تحميل رواية «حكاية سمر 😍» PDF

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_الاول

ملاحظه@.. #القصه للتوعيه لا لنشر الاباحه..

لكل فعل ردة فعل ..ولكل خطأ جزاء..

عـادةً تمُـارس بجهل.. لكــــن ما جزاء هذا الجهل..

وبالأخـــص لـو کانـت "بنت" من سيرحمها..!!

أو مــن سيصدقها..؟

فــي كلمةً يقولها اجدادنا..

"البنت كـ الزجاج.. لو انكسرت.. لن ترجع لعهدها"

سوف اقص لكم اليوم حكاية البنت سمر.. لتكون عبره لكل بنت.. تابعو معي..

سمر.. اشكر الكاتبه زينب ماجد.. لطرحها قصتي.. واتمنى ان تكون "عبره" تأخذها كل بنت او ام لتحافظ على نفسها او بنتها..

اسمي سمر.. من مواليد 1989..من سكنة بغداد.. منطقة الاسكان.. مواصفاتي عاديه كأي بنت عراقيه.. ما امتاز بفد شي معين.. غير غمازاتي هههه

وضعي الدراسي.. طالبة كلية اداب انگـلـش 📖

اصلي من منقطة الرمادي.. محافظة الأنبار..

ابويه رجل م̷ـــِْن عشيرة الدليم بالانبار.. وامي علويه.. من عشيرة الحسيني من اهالي النجف..

ابويه شاف امي بعرس لصاحبه جان وياه بالجيش وهذا صاحبه من النجف.. يصير ابن خال ماما وبعرسه.. بابا شافها وحبها..

اهل ماما بيتهم قريب على العتبه العلويه بالنجف.. وكل عصريه جانو بالامام..

وخطيه بابا جان يتعنى كل اسبوع يزور الامام علي بس علمود يشوف امي هههههه

وطبعا عمامي ضد هذي التقاليد وزيارة الائمه .. يعتبروها تقديس القبور..

وجانو محاربين ابويه.. لان عرفو بيه يحب بنيه من هلطائفه وخاصه انها علويه.. هذي اعتقاداتهم اللي لا تودي و لا تجيب..

بس ابويه وعشك بعد لو هيه لو اكتل روحي.. اخر شي اهل بابا تبرو من عنده.. كالوله لو اخذتها تطلع من عدنه..

بابا مهتم.. اخذ كولشي يملك وراح من عدهم.. اجر بيت يم الامام.. وراح لم ناس يعرفهم وخطب امي..

وهله هله وين اجه خخخخ اجه لجدو ابو ماما رجل سيد متعصب ديني.. العلويه. ما ينطيها لغير بنت عمها..

اتقدم بابا وانرفض.. بقى يتقدملها وهمه يرفضون..

اخر شي.. ماما تخلت عن اهلها.. واجت ويه بابا لبغداد.. وابويه رجل ضابط بالجيش العراقي شحدك تحاجيه..

وصار بين امي وابويه عقد محكمه.. لان ماما جانت بوقتها بالغه.. فابويه كال لاهل امي.. هاي بتكم واخذتها واليتقرب ياويله..

جانو بوقتها الساده محاربين.. خاصه لو اشتكى عليهم رجل سياسي يجيب اخرتهم.. لذلك اكتفو بتبري من امي..

فاجه بابا ترك اهله وامي تركت اهلها وعاشو ابغداد.. حملت ماما وجابت اخويه احمد الجبير..

وانوب جابتني اني.. وبعدها اختى نجوى وبعدها اخويه محمد اخر العنقود..

امي من مات جدو ابوها.. راحت لاهلها وكسرت الحاجز الوياهم ورجعت المي لمجاريها ..

بس بقت بتأنيب ضمير لان مات ابوها ومراضي عنها.. كل خميس تسويله ثواب وتقراله قران ومرات تروح لقبره تزوره

لحتى يخف التأنيب عدها.. لكن هيهات هذا مو بالشي السهل ابوك يموت ومراضي عنك شي صعب جدددا

وابويه كذالك.. من بعد سنتين من زواجهم.. رجعت علاقته بأهله ولو ما متقبلين امي.. وجانو يستهزئون من معتقداتها ويأذوها بالكلام ..

بس جانت تتحمل.. وتسكت لخاطر ابويه.. طبعا لا ابويه اثر على معتقد امي ولا امي اثرت عليه..

مثل اللي يكول عيسى بدينه وموسى بدينه (عليهم افضل الصلاة والسلام) كلمن حر بمعتقده.. واحنه نمثلهم ثنينهم..

نبجي على الحسين ونصلي مكتفين .. تحت عنوان عراقاً واحد لا للطائفيه.. خخخخخخخخخ

ارجع اكلمكم عن نفسي..

انـي بطبعي جدا خجوله واتلعثم بالكلام كدام الغريب ما اعرف هيج احس بأرتباك والكلام يضيع مني..

مثلا لو واحد فات مني وكال السلام عليكم.. من الارتباك والخجل اكوله هلو مع السلامه.. ههه

ما اعرف ارد.. والسبب امي.. جانت قاسيه بتربيتها النه.. تعتقد بالقساوه حتمشينا علطريق الصحيح..

جنت اذا اشوف فد شي عيب او شي ما اعرف واروح اسئلها عليه.. بعتبارها الكوكل مال البيت خخخخخ

بس يا حسره.. كوكل متعصب هههه ..كل ما اسئلها واكولها ماما شنو هذا.. تنتر بيه وتزمخ وتكولي والله اذا سئلتي او عرفتي هلشي اموتج.. عيب

ما جنت اعرف شنو عيب.. اعرف هلشغله تخوف.. وصراحه.. كلمة العيب جانت عندي.. فد شي لغز احب اكتشفى ليش عيب..

من جانت هيه متفهمنياه.. اروح ابحث عنه بنفسي.. كنت هوايه اجهل الامور.. وهيه متفهمنه على شي ابد..

كله عيب.. مرات من جنت صغيره و اسئل اكولها ماما احنه شلون صرنه واجينه لهذي الدنيا .. يعني كأي طفل عنده الفضول للمعرفه..

مكانت تفهمني.. بسرعه تصرخ بوجهي.. عيب ادبسز والله لو عدتيها.. اذبحج.. محاولت تزرع بذهني فد شي طفولي.. لحتى تفهمنه.. اخاف واسكت..

بس بداخلي اكول ليش هيج عيب.. يعني الشغله تخوف.. فيصير عندي الفضول ليش هيه صرخت بيه ومفهمتني..

صراحه ما جنت اتجرء اسوي الغلط خوف من امي..

جنت بالمدرسه.. هستوني داخله متوسطه اول سنه.. اعتبرت نفسي خلاص اني اكبرت وصرت جبيره حالي حال امي..

لاني طلعت من الابتدائي.. كانت ويايه.. بنت مو صديقتي.. بس قريبه على بيتنه .. امها موضفة طيران..

وابوها تاجر.. ابد ممتواجد بالبيت.. جانت عمتها مطلقه وعايشه وياهم.. بس اهلها دائما ممتواجدين..

لذلك جانت تجي تكعد يمي نقره بالمدرسه.. هيه فد بنت تلبس الضيق.. وتشسور الشعر.. وتخلي مكياج.. وتحير شتسوي بنفسها..

هيه راسبه سنتين..كل همها السوالف التعبانه.. والمدرسه جانت كلها تتلوكلها لان حلوه وعدها فلوس كومه..

وانيقه.. وتلعب علولد وتسولف بطولاتها للبنات.. اني ابد جنت بعيده عنها.. بس هيه لان تعرفني جيرانهم شاطره وجيرانهم تطلب مني اقريها..

فمره جنه دنقره.. وحجتلي على صديق الها.. وشلون يطلب منها علاقه.. استغربت ..كتلها عود شنو علاقه..

كالت شبيج هاي اللي تصير بين الرجال والمره.. كتلها ليش هوه شنو يصير بيناتهم..

ضحكت بصوت عالي.. كالت بربج متعرفين.. لج انتي شكد زعطوطه.. كتلها اني مو زعطوطه اني جبيره صف اول متوسط 😊..

كالت واذا جبيره متعرفين هلشي.. كتلها ما اعرفها.. كالت زين ما تعرفين احنه شلون صرنه..

كتلها.. بابا يدعي لماما تكبر بطنها.. وربنا يستجيب وتكبر بطن ماما.. وانصير احنه.. ضحكت ضحكه فضيعه احسها صارت حمره من الضحك..

كتلها هاي شبيج.. كالت لا لا انتي ابدا مو معقوله.. لج مو اكولج انتي.. طفله.. كتلها شبيج ورد.. كتلج اني مو طفله..

كالت لج شبيج الشغله اكبر من هيج.. كتلها يعني شلون.. كالت تعالي اشاورج.. 💭👂😨

كتلها الله عليج.. كالت اي والله شبيج.. كتلها لا لا عيني.. بابا وماما مو هيج.. اصلا ميسوون هلشكل..

كالت لج غبيه ماكو ثنين متزوجين ميصير بيناتهم هلشي.. كتلها لا عفيييييييه.. والله ما اتوقع امي تقبل بهلشي..

هيه عصبيه ومتقبل بالغلط.. كالت يلفهيمه.. لو ما قابله صدوك.. شلون جابتج انتي واخوانج..

كتلها ما اعرف المهم اهلي واعرفهم.. ميسون هلشكل.. كالت راقبيهم بليل وشوفي.. كتلها عيب شنو هلحجي..

كالت ولج اصلا شغله حلوه مو مو زينه بالعكس فد تفرحييييين بيها.. كتلها ليش انتي متزوجه وتسويها..

كالت لا اني ما احب الرجال.. ما احب يذلني بهلشي ...كتلها يذلج شنو.. كالت لج باعي.. اني اسوي بنفسي.. ما اريد رجال وانانيته وجشاعته

كتلها انتي شجاي تحجين تره عيب.. كالت لج عوفي العيب مراح يوكلح خبز.. اسمعي مني وطبقي والله راح ترتاحين..

كتلها.. شسمع شبيج.. كالت لج هيج وهيج تسوين ويه نفسج.. والله جربي وشوفي وباجر اتانيج ترديلي خبر وشوفي اذا ما ارتاحيتي..

كتلها لج عيب عيب والله ما اكدر اسوي هلشي.. غير تلزمني ماما تذبحني.. كالت يا غبيه.. هيه عاده سريه..

بينج وبين نفسج امج شمدريها.. كتلها واذا شافتني.. كالت بالحمام.. كتلها.. لج لا والله اخاف..

كالت مو اكول زعطوطه.. كتله اوووف لج كتلج مو زعطوطه شبيج.. كالت اذا مو زعطوطه اكبري لعد وسوي مثل ميسون الكبار..

كتلها ليش الكبار كلها تسوي هيج.. كالت ماكو واحد ميسوي.. اذا ممتزوج.. يتبع هلطريقه.. واذا متزوج.. لا مثل امج وابوج..

كتلها دنجبي والله بابا وماما ميسون هلشكل.. كالت راقبيهم وانتي تعرفين.. وهاااا جربي الكتلج عليه والله متخسرين شي..

بس جربي الشعور.. كتلها شنو الشعور.. كالت جربي وانتي راح تفتهمين..

راحت وبقيت افكر.. عود الحجته صدوك.. معقوله اهلي هيج يسون لا ما اصدك..

اني من النوع استحي واخاف من ضلي.. امي اتسميني المطفيه.. لان ابد مو نبيها..

وما فد يوم انتبهت لاحد شديسوي.. بمجرد ما اخلي راسي علمخده انام.. وما افكر بشي.. بس بذيج اليله.. ما نمت

بقى الحجي يدور براسي.. لليل شفت ماما وبابا كامو راحو برا.. تقريبا الساعه 3 وفوك..

كلت ماما وبابا وين راحو.. الغرفه ضلمه علينه خفت.. هاي اول مره اسهر وما انام..

فكمت وراهم.. جاي اشوف وين راحو.. جان الضوه خفيف بالغرفه وشفت شجانو يسوون اتخبلت..

يعني صدوك الكالته ورد صديقتي.. ماما وبابا ميستحون.. صار عندي ما اعرف شنو شعور غريب..

رحت لفراشي.. واحس جسمي سخن من المنضر.. فسويت مثل ما علمتني ورد.. من كملت فعلا ارتاحيت..

وشعور غريب بعمري ما حاسه بهلشعور.. وعجبني.. فصرت كل ليله قبل ما انام اسوي هلشي..

وحتى بالحمام من اسبح اطول وما اطلع وابقى اسوي هلشي.. مره ردت احاول اكتشف نفسي..

وبهلعاده.. اكتشفت نفسي باصابعي.. شفت الموضوع مريح.. استمريت.. لحد ما كملت..

من كملت.. شفت صار ينزل عليه دم.. غسلت هم بقى ينزل.. فكلت عادي هاي يمكن العاده اجتني..

لان اني من خلصت السادس.. اجتني العاده.. لذلك ما خفت وحسيت الشي طبيعي.. وبقيت على هلحاله سنين.. ومحد يعرف..

دخلت كليه ..ومتواصله بدراستي.. فد مره.. اجه ابن خالة امي.. اسمه.. اركان..

جانت اركان عيونه عليه.. واني هم نعجبت بيه.. جان مسافر للبنان ورجع.. وشيك وحلو ومرتب.. عجبني شكله..

فتجرء هوه وحجه ويايه.. كال نعجبت بيج واريدج واحبج.. كتله بس اني ادرس.. كال ماكو اشكال..

خلصي الجامعه.. ويصير خير.. بس اريد اتواصل وياج.. فكمت كل يوم اخابره علارضي واحجي وياه..

طبعا احجي وياه لما ماما وبابا ميكونون موجودين او نايمين.. وماخذه حذري لذلك ما فد يوم احد اكتشفنه..

وبقيت مستمره بعلاقتي مع اركان.. جان اركان شخص يصلي ويصوم.. وعلمني شلون التزم بصلاتي.. وما اقطعها..

وجان ينصحني بالدين وبالحجاب.. هوه سيد من اهالي النجف.. وجان يدرس حوزه.. عنده تعقيد ديني.. لكن احبه..

التزمت بحجابي وبصلاتي وبقرأني بسببه.. فجان يكولي تابعي قناة الانوار.. ويجبرني على متابعتها..

طبعا يمهدني لحتى استشيع وافهم هلشي منه.. واني ما عندي اشكال بالدين.. ان كنت شيعيه او سنيه.. المهم مسلمه..

وهوه كال لو اتزوجتج.. اتبعي طائفتي.. كتله انشالله.. بس هلشي سر.. لان ابويه ميقبل.. كال ماشي..

جنه متفقين نتزوج.. وما كدامي غير سنه وحده واتخرج ونتزوج.. فمره كال طالعه محاظره للشيخ عبد الحميد المهاجر..

استمعيلها.. فكتله ٱפگـيہ راح استمع.. طلعت المحاظره وبقيت استمع.. جنت بكل محاظره يذكر فيها الحسين عليه السلام ابجي..

وانهار من البجي لما اتذكر هوه شلون مات.. وشلون سبو اخته وعياله كلها نساء اجعل حالي مكانهم.. وانهار..

فخلصت المحاظره.. مسحت دموعي.. وبقيت اباوع.. طلعت نصائح وحكم للرسول محمد صلى الله عليه واله وسلم..

من بين الاقوال.. قول للرسول يكول.. لعن الله ناكح يده.. بقيت صافنه.. شنو يعني ناكح يده.. معقوله اكو هيج شي..

معرفت الرسول شيقصد بهلكلام.. فرحت لامي.. كتلها ماما شنو يقصد الرسول بقول لعن الله ناكح يده..

نترت بيه وعصبت.. كالت اكلي تبن شهلكلام ومنين تجيبين هلسوالف المكسره.. سمرررر اكعدي راحه وتأدبي..

مو عبالج صرتي جامعه وما احاسبج واضربج اذبحج والله.. كتلها ماما تره اني ما كفرت ردت استفسر الرسول شيقصد..

كالت مو كل قول يخصج.. معليج بهلكلام ديري بالج على دراستج.. واتركي عنج هلمواضيع السخيفه..

عرفت ماما مراح تنطيني جواب.. فـ رحت درست وكملت دراستي لكن القول بقى ابالي.. شنو ه̷̷َـَْـُذآ الشي.. وشنو معنى ناكح يده..

خابرت اركان بليل.. الووو

اركان.. اهلا حبيبتي.. شلونج..

سمر.. تمام الحمدلله وانته..

اركان.. بحفظ الله وعنايته ..شخبارج

سمر.. ماكو شي كملت دراسه واجيت دا احجي وياك.. شلونهم الاهل..

اركان.. زينين.. شوكت تخلصين هلدراسه عاد يله نريد نتزوج..

سمر.. ههههه انشالله بقت عندي بس اخلص هلسنه والسنه الجايه اتخرج.. بعون الله

اركان.. ان شاء الله.. الله يكتب الي بيه الخير..

سمر.. اكول اركان ممن سؤال..

اركان.. أيٌـ.YESـہٌَ طبعا حياتي.. تفضلي..

سمر.. ولو هوه السؤال شوي محرج بس حابه اعرف شنو.. وما لكيت غيرك اسئله..

اركان..ان شاء الله اكدر افيدج بالجواب الوافي.. تفضلي..

سمر.. اركان شنو معنى قول الرسول محمد صلى اله عليه واله.. لما قال لعن الله الناكح يده.. شنو يعني ناكح يده..

اركان.. هااا 😐 ااا شلج بهسؤال ليش

سمر.. مـℳOــو فد شي بس حابه اعرف..

اركان.. شلون اوضحلياها.. احنه متزوجين فـ شوي صعب اشرح هلموضوع الج بالتوضيح.. لك راح احاول اوضحلج بصوره تلميحيه..

سمر.. اهاااا اسمع..

اركان.. باعي حبيبتي.. ناكح يده يقصد بيها الرسول هيه العاده السريه..

سمر.. وشنو هاي العاده السريه..

اركان.. يعني الرجل ينكح نفسه بأيده بدون الحاجه لزوجه.. او شريكه.. ليصل بنفسه الى ذروة الاثاره..

سمر.. فقط خاصه بالرجل..

اركان.. لا طبعا لكلا الجنسين.. المرأه نفس الحاله.. وهي حالة منبوذه لان حرام وتسبب امراض لكلاهما..

سمر.. عرفت نفسي اللي اسوي هوه ما يقصده الرسول.. انصدمت.. كال الووووووو.. كتله هااا وياك..

اركان.. هاي وين رحتي..

سمر.. لا ماكو شي.. بس سؤال اركان يعني هلشي عادي من تمارسه.. انته تسوي..

اركان.. لا طبعا مو شي عادي اولا حراااااام جدا وملعون صاحبها على لسان الرب.. شلون اسويها.. حتى وان كنت مو متزوج..

لكن الصبر عن هذى الشي يتسمى جهاد النفس.. ومن يمنع النفس عن الهوا فأن الجنة هي المأوى

وتعتبر جنابه.. واي جنابه غير اللي بين الزوج وزوجه.. يعتبر حرااااااام اطلاقا .. وعليها غسل حالها حال المجنب المتزوج..

سمر.. يعني شنو غسل ما افتهم.. قصدك استحمام..

اركان.. لا مو استحمام.. غسل اله واجبه وذكره نفسه غسل الجنابه.. تطهرين منها.. والا لا يقبل لا صوم ولا صلاة..

سمر.. لحضه لحضه.. يعني قصدك هلشي يبطل الصلاة والصوم..

اركان.. هوه شي طبيعي.. اللي يمارس هلشي حتى لو اطهر فهوه ملعون يعني لا يقبل منه عمل ولا يستجابله دعاء..

سمر.. ضليت صافنه على الكلام.. يعني معقوله كل صلاتي وصيامي الفات ممقبول.. يعني هسه اني اعتبر عند الله من الملعونين..

المطرودين من رحمته.. رحماك يارب شنو هلمصيبه معقوله… يتبـــــــع

🌺🌺🌺🌺

اسـŝøŗŗýـــفه على جرئة الموضوع.. لكن طرحته للفائده والتوعيه لا لنشر الفساد.. اكو هوايه بنات لليوم يجهلون هلشي..

وخسرو ارواحهم ثمنها.. لذلك طرحت هلموضوع لحتى ابين للام شلون تحافظ على بنتها خصوص في سن المراهقه.. عمر 12..13..14..15.. هذا اخطر عمر..

تسمى مرحلة اكتشاف الذات.. لدى الجنسين.. لا تكولون بنتي فقير ومطفيه ومتفتهم.. لا تشوفون الطفوله غالبه عليهم..

لكن بهلعمر.. تنزرع عدهم الاستفهاميه وراح يبدون يحققون بكلشي لحتى يتعرفون علحياة ويخرجون من عالم الطفوله..

لكن للاسف اكو بعض المراهقين اللي ما الهم احد يرشدهم بهلخصوص ويصادقهم ويعلمهم.. خاصه البنت.. فيوقون بالخطأ..

متابعه ممتعه.. ❤

. 🌹

# حكاية_سمر.. (بارت لعيونكم.. 🙈)

،،،،،،،،،،بقلم الكاتبه زينب ماجد،،،،،،،،،،،

البارت_2

اركان.. الوووووو يمعوده وين رحتي هاي شبيج..

سمر.. اااا اسـŝøŗŗýـــفه حياتي.. بس هيج انصدمت اكو هيج استغفر الله.. معقوله يعني..

اركان.. حبيبي مضر هلشي.. هوه لو بيه فايده جان الله ما حرمه.. بس يسوي عجز جنسي عند البشر..

سمر.. شلون يعني..

اركان.. يعني الرجل اللي يستخدم هلشي.. بمرور الوقت حتى لو تزوج مراح يكدر ينسعد ويه زوجته..

راح يحس انو هيه متسد حاجته مثل ميسد حاجته بنفسه.. الى ان يصيبه العجز..

وكذلك البنت.. لما تتزوج.. تحس انو زوجها مو كافيها وميسعدها مثل ما هيه تسعد نفسها.. وراح تأثر على علاقتهم وحياتهم.. ومرات تصير حالات طلاق بسبب هلشي..

لان البنت تضوج من الرجل.. والرجل يحس مرته مقصره.. وتحدث المشاكل بينهم.. واقل شي يتفاقم ويكبر بينهم.. لان ممنسعدين بعلاقتهم الزوجيه..

لذلك محد راح يتحمل الاخر.. واقل شي.. راح يكبر ويصير مشكله.. اضافه الى الفايروسات اللي تحملها الايد لهلمنطقه الحساسه..

اللي راح تنقلها الها وتسببلها امراض صعب حلها او شفائها لذلك ربنا حرمها.. ولعن فاعلها.. لحتى يحد من الغلط..

سمر.. عجيب اول مره اسمع بهلشي..

اركان.. اي حبيبي شعلينه هاي بس الناس الماتخاف الله تسوي هيج.. اي كوليلي ما بيج جيه للنجف..

مو كلتي قبل فتره نريد نجي..

سمر.. هاا أيٌـ.YESـہٌَ بس بعد خل اخذ استراحه واخلص امتحانات والله كريم..

اركان.. اي دفضيها عاد.. تره متت اريد نتزوج..

سمر.. ههه انشالله بس هلسنتين وتفض..

اركان.. نتحمل يابه شنسوي..

سمر.. يله حبيبي اروح .. شوي وارجع اخابرك اذا صار عندي مجال.. ٱפگـيہ

اركان.. ماشي.. ان شاء الله.. انتضرج.. مع السلامه..

سمر.. الله وياك.. سديته م̷ـــِْن اركان ورحت بساع فتحت الكومبيوتر مال اخويه.. وكعدت ابحث عن العاده السريه..

وشنو اضرارها وشنو الاقوال والاحاديث اللي ذمتها ولعنت فاعلها.. انتبهت يعني طول الفتره السابقه لا صلا ولا صوم مقبول الي..

معقوله..!! بقت دموعي تجري.. كمت من ساعتها تعلمت غسل التطهير.. وكمت غسلت ومديت سجادتي وكعدت اصلي وابجي..

وادعي الله انو يسامحني على هلغلط اللي سويته.. يارب والله كنت جاهله هلشي حرام ويغضبك.. ربي دخيلك لا تطردني من رحمتك..

