تحميل رواية «حكاية سمر 😍» PDF

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_21

كتله بس شوفني عينك بكر.. بس اشوفها.. اريد الزمه.. وهوه كدامي يصيح ومدنك.. شال عينه..

وشفتها سوده وتبجي دم.. يمه فرفحت روحي كمت الطم على خدي وابجي راحت عينه رااااحت.. يربي عمت عينييي..

اريد الزمه روحه تفرفح من الالم يروح منا ويجي هنا.. التمو اهله بس يردون يشوفون عينه..

ما يوكف وبس لازم عينه .. احس روحي خلصت متت واني اشوفه هيج.. عادل كاله بس ابدل واخذك.. طب عادل

وبكر يصيح عااااادل وينك عاااااااااادل.. عادل كال يله اجيت.. امه لبست عباتها ومشت.. اني جريت لفاف علشباك خليته على شعري وطلعت..

كالت اميره سمر اني راح اروح اكعدي.. ما سمعتها.. طلعت وراهم وروحي طايره.. احسه وجعه. بيه..

كعدت عمتي هيه وعادل كدام.. واني صعدت بكر وره.. يشيل براسه ويرجعه من الالم.. لزمت ايده.. وخليت ايدي الثانيه على كتفه..

يعصر ايدي بقوه.. ويكلي سمر عيني دمرتني سمر خلصيني من الالم.. دموعي تنزل واباوعله.. يروح سمر انته اصبر هسه نوصل..

عمت عيني ولا عينك بكر.. احجي وهوه يعصر بايدي حيل من الالم.. ودموع تجري بقوه.. اريد اباوعله..

حسيت الطريق صار ساعه من كد ما حسيت بألمه.. رغم عادل يمشي 140..طاير بينه.. بس يريد يوصل..

وصلنه لمستشفى ابن الهيثم نزلناه.. عادل كال سمر اخذيه بساع.. اكصله باص واجي وراكم..

اخذت بكر وعينه تجري دم.. مشيته بيه للطوارئ مال ابن الهيثم.. تلكوه الدكاتره.. كالو شبيه..

كتلهم اشعال ناري انفجر بأيده.. وشضايا نار دخلت لعينه.. ودتنزل دم.. وحيل ديتوجع.. كعدوووه.. كالو الباص مالته وييين..

كتلهم هسه.. دنحجي عادل كال هذا هذا جبته.. عمتي تبجي وليدي يمه بكر عيوني التعمه ولا انته يمه يا ضوه عيون امك..

كاللها الدكتور اهدي حجيه انشالله خير.. عاينه وهز راسه.. كال شكد نحذر من هلشعالات يابه خطره يابه لا تستخدموها..

ماكو فايده.. وهاي العالم رايحه بيها.. كتله سنه كشره مو سنة خير طلعت.. هاي بدايتها الله يستر من تاليها..

احجي و اباوع لبكر.. ودموعي تجري وامسح.. كال الدكتور.. الشضيه مخترقه جفن عينه وواصله للعين.. ومأذيتها..

كتله دكتور وتالي.. كال حاليا راح ننطيه الازم.. ونخضعه الصبح للاستشاريه.. علمود نقرر موقفه شنو..

كتله زين دكتور.. نروح اختصاص افضل لو نبقى هنا.. كال واللهي طبعا الاختصاص افضل ياريت.. تودوه طبيب عيون.. يشرف حالته..

لان الصراحه صعبه.. ومو لازم كل واحد ينطي علاج شكل.. خاف تنضر عينه وتسكط.. كاله عادل يعني نطلعه لو شلون..

كاله اولا لازم انضفها ونعقمها.. وننطيه مسكن ينام عليها.. وممنوع يمد ايده حتى لو لمسه قليله تتضرر وتسقط الشبكيه مال عينه..

كالت عمتي يمه يعني يطيب وليدي لو لا.. كاللها حجيه.. هوه عمليه اول تالي.. انتي والده ادعيله اليوم.. ولادة سيد المسيح..

المعروف يشفي المرضى والاعمى ..اطلبيها من عيسى المسيح وهوه ينطيج مرادج يمه

كالتله بجاه روح الله يشفي عين وليدي.. وبقت تدعي.. راح الدكتور.. اني دموعي تجري..

بكر كاعد مغمض.. بس يضرب على رجله من الالم.. كمت وكفت يمه.. اخذته وخليت راسه بحظني.. وامسح على شعره..

هوه متچي راسه.. ولازم جاكيتي ويعصر بقوه.. كتله اصبر بكر انشالله تصير زينه والله ماكو شي..

كال سمر احس نار مشتعله بعيني موتتنيييييي.. عمتي تمشي وتبجي وتدعي.. وعادل مكرفص على رجليه بالكاع.. ولازم ايد بكر..

والدموع متجمعه بعينه ويباوعله.. وبكر كاعد وراسه بحظني.. اجه الممرض.. نومه و عقم الجرح..

انوب خلاله كانونه.. وكام يضربه ابر.. ويخليله قطرات بعينه.. كمل كتله لممرض عفوا.. نطلع لو نبقى..

كال ما اعرف اسئلي الدكتور.. كتله عادل روح اسئل هز راسه ومشى.. اتقربت يم بكر كتله هااا..

هز راسه وهوه متمدد ومغمض عيونه.. لزمت ايده.وكعدت على جانب السرير.. وامه على راسه.. مخليه ايدها على كصته وتدعي..

اجه عادل.. كال يكول الدكتور ابقو كم ساعه.. لحتى تستقر عينه.. مو زين عليها المشي والحركه يصير عليها ضغط..

كاعدين كله بصمت يم بكر.. وبروده وهدوء بس الكلوب تحجي وتدعي.. عادل كاعد علسديه الثانيه..

وعمتي بالكاع كاعده ومخليه اديها على راسها.. ومدنكه.. واني لازمه ايد بكر وكاعده وياه علسرير..

لشوي.. جمدت ورجلي من الكعده.. طلعت برا اتمشى.. امشي وابجي.. اجت الممرضه.. كالت انتي زوجته..

هزيت راسي لــNOـا.. كالت تحبيه.. ابتسمت والدموع بعين.. كالت اليوم ولادة المسيح..

روحي للكنيسه شغلي شمعه للعذراء واطلبي بحق يسوّع راح تلبي ندائك وتقضي حاجتك مجربه..

كتلها انشالله.. بس اكو هنا كنيسه.. كالت ما اعرف اسئلي.. كتلها انشالله.. اجه عادل كال هاا.. كتله تكولي اطلبي من العذراء بحق يسوع شافي المرضى يشفي عينه.

كال اطلبي.. كتله لازم اشغل شمعه بالكنيسه.. كال وين نلكه كنيسه هسه.. كتله نسأل ونروح ندعي عادل فدووه بلكت يستجيب الله لدعواتنه..

كال لحظه اكول لامي.. دخل كاللها يمه.. رايح شوي وجاي.. ديري بالج على بكر.. هزت راسها اي..

كال يله امشي.. سئلنه لاستعلامات على كنيسه.. دلانه.. واخذنه السياره ومشينه.. ردنه ندخل..

حرس الكنيسه.. كالو مسلمين.. كاله عادل نعم.. كال ممنوع.. اني ابجي وادعي طول الطريق ويكلي ممنوع..

كتله ليش ممنوع المسيح انخلق للنصارى فقط..

هذا نبي ومن حقنه ندخل داره ونطلب منه.. الحرس الثاني.. شاف دموعي.. كاله خلها تدخل تطلب حاجتها من العذراء..

اختي ذييج شموع.. اخذي شمعه وشغليها. واهديها للعذره بحق يسوع ويتقبل ندائك بمشيئة الرب..

كتله شكرا.. اخذنه شمعه ودخلنه اني وعادل.. اول مره ادخل كنيسه مباوعت لتفاصيلها.. بكد ما عيني علعذرا..

تقدمت.. شغلت الشمعه وقدمتها.. وكعدت ادعيها وابجي.. بحق المسيح شافي بكر.. يا شافي المرضى عن ضلالهم..

يا رب بحق روحك المسيح شافي عين بكر ولا تعميها.. ابعد عنه الالم بجاهك يارب بجاهك..

دنكت ابجي.. كملت.. لكيت عادل كاعد ومخلي اديه على راسه.. كتله هاا.. كال خلصتي.. كتله اي.. كال يله..

رجعنه للمستشفى بكر بعده نايم.. كتلها عمه هم كعد.. مسحت دموعها وكالت لــNOـا..

ساعه واخذنه بكر ورجعنه للبيت.. دخلته لغرفته.. كالت عمتي سمر تبقين يمه لو اني ابقى كتلها عمه روحي..

اني راح ابقى يم راسه.. نومته.. كتله تحس بالم.. كال قليل.. كتله نام.. جريت الكرسي المتحرك وجبته يمه..

مخليه ايدي على راسه. مغمض واني امسح بشعره.. لحد ما غفت عيوني.. نزلت للكاع..

لزمت ايده وخليت راسي يم ايده ونمت كعده.. وايدي بأيده شابكتها.. حتى لو كعد انتبه..

نايمه.. مرت ساعه.. وسحب ايده.. فزيت.. كتله هاا بكر.. كال حركتني موتتني شسوي.. كتله راح انطيك فاليوم..

انطيته فاليوم.. وهوه بعده يلووب ..امسح بشعره وارتل قران لحتى يسكن بيها.. رجع نام..

رجعت نمت.. للصبح دخلت علينه رنا وخواته.. اني نايمه فزيت من دوست رنا على رجلي..

كالت اريد اشوفه.. هميت مو هسه رنا خل يكعد كوه نام.. كالت معليج انتي.. كالتلها اميره اذا نايم عوفيه.. خطيه..

طلعن.. كال سمر مي ..كتله اي.. كعدته وشربته.. كتله تكوم يمهم لو ما بيك حيل.. كال الم ذابحني مابيه دوختهم.. راسي ينصدع من حجيهم..

كتله براحتك.. احجي ولازمه.. ايده.. ردت اكوم.. لزم ايدي.. كال وين.. كتله بس اروح ابدل ملابسي..

بنطروني صار كله طين من الشارع ..كال من انام روحي.. ابقي يمي سمر.. كتله ماشي بس ارتاح..

كال موتني الالم سمر شسوي مو طبيعي يذبح.. اريد احكها حركتني.. كتله ميصير عيوني.. تندمر لو لزمتها..

مديت ايدي.. شبكتها بأيده.. واني كاعده يمه.. كتله اتخيل شغلات حلوه.. روح لعالم بعيد وانته راح تنسى الالم..

كال اخذيني.. كتله اخذك ليش لا.. اخذك من العالم كله.. اخذ روحك وروحي.. ونمشي بعييييد بعيييد..

كال وين.. كتله للاحلام.. المكان الوحيد اللي نمارس حبنه بدون قيود .. نحب بعضنه لحد منذوب..

نصير اجمل اثنين طايرين بالهوا.. بس اني وياك.. بالاحلام.. بعيد عن كل هلناس والعالم بكر وسمر بس..

اخذ نفس وكال شوكت.. كتله مو جاي اكلك بالاحلام.. كال تالي الحلم تفز وتخلص سعادتك.. سمر اريدج دووم مو يوم.. يحجي وهوه مغمض

كتله انشالله الله يباوعلنه ومدام نحب بنيه صافيه فد يوم يسعدنه ثق.. الله يعصر الانسان الزين مثل عصر العنب ..

لحتى يطلع منه اطيب واحلى شي.. وهوه صبره وايمان الانسان.. ولعل الله يحدث بعد ذلك امرا.. بكيفه..

كال يرادلها بخت اوووف عمت عيوني وبعد ما اشوفج.. كتله ليش الثانيه هم متشوف بيها..

كال لــNOـا.. بس من وجع الاولى الثانيه ما عندي قدره افتحها.. عصر ايدي حيل.. وكال سمر لا تعوفيني..

قربج يمي يريحني.. لدرجة ترتخي اعصابي وانسى حتي وجعي.. عصرت ايده بايدي.. وطبطبت عليها..

كتله بعيون اخليك والله. ما اعوفك لتخاف.. دنحجي وطبت امه.. تسأله على اذا خف الالم او لا..

انوب خواته وعادل هم اجه.. وناس عمامي واقاربنه وحتي اهلي اجو.. ماما وبابا شافوه.. كل هذا واني ابد..

ما كمت من يمه.. واكفه فوك راسه.. وحته لكمه ما خليت بحلكي.. هوه ميشتهي.. واني وياه.. يا نفس التقبل الزاد.. وبكر هيج حالته..

اخر شي.. صاح سمر.. كتله عيوني.. كال طلعيهم كلهم والله دخت راسي انفجر .. امه كالت يله كومو..

طلعتهم.. وبقيت كاعده يمه و اغنيله درت انساك واخلص من كلام الناس.. اغني بهدوء والعب بشعره.. وهوه مغمض عينه ومتمدد..

اعرفه من يحس بالم يكوم يقبض ايده ويضرب علسرير لو يعصر ايدي او الفراش لان ميكدر يحكها وتحركه.. .. بس اذا ارتخى معناها مرتاح..

نام.. للعصر.. اجه ابراهيم ابن عمتي.. كاله امشي اوديك لطبيب كولش زين يعاينك..

كال بكر سمر روحي وياي.. كالتله امه شتسوي سمر.. كاللها تساعدني.. لان كوه افتح عيني ما اكدر اشوف..

كالتله انه اروح وياك.. كاللها عادل خل تروح وياه سمر يمه احسن.. سمر خفيفة بالحركه.. تكدرله..

كتله اوك لحظات.. بس اسبح وابدل.. ركض رحت سبحت وبدلت.. دخلت واكف بكر كدام الكنتور..

وكوه يفتح عينه الثانيه ويشوف شنو يختار.. طبيت اختاريتله الملابس.. درت وجهي منه.. وهوه يبدل.. اني رحت للجراره.. حظرتله الساعه والنظاره ..

درت لكيته يلبس بالبلوزه.. جريت اديه لبسته الساعه.. وانطيته النظاره بأيده.. كال تعبتج.. كتله بكر انته تحجي هيج..

لك لو انطيك عيوني ابدال عينك والله ما اوافيك.. كال لتكولين هيج.. اسم الله على عيونج..

اخذته ومشينه.. ابراهيم اخذنه للدكتور.. حجزنه.. كدامنه هوايه.. كعدنه ننتضر.. بكر لازم ايدي..

احسه اتعلق بيه مثل الطفل المريض من يتعلق بأمه.. واني مرتاحه بتعلقه.. ياريت اردله ولو جزء قليل من تعبه وياي..

كاعده وهوه كاعد.. على كعدتي.. غفيت من النعاس.. صاحو بكر خليل حامد ..

تحركت ايده بأيدي فزيت.. كال سمسم شنو نمتي.. مغمض عيونه.. كتله لا بس غمضت عيوني.. كال نعستي..

كتله ميهم كوم يله.. كومته دخلنه للدكتور.. فحصه.. هز راسه.. كتله هاا دكتور.. كال حيل متأذيه للاسف..

كتله والحل.. كال انسويله عمليه وبلكت يصير احسن.. كاله ابراهيم.. زين لو سفرناه بره احسن..

كاله طبعا احسن.. برا اجهزه حديثه والعلم اكثر تطور.. لو تكدرون تسفروه.. سفروه فورا..

ميصير يتأخر .. اسبوع لو ما اجريت العمليه.. تنعمي عينه.. واستحاله ترجع نضرها..

وبمرور الوقت تضرب علثانيه.. لذلك استعجلو.. تردون اكتبله عمليه فورا لو تسفروه.. كال خالد لاا نسفره احسن.. ما نكدر نجازف هنا..

بكر مدنك راسه ومغمض عينه.. شديت على ايده. كتله اعرفك كدها.. لتخاف الله موجود.. هز راسه..كتبلنه الدكتور دوا وطلعنه

كتله ابراهيم وين نسفره.. كال اكو صديق عندي هم عينه سكطت وسوولها عمليه هنا وفشلت.. ودوه لالمانيا وهسه يشوف مثل الورد..

كتله خابرلنياه.. جر فونه.. وخابر.. حجه بعيد واجه ..كتله هاا.. كال هاهيه نصحني بيه وكال دكتور جدا عبقري..

كال بكر مستعد تسافر.. كاله ليش كدامي غير حل.. كال هاهيه من باجر ابعث تقاريره بالايميل لصديق بالمانيا..

واسويله الفيزه واطلع بيه.. كتله بجاه النبي انشالله ييسرها.. كال انشالله.. يله نرجع للبيت..

رجعنا.. نومت بكر.. ورحت لغرفتي بدلت.. كعدت ما احسيت الا غفييت.. نايمه.. ودخلت اميره.. سمر اكعدي سمر..

كمزت.. كتلها شبيه بكر.. كالت خبص الامه عليج.. مو تكول عيونه موجوعه تكول مفطوم عليج..

كمت من مكاني ركض.. عمتي تكله يا يمه بس كول شتريد.. هوه واكف ويصيح صيحوليااااه اكلكم صيحولياااها..

اجيت لزمت ايده.. خله ايده على عينه وباوعلي.. كتله تعال لتصيح بكر مو زين عليك.. يزيد الضغط على عيونك..

كال وين رحتي.. كتله والله غفيت بدون ما ادري.. كعد وخله ايده على راسه.. وكال تعبتج ادري والله بس سمر راح اتخبل والله راح اتخبل..

احس حريق بعيني مو الم.. ذبحني راسي راح نفجر من وجعي مو متحمل صوتهم وهمه يحجون هواي..

كتله يعيون سمر انته.. لتعب نفسك.. اسفه غفيت.. بعد ما اروح والله نام.. ساعدته ونومته علسرير..

بقيت العب بشعره.. هوه يعصر بأيدي من الالم.. بقيت ارتل قران ارتل لحد ما ارتخى ونام..

سحبت نفسي من عنده بخفه علمود ليحس.. وعلى اطراف اصابيعي طلعت.. سويتله شوربة خضار..

دا ارجع .. اجه عادل.. كال سمر.. هذي الادويه مال بكر.. تنطيها اله علوقت. وهاي القطره كل ساعتين.. 4 قطرات..

توقتين الموبايل حتى لو نايم تنطيهياه.. ماشي.. كتله ٱפگـيہ.. كال ما اوصيج عليه سمر.. مو تنسين.. تره اذا غلطتي بالدوه وبالاوقات تحترك عينه..

كتله لا انشالله راح احفظهم واوقت الموبايل..اخذت الدوه.. خليته بالصينيه ودخلت الغرفه .. هوه بعده نايم..

