تحميل رواية «لبوة على شفا الثار» PDF

واقفة أباوع له، بهت وجهه، حكى بكسرة:

"لا ناي ما تعملها بيَّ."

"سوّتها، راحت."

صعد أركان قال:

"شكو واقفين؟"

غيث كمش راسه مغمّض همس:

"انهزمت يخوي."

"شنهو انهزمت؟ اشوكت؟"

همست:

"ما أدري."

غيث:

"اشلون قدرت تنهزم؟ الحرس تارس البيت، والمزرعة بيها أركان."

باوع لي أركان، عصر جف إيده، ضغط على أسنونه، اتقدم، رجعت ليورا خفت.

"لعبتوها صح، بالقرآن أكبر ساقطات ما يلحقنكن."

عصر رقبتي، خنقني.

"اشوكت راحت؟"

"ما أدري."

"لحننننننننن!"

"ما صار هواي من راحت وما أدري وين، ما قالت و..."

بعدني أحكي وغيث نزل يركض، دفعني أركان وراح وراه، صار بوجهه عمي قطع طريقه، قال له:

"شكو يبوي؟"

أركان:

"حرمة غيث انهزمت."

"يا وسفه!"

"يبه، رايحين على المطارات، وأنت دز الأزلام كل واحد بجهة، كلهم لا يردون إذا ما يجيبون راسها، عدلة لو ميتة ما يهم، المهم لا يردون بدونها."

"الحق أخيك، بعون الله تلقوها، ما عندها مكان تروح له."

"تروح إبليس، مثل ما قدرت تطلع من بيت متروس أزلام تلقى مكان تختل بي، بس وروح دم أخوي لأسحلها وأجيب راسها حدر رجله."

"اتزنح ورا أخيك لا يصير له شيء."

طلع أركان وسماهر لطمت على وجهها، وبيبي كمشت راسها قالت:

"راح غيث، راح وليدي."

أبو أركان:

"يمّه ترد، أبو غيث، طلع الولد يگضبون الفاتحة ويه أبو حمزة وخبر عامر خلي يجينا هو ولده ورفجانه."

بيبي:

"ما عونه ينسى ويرد طبيعي بعد، شغلة أمّه، عش حظه هالولد ما ينعدل، يطلع من مصيبة يوقع بالأنكس."

سماهر:

"بالقرآن ينتحر غيث إذا ما حصلها، أخيّي وأعرفه بعد ما يحمل سواد وجه قدام أهله."

أبو أركان:

"ما نريد أحد يعرف، اتكتموا على الخبر حتى أهلج لا توصليها، وبعون الله نحصلها، حسام جدي، حضّر السيارة بين ما أغيّر ملابسي."

صعدت لي سماهر تركض، جرتني من شعري قالت:

"وينها؟ اشلون قدرت تنهزم ولج؟"

"ما أعرف."

"لحن وكلام الله يذبحج أركان، قولي أحسن لج."

"دا أقول لج ما أدري، دخلت للغرفة لقيتها ماكو."

"عجل اسمعي، دحقتي الفاتحة وين أخوات أركان؟ ولا وحدة تعرفين، عش ما وصلن لا بعرس ولا فاتحة، لأن أخوهم دفن وحدة منهن قدامهن."

"ما سويت شي."

"بالقرآن يدفنج أركان، احكي أحسن لج، كل شي سوي بس الشرف لا تكربين صوبو لحن، خلي نلحق نحصلها قبل غيث، إذا گضبها ما يرحمها، يطلع بيها عقدة أمّي، راح يذبحها ويروح بيها."

"ما أدري وين راحت."

"روحي واتحملي اللي راح يصير لج، لا أهل يسألون عنكن ولا أحد يفقدكن، يذبحوكن مثل ما الله واحد."

نزلت الرجفة كامشتني وأنا أشوف الكل مخبوص، لبالي مثل أهلي اللي تنهزم عادي، ما دريت بيها ذبح، جان ما خليتها تسوي هيج.

ربي دخيلك، أنا اشلون سكتت؟ لو قايلة لغيث قبل لا تروح جان كمشها، حتى لو عاقبها بس أقلها تظل عايشة.

رحت لغرفة ريحانة لقيتها بدلتها قاعدة وأم حمزة يمها منتجية تنعه وتبكي.

اجت من الله، گعدت بجيت من قلبي.

كمشت إيدي ريحانة قالت:

"لا تبجين شاهين جاي هسة وياخذنا."

"كل مرة أنتِ تحميني منهم، هسة وين أروح، منو يحميني؟"

أم حمزة:

"انهزمت أختج ييمه."

"خالة مالي دخل."

"الكل يروح ضحية بذنب غيره."

"راح يقتلوني مو؟"

"راح يذبحوها مثل مهرة، لا عندهم دين ولا خوف من الله، عالم باطلة، آخ يا يمه يا رويحة شبابكم اللي رگدت حدر التربان."

حضنت رجليها.

"يمّه لحن، إذا تعرفين مكانها قولي قبل لا تطش سالفتها بالسلف، تالي ما تنسد غير بدفنها."

"ما أندلّها، ناي ما تقول شي أبد."

"أختج جاهلة ومراهقة ما تعرف تتصرف، طايشة وحملت وجع أكبر من عمرها خلاها تتهور وتجازف وتعطي روحها للموت بدون وعي."

"شسوي هسة؟"

"إذا تعرفين مكانها خبري غيث، يحبها، ما يأذيها."

"ما أندلّها."

"عش انهزمت؟"

"لأن يريد يتزوج."

"لا أختج موش غشيمة، نبهة وذكية، تدري غيث ما ينجبر، بس سمعت شي خلاها تعمل هيج."

انفتحت الباب، دخلت أسماء عيونها حمر، شافتني تفلت عليها قالت:

"الله ياخذكن."

قعدت يم أمها شاورتها ضايجة والأم هزت إيدها.

"موش عرفناها ونصحناج بس ركبتي راسج."

"قولي لجدتي هي تحاجي، خو موش أظل هيج معلقة."

"ولا أكرّب أبد."

"أصلاً ما حكى بالسالفة، وجدتي حاجته انطاها ظهره ونام ما عبر أكبر واحد."

"عجل انكتمي، حرمته انهزمت بسبب هالسالفة، وروحو ما گاضبها لا يطلع حرته بيج ويفصم راسج."

"كون يلقاها ويقتلها ويخلصني منها، نذر لوجه الله أصوم أسبوع."

"يقتلها يروح بيها عجل منهو يسكت له؟"

"جان سجنوا أركان قبلو، وحتى لو انسجن كم سنة ويطلع، قضية شرف، أنا ناطره أصبر بس كون تموت."

"ما تموت، هسة يسدون السالفة، عمج حذّر الكل محد يجيب طاريها لمن يلقوها ويردونها."

"وأكيد غيث يريد بس رضاها، ما يحاجيها وتعدي السالفة، بس خبلته وخلته يخاف يعمل شغلة ما رايدتها لخاطر لا تتركه."

"عفيه، كل من يعرف مقداره، اركدي يمه وارضي بنصيبج."

باوعت لي بغل، صفنت شوية عضت شفتها وقامت طلعت.

غمضت خليت راسي بحضني، الكل يحكي بالموت بسهولة، من هيج انهزمت ناي، أثاري تعرفهم صدق يأخذون ابنها وما تكدر تحكي، يا ربي كون محد يكدر يكمشها.

...نقلوا الفاتحة لبيت عمي أبو غيث حتى محد يعرف الصاير شنو.

للعصر وأسمع هوْسة بالبيت، اندفرت الباب دخل أركان، دخل. رجعت ليورا، دنق جرني من شعري طالعني، سحل دفعني قدام غيث.

قاعد نص گعدة، خال راسه بين إيديه، باوع لي تعبان، گوه يجر النفس مسح وجهه.

"وينها؟ بروح عاشق."

شهقت.

"ما أذيها وعد، احكي بالعراق لو سافرت."

"ما قالت لي."

أركان:

"ما عندها فلوس، ما تكدر تسافر بهالسرعة."

باوع لي غيث، رجعت ليورا، ضم وجهه كأنما عرف أني مطيتها، خلى إيديه ورا راسه.

أم أركان:

"هم حظ عندك، نريد نسد سالفة أمك، طلعت حرمتك نفس الشي."

أركان:

"يمّاااا!"

"وأنا شكو تصارخ بوجهي؟ روح اسمع بالفاتحة بيت أهله ما عندهم غير سيرة حرمة غيث انهزمت مثل أمّه."

"شلوووون؟ منهو وصّل الخبر؟ لا تسودنييييي!"

"وأنا شعرفني؟ طش الخبر ما يظل هيج، زلمة بدل ما تحكي روح دورها واگضبها ادفنها وسد السالفة، لو ناوين هم تخلوها معلقة مثل أم غيث."

هي تحكي دخل أبو أركان صاح بصوت رجّ البيت واجى بسرعة سطر أم أركان راجدي جابها بالكاع.

كمشه حسام قال له:

"جدي مو هي بالقرآن."

"اش وصّل الخبرررررررر؟ اش حجيت؟"

"جدي مو هي، جدتي أم عامر طشت الخبر."

ضغط على أسنونه ورفسها ببطنها بكل قوته.

"جدّدي! جدي!"

"أنعل أبو جدك، انفضحنا، روسنا صارت بالطين، وين ننهزم يا ديرة بعد ونسد السالفة؟ ولكم وين أروح؟ لمن أنشد؟"

بيبي:

"يمّه تحصلوها بسك."

"وين يمّه ويننن؟ ما خلينا لا أهل ولا عمام لا شارع لا مطار، ماكو اختفت، سودت وجوهنا، وين أروح؟ لمن أنشد؟"

"قول يا الله راح توقع."

"يا ريت هيج وربي يرحمني وياخذ عمري، يمّااا دخيلج دبريني، شسوي؟ بيت كله زلام ما نكدر نگضب حريمنا، نزين شواربنا ونلبس شيل أحسن لنا من المضايف، اشلون أرفع راسي قدام الزلم فهميني؟"

أم أركان:

"قولوا طلقها."

"يا طلاق؟ الكل عرف البت حامل وجاينا حفيد منها، أم أركان منا للعصر ما ظهرت البت، تردين لأخوتج، ما أريد أدحگ وجهج هينا."

"وأنا شكوووو؟ اختفت أم غيث انطگيت، اختفت حرمته انطرد."

بيبي:

انجعلن بالسقم والمرض الخبيث، منهو يطش الخبر غيرجن سالفة؟ كالوا تكتموا عليه، لتحتي ورحتي زتيتيها بحضن أختج عش.

:- عمه دخيلج ما حجيت شي، يجوز أبو أركان كاللها.

قام غيث، اختل توازنه، كمش بالحايط بسرعة ودنق منحني. كمشه أركان، وخر إيده وطلع.

اندارلي أركان، كمشت إيد بيبي.

:- الج كلمة وحدة تحدد مصيرج لحن، ما أسأل مرة ثانية، ناي وينها؟

:- ما أدري.

:- اعتبري روحج طالق، بس تولدين تحرمتي عليّ مثل حرمة أختي.

أم أركان: - ردها لأهلها.

:- لا ما تطلع من هينه، منا لمن تولد، أخذ ابني وزتها على أهلها.

طلع ورا غيث.

أبو أركان: - وأنتِ الج لليل، ما ردتِ تردين لأهلج؟

:- عش أركبوني مصايب غيري؟

:- نفس ما أسمع لج لليل، البت ما ترد، وادحكت جهرتج هينه، أنتِ طالق.

:- عمه دخيلج، كليله وين أحصلها؟

:- نفس ثاني، هسه أخلي يرمي اليمين، بعدي عن وجهي، اتفوه، ما بيجن شريفة. وأنتَ يمه، أخذني بطريجك، زتني يم الجماعة، لشوف بلكي أقدر أعمل شي.

أشرت إي بيدها، عباتها خلتها على راسها وطلعت ويا. وأم أركان اتخبلت، قامت تلطم، قامت وتملخ بروحها. اندارتلي.

:- منين الله ذبجن علينا؟ منين طلعتن؟ وين أختج ولج؟

سكتت.

:- لا تحجين، أني أعرفن شلون أخليج تطلعين كل الضامته. كومي لج.

:- شنو عمه؟

:- ومرض بفادج وافاد أخيتج العايبة، راح ينخرب بيتي بسببجن. كومي من أنعل أبوج أبكبره.

جرتني من شالي، دفعتني عالمزرعة، طلعتني. ما عرفت وين تمشي وتدفع لمن وصلنا لغرفة الحيوانات، فتحت الباب، كمشت إيدها.

:- دخيلج والله أموت.

:- عجل تحجي لحن، لا أهل ولا زلمتج يسألون عنج، تعفنين وتموتين محد يدري.

:- منين أعرف؟ متكلي أي شي لأن تعرف راح تكتلوني وتندلوها.

:- عجل موتي مجانها لخاطر ترد تاخذ عزاج.

دفعتني داخل الغرفة وسدت الباب وراحت. أباوع كل وحدة سودة إشكبرها وراسها إشكبره، اللي كاعدة واللي مربوطة واقفة.

حشكت روحي بالباب، دكيته حيل، قمت أبكي وأصرخ: افتحوا.

ماكو أحد، المكان بعيد ومحد موجود، كلها بالفاتحة.

وحدة اتحركت منهن، باوعتلي وصاحت، أحس قلبي وقف.

رجعت ليورا، حشكت روحي بالزاوية يم الحشيش الأصفر، خليت إيدي على قلبي.

بكيت بصوت، رجعت صاحت، سديت حلقي.

هواي هنه والمكان ضيق، الدنيا غربت.

حصرت نفسي حيل بالزاوية حتى لا يوصلني، عيني تتنقل من وحدة لوحدة، وإيدي على حلقي لا يطلع صوتي بس رجفة جسمي وقلبي أحسه يريد يوقف من كثر الخوف.

لليل وأني على وقفتي حتى رجليه خدرن، شفتهن كعدن وبدن ينامن، حيلي خلص، بطني وجعتني من جوه. كعدت على كيفي، لميت رجليه لحضني، خليت راسي بحضني. قامت وحدة منهن طفرت، رجعت وقفت.

دموعي تنزل، ما ينشاف شي بس عيونهن وكبر حجمهن. غمضت حيل، أريد أدعي، شفاهي ترجف، خفت تسمعني وتنتبه لوجودي، خليت إيدي على حلقي، ردت كعدت.

حسيت شي نزل عليّ وبطني لوتني.

كمشتها، عصرتها وكعدت أفرك بيها لأن زاد الوجع، برد والمكان رطب والخوف وحده كان كافي.

اتعدى الوقت حتى دموعي نشفن، خليت راسي عالحايط حتى لو أموت هسه محد يدري ولا واحد راح يكلهم ليش.

حضنت رجليه، غمضت شوية وأسمع صوت غيث يكح، طلع للمزرعة مبين صوته مو طبيعي.

ليش هيج سويتي؟ مو جنة مرتاحين؟ وأسوتنا ضحكنا وكلنا صار لنا سند، بشغلة وحدة خربتي كل شي.

كلما يمر وقت بطني توجعني أكثر، قمت آخذ نفس وأنفخ أريده يهدأ بس يزود.

عصرت نفسي، اجتني وجعة قوية، ما أعرف شلون مديت رجلي انطكت بالسطل مال المي مالتهن وهنه صاحت واللي قامت.

جريت رجلي بسرعة، وحدة انتبهتلي صاحت واجت جهتي، شلت السطل شمرته عليها أريدها تروح، حنت راسها واجتني.

ضميت وجهي وقمت أصرخ: بااااااابا الحكنييي.

على صوتي انفتح الباب واشتغل الضوء، دخل أركان شافني اتفاجأ، دخل بسرعة جرني وصاح.

:- شتعملين هينه؟

:- طلعني فدوة راح ياكلني، هاي وراك أركااان وخرهاااا.

دفعني لجهة الباب واندار يوخرها، رجلي صارت بالسطل، وكعت، ما حسيت غير وحدة منهن رفستني اجت بضهري أحسه صار نصين، غمضت وقطعت النفس.

ركض دفعها، وغيث دخل يركض، دنق قلبني، رفعني، انطويت على بطني أحسها تتملخ.

:- شصابج يخوي؟

أركان: - بعد تشيلها؟

:- طاق ظهرها شلون تشيلها ولك؟ ماتت البنت.

:- مييل يخوي، رفعني لو أحس روحي طلعت.

:- أركااان البنت تنزف، التح يخوي بسرعة.

طلع يركض بيّ وداني لغرفة بيبي، دخل، كالتلها شكو؟

:- جدة نطحتها الهايشة.

:- يما دخيل الله، شوداها غادي؟

:- ما أدري ما أدري وين أخليها.

:- جيبها هينا خليها لشوف، ولك تنزززف، التح لأم حاتم خليها تجي بساع.

:- لا لا للمستشفى أخذها جدة، تعالي وياي.

:- ولك ما ألحق، البنت تنزف، أخاف تسقط، خليها وتلح لا تثول.

خلاني وطلع يركض، عصرت نفسي، سدت الباب واجت يمي.

:- اتمددي عدل.

:- ما أقدر بيبي حموت.

:- ولج خليني أفحصج أخاف تسقطين.

:- ظهري بيبي ظهري.

:- يبوو يبوو، البنت راح تموت، يا يوم الأكشر هذا.

:- ما أقدر أتنفس.

:- ولج شهكيي لا تكتمين النفسسس.

:- بطني دتقطع.

:- عملتها النجسة وريحت الجاهل، وروح ابني إذا ما خليتها تبوس رجلين ما أطلع جدة السباع.

هيه تحجي وأني ألولج، بطني تتملخ، علما اجت أم حاتم روحي طلعت، دخلت هيه وأم حمزة، سدن الباب واجن يمي، نيمني عدل، شافتني أم حاتم وخلت إيدها على بطني كالت: البنت مسقطة.

بيبي: - الله ويا فدواها، تحتاج مستشفى؟

:- لا هسه أنظفها بس انطوها شي تكضبه بين أسنانها حتى صوتها لا يطلع.

مجرد حجيها وقف قلبي من الخوف.

كمشت إيد بيبي، شهقت أتوسل يعوفوني.

:- يا مصخمة تموتين، كضبي يا جدة هذا وعضي. إيد أم حاتم خفيفة ما توجعج.

:- لا لا دخيلج تركني.

:- لحننن بالقرآن أصيح أركان يدوس بطنج يلا عضي وكتمي صوتج.

:- فدوة تركنيي، كل شي لا تسوون، أطيب وحدي.

:- أركااان جدة ما تجي طرها بالنص وتخلصنا.

اجا صوته من ورا الباب: ناخذها مستشفى.

:- ما تعتاز بس طقة تعدل وجهها حتى تخلينا نشتغلها.

:- جدة سون طريق حضرت السيارة.

:- لك أركان ولي من هينه، لا بالقرآن أخليهم يربطوك ويه الحلال.

أم حمزة: - يا خالة لا تخافين، يمك أحنا إذا توجعتي أني آخذج بيدي بس دمج كضه يا بعد أمج.

هيه جابت طاري أمي والعبرة كمشتني، أخذت الخاولي خليتها بحلقي ودموعي نزلت.

بلشت تنظف، لو طلع بروحي كل صوت أصرخه.

يطلع من حنجرتي.

حتى الخاولي تركته من كثر الألم، قمت أعض بأيدي وأتوسل تتركني، وصوت أركان خبص الجو يروح يجي يرقع بالباب يصيح: جدة افتحي الباااب ولكم راح تمووت.

ربع ساعة مرن من عمري المر، تتماطل ويّاي حتى حيلي خلص وصوتي راح.

حسيت قلبي تعب، بيبي وأم حمزة كامشاتني وأني بهتانة بس دموع تنزل.

بيبي: - استعجلي يا جدة، البنت بهتت لا نفقدها.

:- خلصت ما ضل شي بس أضربها إبرة ولفنها.

:- ولج استعجلي، ومحمد إذا صار لها شي زلمتها يحرقنا.

:- يلا يلا فضت بس بعدوا شوية تلفوها.

:- أم حمزة قومي جيبي هديمات، غيريلها بساع.

خلصت، قامت جابت ملابس، جنت مثل الدمية أتحرك بيديهن، ما أحس بشي من كثر ما تعبت.

دنقت بيبي باستني وكالت: - تنذكر وما تنعاد يا جدة، العوض تاخذيه من ربج جبير. وأنتِ عمه كومي سكتي هالجلب البر صدّع راسي، وأخذي البنت وديها لغرفة ريحانة، هينه الولد يخشون ما ترهّم.

:- يا عمه موجر ما يهدأ، دخيلج قوميله أنتِ لا يكتله واحد موش بوعيه.

:- كون يسطرهم كلهم بفد شاجور تا يرتاح قلبي، وهينه يا أم أركان وداعة حرقة قلب وليدي لأطلعها أضعاف من بين عيونج، قومي عمه أخذي البنت غادي خليها ترتاح.

:- يا عمه ما تقدر تتحرك خطية، خليها للصبح هينا.

:- لا تقدر، سنديها يلا واستعجلي، اندهي الولد خلهم يسحلون أم أركان ويجيبوها لجاي.

استغفرت وباوعتلي بكسرة، قومتني، كمشت بطني، الدنيا تفتر.

كوه مشيت كم خطوة، وصلت للباب فتحته بعد ما أحس بروحي.

***ناي***

وصلت لقيت كرم، ضحكت بقهر، اجا خربط شعري وكمش راسي باسه، كال: شلونج يا الحاتة؟

باوعتلي ودمعت عيوني.

:- وجع قلبك الغثيث.

:- ظلمني.

:- ما ظلم غير نفسه، أنتِ رجعتي الألف سنة ليورا، رجعتي لكسرة أمه.

:- هو جبرني أسوي هيج.

:- غلطة غلطة، زواجكم غلطة من البداية.

:- لقاءنا جان الغلط، لو كامشني خالي بذاك الوقت جان ما شفت ولا مريت بكل هالوَجَع، جان ضليت أدور وأفكر شلون آخذ ثاري.

:- ليش شنو التغير واتراجعتي؟

:- ابني وقلبي ما أقدر كرم، أجذب إذا أقول لك أقدر أسويها، حبيته بقد صاحب هالمدالية.

:- شنو الصاير؟

:- ما صار.

شي اليوم عقده على بت عمه وابني بس يصير يتسجل باسمها.

:- لهيج اجيتي لتركيا؟

:- حتى أكد أوقف، وبدل ما آخذ حقي بيدي آخذه بالقانون.

:- عرفتي القاتل لو بعدك شاكة بخالك؟

:- لو جنت شاكة واحد بالمية بخالي ما خليته لسه يشتم هوا، جان قبل لا أنهزم غرست سكينة بقلبه وطلعت، بس خالي أجبن من إنه يكتل. يبوق ويضرب نسوان أي، بس ما توصل للقتل، أكثر وحدة أعرفه آني.

:- الله عوضك بعاشق ثاني وهذا يسوى كل الوجع، انسى كل الصار ما طولك اختاريتي البعد كملي. الله يوفقك بحياته، صح خسرت أعز ناس بس ربي عوضني بأحلى أخت تسد مكانهم. راح تكونين أحسن أم وأحن أخت، خلي نبدي من جديد.

:- راح نبدي حياة جديدة.

:- بعيد عن كل شي، ما بيها لا ثأر ولا مشاكل، بس هدوء.

مد إيده، قال كرم.

ضحكت ومديت إيدي، ناي.

:- شنو هاي عيونك كل لون شكل؟

:- اللي عنده مثل أذاناتك المفروض ما يحكي.

:- تنمررررر.

خليت إيدي على قلبي، حسيته نبض حيل.

:- غيث متوجع؟

هزيت راسي ونزلت دموعي.

خلى إيده ورا ظهري، رحنا، كان ماجر سيارة. صعدنا، رحنا لفندق. نزلني، قال: هذا الفندق حاجز لك أربع ليالي لحد ما نحصل شقة.

:- تمام، شكد الفلوس صارت؟

:- اكو واحد يأخذ من أخته؟

:- وروح أخوي، انسى الخوة كلها كرم، شكد دفعت ويه التكت؟

:- من تشتغلين رجعيهن.

:- لا، ما طول عندي فلوس خليني أنطيك. كرم وروح عاشق إذا ما تقول شكد، بعد ما أطلب منك أبد.

:- تمام، أنطيني جزء والباقي من تشتغلين. ولا تحجين أبد كافي.

