تحميل رواية «لبوة على شفا الثار» PDF

بكل مبالغة وعزة نفس، تعلّمت كيف أتجاوز كل شيء. كيف أنام وبقلبي تعب كبير. أقف على قدمي بشموخ بلحظات اليأس، حتى بأقصى مراحل الضعف أنا دائمًا بخير.

أباوع وجان أنصدم بعامر، خالها بحضنه ويبوس بيها. عين بيها وعين بالفون اللي رن وفضحني، رفعته أباوع جود يتصل.

ردت أرد، انتبه لي عامر، أجه بسرعة وسحبه من إيدي ودفعني حيل، ما سيطرت ووقعت.

فقال: "إيش تعملين هينه يا الساقطة؟"

قلت له: "منو الساقطة؟ أنا مو عامر، جيب الفون."

فقال: "أنعل أبو..."

قلت له: "حدددك!"

قلتها وقمت، رفعت إصبعي بوجهه وخازرته.

فقال: "بعد، أخذي طراگ يا بنت الزنا، لمن تخابرين نص الليالي؟ ياهو اللي تريدين؟ تدخلي لبيتنا وتخزينا."

قلت له: "عفية بالبطل، فر السالفة لبالك ما سمعت."

قالت سجى: "دخيلج لا تفضحيني."

فقال عامر: "وش حدها تفضحج؟ غير أدفنها، وداعت أبوي نفس أنهيها."

قلت له: "لا تنهيني ولا أنهيك، أنا مالي دخل بيكم من الأصل، جيب فوني خلي أروح."

فقال: "خلي أدحگ منهو ابن الزنا الثاني اللي يتصل بوحدة متزوجة."

قالها ورفعه وضحك: "جود زمال المستقبل مو غيث."

قلت له: "لا تتجاوز عامر، أحسن لك، لا تجبرني أراويك وجهي الثاني وأندمك."

فقال: "إي بالله، شو خلي أدحگ."

"ناي، منا عدل عالسيارة لبيت أهلج، ثواني بعد ما أخليج هينه، سمعتي؟ ولا وداعت بناتي لألبّسج بفضيحة أخليج تتمنين الموت، طلعي بسمعتج أفضل لك."

قلت له: "إي ولا يهمك، رايحة بدون لا تهدد، بس اكو تعديل زغير بكلامك أحب أضيفه، أدخل للبيت، أروح لأبوك أقول له تعال شوف الشرف اللي قتلتني بيه ابنك بالمحارم يجمع بين الأختين."

فقال: "ناااااااي!"

قلت له: "علي صوتك بعد، خلي يلتَمّون، اتسهّل لي المهمة أكثر."

قالت سجى: "أبوس إيدج لا تفضحيني، والله يذبحوني."

قلت لها: "وأنا إيش كو أفضحج يا بنتي؟ بدل ما تبجين روحي دبري روحج، ترى اللي ما عنده غيرة على عرضه هذا ما منه رجا ولا يعتبر رجال."

شال إيده، راد يضربني، رجعت ليورا.

قلت له: "حدك منا، تمدها منا أفضحك، وروح أخوي أضيّع دربك، أخليك تحتار إيشلون تخلّص روحك."

فقال: "أتهدديني لج؟"

قلت له: "ليش لا؟ ما عندي شيء، رجلي وراح وأنا طالعة، خلي أخرب وآخذ حقي من الضرب والإهانات اللي حصلتها منك عليه وعلى أعدائي."

فقال: "أدفنج."

قلت له: "ههههه، ابني إيش بيك؟ أدفنج وأدفنج شنو؟ تايهة ما راح يسألوك؟ أتركك من أهلي، ترى هنا الكل يعرف أنت تريد تخلّص مني وأولهم أركان، بس جرب تسوي لي شيء وهو راح يشوف شغله وياك."

فقال: "أقتلك وأقول انهزمت، ماكو أسهل منها."

قلت له: "حيل إيش قد قديم أنت، ودعك من التحديث الما واصلك لسه، متأكد تقدر تسويها؟"

فقال: "دقايق أمحيج من الوجود، وفوق كل هذا آخذ فصل من أهلج بدل ما تضحكوا علينا وعطونا وحدة ما مستورة."

قلت له: "تمام، سويها، هياتني قدامك، راويني رجولتك."

فقال: "رجال غصبًا على أهلج وأسحگ على راسج."

قلت له: "بس لا تتجاوز حتى لا أضرك، وفوني بطل رن، هسه يتصل على أهلك ينبههم عليه لأن قلق ما رديت، راح يطلعون يدوروني، ابني لا تخلي راسك براسي."

قالت سجى: "دخيلج ناي، تركج منه بروح أهلج."

قالتها وجرت إيدي.

قالت: "أبوس إيدج صوتج راح أنفضح."

سحبتها، لعبت روحي من قذارتها.

قالت سجى: "ناي بالقرآن ما يرحموني، غلطت وسبحان اللي ما يغلط، هو ضحك عليه."

قلت لها: "ما راح أحجي لا تخافين، مو أنا الناقصة وأفضح عرض ناس، رجعي لي فوني خلي أروح راح يجون."

عامر.

:- هاج، إشكد تردين وتسكتين؟

:- استر هاليتيمة تره عرض العالم يرد بعرضك، خليها ببالك وأنت صاحب بنات.

:- مالج شغل بعرضي، بس خلصيني من وجودج وإحنا بخير. إشكد تردين وتطلعين منا؟

:- ولا دينار، أصلًا ما يشرفني أعيش بهيج مكان. بس أيأس من رجعة غيث تلقيني رايحة من غير ما تدري.

:- هههههه هنود ناي، خلي نكشف أوراقنا. أنتِ مالج ورث يمنا لأن ما عاقدة محكمة، لا تنطرين عالفاضي، أخذي القاسمه الله عش تطلعين بالخسارة.

:- ما أمد ايدي على ورث ولا داعي بدينار اللي يمكم، بس غيث.

:- ما يرجع، ماتت غيث، ماتت.

:- عامر إذا سمعتك تقول مات ما راح أقول لك رد فعلي شنو. اسكت، إن جان لا سامح الله أول ما أشوفه قدامي...

قلتها وحسيت روحي اختنقت ما قدرت أكمل، مسحت وجهي ودرت وجهي للحديقة، أخذت نفس مسحت دموعي.

:- أروح بساعتها ما أظل ولا ثانية.

:- ظل سنة ما حصلنا جثته.

:- ما راح أظل يمكم قلت لك، بس خلي يمر كم يوم أتأكد ما منه رجعة أروح.

:- هاج.

انداريت، شمر الفون عليّ، لقفْتُه. مسحت دموعي، ردت أروح، كمشتني سجى تبكي و تباوع لي بترجي.

:- امني مني بس خوفج منه، الغدر بمرته وبعرضه، لا تتأملين منه شيء.

:- أنتِ بس لا تحجين لأحد.

:- ما أحجي، كافي همي عليه.

سحبت ايدي منها ورحت أمشي، تركتهم يتعاركون بينهم.

رجعت وصلت للمدخل، ما انطاني قلبي أدخل وهم أصعد للغرفة وما أشوفه.

رجعت لمكاني قعدت أباوع للباب.

شلت فُوني، اتصلت بجود، رن وما رد، عرفته متصل حتى يطمئن عليّ، و أتذكر هو منطي عهد ما يحجي وياي.

خليته بحضني ولميت رجليّ لحضني، كمشت راسي منتظرة أمل ضايع.

أسمع خطوات يمي، شلت راسي لقيت عمي أبو أركان. ردت أقوم، قال لأبويه: ضلي مكانك قاعدة.

قعد يمي، مد ايده مسح دموعي، باوعت له وشهقت، أخذني لحضنه وبكى وياي.

استغفر ومسح وجهه، باس راسي، عدل قعدته، قال:

:- عش قاعدة هنا؟

:- منتظرته.

:- يتأخر يا عمي، راح تتعبين.

:- لو العمر كله أظل منتظرة ما أتعب، بس خلي يرد.

:- تحبيه؟

:- لا.

:- ههه يا القوية مبين.

سكتت.

:- يا بوي هاي شارتج طلعت بيه. حكت لي ريحانة عالصار، ما عرفت أجي أحميك وأوقفهم عند حدهم. أكيد دعيتي وربي استجاب لأن مظلومة.

:- لا عمو، أنا ما أدعي، هاي مو من صفاتي. وحتى لو قلت شارتي، ليش غيث بالتحديد؟

:- لأن هو أعز شيء على روحي. خلاج أمانة يمه، يعرف أبوه ظالم، بس أنا مو كفو. ما عرفت أجي آخذك، أخليك يم بناتي وأحافظ عليك لمن يرد.

:- راح يرجع غيث، ما يتركني، يعرف ما عندي أحد غيره.

:- عندك ابني من ريحته موش؟ مثلي أنا البقيت بطرّق أركان ومجسور ورا أخوه، بدون سند. راح الجنت متأملين بيه، راح الجان ساندنا وحامينا بظله.

:- عمو تره أنا أخذت مخدر البارحة ووقعت، مو حمل.

:- لا سماهر البارحة خبرت جدتها قالت: عدها لا تقطعين أملنا، هذا آخر أمل لنا بالدنيا. وأنتِ إشلون هيج تجازفين بروحك وتأخذين مخدر؟

:- لعد أخليهم يكمشوها ويروح رجلي بيها؟

:- بِنت حمولة والنعم من أصلج، وألف رحمة على البطن الشالتج. صدقتي من قلتي أشرف عشيرتكم.

:- آسفة عمو، والله حجيت ما جان نيتي أصغّرك منكم، بس هو غلط على أهلي.

:- ألف رحمة على روح ذاك الأب الطيب اللي ربّا هيج تربية، تسوين زلام مشوربة. البنت التحمل الطّگ وتوقف تتحدى بصلابة، تالا أحد يجيب طاري أهلها، هاي بنت أصل.

دحقت بعيونك القوة وعدم الخوف، وهاي الصفة ما موجودة بس ببنت الحمولة الطالعة من ظهر سبع.

:- أبوي جان عازف ناي صح على قد حاله، بس صاحب وقفة، ينطي بروحه لخاطر صاحبه، يوقف بوجه الظلم والغلط ما يهمه نفسه، ما يعرف الخوف شنو. تعرف من رادوا يذبحوه إشكد ضربوا حتى يدنّق ويذلّوه بس ما رسخ لهم، ظل يباوع لي مبتسم، ما انحنى، مات بشجاعة.

:- وأنتِ بنت أبوج، امسحيها بوجهي يا بوي.

قالها وسحب راسي باسها، رد قال: لا تشيلين بقلبك على أخوي تراه عصبي والحريم مشوشة عقله.

:- ماكو بقلبي هسه بس غيث.

:- قومي يبه، ادخلي آكلي لك لقمة لا توقعين.

:- لا عمو صايمة.

:- يبه يا صيام هذا؟ الدنيا ليل، صح مسيحية بس هم ماكو هيج بدينكم.

:- لا عمو هذا نذر.

:- تتعبين وتملين، وهو ما منه ردة.

قالها وقام، اختل توازنه، قمت كمشته بسرعة، وقف عدل، دقدق على متني وراح أشوفه إشلون يمشي منحني ظهره، راح للحديقة الجوة حتى يظل وحده.

أحس غيث ابنه مو ابن أخوه، هيبته وصلابته كلها نهدت بثواني.

عكس أبو غيث كامش المضيف ولا تقول اكو شيء، يكرهه على كره أمه.

أخذت نفس ورجعت قعدت أرسم بالقاع بإصبعي ومغمضة.

رن فُوني، شلته لقيت جود يتصل، رديت: هاي جود بشر؟

:- شكو على شنو أبشر؟

:- لقيته غيث.

:- شنو منو غيث هذا؟

:- شنو منو غيث، الله عليك احجي قلبي خلصان.

:- وين نلقاه يا معودة؟ وينك أنتِ؟ بعدك مكانك قاعدة بنتي، قومي ادخلي جوه، غيث لا تحجين بعد بيه، راح بأعماله السودة.

:- جود بغلاة محمد عليك، غيث يمك مو؟

:- شنو يمي بنتي؟ لا تبليني هسه أهله يقولون هو الخاطفه. الحمد لله من خلصنا منه يا أخي جان غثيث، خرب يومه.

شهقت بصوت. ضحك قال: شبيك لج ليش تبكين؟ المفروض أول وحدة أنتِ تفرحين خلصتي منه.

:- وين غيث؟

:- راح وأيست منه، غرق بالماي.

سديت الفون لأن قلبي أحسه يريد يوقف، صوته وطريقة كلامه مبينة موجود يمه.

اتصلت بأركان، فصله. رديت اتصلت، رد قال: شكو ناي؟

:- أركان غيث وين؟

:- بجنطة السيارة، للأسف لقينا بس رجله، يفيدونج لو أذبهن بالماي؟

:- الله ياخذك ولك وينه؟

:- أنجعلج يا الجسر أنتِ وزلمتج، يولي لا تتجاوزين حتى لا أفصم راسج.

:- شوكت تجي؟

:- وين نجي؟ منو أنتِ بس ذكريني بيج، بس لا الورّطتني بالسلاح.

همست: يمك هو.

:- لا والله، روحي شوية وأخبرج، ولا تحجين لأحد بروح أخيج، يشغلونه وعدنا كثير أمور كون نفضها قبل ردتنا.

:- لا لا.

سد الفون، دنّكت عالقاع سجدت. ركضت للبوري شربت ماي، قطعت صيامي. رفعت راسي للسما: ربي ما أعرف إشلون أحمدك، والله أوفي شكو نذر عليّ، دخيلك راح يوقف قلبي.

اتسندت قعدت ما أقدر أوقف من الفرحة، بعد ماكو بلساني غير ألف الحمد لله والشكر.

أتذكرت عمي ما قدرت أضم عليه، خطية.

قمت رحت للحديقة، لقيته مدنّق على رجله و يشهق بهدوء.

وصلت يمه خليت ايدي على متنه، باوع لي ودقدق على ايدي.

كمشت ايده:

:- رد غيث.

قام كوه حجه بصوت يرجف: بروح أبيج.

أشرت وبكيت، حضني وقام يشهق بصوت عالي بدون لا ينتبه. بعدين حس باس راسي وخر عني، مسحت دموعي، رافع راسه للسما يشكر رب العالمين.

:- عمو لا تقول لواحد، ما أعرف شنو عندهم.

:- متأكدة عايش؟ عايش؟ سمعتي صوته؟

:- إي والله عمو عايش، جود خبرني هو وأركان، بس لا تحجي لأحد.

:- لا لا ما أحجي، بس أحضر الذبايح، إي أحضر أحضر.

:- عمي فدوة لا يصير لك شيء، دترجف.

قعد عالكرسي بفرّك بقلبه، باوع لي:

:- روحي ندهي أبو كاظم.

:- أخاف أحد يسمع، تعال أسندك، روح لغرفته وصيح.

أشر: إي، وقام كامش ايدي، وصلته لمكان الحادقجي ورجعت لمكاني قعدت منتظرة دخلته.

مرت أكثر من ساعتين وماكو خبر.

مرتين خابرتني سماهر تقول: ادخلي، رفضت أسمع بجيتها وصوتها الراح، بس ما قلت لها لأن ما عرفت شنو لغزهم من طلبوا أسكت.

صارت الأربعة الصبح وعيني ما غمضت بالباب.

مدنّقة و أسمع صوت هورنات.

شلت راسي وأشوف سيارة دخلت، ما أعرف إشلون أتحرك انشليت.

قمت نزل أركان صاح: ها يا ول، بعدها زليخة بالباب مناطرة، ما مليت من هالقعدة؟

أشرت له إجه.

:- لا للأسف ماكو، لقينا بس جهامته بالنهر، تركناها للسمج نكسب ثواب بيهم.

نزل جود من الصدر والورا كرم، هو ماكو.

رجعت قعدت، دموعي نزلت، أشوف جود وكرم فتحوا الباب سندوا لهم أحد، نزلوا من السيارة، اشتغل الرمي.

ما أعرف إشلون أقوم وأركض.

بدون شعور قمت وركضت وصلت له، ضحك فتح ايديه، سحبني لصدره.

بكيت بحضنه، ضغط عليّ حيل وباسني.

:- الله ياخذك ليش هيج سويت بيه؟

:- ول يابه استوني راد من الموت.

شلت راسي ضحك ومسح دموعي باس راسي، همس: هاي ناي تبكي عليّ.

:- اجيت أموت وراك، قلتها ورديت لحضنه أشهق.

:- دخيل ربك بسك لج، هاي لو ميت جان شعملتي؟

:- اسم الله لا تقول هيج، قلتها وضربته بصدره.

صاح: آااخ، كمش ايدي وعصر نفسه.

:- إشبيك غيث؟

:- اشتعل أصله، ما بيه شيء يولي شنهو ما تخافين صوت الرمي، أوو نسيت فاقدة الأنوثة.

باوعت له كمش ايديه بسرعة ويضحك.

:- وعمة السادة متصوّب لا تطقين.

رجعني لحضنه، بسته من صدره.

سحبني أركان قال: موش كافي العالم واقفة، بعدي لج.

ما رديت، دخلت زايد بحضن غيث وضميت راسي، ضحك عصرني حيل وباسني.

على صوت الرمي طلعوا أهله، أبو أركان سانده الحادقجي.

وسماهر تركض وتنجبج بقلبيتها تصرخ: ولك لبالي دخلوا تابوتك، ولك غيث رجعت.

وخرت عنه حضنته، تضحك وتبكي بنفس الوقت، كمشت وجهه بيديها اتبوس بيه، ما مصدقة أخذت راسه لحضنها تشتم بيه وترجف.

عمي ما كمل الطريق قعد بالقاع.

ترك سماهر وراح لعمه، كوه دنّق كامش صدره، حضنه وعمي قام يبكي بصوت عالي يصيح: ولك غيث، ولك عش هيج يا بوي، ولك قتلتنا وراك.

:- هههه ردت أجرب معزتي يمكم.

:- أنعل أبوك لأبو معزتك ابن الزمال، تجرب بالموت؟ أنعل شيب الخلفوك وين وليت؟

:- يم عزرائيل نسوي حصائية بالخونة وناقصين المرجلة.

:- بسك ارقد كافي، ما ضلت قوة، ولك إشلع من روحي وأدفن، انهجبوا يا بوي قضيتوا حيلي.

:- الله يعطيك الصحة والعمر الطويل.

:- وينكم يا بوي الذبايح؟ وأنت لا تفوت جوه خليك هنا.

:- ما أقدر وداعتك تعبان. جود خويه وينك؟

ركض جود دنّق، سنده، قومه وإجه كرم ضربه بظهره، اندار باوع له.

كرم.

:- شبيك؟ لا تباوع هيج لا أفلشك هنا.

:- هاا يول، تجرب؟

:- بس لا تصرخ، لاهفك كف. دير وجهك، أنعل شكلك.

وخر أيده من متن جود وسحب كرم من ياخته، ضحك شبكه كرم وبجه.

:- هاااا ول، على شنهو البجي؟ كافي يخوي.

وخر ومسح وجهه.

:- لا تكول بس الحرمة تبجي، مو هاي ناي بجت؟

:- لا هاي حقك.

همست: الله يلعنكم مفشليني.

ضحك ومد أيده أشرلي تعالي، رحت سحبني لحضنه باس راسي.

أجن الحبابات سلمن، جان أيد حاضني بيها وأيد يسلم من بعيد.

مبين يعرف غلهن وحقدهن شنو، اكتفه بالهلا لمن أجه عامر جان بهتان وصل ووكف صافن.

غيث: هاا يخوي شبلاك؟

:- هااا ما مصدك رجعت؟

:- للأسف عندي حساب بعدني ما مصفي، أجلت روحت اشوي.

:- هاا؟

:- تعال كرب يول، اشبيك صفرت؟

أجه سلم، اتصافح أباوع عصر يده حيل ورفع حاجبه، همس: مردودة. وترك أيده.

رد أركان دك دك على متن عامر وكله:

:- أربز لك، لا ترجف، شخليت للحريم؟

:- شنهو شنهو قصدك؟ هاا وين الذبايح؟ عش أتأخرتوا؟

:- مكتفين بذبيحتنا الجبيرة.

:- هااا هسه هسه أستعجلهم غيث تعبان.

:- يول لا يصيرلك شي، هدي يخوي كلنا إلها.

اتبلعم بصعوبة واندار راح مرتبك يستعجل بيهم يذبحون.

أجت رنود طشت جكليت على راسه اتهلهل وتبجي.

ركضت شبكته، شفته طول، كرصته من ظهره، وخر عنها.

رنو: ما شبعت منك.

:- يا بعد خالج، بعدي، تعبان والعالم مخابيل موش حملهم.

:- شنهو خالو؟

:- سلامتك يولي لا تلجميني.

رادت ترجع تشبكه، جريت أيده كمشت بيها، ما رد جان كوه كامش ضحكته يحك بخشمه.

جابوا الذبايح.

طبك دشداشته أركان وسحب الذبيحة جوه رجلي، طلع ناوشوا السجينة.

جنت أني من جهة وجود من جهة الثانية.

صارت عيني بالسجينة من خلاها على ركبت الذبيحة، راح بيه الوكت لذيج الساعة رافع عاشق من شعره وينحر بركبته.

فززني غيث وهو ياخذ راسي دفنه بصدره همس: لا تبجين، راح يجي يوم ونفس الوكفة توكفيها وبيدج تنحريهم.

:- صدك غيث؟

:- دحكي عليهن وتعلمي كضبة السجينة وكوه الكلب.

انداريت أباوع شلون سطروهن يذبح، وحدة ترفس يشمرها ياخذ الثانية وراها.

لمن خلصوا كام مسح أيديه بدشداشته وأجه.

أركان: بعدي يولي، يله عالجوه، العالم راح تدخل وأنت أيدك اتسند علي لا تضغط على جرحك.

وخرت سند غيث هو وجود.

أبو أركان: عالمضيف يبه، استعجلوا.

:- أي يبه تامر، سماهر يخوي دخلي الحريم جوه وسوي مجال للعالم.

:- تامر يخوي، أخذوا بين ما يصلخون الذبايح انخش تحت.

:- تركوا كلشي، مجانوا الأزلام تطبخ، ما أريد خيال وحدة منجن هينه يله.

أشرت أي، أخذوا كوه يمشي للمضيف لأن على صوت الرمي والهلاهل التمت العالم.

أباوعله وأحس كلبي يريد يطير وأني أشوفه كدامي يمشي ما بي شي.

وصلوا للمضيف تركتهم ورحت للداخل.

دخلت لكيت هناء كدامي:

:- لا تفرحين زايد تره بمناسبة رجعتوا هديتوا أسماء.

:- بنتي تركيني والتهي بمصيبتج.

:- شنهو قصدج لج؟

:- انتظري المفاجأة، كلشي بوقته حلو.

:- موش أقوى من مفاجآت مهر أسماء، زتج بالشارع، نصيحة دبريلج مجان من هسه.

:- ما يحتاج عود أكعد وياج.

:- شتهترين أنتي؟ اكفي وأحجي مثل البشر خلي نفتهم.

:- بنتي لا تستعجلين على رزقج وهاا صدك، أخذي حب ضغط حتى لا تنفجرين.

حركت أصابيعي ودخلت أضحك للصالة.

أسمع رجع الضرب من جديد، شومنو أجه جديد يبارك لأن رجعن هلهلن.

رحت صعدت فوك، دخلت للغرفة باوعت وضحكت، شلون جان الصبح حالتي وهسه شنو، ألف الحمد لله ربي.

رحت أخذت تراكي ورحت للحمام سبحت عالسريع.

لفيت شعري وطلعت نشفته.

رجعت لفرشتي اتمددت مرتاحة، انفتحت الباب دخلت سماهر.

:- شنهو ما تنزلين؟ صيامج ما راح تكطعيه؟

:- لا والله ما أشتهي، معتازة نوم ميتة نعس، الحمد لله من رجع أريد أغمض.

:- ناي موش وكت قال وقيل، كضبي لسانج، الزلمة استوى جاي من الموت مخيط من فوك لتحت، أي انفعال تسوء حالته.

:- مو طفلة أني ولا ما أفتهم، أعرف اشوكت أحجي واشلون أخذ حقي.

:- ناااي، الزلمة راد كوه واكف على رجليه مطلعين البارود ومخيطي بدون تخدير نازف نص دمه، أي خبر يوگع من طوله ما يتحمل، هدي يمه الله يهديج.

:- خالة والله تعبانة وعيوني كوه أفتحهن، كلش مو وقت هالحجي وهم أميني ما راح أحجي مثل ما تردين، نسيت كلشي اكتفيت برجعته.

:- الله يكملج بعقلج، دكومي نزلي أكلي لكمة.

:- بعدين بس أرتاح اشويه بعد ما بيه أتحرك.

:- ولج خطية جوه وحدة كال صعدي وراها شوفيها وين أخاف تزت روحها من الشباج خبله هاي، كومي يمه ولج يومين بلا أكل.

:- شسوي نازلة هو بالمضيف، خليني هنا من يدخل للصالة أنزل.

:- لا هو راح يصعدوا الولد ما يرضى ينام جوه بس يكمل سلام عالعالم، لا تنامين حتى أجيبلكم الأكل تاكلون.

:- تمام.

هيه طلعت وأني كمت لبست الترواكة مال التراك، خايفة عليه أوكع من الجوع، ما تدري ماخذة كومة أبروفات مو أول مرة هاي.

انتبهت لفوني يضوي شلته لكيت مسج من ريحانة: كرة عينج برجعة غيث.

:- الحمد لله ربي ما قصر.

:- ناي أركان يكول لا تحجين أي شي لغيث هسه.

:- ليش؟

:- يكول راح تفتر السالفة ونضيع جتّال غيث بسبب هالشي وحقها مردود من هالشارب.

:- تمام لا أصلاً مقررة ما أحجي لمن يتشافى خطية تعبان.

:- أي بعد أختج والله ندري أذوج جثير حتى أبوي ياكل بروحه بس صبري وداعة جدتي ما راح يسكتون وراج أزلام تجيب حقج لحدر رجليج.

:- هاي هي مثل ما تردون.

:- يله يا عمري اتهيري زلمتج راح يصعد.

:- أنتي جوه؟

:- أي استوني أجيت ويه أمي، يله ندهوا عليه.

سويت سكرين للشاشة وحذفت الرسائل، رجعت الفون مكانه، ضليت كاعدة منتظرة وهو ماكو.

مرت بالساعة بديت أغفي وأسمع صعدوا والهلاهل ورا.

كمت فتحت الباب لكيت جود وأركان يسحلون بي كوه ما كادريله.

وصلوا للغرفة كوه دخلوا، تمدد عالجرباية خلوا مخد وره ظهره كال أركان: أني أظل يمك ناي انكلعي جوه.

:- خاف ربك، تره صار يومين كاعدة بالحديقة جني ضفدع متيه مستنقعه.

:- ناي بدون لغوة نزلي.

:- أحلف لا بالبالك تخوفني بصوتك.

:- يولي كضبي لسانج لا بالقرآن أهفج دفرة أردج عدل حدر الترك ويه ربعج.

:- أخاف ما ترضه ومو أني اللي انشمر بالترك ويه البزازين.

:- صدكّتي من هاي عيونج أتكول أبليس الله ساخط حظه.

:- غيييث أسمع شلون يتنمررر، رد عليه لو اتخليني أرد.

رفع حاجبه كال: لا ردي يولي.

غيث: يول شصابكم تراني تعبان.

جود: حل النزاع واختار واحد يظل يمكم.

أركان: طبعًا أني مارادلها حجي، نزلي لج.

غيث: أكل تبن لا واثق من كلامه، انكلع يول.

:- لا يا ابن الزمال أنعل شرف أبوك ناقص ما يصيرلك جاره. كالها وطلع يتعارك ويه ذبان وجهه.

أجه جود ضرب متنه كاله: تنذكر ما تنعاد، حمد لله على سلامتك يخوي.

:- وين اتريد لك؟

:- والله تركت المطعم هيج وحتى الشقة مفتوح فواتيرها من شدهتي حتى ملابسي ما غيرتهن.

كرم: غير هاي أم تك غمازه خبلتنا تسحب بالنغفة وتصيح: غييث بابا، اشبي صار بي سهال وما عندي حفاضات.

غيث: كرم أنت بالذات ترد لتركيا ما أريد ألمح شكلك.

:- لا أريد أشوف نبع الحنان صدك ولك جود أمك دخلت هنا بعد ما طلعت هم سألت عنها لو ما معتازها؟

:- أي مو هيه قوطية معجون، كرم حبيبي انزل نام جوه.

:- لا عيب عدهم حريم أخاف وحدة نازعة راسها، صيحي يا الله.

جود: لا عدنه واسطة هنا أخذها وانزل.

:- نانو أمشي صيحي ياااالله كرم راح ينزل.

دخلت سماهر بيدها صينية أكل خلتها.

:- الوالد منتظركم.

جود:

لا والله عذروني لازم أروح.

غيث: انجب وانزل تحت، باكر لو بعده بالكلش نروح سوه.

- لا يا معود، جرحك بعد.

- عليها أجل، لا تروح، خليك الصبح تجيني أريد أسبح.

- تمام، قاعد ما أنام أنا، شوكت ما احتاجيتني خبر أصعد لك.

طلعوا، سديت الباب وراهم، باوعت لغيث ابتسم وفتح يديه، ركضت لحضنه، حضني وأخذ نفس طويل، بس حسيت بيه متألم، ردت أوخر شدد حضنته.

- راح تتأذى، أخاف ينفتح الخياط.

- صدك ناي بجيتي وراي؟

- لا حتى ما ضجت.

- مم ولا اشتاقيتي لي؟

- أبد، أصلاً مو على بالي، قضيتها نوم ولعب رياضة.

ورفعت راسي أباوع له، ضحك وباسني.

- وين كنت كل هالأيام؟

- خفتي بدوني؟

رجعت راسي على صدره، غمضت ما رديت، أخذ نفس من رقبتي وباسها على كيف، همس: أول وحدة اجيتي على بالي من دحقت الكمين.

- على شنو يظل بالك؟ تموت أرجع لخالي.

- لأطلع من قبري وأورج أنتي وخالك.

- من تعرف هذا الشغل خطر وتعرف ما عندي أحد غيرك، ليش هيج سويت؟

- موش خطر، اكو مستخنث ناقص وغبي راد يخلص مني، بس ما اجت بيده عدل.

- غيث خلي نرجع فدوة.

- اكو أحد قرب لك؟

- لا.

- ناي لا تجذبين، أحكي، قالها وكمش حنكي بيده ورفع وجهي، أشر: إي.

- لا بس افتقدتك، ما قدرت أتخيل أكمل حياتي من دونك.

باس راسي ورجعه لحضنه، همس: ما راح أتركك، بس إذا عرفت أحد مأذيك وما قايلتلي راح أتخارب وياك.

- محد أذاني، بس ردت أتعارك وخفت أنبسط ما أقدر لهم.

- آها، افتقدتي الحارس الشخصي مال حضرة جنابج؟

- ليش بيك فايدة غير هالشي؟

- حالياً أجذب عليك لو أقول لك إي.

- شلون ضربوك ومنو اللي كلب الخبر عليك؟

- يولي لا تتجاوزين، الكلب ينقضب.

- شاهين شلون نفذ وحده؟ مو جان وياك بالسيارة؟

- ما قدر ينهزم لأن إصابته أقوى، وجان لازم نعبر النهر وهو تعبان، اضطريت أخفيه بمكان وزت روحي لأضيع مكانه، والحمد لله وقع بيد ناس أجاويد، جان راح. والناقص من عرف شاهين بعده، قال لك غيث عايش، راح بلغ اللي بباله، غبي مثله، وأترك أثر ورائي.

- وعلى الأساس ما تركت، ترى شبعت مخدر سطرني يوم كامل.

- يطبك طويحيل، اكو زمال يخلي أحد ينبش بغراضه؟ شلون تخليهم يفتحون الخزنة يعرفون شنو بيها؟

- إيش عرفني؟ عامر دز رنو قال لها تجيبي لي الهوية حتى أخبر وآخذ جوازي وياي، كنت بحالة ما أعرف نفسي بيها، أباوع لجاكيتك وأتذكر الـ 15 منو يوفيهن مكانك؟

كنت أحكي وهو يشم بشعري ويبوس خفيف، سمع: بطل.

باوعت له، رفع يده: بطلت.

- لا اليوم بلاش.

- الحمد لله، قلت طاح حظي، أخذ نفس وهمس: كثرن عليك يبن بوي، إي وين خليتي البودرة؟

- بالبالوعة، هسه تلقي الصراصير والجريدي كلهم يطوطحون. صدق وين رحت بعدين؟

- والله كل اللي أذكره وصلت للجرف، آخر نفس فتحت عيوني لقيت بدوي وياه، شلون بنات يصحن الميت بقبره.

- اترك البنات وكمل، من قعدت ليش ما خبرت؟

- ولج قعدت على سيخ حامي بصدري يطلعون الجيلة بعدها، خلولي شي أسود سطرني بمكاني، ما صحيت غير اليوم الصبح.

- خبرت أخوك؟

- لا تقولين أخوك، ما عندي أخ غير أركان.

- وجود؟

- هذا رفيق العمر السند.

- عيع، شلون أخ؟ يا أخي غثيث نفسك، طبعك ما ينبلع.

- شلون تجبرني أعفس خلقتها؟

- إيش بيك تحوص؟ مضايقتك أوخر؟

- لا والله أحس روحي مزنجر.

- تقوم تسبح؟ أساعدك؟

- ولج زلم ثنين طاح حظ آبائهم يا الله صعدوني، أنتي كطف جكارة تساعديني؟ لو تكسبين بيه ثوب وتساعديني بغير شي أكون ممنون، قالها وسحبني، باس شفتي.

- غيث والله فشلة، تسجل بشهادة الوفاة سبب الوفاة ناي، كمين وهوست ما متت، تموت بذيج الشغلة اللي حتى عامر الحرمة تقدر لها.

- عامر وحرمة؟ أحكي ناي، إيش بيه؟ إيش أسمع من غيرج؟

- ما بيه شي، مو يمي أصلاً، بس هو مثلك يدور بنات.

- يدور بنات؟ همم حلو، منهو هاي أخت جود؟ وهاي حذائها براس عامر؟ أسماء وهاي عقلها موش يمي، سجى، خرب بيك يا الناقص.

- إيش معنى ذني ذكرتهن؟

- لأن ذني مكرسات عدنا، والعلاقة يا الذكية رادلها وقت.

- خبرة حضرتك؟

- بس صيت وسمعة، تاليتي وقعت بوحدة كل عين شكل.

شلت راسي باوعت له.

- أخاف اكو مشتاق لك، سويتي بيه رعب.

- هالمرة مو هواي، يومين بدت يزيل النحس شوية.

رجعت راسي بحضنه، إحساس يختلف، المشاعر مو بإيدينا، بدون لا تحس تلقي شي بداخلك ينبض.

كل شي بيه جان يجذبني ويخليني أتعلق بيه غصباً عني.

إيش قد حاولت أكتم اللي بداخلي ما قدرت، كنت مفضوحة بتصرفاتي، قلبي ينبض ويا دقات قلبه.

حرك شعري قال: نمتي؟

- لا طارت النومة.

- فركي لي راسي يوجعني.

رفعت روحي أخذت رأسه خليته بحضني، عرفته يريدني ألعب بشعره مو يوجعه.

دخلت أصابعي بداخل شعره وظليت أحركهن على الكيف، أخذ له أقل من عشر دقايق حسيت بيه رخى نام.

حضنت رأسه حيل، بسته وغمضت، استوني أنام انفتحت الباب حيل، قمزنا اثنينه.

دخلت أسماء وقفت متصنمة.

- آسفة، لبالي غيث بالمضيف نايم.

- إي وحتى لو كان بالمضيف، شلون تفتحين الباب هيج؟

- مو قلت آسفة؟ إيش صار قابل؟ وين داخلة؟ إيشو مريض ونايم، سودة عليّ، وإيش بيج تصارخين؟ صدق بلا ذوق.

- إن لم تستحي فافعل ما شئت، لج شنو نوعج أنتي؟ هم داخلة الغرفة وهم تحجين كلام أكبر من راسج، تعالي بعد أخذي لك راجدي مني.

غيث: يولي صوتج.

- شنو ما تسمع أنت؟ لو مركز بس وياي؟

أسماء: غيث اتركك منها، أريد أحكي وياك على انفراد ما طول دقايق.

- تفضلي أسمع.

- قلت لك شي خاص، ما أريد أحد يسمع، شي مهم.

قبل لا يحكي قلت لها: ما أطلع، يعجبج تحجين بوجودي تمام، ما عجبج بلكي تتفضلين برا لأن نريد ننام.

غيث: ناي إيش بيج يولي؟ تخبلتي؟

- شنو تخبلت؟ تريدني أطلع من غرفتي حتى تحكي ويا زوجي شي خاص؟ وين صايرة؟ وبعدين مو أخوها مريض عندهم؟ شنو اكو هي ضالة ببيتنا؟

غيث: بيتنا؟ قالها رافع حاجبه.

هاي نظرته صحتني لزماني.

عرفت روحي أتماديت بأحلامي، وأنا كلي خلق وحدة بس تجيب لهم الطفل وترد منين ما اجت.

دخلت على صوتنا سماهر قالت: شنو اكو؟ إيش صوتكم طالع؟

غيث: ماكو شي خويه، روحي.

أسماء: خالة ترضيها؟ أنتي أريد أحكي ويا غيث شوية، ناي تطردني من بيتكم.

- يا ع صدق؟ ولج ناي تطردين خطاري؟

- آسفة خالة انفعلت، هسه أطلع، خذوا راحتكم.

قمت ردت أطلع، كمشني من تي شيرتي راد يرجعني، طلعت بطني، دا أغطيها.

قال: شنو هذا بجسمج؟

سماهر.

:- ها خويه هيج هاي؟

:- شنهو هيج كربي، منو طاكج؟

:- اني طكيتها يخوي، رادت ترد لأهلها، واني ضايجة عليك حجيت، ردت ماكو منها قفلت، صرخت بوجهها كامت تجاوزت عليه، ماشفت غير فقدت وطكيتها.

:- تجاوز شنهو أهلج؟ منهو؟ يومين غبت كل هذا سويتي؟ لج من شنهو مخلوقة انتيييي؟

كالها انتجه وكام، اجه جرني من شعري كمشت اديه، اريده يهدني حجه من بين سنونه:

:- كم مرة نبهتج؟

:- اتركها اعتذرت مني بعد ماتعيدها.

:- سماااهر اخذي اسماء وطلعي.

:- ولك اتركها شلعت راسها، جرحك راح ينفتح.

كالتها وجرتني.

هو كامش شعري حيل وهي سحبتها مفاجأة، حسيت شعري اتكطع بيده، طلعت الصرخة لا إرادية كال ومرررض.

دفعني انضربت بالميز اجت بخاصرتي، وكفت عاصرتها.

:- دحگي لج وحگ كلام الله لأدفنج انتي وعايشه بس اسمع بيج متنفسة، موش متجاوزة.

اشرت أي واني افرك بخاصرتي كامشتني العبرة.

:- عمرج ماراح تصيرين مثل البشر.

سماهر:

:- كافي يخوي وانتي طلعي يلا يولي لغرفتي، لاتردين هينه بعد.

اخذت فوني وطلعت من الغرفة.

اشكد استحقرت نفسي من شفتها متخصرة يم الباب وتتبسم، ردت انزل لكيتها هوسه.

دخلت لغرفة سماهر، سديت الباب كعدت عالجرباية.

صافنة بروحي لميت رجليه نزلت دموعي.

حيوانة اني حيوانة عمري ما أصير بشر، ليش؟ لأن مومن مستواكم.

انفتحت الباب دخلت سماهر كالت زين من فرفحتي روحه.

مسحت وعيوني ودنكت.

:- نااي دخيل بختج لاتبلشين خلينه فرحانين، البت عدها سالفة اترخصت على شنهو انخبصتي، لاتنزلين دموعج.

:- على شنو أبجي؟ على اخوج ومنو هو أصلاً واقهر نفسي عليه.

:- ناااااي لاتتجاوزين، كضبي لسانج لاكصو الج، شصار بت عمه دخلت تتحمدله عالسلامة، لاتضلين كل دقيقة متكاونة وشالعة كلبه، قبل لاناخذج تذكرين شكلتلج اني؟

:- أي مالي حق بكلشي، عبارة عن آلة اجيبلكم طفل واولي بطريقي، متذكرة؟ واني بعدني على اتفاقي وياكم، أول مااحبل ماراح تشوفون وجهي، كافي تهينون بيه.

:- اووو دخيل الله من الفجر نكرة، لاتبجين وتفكرينه خلينه نشتم هوى.

:- مواني الفكر ولااني النحس الي أنحسكم، خالة خافي ربج لاتحرين كلبي أكثر تره اني بشر، وهم لاتخافين بيتكم هذا الكاتلين روحكم عليه ماادخله حتى لاافگره بوجودي ولا أوصل يم اخوج بعد.

كمت طلعت من الغرفة احس العبرة كامشتني، صار كدامي غيث كاعد يفرك براسه، واسماء بعدها تحجي ويا، تركتهم ونزلت سمعته صاحلي مارديت.

نزلت جوه بدون لااباوع أحد ولاحجيت، طلعت كبل للحديقة ماريد دموعي تنزل واتفشل.

وصلت للحديقة الخلفية مابيها أحد، بعد الفجر استوه طالع.

احس نفسي مخنوكة، رحت يم البوري غسلت وجهي، اصحي ناي اصحي شدتسوين بروحج، ولج أول مايصير الطفل تنطردين.

ولج ليش اتخليهم يهينوج؟ ليش هيج اتخليهم يسمعوج حجي وتزغرين نفسج؟

موبيدي والله حسيت شي بداخلي.

ولج هانج وكلج باستهزاء بيتنا، ولج جان ديقصد اصحي عرفي روحج انتي منو.

كعدت عالمصطبة، ضميت وجهي بديه بجيت بقهر، حسيت إيد على راسي شلت، لكيت أبو كاظم الحدقجي كال عش يبوي تبجين.

:- ضربني وطردني.

:- عش هيج؟ اشسويتي؟

:- لأن ماعندي أهل، لأن مومن مستواهم.

:- عندج كرامة وعزة نفس، عندج شرف وگلب نظيف، ذني كافيات يخلنج فوك الكل.

:- عمو قهر كلبي كال حيوانة متصيرين بشر.

:- تسوين أهلو كلهم، كافي بت معدلة وصانته بغيابه.

:- مومنه الغلط مني، اني حلمت حلم أكبر من مستواي وعشت بواقع وتخيلت روحي بي وهو مو من حقي.

:- ماغلطتي، ذني كلهن من حقج، يجي يوم يعرف قيمتج ويجيج يتوسل ندمان.

:- مااريده بعد، كرهت نفسي اني صدك مو بشر من خليته يهيني ومن سمحت لروحي أفكر بي وهو مو الي، من اتحملت القهر وذليت نفسي بس حتى ماانطي بي.

:- لابشر وبت أصل، تراني موجود وادحگ واسمع كل الصار، كومي تعالي وياي الشمس راح تطلع وأخاف يجون هينه الشباب.

كمت ويا رحنه جهة المشتمَل مالته، جانت اكو مرجيحة زغيرة رحت كعدت عليها وهو دخل لمكانه، اشويه وطلع بيده لفة.

:- ولو موكد المقام بس أكليها يبوي وجهج أصفر.

:- لاعمو الحمد الله كلها نعمة الله.

:- اسويلج جاي؟

:- لابس مخدة أريد انتجي راسي يوجعني.

:- تفوتين جوه تتمددين، اني رايحلهم يعتازوني.

:- لاهنا كافية المرجوحة والهوا حلو بس كون محد يجي هنا.

:- لامحد يصل صوب المجان، أخذي راحتج.

خلّه اللفة يمي وراح دخل جوه جابلي كوشة وراح.

خليت الكوشة وتمددت، أخذت اللفة لكيت خبز وخيار، ضحكت صدك طيب النفس نعمة مايمتلكها الكل.

أكلته وشلت فوني اباع بي وينكم ماكلتوا اشصار ابتنا، ميتة عدلة، رجعت ويه خالي انقبرت، لو بس أعرف شنو الغيركم ارتاح.

لو انتم من البداية هيج واني مجنت اشوف.

رجعت الفون، أكلتلي لكمة وعيوني بدت ا تقفل وحدها بعد ماكدرت أقاوِم، تركت اللفة يمي أباوع للسما لمن رحت بالنوم.

حسيت أحد يغطيني فتحت عيوني لكيت جود ابتسمت.

:- ليش نايمة هنا؟

:- الجو حلو حبيت أغير.

:- شصاير بينكم؟

:- ماكو شي، هو راد ياخذ راحته بالغرفة تركته.

:- كلش ماخذ راحته، تره هو الدزني يريدج مايكدر ينزل، كومي وشنو هذا يمج؟ كالها وشال اللفة.

:- جنت دااكل ونمت.

:- ناي شنو ديصير وياج ليش ماتحجين؟

:- ماصاير شي، شنو يعني يصير أكثر من الااني بي، كاعدة شابعة إهاين وضرب، منتظرة اشوكت يصير طفل حتى ياخذوا ويخلوني أروح.

:- غيث ضربج؟

:- موبس هو جود، جسمي اتشوه من الضرب، تهموني بشرفي شتموني هانوني ذلوني.

:- ليش ساكتة؟

:- شسوي يعني؟ اني ماخذة منه افلوس مقابل طفل، ولو فكرت أرجعهن عمري كله أشتغل ماراح أوفي ربعه دينه، ماكلة تبن ومتحملة اشوكت يصير حتى اتحرر منه.

:- غيث ميفكر هيج.

:- أي من ضربني الصبح وشمرني بره الغرفة ميفكر؟ من كلي حيوانة ماتصيرين عمرج مثل البشر ميفكر؟ من بالغلط طلعت كلمنه بيتنا مني باوعلي باستهزاء وكرر الكلمة حتى ينبهني مايفكر؟ جود كوم دخيلك لايجي أحد يشوفك يمي وهم يسوولي مصيبة جديدة.

مارد كعد مقابيلي خال راسه بين اديه.

:- شبيك جود؟ تره والله عادي صارت عندي بعد مااضوج.

شال راسه باوعلي كال غبي وميستاهل اضفرج.

:- هههههه بس لا تصدك التحجي، اشوكت تروح؟

:- لو العصر لو باجر.

:- تكدر تكله أرجع وياك؟ يعني هو مريض ماراح أستفاد مني، بلكي يقبل أرد وياك؟ والله تعبت هنا بعد مااتحمل.

:- نااااي شنووو ميستفاد منج؟ لج بنتي شنو ليش حاسبة روحج هيج رخيصة؟

:- هو هذا الصح ليش ماتريد اتصدك؟ تره اني هنا حالي حال الجارية، وأكبر دليل هذا وضعي، ضاجت بت عمه مني شمروني بالحديقة حتى لاأزعجهم، صار كم ساعة محد سأل ويني.

مارد كام رد يروح، كمت بسرعة كمشته كلتله بداعتي لاتسوي شي والله ردت أفضفض حسيت روحي راح أختنگ، لاتخليني أندم وبعد مااحجيلك.

:- ماراح أحجي شي، ردي مكانج تخلص ماتضل هيج.

راح واني رجعت لمكاني، تمددت لميت رجليه، اشويه رن فوني لكيت غيث فصلته.

دز مسج ماقريته، خليته جوه الكوشة وعدلت نومتي، الشمس بدت توصل يمي حارة كلشي.

كمت رحت اكو مكان يم شجرة كعدت يمها، خليت راسي عليها، وضحكت على روحي بالشته أدوّر مكان ختلة حتى أدفه وأحتمي من المطر وبالصيف أدوّر مكانات يحميني من الشمس.

يمكن عمري كله راح أضل هيج ماراح أرتاح.

كمشت مداليتي وغمضت بعد بس أنت منتظر مني أحرر روحك.

فتحت عيوني أراح أحرر روحك حتى من أجيكم أكدر أباوع بوجوهكم أكلكم سويت العليه ماقصرت بشي.

شلت فوني أباوع بي دخلت على صفحة لحن.

اتصلي أسألي حتى جذب بس حسسيني الي وجود عندي أحد خايف عليه.

ماما شنو من گلب شايله؟ والله اني بنتج ليش هيج تعامليني؟ لج ماما والله اشتاقيتلج، معقولة ماكو موقف واحد يذكرجن بيه شي مر يحنن گلبج عليه؟

اسمع خطوات قريبة، شلت راسي لكيت ريحانة وصلت يمي كعدت.

:- ذبت سمها سماهر فرگتكم ارتاحت.

:- مافرقتنا بلعكس صحتني.

:- ناي اتحبين غيث؟

:- ماعرف أحبه لو ماخذته سند، بس الي أعرفه هو موالي من البداية وعمري كله ماراح أكدر أباوعله، فرق بينا من السمه للگاع التقينا بطريق غلط، طلبه ماردني بس جان باتفاق نفذ العليه بقى لازم أسوي العليه حتى كل واحد يرد للطريقه.

:- لاهاي عرفت اشلون تلعبها صح وهذا الفكرت بي من البداية بس دواها جدتي.

:- صدك شو مااجت؟

:- ماتواطن بيت عمي، تكرهم شلع قلع ولو موغيث جان صفتهم من زمان.

:- عززه تكتلهم؟

:- هههههه لاموتكتل بس تفلع اذن كل واحد اتخلها بيدو وتزتو بمجان مگطوع تايتربى عدل.

:- داحسها جبروت مومرة صدك وين عايشه؟

:- عدها بيت بس هي موش بي عايشه بغير مجان.

:- اشلون يعني؟

:- ماعرف اشلون أفهمج.

:- موماتعرفين بس كولي ماكدر أحجي لأن المكان هذا ملجى للولد من يتوازون ينضمون بي وهم بضاعتهم هناك يخلوها.

:- شعرفج؟

:- مرة لگفت غيث وهو يحجي ويه أركان عليه.

:- ههههههه عجل سمعي أركان شگال لجدتي من سألت عنج؟ كاللها لاتخافين عليها البت تلعب ويه ابليس.

:- لو صدك جان عرفت أخلص روحي من خالي بدون لادخل روحي بهالضياع.

:- صدك شنو الجبرج تختارين هالطريج؟ عش مارحتي لعمج غصبا عنو يحميجن؟

:- يايحمينا؟ ولج مرة تعبت لحن وضاگت الدنيا بينا حيل، خابرته ماما وترجته يجي ياخذها للمستشفى رد أحنه متبرين منكم وياريت تموت حتى يقل عددجن.

:- الله يلعنه وبعدين شسويتن؟

:- جانت آخر قطعة ذهب ضاله يم ماما، باعتها وراحت للطبيب بدل ماتعالجها اشترتلها موبايل ورجعت لأن الدكتور كال حالتها ميؤوس منها، لل١٨وتروح سوو شنو الي بنفسها.

:- الله يساعدكم وهي اشلون اتحملت هيج تسمع؟

:- تحملت غصبا عنها حتى الموبايل الي اجت فرحانة بي أخذه خالي وانطاها موبايله القديم.

:- الله يحرگه حتى الحرك قليل بحقه وامج اشلون سكتت؟

:- هههههه أمي جانت مركزة وياي ماعرف ليش تراقبني أربعة وعشرين ساعة كامشة إنذار على أبسط الأشياء، مرة أخذت الفون من لحن أباوع فلم ركضت لخالي كالتله إجه، أخذ الفون بدون لاأنتبه شاف البي كتلني كتلة صلخني صلخ.

:- لازم الفلم موزين.

:- لاجنت دابحث اسهل طريقة للقتل بدون ترك أثر.

:- ههههههه عجل تستاهلين.

:- انحرمت يوم كامل من الأكل بالإضافة للكتلة وحرماني من كمشت الفون نهائيآ، لبالهم راح أبطل.

بالعكس فتحوا عيني ونبهوني على غير شي.

رحت بگت فون سامر وكل ليلة أفتحه وأبحث على شي وأتعلم شغلات جديدة لحد ماتوسع فكري وكدرت أنهزم.

:- ماكشفوا يمج الجهاز؟

:- لاافتحه بالختلة وسامر هم عرفه عندي ماحجه كال انباك بالشغل، جاب غيره وهو هم فگر مثل ماخذته جان رحت بسببه وگعت بمصيبة مااعرف اشلون ربي نجاني وطلعني سالمة من ذاك المكان، بالمناسبة فونج يضوي.

شالته باوعت بي وابتسمت.

:- شاهين.

:- مم كاتب مالله هداج وتذبين الأسود.

:- دنكت ترسل، ادنيت يمها أباوع كتبت من تطلبني من جدتي.

شاهين:

:- يولي وعيونج بس أخف عطيني مجال.

:- عجل اتحمل وبعدين الأسود شضارك؟

:- ماخفت من الموت بگد ماضاك صدري وگلت حتى من حزنها راح انحرم تضل لابستو باسم أخوي موش الي.

:- من عمري على عمرك.

:- اندارلج فدوه ونذر لاتحجين هيج.

:- اشوكت تحجي ويه أبوي؟

:- هالاسبوع بس أكدر أتحرك، أول مجان أروحلو هو بيت بدعة، وماأطلع إذا ماتخليج بأسمي.

:- شاهين.

:- يابعد هلو وطوايفو كولي يعيون شاهين.

:- من هسه أگلك إذا اتزوجنه وصار عندي ابن مانطي لجدتي وتربي مثلكم.

:- اشلون أعطيها ابن روحي يابه؟ حتى جاهل مارايد ماطالب من ربي بس يخليج من نصيبي.

:- الجرح بعد يوجعك؟

:- گلبي اليوجعني بلحظة من خشت الجيلة بصدري وتخيلت دموعج تنزل لخاطري حسيت الدنيا ظلمت تندمت عالساعة الي اعترفتلج بالعشك.

:- لو صدك اتحبني جان عرفت ماأخليك اتموت وحدك بس الضاهر قل حبك وبديت تنسى شتعاهدنا.

:- جان بطلت كل ليلة أحلم بيج يولي، صرت أعشك النوم بسببج - ريحانة.

:- ها يعمري؟

:- صدك يجي يوم ودحگ راسج على صدري؟

ادنيت عنها لأن دخلوا بالغميق، ضلت اتراسل ويا فجأه كامت عرفتها راح اتخابر لأن اتجهت للحديقة الثانية.

دنكت عالفون أكلب بي، ماكو دقايق وانسحب من إيدي شلت راسي لكيت أركان واكف كال عش يتصل متردين.

:- ماشفت الاتصال جنت نايمة استوني كعدت.

:- كومي غيث يريدج.

:- منو غيث هذا؟

:- ناي اتكومين لادفرج.

:- بس جرب وشوف شراح أسوي.

:- استغفر الله يبه الزلمة مريض مايكدر ينزل، ناي خويه مووكت زعلج عدكم شي حلوه بهدوء موجدام العالم كلش ماراهمه هيج.

:- هو طردني والمكان الي انطرد منه مااردله على كص ركبتي.

:- وروح أخوي أكصها بيدي، نااي سوادينج خلي على صفحة، تزعلين يطبج مرض بس ردي مجانج، كملي زعلج غادي العالم بدت تجي.

درت وجهي صاح شطالبه فهميني خلي اعرف شصخم على راس أهلج.

:- مارايده شي تركوني يااخي عتقوني، موسماهر هي واخوها مايردوني بعد شكو داخلة.

:- انعل أبو سماهر على أبو غيث على اليوم الجابوج هينه، ناي يبا لغة تفتهمين كولي خلي احجي وياج، يول العالم راح تجي وهاي كعدتج ماراهمه، أول ماراح يسألون عنج وين العطلة مالته.

:- من الأخير شرايد؟ دخلة للبيت ماأدخل.

:- اشتعل أصلك غيث كالها وتصل ثواني واسمعه يكله من انعل أبو أبوك، متكلي منين جبتها هاي - راكبة راسه - ماتعرفها شتريد، زعلت الخنزير عالاذرة - بالقرآن ماكو غير اله أكتلها وأخلص، دروح انعل شرف أهلك.

اتخصر يباوعلي.

درت وجهي واتجتفت.

اسمع كرم اجه كال نانوو.

انداريت لكيته جاي مبتسم، وصل يمي دنك خربط شعري سحبه أركان.

:- وييين يول إيدك لاالبسها براسك.

:- تره هاي أختي نفس الدين.

:- عود من تودعون روحي غادي يم نبيكم سوه هينه افلش جهامتك بس أدحگ مكرب صوبها.

كمت كلتله إيدك شيلها عنه.

:- بعد تعالي هفيني بطراك.

:- اني مترباية ماأمد إيدي عالاكبر مني.

:- يعني العمر گاضبج زلمه حرمة مايهمج، ماكو فرق يمج.

كرم:

:- ناي بداعت الخوة والله تعبان يريد ينزل كوه كامشه جود، زعلانة حقج لاتراضي بس صعدي وخليج على زعلج باقي محرج وحده كاعد فوك.

باوعتله.

:- واذا أكلج لخاطري؟

اشرت أي ورحت اسمع أركان ورانا كال:

:- زلمه طول بعرض صار ساعة الغي مثل الزمال ساحكتني وهذا أبو اذان بكلمة كومج.

وكفت غمضت بسرعة كمشتني كرم همس اخذي على كد عقله لاتردين خليج انتي الجبيرة.

:- ديتنمر عليك.

:- مايفتهم تركي فشلة أحنه خطار ماراهّمه تضربي.

باوعتله وضحكت وهو يهز راسه بأي مغمض عايش الدور.

وصلنه جو هو راح للمضيف واني دخلت للمطبخ، لكيت الهوسه مال العالم صايرة خنكة اشكبره البيت وكو ماخذهم.

هناء واسماء واكفات يدكن اسوالف ويضحكن وصلت يمهم كالت هناء:

:- اي وشكلج غيث؟

اسماء:

:- كال هذا بيتج محد يكدر يكلج جلمة عسى ما تضلين العمر كلو.

:- الله يحفظه يعني خبر أبوج؟

:- لاخالتي سماهر كالت اني اخبر عمي واكله نعتازها ويه البنوات خلها.

:- يوم الاشوفج منور بغرفته وماليه حضنه جهال.

تركتهن يكملن لغوتهن وصعدت للغرفة، فتحت الباب لكيت بس جود واكف يم الميز يكلب بالعطور.

دخلت بطل رجع العطر.

:- وين صاحبك؟

:- صاحبي؟ المهم بالحمام استوني دخلته.

:- وانت شكو اتخدمه عنده أهل خلي يخدمو تره مامجبور بي.

:- يلا هو اليوم أرد خلي أكمل جميلي وياه، انسوي العلينه بلكي يغزر.

:- لو تحط طن ملح ميغزر، بيت كامل تريدلك واحد بيهم شريف ماكو.

اشرلي وراج.

انداريت لكيت غيث واكف بالباب.

راح جود سنده وجابه للجرباية كعده، دخلت للحمام غسلت وجهي اسمع يكله خلك لاتروح كلتلك باجر انولي سوه.

:- غيث العالم تجيكم وانت جرحك اخضر بعد.

:- ماعليه بس خابرت المحامي.

:- اي تكدر باجر الصبح ترحون للمحكمة تعقدون جوازاتكم وهوياتكم هسه أروح أوديهن إله.

طلعت كلتله ياعقد اذا تحجون عليه تره ماأعقد محكمة اني.

جود.

:- وليش ما تعقدين حضرت جنابج؟

:- شنو ليش جود؟ هيج طلاقنا راح يصير صعب، أقلها السيد هو يمين وتفض الشغلة.

غيث: روح خويه، وديهن، مالك شغل بيها، تهتر وحدها.

طلع جود، باوعت لغيث.

:- ترى ما أعقد.

:- ناي، روحي طالعة، لا تخليني أقوم ألطمك بكف، أفلش سنونج، انكتمي أفضلج.

:- ليش أسكت؟ ترى مو عبدة عندك، هم إلي حياتي أريد أعيش، خو مو أظل عمري وياك محبوسة.

:- وين تردين تعيشين؟ ويه منو؟

:- عسى ما أرد لخالي، هذا الشي رادلي، أنت الك طفل يمي، أسوي وأروح.

ضغط على أسنونه، انتجه راد يقوم، فلتت إيده رد كعد، صاح آآخ وكمش صدره متألم.

ركضتله، دنكت عليه، شال راسه وباوعلي.

:- صارلك شي؟ أصيحلك جود؟

كمش إيدي، سحبني يمه حيل، ضميت وجهي.

:- من أنعل أبو لأبو ذاك اليوم الجمعني بيج.

:- إيدي غيث، ومحد كلك أصعد نفس سيارتي.

:- زمال ابن زمال، قضيت عمري أول طيران، قسمتي الكشره ودتني للبر، دحقي ناي، خلي أكون واضح وياج، مزاجي موش كل وكت يتحمل تصرفاتج.

:- يعني شنو؟

:- تجاوز، طولت لسان، تصرفات رعونية، تنسيهن، أظن اتحملتج كثير، كافي.

:- غيث مو غصب هو، ما أريد أعقد.

ضرب إيدي بعدها عن وجهي وعصره حيل.

انجعص حلقي بس عيوني مفتوحة، أباوعله فاتحتهن على كبرهن.

:- من أهفج بطراك، اكو زمال يعترض؟

هزيت راسي بلا.

:- عفية، كالها ودكدك على خدي، هسه يحبابه تنعدلين ولسانج كضبيه أحسن ما أبتره الج، وخبثج وفري لنفسج، تركي جود لا تحيليه.

هزيت راسي بأي.

:- تنقبرين هينه، ممنوع تطلعين، ومرة ثانية من أتصل لو أدز أحد وراج تجين ركض، وحق كتاب الله أرفع من شعرج وزتّج من السطح.

هزيت راسي.

:- عفية بالبطلة، أريدج دوم هيج متخورسة بس تأشرين.

رمشت بعيوني.

:- لا تعملين هيج حتى لا أعميج.

اندقت الباب، دفعني، فركت وجهي، دخلت سماهر بيدها صينية.

:- ها يخوي، دزيت وراي؟

:- إي تعالي، وأنتِ قومي اختفي من جدامي.

سماهر: ها الله هداج ورجعتي وحدج؟

ما رديت، قمت كعدت بالجهة الثانية مال الجربايه، خلت الصينية كدامه.

:- أتريك وأحدر جوه، العالم مناطريك.

:- ما أكدر أريد أنام تعبان، خلي أبوي يعتذر.

:- يمه، نزلو قريوله بالمضيف نام غادي.

:- شنهو طفل نفاس وين ما جان أنام؟ يول بيج شي؟

:- عجل شلون مرتين أبوي ندهني كال خلي ينزل.

:- هههه أبوج الحنين يزتني بيده للموت ويتسقبل ضيوف، سلامتي، كالها وسحب نفس.

:- يخوي لا تضوج، الحمد لله من رجعت، أكل يلا. وأنتِ ناي يمه ما تجين تاكلين؟ رادلك عزيمة.

:- شكراً خالة، أكلت جوه.

:- شأكلتي ولج؟ صارلك كم يوم لكمة ما خليتي بحلقج، قومي.

:- والله أكلت يم الحارس سويلي لفة.

:- هو الحارس شعده حتى يسويلج لفة؟

درت وجهي واتمددت، شايفين روحهم فوق البشر، إذا مو مفطح مثل السم الياكلو، مو نعمة الله تسمى.

:- ناي يمه قومي أريد أحجي وياج.

:- خالة بعدين أريد أنام، راسي ديوجعني.

غيث: قومي جيبيلي تيشيرت، هذا القميص خنكني.

ما رديت، غمضت.

سماهر: مو يحجي وياج؟ قومي.

:- أني مو خادمة جايبيني حتى أخلفلكم وأولي؟ خلي أذكرج إذا ناسية.

كلتها وقمت، أخذت ملابس ودخلت للحمام، سديت الباب.

أسمع قامت وراي للكنتور.

رحت فتحت الدوش، علقت ملابسي، انتبهت ما جايبة المنشفة، دا أفتح الباب وأسمعها تكله: أني أساعدك يخوي، لا تقدر روحك، هاي زعطوطة ما تفهم، بت رعنة ما تنعدل.

:- لا تركي، هسه أخابر جود، أريده فرد مرة يغيرلي الضماد.

:- يا عجل موش أركان موجود؟ خلي أندهه يجيك، مو كلو جود خطية للصبح مناطرك تعب.

:- أخيي هذا لا يتعب ولا يتعاجز مني.

:- شقصدك غيث؟

:- تعرفين قصدي سماهر كلش زين.

:- إذا على طكة ناي والله عـ...

:- لا تحلفين خويه، تركتها أمانة يمكم، لا بالبالج من طكيتها قدامك صدكت بالكلتي، لابس لخاطر أجر أذنها ما تعطي بنفسها بعد، وهم أدحق وين توصل وياج.

:- والله يخوي ما ردت مشاكل، عجل ما تعرف معزة ناي بقلبي؟ والله مثل ما أعز بنيتي.

:- بتج للصبح نايمة بالحديقة ما تسألين عنها؟

كم يوم ضلّت بدون أكل؟ ما تعرفين عنها شيء؟ لا تقولين حالتي وتعبانة. بنتك كانت بحضنك بنفس الدقيقة اللي كانت بيها ناي قاعدة تدحك بالباب مناطرة رجعتي.

- بس اسمعني.

- ما أريد أسمع أي شيء. بس أعرف ما قصّرت وياكم بشيء، حرمتي أمنتها يمكم ورحت زتيت روحي بالموت لخاطركم. هيج تسوون بيها؟

- هيه لسانها طويل وأبوي ما تحمل، تعرفه عصبي وهي الله يهديها انهدّت بيه.

- اطقوها وتهينوها؟ لو ميت جان إيش سويتوا؟

- والله أستسمحها أبوي بعدين.

- بعد إيش؟ لمن صلخها وذلّها؟ لمن جسرها عيش؟ يخوي هيج هاي، وأني من طلعت وصيتج بيها، فوق ما ظلمتوها ارتكبتي عليها. بس موش هينة يبت أبوي.

- لا دخيلك لا تقول بت أبوي. ولك أنا أختك غيث، وداعت بنتي اتكاونت وياه. والله ما رضيت. غيث أنت اللي طلعت بيك من الدنيا، لا تخلي مثل هاي تخرب خوتنا.

- شنهو مثل هاي؟ سماهر وزني كلامج يخوي، لا تخليني أسمعج شيء ما يعجبج. وشنهو تكاونتي؟ إذا أنتي داخلة وراها ومهددتها لا تقولي.

- عمّت عينها نوت الخراب بعد إيش قالت لك؟

- ههههههههه استغفر الله. قومي سماهر اطلعي أريد أنام، ولا تفتحين السالفة تمازغر من مقدارج جدامها.

- إيش راح تعمل غيث؟

- راح أريحكم من هاي الهوسة كلها وأعقدها محكمة.

- غيث إيش ناوي؟

- كل خير. قومي سماهر تعبان أريد أنام، أخذي زادج وياج، ما أريده.

- لا يخوي لا تقول هيج. ولك أنا ربيتك بيدي وتعبت عليك هيج تجازيني؟

- جازيتج بكل خير وما قصّرت وياج.

- ولك أنا جبتها بيدي هيج تالي تفضلها عليه؟

- ما فضلتها عليج ولا راح يجي يوم أسوي هيج، وبنفس الوقت أنتي مو صاحبة فضل عليها لأن بيج وبلياج هي لي.

- راح تخسرنا كل شيء، لا تتسودن يخوي استهدي.

- الخاسره حلالي مالكم شيء يمي.

- لاااا غيث والله راح تندم، هاي موش كفو تصير حرمتك.

- لو ما أعرفها كفو تسوى رؤوسكم ما أخليها باسمي. سماهر كلمة ثانية بحقها تعرفين إيش أعمل؟

أسمعها بجت يمكن رادت تحضنه ودفعها، لأن قال لها: جرحي لا يلجم. اطلعي سماهر تعبان.

سمعت سدت الباب عرفتها طلعت.

منين عرف كل هذا؟ معقولة جود؟

لا جود ما يعرف هددتني ولا يعرف أني بدون أكل، حتى ضربتي ما قلت له منو ضربني.

عزا شيطان هذا، حتى وهو ميت يدري إيش يدور بالبيت.

شلت رأسي باوعت لأجواء الحمام، خفت خال كاميرات كل شيء يطلع منه هذا.

سبحت عالسريع، أجيت أريد ألبس منشفة ماكو. لبست ملابسي على شعري اللي يصب مي.

طلعت للكنتور فتحته لقيت بس فستان قصير ضال. طلعته وأخذت المنشفة، رديت للحمام نشفت ولبسته. أنوب يومين بدون أكل، سمنانة أكثر ما شايفه بشر يسمن عالقهر.

طلعت رحت للمراية رفعت شعري، صار العطر اللي كان بيد جود قدامي. شلته اشتميته، حلو عطره.

ردت أرده قال غيث: خلي، منو ترى ماكو فرق.

ما رديت، عرفته يقصد لأن رجالي رجعته مكانه.

- غيري ملابسج لا يفوت أحد.

- ما عندي، هنه ثنين اتراكات أخذتهن من رنو وهسه شمرتهن بالغسالة.

- وشنهو بحلقج عظم ما حجيتي؟

- جنت أرملة لمن أقول؟

- جان رحتي سجلتي بالرعاية تحصلين راتب بدل هاي رعونتج ولسانج الفالت بدون فايدة. تركي اللي بيدج وتعالي ساعديني خلي أغير ملابسي.

همست: ما تستاهل أساعدك.

هو هم احترم نفسه ضل يتماطل ويه القميص، بس مبين من النفس تعب لأن اتصلخ وضل ينفت مدنق.

كسر خاطري رحت سحبت التيشيرت.

- موش ما أستاهل إيش تساعديني؟

- أعاملك بأصلي.

- هههههه ناي. وبالقرآن أتمنى أقولج كلمة حلوة بس خايف من العواقب.

- وفّرهن لسارة راح نرجع.

- بكل شيء عانديني سوي أي شيء، أتحمله منج بس سارة لا تدخليها بقائمتج.

- ما شايفها أصلاً ليش حتى أدخلها بقائمتي؟ لا تأكل هم.

- لا والله راح آكل تبن. إيدج على كيفج.

- غيث هذا مو جرح طلقة.

- أي مال عملية.

- سويت عملية؟

- زرعت قلب ثاني.

- جان خليته باليمنى ليش هم باليسرى؟

- إيش أسويلج إذا أنتي دخلتي وقفّلتي ما تتحركين من مكانج، اضطريت أزرعه هينه.

ردت أقوم كمش إيدي.

- كرهتيني ناي؟

- ما حبيتك حتى أكرهك.

بعد ما حاجي، انفتحت الباب دخلت أسماء.

أني هم ما رديت، كمشت وجه غيث وعضيته من شفته.

شمرت كيس بيدها وطلعت بسرعة.

ردت أوخر كمشني من شعري وأخذ شفتي بين سنونه.

دفعته ردت أحرر روحي، عصر وجهي بيده ثبّته أكثر. أحسها يملخ بيها مو يبوس بيها. ما بطل لمن اكتفى من وحده.

وخرت أمسح بشفتي ضايجة.

- حيل! لو شالعها كل عقلك يولي، إشلون هيج تعملين جدامها؟

- مرة ثانية أسحلها وأحبسها بالحمام حتى تتأدب وما تدخل.

رفع حاجبه همس: اكو شعواط بالجو.

- إشكد واثق من روحك أنت! وبعدين شنو شمرت هاي؟

قمت فتحت العلاكة لقيت لفات شاورما. باوعت له: - شنو هذا؟

- أوووو هذا كرم. هسه يذل أبهاتنا بيهن وتعالي يا طلابة فضي.

طلعت لفة ورجعت لفراشي قال: جان جبتيلي وحدة وياج.

- ذيج العلاكة تكدر تخدم نفسك.

حك خشمه عرفت روحي راح أنسحل. قمت جبت اللفة الثانية أخذها.

- روحي غسلي حلقج، شفتج طلع دمها.

رحت غسلتها وطلعت لقيته فوني يضوي. رحت أخذته لقيت مسج من كرم كاتب: أكلوا ما طولني موجود ربي يحميني ويخليني خيمة عليكم.

غيث: - كرم مو؟

- هههههههه أي كرم.

- دخيل رب كرم أنا. تعالي ناي بس وعمة السادة ما مشتاق لج جذب هيج بس قربي.

- قصدك نحس أني؟ مو أي لعد خبر الحبابات خلي يصعد لك أحسن.

- زمال ما تدحك واحد عنده عشر عصافير تاركهن وراكض ورا أغراب.

رحت كعدت أكل بلفتي وراسل بكرم أتشكر منه رد: تركي الشكر على جهة ما يفيدني، تعرفين إيش رايد مكانهن؟

- أغسل جواريبك أعرف.

- ولج منيلي؟ غير خليتي عينج ضاعن بقت بس تك.

- ترى قضيت عمرك بتك كرم وهم كل فردة شكل. لا تشمرها بعيوني وهذا صاحبك دا يريد مي أجيب له؟

- هفي راجدي لا تجيبيله خليه يولي.

- أخاف أنسحل.

- لا ما يكدر جبان. ولج هذا واحد بوخة ترى أصغر واحد بمنطقته يضربه.

- دا يباوع لي كرم.

- دخلي أصبعج بعينه طلعي من حلقه.

- ما يوصل مسافة بعيدة.

- طلعي من خشمه.

- عيع لا أطلعها من عينه الثانية.

- ولج نبتلي بيه أنوب تعالوا كودوني ودوني للبار وشوفوا ياهي الحلوة منهن.

- هم صدق أترك عيونه أدخل أصبعي بالثقب اللي بصدره.

- حيييل هسه إشكد تلقين بنات بقلبه شوفي تركيهن كلهن ركزي لي على سارة، طلعيها بظفرج وقصعيها هي جنها قملة.

- وإذا انتبه؟

- نقول له شربت زايد تيهت المكان وراحت للبنكرياس طلعت ويه البول.

- كرم حبيبي فاهم وظائف الأعضاء غلط.

- هو اللي يصاحب مثل أشكالج إيش يذكر؟ أستوني خاسر لفة تعال جد وتعب وأصرف على حلوقهم.

- غيث شاف الرسالة.

- حبيبي غيوث الوردة خو ما معتاز لفة ثانية بس اطلب والحمزة خادم أنا.

ضحكت، عدل رأسه غيث يباوع لي.

سلمت ورجعت الفون. كملت أكل لفتي لقيته صافن، أشرت بيدي قدام وجهه.

- شو صار لونهن خضر؟

- لأن لابسة أخضر، إيدك وخرها دا أنام.

ما رد اتجتف وغمض.

دقايق وأسمعه شخر. باوعت له لقيته غاط بالنوم، شعره نازل على عيونه.

عدلت مخدتي وخرت شعره على كيفي، مشيت إيدي على لحيته.

إشلون دخلت قلبي بهالسرعة؟ شنو منتظرني وياك؟

هم راح تتعبني مثل اللي قبلك وأطلع بكسرة، لو راح تصير لي سد أحتمي بظله؟

أتحرك وخرت إيدي وغمضت بسرعة، سويت روحي نايمة.

نام صفح دخل رأسه بحضني وخله إيدي على شعره، حضني من خصري ردت أدفعه همس: بروح عاشق لا تبعديني تعبان.

مر أسبوع ما رضى عمي نرجع لتركيا لأن خطار طالع، خطار داخل.

سماهر شدت وياي فد شدة اعتبرتني أنا السبب الزعل اللي صار بينها وبين غيث.

قامت تحاسبني على كل شيء ودائمًا تطلعني أنا الغلطانة، حتى بعد ما ردت علاقتها بيه.

كرهت وجودي وكل إشوية عاضة أصبعها تقول: إشلون دخلتج بيتي، كون يرد بيه الزمن.

وأكثر الأوقات أسمعها تقعد تنصح بيه: لا يستعجل ويعقدني، وترد ناطة من ما يعبرها.

هناء وأم عامر صافات فد صفة ينبشن بس يردن يطلقني، بالأخص من سمعن راح نعقد محكمة قبل لا نرجع لتركيا بعد ما يشوفن طريقهن.

أسماء ساحلة روحها فد سحلة، قبل لا غيث يطلب أشوف الحاجة قدامه خالتها.

أتباوع لحلقه وظالة عود ويه رنو نفس العمر وتتسلى.

أهلها يومية يجون العصر بس هي داقّتها إقامة حتى تبات.

علاقتي بغيث كلما جايها تقوى وأتعلق بيه أكثر. اكتشفت بيه خصلة أنه يشتغل بهدوء، ينطي الأمان وعلى ثانية يفجر قنبلة يخليها كلها تتراكض.

صح جنت أتعلم منه هواي شغلات خاصة عدم التسرع ودراسة المقابل قبل لا تنطي الثقة. دوم يعلمني إشلون أكون قد نفسي ونسى شيء اسمه خوف.

بس بنفس قلبي يغلي وحسب الدقايق إش وقت أحبل وأتركه. من أقعد بليل وأسمعه يسولف ويه سارة ويتغزل بيها.

أحس النار بيه مو بيدي غصبًا عني، إشقد أريد أبعد نفسي وأسيطر على مشاعري ما أكدر. أعرفه يحبها.

مو بس حب لا يعشقها، وأكره نفسي لأن حبيته بس ما جنت أسيطر على دقات قلبي ولا على اللي يحس بيه.

قعدت الصبح من وقت لأن اليوم يفتحون الخياط من غيث. قمت لقيته ما هو نازل.

قمت غسلت وجهي نزلت، البيت هدوء. بره يتريقون والخطار هم بدأ يخف بس العصريات يجون.

رحت للمطبخ ردت أسوي لي شيء أكله، وصلت غرفة سميرة دا أعبر استوقفني صوت هناء تحجي على كيفها، على بالي بالبداية ويه سميرة بس من سمعت أسماء تقول لها: ما معبرني ولج، عرفتها قصدهن غيث.

هناء: - ما ياخذج لو تموتين، ولج غيث مقلب بنات الدنيا كلهن بيده ما يورط روحه بوحدة تكظه وتحصره هينه.

- عجل إيش أسوي يلا نصحيني؟

- فتح الخياط الصبح، هسه ما بيه شيء بعد وحامي خلي رنود تصيحه هينه وشوفي شغلج.

- رنود منو تقول ترضى؟

- تقبل لأن من دحكت جود نظراته لناي من كانت نايمة بالحديقة، أجت متخبلة. سمعتها تبجي وتقول لأمها: ساعة كاملة أراقبه قاعد يمها صافن عليها ما يهون يقعدها، وأمها كوه سكتتها حتى لا يتخاربون غيث وجود.

- تمام هاي صارت من يمنا. وإيش أسوي إذا دخل؟ لا تقولين أغوي، هذا ما يباوع لعرضه لو تقصين رقبته.

- غبية لا، ملخي ملابسج وصرخي عود متحركش بيج. هو يخاف من أبوج راح يضطر يسد السالفة وعمي يجبره يتزوجج.

- غيث يخاف من أبوي؟ من إش وقت؟

- تركج من الخوف، يخاف على سمعته لأن ما معوزه. هو إشلونها سمعته عاطلة من أمه؟ راح يسد السالفة، وإذا بيج خير خلي أبوج يطلب مهرج طلاق ناي لو ما يسدون السالفة.

هيه تحجي وغيث صاح ناي.

انداريت لقيته واقف ويا عامر، بس عامر عيونه حمر وجهه أزرق يرجف.

- هاااا غيث رايد شيء؟

- إشكو هينه واقفة؟

- لابس ردت أدخل أسأل هناء وين الخبز دا أريد أتريق.

- ندهي هناء وينها خلي تجي.

على صوته طلعن هناء وأسماء حلوكهن شاكّاتهن من الأذن للأذن يباوع لي، قالت له: ها خويه رايد مني شيء أمر؟

غيث: - ما يأمر عليج ظالم بس موش أنا اللي رايدج، زلمتج الطالبج. قالها ودقّ دق على ظهر عامر.

هناء: - شنهو عامر قول يا عمري اطلب.

عامر: - أنتي طالق طالق طالق----

هناء: كول يخوي أمرني.

ما يأمر عليك ظالم، بس موش اني الرايدك، زلمتك الطالبك.

قالها ودكدك على ظهر عامر.

شنهو عامر؟ گول يا عمري اطلب.

عامر: أنتِ طالق، طالق، طالق.

هههه، شنهو عامر، شبيك؟ شنهو هذا الشقة الثقيل؟

قالتها وراحت يمه، رادت تخلي إيدها عليه، بعدها...

حرمتِ عليَّ، بعدي هناء.

شنو حرمت عليَّ عامر؟ شصايرلك؟ شنهو طالق؟ شنهو حرمت؟ احجيييي! لعبة لو مقلب؟ أكيد تتشاقه مو؟ احجيييي!

سمعتي الكلتو، وجان واضح.

ليش هاا؟ شنهو البدر مني؟ صاير شي؟ سامع شي؟ كول خلي أفهم، لا تخبلني. هسه تركتك تضحك ما بينه اختلاف، زين، قصرت بدون لا أدري؟ احجيييي، لا تظل ساكتتتتتت، احجي عامر.

ما شفت منج غير الخير.

عجل عش عامر، اني حبيبتك وأم بناتك، تريد ولد أحبل، ما عندي مانع، بس لا تطلقني.

دار وجهه ما رد.

عامر، عامر، لا تنطيني ظهرك دخيلك. شنو الصار وخلاك تاخذ هيج قرار؟ غيث خويه كله خليه يحجي عش ساكت؟ ولك ما عندي غيرك، ولك وين أروح عامر؟

ردي لأهلج لأني أريد أتزوج.

عش هاا؟ شقصرت وياك؟ زين هم ميخالف حقك تريد تتزوج، ما عندي اعتراض، عش طلقتني؟

لأن ماكو حل ثاني.

ماكو حل ثاني عش؟ ولك اني هناء الي حفيت وراها وكتلت روحك، هيج تاليها تگلي ماكو حل ثاني لازم أتركج؟ قصرت؟ گلي سويت شي بدون لا أنتبه؟ نبهني، تريد طفل بعد هم ما عندي مانع أسويلك، بس تقول لازم أتركج.

لأن ما يصير.

شنهووو الما يصير؟ ما راضية التريدها؟

هناء ردي ما أردج، البنات اتركيهن وتردين لأهلج.

يا أهل! منين لي اني؟ تعرف أمي عايشة عد أختي؟ عامر أبوس رجلك لا تسوي هيج، ولك أحبك، ااااحبك، تعرف بيَّ أموت من غيرك، وأنت هم تحبني، شنهو الصار؟ كول لا تخبلنيييي!

سماهر: عامر شصايرلك يخوي؟ غير اتفهمنه ماكو هيج قرار بدقايق.

أريد أتزوج.

أي منهو مانعك تتزوج؟ البيت جبير، اخذ وحدة من الغرف الفوك.

هناء: گليله عمة، گليله والله أموت بدونه، وبناتي ما أتركهن لو يعدمني.

ما تطلعين، هسه يردج، شنهو بكيفه هو؟

ما يصير ترد، حرمت عليَّ وباجر زواجي، هناء اطلعي روحي لأهلج لا تزوديها عليَّ.

هو قالها وهنااء قامت تلطم باثنين إيديها على وجهها، وأسماء كامشتها، شكلها يكسر القلب.

عامر يباوعلها ودموعه تنزل مكسور.

على صوتها اجت أم عامر وباقي البنات من ضمنهن سجى الجانت واگفة على جهة اتباوع من سكات.

ركضت أم عامر كامشت هناء، قالت: شبيج يخاله؟

طلقني يخاله، ابنك طلقني، يريد يتزوج عليَّ ويگلي روحي مناا تركي بناتك.

يااا! ولك تريد تتزوج، محد يعترض، بس عش أطلگ حرمتك؟ ما مقصرة وياك، شايلتك أنت وبناتك، اكو شي شايفه عليها؟ احجي.

لا يمه ما دحكت غير الخير منها.

عجل شنهو الصار؟ لو هاي سوالفه؟ أعرف الخبث منين، خليته يطلگ أم جهاله، ارتاحيت؟ مليت راسه عالخرب؟ علمته على اللعب والخربطة، منين له فكرة الزواج؟ هو ميت على حرمته وبنياته، حسبي الله بيك.

غيث: اتحسبي يا مرة الچبير بس ديري بالج على ضغطج، لا تنجلطين واستعدي للمفاجأة الأكبر.

شنهو ولك؟ بعد شضام من مصيبة؟ عرفتك وراك سالفة وخايف منها.

أخاف؟ لا هاي جبيرة بحقي.

بجهلي ما سويتها، هذا شغل البزر والحريم، خبرها يا الشهم يا ابن أمك وتربات الحريم، منهو الراح تاخذها؟

هناء: موافقة عادي عامر، أتزوج وجيبها بس ردني، دخيلك أبوس رجلك لا تسوي هيج بيَّ.

ما رد عامر، گعد عالقنفة، خال راسه بين إيديه.

التمن بناته كامشات أمهن يبجن وياها، دفعتهن واجت يمه گعدت كامشت إيديه.

عامر عش گلي شنهو؟ كرهتني لو تريد ولد؟ إذا ولد والله أتحمل، أتزوج وجيبها حتى اني أخدمكم، والله راضية بس لا تقول كرهتك وروحي.

شال راسه مسح دموعها.

قومي هناء كافي.

شنهو كافي؟ وين أروح ولك؟ أموت وراك والله أذبح روحي، ما أتحمل يوم بدونك، ولك ساعة أنجن إذا ما أشوفك، مو أنت جنت تگلي النفس مالتي، شنهو الغيرك عش هيج تبعدني عنك؟ عامر اني حبيبتك.

ما يصير أردج، ولج ماااا يصير، كافي تعذبيني راح أموتتت.

شنو الما يصير؟ هي ما ترضى؟ اني أروح وأبوس إيدها، لا تبعدني عنك عامر ما أگدر أغمض عيني وأنت ماهو، مو أنوب أنت وبنات ولك أمووت.

أم عامر: شنووو ترحين وتبوسين إيدها؟ أدوس راسها وتقبل غصباً عن أبوها، ردها لك.

عامر: انتهت، حرمت عليَّ.

شنهو الما يصير ولك؟ حرمتك ردها لذمتك وتتزوج اتصخم، محد يعترض.

همه على هوستهم ودخل عمي، قالها لأن حضرت الخزي ناقص الرجولة داخل بالمحارم ومصخم وجوهنه جامع بين الأختين.

هاي الكلمة الي سكتت الكل.

هيه وگفت اتباوعله وأشفايفها ترجف.

انداريت لسجى گالتها: رجلي عش هاا؟ مو اني أختج؟ عش يا أختي هيج تهجمين بيتي؟ تاخذين أبو بنياتي؟ عجل موش تعرفين تزوجنه عن حب؟ مو تعرفيني ما أگدر بدونه؟ تغدريني وتذبحيني بسجينة عمية؟

غصباً عني.

دخلتج بيتي ولبستج من لبسي، گاسمت لكمتي وياج، تقومين تاخذين رجلي وتطلعيني منا؟

أم عامر: صدگ عرامه ولج، ما لگيتي غير رجل أختج؟ عش من گلت الزلم على گص رگبتي، مرة ما تصير لابني.

أبو عامر: لا گص رگبتج ولا طياح حظ أهلج، البت حامل وهسه راح نجيب الشيخ نعقدهم قبل لا تكبر السالفة، ما أريد بشر مخلوق يعرف السالفة وتنسد أحسن ما يطير راس ابنك.

يمه يا المصخمة شلون حبلت؟ شكول لأمها ولخوتي؟

محد يدري، نجيب أمها ونفض السالفة بين ما تولد، وهيه مو قاصر، أقلها نسد الفضيحة الي ابنك دخلنا بيها.

وهناء وين تروح؟ تعرف ما عدها أحد، وخالها تعبان رجال جبير وگوه مدبر روحه.

هناء تظل هينه معززة مكرمة، ما تتحرك يم ابنياتها، لو تريد أخذلها بيت تگعد بي هي وأمها، ما عندي مانع، اني جاهز بالي تطلبوه، يلا اتهيئوا تا يملجون، خلي نخلص من السالفة.

هو قالها وهنااء وگعت من طولها، ركضوا عليها، اشكد جنت حاقدة وضايجة منها بس گلبي وجعني عليها من شفتها بهالمنظر، ما گدرت أظل واگفة أحسها خذت گلبي.

طلعت بره للحديقة لگيت غيث واگف يدخن ويلعب بالشجرة، وصلت يمه.

أنت الضربته وجبرته يسوي هيج؟

وعش اني؟ يجوز صحى ضميره وحب يصلح الغلط من وحده.

خطية هناء راح تموت وراه.

يطبها مرض، خاله خشمها بكلشي اله بحياتها، مسيبة الحبل لزلمتها، وتاركة أختها محتلة الساحة.

هو نذل.

لا غبي، راح يموت وراها ما تعرفي شلون يحبها.

لعد ليش هيج سوى؟

أختها حية وعرفت تلعبها صح، هو هبش من أول چلمة راحلها بدون فهم، ما كربلها غير مرة وهم ما چان صاحي شارب لمن طالع من أذنه.

شعرفك بكل هال تفاصيل؟

يول على شنهو تحجين؟

غيث هسه گلت هي ضاحكة عليه.

منهو گال؟ عندج إثبات هيج حجيت؟

أنت السويت كل هذا مو؟

هذا يتسمى عقاب رباني، البشر مالو إيد بي، من أدحگ حرمتك جدامك وأنت روحك بيها بس محرمة عليك مثل أختك، اووف شعور خرافي.

هسه بس يتزوجها ويطلقها.

شنهو لعب جهال هو؟ غير حبله خلي تمر التسع أشهر يطيح حظه وحظ أبو، بين ما نشوفلنه زلمة معدل يستاهل هناء انزتها عليه.

والبنات؟

يم جدهن يتربن معززات مدللات.

غيث حرام عليك.

رفع حاجبه.

والله خطية، شنو ذنب الأطفال أهلهم يتشتتون؟

خافي على روحج لا تخافين عليهن.

شقصدك؟ هم راح تتزوج؟ تره عادي ما يهمني.

لا متأكد خالية من الإحساس والمشاعر وتزفيني بإيدج بعد.

أسماء تريد تذبك بمصيبة.

غشمة ما يدرن مصايبهن كلها أمكسرهن على إيدي من جنت جاهل، بعدهن عايشات بالأبيض والأسود.

غيث علمني شلون أصير شيطان مثلك.

چان يسحب الدخان غص، كح، دگيت على ظهره صحى.

خرب بهلج، خليتي بيها صحى أنتِ.

تره ما قصدت بالي بالك هيج، يعني ما أخاف وأصير نبها وشكو واحد گدامي أضربه.

امشينه فوگ واني خادم.

لا مو تعلمني شلون أشتغل بملهى، تره اكو فرق، صدگ شوف منو وراك بس لا تندار.

حزورة؟

هههههه، العالم مخبوصة وناس تتمالخ، وهي فاتحة حلگها عليك.

والله حالياً مستوي كلش، حرام أقل من خمس دقايق أفض كلشي، شرط أكرهه بالزلم.

حلوة وصغيرة.

عرضي يولي.

شخليت بالعرض؟ تره نعلت أصله، واكو معلومة صغيرة تر اني مرتك مو صاحبك.

حلفي تدرين نسيت.

أنت بس لا تقول مشتاقلج، وما راح تنسى بعد، اشوكت نرجع لتركيا؟

باجر إن شاء الله.

أريد طلب منك.

آخر طلب مو عرفتوا شنو لا تحجين.

فدوة.

ناي ما راح تحصلين غير وجع القلب.

بس من بعيد أشوفهن والله اشتاقيتلهن، والله أعلم اشوكت حشوفهن بعد، غيث إذا حبلت بعد ما أگدر أرجع للعراق لحد ما أولد، فدوة آخر طلب.

هز راسه أي وهمس: حجابج يولي، وعدلي وجهج عالصالة اجوا الولد.

انداريت شفت أركان وياه شاهين دخلوا.

تركتهم ودخلت لأن أصلاً ناسيه الحجاب ما جايبته.

لگيت هناء گاعدة حاضنة بناتها وصافنة.

وأم عامر وسماهر يمها گاعدات.

سجى على وگفتها عين وگحة منتظرة أمها والشيخ يحجون عليه أهل ما عندي وهمه أقذر عائلة موجودة، ردت أصعد قال سماهر: وين غيث؟

طلع ويه أركان استوى.