تركتها.. وكعدت يمه.. انوب رحت شغلت الكومبيوتر مالته .. وكعدت اتصفح مواقع واباوع فيديوهات..

حسيته اتحرك.. كمت.. كتله هاا بكر.. كال سمر جوعان.. كتله هاي سويتلك شوربه.. كال انطينياها..

انطيته.. باوعت يفتح نص عين يباوع وياكل.. كتله انطيني اني اوكلك.. ابتسم.. كال لو ما الالم.. جان دعيت الله دوم يخليني اعمى..

كتله بعيد الشر شنو هلكلام.. كال والله قابل حتى لو اخسر عيوني وتصيرين الي.. اقبل بس صيري ملكي..

كتله تكوم والله ..والله يكتبلنه الكاتبه.. بس كونك سالم.. ما اريد من الدنيا شي.. كملت انطيته الدوه..

وبقيت يمه اسولف وادردش واضحكه.. لحد ما تعب وطلع عليه اثر الدوه والمسكنات ونام..

بقيت كاعده بغرفته.. ساعه اروح للكومبيوتر.. وساعه افتر واكلب بغراضه.. دك الموبايل..

عبالي منبه.. طلع اتصال.. رحت للحمام. كلت الو منوو.. واحد يتنفس ومثل المنشول.. يعني يبجي..

كلت منو.. كال ما ترتاحين بحياتج والله مدام كسرتي كلبي.. كتله اركان هذا انته.. كال كل غصه بكلبي عساها بذمتج..

عشتي وما همج حالي.. وعاجبج بكر وباقيتله.. كتله شنو بكر.. شعليه.. كال سمر انتي تركضين وره مصلحتج…

ابدا مو بريئه لا والله.. اول واحد عادل الحلو اللي تسمي جنتلمان بعتيني على موده.. ومن بعدها ما صرفلج الجمال حولتي على ابو الجيب المتروس..

بس حسافه حبيتج.. اخذت نفس.. كتله شتريد اركان.. وليش اليوم ذكرتني.. كال اليوم ليلة عرسي ومو كادر اوصل مرتي من وراج..

رحتي الله وياج.. اخذي حبج من كلبي ليش تبقيه.. والله كل عمرج ما ترتاحين وتبقين منفوسه بعيني..

وما تشوفين السعاده واتذكريها وكولي هاي حوبة سيد اركان.. جدي محمد وما تعدي حوبتي انشالله اشوفها بيج..

كتله اركان.. اذا انته بس كلبك يوجعك.. اني كلي وجع.. عبالك مرتاحه بعيشتي.. والله عذاب.. بس مجبوره..

متريدني ارتاح عساني كل عمري ما ارتاح.. بس اريد منك شغله وحده اترجاك.. اذا انته صدك سيد وابن رسول الله..

اطلب من جدك يشافي بكر.. كال شبيه.. كتله انضربت عينه باشعال ناري.. وعمليته صعبه وخطره.. فدوه اركان ادعيله..

كال هلكد خايفه عليه وتحبيه.. كتله انته منو يوصلك اخباري.. كال سألت امج.. كالت عايشه بخير بكر ..

كتله اذا عايشه بخيره ادعي الله يحفظلياه.. كال بسيطه اروح الصبح المسجد الكوفه واصليله واطلب الدعوه..

بس ادعي يشفي.. بس كون مترتاحين انتي. وتبقين معلعله مثل كلبي طول عمرج.. كتله قابله..

سديت الخط.. اخذت نفس.. طلعت من الحمام.. انضربت ابكر مكتف وواكف اباب الحمام.. كتله شدسوي هنا.. كال اريد استخدم الحمام..

كتله ادخل.. دخل وطلع.. رجع للسرير..بس مبين ضايج.. كتله اركان.. كال شنو.. كتله لتفكر منو جنت احجي وياه.. اركان اني اكولكياه..

كال شعنده.. كتله اليوم عرسه.. ويكولي مترتاحين واني معذب ومن هلكلام.. كال هذا هم جرمتي بحاله.. كتله من فكر حظي غير..

دنام نام.. انطيته دواها ونام.. بقيت. كل ساعتين فازه وانطيه الدوه.. كعدت الصبح عمتي متضايقه مني عشنو ما ادري..

اجه ابراهيم.. كال سمر طلعيلي جواز بكر.. خل اخذه افيزه.. كتله اي.. جان بكر كاله سمر تروح ويانه. ابراهيم..

درتله وجهي بتعجب.. كاله براحتك.. كالتله امه وشنو تاخذها على شنو تره خبلتنه بكر سمر سمر شنو مفطوم انته..

كاللها يمه لا تستغلين وجعي مابيه حيل اصيح.. كالت انتي شعندج وياه.. كتلها عمه شنو هلحجي اني اذا دا اخدم بكر واداريه..

فـ لانه يستاهل هوه الوكف ويايه كل عمره ومخلاني احتاج اي شي.. تردين هسه اعوفه.. كال عادل يمه.. اتركي هلكلام هذا ..

سوو اللي يرتاحله بكر بس خل اطيب عينه.. لا تضايقوه بس وجعه كافي عليه.. كالتله انته شنو ما عندك غيره..

تخلي مرتك تروح ويه اثنين شباب محرمين عليها.. كاللها ابراهيم عمه شبيج شنو شباب.. احنه منو وسمر منو… غير اختنه..

كالتله هذا الحجي ما يمشي يم الله.. كاللها عمه هسه اتركينه من الحرام والعيب الرجال محتاجها وياه..

وهيه فارغه ما عدها شي.. وصراحه ياريت تروح ويانه.. لان هيه تتكلم لغه انكليزيه وخريجة انكليزي..

واني وبكر ما نفهم نكليزي شراح نفتهم هناك.. احسن منروح نترجم وقواميس ودوخه هيه ويانه.

واحنه نحتاج مره ويانه اداريه تضبطله. موعد الدوه تخدمنه .. كال بكر سمرر جيبي الجواز مالتج تره دخت وراسي حينفجر..

والله اكوم اطلع كل وجع عيوني بيكم.. مو تكولون ما اشوف.. والله العظيم البيت ازلزله فوك روسكم..

امه رادت تحجي.. صاح بيها عمو خليل.. كاللها ساميه تخبلتي شبيج.. هسه وكت هلسوالف الولد راح يعمه. وانتي حايره بسوالف الغيره..

اجيت اني انطيت جوازي وجواز بكر لابراهيم.. وراح يسويهن.. اني اخذت بكر ودخلته لغرفته.. ريكته وانطيته دواه ونومته..

طلعت دا اودي غراض للمطبخ.. لزمتني عمتي.. كالت عرفت شنو البينج وبين بكر وسمعت كلشي.. تخلص سالفة بكر وادللي سمر اني الج… يتبع

🌺🌺🌺🌺🌺

ومن هنا سننطلق بالمعانات الحقيقيه ههههه يله شاركوني ارائكم وتوقعاتكم..

متابعه ممتعه..

جد..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_ 22

سمر.. دا اروح للمطبخ اودي غراض.. جان تلزمني عمتي.. وتكلي.. عرفت شنو بينج وبين بكر وسمعت كلشي..

بسيطه يا سمر.. خل تخلص سالفة عين بكر.. واني اتصرف وياج.. بقيت جامده واني اسمعها.. شسمعت..؟؟

بس لا تصنت على كلامنه اني وبكر بالغرفه.. يربي شلون مصيبه.. وديت الغراض ورجعت.. كعدت علكرسي..

كال بكر.. سمسم هاي انتي.. كتله ها بكر.. كال مسكن اي شي عيني حركتني والله.. كتله قبل شوي اخذت فاليوم..

شلون انطيك هسه.. كال ما اعرف.. متت.. شلتله مسكن الم عند الحاجه وانطيته.. بقى يضرب بأيده علسرير من الالم..

اتقربت يمه.. ولزمت ايده.. والعب بشعره.. كتله بكر.. كال هاااا.. بألم.. كتله عمتي عرفت شنو بينه..

كمز.. خله ايده على عينه وباوعلي بالثانيه. كال شنو عرفت.. كتله سمعت البارحه كلامنه.. وعرفت بمشاعرنه..

اخذ ايدي.. كال لتشيلين هم.. والله بس اطيب من عيني.. اخصم هلموضوع. كتله شنسوي.. كال خليها لما يجي وقتها.. نشوف شنو يسوي..

لا نسبق الاحداث.. الله بليله ويوم يقلب الموازين.. ارتاحي وثقي بلله ميخيب الظن بيه.. كتله امنت بلله..

كتله زين الفيزه شلون.. خاف متطلع خلال هلايام.. وتصعب علينه المانيا.. كال لاتخافين.. ابراهيم نسابته هناك مقيمين..

وراح يساعدونه.. بلكت تطلع فيزتنه بهليومين.. كتله انشالله.. ضحك.. كتله شبيك.. كال من كد ما خرعتيني عيني خافت وهدت هههه..

ضحكت.. كتله هاي عينك هم الا بالخوف يله تجي هههه .. مددته ونام.. بقينه نسولف اليل كله.. لحد ما تعب ونام..

مرت 3 ايام.. طلعت الفيزا.. اجه ابارهيم كال حظري ملابس بكر وملابسج.. ومستمسكاتنه.. باجر الصبح طالعين..

كتله انشالله.. حظرت وكملت الجنطه.. وثاني يوم طلعنه.. وطلعت من ظيم رنا وعمتي وحنين.. شكد حجن وشكد غلطن ويسمعني كلام مثل السم..

عليه وعلى امي.. واسكت لعيون بكر.. لان مريض.. وصلنه المطار.. بعد اجراءات.. انطلقت الطياره..

واني كاعده..يم الشباك.. وبكر يمي.. خفت حيل لما قلعت الطياره.. بقيت لازمه ايد بكر بخوف..

لحد ما حسيتها هدت وييي نزلت بعالم ثاني واني اباوع الغيوم والمنظر الرهيب.. باوعت بكر.. مخلي راسه ونايم..

اني ما نمت ابد بالطياره من الخوف.. كل ضني شوي وتعطل الطياره ونموت.. بس الحمدلله وصلنه مطار برلين بسلام..

رحنه لاقارب ابراهيم.. ناس جدا راقين ومحترمين.. بس شقتهم كانت صغيره.. بكر ما قبل يضايقهم..

رحنه حجزنه فندق.. غرفه ب3 اسره.. صراحه شعوري جان ما اعرف ما اكول خايفه وانما خجل..

انو وجودي مع 2 شباب محرمين عليه.. جان الامر مخوفني.. واني بنت.. بس جنت اشوف الطمأنينه بعيون بكر..

فقتلت شعور الخوف.. وبقيت مأمنه روحي بيه.. وهوه ما خان ثقتي.. شكد ما جان يحبني.. بس يعاملني كأخ..

عمري ما شفت منه نظره اليه مو زينه او يباوع بجسمي او هيج.. ابدااا محترم حد العلاقه بيناتنه مشاعر بقلبي وبقلبه فقط..

متخرج.. حتى بكلمة حبيبي او مغازله.. وجنت احترم هلشي منه واعشقه لاحترامه .. رحنه للدكتور..

وقدمنه تقارير بكر.. عاين بكر..

(الكلام اللي بللغه العربيه.. يعني كلام انكلش)

قال يحتاج الخضوع لعمليه.. قلت ..هل في امل باسترجاع نظره يادكتور.. كال ولمَ لا.. الامل خطوه جيدہ نحو النجاح.. لمَ هكذا متشائمه..

قلت لا انا غير متشائمه.. لكنني قلقه جدا حيال ذلك.. قال هل انتي زوجته.. قلت. لا انا ابنة عمته.. كال اه ضننتك زوجته لشدة قلقك..

ابتسمت.. بكر دار وجه.. كال شجاي يلغي وياج.. كتله يسألني على علاقتك بيه.. كال وشكلتيله.. كتله اني بنت عمتك.. يكول اعتقدتج زوجته..

كال من حلكه لباب السما ضحكت.. حددلنه الدكتور موعد العمليه.. ورجعنه.. لحد ما اجه يوم العمليه..

جنت حيل خايف.. دخل بكر للعمليات.. واني وابراهيم كاعدين بره.. اني خوف والدموع متجمعه بعيني وادعي..

باوعلي ابراهيم.. كال شكد تحبيه.. كتله منو.. كال ما حاج تخفين.. عيونكم واهتمامكم ابعض.. واضح ميحتاجله تفسير..

كتله ابراهيم ما اعرف شنو اكولك بس الصار والديصير ثق مو بيدي ولا بيد بكر.. مشاعرنه مدا نكدر نتحكم بيها..

كال بالعكس اتمنالكم الخير.. لان تلوكون لبعض.. كتله اشكرك.. لزم ايدي.. وكال لتخافين يطيب والله.. كتله انشالله..

ساعه وطلعو بكر.. جان كاعد.. كتله تحس بشي.. كال ما احس بشي بعيني.. اجه الدكتور للغرفه انطاها العلاج ..

شوي شوي كام يروح المخدر من بكر..كام يضرب بأيده.. ويصيح من الوجع.. لزمت ايده واني ابجي.. واكله اتحمل يروحي..

كال ولج عيني احسها احتركت اريد احكها موتتني. كتله ميصير والله بس اصبر.. بقيت لازمته وهوه يلوب..

لحد ما سكن ونام.. تعليمات الدكتور مينزل راسه للكاع يبقه نايم.. ولو كام يرفع راسه.. ما اعرف السبب بس جنت اعاني منها..

بكر ما يكعد ابمكانه من كد المه.. يضلي يروح منا ويجي منا.. مرت 5 ايام.. صار المه اقل..

اخذناه اني وابراهيم ينزه عن نفسه لان تعب كولش من اوجاعه وحتى صار ما يتحمل الكلمه حتى عليه كام يغلط ويرزل ..

نفسيته تعبت من كد الالم.. رحنه اخذنا نزهه بحدائق عامه.. جان الجو بارد كوووولش بالمانيا.. بس اكو شمس قليله..

كعدت اني وياه.. بالحديقه.. كتله انشالله هنا مرتاح.. كال اي بس شوي برد.. كتله نرجع..

كال لا خليني هنا مرتاح احسن من جو المستشفى والغرف.. كتله يروحي.. انشالله هلالم كله يصير سوالف..

ونكعد بعد 50 سنه واطفالنه نجيبهم هنا ويلعبون واحنه معجزين ونباوع عليهم هههههه.. كال اوووف شوكت.. كتله بعد 50 سنه شبيك..

كال والله بيج دفره.. ضحكت.. كال انشالله الله يحقق امنياتنه ووعد لو صار هلشي واتزوجنه..

اجي واجيبج لهلمكان اللي يشهد حبنه.. كتله يارب يحققها.. ادردش وياه علمود ينسى عينه..

كال سمر هواي افكر وتأنيب ضميري يكتلني لان افكر بحبج وشلون اني اعشقج.. احس اللي دا اسويه غلط لان مرت اخويه..

ومرات ارجع اكول هيه مو مرته.. الزواج البينهم غلط وابقى بحرب نفسي بين كلبي وصوت ضميري..

الى ان سمعت قصه عشق للنبي محمد.. ارتاحيت من سمعتها..

كتله النبي.. كال اي ذاك اليوم جنت كاعد اباوع للتلفزيون.. وطلعو قصة حب النبي محمد مع زوجة زيد ابنه بالتبني..

كتله استغفر الله شنو هلحجي.. كال اسمعي اول.. جان الرسول صلى الله عليه واله.. كاعد ابيته ..طرقت الباب زينب زوجة زيد..

وشكت للرسول معاملة زيد وياها.. جان كلام زينب مثل السهم اللي ضرب قلب الرسول.. مشاعر الرسول اتلخبطت بيها..

بعدها الرسول انولدت مشاعر الحب بكلبه اتجاه زينب.. بس جان كاتم هلمشاعر بكلبه.. ويتأذه من هلمشاعر لان يحسها غلط..

جان الرسول مهموم من هاي المشاعر الغريبه..وجان يناجي ربه.. رب لا تؤاخذني بما اعطيتني.. ويقصد مشاعر كلبه اللي مو بايد احد

فرب العالمين مراد يترك حبيبه مهموم ويعاني..

فأوحاله ان يا محمد زينب الك والله راح يزوجكياه.. فاطمأن وقر عينك.. الرسول فرح بداخله لكن خوفه من الناس جان جبير..

فخاف ان الناس تحجي عليه او يمسوه بالتهم..على ان الرسول طلق زوجة ابنه حتى يتزوجها..

لذلك اجه لزيد وكاله يا زيد امسك عليك زوجك واتق الله..يعني بحجينه ديربالك عليها وخاف الله بيها

فنزل عليه الوحي بالايه القرانيه في سورة الاحزاب ايه 37

( واذ تقول للذي انعم الله عليه وانعمت عليه امسك عليك زوجك واتق الله وتخفي في نفسك ما الله مبديه وتخشى الناس والله احق ان تخشاه فلما قضى زيد منها وطرا زوجناكها)

يعني الله كال للنبي.. ليش تكول لزيد امسك عليك زوجك وانته تريدها واحنه وعدناك ان زوجة زيد حتكون زوجتك..

فاطلقت زينب من زيد وبعد اكمال العده الرسول اتقدم لخطبة زينب طليقة زيد.. فضجت الناس علرسول وكامو يأذوه بالكلام الجارح

محمد رسول الله يأمر الناس بالمعروف وينهي عن الحرام ويحرم الزواج من زوجة الابن ويحلل لنفسه..

وكامو يشيعون علرسول ان هوه يريد يتزوج زوجة او طليقة ابنه ومن هلكلام ..تأذه الرسول بكلامهم وجان يناجي ربه شاكيا..

فاجه الرد العنيف من الله للمسلمين بأية ( ما كان محمد ابآ احد من رجالكم) اي يعني اوضح الله ان زيد مو ابن الرسول.. ويحق للرسول الزواج بيها وختم الايه وكان الله بكل شي عليما..

لحتى يخرس الناس عن الرسول وينصره ويحقق مراد الرسول.. واتزوج الرسول زينب وهي وحده من امهات المؤمنين..

العبره من هلقصه.. ان المشاعر اللي تتولد بالكلب مو بأيد احد.. القلب حر بمشاعره.. ما نكدر نجبره يحب او يكره بكيفنه..

سمر.. ياااي شو حلوو الرسول يعشق ويحب مثلنه…

بكر.. طبعا الرسول مثلنه عنده قلب ومشاعر واحاسيس مو ملك منزل.. طبطبت على ايدها..