هزيت راس أي وأنطيته مثل ما طلب، أخذهن سلم وراح. وطلعت فوني خبرت غسق وأنطيتها اسم الفندق، بعد اللي عشته، بعد ما آمن بأحد. أدري كرم اتصاله متواصل ويه غيث وأعرف راح يقول له.

صعدت للغرفة اللي حجزت، ذبيت قمصلي واتمددت. إجاني اتصال، فتحت فوني لقيت غيث يتصل، رفضته.

كتبت: ما لحقت ولو اتأخرت بس هم ما يخالف مبروك غيث. وعدك وجعني أكثر من غدرك. حبيتك أكثر من روحي، أحلامي بسيطة كانت وياك، ما ردت غير بيت دافي يلمنا، بس الظاهر كان اكو شي بالمقابل بدون لا أحس.

دست إرسال، ثواني وإجاني مسج.

:- ابنك ما راح آخذه.

:- بس راح يكون بغير اسم، باسم بت عمك أكيد اتزوجتها مو؟

:- وين أنتي؟

:- اتندمت حبيتك. اتندمت وثقت بيك، ما ألومك لأن كان ضعف مني. اتندمت بيوم غرت عليك لأن ما تستاهل كل ذرة مشاعر حملتها لك. كل السويته وكل الوجع اللي سببته لي، بس هم ما قدرت أكرهك، تعرف ليش؟ لأن حبيتك من نص روحي، حبيتك أكثر من كل شي.

:- شعرفتي ناي؟

:- اللي جنت خايفة منه، عوفني بداعة ابني. إذا على اللي ضامه، أني مو كدها، بعدني مشواري طويل. ما أريد شي منك هسه بس خليك بعيد عني حتى لا أكره نفسي أكثر.

:- ما ضميت شي بس حتى أحميك.

:- روح غيث، أكبر عقوبة لك ترجع للماضي، بين ما أني أطلع منه وأقدر أوقف على رجليه.

:- ما آذيتك ولج، وقفت بوجه أهلي لخاطرك. دفعت نص ورثي حتى أشوف الضحكة بوجهك. جنت مستعد أتنازل عن عمري بس حتى ما أكسرك. ردي ناي بداعة كل نبضة نبضها لك قلبي.

:- اللي ببالك مرتاحة ترى أني مو بخير، مخنوقة غيث، مخنوقة أكثر منك. كتمتها بقلبي، استحملت الوجع وبعدت، تعرف ليششش؟ لأن ما قدرت أوقف بوجهك وأعاتبك، ما قدرت أقول لك ليش هيج ظلمتني.

:- وكتاب الله ما أستحق منك هالشي، كلمتي اللي ما كسرتها قدام زلم، وراسي اللي ما طخيته يم أكبر مضيف وياك سويتهن، عش جازيتيني هيج؟

:- لأن أكرهك وراح أظل طول عمري حاقدة على نفسي شلون وثقت بيك وسمحت لك تستغفلني.

:- لأن حبيتك أكثر من روحي، وخفت عليك، خفت تأذين نفسك بدون لا تحسين.

:- ليش قتلتهم؟

:- كل عقلك ولج؟ شو وصلني صوبهم؟ وحق كتاب الله موش أني ولا لي صلة بيهم.

:- لعد منو؟ ولا تقول ما أعرف غيث، تريدني أرجع؟ قول منو؟ وهسه أقول لك أني وين، ما تحكي عمرك ما راح تشوفني، ولا تحاول تنكر، عرفت ثاري متوقف يمك.

:- سافرتي لو بعدك؟

:- منو قتلهم غيث؟ وهاي آخر مرة أسألك، بعدها أغلق الفون.

:- وينك ناي؟

:- عرفت جوابك وجنت متوقعته، روح غيث وابنك لو أعرف أموته بس ما أسجله باسم بت عمك.

:- وداعة قهر قلبي أندمك، وروح أخوي أخليك تتمنين الموت وما طايلته. ناي ردي ونتفاهم.

:- ما راح نتفاهم، أعرف شلون أحصلهم وآخذ حقي بيدي، ومن أولد أخبرك حتى تطلقني، حتى لا ينحسب رد الثأر عليك.

:- ناي ورب العباد أخليك تتمنين الله ما خالق.

حظرت رقمه وغلقت الفون، بعد يهدد أندمك. ما يدري أكبر ندم حبيته.

ثأرك أخذته بيدك حتى الأربعين ما خليته يطلع، وثاري نايم عليه ليش؟ لأن هيج ما يسوى بنظرك.

حضنت المخدة، خليت راسي، محد يحس بالألم غير صاحبه. دخلتني عالمك وحملتني ضيم ماضيك، وجنت ناوي تخفي اسم أهلي من الوجود، وحتى ابني تأخذه تسجله بغير اسم لخاطر الورث. بس حتى تعيش مرتاح، ما هامك أكبر واحد.

غلطت من حسبتك سند. راح أسند نفسي بنفسي وأوقف وقفة صح، وألعن أبو قلبي إذا حن عليك.

للعصر اجتني غسق، طلعنا اشتريت رقم ثاني ووقفت طلعت فوني، خليت الشريحة الجديدة وكسرت القديمة.

غسق: شتسوين ولج؟

:- أول خطوة بالحياة الجديدة، لازم تتخلصين من أي شي يربطك بالماضي.

:- لمن دتراسلين؟

:- دأدز أحرفنا لحن، كون عاد تصير ذكية وما تخلي أحد يشوفه.

:- يله خلي نروح للشقة اللي أجرتها حتى تشوفين إذا تعجبك.

:- بعيدة منا؟

:- لا قريبة على شقتنا، غرفة وصالة، عوزها بس فراش.

:- انتظري هاج ذني فلوس الإيجار، خلي أحسب شكد بقى، بلكي بيهن دوشك وبطانية.

:- بيهن ناخذ مستعمل. يله أمشي تأخر الوقت وهاج المفتاح لا أنسى.

رجعت الفلوس بجيبي، رحنا لأبو الموبيليا، صدك كفن، أخذنا المعتازيهن. رحنا للشقة، وصلتني وردت.

فتحت الباب، دخلت، شمرت الغراض، وقفت أباوع، أباوع حلوة مرتبة، بس كلش صغيرة.

أخذت نفس، راح أكمل حياتي بيك ونكون صحبة. اللي أريده منك تتعودين على وجهي وتتحملين مني اللي تسمعيه، لأن هواي راح تسمعين مني. بداعة طابوكاتك عتبتك خليها زينة على وجهي حتى أجيب ابني وأختي ونكمل باقي عمرنا بيك.

الحمد لله هسه أقدر أقول مبروك ناي تم الخبال بنجاح.

فرشت عالسريع، عدلت كم شغلة بيها، لبست قمصلي وحذائي كلاوي. طلعت رحت لغسق لقيتها قاعدة باب العمارة تقرا، قالت: ها شو رديتي؟ مو استوني وصلتك.

:- وين أروح؟ بطرك روحي ضجت.

:- حسدتك والله، جنت أشوفك بين ٣ صاكين عايشة وكلهم يشاقوك وخايفين عليك، تمنيت مكانك، طفرتهم تالي.

:- لا طفرتي اثنين، الثالث إذا لقاني يربطني بحبل ويأخذني سحل من اسطنبول لل----- عدل.

:- والله وكحة وصلفة، أني ماخذة واحد مسودن وصاك مثل غيث، أتركه؟ إشبيه غير أجلب بتجه لباسه.

:- ههههههه، اجت التجلب ولطشت بيه بالعافية عليها.

:- صدك ناي نويتي تعيشين وحدك؟

:- أريد أرتاح، أريد أنام ليلة وحدة بدون تفكير. غلطت ودخلت عالم غير عالمي، ما حصلت منه غير وجع القلب، ما بيه غير الدم والقتل والمكايد ونهوها يريدون ابني.

:- من البداية ما أدخل.

:- إنجبرت ودخلت باتفاق، جنت مقررة بس أحبل وأنفصل. ما عرفت راح أحب وأغار وأحارب وأجر رجل أختي وأضيعها، وأهم شي لازم أتنازل عن دم أخوي.

:- أحبك من تفلتين الحكي.

:- تركته لأن سمعت أخته تقول ثأر ناي يمه، بساعتها كرهت نفسي والدنيا صارت سودة، ببالي هو القاتل.

:- لعد شنو كانت تقصد؟

:- غيث يعرف القاتلين وهو سبب روحة ماما، شلون ما أعرف ولا يقبل يقول، لأن متخيلني ضعيفة وملكه ويريد يتحكم بيه، لازم أتحمل عيشته القذرة بس حق أهلي كون أنساه ما أداعي بيه.

:- ليش؟

:- لأن ببساطة أني امرأة وبنظرهم كون أكون ضعيفة وأطيع وأسكت، ما لي حق أي كلمة، حتى ابني مو من حقي، لازم يصير باسم مرته الثانية وكون أتقبل غصباً عني.

:- هو مو أخذ ثأر أخوه؟

:- نبش الكاع ما غمضت له عين لحد ما لقاه وقتله، وجان يعرف بروحه يكتلو وراها بس ما همه، تعرفين ليش؟ لأن هو رجل وأني امرأة، لازم أنكتم وأتنازل.

:- من شوكت يعرف وساكت؟

:- ما أعرف، بس اللي أعرفه جنت مثل الحماره أنام بحضنه، أحلم وأبكي، أسولفه شلون أتمنى أحصل اللي قتلو أهلي، يشوفني شلون أتعب وأبيع بروحي بس لخاطر أحصل خيط يوصلني بيهم.

:- يمكن لأن حبك وعرف بيك مو عاقلة خاف يخسرك ضم هالشي.

:- لا، لأن استعبدني، ملكني، رادني أكون إله كل شي، أم وحبيبة وزوجة وأم لأطفاله وصديقة، وفعلاً صرت مثل ما جان رايد وسمحت له يتمكن مني ويسيطر على مشاعري قبل حياتي. بديت أنسى أني منو وشنو هدفي، بديت أنسى اللي نحروا أخوي وفصلوا راسه بدون ذنب، لحد ما كلمة سماهر صحتني ورجعتني للواقع.

:- ما راح تتندمين؟

:- أتندم إذا صرت عبدة بين إيديه وسكتت عاللي ضيعوا عائلتي وظلمونا سنين وراهم.

:- ما راح يقول لك منو اللي قتل، هاي إذا ما خفى كل شي.

:- خلي يسوي اللي يقدر عليه، أني أعرف شلون أطلعهم واحد واحد وآخذ حقنا كامل، وأرجع بيت أبوي من فلوس تعبي وروح عاشق، راح أفتحه وآخذ أختي نعيش بيه بكرامتنا، ونرجع اسم بابا بالمنطقة مثل ما جان.

:- شلون تأخذين حقك ما دأفهم.

:- بالقانون راح أكمل دراسة وأدخل قانون، راح أتعب على نفسي ما أرجع إذا ما أكون كدها وأوقف شكو واحد ظلمنا ورا الحديد وخلي يأخذ جزاته بأقسى عقوبة.

:- تغير تفكيرك عن أول ما عرفتك.

:- ما جان بداخلها عاشق، جنت أفكر بالموت، من نبض بداخلي زادني قوة، خلاني أحس بالحياة وأعرف إنه من حقي أعيش ويكون لي مستقبل وأطلع من ذاك المكان اللي خطيت بيه أول خطوة للمدرسة، أفتح الباب وأطلع رافعة راسي وشايلة اسم أبوي مفتخرة بيه.

:- هسه أنتي تفتهمين، مال أقوم أبوسك، وين اكو أحلى من المستقبل الحرية ولج؟

:- لا والله ماكو، ألعن اللي تفكر بالعرس والحب، ما وراه بس الهم والبكي. يلا صار شكد ما قاريه بسبب رجعتي الكشره، لو أعرف هيج يصير وياي ما فكرت.

:- بس أرد كتابي ونروح.

:- لا لا خذي حتى نروح عالبحر نقرا سوة، بين ما أشتري كتب حتى أستعد للسنة اللي تجي، كون أطلع من أول دور وبمعدل عالي.

:- نطلع إن شاء الله ونصير نفس الجامعة وبابا راح يكون أستاذنا اللي يعلمنا شلون نكون نسخته، بس قومي بسرعة الدلمش وصل خلي نلحق.

قامت رحنا نركض ورا الدلمش، صعدنا، كمت بطني.

:- ولج نسيت أني حامل.

:- لا تخافين، ابن غيث تلقيه من هسه معضل.

:- عيع، ابني ما أخليه يلعب حديد أبد، أسويه كيوت مثل جود والله مشتاقة له.

:- وينه؟

:- ههههههههه، خاتل لا يبسطه غيث.

:- شنو هذا مسبب لكم رعب؟

:- لا خطية، واقع بيها كرم ما لحق حتى يزعل يوم واحد ورد غصباً عنه للمطعم يشتغل.

:- يحبوه حتى لو يضغط عليهم ما يتركوه.

:- تخاربوا وافترقوا.

:- يرجعون، ما دام تركتيهم، أتركك منهم. أختك شلون حالها هسه خطية؟ شناوية تسوين؟ أخاف يأذوها.

:- ما يأذوها، يخافون من أركان خوفك منه، أخاف يطلع قهر أخوه بيها، بس أستقر شوية أشوف لي طريقة أشردها منهم وأجيبها يمي، هم أخليها تكمل دراسة، الشهادة سلاحنا وسندنا، جربنا حظنا ويه الزلم ما رهمنا.

:- وأني ثالثة وياجن، ناخذ شقة نعيش سوة.

:- رويدة شخبارها؟

:- راح ترد بداية السنة خطيبها سمح لها قال لها حرامات ما ضل هواي، خذي شهادتك. يلا وصلنا امشي.

نزلنا رحنا لمكتبة قديمة عراقية، جان يطبع مو بس يبيع.

لقينا متوفر عنده بس مستعمل تاركيهن طلاب متخرجين، يما لليعتاز الباقيات مال أطبعهن لكم تعالوا غير يوم.

أخذنا شنو نحتاج من دفاتر وقرطاسية، طلعنا للبحر رغم البرد بس حلو المكان يسوي واهس. قعدنا هي تقرا وأني أقلب بالمواد حتى أعرف شلون أقسم وقتي.

سويت لي جدول وقسمت الوقت بورقة وقلم، فتحت الرياضيات بكد ما جنت خايفة بكد ما فرحت طلع سهل.

خلصت الموضوع الأول بضحك نحسب بناطيل وقمصان وأحذية.

غسق:-.

فهمتي هسه؟

:-امم اشترى غيث ثلاث بناطيل وأربع أحذية وجاروبتين.

:-هوووب، الحذاء الرابعة شيسوي بيها؟

:-يكتلنه بيها إذا لكفنا.

:-صدك ما خايفة ناي لو تمثلين؟

:-لا والله أبد ما خايفة، شفت أشياء بحياتي موتت شكو خوف بداخلي. يلا دنرجع، اتأخر الوقت.

:-هذا المكان ميذكرج بشي؟

:-لا، ما چنه كاعدين هناك كلنا ملمومين نضحك، ولا غيث لبسني تيشيرته. جود انطاني لفته، وكرم سحب شعري يتنمر على غمازتي. رويده وهيّ خجلانة اتكلي حاكي كرم بمكاني.

:-الحمد لله لبالي بي ذكريات.

:-أبد ما بي، خاصتاً من اتعارك ويه غيث ويعصب عليه، بدل ما يضربني يجيبني لهنا يكلي صرخي طلعي الغضب من داخلج حتى أعرف أتفاهم وياج.

:-أي والله، ولا جود اللي أتمنى يبادلني الحب يكتفي بابتسامة، لعد كل يوم نجي.

:-هههههه، والله مشاعرنة معوقة.

:-بنتيي حرية حرية، وين اكو هيج وقت طالعة وكاعدة براحة.

قامت افترت وصرخت بصوت عالي.

ضحكت.

سمعنه صوت كرم صاح: مخابيييل.

:-ههههههههه، هلو كرم.

:-هلا بالبذات، طلعتي من الفندق وغيرتي رقمج بدون لا تكولين.

:-شعرفك أني هنا؟

:-وين تولين قابل؟ كلت هسه الكاج هنا، مع العلم اشكد حلفت جذب. الحمد لله مو مسلم جان بالنار على وجهي.

:-غيث اتصل بيك؟

:-دخيل الحمزة، إذا لكفج يعلگج من أرموشج على الحركة الشايلها.

:-نفس هالـحركة جنت بيها أني أتوسل نترك كلشي وننهزم، وهو ساحگني لويتزوج لو يكتل وينكتل، وختمها بأابني يسجله باسم مرته.

:-لعد يستاهل، خلي يطحل. بس ولج أخاف ينجلط، صوته صار بي بحيح هلكد ما صارخ، آخر شي كام يتوسل إذا أعرف شي وأني أحلف، ويرجع يسأل وأني أحلف، آخر شي كال إذا گضبتك تجذب أنحرو راسك.

:-وأني أحلف مو؟

:-أي شدراج؟

:-لأن غبي، مع احتراماتي لحضرتك. وهسه لازم أبتعد عنك لأن عرفك تجذب.

:-هه، دفّعي الطلب مال الروحة يا حلوة، ترى الفلوس اللي أخذتهن ناقصات منج.

:-ما عندي ولا فلس.

:-انطمي، بايگه تجار أسلحة وتكول ما عندي.

:-والله خلصن، بس عندي الهوية مال بابا، باچر أسحب وأنطيك الدين، وغسق هم تطلبني.

غسق: ناي، شلون الهوية فعّالة وأمج متوفية؟

:-ليش يعني؟؟

:-الراتب مو باسم أمج؟ ترى يتوقف بس تتوفى تلقائي، شهادة الوفاة توقف كلشي.

صفنت، صدك اللي تكوله. راتب الأرامل يتوقف بعد وفاتها. يمكن ما مودين شهادة الوفاة لو شنو؟ ربي عقلي بعده مشوش، ما مال يزيد عليه شي.

كرم: ناي ترى باردة، قومي وهم دليني شقتج.

:-آسفة كرم، للاحتياط والله مو لأن ما واثقة بيك، لا ما أثق بغيث يدز أحد وراك يتابعك، وحتى فونك هم راح يراقبه، هذا شيطان.

:-لعد شلون فلتي منه؟

:-انغلب من صعوبة الموقف، نسى الشيطان ما يعاشره غير إبليس مثله.

:-ما شايف شيطان خبل وإبليس كل عين شكل وتك غمازة، شياطين آخر زمن، قومن يلا.

:-غسق أبات يمج اليوم، عمه ماكو.

:-هلا بيج، هم تساعديني بالإنجليزي، شويه نضل نقرا.

قمنا رجعنا، غسق من نوع الخفيفة، مو خفة أدب لا خفة دم وطفر، وكرم يتلاشى بيها. أعقل وحدة بينهم أني. وين جود جان باوعلي صفح.

رجعنا للشقة بعد ما تأكدنا راح من غير طريق.

مرت الأيام وقررت أصلاً ما أشتاق ولا أفكر غير بروحي وبدراستي، كافي اللي ضاع من عمري، محد يستحق حياتي غيري.

بس جذب، أول ما أغمض عيني يجي بيها، أقوم اطلع تيشيرته أحضنه وأنام على عطره.

الصبح ما أقعد إذا ما أفتح الفون وأشوف صورته لو الفيديوهات اللي مصوريهن بالمزرعة. عرفته مرض ما راح أخلص منه، بس جان المصبرني ابني، من أخلي أيدي عليه أحس غيث يمي.

كل يوم نروح عالبحر نقرا ونرجع للشقة نكمل مراجعة.

لحن مغلق فونها، وقلبي بده يلعب، خفت أذوها. تقعد غسق، تقنع بيه إنو زوجها يحبها ما يسويلها شي.

واگفة عالبحر، لمحت سارة واگفة بين شباب كومه، عرفتها دتوزع عليهم مخدرات.

كلها شباب بعمر الورد، جان واحد من الضحايا غيث، بس ذوله كلهم صغار. خلصت حجي وياهم، راحت وياها بنية من عمري. غمضت، عرفتها راحت هاي انباعت.

كرم: ناي شبيج؟

:-ما بيه شي. صدك أريد جواز لحن، شلون اطلعه تزوير؟

:-أكو سوري هنا يزورلج حتى شهادة وفاة، وندزها لغيث انكله كتلت روحها.

:-هم خابرك؟

:-لا والله، أخباره مقطوعة، وأركان دوم ينطيني رفض.

:-بس لا صارله شي، يمه دخيل ربي.

:-ما أعرف والله، حتى أني هم قلق. ترى صعبة عليه أنهان بين ناسه، زامط بيج ودخلج بينهم متباهي رافع راسه، انهزمتي ورجعتيله طعنت أمه مرة ثانية بس أقوى.

:-ما كدرت أضل، صعبت عليه نفسي وروح عاشق، بالاخص من قرر يتزوج والكل مأيده وفرحان إله، وأني أباوع بكسرة. وفوق كل هذه قرر ياخذ ابني يسجله باسمها.

:-يلا مثل ما أنتي هسه تضحكين وتجازيتي الوضع، هو هم كم يوم ويرد طبيعي، بس عالاكثر يجي هنا بعد ما يتزوج وما يرد أبد.

:-تركيا تلوگ لأسماء. المهم أريد جواز.

:-أطلعلج، بس ترى هدفه لصيدتج لحن، ديري بالج.

:-لعد شلون أخليها؟

:-ما كالج خليها، بس حاليًا مستحيل تكدرين تجيبيها. انطي صبر كم شهر، وغيري المحافظة. هم ما كالج يبرد، سنين وهي أمه ما برد عنها مو النوب أنتي مرته ومتحديته.

:-هسه سويلي واحد، راح أدزلك صورتها واتس، وشكد يطلب أنطيه.

:-تمام، جود يريد يشوفج.

:-هنا جود؟

:-أي، البارحة اجه وسأل عنج. أمنته أمانة ما يكول.

:-قوم دنروح قبل لا يرد غيث وتالي ما أكدر بعد، بس لا تخبره دأسويله مفاجأة.

قمنا رحنا، جان بغير منطقة قريبة على بلك دوزو. نزلنا، وصلنا عمارة، كال بالطابق الرابع شقة اثنين.

:-دتصل عليه أول، على الأساس أنت جاي.

:-ما أحجي وياه أني، مجرد اتصال وهاي هي.

:-كرم مو بدينا صفحة جديدة لخاطري فدوة.

غسق: خليكم، أني أصعدله وأجيبلكم أخباره.

:-أنتي انجبي وثگلي.

:-مقتنعة أثقل كدام جود؟ أنتوا ادعوا لا أطفر وأبوسه، والنبي أخزيكم.

دكت جرص شقته، انفتح الصوتي كال منو.

:-أني غسق صديقة ناي.

فتح باب العمارة، صعدت وأني أسحب بكرم وياي. وصلنا للشقة، لقيناه فاتحها واگف مدنگ على جهازه، بعده على ترتيبه وأناقته.

شال راسه شافنه، صفن شويه وضحك. اجه حضن كرم، دفعه كرم ودار وجهه.

اندرلي كال: شلونج ناي؟

:-مشتاقتلك.

:-تعبانة ومتغيرة، ليش هيج صاير بيج؟

:-عودتوني عليكم وتركتوني، لعد شتريد شلون أصير؟

:-غيث شلون؟

:-انفصلنا.

:-ليش؟

:-اتزوج عليه وانهزمت منه.

:-لااااا، لا ناي لا لاااا.

:-بعد صارت لا تكول لا.

:-اتصلي بيه ورديله ناي، غيث ينتهي وعلي يموت، ناي لا تسويها لخاطر محمد، ناي بداعة الخوة لا، غيث يروح بيها.

:-ما أرجع، وإذا عرف أني هنا هالمرة صدك تنتهي خوتنا.

:-لا لا ناي بروح أخوج، ولج وضل بروحه ناي، لو كاتلته لا منهزمة.

:-جود داگلك صارت وانتهت السالفة.

:-نااااااي ناي، غيث يتنحر وإذا ما انتحر ينجنننن، تعرفين شنووووو؟ غيث يموت، أخذتي كلشي من حياته، دمررتي، نهيتيييي.

:-هو البدا خيرته وانطيته أكثر من چنص.

خله أيديه على راسه كال: راح غيث، شلون حاله هسه؟

كرم: مختفي ما أعرف، حتى اتصال ماكو مغلق.

:-يا يتمرض يا سوى شي بروحه.

:-اتصلت بأركان هم ماكو ميرد.