اليوم آخذج للدكتورة تهيئي.

ليش شبيه؟

أريد أعرف أنوب مصيبتي وين تصفى، عش ما صار طفل لسه؟

خاله غير چان مريض.

وگبلها شنهو هم مريض؟ ناي روحي لبسي واستعدي بين ما أخبر غيث حتى نروح.

اني ما بيَّ شي ودكتورة ما أروح.

أخاف عجبتج العيشة هينه؟ بنتي لا تحلمين زايد، بطلنا نستقبل غرب ما وراهن بس كسران الظهر.

اني ما دأ أحلم أصلاً.

أم عامر: حلقتج وين ناي؟ شو ما أشوفج لابستها؟

شنهو ضاعت؟ بس لا هم بعتيها ونطيتيهن لأهلج؟

لا.

واضح لا، زين الميدالية والمحبس هم ضاعن؟

أسماء: عش خاله أهلها فقرة.

اووف حظ ولدنا، ما عرف منهو داعي عليهم.

سميرة: أخوتي يتركون الشريفات ويركضون على هالشجول.

مو هي بكيفهم، ماكو هذا يتزوج يستر عليها، وأول ما تولد تنطي الطفل لهناء وتنقلع لأمها، بعد ما نلفي هيج ناس، وناي الها هذا الأسبوع طلعت حامل، خوش ماكو نزوجه وهي ترد لأهلها.

سماهر: الله ويدج، اني طلعت من إيدي، شو بعد محد يسمع مني.

هناء: خاله راح تزوجوها بغرفتي مو؟

لا طبعاً بغرفة سمير، أظل وياها ماكو زواج بس عقد لحد ما تولد.

وإذا عامر ما رضى؟

أفرك حلگه لعامر مو هي كيفه، قومي يمه بنياتج شبعن بجي، تظلين أنتِ الأصل وأم البيت.

قامت ركضت باسات إيدها، وأم عامر باسات راسها، قالتها: لا تخلين بخاطرج غلط وماكو أحد ما يغلط، والله روحها بيج.

كسرني يخاله.

روحي دحگي شلون هو كاْعد يبجي چنه حرمة، قومي يمه كلها كم شهر وتردون، وهاي أختج بعد ما ألفيها بيتي تولي ويه أمها.

قامت أخذت بناتها ردت لغرفتها تبجي.

ردت أصعد قالت سماهر: حضري نفسج أنتِ.

ما أروح.

نااااي! شكلتِ؟ نسيتي لو أذكرج؟

خبري غيث إذا رضى تعالي گولي أغير ملابسي.

أم عامر: مسنودة بغيث هاي بعد كم يوم حتى تطردنه من البيت.

سماهر:

عجل لبالج متسويها عين قوية وعرامة ما تخاف.

تربية شوارع، من شنو تخاف؟ بت الأوادم تخاف لا تنشمر لو تنطگ، وهاي حاويتهن اثنينهن، مغسول حظها، وانوب شجعها أخوج. تعالي تفلي بوجهي إذا قدرتوا تگضبوها بعد.

ما رديت، كملت صعودي، لقيت رنو بأذانها سماعات ودندن، واقفة آخر درجة. وصلت يمها باوعتلي صفح، قالت:

"بعدي!"

"شلون أبعد؟ ترى باقي درجة وأكمل، وليش هالعرض كله ما يكفيكِ؟"

"ناي، نزلي لا أهفج من فوق!"

"جربي حتى أحطملج وجهج هذا الچنه قدر معفوس."

أسماء:

"حتى أمرعطج، لا ببالج شايفه نفسج، وروح أخوي أصعد أسحلج."

رنو:

"وعلى شنو؟ لا تعبين روحج وتصعدين، هاج هي نازلة."

قالتها ودفعتني، زلقت رجلي بسرعة، كمشت بالمحجر، رجليا انشحطن عالدرج.

قعدت، جرتني من شعري:

"مو قلتلج نزلي أحسن!"

بعدني ما متحركة وقايمة، دفرتني بظهري، أحس العمود الفقري تحطم.

نزلت أسماء تضحكلها، وأمها ولا تقول صار كل هذا قدامها، همها شلون تخلص مني.

ما شفت روحي غير أقوم وأدفعها بكل قوتي، نزلت چفي على وجهها، الكل أطافر، محد لحق عليها لمن انلطمت بالكاع.

على صوت الوگعة وصرختها الكل التم.

سماهر شالت راسها وهي زاعت دم وفتحت عيونها.

أحس قلبي وقف، ركضت صعدت بسرعة للغرفة، دخلت وقفلتها.

قعدت وراء الباب، إيدي على قلبي، أسمع صارت هوسة، الصريخ واللطم وين وصل ما عرفت، ماتت لو بعدها بيها روح. شوية صوت غيث يصيح:

"شصاير؟"

سماهر:

"حرمتك يخوي، حرمتك زتت بنيتي من فوق!"

"عش يبه؟"

"تسال عش ولك؟ البت راح تموت، حلقها يخشمها يخرن دم، الحقني يمه، دخيل ربي بنيتي راحت!"

أم عامر:

"يبووووو ولكم ماتتت، لحقوووو!"

"يمه بنتي يممممه، لحقيني راحتتتت، غيث يخوي ماتت وحيدتي ماتت!"

أم عامر:

"ولك أركان، اسندها ويا، ما يكدر مريض هذا، قوموها!"

أسمع شلون مخبوصين، وغيث يقلها:

"اقبضها منا."

وذاك يستعجله.

خفت، أني شسويت؟ ليش دفعتها؟ كان عقوبتها بغير شي.

شنو عقوبتها وأنتِ راح تطلقين؟

شيخلصني من غيث هسه بالله؟

كنت أدافع عن نفسي، شنو يضربني؟ مو من حقه.

والله اليوم يفلش وجهج ويشمرج بالشارع، خلي أشوف شلون راح تخلصين روحج من إيده.

قمت غسلت وجهي، أباوع شفافي صارن بيض من الخوف.

فركت وجهي وطلعت من الحمام، أسمع الباب تندفر، عرفته هو، رجع دفرها أقوى.

أخذت نفس ورحت فتحتها.

شفته الدنيا طالعة من عيونه، شال إيديه أشر:

"شمسوية؟"

رجعت ليورا بسرعة، دخل وركع الباب سدها، واجه وصل يمي، ضميت وجهي، كمش إيديه وخرهن، قال:

"شلاطمه بأهلج؟"

"والله هي بدت."

"مكسرة البت وهي بدت؟ ناااااي، عش هيج كاتلتها؟"

"يعني تضربني وأسكتتت؟ والله شنو مدللة، وأدري إذا أشكيتلكم محد يحاجيها."

"لأن باطلين وماكو زلمة بالبيت."

قالها وما حسيت غير الراجدي طفى عيني وقلبني ليورا.

أحس روحي شاطت.

قعد يمي نص قعدة، رفع راسي من شعري، يحكي من بين سنونه:

"إذا صارلها شي تعرفين شسوي بيج؟ وروح أخوي أذبحج وراها."

دخلت سماهر تركض، كمشت إيده قومته:

"أتركها لا تطقها، تريد تاخذ حق بنتي، طلقها."

"عش ما رحتي وياهااااا؟"

"أركان خبر أهلها أخاف يصيرلها شي لا سامح الله، أقلها موجودين."

"روحي خويه وياهممم!"

"ما أروح لبنتي ولا أدحگ وجهها إذا ما أخذ ثارها."

"حقج يمي، توكلي."

"غيث، لا تيه السالفة، لساني ما يخاطب لسانك إذا خليها على ذمتك، ناي تطلق ما أريدها إلك يخوي، وداعة الأيام اللي نيمتك بحضني وحميتك بروحي، أنسى الخوة وأطلع أرد لعيالي حتى لو ماتت."

"أستغفر الله يبه، قلتلج حقج يمي لا تلحين."

"لااا، بهذا البيت ضايع حقي."

كنت قاعدة لخاطرك، وهسه صرت أسوء منهم، روحي يخوي عرفت جوابك، فضلت الغريبة على اللي ربتك.

"أفااا، وأنه أخوج، لا تقدريين روحج، ما يكون خاطرج إلا طيب، اللي ترديه اعتبريه نفذ."

"جوازها يمي، أطلق، تسافر أنت وهي، أردها لعمها غصباً عنه ياخذها."

"هاي هي، اعتبري صار، استعجلي لا تخليها بروحها."

"موش وحدها أركان وأم عامر وياها، بس أخذ المستمسكات أخاف يريدون نشتكي لو تصير سالفة من أهلها، يالا أرمي اليمين عليها."

"شوية ويجي الشيخ يعقد لعامر، نفسه يطلقنه، لا يضل بالك ما أخليها بعد."

"قومي لج، غسلي وجهج ولبسي حجاب، أول ما يجي الشيخ حتى يخلصنه من بلوتج."

هزيت راسي بأي وقمت.

رحت للحمام غسلت وجهي، أباوع عيني انقلبت دم لونها، وشفاتي مشكوكه، كل هذا بس لأن بنتهم اندفعت، لعد أني شكد رخيصة؟ شكد مالي قيمة بهالدنيا؟

طلعت لقيتهم ماكو، رايحين، قعدت بالكاع، أحس عيني تحركني حيل.

ضميت راسي بحضني، أريد يهدأ الألم، غمضت حيل.

هيج ما أسوى بنظرك؟ هيج؟ أول ما طلبت منك قلتها: "تم." لعد وين راح أكون لج سند؟ وين أحتمي بيه؟ ما قلت وين تروح.

ربع ساعة والألم زاد، أحسها تريد تنقلع، احتاريت شسوي لو شلون أهدئها.

رن فوني، رفعت راسي لقيته مشمور.

رجعت غمضت، ما بيّ أقوم، ظل مستمر بالاتصال، قمت دنقت شلته، لقيت ريحانة، رديت، اجاني صوتها:

"وينج ناي؟"

"بالغرفة قاعدة."

"شصاير؟ شنو اللي سمعناه صدق غيث راح يطلقج؟"

"حقه، لأن ما محسوبة على البشر، هاي انضربت وانهانيت وراح أطلقني، منو يقوله ليش؟ خو مو لخاطر وحدة ما تسوى فلس يترك أخته."

"وين تروحين؟ لعمج راح يستقبلج؟"

"غصباً عنه، حتى لو ما استقبلني، ماما راح تاخذني بحضنها، ما معقولة تخليني بالشارع، مهما يكون أني بنتها، حتى لو ما تحبني."

"ناي، أخاف يخبر خالج ويقوله تعال أخذها، وأنتِ تقولين أمج ما تدافع عنج ودوم تنفذ اللي يقوله، تعالي يمنا والله نخليج بعيوننا."

"تريدين تخدميني؟ قولي لأبوج خلي يحاجي سماهر تردلي جوازي."

"ما راح تنطي، راح تقول ضاع وتحلف باطل حتى ترجعج لخالج، تعلميني بخبثها، هاي تريد تخلص منج نهائيًا."

"معناتها رجعت للبدايه، إلا أنتحر يالا أخلص نفسي بعد اللي سويته."

"ناي، شبي صوتج؟"

تحسرت على حياتي اللي كل ما أقول انعدلت أرجع ألف سنة ليورا وأبلش من نقطة الصفر.

"ناي والله لو أقدر أطلع من البيت كان جيتج بس منعوني، نزلي لأبو كاظم خلي يجيبج يمنا."

"لا خليني، بلكي أصحى من الحلم اللي كنت عايشة بيه، بلكي أفهم كل هذا وهم، تدرين شأتمنى؟ أتمنى ما غمضت عيني على فرشته ولا نمت على صدره ولا خليت راسه بحضني، ما دخلت وياه بحالم ولا شاركته بضحكة."

"ترى غيث والله خوش زلمة، وروح أخوي السم كله من سماهر."

"الغلط مو بيه، بيه أني، علقت روحي بشي مو من حقي ولا راح يجي يوم يعتبرني ملكه، نسيت أني شي عابر يجي يوم وأطلع منا، أستاهل كل الوجع اللي أحس بيه."

"تدرين أحس الحب شي جذب نضحك بيه على روحنا أنه شي حلو وهو عبارة عن وجع وألم، واللي يدخل بيه بس الموت يريحه."

"ما ردت أحب، بس ردت أحد أستند عليه، ردت أغمض وأني مأمنة اكو من اللي يحميني."

"ماكو سند بهالدنيا، اكو من اللي يظلم، من اللي يكسر، من اللي يستلذ بألمك."

"رفضه أبوج؟"

"الله يحرقها بنار جهنم سماهر، هي اللي راحت زتت الحكي بحضن أبوي، قالت له: بنتك عينها من شاهين راح تخزينا، اقبضها وبعدها لا تخرب الخوة وتخليهم يتجادلون لأن أسماء لغيث وسميرة لشاهين."

"وأبوج ما عرف يلطمها على حلقها؟"

"أبوي موش تشوفيه لبالج زلمة خيخة مثل عمي أبو غيث، ويمشي بكلام الحريم، تراه شيخ وله اسمه ويخاف على سمعته، ويعرف الحريم خرابة، طردها من البيت ومنعني دخول بيتهم."

"يعني ما لحق يطلبج؟"

"لا بس محاجي أبوه تيجون يطلبوني، قايمة أسماء مخابرة سماهر وهي اجت خربت كلشي، بعد محد يكدر يحكي بعد هالخبر، مناطرين بلكي شوية يهدؤون ويرجع يفتح الموضوع."

"سماهر من شنو مخلوقة؟"

"طمع وغل، روحي لجدتي وهي توصفها لج، ربي إذا يحبج صدق يبعدج عنها، هاي تبيع أمها وأبوها لخاطر الورث."

"وأني شكو من كل هذا؟ هي اللي دخلتني ليش هيج كرهتني فجأة؟"

"دخلتج طعم تاتخلفين وتزتج، ما عرفت راح تنقلب الآية بيها، وإذا استمر غيث باللي يدور براسه معناتها ضاع كلشي."

"ريحانة، عيني دتفُور، خلي أروح أغسلها."

"روحي حبيبتي، بس خليج بغرفتج ولا تفتحين الباب لمن يرد غيث، وأني بلكي أقنع أركان يجيبني يمك."

سديت الفون ورحت للحمام غسلت وجهي، صارت منشفته كدامي، سحبتها نشفت عيني وباوعتلها.

شتكولين؟ راح تكدرين تكملين من غيره؟ وإذا شفتيه كدامك شراح تسوين؟ تركضين لحضنه لو تسوين روحك ما تعرفيه؟

أحس قلبي مختنق، محتاجة أحد قريب أفضفض وياه، أحس روحي تنسحب مني.

طلعت رحت قعدت عالجرباية، سحبت فوني، دخلت على صفحة لحن، ردت أتصل وتراجعت، شراح تسمع مني؟ منو يقول تذكرني أصلاً؟

مر شكد حتى ما راسلتني وسألت عن حالي، وين صفى بيه الوقت؟ هسه تريدين أحد يشيل همك؟

تعودتِ وحدك تتحملين، ليش هسه تريدين أحد يشيل عنك؟

من التفكير أحس راسي يريد ينفجر، وعيني زودته أكثر نار يطلع منها.

قمت أخذت مهدئ ورجعت تمددت، مرت ساعتين وأني على وضعي.

لمن سمعت من جديد صار هوسة وصوت عمي يعيط يصيح:

"ناااي!"

عرفت وصل ساعة عقابي.

قمت نزلت لقيته واقف عيونه ناطة، ويمّه أم عامر وأسماء يسولفن.

نزلت قلت له:

"ها عمو؟"

"الله ياخذج أنتِ وعمك بساعة وحدة شلون مكسرة البت!"

"ما سويت شي، هي بدت دفعتني، كان نيتها تكسرني لو ما أكمش."

أسماء:

"جذب عمي، كلنا واقفين وشهود، بس قالتها: بعدي أريد أنزل، كلمت دفعتها."

أبو غيث:

"أكو سبب لو بس عناد؟"

أم عامر:

"لا، لأن سماهر قالتها: اليوم أوديج للدكتور نشوف عش تعطل الطفل، انچنت بعد ما تعرف شتسوي، عاطت بسماهر، فشلتها جدامنا، تقولها موش بكيفج غيث اللي يقرر، وصعدت دفعت بنتها."

أبو غيث:

"صدق هالحكي؟ اجييي عش ساكتة؟"

"شنو أحكي؟ طبعاً ما راح تصدقني."

أم عامر.

:- شنهو الما يصدق قصدج؟ مجذبات! گولي موش سماهر رادتج تحضرين نفسج لو لا؟ وكلتلها گولي لغيث مو بكيفج تتصرفين.

أبو عامر:- كل ما أگول إني غلطان، تثبتيلي العكس بقلة أدبج.

:- إني متأدبة ومو بهالطريقة حجيت.

:- قصدج اتجذبيها؟

:- ما جذبتها بس اكو حجي ما نگال دتكوله هي ورنود لو ما تتجاوز وتبلش عمري ما أوصل إلها. خلي الله بين عيونكم وراكم حساب.

:- يعني بهذا عمرنا وروسنا المتروسة شيب ما نعرف ربنا منهو؟ جاية انتي بگد زري تعلمنا؟

:- ما گلت هيج بس أقصد على شهود الزور.

أم عامر:- صدق ساكت؟ إني اللي أشهد زور وإني الأجذب تالي عمري؟ هاي تاليتك يابو غيث تخلي وحدة عاهر من الشارع جايبها ابنك تهيني بيتي؟

:- العاهرة هاي أحسن من خلفتج گضت عمرها بين الغرب محد اتجرأ لمس شعرة منها ولا انمست سمعة أهلي بكلمة. خليت تربية المشايخ الكم.

:- أم عامررررر! الواير! أريد أعرفها منو تربية المشايخ الما عاجبتها.

ردت أصعد بعدني أستوني أركض، وركضت أسماء جرتني من شعري وعمي كمشني، أدفع ما أگدرلها، گمت أصرخ حيل.

أم عامر جابت الواير وهو دفعني وگعني بالكاع، أخذ الواير منها. لميت روحي غمضت وحميت وجهي، ما أسمع غير صوت غيث رعد البيت. إجه يركض كمش أيده، كله: ولك تكف بوجهي يا غيث؟

:- أكف بوجه السلف بكبره. حرمتي ما تمد إيدك عليها.

:- هاي تاليتك! من أنعل أبوك لأبوها اليوم! أريد أشوف شلون تمنعني! كونك زلمة صدق وروح أبوك لأقص راسك.

گمت بسرعة كمشت بظهره لأن شفته رفع الواير.

:- بعد وانطيني البت.

:- غلطت إني أحاسبها، محد إله سلطة عليها غيري.

:- ابن الكلبببب! جيبها لا أترس حلكك بارود اليوم!

كمشت حيل بقميصه وهو دار إيده يحميني أكثر لأن أبو اتقدم فاقد شال الواير، كله طلعها أشمرها گدامي.

:- البت راح أطلقها.

:- ما تطلع من بيتي إذا ما أعيد تربيتها. ولك بعددد!

دخل على صوته عامر وسماهر گالتله:

غيث حرمتك تجاوزت وطولت لسانها وكسرت جلمتنا لا تحاميها هيج وتگف بوجه أبوك.

:- كل عقلكم أنتم وعمة السادة؟ شعرة وحدة إذا لمستوا منها أحرك البيت بيكم مثل ما دخلت تطلع خدش ما بيها.

أبو غيث:- أريد أشوف شلون تحرك البيت! من أنعل أبو شرف أمك يا ابن الساقطة!

گالها ورفع الواير، اندار راد يضرني سحبني من وره غيث بسرعة وخلاني بحضنه. ضم وجهي صارت الضربة بمتنه.

اندار كمش الواير، كله: وحق اللي رفع السماوات السبع لو واگعة بيها أعلمك ابن الساقطة شي عمل!

:- تتجاوز لخاطرها؟ تگف بوجه أبوك يا غيث؟

:- بويييه بويه أنت تجبرنيييي لهالشي! گلت راح أطلق تركوهاااا!

عامر كمش أبو، كله: اهدأ يابه هسه يجي الشيخ يطلقها وتطلع منا.

:- كون ما يطلقها وروح اللي راحوا، أحرمه من شكو ورث وأتبره منه وزته بالشارع مثل الجلب.

غيث:- هينة مثل ما تردون. اعتبروها اطلقت.

سماهر جرتني گالت: صعدي من اشتعلوا أهلج! خربتيها وشوطتي الكل.

دفعتني عالدرج صعدت، ردت أدخل للغرفة جرتني من شعري دفعتني على غرفتها گالت: منا ماكو ذيج الغرفة بعد.

دخلت للغرفة ودخلت وراي والهوسة بعدها جوه.

فتحت الكنتور شمرت شال، أشرت: لبسي.

أخذته خليته يمي وگعدت وره الجرباية انتجيت.

دخلت أم عامر گالت: شلونها بنيتج؟

:- سنونها الجدام سوده بوجهي واگعات.

:- عجل شرجعج؟

:- غيث تكاون ويه عمامها وصارت هوسة غادي تالي تركتها يم عماتها واجينه بين ما تصفى.

:- وشكو گلتوا؟ خو گولي وگعت وفضت.

:- اووف رنو أم الوكاحة حتى رادوا يشتكون تالي غيث گال لهم: حرمتي إذا انجاب طاريها ودخلت مركز إله ما تردون أرواحكم حرام أترسكم بارود ما أخلي واحد بيكم يشم هوى.

:- لو بس أعرف اشنهو المسويتله وهيج كاتل نفسه عليها.

:- لا كاتل نفسه ولا مسويتله. هسه يطلق وتولي لأهلها.

:- يومين ويرد. هسه تسافر ويردها غادي.

:- لا عيني جوازها يمي ما تطلع من العراق ودزيت خبر لأهلها راح نرِدها الهم.

:- دزّي أسماء وفضيها ما طول بعدها الشغلة حامية والشيخ راح يجي وهو محصور من جهتج مكسور عليج ماخذين بتج ومن جهة أبوه زعل منه.

:- هسه أحجي وياه ونشوف بس خلي نخلص من هاي وسهل الباقي. روحي جوه أخاف تجي أم هناء والشيخ حتى تدزيلي خبر أجيبها وأنزل.

:- خليج يمها لا تشوفه وهم تفر راسه بكلمة.

:- لا وين گاعدة اليوم على گلبها أريد أطلع العرامه من عيونها.

طلعت أم عامر وهي غيرت ملابسها وگعدت عالجرباية منتظرين السيد.

صار العصر وماكو، كل ما تخبر يگولون ما حصلنا.

صار الليل ونفس الشي، أحس ظهري طگ من الگعدة.

لا أگدر أگوم لأن واصلتلها للآخر، خصوصًا من خبروها ماخذين بنتها من المستشفى لأهلها ضلت تنوح وتباوعلي تريد تأكلني.

سمعت صعدت غيث عالدرج طلعت تركض أسمعها تگله: لا تگول ما حصلنا شيخ.

:- ماكو خويه ما خلينا مكان محد يرضى يطلع.

:- وشنهو يعني؟

:- خليت أركان يدور بعد. خابري إذا ما مصدقتيني وإذا ما حصل باجر آخذها للمكتب أطلقها.

:- خوش حجي. ادخل غرفتك لا تطلع مو أأصبح ألكاك مسافر.

:- ما أطلع إذا ما تطلع ناي منا. أمني يلّا رايح أنام تعبان.

اجت دخلت للغرفة گالبة خلقتها شمرت مخدة:

:- انطمري.

أخذتها خليتها جوه راسي تگول جارية عدهم أنام جوه.

عيني تسعر ما أعرف شبيها.

صارت العشرة وإني بعدني أتقلب ما أگدر أنام من الألم.

گمت للحمام غسلتها أريدها تبرد.

أباوعها بالمراية صاير دم ما تبين بعد. الله يكسر إيدك غيث بحال يگول لهم لحد يلمس شعرة منها وهو مطيّر صفحة من وجهي.

طلعت صارت بوجهي سماهر:

:- شكو تفترين؟ انطمري لا تتحركين بعد.

:- غسلت عيوني تحركني ما عندج قطرة أخلي بلكي يرتاحن حتى أنام.

:- حطيلهن وجع ما عليهن. يلّا خمدي.

رجعت لمكاني بعدني ما خاله راسي اندگت الباب وصوت سجى گالت: خالة گاعدة؟

سماهر:- تعالي شرايدة؟

انفتحت الباب دخلت.

:- خالة أريد أحجي وياج.

:- شكو سجى ولج عين وجايه تحجين بعد ما هجمتي بيت أختج؟

:- خالة وروح أبوي غصبني مو بيدي والله غرني ما أعرف شلون وافقته، بداعة بتج اوگفي وياي.

:- شسويلج يعني؟ همه راح يعقدوج بعد شرايدة أكثر؟

:- الطفل ما أريده هذا ابن حرام.

:- من عرفتي ابن حرام عاد شسويتي؟ من أنتي مغسول حظج وتعرفين الحرام كان منعتي. جايه هسه تريدين تموتين روح بريئة؟

:- گلت لج والله غرني وهو حلف لي ألف يمين ما يصير طفل. گال إني أمنعه و----

گعدت تشرح لها وسماهر لطمت على وجهها گالتها: صخام الصخمچ! يعني موش مرة مگربلچ؟

هي تبچي وتحلف بس مرتين وهاي نازلة عليها. هذا كله مو بالي، بالي عالطريقة الشرحتها نفسها غيث يسويها وياي. يعني هو المانع الأطفال من يمه؟

زين ليش مو هو أخذني لهيج شي؟ ليش يمنعه؟ معقولة تسلية؟

يا تسلية! مية وحدة يجيب أحلى وأحسن مني وما يخسر فلس عليهن.

قطعت تفكيري سماهر گالتها: گومي طلعي لعبتي نفسي وأنتي خمدي من عساج ما گعدتي.

گامت سجى طلعت تبچي. تذكرت النذر.

:- خالة تره مطلوبة نذر إني لازم أوّفي هنا.

:- نذرج ما واصل وينج وين النذر؟

:- بكيفج هاي يمج. بعد أخوج اللي يتأذى لأن نذري چان أصلي مية ركعة جوه السما بوجوده وراح أطلع يعني النذر يظل معلق هنا.

:- أستغفر الله ربي. گومي بلكي لنج مسطور وخلصانين منج. اكو محرم بالكنتور مال بنتي طلعي.

:- أريد فوني حتى أسجل اللي أصليهن ما أغلط.

:- وين الصخام مالتج؟

:- بالغرفة تلگيه عالجرباية.

گامت طلعت الچادر شمرته وراحت تجيب فوني.

گمت توضيت ولبسته وأخذت السجادة صعدت للسطح فرشت سجادتي جوه السماء بديت أصلي.

اجت خلت الفون گدامي:

:- يلّا مناطرة گاعدة هينه.

أشرت براسي إي واستمريت.

كل ما أخلص أسجل. وصلت للخمسين گعدت تعبانة.

:- يلّا لج.

:- تعبت وعيني دتحركني. لو ميت ولا هالورطة مالت الركع! وين چان عقلي إني من نذرت هيج؟ خلي أرتاح شوية.

:- كونج ارتاحيتي من الدنيا.

:- إن شاء الله أخوج.

:- اسم الله على گلبه. الله يأخذج بجاه هذا الليل گولي آمين. راح أروح أنام تخلصين تنزلين گبل للغرفة.

أشرت إي وگمت أبلش بالباقي.

هي نزلت أسمعها تگله: ها خويه عادش گاعد؟

:- راسي يوجعني.

:- تعال أفركه إلك.

:- لا ما يعتاز. هسه آخذ شي يهوّد. شعندج فوگ؟

:- عطيت ربي اتصلي تگول باچر الصبح راح يعدموها.

:- خير إن شاء الله.

:- غيث خويه أشد إلك بلكي يهوّد شوية عادش تاخذ علاج.

:- لا ما يعتاز.

هالگد ما مركزة بكلامهم تيهت بصلاتي.

سلمت ورجعت عدت الصلاة من جديد لمن خلصت أحس روحي بهتت.

گعدت أرتاح الهوى حلو وهدوء ظلمة.

ذبيت الچادر وتمددت عالسجادة أباوع للنجوم صافية ومنتظمة سبحان الخالق.

وين إني من هالكون؟ شنو راح تكون حياتي بعد الطلاق؟

شلت فوني وهاي مية ركعة لواحد ما يستاهل.

سويتلهن ديليت.

دخلت على صفحة لحن اتصلت، رن شوية وانفصل.

رجعت اتصلت هم فصلته ودزت مسج: ناي رايدة شي؟

:- لا سلامتج حبيبتي شنو نايمة؟

:- لا گاعدة يم سمار بس متلاغية ما أگدر أرد عليج.

:- ليش متلاغية؟ شنو مضوجج الكلب؟

:- لا ولا تغلطين. متلاغين بسببج. سماهر اتصلت بعمو گالت له بتكم ترد لكم باچر وعمو گال لسمار ممنوع تستقبلها.

:- وأنتي متلاغية وياه لخاطري؟

:- ناي والله أتمنى أخليج بروحي بس ما يرضى شسوي؟ يگول أختج تدخل أنتي وأمج اطلعن منا.

:- يعني شنو هسه؟

:- ما أعرف ناي ما تگدرين تردين لتركيا؟

:- لا جوازي ماخذيه وما أگدر أطلع واحد لخ ما عندي فلوس. لا يظل بالج روحي لحن.

:- وين ترحين؟

:- أرض الله واسعة. لا يظل بالج المهم أنتن بخير ومرتاحات لا تفكرين بيه. ما عليه.

سديت الفون حتى ما شفت الرسالة اللي وصلت لي بعد شنو.

غمضت أخذت نفس وضحكت على روحي. شنو السويته بروحي والمن؟ هاي إني وحدي صفيت بلا مكان.

ضليت گاعدة لأذان الصبح أباوع للنجوم شلون بدت تختفي. أتمنيت أختفي وياهن.

رحت بالنوم بدون لا أحس. ما گعدت غير على حركة برجلي. فتحت عيوني لگيت غيث گاعد مقابلي منتجي عالحايط عاكس رجل وماد الثانية يحرك برجلي.

گعدت فركت عيوني لا إرادي صحت آآ ودنگت. نسيت وحدة تعبانة منهن أحسها انشلعت من فركتها.

أخذت شوية فتحتها حيل للهوى أهفيلها. خليت إيدي أريدها عليها ترتاح.

لگيته يباوعلي ساكت.

أخذ نفس وگام أشر: يلّا.

گمت نزلت وراه اتلگتني سماهر. رحت دخلت وياها للغرفة فتحت الكنتور شمرت لي ملابس أخذتهن دخلت للحمام سبحت غيرت هاي كلها وإني غالق عيني أحسها تفور.

وگفت گدام المراية فتحتها تسعر. غسلتها ونشفتها على كيفي.

طلعت لگتها لابسة محضرة. مشطت شعري شلته ورفعته ذيل حصان.

طلعنا من الغرفة نزلنا رحنا للسيارة چان أركان واگف گال: هلا بصاحبة المشاكل. شلونج يخوي؟

:- الحمد لله بخير.

:- مبين الخير من وجهج منور. وين حجابج؟

:- شسوي بالحجاب؟ مو راح أطلق بعد المن؟ إني أصلًا مو محجبة.

:- صعدي لا يجيج طراگ ثاني يطفي العين الباقية. وأنتي خويه سماهر وين عالخير؟

:- هلا يخوي وياكم.

:- وين ويانا؟ تره رايحين لمكتب السيد مو للمول.

:- أركان أصعد وياكم رجلي على رجلكم منا لمن تردوها لأهلها.

:- طبعًا نردها لأهلها الجواز يمج قابل راح نهربها؟ خويه عدنا شغل رايحين لغير محافظة منو يردج؟

:- أرد وحدي.

:- أستغفر الله. الشيخ راح يجي يعقد لعامر وأمها وأبوي أخاف تصير مصيبة ومحد هينه. خويه استهدي بالرحمن البت أنحل لها من رجلها وأردها بيدي لأهلها.

:- عجل خو خلها هينه ما طول جاي الشيخ حتى يطلقها.

:- يتعطل وعدنا شغل ولازم نوصلها لأهلها ما نگدر نتأخر أكثر وبنتج هم لازم ترحين لها لا تخليها بحيدها.

:- أركان وداعة الخوه أتخارب وياك إذا تجذب.

:- عليها بس استعجلي غيث لأن ما عدنا وقت ورانا ردة. حضرن روحجن ناخذجن للزيارة وره عقد عامر.

:- خوش لا تتعطلون شمروها وردوا.

أشر إي هي راحت وهو صعد گال: تخرب الخوه لا گيتني غيث الزمال وراح أگضب بذيالها.

باوعت له بالمراية عفست وجهي.

:- ومررض! لا دحگين هيج لا أطفي لج عينج الثانية.

:- كلها دقايق أطلق وكتها أعلمكم شلون يصير الحجي.

:- هه تطلق وأربزي! يول حمدي ربج سدها وياهم بطراگ ومحمد على ذيج المصيبة العاملتها. لو يزت روحه فدائي هم ما يگدر يحميچ منهم.

درت وجهي وأشوف غيث جاي. أباوع له آخر صيحات الموضة تگول رايح عرس مو يطلق. جينز وقميص نص ردن مخصر على جسمه طالع الوشم مال إيده ضاربته الشمس صاير على زراگ، نظارات شمسية.

فتح باب السيارة صعد وعطره ترس السيارة يمكن مفرّغ الشيشة كلها وشامرها. غلف ابن الأطعة أذنها.

شغل، گله: جبت السيارة؟

:- إي ذيج ركنتها بالكراج السوده.

:- عادش سوده؟

:- حتى ديزاين واحد ويه بنت أختك نفس الجهره.

:- انكتم وهاي سيارتك القديمة شنو ما حصلت؟

:- والله هذا الموجود يعجبكم خوش ما رايدها بعدها بأولها وش دعوه السندريلا وإذا گلت نعال على سنونها شنقصها وتخسرنا هيج؟

:- الغالية هديته رضاتها تكون مثلها. گالها وباوع لي بالمراية.

درت وجهي للمراية وحرّك السيارة طلعنا ما أندل بس طولنا.

على طول الطريق عيني بالطريق همه مستمرين يسولفون لمن اجاهم فون سكتوا رد غيث.

:- حي الله يا الجبير.

:- لا من عيوني تاخذهن اعتبرهن يمك.

:- لا لا يومين الثالث ما أطول. أركان والزلم موجودين هينه.

:- لا عالبضاعة الجديدة أرد.

:- هههههههههه لا تخاف باگين وروح أخوي ما يصيبنا شي.

:- تمام تآمر. مودع الله يا العزيز. گالها سد الفون.

أركان:- شنو لحگ يصرفهن كلهن؟

:- سبع هذا اشگد حاولوا يگضبوا ما گدروا. خلصت من يومين بس أوصل أحوّله.

:- وأنت بحيل الله اشوكت تروح؟

:- باچر والاسبوع الجاي راد. قبل التسليم يمك تلگيني بس خليك نبه تره السالفة فروها بينا.

:- غيرنا الطريق والمكان.

:- حتى زلمنا غيرهم. گلبي لاجمني من جسار.

:- اعتبره طار ولا يهمك. شاهين يگضب لنا الطريق السريع وأبو شهاب والولد يأمنون الوكر وإني وهاشم نطلع عالتسليم تجي تلگى كلشي حاضر.

:- الله يسهل. عينك بعامر لا تغفل عنه.

:- يخوي هذا زمال يمشي بكلام الحريم.

:- موش زمال خبيث من شجرة أخبث يغدر لا تستهين بيه. سلموه بيد أحمد هو يتولى أمره إذا ما فارغ.

:- هين ما وصلنا تره تأخرنا. متفق وياه عالتسعة وهسه تسعة وربع.

:- لا هاي بغداد ترحب بكم. خبروا گوله وصلنا.

هو گالها وإني انتبهت صدق دخلنا بغداد. ليش شنو إله هنا يطلقني؟

لو عنده شغل أصخام من السمعته وبطريقه يخلصه لأن راد باچر.

ضليت عيني بالطريق اشگد مشتاقة لشوارعها لبساطة ناسها وطيبتهم.

وصلنا يم عيادة طبية وگف نزل أركان.

ضلينا بالسيارة حسيت بتوتر تگول أول مرة وحدنا.

ما أعرف لأن آخر دقايق بينا هاي.

شلت راسي لگيته منتجي ويباوعلي من المرايا الأمامية. بسرعة درت وجهي وألمح سمار ويمه لحن.

بس لحن صايرة حلو متغيرة سمنانة وشگارها ويه البياض طالعة تجنن مو ذيج لحن الضعيفة صاير آية من الجمال.

اجت ماما بيدها علاگة علاجات گوه تمشي وصلت يمهم.

گلبي رف أتمنيت أنزل أحضنها.

أخذت نفس وبللت شفايفي.

غيث.

:- إذا تردين تنزلين، انزلي.

:- لا ما أنزل.

:- براحتك، بس مرجعك لهم أول وتالي، رادتلهم اليوم.

:- ما أرد، الشخص اللي أتركه لو تصير روحي بيه والنفس اللي آخذه، عمري ما راح أفكر أرجع له.

:- عجل وين ناوية تروحين؟

:- ما أتصور يهمك هالشي، ومو صغيرة أنا، واعية وأعرف أدبّر نفسي.

:- أي لا وهل يخفى القمر، ما يحتاج تذكريني بهالشي.

رن فونه، شاله باوع بيه ونزل يخابر.

راح يتمشى ويسولف، ابتعد مسافة وأركان بعده يسولف ويا سمار.

طلع فلوس انطاهم ورد، أجه للسيارة.

ظلت عيني بماما، أباوع لها سمار خله الفلوس بجيبه وهي تحجي، شكلهم اختلفوا على شي.

ولحن تصيح دفعها حيل، رادت توقع كوه سيطرت عدّلت وكفتها وهو مستمر يصرخ عليها.

أنا روحي طالعة منا وهذا لمحته ضربها.

ما شفت روحي غير شمرت الشال وفتحت باب السيارة، نزلت أركضت، عبرت أركان حتى ما لحق يحجي.

وصلت لسمار جريته من ياخته، قلت له:

:- عمرك ما راح تصير زلمة، خنيث ما بيك خير.

:- ناي أيدك ما أريد أذيك.

:- لا أذيني دا أشوف، قلتها جريته حيل وركعته بوكس بنص وجهه.

كمش خده ودفعني ووقعت بالقاع، قمت بسرعة كمشته من أذاناته، رجعت راسي ردت أركعه كله وانسحبت.

صرخت:

:- أركااان!

:- يول صوتك من أنعل شرف أهلج.

:- اتركنيييي، قلتها وقمت أرفس.

:- بالقرآن راح أهفج بطراك أفلش جهرتك، اركدييي لج فضحتيني.

:- ولك كتلهااااا، ما شفت قلتها.

وانداريت لسمار:

:- طير لا تبقى هنا وروح، عاشق أنهيك يا المرة تستسبع على بنية ما بيك خير، اتفوو.

سمار:

:- أركان علمودك ساكت.

:- لا واضح، عدل خشمك، أخذ له ركن، وأنتِ عالسيارة بسرعة من أنعل أبو أمج على ذا الطياح الحظ.

:- روح سمار اختل، لا تطلع، ألقفك ألقفك إذا ما كسرت أيدك ما أتسمى بنت أبوي.

ماما:

:- ناي يمه فضحتينه.

:- آااخ أتمنيتك مو أمي، وأنتِ يا الفاهية تظلين عمرك كله ما بيك خير.

أجت لحن تبجي رادت تحضني، دفعتها قلت لها:

:- وخري عن طريقي، وأنتَ شوف لك والمسيح الحي حتى بغرفة النوم أطلع لك وأسحلك، بس ألمحك محاجيها مو ضاربها.

أركان:

:- كافييي يا الاستغفر الله امشي يلاااا.

باوعت لماما، كامشتني العبرة، مشتاقتلها، أتمنيت أركض أبجي بحضنها وأذب همي يمها.

رجع دفعني حيل من ظهري، أجيت أوقع.

رجعت للسيارة أمسح بعيوني، لقيت غيث جاي عاقد حاجبه، كال:

:- شصاير؟

أركان:

:- سلامتك يا خوي، اصعد خلي نولي، أنعل أبو اللي يفكر يجي وياكم بعد.

:- أتگاونت أكيد.

:- اصعد يول العالم دحقت، غير طيرت جهامة الزلمة، خرب بيك على هالقسمة.

صعدت وهمه صعدوا، شحط السيارة حيل.

وأركان يسولف لغيث وغيث فول، ردت أحجي.

كال:

:- نص كلمة أنزلك جوه السيارة، وأنعل أبو أبوج بكبره، بنت القندرة شلون طقين الزلمة.

:- ما شفته أنت ضربهااااا.

أركان:

:- ويين ضربها؟ أشوووكتتت؟ ناي لا تحجين، انكتمي أحسن، كوه قاضب روحي عنج.

:- مجتمع ذكوري.

غيث:

:- شخليتِ بالخره ولج؟ خجلت من روحي أنا أتسمى رجال، تطفرين جنك قردة مشعول جدها وبالشه بالزلمة طراكات شلون؟

شهقت.

:- على شنوووو تبجيييين؟

:- أشوووكت أطلقني والنبي أرجع أفلشه اليوم.

:- هسه أنعل أهلج، خلي أشوف لي حمار يخلصني منج، عود ردي شبعي بيه طراكات بلكي لهنا هافج دفره ومسقطج.

أركان:

:- بالقرآن قفلت عالزلمة.

:- الغسل لهيج زلمة مفهي، ما عرف يهفها دفره.

:- شخلت بيه هي؟ غير حطمت أبو شخصيته، لبؤة مفترسة.

:- كلب كاتله الجرب.

:- ههههاي، بس والله بيه بخت واله هو جاياته كله شر، تنيمه أسبوع بالفراش، ما استحسفت غير على ذيج العيون اللي تضوي طفتهن.

باوع له غيث صفح.

:- وروح أخوي أقصدُه.

:- ظلت عليك أخذ راحتك، عشر دقايق تلقاها طاشة بالبرامج مصوريها.

:- بس والله حرمات أختك واقعة بيد واحد مغنث مثله، شافت بيه وخذته.

:- هو أحنه حظنه أعوج.

شحط السيارة غيث.

:- لا يا بنت الأعوج، راد ينزل كمشه أركان كله:

:- يمعود بس نوصل وطفي الثانية.

اندارلي.

لميت روحي يم الباب.

هز أيده ورد ساق، الطريق كله ينافخ.

وصلنا منطقة شعبية كلش يمكن حتى مشبوهة.

ركن يم بيت قديم سيارته، نزل هو وأركان أشر لي:

:- انزلي.

نزلت راح للباب فتحها بمفتاح ودخلوا.

رحت وراهم، دخلت مثل المهجور، حديقة كلها أوراق أشجار والقاع أمحفره.

خفت ظليت واقفة مكاني، فتحوا باب الممر ودخلوا، دقايق وطلع كال:

:- ما تجين شنهو راد لكِ عزومة؟

:- ما أدخل.

:- شنهو ولج؟

:- شنو هذا البيت؟

ما رد شفته أجه، انداريت للباب ردت أشرد، ركض كمشني كال:

:- شصابك يول؟

:- غيث فدوة والله بعد ما أسوي شي.

:- امشي يولي اللي يسمعك يقول ماخذك للمصلخ.

:- لا لا أظل هنا أنتم خلصوا شغلكم وأنا أنتظركم.

سد الباب وسحبني حيل.

دخلنا جوه جان ممر ضيق وكله تراب بيه باب مطلة على غرفة فارغة بيها بس شباك مزنجر ومروحة واقفة.

خلصنا الممر دخلنا الصالة بيها ثنين قنفات قديمات وطبلة.

طلعت عجوز من غرفة داخل الصالة، اتلقتنا.

أباوع لها ضخمة وهيبة، شكلها صارم، عيونها مكحلة ومدكدكة كلها ولابسة محبس ذهب جبير بأيدها، باعت لي عقدت حواجبها.

تركني وراح باس راسها:

:- شلونج يا جدة؟

:- هلا يا بعد جدتك، منهو هاي؟

:- حرمتي.

:- وحرمتك ما عرفت تلفها بجفن عش البنت مفرعة؟

:- لا قول أنا مقَرَن من يومي، قليل شرف، وحظي مغسول، أقول لك صدقت أتلقط ليَّ، خلي أحبنج.

رحت يمها باستني، أحسيت برعب من نظرتها.

صاح أركان:

:- وينكممم؟

:- انكتم يا الحرمة لا تصرخ، أنجعلك بالخرس.

:- أي كثري من هالدعاء جدة، معتازين كلش.

:- آااول الغسل، عَبِن صوتك يصحي الميت، تقول كلب قبور.

:- ألف رحمة عليك يا جدي شلون حملتها؟

:- عَبِنُه زلمة حوك موش مثلك حرمة، اتفو عليك وعلى صويحبك.

غيث:

:- ها جدة حولتِ عليَّ؟

:- عجل ما بيك خير، عَبِنك جاهل وحرمة، لو زلمة نشمي وبِيك حظ، ما كضبوك هيج حرمات، ما متت يا الخزي، سود الله وجهك بين السلف.

:- أوف هاللسان اللي ينقط عسل.

:- امشي لك ناقص وأخذ بيدك هالعرنصة، عيوناتها تتلاصص جنها حرباية.

:- مشكور يا الجدة.

سحبني دخلنا للغرفة، جان أركان متمدد عالقريولة.

ذب حذائه بالباب ودخل كعد بالقاع، اتجه عالحايط وصعد راسه مغمض.

رحت كعدت يمه، لميت رجليَّ.

صاحت العجوز:

:- وينك يا الحرباية؟

غيث:

:- قومي روحي شوفيها شرايده.

:- ما أقوم والله.

:- يولي يجوز تريدك تساعديها.

ما رديت حشكت روحي بيه.

أركان:

:- احلفي تخافين.

:- طبعًا أخاف، هاي إذا ذبحتني كل قوتكم تقولون لها ياا ليش؟

:- أنتِ خايفة؟ وهي تذبح؟ وإحنه نقول ياا ليش؟ اشتعل أصلك غيث.

غيث:

:- أكثر ما هو مشعول، قوم دحك جدتي شرايده.

قام أركان، طلعت همست:

:- غيث هاي بدعة.

:- كون تسمع تقولين بدعة حاف، بالقرآن تعلقك بالباب.

:- يعني هي؟

:- شرايده منها عش تحشرين روحك بشي مو يمك، وبعدين شكو هيج داخلة بيه؟

:- أنت جبتني حتى أطلقني لو شنو؟

:- لا حتى أدفنك وأخلص العالم من شرك.

:- ربي راح يحاسبك.

:- عليك لا بالعكس راح يدخلني الجنة من أوسع أبوابها.

:- عالعموم شكرًا.

:- انكتمي لا أهفج دفره، وبعدي شوية لا تلطشين هيج، فشلة الولد يجي.

دخل أركان بيده صينية أكل خلاها كدامنا، وجت العجوز كمشها وكعدها خله مخدة وره ظهرها، ورثت جكارة سحبت نفس ونفخت علينا.

غيث:

:- أكلي.

:- ما أشتهي.

:- ما يخالف فشلة منها خلت الزاد كدامكِ مدّي أيدكِ.

العجوز:

:- أي يا أبو المرجلة يا سبع أخوتك أحجي، شلون كضبوك؟

:- ما كضوبوني جدة انغدرت.

:- وعرفت الغدرت لو لا؟

:- عرفتُه من لحمي.

:- اللحم الخبث ينشلع وينشمر للكلب.

:- بنياته جدة.

:- لا قول قلبي رهيف ما قدرت تغيرت يا غيث صاير رجيج.

:- ما تغيرت جدة، عندي حق يم أحد أعرف شلون آخذه بدون دم.

:- اشوكت تولي لبلاد الغرب؟

:- باجر بحيل الله، والأسبوع الجاي راد.

:- ما صار عندك فرخ؟

:- لا بعده.

:- أكيد إذا ما خذت لك جاهلة مثل هاي وين يصير، أنت ما تقول لي عقلك شصاير لو يا جدة اشبلاكَ، ترد ليورا؟

:- جدة شو جنك دخلت زايد.

:- قوم أخذ لك طراك مني بلكي تعلمني شلون أحجي.

:- استغفر الله شلون شغلة هاي جدة، من الأخير بنت سلطان ما تصير لي مرة، لا تظلين تفرين بالحجي.

:- يطبق ستطعش وجع بفادك، خلي حلالك للغرب.

:- ما يروح لا تخافين، حلالنا بحضنه ما يقرب له الغريب.

:- أنت تاليتك مثل أبوك من دق رجله إلا الغريبة تالي طلعته بسواد الوجه.

:- جددددده، هالمرة ذكرتيها مرة ثانية يحرم عليَّ دخلت بيتك.

:- انكتم يا الجبير يا السبع يا تربات الغرب، أعوج لا تنعدل ولا يصير براسك خير، أبوك الحرمة شلونُه؟

:- بخير.

:- عندكم كم شغلة هينة يمته تاخذوهن؟

:- اليوم أصرفهن ولا يهمك.

:- الزلام نبهتهم عالمكان؟

:- من البارحة.

:- يا غيث هالمرة رخيت ونكضبت ورديت لي مصوب سكتت عنك قلت خطية معرّس، الثاني أنا أخلي جيلة براسك وأنهيك.

:- عش ما تربطني وتزتيني حدر القاع ويا ابنك هم أشيل الوحشة عنه، وبلكي يشفى غليلك من تدحكين بوجهي كل يوم.

:- أنعل أبو شاربك تخسى تصل حد ابني، وأنتَ يا الأعوج يمته تعرس؟

أركان:

:- والله شفت لي طيرة غير أطق بالقاع.

:- أي وشمتاني ما تاخذها؟

:- منتظر زلمتها بلكي يموت.

غيث:

:- سهلة طقوا جيلة.

:- وعش جيلة أهد حرمتك عليه، شرط ربع ساعة تجيب خبره موقعه من المغسل.

الجدة:

:- عفية بالنشمي هلا بالذيب، ولك تتزنح وره حرمة معرسة.

أركان:

:- جدة موش مرة وحق كتاب الله جنها ملاك.

:- مريعي من الله يعثرك لا تغربلنا قدام العالم، سمعوا ولكم واحد منكم يأخذ بنت سلطان.

أركان:

:- أنا عاجز وروح أخوي، أخزيكم بالعشيرة هذا يمك حفيدك راح يطلق حرمته عرّسه.

غيث:

:- أكل تبن، أنا حتى جهال ما يصير عندي من غير الضربة شعرفني ما هم صرت عاجز.

الجدة:

:- بعد هطروا روسكم بالحايط، ولكم شتهجسون أنتم، وأنتَ يا الذيب البنت تستر عليها غصبًا عن شاربك.

:- شسترررر جدة شعامل؟ لا تخلطين تره غيث اللي نام ويا صاحبتها موش أنا.

غيث:

:- لا يا الطرن صاحبتها موش هي، ركز يول.

الجدة:

:- أنجعلك بالجدري يول اشوكت تنعدل، شوداك لصاحبتها؟

غيث:

:- يجذب جدة لا تصدقين.

أركان:

:- وروح جدي يا جدة نام بينهن، سفطهن سوة بنص الليل، وكضبهن أخوهن.

:- تغربلنا بين السلف كضبوك يا السبع.

:- لا جدة طفرت ما لحق ولا تفهمين غلط تره جانن ضايجات ورحت أخفف عنهن لا أكثر.

أركان.

وداعتك يجده واكف أعطي الأزلمة السلاح وما أدحگ غير طفر الحايط والچلاب وراه تزنح والرمي ما أعرف من يا صوب يجي.

الجده: عيب يا الذيب وإني جدتك! ولك واكف تسلم السلاح لو مناطره تا تأمن له المچان؟

غير أصويحبي أخاف يتعب يحتاج مساعدة، الله في عون العبد ما كان العبد في عون أخيه.

مغسول حظكم ما يفيد بيكم، واي يا الحرباية شلون طاگه ولدي!

حشگت روحي أكثر، دخلت وراء غيث.

الجده: هفهه كف افتح عقدة لسانها خلي نفهم عش طاگه العالم.

الكرسي وگع بعامر ما لاح عمي.

لا گصرتي بس حگ لو محصلة أزلمة بالبيت ما تجرأتي، بدل ما تتعلمين طراگات بالحريم گضبي زلمتج خلو يرگد مچانه.

أركان: خلي تركد هي بالأول وأنوب تگضب رجلها.

يمته تجيب أغريضاتك؟

غيث: اليوم يوصلن بحيل الله، مناطرين يخبر ونطلع بس هالمرة الگضبة چثيرة.

الگاع چبيرة تاخذ يا جده، خلكم واحد بظهر الثاني وعينكم بأخيكم شاهين تراه عظمه طري بعده.

ما عليه جده يگوى، صگر ما ينخاف عليه وهم تآمرين راح أخلي بالخلف وإني والذيب نحدر لصوبهم.

مر الوقت وهمه يحچون بس كله بالألغاز، ما فهمت شنو، على ناس داخلة وناس تختفي، ما أفهم بالأخص من غيروا اللهجة بعد ما فهمت كل شي.

باوعت لبدعة چبيرة بس رغم هذا گاعدة بهيبة وتحچي بصلابة وعدم خوف.

عيني حرگتني غمضتها انتبه لي غيث، فتحتها بسرعة وسويت روحي العب بالفون مو يمه.

أسمعه اتحسر واندار يباوع لهم.

للظهر همه بعدهم، لمن أجاهم فون، أشر لأركان، گام ردت أگوم، گال: خليچ ساعة وراجع ما تأخر.

طلعوا، ضليت أباوع للعجوز وأتبلعم.

ورثت چگارة، باوعت لي انغلست بمكاني، نفخت الدخان وزغرت عيونها، حسيتها تدرسني، أخذت لها شوية وگالت: أي منين أنتي؟

من بغداد.

مسيحية گال مو؟

مسلمة بس أهلي مسيح.

وين شافچ وشلون خذاچ؟

ما أدري وين شافني بس هو خطبني من أهلي وصار زواجنا بسرعة.

مم وأم عامر شلون وافگت؟

ما أعرف بس هي إجت خطبتني وهم ضلت تتوسل بماما حتى ترضى وتنطيني.

أهلچ يشتغلون بالسحر؟

هاا لا ليش؟

شتعرفين عن غيث؟

كل شي ماكو، ما صار أسبوع من ازوجنا.

خوش اليوم تردون تطلگون؟

أي طلع زواجنا باطل لأن أني مسيحية.

موش گلتِ مسلمة؟

منو أني گلت؟

:- حلو، بهالاسبوع شعرفتي عنه؟

:- خوش ولد متدين، طول اليوم صايم، وبالليل للصبح يصلي.

:- غيث؟

:- إي وزاهد كلش، بحيث ملابسه مشققة ميشتري غيرهن. لا تشوفيه هيج لابس، لااااا ذني مالات أركان كله فشلة. رايحين بغداد لازم يغير.

انتبهت وأخذت نفس تتباوعلي بشيطنة.

:- اله أكلج، متكفل أربع عوائل أيتام.

:- أمم وبعد؟

:- ما صدقتيني؟ يلا مو إشكال، المهم ديجمع تبرعات حتى يبني جامع.

:- إيش هو شنهو يشتغل؟

:- عامل، يشتغل عامل هو وأركان.

:- وهذا خدج شبلاه من تحجين ينزرف؟

:- رجل أختي الله يهديه دخل الصيخ بي. وداعة كرم يبيبي متولينه ضرب وإهانات، وإحنا يتامى نكسر الخاطر بس منقدر نحجي.

:- زلمة أختج؟

:- إي، واحد ظالم أدعي عليه بلكي يموت ويخلص العالم من شره. شوفي هاي عيني هسه ضربني عليها لأن قلت له دير بالك على أختي مريضة خطية.

:- اندليتي مكان بيتي؟

:- هذا قصدج؟ لا جنت نايمة وأركان راح يطلقني أصلاً.

:- ممم، من دخلج لهنا ناويها ابن أبوه والله وعرف ينقي.

راح أنام، أي واحد يدق الباب لا تفتحي. أي صوت تسمعين سوي روحج طرمة، تالا أخفيج.

أشرت إي وهي طبقت مخدتها وتمددت. غمضت بس أحسها ما نايمة.

صارت عيني جوه القريولة، أشوف سلاح ويمه قامة. بس الشدني اكو قوطية حليب وجيس حفاضات مال كبار ويمهم سلسلة حديد وقفل.

تحركت بسرعة، درت وجهي سويت روحي ما أباوع. ركزت عالحايط أرسم بقية حظي وين يريد بيه بعد.

صار الليل وهمه ماكو، ظهري طق من القعدة أخاف أتحرك.

انحصرت، احتاريت بروحي.

ظليت أحوص، مر الوقت وهاي بعدها نايمة. تذكرت اكو بره حمام.

قمت على كيفي لأن بعد ما بيها مجال. طلعت على أطراف أصابيعي.

وصلت للحمام، دخلت أباوعه كله محطم وطالع طابوقه، جنه حمام كبرو يخوف وبدون ضوه.

فتحت الفون خلصت عالسريع وطلعت أركض.

دخلت جوه البيت، هادئ يعني ما قاعدة الحمد لله. رحت للغرفة لقتها ماكو.

أباوع داير مدايري صحت: بيبي وينج؟

ما سمعت رد، بعدني ما متحركة وأسمع ونه بس مال رجال مخنوق.

صحت: بيبييييي! هم ماكو، ردت صوت الرجال.

وأني بعد ما أندل دربي طلعت أركض.

وصلت للباب فتحته، أباوع الشارع بعد أكثر يخوف، درابين ضيقه ومفلشة.

انداريت للبيت، ظلمة هندس حتى بصيص ضوه ماكو.

رجعت صحت: بيبيييييي! ماكو، اختفت ما أدري ماتت.

الله يحرقك غيث، وين شمرتني ورحت.

رفعت رجليه حيل أباوع للشباك بلكي تصير قدامي، حتى نفس ما الها.

سديت الباب وكعدت أكل بأظافري. هذا بس لنساني لو صدق جابني شمرني هنا حتى يأدبني. والله بس يصير الفجر أنهزم.

هاي إذا ظليتي للصبح عايشة، الله ياخذك غيث، رجع لأهله أكيد وتركني.

قطع تفكيري صوت حركة خفيفة بالبيت صارت وراحت.

أحس قلبي سكت، حتى أريد أصيح بيبي ما أقدر، انخرست.

ربع ساعة ما ظل دعاء ولا أحد ما نخيته، لا عندي رصيد ولا عندي شبكة حتى أتصل، حتى أخاف أرمش فاتحة عيوني وأترقب الشباك وإيدي كامشة يده الباب حتى أول حركة أطفر.

وجان أسمع سيارة، عرفتهم أجوا.

قمت بسرعة، فتحت الباب، صار بوجهي.

أركان قال: سلامًا قولاً من رب رحيم، يولي شجابج هنا؟

:- شلون أتركوني هنا؟ صدق تحجون؟ متت رعب.

:- غير ندور على شيخ، تالي ما حصلنه. باجر بلكي نطلع غير محافظة نحصل.

:- لو متأخرين شوية حتى شيخ بعد ما تعوزون.

:- وين جدتي؟

:- اختفت.

:- اختفت؟ نااي شعملتي بالمرة؟

:- والله اختفت وحدها فجأة، دخلت ما لقيتها بس صوت واحد ميت مخنوق.

:- ميت مخنوق؟ هذا ياهو الصاحي بيهم؟ زين هي اختفت قبل الغروب لو بعده؟

:- هاا لا بعده. ليش أركان شنو اكو؟

:- لا ماكو شي، ما طول ورا الغروب ما عليها، تظهر قبل لا يطل الفجر لا تخافين.

:- عزا بعينك غيث! أني قلتها وحسيت الدمغة اجتني من وراي قال: دخلي يولي.

:- وين ما أفوت؟ فدوة غيث خلي نروح.

:- وين يولي؟ راح يبدي الحظر.

:- عادي أنام بالسيارة.

سد الباب وكمشني دخلني يسحل بيه.

وأني حاشكة روحي بي ميتة رعب.

وأن أجان أشوف العجوز قاعدة تدخن بالصالة، صرت ورا، كمشت ظهره.

أركان:- هاا بدعة، قالوا اختفيتي.

:- وين اختفيت؟ هاي قعدتي من رحتوا لهسه، بس البنت باينها ملبوسة.

:- متأكدة ما تركتي المكان؟

:- إحجي لج، موش دخلتي افترتي بالصالة صرختي بصوت صحت بي الموتى اللي دافنتهم وطلعتي تزنجين جنك جلب باطرين ذيله.

شلت راسي لغيث همست: والله ما كانت قاعدة.

هز راسه بأي وكمل مشيته.

ركضت وراه، دخل لغرفة ثانية، دخلت وراه، اندار قال: شكو وراي؟

:- لعد وين أروح؟ لا تقول طلعي.

:- أكيد تطلعين، يلا بنتي أريد أنام، انقلعي.

:- غيث والنبي أموت، لا تقولها، فدوة.

:- أمني ما تأكل عرمات، لا تطوليها تعبان أريد أنطمر، وحتى دوشك ماكو بس واحد.

:- ما يخالف ما أنام، أظل قاعدة وروح عاشق أنهزم بس طلعني منا.

:- كونج مرة صدق وطالعة من ظهر سبع وتسويها، وحق اللي خلق الكون أدفنج بحضن أبوج، أخليج تتمنين ما مخلوقة.

:- ما راح أطلع صوت وأقعد هنا يم الباب، وأصلاً ما راح تحس بيه، حتى النفس أقطعه بس لا تطلعني دخيلك والله اختفت ليش ما تصدقني؟

:- استغفر الله ربي، منين طلعتلي هالبلوة؟

:- ليش ما طلقتني من العصر جان رحت؟

:- باجر ويه طلوع الفجر ألعن اليوم اللي شفتج بي، وإذا ظهرتي قدامي بعد أسحلج أزتّج بقرب مجرى.

:- ما راح تشوفني بحياتك، بس اليوم خليني هنا.

ما رد، شمر حذائه وقميصه، فتح الشبابيك. جان دوشك اسفنج على صفحة، شاله فرشه وتمدد عليه.

قعدت يم الحايط وهو يقلب بالفون، خاله إيده جوه راسه.

:- وين رحتوا؟

ما رد، باوعلي صفح ورد يتصفح.

:- لأبوك لأبو اليوم اللي جمعني بيك.

باوعلي عاقد حاجبه قال: شنهو؟

:- دندعي حتى نطلع منا بأمان.

:- ما عليج صلي وبخت شايب عابر الموت سبع مرات. قالها ورد يفتر بالبرامج.

أخذ له بالعشر دقايق وأشوفه يبتسم، أكيد ويه سارة يتراسل.

خليت راسي بحضني، عيني تحركني. غمضتها ماكو مي أغسلها، قامت تدمع بالزايد.

شلت راسي مسحتها، انتبهلي.

:- توجعج يولي؟

:- لا بس شوية حرقتني لأن غمضتها.

:- قومي تعالي هنا، لا تظلين يم الباب حارة ما يوصلج الهوى.

:- لا ديوصلني الشباك مقابلي.

:- على راحتج بس تراه ما مأمن على ساعة ينفتح.

هو قالها وأني طفرت بدون شعور، اجيت يمه سوالي مجال قعدت.

:- نامي، المكان كافي.

:- لا مو نعسانة وما ظل شي للصبح.

:- عجل قومي ردي مكانج، لا تظلين جنك ناطور يم راسي.

انطيته ظهري وتمددت، يريد له بس حجة يذلني بيها، أسخف منه ما شفت بحياتي.

:- لا دردمين هذا لسانج اللي يوم أشلعه.

:- مو راح تطلقني الصبح؟ وين بعد تشلعه؟ صدق حتسافر؟

:- مم الصبح.

:- جوازي وين؟ ليش ما تنطونياه؟

:- أني اللي سويته ما أتصور راجع لج.

:- لعد وين أروح؟

:- مو شغلي، دبري نفسج لو بس شاطرة بالرعونة؟

:- أرجع لخالي يعني؟

:- عسى ما للمقبرة أهلج، شدخلني؟ مو هذا كلامج؟

:- أنت تستفزني، تخليني أحجي أشياء تضوجك بدون لا أحس.

:- منهو يستفز منهو يولي؟ منتبهة لروحج أنتِ؟

انداريت باوعت له.

:- لا تدحكين هيج.

:- خلص لا تظل تترزل بس طلقني ومالك شغل بيه بعد.

:- ومين قال لك هامّتني يولي؟ تراك ما موجودة قدامي ولا شايفج من الأصل.

غمضت وأكلت شفتي الجوه، من الحركة ما أحس غير عصرها.

:- كم مرة قلت لك هالحالة هاي بطلها؟

:- تره ما يخصك، لو أعرف أشلعها أنت ما تدخل.

:- هاا هيج الحجي؟ جنك أنتِ ما تجين بالطيب.

قالها وانقلب، عصر وجهي وعض شفتي، أخذها بين أسنونه، لا أقدر أصيح صوتي يطلع ولا أقدر أسكت لأن ملخها. ظليت أضرب بمتنه أريد يتركني.

حتى طعم الدم صار بحلقي وهو مستمر يأكل بيها. قمت أصيح بونه أريده يتركني، ما بطل لمن شلعها بسنونه، شال راسه ينفث وبعده عاصر وجهي بيده.

من حركة قلبي قلت له: حيوان.

عصرها بالزايد وأشر إي، رد سحب شفتي بس هالمرة أقوى، قام يتفنن بالأذية.

ضربته حيل بصدره، كمش إيدي ومستمر ما بطل لمن شاف دموعي نزلت من الألم، وخر راسه أخذ نفس ومسحها بطرف أصبعه.

شهقت أحسهن مو إلي.

:- الله ياخذك.

:- وعمة السادة ما تتوبين؟

:- وخر عني.

:- صوتك لج.

:- وخر غيث لا أصرخ والله.

:- عجل خلي ندحك شلون تصرخين. قالها وخلى راسه برقبتي.

بس جان يتعامل بقساوة مو يبوس، لا يعض المكان ويسحبه بين أسنونه، متعمد يأذيني.

أدفع بي أريد أوخره ما أقدر، تقول جبل عليه.

رفس حجز رجليه بين رجلي، طوقني خلاني بدون حركة.

رقبتي قامت تسعر نار وهو ثقيل ذاب وزنه، انقطع النفس.

استسلمت عرفت روحي ما أقدر له، همست: غيث آسفة ما راح أغلط بعد.

فدوة وخر، والله دتأذيني. قلتها وشهقت.

شال راسه مسح رقبتي.

:- إيش تبجين؟

:- أذيتني.

:- موش بقد أذيتك إلي.

:- ما سويت لك شي.

:- كل هذا ما مسوية؟ عجل لو نويتي شلون راح تكون أذيتك؟ ناي شوكت تحسين؟

قلبك ما بي نبض لو مشاعرك معدومة؟

:- منو قال لك أني حيوانة؟

:- لا حيوانة وبدون إحساس.

:- مو بدون إحساس بس ما أوهم نفسي بشي أعرفه مو إلي.

:- منهو الوهم؟ شنهو المو إلك يولي؟ تراك تعبتيني، كل الطرق دخلت لك، كرهتيني بروحي، حسستيني صدق أني لا شي، ما لي وجود.

باوعت له.

:- لا تدحكين هيج، لا بالقرآن أفلش وجهك.

:- وخر غيث.

:- وداعة جدتي ميت عليك، لا تورين قلبي أكثر.

خليت إيدي على صدره ردت أدفعه، كمشهن همس: وعمة السادة أحبك.

قالها ودنق باس شفتي على كيفه.

أريد أستوعب اللي قاله ما أقدر، شي ثلج قلبي، حتى إيدي أحسهن باردات ما أقدر أحركهن بعد.

ترك إيدي وكمش وجهي يطبع عليه بوسات خفيفة.

نزل على رقبتي وهمس: نبض قلبي نتيجة أعمالي السودة أعشقك.

قلبي أريد أسيطر على دقاته ما أقدر.

أخذ نفس طويل وشال راسه باوعلي ورد دنق على وجهي يمرر شفايفه ويهمس بكلمات خلتني بغير عالم.

سلمته روحي بدون لا أحس، جنت بيده مثل الدمية يحرك بيها، إحساس غريب.

شي بداخلي جان يطالب مني أتعمق وياه أكثر، أتجرأ بقربي منه، أتفاعل بكل حواسي.

شفايفه تتجول على جسمي.

الخدر جان يحتل كل مكان يمر بي.

قدر بكلمة وحدة يتملكني ويخليني أملكه نفسي بإرادتي، مستسلمة لمساته.

نسيت كل اللي مر من عمري، حسيت استوي انولدت بداخل حضنه.

مر وقت وأني دخل عالمَه بين إيديه.

حسيته يريد يبتعد، تذكرت اللي قالته سجى. درت إيدي على ظهره ضغطت عليه.

دفعني بسرعة وقام قال: شبيج اتخبلتي لو مأذيك؟

:- ليش هيج تسوي؟ تره ما فهمت عليك، من شوية تقول أحبك وهسه تبتعد عني ما طايقني.

:- بأي طريقة تربطين الأحداث؟

:- بطريقة ما تريد طفل يربطني بيك، تره عرفت بهاي طريقتك تمنع الأطفال.

ما رد قام سحب قميصه.

:- غيث ليش هيج تسوي؟ تره عقلي وقف وأني أدور على إجابة، أنت مو جنت رايد طفل وأخذتني لهيج وهسه دتقول أحبك، بعد شنو اكو حتى تتصرف هيج؟

تمدد وسحبني لحضنه.

:- جنت أريد لحد أول ليلة بينا.

:- شنو التغير؟

:- من شفتك خايفة وتبجين عرفت اللي بين إيدي طفلة، من ليلة خافت هيج شلون راح تتحمل الحمل والولادة.

:- أني مو خفت بس لأن أول مرة ويه أحد جان من الطبيعي هذا رد فعلي، وبعدين أني مو طفلة تره جبيرة.

:- يولي بيدي زورت مواليدك لا تنسين، وإيش قد عقلك صغير شلون صدقتي أحبك؟ شايفة جهجتك بالمراية؟

:- والمسيح أحلى منك.

:- إحلفي بكتاب الله، وبعدين منين عرفتي هالسوالف المكسرة مال الجهال؟

:- هاا من سجى قالت لسماهر سمعتها شلون عامر يمنع ما يصير عنده أطفال.

:- الله يطيح حظه، سوايته الناقصة ما سواها. وأنتِ وديتك يمها تتاأدبين، رديتِ مترسة معلومات، شكو تتسنطين يولي؟ كافي ميزت الكذب لا تضيفي لها بعد شغلة.

:- أني ما أتسَنط بس جانت عيني توجعني ما قدرت أنام، سمعتهن بدون قصد.

:- بعدها توجعك؟

:- مم توجعني، ضربتني حيل.

:- الله يطيح حظك، أذيتك بدون لا أحس ناي وروح إخوتي، احتاريت شلون أتعامل وياك.

:- تره دافعت عن روحي.

:- شمدفعة البنت لا إيد ولا رجل، لو ميتة تعرفين جان شصار؟ ولك أهلها مخابيل.

:- أعتذر يلا.

:- أنتِ الغلطانة وأني أعتذر، هاي وين صايرة؟

:- غيث أعتذر أحسن لك.

:- قومي أخذي لك طراق، ولك حتى مكان صاحي بوجهك ما ضال. نامي بنيتي، باجر أخذك للدكتور بلكي هم يشوف لنا جارة لونهن.

:- والله هلقد ما تتنمر ابنك راح يطلع هيج صدق، ما راح نسوي.

:- نسوي بس كبري شوية وعقلي تا أعرف آخذه منك، هيج راح تنهشيني وما تنطي.

:- يعني هم راح تاخذه مني؟

:- بس أول واحد أنطي لسماهر حتى أخلص وأتحرر منهم، والباقين لنا. وهو ما راح يروح بعيد هم بحضنه بس راح يضمن حقي بوجوده بينهم.

:- شنو ذنبه راح يأذوه؟

:- محد يقدر يلمس شعرة منه، لا تخافين موش أني اللي أزت لحمي بدون لا أأمن له المكان.

:- تره راح يطلع مشوه.

:- إيش منهو قال لك هالحجي؟

:- أبو صلاح ابنه الزغير معاق قالوا بسبب الشرب والإدمان.

:- ماكو هيج شي.

:- أتخيل يكبر وهو مشوه، يجيك مكسور يقول لك ليش هيج سويت بيه؟ بس لأنو ما أنطيت بنفسك وتعبت شوية غيث، أني راح أساعدك والله تقدر تبطل.

:- محد يقدر يساعدني ناي، أنتِ ما شايفة حالتي، إذا أتعطل شوية مو أنوب ما آخذ غير أموتك وأني ما حاس.

:- ما راح أموت والله، شوية شوية راح تتعالج بس جرب فدوة.

:- هين.

:- جذاب.

عصر وجهي كز على أسنونه قال: لا تتجاوزين يولي.

وخرت إيده مسحت خدي.

:- تره ما ظل بي مكان للتجعص كافي.

:- متأكدة تجين؟ نجرب ونشوف شلون راح يجيني وهو اللي يتوسل حتى أفلشه.

:- غيث.

:- عيونه.

:- تحب سارة مو؟

:- أحبها.

:- لعد ليش دتلعب على قلبي؟ إذا تريد تتسلى أني ما مانعتك بس لا تأذيني بهيج شي.

:- شايفني ناقص وأضحك على طفلة؟

:- لعد مو دتقول أحب سارة؟

:- وأحبك نفس الوقت.

:- شلون؟ ما سامعة واحد حب اثنين نفس الوقت.

:- ما أعرف، أني هيج من دون البشر حبيتجن اثنينجن نفس الحب، عشقتجن. شلون؟ لا تسألين لأن أني مالكي جواب لهذا الشعور.

:- وأني ما مجبور أظل ويه واحد يحب غيري.

:- غصبًا عنك، اكو اتفاق بينا ما تتحركين إذا ما تنفذيه.

:- الاتفاق بي طفل وأنت ما ترضى تسوي، وأني لازم أظل وياك لحد ما أنفذه. منين هالجبروت اللي عندك؟

:- ما أذكر حددنا وقت إله، واللي براسك بس من أموت يلا يصير. وهم من أموت أوصي أركان يذبحك وراي.

:- عود ليش غيث؟ الك طفل يمي، أسوي وأروح، ما تقدر تمنعني.

:- لو دفو القبر لو دفو حضني، ما لك حق غيرهن.

:- بس أني ما أحبك.

:- أمم.

:- شنو أمم؟ تره صدق ما أحبك.

انقلب عليه، إحلفي بروح أخوك ما تحبيني وأني أنفذ اللي تطلبيه هسه. وعمة السادة لو تقولين أذبح روحك هسه أسويها.

:- أني ما أحلف بروحه.

عض شفته همس: عيونك يولي راح يجيبن آخرتي.

سحبت النفس باسني.

:- روحك لك يولي.

:- وخر تره انحطمت من ثقلك والله.

:- اضحكي لج.

:- شنو اضحكي؟ أقول لك اختنقت.

حرك إيده على بطني، طلعت الضحكة لا إرادية.

ضحك على صوت ضحكتي وباسني حيل، عرفت راح يبلش من جديد.

بسرعة سحبت راسي ودخلت بحضنه، ضحك وعدل نومته خلاني على صدره.

أول مرة أنام براحة، صح مزعج بنومته، ما يقعد عاقل لا إيده تستقر لا بوساته تخلص.

بس جنت بالجنة مو تقول بحضنه، أشم عطره ما مصدقة أمنيتي أدخله بداخلي وما أخلي أحد يشوفه ولا يلمسه غيري.

أسمع صوت طقطقة وإيد تتحرك على طول رجليه.

قعدت وأني أضحك جنت متصورته غيث.

كمشت إيده وفتحت عيوني، دا أحجي بس انخرست وأني أشوف قدامي واحد بدون ملابس يباوعلي بنظرة شيطانية.

أنا تلك المرأة التي تكسر أبواب الحياة، فتقوم تحفر الأرض لتخترق الأماكن.

امرأة لا تخشى من الطرق الطويلة ولا الطرق المربكة.

امرأة يقول عنها: كانت، وأرادت، فأصبحت.

كمشت إيده وأنا مبتسمة، فتحت عيوني دا أحجي.

انخرست وأنا أشوف كدامي واحد بدون ملابس يباوع لي بنظرة شيطانية.

أريد أصرخ، صوتي راح.

شعره طويل ووسخ، يباوع لي ويضحك.

زحفت ليورا كمش رجلي سحبني إله.

صرخت صرخة طلعت من قلبي.

رفسته حيل، ردت أقوم ما قدرت كامشني.

رديت أملخ بيه حتى يتركني.

أدفع وأصرخ، أريد أحد ينقذني، ماكو.

أتلفّت أدور شيء يمي حتى أضربه، ما حصلت إلا الحذاء وبعيد.

دفعني ووقعني بالقاع وصار عليّ.

ريحته قذرة، نجاسة على عفن، قام يبوس بطريقة وحشية.

إيده تعصر بمتوني وينعش بيّ، تقول حيوان وانقض على فريسته.

قمت أصرخ بعلو صوتي وأبكي لأن يئست، ما أقدر أخلص روحي.

شال راسه باوع لي وضحك، دنّق رد يبوسني من شفتي.

تفلت عليه وعضيته من متنه حيل، جرني من شعري وقام يضربني حتى أتركه، وأنا منبّته سنوني بيه.

ما تركته لمن حسيت ضربة قوية اجت براسي.

تركتني وكمش متنه وقام قعد على جهة، بجى بصوت عالي مثل الطفل.

سحبت روحي على كيف وأنا أنفث النفس، كوه أسحبه.

رجعت ليورا وكمت بسرعة، انداريت ردت أركض، كمش رجلي سحبني وقعت على وجهي.

ثبت رِجليه وكمش بنطلوني يجر بيه يريد ينزعني.

رفسته وصرخت:

"لحكوني يا عالمممم! ولك غييييث!"

على صوتي اندفعت الباب، دخل أركان يركض.

رفعه من شعره، كومه ضربه بوكس.

وقع رد شاله وضربه بوكس ثاني.

لميت روحي يم الحايط بس أرجف، ما مفتهمة منو هذا وشلون دخل.

أباوع لأركان، اتولّاه بوكسات ودفرات بحركة.

والعجوز اجت تركض كمشته، دفعها ورجع يدفر بيه، وذاك ضام وجهه ويون ما يدافع عن نفسه.

صرخت العجوز:

"أركان لا يموووت!"

"يطبه مررض، خلي يموت، ليمتى نضل واكفين استعداد؟"

"يا جده موش بعقله، اتركه خليه يولي."

"بعددددي جده لا تدخلين!"

قالها ورد دفرها، اجت ببطنه اتقيأ.

"ولك مات! أنجعلك بالمرض يا الخبل، اتركووو!"

دفره بوجهه واجه يمي، دنّق كعد نص كعده قال:

"سوا لكِ شي؟"

شهقت من الرعبة.

"احجي إذاكِ؟"

"لا لا، وين غيث؟"

"استغفر الله، قومي خويه."

"صيح غيث خليه يجي."

"ما هو طالع، قومي وياي تعالي برا غسلي وارتاحي، هذا موش عاقل لا يرجع يأذيكِ."

العجوز: "..."

قبل لا تطلعوا شيلوا رده مجانًا.

:- منهو طلّعه أصلًا؟

:- ما أدري، بي غفلت عنه. لا تدحگ هيج، لا عميلك عيونك، شيلوا يله.

:- لو ما جنت موجود جان صار بحرمة غيث.

:- يطبها اطويحيل ما قفلت الباب، وذاك الأرعن ماخذها وياه، عش تاركها هينه مطموره.

:- جده، وين ياخذها؟ لا تغشمين نفسج وتفرين السالفة.

:- وجه الغسل موش اني اللي ألعب لعب جهال. ما رايدتها جان زتيتها من البارحة، گولي إحنا ما بينا خير جبنا واحد أخوث مثلنا ما عرف يربطه عدل.

:- رحمة لدينج، تأكدي من باب السرداب، هذا إذا فلت بره طير روسنا.

:- دتعال ساعدني ندخله قبل لا يرد، إذا درى يذبحه ويروح بيها الخبل، وإنتي نفس ما أريد منج لا دحگتي ولا سمعتي، لا وروح ولدي أسگطج وزتج وياه.

هزيت راسي بإي.

راح أركان شاله من الگاع، وكفه يدرر على روحه. هز إيده، والعجوز تفلت على أركان لأن لاحتها النجاسة.

خذوه وطلعوا وهو يبجي بونة مثل الطفل المكسور، راحوا لغير جهة.

أباوع لهم دخلوا مكان أظلم، حسيت اكو مصيبة جبيرة ضاميها، قمت على كيفي طلعت وراهم، مشيت بدون لا يحسون.

وصلوا يم غرفة فاتوا بيها.

رحت عالسريع إلها، أباوع ماكو اختفوا، أحس قلبي وقف.

دخلت للغرفة لمحت مثل مربع يمه خشبة جبيرة وفراش مشيول.

وصلت يمها، أشوف درج مطلّ على شيء مثل السرداب جوه.

نزلت على كيفي.

مكان هندس، بي أثر ضوء، وصلت نص الدرج وأشوف أركان يربط رجلي بسلاسل.

جان عالگاع بس نايلون جواه مفروش ويمّه طاسه بيها مي.

المكان قذر قديم كله عنكبوت وسخ، الريحة تكتل نجاسة.

اكو صناديق مغلقة كبار على جهة.

وتابوت هم مغلق على الجهة الثانية.

انرعبت من المنظر، صعدت رجلي لورا، انضربت بالحايط، اندارت العجوز باوعت لي بخزرة.

كملت الدرج بدون لا أحجي، عالسريع طلعت من المكان، رحت للغرفة شلت فوني وطلعت ركض بره.

صار گدامي بوري المي بالحديقة، رحت فتحتها، شلت مي غسلت وجهي أريد أصحى وأستوعب الشفته.

شنو ذوله ومنو هذا؟ ليش هيج ربطوه مصلخ بلا ملابس؟

أسمع العجوز تصيح باسمي، عرفت لأن شفتهم تريدني.

قمت فتحت الباب طلعت للشارع.

أتلفّت محتارة، منين أنهزم وين أروح؟ أنوب حافية.

أسمعها اجت وراي للباب وتصيح: لج نااااي!

وأني بعد ما أندل طريقي، طلعت ركض عالشارع، شفت تكسي أشرت لها باثنين إيدية، وكف، فتحت الباب صعدت، كال: وين؟

:- للكرادة مريم يم ---- استعجل عمو.

:- خير إن شاء الله، صاير شي؟

:- لا لا بس زوجي ضربني وأخاف يجي وراي، وديني لأهلي.

:- وإنتي عايشة هنا بهاي المنطقة؟

:- لا عمو، هنا بيت أهله أول مرة أجي.

:- من هيج ضربج يبويه، ما أريد مشاكل، بلكي تنزلين.

:- لا لا فدوة ما يعرفك، بس وديني الله يخليك، إذا لزمني يموتني، احسبني بنتك.

استغفر وحرك سيارته، صفنت ليش قلت له للكرادة؟ شعدي هناك؟ ناي وين رايحة؟ أهلج ماكو ولا بيتكم؟

المن رايحة إنتي؟

رن فوني شلته، لقيت أركان يتصل.

غلقته ورديته لجيبي.

طلع بينا للكرادة، وأني عايشة بأحلامي، شي بقلبي يتأمل ويحسب للطريق ثواني، أش وقت أوصل؟ تقول راح ألقى بيتنا بعده وعاشق منتظرني.

راح أركض أنضم بحضن بابا وأسولف له على الصار بيه بغيابه.

وصلنا، دليته بمنطقتنا، دخل بيها وأني قلبي ويه كل دربونة ينبض.

وصلت يم بيتنا، شفته أريد آخذ نفس ما أقدر، هذا بيتنا هاي حديقتنا.

نزلت بدون شعور، أريد أدق الباب حتى لو جذب، بس ردت أعيش ولو بثواني داخل الحلم.

ردت أرجع لذيج الساعة من أدق الباب ويفتحها عاشق.

صاح وراي الرجال: يابه الكروة!

انداريت ودموعي تنزل، أشرت له: إي.

رحت للبيت دقيته وغمضت: بابا افتح الباب، أني ناي بابا.

عاشق رجعت، يا خويه افتح الباب.

مو جنت تفتح لي الباب وتوقف تترزلني لأن خايف عليّ؟

وينك هسه عني؟ ولك أختك بالشارع ضالة.

دقيته حيل: ولكم فتحوا، تعبت والله تعبت.

ما قلتوا هاي بتنا لمن نتركها؟

جريت يدة الباب حيل وهزيتها: ولكممم فتحوووا.

سمعت السيارة شحطت، درت وجهي لقيت السايق رايح.

أباوع للبيت ودموعي تنزل، هيج صفيت مهجور وين أهلك؟

وين الصوت الضحك والسوالف الجانت بيك؟

وين حنية بابا وخوفه علينا؟

شقة عاشق وهدوء لحن.

حضن ماما اللي امتلينا بي.

قلبي وجعني وأني أشوف نفسي واقفة متأملة، واحد يتلگاچ، مشتاقة لناس راحوا.

مسحت وجهي وكعدت بالگاع وانتجيت عالباب.

صافنة أشلون أتلاشينا مثل الحلم.

كلمن راح بدرب وراحت وياهن ضحكة بابا الدافية.

رن فوني طلعته لقيت أركان، فصلته، ردت أرده دز مسج فتحته.

كاتب: بروح أخوج وين رحتي؟ ولج غيث إذا رد وما لقاچ يسويها طلابة بداعة الأخوة.

كملت قراءتها قبل لا أغلق الفون رد اتصل.

رديت آخذ نفس كال: وينج يمعودة؟

:- شرايد أركان؟ لا شفت شي ولا أعرفكم من الأصل.

:- يولي على شنهو تحجين؟ بس لأنهزمتي خايفة من هذا.

:- روح أركان وقول لغيث خلي يطلكني، وأني ما راح لا أحجي لأحد عالشفته ولا أوصلكم بعد.

:- ناااي ناي لا تغلقي، بس گولي وين إنتي وأني أفهمج منهو هذا.

:- ما أريد أفهم، شدخلني أركان؟ كافي اللي بيه ما معوزة أكثر.

:- يولي وداعة أمي محد يكرب لج، ولج غيث راح يرد إذا عرف بيج منهزمة وحق كتاب الله يطلعج من حدر الگاع ويذبحج، أحجي وين إنتي.

:- ما أرجع.

:- لا تردين، خلي أجي ونتفاهم، تراني ما أكفلج إذا وصلج غيث قبلي، وإنتي تعرفين كلش زين إذا لگفج شسوي بيج، أحجي وين إنتي أفضل.

:- أركان تركوني بحالي.

:- منهو واصلج بنتي؟ زلمتج راح يرد نااااي لا تسودنين.

:- أدري راح تشمروني يمه.

:- يم منهووو؟ خرب بأهلج، لج جاي يتتتتصل، ناي ناي خويه گولي يا الله وهدي، إنتي وين خويه؟ وحق لا إله إلا الله وهذا شاربي موش على وجهي إذا سمحت لواحد يكرب يمچ لو يحجي وياچ كلمة.

:- وغيث إذا درى أني أنهزمت؟

:- ما راح يدري، جايج بالطريق، بس أحجي وين إنتي.

:- يم بيت أهلي.

:- يا أهلج؟

:- بيتنا القديم اللي بالكرادة.

:- خرب بشرف أهلج، شوصلج للكرادة؟ دزي لي العنوان بسرعة.

قلت له عالمكان وأقرب نقطة دالة وسديت الفون، قمت رحت مقابيل البيت اكو صبة عالية كعدت عليها.

استوه صاير الصبح بعدها حتى العالم ما طالعة.

جو بغداد حلو، نسمة الهوى تدخل بالروح.

ظليت أباوع للبيت والحديقة، الأشجار كبرانة ومتشابكة.

أسمع صوت ضحكتنا جاية منه، غمضت ورحت بأحلامي وياها.

أقل من ربع ساعة أشوف سيارة وقفت، نزل أركان اتحاسب ويه الرجال واجه يمي، شمر حذائي كال: تالي وقت شايل حذاء وأدور بالدرابين، عش لأنهزمتي؟

:- وليش حتى أظل أنتظر تخلوني يمه؟

:- والله إنتي يراد واحد يزتج يمه بلكي تنعدلين، شكو كاعدة هينه تتصفنين؟

:- ذاك بيتنا گدامك.

:- الله يرحم الموتى وإنتي جاية هينه، منهزمة منا لو مشتاقة لشوفت بيتج؟

:- مشتاقة لصوت صراخي بالحديقة.

مشتاقة لعبي وضحكتي.

لنفسي القديمة رغم ضعفي وزغر عقلي، بس جانت مليانة أحلام كلها راحة وهدوء.

:- ول ول يابه كل هذا حاملته؟ قومي خويه تتعوض إن شاء الله.

:- هذا اللي شرد أم غيث مو؟

:- حييل وين راح عقلج إنتي؟ لا يولي هذا ابن جدتي.

:- ليش هيج حابسينه إذا ابنها؟

:- خبل ويأذي العالم.

:- إذا خبل عالجوه ليش هيج رابطيه؟

:- ما يفهم طاير عقله، يأذي حتى أمه، دقيقة مفلتة حتى تبدل الجواه من قذارته، دحگتي العمله؟ هذا إذا ما نربط يسوي كوارث، لا تستبعدين يسحب سلاح ويكتل العالم.

:- ليش ما أدخلتوه بالمستشفى؟

:- حتى يطير روسنا من الصبح، وأولهم رجلج، كلمة منا لحبل المشنقة، عدل شايل معلومات تجيب آخرتنا.

:- يعني يفتهم؟

:- جان يفتهم وخريج جامعة هم، بس تعرض لحادث وتسودن.

:- يعني جان عاقل؟ شنو هذا الحادث؟ لا تقول هم تسليم مثل غيث؟

:- غيث لو ما يضحي بروحه ويهزمنا جان هسه هو بصفه مربوط، تركج منا عدمن مفتاح بيتكم؟

:- مبيوع مو النا، خالي الله يحرقه باعه وره وفاة أهلي لأن جان باسم ماما.

:- خابرت غيث وصفت له المكان، جاي بالطريق، بس قلت له أني اللي جبتها، لا تحجين شي تراه خبل يكتله ويروح بيها، انسى الصار والله موش بعقله، طقيته بدون شعور وكسر قلبي تركته يون وراي.

:- لا ما راح أحجي، بس هم عالجوه حرام.

:- ما يتعالج، عجزنا منه، اتحمل طق فوق طاقته، عقله ما تحمل اللي دحگه گدامه، بعد ما يفيده شي، زل عقله وفقد حتى الذاكرة ما يعرفنا بالوجوه.

:- ما تبطلون هذا الشغل؟ أشوه رحمة ما معوزين فلوس، شنو الجابركم؟

:- شغل شنهو؟ عش وإحنا شنهو نشتغل ونبطل؟ يولي شتعرفين عن شغلنا؟

:- كلشي ماكو، والله حتى ما أعرف ولا شايفة أبد، بس دا أقول خطر جان مات غيث بي.

:- ما يموت لا تخافين، بس گضبي لسانج لا ينقص، وهذا الشفيه اجه.

انداريت لقيت سيارة غيث وصلت يمنا، ركنها ونزل كال: شكو هينه شجابكم؟

أركان: - قالت مشتاقة لبيتنا، جبتها هم تودعه لأن مسافرين وهم نشتم هو بيت جدتك خنقني.

:- قلت خنقك وجاين مشتاقين من فجر ربك؟ المهم يلا قوموا عدنا شغل.

قمت وأشوف أبو إسحاق كبران صاير شايب، بعده على عوجيته، من الصبح يطلع ضحكت.

تركت غيث ورحت له، وصلت يمه قلت له: شلونك عمو؟

:- هلا عمو هلا بيج.

:- شنو ما عرفتوني؟

:- لا بابا منو إنتي؟ ما أشوف جديدة بالمنطقة.

:- باوع عيوني ما تذكرني؟ قلت لها وفتحتهن حيل بأصابيعي مثل ما جنت أسوي له بصغري.