لا تلعني والله ما كنت اعرف.. بقيت ابجي لحد ما نمت على سجادتي.. كعدت الصبح.. بدلت ورحت لجامعتي..

اباوع للناس يا ترى هاي الناس تسوي هيج لو بس اني.. بس اني الله لاعني.. وميريدني..

الله لا ينطيج ورد شعلمتيني وخليتنيني بهلطريق.. شمدريني بهلشي حرام..

دخلت للمحاظره.. حظرتها.. واني ذهني شارد مو يم الدرس.. اتقرب مني الاستاذ ولوح بيده..

كمزت.. كال شبيج سمر.. ليش هيج شارده.. وكفت.. كتله لا ابدا استاذ ولا شي..

كال اريد تمرين عليه بعد المحاظره.. عندي موضوع وياج.. كتله ان شاء الله.. كمل المحاظره ..طبعا اعرف هلاستاذ شيريد..

من زمان يحاول يتقرب مني.. رغم هوه عمره.. فوك 40 سنه.. بس ما اعرف دائما اشوف نضراته تلاحكني..

كملت المحاظره.. وطلعت للكافتريه.. اخذتلي كوفي.. صحصحت.. ورحت للاستاذ.. دكيت الباب..

كال تفضل.. فتحته.. كال اهلا سمر.. كتله استاذ حظرتك رايدني.. كال أيٌـي اريدج.. تفضلي..

كعدت ودخل استاذ ثاني.. وكف. يحجي وياه.. وكعد.. كال تفضلي سمر نهاية الدوام احجي وياج..

كتله ٱפگـيہ ان شاء الله.. طلعت.. لكيت صديقتي.. سولفنه شوي.. وبعدها رحنه كملنه محاظراتنه..

كملت.. رحت للحمامات.. غسلت وجهي. عدلت نفسي.. وطلعت الجامعه.. دا اريد اعبر للشارع الثاني..

وكف استاذ منير بسيارته.. كال اصعدي.. استغربت.. كال اصعدي منا اهل الجامعه لا يشوفونه..

ركبت بساع ومشا.. كتله نعم استاذ اتفضل.. كال انتي وين بيتكم.. كتله بالاسكان.. كال ممتاز.. ابوج ضابط بالجيش صّـْْ(☑)ـْْحّ..

كتله أيٌـ.YESـہٌَ صح.. كال.. لو اتقدمت الج للزواج راح توافقين.. كتله نعمممم.. ااااا استاذ مع احترامي الكبير الحظرتك..

لكن انته اكبر مني بهوايه.. كال العمر مو مهم.. كتله لا شي مهم طبعا.. اني بعمري الي افكاري واطباعي..

وانته الك افكارك واطباعك.. اتعديت مرحلة الشباب.. ضحك كال يعني شايفتني.. شايب.. كتله لا لكن.. مـℳOــو بعمري..

كال اني اريدج.. كتله اشكرك استاذ لان شفت بيه الزوجه الصالحه اللي تناسبك.. لكن اني عندي مشروع خطبه.. ومقروئه فاتحتي..

كال من منو.. كتله من ابن خالة امي.. بالنجف.. ضحك.. كال ادليميه انتي شجابج على اهل النجف..

كتله خوالي.. امي علويه.. من سادة الحسيني.. كال حلووو تنوع.. كتله مو تنوع لكن ماكو اختلاف نبينا محمد وكتابنه القران..

هذا الشي ميمنع.. ارتبط بشخص من غير طائفه.. بلعكس.. نحاول نكسر الموجه الصارت هسه.. انه سني وانته شيعي..

لازم نبني جيل.. يتعدى هذي الطائفيه.. ونتناسب مع بعض.. كال مراح يناسبوج.. كتله بس اني.. احبه..

وكف السياره.. كال تكدرين.. تاخذين تكسي وترجعين البيتكم.. كتله.. شكرا.. نزلت.. اخذت سياره ورحت للبيت..

وصلت.. لكيت عدنه ببيت عمه ساميه هيه وولدها بكر وعادل.. وبنتها رنا..

عادل محبوب ودمه خفيف وينحب بساع ..وياخذ ميانه بسرعه ويه الشخص..



بس بكر.. لا جامد ومتكبر وثكييييييييييييل فد مره بتصرفاته وبثقل دمه.. ابد حتى ضحكه.. مابيه..

بس هوه طاك درجه اولى ارقى السيارات.. ائنق الملابس والساعات والنظارات كله ماركات😐..



بس رنا اخته.. غييييير.. تحجي هوايه ومحبوبه..

سلمت على عادل.. هلو عادل شلونك.. مد ايده وصاح هلا يابه بالمختفيه.. وصفك ايده بأيدي وبوس سلام..

يابه تره الجلب العضكم كتلناه.. فد مره غلطي. وتعاي مريلنه شنو السالفه..هياتنه صرنه قراب عليكم..

كتله لا والله شنو شلتو من الوزيريه.. اهنا صرتو.. كال اي.. كتلها هلا بيكم.. انوب اتقربت لبكر..

كتله هلا بكر شلونك.. شال وجها وكال هلا.. بكلبي كلت وطمه التطمك على شنو شايف نفسك..

اشو اسمر محترك.. عود يلبس ويتخشخ.. ومحلي نفسه بهلماركات والفلوس..

رحت الرنا يهلاااا لج اشووونج.. كالت هلا عيني بالدايحه هلا.. كتلها لا يا دايحه.. ولج والله دراسه..

وحضنتها بوستها.. اشلونج 😗 اشلونج زينه 😗شلونج بعد 😗 والله مشتاقيلكم😗 صاح.. عادل ولكم شنو هااااي صار البوس بفلس

اشو محد شمرلي بوسه ..ضحكنه ههه كتله ادور بوس ابو البنات.. كال ولج منين يا حسره.. كلهن وجه التاير ماكو حلوه..

كتله شنو السالفه.. تره اكو يدمرن.. كال امهات الكليه كلهن مكبلاات.. كتله لا والله ابد هواي صديقات عندي.. اسم العلاقه ما عدهم..

غمز وكال وانتي بيج علاقه لاااا.. ضحكت كتله عابت.. طبعا لا…. كال متأكده.. ضحكت.. ولا تجوز من سوالفك..

زين عمتي وين.. شو بس انتو بالبيت خير لعد امي وين راحت.. كال راحن شوي عدهن شغله.. كتله خير شكو..

كال يسون سحوره.. ضحكت ههههههههه لا تره هاي حقهم.. موديل السحوره حيل دارج هليام..

كال هيج ويسوولي سحر معدل والكه تعيين واتوضف.. ضحكت.. بصوت عالي طلعت من عندي بعفويه..

واشوف بكر شال عينه بكل حديه.. استغفر الله هلبشر ه̷̷َـَْـُذآ ما بيه ضحكه.. كتلهم من رخصتكم ابدل وانزل..

كالو روحي.. رحت بدلت ونزلت.. رحت للمطبخ لكيت مسوين دولمه فتحت الغلك مال الجدر اوووف يريحه..

صحت افيييييش هاي الريحه الزينه.. جان يكمزني عادل وهوه يكول.. اييييييي بشرفي هيه هاي الريحه المعدله..

ضربته عله جتفه خيفيف.. كتله عابت كمزتني..

مدا ايده واخذ لفة ورق عنب اكل نصها.. كال بروح اهلج ضوكي ضوكي الحموضه.. اخذتها من ايده واكلتها..

كتله اوووف بعد ما اتحمل راح اصب.. تاكلون.. كال علمود يشرحونه يم الكصاب الكيلو ب7… ضحكت بصوت عالي..

اجه بكر.. حجه وهوه منجي علباب.. انتي ما تعرفين اتنصين صوتج من تضحكين.. اتغيرت ملامح وجهي.. كتله اسـŝøŗŗýـــفه بس هيج طلعت لا اراديه..

كاله عادل بكر عاد فك العقده يا اخي كله جديات اضحكلك شوي.. كاله حتى اصير سفيه مثل حظرتك..

سكت عادل منه.. كتله عدوله حصب تاكول.. كال اي صبي ومحمد جوعان.. صبيت اجت رنا ساعدتني.. خلينه علطاوله..

درت وجهي لبكر.. كتله بكر تاكول.. كال لا انتضر الاهل.. كتله براحتك.. جريت الكرسي.. وكعدنه اني وعادل ورنا ناكل..

دخلت ماما.. وعمه.. كمت بساع الخاشوكه بيدي والخبزه وسلمت على عمه.. كالت امي شنو صبيتو غير تنتضرون..

كتلها ماما والله ميته جوع وانتو اتأخرتو.. كالت اي رحنه بشغله يله خل نمد السفره مدام بعدكم ممكملين..

كالت طلعي الزلاطه مسويتها بالثلاجه.. مديت السفره وخلينه الاكل.. وزعت خبز.. بكر كال اريد خاشوكه..

ما اكل الدولمه بخبز.. انطيته الخاشوكه يمي.. اندكت الباب.. كتلهم ابقو اني رايحه افتح الباب..

كمت من الاكل ورحت فتحت الباب لكيت اركان كدامي.. صرخت يااااااي هاي شجابك.. وحضنته..

ضحك وكال وخري ميصير تلزميني.. حرمه شرعيه.. ضحكت.. كتله يبووو يبووو التعقيد دفوت فوت..

درت. وجهي وشفت بكر ورايه.. سلم عليه اركان ووكف بالباب كال سويلي درب..

صحت.. ماما هذا اركان هنا.. كامت امي كالت يا هله خويه شلونك شلونك زين.. كالها هلا ام احمد شلونج..

كالته تحت رحمته.. خالتي شلونها كاللها بخير تسلم عليكم.. كالتله تفضل.. كاللها لا والله بس اريد اتوضى اتأخرت على صلاتي..

كالت اي سمر يمه وديه للمغسله.. كتله تعال منا.. فات.. كتله شجابك اشو مكتلي البارحه راح اجي..

كال اشتاقيتلج وردت اسويها مفاجئه.. كتله احلى مفاجئه.. كال اي بس عدلي حجابج لفيه عدل..

ضحكت هههه ماشي.. توضى واني رحت طلعتله السجاده ووكف يصلي.. صوته حلو بصلاة.. بيه خشوع..

اتذكرت ممصليه.. رحت صعدت صليت ونزلت.. لكيته بعده يصلي.. كتله اركان.. خلصت هز بيده وهوه يسبح..

كتله يمعود هاي عود انته قصر وهيج طولت شكو. كال اقره سور كبار بصلاتي ما اقره سوره صغيره..

كتله يعني شتقره.. كال مثل سورة الرحمن او يس.. كتله حيييييل وهاي الك خلك.. كال اجمل اللحضات هي اللحضات اللي تناجين بيها الله

ضحكت.. احجي واني كدامه وطابكه المخده وكاعده عليها.. دخل عادل.. كال تقبل الله مولاي..

كام اركان وسلم عليه كاله اعتذر ما سلمت شفتكم كاعدين علاكل.. كاله لا اصلا الاكل ما عليه سلام.. بقو يحجون..

هوه وبكر وعادل.. كتله اركان تتغده مو.. هزلي براسه.. رحت للمطبخ.. سويت صينية الاكل.. وعدلتها وديتها لاركان..

دنكت و خليتها بالكاع.. جاي اطلع.. كام بكر كدامي.. رحت للمغسله اغسل ايدي فات من يمي..

ورجع.. درت عليه وجهي. كال مره ثانيه من تخلين الاكل لاحد.. لا ادنكين من طولج وتخليه و ولّد شباب وراج.. اكعدي وخلي الصينيه مفهوووم..

حجه هلجمله وراح بدون مينتضر مني اي كلمه.. كلت ه̷̷َـَْـُذآ شبيه خبل.. استغفر الله شيقصد عود..

اوووي هذا عقده نفسيه مو صاحي.. عفته ورحت كعدت يم عمه ورنا وامي يسولون انوب اجه زوج عمتي..

وكعد ويه الولد بالصابه.. انوب اجه بابا واخواني.. صارت هوسه.. لشوي طلع اركان.. كالها يله ام احمد انه اترخص لازم اروح..

كالتله يااا خويه شجاك توك اجيت.. كاللها لا والله.. جاي بشغل للعتبه الكاضميه وكلت امرلكم اشوفكم..

كالتله خير انشالله تدعيلنه وياك.. كاللها انشالله.. كمت وراه.. وصل للباب.. كتله اركان عود صدوك تحجي..

كال شكو.. كتله اشفت منك.. كال والله عود اجيت اشوفج.. بس شوفة عينج.. هاي بيت عمتج هنا.. وانه احس روحي غريب بينهم..

وبكر ما استلطفته يشمر حجي.. كتله معليك بيه هذا غثيث.. ابقى كال غير مره انشالله.. كتله ٱפگـيہ بكيفك..

سلم وراح.. دخلت.. رنا بموبايلها من اجت لحد هسه تبسبس.. مخطوبه وتحجي ويه خطيبها.. وماما وعمه يسولفن..

وبابا وزوج عمتي و بكر وعادل واخواني بصاله يحجون ويسولفون.. اني عاد صعدت لغرفتي ادرس..

لشوي سمعنه صريخ وطلق.. نزلت مرعوبه لكيتهم واكفين على باب الشارع ويباوعون من الباب.. كتلها ماما شكو..

طلعت راسي.. بكر خزرني.. وكال طبي جوه متشوفين كلها زلم واكفه.. دخلت كتلها شنو ماما.. كالت هيج ماكو شي..

كتلها لا عمه صدوك شنو هلصياح ابيت ام جليل.. كالت كتلو بتهم موت.. كتلها شلووون ليش كتلوها.. كالت البارحه متزوجه..

وطلعت مو باكر ورجعوها لاهلها.. كتلها يعني شنو مو باكر.. صاحت امي.. الا ادقق بهلحجي الماصخ..

سكتت.. دخلنه جوه.. لكيت رنا.. كتلها رنا صدوك عود شنو مو باكر.. كالت متعرفين.. كتلها وربج ما اعرف..

كالت شبيج يعني اتزوجت وبليلة عرسها من وصلها زوجها.. لكاها مو عذراء مأخوذه.. كتلها وشلون يعرف..

كالت يبين عنده من يوصلها.. ما يطلع عدها دم بكاره.. كتلها دم بكاره.. شنو ه̷̷َـَْـُذآ..

كالت عزا طالبة جامعه ومتعرفين شنو بكاره وعذراء كتلها اي بلي دارسه عن هلشي وغشاء البكاره عند البنت بس ما اعرفه شنو..

كالت من عنده يبين اذا البنيه مأخوذه او لا.. بقيت صافنه وحايره بالكالته..

خليتهم يرحون لليل.. ورحت للكمبيوتر مال احمد اخويه.. بحثت بيه شنو يعني بكاره وشلون تنأخذ..

بعدين بحثت هل العاده السريه تؤثر علغشاء.. طلعت انو ممكن لو استخدمتي اشي صلب وطلع دم فهذا معنى انو اخذت البكاره ..

بقيت مصدومه واني اقره.. اتذكر هيج شي.. اتذكر سويت ونزل دم يعني اني هسه مو باكر.. يتبع

🌺🌺🌺🌺🌺

شاركوني ارائكم وتوقعاتكم.. رَبّـ❤ـيٌ لا يحط كل بنت بهيج موقف ويستر على بناتنا.. متابعه ممتعه..

د

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_3

رحت للكمبيوتر مال احمد اخويه.. بحثت بيه شنو يعني غشاء بكاره وشلون تنأخذ..

بعدين بحثت ..هل العاده السريه تؤثر علغشاء.. طلعت انو ممكن لو استخدمتي يدك او شي صلب وطلع دم فهذا معنى انو انفضت البكاره ..

بقيت مصدومه واني اقره.. اتذكر هيج شي.. اتذكر سويت ونزل دم يعني اني هسه مو باكر..

معقوله.. لا لا لا.. ياربي اشلون اعرف هسه اني باكر لو لا.. متت من الخوف.. يا شسوي..

بقيت اليوم كله مشغوله واروح منا واجي منا.. وقريت بالنت هم طلعلي.. شلون كم بنت انقتلت لان بيوم العرس طلعت مو باكر..

قريت هوايه قصص بهلموضوع.. وتعرفت عليه كولش زين.. متت خووووف.. اللهي رحمتك..

رحت توضيت ومديت السجاده وبقيت ابجي.. فدوه يارب كون اطلع باكر.. وملاعبه بنفسي.. ربي احميني..

بقيت ابجي وادعي.. يارب مصيبه ووكعت على راسي.. شلون اعرف اني هيج لو لــNOـا .. متت من التفكير لحد ما نمت الساعه 3..

كعدت ثاني يوم ب6..مشبعانه نوم.. وعيوني وارمه.. بدلت ورحت لدوامي.. واحس الدنيا ضلمه بعيني..

كلت لازم اتأكد من موضوعي.. .. اعرف صديقه عندي طالبة طب.. . كتلها.. علموضوع..

وخطيه حيل ضاجت علمودي.. كتلها شلون اعرف دبريني.. كالتلي.. بنت عمي.. دكتوره نسائيه تعالي نروحلها..

كتلها عياده ما اكدر اخاف.. كالت لا لج لبيتها اخذج.. كتلها لحظه اخابر ماما.. خابرت ماما.. كتلها يوووم حتأخر..

عندي كومه محاضرات ويمكن اتأخر لل3..كالت وشلون ترجعين.. كتلها فد مشكله يا ماما منا فورتات وارجع..

كالت ماشي بس حاولي لا تتأخرين هوايه.. كتلها ٱפگـيہ.. مشيت ويه زميلتي رحاب اسمها..

وصلنه لبيت بنت عمها.. دكتوره وزوجها مهندس.. رحب بينه وقدمتلنه العصير.. وكعدت تسولف..

ندست رحاب.. كالتلها سماره جايتج بموضوع.. كالتلها تفضلي..كالتها هذي زميلتي.. واكعه بمشكله..

واريدج تساعدينه ..كالتلها اذا اكدر ليش لا.. كالتلها من جانت صغيره وعمرها.. 13 سنه ..صديقتها لاعبه بعقلها..

ومعلمتها على العاده السريه.. ومعلمتها الطريقه.. وسمر ما تعرفها ولا تعرف حرامها وتأثيراتها..

وهسه عرفت وخافت لا انوب تطلع مو باكر.. كالت اووف هوايه بنات ديجون من وره هلمشكله..

وانوب اهلهم يكتلوهم موت.. عبالهم لاعبه ويه واحد.. كالتلها اي والله الله يستر على بناتنا..

كالت كومي جوه دا افحصج.. دخلت وياها.. اتمددت علسرير وكشفت عليه.. كالت كومي.. كتلها فدوه كولي شنو.

هزت براسها.. كالت ماكو اي غشاء رايح.. منفض من زمان.. كتلها وهسه شلون فدوه دكتوره دبريني والله يقتلوني..

كالت شسويلج حبيبي الله يكون بعونج.. حاولي تصارحين امج.. كتلها لا لا غير تموتني.. اخاف منها..

بقيت ابجي لا يا الله ما اصدك اني اسوي هيج بروحي.. شلون هيج سويت.. اووف يمه شهلمصيبه

ياربي شلون والله اموت.. بقيت ابجي ومخليه اديه على راسي وكاعده علكرسي .. بقت تسكت بيه رحاب.. رفعت راسي الها و كتلها فهميني شلون…

كالت اكو عمليه اسمها ترقيع جربيها.. وتسويلجياها سماره.. كتلها شنو هذا.. كالت ترجعج باكر من جديد..

كتلها بنج عام.. كالت اي.. كتلها ما اكدر اهلي شلون.. كالت يوم واحد لا اداومين.. كتلها ما اكدر اخاف اخاف..

اخذت جنطتي وطلعت.. بقيت ابجي.. دخلت عيوني مورمه من البجي.. كالت شبيج ولج ليش تبجين.. كتلها وكعت وتأذت ايدي..

كالت دروحي اصعدي عبالي فد شي.. عفتها وصعدت.. دخلت للحمام شغلت المي وكعدت جواه ابجي.. يارب انقذني..

رجعت لغرفتي.. لفيت راسي ونمت.. بقيت ايام على هلحاله.. بس ابجي..

اخر شي قررت ما اتزوج.. واهتم بدراستي فقط.. و ذبيت حيلي بالدراسه.. وما اباوع لاي احد..

حتى اركان انقطعت عنه.. بس اشتاقله.. هوه اول حب الي وتعودت عليه.. يخابر.. ويردون اهلي.. يسلمون عليه.. بس ميسئلهم عليه..

اخر شي هوه اجانه للبيت.. مر سلم ..سأل عني.. امي كالتله فوك نايمه.. كاللهم.. صيحوها اريد اسلم عليها..

اجتني امي.. كومي وعيب.. كتلها ما اريد.. جبرتني انزل.. شافني.. ابتسم وسلم.. وهمس بأذني ليش هيج بذاته..

سكتت.. لو يدري بحالي.. اوووف .. كالت ماما كومي سمر.. سويله الغدا.. كمت حضرتله الاكل وخليت الصينيه.. كدامه وهوه يباوع لعيوني..

كعدت كباله.. كامت ماما راحت .. كال شنو الموضوع ليش هيج هاملتني.. كتله دراسه متعبتني وهاي اخر ايام الامتحانات ما اريد التهي..

كال يعني لو رفعتي خط وبس سلمتي.. ياخذ من وقتج.. سكت.. كال شبيج.. تره والله رايدج.. كتله اجّل هلموضوع ما اريد اسمعه..

كال متردين تسمعيه.. وانتي اللي خابصتني بعد الزواج هيج نسوي وبعد الزواج هيج نجيب..

كتله اركان دخيلك والله تعبانه.. كال فهميني امرج شنو تره انه هم دخت.. كتله كتلك دراسه يا اركان..

تره دراستي صعبه وشاله عقلي.. وشاغله تفكيري.. ومتعبه نفسيتي.. كال ماشي.. اخليج ترتاحين..

ولو ارتاحيتي.. عود ذكريني.. هزيتله راسي اي.. كام.. وصاح.. ام احممممممد.. يله خويه من رخصتكم..

كالتله وين توّك اجيت.. كالها لا. والله عندي شغل ومريت اسلم واشوفكم.. كالتله كل الهلا بيك خويه.. زارتنه البركه..

سلم وراح.. واجت عليه امي.. كالت شعدج ويه اركان.. عقدت الها حاجبي.. كتلها شعندي..

كالت صار ساعه تتبسبسون جوه.. وحتى ما كمل غداه.. وكام وراح.. كتلها ماكو شي.. كالت بيناتكم شي.. سمر باوعيلي..

كتلها لا ماكو.. كالت واذا اكو اقطعي ولا تفكري بأركان نهائي.. كتلها ليش.. كالت خوالي واعرفهم..

عدهم حكم علمره.. وكل نسوانهم مبوشات وما الهن اي راي.. كتلها.. بس اركان مو مثلهم.. كالت لا اتعس..

هذا دارس حوزه.. يعني تعرفين كمية التعقيد الشايلها شنو.. وانتي ما تتحملين عيشته..

كتلها علعموم لا اركان ولا غير اركان.. اني ممقرره اتزوج ابد.. كالت مو بكيفج.. اني متانيتج تخلصين هلسنه..

واحجي ويه ابوج بزواجج.. هواي جاي يتقدمولج وقسمه احسن من الثانيه.. لشوكت نبقى ننطي رفض.. لحد متعنسين..!!

كتلها شنو اعنس شنو زواج ..ماما شبيج.. اني دراستي ممخلصتها تحجين من كل عقلج.. كالت تخلصين يم رجلج..

كتلها هوه منو.. كالت اللي نوافق عليه ونشوفه يناسبج.. كتلها ماما لا تجننيني.. ما اريد اتزوج هيه كوه..

كالت مو بكيفج.. شنو تبورين عدي.. روحي خلصي دراستج ابيج رجلج.. كتلها شنو ثقلت عليج لكمتي..

كالت لا.. بس اليوم تجيج فرص زواج زينه باجر يمكن ما تحصلين مثلها.. كتلها شجاي تحجين.. اتخرج والله كريم.. ما اريد هلموضوع ينفتح..

كالت يا غبره الرجال مايحب المتخرجه التفتهم اكثر منه.. باوعتلها بإستغراب.. كتلها ماما انتي وين عايشه..