وكتلها بجاه هوه النبي محمد اللي قر كلبه واخذ حبيبته يطلكج من عادل ويجمعني بيج مثل منجمعو همه..

سمر ..ههههه انشالله اللهم امين.. يله برد الجو خل نرجع.. كمنه رحنه للفندق.. وبعد ايام فتحو عينه..

وجانت العمليه ناجحه الحمدلله.. كتبولنه الدوه ووصونه يسمر عليه ومشينه.. كملنه اجراءتنه ورجعنه..

بالمطار.. امشي واباوعله.. كتله بكر تشوف بعينك.. كال اي قليل بس مو مثل قبل..

كتله المهم رجعت يربي والله فرحانه واني اشوف عيونك مفتحه.. ضحك وكال يحفظج الي.. صعدنه الطياره.. وكلبي طاير بعيونه..

.. وبكر نام.. اوووف شكد ارتاح واني اباوعله.. احس اني بأمان.. بقيت صافنه بوجهه وهوه نايم..

وين جان.. وليش ما حبيته من زمان.. ليش هيج صعب عليه.. اووف شصار لو هوه الخطبني مو عادل..

وصلنه مطار بغداد.. خابرنه اهله وكنالهم وصلنه.. اخذنه تكسي وللاسكان.. وصلنه البيت.. ابوه جان محظر عزف وموسيقى..

وخروف ذبحوه جوه رجله والفرع كله التم يركص علموسيقى والطبل وبكر مبتسم وفرحان بينهم..

دخلت للبيت.. سلمت سلامهن ثكيل.. بس عمتي وبنات عمي وامي .. دخل بكر للبيت وكبت الهلاهل والجكليت فوك راسه..

ويكلله يوم عرسك انشالله .. وهوه فرحان ويباوعلي ويكلهم انشالله هيج واتزوج الا اذبح ثور ههههههه..

كالتله امه جنك على زواج انته بس كول اصفط النسوان كدامك.. كاللها استريحي انتي ونسوانج..

اني رايد البالي.. ضاجت وبقت تراقب عيونه وعيوني.. اني ما كمت اباوع لبكر ضايقتني بمراقبتها..

رحت لغرفتي بدلت ونمت.. اجت امي.. كعدت كتلها هااا يوم.. كالت شو نايمه.. كتلها صوت الطياره براسي..

ومنايمه ابد من البارحه.. كالت يمه عمتج تعرف بسالفة بكر.. كتلها يا سالفه.. كالت تفهميني شنو اقصد..

اخذت نفس.. وكتلها ما ادري هيه تكول سامعتنه.. كالت شنو يعني سامعتكم سمر.. شنو بينج وبين بكر..

انتي ما تجوزين ما تخافين.. كل الصار ما اخذتي عبره منه.. بعدج مستعده تغلطين وتندكين .. كتلها والله يمه ما اعرف..

اسوي الصح واعيش بذل لو اسوي الغلط واعيش براحه ما اعرف.. كالت يعني شنو قصدج تسوين الغلط وترتاحين..

على شنو ناويه سمر.. كتلها ناويه اطلك من عادل.. لان حرام ابقى بذمته واني مشاعري بغير مكان..

حتى لو عادل ممتقربلي وممحسسني اني زوجته.. بس خيانه اعتبرها مشاعري لغيره وضميري ممرتاح بهشكل..

كالت سمر استري علينه وعلى نفسج لا تظنين بيوم ابوج لو اخوج يوافقون على زواجج من اللي ابالج..

شنكول يمه اطلكت لان تحب اخو زوجها و تريد تتزوجه.. كتلها يوم عادل مو زوجي.. كالت هذا الحجي احجي للناس مو اليه سمررر..

خافي الله بينه واستري على روحج يمه.. كتلها لعد شلون يوووم.. قابل انهزم مثل مسويتي يله ارتاح..

ضربتني راشدي حيل.. كالت هذا الحجي لو عدتي مره ثانيه اكص السانج والله.. اني من شردت من اهلي.. شردت ويه الغريب..

واهلي كالو انطيناها اتزوجت ابغداد وسترو السالفه.. لو انهزمتي انتي شنكول يمه..

شردت ويه اخو رجلها.. غير ابوج يطك ويموت.. هوه من سوالفج شكل وياه ضغط ويوميه واكع..

تسوين هيج يموت والله.. كتلها يوم ابوي مفكر بيه فد يوم ما فكر بمشاعري.. يعني انتو من حبيتو حلال واني حرام..

كالت ولج يا حلال يا حررم يمه هذا اخو رجلج انتي ناويه تصخمين وجوهنه ولج سمر عقلي يمه وانسي..

لو اطلكتي يجبروج تتزوجين اي واحد والله وما يخلوج تحجين.. وحتى لو انهزمتي مفكره ابوج ما يوصلج..

والله لو ترحين لاخر العالم هم يجيبج.. سمر اعقلي وسدي السالفه.. هزيت راسي.. كتلها يوم هسه اني اريد انام..

خليت راسي علمخده طلعت هيه.. اوووف رجعت لهنا لا هله ولا مرحبا.. شكد جنت مرتاحه واني بعيده عنهم.. اووف يارب رحمتك وعفوك..

نمت ساعه وكعدت.. طلعت لكيت بكر.. كتله لا تنسى علاجك تره اذا خربطت عينك ترجع..

كال والله ناسيه.. كتله لا تكلي اخر قطره اللي خليتلكياها بلطياره.. كال اي والله.. كتله تحجي صدوك بكرررر..

رحت ركض طلعت الدوه ومشيتله .. كاعد يم اهله يحجي وياهم وابويه وامي كاعدين وعماتي واثنين من عمامي..

واهله.. كتله يله بكر.. واني اهز بالقطره.. كال تعاي.. وكفت كتله هاي صدك تحجي.. جنك عمود كهرباء دكعد خلي احطلك..

مشى للقنفه كعد ورفع راسه.. فتحت عينه وخليتله.. كتله مو تنسه بكر تره مو زين والله..

كال وقتيلي الموبايل وكلما يدك رمشيلي وذكريني تره والله ما اتذكر.. كتله بعيني ادلل.. يحجي واني لازمه وجهه ورافعته..

وهوه مغمض علمود العلاج مينزل.. وانفخ على عيونه.. وخرت ايدي وكتله يله افتح عينك..

فتح وهوه يرمش.. درت عمتي وامي وابوي يباوعون شلون اخليله.. امي تخزر بصفحه وعمتي تزفر بصفحه..

حجت مرت عمي.. كالت شلون اداريه تكول امه مو مرت اخوه.. بربج سمر شكد تعزين بكر.. كتلها ماكو وصف..

كلت هيج لو حسيت عيون امي راح تنط وعمتي كامت.. كال عمو خليل هوه لو ما بكر هسه هيه هيج حالها..

لو تفرش عيونها متجازيه.. ياما عادل شبع كتل من وره بكر علمود سمر.. ابتسمت.. الحمدلله عادل مو هنا جان تضايق..

مر اسبوع جنت واكفه بالمطبخ اسوي اكل.. اجت عمتي كالت عود عبالج ناسيه موضوع.. تبتعدين عن بكر لو استخدم غير اسلوب والله اخليهم يذبحوج..

كتلها عمه ماكو شي وربج.. كالت نجبي اصدكج لو اصدك اذاني اسمعج تكليه اخذك بعيد لغير عالم بس سمر وبكر وحبنه.. يلماتستحين

بقيت صافنه.. كالت اصبري بس اصبري وشوفي شسوي وراحت.. صفنت هاي شلون مصيبه يربي

مشيت.. جان يطب عادل وحنين من بره وعادل ضايج وطالعه روحه.. كالت عمتي هاا.. كالتلها حنين شكلتلكم الصوج مو مني تسموني العاجر.. عادل عنده ضعف..

هوه اجه ضربها بقوه يكلها بعد صيحي بعد.. كولي عادل ما بيه خير وما يخلف.. بقيت صافنه..

درت وجهي على رنا.. كتلها شكو. كالت امي مو تحجي على رنا لان صار سنه ونص وما حبلت..

تكلها اني مابيه شي الصوج من ابنج.. واخذت عادل وسوتله تحليل.. كتلها وطلع عادل ميخلف.. كالت ما ادري.. التحليل هيج يكول..

بقت بيومها الاجواء متوتره بالبيت بسبب عادل واللي صار.. اني تانيت لليل.. خابرت بكر..

كال هلا بـ سمسمايه .. اني بالبيت تره تعاي لغرفتي ليش تخابرين.. كتله اسمعني بكر.. عمتي اجت وهددتني ابتعد منك وتكول تعرف بسالفه..

كال اوف من امي اووف اليوم فاتحتني بموضوع زواجي وتكلي اريد ازوجك.. كتلها ما اريد استريحي..

كالت البالك لا تحلم تصير.. كتلها لعد اخذي راحتج واطمني كل عمري ما تتزوج اذا هيج..

كتله بكر لازم ناخذ قرار ونحسم هلامر ما نكدر نستمر اكثر بهلوضع.. كال سمر اني متاني الكلمه منج اخذج واروح..

كتله وين تاخذني.. كال لعد شلون.. كتله بكر نتزوج هنا وبنص اهلنه ..كال اكيف بس سمر منو راح يقبل بطلاكج وبزواجنه..

اني خايف عليج مو عليه.. كتله بكر لنصير انانيين.. عندي اهل لو شردت وياك شيكولون للناس..

ابويه عنده ضغط لو عزيت وجهه وشردت وياك يموت.. ما اكدر اجيبلهم العار حتى لو اذوني الله مستحيل يوفقنه ويباوعلنه واهلنه غاضبين علينه..

وبعدين اهلك بكر.. تكدر تعوف اهلك وتمشي وياي.. اهلك كل اعتمادهم عليك ابوك مريض وعادل ما يعين نفسه غركان بالعرك..

كولي تكدر تتركهم وننهزم.. سكت.. كتله اعرفك متكدر.. يخابروك يكسرون خاطرك.. تاخذني ونرجع..

ويذبحوني والله.. كال لو صرتي مرتي بعد منو يمسج.. كتله بكر حتى لو مرتك ما اكدر اجازف واهرب وياك واني على ذمة عادل..

صعب.. كال سمر مراح يقبلون بينه والله.. كتله اول بس اطلك منكلهم على علاقتنه.. تمر وقت كفايه ونبلغهم..

كال سمر بعد متطلكين واخطبج لو ما قبلو اخذج وانهزم لتلوميني.. كتله لاااا اذا اطلقت ومقبلو بعلاقتنه بكل الطرق..

نضطر نهرب كم سنه وبعدها نخليهم امام الامر الواقع اما هسه ما اكدر انهزم وياك واني مرت عادل..

اطلع بعيونهم عاهره والله.. كال هاهيه هسه بس اطلقي.. والله كريم.. كتله راح ننجمع بكر مـℳOــو..

كال تأكدي فد يوم الله راح يجمعنه لا تخافين.. كتله يله مع السلامه.. كال ترافقج السلامه سمسم..

سديته وطلعت برا اخذت نفس.. شفت عادل كاعد يشرب اركيله ..اتقربت منه.. كتله يصير نكعد يمك..

شفته مخلي الشرب كدامه.. كال كعدي. كتله شربت لو بعدك.. كال لا اكمل اركيله واشرب..

كتله عادل بطل منهن والله راح يدمرنك.. كال عساني هسه عاد اني شلوني..

كتله عادل اريد احجي وياك بموضوع ..كال تفضلي..

كتله عادل اريد اطلق منك… يتبع

🌺🌺🌺🌺🌺

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_23

عادل اريد اطلق.. باوعلي.. كال شنو السبب هسه.. كتله ماكو شي.. اريد اشوف حياتي واعتقد هلشي من حقي..

كال سمر شتردين تسوين سوي بس عوفيني تره روحي طالعه.. لزمت ايده.. كتله عشنو..

تره اذا مخلفت هذا مو معناه انته مو رجال.. الرجال باخلاقه واسلوبه وكلامه.. مو والله ما اخلف..

كال واني كلهن مسكط بيهن لا اخلاق ولا اسلوب ولا كولشي.. كتله ليش تكول هيج.. عادل انته من اطيب وانقى القلوب..

بس هلسم اثر عليك.. شناقصك جمال كمال اخلاقك حلوه لو ما العرك.. طيب كلب بس عصبيتك شوي وعادي تره العراقيين معروفين باعصابهم نار

مو شي جديد.. كال دتواسيني.. كتله لــNOـا. اولله مو اواسيك انته اجمل شاب والله لو حرمك من نعمه حيجازيك بنعمه ثانيه..

اخذ نفس.. وباوعلي.. كال هاي الخاطرج اليوم مراح اسكر اليوم.. كتله اي زين لعد طلعنه فلم خل نباوعه..

كال ٱפگـيہ.. كاعد يدور فلم.. دخل بكر. كال كواكم الله.. كتله هلا.. كال شجاي تسوون.. كتله دنريد نباوع فلم..

عادل كاله فلم توديع.. كاله بكر شنو يعني.. كاله غير سمر تريد تطلك.. وهاي دا اطلع فلم بمناسبة اخر يوم زواجنه. ههههه…

كاله بكر اي من حقها بيها الخير انشالله.. يباوعلي ويبتسم.. طلعنه فلم اللعبه.. اووف كل شوي طالع من سرير لو نازل من المروحه..

واني كلما يطلع تيشاكي اكمز .. وبكر يضحك.. صار اعلان.. ركضت خليت شاميه علنار.. صاح عادل لحكي ولج تره بده..

كملتها بالعجل وجبتها بسرعه واجيت.. كعدت بكر وعادل كعدو يمي ياكلون.. اباوع لبكر منا واباوع لعادل منا..

شهلموقف هذا.. نص الفلم اني وغفيت.. ونايمه على كتف عادل وبعدين هوه محولني على رجله..

ما احس الا عادل شايلني.. وبكر يباوع.. كتله شكو.. كال دا اوديج للغرفه.. كتله نزلني اني اروح يمعود راح اوكع..

نزلني عادل رحت لسريري كملت نومي.. كعدت الصبح.. كالت عمتي عود شنو معناها تطلكين..

كتلها عمه وجودي هنا ما اله داعي.. كالت وليش هسه.. كتلها ليش هسه او بعد سنه شنو الفرق..

كالت خوش ملعوب جاي تلعبيه سمر.. كتلها لا ملعوب ولا ابد.. اني اريد اشوف حياتي شكو باقيه بذمة عادل..

كالتلها رنا. تنكلع يا امي شتردين منها خل نخلص من وجه الفكر اللي من دخلت بيتنه كل المصايب لفتنه..

كالتلها متعرفيها لهاي راس الحيه عدها غير مخطط وابالها شي ثاني.. بس خل يكون بعلمج اللي براسج لو ينكطع راسج ميصير..

دخل بكر. كاللها انتي ليش معارضه طلاقها.. كالتله انته تسكت وما اريد منك صوت.. كل دخل ما الك..

صاح سمر.. حظري ملابسج ويله دا اوديج لبيت اهلج وورقة طلاكج توصلج للبيت.. كتله ماشي..

كالتله امه شناوي بكر.. كاللها كل خير يمه.. كالتله جوز من سوالفك اللي تريده ميصير لو على كص ركبتي..

ما اهتم.. ولا كأنو سمع.. اخذ خياره من الثلاجه ومشا وهوه ياكل.. جمعت ملابسي وغراضي..

واخذت كولشي.. كعدت عاادل.. كال هاهيه توصلج ورقة طلاقج وراج.. كتله يمكن اجمل طلاق بالعراق.. ماكو هيج هداوه هههههه..

كال يتسجل بالتاريخ.. كاله بكر البس وتعال وياي وصلها.. كاله ليش كاله احسن تعاال..

كاله لحظات ابدل واجي.. طلعنه اني وبكر.. عادل شوي واجه ورانه.. يعدل بكفشته بايده..

صحت حلوه حلوه لا تبدل.. ضحك.. وصعد.. مشينه.. كال عادل.. سمر متأكده من قرارج.. كتله اي.. كال خاف احمد يكلب عليج..

كتله متوقعه هلشي ايام ويهدء.. كال انشالله.. وصلت لبيت اهلي.. نزلت.. ونزل بكر وعادل ويايه..

دكينه الباب.. طلعت امي كالت هله.. شافت الجنطه جبيره وياي.. كالت شكو.. عادل كاللها خاله هاي بنتج وبعد لا تشوفيني وجها..

اذبحها لو لمحتها.. كالته خير احجو شكو.. كاللها عادل اسئليها للكلبه شمسويه اسئليها.. اني بقيت صافنه..

دارتلي امي وتلزم بيه حيل شمصخمه ولج احجي.. كتلها ما مسويه شي ماما.. باوعت لبكر كالته بكر صاير شي..

كاللها لا خاله مصاير شي بس متعرفين سوالف هلناقص هذا.. ديتشاقه وياج.. باوعت لعادل يضحك..

كالت شنو الفلم وسمر ليش جايبه جنطتها.. كتلها ماما راح نطلك اني وعادل.. كالت انجبي وتاكلين تبن لو سمع ابوج هلكلام يذبحج..

كتلها ويذبح شسوي انذبحت الف مره بقت على هلمره اتحملها.. كال بكر خاله هيه حره بحياته..

وحياتها ويه عادل معدومه.. كالتله بكر سمر طفله لا تلعبون بعقلها.. كاللها شنو قصدج.. كالتله انته تفهم قصدي شنوو

تره لو اطلكت يذبحوها.. ما عدنه ابنيه تطلك.. كاللها خاله مو هاي رنا.. اطلكت وكعدت عدنه قابل شكوو..

كال عادل خاله اني وياها مامتفقين ولليوم اعتبرها اختي.. واني كتلها شوكت مطلبين الطلاق اطلكج..

كالت عمه والله ميرحموها.. بكر.. كال خاله نترخص.. هاي بتكم رجعتلكم ما تريد تبقى كوه هيه خو ما كوهه..

حجه وطلع.. كال عادل يله مع السلامه.. اجت امي عزا العزاج سمر صخام الصخمج سمر..

ولج والله لو اجو هسه يذبحوج.. ما حجيت عفت امي وصعدت لغرفة نجوى.. ماموجوده بالمدرسه.. بقت امي تحجي تحجي لحد مشافتني ما رديت غلطت وطلعت

بقيت اروح بالغرفه منا واجي منا.. وادور بكتب نجوى.. وره ساعات اجت نجوى.. طبت وشافتني ركضتلي..