دخل جوه يركض، دخلنا وراه. سحب الجنطة، طلع جوازه، أخذله صورة واتصل بالمكتب يحجز طيران للعراق.

كرم.

كل عقلك.

لا والله، أنتم مو بشر! ولكم من شنو مخلوقين؟ ترشون عالجرح ملح وتسأل ليش؟ أنتِ أنتِ مو كتلتِ روحك حتى تخليه يوقف على رجليه؟ شخبلج وكسرتيهن إله؟

ما كسرت شي، صارت شغلة وخيرته بين رجعتي وبين الشي اللي طلبته، هو اختار.

وإذاااا قندر تنهزمين، نااي تنهزمييين! اكو بعقلك شيي؟ ماتعرفين ابن يا عشيرة هو؟ ماتعرفين شنو عاداتهم؟ ولج، غيروا محافظة على كبرها وسنين يعانون ما كدروا يتخطون شغلة أمه، اجيتي أنتِ ببساطة تقولين انهزمت!

كرم: حجزت.

أيي، أقرب طيران بعد يومين، بس شلون نعرف أخباره هسه؟ سماهرر؟

طلع رقمه، أباوع لإيده ترجف. اتصل، خلاه على أذانه، رن لمن خلص محد رد. رد اتصل بأبو غيث، نفس الشي. شمر تلفونه باعلي، أشر بإيده: شسويتي؟

كعدت، قلبي وجعني، هسه يالله حسيت بروحي غلطت.

شلت راسي، قلت له: أرجع.

يذبحج والله.

لعد شأسوي؟

شتسوين؟ وين جان عقلك ناي؟ نسيتي شلون عاقبج من لكفج تراسلين؟ ولج تنهزمين، شلون اتجرأتي؟

ما أدري، جود لا تلومني، الكل يلعب بعقلي، الكل جان إله نصيب بأذيتي، سمعت شي سود الدنيا حوالي من القهر ما شفت قدامي وخفت على ابني ياخذوه.

ما يااخذه! لو يعرف يوقف بوجه الدنيا كلها، بس ما ياخذ شي رد لج ضحكتك، ناي! ماتعرفين غيث شلون يحبك؟ ولج يتعالج بنص المرض ويخبر بأركان وشاهين، يكلهم البيت لو تدفعون أملاكي كلها بس رود إلها.

ولج تنامين، يباوع لج ويضحك، يقول: لو أعرف ربي يعوضني بهيج شي ما جنت أدمنت ولا غلطت كل هال غلط.

يباوع لضحكتك، ترك كل شي لخاطرك، اتغير، صار إنسان ثاني، نسى حتى شغله انتقامه بس حتى لا يقهر قلبك بغيابه.

باوعت له، نزلت دموعي، خليت راسي بين إيديه وبجيت.

إجه يمي، كعد قدامي نص كعدة.

أنتِ زغيرة والدنيا ضغطت عليك هواي، حقك ما تميزين بين الغلط والصح، حقك تتسرعين بأخذ قراراتك.

حسيته غدرني، استضعفني، شعور كسرني من جوّااي.

حقك ما شفتِ بس الظلم بحياتك، ولبالك الكل يحاول يأذيك، ما تفرقين بين اللي يحبك ويحاول يحميك وبين اللي يريد يستغل ضعفك.

والله ما قدرت حتى أوقف أعاتبه لو أقول له ليش هيج سويت.

ميخالف ناي، ازعلي لا تحجين وياه، اطلبي منه تنفصلين عنه، خيريه بينك وبين هالشغلة، ما راح يجبرك على شي ما رايدته، أكيد انجبر، لازم اكو شي اللي خلاه يسوي هيج. غيث عمره ما فكر يضم عليكِ شي لو يتزوج وهو جان صايع ويتسلى، مو هسه عنده أنتِ وأنوب شايلة ابنه اللي أترجاه بالدنيا.

راح يذبحني مو؟

ويتسودن وراك، هاي إذا بعده صاحي.

شأسوي هسه، قل لي؟

مسحي دموعك، لا تبجين، وكل شي لا تسوين، بلكي متعارض، بلكي ملتهي يدور وغالق فونه. اش بيك ناي، نااااي ناااي!

وهذا آخر شي سمعته.

فتحت عيوني، كرم متربع يم راسي يسوي ضفاير بشعري، وجود كاعد قدامي، باوع لي ابتسم، قال: لا قوية، سكر ناي سكررر.

هههه، شوف مو بس أني مرضته.

شلون انجمعتوا متقولوا لي؟

رد عليك؟

لا بس بخير.

جذاب، تريد تأمني.

يا با بحالك، آمنتك، قومي مشتاق لأكلك.

كرم: ناي، دولمة فدوة.

اااايي شعري كررررم!

لا تتحركين، راح أخلص بس ذيل المطي ظل وتكملين.

قمت جريت شعري، الدنيا تفتر، عين جود بيه يباوع لي ويبتسم بكسرة.

ضحكت، قلت له: اش بيك؟ ترى مو شي يخوف.

ليش اش قد عمرك أنتِ؟

الله عليك، رد عليك، لا تجذب.

كرم: نااااي لا تتحركين، راح يضيع تعبي. وماميت لا تخافين، دخلت عليهم كلهم محد ناشر حداد، هذا حفيدهم الجبير يعني يسووا له فاتحة ويذبحوا له عجول، صدق ولكم خوش يسوون مناسف لحم.

جود: الله يطيح حظك، قوم جيب أكل حتى نتغدى.

خلي أخلص الضفيرة، الله يحفظني ويخليني خيمة على رؤوسكم، لو ما أني منو يمشط لها؟

وعلي راح تجيك دفره كرررم، قوم.

تف عليك ناي، كتلتِ روحك، خلي نروح لجود، يلا هذا كأنه فسيفس مراهق بس يقاقي.

مسح وجهه جود وكرم قام بسرعة عرف راح ينكتل.

قلت له: لا تروح، أني وغسق هسه نطبخ.

لا ناي أنتِ تعبانة.

مرض مزمن، يعني العمر كله، خو مو أظل ملازمة الفراش، لازم أتقبل الوضع وأمشي روحي. يلا تعالوا وياي دنسوي دولمة.

رحنا للمطبخ، كل من كمش شغلة، بس أكثر الأشياء جود ياخذهن من إيدي. أوقف أغسل مواعين، يوخرني ويوكف مكاني. أثرم، ياخذ من إيدي.

آخر شي واقفة عالطباخ، كمشني ردني عالكرسي، قال: علميني وأني أسوي الصلصة.

كملنا الدولمة، كعدنا بالصالة وكرم خلى كرسي يم الطباخ يم القدر يترقب اش وقت تستوي.

أكو موضوع جان صعب على غسق، كعد يمها بالقاع يشرح لها، هو جدي وهي فاكة حلقها تباوع لوجهه، كوة كامشة ضحكتي.

وصل لسؤال، قال لها: حلّي.

هاا.

حلو برافو، انتباه فول، غسق جنتِ وياي وأني أشرح؟

إي، هذا حاجبك بي طبرة ناعمة يختلف عن هذا.

دنج حك قصته وباع لها.

عندك أخوة؟

لا بس خوات.

تتبناني؟ والله أني خوش بنية.

ضحك واستغفر، رجع للكتاب قال: انتبهي بنتي.

شتكول؟ أكص شعري مثل هاي المغنية؟

معدل مضمون على هاي دراستك.

مو آخذ رأيك.

الشعر القصير حلو، ويا الله عينك وياي دا أشرح.

كرم: ناااااااااااااااااااااااي، بقبق الغطا!

قمت رحت يمه، شلت الغطا ونصيت النار، قلت له: بعد.

كم بقبوقة؟

أربعة، أقعد أحسب؟

همس: سوي لي لبن حبابة.

لعد ليش تحكي على كيف؟

جود عايش دور الأم الحنونة وما يرضى أشغلك، هسه يهفني بغسق. ولج صدق هاي راح تدخل بحلقه.

كرم بنية مو ذبانة.

نانوو.

جواريب ما أغسل، ما عندي غسالة.

أني عندي.

لعد أغسل.

والله أحبك يا أحلى أخت، بلوزاتي كلهن وسخات من رجعت من العراق لهسه ما غاسل ملابس.

أرجع أقعد ويه جود، أقلها يغسل ملابسك ويا.

خليه يولي، يخليني أغسل مواعين.

حتى أجيكم كل فترة أطبخ لكم.

ويجي غيث يمدنا بحبل من الطابق الرابع بالبرد، ولي لا تجين، اطبخي بيتكم وأني أجي أجيب ملابسي تغسليهن وآكل عدكم.

جود: غسسق صدق تحجين، بابا مو هيج.

أنت قلت هيج.

اش وقتتت؟ عينك وين؟

بوجهك والله.

بابا خليها بالكتاب، اتركي الاستغفر الله.

أمي تسلم عليك تقول كل يوم درسني.

أمك؟

إي وراس بابا.

كرم: ههه، صديقة ناي، اتركي راس البصل وقومي غسلي المواعين، استوى الأكل.

جود: صوتكم، غيث يتصل.

طلعت يمه، فتح الفون، أول ما قال "ألو" رد غيث: يمك مو يخوي، هين.

دحك لك، ودم الراح أنحركم اثنينكم، راد اليوم لو تطيرون للسما أقبضكم وما أرد إذا ما سبحكن بدمك--

***لحن***

فتحت عيوني، نايمة بغرفة ريحانة وأم حمزة تسوي لي كمادات بإيدي، كانونة.

شافتني كعدت، قالت: الحمد لله على سلامتك، الله يعوضك مجانو.

أسماء: هههههههه منين؟ تراه حللها من ذمته، تحرمت عليه.

وشنهو؟ خلصوا الزلم؟ ماكو غير أركان؟ كأنه فلكة قمر تحصل أحسن منه. المهم ربي رحمها وخلصها من هالعائلة.

خليت إيدي على بطني، نزلت دموعي.

والله رحمك وأخذوه من وقت.

ابني مات.

طير بالجنة أحسن ما يكبر ويحلى بعينك ويروح. قومي أكلي شي، صار لك يومين فاقدة.

ناااي لقوها؟

لا ذيبة، خلصت روحها منهم. ربي بقد دموع اليتامى اللي نزلت، أريدك تاخذ حقنا منهم.

أركان وينه؟

أوووف أوووف بالمركز.

عزة ليش؟

غيث ما عرفوا منهو، ما سمعوا كلمة بالفاتحة، ماخذوه على جهة وطاقوه لمن مشوه وجهه، مطلعين الزلمة جنازة من جوه إيده. أخذوه للحجز وهاي صار يومين يروحون ويجون على أهل الولد حتى يتنازلون، محد يرضى.

خطية.

عجل وين هالخطية؟ قبل لا تسوون هيج لو كاتلته ولا منهزمة. راح غيث اتسودن، بعد محد يكدر يقبضه. قومي يلا لا تظلين هيج، أكلي لك شي.

كعدت كوة، ظهري يموتني، يا دوب للحمام وكوة، لو ما أم حمزة تساعدني هم ما أكدر.

أدهنه لي بالليل كل يوم بس ما يفيد.

أركان ما شفته، مخبوص مشيات ومراكز بس يريد يطلع غيث، وغيث يكلهم بس أطلع أرد أكتله، خلوني أحسن لكم.

ما عرفنا شنو قايل، بس اللي عرفناه الولد مطفية عينه وكسر بخشمها وأهله متخبلين.

ناي ما أكدر أخابرها لأن الفون فوق، لا أكدر أصعد ولا أكدر أقول لأحد يجيب لي الفون، بالاخص هي ما عندهم مانع يروحون يجيبونها مناك ويذبحونها.

كاعدة يم ريحانة أسولف وياها بعد ما جنت تبجي، كوة سكتتها ولهيتها، أمشط بشعرها ودخلت أم حمزة، قالت: ترى صار لك عشر أيام يمه، ما مليتِ من الكعدة.

إي صرت زينة، هسه أخلص ريحانة وأقوم للشغل.

بعد عمري والله ما يهون بيج بس الحكي كثر وأم أركان ردها أبو حمزة.

وبيبي شلون رضت؟

جرت أذنها خوش جرة وراها، طلقها وهاي الثانية بعد وحدة وتتحرم، هسه خانسة جوه رجلين بدعة. يلا يمه قومي، جدتك رايدتك تقول خلها تجي يمي.

شنو اليوم عندنا خطار؟ اشو هوسة.

إي موش اليوم غيث يطلع من الحجز لأن فصلوا بس والله أخذوا دية تكسر الظهر يالله تنازلوا.

من هيج شفت أسماء مكيجة؟

أوووف هاي سماهر ويه طر الفجر بلشت بيها ترتب وتعلم شلون تخليها تكسب غيث، الله يستر لا يسقط بنتي بسبب جشع سماهر، بالاخص إذا سمع اللي صار.

ش صار؟

غير أبوه انطى هدر دم ناي وعمامك وخالك اجو أيدوا وقالوا موافقين وتنازلوا عن حقهم.

يعني شنو؟

قومي يمه، روحي غرفتك، غيري ملابسك وتسبحي، لا تدخلين بهيج شي، ما صدقنا أركان يهدأ ويتركك بعد ما سودتِ وجهه قدام أخوه وأهله، كلنا وقفنا شهود وياك وقلنا له ما تعرف شي عن أخته، والله يا محمد كوة اقتنع.

فدوة خالة، راح أقوم بس عينك بريحانة، اقعدي لهيها وسولفي وياها، من الصبح لهسه على فد بجية، كوة سكتت، أخاف أقوم وترد تتذكر.

اتحسرت وأشرت "إي"، بست ريحانة وقمت، باوعت لي بكسرة، عيونها حمر حتى صايرة ما تحكي، حاضنة الغترة وتبوس بيها وتهمس وياها.

طلعت لقيتهم كلها مخبوصة، هم زين انتبهوا، ركضت للغرفة، صعدت دخلت وسديت الباب.

رحت للفون طلعته فتحته لقيت مخلص شحن، خليته عالشاحن وأخذت ملابسي دخلت للحمام، سبحت عالسريع وطلعت.

شلته لقيت مسج واصلني بأحرفنا. دقيت الرقم ودزيت مسج بالأحرف، ثواني وأجاني اتصال، قالت: وينك يمعودة متقولي لي؟ والنبي لو ما متصلة اليوم جان رجعت.

لا لا ناوين يموتوك.

أدري، وصلت لي الأخبار، عمامك العارات منطيهم الصلاحية بهدر دمي النواقص. شلونك؟

مات ابني.

عزززه، ش موته؟

دا أطلع من الباب وقعت عالحيوانة مالتهم، رفستني وقع الطفل.

فدوة لك لا تضوجين، بديت أشتغل بالجواز مالتك، أقل الشهر ويطلع حتى أقدم لك عالفيزا بس تعالِ قولي شلون آخذك وأدري راح يراقبونك ويلقفوني.

خلي تبرد الشغلة، انتظري.

شلون غيث بعدي انكسر مو؟

اليوم يطلع من السجن لأن ضارب له واحد بس يسولفون عليه صاير مخبل ومجرم، حتى بالسجن يتعارك ما خال واحد بحاله وشامري منفرد حتى يخلصون من شره.

من أخذته جان هيج، همه جبروني أرده مثل قبل، خليهم يتحملون. عامر الكلب هم يجيكم؟

إي كل يوم، ليش؟

أريدك تصير نبيه وتراقبه دوم، تتسنط عليه بالاخص من يحكي ويه خواته.

شكو ناي؟

والله حاسة هو وره قتل أخوي.

وليش عامر؟

لأن غبي يشتغل حتى قاتل مأجور لخاطر الفلوس ما يهمه.

ما أعرف يا لحن ما أعرف، أحس روحي بدوامة، كل شوية يجي براسي أحد، وكل ما أريد أربط صلة بينه وبينهم ماكو.

- مرتاحة يا ناي؟

أخذت حسرة وقالت:

- أي مرتاحة. روحي خيه لا يكمشوج ويأذوج، عالم ما تعرف ربها منو. مسحي المكالمة لا تنسين.

- ناي منتظرتج مو تتركيني.

- لحن شوكت تركتج حتى هسه أتركج؟ روحي دادة ربي يحفظج.

سكتت ما أقدر حتى أقول لها مع السلامة. سديت الفون، دست حذف، واندفعت الباب. دخل أركان، وقع الفون من إيدي. وقف باوع لي وهز رأسه:

- ليش؟

- أركان بس اسمعني.

- أنتي طالق.

دخل دنگ، شال الفون، وكمشني ودفعني گدامه، طلعني من الغرفة. وكفت يم الدرج، باوعتله بترجي، ردت أحجي، كمشني نزلني الدرج. وصلنه يم عمي، دفعني گدامه قبل لا أحد يسأله، گال:

- أنت طالق.

أبو أركان:

- لااا يبوي شبلاك؟

- طالق.

- أركااان!

- ندور مثل الزمايل ومحتارين، وهيه تندلها.

- صدگ يبوي؟ لا لحن ما تعملها بنيتنا.

شمر الفون على غيث الجان گاعد منتجي يباوعلي بتعب:

- رقمها يمك، طلعوا واعرف هيه وين.

غيث:

- ههه غشيم لبالك مثلك غبية، تلگي ألف شفره خاله للتواصل.

- هينه كومي لج اتصلي بيها.

باوعتله وعيوني مليانة دموع، أشرت لا.

- لحننننن!

- ما أگول، شتريد تسوي؟ طلگتني مالك حق تضربني.

- وحگ رب العباد أخلي جيلة براسج وأفصل أهلج، أحجي وينهاااااا؟

غيث:

- بتركيا.

- عجل عش ساكت؟

كام خله اديه وره راسه.

أبو غيث:

- لاااا زحمة والله ما تگدر تجتلها يبوي.

باوع لعمي عيونه تعبانه، ضحك وهز ايده، شال الفون راد يمشي، اختل توازنه، كمش الحايط، عدل وكفته وكمل مشيته، طلع بره. راح ورا أركان.

صاح أبو غيث:

- لمي غراضج.

أبو أركان:

- وين تريد بيهااا؟

- لهلها، مثل هاي حرام بيها العيشة.

- دگينه صدرنه ورحنه اخذناها من نص أهلها، شنگلهم من تردها؟

- بتكم مو كفو الواحد يأمنها على بيتو.

- ما يستگبلوها.

- زتها بالشارع أروح، أرد ما أريد أدحگ جهرتها هينااا. أشمرها باب أهلها يطبها ألف مرض الخذوها، وإن خلوها لا تردها، حرام أخلي طلقة براسها.

سماهر:

- وأختها هم يبوي، أغسل عارنه ورد هيبتنا بين العالم.

- آاااخ أخوج گاضب ايدي ما عرف الولد شبي تسودن، لا يرضه يگول وينها ولا يرضه واحد يجيب طاريها، مطلع خبالو بالعالم ياهو اليگضبو يجتلو.

- ولا راح يجتلها، أكص ايدي إذا گضبها وعاقبها، حدو يسمعها كم چلمة ويرد ويتوسل بيها لخاطر ترد لحضنو.

- تسودن الزلمة، بس آني أعرف شلون أعدلو، أغسل عارنا وأسد السالفة.

كالها وطلع.

باوعت لعمي أبو أركان، گال:

- عش يبوي هيج گصرنه وياكم؟

- مالي دخل بالصار، هيه راحت.

- وعش ما گلتيلنا بوكتها؟ چان لحگنه بوكتها وتلاحگنا الفضيحة.

- تذبحوها.

سماهر:

- تستاهل الدفن الي توطي راس زلمتها، مجانها الگبر.

أم أركان:

- موش گلتلكم من الأول عرفتهن ما وراهن بس الفضايح.

أبو أركان:

- إنتن تنكتمن، وإنت لو مرة حوك بيج حظ چان گضبتي بيتج وعرفتي شيدور بي، موش جهال مثلهن ورنه ور وإنت مثل الزمال تتصفنين وتزاگطين.

- ياع دحگ هاي جاهلة تربية شوارع، ما عرف منين جبتوها وبليتوني وصار اللوم براسي، المفروض من إنهزمت من أهلها وطت روسهم ما تجيبوهن.

سماهر:

- العرگ دساس، أمهن منهزمة من أهلها، عليمن يطلعن؟

أبو أركان:

- شرد عليج؟ حرمة چبيرة والشيب تارس راسج، بس حق شايلة عگل حيوان، إذا ما تربطين وينسحگ على راسج كل يوم تسرحين.

- عمي أتركبنا الغلط لخاطر چلمة، ودحگ هاي گدامك حتى ما واحد منكم كلف روحو وطگها، أشوف ابنك حدو رمى اليمين وطلع يتزنح وره أخو، خاف أنگلو ردها لأهلها.

- الطگ موش للبشر حتى الحيوان هم روح وحرام بيها الظلم، بس إنتن كلشي محلل عليجن سماهر، وروح ابني بكبرو إذا سمعتج واصلة صوبها لو بس مسمعة البت چلمة وحدة، أمدج بنص الوهاد وأخليها تدوس راسج.

- ليششش عمي ليش هيج تذل بينه؟ تراني بت أخوك الچبيرة وصاحبة كل هذه من بعد جدتي.

هيه گالتها وما نسمع غير ضربة عصا بالگاع، إنداريته لگينه بيبي واگفة يم الباب تباوعلها باستهزاء، خلت اديها على العصا، إنتجت عليها ورفعت راسها گالتها:

- كملي عش إنگتمتي؟

- بعد عمر طويل جدة.

- أي.

- ما جنت أقصد.

- وإن قصدتي منهو يدحگ لو يسمع؟ ضربة مداس أبو أركان، خبرلي جسار گلو: جدتك طالبتك.

- لا دخيلج جدة، وروح زلمتي هيج حجيت، لا يا عمي والله زحمة بهالعمر إنطگ، إنجعلني بالخرس إذا عدتها.

أبو أركان:

- دنگي على رجلين جدتج حبيهن واعتذري.

إجت تركض دنگت، بيبي خلت العصا بصردها ودفعتها:

- بعدي لغاد، لا توسخيني، حدج توطين على مداسي موش صوب أرجولي، عبچن نگسات، لو يسبحوجن بمي زمزم ما راح تنظفن.

- عش جدة موش آني حفيدتج العودة وحاملة اسمكم، ما ترفعين مگداري گدام السلف وتتباهين بيه تهينيني هيج؟

- تتخسى وحدة مثلج تحمل اسمنا، الاسم معروف منهو اليرفعو، والحلال إله أهلو يگضبو من بعدي.

- بعدني شنهو؟

- الي براسج شيليه أحسن ما أخليهم يمحوج، وإنت يمه خبر جسار گلو: خلي يهير المخزن ويكون مستعد، راح أدزلو الأزلام لخاطر يكمل الأمرتو بي.

أبو أركان:

- يمه لخاطر النبي بسج.

- لا تخليني أردك يا الچبير، خليني محترمة مگامك، الأگولو يتنفذ.

- لحد من يا الحچية؟

- لحد ما ترد صاحبة هالمچان وتگضب كلشي مچاني، وتدوس روس العبيد لخاطر يمشون عدل، ما تعبت كل هالتعب لخاطر أتركو بيد هوش إذا ما نربطو يسرحون ويضيعون كلشي.

أم أركان:

- منهو هاي عمة تحچين عنها؟ وشوكت اختارتي وحدة تكمش المچان بعدج؟

- موش آني الأختارتها، صاحب المچان أختارها عبنها دواجن ومداسها بروسجن، ما رضت على نفسها الذل، چازفت بالموت لخاطر تعيش حرة.

- أم غيث؟

- الله يرحمها بس ما بعدتي چثير، نفسها التاخذ أرواحجن وحدة وحدة لخاطر ترد حق أم غيث، خبري أختج خلها ترد سهيلة وكلها: خلها تبطل تلعب بالنار، تراها گربت صوبها چثير وإذا گضبت بيها تحرگها هيه وبزرتها.

سماهر:

- منهو هاي التحچين عنها؟ من بنواتنا هيه؟

ما ردت، دفعتها بعصتها وإنداريت لعمي:

- أخيك أبو حمزة خبرو، خلو يروح للبيت الچبير لحد ما نفرغلو ونعرف شنعلم ويه أهل المچتول.

أبو أركان:

- طلبنه عطوة منهم أسبوع.

- حضروا الأزلام وطوقوا المچان زين، گضبوا المنافذ لخاطر تسيطرون عليهم، وخبر الشيخ الـ... گلو: الجدة بدعة طالبتك.

- تأمرين مثل ما طلبتي.

- نفس اسمع بالبيت أحركو. بيكم غيث وأركان إذا ردوا خلهم يجوني لغرفتي.