كالت بالعراق وهاي اطباعنه.. الرجال لازم احسن من المره بكولشي.. يله تنسعد حياتهم..

باعينه اني وابوج.. ابوج ضابط جيش وواصل ومكمل.. واني خريجة متوسطه وعلى كد نياتي.. شفتي شلون متفاهمين ومتراهمين..

كتلها عود انتي تحجي من كل عقلج.. كالت اكلي تبن ولا تراددين.. تخلصين امتحاناتج.. واحاجي ابوج بموضوع زواجج..

كتلها ما اوافق والله.. كالت سمر باوعيلي.. مخبصتلج وي واحد انتي.. فتحت عيني كتلها ماما شجاي تحجين شبيييييج..

لو ما مربيتني بأيدج.. كالت لعد ليش خايفه من الزواج.. كتلها الله اكبر.. حياتي واني حره..

كالت والله اخلي احمد اخوج يتصرف وياج وتعرفين شلون مخبل هذا وشكوكي.. بس اكله ما تريد تتزوج يكوم عليج..

كتلها والمطلوب هسه.. كالت كملي امتحاناتج.. ونحجي.. صعدت شايطه من الغضب.. دخلت الغرفه شمرت كل كتبي..

يرربي شهلورطه هاي شلون راح اتزوج شلوووون ..اووووف ربي ساعدني دخيلك.. بعد ما اتحمل..

الله ياخذني ..الله يموتني واخلص.. وبقيت ابجي..

بقيت افكر بحجي امي.. بس لا صدك تريد تزوجني اووووف عونك.. ضليت افكر.. اكول لاركان.. لو لا..

اذا كتله يتفهمني.. راح يساعدني ويساندني لو يعوفني.. بس شلون احجيها ياربي يخجل هلموضوع..

هزيت راسي.. ما اريد افكر بأي احد.. اريد اقره وبس.. بقيت اقره اقره.. لحد ما اجت الامتحانات هلكت نفسي بالقرايه..

حتى اخلص من التفكير.. مرت الايام وخلصت دراسه..

خابرت اركان.. ردت اجس نبضه بالموضوع شيكول.. الووو

اركان.. الوووات يلثكيله.. شلونج..

سمر.. هَــْـِْـْْـِلاّ اركان.. تمام.. انته اشونك..

اركان.. بخير.. دامج بخير.. مشتاق..

سمر ..اني اكثر والله بس شسوي..

اركان.. اي شكو ماكو..

سمر.. ماكو.. غير امي تريد تتزوجني..

اركان.. يعني اتقدملج..

سمر.. شتتقدملي.. تكولي شيلي اركان من راسج.. ميناسبج..

اركان.. و عود ليش ما اناسبج بلا..

سمر.. تكولي خوالي مو مثل اطباعنه.. عدكم حكم علمره.. وتعقيد زايد..

اركان.. ها جا شتريد امج.. نديحج.. غير نستر عليج.. ونحترمج..

سمر.. ما اعرف اركان ما اعرف.. اني هم تعبت من التفكير.. عوفها يم الله..

اركان.. انشالله.. والنعم بلله..

سمر.. اركان..

اركان.. عيونه..

سمر.. سالمه عيونك.. لا بس اليوم شفت موقف هزني.. ودا اسألك بخصوصه..

اركان.. شنو الموضوع..

سمر.. بنيه عروس خطيه قتلوها.. بعدني ممكمله كلامي.. كال شوف شلاعبه.. اكيد طلعت مو بنيه وكتلوها..

كتله ليش هيج توقعت.. كال هيه التنكتل ليلة عرسها.. يعني غسل عار مو باكر طلعت..

كتله يمكن مغلطانه ويه شخص.. يمكن فقدت عذريتها.. غصب عنها او بجهل.. ومتعرف..

كال وين اكو هيج شي شبيج.. وهيه حتى اللي تلكيها مو باكر.. اكيد راح تنكر وتسويلها سالفه علمود واطلع ادموع التماسيح و تبري نفسها..

كتله خلي نفسك بهلموقف.. لو اتزوجتني وطلعت مو باكر شتسوي.. كال اسكتي لتحجين هيج..

كتله جاوب.. كال ما احب افكر بهلاحتمال.. كتله يعني تقتلني.. كال اهوووو يعني مخابره بعد كل هلمده علمود تحجين بهسوالف التعبانه..

سمر شبيج.. تره شايفه نفسج تصرفاتج صايره غريبه.. كتله بس ردت اعرف جواب منك تقبل لو متقبل بهيج مره.. كال لا طبعا ما اقبل..

اذا كلش كلش عقلت وصرت ادمي وما كتلتها ارجعها بنفس اليوم لاهلها.. واخلص منها..

ما تحملت كلامه هذا.. سديت الخط بسرعه.. يالله شسويت بروحي.. وهاي حب حياتي.. ضيعته.. شسوي يربي

وامي قافله الا اتزوج.. ساعدني.. دنكت كمت ابجي بحركه من وراه اخطائي وجهلي..ضيعت نفسي..

قررت انهي علاقتي بأركان.. عرفت شنو عقليته.. ومراح يتحمل اللي اني بيه..

وره ايام.. امي فتحت سالفة زواجي.. وعددتلي هذا رايدج وهذا خاطبج.. وهذا ميت عليج.. كتلها اي مو اني الاميره ديانا..

كالت يمه البنيه لو كثرت خواطيبها بارت.. كتلها يمه ما اريد اتزوج كوووه خو مو كوه.. كالت مستحيل هذا حجي قنعي روحج بيه..

تتزوجين.. هواي فرص جاي نرفضها.. يمكن باجر ما تجيج مثلها.. كتلها وعساها لاتجي..

كالت صوجي احجي وياج.. اني حجيي ويه ابوج.. وره كم يوم.. اجت عمتي.. كعدت يمها وسلمت.. سألتني خلصتي دراسه..

كتلها.. اي انشالله بس سنه وحده.. كالت صايره شحلاتج جنج تفاح.. ضحكت كتلها شكرا..

كمت للمطبخ.. دا اسوي بالعشا.. واكفه اكلي كباب عروك.. وما احس الا واحد يكرصني.. ويسوي بوسه ام الصوت بالهوا..

ويكول ايواااا دا استمرررري ويحرك بيده دائره.. يقلد تامر حسني .. ضحكت.. كتله عادل ولا تجوز من سوالفك..

جان احتركت.. ضحك.. كال شلونج.. كتله زينه.. شنو جاي ويه عمه.. كال اي جنتي نايمه فوك..

كتله من شوكت اجيتو لعد.. كال من وره الضهر.. كتله حييل ولا ادري.. كال ردت اصعدلج.. كالو عوفها..

كتله لعد وين رنا ليش مأجت.. كال معزومه ويه خطيبها.. كتله هاا.. دنحجي طب بكر. كال السلام عليكم..

رديت وعليكم السلام.. شلونك بكر.. كال بخير.. وطب للغرفه.. جريت عادل من قميصه..

كتله هذا اخوك ليش ما ينهضم.. كال غير احجاره عقده شيهضمه.. ههههه كتله لا عاب حلكك..

كلكم سبورتيه هوه عليمن.. كال على ابو لهب خخخخخخ.. ضحكت.. ههههه يجوز صدوك..

كتله اي ما سولف ماكو منا منا.. كال كولشي ماكو.. صحرا.. وحده وطارت.. كتله ليش طارت..

كال امي ما تريدها.. كتله ليش.. يكول مو من عدنه.. كتله اهوو وشنو يعني.. كلنه دين واحد..

كال هاي قفلت متقبل.. واني هم سديت السالفه.. كتله صر عليها وانته تاخذها.. كال اخذها واخسر اهلي شنو الفايده..

كتله الله ينضرلك.. احجي وياها وهوه كل شوي ماد ايده وماخذ كبابايه من الماعون وياكل.. اخر شي ضربته بالخاشوكه..

اي دكافييي خلصته.. شنو مسويته بس الكرشك.. كال خره باهلج ولج الخلشوكه حاره حركتيني..

كتله يااا سوده عليه.. تعال دا اغسلها الك.. ضحك وكال اي اي غسليليها تحركني.. وكعد يبجي مثل صوت الاطفال..

كتله يبووو سوده عليه.. وليدي حبيبي لتبجي.. غسلت ايده وشلت مي وشمرته بوجها.. ضحك كال خره بهلج. لو تحركيني لو تبلليني..

تعاي لعد.. اخذ كلاص مي.. واني صرخت لا لا عادل فدوه لا.. انحصرت يم الكاونتر.. ومخليه اديه على راسي.. وهوه

مخلي الكلاص فوك راسي.. ويكول هااا اشمر.. كتله لا لا فدوه.. صاح بكر عاااااادل… نزلت اديه وباوعنه اثنينه..

كاله لا تزعطط وعوفك من هلشقه الجايف.. كاله وانته شلك علاقه.. كاله.. حجيت وياك.. كتلك عوف الشقه.. وخنزر..

اني عفتهم.. ورحت للطاوه الكباب كله محترك.. اشررد والله لو تشوفه ماما😥.. طلعته بساع وشمرته بزباله..

كملت العشا.. اجت ماما.. يمي تساعدني.. سوينه كولشي ومدينه السفره.. كلنه كعدنه حواليها.. زوج عمتي..

وولد عمتي بكر وعادل واخواني واهلي.. كمت جبت الخبز وزعته انوب قواطي الببسي..

جنه مسوين دجاج شوي وكباب.. وبتيته فنكر.. ومقبلات.. خيرات الله كلها..

كعدت اخر وحده.. كالت عمتي تعاي هنا يمي.. كعدت يمها.. وبكر بصفي.. بس بزاوية السفره..

وعادل كبالي.. يحجي هواااي. هههه.. انوب يشكيلهم.. يكولهم حركتني.. علمود هاي ويشيل بالكبابايه..

كاله بكر كافي لصم.. ميصير حجي علاكل.. كاله على عنادك.. هاج سمورتي.. ويشيل الكبابيه وينطيني ياها.. كتله ما اريد..

كال فتحي حلكج بداعتييييي.. ضحكت.. اخذتها واكلتها.. خنزر بكر.. استغفر الله هذا شبيه.. منو يمه..

دنكت.. اكل.. كال دايمه.. كام.. وهمس ستري روحج.. ويأشر.. لصدري.. نازله الحجاب وثوبي نازل بالكعده..

بساع عدلت نفسي.. وكمت من الاكل خجلت.. رحت دا اغسل علمغسله لكيته واكف يغسل.. عفته ردت امشي صاح وراي … يتبع

🌺🌺🌺🌺

شاركوني ارائكم وتوقعاتكم.. متابعه ممتعه.. جد..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_4

كمت من الاكل.. رحت.. جاي اغسل.. لكيت بكر علمغسله.. خفت اغسل مدري استحيت ما اعرف..

تراجعت.. ردت اروح للمطبخ اغسل.. صاح ورايه بكر.. درتله وجهي.. كال تعاي غسلي كملت.. كتله لا عادي.. اروح للمطبخ..

رحت للسنك غسلت.. رجع اجه يمي.. كال عدكم عود اسنان.. صفنت بوجها.. كتله هااا..

كال شبيج.. عود اسنان.. كوه تستلمين.. دا اطلعله يهز بيده وكال استغفر الله.. انطيته.. اخذه من ايدي ومشه ..خررب هذا شبيه.. هوه حظي ويامن كعد بقت عليك..

سويت الجاي.. ورحت وديته يمهم.. دنحجي ..حجت عمتي ويه ابويه بصوت واضح.. كلنه انتبهنه.. .. والله يا عزيز.. اني جايتكم اليوم وداكه بابك..

كالها تفضلي.. كالتله اني سمعت تريد تزوج سمر.. وانه من هيه وزغيره.. احبها ومخليه.. عيني عليها واريدها لواحد من ولدي..

واني هسـnowــہہ اريدها لعادل.. لان بكر مو ناوي يتزوج. واني اريدلي جنه بالبيت.. تملي عليه البيت

كاللها ابويه.. بس هيه تدرس.. كالتله اي شكو بيها تخلص دراسه ما عدنه اشكاال..

ردت اكووم استحيت.. كالت لا عمه كعدي اري اشوف رأيج.. اباوع لعادل.. دنك.. ومشال راسه.. خجلت ابقى.. عفتهم وطلعت..

بقو همه يحجون.. ياربي وقتها.. انوب من عادل.. حاسبته اخويه شلون هيج.. اروح اتفشل وياها بسالفتي..

اوووف ياربي هووواك.. ساعدني.. كعدت بغرفتي.. لشوي حسيتهم طلعو.. نزلت اغسل المواعين..

كالت امي سمعتي لو لــNOـا.. باوعتلها.. ها.. كالتلي.. عمتج رايدتج لعادل.. كتلها.. يوم ما افكر بزواج..

كالت لا تفكرين.. بعادل.. الجاي احسن منه.. كتلها لا عادل ولا غيره ما اريد.. كالتي ابن ام روده.. بالوزاره يشتغل..

ورايدج.. كتلها.. يوووم.. كالت وسممم.. توافقين.. غصب.. كافي.. كله رفض رفض رفض.. كتلها كاعده علكلبج..

اجه بابا كاللها لا تضايقيها ام احمد.. على راحتها.. تفكر وترد جواب.. كملت غسل رحت لغرفتي..

افكر افكر.. ياربي حبكت الا اتزوج.. شلون بلله وسالفتي شيفضها.. انفضح واموت غير..

اكتل روحي شلووون. بقيت الليل كله ولا نمت ولا غفت عيني.. كعدت الصبح..

عيوني وارمه.. راسي دايخ.. اخذت الفون.. شفته.. 8 اتصالات من اركان.. شمرته.. وكعدت صافنه.. افكر..

قطع افكاري اخويه احمد.. وهوه يصيح.. سمررررررر.. صحت.. هااا.. كال تعاي دوريلي تك هذا حذائي شو ماكو..

كعدت ادور بغرفته.. لكيته جوه الجربايه.. لبس وطلع.. كعدت عله سريره.. ياربي شلون بلوه شلون راح اخلص..

احس هم وكاتم على انفاسي.. شلون هيج غلطت وضيعت نفسي.. رجعت افكر.. من جهه عادل اسبورتي..

وابن عمتي.. والي وياه ميانه.. يا ترى يكدر يتفهمني لو حجيتله الحقيقه.. اي اخذ ابن عمتي احسن..

بلكت يستر عليه.. لان زوج عمتي هم مو غريب.. يصير ابن عم بابا.. يعني عائله وحده.. اكيد راح يتفهمني..

راح يتفهمني لو لا.. واذا عصب وتخبل وما صدكني شلون.. لا عادل اعرفه.. سبور فد مره ما عنده عقليه متخلفه..

لو بكر جان كلت لا بس عادل اعرف تفكيره.. اعتقد.. يتفهم.. بقى صراع براسي بسبب هلشي اقبل لو لا ..اقبل لو لا

اجت ماما.. كالو شنو مافكرتي.. تره اني ارد جواب موافقه والله.. كتلها عله منو.. كالت على ابن مرويده..

كتلها لا عادل احسن.. شنو عادل.. حتى وضيفه ماعنده عطال بطال.. كتلها ماما.. عادل اعرفه.. والاعرفه.. احسن من الما اعرفه..

كالت وعادل شعنده.. كتله عنده اخلاق تكفيني.. شسوي بالباقي.. كالت هاي اخر قرارج..

كتلها لو تبقى عليه ما اوافق.. بس غير انتي.. كالت هاهيه.. راح ابلغ ابوج.. واشوف..

وره ايام.. كالت خابرت عمتج.. وانطيتها الموافقه.. وكالت جايتكم باجر يتفقون علخطبه..

كتلها بهسرعه.. كالت اي خير البر عاجلو.. سكتت.. كتله يمك ربي..

بهلفتره.. اركان.. تعب يتصل.. واني ما ارد..

ثاني يوم اجت عمتي واجه عادل.. بس عادل مو ذاكه وجه اليضحك ويايه وينكت.. يمكن خجلان ما اعرف.. واني هم خجلانه منه.. لان اعتبره اخويه..

اباوعله.. ولا شال عينه عليه.. ولا جن ذاك اليوم الازمني ويضحك ويايه.. مشاعر الخجل والخوف.. اتمالكتني.. بقو يسولفون علحاظر والغايب..

عادل ساكت ومنزل راسه.. اني بره بالمطبخ مدخلت بس اباوعله من باب الصاله.. بكر مو وياهم.. مجاي..

اتفقو على كولشي.. واني غلقت فوني علتمام.. لحتى ليتصل اركان.. شكوله وافقت على غيرك.. يتخبل غيير..

وما اكدر اكوله ليش انجبرت اتركك.. واوافق علغيرك.. ادري اركان.. ما يكدر يتحمل سالفتي..

عسى ولعل عادل يتفهمني.. وهوه ابوه ابن عمنه وهوه ابن عمتي يعني صلة مقاربه.. راح يتفهمني.. اي يتفهمني.. بس ما اعرف شبيه..

وليش ما اجه تشاقه ويايه مثل كل مره وضحك.. معقوله خجلان.. اللي اعرف عادل جريئ ما عنده خجل.. اوف يمكن هلموقف غير..

رحنا اشترينا الذهب اني وماما وعمتي.. عادل مقبل يجي.. كالت عنده شغل.. وهوه عطال بطال.. ما اعرف يمكن صدوك عنده شغل..

اجت يوم الخطوبه.. كعدت الصبح.. الساعه 5 قبل الكل.. طلعت بالطرمه.. فتحت اديه واني اتنفس هوا الصبح..

وارتل اية @والصبح اذا تنفس@ بقيت اكرر بيها واني استنشق الهوا.. يارب عليك توكل فأكلني

رجعت كعدت علمرجوحه.. اللي بالحديقه. وافكر.. شراح يصير بيه.. راح يتفهموني.. راح يرحموني..

شلون لو ما صدكوني.. وقتلوني.. اوووف ربي اريد اخلص من هلافكار.. الله يلعني شسويت بحالي..

بقيت افكر ودموعي تنزل علرواء.. طلعت امي.. كالت هاي شمكعدج من الصبح.. التفتت الها.. كالت جاي تبجين..

اتقدمت يمي.. كالت شبيج.. كتلها ماما ما اريد اتزوج.. كالت تنسعدين لتخافين.. كلنه جنه خايفين لما انخطبنه بعدين اتعودنه..

كتلها.. ماما مجاي تفتهميني.. كال شفتهم بنتي دطبي تره ورانه كومه شغل كومي دكومي..

عافتني وطبت جوه.. باوعت للسما.. وكتله وحدك تعلم الحال.. ساعدني.. كمت طبيت وراها..

تنضيفات بسيطه وريوك.. لشوي اجو. خوالي اللي بالنجف.. اني سلمت عليهم وطلعت بساع..

اشوف وجه اركان يسأل بوجوهم.. ليش اتزوجت.. ردت اتهرب منه.. رغم حبي اله.. عفت ومشيت للصالون..

عدلتني ام الصالون ومكيجتني.. اباوع لشكلي حلوه صرت بس مو فرحانه.. اي فرحة خطبه ماكو..

جانت خالتي جايه ويايه.. للصالون.. خابرت علاخويه اجه رجعنه للبيت.. دخلت اشتغلت الهلاهل والصفكات والهوسات..

جنت ابتسم ابتسامه كذبيه.. ما اعرف اذا هذا الزواج.. راح يكون خلاصي.. او حكم اعدامي..

كعدت.. جانت بدلتي حمره.. جدا نازكه مابيها شغل هوايه.. كولش حلوه ..لشوي.. كالو اجو.. دخلو الرياجيل للاستقبال..

والنسوان اجت يمي.. كعدو قدمولهم عصير وبيبسي.. كالو كومو دنعقدلهم.. لبستني ماما الكاب مال البدله ومشيت..

دخلت عادل كاعد.. بس هلكد صاير حلو.. ههه بس ابد مباوعلي.. كعدت بقى الشيخ يردد العقد..

حجه ويايه وكال اجعليني وكيلج.. كتله رضيت بك وكيل لي.. ردد العقد ويه عادل وعادل انطه الموافقه..

واشتغلت الهلاهل. والهوسات.. اترخص الشيخ وكام.. كال عادل شال عينه على امه ها خلصت اروح.. امه خزرته..

كالتله لا تعال بعد لبسها النيشان.. استغربت ليش هيج يتصرف.. كعد لبسني الذهب والحلقه والساعه وكولشي..

وهوه يلبسني.. حتى مباوعلي وكالي حلوه لو لا او ولو نضره زغيره لعيوني.. همست عادل شبيك..

شال راسه كال شبيه.. كتله مو على بعضك.. دا احسك غريب مو ذاك عادل الاعرفه ودوم اضحك وياه..

كال لا ماكو شي بس شوي دخت.. تعرفين هوسة الخطبه والناس.. كتله حقك اني هم دخت..

كملت الخطبه.. راحو وهوه بس هلكلمات كالها ماحجه بعد ابد.. يمكن صدوك تعبان..

بدلت البدله ومسحت مكياجي.. ورحت الغرفتي مختنكه.. بس اريد ابجي.. ما اعرف ما احس بسعاده او طعم الفرح..

كلها تركص وتغني واني كلبي يبجي.. وحته عادل محاول يحجي ويايه كلمه وحده.. يريح بيها نفسيتي..

بقيت ابجي ابجي لحد ما نمت.. اجت بليل ماما كالت تعالي تعشي.. كتلها ما اريد.. بس كمت صليت ورجعت نمت لثاني يوم..

ما عندي حل لهمي.. غير انهزم منه بنومي..

مر اسبوع وعادل لا خابر ولا اجه.. سألتني ماما.. عادل يخابرج.. كتلها لا.. كالت ليش.. كتلها اني اصلا مطفيه جهازي..

كالت ليش كتلها سيمكارتي.. توقفت خدمته مابيه رصيد.. كالت حتى لو ..جان اتصل عله واحد من عدنه وطلب يحجي وياج..

خابرت امي على عمتي.. كالت مستحي ويريد يجي هليومين.. كالتلها هلا بيه.. وفعلا وره يومين..

هيج اجه بدون موعد.. اندكت الباب.. كالو عادل اجه.. لا لابسه لا محظره روحي.. اصلا واكفه دا اغسل مواعين..

رحت ركضت بساع..غيرت لبسي.. وحمره ومكياج علسريع خفيف.. وعطرت.. فتحت الباب دا اريد انزل..

صار بوجهي عادل.. كتله هلا عادل.. كال هلا سمر.. كتله ننزل لو وين ترتاح.. كال خالي كال اصعدلها بالغرفه ..

كتلها هلا بيك.. دخلته بأرتباك.. الغرفه هوسه.. لان بدلت بأستعجال.. ملابسي النزعتها علسرير..

والملابس كلها مطلعتها من الكنتور.. لما اختاريت البس.. كمت امشي واعزل وابتسم بوجها.. واحس العرك يصب من الخجل..

كال تعاي كعدي شجاي اتسوين.. كتله اسفه.. بس الفرفه شوي مهوسه.. كال عادي عادي.. تعاي..

كعدت.. باوع بعيوني.. كال ليش وافقتي عليه.. عقدت حاجبي.. كتله ليش انته مقابل على هلزواج..

كال اني جاي اسئلج الج جاوبي.. كتله.. لان اعرفك واعرف اخلاقك.. كال جنت معتبرج مثل رنا.. كتله الله شاهد اني هم نفس الشي..

كتله يعني هسه متريدني.. ابتسم.. ومد ايده يبعد كذلتي عن عيني.. كال لا ليش ما اريدج.. وين الكه احسن من بت خالي..

بقى يبعد بشعري.. اتقرب يشمني من ركبتي وبوسني ابتعدت.. عادل هاي شدسوي.. مو وقت هلسوالف.. احجي وهوه بعده يحاول..

بعدته حيل.. وخرررر.. كال شبيج.. مو صرت رجلج.. مو لازم اعتبرج مو اختي.. خلي عيني تشوفج بغير نظره..

كتله بس مو هيج.. كال لعد شلون.. كتله بعد وقت.. كال وشنو اليمنع.. مكايلج اريد اخذج هسه..

فقط دا ابوسج.. وهذا حقي.. ميصير تمنعيني.. كتله عادل شبيك.. اول شي خل ناخذ على بعض.. تره بعدني متعودت عليك..

