لما بتكتب العقد العرفي بتكتب وصل امانه معاها

ضحك يزيد وقال له لا طبعا ما تعرفش ما انت عارف ان هي الوحيده اللي عملت معاها كده عشان كنت خايف منها

رد عبد الرحمن طب يا سيدي ما هي تحت ضرسك اهو وهتعمل لك اللي انت عايزه

رد يزيد انا مش عايزه هي انا عايز نيفين وسيد هو اللي هيعمل لي اللي انا عايزه

رد عبد الرحمن ماشي يا سيدي هسيبك انا بقى وانزل اشوف الشغل ماشي ازاي رد عليه ماشي

وبعد وقت طويل خرج يزيد من الشغل ومعاها علي وقال له استنى اروح الصيدليه هجيب حاجات للدكتور كتبها للعيال وهنمشي

رد علي ماشي يا سيدي هستناك في العربيه ووصل يزيد صيدليه ودخل

وقال السلام عليكم

رد عليا عليكم السلام ورحمه الله وبركاته ازيك يا معلم عامل ايه

رد عليك كويس يا دكتور احمد بقول لك ايه انا عايز الحاجات ديت تطلع لي التليفون ودخل على الاستوديو عشان يطلع الصور اللي بعتتها لي تقى

رد الدكتور تمام

رد يزيد بس اهم حاجه تقسمهم لي على شنط يعني الفيتامينات ديت تقسمها على اربعه وكل شنطه لوحدها وكمان معجون الاسنان بتاع الاطفال تحط في كل شنطه بتاعه الاطفال المعجون بتاعها والفرشه بس تخليهم اثنين ولادي واثنين بناتي

رد الدكتور احمد بضحكه ربنا يخلي

رد يزيد يا رب

قال له حاضر وفعلا عمل كده وقال يزيد وكمان عايز المجموعه بتاعه الشعر اسمه بندولين لبنتين وحطهم لي في شنطتين بتاعه البنات

رد الدكتور طب استنى بقى اكبر الشنط شويه

قال له ماشي عمل كده وقال له ايه ثاني

قال له عايز الحاجات ديت ووراه الصور اللي هي طالباها تقى

وقال له طب انت محتاج اختبار الحمل ده بس في نوع احسن منه

رد يزيد باستغراب اختبار حمل ايه قال له العلبه اللي انت وريتها لي دي بتاع اختبار حمل

وبص يا يزيد في الصوره وشايف الصوره اللي هو صورها وقال له هو ده اختبار حمل

رد عليه الدكتور ايوه

وقال يعني تقى حامل

رد الدكتور اجيبه لك ولا لا رد يزيد لا هات الحاجات الثانيه وكمان معجون اسنان للكبار بس نوعه يكون كويس وهاتي الحاجات بتاعه الستات دي منها خمس شنط وكل شنط زي بعض بس خليهم مختلفين في الروايح واحده بس زي اللي هي طالباهم والتانيين مختلفين عن بعض

رد الدكتور تمام وقف يزيد مبسوط ان ممكن تقي تكون حامل منه وقال الدكتور خلاص كده

رد يزيد طب بص انا محتاج حاجات تانيه

رد عليه قال له ايه هي

قال له عايز حاجات رجالي كريم حلاقه على مكن حلاقه على سبريهات برفانات ظبطهم يعني واعمل كام الشنطه بتاعتي اللي انا عايزها واللي انت عارف طلبي فيها واعمل زيها اربع شنط بس برده روايح مختلفه

رد الدكتور ايه يزيد هو انت عندك كتيبه ولا ايه

ضحك يزيد وقال له معلش بقى انا قلت اجيبهم كلهم مره واحده

رد الدكتور من عينيا اقعد بقى شويه عشان انت شكلك تعبت من الوقفه

رد يزيد والله معاك حق وقعد يزيد على الكرسي وبعد وقت خلص الدكتور

وقال له الشنط كلها جاهزه ايه

رد يزيد الحساب كام رد الدكتور ما بلاش ضحك يزيد

وقال له قول بس يا دكتور

رد عليه 7800 جنيه

رد عليه خلاص هبعتها لك وانا مروح زي كل مره

رد الدكتور طيب يا معلم

وخرج يزيد من الشنط ورجع تاني وقال له ممكن يا دكتور تكتب على كل شنطه اسم الشخص اللي هياخدها ضحكه الدكتور

وقال له حاضر يا سيدي وفعلا عمله كده وخرج يزيد بالشنط

وقال علي ايه يا عم اتاخرت كده ليه ده انا قلت انت تهت جوه ولا اتخطفت

ضحك يزيد وقال له قلت اجيب لك كل حاجه بالمره

قال له ماشي يلا بقى عشان انا جعان رد يزيد ومن سمعك ومشوا بالعربيه

اما في البيت هند وتقى خلصوا كل حاجه ومعاهم دينا وسمر اللي حضروا السفره

وقالت دينا طبعا انتي يا سمر هتاكلي بشاميل معايا وبانيه

ضحكه سمر وقالت لها بصراحه لا البصاره ريحتها جميله وانا هاكلها

ردت دينا خليكي كده وش فقر وضحكوا مع بعض وطلعوا كلهم يقعدوا

ودخلت منار مع مصطفى وهي مبسوطه وقال صابر هاي يا بنتي الدكتوره قالت لكم ايه

ردت عليه كل حاجه كويسه يا بابا الحمد لله احسن من الاول كثير

رد مصطفى فعلا يا عمي

قال له الحمد لله يا ابني طب يلا اقعدوا عشان تتغدوا وشويه يزيد جه هو وعلي وقعدوا هم كمان والكل بدا ياكل

وقال الحاج صابر مين اللي عامل البصاره ديت

ردت هند تقى يا عمي بص لها

وقال لها تسلم ايدك يا بنتي البصاره طعمها جميل قوي

ردت عليه الله يخليك يا عمي بالهناء والشفاء على قلبكم

وقالت دينا يعني انا اللي هاكل البشاميل والبانيه لوحدي ضحكه الكل وكانوا قاعدين في جو عائلي جميل ويزيد عينيه على تقى

اما في شقه سهر صحيوا من النوم وقامت سهر دخلت المطبخ تشرب كوبايه عصير

وقالت نيفين مش هنفطر ولا ايه

ردت سهر سيد كلمني وقال لي ان هو عازمنا على الاكل بره في مطعم

ردت نيفين طيب هاتي حته كيكه من اللي عندك دي ولا جاتوه من الثلاجه

ردت عليها سهر طيب يا قمر المهم انا عايزاك النهارده ما تديش لفاروق اهتمام خالص ما تتكلميش كثير معاه

ردت نيفين حاضر يا سهر ما نشوف اخرتها ايه

ردت عليها اخرتها هنا وسعاده وبكره تقولي سهر

قالت لها ردت عليها كله هيبان يا مزه يلا خليني اقوم اخذ الدش بتاعي

قالت لها ماشي ودخلت نيفين الحمام وراحت سهر وقفت على الباب ولما اتاكدت ان الدش اشتغل راحت طلعت علبه الذهب بتاعه نيفين اللي محطوطه في الدولاب وطلعت الذهب اللي هي جايباه ومبدلتهم وشالت الكيس الذهب تحت السرير وخرجت تاني من الاوضه ولكنها عملت حاجه

رواية الرقاصة والمعلم

الفصل الثالث والثلاثون33بقلم اميرة خالد

وقالت منار الشنط دي كلها يزيد

رد عليها بصي يا ستي كل شنطه وعليها اسمه يعني كل واحد فيكم ياخد شنطته

ردت منار ماشي يا يزيد وكل واحد خد شنطته

وقالت سمر الله حاجات حلوه كثير ايه ده يا عم يزيد الدلع ده كله

ضحك يزيد وقال لها اي خدمه يا ستي وفضلوا قاعدين في جو عائلي جميل بين الهزار والضحك

وصابر كان فرحان ان ولاده عايشين في الجو ده بعد التعب الفتره اللي فاتت

اما عند سهر ونيفين كانوا عند سيد في الكباريه وبياكلوا

وقال سيد صحيح اللي انا سمعته ده يا نيفين اللي جاي لك عريس

ردت نيفين وهي عليها على فاروق ايوه بس بصراحه لسه بفكر وفاروق كان قاعد متغاظ وعينيه على سيد

وقالت سهر بقول لك ايه يا سيد تعالى عايزاك في موضوع

رد عليها قوم يا سهر وراحوا بعيد

وقال فاروق وهو بيقعد جنب نيفين ايه اللي سمعته ده انتي فعلا عايزه تتجوزي

ردت نيفين وما اتجوزش ليه

قال لها طب والمشروع اللي بينا

قالت له ما هو اللي انا هتجوزه ده راجل اعمال برده وهيكتب لي الشركه بتاعته باسمي كمان فيلا

رد فاروق وهو بيحط ايده على ظهرها يعني انتي نسيتيني يا فيفي

ضحكه بمياعه الحب حاجه والجواز والمصلحه حاجه ثانيه

رد فاروق طب ايه رايك اتجوزك انا واعمل لك كل اللي انتي عايزاه

ردت نيفين بابتسامه وانا موافقه بس بشرط هنتجوز عرفي والعقد الجواز يبقى معايا

ابتسم فاروق وقال لها انا موافق شدها من وسطها عليه

وقرب سيد وسهر وقال سيد ايه يا جماعه مش يلا عشان نخرج

رد فاروق لا اخرجوا انتم انا وفيفي رايحين مشوار

رد سيد ماشي يا فاروق بس تعالى عايزك اقول لك كلمتين

رد فاروق تمام وقام مع سيد

وقالت سهر ايه وافق ردت عليها اه طبعا وافق بس هو عايزنا نخرج مش عارفه هنروح فين

ردت سهر طيب يا ستي ادلعي براحتك ضحكوا الاثنين

وقال سيد انت رايح فين يا فاروق

قال له ما فيش يا سيدي هروح ادلع معاها شويه

رد سيد وهو بيطلع مفتاح شقه من جيبه طب روح على شقه الزمالك

رد فاروق تمام الدنيا متظبطه هناك

رد سيد كل حاجه مظبوطه وراح فاروق هو وسيد عند البنات يلا يا فيفي عشان المشوار بتاعنا خرجوا ركبه العربيه

وسيد قال لي سهر هروح اشوف الرقاصه اتاخرت ليه

ردت سهر براحتك يا سيد

اما عند يزيد فكان في شقته قاعد مش عارف يسال تقى ازاي على اختبار الحمل وهي كانت في الحمام وخرجت وهي بتنشف شعرها



وقالت له النهارده كان يوم متعب جدا

رد يزيد معلش في حاجه انا كنت عايزه اسالك عليها

ردت تقى سؤال ايه

قال لها احنا متجوزين بقى لنا كم شهر ايه رايك نروح للدكتوره نشوف الحمل اتاخر ليه

اتوترت تقى وافتكرت الاختبار اللي هي عملته

وقالت له مش دلوقتي خليها بعد امتحانات الولاد وكان هيرد بس تليفونه رن باسم سيد

وقال لها ثواني هرد على التليفون

وقال سيد يا معلم نيفين راحت هي والراجل على شقه في الزمالك

رد يزيد ابعث لي العنوان في رساله

رد سيد تمام يا معلم وقفل معاه

وقام يزيد عشان يلبس وقال لها انا رايح مشوار وراجع

ردت تقى مشوار ايه قال لها بعدين هبقى اقول لك وكمل لبسه

وهو ماسك التليفون واتصل على عبد الرحمن وقال له البس حالا هعدي عليك

رد عليه في حاجه حصلت

رد عليه ما فيش وقت البس بسرعه وانا هعدي عليك

قال له ماشي واقفل معاك

وقالت تقى انت بتقلقني يا يزيد في ايه

قال لها والله ما في حاجه ده مشوار كده في السريع وهاجي على طول اطمني انتي بس

قالت له طيب وخرج يزيد واخذت تليفونه مفاتيح العربيه

اما تقى افتكرت الاختبار وراحت فتحت درج التسريحه وطلعته ولقت في الاختبار شرطتين وده معناه انها حامل فرحت وحطت ايديها على بطنها

اما عند يزيد فوصل عند عبد الرحمن لقاه واقف وركب مع العربيه وقال له في ايه انت قلقتني قوي

رد يزيد ما فيش يا سيدي سيد لسه مكلمني

وقال لي ان نيفين راحت مع الراجل الشقه

رد عبد الرحمن طب بقول لك ايه اتصل بكرم وفتح السبيكر وحكى له كل اللي حصل واللي سيد قاله

قال عبد الرحمن هنعمل ايه بقى يا كرم

رد عليه بصي يا يزيد الموضوع كبير اولا انت مخلف منها عيلين يعني الحكومه هتعمل لها قضيه مخله بالاداب دي اول حاجه ثانيا عيالك لما يكبروا هيعملوا ايه