:- نااااي إنتي؟

:- إي عمو ناي، شلونكم باجي شلونهم؟

:- الحمد لله بابا، والله مشتاقيلكم، مكانكم خالي هنا، شقد سألنا عليكم محد عرف طريقكم، وين صفى بيكم الدهر؟

:- بيت خالي الله يحرقه أخذنا للحلة، والله مشتاقتلكم كلكم.

:- أووف يا بابا والله من أشوف بيتكم أبجي، جوّاركم عزيزة ومكانكم خالي، خليتوا غصة بقلوبنا، أمج لحن وينهن؟

:- بخير، لحن تزوجت وماما عايشة وياها.

:- وإنتي بابا شلونج؟ بعدج على شيطنتج؟

:- ههههه لا عمو كبرت وتزوجت، تركت المهمة لإسحاق.

:- وين إسحاق؟ هم تركنا سافر من زمان يكمل دراسة بره، هذا زوجج؟

:- لا ذاك زوجي، هذا حماي.

أشرت لغيث اجه سلم هو وأركان، أبو إسحاق رحب بيهم، جلب يدخلون لبيته حتى يضيفهم، ما رضوا قالوا مستعجلين غير مرة، كال لغيث:

:- دير بالك عليها هاي فراشة المنطقة.

:- بعيوني لا توصي.

أركان: - بروح أهلك متأكد فراشة؟ احلف.

:- ههههههه إي مسميها فراشة لأن تتنقل من بيت لبيت، من الصبح لازم تمر تسأل عن الكل.

:- عليك الأنبياء تسأل لو تطق جهالهم؟

:- هههههه والله هي تأخذ المقسوم منهم، محد يخلص من إيدها، بس سباعية تنتخي وتتصخر، أووف ألف رحمة على أبوها شلون إنسان جان، والله اتخليه ع الجرح يطيب.

:- مبين من خلفته بس لا تحلف مصدگيك.

:- لا هي جانت حركة شويه من دون إخوتها وأبوها مدللها، ما يرضى واحد يحاجيها.

:- إي والله عمو كلهم ما يصدقون شلون جنت هادئة وحبابة.

:- إي والله بالاخص هذه الباب تشهد كم مره تطفريها باليوم.

هو قالها وغيث باوع لي من فوق المناظر، بسرعة قلت له: يا باب عمو شهالسمعة؟

أركان: - استلم أنوب تطفر الباب؟ عش قفلكم خربان خويه؟

هههههه لأن شكيها لعاشق، لأن تأذي الجهال، المنطقه من يروح للشغل يقفل الباب حتى لا تطلع، ماكو بس يطلع الدربونه تلقيها بنص الشارع هي وعصتها.

جريت غيث قلت له: ما أعرفه هذا الرجال أصلاً، المنطقه أول مره أشوفها، امشي.

أبو إسحاق: هههههه كل ما أشوف وجه قيس أذكرج.

عزا، بعده خده مشوه ما طاب.

بقى أثر شويه.

أركان: مشوه الجاهل ولج.

أبو إسحاق: ههههههه يمتى جاهل جبير بس أخوث، أخذ طوبتها.

هو يسولف وأني صافنه، تقول ذاك اليوم واقفه أتعارك بالباب حتى يردولي طوبتي، أتسنت وأبتسم، تقول البارحه.

أركان: هاي ماخذ طوبتج وهيج سويتي، اللي ياخذ أطرگ منج شتسوين؟ أني أقول غيوث حبيبي طريقك على معرض الهدايه استعجل يا خوي لسلامتك.

أبو إسحاق: لا خلي أسولفلك من جانت تجيب الدفتر محصله عشره بالإملاء وتفتر عالمنطقه باب باب تدق تاخذ منهم فلوس النجاح.

طبعًا ابن أبو الما ينطي، متأكدين لا تقول.

ههه عمو هاي ذكرياتك راح تردني للمنطقه بيها مو كافي.

أبو إسحاق: ما تردون لهنا بيتكم ضال مهجور ليش؟

أرد عمو أرد بس مو هسه، يجي الوقت وأرد ذيك الليلة نفسها بس القدر راح يكون معكوس.

قلتها واندرت لقيت غيث أيديه بجيوب بنطلونه وصافن عالبيت مبتسم.

أركان: يلا نترخص إحنه اتشرفنا بمعرفتكم.

وإن شاء الله إلنا جيه ثانيًا.

جان اتفضلتوا شربتوا جاي، والله باجيتك راح تفرح.

باجيتي اشتعلوا أهلج ناي، على راسي يا الكبير، ما تقصر غير مره تطلبنا بالقرآن، هم تفضلوا يمنا نضيفكم فد يوم.

بعيوني بس انطوني عنوانكم أجيب أم إسحاق وأجي أشوف البنات ذني بنياتي ترى ربيتهن بيدي.

والله يا عمي ضاع الدم بين القبائل، ما نعرف على من نعتب، مبينه البنت متربايه أكثر من مره متعوب عليها.

اتبادَلنا الأرقام وسلمنا، رحنا للسياره صعدنا، شغل عيني بالبيت.

حركها طلعنا من الشارع، أتخيل من أوقف منتظره جيته عاشق من الشغل.

وهنا خال الشمسية على راسي، راجعين من المدرسه شايل جنطتي وأني أطفر وأسولف له شنو سويت.

منا أركض لحضن بابا.

ناي ديري بالج توكع منج دمعه، معناتها ما رجعتي، خلي حيرتهم بداخلج لا تبرديها.

درت وجهي للجهة الثانيه أباوع وأبعد عني الأفكار لحد ما خلصنا المنطقه.

أركان: كملت شغلك؟

بعد بس تحديد الكميه والأوراق، هسه نمر ناخذ الأمانة بطريقنا.

يا طريقنا غيث صدق تحكي يا خوي لا تدخل بالثقه زايد.

لا يابه هسه أحلها لا تستعجل، والجماعه على بيت الجده راح يروحون، غادي راح يكون الملتقى.

تمام بس خلصنا من هالبلوه، ما ضل وقت ترى أقل من نص ساعه كون إحنه غادي.

هز رأسه بأي، ما أعرف على شنو يحجون.

وصلنا يم صيدليه وقف.

نزل دقايق واجه بيده علاكه، صعد يمه قال لأركان سوق مجاني.

حوّل أركان وهو طلع من الجيس إبره فتحها، وأركان ناوشه من الجكمجه ما أعرف شنو من علاج، طكه سحبه كمل، أشر لي تعالي.

شنو غيث وين أجي؟

تعالي يولي ما تأذيج.

شنو غيث شراح تسوون بيه؟

شسوي، عينج تعبانه لا يصير لج شي.

ما بيها شي ما آخذ أي شغله بدون وصفة دكتور.

شنو قصدج يولي ما أفتهم؟

لا أني الما أفتهم إذا خليتك تضربني.

جرني من شعري وعصر وجهي همس: نفس منج أفَلش وجهج، ركدي مكانج هواي أفضل أحسن ما أطفي عينج الثانيه.

غيث الإبره شجابها للعين ترى يخلوا لها قطره.

انكتمي وركدي هاي مضاد عينج ملتهبه.

سكتت، ما بيها فلته، لو هي الصدق مريحتني، لو هي اللي خالتني أرفرف بالسمه.

طلعت إيدي ضربني وباوع لي قال: صرخي اتوجعي، كولي صخام، يولي أنوثتج وين؟

هي إبره على شنو أصرخ؟

أنعل أبو شكلج، فتحي عينج خلي أخلي بيها صخام بلكي لأنها طايره ومخلصتني.

فتحت عيني خلى قطره لو حركها، دنكت ردت أفركها، كمش إيدي سحب راسي خلاه على رجله.

قال: غمضي وصعدي رجليج عالكشن.

سويت مثل ما قال، دقايق وراسي افتر.

غيث الدنيا دتفتر، شنو انطيتني؟

اشش نامي.

وين ماخذني وخر.

ردت أقوم كمش إيده وخلى إيده على عيوني، ثبت راسي وبنفس الوقت غلقهن، ثواني وبعد ما حسيت.

ما فتحت عيوني إلا وأني على فرشتي نايمه، راسي مصدع يوجعني.

شلت راسي أباوع العصر صاير، هذا شنو انطاني هيج سطرني.

فركت راسي الوجع يموت، تذكرت لسه بدون غسل.

قمت حسيت الدنيا ظلمت، قوه وصلت للكنتور.

أخذت ملابس رحت للحمام سبحت صحصحت شويه، لبست عالسريع خفت أوقع ومحد يدري.

طلعت مشطت شلت شعري، شلت شفت فوني يضوي.

رحت شلته لقيت غيث يتصل، رديت قال: ها يولي صحيتي؟

مم وين أنت؟

سافرت.

شنووو غيث سافرت شنو صدق دتحكي؟ ليش تركتني؟

وشكو ماخذج وياي يولي معتاز وجع راس، ما طول كلها شهر وراد.

صدق غيث هيج تركتني؟

يولي وين تاركج بالشارع وهم وردت أنطيج فرصه تاخذين راحتج بالتفكير، أخاف تردين تنفصلين وأني جابرج عليه.

كعدت نزلت دموعي شهقت قال: عش البجي، موش هذا الرايدته.

لا أجذب عليك أرجع فدوه.

وأترك هالوجوه الجنها قمر وأردلج أنتي أم تك غمازه كل عقلج؟

ساره يمك مو؟

العشق بحضني ترديها بشي؟

الله ياخذك أنت وياها، قلتها وشهقت.

ضحك قال: نزلي بالحديقه أني.

مسحت عيوني وقمت بسرعه طلعت نزلت لقيتهم بالصاله كاعدين قبل لا يفكرون يصيحوني، طلعت ركض لبره وصلت للحديقه.

كان واقف يدخن وبيده الفون، شافني أشر لي تعالي.

رحت له ركض أخذني لحضنه باسني قال: تبجين عليه؟

لبالي تركتني.

وين أتركج يولي، صح ما أحبج بس اتورطت بيج بعد ما بيها مجال أفلت.

صدق ما تحبني وتورطت؟

وداعت كرم اكو كثير أحلى منج بس شسوي لقلبي الما بي خير دومه غاشني ومفشلني.

رجعت راسي بحضنه: ما راح تتركني غيث؟

ماكو واحد يترك روحه.

ما راح تزعلني ولا تخوني؟

اللي يعشق من قلبه ما يخون.

يعني اتحبني؟

لا.

شلت راسي همست: طلقني.

للأسف انفقدت الشيوخ من يوم العقدنا.

عضته من صدره ضغط على راسي قال: بطلي أذيه، همست: أحبك.

شنهو ولج؟

أحبك.

ما أسمع.

رفعت راسي ضحك دنك باسني: منين طلعتي لي؟

مو أني أنت طلعت لي بالسياره وضحكت على عيوني، تذكر بالله شحسيت من هالكد اتنمرت؟

حسيت فقدت السيطره على دقات قلبي، نبضاتي زادت شعور خيالي وأني أدحك فراشة أحلامي قدامي.

اشلون يعني؟

المشاعر ما تسولف تنحس، ما راح تفهمينها لمن قلبج يدق من صدق وقتها راح تعرفين.

بس أني أحبك.

حييل بعد رادلج وقت طويل يا الله توصلين لهاي الكلمه.

اكو حركه سويتها بالسياره شنو جنت تقصد بيها؟

ما أذكر.

بأصابعك من شمرت الجوازات اشلون ما تذكر؟

لأن كثير هنه، كل وحده أشوفها تعجبني أشمر لها شغله حتى أطبع فد ميزه بذاكرتها وأسحبها بيها.

اتحب ساره أكثر مو؟

آهااا بالشنه بالطياح الحظ، بعدي ناي اثنينجن ما أحبجن.

أعرفك اتحبها وتموت عليها.

لو أحبها جان تزوجتها ما خليتها كل هالسنين تناطرني.

يعني اتحبني أني أكثر؟

وحتى أنتي ما أطيق أشوف جهرتج بنتي، مصدقه روحج أني أحبج لو جنت رايدج ما أروح أعرض عليج عرض مقابيل الزواج.

يعني شنو؟

هيج ماخذجن أتسلى بيجن ويلا انكلعي ليجوه، الله يلعنجن ما وراجن بس وجع الراس.

محزوز ملبوس.

كمشني من شعري قال: شنهو ولج؟

والله ما أعرفها كرم يكلي هيج.

حظج وحظ كرم وحظ اليوم اللي شفتكم بي، يلا تهيري الفجر نرد.

دفعني فركت راسي وغلطت عليه بقلبي، ردت أروح شفت سماهر داخله هي وأبوها.

رجعت كمشت بظهره، اندار لي أشر شكو؟

الحقني أجو خاف يضربني.

منهو هذا اللي يطكج؟

أشرت له باوع للباب سحبني يمه.

أجو وصلوا يمنا قال: ها يا الزلمه يا الكلمتك حد السيف وين زتك الدهر؟

هلا يابه.

هلا بيك عجل وين أهفها وأهفها أشوف هاي قدامي.

ما يصير الطلاق البنت حامل.

سماهر: منين حبلت؟

شنو هالسؤال بيج شي يا خويه؟

لا يا خوي قصدي ما قالت.

ما تدري واليوم يا الله عرفنا.

أبو غيث: هاي هي تضل يمنا لحد ما تولد وأنت ترد لتركيا.

رفع حاجبه يباوع لأبوه.

شنو أدحك هيج؟ البنت تضل هنا ماكو اعتراض.

أي عش لا على أمرك.

تستهزئ حضرت جنابك؟

لا على شنو أستهزأ، بس اللي أعرفه أنتوا الكم طفل يمي.

والمره تضل هنا لحد ما تولد، ما تطلع من البيت، تنطيني حفيدي وتروح بطريقها.

يابه تراني موش جاهل ولا مرتي جهاز وتكعد كل ثانيه مهددني بيها الكم طفل، وصار أول ما يجي للدنيا راح تاخذ مالكم حق بعد نص كلمه تحجون وياي.

عش ما تهفني دفرة بطريقك أفهمني اشلون أتصرف.

العفو يابه بس اللي قلته واضح، حياتي ملكي مالكم حكم بيها، لا عايش على أحد والهوى بيدكم، اللي ردتوه نفذته، انتهت حدي لهنا وياكم.

سماهر.

:- واني يخوي هيج هانت عليك العشرة والتعب؟

:- يا تعب يا عشرة خويه؟ شبيج؟ وين أمولي؟ كل أسبوع يمج، تردين تجين وياي؟ هم هلابيج أخليج بعيوني، بس حرمتي بعدوا عنها.

:- من أشوكت هيج صارت عزيزة؟

:- منهو عزيزة؟ ترى حالها حال اللي گبلها، فرگها الوحيد شايلة ابني، تولد وتولي بطريجها. عش هيج جاتلتكم وشاغلة تفكيركم؟

:- آخذها أحللها، هاي ما أصدگ بيها.

:- ما تحلّكين، راح نسافر.

:- أجل سفرك، جاية وياكم.

:- ما أگدر والله، حجزت ودفعت. راح أحجزلج انتي ورنو تعالوا باچر.

أبو غيث: - والتسليم أشووكت؟

:- الأسبوع الجاي بحيل الله.

:- خوش، هم دبرلك سالفة لا تجي تضيع حلالنا. ما أوصيك، خليك وراها لا تطير بالك.

:- موش أني التمشيني حرمة، ما سويتها قبل حتى أسويها هسة. جبير بحقي هالچلمة يابه.

:- والله بعد ما ينعرفلك طريج، ولا واحد يعرف شكو براسك يبن رضية.

:- ولا راح تعرف لحد ما أدحگ بعينك، بس وكتها تعرف منو ابن رضية.

سحبني دفعني گدامه ومشى.

رجعنا للبيت، چانت الدنيا طالعة من عينه، يمشي ويفرك براسه. خفت أسويلي شي وآكل كف منه عالطاير، لأن وضعه تأزّم.

تركته يكمل طريقه، واني ضليت بالمطبخ، معدتي عصرتني من الجوع.

رحت للطباخ فتحت الكدور، لگيت طابخين، صبيت. أخذت صينيتي ورحت عالميز گعدت. اجت هناء تسحل بروحها، گعدت صافنة، عيونها حمر بغير عالم. گلتلها اتفضلي.

:- ما أشتهي، بالعافية.

:- لا تزعلين نفسج، ترى ماكو واحد يسوى تسوين بروحج هيج لخاطره.

:- من تتعرفين اللي بگلبي راح تسكتين وحدج.

:- والله رجلج ناقص غيرة، ومو مستاهل الوحدة تبچي على موده. اللي يخلي عينه على عرضه هذا مو رجال كفو، ولا ينشد الظهر بي.

:- ولچ أحبه، مو بيدي. هذا حب الصبى، ما أگدر ما أنقهر. البارحة عقدوا، شفتها أشلون واگفة تسولف وياه، وهو ضحكلها، اشتعلت نار متت. گالتها وبچت.

:- سودة عليه، والله حرمات بيهم الدمعة. أشگد حيوانات!

:- راح أموت ناي ولچ، نار مشتعلة بصدري. ولچ جاي أحترگ ومحد حاس بيه. والله فكرت أحرك نفسي حتى أرتاح.

:- وعلى شنو تضيعين شبابج وتتركين بناتچ؟ خو هي تكيّف ما تصدگ تخلص منچ. زين وين أم عامر؟ أشلون خلتهم يسولفون؟

:- گالتها يمكن بيه ولد، وخالتي تخبلت. بعد ما تعرف أشلون تشيلها بالصلوات، بدلت رايها وگلبت عليه. ولچ من البارحة لسه ما نازلة، نايمة ما تخليها تتحرك، خايفة عليها. حتى لأمي گالتها: لا تحچين يم أحد منا لمن تولد.

:- وخوالج وين؟ ميسألون عنها وين ولّت؟

:- ما عدنه خوال. الجبير متوفي، والثاني مهاجر. ما تشوفها لعبت بكيفها وخذت رجلي؟ لو عدنه خوال ما چان خلوها عايشة يم رجل خالتها.

:- عائلة قذرة، ورجلج طاير أكيد.

:- لا والله، البارحة من شافني أبچي، ضل بالحديقة گاعد يدخن، ما دخل للبيت. بس بعديش لمن موتني ألف موتة؟

:- غبية غبية، مال أتفل عليج. آسفة بس خليتيني أنفعل.

:- گلبي كسور، موتوني.

:- تگدرين تخليه يگعد هالگعدة ويبچي مكانج، ويرگع أختج ألف حذاء. ترى أختج راسمة لبعيد، مو بالبال هو اغتصبها مثل ما تگول. لا عيني أعرف السالفة كلها.

:- عليج النبي صدگ؟ مو هو المغتصبها؟ يعني ما چان يركض وراها وميت عليها مثل ما تگول؟

:- هئ، غيث گلي هي راحتله وهو چان مو بوعيه شارب، ورجلج ثور ما متعوّد على هالشي. وصايرة الشغلة، وهاي راسمة لبعيد. مو تريد يسترها وتنطي الطفل، لا تريد بيتج وبناتج إلها هم. بس انتي صيري شاطرة وفري الميز بيها.

:- أشلون؟ أبوس ايدج علّميني، والله عقلي راح يوگف.

:- الباعج بيعيه. كرامتج بالدنيا. اللي يخلي عينه على عرضه هذا مو زلمة، ما ينشد بي الضهر. بعدج صغيرة وحلوة. أول شي سوي: أخذي الحاضر والغايب، وذهبج طلعي منا.

:- وين أروح؟ ما عندي بيت.

:- بيدج يالغبيه. هسة انتي كامشة الحبل من النص، والجهتين بيدج. أي فرة راح تخسرين جهة. هددي لو ترفعين قضية تفضحين بيها لأن جامع المحارم، لو يسويلج راتب وينطيج بيت. أكيد يردون يسدون السالفة، همه خايفين هسة.

:- أي، خاصة عمي متخبل.

:- حلو. طلعي بيت وحدج، وكون باسمج مقابل سكوتج. واشتري سيارة، بناتچ يمج سحگي عيشي طلعات وسفرات. ردي بالزمن، اعتني بروحج. حرمات تبچين وتكبرين نفسج لخاطر واحد مثل هذا، وساقطة مثل أختج.

:- راح أگدر؟ أخاف ما أدبرها.

:- تگدرين. خليج قوية. أمج جيبيها يمج حتى تعتني ببناتج، وانتي شوفيليج تعيين حتى لو أهلي بشهادتج، المهم تطلعين. يصيرلج كيان وحياة خاصة بيج. شوفي إذا ما رد يبوس قنادر بس حتى ترضين عنه.

:- ما راح أردله إذا صارن ذني كلهن، شسوي بي؟

:- لج كفوو! عجبتيني. هسة انتي صح گاعدة تبچي على واحد نايم ويه أختها. گومي لج.

:- والله صدگ، بعدني زغيرة. عش دافنة روحي بس للشغل والهم؟ وأنوب مخليني هينة، مناطرة أشووكت يحن ويطلگها وبلكي يرجعني.

:- هاي النسوان المعدلة. گومي غسلي وجهج ورتبي روحج، وروحي احچي ويه عمي. لا تحچين وياه، وقبل كلشي وكلي محامي حتى يعرفون الشغل صدگ، مو لعب ويخوفوج بكلمة.

:- شكراً ناي، والله خجلانة منج. ما أعرف شگلج، اني شنو سويت وانتي شنو رديتيها الي.

:- بس صيري قوية، واعتمدي على روحج. أرتاح وحدي، أموت ولا أشوف مرة مكسورة.

احنه نحچي ودخلت سجى مكيجة متأنقة، گالت: وين عامر؟ ردت تحچي هناء، كمشت ايدها وسكتت.

تركتنا وطلعت للحديقة. بچت هناء گالت: شفتي؟

:- هيج قذارة ما شايفه، متأكدة هاي بت حلال؟

:- ولچ راحتله والنبي، راح أموت.

:- مو صار ساعة نلطم على موتانه؟ دگومي وسوي اللي گلتلج عليه. إذا ما أسقط أختج وأشمرها بالشارع ما أتسّمى بت أبوي.

أشرت أي. اجانه صوت ريحانة من ورانا.

شچاي تسوّن؟

:- دأتغده. شعجب اجيتي؟

:- والله نخيت أركان گلتله بس أشوف ناي قبل لا تسافر، عاد رضى ووصلني، وگال ساعة وأمر عليج. هاا هناء وين تردين خيه، شو گمتي؟

هناء: - عندي شغلة، أخذي راحتج يعمري.

راحت هناء، سحبت الكرسي ريحانة گعدت. گالت: الله يساعدها والله تكسر گلبي.

:- تجين للصدگ تستاهل، هي جابتها لروحها. بدل ما تخلي عينها برجلها التهت بالخباثة.

:- غير عايشة ويه خالتي أم عامر وسماهر، وذني ما وراهن بس خراب البيوت. ولچ گربي أبوسج عالسويتيه برنو. يمه بردتي گلبي.

:- گالوا مكسرة.

:- أركان يگول ضالة بس گشر متحطمة. خوّثات ما تحارشت غير بالذيبة، لبالهن مثل حريمّنه.

يمه حوبتي، ربي ما عداها بسماهر. صدگ البارحة وين رحتي؟

:- لبيت بدعة.

:- بروح أهلج معقولة غيث أخذج لغاد؟ زين شفتيها گدامچ؟ هي شلون استقبلتج؟

:- الصراحة خفت، وحتى بيتها يخوف، وشفت عمج المخبل، وأشلون ربطوا، وحتى مكان اللي خلوا بي مرعب.

:- غيث عش وداج غادي؟ شناوي هذا؟ وأركان يدري؟

:- چان ويانه أصلاً، وبتنا هناك.

:- ناي لا ترحين بعد فدوه، حتى لو يغصبج غيث، طلعي حجة. لا تتعلمين على ذاك المكان، ابتعدي عنهم وعن شغلهم.

:- لا تخافين، ما تشغلني وياها بدعة. عرفتها من طريقة أسئلتها، حسيتها تختبرني، حتى سوت روحها نايمة، لبالها تربات البارحة، وراح تعبر عليه هيج أشياء. صدگ هذا عمج نفسه أبو هناء؟

:- لا، أبو هناء انعدم وكت النظام وهو اختل عقله. لا تدحگي هيج مسودن، ذكي لدرجة يلقف الشي بلمح البصر. وانتي ما دخلتي بيت بدعة، ولا خلتج تعرفين كلشي إذا ما درستج دراسة عدلة وخلتج براسها.

:- شنو ولچ؟ بس لا تأذيني، ترى ما معوزة رعب.

:- لو تريد تأذيج ما تسمح لغيث يوديج، ولا تخليج تعرفين عنها شي، تخلص منج وانتي هينة. غيري الموضوع، اجن الحبايب.

انداريت لگيت أم عامر وسميرة داخلات. وصلت يمنا باوعت لريحانة گالت: والله عين گوية، أشلون خلوج تطلعين من البيت؟

:- أخوي بعد عمري عمرو جابني تا أسلّم على ناي قبل لا تسافر.

:- أي عش لا. تعالي صدگ ما باركتي لخيتج سميرة.

:- على شنو أبارك؟

:- موش أبو حمزة طلبها من أبوها لشاهين، وأبوها عطاها. إن شاء الله كم يوم وتجي عمتي بدعة تا تفض السالفة وتباركهم.

:- هاا أي ألف مبروك.

:- شبلاه وجهج تغير؟ عجل لا لبالج ياخذون لابنهم أول بختو. حرمة أخو وهم چان نفسه بيها وعاشگها. كل عقلج؟ شنهو من گلت للحريم لوناوين يخزون روسهم بين السلف.

:- هسة حچيت شي؟ گلت ألف مبروك.

:- لا انتي صدگ بلا تربية. أحچي وياج ماخذتني على گد عقلي. ولچ سميرة صيحي أبوج خلي يلحگ تا نعرف نلم الصخام قبل لا يطشر. أشوو صايرة بالختلات ما ندحگ إلا البت بطنها گدامها.

:- خالة گولي يالله، شنو هذا الحچي؟ وهاي هي بعد ما أجي مثل ما تردين. بس سكتي رحمة لموتاچ.

سميرة: - لا وعش ما تجين. عجل منين يزفوج غير من بيت أبوي؟

:- يا زفة هاي؟

:- رفيج عامر طالب الگرب منه، واحنا مثل ما تعرفين كلها محچي بيها. ما عدنه غيرج، وأبوي گال الزلمة معدّل، ما عنده غير بيته وحرمته، اني أحچي ويه أبو أركان، أحسن ما تضل البت مركونة.

:- شنو شاكيتلكم؟ وبعدين خافوا ربكم، تگولين حرمته يعني معرّس.

:- وشبيه المعرّس؟ وانتي منهو ياخذج؟ أرملة. حمدي ربج لو صدگ الكلام الطش اكو علاقة محرمة بينج وبين شاهين. إذا هيج هذا غير حچي. بس إذا وصل الخبر لأركان شراح يسوي؟ شتگولين؟

أم عامر: - بالقرآن يدفنها حدر أختها. عاد أركان الخبل وسالفة شرف أشلون يتفاهم بيها؟

:- خافوا الله. عش هيج تعملن؟ خالة انتي عندج بنات.

:- شقصدج ولچ؟ ما أخاف الله اني؟ عجل اسمعي يا ريحانة. اليوم بليل عمج يروح لأبوج تا يحچون بالموضوع. إذا بس سمعت بيج رافضة، وداعت عامر أروح برجلي لأركان، وما أگلج الباقي.

:- بس ما بينه شي اني وشاهين.

:- عود نخلي كتاب الله واثنينكم خلوا اديكم عليه، واحلفوا ماكو علاقة بينكم بالختلات ومستغفلين الكل، ولا خالة راس أبوج وأخوج حدر الطين وتلعبين بكيفج. هااا شگلتِ؟

:- ما راح أرفض، بس أبوي إذا ما عطاه، اني مالي ذنب.

:- مالج شغل بأبوج، تركي. ورانا نحذّر يصل خبر لشاهين تا ما يطير راسج.

:- هزت راسها بلا.

:- يله يمه سميرة، راح الوقت أمشينا. وانتي إذا دحگت ضلج هينة مرة ثانية بعد عذريني من اللي راح أعمله. حگي بيتي نظيف، موش تالي عمري ننگس بيكم.

أباوعلها أريدها ترد ماكو. دنكت دموعها مالية عيونها بس تأشر أي. ضحكت أم عامر گالتها: عفية بت أختي. وجرت سميرة طلعن.

:- صدگ تحچين انتي؟

:- ناي والله يذبحوني.

:- أشگد ضعيفة ومالج شخصية! آآخ تمنيت مكانج اني وهيج عندي أبو وأخو أتسند عليهم. أويلي چان أشسويت. بس صدگ الله ينطي حظ للميستاهله.

:- ناي شگدر أسوي؟ والله ما يرحموني.

:- شنو الفكرة الزارعيها بعقولكم وخاليكم مقتنعين إنو المرأة ضعيفة؟ بنتي ترى الله منطي للمرأة عقل وقوى تفوق الرجل أضعاف. بس الدهاء والمكر هنه كافيات يفرن كوكب بكبره. شغلي مخج.

:- ما تعرفيهن ذني يفرن السالفة ويحلفن ألف يمين چذب، وحتى شهود يجيبن. وروح أخوي تخليهم يذبحوني بدون رحمة.

:- ما طولج ثولة، خبري شاهين. كافي بسبب ضعفج ضيعتي روحج مرة، لا تكررين السالفة. ترى شاهين يحبج، لا تظلميه بسبب غبائج خطية.

:- ما سمعتيها حذرتني؟ ناي اني مو مثلج، خالية بروحج ما تهتمين إذا صار شي. ولچ أركان لا تشوفيه هيج، وكتاب الله يذبحنا اني وشاهين عكس القبلة.

:- شو جيبي، حرگتي گلبي.

گلتها وأخذت الفون، دخلت على صفحة شاهين، دزيتله مسج واتصلت قبل لا يرد فصلته. رد: ها ريحانة عمري؟ أمرتي يولي.

:- صديق عامر طالب زواجي وعمي مرشحني، راح يحاچي أبوي اليوم. شاهين الحقني!

:- وروح أخوي لأترس حلگ عمج بارود وأحرگه. هو والسلف وأشعل أبوهم بكبره. ناي عطيني ريحانة بسرعة.

:- شيعرفك اني ناي؟

وهاي ريحانة هاك.

شمرت الفون لأن اتصل، مسحت دموعها وكامت طلعت تحجي بره بهدوء وتشهگ.

ربي، الله شكد كيوت هاي من هيج شاهين متخبل عليها، كون اني واحد غاصبني جان صوت صراخي وصل للقمر، الله يشعلك خالي.

رجعت داكل شويه ودخلت هناء كالت:

تجين وياي؟

استوني ارد والمح سماهر نازلة من الدرج.

عرفت جاية مخصوص حتى تفرلها سالفة عليه.

قبل لا تكمل الدرج شمرت الخاشوكة، كمت اركضت عبرتها وصعدت.

صاحت:

على كيفج لج الجاهل.

مارديت كملت طريقي دخلت للغرفة لكيته نايم.

سديت الباب رحت يمه كعدت حركت شعره ما تحرك على نومته.

دنكت بسته فتح عيونه راد يسحبني كلتله:

لا مو وقتها عدنا سفر.

بس تعالي يمي ما اسوي شي.

غيث خلي اطلع ويه هناء خطية مريضة للمستشفى.

ناي.

جذب للكوافير ما اتعطل، بس اسوي كم شغلة عالسريع وارجع.

لا رادين لتركيا وغادي سوي التريدي.

تره خطية والله كسرت كلبي اشلون اخوك هيج ديسوي بيها ويه اختها كدامها حتى لو كان بس عقد.

اخوي اغم شكو جمعهن بيت واحد.

يعني راح تعزلنه كل وحدة شقة عرفتك والله.

فري فري السالفة، نكد نكد خرب يومج.

المهم اتركك من الصفره عيع قرفتني شكو تجيب طاريها.

مسح وجهه بيأس.

بسته من شفته كلتله:

لا تضوج حبيبي خلي اتولي.

وين جنتي؟

جوه يمها اعلمها اشلون تاخذ حقها وتموته وراها، والله اذا نفذتهن اتخلي يطفر وينعل روحه الف مره لأن اتزوج.

حلو يعني استعد؟

المن تستعد؟ لا حبيبي انت شغلك غير رادله تكتيك عدل.

اني الجبتها لروحي استاهل تعالي يمي والله.

لا تكول مشتاقلج، فدوة اروحلك هسه توكع بينا الطيارة.

ضحك وسحبني لحضنه حضني حيل.

اذا نموت سوه راضيها.

راح تحترك وشكلك هذا الشايف روحك بي يتشوه وهناك ربي يشمرك بالنار، هم بعد ماكو بنات.

نار وانتي يمي عش، شنهو هذا الظلم شمسوي بحياتي وهيج عقابي.

رفعت راسي ضحك وباسني همس:

احلى عقاب وعمة السادة.

من انروح لهناك وين اتخليني؟

اخليج بعيني واسدها حتى محد يوصلج.

وعينك الثانية اكيد اتخلي سارة.

يا طلابت سارة الما راح تخلص، بنتي بطلي غيرة وهاي ركبتج لبسي شي يضمها فشلة من الولد.

من تعرف فشلة ليش هيج تسوي؟

انكلب عليه همس:

من انتي ميتة جوع صارلج ايام بدون أكل، وينطوج طبق متروس أكلات تعشقيها شراح تسوين؟

يعني قصدك أكله؟ اني بس من اتجوع تجيني، وخر عني غيث.

نجعلج مركة شجر، محد يحبج غيري.

كالها ودنك اخذ شفتي.

دفعته كمش اديه همس:

احبج وعمة السادة.

ما تحب غيري غيث.

اعشقج يا مصيبة عمره لغيث.

كالها وباسني.

اشكد اريد اكمش روحي ابعد نفسي عنه ما اگدر، كلبي وحده ينبض بس اسمع منه كلمة.

اروح وياه لغير عالم مجرد ما يمرر شفايفه على خدودي ويطبع بوساته.

كعد على صوت فونه يرن، شال راسي خلاه عالمخدة غطاني وكام اخذ فونه وطلع بالبالكون يخابر.

بالبداية جان بالي سارة الي بعد عني هيج حتى لا اسمع، بس من سمعته.

يكله:

خليها بعدين ما اگدر اليوم لأن ما الحگ.

يول ما اگدر انطيها بعد جسمها راح يتشبع بالإدمان.

اشتعل أبوك ولك تدمن اركان تريد تروح تستلم روح وحدك ما اجي.

لا بعد ساعتين للسفر.

خايب دروح اشكد تلح.

كالها وسد الفون.

عرفت هاي الابرة الي انطانياها جانت مخدر حتى ما اشوف التقوا بيمن وشنو جابوا وياهم.

اجه يمي سويت روحي نايمة دنك باسني دفعته كال:

يلا كومي سبحي راح الوقت.

اشويه واكوم روح انت.

اني سبحت قبل لا انام، كومي بنيتي لاتورين كلبي.

بس اشويه انام فدوة عشر دقايق.

مارد وخر الغطة ورفعني من الفراش خذني للحمام شمرني جوه الدوش وفتحه.

هسه كملي نومتج على راحتج.

جيب ملابسي.

اجيبلج مرض، كملي وطلعي لبسي.

اليوم مرض والبارحة مركة شجر، بعد طلعهن غيث.

والله ظلمت الشجر بيج فاهية وماصخة حتى طعم ما بيج.

اني ماصخة مو تمام، اطلع غيث ما اروح وياك.

الج عشر دقايق وراها دقيقة ما انتظرج وروح اخوي يا ناي اخليج يم سماهر اتعدل خلقتج بالتكفخ.

كالها وطلع.

ماصخة وسماهر ومرض شايف روحه.

ناااااي لسانج.

كمت سبحت عالسريع لفيت روحي بالمنشفة طلعت لكيته يربط بحذائه.

درت وجهي طلعت ملابسي غيرت كال:

فضيها يلا.

ما اروح.

شنهو لج؟

السمعته اعتذر يالله.

شجلبتي بت الثولة، ناي كدامي يلا.

مارديت رحت كاعدت عالجرباية وكف خله اديه وره راسه يباوعلي بتعجب.

كل عقلج انتي؟

ليش ما تعتذر؟ هي كلمة شراح ينقص منك.

استغفر الله ربي، اني منين جبت هالورطة، ناي كومي صبري خلص.

تربعت مارديت دنك شال حذائي ورفعني من شعري دفعني كدامه اجيت اوكع.

كمشت بالباب رجع دفعني طلعت بره قفل الباب ردت احجي صاح:

اششش صوتج بالقرآن افلش جهرتج.

سحلني من قميصي نزلنا الدرج دفعني كدامه.

لا تدفع.

اشلون راح اهفه دفره يا محمد.

انطيني حذائي واول ما اوصل للمطار راح اشتكي عليك اكلهم خاطفني.

هينه خلي نصل وتضل جهرتج بمجانها وعود الغي براحتج.

طلعنه جان اركان واكف سلمت وصعدت لبست حذائي.

وصلنا للمطار جان يسوق بسرعة لأن تأخرنه.

نزل سلم راد يرجع كلتله:

اركان.

امري خويه.

مر على لحن كل فترة اخاف زوجها يأذيها.

امني بعد ذيج الكتلة ما يكربلها، بس هم امر ولا يهمج امر واشلع اذانو بس يفكر يحجي وياها.

شكراً يلا باي.

امودعة بالله يا خوي ديري بالج على روحج.

دخلنا للمطار لكينه البوابة مفتوحة عالسريع وقعنه الجوازات ورحنه للطيارة صعدنا اخر عالم ضالين.

كعدنه ربطت الحزام.

اويلي يا يابه كون رايحة الطيارة جان علمتج اشلون الاعتذار يصير.

لا تعتذر خليك بس شوف شراح اسوي.

كونج مره صدك وتوصليها يا ناي ما اكلج شاعمل كلش بوكتو حلو.

خلي اشمرها من البالكون وارتاح، عود ما يخالف اضربني ويلا ايدك داريد انام تعبانة.

باوعلي صفح واتجتف عدل راسه وغمض.

درت وجهي للجام.

قحط المن نافخهن وهنه حتى فايدة ما بيهن، خليهن على كلبك عيد بيهن.

شدردمين لج؟

مو وياك ويه الجام دا احجي.

الله يعينج على خبالج.

غيث.

صوتج يول.

درت وجهي ضايجة اسمعه يضحك، والله اذا ما سحلت ساره واحرك كلبك مو سهلا نوصل لو ما نوصل.

غمضت نمت ما كعدت غير على كرصت خدي.

فتحت عيوني باوعتله كال:

يلا وصلنا يا الخبله.

مارديت فتحت الحزام كمت نزلنا.

اني ما جايبة وياي جنطة بس هو استلمنا وطلعنه لكينه صديقه واكف راح سلم عليه واخذ سيارته منه.

باوعت للسيارة واجتني الفكرة عضيت شفتي بفرح.

غيث:

ناي عيونج عن سيارتي ومحمد اربطج وراها واسحل بيج اسطنبول كلها.

منو يمها اصلاً، ليش الولد ماكو؟

محد يدري ما ردت ازحمهم يلا صعدي.

صعدت رحنا للشقة ماعون، اشوكت اوصل مشتاقة لكرم وجود.

جان النهار استوى يطلع بعدها.

وصلنه للعماره فتحها دخلنا اخذت المفتاح المفتاح صعدت اركض فتحت الشقة دخلت لكيتها عبوة منفجرة بيها من الهوسة.

رحت لغرفة كرم دكيتها حيل ورجعت لغرفة جود هم دكيتها فتح بابها عاكد حاجبه كلتله:

سبرايز.

ههههه الحمد لله على سلامتكم.

الله يسلمك كرم ماكو وينه؟

نايم وين يولي، تلكي حاضن جاروبته ومسطور.

تعال ادخل كعده فشلة اخاف شالع راسه.

غيث وين؟

طلگته غثيث يا اخي ماينبلع، تعال كعد كرم والله مشتاقتله.

شبيها عينج ليش حمرة؟

عزا لعد ما تدري غير موتني كتل ودخلت مستشفى صار اربع ايام فاقدة الوعي بالعناية المركزة خلل بالدماغ صار عندي.

ليش ضربج شبدعتي؟

كلشي ماكو دا اصعد الدرج وانظربت بمتن رنود سويتلها بيده اهئ بس هيج.

اها متأكدة وغيث ضربج لأن هيج سويتي؟

اي ويكول مركة شجر فاهية ترضاها؟

لا طبعاً ما ارضاها.

احنه نحجي وقاطعنه غيث بدخوله گال:

يابه شحياهم الربع.

هلا يا خوي.

كالها وراح حضنه يضحك دكدك على متنه وخر كله:

وين الخبل؟

كل هالهوسة وبعده نايم وانت حسب حساب اشلون تعبان.

خلي خطيه تعالي لج يلا.

لا تكول لج.

امشي حبابه.

لا تكول حبابه.

الصبر يا صاحب الصبر، ناي واصل تعبان كلش مو وقتح.

اريد اشوف كرم.

ناااايم يولي.

اضل هنا لمن يكعد.

عش راح ينقرض ناي كدامي عالشقة.

جود شفت اشلون يعاملني حتى لا تكول انتي اتعيلين.

جود:

لا واضح كلش ظالمج روحي ويا ومن يكعد كرم هو وحده راح يجيت على روسكم.

لا تطلعون للشغل صدك هذا الجلب مديركم بعده.

ما كملت دمغني غيث وسحبني من شعري شمرني بره كاله:

اخذ راحتك يا خوي رد نام.

اجه يدفع لمن وصلت للشقة دخل وجرني من شعري انداريت ردت اسحب شعري من ايده.

لكيت جود صافن باوعلي وابتسم اشر بأيده وسد الباب دفعني غيث جوه.

لا تدفع غيث ويا غرفة اخذ؟

ذيج.

لا اخذ غرفتك.

بنتي لا تشلين كلبي، كلتلج ذيج.

ليش مو هاي غرفتك لو خايف سارة تنزعج؟

يابه هاي غرفتي بيها غراضي مرتبة ما راح تاخذين راحتج، ذيج فاضية احسنلج.

بس اني مرتك ولازم اضل بغرفتك.

عجل ذيج غرفة ابوي، اش بيج يولي تخترعين النكد.

غيث سارة ما تجي لهنا؟

مو هي بكيفج، امشي لج لذيج الغرفة ونفس ما اسمعلج.

يعني شنو احجي خلي افتهم ما طولني بعدني بالبداية.

يا بداية ناي، الف مره حجينا بهذا الموضوع، سارة مرتي حالها حالج تجي تضل تبات تطلع مالج حگ تحجين نص جلمة، واتصور اتفاقنا جان واضح من البداية ولا تتمادي اكثر بتصرفاتج حتى لا تجبريني اسمعج كلام يغثج.

هزيت راسي بأي.

رحت للغرفة احس العبرة خانكتني صدك شنو دا احجي اني؟ شنو كلي وحدة مشتريها بفلوسه على شنو عايشة الدور؟

ليش افشل نفسي هيج من البداية وافقت على كلشي هسه جاية معترضة على اي اساس؟

دا انزع القميص حضني من وراي باسني من ركبتي كال:

لا تزعلين والله ما قاصدها.

منو اني وازعل، وخر غيث وهذا الشهر ان سوي طفل ما تريد خليني اروح بطريقي لا تضل اتذل بيه.

ما عاش اللي يذلج وعمة السادة، ما قصدتها بس جاي تعبان وانتي لسانج ما يبطل، هتر اعرفو ما اعرف اشلون حجيت.

لا حجيت الصح همزين صحيتني غيث اني ما اريد اعيش وياك احنه ما نرهم سوه.

واني ما اكدر اعيش من دونج.

لا تخبلني استقرلك على رأي اني لو سارة غيث، ما مامعوزة وجع كلب لا تضل تلعب هيج بمشاعري.

وحگ.

وساره!

لم يرد، سكت. استدرت وقلت له:

احكي، خليني أفهم، لا تظل ساكت، أتحبها مو؟

هز رأسه:

أي.

اشلون؟

ما أعرف، لا تسألين اشلون، حبيتجن ثنينجن، نفس الحب، اشلون ما أعرف. كل وحده بيجن ماخذه جزء من روحي، وما أشوف نفسي يوم من دونها.

ماكو واحد يحب اثنين.

لا اكو، أنا هيج من دون البشر، قلبي مقسوم ثنين، ولا تقولين اختار، لأن ما راح أختار، لا راح يجي يوم لهذا الشيء.

هاي أنانية، تفكر بس بمشاعرك، ما قلت ذني شنو د يحسن، إذا هي ترضاها، أنا مستحيل أرضاها على نفسي.

ناي ما أجبرتج على شيء، جان كله بموافقتج، تعرفيني أحب ساره قبلك، وتعرفيني ما أقدر من دونها، وأنتِ اللي فرضتي روحج ودخلتي حياتي، خليتيني أحبك، ما لك حق تعترضين بعد.

لا لي حق، من دخلت حياتك جان اتفاق، ما جان نيتي لا أحبك ولا أكمل وياك.

وتغيرتِ وحبيتيني، وصرتي أعز من روحي اللي.

مثل ما دخلتك بقلبي، أقدر أطلعك، أنا مو رخيصه هيج، وأقبلها أعيش ويه واحد يحب غيري، ولا تقول أحبك، أنا نزوة بحياتك، كم يوم وتصحى منها، وأنا ما راح أستنى هذا اليوم يجي.

شنهو يعني؟

يعني تريد طفل، أنا جاهزة، ما تريد تظل على هذا وضعك، آسفة أنا ما أكمل وياك.

مو بكيفك، تظلين هنا غصبًا عنك.

ما تقدر تغصبني.

أقدر. تعرفين كلش زين ناي، لا تجبريني أذيك.

راح أروح.

تتحركين من هنا أحرقك أنتِ وأهلك.

غيث ليش هيج د تسوي وياي؟ ما آذيتك بشيء.

دحقي لج، فكرت ترحين من هنا، شيليها من راسك، ما تطلعين بس للقبر.

يعني د تجبرني؟

شتريدين تسميها سميها، ويلا بعدي عن وجهي، أريد أنطمر، ونفس ما أسمع لك، وحق اللي خلق الكون، إذا اتحركتِ من الباب أو فكرتِ بس مجرد فكرة، أدفنك مكانك. تعرفين شنهو ناي؟ لا تقولين ما سمعت، أموتك على إيدي.

مريض.

مريض صاحي، هذا الشيء راد لي، يلا انطمري، لا تظلين جنك شمعة فكر فوق راسي.

ما أريد أنام يمك.

أجى جرني من شعري وشمرني على الجرباية، قال:

كونك مرة وتتحركين.

شمر قميصه وحذاءه، أجى تمدد وسحبني يمه، دفعته، عصر وجهي، قال:

شحكيت؟

غيث والله ما تقدر تجبرني على شيء، ومال أظل وياك غصبًا عني هم شيلها من راسك، شتريد تسوي تقتلني عادي ما يهمني، أموت ولا أحس روحي عايشة بلا كرامة.

المطلوب شنو؟

تريد طفل أسوي لك، أنا ما أرجع بكلمة أنطيتها، ساعدتني هواي ووقفت وياي مقابل هالشي، وأنا حاضرة أنفذ الاتفاق، ما رجعت.

تمام، وأنا ما راح أجبرك، تظلي لحد ما يصير الطفل وتنقلعي، لا على بالك بحالك وأظل أتوسل تروحين، أحب ألف وحدة مكانك، وسالفتك نزوة، كلها كم يوم وأمل.

اشوكت نسوي الطفل؟

حاليًا تعبان، خليها لباكر.

تضحك على عقلي أنت؟ ترى مو طفلة ود تسيرها بالحكي حتى تسكت.

يولي صوتك، وحتى أنطيها لك من الأخير، لا تظلين تنبحين، ما أسوي هسه، قررت أتعالج.

لعد أروح لغرفتي، هناك من تكمل علاجك أرد.

تاكلين تِبن، الباب إذا عبرتيها أعبرك لآخرتك، حركة ما تتحركين، ونص كلمة ما تحكين، دافع فلوس أكثر من وزنك، ما تطلعين من هنا إذا ما تسلميني ابني، تالي عمري وحدة بطول جكارتي تضحك علي.

باوعت له.

عيونك يولي لا أبززهن لك، انطمري يلا.

أول ما يصير أروح.

بسرعة عصر وجهي، حكى من بين سنونه:

شنهو جان الاتفاق لج؟

أظل لحد ما أولد.

بعد؟

اشوكت ما لك مزاج تجيني.

غيره؟

ساره وحياتك الشخصية مالي دخل بيها.

وأنتِ وافقتِ لو لا؟

اممم.

ناي روحي واصله لخشمي، نفس منك، أنهيك، ما أسمع صوتك، أنتِ هنا حالك حال الجارية، لمن أطلع شكو شي خسرته عليك.

هزيت راسي بأي، ترك وجهي وعدل نومته.

سحبت المخدة وغمضت، آكل بنفسي. أحقر بشر شفته بحياتي، مشتري العالم بفلوسه الحرام.

شكول عليك ماما، خليتيني أرخص نفسي للي يسوى واللي ما يسوى، ولازم أتحمل. بالجذب ما سألتِ علي، لو قلتِ وين ولت، تطلقت، ماتت، صار بيها مرض.

ناي وأنتِ على الأساس أحسن منها، هاي راح تسوين طفل وتشمري مثل ما شمرتك، أقلها هي ربتك وخلتك تعتمدين على نفسك، أنتِ راح تنطي حتى الضوء ما شايفه، وتعرفين شنو المنتظر بين هيج عائلة.

حسيته يحرك بشعري، سويت روحي نايمة، لأن روحي ما متحملتها مواكعد أسمع إهانة ثانية منه.

حسيته كعد، نزع حذائي على كيفه، قام خلاها بمكان الأحذية، هاي لو أنا شمرتها بنص الغرفة.

رجع فتح الدكمة مال بنطلوني، سحب الغطا وغطاني. دنك، أخذ نفس طويل مني وباسني على كيفه، حضني من وراي ونام.

فتحت عيوني الظهر صاير وهو ماكو. كعدت فركت وجهي، لقيت جنطة ملابسي بالغرفة مشمورة، جايبها من ذيك الشقة.

عرفت معناتها كعدي وانجبي من هنا لمن تجيبين له الزمال اللي يكمل مسيرته القذرة.

قمت فتحت الكنتور، لقيته بس كم حاجة له معلقات. رتبت أغراضي، كملت، أردت آخذ شي حتى أسبح، شفت تيشرته غرني، مريح هذا باللبس أحسن من مالاتي.

سحبت واحد، رحت للحمام سبحت وغيرتهن، صدق نفيه ومريح، صح وصل للركبة بس راحة مو طبيعية.

طلعت الشقة تنقرط، خرب يومهم اشكد مريض مال نظافة.

فتحت غرفته دخلتها، أحس نفس محترقة، يعني راح يجيبها هنا قدامي ينام وياها، ولازم أباوع وأسكت.

دخلت فتحت الجرارات، أغراضه مرتبة وأغراضها ويا هم مخليهن، وأنا البارحة سمعني ألف حجاب بس قلت له خلي أنام بيها.

رحت للكنتور فتحته، نفس الشي أحس قلبي يغلي. أكيد راح لها هسه، طبعًا مشتاق لها وميت على شوفتها، ما صدق يرجع.

دفرت الباب ما انسد، رجعت دفرته حيل، هم ما انسد، تركته وطلعت.

رحت للمطبخ جوعانه. فتحت الثلاجة ما بيها بس مشروبات وفواكه.

أخذت المفتاح ورحت لشقة الولد، دخلت لقيتها ترحب بك.

الملابس والأحذية صايرة مجزرة، يلا منو يصدق ذوله أصدقاء.

طابقت رداناتي، شمرت نعالي وبلشت إيد بالغسالة شمرت الملابس وإيد بالترتيب.

رجعت للمسح، خرب يومهم، يمكن من تركتهم لسه محد ماسح.

خلصت، دخلت للمطبخ، فتحت الثلاجة لقيت المخضر مكدس شي على شي، ومواعين الزايد من الأكل صاير فوضى، كل وحدة بيها لطعة وضامي.

انفتحت الباب، دخل كرم بيده علاليق، شافني ضحك قال:

هاا حاتتنا، شسوين هنا؟

هلو كرم، والله مكابلة ثلاجتكم وصافنة.

ليش ما شايفه أكل؟ عرفته ناقص، ما يوكلج، أكلي ناي، أنا أجيب غيره.

شكول ولك، خضرة معفنة وتعال شنو هاي المواعين، كل وحدة بيها لطعة وخالها بالثلاجة.

ولج حتى ما أغسل مواعين، اتعلمي سياسة الطفرة نانو، دولمة بروح أخيك.

خلي أكمل تنظيف بالبداية، ومسواك ماكو اشلون أسويها.

أنا جبت لك، شنو تريدين بعد؟ هم قولي، جواربي نانو غسلتيهن؟

أقول لك صدق، لميت الجوارب، كل فردة شكل، وين تودي الأخ؟

والحمزة أنزعهن سوه، ما أعرف اشلون تنهزم، والله شاك بجود، دوم أشوف وجهه أصفر بس ما أريد أفشله، أعرفه معتاز.

كرم حبيبي اكعد اثرم البصل بين ما أحضر باقي الأغراض حتى ألحق أسوي لك الدولمة.

غيث يريد برياني.

أسوي له سم بنص قلبه، وين شافك؟

الصبح أجى تزقنب قهوة على روح ساره بالمطعم.

شخبار ساره؟

جنها أبو الجنب، كل يوم داقه بابنا هي وسبالها، نطرد وترد بلا كرامة.

راح لها غيث مو؟

هاا ناي أسوي لك الباذنجان لو أثرمه بالمثرمة؟

اتركه روح لشغلك، أنا أكمل الأكل، خطية جود وحده يتعب.

لا وياه رويدة د تسعده.

هاي شنو رجعت للشغل؟

البركة بك، غير أنتِ توسطتِ لها يم أبو قلب الحنين، وأكيد ما يردك.

أخذت مكاني.

هو أنتِ اشوكت اشتغلتِ وصار لك مكان وأخذوا نانو حبيبتي، كملي طبخ، لأن بدون ريوق، والحمزة من سمعت رجعتِ بليل لسه أحلم بالدولمة.

يعني سمعتني وما قمت تسلم؟

ولج أردت أكون بس المخدة جلبت بي، قالت أمروتك لا تتركني، وين تولي هسه غيث يهفها راجدي وترد تكابلك.

يلا دنكمل حتى أطلع وياك ضايجه.

وين تطلعين؟ أهل غيث جايين، ما تشوفين دزني أنا والمسواك.

شنو؟ وأنا أطبخ لأهلها، خليه يطير يجيب ساره تطبخ له، لو بس شاطر يوقف يدافع مرتي وحبيبتي وتسوى راسك.

لا لا ناي بروح أخوك، اتركك من غيث، أريد دولمة، مشاكلكم بشقتكم لا تدخلوها بالطبخ.

والله بس لخاطرك أطبخ، وبرياني ما راح أسوي، خليه يجيب لهم حاضر، أكمل طبخ الدولمة أطلع.

كفو ذيبة، وبس يحاجيك أهفه راجدي، لا تخافين، أنا بظهرك.

اترك الراجديات واكعد اثرم البصل حتى نلحق.

كعدنا كلمن لزم شغله، كملنا طبخ، هدرت الدولمة، لو تقول شوشنو على الطباخ يروح ويجي يباوع لها مبتسم، قلت له جيب لبن ماكو.

تعبان وما عندي فلوس.

اكو على الثلاجة خال جود.

محزوزة وملبوسة، ما تولين أنتِ، أقول لك تعبان.

كرم خليك متربع قدام القدر، دير بالك تتحرك.

ما رد، أصلاً يباوع للقدر فاتح أذاناته ومبتسم يتأمل اشوكت تستوي ويأكل.

هزيت إيدي ميؤوس من حالته، بغير عالم هذا.

لبست نعالي، رفعت شعري كباية لفوق، تناثر من الجوانت القذلة نزلت على عيوني ما اهتميت له. أخذت فلوس ونزلت.

رحت للماركت على السريع اشتريت لبن وحبشكلات لليل، تحاسبت وطلعت.

رجعت للعماره أشوف جود وغيث وياهم ساره د ينزلون من السيارة.

باوع لي جود وكتم ضحكته.

ما فهمت شنو، لأن بالي يم ساره اشلون كامشة إيد غيث وتسولف ويا طايرة.

مشيت بدون لا أحكي، دخلت للعماره، صارت دخلتي وياهم، كمشني غيث من شعري قال:

هوب.

شكووو؟

هذا منظر مقتنعة بي وطالعة؟

شكو شبيه منظري؟ ما عاجبك، كوة تتحجج تريد تطلعني مبهذلة.

أطلعك مبهذلة، خوش حكي، بجامتك عش مرفوعه.

دنكت لقيت صدق ناسيه وحدة مرفوعة.

جنت د أشتغل ونسيتها.

نسيتيها تمام، نعالي مال الحمام نازلة بي اشلون؟

خفيف ويلا مو قحط هذا، ما أريده، قلتها وشمرته من رجلي.

جرني من التيشيرت قال:

ملابسي، من سمح لك تلبسيهن؟

ما أدري مالتك.

ناي البسي نعالك، وعلى الشقة بسرعة.

درت وجهي وصعدت بس بفرده، صاح:

ناااااي!

طفرت تركت الفردة الخ وصعدت أركض، دخلت للشقة لقيت كرم نفس كعدته، شافني قال:

وين نعالك؟

ركض وراي جلب مسعور.

أنا قلتها ودخل غيث، طفرت ركض ما لحقت أجى بسرعة، جرني من شعري، ضميت وجهي، قال:

جلب مو؟

مو عليك، جووود الحكني!

جود: اتركها يا خوي صدق تحكي.

بعد جود هاي إذا ما انفلع لسانها ما تنعدل.

بعد ما أعيدها أبد، غيث شعري اتشلع.

يا شعر هاي الكفشة اللي تحجين عنها خايفة عليه؟

غيث والله دخت إيدك.

ساره: حبيبي اتركها يلا، جوعانه، شنو طابخة؟

طابخة سم أنتِ، شكو هنا؟ ذيج شقتكم يلا ولي.

دفعني حيل قال:

انكتمي يلا، صبي، خلي الأكل.

يمك روحوا صبوا واكلوا، مو خادمة أنا.

ساره: من اشوكت بطلتِ خدمة؟

من يوم.

اللي سحكج غيث واجه يتوسل بيه حتى أرضى أتزوجه.

غيث: كملتن لغوتج؟ يلا روحي عالمطبخ حضري الأكل خلي نتسمم.

- ما طبخت هواي، يا دوب على كدنه. أخذ الصفرة وروح أكل بره.

- من أجي لبيت أبوج عود طرديني، ما طولج يمي تخدميني وأنتي الممنونة. ناي، كلمة ثانية أفلش وجهج. روحي خلي الأكل وهذا التيشيرت غيري لأن أغلى من جهرتج.

درت وجهي رحت للمطبخ كعدت. دخل جود كال: يابه أني اللي أصب، لا تضوجين روحج.

- ما سمعته إشلون يهيني؟

- ناي، أنتي تجاوبين؟

- أجاوب من أعرفه مستغلني ويريدني أصير نسخة مثل النسوان العدهم أطيع وأسكت.

- يابه طلب منج تصبين.

- لو طالب بأدب چان صبيت، بس مو إجباري وجايب مرته وتعالي خدمي غصبًا عنج. هاي لو يموت ما راح يشوفني أسويها.

- وشنو التغيير؟ أنتي تعرفي قبل لا تاخذي.

- أعرف رايد طفل ورضيت على هذا الشي. بس ياخذني جارية أعبد وأسكت؟ بعده ما انخلق اللي يستعبدني.

- تركج منه لا تهتمين، فداح ألف تيشيرت حتى لا تغيري. كومي لخاطري والله أختنق من أشوفج ضايجة.

- ليش غيث مو مثلك خالي من الإحساس؟

- لا هو مو خالي، بس من كثر ما تعرف على بنات خلص إحساسه. يلا كومي وياي دنصب، مشتاق لأكلاتج.

كمت حضرت اللبن وهو حضر المواعين. رتبناهن عالطاولة، كرم متربع حاضن القدر خايف عليه.

دخل غيث مغير ملابسه وسارة لاطشة بيه. أخذ القدر من كرم كلبه بالصينية وخلاه بالنص كال: شنو بس هذا طابخة؟

- شتريد بعد؟

- مو كلت للزمال خلي تسوي برياني؟

- ما أعرف أطبخ.

- ناي وعمة السادة، روحي فولت وياج. صبري نفذ، كلمة الثانية ألبس القدر براسج.

جود: كولو يا الله يمعودين، باچر تطبخ البرياني.

- لا هسه وأريد أشوف إشلون تكسرين الكلمة.

- ما أطبخ، شتريد أسوي؟

كلب الكرسي واجه يريد يفترسني. ركض جود صار بوجهه كله: شبيك يخوي؟

- بعد جووود؟

- بس أهدأ، هسه تطبخ.

- جووود لا تدخل، كالها ودفعه. جرني من شعري عتني حيل كال: شنهو كلت؟

- ما أطبـ...

ما لحكت أخلص الكلمة واجاني الراجدي سطرني للكاع.

رد جود يمكشه دفعه لبسه بالثلاجة. دنك شالني من شعري كال: الج ربع ساعة أشوف الأكل كدامي.

- لو تموت.

ما حسيت غير الراجدي الثاني ثولني.

كام كرم وجود راد يجون، كالهم: حدكم لا توصلون. شالني من تيشيرتي دفعني عالطباخ كال: خلي أشوف إشلون راح تمانعين.

شهكت، دمغني على راسي حيل. كمشه جود صرخ بوجهه: لا تدخللللل!

خفت يتعاركون، مسحت عيوني رحت طلعت اللحمة وباقي الخضروات وكفت أسوي.

دموعي ما أكدر أوقفها تنزل عالسريع، بس صوت الشهكة تطلع مني.

أجاه تلفون طلع بره يخابر. دقايق وصاح لجود، طلع وراه.

شويه دخل وحده بس شكله متغير كال: تركي الطبخ، روحي غيري ملابسج خلي نطلع.

ما رديت، ضليت واكفة أخذ نفس. مسح وجهه وراح كعد.

سارة: حبيبي چان أكلنا بره.

- أنكتمي ولا وحك كلام الله أكوم أكتمج نهائيًا.

- إشبيك أعصابك منهارة؟ حتى عن الأكل راحت مشتهاتي، لو أعرف هيچ ما أجيت.

- ساااارة كومي طلعي، أنعل أبوج لأبو الورط روحه وياج.

- إشبيك حبيبي؟

- من الله ياخذ أصخامج ويخلصني من جهرتج.

عضيت شفتي ورجعت دنكت أطبخ. ما أعرف إشلون كملت، أنترس الأكل دموع.

أحس كلبي تعب هلكد ما شهكت.

هدرته، مسحت دموعي برداني.

باوعتله لكيتَه خال راسه بين إيديه. كلتله بصوت مبحوح: خلصت بس يتهدر، خلي كرم يصبّلها.

شال راسه أشر: وين تردين؟

- تعبانة دا أرتاح.

- كعدي أكلي وبعدين روحي أرتاحي.

- ما أشتهي.

- ميخالف كعدي لا ترحين.

ردت أطلع، كام لزمني كال: شحچيت؟

- غيث كافيي.

سحبني لحضنه، دفعته حضني حيل شهكت.

باس راسي همس: حسبيها عليه، ما أعرف إشلون أتحيونت. بس وروح أخوي ما أنحسب عالزلم إذا بعد مديت إيدي عليج.

انفتحت باب الشقة دخل جود شافني.

كال: كلنه الها كولي يا الله، والله راحت للجنه، صح الفراق صعب بس هي أحسن الها، ارتاحت من المرض والعذاب.

وها أنا اليوم أكثر صلابة ونضجًا، ما عدت أنكسر بسهولة.

ما عاد يعنيني إرضاء الآخرين.

تعلمت وكبرت وفهمت.

أن لا أكرر نفس الأخطاء القديمة.

وأن العقرب الذي لدغني مرة، لن يتحول أبدًا إلى حمامة السلام.

من يحكم علي من الخارج حتمًا لا يعرف حجم الخراب الذي مررت به.

فدروس الحياة لا نتعلمها إلا بعد أن ندفع الثمن.

وأنا دفعت الكثير.

انفتح باب الشقة، دخل جود شافني.

قال: كلنا إلها، قولي يا الله، والله راحت للجنة، صح الفراق صعب، بس هي أحسنلها ارتاحت من العذاب.

وخرت راسي من حضن غيث.

- على منو تحكي؟

صفن بوجه غيث اللي جان يأشرله اسكت.

- شنو غيث، على منو يحكي؟

- ماكو شي، تعالي وياي.

- شنو أجي وياك؟ منو الماتت؟ أحكيي!

- محد، هذا يهتر وحده.

- غيث منو؟ منو؟ لحن لو ماما؟

باوعلي وأكل شفته، ضربت على صدره، كتله: أحكيي منو؟

مسح وجهه وباوع لجود.

- غيث منو؟

- أهدي، مو ميتة، متعارضة.

- جذب، ميتة، بس منو؟ أحكي غيث فدوة.

قلتها وكمشته من تيشيرته، أحس رجليّ ما تشيلني.

أباوع لحركة شفايفه منتظرة أعرف لمن فقدت، بعد منو اللي قرر يتركني هالمرة.

أشرتله أحكي.

أخذ نفس وقال: أمج.

الدنيا افترت بي، بعد ما حسيت بشي.

فتحت عيوني عالجرباية وغيث يمي گاعد يمسح على شعري، شافني فتحت عيوني، دنگ باس راسي، قال: شتحسين؟

- ماما وينها؟

- الله يرحمها.

- لا تقولها، قول جذب، قول دتشاقه وياج حتى أضوجج مثل كل مرة، غيث ماما ما تتركني.

أحس اختنقت، گعدني مسح على ظهري، شهقت، أخذني لحضنه.

- ارتاحيت تراها متعذبة ورا أخوج.

- شنو ارتاحت؟ أول البارحة ما بيها شي، أكيد هاي جذبة منهم، وخر عني.

قلتها وكمت واختل توازني، كمشني دفعته.

أخذت فوني، إيدي ما أسيطر عليها.

گوه قدرت اتصلت بلحن، خليته على أذاني أرجف منتظرة ترد وتقول جذب، منتظرة ماما ترد علي وتصارخ بوجهي مثل كل مرة.

ردت لحن صوتها تعبان، قالت: ها ناي.

ما قدرت أحكي، صدري ضاق علي.

- راحت يا ناي، راحت ماما وهي ميتة عليج، راحت وهي تبكي وراج، كله بسببج أنتي، أتمنيتج ما موجودة، أتمنيت ما جيتي للدنيا، كله بسببج، ارتاحي سوي البراسج هسه، بعد محد يمنعج.

- شلون ماتت؟

- ليش تسألين هسه؟ جاية تقولين شلون؟ من ورا عرامتج، من وراج ضحت بروحها، ندمت على كل شي سويته لخاطرج، هاي راحت صفيت وحدي، ارتاحي هسه.

- جذب، ما ماتت، ماما ما تتركني وحدي.

- لا تركتج وتركتني بسببج، خالي أخذها دفنها بدون حتى لا أشوفها ولا أعرف وين راحت، بدون لا أودعها.

گعدت بالگاع همست: شلون ماتت؟

- تردين تعرفين شلون؟ شافت عينج مضروبة، اتخبلت بعد ما تعرف شتسوي، الليل كله ما نامته، للصبح تنوح عليج، قالت بنتي تنضرب وعايشة بضيق بسببي، شكد ردت أهديها ما قدرت، سودة عليّ للصبح تبكي عليج.

- لحن كملي، ما بيّ بعد أسمع.

- راحت لخالي داعي بحصتها حتى تاخذها وتدفعهن لرجلج وردج إلها، ضربتها سيارة بالطريق، اتصل خالي خبرنه بالصار.

- ما انضربت ماما، قلتلها خالي.

- لا، لكوها عالم مضروبة وجابوها إله، ولج ما رضى يسويلها فاتحة حتى تغسيل ما خلاني أحضره، دفنها بدون ما ندري.

- ماما ما تسويها وتتركنا، قالت أمن عليجن وأني هاي بعدني ضايعة.

- راحت تركتنه، صفينه بروحنا ناي، راحت ماما وهي تقول ناي ضلت غصة بروحي ما عرفت أحميها.

- لعد ليش تتركني إذا ضليت غصة؟ ليش ما سألت عني؟ ليش ضحت بيّ من الأول؟ ليش خلتني أضيع روحي لخاطرها؟ ماما دمرتني، تركت كسرة بروحي.

- ما ضيعتج، رادتج تبعدين وتشيلين شغلة الثار من راسج، رادتج تكرهيها وتعيشين لروحج، كل يوم تموت ألف موتة وراج بس تضم بكلبها بس حتى لا تباوعين وراج.

- وشنو الصار؟ ضيعتني بوجودها وروحتها، ولج بعدني ما شبعت منها، ولج ما حضنتها ولا ودعتها، يعني هاي هي أول البارحة جان آخر شوفة إلها، بعد ماكو ماما، لعد وين أذب همي؟

- لج ماتت وهي شايلة همج، راحت وهي دمعتها على خدها، راحت وهي ميتة على شوفتج وردتج لحضنها.

- هسه جاية تقولين هيج؟ ليش وين جنتي من جنت أنام للصبح آكل بروحي وأدور على شي ما مسويته وخالها هيج تكرهني، أدور على غلطة غلطتها وخلتها هيج تبتعد عني.

- بس لخاطر نحميج من عقلج وتفكيرج بدم عاشق.

- انتوا ما حميتوني، انتوا كرهتوني بنفسي، خليتوني ما أثق حتى بروحي، أشهر وأني أعضض إيديّ بألم، ولج جنت أتمنّى دقيقة أخلي راسي بحضنها، جاية بعد ما راحت تقولين نحميج وراحت هي تبكي، بعديش؟ وين تروح؟ شلون أعاقبها؟

- ناي سامحيها وحلليها، وروح عاشق كل السوينا لخاطر تكرهينه وما تفكرين تردين، سامحيها.

ناي حتى فاتحة ما سوالها ولا نعرف وين دفنها.

انسحب الفون من إيدي، قال: كافي يولي، لا يوكف قلبج.

- لعد لمن عايشة؟

- عايشة لتشيلين اسمهم وتمددين ذكرهم بالرحمة.

باوعتله بكسرة همست: بقيت وحدي غيث.

دنگ كومني أخذني للجرباية، گعدني وخر شعري عن عيوني.

- راح أكون وياج مثل الظل أحميج بروحي.

- راحوا أهلي كلهم تركوني بروحي.

- عيشي يولي وحدج، عجل لحن والولد شنو؟ موش أخوتج؟

- غيث قلبي يوجعني.

- تردين نرجع للعراق؟ هسه أحجز.

- ما مسويلها فاتحة.

- أسويلها ببيتي.

- أريد مي.

أشر إي، كام طلع يجيب مي، قمت وراه قفلت الباب، گعدت وراها، ردت انعزل بروحي.

قلتي ما أتركج لمن أمن عليكم، لعد ليش تركتيني؟

رحتي يم عاشق، ارتاحيتي هسه؟ من الأول هو حبيب قلبج، من الأول تفضليه علينا؟

ليش خليتيني؟ لمن ماما مشتاقتلج من قبل لا ترحين.

اندكت الباب وصوت غيث يقول: افتحي.

هو يدق وأني أعض بإيدي، أريد أطلع اللي بداخلي، شكد حاولت أبكي ما قدرت، اللي جوّايه جان أكبر من دمعة تنزل لو صوت صرخة تطلع.

خليت راسي بحضني غمضت، أحس جسمي بارد مثلك، حسيت رجع دق الباب قال: قومي هسه أحجزلج لا تضلين هيج.

- غيث روح منا.

- يولي رحمة لدينج، لا تكتمين، قومي كسري، ابكي، هطري راسج بالحايط بس لا تعملين هيج ناي.

- تعبانة أريد أرتاح.

حسيته گعد ورا الباب بضهري.

- طلعي اللي بداخلج وأنتي ترتاحين.

- مخنوقة، شي كاتم على نفسي ما أقدر أتنفس.

- ولا راح تتنفسين ولا تعرفين تعبرين بحرف عن إحساس الكسرة اللي جوّاچ.

- صح جانت بعيدة عني بس من أخلي راسي عالمخدة وأغمض جان اكو شي يأمني، شي يكلي وراچ أحد يندعيلج ويترجى ربج لسعادتج.

- وما راح تبطل تترجى ربها، روحها بدين الخالقها ورفه قلبها حد تركتهم يدحگون وراها.

- جان شي بداخلي يتأمل يجي يوم وأرد لحضنها، ما جنت مستعدة لفقدانها، بعدني معتازة حنانها، معتازة حضنها.

- لو يعدي العمر قرنين يضل بداخلج ذاك الطفل نفسه اللي يناطرها لتركض لحضنها بس حتى يحس بالأمان، ناي بروح أخوج افتحي الباب.

مر أكثر من أسبوع وأني قاضيتها نوم، حتى أكل ما أقدر آكل، جنت شبه فاقدة عن الواقع، أحس العالم فارغ حولي بس أني بي، رغم غيث جان كل لحظة وياي، خالي بحضنه، يعاملني مثل ما يعامل الطفل بس إحساس جوّايه بالوحدة يخنق، وبي كسرة تعادل وجع الدنيا بكبرها.

الولد ما قصروا، ملازميني ليل نهار يجبروني أكعد وياهم بأي طريقة، رادوا يطلعوني من اللي أني بي.

ما يدرون بس جسد مبنج گاعدة بينهم، عقلي يم ذاك المكان اللي جنت أكعد ورا بابا وأتسنط لعاشق شلون يسولف عن الناس اللي يشكوله وهمه يضحكون.

أغمض أشم عطر الجاي وأسمع صوت الاستكاين وهي تنطي لكل واحد بيده والبسمة ماليه وجهه.

أفتح عيوني أشوف بعيونهم الكسرة وهمه يباوعولي، هاي نظرتهم تصحيني أنو ضليت بروحي، من دون سند ولا أهل، ولازم أواجه الدنيا وحدي.

گاعدة لامة رجليّ لحضني وهو يمي نايم، رن فونه، گعد سحبه باوع بي، عگد حاجبه، قال: يولي هاي لحن تتصل.

- تركها لا ترد.

- صار أسبوعين البنت تتصل، عيش تتعاملين وياها هيج، تراها تضل أختج.

- اللي جانت تجمعنا ماما، وراحت، كافي الوجع اللي حسيته، ما قصرت وياها، بعد خلي تعتمد على نفسها.

- مثل ما تردين، قومي لبسي لأوصلج للمطعم يم رويدة.

- ليش؟

- عندي شغل لازم أطلع، وأنتي ما مليتي من العزلة وحدج؟ طلعي دحگي العالم غيري جو.

- غيث شنو نهاية علاقتنا؟

- من أي ناحية؟

- من كل النواحي، هاي دتشوفني كدامك، بعد ما عندي طاقة أتحمل ألم ولا قلبي بي مكان للكسر.

- اللي رايدته شنو؟

- شتقول أنت مثل شنو؟

سحبني خلاني على إيده، باس راسي، همس: طلبي وأني أنفذ.

- أعرف ما قصرت وياي وسويت أكثر من اللي طلبته، وأعترف أجه وقت حبيتك بي، بس أجذب عليك إذا أقولك أقدر أكمل وياك بهذا الوضع لأن ما انخلقت حتى أكون عبدة.

- سارة ما أقدر أتركها.

- لعد أني اللي انسحب قبل لا تفكر تحجي لو تتخيل روحك تجبرني، خليك ببالك ما ضل عندي شي أخاف أخسره.

- بعد شوفتي الج وأنتي بحضني وما قدرتي تتخطين الوجع، أول واحد يفكر يبعدج عني هو أني.

- راح طلقني.

- أريد طفل وبعدها أحررج.

- وأني ما أرجع بكلمة نطيتها، راح أسوي بس ما راح أنتظر لمن تتعالج.

- ما راح أتعالج جربت وأول بشر أذيته هو أنتي، طگيتج بدون لا أحس، شكد ما أحاول أكضب روحي، لسانج وتصرفاتج يجبرني أفقد وأتحيون.

- أول ما يصير الطفل ننفصل، أريد أكمل دراستي وأعيش مثل باقي البشر، أكون لي حياة خاصة بي.

- وحياتج ما تكمل إلا وأنتي بعيدة عني؟ حقج يولي، أني بروحي ما مفتهم شي، ضال أتلاوى ويا الموت، أي غفلة أنتهي، هاي هي مثل ما تردين، بس اكو شرطين.

- شنو هنه؟

- مثل ما سجلتج باسمي تحافظين عليه.

لبس مستور واللي أقوله يتنفذ بدون مناقشة، وسارة تبتعدين عنها لسلامة راسج لحد ما يصير الطفل، وبعدها الج كامل الحرية، وهذا شاربي مو علي إذا رجعت بحرف واحد.

- يعني أطيع وأسكت حتى لو أهان؟ اكو واحد ضاحك عليك قايلك أني عبدة؟

- حلو ما طول هيج صار الحجي، يعني صحيتي، عجل اسمعي يولي، ذني اللي قلتهن يتنفذن إجباري، ما طلبت قص رقبتج بس أريدج تنهجبين وتركدين، أتحملي كلها وقت وبعدها طلعي شكو خبال وسوادين براسج محد يعترض.

ردت أحكي سد حلگي.

- ما أريد أسمع صوتج لأن أنتي تعبانة، وأني أعصابي واصلة حدها، واقع بشغلة إبليس بشطارته ما ينفذ منها، ناي بروح عاشق لا تجبريني أذيج.

دفعته، دنگ باسني، سحب إيده من جوّا راسي وگام فتح الكنتور طلع ملابسه وگف يلبس.

- أريد أراجع دكتورة.

- ما بيج شي ما يعتازه.

- إذا تعطل شلون غيث؟ ما أريدني أتحمل إهانات وأسكت، أجذب عليك.

- ما عاش اللي يهينج، أنتي بس گضبي لسانج ومحد يگرب صوبج.

- ما أريد منك لا شقة ولا راتب، بالمقابل ما تلمس وحدة غيري منا لمن يصير الطفل وتطلقني.

- المفروض أفلش وجهج على هذه الكلمة، بس هم خلي أريحج، صح ما بي شي عدل ولا اكو صلة بيني وبين البشر، بس ما وصلت بيّ أفكر أوسخج بالعاهرات.

ردت أحكي رن فونه، شاله رد بالتركي، بباله ما أعرف لغة، حجه براحته، جان اكو بضاعة واصلة وأبو سارة اللي يأمن المكان ويسهله التسليم.

فتح باب الغرفة وهو الفون على أذنه يحكي، أشرلي على الأكل: قومي أكلي، وطلع.

لميت رجليّ لحضني وخليت راسي عليهن، أقنع بروحي السويته صح، لازم أدوس على قلبي حتى أقدر أرجع وآخذ حق عاشق.

أقل من ساعة وأسمع الباب انفتحت وصوت سماهر ورنود دخلن، اجت سماهر للغرفة دخلت وصلت يمي دنكت عليّ باستني، قالت: البقية بحياتج.

- حياتج الباقية.

- حسبيني أمج، شتعتازين أني موجودة.

- تعلمت ما أطلب ولا أعتاز أحد.

- أووف يا لسانج.

رنو.

:- ماما، خالو راح يجيب دليفري، كال لا توصلن للمطبخ.

:- هلو ناي، شلونج؟

أشارت زينة:

:- ليش كاعدة وحدج؟

:- أبوي أطلعه من گبره وأكعد وياه.

سماهر:

اشبيج خاله، جاي أحاجيج مثل البشر ردي عليها، وبعدين لا تظلين هيج كاعدة مو زين على الطفل، كومي شوفي بيتج، رجلج لا الميت رد ولا الدموع تخلص.

مسحت وجهي لأن ما بيه أحجي مو أرد.

قمت بدون ما أرد، فتحت كنتوري، أخذت ملابس، رحت للحمام سحبت وغيرت، طلعت حتى شعري ما نشفته، رفعته شلون ما كان، أخذت فوني وطلعت صاحت:

"وين موليه؟"

ما رديت.

نزلت رحت للموقف، أنتظر المكان مزدحم، وأنا أحس هوسة براسي والدلمش اتأخر.

تركت المكان ورحت أتمشى.

لـ نص الطريق واجت السيارة، صعدت ووقفت يم الجام، أباوع للشارع.

ما ضل شي أفكر بيه لو خايفة عليه، خلص ناي، هسه صدك كلبج ما ضل بيه نبض، ماكو شي يمنعج، ما ضل عندج غير ثارج.

وصلت للمطعم، نزلت لقيت قدامي كرم يمسح بالمقدمة، شافني ضحك قال:

"أي وأخيرًا نور المكان، ولو شكلج يحسسني ببعيد الهالوين، بس شنسوي لازم نتقبل."

"هلو كرم."

"عيون الغثيث، شلونج؟"

"الحمد لله، منو يمكم؟"

"الحيوانات المفترسة ماكو بس العمال، أحسن شي سويتي من عرفتج لهسه من هاي جيتج."

"لو ما حسيت دخول سماهر مثل عزرائيل عليه ما جان اجيت."

"احمدي ربج تأخرت، لسه غير كل يوم عركة بالفون وتنتهي بالقرآن يا سماهر إذا دحقت وجهج بالمطار أحرك جدج بقبره."

"جود هنا؟"

"أي والله وشلون اشترالج مجموعة مال نساتل وجباسه بذاك الحساب، أوف وأنا أتوسل على حب الشمس من البارحة لليوم ما ينطيني اشتري."

"هذا شوكت يقتنع أنا مو طفلة؟"

"من تبطلين تبجين بالختلات حتى ما نشوفج، تعالي ندخل."

دخلنا، لقيت جود مشغول حتى ما انتبه لي، تركته رحت ويه كرم جوه، كان ميز فارغ قعدت فوقه.

"ولو قعدتج مو مال تقديم بس أنضيفج، أمري."

"شكرًا ما أريد والله بس اجيت أغير جو."

"ناي بهيج مواقف ما أعرف شنو أحجي، حمار، بس شلون أكلج أمي حسبّيها مكان أمج، هي اذاناتها مثل اذاناتي يعني شتكولين عادي تتقبليها."

"الله يحفظها الك، اكتفيت وحدي ما أريد أحد بحياتي."

"لعد طلّقي غيث."

"أول شغلة أسويها أتركه، بس خلي أسويله زمال مثله حتى نسل السقط لا ينقطع، رويدة وين؟"

"منو رويدة؟"

"كررم ما بيه أجادل وياك."

"وداعت هالغمازة اللي ما أعرف شمحلاها بوجهج، ما أدري ولا أريد أعرف وينها."

"هاا هيج رويدااااا!"

"صوتج يمعودة احنا بمطعم محترم."

"مبين من أنت وجماعتك تشتغلون بيه، والزبائن الغثيث وصاحبته، لج رويداااا!"

"هاي وراج، أنعل وجهج المزروف هسه يشحطونه."

انداريت لقيتها وراي واقفة تباوع لي بحزن، سلمت عليها وحضنتها، رجعت قعدت قالت:

"والله متفشلة منج بس ما قدرت أوصل جود ما رضة، ناي لا تزعلين."

"ما زعلانة لأن صدك داخلة صدمة، البارحة يالله قدرت شوية أتحرك، يلا هياتني اجيت."

"شلونج؟"

"بخير ولا تسأليني شي ثاني، لأن تعبانة وما أريد أذكر شي."

"يلا صدك تعالي نشرب قهوة ونطلع برا، بس خلي آخذ زمنية من جود."

"لا ما بيه أطلع خليني هنا وحتى شكلي مو مال طلعة."

"تريدين الصدك والله صايرة أحلى بدون مكياج وشعرج مرفوع جنك طفلة، دنزلي من الميز كعدي على الكرسي."

"هيج مرتاحة أكثر، جيبيلي قهوة بلكي أصحصح راسي يفتر."

"راح كرم طلب لج."

"بعدكم ما تحجون سوى؟"

"لا أبد ولا كأنما قدامه موجودة، نتركج منه، بشري اطلقتِ لو مو وقت هالحجي؟"

"لا مبين ما بيها طلاق، شو عوجة جاية وياي منين ما أدير وجهي."

"ليش شنو التغيير، مو جنتوا متفقين على الطلاق؟"

"الجلب يريد طفل ومصر ما يطلق إذا ما اجيب له، خلي أحمل وأتركه، وأنتِ شنو ما رجعتِ؟"

"المن أرجع؟ هو أبويه يا دوب محتار بمرته وأطفاله، أول ما قلت له راح أظل ألم فلوس الجامعة رضى بساعة، صدك اجت ويانا بنية عراقية بنفس الغرفة كلش حبابة، أعرفج فد يوم عليها."

"الله كريم، هاي بعد ظليت هنا ماكو رجعة للعراق."

"تستقرين؟"

"امم، عندي شغلة أخلصها هناك، بس خلي أستعدلها وأرجع هنا أستقر لمن أسلمها للباري."

"أووو شوفي منو اجى، كلش مو وقتها، حبيبي ناي تعالي وياي للمطبخ."

"منو اجت اشبيج انخبصتِ؟"

"سارة منو غيرها، نزلي دتباوع لج قعدتج مو تمام."

"شنو مضوجتج؟"

"هو بس أنا مسببة إزعاج للمطعم كله، حتى بوجه جود تصرخ، تعالي وياي لا تلغي وتضوجج."

"غير الله جابها، عندي طاقة ما أعرف شلون أطلعها."

"ناي فدوة، والله أنرفض، هسه يجي أستاذ غيث لا تسويلنا مشاكل."

هي تحجي واجت سارة قالت:

"هلو ناي شنو طلعتِ من القعر مالتج، خلص حزنج؟"

"يقول حذر ونذر ثم خذ حقك بيدك."

"شنو يعني؟"

"يعني ردي مكانج، ونفس يطلع منج أسحل بيج المطعم كله وأنعل أبو اللي يطلع وراج."

"نزلي من الميز واتعلمي الاحترام، ولو أنتِ منين تعرفيه، كلك خلق وحدة منظفة شجابج للاتيكيت."

"مم سارة، وصلت للإنذار ردي مكانج."

"شنو تسوين هسه، جاي غيث تره يدوسج برجله بس تتنفسين وياي، وسواها قبل نسيتي قولي حتى أذكرج."

قمت تدنيت يمها وأنا أصفق برداناتي، قالت:

"اقعدي لا أخبر البوليس عليج."

"ليش خايفة تعالي."

"ناي والله أخلي غيث يردج للزبالة اللي طلعج منها."

"إذا ضربج يخلصني من الصخام مالتج، تعالي إلي."

قلتها وركعتها بوكس بنص وجهها.

خلت أيديها على وجهها، جريتها من شعرها، دخل غيث شافنا اجى يركض، فتح أيديه ووخرها مني ومسكني، حاجزني عنها.

سارة: "شفتهاااا شلون ضربتني، والله لأخبر البوليس."

غيث: "اطلعي منا كافي صوتج، العالم تباوع."

"شنوو أطلع؟ هالمسترجلة الحيوانة أأدبها."

"انكتمي واطلعي، وأنتِ تعالي وياي."

"شنووو تعالي وياي غيث؟ قلت أمها ولت للقبور وتكسر الخاطر بس لهنا كافي."

دفعت غيث حيل ورحت قبل لا أسحلها، رفعني صرخت:

"غيييث نزلني!"

"اشتعل أصل غيث صوتج."

انداريت من حركتي، ضربته بصدره وقمت أرفس أريد يحررني.

عصرني بحضنه وسد حلقي، رفعني من بطني وطلع للسيارة، شمرني بيها وقفل البيبان حتى ما أنزل، اندار يركض صعد.

"نزلنييي غيث."

"اهدي يول راح تنجلطين."

"مالك شغل نززززززلني."

"مرض صوتج وعمة السادة، أطرج نصين انكتمي أحسن."

"لو تطير للسما ألقفها وأموتها."

"ميخالف بس اهدي شوية."

درت وجهي للجام، انفت، أنطاني بطل ماي، دفعته.

تركه وشغل السيارة، حركها ورجعنا للعماره، على طول الطريق أذكر شلون قالت ولت أمها للقبور، وأرجف لمن وصلنا، ركنها ونزلنا.

صعدت قبله، ردت أدخل لشقة الولد، سحبني من تيشيرتي قال:

"منا."

"ما أدخل، أختج وبنتها هنا."

"اسمها خالتي ناي ولسانك كظبيه."

فتح الشقة ودفعني جوه، دخلت لقيتهم قاعدات، تركتهم ودخلت لغرفتي، سديت الباب، شمرت حذائي ورحت أتمددت، أسمعها تقوله:

"وين لقيتها الرعنة؟"

"بالمطعم وين تروح؟"

"ولك قلت لها لا ترحين ولا وياها، هاي بس لاهينة بكيفها تطلع وتدخل."

"خويه اطلعي من راسي، ما تطلع حدها للمطعم يم الولد وترد وياهم، وشكو وشصاير بالبيت منهو متكاون؟"

"رفيج عامر طلب ريحانة، شلون زلمة معدل وأخو خيته."

"أي وين المشكلة؟"

"يا غير الزلمة قاعد وما نشوف غير شاهين فات متسودن، قابض سلاحه وهاد على الزلمة يريد يقتله، لو ما الوجوه الطيبة والشيوخ القاعدة تقبضه جان سواها دمايه."

"يابه عطوا البت وفضوها، موال ما راح نخلص، لا ريحانه تتزوج ولا شاهين يركد."

"ياع شبلاك يخوي هيج بلاد الغرب غيرت طريقة تفكيرك ونستك عاداتنا."

"بويه يا عادات؟ الزلمة عاشقها وهي أصلاً من حقه، أكبر واحد بالسلف ما يكدر يحجي نص كلمة."

"حرمة أخو هاي، وهو أول بختُه عش حتى يكسر خاطر أبوه، وياخذ أرملة أخوه، حتى عرس وفرحة ما يكدر يعمله."

"أوو أنتم وين عايشين بعدكم؟ يولي عاشقها تعرفين شنو يعني؟ طلعوا من راسكم واحد ياخذها من حضنه، لو موش أبوك وعمك لو الدنيا وكفت بوجوه ما راح يكدرون يلمسون شعرة منها."

"عجل خلي يصير زلمة ويروح يقول لأركان هالحجي."

"وهو زلمة ومشهودتله، صقر السلف ما يخاف من أكبر واحد، بس اللي قابضه والكاسر ظهره أخوته متفاشل بسبب أبوه اللي بعده عايش بأحلامه اليقظة، كل عقله بهاي سالفته، يسيطر على الورث أبو عقل المحجر."

"تكاون ويا أبو وقال له هالمرة عملتها الثانية أرميك، خلي البت تروح بفالها، بس شيقنعه، قوم الدنيا ما قعدها بحجة الزلمة موش تمام، قام أركان صف ويا وطردوا العالم."

"أحسن شي سواه، أي وعامر شصاير وياه؟"

"هناء تخبلت علينا، زتت بناتها وتريد الحاضر والغايب تقول أريد أشوف حياتي بعد ما أرد لعامر حتى لو طلق سجى."

"علقتها أخت عاشق حلو والأغم شعمل؟"

"يبوو يشيل روحه ويركعها بالقاع، متخبل ضال بس يتوسل ويبجي جنه حرمة."

"غبي، أول ما جرب بالمحارم هاي البنات تارسة الدنيا."

"غير أخيك عجل ما علمته، لو هم صدك شتعلم، فار الدنيا وتاليت قلبك صفى بيد رعنة."

"فري السالفة فري."

"هاي أنا أفرها، يلا هم ما قلنا شي، عش ما رحت على الموعد، مو منطي كلمة لأبوي ترد الخميس."

"خلي ناي تهدأ أعصابها وأرد."

"ولك يخوي شصاير لك، البت كلت عقلك؟"

"سماهر صوتج وشنو البت، تراها مرتي."

"من شوكت صارت مرتك؟"

"من يوم اللي صارت باسمي."

"تحبها يا غيث؟ قول يخوي خلي أفهم."

"لا."