كتلها يرروحي.. وحظنتها.. كتلها شلونج. كالت زينه.. كتلها بالجامعه شلونج.. كالت الحمدلله.. انوب كعدنه نسولف ونضحك

غمزتلها ماكو منا منا.. كالت اي بس سر.. كتلها يروح اختج انتي طبعا سر.. كالت واحد اسمه مروان بالجامعه ويايه..

كتلها وشنو نيته.. كالت يتقدملي هلايام.. كتلها هله هله يا الله.. كالت نتزوج بالعطله والجامعه اكملها عنده..

كتلها ويه اهله لو بيت.. كالت لااا بس هوه وامه وابوه بالبيت.. عنده اخ وبالخارج وخواته كلهم متزوجات..

كتلها هاهيه الحمدلله.. دنحجي ودفر الباب بابا.. وكفت.. كال ولج سمررررررررر.. لبدت وره نجوى..

جرني من شعري ونزع الحزام.. ضربني صرخت لا بابا لاااا الله عليك بابا لااااا.. كال ولج تطلكين موووو..

ولج تطلكين وترجعين عددي.. ولج اني ما اعون اخلص منجن ومن همجن ترجعيلي..

كتله بابا ما اريد عادل والله ما اريده.. وهوه يعتبرني اخته وما معتبرني زوجته..

طبت امي.. كالتله عيوني انته فرحان بس لا تتعب نفسك.. كاللها ولج تريد تخلص وتكعد براسي..

بعد كل هلفضايح والحجي السم السمعته.. كتله بابا ؏شنو باقيه.. اتزوج عليه وممخليني اباله..

لا يصرف عليه لا شايل مسؤليتي يعني شنو باقيه هناك.. تردون تذلوني.. ما سويت شي اليننزل روسكم..

ولا فد يوم غلطت ويه واحد.. حرام عليك بابا حس بيه والله تعبت.. ركضت حظنته وابجي وهوت يوخر بيه..

واني مجلبه حيل بصدره وابجي.. كالتله امي هاي بعد شنسوي قابل هيه اول وحده تطلك..

وعادل مرايدها.. بلكت تاخذ الاحسن منه وترتاح ونرتاح احنه هم.. وخرني حيل.. وراح.. دارت وجهه عليه امي وكالت..

باعي والله لو صار بأبوج شي ذبحج يصير على ايدي.. كعدت بالكاع ابجي ونجوى يمي تبجي ويايه..

انوب كمت لسريرها نمت. غطتني وغفيت.. كعدت العصر.. نزلت جوه.. بابا كاعد وما يباوعلي..

مشيت من يمه.. صاح رجااااااء هاي ما اريدها تفتر كدام عيني تكعد بمكانها لا اذبحها..

كتله بابا شنو ذنبي. كال هششش لا ما اريد اسمع صوتج.. عفته وصعدت.. كتلها نجوى جوعانه..

كالت اروح اجيبلج اكل.. كتلها علووا كالت لحظه.. راحت واجت كالت بابا ماكو تعااي..

نزلت اني وياه.. وكفنه بالمطبخ كتلها ايباااا صار شكد مواكفه بهلمطبخ وطابخه ومنضفه..

كالت جنج علطبخ وتنضيف من اليوم راح تبدين عملج كبنغلاديشيه.. كتلها عابت.. طلعنه لحم مثروم..

سوينه لحم وبيتيه.. كعدنه ناكل عطبله.. طب احمد.. كال هاي شجابج.. بقيت اباوعله وخايفه..

اجه ابوي. كاله استلم الخانم تريد تطلك.. كاله اذبحها غير.. يله هدومج وعلى بيت رجلج يلةةةةةةة

كتله احمد ما اريد ارجع بعد.. كال هوه بكيفج.. لزمني من اهدومي.. ويدفع.. كتله وخرررر..

كال امشييي برا.. كتله مكاعده ابيتك وتطردني البيت بيت ابوي وابويه سكت انته منو وتحجي..

كلت هيج.. دفرني بالكاع ويصرخ كلبه ساقطه اني اريد اذبحج واخلص منج ... دخلت امي تفاككني منه..

كتله معليك وما اطلع وشتسوي سوي.. والله لو طردتوني.. اروح من صدك اصخم وجوهكم وبعدين براحتكم كولولي ساقطه..

كاللها يمه دوخررري خل الزمها اشرب دمها.. كتله انته ما الك سلطه عليه معليك تفتهم شنو معليك

حياتي ما امشيها بيدك.. انته صوتي متقبل ينرفع علصوتك.. بس اني اتحمل الضرب والاهانه والكتل ولازم اسكت..

لازم ابقه بالذل تحت رحمةة عادل وياهو اليجي يكلوله عوبه وما يريدها وما يلزمها.. الحجي مماسك حتى تتأذه..

ما اروح والله ما اروح تذبحوني اذبحوني وما رجع لعادل.. بقى يصيح ويغلط ويهدد وامي تغلط عليه وتصيح..

اخر شي صاحت فراحان. انته شو ماتحجي.. يكلها ابوي اخوها خلي يربيها.. كالتله وشبيها سمر ما متربايه..

لو ما متربايه صدك جان شتت من الطريق من ذاك اليوم لهليوم. بدون رجل ولا اهل ولا سند..

وما نزلت روسنه.. كاللها احمد ايييي لان عادل خوش مستخدم وياها اسلوب بس تحجي وكفخها..

هاي مخلوقه بس للاهانه والله لو بقيتي هنا سمر.. صدك اهينج.. كتله لا انته ولا عشره منك..

كاعد ابيت اهلي واكلي علي اللي خلفني.. مكايلتلك اصرف عليه لو عيشني.. كال بسيطه سمر الزمج لووو لــNOـا

دفعته امي وكالته دروووح والله موتونه.. راح واني رحت للغرفه..كعدت اصفن وافكر بالوضع.. لليل خابر بكر..

بكر.. الو هاا سمسم طمنيني تره بالي يمج..

سمر.. لــNOـا الحمدلله صح عصبو بالبدايه بس غصب يتقبلون طلاكي.. من حقي اعيش ومو من حقهم يمنعوني..

بكر.. اخذ نفس.. انشالله يارب وتفض على خير.

سمر.. انشالله اكول بكر.. دا احجي ونجر الموبايل من ايدي.. درت احمد..

كال منو جايه تحجين وياه.. باوع منو صمام الامان.. كتله بكر.. لزم شعري وشعدج ويه بكر تخابريه..

سمعت صياح من جوه ابوي يصيح شنو هلحجي..

احمد اخذ الموبايل ونزل.. طلع ابويه مخابر على عمتي وكايللها شنو عادل يطلك سمر..

وجايبها ويضحكون.. شنو نمشي بيد المزعطه احنه.. تعاي انتي وخليل دا افتهم منكم..

جايه عمتي.. كايلتله خويه لا تزعل بس سمر لعبت طوبه وما متحملين اخلاقها وقلة ادبها..

ابوي صارخ بيها شنو هلحجي.. نزلت واحمد طب يمهم تكله خويه سمر لاعبه براس بكر والله يعلم شمهرمه وياه بالمانيا..

اني سمعتها تحجي ويه بكر قبل ليسافرون.. دكله اخذك ونروح لغير عالم.. بس بكر وسمر وحبنه..

وراحت هيه وياه بل20 يوم محد يعلم باللي صار بينهم.. وبكر جاي متخبل يريد يطلك سمر من عادل حتى ياخذها وينهزم بيها..

ابوي كالها يعني بنتي ساقطه.. كالتله اني ما احجي انته اسئلها شنو بينج وبين بكر..

اكو مره متزوجه تحب اخو زوجها وتنهزم وياه صايره يا خويه هيج.. صرخ ابويه ولج سمررررر..

اني من الخوف ما واجهتهم.. ركضت للغرفه وقفلت الباب.. وابوي يصيح ولج ساقطه تحبين اخو رجلج بنت الكلب..

ولكم تالي عمري بنتي تصير كح… ولج اليوم اذبحج والله.. احمد يكله يابه حجي عمتي صحيح هسه كمشتها تخابر بكر..

وهذا الموبايل انطه الموبايل لابويه ويصيح اغسل عاري منها والله.. وين مسدسك يااابه..

كاله ابوي نغسل عارنه منها اي راح جاب المسدس ويدفعون بالباب ويحاولون يكسروه..

واني اصيح بابا والله مسويت شي والله ما صار شي بيناتنه والله حراااااااام عليكم عوفوني حرااااام..

من وراكم حبيته هوه الحماني منكم انجبرت احبه لان ما لكيت غيره يساعدني ويهتملي انتو الضيعتو حياتي..

كسرو الباب واني صرخت يمممممممه وج يممممممه الحكيلي ..اجه احمد وجرني من شعري..

ويسحلني واني اصرخ مامااااااااا ماما راح يموتوني انقذيني ماماااا احمد يجر وابويه يكله خليها بصندوك السياره..

واني الزم بالباب ويدفرني احمد.. امي تريد تجرني من اديهم وتصرخ الله لا ينطيكم بنيتي يمه ولج سمررر يمه وتجر باديه منهم ويدفعوها..

نزلوني جوه.. امي شمرت نفسها عليه ونامت وتكلهم كتلوني يله تكتلوها والله ما تلزموها الا على جثتي..

ابوي كام يضرب بامي ويجرها.. ويكلها سودت وجهي وفضحتني وتردين ابقيها.. وج بنت الكلب وخري منها..

ويضرب بأمي وامي تبجي ونايمه عليه واحمد يجر بامي وابوي ضرب بيها وهيه مخليتني بالزاويه وما تقبل توخر واني متلبده بسدها.. ودموعي تجري..

.. الى ان وكفت ايد ابويه ووكع بالكاع ومفتح اعيونه ويهز.. ركضت امي واحمد يصحون بيه وماكو..

عمتي الكلبه جانت تباوع هيه وعمي ما دخلو نفسهم.. من وكع ابويه عمتي ركضت وبقت تصرخ..

يضربون على صدره وما يكعد.. اني وكفت اباوع ودموعي تجري والملابس مالتي مشككه.. وجسمي ووجهي كله دم..

اباوع لابويه الوكع ..مات بابا مات بسببي.. وكعت بالكاع ابجي بابا لا تموت بابا سامحني بابا اكتلني ولا تموت فدوه..

اتقربت يمه.. دفرني احمد ولزمني كتل صرخ خليل اتركها وخل نوديه نلحك عليه امشييي.. شالو ابويه..

وامي اجت تصرخ موتي ابوووج ارتاحيتي الله لا ينطيج سمرررر.. الله ياخذج سمررر ..لبست عبايتها وطلعت..

بقيت بس اني ونجوى واخوتي الصغار شابكيني ويبجون واني ابجي وياهم.. بجينه لحد ما نامو بحظني واني..

صافنه ودموعي تنزل موتت بابا لا يوفقني موتت ابويه اخخخخخ يمه بابا لا تموت فدوه.. شتريد سوي بيه بس لتموت..

بقينه.. ل2بليل.. اندكت الباب.. كمت فتحتها.. وشفت بكر علباب.. كال ليش هيج حالج..

كتله روح بكر روح الله يخليك.. كال سمر مراح يرحموج امشي وياااي.. كتله ما اريدك ما اريد عوفني ابويه مات بسببي

عوفني بكر الله يخليك بابا مات.. كال ممات انضرب جلطه بسبب ارتفاع الضغط.. سمر راح يذبحوج والله امشييييي..

كتله امشي بكر عوفني جاي اكلك.. كال سمر بس اسمعيني لج ما اتزوجج ولا ابد بس امن حياتج..

سديت الباب بوجها وكعدت ابجي.. بقى يحجي ويبجي سمررر ما اتحمل يصير بيج شي فدوه امووت والله سمر افتحي الباب وتعاي وياي..

اني ابجي شسويت بروحي وشسويت بأهلي.. دمرت حياتي كلها.. كتلك بكررر اخاف احبك كتلي لتخافين..

بكرر صار الخفت منه بكر عوفني الله يخليك.. سمعت صوت سياره طبكت وصاح احمد انته الك عين تجي هناا اذبحك انته وياها والله..

لزمه كاله بكر لو لزمتها ادفنك ومحمد بقو يتكاتلون.. اني بقيت اتراجع وابجي ومخليه اديه على اذاناتي..

جر وفتح الباب احمد وبكر لازمه دفعه احمد وسد الباب وراه وقفله سركي.. ودارلي كال تعاااي انتي حصتي اليوم..

جاي اركض.. لزمني من راسي و ودفع بيه علكاع بقوه.. صارت الضربه براسي.. لزمني وكام يشيل راسي ويضربه بالكاع..

بس الحسيته بكر طفر الباب و لزمه ووخره مني.. كمت ما احس بشي غير غوااش والدم يجري من راسي بوجع..

غمضت عيوني وما دريت بعد باللي صار ....يتبع

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_24

بكر.. توسلت بسمر تروح وياي ما قبلت وسدت الباب بوجهي.. واجه احمد وكمنه نتعارك اني وياه..

وهوه يكول اصبرلي اجيب سلاح ابوي واكتلكم ثنينكم.. دخل للبيت ركضت وراه جاي ادخل سد الباب وسركاه..

صحت لك عاااار افتح الباب لا اكسررره.. شلبكت رجلي وطفرت من فوك الباب.. شفت كعد فوكاها ويشيل براسها ويضربه بالكاع..

دفرته منها ووكعت عليه انهديت بدون ما ادري.. كل قوه وغضب بداخلي طلعتها بيه.. شوهت وجها..

لحد ما خليته جثه هامده.. شلت سمر ومشيت مشا وراي كوه ما يكدر يكوم.. ويصيح موتكم على ايدي والله..

خليتها بالسياره لزمني من هدومي ودفعني ؏لسياره وضربني بوكس لوجهي.. لزمت راسه ضربته كله ودفرته..

وركضت ركبت السياره واني اصيح سمررررر اصحي سمررررر.. لا تموتين .. يارب وين اخذها اشرد بيها لو اوديها مستشفى..

اكو بطل يمي مال مي نص.. شمرته عليها واني اسوق.. ماكو ردة فعل اجر ايدها اعصرها.. وكعت عليه.. مثل الميته..

دست السياره ورحت بيها لاقرب مستشفى.. دخلتها.. شالوها بالسديا وركضو بيها واني امشي..

اجاني اتصال من امي.. كالت انته وين.. كتلها بجهنم عساني شرايده مني الله لا يوفقكم ارتاحيتي انتي وابوي من سويتي هيج..

موتو البنيه بلا ذنب لييييش كل ذنبها انا عاشكها.. كالت احجي وين اخذتها.. كتلها معليكم.. كالت بكر اعقل وكول انته وين..

امها تريد تجيها تخبلت من سمعت بتها واكعه.. كتلها انعل شرفكم وانعل كل عشايركم.. تحلمون تشوفون اصبع منها..

جاي امشي.. وشفت امها كبالي.. كالت بكرر شتسوي هنا موتت الرجال انته وذيج الكلبه جاي تقضي عليه تموته..امي سمعت ام سمر حجت..

كالت يعني انته بنفس المستشفى البيها احنه.. جايتك.. كالت ام سمر.. اطلع منا ما اريد اشوف وجهك اطلع..

كتلها سمر نقلوها للطوارئ.. كاللت شلووون.. سمر شبيها.. كتلها مو انتي كايله لامي تردين تشوفيها..

البنيه ما الها ذنب.. ضربتني ولك بتي شبيها احجيييي.. كتلها ضربها احمد ووكعت ونقلتها وجبتها للمستشفى..

عافتني وركضت.. ركضت وراها.. ردنه ندخل.. كال الدكتور ممنوع الدخول.. وكفنه بالباب.. بقت تلطم على خدها وتكلها..

سمر كتلج لا تحفرين كبرج يمه.. وج وصيتج وما سمعتي.. ليش هيج ضيعتي شبابج لييش..

اجت امي.. وبقت تصيح انته ما تجوز وك ما تستحي تاخذها وتنهزم..

كتلها اسكتي انتي بالذات كل كلام ما الي وياج.. عفتهم ومشيت اشرب جكاره بحركه.. امها كامت راح يم خالي فرحان..

بقينه اني وامي للصبح عادل اجه.. كال بكر شنو هلحجي السمعته.. درت وجهي منه.. كال عود صدك عندك علاقه بيها..

كتله لــNOـا.. كال لعد شنو الصار خالي انجلط وسمر جوه شنو الموضوع فهموني..

كالتله امي هاي الجوه كلبه وساقطه .. كاللها يمه شنو الموضوع فهموني.. تره اني كوه صاحي الشرب براسي لسه..

جاي يحجي عادل.. اجه احمد وجها ازرك.. وهم يريد يضربني.. وكفتله صدر.. تلازمنه اني وياه من الياخه شمره عادل..

كاله هوب هوب شنو تلزمه شو انته ما تحترم.. تفل احمد على عادل تفو عليك لو انته رجال..

اخوك يحب مرتك وياخذها ويمشي وانته ادافعله تك….د على مرتك ياااااا عار.. عادل دار وجهه عليه..

كتله ما عندي شي جذاب لا تصدكه هذا كلب درتله لاحمد كتله انته اخ انته.. الحيوان اشرف منك.. احمد صاح اشرب من دمك ابن الكلب..

جاي نتصايح ولازمين ابعض..

طلع الدكتور.. صاح اخوان لخاطر الله مشاكلكم حلوها برا.. المستشفى بيها مرضى.. ياريت اطلعون برا..

كتله دكتور حالة البنيه.. كال عدها فطر بالجمجمه.. وبداية صرع.. صايره عدها حالات اغمى من قبل كتله اي..

كال لو استمر الاغماا وياها يشكل عدها الصرع ويصعب علاجه.. واحتمال يتضرر الدماغ وتسبب الها اعراض جدا خطيره..

كاله احمد دكتور اريد اطلعها.. كاله الدكتور منكدر حاليا.. كاله دكتور اني اخوها واريد اطلعها اخذها مستشفى ثاني..

كاله على مسؤليتكم.. كتله انته شنو واطلعها.. دكتور هذا رجلها اخوها ما اله دخل.. باوعت العادل عافني ومشا..

كاله احمد اطلعهاا على مسؤليتي..صحت وراه عاااادل لا تتركها.. وخر ايدي ومشا ..جريته حيل.

كتله عادل حرام. عليك تنطيها لهكلب.. انته شنو ما عندك ضمير.. كال خليت الضمير الك.. لما تخلي عينك على مرتي..

كتله والله ممخلي عيني.. ولا فد يوم مسيتها كل الجان عندي مشاعر بكلبي من جنت اني مراهق..