رد يزيد بعد تفكير معك حق انا تهت ومش عارف اعمل ايه المهم ان انا مش عايزه تاخد عيالي مني وتبعد عننا

رد كرم بص احنا هنعمل حوار ونهددها وفي نفس الوقت هنخليها تمضي تنازل على حضانه الاولاد ايه رايك

رد عبد الرحمن هو فيها راي خلص يا كرم عايزين نخلص من الحوار ده

رد كرم خلاص ابعتوا لي العنوان وانا نص ساعه وهكون عندكم

رد يزيد يعني انت هتعمل ايه

قال له بعدين هبقى اقول لك

ومشي يزيد وعبد الرحمن بالعربيه على العنوان ويزيد كان بيفكر في كلام كرم وان عياله لما يكبروا هيعملوا ايه لو عرفوا ان هو السبب ان امهم لبست قضيه بسببها وابوها

وصل تحت العماره وفضل واقفين وشافوا عربيه سيد وصلت ونيفين نزلت وهي لابسه لبس زباله وفاروق حاطط ايديه على وسطها

وبيقول لها اهو يا ستي عملت لك اللي انتي عايزاه كله وكتبنا العقد يلا بقى خلينا نعمل ليله الدخله

ضحكه نيفين بمياعه وقالت له يعني انا اللي ماسكاك يلا بينا ومشي بيها جوه العماره

تحت نظرات عبد الرحمن ويزيد متضايقين من اللي بيحصل

قال يزيد شفت يا عبد الرحمن انا كنت متجوز واحده وسخه بسبب العقربه اللي دخلتها حياتي بس الحمد لله ان كل حاجه اتغيرت وربنا رزقني بتقى وحنينه على عيالي وانا بحبها

رد عبد الرحمن عشان تعرف يا صاحبي ان عوض ربنا احلى بكثير ونبعد عن السكه الشمال اللي كنا بنمشي فيها

رد يزيد فعلا انا هبعد عن كل حاجه عشان خاطر بيتي وعيالي

اما في الشقه قالت نيفين هي الشقه دي بتاعتك يا فاروق

رد عليها ايوه كنت جايبها كده للمزاج بس انتي لو عايزاها هكتبها لك باسمك يا فيفي

ضحكه نيفين وقالت له يا ريت يا فاروق وكمان المشروع ده هنعمله مع بعض

رد عليها مشروع ايه بقى دلوقتي ما تيجي اقول لك على كلام مهم احسن 100 مره من المشروع

ضحكه نيفين وهو مسك ايديها ودخل بيها الاوضه وبدا يبوسها ويقلعها هدومها وهي كمان كانت مندمجه معاه وراحوا ناحيه السرير

(ونسيبهم عشان نهايتهم هتبقى غبره على دماغكم ان شاء الله وبالذات فيفي)

اما تحت وصل كرم ومع البوليس في العربيه بتاعته

وقال يزيد وهو نازل من العربيه الحق يا عبد الرحمن كرم جاب البوليس فعلا

رد عبد الرحمن تعالى بس نشوف هيعمل ايه ونقول له خليه يمشيهم عشان خاطر عيالك

رد يزيد ايوه وقال لكرم هو ده يا كرم اللي احنا اتفقنا عليه

رد عليه اهدى بس واسمعني اعرفك رعد مدرب جيم

اتصدم يزيد وعبد الرحمن وقال له ازاي مدرب جيم ده ظابط

ضحك كرم وقال له بص يا سيدي رعد ده عنده اخ بياجر لبس للممثلين وشغال مع الفنانين في الافلام الاكشن والحاجات ديت طبعا فانا اتصلت بيه وقلت له انه يلبس ظابط ويجيب كم واحد من عنده في الجيم يلبسه عساكر وهنخش عليهم الدخله اللي هي وانا جبت معايا تنازل عن حضانه العيال هنمضيها ونمشي على طول

رد يزيد شكرا يا كرم على اللي انت عملته معايا

رد كرم عشان تردها لي بس في الايام اللي جايه لما اجيب خطيبتي تنقي الحاجه من عندكم

رد يزيد عيني ليك المهم عايزين نطلع دلوقتي

رد كرم تمام ها يا رعد جاهز

قال له عيني ليك يا كرم يلا بينا وراحوا ناحيه البواب

وقال رعد بصوت قوي في ست وراجل لسه طالعين طلعوا انهي شقه

رد البواب بالخوف شقه 8 يا بيه في الدور الثاني

قال له اترزع هنا يلا بينا وطلعوا كلهم على فوق ورعد بس للشباب وقال لهم اكسروا الباب وكسروا الباب

وقال يزيد ارفع التليفون يا عبد الرحمن عشان نصورها

رد عليه ملهوش لزوم

رد عليه لا خليه يمكن احتاجه بعد كده

قال له ماشي وبدا عبد الرحمن يصور وهم كانوا لسه في الاوضه مش حاسين بحاجه

ودخلوا كلهم على صوت نيفين وهي بتصوت في الاوضه واتفاجئوا بالمنظر البشع

وقال كرم اهو يا باشا متلبسين اتصدمت نيفين هي وفاروق

وقالت وهي بتشد الملايه على نفسها انا ما عملتش حاجه

اتكلم يا فاروق قال في ايه يا جماعه

رد رعد بصوت قوي في ان حضرتك هيتعمل لك محضر اداب

خاف فاروق وقال له اهدى بس يا باشا الكلام مش كده

عيطت نيفين وقالت له الحقني يزيد طب عشان خاطر عيالنا ابوس ايدك

رد عليها الحقك يا وسخه بعد اللي عملتيه ودوستي على شرف عيالك في الارض ما انتي ماشيه في الوساخه

وتكلم كرم اهدى بس يا يزيد احنا ممكن نحلها بهدوء والظابط معانا اهو

ردت نيفين ايوه نحلها بهدوء وعلى فكره انا متجوزه ما تقول لهم يا فاروق عقد الجواز فين

رد عليها عند المحامي لسه ما جبناهوش يا باشا

واتكلم كرم مدام عقد الجواز مش معاكوا يعتبر قضيه ان ما حدش يعرف ان انتم متجوزين احنا هنطلع على القسم بمنظرهم ده

ردت نيفين بعياط طب نحلها ود انت عايز ايه مني يا يزيد عشان نخلص من الحوار ده وتسيبني في حالي

رد كرم كده حلو قوي اول حاجه هتمضي لي على تنازل عن العيال وكمان محضر عدم تعرض ليهم باي شكل من الاشكال

ردت نيفين وانا موافقه كده كده ما كنتش عايزه اشوفهم تاني كفايه هم عيالك

رد عليها وهم اصلا مش عايزين يشوفوكي يا وسخه خليكي في الوساخه بتاعتك

ردت نيفين فين يا باشا الورق وانا عندي وكرم طلع الورق ومضاها

وقال خلاص كده يا باشا خلينا نمشي ولو شفت وشك تاني عند يزيد انا مش هحبسك بس ده انا هخليكي تلفي حوالين نفسك

ردت نيفين ومين قال لك ان انا هروح له ثاني ولا عايزه اشوف وش اهله ولا هو ولا عياله

يزيد اعصابه فلتت وقرب منها وضربها بالقلم وشد شعرها وقال لها ماشي يا زباله اياك اشوفك قريبه من مكان احنا فيه انا ولا عيالي

قرب كرم وعبد الرحمن شدوه وقال كرم خلاص يا يزيد احنا عملنا اللي احنا عايزينه يلا خلينا نمشي وخرجوا كلهم

اما عند تقى كانت قاعده قلقانه على يزيد ومسكت التليفون واتصلت على وفاء

ردت عليها ليه يا بنتي عامله ايه

قالت لها انا كويسه ما تعرفيش عبد الرحمن رايح فين مع يزيد

ردت عليها والله ما اعرف بس المهم

ردي عليا انت عملتي الاختبار ولا لا طمنيني

ردت عليها اه عملته ولقيت في شرطتين

فرحه وفاء وقالت لها مبروك

ردت عليها الله يبارك فيك انا مش عارفه هقول لي يزيد ازاي والنهارده كان بيقول لي ان هو عايزنا نروح للدكتوره عشان نشوف موضوع الخلفه

ردت وفاء طب بقول لك قومي خدي شاور واعملي ميك اب حلو والبسي قميص حلو هو انا اللي هقول لك ده انتي اساس الدلع كله يا تقى ولا ناسيه

ردت عليها اقول لك على حاجه انا لسه بتكسف من يزيد وما كانش فيه بيننا علاقه الفتره اللي فاتت دي خالص من ساعه ما رجعت

ردت وفاء طب دي حاجه كويسه ابدئي من اول السطر معاه وكملي يا حبيبتي وفرحيه وفرحي قلبك انتي كمان

ردت تقى انتي شايفه كده

قالت لها عيب عليك قومي بقى وعايزه بكره اكلمك الاقيك مبسوطه

ضحكه تقى وقالت لها ماشي يا ستي وقفلت معاها

وفعلا قامت راحت ناحيه الدولاب وطلعت قميص نوم حطيته على السرير وقلعت هدومها ولبسته وراحت قعدت قدام المرايه وبدات تمكيج نفسها

اما عند يزيد والرجاله وقال كرم خلاص كده يا عم كل حاجه انتهت وبكره بتاع المحضر اتصل بيه خليه يجي يسلمك الاعلان عشان اروح اقدم التنازل ونخلص من الحوار ده

رد يزيد انا متشكر قوي يا كرم على اللي انت عملته معايا وتشكر لي الرجاله

ضحك كرم وقال له ماشي يا سيدي يلا همشي انا بقى واعمل حسابك ان بعد بكره جاي انا وخطيبتي ناخذ الحاجه اللي احنا محتاجينها لازم تعمل لي تخفيضات

رد يزيد حاضر يا عم يلا سلام وراح ركب العربيه

وقال لعبد الرحمن ابعث لي الفيديو وامسحه من عندك

رد عليه عيب عليك يا صاحبي انا بعته لك من ساعه ما نزلنا ومسحته وادي التليفون لو عايز تتاكد

رد عليه ما تقولش الكلام ده يا عبد الرحمن انت اخويا وانا واثق فيك ابتسم

وقال له ماشي يا سيدي كده انت ارتحت خالص من موضوعها ويا ريت تنتبه لبيتك ولاهلك

رد يزيد مضى اللي هيحصل يلا تعالى عشان اوصلك بدل ما وفاء تتصل بيك فيديو وتقول لك انت فين

ضحك عبد الرحمن وقال له ما تفكرنيش ده انا قعدت اسبوع في مرار طول الوقت بكلمها فيديو في اي مكان اكون فيه

ضحك يزيد هو كمان ومشوا بالعربيه

اما عند تامر كان قاعد على السرير بيكلم سمر على الماسنجر وفرحان

اما في اوضه دينا وسمر كانوا قاعدين ولقيت سمر سرحانه في التليفون وقربت منها ووقفت وراها وشافتها وهي بتكلم تامر

وشده التليفون وسمر فاقت وقامت وقفت بسرعه

وقالت لها هات التليفون ضحكه دينا

وقالت لها لا هي شكلها السناره غمزت ولا ايه

ردت سمر والله يعني هي ما غمزتش عندك ده انا شايفه نظرات ممدوح طول الوقت عليك واحنا قاعدين

اتوترت دينا وقالت لها لا ما فيش حاجه من الكلام ده

ضحكه سمر وقالت لها ما انا عارفه وقعدت ودينا ادتها التلفون

وقالت لها هو باين اول الدرجه دي

ردت عليها اه يا اختي باين للدرجه دي ونص انتي ما بتشوفيش نظراته عامله ازاي كلها حب وعشق

ردت دينا انا خايفه

ردت سمر خايفه من ايه على فكره ممدوح راجل وانا متاكده انه هيكلم اخوه وهيتقدم لك

فرحه دينا وقالت بسرعه متاكده

ردت عليها ده انتي واقعه قوي وفضلوا يضحكوا

وقالت لها سمر عايزه اقول لك على حاجه بس ما تزعليش مني

ردت عليها قولي يا ستي

قالت لها تامر مش زي الشباب اللي موجوده اليومين دولت تامر راجل ولو في مشاعر من ناحيته ليكي هيتقدم لك على طول بس اوعي تكوني بتلعبي بيه صدقيني تامر طبعه صعب جدا

ردت سمر على فكره انا زعلانه منك يعني انتي طول الفتره دي وشايفاني ان انا ممكن العب بتامر تبقى بتحلمي على فكره يا دينا تامر غير حاجات كثيره فيا وخلاني اتغير

واهتم بحاجات ما كنتش مهتميه بيها زي العيله واللبس والجامعه وانا مبسوطه ان انتم دخلتوا حياتنا والله العظيم يا دينا انا فعلا بحب تامر بس هو اللي المفروض يعترف الاول ما ينفعش انا لا اروح اقول له واهو مستنيه لغايه ما يجي يقولها لوحده