"عجل شصاير لك ما تقولي، سارة شوكت تاخذها؟"

"هاي شنو حولتِ لسارة، شنو التغيير؟"

"والله أرحم البت، جنت ظالمتها، ملاك يم هالعرمة، أقلها تسمع حجي وتريد بس رضاتي، هاي لا نعرف نقبضها شلون ولا واحد قادر على لسانها."

"أستغفر الله ربي، سماهر خويه تراها بكد بنتك، طفلة ما تفهم ولا عندها حكم على تصرفاتها."

"تخسى تصل لبنتي."

ردت أقوم أطلعها بس سمعت غيث عاط ونزل عليها نزلة، من يمي خجلت، ردت تتوسل وتتعذر.

شفت فوني يرن شلته، لقيت رويدة تتصل، رديت:

"ها رويدة."

"ناي غيث شيصير منج؟"

"زوجي ليش؟"

"الله عليك، الكلب اللي ساحله بيه الدنيا ذهابًا وإيابًا نفسه أستاذ غيث؟"

"شلزقتِ بصخام أستاذ، أي الكلب هو، رايد شي منه؟"

"لا بس تفاجئت، لعد إذا زوجج ليش جنتي تشتغلين عنده؟"

"وين عنده؟"

"بمطعمُه."

"شنو هذا مطعمُه؟ عليك الله يا كلب يا ساقط، هالوقت كله يذل بيه ومشتغلني، اشتعل أبو أشهر وأنا أشتغل بنص أجرة."

"سارة علقت الجو وراج، بچت لمن الله كلها، بس كوة سكتها جود، تريد تشتكي، قال لها علي غيث يعلقج بالباب لا تجربين حظج وياه."

"حرامات ما تركتها تشتكي حتى أسحلها هي وحبيب القلب وياي للمركز."

"صدك سمعتها الصبح تتفق باجر يرحون للبحر لأن عطلة أحد، تعالي فدوة."

"رويدة تره أمي ما طلع أربعينها."

"الله يرحمها، وأنتِ شنو راح تسوين قابل وين رايحة، هو غدة نتغدى ونرجع، والله هي تفرح لج."

"والله تعبانة ومالي خلق."

"لا لا حبابة، أنا هم ضايجة وجود قال لي تعالي بس أستحي وحدي، تعالي ويانا أدري حزينة بس هم لازم تعيشين، ما يفيدها البجي، تريد منج الدعاء هي."

"هو منو خلاني أحزن، شو المشاكل حشك بحشك تجيني، والله حتى بجي ما بچيت، قلبي مخنوق وفارغ أحس بيه."

"حقج، مارة بهالشعور قبلج، بس بعد الوقت قدامج، لا بالبال تبجين يوم ويخلص عمر، ما راح تنشف دمعتج، بس ما راح يفيد بشيء بس وجع القلب ودمار صحتج، لخاطري ناي تعالي حتى أجيب صديقتي وياي تتعرفين عليها."

"الشهرية قربت، متكسرة ومحجرة ما أكدر أتحرك، قولي لي روحي افتحي ماي الحار واقعدي جوه الدوش هواي أحسن."

"زيت دافي دهني جسمج ساعة واغسلي، وخلي على بطنج كيس دافي، واخذي حب أوجاع راح تصبحين كلشي ما بيج، ناي منتظرتج حبابة لخاطري والله حابة أروح."

دخل غيث شمر مفتاحه، قلت لها:

"تمام بليل أتصل بيج وأخبرج، يلا باي."

سلمت وسديته، أشر:

"ويامن؟"

"رويدة تريد تروح للبحر تقول تعالي وياي."

"باجر رايحين، خلي تأجلها تجي ويانا."

"ما أروح أنا."

"عش ما ترحين؟"

"ما بيه حيل تعبانة، صدك أريد علاج مال أوجاع."

"عش؟"

قالها ورفع حاجبه، باوعت له صفنت، شكله بالله هذا أشر أحجي.

"بطني دتوجعني."

"هاا بطنك؟ هين أتصور كيس حار يكفي بالغراص."

خزرته، ضحك، اجى يمي قال:

"موش بعدها يومين لو أنا غلطان؟"

"شنو غيث؟"

"عيونه، حتى عيب بحقي تأخذين علاج وأنا موجود."

"ما فهمت، شتقصد؟"

"ثبتي وأنا أفهمج، شرط ربع ساعة وتقومين مثل الفرَسة بكامل نشاطج."

"غيث وخر دا أقوم أتعشى جوعانة."

"صوتج يولي، هسه طلبت أكل راح يوصل."

"أي وخر."

"شوفي هذا الحزام شنو فوائده."

"غيث كلش ما فايخ لك، وخر دا أقوم أسبح، أيدك وخرها عني."

"بس عطيني أيدك لحظة وحدة، خلي أدحگ كم طوية تفر عليج."

"وبعدين شنو يعني؟"

أشر جيبي وسحب معصم أيدي، سد الحزام بيها وجر الثانية، قلت له:

"شَتسوي؟"

سحبتها، جرها حيل وخلاها ويه الثانية:

"هسه تمام."

"كملت، يلا افتحهن، تريد تضرب تره ما يعتاز لهيج شي."

"والله عجزت حرمتي، شايلة رعونة ماكو بشر شايلها وهسه وين أنوديهن؟"

"غيث أيديه."

"انكتمي لج."

قالها ورفعهم، ربطهم بحديد تاج الجرباية، شدهن حيل وقام.

"صدك دتحجي؟ شنو هذا اللي سويته؟"

"أشش صوتج يول."

"افتح أيديه تره ضابّهن حيل دَيوجعني."

"هسه أفتحهن بس لا تلغين."

قالها وطلع سد الباب.

"شنو هذا، عاقل لو براسه شي؟"

جريت أيديه مربوطات حيل، قعدت عدل، عضيت الحزام بسنوني، سحبته حيل ما ينفتح، شلون شاده هذا الخبل؟

المن أصيح هسه، بس لا طلع كلشي يسوي والله.

ظليت أحاول لمن دخل بيده سفري أكل، خلاه على الميز، بدل الإضاءة مال الغرفة، ذب قميصه راح للحمام.

وأنا صافنة، أقص أيدي إذا طلع براسه عقل.

أخذ له شوية طلع ينكث بشعره، اجى يمي قعد.

"كملت لعب، افتحهن يلا."

"هو جاي خصيصًا أفتحهن."

قالها وخلى أيده على دكم قميصي يفتح.

"غييث أيديه مو الدكم."

"صوتج يولي، نايمات تعبانات من السفر."

"أي وأنا شكو، افتح أيديه."

هز راسه وفتح الدكم، دخل أيديه ورا ظهري فتح الـ...

"غيث لو تموت ما أخليك تلمسني، أخاف ببالك نسيت اللي سويته بيه ذاك اليوم، لو تنقلب آية ما راح أخليك تقرب لي."

"لا تنسين أصلاً، وصوتج إذا سمعته راسج أفلعه."

"خليك رجال وقد كلمتك، احفظ كرامتك لا تخليني أهينك."

عصر وجهي همس:

"هسه أعلمج الزلمة اللي تهينيه منهو، وهذا لسانج إذا ما توبتج منه ما أطلع ابن أبوي."

سد حلقي، فتح القميص وشلع الحمالات، صفر همس:

"خرب بشكلج، منحوتة بت الأذينة."

صحت ما يطلع مني بس الونة مخنوقة، ضغط أكثر.

ونزل على صدري، خلاني أطفر من الألم، هنه محجرات وهو يتعامل وياهن بقساوة، قمت أرفس، حجز رجليه بين رجلي ورجع لهن.

ملخهن تمليخ، فحط قلبي، أكثر من ربع ساعة بهتت، تعبت من المقاومة والألم، ما تركهن لمن صدك بعد ما أحس بيهن.

شافني هديت ووخر أيده وصعد، جريت أيديه بحركة ما انفتحن.

همس:

"أشش لا تتحركين."

"كافي بعد والله تعبت، افتح أيديه."

"موش زلمة ولا عندي كرامة مو؟"

"لا لا لا غييث فدوة أروح لك."

ما رد، صعد لشفتي، كرهني بنفسي، يأكل أكل بيها، تقول أول مرة يشوف مرة.

شهقت لأن حسيتها انشعلت بسنونه.

ولا تقول يسمع، ما تركني لمن شبع من وحدة.

ونزل على رقبتي، منها لبطني، خلاني أتشاهد وألعن الساعة اللي غلطت بي عليه.

فتح أيديه، مسحت دموعي وقمت ضربته حيل بصدره، مسكني قال:

"ما تتوبين؟"

"حيوان."

"منهو هذا لج، عش تخليني أرد وأطيح حظج؟"

"حتى الحيوان عنده كرامة أكثر منك."

دفعني رجعني للفراش وصار عليه، نبتت أظافيري بظهره، ملخته وعضيته بصدره حيل، عصر وجهي، رادني أبطل، ظليت صاكة أسنوني، قال:

"كافي لا تخليني أذيج."

"ناااي كافي."

"رب الحلوو كافي."

قالها وعَت وجهي، وخرت شفت الدم طالع منه، قعد فركها وباوع لي، مسحت حلقي، عصر حلقي قال:

"تتفلين يولي لا تبلعين."

شهقت.

"ناااي لا تتخبلين."

"وخر دا أقوم أغسله."

مسح خدي، دفعت أيده، قمت لفيت روحي بالجرجف، رحت للحمام، فتحت الدوش ووقفت جوه أسبح وأمسح بدموعي، متوجعة، ليلة عرسي ما سوى هيج وياي وأذاني.

ظليت جوه الدوش لمن هديت، نشفت، تذكرت بدون ملابس، دقيت الباب.

"هااا يولي شنو ناسّي لي مكان؟"

"الله يلعنك غيث، ملابس جيب لي."

"اطلعي ماكو غريب."

"غيث جيب لي شي ما أطلع."

"بس لا خجلانة، حلفي على العموم أمني ما شفت شي، بس اكو وحمة ما عرفتها مال شنو بين..."

"غيييث."

"عيونه أمري."

سكتت أسمعه يضحك، وانفتح الكنتور، ثواني واجى دق الباب قال:

"ذني جبتهن أخذيهن."

فتحت الباب أخذتهن، بس تيشيرت طويل وشورت.

أخذتهن بدون ما أحجي، لبست وطلعت.

لقيته متمدد يدخن، شافني نفخ عليه.

شلت شعري بدون تمشيط ورحت أتمددت، درت وجهي للحايط، مد أيده على خصري، عصره ودَنك باس رقبتي، بچيت، أخذ نفس طويل مني وقام.

راح للحمام يسبح، ماخذ راحته، الله يأخذه وأنا أتحلوص، كله محترك يسعر عليه.

تقلبت بالفراش أدور مكان بارد يهدئني شوية، رفعت التيشيرت وخليت جسمي على الفراش، أنعم شوية وبيه برودة، ارتاحيت.

سمعته طلع، نزلت الملابس.

نشف، اجى يمي تمدد، وحضني من وراي همس:

"أذيتج يولي؟"

"وخر غيث."

"باجر راح ترتاحين، ما تحسين بشي، ما تعتازين أي علاج بعد."

"شاكيت لك؟"

"بدون لا تشكي لي، اشتغل لوجه الله بس جيب اللي يقدر."

"تره أذيتني غيث، أنت ما تحس بالفرق اللي بينا."

"أكل رحمة من الله موجود، محد مانعج، وبالنسبة للطول ما بيه فائدة بهيج مواقف، الغلط موش من يمي."

باوعت له، قايمتني العبرة، ضحك وأخذني لحضنه، دفعته ورجعت درت وجهي.

"قومي خلي نطلع."

"أريد أنام."

"قومي اتعشي، مو شاطرة بس للحسد."

"ما أشتهي أريد أنام."

قام جاب الأكل خلاه على الجرباية قال:

"ولو ما مسويها بحياتي وما آكل هيج مكان، بس يلا لأجل عين تهون ألف عين، قومي."

"قلت لك ما أريد."

"ناي وعمة السادة، لك ثانيتين قومي أفضل لك، كوة قابض روحي عنج، بالأخص هسه باقي بس أدحگ على الدعامات ومفول مال أسبوعين."

"حتى أشمر روحي من البالكون والله."

"ما تموتين بس تتكسرين، أوووف وروح أخوي هيج بعد حتى ربط ما أعتاز، آخذ راحتي باللعب."

"غيث تره أنا مرتك مو من الشارع، ليش هيج تتصرف وياي؟"

"لا يسمعج واحد ويصدك، ولك لو أقرأ لصاحبي نص اللي أقوله لج جان اجاني بدون اعتراض، بت الأوادم أم دافَر وطراقات يالله أحصل بوسة يا حرمتي."

"أنا ما منعتك بس تعبانة."

"لحد متى إن شاء الله، تفكين ومن أروح ويه وحدة صحتي، خاني ساقط ما بيه حظه، قومي تسممي يلا."

"ما أريد."

"عجل رايدة غير شي وخجلانة، قربي."

طفرت قعدت رجعت ليورا، أشر:

"عفية."

سوالي لفة أنطاني، أخذتها أكلتها.

قبل لا أخلصها سوالي وحدة، ردت أحجي أشر على الحزام، أخذتها أكلتها، رد يسوي بعد، أشرت:

"كافي."

"بس هاي لا تردين أيدي."

"لا تنطيني كولا."

"مو زين بارد، أخذي هاي مكانه."

"شبعت أريد هذا."

"ناي أنتِ من زمان بنية لو متحولة بالفترة الأخيرة؟ شلون ما أريد أرهمها وأقتنع ما جاي تجي."

"ما فهمت."

"يولي لو تتركين سوالف العنف والطراقات وتلتفتين شوية لأنوثتج موش أفضل؟"

"منو قال لك أنا ولد؟"

"حشى ظلمتي الاسم والله، قربي يولي لا تبردين."

"محتركة."

وخر الصينية وسحبني لحضنه، دفعته عصر خصري حيل همس:

"حركة بعد لكِ وحدة وروح أخوي للصبح ما أهدج."

خنست، دخلت راسي بحضنه، عدل أيده جوه راسي والثانية دخلني بيها زايد، غمضت، ظل يلعب بشعري لمن غفيت.

قعدت على صوت طقطقة، فتحت عيوني لقيته يم المراية واقف يسشور شعره، دخلت جوه الغطة، بعدها النعسة بعيني، كمل واجى دنك باسني قال:

"يلا يولي تأخرنا."

"ما أروح."

"لا تورين قلبي ناي، مال أتركج هين وحدج، جذب قومي ويانا، هو بس اليوم راح أرد للعراق واشبعي من قعدتج هاي."

"ليش ترجع؟"

"عدنا شغل."

"ما تتوب غيث."

"شتوب عش شنو اكو هو؟"

"أقول لكم تريدون تموتون، روحوا سوى، لا كل يوم واحد، تره بعد ما ضل بقلبي مكان للوجع."

"عش تبجين، مو على الأساس مغصوبة وظالة وياي؟"

"مو عليك، على ابنك من يجي للدنيا، تره اليتم شعور بشع."

"رب العالمين ما يترك أحد مكسور، قبل لا يأخذ الأهل يدز واحد مكانهم يعادل أضعاف حبهم وخوفهم للشخص."

"وهذا الشخص شوكت راح أشوفه لو يدخل حياتي؟"

"قومي يلا تأخرنا."

دنك باسني وقام، رد يم المراية يكمل تعديل بجهرته، ثواني وقال:

"سارة."

"شبيها؟"

"لا توصلين يمها، وهاي آخر مرة أحذرج."

"تدري مرات أصفن على روحي شلون تخيلت روحي أحبك؟"

"تخيلتي؟"

"وكرهت روحي على ذاك الإحساس."

"شعور متبادل، على سالفتج نزوة وراحت وقتها."

"شوكت نسوي طفل؟"

"خلي أعصابج ترتاح، كافي الجينات الوراثية راح تلعن أبو أبوي بقبره، يلا فضينا تأخرنا."

شلت فوني لقيت أربع مكالمات من رويدة، وهاي أعرفها تريد علاقتها بكرم.

دزيت مسج:

"حضري نفسج راح أجي."

قمت غسلت وغيرت ملابسي، رفعت شعري كباية عالية فوق راسي.

طلعت لقيت جود قاعد يحك بقصته، رحت يمه قلت له:

"صباحو."

باوع لي وكوة كتم ضحكته.

"شبيه؟"

"بس دفعتها مو؟"

باوعت لرنّو سادة حلقها لأن سنونها القدام ماكو وراد لها وقت يالله تتركبّهن، وجهها بيه زراك بعده، أمها تباوع لي بغضب تريد تأكلني.

"كرم وين؟ لا تقول يدور على جواريبه."

"لا ما يرضى يجي."

"مو بكيفه."

"والله ذاك وينه بالشقة، بعد أنتِ وهمتج."

سماهر.

:- وين تروحي؟

:- رايحة لكرم، ليش اكو اعتراض؟

:- ولد بالشقة وحده ترحين، شنهو؟

:- هذا اللي تقولين عنه عشت وياه وحافظت عليه أكثر من أخوج، حتى قليل بحقه من أقول مثل أخوي.

:- ناي تنعدلين لا أجي أعدل فجج.

رنو: ماما قولي لخالي وهو يتصرف وياها هالساقطة.

جود: شنو هالحكي بابا؟ عيب هاي مثل أختج ومرت خالج.

:- اللي ما عندها أهل وتعيش بين ولد شنو تتسمى؟

:- تتسمى بنت أبوها، واقفة بوجه الوقت، صاينة سمعتها ورافعة راس أهلها بغيابهم. لا كل اللي عندها أهل شريفة، ولا اللي بدونهم مو خوش. اللي بيها حظ لو تظل بين ضبّة شوارب راح تظل نظيفة.

:- ليش تدافعين عنها؟

:- لأن ربت على إيدينا، حالها حال أخواتنا.

:- جود ما أقصد، لا تعصب عليّ، ترى جاي أتشاقى وياها.

سماهر: لا ما نتشاقى، تركد وتنجب، بدون زلمتها ما تتحرك من الباب أحش أرجولها.

تركتها وطلعت، آخر زمن جايتني سماهر وبنتها يحكمني.

دخلت للشقة لقيت كرم متمدد يباوع بالفون، رحت يمه وقفت متخصرة. أشر: شكو؟

:- كوم ويانا.

:- ناي من الأخير، بدون لا تلحين ولا نتخارب، ما أروح وياكم.

:- لعد أنا هم ما أروح، ما بيّ حيل أظل يمك.

:- ليش، روحي غيري جو.

:- أنت مواعدنا طلعة للبحر وناكل عرنوص سوا، تذكر أول ما التقينا؟ وأنا منتظرتك، ما أروح لهناك إذا مو وياي.

:- نروح غير مرة، هسه روحي وياهم والمرة الثانية أنا وياج.

:- ما بيّ حيل، ورويدة هم ما ترضى تجي، راح تكون مملة. أرجع غرفتي أحسلي، أقلها هناك وحدي بدون هوسة أرتاح.

:- قومي ناي جاي وياج، بره بره منج بره.

:- لا تعصب، أذاناتك وكفن.

:- تنمري تنمري، بعد شيسوي بيج رب العالمين أكثر من غيث.

:- راح يروح للتسليم.

:- والحمزة ما يبطل لمن يردوا بتابوت، صاحبي وأعرفه.

إحنا نحكي وهو دخل، قال: منو يول يرد بتابوت؟

:- أبوي.

:- بواحد ردوا عجل، أذاناته شلون رهموهن؟

:- غير يوم أدزوهن. بطل تنمر، شيسوي بيك الرب أكثر من ما سمطك بناي.

قالها وراح رافع راسه، مر من يم غيث دمغه، كمل طريقه يفرك براسه.

باوعت لغيث:

:- والله هسه قال لي نفس الحكي.

:- اتركج من الخبل، ماكو شي وراهم منا منا أفششه الج.

ضربته على صدره، بهالأثناء طلع كرم شافنا وفتح حلقه.

أجا ضايج، كمش إيد غيث قال: محزوزة وملبوسة، ليش تضربي؟ لو لأن فقير؟ تعال خويه تعال.

:- ياا مو هسه كفخك؟

:- ما لج شغل، إحنا إخوة بيناتنا لا تدخلين. وإذا ضربتي بعد نشكيج لسماهر.

غيث: وإشلون محترمة سماهر؟ هي روح خويه كمل لبس، وأنتي يلا انقلعي قدامي صعدي بالسيارة.

طلعت، أردت أنزل كمش إيدي، قال: روحي غيري ملابسج.

:- ما عندي أسود غيرهن.

:- ناي ضيق هذا مقسم جسمج.

:- لعد شلون، ألوان ما ألبس؟

:- عجل خليج، لا تجين.

:- بعد أحسن، هو أصلاً ما أريد أجي.

رجعت لشقتنا، دخلت لقيت جود يشيل بالأغراض. دخلت عدل على غرفتي، شمرت حذائي وتمددت. أسمعهم حجوا ويا غيث، ما أعرف شرد بس طلعوا وسدوا الباب.

ما اهتميت لأن من البداية مو مال روحة.

سحبت الفون فتحته أقلب بيه، راحت إيدي على صفحة لحن، غمضت. أتصل بيج أسأل على منو بعد؟

غلقت الفون خليته.

حضنت المخدة، ضميت وجهي، دموعي تنزل بدون شهقة.

قلبي يوجعني، ليش كل جرح وألم لازم أحمله وحدي؟ محتاجة حضن أشمر روحي بيه، أبجي من خاطري، أطلع شكو حرك بقلبي.

أقل من ربع ساعة وأسمع الباب تنفتح، قمت مسحت عيوني بسرعة، عرفته غيث.

دخل باوع لي وأكل شفته الجوه، أخذ نفس قال: قومي جبت لج ذني غيري وتعالي ويانا.

:- ما أروح.

:- البنات منتظراتج، فشلة لا تخربين السفرة عليهن.

:- غيث تعبانة أريد أنام.

أجا يمي قعد، كمش وجهي قال: وعمة السادة أموت ولا أشوفج هيج قدام أحد. ولج شي يصعد براسي.

:- لبسي مستور بس أنت تدور شي حتى تذلني بيه.

:- ناي حجاب وما غصبتج عليه، قلت ما يخالف ويا الوقت تتعلم. بس ملابسج لا، ذني ممنوع.

:- ما أظل أعيد بالكلام غيث، أنت ما لك دخل بيه، كله وقت وننفصل.

:- عفية منا لمن ننفصل تحترمين نفسج، ما طولج باسمي تلزمين حدج ولسانج سوا حتى لا أتصرف تصرف أندمك عليه.

:- بعد هذا الحكي هسه لازم أقوم؟

:- غصباً عنج تقومين. يلا الولد محضرين المشاوي، فضينا نازل لج خمس دقايق، ما نزلتي أصعد أسحلج من كفشتج وأعلمج شلون يصير العناد.

قالها وقام طلع.

مسحت وجهي، ربي اطلعني من مصيبة تشمرني بمصيبة أكبر. هذا شلون التقيت بيه؟ الحظ شلون خلاه قدامي؟

قمت فتحت الجيس لقيت قمصان اثنين، أخذت واحد لبسته ما بيه عرض كل شي بس رب العناد.

نزلت لقيته منتظر بالسيارة، صعدت شغل بدون لا يحكي. رحنا للساحل، ركن سيارته نزلنا نتمشى.

اتكلت لنا سارة بالمايو، باوعت له قال: مرض لا تدحكين هيج.

:- قميص شبعت رزايل، بس هم صدق شمبين منها؟ أشوف جنها ماسحة كرم.

:- انكتِمي.

:- والله هاي أحسن عقاب لك، ترس على وجهك.

:- شلون راح أحطم وجهج.

رويدة: ناااي تعالي هنا.

:- جاية، أصلاً خنقة هنا النفس مقطوع.

غيث: أكفي يولي دحكي، لج عينج منا منا، طفرة بالماي تزنح مثل الجهال، رجليج أكسرهن.

:- معقد.

:- احكي بصوت عالي خلي أسمع.

:- أقول لك حاضر.

:- ولي يلا.

رحت أدردم، قوا كامشة لساني لأن ما عنده مانع يسحلني حتى هنا. خبل، حرمات على الشكل، ربي منطي جمال بدون عقل.

لقيت بنية قاعدة حلوة رشيقة، خدودها مليانة، شعرها جوه وركها، قامت مبتسمة قالت: أنا غسق.

:- هلا حبيبتي وأنا ناي، أتشرفنا. اتفضلي ليش قمتي؟ ها روشة شو معزولة قاعدة وحدج؟

:- أحسن، أخجل من أخت أستاذ غيث وسارة ما أطيقها.

:- شوفي سارة شلونها مصلخة.

:- دوم هيج هي عادي. شوفي رجلج وراج شلون ذب ملابسه.

غسق: هذا زوجج؟

:- إي صخامي.

:- هذا صخام؟ لعد أنا شنو؟ ما شاء الله ربي يحفظه لك.

:- قصدج لسارة لأن ذيج حبيبته.

:- وأنتي شلون راضية هيج؟ أنا لو منج أكلها بسنوني، مثل هذا شلون هيج مفرطة بيه وساكتة؟

:- يحبها، خو مو أذل روحي وأظل أركض، خلي بالعافية عليها.

:- وذاك منو اللي بصفه؟

:- جود صديقنا، هذا درة مال الله، غلطته الوحيدة مصاحب هذا.

:- ههههههه اللي هو زوجج. إمم أقول لك متزوج لو لا؟

:- لا سنكل وترف مثقف وسبروت، تخليه بقلبج، داقعدي.

رويدة: شنو ما تروحين يم حماتك؟

:- حمة اللي حمحمها، قولي آمين.

غسق: علاقتكم مبينة قوية.

:- كلش فوق ما تتصورين. ولجن جوعانة بلا ريوق، شنو جايبين؟

:- إحنا هم منتظريهم، عازمينا على مشاوي.

مددت رجليّ بالرمل، أباوع للبحر شلون يسبحون متونسين.

وسارة حشگ ويا غيث، اللي خايف عليها من الماي، كل شويه وساحبها حتى لا تروح للغميج.

أباوع له شلون يوخر شعرها عن وجهها ويضحك وياها، أتمنيت أنا مكانها وهيج مداريني وخايف عليّ. فززتني رنو وهي تقول: لايقين واحد للثاني مو؟

:- قصدج بوباي وزيتونة؟ لربج مصورتهن سوا.

:- تتجنن أصلاً، وشوفي خالي شلون يباوع لها صدقة، يريد ياكلها.

:- أو يمكن يريد ينظف أذانه بيها.

:- موتي بغيرتج، ما معبرج، شامرج هينه. الحضن والبوس والدلال لها، وأنتي الأوامر والضرب والإهانات لك.

كمشتني رويدة أشرت: اسكتي.

غسق: ناي شنو هذا صوت بحيح؟

:- مرت حية منا نيبانها واقعة.

:- إي هم حسيت من نفخت، أثثثث.

:- وإذا ما لمت روحها أخليها تشيل راسها بيدها وتزحف ليورا.

:- اتركها وقومن نلعب بالماي شويه، ولج أول مرة أجي للبحر.

:- يلا أنا هم ما داخلة للبحر، بس أطبگ بنطلوني من جوه.

طبّقناهن وقَمنا رحنا للبحر، دخلة الماي بارد والموج حلو مو عالي، شعور يخبل.

ظلينا وحدة تشمر على الثانية ماي وميتين ضحك.

ما حسيت غير غسق دفعتني بنص الماي، غطيت لراسي.

عين بيها وعين بغيث، أخاف ينتبه.

قمت باوعت نفسي فضيحة، رجعت بسرعة.

رويدة: ها ناي شو رجعتي قعدتي؟

:- القميص صار ثوب نوم بين شكو جوا.

:- عزا شراح تسوين؟

:- رويدة لحقيني.

:- هههههههههه خليج والله يا غيث يذبحج اليوم بس تطلعين.

غسق: يا ما يرضى، لعد ما هاي بالمايو ليش؟

رويدة: هاي متاحة للكل، هاي خاص. فرقي بنتي. إي ناي هسه شنو؟

:- إلا أظل لليل هنا ما أطلع، ماكو غيرها.

:- لا راح أروح له أعفس وجهي وأسوي روحي أتبجبج، بلكي أكسر خاطره أقول له زلقت ووقعت.

:- روحي بدون لا تبجين، شريد يسوي لا تخافين.

:- متأكدة؟

:- خليه يطير، روحي بنتي، شايف نفسه.

:- رايحة ونشوف.

:- رويدااا لا تعفسي وجهج فدوه.

راحت تضحك وأنا أترقب ردت فعله.

وصلت يمه، طلع من الماي أجا يمها لأن هوسة ما ينسمع الصوت، دنّگ حجت ويا، اندار لجهتنا أشر: إي.

طلع من الماي راح جاب منشفة وأجا، أشوف وجهه يتلاطم، تقول قالوا له أبوك مات مو ناي بالماي.

دخل للماي وصل يمه قال: ارتاحيتي، دخلتي؟

:- وقعت.

:- شوصلج لهينه؟ شقلت لج أنا؟ حدري يولي.

:- خلي أظل شويه ما طول اتبللت محد يشوف.

:- خبلة أنتيييي ما تشوفين متروس زلم؟ كوميييي.

:- لعد مو ذبج سارة؟

:- أنعل أبو سارة لأبو اللي يدحگ جهرتها، كوميييي.

قمت بسرعة، لفني بالمنشفة تقول دولمة. طلعت رحنا يم سماهر قالت: قوية ما ينكدر لها.

:- اسكت أختك.

:- راح تجيج دفره تسكتج من الحياة كلها.

:- بردت غيث.

:- اشتعل أصل غيث، منين أجيب لج ملابس؟ قعدي هينه لمن تنشفين، بلكي أنا ميت وخلصان.

:- أروح يم صديقاتي بالشمس، باردة هنا.

:- انتظري خلي أشوف شلبسج. خرب بأصلج راح تتمرضين، خويه سماهر تيشيرتي.

سماهر: يااا وأنت تظل هيج؟ وهاي شنو بصدرك دامية؟

:- ماكو شي، البارحة اتماطلت ويا كلبة. دجيبي التيشيرت البنت راح تجمد، وجيبي هاي المنشفة جود هم.

ناولته بس قالبة خلقتها. أخذتهن، نشف راسي بس حيل بعصبية.

قوا كاتمة ضحكتي، خلى تيشيرته براسي.

:- فتحي الدكم ونزعي من جوه المنشفة.

:- والشسمه؟

:- أخ بويه ما يطيح حظي غيره. نزعي الاستغفر الله وياهن قبل لا ينتبه أحد.

فتحت الدكم، نزعت القميص وهو كامش المنشفة. همست: ترى ما ألوح القفل مال الشسمه.

مد إيده من ورا المنشفة فتحه.

بطكة وحدة.

- خبرة حضرتك؟

- أعجبك؟ انطيني دقيقتين أزعّلج نص بنات البحر.

- دروح اكمش الصفرة مالتك لا تطوف بالبحر.

- أوف يا الصفرة شكد كاتلتج.

- أصلاً مو كدامي ولا دا أشوفها.

- بس لا تحلفين مصدكج.

- غيث بنطلوني!

- أنعل أبو غيث منين أجيبلك واحد هسه.

- خلي أخلعه والله يبرد مبلل.

- حتى أخلع راسج من جسمج.

محزوز ملبوس، قلتها وضميت وجهي بسرعة، وما حسيت شي، وخرت ايدي على كيفي لكيته عاض شفته ويباوعلي.

- تره مو غلطة.

- ناي يم صديقاتج عدل.

- عيونك لا تضل اتباوع للبنات تره عيب متزوج.

- بس لا واحد يسمعج ويصدق، ولي يلا وهاي المنشفة لفي رجليج حتى لا يدخل هوى وضلي مقابيل الشمس.

رجعت يم البنات لكيتهن يسولفن بصوت ناصي، كعدت يمهن:

- شنو دتحجن؟

رويدة: ماكو شي بس شكلكم يجنن وأنتو سوه.

- لو جايه وسامعة الرومانسية الجنه نحكي بيها جان حبيتينه أكثر.

غسق: أوووي أريد.

- شنو التردي؟

- من لبسج تشيرته ولافج بالمنشفة خايف لا أحد يشوفج، أوووي يخبل أريييد.

- هههههههه ضلت عليج، كومي أخذيلج فره وياه.

- لا أريد جود هادئ مبين عليه.

- الله ويدج، حركي هالجبل وأني وياج أساعدج بس حتى أحرك هالعرنصة أدزلج رقمه وأنتي سحبي إذا بيج حظ.

- ناااي رجلج شوفي ديحجي ويه البنات.

- هسه يرقم وحدة ويبات يمها اليوم.

- الله عليج.

- والله هذا غيث بس تحجين يكلج: أريد أكسب ثواب، عجل ذني خطية يضلن هيج.

- ههههههههه مبين متفاهمين كلش.

- أووو فوق ما تتصورين قمة التفاهم والانسجام.

ضليت كاعدين نسولف وهمه يسبحون، أدور اتسابقوا، كرم نص الطريق وانسحب.

غيث وجود نفس السرعة وصلوا واختلفوا، أتماطلوا بالماي، غيث أقوى من جود، خطية غط راسه بالماي خنقه، واشتغل الرفس، اتضاربوا اتدافعوا لمن تعبوا، طلعوا اثنينهم ينفتون.

وسماهر اتصلي على محمد أخاف على أخوها من الحسد.

نكث شعره كال:

- لا منشفة ولا ملابس، هسه مو مال واحد يهفج بالبحر.

جود: منشفتي ويين؟

- يم المصيبة.

سارة: حبيبي هاي منشفتي جايبه غيرها.

أخذها خلاها على متونه، لبس بنطلونه وكعد.

حشكت بي سارة.

جود وكرم ضلوا يم المنقلة يشون، وأني يم البنات، باوعتلي رنود تضحك وتأشر على سارة وغيث شلون كاعد يهمسله وهيه تضحك.

رويدة: ناي لا تهتمين تركيها.

- مو بحالهم أصلاً.

- هههههه مبين من أكلتي شفتج يمعود خلصت بدون لا تدرين.

- كومي دنروح يم جود.

- هذا اختصاص غسق.

- كومي أنتي هم ذوله كلهم مالاتي ما أنطي منهم واحد لهالعرنصة.

رحنا يم جود كعدنا، باوعلي وابتسم دنك:

- ليش دتضحك؟

- شعرج ويه ملابس غيث طالعة توب.

- دتتهزل مو؟ أدري مو حلوة ما يحتاج تكول.

- والله أحلى وحدة موجود، يكفي لون عيونج كلبن ويه لون البحر وشعرج الي مغطيهن زايدج جمال.

- لعد غيث ليش أثول ما يشوف؟

- يشوف ومغلس لسلامة وجهج، امم تركج منه، أخذي هاي استوت.

غسق: وأني هم أريد جوعانة.

- عيوني الج تأمرين، هاي ترديها؟

- لا الجناح مستوي أكثر.

- جودد خلي اشوي مكانك.

كرم: ناي نريد ناكل وخري.

- منو حجه وياك؟ مو على الأساس صاير اثكيل وما تتحاجه ودتقلد الحيوان؟

- غييث.

- جذب اسكت انطيني هاي الكماشة فدوة.

جود: لا ناي ابتعدي لا تنجوين، هفي كافي.

أباوع لرويدة كاعدة كامشتها العبرة لأن ما معبرها كرم أصلاً ما حاسبها موجود.

أخذت المكمشة من ايده بسرعة، شلت جمرة شمرتها يم رجلها، صرخت ويه صرختها طفر كرم ركض لها.

باوعلي جود صفح:

- لا تباوعلي لازم تصير ضحية حتى يتصالحون.

كرم: ناااي أبربج أنتي عاقلة؟

- ييي لا تصرخ لا والله اشوه وجهها الك.

- جيبي مي بسرعة.

دنك عليها: تأذيتي؟

نزلت دموعها، عرفتها جذب بس لأن شافت خوفه عليها، ضحكت وديتلهم مي، أخذه وهو يباوعلي ضايج، غسل رجلها.

رجعت كعدت يم جود:

- الحب شي حلو مو؟

- شتكولين أنتي؟

- هههههه أني كلبي مثل قلب غيث كل اليجي يخش بي فما أحس ولا عندي شعور.

- هههههههه سبحان الجمعكم.

غسق: أتمنى أحب، ليش ما يصير عندي حبيب عود؟

- جود خطية حبها حرام ترضاها هيج ضالة؟

ضحك ودنك، راحت يمه غسق، دنكت باوعتله فاتحة عيونها، كالتله:

- ها شنو كلت؟

- هههههههه شكول خويه.

- ناي سمعتي كال شنو؟

- عادي أني هم غيث كال خويه أول مرة، لا تهتمين، بس هاا من هسه إذا تريدين تلعبين كولي مو تعلقي وتركي.

- لا لا أتزوجه.

- هاي هيه مبروك، حسبي صار الج.

جود: حلفن.

- شبيك أنت منو وياك؟ أني وصديقتي دنحجي.

- غيييث تعال شيل مرتك وصاحبتها من يمي.

كام غيث أجه يمنا، أخذ من اللحم ياكل وعيونه تتجول ويه الرايحة والجاية، ضربته بالصيخ، باوعلي أشر:

- شكو؟

- سلامتك بس خلصت الأكل دنريد ناكل.

شمر الأكل وكام، خله أيديه وره ضهره طكه وصفر، باوعت لعينه وين متجهه، لكيت لوحدة نايمة على البحر اتسوي مساج.

جود: ههههههههه لا تتعبين روحج أكلي أحسن.

غيث: شكو شبيكم؟ كررررم وينك تعال جيب الدومنة خلي آخذلي كم داس بيكم بين ما يستوي الأكل.

جود: منو يشوي؟

- رنو حبيب خالج تعالي على الشوي.

سماهر: لا أني ما تعرف اتسوي هاي.

اجت سماهر والولد كعدوا بلشوا باللعب، كعدت بين جود وغيث وكرم كدامي، أباوع أشرله بأصابيعي.

وهو يشمر لمن دومن عليهم، باوعله غيث:

- شلون؟

كرم: ليش ما تريد تعترف أني أحسن منك؟

- أحسن مني تمام العب.

- ويييين سجل لا تغلس.

- انطيني من هذا الفحم يمك.

شمرله فحمة وفر الدومنة، كمشني من شعري:

- شكوو غيث؟

- ثبتي يول لا أهفج دفره.

- غيييث وجهي.

عصره حيل وخزرني، كتب كرم وسجل الرقم على خدي.

- إذا مسحتي أمسح خلقتج، دفعني ورد يلعب.

أشر كرم: ميخالف.

غسق كعدت يم جود قفلت عليه.

وأني اتقربت يم غيث واثنينه ننقل معلومات لكرم، بقت آخر وحدة أشر:

- طفري وشمرها كال حطوا البيديكم.

كمت بسرعة، كمشني من شعري رجعني:

- لا تتحركين.

- غيث ما ينغسل خدي صار أسود.

- الثاني.

- عزززه لا لا خلي بس واحد.

- انكتمييي، كالها وكتب على الثاني.

- هسه صرتي حلوة حتى لا تغششين العالم مرة ثانية يلا كومي.

فركت خدودي وباوعله عوزي أبجي.

أول ما وزعوا كمت، كلتلهن:

- بيده يك بجهار وبنج وعنده أربع بياضات.

شمرهن وكام، وأني بعد ما أندل طريقي، شردت بعدت عنه، أشر:

- لا تجين خليج.

رحت غسلت وجهي، اتمشيت شوية على البحر كدامهم، شفت مدوا السفرة وغيث أخذ سارة راحوا ما عرف وين.

غسلت أيديه ورجعت لكيتهم ياكلون، كعدت يم كرم.

سماهر: عجل وينج صار ساعة؟

- هنا جنت دا أتمشى كدامكم تره.

- نسيتج حتى أكل ما خليتلج.

- ما يحتاج مو جوعانة.

جود: ليش خويه؟ شنو ما خليتي وين اللحم جبنا هواي.

- أي كثير بقى، أنطيته لذيج العائلة.

- غير تشوفين اشكد يكفي يالله تنطين الباقي.

- شبلاك يخوي انخبصت، هاي أكلي ما أريد خلي تاكله.

- لا هاي تكعد ويه البنات وأني وكرم ناكل سوه.

كمت كلتله:

- ما أريد بالعافية ما اشتهي والله.

تركتهم ورحت، رجعت كعدت على البحر، شوية ورن فوني، شلته لكيت لحن تتصل، فصلته ورجعته.

واجت غسق كعدت يمي:

- عيع هاي حماتج والله عينها ضيقه.

- تركج منها كملوا.

- هو منو أكل أصلاً بس هيه وبتها، وأنوب عينها بجود تتخاز ويا لأن ترك الأكل وراج وهم كام راح.

- وكرم وينه؟

- ذاك شوفي.

انداريت وأشوف كرم كاعد منتجي على الشجرة، صافن على رويدة الي تلم الغراض.

غسق: همه واحد يحب الثاني مو؟

- الي أعرفه أي، بس شنو البينهم وفرقهم ما أدري.

- كرم راسه يابس، رويدة كم مرة اتنازلت وحجت وياه بس هو يدير وجهه ما يرد يفشلها، مع العلم رويدة حلوة ما تتفوت.

- ما طولها حلوة سفطيها وخليها بجيبج، ما يكعد حظها لو الملائكة تنثر عليها ورد.

- أوووي هم اجت هاي، لا ديرين وجهج ولا تعبريها.

عرفتها قصدت على رنو، سويت مثل ما كالت لمن وصلت:

- هاي شنو كاعدات هينه عجل منهو يلم الغراض؟

غسق: أني رايحة، يلا ناي هم يالله نرجع.

- روحي هسه جايه وراج بس أخبر أختي دتتصل.

رنو: يمه فديتهم، دحكي خالي وسارة شلون واحد لايق للثاني جنهم عصافير حب.

انداريت لكيت غيث لابس قميص جديد واكف يطبك بردانه.

وسارة تضحك حاضنته من ضهره، دنك باسها وسحبها من خصرها خلاها كدامه يباوعلها ويسولف على كيفه.

رنو: أكيد جاي يسمعها غزل، يمه شلون يريد ياكلها.

- الله يحفظهم.

- عجل ما ترحين عنهم، عيش تريدين تخربين علاقتهم؟ والبارحة أسمعه يتوسل بيها سودة عليه لأن زعلانة، كالها خليها يمج واعتبريها ما موجودة، خطية ما عدها أحد خلصوا أهلها وين تروح.

- هو هيج كالها؟

- وكلها خالها: بس أجيب منها جهال، ما معتبرها حرمة، مشتريها بفلوسي حالها حال الجارية، ما تكدر تكلمج كلمة وحدة بس أخلف منها وأردها للشارع، وهاا صدق تره جاي تعالج يمكن حتى طفل ما راح يسوي منج، خالج اسبير لحد ما تخلص علاجها ويردج للشارع.

- خوش حجي، كملتي؟ روحي دا أخابر أختي.

طلعت الفون لأن لحن خبصتني مستمرة بالاتصال، رديت صوتها مبحوح كالت:

- وينج؟

- اشصاير لحن؟

- ضربنييي موتنييي ناي ولج ضربني بالصوندة ولج راح أموتتت.

- مو هذا الي اختاريتي؟ هسه جاي دتشكيلي.

- ناي لا تتخلين عني ما عندي غيرج ولج صفيت غريبة، ولج يكعدوني ويكوموني بضربة.

- ليش شنو الصاير وهيج كلبوا عليج؟

- ما عندي سند ما عندي أحد يوكف بوجهم، ناي والله جسمي بعد ما يتحمل راح أموت.

- شنو الطايح بيدي؟ تره أني أضرب من حالتج، أقلها أنتي بين أهلج.

- يا أهل الي كل شغلة ويدفروني لو الي مشغليني خدامة وكل دقيقة معيريني بيج، ناي والله تعبت، جانت ماما الي أمونه عليه وراها حتى نفس للدنيا ما ظل.

- المطلوب مني شنو؟

- لا تحجين وياي بجفاف، أني جايه أذب همي يمج، ناي لا تقسين عليه، كافي الوكت ماخذ مني، تعبت ناي، أتمنيت أني الميته مكان عاشق، ما ظل عندي حيل أحمل كل هالقهر.

- كلمن يتحمل نتيجة اختياره.

- ما اختاااريته أخذته غصباً عني، ماما جبرتني حتى لا تردين اتضلين هناك.

- ليش ما ترودوني؟ أرد أنتوا شنو الضامي بس دا أفهم؟

- مو أني ماما الضامته ورادتج ما تعرفين لأن خافت تنسى العلاج وتحجي كدامج وتعرفيهم.

كمت أحس رجليه ما تعيني، جسمي كمشته الرجفة، صوتي راح كوه حجيت:

- منو الكتل أهلي؟

- عاشق منو الذبحه؟

لبوة على شفا الثأر

بقلمي: leo Alfatlawi

بارت الرابع والعشرون

ويبقى داخل الروح شيء لا يترجمه حبر ولا يستوعبه ورق.

بعض الشعور لا بوح يكفيه ولا حرف يحكيه.

فقط خُلق ليسكن داخلنا دون أن نخبر به أحد.

قمت أحس رجليّ متعّبتين، جسمي كمشته الرجفة، صوتي راح، كوه حجيت:

"منو الكتل أهلي؟"

"عاشق، منو الذبحه؟"

"ما أعرف، ناي."

"جذابة، تعرفي. لحن وروح الراحت جوه التراب، إذا ما تكولين أنتي مو أختي، وإلا أعرفج بعد، حتى عنواني أضيعه، وأحسب الله ما خالقج من الأساس."

"ناي، ما عندي غيرج. بعد ما أتحمل. كافي الشفته. جانت لخاطر ماما كل ما أشوف دمعتها وخوفها عليج أتحمله وأكول ميخالف. بس هسه المن ضاله؟ بس للكتل والشغل والأهاين. ولج صار يومين شامريني بالغرفة بدون أكل، حتى جهازي كوه جابته بيبي إلي."

"منو كتلهم؟ أحجي وأني أطلعج مناك."

"والله ما أعرف."

"روحي لحن، لا تتصلين. دبري نفسج."

"لا لا، انتظري ناي. ناي وروح عاشق ما أعرفهم. وحتى لو عرفت، مختطفات! أنتي ما تكدرين لهم ولا راح تسوين شي، بس اتضيعين نفسج. خلينه نعيش بعيد، نكمل باقي عمرنا براحة، كافي الشفناه."

"شنو المختطفات؟ كولي."

"ناي، والله ما راح نحصل شي ولا راح نرتاح. الراحوا ما يردون، واحنا شبعنا قهر ومذلة. كبرنا ألف سنة قبل عمرنا. أشوكت نرتاح؟"

"لحن، راح أغلقه. أحجي شنو السمعتيه؟"

"ما سمعت، بس من رجعنا من تركيا سمعتها تحجي ويه مرة خالو وتتعارك على موضوع. ومرة خالو هددتها يذبحوج أنتي بس توصلين للعراق، لأن تعرف محد يفتر وينبش هالشغلة غيرج. وهمه ما يريدون مشاكل. بس ويه منو؟ ما أعرف."

"وبعدين؟"

"ماكو. من رحت أتسنت سكتوا، لأن عرفن أني وره الباب. بس قبل لا أعقد على أخو مرت خالي، ماما جانت جايتها الحالة من شافته. قامت ملخت وجهها وضلت تصرخ: وخر عني راح يشوفك وياي."

"وهو شنو رد عليها؟"

"كاللها: أوف لسه النومة وياج ما نسيتها. كون بتج هيج راوية مثلج ونفس الطعم."

"يعني جان وياهم وهو الي اغتصبها؟"

"ما أدري بعد. نفس اليوم لو بعد ما اجينه هنا، لأن هم جان يتردد بيت خالي. وبعد نفسه بيها."

"لا لو بيت خالي ما كالتله هالحجي."

"ما عندنا دليل ولا نكدر نسوي شي، أكيد مشترك ويه إرهابيين لو عنده جماعة. وحتى ما متأكدين، لأن شكله مو مال هيج شي جبان. يمكن وره ما رجعنا اغتصبها هنا، لأن ماما قامت حالتها تزود ودم تبجي وخايفة علينا. جانت بس رادت تزوجنه وتخلص."

"وهذا الخيط الجنت أدور عليه."

"وأني ناي وين أروح؟ والله أكتل نفسي وأخلص. وعلى شنو عايشة أضل وحدي؟"

"ماما ما ماتت، ماما انكتلت وهمه الي كتلوها."

"لا، اندعمت بسيارة."

"شفتي بعينج؟ سمعتي من أحد غير خالي؟ راووج شي؟"

"أصلاً حتى شهادة وفاتها ماكو ولا كالوا وين دفنها. عمو ما يرضه يخبر بس سمع الخبر من خالي وانتهت. كال هيه تابعة لهم وأخذوها، بعد لحد يسأل. وأنتي تابعتلنا، ممنوع تخابرين لو توصليهم، انسيهم."

"تمام، هاي هيه. عرفت كلشي، ولو متأخر هالحجي وكلفنه روح ماما. بس الدم كثر وأروحهم وحدة. إذا ما وكلتهم لحمهم بيدهم وأذبحهم عكس القبلة، فلا أطلع بت أبوي."

"ناي تعبانة والله لا تتركيني."

"ليش اتزوجتي؟ شنو هالضعف البيج؟ ليش اتسمحيله يضربج؟ شنو الجابرج تسوين بروحج كل هذا؟"

"والله بس زواج عالورق. ما لمسني حتى ورثهم لا يروح يضل لابنهم. أصلاً زواجنا باطل، جذب ما حول دينه، بس بالعقد بعد مسيحي."

"لا خوش لاعبيها، عفية عليكم."

"شراح تسوين ناي؟"

"شسوي متكليلي؟ هو أني حياتي كلها خراب بخراب. ما أعرف شلون أوكف، كلما أنتجي على شغلة تنكسر بيدي وأرجع أوكع."

"يعني راح تتركيني مو؟"

"شتركج؟ أوف يالحن. كلما أكول خلصت من همج وأراح أكمل الباقي، تطلعيلي بشغلة تكسرين جنحي وتخليني محتارة بنص الطريق."

"والله سويت الأكدر عليه، وروح بابا تحملت أشياء محد اتحملها. حتى العملية من سويتها جانت من كثر القهر. ما تحملت الراح أسوي بيج ولا كدرت أتخيل شوفت الكسرة بعيونج من تعرفين شلون غدرتج."

"متأخر هذا الحجي لحن. كلفني هواي هذا حجيج. ليش سكتي؟ ليش وصلتينه لهنا؟"

"حتى أبعدج، حتى أحميج. ماما اترجتني ليالي وهيه تتوسل وتبجي حتى أسوي هيج."

"أكو شي صاير غير هذا الحجي؟ لأن جنت عايشة وياها ودوم تنسى العلاج، ما جانت تذكر شي. ليش وره ما رجعتوا خافت وحاولت تبعدني؟"

"ما أعرف والله. بس لا سمعت شي ولا شفت. بس هيه كالتلج وره ما رجعنه اتخبلت عليج. ما أعرف شنو شافت لو عرفت، بكل الطرق رادت تبعدج."

"سوده عليه، راحت وأني ظالمتها. بس والله ما حقدت عليها لو كرهتها أبد. والله كل ليلة أنام وأتخيل روحي بعدني بحضنها وأشكيلها همي."

"لا تتخلين عني، ما عندي غيرج."

"أني أشوكت سويتها حتى هسه جايه تكولين هذا الحجي؟ هذا الكلب ليش حتى يضربج؟ شرايد؟"

"يريد حقوقه الشرعية. أكله حرام، ما يصير. لازم تسلم. يكول لا أنتي ردي للمسيح."

"يلا بالله استلم. شنو هالعقلية الشايلها؟ دين لعب جهال هذا. أستغفر الله ربي."

"شنو راح تسوين ناي؟ أخذيني يمج فدوة أروحلج. والله صحتي صارت زينة، حتى شغل أني أشتغل مكانج."

"يا شغل؟ إذا عالشغل سهلا. خلي أشوف وين تصفى ويه غيث."

"ناي لا تتركيني فدوة."

"لحن، أنتي متزوجة. ما أكدر أسوي شي ولا أكدر أخذج. تحملي أشوية وسايري. أنطي وعود، خدري بيها لحد ما أعرف شلون أخلصج."

"ولج أخاف يغتصبني."

"وين تنامين أنتي؟"

"يم بيبي. من عمليتي لحد الآن يمها. بس كمل الغرفة وصار كم يوم ديلح أجي يمه."

"لحن، طلعي لج مكيدة، شغلي بيها. أنعل وجهج الفاهي. أنتي شلون محسوبة علينا؟ والله خزيتينه. ولا تخافين هذا فاهي الي لسه ما كدرلج. وأنتي جنّج دجاجة مصلحة، يعني مو رجال ما بي خير."

"شسوي هسه كليلي؟ والله ثولة تعرفيني."

"اتحجي بمرضج. كل اشويه كليله وديني للطبيب. سوي روحج مغمي عليج. أكيد ما راح يوديج أبو أفليس وراح يخاف يتقربلج أخاف تولين. ديري بالج تنطين روحج. أي شي يخطر على بالج سوي."

"لا يمعودة، هم حرام وهم أخاف يصير عندي طفل وأتورط بعد ما أخلص من مرت عمو."

"والله اليشوفها بالمستشفى ولا يحكم هيج."

"طبعاً خايفة عالورث. ذهب كومه طلعنا من حصة بيبي. هسه مو آمنت اشترت البيت لابنها. أنوب قامت تتحجج تريدني بس للخدمة وبنها يضرب بيه. ولج ناي ديأذوني وروح عاشق،" كالتها وبجت.

أحسها خذت كلبي.

نزلت الفون. إنداريت أشوف غيث شايل طفلة يلعب بيها، ويمّه سارة حاضنته من ضهره تضحك.

لازم أتخلى عن واحد منكم، وأدري اثنينكم ما وراكم غير وجع الكلب.

شلت الفون، لكيته مغلق. مسحت وجهي. ضميت الفون بجيبي. ورحت أتمشى. وصلت يمهم وغيث بعده يلكف بالطفلة، يحجي وياها بلغتها ويضحك.

شافني كال:

"أشوكت تصير عندي مثلها؟"

"مو تريد ولد؟"

"دحكيلها جنها فلكة كمر. إذا اطلعت تشبها وعيونها عليج حظي بالسما."

"وإذا اطلعت تشبهني شلون؟"

"تك غمازة وشعرها دوم على وجهها وأسميها هيا. ول يابه غير ما أخليها توصل للكاع. بس إذا مثل رعونتج بالقرآن أهفها دفر منج للبحر عدل."

سارة: "حبيبي راح تسجلها بأسمي؟"

"عش يولي، أمها شهيدة."

"صدك غيث؟ مو تعرف نفسي طفل منك وأنت المانعني؟ إذا هيج حسوي طفل."

"كل عقلج تموتين يولي؟"

سماهر: "إذا بنية الج، بس إذا ولد لا أخذه أني."

باوعتلها. كالت:

"شكو دحكين بوجهي؟ لازم عندج اعتراض حبيبتي؟ لا تنسين ماخذة ثمنه مقدماً نص جلمة مالج. عسى ما نزلتها بالشارع."

غيث: "بس فضنها، الولد راح يرحون وأني أنطيها الج هي وأمها."

رحنه للسيارة. صعدت وره كرسي غيث وهنه يمي، سماهر بالصدر.

حركوا السيارات. الولد جانوا بتكسي كدامنا، طلعوا واحنا وراهم. عدل المراية، شفته عينه صارت بسارة. ابتسم وهيه ضحكت. درت وجهي للجامة، أحس كلبي يغلي. ناي اصحي، مو الج. دتشوفي شلون يحبها.

ربي دخيلك طلعه من كلبي، والله ما بيه أتحمل بعد كسرة جديدة.

سماهر: "خويه سارة تجي ويانا تريد تسهر ويه رنو."

"تمام."

"أشوكت بحيل الله زواجكم؟"

"قريباً."

"عش ما تخليني أحضرها الك. أول ما ترجع نسوي عرسكم."

"الله كريم. خلي أدحك شيصير وياي وبعدين نقرر."

"ماكو تقرر. ما أرد للعراق إذا ما أزفك. وناي إذا اطلعت ما عدها طفل ما نريد. بطلنا نعالج سارة وهي تصير أم جهالك."

"هينه."

"تاخذني على كد عقلي ولك؟"

"لا حشاك خويه. على أمرج، التردي اعتبريه تم."

"اليجي برخص يرد برخص، معروفة."

هيه تحجي وما نشوف غير غيث شحط السيارة وصرخ: "نااااااااي!"

ما حسيت غير انضربت السيارة من جهتنا. ضميت وجهي بسرعة بالكشن مالته.

وكفت. فتح الباب ونزل يركض.

سحب الباب اليمي. راد يفتحها، ما انفتحت. دفرها حيل وجرها، انفتحت. سحبني ينفت. شافني ما بيه شي. أخذني لحضنه. غمض ونفخ.

أحس جسمه يرجف وكلبه كثر ما يدك يريد يطلع. باسني من راسي، وخر. كمش راسه. راح كعد على جهة مدنك.

اجوا كرم وجود يركضون يمنا. كالوا:

"خو ما تأذى واحد؟"

"لا بس غيث ما عرف شصارله."

"ما بي شي. نزلوا من السيارة."

نزلت سماهر، راحت يم غيث، دنكت عليه كالتله:

شبيك يا خوي؟

ماكو شي بس ضغطي يمكن هبط.

اشبلاك انخبصت، متقلي موش قوية الضربة؟

ابن الكلب طلع صفَحْ، لوما فَرّ السيارة جان رحنا بيها.

عجل بس ناي بالسيارة وهيچ انّهبطت عليها؟

أهووو، شلون شغلة ما راح تفض. كرم، أخذ البنات ورجعهن للِعمارة.

التَمّت العالم، خبروا الشرطة حتى يعرفون الغلط منين. قام غيث يفتر عالسيارة ويفرك براسه:

همزين مو قوية كلش.

رجِعنا ويه كرم والطريق كله ما سكتت أدردم، لمن وصلنا نزلت ركض مالي خلگها. صعدت للشقة عدل لغرفتي، دخلت وقفلت الباب.

أخذت ملابس رحت للحمام سبحت، جسمي ياكلني من الملح مال البحر.

طلعت أسمعهن بعدهن يَلغَن وسارة تبچي، أتقلها يمها گاعدة، ما اهتم. أصلاً موا گلچ بعد ما يحبني هيچ مسايرني ويضحك عليه.

والله يا يمه يموت عليچ بس مكسور خاطره، لباله تتكسر وهو ناوي يتركها.

خالة عجّلي زواجنا.

هذا الأسبوع بس يرد أزَفكم وأرِد.

خليه يطلّقها.

أوووف ربي كون يعقل ويقنَع، وبالقرآن إذا ضلت على ذمته موش بس يخسر صديق عمره، حتى الورث ونفسه وهو ما داري.

شتقصدين خالة؟

ماكو خالة، روحي سبحي ورتاحي، خلي أخبرهم أشوف اشصار وياهم.

خليت راسي بالمخدة، كل عقلها بينا اني وجود شي.

سمعت فوني وصل مسج، قمت فتحته، لگيت من لحن كاتبة: راح أطلب الطلاق.

إطلبي، بلكي يصير آدمي لمرة وحدة ويطلّقچ.

وإذا ما رِضَى شسوي؟

لحن والله ما أدري ولا بيدي شي، اتحملي بس هالأيام لحد ما أعرف شسوي.

راح أنتظرك ناي، لا تتركيني بمعزة عاشق على قلبچ.

لا تحچين هيچ، تعرفين أنطي روحي إلچ بدون لا أفكر، بس انطيني صبر، والله عاجزة هسه ما أگدر أتحرك ولا أفكر، كم يوم بس أعرف شراح يصير وياي.

رجعت الفون، شتسوين ناي؟ بعد شنو عندچ تساومين بيه؟ ابنچ وبعتي نفسچ ورخّصتيها.

انگلبت على وجهي، حضنت المخدة، أسمع الباب تندگ وصوت سماهر گالت: ناي ملابس غيث جيبيهن، فتحت الغسالة.

ما رديت، سويت روحي نايمة. دگت لمن مَلّت وراحت.

ذكرتني بتشيرتات أخوها، إشگد مريحات باللبس.

قمت فتحت الكنتور، ابن الأطعه إذنها أشكال وكلها ماركة.

سحبت واحد، باوعتله مبتسمة، ناعم صح چبير بس راح يطلع حلو.

شمرت تيشرتي لبسته، وصل شوية عن رگبتي ورداناته نازلات بس حلو.

رفعت شعري وشمرت نفسي عالجرباية، ما طلعت منا لمن سمعت صوته بالشقة يسولف. شوية ودگ الباب، قمت فتحته، دخل شافني مسح وجهه.

اشبيك؟

ما درى، سحبني من الياخة ليفوگ، رفعت راسي أباوعله أشر: شنو هذا؟

ما عندي ملابس.

ما عندچ؟

بس هذا، ما راح آخذ غيره، وبعدين عندك هواي ليش عينك ضيّقة؟

عصر وجهي گال: ملابسي لا توصليهن.

هسه أنزعه وخر.

ولي، حضّريلي الحمام أريد أسبح، وحضّريلي الجنطة أطلع الفجر.

شحضر؟ أنت مسوي تركيا العراق باب الشرجي، جنطتك على حطتها بملابسها، روح للحمام هسه أجيبلك ملابسك.

أشر أي ودنگ، شال الحذاء مالتي، فتح الكيشوانية شمرها وأشر: هاي هنا.

هزيت راسي بأي.

رد شال التيشيرت مالتي خلاه بالتعلاقة، وعلاقة سد الكنتور، دمغني وراح للحمام.

طلعت لگيت سماهر بالمطبخ ترتب بالمسواگ، مبين راحت للماركت.

سارة نايمة على بطنها بالشورت والكيمونة ورافعة رجليها يمها رنو يسولفن.

رحت للثلاجة فتحتها.

سماهر: وين غيث؟

نام.

شنهو نام؟ موش گال زهبيلي الزاد ضال بلا غدا؟

لا گال مو جوعان، ولحد يگعدني تعبان.

سارة خالة قومي گعدي غيث.

ويييين؟ لا تدخل غرفتي.

شنهو غرفتچ ولچ؟

ما راح أگلچ لا ولا راح أحچي، بس إذا هي بيها حظ توصل غرفتي.

طلعت رحت لشقة الولد دگيت، طلع كرم بيده خيارة وصمونة گال: شكو جاية؟

جوعانة، وخر دا أدخل.

رجلچ وين؟

ما رد بعده برا، وسماهر طردتني وخر.

ولي نريد ننام روحي.

جوووود!

مرض، محزوزة وملبوسة، دخلي.

دخلت لگيت جود طالع من غرفته، شافني ضحك گال: يابا الحمد لله على سلامتچ.

الله يسلمك، جوعانة وتعبانة شنو عدكم؟

خير من الله، گعدي هسه أسويلچ أكل.

مو هواي بس شوية حتى لا ياكلون ذولاك الناس وياي.

انفتحت الباب دخل غيث، ركضت ورا جود، اندارلي أشر: شمسوية؟

كلشي ماكو، بس هو يتحجج بس يريد يضربني هيچ.

غيث: خليچ هيچ خاتلة، لا تجين بس أگضبچ أطرج نصين.

والنبي يا غيث إذا مديت إيدك ألم ملابسي وملابسك وبعد ما تشوف وجهي.

كونچ مرة صدگ وتعمليها.

جود: تركها يا خوي، صدگ خال عقلك وياها؟

يا عقل يول؟ لو عندي ألف عقل أطيرهن بتصرفاتها، دحگ شلابسة. كرم، حجزت؟

كرم: أي حجزت من أول البارحة، وحولتلك التيكيت على جهازك، أطلبلك تكسي.

أي والله يا ريت كون قبل ساعة توصلني، وأنتي لچ أروح أرِد ما أسمع لچ نفس مشاكل، أطراكات حاولي تأجليهن لمن أرِد.

أني مالي شغل بيهن، روح گللهن.

بالقرآن إلا أربطچ يالله تركِدين، گالها وگعد.

راح جود للمطبخ وكرم فتح الـTV، متابع مسلسل، اتربع گدامها.

رحت يم غيث، گعدت عدل گعدته، انتچيت على مَتنه ومددت رجليَّ، أگلّب بالفون منتظرة الأكل.

همس: لمي رجليچ.

محد يشوف، جود بالمطبخ.

شيسوي بالمطبخ؟

ديسويلي أكل، ميتة جوع.

يولي شبلاچ؟ عش مزحّمة الولد؟ عجل ما تقومين اتسوين لچ سم تزهرمي؟

ما بية حيل والله تعبانة، ومن البارحة ما أكلت، ما أگدر أوگف ولا گدرت أنام لأن جوعانة.

عجل ما گتلِهم غادي؟

سكتت.

كرم: هههههه انطردت.

عش اشعملت حضرت جنابها؟

لا هالمرة مظلومة، أم رنود صارت كريمة انطت الأكل للعالم اليمنة وما ضل الها شي تاكله، شحتوها من السفرة.

وأنتي شيبيچ لچ؟ عش صايرة مغوثة؟ الي يريد يضيف يضيف من زاده، حقچ أخذي من حلگ السبع، لا تضلين تتصفنين مثل الثولة.

حاجيتها صرخت بوجهي، سكتت صرخت بوجهي، تره صدگ حتسَويني ثولة.

لا تطفرين من تلغين، كم مرة نبهتچ بطلي رعونة، وإذا سمعت مرة ثانية ساكتة عن حقچ أفلّش چهرتچ.

روح حاجيها لعد، خلي تشيلني من راسها.

موش دوم راح أكون حدچ، ولا على طول موجود بحياتچ، اتعلمي شلون اتخلين إيدچ بخوانيگ الي يفكر يشهگ نفس يمچ تاتكتمي الهوا عليه.

أسوي أي شي ما تحاسبني؟

استخدمي ذكائج، لدغي واختفي بدون لا ترِكين أثر تاتجبرين المقابل ينكتم.

يعني شلون؟

تمتلكين كل أنواع الدهاء والقوة بس گاعدة تستخدميهن غلط، راد لچ چثير يالله تتعلمين.

قبل لا آخذك جنت أتصرف صح بدون خوف، بس من كثر ما ضاغط عليه قمت أحسب حساب لكلشي.

الضربة اللي ما توجع ما تقوي، لسه ما دحگتي من الضغط شي، بعده عظمچ طري، ما أتركچ لمن أتأكد قلبچ مات ما بيه نبض، وأقوى ضربة ما تخدشچ.

هزيت راسي درت وجهي ورجعت انتچيت على متنه، أفكر بالي گوله صدگ رادلي هواي حتى أقوى، راح أتحمل كلشي بس حتى أگدر أوگف على رجليَّ وأكون مستعدة آخذ ثاري بدون لا يرفلي جفن.

إجه جود خلى الصينية گدامي گال: اتفضلي عافيات.

اتربعت أباوع مخلمة بطماطة ولحم، سحبت الخبزة، أول لقمة وگع عالتيشيرت، اندمغت.

على كيفچ لاحگة ما طاير.

ما رديت، كملت أكل، انداريت ردت آخذ مي لگيت غيث يدخن متنجي وعينه بجود.

أخذت المي بس حتى نفسي انسدت، قلبي انخطف لأن على طول ما أكل جود چان يباوعلي ويضحك على طريقة أكلي.

قمت شلت الأكل للمطبخ إيدي على قلبي، ربي دخيلك بس لا سماهر خلته يشك.

بس لا غيث يثق بصاحبه وهو مثل أخوي يعرف هذا الشي.

غسلت المواعين عالسريع وطلعت، رجعت للشقة مالتنه، لگيتهن على گعدتهن ناثرات الحلويات ياكلن.

تركتهن ودخلت غرفتي، رحت لفراشي تمددت، قلبي يرجف وأدعي حتى لو ماكو شي، اكو خوف انزرع بقلبي من نضرته غصباً عني.

مرت أكثر من ساعة، إشگد ما حاولت أنام ما گدرت، لمن انفتحت الباب، دخل غيث سويت روحي نايمة.

شمر المفتاح، نزع قميصه، إجه يمي تمدد، سحبني لحضنه باس راسي وضمني إله حيل، همس: ناي گاعدة؟

ما رديت.

وخر شعري عن وجهي وباس شفتي، مرر أصابيعه على خدي، فتحت عيوني.

عش تمثلين بالنوم هيچ ما طايقتني؟

هئ جنت نايمة، صدگ هسه گعدت، مو عالأساس تبات هناك؟

لا أريد أطلع من وكت، ما أريد أزعجهم ومشتاگ لچ.

والله بطني توجعني غيث فدوة.

ههههه ما أقرب لچ بس تعالي بحضني.

خليت راسي بحضنه، أخذ نفس طويل وذب حسرة.

ضل يمرر إيده على ضهري وهو بغير عالم مو يمي صافن.

غمضت أخذ له شوية، شال راسي خلاه عالمخدة، قام فتح الكنتور طلع حباية أخذها حتى بدون مي.

سحب باكيت الچگاير وطلع للبالكون.

قمت ورا طلعت، لگيته متنجي عالجام يدخن، رحت يمه خليت إيدي على ضهره، انتبهلي عدل وگفته.

عش گعدتي؟

راحت النومة، اشبيك ليش واگف هنا؟

ما أريد أنام، لازم أطلع ويه طر الفجر.

تمام، أني هم مو نعسانة، خليني يمك، اشوكت ترجع؟

ما أطول چثير بس أكمل شغلي وأرِد، ناي لا ترحين لغادي بعد.

وين قصدك؟ يم جود وكرم؟ ليش تره إخوتي ذوله.

أعرف أخوتچ، ولو ما واثق من هالشي ما أتركچ بينهم، بس ميصير يولي، مهما يكون شباب وأنتي ثولة بهيچ شي، ما تنتبهين لنفسچ.

بس من أضوج أروح للمطعم من هسه دا أگلچ، مو تگول ليش طلعتي.

لبسچ ما أوصيچ عليه، احتشمي رحمة لأهلچ، ناي أريد منچ وعد تحافظين على نفسچ بغيابي.

هزيت راسي بأي.

يلا امشي جوة، الجو برد وأنتي جسمچ حار.

يمكن بردت شوية اليوم.

أيقونة الرعونة! دخيل ربچ اشگد گلتلچ لا توصلين للبحر، يلا دخلي جوة.

دخلنا جوة، سد البالكون، اندگت الباب بسرعة، سد حلگي أشر: اشش. اندگت مرة اثنين وبطلوا، ما عرفت سماهر لو سارة.

وخرت إيده، رجعت لفراشي على كيفي، إجه يمي اتمدد، خليت راسي على إيده همست: غيث اشوكت نسوي طفل؟

من أرجع قررت أتعالج، أخاف صدگ يطلع مشوه.

گالوا سارة راح أتعالجها.

سارة؟

منهو كلچ؟

ناس وگالوا خالچ سبير.

سبير گُلتِ؟ مم، الوصلچ صدگ، بس ما گلتيلو هالسبير مطيحة حظ أبوه وكلشي ما مستفاد منو.

شلت راسي همس وعمة السادة راح أظل أقل شي أسبوع.

شرايد يعني؟

انتي وكرمچ، الي يطلع من ايدچ أحمد عليه ربي.

عالأساس من تروح لهناك ما راح تفرفر انت وأركان عالحبابات.

لاااا افا، عطيتچ جلمة.

يعني من اتزوجنه لسه اتفهمني ما خنتني؟

عش الجذب، من ابتعدنه رحت، بس بالقرآن من رجعتي ما وصلت لوحدة لغيرچ.

حتى سارة؟

سارة شيليها من راسچ.

موداتحلف ما واصل وحدة.

بالقرآن ما وصلت، وسارة تراها حرمتي حالها من حالچ وتعرفين هذا الشي گبل لا نعقد.

يعني عقدتوا سيد؟

لا اكو ورقة اتحلل بينه.

بطني دتوجعني.

على كيفي وياچ ما أأذيچ.

والله ما بيه حيل، تعبانة كلش، أصلاً كوه دا أحچي وياك.

نامي نامي، لو عركة چان طفرتي حظچ وحظ الفگر يباوعلچ، وجه جرچوبة، منو يباوعلچ؟ مصدگة روحچ وچاية تتمندلين چنچ شاحنة خربانة.

هاي اني؟

يولي أمچ شافت بحملچ طلعتي بهيچ چهرة؟ مو قانونية طاگچ كسوف إنتي.

عزا مو بتك تريدها تشبهلي؟

منهو يا بت يولي؟ شنو خبل اجيبلي منغولية منچ واخرب النسل؟ منهو ياخذها مني تحمظ على گلبي تك غمازة؟ روحي بنتي سويلچ چارة لچهرتچ المصفحة.

والله صوچي ضالة يمك.

حمدي ربچ واحد مثلي نايم يمچ، المثلچ ينحنن حتى للبزون من يمر بس حتى يباوعلهن.

والله راح أبچي.

منهو انتي تبچين؟ ولچ أبوي يبچي وانتي لا؟ أزلمة وروح أخوي. يلا أريد ملابسي، نزعي وجهچ مال بالة، اترخبي بالماركة عش.

كمت نزعت التيشيرت شمرته عليه.

هاك الماركة مالتك، خليه على گبرك يفيدك يوم القيامة.

هذا البنطلون هم مشتري بفلوسي، نزعي.

باوعتله.

لا تدحكين عيونچ يول، نزعي يلا لا تخليني أگوم حتى جلدچ أصلخه، ذبيهن أحسن.

راح أشمرهن، بس وروح أخوي يغيث إذا مديت ايدك لو بس فكرت تسوي شي أصرخ وأفضحك فضيحة، وهاا أخاف اتسد حلكي لو سوالفك ذني، لا تجرب حظك وياي.

رفع حاجبه.

أشرت اي، لباله ما أسويها اذا ما كلبت السحر ع الساحر ما اطلع ناي.

نزعت البنطلون وشمرته عليه، بقيت بس بالداخليات.

شلت شعري لفيته كباية، شفت كام، صرخت طفر صاح اششش بطلت.

اي هيج صير حباب، نام واحضن ملابسك عدل.

لبالچ بحالچ تره شعرة متهزين من راسي.

مم عود ميخالف، گلتها وكمت.

ويين تريدين؟

دا أشرب مي، عندك اعتراض؟

لا تطلعين اني اجيبيلچ، ردي انطمري.

ما أريد بطلت مو عطشانة، ولا تگول انطمري.

اللهم صبرچ يا روح.

اتمددت خليت رجل على رجل، دفع رجلي وگعها.

رب الحلو حتى اغرائج مال أزلام، انوثتچ يولي تبچي بالزاوية.

بكيفي مزاجي أنام بالطريقة التعجبني، ولا تباوع هيج دير وهجك لا تخليني أعلي صوتي تره ديسمعون.

اشتعل أبو أصلچ على أبو اليوم الشفتچ بي.

لا تتتغلط حتى لا أتجاوز عليك.

كام كال شنو لچ؟

رجعت ليورا.

مو وياك دا أحچي، ويه الكنتور.

ناي لسانچ اسحبو واربطچ بي سمعتي؟ لزمي حدچ تالا طگچ.

اشرت اي، شمر ملابسي عليه، انطاني ضهره ونام.

اتمددت، أخذله شوية واسمع حسرته رد.

انكلب نام على ضهره، اتچتف، غمض عيونه.

سحبت المخدة حضنتها، اندار باوعلي ضايج، رد يغمض، حصرتني الضحكة ما سيطرت ضحكت.

ضحك على ضحكتي.

اشتعلو أهلك كرم.

مد ايده سحبني يمه، ردت ادفعه گال بترجي: بعد بس ساعتين وعمة السادة ميت عليچ.

ما عندي أي رغبة ليش تجبرني؟

يلا على راحتچ بس تعالي بحضني.

خليت راسي بحضني، شفته صدگ بطل وغمض عيونه اكتفه بالحضن، كسر خاطري وخاصة بعد ما تأكدت ضال على كلمته ما متقرب لغيري.

رفعت راسي بسته من شفته فتح عيونه، عضيت شفتي، عصر خدودي وانكلب دنگ على شفتي سحبها ----

غيث صارت الأربعة كوم.

ربع ساعة.

حطير الطيارة ويروح الحجز، تره جود اتصل مرتين وفصلته.

هسه گايم بس حضريلي الحمام واني جاي وراج.

كمت حضرتله ملابسه وهو بعده نايم، اندگت الباب دخلت سماهر گالتله: شنهو بعده نايم؟

دا أصحي بي هذا گدامك ما يرضى يگعد.

طبعا هادة حيله سودة عليه.

مقتنعة خالة هذا شكل وحدة تگدر اتهد حيله؟

مصگوعة اتهدين سلف بكبرو، ولي يلا طلعي حضريله ريوگ- غييث يمه گوم صدگ تحچي راح الوقت.

خلتهم وطلعت للمطبخ، عائلة شافطة.

سويت چاي وگليت بيض عيون، كملت ترتيب الصينية.

طلعت ردت أصيحله لكيته بالصالة يم سارة، واگف يلبس بساعته وهيه متخصرة تحچي بعصبية، ما لحگت عالبداية بس سمعته يگلها ما شفتوا.

احلف وبعد وكت؟ هسه جاي الليلة كله انتظرك وانت بحضنها.

حرمتي عسى ما العمر بطولو أضل بحضنها، مالچ حگ تحچين نص چلمة.

يعني شنو عود دتصالحني هيج بآخر دقايق؟

راد الأسبوع الجاي والتطلبي اني حاضر، تاخذيه من عيوني.

سماهر: يلا يخويه اتريگ راح الوقت.

ما ألحگ أتريگ بالمطار خويه، ما رادلچ وصية.

لا يضل بالك ترجع بالسلامة، والله التحچي أمرعطها، بس هاي أم لسانين هم ضبها قبل لا تروح.

اندارلي اتچتفت.

نااي يولي هدي اشوي بروح أخيچ بين ما أرد.

وليش دتحچي وياي؟ لو گدرتچ عليه لان فقيرة، هياتها گدامك الصفره گلها لا توصل يمي، اني مالي شغل بيها.

سارة: منو الصفره؟ اني ميتة قهر لان يحبني ويرگض وراي، خليچ بسمچ ما معبرچ.

يلا هسه من زينة واكتل روحي وراه، والله ما متباهين بروحكم، بابا اصحوا تره ما موجودين انتم ولا واحد شايفكم من الأصل.

من هيج ضالة هنا؟

ههههه ضالة مو لسواد عيونه، عندي مصلحة أخلصها وأطفر.

سماهر: عمي شوگاحتچ هيج صلافة ما شايفه، وتحچيها بوجهنا، ولچ اشلون تحچين هيج گدام رجلچ؟

غيث: امسويتلي مونتاج ما حيّتني من يمها، إمكانية بالعرامة اتعجبچ.

والله يخويه ما أعرف شنهو الي مصبرك عليها وخالها.

ماكو شي يضل على حالو، گالها ودار وجهه باوعلي رافع حاجبه.

راحت سارة حضنته من بطنه.

راح أشتاقلك، جيبلي الي وصيتك عليهن.

من عيوني اعتبريهن يمچ.

رنود: خالي فدوة الصاية مو تنساها جيبيها.

تامرين.

سماهر:

هناء: بطريجك بلكي تگدر اتعقلها لخاطر هالبنات يخويه.

غيث: سهلًا، وأنتِ ناي ما رايدة شي اجيبه وأني راد؟

درت وجهي عنه.

ناي: عساك ما رديت، يريد يزيحني ويسألني شرايدة.

سلم وطلع، دخلن جوه. شلت دبة المي ورحت وراه. فتحت الباب لقيته يسلم على كرم وراها حضن جود.

ناي: دير بالك على نفسك غيث، لا توجع قلوبنا عليك.

غيث: ما عليّه يخوي، شايفلك عار يموت؟

ناي: تظل تقول عار لمن تكتلنا وراك.

غيث: يول اكو عالم تتمنى ما أرد.

ناي: جذابين، راح يظلون وراك يحسبون الثواني.

غيث: يلا يخوي ما أوصيك على حلالي، عينك بيها.

ناي: بعيوني لاتوصي.

غيث: أي واحد يخبرك، عطِ لعثمان، لاتقرب، ابتعد، ميل عنهم.

ناي: كان وجهت الكلام لحضرتك، إذا هيج همّك، تراه ما نسوى شيء من دونك.

غيث: الله كريم، الكاتبه الله يصير. جود خويه، أمانتي هاي يمك.

جود: وعلي حالها حال أختي وأكثر، لا تخاف. لا سامح الله إذا صار شي، اعتبر الطلبته نافذ.

ابتسم، دقدق على متنه، ونزل. شمرت مي وراه، همست: ربي يحفظك ويردك سالم.

دخلت جوه، رحت سبحت عالسريع وطلعت تمددت جوه اللحاف حتى أدفى.

شفت فوني يضوي.

شلته لقيت مسج من غيث كاتب: "ربي يسلمج".

ناي: شنو ما فهمت؟

غيث: سلامتج يولي، يلا ولي ما فارغلج.

ناي: منو اللي حكى وياك أصلًا؟ أنتَ دتراسل.

غيث: بالغلط وصلج المسج، احذفي من يمّج، لا تظلين تدورين سالفة بالقوة حتى بس تحجين وياي، بنتي ثقلي، الثقل حلو.

ناي: هيج؟! لو أعرف بيك ميت ما راح أتصل، وما أشوف واصل شي منك.

غيث: يلا عالأساس مقطعة روحج، أم المصلحة اذلفي قبل لا أبلكّج.

ناي: هسه اتبلك، الله يرحم من كم ساعة اشلون جنت تتوسل.

غيث: هه، بحالج ضحكت عليج بكلمتين، استمتعت وأخذت اللي أريده. لحد متى تظلين هيج مضحكة وغبية؟

شمرت الفون، محترق قلبي، اشقد استفزازي وحيوان.

سحبت غطاية، نمت. ما قعدت غير على صوت سماهر تتعارك ويا رنو تريد تمنعها من الطلعة، وسارة تقنع بيها تخليها.

قمت غسلت وجهي، طلعت للمطبخ سويت لفة، لقيت الجاي عالطباخ، صبيت كوب، طلعت بالصالة وهن بعدهن على هوستهن.

قعدت، اجت رنو ضايجة، دفرت الميز، وقع الجاي.

رنو: كونج بالسم! اكو زمال يخلي الجاي هين؟

ناي: لا، المفروض بحضني أخليه، الميز مخترعينه للدفرات.

رنو: قومي نظفي المكان يلا.

ناي: سهلًا، أنظف بس خلي أكمل ريوكي.

رنو: يا ريوك؟ الساعة راح تصير العشرة.

ناي: رنو نوم وما شبعانة بسبب خالج التحفة، وجوع قاتلني بسبب أمج الله يحفظها. خليني محافظة على مزاجي لأن إذا خرب ما أضمن سلامة وجهج.

رنو: قومي إذا بيج حظ صدق أخاف وقف بعيني خالي وما حاسبتج عالصار، هسه أدوسج يالخدامة.

سارة: حبيبتي تركيها، هي كم يوم ضالة هنا، تحمليها.

رنو: صدق ما دريتي؟ خالي حدد زواجه بهذا الأسبوع أول ما يرد.

ناي: امم، مبروك.

رنو: وين تروحين بعد ما يطلقج؟

ناي: ما أتصور يهمج.

سماهر: ردي للعراق يم أختج.

ناي: أختي راح تنفصل.

سماهر: كملتتتت.

ناي: شكو خالة؟ كمزتيني. وإذا انفصلت تره راده عليّه مو عليج.

سماهر: وعش تنفصل؟

ناي: عمتها صارخة بوجهها، قامت هي لبست القدر براسها سوته نصين، وهسه طلب الطلاق لأن زعجوها.

سماهر: وهذا عمجن هيج مسيبجن؟ تجن هينه بدون محرم شلون؟

ناي: شفنا العدهم محرم والبيت حارسهم شلونهم.

سماهر: شقصدج لج؟

ناي: سلامتج خالة، ما أقصد شي. ضالة وياكم بس هالاسبوع، خلينا نكمله بخير، ليش نتخارب وتصير مو حلوة؟

سماهر: تبتعدين عن الولد، ما تظلين يمهم.

ناي: تم بعد.

سماهر: أنا أنطيكِ مبلغ زين تروحين غير محافظة.

ناي: ما معتازة فلوس أحد، أعرف أدبر نفسي، وفري فلوسج لجنتكم الجديدة. هواي راد لها شغل حتى تملي عين أخوج، لا تخليه يرجع للطريق الأعوج.

سماهر: ناي انضبي وكضبي لسانج، لا أبتره لج.

ناي: لا تبتري ولا تخلي، أنا قايمة، أخذي راحتج.

سماهر: وين مولية؟

ناي: لشقتنا يم إخوتي.

سماهر: نااااي، ذيج ممنوع توصليها.

ناي: تره ذوله اللي شاكة بيهم أكثر بشر حافظوا عليّ، اعتبروني أكثر من أختهم. لا تخلين إبليس يلعب براسج، تره مو كل حلاوة علاجية.

سماهر: غيث يدري راح تروحين غادي؟ ما منعج؟

ناي: لا منعني ولا راح يمنعني، لأن يعرفهم شنو ويعرفني منو، وفري الكلام.

رنو: أروح وياج غادي؟

ناي: ما أحتاج حراسة، المكان مأمن.

رنو: ماما كدامكِ تغلط، لا تجين تقولين أنتِ اللي تبلشين.

سماهر: ما ظل كلها أيام، وأردها للشارع وأخلص من شرها. صدق غرفتج أريدها، فضيها، نامي بالصالة، الغرفة هاي ما مكفيتنا.

رنو: وهم نريد نجهزها، هم يا الله منا لمن يرد خالو.

سماهر: أي، خبري جود خلي يجي ياخذجن، تجيبن النواقص حتى نطلع باجر نجهز الفرشات، وأنتِ طلعي غراضج. يلا أريد أرتب ملابسنا.

ناي: اتصلي بأخوج خلي يرمي اليمين عليّ، وأنا أطلعهن. ما طولني باسمه ما أتحرك منا.

سماهر: ما عندكِ كرامة؟

ناي: عفيه بدون كرامة، تاركتها الكم، أنتم أهل الكرامة والسمعة، تركيني بحالي.

رنو: ماما لا تتعبين روحج، هسه أشمر غراضها بالصالة.

ما رديت، تركتهن ورحت لغرفتي. دخلت، شمرت حتى لفتي، انسدت نفسي. تمددت، صفنت على روحي: "اشوكت تخلص؟ هم يجي يوم أعيش براحة، بالي مرتاح بدون هالهوسة اللي براسي؟"

***لحن***

يومين محبوسة بالغرفة، حتى فوني أخذوه مني بعد ما سمعوني أخبر ناي.

ظليت على قعدتي منتظرة رحمة ربي، ما عندي أحد أشكيله لو يوقفلي.

كل ألم وأصفن أقول: "معقولة ربي يدري بينا هيج قويات، وخلانا نتحمل كل هذا بدون سند؟ لو اكو أيام مخبيها لنا؟"

انفتحت الباب، دخلت بيبي بيدها ماعون أكل، خلته يمي وقعدت. رادت تحجي، قلت لها:

لحن: كافي بيبي لا تحجين، سمار ما راح يكون زوجي.

بيبي: ليش يبيبي؟ والله الولد حباب ويحبج.

لحن: يا حب بيبي؟ تره بسببه وجعت قلب أختي، وبسببه خليت أختي تبيع روحها. ما كفاكم دمارنا؟ ارحمونا، ليش هيج دتسون بينا؟

بيبي: يبيبي حتى لو انوجع قلبها وضاجت منكم، المهم هي عايشة. لو ما مسوية السويتي كان هسه ميتة، تعرفين ناي وخبالها.

لحن: بيبي، كرهتني أختي، كرهتني وأنا ما عندي غيرها، هاي كل روحي وكل اللي بقتلي.

بيبي: شوفي، أنتِ قلتيها البقت. لو ما كارهتج كان هسه ميتة هي. يبيبي يموتها خالج، ما عنده رحمة ولا واحد قادر له. أعمامك ما بيهم خير، لو يذبحها قدامهم ما يحجون.

لحن: بيبي خلصيني منا.

بيبي: وين أروح بيج؟ ارضي بسمار وصرّي له مرة، نطلع بيت وحدنا ونعيش.

لحن: لو يموت بعد ما ضربني وهاني ما صرّي له مرة.

بيبي: ضربج لأن عندتي ويا، رايدج وأنتِ ما ترضين.

لحن: لا، ضربني لأن قالي: "خبري غيث خلي يحول لي فلوس" وأنا رفضت. راد يكسر عيني ويغتصبني حتى يخليني مذلولة يمه بس للخدمة والإهانة.

بيبي: لعد هيج أحسن لج من حابسج صار يومين.

لحن: لو عمري كله أظل هيج ولا أرجع أكسر ناي من جديد. والله قمت أخاف أنام حتى لا أشوفها بالحلم تبكي. اتركوها تعيش بسلام، كافي، خافوا ربكم بيها.

بيبي: لعد ارضي صرّي له مرة.

لحن: ولا راح أسلمه نفسي بيبي، حرام. أنا مسلمة، زواجنا باطل. لا يصدق التمثيلية اللي سويناها. مو رادوا الورث؟ هذا خذوه، بعد ليش هيج ديسون بيّه؟

بيبي: يلا شنو اللي بيدي وأسوي لج؟

لحن: جيبي لي فوني.

بيبي: وتخبرين ناي وراح تجي وتصير هوسة، يبيبي أختكِ صغيرة ما تقدر لهم، وزوجها مو اجا وهدد؟ قال بعد لحد يخبرها، اتركوها. ليش دتلحين؟

لحن: ما أخبرها بس ردوا لي فوني.

إحنا نحكي ودخل سمار، قال:

سمار: شتسوين بالفون؟ تردين تخبرين نسيبج الساقط حتى يجي؟ لا بالبالج خايف منه وراح يهمني، مكالمة وحدة أضيعه.

لحن: إذا هيج سبع ليش أخذت فوني؟ رجعه.

سمار: أخذته حتى تتأدبين ولا تظلين ورا كلام أختج، تمشّيج. وحدة ساقطة راح تسحبج وياها وتخليج نفسها.

لحن: هسه ساقطة! من جنت تخبرها وتسحب فلوس جانت خوش آدمية. من أشهر وأنتم عايشين عليها، ورثها اللي أخذتوه من غير سحب من زوجها المستمر. بعتوها إله بيع. هسه من انقطع المصرف صارت ساقطة؟

سمار: ساقطة وبت شوارع.

لحن: روح احجي هيج قدامها، لا تحجي بالختلات.

بعدني أحجي واجتني الدفرة بصدري، أحسه قطع النفس.

بيبي صارت قدامه، دفعته، وخرها واجى جرني من شعري.

سمار: أختج أكبر ساقطة هي وأمج، وأنتِ إذا ما ربيتكِ ما أطلع رجال.

لميت روحي، قام تفل عليّ وطلع. اجت بيبي تريد تحضني، دفعتها.

لحن: ليش يبيبي هيج تحجين؟

لحن: وخرّي عني، الله ياخذني ويخلصني منكم. لحد متى أظل هيج متحملة؟

بيبي: شبيدي عليج يبيبي؟ ما أقدر لهم، هذا مخبل يريدج وأنا تسمعيني حكي.

لحن: ما أسمع حكي بيبي، ما رايدني. يحب بنت خالته بس خايف أتركه، ومنين يحصل فلوس بعد؟ هذا مرة عايش على فلوس ناي ورجلها. إذا رحت ما يحصل بعد.

بيبي: لا، يحبج إلكِ.

لحن: من اشوكت؟ من جان ياخذ الفون مني وما ينطيني إياه لمن يقعد قدامي ويجبرني أخبر ناي حتى تحول فلوس؟ لو يشمر ماما بالمصح؟ لو من يهددني يغتصبني إذا حجيت لناي شي؟

بيبي: ما يسويها، بس حكي.

لحن: شنو ما يسويها؟ كم مرة حاول وياي وأنا جنت مريضة ويعرف أموت بس لأن جنت ما أرضى أطلب منها.

بيبي: جانت أمج مريضة وتعتازون، غصبًا عنه يسوي هيج حتى يعالج أمج.

لحن: جذذذذب، ثلاثة أرباع الفلوس إله. جانت ماما بالحكومي تتعالج وهمه يقولون لها بالخاص، يسحبون منها أضعاف. ضيعوا أختي.

