رواية جارنا الثامن الفصل التاسع 9 - بقلم دانيا

رواية جارنا الثامن

الفصل الثاني عشر12والاخير

بقلم دانيا

الظلام سد المكان والقريه لسه ضاجه بموضوع إختفاء البنات وكلهم بقوا يفتشوا وعاملين حراسه في كل حدود القريه ،، ابوي رجع البيت بعد نهار طويل وتعب واول مارجع لقى امي وخنساء قاعدين يبكوا قالوا ليهو اها لقيت البنات ، نزل راسو وقال ليهم لا امي بقت تبكي بحرقه وقالت بناتي وين وانا عاوزة بناتي...ابوي عاين ليها بإستغراب قال ليها بناتك منو وين خديجه؟ قامت على حيلها وقالت ليهو خديجه برضها اختفت بعد انتوا طلعتو فتشناها م لقيناها.

شبك يدينو في راسو وقال حسبي الله ونعم الوكيل من إهمالكم وتاني طلع مشى يفتش ،، لقى خالد برا قال ليهو خديجه برضو يا خالد قال ليهو كيف يعني ياابوي ؟ نحن لمن طلعنا ما كانت قاعده....قال ليهو خديجه اختك وبتعرفها ياتو يوم م جاتنا مصيبه من وراها ؟ واتحركوا ومشو يفتشوا.

انا بهناك بقيت واقفه مكان واحد وشغاله اقول حسبي الله ونعم الوكيل ، فجأه حسيت كأنو خطواتو بدت تتراجع او كأنو في حاجه منعتو من إنو يوصل لي ،، ركزت في العبارت القاعده اقولها قلت ايواه لقيت الحل سبحان الله كم انت لطيف يارب ،، جريت من قدامو بسرعه فجأة سمعت صوت مرتضى وهو بصرخ وقفت مخلوعه بقيت بحاول اركز في مصدر الصوت لفيت بفوق جيت للبيت بورا كان في شبكاك وقفت بقيت اعاين منو لجوا البيت .

كان مرتضى مربوط في عمود في نص البيت وكان في مجموعه من الناس رجال من جهه ومن الجهه التانيه خاتين البنات ، ومن جهه كان في بنات قاعدين وقدامهم في اطفال لمن جسمي كشه قلت البنات ديل منو وجايبين الأطفال ديل من وين ؟ عاينت لقيت في راجل عجوز قاعد في كرسي كبير ،، وفي رجال اتجهو نحو البنات وحاولوا يأخدو منهم الأطفال والبنات كانو بصرخو بصوت عالي وبحاولوا يتمسكوا بالأطفال عشان م يتآخدو منهم وكانو الرجال بضربوهم برجلينهم عشان يفكوا الأطفال .

ومرتضى كان بقول ليهم خلوهم حرام عليكم بس الرجال كانو كلهم ملامحهم مخيفه زي جارنا الثامن ،، وجوههم كلها شر بعد شالوا الأطفال كان قدام الراجل العجوز طاوله كبيره مشوا ختو فيها الأطفال والراجل العجوز كان ببتسم بخبث وشر ،، انا حسيت حيلي كله مات قلت ديل عاوزين يعملوا شنو لأزم اتدخل....بس قبل ما اتحرك من مكاني الراجل العجوز شال طفل من الطاوله مسكو قدامو وعاين ليهو مسافه انا بقيت واقفه وبعاين عشان اشوف داير يعمل شنو بالطفل فجأة رفع الطفل وابتلعه .

انا لمن شفتو لمن صرخت بصوت عالي والمكان كله بقى اصوات صريخ ،، م انتبهو لي مع اصوات الصريخ العالي الطالعه من جوا فجأه لمحت اختي خوله قلبي ابا يتحمل قررت ادخل جوا اول ما اتحركت عاوزة امشي على الباب في يد سحبتني للورا عاينت بخلعه لقيتها دي البت القبيل قلت ليها عاوزة مني شنو؟ قالت لي انا بتصرف ،، دخلت قدامي فجأه المكان بقى عباره عن دخان واصوات صراخ عالي شديد لمن حسيت طبلة اذني ح تطرشق ،، فجأه الأصوات هدت وكل الشياطين الكانو قاعدين هنا اختفوا ، عاينت ليها بدهشه قلت ليها كيف عملتي كدا؟ قالت لي بإبتسامه انا مش قلت ليكي انا نص بشريه .