ردت دينا انا متاكده انه هيفاتح تقى في الموضوع عشان تكلم يزيد بس انا عارفه انا مش هيتكلم غير لما يكون في ايديه قرش ويكون قد المسؤوليه

ردت سمر وانا هقف جنبه لغايه ما كل حاجه هتتحل

ردت دينا طيب يا ستي الوقت اتاخر يلا خلينا ننام عشان الجامعه الصبح

قالت لها طيب وراحوا ناموا على السرير وسمر فتحت التليفون وبعتت رساله لتامر وهي بتقول له يلا تصبح على خير عشان بكره رايحه الجامعه رد عليها وانتي من اهله

وبعد وقت وصل يزيد البيت بعد ما وصل عبد الرحمن وطالع وهو مبسوط ودخل شقه واول ما دخل اوضه النوم بينبهر من شكل تقى



وقال بتوهان ايه الحلاوه ديت اتكسفت تقى وهو كمل كلامه هو انا شكلي كده غلطت في الشقه ولا ايه

ردت تقى وانا شكلي اتغير قوي كده للدرجه دي

رد يزيد مش قوي يعني الاول كنت زي القمر دلوقتي بقيتي قمرين ضحكه تقى

وقالت له هتفضل واقف عندك كثير

رد عليها لا طبعا ودخل وهو بيصفر

وقال لها بس انا عايزه اسالك سؤال ايه الحلاوه دي كلها اه في مناسبه ولا ايه

ردت تقى بصراحه كده هم حاجتين اول حاجه اني نويت اكون مراتك واكمل معاك بقيه عمري وانا في حضنك ثاني حاجه وهي قربت منه ومسكت ايديه وحطيتها على بطنها

وقالت له في حاجه هنا بتكبر جوايا وهتبقى حته مني ومنك

ابتسم يزيد وفرح وحضنها وهو بيلف بيها وقال لها اهو ده احلى خبر سمعته النهارده

ردت عليه انا عارفه المهم بقى ممكن تقعد عشان تاكل

رد عليها اكل ايه ده احنا لازم نحتفل بالخبر الجميل ده وشالها وراح بيها ناحيه السرير وبدا يبوسها برقه واول ما حس ان جسمها اتخشب

قال لها لو انتي مش عايزه ما فيش مشكله انا ممكن اصبر عليك

ردت عليه انا لازم اكسر حته الخوف اللي فيا ديت عشان نكمل مع بعض وانسى اللي فات

رد عليها انا اسف يا تقى صدقيني انا كنت ندمان على اللي عملته بس كنت هتجنن من حبي فيكي

ردت عليه ما فيش مشكله وهو قرب منها تاني بحنيه وحركات مدروسه ونسيبهم في بحر العشق

نروح لوكر الشياطين وكان سيد قاعد مع سهر وبيقول لها فاروق اول ما هياخد منها الفلوس البنت دي تلزمني

ردت سهر هتعمل بها ايه

رد عليها ليها زبونها عندي وهشغلها مع البنات في الكباريه

ردت سهر وهي هتوافق ضحك سيد

وقال لها اكيد طبعا اللي زي دي بتحب الفلوس وهتعمل كده

قالت له طيب

اما في شقه فاروق كانت نيفين قاعده هتطق من جنابها من اللي حصل

وقال فاروق خلاص يا فيفي انا هجيب لك حقك منه وكمان هخليه يجي تحت رجليك ويتاسف لك بس اصبري عليا شويه المهم انا بكره هروح اتفق على العماره الجديده اللي هنبنيها

ردت نيفين خلاص انت عايز مني كام

رد عليها شوفي انتي عايزه تدفعي كام وادفعيه ولو مش عايزه تدفعي خالص اكتب العماره باسمك وتبقى تحت رجليك كمان

ضحكه نيفين وقالت له اللي تشوفه كده كده الفلوس في البنك

رد فاروق طب بقول لك ايه سيبك من كلام في الفلوس ده واستنى اعمل لك كاس حلو قوي

ردت نيفين طيب يا سيدي اعمل لي راح فاروق ناحيه البار وبدا يعمل الكاس واطلع حبايه من جيبه وحطها في المشروب وقلبه

وراح ناحيتها قال لها هشرب يا فيفي عشان ليلتنا طويله قوي ضحكت بمياعه واخذت منه الكاس وشربته اصب لها كاس ورا كاس لغايه ما بقت تهلوس

وفتح شنطتها وطلع الفيزا بتاعتها وسالها الرقم السري كام وهي قالته له وكتبوا على التليفون واخذ الفلوس اللي في الشنطه بتاعتها واحطها في جيبه

ويشيلها ودخل بيها على السرير واقرب منها وبعد وقت نامت نوم عميق

وقام فاروق من جنبها لبس هدومه واخد مفاتيحه والموبايل وخرج واتصل على سيد وقال له كل حاجه تمام بس حصل حوار

رد سيد المهم ان انت جبت الفيزا

رد عليه ايوه جبتها وكمان الرقم السري

قال له خلاص تعالى لي على المحل عشان نروح نسحب كل الفلوس انت حطيت لها الحبايه اللي انا اديتها لك

رد عليه ايوه حطيتها لها

قال له تمام واقفل معاه وبعد وقت

وصل فاروق المحل وكانت سهر قاعده مع سيد

وقال له يلا يا سيد خلينا نروح اي مكنه نسحب الفلوس قبل ما هي تصحى

ضحك سيد ما تخافش الحبايه ديت هتخليها نايمه يومين

ردت سهر ما تقوم بقى يا سيد خلينا نخلص من الموضوع ده عشان اخد نصيبي واسافر

رد فاروق هتسافر فين يا سهر

قالت له اسكندريه اقعد كم يوم لغايه ما سيد يظبط الدنيا

رد فاروق وانا كمان هاخد الفلوس واروح شبرق نفسي صحيح يا سيد حصل معانا حوار كبير قوي في الشقه

رد سيد حوار ايه

قال له الحكومه جت وكمان جوزها وكمان المحامي هو كان هيقبضوا علينا وانا كنت خايف قوي وحمدت ربنا ان جوزها كان عايزها تمضي على تنازل لعيالها

رد سيد والحوار خلص يبقى نوجع قلبنا ليه يا عم انسى

ردت سهر انت متاكد ان جوزها جه

رد عليها بقول لك دخل عليا وانا نايم معاك اوضه النوم متحركوش غير لما هي مضت على التنازل

رد سيد بقول لك ايه فكك من كلام النسوان ده ويلا بينا خلينا نجيب الفلوس وخرجوا كلهم ركبوا عربيه سيد وصلوا على اقرب مكنه اي تي ام

وقال سيد يلا يا فاروق حط الفيزا خلينا نخلص واحط الفيزا فاروق وكتب الرقم السري وطلع المبلغ وكان 400 الف

وقال له شفت يا عم معها قد ايه

رد سيد اسحبهم كلهم

رد عليه مش هينفع احنا نسحب 50 الف ونروح كذا مكنه ونسحب منها 50 الف برده عشان ما حدش يحس اكيد المكنه دي مش هيبقى فيها 400 الف

رد سيد معك حق طب يلا اسحب وبدا يسحب 20 في 20 في 20

وقال له يلا بينا خلينا نروح نشوف مكنه ثانيه قال له تمام ودخلوا العربيه

قالت سهر بقول لكم ايه انتوا تحطوا كل 20 لوحدها واي فلوس كده على ثلاثه برده وكل واحد يشوف حاله

رد فاروق انا معاكي الكلام ده

رد سيد خلاص انا هاخد ال 20 بتوعي دلوقتي وانتي خدي ال 20 بتوعك وفاروق ياخد ال 20 بتوعه

رد فاروق طب يلا بينا خلينا نروح نشوف مكنه ثانيه وفعلا سحبوا الفلوس مره على مره لغايه ما خلوا الحساب صفر

وقال كده كويس قوي هتيجي معايا يا سهر ولا وصلت

ردت عليك لا توصلني البيت انا مجهزه شنطتي عشان اسافر دلوقتي

رد عليها تمام وصل على البيت

وقال فاروق اتكل وانا كمان على الله

رد سيد استنى هوصلك

رد فاروق لا انا اتصلت بواحد صاحبي وهي مع عربيه وهنمشي بيها

رد سيد تمام ونزل فاروق وسيد مشي بالعربيه

وفاروق مسك التليفون واتصل على صاحبه

وقال له انت فين يلا تعالى بسرعه البنت هتخلع بالفلوس

رد عليه تخلع ايه ده انا دقيقتين وهكون عندك انا على اول الشارع

رد عليه تمام وبعد دقيقتين وصل صاحبه بالعربيه وحط فاروق الفلوس في العربيه

وقال له يلا بينا نطلع شقتها وناخد منها الفلوس ونضربها على دماغها ونخلع

رد صاحبه يلا يا فاروق خلينا نخلص بسرعه طلعوا العماره

وفي شقه سهر طلعت كيس الذهب من تحت السرير وحطيته مع الفلوس في شنطتها بتاعه الهدوم

وقالت كده كويس قوي يلا بقى عشان اوصل اسكندريه واعرف اصرفكم يا حبايبي بمزاج

وفعلا شقه سهر وفاروق خبط وسهر فتحت له

وقالت له في حاجه يا فاروق

رد عليها لا ما فيش بس كنت عايزك في كلمتين بعيد عن سيد

ردت سهر معلش يا فاروق ابقى اكلمك بعدين انا لازم امشي دلوقتي عشان ده ميعاد القطر

رد فاروق وانا مش هاخرك يا قطه وحط ايده على بقها وندهت على صاحبه اللي دخل

وهي اتصدمت وحاولت تشيل ايده عشان تصوت وبدات تخربشه على ايديه ووشه

وفاروق حط ايده جامد لغايه ما انا قطعت النفس وقعت في الارض

وقال صاحبه يا مصيبتك السوداء البنت ماتت

رد فاروق اهدى بس ما تخافش هات شنطه الفلوس وانا هتصرف وبدات يمسح اي بصمات ليه

وصاحبه جاب الشنطه وقال له يلا بينا خلينا ننزل ونزلوا على طول وركبوا العربيه

وفاروق فاتح الشنطه ولقى الذهب والفلوس

وقال شفت بنت الحراميه كان معاها الذهب بتاع البنت يلا او استفدنا من وراها

رد عليه طيب هات نصيبي بقى عشان اخلع

رد فاروق الفلوس قد بعض بس الذهب نقسمه بالنص

رد صاحبه تمام وفعلا عملوا كده وكل واحد راح في طريق غير التاني

رواية الرقاصة والمعلم

الفصل الرابع والثلاثون34بقلم اميرة خالد

تاني يوم صحي يا زيد على صوت المنبه وبص عليه لقاها الساعه 7:00 قفل المنبه

و بص عليها وشافها مرهقه وقام بالراحه من جنب تقى ودخل الحمام وخرج مسك التليفون

وراح ناحيه اوضه الصفا ومؤمن واقوم صفا من النوم وقال لها يلا يا حبيبتي عشان تروحي المدرسه

ردت عليه بنعاس سيبيني انام شويه يا ماما

ضحك يزيد وقال لها يعني هي لازم ماما يعني ما ينفعش بابا

فتحت عينها صفا واول ما شافت يزيد نطت عليه حضنته

وضحك يزيد وقال لها يلا يا قلبي عشان تروحي المدرسه

ردت عليه هي ماما فين يا بابا

قال لها ماما نايمه شويه عشان تعبانه

قالت له طيب ودخلت هي الحمام غسلت سنانها وغسلت وشها وخرجت

وهو كان بيطلع لبسها بتاع المدرسه من على الشماعه وقال لها يلا عشان تلبسي يا حبيبتي وساعتها تلبس

وقالت له فين يا بابا معلقه العسل بتاعتي

ضحك يزيد قال لها طيب يا ستي يلا نطلع بره عشان اديها لك وطلعوا بره وراح ناحيه التلاجه وطلع بطرمان العسل وجاب معلقه واديها معلقه عسل

وقالت له وانت يا بابا مش ماما قالت لك لازم تاخد معلقه عسل على الصبح

ضحك يزيد قال لها وانا كمان اهو يا ستي

قالت لي طب مين هيعمل لي شعري ماما نايمه

رد عليها استني ومسك التليفون واتصل على منار اللي ردت عليه صباح الخير يا يزيد

رد عليها صباح النور يا حبيبتي بقول لك ايه صفا هتنزل لك سرحي لها شعرها ممكن ولا يبقى في تعب عليك