أشروا أي، دگت العصا ودخلت.

أبو أركان:

- كومي يبه، لمي غريضاتج حتى أوديج.

- ما أريد شي، مثل ما إجيت أرد.

- عجل تهيري وگولي المن رايدة أوصلج؟

- ما أدري، بس أروح ما أضل حتى لو بالشارع أنام.

گمت صعدت غرفتي بسرعة، ما مستوعبة الصار.

طلعت بنطلوني وبلوزتي، غيرت بدون وعي، جسمي يرجف، عقلي متبنج ما أعرف حتى أفكر، بس دموعي تنزل.

باوعت بالمراية: على شنو تبچين؟ شنو شفتي وياه وهيج محترگة؟ حبيتي؟ هاي هيه.

طلگچ يا الثولة، وهو يعرف ما عندچ.

هيج هنت عليك أركان؟ لعد وين حبك؟ حتى لو غلطت تدري غصباً عني، لو بمكاني تسوي أكثر من هذا.

آني شلون هيج سويت بروحي؟ وين إجيت والمن راح أروح؟ شكلهم إنهزمت ورحت تزوجت غصباً عنهم وهسه تعالوا استقبلوني؟

لعمي ما راح يستقبلني.

خالي يكتلني بعد السواه بي أركان.

حتى ناي أدري راح يراقبوني حتى يحصلوها.

گعدت بالگاع، لميت رجليه لحضني، غمضت عيوني، خليت ايدي على گلبي.

ربي إني مسني الضر وأنت أرحم الراحمين.

إنفتحت الباب دخلت سماهر، شمرت جنطة:

- لمي زبالتج بيها.

- ما آخذ شي، مثل ما إجيت أرجع.

- راح تطلعين هيج من البيت؟ بالقرآن يذبحج أركان.

- طلگني، بعد ماله حكم عليه.

- يلّا گومي عمي مناطرج حتى يوصلج.

- خلصت ما عندي شي.

دنگت ألبس الحذاء، أريد أسيطر على رجفة جسمي ما أگدر.

گمت طلعت، لبست جنطتي على ظهري، نزلت.

رحت لغرفة بيبي أريد أودعها.

لگيتها گاعدة منتجة وبيدها سبحتها وعمتي أم أركان خانسة جوه رجليها.

دخلت باوعتلي بزعل، نزلت دموعي.

أخذت نفس وأشرت: تعالي. رحت شبكتها، خليت راسي بحضنها وشهگت.

- عش يا جدة ضيعتي روحج بسبتها؟

- ضيعت روحي من طلعت من أهلي.

- وين راح ترحين؟

- ما أدري، بس أروح منا.

- شنهو الما تعرفي؟ يريد يوديج المن ياخذج؟

- بيت عمي يم بيبي.

- أختج وين؟

- ما أدري.

- أندل مجانها بعد ما يفيد تضمين الحچي.

- وداعتج ما أدري، سافرت بس وين ما أدري، بس گالتلي من أوصل أراسلج.

- عجل شنهو التعرفي؟ إطلگتي وإنت حتى روحج ما داريه عنها، شلون راح تعيشين يا جدة بهاي فطريتج؟

- مثل ما چنت عايشة قبل، أرد لبيت عمو.

أم أركان:

- بس تخلص العدة ياخذها ابن عمها.

- أي وينو عنج؟ بلكي يسمعج حتى يطر راسج، يلّا جدة عمج بالباب.

هيه تحچي ودخل عمي وجهه مگلوب، گال:

- تندلين بيت عمج؟

- بغداد.

- أي منطقتهم بأي شارع؟

- لا ما أندل.

- عجل من إنهزمتي منهم ما دحگتي بأي منطقة گاعدين؟

دنّكت ما رديت.

أم أركان:

- هاي كلكم طلعتوا تدرون چانت منهزمة وراضيها؟

بيبي:

- إنجعل رضينا إندفنج حدر الخياس بدون چفن، گالتها ودفعتها برجها.

أبو أركان:

- يبه بيت عمج ما أندلو بس بيت خالج.

بيبي:

- اتصل بابنك الشفيه خلي يدلك المچان قبل لا يرد غيث ويسويلنا سالفة.

أم أركان:

- ما يحچي مو چان موجود من طلگها أركان؟

- موش صاحي يا الخوثة، شارب لمن طالع من أذانو، لو عندو شوية عگل چان علّگها من شعرها بالسكف وصلخ جلدها حتى يعرف حرمتو وين.

كعدت مسحت دموعي، خفت من الحچي صدك چان تصرفه مو طبيعي.

عمي اتصل دقايق وإجه صوت أركان گله:

- أمر يا الچبيرررر.

- مرض صوتك.

جدة:

- تركو منتاطح هو وأخو.

- وين بيت عمها؟

- شتسوي بي؟

- أريد أودي البت.

- أتركها آني أوديها من أرد.

- إنطم ونص چلمة ما تحچي، كافي صخام وجهج گدام العالم، طلعتنا جهال، ويييين بيت أهلهاااا؟

- يبه تيه مجانهم.

- وحگ كتاب الله يا أركان أجيج أسحگ على جهامتك وأنعل أبو الجابك عليه، إنضب وگول بيت أهلها وين، لازتها بنص الشارع وأنعل اليوم الي بلاني ربي بيكم.

- بـ... يم... هسه أدزلك رقم عمها اتصل بيهم حتى تاخذها.

- عندي رقمو لا تتعب روحك، وكونك تلعب لعبة من وتفر السالفة وروح ابني، أگضبك أطلع شكو أسوادين من راسك، يلّا إنقلع أنعل أبو شواربك.

سد الجهاز وهز ايده گال:

- خبل موش عاقل.

- چانو معوزين شوية إجن بنوات أنهار كملنها.

طلع رقم عمي وطلع بره يخبر، ما سمعت شنو بس العرفته گله: نجي ونتفاهم مسافة الطريق.

دخل للغرفة لبس عگاله وعباته، شال سلاحه خلاه بجيّبه ودنگ على سبحته، رن فونه.

شاله باوع بي گال:

- خير إن شاء الله.

جدة:

- منهو؟

- عم البنوات.

گالها ورد:

- هلا يخوي... لا هسه طالعين بس مسافة الطريق... خير... شنهو شبلاك اتحچى عدل خلّي أفهم.

- يابه موش هسه اتصلت گلت بالبيت؟ شوداگ للشمال؟... أبو سمار گول يا الله عيب يخوي وإنت زلمة هذا چلام جهال... تمام تمام شوكت تردون... خير إن شاء الله توصلون بالسلامة نضل على تواصل... الله وياك.

الجدة:

- شكو؟

- زلمة جاهل ما أعرف، أتصلت گال بالبيت هسه يگول بالشمال صار أسبوع من رحنه يم بيت أخوي.

- خوش، خالها بعدو بالسجن؟

- لا طلع من كم يوم بكفالة.

- عجل ودها ألو.

- خلي أتصل، هسه يطلعون منتقلين للصين.

- لا تگلو أريد أجيب البت.

- هو هم هيج.

دنگ طلع رقمهم واتصل، أول ما رد گله:

- الحمد لله على سلامتك أبو سامر تنذكر ما تنعاد... هلا بيك... ما يأمر عليك ظالم بالبيت إنتو؟... عجل وين؟... شنهو؟... أهااا خير توصل بالسلامة زيارة مقبولة... لا لا ما عندي شي... أركان شوكت اتصل بيك؟... گلت ما اتصل تمام أخذ راحتك الله وياك.

- وينو؟

- ماخذ العيال وطالع عمرة.

- أبو سامر؟

:- عالأساس؟

:- اشتعل أصلك أركان للعمرة!

:- هين لبالج، اتركوا هيج إذا ما كطمت أذانو وربيته من جديد. قومي يبوي روحي لغرفة ريحانة.

:- ليش عمو؟

:- أهلج بقدرة قادر كلهم سافروا اليوم.

:- عمو ديجذب، موجود لأن خربان ويه أخوه ما يروح للشمال.

:- اتبين ما تظل لليل، روحي لغرفة أخيتج وإني أوديج بالليل.

أشرت إي وگمت، رحت لغرفة ريحانة. دخلت.

جانت كاعدة ببدلتها لحد الآن وأم حمزة توكل بيها. شافتني كالت:

:- ها يا خالة بعدج؟

:- راح يتأكد منهم موجودين لو ديجذبون حتى يوديني.

:- عجل إذا هيج، گارهيج إشلون راح تعيشين وياهم؟

:- متعودة من زمان على الكره.

:- تعالي حدي يا الگمرية، عيني بارة عليج ضاوية يمه لا يطگنچ بعين.

ضحكت.

:- صدقة لمحمد، الله يشعل أركان على هاي عملتك. بردت عين كل من شافج ما صلّى عالنبي.

شمرت جنطتي وگعدت يمها. دخلت أسماء، اجت متعصبة حيل، دفرت ريحانة. صاحت:

:- كافييي هلكد مكابلتها اني بنتتتتج!

:- ومرض، شكو تطلعين خبالج بالبت؟

:- خلي اتمووت، عش الساقطات يعيشن ويرتاحن واحنه هيج حظنه.

:- يا حظ ولجن، البت عقلها موش براسها، ضالة بس هيكل حتى أكل ما تاكل.

:- يكفي حامل، عاشت أيام ويه الجان هاوي قلبها. إلا انييي أسبوعين وإني أتوسل ومناطرة بس نظرة منه، ما عبرني أصلاً ما دحگ بوجهي.

:- يطبج مرض، إشكد حجيت ونصحتج وأبوج إشكد حجه. گالج ابن خالج رايدج، جلبتي ودگيتي رجل إلا غيث. شيلي اتحملي اليصير.

:- ميخالف أتحمل، راح ينسى هالساقطة.

:- أسماء بالقرآن إذا سمعج يصلخ جلدج عن عظمج، كضبي لسانج أحسلج.

:- عش يابه، فوق ما ساكتين جابها من الشارع ودخلها بينه حلوة. هسه من انهزمت وطت راسو بين السلف.

هيه تحجي واندفرت الباب، دخل هو وأركان. اندارت شافته اتصنمت. جان بيده فون خلاه بجيبه. گالها:

:- كملي يولي عش.

انكتمتي.

ما حجيت شي جذب، روح اسمع السلف ما عدهم غير سالفة حرمة حفيد شمخي الجبير انهزمت.

امم وبعد؟

خلي يزين شاربه أحسن من مشيته بين الزلم ودخوله للمضايف.

هز راسه وتقدم يأشر: كملي.

أحسن ما ضال اتلطش بالعالم، روح أگضبها وذبحها حتى اترد سمعتك.

خلي أذبح الطش الخبر بالأول.

قالها وهفها براشدي من قوته سطر راسها بالحايط، وگعت من يمي. كمزت وكمشت خدودي.

دنگ شالها من شعرها.

دخيلك والله.

ما خلاها حتى تكمل حجي، انطاها واحد ثاني أقوى من القبله طگ خشمها وحلكها دم سوه.

عصر ركبتها خنگها، گطعت النفس، كامت اترافس. صاحت الأم خزرها سكتها وضرب راس أسماء بالگاع غمضت لأن حسيته اتفلش.

كام دنگ شالها من شعرها سحلها يم الشباج، رفعها وصلها يم الحديد ودگ راسها حيل مرة ثانية.

كامت أم حمزه كمشتها قالت له: كافي.

اندار لأركان، أجه جرها كامت تلطم، سحبها وطلعها بره سد الباب.

هي تدگ على الباب وتصيح: لحكونيييي بتي راح يذبحها وهو اتوالاها دفرات وراجديات كل ضربه أقوى من القبله وين ما توكعلها.

وكعت بالكاع.

شال رجله دفرها انطوت على بطنها، رگعها بظهرها من قوة الرگعه اسمع طگة عظم وهي انعصرت، سحگ بطنها حيل گطع نفسها صارت زركه شهگت رفسها اتقيأت.

مسح حذائه بملابسها وتركها، أجه يمي انحشكت بالزاوية طلع الفون قال: الشفرة -----

***ناي***

سد الفون بوجه جود، عرفت كمشوا لحن وعرفوني وين.

أخذت فوني وقمصلتي طلعت أركض ألبس بالباب، أجه جود وراي.

بس انتظري وين تردين؟

غيث عرف مكاني من لحن، تلقيه بالمطار جاي.

كرم: اللزگه، طفروا ناي بوجهج على العراق، وجود شوف لك غير محافظة.

باوع له جود رافع حاجبه وهز أيده.

ناي، رقمج وين گاعده؟

آسفة جود، آني من أعتازك أجي لك بس مكان لا مو لأن ما أثق بيك لا وروح أخوي، بس غيث ما طول خلانا براسه راح يدز جماعة وراك يراقبوك حتى يحصلني.

لا تصدقين غيث يأذيك.

لعد ما تعرفه بعد؟ غيث مستعد يدوس على أكبر واحد مقابل كرامته وسمه قدام أهلها. ما أگلك ما غلطت لأن آني غلطان من راسي لساسي، أستاهل اللي يصير لي، بس ما متندمة مو آني اللي أرضى أعيش عبدة وأنطي ابني لوحدة إبليس تافل بحلكها.

انطيني رقمج ما رايد شي.

رقمي احتمال أغيره ما طول عرفني يمك، عرف رقمي لا تقلق والله ما عليه جود آني ناي نسيتني؟

ضحك وخربط شعري: المشاكسة أم تك غمازة. روحي ربي يحفظج أمانة وبداعة الخوة، أي شي تعتازيه أول واحد تطلبين منه آني.

هزيت راسي.

ابتعدي اشكد ما تگدرين، غيث إذا لزمج ما راح يرحمج، أقل شي ياخذ ابنج قدام عينج ويخليه بحضن مرته الجديدة ويشمرج بمكان يخليج تتمنين بس الضوه.

وروح عاشق لو بس مؤمنة على لحن وماخذ دم أخوي ما همني أروح له برجليه، بس هو الجبرني هيج أسوي.

كل هذا بس لأن منعج لا تاخذين حق أخوج؟

هذا عاشق، تعرف شنو عاشق؟ اللي لو جان موجود لسه ما جان هذا حالنا، كل وحدة بمكان، شابعين ذل وإهانة وما كفاهم الظلم نيتهم ياخذون حتى الفرحة اللي ربي عوضنا بيها.

ديري بالج على طفلج وروحي ناي، لا ترجعين حتى لا تتندمين أكثر.

أدري اتسرعت بلحظة غباء وأدري ما راح يرحمني، بس والله حسيت ابني غالي، ما گدرت أسمع ياخذوه مني وأسكت.

اللي سويتيه صح، ابنج محد يستحقه غيرج، روحي ناي.

ابتسمت أشرت إي وطلعت، وراي أجت غسق لبست كلاوي وتلثمنا، خفت مراقبين كلشي أتوقع منه شيطان مصور وأعرفه إذا لكفني انتهى أمري.

كل شارع أدخله أتأكد ماكو أحد وراي يالله أدخل الثاني، علمًا وصلنا للشقة روحي خلصت. دخلنا جوه شمرت قمصلتي گعدت على الفراش تعبانة، قلبي يم لحن، قالت غسق: شراح تسوين؟

أظل هنا ما أطلع منا لمن أولد.

حيل صدگ تحجين؟

لعد شسوي غير محافظة؟ إذا رحت أضيع ما أعرف، ورجعه ما أرجع له وأتنازل عن ابني لو تصير روحي بي. بس لحن قلبي يمها أخاف يأذوها.

مو تكولين زوجها يحبها؟

وطلگها الناقص. أقول لك أريد فلوس، اشكد عندج؟ ما عندي مجال غير اليوم كون أحضر كلشي قبل لا يوصل حتى أقدر أنحبس ما أطلع.

عندي أقساط الدوام بعد وكت التسجيل.

انطيني كل اللي عندج وأنطيك الهوية أخذيها والرقم السري حتى تسحبين أنتي، وانتبهي أخاف هم يراقبج فدوة.

لا تخافين، حتى مكاني ما يندله ولا يعرفني معرفة شخصية، قليل ملتقية بي ومن كثر البنات المارة عليه نساني.

ولو أشك ينسى بس إن شاء الله تروحين للمستعمل تشتري لي ثلاجة وطباخ أهم شي حتى أخزن أكل وأطبخ، ويظل المسواگ أطلب يوصل لي مواشكال، وروحي جيبي لي الكتب النقص حتى أشغل روحي بالدراسة.

تمام هسه أروح.

غسق روحي بيدج، أي غلطة منج يطير راسي، غيث ما يرحمني راح يطلع القديم والجديد بيه.

أزعل منج والله، أصلاً ما راح أحجي وياج، نظل على اتصال للاحتياط. يلا داقوم هم يالله نحضر، بس ارسلي لي الموقع أخاف ما أقدر أجي يتأخر الوقت أنطي يجيبوا لك الثلاجة والطباخ.

بس فدوة كون رخاص ما أريد أصرف هواي حتى أقدر أكمل جواز لحن حتى لو نص عمر أمشي روحي بي.

ولا يهمج أدور لمن أحصل شي مناسب.

حولتلها الرقم وراحت، وآني قمت رتبت الشقة وشلت ملابسي شفت النقص حتى أجيبهن وما أطلع بعد.

للعصر جابوا لي الثلاجة والطباخ دخلوا أسسوهن، لليل طلعت اتسوقت اللي أعتاز هن، صح قليل بس أعرف أدبر روحي.

أشتري وأترحم لماما، لو ما ربتها الله أعلم شنو حالي هسه.

رجعت بتكسي لأن ما أقدر أشيل، أتحاسبت ودخلتهن شمرتهن سديت الباب آخر نفس.

هسه كلشي تمام، يلا غيث دا أشوف شلون حتكمشني، تريدها حرب وآني گدها؟ كل عقلك أنطيك ابني بسهولة؟

رتبت الغراض شغلت الثلاجة تذكرت ما عندي أكدور، اشتعل أصلك كرم.

رجعت تمددت ميتة تعب، نمت بسرعة حتى ما فكرت.

كعدت من الفجر على صوت الفون شلته، لقيت غسق رديت: ها ولج؟

ردت أنام قلت خلي أتصل أخاف معتازة شي.

لسه بعدج تدرسين ما نمتي؟

هسه خلصت وحنام.

لا لا تنامين، أريد غراض مطبخ ومي والكتب حتى أقفل الباب ما أفتحه بس لأبو الفاتورة، راح أعلن سباتي للسنة القادمة.

ههههههه أنعل أبو الحرية العايشة بيها ناي، ولج هذا رعب دا أحس زومبي يركض ورانا مو غيث.

ظلمتي الزومبي بالوصف بنتي، هذا اتعدى هالمرحلة من زمان، سوى عقد ويه عزرائيل كل كم جثة يسلمها له مقابل يزود سنة من عمره.

نانووو حبيبي، أتشرفت بمعرفتج، جنتي كلش طيوبة وحلوة بس هسه صار لازم أسوي مغادرة.

انظبي لج، روحي اتسوقي لي وتعالي دا أنطيج الهوية حتى إذا ما گدرتي تسحبين منا انطيها لعمتج من ترد للعراق تستلمه مناك، وها من توصلين رمشي مرتين حتى أعرف ما صايدج.

سديت الفون راحت نومتي مو مال أرجع أنام.

كعدت غسلت وجهي، أتريكت بدون جاي، أخذت علاجي، فوني بيدي منتظرة بأي لحظة غيث يتصل، متفاجئة لحن الجبانة لحد الآن مقاومة وما أنطتهم الرقم.

رحت للبالكون اتجتفت، وقفت من وره الشباك ما أقدر أطلع باردة.

شنو تفكر هسه؟ قلبك بعده ينبض؟ اتوقف؟

خليت أيدي على بطني، يريدون ياخذوك ما يدرون أنطي روحي وأنت لا، بعتك مرة قبل لا يدگ قلبك ببطني واتندمت، مو هسه بداخلي ودا أحسب لك بالساعات اشوكت تجي.

لحن شلونج هسه؟ أكيد أكلتي لك كم كف، يلا ما يضيعن بوجه أختج بس وعد راح أعوضج.

أخذت نفس ورجعت لفراشي، فتحت كتبي والفون خليته على الأستاند، بلشت أقرأ لحد ما رمشت غسق مرتين، ضحكت قمت فتحت الباب دخلت بيديها العلاليك شمرتهن وحضنتني.

خير شكو؟

ولج دا أحس روحي بفيلم أكشن، شكراً عيشتيني هالشعور.

هههههه صدگ دتحجين؟

والله أمشي وأتلفت وملثمة وأتأكد من الشوارع وأركض، الله شعور يخبل.

لعد راح تشبعين من هالعيشة ما طول مقابلتني.

أريد واحد مثل غيث يركض وراي ومن يلقاني يسحلني ويكتلني وآني أبجي وأكسر خاطره يجي يحضني يخليني على صدره يبوسني يكول: أذيتج يا روحي.

الله، هذا الفيلم شنو اسمه؟

أنا والأنباري.

ما أريد أصدمج بالأنباري بس هذا اختصاص رعب، مرة شك أراسل ابن خالي سحلني من كفشتي، شمرني بمكان مسكون، آني الراسلته بعد ما شلع منه لحم وگطع الكهرباء خلى الجن يحتفلون بينا للصبح.

بطلت أرد لجود حبيب قلبي، صح ما عنده أكشن بس رب الرومانسية، خو من يعصب فديت.

على كولة ذولاك الناس: اندارلو فدوة. أمشي وياي عندي مسألة ما دا أفهمها شرحيها لي.

بعدج مصرة تكملين دراسة؟

لعد ما عرفتيني لسه؟ من أخلي شي براسي أنفذه، تدرين من قررت أنحزم من خالي وأكتشف هالشي كل يوم يمر يصلخني صلخ لباله راح أخاف وأتراجع، ما غمضت عيني إلا وآني بتركيا.

وأختج؟

راح أجيبها ونعيش بعيد عنهم، حياتهم ظلام وحنا خلصنا عمرنا عايشين بالظلام، أجه الوقت نطلع للنور.

غيث راح يتركج؟

دخلت عالمه بالغلط، ما أعرف شلون أخلص نفسي، بس اللي أعرفه لازم أأمن مكان حتى أجيب لحن وأولد ابني أخليه بحضنها وأأمن لهم حياتهم بعيد عن جهنم الناوين يجبروهم يكملون بيها، حتى أعرف شلون أجيب حق عاشق، إن ما قدرت بالقانون أخذه بيدي ولهنا انتهت مهمتي بالحياة.

أشوفج نهايتج بالسجن مؤبد لو إعدام ما تقبل غلط.

عود تعالي زوريني.

الله ونگعد نكتب قصتنا وأودعج بيوم اللي يعدموج وأترحم عليك لأن بسببج اتعرفت على جود.

عود ردي لي معروفي بأختي، حسبيها بدالي ولا تخلين واحد يندل مكانها.

وبعد ما أشوفج؟

شوفيني بيها وذكريني بضحكة غيث.

هاي إذا ما انكتل قبلج.

والله هم أهلها نواقص، مو بعيد عمه يحمله الثار وينطي راسه.

والورث كله يصير باسم ابنج.

ما تشوفين ابني قاتلهم؟ الكل يركض يريده، وأدري إذا حصلوا ما يعيش ساعة وحدة لهيج أنهزمت حتى ما تلوموني.

الله ينتقم منهم، لا والله آني الوحيدة وقفت وياج، صح غيث ما يستاهل بس حياته ما تنطاق ولا هو يقتنع يتركهم لو يطلگج، أحسن شي سويتي من أنهزمتي.

نصحني قال ما راح تكدرين لعيشتي، چلبت لا أقدر أخذني بس والله جنت مجبورة، لحن جانت على فراش الموت وما جنت أتخيل هيج واحد راح يحب الثاني وراح يجي يوم أتندم وأضطر أنهزم منه وأكسره وراي.

هااا ناي مسحي دموعج ويلّا الأكل برد خلي ناكل ميتة جوع.

كعدنا ناكل ونقرأ للعصر، عين بالكتاب وعين بالفون.

أجت رسالة لغسق فتحتها قالت: جود.

اشبيه؟

دا يسألني عنج شكله.

قولي له ما أعرف أي خبر عنها، ما شفتها من زمان.

أرسلت، خليت راسي بالفون وياها طلع جاري الكتابة، أجه مسج: ناي يمك بس لا تكولي لها دا أراسلج.

باوعت لي أشرتلها: لا تكولي لي، كملي.