وجنت ناوي اتزوجها.. وانته خطبتها.. وبعدين شمرتها وخليتني اتحمل مسؤليتها.. وعمري ما تعديت الحدود وياها يشهد الله..

عافني.. لزمته عادل اترجاك لا تتركها عادل.. يوخر مني ويحاول يمشي.. لزمته ضربته واكله لااااا تتركها لا تتركها اكلك.. واضرب بيه..

هوه بقه يتلاوه وياي.. اجه حرس المستشفى طردونه برا.. فرت راح يطلعها الكلب ويكتلها.. الزم بعادل وما يرد.. عافني وراح..

تخبلت عقل ماضل براسي.. اجيت ادخل للمستشفى الحارس كال ممنوع اخي منريد مشاكل.. كتله راح يكتلوها يا مشاكل وخررر..

لزموني وطلعوني برا ويصيحون.. احس دمي يغلي واني اصيح.. طلعت امي.. كتلها يمه فدوه شتردون انطيكم..

اموت اخذو روحي بس لا تخلين هلكلب.. ياخذها.. كالتي تنفذ الاكلك عليه.. كتلها حاظر مستعد والله بس لا تخلوهم يكتلوها يمه اموووت والله.

كالت تقبل تتزوج وتعوفها وتشيلها من بالك.. باوعتلها.. كتلها تساوميني.. كالت غير هيج اخليها تموت ومعلينه بيها..

كتلها موافق.. بس طلعيها والله كلشي اسوي.. راحت امي.. اخذت ابوي.. ومنعت احمد يطلعها.. كالتله عادل راح يرجعها اتركها..

كاللها ما اتركها هاي الجلطت ابوي الا اكتلها واشوفها ميته كبالي.. كالتله تنجب مرت ابنه وراح ناخذها..

ومثل مسترناها بالاول نسترها هسه.. كافي ابوك انجلط لا انوب يموت بطل خبال.. حجت وياه بعصبيه وطردته..

بقت سمر بالعنايه.. كالو اذا مصحت اليوم.. نضطر نبلش بعمليه.. جنت اتمنى بس الزم ايدها..

احسسها بأماني.. اني الجنيت عليها هيج.. جانت تكلي خايفه واني اللي اطمنها.. وهاي وكعت من الخافت منه بسببي..

كعدت بالمستشفى ابجي واشرب جكاير.. لحد ما بليل.. كالو صحتت.. فرحت من كل كلبي..

بس قررت منا وابتعد ما اكدر اذيها اكثر.. خل تعيش حياتها.. وتبقى عايشه بكلبي حلم.. حلم وردي ابقى اتمنه من الله يحققه..

اذا كان زواجي يخليها تعيش.. اني اقبل باعدامي واتزوج.. بس ما اكدر اسببلها اكثر من اللي سببته الها..

… ..

ويذكرني بيج اليل والنسمات

وعطرج من اشمه والهوه يزته

يحبي الاتذكره بكل نغمه والالحان

طفل وامتيه امه العبره خانگته

يعشگي ويبت گلبي وللنفس سباح

غيرج مايبات بگلبي ويفّته

بكثر ما بيه لهفه البسمتج يهواي

صار بگلبي حسره وناره حارگته

فطر گلبي ياسمر الي فطرلج راس

وگلت هينه اذا هالنفس ماخذته

بيج يساوموني وحته اعيشج كون

صدري وغير اديج ايدين شابگته…

سمر .. فتحت عيوني.. الم براسي فضيييع مو كادره افتح عيني حيل من وجعه..

كمت احاول اركز واشوف اني وين.. شفت سقف ابيض اجهزه مغذي معلك.. عرفت اني بالمستشفى..

جنت اتمنى ما اصحى وارجع الواقعي.. جنت اتمنى عزرائيل من هلحظه وياخذ امانة ربه ويخلصني..

جنت افكر بالانتحار.. جنت اريد اموت.. وارجع اكول حرام.. و مره اصفن اعاتب ربي.. المثلي عايش ليش تحرم عليه الانتحار..

ما تسمع دعائي.. ما تشوف دموعي.. شنو حكمتك من اوجاعي.. تحسني ما استحق الفرح اخذني يمك ولا تفرحني..

ليش مخليني عايشه بنارهم.. اجه الممرض.. كال شسمج.. ما رديت.. كال بنتي تسمعيني..

هزيت راسي.. كال شنو اسمج.. كتله سمر.. كال العمر.. سكتت.. كال تذكرين عمرج.. كتله ما اعرف مواليد 1989..كال جيد..

تعديتي مرحلة الخطر.. كلت للاسف.. كال بنت صغيره مثلج ليش هلكد يائسه.. ما جاوبت..

كال راح ننطي خبر لاهلج انج صحيتي وننقلج لغرفة المرضى.. هزيت راسي.. بقيت نايمه..

غفيت.. ما احس الا الفراش مالتي انشال.. انتقلت بغير سرير.. ويمشون.. اشوف الاضويه اللي بالممر..

الجو بارد.. كال اهلج.. وما شفت اي احد من اهلي فوك راسي.. دخلني بغرفه بيها مرضى نساء..

نوموني.. بقيت صافنه ما اعرف بس اكو خمول بجسمي وتعب بمخي واحس اعصابي راخيه..

اجت عمتي وكفت على راسي.. كالت الله لــNOـا ينطيج انشالله.. بس خل ازوج بكر.. تحلمين الفيج ابيتي..

دمرتي ابني الله لا يوفقج.. اني مثل الجثه بس اباوع.. دخلت امي.. حظنتني وتبجي.. وج يمه سمر شكتلج..

وج يبنيتي شسويتي بروحج.. كتلج لا تمشين بكلبج ناسنه ما ترحم.. نطقت وكتلها يوم اريد امووت..

كالت ومنو يستاهل تموتين عليه وتنهين شبابج.. كتلها ما اموت على احد اريد اموت لنفسي..

اريد اخلص من اللي يسموها دنيا.. ما شفت بيها بس الالم.. بااستني وكالت بنيتي يمه فدوه لا تحجين هيج..

كافي عليه ابوج اللي انجلط وصار جثه.. كتلها بسببي.. كالت كومي هسه والله كريم.. المكتوب عجبين لازم تشوفه العين.. وهذا قدر ابوج..

بقت تحجي ويايه وساعه تواسي وساعه تلوم وساعه تغلط.. وساعه تبوسني..

للهناك.. اجه عمو خليل.. كال لعمتي يله سويت الخروج خل نطلعها متنه.. كالتله عمتي يله..

كالت كومي.. كتلها انطيني ايدج.. مشت وما سندتني.. اريد اكوم الم براسي ذابحني..

اجت بنيه تلاثينيه محجبه.. كالت كومي خيه عيني نفسج.. وسندتني وكمت.. كعدت علسرير..

احس راسي راح يوكع مني.. احسه مو من جسمي.. بيه الم فضيييع و؏ساعه ينفجر..

كمت اريد اوكف ادوخ واكعد.. اجت دكتور. كالت وين ماما وين.. كتلها اريد اكوم.. كالتلها عمتي نريد نطلعها..

كالتلها تحون صدك.. ماما بيها فطر براسها هذي شنو اطلعوها.. غير توكع وتنشل لو تنصرع لو تنجن..

كالتلها عمتي بيها سبع ارواح ما يصير بيها شي. دكتوره.. كالتلها انتي ام زوجها.. كالتلها عمتي اي..

كالتلها واضح جدا.. لو بنتج اكيد مراح تسوين وياها هشكل.. بس الدنيا دواره ادور ادور وترد عليج.. احذري وخافي الله بيها..

كالتلها عةتي دخل تخاف هيه بالاول.. وجرت ايدي بقوه وتكلي امشي عاد لا تتعايرين.. مشيت..

كوه خطوه خطوه.. نزلت المصعد.. وطلعنه.. وصلتني لبيتها.. كتلها ليش هنا.. اريد بيت اهلي..

كالت احمدي ربج واشكري خفت الله وجبتج هنا الا احمد راد يطلعج ويذبحج.. كتلها ويذبحني.. اريد اروح لاهلي..

تركوني ودخلوو.. بقيت واكفه بالكراج.. بعدها دخلت.. اباوع بالوجوه ماكو بكر.. دخت سندت علحايط اوكفت..

اجت رنا تفلت عليه وكالت لا هله ولا مرحبا ادري بعبع متموتين.. ردت امشي للغرفه.. جان تكلي هوب هوب..

هذي الغرفه صارت الي.. منا وهيج تنامين بذيج الغرفه الصغيره.. باوعتلها.. كتلها غرفة اخشابي وغراضي كولها..

ضحكت استهزاء وكالت اي مو الخلفج جابهن.. لو ما كلهن من اخوي .. مر عادل.. كاللها يمه المن جبتيها..

تكله اسكت.. بس يتزوج بكر وطلكها.. خل نخلص من سالفته مليت.. انصدمت بكر يتزوج!!! معقوله قبل بغيري بعد كل هلعذاب..

اجه يمي عادل وكال هين سمر.. تباوعين بعيوني وعينج على اخوي.. هين.. الا اكسر خشمج..

ما رديت مشيت كوه ورحت للغرفه الصغيره.. لكيت كل غراضي.. اللي لازم يودوها لاهلي.. شامريها بيها وصايره هوسه..

مددت بالكاع.. ونمت.. محد جابلي اكل ولا حتى مي.. واريد اكوم للحمام ما اكدر من الوجع..

اجه خالد.. بليييل ما اعرف الغرفه ما بيها ساعه.. همس سمر هذا موبايلي.. بكر كال خليه صامت يمج..

يريد يحجي وياج.. كتله ماشي بس خلودي كومني.. كال كومي.. سندني ووداني للحمام.. دخلت كوه وطلعت..

رفعت عيني على غرفة بكر.. يباوعلي من الشباك بحزن.. وجن يكلي مابيدي شي.. وكفت اعاتبه بعيوني.. هذا امانك بكر.. هذي الطمأنينه الوعدتني بيها..

دنكت والدموع تجمعت بعيني.. وصلت الغرفه.. خابر كتله خالد سد الباب وراك.. كال ماشي..

رديت الوو.. اسف والله اسف على كل الم سببته مو بيدي كتلج سمر تعاي وياي ما رضيتي..

كتله هوه المفروض جان هيج.. لان هلدنيا تفرش فراشها بس للساقطات والشريفه تسوي بيها مثلي..

لو مساندتك وشردت وياك جان حظي كعد.. بقى يجر حسرات بدون ما يحجي.. كتله مبروك..

كال ؏شنو.. كتله على زواجك.. كالو قريب.. كال مو كل عرس يعني فرح مرات يكون العرس كبر وينسد عليك.. ومجبور تنام بيه

كتله انته تنجبر.. كال لو لزموني من ايدي التوجعني اي انجبر.. كتله وبشنو لزموك وقررت تتزوج..

كال حياتج.. ضحكت وكتله جان رحمتني وخليتني اموت ليش ناوي تعيشني بعذابك..

كال متستاهلين الموت.. ما اكدر اعيش بدنيا انتي مابيها.. مستعد امشي علجمر.. وانتحر من اكبر جبل بس مو كادر اتحمل حياتي بدونج..

كتله وراح تتزوج مـℳOــو.. خنكتني العبره واني احجي.. كام يجر النفس برشح.. يبجي..

كتله مبارك عليك عرسك.. والله يعيني بفراكك.. كال سمر خليني اخذج وننهزم لبعيد تعبت لا تجازفين..

لا اريد اعرس ولا انتي تبقين هنا.. لا اريد اهل ولا عمام وحتى العراق ما اريده.. بس اريدج..

كتله الله يوفقك بكر.. مع السلامه.. سديته وكعدت ابجي بحررركه.. ابجي واحس دموعي تجرح خدي من تنزل..

دخل خالد.. كتله اخذ موبايلك.. اخذه ومشى.. بقيت بالنار عايشه.. بذل عمتي ورنا وحنين وما اكو احد بكلبه رحمه.. مرات اشك همه بشر ..

جنت اشوف تحضيرات عرس بكر كدام عيني.. خطبو وجهزو كولشي باسبوعين.. وبكر مثل الجثه التمشي.. ومدنك راسه ومبين عليه الانكسار..

اني ما اطلع من غرفتي اببد.. باقيه بالخرابه الشمروني بيها.. وبكر ما يكدر يحجي..

بس يدخل يرجعوني لاهلي .. اجه يووم عرسه و اوووووووف عساه لا اجه.. والله صرت احس الهوا كوه يمر بريتي..

اشوفهم هوسه ويحظرون.. والعروس بنت عمه نضال بنيه حلوه وزغيره ازغر مني.. عمرها 20..

ويا حركة كلبي عليه.. ابجي واكول شبيه حبيته.. ليش خضعت الكلبي وما مشيت بصوت عقلي..

عمتي رادت ليلة عرسه بفندق ما قبل هوه كاللها بالبيت وما اريد هوسه وعزيمه بس خواتي..

بس عمتي عزمت عمامنه واقاربنه كلهم.. ياهو اليطب يشوفني كاعده وعيوني سوود والتعب هالكني..

يسألني شبيج شذبلج هيج.. اعجز اجاوبهم واكلهم عشكي ذبلني.. اسكت والدموع تتجمع بعيني وابعدها وما انزلها..

صارت الزفه واحس عمتي قصد تسمعني هلاهيل قريب من غرفتي.. احس كلبي راح ينفجر اريد اصرخ مو كادره اتحمل..

بقيت كل شوي تنزل دموعي ومن يدخل احد.. امسحها.. كالت بنت عمي شنو مترحين ويانه للزفه اشو ممبدله..

ابتسمت وكتلها تعبانه.. كالت يااا ارتاحي لعد.. طلعو وخله البيت بس عمي خليل موجود..

تمنيته يطلع واصرخ.. همي اريد اطلعه جاي احس بالموت.. اريد اتنفس.. كل شوي افرك بركبتي العبره تخنكني بس اتذكر اليوم بكر عريس..

اليوم يكعد وياها.. يضحك لو لــNOـا.. هم يتقربلها ويحس بيها.. يتذكر دموعي من يباوعلها لو لا..

يتذكر اوجاعي ابدلة عرسها لو لــNOـا.. يتذكرني لو لــNOـا.. لو راح ينساني ويلتهي بعروسته..

جابو الزفه والهلاهل والعرس.. متجرئت اطلع.. بقيت مخليه اديه على اذاناتي وابجي حيييل..

لهناااك سمعت (عريس وربعه يزفونه).. ركضت للشباك اباوع.. شفتهم دخلو العروس ودخلو وياها..

يا نار طلعي من ضلوعي.. ربي هواك اريد نفس.. بقيت ابجي ابجي.. لحد ما نشفت دموعي..

كمت اختنك بالعبره وما تنزل دموع.. والله الموت اهون من هلوجع.. يارب رحمتك.. باوعلي فدوه..

محبوبي اليوم وي عروسته مختلي بيها.. ما حس بدموعي.. ما وصله صوت كلبي.. ما اذته آهاتي..

مو هذا نفسه الكال ما اعوفك اني.. ودك صدره لو للموت يموت بمكاني.. وينه.. جاي اموت وينه..

بقيت ابجي ابجي ومحد بحالي والله.. تكول بيه مرض معدي محد حته يكولي شبيج..

بقيت ساعات طويله اني على نفس الوضع.. لا تنزل دمعه ولا تسكن عبره.. وبين نار ونار روحي محتركه..

… ..

واتخوصرتلي الدنيه هيج وحايره

انه ويامن اليله مساهره

حضني فارغ ،،،،

بحضنك اتوسد غريب

ها يملك الموت روحي مناطره

ماخذك مني اعله حاضر يا رباي

مو كلتلي بگلبي حبج حاصره

……

واني بهلوضع ابجي.. ما احس اله انفتح الباب ودخل شخص.. اريد اباوع بعيوني الضلام سادها.

بكر هذا اي اي ولفي هذا.. هذا كلبي حس واجه..

اتقرب يمي.. كمت على حيلي.. لزمت اديه.. صرخت بصوت مخنوك.. بكر جااااي امووووت.. بكر مو متحمله اعيش موتني

كام يبجي بحركه.. خله راسه على كصتي ودموعه تجري بحركه.. ماكدرت سمر والله.. ماريدها.. كلبي ما يريد غيرج.. سمر والله اتمنى اموت ولا اطب عليها..

كعدت يم رجليه كتله خلصني بكر جاي اموووت مو كتلي حبيني وراح احميج مو كلتي لا تخافين بحبي..

وينه وعدك كول.. ما شفت من وعودك بس الم وجراح.. كام يبجي ومدنك راسه ويكول تعبت ياربي اخذ امانتك تعبت..

وكام مني بسرعه.. بقيت ابجي حييل بوجع يخنك مو كادره اوصفه.. واني بمكاني وره ساعه..

سمعته يغني.. وصوته مال واحد سكران.. ويعزف.. وكاعد بنص الحوش.. كوه كوه جبرونه نتفارك كوه كوه كوه.. يبجي..

وانه وياها من المحبه صرنه الهم احلى غنوه.. يغني وبصوت سكران كوه يجر ويعزف.. ويبجي ويه الصوت..

جنه انه وياها انتحظر علزواج احنه نوينه علزواج احنه نوينه.. تالي اجتنه غيمه سوده.. ضيعت كل امانينه.. ضيعت كل امانينه..

واللي جبرونه انتفارك.. وياهم احنه شجنينه.. يحجي ويبجي وتعتلي صوت البجي مالته ويرجع يكمل ويمسح الدموع..

اني اباوعله و ابجي على صوت بجيه.. طلعو اهله كلهم على صوت العود والغنا مالته.. كاله ابوه انته تخبلت..

عايف عروستك بالغرفه وكاعد تشرب سم الهاري هنا.. وتغني.. انته ما تستحي.. كاله توخر مني لا ابتلي بيكم..

يحجي وهوه كوه يجر الكلمه.. كاله كوم كوم طب العروستك نريد بياضها.. دفع ابوه.. وكام يغلط ويخربط بالحجي..

ويكلهم اطلعووو من حياتي اطلعووووو ما اريدكم هيج هيج منكم دمرتوني.. ساميه ارتاحيتي من دمرتيني ساميييييه..

شسويت فهموني شسويت.. الله اكبر عليكمممم.. ولكم بس حبيت ما سويت شي والله لو كافر بالله هم مو هيج اتعذب..

ولكم دمرتوووووني.. طلعو هاي الكلبه من غرفتي طلعووووها.. ما اريدها.. ما اتحمل غيرها بكلبي..