ردت عليه ولا تعب ولا حاجه يا حبيبي نزلها هي تقى فين

رد عليها نايمه عشان تعبانه شويه

قالت له طيب يا حبيبي ابقى طمني عليها لما تصحى

قال لها طيب واقفل معاها وبص صفا وقال لها انزلي لعمته وهي اللي هتعمل لك شعرك

ردت عليه طيب يا بابا ونزلت صفا

ورجع يزيد الاوضه وشاف تقى نايمه على بطنها والملايه مغطياها وكان شكلها مغري جدا وقرب منها وشدها لحضنه واكمل نوم

اما في شقه مصطفى الباب خبطت وفتحت منار وكانت صفا وقالت لها تعالي يا حبيبتي هعمل لك انا شعرك

ردت عليها عايزاكي تعملي لي قطتين زي ما ماما بتعمله لي

ضحكه منار وقالت لها حاضر وخرج مصطفى

وقال صباح الخير

ردت عليه صباح النور يعني صاحي بدري

قال لها ممدوح ماسكني زن من الصبح

ردت عليه ليه في حاجه حصلت ولا ايه

رد عليها ما فيش يا ستي عايزني اكلم يزيد عشان يطلب ايد اخت تقى ويخطبها

ردت منار ازاي يعني طب هو في ثانيه تجاره وهي في اولى طب هينفع يعني

رد مصطفى مش عارف او انا هكلم يزيد وهشوف رايه ايه

قالت له على فكره يزيد مش هيبقى عنده مشكله المهم نسال تقى والبنت

قال لها ما هو ده اللي هيحصل وان شاء الله هتكلم معاهم النهارده

وممدوح عمال يقول لي انهم يتجوزوا وهي تكمل في بيته الدراسه

ردت منار بص احنا ما نقولش اي حاجه ونشوف هم الاول رايهم ايه ولو وافقوا ساعتها هنقول الكلام ده

رد مصطفى طيب يا ستي يلا خلي الاولاد جاهزين عشان اوديهم انا

قالت له بس علي قال هيوديهم قال لها خلاص اعملي لي بقى فنجان قهوه من ايديك الحلوين

قالت له حاضر

وقالت صفا بطفوله لا يا عمتو ما تخلوش يشرب قهوه وخليه ياخد معلقه عسل ابيض زي ما بابا بياخد

رد مصطفى وبابا بياخد ازاي بقى يا ستي صفا

قالت له ماما هي اللي قالت له ولو هو ما اخذش معلقه العسل هتزعل منه ضحكه الاثنين

وقالت منار سمعت لازم تاخذ معلقه العسل دلوقتي انت ومالك

وقالت صفا طفوله وانتي كمان يا عمتو

ضحك مصطفى وقال لها وانا موافق و راح جاب بطرمان العسل واخذوا كل واحد معلقه العسل

اما تحت دينا وسمر كانوا صاحيين وبيحضروا نفسهم للجامعه

ونزلت منار وهند والعيال وعلي معاهم وقال يلا يا اولاد عشان نروح المدرسه

ردت سمر بقول لك ايه ما تاخدنا معاك في سكتك

رد علي ما تركبي مع ممدوح ما هو معاه العربيه هو من ساعه ما جابها وانتم ما بتركبوش معاه ليه وبتركبوا اوبر

ردت سمر خلاص يا عم مش عايزه حاجه

وقال تامر تعالي يا دينا اركبي معايا

رد ممدوح وانتي كمان يا سمر انا مشوارنا واحد

ردت منار على فكره بقى مصطفى جايب العربيه ديت لممدوح عشان ياخذكم معاك جامعه غير كده ما كانش جاب له حاجه

ضحك ممدوح و قال لها شكرا يا ام مالك يا اللي رافع من معنوياتي

ضحكت منار قالت له يعني اكدب يعني

قال لها لما تكدبيش بس يعني بالراحه شويه مش دبش كده على طول

ردت عليه خلاص يا عم ما تزعلش قوي كده ابقوا ادوا له حق الاجره اكنه اوفر

رد ممدوح لا ده انتي شكلك كده ايه عايزه تولعيها يلا يا جماعه خلونا نروح الجامعه احسن

وقالت دينا هي تقى ما جتش ليه

ردت منار راحت عليها نومه يا ستي

ردت عليها غريبه يعني

قالت لها ولا غريبه ولا حاجه تلاقيها بس اتاخرت في النوم امبارح

قالت لها طيب عايزين حاجه

رد عليها لا يا حبيبتي

وبعد وقت طويل صحيت تقى من النوم ولقيت نفسها نايمه في حضن يزيد وشادد عليها وابتسمت وحاولت تقوم

وقال يزيد خليك شويه اتكسفت تقى وقالت له اصل انا عايزه اخش الحمام

ابتسم يزيد لما شافها بتلم الملايه حوالين جسمها

وقال لها طيب يا ستي وقام يزيد وقرب منها وراح شايلها

وقالت بتعمل ايه

رد عليها ما فيش يا ستي بساعدك عشان تخشي الحمام وشها اتقلب طماطم

وقالت له ما ينفعش كده يا يزيد

ضحك وقال لها لا ينفع ودخل بيها واقفل باب الحمام

اما في الجامعه قال تامر ايه الموضوع اللي انت اللي عاوزني فيه يا ممدوح

رد عليه بصراحه كده من غير لف ودوران يا صاحبي

رد تامر ها وبعدين

رد عليه انا عايزه اخطب اختك وقلت لمصطفى عشان يكلم يزيد بس انا قلت اكلمك انت الاول يا صاحبي واشوف رايك ايه

ابتسم تامر وقال له بص يا ممدوح الراي راي اختي وهي لو وافقت انا ما عنديش مشكله بس اهم حاجه تحافظ عليها وتخلي بالك منها

ابتسم ممدوح وقام حضنه وقال له اختك في قلبي قبل عينيا بصي لتامر

وقال له على فكره دي توامي حاسب على كلامك شويه

ضحك ممدوح وقال له بحبها يا عم اعمل ايه

رد تامر برده بقول لك ايه انا هسيب لك المكان وامشي وامشي تامر وممدوح فضل يضحك عليه

اما في الشقه بتاعه الزمالك صحيت نيفين وهي مدروخه وقامت بصعوبه من على السرير وقعدت تنده على فاروق وما حدش بيرد عليها

وراحت ناحيه الحمام وغسلت وشها وخرجت تدور على فاروق وما لقيتهوش موجود في الشقه

وافتكرت انه نزل يجيب حاجه فدخلت الاوضه تاني وراحت ناحيه الحمام واخذت دش وخرجت ولبسه هدومها

وبعد وقت اتاخر فاروق وهي مستغربه غيابه وراحت ناحيه شنطتها عشان تجيب التليفون وتتصل عليه

وفتحت شنطتها وما لقيتش التليفون ولا المحفظه بتاعتها وخبطت ايديها على صدرها وهي بتقول مصيبتي السوده طلع حرامي واخذت الشنطه

وطلعت تجري من الشقه ونزلت ركب التاكسي وقالت له على عنوان سهر وبعد وقت وصلت

وقالت للسواق ثواني هطلع اجيب لك الفلوس من الشقه فوق

رد عليها وايش ضمني ان انتي هتجيبي لي الفلوس

قالت له خلاص تعال اطلع معايا

قال لي طب ثواني واقفل العربيه وطلع معاها وقعدت تخبط على الباب وما حدش رد

وفضلت تزعق افتحوا يا سهر انا نيفين وفضلت ترزع

وقال السواق شكلها مفيش حد هنا يا ست اديني اجرتي خليني امشي

ردت عليه هو انا لو كان معايا فلوس مش كنت اديتها لك وانا تحت ايه اللي يخليني اطلعك معايا غير عشان اديك الفلوس

رد السواق مش عايز من وشك حاجه هي توصيله هم وسابها ونزل وهي فضلت تخبط

والجيران فتحوا بابهم وافتكرت نيفين المفاتيح وفتحت الشنطه تدور على المفتاح

ولقيته فتحت الباب واول ما دخلت شافت سهر مرميه في الارض وراحت مصوته والجيران دخلوا وشافوا المنظر

وواحد من الجيران اتصل بالبوليس وبعد دقائق جاء البوليس وبدا يحقق في الجريمه

وقال وانتي معاك المفتاح ليه

ردت نيفين بدموع انا كنت قاعده معاها الفتره اللي فاتت وهي كانت مدياني المفتاح

رد عليها تمام وسالت جيران وقالوا ان هم طلعوا على صوت الخبط وبعد كده سمعوا صوت نيفين ودخلنا على طول ولقيناه بالمنظر ده

وقال انتي هتيجي معانا على القسم لغايه ما نشوف الجريمه دي حصلت ازاي

عيطت نيفين وقالت انا ما عملتش حاجه وانا اصلا كنت بايته بره ولسه جايه من شويه وكان معايا سواق التاكس

رد الظابط بقول لك ايه التحريات هي اللي هتثبت يا عسكري خدها معاك على البوكس

ونيفين فضلت تعيط وتصرخ وتقول انا ما عملتش حاجه

وقال الظابط فين التليفون القتيله

رد عليه موجود جوه على السرير احنا جبناه

قال له تمام هات لي كل مكالماتها وتواريخها وفرغ الكاميرات لقدام البيت والكاميرا الشقه اللي قصادها رد الظابط تمام

اما في الكباريه كان قاعد سيد ماسك التليفون وبيتصل على سهر اللي ما بتردش واستغرب وكمل شغله عادي

اما في السنتر كان عبد الرحمن بيخلص الشغل مع علي

وقال له هو يزيد ما جاش ليه

رد عليه والله ما عارف يا اخويا هو اتصل بيا الصبح

وقال لي انه مش جاي النهارده

رد عليه هو انتم كنتم فين بالليل انا شفت يزيد جاي متاخر هو كان معاك

رد عبد الرحمن احنا كان في حوار كده بنخلصه

رد علي حوار ايه

قال له هقول لك بس الكلام ده ما يطلعش بره عشان انت عارف يزيد هيزعل

رد علي ما تخافش والله ما اقول حاجه لحد وحكى عبد الرحمن كل اللي حصل من اول ما شافه نيفين مع الراجل لغايه ما خلصوا كل حاجه

رد علي عشان كده انت استلمت النهارده اعلان المحكمه

رد عليه ايوه يا عم

قال له طب الحمد لله ان هي عدت على كده

رد عليا والله انا مبسوط لاخوك ان كل حاجه عدت

رد علي انت ما تعرفش انا ارتحت قد ايه

استغرب عبد الرحمن الكلام وقال له انت قصدك ايه

اتوتر علي وقال له ما قصديش حاجه بس كنت خايف على العيال انها تاخدهم وانت عارف ان يزيد بيحب العيال قد ايه

رد عبد الرحمن فعلا يلا بقى يا عم روح شوف الشغل بدل ما انت قاعد كده رد عليه لا هقوم

اما في شقه تقى يزيد كان واقف في البلكونه وبيكلم عياده الدكتوره عشان يحجز لتقى فيها

وتقى كانت في المطبخ بتحضر الفطار ليها وليه والمؤمن اللي صحي من النوم

وخرج يزيد من بلكونه وقال لها اعملي حسابك ان بعد العصر هنروح للدكتوره

ردت عليه طيب يا يزيد يلا عشان تفطر وقعدوا يفطروا

وتقى كانت بتاكل مؤمن ومهتميه بيه

اما في القسم كانت نيفين في الحجز بتعيط وقربت منها واحده وقالت لها مالك يا اموره بتعيطي ليه

ردت نيفين ابعدي عني يا ست انتي

ضحكه الست وقالت لها ابعد عنك ايه شخللي اللي في جيبك

ردت نيفين ابعدي عني انتي يا ستي انتي ما حلتيش حاجه

ردت الست لا معاكي اقلعي الحلق ده

ردت نيفين مش قالعه حاجه وزقت ايديها

وقالت الست الحق يا نسوان دي جايه تعمل عليا مره

ردت نيفين يا ست ابعدي عني

قالت لما انا هبعد عنك بس بعد ما اخد الحلق ده و

ردت نيفين بقول لك ايه ما يغركيش ده انا مره وجايه من الحواري

ردت الست حواري ايه يا مره يا وسخه ده انا اللي هوريك انا هعمل فيك ايه

ردت نيفين انا وسخه يا بنت الكلب وقربت الست هي والنسوان وضربوا نيفين علقه موت واخذت الحلق و نيفين اتضربت كذا مره في بطنها وقعت من طولها على جنب