لسه احسك.. عادل ابن عمتي الخبل.. ممستوعبه انصير زوجين.. كال سلميني نفسج وراح تتعودين..

كتله صعب عادل مو وقتها.. تره هاذي اول جيه الك بصفة خطيبي.. كال اني مناوي اطول بالعرس.. حنتزوج بساع.. لذلك اريد اتعرف عليج..

وبصراحه.. يمكن كايلج من اني تركت حبيبتي وامي منعتني منها.. لذلك اريد انساها بيج.. اتقرب يمي اكثر..

وخله عيونه بعيوني ويمسح بشعري.. كال سمر نسيني.. ما اريد اتذكرها.. اريدج انتي تصيرين كولشي..

واتقرب بوّسني.. بقيت جامده بين اديه.. ما اخفي شعور حلو حسيت بيه.. هوه مستمر.. تفاعلت وياها..

هوه ثار اكثر.. ابتعدت.. ضحك.. كال لا لتخافين.. مراح اتعده الحدود واطلب شي متكدريله..

نبقى هذا حدنه.. يربي شكد خجلت.. من بوسني نسيت هوه عادل.. بس من باوعلي شفت بيه عادل اللي اعتبره اخ كل هلسنين.. شعور مخجل..

عدل ملابسي.. ورجع كعد عدل.. كتله انزل اجيبلك عصير.. كال اني ما اريد كولشي غيرج..

كتله عادل كافي.. تلحك وره منزوج.. كال حلاة هذي الشغلات بالخطوبه ويغمزلي.. بعد الزواج تصير ممله..

كتله هاي شدتحجي عادل عيب.. جرني وليمه وكال تعااااي بعد اني رجلج كلمت عيب بيناتنا انسيها..

قرب راسه وهمس بأذني كلام.. تخبلت.. نفرت من مكاني.. كتله مستحييييييل.. عادل شبيك.. تره احنه مخطوبين ممتزوجين..

وهسه كتلي ما اتعده الحدود نبقى هيج.. كال واني مكايلج شي.. لتخافين عادي تره .. كتله عادل دتضايقني..

كال هااا.. اوك براحتج.. وراد يكوم.. انوب دار وجه.. كال العرس اريده بعد اسبوع.. وامي رافضه..

كتله ليش بعد اسبوع.. كال ما احمل اريد اتزوج وانتي مو قابله اطاوعيني.. خل نتزوج هم تمنعوني..

كتله براحتك.. كال باعي سمر.. اني ما اريد العرس هوسه وموسيقى اريده بيناتنه.. لان صراحه ما عندي فلوس..

حاليا كاعد من الشغل.. وهاي الفلوس بدل منشمرها علعرس.. نستفاد منها بعد العرس..

شتكولين.. كتله بعد احسن اني هم ما اريد زفه وهوسه اتضايق..

كال خوش لعد.. راح اخبر اهلي بقرارنه.. وانتي هم خبري اهلج العرس بعد اسبوع.. من كال هلكلمه.. انقبض كلبي.. وهزيتله راسي..

اجاك الموت يا تارك الصلاة.. قرب موعد محاكمتي علسويته طول هلسنين بنفسي.. عونك يارب..

راح عادل.. وكلت لماما.. كالت شنو السالفه.. دفانة عجوز بساع بساع.. شورانه ليش هيج مستعجل..

كتلها ماما مو تردين تخلصين مني وتزوجيني.. وهاي راح اروح بسرعه.. كالت اريدج تتزوجين اي.. بس غير اريدج هم تنسعدين..

كتلها خلاص اني مو هامني شي.. عادي.. كالت لعد خل نروح نصبغ شعرج.. رحنه اني وياها للصالون..

امي تكولي ميشي.. كتلها ما اريد.. بس صبغ.. صبغت لون اشقر زيتوني.. كولش حلو صار لونه..

ورجعت للبيت.. انوب ثاني يوم اجت عمتي.. انطتنه فلوس الصبغ.. مقبلت احنه نصرف.. وانطتنه مبلغ مادي جيد.. اشتري بيه نيشان ملابس..

رحت للسوك اني وعمتي وامي.. اشتريت ملابس طلعه وبيت وسيتات نوم ومكياج وعطور وووو شغلات العرس المتخلص..

وماما.. هم اخذتلي 7 قطع قماش.. ودتها للخياط.. اخذ مقاسي.. وفصلهن.. بعد 4 ايام جابوهن.. فصالهن رهيب..

كملنه ترتيبات العرس.. اشتريت الغرفه انـّ'ℳέ'ـّيٌ وعادل.. كولش حلوه والبردات والفرشات.. كملنه كولشي..

اجت يوم الحنه.. وكنت لابسه فستان وردي.. بس الفرحه لسه ما حسيت بيها.. جمت متانيه عادل يحنيني..

عادل ما اجه.. اجو بس اهله.. كال حنو اصدقائه.. وبقى وياهم.. ضجت.. يعني مبدله ولابسه فستان حنه المن.. غير يشوفني بيها..

بس صوروني.. ثاني يوم العرس.. هم نفس الشغل والصالون والهوسه.. هلكت لحد ما كالو اجت الزفه..

والله وكأن كالو اجه عزرائيل مو زفة عرسي بكد مخايفه شراح يصير بيه.. للحظه مرت على بالي كل هلسنين..

شلون غلطت وشلون حبيت اركان.. وعفته واوافقت على عادل.. قطع شرودي.. عادل وهوه يكعد يمي..

نتبهت لهوسة العرس.. واني منزله راسي ابد ما رفعته..

اخذونه زفونه.. انوب نزلونه للتصوير.. ورجعونه للبيت.. بعد الزفه والعشا وهسوالف زفونه لغرفتنه..

وهنا خلص دمي.. لو انذبح ما يطلع مني قطرة دم.. مثل المسجون ويتاني حكمه.. شنو افراج لو اعدام… يتبع

🌺🌺🌺🌺🌺

شتتوقعون حيصير.. عادل راح يعرف لو .. وشنو رأيكم بتصرفاته.. .. متابعه ممتعه..

واسفه منشرت من وقت دوام وملتهيه

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_5

زفونه للغرفه.. دمي جمد.. احس دخلت قاعة محكمه واتاني حكمي.. شراح يكون.. اعدام لو افراج..

قفل الباب عادل.. اني جنت مدنكه.. الخوف والخجل والارتباك.. مشاعر مختلطه. ما اعرف شلون اتصرف بيها..

شفته نزع سترته.. انوب توجه للكنتور.. طلعله تراكسود.. وبدا يبدل.. واني كاعده.. التفتلي..

كال شنو ما تبدلين.. كتله هاا.. كمل انته ..كال شنو تستحين مني.. دنكت.. كال راح ادير ضهري اخذي راحتج.. ما اتقرب..

طلعت ملابس.. سيت نوم ابيض.. كبير وفخم.. نزلت الطرحه.. وبديت ابدل.. اريد افتح السحاب.. بعيد على ايدي وما اكدر انوشه..

حاولت صعبت.. التفت.. كال ديري.. درت ودنكت راسي.. فتح السحاب.. وراح كعد علسرير ودار وجها..

كملت لبس الروب.. باوعت للمرايه.. ابتسمت ابتسامه خفيفه لنفسي.. وكأني دا ارفع من معنوياتي..

واحاول اخفي الخوف الدا احسه حتى على نفسي.. بس عادل ما اعرف شبيه.. مو على بعضه.. مثل المجبور عليه..

بس هوه سبق وحجينه وكعدنه.. كان مرتاح ويايه وما تضايق.. اتقربت كعدت يمه.. كتله بيك شي..

جان مخلي اديه ثنينهن على راسه ومدنك.. رفع باوعلي و كال لا ولا شي.. يله راح اطلع.. لان امج واقاربج يردون يودعوج..

طلع.. دخلت امي.. توصيني لا تخافين.. وصيري سباعيه.. وتبوسني.. انوب كامت دموعها تصب..

وتكولي والله يا يمه ما اعرف شلون راح اسلك بالبيت وانتي مو وياي.. رفيجتي انتي.. باستني من راسي..

اني مثل الواحد وشافله حجه يبجي.. انفجرت بالبجي بحظنها.. بقن بنات خالتي يبوسن بيه وخالاتي وامي تصبر عليه..

لشوي راحو.. وعمتي دخلت العشا النه.. طب عادل.. كالت عمتي تحتاجون شي.. كاللها لا يمه.. هاهيه..

اذا نحتاج.. نصيحلكم.. طلعت وكالت الله يسعدكم.. قفل الباب.. كعد هوه ياكل.. ياكل ياكل.. بشراها وغضب على وجها..

اني كاعده علسرير.. حتى مكالي تعالي اكلي.. سكت.. لشوي.. كال شنو متاكلين.. كتله هاا لا ممشتهيه.. نفسي مسدوده.

كال براحتج.. انوب كال ناوشيني.. المي من يمج.. كمت انطيتهياه.. اتقربت بيه ريحه كريها ما اعرف شنو هيه..

بس مو ريحة جسم.. لا لا ريحه ما اعرف.. اول مره اشمها.. بس ابد مو طيبه.. ما عرفتها..

لحد ما كال هذا المي حار.. ذيج ثلاجه زغيره طلعيلي منها مي.. فتحت.. لكيتها كلها بطالة بيره..

تعجبت.. ما كنت اعرف عادل يشرب.. سكتت طلعت المي.. وانطيته.. عرفت شارب وهاي ريحة شرب..

لشوي.. كام طلع قوطية بيره شربها كامله.. وكف.. كتله شبيك.. كال دا احس روحي تلعب.. كتله خاف ثقلت بالاكل..

طلع بساع.. ورجع.. كتله هاا.. كال تقيئت ومخلي ايده على راسه.. وكعد علسرير.. كتله تريد ادلكلك فروة راسك لحتى ترتاح..

كال لا لا ميحتاج.. بس راح انام عادي متتضايقين.. كتله وليش اتضايق.. كال يعني لان عروس وحقج اتفرغلج..

كتله حتنام.. قابل حطير.. عادي حبيبي ارتاح ولا يهمك.. جنت احجي واني ارجف.. واتمني ما يتقربلي اخاف يعرف..

انوب خفت اكثر من شفته ضايج وتعبان.. انوب سكر.. شلون راح يتفهمني.. اويلي يابه شيخلصها..

نام هوه.. اني بقيت كاتلني الخوف والتفكير.. لل3ونص بليل.. وهوه نايم.. بدا يتقربلي..

متت خوف لا اكدر امنعه ولا اكدر اكتم خوفي.. دكات كلبي يمكن حسيت البيت كلها سمعتها..

احس كلبي راح يطلع من مكانه من الخوف.. بدون مقدمات.. اتقربلي.. تأذيت حيييل.. بس بدون اي نفس بس الزم بالفراش واعصر بأديه..

ابتعد كال دتتألمين.. همست اي.. كال بس ما دا احس بشي.. من كال هيج خلاص صوفرت من الخوف و ما بقت روح بجسمي..

ما جاوبت.. رجع تقربلي 3 مرات.. ابتعد.. يكفر ويغلط.. كتله شبيك.. كال جاي تتأذين..بس ما جاي احس بيج بنيه..

كأني متقربلي لبنت متزوجه سابقا.. كتله يعني شنو.. كال دم ماكو ومن اتقرب دا احس بفراغ يعني غشاء ماكو دتفتهمييييييين..

صرخ بوجهي.. خليت ايدي على راسي.. ابتعد مني وراح طلع بطل بيره وكلاص و اتمدد على كنبه مفرده.. ويدخن جكاير ويشرب بعصبيه..

اني لبست وكعدت ميته خوف.. السكوت اصعب من الحجي.. تحس عيونك تفضحك من الخوف..

باوعلي بغضب.. واجه.. لزمني من زندي حيل.. كال فهميني امرج شنو.. بقت دموعي تجري..

كال ولج احجي اكو احد متقربلج.. كتله لا والله محد متقربلي بحياتي غيرك.. كال هاي سولفيهن على واحد زوج غيري..

لج بابا دا احس بفضاء ماكو تعرفين شنو يعني ما احس ببكارتج.. جاوبيني انتي باكر لو لــNOـا ..

سكتت.. صاح بكل صوته جاوبييييييييييييييي.. ويهز بأيدي.. وجسمي كله ينهز وياه من قوة لزمته.. هزيتله راسي..

كال شنو اي.. انتي باكر لو لا.. هزيتله راسي.. بـ معنى لــNOـا.. كال شلووون. لج احجيها احجيها.. اي لو لا..

كتله عادل بس اسمعني خل اشرحلك.. كتله هيج.. لو حسيت عيونه وكفن بالطول.. لزمني من شعري..

ولطشني بالكاع.. ودفر برجله ..ويغلط ويفشر وكلام عمري مسامعته من الغلط والاسائه طلعني بنت ليل..

واني كاعد وابوس برجله بس اسمعني وهوه يدفرني.. وساعه يضربني براسي برجله ..ساعه على خاصرتي..

انوب لازمني بوكسيات.. حلكي كله صار يجري دم.. كمت بس اتفل دم ودموعي تجري بغزاره.. واكوله بس اسمعني فدوه الله يخليك..

كال ولج شسمع اصخام وجهج بنت الكلب.. بنت السكط.. امج هيج وخوالج هيج.. كتله والله محد اتقربلي..

كال وبعدج تنكرين.. بقى يضرب راشديات وبوكسيات على وجهي وجسمي.. والباب كامت ادك حيل.. ويصرخون ولك شكو افتح الباب..

كال انتي عار لازم اخلص منج.. لزمني خنكني من ركبتي.. كمت ادك بأديه علكاع اختنكت.. انوب كمت اضرب عليه..

وازلغ بجتفه وركبته.. احس روحي طلعت من عيوني.. خلاص شفت الموت بعيني والله..

كل جسمي.. يضرب بالكاع.. الى ان نكسر الباب ودخلو امه وابوه.. عمتي جرت عادل مني.. اني بس اكح واريد اجر الهوه ماكو مختنكه..

اريد اشوف ماكو من كد ما خنكني.. اسمعه يكلها هاي الفضلتيها على حنين.. هاي الكلتي عليها بت اخوج.. واعرفها..

اخذيها للشريفه بت اخوج.. كالتله نجب شبيها احجي.. كالها اسئليها.. اتقربتلها طلعت مو باكر..

صرخت يمممممه.. عزا العزاج كوون.. واجت تضرب عليه.. صدك ولج يحجي لو جذب.. ابو كاله شنو يعني خادعتنه..

كاله اسئلها.. سئلتها انتي باكر تكلي لا.. تعترف بنفسها.. ابو كام يغلط ويسب ويتفل عليه.. وعمتي تضرب وتغلط عليه وعلى امي..

نهوني كتل.. صاح ابوه.. شيلها شيل هزباله من بيتنا ودها لبيت ابوها عساها لا رجعت.. خل يغسل عاره ونفتك..

عمتي كالت اي يغسل عاره واخوي واعرف لو يدري بيها يذبحها.. بس هاي تهرم ويه الولد..

غريبه ..مو امها شردت و عافت اهلها واجت لبغداد.. ويه اخوي.. هاي بت امها واضرب بعد.. يلعبن شلم بلم..

كوه احجي.. كتلها عمه والله محد ادنالي.. كالت هش هششش بنت الخايبه بنت ال…. وفشار وغلط على امي ميلبس عليه..

كالتله شيلها وديها لابوها.. خل يذبحها رجعها.. لزمني من ايدي عادل وجرني.. كمت ابوس بيده استر عليه الله يخليك والله ما غلطت وي واحد والله..

والله اني سويت هيج بنفسي.. عادللللل فدوه لا ترجعني لاهلي وتفظحني يذبحوني والله يذبحوني.. ابجي واتوسل بيه وهوه يصرخ ويفشر عليه ..

ولا يسمعني.. لحد ما سمعت بكر صاح بصوت عالي.. هاي شكوووووو.. امه كالت اجه بكر .

خو هذا خبل ما يتفاهم بهيج امور.. طلقه براسج ويفكنه.. دخل بكر.. باوعلي.. فتح عيونه..

صاح هاي شمسوي بيها كلب.. عادل لازمني من زندي.. شمرني حيل على بكر.. كاله بت خالك هاي طلعت مو شريفه..

اني كعدت من الم بالكاع ..ما الي سيطره اوكف.. كاله شتحجي لك اشررف منك حقير شلون تحجي عليها هيج..

كاله يا خوي هاك اسئلها انتي باكر لو لا.. ولك وصلتها 3 مرات.. ماكو دم.. ما احس بيها بيها بنيه..

بقى يباوع بوجه عادل بغضب.. كاله شتحجي.. كاله كدامك واسئلها.. دار وجها عليه.. كال اليحجيه صدوك..

بقت بس دموعي تجري ومدنكه راسي.. لازمني حيل.. وصاح.. جاي احجي ويااااااااااااج.. صح انتي مو باكر..

هزيتله راسي اي.. دفرني عادل بخاصرتي.. كاله شفت.. شفت بت خالك الشريف شطلعت..

جرني من ايدي عادل.. وكاله خل ارجعها لبيت الخلفها.. ونطلع من عارها.. راد يمشي بيه..

لزمني بكر .. كاله.. دخلت بيتنا.. صارت عرضنا.. احنه نعرف شلون نتصرف ويه عرضنا ونغسل عارنا.. يتبع

🌺🌺🌺🌺

خبصتوني بارت مفاجئ وبارت مفاجئ😒.. دهاكم البارت اخذوه ودا اريد اشوف منو ينام اليوم 😊.. لتنام تكتبلي تم 😒 مثل ما حركت عقلي وكتبتلكم..

حركو عقولكم وناقشوني.. دا اريد اشوف افكاركم.. حتى اتحمس واكتب اكثر🙈..

متابعه ممتعه..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_6

لزمني بكر .. كاله.. دخلت بيتنا.. صارت عرضنا.. احنه نعرف شلون نتصرف ويه عرضنا ونغسل عارنا..

اتركها حسابها يمي.. جرني من ايد عادل ومشا بيه.. دخلني لغرفه.. ضخمه.. يمكن غرفته..

شمرني للكاع.. سحبت نفسي يم الحايط وابجي وحاظنه رجليه بأديه.. جر الشرشف مال السرير..

وكال ستري نفسج.. وشمره بوجي بكل عصبيه.. اخذته ولميت نفسي بيه.. وهوه يفتر فوك راسي..

ويمسح بوجها.. وياخذ بشعره.. اتقرب.. كال منو سوه وياج هيج.. فهميني.. ويامن غلطتييييي..

يحجي وهوه صاك على سنونه.. دموعي تجري.. وكتله بكر والله محد طاخ جسمي..

كال شنو تلعبين علينه.. بنفسج اعترفتي مو باكر.. شلوووون.. شايفتنه هنود كدامج.. صرخ بوجهي..

كام يفتر ويمسح بوجها ويصرخ ولج احجييييييييييي..

بقيت منزله راسي وابجي شكله.. الاعتراف اصعب من الذنب.. اتقرب مني و كال احجي اريد اسمع.. ما اريد اذبحج واوكع بخطيتج.. يا بنت الناس فهميني..

كتله والله محد طاخني اني اللي اذيت روحي.. اني اللي سويت بنفسي هشكل.. باوعلي بغضب وعقد حاجبه..

كال يعني شلون.. استحيت اجاوبه.. خليت راسي على رجليه وابجي.. كال لحظه لحظه ورفع وجهي بأصبعه..

اذيتي نفسج شلون.. يعني انتي بنفسج فقدتي عذريتج.. هزيت راسي اي.. كال شلون.. نزلت عيوني ودموعي بحراره تنزل.. بخجل..

موقف.. صعب.. اكول اني هيج اسوي بنفسي.. كال باعيلي.. انتي مارستي مع حالك.. باوعتله بخجله وهزيت راسي..

كال يعني شلون.. سكتت بس شهكاتي واني ابجي تنسمع بالغرفه.. كال سمر لحظه باوعيلي ودافعي عن نفسج..

انتي فقدي عذريتج بأيدج.. هزيت راسي اي.. كال يعني مارستي العاده مع نفسك.. جاوبته بحركة جفن عيني اي..

كال شلون تسوين هشكل.. شلون تنزلين لهلمستوى.. دارسه وفاهمه.. اكو وحده تسوي سوايتج..

ومنو راح يصدك اللي تكولي.. كتله والله ما جنت اعرف.. سويت هلشي بجهل لما جان عمري 13 سنه..

صديقه الله لا ينطيها.. علمتني.. وما كنت اعرف هذي شنو.. وغلطت.. وتورطت..

كال مو جنتي تحبين اركان.. ليش اخذتي عادل.. كتله اركان.. ؟؟..كال اعرف بعلاقتج بيه..

ليش ما شرحتيله وضعج.. ليش وافقتي بعادل وانتي بعدج حتى ممخلصه دراسه..

كتله امي جبرتني الا اتزوج.. ومن عرفت نفسي مو باكر.. خفت.. اركان ما يتفاهم بهلشغلات..

كال ليش اكو رجال يتفاهم بهلشي.. كتله عادل.. جنت اشوفه سبورتي وقريب عليه.. لهيج وافقت عليه..

عبالي راح يفهمني.. ما اعرف بيه يشرب.. دار وجها عليه.. كال ليش هوه شرب.. كتله اي الثلاجه كلها بيره..

كال ابن السكط هاي عود حذرته.. دار وجها عليه.. كال شبليتي نفسج ليش هيج... اكو وحده تسوي اللي سويتيه..

دنكت.. كتله لو اعرف غلط اسويه.. والله كنت جاهله ما افتهم.. واعتقدت هلشي بس متعه ما بيه اذيه..

بقى صافن بعيوني وعيوني دموعها تجري.. كال حظوظ وهيه كلمن وحظه.. وحظج.. ما شمرج الا على عادل.. وغيره يت… وسكت..

وفرك وجها حيل وكام.. لزمت برجله.. بكر لتعوفني مراح يفتهمون اللي افتهمته.. واباوعله بتوسل..

دنك.. كال لا تخافين بركبتي والله.. محد راح يأذيج.. ارتاحي هنا.. اني راح اقفل الباب واتفاهم وياهم.. لو عطشتي الثلاجه يمج..

ولو ردتي تغسلين.. باوع لوجهي.. شفتي جانت كلها دم.. مسحها.. كال كومي غسلي.. هذا الحمام..

خله ايده على خدي ويباوع لوجهي.. ما فهمت شنو نضرته.. بس وخر بسرعه وطلع وقفل الباب..

كعدت بمكاني بقيت ابجي ابجي يا فضيحتي.. يا الخزي الجبته النفسي.. اوف امداني امداني..

اموت احسن ولا احد يعرف اني شسويت.. بقيت ابجي واني خاله راسي علكاشي لحد ما تعبت ونمت..

لشوي فزيت.. كمت على حيلي.. الحمام جان بالغرفه.. فتحت باب الحمام.. منضره مريح روعه..

ديزاين ايطالي.. يخبل.. نزعت روبي اللي انملى دم من عورات جسمي وحلكي اللي يجري دم.

شغلت المي جان حار احسه يحرك جروح جسمي.. سبحت وخلصت.. اباوع شلبس.. اخذت برنص ولبسته..

وطلعت.. ركضت بساعه التفيت بالجرجف من فوك ليجوه.. خاف يجي بكر.. شفت ماكو بكر.. فتحت خانته..

ديزاين الغرفه هم حلو الغرفه بيضه.. والاخشاب بلون الاسود.. كولش حلوه وفخمه.. باوعت لملابسه

ملابس الطلعه.. معلكه.. والتراكات واملابس الخفيفه مصفطه.. جريت تيشيرت وبجامه منه..

ولبستهن.. اتقربت للسرير.. كعدت عليه.. غاص جسمي بيه تكول مي.. اتمدد والغرفه برودتها منعشه..

من التعب ما حسيت الا اني غافيه..

…….…………

بكر.. اسمي بكر خريج كلية هندسه معماري.. بس ماكو توضيف واستثمار.. اشتغلت بالعقارت والبيوت وايضا مارست مهنتي كمهندس..

حالتي الماديه عاليه جدا.. كولشي اريده بين اديه.. بس جانت عندي امنيه وحده وما كانت الي ولا بين اديه.. اللي هيه سمر..

حبيبت طفولتي.. عشت كل عمري احبها من طرف واحد.. وعمري كله مفكرت بغيرها.. حبيتها وهيه هلكدوتها.. لحد مكبرت..