لا ما أحجي لها، رايد شي؟

علاج، عدها فلوس؟ شنو معتازة قولي ولا تكولين مني.

لا خزنت مواد أكثر من حنطة يوسف وغيرت شقتها راحت منطقة أبعد ما نندلها.

على الأساس أندل الأولى حتى الثانية، شنو تسوون؟

هي نزلت تتسوق وآني اختليت مكانها.

ولا تكعد راحة الفتاة المغامرة، شلونها دراستكن إذا تعتازون شي افتحن كام أشرحه لكن.

ما يحتاج تشرح بس راويني وجهك أفهم وحدي، أمك شلونها؟

تسلم عليك تكول: الثكل حلو.

أبوسهاااا، كلها حكم ومواعظ، كافي أنت ثقيل راح نكون ثنائي متوازن.

بنتي انتبهي لدروسج، عدتي اللي شرحته لك البارحة؟

إي والله مرتين ما ذكرت من شرحك بس عقلك وين انتبهي.

لأن أنت شغلتك تعبانة بابا، أهلك خطية تعبانين عليك ودا يصرفون ليش هيج؟

إي والله بابا كلش خطية، متساعدة وتاخذني منه والله ربي راح يكتب لك اشكد ثواب.

هههههههه أستغفر الله، روحي بنيتي عندي شغل يلا حبابة روحي كملي دروسج.

أحبك.

نعم؟

دا أحجي ويا كتاب الفيزياء.

سلمي لي على كتاب الاقتصاد اللي يمك وكلها خلي تخفف ضغط مشاكل السلعة.

سدت الفون واندرت لي: خو ما شفتي شي؟

لا أبد يا أخي من ثگله أجاني مغص.

أحب أمه.

حبي صاحبه بطريقج وكومي ولي دا أطلع أجيب دفاتر بعد.

استوني أقوم وأجاني مسج من لحن...

***لحن***

أريد أحجي ما أعرف.

صاح بصوت كمزني: الشفررررره شنهووو؟

ما أعرفها هي تتصل.

حلو أركان خويه شوف شغلك.

شمر الفون على أركان ورد لأسماء دنگ عليها قال لها: إذا دحكت شكلج بيت أهلي أجرم بيج.

لا لا لا غيث أبوس رجلك أصير لك خدامة بالقرآن أصونك حتى لو ما تعقدني بس خليني يمكم، ما راح أدحك وجهي ولا تسمع نفس مني.

أركان تاخذها تزتها على أبوها، قله إذا لمحت شكلها اعتبر حقك منتهي.

كامت تلطم باثنين أيديها.

شالها من شعرها ما تگدر تگوم يمكن كاسر ظهرها لأن صرخت بصوت رجت الغرفة، أخذها سحل فتح الباب شمرها على أمها قال لها: هالمرة بس طگيتها على الخفيف، الثانية أدفنها، ربوا بنتكم لا تجبروني أربيكم.

سد الباب.

وأركان يطبق بردانه بس شوفته وهو هيج هادئ قلبي وحده وقف.

شال الفون فتحه وأجه يمي خلاه كدامي.

الرقم لحن.

حتى النفس گطعته.

دنگ حك خشمه، أتقدم حشكت روحي خفت من شكله.

وصل قريب كلش، خلى أيده وره ركبتي سحبني له همس: الشفرة شنهو؟

مااا ما أعرف.

ما رد نزل أيده خلاها يم بلعومي حرك أصابعه على كيف حتى بعده ما ضاغط، گطعت النفس ودموعي نزلت.

كمشت أيده أحس روحي بهتت، ضغطه ما جانت قوية بس من كثر الخوف غمضت ما گدرت أوقف على رجلي، گعدت بالگاع.

گعد گدامي نص گعده كمش أيدي شهقت.

الرقم شنهو؟

ما أدري.

دار أيده وره راسي بحركة خفيفة ما أعرف اشسوه.

بس افترت الدنيا رخت أيدي تركت أيده، كمشني نيمني بالكاع وخر شعري عن وجهي.

لحن حركة ثانية تفقدين الذاكرة.

ما أعرفه الرقم.

غيث: اسم عاشق لو اسمج؟

غمضت.

أحرفكم الأولى.

أركان.

جرب!

أي غلط تلقفنه نغلة هاي.

عجل هاي راح تموت وما حكت يمكن ما تعرف صدق. خلينا نروح لتركيا نعرفها من الإقامة.

الحريم ما يهتمون بالإقامات مالتهن حتى بدونهن يدخلن محافظات.

يمكن بإسطنبول.

موش غبية لهالدرجة تظل بإسطنبول. تدري أحصلها بسهولة.

نروح لغير محافظة.

أدور بغير محافظة وهي بأسطنبول خاتلة تضحك على عقلي. ما أعرف شنو براسها، مو بنت إبليس ما يلحقها، شايلة عقل وتفكير ما يخطر براس أحد.

فلوسها تخلص، تضطر تطلع تشتغل.

عجل ما عرفتها بعدك؟ هيج بشر إذا ما مأمنة روحوا لشهور بعيدة ما يجازف بالموت.

إشكد عايش وياها ما عرفت طريقة تفكيرها.

ما تنحزر كل دقيقة تغير طريقها، بالثواني تدخلك بمشكلة، وبلمح البصر تطلع منها. تصفن أكبر مسقط، متمرسة بالجذب والمصايب لدرجة ما تخطر بعقل مسودن.

رد اندارلي أركان، أني من الخوف كوة أتنفس ما أعرف شناوي.

دحقتي أسماء شعملنا بيها؟ أنتِ مضاعف أعمل بيج.

شهقت بخوف.

آخر جنص لحن، أحكي والج جلمة ما نأذيها.

كل شيء ما أعرف.

هز راسه ودنق، كومني خلاني عالحايط كعدني، طلع من جيبه جكارة ورثها، بجيت.

أخذ نفس، نكثها من الجمر وخلاها يم عيني، غمضت حسيت بحماوتها.

وروح أخوي أطفيها وأقلع عينج.

وخرت راسي، كمش وجهي بأيده عصره وثبت راسي، سد حلقي وقرب الجكارة بصفحة بركبتي، لاحتني لولا ما أدري بس من الرهبة صرخت صرخة طلعت من قلبي.

وخرها وسحب النفس مرة ثانية، نفخه بوجهي ودنّا الجكارة يم عيني.

أظن وحدة تكفي.

الحماوة مالتها حسيتها جوه الجفن، قلت له: ع ل ن.

عفية بالحبابة.

الرقم.

سكتت، سحب نفس منها وسد حلقي، كمشت أيده أشرت أحكي.

نفخه، وخر أيده، رديته وغيث يكتب.

دز الأحرف، دقايق واتصلت.

مسح دموعي بطرف أصابعه.

راح تجاوبيها وأي غلطة، وروح شاهين أطفي الجكارة بعينج، سمعتي يولي؟

أشرت: إي.

شكو شيء أكتبه تقري وتسأليها، غيره ما يحتاج أكلج عقوبتج شنو.

لميت رجليا.

طلع فونه وغيث رد على الاتصال، فتح سبيكر، قالت: ها لحن، شعجب اتصلي؟

هاا ما عندي شيء ومحد موجود.

آهاا، قلتي ما عندي شيء تمام، عندج شيء تقولي لو أروح عندي شغل؟

كتب أركان، قريتها قلتها: أركان طلقني.

ناقص مثل أخو، استغرب بيج وضربج مو؟

لا.

هه، أغبياء لبالهم المرة ما تعيش بدون رجال، ما يدرون نفر الكوكب بدينه.

أريد أجيج.

وين أنتِ هسة؟

بعدني يمهم بغرفة ريحانة، خلوني حتى أخدمهم.

نطاج جوازج؟

إي، وفلوس مهري.

حلو، قدمي على فيزا ومن تطلع اتصلي أقولج وين تحجزين.

على إسطنبول مو؟

لا بأنطاليا أني.

يعني أجيج على أنطاليا، أخاف ما أقدر أتصل بعد.

لا تعالي على سامسون.

ليش؟

حجزت طيران من دهوك لآفيون، احتمال هسة أطلع لإيران.

غيث ضغط على سنونه وشمر الجهاز فلشه بالحايط، كمش راسه قال: أكضبها لو طير للسما.

أركان باوعلي، لميت رجلي لحضني.

مسح وجهه وقام.

لازم نلقى طريقة، ما تظل هيج.

آاااخ ربي بس أكضبها ما رايد شيء.

نروح للمطار، نحصلنا واحد يعرفنا حجزها أي محافظة.

دنقت الباب وصوت حسام يقلهم: جدي ينشد عليكم.

فتح الباب غيث طلع وأركان إجاني، رجعت ليورا، قعد قبالي نص قعدة.

وخر أيديه، كمش وجهي داره، أتلمس رقبتي، باوع لعيني، مشى أيده على رمشي.

وحق كلام الله لو صاير بيج خدش لنعل أبو أصلج.

وخرت أيده وضميت وجهي بحضني، شهقت أخذ نفس وقام طلع، أحس الدنيا تفتر ودايخة، باوعت لريحانة.

شفتِ أخوج إش سوى بيه؟

طوت نفسها وضمت وجهها بالغترة، ما حاسة بالدنيا.

دخلت أم حمزة قالت: طقج الجلب؟

ما رديت.

إجت يمي قعدت، شالت راسي باوعتلي، ردت أديره صرخت أحس رقبتي طقت.

اصخام بوجهه هذا شعامل؟

رقبتي خالة.

توتة ندهي جدتج بسرررعة.

قامت جرت مخدة خلتها وكمشت راسي مددتني عليها، دخلت أم أركان قالت: شصاير؟

حدري خية، هذا شانط رقبتها وأني ما أعرف أشلون أردها.

هاي الهوسة كلها، لا تقولين ما طاقها؟

أركان ما يطق حرمة.

موش بس هي حرمة، عجل إشوا خواته يكضبهن ينهيهن وسهيلة صاعد نازل يطق بيها، آاااخ يمه تعالي لي ودحقي حظ بنتج بيا خيسة نايم.

تركي الحظ، البت مشنوطة رقبتها شعمل، لا يصير لها شيء.

لا تخافين كل شيء ما يصير لها، موش عصبة هاي راكها لخاطر تخدر ويخوفها، عفية ابني الذيب هذا كل حيلك.

البت يتيمة، خافي ربج بيها.

بس أريد أعرف أنتِ هم عندج قلب، بنتج متسقطت وأنتِ جاية مزنحة لهاي؟

بنتِ لسانها باذر إذا ما نحش ينفلع راسها، بلقي تخاف وتبطل تلتح ورا سماهر، دتعالي دحقي البنت روحها رايحة من الخوف.

تستاهل عبنها عرمة وما تنكضب، كون جاسرها جان برد دمي صدق، ميلي غادي لشوف.

قعدت يمي بحركة سريعة ما أعرف شسوت بيها بس حتى ما حسيت رجعت طبيعية، تفلت بوجهي وقامت.

صدق روحي رايحة حتى ما حكيت، أول ما غطتني أم حمزة نمت.

يومين وأني بالغرفة ما أطلع لأن عمي ما موجود، أخاف أتحرك لا هم أنكتل وهنه هم ما دخلني.

أسماء طلع عدها زلة بالفقرة، أخذتها سماهر وياها هناك لأن ما عدها أحد وأمها ما فارغة، يا دوب ريحانة اللي عليها ما أعرف كم شهر بس بطنها بدت تبين وخايفة عليها لا تسوي شيء تروح طفلهم مكابلتها أربعة وعشرين ساعة.

رغم ما سويلي شيء بس من أذكر روحي بين أيديه لا حول ولا قوة أبكي بخوف وهو مستغل هالشيء، أحقد عليه وأكره نفسي أشلون جنت مصدقته، هسة يا الله حسيت روحي صدق ثولة وما أفتهم.

قاعدة يم أم حمزة، دخلت سهيلة تركز برجلها قالت: يلا ست الحسن كافي مطمورة وإحنا نخدم.

أم حمزة: البت مريضة وما تعود الكم بعد.

حتى لو موش ضالين بس نعلف بحلقها، شعرفنه إش وقت ترد لأهلها، سالفتها مطولة، خلي تقوم تساعدني بحدي بالمطبخ، يلا قبل لا يردون.

عمج ما يرضى.

جدتي قالت: خلي تقوم ومن اليوم تجي تنام غادي يمها لأن حسام يريد ينام يمكم، المكان بارد بالمضيف.

أمج إشلونها؟ قالوا غيث طاقها.

الله يجسر أيده بدل جسر أيد أمي، جعله بالمرض الما يقوم، منو قدرتوا على الفقرة تارك حرمته ادحم بالبارات؟

روحي أحكي هالشيء جدامه، عش تتختلين؟

لا أحكي ولا يحكي وياي، مشاكلي مكفيتني، يلا لج قومييي.

قمت طلعت وياها للمطبخ لقيته تقول مزبلة من الوسخ.

هي يا دوب وقفت عالطبخ وأني بلشت جلف وتنظيف، ما خلصت لمن طق ظهري، دخلت عمتي أم أركان قالت: لا هلا ولا مرحبا بهالوجه.

سهيلة: عمة كضبي الطبخ تا أسبح راح يجي أركان.

موش الصبح سبحتي؟

هههه لا ذيج سبحة الليل، هسة كلي ريحة طباخ، أبروح ابنيج بسرعة ما أبطي.

ما صار عندج جاهل؟

إن شاء الله هالشهر وأبشرج.

الج بشارة مني ست، أبتوت ترس أيدج، يلا روحي قبل لا يرد.

البشارة من يروح الثاني.

هذا شغلته هينة بس يكضبونا ويجيبوها لجايه وأني أعرف أشلون أريحه.

ما يجيبها لجايه، يأخذها لبيت جدتي غادي يحبسها لحد ما يصير الجاهل.

إي وخطية الجاهل اختنق بالحضانة، شنهو أول جاهل نفاس يقطع النفس؟

هسة صدق ارتاحيت أروحن يله.

راحت وهي وقفت عالطبخ، خلصت المطبخ قالت: هالوهاد عدل نظفي وانطي مي للحيوانات.

عرفتهن بلشن حرب ويردن حجة، أعترض حتى يضربني بدل كتلة أسماء لأن بيبي ما هي رايحة لبيت أبو حمزة.

سكتت ما رديت، طلعت للمكان كله قذارة حيوانات ووسخ، لفيت الشال على خشمي وبلشت بالتنظيف، كل دقيقة أريد أتقيأ كوة مسيطرة، آخر شيء ما تحملت، قلبت معدتي حتى الحيوانات ما انطيتهن مي، صعدت ركض للغرفة لأن ملابسي ادمرن، صارت بوجهي سهيلة طالعة من الغرفة تقول عروس، المكياج والذهب والعطر ساطر المكان، عود لابسة أسود.

شافتني بهالحالة القذرة طقتها ضحكة بصوت عالي وإجى صوت أركان من جوه: ومررررررررررررض.

دخلت للغرفة وقفلتها بسرعة.

وقفت ورا الباب أباوع لروحي وقذارتي، صعبة عليه نفسي ليش هيج يصير بي اليتيم؟

ملابسي وسخة وحالتي تعبانة مذلولة ما عندي أحد يرضى يستقبلني، ضالة عالة على ناس.

سمعت صعدتها وهي تسولف تقله: حضرتلك الحمام.

نزلي زهبي الزاد غيث جاي.

بس أحضرلك ملابسك، تآمر من عيوني أهم شيء رضاتك عليه.

دخلوا للغرفة سدوها، غمضت، تاليتج تخدمين وهم يضحكون على جرحج.

أني راضيتها استاهل، ذيج ناي أزغر مني بس ما رضت على نفسها الذل، مع العلم تدري وراها موت بس طلعت بكرامتها ورفضت تكون ذليلة.

وأني راح أكون مثلها، أدوس الكل جوه رجلي، محد يكدر يحاجيني.

رحت للكنتور طلعت أنكس فستان، رحت للحمام.

فتحت الدوش يتوازن ميه بين ما نزعت، دخلت جوه ساعة كاملة وأني أجلف لمن وقعت شكو وسخ.

نشفت وطلعت وقفت قدام المراية، باوعت الدلعة مال فستاني كلش أوفر، صدري ورقبتي كلها طالعة وضيق من فوق، بلحظة خفت من أتذكرت أركان.

شكلنا لحن ولج، غيث دق على راسه وناي ما لبست لا شال ولا فستان لمن خلته ينجب ويرضى بالواقع وهم ضربته على وجهه وانهزمت.

شغلت الشسوار نشفت شعري وسحبته.

طلعت علبة المكياج خليت خفيف، شلت الربطة زغيرة شديتها مثل الإسكارف وطلعت شعري من قدام كم خصلة بإهمال.

رشيت عطر، باوعت بالمراية ضحكت، صدق نفسيتي اتحسنت، أحس روحي إنسانة ثانية، إنسانة قوية رغم شيء قليل سويته بس حسيت اتغلبت عالضعف.

لبست شحاطتي وفتحت الباب صار الغروب، نزلت دخلت لغرفة بيبي لقيتها جاية وعمي قدامي قاعد، سلمت.

قعدت يم بيبي، دنق هو يسبح.

بيبي: أشلونج يجده؟

الحمد لله.

البنوات زهبن العشة؟

إي بيبي ديصبن.

عجل قومي استعجلي الولد إجوا.

ردت أقوم دخل غيث وأركان، رجعت قعدت حشكت روحي يم بيبي.

إجى غيث دنق باس راس بيبي وهمس: لقيتها.

سبع كفو من أصلك.

قلبي رجف شلت راسي، إجت عيني بعين أركان، خزرني ودنق على بيبي باس راسها.

قعد يمها من الجهة الثانية.

إش وقت تسافرون؟

أركان: باجر الفجر.

أبو أركان: أخذوني بطريقكم أودي البت لأهلها.

وين يا بيت أهلها؟ تراهم مسافرين.

اليوم جنت يمهم واتفقت ويه الزلمة وأتفهم الوضع.

ييييبه ما تطلع من هنا، البت بعدها على ذمتي.

لا ما بيها مجال، يا أني مسودن يا أنت خبل وناوي تخبلني وياك، يول موش طلقتها جدامنه؟

إي بس بدون شيخ، وببيت أهلها عدهم ازلام هذا شرع ربي هم تدخل بي؟

أنجعلك بالموت واختلاف الدفانة ابن الكلببببب! أنت إش جابك عالشرع؟ واحد سكير تافلته الكاع، خزيتني وسودت وجهي جدام العالم وكوة قدرت أسدها، تقولي ما تروح؟

ما تطلع وحق كلام الله، إذا اتحركت للباب أجسر رجليها وراوح وراها أسحلها هي وأهلها، لا تقووول ما قال.

أودها وكونك أزلمه وتسويها بالقرآن أخلي طلقة براسك وأخلص من رعونتك.

وحق كتاب الله أحرقها هي والبيت التنطمر بي، ما أخلي بيهم صاحيييي، لا تقولون ما قااال.

قام دفر الباب وطلع يتعارك ويه روحه.

بيبي:

تسودن الزلمة وروح ابني.

مسودن من كاعه، هذا الولد راح يموتني ناقص عمر.

خلو يردها لذمته ما طوله هيج قاتل روحه.

بيبي، اني ما أرد، أريد أروح لهلي.

أبو أركان: ولا اني أخليكي ويه الخبل، كل دقيقة مزاجه شكل، تهيري واني أوديكي يبوي، وأنت عمك أبو حمزة إش لونه؟

غيث: بالبيت، الشباب ملازمينه، طشينا خبر سافر لدبي وجهزنا بيت جدتي.

موش بعيد.

أحسن، بعيد عن العين، وإحنا ما نتركها نتناوب عليها، وهم راح اجيب لها وحدة أزتها حدر الكاع تسليها لحد ما تولد وأخلص منها.

الله يقويك.

هو يحكي واني قلبي نعصر، يعني لكاها، شلون أقدر أنبهها، أخبرها من خالتي أم حمزة ماكو غيرها.

قمت طلعت رحت للغرفة، دخلت لقيتها توكل بريحانة، قلت لها: خالة أبوس إيدك.

خيرج يمه؟

شفتي وجع القلب مال الفقد واني ما ضل عندي غيرها.

لقوها؟

فدوة أروح لكِ، والله ناويين يقتلوها بروح شاهين، شلون كانت تساعده، رديلها الله يخليكِ.

يمه شيخلصني من غيث؟ اجفينا شره.

والله ما أخلي يدري خالة، راح تموت أختي الله يخليكِ، قلتها وجريت إيدها دنقت بستها وبكيت.

جرتها استغفرت.

خالة تموت خالة، والله أنتحر وراها، ما عندي غيرها أظل بروحي بهالدنيا، حسبيها بنتك وهيج يسوون بيها، ترضيها؟

يا خالة والله يحركنا غيث.

إذا درى أقول له اني بقت الفون، أبوس إيدك.

هاك وطلعي بالمزرعة، لا تخلين أحد ينتبه، وإذا عرفوا ترى أنكر، أقول لهم هي أخذته بدون دراية.

اي اي.

أخذته خليته بصدري وطلعت بسرعة، أمسح بدموعي، رحت بالمزرعة خفت هم ينتبهون، ابتعدت شوية.

قعدت على حجر، استوني أطلع الفون وأسمع أركان وراي قال: شتسوين هينه؟

هاا؟

ومرض! وشنهو هالبس؟ انتي شنهو ماكو أحد جاسر راسك؟ قبل شايفينا مقرنين جدامك بس فهميني.

أنت مو طلقتني؟

أطلقك! أزتك أدفنك! هالبس إذا لقيتك لابساه أطرك بالنص، وشعدك قاعدة هينه؟

هاا؟

دخيل رب العباد، لحن اللي براسي كافي يسودن سلف بكبره، لا تزيديها، شعدك هينا؟

ضجت جوه ووو.

اي كملي.

هيج اجيت دا أشتم هوا.

مسح وجهه خلى أيديه ورا رقبته، باوع لي.

صعدت الزيق مال الفستان وخليت إيدي أضم صدري لأن عرفت متخبل من هيج.

أخذ نفس، اجى يمي، ردت أقوم كمشني رجعني لمكاني قال: بس خلي أحكي وياكِ.

ما بينا حكي.

أذيتكِ.

ما رديت.

كرهتيني يولي؟

اي.

حقكِ، بس انتي ما قصرتي طلعتيني جاهل قدام أخوي.

وأخذت حقك وزيادة، باجر حأروح بعد ما أفشلك، صدق اني مو كفو أصير مرتك.

لا تروحين.

ما أريد أظل أصلاً غلط طلعتي مناك وتندمت لأن سويتها، ولو يرجع بيه الوقت عمري ما أفكر أجيك وأطلب منك اللي طلبته.

طلبتي أولاً، انتي لي من أول يوم دحقت وجهكِ بي، وما تصير لي لغيري حتى واني حدر التراب هم أخلي جماعة وراي تقتلكِ.

شنو شنو اشتريتني؟ يا أخي ما أريدك.

دنج عصر وجهي رفعه صار قريب من وجهه، حكى من بين أسنونه: والسماني أركان، أراويك الأديان كلها بين عيونكِ، أكرهكِ بحياتكِ وأخليكِ تتمنين أمك ما جابتكِ، بس تفكرين تطلعين من هينه تروحين لأبوي تقولين له: ما أروح، سمعتي؟

وخر إيده قمت.

ما أروح ولا أقول له، والصبح حأروح، دا أشوف شتسوين.

لحن! لحن! لا تجربين حظكِ وياي، بالقرآن أدفنكِ، تعرفين شنو أدفنكِ؟

أنت طلقتني ظالة شنو؟

أردكِ.

ما أريد أرجع لكِ.

لا تردين، ظلي معلقة حالكِ حال أي زمال، لا تطلعين ولا تحترقين من مكانكِ، وهاي عيونكِ أقلعها بيدي بس ألقفكِ مدحقة بوجه أحد.

راح، ردت أقعد رد جرني من إيدي.

وهذا شعركِ أدير عليه بانزين وأحرككِ انتي ويا إذا دحقتكِ بدون حجاب.

دفعني وراح، كمشت إيدي أفرك بيها، سمعته رجع كمزت كمشني من فستاني جرني له.

ذني تنزعيهن وتزتيهن أحسن ما أربطكِ وأزتكِ من السطح، سمعتي؟

أشرت اي.

شمرني على الحجر قعدني بمكاني، عدلت فساتيني.

راد يمشي وقف، قبل لا يحكي بكيت.

مسح وجهه وأخذ نفس.

ادخلي جوه.