اما في البيت رد يزيد وهو بيبص في الساعه يلا يا تقى خلينا نلحق مشوارنا

قالت له ثواني بلبس الطرحه اهو وخرجت



وقالت له مستعجل على ايه

رد عليها عايزه اشوف النونه بسرعه

ضحكت تقى وقالت له يا عم لسه بدري

قال لها بدري من عمرك يلا بقى خلينا ننزل ونزلوا تحت

وقالت منار عامله ايه يا تقى دلوقتي

قالت لي انا كويسه

رد يزيد ما فيش وقت هنروح مشوار وهنرجع هبقى اقول لك كل حاجه يا منار

ردت عليه طيب يا حبيبي خلي بالك من نفسك وخرجوا ركبوا العربيه

وبعد دقائق وصلوا العياده ودخل وقال في حجز باسم تقى

ردت الممرضه فعلا ودورها دلوقتي بعد اللي هتخرج

رد عليها تمام هنستنى هنا قال لها شفتي كويس ان احنا جينا على طول اهو

قالت له كويس ما انت عمال تستعجلنا وكنت ماشي بسرعه

وقالت الممرضه اتفضلوا ودخلوا وقال يزيد السلام عليكم

ردت عليه السلام الدكتوره وقالت بابتسامه انتي عرفت انك حامل امتي يا مدام تقى

ردت عليها امبارح قالت لها طب ممكن تنامي على السرير وطلعت الدكتوره الجل

وقالت لها ممكن تكشفي لي على بطنك وتقى رفعت العبايه والدكتوره حطت الجل على بطنها ومشيت السونار على بطنها

وقالت لها انتي متاكده لسه عارفه امبارح

ردت عليها ايوه يا دكتوره ليه في حاجه

قالت لها لا ما فيش بس الجنين اللي قصادي ده عمره ثلاث شهور تحب تسمع صوت قلبه

رد يزيد يا ريت يا دكتوره وشغلت الصوت و تقى تلقائيا بعد ما سمعت الصوت مسكت ايد يزيد جامد وهو عينيه كان على الشاشه

وقالت الدكتوره بصي هنا في كيس اهو والناحيه الثانيه فيها كيس يعني انتي حامل في توام وان شاء الله الشهر الجاي هنعرف نوعهم ايه بس لازم تخلي بالك من العلاج

رد يزيد اكتبي لها كل حاجه يا دكتوره وانا ان شاء الله هخلي بالي منها وهنجي لك في الميعاد بتاعك

ابتسمت الدكتوره وقالت له تمام وقامت خرجت ويزيد مسك المناديل وبدا يمسح الجل من على بطنها ويساعدها انها تقول عدله هدومها وخرجوا واخذوا الروشته من الدكتوره وهم مبسوطين ونزلوا ركبوا العربيه ومشوا على البيت

اما في بيت يزيد منار وهند كانوا بيخلصوا الغداء وقربت دينا وسمر عشان يساعدوه

وقالت سمر اقعدي انتي يا منار عشان بطنك يا حبيبتي

قالت لي انا بقيت كويسه يا حبيبتي روحي انتي ذاكري

ردت عليها لا طبعا اقعدي انتى وانا هعمل كل حاجه مع هند انا ودينا

قالت لها تمام وقعدت منار وهم طلعوا الاكل على السفره وبعد دقائق وصلوا الرجاله وبعديهم يزيد وتقى والابتسامه مرسومه على وشها

وقالت منار يا ترى المشوار ايه اللي يخليكم مبتسمين قوي كده

رد يزيد بصي يا ستي انتي هتبقي عمته للمره الثالثه اتصدمت منار والكل

وقالت دينا بجد ان انا هبقى خالتو

ردت تقى ايوه يا ستي هتبقي خالتو واعمل الكل يبارك لهم وصابر بارك لهم هو كمان

وقال مصطفى بص يا يزيد انت وتقى في موضوع كنت عايزه اكلمكم فيه وشايف ان ده الوقت المناسب

رد صابر يا ابني ياكلوا الاول وبعد كده ابقى اتكلم في الموضوع اللي انت عايزه لسه كان هيقول طيب ممدوح خبطوا في رجله

رد بابتسامه مصطفى معلش يا عمي خليه يسمعني ما جتش من الخمس دقائق

رد يزيد قول يا مصطفى في ايه

قال له بصراحه كده احنا طالبين ايد دينا لممدوح اخويا ودينا فرحت قوي وشها قلب احمر

وضحكه سمر وقال يزيد بعد الغداء هنتكلم في الموضوع يا مصطفى وتقى بصت على دينا ولقيتها مكسوفه

ووطت على ودني يزيد وقالت له وافق يزيد بس هي هتكمل تعليمها الاول بعد كده جواز

رد يزيد ماشي يا تقى وممدوح اتضايق وكان هيقوم

وقال يزيد رايح فين يا ممدوح

رد عليه شبعت

ردت منار هو انت اكلت حاجه يا ابني اقعد كل الاول وبعد كده هنتكلم في الموضوع

رد عليها لا يا ام مالك انا شبعت

رد يزيد براحتك بس اعمل حسابك ان الخطوبه هتبقى الخميس الجاي

اتصدم ممدوح وقرب من يزيد وقعد جنب رجليه وقال له طب تتكلم جد يا يزيد

ضحك يزيد وقال له بجد وانا قلت حاجه غلط

رد ممدوح بس ما تخليهاش خطوبه بس ينفع كتب كتاب

ردت تقى لا طبعا هي لسه قدامها سبع سنين في الكليه

رد ممدوح بصي يا مرات اخويا اولا انا عايز اتعامل معاها براحتي واشوفها من غير ما اخاف من ربنا فهي هتبقى مراتي وتكمل تعليمها براحتها وانا مش هبقى ضدي اي حاجه ولو هي عايزانا نستنى لغايه ما تخلص ونتجوز انا موافق ما فيش مشكله

تقى اقتنعت بكلامه وقال تامر ايه الراي رايي دينا لو هي وافقت احنا ما عندناش مشكله

وقال يزيد انتي موافقه يا دينا

ودينا كسفت وقالت سمر شكلها مش موافقه

ردت بسرعه لا موافقه ولكل ضحك وممدوح كان مبسوط

وقالت تقى خلاص تمام واحنا موافقين وبصت ليزيد وقالت له مدام كده كده الاكل هيتاجل خمس دقائق احنا كمان طالبين ايد سمر لتامر اخويا

وتامر اتصدم من كلام اخته لانه لسه ما فتحهاش في الكلام ده وسمر ابتسمت وبصت لتامر بغمزه

وقال يزيد انا ما عنديش مانع المهم راي الحاج

رد صابر وانا كمان ما عنديش مانع يبقى خلاص الخميس الجاي خطوبه تامر وسمر ودينا وممدوح والكل فرح

وقالت صفا وانا هلبس فستان ابيض وردت حور وانا كمان ولكل ضحك

اما في القسم جابوا تسجيلات الكاميرا وشافوا العربيه اللي وصلت سهر وبعد ما طلعت بثلاث دقائق طلعوا رجلين ونزلوا بعديها ب 10 دقائق والكاميرا الثانيه كانت جايبه ان الرجاله دخلت شقه سهر وخرجوا بسرعه

وقال الظابط انا عايزك تجيب الرجلين دولت بسرعه اسمهم وعنوانهم

رد الظابط التاني حاضر والباب خبط والعسكري دخل وهو بيقول المتهم يا باشا اللي جات النهارده وقع من طولها في الحجز وشكلها كده النسوان ضربوها

رد الظابط وهو بيقوم بسرعه تعالى وريني كده ونزلوا الحجز ولقوها بتنزف من وشها وكمان من جسمها

وقال الظابط اتصلوا بسرعه بالاسعاف وبص على النسوان

وقال من اللي عمل فيها كده النسوان سكتت وخافت

رد الظابط انا هعرف بطريقتي وبعد دقايق وصلت الاسعاف واخذت نيفين على المستشفى

وكشف عليها الدكتور وقال لازم تخش عمليات حالا

اما في شقه هند كان قاعد علي وهو بيحمد ربنا ان كل حاجه انتهت

اما في القسم دخل الظابط وقال اول واحد اسمه فاروق قولي قواضي نصب كتير والثاني اسمه فوزي وده حرامي عربيات

رد الظابط جيبهم لي بسرعه ردوا عليه فعلا حصل وجبنا فوزي وكان معاه فلوس ودهب وبيبيعوا في الصاغه

رد عليه تمام قوي روق عليه عشان يقول لنا على مكان فاروق فين

قال له ماشي يا باشا

اما في الكباريه سيد عرف بموت سهر وحبسن فين في القسم واخاف على نفسه وهرب على اسوان عند اهله

اما في اوضه تامر كان قاعد مع تقى

وقال لها انتي عرفت منين اني عايزه اتقدم لسمر

ضحكه تقى وقالت له ما تفكرنيش

رد عليها مفكركيش بايه قالت له انا هقول لك انا كنت قاعده امبارح وجت سمر

(وقالت لي بقول لك ايه يا تقى بصراحه كده وعلى بلاطه انا جايه اتقدم لاخوكي

تقى اتصدمت وقالت لها انتي متاكده من اللي انتي بتقوليه ده يا سمر

ردت عليها ايوه يا ستي متاكده ايه اول مره تشوفي واحده هي اللي بتتقدم للراجل

ردت عليها ايوه فعلا دي اول مره

قالت لها بصي انا عارفه ان اخوك بيحبني بس هو مش قادر يتكلم وانا ما ينفعش اروح اقول له انا بحبك فانا جيت قلت لك اهو وطالبه الحلال

ضحكه تقى وقالت لها يعني انتي خايفه تروحي تقولي لي ان انتي بتحبيه فجاه تطلبيه مني

ردت سمر يعني عامل ايه امشي امشي عدل واخش البيت من بابه مش عاجب اخش من الشباك هيعجبك اكتر

ضحكه تقى وسمر ضحكت معاها وقالت لها انا عارفه يا سمر ان تامر بيحبك وكنت هتكلم معاه في الموضوع ده بس انتي فاجئتيني بصراحه

ردت عليها طب المهم ردك ايه

قالت لها انا ردي اني موافقه وما اتمناش لاخويا غيرك انتي طبعا بعد ما شفت الحب في عينيه

ردت سمر على خيره الله نقرا الفاتحه بقى ضحكت تقى وقالت لها لا كده كفايه قوي خليها بقى الفاتحه دي في وسط العيله كلها وفضلوا يضحكوا)

وتامر مصدوم من اللي سمعوا ولانها مجنونه وقال لها انا شكلي كده اتدبست

ضحكه تقى وقالت له فعلا انا كنت بقول على دينا مجنونه طلعت سمر اجن منها بكثير

رد تامر بس طيبه والله هي بس لسانها طويل حبتين

ردت عليه قول حبتين ثلاثه بس على خيره الله يا حبيبي

رد عليها بس انا مش هقدر اجيب اكثر من دبله دي الفلوس اللي انا محوشها

ردت تقى ما تقولش كده انا معايا فلوس خدها واجيب بيها الذهب اللي انت عايزه

رد تامر مستحيل اعمل كده انا هجيب لها دبله دلوقتي ولما احوش من فلوس الشغل هبقى اجيب لها اللي هي عايزاه

ردت عليه براحتك يا حبيبي يلا بقى تصبح على خير عشان انا تعبانه

رد عليها وانتي من اهله يا حبيبتي وخرجت تقى طلعت شقتها وتامر مسك التليفون وبعت رساله لسمر وهو بيضحك على جنانها

اما في المستشفى كانت نيفين بين الحياه والموت والظابط طلب امها تيجي المستشفى عشان تشوفها وسميه كانت بتعيط

وقالت شفت وصلتينا لايه يا نيفين شفت مشك وداكي لفين وفضلت تدعي لها وهي في العمليات

وبعد وقت خرج الدكتور وقال البقاء لله ما قدرناش نعمل حاجه

صوتت سميه وفضلت تعيط وتقول والنبي يا دكتور ارجع شوفها هي كده عايشه صدقني هي عايشه هي بتعمل كده وهتلاقيها عايشه

رد الدكتور استهدي بالله يا حاجه وادعي لها بالرحمه

وسابها ومشي وسميه فضلت تعيط على بنتها

رواية الرقاصة والمعلم

الفصل الخامس والثلاثون35والاخيربقلم اميرة خالد

ثاني يوم الفجر صحي يزيد على صوت التليفون وكانت سميه واستغرب وما ردش في الاول والرن الثاني

وقامت تقى وقالت له في ايه

قال لها ست العيال بتتصل ودي اول مره تكلمني من ساعه اللي حصل

ردت تقى رد عليها ليكون في حاجه

قال لها طيب وفاتح الخط وسمع صوت سميه بتعيط وبتقول له الحقني يزيد

رد عليها في ايه يا سميه في حاجه حصلت

ردت عليه بعياط وقهر نيفين ماتت

اتصدم يزيد وقالت تقى في ايه وكمل يزيد كلامه انتي فين يا سميه

ردت عليه انا في المستشفى يا يزيد القصر العيني

قال لها خلاص 10 دقائق وهكون عندك واقفل معاها

وقالت تقى في ايه يا يزيد ايه اللي حصل

قال لها نيفين ماتت وهي في المستشفى دلوقتي

قالت له استنى انا اقوم البس واجي معاك

رد عليها لا خليكي هنا عشان الولاد وكمان الحمل ما ينفعش تتحركي كثير بصيت في الساعه