ريحة حبيبتي لليوم بغرفتي طبت هاي خنكتني بريحتها المعفنه.. كاله ابوه انجب وتعال طب فضحتنه سكران بيوم عرسك..

كاله وخرررر مني عوفني امووت.. اني اريد اموت هاي ساميه موتتني اووف يمه من عساج بنار مثل نار كلبي..

المن جبتيني لعذابج .. ولج ما حسيتي بابنج تهجمين كلبي ليييش.. ولكم كاااااااااااافي تعبت وحق الله تعبت

كاله ابوه لك لو ما خذتها يسموك مو رجال طب لا تفضحنه.. ضحك باستهزاء بصوت عاالي.. ههههههههههههههههههههه مو رجال..

هههههههه ليش من كلك اني رجال.. الرجال الما وفى وعده مو رجال.. الرجال الكسر حبيبته مو رجال..

الرجال اللي يخلي بنيه محطمه بليلة زواج مو رجال.. هههههه ..ضحك انوب بجى اني مو رجال والله مو رجال دمرتها اني مو رجال وكعد بالكاع مدنك ويبجي بصوت عالي وبوجع… يتبع

🌺🌺🌺🌺🌺

العبره خنكتني.. اووف الله يساعد كل حبيب ما يصيرله نصيب من حبيبه..

متابعه شيقه..

# حكاية_سمر..

،،،،،،،،،،بقلم الكاتبه زينب ماجد،،،،،،،،،،،

البارت_25 والأخير

اباوعله شلون محطم ومدنك راسه ويبجي بانكسار.. بقيت اباوعله واني ابجي..

يكلهم حرام عليكم تعبت حرررام.. راد يشيله عمو خليل ما قبل وبقى بمكانه للصبح.. هوه نايم..

واني مكابله الشباك.. اغفه وافز اباوعله.. طلع الصبح.. شالته امه كوه وودته للغرفه كام يصيح وطرد العروس منها..

اخذتها عمتي وتعتذر منها وتكوللها لا تكولين يمه هوه شوي تعبان.. كالت لعد ليش مكلتو يريد وحده وما اخذها.. ليش ورطتوني وياه..

كالتلها عمتي شتردين هسه ترجعين لبيت اهلج رجعي شنسويلج.. الحجي يصير عليج.. ابني رجال وما يتعيب وكلها العالم تعرفه وتهابه..

وره ساعتين.. اجو اهلها لنضال.. عمتي دخلت نضال بساع لغرفة بكر.. وكالتلها بدلي.

اني طلعت.. اشوفها تدخل غرفته.. اوف انطحن والله امووت.. شلون راح اكدر اعيش هنا مو كادره اتحمل العيش..

النفس جاي يخنكني.. كمت للمطبخ اشتركت بتحظير الريوك علساكت.. كملت.. رحتت للمغسله اغسل..

واسمع نضال تحجي ويه امها.. تكلها يوم ميريدني الليل كله سكران ويبجي على حبيبته ويغلط عليه.. رجعوني وياكم ما اكدر ابقى هنا..

تكلها امها.. وج يلعوبه عليش ترجعين.. الرجال مايعيبه غير جيبه.. وهذا جيبه متلتل ملايين.. يشمر ال1000 دولا.. مثل شمرت الربع..

المن راجعه لفكر ابوج اشو احنه 5 وكاعدين ابيت ايجار جنه كوخ.. بلكي انتي ترتاحين بجال فلوسه اصبري..

خليه يبجي يوم يومين وتاليته ينسه وما اله غيرج.. بس انتي صيري شاطره ولا تضايقيه واكسبيه بذكاء..

صفنت معقوله اكو هيج بشر.. ممكن تبيع ضميرها وحياتها واولادها بس علمود الفلوس..

جاي امشي.. انضربت ابكر.. باوعتله ابتسمتله.. عيونه كوه مفتحهن.. همس مستعد ادفع عمري كله مقابل هلضحكه ادوم..

ومشا من عندي.. دنكت راسي.. اخذت نفس.. ومشيت.. كملت تنضيف وياهم وهلشغلات الممله..

اتعس حاله حالتي.. كاعده ابيت.. لا رجلي يريدني.. ولا محبوبي الي.. ولا عمتي اللي هيه اخت ابوي راحمتني..

احس نفسي ثقل علعالم.. اتمنى اتخلص من روحي واموت.. بكر بيومها ما بقى لبس ملابسه وطلع..

الناس تجي تبارك وهوه ماكو.. وعمتي تكلهم شغل يضطر يطلع.. وتلزكله.. صار بكر ميلفي بالبيت ابد..

يطلع الصبح الساعه 7 يرجع بليل الساعه 1 بليل.. ويرجع سكران ويلزم العود ويعزف حزنه بصوته الحزين..

واني كل يوم استمعله وابجي حتى صرت اعشق حسين البصري من كد ما يغنيله بكر وهوه حزين..

دخل فد يوم.. جان كلهم بغرفهم.. لزمته بالكراج.. كتله بكر لخاطري لا تسكر.. بس هم سكران كوه يوكف..

يكولي اني فاشل والفاشل يشرب حتى يفشل زايد.. كتله بكر لتكول هيج والله اخاف عليك من هلسم لخاطري فدوه..

لزم اديه ودنك راسه بانكسار ويكول مجاي انسى شلون.. لا كادر اخذج ولا كادر انساج سمر كوليلي الحل راح امووت..

بقت تنزل دموعي.. كتله اسم الله عليك من الموت بس لا تسكر بعد فدوه.. تره اذبح روحي واخلصك منها ومن همها..

روحي معلكه بروحج لو راحت روحج ماتت روحي.. كتله اعرف.. دا احجي سمعت طكطكه.. عفته وختلت بالترك..

اجت عمتي كالتله انته تخبلت فضحتنه عود هاي نكول عليك العاقل.. كاللها انتي ما خليتيلي عقل..

سلبتي مني كلبي وعقلي وروحي لما حرمتيني منها.. تكدرين تسعديني وياها وتسكتين الف السان.. بس اخخخخ منج..

اذا متشلعين كلبي وتموتيني ما ترتاحين.. انتي مو امي.. انتي ساميه.. لان الام الماتحس بابنها ماتستاهل ينكاللها يمه..

يحجي وكوه يجر الكلمه من حلكه.. كالتله ولك فوت علمرتك.. صار اسبوع على زواجك.. وما ماخذها شيكولون عليك..

كاللها بالله طيري مني خليني اشوف صاحبي واشكيله.. قصده العود.. دخل جوه طلع العود ويعزف

اني لفيت من بابا المطبخ ودخلت للبيت.. واسمعه يغني .. شحجيلك مضيكااات خلكي الليالي بالليل افز مرعووب وابجي على حالي..

يغنيها بطريقه حزن ومرات احسها حتى اجمل من حسين البصري.. احس بكل كلمه وهوه يشكي حاله ويكول

يا دنيا بس بلييييل خل عيني تناااام ومن الصبح للضيييم اتحزم احزااااام.. من اسمعه هلكلمات اخلي اديه على اذني ابجي بووووجع..

بليلتها.. عمتي عجزت من بكر.. ما اله امل يوصل مرته.. فرادت تكسرني علمود تأيسه مني.. وفعلا..

كنت نايمه.. وما احس الا ايد لامست جسمي.. فزيت مرعوبه.. شفته عادل.. كمزت لميت جسمي بساع..

وبقيت اتراجع ليوره وازحف على مقعدي بخوف.. كال والله ومعاجبج قربي.. كتله عادل الله يخليك ابتعد..

انته مو تكول اني اختك.. كال اي اتركج اختي علمود تلعبين من وراي.. كتله عادل ابتعد ما اريدك..

كال مو بكيفج ما جاي اطلب منج جاي اخذ وامشي.. وانتي ملكي اكبر راس ما يكدر يطلع وراج..

وانتي عار الله شامرج بركبتي.. كتله اذبحني لعد ولا تتقربلي.. اتقرب بساع.. اجيت اصرخ خله ايده على حلكي..

ورجعني للكاع.. وينهش بجسمي مثل الوحش.. مو كأنه زوجي ابدددا والله احس بحالة اغتصاب من واحد مقرف بلا احساس..

كمل مني.. اخذ ملابسه وكام.. نهاريت بالبجي واني لافه جسمي بأديه. احس روحي اتنكست..

كمت ابجي بصياح.. بس محد كعد علصياحي.. وكأنهم مستمتعين باوجاعي كأنها انغام..

طلع الصبح واني كاعده ابجي.. كمت للحمام.. اغسل حيييل اريد اطلع قذارته مني..

وابجي بحركه شنو الموقف البيه اني.. واي حاله وصلت.. اتنكس من زوجي.. اي زوج هذا اللي ما حس على عمره صار سنتين..

هسه من راد يكسرني اعتبرني مو اخته واقترب مني.. بعد ما مشاعري انغسلت من ناحيته..

كعدت بالحمام ابجي بصوت عالي.. اندك الباب.. لبست وفتحت.. بكر.. كال شبيج تبجين.. ديحجي وباوع لركبتي.. عباره عن زراك ومبين اثار شنو..

والله عمري ما انسى نظرته بذاك اليوم.. الدموع كامت تتجمع بعينه وتنشمر شمر بحركه.. من عينه للكاع..

كال منو سوه بيج هشكل.. صرخت بالبجي وكتله اريد اموووت موتني خلصني تعبت.. اريد اموووت.

عافني وطلع بسرعه وهوه يمسح دموعه.. رجعت للغرفه بنفس البجي والحزن.. لهناك.. اجت رنا..

كالت شنو نايمه لسه كومي بساع يله.. وتتأمر وتدفر بيه.. كمت واني اشوفهم يتضاحكون..

طلع عادل.. كتله ليش سويت بيه هشكل.. كال بكيفي مو انتي التحاسبيني.. كتله وين كل هاي السنين.. مو علاساس اختك..

ما رد.. كتله تحب تعذبني شسويت فهمني.. كال خل يكون بعلمج ما اتشرف بيج مره.. وكوه متحملج علمود امي..

تخلص منج واطلكج.. كتله طلكني هسا.. كال اي علمود تاخذين الشفيه وتنهزمين موو.. كتله انته ما عندك غيره ابد..

شنو من بشر تعرف اخوك مخلي عينه عليه.. ومستمر وياي.. شنو احساسك.. اشك انته رجال..

لزمني من شعري.. اجت عمتي.. كالتله عوفها لا تلزمها.. تروح تسويلها سالفه وتهجج ذاك علينه..

كتله عمه ليش ما بكلبج رحمه.. ليش هلحقد.. ولكم كتلوني ما اريد اعيش كوه هيه خووو مو كوه..

كالت امشي عادل عوفها اطلكها منك وعد بس خل يصير اللي ابالي.. عافوني ومشو.. بقيت اعاتب ربي ليش راضي بعذابي..

الديصير بيه حرام ذنبي مو بكد عقابي.. بقيت اليوم كله تحت استهزاء وضحك وحجي عليه.. متت من الوضع وما اكدر اصبر..

بس لو طلعت وين اروح.. كل يوم اكعد كدام الشباك انتضر بكر.. اليوم تأخر.. صارت 3 اليل وما اجه..

لحد ما دخله ابوه جان نايم بالباب.. صاح على نضال.. كاللها اخذي رجلج.. هوه بس يخربط بالحجي.. متعرف شيحجي..

بس يصيح سمسم ..سمسم.. اخذته ودخلته للغرفه.. للصبح.. طلعت نضال العمتي.. اني كاعده علريوك..

انطتهم بياضها.. سمعت هلهلت عمتي مثل النار الشبت بضلوعي.. بقيت مدنكه ما رفعت راسي..

ولا نزلت الدموعي.. الصرخه كتمتها بكلبي .. كملت كالت عمتي رايحه لبيت ابوج انشوفه ترحين..

شلت راسي.. اني كالت لعد اني.. اليوم طلعوه من المستشفى ترحين.. كتلها اي.. كمت رحت بدلت ومشيت وياها..

هيه وعمو خليل.. وصلت البيت.. دخلنه.. الحمدلله احمد مموجود.. امي جانت هنا.. سلمت عليه.. كالت عيونج ليش هيج..

كتله شبيها.. كالت جفن عينج احمر وارم ليش.. كتلها من الخير غير.. بابا شلونه.. كالت على حاله..

دخلو عمي وعمتي يمه.. لزمتني امي كال سمر لا تزيديها عليه اصعدي سلمي على اخوتج وابقي يمهم وابتعدي من ابوج..

كتلها اريد اشوفه ميته والله.. طبيت ولكيته نايم.. كام يحجي حجي مو مفهوم.. اتقربت ولزمت ابيده وابوس بيها وابجي..

بابا والله ما فد يوم سويت الحرام.. كل الحجو الك كذب والله.. بابا اني بنتك تربيتك تتوقعني اخون زوجي وانهزم وي غيره..

بابا بامكاني اعيش احسن حياة. ومتحمله المر في سبيل ما اجيبلك العار بس الصار بابا خارج عن اردتي والله..

بابا سامحني.. ادري انته بهلمكان بسببي وكل يوم اتعذب الف مره.. والله يا بابا لو تكوم وتذبحني هواي ارحملي من هلحياة العايشتها..

محد راحمني يابه.. محد يكلي شلونج لو يهمه امري مو چني انسان.. ليش متصدكني والله ما غلطت..

بقيت لازمه ايده وابجي واحجيله.. وهوه دمعت عيونه.. كالت يمه كومي منه لا تزيديها عليه..

رحت لاخوني كاعده بينهم وابجي.. نجوى دموعها ويه دموعي.. وتمسح بوجهي.. وتكلي والله ما ينساج..

الله جاي يباوع.. كتلها نجوى عقابه قاسي اذاني حيل.. كالت لطيف رحيم.. ما يقسي وانما ديختبر صبرج وايمانج..

بقت تحجي وياي وتذكرني بالله هدت نفسي.. كملنه ورحنه وما شفت احمد عسا لا شفته..

الاخ سند بس اني اخوي سجين.. رجعنه ومرت شهرين بصعوبه كوه اليوم يمشي احس بيه سنه مو يوم من كد قهره والامه

بكر هاجر مرته من يوم الوصلها بالغلط كان سكران.. والعرفته هيه خادعته علساس هيه سمر.. وباقي يشكيلها ويبجي بحظنها..

لحد ما غاريته وموكعته.. من بعدها ما تقربلها ابد كل نومه بالصاله.. طلب لجوء لدوله اوربيه..

وقرر يهاجر.. بعدين كالوله ماكو لجوء.. راح قدم ويه جماعه على تهريب.. واتفق يهاجر.. حاولو امه ابوه يقنعوه..

بس ما لزموه.. يطلع ب6 ويرجع توالي الليل سكران.. عجزو شلون يقنعو يترك السفر ويضل يمهم..ماكو قافل ولا يرد..

اني كامت تصير عندي حالات صداع ولعبان نفس.. شكيت حامل لان انقطعت عني العاده شهرين..

فكتلها عمه بس اريد اروح مختبر.. كالت شتسوين.. كتلها هيج وهيج.. كالت مستحيل حامل عادل ما يخلف..

كتلها عمه اني شمدريني يخلف ما يخلف دتصير عندي اعرض خل انروح نتأكد.. جاي نطلع صفت سيارة بكر..

باوع كاللها وين.. كالتله سمر مريضه واريد اخذها.. كاللها اصعدي.. صعدنه بالسياره وهوه بنفس جموده قبل ما اتزوج..

عبوس وجهه كل ضحكه مابيه ومن الشرب والتعب ملامحه تغيرت بين عليه التعب.. نزلت للمختبر..

سويت تحليل دم.. وبكر وعمتي واكفين.. صاحو سمر فرحان.. كلت نعمم.. اخذت النتيجه.. كتله شنو..

كال مبروك حامل.. بقيت صافنه بوجها.. درت وجهي.. بكر ما اتحمل كاللها يمه ارجعي وحدكم..

مسح وجها ومشا حيل.. كالت يمصخمه شنو هاذ.. كتلها عمه اني حامل.. كالت عادل ما يخلف..

كتلها القصد.. كالت يمه اني شعليه خل نرجع ونشوف.. اخذنه سياره ورجعنه للبيت.. وصلنه وامه تصيح بحقاره

عااااادل كرة عينك راح تصير اب.. كاللها شنو يمه.. كالتله سمر حامل.. حنين صرخت شنو شنو..

وهوه شوكت اتقرب لسمر.. كالتلها انتي ثوله مأيسه منج من زماااان وكل يوم ينام يمها.. حجت هيج علمود تحرك دم حنين..

عادل كاللها يمه اني ما اخلف وتقرير مالتي ذااك ما صار اشهر من سويته منين طلعت هاي بهسالفه..

كالتله حنين معروفه.. بعد كل هلعمايل والدكايك وتسأل منين.. هيه اللي تسافر ويه حماها وتعشكه والله يعلم شسوت..

تسألها منين.. باوعتله.. كتله تشك البطني مو ابنك.. كال اني ما اخلف هذا منين..

عفته ومشيت.. جرني من شعري.. وكعني بالكاع.. كلبه هذااااااااا منييين ويضرب.. ما جان الي حيل اشيل ايدي وادافع..

اتمنى ضربه من ضرباته تموتني واخلص.. جاي يضرب لزمه بكر.. ضربه.. ووكع انهد عليه يردون يشيلون بكر منه ماكو..

اخر شي شالو منه كوه.. كالهم ولكم كلاااب كل عمري احبها وما تخطيت حدودي وياهاا..

ولك احبها من هيه وصغيره.. وكل عمري اتمناها.. وخطبتها انته وبقيت عايش بالنار.. كل ضني انته تحبها..

تالي تشمرها عليه وتساومني بيها ب10 ملايين وانطيتنياها.. هسه جاي تستشرف براسي كلب..

كل العندي الها مشاعر ما لمست ايدها بالحرام واتعديتها.. فقط لان هيه على ذمتك.. وانته كل اليربطك بيها اورق لا اكثر..

حيواااان هسه جاي تصير شريف براسها.. وهيه جايتك بأمل تنقذها وتكلك اني حامل.. هيج ردك يا سكط..

يحجي والدموع بعينه.. كاله بس انته كل احساس ماعندك.. اخذتها وانته تدري روحي بيها.. بس تحس وانه الضحيت بيها الك..

تالي هبج تسوي.. ولك تحرم عليه هيه وتحرم عليه العيشه هنا بعد وانعل شرفه اليبقه وياكم..

راح لغرفته لم غراضه امه وكفت بوجها كالتله متسافر بكر يمه.. كاللها انتي مو امي وخري مني..