عوفني! والنبي أنتحر وأخلص منكِ.

شكو قاعدة وحدكِ؟

ألطم! أملخ روحي! شسوي يا أخي؟ اعتقني راح أموت.

ادخلي موتي جوه لا يمر أحد.

وروح أخوي أقوم أنحر نفسي وأخلص، تعبت أركان تعبت، اتركني يا أخي، هسه جاية بس آخذ نفس، راح أختنق.

صوتكِ بت السطل، العالم تسمع نعوصتكِ، شتتخيل؟

قعدت بالكاع كمشت راسي راح أتخبل ما بيها مجال.

طلعت أم حمزة دفعته.

ش لزقت؟ راح أتخبلها، روح اني يمها هسه نرد.

خلي شي على ملابسها، حسام وغيث هينا.

هاي عباتي راح ألبسها بس روح البنت ترجف ساعة وانجلطت.

ابعدي عن طريقي.

اي عافيه ابني، اكو حرمة هناك دحك على حرمتكِ، روح تقاتل وياها.

ما رد باوع صفح لخالتي وراح، هزت إيدها وقعدت.

وروح ابني، إذا طلع عنده ذرة عقل أطلع ما أفهم، خبرتي أختكِ ولج؟

ما شفتي إش لونه؟ وين أقدر أخبر؟

راح يفتر بالمزرعة يصيد أكلاب مثله، اتصلي.

دخلت رمز صفحتي رجعتها دخلت على نايا اتصل بيها رن، ضحكت بس غابت ضحكتي بصوتها من ردت بتعب كوه قالت: لحن راح أموت...

*** نايا ***

يومين محبوسة بالشقة اختنقت وهو ماكو حتى ما رد لتركيا، حسيته يضحك عليه ما يعرف وين مكاني.

كنت أقتصر بالأكل، أحاول أكل وجبة ونص باليوم، وحتى الفواتير أدفئ بالحاف، ما أشغل صوبيا حتى أقدر ألم فلوس جواز لحن.

كنت محتاجة علاج وكم دفتر، باوعت لساعتي اتأخر الوقت، حتى لو طلعت محد راح يشوفني، أجيب كم إبرة حتى ما أطلع بعد.

لبست وطلعت رحت للماركت للصيدلية ما حصلت، يمها صار الدلمش قدامي والجو ممطر، ماكو بشر، أمنت أكثر، رحت صعدت أت لثمت عدل.

رحت للميدان نزلت ركض للصيدلية شفته يدعزل، دخلت أنطيته الراچيتة، أخذت علاج، شفت أشياء مال طفل رف قلبي اشتهيتهن، أخذت ممه وباودر طفل.

دفعت فلوسهن أخذتهن وصلت للباب حضنتهن أول أشياء لابني، يمه فديته هو وأبوه.

بستهن وكملت طريقي.

صارت المكتبة قدامي، دا أروح والمح صديق غيث التركي ويا صاحبته، شافني ما شافني ما أدري.

ركضت لجهة الموقف بسرعة، ما عاونت تجي الدلمش واقفة وأتلفت.

قام واحد قعدت مكانه، إيدي على قلبي غمضت، ربي اعمي وسد حلقه كون ما شافني، دخيلك وين أروح هسه؟

اجت الدلمش قمت صعدت كانت مقبطة، ظليت واقفة وقلبي يدق بسرعة، وصلت قريب دفعت ونزلت ركض للعماره، دخلت أركض حذائي مي والدرج مرمر، ما حسيت غير رجلي راحت بالخالي، أجيت قبل على بطني.

انقطع النفس، أريد أسحبه ما أقدر، كوه قمت صعدت أسحل بروحي، دخلت للشقة شمرت أغراضي واتمددت ظهري وبطني سوى وجعني.

طويت نفسي ردتها تهدأ ماكو أحسها تتملخ.

قعدت وأشوف الدم ينزل، نزلت دموعي ويا، خليت إيدي على بطني، لا ماما لا تروح فدوة الك، ولك آخر شي بقالي أنت.

عاشق لا تتركني مرتين استوني ردت ضحكتي.

جسمي يرجف خايفة أحرك روحي وأشوف نزف، غمضت وخرت رجليه وأحس الدم ينزل بغزارة، شهقت بحركة: قتلتك اني، قلت لك بيدي ولك استوني اشتريت لك ممه لا تروح.

ربي دخيلك ابني، ربي أنطيتنيا وجبرتني بي لا تأخذه وتكسرني، تركت كل شي لخاطره، اتركليا.

حسيت لويه قوية شلعت روحي قطعت حتى النفس، اتمددت طويت نفسي، شلت فوني اتصلت بغسق مغلق.

الوجع ما ينحمل والدنيا افترت من الهبطة.

عصرت بطني وعضيت إيدي أريد آخذ نفس ما أقدر.

ردت أقوم أطلع حتى أدق الباب على الجوارين يلحقوني ما قدرت، افترت الدنيا ورجعت لمكاني.

أفرك ببطني أريدها تهدأ ماكو، النزف بعد ما ألحق عليه، صرخت: لحقوني. افترت الدنيا بعد ما حسيت.

صحيت على ألم يروح ويجي، فتحت عيوني كوه، هدوء وحدي.

خليت إيدي على بطني: بعدك لو رحت؟ ردت أشيل راسي ما قدرت خدرانة.

مديت إيدي ترجف اتصلت بغسق مغلق، ندمت شلون ما سجلت رقم كرم، وقع الفون من إيدي.

أباوع إيديه كلها دم، المكان صاير عبارة عن أحمر، البرد مجمد جسمي بدون غطا سابحة.

فتحت حلقي أريد أصيح صوتي ما يطلع، غمضت قمت أحسب لنهايتي.

أسوء موتة بعد هاي حياتي وحدي بدون أهل ولا حبيب، فاقدة جزء من روحي.

أفقد وأرجع وحدي، تمنيت يمي غيث، تمنيت يهدئني من الخوف الشايلته ويقول لي: ما تموتين، بعد عندكِ عمر لا تخافين.

فوني يضوي كوه سحبته، رديت بدون لا أشوف منو يتصل، اجاني صوت لحن همست: راح أموت...

*** لحن ***

قمت بسرعة فتحت كام.

نايا! بس فتحي كام دا أشوفكِ فدوة أروح لكِ، لا تقولين أموت، لا تتركيني ولج، فتحي كام.

ما أقدر.

لا لا تقدرين نايا نايا، احكي شبيكِ؟

انفتح الكام نايمة عيونها سادتهن كوه تفتحهن وترجع تغمض، الموبايل ينهز ما كامشته عدل، خلته على شي يمها وتركته.

بكيت بصوت عالي.

همست: لا تبكين، خليني أروح واني ما قلقانة عليكِ.

لا لا نايا نايا باوعيلي ولج، فتحي عيونكِ، أشبيكِ احكي.

عاشق مات.

منو يمكِ ولج؟ صرخي خلي يلحقوكِ نايا لا تغمضين نايا.

ما عرفت شسوي، أخذت الفون وركضت جوه، دخلت لبيبي كانوا قاعدين، قلت لها: لحقيني بيبي نايا ماتت.

جدة: شنو ولج؟

هاك احكي وياها، كلها شتسوي حتموت، أبوس إيدكِ.

أخذت الفون قالت لها: شمالكِ يا العرمة؟

همست شي ما عرفنا.

يا مصخمة ميلي الكاميرا خلي أدحكِ شنو وضعكِ؟

حركت الكاميرا شهقت بيبي، أباوع الشقة متروسة دم.

نزلتي الجاهل يا الهتره، جعلكِ بالموت.

همس: لحن أمانة يمكِ.

غيث على قعدته ما تحرك يباوع لنا.

بيبي: ولك قوم البنت موته.

يطبها سطعش مرض، خلها تعفن، محد يندل مكانها.

ركضت يمه كمشت إيده.

الحقها خلي جماعتكِ ينقذوها بعدين أقتلها، أبوس إيدكِ غيث أختي حتموت.

ضحك بتعب وسحب إيده.

ولك ماتت! ماتت! شنو من قلب شايل؟

دنج على فونه ما همّه.

دخل أركان قمت رحت له.

أركان أسوي اللي تريده بس نايا.

أش بيها البلوة؟

راح تموت، خبر أصدقائكم خلي يرحون لها.

منهو يندل مكانها؟

بيبي: عشتوا تقولون حصلناها.

لا عرفنا بتركيا بس بالضبط وين ما نعرف.

قعدت متبنجة كامشة الفون واني أشوفها تموت قدامي.

قام غيث اجى أخذ الفون قال لها: أنكس موتة تستاهليها.

راح ابنكِ غيث.

انجعل لكِ لاحقته.

شوف الممه اللي اشتريتها له.

ما تستاهلي، قذرة وموتة أقذر، حتى دفن ماكو، لمن تطلع ريحتكِ بالتعفن ذاك الوقت يلقوكِ.

بردانة.

لسه البرد جاييكِ من تصيرن جوه الكاع ونرش عليكِ المي.

همست: غيث خايفة.

أباوع لغيث، ظل يباوع لها ساكت شوية ونزلت دمعته بسرعة مسحها لا أحد ينتبه له.

شمر الفون علي، شلته لقيت إيد نايا على الفون واقعة ومنتهية ما بيها نفس، صرخت ولطمت على وجهي، كمشتني بيبي وأركان أخذ الفون قال: لا حول ولا قوة إلا بالله.

لا لا أختي ما تموت، لا لا أركان سوي شي.

غيث.

وينها؟

ما أعرف والله ما أعرف، بإسطنبول بس ما أدري وينها. غيث ماتت ناي.

منهو يندلها؟ أحكي خل أخبّر يلحقوها.

وحدة ما أعرفها، صديقتها.

لج أحكيييييييي راح تمووووت!

اسمها غسق، إلحقها بلكي بعدها عايشه.

طلع فونه وطلع برا يخابر. سمعه يقول: كرم، اطلع وأفهمك بالطريق بسررررعة يا خوي.

كمشت الفون وكعدت. لميت روحي مقابلة الشاشة، عيني بناي أتمنى تتحرك. حتى دموعي نشفت بس جسمي يرجف. ماكو بحلقي غير: ناي قومي لا تتركيني.

أكثر من نص ساعة، حتى عيوني بعد ما أشوف بهن وهي ماكو فاقدة. لما سمعت بابها انفتح، وانشال الفون. بنية صغيرة وياها كرم شافتني سدت الفون.

قمت ردت أطلع ورا غيث، كمشتني بيبي.

ما تموت لا تخافين.

ماكو بيبي، منتهية.

قوية ترد، ما تخليج بروحج أعرفها. اقعدي ادعي ربي يردلها أرويحتها.

كعدت لميت رجلي لحضني شبه فاقدة، عيني بالباب. أش وقت يرد أركان ويقول عايشة؟

لنص الليل وماكو خبر. حتى أريد أقوم وأسأل ما أقدر، أخاف أسمع شيء مو زين.

دخل أركان، قمت أشرتله: شنو؟

مثل هاي ما تموت لا تخافين.

عايشة يعني؟

بس جاهلها راح، هي بخير.

أحس الروح ردت إلي، مو الها. بسرعة صليت صلاة بابا جان يصليها من يسمع خبر يفرحه.

لقيتهم يباوعولي صافنين. تركتهم وطلعت، كمشتني قال: وين يا وِلي؟

أتوضى أصلي صلاة الشكر.

عجل هاي شنهو العملتي؟

بغير دين هذا، دا أصلي صلاتي، وخّر.

يا وِلي ويين؟ لا تسوديني. لحّن خلي شيء على صخامج وطلعي.

رجعت أخذت شيلة بيبي خليتها على جسمي، وطلعت اتوضيت. رحت لغرفة ريحانة، هناك السجادة. دخلت لقيتهم نايمات. طلعت السجادة وقفت أصلي وأبكي، ما مصدقة.

خلصت دا أسلم، كعدت ريحانة. باوعتلي ابتسمت: طرّ الفجر.

لا بس دا أصلي صلاة الشكر، رجعت ناي للحياة.

عجل أني عش ما انطاني ربي وأصلي؟

بالجنة هو وانطاج ابنك عوض عنه، راح تشتمين ريحته بي.

وأني ما رايدة غيره. كل ليلة أنام بس حتى أدحگ شكله ما يجيني.

ما يريد يقهرج لأن يحبج.

اشتاقيتله كثير، حتى ريحته خلصت من الغترة بعد ما اشتمها بي وروحي لهفانة إله.

راح يجي ابنك وينسيج كل شيء ويرد ضحكتج.

ما ترد غير وأني بحضنه. قالتها وباوعتلي مبتسمة بكسرة.

حضنت الغترة وردت غمضت. حسيتها عاقلة ما بيها شيء. حمدت ربي وسجدت، بلكي ردت لعقلها خطية لخاطر ابنها.

كملت قمت ردت أطلع بس شيء سحبني الها. رحت اتمددت يمها، بطنها كبرانة. خليت ايدي عليها، رفس الطفل. ضحكت كعدت.

رفسني ابنك.

أبو دق بقلبي.

الله يعوضج ويصبرج.

ما ردت. غمضت، كمشت الغترة حيل. خليت ايدي ببطنها منتظرة بلكي الطفل يرد يرفسني.

إحساس حلو من تحس كائن صغير جوه ايدك يتحرك بعد ما شايف الضو، تحسه ملاك.

نمت وأني أضحك على حركته.

كعدنا على صوت سهيلة وهي تقول: قومي يلا عمي ينشد عنج حتى يوديج لهلج.

هسه جاية، روحي.

أي ريحانة، أش وقت تجيبين النغل اللي ببطنج؟

أم حمزة: اكتِمي لا أقوم أدوس حلقج. ابن ابني نغل؟ أنعل تربيتج.

وش عرفج ولد؟

بطنها مدورة كشفت عليها وعرفته جاي ياخذ التعب وحق أبوه.

اممم يجي بالسلامة، أخاف هم مثل ابن غيث.

ينجعلج مكانهم، قولي آمين.

راحت. قمت لقيت ريحانة كاعدة تمسح بالغترة، مطبقتها عدل وصافنة.

قمت حضنتها وبستها. باوعتلي عيونها مليانة دموع.

لا تهتمين للحجي، راح يجي ويكون لج سند ويكص لسانهم.

أم حمزة: إن شاء الله من حلقج لباب السما. رايحة بخاله؟

أي خاله، لهلي.

أحسن لج روحي يا خاله، بعدج صغيرة وحلوة، حرامات تضيعين شبابج ويا هيج عالم ما وراهم بس الموت والثارات.

ديري بالج على ريحانة.

بعيوني، هاي حرمة العزيز ما توصيني.

رجعت بستها وقمت طلعت غسلت وجهي. صعدت غيرت ملابسي، شلت شعري، لبست الشال عدل. نزلت.

لقيت عمي يبلس قال: استكان جاي يبوي.

تأمر عمي. غيث سافر؟

أي من الفجر راح يجيب حرمته. يلا تهيّري.

أي خلصت.

عجل جيبيلي استكان جاي تانطلع.

رحت للمطبخ دخلت لقيت سهيلة اتخابر. شافتني نصت صوتها.

ما اهتميت. صبيت جاي شلته وديته لعمي، لقيته كاعد يسولف. انطيته وطلعت بين ما يشرب أروح أخبر ناي أمن عليها.

دخلت لغرفة أم حمزة لقيتها ماكو.

ريحانة وين خاله أم حمزة؟

دخلت سهيلة قالت: راحت لبيت أهلي تشوف بنتها. شوي وجاية. رايدة منها شيء؟

لا بس ردت الفون دا أخبر أختي.

ههههههه أختج راحوا يجيبوها من قشتها حتى يذبحوها قدام السلف. أوف ربي عدالتك. وأنتي ريحانة ما تقومين، أربعة وعشرين ساعة كاعدة.

تركيها خطية مريضة.

منهو هاي مريضة؟ تضحك عليكن، علي ما تضحك.

ناطري ودحقي عدل عقل منهو الشاطح.

راحت جرت الغترة منها، أخذتها. قامت ريحانة صاحت: جيبيهااااا.

رايدتها؟ انزلي هينا.

راحت لها ريحانة، دفعتها وطلعت تضحك. راحت وراها تركض، دخلت للمطبخ.

أكو جلكان نفط، ركضت عليه، غطت نهايتها وشالت الجداحة، قالت: بس تتقربين أحركها.

ريحانة: لا بس هاي بقت من شاهين.

وحنا ما رايدين منه ذكرى.

أباوع لها واقفة بس دموعها تنزل، تباوع لها بترجي.

سهيلة: عش تبكين على الغترة ههههههههه؟ عجل دحقي شراح أعمل.

قتلتها وجدحت الجداحة ونهاية الغترة لقطت النار. ما أشوف غير ريحانة ركضت جرتها من ايدها وحضنتها حيل.

طلعت أصرخ: لحكونااااا عميييييي الحكنييييي.

أجوا يركضون من الغرفة وأركان دخل من برا صاح: شكووو؟

ريحانة بيدها نار بالمطبخ راح تحترك.

كلها اجت للمطبخ. دخلت وراهم وأشوفها دايرة الجلكان النفط على روحها وبيدها الجداحة.

عمي: يبه ريحانة، جيبي الجداحة يبعد أبوج.

راحت ريحته يبه، احترقت غترته.

ما يخالف، عنده غيرها أجيبها لج.

ما رايدة، رايدته إله. اشتاقيت له كثير.

ابنك يبوي، ابنه ببطنج. خطية جاهل يموت.

عجل ما خفت عليه من كسرت قلب أبوه عش عملت بينا هيج؟

ريحانة أبوج، جيبي الجداحة يبعد روحي.

أني مو ريحانتك، أني ريحانة شاهين.

سهيلة: أركااان. اندار لها من الباب الثانية.

اتقدم أركان قال لها: يا خوي انطينيها.

شاهين جان رفيقك ويحبك ما غدرك.

أعرف وحق كلام الله.

بالحلال يا خوي ما وطينا روسكم.

جيبي الجداحة يا خوي.

ما أريد أعيش بمكان ما هو بي، رايحة له أكمل ويا غادِ.

كلها بثواني اللي يريد يكمشها واللي يتوسل.

بلمح البصر جدحت الجداحة وثقبت النار بيها.

ماشوف غير النار ماخذتها وصوت صرختها ترست البيت.

ركض أركان يجيب بطانية وعمتي أم أركان كامشة سهيلة كوه تريد تروحلها.

عمي انخبص ما يعرف شلون يطفيها، يضرب بإيديه عليها. دخل أركان، حضنها بالبطانية ما تطفي لأن شبعانة نفط.

طلعت بره قمت أصرخ فزعت الشباب، دخلوا ويه أركان طفوها، شالوها وطلعوا يركضون بيها.

صار المصايح والعالم التمت.

بيبي وكعت وأم أركان طلعت بره اتلمخ بروحها.

قعدت يم الحايط، هبطت روحي وأنا أشوف المكان أسود من الحرك وريحة اللحم طالعة.

أقل من نص ساعة واشتعل البيت، انقلبت علينا أمة لا إله إلا الله.

دخلوا بنات بيت عمي أبو غيث ونسوان المنطقة، اللي يبكي واللي منتظر خبر، بنصهم سهيلة تلطم.

ضليت على قعدتي بعيني ريحانة هي ومشتعلة نار.

اجت رنو تركض كالت:

"قومي مي للعالم."

ما رديت، لميت روحي الرجفة كامشتني.

أسماء:

"ولك هاي خوثة وفاهية، وين سهيلة خلي تساعدج؟"

"يا سهيلة؟ البت محترقة إيديها ما تقدر تتحرك."

"سودة عليّ، عود رادت تحميها، ماخذة الغترة منها مطفيتها بالسنج وذيج الخبلة قايمة دايرة النفط عليها."

"كم مرة قنالهم ربطوها تعمل مصيبة، قسمتنا خيه. دروحي انخي سميرة خليها تساعدج."

"ما نلحق، دحقي العالم ترسو البيت."

"أنا لو أقدر جان ساعدتج، بس هاي حالي، خالج سقطني وزتني، ظالة بس أدحج ما أقدر أتحرك."

"لحننننن، قومييي يلا، بالقرآن أخبر أركان يرد يطرج بالنص."

اجت مرة كالت:

"تركها يا خالة، ما تدحجين وجهها شلون أصفر؟ البيت متخربطة."

"لا موش صفرة، هي تتدلع أصلاً. ريحانة متعودة لها كلشي، بس عيارة هاي."

"أنا أساعدجن، وين المطبخ؟"

"هينه يا لحن، شغلنا خطارنا وأنتي راكدة مكانج، يجي لولا إذا ما خليته يدوس راسج ما تتسمى بت أبوي."

سكتت عنهن، شلت راسي للسما أدعي ريحانة كون يلحقون عليها.

للظهر وإحنا ما نعرف أي خبر، لمن وقفت السيارات بره ونزلوا، أم حمزة دخلت للبيت ضمت وجهها وصاحت.

قامت سماهر شقت قلبيتها وأم أركان قامت تلطم على وجهها.

ماتت ريحانة وراح كلشي حلو وراها.

العالم تلطم وأنا عيني بالباب، شريط ينعاد قدامي من دخلنا أول مرة واتلقيتنا أنا وأركان تضحك، حضنتنا فرحانة بينا.

هنا أشرت لي:

"تعالي حتى أتراويني حاجات جايبتهن."

هناك تصب الأكل وشاهين يأكل بعنادها حتى يعصبها.

راحوا مثل الحلم.

دخلن أخواتها قعدن بنص البيت، قابلن أمها شققن ملابسهن ولطمن، الموقف يقشعر.

دخلوا عمي كامشيه عمامي منا ومنا يسحل بروحه للغرفة.

قامت مرته اتلقته، كمشت دشداشته من صدره:

"راحت بنيتي، راحت ريحانة البيت، راحت عزيزتك يا أبو أركان."

حضنها وبكى بصوت عالي.

قعد بالقاع قام يصيح:

"يبعد أبوج يا بوي، تصيحين من وجع الحرك، ما عرفت أكضبج أطفيج بروحي."

أبو حمزة:

"قول يا الله يا خوي، قدم."

"راحت بنيتي يا خوي، راحت أروحتي، هاي ريحانة اللي تنتظرني حد الباب لخاطر تستقبلني بضحكة، هاي اللي تقولي الله يقويك يا بوي."

"آااخ يا بعد أبوج يا بويه، كسرت قلبج ما رحمتج."

"ربي عاقبني وخذج."

أبو غيث:

"قوم يا خوي العالم منتظرتنا، تريد تدفن."

"خلص قلبي وأنا أدفن، عجل أش وقت يوصل سراي؟ أش طولك يا روح!"

"أستغفر الله، قوم يا خوي."

قوموا دخلوا للحمام، سبح وطلع.

نصبوا الجوادر بره البيت، انقلب عالم، تدخل روجات فاتحة كبيرة سووها، أول مرة أشوف هيج عالم لأن فاتحة شاهين سووها بيت أبو غيث.

رغم الحزن والعبرة شاقة قلبي، بس ريحانة تستاهل الواحد يخدمها ويستقبل الجايين لخاطرها.

قمت غيرت قلبية ولفيت شالي لورا ورحت إيدي بالشغل وياهن.

أمها اتخربطت، ودوها للمستشفى، كمشن الفاتحة أخواتها ما أعرف ولا واحدة منهن.

لليل فد وقفة، ركض ماي وجاي، الزلم طبخت بس الخفاف إحنا.

جنت واقفة بإيدي صينية جاي أوزع ودخل أركان شايل شي بإيده، اتلقوه يصارخون، صاح بيهم صوت رجّ البيت سكتهم.

سماهر:

"قول يا الله يا خوي، غير عزاء."

"بعدي سماهر، لا أدفرج وصيحي لحن."

"شرايد منها؟ قول يا خوي."

"لحنننننن."

ركضت رنو قدامي كالت له:

"جيبوه، أني أخذه."

"يول أنتِ خوّاثات لو قوم حيوانات ما تفهمن؟ قاعد أقول استغفر الله، لحن ويييينن؟"

تركت الصينية ورحت له، عيونه حمر تعبان، شال طفل صغير:

"خلوه يمك وعينك بيه."

"منين هذا؟"

"ابن شاهين."

نزلت دموعي، أخذته صغير كلش، حضنته وبكيت.

خلى إيده على راسي:

"ما أوصيك بيه، ابنهم لا تغفلين عنه، لمن تفرغ أم حمزة تأخذه."

هزيت راسي.