وقالت له النهار لسه ما طلعش طب اصبر شويه لما النهار يطلع وابقى سوق العربيه

قال لها ما تخافيش بس المهم ما تقوليش لحد حاجه لغايه ما اعرف ايه اللي حصل

قالت له طيب ابقى طمني على طول في التليفون

قال لها ماشي وكمل لبسه واخذ مفاتيح والموبايل وخرج من البيت

وهو نازل قابل الحج صابر راجع من الجامع

وقال له رايح فين يا ابني في الوقت ده

رد يزيد سميه اتصلت بيا يابا وقالت لي ان نيفين ماتت وهي في المستشفى

قال ولا حول ولا قوه الا بالله العلي العظيم طب يا ابني استنى انا جاي معاك

رد يزيد بلاش تتعب نفسك يابا خليك

رد عليه ولا تعب ولا حاجه يلا خليني اروح معاك ونشوف وراكب معاه العربيه ومشيوا

اما في القسم عرفوا يجيبوا فاروق اللي اعترف على كل حاجه من اول اتفاقه مع سيد وسهر انهم يسرقوا نيفين لغايه ما قتل سهر الظابط

قال نزلوا الحجز عشان هيتحول للنيابه الصبح وتليفون المكتب رن وكانت المستشفى وعرفتهم ان نيفين ماتت

وقال الظابط هو شكله يوم مش معدي يلا يا ابني خلينا ننزل الحجز ونعرف مين اللي عمل كده ونزلوا الحجز بتاع الحريم

وقال لهم بصوت قوي مين فيكم يا مره اللي عملت كده في الست النسوان خافت

وقال الظابط طب لو انتم ما قلتوش انا هتهمكم كلكم فقتلها اه ما انتم ما عرفتوش ان هي ماتت في المستشفى

النسوان خافت اكثر وواحده قالت والله يا بيه احنا ما عملناش حاجه ده هي اتخانقت مع ربيعه عشان كانت عايزه تاخد منها الحلق وهي ما رضيتش في ربيعه اتخنقت معاها وخلت النسوان يضربوها

رد الظابط تاني يا ربيعه ما بتحرميش ومن النسوان اللي ضربوها معاكي شاورت ربيعه بخوف على اربع نسوان وندى الظابط على العسكري

وقال له خدهم قعدهم في مكان لوحدهم عشان هيروحوا النيابه بكره

ردت ربيعه ما هي ضربتنا احنا كمان يا باشا

رد الظابط اول خربوش اللي في وشك ده يبقى ضربتك خدها يا عسكري بدل ما اضربها قلمين وخرج العسكري بيهم

اما في المستشفى وصل يزيد مع الحاج صابر ولقى سميه قاعده في الارض بتعيط وقرب منها

وقال لها ايه اللي حصل

ردت عليه بعياط ما اعرفش انا جيت لما الظابط اتصل بيا ما اعرفش ايه اللي حصل وانت عارف ان ما ليش حد عشان كده اتصلت بيك يا يزيد

قال لها خليكي هنا لغايه ما افهم ايه اللي حصل وراح يزيد عند العسكري وقال له ايه اللي حصل وهي جت ازاي هنا

وحكى له العسكري كل اللي حصل ويزيد استغرب وقال له شكرا يا دفعه وراح لها

وقالت سميه حصل ايه يا يزيد قال لها ده اخره المشي الشمال بتاع بنتك المهم انا هروح اشوف الاجراءات تخلص ازاي عشان نطلع تصريح الدفنه

عيطت سميه وقالت له سامحها يزيد

رد عليها مسامحها عشان خاطر عيالي غير كده ما كنتش سامحتها ابدا ويا ريت تبعدوا عننا

ردت سميه بعياط طيب يا ابني وبعد وقت خلص يزيد الاجراءات كلها

اما عند تقى كانت قاعده قلقانه ومسكت التليفون واتصلت على يزيد اللي رد عليها ايه يا قلبي ما نمتيش

ردت عليه مش انا قلت لك طمني

قال لها حقك علي من ساعه ما رحت وانا ما وقعتش بخلص في الاجراءات

ردت تقى هو ايه اللي حصل وماتت ازاي

قال لها يا ستي كان مقبوض عليها في قضيه والنسوان ضربوها في الحجز ونزفت وما جابوها المستشفى دخلت العمليات وماتت

ردت تقى انا لله واليه راجعون طب يا حبيبي خلي بالك من نفسك وابقى طمني عليك

رد عليها حاضر يا حبيبتي يلا نامي شويه

ردت عليه نوم ايه بقى هقوم اصحى صفا عشان تروح المدرسه

قال لها طيب يا حبيبتي وهقفل معاها وهي قامت وهي صعبانه عليها الولاد وراحت ناحيه اوضه العيال وبدات تصحي صفا اللي قامت مبسوطه

وقالت صباح الخير يا ماما

ردت عليها صباح النور يا قلب ماما يلا عشان تروحي المدرسه

ردت صفا حاضر وقامت دخلت الحمام وبعد دقائق خرجت وتقى لبستها وعملت لها شعرها

وقالت لها اروح البس بقى انا الطرحه عشان ننزل سوا تحت

ردت عليها حاضر يا ماما ودخلت تقى الاوضه لبست عبايه والطرحه



وخرجت شافت مؤمن صحي من النوم وابتسمت وراحت ناحيه التلاجه وطلعت العسل وبدات تديهم ومسكت ايديهم ونزلت

ولقت منار وهند تحت وقالت منار باستغراب اول مره ابويا يتاخر كده في الجامع

ردت هند تلاقيه بيجيب حاجه زي العاده يعني

ردت عليها طيب يلا يا مصطفى خذ الولاد عشان توديهم المدرسه وخرجوا الاولاد مع مصطفى

وقالت منار هو يزيد فين

ردت تقى بص يا جماعه في حاجه حصلت

ردت منار حصل ايه فاهمنا وحكيت تقى كل اللي حصل وهند ومنار اتصدموا وعلي كان سامع الكلام وهو على الباب وزعل عليها وهند بصت له

وهو قال هم في مستشفى ايه

ردت تقى تقريبا القصر العيني

قال لها تمام ومسك التليفون واتصل على يزيد اللي قال له انا جاي لك يزيد انت محتاجني في حاجه

رد عليه اه عايزك تروح الترب وتقول لهم يفتحوها وتتصل بالعيله بتاعتكم عشان يصلوا عليها صلاه الجنازه على الظهر

رد علي تمام وقفل معاه وبدا يتصل على العيله ويقول لهم

وبعد وقت طويل خلصوا الجنازه والدفن فيهم اللي متضايق واللي زعل على اللي حصل لها

وعدى اسبوع والنهارده كان يوم الخطوبه بتاعه الشباب والبنات واللي قرر الحاج صابر انه ما يتاجلش هو يزيد عشان خاطر الشباب والبنات يفرحوا

وصحيت تقى وهي مبسوطه لاخواتها وقامت دخلت الحمام اخذت شاور وخرجت لبس عبايه وعليها الطرحه



ولقت يزيد نايم وراحت ناحيه السرير وقالت بصوت هادي يلا يزيد اصحى

رد عليها سيبيني انام

ردت عليه اصحى بقى بطل كسل النهارده عندنا يوم طويل وما تنساش اللي انت اللي قلت لي اصحيك بدري

رد عليها خلاص يا ستي صحيت اهو وقام دخل الحمام وروقت الاوضه و راحت ناحيه الدولاب وطلعت له هدوم

وراحت ناحيه اوضه الولاد عشان تصحيهم وقاموا الولاد وهم مبسوطين

وقالت صفا هتلبسيني الفستان دلوقتي يا ماما

ردت عليها لا يا حبيبتي بالليل هلبسه لك يلا بقى عشان ننزل نفطر عشان نقعد نغني ونرقص لعمته وخالتو

ردت عليها طيب يا ماما ودخلت الحمام

اما يزيد خرج من الحمام ولقى الاوضه متروقه والهدوم على السرير وبدا يلبس وسرح شعره ورش برفانه واخذ مفاتيحه موبايله



وخرج من الاوضه على صوت ضحك ولاده مع تقى وابتسم وقرب منهم

وقال صباح الخير يا حلوين الولاد جريوا عليه وهو شالهم وباسهم من خدهم

وتقى كانت واقفه مبتسمه على اللي بيحصل وقالت يلا بينا بقى عشان ننزل

ردت صفا بطفوله انتي نسيتي يا ماما العسل

ضحكه تقى وقالت مش محتاجه انسى طول ما انتي موجوده يا صغننه واللي هتفكريني دايما

ردت صفا بجد يا ماما

ردت عليها طبعا يا قلب ماما وراحت تقى ناحيه التلاجه وجبت المعالق وبطرمان العسل وبدات تديهم كل واحد فيهم حتى يزيد وهي وكانوا مبسوطين ونزلوا على تحت

اما في الشقه تحت كانت منار و هند بيحضروا الفطار والرجاله قاعدين في الصاله مع الحاج صابر

وقالت منار خشي يا هند صحي البلوتين اللي جوه دولت

ضحكه هند وقالت لها سيبهم شويه دول عرايس

ردت عليها عرايس ايه يا اختي هم هيروحوا يعملوا حاجه ما هي اللي هتمكيجهم وجابوا الفساتين امبارح يعني مش هيتعبوا في حاجه خليهم يقوموا احسن لهم

رد ممدوح ايوه كده يا ام مالك وريهم العين الحمراء

ضحكوا الرجاله و رد مصطفى اهدى يا ممدوح بدل ما منار تعمل عليهم حما من دلوقتي

ردت منار انا ابقى حما ده انا طيبه جدا وقلبي ده ابيض زي الحليب صح يا هند انا عمري عذبتك انا عمري ضايقتك في حاجه ولا شغلتك

ضحكه هند وقالت لها بصراحه ابدا

خرجت سمر على صوتها وقالت لها والله ما مين اللي كان بيخليني امسح سلم العماره كله

ردت منار باستغراب انا كنت بعمل كده اه يا مفتريه شفتي يا مصطفى بيفتروا عليا ازاي شفت يا يزيد ضحك الكل

وقالت تقى يلا يا سمر انتي ودينا عشان تحطوا الاكل على السفره

ردت سمر بقول لكم ايه انا عروسه مش هشتغل النهارده خالص

ردت منار براحتك يا حبيبتي ما تشتغليش ولا تتعبي نفسك ابتسمت سمر

وقربت منار بصوت واطي بس اعملي حسابك انتي اللي هتنظفي البيت انتي والبلوه اللي جوه بكره لوحدكم

نطقت بسرعه انتي عايزين نحط الفطار بس ولا اعمل حاجه كمان

ولكل ضحك وقال علي انتي قلت لها ايه خليتي البنت نشيطه كده

ردت منار ولا قلت حاجه ده انا كل اللي قلته لها ارتاحي يا عروسه ما تتعبيش نفسك

رد مصطفى ما انا عارف وقاعده فطره في جو عائلي جميل

وقالت منار معلش يا يزيد وبعد اذنك يا تقى انا اتصلت بهيام عشان تيجي تقضي معانا اليوم من اوله

ردت تقى تيجي يا حبيبتي تنور ده بيت عمها وانا مستحيله ما دخلهاش بيت عمها

رد الحاج صابر بنت اصول يا بنتي عرفت تنقي يزيد ابتسم على طيبه قلب مراته

وقالت سمر بقول لك ايه يا تقى انا عايزاك تظبطيني احلى تظبيط النهارده

رد يزيد بالراحه شويه عليها ما تنسوش ان هي حامل وانتي يا حبيبتي ما تمكيجيهم اقعدي ما توقفيش

ردت عليه ما تخافش يا يزيد

وقالت دينا والله انا قلت لها نجيب ميك اب ارتس بلاش تتعب نفسها هي اللي صممت

ردت تقى مستحيله اخلي واحده تقرب من اخواتي غيري

وقال علي على فكره يا يزيد الجزار هيجي بعد ساعه عشان الذبيحه والطباخه يجي بعديه على طول

رد عليه تمام وانت يا مصطفى عايزك تشوف الفراشه

قال له كل حاجه تمام وماشيه زي ما قلنا عليها بالظبط

رد ممدوح اهم حاجه الماذون يجي في ميعاده

رد عليه ما تخافش يا اخويا هاجي في ميعاده بكره هتندم وتقول يا ريتني ما عملت كده في نفسي

ردت منار بتقول حاجه يا مصطفى

قال لها ابدا يا حبيبتي ده انا بقول له فوائد الجواز وقد انه حلو الكل ضحك

وبعد وقت قاموا البنات يعملوا ماسكات ووصلت وفاء وهي مبسوطه وقعدت مع البنات تضحك وتهزر ويشغلوا الاغاني ويرقصوا