بيبي: أمج جانت راضية.

لحن: لأن تعرف راح تجي، وإذا جت ماما حالتها جانت تعبانة وتحجي أشكال. خافت تفلت شي قدامها، فضلت ناي تتعب ولا تموت. قالت: "كلها كم يوم وأموت، تخلص مني وترتاح". وأنا تحملت كل هذا بس حتى أخليهن قدامي. هسه صفيت وحدي، لمن ضالة بعد؟

بيبي: استغفر الله ربي، أوووف يا أرزيد، تعال شوف بناتك شلون حالهن بعدك.

لحن: بيبي أريد فوني، فدوة جيبي لي. والله ناي راح تظل قلقة.

بيبي: ما تقلق، تعودت تقطعين الاتصال.

لحن: لا، ببالها تاركيها قبل وما مهتمين لها. ما تعرف ياخذ منه، هسه عرفت أنا محبوسة راح تظل قلقة.

بيبي: ما ينطيني إياه بيبي.

لحن: انطيني فونج أنا أخبرها منه بس أمنّها.

بيبي: لحن، صح أنتن بنات ابني وعزاز، بس سمار أعز، ذوله ولدي.

لحن: يعني شنو؟

بيبي: يعني تخبرين أختج راح تدز رجلها الساقط يأذي ولدي. صيري عاقلة وارضي بزوجج، وإذا على عيشتج أنا أتكفل بيج.

لحن: وأظل أخدم وأتحمل قتل ليش؟ وإلى متى؟

بيبي: يجي يوم ويعقل، بعده صغير طايش. بس يصير عدكم طفل راح يلتفت لبيتكم وحياتكم، يترك هالسوالف.

لحن: بيبي، يا طفل؟ أنا مسلمة، حرام اللي دتحجيه.

بيبي: ردي للمسيح، دين أبوج وأهلج.

لحن: بيبي صدق دتحجين؟ ما يصير، دين هذا مو لعب جهال.

بيبي: لعد ما بيدي شي. ابتعدي عن ناي وزوجها، إحنا مو حمل هيج ناس، ماشين أعوج، لا يعرفون الخوف ولا القانون شنو. يروحون ولدي بيها علمودجن.

قامت طلعت وسدت الباب وراها. عضيت أصبعي حيل: "أنا اللي قبلت بكل هذا. أنا اللي رضيت وسكتت من البداية. أقول لناي وأكشف لعبهم، ليش سكتت؟"

أووف يا ماما الله يرحمج، كله بسببج أنتِ والوقفتي بعيني وخليتيني أسوي كل هذا. دمرتينا ودمرتي روحج ويانا. ردتي تستريننا وتأمنين علينا كل وحدة ببيت. هاي كل وحدة مشمّرة بمكان وما تعرف مصيرها شنو.

دفعت الماعون، خليت راسي بالقاع. استوني أغمض واندفرت الباب.

***ناي***

فوني يرن، ما بيه أقوم أشيله. خلص الاتصال، رد مرة ثانية.

قمت شلته، لقيت جود. رديت، قال:

جود: وينج يمعودة؟ قلقتيني.

ناي: قاعدة بالغرفة أصفن، قابل وين أوّلي؟

جود: تعالي للمطعم، ليش وحدج قاعدة؟

ناي: مالي خلق والله، والوقت هم تأخر.

جود: بنتي تعالي لا تظلين وحدج، وإحنا هم خلصنا شغل، ننظف، نسولف. تعالي تتسلين، ما نشغلج، لا تخافين.

ناي: يلا هسه أجي. خبرت غيث؟

جود: أي، بعد ساعة ويطلعون للشغل. يلا لا تتأخرين.

سديت الفون، غيرت ملابسي، لبست جنز وبلوزة خفيفة. شلت شعري بخربطة، لبست جنطتي صفح وحذاء سبورت. أخذت كارت غيث لأن ما عندي رصيد بكارتي.

طلعت صارت بوجهي سماهر، قالت:

سماهر: خير على وين؟

ناي: صاير خربطة بحساب المطعم، لازم أروح.

سماهر: ومن اشوكت تعرفين هيج شغل؟

ناي: من زمان علمني عليه غيث، أخاف ما موجود حتى أسد مكانه. ما أتأخر بسرعة أرد.

رنو: أجي وياج؟

ناي: شغل بنتي مو ونسة.

رنو: ميخالف ضايجة، وهذا الشغل حلالنا اللي تحجين عنه، محد يخاف عليه قدنا. شعرفنا ما تلعبين بكيفج وتبوقين؟

ناي: أمداي إذا مدّيت إيدي على فلوس حرام.

سماهر: هسه فلوس حرام! من جنتِ تاخذين لأهلج جانن حلال، شبعتي وتذمرتي. روحي يمه رنو وخليج نبيه وياها. وأنتِ غراضج راح أطلعهن بره لأن غيث غرفته مرتبة، يضوج واحد يلعب بيهن.

أشرت أي. راحت رنو غيرت ملابسها وحطت طن مكياج، اجت بالجبهة تسحل لو أفصلها بيها ست قلبيات.

رحنا للموقف، رادت تكسي. درت وجهي وظليت واقفة لمن اجى الدلمش. صعدت ركض لأن مزدحم. وقفت يم الجام، اتجتفت أباوع لها تسحل بالبشت مالتها اللي ما ظل واحد ما سحك عليه.

صعدت، ماكو مكان، اندحست يم الباب بين الزلم. تباوع لي بغضب.

درت وجهي، خليت الهيتفون بأذني. لمن وصلنا نزلت بسرعة، طفرت من السيارة، تركتها تسحل بروحها وتتعارك حتى يتأنوها تنزل.

دخلت للمطعم، لقيت جود قاعد وماد رجليه عالميز القدامه يشرب قهوة.

قدامه رويدة قاعدة.

كرم يمسح بالأرضية وغسق ويا تمسح الميوزة.

سلمت رحت يم جود، قعدت عالميز القدامه، اتربعت عليه، صحت:

ناي: كرررم قهوة!

اجى يمي صرخ:

كرم: سمممم! ما تشوفيني أمسح بوجهج؟ قومي أنتِ!

ناي: مو خطار جاية.

كرم: خطار بيت أبوي؟ غير مطعم رجلج.

ناي: حظك وحظ رجلي بنفس الساعة، روح قول لجود خلي يسوي لي قهوة.

غسق: هم الخطار هيج يسوون بي، دتشوفين شنو شغلوني؟

ناي: أنتِ منو ضحك عليج وخلاج تجين؟

غسق: هاي رويدة خبرتني، قالت تعالي قاعدين خوش قعدة تفوتج. خلتني أترك الكورس وأجي ركض، كربوني كرب.

كرم: صدق منين أنتِ؟ ما عرفتنا عليج.

غسق: صديقة ناي.

كرم: حلفي! صديقتها؟ اتشرفت بيج، وأنا صديق ناي. امشي يلا قدامي، هي ناي شتجيب غير شاطات مثلها.

ناي: من هيج صاحبتك كرررم.

كرم: عيونه، غسلتي ملابسي؟ تركتهن عالقنفة يمج. تره صار أسبوع حضرتكِ ما غاسلة.

ناي: وأنا شنو طالعة عالة بيك؟

كرم: غصبًا عنج، لا بالبالج أنا غيث وتسكتي براجدي. صدق تركج من هالجبينة ما تنطينا ملابسه نلبس وياج وهيج ما راح نوسخ ملابسنا.

ناي: ماكو، هم يا الله يكفيني.

كرم: محزوزة وملبوسة.

قالها وراد يروح، ضربته على ظهره وصحت:

ناي: جووووود ضربني!

كرم: اشتعل أبوج غيث! اشوكت ضربتج؟

جود: ليش لكِ تضربها؟ خبل أنتَ؟

كرم: والحمزة جذب، هي ضربتني.

جود: كرم، تصرفات جهال، بطلها. شقّاك ما تتحملها يا أخي، شبيك وياها؟ وين ضربج؟

ناي: بخدي حيل، شوفي شلون صار.

كرم: جذابة! جذابة!

ناي: جود، صدق أنا أجذب؟ يا ربي إذا صدق أنا أجذب، كون كرم تنكسر رجله.

كرم: بعد، وإذاناته أطول وحلكه يعوج. أنتِ مو وليتي للعراق؟ منو ردج؟

ناي: شوف جود، يقول لي: "اطلعي منا ما نريدج، أنتِ لزقة".

كرم: وبلا كرامة وشكلج مرعبل، وأنعل أبو غيث اللي مكمش بيج، اطلعي لج.

قالها وسحلني من بلوزي، نزلني الميز، أخذني للباب. للباب.

صارت بوجهنا رنو تبكي. تركني، قال:

جود: اشبيها سماهر؟

رنو: يا سماهر؟ حضرت هالكلبة تركتني بالباص وطفرت، خلته ياخذني للموقف الثاني. اجيت مشي زين ما ضعت.

جود: دخلي تعالي، اكو خبل يامن روحه بيد هاي.

رنو: بس يجي خالي وأنا أعلمها.

جود: غيث ما يرد. ضحك عليجن، جابجن، حبسجن ويه ناي وطفر. دتعالي دخلي.

دخلت جوه تمسح بوجهه. عدّل قعدته جود ودنق على فونه.

قعدت يم رويدة، وأنا رديت لمكاني قعدت. اجت غسق صبت قهوة، خلتها قدامنا.

رنو: شتسوين هينه أنتِ؟

جود: شهالحكي بنتي؟ عيب.

رنو: لا قصدي إنه ما تشتغل هينه، عش اجت؟

جود: زميلتنا، أنا عزمتها وهذا مكانها مثل ما هو مكانها. اشوكت ما تريد تجي هلا بيها.

خليت الصينية غسق وشلت جنطتها طلعت قام. وجود طلع يركض وراها.

رادت رويدا تقوم، أشرت لها لا. ردت قعدت. أقل من عشر دقايق دخلوا يسولفون ويضحكون. أباوع لرنو تاكل بشفتها، تريد تشلعها من القهر. شمرت جنطتها وتربعت يمي عالميز، سدينا المكان.

رنو: تره قعدتكن موش حلوة، والميز راح ينكسر.

جود: فدوة إلهن، خليهن براحتهن. أي، أمرن شتطلبن عشاء حتى أوصي.

رنو: عش توصي؟ موش هذا المطعم خير من الله بي؟

جود: ناي ما تحب الأكل التركي.

رنو: من اشوكت؟ الله يرحم شجانت تاكل؟ ولا تطلب. ماما جاي تطبخ، مجهّزة الزاد.

ردت أرد بس شدني كرم شلون فاتح حلكه صافن عليّ. ندسته، نزه. همس:

كرم: كم سن شالعة منها ولج؟

بالقوة كتمت ضحكتي.

غسق: ناي، شمري لها كلمة خلي ترد تحجي. خربطت بالحساب بت الأطعة. أذنها تحجي سريع ما ألحق أحسب كم واحد باقي.

غسق.

"شنو راح نظل نتناكر؟ تره كعدتكم مو حلوة."

جود: "وين تردن آخذجن؟ كولن آمرني."

قلت له: "ما بيه حيل أطلع، لهنا كوه اجيت. دبروا لكم شغلة تتسلون بيها."

غسق: "مو بكيفج، نطلع."

: "ولج، عدهم شغل خطية، المطعم لازم يتنظف."

: "تمام حلو، تعالوا نلعب لعبة كنا قبل نلعبها، واللي يخسر يا ينظف المطعم كله يا يعزمنا على..."

كرم: "عرنوص!"

: "يلا عرنوص عليها، عدكم أقلام وأوراق؟"

جود: "موجود يمج على ميز المحاسبة، بس شنو لعبتج؟ خو مو تفريها علينا؟"

: "إنسان، حيوان."

كرم: "يعني آني وناي."

جود: "انجب يا الأرنب، وكوم جيب الأوراق، أحب هال لعبة."

جابت الأوراق غسق ووزعته، وبدت تقول الأحرف ونطت التوقيت. بلشنا بالكتابة وكرم يمي متربع، أعرفه ديغش بس تركته. قبل التوقيت، سحب جود الأوراق وبدأ يفرز منو الفائز. باوع للورقة صاح: "كررررم! شاسمك أنت؟"

: "طبعًا كرم راد لها ذكاء."

: "لعد من اسمك نعال، كاتب ناي ليش؟"

: "لا يا غبية، اسمج كاتبته ويه الأجوبة."

: "هيج غباء ما شايف بحياتي، غاش حتى الاسم بدون لا تقراه! ولك أنت واصل مرحلة تنحسد عليها، كوم العرنوص عليك."

: "منين؟ ما عندي فلوس."

: "لعد رويدا تقوم تغسل المطعم."

رويدا: "وأنا شكو؟"

كرم: "كوموا أوكلكم سم زمهري، عساكم بالمرض، أنا منيلي فلوس وتخسروني! اشتعل أصلج غسق، هاي لعبة ناي زاعليها، خلي تولي ما نريدها بالتيم ويانا."

غسق: "هاي كلها على كم عرنوصة؟"

: "لعد شعبالج! تدرين العرنوصاية الوحدة بيها اثنين منج ومن ناي! كوموا الله بلاني بشلة نحس وقصاصة."

قمنا طلعنا قفلنا المطعم ورحنا عالساحل، الجو حلو بداية برد. قعدنا اشترالنا عرنوص شوي ورزعلنا كل اللي ينطي يكله: "سم ماماكل أبيت أبوك، كاتلك الجوع مفجوع."

رنو: "خيرنا يسد إسطنبول."

غسق: "اتركج من خيركم، شلون راح تاكلين؟"

كرم: "اتمثه مث..."

جود: "كررررم!"

غسق: "ليش دتصيح عليه؟ تره صدق العرنوصة غالية، فوك ما أخسر على ناس ما تسوى."

: "بنتي ما يصير هالحجي، مو كل اللي يحجي أنرد عليه."

رنو: "اتركها، ما اهتم أصلًا، تلقاها مستها الكلمة."

: "ههه، مستني. صح أنا ما أحب أحجي، وأصلًا بس الما شايف يتباهى بالفلوس، بس دوني معلومة: بابا من أشهر وأغنى محامين بغداد، وأنا بنته الوحيدة، وفهمج كفاية."

: "من هيج جاية تشتغلين هينه؟"

: "أدرس لغة ما أشتغل، وهم دأفكر أشتغل ويه جود من سولفت لي روشة عن ناي عجبني أكون نسخة مثلها."

: "ما نشغل ياهو الجان بمطعمنا."

: "من يكون المطعم مال أبوك ذاك الوقت تحجين الحجي، يم ناي لأن مال زوجها، وجود الكامشة."

: "جود ما يشغل بكيفه."

: "صدق جود ما تشغلني؟"

جود: "ما طولج صديقة ناي أسلمج حتى مكاني إذا طلبتي، بس لا تضوجين روحج."

: "فديت ناي، انطيني رقمه."

ضحك، دنج خجلان، دحجته برجلي، باوع لي.

: "لا تقلق صديقتي، بت عالم، أضمنها إلك ما تضحك عليك وتتركك."

: "كولي والله."

: "وداعت كرم، بس أنت للأمان لا تفتح كام وياها قبل لا تخلي الحلقة بيدك."

: "مفهوم، الحياة مقلوبة يمكن."

غسق: "والله أنا خوش بنية، حتى شوف ناي صادقتني أول ما شفتني."

رنو: "أي عجل، غير صنفها تزتن روحجن عالزلمة، ما تعرفن الحشمة ولا المستحة شنهو."

: "بس على كيفج، الصراحة ما افتهمت غير الثثثث."

جود: "غسق خويه."

هو قالها وهي دمغتني، باوعت لها وفركت براسي.

: "سمعتي!"

: "مو قلت لج خجول، صبري عليه، لازم يبيع ثقل بالبداية، شكد أظل أعلمج بيج."

: "آهاا، نسيت. آسفة حبيبتي، وجعتج."

: "لا عادي، ضلت عليج، أخذي راحتج."

: "صدق رجلج ماكو، تعالي سهري ويانا."

جود: "لا غسق شوفي، والله مو قصدي شي، وأنت حالج حال ناي وواثقين بيج، بس زوجها ما يرضى. أنت شوكت ما حبيتي تعالي، أترك لكن الشقة، اسهرن براحتكن."

رنو: "خالي ما يرضى تسهر بشقتك."

غسق: "صدق ناي اللي تحجي هاي؟"

شنو هي حجت؟ والله ما منتبهة جنت ويه كرم نحسب.

رنو: "شت حسبون؟ صدق انتو ما تخجلون؟"

: "بنتي منو وصل يمج؟ دنحسب عدد الكلاب اللي تعوي، صدق جود ليش ما ملقحيهن ذني، تاركيهن ينبحن هيج؟"

: "أنا أقول خلي نقوم قبل لا تعلق، وأنت غسق إذا تردين شغل تعالي، اعتبري المطعم وصاحبه تحت أمرج."

: "لا والله دأت شاقه، غير بابا يرجعني لبغداد، بس صدق إذا ناي اشتغلت أنا وياها عالواهس، هم حلو، أقلها أحس روحي لي قيمتي، مو عايشة وأتباهى بفلوس الأجداد."

: "شوكت ما قررتن خبرني، وأنت رنو هم وياهن، مو شغل بس خلصن وقت، راح تشوفين الحياة غير من تستلمين فلوس تعبج وتشترين بيهن شي للتحبي."

رنو: "أناااا أشتغل! عش عيني هاي، وأنت تعرف بت منهو أنا، وعشيرتي ياهو، خلينا الشغل للما عندهم خبز نتصدق بي عليهم."

كرم: "من هيج غيث تركهم، واجه لهنا يركض ورا ناي حتى يوكلها، شوف وأنا ظلمته. سودة بوجهي."

جود: "كوم لا يرد يعدل وجهك، يله يابه قومن تأخر الوقت."

: "فلوس العرنوصصص وين؟"

: "انننعل خرب ذل أبهاتنا بي كرم، هاي عزيمة ما يصير تاخذ فلوسها."

: "كل من ورا هالقزمة صديقة ناي، شتصاحب غير مثلها، أنا جابني للعزايم."

جر جود دفعة قدامنا وإحنا قمنا نمشي ورا.

غسق كانت عفوية تتصرف بميانة وأخذت علينا بسرعة رغم ما صار هواي من التقينا. عكس رويدا اللي تمشي مدنجة خجولة وهادئة. كل ما صارت رنو يمها ابتعدت عنها حتى لا تسمع حجي لأن تفشلها وما تعرف ترد عليها.

راح كرم يوصلهن وإحنا رجعنا جود رجعنا لشقتنا. دخلت لقيت جنطة ملابسي بالصالة، سكتت لأن عرفتها تريد تفر سالفة وتسوي مشكلة ببالها، ما أعرف شي يدور براسها. رحت أخذت من بلوزات غيث غيرت ملابسي واتمددت عالقنفة، هم زين بيهن حالة ينامن من وقت.

قلبي يم غيث بس كرامتي ما تسمح لي أتصل. قلبت بالفون دخلت عالرسائل مالات البارحة، قريتهن حسيت قلبي دق: "وين أنت هسه؟ رجعت بعدك؟"

دخلت على رقم أركان اتصلت، شوية ورد قال: "حيا الله بمرة العزيز."

: "هلو أركان."

: "هلوات يابا، أمريني."

: "إذا غيث يمك لا تجيب طاري اسمي."

: "عجل متصلة لخاطر أمي؟"

: "لا بس أمن عليكم، كملتوا شغل؟"

: "أي من ساعتين ردينا يم بدعة، قاعدين، معتازة شي؟"

: "سلملي عليها وكلها العالم بلشوا يسحبون الخيط."

: "هاا حلو لغز، انطريني دقيقة."

اختفى صوته ثواني وقال: "تقول البكرة بيدي كاضبتها عدل، وما طولج هيج نبهة، عينج بالخيط لا يلتف حول ركبتج ويكتم نفسج."

: "أفاا عيب! وأنا أخت عاشق، ما تركتهم يسحلون إذا ما أمنت المقص بيدي."

: "ذيبة."

: "لا تغلط."

: "ناي انقلعي."

: "لا تقول اسمي حاف."

: "ولي لج."

: "لا تقول لج."

: "اشتعل أصلك غيييث!"

سديت الفون، ضحكت، نفس الخبال ربي خالقهم، بسرعة يتنرفزون. خليته يم راسي، انقلبت حضنت المخدة، شوية ورن شلته لقيت غيث يتصل بس فيديو. رديت لقيته قاعد يدخن، منتجتي أخذ نفس ونفخه قال: "أي يولي قالوا متصلة."

: "منو أنا؟ لا طبعًا، أصلًا ما ذكرتك."

: "هاا ما ذكرتيني؟ مع العلم أول شخص أجيتي على بالي."

: "بشنو ذكرتني؟"

: "والله واحد من زلمنا ما أجه، ظل عندنا نقص، اعتازيتج تسدين مكانه."

أكلت شفتي من الحركة.

: "آخ بويه، كونج يمي وأعلمج شلون تسوين هيج، كم مرة نبهتج يولي تبطلين هالحركة."

: "روح غيث أريد أنام، ما فارغة لسوالفك، اتصل بالنعوصة أم الأنوثة مالتك."

: "نايمة العشق، ما أحب أزعجها، تعرفيها رقيقة ما تتحمل السهر، أخاف أخدش مشاعرها بصوتي."

: "لا لازم تنطيها بروفات، بعد سبوع لزواجكم، دتجهز فرحانة، تالي تنصدم ومشاعرها الرقيقة تنخدش على قولتك."

: "زواج منهو؟ شجهز؟"

: "زواجكم، صدق قالت خالة راح يطلكج قبل الزفة."

: "آهاا زواجنا، أي عش لا، بس خلي أحصل مومن بالأول وسهل الباقي. تعالي لج هذا يا تيشيرت لابسة؟"

: "مو ملابسي كلها غسلتها، ما عندي كلشي، باجر حغسله وراده ما عليه."

: "ممم عش بالصالة ضالة؟"

: "وين أروح لعد، ما ترضى أروح لشقة الولد."

: "عش موش بغرفتج."

: "سماهر أخذتها لأن سارة تريد غرفتها."

: "قومي أنعل أبو سماهر لأبو سارة، روحي لغرفتي الجو بارد، لا تظلين بالصالة."

: "لا دفيانة مو كلش باردة، والغرفة اللي طردتني منها ما أدخلها لو أموت."

: "شلون تخليني أحجز وأرد أد فنها مكانها! ناااي، الج عشر دقايق أتصل أدحك كل أغراضهن زاتتهن ومطمورة بفرشتج."

: "هسه أقوم بس دأقلك بالأول لحن اتصلت."

: "ناااي، أختج طلعيها من راسي، عندي مشاكل تكفيني ألف سنة لقدام."

: "بس خطية والله ضاربها حيل."

: "يطبها مرض، تتحمل زلمتها غصبًا عنها. ناي ما أحب أكسرج ولا راح يجي يوم أسويها، لا تطلبين لأهلج شي حتى لا تجبريني أردج."

: "تمام، ما راح أجيب طاريهم. كافي اللي سويته والخسرته عليهم."

: "بنتي ما جاي أذكرج ولا أحملج المنية، بس اللي يسوي الغدر مرة يسويها مية مرة، لا تثقين ببشر. بسج تنطين بنفسج لخاطرهم. بالمناسبة، بشري اعتازيتي علاج لا؟"

سديت الفون بسرعة، شكد ساقط! بس صدق ذكرني، أصلًا جنت ناسيه حتى الألم خفيف ولا حسيت بي. لعد شكد مقلب بنات هذا.

خليت الفون عالميز، طبقت مخدتي سمعته يرن. أهووو اليوم مبين ما راح أنام، منو هذا النوب؟ قعدت على حيلي وشلته لقيت لحن تتصل، رديت أجاني صوت عمو تعبان.

***لحن***

استوني أنام، واندفرت الباب، دخل عمي، قعدت. إجه يمي، قال:

"شوفي لچ، الچ حل من اثنين، يا تخلصين نفسچ يا تلحقين أمچ."

"شنو عمو؟"

"خالچ إجه يريد ناي، متخبل علينا، يقول لو تزرعها قدامي لو أوديكم ورا الشمس."

"ليش شصاير وهيچ متخبل؟"

"ابنه طالع عنده عجز بالكلية من كثر الضرب ورجله سقطت، يقول بيها وكله بسبب هالساقطة."

"جذاب هذا، متورط بشي ويريد يسده بيها."

"مالنا دخل، أني مو گد خالچ، واحد شراني وزايعته الگاع، وأني عندي جهال رجال فقير، كافي خيري شري، مو بسبب حضراتچن أتيه عائلتي."

"ليششش عمو؟ دتسوي هيچ؟ مو طلب أنطيكم الذهب بس حتى تركوها تعيش وأنطيناكم، مو قلت أزوجي سمار حتى بعد خالچ ما يگدر يرجعها وتزوجت، شنو بعد تريد؟ حتى راتب بابا دتاخذه، كافييي!"

"هاي عار ديعيرونه بيها، حتى خالچ يقول قمت أستحي أطلع وين ما أروح، يقول هذا اللي شردت عرضه وراحت للملاهي تشتغل."

"تعرف ما تسويها عمو، ناي بت أخوك."

"لا متبري منها من يوم اللي انهزمت واتزوجت غصباً عنه، يلا هسه تخبريها تگليلها تعالي."

"ما أسويها لو أموت."

"لعد قومي انتي، هسه يطلگچ سمار وروحي ويا."

"وين أروح عمو؟ صدگ دتحچي؟"

"أي صدگ، هددني يأذي ابني وهو هالواحد عندي، أني شورطني بيچن، ساقطات مثل أمچن، والله بلاني بيچن، مو چنت عايش بهدوء، أش چابچن عليه؟"

"ما يگدر يسوي شي، بس يهدد هذا چبان."

"أي تاليتي مثل أرزيد، يدخلون عليه، أني ابني يذبحونه ويغتصبون مرتي، قومي لچ، الله ياخذچن ويخلصني منچن."

"ما أروح دخيلك، والله اللي تريده أسوي، هذا راح يبيعني من واحد لواحد، عمو أني عرضك، شلون ترضاها؟"

"يطبچ مرض حالچ حال أمچ وأختچ، أني شخصني بهالشلعان القلب، متردين ترحين خليچ، ما متعاجز منچ، بس أختچ تخبريها هسه تجي."

"ما راح أخبرها لو أموت، وهااا حتى لو جبرتني ما راح تجي، لا تنسى عرفت كل چذبكم."

"إذا قلتلها أختچ بين الحياة والموت راح تجي."

"زوجها ما راح يخليها، وحتى لو خلاها إذا واحد وصللها يحركه وهو عايش، مو بالبال سمار هذا غيث الأنباري."

"مالنا شغل، هم قلتله، قال بس خلي توصل للمطار ومالكم شغل بالباقي، يلا هسه شقلتي؟"

"راح يضربها بسيارة لو طلقة ويسقطها، ليش عمو خطية والله ما آذت أحد؟"

"لعد قوميييي، يلا روحي لخالچ وفهمي هالحچي."

"راح ياخذني مكانها؟"

"يطبچ مرض خلصنييييي، شبلتني، خلي ياخذچ يبرد دمه بيچ مكان أختچ، ظلي خدمي يمه ما نريدچ بيتنا."

قالها وإجه جرني من بلوزتي، كمشت إيده أتوسل بي، دنكت على إيده بستها أبچي، دفعني طلعني من الباب، قال:

"قدامييي يلا."

"الله يخليك والله راح يبيعني هذا ما يخليني للخدمة أعرفه."

"سمار طلقها وأنطيها لخالها."

"لا لا سمار، أني زوجتك وعرضك، لا تسويها، ولك يبيعني هذا."

سمار: "بابا خبر أختها خلي تجي، لحن ما تستاهل تروح بذنب ذيچ الساقطة."

"ما ترضى حضرت مرتك المصونة."

"لا ترضى، اتصل بيها مالك شغل بلحن."

"والنبي أنتحر ولا أخليكم تأذون ناي."

"انتحري بيت خالچ، روح سمار صيّح خالها برا خلي يدخل يربطها وياخذها، مالي دخل بيهن بعد."

طلع يصيحله وأني قعدت يم الحايط لامة رجليه، أحس قلبي يريد يوكف.

شال فونه عمو اتصل، أباوع للباب متبنجة بس الرجفة كامشتني.

إذا رفضت هسه يسلموني إله، وإذا سكتت أختي راح تنتهي حياتها.

بثواني كون أخذ قرار اللي يحدد مصير وحدة منه.

صوت ناي قالت: "خير لحن؟"

وعمو رد: "ها بنيتي..."

حين سألوني يومًا: إلى متى ستبقين متعلقة به؟

لا أدري…

لأنني لا أعلم أيهما أطول، "دائمًا" أم "إلى الأبد".

حين أحببته أغلقت على قلبي أبواب الحياة، اكتفيت بنبض عشقك يُحييني.

لحن:

أول ما ردت ناي، دخل خالي ويه سمار، أباوع له وجهه وجه شيطان ونظرته رجعتني لذاك الوقت الجان يحبسنا ويضرب ناي بدون رحمة. اتقدم اتجاهي زحفت ليورا، أريد أنخى سمار يحميني. ما يطلع الحجي وياي بس دموعي تنزل. دنگ شالني من شعري، قمت أيد بي أريد يحررني من قبضته، وعين بعين يقول لناي: "الحقيني بابا".

دا أصرخ أقول لها جذب ما لحقت، سد حلقي خالي كتم حتى النفس. دار ظهري لحضنه، عصرني بي بس صوت الونة تطلع. أريد أشهق ما أقدر. أباوع لسمار بترجي، تركني وراح يم أبوه. وصوت ناي تقوله: "خير عمو شصاير؟"

"شكلج بس آمني، لا تقلقين من الراح تسمعي."

"قول عمو ايش صاير؟"

"أختج وقعت من الدرج وصارت ضربتها على راسها. وهسه نقلناها للمستشفى حالتها تعبانة."

"إيش سويتو بيها يا كفرة؟ الله يلعنكم."

"ما سوينا، وصوتج لا تعلي. ما ردت أتصل بس فاقت، حالتها تعبانة حيل. قالت اتصل أريد أشوفها أخاف هم أموت وما ألحق أودعها."

"عمووو، أختي إذا صار لها شيء لا تظل بمكانك. قسمًا باللي خلق السماوات السبع ما أخليك عايش أنت ولا عائلتك. خسرت كل شيء، تعرف شنو يعني؟ أحرق كل شيء قدامي، آخر أمل إلي هو لحن."

"ناي!"

"لا تقول ناي. أملك بالدنيا حياة لحن، لا تقول ما قلت."

"تجين لو لا حتى أقول لها لا تظل تتأمل ومنتظرة؟"

"ما أقدر، ما أقدر. زوجي بالعراق شلون أجي؟ ما عندي فلوس."

"أنا أحول لك أجرة لو أحجز لك منا، بس لخاطر أختك حتى لا تقولين ظلمنا."

"وينها هسه؟ افتح كام خلي أشوفها."

"ممنوع الزيارة بالعناية، وها لا تقولين لزوجك ولا تخبرين أحد، ترى ما أنطي عنوان المستشفى ولا فارغ لأحد. البنت بنتنا محد اله شيء يمنا، تردين تجين تعالي وحدك."

"شلونها؟ تقدر تحكي؟"

"بالقوة تحكي. اشوكت تردين أحجز لك؟ يلا."

"هسه أدز لك صورة لجوازي، أقرب حجز ثبته."

سلم وسد الجهاز. دفعني خالي، وقعت بالقاع أسحب الهوا بالقوة. راح طلع. باوع لي عمي، شهقت:

"ليش عمو؟ والله راح تموت بيها."

"هي أصلاً غلط خلتها. ما حصلنا وراها غير العار والسمعة الموزينة."

"بشنو قصرت وياكم؟"

"وياجن مو ويانا. محد اله فضل عليه فوق ما لميتجن. يلا سمار، اخذ مرتك من قدامي. خلي ألحق لخالها أشوف شلون يتلقاها بالمطار، واشوكت يخلصنا من مصايبهن وشرهن. ربي رحمتك، اخذهن فد اخذه وخلصنا."

"عمو، أطلب من زوجها أي مبلغ راح ينطيك بس اتركها."

"فلوسه حرام موت، تالي عمري آخذ حرام."

"هسه حرام؟ لعد وين جنت من خليتها تبيع روحها علمود تحصل منه فلوس؟ عموو وروح بابا يا غيث يمحيك إذا عرف."

"عود من يعرف سهلة. يلا سمااار، اخذها لا أخلي خالها هم ياخذها فرد مرة حتى أفتك."

أجه سمار، دنگ شالني، أخذني لغرفته. دخلت قعدت بالقاع منهارة. ناي راح تروح، زوجها ما يرحمها. هذا خالي ناوي عليها نية، إذا ما سقّطها ياخذها لمكان يسوي لها شيء. باوعت لسمار قلت له:

"دخيلك سمار، مو تقول أنا مرتك وتحبني؟"

"لا دخليني بسوالفكم، مالي شغل."

"ولك بعد كم يوم هم يجي ياخذني مثلها؟"

"لا أنتِ مرتي محد يقدر يحاجيك. وذيج متبرين منها حتى لو يذبحوها ما نقدر ندخل. وهي صاحبة مشاكل، حتى زوجها مثلها واحد ساقط قطاع طرق ويشتغل بالتسليب وبيع الأسلحة، حتى موتتهم حلال."

"سمار، هاي عرضك وبت عمك، تعرف شنو ناوي خالي يسوي بيها؟"

"عسى ما يحرقها، مالنا شغل قلت لك."

"هسه مالك شغل؟ من جنت تتصل وتسحب فلوس تقول خويه نسيت؟"

"كافيي، ويلا قومي غسلي وجهك وتعالي يمي، ترى صبرت هواي عليك."

"لو تموت ما أخليك تلمس شعرة مني، أنت مو رجال!"

"خلي أشوف شلون تمنعيني. أثاري صدق مثل أختك أنتِ، من قالت ماما ما صدقت."

"والبني سمار، أصرخ وأفضحك."

"شلون تصرخين؟ خلي أشوف." قالها وأجه جرني من شعري شمرني على الجرباية. ضربته، كمش أديه صار عليه. قمت أصرخ وأرفس. ما اهتم، ظل يبوس بي بقرف. شقد حاولت أبعده ما قدرت. مد أيده وبدأ ينزعني ملابسي، تخبلت. حسيت نهايتي هاي. من همشت روحي ما حسيت غير وأنا أعضه من متنه حيل لمن شلعت لحمته.

دفعني وقام يفرك بي بعصبية. نزع قميصه، شاف الدم. باوع لي متفاجئ. لميت روحي بعدني ما متحركة. ما حسيت غير دفره سكتتني مكاني. عصرت بطني أفرك بيها وأشوفه نزع حزامه طبقه وأجاني.

"مو رجال موو؟"

"آسفة والله، فدوة أروح لك لا تضربني ما أعيدها بعد."

"تعضبني وتمنعيني وتقولين مو رجال!" قالها وضربني ضربة حسيته صلخ جلدي. رجع ضربني أقوى. ضميت وجهي بأديه أحمي. دفرني بخاصرتي، وخرت أديه، أجاني حزام بوجهي شوطني.

دخلت بيبي تركض كمشته قالت له:

"لا يبيبي بنيت عمك."

"ساقطة مثل أمها، تحب الحرام ما يعجبها الحلال. إذا ما تنضرب ما تصير شريفة."

"ولك طفلة، ليش هيج مأذيها؟"

"بيبي دا أقول لها أسويك مرتي ما ترضى تنطيني روحها، تمنعني."

"ولك تخاف بعدها صغيرة، غير على كيفك وياها."

"ما ترضى والمسيح الحي أموتها."

"لا اتركها، أنا هسه أحكي وياها وأعلمها بس اهدأ لليل خليها لا تستعجل عليها."

"منا لليل ما رضت أربطها وآخذ عذريتها، وكون تعترض حتى أصلخها."

"ما يخالف بس اطلع لا تفرفح روحك يبيبي."

طلع رقع الباب. أجت يمي قلت لها:

"لا تحجين هسه أحرق نفسي."

"ولج بيبي ياذيك، وإذا أجت أمه ودرت أنتِ مانعته وهيج عاضته، راح تخلي غصبًا عنك ياخذك. ليش تزيدين الكره بينكم؟"

"ما أريده، مو رجال، تعرفين شنو؟ ما عنده غيرة."

"لا عنده غيرة ويحبك بس أنتِ سايسيه وروحيله، اعتذري منه وحضري نفسك شوفي شلون راح يداريك وشلون يدللك."

"بيبي راح يأذون أختي."

"اتركي أختك ما عليها، تدبر نفسها."

"يقتلها زوجها بيبي يذبحها. هذا إذا سووا لها شيء مو ببالك مثلنا يسكت. وخالي ناوي يسقطها مكان ابنه."

"شنو بيدي عليها؟ هي اللي شردت وتزوجت بدون رضاتنا، وأنوب دزت زوجها سقط ابن خالها. ببالك راح يسكت؟ أكيد ما يسكت هذا ابنه الوحيد."

"شنو راح تقولين لبابا من تروحين له: قتلوا بنتك وما حميتها؟"

"شلون أحميها ولج؟ ما تشوفيني مكرمة بالقوة أمشي، لمن أروح؟"

"أنا أساعدها بس انطيني فونك أخبرها حتى لا تجي."

"راح ياخذك خالك، ترى عمك وسمار جبناء ما يقدرون له، بس بتهددهم يخافون. قبل راح يطلقوك ويردوك."

"ترى اكو شيء اسمه دولة، روحوا اشتكوا."

"ببالك ما فكرنا بيها؟ بس صديق خالك اله أيد بالدولة راح يطلع وما عندنا إثبات، وبعدين يأذينا. مو راح أعيد نفس السالفة؟ منو قدر ياخذ حقه؟ ظل وليدي جوه القاع هو وبزره."

"وراح تروح ناي هم، وهالمرة أنتِ السبب بيبي، أبوس أيدك بس انطيني الفون قبل لا تجي باجي أخبرها وهي تدبر روحها. أقلها تجي ويا رجلها مو وحدها، تقبلين تشوفين دمها وهي مظلومة؟"

"وإذا درى عمك؟"

"ما راح يدري، بس استعجلي أبوس أيدك. والله مالها ذنب وصغيرة، ليش يموتوها؟ ما عندي غيرها بيبي، والله أذبح روحي إذا صار لها شيء. ليش حتى أظل عايشة؟"

"كافي لا تبكين، هسه أجيبه وكون الرب يحمينا لا يعرف أحد."

قامت مسحت وجهي وقلبي يرجف خايفة ما ألحق أخابر وتروح بيها بسببي. تعطلت قمت أروح وأجي أندعي كون ما تتراجع لو تخاف. خلص حيلي لمن سمعتها فتحت الباب. دخلت أخذت الفون بسرعة، طلعت رقمها ودست اتصال. أشرت لبيبي تراقب الوضع.

ردت قالت:

"ها بيبي؟ شلونها لحن؟"

"أنا لحن ولج، كل شيء ما بي."

"يمه قلبي ولج، متت ببالي ما ألحق عليك." قالتها وأسمع شهقتها.

"تبكين علي وأنا بعتك؟"

"شنو بعتيني؟ ما فهمت؟"

"ولج خالي أجه يريدك لأن ابنه متسقط ويريد ياخذ ثأره منك مثل ما سويتي بابنه."

"شنو بي سامر؟"

"الكسر اللي برجله تضاعف وصار يكزّل بيها، وهسه تعقد. يقولون قاعد بالغرفة أربعة وعشرين ساعة وعنده عجز بالكلية."

"يطبه مرض وما تاب بعد. والله الصوج من غيث اللي لسه خاله عايش. سهلة، خالي تريد تورطني؟ مو غير أنت لعبتي."

"شنو راح تسوين؟"

"مو هسه هالحجي بعد وقته. أنتِ شنو أخبارك؟ هم ضربك؟"

"اليوم إذا ما أنطيته نفسي راح يربطني ويغتصبني. ولج راد ينطيني لخالي مكانك، شفتي النذالة وقلة الغيرة؟"

"لحن، انهزمي."

"شلون انهزم؟ وين أروح؟"

"أي مكان لا تخليه يلمسك سمعتي؟ ترى تنتهين. خالو راح يرجع ويضغط على عمو، وهذا جبان راح ينطيك حتى يجبروني أرجع."

"شنو أسوي؟ قولي لي ولج أنا جبانة وأخاف."

"اسمعيني عدل، هو منتظر مني أدز له جوازي، راح أقول له يم غيث لحد ما يرجع وأعطل الشغلة. بهذا الوقت أنتِ حاولي تاخذين جوازك منه وسمار، اتحججي بالشهرية منا لمن أدبر لك فلوس تجين بيها."

"تمام ناي، فدوة لا تتخلين عني."

"كون يمي حتى أتفل عليك! ولج أنتِ عاقدة محكمة؟"

"لا، وأصلاً ما يصير جنسيتنا مختلفة. ولج ما أسلم."

"الحمد لله. هسه اللي أريده منك تعدلين روحك وتروحين لسمار، تلعبين بعقله تخليه يصدق بيك بس خليك نبيه، لا تخليه يتقرب لك."

هي تحكي والباب اندفر…

ناي:

سديت الفون وشمرته. قعدت لحد متى يظل قلبي هو اللي يقودني؟ ما أتوب. وينك غيث تجي تشوف مرتك بيدها الجواز ورايحة برجليها لهم؟ اللي يغدر مرة يغدر ألف، بس جيب اللي يقنع قلبي ويخليني أتصرف بعقل وبدون تسرع.

والله وكثرًا عليك خالي، تريد تورطني. أقص أيدي إذا ما كان اله أيد بموتة بأهلي. كل يوم ديثبت لي أكثر. لحن شلون أخلصها مناك؟ غيث إذا قلت له يلطمني على حلقي.

كمشت راسي محتارة شنو أسوي. وأسمع صوت سارة يمي قالت:

"ناي، أريد أحكي وياك."

"كملت خير، بس لا مصيبة."

"بالنسبة لك لا، بس إلي أموت. ناي والله أموت إذا غيث تركني."

"وليش حتى يتركك بنتي؟ هو ميت بيك."

"أعرفه وأعرف يحبني، بس دا أشوفه مهتم بيك وخايف عليك أكثر، ولا تقولين لا. يغار من جهة، ما يشوف أغلاطك قدامه من جهة، ولا يحاسبك عليهن حتى لو كان على حساب نفسه."

"هذا التكفخ كله وما يحاسبني؟ لعد شلون إذا حاسبني؟"

"غيث عمره ما خاف من شيء. جان يدخل بأي مصيبة حتى لو بيها موت بدون لا يهتم. ويوكف بوجه أكبر واحد. هسه قام يحسب حساب ألف مرة. كم مرة هدد بابا إذا واحد لمس منك شعرة يمحيك."

"لأنو صدق أنا مالي ذنب أروح بسبب عمله الأعوج ويعرف ما عندي أحد يحميني إذا صار له شيء."

"لااااا، مو لهذا السبب. باوعي لنظرته من تنزلين برا، عيونه تتجول داير مدايرك. لو من تعاندي وما تسمعين منه، بدل ما يعصب أشوف نظرة بعيونه تختلف عمره ما باوع لي بيها. حتى ملابسك إذا بيهن خلل شوية يتخبل. تمنيت مرة يسويها وياي."

"لأن أنا زوجته مسجلة باسمه، يخاف ينجاب طاري اسمه بسببي. وبنفس الوقت أول ما شافني بلبس مستور اتعود عليه هيج. أنتِ من صغرك متربية بغير بيئة ومتعودة على شيء معين ما تقدرين تغيري. وهو لأن يحبك اتقبلك بهالشي."

"لعد ليش ما يتزوجني؟"

"مو عاقدين."

"بس ورق."

"لعد مو دتجهزين لزواجكم؟ شنو بعد؟"

"ما يسويها لأن يكره بابا ودوم شغلهم واحد ضد الثاني. بالقوة يتفقون على شيء، وهم إلا إذا كان مشترك ما بيها مجال. بس أنا أحبه والله، تخليت عن بابا وحتى تركت الملهى والشرب ومستعدة أترك المخدرات بس خلي يتزوجني."

"تحبين العبودية؟ وهيج صنف من النساء أكرهه. ولج إذا واحد جاب سيرة أهلي لو شتمني أحس الدنيا تظلم قدامي. مو أنوب أترك حضن أبوي لخاطر واحد. شنو بيك بنتي؟ ترى الأهل عزوة."

"ما أريد مكتفية بي. مستعدة حتى أغير هويتي وأشيل اسمه منها إذا طلب، بس كون يظل وياي."

"ما يتركك ولج يحبك. بس لأن يشوفك راضية بكل شيء ما يتقدم خطوة. ما طول ما خاله لأهلك قيمة ما راح يكون لك قيمة. لأن مثل ما تخليتِ عنهم راح يجي يوم تتخلين عنه."

"شنو أسوي؟ أصالح بابا؟ هيج يرد يحبني مثل قبل؟ زين ألبس مستور وأقعد بالشقة شنو يريد بعد؟ أتعلم طبخ وأصير ست بيت. والله راح أصون عرضه وأي شيء يطلبه أسوي."

"كل شيء لا تسوين، خليك على طبيعتك. اللي يدق قلبه ما يدور تغيري، يحب الشخص بعيوبه ويتقبله غصبًا عنه."

"ترى أنا والله شريفة وداعة بابا محد لمسني غيره وهو متأكد من هالشي. وكل شيء تركت مثل ما طلب حتى أصدقاء ما عندي بس صديقات وما أسهر إلا ويا."

"بعد شنو؟"

"ما أعرف شنو التغير حتى بعد ما يتقرب لي مثل قبل. صار يتجنبني ولهجته بس ابتعدي عن ناي. إذا صار شيء بناي أحرقكم، إذا حجيتوا وياها أمحيكم. شنو السر اللي خلاه هيج خايف عليك؟"

"لأن اللي بينا اتفاق، أسوي له طفل وأروح بحال سبيلي. وأنتوا تظنون غير شيء لذاك يحذركم حتى لا تأذوني."

"يعني بعده يحبني مثل قبل؟"

"أكيد مثل ما تقولين، غيث ما يخاف. يعني إذا ما رادك من باكر يطردك. ليش حتى مكمل وياك؟ وهيج يعاملك بخوف وحذر."

"يعني هو هم يسولف لك عني؟"

"أي والله ليش الكذب؟ دوم يقول إذا وصلتي لسارة أعدمك العافية. بس أنتِ تجبريني أضربك. قلت لك إذا أحد جاب طاري أهلي أنجن بعد ما أشوف قدامي."

"ناي ما عندي أمل بالحياة غير غيث، عايشة لخاطره ولا أشوف روحي من دونه. تعرفين شنو؟ إذا حاولتي تاخذي مني مثل ما قالت سماهر أنحرج وأنحر روحي."

"لا تخافين مو أنا اللي أخلي عيني على حاجة غيري. بس أحبل أتركه لأن غيث حياته مخربطة أكثر من حياتي. وأنا تعبت من هيج شيء، أريد أكمل بهدوء وأشوف مستقبلي، كافي أركض ورا حلم مبين فترة وينتهي."

"راح تروحين يعني؟"

"أروح آخذ أختي وأبتعد. وأول ما يصير الطفل أنطيه لسماهر وبعد ما تشوفون وجهي أبد."

"حذرتك ناي لا تلعبين علي. وداعة بابا إذا طلعتِ تجذبين أروح له أخليه يضيعك. وخلي غيث يسوي اللي يريده بعد ما يهمني."

"مو أنا اللي أهدد، جاية للشخص الغلط. قومي سارة، جنت أحكي وياك بطيب ببالي انعدلتي، أثاري صدق الأعوج ما ينعدل."

قامت تنفث تباوع لي بغضب:

"إذا ما رحتي راح أخليك تندمين. ابتعدي أحسن."

"ما تعبتِ من التهديد؟ ترى أنا من يمي مليت، ولو تقدرين تسويها ما انتظرتِ لسه. روحي سارة ردي لحضن سماهر خلي تعلمك طريقة جديدة. قولي لها الفكرة هاي ما جابت نتيجة."

دفرت الميز وطلعت لشقة جود تاخذ جرعة. أسمعه مو يدق الباب لا يفلشه. لمن طلع جود عاط بيها.

رجعت تمددت، عقلي يودي ويجيب شلون أقدر أخلص لحن. مرت أربع أيام وأنا دايخة أتصفن ما أعرف شنو أسوي. محتارة حسيت روحي فقدت السيطرة ما بيدي أي حيلة بعد. أنوب الشهرية برد الدنيا ينزل علي، أوضاعي كلها تتخربط.

ظالة ملفلفة مقابلة الفون وقاعدة. كلما أتصل مغلق. حتى سماهر ورنو مالي خلقهن يحجن ويسكتن وحدهن وهنه هم ملتهيات يجهزن بسارة. قلبي يقول لي لحن بخير وعقلي يقول عمي دق الناقصة بيها ورجعها لخالي.

لا أقدر أقول لغيث لأن أعرف يتخبل من هيج شيء، خاصًا إذا قلت له تريد تنهزم إلا يحرقنا.

فززتني سماهر وهي تقول:

"ما تقولين لي شنو سالفتك؟ أنتِ وين مدولغة؟"

"هنا وين يعني؟"

"والله شما أشوف اكو شيء ضامته."

"خالة ما تشوفيني يمك النهار كله؟ لا طلعت ولا خابرت بشر. حكيت قلتوا عرمة، سكتت قلتوا مصيبة."

"عجل مجذبين؟ أقص أيدي إذا ما طلعتِ مصخمت لك شيء."

"لا آمني، تعبانة لأن الشرعية أجتني وأنا أتعب من هيج شيء."

"اصخام الصخمك يعني مو حامل؟ والله عرفت جذب."

"لا تحجين وياي، أخوك اللي قال مو أنا. راد يتعالج يالله يسوي طفل وأنتوا تلحون، اضطر يقول هالشئ."

"الحمد ربي خلى العقل بالراس وما تورط بجاهل وياك."

"أووه، يومية نفس الحجي لا تملين ولا تبطلين."

تركتها وقمت سبحت بمي فاتر. ردت بس أرتاح شوية. غيرت ملابسي وطلعت لقيتها بالمطبخ. تسحبت على كيفي أخذت حذائي والجنطة طلعت من الشقة. قعدت على الدرج لبستها. طلع جود من شقته شافني ضحك قال:

"شنو اكو هنا؟"

"أشش، لا تسمعك، انهزمت."

"ليش شنو صاير؟"

"طلع شيء من جوه القاع حتى تتعارك."

"وين تريدين؟"

:- وياك للمطعم وين أولي؟ قابل يلا لا تنتبه ما موجودة.

:- دكومي اربطي حذائك بره، تأخرت.

قمت، طلعنا من العمارة، خرب شعري، أبعدت يده.

:- هذا شعرك إشوكت بحيل الله اتمشطيه؟

:- ما يحتاج هسه أرفعه وأسوي كبة ما يبين. بعد وين كرم؟

:- طلع قبلي الزمال ناسي مفتاح المطعم ورايح.

:- لو بس أعرف هالولد عقله شنو بيه.

:- طيبة الدنيا كلها بيه، عايش عليك يا الله. إشخبار غيث؟ ما قال إشوكت يرجع؟

:- ما أعرف، ما خابر، بس أكيد أسبوع مثل كل مرة ويجي. استعجل الدلمش راح يمشي.

ركضنا صعدنا بسرعة، شلت شعري رفعته، دا ألف بيه، نزلت خصلة على وجهي، وخّرها، خلاها وره أذني، همس: ليش خدودك حمر؟

:- إشوية درجة الحرارة مرتفعة.

:- ليش ما قلتي آخذك للمستشفى؟ يلا نزلي خلي ناخذ تكسي منا.

:- لا والله ما بيه شيء، لأن بالشقة باقية، هسه أفتر إشوية أصير زينة.

:- ناي لا تعاندين، امشي وهذا لبسك ليش خفيف الجو برد؟

:- مو خفيف وللعصر إذا ما نزلت الحرارة، أروح. يله خلي نلحق على كرم خطية هسه تلقيه قاعد بالباب.

نزع التراكو مالته وخلاها على متوني، ما عارضت لأن أدري راح يلح. لبستها عدل وسديت السحاب.

وصلنا، نزلنا، لقينا كرم متربع بالباب ويمّه اثنين عمال، قال: وين تأخرتوا؟ صار ساعة قاعد مثل الزمال.

:- حشا جناب الزمال. ما اتصلت، إشدراني ما ماخذ المفتاح؟ إشسويتني شفته.

:- هاا موفوني اتصدقت بيه للفقرة.

:- فونك؟

:- إي وأفلوسي هم كلهن، لو شايف فرحته خطية! فد شعور ما ينوصف، خاصةً من مسح على راسي، قالها وحك علباته.

:- لا يا زمال سلبوك؟

:- لا طبعًا، انطيتهن بمزاجي، لو جان ماخذ مفتاح المطعم هم ما عزيته عليه، إنسان أفريقي محترم ما يضيع بوجهه الخير.

:- كوم كرم ماسحتك وعلى الشغل يلا.

كرم: ناي سمعتي؟ ماسحتك وعلى الشغل يلا.

جود: ناي مريضة، اشتغل وحدك وانجب.

باوعت له صفح ودخلت جوه، أسمعه يصيح محزوزة وملبوسة، ضلي ما بيج فايدة.

رحت ويه جود أفتر عالمطعم، صارت طاولة غيث قدامي، إشكَد مشتاقتله، مو تقول كم يوم قلبي رف عليه غيابه.

رحت لمكتبه، دخلت، شمرت الجاكيت لأن حار.

تذكرت أول مرة أدخله، ما جنت أدري هذا إله، سبحان الزرع محبته بقلبي.

جريت الجرارة فتحتها، لقيت صورة سارة بعدها، حسيتها صحتني ردتني للواقع.

شمرتها واتمددت على قريولته، أباوع لغرفته، إشوكت لحقت أحبك هلكد؟

يمتى تعلقت بيك وهيج قمت أشتاقلك وأنتظر رجعتك بالثواني؟

اندقت الباب، دخلت رويدة، قالت: بيج شيء؟

:- لا بس ما نمت بليل زين، قلت أرتاح إشوية. إشدراك هنا اني؟

:- جود دزني قال ناي تعبانة شوفيها، يخجل يجي أخاف نايمة ويزعجك، ابتعدي إشوية خلي أقعد. إي إشبيج؟

:- مهمومة وعقلي حيطير، لحن مختفية من هد ما خابرتني، قلبي راح يسكت وهيه ما منها خبر.

:- لا تخافين عليها، ما طولها أختك.

:- ولج هاي رب الفهاوة، إذا الله خالق للإنسان نسبة مال ثول وفهاوة، فهاي مخلوقة من عجينة نفسها.

:- إشعجب معاشرتك وهيج دتقولين؟

:- ما يفيد، عقلي وقف وأني أعلم، إذا تسأليها شلونك تصفن بوجهك ساعة يا الله ترد، هاي إذا ما قالت لك شنو؟

:- هههههه والله صار عندي فضول أشوفها.

:- حلوة كلش، خاصةً هسه من سمنت صارت كيكة بيضة ونازكة جنها لعبة، بس المخربها فهاوتها وغبائها وهذا المخوفني عليها.

:- أنتي خبرتي غيث قلتي له بالصار؟

:- حتى يكتلني اني وياها، هيج يطبكنا سوه ويرمينا. تعرفين عقدة غيث من هالسالفة، ما أقدر أحجي.

:- لعد إشلون؟ خطية صدك أخاف أذوها، تقولين زوجها ما بيه خير، من قلتي يضربها عرفته مغسولة حظه.

:- تره غيث هم ضربني.

:- ناي صح أنتي صديقتي بس إشلون حاملج ما أدري، والله صبره كلش جبير وياج، دا أشوف هواي يعبر لك أشياء، أقل شيء ذيج المرة ضربتي قدام الموظفين سكت لك وغيرها وغيرها.

:- تره جانت أعصابي تعبانة، بعدني داخل صدمة ماما، أني ما أتصرف هيج.

:- لا معروفة حكيمة واعية بتصرفاتك، فونك يضوي بلكي أختك.

شلته بسرعة لقيت غيث، قلبت الشاشة أراويها، ضحكت همست: قلبه حس دنحجي بيه.

قامت طلعت وأني تمددت فتحت كام.

جان لابس دشداشة ولاف على راسه شماغ ونظارة، أول مرة أشوفه هيج اللبس محليه أكثر، ابن الأطيعه أذنها.

نزع نظاراته رفع حاجبيه، قال: كملتي صفنتك؟

:- أصلًا ما جنت صافنة، ما لايق لك هاللبس تره عيع.

:- أوف بويه الي يوم أقضبج من لسانك وأسحل بيج ما خلق الله من قيعات.

:- أمم.

:- إشباك يول؟ عش وجهك أحمر وتردين بفهاوة.

:- مصخنة إشوية مو هواي.

:- أكيد بعدك مطمورة بالصالة مو؟

:- غيث تعبانة والله ما بيه أرد.

:- عيون غيث، أجيج يولي.

:- لا ما بيه شيء لأن هاي ال... المهم أني أصخن، نسيت من رجعنا ذيج المرة إشلون هم جنت مصخنة، أني هيج طبعي بس كم يوم وتروح.

:- هسه الورم وعرفنا علاجه، الصخونة إشلون نسحبها منك؟

:- أترك الصخونة، إشوكت ترجع والمن هيج متشيك وين رايح؟

:- معزوم حفلة يم جماعتي.

:- بنات أكيد مو؟

:- وعمة السادة كرهتيني بالبنات قاطبة، قامت اتجز نفسي من شوفتهن، مو أنوب ألمسهن، دخيل رب العباد، ولج شفايفك مدمايات، إذا الصخونة هيج تسوي عجل خليك للدوم مصخنة.

:- كم يوم وتجي.

:- بالأكثر أربع أيام، ما عندي شغلة بسيطة وأرد.

:- صدك اليوم حروح للصالون ويه رنو العصر وأقص شعري، طولان ما يتمشط، يعني مو دا آخذ الإذن بس حبيت أخبرك هيج.

:- بالقرآن أطرك نصين كونك مرة صدك وتعمليها.

:- شنو تره شعري هو، غيث ما بيه حيل أمشط وهاي سارة شعرها باترته ما حجيت.

:- أني طلبت منها، خفت يجرح خدها الشعر، أنتي قوتك بشعرك مثل النبي شمشون، بدونه ما تقدرين تتلاوين ويه زلم، وأني ضامك للكلفات، لا تخربين ديزاينك بشغلات أنثوية، وين أنتي يولي؟

:- بالمكتب مالتك نايمة.

:- حلو، قومي فقلي الباب ونزعي قميصك، خلي أدحك إشلابسة تحته.

:- ولك أني مرتك مو صاحبتك.

:- وعمة السادة أخونك ناي، ذبي الاستغفر الله، تراني معطب ومشعول جد جدي، صار لي أسبوع ماكل تبن.

:- قميصي ما راح أنزعه وإذا أنت رجال صدك خوني.

:- يولي تهدديني؟

:- ما أهدد بس دا أقول لك.

:- ولي لج جنك حولي أثول، روحي بتني عالجي وجهك المزرف وتعالي أحجي، رايح لأشوف إش تسوين.

:- وجهي مزروف وحولي أثول مو تمام غيث؟ إذا ما خليتك تتوسل وتعتذر ما أطلع بنت أبوي.

:- الي يطلع بيدك وجه البومة، ورايح غصبًا عن شاربك، يلا انقلعي.

سديت الفون، أكل بشفتي من القهر، أني وجه البومة مو سهلة غيث، خلي أشوف إشلون تكمل حفلتك وإشلون حتخوني.

قمت تربعت، فتحت الفون، سويت إيميل كلك وسويت صفحة وهمية، دخلت شكو كروب بيع وشراء السيارات.

قمت طلعت لقيت كرم بنص المطعم، كامش الماسحة وضاربها صفنات على رويدة بغير عالم.

وجود يحاسب بالزبائن.

رحت يمه قلت له: وين سيارة غيث؟

جود: إش تسوين بيها ناي؟

:- بيها الكارت هسه خابرته قال تلقيه بالسيارة أخذيه.

:- يمك وره المطعم مجودرة والمفتاح تلقيه بالمجر الي بالمكتب.

:- ما أريده.

:- شنو ما تريدين؟ لعد إشلون تطلعين الكارت؟

ما رديت، طلعت بسرعة صاح جود وراي: هوووب خبلة وين؟

ما اهتميت، كملت طريقي، لقيته صدك خالها بالچادر خايف عليها، أبو البنات.

وخرت الچادر، أخذت لها صور من جميع الأقطار حتى من الجام للداخل، رجعت الچادر ورديت للمطعم، لقيته واقف بالباب شافني وصلت قال: إش سويتي؟

:- ماكو شيء أصلًا ما ندليها.

:- أحسن ردي جوه نامي لا تطلعين بعد، صدك سماهر خابرتني حاجز يم دكتور الأسنان مو خلصوا شغلهم إشكو بعد؟

:- ما أعرف يمكن ما متلبسات عدل لأن سمعتها البارحة تبجي يوجعنها.

:- والله بيج بخت بغيث جان أكتلك كتلة تسوه عمرك.

:- حتى أطيح فكها كله.

:- بس أجليها لمن يرد غيث حتى يصد عنك الهجمات المرتدة، وعلي كف أطيرك أنتي وكفشتك الما ترضى تتعدل، يلا حبابة لا تشغليني عندي شغل، صيري حبابة وقعدي هنا.

رحت قعدت وهو رد للحساب.

فتحت الفون، لقيت قابلين انضمامي لكم كروب.

سويت تحديد للصور، كتبت: سيارة فول مواصفات حديثة بيع مستعجل من أجل السفر، نصف القيمة، التفاصيل اتصل عالرقم هذا.

كتبت رقم غيث العراقي ونشرت.

دقائق ونقبل، انتظرت إشوية واجت التعليقات تقول: نايمين بالفون، واحد يسوي تاك للثاني.

قمت أدخل على كل واحد أقول له: اتصل عالرقم.

مرت نص ساعة وأني مندمجة، أشوف أركان سوه تاك لغيث، دخل غيث اعتذر وكتب: المنشور كاذب.

مسحت تعليقه وحضرته، خليت الفون عالميز مرتاحة، يلا هسه خوني براحتك.

رن فوني، شلته لقيته يتصل، رديت، أجاني صوته يرعد طرم طبلة أذني صرخ: ناااااي المنشور.

:- يا منشور؟ هدي حبيبي أعصابك.

:- لا بو حبيبك لا أبو اليوم الجمعك بيه، ناي المنشور احذفيه.

:- أعتذر.

:- ناااااي.

غلقت الفون، شمرته عالميز، أجه كرم.

خلى الماسحة عالكرسي وقعد قال: إش سويتي مصيبة؟ عيونك تلمض.

:- أدبت واحد وكسرت خشمه.

:- والله هالواحد إذا رد يكسر مو بس خشمك حتى عيونك يبزوهن، وراها يشمرك بالبلوعة تكملين باقي حياتك ويه الصراصير.

:- خلي يتربى أول والباقي سهل.

:- غيث بالذات متربي مرتين متعوب عليه.

:- كلش أنت تقول لي غير على أيدي دا أشوف، قوم كرم.

:- ما مصدقتني أكيد، لا تشوفيه هيج لااا هو فد إنسان هادئ ومؤدب، خو الخجل لا تحجين بيه. إله أقول لك مرة نمشي بالسوگ شافته وحدة ماع بالگاع اجت خطبتني.

:- خطبتك؟

:- هاا.

:- كرم دنحجي على هذا الغاسل وجهه --- لو خليني ساكتة أفضل.

:- إشلون يعني؟

:- عوفها شغلة عيب مال شارع لا تقولها أنت مؤدب.

إحنه نحجي واجه جود منخبص بيده الفون قال: هاي وياها.

:- إشكو جود؟

:- المنشور احذفيه، بطلي لعب جهال.

:- خلي يعتذر أول.

أني قلتها وسمعت صوته طلع من الفون.

جود: -.

ناي عنده شغل، وفونه ما يبطل اتصال، رحمة لأهلج امسحي.

اطلبه اعتذار.

ناي مو وكتج، أكلج عنده شغل وما يكدر يسد جهازه، من يرد يعتذر.

درت وجهي.

رود حجه ويه غيث، انطاني الفون كال:

هذا وياج.

اخذته وفتحت السبيكر.

اعتذر مو هين، يولي وبالقرآن إذا ما طلعته من عيونج ما نحسب عالزلم.

ووو بعدك تهدد يالا، ما راح امسح المنشور، داشوف شتسوي.

استغفر الله، كالها، اسمعه اخذ نفس شوية ورد كال:

شرايدة ناي؟

تعرف شرايدة.

موش هين، بس خليج متذكرتها، اشتعل اصل اهلج، آسف.

شنو هاي، احلف.

شتريدين يولي؟

كول آسف اعتذر.

امم آسف اعتذر.

توبة ما اسويها.

اااخ بويه كونج يمي هين يبت انهار، وعمة السادة إذا ما توبتج صدك هالمرة اني حرمة.

جود اخذ الفون.

مو اعتذرت يا المصيبة، يولي شرايدة بعد؟

اعتذر حبيبتي، بعد ما اسويها حسبيها عليه.

لنعل ابوج، لابو اليوم الشفتج بيه، نعل ابو ذيج الساعة الكشره، لابو جود السمع الكلمة وضمج.

شتمتني غيث؟؟

موش ياج يولي.

جود اخذ فونك والمنشور اعتبره انمسح.

نااااي ناااااااااااااي.

ما رديت، كمت اخذت الفون، طلعت بره.

وگفت دخلت عالمنشور مسحته، وكملت طريقي للكراج.

اجه جود وراي كال:

تره اعتذر.

مم.

وين تردين؟

شتمني.

والله بالغلط زلت لسان، تعرفين غيث من يعصب اشكال يحجي، عقلي بنتي، شناوية تسوين؟

ابوك ميت جود.

الله يرحمه اي.

من واحد يشتمك شتسوي؟

افلش راسه وادس حلكه.

واني مو لأن مرة لبالكم اقل منكم.

ناااي بروح اهلج عقلي والله، وين تردين ليش رجعتي للسيارة؟

لا تدخل جود، وخر من كدامي.

سيارته ناي، استوه مشتريها، وعلي يأذيج لا توصليه، تره غيث يتخبل ولا واحد يخلي ايده عليها، لا تسوين شغلة تندمين بعدين.

حذرته الف مرة لا يجيب طاري اهلي، إذا ما اوجع كلبه ما يبطل، وكل اختلاف يجيب طاريهم.

شتمي مثل ما شتمج.

جود وخر، وروح الشتمة ارد للمطعم افلشه.

بس هدئي، اشبيج اتخبلتي.

هو يحجي واني رفعت الجادر، نزعت الكفر مال فوني.

فتحت التصوير، راد يكمش ايدي جود، صرخت بيه بطل، وكف على جهة اتخصر يباوعلي.

كمش المحبس مال الكفر، شخطت السيارة من الباب للباب، كتله:

المرة الثانية احركها الك، دير بالك تعيدها.

دزيت الفيديو اله، دقايق وطلع تم الاستلام، شافه توقعت راح يرد بس ماكو.

جود.

:- ارتاحيتي؟

:- امم.

:- لعد اكليها، ما أريد أخوفج، بس راح يمدج من شعرج بالبالكون، شرط يتوبج من وكاحتج.

:- حذرته، لباله بس حجي، ما راح أسويها.

:- استغفر الله، يلا خلّي نرجع.

:- لا، أرجع للشقة.

:- يعني اجيتي بس حتى تسوين مصيبة وتردين صدق تحجين!

:- هو العال، وبعدين ليش ما كمشتني؟ ما تعرف من أعصب أشكال يطلع مني.

باوعلي فاتح عيونه بتعجب، هز ايده أشر: "يلا امشي".

أخذت تكسي وقلبي يم غيث، خفت من ردة فعله، ليش سكت؟ الله أعلم شناوي. هسه أني شبيه؟ أنجلب من أضوج، بس يستاهل والله، أحركه هو مو بس سيارته إذا شتمني مرة لخ.

وصلت للعمارة، اتحاسبت ونزلت، طلعت للشقة، لقيتها فارغة ما بيها أحد، طالعات.

شمرت حذائي، رحت للقنفة اتلفلفت حتى أدفى. انفتحت الباب، دخلت سماهر وحدها، شافتني قالت:

:- رديتي؟ وين جنتي حضرتج؟

:- بالمطعم، ليش؟

سدت الباب واجت قعدت قدامي، قالت:

:- شوفي ناي، وديت رنو حتى أحجي وياج بهدوء.

:- قولي خالة أسمع.

:- من اجيتي وطلبتي منا نوكفلج، قصرنه وياج؟

:- رجعنا لنفس السالفة، قمت اوقف قدام المراية أتفل على روحي من أذكر طلبت منكم.

:- لأن ضايع بوجهج المعروف، وبنت شوارع ما مترباية، شرد عليج وأنتي منهزمة من أهلج وموطية رؤوسهم.

:- شرايدة خالة؟

:- ما نريد جاهل منج، بطلنا، وأحذرج تحبلين.

:- ليش شنو التغير؟

:- التغير خايفة غيث يسجله باسمج.

:- حتى لو سجله باسمي هو راح يكون الج، أنتي تربي، وأكيد يسجله. قلت أتخلى عنه مو معناتها حتى اسمه يصير الكم.

:- هذا سبب، وأكو سبب ثاني أقوى، بيها قص رقاب.

:- شنو هو ممكن أعرفه؟

:- بدون لا تعرفين، راح أنطيج مبلغ، وأنتي روحي منا كملي مثل ما تردين، بعدج زغيرة وحلوة، اتزوجي كوني بيت وعائلة. ترى أخوي مو مال هيج سوالف، وحتى لو فكر أكيد مو أنتي، نريده من بنواتنا.

:- دتشكين بيه مو؟

:- ما أشك، متأكدة وجود أعز شخص على قلب غيث، تعرفين إذا حس شنو راح يكون رد فعله؟ راح يدمر أخيي، وهو ما يستاهل كل غلطة. ساعدج، لا تردين الإساءة بالإحسان.

:- وروح أهلي ماكو شي بينه، أحنه أخوة.

:- لا تحلفين ناي، غيث أخوي، أو لا ابني مربيته على ايدي، وأعرف البي قبل لا يفكر. غيث اتعلق بيج، وقلبه دقلج، وهذا الشي غلط.

:- بس جنتي تقولين غير شي.

:- جنت ما أشوف غير كره أخوتي بي، ردت يردلي حقي منهم، بس بعد ما تعرض لحادث شفت روحي غلطانة، لقيت نفسي لا شيء بدونه، ما أسوى فلس، وإذا بقيتي راح يروح أخيي من ايدي.

:- ليش بس لأنو مو من مستواكم؟

:- عفية، وهذا شي ثاني، نريده وحدة من مستواه، وحدة عندها أهل وعزوة يوقفون بظهره ويسندوا، خوال لجهاله يتباهون بيهم. نريده لوحدة كون تقضبه قادة، تصونه وترفع راسه، تخليه يبطل من هذا شغله ويلتفت لبيته وعائلته.

:- لأن ما عندي أهل وفقيرة بنظرج ما أستحق أكون له مرة؟

:- موش بس هذا الشي، أريده وحدة كون يخجل يحاجيها، وما يقدر يردها بس لأنو يهاب أهلها. لا بالبالج سارة رايدتها، جذب، هاي ردت أبعدج بيها لا أكثر. إذا أنتي ما عندج أهل، هي أنكس، حتى أصل ما عندها، أبوها واحد زايعته القاع، وإذا خلى ايده بايد غيث راح يضيعه.

:- المطلوب شنو؟

:- إذا تردين تردين لنا الفضل، وتحبين غيث وتخافين على مصلحته، سوي اللي أقولج عليه. تراج لا أهلي متقبلينج، وحتى هو تقربلج لأن شافج وحدج، يعني مو حب كاسرة قلبه. فيا بنتي، لا تخربين بينه وبين أهله، وتخربين حياته.

:- هيج الما عنده أهل بنظركم ما يسوى؟

:- اي الصراحة، أريد خوال لجهاله يتباهى بيهم، كون أهل ينشد بيهم الظهر. شذنبهم من يكبرون جدهم وخالهم مذبحين بغير دين، وجدتهم مغتصبة. تراني ساكته كوة، بس عائلتج ما تصلح تكون عزة ينرفع بيها الراس.

:- وغيث شنو رأيه؟

:- غيث مفكر يخلف منج ويسجل بغير اسم لخاطر هالشي، كم مرة قال قدامك بس أنتي تثوليها، "الجاهل نعطيه لسماهر". ما سألتي ليش؟ لأن الجاهل ما له ذنب يتعير من يكبر بين السلف.

:- يعايروه بأهلي. تمام، إذا طلع هذا الحجي صدق، أني بعد ما أريده. لو ينصب أخوك ذهب وعائلتك تصير لي جنة، هم ما راح أظل وياكم.

:- عفية، تعجبيني من تعرفين مقدار نفسج. أول ما يجي نتعارك أني وياج، وتجاوزي عليه، أي شي يطلع منج أني مسامحتج، المهم كون توجعين قلبه حتى عايريني بأمه.

:- حلفي، وليش حتى هيج أسوي؟

:- حتى يطلقج قدام الولد بسبب، لا يطلع ناقص قدام رفقانه، طلقج بسبب أهل ما عندج، وحتى جود ما يقربلج ويخرب خوته بغيث، أحسن ما أطلعج أنتي وياه منا بفضيحة.

:- تمام، مثل ما تردين، بس إذا شتمتج وغيث ما رد عليه ووقتها شراح تسوين؟

:- لا أوقف بوجهه وأخيره بينج وبيني. راح أنطيج فلوس تكفيج كم شهر لحد ما تعتمدين على روحج وتحصلين شغل. المهم تروحين وتخلصينا من فضيحة أهلج. شكلتي؟

:- أقول أظفر أهلي وسمعتهم برؤوسكم، والما يتشرف بيه ما أعتبره مخلوق.

:- ناي موش بس الحجيناه، اكو شي أقوى. أنتي ببالج انتقام، وغيث يدحق حرمته ويقعد ساكت راح يضيع روحه، ويا ريت لشي يسوى. أحنه كافينا مصايبنا، موش أنوب ناخذ ثار مسيحي.

:- المسيحي هذا يسوى أكبر شارب بعشرتكم، وحرمات ابن أخته يشيل اسمكم.

:- ولو المفروض أفرك حلقج على هذا الحجي، بس هم راح أسكت. أنتي بس سوي اللي أقولج عليه، مالج شغل بالباقي. أخليج بكفة، وأني أقعد بكفة. تربات ايدي أعرفه شيختار. ناي ما أريد أنقص من شأنك أكثر، بس أحنه ما نتشرف بجنة مثلج.

:- كافي إهانات، حتى ما أرد عليج بنفسها، عيب على شيباتك. وأني ما أذل روحي لأحد لو أعرف روحي بي أخوك، إذا جان تفكيره مثل تفكيرك أتركه لو أعرف بيها موتي.

:- وأني راح أنطيج فلوس تكفيج لمن تستقرين.

:- مو أني اللي آخذ مقابل، وأعتقد تعرفين غيث أكبر من أنو يتقارن بهيج شي. فلوسكم خليها، هم يالله يكفي غروركم وتكبركم، مثل ما دخلت أطلع.

... :- لحن :- ...

انفتحت الباب، خليت الفون بسرعة بصدري حتى بدون لا أغلقه.

دخلت مرت عمي قالت:

:- شكو خاتلات ولحن ويامن تحجي؟

بيبي:

:- ويامن؟ ما تشوفيها تبجي، سودة عليه موتها سمار.

:- تستاهل، لحد من تظل هيج ما حاسبته زوجها.

:- اليوم بالليل راح تصير له، هسه حجيت وياها وعقلت.

:- خوش، خلّي نشوف. وإذا ظلت هيج ميبسة راسها، نردها لخالها. شكو خالتها بس أحش بكرشها؟ هو أحنه كوة مدبرين روحنا، هم ابني يريد مرة وأطفال، خو مو يظل مشلوع قلب.

:- لا ما ترد، هي انطتني كلمة اليوم تصير له، وراح أداريه وأدلله.

:- يلا غسلي وطلعي جلفي الطرمة وسخة، ليش هيج البيت ساعتين تركته رجعت لقيته مقلوب؟ فضيها لج، لا تظلين هيج مبوزة تبجين جنج بومة.

هزيت راسي بأي. جسمي يوجعني من الضرب وخدي يسعر.

رحت أسحل بروحي للحمام، سبحت وغيرت ملابسي. اتذكرت كلام ناي، خليت فوطة.

طلعت لقيته واقف بالغرفة يعقم بالعضة، شافني قال:

:- ارتاحيتي؟

:- أنت جبرتني أسوي هيج.

:- لحن، أنتي مثل الحيوان ما تصير آدمية إذا ما تنضربين.

:- لا مو حيوان، بشر، وأنت ما أنطيتني فرصة أتعلم عليك.

:- لش وقت؟ صار كم شهر سوه، صابر وأني خلص صبري. اليوم أتمم كلشي مثل ما قالت ماما، إذا ما رضيتي أردج لخالج.

:- ما يخالف، بس مو اليوم لأن ما أقدر، مريضة.

:- يطبج مرض على مرضج، ومو بالليل، هسه مادام اتحججتي.

:- أقول ما أقدر.

:- تقدرين ما تقدرين هذا مو شغلي. تعالي.

قالها وسحبني من شعري دفعني على القاع، فتح بنطرونه.

زحفت ليورا أرجف، مهما يكون رجال ما أقدر له، راح ياخذ اللي يريده وأعرف روحي أتدمر وراها.

وصلت يم الحايط أتوسل بي وأبجي يتركني. ما جان يسمع لي، كمل نزع بنطلونه وقميصه.

دنق كمش رجلي سحبني له، ردت أحجي، قال:

:- لو تصرخين للصبح ما أتركج، هسه تصير مرتي.

:- ما أريدك يا أخي، خلّي كرامة عندك.

:- غصباً عنج ترضين وتجين، لا تتحركين.

قالها وضربني راجدي، دفعني للقاع وسحب رجليه، صرخت:

:- سمار، ترى عندي عذر شرعي ما يصير.

:- شنو عذر شرعي هذا؟

:- يعني شهرية ما يصير تتقرب.

:- ما فهمت، بس هم يصير. والمسيح الحي إذا اتحركتي أقوم أصلخج بالحزام، ايدج وخريها عني.

:- ولك حرااام.

قلتها ودفرته برجلي، ما حسيت غير فر راسي براجدي، حسيت خدر خدي.

كمش رجلي حيل، دنق يبوس برقبتي، قمت أصرخ وأضرب بوكسات وهو مستمر، ما هامه. اشكد حاولت ما قدرت.

حسيته مد ايده يريد ينزعني وأني اتخبلت، ما عرفت اشلون أخلص روحي، دفعته، رفست ما فاده. من حرقة قلبي تفلت بوجهه.

تركني وقعد مسح وجهه، باوعلي بغضب، قام. ببالي راح يتركني، بس دنق سحب الحزام طبقه بالنص واجاني بكل قوته. ضربني بظهري خلاني أكمز من الألم.

رجع ضربني واحد ثاني، لميت روحي، قال:

:- يلا نزعي ملابسج وتمددي.

:- حرام ما يصير والله.

:- اتضحكين عليه؟ ببالج زعطوط قدامك؟ يلا اسمعي الحجي ونزعي ملابسج واتمددي، لا تتحركين أبد.

:- سمار راح أموت.

:- يطبج مرض يلا.

:- شتريد تسوي سوي، ما راح أسلمك نفسي.

:- يعني ما تخافين؟

ما رديت، لميت روحي، خليت راسي بحضني خايفة يرد يضربني.

سحب الحزام وتولاني ضرب. كل ضربة تطلع روحي، قمت أصرخ من قلبي وأطفر أريد مكان أدحس روحي بي ماكو.

اندقت الباب حيل وصوت أمه تقوله:

:- شصاير؟

:- روحي ماما ماكو شي.

:- ولك ليش دتدقها؟

:- مو آدمية لازم تتربى.

:- أي ربيها بس سدي صوتها، فضحتنا قدام العالم.

قبل لا يحجي صحت:

:- باجي تعالي لحكيني فهميني راح أموت.

فتحت الباب ودخلت أشرت:

:- شكو؟

:- ماكو شي ماما، طلعي رجاءً.

:- لا باجي، عليه الشهرية وهو د يضربني يريد يتقرب لي.

:- ومنو يقول تحجين صدق؟ لو سالفة تمنعينه من حقه؟

:- هسه أراويج بس رحموني راح أموت.

:- تفو عليج وعلي أمك، ساقطات بس للطياح الحظ. هاي لو غير رجلج جان ركضتي اتفركحتي قدامه، ويه ابني تدورين حرام وحلال.

سكتت ما رديت، بس صوت الشهقة تطلع مني.

:- ماما سمار، لا تتقربي لها، راح تضيع العلامة ويه قذارتها، وأحنه نريد نتأكد بنية لو لا. كم يوم نتحمل.

:- ماما منين جبتو هذا الحرام؟

:- ما يخالف ماما أتركها، أحنه نريد نتأكد ليش مانعة روحها؟ أخاف هم مغتصبيها ويه أمها وساكته كل هالوقت، تجذب علينا حتى أطلقها، ما نعوزنه وسخات.

هز راسه بأي، هي طلعت وهو رد يدفر ويشتم. كمشت رجله لأن بعد ما بيه أتنفس، هو أني صحتي على قدي، كوة آخذ الهوا.

خليت راسي على القاع مغمضة، تفل عليه:

:- بنت الكلب، أنعل أبوك لأبو أمك، ما لقيتي غير هسه؟ خليك بالقاع منا لمن تنظفين.

راح صعد على الجرباية نام وأني ظليت على القاع.

حتى فراش ماكو جوّاي، نمت على الكاشي أتقلب للصبح من الألم.

مرن أربع أيام، حتى الفون منعتني منه بيبي لأن ما تريدني أتواصل ويه ناي، تريدني أظل يمها كل عقلها.

كل يوم يمر عليه بسنة، ما تمر كم ساعة إذا ما أنضرب بيها.

باقية بس نفس يصعد وينزل منتظرة رحمة ربي.

اشكد أحاول أقنع بيبي تنطيني الفون حتى أعرف أخبر ناي تعلمني شسوي لأن الحيلة خلصت ما ظل وقت.

وبنفس الوقت طاقتي هم خلصت، بعد ما أقدر أتحمل، بالأخص باجتي قامت حتى فرش شتوية وملابس اطلع لي أغسل، بس تريدني أعترض حتى سمار يضربني ويمل، يقول لهم: "أخذوها لخالها".

قمت أربع مرات أمسح البيت باليوم، حتى لو نظيف، بس أريد أخلص وقتي وأسكتهم عني.

عمي جان وضعه مو طبيعي، كل ما يشوفني يسألني: "عندج تواصل ويه أختج؟" بيبي بسرعة تقوله: "منين لها جهاز وتتواصل؟ شصاير وياك؟ أحجي." يتيه السالفة ويطلع يتصفن، ما عرفت شكو.

صار اليوم الخامس، وسمار من الصبح مستعد يدخل ويطلع يتخاز.

عرفت بعد ما بيها مجال، خلصت شغلي وظليت أنتظر اشوكت تروح تتسوق باجتي، أحسب الثواني.

خلصت روحي يالله أخذت عربانتها وطلعت، وأني ركضت لغرفة بيبي، دخلت لقيتها تسبح، قعدت يمها، خليت راسي بحضنها، قالت:

:- تعبانة يا روحي؟

:- وين الراحة وأنتي دتسألين؟ باقية بدون أهل للتكفخ، وحتى اختي اللي طلعت بيها من الدنيا ما أعرف عنها شي.

:- الله كريم يابيبي تفرج.

:- بيبي تحبيني؟

:- اشلون ما أحبج وأنتي بنت أريد أشوفه بوجهج؟

:- لعد ساعديني راح أموت.

:- ترى سمار حباب بس اسمعي مني.

:- مو على سمار، قلبي ميت على ناي، بس أسمع صوتها. إذا على سمار اليوم راح يتمم زواجه، وهاي حاظل يمكم بعد لا تخافين ما أتركج، بس انطيني الفون أخبرها.

:- سمار طاقة أعصابه، لا تشكليني وياه.

:- ما راح يدري، طالع، وحتى باجي راحت للسوق. فدوة بس أسأل عنها، شنو ما حنيتي لبنت ابنك؟ والله هاي جانت عزيزة بابا ما يرضى على الهوا إذا مر بيها، ليش قلبك قاسي؟ ترى طيبة وتحبج هي.

:- يابيبي أحبها على محبة أبوها، بس هي رعصة وتعلمج سوالف تنضربين من وراها.

:- لا أبد، أنتِ قاعدة يمي بس أسلم وأطمئن حتى أقدر أتجاوب ويه سمار، ما أقدر حتى أحضر روحي له لأن بالي مشغول.

:- استعجلي بس سلمي وسدي.

أشرت أي، وقمت ركضت ل كنتورها، طلعت فونها، اتصلت على ناي، أول دقة ردت، قالت:

:- وينج يا الفاهية؟

:- هلو يا قلبي، اشلونج؟ ما عندي مجال أتصل.

:- بيبي يمك مو؟ المهم شصار وياج؟ أحجي بالألغاز أفهم.

:- اليوم زواجنا باركيلي، راح استقر ويه سمار، يوم الألج.

:- ربي والله تعبنا. وهذا عمك ما ظل جرعة ما زقيتها بي، أخدره عنك.

:- غيث اشلونه؟

:- ما قدرت أقول له لأن يشمرني وياج. هذا يتخبل، ولا أقول له تريد تنهزم من رجلها، عنده عقدة من هالشي.

:- تمام، لا أني مرتاحة وتقبلته، ادعي لي بالسعادة.

:- اسمعي لج، لمي أي شي قدامك وانهزمي.

:- وين أروح؟ منو عندي؟ ظالة بالبيت.

:- راح أنطيج رقم أركان اتصلي بي، بس لا تقولين له ناي قالت لي، ولا تقولي لي منهزمة. قولي له رجلي ضربني وطلقني وطردني بالشارع، تعالي بس انخي، ما راح يردج.

:- ما أقدر أخابر لأن ما يرضون مأخذين فوني، وأخاف يسألون بيبي ويعرفون أنتي اللي تقولين لي هالشي.

:- أخذي فون بيبي، لا ما يسأل، أركان يخجل من غيث. بنية نخَتَه يروح يستفسر وراها، هذا صاحب نخوة ما يرد وحدة طلبته. بس خلّي يطلعج هناك لحد ما يجيني غيث لأن الفلوس بالقاصة والمفتاح يمه.

:- شوكت أطلع اشتري باجي ما هي بالسوق؟

:- يمه أشق ملابسي لحنننن، هسه انهزمي، ماكو أحد، استغليها. طلعي من طلعت روحج إن شاء الله.

:- يلا خلّي أرد الفون لبيبي أول، وأشوف اشلون أجيب اللي قلتِ عليه.

:- ربي رحمتك، ارحمني من غبائها. لعد الرقم على أي جهاز أدزه؟ لحن عقلج لا تقفلي، رحمة لأبوك اللي راح وبلاني بيج.

:- لا تصرخين عليه، أني ميتة رعب وحدي. وهياتها بيبي يمي دتسلم عليج.

:- الله لا يسلمهم شلع قلع، ويحرقهم ويه إبليس بنار جهنم، قولي آمين.

:- مم.

:- لج خرررره قولي آمين.

:- آمين آمين، يلا دزي لي اسم اللي قلتِ عليه حتى أطلع أجيبها، ما ظل وقت، يريد أتحضر قبل لا يجي حتى يشوفني حلوة.

:- أوف بويه، أتمنيته بيدي هذا رجلج، إذا ما حولته مرة بدقيقتين ما أتسمى بنت أبوي.

:- يلا باي حبيبتي ما تقصرين.

سديت الجهاز، قالت:

:- اشلونها؟

:- زينة، راح تدز لي كريم معطر للجسم، لازم أطلع أجيبه.

:- ماكو، يجي رجلج وتطلعي وياه.

:- لا بيبي أخجل فدوة، وأريده مفاجأة، لا تخربين عليه فدوة. أني وياج نروح لهذه الأسواق، حبابَة. هسه عرس وما سويتوا لي، لا تخربين فرحتي.

:- خلّي أخابر عمك إذا رضي نطلع.

:- لعد ما أطلع بطلت. حتى اليوم أنام يمك لأن ما ألحق بعد.

:- أووو لحن، أني ليش ما أخليج تخابرين أختج؟ هاي تشلعين قلبي. دروحي سبحي وبدلي حتى يشوفج حاضرة، يسكت إذا طلعنا، استعجلي بين ما أتأكد أخاف مرت عمك ردت.

بعدها حتى ما مكملة الحجي، بس طلعت ركضت لل كنتور، طلعت جنطة عندي على الظهر تلبس.

قمت أشيل وأخلي بيها شامي عامي بدون تعيين، كم شغلة أخذت خفاف حتى لا يبينن بالجنطة.

سحبت قميص وبنطلون، ركضت للحمام، وقفت جوه الدوش على السريع، سبحت ولبست. أباوع "عزة بعيني شجايبة أني من الاستعجال؟"

البنطلون برمودة والقميص كوة ينسد.

أباوع للساعة تركض وباجتي حتيجي، ما ألحق.

طلعت لبست حذائي، وقفت على السريع مشطت، لبست جنطتي على متني وطلعت. أظفر بشعري، شافتني بيبي قالت:

:- شنو هاي على متنك؟

:- بيبي هاي جنطتي، أخلي بيها الأشياء اللي أشتريها.

:- أي مو راح ينطينا هو علاكة، وهاي بيها أشياء دا أشوف.

:- بيبي بيها سيت جابته باجي، بس ما أحب لونه، بلكي أبو المحل يبدله لي بغيره. يلا استعجلي قبل لا يردون، وانطيني جهازك، داشوف دزت الكريم لو لا.

:- هياته بالجزدان يمك، جيبي ويلا امشي.

ركضت للميز شلت جزدانها وطلعت وياها، رجليها ترجف قبل قلبي.

ياربي قويني وعمي عيونهم عني.

أمشي بالشارع وأتلفت، أخاف أحد يرد وأضيع بيها. خلص نص عمري بين ما خلصت الشارع، أحس قلبي تعب ما أقدر أتنفس.

وقفت أخذت نفس، مسحت وجهي. أباوع اكو شارع بعد أطول لازم أخلصه.

انداريت ما شفت أحد وراي، رجعت أركض بس بسرعة أقل لأن ما أقدر، قلبي يتعب أحس الهوا خلص من ريتي، ما أقدر أسحبه. كوة قمت أركض حتى العالم تباوع لي متفاجأة.

سحلت روحي سحل يالله خلصت الشارع، قعدت يم التبليط أحس نفسي انشليت.

شفت سيارة اجت، قمت أشرتلها: "عبرني".

أباوع وراي، ياربي دخيلك بس خلصها بالسلامة. رجعت أباوع للشارع ودموعي تنزل والخوف مسيطر عليه.

عزة بعينها ناي، اشلون خلصت عمرها منهزمة بدون خوف.

اجت وحدة لخ، قمت أطفر وأأشر باثنين ايدي، وقفت، صعدت، قال:

:- لمن؟

:- للـ... بس استعجل خويه.

أشر أي وطلع. خليت الجنطة على الجام مال السيارة واتزحزحت اشوية ليجوه حتى ما أبين.

:- بيج شي بابا؟

:- لا عمو، شمس بعيوني وبشرتي تتحسس.

:- لعد نزلي البردة.

:- لا خليها بس استعجل، أندار حتى تفر الشمس.

سكتت وأني غمضت، ماكو بلساني بس الدعاء والرجفة كامشتني. ما فتحت عيوني لمن قال: "وصلنا".

ما صدقت من الفرحة، ضحكت وبجيت نفس الدقيقة، تقول: "هاي هيه اجاني الفرج ورديت لحضن أختي".

طلعت الكروة، اتحاسبت ونزلت. وقفت: "وين أروح هسه؟ الخطوة الثانية شنو؟"

أركان...