"يولي ما بيّ أحكي ولا ألح وراكِ، روحي كوه كاضبها وأحكي."

"شنو؟"

"حجابك لفي عدل، الزلم فايتة طالعة."

"مو لابسة أركان."

مسح وجهه بيأس وأخذ نفس.

أجه يمي، جره من رأسي، نزعه منّي ورد لبسني إياه عدل ولف رقبتي، شده من ورا:

"لا تنزعيه بعد."

"لا، شنو أنطي للطفل إذا بكى؟"

"أبوي حلبي و... أستغفر الله ربي وأنا إيش أعرفنيييي؟"

"لا تصارخ، الطفل يخترع."

"لحن، أخواتي ما توصلين يمهن، وأي بشر ما أريده يعرف أنا مطلقتج، سمعتي؟"

"أي."

"يلا أخذي الجاهل وصعدي فوق، لا تنزلين لمن تخلص الفاتحة."

اجت أخته رادت تشبكه، دفعها ودخل صعد فوق يغير ملابسه.

سهيلة:

"جيبي الجاهل."

"ما يرضى أركان، قال لحد يكمشه."

"أنتي منهووو وتحجين؟"

"أركان."

"أشِشِشِش، انكتِمي، ما نريده هو نغل."

"دخيل ربي، لعد صار ساعة تبكين ويديك محترقة، عليمن؟ أعوذ بالله منك."

"جدتي نشدت عليك، روحي تريدك."

رحت لغرفة بيبي لافة الطفل بحضني، دخلت لقيتها قاعدة على السجادة تسبح، قالت:

"جابوه؟"

"أي بيبي، بس صغير خطية."

"اتيتمت قبل لا تنده اسمهم يا جدة."

"سبحان الله، مات أبو بيوم زواجه وأمه بيوم ولادته، محد لحق يتهنى بالثاني."

"مكتوب علينا ما تعبر سنة إذا ما ندفن جزء من أرواحنا، دعوة وحدة مظلومة هججوها بليلة بدون قمرية، ما راح نرتاح أبد."

"شنو حتسموه؟"

"أسميه على الأمير علي، حتى يحمي أبو اليتامة ويظل يدحج عليه، هذا جبارتنا، جيبي ليه."

أنطيتها إياه وقعدت يمها، خلته بحضنها ونعت، بكيت من خاطري.

مسحت دموعها، باستها من رأسه ورجعته، أخذته خليته بحضني، بشرته ناعمة ما مبين من ملامحه لأنه أبو السبع أشهر.

ش راح تشوف من حياتك من غير أهل يحموك؟

ضليت قاعدة وياه ما نمت، صح ما قعد بس خفت عليه، حسيت ريحانة وشاهين يباوعولي خايفين على ابنهم.

لنص الليل فز يبكي، شلته هزيته ما سكت، قمت افتريت بيه هم ماكو.

خمس دقايق مستمر وهو صوته ناعم، خفت يصير له شي.

اجيت لبيبي لقيتها قاعدة مدنقة على عصتها تضغط عليها وتغمض بحرقة وتضربها بالقاع.

خفت أحاجيها، طلعت بره، احتاريت وين أروح بيه، صعدت فوق دقيت الباب على سهيلة، قالت:

"تعالي ماما."

"أنا لحن مو توتة."

"شرايدة لحن؟"

فتحت الباب لقيت أركان نايم بالقاع وهي على الجرباية، أشرت:

"ها؟"

"الطفل دا يبكي."

"وأنا إيش لي؟"

"ما جاية لك، أركااان!"

قمز قال:

"شكو يولي؟"

"دا يبكي."

"منهو؟"

"الطفل، بس هسه سكت."

"وشرايدة لحن؟"

"قوم جيب له حليب جوعان."

"لحن، الساعة وحدة الصبح، ارحميني من ثولك."

"لعد شنو أنطي؟"

"جاي."

"عزّه فرد مرة، قول قهوة."

خلى رأسه بين إيديه دنق.

وسهيلة:

"أي جاي خفيف قليل سكر، سكتيه للصبح، عجل شيجيب لك بهالليل؟"

سديت الباب وتذكرت الغيارات، فتحت الباب.

سهيلة اتربعت وأركان شال المخدة خلاها على وجهه.

"أركااان!"

"اشتعل أبو أركان، احكي يولي."

"أريد أغير له ما عندي ملف."

شال دشداشته شمرها عليّ، قال:

"بس خلصيني."

"ألفه بالدشداشة؟ وين تكفي؟"

"لا أقوم أجيب لك الجادر اللي بره هم يلا يكفيك، لحننننن."

"يلا ما يخالف، أسويها قطع وألفه، بس قوم وياي للمطبخ."

وباع عليّ صافن.

"إيش بيك صافن؟ أخاف أنزل وحدي والطفل جوعان."

سهيلة:

"البيت متروس حريم، تخافين منين؟"

"منجن لعد، أنتن سعالوا. أركان، يأخذون الطفل مني وهم أخاف وحدي، بسرعة بس أسوي جاي فدوة وارجع نام."

سهيلة:

"خلي مرتاح، أنا قايمة وياكِ."

"لا أنتي محترقة إيديك يخوفن، وشعرك منفوش، المطبخ ظلمة، قوم أركان."

"عود أضم جهرتي؟ لحن خلي الزلمة يرتاح له ساعة وراه قعدة ويه طر الفجر."

أركان:

"ضلت راحة؟ اطلعي يبه جاي وراكِ."

شلت الدشداشة وطلعت، وصلت للدرج أجه وراي جر الدشداشة لبسها.

"كل عقلكِ تردين تسوينها حظاين؟"

"الطفل اتبلل خطية."

"أنطيكِ الغترة، حجابك عش، هيج زايح."

"حتى الجني نايم هسه، منو يشوفني؟ ولا تحكي بصوت عالي عليّ يقعُد."

"جدتي سمته؟"

"أي على اسم الإمام علي."

"بلكي حظه يطلع أحسن من حظنا، انزلي يولي على كيفكِ لا توقعين."

أشرت:

"أي."

وصلنا للمطبخ سحب الكرسي قعد، خليته بحضنه ورحت خليت القوري على النار.

أباوع له، شاله اشتم رقبته وباسه، ظل يحرك بطرف إصبعه على خده، نزلت دمعته مسحها بسرعة.

"نربيه إحنا."

"أنا راجعة لأهلي."

"ترككِ مني، أنا مو خوش آدمي أعرف نفسي، هالطفل محتاج أم، محد يحن عليه ولا يحس بيه غير مثله."

"أم حمزة طيبة راح تعوضه."

"لمن تردين؟"

"حتى لو للشارع."

سكت ما رد، كملت الجاي اجيت يمه، شلت بالخاشوقة دا أنفخ، دخلت أخته الكبيرة، قالت:

"شجاي تسوون؟"

"دا أشربه جاي."

"يا أمي، ناويين تقتلون الجاهل؟"

"سهيلة قالت."

"نجعلها بالمرض ما تقوم، قولوا آمين."

"آمين."

"الجاهل سبيعي، وينه وين الجاي؟ ما عندكم حليب؟"

"بس بالبقر يصير نشرب منه."

"أي عفيه، من الجاموس جيبي له فرد مرة."

أخذت طاسة صغيرة أنطيتها لأركان، باوع عليّ أشر:

"شنو؟"

"قوم جيب حليب دنرضع الطفل."

خلى إيده على وجهه وأخته كوه ضمت ضحكتها.

"الله يهديك يا خوي، منين جبتها هاي؟"

أركان:

"قسمة أخوك الكشره، عجل ما تعرفيها."

"جيبي الجاهل، أنا عندي حليب بصدري دا أرضعه."

دنقت أخذته من أركان، خليته بيدها، قعدت على الكرسي ترضعه.

دخل طفل بالتسع سنوات تقريباً يركض حضن أمه، قال لها:

"جوعان."

"هسه حرمة خالكِ تزهب لك أكل."

"هاي اللعابة؟"

"انكتم وروح بوس إيد خالكِ."

أجه الطفل، كمشه أركان من رأسه باسه وقام جرني من طرف شعري وطلع، جارني ورا، طلعنا بره، دفعني قدامه، قال:

"ارتاحيتي هسه؟"

"شنو؟"

"يولي أخلي جيلة براسكِ وأخلص، بس فهميني يا أي طريقة تجين؟"

"رايحة لأهلي ما يحتاج تقتلني."

بعدني أحكي وعصر وجهي كمشت إيده.

"هالمرة سمعتها، الثانية أكضب لسانكِ أقصه، شعركِ ما يطلع لا أزينه صفر لك."

دفعت إيده.

"ترا طفل."

"وهذا الطفل عنده لسان يتحكي بيه، يروح لغادي ويقول لهم عند القرن حرمة ويقعد يوصف، لحن، صبري نفذ وياكِ، على ساعة أسوي لكِ عاهة أكسحكِ بيها."

"شعركِ ضميه، لبسكِ عرضيه، وجهكِ امسحيه، ليش ما تحبسيني مو أحسن؟"

"والله أفضل حل وياكِ من هنا لحد ما تخلص الفاتحة."

فتحت عيوني.

"عيونكِ لكِ، وهذا شالكِ إذا دحقتُه نازل شوي أشوهه لوجهكِ، سمعتيييي؟ يلا ادخلي جيبي الجاهل."

دفعني، دخلت للمطبخ، أفرك بمتني من الدفعة، لقيت الطفل بعد يرضع، باوعت لي ابتسمت ودنقت.

لبست شالي عدل:

"خلص لو بعده؟"

"أي شبع، بس لازم أغير له، هذا بعده لحم، راد له عناية كثيرة."

"تجين لغرفة بيبي؟"

"لا، نروح لغرفة أمي، هناك أغراض جهالي."

قامت رحت وراها.

جان أركان بره واقف بالمزرعة يدخن.

شافته اتحسرت، قالت:

"ولا رف قلبه ولا يسامح أبد."

"هو ما عنده مشاعر، واحد ظالم."

"موش ظالم بس قلبه قوي يكتم بيه لمن يكره، رباه بدعة على الكسوة."

"صدق قاتل وحدة منجن؟"

"منهو قال لكِ؟"

"سماهر قالت لي وقالت يجي يوم ويقتلكِ أنتِ وأختكِ."

"لو هيج القتل سهل جان قتلوا أمها، موش تركوا ديرتهم وأجوا هنا يتسترون، بس الظاهر أنتن لاجمات قلبها وتتمنين يوصلكن السرة."

"يعني قاتل صح؟"

إحنا نحكي وأجانا صوت أركان، قال:

"شكو مسطورات هنا؟"

جرتني أخته ودخلنا للغرفة بسرعة سديت الباب.

خلته يم الصوبة، كان عندها طفل أقل من سنة نايم.

فتحت عليه غيرت له، شالته شمته وبكت، قعدت أمها على صوتها، قابلتها أخذته خلته بحضنها وقامت تنوح.

اليوم المصباح مالها، عندهم بالعاده يروحون.

طلعنا من الفجر للمقبرة، وصلنا كانت خاصة بيهم.

لافة عليّ بطانية، خايفة عليه من البرد.

وصلنا لقبر شاهين، كانوا تارسينه ورد ومقابيله قبر ريحانة، بعده قاعه مبللة.

أجه عمي أخذ الطفل مني، خلاه بين القبرين وقعد يمه.

أمنيتهم اتحققت، انجمعوا أخيراً، إيش قد لاقوا صعوبات وما قدروا بالدنيا ربي حققها لهم بالآخرة.

ابنهم بينهم صاير منظر يفجع.

جوه التراب ما ظل بس خيال ضحكتهم وشقاهم قدامنا.

ما تحملت المنظر أحس قلبي يحرقني.

رحت قعدت.

بعيد لميت روحي أشهق بسكتة وأنا أسمع صوت بجيهم ترس المقبرة، وخيال ريحانة واقفة ويمها شاهين يباوعون لابنهم.

خليت إيدي على قلبي أفرك بيه مغمضة أسمع أركان يحكي بصوت عالي.

فتحت عيوني لقيته جاي لجهتي، غترته على متنه وبيده فون يخابر، بس تعبان كلش وعيونه حمر دم. وصل يمي وخر الفون كال:

"بس أعرفج جذبتي أدفنج بصف ريحانة."

***ناي***

جسمي خدران وراسي يفتر أحس أحد يضرب على وجهي حيل، وصوت غسق يمي وهي تقول:

"ناااي، اصحي بسرعة."

فتحت عيوني كوه أشوف وجهها.

"ناي، ناااي، اصحي ولج راح ترحين بيها يمعودة قومي."

"وين أنا؟"

"بعدين أقولج وين، بس قومي وياي ناي فدوه صحصحي ولج راح يوصل."

خليت إيدي على بطني أتلمستها، باوعتها بكسرة همست:

"راح مو؟"

"أكو بعد واحد ببطنج، جنتي حامل بتوم."

قمت بسرعة حسيت ظهري طق والدنيا افترت، رجعت خليت راسي على المخدة، الدموع اتحولت باللحظات من قهر لفرح.

"غسق، لا تجذبين عليه أبد، أبدعت أبوج."

"والله حامل بتوم جنتي، واحد راح والثاني تعبان، الجارة مفطومة لازم ما تتحركين لأن خطرة حالته، بس ما عليه، بس محد يدري، ما قلت لكرم حتى لا يوصلها لغيث."

"غيث وينه؟"

"ولج جاي، قومي هسة خبر كرم كله بالمطار، بس نبرة صوته وطريقة كلامه خوفتني، أسمعه يكله عينك بيها ساعة ويمك، هاي إذا صحت تنهزم."

"خايف أنهزم مو؟ والله لأدبك."

"لا حبيبتي هو الراح يأدبج، بباله إنتي متعمدة تنزلين الطفل، يكله وعمة السادة لأندمها وأطلع السوته من عيونها، لأخليها تتمنى الموت وما محصلته، بس جان يذكر اسم وحدة مو أسمج."

"أمه؟ هذا انجن، راح يطلعهن بيه، ماضيها والحاضر مالتي. الناقص، جنت أريد أموت ميتة خوف، أقوله بردانة، يكلي البرد تلكيه جوه التراب من أرش على قبرج مي."

"ناي، مو وقت حجي، كوه قدرت أخلي كرم يروح للكافتريا يجيبلي أكل، قومي طلعي منا بسرعة ما ضل وقت."

"وين أروح ولج، إندلوا مكاني؟"

"على شقة صديقة عمة، هناك رويدة منتظرتج، وخبرتهن بس استعجلي."

"ما أقدر أقوم والله جسمي خدران."

"أنا أساعدج بس إنتجيه علي، راح أوديج للحمامات ومناك إنهزمي حتى محد يمنعج من الخروج."

قمت كوه بملابس المستشفى، ركضت جابت ملابس غيرتلي ع السريع. راحت للباب طلعت تتأكد وإجت تركض كومتني، أريد أتحرك الدنيا تفتر وأتسود.

"ناي، فدوة اصحي مو وقتج."

"بس على كيفج ما أقدر أمشي بطني دتتقطع من جوه."

"لعد خليج هنا جايج ويعلمج، والنبي هالحركة الشايلها بكف واحد ينيمج بالقبر، ناي لو سامعة صوته وهو يحجي بدون لا تشوفين وجهه تنجلطين من الخوف."

"منين نطلع منا لو منا؟"

"تعالي منا بس أمشي حيل شوية."

"كرم راح يعرفج إنتي اللي مشردتني."

"لا لا راح نوصل، هيا ته الباب، أخليج وروح يمه للكافتريا أكل حتى لا يحس، لا تخافين أعرف أدبر روحي."

أحرك رجلي كوه كل شوية أريد أوقع، عل ما وصلنا للباب روحي خلصت.

كعدتني على الاستراحة وكالت:

"داخلة إنتي، أجري تكسي، ما أقدر أتأخر أكثر، وهذا فونج راح أحولج العنوان."

دخلت تركض وأنا عيني بالباب أخاف غيث وصل.

إنتجيت وقمت كوه، وقفت ع الشارع، إجت تكسي أشرت لها بدون لا أقوله وين، صعدت خليت راسي ع الكشن، حرك مشى شوية لقدام، إجاني مسج بالعنوان راويته إله وأغلقته.

غمضت وإنتجيت راسي، إيدي على بطني، دموعي تنزل من الفرح.

وصلنا للعماره وقف، قلت له:

"بس أصعد وأنزل لك الكروة."

نزلت من السيارة، دقيت الجرس، العمارة ع الشقة، فتحت الباب دخلت، صعدت كوه جان طابق ثاني أحس بطني متشنجة.

وصلت للشقة استوني أدق الجرس وإنفتحت وحدها، لقيت رويدة قدامي ضحكت حضنتني.

"الحمد لله على سلامتك، عود مسويتلج مفاجأة البارحة ودا أجيك تالي فاجأتيني بشي أكبر."

"ولج سنديني ما أقدر أوقف."

"تعالي داده، صاير بيج ليش وكع الطفل؟"

"طحت ع الدرج بسبب الغثيث، اكتشف مكاني."

"وهاي أنتم تظلون مثل الفأرة والبزون، أوقفوا أتواجهوا."

كعدت على فرشتها، ذبيت القمصلة، نزعتني الحذاء، شالت رجليها خلتهن ع الفراش، وخلت مخدة جواهن، اتمددت غطتني.

"تريدينه نتواجه؟ تذكرين غيث قبل لا أجي إشلون؟ هسة وضعه مضاعف بالأخص بباله أنا نزلت أبنه حتى أطلق غيابي."

"عزة بعينج، ولحد متى تظلين هيج؟"

"بعد ما أطلع منا لمن أولد انتهت، وراها الله كريم، بس نزلي حاسبي السايق."

قامت طلعت وأنا عدلت المخدة ورا راسي، غمضت من التعب، دخلت سدت الباب إجت يمي كالت:

"وين غسق؟"

"ما أعرف، ظلت بالمستشفى، خبريها شوفيها وين وشسوت، أخاف لقفوها، هذا خبل يأذيها بدون لا يحس."

"ولج ملابسها يمج أكيد حيعرفون."

"أي مو هي غبية مثلج، احترامًا لحضرة غبائج بس محضرة كلشي قبل لا أكعد، يلا خبري دا أشوف."

"محد يدري بيه وصلت لتركيا."

"حلو، لعد قوليلها أنا بالمطار استوني وصلت تعالي علي لأن نسيت مفتاح الشقة."

اتصلت أول رنه وإجى صوت غسق كالت:

"ما فارغة بعدين أخبرج."

"غسق أنا وصلت تركيا بالمطار هسة تعالي لأن نسيت مفتاح الشقة بالعراق."

"الحمد لله على سلامتك، والشقة بيها طالبة تلكين وصلت البارحة، روحي دقي الجرس تفتحه الج، ما فارغة أجيج خلي أشوف المصيبة الصارت."

"شكو شصاير؟"

"ولج رويدة، ناي اختفت سقطت طفلها وانجنت عليه، وهسة ما نعرف وينها."

"عزة وين تروح قابل؟"

"ما أعرف ولج، تركناها دقيقة جانت فاقدة بسبب البنج، رحنا دناكل أنا وكرم، رجعنا مالقيناها، هم عدها صديقة أحد تعرفه؟"

"ما أعرف هي منو تعرف هنا."

"المشكلة ناي ما تنحزر، ما تعرفين إشكد مصادقة روحها رياضية، كل اللي تشوفه يصير قريب."

"يجوز ما طلعت بالحمامات."

"غبائج، وفري أكلها اختفت، تكلي حمام؟ ولج غيث من وصل لهسة ما خلى واحد ما خبره، دزززز سمعتي؟ دز جماعته بكل مكان، روحي يلا دا أخبر جود بلكي يعرف أحد قريب منها."

سدت الجهاز وباوعتلي رفعت حاجبها.

"صديقتي الكفو هاي وصلت مسج بدززز، يعني احتمال حتى هنا يجون."

"لا محد يعرف مكان عمتها، أصلاً مو أنوب صديقتها، وهاي استوها مشترية الشقة تريد تستثمرها للطلبة هي عايشة بافيون."

"تمام، قفلي الشقة وطلعي دوري وياهم، حتى يتأكدون ما تعرفين مكاني، وخليج شوية قلقة لا تفضحيني."

"أجيب لج شي تاكلي؟"

"أي والله أحس بطني خالية."

قامت جابتلي لفة ولبست طلعت بالبرد، خطية ربي رزقني بأصدقاء يسوون أهلي ألف مرة.

أكلت شوية ونعست، إشكد ظهري يوجعني بس من أتذكر لازم أظل عليه، ما تحركت أتحمل كلشي بس أحافظ عليه.

بالليل كعدت على صوت البنات دخلن وياهن بعد كم وحدة بس أجنبيات جانن، أسرة كل غرفة بيها أربع أسرة.

إجت غسق تضحك كالت:

"دمرت لج شخصيته."

"عفية بالكفو إشسوى الغثيث؟"

"أووي قولي شنو ما سوى، ولج يعصر إيده ويعضها بكل حيله عالحركة، والله إذا كمشج يسويج أربع وصل."

رويدة:

"ليش ما ترجعيله؟"

غسق:

"يا ترجعيله مخبلة، يخابر أركان يكله خلوا الجوادر لا تشيلوهن بس ألقفها أذبحها."

رويدة:

"عزة ناي، صدق يذبحج؟"

"أي مخابيل يذبح ما عنده مانع، أركان قاتل أخته ما أعرف على شنو، بس عادية الشغلة عدهم ما يهتمون."

"وهيج تحجين ببرود؟"

"لا يابو راح أموت، ضمنيني خايبة، ما تنجبين وتولين عني، وإنتي الضلعة ما عرفتي هذا شيطان يراقبجن، إشلون إجيتن لهنا؟"

"لا حبيبتي رحنا لشقتنا من الغروب، أمناهم ما طلعنا لمن شفت الساعة عشرة والشارع فارغ ما بيه فأرة مو بشر."

"عفية بالذيبة، علاجي شنو؟"

"سكتي، كوه بكت الوصفة أخذت لها صورة خفت أخذها ويشكون."

"الكفو راح أكافئج، أزوجج جود."

"أبوسج والله، ولج راح أدز وحدة من البنات تشتري، ما يتأمن هذا رجلج شاك حتى بروحه، يباوعلي صفح ومن أحجي يزغر عيونه خلاني أتيه حلقي."

"بالج ما شاك؟ لا حبيبتي بس قولي يريد يتأكد حتى يسوي مداهمة يسحلنا."

"عالموت معك عالموت."

رويدة:

"..."

والله مو عاقلات انتن، أروح أسوي عشا أتعشى وأنام، هواي أحسن.

:- بعدج تشتغلين ويه كرم؟

:- لا، تركت الشغل.

:- لا دخيلج، روحي وجيبيلي الأخبار لخاطري، ولج شلون نعرف تحركاتهم؟ أخاف يكشفون مكاني، والله عقوبتي ياخذ ابني مني، أدري.

مر الأسبوع وأني ما أتحرك بس للحمام، وهنه ما إجن أبد. مرتين دزّت غسق بيد عمتها أكل، أكثره معلبات، وشكو شي أعتازه. تقريبًا حالتي صارت أحسن ويه العلاجات.

عسى أن تكرهوا شيئًا وهو خيرٌ لكم. بگد ما بجيت وضاقت الدنيا بعيني بروحة طفلي، بگد ما فرحت من عرفت السكر تقريبًا أتحسّن وضعه شوية.

غيث أكثر من مرة داز جماعة يتأكدون من مكان البنات، أخاف موجودة وياهن، ما تركهن لمن أتأكد ما يعرفن أي شي عني نهائيًا. عاد أمنت وعرفت أستبعدهن وبلش يدور بغير أماكن. دفعن إيجار غرفة الطلبة لعمة غسق وصارت النه.

شرحت حالتي للطالبات، هنه بس اثنين أتعاطفن وحلفن يوگفن وياي وميخلن أي مخلوق يعرف عايشة وياهن. بيومها نص الليل طلعنه أني وغسق رحنه حتى أكون أكثر أمان بينهن وهم أعتاز أحد يساعدني لأن الگومة والگعدة صعبة عليه.

نومتي على ضهري وتعبي ما منعني أكمل هدفي وأقرأ، كلما تمر ظروف أعرف أنو الشهادة هيه اللي راح آخذ ثاري بيها.

رويدة ويه كرم ردت تشتغل حتى تعرف الأخبار، كلما ترد نتلاگاها تسولفنه ع اللي يصير ويزيد خوفي أكثر من تحجيلي على غيث شلون متخبّل ومتحول إنسان متحيوّن هو وجماعته، ما خالين لا منطقة ولا مكان ما يدورون بي.