دفعها.. وطلع.. مرته كامت تبجي وراه وطلعت.. كاللها انتي ترحين لبيت اهلج وطلاكج يوصلج..

سد الباب وراح.. اني سحبت نفسي لغرفتي بوجع وابجي.. ما طلعت ابد.. صح مقهوره منهم بس هلطفل زرع الفرحه بداخلي..

احسه امل لطيف من الله ممكن يواسيني على ايامي.. ممكن تعويض لبكر حتئ انساه.. بقيت ساعه ابجي وساعه اباوع البطني وابتسم

من بعدها عادل راح حلل لنفسه.. طلع كولشي مابيه.. فشمرها براس مرته ويكلها سويتي هيج علمود تذليني.. كتلها كتل زوركها..

جانت تمر مني تتفل وساعه تغلط وتسب.. والمشكله عاجزه ارد من كد تعب قهر الليل والبجي..

اخذتها عمتي للدكتوره طلعت هيه ما تخلف شلون ملفقتها ما ادري.. كامت عمتي تعتني بيه شويه لان حامل من عادل..

وحنين بدها تاكلني بسنونها.. انوب اجت مرت بكر كالت اني حامل.. عمتي طارت من الفرح بيها وكامت تهلهل..

وموعد سفر بكر باجر.. سوت حلويات و عصاير وزعت.. كالت بعد ما يسافر بس يسمع مرته حامل..

ابني واعرفه ما يعوف ابنه وراه ويسافر.. سوو احتفال صغير بيناتهم.. اني اجيت كعدت ..

ردت اجر الببسي اصب.. جان تكلي حنين لا لا لتفتحين هذا.. اشربي هذا.. ما. كلت لــNOـا

وشربت.. وره ساعه اريد اكوم.. جسمي احس اطرافه بردت.. اباوع لايدي.. ترجف..

احس شي يمشي على رجليه.. باوعت جواي.. والكه الدم يصب.. رفعت عيني.. عادل كبالي..

تخبل من شاف الدم كام يصيح يممممممممه.. تعاي شوفي سمر يمه.. شافتني صرخت يااا عزا بس لا راح تسقط..

مشوني بساع وجابولي ملابس لفوني بيها واخذوني تكسي للمستشفى.. لزمني وجع فضييع..

اجت الدكتوره فحصتني.. كالت الطفل مات ابطنها.. بجيت بحركه صدك.. يعني حتى امل ما الي بهلحياة كولشي افرح بيه يروح..

دخلوني صالة العمليات وسوولي كورداش.. وطلعت.. وره ساعتين خرجونه للبيت اني البنج براسي.. والالم يذبح..

والكانونات بأيدي.. رجعت نوموني بغرفتي.. واسمع عمو خليل كال بكر راح يجي بليل يودعنه باجر سفره..

كالتله عمتي من راح يعرف مرته حامل مراح يسافر.. بقيت ابجي على المي على حبي.. على طفلي..

اجه بكر بليل.. باوعتله من الشباك.. جنت اتمنه اودعه.. واخذ باديه واباوع بعيونه واحجيله واكوله شبيه.. جنت اتمنى اكدر اخليه يسمعني ..

وكف راد يروح.. كالتله امه بس فوت على مرتك عدها الك خبر.. كاللها ما اريد.. اريد اروح.. كالتله بس اسمعها وروح..

دار وجها ودخل لغرفته وسد الباب.. احس سد الباب بوجهي.. متتت واني اشوفه يدخل عليها..

راح يفرح بابنه راح يبوس راسها من يسمع هيه حامل.. راح يتراجع عن سفره لو لــNOـا..

بقيت متانيه بلكي يطلع مرت 4 ساعات وبكر ما طلع من غرفته.. بيومها صدك انهاريت..

حسيته هوه الملك كولشي واني الخسرت كولشي.. بيوم الصار ابنه مات ابني..

بيوم انهياري فرح هوه بابنه وبقى وي مرته.. رحت للمرايا.. وكفت كبالها.. كلت ها يمرايتي متكليلي وين نهايتي..

تعبت واني كل يوم اشكيلج.. مره حني وجاوبي شسوي ..يمرايتي تعبت والله لا اني لحبيبي ولا اني لزوجي.. وطفلي خسرته..

تعبت جاوبيني شسوي.. فتحت الجراره.. جريت موس.. وخليته على شريان ركبتي.. كلت المن باقيه..

هيج عيشه ما تراد ..و الله مو ناوي يرحمني.. للحضه ردت اكص ركبتي.. وخفت.. اخسر حتى الله وافلس من الراحه دنيا واخره..

وكعت ابجي بحركه لا اكدر اسكت ولا اكعد ولا اكدر انام ولا اكدر اسوي اي شي.. اني عاجزه عن انقاذ نفسي..

مسحت دموعي وقررت اترك لحكايتي حد.. قررت الم اوجاعي واهرب بيهاا بعيد.. المن نفسي واشرد ..

جريت حجابي.. خليته على راسي.. وطلعت ما اعرف وين.. ضايعه لا اهل لا رجل لا حبيبي ولا اي سند..

كلت اروح لاي مكان يستقبلني.. حتى لو اسوي جريمه وانسجن المهم اخلص من الحياة العايشه بيها..

طلعت شفت سيارة بكر بالباب.. دخلت للبيت اخذت قلم وورقه وتركتله ..

سلبت منك قلبك .. فسلبت مني كل شي.. نفسي عقلي روحي عزتي كرامتي.. فاين تلك الوعد التي كنت تمنيني بها..

اتمنى لك السعاده.. وارجو ان تتمنى لي موتاً هنيئا.. فتاة قلبك سمسم.. سديت الورقه وخليتها بماسحة سيارته..

ركضت علشارع اركض اركض اركض ما اعرف وين والمن.. اتجهت نحو المجهول.. في لحظه وكفت ..

خليت اديه على اذاني بس صوت الهوا العالي.. وصوت الكلاب تنبح.. احس الدنيا تفتر بيه.. اريد اركز ما اكدر..

مجرد بس شفت ضوه قوي متجه نحوي.. بعدها غمضت عيوني ووكعت.. االنـهايه

يمرايتي

صفيت ولوني من لونج

عشت وعيوني صارن بيض

هم ذابل ضوه عيونج؟!!

كاسرني الوكت ذبوني من ازمان

هلي وباعوني المن اعتب وانحب

صرت مثل الفريسه وطحت بين اذياب

يوميه اعله واحد عودوني انذب

يوميه انضرب يوميه اعيش الآخ

يگعدوني بشتيمه ولو حچيت انسب

شنو ذنبي الجنيته وارضه بالمقسوم

اليسمع قصتي من البيه يتعذب

بكل اركان بيتي اتذكر اركان

بحيث اسمه ويه روحي لمن اربيت

بعمر 13 غلطانه حيل هواي

ماحسبت هيج اتدمر اتأذيت

وصرت چنه واجت ليلية العرسان

وتمنيت اشكثر للغرفه ما طبيت

عادل جان ورده ببالي واشتم كون

بس يا للأسف من عدهه ماشميت

هلي باعوني صدمه وللأسف معقول

اذا امي وتمنت لوكت ماجيت

ابوي وعافني واتبدلو لأخوان

حلفو ذبحي اذا عتبت باب البيت

المهم كل هذا هين بس عشگته هواي

واحد صارلي ابهذا الوكت محبوب

يصمام الامان شكثر بيك احساس

بحيث هواي ردتك واقره بالمكتوب

رسايل شوگ جانت نحجي بالنضرات

اول مره احس التحجي بينه اگلوب

سكرني الوكت سكرة العاش ومات

يتلهه ويونس روحه بالمشروب

خذوك المالهم رحمه

بكر ،،، وجروحي ؟! طابن ؟!

بالگلب لچمه

بيه احساس كاتل

ناسه التذمه

غصب اخذوني

وانته العله الراهي اخذيت

وگع مني ضناي ومرتك تلمه ؟!

خذو من عندي روحي المن بعد انخاك

والمن گلبي يمك يشتكي همه

كافي هواي صار اتحمل الضربات

اروح وعالضلمني شاكله الذمه..

(الشاعره اسراء حسين)

.

.

🌺🌺🌺🌺🌺🌺

لهنا اختم قصة سمر.. لكن مو هذي النهايه.. لسه حكاية سمر مخلصت.. والها تابع.. العبره من القصه وصلتكم.. واتمنى استفدتوا منها..

الرساله بهذي القصه هي لكل البنات والامهات.. ان يحذرون من اغلاط سمر.. فيوكعون مثل موكعت هيه.. اتمنى سمر تكون درس لكل ام وبنت..

التقيكم في الجزء الثاني من حكاية سمر الي ذلك الوقت استودعكم الله واترككم في حفظه ورعايته.

اطيب التحايا تقبلوها مني.. . 🌹

#حكاية_سمر.. ((الجزء الثاني))

،،،،،،،،،،بقلم الكاتبه زينب ماجد،،،،،،،،،،،

البارت_1

احيانا.. يكون الهروب من الواقع.. أفضل انواع الهروب..

نهرب بأوجاعنا بألامنا بأمنياتنا للنور..

تاركه خلفي زوبعه من الظلم والطغيان.. الذي يرفض ان يعطيني حقي وينصفني..

اناس يعتبرون هم الاقرب الّي.. لكن للأسف هم الابعد على قلبي..

تركت فيهم روحا لطالما عشق قلبي الذي ينبض له دوما..

لكن تقاليد أستطاعت ان تتخطى الحلال وتمنعه.. رمت بي الى هنا..

الى العتمه..

الى الضياع..

الى الظلام..

في الشارع هاربه واهرول بسرعتي..

لأراى نور متجه نحوي.. ااااااه يا الهي لا استطيع النظر.. وضعت يدي على اذنّي..

لا أسمع سوى صوت الرياح ونباح الكلاب.. وصوت!!

نعم أنهُ صوتً اخر.. اوووه لا استطيع النظر.. اشعر بالدوران.. أشعر بأن كل شي يدور من حولي..

اسمع صوت عجله متجه نحوي.. لم استطع ان انطق بحرف.. ووقعت مرمية أرضا..

لأسلم نفسي الى مجهول..!!

حكاية سمر الجزء الثاني..

بكر.. اجيت اودع اهلي بأخر ليله الي بالعراق.. او بالأصح ردت اشوف سمر لاخر مره.. بس مشفتها..

تانيت هوايه عسا ولعل تطلع واشوفها.. ماكو.. كلت الله يوفقها.. يمكن مو حابه تشوفني..

دا احجي بداخلي ومدنك.. حجت امي..

-والله رجليه راحت ساعتين انـّ'ℳέ'ـّيٌ واكفه بالمستشفى.. حيل ما ضل بيه

بكر.. خير مستشفى شنو.. ؟؟

الام.. غير سمر طرحت وسوينلها عمليه كورتاش..

بكر.. هاي شوكت ليش شبيها..

الام.. شمدرينه اليوم محتفلين وفرحانين ووكعت علينه..

بكر.. بشنو محتفلين.. ؟؟

الام.. كوم ادخل لمريتك وهيه تكلك بشنو جنه محتفلين..

بكر.. اخذت نفس.. وكتلها ماكو داعي.. مستعجل اريد اروح.. كمت كامت وراي..

وكفت بالممر امي تحجي وياي.. واني اباوع لغرفة سمر.. اخ لو بس اكدر اشوفها واودعها جان ارتاح كلبي.. انتبهت لامي.. تحجي

الام.. دفوت يمه فوت يم مرتك متكلي شجرالك يا ابني فوت.. عدها شي تريد تكلك بيه.. ..

بكر.. قررت ادخل غرفتي وانتضر الكل ينامون علمود اشوف سمر واودعها قبل ما اروح.. ادمر لو رحت واني تاركها منهاره وراي..

هزيت راسي اي.. لامي.. ودخلت الغرفه.. لكيت نضال مزينه الغرفه وشموع ومبدله ملابس نوم..

نزلت راسي وكعدت منها.. اجت يمي.. تحجي وتهمس وتحاول تغريني..

ابتعدت و كتلها نضال رجاءا.. ابتعدي.. اني مسافر و ورقة طلاقج توصلج انشالله..

نضال.. اي طلاق ه̷̷َـَْـُذآ بكر.. اني حامل..

بكر.. عقدت حاجبي.. و باوعتلها باستغراب.. بس اني ما واصلج..

نضال.. شنو تنكر وصلتني بليله واخذتني..

بكر.. ما اعرف كلتولي بس اني جنت سكران بوقتها ما اعرف شسويت.. حجيتها بحديه

نضال.. وشنو تشكك بيه ..هذا البطني مو منك قصدك..

بكر.. لا استغفر الله.. مو ه̷̷َـَْـُذآ القصد.. بس يعني ليله وحده تقربت وما اتذكرها معقوله حملتي منها..

خلت راسها على كتفي وكالت اي بكر يمكن الله كاتبلنه حياة حلوه وتتغير حياتنه بسبب هلطفل..

بكر.. بعدتها.. و باوعتلها.. كتلها لو رايد اتحمل مسؤليه طفل وعائله جان اعتبرتج زوجه.. بس اني متقربت والصار هذا مو بأرادتي..

انتي جبرتيني عليه.. واني باجر طالع لتركيا هذا الطفل مو مسؤليتي.. انتي اللي تتحملين نتيجة فعلج..

نضال.. بكر انته تحجي صدك.. شنو نتيجة فعلي.. غير زوجي واتقربتلك..

بكر.. ولو اني رايدج زوجه جان. اتقربت.. نضال كل الزين تعرفين اني مجبر على هذا الزواج..

بس لتخافين.. اني راح ابقيلكم. المصرف اللي يكفيكم.. ولو صار الطفل راح توصله مني كل واجباته..

هذا كل الاكدر عليه.. غيره ما اكدر.. بقت تبجي وتعاتب بيه.. اني شنو ذنبي ليش هيج تسوي وياي..

كتلها الذنب ذنب امي مو ذنبج.. مو عبالج اني مرتاح.. باليوم الف موته دا امووت بس ساكت.. ومتجرع المر

بقت تحجي وتلوم .. كتلها اذا راح تضلين تحجين اطلع وبعد متشوفيني.. ابتعدت و راحت لسرير تبجي وتحجي من مكانها.. وتعاتب.. بصوت ناصي..

كل فكري جان يم سمر.. تحتفل بحمل مرتي وابنها الوكع.. شصاير بيها هسه.. شنو. حالها..

اكيد هسه شابعه قهر وتبجي.. لازم اشوفها واودعها.. تانيت نضال تنام اريد اروح لغرفتها.. بعدها تبجي وتحجي..

اخاف اطلع اروح لغرفة وتسويلنه سالفه وتتأذه سمر.. ومو حاب اسببلها اذيه اكثر من اللي صار..

اضطريت اكعد اتانيها لحد متنام.. فتحت الكمبيوتر.. وبقيت اكلب بيه..

خابر عليه ازهر.. كال هااا بكر تره عل6 نطلع.. كتله اي هاهيه.. انشالله جايك.. سديت الخط..

باوعت نضال نايمه.. ايييي الحمدلله.. باوعت الساعه 4 وربع الفجر.. طلعت البيت هدوووووء بس هوا قوي شرجي يدوخ..

رحت لغرفة سمر.. دكيت الباب خفيف.. ماكو صوت.. رديته وصحت بصوت خافت.. سمر هذا اني بكر.. سمرررر..

ماكو جواب.. فتحت الباب الغرفه فارغه.. فراشها موجود.. كمت رحت للحمام فتحته ماكو.. رحت للسطح دورت ماكو..

دخلت غرفتها القديمه الاخذتها رنا.. ماكو بس رنا نايمه.. خليت ايدي على حلكي.. عرفتها ما تتحمل اكيد هربت لو راحت تسوي بنفسها شي ..

طلعت بسرعه.. فتحت السياره.. شغلتها.. جاي امشي.. لكيت ورقه مثبته بماسحة سيارتي واطرافها ترفرف..

نزلت من السياره بسرعه.. اخذت الورقه شفت مكتوب بيها..

💬سلبت منك قلبك .. فسلبت مني كل شي.. عقلي.. روحي.. عزتي.. كرامتي.. فاين تلك الوعد التي كنت تمنيني بها..

اتمنى لك السعاده.. وارجو ان تتمنى لي موتاً هنيئا.. فتاة قلبك سمسم.💬

عقدت حاجبي.. موتا هنيئا.. خليت ايدي على حلكي اخ يابه بس لا راح تنتنحر.. اي تنتحر.. باوعت يمنه يسره للفرع اضلم..

ضميت الورقه بجيبي.. وركضت اركب السياره وسقت بكل سرعتي..

ادور وينها عسا ولعل تكون قريبه.. اسوق ودموعي تجري.. لا سمر لا.. لا تذبحيني بموتج دخيلج..

لج والله اشتم هوا الله لان انتي بيه.. لو رحتي روحي تروح.. اسوق مثل المخبل اريد بس المحها..

ماكو الهوا عاااالي.. دوووخه وراسي احسه نفجر وعيوني تجري واباوع بالضلام على ضوه سيارتي..

اتذكرت الجسر.. توجهت للجسر عسا ولعل اعرف عنها خاف منتحره بيه.. وصلت ماكو.. اباوع منا منا..

ماكو.. مر رجال.. كتله عمي فدوه ما شفت بنيه واكفه علجسر ..تمشي هنا.. كال لا والله..

ادنك اباوع علمي بحركه.. ماكو بس الهوى ياخذه روجات.. كولشي ما اشوف.. اوووف سمر وين رحتي..

خابر ازهر.. ها بكر وينك يمعود راح نطلع.. بقيت استمعله واني ابجي.. ما اكدر اروح واني ما اعرف عنها شي..

احتمال ماتت واحتمال بعدها.. ما اكدر اروح واعوفها.. يااااارب ساعدني.. ازهر يحجي.. هااا بكر متانيك..

سديت الخط بدون ما اجاوب.. رحت لسيارتي.. اسوووق بسرعه وتايه وين ارروح ..

خابرت عليه امي.. رفعت خط.. هااا يمه..

الام.. يمه بكر دخيلك لا تسافر.. وك يمه ما النه غيرك يهونلك تعوفنه وتمشي..

بكر.. يمه. عوفيني من هاي هسه شوفيلي سمر ما رجعت للبيت..

الام.. هم سمر.. يمه انسى هلموضوع.. هاي مرت اخوك يمه اغسل كلبك منها..

بكر.. اكلج شوفيهاااااااااااااا .. صيحت

الام.. شبيها.. غير نايمه بغرفتها..

بكر.. متأكده دشوفيها..