لكن ما فديوم حاولت اضهر هلمشاعر.. بسبب كبريائي..اللي يشوفني.. يعتبرني متكبر او شايف نفسي.. بس اني من داخلي مو هيج.. وانما ما احب احجي هواي..

ما ادخل بشي ميعنيني ..غير امور عائلتنه طبعا.. اؤمن بمقولة الامام علي كرم الله وجهه..

(عجبت لقوما.. ان احترمتهم احتقروك وان احتقرتهم.. احترموك..) هذا القول ينطيق على هذي الناس..

حاش لله.. ما احتقر احد.. لكن ما ابيع ميانه ويه بشر.. اساعدهم نعم و اداين اليحتاج واوكفله.. بس ما احب اجامل واضحك..

احس اصير سفيه.. الي وكفات ويه الناس والناس كلها تحترمني وتقدرني.. بس ما عندي صحبه ويه احد.. الا القله القليله من اصدقائي المقربين جدا..

اخذ راحتي وياهم.. واسولف بس ويه جماعتي.. اما باقي الناس لا الكل تعرف شخصيتي بكر حاد المزاج قليل الكلام..

حتى ابيت اهلي.. قليل اتشاقه وياهم.. بس بنفس الوقت.. بيت اهلي كله مرتكز عليه.. احنه بس 3 اخوان اني الجبير..

وعادل اصغر مني.. وخالد اخويه بس زغير صف خامس ابتدائي.. ابويه رجال جبير مريض سكر وضغط.. لذلك اني المعين اله وابمكانه بالبيت من الناحيه الماديه..

عادل خريج اداره واقتصاد ويدور علوضيفه دوراه وماكو.. ما اعرف شلون امي زوجته وهوه ياخذ مصرفه مني..

خواتي 3 اكبر مني متزوجات.. بس رنا اصغر مني ومن عادل ومخطوبه.. بأختصار.. بيت بكامله بمسأوليتي..

جانت سمر هيه حبي.. بس ما اتجرء احجي واكولها على حبي.. جنت متانيها تخلص جامعتها.. حتى اخطبها.. واحاول اشرحلها مشاعري..

بس للاسف اتأخرت.. بيوم دخلت.. كالت امي راح اخطب لعادل كتلها بالخير انشالله.. لان اني جنت رافض فكرة الزواج..

كل فكري لسمر.. شوكت متخلص دراستها افتح موضوع زواجي.. فكلت لامي.. منو اللي راح تخطبيها اله.. كالت سمر بنت خالك..

هنا دخلت بموجة عذاب بين الحب والكبرياء.. كلبي يكول اصرخ وكول لا اريدها.. وكبريائي تقرء مستحييييل..

مدام اخوي خله عينه عليها.. ما اريدها.. وبقيت عايش بدوامه بداخلي تطحن بيه كل يوم…

بكر.. كنت احاول كل يوم احجي ويه امي واكولها يمه اريدها.. لا تخطبيها لاخوي.. بس كرامتي مجانت تسمحلي..

جنت انطحن واني اعرف هيه تحب اركان.. وجنت اوهم نفسي هيه ما تحبه.. وجنت اقنع نفسي.. انو هيه راح تقبل بعادل..

بس متوقعت.. هيج يصير.. اخويه يخطبها.. والنصدمت بيه اكثر.. انو هيه وافقت على عادل..

وبقيت بالمر.. اتعذب.. واخ من كبريائي.. شلون يذبحني.. صار يوم عرسهم.. اني ما حظرت..

كتلهم.. صديقي انضرب بالنفجار.. وشردت.. شربت بيومها هواي.. بس اريد انسى لحد ما نمت ابيت صديقي واني اصيح بأسم سمر..

كعدت الفجريه.. اخذت سيارتي ورجعت لبيت اهلي.. والشرب صاحي منه بس راسي كاتلني من الاذيه..

دخلت البيت واسمع صريخ وصياح.. اباوع هذا وين الصوت.. شفت بغرفة عادل.. صرخت هااااي شكو..

وركضت.. طبيت شفت سمر مدمايه بأيد عادل وحالها يرثى لها.. اجيت انهد عليه.. وسبقني هوه بالحجي..

وكالي بت خالك مو شريفه.. اتخبلت.. اخذتها.. لغرفتي.. وكعدت احقق وياها بنفسي.. منو السوه بيها هيج..

بعدين اكتشفت انو هيه فاقده عذريتها بجهل منها.. لما جانت مراهقه.. بقيت صافن بعيونها..

لو تقربت وحميتها وبقيتها.. ادري ما اتحمل وهيه جنبي.. اكيد راح احبها اكثر واريدها وهيه مرت اخوي..

ولو تركتها.. راح تنكتل موت.. علاكيييد.. طلعت منها.. شايل هموم الدنيا فوك راسي..

شلون راح استر عليها.. وما اخلي الناس تحجي بيها.. شلون اخليهم يصدكوها.. اجت امي كبالي..

كالت هاا.. كتلها.. البنيه محد لازمها.. كالت شبيك بكر.. هيه اعترفت بنفسها.. كتلها بلي اعترفت هيه مو باكر..

بس مكالت غلطت ويه واحد.. كالت اني مو باكر.. كالتلي وشنو الفرق.. كتلها يمه الفرق البنيه شريفه وممدنسه نفسها..

بس غلطت وفقدت عذريتها وهيه تكشف نفسها لما جانت مراهقه.. كالت يعني شلون.. كتلها يمه يعني باصبعها كاشفه نفسها من باب الفضول..

وما تعرف الغلط بوكتها طفله.. كالت ومنو كال هلحجي صدك.. كتلها عندج دليل واحد يكذبها..

كالت لا.. كتلها خلص.. طيب ليش منصدكها.. نعرف امها ونعرف ابوها.. ونعرف شنو تربيتهم.. ليش نشكك بيها ونفظح ابوها..

متخافين علا اخوج من الفضيحه بين عشيرته لو درت.. كالت والله مكاسر ضهري الا اخوي..

كتلها خلص.. خل يستر عسالفه شهر شهرين ويطلكها.. وكان الله يحب المحسنين..

عادل.. سمع.. كال ماكو اطلكها.. وهسسسسه.. كتله البنيه مغلطانه ويه واحد عليش اطلكها شنو ذنبها..

كال تجذب عليك انته مصدك.. كتله بت خالي طبعا اصدكها.. ما عندي شي يثبت انو هيه دتكذب.. فليش ما اصدكها..

كال صدكها انته اني ما اريدها.. كتله ما كايلك.. اخذها الك مره.. جاي اكلك استر عليها.. كم شهر وطلك..

احفظ مي وجه خالك بين الناس.. كال خالي شنو لو بيه خير يربي بته.. كتله عااااادل.. لتوهمني انته شريف..

واخلاقك عاليه.. لو ما سوالفك مكسره.. نسوان وشرب يوميه.. محد يحاسبك.. بس لان هيه بنيه.. لازم تتحاسب..

لو هيه تسوي اللي انته تسويه.. جان طلعنه

ا بنت ليل.. بس انته استغفر الله تستشرف وما تقبل تستر وطلع روحك شريف..

كال ما ريدها كوه.. ولك تريدني ارتبط بهيج بنيه لووو اموت والله ما اقبلها خلقه اخلاق وارضه بيها.. ههه ماخذه نفسها..

كتله.. غصبا عليك راح تسد السالفه ولا تخليني اتصرف وياك غير تصرف.. احترم نفسك..

كال زين بشرط.. كتله شنو.. كال تنطيني مقابل سترها فلوس اتزوج بيهن عليها..

كتله شتتزوج ابن الاوادم.. مو اليوم عرست.. كال اني احب وحده اسمها حنين وامي وابوي ما قبلو بيها لان شيعيه..

ساعدني اتزوجها.. واني اوعدك اسد سالفة سمر.. كتله لحظه لحظه.. اذا تحب اللي اسمها حنين.. سمر ليش وافقت عليها..

كال ما احبها ولا اشيللها ذرة مشاعر.. سمر من يوم يومي.. اعبرها اخت وجنت اتشاقه واضحك وياها.. بس امي صدمتني لما خطبتها الي بيومها كدام خالي..

ورجعت ورفضت بس امي بقت تصيح.. وما قبلت.. كالت ما تلكه احسن من بت خالك تتزوجها.. جبرتني لو اتزوجها..

لو تتبره مني وما ترضى عني ليوم الدين ..فوافقت اتزوجها كوه..

بقيت اباوع بوجه عادل بتعجب.. نزلت راسي وكمت افرك وجهي شسويتي بينه يا يمه..

حرمتيني من حب حياتي.. وجبرتي اخوي عليها.. وحارمه عادل من حبيبته اوف يمه شكول عليج..

كال هاا شتكول.. كتله موافق.. شكد تريد.. كال 10 ملايين.. ككتله يا سكط تتفاوظ وياي على ستر مرتك..

كال اني ما اعتبرها مرتي.. واعتبرها طالق.. بس اني راح ابقيها واستر عليها.. لو وافقت انته تساعدني واتزوج من حنين..

نزلت راسي غمضت عيني.. قبضت ايدي.. وكتله موافق..اعتبر 10 ملايين يمك.. بس بعد ما تمضي على سالفة سمر 5 اشهر..

كال هوااي.. كتله بكيفك.. توافق اوافق.. كال ليش 5 اشهر.. كتله تبعد الشبه عنها.. ونكول متراهمو.

اذا طلكت هسه.. راح ينطعن بشرفها.. كال ماشي موافق.. كال بس لا تطلب مني اتقرب منها هلفتره ما اتحمل..

بعد ال5 اشهر اطلك وما اباوع لاحد.. كتله اوك.. من كال لا تطلب مني اقتربلها.. ما اعرف كلبي فرح بهلكلمه..

صار الي امل ترجعلي ولو طريق الرجعه صعب.. لكن مو مستحيل..

رحت طلعت بره.. دخنت جكاره وبقيت افكر بيها والوم بروحي عليها.. ليش ما منعتهم..

ليش خليت كبريائي هوه اليقودني.. وبتالي تأذت بسببي.. اووف شراح اسويلها.. وشلون راح اخلصها..

يا سمر شسويتي بروحج متكليلي منين طلعتيلنه بهسالفه.. ولو مصائب قوم عند قوم فوائد..

لو مصار اللي صار.. جان صارت زوجة عادل.. وابقى احرك بروحي واكره اخوي.. اووووف هاي شجاي افكر لخاطر الله..

شمرت الجكاره ودستها ..واخذت سيارتي.. ورحت طلعت.. افتر على شارع علنهر.. لحد ما حسيت عيوني ثقلت..

صفيت السياره.. كتفت اديه ..واخذت غفه.. كعدت على صوت اتصال واحد من جماعتنا.. علمود الطابو.. كتله جايك.. حركت السياره ورحتله..

سمر.. نايمه.. وجسمي مخدر من الوجع.. الوجع يوجع اضعاف لما تنام وترتاح.. لما تكعد.. تحس فعلا بالم..

كعدت.. الالم ما اكدر اشيل جسمي منه.. كل مكان بجسمي يون.. وازرك.. بقيت كاعده.. سمعت الباب اندكت.. اجو ماما وبابا..

فتحت البرده شوي واباوع.. صايره مقابيل الصاله.. دخلو اۿلي.. لشوي.. سمعت صياح ابويه.. والحجي صار عالي..

خليت اديه على راسي وابجي.. راح يجون يذبحوني.. راح يموتوني كعدت ختلت واباوع من الشباك وشوي اوخر من البرده..

طلع ابوي..يصيح ويكفر ويغلط.. ويصيح انطونياها خل اغسل عاري ويصرخ وينها السززززز وينهاااااااا طلعووووووها

رحت انداريت بسرعه.. بين السرير والزاويه وكعدت.. ولفيت رجليه النفسي وابجي.. اندكت الباب حيل كمزت..

وابوي يدفر بالباب.. ويكلهم طلعولياها.. ويضرب بالبلب كلت راح يطب.. يارب دخيلك فدوه ربيييي.. لا تتركني وحدي الهييييي..

ابجي بحركه.. وبصوت مخنوك.. بسكوت ..الى ان اجه بكر.. وكف كدام الباب.. سمعت صياحهم وحجيهم..

كاله خالي شتريد.. يكله انطينياها طلعها خل اذبحها.. نزلت راسي بنت الكلب.. كاله ما نزلت راسك ولا شي..

البنيه غلطانه ويه روحها وفاقده عذرتها بنفسها.. كاله شلوووون.. وشلون هاي..

انداريت بسرعه للشباك.. داريد اشوف حجيهم.. اباوع من البرده بسكوت.. وما اميلها كولش.. شوووي منها..

كاله ليش شكالولك.. كاله يكلولي عادل وصل بتك وطلعت مو باكر.. كاله اي صح بس مو هيج السالفه..

البنيه ما تعرف وفاقده عذريتها من جانت طفله وخايفه تكول.. كالت عمتي ومنو يكول هذا الحجي صحيح.. وتباوع لامي..

امي اشوفها بس تبجي ومخليه ايدها على حلكها.. انوب كعدت واديها على راسها..

صاح ابوي بكر طلعلياها جاي اكلك.. كاله خالو بس اهدؤ .. ما عدنه دليل واحد يثبت غير اللي سمعناه منها..

لو انطيتكياها.. راح تكتلها.. مستعد تتلطخ.. بدم بنتك وهيه بريئه.. حرام عليكم هاي روح.. لو ما ذنبت يحرم قتلها..

ومدام ما عندنه دليل.. يكذب كلامها.. فالكل مجبور يصدك.. سمر نعرفها من زمان وترباتك خالي..

لازم انته تعرف بنتك ما تسوي هيج.. حجه عمي ابو بكر.. كاله والله بنات هلوكت ما ينحزرن..

يمشن المي من جوه رجلينه ويتمسكنن..

واحنه مثل الطناطل نصدك.. ابوي دار وجها على بكر.. كاله طلعها.. بنتي اريد اربيها من جديد طلعها.. صرخ بوجه بكر ودفعه.. يتبع

🌺🌺🌺🌺

اوووف الله لا ينطي كل صديقة سوء والمواقع الاباحيه.. اللي دمرت ابنائنا بهشكل.. يا ناس اخذو الحذر.. تره الشرف غالي.. ومستحيل يرجع لو اتشكك بيه..

خاصه الام.. لتكولين اخجل احجي لبنتي وافهمها.. اتانين اتصيرين بموقف ام سمر.. وهنا حيكون الخجل والخزي مضاعف.. ياريت تتعضون..

متابعه شيقه..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_ 7

شفت بابا دفع بكر.. وبقى يدك بالباب.. كتلني الخوف.. ركضت لمكاني.. بين الكنتور والزاويه..

واسمع بكر.. يكله خالي.. ما الك حق تكتلها.. البنيه صارت النه..

بكر.. احاول اردع خالي.. بقى يغلط ويصيح.. صحت عادل.. وخزرته.. عرف نضرتي.. كاله خالي عوفها.. اني اتحمل غلطة سمر..

وراح استر عليها.. لحد ما الله يفرجها.. كاله خالي. شلون يعني يفرجها.. كتله خالو.. البنيه بريئه.. وما الها ذنب..

ولو طلكها هسه وكتلتها.. ما نحصل شي.. وانته عندك بنيه ثانيه لا تكسر بيها.. حتى لو كتلتها وغسلت عارك.. راح يلاحكك

وتخلي الناس كلها.. تنتبه لللي صار.. استر علموضوع.. وامشي.. بقى يضرب علباب..

ويصيح.. سمر وين ترحين مني.. الزمج الزم.. اصطبريلي.. ومن اليوم لا انه ابوج.. ولا انتي بتي..

جرته امي.. وكالتله.. خويه علبختك.. لا يصعد الضغط عندك.. ويصير بيك شي.. ربحنه.. بهلخايسات..

كلهم.. توجهو للصاله.. وابتعدو عن الغرف.. اني رحت للمطبخ شوي.. ورجعت دخلت للغرفه..

لكيت سمر.. خاتله بين الكنتور.. والسرير.. سويت روحي.. ما مهتم.. وكعدت علسرير..

اتقرب يم رجلي.. باوعتلها.. كتلها شفتي مصايبج وين وصلتنه.. شكلتي لروحج.. من سويتي هلشكل..

سمر.. والله ما جنت اعرف والله.. دنكت ابجي.. انوب رفعت عيني.. كتله بكر.. انطيني لابويه.. خل يذبحني..

اني اريد اموت.. باوعلي.. بنضره جامده.. كال.. مو نفسج.. الزمتيني الصبح. وكلتي ساعدني.. ما اريد اموت..

كتله اي.. بس ما عاد اريد اصير ثقل على احد.. خل اموت واريحكم من شري..

بكر.. كاعد علسرير.. ومنتجي على اديه وشابكها.. وهيه كاعده يمي بالكاع ورافعه راسها وتحجي وياي.. ودموعها بعينها..

كتلها باعي سمر.. اول شي.. اني ما حميتج.. لان انتي تستاهلين.. حميتج خوف من الله.. وما اريد ينهدر دم حرام..

ثانيا.. لو انطيتج ومتي.. هذا شي ما يحل الموضوع.. راح تبقي بقعه سوده على اهلج.. وعندج اخوه واخت.. راح يتأذون ويلاحكهم العار حتي لو متي..

لا بعد احد راح يقبل ينطيكم.. ولا راح ياخذ منكم..

سمر.. بس اني ما سويت شي والله..

بكر.. هذا الكلام قنعي بيه نفسج.. وقنعيني بيه.. مو تقنعين بيه العالم.. لو راد ابوج يذبحج..

سمر.. وهسه شسوي..

بكر.. راح تبقين زوجه لعادل لكم شهر.. وبعدين ايطلكج.. وانكول متراهمو..

سمر.. دنكت.. ابجي.. هوه كام بسرعه مني.. وطلع وقفل الباب.. اني بقيت ابجي.. والطم خدي على حياتي الضيعتها.. بسبب عادات تافها..

رحت للسرير.. اتمددت.. وخليت اديه بين رجليه وبقيت ابجي ومقرفصه نفسي.. لحد ما نمت..

بكر.. شفتها نزلت راسها تبجي.. كمت بساع.. ما اريد اضعف بدموعها.. طلعت الغرفه و رحت لامي..

كتلها يمه.. فضي السالفه.. والناس التجي تباركلنه.. بينيلهم ماكو شي..

كالت اي هاهيه.. بس شلون لو سألو علعروس.. كتلها.. كوليلهم.. مريضه.. وما تكدر تكوم فد مره.. اي شي طلعيلج شغله.. ومشي السالفه..

كالت ماشي.. طلعت اخذت سيارتي ورحت للمكتب مالتي.. اجو ناس اتعاملت وياهم.. ورحنه على بيت رادو ايجار..

خلصت منهم.. ورجعت للبيت.. الساعه 5 العصر.. دخلت البيت هوسه.. خالتي ايمان موجوده وبنتها حوراء..

وخواتي كلها جايه.. حجت اختي اميره.. شعندك ضامها لسمر .. فوك سواد وجها.. تحاميلها..

كتلها.. خويه جايه خطار.. صيري خفيفة دم وعوفج من المشاكل.. احنه نحلها.. محد اله دخل بهلموضوع..

ولو سمعت احد جاب هلسيره.. احسابه وياي.. التفتت لامي.. صار معلوووم. كالت هاهيه كلنه اي.. بس فكنه..

عفتهم ودخلت للغرفه.. الغرفه بارده.. وهيه نايمه ولابسه من ملابسي.. ابتسمت.. واتقربت يمها..

شعرها.. مغطي وجها.. كعدت على رجليه.. بعدته على كيييييييف.. اتقربت يمها.. اتنفس انفاسها..

تشهك وهيه نايمه.. الضاهر باجيه هوايه.. اخذت نفس.. شيصير لو عروستي.. مو عروسة عادل..

جان هسه انتي بحظني اسعد عروس بالدنيا.. بس شنكول هيه قسمه.. وكلمن وحظه.. واني وياج حظ ما عدنه..

لا انه الحويتج.. ولا انتي اللي اختاريتي صح.. كمت من يمها.. طلعت لحاف من الكنتور.. وغطيتها..

ورحت كعدت علكمبيوتر.. اشتغل وابحث عليه.. طفت الكهرباء.. الشاحن مال الكممبيوتر كام يصوفر..

حسيت بيها تحركت بس اني ما التفتت الها.. وكأني ما انتبهت.. سمعتها اتأنّ من الالم..

توقفت من الحاسبه.. وصار كل تركيزي يمها.. بس ما درتلها.. لحد ما كعدت.. باوعتلها.. شفتها لازم خاصرتها.. وتون..

كتلها شبيج..

سمر.. الم جسمي موتني.. من كل مكان ديصل عليه..

بكر.. بدلي خل اوديج للدكتور..

سمر.. ها.. لا لا ميحتاج.. بس اريد مسكن الم..

بكر.. كمت للجراره.. طلعتلها براسيتمول وانطيتها.. وطلعت بطل مي من الثلاجه ومديته الها..

اخذت حبايتين.. وجرت المي وشربت.. كتلها ها شلونج هسه.. باوعتلي بابتسامه.. وكالت يا الله خل يدخل معدتي بالاول وبعدين نكول شلوني..

ما بتسمت.. درت وجهي.. وانرسمت الابتسامه على وجهي.. شكد كلبي فرحان بيها واني اشم انفاسها ماليه غرفتي..

اخذت نفس حيل.. ورجعت باوعتلها.. كتلها نامي..

سمر.. دار وجها عني.. كلت بكلبي.. صدوك ساعدني وتفهمني بس بعده عقده.. وجها ما يكصه السيف..

ملامحه جديه ما بيها ابتسامه.. كالي نامي.. كتله لا اريد اكوم..

بكر.. وييين..؟؟

سمر.. شلون راح اضل نايمه بغرفتك.. انته هم حقك تريد ترتاح.. واني تعبتك ويايه.. باوعت لعيونه كتله اشكرك من كل كلبي.. السويته مراح انسالكياه..

بكر.. باوعت لعيوني.. صفنت بيها وهيه تحجي.. ودرت منها.. كتلها هذا واجب مسويت شي..

وسبق وكتلج.. ما سويته لخاطرج.. اني سويت هيج.. حتى لا اظلم بخت.. وينهدر دم بالحرام..

سمر.. وان يكن.. فشكرا.. حجيت وكمت.. كال وين حترحين.. كتله لغرفتي غير.. كال عادل مو هنا..

كتله احسن.. ردت امشي.. ودرتله كتله اسفه اضطريت اخذ من ملابسك.. اشرلي براسه بعدم المبالاة.. وبيده اي يعني روحي..

طلعت من غرفته.. محد موجود.. دا امشي.. طلعت رنا.. كالت واخيرا شرفت الخانم.. شبعتي نوم يلمسعده..

المثلج هسه كاتليها وشامريها بالزبل.. بس احمدي ربج واشكري.. بكر وكفلج وسكتنه.. لا جان هسه انتي بعداد الموتى..

باوعتلها.. وكلت.. قل لن يصيبنا الا ما كتب الله لنا.. ضحكت.. كالت المثلج تعرف الله وقرانه.. وهزت بأيدها..

عفتها ومشيت للغرفه.. بعدها على الهوسه السواها عادل البارحه لما ضربني.. وبطالة البيره.. تارسه الميز..

والريحه مال الغرفه تكتل من المشروب.. فتحت الشبابيك.. بس بصراحه.. جسمي ما اله قوه يكوم ينضف..

كعدت علسرير.. انوب كمت بدلت كلبيه ورديه.. مشطت شعري ورفعته.. ورجعت كعدت..

اخذت علاكه.. لميت البطاله.. ومسحت الميز.. بس كوه اتحرك الم ذابحني.. عدلت السرير ونمت..

ما نايمه بس غافيه من الوجع.. لشوي حسيت الباب نفتحت.. دخل عادل.. حسيته راد يحجي وسكت..

طلع فراش ولحاف من الكنتور.. وفرش بالكاع.. كتله اني انام بالكاع.. وانته ارتاح علسرير..

دار وجهه بعصبيه كال ياريت متسمعيني صوتج بالغرفه.. سكتت.. جريت التليفون مالتي.. جان نوع دمعه..