وهيام جت هي كمان وكان الاجواء جميله

اما بره عند الرجاله كان الطباخ شغال والحاج صابر والحج صالح قاعدين مع بعض

وعبد الرحمن مع يزيد والشباب وممدوح وتامر الحلاق جالهم بعد العصر وبدا يحلق للرجاله كلها ويظبط الشباب

وبعد وقت طويل خلصت تقى الميك اب بتاع البنات ولف الطرح ودخلت منار وهي ماسكه مبخره وبدات تبخر البنات من العين وكانت بتقرا القران بصوت عالي ومبسوطه

وقربت صفا من تقى وقالت لها يلا يا ماما عايزه البس الفستان بتاعي

ردت عليها يلا يا قلب ماما عشان نطلع احنا كمان وبصت لدينا هي وسمر ما تتحركوش وياك حاجه تبوظ

ضحكه سمر وقالت لها بس انا جعانه

ردت عليها منار اصبري شويه يا طفصه بعد الفرح هتتعشي مع العريس

ردت دينا طب وانا كمان جعانه مش هستنى العريس

ردت منار وهي بتبرق لهم عينيها اياك اسمع كلمه جعانه دي فاهمين ولا لا البنات خافوا

وضحكوا تقى وهيام ووفاء وهند عليهم وقالت منار تعالي هيام عايزاكي في موضوع واخذتها وطلعت بيها على شقتها

اما تقى طلعت الشقه وسمعت صوت ميه في الحمام وعرفت ان يزيد وقالت لصفا خشي يا قلب ماما اغسلي اسنانك واغسلي وشك

وانا هاجي لك ردت عليها حاضر يا ماما وهي دخلت الاوضه طلعت الهدوم ليزيد وحطيتها على السرير



وراحت ناحيه اوضه الولاد وبدات تلبس مؤمن الاول وبقى لابس بدله صغيره زي بتاعه باباه

وقالت له روح بقى لبابا خليه يسرح لك شعرك ويحط لك برفان

رد عليها حاضر يا ماما وبدات تعمل شعري صفا بعد ما لبستها الفستان وبعد دقائق خلصت وراحت على اوضتها عشان تلبس هي كمان ودخلت تاخذ دش

اما في شقه منار كانت هي مصدومه من اللي سمعته وقالت منار انا عارفه ان انتي اتصدمتي بس يا حبيبتي الحياه مش بتقف على كده

وبس وانتي لسه صغيره والف مين يتمناكي وانا بقول لك اتجوزي هيام عشان ربنا يرزقك بالاطفال اللي نفسك فيهم

ردت هيام بخوف طب هو كويس

ردت منار والله كويس ومحترم وهو من ساعه مراته ما ماتت وهو عايش لبنته لامه بس اول ما شافك

قال لمصطفى وانا قلت له نصبر شويه لما شهور العده تعدي وهو الحمد لله شهر عدى يعني ما فاضلش غير شهرين و 10 ايام

ردت هيام طيب يا منار سيبيني افكر ويزيد عرف

ردت منار مصطفى قال له وهو رحب بالموضوع وقال يا ريت هي مش هتلاقي راجل احسن من وليد

ردت هيام خلاص يا منار لسه معايا شهرين وان شاء الله هقول لك رايي

قالت لها طيب هو هيجي النهارده ومعاه امه وبنته برده شوفيهم وتعرفي عليهم

قالت لها طيب

اما في شقه تقى خرجت وقفت قدام المرايه وهي بتبص على بطنها اللي ظهرت في شهرها الرابع وابتسمت

ووقف وراها يزيد وقال لها كل يوم على اليوم اللي قبله بتحلوي

ضحكه وقالت له ده انا بقيت شبه بكابوزه

رد عليها والله زي القمر وبالذات ان الحمل دخنك في الاماكن الصح

ضحكه تقى وقالت له اللي طلعك دلوقتي

قال لها طلعت اشوف اميرتي الحلوه اتاخرت ليه

ردت عليه ولا تاخرت ولا حاجه انا عمال بس ما اخذت الدش واهو بلف الطرحه

رد يزيد بمناسبه الطرحه تعالي بقى قبل ما تلبسيها وفتح علبه وطلع منها السلسله وبدا يلبسها لها وكمان دبله ولبسها لها في ايديها وباسها من خدها وقال لها اوعي تقلعي دبلتك دي ابدا



ضحكه تقى وقالت له حاضر وبدا يلبسها اسوره شكلها جميل



وقالت له ممكن بقى البس الطرحه

رد عليها البسي يا قلبي ولبسه الطرحه ونزلوا مع بعض والكل كان فرحان

اما ممدوح وتامر كانت الفرحه مش سيعاهم وبعد دقائق خرجت العروستين من الاوضه في ايدي يزيد وهم لابسين زي بعض مع اختلاف الالوان والعريسين اتصدموا من جمالهم وفضلوا متنحين





وقرب مصطفى من اخوه وقال له اقفل بقك انت وهو كسفتونا

رد ممدوح بتوهان القمر ده كله هيبقى بتاعي خبطه تامر في كتفه

وقال له لم نفسك

ضحك ممدوح وقال له بعد 10 دقائق مش هتقول لي الكلمه دي عشان هتبقى مراتي

ضحك مصطفى وقال له يا ابني اكبر شويه انت بقيت راجل

رد تامر سيبك منه واقرب تامر من يزيد وسلم عليه وحضنه وقرب من دينا وبس دماغها وحضنها

وقال لها مبروك يا قلب اخوك

ردت عليه الله يبارك فيك يا حبيبي

وسمر اتغاظت وقالت له يعني ما سلمتش عليا ابتسم

وقال لها دقائق بالظبط وانا هسلم عليك

فاهم يزيد الكلام وقال له لم نفسك وانت يا اختي لم نفسك شويه

ودخل علي وقال الماذون جه وخرجوا الشباب والبنات والحاج صابر كان وكيل سمر وبدات مراسم كتب كتاب

ودينا عينيها دمعت وكان نفسها ابوها يبقى موجود وقرب التقى منها وحضنتها وسمعوا كلمه الماذون الشهيره

وشد عبد الرحمن المنديل والكل ضحك وفاء برقت له وساب المنديل بسرعه

وقام تامر وقرب من سمر وحضنها وشالها ولف بيها وقال لها مبروك يا حبيبتي

ابتسمت سمر والكل فرح

وقال ممدوح كفايه كده بقى يلا يا عم الشيخ عشان تكتب لي انا كمان الكل ضحك

وقال الماذون اين وكيل العروسه

رد انا يا شيخ وكيل العروسه والكل بس ناحيه الصوت

واتصدمت دينا لما شافت عم سعيد وفرحت جدا وبصت لتقى وقرب سعيد من دينا

وقال لها زي ما كنت وكيل اختك هبقى وكيلك وكده هكون عملت اللي صاحبي وصاني بيه اني وصلكم البيت رجالتكم معززين مكرمين

دمعت دينا وحضنت عم سعيد وسلم على تقى وتامر اللي حضنه

وقال ممدوح تعالى بس انت يا حاج الاول خلينا نكتب الكتاب وبعد كده سلم براحتك

وضحك سعيد وقال له طب اصبر شويه يا ابني ما جتش من دقيقتين كان هيرد مصطفى

قال له اهدى بقى شويه وسلم سعيد على يزيد وقعد وبدا الماذون مراسم كتب الكتاب ممدوح كان مبسوط وعينيه على دينا اللي اتكسفت

وبعد دقائق خلص الماذون وقال كلمته الشهيره وقام ممدوح بسرعه ناحيه دينا وشالها ولف بيها وهي كانت مكسوفه

وقالت منار الجيل المهبب ده اللي ما بيتكسفوش ابدا مش انت يا موكوس اللي ما شيلتني حتى وانت طالع بيا الشقه

ضحك مصطفى وقال لها طب مين اللي شالك جوه الشقه اتكسفت منار

وقال عبد الرحمن يا ابني بيقول لك عاملين زي القطط ياكلوا وينكروا

ردت وفاء في حاجه يا عبده

رد عليها ابدا يا قلبي ولكل ضحك وبدات الاغاني تشتغل والرجاله رقصوا مع الشباب والبنات كانوا بيرقصوا

وقربت طفله من رجل هيام وهي بتجري مع صفا وقعت وطيت هيام تساعدها ووقفتها وقالت لها مش تبص قدامك وانتي بتجري يا حبيبتي بدل ما تتعوري

ردت سندس بطفوله انا اسفه يا طنط ما كانش قصدي

ردت هيام براحتك يا قمر وبسيتها من خدها كل ده تحت نظرات منار والجده وهي اما كانتش تعرف ان الطفله دي بنت وليد وحست بمشاعر ناحيتها وابتسمت ورجعت تسقف للبنات

وبعد وقت خلص الفرح والكل قاعد يتعشى في جو عائلي جميل وهزار الشباب والبنات وكلام منار مع هند وتقى والرجاله

وعدى اربع شهور ويزيد ربنا كرمه وفتح سنتر تاني وكمان بقى ملتزم من البيت للشغل من الشغل للبيت ما فيش سهرات بره

اما تقى بقت في الشهر الثامن والدكتوره طلبت منها الراحه التامه

اما منار كانت في الشهر التاسع ومستنيه انها تولد في اي وقت

اما دينا كانت عايشه حلاوه الخطوبه مع ممدوح مع شويه تجاوزات بسيطه

اما سمر فكانت طلبتها مجنونه وتامر هيتجنن منها ومع ذلك بيحبها ودايما بيجيب لها الشوكولاته وبيذاكر لها الرياضه

اما هند فهي حامل في شهر الثاني وعلي كان مبسوط وملتزم في بيته مهتم بهند وحور

اما هيام فاتجوزت وليد وهي مبسوطه اني بقت ام لسندس وربنا كرمها وحامل في شهرها الاول

اما سميه فالحكومه جابت الفلوس بعد ما قبضت على سيد هو كمان واخذوا الفلوس كلها وطلبوا من سميه هي ويزيد ايده يستلموها

وقال يزيد ان مش عايز حاجه منها ويا ريت تاخدي الفلوس دي والذهب وتسيبي المنطقه كلها وتمشي

وقالت سميه انها تعمل كده وهتاخد ولادها وتمشي

اما سناء فكانت حزينه على اللي وصلت له بس علي دايما بيكلمها ويطمن عليها من بعيد لبعيد

اما مصطفى ففتح مصنع عبايات تاني وده بتاعه هو واخوه ممدوح

صحيت تقى من النوم وهي حاسه بتعب وندهت بصوت هادي على يزيد اللي

رد عليها ايه يا حبيبتي مالك

ردت عليه مش عارفه تعبانه شويه بقول لك ايه ساعدني اخش الحمام

رد عليها تمام يا حبيبتي وقام ساعدها ودخل بيها الحمام وبدا يقلعها هدومها

وقالت له معلش يزيد شغل عليا ميه سخنه شويه

قال لها من غير ما تقولي يا قلبي انا هساعدك وبدا يحميها اكنه بنته مش مراته والتعب زاد على تقى وهي كاتمه في نفسها وهو طلع جاب جلابيه قطن مريحه ولبسها لها

وبدا ينشف لها شعرها ويسرحه لها والوجع بيزيد

وقالت له انا مش قادره يزيد نيمني على السرير

قال لها طيب وساعتها تنام على السرير و قال لها انا هروح اجيب لك كوبايه عصير عشان وشك اصفر هزت راسها بالموافقه

وخرج يزيد ودخل المطبخ وجاب كوبايه عصير وهي بتتوجع جامد والدموع نزلت من عينيها من كتر الوجع

ودخل يزيد وهو مصدوم من شكلها ولا فيك ايه يا حبيبتي طمنيني

ردت عليه انا تعبانه قوي

قال لها طب استني ومسك التليفون واتصل على الدكتوره

وقال لها على اللي حصل لتقى من ساعه ما صحيت لغايه دلوقتي

ردت عليه طب انا في المستشفى تعالي لي قال لها طيب وهقفل معاها وراح ناحيه الدولاب وطلع هدوم ليه والبسها وجاب الاسدال ولبسه لها



وقال لها يلا يا حبيبتي عشان هنروح المستشفى

قالت له مش قادره اتحرك يزيد شالها وخرج بيها وهو نازل شافه مصطفى

وقال له في ايه يا يزيد

قال له تقى تعبانه وهروح بيها على المستشفى

رد مصطفى طب استنى انا جاي معاك ونزل معاه والكل تفاجئ بالمنظر

وقال تامر مالك يا تقى في ايه

رد يزيد احنا رايحين المستشفى

قال له استنى احنا جايين معاك

قالوا حصلوني عشان مش هينفع استناكم

ردوا عليه تمام وخرج ركبوا العربيه وطلعوا على المستشفى

اما في البيت الكل لبس وركبه العربيات وطلعوا وراهم وصل يزيد المستشفى

ودخل مصطفى جاب كرسي بعجل وقاعده تقى عليه وشاف يزيد الدكتوره ونده عليها

وقالت له تعالى ورايا على اوضه الكشف وبدات تكشف عليها بالسونار

وقالت له دي حاله ولاده لازم تخش تولد دلوقتي وتقى كانت بتعيط من الالم وزاد اكتر لما الدكتوره وبدات تكشف عليها نساء من تحت ولقت الرحم مفتوح

