الفصل الرابع

رواية خطيئة الجزء الرابع 4 بقلم سولييه نصار خطيئةرواية خطيئة الحلقة الرابعة -أنا عمري …عمري ما هسامحك… قالها بقـ.هرة وبعدين طلع ….حطيت ايدي على بوقي وانا بعيط جامد …كان قلبي بيو.جعني ..أنا د.مرت حياته …د.مرتها ….أنا مكنتش اعرف اني اذ.يته بالشكل ده ….. مرت الأيام ومروان وثق الطلاق وبعتلي كل حقوقي كاملة .

وبعدين ساب الحارة ..معرفتش عنه اي حاجة …حاولت أوصله كتير ومعرفتش ..قلبي كان وا.جعني اووي …هو سابلي بيته …ساب كل حاجة …حتى هدومه ماخدش منها إلا حاجات بسيطة …اخر مرة شوفته وهو بيمشي من الحارة كان مكـ.سور …عينيه متعلقة بمحل العطارة اللي شيراز بتشتغل فيه مع والدها …. . .. -آه …

صر.خت وانا بقوم من كابوس كالعادة …مر شهر ومروان اختفى تماماً …مبقتش أشوفه خالص ….وبقيت احلم كل يوم أن النا.ر محاوطة البيت اللي أنا عايشة فيه وبتقرب مني وبعدين ابدأ اصرخ والنا.ر بتمسك فيا …جلدي بيسيح …كنت بقوم وانا بصرخ وانا حاسة فعلا بالنا.ر سخنة على جسمي ….فضلت أعيط بخوف وانا قاعدة مكاني…حاسة ان ربنا مش راضي عني …حاولت التزم في الصلاة بس عندي كسل رهيب كل لما ادخل اتوضى أتراجع …حاسة بالحز.ن والتعاسة طول حياتي ..والذ.نب اللي جوايا فظيع ….ذ.نب بياكلني ….حاسة اني جبل على صدري …بعيط كل يوم من الخنـ.قة اللي انا فيها ….

اذان الفجر إذن فقومت وانا حاسة بأ.لم شديد في جسمي …دخلت الحمام عشان اتوضى …كنت ناسية خالص اعمل ايه …أنا كنت بصلي قبل ما ادخل الطريق ده فمستحيل اكون نسيت طريقة الوضوء …دموعي نزلت من الحال اللي وصلتله …وطلعت بسرعة وانا بجيب طريقة الوضوء من على اليوتيوب …اتفرجت على الفيديو مرتين عشان احفظها ….وبعدين روحت اتوضيت وانا بصلي كنت حاسة بنا.ر في جسمي …زي هبات حرا.ذرية كده بتصدم جسمي وتبعد تاني …..بعد ما خلصت صلاة بالعافية .. حسيت بحاجة سخنة عند مناخيري …لمستها وشوفت دم …مقدرتش اتحمل اللي بيحصل فيا واغمى عليا ….

تاني يوم … فوقت من الاغماء وقومت غسلت وشي اللي كله دم وبعدين لبست وانا بروح للشيخ احمد …شيخ الجامع بتاع الحارة… روحت بيته واستقبلتني مراته بطيبة وضايفتني …هو كان عارف اللي انا عملته بس رغم كده منفر.ش مني ومحسسنيش اني مليش توبة …بالعكس قعد معايا. سمعني وعرف اللي بيحصل معايا وقال.: -شوفي انتي كمان أتأ.ذيتي منهم يا إنجي…ما هو اللي بيلعب بالنا.ر بيتحر.ق برضه … بصيت للأرض بكسوف فقال :

-أنا هقرالك وكمان كل يوم تسمعي الرقية الشرعية …اوعي توقفي مهما حصل وهعرفك ازاي تحصني نفسك بالقرآن ولازم لازم تلتزمي بالصلاة ..تمام … هزيت رأسي وقولت بصوت ضعيف وانا بمسح دموعي: -هو …هو ربنا ممكن يسامحني على اللي عملته يا شيخ … هز رأسه وابتسم

-أكيد يا بنتي …أن الله يغفر الذنوب جميعاً الا الشرك به … المهم انك تتوبي…بس يا بنتي ربنا مبيسامحش. في حق عبده أبدا الا لما هو يسامح …عشان كده لازم انتي اللي تطلبي السماح من الناس اللي اذ.يتيهم! …..