الام.. اوكف خل اشوفها بس لا تصيح بذاني من الصبح.. فتحت الغرفه.. هاي وينها .. صدك ماكو.. وين راحت

بكر.. اووووف هاي وين الكاها جاوبيني شلون راح الكاها.. وكمت اصيح وابجي..

الام.. وين راحت يعني من شوكت طالعه..

بكر.. من ال4 وهيه ماكو.. دورت الشوارع فارغه.. ما خليت مكان يعتب عليه.. الكرخ شارع شارع لفيته.. وماكو..

الام.. اي طايحة الحظ هاي تريد تصخم وجوهنه.. الله لا ينطيها.. ولا تكعد ..اكو مره مسويه عمليه تشرد..

بكر.. صرخت بيها.. من ضيمكممممم.. شردت من ضلمج.. وضلممم ابنج.. دروووحي.. قفلت الخط.. ومشتعل نار وينج سمر.. وينج..

رحت لبيت اهلها.. دكيت الباب.. ماكو احد.. ساعه ادك ومحد يطلع تالي صاحت امها.. منو. منو..

كتلها اني خاله.. طلعت هااا بكر خير الساعه 7 شكو..

كتلها خاله سمر ما اجتكم ما طبت الكم بليل..

ام سمر،، لاا ما اجتنه.. شبيها سمر بكر احجي..

بكر،، خاله ماكو.. من الفجر ما لكيناها بالبيت.. والبارحه هيه مسويه عمليه.. وما ادري وين رايحه..

ددوريها بلكت طابه ومتدرون بيها دوري.. ضلت تصرخ عزا العزاج سمر يمه بنتي راحت يمه.. بنتي..

كتلها خاله رحمه لاهلج.. بس طبي شوفيها مستعجل اريد ارووووح.. طبت ادور بالبيت اني واكف بالكراج.

واهز برجلي بنرفزه.. وقلق.. طلعت كالت ماكو.. طلعت نجوى تبجي.. وين اختي بكر وينها.. كتلها ما اعرف نجوى ما اعرف.. يا ااااالله راح اتخبل وين راحت..

بقت تصرخ نجوى و امها.. طلع احمد.. كال انته شجابك هنا.. درت منه.. وكمت اطلع.. لزمني..

شنو سمر ..وينها.. كتله مو اخوها انته. وعرضك هاي.. روح شوفها. وين هجت منكم..

عفته ورحت للشرطه.. قدمت بلاغ مفقوده.. كال ما نكدر نقدم بلاغ الا ب24 ساعه يله تعتبر مفقوده..

كتلها ههييي.. تلكاها ماتت وخلصت.. كال ما نكدر نسوي شي.. كمت اهز بيدي وطلعت.. ياربي وين راحت..

سمر ليش هيج تسوين بيه.. ولج ما اتحمل يوم اذا صار بيج شي اموووت والله.. ليش هيج ليييييش.. دنكت ابجي..

________!!

كمال،، لحظه لحظه خفف.. منو هاي التركض..

علاء،، سيدي ما اعرف بنيه يمكن.. اي لابسه حجاب..

كمال،، لف ودورلها وشوفها شبيها..

علاء.. حاظر سيدي.. لفيت ومشينه الها.. جاي نتقرب الها هيه وكفت..

تلزم براسها. وتحاول تباوع بس كامت تطوطح لحد ما وكعت..

كمال.. اخخ لك هااي وكعت وكف السياره وكف.. نزلنه اني والحرس عليها.. تقربت.. بنت عشرينيه..

بأيدها كانونه.. الضاهر مريضه.. حاولت اصحي بيها. بابا بنتي اصحي.. اضرب على خدها خفيف.. ماكوو..

كتله ننقلها لامستشفى.. كال سيدي منو هيه غير نعرف لا انوب فخ النه ونروح بيها.. شنعرف عنها غير نفتشها..

كتله هاي شبيك نفتشلنه مره.. شلتها.. وركضنا بيها لكرفان مال السيطره جانت قريبه.. نومتها علسرير..

صرخت ماي.. جابو مي ابلل وجها ماكو.. افرك ايدها ماكو.. جاب علاء عطر ورش يم خشمها..

انطت ردة فعل.. اتحركت وكامت تعطس.. وتلزم بطنها.. ابتعدنه منها.. كامت تحاول تفتح..

شافتنه كل احنه عساكر و رياجيل.. اخترعت.. ولفت نفسها بالجرجف.. وتصيح منو انتووو شتردون مني..

كتلها اهدي ابويه.. اني امر فوج.. وهذي سيطره عسكريه.. طالعين بجوله تفتيشيه علسيطرات وطلعتي بوجهنه..

منو انتي.. وشعندج طالعه بليل.. منتميه لجهه معينه.. ما نكدر نفتشج لان مره.. وانطينه نداء للقياده.. تجي شرطيه تفتشج..

سمر.. والله ما عندي شي.. والله..

كمال.. لحظه لتخافين باباتي.. انتي بأمان بس كوليلي وين بيتج.. خل نرجعج..

سمر.. بقت دموعي تنزل خووف منهم.. كلهم عسكر واحدهم شضخمه والدرع فوك جسمه..

وبيهم المغطي وجها.. كمت اباوع وابجي.. اشوف واحد منهم.. يباوع لرجليه.. جريت الجرجف على رجليه بقلق وبخووف..

كمال.. شفتها تباوعلهم بخوف.. درت لكيت واحد من الحرس يباوعلها مركز بيها.. خزرتهم.. وكتلهم برااا دا اريد افتهم منها..

همسلي علاء سيدي.. خاف عميله مدسوسه بطريقنه.. كتله ولوو خل نفتهم.. ممبين عليها شي.. البنبه وجها متعوب ومريضه ما اعتقد..

طلعو.. جريت كرسي.. وكعدت كبالها.. كتلها اني النقيب كماال.. لتخافين بنتي احجي ليش طالعه بهلوكت وانتي مبينه مريضه..

بقت عيونها تكت دموع.. وتكولي.. فدوه شوفلي ملجئ دار ايتام اي شي.. بس اخذني منا وخل اعيش بعيده منهم..

كتلها منهم..؟؟ منو تقصدين.. كالت اهلي واقاربي.. باوعت للكانونه.. اشرتلها شنو هاي.. مريضه.. مسويه عمليه..

هزت راسها اي.. كتلها عملية شنو.. سكتت.. احجي.. دنكت تبجي.. كتلها اجهاض طفل موو..

رفعت راسها.. متزوجه والله .. بس ما عاد اتحمل ضلم وهربت.. فدوه شوفلي مكان اروح اله وابعد من هنا فدوه..

كمال.. كومي يله.. كالت ويين.. كتلها امي تشتغل بمنظمة حقوق الانسان.. راح اقدمج الها وهيه تشوف وضعج ما اكدر اخليج بالشارع..

سمر.. كمت امشي وراه.. هوه رجل هيج بين 30 او 40 اصلع.. ابيض.. ضخم.. وشواربه كثيفه..

طلعنه.. واحد من الحرس كاله هااا سيدي.. كاله وضعها مخربط.. الضاهر مضطهده.. راح اشوف وضعها ويه الوالده..

كاله سيدي تاني تجي الشرطيه تفحصها.. قبل لا ادخلها بيتك.. هز راسه.. صعدنه السياره..

ما مشت.. بقى كاعد يمي بالكرسي الوره.. والسايق والحارس كاعد كدام..

اجت الشرطيه.. كال انزلي وياها للتفتيش.. كتله والله ما عندي شي.. كال هوه هذا اللي نريده.. مراح تأذيج انزلي..

نزلت فتشتني من فووك ليجوه.. كالتله سيدي سليمه.. اشرلي.. اصعدي.. صعدت.. مشت السياره..

جان الجو فجر.. هسه طالع الضوه بس ماكو شمس.. بقيت ابجي.. باوعلي هوه.. ودار وجها..

وصلنه للبيت.. السياره راحت.. احنه دخلنه.. طلع المفاتيح من جوه سندانه مال صنوبر.. بالباب وفتحه..

وكف وكال تفضلي.. دخلت بيت جبير ما شاء الله.. بقيت ادور بعيوني منا ومنا.. شفت علامة الصليب كبيره على الحايط..

وصوره للعذراء.. عرفت بيت مسيحي.. الحمدلله.. اطمئنيت .. دار وجها.. كال اكعدي هنا هسه اصحي الوالده تشوف وضعج..

كعدت.. شوي واجت مره عجوز بس لابسه ثوب قصير جوه الركبه والشعر مالتها ولادي.. لحد اذنها..

كالت اهلا بنيتي.. تفضلي.. منين انتي.. كتلها من الاسكان.. كالت ليش هاربه.. كتلها. ما لكيت حل غير الهروب..

ما اريد ارجع تعبت منهم.. كالت اهلج موجودين.. كتلها أيٌـ.YESـہٌَ.. كالت وليش مرحتيلهم..

كتلها همه المشكله.. المفروض لازم التجئ الهم.. بس همه هددوني لو اطلقت يذبحوني..

وسبق اخويه كتلني.. وتعرصت لفطر بالجمجمه.. للان يأذيني.. وحملت غصب.. واجهضت..

قررت اهرب منهم.. واعيش حتى لو خدامه. بس كون مرتاحه وما اسمع حجيهم وصياحهم وتعذيبهم..

كالت لحظه لحظه.. خل نكوم هسه نسوي ريوك ونشبع بطنه وتكعدين تسولفيلي علرواء ماشي حبيبتي..

ابتسمت حسيت بالامان بكلامها.. النقيب ابو شوارب كاعد كبالي.. ويسمع.. وهوه متمدد لوره علقنفه..

كالتله امه.. كمال اصعد نام فوك اذا تعبان.. كاللها يمه جوعان.. اكل واصعد.. نسرين وين.. كالتله نايمه.. ما تكعد هسه..

رحنه للمطبخ.. اثاثهم كولش نازك وبسيط .. كعدت عل كرسي يم الطاوله.. هيه سلكت بيض.. وطلعت جبن..

كمت اساعدها.. كالت اكعدي بنتي ارتاحي.. انتي ضيفتي.. باوعلي ابو شوراب مبتسم..

كال شوفي دلال اشواق.. تره غير شكل.. كالتله يا طايح الحظ امك اني مو اشواق..

راح باس راسها وكاللها تاج راسي شعندي غيرج اخلف اجيب.. اجت بنيه كالتله لا عيني ما عندك غيرها..

اني شنو لعد.. شافتني انصدمت.. كالت اسـŝøŗŗýـــفه عدنه خطار.. ما ادرري ..

ابتسمت.. كالتلها العجوز.. تعالي شوفي كمال شمصخم.. كالتلها شنو.. كالت هاي زوجته الثانيه..

خطيه حبلانه وواكع الطفل وجابها يكول داروها يخاف عليها يعوفها وحدها بالشقه..

اشو هذا كمال ما صدك اجه جر الكرسي وكعد يمي عطاوله.. ويسويلها حركات بوجها ويضحك ويلزم ايدي..

جريت ايدي منه.. هيه صرخت كمال تحجي صدوووك.. باجييي جاوبيني صدوك هذي مرت كمال..

كمال.. اي حبيبي اسف اتزوجتها وحملت بعد تورطت شسوي مجبورين نتقبلها..

نسرين.. اكلب الدنيا على راسك والله.. شنو مجبور.. بلله تعااي انتي هنا..

سمر.. وجرتني حيل.. لزمها كمال.. جذب والله جذب هاي اشواق تلعب على عقلج.. باوعتله مخنزره..

منو هاااي كمال.. حجت المره الجبيره.. كالتلها اتشاقه وياج شبيج عوبه.. هذي ضيفتي..

كالتها تحجين صدوووك باجي. واني جريتها واصيح كدامها والله عييب.. اسفه حبيبتي اعتذر والله..

ابتسمت.. كتلها الله يحفظكم لبعض.. كامت ساعدت العمه اشواق بالريوك.. تريكنه.. اني والعمه وكمال ونسرين..

حديث خفيف على الاكل.. اني ما جنت اشتهي.. بس اشرب جاي.. كالت العمه.. شبيج ماماتي اكلي..

كتلها ممشتهيه والله.. سوتلي لفة جبن صغيره.. وكالت اكلي لخاطري.. اخذت اكل.. كمال كمل..

وكاللها نسرين رايح انام.. عود ب10 كعديني.. جاوبته نوم الهنه حبيبي روح اني اكعدك..

كتلها تحبون بعض.. كالت وووو بطلعان الروح يله اتزوجنه.. وكعت تحجيلي على حبهم وزواجهم..

انوب قاطعتنه العمه.. وكالتلها احنه نريد نعرف قصتها وبعدين نحجيلها قصصنه.. ابتسمت..

وكتلها جنت بنيه صغيره بعمر ال13 غلطت مع نفسي.. وووو قصيتلها القصه كلها..

وهيه ونسرين يستمعون.. كالت نسرين اووووي اتخبل ثنين يحبون بعض ويفترقون ما اتحمل..

عفيه شلون انطاج كلبج تعوفين بكر يتزوج لو اني منج اشرد وياه والله..

كتلها احنه غير عن تقاليدكم.. هوه يعتبر اخو زوجي.. واهلي متقبلو طلاقي.. شلون اشرد وياه واني على ذمة اخوه..

نسرين.. اي جان شردتي وياه.. واطلقتي بعدين..

سمر.. ما تمشي عدنه هيج شي.. معناها اهدر دمي ودم بكر.. راح يعتبروه شرد ويه مرت اخوه..

هيج علاقه محرمه عدنه.. مو مسموحه ابدااا.. حتى لو اطلقت محد راح يقبل بزواجنه.. لان ابقى بالاسم طليقة اخوه..

وهذه المشكله اللي ما كدرت اتعداها.. كالت تحبيه هوايه موو.. باوعت.. شجاوب.. عيوني دمعت وابتسمت..

ابتسمت هيه وكالت.. مدام تحبون بعض بصدق ثقي فديوم الرب يجمعكم .. كتله انشالله..

اشواق.. زين اهلج ليش رفضوج.. بتالي تزوجتي وغلطج انستر وراح.. ليش بقو متبرين منج..

سمر.. مو متبرين.. بس انهانو هوايه بسبب اغلاطي.. وما تحملو واخويه واحد اناني وقاسي ميرحم.. وابويه للاسف يستمعله بعتباره الجبير..

اشواق.. لتخافين ماماتي.. انشالله اقدم قضيتج لل لجنه ونتناقشها وبعون الرب نكدر ناخذ كل حقوقج ونضمنها.. من اهلج ومن زوجج..

سمر.. يعني شلون قصدج ارجعلهم..

اشواق..طبعا.. ترجعين واحنه نظمن انو متتأذين وناخذ تعهد.. ونتبنى قضيتج..

بنتي البنت التطلع من بيت اهلها تصير فريسه لاولاد الشوارع.. وتعانين اكثر من معاناتهم باضعاف..

لان تصيرين مثل غزاله بوسط ذياب.. فترجعين وتتقوين وتاخذين حقوقج.. افضل من الاستسلام.

سمر.. تعتقدين اكدر..

اشواق.. اي اتكدرين.. اللي تحملت كل هلعذاب وصامده لليوم راح تتقوه وتكدر تواجه لتخافين..

وخلت ايدها على ايدي.. وابتسمتلي.. ابتسمت..

دارت وجها لنسرين.. وكالتلها نونه هيئيلها مكان تنام بيه ترتاح..

نسرين.. اي بعيني تعالي سموره.. صعدت وياها.. غرفه صغيره ام النفر.. كتلها المن..

كالت لحماي.. كتلها خاف عيب منه.. كالت لاا ديدرس بامريكا.. مو هنا.. اخذي راحتج..

تمددت.. راحت هيه و اجت.. جايبتلي ثوب خفيف كالتلي بدلي ونامي علمود ترتاحين..

كتلها اشكرج نسرين تعبتج..

نسرين.. لج يولي شنو هلحجي.. شنو قابل تقاطعت العالم.. دنامي نامي ارتاحي..

واحنه جوه اي شي تحتاجيه كولي الله عليج لتستحين.. ابتسمتلها.. متقصرين..

خليت راسي علمخده.. شخص واحد ابالي.. بكرر.. يا ترى سافر لو بعده.. انتبه لغيابي لو مشا وما همه امري..

هه يهمه امري ليش.. حيسافر ويعيش حياته.. وطفله يجيه جاهز والضيم والقهر عليه..

شجاني وطاوعت وحبيت.. لو باقيه بعيده عنه مو احسن.. لا كادره اكون وياها ولا كادره انساه..

شلون ياربي.. بين هلتفكير.. غفيت.. ما حسيت الا مغرب.. اووف والله عيب كل هلوقت نايمه..

ردت اطلع الباب.. حجابي ماكو وعيب خاف ابو شوارب موجود.. طلعت عمه اشواق..

اشواق.. هااا شو واكفه..

سمر.. ابتسمت.. استحيت شكوللها

اشواق.. لتستحين ماماتي بس اني ونسرين هنا كمال مموجود.. تعالي..

سمر.. نزلت وياها.. نسرين دتسوي بيتزااا..

نسرين.. هلوو سمسومه.. كعدتي..

سمر.. اي ههههه ما انتبهت اخذتني النومه..

نسرين.. عادي حبيبي تصير من التعب..

سمر.. كعدت وهي كدامي.. شفت الموبايل .. بقيت اباوع عليه انتبهتلي نسرين..

نسرين.. اذا تردين خابريه..

سمر.. لا عليمن اصلا تلكيه سافر ومو اباله..

نسرين.. هذا الاهتم بيج وحبج كل هلحب ممعقوله يسافر بدون ميودعج..

خابري مخسرانه شي.. اتأكدي سافر لو لا.. حافظه رقمه..

سمر.. هزيت راسي اي..

نسرين.. اي لعد دخابري.. يله..

سمر.. دكيت رقمه.. اخابر لا.. اخابر لا.. كلت خل اخابر.. لو رقمه الاسيا دك معناها هوه بالعراق

واذا مقفل او خارج التغطيه معناها سافر..

دست اتصال.. انتضرت.. دك.. اي والله دك.. يعني مسافر.. موجود.. رد

بكر.. الوووو.. يتبع

🌺🌺🌺🌺🌺

لعيون بنات كروبي والحاحهم المستمر قدمت الوقت ونزلت القصه.. الا والله كوه اكتب..

علكيفكم ويايه هاا.. ☺ شاركوني ارائكم و توقعاتكم بالبارت الأول.. متابعه ممتعه..

#زينب_ماجد.. 🌹