طلعت فون بيبي فتحته، والمكالمات بدت، عمي وسمار.

رفضتهن ودخلت على الرقم سيفته واتصلت بي، خليته على اذني محتارة شنو أقول له.

رد قال:

:- نعم؟

:- هلو أركان.

:- هلا يابه اتفضلي، منو وياي؟

:- أني لحن أخت ناي.

:- هلابيج وبناي، أمريني أخت ناي.

:- تقدر تجيني للـ... فدوة معتازتك كلش وما عندي غيرك.

:- خير شصاير؟

:- إذا غيث يمك لا تقول له بس تعال، الله يخليك.

:- غير أفهم شصاير، زلمتك وين؟

:- طلقني وشمرني بالشارع، وأني هسه واقفة ما أعرف وين أروح. قال لي إذا اتصلتي أموتك، ارجعي لخالك، وما أندل منين أصعد حتى أروح لخالي، بس تعال دليني.

:- تمام، بس أني بمحافظتي بعيد عنكم يعني أتأخر.

:- ما يخالف أنتظر لأن ما أندل، فدوة لا تتركني وحدي والله خايفة.

:- جايج يولي، مسافة الطريق.

سديت الفون، حضرت عمي وابنه وغلقته نهائياً.

رحت قعدت على الحاشية مالت الرصيف، آكل بأضافيري خايفة تنكشف جذبتي لو يتصل.

بس لا، قالت ناي هو ينتخي ما يبحوش ورا أحد.

ياربي أوقف وياي ما عندي غيرك.

ما أعرف اشكد مر، حتى ما حسبت الوقت. عيني بالشارع، أحس رجلي خدرت من الهز هالقد ما متوترة وقلبي خلص من الخوف.

دنقت أفرك بيهن، رجعت أباوع اتعدى الوقت. فتحت الفون لقيت مكالمات من أركان.

اتصلت بي رد:

:- يولي ما تقولي لي وين رحتي؟

:- هياتني نفس مكاني منتظرة يم الـ... مقابل مطعم الـ...

:- تمام، أني قريب، راح أصل يمك بس خليج وياي على الخط لا تغلقيه.

قمت لبست جنطتي على ظهري، وقفت وظليت أوصف المكان.

لمن قال: "شفتج، دحقي وراج سيارتي سودة".

انداريت لقيته واقف يم سيارته، أشر لي، غلقت الفون نهائياً حتى لا يتصلون ورحت وصلت يمه. باوع لبسي صفن، هز ايده وأشر: "تعالي". سلمت وصعدنا السيارة.

:- أي يابه، هسه شتأمريني؟

:- هاا؟

:- شنو ها؟ وين تريدين أوصلج؟ شصاير وياج؟

:- زوجي طلقني.

:- ليش طلقج الحرمة؟

:- يقول ما أريدك، ارجعي لخالك.

:- وعمك الناقص اشلون يخليك تطلعين وحدك وبهيج لبس؟

:- هو طردني وياه، قال لا ترجعين وإذا اتصلتي أشلع راسك.

:- ول يابه هيج السالفة جايدة؟

:- أي كلش.

:- كلش مم حلو. المهم أمريني يبه وين تريدين أزتج؟

:- هااا؟

:- ردينا للطياح الحظ لحن، خويه تسمعيني؟ شقاعدة تقولين؟

:- داسمع تحجي بس ما أدا فهم شنو تقول.

:- حلفي.

:- والنبي.

:- اشتعل أصلج ناي. يولي أوديك وين؟

:- لبيت خالو.

:- هين يابه، بيت خالك بيت خالك، تأمرين.

شغل سيارته مشى وأني أتبلعم: "وين راح هذا؟ اشلون أحجي وياه؟"

مرت أكثر من نص ساعة وإحنا على نفس السرعة، جان ساكت عينه بالطريق.

أنوب شكله معصب وضخم مبين ما يتفاهم.

سحب الباكيت طلع جكارة ورثها ونفخ.

منتجي بايد يسوق وايد الثانية يدخن، فززني وهو يقول:

:- ول يابه مضيعة شي بوجهي؟

:- هاا؟

:- دخيل الله سلامتج.

:- وين أحنه هسه؟

:- راح نطلع من بغداد ما ظل شي.

:- وين موديني؟

:- شنو وين موديك؟ غير لخالك.

:- لا ما أريد أروح لخالي فدوة.

عقد حاجبه أشر: "ليش؟"

:- إذا شافتني راح يعاقبني.

:- عجل وين تريدين؟

:- ما أعرف، وديني لناي.

:- أي موش ناي بساحة عدن يولي، أختك بتركيا، شيوصلك ليها؟

:- لعد ما أروح لخالي، نزلني هنا.

شحط السيارة، طلع على التراب ووقف، قال:

:- فلمك شنو؟ من الأخير.

:- داقلك بس لا تعصب فدوة.

:- لا تفهين، احجي عدل لحن، بدون جذب لا تخليني أخابر زلمتك.

:- لا لا فدوة والله راح يكتلني.

:- يولي احجي، بس لا منهزمة ولج؟

:- والله.

:- اششش، شنو والله؟ بنت المداس منهزمة من زلمتك، وخليتيني أجي مناك لهنا؟ يعني حضرت جنابج الكسيف تورطيني؟

:- هو ضربني والله جان ناوي يغتصبني.

أني قلتها وهو اندار فاتح عيونه، قال:

:- شنو ولج؟

خفت، لميت رجلي لحضني وحشقت روحي يم الجام.

:- أحجي.

:- شنو تريد أحجي؟

:- صبرك يا صاحب الصبر. لحن لحن، ليش انهزمتي؟ ورقمي منين لك؟ منو الزمال ابن الزمال اللي أزتك عليه؟

:- أني، ومحد انطاني رقمك عندي.

:- لحننننن.

:- لا تصرخ فدوة دتخوفني.

:- شخوفك بنت الطركة؟ وراها قص رقاب، ماخذ حرمة من زلمتها ومنهزم بيها. دخيل محمد منين طلعت لي هالورطة؟ أكيد ناي ماكو غيرها مو؟

:- هااا؟

:- ربيييييي.

قالها وقام يضرب على الستيرن بعصبية.

حضنت نفسي وبجيت، قال:

:- عليمن تبجين يولي؟

:- والله راد يغتصبني.

:- أنعل شرف أمه وأبوه، هسه راد يغتصبك، عجل هالوقت شجان يعمل؟ يلعب محيبس وياك؟

:- ما فهمت.

مسح وجهه انتجى على الستيرن، ما سمع غير: "الله يلعنك، اشتعل أصلج ناي".

رفع راسه باوعلي:

:- راح أردج لزلمتك.

:- ما أرجع، يموتوني.

:- يطبج طويحيل، تستاهلين الحرق. نفس ما أسمع لك.

:- أني راح أنزل هنا، مالك شغل بيه.

:- من تعرفين مالي نعال بيج، عجل ليش خبرتيني؟ هي ورطة والسلام لو شنو الموضوع؟

:- ما أعرف بس سمار ضربني، ما عرفت وين أروح اتصلت بيك.

:- وكل اللي تطقها زلمتها تنهزم؟

:- مو زوجي، أني مسلمة.

:- لا الإسلام واضح من هاي بطنك الطالعة. يولي أهلج شنو وضعهم؟ أنتم من أي طينة مخلوقين؟

برطمت، باوعلي مسح وجهه شغل سيارته.

:- وين راح تاخذني؟

:- لجهنم رادك لأهلك، ونفس ما أسمعك.

:- ما أروح، نزلني هنا.

:- وين تتولين وأنتي مصلخة؟

:- ما مصلخة، ما تشوف لابسة، وأني أدبر روحي مالك شغل لا تسأل.

:- من أنعل أبوك لأبو اللي يسأل. نزلي لج قبل ما أدفنك مكانك.

:- راح أنزل لا تعيط.

:- رقمي احذفيه أحسن ما أحذفج من الحياة.

:- راح أمسحه هسه.

:- نزلي يلا، بلكي يقضبج واحد بي حظ يعلمك على دينك، يعرفك الله حق. انقلعي يلا.

فتحت الباب ونزلت، شحط السيارة وطلع طاير.

باوعت: "أني ليش ما رجعت؟ عزة بعيني وين أروح؟"

أباوع الشارع خالي والدنيا ظلمة، هذا وين شمرني؟ انداريت، حتى بيوت ومحلات ماكو، منطقة فارغة بس سايدين للسيارات.

لبست جنطتي على ظهري ورحت أمشي، قلبي يرجف: "أني شورطت نفسي؟ وين أولي هسه؟"

أرجع لبيت عمي بس شيخلصني؟ راح يكمشوها عليه ويطينون عيشتي.

أو أروح لخالي، أنكس هذا يبيعني.

شقول عليك ناي ورطتيني؟ أني ويني وين هيج سالفة؟ اشلون سمعت كلامك؟

وقفت أباوع محتارة حتى ما أندل أي طريق أطلع.

طلعت فوني فتحته لقيت مخلص شحن.

نزلت دموعي: "ياربي شسوي؟ أني اشلون هيج سويت بنفسي؟"

أسمع صوت كلاب بعيدة والسيارات تمشي سريع.

رجعت أمشي، اشوية وقفت: "أني وين مولية؟ شدا أسوي؟"

نزعت الجنطة، شمرتها بالقاع وقعدت عليها، بس الشهقة بقلبي ودموعي تنزل على السريع.

أقل من عشر دقايق وأشوف سيارة أركان شحطت قدامي ووقف، قمت، نزل الجام، أشر: "صعدي".

:- ما أرجع لخالي ولا أرجع لبيت عمو.

:- أنعل أبو خالك لأبو عمك. قربي يولي لشوف وين وين تصل وياك.

شلت جنطتي، فتحت الباب صعدت، سديتها ومسحت عيوني بظهر ايدي، قال:

:- حلفي.

:- شنوو؟

:- باب هذا يابه مو كلنس، فتحي وسدي حيييل.

:- تمام بس لا تعيط.

:- أنتي أخت ناي متأكدة؟

:- مم.

:- يا غضب ربي ردت للفهاوة، يولي انعدل واحجي مثل البشر.

:- حسدها أنت بس تعيط، شبيك؟

:- اشتعل أبوك ناي على هاي المصيبة.

:- لا تغلط على بابا ما أسمح لك.

:- أفه أفه اشتعل أبوك بكبره.

:- إذا سمعت ناي ما راح تسكت لك.

:- خلّي أقضبها ويصير خير، سددددددي الباااب.

سديته ودرت وجهي ضايجة، هز ايده ومشى. دق أرقام بالشاشة مال السيارة، رن ثواني وردت ناي:

:- هلو أركان.

:- أنعل أبوك لأبو أركان. تورطيني ناي مو هين أقفضك لو لا؟

:- أبوك أنت حر بي، عسى ما تحرقه. هالمرة غلطت، مرة لخ أرد عليك رد أخليك أسبوع أدور على حلقة حتى تعرف تحجي.

:- بويه كونج يمي وأعلمك اشلون تلغين، بس هين ما طايرة.

:- شكوو هسه غير أفهم اشبيك دتطفر؟

:- سلامتك مرت أخوي. ولج تالي عمري حرمة بقد بزري تضحك على شواربي؟

:- منو ضاحك عليك؟ شبيك ابني شارب شي؟ هاي غيث مرزلك، دتطلعها بيه لو شنو؟ بس اهدأ، التعصب مو زين على اللي بسنك.

:- دحقي يولي، أختك راح أردها لعمك. تتصلين وتقولي له أني اللي حرضتها وخليتها تنهزم وخبرت أركان ردها لأن ما لقت مكان تنطمر بي.

:- عزا، خطفت أختي ولك أركان. شفتها فقيرة ضحكت على عقلها وخليتها تنهزم من زوجها، عزا العزاك.

:- ناااااااي.

:- عزة، يعني ذاك اليوم من حجيت قدام بدعة عليها، أي والله. قلت لغيث اشلون طيرة مأخذة أثول؟ طلعت تقصد على لحن.

:- ناااي وحق الخلق الكون.

:- لا تحلف ولا تتوعد، والله عيب. وهاي أنت اللي تضحك على عامر اشلون هيج سوى؟ تاليتك تسوي الأنكس. وين غيث يدري؟ خلّي يشوف ابن عمه اشلون يضحك على بنات العالم.

طبق ايده وعضها حيل، سد الفون.

وقف السيارة، اندار لي قال:

:- ألف تحية لللي ربَتجن.

سكتت.

:- منين طلعتن أنتن؟ من أي مصيبة انزتيتن على رؤوسنا؟

:- يعني اشلون أخليه يغتصبني وأسكت؟

:- يااغضببببببببب ربيييييي، هم قالت يغتصبني. يولي زلمتك زلمتكككك، لا أنتن واصلات مرحلة بالغباء.

:- والله ضربني بالحزام شوف ظهري.

:- لأن زماااال. لا والله أظلم الزمال بي. أتمنيتك حرمتي وهيج تمنعيني، أويلي يابه.

:- يعني لأن ما عندنا أحد لازم نتحمل الذل ونسكت؟

:- لا ذلن أبهاتنا. وين أولي بيك؟ آخذك وياي وروح أخوي أصير مضحكة بين ربعي.

أردج لهل مصيبة، وراك لا تنحجي ولا تنقال، فصول وعشاير وقص رقاب. فهميني وين أزتك؟

:- ما عندك مكان بس اليوم أبات بي، وباجر أني أدبر نفسي.

:- يولي خليني أزتك يم عمك، ودبري لك كذبة من كذبات أختك، خلصي نفسك بيها. راح يتفهمون وضعك، ما يأذوك. رب الثول دارسهم عدل.

:- لا حباااااب.

:- لحن، لا تخبليني. وين أخليك؟ أقول لك ما أقدر آخذك وياي يابه، لا تورطيني، راح أردك.

هو يحجي ورن فونه، مسح وجهه شاله باوع له، عقد حاجبه ورد باوع لي.

:- شبيك؟

:- زلمتك يتصل...

لبوة على شفأ الثأر

لم أكن سارقًا يومًا، أنا فقط

تسللت إلى قلب ليس ملكي!

فكان عقابي... زنزانة من الألم.

- رجلچ يتصل.

- عزا بعيني.

- شش! صوتج، خليني أرد حتى أعرف شحچي.

- لا لا دخيلك، أنا والله يذبحوني.

- يولي، خليني أتفاهم وياچ وأردّچ.

شفت صدق يريد يفتح الخط، فتحت الباب ونزلت بسرعة. صاح:

- ويين!

ما رديت، مشيت. سمعته فتح باب سيارته وأنا ركضت بكل سرعتي.

اجه وراي، چان أسرع مني. بسهولة كمشني، سحبني، قمت أطفر وأبچي. صرخ:

- ركدّي!

- ما أرد والله أقتل نفسي، ما أرجع وياك، اتركني مالك شغل.

- بت الطركة، وين أتركچ بهالليّل؟

- مالك شغل، عووف ايدي، وخررر.

- ما راح يحاسبچ، أنا أروح وياچ.

دنقت عضيت ايدي حيل، لبالي راح يتركني. ظليت ضاغطة ما حرك ساكن.

وخرت باوعتله، رفع حاچبه. شهقت:

- كافي، لا تبچين، ما أردّچ، هدئي.

- اتركني.

- لا تزحين، لحن، بالقرآن أقضبچ وأطرّچ بالنص، ركدّي يبه، خليني أفتهم شأسوي.

- انتَ ما تفهم عليّ، دأقول لك ما أرجع.

- يبه، انتِ موش طفلة، افتهمي شهتر.

- انتَ دتحچي هيچ لأن ما عايش عيشتي، دأقول لك يضربني وزواجي باطل منه، اتركني مالك دخل بيه، أنا غلطت اجيتك، كلكم نفس الشي حيوانات و...

بعد أحچي وأشوفه انقلب وحش، شال ايده عرفت راح انضرب. ضميت وجهي بسرعة.

عصر چف ايده حيل، ضغط على سنونه، اندار دفر الكاع بحرقة.

خفت، رجعت ليورا، عرفت روحي تجاوزت.

فرك وجهه، أخذ نفس مثل اللي يهدّء روحه. اندار باوعلي. همست:

- والله آسفة.

ما رد بس باوعلي.

- لا تضربني حباب.

تركني وراح. گعد على حجر چان يم عامود كهرباء، دنق، منتچي على رجليه.

ظليت على وقفتي. شوية وشال راسه گال:

- حدري هينه، لا تخافين.

مسحت دموعي، رحت يمه وقفت. طلع باكيت چگاير ورث وحدة، سحب نفس نفخه. باوعلي:

- عش عقدتي من البداية إذا كارهتو؟

- ماما لحت عليّ والله ما أريده ولا أطيق أشوفه، وماما اتفقت وياه واتعهد ما يصير زواج بس هيچ گدام الناس.

- وشنهو التغير؟

- من ماتت ماما قام يطالب بحقوقه، دأقول له زواجنا باطل انت مسيحي، يگول: لأن نطقت الشهادة.

- عجل شلون عقدتوا إذا مسيحي؟

- ما عقدته بس هو گلي أنا زوجتك نفسي وأنا هم.

- انعال! شهود، شيخ، ماكو؟

- لا.

- ودينو ما غيره؟

- لا ظل مسيحي.

- الزمال عمچ شنو دوره من كل هذا؟

- عمو يخاف من باچي ما يگدر يحچي، وهيه تريدني أظل أخدمها بس.

- لا هاي متوارثة يمكم، الآية مگلوّبة عدكم.

- تره والله ما دا أچذب، أنا أعرف العقد شلون يصير، مو ناي عقدت گدامي وشفت، وحتى هو ديچذب ما نطق الشهادة، ديروح لحد الآن للكنسية يصلي.

- أنا عش دخلتوني بمصايبكم؟

- ما عندي أحد، ما شفت غيرك أنخيك.

- ما شفتي غيري لو ناي زتّتچ بدربي وبلتني؟

- هااه.

- لحن، وين أودّيچ! وانوب متزوجة، مصيبة أكبر، حتى لهلي ما أگدر آخذچ.

- بس اليوم شوف لي فندق لو شي، وأنا باچر أدور مكان.

- فندق وانتِ بهذا لبسچ! ولچ جاهل يگدر يضحك بهاي فهاوتچ.

سكتت. أخذ له ثواني يباوعلي. هز ايده، قام أشر:

- امشي.

- وين؟ گلتها بتوسل.

- أشوفلچ مصيبة، مكان أزتّچ بيه، اشتعل أصلچ ناي.

- ما راح تضربني مو؟

- يبه، ششايفني؟ ناقص رجولة وأطگ حرمة! حدري يولي.

مشى وأنا وراه. صعدنا، شغل السيارة، رجعنا على طريق بغداد.

هواي مشت السيارة بينا، خفت يرجعنا بس أمنت من راح غير منطقة. وصلنا مكان ووقف. اندار لي گال:

- شنو بچنطتچ؟

- ملابسي.

- طلعي أي شي لبسي على ملابسچ ذني.

فتحت الجنطة، طلعت تي شيرت. باوعه مسح وجهه بيأس، أشر غيره. طلعت واحد لخ.

نفخ وضرب الستيرن، خلى راسه عليه.

ظليت كامشة القميص ومنتظرة شنو يگول، أخاف أسأله.

شال راسه گال:

- ردّيهن، والجنطة خليها على صدرچ، لبسيها عكس.

أشرت:

- اي.

- رايحين لبيت جدتي، أي سؤال، أي كلام وياها ماكو.

- شنو يعني؟

- يعني تنكتمين، ما تحچين أي چلمة قدامها منا لمن أشوف حل لسالفةچ. وإذا لگفنا غيث هاي من ربه، بالقرآن يصلبنا عالجذوع ويرمينا.

- لعد ليش موديني يمها؟

- وين أخليچ متگولي لي! الله يحرقچ ناي بزيت وسخ مثل تفكيرچ، انتِ من انهزمتي شنو چنتي مفكرة؟

- ما أعرف بس ردت أخلص روحي منهم.

- افترضنا ما اجيتچ، وين تروحين؟

- للإمام أظل هناك.

- لشوكت! شنو مفكرة يعني؟ صعب يلقوچ والإمام قريب عليهم.

- ما أعرف، ما فكرت، بس اليوم دبر لي مكان وهيه گالت حتجي الصبح تاخذني.

- أقص ايدي إذا طلع هذا تفكيرها، وانتِ يولي شلون مأمنة رايحة ويه واحد ما تعرفيه! ما تخافين على روحچ؟

- هااا.

- استلم! الله يلعنچ على هاي البلوة.

- خطية لا تحچي عليها هيچ.

- لا رب الخطية، ناي ما غيرها! لا كلش مسكينة وعلى نياتها، شگد فريت وشگد شفت مثلها لا مر ولا راح يمر عليّ، شيطان مسخوط حظه.

- هسه وين راح تاخذني؟

- عيونچ تسدّيها نهائيًا، إذا لمحت فاتحتهن أطفيهن إلچ، من نوصل أنبّهچ.

أشرت:

- اي.

وسديتهن، اسمعه يستغفر. ما فتحتهن لمن وقفت السيارة. نزل فتح الباب گال:

- يلّه.

فتحت عيوني، نزلت رحت يمه. دخلنا، أباوع بيت ظلمة مهجور تقول مقبرة مو بيت.

فتح الضوه مال الفون، دخل جوه، رحت وراه.

فتح باب الطارمة على كيفه، همس:

- كتمي صوتچ.

دخلنا جوه على كيف. اكو غرفة بيها ضوه مبين من جوه الباب، وغرفة ثانية ظلمة.

راح للغرفة الثانية فتحها، أشر:

- ادخلي.

دخلت بيها، سد الباب، شغل الضوه.

چانت فارغة، قاع خالية بس دوشق سفنج على صفحة.

اتفور حتى مروحة ماكو.

راح فتح الشبابيچ، فرش الدوشق.

- تفضلي ست لحن، لشوف وين توصل وياچ.

- أريد أشحن فوني حتى أخابر ناي.

- جيبي وينه؟

- هياته.

- اللهم صبرچ يا روح، جيبي يولي وما اسمعلچ نفس.

- يعني إذا حچيت وياي ما أرد؟

- لا، أشري يكفي.

هزيت راسي. أخذ وطلع.

رحت گعدت عالدوشق، لميت روحي. صدق أنا سويت بروحي، چاية ويه واحد وبايتة وياه بغرفة وحدنا، شلون!

أباوع الغرفة حتى سقفها واگع وطالع الحديد.

حارة، نسمة هوى ما بيها.

دخل بيده شاحن، ركّبها وشكّل فوني. راح يم الشباچ، طلع چگارة يدخن وصافن يباوع من الشباچ مبين محتار.

أخذ له شوية، نزع قميصه، شمره. ظل بالفانيلة.

گعد يم الحايط، انتچى، مد رجل والثانية طبّگها. طلع فونه يراسل.

أباوع له شكله معصب وأسمر ضخم. هذا إذا يفكر يتحرش بيّ حتى أخاف أصرخ مو أمنعه.

شكول عليچ ناي ورطتيني وياه؟

ليش أشمرها براس ناي، أنا اللي وافقت.

شعرفني، لبالي مثل سمار إذا صرخت يخاف، هذا كف منه، ينيمني أسبوع فاقدة الوعي.

- عيونچ يولي.

- شنو؟

- قومي شحني موبايلچ، خابري أختچ خلي أشوف شمقررة ابليس زمانها.

قمت شلت فوني صاير شوية شحن. فتحتها، بعدني ما متصلة. اتصلت بباچي، باوعلي أركان أشر:

- منو؟

- باچي.

- ردي.

- أخاف.

- حلّفي! عجل وين چان خوفچ من انهزمتي! ردي يولي وفتحي سبيكر خلي أدحگ الدثو شيْلغث.

رديت. گال:

- وين يا العار؟

- ها عمو.

- ومرض! وين وليتي! شردتي مثل ناي وطيتي روسنا! وروح بابا بس أكمشچ أذبحچ يا العار! شكول عليك أرزيد چبت سقط وشمرتهن براسي! وينچ ولچ؟

- انتو خليتوني أضطر أسوي هيچ، مو گلتلكم ماخذة، ضربتوني.

- وينننچ احچييي! أنعل أبوچ لأبو أمچ بت السقط، على من تطلعين! بت انهار الساقطة، يريد يستر عليچ تنهزمين لأن حلال!

- عمو والله حرام زواجنا، خليه يسلم وأنا أرجع.

- لا تردين، بس أشوفچ أذبحچ! ردي لخالچ بعد ما أحمل مشاكلچن، أنا متبري منچن، الله ياخذچن ويخلصني منچن، عارات من البداية ما ردتچن، الله ياخذك غيث ورطني بيچ!

- عمو ما سويت غلط، زواجنا باطل، گلتلكم خليه يسلم، ما رايدني، خليه يتركني، لا يداعي بشي، وأنا مستعدة أرد وأشتغل خدامة يمكم والله.

- لا تردين، ما نريدچ! روحي لخالچ، هو ربّاچن، هو يتحملچن، بيتي لا توصلي بعد! وينك سماااار؟

أسمع سمار يحچي يمه وأخذ الفون منه، گال:

- وينچ يا العار؟ شاردة مو؟ والله بس ألزّمچ إذا وما ألزم العصا وأدگّچ دگ، أتّوبچ ما أنحسب عالرياجيل.

هو يحچي وأركان رافع حاچبه، يسحب الچگارة وينفخ، يأشر كملي.

صاح:

- وينچ؟

- ها سمار.

- مرض! وينچ! بأي مكان؟ دأجي آخذچ.

- ما أتزوجك سمار.

- أنا بعد ما أريدچ، نعال ما أخليچ برجلي، مو زوجة أسويچ. بس خلي أتّوبچ بالأول وأخليچ يم بيبي مثل الخدامة. أحچي وينچ؟

- روح سمار، ما أرجع.

- لعد اسمعي، عقدتچ بدينكم وأطلگچ بنفس الشي. انتِ طالق طالق طالق. ولا تردين مثل ما گال بابا، احنا متبرين منچ. روحي لخالچ، نفس الخيسة أنتم.

گالها وسد الفون.

باوعت لأركان، هز ايده وضحك باستهزاء گال:

- اتصلي بأختچ.

- ما عندي رصيد، عندك نت دأكنك حتى أتصل.

- افتحي الشبكة يمچ، گالها وردي الرمز.

كنكنت، اتصلت بناي. أول رنة ردت. گالت:

- وينچ يا الفاهية! موتيني وراچ!

- بيت جدة أركان، سمار طلقني.

- عزه بعينك أركان وداچ لبدعة! المهم همين خلصتي من المرة سمار أول شي يسوي بيه حظ.

- شوكت تجين تاخذيني؟

- ما أعرف، غيث بعده ما جاي، بس أگدر أحجز لچ منا. جوازچ وياچ؟

- لا يم عمو ظل.

- استغفر الله، لحنننن! شيسوي يم أصخامچ عمچ!

- هو صرخ عليّ وأخذه.

- ربي من وزعت عقول معقولة نسيتيها! ولچ ست سنوات ما خلوا كتلة ما جربوها بيه وما نطيت الجوازات. تجين انتِ أم حلگ الفاهي بصرخة تنطي! شنو انتِ بس فهميني؟

- هسه شأسوي گولي لي؟

- ما أعرف والله، غيث أدري بيه ما راح يرضى أجي عليچ. هسه خليه يرضى تظلين وياي، مو انوب أرد للعراق.

- ناي ورطتيني.

- انجبي، ما ورطتچ، من البداية الغلط منّچ، انتِ السويتي بروحچ هيچ. وإذا ماما گالتچ شلون توافقين! ما تعرفيها الله يرحمها كلامها مو من راسها.

- وين أروح هسه؟

- راح أحول لچ فلوس، روحي فندق ولا تطلعين منه أبد بين ما أشوف شأسوي.

- ما تتأخرين فدوة.

- گولي لأركان خليه يزور لچ جواز بأسرع وقت.

- انتِ گولي له.

- ما أگدر راح يتعارك وياي لأن يعرف روحه راح يخرب ويه غيث. وإذا اتعاركنا احتمال يشمرچ، راح تصفين بالشارع، فأنتِ گولي له أفضل.

- تمام.

- لحن، البيت هذا بيه واحد مخبل، ديري بالچ منه، خليچ حذرة.

- عززا.

- لا تخافين محبوس هو، بس أخاف يفلت تره قبل يغتصبچ ما عنده تفاهم، عنده طاقة مكبوتة ما يشوف گدامه. والعجوز لا تقولين گدامها أخت ناي تره تقول لغيث ويسود عيشتي وحتى انتِ ما يخليچ تجين يردّچ لرجّلچ بيده.

- مم.

- فهاوتچ قلّلي منها وخليچ نبها وكحة، تره أركان خبل يهفچ راچدي يجيب آخرتچ. ولبسچ خلي محتشم، عينه زايغة وما يعرف الحرام من الحلال چنه غيث سقط.

- امم.

- آخ ربي رحمتك لحنننن! المصطلحات ذني بطليهن، أقول لچ صيري سباعية، أتره أفه من المطي.

- اي لا تصرخين ناي.

- أووف ربي بس جيبيها سالمة ما رايدة شي، أنا أعدلها.

- لحن عمري، ديري بالچ على نفسچ، خليچ ورا أركان، لا تخافين، أضحك وياچ والله خوش ولد أخو أخيته، صاحب وگفة، يسوه عشيرتچ كلها.

- تمام يلّه باي.

سلمت وسديته. أشر:

- احچي.

- زور لي جواز حتى أروح لناي.

- يولي الجواز لبالچ يوم يومين يتزور! افترضنا زورته، غيث بأي وجه أطلع قدامه؟

- لعد شأسوي؟ ناي حتحول لي فلوس أروح أگعد بفندق بين ما تجيني.

- ما يخليها غيث لو تأذن ما راح تصل للعراق. ويا فندق تروحين له وانتِ حتى هوية ما عندچ!

- لعد شلون؟

- هسه تقولين عجل ما فكرتي قبل! دحگي يا بنت الناس، خلي أقول لچ چلمتين اسمعيهن. لو تفرين العالم غير بيت أهلچ ما تلقين أمان، مهما سووا وياچ يهون عاللي راح تشوفيه وانتِ بعيدة عنهم.

- والله يضربوني، ما سمعت شنو گال.

- يولي الطگ قليل بحگّچ على هذا حچيهم السمعته، أيقنت هما خناث. انتِ لو تابعتي لي، حرام بالحرمة أحرقچ انتِ وعايشة، منهزمة من حضن زلمتچ ورايحة ويه واحد ما تعرفيه! معترضة عش يردون يطگوچ!

- أنا ما سويت هيچ لو ما غصبوني، وبعدين طلقني، ما سمعت؟

- يطبچ حريشة حتى يدوس راسچ، تنكتمين! باچر أردّچ.

- والله يموتوني.

- عجل وين أروح بيچ لحن! فندق شيلي من راسچ، وناي ما تگدر تسوي شي، غيث ما راح يخليها، وأكيد تتكاون وياه ويتخاربون. عش تخربيها عليه! تراها مكسورة أكثر منچ وگوه چايبتها للطريق.

- أعرف هواي انطت بروحها لخاطرنا.

- عجل عش تزوديها! ردي يولي لا تخافين، أنا أروح وياچ، راح أحچي وياهم وما أتركچ إذا ما تأكد ما يأذوچ.

سكتت.

- نامي يبه حتى نغبّش من الصبح، لا ينحسب عليچ غلط أكثر. وأختچ بعدي عنها لا تظلين كل شغلة وخبرتيها، تراها زغيرة ما تفهم اللي تسويه، طايشة ومتسرعة.

أشرت:

- اي.

صدق اللي يحچي، شنو ذنبها همين بسببي تخرب ويه زوجها. استوها استقرت، خلي أقلها وحدة منّا سعيدة.

غلطت من شردت، استوني يا الله حسيت.

***ناي***

مر يومين وهو ماكو منه لا اتصال ولا مسج.

الليل كله أظل سهرانة، كامشة فوني، أباوع لرقمه. أعرفه ضايج بس مشتاقتله مو بيدي.

كلما أتذكر هاي آخر أيام وياه گلبي يوجعني.

حبيته بدون لا أحسب لهذا اليوم.

أباوع لاسمه، أتأمل يجيني منه شي. أتمنى مسج واحد حتى لو كان عتاب بس يهدّء الوجع اللي بداخلي.

أغمض، أتخيل بعدت عنه، روحي تنعصر.

شگد أريد أقنع روحي مو إلي من البداية ولازم أتقبل هذا الشي، بس جيب اللي يقنع گلبي!

كلما أتخيل ضحكته أختنگ غصبًا عني، دخل گلبي وانحسب من دقاته.

ربي مثل ما دخلته گلبي طلّعه. ربي قويني، إذا بقيت بهالضعف ما أگدر أتركه، راح أتعلّق أكثر، راح أتأذى.

اتمددت أباوع للسقف. مرت الساعات وأنا ما گدرت أغمض، عيني تحرقني من السهر.

لوجه الصبح گعدت سماهر للصلاة، سحبت الغطا، اتغطيت كارهة شوفت وجهها.

استوني أغفه وأسمع باب الشقة تنفتح وصوت سماهر تقول:

- الحمد لله على سلامتك يخوي.

گلبي رف وأنا أسمع صوته يگول لها:

- الله يسلمچ، شلونكم؟

- بخير يبعد أختك، عجل ما گلت اليوم أجي، موش عالأساس بعد كم يوم؟

- خلصت شغل ما عندي شي، حدري لمرت أبوچ وخيتچ اجن وياي جوه.

- هاا عجل ما اجن هينه؟

- وين هيه الشقة شگبرها ويجن؟ بگّن بالشقة الجوه. روحي دحگي إذا گاصرهن شي.

هما يحچون وأنا صخنت، اتذكرت اللي سويته، وانوب صوته وكلامه مال واحد ضايج، شراح يخلصني منه! أقول له چنت أتشاقه!

ناي انجبي، ناعلة أبو سيارته يا شقى!

الله يلعنك كرم شأسوي هسه!

مريضة ماكو غيرها.

قرصت خدودي حيل وعضيت شفافي، قمت أنفخ حتى يحتر الجو جوه الغطا.

أنا أملّخ بنفسي وهما بعدهم يسولفون لمن سمعت طبّگت الباب. اتوقفت ثواني وانسحب الغطا من وجهي. فتحت عيوني بفهاوة أباوع له شكله معصب. ظل شوية أخذ نفس وأشر:

- شبيچ؟

همست:

- ما بيه شي.

وغمضت.

خلى ايده على گصتي:

- عش حرارتچ مرتفعة؟

- هئ.

- ناااي اتسمعيني يولي شبلاچ؟

ما رديت، سويت روحي ولا أطگّه. أباوع اتحول نظّرته من زعل لخوف. اندار لسماهر گال لها:

- صدق تحچين انتِ؟

- شكو يخوي؟

- البت موجّرة، وين عنها وعش زاتتها هينه؟

- گلتلها نامي ويانا بس تعرفها گوية ما ينقدر عليها، چلمتها وحدة.

- لا حگچ مشكور يخوي ما تقصرين، گد الأمانة.

- عش كلها اتزّتها براسي! حرمتّك تعرف بيها عنيدة وما تسمع.

- من تعرفيها طفلة وما تسمع، ما نزلتي للشقة الجوه لو هو طياح حظ والسلام؟

- أش بلاك خويه هيچ تصارخ بوجهي؟

- سماهرررر! بعدي والنا كلام ثاني. ناي يبه تگدرين تقومين؟

- مم.

گلتها وغمضت.

شمر فونه ومحفظته، وخر الغطا. دنق شالني.

خليت راسي بصدره، دخلني للحمام، فتح الدوش، دخلني جواه. المي مثلّج.

قمت أندعي لخالي بالعافية على هاي الورطة.

شهقت من البرد، دخلت راسي بحضنه همست:

- غيث باردة.

- ركدّي يولي، خلي تنزل الحرارة.

- حأموت، كافي فدوة.

- لخاطر ربّچ شهالعقل المحجّر! ماكو واحد يصخن أسبوع.

رجفت من البرد، شافني هيچ. أخذني لحضنه وسد المي، گومني لفني بالمنشفة.

رد شالني للغرفة مالته، دخل سدها برجله، خلاني عالكرسي. فتح كنتوره أباوع له يدور بملابسه وأنا ميتة برد كامشتني الرجفة.

ما خليت واحد بعشيرته هو وأخته ما شتمتهم على هذا البرد.

طلع تي شيرت ومنشفة ثانية، اجه يمي، شفته مد ايده يريد يفتح المنشفة، لفيت روحي أكثر.

- وروح أخوي شلون بيچ كتلة! شرط أنيّمچ أسبوع ثاني بالفراش، ايدچ يولي.

- أنا أغيّر تره صحيت والله.

- عفية أريدچ اتصحصحين عدل، غيري بسرعة لا تفاهمين.

أخذت التي شيرت وهو أخذ ملابسه ورد طلع للحمام.

غيّرت عالسريع، ظلّ البنطلون. طلعت لگيته بعده يسبح وسماهر ماكو. ركضت للجنطة، طلعت شورت بدّلته بسرعة ورجعت أركض للغرفة قبل لا يعرف ما بيه شي وأچذب.

دألف بشعري، انفتحت الباب. دخل بطرگ البنطلون ينشف براسه. وقفت متصنمة بس أرمش حتى شعري تركته.

شمر المنشفة وراح لجهة الجرباية، سحب مخدة وحاف، شمرهن عالزولية. حزت بنفسي من شفته هيچ سوه وأشر:

- تعالي.

همست:

- هذا مستواي بنظرك؟

- لو أقيسچ مثل تفكيرچ چان نيّمتچ على هاي الفرشة وتجين للحگ صدق متسوين. بس يظل مكانچ باليسرة.

- ما أگدر أنام بالگاع، ظهري يوجعني، حأرجع للصالة.

- چربي تطلعين من الباب، گالها واتقدم.

اتبلعمت، رجعت صار الباب وراي، انحشكت.

وصل يمي، شفته شال ايده بسرعة، حميت وجهي لبالي راح يضربني.

كمش اديه نزّلهن وسحب المنشفة رجّعها على شعري ينشفه على كيفه.

گلبي يريد يطلع، ما أعرف خوف، ما أعرف اشتياق.

دنق باسني من رگبتي، همس:

- بعد وقت الحساب.

جرني دفعني وقعت عالحاف بالگاع. اجه يمي دفعني برجله، انحشكت يم الجرباية. گعد عدّل المخدة واتمدد، سحبني حيل.

خليت راسي على ايده، قلبني عليه، خلاني على صدره. ردت أنزل، عصر خصري حيل أحس خاصرتي انشلعت، صرخت:

- اششش صوتچ!

- دتوجعني.

- انتِ تتوجعين؟ هاي جديدة.

- ليش اكو واحد گال لك أنا حيوانة؟

- ما يحتاج أحد يگولي لأن انتِ بالفعل حيوانة. أركدي لا تتحركين لا وعمة السادة أنسى انتِ مريضة وأطلع الرعونة من عيونچ.

- بس ايدك خففها، دتأذيني والله.

- عش جسمچ ثلج؟

- هو ساعة يحمى وساعة يثلج ما أعرف.

- وشنو ناطرة حضرت جنابچ شوكت تولين لطب العدلي وتشوفين القز القرط اللي يمچ شنو سببه؟

- تره الفلوس وهويتي يمك، شلون أروح! وبعدين أنا ما بيه شي لأن الجو اتغيّر، وخر ايدك دنزل.

- الكاع باردة، خليچ مكانچ بلكي لعلّچ اتتعبي حتى يمل ويطلعچ.

شلت راسي باوعت له.

همست حيل:

- شگد رخيصة عندك، لخاطر شخط بسيارة هيچ دتحچي؟

- وتقارنين روحچ بسيارتي! يولي، مداليتها أغلى منچ.

رجعت راسي على صدره، لفني بالغطا وحضني حيل.

- غيث.

- نعم.

- إذا متعبك ومزعجك وجودي ليش ما تطلعني من حياتك؟

- والله تريدين الحگ هو متعبني چثير، مدوّهني، خالي ما أندل دربي، ربّ اللي قمت أخاف على روحي من الموت. دحگي وين وصلت بيه الوكت!

شلت راسي خليت اديه جوه وجهي.

- ليش خايف من الموت؟

- خايف عليچ.

- لو خايف عليّ ما تروح وتعوفني وحدي.

- موش أنا اللي أترك روحي بدون لا أأمنها.

- ما أمنت و حتى ما سألت عني، شعرفك شصار لي بغيابك؟

- بدل الأيد خالچ ألف وحدة تحميچ. قبل لا تفكرين تنحنين تلقين السند محاوطچ.

- هذا الظاهر، بس عرفت بشنو حسيت، شنو اللي بداخلي.

- كلما أشتاق لچ أخلي ايدي على گلبي، من اسمع دقاته أعرف انتِ بخير لأن ما ينبض بدونچ.

- لو بقلبك صدق چان عرفت غيابك يتعبني، ما چان تركتني وتعرف شغلك خطر.

- ما بيه خطر، من أنا وعمري ١٢ سنة بيه، بس الخطر اللي دخل گلبي وتربعت هيه وأذيتها.

- راح يجي يوم ونبتعد.

- ما راح أسمح لچ.

- احنا من عالمين مختلفين.

- انتِ عالمي.

- راح تمل وتتركني.

- بس الموت يبعدني عنچ.

- مو شرط الموت، يمكن أنا أتركك.

- لو تطيرين لسابع سما أجيبچ وأجبرچ عالعيشة وياي.

- اتحبني؟

- موش حب چثير. حبيت بحياتي وچثير دخلت علاقات، بس انتِ شي مختلف، شي حقيقي أگدر أشعر بيه بداخلي، شي مقيّدني كلما أحاول أبتعد ألقى روحي راغبچ أكثر.

- أحبچ أكثر.

من أخلي راسي بحضنچ أحس بالهدوء اللي فقدته من أنا طفل.

أغمض وأنا بعالم يجبرني أظل بحضنچ.

بس اكو شخص گلبك بعد ينبض له، وهما همين يعشگوك.

- العشگ چلمة چبيرة مو كل اللي گالها صدق بيها.

- شلون يعني؟

- اللي يراهن على نجاتك بس هذا يحق له يگولها.

- غيث انت تحبها؟

سكت ما رد. رجّع راسي على صدره، حاوطني بديه وحضني حيل.

غمضت بروح مكسورة، أمنيتي أضمه بروحي. شلون إذا اجه يوم وانجبرت أفارقه!

أخذت نفس منه، أحسه خنگني. نزلت دمعتي.

- عش تبچين؟

مسحتها بسرعة:

- ما أبچي.

- يولي، اللي براسچ ما يصير بس بموتي.

- راح يجي ذاك اليوم اللي كلمن يكمل طريقه بجهة.

- عش هيچ تفكرين؟

- ما أفكر لأن هذا الصح، شگد ما مر بينا عمر أظل ذيچ الباعت روحها لك، لا راح انت تنسى ولا أنا أگدر أتخطاها.

- شنو گالت لچ؟

- منو؟ محد حچى وياي.

- تمام.

- ما أچذب بس ضايجة على لحن.

- امم.

- ليش ما تصدق! تره اتعاركت ويه زوجها وطردها.

- يطبها مرض خلي تعتذر وتركد.

- يضربوها والله.

- دحگي يولي، أختچ لهينه ما تتصل.

- ليش تركيا أهلك! تره انت واحد ظالم ومستبد.

- يولي إذا ما اتهبشتي وبطلتي اتهرتين أطرّچ بالنص.

- عالأساس افتهمت شنو دتحچي! المهم راح تجي.

- بالقرآن نفس الدگّيگة أسحلها وأهفها عالحدود، وأنعل أبو اللي يطلع وراها.

- دتشتم مو؟

- مو ويااچ يا غضب رببيييي! مووياچ ناي انطمري لا أفصم راسچ.

- شگد أكرهك انت واليوم اللي اتعرفت بيه عليك.

- موش بقد كرهي إلچ ولأبو ذيچ الساعة اللي دحگت چهرتچ بيها.

- أتجاوزك بأخلاقي.

- خرب بيچ وبأخلاقچ ناي! انطمري تعبان وما طولني عايش ممنوع أشوف دمعتچ نازلة لا وداعة هلي أفشل راسچ.

- ما أبچي أنا لا بوجودك ولا بغيابك.

- واثق من هالشي، مشاعر ماكو، من الله وزّع أنوثة ورقة وين چنتي؟

- چنت دأدور على واحد أضحك عليه ياخذني.

باوعلي، عضيت شفتي همست:

- والله نسيت أنا بحضنك تره ما دأقصد عليك.

- ول يابه شلون بيچ كتلة؟

- مريضة تره.

- انطمري ناي صوتچ ما أريد أسمعه.

سكتت، رجعت راسي. باسني وأخذ نفس طويل وشدّد حضنته.

شوية وتعبت، جسمي اتشنّج. نزلت منه نمت على ايده، دخلني بحضنه ولفني بالغطا حيل. النعسة بعيني وحصلت دفو رحت بالنوم بدون لا أحس.

گعدت صار الظهر، هو بعده على نومته مبين تعبان كلش.

سحبت روحي على كيفي من حضنه، فز كمشني أشر:

- وين؟

- شبعت نوم دأقوم.

رجع سحبني لحضنه، باسني وهمس:

- حگ دمعتچ تصل ليمچ.

- حيل نسيتها أصلاً، دوخر خلي أقوم أنظف شقة الولد ما طول صرت زينة، خطية صار أسبوع تاركتهم.

- مريضة لو مشتاقة لي يولي؟

- غيث الثقة الزايدة تعب.

فتح عيونه بتعب يباوعلي بطرف عينه ورافع حاچبه.

ضحكت غصبًا عني، سحبني وعصر وجهي، گال:

- صحيتي يولي؟

- هاا.

- مم شتگولين بيمن نبّلش؟

- بالوجه المزروف والحولي الأثول، أدري اتشوف بس الصفره حلوة بعينك.

- يول يابه، أسرع منچ بالفر ماكو إمكانية وكتاب الله.

- ما دأفر بس إذا ما عاجبتك طلّقني يا أخي، مو تگعد بالصاعدة والنازلة اتصنّف، گلت حتى ثقتي بنفسي قمت أخجل أطلع أخاف يشوفوني.

- جعل محد يشوفچ غيري ناي، بروح أخيچ لبسي حجاب.

- مو لابسة ملابس مستورة بعد ليش الحجاب! منو شايفني؟

- وروح أخوي أموت من يدحگون على شعرچ.

- من حلاته اشو مكفشة دوم! وبعدين چنت أفري ليش گلبت؟

- وعمة السادة، أمنيتي أنقبچ من أول ثانية شفتچ بيها وأحبسچ بالشقة ما أخلي أحد يدحگ عليچ غيري.

- شنو اللي منعك؟

- ما أريد أغصبچ على شي، أريدچ برضاتچ، مقتنعة بيه حتى لا تخلعي وراي.

- إذا هاي أمنيتك سهلة أحققها لك بس بشرط تحقق أمنيتي انت همين.

- أتعالج بس خلي ترد سماهر للعراق لأن ما أريد أدحگ الانكسار بعين أحد وأنا أتصّارع ويه المرض.

- وأنا؟

- انتِ روحي اللي عايش بيها.

- والصفره؟

- ول يابه، أيقونة النكد! قومي لچ انقلعي يلّه.

درت وجهي ردت أقوم، رد كمشني.

- اضحكي.

- غيث.

- مرررض! اضحكي لچ.

- يا لعد ما گلت لك غير غمازتي اختفت من صخنت.

- لنشوف إذا اللي تحچيه صدق.

گالها ودخل ايده جوه التي شيرت بعدها ما واصلة بطني، كمشتها وضحكت. طلعها عصر وجهي باسني گال:

- يلّه قومي وسدي باب الشقة وراچ عدل.

أشرت:

- اي.

وگعدت.

هو رد اتچتّف غمض أباوع له. صدق أتركك! بس گلتها گلبي وجعني. شلون أسويها والله أموت.

دنقت عليه، بّسته من خده. فتح عيونه باوعلي بحيرة، ابتسمت. كمش ايدي باسها، سحبتها و قمت خفت يكشفني.

طلعت سديت الباب، رحت للمطبخ. لگيت سماهر مكملة الغدا ومهدّرته بس طالعة لاهية ولا بتها.

سويت ريوگ اتريگت، غيرت ملابسي، رفعت شعري كباية ليفوق.

استوني أطلع وأسمعه يخابر بس بعصبية، بالبداية ما عرفت ويامن. بعدين من گال:

- سارة، وداعة أبوي إذا لمحتچ بوجهي أطرّچ بالنص. يولي العمارة تنّسيها لا تگرّبين صوبها.

تركته يتعارك وياها وطلعت من الشقة.

رحت لشقة الولد لگيتها صايرة ملحمة أم المعارك حتى احتاريت بيمن أبلش، صايرين مهملين ومعتمدين عليّ بكلشي.

أباوع للصالة شلون ملابسهم مطشرة، ضحكت: ربي حرمني من عاشق عوضني مكانه بنفس حنيّته، أحسهم يومي ما يكمل إذا ما سمعت صوتهم لو ما يتچاكرون وياي.

طبّگت أرداناتي وبلشت. أقل من ساعتين تقريبًا خلصت وأسمع الهوسة بشقة غيث عالگة.

طلعت بسرعة دخلت للشقة، لگيت جود يحاجز وغيث متولي سارة أطراكات. أول مرة أشوفه بهاي العصبية وأشوف هيچ يضرب.

كمشه جود گال له:

- أنا موجود ما أوصل.

- جوووود! اطلع برا. وانتِ دحگي يولي، چهرتچ ما أريد ألمحها، اختفي أحسن.

سارة:

- والله ما اجاني ولا شفته، فدوة غيث والله أموت بدونك لا تگول هيچ.

- أنعل أبوچ لأبو أبو أبوي ساااارة! اطلعي قبل لا أرتكب جريمة بيچ.

- جووود احچي! مو انت گلت خليچ بعيدة لا توصلين لهنا لأن ناي مريضة.

- أنعل شرفچ على شرف ناي سسسسارة! إلچ ثانيتين وعمة السادة أطرّچ بالنص.

- ما أطلعععع! ما أطلع غيث! أقتلني ولا تگول روحي، دأقول لك ما رررحت.

- بنت الخرة اتچذبيييين!

گالها وهفها راچدي، اجه راسها بالحايط. من يمي انشل دماغي من قوة الضربة.

خنّگها، حچى من بين أسنونه گال لها:

- جاهل قدامچ ولچ! الموت هواي على ساقطة مثلچ.

أباوع لها ترفس وهو ضاغط عليها بدون وعي. ما فهمت على شنو عركتهم بس كسرت گلبي.

ركضت كمشت، قمت أصرخ وأضرب بيه حتى يتركها.

تركها وكمشني دفعني على جود حيل، اجيت أوقع لو ما يلحگ يكمشني.

- أخذها واطلع منّا بسرعة.

- بس اهدأ يخوي.

- جوووود! أخذها لا أكفر بيها.

ردت أحچي، سحلني جود، دفعني برا. طلع. استوه سد الباب وأسمع شي انكسر وصرخت سارة. گلت له:

- گتلها!

- ما يقتلها لا تخافين.

- ولك خطية.

- بنتي انتِ اللي راح تموتين ليش محترقة! تركيها يطبها مرض، امشي وياي ناي تركيّهم هما يتفاهمون بينهم.

- ليش ديضربها! اسمع ولك والله حتموت وغيث يروح بيها.

- بنتي انتِ الراح تموتين ليش محترقة! تركيها يطبها مرض، امشي.

- إذا ما يريدها خلي تروح، ليش حتى يضربها هالشكل؟

- بوز كتل ومهاين، بشر يحب الدگ. مو ديگول لها اطلعي ولي هيه لازگة. وانتِ يلّه وياي، گالها وسحبني.

رجعنا للشقة مالته دخلنا. لگينا كرم متربع يباوع بفونه، شافنا گال:

- بعدچ عايشة؟

- شبيها سارة ليش ديضربها غيث شسوت؟

- ما تمشّط شعرها وتلبس ملابسها وشاخطة سيارته.

- كرم قوم خطية والله ديموتها، مخبل هذا.

- منو خطية! سارة! هه ضحكتيني، بنت صاحب الملهى ما غيرها.

- شنو استوه اكتشف أبوها هيچ وديحاسبها؟

- لا ديحاسبها لأن راحت له وهو مانعها.

- شنو مانعها غير أبوها؟

- بنتي منو گال لچ أبوها! البنت لقيطة. كل هذا وتقبلها، اشترالها شقة وعقد عليها وخلاها. بس العرگ دساس، إذا ما تاخذ جولة هناك ما ترتاح.

- حتى لو مو أبوها يظل هو المربيها، وغيث مو من حقه ليش قبل بيها من البداية؟

- غبي اتزوجها وابتلى، ما عرف أصلها إلا بالنهاية بعد ما يگدر يتركها.

- راح يحاسبوا ديضربها.

- كون صدق بيها حظ وتروح تشتكي. هسه تلقيها حتى رجلها دنقت باستها. تركيها وتعالي شوكت تطلعين ملابس الشتا تره برد.

- كرم بعد ما تريد أروح أعزل بيت أهلك.

- إذا رحتي منو يطبخ لنا بعد؟

- هذا كل همك! الله عليك والله انت مال واحد يزوجك رنو ويأدبك.

- هاا مو أنا حاسب حسابي جهالي يطلعون على جود حلوين. هيچ راح تخربين النسل.

- لعد جود شتدخله بالسالفة! كرم حبيبي عقلك لا تستعمله هواي يفيدك بغير شي.

- شوووفي تفكيرچ نعال! روح لغيث ما طوله بعده حامي خليه يهفچ راچدي يعدل عقلچ، بيه صدق گلت لچ عالسيارة.

- اسكت فريت السالفة وطلعته هو الغلطان، بطل راد بس يفلت مني.

- نجررره! هفي جود راچدي.

جود:

- قوم لا أسمطك دفرة. تعال وياي للمطبخ خلي نسوي شي ناكله.

- ليش تره طابخة بالشقة هسه أجيبه.

- لااا لا تروحين.

- ليش؟

- بدون ليش. إذا بيچ حيل تعالي وياي للمطبخ ساعديني. مشتهي فاصوليا خضرا.

- هسه أطبخها، انت تعبان كرم قوم.

:- منو كرم؟

:- أبوي كرم، قوم وياي حتى أجيبلك أكل منه، طابخه سماهر، شلون برياني يموت.

:- ما نريد، عندنا بيتنجان. صدق ولج مو وصيتك على طرشي من رحتي للعراق، وينه؟

:- شلونك كرم؟

:- ها؟

جود: فصلت الخدمة يمه، امشي هذا يعتاز وقت يالله يرد.

دخلنا للمطبخ، إجه ورانا كرم يحك بذانه، متحسسات خطية من تغير الجو.

خليت له تخته يثرم، وأنا وجود نطبخ، كلما أعتاز شغلة أريد أروح للشقة يمنعني جود، يتحجج بشيء ما يخليني أطلع.

قلت يمكن يخاف أنضرب لو شيء تافه يجيني.

أنا هم بعد ما ألحيت، ظليت وياهم. كملنا الطبخ وهدرناه.

وقفت أغسل المواعين وأسولف ويا كرم، وأضحك على ذكائه اللي ما يخلص، وهو يتجاكر.

جود متكتف واقف يم الباب متجتف، يباوع لنا ويبتسم، تحسه بغير عالم.

خلصت، نكثت مي إيدي بوجهه، قلت له:

:- وين صافن؟

:- يمج. شعرج ما ناوية تمشطيه؟

:- والله ردت أقصه، بس هذا صاحبكم الغثيث ما يرضى.

:- ليش القصير حلو، بالأخص وياج راح يطلع أحلى.

:- جيب اللي يقنعه. أنوب طالع لي بسالفة الحجاب، تعالي اتحجبي مثل خواته.

:- وأنتِ شنو رايك؟ راح توافقي؟

:- ما أعرف، بس والله جربت اختنقت بي.

:- لا تسوين شيء مجبرة عليه، وأنتي بعدج زغيرة عالحجاب.

كرم: مالك شغل بي، هذا أمه بعدها ما محجبها، يقلها زغيرة. تدين ينصحج. ناي راح تلبسيه أبيض لو أخضر؟

:- كرم حبيبي، مو عمامة هذا حجاب، اكو فرق.

:- يعني إذا اتحجبتي غيث يلبس عمامة؟

:- غير العمامة لعبته! خرب بالحظ وروح بابا، إذا لبسها أطلع من الإسلام كله!

:- محزوزة وملبوسة، لأن فقير هيج تحجين عنه، شبي؟

:- كل شيء ما بي، أصلًا يخر إيمان وتقوى، مخلصها صيام النهار وقيام الليل.

جود: وأنتي إجيتي تكملين النقص العده. روحي صبي بين ما آخذ دوش.

:- بعد وقت.

:- والله تعبان وگوه واقف على رجليه، صار يومين على هاي الوقفة، حتى نوم ما شايفه.

:- مديركم الـ...

:- أي كملي ليش سكتي؟

:- لحظة إدراك أنه رجلي طلع صدق. ليش جنتوا ضامين عليه؟

:- لأن خبلة ويومين متعاركة، خفنا على ساعة تصعد عندج الحماوة وتتجاكرين وياه، تاخذين الكرامة حجة وتتركين الشغل.

:- من هيج جان ما يرد عليه ويذلني بنص أجرة. يلا روح، راح أحضر الأكل.

راح جود، وأنا فتحت القدور، صبيت وحضرت كل شيء، وكرم مدنق على فونه. خلصت، قلت له:

:- روح لغيث صيح له، خليه يجي ياكل، خطية تلقيه جوعان.

:- روحي أنتِ، ما بيه أقوم.

:- شبيكم، كل اللي أحكي يگول ما بيه حيل.

:- حقك لو شايفه الوفد اللي إجانا ما حجيتي، غير شكو حلق جود صار يومين حاجزين المطعم، ناس داخلة وناس طالعة، وجود مثل الزمال واقف وموقفنا وياه.

:- لا تبجي، بطلت. أتصل بي، هو بس يشم الأكل يجي.

خليت الماعون، رحت جبت بعد.

لقيته يشم بالفون، صرخت:

:- كرم! قلت لك اتصل مو أشم، شتسوي؟

:- لا تصرخين لج، تظلين محزوزة وملبوسة. يلا ما راح أتصل ولي، روحي أنتِ مو رجلج.

:- اشتعل أبو رجلي! لا تأكل، بسرعة أصبحه وأرجع.

أشر، أعرفه يجذب، بس أطلع يغطي راسه بالمواعين.

طلعت رحت لشقتنا، دخلت هدوء ماكو أحد، رايحة سارة.

صحت:

:- غيث!

سمعت صوته من الغرفة، قال:

:- جاي هسه.

:- ماكو جاي هسه وترجع تنام، قوم!

قلتها وفتحت الغرفة، أحس قلبي انخطف من المنظر.

سحب الغطا بسرعة بلا ملابس من فوق، من شافني خلى إيديه على وجهه ورجع راسه عالمخدة.

وسارة صعدت الغطا على صدرها.

سديت الباب بسرعة، حسيت ببرد رغم النار اللي جنت داخلة بيها، شعور ما عرفت أوصفه، رجفة بجسمي.

تمنيت أختفي بهاللحظة، شعور صعب.

دمعتي ما نزلت على أحد، نزلت هسه غصبًا عني.

أحس بخنقة وعبرة جارحة ببلعومي، عضيت إيدي حيل حتى لا يطلع صوتي.

سمعتها تقوله:

:- شبيك حبيبي وين تريد؟ ترى راحت وأنا مرتك، ليش هيج مكبر السالفة؟

مسحت عيوني وطلعت بسرعة.

رجعت لشقة الولد، دخلت لقيته جود متخصر، باوع لي تحسر، إجه يمي قال:

:- بيج شيء؟

:- هه، لا قابل شبيه؟ يلا صبيت، روح أكل.

:- وأنتِ؟

:- لا تعبانة، أريد أنام.

:- اتركي التعب وامشي نطلع ناكل برا.

:- ما أريد جود، أقول لك تعبانة.

:- كرم! اقفل الشقة وتعال ورانا للساحل. امشي أنتِ بدون عناد، يلا.

دفعني قدامه، طلعنا من الشقة.

صارت شقته قدامي، درت وجهي، كرهت حتى شوفت الباب مو بس شوفته.

الغصة كامشتني، تمنيت أبجي، تمنيت أطلع اللي بقلبي، ليش حتى هذا الشيء محرومة منه؟

ليش لازم أشوف الإنسان اللي أحبه ويا غيري وأسكت؟

درت وجهي، نزلنا طلعنا من العمارة، أمشي وأحس روحي مخنوقة.

خلى إيده على ظهري، باوعت له ابتسم، مد إيده مسح دمعتي، همس:

:- محد يسوى دمعتج.

:- قلبي يوجعني.

:- راح يوجعه قلبه أضعافها.

:- من هيج ما ردتني أروح للشقة.

:- هاي شقتهم؟

:- أدري وأعرفه يحبها، بس جان حسب لمشاعري ولو قليل، ترى مو حيوانة أنا حتى يسوي هيج قدامي.

:- الحيوان اللي ما يحس بقيمة اللي بيده.

:- ما يعرفه أنه الفراشة تزهر بحريتها من كثر رقتها، ما تصير ملك أحد. أي مخلوق يفكر يلمسها أو يحاول يخدشها راح تتلاشى، راح تنتهي، ووقتها راح يندم شلون حاول يعيق حركتها.

:- قال أحبك وقال راح نكمل سوى.

:- قبلك قال لسارة هالكلام، وجع قلبها بدخولك بحياته.

:- ما ردت يبعد عنها ولا جنت ناوية أخرب حياتهم، بس ردت يبعدها عني، ما أشوفهم قدامي بهالقرب.

:- تحبيه؟

:- لااا.

قلتها ونزلت دموعي.

خلى إيده على ظهري وتحسر، كملنا طريقنا.

مسحت عيوني بس صدري ضايق علي، شقد أريد أمثل أنا قوية بس جواتي جان محطم، لأن أعرف كل شيء حلو بهالدنيا ما لي حق بي.

وأعرف نهايتي ويا الفراق.

عمري ما راح أعيش بسعادة، ولا مكتوب لي يوم أرتاح، كلما أرفع راسي للسما وأقول هاي الفرحة المنتظرتها، تجيني صاعقة ترجعني لنقطة البداية.

على طول الطريق صافنة أمشي بدون شعور، بس منظر غيث بعيني وهو حاضن سارة.

وصلنا للساحل، حتى سيارة ما أخذنا، قال جود:

:- خليك هنا، فوني يرن، أخبر وأرجع لك.

أشرت أي، وصعدت الصخور، قعدت أباوع للبحر. دقايق وإجه كرم قعد يمي قال:

:- رب الحلو شادين محرك، أوي ساعة أركض وراكم ما ألحق.

:- ليش إجيت؟

:- والله ما ردت أجي، بس طلعوا عالم قدامي شافوكم وأنتم نازلين سوى، قلت ألحق قبل تنفجر القنبلة ويلوحني الدمار.

:- سماهر مو؟

:- هي والرفش بيتها، أنوب بيدها لفة شاورما، ريحتها سدت العمارة. والحمزة لو ما أعرفها عقلها بقد نملة الشتا وراح تشهرني، جان ركضت أخذت لي عضة منها.

:- مو سويت لك أكل ليش ما أكلت؟

:- بالبداية قولي: ليش عيونك حمر؟

:- ما بيه شيء، قوم كرم ارجع أنت تعبان.

:- يهون التعب لهالعيون اللي جنهن ضفدع أجرب. شنو ولج، ما خالة ملح بالأكل؟ مو عرفتك من طفرتي.

ما رديت.

خلى إيده على شعري:

:- تهون وتصير ذكرى عابرة. سألي مجرب، احكي شنو اللي بقلبك.

:- ماكو شيء بس ضايجة شوية.

:- لا تسمعين لأحد، سوي اللي يقول لك عليه عقلك، أما قلبك وزوج الزمايل جماعتي ذوله بالذات سمطيهم حذاء.

:- والله كرهته بس ما راح يتركني، أعرفه راح يجبرني أظل وياه.

:- من البداية نصحتك بس أنتِ ما سمعتي مني. غيث لا مال زواج ولا مال عشرة، من الأصل قلبه يلعب يدمر اللي يمه بدون رحمة.

:- ما جان هيج.

:- لعبها وياك صح، ما شافك غير وجهه الملائكي. صح هو صاحبي وأعزه أكثر من روحي، بس أنتِ أختي والروح ترخص لك. ناي خايف عليك منه، غيث ضميره ميت.

:- ما عرفت راح أحبه ولا عرفت راح يجي يوم أحس هيج إحساس وياه.

:- مثل ما إجه هذا اليوم راح يجي يوم من يوقف قدامك ما تشوفيه كأنما سراب، مرة بحياتك ما له وجود. بس ديري بالك تبجين، وداعتك تتندمين أكثر من ندمك على دخولك بحياته.

:- أعرف ما لي حق لأن وافقت من البداية على كل شيء وهاي حلاله، بس جان إحساس بشع.

:- لا حقك بكل شيء، ما لك ذنب تاخذين واحد مثله، ولا ذنبك تنجبرين تكملين وياه، بكسرة وغيره يتمنى بس شوفة ضحكتك.

:- الغلط مني مو؟

:- الغلط بذاك اليوم اللي جود اترجى غيث يجي، وبذيج الساعة اللي اتنازل عن حقه بيها لخاطر الأخوة، وبالثواني اللي قلت لك بيها: روحي أنتِ.

:- لازم أبعد؟

:- صح راح تأذيه بهيج قرار، بس أفضل المفروض من زمان تسويه.

:- بس أنا متعاهدة وياه على شيء، هيج راح أحس روحي فاشلة، مو قد قراري، وراح أثبت له كلنا نفس الشيء خاينات.

:- إذا ما رجعتي بقرارك راح يدمر هو أول واحد بي، والثانية أنتِ راح تنتهين بعدها حتى وقفة ما راح تقدرين توقفين. ناي أنا وياك بكل خطوة، ما راح أتركك، عهد أخوة بس بعدي بقد معزتهم يمك.

سكتت رجعت أباوع للبحر، وكرم قام ما أعرف وين راح، أو يمكن رادني أقعد وحدي حتى آخذ قرار صح بعد ما شمر كم كلمة صحاني بيهن.

عقلي يحكي بجهة وقلبي بجهة. مر وقت وأنا صافنة.

غمضت: شلون الإنسان يقدر يحب اثنين نفس الوقت؟

معقولة يضحك علي؟ بس لا أحس بدقات قلبه وبمشاعره من أكون قريبة منه.

هو يحبها من البداية وأنتِ وافقتي.

بس ما جنت أعرف قلبي راح ينبض له هيج.

أسمع صوت جود ورويدة وراي يسولفون، انداريت لقيت رويدة وغسق.

مسحت عيوني وقمت سلمت عليهن، قعدوا.

جود: وين كرم؟

:- ما أعرف، قبل شوية راح. شعجب إجيتوا؟

رويدة: جود عزمنا وأحنا كنا قريبات، بهذا الكوفي. شبي وجهك تعبان؟ ما راحت السخونة منك؟

:- لا زينة، بس بليل صار كم يوم ما أنام عدل.

غسق: جوعانة.

جود: يخسى الجوع، أمري ست غسق شرايدة؟

:- رقمك.

:- نعم؟

:- لا حتى أتصل بيك من تروح للمطعم، أخاف تنسى شيء.

حك قصه وباوع لي رفعت حاجبي ضحك.

:- شتردن أجيب لكن؟

:- أي شيء، وشوف كرم وين اختفى.

:- هذا وراك إجه، شوفي العاقل شنو جايب بيده.

اندارت لقيت كومة عرنوص بيده، فرحان، شاف رويدة ضاعت ضحكته. إجه يمنا سلم وقعد يم جود، وزع العرنوص، أنطاني أشرت ما أريد.

:- والحمزة أشمرك بالبحر ولج، هذا بفلوس وجهك جنه جفجير.

:- والله ما أشتهي شبيك.

:- لعد جيبوهن أردهن، يلا مشكول ذمة اللي يأكل.

غسق: عزه لعد أنا عضيتها.

:- أم حلق ما شفتي، شبيك؟ بس شتطلعين إذا صاحبة هاي؟

:- يعني قصدك ناي مفجوعة مو؟

:- رب الفجعان أنتِ وياها، جيبي حتى لو يقطع فلوس العضة.

:- لعد والله ما أردها، وراح تجيب لي وحدة لخ.

شمرتها بالبحر ووقفت متخصرة، كرم فاتح حلقه يباوع لها.

:- يلا قوم جيب لي وحدة لخ.

:- أجيب لك مرض.

:- يا عالم شوفوا البخيل، عزمني وميرضى يوكلنا.

:- للصبح صرخي لمن تنطين وتموتين، فلس ما أخسر عليك.

:- يا عااااالمممم تعالووواااا.

جود: يمعودين صدق تحجين؟ هسه تلزمنا الحكومة. هاك الذرة مالتي بس اسكتي.

أخذتها وقعدت يمي، هو راح يجيب شيء نأكله.

وهي عينها بي لمن خلص الطريق همست:

:- هذا كم سنة يالله كمله ربي؟

:- مو بس شكل، هدوء ورزانة.

:- أنا مو صديقتك وحبيبتك، أنطي رقمه.

:- راح أنطيك رقمه مو لأن صديقتي، بس حرمات برنو.

:- أي بي حظ يأخذها، غير أفلشه. ماكو صار إلي. بس قولي لي شيحب؟

:- يحب غيث.

:- يعني أحب غيث هسه لو شنو حتى يحبني؟

:- معوز، أستغفر الله. رويدة شبيك صافنة حبيبي؟

غسق: هههههه خطبوها وأبوها يقول لها: ارجعي تركي دراستك، خوش نصيب.

هي قالتها وكرم شال راسه يباوع لرويدة، دنت بسرعة بس مبين العبرة كامشتها، قلت لها:

:- شنو صدق دتحكي؟

غسق.

طبعًا صدق، وهذا الأسبوع العقد، لأن مجهزة وكاملة الشغلة مسويلها سبرايز أهلها.

قام كرم راح وهي شهقت.

قمت يمها كعدت، كمشت أيديها، كلتلها:

"بس فهميني شنو البينكم أنتي وكرم ليش هيج متخلي عنج؟"

"لأن جذبت عليه، بس والله جنت مضطرة، لأن أعرف راح يتركني بس يعرف، وهاي كدامج أول ما درى تركني بدون لا يباوع وراه، نسى شكو حب بينه."

"شلون جذبتي؟"

"جنت متزوجة وما كلتله، ما عرفت راح يسويها ويدز أهله يخطبوني."

"عزة بعينج، رجلج وين؟"

"ما عندي بس اسم، اتزوجت من جان عمري ١٤ سنة أول ما توفت أمي، عشت وياه سنة، أنواع العذاب شفته وهم اتحملت، تالي اتزوج عليه وشمرني يم أهلي، حتى عقد محكمة ما عاقدة، خلاني معلقة. رجعت لمرة أبوي بعد أنكس من عيشتي يمه، لو ما بابا يوگفلي ويشجعني أكمل دراسة فلا وصلت لهنا."

"راد يكفر عن ذنبه، شلون يزوجج وأنتي بهالعمر؟"

"مرته مو بيده، حتى بعدني أول ما أخذت شهادة السادس، گال:

'كملي بره.'

بس رادني أكمش شهادة بيدي ويصيرلي مستقبل."

"لعد شنو الصار إذا هيج؟"

"الله أعلم، بس أكيد مرته حرضته."

"وزوجج وينه؟"

"من خطبني كرم وعرف بيه مسافرة، طلقني غيابي، ناي والله أحبه ولج، أموت ما أتخيل روحي ويه غيره."

"اشتعلو صنف الزلم كلها، صدق بالله حاي حالتنه كلها بسبب هالمجتمع الذكوري القذر."

"ناي ساعديني، أحجي وياه هو يعزج، بلكي يسمع منج."

"شكله متكليلي، الله أعلم شنو جان شعوره بوكتها وشحس بأي صدمه دخل."

"والله اتأذيت أكثر منه، ما قدرت أعترفله، خفت يتركني من البداية، اكتفيت بحب من بعيد بس حتى أظل وياه."

"مسحي دموعج، كرم كلبه طيب ما يتركج، صح السويتي مو قليل، بس إذا يحبج صدق ما يتخلى عنج."

غسق:

"وأني؟"

"أنتي أنجبي، خلي نحل الهوسة اليمنه وبعدين بلشي."

"شوفي منو أجه وراج."

انداريت لكيت غيث وجود يتمشون جايين ناحيتنه.

قمت كعدت، وصلوا يمنه سلم غيث وكعد يمي، كوه قدرت أتمالك نفسي.

أحس برجفة بالاخص من شفت شعره يلمع، يعني جان بحضنها نايم.

فتح العلاكة جود ووزع اللفات.

ضلوا ياكلوا ويسولفون، بس غيث جان مدنگ مو يمهم، صح كاعد يمي بس أحس الفرق بينه أميال وعوالم.

غسق:

"ناي ليش ما تاكلين، برد أكلج."

شال راسه باوعلي، درت وجهي، أشرتلها مو جوعانة، ورجعت اللفة بالجيس.

خله أيده على ضهري، وخرتها بسرعة، سحبها وكام كال:

"أخذوا راحتكم."

جود:

"ها رايح بعد وكت؟"

"عندي شغل، وأنتوا هم لا تتأخرون، الجو بارد."

كالها وشمر جاكيته على جود وراح.

طبكها وخلاها بصفه وباوعلي:

"أحترم نفسي مو؟"

غسق:

"شنو متعاركين ذوله؟"

"لا مو عركة، سوء تفاهم ينحل إن شاء الله."

"ناي صدق متعاركة ويه هذا، ولج إذا انطاج راجدي يطلع مخج من راسج."

"خلي يخلص روحه بالأول وبعدين يفكر ينطيها راجدي."

"عزا يعني ميگدر لناي، ولا تكول طولها نص متر، أشوه ما بين عليها."

"لا تعجبج هادئة وكيوت بتصرفها، من كثر ترافتها مرة هفّته بوكس بنص مطعمه."

"أي لعد انطيني جاكيته أني ألبسها بين ما ترضى عنه."

"هاي بالذات ما تفيدج، دوري غيرها."

ضلوا يسولفون ويتشاقون لمن تأخر الوقت، قمنا رجعنا صعدنا للعماره.

انطاني جاكيتت غيث كال:

"أخذيها وياج."

"أصلا أني جايه وياك ما أروح لشقته."

أني كلتها وما أسمع غير صوت سميرة صاحت:

"لا يا قذرة يا ما تستحين، تتمعشقين ويه الزلمة بالختلات؟"

انداريت أشوفها هي ورنو واكفات، طلعت سماهر وأم عامر على صوتهن كالن:

"شكو؟"

"تعالي يخيه شوفي مرت أخونه شتكول لجود."

سماهر:

"ناي دخلي للشقة، وأنتي كافي، هسه يجي زلمتها وهو يعرف شغله."

باوعتلها كلتلها:

"شنو دخلي للشقة، أنتي منو وتتأمريني؟ وشنو زلمتها، لا تفرن السالفة وتطلعني بت شارع."

"عجل بت شنهو الي جايه نص الليل ويه زلمة غريب؟"

"هذا التكولين عنه غريب حافظ عليه أكثر من أخوج، وتردن تخربن، شوفنلجن شغلة غير الشرف، لأن التوصل سمعتي أدوس راسها."

"شنووو ولج، أدوسين راسي، شو تعالي خلي أشوف شلون تسويها."

اجت بسرعة عيونها طالعة، صار جود كدامه كالها:

"اهدي خويه."

"وخر لك، حسابك لمن يوصل غيث، حرامات بيك كلمة الخوة."

"كولي يا الله يمعودة، العالم منا، صوتنه فشله."

سميرة:

"أنت تعرف الفشلة؟"

رنو:

"جود ماله دخل، أني جنت واكفه هي تدحج بي وشامرة روحها تتوسل حتى يدخلها للشقة ويا."

سماهر:

"والله كلشي يطلع منها، الله أعلم شمصخمة ويا، بعد مو بعيدة الي هيج كاتلة روحها لدخول شقته."

"والله لو ما أكول مرة جبيرة وعيب جان سمعتج كلمة تخليج تصبغين شيبتج كد الفشلة."

"ما أطلع بت أبوي على هاي رعونتج ما سودتي وجوهنا وانهزمتي ويا وفضحتيني بين السلف."

"غلطانه، مو كلنا أمج."

أني كلتها وأسمع صوت غيث وراي جمدني مكاني.

*** لحن ***

قمت للفراش، نزعت حذائي، طفى الضوه، تمددت وهو اتمدد عالكاع، خله أيده جوه راسه وغمض كلتله:

"ليش بالكاع ما عدكم أفراش؟"

"لا اكو بس يم جدتي، إذا فتحت الباب تكعد وألف سؤال ما راح تفكني إذا ما تنعل أبو أصلي."

"لعد أخذ المخدة نام عليها."

"يولي نامي مالج شغل بيه."

"لا أني ح أنام على الجنطة، أخذ المخدة."

"هفيلي الجنطة ونطمري، لا تحجين شعلتي أبوي."

قمت كعدت، ناوشته الجنطة أخذها خلاها جوه راسه ونطاني ضهره، نام دقايق وأسمع نومته ثكلت.

اشكد حاولت أنام ما قدرت، أول مرة أنام وياي رجال نفس الغرفة والحر هم بجهة، نسمة ماكو.

ضليت أتقلب لتالي وقت ما أعرف أشوكت غفيت، ما عتت غير علي، أيده تدكدك على خدي، فتحت عيوني لكيتة كدامي، أشر أش كومي.

قمت أباوع بعدها الدنيا ظلمه استوه صاير الصبح.

مسحت وجهي.

"استعجلي قبل لا تكعد."

"بس البس حذائي ثواني."

"بالسيارة لبسي."

"ما أتأخر بساع."

لبست حذائي قمت شلت شعري لفيته، شلت الجنطة، طلع على كيفه، طلعت وراه، أجانه صوت مرة من الغرفة:

"منو هنا؟"

أشرلي:

"طلعي كدامي."

طلعت وهو رد:

"ها جده، أني أركان."

"شجابج من الفجر؟"

"لا طالع جده عندي شغل شويه وأرد."

"مودع الله يا جده ربي يحميك، خبر وياك السبع خلي يمر قبل لا يسافر."

"احتمال سافر."

"لا ما يروح إذا ما يمر عليه، يا الله يا جده اطلع وخبر شاهين كلو خلي يخفف أحسن ما أهطر جهامتو تراه زودها."

تركتهم ورحت للحديقة، جان بوري فتحته غسلت وجهي واديه.

شويه وحسيته وراي، قمت طلعنه صعدت السيارة، كال:

"هسه على بيت عمج."

"راح يموتوني مو؟"

"لا خابرت رجلج الشفيه، أتفاهمت وياه من الفجر كلتله طلعت وأتندمت ضاله يم الإمام، خبرتنه بس غيث عنده شغل ما كدر يجي، أني راح أجيبها."

"شنو كلك؟"

"بالبداية انهد عايش دور الزلمة، أول صوت انخرس، بس أريد أعرف شلون تخافين منه."

"يضربني."

"منو مو هذا نفسه الي ناي شبعته اطراكات لولا؟"

"أي ناي وكحة تكدر حتى لعمو وخالو تضربهم ما تخاف، أني ما أكدرلهم يضربوني، هسه مو سكتلك بس من يكمشني حيضربني."

"كونو أزلمة ويعملها بالحرام، ألبس أيده بركبته وننطقه شهادة الكفار، لا تخافين أني وراج."

سكتت، شغل سيارته، طلعنا من المنطقة، اتصلت ناي رفضته لأن أدري راح تعاند ما تخليني.

ردت اتصلت، قفلت الفون خليته بالجنطة.

وصل نص الطريق وكف طلع فونه خابر سمار كله:

"وصلت."

اشويه وأشوفه هو وعمو واكفين عالشارع.

الصبح بعده ما صاير، عالم ماكو بس احنا تقريبًا.

نزل أركان راح سلم عليهم وضل يسولف، جان سمار يطفر تالي زمخ بي أركان سكت.

اندار أشرلي:

"تعالي."

نزلت رحت وكلبي يريد يوكف من الخوف، وصلت بعدهم يحجون ما أشوف غير سمار طفر سحبني يمه حتى ما لحكت أصرخ وبلش بالراجديات.

جرني أركان دفعني ورا:

"شعملت يول؟"

"أركان بت عمي مالك دخل، جيبها، تعاليييي لج ساقطة اليوم أذبحج."

"تذبح منهو يول، قرب لشوف."

رجع ليورا كاله:

"أذبحها اليوم لو مو أنت، وردة لذمتي ما أردها هيج ساقطة ما أريدها."

"حلو كونك زلمة وتلمس شعره منها."

"دوخر."

كالها ودفع أركان، أجاني يركض جرني من شعري ودفرني.

ما أشوف غير انرفع من وراه ونركع بالكاع.

دنك أركان عليه، خله رجله على صدره وبلش بوكسات، كل واحد أكول مات بي.

عمو يطفر ويجر بأركان ويتوسل يتركه، وهذا مستمر فاقد، صاك على سنونه، خله الدم يتناثر من حلقه وخشمه.

كام يصيح:

"لحكونيييي يا عالم، كتل أبني."

تركه أركان وكف وتفل عليه گله:

"ما يطك الحرمة غير الحرمة نفسها."

ما رد سمار لأن جان كامشته بجيه بس يشهك.

عمو:

"هسه أشتكي عليك لبالك تايهة."

"روح أيدك ما تنطي، بس ديربالك على روحك وراها."

"اتهدد؟"

"التهديد للحريم، الزلم كول وفعل، بس هذا الحريمة أبنك، ديربالك عليه."

"أبني من حقه السواه، البنية غلطت ولازم تتربه."

"تتربى من يكون عدها أزلام مو حريم، كلمتهم من حلك نسوانهم، أنطيتني كلمة ما توصلها."

"ما متربايه هاي تفضحنه، من حقنه نكتلها."

"يتيمة، عالمممم، جاهلة، ما تفهم، متولها اطراكات طبعًا تنهزم، أنت ما عندك حريم ببيتك؟ ما تعرف شلون تتعاملن وياهن، لو هاي أول اختراع عدكم."

"بناتنه يسون راسها، لا تجيبهن لهاي الساقطة، بس سهلة أعرف شلون أدبها وأتوبها، أمشي لج يلاااا."

"بالقرآن إذا دحكت بيها شخط أمحيك."

"مو شغلك."

"لا شغلي، البت صارت الي."

"شنو بكيفك، هسه أشتكي عليك أوديك ورا الشمس."

"أي بكيفي خاوة، روح أشتكي، شيطلع بيدك لا تقصر."

"لحننن تعالي يلااا."

"إذا أتحركتي أطرج نصين عالسيارة عدل، وأنت شيل أبنك وذاك المركز مو بعيد، روح أشتكي بس ديربالك على نفسك وعلى عائلتك."

"شتسوي ما تكدر تتنفس، هسه أشتكي ورا يني مراجلك يمهم."

"لا أني ما أسوي هذا شغل جهال، عيب على شواربنه أكف بوجه حرمة مثلك، يمكن التماس كهربائي يمحي عائلتك، لو طلقة تايهة أطير راس الحرمة أبنك أووو لا خليها لوقتها أحسن."

"هذا استهتار، تاخذ بتنه كدامنه ولازم نسكت، وين صايرة، شلون أنخليها تروح ويه غريب والله شنو يهدد؟"

"مو غريب ولا أني الناقص ألعب بعرض العالم، البت راح تصير حرمتي."

"تريدها عدنه بيت تعال أخذها منه مو بالشارع وتهدد، أمشييي لج."

"أخذها من حقكم بس والخلق السماوات السبع، خدش واحد إذا أدحكت بيها ألبس شيل وأكعد يم الحريم أفضلك، لأن ورواح أبوي أحولك مرة وتعرف شقصد."

"أمشي لحن."

كالها وسحبني.

انداريت لأركان أباوعله بتوسل لا يتركني، الشهكة بكلبي ودموعي تنزل، أشر روحي لا تخافين.

رحنا للسيارة دفعني صعدت سد الباب.

صعدوا ومشت السيارة أباوعليه مدنك يفرك براسه، راح جهة السيارة كام يدفر بيها بحركة.

لميت رجليه خايفة وهمه على طول الطريق ما خلوا كلمة ما كالوها، لا غلط لا شتايم، من غير كل ما يندار سمار يكفني لمن وصلنا روحي خلصت.

نزل فتح باب السيارة جرني من شعري سحلني للبيت، أتلكتنه مرت عمي بالدعاوي شافت أبنها أتخبلت.

ردت إليه تريد تملخني، جرتني بيبي صارت كدامي:

"كافي راح تموت، أرحموها."

"خايفة عليها، دتشوفي أبنييي سمش وين بي، كله من وره الساقطة، وين وليتي ويامن شردتي؟"

"ما تفهم طفلة على كيفكم وياها."

أبو سمار:

"شلون شردتي، وين شفتي أركان؟"

بيبي:

اني شردتها، كافي يا أمي لخاطر أرزيد، هاي بنيته.

ليش يمه ليش فضحتينه؟

ما انفضحتوا، محد عرف أصلاً. شفتها ما هاوية سمار وانتوا واگعيلها كتل، گلتلها روحي يم إمام گعدي وخابري رجل أختج يروحلج.

يمه مسنودة بهالزوج الساقطة، أختها يتهدد إذا ضربناها يحركنا.

أي تستاهلون، لعد تظل بس للضرب، اتركوها يمه هاي يتيمة خطية.

الرب لا ينزل رحمة عليه، ترك بناته على قلبي وراح.

لك ليش يماما تدعي على أخوك؟ راح مظلوم بعز شبابه وترك ذني أمانة.

سمار: تعالي لج، اليوم اتردين للدين المسيح ونتزوج، أركان ما يأخذج.

أم سمار: شنووو؟ أركان المهتلف يريدها؟ ولجن شنو انتن؟ أختج أخذت تاجر أسلحة، وانتِ جايبة أنكس قطاع طرق، ما تگولي لي من شنو مخلوقات؟

سمار: لو تموت ما أخليها تطلع منا، تظل تخدم بيكم. وإذا عاندت لأكسر العصا على ظهرها. وهذا أركان اللي تخوفيني بيه ما يخوف كلبي. إذا رجال خليه يوصل لهنا.

ما تطلع بس يجي نشتكي عليه. تعال يماما سودة عليّ، شلون ما أگلك ضربه الله ياخذها.

أبو سمار: اني مالي خلق مشاكل، أخابر خالها يجي ياخذها. هذا يتهدد وماكو واحد گده، ابن شوارع زايعته القاع.

لا عمو الله يخليك، والله أظل أخدم وحلقي ما أفتحه، لا تخبر خالي.

اشش، والمسيح الحي أموتج، امشي جوه.

ما أروح لخالي.

مو بكيفج هي! يمه أخذيها لا أقتلها.

بيبي: امشي يبيبي.

بيبي خالي راح يبيعني لواحد بگد جدو.

أم سمار: يطبج مرض، هم أحسن، أقلها يسترج. خبرهم يلا خلصنا من شرها. اتصل خليه يجي قبل لا يجي الساقط يهد علينا.

عمي ما صدّق، شال الفون يخابر.

جرتني بيبي للغرفة، دخلت گعدت يم الحايط، لميت رجليَّ وأشهگ، جسمي يرجف، ما عرف شأسوي.

گعدت يمي بيبي، گالت ليش هيج سويتي؟

بيبي خلصيني، أبوس أيدج، خالي راح يموتني واني عايشة.

شيطلع بيدي؟ انتِ الجبتيها لروحج.

عزة بعيني، انتهيت بيبي. هذا ما يخاف الله، راح يخلصها عليّ متعة من حضن لحضن. فدوة أروح لج، دبريني، خابري ناي.

هو طياح حظج كله من ناي. مو جنتي راضية وگاعدة، شوداج عليه؟ خرب عليج، هيج أحسن. منو الج هسه؟

أركان گال اني آخذها.

لو يموت. كافي أخذوا وحدة. هاي عائلة قجق مو خوش، شغلهم كله ممنوع، راح يضيعج.

على الأساس هسه ما ضايعة بيبي. خبريهم الله يخليج، أروح يم ناي هناك، والله ما راح تسمعولي صوت ولا تشوفوني بعد.

اني ما أگدر لعمج، وهسه خابر خالج، اني أحاجي خالج أخليه ما يزوجج.

يمه أصخام الصخمني، شسويت بنفسي؟ عزة بعينك أركان، إيش وداني عليك؟ مو نخيتك؟ ليش هيج سويت بيَّ؟ ولك گلت لك راح يموتوني، دگيت لي صدر وين لعد؟

كافي يبيبي راح تموتين.

ياراح أموت بيبي؟ اني انتهيت. تعرفين شنو؟ خالي هذا إذا اتوازه حتى يدخل عليّ رياجيل بدون زواج. بيبي اني بنت أبنك دخيلج.

لا تحاجيني بعد، السويتيه مالي حتى عين أحجي لأن ذبيتها براسي وگلت لهم اني القنعتها حتى لا يضربوج.

ياربي دخيلك. ولك عاشق تعال ليَّ. ولك أختك راح تروح، مو جنت تگول انتِ نسمة البيت اللي يضوجها أمحي. تعال شوف خيتك إيش راح يسوون بيها.

المفروض تروحن وي أخيكن، البنية بعد أخوها تنكسر ويروح حقها.

بيبي قلبي ديوجعني لحگيني.

اسم الله عليج، دنامي ارتاحي واني أروح أشعلج شمعة بالمذبح حتى محد يأذيج.

لا تتركيني خليج وياي بيبي ما عندي غيرج.

أووف يربي، ولك ماما أرزيد تعال لأمك شوفها شلون محتارة بناتك.

تمددت أحس قلبي وجعني حيل، نغزات تجيني، أتمنيت أغمض ما أفتح عيوني بعد.

للعصر واني ألوج، روحي رايحة بس الرجفة بجسمي. من غير كل إشوية سمار يتهدد يريد يضربني ويكمشه أبو يذكره بكلام أركان.

نايمة وانفتحت الباب، دخلت باجي تركض گالت صوتج إذا سمعته أموتج.

شكو باجي؟

كومي لج كومي، الرب يخلصنا منج، إذا حجيتي هسه أخلي سمار يردج لذمته واليوم يتمم الزواج منج ومحد يگدر يحجي.

شنو الصاير؟

اجه المهجوم يرعد بالباب جايب شيخ وجاي يتهدد يريدج.

بيبي: يمه أوليداتي لا يأذيهم.

لا تخافين، المنطقة كلها واگفة. گالوا ياس أخذها خالها روح لهناك. بس شيقنعه؟ واگف تگول يطلبنا. خبص الأمة. عمت عينج يا الساقطة شمسويتله وهيج جاي متخبل يريدج.

باجي خلي أروح فدوة.

اشش، تروح حتى عمج يكسر راسج، انوب أطلعي جذاب فوگ فضيحتج.

ليش هيج دتسوون بيَّ؟ خلوني أروح له، مو هو گال تعال أخذها من بيتها وهياته أجه، ليش تنطوني لخالي؟

ما دام طلعتي بسكوت وشردتي ويا وكسرتي قلب أبني، إلا أكسر راسج مكانها وأردج لخالج، هو يأدبج. أثاري يعرفجن ما بيجن خير.

غمضت واني أسمع صوت أركان وصل لنا، وعمو وسمار يتصايحون وعمو يسكتهم. حتى لو گمت دگيت الباب وصرخت ما يسمعني. إشوية وصار هدوء، عرفته راح.

رجعت خليت راسي، هاي هي، أقرأ على روحي السلام، هذا أملي الوحيد.

أقل من ساعة، أجه عمو دخل يمنا، تفل عليَّ گال كومي.

وين عمو؟ والله ما بيَّ حتى أحجي.

عساج متي وخلصتينا. كوميييي، خالج بالباب.

دخيلك عمو، اني بنت أخوك.

كوميييي، بنت أخوي!

بيبي لا تتركيني، گلتها وبجيت.

أي حتى هم تشردين، و هالمرة تردين بطفل وتخزينا.

والله عمو ما أسوي شي ولا أتحرك، أحبسني هنا راضية، ذبني بالترك بس لا ترجعني لخالو. بيبي أحجي ويا فدوة.