فتحت لعبه وكعدت العب.. باوعت لعادل.. مخلي ايده على راسه وغافي.. دا اباوعله.. ورج الجهاز بأيدي.

يمه كلبي وكع من الخوف.. اباوع اركان.. يبوووو هسه وقته اركان.. سويت الجهاز صامت ولغيت ميزت الرج..

لان من يرج الجهاز.. كلبي يرج وياه.. دزيت رساله لاركان.. 💬اركان لا تتصل بعد اني اتزوجت انساني.. تستاهل الاحسن مني صدكني💬

رجعلي رساله💬 ما اريد شي بس احجي وياج وافتهم شنو الغلط السويته وتخونيني وترحين الغيري💬

ما رديت.. رجع دز رساله.. 💬عادل..!! هاي تاليتج تحبين عادل الكل عمرج جنتي تقنعيني انو هوه اخوج ومستحيل تفكرين بغيري من جنت اضوج من شقاج وياه💬

اباوع الرسايل وما ارد.. هم دز رساله 💬ولج بس جاوبيني وريحيني ليش هيج سويتي بيه شبدر مني وهيج جازيتيني هذا تالي حبي الج "خيانه"💬

حذفت الرسائل. وقفلت الجهاز.. ودموعي كامت تجري بسكوت.. بدون صوت.. ساعه اكول لو ماخذه اركان مو احسن.

ساعه اكول.. ومنو كال اركان يتفهمني.. وارجع اكول لا هاهيه بلكت عادل يوم يومين ويتغير ويايه..

اي عادل خوش ولد ولازم اكسبه.. كمت اباوعله.. هوه غافي ونايم بالكاع وايده مخليها على وجها..

كمت.. اخذت ملابس بكر.. وكلت خل اغسلها وارجعها اله.. اخذتهم ورحت للمغسله.. والملابس مخليتها على كتفي..

دا اشغل المي.. كمزت على صوت بكر وهوه يكول شجاي تسوين.. كتله خررب ببليسك يمعود.. كح مح.. شنو راح كلبي ادري خفاش..

بعده على نفس الملامح والجديه.. وكال كلت شجاي تسوين.. كتله داريد اغسل هاي الملابس..

بكر.. ماكو داعي انطينياهم..

سمر.. لا ما عندي شي.. اغسلهم.. لان لبستهن.. باوع بعيوني.. بنضره جامده وكال ما احب اكرر كلامي.. افتهمي هلشي رجاءاً..

ومد ايده.. انطيته الملابس.. اخذهم وراح.. خررب شلون عقده لخاطر محمد.. طلع زوج عمتي خليل تفل بوجهي ودخل للغرفه..

كلت بكلبي وثول.. شلون خلقه ويتفل عليه.. طبعا عمي خليل شكله اسمر فد مره وشعره مجعد.. وخشمه بكد بغداد.. لا وهم شويه اكبر.. خخخخ

انوب يتفل عليه عيييع.. عادل طالع على عمتي حلوه وعيونها صفر.. و بكر ماخذ من الاثنين.. السمار من ابوه والمعاني على عمتي..

وصايرين مشكل يا لوز.. مشيت وكوه اجر برجلي من الالم.. رحت للمطبخ.. فتحت الثلاجه.. لكيت كبه تمن مكلايه.. وباقيه بثلاجه..

اخذت وحده.. ودرت للكاونتر.. داريد اطلع صمون. ما احس الا واحد ورايه..فتح الثلاجه.. هم كمزت.. كلبي راح.. وهم بكر..

استغفر الله.. كتله انته صدوك خفاش.. يمعود راح تسوي بيه جلطه.. ادري من تمشي ما اطلع صوت.. نفس..

بينت الابتسامه على وجها.. والله اول مره انتبه اكو غمازات بوجها.. من ضحك.. عمري ما شفته فد يوم ضحك..

كال شجاي تسوين.. كتله دا اسوي لفه جوعانه.. كال.. هاا.. صاح رنااااااا.. كتله شتريد.. كال اريد عشى..

كتله هسه اسويلك.. كال شكرا.. ما اريد وصاح رنااااا.. كلت بكلبي هم صوجي فوك. مجاي اتوجع واريد اخدمه يتكبر عليه..

سكتت.. واخذت لفه ومشيت.. دا اطلع اندكت الباب.. اجوي عمات عادل.. اخوات عمو خليل.. من شافني هلهلن..

واجن يباركلي ويبوسن بيه.. طلع عادل على صوت هلاهيلهن.. باسنه وهم باركلنه.. هوه ابتسملهن..

وكعد يضحك وياهن.. كعدت يمهم.. باوعلي ويغمزن لعادل ويكولوله ها ينچر شمسوي بيها.. الحلك مدمه..

هوه ابتسم ودنك.. كلت بكلبي خرب بهبل.. اني ماكله طن كتل والناس عبالها شابعه 💏 خخخخخ..

باوعت البكر.. عاقد حاجبه ما عاجبه شي الخفاش.. اجت رنا.. وجابتله الاكل.. كالها عمه تفضلي.. كالتله لا والله متعشين..

كالت رنا.. سمر بس جيبي مي لبكر نسيت اجيبله.. كتلها اي. وكمت كوه من رجلي.. توجعني.. كالت عمته هااا شبيج شو تعرجين..

جاي احجي.. بكر سبقني.. كال هاي ثوله.. كل شوي مجبوحه.. وقبل شوي هم تزحلكت بالحمام..

كالت اي هيه هاي نتائج اليسبح هواي لازم يتزحلك.. خف عليها ابو العداله لا يروح صبغ البنيه.. . وتغمز لعادل.. عادل ضحك بصوت عالي.. بكر عقد حاجبه وضاج..

رحت جبتله مي.. وخليته يمه.. كعدت.. يم عادل.. عادل رفع راسه بتكبر.. وخله المخده بيناتنه.. وانتجه عليها..

بقو يسولفون.. اني كل عيوني على عادل.. اتمنى اكسبه اليه ونرجع وكأنو مصاير شي.. بس هوه مو ناوي ينسى..

او لان الحادثه بعدها.. جديده.. ويرادله وقت.. ما اعرف .. اصبر شسوي.. كامت عمته اترخصت.. اتقربت مني وخلت بيدي ضرف وصلة العرس..

وباركتلنه مره ثانيه وكامو طلعو.. اني رحت للغرفه فتحت الضرف.. جانت بيه ورقه 100$..

ضميتها بالكنتور.. وكعدت.. اجه عادل كال كومي سويلي جاجيك.. كتله شنو.. كال جاجيك.. خيار ولبن متعرفين..

كتله هاا.. اي.. كمت.. للمطبخ ثرمت الخيار.. وخليت اللبن عليه وخليتها بصينيه زغيره واخذتها.. .. ووديته لعادل.. لكيته مطلع الضرف مال الفلوس ..

شافني.. ضم الفلوس بجيبه.. مهتميت.. خليت صينية علميز.. كال شنو هاي.. كتله شنو.. كال حظريلي الطاوله.. تحظير مال اوادم اريد اخذ راحتي..

عرفته يريد احظرله ميز شرب.. رفعت راسي للسما.. وكتله رب سامحني.. مجبوره اسوي هلشي..

حظرتله الميز.. كال طلعي الشرب من الثلاجه والثلج.. طلعت.. وخليتها.. كوه اجر برجلي..

كعد هوه كام يشرب.. ويباوع للتلفزيون.. ومطلع اغاني.. عفته وانتبهت للموبايل.. كمت العب..

اكو لعبه بالجوال جانت.. البحث عن الجواهر.. بيها مراحل متعدده. صار اشهر بيها وممكملتها.. التهيت اخلص وقت بيها..

ما احس الا عادل.. ضربني بحزامه حيل على رجليه كمزت.. كمتت اباوعله العيون حمر.. خفت منه..

كام يحجي وكلامه ثكيل.. كال ويامن خربطتي ..وبقى يفشر.. اني بس الخوف بكلبي.. كتله والله محد لزمني بحياتي غيرك..

كال هذا الكلام مشي على بكر مو عليه.. اذا هوه صدك اني مو طنطل مثله واصدك.. يحجي وكوه يطلع الكلمه..

كتله عادل بس اهدئ.. ضربني حزام.. على زندي.. اتقربت منه.. لزمته من اكتافه فدوه عادل بس اسمعني ..

صاح وخري مني لج.. ودفعني علسرير وصعد فوكاي .. لزمني من ركبتي ويخنك بيه..

ويصرخ.. ما احبج انتي بلوه ووكعتي فوك راسي.. ماااااااا اريدج موتي خلصيني موتي.. اختنكت واني احاول اوخر اديه مني..

بقيت بس ارفس جواه.. مثل سمكه مطلعيها من المي.. بس اريد اشتم الهوي.. وكوه اتلفظ عاااا عادددل..

بقيت ازلغ بكتفه حيل.. وخر وبقى يضربني راشديات.. واني بس اريد اتنفس.. انوب هم كام عليه ضرب ودفرات.. برجله..

انوب كام نزع قميصه ..و يعض بجسمي.. احس روحي شاطت من الالم.. حاول يتقربلي.. واني ابعد بيه.. وهوه يضرب..

ولازمني من شعري.. دفعته كوه.. وكع علسرير ومشال نفسه.. شردت بره الغرفه.. كعدت علدرج اظلم.. بقيت ابجي بخنكه.. وبدون صوت..

اني اللي خليت نفسي بهلموقف.. اني اللي سويت بروحي هشكل.. اني اللي دمرت نفسي بنفسي..

الله يموتني واخلص.. الله ياخذني وارتاح.. اخخخخخ ربي اخخ والله بعد مابيه اتحمل مليت اخذني وخلصني..

احجي همس.. واني رافعه راسي.. للسمه.. دا اعاتب بربي.. صار بكر فوك راسي..

بكر.. ردت اطلع برا علمود الاتصال كوه اسمع بالغرفه.. خلصت.. اسمع صوت شهكات..

اتقربت يم الدرج.. الدرج مابيه ضوه اضلم.. بس اعرفت هاي سمر.. كتلها شجاي تسوين هنا..

سمعت شهكاتها وهيه تطلع منها.. وتحاول تكتم.. دموعها.. تخبلت.. جريتها بساع.. كتلها شبييييج..

هيه تشهك وكوه تطلع الكلمه مابيه شي.. جريتها للغرفه.. كامت تستر بثوبها مني.. مشكوك..

ابوع لركبتها وشفايفها.. تجري دم.. كتلها هذا عادل مسوي بيج هشكل.. دنكت تبجي.. كتلها بسيطه..

كمت لزمت ايدي.. كالت بكر لا تأذي.. سكران مايعرف شديسوي عوفه.. سحبت ايدي بعصبيه وطلعت..

لكيته متمدد علسرير.. وفاتح اديه.. ضربته رجل.. كمز.. لزمته وجريته.. كام يدفع ويغلط ويكول عوفنيييي..

ضربته راشدي ودخلته للحمام.. وشغلت الدوش فوكاه.. وشلت سطل مي وشمرته.. بقى يصيح..

ضربته.. رجع ضربني.. كتله كلب وبيك خير تمد ايدك عليه.. لزمته بوكسيات.. بالحمام..

اجت امي تركض وتصيح يمه ولدي تذابحو يمه.. الله لا ينطيج سمر.. وتدعي وتبعد بيناتنا.. ابتعد واني اصيح عليه.. سسسسسسكط.. نعللللل..

والله اذا حسيت بيك تشرب بالبيت.. عتبت الباب مطخها فهمتتتت.. وهاي سمر.. لو لزمت شعره منها احركك انته والجابك افتهمتتت.. كمت اصرخ

بقى يغلط ويبجي.. وامي واكفه سد بيناتنا.. طلعت لكيت سمر.. واكفه وتبجي.. اخذت ايدها.. بعدت ايدها مني..

سمر.. كتلك لتأذي.. شسويت بيه ليش هشكل صيحت عليه.. جر ايدي حيل ودخلني لغرفته.. ووكف كبالي وكال ما اتحمل يأذيج فهمتي..

ما اتحمل يتقرب منج ..احركه حرك انتي وياه.. بقيت صافنه بوجها.. وهوه يحجي بعصبيه… يتبع

🌺🌺🌺🌺

شرايكم ابكر.. وشرايكم بحبه.. وشتعتقدون.. هل للحب هذا سبيل.. ممكن ينشق طريقه..

متابعه شيقه..

😍😘...

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_8

ما اتحمل يتقرب منج ..احركه حرك انتي وياه.. بقيت صافنه بوجها.. وهوه يحجي بعصبيه..

بقى يباوعلي.. واحس النار تطلع من عيونه.. بعدين دار وجها.. وبقى يفرك بشعره بحركه..

كتله بكر.. اني احب عادل.. دار وجها.. وصاح شحبيتي منه.. كتله هوه زوجي ويكفيه ستر عليه وما حجه اي شي كدام شخص..

شفت لما اجو عماتك.. بقى يضحك ومحسس احد بذنبي.. راد يحجي.. ونزل اديه وسكت.. انوب باوعلي..

وكال سمر لا تتأملين بعادل حب.. ما يريدج.. كتله لا تحجي هيج.. اني اريد اكسبه.. صح خسرته بس يستاهل اتعب علمود اكسبه..

كال لا تعبين نفسج.. انتي مو اباله.. وراح تتندمين.. كتله ليش.. ما حجه.. فتح الجراره.. طلع قطن.. وديتول..

وكال ديريلي.. اتقربت منه.. بقى يداوي جروح ركبتي وحلكي.. كله دم يجري.. انوب خلالي.. لاصقات جروح..

وكال نامي هنا.. اني طالع بره.. لا ترجعين للغرفه و هوه شارب يأذيج.. طلع.. صراحه.. كل عمري متخيلت فد يوم بكر..

يتعامل ويايه بهشكل.. هذا الانسان اللي تحسه خالي من المشاعر.. يدافع عني بهشكل.. ما انكر.. اني عشت وطلعت من هلازمه بفضله..

طلعت. هه لسه الجاي اصعب يا سمر.. اتحمل يا كلبي اااااه.. اتقربت لسريره.. خليت راسي علمخده..

اني من عادتي.. امد ايدي جوه المخده وانام على بطني.. مديت ايدي واخذت المخده.. لكيت الفانيله الجنت لابستها..

مصفطها.. ومخليها تحت المخده مالته.. عود ليش مخلاني اغسلها.. شمرتها.. هوه حر شسويله..

نمت.. لل3 بليل.. كمت طلعت.. رحت للغرفه.. لكيت عادل نايم.. اتقربت منه.. وجها مزورك..

وشفته مورمه.. مديت ايدي على شعره.. ومسحت.. وكمت رحت جبت القطن والديتول من غرفة بكر واجيت..

اتقربت بكل هدوء.. اعقم جرح شفته.. كعد على حيله...ابتعدت منه بخوف.. كال ما اريدج حواليه.. ابتعدي..

كتله تأمر.. بس اداوي جرحك.. لزمني من شعري وكال.. هاي الجروح بسببج.. مو انتي رحتي شكيتيني البكر..

وهاي اول يوم دخلتي بيه البيتنه.. خليتي الدم بيني وبين اخوي.. كتله والله ما شكيت لاحد.. هوه الوحده شافني واجاك..

دار وجها.. عادل الله يخليك انطيني فرصه.. اصلح غلطي وياك.. كال شتصلحين.. ترجعين باكر مثلا..

كتله والله بعمري محد طخ جسمي غيرك.. بيش تريد احلفلك.. وغلاتك عندي.. من وقت اللي بستني عد اهلي..

تغيرت كل مشاعري وياك.. مشاعر الاخوه والصداقه.. اتبدلت حب بهذاك اليوم.. كال يا يوم هذا..

كتله لما اجيت وكعدنه بغرفتي.. ضحك بستهزاء كال انتي مصدكه اني احبج.. كتله اعرف انته متحبني بس انطيني فرصه انجرب..

كال شتجربين.. كتله اجرب اكسب حبك.. ضحك وكام مني وهوه يهز بيده.. لبس قميصه وحجه وياي.. كال لو تردين تسويلي فضل..

ابتعدي من حياتي.. كمت يمه.. لزمته من كتافه.. كتله اوك عادل.. مو جنت تعتبرني اخت.. ارجع اعتبرني هيج..

وخلي حياتنه تمشي بهلخصوص.. كال بعد ما اتقربتلج.. مشاعر الاخوه سقطت عندي.. كتله وهسه.. كال هسه ما املكلج.. اي مشاعر..

حتى ما اكرهج.. لان انتي مو بعيني اصلا.. كتله تتعود شوي شوي بس انطيني فرصه.. ما باوعلي.. جر الجاكيت وطلع..

اتقربت للسرير.. اخذت المخده اللي جان نايم عليها.. واشتميتها.. بلكت اشتم بيها ريحة عادل..

عوووع كلها ريحة شرب.. يلعن بليسك شهريحه.. نزعت شرشف المخده وشمرته.. وصفنت.. يا ترى اكدر اخلي عادل يحبني..

اي اني اصلا.. حبيته شنو سبب حبي ما اعرف.. بس هوه مجرد ما صار زوجي روحي تعلكت بيه..

وعادل تركيبه تخبل بين العصبيه والضحك والتحشيش والخبال.. ما اعرف شلون حبيته واحس نفسي مستعده اتحمل كولشي منه..

صفنت واركان.. هه معقوله ما جنت احب اركان.. لا جنت احبه.. بس نسيته من يوم القفلت الجهاز بوجها..

احس نفسي ضايعه.. مشاعري متخربطه.. كلبي يدك لعادل.. وروحي تحن لاركان.. ولكلماته وحنيته..

اني المن.. شمرت نفسي علسرير بحركه يائسه.. جريت موبايلي.. فتحته.. لكيت كومه رسايل من اركان..

حذفتها بدون ما اقره.. وكتبتله رساله.. اركان ارجوك بعد لتتصل ولا ادز رساله.. البيناتنا خلص..

واني حاليا متزوجه.. واعرف انته انسان مؤمن متقبل لنفسك.. تراسل وحده متزوجه.. وادمر بيتها..

دست ارسال.. وصل اشعار التوصيل.. حذفتها.. ورجعت نمت.. دا انام.. دك الجهاز.. رقم غريب..

رفعت خط.. بدون ما احجي.. كال الوو.. اعرف الصوت.. كلت منو.. كال اني بكر..

كتله هاا هلا بكر.. كال مو كتلج نامي بالغرفه ليش طالعه.. كتله رجعت الغرفتي.. كال سمر لا تتقربين لعادل..

كتله ليش.. كال هذا صح يضحك ويحشش بس اخاف عليج من وحشيته لما يسكر.. اخاف على ساعه يخنكج ويموتج ومحد يلحك عليج..

لتتقربين يمه خليج بعيده عنه.. كتله بكر هذا زوجي.. كال اووووه غبيه لو احجي منا لباجر مراح تفهمين عليه.. باي.. وقفله..

شمرت لجهاز.. ونمت.. كعدت الصبح.. طبيت سبحت ما احس الا الباب تريد تنكسر عليه من كد الدك القوي..

لبست بساع وطلعت.. لكيت رنا.. دفعتني.. وكالت باعيلي هنا.. انتي بقاج عادل مجرد خدامه عدنه افتهمتي..

فضل من عدنه دنستر على فضايحج.. فتحترمين نفسج.. وتتعاملين حالج حال الخدامه..

الحمام ممنوع تسبحين بيه.. ترحين للتواليت.. تخلين سطل وتسبحين.. غير هيج لو تخيسين متستعملين حمامنه..

وحده وصخه مثلج.. نستنكس تغسل ويانه.. ودفعتني بره وطلعت.. اتجمعت الدموع بعيني..

وخنكتني العبره احس بلعومي.. اختنك بعبرتي.. بس ما نزلت ادموعي جمدت بعيوني.. واني اشوف بكر يطلع من غرفته..

كال شبيج.. كتله ماكو شي.. اتقرب اكثر.. اكو احد سمعج كلام.. كولي.. هزيت راسي.. كتله لا..

كال عيونج تحجي غير هيج.. من كال هيج.. انفجرت بالدموع ورحت لغرفتي.. صاح تعاااي منو وياج..

ما رديت دخلت غرفتي وقفلت الباب.. ودموعي تجري.. شنو الذنب السويته واصير خدامه..

غلط ارتكبته واني طفله ما استاهل اتعاقب بهشكل.. والله ما استاهل.. وكعدت ابجي..

سمعت بكر على صوته ويا رنا.. ويتحقق وياها ويكلها شبيها سمررررررر.. كالتله بيها سرطان انشالله

شبيها قابل كولشي مابيها.. بس كتلها ما اريد تستخدم الحمام ويانه استنكس منها..

كالها.. رناااا محترمج لان مخطوبه ويومين وتتزوجين.. فخليني مطول بالي عليج ولا تثيرين اعصابي..

غصب عليج تحترميها.. وحالها من حالج.. اجت عمتي كاتله ليش يمه حالها من حال رنا.. رنا مخطوبه وبعد يومين عروس..

لا تكدر خاطر رنا علمود سمر.. كاللها ماشي.. سهله.. عافهن ومشا.. اجت عمتي دكت الباب..

عدلت نفسي ومسحت عيوني وفتحت الباب.. كالت باعي.. ابوج اتبره منج.. يعني هسه انتي مو بت اخوي..

تشتغلين هنا مثل الخدامه.. وان حجيتي اخلي عادل يتصرف وياج.. ولو شكيتي البكر.. هذا الله كتبه عليج..

هزيت راسي بالموافقه.. كالت يله.. بدلي هلملابس الملونه.. ولبسي ملابس شغل ونضفي البيت كله.. اريده يلمع..

ولو اجو خطار لو بكر.. تركضين تلبسين ملابس عروس وتكعدين افتهمتي.. كتلها اي عمه.. كالت غمه وعمه بعينج انشالله..

تفلت عليه ومشت.. طلعت.. خليت اديه على وجهي وبقيت ابجي.. انوب كمت لبست ملابس عاديه بسيطه..

ومشطت شعري.. وطلعت انضف.. وهمه يتريكون.. طب بكر.. اني نسيت هيه حذرتني اشتغل كدامه..

بقيت مشغوله اشتغل وافكر بهمي وبالوضع الخليت نفسي بيه..

صاح بكر مو احجي وياج انتبهت.. كتله اسفه جنت شارده بتفكيري.. كال تريكتي.. كتله ما اشتهي..

دار وجها على امه.. كالها.. لو بنتج المدلله.. ثاني يوم عرسها.. تكعد تمسح الكاع مثل سمر تقبلين..

كالتله شسويلها.. كتلها تعاي تريكي.. كالت لا عمه اني احب اشتغل واقضي وقتي بشغل.. ما احب الاكل..

التفت عليها.. وكاللها.. بس لا تجذبين يمه.. سمر واعرفها.. ما تقدم على بطنها شي.. لو تموت.. تاكل يله تكوم..

انتبهت.. هذا منين يعرف طبعي.. صدوك بيه طبع ما اشتغل الا اكل.. لان ادوخ.. وما اتحمل الجوع..

كال اتركي من ايدج.. وسويلي ريوك.. كمت.. طلعتله بيض كتله شتحب اسويلكياه..

كال بيض وطماطه.. حجه وطلع.. سويت البيض والطماطه.. والجبن والجاي بس هوه ماكو..

اجت امه كرصتني من زندي وكالت مو كتلج كدام بكر لا تشتغلين لو الا تتمسكنين.. انفتح الباب وكالت اصطبريلي..

دخل هوه.. جايب كيمر عرب وكاهي.. ابتسمت.. كتله هاي وين لكيته هسه الساعه 11..كيمر وكاهي..

ابتسم ابتسامه خفيفه.. كال عندي صديق.. علشارع يشتغل ورحت جبت منه قبل ليخلص..

صبيلنه خلناكل هنا علطاوله.. عمتي كامت تباوع للكاهي والكيمر.. وتتمحرك..

صبيت وهوه كاعد.. صبيتله جاي.. جاي اكعد خزرتني عمتي.. كمت.. كال شكو..

كتله لاااا اروح اكمل شغلي احسن.. دار وجها على امه.. سوت نفسها.. ادور بثلاجه..

كال ممنوع تشتغلين قبل اسبوع.. تخلص السبعه مالتج وبعد السبعه عود بلشي.. عله صوته وصاح صار معلووووم..