وقالت اجمدي كده يا تقى وان شاء الله هتكون ساعه سهله من عند ربنا

ويزيد قال لها طيب يا دكتوره وبص لتقى

وقال لها ما تخافيش يا حبيبتي انا معاكي

ردت بعياط انا خايفه يزيد

رد عليها ما تخافيش يا حبيبتي هتقومي بالسلامه الدكتوره نادت للممرضه

وقالت لها جهزيها عشان هتخشي الولاده دلوقتي

ردت الممرضه باحترام تمام يا دكتوره

اما العيله جت وكانت منار مش قادره تمشي

واقرب مصطفى منها قال لها جيتي ليه وانتي تعبانه كده

قالت له ما ينفعش اسيبها لوحدها

رد عليها يا بنتي انتي تعبانه قالت لي انا كويسه المهم الدكتوره قالت ايه

قال لها هتخش تولد دلوقتي

ردت عليه ربنا معاها وخرجت تقى وهي على الترول وماسكه ايد يزيد

وقرب تامر ودينا عليها تقول لها ما تخافيش يا حبيبتي انا هقول لهم اخش معاكي

ردت تقى خلي بالك من اختك يا تامر

رد عليها ما تقوليش كده يا تقى هتخرجي بالسلامه

ودخلت اوضه العمليات ودينا دخلت وراها بعد ما وريت الدكتوره كانت بتاعها ولحظات وبقى يسمعوا صريخ تقى

ومنار بدات تتوتر وتحس بالم في بطنها وكاتمه في نفسها والكل قلقان على تقى

وبعد دقائق صريخ منار من الالم والكل قرب منها وهند لحظه ان في ميه تحتيها

وقالت شكلها بتولد حد ينده للدكتوره ويزيد قرب منها هو ومصطفى اهدي بس يا حبيبتي

وقالت منار اهدى ايه يا اهبل انا بولد

وقال ممدوح الدكتوره جت اهي وقربت الدكتوره

وقالت لهم دي حاله ولاده

ردت عليها بزعيق لا بجد افحمتيني بصراحه ما انا عارفه اني بولد خلصي يا وليه مش قادره

وقال مصطفى معلش يا دكتوره حقك عليا ومنار عضه ايد مصطفى وهو صرخ من الوجع

والكل ابتسم وقالت له عشان تعرف تتاسف كويس خلصي مش قادره بموت

والدكتوره ندهت على الممرضه وساعده منار قعدت على الترول وهي بتزعق وبتتخانق مع الدكتوره ودخلت اوضه العمليات

وبعد دقايق سمعوا شتايمهم من منار وكل حد يبص لي التاني ويضحك ونسيوا خالص تقى

وبعد دقائق سمعوا صريخ عيل وابتسم يزيد وقال الحاج صابر مبروك يا ابني

والكل بارك له رد عليهم الله يبارك فيكم

ودقايق ثاني واسمعه صريخ عيل ثاني وخرجت الممرضه وقال يزيد مراتي عامله ايه

ردت عليه الحمد لله كويسه وجابت ولد وبنت كويسين جدا

رد عليها وهو بيحط ايده في جيبه وبيطلع فلوس احمدك يا رب واشكر فضلك

اما عند منار وهي بتصرخ دقائق وسمعوا صوت عياط طفل والكل بارك لمصطفى

وبعد كده سمعوا صرخ منار تاني وعياط طفل تاني

واستغربوا بعد كده سمعوا صريخ منار تاني

وقال مصطفى هو في ايه ايه اللي بيحصل ده ده ما كانش حته عيل وسمعوا عياط طفل وخرجت الممرضه

وقرب مصطفى وقال لها منار عامله ايه ردت الممرضه بتعب وشعر منكوش بصراحه المدام بتاعتك صعب قوي بهدلتنا جدا جوه

قال لها معلش بس هي عامله ايه دلوقتي

قالت له هي الحمد لله والاطفال كويسين

رد مصطفى اطفال ايه ده هي حامل في عيل واحد

ردت عليه لا يا استاذ مراتك حامل في ثلاثه ولد وبنتين اتصدم مصطفى وتنح

ولكل ضحك ويزيد وممدوح قرب منه وعلي ملك يا مصطفى

رد عليهم منار جابت ثلاث عيال ربنا يستر من اللي جاي

وخرجت الدكتوره من عند تقى وقالت لهم الحمد لله الاطفال كويسين بس هيقعدوا النهارده في الحضانه وهيخرجوا معاكم

رد يزيد شكرا يا دكتوره تعبناك معانا

ردت عليه ولا تعب ولا حاجه والف مبروك مره ثانيه وخرجت تقى بالتورال وراها الاطفال ودينا معاهم

وقالت انا كنت سامعه صوت منار بتزعق هو كان في ايه

رد ممدوح ما فيش يا ستي كانت بتولد هي كمان

قالت الحمد لله وجابت ولد ولا بنت

ضحك ممدوح وقال لها جابت ولد وبنتين يا اختي

اتصدمت دينا وبعد كده فاقت بسرعه وقالت لهم احنا عايزين هدوم للاطفال دلوقتي حالا

رد يزيد اه ده انا نسيت اجيب شنطه تقى

ردت سمر هات المفتاح وانا هروح اجيب لك الهدوم وانت يا مصطفى هات مفتاح بيتكم عشان اجيب لكم الهدوم

رد مصطفى انا كنت عامل حسابي على هدوم ولد واحد البنتين هعمل ايه

رد يزيد هاتي من عندي يا سمر هدوم البنتين من الدولاب مع هدوم الاطفال

ردت سمر تمام

وقال تامر هات مفتاح عربيتك يا ممدوح ويبتسم ممدوح وغمز له وتامر ضربه في كتفه

وخرج مع سمر اللي ركبوا العربيه وهم ما بطلوش ضحك لما بيفتكروا كلام منار عليهم

وبعد وقت وصلوا البيت وطلعت سمر وفتحت شقه منار الاول ودخلت اوضه النوم وفتحت الدولاب وجابت شنطه الطفل وهدوم لمنار وطلعت ادتها لتامر

بعد كده طلعت شقت يزيد وفتحت الدولاب واخذت شنطه الهدوم وقربت من هدوم البنات وجاب طقمين وحطيتهم في شنطه منار واخذت هدوم لتقى مع هدوم منار وخرجت لقيت تامر واقف

وابتسمت وقربت منه وقالت له بقول لك ايه احنا لوحدنا اهو والشيطان ثالثنا ما تجيب بوسه مشبك اتصدمت تامر من جنونها كملت كلامها وانت زي القمر كده

ضحك تامر انه عارف انها بتهزر وقرب منها وقال لها وماله احنا لوحدنا اهو وهي اتكسفت وحاولت ترجع لورا بس هو مسكها من وسطها واقربها منه وبص في عينيها وقال لها بصوت هادي بحبك يا مجنونتي وبسها من شفايفها بوسه قويه

وهي اتصدمت انه كان على طول مؤدب واخره مسكه ايد واندمجت معايا وبعد عنها وهو بيقول لها يلا بينا عشان ما نتاخرش عليهم وهي واقفه مصدومه وقرب منها ومسك ايديها ومشي بيها

وهي قالت بتوهان يخرب بيت جمال بوستك ضحك تامر بقوه على كلامها وجنانها ونزلوا ركبوا العربيه وراحوا على المستشفى

اما الاوضه منار وتقى كانوا مع بعض والعيله معاهم بيضحكوا على فضايحهم اللي قالتها منار وهي نايمه وحكت انها قفشت قبل كده ممدوح ودينا فوق السطوح جنب عشه الفراخ

وقال مصطفى اكتم اختك دي ازاي

وقالت حتى انت يا مصطفى ما بترضاش تبوسني ولا تحضني من ساعه ما بقيت حامل اتصدم

وقال لي يزيد الحق اختك فضحتنا ولسه يزيد نتكلم سمعها بتقول وانت يزيد فالح رايح جاي تعاكس في النسوان وانا ساكته عشان خاطر ما مخربش بيتك والكل ضحك

وهي كملت كلامها ولا علي هو اللي خبط عربيه يزيد وقال لي ما اقولش

واتصدم يزيد وبص لعلي يعني انت اللي خبطت العربيه

قال له والله ما كان قصدي انا جيت اركن العربيه بتاعتي فخبطتها فضحك صابر وقال له خلاص يا ابني اختك اصلا البنج مبهدلها

ردت دينا بنج ايه يا عمي دي والده طبيعي يعني ما خدتش بنج

وقال مصطفى بصدمه يعني هي بتمثل علينا

ردت دينا لا هي تعبانه ونايمه فعشان كده بتقول الكلام ده الولاده برده كانت صعبه وبالذات ثلاث اطفال

رد مصطفى طب يا اختي وابقي لمي نفسك انتي واخويا وابعدوا عن عشه الفراخ الفراخ لسه بداره

والكل ضحك و دينا كسفت وقربت هند منها وحضنتها وقال يزيد شفت تقى محترمه ازاي ما بتتكلمش خالص

وفجاه سمعوا صوت تقى وهي بتقول ارحمني يا يزيد بقى انا تعبت انا داخله في الشهر السابع وانت عايزني ارقص الكل اتصدم وضحكوا

وقال يزيد لا كده ما ينفعش احنا هنجيب الدكتوره تفوقهم دلوقتي حالا احنا اتفضحنا خلاص

رد مصطفى اه والله يا ابني اختك شردتني حتى مع الدكاتره جوه

ووصل تامر و سمر ومعاهم الشنط نده على الممرضه وادوها شنطه اللبس بتاع الاطفال وقالت لهم 10 دقائق والاطفال هيكون عندكم

رد يزيد يا ريت تجيب الدكتوره تشوفهم من فوق ازاي

ردت عليه سهله جدا يا استاذ وقربت منهم وبدات تفوقهم وهم فتحوا عينيهم وهم مش قادرين

وقالت اني مريضه انا هقول للدكتوره انهم فاقوا طلع يزيد فلوس واديها للممرضه وخرجت

والكل قاعد بيبص لهم وهم بصوا لبعض وهم مستغربين

و قالت تقى بتعب في ايه مالكم وفين ولادي

رد يزيد الولاد عند الدكتوره هيجوا كمان شويه بعد ما هيلبسوا

قالت له طيب

ومصطفى بص المنار وقال لها حمد لله على السلامه

ردت عليه بتعب الله يسلمك يا مصطفى

الكل سكت لما الاحظ تعبني وما رضوش يتكلموا في حاجه

وبعد وقت جات الدكتوره وهي معاها خمس عيال

وقالت اتفضلوا الاطفال وبدا تكشف على تقى ومنار





وقالت الحمد لله بقوا كويسين جدا بس لازم يتمشوا شويه عشان معدتهم تتحرك وساعتها تقدروا تمشوا

رد عليها تمام يا دكتوره وخرجت الدكتوره

وقال الحاج صابر هتسموا الولاد ايه

ردت منار انا جايبه عيل واحد ليه جابوا لي ثلاثه

رد مصطفى ما انا برده كنت شاكك في بطنك دي ازاي شايله عيل واحد

ضحكه منار وقالت له قصدك ايه

قال لها كان الواد مخبي البنتين وراهم طالع راجل زي ابوهم وخايف عليهم الكل ضحك

وقال المهم هتسميهم ايه يا منار

ردت عليه مش عارفه

ردت سمر ايه رايك لو سمتي سما

ردت منار حلو الاسم ده

رد ممدوح والولد تسميه تميم

رد مصطفى حلو الاسم ده قوي هيبقى تميم مصطفى

وقالت منار كده فاضل البنت الاخيره هنسميها ايه سميها انت يابا ايه رايك

رد عليها صابر سميها كنزي

قال له خلاص يبقى كنزي وسما وتميم

وبدا الحاج صابر ياذن في ودان الاطفال باساميهم

وقالت دينا كده ما فاضلش غير عيالك يا تقى هتسميهم ايه

رد يزيد البنت هنسميها تاج زي صفا قالت اما الولد هنسميه عمر

وقال تامر اسامي جميله يتربى في عزك يا يزيد انت وامه

وبدا الحاج صابر ياذن في وداني الاولاد ويقول لهم اساميهم والكل كان مبسوط وفرحان ان العيله زادت