شفتها دنگت وبجت، وخالي دنگ جرني من شعري گومني، أخذني يدفع بيَّ.

طلعني حتى بلا حذاء. صار خالي گدامي هو ويا أخو مرته. گمشني الرجفة، أريد أسيطر على شفايفي ما أگدر من كثر ما مرعوبة.

أباوع له يبتسم، گصني من فوگ ليجوه. جريت قميصي أضم بطني.

عمي: هذه بتكم ما أريدها بعد، لا تردها، ما مسؤول عنها.

أبو سامر: هاي هي كفيت ووفيت، بتنا نعرفها مايلة وما تنعدل، واني أعرف شلون أعدلها.

تعدلها تقتلها، مالي شغل. مثل ما جبتها تاخذها، بعد ما أريد أشوفها.

ما تسمع بيها بس من تموت تجي تاخذ عزاها. يلا لج، گالها واجه سحبني من قميصي.

مشيت ويا مثل الأسيرة، ما أگدر أحجي ولا الي حق أگول كلمة.

همه ذوله أهلي، همه ذوله اللي أمنّي بابا يمهم. ناس تشمرني على ناس، اللي يتمنى موتي واللي يريد يستفاد من وجودي.

طلعني يدفع للسيارة، صعدت، صعدوا أحس آخر دگات ينبض قلبي بيهن.

بيبي واگفة تبجي وتمسح بدموعها، أعرف ما بيدها شي وحتى عمي هم يخاف من مرته.

طاحت دمعتي على خدي بقهر.

اتحركت السيارة، غمضت عيوني بيأس وأسمع صرخة رجّت المكان.

تكتم ثم تكتم؛

وبين كتمان وآخر تروّض صبرك بـ "هانت".

ثم تنفجر لتدرك أن من هان عليك هي نفسك لا شيء آخر.

قادني لك قدر وسرقني آخر، وما بين القدرين فقدت قلبي.

*****ناي*****

صوته اجاني من وراي جمدني بمكاني.

سحبني جود بسرعة، خلاني ورا.

أباوع لغيث عيونه حمر.

هالقد ما عاصر جفه، دمارات إيديه تريد تطگ.

رادت تحجي سميرة، جرها من شالها ودفعها على الشقة لطمها بالباب.

دخلت بسرعة وراحت أمها وراها.

سماهر: أطگ أختك لخاطر هالرعنة؟

غيث: صوتك أنعل أبوك لأبوها اليوم، امشي جوه.

قالها وشمر جود، سحبني من ورا دفعني عالشقة.

دخل ورگع الباب وراه.

وكف يباوع لنا بنظرة زادت الرعب أكثر من الموقف اللي بي.

يده يفتح ويسد بيها.

قالت رنو قبل لا تحجي: خالو مرتك تتمعشق وي...

بعدها ما مكملة الحجي هفها راشدي سطرها بالگاع.

رجع ضربها دفرة ببطنها گطع نفسها.

ركضت سماهر نامت عليها تبجي تتوسل بيه تكله: دخيلك يا خوي بنيتي لا تموت.

سميرة:

والله يا أخوي ما جذبت، حرمتك قبضتها بيدي، وياها خاتلة يم الباب تتوسل يدخلها ويا للشقة.

اندار لها، جرها من شالها، ركع راسها بالحايط.

كمشتها أم عامر دفعها ووقعها، ورجع لسميرة. كل ضربة يضربها لو ضاربها لرجال جان مات بيها. ما تركها لمن أم عامر قامت تلطم وتصيح:

"راحت بتي يا عالم لحقوني."

جر سميرة وشمرها على أمها، وقعن اثنينهن.

الدم تارس وجهها، حضنتها تمسح بوجها وتبكي.

أباوع ذني أمهاتهن حمينهن وهيج سوى، منو راح يخلصني منه؟

اندار باوع لي، رجعت ليورا، حتى أريد أحكي أدافع عن روحي انخرست.

صاحت سماهر:

"أطق بنواتنا وتارك راس الحية! ولك تقولي أسحق على راسك ترضاها يا أخوي؟ وأني بهذه عمري شيباتي تارسة راسي، وحدة بكد بزري تهيني!"

أجه يمي بسرعة، ضميت وجهي، جرهن وخرّهن عن وجهي.

"بعد شلاغثة؟"

سماهر:

"سمعتها أنت من قالت محافظة على شرفي، مو مثل أمكم انهزمت وخزتكم."

باوع لي تبلعمت.

ضغط على سنونه، شال أيده، غمضت حيل مستعدة للضربة. دفعني وضرب الباب بكل قوته.

ضم وجهه بيديه ومسحه، أخذ نفس.

سماهر:

"صدق تحكي يا أخوي، ما رجيتها منك. هاي بعد الحكي كله هيج سكت لها؟"

"معلوماتها ناقصة، جان درستيها أكثر."

"شتقصدك يا ابن أبوي؟"

"تلمن أغراضك اليوم تردن للعراق."

"ولك تطردني وتضيع الخوة لخاطرها؟"

ما رد، طلع وركع الباب وراه. أسمع انفتحت باب الشقة الثانية.

لطمت سماهر على وجهها:

"يمه راح يتعارك ويه رفيقه وتتخاربون لخاطر العاهرة. يمه بنيي دخلت إبليس بحياته ودمرته. هيج يا أخوي تطردني بعد هالتعب؟"

أم عامر:

"وبعد وبعد، انتظري ودحقي عاللي راح يصير."

"ماكو، هسه تطلع. ما أتحرك من هنا إذا ما أسمعه طلقها وطردها."

"عجل ما رحتي طقنا كلنا وتركها، تريديه يطردها؟"

"ما أطقها مو حبا بيها، بس كسرت قلبه. دحقي شلون حاضنين بنواتنا وهي ترجف بين أيديه بوحدها. يلا لج لمي زبالتك وتولين من هنا."

"أقص أيدي إذا تحركت غير كنز وقبضته بيدها. أنطيه وقت إذا ما خلته يسجل حتى أملاكنا باسمها ويزتنا بالشارع."

"أنعل أبو الفلوس لأبو الورث. هاي تضيع أخيي بسببها. راح يصفى ببلاد الغرب ويدمر نفسه."

قامت اجت يمي، قالت:

"اسمعي لج، أني ما أظل مناطرة لذاك الوقت. وداعة معزته بقلبي أزتك بتهمة أخلي يفصم راسك بيها. مستعدة حتى أحلف جذب بس حتى أطلعك من هنا. روحي بكرامتك وبصحتك كثير أفضل لك."

هي تحكي وطلعت سارة من غرفتها، هم وجهها منفوخ. باوعت لها سماهر وقالت:

"شكو هنا؟"

"غيث قال لا تطلعين من الغرفة بعد."

"كملت، شبلاه الزلمة تسودن؟ وين الساقط يقبضها يخليها يمه؟ أنتِ هم تلمين غريضاتك وعلى بيت أبوك."

"قولي له أني ما أطلع. شوفي شسوى بيه بس لأن بت بيت بابا يوم واحد."

"يبووو يبووو حظي، لمن أنخى وين أولي؟"

أم عامر:

"أني ما أسكت، راجعة والله لأقول لأبوه أخليه يأدبه."

"يا أبوه بعد، وين تقبضيه؟ راح أخوي بعد ما يرد. ما طوله ضال ويه هالنماذج راح يضيعنا."

"من يوم اللي دخلت البيت وشفتها تلاصص عرفت راح تكوش على كل شيء. بس آآآخ منك ما خليتيني أزتها بالشارع."

"سودة بوجهي على ذيج الساعة اللي خليته ياخذها. بس وداعة بنتي مثل ما دخلتها أخليه يطلقها."

تركتها ورحت قعدت عالتخم. اجت سارة يمي قعدت همست:

"شصاير ليش ضربهن؟"

"لقاهن بالملهى."

"عيع ذني شكول ملهى؟"

"خلي تسمعك الشرنة أخته وهي تعلمك."

"هسه صارت أشرنه؟ من جنت أقول لك مو زينة والله ياخذها ما ترضين."

"لأن غبية، على بالي صدق مثل البشر. طلعت أخس من الحيوان. يلا حتولي اليوم."

"ما راح تروح. سأليني عنها إذا ما تشمرنا اثنينه تعالي تفلي عليه."

"غيث مركب كاميرات هنا؟"

"ما أعرف ليش دتسألين؟"

"إذا ما مركب كاميرا معناتها مخاوي إبليس."

"حتى بابا يقول غيث مو طبيعي. شيطان وما عنده رحمة، يقتل حتى أبوه إذا عارض مصلحته."

"الله ياخذك يا خالي."

"وياخذ سماهر وياه ويشيل عمرهم ينطيه لغيث."

"عيع شلون أعمار وغيث معوز خبث ويزيد عليه."

"انجبي ناي، لا تحجين عليه. والنبي أقوم أفرك حلقك."

"وروح أخوي أسحلك وأشمرك من البالكون وأقول سماهر اللي سوتها. وهيج أخلص منجن اثنينكن. قومي سارة من قدامي."

"غيث عنده تسليم هالمرة ويه عالم كبار. ناي فدوة أروح لك بلكي تقدرين تقنعيه ما يروح."

"ويه أبوك أكيد."

"لا هالمرة ضد بابا وناس مثل الحيوانات. إذا غلط غيث وياهم ياخذونه يحرقونه قدامه وينحروا."

"وإحنا شكو يحرقونه؟"

"لأن راح يخسرهم بضاعة ما تنعد بفلوس. وحذروا مو قدها بس هو أصر وراح يدخل بيها. ماكو طريقة ياخذون ثارهم غير بينا."

"عزّة بعينه إذا صدق. وأنتِ أكيد أبوك راح يطلعك من المصيبة وأني اللي آكلها."

"ما أريد أطلع إذا أخذوا غيث. أروح وياه، ما أريد أعيش بعده."

"يا ريت يحبك مثل ما تحبيه."

"يحبني والله أني متأكدة. حتى من ضربني وشافني أبكي متوجعة أخذني لحضنه."

"المطعم ليش فاتحه؟"

"هذا أول مشروع يفتحوه هو وأصدقائه من وصلوا. جانوا معتازين وماكو شغل. هو فتحه الهم حتى يسترزقون منه. وأكثر الشغلهم جانوا طلاب عراقيين بوقتها."

"غيث شخصيته غريبة، ظالم بس ما يقبل بالظلم. عديم الرحمة وإذا شاف واحد قدامه ما راحمه ياخذ حقه. اللي يطلبه ما يرده، يسند وبنفس الوقت القرب منه الضياع بنفسه."

"لأن ما تعرفين منو غيث وليش هيج صار. وهاي سماهر إذا ما ضيعتنا اثنينه بس حتى تنفذ اللي يدور براسها تعالي عاتبيني."

***لحن***

ما أسمع غير صرخة رجّت المكان. انداريت أباوع من الجام أشوف بيبي بالقع واقعة والكل مخبوص.

فتحت الباب ونزلت أركض. عمي جان يمها، دفعته وقعدت شلت راسها ما بها روح. نكثتها حيل فاقدة، ماكو منها نفس. أخذتها لحضني وقمت أصرخ:

"الحقوني، ماتت بيبيييي."

نزلوا خالي واللي وياه، اجوا يمنا يركضون. صاح عمي:

"وخري داشيلها، أيدك وياي أبو سامر."

خالي:

"وخرررري لحننن."

عمي:

"شيل من رجليها وأني من أمتونها، بسرعة بلكي بعدها عايشة."

جرني وخرني وشالها هو وخالي وعمي.

أني مخبوصة وأيدي وياهم خايفة عليها. ما أحس غير خصري انقرص، انداريت لقيت أخو مرت خالي غمز لي.

اشكد اشمازت نفسي وكرهت روحي.

دفعت أيده ودخلت وراهم. خلوها بغرفتها، قعدت يمها خليت راسي على صدرها وندعي كون قلبها بعده يدق.

عمي:

"هسه أخابر الدكتور يجي يشيك وضعها."

أم سامر:

"لا يا دكتور، ناخذها للمستشفى. هاي منتهية."

"لعد غيروا لها خلي ناخذها ما طول أبو سامر حتى يساعدني."

"ما لقت غير توكع بالساكية. دطلعوا خلي انغير لها."

"استعلي يا عيني وأنتِ لحن أيدك ويه مرت عمك."

"على شنو أيدها؟ هو كله بسببها راح تموتنا كلنا، وحدة سافلة محد قادر على عينها."

"هسه بعدين الحكي، دغيري لها بسرعة راح نحضر السيارة إحنا."

طلعوا ضلينا أني ومرت عمي. اشكد حجت وغلطت.

ما جنت أسمع لها، ملتهية بيبي أغيرها وأشهق خايفة عليها. بس دموعي تنزل حتى لساني انشل من الدعاء. بعدني ما ملبستها وقالت:

"اسمعي لج، كملي لبسها بين ما أروح أغير اتوسخت."

"ميخالف باجي بس على كيفك ويه أيدها، أتركها أني ألبسها."

"هسه خايفة من سويتي سواتك؟ ما جنتِ تفكرين؟"

"روحي فدوة، غيري بلكي الله نلحق."

"الموت لكِ مو إلها. بس آخ الحظ."

سكتت، طلعت هي وأني أمسح على شعر بيبي وأشهق بقهر. أول ما سدت الباب.

فتحت عيونها بيبي قالت:

"لحن لا تبجين، بيبي ما بيه شيء."

"عزّة بيبي، وقف قلبي على بالي هم راح تتركيني."

"هسه وجودي عالأساس نافعك؟ اشو ساقط ما قدر حتى أدافع عنك."

"بس قومي ما أريد شيء، خليك طيبة كافي."

"هاج هاي هويتك، وخابرت هذا الولد اللي رحتي وياه لقيت رقمه بالموبايل. قلت له راح أشردها وأنت أخذها من هنا. بالبداية ما رضى، قال بس انطيني مهلة ساعة أجيب أهلي لأن هاي وراها قص رقاب."

"يعني ما راح يخلصني؟"

"لا بجيت وأترجيته، قلت له ما تلحق راح ياخذوها. خالها وصل وخاف يعقدها على واحد. صح مبين متعصب بس قال هاي هي منتظرها براس الشارع خلي تطلع."

"اشوكت؟"

"قبل ساعتين من طلع من هنا. بس ما قدرت أقول لك خفت يسمعون. وكل اشوية أخابره أقول له لا تروح ما قدرت، حاجزينها أنتظر اشوية. رد بس طلعيها لي ومالك شغل بالباقي."

"شلون أطلع وكلهم قاعدين؟"

"هسه من يدخلون ياخذوني أنتِ طلعي من هنا. صيري نادرة يا بيبي، ما أقدر ترى أحميك. والولد دق لي صدر من بجيت قال اعتبريها وصلت لحضن أختها."

"يا ربي كون أقدر أطلع. هذا خالي ناوي لي نية بس الله اللي يعلم بيها."

"يا بيبي أنتِ رايحة وياه، ديري بالك على روحك وحافظي على نفسك. صيري سباعية مثل أختك، شلون ما خلت أحد يلمسها غير زوجها هيج أريدك."

"هسه أختي صارت سباعية مو عمر تحجون عليها؟"

"شسوي غصبًا عني. ما أريدك تتأملين بيها. ردتك تكرهيها وتضلين يمي ما قدرت على بعدك. بس هسه شفت بعد ما أقدر أحميك. خذوك من حضني، روحي يا بيبي يم أختك هي تحميك."

شفت الباب انفتحت، ضميت الهوية بصدري.

دخلت باجي لقتها فاقة حلقها ولا طكة، صاحت لخالي وعمي. اجوا طلعوها وبيبي تقريبًا ميتة. كمشتني الضحكة وأني أقول:

"ناي على من طالعة."

طلعوا للسيارة، ضل أخو مرته بالبراني ويه سامر اللي متحطم ما يقدر يتحرك.

صعدوها بالسيارة واندار لي قال:

"ردي جوه بس يوصلنا ويرد لك خالك."

أم سامر:

"أني وياكم أجي، وين تريد أسد الباب؟"

"لا ردي وياها جوه بلكي خربطة بالضغط ماكو شي. وهي هم خلي تاخذ شكو أشياء عندها هنا لا تخليهن."

"يلا دروحوا هسه ألم زبالتها. يلا لج دخلي لا تعطلينه."

هم مشوا وإحنا دخلنا للبيت. قالت:

"روحي على غرفة بيبيتك شكو ملابس لك لميهن."

"هسه باجي."

"لا تتفهين، دأروح أسوي عصير للرجال فشلة قاعد."

أشرت أي ودخلت. شفتها راحت للمطبخ، رديت طلعت على كيفي مو تقول كم متر صار اشطول الطريق.

أمشي وأتلفت، أيدي على قلبي وعيني باب الاستقبال خايفة يطلع واحد.

علما وصلت للباب لن قلبي خالص من الخوف.

فتحته طلعت أباوع يا شارع من هنا لو من هنا هذا واقف؟

أكيد على الشارع الرئيسي.

أسمع صوت مرة عمو تصيح "سامرر" وأني بعد ما أندل طريقي. ركضت بكل سرعتي، حسيت شيء دخل برجلي لأن حافية شل حركتي.

وقفت عصرت نفسي، انداريت خفت لا ينتبهون. رجعت ردت أركض ما قدرت، قمت أسحل بروحي سحل للشارع. خلصت طاقتي كلها استنزفت يالله خلصته.

وصلت آخر نفس لقيت أركان منتجي عالسيارة يدخن. شافني أشر لي استعجلي.

راح للسيارة صعد وشغلها. وصلت يمه فتح الباب، صعدت حتى ما لحقت أسد الباب انطلق.

سديت الباب وأني قلبي يريد يوقف. خليت أيدي عليه قال:

"طقوك؟"

"هئ." قلتها وشهقت.

"هين يولي لا تبجين."

"كل شيء لا تسوي أهم شيء خلصت."

ما حكى كمل طريقه بس جان يسوق بخبال. كل اشوية أقول راح نقلب، يسب ويلعن على طول الطريق لمن خلصنا المنطقة.

رحنا يم محل ووقف، نزل راح دخل للمحل.

مسحت عيوني أخذت نفس، ماكو بلساني بس الشكر لله.

اشوية وطلع بيده علاكة وبطل مي. أجه صعد شمرهن عليه قال:

"اغسلي وجهك ولبسي ذني بسرعة."

فتحت البطل غسلت وجهي، شربت اشوية سديته وخليته بصفي.

فتحت الجيس لقيت صاية سودة وحجاب. باوعت له حتى شرايينه مبينة من كثر ما معصب. خفت أسأل.

انتبه لي صرخ:

"يولي شكو ددحكين؟ لبسي الاستغفر الله."

"ليش دتصرخ؟"

"تعرفين الزمال ابن الزمال شعمل هسه بسبب حضرتج؟"

"ليش دتعيط عليه أنت اجيت ما غصبتك."

"أنعل أبو شرفك وتطلعين بهيج ملابسسس. لحن نفس ما أسمع لكِ، لا وروح أبوي أنزل أدفنك حدر السيارة."

"رجعني بطلت ما أريد أجي وياك."

عض أيده ورد يضرب الستيرن حيل. لميت نفسي انحشكت يم الباب.

نزل دفر السيارة واندار رفع راسه ليفوق يتنفس يريد يهدأ.

خفت من تصرفه مو عاقل.

أخذ له اشوية مسح وجهه، صعد ركع الباب حيل. شغل السيارة وشحطها لنص الطريق. اندار لي عرفت لازم أسد عيوني أشرت أي وغمضت.

رجعنا لبيت جدته، ركن سيارته ندسني فتحت عيوني أشر:

"يله."

"وين؟"

"لقبر أبوي أبوس أيدك لا تثولين."

"راح تخليني هنا بنفس البيت؟"

"عجل وييين أخليك ياغضب ربي؟ على بالك راح يسكتون هسه ينبشون قبر موتاي من وراك. خاطفج أني؟ تعرفين شنو خاطفج؟ تهمة وحدة يلطمون بسمعتي بين السلف."

"لعد ليش هيج جازفت؟ جان تركتني إذا خطر عليك."

"لأن الكلب ابن ست طعش كلب دق لك صدر. انزلي يولي."

"اشكد راح تخليني هنا؟"

"كم يوم بين ما أطلع لكِ جواز وأزتك على أختك. وأنعل أبو أبوك إذا نخيتيني بعد. كلمة دخيلك تنسيها تشيليها من قاموسك. بس أسمعها أكفر بيكِ."

"لا تخاف ما عندي فون ورقمك يم بيبي، هسه أتبلكك."

"حلفي."

"والنبي."

"أني جبتها لروحي. المهم دحقي جدتي راح تسألج منهو أنتِ تردين حرمته."

"ليش؟"

"من غير ليش؟ نفذي اللي أقوله."

أشرت أي.

نزل نزلت وراه. فتح الباب دخلنا سده، مشى قدامي وأني وراه. المكان مرعب. كمشت قميصه من ظهره. دار أيده عصر كف أيدي وهمس:

"لا تخافين هنا أمان."

دخلنا جوه، استقبلتنا عجوز قاعدة تشرب جاي. سلم وراح يمها دنق باس راسها وقعد. شافتني قالت له عقدت حاجبها:

"منين لك هاي؟"

"حرمتي جدة."

"قلت حرمتك؟ أي يا الذيب شنو سالفتكم كتوهن يا جدة أسمع."

"ماكو سالفة."

"هم حق. أني أهتر بروحي قابل شنو؟ وإذا كل يوم خاش واحد منكم بيده جاهلة وقال حرمتي."

"جدة راسي مصدع، بروح أهلك لا تظلين تلحين بالسالفة. البت مرتي."

"من اشوكت عايش ضامها؟"

"لو ضامها ما أجيبها هنا."

"شنو ناوي تستقر يمي؟ عجل إذا حرمتك وهيج ذيب زمانك ما أخليها يم أهلك. عايش جاي تتختل يمي."

"لا دخيلك، لا أهلي ولا غيث أريدهم يعرفون."

"أركان من أي مصيبة جايبها؟"

"جدة كم يوم وآخذها، بروح موتاج بسك أسئلة. البت أمانة يمي."

"أمانة لو حرمتك؟ والأمانة من اشوكت تخش هنا أركان شكو براسك؟"

"دخيل الخالق جدة، من الأخير هاي أخت ناي تزوجتها بالسر وتورطت."

"دهر دهركم، شنو ماكو غيرهن بالدنيا؟ شبيكم أنتم تاركين بنات السلف ومزنحين ورا المسيحيات."

ما رد، خلى راسه بحضنها يفرك براسه.

"انزلي هنا لشوف شنو الميزة اللي بيكن؟ صدتن زينة أزلام العشيرة."

رحت يمها، جرت الشال باوعت لي.

"طاقها يا الأغم، أنجعلك بالكسر."

"جدة من اشوكت أطق حرمة؟"

"قلت عديت من أخيك الخبل، اشو أنتم نفس الثول."

"مشكور جدة."

"قوم جيب لنا عجلة خبز ما عندنا. وجيب شكرات للحبابّة لأن اليوم جاينا عالم لو هم عطيته الراية البيضة مثل السبع."

"هسه أجيب الولد ما يجون، راح لهم شاهين. غيث ما مر هنا."

"الصبح سلم وسأل عنك، عجل وين جنت؟ على شنو ما ودعت أخيك؟"

"عندي شغل جان." قالها وقام قال:

"خليكِ هنا لا تتحركين ما أتعطل."

"اللي تتحرك تندفن. ولك بس لا مثل ذيج الرعصة."

"لو مثلها ما ادحكتيها هنا خاتلة ترجف. يلا ما أتأخر جدة، خفي لا تجلطيها."

ما ردت، شالت استكان الجاي وخزرته. أريد أتبلعم ما أقدر، أشرت:

"روح." دنق باس راسها وطلع.

شربت جاي وباوعت لي، حسيت روحي اختنقت.

"متزوجك لو مهزومة من أهلك وبليتي الرجال؟"

"هاه؟"

"جنك صدق خوثة. قربي لا تظلين غادية جنك فرخ مصلحة جا تلو الأصفار."

"شنو ما دا أفتهم؟"

"اربربي لج وعدلي من تحجين. شبلاه حلقك أعوج؟"

شهقت.

"عايش تبجين؟ شنو صابك وأهلك وين؟"

"ما عندي أهل ماتوا كلهم بس ناي بقت. فدوة بيبي خايفة البيت ظلمة."

"لا تخافين يا جدة أني حدك. قربي يمي."

"أسد الباب أخاف يجي حرامي."

"تا أترس حلقه بارود تلقطيه عليه. وذني أهديماتك ذبيهن الجو حار."

أشرت أي ونزعت الجبة والشال بدون اعتراض لأن شكلها مو مال عناد يخوف.

شلت شعري لفيته ورفعته. باوعت لي من فوق لي جوه وابتسمت.

"لا والله خوش يصيدون العوجان."

صفنت.

"لا تثولين يا المعثرة. روحي اكو أفريش يمك أخذي حكم وطلعي ذاك من الغرفة زتي برا."

"وين؟"

"بالغرفة قدامك تلقيه منضود. افرشي لزوجك تعبان خليه يرتاح."

"بس واحد؟"

"عجل اشكد تردين؟"

"لا بس داسأل."

"متكاونين لو ما معاقدين من الأصل؟ احكي لأفتهم سالفتكم شنو؟"

"لا هو يعصب ويظل يعيط عليه وأخاف يضربني."

"لو يطقون جان فصم راس الرعنة أختك على بلاويها. شما أشوف وراكم مصيبة. روحي حضري له فريشة ماكو شيء ينظم."

سكتت لأن ما أعرف شأجاوب. هاي راجدي واحد منها أعترف بكل شيء.

رحت للغرفة لقيت ميز مليان فراش. أخذت دوشك وديته للغرفة الثانية فرشته خليت المخدة. شلت ذاك طلعته وديته برا لقيت جنطتي مشمورة بالطارمة.

ركضت شلتها دخلت بسرعة. أنفت سحبت نفس من الجكارة وضحكت.

دنقت وقعدت بمكاني أحس نفسي مدبكة من الحر والتعب فوق الخوف من الأجواء. صنتة ماكو نفس.

مرت ساعة كلما أشيل راسي أشوفها أتباوع لي بمكر يزيد خوفي. أرجع أدنق بسرعة وأدعي كون يرد قبل لا تأكلني.

لمن قالت:

"قومي خشي للغرفة أريد أنطمر لا تظلين هنا."

"هاي الغرفة نفسها؟"

"لا حدر الدرج، أربطك ويه الأخوث من يرد أغدي بيكم الأسباع."

"هاا هو اشوكت يرجع؟"

"ما يبطي ما طوله تارك أطويرته هنا. قومي جدة ولا تخافين أني حدك بالغرفة الثانية."

أشرت أي أخذت الجنطة ودخلت للغرفة وهي راحت لغرفتها.

فتحت الجام حارة تموت. تمددت عالدوشك منتظرة جيته أخاف أغمض.

أقل من نص ساعة دخل بيده علاكتين ومروحة عمودية.

شمر العلاكة عليه.

وخلى المروحة بالقاع مقابيل الدوشك شغلها. طلع سرقي من العلاكة الثانية سد الباب وقف يشد بيها.

فتحت العلاكة بيها أكل. اشكد جوعانة بس أستحي آكل تركتها.

كمل شدها، تأكد منها تفتح وتسد. تركها باوع لي قال:

"عايش فراش واحد؟"

"بيبي قالت."

"اشتعل أصلك على أصلها. وأني أظل نايم عالقاع لأن حلقك الفاهي ما عرف يطلب واحد ثاني."

سكتت.

"أتسممي لا تصفنين."

"ما أشتهي."

"لحن أكثر شيء أكرهه بحياتي المرة الفاهية. بالقرآن أهفك دفرة ألبس بالحايط. اعدلي أفضل لكِ. جدتي هم سألتك من طلعت؟"

"لا بس قالت متكاونين وأكو شي ضامه حأعرفه."

"حلو كملت. أكلي يوي تا أطفي الضوه وخلي لي هويتك هنا."

"ليش؟"

"أريد أطلع لكِ شهادة وفاة بنت الطركة. غير أزور لكِ جواز ثاني."

أشرت أي. طلعت الهوية من صدري خليتها يم الجنطة. هو واقف يباوع لي هز أيده وطلع.

دنقت شفت بلوزتي نازلة. عزّة بعيني وأني أقول ليش يباوع لي هيج.

فتحت العلاكة طلعت لفة قعدت آكل. دخل سابح شعره مبلل بطرك البنطرون وبيده فراش شمره بالقاع، قفل الباب.

انسدت نفسي حتى عن الأكل. تركت اللفة ولميت روحي أتبلعم.

أنوب رجلي رجعت تحركني ما أعرف شنو بيها. طفى الضوه تمدد اتجتف وأنطاني ظهره.

حشكت روحي يم الحايط وأني ألعن بخالي وعمي على هاي الورطة.

عيوني قامت تتغمض وأني كامشتني الخوفه ما أريد أنام. لمن بعد ما سيطرت خليت راسي عالمخدة بسرعة رحت بالنوم. ما قعدت غير على أيده يدقدق على خدي. فتحت عيوني جان يباوع لي بسرعة دار وجهه قال:

"قومي قفلي الباب وراي وكملي نومتك."

قعدت لقيته مبدل. قمت طلعت سديت الباب وركضت لفراشي نمت براحة.

للظهر قعدت شبعانة نوم. قمت طلعت لقيت العجوز ماكو.

فرحت على بالي طالعة للسوق لو واجب.

أخذت ملابسي وركضت للحمام دخلت. جان مفلش ذكرني بحمام المقبرة اللي جانت تسولف لي عليه ناي من تريد تخوفني.

علقت ملابسي، ترست الطشت قعدت شمرت المي على جسمي. بارد منعش يزيل الوسخ والتعب سوة.

ماكو بس صابونة. تركت شعري غسلت جسمي. قمت سحبت التيشيرت هم قصير وأنوب برمودة مو بنطلون. أني وين جان عقلي من جبت هيج شي؟ هسه يستلمني اكس مربع.

يلا شسوي له؟ أني بذيج الساعة مو زين عرفت آخذ شي.

أسمع العجوز صاحت:

"وينكِ يا الصلعة؟"

"ها بيبي دأسبح طالعة هسه."

"عجل أفراش ثاني وخابس نفسه. تاليتكِ بالحمام وين دحام من الصبح؟"

"ما أعرف بيبي طلع من الفجر."

لبست وطلعت بسرعة. باوعت لي من فوق لي جوه. أخذت لها اشوية قعدت.

"مشطي وتريقي وبوجهكِ عالطارمة نظفيها."

"وين موجود المشط؟"

"يمكِ عالميز. شكو هلقد حاطة بهارات على شعركِ؟"

"ما خالة شي هو لونه هيج."

"شسمكِ؟"

"لحن."

"أي لحن تعرفين تركبين؟"

"هاه لا بس كل شي أعرف أسوي غير الطبخ."

"عجل استعجلي يلا اقضي شغلكِ بساع ودخلي جوه. جاينا ضيوف وزوجكِ إذا دحككِ هالشكل يطركِ بالنص."

هزيت راسي وأني ما مفتهمة نص الحكي. مشطت ضفرت شعري. لبست نعالها صارت رجلي بالمقدمة. أباوع أصابيعي منورة ابتسمت. قفزتني بصوتها.

رحت للمطبخ أعرج ما أعرف شلون أركض ورجلي توجعني.

دخلت لقيت الجاي عالتهدير. صبيت استكان وأخذت خبزة وعلى وكفتي أكلت بسرعة. طلعت برا.

أباوع الطارمة يمكن من انبنى البيت لس ما متنظف. وقفت صافنة أنوب كومة حديد وجينكو مطشر.

احتاريت شنو أشيله وشنو أخلي.

عضيت شفتي درت وجهي أدخل هسه أسألها لو هم تصرخ بوجهي؟

لا خلي أشمرهن بالشارع وأقول لها أنتِ قلتي.

دنقت أشيل بالحديدة انفتحت الباب. شلت راسي لقيت أركان دخل فتح الطلاقتين ورد طلع. ثواني ودخل سيارة بيضة للطارمة.

أشر لي:

"سدي الباب."

رحت سديته. نزل وقف باوع لي.

"يولي يابا أنتِ صايحة؟"

"ما فهمت."

"ولا راح تفتهمين. هذا لبسكِ شنو؟ وأنوب واقفة قدام الباب مثل الثولة."

"ما عندي غيره. ذنيج غسلتهن هسه ينشفن وألبسهن."

"شكو برا؟ موش قلت لا تطلعين من الغرفة؟"

"مو سبحت ودا أنظف الطارمة بيبي قالت."

"أنتِ تنظفين متأكدة؟"

"أي والنبي."

"استغفر الله. خلصي بسرعة وردي للغرفة."

"أقول لكِ هذا الحديد راح أشمّره برا."

"أويلي يابا تا أزتك بدعة وراه."

"لعد وين أخليه؟"

"قرطي."

"عزّة أقرض حديد؟"

"لحن يولي جدي انسلق بقبره. ابتعدي عني."

قالها فتح الجنطة مال السيارة طلع عدة خلاها بالقاع. نزع قميصه وطبق بنطلون من جود.

قعد يفتح الرقم مال السيارة.

تركته وبلشت بالتنظيف. صاح:

"انزلي يولي اقبضي هاي."

رحت مد أيده بيها شي كمشتها ما أعرفها شنو. رد يفصخ كل اشوية منطيني حاجة وماخذ الثانية. الشمس حارة أحس استويت بس أخاف أقول له. ظليت أناوش وأني حبابّة.

قام ووقف طق ظهره. طلع جكارة ورثها. أخذ نفس نفخه بوجهي قال:

"شطبختي؟"

"هاه؟"

"فهي فهي. أنعل أبوي يولي وبالقرآن أهفك بالسبانة شرط أطلع الصفنة منكِ. أقول لكِ شطبختي؟"

"ما أعرف."

"عجل يابا شنو اللي تعرفيه؟"

"أني عليه التنظيف. ناي تعرف تطبخ."

"هو شنو اللي ما تعرفه؟ وناي عايش ما علمتكِ؟"

"ما ترضى تخاف أوصل للطباخ."

"تعرف نسبة النباهة يمكِ مفولة طبعًا ما تأمن."

"لا جنت مريضة حتى التنظيف هم هي تشيله عني لأن جنت أدوخ على ساعة."

"وعلى حظي صحيتي. دحكي لج ما فارغ أجيب من برا. طبخي هنا خلي يتزهرمون الربع لحد ما تودعين."

"تمام أروح هسه."

"اقبضي هاي وركدي مكانكِ خلي أكمل شغل."

أنطاني جكارته ودنق يفر بالمكينة. ناوشني مقبض. احتاريت بالجكارة لأن أيديه بيهن اثنينهن أغراض. خليته بحلقي وأخذت المقبض.

مد أيده وهو مدنق حجيت من بين سنوني:

"شنو؟"

شال راسه باوع لي بسرعة دمغني وأخذها من حلقي.

"يولي قلت اقبضي مو تدخنين."

"لعد ما دتشوف أيديه مليانات ليش تضربني؟"

"شلون راح أهفها دفرة؟ جيبي هذا راح أشغل السيارة. دحكي الخلل وين؟ كون على ربكِ تفهمين."

"عزّة لعد شعرفني أني؟"

"لحن ركدي ودحكي بالمكينة لا وعزّة الله أرد لخالكِ أرفعوا فلقة."

"يعني شنو؟"

"اشتعل أصلكِ ناي. ول يابا دحكي هنا."

باوعت له ما أعرف شيحكي.

شال المقبض واجاني. ركضت جرني من قصيبتي. ضميت خدودي بسرعة وغمضت منتظرة الضربة.

انتظرت ماكو. فتحت عيوني على كيفي لقيته صافن. أخذ نفس وترك قصيبتي قال:

"انزلي جوه."

"بس أكمل تنظيف."

"خلي للعصر خدودكِ احترقن من الشمس."

"لا عالسريع عادي هو يصير هيج دوم ويروح بس يبرد. صدق سويت لي جواز؟"

"وصيت جماعة ما يطول بس أخذ لكِ صورة حتى يكمل."

"هم اشتكوا أهلي؟"

"خالكِ مقدم بلاغ وتاهمني. فضيتها الصبح ما عندهم دليل ولا شهود. هذا سامر طبيعي هو هيج من الشركة لو مثول على أثر صدمة؟"

"شبي يعني؟"

"سلامتكِ يولي ما بي غير العافية."

"شوف هو حباب بس أمه اتحشي براسه تخليه يضربني."

"بس طق ماكو غيرها؟"

"والنبي هو متربي."

"لا متربي مرتين. متأكد منها رب اللي ضال يدحك حلاله قدامه يتخطى هيج وهو قاضيها طق وتصفن. أوووف لكِ حكمة بيها رب العباد."

"شنو يعني؟"

"دحكي لج الشمس شاعلة جدي والتعب مثول أبوي. فهاوتكِ نعلت أبو أصلي. تندارين وعالصالَة يم جدتي. خليني قاضب الوشالة مال أخلاقي لا تتطشر وأصير متفلة للسلف."

باوعت له شيحكي هذا؟ خلى الجكارة بحلقه ودنق شال حديدة.

انداريت بسرعة ركضت بسرعة.

"هووب اكفي."

"ها؟"

"يولي شبيها رجلكِ عايش تكرزلين؟"

"ما أعرف شي دخل بيها من اجيت لأن حافية."

"انزلي هنا لشوف."

رجعت نزلت الدجة رحت يمه. سد الجنطة رفعني من خصري قعدت عالجنطة. شمرت النعال شلت رجلي. دنق يباوع بيها مسح بصيعه قال:

"من هنا؟"

"لا."

"هنا؟"

"هئ."

"اشتعل أصلكِ ناي هنا يولي."

"ييي دتوجعني."

"ركدي لا تتحركين يمكن گزازة. خلي أجيب شي أطلعه بيها."

راح للسيارة طلع ما أعرف شنو. أجه بيده أبرة طلع الجداحة عقمها. دنق على رجلي أول ما دجها صرخت وسحبتها.

قام مخنزر قال:

"شحجيت لكِ؟"

"ما أريد أتركها، هي وحدها تروح."

"بالقرآن أهفك طراكِ أخليكِ أسبوع متربعة بفراشكِ."

"لا حباب والله دتوجعني. هي هسه تروح."

"لحننن وروح أهلي تتحركين أبترها لكِ سمعتييي؟"

سكت رجع دنق يزرف بيها. أخاف أسحبها ولا أقدر أسكت. موتتني وجع تقول يبحش بقلبي.

أباوع مدخل الأبرة لي جوه.

غمضت حيل هو عصرها حيل وأني أحس الدنيا افترت بيه. كمشت متنه.

وخر كمشني بسرعة قال:

"ول يابا شصابكِ؟"

"دتفتر الدنيا."

"نامي ضغطكِ انخفض."

سحبني نيمني عالجنطة وصعد رجليه غمضت.

راح جاب مي غسل وجهي. فتحت عيوني قال:

"شتهجسين؟"

"لا راحت بس شويه تعبت."

"جيبي اللي يقنعني أنتِ وأختكِ."

"ترى ماما شريفة لا تحكي هيج. ولو مثل ما تقول ما جان ربتنا هيج وخلتنا نحافظ على روحنا."

"حلفي." قالها ودنق زغر عيونه همس:

"شنو اللي يثبت؟"

دفعته وقمت طفرت من السيارة. رجعت اشكد منحط.

دخلت جوه لقيت العجوز طالعة من مكان جوه الدرج. ما عرفت شنو. أني هم ما لي دخل قعدت يمها بالصالَة.

مر الوقت ما دخل، ضل برا حتى الأكل هي ودت له. اجوا جماعة طلع وياهم ما رد لنص الليل.

نايمة وهو دخل، شمر المفتاح وباوع لي بس شكله كلش ضايج.

***ناي***

مر يومين الأجواء تعبانة ومشاحنات وهوسة. وغيث ما أنطيه وجه يم الولد ضال حتى يبات هناك. اشكد حاولت سماهر تراضيه وتظل ما قدرت.

اتصالي بلحن بالقوة قدرت أتصل مرة وسديته بسرعة حتى لا يحسون. وهمه بس يردون عليه، لازمة مراقباتني أربعة وعشرين ساعة.

طلعت من المطبخ بيدي كوب جاي. لقيتهن على كعدتهن بالصالَة يحشن كالعادة. باوعت لي أم عامر عفست وجهها اندارت لسماهر قالت لها:

"حظوظ."

"ما تظل تنزاح. اشوكت تسافرون؟"

"اليوم ويه طر الفجر. حاجز لنا أخوكِ الشفيه. بس خلي أصل وأني أعلمه شلون هيج يطق أخته ويردنا غصب."

"وحجيتي خية شراح يغير؟ منو يقدر له؟ كلمته من راسه ما يعمل الشيء غصبًا عنه لو يعرف وراه قص رقبته."

"وأنتم عايش هيج حاسبين حساب والكل خايف؟ عطيته مجال لحد ما تفرعن."

"تعرفين عايش لا تغشمين روحكِ أم عامر. اللي يعمل ذيج العملة بدون لا يرف له جفن هذا موش بس ينخاف منه لا يبتعد عنه أحسن ولا يقرب صوبه."

"عجل هيج راح يضيع الأملاك كلها. موش بعيد هالصلعة تفر عقله أكثر ما فارته تكوش على كل شيء."

"هاي دبارتها هنا عندي لا تشيلين هم. هاي هي أخذت قرار مثل ما تريدين. أي تركينه منها عايش خابرتكِ سهيلة أسمعها تهوس شصاير؟"

"الخبل الثاني شاهين تقول انزلنا للسوق أني وريحانة. واحد من البقالة اتحرش بريحانة. من رادت بنت سهيلة حاجيتها قدامه قوم تسودن. أخذ القامة وراح للسوق وافتح راس الزلمة. لو ما وجوه الخير قاضبيه جان هطره نصين."

"يمه دخيل الرحمن وهسه خو ما تأذى؟"

"لا مخيطين راسه. ماخذين عطوة تا يمشون ويفصلون. بس تعاي قنعي الخبل بالقوة قاضبيه يتهدد يروح يقتله نهائيًا. وأركان ما هو يم جدته بدعة هالايام."

"أني عرفت شبلاهم أحفاد بدعة. يمه تخبلوا ما ينقبضون. ما أعرف شكو بروسهم."

"موش بكيفهم. بس أريد أخلي أبوكِ يروح لبدعة لخاطر تفض السالفة. تزوجوا سميرة وتخلصنا. إذا ضل هيج يبلانا شطلعت."

"الله وياكِ وقنعي لغيث هم. بلكي الله جدتي تقدر تقبضه وتجبره تا نرتاح من هم أحفادها."

"بس ذوله الثنين مخابيل. الحمد لله أركان راكز وعاقل ما عنده سوالف العشق والخرابيط."

"هم خبل هذا يدور شرف. بعد أخطر لازم نوقف استعداد لا وحدة من بنواتنا تزيل صفحة. بالقرآن يدفنها بصف اللي راحت بدون رحمة."

"يله أني أقوم يمه سميرة لميتي الجنط؟ ترى جود قال ساعتين وأمر عليكم."

سميرة:

"..."

أَي يمه لَمِيتِهن بس دَبِّرِيني، أَرد هيج والله أَصير مضحكه. جايه أَتونس ومتباهيه بين بَنوات عمي، أَرد متسقِّطه وره يومين.

خلي نِصل وعندي اللي ياخذ حَقِّچ. قومي يلا أم رنو، نِسلِّم عليچ.

وين أَجي ويَّاج تا أَوَدِّعِچ؟ يله رنو ويَّاي الدنيا ما تتأَمَّن بَعد، هَم يزِتَّن مصيبه ويطلعن بالوجه المَلَائِكي.

قالتها وباوعت لي، رفعت الكوب شربت منه وعضيت شفتي كاتمه الضحكه وأنا أشوف أوجُوهُن منفوخه بدل وجهي.

طلعن، رحت تمددت عالصوفا أُقَلِّب بالفون. أقل من ساعه وانفتحت الشقه، دخل غيث باوع لي، قال: قومي انطمري بغرفتك.

استوهم طلعوا، دأُنظِّفها أول.

حلو، ساره وينچ؟

على صوته، طلعت ساره من غرفتها، أجت تركض وصلت يمنه، قال: دحچَن يولي، اللي تدوس عتبة الباب منچن أمحيها من الخارطه.

ساره: ما أطلع.

انكتمي أنتِ بالذات، ما أريد أسمع صوتك. بالقرآن اللي تتكاوَن لو أسمع نفسها أدفنها بقاعها.

ساره: يعني أظل وياكم عايشه هيچ سوه، نظل بشقه وحده؟

ما عاجبك يولي؟ طلعي ولي لبيت أبوج، وأنا أدز ورقتك وراك.

قمت أنا، قلت له: أنا حَأَروح.

لا ما حَزَرْتِ يولي، اكو اتفاق تكملي وتولين لجهنم، وأنعَل أبو اللي يمنعك. يلا انقلعي على غرفتك.

تركتهم ورحت لغرفتي.

همست: الله ياخذك، عبيد عندك.

صاح: نااااي! سكتت ودخلت بسرعه للغرفه، بدلت الفرشه وغيرت ملابسي، تمددت. بعدني ما نايمه، دخل شمر مفتاحه، أخذ منشفه وراح للحمام.

حضنت مخدتي ونمت، طلع من الحمام نشف شعره وأجى اتمدد يقلب بفونه.

أخذ له شويه وأغلقه، خلاه يم راسه، سحبني له، انداريت قلت له: شنو غيث؟

صوتك يولي، لا وعمة الساده أحطم سنونك.

ليش، عبده عندك؟

أي عبده، وشوكت ما رغبتك أقَرِّب لك، ما لك حق تحجين نص كلمه.

لحد متى؟

لحد ما تسلميني الزمال ابن الزمال وتولين.

قالها وعصر وجهي، أخذ شفتي بين أسنانه.

أحس روحي مخنوقه بس ما أقدر أعترض، هذا جان اتفاقنا وأنا رضيت بكل شيء.

من كثر ما جان يضغط علي حسيت يملخ بي، عرفته دا ينتقم لأن ما ضربني.

جان متناقض، ساعه يتعامل بقسوه، ساعه بلهفه وخوف.

حس بي هدأت بعد ما قاومته، نزل لرقبتي عضها حيل، نبتت أظافيري بظهره، زاد أكثر.

مد إيده سحب الحمّالة، كمشت إيده قلت له بتوسل: كافي فدوه.

إيدك يولي، لا أكسرها.

غيث الله، دَتَأَذيني.

متأكده؟ شيلي إييييييدك.

غيث الله يخليك، لا تحسسني هيچ رخيصه. قلتها وشهقت.

ما اهتم، جر إيدي خلاها على راسي، ثبتّهن ورجع كام يتفنن، ما مهتم لمشاعري، أو يمكن رادني أتوسل بي. أخذ له شويه وشال راسه، قال: ثبّتي لچ.

مسحت دموعي بمتني وأشرت أي، لأن عرفت نقطة ضعفه، غبي كشف روحه بنفسه.

استوى قرب وبلشت وياه، وصدق ما طول دقايق، وخر بسرعه بس عيونه حمر، قال: شنو العملتي؟

لفيت نفسي وقعدت أشرت: شكو؟

يولي لعب شياطين موش ياي! بالقرآن أطرچ بالنص.

مسحت عيوني بظهر إيدي ورجعت ليورا، شال الكوشه شمرها علي.

انطمري قبل لا أگضبچ بإيدي أودّچ لربك.

خليت راسي عالمخده، قام لبس ملابسه، فتح الكنتور طلع إبره ضربها بزنده، فرك المكان ورجع للجربايه سحب المخده طبگها، انطاني ظهره واتجف نام.

وجه الصبح تقريبًا صاير والنعسه بعيني راحت، عيني بالنوم بسرعه ما قعدت غير على وجع بخاصرتي. فتحت عيني لقيته خال راسه بحضني وإيده ماحاوطه خصري بس من ثقلها موتتني.

وخرتها على كيفي، فز عدل نومته، رجع انطاني ظهره.

غمضت أخذت لي شويه، اندار حسيت إيده على وجهي، سويت روحي نايمه.

تقرب وخر شعري، حرك أطراف أصابعه على وجهي، قرب طبع بوسه خفيفه على شفتي وخله راسه برقبتي أخذ نفس طويل، همس: ما راح تنعدلين ولا تتعلمين لمن أنعَل أبو أصلي.

مرت دقايق وهو يباوع لي ويحرك بشعري على كيفه، أخذ نفس ورجع دخل راسه بحضني وحاوطني بأيديه بهدوء حتى لا أقعد.

حسيت بي مو طبيعي، من جهه يحب ساره ومن جهه متعلق بي وخايف يأذيني.

ايش قد أحاول أكرهه وأقول كرهته بس أعرف دا أجذب على روحي.

رن فونه، باس راسي ورجعه عالمخده على كيفه.

انقلب، شال فونه رد حكى بالتركي أكثر الحكي ما لحقت عليه حتى أفتهم بس عرفت يقول له: انتظروني هسه جاي، طلعوا قدامي نص ساعه والحكم للمقر.

قام أخذ المنشفه سبح وطلع عالسريع، غير ملابسه فتح كنتوره طلع "أكلاو" أسود أبو الوجه، عرفته راح يروح بمصيبه اللي قالت عليها ساره.

قمت بسرعه وقفت يم الباب أمنعه من الطلعه.

شنو يولي؟

ما تروح غيث.

احلفي. قالها ورفع حاجبه.

غيث فدوه، أتعارك، أصرخ، أزعل، بس لا تروح. والله حَيمسكوكم، هنا كاميرات وأمن.

لا تصدميني وتقولين هامتك. بعدي لچ.

كافي، مو أخذت حقك مني، بعد ليش هيچ دا تسوي؟

آآآه، أتمنيت ما عاطيك كلمه، جان علمتك عالحق اشلون. قالها وسحبني دفعني.

فتح الباب وطلع، أسمعه فتح باب الشقه، قعدت يم الحائط شهقت ضميت وجهي، انركع الباب لبالي لبالي راح، ضميت وجهي وبجيت بصوت. دخل قال: عش تبجين؟

رفعت راسي وأنا أشهق.

مسح وجهه قال: ناي لا تعرضي لي.

كافي غيث، والله دا توجع قلبي، ليش هيچ دا تسوي بي؟

لأن ضعيفه وجبانه، وأنا أكره هالصفتين.

أنا مو ضعيفه.

عجل العملتيه شنو؟ ولچ لو ما قاضب نفسي بآخر دقيقه جان أذيتك.

أنا ما سويت شيء، هنه اتهمني بشرفي.

اش قد أريد أقسى عليك وأأدبك، قلبي ما يطاوعني يولي، من أول تهديد تتنازلين عني، عش هيچ رخيص عندك؟

تريد خوال لأطفالك وتريد مره إلك عندها أهل حتى يسندوك، تريد صيت وعزه وأنا ما موجودات عندي.

سمعت خال حدر التراب تسوه سلف بقبره، قوة مره أتسنّدك تسوه زلام بشواربها، دفو حضن تحس بي الأمان تسوه الدنيا بكبرها.

لعد ليش دا تسوي بي؟

لأن جببببانه، وجنتِ ناويه تهديني.

لأن وجعت قلبيييي، لأن شفتك نايم بحضنها. غيث أنا مو حيوانه لازم أتحمل وأسكت.

قومني أخذني لحضنه، حضني حيل قال: وعمة الساده جنت ماخذ جرعه ما حسيت على روحي.

يولي وحق كلام الله أعطيك عمري بدون لا أفكر، مو لخاطر شهوه حتى الحيوان يسويها، أوجع قلبك.

وجعته.

عَبني موش أزلمه.

أدري بيك تحبها، وأدري من حقها، بس والله مو بيدي ما أقدر أشوفك وياها، حتى حضنك كرهته، كرهت قربك كله.

أبعدها عنك، ما راح تشوفيها. قالها ورفع راسي مسح دموعي، دنق باسني، همس: ما أريد أدحك دموعك.

لعد لا تروح.

ما أتأخر، ساعه وأرد.

غيث والله ما أقدر بدونك.

ما أتركك، وداعت هالعيون اللي جنهن سيراميك حمامنا.

ضربته بصدره، كمش إيدي عصرها قال: يولي لا تجربين حظك وياي.

رن فونه، شال إيدي باسها وطلع مستعجل.

طلعت لقيت غرفة ساره مفتوحه، نايمه جفي على وجهها.

أباوع لها، حلوه وناعمه، وأعرفه يموت عليها ويحكي هيچ بس يريد يسكتني، مستحيل يبعدها.

عيونها محاوطتهن الأسود من كثر الجرعات اللي تاخذهن.

أوديها مزرفه من الإبر، تحك جسمها باستمرار.

بقدر ما غيرانه منها، بقدر ما كسرت خاطري.

ما عرفت هاي حالتها راح يجي يوم أوصل أضعافها.

رحت للحمام سبحت وغيرت ملابسي، أردت أدخل للمطبخ توقفت قلت: أروح لشقة الولد هم أتريق وهم أرتبها.

طلعت للشقه دخلت لقيت بس كرم قاعد، قلت له: صباحو.

شال راسه أشر هلا وقام راد يروح للغرفه.

شبِيك كرم؟

ما بي شيء تعبان، أريد أنام.

ما مسمعك غيث كلمه؟

لا غيث، ايش دخله يمعوده، هم هذا اتورط بشغله راح تجيب آخرته.

لعد شبِيك؟

ما نمت بليل، نعسان.

همم، كرم ليش ما تسامحها إذا تحبها هيچ؟

ناي لا تدخلين بهيچ شيء.

تعرف غيث قبل لا يطلع شنو قال لي؟ قال: أنا مو زلمه لأن نزل دمعتي رغم أنا الغلطانه بحقه.

ما غلطتي، غلطتها.

لا غلطت، وأكثر منها أضعاف اللي سوته سويته بي، بس كل مره جان يسامحني، تعرف ليش؟ لأن اللي يحب من صدق يسامح.

وأنا ما أحبها.

لعد خليها تروح بطريقها، الله يسعدها، يقولون خوش ولد وهي هم بدأت تقتنع بي.

رجع قعد خله راسه بين إيديه، رحت يمه قعدت قلت له: صدق دا تحكي كرم، والله تحبك وما رادت تخسرك.

تدرين ليش ابتعدت؟ مو لأن جذبت علي.

لعد شنو؟

لأن أبوها طرد أهلي من الباب، قال: لو تبقى بنتي بلا عرس طول عمرها ولا أنطيها لمسيحي، وإذا فتحت السالفه مره لخ أجيبها مناك وأردها لزوجها بيدي غصبًا عنها.

هي تدري؟

لا ولا راح تدري، خليها كارهتني هيچ ولا أدمر حياتها ومستقبلها.

بس أنت دا تتنازل عنها، هيچ راح تتزوج.

إيش أسوي؟ قل لي، والعذرا صار يومين ما شايف النوم.

تزوجوا.

وهيچ سهله ببالك؟ ما فكرت أهلها ناس عرب وأنا عندي أخت بالمدرسه، خايف عليها منهم راح يأذوها ياخذوها مكان رويده.

الله يحرقهم كرم، لازم تسوي شيء، ولك تبكي وراك تقول: أموت ولا أتخيل حياتي ويه واحد غيره.

ولچ إيش أسووووي؟ إيش أسووي؟ إحكيييي، عاجز، تعرفين شنو عاجززز؟ وأنا اللي دا أموت مو هي، سنتين نوم ما أقدر أنام إذا ما أشوف صورتها وأتأمل ملامحها، أعيش وياها داخل الحلم، هاي بنت قلبي ناي، والله أحبها. قالها ونزلت دمعته.

أريد أسيطر على دموعي ما أقدر، قعدت قدامه قلت له: لا تبكي والله نلقى حل.

ماكو، راحت حلم عمري.

ما تروح، ما طولكم واحد يحب الثاني حاربوا، لا تتنازلون عن حبكم.

ما أقدر أخطي أي خطوه، ولچ يأذون أهلي.

غيث يقدر لهم.

ما يقدر غيث عشيره وهمه عشيره، راح تصير دم بينهم.

اكو شغله ثانيه راح تلغي العرس بيها.

شنو؟

:- أكلهم مريضة مرض مو زين ولازم أتعالج.

:- راح يگولولها تعالي.

:- لا ما يگدرون، لأن تعتاز أفلوس العلاج هواي يكلف، وهمه حالتهم فقيرة. فهيه اتخيرهم لو ترجع وهمه يتكفلون، لو عدها صديقة متبرعة تعالجها هنا.

:- ما راح يصدگون.

:- عندي أوراق ماما الله يرحمها، نگدر انزوّر الاسم وندزه حتى يصدگون. وأكيد وياها دراما وتعالوا دزولي أفلوس ومن هالحجي. هسه تشوف راح ينسحبون ويكولولها عندچ ضمان صحي هناك ضلي.

:- وإذا أجه واحد من أهلها؟

:- ما يگدر يظل أكثر من شهر، لأن فيزته تخلص. والجرعة أنواع، اكو منهن شهر يالله تنوخذ. راح نسطر رويدة بفراشها واني وغسق وياها. المهم انضوج اليجي ونلبسه بالادوية، هو وحده راح يفلت. ها شگلت؟

***لحن***

أباوعله ودار وجهه، گعد طلع فونه فتحه وبده يراسل بعصبية، والمسجات تجي وحده وره اللخ.

لمن أجاه اتصال رد گال:

:- يول شصار؟

:- لا عليها باچر أخذ الولد رايحلها، إذا ما سفطت أضلوعه بالعكس ما طلعت ابن أبوي.

:- بالقرآن ما أردها، وإذا هو زلمة خلي يفتح حلگه.

:- ما يخوف أزغر جاهل بالبيت.

:- كونه صدگ وبي حظ ويثبت أقواله. أويلي يابه، غير الله زته بطريجي، أجاني من السما.

:- هين ما ظل شي، انطروني بس يطر الفجر اطلع.

:- حي الله يا الغالي، الله وياك.

سد الفون واتمدد يسحب الجگارة حيل. إندارلي باوعلي سكت شوية وگال:

:- عش، الباب مفتوح.

:- نسيت.

:- نسيتي لحن؟ هنه ضالات يومين، لا تخليني أكفر بيچ. انتبهي وفتحي عقلچ، ولا بالقرآن أدفنچ وأخلص العالم من ثولچ.

:- لا تگول ثولة، داگولك نسيتتتت.

:- گومي أخذيلچ طراگ بت الطرگه، هاي كل حيلچ؟ ولچ بهذا صوتچ ما تخوفين خنفسانة.

:- أحچي صحت، ليش سكتت؟ صحت فاهية، فهمني شأسوي حتى تسكت، أنتَ مدا أعرف شتريد بالضبط.

:- صوتچ لج، لا تخليني أگوم أسحلچ.

:- أنتَ واحد ديرزل بيك وطلعها بيه.

فتح عيونه باوعلي متفاجئ، بسرعة گعدت زحفت ليورا گلتله:

:- والله آسفة ما قصدت.

ما رد، طفه الجگارة، طبگ مخدته واندار انطاني ضهره ونام.

أخذت نفس من هيچ الله خالقني، خرسة أجفص بالحچي، صدگ ثولة. لو گايم كاتلني، منو يخلصني منه؟ هذا چنه تريلة.

تمددت على كيف حتى لا يحس.

مرن أربع أيام، چان گالب خلقته ما يحچي وياي، حتى ويه جدتي قليل يحچي. يطلع الصبح ويرد بالليل.

أخذلي صورة بالفون للجواز.

أگضي اليوم ويه العجوز، أنظف بالبيت، هواي أتعدل بي. وهيه علمتني هواي أشياء، شگد ما تنشاف صلبة وقوية، شگد ترزل بأركان وتغلط عليه، بس هيه مبينة تحبه. وحتى اللي تعاملني زين ودوم تمسح على راسي وتردد نفس الحچي:

:- اللي ربي ياخذ أهلها يسندها بالأقوى.

يصير العصر دخلني بالغرفة وتقفل الباب. أسمع يدخلون شباب وصوت حديد وأشياء تنگل، ياخذولهم بالساعة أكثر وتجي تفتحه. ما عرفت شنو يسون، لأن أي أثر للي أسمعه ماكو، وأني هم ما أسأل.

ملل مو طبيعي، لا فون والتهي بي ولا تلفزيون عدهم. ضالة أتصفن. دوم يجيهم شباب أقرباء العجوز، وأني أنحبس بالساعات بالغرفة، كون حتى نفس ما أطلع حتى لا يحسون بيه.

گاعدة بالليل بالغرفة، العجوز نايمة وأني ساحبة شعري صفح، أفتح وأضفر. تقريباً صار بيه توحد من الوحدة.

دخل تركان گال:

:- گومي سويلي چاي.

:- ما أعرف.

:- خلي الاستغفر الله عالنار وأني أخلي چاي.

گمت رحت للمطبخ خليت القوري وگفت كامشة القبق منتظرة شوكت يفور المي حتى أصيحه لا يطير المي وهم يگول فاهية.

دخل أجه يم الطباخ، بعدني بيده وگف خله چاي. رحت حضرت كوب خليت شكر.

:- ما ظل شي لجوازچ ويطلع.

:- شوكت حأسافر؟

:- أول ما يوصل أحچزلچ، بس لا أعرفچ ولا تعرفيني، أي شي ما يوصل لغيث.

:- لا أبد، هاك الكوب.

أخذه گال:

:- جدتچ تريد تشوفچ قبل لا تسافرين.

:- أخاف يكمشوني، خلي أوصل وأتصل فيديو بيها.

:- سوي اليريحچ، شنو أجيب لچ للسفر؟

:- لا هناك أخذ من ناي.

:- ول يابه، ملابسچ ما راهمات للسفر، كل عقلچ ترحين مصلخة؟

:- تره ما مصلخات، بنطلون وقميص عاديات، وإحنا هذا لبسنا.

:- لبسچ يم أهلچ، موش هينه، ما طولچ بتنا صرتي تحترمين نفسچ وتتسترين.

:- تمام باچر اطلع وياك أشتري.

:- أكلها ثور تگول حلبة، يولي معقولة رب الكائنات نسى يخلي براسچ عقل؟

سكتت تركته وطلعت، لازم يگلي غبية، ما يگدر يفتر يفتر لمن يگولها يالله يرتاح.

دخلت للغرفة رجعت گعدت على فراشي. دخل وراي بيده الكوب، سد الباب ورث جگارة راح يم الجام يدخن. أخذله شوية گال:

:- تستقرين غادي؟

:- ما أعرف، ويه ناي وين تروح وياها؟

:- إذا ما استقبلچ غيث وهذا الشي متوقع.

:- ليش حتى ما يستقبلني؟ شنو مسويتله؟

:- ولا شي، منهزمة من زلمتچ صار كم يوم محد يعرف وينچ، وفجأة تصبحين بتركيا.

:- مو زوجي هذا وطلكني هو، وانطاني لخالي، وهو يعرف خالي شنو.

:- ما يعرف خالچ، يعرفچ على ذمة ابن عمچ.

:- شنو يعني ما أسافر؟ لعد وين أروح؟

:- لا يولي سافري عش، لا شنهو تركيا أبوه ويمنعچ؟ وأختچ ما راح تخليچ وحدچ.

:- حتى لو ما رضى أروح يم جود.

:- وأنتِ وين تعرفين جود؟

:- مو جنت بتركيا وياهم، أعرفهم چان يجينا وناي ضليت يمه من تركناها، حباب كلش.

صفن بوجهي هز راسه أي، ورد يباوع يدخن يباوع من الجام.

:- يصير تنطيني فونك أخبرها؟

:- لا.

:- بسرعة ما أتعطل.

:- يول سمعتي؟ أنتِ لو تحبين الاستغباء.

:- مو غبية اني ولا فاهية، ما أسمحلك تغلط عليه.

أخذ نفس ونفخه، ضحك باستهزاء حرك گلبي بالزايد.

همس متعجرف:

:- أحچي بصوت عالي.

:- ما حچيت شي ولا تدخل باللي أگوله، خليك بحالك أحسن حتى لا أسمعك حچي.

شال الكوب شرب منه وخلاه عالرازونة مال الجام، أجه يمي گعد نص گعدة، أدنيت ليورا گال:

:- كملي يولي عش، سكتي أريد أسمع.

:- ما حچيت شي، دا أجذب.

رفع حاجبه.

:- لا تباعلي هيچ.

:- لا بالبالچ بحالچ، آخر وحده أدحگ بجهرتها أنتِ، تعرفين عش لأن شخصيتچ ضعيفة، وأني أكره هالنوع من الحريم.

:- مو ضعيفة أني، ومنو أنتَ وأهتم إذا باوعتلي لولا؟ تره ما شايفاتك گدامي، وإن كرهتني تره مبين ذوقك شنو، تحب الرخاص.

:- ول يابه أعصابچ عش، عصبتي.

:- ما عصبتتتتتت، أركان لا تستفزنيييييي.

سحب نفس من جگارته ونفخها بوجهي خنگني، همست:

:- حيوان.

ما رد، ظل يباوعلي.

رجعت ليورا وراي الحايط ماكو مجال.

سحب نفس ثاني نفخه، وبحرگة سريعة كمشني من شعري سحبني إله. كمشت أيديه أباوعله بترجي، همس:

:- والله آسفة.

نكث جگارته طلع الجمرة أكثر، ضميت وجهي بسرعة.

:- شيلي أديچ.

:- والله آسفة بعد ما أعيدها.

:- أديچ. گالها ونتلهن بالجمرة، بسرعة وخّرتهن، نزلت دموعي. قربها من شفتي حسيت بحماوتها، غمضت.

منتظرة شوكت يچويني، أتعطل وحتى الحماوة راحت. فتحت عيوني لگيته صافن بوجهي، باوعتله دنّگ أخذ شفتي بين سنونه، ما أعرف شنو صارلي.

حسيت جسمي كله خدر وشي بداخلي دگ، شعور ما أعرف أوصفه، حسيت روحي بين أيديه وأني بعالم ثاني، أتعمق أكثر وأيده أحسها يمشها على ظهري.

دفعته وخر وهو ينفت، باوعلي دنّگت ولميت رجليه لحضني.

گام مسح وجهه أخذ الباكيت وطلع من الغرفة.

خليت أيدي على گلبي أحسها يريد يطلع، شنو السواه وخلاني هيچ مستسلمة بديه وگلبي هيچ يدگ؟

ليش هيچ حسيت؟ أني شوكت شفته وهيچ دا أحس؟

يمكن لأن أول واحد يتجرأ يسوي ويا هيچ هالدا أحس بهالشي.

مسحت وجهي أريد أهدأ، شلون حأباوع بوجهه بعد؟ صدگ غبية وفاهية، ما عرفت أدفعه، شدا يفكر بيه هسه؟ أكيد يگول ما صدگت.

تمددت أكل بضافيري، شعور مخربط وخايفة بنفس الوقت.

أتعدى الوقت وهو ما دخل للغرفة، صار وجه الصبح سمعته دخل.

درت وجهي للحايط وسويت روحي نايمة، دخل عالكيف سد الباب طفه الضوه، أسمعه تمدد.

طلع النهار بعد ما گدرت أقاوم رحت بالنوم، گعدت الضهر على صوت العجوز وهو يحچي وياها يگلها:

:- ما طول يومين بالجثير.

:- أركان عينك بلحمك، المرض الخبيث ينتشر إذا ما فلعتو.

:- غيث گاضب على أيدي.

:- لأن لحمه ومن ضلعه، أنتَ هم لا تضغط عليه چثير، أريد أذنه تايتأدب.

:- خلينا نعطي چنص هال يومين، إذا بس اشتميت شي يدل على أنو مر موش نبش، أفلع راسه موش بس أذنه.

:- المصگوعة عش نايمة لسه، شعملتها؟ ولك بس لا مريضة؟

:- لا ما بيها شي، متعودة تگعد تالي وكت.

:- هالبيت عثرة، رادلها چثير شغل يالله تگف على رجليها.

:- عدها أخت إبليس زمانه، ما يلحگها هيه تدبر أمرها.

:- صدگتك يا الذيب، روح جده كمل البلوة اللي جبتها، بره خلصنه منها.

ردت أگوم أتذكرت البارحة، خجلت من نفسي ضليت على نومتي منتظرة بلكي يطلع، مرت ساعة ما سمعت صوته. گمت لميت شعري طلعت همست:

:- صباح الخير.

الجده:

:- هلا صباح العافية، روحي أحمي الريوگ أتريگي.

:- ما أشتهي، خليها فرد مرة للغده.

:- عجل طلعي لزلمتچ گليله خلي يجيب أكل.

:- هاا لاحتريك لعد.

:- إحنه أنريد ناكل خو موش بس أنتِ تزنحي قبل لا يطلع.

:- بيبي طلعي أنتِ فدوة.

:- شصاير يجده متكاونين؟

:- أي وما أحچي ويا.

:- أركان.

:- عزه بيبي تركي.

:- ولك يا الأغوث وينننك؟

أركان.

:- أمري جده.

:- كرب لك عش طاگ الجاهلة يالحرمة.

رفع حاجبه باوعلي. درت وجهي لبيبي أشرتلها لا.

:- عجل عش متكاونين؟

أركان: ماكو شي جده، لا يظل بالج. وأنتي دحقي هالعباية إذا على قياسج.

:- شكرًا.

:- أول مرة أسمع يشكرون حيوان.

انداريت لقيته منطيني ظهره، مدنق يورث جكارة، كمل وطلع.

باوعتلي الجده كالت: ولج متجاوزة عليه!

:- والله بالغلط، هو استفزني واعتذرت منه.

:- وما دفنج صدق ناقص مرجلة؟

:- بيبي والله ما أعرف شلون حجيت.

:- روحي اعتذري. ولي لبلاد الغرب نفس أختج، تاكلين وتنكرين، ضايع وياجن التعب.

رحت وراه لقيته واقف يم الحديقة يراسل. وصلت يمه أريد أحجي ما أعرف شكول. أكل أظافيري. أخذ له شوية، كال: أمري ست لحن.

:- والله آسفة.

:- انسي. روحي تهيري، يمكن أحصلج حجز حتى الفجر تطلعين.

:- زعلان مو؟

:- ول يابه على شنهو أزعل؟ غلطتي شي؟

:- ألف مرة اعتذرت منك بس أنت قلبك أسود.

:- لحن ولي على جوه.

شهقت. اندارلي باوعلي وبعدين ضحك. إجه كمش وجهي ومسح دموعي. كال: إشقد رخاص ذني، كل دقيقة ونزلتيهن.

:- مو رخاص بس تعبت. صار ساعة أتوسل بيك، وأنت شكال سمعتني ما حجيت وياك.

:- شسمعتج يولي؟

:- ما عندج شخصية، أكره المثلج فاهية. وهسه دتكول رخيصة.

:- يولي تحورين الحجي أنتِ! لو تسمعين عكس؟ وين حجيت هيج أنا وياج أكره الفاهيات؟

:- أنا مو فاهية، كلتها وشهقت.

:- ههههههه. أستغفر الله. ول يابه عش مهتمة موش يمج. صح فاهية ما أكلج لا، بس تركيبة ثولج عجيبة غريبة مو يم السالفة.

:- شنو بعني دتذم لو تمدح؟

:- من هيج على هيج. يلا روحي اتريقي وتعالي وياي. خلي أكرب عليج قبل لا تطفرين، أقلها أطلع أفلوسي الخسرتهن.

رحت جوه اتريقت عالسريع. غسلت وشلت شعري. طلعت لقيت العجوز مختفية. طلعت بره لقيته يفلش بالسيارة. ما أعرف شعنده وياها. ما خلى شي، جابها جديدة، حطم أبوها.

رحت يمه كال: حدري هينه. دحقي هذا الجدامج، قضبي حيل.

:- أنت دتحجي عربي؟

:- لا إسباني. لحن تشتغلين لو تنقلعين جوه؟ كلش موش وقتج.

:- لا حساعدك بس السيارة جانت جديدة ليش هيج دمرتها؟

:- مثل ما راح أدمر جهرتج. يول قضبي عدل.

:- شنو قضبي؟

:- قضي.

:- هاه؟

:- اشتعلت ناي! يولي حدري جوه لا أبتلي بيج.

باوعت له مقهورة لأن حسيت يهيني. مسح وجهي كال: راح تبجي أنوب؟ لحن بنتي تعالي إلى هنا فلتمسكي هذا لو سمحتي.

:- هذا؟

:- نعم هو. هل تنظرين هذا أمامك؟

:- ههههههههه.

:- اشتعلت--

قبل لا يكمل قلت له: ناي.

:- أي بالقرآن. ناي! لا تضحكين يولي اشتغلي.

:- أوك داكمشه. بعد شنو أسوي؟

:- لا تسوين بس ركدي.

:- يعني أباوع؟

:- عفية دحقي لطولي.

:- أنتم كلكم طوال.

:- شلون يعني؟

:- يعني أهلك إشو غيث طويل وأنت هم، حتى بيبي طولكم مو طبيعي مو مثل عمو وسمار.

:- طبيعي الخلل بأهلج. براغي مسولكات لا نفع ولا منفعة بس محسوبين عالعدد السكاني.

:- أركان لو أجتك وحدة مو أنا، يعني قصدي مو أخت ناي، هيج متعرفها وطلبت منك تحميها حتسوي نفس الشي؟

:- دخيلة قصدج؟

:- إيي.

:- أحميها بروحي.

:- وإذا أجوا أهلها وأخذوها منك غصب؟

:- على قص رقبتي. قضبي البنيد عدل يول لا يفلت.

:- تمام ما حيفلت كامشته عدل.

:- أخوج الله يرحمه شلون جان؟

:- قصدك من أي ناحية؟

:- كل النواحي.

:- بالشكل يشبهلي، حتى تصرفاته هم هادئ. أحنا البيت كله هادئ بس ناي وكحة عدنا جانت، وبابا الي دللها خلاها تتوكح أكثر.

:- ناي موش وكحة. ناي عبارة عن رعونة على شوية جذب على صلافة على عناد راس يابس وأخلاق سقط. شخصية قوية وصلبة، مشاعرها معدومة.

:- لاااا مو هيج.

:- وروح أخوي هيج وأكثر. قبل فترة رحنا لبيت أهلج، أباوع للبت صافنة عالبيت، دمعة ماكو بعينها، أتغل ومحتركة بس أتلاصص مقاومة.

:- ما تعرف شنو براسها.

:- لا رب الأعراف، وما راح تنول الي أبالها. عايشة بأوهام، لبالها سهلة الشغلة. عقلها بعده ما متكامل، تفكير مراهقة. ما أكلج قليلة لا، مرة حوق ما شفت مثلها، صاحبة وقفة تسوى زلام مشوربة.

:- إشقد ماما جانت تحجي وياها بس هي مصممة تكول حلم واحد عايشة أحققه وأموت ما رايدة غيره.

:- تذبح الذبحوا أهلها وبنفس المكان.

:- إيي.

:- ما تحصلهم، حلمها بعيد كلش. ناوشيني المفك يمج.

تركت البنيد، دا أنطي المفك. ما سمع غير عاط: اشتعل أبوج بقبره!

انداريت لقيته طابق على أصابيع إيديه. رفعته، طلعهن، يفتح ويسد بأيديه. سديته على كيفي. باوعلي.

رفعت إصبعي قلت له: نسيت.

:- لحن انقلعي جوه أنتِ منا لمن تولين تنعلين أبو أبوي بقبره.

:- يوجعنك؟

:- لا يولي، هي حديدة وكسر كم إصبع قابل شنهو؟

:- عزه! لعد شلون حتحجزلي؟

:- هذا الهامج إش؟

:- اشتعل أصلج ناي! قلتها وضحكت. باوعلي وضحك على ضحكتي. هز إيده وراح جوه البوري يغسلهن.

أباوع له يفرك بيهن، وجعنا بس أتحمل، ما بينها ولا حاجاني.

سمار وخالي على كلمة يموتوني كتل.

شيصير لو هذا ابن عمي جان هيج صار بينا؟ هيج اتبهدلنا وتشردنا؟

يمكن ما جان شفنا الظلم ولا حسينا بقهر، أصلاً محد جان اتجرأ يحاجينا.

قام نكثهن كال: يلا يولي على جوه، يلا ما بيها شغل بعد أتحطمت.

صار الظهر اتغدينا. غسلت المواعين. هو طلع يجيبلي أغراض للسفر.

كملت كم شغلة عد العجوز، رغم كبرها بس قوية تشتغل، صح مو كلش بس ساندة روحها. ما فهمت ليش وحدها غامضة، حتى تصرفاتها ساعة تعصب حتى أركان يتجنبها، وساعة تهدأ وتصير أطيب منها ماكو. كل العرفته غيث وأركان وياهم واحد يتناوبون عليها ميخلوها وحدها.

كملت شغلي، سبحت وطلعت. دخلت للغرفة مشطت شعري. بعدني ما ضافرته دخل أركان بيده علاقة يخابر يكلهم: هلابيهم. لا نفس المكان. هلا وألف هلا بس ما كاملات. تمام المبلغ كامل. هاي هيه نص ساعة ويكون كلشي حاضر. هلابيكم منتظركم.

سد الفون، شمر العلاقة عليه وطلع مستعجل.

فتحت العلاقة لقيت بيها فساتين طوال كلش وحجاب، حذاء تقريبًا متوسط العلو.

شلت الفستان كلش حلو مبين ماركة، كلوش من جوه.

ردت أقيسه، دخل بيده إبرة وكلينس. كال: زتي هذا البيدج.

:- ليش وشنو هاي أركان؟

:- ما راح تحسين، نغزة خفيفة.

:- إبرة شنو؟ صدق دتحجي؟

:- لحن لا تعبيني يبه، ما راح أخليج تحسين بألم.

:- ما أضربها، شبيه حتى آخذ إبرة؟

ما رد. إجه يمي، شمرت الفستان، رجعت ليورا. صرخت: بيبي لحقيني!

حصرني بالحائط وكمش إيدي. قمت أطفر وأدفع، أريد يتركني. ماكو. شفت طلع إيدي وأنا اتخبلت، قمت أبجي وأتوسل. ما در بس ضغط عليه حيل، سحب إيدي ثبتها.

عضيته من زنده حيل، ما اهتم ولا تكول ويا. ضربني. خلص ضغطها بالكلينس فركها. وخرت عنه دموعي تنزل. كال: لا تخافين ما عليج.

:- شنو هاي ليش ضربتني؟

:- لسلامتج.

أحس الدنيا افترت. كمشني بسرعة دَنق، شالني وداني عالفراش. وهذا آخر شي أتذكره.

ما صحيت غير ضربات بخدودي ومي على وجهي. فتحت عيوني لقيت أركان متربع كدامي.

راسي مصدع. كال: شتهجسين؟

:- راسي حينفجر.

:- قومي شربي هذا راح يروح الألم.

:- ما أريد نعسانة.

:- قومي يولي لا تورين قلبي. هواي صارلج نايمة مو زين.

:- شنو اللي ضربتني؟

:- ضربتج شنهو؟

:- البارحة ضربتني إبرة.

:- إشوكت هاي؟ عقلج شصاير له يولي؟ أنا استوني جيت أصلاً البارحة جنت بره بايت.

:- دتضحك عليه ترا أتذكر.

:- لحن قومي بنيتي، مبين بعدج نايمة. يلا عندي شغل أريد أطلع.

:- روح لعد.

:- أهووو! شلون ورطة! يولي صار 15 ساعة نايمة راح يتوقف دماغج أكثر ما هو متوقف.

قمت كوه لقيت كوب بيده. شربته بس مر. كمعتين وتركته. قلت له: كافي صحيت.

:- أنا طالع ساعتين وأرد. إذا لقيتج نايمة أطرج بالنص سمعتي؟

:- أمم.

:- لا واضح. قومي قيسي الملابس حتى إذا بيهن خلل أبدلهن.

:- خبرت ناي؟

:- لا من تطيرين أخبرها حتى ما بيها اعتراض تستقبلج غصبًا عن خشمها. يلا طالع محتازة شي؟

أشرت لا. قام طلع وأنا رحت غسلت وجهي وغيرت ملابسي.

طلعت شعري صاير هوسة، مشطته شلته.

رتبت ملابسي خليتهن بالجنطة حتى بدون قياس لأن مبين على قياسي.

لقيت باكيت جكايره عالميز. قمت أخذته اشتميته. بي عطر إيده. أحس غصة بقلبي ما أعرف ليش.

خليت إيدي على قلبي. أنا ليش هيج دا أحس؟ يمكن لأن ساعدني لو يمكن أول مرة أحس بحنان أحد واهتمامه.

خلص لحن حتسافرين. لا تتعلقين بي أكثر. وضحلج أكثر من مرة يكره شخصيتج وفهاوتج.

راح أتغلب على مشاعري بس هذا أخذه للذكرى.

خليته بالجنطة. دا أسدها أسمع الباب تندك. استغربت أركان ما يدقها، يدخل قبل. يجوز مو هو.

رجعت أعدل بالجنطة. هم اندقت بس أقوى هالمرة.

قمت رحت لغرفة العجوز نايمة بعمق. صحت بيبي. فزت كالت: شكو يا جده؟

:- الباب دتندك.

:- وين أركان؟

:- طلع.

:- ما عدنا أحد يجينا هيج وقت، هاي المستعطين يمكن.

:- أكلها أتروح؟

:- لأهلج. انطيها ذني. كالتها وطلعت من جوه المخدة أفلوس. أخذتهن وطلعت.

الباب مستمرة بالدق. قلت لها: على كيفج أجينا.

فتحتها دا أنطي الفلوس. جمدت وأنا أشوف كدامي خالي ويا ثنين رياجيل ----

أباوع لكرم، عينه بيه يريد يحجي ومتردد، خايف. أشرت:

"گول أي."

"ناي أخاف ندمر حياتها."

"يله، عالأساس اشلون حياة عايشتها؟"

"ماعرف، ماعرف ناي، خايف أذيها أكثر."

"ما راح نسوي شي بس نوقف الزواج مؤقتًا."

"وإذا عرفوا أهلها بالجذبة؟"

"ويعرفون، ما راح نخسر شي أكثر من الراح تخسره. يله خابرها خلي تجي، گللها ناي تريدج بس لاتگوللها شنو السالفة."

"ما عندي رقمها، أنتي اتصلي بيها."

"كرم تحبها لو لا؟"

"شتگولين أنتي؟"

"تصرفاتك وأسلوبك ما يبين هيج."

"أحبها بس ما أريد أأذيها، أريدها وأعرف ما أگدر آخذها."

"تگدر، وألف طريقة تگدر تسوي وتاخذها بيها. خلي هسه نفركش الزواجة وبعدين ندور حل للزواج."

"اتصلي بجود حتى ينطيها إجازة، تره ما تگدر تطلع هيه."

شلت فوني اتصلت بجود، انتظرت ماكو رد، رجعت اتصلت هم ماكو.

ها شنو، ما يرد؟

- لا يمكن مشغول.

- لابس خجلان من غيث بعد اللي صار.

- الله ياخذهن، هم حكى وياه لو سمعه حكي.

- لا تخافين، واثق بجود أكثر من نفسه. دخل هنا كله سوي لي جاي وشمر قميصه عليه. صدق ولج غسلت قميص رجلك؟

- المطلوب؟

- أسبوع كامل تغسلين ملابسي.

- أتصل بجود وهذا صاحبك مو شغله ثقه، أقص إيدي إذا ما طلع مركب كاميرات صورة وصوت حتى بالحمام.

- شدرَاك؟

- اكو اتفاق صار بيني وبين سماهر، بس والله مو على جود. هي قلبت السالفة بس على أمه كان الاتفاق.

- مو كاميرات، غيث متربي بين ذيابه، يلقف الشغلة هيّ وطايرة. لا بد ما فلتي شي قدامه لو قلتي شي ما تعرفين بوجوده، يعني يعرفوا بس هو وسماهر.

- ما أعرف يمكن. يلا أتصل.

اتصل بجود وصدق أول رنة رد، كله:

- ها لك شكو؟

أشرت له إني مريضة ووقعت عالكَنَب حتى يفهم بسرعة.

- ناي تعارضت وما أعرف شأسوي لها، خلي رويدة تجي.

- إنت زمااال! لك، اخذها للمستشفى بسرعة وإني جاي وراكم.

- ما ترضى، تقول غيث ما يرضى أطلع، وشي بسيط خلي تجي رويدة كافي.

- يلا يلا جايين، روح خليك يمها لا تتحرك.

- تمام لا تتأخرون.

- كررم خليك يمها، مو أجي ألقيك مطمور.

أشر "أي" وسده، باوع لي ابتسم.

- على فكرة أشرت "أي" وإنت كنت دتخابر. كرم، ذكائك كلش عجبني.

- إني جذبت، سمعتيني؟

- بعدك بأول خطوة، بس سلمني روحك شهر، أخلي أكبر كذاب بالشرق الأوسط ما يلحقك.

- ولي، تالي الحمزة يشور بي ويسوي عيوني مثل عيونج. صدق غيث وينه؟

- طلع بمصيبة، أخذ وياه كلاوه الأسود.

- خرب بلشتج سارة.

- سارة شَدَخلها؟

- لعد منو دخله بهالطريق غيرها هي وأبوها؟

- ترى من كان صغير سماهر تقول هيج هو.

- إي بس ما كان يشرب ولا مدمن ولا صاحب ممنوعات. تعرفين إذا لقّفوه هنا وعرفوا اللي يسويه يروح مؤبد إذا مو إعدام.

- ليش هو شنو يشتغل هنا؟

- يبيع عرنوص عالساحل. ناي راح أطلع قبل لا تجيء ولا تحجين وياها بأي شي عن اللي قلته.

- خلي تعرف أهلها شنو، ليش أتخليها تذب الصوج بيك؟

- راح تكره أهلها وحياتها. خايف متصير من نصيبي وتضل تحبني، وقتها ما تسعد. خليها تشوف الصوج مني حتى تعرف تعيش.

- كرم، صدق هلقد شايل بقلبك؟

- مو أكثر من الحاملته ههههههه. تدرين البارحة جود يقول لغيث نص متر دتعلمنا دروس للحياة.

- وغيث شرد؟

- قال والله خايف يعلّمكم الجذب، وانوب أكل تبن من صدق. يلا حيوصلون، قايم طالع.

راح طلع وإني رحت للمطبخ سويت لفة وصبّيت كوب جاي. إستوني أكل انفتحت الباب، لبالي أجوا. طلعت لقيت غيث شمر مفتاحه.

قلت له:

- شكو هنا؟

سحب الكوب من إيدي.

- شنهو مقلوبة الآية يمك يولي؟ إني اللي أسأل.

- أسوي لك ريوق؟

- صارت الثلاثة الظهر، زهبي الغدا يبه.

- تعبانة، أطلب جاهز فدوة.

- يولي من شنهو تعبانة؟ حدري هينه.

- غيث، شقّة الولد، قلتها ورجعت لورا.

- أنعل ابهاتكم، قفي يولي، لا بالقرآن أهفج دفرة.

قالها وحصرني يم الحايط، دنّق خلى راسه برقبتي. إستوى بلّش سمعنا الباب انفتحت. دفعته وركضت للقنفة تمددت.

دخلوا جود ورويدة. قال:

- خير شصاير لناي؟

غيث:

- شبلاك يول وجهك مخطوف؟

رويدة:

- قالوا تخربطت ووقعت، أجينا نركض.

- وإنتوا كل عقلكم صدقتوا بمسيلمة الكذاب وأجيتوا مزنحين؟

- إني ما أكذب؟

- وإنه أشهد. كمّي يولي، لا أدوس ببطنج. يلا عالمطبخ لك ربع ساعة أريد الغدا جاهز. وإنت يالشهم قفلت المطعم أكيد بالله. مال أهفك دفرة أنسيك اسم اللي أرضعتك.

جود:

- يابه غير أختي وخبروني قالوا واقعة ومحد يمها وأدري بيك طالع، شلون أتركها؟

كعد طلع جكارته خلها بحلكه.

- ما عليك زود يالجبير، صاحب وقفات وكفو من أصلك.

رويدة:

- آسفين أستاذ، هسه نرجع بس كرم ترى بالمطعم هو وعثمان ما أنقفل.

سحب نفس ونفخه أشر "أي". اندار لي.

- بعدك هين يولي؟

- حأطلب أكل جاهز ما ألحق.

- وعمة السادة أمحيج من الخارطة. ناي ربع ساعة لك، وراها أعلمج الأمهات شتجيب.

همست:

- تجيب متعجرف مثلك.

كام وإني بعد ما أندل طريقي عالمطبخ. دخل وراي. انداريت ما لقيت غير السجينة سحبتها.

- بس فكر توصل لي!

- مم شتسوين؟

- أدخلها بقلبك.

- كربي يولي عش منهزمة السلاح بيدج؟

- لبالك ما أسويها مو، تعال شوف. قلتها ورجعت لورا مستعدة عود أخوفه.

خلى الجكارة بحلكه بدون لا أنتبه، بحركة سريعة ضرب إيدي وكمشها لفها على رقبتي.

وخر الجكارة بيده الثانية قال:

- هسه شنهو اندخلها، تطلبين الرحمة؟

هو قالها وحسيت روحي انعصرت. صوت عاشق بأذني وهو يقول لهم "أمروتكم لا تذبحوني".

رخت إيدي حسيت اختنقت.

سحب السجينة وشمرها. أخذني لحضنه باس راسي همس:

- يجي يوم وأخذ لك حقك، لا تبجين.

دفعته.

- ما أبجي وثاري آخذه بيدي.

- وإني منهو ياخذ لي حقي؟

- شنو ما فهمت؟

ابتسم خربط شعري.

- لا تخلين بالك يولي، شراح نسوي لنا أكل؟

- غيث شقصدت؟ وين تريد؟ ترى وعدتني ما تخليني وحدي.

- ما أخليك إذا ما أأمن عليك.

- ما أريد أتأمن علي غيث، إني أريدك إلك. قلتها ونزلت دموعي.

ضحك وكمش وجهي مسح دموعي.

- شنهو يولي؟ تخبلت وترك فراشة أحلامي تفتر وحدها.

- غيث والله ما ظلت عندي طاقة أفقد أحد بعد.

- ول ياب، كل هالدموع لخاطري؟ اشتعل أبوي.

- لا تتركني والله أحبك.

رجعني لحضنه ضغط عليّ همس:

- ناي ما أريد أدحّق دموعج.

- وروح عاشق إذا سويت شي وخليتني أفقدك ما راح أبطل بجي لما أعمى، وكل يوم أدعي عليك ربي ما يرحمك لما أموت.

- هذا الدعاء اللي يريح النفس. اشتعل أبو أصلج.

رفعت راسي قلت له:

- أوعدني ما تتركني.

- بالموت ما أوعد لأن بيد الله.

- وربي ضامك لي بعد اللي شفته.

- يولي موش لأحد إني. لا تورين قلبي وراج. خلج مثل ما عرفتج. ما أريد أدحّق الضعف والخوف بعيونج.

- غيث والله ما أقدر بدونك.

أخذ نفس وابتسم:

- وإني ما أتركج يروح غيث. وإذا ظليتي تدحّقين هيج بالقرآن أشيلج وأروح بيج على غرفتي وأنعل أبو الكاعدين بالصالة.

- عزى نسيتهم! وخر عني وروح أطلع فشلة.

- ضحكي لج.

- شنو؟

- آخ بويه شلون أتخليني ألقشها بعضه.

دفعته وابتسمت جذب، يسويها خبل. شفته ارجع تقرب ونظرته شيطانية. صحت:

- رويدة تعالي.

حكى من بين أسنونه:

- هين يبت أنهار.

طلع. اجت رويدة دخلت قالت:

- ها ناي رايدة شي؟ دنرجع.

- لا خليج هنا ساعديني وعندي حكي وياج. وين جود؟

- ما أعرف يمكن بالحمام. دخل غرفته وما طلع لسه.

- شنو سويتي؟ بشري.

- بشنو؟

- زواجج.

- يعني شأسوي؟ أكيد وافقت وحجزت للسفر.

*** لحن ***

شوفت خالي قدامي كانت كافية توضح لي حياتي بأي شكل راح تكون.

بدون لا يحكي وحتى ما لحقت أصرخ، جرني من شعري دفعني عالسيارة. من قوة الدفعة وقعت بالكاع، أحس ركبي اتمَلّخن. رد دنّق سحلني من شعري سحل.