ديسمع امه واخته.. هزيت راسي.. كعدت اكل.. وبكر كل شوي يشيل اطراف عينه ويباوعلي..

نظراته غريبه.. بس احس بأمان بمراقبته.. اجت امه.. كالتله بكر اريد 150 الف كالها شكوو..

كالتله اريد اتسوك للبيت الخطار يوميه جاينه وماعدنه مسواك.. كالها اني اتسوك فد شوي..

كالتله وعود ليش ما تنطيني اني اروح.. كالها وقت اللي تمشين كلامي وتسمعين الاكوله وتنفذيه..

ذاك الوقت اموال الدنيا اخليها بأيدج.. كالتله وشسوينه.. شبيك بكر.. باوعلها ابرود كاللها اعرف تفتهميني وتعرفين شنو الاقصده..

ما حاج اعيد.. كالته سمر موو.. رفعت راسي.. ردت افتهم شنو الموضوع.. اني شدخلني.. هوه دار وجها بلا مبالاة وكام.. وما رد..

طلع.. ضربتني على راسي وكالت كومي كملي شغلج واذا اجه وشفتج تشتغلين كدامه والله اذبحج افتهمتي..

تحجي ويه كارصتني حيل.. هزيت راسي.. والعبره خانكتني.. عافتي وكالت يله امشي.. وصاحت..

رناااوي.. ماماتي تعاي هذا كاهي وكيمر اكلي.. اريدج توردين علعرس.. اجت كالت يااا كاهي والله احبه..

وكعدت تاكل.. كمت كملت البيت واشتغلت.. دخل عادل مر من يمي ولا كأني موجوده راح للغرفه..

صاح رناااا ريوك بداعتي.. صاحتله تدلل عدوله.. واجت يمي.. كالت سوي ريوك لعادل وعوفي الصينيه اني اخذها..

كمت سويتله الريوك.. واخذت الصينيه.. دا اخل للغرفه.. كالت شكلت تعاي جيبي الصينيه اني اوديها..

مهتميتلها دخلت الصينيه وخليتها كبال عادل.. رفع انفه بتكبر.. كال ما كتلج الج صحت على رنا..

كتله هيه رنا كالت سوي ريوك لرجلج.. كال همم.. اوك عوفي واطلعي..

عفته.. وطلعت.. لزمتني رنا.. من ايدي وكالت مو كتلج اني اوديه الصينيه.. ابتسمت.. كتلها وشنو الفرق..

ما ردت اتعبج.. كالت جذابه هاي سوالفج متمشي.. وتضربني على ايدي بقبضة. ايدها.. اخذت نفس و عفتها ومشيت..

دا اشتغل.. وصاح عادل سمررررررررر.. كمزت من مكاني.. اول مره يصيحني.. ركضت اله.. كتله هااا..

كال وجعااا.. اركان شعنده يدك عليج.. كتله شنو.. كال اركااان ديدوك.. جاوبي وفتحي السبيكر كدامي يله..

اريد اتحرك من مكاني جمدت.. لزم الموبايل.. وكال ردي.. دمي صفر من الهبطه والخوف وو... يتبع

🌺🌺🌺🌺

الله يعينها.. دفعت الثمن غالي والجاي اغلى.. تتوقعون شراح يسوي عادل باتصال اركان..

متابعه شيقه..

د

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_9

عادل واكف ويكولي ردي وافتحي سبيكر.. واركان يتصل.. جمدت من الخوف.. بس جان لازم اتقوه واعرف ادير الموقف..

استجمعت قواي بلحظه.. وفتحت خط وسمعت اركان وحجيت ويه عادل.. اي عادل جان رديت وشفت اركان شيريد..

لهيش هلكد عصبي.. وكلت الوو.. عرفت اركان استلم.. غيرت صوته.. وكال هلا سمر شلونج..

كتله هلا اركان خيي شلونك.. كال بخير مبروك وشايفه الف خير انشالله.. شنو السالفه هيج بساع بساع اتزوجتي..

علاقل خبرينه.. نوكفلج بعرسج.. كتله متقصر.. بس عادل رادها بساع مستعجل هههه.. سكت اركان وكال هااا..

كتله شلونه بيبي زكيه.. كال بخير.. تسلم عليج.. يله اني اترخص خاف مشغوله بس اجيت اباركلج..

كتله تسلملي اخويه.. سلملي علاهل.. اخذ نفس وكال انشالله بااي.. قفلت الخط..

واباوع العادل.. سكت.. انوب دار وجها.. كال ما اريده يخابر عليج مفهوم.. وتكسرين سيمكارتج فورا..

كتله ليش.. كال بكيفي.. اخذ الموبايل من ايدي ومشا.. كتله اوك اوك اكسر السيمكارت بس انطيني الموبايل..

اخذه ومشا.. سمعت اجو خطار.. غيرت ملابسي.. وخليت مكياج وطلعت.. سلمت.. سلمن عليه.. وحده منهن..

كالت يمه خيه هذا شبيه حلكج.. قبل ما احجي سبقتني عمتي.. وكالت عرسان وملاعيب عرس تصير هيج حالات..

كالت ياااا هنيالج يعمي هيج ماكلج بحبه.. انهجم بيت عادل مخبل هلولد.. ضحكت امه.. واني كلبي يريد يصرخ بهمي..

محد فاهمني.. اختنك بدموعي بس ما اكدر انزلها كبالهم.. طلعت.. دخلت غرفتي لكيت عادل متمدد..

هوه بس شافني.. عافني وطلع..

مهتميتله ورحت للمرايا.. اباوع وجهي مو وجهي هذا.. شكد ما احاول اخفي الضرب والزراك بخافي عيوب..

مجاي ترهم.. الزراك بوجهي وبركبتي مو حب.. قهر قهررر.. دنكت.. ابجي واني احاجي نفسي بالمرايا..

شلون راح تصفى.. وشلون حتنقضي حياتي.. والله ما عاد اتحمل.. ياروحي حاجيني شسوي ملييت اريد اعيش..

سمعت عمتي تصيح.. مسحت دموعي.. ورتبت مكياجي وطلعت.. كتلها هااا عمه.. خزرتني انوب ابتسمت..

وكالت يمه ايدج بالغدا ويه رنا.. خطيه تعبت بس تطبخ وتنضف من الصبح لهسه..

وهيه جذب.. اني حمست الدجاج وخليته علنار.. سويته تشريب علي نار هادئه.. رحت لرنا.. لكيتها تحجي ويه خطيبها..

خليت الجدر علنار وسويت تمن برياني وتاجين.. ظلعت الدجاج كليته ورنا بس تحجي ويه خطيبه وتتمشه يمي..

وحبيبي وحياتي.. عود تسمعني.. سويت نفسي ممهتمه.. دخل بكر وهيه ممنتبها.. وتحجي ويه خطيبها..

صاح رناااا.. كمزت ودارتله.. كالها.. متشوفيها مبتليه بالجدوره.. مدي ايدج وساعدي سمر..

وراح يم امه.. كالها هاي بتج مابيها خير بس مخابرات وضحك.. ومخليه العروس مبتليه بالجدوره..

عمتي كالت يااا يمه من الصبح تشتغل رنيوه خطيه ماتت من التعب.. يمكن خابرها خطيبها هسه.. وكامت اجت يمي..

لزمتني كرص من زندي كالت اني شكلللللت.. بكر صاح وراها.. شكلتي يمه.. وخرت بساع من عندي..

اني بقيت بس احك بمكان الكرصه.. واكلب بالدجاج.. مد ايده على ايدي اشووو.. رفع ردني.. وباوع لايدي..

مكان الكرص مالتها ازرك بأسود.. دار وجها على امه.. وكاللها.. بسيطه. يطلعون الخطار وحسابكم بعدين..

وجر ايدي من الطبخ.. كتله يحترك .. كال عساه هوه واهله.. مشيت وهوه يمشي.. ردت اروح للخطار..

كال تعاي غرفتي اريد احجي وياج.. دخلت يمه.. كال شبيج فهميني.. كاله شبيه.. كال عيونج تحجي الم مكاعد افسره..

كتله شلون يعني.. كال ةن شنو موجوعه فهميني بعلتج خل اداويج.. اذا اكو مكان يوجعج.. كوليلي خل اخذج دكتور تتعالجين..

نزلت دموعي بدون اردتي.. واشرت على كلبي كتله هذا يوجعني.. وما اعتقد اكو دكتور راح يفهم البيه.. ويشفي علته..

كعد علسرير.. وبقى يفرك بوجها وبعيونه.. انوب رجع باوعلي.. كال لا تسمحين لاحد يأذيج.. ذوله كل البلبيت.. يخافون انطق كلمه..

اي اخد منهم يأذيج خبريني.. كتله وليش اخبرك.. اذا زوجي ومحاس بيه.. انته تحس بيه على اي اساس..

بكر اذا الله كاتبلي اتعذب اتركني بنارهم.. وابتعد لاتسوي مشاكل ما اريد ادافعلي واسمع تهديداتهم بسبب حمايتك الي..

اتقرب مني وكال.. سمر اتقوي.. انتي هسه غزال بنص ذياب.. حاولي تتقوين.. وخليني احميج والله ما اخلي احد يفك حلكه وياج.. حتى رجلج..

كتله بكر ليش هلكد هامك امري.. دار وجها مني.. وكال بنت خالي وما اريد احد ينظلم زور..

كتله بسسس.. دار وجها.. بنضره جامده هز راسه اي.. ما فهمت عيونه شتقصد.. دا لشوف بعيونه الف كلمه بس ما دا افسرها..

كتله بكر.. اشكرك.. بس الله موجود.. ولو جان الف ذيب يتحايل فوكاي.. لا تنسى اكو رب.. ما ينسى روح خلقها..

ردت اطلع.. جر ايدي.. وكال.. الله يبعث اروح لحتي تحمي اروح ثانيه.. خليني احميج.. كتله متكدر..

عفته ومشيت.. طلعت لغرفتي.. بقييييت احاجي نفسي بالمرايا موتي عاد خلصيني.. تعبت واني اتحمل والله وابجي..

ابجي واحجي ويه نفسي.. انوب درت وجهي.. شفت الشباك مفتوح قليييل..

وصاير بوجهي.. ومن خلال هلفتحه.. بكر مركز من بعيد ويباوع عليه.. ابتسمت بوجها ومسحت دموعي.. دنك راسه..

سديت الشباك.. وبقيت ابجي.. دخل عادل.. باوعلي.. كاعده وابجي.. ما اهتم.. اتمدد علسرير.. وكال فركيلي رجليه.. توجعني..

مسحت دموعي فرح.. اول طلب طلبه مني اسويه اله.. اتقربت افركله رجله.. انوب كال كافي..

سدي الضوه وطلعي بره.. كتله ٱפگـيہ.. عفته سديت الضوه ونزلت البردات وطلعت..

لكيتهم ديصبون.. باوعتلي وحده من الخطار كالت وين جنتي سألت عليج حجت عمتي يااااا خيه هاي 24 ساعه ويه عادل بالغرفه ولا يشبعون..

كالتلها بالعافيه عليهم شتردين منهم غير عرسان.. ابتسمت ابتسامه كذابيه بوجهم.. وطلعت.. صار بكر كبالي..

مشيت منه.. صاحت عليه عمتي كالت تعاي اخذي السفره فرشيها.. كتلها وينها.. كالت دوريها بالمجرات مال الكاونتر..

رحت دورتها.. واخذتها.. لكيت عادل كاعد بالصاله وعمو خليل وبكر وناس خطار ما اعرفهم كولش بس كرايبنه..

سلمت عليهم وبديت امد السفره.. كام بكر من وراي لزم ايدي.. وهمس الف مره كلت لا ادنكين وناس وراج امشي اني امدها السفره روحي..

عفته ومشيت.. اجه وراي.. وكالها يمه اعزليلنه احنه الرياجيل وحد.. وانتو اكلو وحد.. كالتله يمه هوه منو موجود..

غير عمامك.. كاللها ولوو اعزلي احسن.. كالتله ماشي روحي.. كامو ينقلون الاكل للصاله..

واني رحت مديت السفره بالهول.. ونقلنه الاكل.. كعدنه ناكل.. كملت شلت السفره ويه رنا..

وسويت جاي.. اجت بكر.. ال جاي.. كتله خليته علنار.. كال لعد رنا وينها.. كتله دتخابر خطيبها..

مد ايده لركبتي.. وكال بعدها توجعج.. هزيت راسي اي.. كال متسمعين كلام شسويلج.. احذرج منه وترجعيله..

سكتت ودرت وجهي للجاي.. احظر الاستكاين.. كملت صبيت.. درت وجهي ما لكيت بكر..

اخذت الصينيه ووديتها اخذها عادل مني.. باوعتله ما رفع عينه بعيني.. انوب رحت سويت صينيه. ثانيه واخذتها للنسوان..

انطيتهن ورحت للغرفه.. جسمي يصل عليه بالوجع.. نمت.. لشوي انفتحت الباب كمزت.. اجت امه.. كالت لج كلبه بنت الخايسه..

نايمه وعايفه المواعين منو يغسلهن اني.. كتلها عفت رنا بالمطبخ.. اني سويت جاي.. دخل عادل..

كال رنا ممنوع تشتغل.. انتي هنا خدامتها.. كتله خدامة منو.. كال خدامة اصغر واحد بالبيت فهمتي..

باوعتله بعتب وكتله افتهمت.. ضربتني امه على جتفي وكالت نص ساعه اذا شفت المواعين اخرب وجهج والله..

كمت نضفت المواعين ومسحت البيت.. ردت اطب اسبح.. اتذكرت رنا شكالت علحمام.. ردت اغير راأيي وما اسبح..

بس صيف واشتغلت ..ما اتحمل.. دخل بكر كدامي.. كتله بكر ممكن طلب كال اي امري.. كتله ميأمرك ضالم..

بس اريد اسبح بحمامك.. اخاف اسبح بهذا الحمام.. كال ليش يحتاجلها اذن.. غرفتي كلها كدامج.. اي شي تحتاجيه.. اخذي بدون تردد راخصج..

ابتسمتله شكرا.. رحت لغرفتي جبت ملابسي. دخلت لغرفته لكيته موجود.. كال تعاي تعاي طالع اني.. اخذي راحتج..

طلع.. ودخلت لحمامه.. اوووف يفتح النفس هلحمام الايطالي.. فتحت ادوش واتحممت كملت.. غسلت حمامه..

وطلعت.. رحت لغرفتي.. لكيت عادل.. ما حجيت مشطت انوب باوعتله ..عادل وين موبايلي..

هوه متمدد ومخلي رجل على رجل.. وكال ماكو موبايل.. كتله ليش شسوبت.. موبايلي هذا مو انته جبته..

بابا جابلياه هديه.. كال اي عود روحي لشكي للبابا وكوليله عادل ما عنده مصرف وباع موبايلي..

كتله عادل تبيع موبايلي علمود تاخذ فلوسه والله حرام.. كال ما عاجبج ذاك ببت الخلفج ارجعي بلكت يذبحج واخلص منج..

كتله مستضعفني لان ما اكدر احجي ويه اهلي.. اريد موبايلي والله حرام عليك.. كام ويحركلي بحواجبه باستهزاء..

ويطلع فلوسه من جيبه.. كال هذا موبايلج.. بعته وخليته مصرف بالجيب.. وغمز وطلع.. بقيت ابجي.. اخذو مني كثلشي ولا موبايلي والله انقهر..

كتلت روحي لحد ما بابا جابلي موبايل.. اندكت الباب.. فتحتها والدموع بعيني.. صار بكر كبالي..

جان جايبلي فلوس جنت ناسيتها بحمامه.. مد ايده وهوه يباوعلي شبيج.. كتله ما بيه.. ومسحت دموعي واخذت الفلوس..

كال سمر احجي.. لا تضوجيني شبيج.. كتله عادل باع موبايلي.. وبجيت.. كال بس هاي ..هزيت راسي اي..

كال ميستاهل الموبايل تبجين عليه.. كتله احب الموبايلات اقضي بيها وقت.. كوه اشترالياه بابا والله..

كال سهله ددخلي ارتاحي واني احلها.. بس لتبجين.. مو على كولشي مرخصه ادموعج.. قوي نفسج شويه..

هزيت راسي.. دار ضهره ومشا.. سديت الباب.. ورحت للفراش.. موبايليييييي وابجي.. لحد ما نمت..

فزيت على صوت الباب انطبك بدخول عادل.. ككزت من مكاني.. نام هوه علتخم واتمدد وما حجه ويايه..

شغل تلفزيون وطلع مسلسل وكعد يباوع.. اني هم متمدده واباوع وياه.. اندكت الباب.. كمت فتحتها بكر..

كال يصير ادخل لو ممنوع.. بابتسامه خفيفه.. ككتله طبعا تفضل.. عادل شافه دار وجها..

كال اكو عصفوره اليوم.. لكيتها تبجي.. يابه شبيج.. كالت اخذو موبايلي.. واحنه حتى منزعل العصفوره جبنالها جهاز جديد..

شفت جهاز جديد بيده.. كلبي كمز كبل جسمي.. ردت اكوم.. شفت عادل كالب خلقته خفت اخذه كدامه..

كال شبيج.. اخذيه الج جبته.. صاح عادل اخذيه مو بقيتي تعوين على موبايل وهلي جابلج بكر.. بعد طالبتني بطلابه..

شفت عادل ممهتم.. كمت اخذته من بكر بكل فرح.. انوب فتحته ولكيته N95 يبو يبو طار كلبي..

جان هذا احدث جهاز بالساحه.. باوعت لبكر بفرح وهوه يباوع لعيوني.. انوب اندار على عادل.. كاله جهازها ممنوع ينسحب منها..

معلوووووم.. لو اعيد.. عادل هز راسه اي.. انوب كاله والموضوع الكتلك عليه شو غلست.. بكر كابه مناسيه ..

واتقرب من عادل يحجي وياه بصوت ناصي.. بصراحه مهتميت بيهم شيحجون.. كل همي جان الموبايل.

فتحته لكيته مملي العاب وبرامج اوف هلبكر طلع دره ههههه.. خليته علشحن وكعدت اكلب بيه..

حتى سيمكارت مخلي بيه.. درت وجهي عليهم.. بكر كاعد ويه عادل ويحجي وياه بصوت ناصي ولازمه من ركبته بعطف..

انوب كام.. وكال يله اخذو راحتكم.. اترخص ومثل ما وصيتك عادل.. ويأشر عليه.. عادل كاله لا هاهيه معليه بيها..

مفتهمت شنو الموضوع.. طلع بكر. كتله عادل شنو الموضوع.. كل وانتي شكو.. كتله مو بكر اشر عليه.. كال ماكو شي..

وكام لبس.. انوب مد ايده اخذ الموبايل.. وكال شتردين بعد حتى احسن من جهازي.. سكتت وبكلبي كلت حاسدني ابن ساميه..

عافه وطلع.. بقيت اكلبي بيه.. اول شي سويته.. اتصلت باركان.. وقفلت الباب.. دك رفع اركان الخط..

كال الووو.. كتله هلا اركان اني سمر.. حسيته ختنك وهوه يكول هاا لي. لحظه.. حسيته كام من مكانه وطلع بره..

كال اسمعج.. كتله اركان سامحني والله ما جان قصدي اخونك لو اعوفك.. بس جان لازم اتركك لما شفتك ما تكدر تتحمل حملي..

كال وشنو هوه حملج البعتيني علموده.. كتله تاذكره من سألتك على العاده وشلون علمتني عليها.. وشلون اتجنبها..

وكتلك اركان لو جنت اني مسويه هشكل وبليلة العرس طلعت مو باكر شتسوي.. انته ما جاوبت..

صاح هوه شنو ما جاوبت.. كتيلي اكو وحده كتلوها اهلها.. كتلج اكيد لاعبه.. كتيلي ومنو كال.. ورحتي جبتي نفسج وخليتيها بمكانها..

واني اعتبرج مرتي واما اقبل هلكلمه او هلموقف اتخيله وياج. لذلك ما رديت.. لهسبب اتعوفيني..

كتله اركان.. اني مو باكر.. خسرت عذريتي لما جنت طفله بجهل مني.. وخفت اكول..

كال سمر شجاي تحجين.. يعني لو حاجيتلي علموضوع تتخيلين ما اتفهمج.. لج اني اموت بربج تعتقدين افرط بيج بهشكل..

كتله بس انته كلت اني ما اتحمل هلمرقف.. كال سمر لا تخبليني.. ما جنت قاصدج.. لج اني اعرفج واعرف تربيتج..

حبيتج وانتي بالثانريه.. وربيتج على حبي كل شبر بنذر واعرفج واعرف اطباعج.. تتوقعين لو كتيلي هيج شي.. ما اصدكج لو اتفهمج..

واوكف وياج.. كتله يعني لو كايلتلك اني هيج سويت.. شجان موقفك.. كال طبعا اكولج حبيبي لتهتمين..

وغلطة مراهقه وصارت.. والبكاره والغشاء مو مقياس شرف.. واني اعرفج شنو.. ومنو..

حجه هيج.. واني صرخت بالبجي بحركه.. ضيعت كل حياتي بغباء.. كال لتبجين.. وكوليلي ليش هيج سويتي بيه..

ولج انه حرمت عيني النوم ..والساني الزاد ما ضاكه. ولج الهوه كوه اشمه بلياج شسويتي بيه سمر

كتله اركان اني خسرت كولشي.. كال من ايدج.. من غبائج.. سديت الموبايل وبقيت ابجي بحركه..

شبيه وافقت بعادل.. ليش هيج ضيعت حياتي.. ليش ما فهمت اركان على موضوعي ليييش.. ليش ليش ليش.. وبقيت ادك على راسي.. بندممم.

دا ابجي.. اتصل رقم.. شايفته هلرقم بس المن.. رديت الوو.. كال الوو.. كتله بكر.. كال اي..

شبيج صوتج مو على بعضه بعدج تبجين.. كتله اني غبيه.. كال عادي كلنه نمر بوقف.. نستغبي بيه ومنعرف نتصرف.. لان بشر ممعصومين من الغلط

كتله اني معرفت اختار.. اخذ نفس طويل و كال تتمنين اركان.. كتله شعرفك بيه احب اركان..

كال واضح الحب البينكم ..كتله ما وضح عد غيرك.. شلون عرفت.. كال ما اعرف يمكن اعرف البشر من نظره..

كتله بكر شسوي.. تعبت.. خسرت اركان.. وخسرت عادل.. اللي جان اخويه.. مبقالي شي.. شسوي وحتى اهلي تبرو مني.. وين اصفى بشارع..

كال باوعي زين وفكري بعقل.. وانسي الوراج وباوعي شنو الكدامج.. وراح تنتبهين على حياتج.. وتعرفين منو المقيمج..

كتله منووو.. كال هذا راجع لتفكيرج.. كتله اوووه عاد شلون فكر ضل عندي.. اني من الهم حتى كلبي خلص..

كال لتهتمين.. واي واحد يضايقج احجي.. ابتسمت.. كتله وانته شتكدر تسوي..

كال باعي.. ذوله الحبربشيه البلبيت كلها تموت علفلوس.. والفلوس يمي.. رجلج المصون بنفسه.. ياخذ مصرفه مني..

متشوفيه ميكدر يرفع عينه.. لذلك اي واحد ممكن يخالف رأي.. ما اسويله شي.. بس اكف ايدي عنه وهذا هوو..

وكتله وينقطع المصرف عنهم.. ضحك وكال بالضبط.. ضحكت هههه.. كال اي هيج اضحكي وسمعيني ضحكتج الفاكسه ام صوت العالي..

ضحكت.. كتله اووو تتذكر بس اضحك تطلع بوجهي وتخزرني.. ضحك كال اي مو حقي.. جنج ضحكت فيفي عبده.. مو ضحكه مالة الله..

ضحكت.. كتله عابت والله تطلع عفويه بس انته عقده.. كال هاي منو العقده اني.. كتل اووو يابه شكد جنت اتعقد منك.. واكرهك..

كال وهسه.. كتله هااا.. ضحك.. كال شنو حبيتيني هسه.. كتله اي تغيرت نضرتي اتجاهك طبعا..

كال صدوك سمر اريد اسئلج.. كتلخ قبل لتسئل.. انته تحجي بالموبايل احسن من الواقع..