اثناء ما بتكلم معاها لمحت جارنا جاء عاوز يضربها قبل تتلفت ليهو مدت يدها وجابتو واقع تحت رجليها ،، وفجأة اتبخر واختفى....البنات قاموا بقوا يبكوا م بعرف من الفرح ول من الحصل معاهم ومستقبلهم الإتدمر جريت فكيت اختي خوله حضنتها وبقيت ابكي وهي طوالي فكت الحبل من مرتضى ،، كلنا طلعنا برا قلت للبنات احكوا لينا الحاصل في واحده كانت بتبكي بحرقه قالت لينا ديل شياطين بخطفوا البنات وبجمعوهم هنا وبستخدموا اساليب دنيئه معاهم وبعد ما البنات يحملوا وينجبو بشيلوا الأطفال وبقدموهم قربان للملك زي ما انتوا شفتوا ، بنات كتير انتهت حياتهم هنا وبقت تبكي .

قلت ليها مافي داعي تبكوا انتوا الآن بأمان و حسبي الله ونعم الوكيل فيهم ومن اعمالهم الشيطانيه ،، عاينت للبت ديك وقلت ليها شكراً لولا وجودك م بعرف كيف كنت ح اتصرف او البحصل شنو وكلهم بدوا يشكروها قالت لينا مافي داعي للشكر ، مرتضى جاء وقف جنبي قال لي شكراً عاينت ليهو وقلت ليهو عفواً.....كنوز قالت لينا الزمن اتأخر ورح اطلعكم من البحر ولو م عايشين قريب ممكن تمشوا معاي بيتنا قريتنا قريبه من هنا وبكره الصباح تمشوا قراكم .

قلنا ليها تسلمي كتير بس لو طلعتينا لطرف البحر تكوني م قصرتي ،، طلعنا بهناك لقينا قربتنا نصها واقفين بهناك منتظرين اول ما شفت ابوي جريت ليهو وبقيت ابكي حضنا انا وخوله وبقى يبكي وتاني مسكنا خالد وبقينا نبكي ، واهل القريه شكروا كنوز ومشت وقالت لينا بزوركم إن شاء الله ،،، رجعنا القريه والصباح اهل القريه وصلوا بنات قريه زاهر لأهلهم ورجعت الحياه لطبيعتها بس لسه الحصل كان كابوس بالنسبه لينا.

جونا اهل مرتضى واختو مآب اعتذرت لي ، واهلوا شكروني لأني انقذت بتهم من الشيطان دا وبعد شهرين كان عرسنا انا ومرتضى....جاتني خوله قالت لي جاتك ضيفه قلت ليها منو؟ قالت لي مفآجأه ،، بعد طلعت برا وانا ومرتضى كنا قاعدين والناس بتجي تبارك لينا ، خولة جات قالت لي عاوزة تشوفي المفآجأة قلت ليها ااي....طوالي قالت اتفضلوا ظهرت كنوز ووراها امها لمن شفتهم لمن قلبي عمل شح من الفرح ،، تمينا العرس وقعدوا معانا لبكره الصباح وقبل يمشوا امها قالت لي هدية عرسكم انا حابه اغير ليكم موديل البيت قلنا ليها اتفضلي وبقينا نتونس ونضحك مع كنوز واخوها فجأهةغيرت لينا البيت بطريقه حلوه ومميزه شديد حسيت نفسي عايشه في حلم .

بعد سنتين جاتنا احلى بنوته سميناها على كنوز لأنها بالجد كنوز ،، وخوله سافرت مع خالد ومرتو المدينه خالد شغال هناك وخوله بتقرأ الجامعه وبتجينا في الإجازه وطبعاً خنساء اتزوجت ود عمي موسى اللهو اخو زوج خلود وبيت عمي محمود هدموهو ولنو في مكانه مسجد وقف على روح عمي محمود ،، وامي وابوي سافرو العمره لمن يجوا ح يستقروا في المدينه فضلنا انا وخلود وخنساء بس هنا ونحن بنمشي ليهم كل فتره والتانيه.

تمت