- خالي والله.

- صوتج بت الكلب، نفس منج أخلي طلقة براسج.

- ما سويت شي فدوة أروح لك.

- نايمة أسبوع بحضن هالكلب ومامسويه شي؟ خلي نوصل وأعلمج شلون الحكي يصير. نفس ما أريد أسمع منج.

- والله ما لمسني أبوس إيدك.

ما رد رفعني من شعري حسيت فروة راسي اجت بيده. فتح الباب قومني ودفعني بداخلها. بعدني مامدخلة رجلي سد الباب بقوته، صار على رجلي أحس روحي شاطت حتى النفس قطعته.

- بت الساقطة دخليها من أنعل شرف أبوج الـ...

قالها دفعني رد سد الباب صعد هو والرجال.

أتمنيت بذيك اللحظة واحد من أهلي. الكسرة اللي كنت بيها تخنق عالم بكبره.

غمضت أتخيل عاشق قدامي نزلت دموعي. ردت حتى لو بالجذب أسمع همسته يقول إني يمك لا تخافين.

- بت الساقطة شارده ويااا، مو سهلة. شبع بيج شلتي نغل.

رد الرجال كله:

- ناخذها أول عالفحص أخاف لاعب بيها صدق حتى نقاومهم.

- كلنا ما نقاوم أحد. هاي نذبحها وذاك نضيعه، ما نريد أحد يعرف بالسالفة. أتصل يلا خابر عالبيت إذا ما خيسته بالسجن ما نحسب عالرياجيل. إني تالي وقت مثل ذوله يلعبون بعرضي.

- أعتذر أبو سامر بس عرضكم سقط ما بي حظ. بنات اثنين ما تعرف تكمشهن. من البداية أكسر روسهن.

- على منو يطلعن غير على طريق أمهن؟ نسيت من طينت روسنا.

- الغلط منك. كم مرة قلت لك اعقدها على جابر غصب ما رضيت؟ دكيت رجل إلا تكمل دراسة. هاي جابت بنات أنكس منها.

- هو إني غير أبوي الله يحرقه. ما رضى. ذني شغلتهن سهلة. ذيج ماتت ولت. وهاي أعرف شلون أربيها بس آااخ كون توقع بيدي الإبليس.

- الحية إذا ما طلعت من جحرها ونكطم راسها راح يجي يوم تلدغك لدغة موت نبهتك.

- ما تكدر. اندفنت السالفة القديمة ويه أهلها. بس هم ما أتركها. أجيبها وروح أبوي أخليها تتمنى الموت وما طايلته. خبر الجماعة كلهم كم ساعة بس نوصل لبيتنا خلي يرحون للمركز يخبرون عليهم.

طلع الرجال الفون وخبر ناس ما أعرف منو بس أسمعه يوصف لهم موقع البيت وشوكت يرجع أركان حتى يرحون يخبرون الشرطة.

نزلت دموعي بخوف راح أركان بسببي. أدري بيتهم بي ممنوعات.

إني الضيعته مثل ما ضيعت.

باوعت من الجامة للسما همست:

- ربي ما نخيتك قبل وردتني، حشى منك ربي. أركان أمانتك أنقذه حتى لو هو شغله مو زين بس ما آذاني وضحى بروحه حتى يساعدني.

دخيلك ربي أحمي إذا كمشوه يروح شبابه بالسجن هاي إذا ما ينعدم.

غمضت انعصرت من ذكرت الكلمة:

- يمه دخيل ربي شذنبه يموت بهالعمر بسبب غبائي. إني جابني عليه ليش ورطته وياي؟

كمل مخابرة الرجال كله:

- أعتبره طار أربعة إرهاب.

- إييي كون يجرون غيث ويا.

- لا بعيدة ما يسويها.

- بالدك يعترف حتى على أبوه.

- ما عرفتهم لعد ذوله الـ... لو يصلخون من أجسادهم لحم ما ينطون بربعهم.

- خلي نخلص من هذا ونشوف لنا شغلة لغيث هو والساقطة مالته نجيبهم لهنا بس كون ما يعرف أحنه ورا هاي السالفة.

- لا التبليغ من جار قريب مو منه. شوف بت أختك الـ... منو يدري بي من أهله منهزم بيها.

اندار لي خالي.

- منو يدري بي ماخذج لج؟

أشرت:

- ماكو.

- متأااكدة لج؟ وروح أبوي أذبحج هسه لحن. احجي حتى نعرف شنشتغل.

- والله خالو محد يدري حتى غيث ما يدري.

- وناااي؟

- ها؟

- مرررض. إبليس تدري؟

- لا إني حاكيته وهو أجه أخذني من بيت عمو.

- شوفي لج ما راح أذبحج هسه. راح أخليج حتى إذا طلع أحد يعرف أعلقج وخلي الكلاب تاكل بيج.

أشرت "إي" والرجال قاله:

- لانطيها لجابر مكان أمها، هم يربيها وهم إجباره لكسرة قلبه عاللي سواه أبوها الساقط بي.

- خابره خلي يجي يشيل بالحلال. أنعل شرف أمهم. آااخ لو رايحين كلهم ومخلصان فرد مرة.

- ملحوقة أبو سامر. الغلط يتصلح. حرمات نخلي يرتاح بقبره. ذني حصتنا منه، هاي لجابر وذيج إلي وإنت حصتك مهرهن.

لميت رجلي لحضني أسمع شلون يقسمون بينا بدون رحمة وخالي يضحك فرحان بالبيعة.

وصلنا نزلني شمرني عالبيت لقيت جابر واقف بالباب شافني تفل عليّ ضميت وجهي.

- لبالج تفلتين مو؟ أنعل شرف أمج اليوم أشكج بالنص وأعلمج شلون توطين روسنا كحـ... مثل أمج تحب الحرام.

خالي:

- جبت الشيخ؟

- إي العصر يمنا بس كون ما ملعوب بيها لقدام ترى المهر ينقص كافي ماخذها بفضيحتها.

- لا ذوله رياجيلهم ما يوصلون المرة دخيلة، مأمن منهم.

- بت صار لها أسبوع بحضنه ما مدنيلها، منين لك هالحكي أبو سامر؟ ما أسلمك دينار بدون فحص.

اندار لي خالي جرني من شعري حكى من بين أسنونه:

- إني ما أنطيك، أذبحها وأخلص من الفضيحة.

- والله خالو مثل ما إني ما قرب لي.

- أنعل أبوج بقبر هالساقط ابن الساقط. لو شريف ما تطلع بزرته نكسة هيج.

جابر:

-

"هاي هي أبو سامر وياك عالفحص، ادفع نص وبعد الدخلة نص."

"إذا طلعت معيوبة خليها لك تخدم جوه رجليك، وشوكت ما لعبت نفسك وقرفت لا تردها، اذبحها وخلصني من العار."

"بس اعقدها لي ومالك شغل بالباقي، ما ترد لك لا تخاف."

"دخيل أنعل أبو خالج، لأبو أبوك الساقط، يلا أم سامر تعالي أخذيها، اربطيها بالمخزن لا هم تشرد، ذني خايسات درب أمهن."

اجت أم سامر جرتني، دفعتني داخل المخزن. راحت شلعت واير اللي نعلق عليها الملابس، ودخلت باوعت لي وتفلت بوجهي.

"هديج لج، وأي اعتراض أصيح أبو سامر، هو عاد شلون متحمل عليكِ."

"لعد ما ذبحني، شكوو جايبني لهنا؟"

"تحكي بنت إنهار، والله وطالع لك لسان. ما ذبحك بخت أخوي دگله صدر، هو اللي يستر عليكِ. والله أنتن كتلكن حلال مثل أمجن."

"شنو كتلت ماما كاتليها؟"

"ها لا شنو انكتلت بعد، بعد لبستينه تهم فوق عارجن. هديج لججج، يلا خلي أصيح الجدة عنوز تشوف شرفج. اااخ كون صدگ مو بنت، هيج راد لها بخت، وأشوفج مذبحات گدامي."

"زوجي ما خليته يلمسني، مو أنوب بالحرام، أمني محد متقرب لي. وبنتج حوبتها مو بينا، بزوجج اللي باعها، ليش شامرتها علينا؟"

"ما باعها، انطاها يسد بيها دين أختج الكح-- ورطتنا وانهزمت. ولو ما جابر أخوي جان اتورطنه بالثانية هم ورا شردتج. هديج لج يلاااا."

ردت أحكي ما حسيت غير الواير طبع على جسمي، صلخه صلخ. عصرت نفسي، جرت أيديه شدتهم.

خافت أعترض لو أرجع أحكي، لأن أعرفهم متحملين يردوني بس أفتح حلگي حتى يضربوني.

شدتني بنفس الحديدة اللي جانوا يربطون ناي بيها. طلعت وسدت الباب، صار المكان ظلمة.

أباوع للمخزن على نفس ترتيبه، أغراضنا بعدها، كنتورنا وفراشنا، بس خالي من حضن ماما وضحكة ناي.

هذا مكان ماما، بعدها ترتب بالملابس وصافنة على ناي اللي واقفة تحكي بانفعال.

وهاي أني قاعدة كوة لازمة ضحكتي، لأن أعرفها دتجذب حتى تسكتها لا تعيط عليها.

وينجن ليش تركتني؟

ماما هيج هانت عليكِ؟ مو جنتي تگولين أنتي مدوهنة ما بيج خير، لعد شلون انطاج گلبج اتخليني وحدي؟

تعرفين اللي جان هاويج راح ينتقم منج بيه، تدرين أخوج باعني وأني متزوجة؟

بابا تعال لي، تعال شوف بنتك أيش راح يسوون بيها.

بابا انهضمت بعدك.

خليت راسي بحضني وبجيت من گلبي، شهقت بقهر.

مرت كم ساعة وأني على گعدتي، تعبت أحس گلبي كام يوجعني.

شلت راسي أخذت نفس، أباوع.

ع الحديدة هذه نفسها اللي ناي گضت طفولتها مربوطة بيها.

ليش أحنا من دون العالم هيج انظلمنا؟

ليش ما مكتوب لنا الراحة؟

للظهر أو العصر ما انتبهت عالوقت، لأن ظلمة المكان ما يبين بيه، يادوب أشوف الأشياء.

انفتحت الباب دخلت مرت خالي وياها وحدة، زحفت لي ورا، أباوع للمرة شكلها يخوف، كمشتني الرجفة.

"هي هاي؟"

"أي خيه هي."

"يع جنها صغيرة."

"لعد أيش بيه أخي هم بعده شباب، ديلا عدليها ما ظل شوي ويجيبون الشيخ."

"وذيج الشغلة اللي گلي عليها أبو سامر؟"

"لا تركيها، هاي مفهية تحكي الصدگ، لو أختها الله ياخذها جان گلت لك كشفي عليها."

"أخاف ينقص من أجرتي."

"ما ينقص، أني أگله كشفت ما بيها شي، گلت لك هاي خوثة مو عرمة مثل ذيج، كون ذيج ومربوطة جان كومت البيت ما گعدته."

"أخاف ما ترضى تعقد."

"حتى كتلتها حلال، بعد عذرنا ويانا."

"هم حقكم، فضحنكم بين المنطقة، الكل يسولف بعرضكم، شلون دنسنه."

"حظ خيه، بعد ذيج السمعة الطيبة وذاك التعب، واللي تربى هيج يخزنه."

"من البداية ما أجيبهن، بس إنهار الشاخطه الكم، شكو ابتليتوا بيهن؟"

"إذا أهلهن اتبروا منهن، گالوا ذني شاكين بناته، أيش نسوي؟ تعرفين أبو سامر يخاف الله، گال يتيمات أكسّب ثواب."

"أبو سامر ونعم الأصل، بس لو يبطل شرب."

"من ضيمهن خيه، يأكل بگلبه ليل نهار، وين يروح؟ زين ما ينط ويموت، أقلها ساد باب الاستقبال ويطلع ضيمه بشي."

"هم حقه، ما نگدر نلومه، جابنها فضيحة من أمهن لهاي المگموعة، يلا فتحيها خلي أكملها بلكي أخوج يگدر يكمشها ويدوس راسها يأدبها."

اتحسرت مرت خالي واجت دنّگت، فتحت أيدي، جرتني گعدتني.

"خليها تشتغل لك مثل ما تريد، نفس ما نسمع لك، وداعة سامر أخلي خالك يذبحك ويگول طلعت عايبة، عرسي أحسن ما تموتين."

أشرت "أي" وگعدت. گعدت يمي المرة، طلعت عدتها وبلشت شغل، ما خلت من وجهي لنهاية رجلي، وأني بس دموعي تنزل مهضومة، كل شوية تافلة بوجهي.

أمسحها وأشهگ، أخاف أحكي.

ساعتين وهي على فد شغل. خلصت صاحت أم سامر.

"تعالي داده كملت، وأنتي يلا گومي وخري، عيع نكسة لعبتي روحي."

... لميت نفسي.

"وحدة بگدج هيج يطلع منها، والله يا عمي صدگ وكاحة وتربية ناقصة."

"والله خالة ما سويت شي، همه ديبيعون بيه."

"حتى يستروج، تفووو نكسات صدگ."

مسحت مجهي وضميته بحضني، انفتحت الباب.

دخلت مرت خالي، اجت جابت لي فستان قصير سمائي لونه.

جرتني كومتني وياها تسحل بيه للحمام. دخلت دخلت وياي، عرفتها اتريد تشوف جسمي أخاف بيه أثر لو شي.

أشرت "انزعي."

نزعت شافتني تأكدت، طلعت أسمعها تگول لخالي "ما بيها شي، يدخل على عرض صافي."

"خوش حضريها بسرعة، راح يوصل الشيخ."

"أخذت الفلوس منه، ترى إذا عقدها ما ينطي بعد، هسه يگول أگطع من الدين."

"لا شنو بكيفه، غصبًا على أبوك ينطيني."

"أبو سامر من هسه أگول لك مالي دخل، أني لا تدخلوني بمشاكلكم. جاي أگول لك أخذ مقدمة منه، ترى أخوي أعرفه ما بيه خير، إذا ما أخذها أسبوع يمل ويردها."

"ويردها؟ اكو من اللي يشيل مكانه وبسعر أكثر."

أسمعهم وگلبي يفور، تگول بضاعة ديتاجرون بيها مو بشر.

ربي أخذني يمك وريحني، والله أني ضعيفة وجبانة، أخاف حتى أنتحر متانية رحمتك.

سبحت ولبست الفستان، طلعت شافتني المرة گالت "حظ الله ينطي جمال للمابيهن خير."

أم سامر: "بالعافية على أخوي، أقلها يعوض كسرت گلبك من الجلبة أمها الله يحرقها."

"خيه على هذا جسمها أخوج ما يطول للصبح ينجلط."

"لا تخافين عليه، مو بحالها بس يريد يبرد ناره بيها. دكمليها بسرعة، يلا لج گعدي أنتي."

گعدت، قامت المرة سشورت لي شعري وسوت لي ميك آب. أباوع روحي بالمراية، ضحكت على نفسي، ما رضيت بسمار خوش عاقبني ربي.

خلصت، قامت المرة صاحت أم سامر.

"تعالي خيه هاي خلصت."

دخلت مرت خالي باوعت لي وضحكت بشماتة، طلعت فلوس من صدرها وانطت للمرة. گالت "گومي يلا."

***ناي***

أباوع لرويدة تحكي شي ودموعها تنزل، تمثل شي ثاني.

"احكي خلي أفتهم، يعني ما تحبي لكرم؟"

"تعبت وهو ما حاس بيه، أيش أسوي گولي لي ناي، گولي أيش أسوي؟"

"يحبك يا الثولة، والله ميت عليكِ."

"لو يحبني ما تركني هيج وتنازل عن حبنا بسهولة."

"خايف عليكِ، ما يريدك تتأذين."

"لا يعرف دتأذى أكثر بتصرفه هذا، ديشوفني ميتة بدونه وهو ما معبرني."

"غبية، صار له يومين ما نايم وهو طلع هالسالفة حتى تجين وأحكي وياكِ."

"بعد أيش؟ بعد ما وافقت وراح أرجع، وين جان كل هذا الوقت؟"

"تعرفينه گلبه حنين، جان متحمل الشوق والقهر بس حتى أنتي ما تتعذبين وياه، لأن يگول ما أگدر أسوي شي، حلم مستحيل رويدة."

"ناي والله ما أگدر بدونه، والله أموت ولج أيش أسوي گولي لي؟"

"فركشي الزواجة."

"شلون؟ ما أگدر، منتظرة أستلم حسابي مال هذا الشهر حتى أرجع ولج، مكملين كل شي ومحضرين. هم منو راح يسمع مني إذا رفضت؟"

"لا ترفضين، همه يرفضوكِ."

"شلون؟"

"أنتي شاكة بيكِ كانسر، اتصلي بأبوكِ وگولي له شاكة ومنتظرة الفحوصات تطلع."

"راح يگولي رجعي."

"أنتي ما تگولين حالتهم ضعيفة وما يگدرون على المصاريف؟ گولي لهم يعتاز فلوس للفحوصات هواي، وهنا عندي ضمان صحي نص أجرة، خلي أكمل فحوص وخلي خطيبك يحول لك فلوس حتى تكمليهن."

"راح يجي بابا."

"هلا بيه خلي يجي، علما يطلع الفيزا راح تعرف العشيرة كلها أنتي بيكِ هذا المرض. أول واحد يطفر خطيبك، ومرت أبوكِ تتخبل حتى تظلين هنا، لأن علاجه والجرعات تكسر الظهر."

"وإذا انكشفت؟"

"بنتي هسه سويها وخبريهم، وأني أعلمكِ أيش تسوين بعدين. وإذا گال لكِ أبوكِ تعالي، گولي له ما أگدر أتحرك بالمستشفى، منتظرين التحاليل حتى أبلش بالعلاج، لأن هنا مطور العلاج. بس هاي اللي وياكِ عمتكِ مدري خالتكِ، المشكلة شلون."

"ما تفتن عليه، أصلاً تفرح أظل يمها، لأن شايلة نص المصرف فوق الوحشة، بس أني أخاف ما أگدر أجازف."

"لعد خليكِ روحي، ضيعي تعبكِ ومستقبلكِ وهم تفشلين وتطلگين بنتي. أيش بيكِ فاهية أنتي؟ لو أكلج خابري خطيبكِ أول، أجلي العقد بنفس الحجة، أخاف مرت أبوكِ ما تگول لهم وبعدين خبري أبوكِ."

"أي أيش راح يصير؟"

"عسى ما يحترقون، أنتي أيش كو؟ همه واحد يرگع راسه بالثاني ويتصافون، لا تدخلين روحكِ عوائل بيناتهم. يلا روحي لغرفتي وخبريهم."

"فشلة من أستاذ غيث، هسه يگول شكو داخلة غرفتها."

"أني دزيتكِ تجيبين لي شي، يلا ولج راح يحترق الأكل، ساعتها أني وياكِ يحطنا بالگدر، هذا إذا جاع يتحول. ولي بسرعة."

"لا هنا راح أخابر."

"يلا أخذي راحتكِ، أني أراقب الباب."

راحت هي وأني نصيت الگدر، وگفت يم الباب أگشر بالبتيتة وأباوع لهم يسولفون مندمجين، واكو أوراق يمهم جود يقرأ وغيث يوقع.

شال راسه غيث شافني غمز لي، درت وجهي بسرعة، أيش گد خفيف وساقط ولا تگول صاحبه يمه.

رجعت يم رويدة تحكي وترجف، ما عرفت ويا من أبوها لو خطيبها، شوية وسدته باوعت لي گلت لها "بشري؟"

"خطيبي يگول ما أدز ولا فلس، أني كوة مدبر فلوس العرس، يا مرض هذا طلع لي؟"

"حلو يعني طفر هذا."

"خايفة يگول لبابا."

"غبية، اتصلي بسرعة حتى لا يكتشفون أنتي دتجذبين، وعينكِ بالطبخة. خلي أطلع لأن أسمع صوت غيث عله يعني حيدخل للمطبخ."

أخذت البتيتة وطلعت لگيته صدگ واگف يعدل بحزامه، رحت گعدت عالتخم أشر "شكو هنا؟"

"تعبت من الوگفة هناك وداكشر."

"وين رويدة؟"

"ها دتخابر أهلها."

"ناي."

"شوف دنسوي مصيبة بس لا تصرخ، أفهم أول."

"أستغفر الله، رب الحلو ما يصير اتركد لكِ ساعة بدون بلوة، أيش صخمتن يولي؟"

"دتخبر أبوها تگوله مريضة حتى لا يزوجها، والله لخاطر كرم خطية."

"هذا الزمال كل شي يستاهل."

"ليش والله يحبها؟"

"يولي هالكلمة بس للزلم، كون اللي يگولها يكون گدها؛ أني روحي يم أحد وأظل أدحگ مثل الزمال، يول غير أفرغ الفشگ بروسهم وأخذها من نص زلامهم."

"اللي يسمعك يصدگ، ولك جانت بس ماما الله يرحمها عندي وخفت تتحرك لمن أجيتك أني وگلت لك يلا نتزوج."

جود كوة ضم ضحكته وهو رفع حاجبه يباوع لي.

"مجذبة أگول."

"لا والله صدگتي، زلمة من صدر ديوان."

"هم گال رجال."

"عجل يولي بس لا حاسبة نفسكِ من الحريم."

"جود صدگ أني هيج؟"

جود: "ههههههه ست البنات، بس دا أشتم ريحة حرك."

استوني أقوم وطلعت رويدة تضحك، گالت "ناي."

غيث: "

مشت الجذبة، أكيد لا تُعجبكم فول مواصفات إمكانية عالية مرتي.

جود: ههههههههه، يا به والله أشم ريحة شعواط، الأكل راح.

رحت أركض للمطبخ، إيد بالطبخ وعين برويدة، تسولف أبوها شلون خاف وقالها: "لا تتحركين، أنا جايج." ظلت تسولف فرحانة طايرة، ما مصدقة يحبها، شقد لعد محرومة ومعوزة حنان.

رغم ما بابا تركني صغيرة، بس قدر بهالفترة ينطيني أمان ودفء يكفيني عمر كامل.

خلصنا الطبخ، ظلينا نحضر الزلاطة والمواعين، اندك الجرس.

كام فتحه جود، دخلت سارة ركض، دنكت على غيث حضنته وباسته من خده، بعدها عنه كعدت يمه، سحبت إيده دخلت بحضنه.

جرتني رويدة يمها حتى لا يصيرون كدامي.

: يداوي الناس وهو عليل.

: يحبها.

: مو بس يحبها، ناي ما أريد أضوجج، ترى يعشقها قبل لا تجين، ناي ناوية تظلين ويانا، لازم تتقبلين علاقتهم شلون ما كانت، وإذا ناوية ترحين فلا تعلقين قلبج أكثر، ترى تتأذين.

: ما أعرف، أنا ما أدا فهم نفسي ش أريد، عقلي يگلي شيء، قلبي يگول شيء ثاني، بس بالاثنين أموت قهر من أشوفها بحضنه وهو يبادلها الحب بنفس الطريقة.

: إذا تقدرين تبعدين فنصيحة روحي يا ناي، لا تدمرين نفسج بعالمهم، صح أستاذ غيث خوش ولد، بس حياته مخربطة راح يتعبج.

: مجرد ما أذكر هيج شيء أحس روحي دتطلع، ولج والله أحبه، ولا تقولين ما عندج كرامة، إيه أنا دأحس روحي حيوانة ودا أحتقر نفسي بسبب هالشعور، بس مو بيدي، قلبي ينبض له. ولج يوم إذا غاب أحس حياتي فارغة.

: بعدج صغيرة راح تحبين غيره، وتعيشين أحسن من هالحياة بمكان تستحقين تكونين بيه.

: ما عندي أحد، ما عودت أنسد على شخص وأغمض عيني وأنا مطمئنة، حتى أقدر أستعد أوقف من جديد وأكمل اللي بديته.

: لا تقولين بعدج تفكرين بثار أهلج.

: ما أفكر، أنا مقررة وكنت ناوية بس أأمن على أختي أرجع، بس غيث نبهني من كال: "عظمج بعده طري لازم تقوين." وفعلاً دأحس روحي مو ذيج القوية اللي أقدر أوقف بوجههم وآخذ حقي.

: ناي تضيعين روحج.

: من تشوفين توأم روحج يذبحوه كدامج وهو عينه بيج، رغم يعرف أنتِ أضعف مخلوق موجود، بس من شدت روحه بين خايف من الموت وبين خايف يتركج ويعرف روحج بيه.

: الله يرحمه، ذكرتيني، أبو غسق محامي جبير، بلكي يفيدج بهيج شيء.

: آخر شيء هو المحامي أخليه من أكون عاجزة عن نحرهم. صدق وينها ليش ما جت وياج؟

: عدها كورس، خبرتني بالطريق عالأساس تكمل وتجي للمطعم، عاد قلت لها: "ناي مريضة تعالي لشقة جود من تخلصين."

: وين تندل المكان خطية أخاف تظل تدور.

: لا دزيت لها الموقع، بس قالت عمتي ما ترضى، وإلا شوفة جود ما تتفوت.

: والله أتمنى يصيرون واحد للثاني، اثنينهم كيوت.

: ناي غسق كيوت متأكدة؟ صح حلوة وناعمة بس أي صلة للكياته ماكو، جود إيه وياج، بس هي دقيقة ما تكعد.

قطع كلامنا جود بدخلته، كال: "بشرن ما خلص الأكل؟"

رويدا: لا هياته خلص بس نصب.

: ناي صبي لكرم بـ گدرية، خطية جوعان من نخلص حتى نوديله.

أشرت إيه، ووقفنا صبينا، حتى ما عرفت الأكل شنو طعمه، صح كاعدة بصفه بس ما جان مهتم كلش، عينه بماعونه، أعرفه ديسوي هيج حتى لا يحسسني، وهذا الشعور اللي موتني لأن دأحس بقلبه شلون يدك لها.

خلصنا أكل، قاموا طلعوا، ما عرفت وين بس سارة كانت تبجي.

خلصنا غسل المواعين وخليت أكل كرم بالفرن بين ما يودي جود.

طلعت كمشتني سارة قالت: "لا بالبالج خليتيه يطلعني من شقته وراح يتعالج بعدها تاخذيه."

: شبيج بنتي؟

: غيث مالتي سمعتي؟ والله أذبحج بإيدي وأذبح نفسي وراج، ولا أخليه يحسبج مرة إله، أنتِ هنا تخلفين له وتولين.

: وهذا أنا أخلف وأولي على قولتج، شكو بعد محترق قلبج؟

: جذابة جذابة! ما راح أتركيه، بس والله راح أخليج تندمين وتبجين أضعاف اللي بجيتيه.

: للأسف أنا ما أبجي، شوفي لك غير شيء.

: والله والله راح أخليج تبوسين أيدي بس حتى أرحمج، راح تجيني تتوسلين وتبجين حتى أخليج تعيشين.

: وهم حياتي مو غالية، شوكت ما إجه أجلي الله وياي.

: راح تكون غالية بنفس اليوم اللي راح أخليج تكرهين غيث وتتمنين موته، بس ما راح أخليج تنولين اللي ببالج بس حتى أعذبج.

: أوف شنو هالقدرة العجيبة اللي حتظهر يمك وتسوي كل هذا؟

: يجي ذاك اليوم وأذكرج. قالتها وراحت، ما اهتميت لكلامها، كنت أظن تقولها بحالة عصبية.

ما حسبت حساب راح أعض أصابعي ندم وصدق أتمنى الموت، بس اكو الروح اللي تجبرني أظل لخاطرها حتى لو كنت عايشة بعذاب.

ورجعت للشقة، سبحت غيرت ملابسي، كعدت أقلب بفوني، دزيت رسالة لكرم، أمنته بيها لأن لقيت هواي مكالمات جايتني منه.

ظليت أقلب بالبرامج، تعدى الوقت، صارت العشرة، الـ 11، وغيث ماكو.

صارت الـ 12، نعست وهو مختفي.

اتصلت بيه فصل، رجعت اتصلت، ماكو ما يرد. ظليت أتصل لمن رد، بس صوت عالي مال أغاني، عرفته بالملهى، كال: "ها يولي صاير لج شيء؟"

: وينك غيث؟

: ما أسمع، علي صوتج يولييي!

: غيييييث، لك عشر دقايق ما جيت ترجع ما تلقانييي!

: ش بلاج يولي؟

: لا سلامتك ما بيه شيء، بس اكو حيوانة تنتظر صار كم ساعة طلعتك البهية.

: ما أتأخر.

: لا تأخر على راحتك، مطلع الصفرة تونّسها وأنا حابسني بالبيت، بس مو صوجك، أنا الحماره الراضيتها على نفسي.

: يولي وروح أخوي موش جاي وياي ويه رفقاني طالع.

: خليك بحضنهن لعد، اشبع بيهن. قلتها وغلقت الفون، رد اتصل، دخلت على صفحته حظرته، شمرت الفون تمددت.

ما يصير بشر عمره كله يظل ساقط منحط كل الصفات الرذيلة بيه، أعوج ما ينعدل ألف سنة، وأنا الحيوانة ما لقيت غيره أحبه، أمداي.

أتقلب من الحرقة حتى النومة طارت من عيني، نص ساعة وأنا على وضعي.

آخر شيء قمت فتحت الكنتور، طلعت تيشيرت شلون ما كان لبسته، وأنا الثولة محضرة نفسي إله، الله يحرقك غيث.

شلت شعري لفيته لفوق، طلعت فتحت الباب، اسوّتني أسدها وأسمع باب المصعد انفتح، انداريت لقيته مدنق عالـ فون يراسل، شافني كال: "على خير وين مولية بهالليل؟"

: أنت آخر واحد تسأل هذا السؤال، فرة وقدمه لحضرتك، الساعة بيشششش غيث؟

: ول يابه يالمصقوعة، العالم نايمة.

: وين جنت؟ بالملهى أكيد مو؟

انفتحت باب شقة الولد، طلع جود وكرم قالوا: "ش صاير يمعودين؟"

: كله والله ش صاير، خليه يجاوبك.

غيث.

:- اللهم صبركِ يا روح ناي، ادخلي جوه.

:- ما أدخل يلّا، أشوف شأسوي.

:- يولي شبلاج تسودنتي، ادخلي جوه نتفاهم.

:- لا هاي الجوه تنساها بعد، تأخرت ذيج المرة ونبهتك لولا، قلت خطية.

:- الصراحة انصدمت وقتها، لأن مو أخلاقج هاي. بعدي خل أدخل.

:- رجلك إذا عتبت الباب أني أنزل للشارع.

:- أخذي راحتج، على هذا منظرج حتى الجلب ما يدحك بجهرتج. يولي ملابسج وين؟

دنكت أباوع لتيشيرته، واصلة للركبة. شلت راسي باوعتله بغضب، وجود كوه كاتم ضحكته.

:- تمام، هاي أني الجلب ما يباوعلي. لعد ارجع للملهى نام هناك.

:- وعش للملهى، اكو من يتمنى جيتي حاليًا يشتروني مشترى.

:- وأني ما أبيع الحاجة المستعملة، أنطيها مجاني.

:- تحية للربتج، بعد لا أهطرج بالنص.

درت وجهي دخلت بسرعة وسديت الباب وسلقتها.

دكها وكال:

:- فتحي يولي بلا خبال.

:- روح غيث كمل سهرتك.

:- وعمة السادة، جنت يم البحر بكافتريا يم جماعتي.

:- قلتلك لا تتأخر لولا؟

:- بت... استغفر الله. وين تأخرت؟ بعدها حتى الـ 12 ما صايرة. يولي شناوية تحبسيني من الغروب؟ فتحي الباب لا داوت أبوي أفلشه وأدخلج أطرج بالنص.

ما رديت. ما حسيت غير الباب اندفرت حيل، قلت انكسر. وياها صوت كرم يكله:

:- صادوك وأنت النجر.

:- انكتم لا أسحلك من أذاناتك.

:- قدرتك ع الفقرة، وهاي نص متر راح تربيك من جديد.

:- هاي شغلتها هينة.

:- ههههه، سهلة ولك، غير انشحتت. لا والله هاي قوية، غيث ينام وقت الغرب.

:- يول انجب لا أهفك.

دفرها.

:- حتى أصيحها، اتهفك راجدي.

هو كالها وأسمع صوت ضربة، عرفته انكفخ. لأن بدل الحجي بسرعة كال:

:- ناااي، مرة دخلت النار لأن حبست بزونة، شراح يسوي بيج رب العالمين من ناويه تحبسين ثور؟

غيث:

:- الله يطيح حظك على حظها على اليوم اللي شفتكم بي. امش يول لا أسحك راسك.

جود يضحك بصوت عالي وكرم يصيح:

:- أخ إيدك.

مبين انسحل للشقة.

رجعت لغرفتي ووقفت كدام المراية: اشبيه يقول الجلب ما يباوعلي؟ والله ملابسه يلوقلي أكثر منه حتى شعري لفته حلوه، ما عنده ذوق، بس لو غمازتي تختفي أصير أجنن أكثر.

رجعت لفرشتي، مرت ساعة وأني أتقلب، طارت النومه، أحس فراشي بارد من دون حضنه. سحبت المخدة حضنتها، خليت راسي عليها وأتحلف أربي.

أسمع فوني رن، صوت مسج. أنداريت عدلت نومتي وجريته من الميز، فتحته لقيت واصلني مسج ع الفايبر من غيث كاتب:

:- يولي فتحي الباب.

:- لا بعدك تآمر.

:- ناي تعبان والله، عندي شغل الصبح.

:- إي نام منو كامشك.

:- ما أعرف أنام بغير فرشتي.

:- صدقتك.

:- هوو اشلون شغلة هاي؟ يولي الحالة هاي كل اشكد تجيج، حتى أحسب حسابي.

:- يعني قصدك أني مخبلة؟ ترى صارن ثنين، بس شأعتب على واحد ما عنده ذوق.

:- حمدي ربك ذوقي بيئة، لو عندي ذوق ما أخذتك.

عضيت أيدي حيل. رد أجه مسج:

:- يولي أتفتحين الباب لو أقوم أروح؟ مو بعدين تظلين طافرين.

:- وعلى شنو أطفر؟ لا بالبالك أغار من هالصفره.

:- متأكدة؟

:- إي طبعًا، أصلًا ظالة وياك على مصلحة، بس أكملها وبعد ما تشوف وجهي.

:- اشلون أتخليني أجي أرفس بطنها؟ يولي لسانج هذا الينقط عسل، ليوم أشنقج بي.

:- شرايد هسه؟

:- وعمة السادة مشتاق لج.

:- ما ضل شي للصبح وتشوفني.

:- اشلون تكفرني بيها ناي؟ باجر أريد اطلع الصبح للمستشفى بروح أخيج، فتحي الباب خليني الليلة أنام بحضنج، الله أعلم اشكد أنحرم منه، راح ينسمط جدي بالعلاج.

:- شايفني هندي كدامك؟ قلتلك لا تتأخر وبطل سوالفك التعبانة، أني مو سارة وأتقبلك بقذارتهن.

:- وكلام الله ما رحت لملهى ولا حتى سولفت ويه وحدة، ناي لا تورين قلبي، فتحي الباب.

:- ما راح تتأخر بعد؟

ما رد.

:- يعني ناوي تتأخر؟

:- لا والله كاعد أضحك، ازلام بشواربهم ما يتجرأون يوقفون بوجهي، تالي عمري تجي وحدة كطف جكارتي أطول منها تمشي كلمتها عليه.

:- لعد خليك أحضن جكارتك ونام، نفس الطول.

:- ما بيها لمبات تضوي، وللأسف تعودت عليهن، واكو طبرة بالخد إذا ما أذوقه كل يوم أظل عطشان، عيني ما تغمض.

:- هه صدقتك، ذني طبكتهن وخليتهن بجيبي من جان عمري خمس سنوات، من أريد أمن واحد حتى ألكفه.

:- هههههههههههاي، لا وروح أخوي وداعة عيونج، أحجي هيج لأن مشتاق لج موش لخاطر ألكفج.

:- أحلف ما تضربني.

:- يولي اكو واحد يأذي روحه؟ صح بنيتي مشيطنة ووارتني ور، بس أتحملها شسوي، متأمل يجي يوم تعقل بي.

:- الله عليك غيث صدق باجر أتبلش، ما تجذب عليه؟

:- يولي نظل نحكي بالجهاز؟ قومي ما أكدر أظل أدق بالباب، تالي سماهر على سالفتج تلقفني بالقرآن أصير مضحكة بين السلف.

طفيت الفون وكت فتحت الباب. ثواني وانفتح باب شقتهم، أجه دخل سد الباب باوعلي كال:

:- تظلين مضحكة.

:- شنو يعني؟

:- يعني حدري لشوف اشلون تنزلين عليه جدم رفقاني.

قبل لا يكمل كلامه ركضت دخلت للغرفة، سديت الباب حيل ما لحقت لأن أجه وراي دفعه ودخل كمشني دنق شالني.

:- ول يابه كضبتج لولا.

:- ترى أحبك والله.

:- متأكدة؟

:- وداعة كرم.

قلتها وحاوطت رقبته، بسته من شفته.

نايمة، أحس راسه بصدري، عرفت قلق وخايف من العلاج ما يقدر ينام. بست راسه ودخلت أصابيعي بشعره أحركهن على كيف، همست:

:- لا تخاف راح تكدر.

:- خايف عليج، خايف أذيج بدون لا أحس. صح بعدج عني يوجع قلبي بس أبتعدي لحد ما أخلص علاجي.

:- ما راح أتركك ولا لحظة، حتى لو أذيتني راح نتجاوز كلشي سوى، أيدي على جرحك لحد ما يطيب.

:- مرت أيام جنت يائس من الحياة، كرهت نفسي بيها، أتمنيت أغمض وما أفتح عيوني، قمت أأذي القريبين مني بدون رحمة، أريد أحسس الكل بالجحيم اللي عايشه، بس حتى أحس لي وجود مو مجرد غبار.

:- وشنو اللي تغير؟

شال راسه باوعلي وخر شعري عن وجهي.

:- لو أعرف ربي ضام لي هيج هدية تجبر روحي ما سويت كل هذا.

:- بعده العمر على حطيطه المر، شي قليل نقدر نصلح شكو أخطاء سويناها، راح يصير عندنا أطفال ونعوضهم النقص اللي حسيناه.

:- راح أحبهم على محبتج، أدخلهم بنص روحي، ما أخلي الهوا يمر يمهم.

:- وأني؟

:- أنتي عيوني اللي أدحك بيهن، وأكمل طريقي.

رجع راسه على صدري وحضني حيل، ضليت ألعب بشعره. تذكرت مخابرة سهيلة.

:- صدق غيث؟

:- عيونه.

:- شاهين ليش ما تزوجوا ريحانة؟

:- أبوه طماع وناقص مرجلة، جات له الورث كل عقله يناسب منه.

:- لعد مو ذاك أخوه هم؟

:- هذا راسم على بعيد، أكبر غبي بتاريخ الإنسانية.

:- بس شاهين يحبها هواي.

:- حب طفولة ومراهقة وشباب، عشقها من جان طوله متر، كلنا مشينا طريق أعوج إلا هو جان مخلص إلها، ما يدحك بعيون غيرها.

:- لعد خو يتزوجها.

:- لو قبل ترهم، بس بعد ما أخوه دق بيه الناقصة وكال عاشقها وعمل عملته، صارت صعبة ما ترهم.

:- لأن هي أرملة وهو ما متزوج، زين إذا تزوج وحدة لخ يقدر بعد يأخذها، محد يعترض؟

:- ما يتزوج غيرها يابه، الزلمة مسودن بيها، بس جيب اللي يفهم الهوش اللي عدنا، هاي صار سنين يتماطلون وياه، لا خضع لهم ولا خلى البت تتحرك من مكانها، هيج حاجزها خاوة واللي بي حظ يكرب صوبها.

:- لعد أركان ما يساعده؟

:- خليه يساعد نفسه، أركان ورطوه بورطة جابوا راسه حدر الكاع، إذا فكر يتزوج يطيح حظ أبو أبوه بكبره.

:- شنو ما فهمت.

:- يولي نتركج منهم و فركي راسي ثقل.

عدل راسه على صدري، دخلت أصابعي أحرك بشعره وأشتم بي، أريد أدخله بروحي. ما توقعت يجي يوم يدق قلبي لو أحب وحدة بقد محبتي لعاشق يرجع الأمل بقلبي ويخليني أحب الحياة من جديد.

قعدت على صوت فوني يرن، قمت لقيت غيث ماكو، طالع الساعة بالعشرة. شلت فوني لقيت أركان يتصل، رديت:

:- ها أركان.

:- اشتعل أصل أركان، أختج وين يولي ما خبرتج؟

:- شنو خبرتج؟ مو يمك هي.

:- يولي تركتها بالبيت، طلعت نص ساعة ورجعت لقيتها مختفية.

:- وليش حتى تطلع وين تروح قابل؟

:- أخاف شافت هالخبل خافت وانهزمت.

:- لا تعرف بوجوده، أني قايلت لها عنه. أركان أختي دخيلك.

:- خرب بأركان، يولي وين أنهجعت؟ غير أفتهم.

:- خالي.

:- شنو خالج؟ وين يندلنه؟

:- هذا ابن أبو صلاح مراقبك، شغلته هيج خلاك تطلع وأخذوها.

:- يولي يعني ضعنا إذا أندلوا مكانه.

:- أركان لا تستبعدها، هذا جبان ما قدر يوقف بوجهك، بس ما طول أخذ لحن هسه يخبر عليكم، ولحن ثولة ترى تعترف على كلشي بدون حتى لا يضربها.

:- اشتعل أصلجن، شجابجن علينا.

:- لحن راحت، هسه يذبحها أركان دخيلك والله هسه أحجز وأجي، بس كم ساعة حاول تحميها.

:- وييين تجين يولي؟ راح تدخليني بمصيبة أكبر. غيث وينه؟

:- طلع للمستشفى.

:- شبلاه؟ شنو مريض؟

:- لا بس ديعالج للإدمان واليوم أول يوم، الله.

:- إييي خوش خبر، عجل خليج وياه وحاولي وتشغليه وتاخذين جهازه حتى لا تعرف اللي راح أسويه، وربي يستر.

:- أركان أريد أختي منك دخيلك، والله ثولة هاي، حتى لو ذبحوها تخاف تفتح حلقها وتدافع عن نفسها.

:- أمنّي يا أختي، أختج بأمانتي صارت. تاخذيها من هالشارب، يلا روحي وما أوصيج، اشكد ما تقدرين تشغليه، وإذا غلقتي جهازه أفضل. يلا يا أختي خلي ألحق أخبر الولد يفرغون البيت.

سديت الجهاز، قمت من القلق ما أعرف شأسوي. ركضت للحمام سبحت غيرت ملابسي، طلعت مشطت اشلون ما جان، أخذت فوني وطلعت أركض محتارة وين أروح لو شأسوي، قلبي يريد يطلع بس دموعي تنزل.

ما شفت روحي غير بالكنيسة مقابلة المذبح، أبكي وأتوسل بالعذراء. أخذت شوية وأحس روحي أنعصرت، فركت قلبي: لحن بيها شي لا يا ربي. طبقت أيدي غمضت بس دموعي تنزل أردد: ربي أني مسني الضر وأنت أرحم الراحمين.

مرت نص ساعة رن فوني، بالبالي أركان، شلته طلع كرم. رديت كال:

:- ها حاتتنا وينج؟

:- بالكنيسة.

:- رجعتي لدينا ولج؟

:- لا بس مخنوقة وهنا ماكو إمام، أجيت لهنا.

:- ماكو فرق، كلنا نعبد إله واحد. خير هم غيث غاثج؟

:- لا أختي مختفية يمكن خالي خاطفها.

:- لا، لعد أهلج وين؟ اشلون يخطفها؟ زوجها وين؟

:- سالفة طويلة، أصلًا مو يم أهلي هي. كرم لا تحجي شي كدام غيث فدوة.

:- تمام. وين أنتي؟ بأي كنيسة؟ جايج.

:- اللي قريبة من الجسر.

سديت الفون، شعلت شمعة وتربعت يمها. قلت لها:

:- أريد أختي منج، ما أطلع إذا ما تآمنيني عليها. نبينا انصلب ظلم وتعرفين حجم القهر. دخيلج أندعي يم ربي خلي يحرر أختي ويردها لحضني سالمة.

مرت ساعة وأني على قعدتي أباوع للفون بلكي يتصل أركان. أحس أيد على متني، أنداريت لقيت جود كال:

:- لا تخافين، هسه يلقوها.

:- ما أعرف جود، هاي غبية كلشي ما تفهم.

:- قومي وياي نطلع لا تظلين هنا.

:- ما أطلع لمن يخابرني أركان.

ما رد، راح حجه ويه القس وأجه وقف يمي. أقل من ساعة وأجاني اتصال، ما أعرف اشلون أرد، فتحته قلته:

:- بشر.

:- وين أنتي؟

:- بالكنيسة، لحن حصلتها؟

:- يولي قومي ردي للشقة ولا تبينين شي كدام أحد.

:- لحن؟

:- راح أجيبها من عيونهم.

:- اشلون يعني؟

:- قومي يولي ردي لمكانج، رايح وما أرد إذا ما لحن بيدي.

***لحن***

قمت وأحس نفسي آخر ثواني لي، لو ماخذيني للإعدام هم ما جان هيج حسيت. أعرف راح يخلوني أتمنى الموت، أعرف ديأخذون انتقامهم من ماما بيّ.

استوني أعبر أطلع وما أسمع غير الهوسة بالباب. دخل خالي يركض للغرفة، ثواني وطلع بيده سلاح. ركضت مرته كمشته، قالته:

:- شكو؟

:- صاحبها الـ... جاي لهنا بكل عين صلفة يريدها.

:- مو اشتكيت وقلت راح؟ اشلون قدر يطلع؟

:- نغولة ما أعرف اشلون فلت منها، بس مني ما راح يفلت إذا ما غسلت عاري بيده ما ننحسب عالرياجيل.

:- لا دخيلك أبو سامر لا تضيع روحك، ذوله مو خوش أوادم، اتركه خليه يولي، بنتنا عدنا.

:- ولج جاااي يداعي بيها.

:- ليش عيني بأي حق يداعي؟ شنو شايفه هيج بلا شرف وراح نشيل وننطي بس يحجي شايف روحه هذا؟

:- وخرري خلي ألحق على سامر لا يضربوه.

:- إذا ما قدرت تمنعه صوبيه وكولي تعدى على عرضي والبت معيوبة جبناها منه، حتى هم نفصل وهم ينفضح.

:- وخرررري.

دفعها وراح وهي قعدت تلطم. باوعت لي قالت:

:- والله أحرقج على أيدي، أختج سقطته وأنتي ناويه على موته. ربي منين جبت لي أنهار وبناتها وشمرتهن عليّ.

قعدت بمكاني ما رديت، لميت رجليّ لحضني. مرت ساعة ونص والهوسة بعدها، ومرت خالي رايحة جاية تريد تعرف شديصير بس محد يدخل حتى تعرف.

اشوية ودخل سامر كال:

:- جاااي.

:- تعال يمه شصار؟ احجي.

:- بعدين يمه مو هسه، روحي سوي جاي كم قوري لأن جاينا عالم كلش هواي.

:- منو ذوله وشكو أجو؟

:- شأعرفني؟ شيوخ وكبارية. الشارع انسد حتى احتارينا وين أنقعدهم.

:- يا ولك أخاف يسوولكم شغلة.

:- لا دزينا على شيخنا أجه، يلا بسرعة سوي جاي.

قالها وطلع يركض.

:- قومي وياي يا بنت أنهار، أنوب شيوخ جاينا بسببج، فضحتينه أرتاحيتي.

قمت طلعت وياها للمطبخ، طلعت الكتالي الأكبار، لفيت شعري رفعته. حافية حتى نعال ماكو. باوعت للباب لقيت حذاء خالي القديمة، رحت عقجتها ولبستها برجلي، أخذت القواري ترستهن وديتهن لمرت خالي اتسطر بيهن عالطباخ حتى أتحلق واحد وره الأخ يصيرن سوى.

:- همه من يا عشيرة ذوله؟

:- ما أعرف.

:- شيصير من رجل الساقطة أختج؟

:- حماها.

:- يعني هم طاك فلوس وسيارات مو؟ إي أكيد غير تجار أسلحة. آخ لو بس أعرف العرمة وين لقتيه.

سكتت.

:- هذا أخوه مثله هم هيج شكله حلو؟

:- إي.

:- حظ. بس وروح أبوي الأيام اللي قعدتيهن بحضنه أطلعهن من عيونج، إلا أخلي أخوي يصبحج بفلقة ويمسيج بسحكة راس، اشتغلي لج يلاااا.

شمرت الكارتون عالسنك، وقفت أطلع وأغسل بعد استكانات. أحنه نتراكض ودخلت بنت خالي الثانية تتمغط، شافتني حتى ما سلمت، عقجت وجهها قالت:

:- يا بو هم رجعتوا؟ الله يقرضجن.

أم سامر:

:- تركي الساقطة وخلي أيدج ويانا، حضري الأصواني ولج.

:- ما بعدني نعسانة، خلي هاي الحثالة تحضر وياج. صدق اشوكت يعرسون؟

:- اليوم بس تخلص الحوسة.

:- خلي يعرس خالي هنا، لا تخلي ياخذها لبيته.

:- ياا، وأنطيها تخدم مرته؟ شبيه معوقة؟ طبعًا أخليها هنا، ياخذ الغرفة مال سامر بين ما يبني غرفة، أني أولى بخدمتها، أقلها تعوضني عن بنتي جانت شايلة بيتي.

:- فدوة أروحلج، يستاهلن، شردت لتركيا يتونسن أمهات الوسخ. وجوهن مال تركيا، يوم المبارك ترد ذيج هم، الله أمنيتي أشوفها من جديد قبالي والله نذر عليّ أطلع شكو ونسة أتونستها هناك.

:- ما طول ردت هاي ترد ذيج، بس تعالي دبريني بمرت خالج إذا درت.

:- ههههههه، وإحنا شكو؟ تدخل تاخذ لها كتلة معدلة منها وتطلع، والله راح نشبع ونسة.

هنه يسولفن بشماتة ويضحكن وأني مدنقة أحضر بالاستكانات. أتمنيت ناي موجودة هسه جان عرفت اشلون تلوي حلقهن وأني جنت ألومها من تضربهن.

أجو العالم ما أعرف منو، بس انخبصوا خالي والرياجيل اللي عدنا. نطلع صواني جاي ويكولون بعد ساعة كاملة وإحنا على فد وكفة. ساعة أصواتهم تصعد وساعة ماكو ما ينسمعلهم. لمن دخل خالي وجهه أحمر، قالت له:

:- شكو؟

:- لبسيها عباة وجيبيها تعقد.

:- وشكو؟ شأسوي بالعباة؟

:- يلا يا مرة فضيهااا.

:- راحوا العالم؟

:- إي مشوا، بعد ما أخذنا حقنا منهم، ثالث مثلث فصلناهم فصل عدل، كسرة وجههم.

:- حيييل، وين الفلوس؟

:- يم شيخنا، لأن حضرته معترض يريد يردهن.

:- وليش حتى يردهن؟ فوق ما خطفوا بنتنا.

:- كال بتكم رايحة دخيله ما مأخذيها، وأنتوا ما تعرفون بأمور العشاير، خزيتنه كدامهم من قمزت بنص العالم وطلبت فصل وهمه حامين بتكم.

:- ما لك شغل بي ياكل نعل، شيخ وعشيرة على نفسهم، المهم زين تسوي من أخذت فلوس.

:- أقول لك بالدفرات كوه من بين عيونه ما رضى، قلت له خاطفيها، كال جيبوا البت هنا خلي نسمع منها. الحمد لله ما قبل هالعوج. أركان كال شكد رايد فلوس أني أدفع بس لا تدخلوها ديون.

:- معيدي ديوان، وهمه لو ما يعرفون روحهم على غلط ما يجون وبيدهم فلوس.

:- منو ذوله وجه الفكر؟ خبروا عالم جابت لهم فلوس، قالوا هذا مو فصل لأن أحنه ما محقوقين لأحد، هذني لسلامة بنتنا شمروهن عليه شمر، وشيخنا قام يزاكط عليه لأن هيج سويت، قلت له الفلوس إلي ما لك حق تحجي.

:- عافية عليك خوش سويت، بس ومنين طلعت بنتهم ويكولون سلامتها؟

:- غير أخت جنتهم الساقطة تصير. يلا حضريها.

راح هو وهي جابت قطعة قماش خلتها على راسي، جرتني أريد أمشي ما أكدر، اتبنجت. كمشتني النفاضة. دفعتني قالت:

:- يلااا لج.

:- باجي أبوس أيدج.

:- لو تبوسين نعالي هم أسحك على حلقج وأخليج تعقدين.

:- دخيلج والله أصير خدامة جوه رجلج.

:- أنعل أبوك بقبره، هم يومين وتشردين درب الجلب عالقصاب، ما أعرف أصلج نكس، أقص أيدي إذا ما أمجن... وجابجن.

:- ثاركم ويه ماما أني شذنبي؟

:- شووو أبو سامررر تعال أسمع اشلون معترضة ما ترضى تجي.

على صوتها دخل سامر كال:

:- شكو صوتكم؟ عدنا ناااس.

:- ما ترضى تجي حضرتها.

:- روحي هسه أجيبها وراج، بس حضري كرسي وره الباب، ما يرضى الشهم أبو الغيرة تدخل يم الشيخ والعالم تشوفها.

:- يا، من اشوكت صارت عنده غيرة؟

:- دروحي يا يمه.

طلعت وهو وقف، كمشت أيده قلت له بتوسل:

:- سامر ساعدني.

:- بشنو أساعدج بعد ما أنفضحنا بين ناسنا؟

:- والله ردت أحمي نفسي، تعرف أبوك شناوي علينا. سامر لا تنسى اشكد وقفت وياك، اشكد ساعدتك قبل، مرة وحدة أوقف لي.

:- وينها اللي ساعدتيني عليها؟ اشو راحت وتركتني وراها أتعذب.

:- مو بيدها، أنت أتخليت عنها، والله بيومها للصبح تبكي عليك بس ما جان بيدها شي، صارت بذمة أبو صلاح.

:- اشلونها مرتاحة هسه مو؟

:- والله ما شافت لا راحة ولا أنسعدت، عايشة بالضيم.

:- ليش ما رجعت لي؟ اشكد ترجيتها؟

:- تعرفها لمن مأخذة؟ تعرف زوجها مستعد يحرقها ولا يخليها تتحرك. سامر أحنه مو قدهم وهي ورطت روحها بسببي، دخيلك خلصني منها.

:- ما أكدر خلص لحن، تعالي عقدي هاي قسمتج أتقبليها.

:- تعرف ليش تركتك ناي؟ لأن ضعيف وما تنتخي، وهي أول شي تريده بالرجال أن يكون صاحب كلمة وشهم وغيرة حتى يحميها.

:- وعلى الأساس ذني كلهن توفرن بهذا الساقط اللي أخذته؟ امشي لج يلااا، صدق ما بيجن خير مثل ما يكول أبوي.

دفعني عالاستقبال لقيت كرسي والباب مغلق، قعدت عليه وأحس الخنقة بصدري، يائسة من كلشي، دأعقد على موتي.

أسمع الشيخ كال:

:- بنتي اسمعيني.

كمشتني العبرة.

:- بنتي وياي أنتي؟

ضربني سامر على راسي حيل، أشر ردي. قلت له بصوت مخنوق:

:- إي عمو.

:- لحن أريد.

:- أمم.

:- مسلمة أنتي؟

:- إي عمو مسلمة.

:- بنتي موافقة لو اكو أحد غاصبج عالعقد؟ احجي ليش تبجين؟

جر شعري، باوعت له خزرني، أشر:

:- أقص راسج احجييي.

:- لا عمو مو مغصوبة.

:- أتوكلنا على الله.

قالها وبلش العقد. ويه كل كلمة يكولها أحسه يقرأ الفاتحة على روحي، دموعي تنزل بسكتة وقلبي يوجعني. لحد ما كال:

:- هل تقبلين بأركان سرحان زوج لكِ، إذا كنتِ موافقة فقولي نعم وأنتِ وكيلي.

لك في قلبي حب لو قُسِّم على أهل الأرض

لأصبح الجميع عشاق...

***لحن***

هو كالاسم، وأني شيء بارد دخل بجسمي ثلجني.

باوع لمرة خالي لطمت على وجهها، أشر سامر:

"اششش."

"شنو ولك ما أنطيها هاي لخوي، گولي لا ووو لج!"

"يمه دخيلج، تدرين إشگد دفع حتى ياخذها وأبوي انطاها، إنتي لا تدخلين."

"ما أنطيها على جثتي، وين أبوك؟ صيحه، إشلون انطاها؟ لعد وأخوي ضحك عليه!"

"مو بكيف أبوي، أبو أركان طلبها من شيخنا، وهو انطاها حتى لا تصير دم بين العشيرتين."

"ولكم ذوله يضحكون عليكم، ولكم سياب يا عشيره، لحن رفضي!"

همه يحجون والشيخ يكرر بالسؤال حتى صوتي اختفى من الصدمه، ركضت مرت خالي جرتني من شعري صكت على أسنانها:

"رفضي لج!"

السيد: "بنتي تسمعيني؟"

كوه طلع مني مبحوح: "نعم."

"إذا موافقه قولي نعم."

أشرت لي: "كولي لا."

غمضت، حسيتها شلعت فروة راسي، أخذت نفس وكلت: "نعم موافقه."

ما حسيت غير ضربه على راسي من قوتها انحنيت.

باركلي وصوت أركان بده يعقدله.

رادت تجرني، كمشها سامر ووخرها عني، لميت روحي، الرجفه بجسمي، دموعي تنزل مامصدقه.

قامت تملخ بخدودها بدون صوت وتبجي، وسامر كوه كامشها يسكت بيها:

"والك حظ الكح... ولك من حظ أمهن، وين الزين ياخذنه؟ ما تطلع منا ألا تذبحوني."

"يمه عقدت، صارت بذمة رجال."

"وليش وافقتوا؟ مو أخذتوا فصل كافي!"

يا شيخ، يمشي كلمته علينا بكيفه، أبوك ليش ما رفض؟

والله ما وافقنا ورفضنا، من أبوه طلبها، حتى شيخنا ردينا، بس الساقط أركان أخذ أبوي على جهة، قاله: ترد أبوي منا بنفس اللحظة تندفنون يمه، يكتلونه والله ذوله، لا دولة تقدرلهم ولا عشيرة.

ولك ليش أختك تاخذ ساقط، وذني ياخذن زينة الشباب وفلوس؟

يا زينة، واحد سوابق، تاجر أسلحة وتسليب، حتى قتل وممنوعات له يد بيهن.

يبووو يبووو على حظجن يا يمه، مثل حظ أمجن، جان أعرف من انهار أخذت أرزيد وأني خذت أبوك العايب، كون أعرف حظ بناتي.

كافي والله فشلة، العالم هنا تسمع.

خليهم يسمعون، لحن ما تطلع منا على جثتي، غصبًا عنه يطلّقها.

شيطلّق! رحمة لدينج، والله يكتلونه.

ماكووو، صيح أبوك خليه يشمر حتى الفلوس بوجههم، هاي ما تطلع لو يعرف شسوي والمن أروح.

شتسوين؟ شنو ما فهمت؟

روح صيح أبوك، قله خليه يقلهم البت معيوبة، وراح أنطيكم بنتي مكانها بسرررعة.

شنو لعب هيه؟

أي لعب، هاي تظل لأخوي مكان أمها، وأختك تروح مكانها، سامر إذا ما رحت هسه أصرخ وأفضحكم بين العالم.

طلع سامر، قابلتني تتعض بيديها وتتحلف باللي راح تسويه.

عينها بالباب وأذنها يم الاستقبال، تسمع مستمرين بالعقد، تروح وتجي لحد ما سمعت بارك لأركان، وضربت وجهها باثنين أيديها وبجت.

دخل خالي، صاح: كومي لج يلا.

أم سامر: ما تطلع.

شنو ما تطلع؟ البت طلبوها وأني أنطيت، ولج خوش نسيب يفيدني هذا.

لعد ما أنطيت بتك؟ عيبك طالب نسبهم، تارك بناتك للساقط وتنطي ذني للزين.

كافي يا مرة وأنتي قومي.

ما تقوم على جثتي، هسه تشمر فلوسه بوجهه، قله عقدتوا كافي ما ردينا أبوك مثل ما ردت، بس البت ما أنطيها، وروح أبوي أحرق نفسي، لحين ما تطلع منا.

اتخبلتي؟

أي تخبلت، روح قله مالك مرة يمنا، وإذا ما سويتها تعرف شسوي.

قالتها وقامت كمشتني جرتني وياها ركض، خالي سحبني دفعني وأخذها للمطبخ، وهيه عاطت، سد حلقها وسحلها.

ما أسمع غير صوت الضرب وين وصل.

سامر: يلا أمشي.

خليت القماش على أيدي، ضميت جسمي عدل.

طلعت لقيت أركان وهواي شباب واقفين بالباب، كلهم مسلحين.

جان لابس دشداشة وشماغ لافه على راسه، مسدس بمتنه وسلاح بيده.

انتبه لي، أشر ردي.

راح صعد بسيارته وشغلها، رجعت للبيت.

وأشوف مرت خالي أجت تركض وراي، خشمها مدمي.

طبقت السيارة بالباب، نزل دخل بيده عباية مال زلم، خلاها على راسي، لفني بيها وطلع فتح الباب الخلفي وأشر تعاي.

دفعني سامر من وراي، أجيت أوقع.

طلعت وصلت يمه، همس: صعدي، أستوني أصعد وما أشوف غير بوكس بنص وجه سامر، نيمه بالقاع.

صعدت بسرعة وبجيت بصوت، خفت تصير عركة ويردون ياخذوني.

قلبي يريد يطلع وأني أشوف أركان شال سامر عن رقبته، والولد التموا، صارت هوسة.

خالي طلع يركض بدون لا يعرف شكو، قام يبوس بمتن أركان يقوله: زعطوط يا بوي، تركه ما يفهم، وأركان خانقه، يردون يفتحوه من أيده ما يقدرون.

أصواتهم صعدت وصارت خبصة، أخذوا لهم بالعشر دقايق لمن أبوه أجه كمشه، قاله: حرمتك يمك خذها وأنقلع، يكفي مشاكل.

دفع سامر وأجه فتح السيارة صعد.

أباوع له ودموعي تنزل، ما مصدقة خلصت.

الشهقة طلعت من قلبي، أخذني لحضنه باس راسي قال: بسج يبه.

لبالي ما تلحق.

أفا، عطيتج جلمة والزلمة بفعاله، طقوج يا ولي؟

لا بس باعوني.

وأني شريت، يكفي يا ولي لا تبجين، خلصت، قالها وسحب القماش خلاه على وجهي وعصرني بحضنه بأيد وحدة، صاح: شاهين يله يا خوي.

جان ياخذ النفس حيل، مبين الدنيا طالعة من عينه.

صعد ولد اللي اسمه شاهين، جان نفس لبسه، شغل السيارة، قاله: بالمبارك يا خوي.

بعد وقت هالجملة.

أفا وأنا أخوك، أبشر ما يطر الفجر، وإلا وحقها حدر رجليها.

خبر الولد وحذرهم، لا يلقفكم أحد.

ويلقفها! ما عاملين غلط، حق بتنا وخذناه، واللي يفكر يحجي أنطره طر.

جابر أنت تتولى أمره، والبقية حولهم لصداع، أريد أسمع صوتهم وأني حدر بيتي.

تم من هالشارب.

جدتي وينها؟

أخذتها لبيتكم، مناطرتك غادي.

كملت.

ما بيها مفر، بالذيب أجه وقت الحساب، وكلمن ياخذ حقه.

على قص رقبتي أنفذ اللي يطلبوه.

عطيت جلمة يا بن عمي.

إذا تزوجت ولحين ما راح تصير حرمتي، تظل تحت حمايتي لحد ما ترد أختها وتاخذها.

يا خوي.

شاهين، جلمة زيادة أنسى الأخوة.

سكت الولد ما رد، وأركان سحب بردة تفصل بينه وبينه، صايرة لأن السيارة عالية، مسح وجهه يريد يهدأ، نفخ بحرقة.

باوع لي قال: يكفي يا ولي لا تبجين.

عدلت قعدتي مسحت دموعي بس الشهقة كامشتني تطلع غصبًا عني.

دنق خلى راسه بين أيديه، أخذ له شوية وباع لي.

شلون هيج جنتي قدامهم تمشين؟

همه لبسوني حتى يزوجوني.

والحرمة، ابن خالج راضي يدحكون على عرضه بدون ستر؟

يخاف من أمه ما يقدر يحجي.

لا قفوا، الزلمة من ظهر الزلمة يا ولي، شلون راح أدخلج قدام أهلي بهالمنظر؟

حتأخذني لبيت أهلك؟

عجل وين أولي بيج؟ غير تورطت ورطة تسوى عشيرتي، لو ما لاحق وعاقدج جان الدم صار للركاب.

وديني لبيت بيبي بدعة.

يا بيت! غير طار وجان راحت أرقابنا بي، لو ما إبليس أختج انتبهني، بس هين هالناقص شغلته سهلة.

ترى باعوا ناي للرجال اللي أخذني، راح يرجعوها حتى ينطيها إله.

باع من هو؟ حرمة غيث لأن جر الزلمة، الصراحة عجبني.

ضايج لأن أخذوا منك هواي فلوس مو؟

فدواتج يا يبه، دحقي بنيتي راح أخذج وياي لبيت أهلي، زامطت بيج قدام السلف، قبل أهل بيتي وأخذتج من نص بيتكم غصبًا على الكل، فلا تصغريني وتفاشليني بين ناسي.

يعني شنو أسوي؟ أنت علمني راح أسوي اللي تريده.

أنتي هسه حرمتي محسوبة علي، أي غلطة منج أني أنحرج، راح أتحاسب مكانج، بروح أهلج أريدج تقضبين نفسج بس هالأيام بالأكثر شهر لحد ما أزتّج لأختج.

يعني شنو ما فهمت؟

أستغفر الله يبه، حجابج سترج، ذني أهم شي.

حلبس حجاب.

والدتي الله يحفظها ما تفتحين حلقج وياها، ما أقولج هيه هينة بس حسبيها أميمتج، أي شي تحاجيج بي لو تعلمج ما ترديها تردين تم.

تمام.

حرمتي ما توصلين يمها.

متزوج أنت؟

مالج دخل بهالسالفة، متزوج أعزب هالشي راد لي، صيري نبيه، فهاوتج حاولي تنسيها، بروح أخيج لحين أني ما فارغ أجابلج، كم يوم تحملي ما طول بس أطلع جوازج وأسفرج.

هزيت راسي بأي.

أي أحد يسألج لو يطلب منج شي لا تسوي بدون لا تردي لي، يا ولي حريمنا مشيطنات حالهن حال أختج، وأنتي الله يستر عليج مفيهة.

عزا، جذابات يعني؟

باوع لي بصفنة وأخذ نفس مسح وجهه، همس: هاي شلون راح أحميها؟

يا ولي لحين يبه، ركزي وياي، ريحانة أختي غادي، أريدج تصيرن ظلها ما تتركيها ولا دقيقة، أي شغلة يطلبوها منج قبل لا تعمليها تاخذين رأيها.

تمام.

أخاف أني ما موجود واحد يغثج، لا تخافين ولا تسكتين، ترحين لجدتي عدل، هيه تسحقلج على روسهم.

تريدني أصير فتانة يعني؟

دنق خلى راسه بين أيديه.

لا اعتراض على حكمك.

الطريق طويل بس كل ما نبتعد الجو يحتر أكثر.

وصلنا يم مكان جبير مثل المزرعة، دخلنا بيها، راحت السيارات على غير جهة مثل استقبال جبير ما أعرف شنو، طويل كلش وإحنا رحنا على جهة بيت.

أفتحت الباب دخلت السيارة وقفت، نزل شاهين طلع من البيت وأركان نزل أشر يله.

نزلت أباوع البيت جبير ما أعرف تصميمه شنو، بس غرف هواي داير مداير ودرج يودي لطابق ثاني، بس كلها هاي وهو بلا سقف، السما مبينة.

استقبلتنا وحدة شوية أكبر مني تقريبًا، حضنته وباسته بمتنه.

الحمد لله على سلامتك يا خوي.

الله يسلمج.

بالمبارك تستاهل يا روحي.

بروح أخيج لا تلحون بالسالفة، البيت بس ملجتها.

جدتي طالبتك.

مو خوش خبر، والوالد وصل؟

أستوى قبلك بدقايق، ودخل يمها، طالبك قال استقبلي أخيج أول ما يوصل خليه يحدر لغرفة الجدة.

والوضع شلون؟

مخربط بالاخص من عرفوا تصير أخت حرمة غيث تسودنوا، وجدتي مغتاضة لأن قصيت عليها، يلا يا خوي أخذ حرمتك ودخل يمهم بس هدي بروح أخيك لا تزيدها، سويت اللي براسك يكفي بعد.

هز راسه وأشر لي يلا، رحت وراه، دخلنا لغرفة لقيت العجوز قاعدة ويمها رجال جبير معقل، عرفته أبو من العركة، وجانت وحدة أقل من العجوز بالعمر قاعدة بالجهة الثانية هم مشيلة ويمها مرة متوسطة بالعمر تباوع لي بكره.

دخل راكان سلم وباس راس جدته، دفعته.

بعد يا ول، لغاد شجنت تهاجس من وقفت بوجهي وقلت هاي حرمتي.

جدة البت جنت دخيلة يمي.

عجل ما حجيت، ما جبتها لبيت أهلك، شكو جايبها ليمي.

ما ترهم قلت كم يوم بس يطلع جوازها وأختها تاخذها.

والدخيلة تنيمها بحضنك يا الأغم؟

وروح أخوي ما لمستها، يا بَه شلقضية هيج أني ناقص وأدحق على دخيلتي.

أبو أركان: وهسه صارت حرمتك.

موش حرمتي هاي، أمانة كم يوم وأردها لأختها.

ما ترجع مثل ما زامطت وخذت، أخوتك تتكاونت وسحبت الحرمة من نص أهلها غصبًا عن جبيرهم قبل صغيرهم، اليوم تدخل عليها.

***ناي***

طلعنا من الكنيسة صار الساحل قدامنا، رحنا يمه نمشي، بالي بلحن شلون راح أفاتح غيث وأجيبها يمي.

قاطعني جود وهو يقول: ولو مو وقت هالحجي بس هم خبرتج، رويدا ترى كرم على آخر.

لا بس هسه أروح وياك للمطعم وأفهم شنو سوت، وهذا شناوي بعد ما يخرب زواجها، هم راح يظل بس يتأمل.

والله شكلج ما أعرف هسه، بس خليها تخربه والله كريم.

مستعد يدخل للإسلام لو لا؟

والله منين ما يفرها هيه عاكسة، شلون راح يقنع أهله ما أعرف.

لعد مو همه راحوا خطبوا؟

ما جانوا يعرفون هيه مسلمة، وظلت أمه زعلانة عليه فترة، مع العلم رفضوهم بس هم شالت بخاطرها، هم حقهم ترى شغلة تغيير الدين مو سهلة.

أوه فوق ما أبوها رافض، صدق شغلته تعبانة، أني منه أغير ديني وأتزوجها بسكون وما أرجع للعراق أصلًا.

هيج سهلة عندج؟ لبالج كلها مثلج؟

شنو قصدك؟ على العموم شكرًا.

وعلي ما قصدت شي بس دا أوضحلج أنو أنتي قوية قدرتي تسويها، هيه جبانة أو بالأحرى كرم أجبن، يخاف يخطي هيج خطوة بدون موافقة أهلهم.

أوف جود، أريد لي واحد أتعرف عليه بهالدنيا مرتاح، ماكو، مرات أصفن أقول ليش أنخلقنا؟ شنو الحكمة؟ أشوف حياتنا تمضي بلمح البصر وما أحس إلنا قيمة.

يقال أن قيمة الإنسان وما يتركه من أثر بين حياته وموته، فالله سبحانه وتعالى خلقنا حتى نعمل ونجتهد، لم يخلقنا عبث.

فالإنسان مرآة عاكسة لله سبحانه وتعالى في الأرض.

تعرف من جنت صغيرة وخالي يشمرني بالحديقة حتى يعاقبني، جنت أقعد أتأمل النجوم وأصفن، أكثر تفكيري جان هذا اللي نعيشه حقيقي لو وهم؟ اكو من خلقنا لو من الطبيعة إحنا مجرد أرواح ونروح؟

هل الطبيعة عاقلة؟

لا.

شلون أنطت للإنسان العقل وفاقد الشيء لا يعطي؟

باوع لي داير مدايرج شتشوفين؟

عالم تمشي، بحر، عمارات.

يقال أن وجود الأثر دليل على وجود المؤثر، فلا بد للإنسان من وجود علة أو سبب لوجوده.

عندما سُئل أعرابي قالوا بما عرفت ربك؟ قال: البعرة تدل على البعير.

والأثر يدل على المسير، سماء ذات أبراج، أرض ذات فجاج، ألا تدل على لطيف خبير؟

عندج أبسط مثال هالأبنية الجميلة بحاجة إلى مهندس ماهر، لو أفترضنا هذا الدنيا فالله سبحانه وتعالى هو ذلك المهندس.

زين شنو الحكمة نعيش هالصراع؟ ليش مو الكل متساوي؟

هذا التكافل الاجتماعي، حتى الغني يكفل الفقير والقوي ينصر الضعيف، هو هذا العالم يمشي بقدمين أحدهما سالب والآخر موجب.

بس نسبة الظلم أكثر.

لأن الظلم من الإنسان دليل بآية: ما ظلمناهم ولكن كانوا أنفسهم يظلمون.

الحق عند الله واحد لو متعدد؟

الحق الذي يرضاه الله جل وعلا وهو حكمه الشرعي واحد لا يتعدد في المسائل التي اختلف فيها العلماء.

"أنا زهقت يا سيف، زهقت من كل حاجة، من تعب الشغل، من محاولاتي إني أرضي الناس، من سعيي إني أكون زي ما هما عايزين، من حلمي إني أكون كويسة في كل حاجة. أنا تعبت، تعبت أوي، حاسة إني تايهة، إني مش عارفة أعمل إيه، أنا بقيت بخاف من بكره، بخاف من كل اللي جاي."

سكتت ميّار، وعينيها اتملّت دموع، بصّت لسيف اللي كان باصص لها بكل هدوء.

"أنا عمري ما حكيت لحد كده قبل كده، عمري ما اتكلمت عن اللي جوايا، بس حسيت إني محتاجة أتكلم معاك، حسيت إني محتاجة أقول يمكن ترتاح."

سيف مدّ إيده ومسح دموعها، وقال بصوت حنين:

"دموعك دي غالية أوي يا ميّار، ومينفعش تنزل كده، أنا عارف إنك تعبانة، بس أنا جنبك ومش هسيبك، وهنعدّي من كل ده مع بعض."

سيف حضنها وهي فضلت تعيط، فضلت تعيط لحد ما نامت في حضنه.

"أنا آسف يا ميّار إني مدّيتش لحبك فرصة، آسف إني بعدت عنك، بس أنا كنت خايف، خايف أكون مش قد المسؤولية، خايف أكون مش قد حبك، بس أنا هصلح كل حاجة، وهعوضك عن كل اللي فات، وهفضل جنبك لحد ما تضحكي من قلبك."

سيف فضّل يبصّ لها وهي نايمة، قلبه كان بيوجعه عليها، عمره ما شافها كده، عمره ما شافها ضعيفة كده.

"أنا آسف يا ميّار، أنا آسف."

سيف قام من جنبها وطلع بره الأوضة، طلع قعد في الصالة، طلع سيجارة وولعها، فضل يفكر في كلام ميّار، فضل يفكر في اللي عمله فيها، فضل يفكر في كل حاجة.

"أنا لازم أصلح كل حاجة، أنا لازم أرجع ميّار اللي أعرفها، أنا لازم أرجع ميّار اللي كانت بتضحك من قلبها."

سيف خلص السيجارة وقام دخل أوضته، طلع موبايله واتصل على رقم.

"أيوة يا بابا، أنا عايز أقابلك بكرة، في موضوع مهم عايز أتكلم معاك فيه."

سيف قفل الموبايل ونام وهو بيفكر في اللي هيعمله بكرة.

في صباح اليوم التالي، سيف صحي بدري، لبس ونزل، راح على الشركة، دخل مكتبه، قعد على الكرسي، فضل يفكر في كلام ميّار، فضل يفكر في اللي هيعمله.

"أنا لازم أكون قوي، أنا لازم أكون قد المسؤولية، أنا لازم أكون قد حبها."

سيف قام من على الكرسي، وفتح باب المكتب، وطلع بره، راح على مكتب والده.

"صباح الخير يا بابا."

"صباح النور يا سيف، تعالى اقعد."

سيف قعد قدام والده، وبدأ يتكلم:

"أنا عايز أطلب منك طلب يا بابا، أنا عايز أتجوز ميّار."

والد سيف بصّ له باستغراب:

"إيه اللي بتقوله ده يا سيف؟ أنت فجأة كده عايز تتجوز ميّار؟"

"أيوة يا بابا، أنا بحب ميّار، وعايز أتجوزها."

"بس أنت كنت رافض الموضوع ده يا سيف."

"أنا عارف يا بابا، بس أنا غيرت رأيي، أنا عايز أتجوز ميّار."

والد سيف فضل ساكت شوية، وبعدين قال:

"أنا مش عارف أقول لك إيه يا سيف، بس أنا موافق."

سيف فرح أوي، وقام حضن والده:

"ميرسي أوي يا بابا، ميرسي أوي."

والد سيف ابتسم:

"أنا عايزك تكون سعيد يا سيف، وأنا عارف إن ميّار هتسعدك."

سيف نزل من عند والده وهو فرحان أوي، راح على مكتبه، اتصل على ميّار.

"صباح الخير يا ميّار."

"صباح النور يا سيف."

"أنا عايز أقابلك بكرة يا ميّار، في موضوع مهم عايز أتكلم معاكِ فيه."

"تمام يا سيف، هستناك."

سيف قفل الموبايل وهو فرحان أوي، فضل يفكر في اللي هيقوله لميّار، فضل يفكر في رد فعلها.

في صباح اليوم التالي، سيف صحي بدري، لبس ونزل، راح على كافيه، قعد يستنى ميّار.

ميّار وصلت الكافيه، وشافت سيف قاعد، راحت قعدت قدامه.

"صباح الخير يا سيف."

"صباح النور يا ميّار، عاملة إيه؟"

"الحمد لله، بخير، أنت عامل إيه؟"

"أنا كويس، أنا عايز أتكلم معاكِ في موضوع مهم."

"خير يا سيف؟"

"أنا عايز أتجوزك يا ميّار."

ميّار اتصدمت، ومبقتش عارفة تقول إيه، بصّت لسيف وهو كان باصص لها بكل هدوء.

"إيه اللي بتقوله ده يا سيف؟ أنت بتهزر؟"

"لا يا ميّار، أنا مش بهزر، أنا بتكلم جد، أنا عايز أتجوزك."

ميّار فضلت ساكتة شوية، وبعدين قالت:

"أنا مش عارفة أقول لك إيه يا سيف، أنا مكنتش متوقعة إنك هتقول كده."

"أنا عارف يا ميّار، بس أنا بحبك، وعايز أتجوزك."

ميّار فضلت ساكتة، وبعدين قالت:

"أنا محتاجة وقت عشان أفكر يا سيف."

"تمام يا ميّار، أنا هستنى ردك."

سيف قام من على الكرسي ومشي، وميّار فضلت قاعدة مكانها، فضلت تفكر في كلام سيف، فضلت تفكر في اللي هتعمله.

"أنا بحبك يا سيف، بس أنا خايفة، خايفة أكون مش قد حبك، خايفة أكون مش قد المسؤولية."

ميّار قامت من على الكرسي، وطلعت من الكافيه، ومشيت وهي بتفكر في اللي هتعمله.

في بيت ميّار، ميّار فضلت قاعدة في أوضتها، فضلت تفكر في كلام سيف، فضلت تفكر في اللي هتعمله.

"أنا بحبك يا سيف، بس أنا خايفة، خايفة أكون مش قد حبك، خايفة أكون مش قد المسؤولية."

ميّار قامت من على السرير، وطلعت من أوضتها، راحت قعدت مع والدتها.

"ماما، أنا عايزة أتكلم معاكِ في موضوع مهم."

"خير يا حبيبتي؟"

"سيف طلب إيدي النهاردة."

والدة ميّار اتصدمت:

"إيه اللي بتقوليه ده يا ميّار؟ سيف طلب إيدك؟"

"أيوة يا ماما، سيف طلب إيدي."

"وأنتِ قلتي له إيه؟"

"أنا قلت له إني محتاجة وقت عشان أفكر."

"طيب وأنتِ رأيك إيه يا ميّار؟"

"أنا بحب سيف يا ماما، بس أنا خايفة، خايفة أكون مش قد حب سيف، خايفة أكون مش قد المسؤولية."

"يا حبيبتي، الحب مش كده، الحب مسؤولية، والحب تضحية، والحب عطاء، وأنتِ قد كل ده."

"بس أنا خايفة يا ماما، خايفة أكون مش قد المسؤولية."

"يا حبيبتي، متخافيش، أنا جنبك، وهساعدك، وهنعدّي من كل ده مع بعض."

ميّار حضنت والدتها، وفضلت تعيط، فضلت تعيط لحد ما نامت في حضن والدتها.

في صباح اليوم التالي، سيف صحي بدري، لبس ونزل، راح على الشركة، دخل مكتبه، قعد على الكرسي، فضل يفكر في كلام ميّار، فضل يفكر في اللي هتعمله.

"أنا بحبك يا ميّار، ومستعد أعمل أي حاجة عشان أكون معاكِ."

سيف قام من على الكرسي، وفتح باب المكتب، وطلع بره، راح على مكتب والده.

"صباح الخير يا بابا."

"صباح النور يا سيف، عامل إيه؟"

"أنا كويس يا بابا، أنا كنت عايز أطلب منك طلب."

"خير يا سيف؟"

"أنا عايزك تكلم والد ميّار، وتطلب إيديها."

والد سيف ابتسم:

"أنا موافق يا سيف، أنا هكلم والد ميّار النهاردة."

سيف فرح أوي، وقام حضن والده:

"ميرسي أوي يا بابا، ميرسي أوي."

سيف نزل من عند والده وهو فرحان أوي، راح على مكتبه، اتصل على ميّار.

"صباح الخير يا ميّار."

"صباح النور يا سيف، عامل إيه؟"

"أنا كويس، أنا كنت عايز أسألك، فكرتِ في الموضوع؟"

"أيوة يا سيف، أنا موافقة."

سيف فرح أوي، ومبقاش عارف يقول إيه:

"أنتِ بتتكلمي جد يا ميّار؟"

"أيوة يا سيف، أنا بتكلم جد، أنا موافقة أتجوزك."

سيف فرح أوي، ومبقاش عارف يقول إيه، قفل الموبايل وهو فرحان أوي.

"أنا بحبك يا ميّار، أنا بحبك أوي."

سيف قام من على الكرسي، وطلع من المكتب، وراح على بيت ميّار.

سيف وصل بيت ميّار، وخبط على الباب، والد ميّار فتح له الباب.

"أهلاً يا سيف، اتفضل."

سيف دخل البيت، وقعد في الصالة، والد ميّار قعد قدامه.

"أنا كنت جاي أطلب إيد ميّار يا عمي."

والد ميّار ابتسم:

"أنا موافق يا سيف، أنا موافق."

سيف فرح أوي، وقام حضن والد ميّار.

"ميرسي أوي يا عمي، ميرسي أوي."

ميّار نزلت من أوضتها، وشافت سيف قاعد مع والدها، راحت قعدت جنب سيف.

"أهلاً يا سيف."

"أهلاً يا ميّار، عاملة إيه؟"

"الحمد لله، بخير."

سيف بصّ لميّار وابتسم، ميّار ابتسمت له، الاتنين كانوا فرحانين أوي.

في نفس اليوم، سيف ووالده راحوا على بيت ميّار، وطلبوا إيد ميّار رسميًا.

تمت الخطوبة، والكل كان فرحان أوي، سيف وميّار كانوا فرحانين أوي، كانوا حاسين إنهم أسعد اتنين في الدنيا.

بعد فترة، سيف وميّار اتجوزوا، وعاشوا حياة سعيدة، سيف كان بيحب ميّار أوي، وميّار كانت بتحب سيف أوي.

سيف وميّار كانوا بيحبوا بعض أوي، كانوا بيحبوا بعض أكتر من أي حاجة في الدنيا."

وإما أن يكون عاصيًا.

- شنو دارس؟

- ما أقلج الدراسة مالها علاقة بتنمية العقل، بس قرأت الكتب يعني أمتلك ثقافة عامة مو أكثر.

- شكلي راح أتعبك لأن عندي كومة أسئلة.

- وإني حاضر بأي وقت، بس هسه اتأخرنا لازم نرجع.

- غيث رجع؟

- لا عنده شغل. يلا نرجع للمطعم لو تروحين للشقة؟

- لا أجي وياك، شعدي؟ رادة هم أشوف رويدة.

رحنا للمطعم وصلنا، أول ما دخلت لقيت كرم يسولف ويه واحد من الموظفين، شافني قال: "كلش مو وقتج ليش ما رجعتي للشقة؟"

- شكو شصاير؟

- سلامتك خير، ليش أجيتي؟

- ضايجة أجيت ويه جود، قلت أظل ويه رويدة.

- لعد اطلعن روحن ما عندنا شغل، اليوم قليل زبائن.

- لا ما بيَّ أتمشى، أقعد يم رويدة.

شفته يباوع لجود بضوجة، ما فهمت إشبيهم. رحت قعدت على طاولة، أجت رويدة يمي. قعدت يمي، قلت لها: "إي شصار وياج؟"

- ماكو، بابا قدم على فيزا اليوم الصبح ومنتظرة ما أعرف إشراح يصير.

- خطيبج شنو وضعه؟

- ما أدري ما اتصل، وحتى بابا من خبرني اليوم ما جاب طاريه.

- حلو، قبل لا يجي أبوج بيوم، تخبريه تقولين له طلعت التحاليل ما بيَّ شيء.

- وخطيبي؟

- ما راح ياخذج، لباله أهلج يجذبون عليه يريدون يلبسوج براسه. قولي: قالت ناي، محد يجازف ياخذ وحدة بداية المرض، رادلها فلوس بثقلها يالله تطيب.

- إن شاء الله. هم حكى وياج كرم؟

- أقلج المفروض آخذ فلوس منكم، أنتم مستعمليني خدمة توصيل مجاني، ما تحجون وتفضوها.

- غير هو اللي يبادر، إشو كلما أوصل يمه يدير وجهه عني لو يسوي روحه ما يشوفني.

- يمه فديته أخيي خجول. قلت لها وابتسمت، ضاعت ضحكتي بدخول غيث للمطعم. كانت سارة كامشة بزنده وهو يضحك ويه واحد من أصدقائه، وهم ويا صاحبته ما أعرف مرته.

شافني اتفاجأ بوجودي، عقد حاجبه.

درت وجهي، بعد سارة من إيده، واجه وصل يمي قال: "شكو هين؟"

- ضايجة بالشقة، أجيت أشوف عالم.

- حلو. قالها وجرني من إيدي، دفعني على باب المطعم. أجه جود يركض وكف كدامه.

- ترى إني جبتها.

- بعد يول، ول بالقرآن أدفنك بقاعك.

- غيث.

- أنعل أبو غيث لأبو اللي خلاه بطريقكم.

- بس اهدأ يخوي، شبيك؟

كمش جود من ياخته وصك على سنونه.

- وحق اللي خلق الكون يا جود، إذا لمحتك واصل صوب حرمتي ومطلعها بدون إذني، أمحيك من الخارطة. حرمتي بعد عنها، خلي النفس عليك طيبة.

- شبيك؟

- جوووووووووود! قالها ودفعه حيل، قلبه على الميز.

اندار لي سحبني، دفعني كدامه.

طلعنا من المطعم، فتح السيارة أشر: "صعدي". صعدت، ركع الباب حيل وراح صعد.

شغلها، شحطها وساق بخبال مثل عوايده. أباوع لاديه دماراتها طالعة من الحركة.

لوف السيارة حيل، انقلبت لقدام. كمشت بالجكمجة بسرعة.

- إشبيك غيث؟ شصاير؟

- مرض! نفس ما أسمع لج، نوصل وأعلمج إشلون تطلعين.

- وين رحت؟ هو للمطعم ومو وحدي، جود أجه عليه.

- أنعل أبو جود لأبو اللي أخذج وسواج مرة.

- يعني شنو أظل عمري كله محبوسة وأنت النهار كله تتفرفر بالصفرة؟

شحط السيارة وكفها، صك أسنونه وكام يضرب الستيرن. قلت تتفلش، لميت روحي خفت من ردة فعله.

فرك راسه ودنك، أخذ له شوية وشال راسه باوع لي عيونه حمر.

- كم مرة نبهتج ما تطلعين وحدج وبهيج لبس؟

- ما أدري نسيت والله.

- نسيتي؟ نوصل وأعلمج مرة ثانية إشلون تنسين. قالها وشغل السيارة.

- آخر مرة غيث، ما أطلع بعد.

- ما طولج ماخذة لج مكرن مثلي، حقج باللي تعمليه. إني لو زلمة وبيَّ حظ جان كضبتج وفصمت راسج.

سكتت ما رديت لما وصلنا للعماره، نزل فتح باب العمارة أشر: "يلا".

رحت، دفعني دخل وراي، حتى المصعد ما صعدناه. رحنا عالدرج، أخذني أدفع لما وصلنا للشقة، فتحها ودفعني بيها وركع الباب، رجعت ليورا.

- لا منهو خايفة؟ ناي هاي جديدة.

- غيث والله بعد ما أطلع إذا ما أقول لك.

- هذا لبس وحدة شريفة تلبسه؟

- ما انتبهت طلعت مستعجلة.

- كم واحد دحج عليج؟ كم واحد تخيلج؟

- ترى ما جنت وحدي، جود وياي محد يتجرأ.

- وجود شنو موش زلمة؟ ناااااي لا تسودنيني.

- لعد ما تحكي ويه سارة النهار كله مصلخة؟ ليش بس إني خانقني؟

ما رد، جرني من قميصي شقه بنص، جر شعري.

- جود لا تقربين يمه، قلت لج لو لا؟

- إي.

- عجل؟

- شفته يم شقته سألته، قال للمطعم رحت ويا غيث. شعري! قلتها وكمشت إيده أريد أبكي.

سحب إيديه، دفعهن حيل وعصر وجهي.

- اللي تطلع بدون إذن زلمتها وشبه مصلخة شنو تتسمى؟

- راح أتحجب.

- ما تتحجبين، تعرفين عش لأن هترة وناقصة تربية، حالفة إذا ما تنعلين وأبو أبوي بكبره ما تنعدلين.

- قلت لك ما أسويها بعد، غيث وجهي راح يطك.

- وإني ما أظل مناطر حضرتج تركبي لي قرون. دحقي يولِ والخلق الكون أدفنج وأنتِ عايشة إذا لمحتج معدية الباب بدون إذني سمعتييييي؟

هزيت راسي: "إي".

- شعر راسج ما أريد ألمحه، إذا دحكت وحدة طالعة راسج أفصمه فهمتييي؟

- إي إي.

دفعني عالقنفة، شال سويجه وطلع، ركع الباب وراه.

فركت وجهي، خبل مو طبيعي، بس صدق إني عرمة. هسه منعني من اللبس الضيق ألبس، ليش هيج أحسن؟ تستاهلين يلا حجاب وحبسة.

قمت غيرت ملابسي، استوني أطلع شفت فوني يضوي. رحت شلته لقيت مسج من غيث فتحته.

كاتب: "قفلي الشقة من وقت، اليوم أبات بره". غلقت جهازي وشمرته. الله ياخذك غيث عساك ما رديت.

غمضت عيوني حتى امتص الحركة. أعرفه مشتاق لها، ولقى حجة حتى يروح لها.

ناي لا تضحكين على روحك، من البداية قال لك وأنتِ رضيتِ.

إي بس ما جنت أحبه ولا تخيلت هيج راح يجي يوم، مجرد طاري اسمها يموتني.