كال يعني شلون.. كتله واقاك واحد جامد ما تطلع من الضحكه والصوت.. بس بالموبايل غيرر منطلق..

كال والله بس وياج.. كتله ليش.. كال عوفينه من اليش وجاوبيني.. كتله اوك كال مستعده.. كتله نعم انطلق..

كال شتشوفيني.. كتله اسود مصخم.. ضحك كال عابتلج هيج تشوفيني.. كتله لا والله اصلا احلى شي بيك سمارك..

ورزانتك واناقتك.. منطيتك رونق الجمال.. فميحتاجلك بياض هيج احلى..

كال تشوفيني حلو.. كتله اي بلي.. اشوفك شاب جذاب.. كال ممكن وحده تحبني.. كتله تحبك طبعا لا..

كال لييش.. كتله لان كتلك واقعك مو مثل ما عسه دتحجي ويايه.. انسان جامد وتحسه خالي من المشاعر..

ضحك.. كال هذا الانسان الجامد.. ميت بمشاعره ومو كادر يخفيها.. كتله انته تحب وحده.. كال اوووو من زمااااااان..

كتله من شوكت.. كال من جنه اطفال.. كتله ومصارحتها.. كال لــNOـا ..كتله ليش.. كال ما اعرف كبرياء.. خوف .. مو داري

كتله وهسه اعترفتلها.. كال لــNOـا.. كتله حتخسرها. وانته ضل بكبريائك.. كال خسرتها وخلاص.. وباقيلي خيط امل..

يادوبني متمسك بيه.. كتله ليش خسرتها.. كال صارت لغيري وما تحبني ولا شايفتني بعينها..

كتله ليش هلكد انته مجاذب نضرها.. شكلك حلو وانيق.. كال ما اعرف عمري ما شفت بعيونها نضرة حب اليه..

بس اني ميت بيها.. كتله تزوجت.. كال اي.. كتله من منو.. متعرفه.. ضحك واخذ نفس و كال من اقرب الناس الي..

كتله منو.. ضحك وكال ههه اخوي .. يتبع

🌺🌺🌺🌺🌺

اخيرا كالها ..كال احبك كالهااااااا وانه كلبي كلبي توّكف بعدها… ههههههه يله شوفوني توقعاتكم على اعتراف بكر..

وشتتوقعون.. سمر راح تتقبل حبه.. لو ترجع وتكسر كلبه مثل كل مره..

د..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_10

سمر.. كتله منو تعرفه اللي اتزوج حبيبتك..

ضحك وكال هههه اخوي.. بقيت مصدومه منو اخوه.. ما احس الا الباب نفتحت. قفلت الخط..

دخل عادل.. كال سمر.. اني مو يمه.. صاح احجي وياج.. لج هيييي شلت راسي.. هاا كال شبيج مثل الثوله.. صار ساعه احجي..

كتله شنو.. كال اريد عشا بساع.. كتله اي.. كمت من يمه.. وكفت بالمطبخ واني افكر بكلام بكر..

كمت اجمع مواقفه.. واتذكر لما جنت اشوفه يباوعلي ويه اركان.. ولما جان يغار عليه من عادل لما جنه ممخطوبين ويعصب..

ومن تزوجت وشلون ما حظر العرس وشلون حماني منهم كلهم حتى ابويه.. معقوله بكر يقصدني..

لا مستحيييل ما اعتقد بكر فد يوم يحب هه ويحبني اني.. بس هوه كال اتزوجت اخوي.. وهوه عنده بس عادل وخالد..

اوووف من شوكت هيج وليش ما انتبهت.. اشتغل واني بدوامة تفكيري.. انداريت ما احس الا انضربت بشخص..

من صدك كمزت وراحت روحي ووكعت سلة الخيار مني وخليت ايدي على كلبي.. واني اباوع لبكر.. كال شبيج..

بقيت صافنه عليه.. ونفسي احسه اختنك.. انوب نزلت راسي.. وكتله ماكو شي ولميت الخيار..

كال سمر.. لتشغلين بالك بشي.. انسي كولشي.. رفعتله عيني كتله شنسى.. كال اللي سمعتيه..

كتله بكر من شوكت هذا الحجي.. كال يا حجي.. كتله اللي اتحبها وتقصدها ..اني صح..

نزل راسه وهز اي.. كتله من شوكت.. كال من جنتي صف اول متوسط.. حبيتج.. كال اني جنت هم زغير..

بس انتي حب مراهقتي وبقيت محتفظ بهلحب لحد كبري.. وما كدرت فد يوم اعبر عنه..

كتله بكر مو متحمله اللي تكوله.. كال وداعتج بس هذا.. ولتخافين والله مطالب شي بس سعادتج.. مستعد اضل طول عمري هيج ما عندي اي اشكال..

كتله اني مرت اخوك بكر.. كال انتي مو هيج.. ولا راح تصيرين هيج.. كتله ليش راح تخرب صورتي وتحاول ما انسعد ويه عادل..

كال لو اعرف عادل يسعدج.. جان سعيت باصلاحكم والله بس انتي مو اباله.. كتله ابعد مني واني ادخل باله..

كال ولا راح ادخلين سمر افهميني.. عادل يحب غيرج وناوي يتزوج.. وكفت صفنت بوجها..

انوب ابتسمت.. كتله يتزوج وهوه يبيع موبايلي حتى يشتري الشرب مالته.. اسكت بكر لخاطر الله عادل ميملك الربع.. ههه يروح يتزوج..

كال الفلوس متوكف بعينه وراح ياخذها مني 10 ملايين.. درتله بعصبيه وليش تساعده يتزوج عليه..

كال والله مساعدته.. بس جان لازم اسوي هيج والا راد ينطيج لابوج ويتبره منج.. وتنذبحين..

وكفت كباله.. كتله يعني اشتريت ستري من عادل.. نزل راسه.. كتله هلكد اني رخيصه..

كال لا طبعا انتي اشوف من عادل بنفسه.. انوب لزمني من اديه وكال ليش تهتمين لهل امور.. انسي ومستعد اعوضج باللي تردين ..

وخرت اديه وكتله اللي اريده ما اشوفك كدامي ولا اريد المحك.. كال اخاف عليج يأذوج..

كتله هذا مو شغلك.. افتهمت.. خليت الاكل بالصينيه ومشيت.. دخلت العادل لكيته يشرب.. خليت الاكل..

وانداريت للسرير نمت.. وغطيت راسي.. واني افكر بكلام بكر.. مو معقول ابد مو معقول..

واني اللي جنت حاسبته اخ وضلع.. طلع عينه نكسه.. ويحميني حتى اصير اله.. بقى الكلام يروح ويجي ابالي..

ومكدرت انام ابد.. شلت راسي.. لكيت عادل غافي بمكانه ومماكل.. كمت شلت الاكل ضميته ونضفت الميز..

وغطيت عادل واباوعله.. معقوله باعني لبكر ب10 مليون.. معقوله يريد يتزوج عليه.. نزلت دموعي بهدوء..

بقيت كاعده وصافنه على عادل وهوه نايم.. لحد مصار الصبح واني منايمه..

مثل كل يوم. كمت تنضيف وشغل وتعب وخطار. ووووو وحياة متخلص.. بكر ما شفته طول اليوم..

واجه وما انتبهتله ولا جنه موجود.. بقيت اتهرب منه كل يوم.. واحاول ما اقصر بشغلي واسمع الحجي واطلعه..

مر شهر واحنه على نفس الحاله ..اهلي اصلا محاولو يتصلون بيه ولا حتى امي.. كلهم زعلانين عليه..

وبكر من ذيج الليله ما حجيت وياه حرف.. وهوه مستمر بحمايتي شحده اليوكف بعيني..

بس مو مستحمله حتى دفاعه ما اعرف ليش.. لحد ما مره جنت جاي اغسل مواعين.. سمعت عمو خليل صاح رناوي بابا فد ستكان جاي..

كالتله تأمر حبيبي.. واجت يمي.. لزمتني من ثوبي بتعجرف وكالت سوي جاي.. كتلها المواعين بيدي متشوفيني ..

كالت تسوين وكلمه زايده ما اريد مفهوم.. ما رديت.. وما سويت.. لشوي صاح عمو خليل رنا وين الجاي..

اجتني تركض كالت مو كتلج سوي الجاي.. كتلها ومتسويه انتي مو كتلج جاي اغسل مواعين..

ضربتني راشدي ولزمتني من شعري وتغلط عليه وتسبني.. شبيج رنا دوخررررري احاول اوخرها من شعري وهيه تغلط بنت الجايفه

وامج هيج وامج هيج.. دفعتها حيل ووكعتها بالكاع وكتلها امي اشرف منج ومن امثالج.. خل اشوفج تجيبين سيرتها والله اموتج..

كالت تسوين هيج.. عافتني وركض تبجي العادل.. كالها شكو كالتله سمر ملختني وسبتني وتغلط على امي..

اني وكفت علسنك رجعت اغسل وما احس عادل الا جرني من شعري للكاع.. ضربني.. كتله هاي شبيك والله ما حاجيتها شي.. .

جرني سحل من شعري للطرمه ودفرات بجسمي ويفشر ويغلط واني بس ابجي وادافع عن نفسي.. ومخليه اديه على راسي

دفرني دفره نومني للكاع. انوب داس بكل قوته على ساعد ايدي.. حسيت روحي طلعت من الالم..

كمت اصرخ بلا وعي.. وصوتي صدوك على بالصياح.. اجه ابوه هم كام يضرب وامه تغلط.. والله شفت الموت بين اديهم وهمه يتناوبون على قتلي..

لحد ما اجه بكر.. وصرخ بيهم.. كلاااب سكط.. وشالني ودفعني وره ضهره.. وكام يغلط ويسب ويرزل حتى امه وابوه..

انوب اجاه عادل يتضارب وياه ويكله معليك انته بسمر لو اموتها ما تدخل مرتي.. بكر مثل الحجه رادها وانهد على عادل بوكسيات ودفرات

على عينه على وجها.. اني فقدت من الالم بس ابجي واصرخ.. واهله يحاولون يشيلون بكر من فوك عادل ماكو..

نهى لحد ما تخربط.. امه فقدت كالتله تموت اخوك علمود هاي الساقطه.. كاللها ماكو غيركم سكط ونعلللل..

جر ايدي ومشا بس متت من جرها كمت اصرخ بالزايد.. دار وجها.. كال ايدج تأذيج.. اني يا مأذيتني روحي فرفحت من الالم..

جر عبايه امه علدرج وكال امشي.. لزمته امه.. كالتله عادل ما يصحى كوم شوفه خاف مات كاللها عساه ووخر امه..

واخذني وصعدني بالسياره.. اني مو واعيه على شي من الالم.. شلون اخذني شلون وصلت للمستشفى كولشي ما شفت من شدة الالم..

دخلوني.. كالوله عدها كسر بالساعد.. لازم نكبسها فورا. اووف كبسولياا لو حسيت روحي طلعت.

وبكر لازم وجهي ويكولي هانت سمر اتحملي شوي بس شوي. واني اضرب برجلي من الم..

كملت.. اخذني ومشاني للسياره.. احس تخدرت.. كعدت.. اتحرك.. بعد ما حسيت علدنيا نمت.. ليوييين كعدت..

لكيته مطفي السياره وغافي ..اباوع ايدي شاديها بركبتي.. وبيها الم يكتل.. مديت ايدي على رجله..

فز.. كال هاا شلون صرتي.. كتله ليش مبقينه هنا.. رجعنه للبيت.. كال شفتج نمتي وما ردت اصحيج خفت تكعدين..

كلت من تكعد اوديها للبيت.. كتله رجعني.. كال ماشي.. مشينا للبيت.. وصلت.. كال راح ادخلج غرفتي.. واني انام بصاله..

دخلني لغرفته.. كال لتشغلين المكيف.. ترى موزين عليج ..البرد يكوم يصل علعظم.. هزيتله اي..

جاب العلاج والمسكن الم.. كال اشربي علمود تنامين ومتحسين بشي..

اخذت العلاج ونمت.. كعدت العصر.. على صوت بكر وهوه يطلع ملابس من الكنتور..

كتله وين عادل.. كال بجهنم انشالله شتردين منه.. كتله شلونه.. كال مثل الحصان ذاك جاي ياكل..

كمت من عنده.. كال سمر لا اطلعين.. ككتله اشكرك بكر جد ما قصرت.. وحميتني ووكفتلي وكفه الاخ ميوكفها..

كال سمر.. ارجعي.. ابتسمت وطلعت.. رحت للغرفه.. دخلت شفت وجه عادل خفت.. مسوي خرايط..

وجه صاير بنفسجي من كد الضرب.. اتقربت يمه.. كال ما اريد اشوف وجهج ولي مني..

كتله انطيني ذنبي شنو وتعاملني هيج.. كال ما اريدج كوه هيه كوه ما احبج.. وخري مني لا تخليني اكسر ايدج الثانيه والله..

ابتعدت منه ورحت للسرير.. سمعت عمتي تتصايخ ويه بكر.. تكله اريد فلوس اتسوك.. كاللها ماكو ومن اليوم ورايح ..

فلس احمر ما الكم يمي.. كالتله شلوون نموت من الجوع.. كاللها ويضربكم وجع.. شلي اني بيكم.. كالتله امك اني خاف الله بكر..

كالللها من تناوبتو البارحه على هلمسكينه ما خفتي الله.. مو بنت اخوج هاي.. بساع نسيتي الدم البينكم.. شسوت..

كالتله وعلمود سمر انته غاضب علينه.. ما حجه وياها وراح.. اني نايمه علسرير واستمعلهم والغرفه صنطه..

بس عادل يلعب بتليفونه.. دخلت عمتي على عادل ما تدري اني هنا بالغرفه..لان نايمه والدوشك سبرنك ومتغطيه غايصه جوه ممبينه..

طبت و كالت الله لا ينطيها انشالله فرت راسه علينه..

الله يفرها كون.. كاللها عادل شكو.. كالتله اريد فلوس كاللها واني منيلي.. متشوفيني كاعد.. ربع ما عندي..

كالتله شلون بله بس مسميكم عليه ولد.. ولكم البيت فارغ اريد مسواك تحجون صدك..

كاللها يمه والله ماعندي شسوي.. قابل لكيت تعيين وما تعينت.. كالت شدعي عليج سمر عساج بسرطان انشالله..

كالها يمه لا تصيحين على راسي تردين سمر ذيييج نايمه وروحي احجي وياها لا ادوخيني..

اجت عليه اني سويت نفسي نايمه.. شالت الغطا وضربتني على ايدي المكسوره.. وكالت كومي يلمسعده كومي..

صحت من الالم اخخخ وكمزت ..كتلها ها عمه.. كالت من عمه العماج وموت الفاج واخلص. منج..

نايمه وهاجمه البيت فوك راسي.. كتلها شسويت.. كالت لاا ممسويه بس لاعبه بعقل هلاغبر عليه.

كتلها والله لا حاجيه ويه احد ولا متقربه يم احد.. عمه الله يخليج خلصيني بس الم ايدي كافي عليه..

كالت كومي بنت الجايفه كومي.. ترحين بساع على هذا النذل ابني.. تقنعيه ينطيني فلوس اتسوك..

كتلها واني شلون اقنعه.. ومنو اني وياخذ مني بكر ويقتنع.. كالت لا تتمسكنين..

امج الباكت فرحان وشردت بيه لبغداد لو غيرها.. بتها نفس الطينه.. كتلها.. عمه شنو هلحجي قابل شعندي ويه بكر اني..

حرام عليج هلكلام.. صاح عادل بدون لغوه روحي اطلبي من بكر مسواك وبلا ما تراددين لا اسحلج ومحمد..

كمت وبكلبي اكله من شالك محمد انشالله.. رجال بلا غيره يبيع مرته علمود الفلوس..

رحت لغرفة بكر دكيت الباب.. فتحها بكر.. وطب.. دخلت الغرفته.. كاعد يشتغل علكومبيوتر ..

كتله بكر مسواك ما عدنه ياريت تنطي لعمتي تتسوك..

شال راسه.. وباوعلي بجمود.. وانتي شكو.. مو ايدج مكسوره.. كتله اي مكسوره خو ما ناكل.. الثلاجه فارغه..

رجع يكتب علكيبورد ويحجي.. كال هاي سوالف امي مووو.. كتله بكر الله يخليك تعبت والله ما بعد بيه حيل..

فكو عني.. ضرب علكيبورد.. وكال سمر شبيج.. معليج بيهم.. كتلج نامي ولتهتميلهم..

كتله شنام.. لخاطر الله.. عمتي وعادل محمليني ذنبك.. كال اي ذنب.. كتله يصيحون من وراج ما ينطي مصرف..

الكرسي مالته دوار.. دار الي بسرعه وباوعلي.. كال مالج شغل بيهم.. واليأذيج بس انطيني اسمه..

كتله بكر لا انطيك ولا تنطيني.. فدوه العينك خلصني واتسوك.. هز راسه وكال انشالله.. بس ارتاحي..

كمت.. كال وين خليج كاعده.. كتله راسي طبل اريد اروح اتمدد.. كال اخذي علاجج مو تنسين.. كتله ماشي وطلعت..

لاكيت عمتي.. كالت هااا.. كتلها يكول هسه راح اتسوك.. ومشيت.. صاحت.. شووف بيدها تكلبه وبيدها ترجعه..

ولدي وصارو خرك بيد بت رجاء.. دخلت للغرفه.. عادل كال هاا.. كتلها شهااا.. كال هسه اتسوك..

ضحك ودار وجها.. كتله انته مو هامك امري.. حرك حاجبه وكال بالمره.. كتله ليش.. كال ما احبج وما اريدج ياريت تفتهمين هلشي..

وكتله عشنو مبقيني هنا.. كال شعليه اني اتفقت ويه بكر لو سترت عليج وما انطيتج لابوج يذبحج ينطيني 10 ملايين اتزوج بيهن حنين..

كتله بسس.. كال اي.. كتله ما اريد تسترني ولا اريد ابقى عندك.. كال عساج انشالله شنو ميت عليج..

درتله وجهي بيئس.. ورجعت طلعت جنطه لميت ملابسي بيها وكتله اريد اروح لاهلي.. كال عساج لا ترجعين شسويلج..

كتله كوم وديني.. كال يله امشي.. دنطلع.. طلع بكر كال ها وين.. كتله اذا رجلي ميريدني شعندي هنا..

اروح لاهلي احسنلي.. دار وجها العادل.. كاله اني شتفقت وياك.. كاله شسويلها اجلب برجليها ما تريد تبقى.. ختروح

كاله عوفها اني اوديها.. كاله خفتا وراحه.. عافنه ومشا.. كال سمر شبيج كولي يا الله وارجعي..

كتله بكر وديني لخاطر الله.. كال سمر يأذوج.. كتله ليش اني هنا ممتأذيه.. متشوف حالتي شلونها.. وجهي مورم..

ايدي مكسوره رجلي تأذيني.. يعني شيسون بيه اكثر.. كال والله يزيدوها عليج.. ابقي اتحملي والله ما اخلي احد يمسج..

جان تطلع امه تكله ودها ودها.. خلنخلص عسا درب السد لا رد انشالله.. كتله بكر امشي فدوه..

طلعنه جان تصيح وراه بكر.. لا تنسا تتسوك للعشا تره ما عدنه شي ..ما رد عليها وطلع ركب السياره ومشى..

دار وجهه عليه.. كال ليش تتخبلين والله ميرحموج.. كتله بكر يضربوني ويأذوني يوم يومين وتالي يسكتون..

اني ما غلطت ولا جرمت.. اذا جرمت بشي فجرمت بحق نفسي مو بحق احد.. كال مراح يفتهمون هذا الكلام سمر..

وصلنه للبيت.. كال ماكو منج امل.. باوعتله كتله بكر تعبت.. كال اعرف بس والله ازمه وتعدي..

اني اعرف شلون اخليهم يلزمون حدودهم وياج.. كتله مشكور ومتقصر.. اصلا خجلانه منك بكد ما سببتلك اذيه من وراي..

كال يا اذيه سمر تحجين صدك.. جان مخلي ايده علكير مال السياره.. خليت ايدي فوك ايده وطبطبت عليها..

كتله هيه روح وحده.. اذا يردوها خل ياخذوها.. وابتسمت بوجها.. جاي انزل لزم ايدي كال خابريني كل شوي طمنيني

لا تخليني بالنار.. ابتسمت وكتله انشالله.. نزلت وسديت الباب هوه تحرك ومشى.. رحت دكيت باب الكراج مالتنه..

طلعت ماما.. من شافتني كالت شعندج جايه.. نزلت دموعي بس شفتها.. عافتني وطبت جوه..

دخلت وراها.. فاتت مني اختي نجوى صرخت فرح وكمزت حظنتني حظنتها حيل جن صار سنين مشايفتها..

انوب اجو اخواني الصغار هم حظنوني ويبوسون بيه.. كلت النجوى بابا وين.. كالت بعد بالشغل.. كتلها خفر.. كالت ما اعرف..

كتلها واحمد.. كالت طلع قبل شوي.. باوعت الدنيا مغرب والاذان يأذن.. واني ابيت اهلي.. هيج شعور مريح.. تصاحبه الابتسامه..

دخلت لماما للمطبخ.. لكيت عيونها حمر وتمسح بيهن.. كتلها ماما.. كالت اششش لا انه امج ولا اعرفج..

كتلها شسويت.. والله مسويت شي.. ودموعي نزلت.. كالت اسس كلبه كل هلعمايل وتكولين ممسويه شي..

صخمتي وجوهنا الله لا ينطيج.. كتلها مو ذنبي يوم ذنبج انتي.. دارت وجها بعصبيه وكالت الج عين اتهميني..

كتلها اي يوم انتي اي.. كله منج انتي اللي خليتيني امشي بهلطريق.. بقساوتج ويايه.. كل ما اجيج اسئلج كلتيلي عيب..

كلما سويت شي وكلتيلي عيب عيب عيب.. هاي العيب مالتج هيه الدمرتني.. انتي اللي خليتيني اسئل غيرج ليش عيب..

انتي اللي تركتي الناس واصدقاء السوء همه اليعلموني.. ما لزمتيني مره وحذرتيني العب بجسمي..

ما كلتيلي فد يوم ماما سمر.. اكو اماكن بجسمج مو ممكن تتقربيلها.. ما علمتيني هلشي ممكن يخسرني حياتي..

كلما جنت احجي وضربتيني وكلتيلي عيب عيب عيب.. ولا مره كلتيلي حرام.. ولا مره فكرتي تزرعين خوف الله بداخلي..

كل همج جان خوف الناس والعيب.. ماما الناس ما موجوده بخلواتنا.. يعني العيب ممكن نسويه بخلوتنه لو جنه جاهليه شنو..

بس الله الله موجود بكل مكان.. فقط لو كايلتلي حراااام.. الله ميقبل تسويين هيج الله ميقبل تكولين هيج ..وتشرحيلي عن عقابه بنار جهنم..

جان خفت واني طفله.. جان خفت اغلط اخاف الله يعاقبني بالنار.. جان خليت الله بين عيوني بكل مكان حتى بيني وبين نفسي..

بس انتي جان هامج الناس مو الله.. واني دفعت ثمن اغلاطج يوم.. اني دفعت وغالي والله غالي الثمن.. كعدت على ركبي ابجي ومخليه اديه على وجهي..

اتقربت مني امي.. وتبجي وياي واخذتني الحظنها.. كالت يمه والله قساوتي عليكم جان قصدي احميكم.. يمه انتو اعز من روحي..

والله ييمه الليل منايمته من وراج ويوميه افكر شصار بيج وشسوو بيج.. وادعي الله ورسوله يوكفون وياج..

خليت راسي بحظنها وابجي واكولها ماما تعبت منهم ما اريد ارجع والله تعبت.. بقت تبوس براسي وتشم بيه وتبجي وتكلي شبيدي عليج يمه

كاعده بحظنها اما احس اجتني دفره على ضهري وكعتني للكاع ..باوعت شفته بابا..

بقيت ازحف ليوره من الخوف.. لابس ملابسه العسكريه ..جر اسلاحه وسدده عليه وكال هاي النكسه الا اغسل عاري بدمها..يتبع

🌺🌺🌺🌺🌺

اووف منين تلكاها.. تروح هناك عيشه مره.. تجي لاهلها امر وامر..