وكت المغرب نايمة وغسق تقرا بصوت عالي حتى أحفظ وياها الآية. دخلت رويدة تركض، كالت: ولجن سمعن الصار!

غسق:

- شكووو؟ أحجي لا تگولين غيث كشف غبائج.

- وخري، دأگعد أول. ولا أمني من يشوفني خايفة وأشارك وياهم بالاحتمالات، مستبعدني وهم يگولون مامعقولة ناي بهالغباء تظل يمي كل هالقرب.

- أحجي وتركي ذكائج الزايد بالاكتشافات، شصاير؟

- سمعن، دأنظف بالمطعم، دخل غيث شارب بس مكثر مبين. گعد على طبلته، سارة وياه طلبت قهوة ورث جگارته. ما أعرف شكالتله سارة وهو اتخبّل. أنوب گالتله: انساهااا، تركتك ليش متحس؟ ما نشوف غير گام شال الطبلة رگعها بالگاع فلشها. رد على سارة جرها من شعرها، كتَلها كتلة گوه طلعوها من ايده.

- حيل، بعد ايدي.

- بس هيج؟ اسمعي الصار. شال نرگيلة، لا خلى جام ما كسّره، لا خلى طبلة ما فلّشها، انجن مو أستاذ غيث هذا اللي تشوفيه. ما بطّل لمن دخلوا الشرطة كمشوه، ظل تلاوه وياهم. ضربوه يجعب السلاح على رأسه، گعد بالگاع كامش رأسه، عاد گدروله كلبشوه.

- وبعدين؟

- بجيت عليه والله. ولج يريد يگومه الشرطي، يگوله: أكتلني بداعة غواليك ارحمني. ولج دمعته نزلت، عيونه صارن حمر، يمسح بمتنه وترجع تنزل. گوموا أخذوه گوه وطلعوا.

هيه تحجي وأني ايدي على گلبي، حسيت بغصته وقهره. دموعي نزّلن بدون لا أحس. كالت غسق: ولج خطية رجعيله.

مسحت دموعي:

- راح ياخذ ابني، وإذا ما كتَلني راح يخليني بغرفة حتى ضوه ما بيها جوه الگاع.

- يحبج ولج، ما يأذيج.

- فات الأوان هسه، بعد ما يشوف غير دمي وكرامته. راح يعذبني بابني، أعرفه راح يطلّع ماضي امه بيه.

- ابنج إذا صار شلون؟

- خليه يجي، والله كريم. رويدة اتصلي بكرم شوفي شلون صار، أخاف يسوي بروحه شي.

رويدة:

- خبر جود راح وراه للمركز، وسارة أجه أبوها أخذها لأن وگعت متخربطة.

- أريد تسويلي صفحة على رقمج حتى أخابر لحن براحتي، الرصيد يكلف.

- تخبرين لو تراقبين غيث؟

سكتت. بالفعل اشتاقيتله وگلبي يرف يريد بس يشوف وجهه ويسمع صوته. أجذب على روحي من أگول أبعد وأنسى، كلما يذكرون اسمه گلبي يدگله أكثر.

سوتلي صفحة على رقمها، لليل كملنه دراسة، الكل نايم. شلت الفون دخلت على صفحته على حطتها ما ناشر شي جديد.

گلّبت صوره، كل صورة تشوقني اله أكثر. غمضت عيني، شگد مشتاقة لحضنتك. شلونك بدوني؟ أدري هم مشتاقلي، بس أعرف رجعتي راح تظلمني بيها وتخليني أكرهك وأندم.

دخلت صفحتي القديمة حتى أخبر لحن وأگلها عالجديدة، لگيت كومة مسجات واصلاتني من غيث، اللي يتوسل أرجع واللي يتوعد.

قريتهن، دموعي تنزل وضحكت بنفس الوقت. متناقض، گلبه يحن وعقله رافض هالشي.

كتبت:

مشتاقتلك بگد حضناتك وحبك بگلبي. أدري أذيتك بس أنت أذيتك أكبر إلي. غيث انساني بداعة كل كلمة حب صادقة جانت بينه. أحنه طريقنه مختلف من البداية. لا آني أگدر أعيش وياك ولا أنت تتقبلني بعيوبي. أعرف تتمنى موتي وأدري أستاهل، بس گتلك أرجع بس گول منو همه، ما رضيت. أنت اللي وصلتنه لهذا الطريق. أعرفك جنت ناوي تعقد على أسماء وتسجل ابني باسمها، أعرف شكو شي جان يدور براسك لذاك، بعدت وكتفيت بيك كذكرى. تدري گمت أگدر أنام بدونك، گمت أضحك من أذكر اسمك بعد ما أبجي.

مسحت أدموعي ورجعت كتبت:

اكتشفت الغياب حل كل مشكلة بينه. بعد ما أحن لحضنك ولا گلبي يظل مخنوگ إذا ما أشكيلك همي.

غيث أعلن موتي گدام أهلك وطلّقني غيابي، كافي تدور وراي ما راح تلگاني. ربي يوفقك بحياتك ويرزقك بالطفل والبيت الدافي الجنة نتمناه.

دست إرسال وضميت الفون بحضني، أحس روحي اللي دزيتها مو مسج.

رويدة:

- شبيج ناي؟

- أتمنيت حياتنا عادية مثل كل اثنين، أتمنيت بدل ما أبجي وخايفة منه يكمشني أركض لحضنه وأشكيله من مخاوفي.

- يحبج والله.

- وأني أتنفسه، بس طريقنه مسدود. بدل ما يحضني راح يعذبني، بدل ما يسمعني وأني أسولفله وجع غيابه عني راح يزيد الوجع وياخذ ابني.

- أحجي بس لا تزعلين.

- أعرف السويته صح وغيث شغله مو خوش، وإذا ما أنهزمت منه هسه راح أتندم طول عمري، أصير عبدة لبيت كله ظلم ما بي رحمة.

- هواي نصحج جود.

- لو سامعة نصيحته جان هسه لحن جوه التراب. ميخالف أتحمل كلشي ومستعدة أعيد الغلط للمرة الألف وأظل طول عمري مهزومة، بس أختي تظل عايشة.

- وجع گلبج.

- أتعودت أعيش بعيدة عن اللي أحبهم، أتعودت أخلي راسي عالمخدة ما أغمض إذا ما أسولف وياهم كلهم بخيالي وأضحك چذب حتى لا يحسون بوجعي.

- راح يجي ابنج ويعوضج.

- ما راح أحبه أبد، راح أكرهه. وكل يوم أدعي عليه حتى لا يتركني ويطول عمره ويظل بحضني.

أحنه نحجي وگعدت غسق على صوت فونها، قامت شالته فتحته، قرت شي وعگدت حاجبها باوعتلي.

- شكو شبيج؟ شوصلج؟

- مسج وصلني باسم عاشق أخوج.

- شنو عاشق؟ شمكتوب بالمسج؟

- لحگي ناي، عاشق راح يطلع ويه أصدقائه ويتركج---

***لحن***

گمت ما مفتهمه، حجه من بين أسنونه:

- ناي وين؟

- شنو؟

- لحن وداعة تراب أختي إذا ما حجيتي وگتي وينها أدفنج يمها.

- بالمستشفى من البارحة.

- بالمستشفى؟ دحگي يولي لا راح أطگج ولا أحجي وياج من الأصل كلمة ورد غطاها. تگولين وينها، تردين وياي تنكرين مثل كل مرة وتطلعيني جاهل گدام أخوي، أردج لهلج.

- وأني ما أريد أرد وياك، مو لأن ما أريد أنطيك مكان أختي، لأن وروح عاشق ما أدري هالمرة صدگ. بس لو تنقلب أنت وبيتك من ذهب ما أباوعلك بعد، لو أعرف أهلك وعيشتكم هيج جان ظليت بالشارع ولا نخيتك.

أجه أبو أركان كال: شكوو يبه صوتكم؟

ما رد، عينه بيه والفون على أذنه، اكو واحد يحجي وياه مستمر. تركنه وراح بسرعة لجهة السيارات، صعد سيارته وشحطها.

أبو غيث:

- ذني راح يسودن وجهنه. ودها لبيت أهلها وجفينه شرها، خلنه بمصيبة ذيج كافيتنه.

- خير شصاير هسه؟ غير نعرف.

- ما صاير شي يخوي. أخذ البت وردها لأهلها قبل لا زلمتها يرد ويجتلها ويعمل مصيبة.

- شنهو هيج السالفة چايدة؟

- أي وبيها گص ارگاب. ما طول ابنك راح استعجل قبل لا يرد.

- عمو، توديني لبيت أهلي لو أروح آخذ تكسي؟

أبو غيث:

- أني أوصلج، أمشي وياي.

أبو أركان:

- وين يخوي؟ غير نتفاهم ويه أهلها، تراها جانت دخيلة وأحنه دكينا صدر وخذيناها.

- أني أحجي وياهم. ذني ما متربايات وراح يطينن روسنا، مبين تربية غجر وما عندهن چبير.

- لا ما رضيتها، بنات أوادم والنعم من تربيتهن. عاشن عندي وعرفت طينتهن. بس يخوي الدنيا ما تخلي بشر بحاله ورهن الوكت ور..

- الزلمة من أشوكت طلقها وگلتوا لأهلهن؟ وينهم حتى لحمهم ما يندلوا؟ شمناطر من هيج عالم؟ أصبحت البت مسوية مجسورة لو منهزمة، المن نعتب؟

- لحن ما تنهزم، تربية ايدي وبيتي، هو بيت أبوها من أول ثانية خشت بي وأحنه أهلها، محد يتعتب غيرنه.

- يخوي لا تبلينه رحمة لولدك، كافينه مشاكل. وأنت يابوي ترحين لهلج، لا تظلين منكتمة تره ابنه مطّلگج.

سماهر:

- طبعًا ترد، عجل من تعرف الناس وتجي تسأل بت مطلّقة خاليها يمنه، شنهو وضعنه؟

أبو أركان:

- محد يحجي نص كلمة. البنت بنتي وأني المسؤول عنها، والما راضي يهطر رأسه بالحايط.

باوعت لعمي أبو أركان، أشرت لا.

- يا بوي مالج شغل بالحجي، أني أبوج وبيتي بيتج، واللي يحجي وياج نص كلمة أدفنه.

- ما أريد أبقى، أريد أرجع لبيتنا.

- يجي زلمتج وهو يردج بيده.

- لا عمي أبو غيث يوديني، عمو فدوة خليني أروح كافي السمعته.

- وروح گبر بنيتي، أنتي بمعزتها. وأخاف تشوفين أركان خبل ويطفر يتهدد عليج، تراه جذاب متسودن بيج، واللي بي حظ ابن سباع يگرب صوبج وتراب ولدي يدفنه.

- ما أريد ابنك بعد وهو طلقني.

- طلقج وأكل تبن، كل إشوية جاي يبوس ايدي لخاطر أرضه أردج إله، بس أني المانع هالشي لأن أريد أجر أذنه لخاطر يتربى ويبطل رعونة.

- ما أگدر أعيش وياكم، الكل ديهين بيه.

- يخسى اللي يجيب طاريج، تسوين روسهم. ما عليج منهم، زلمتج شرالج بيت وگاعد يجهزه لخاطر ياخذج تعيشين بعيد عنهم.

- هو كال بعد ما أرجعج، روحي لهلج.

أبو غيث:

- وبالفعل ما يريدج، تورط بيج. دگ صدر وتندم، بت حتى أهل وعزه ما عندها، متفاشلين ويه العالم من يسألون على أنسابنه منو.

أبو أركان:

- ما رضيتها منك يخوي، ذني يتامه. عيش هيج تحجي، تراك عندك حريم وكسر الخاطر جبير يم ربك.

- يخوي بالقرآن مسود وجهي گدام العالم، وحده منهزمة وحده مطلّقة، وماكو واحد من أهلهم طلع يسأل وين بنواتنه. تراكم زوتوها، كافي. وأنتي يلا.

أشرت أي.

أبو أركان:

- شنو أي ما تتحرك؟

أبو غيث:

:-العالم ضَحَك، يخوي لا تطوّلها وهي قصيرة. البت طردها زلمتها، قال ماريدها ببيتي، ولا راح أردّها لذمتي، إيش كاضب بيها؟

:-موش بكيفه يطرد، هذا بيتي.

:-يخوي ما اختلفنه، خليني أرد البت لبيت أهلها، ومن يرد أحجي وياه بلكي ينكسر خاطره ويقول ما عدها أحد، بذاك الوكت أنا أروح وياكم أطلبها من أهلها مرة ثانية.

راد يحجي عمي.

:-كافي يخوي رحمة لدينك! الفاتحة تاركيها ورانا وضالين نتكاون لخاطر هاي! خليني أودها لأهلها بين ما تتفاهم ويه زلمتها. أقول لك طردها وأنا واكف، قال ماريدها ردوها، بعد إيش مناطر متكلي؟ وأنتِ فضّينه يلا.

باوعت لي أشرت "أي".

جر راسي باسه، قال: الله يحميكِ يا بوي، روحي لهلِك بس أصل وأشوف إيش بلاه زلمتك تسوّدن إيش هيج عمل.

:-لا تحجي وياه عمو، أنا بعد ماريد أرجع له. شكرًا على الأيام اللي استقبلتني بيهن.

:-لا بيوي، هذا بيتج. إشوكت ما ضاقت الدنيا بيكِ تعالي بدون لا تفكرين. بيت أبوج مفتوح.

ابتسمت، صعبت عليّ نفسي، العبرة كمشتني، ما حجيت، خفت تنزل دمعتي وأنكسر أكثر. رحت بدون لا أرد. قلبي مخنوك، صدري ضايق.

حتى بيبي ما ودعتها قبل لا أجي، ما عرفت راح يصير وياي هيج. وصلنا للسيارة، صعدت بالورا.

صعد أبو حمزة لأن بس هو يندل بيتنا. شغلها طلع بينا.

قلبي نغزني، خليت إيدي عليه: إجيتك حتى تحميني، تاخذ قلبي وتردني؟

لحن، لا تحنين عليه. اللي يعرف ما عندكِ أحد ويتخلى عنكِ، هذا حتى ما يستاهل تذكريه.

خليت راسي عالجام أباوع للطريق، إيش سويت بروحي؟ إشلون راح تكون حياتي بعد الصار؟ راجعة لنقطة البداية بعد ما محيت حتى مكانها.

أباوع لأبو حمزة الضحكة بحلقه، فرحان ولا تقول ابنه اللي كان يمه من ساعة، هاي بس لأن رادني لأهلي. هم اكو بشر هيج الحقد عاميهم؟

على طول الطريق والرجفة بجسمي.

خايفة من رد فعل عمي وابنه، خايفة يرجعني لخالي، ووقتها صدق حكمت على روحي بالإعدام.

لو ذاك اليوم ما جاي ولّا داخلين علينا وذبحوا أهلي، جانت ما عشنا كال هالقهر.

باوعت للسما: ربي سلمتك أختي وروحي، أنت تحمينا، خلقك ذلونا وكسرونا.

وصلنا للمنطقة مالتنا. دخلنا بالشارع، مكان اللي كان أركان واقف لي بيه وأنا إجيته أركض فرحانة باللي يحميني.

لو أعرف الذل اللي شفته منك والندم اللي حسيت بيه، فلا خطيت هيج خطوة.

وقف بالباب، قال: نزلي يلا.

فتحت الباب نزلت، تفل وراي وشحط السيارة راح. ضحكت من هيج ربي أخذ منك شاهين، حرمات بيك.

رحت للباب وقفت: شنو هسه أدق؟ أظل بالشارع؟

شكلهم رحت خزيتكم ورجعت لكم.

قعدت يم العتبة، لميت رجليّ لحضني: وينك بابا؟ تعال شوف بناتك، وحدة يركضون وراها يردون يذبحوها، والثانية بالشارع محتارة وين تروح؟

مر وقت وأنا قاعدة صافنة إيش أسوي. انفتحت الباب، قمت بسرعة. طلعت بيبي بيدها علاكة مسواك.

شافتني بجيت ورحت حضنتها. قالت: إيش ردّج يا بيبي؟

:-طلكني وأهله شمروني بابكم.

:-سودة بوجهي! ولج روحي أي مكان لا تجين هنا.

:-ما عندي غيركم وين أروح؟ صار ساعة بيبي قاعدة والله محتارة وين. بيبي مخنوكة راح أموت. ضعنا وانكسرنا، محد يرحمنا.

:-دتعالي وياي بسرعة لا يعرفون رجعتي، بعد ما أقدر أخلصك منهم، إحميها يا العذراء.

:-ليش إيش صاير؟

:-ولج عمك من البارحة خبر خالك كله: تعال أخذها، اتطلقت. رد بس توصل خبرني.

:-عزة بعيني يموتني هذا، وين أروح بيبي؟ فدوة أروح لكِ خلصيني.

:-دتعالي بسرعة لبيت أم سروان، اركضي قدامي ما بيه أمشي قبل لا يطلع أحد ويشوفكِ.

سدت الباب عالكيف وكمشت إيدي. البيت كان بعد عنه بيتين، رحنا عالسريع. وصلنا يمه مفتوح لأن مرة كبيرة ما تقفله، دفعته ودخلت، سدته وراها. طلعت أم سروان قالت: ها داده أم أرزيد هاي أنتِ.

:-أي عيني فدوة أروح لكِ ما عندي وقت، لازم أرجع قبل لا يحسون، هاي لحن ابنيت أرزيد أمانة يمكِ خليها بين ما أدبّر لها مكان، بس يكمشوها يكتلوها.

:-يا ليش إيش مسوية البنية؟

:-أووف داده هي تحجي لكِ، ما أقدر أظل، يعرفون تالي بليل أجيكم، فدوة داده لا تفتحين الباب ولا تخلين أحد يدري، والله يكتلوها.

:-لا عيني شنو أقول؟ تعالي بيبي يمي، فدوة جنها لعبة يكتلوها شنو؟

باستني بيبي ومسحت دموعي، قالت: ما أخلي واحد ياخذكِ مني، لا تخافين.

:-لا تتركيني فدوة.

:-وين أترككِ يا بيبي؟ بس أجهز كم شغلة وآخذكِ بالبسكوت وأروح يم أخوي بالشمال هناك، يلا أروح قبل لا يشوفوني، روحي لا تخافين أجي لكِ بليل.

:-لا تتأخرين.

طلعت بسرعة وأنا رحت لأم سيروان سلمت عليها، بستها. قالت: تعالي دخلي يمي لا تخافين، والعذرا أخبر سيروان أخليه يشمرهم بالسجن، شنو يكتلوكِ.

:-لا بيبي لا تخبرين أحد، بس كم يوم أظل يمكِ لحد ما أختي تاخذني لو بيبي تاخذني للشمال.

:-بعيوني يا بيبي، تعالي واحجي لي شنو الصاير لكِ؟ ليش هيج ديعاملوكِ؟

دخلنا جوه قعدت، راحت تجيب مي.

أباوع بيتها، صح أجي لها مرات أكل بيبي تشتهي لها بس من الباب ما أدخل.

المكان دافي نظيف، غرفتين وصالة مربعة مفروشة كاربت، بيوت بغداد القديمة.

بي صوبة نفطية على جهة، قنفات خشب عليهن جرجف وتلفزيون قديم عليه تلفون تحفة.

اللي أعرفه عنها عايشة وحدها، عدها بس ولد وبنية متزوجين خارج القطر.

إجت خلت صينية قدامي بيها فواكه وكلاص مي، قعدت قالت: نزعي ماكو أحد.

:-أي بيبي، دافي بيتج.

:-شنو أنتِ مسلمة؟ شو محجبة.

:-أي لعد مو تعرفين ماما مسلمة وبابا هم أسلم.

:-ماكو فرق ديننا واحد. احجي شنو ذوله؟ ليش يردون يكتلوكِ؟ مو جنتِ عايشة عندهم وماخذة سمار.

ذبيت الجبة والشال، قعدت يمها أحجي لها من انقتل بابا لحد ما وصلت، وهي صافنة قالت: اكو بشر هيج بعد؟

:-أي بيبي أهلي.

:-عزة بعينهم، بس أختكِ بيها حظ زين اتسوي بيهم، قولي لها لا ترد لزوجها، رجاجيل ما بيهم حظ.

:-أي والله بيبي، موت ابني وكان يريد يموتني لو ما أنطي الرمز، وآخر شي أهله شمروني بالباب.

:-خلي يولي، صغيرة وحلوة، ذوله عرب بيبي إيش وداكِ لهم.

:-ناي الهتره.

:-شنو يعني؟

:-ما أعرف بيبي، همه يقولون هيج وأنا يكلون لي عثره.

:-تركيهم خلي يولون. قومي للحمام بيكِ تراب، دأنطيكِ ملابس من جنى بت ابني ضالات هنا، يلا بيبي وأروح أقفل الباب لا يجي أحد.

:-هم عندكِ أحد يجي؟

:-لا بيبي، بس الجوارين ما عندي أحد، بس للأمان أحسن، ولا تتقيدين اعتبريه بيتج، خطية أم أرزيد راحت قلقانة عليكِ.

:-تعرفهم ينطوني لخالي وذاك راح يبيعني، وهي ما تقدر تحميني منهم.

:-يحميكِ الرب يا بيبي لا تخافين. يلا قومي ذاك الحمام.

قمت للحمام صدق بيه تراب، المقبرة كلها. هي راحت ما أعرف إيش سوت بس شوية ودقت الباب عليّ، ناوشتني تراك ومنشفة.

سبحت وطلعت، لقيتها خالة قوري جاي عالصوبة وقاعدة. ركضت قعدت يمها.

:-قومي جيبي المشط أول وقعدي بعدين.

:-لا بيبي أدفا أول باردة.

:-خلي أسرح لكِ شعركِ لا يتعقد، تدفين ما عليكِ.

قمت، كان المشط عالرازونة أخذته ورجعت. أخذته من إيدي، مشطت شعري وضفرته. قالت: يلا دأصب لكِ جاي وهذا كعك أكلي لا تخجلين، حالكِ حال جنى أنتِ.

سبحان الله من شوية جنت قاعدة محتارة وين أروح، ربي ما يقطع. صبت لي جاي وانطتني كعك نفس محنة بيبي الطيبة، ربي سخرها لي.

خلصت، أخذت الأواعين قمت غسلتهن لها، ما رضت بس أنا ما أعرف أقعد، بعد علمني عالشغل.

مسحت الكاونتر، كان شوية متوسخ. وقفنا هي تطبخ وأنا أسولف لها على حياتي يمهم إشلون جانت والصار بريحانة. اتأثرت وقامت تبجي على شبابهم وقصة حبهم إشلون انظلموا بسبب عادات وتقاليد.

خلصنا الطبخ، قعدنا بالصالة، شغلنا تلفزيون، اتربعت يم الصوبة أباوع وياها وبالي يم ناي وين اختفت؟ إشلون قدرت تنهزم منهم؟

اترخصت من أم سيروان، أخذت فونها، اتصلت بغسق سألتها، قالت: ما نعرف عنها شي بعدنا ندور.

لليل فرشت لي وفرشت بصفي، جانت متابعة مسلسل، خلت كرزات وكولا وقعدت يمي تباوع.

اندقت الباب، قامت طلعت تفتحها. دقايق ودخلت هي وبيبي، سدن باب الممر وقعدن. قالت: إشلونكِ؟

:-بيبي والله مرتاحة بس قلبي يم ناي ماكو.

:-عزة بعينها العرمة منهزمة من زوجها، وإجى أركان خبصنا خبص، قوم البيت ما قعده.

:-يااا ليش؟ فوق ما شمرني؟

:-أنا أدري من طلعت منكم رجعت من السوق، لقيتها واقفة براس الشارع يم سيارتها، بس شافتني إجى سلم وقال: صيحي لحن أريد أحجي وياها.

:-إيش قلتِ له؟

:-قلت له: ليش هي عدنا؟ ما أدري جنت بالسوق، ليش ما قلت لي حتّجيبها؟ جان ما طلعت.

:-عفية عليكِ بيبي، تجذبين وأنا أقول ناي على من طالعة؟

:-ولج شكله يخوّف، عيونه حمر ومعصب، بطول العامود وأعرض من الباب، وأدور لابس سلاح على متنه، شنو ماكو دولة تكمشه هذا؟

:-بيبي مرخص ما عليه. احجي وبعدين إيش سويتي؟

:-ولج عيني دخلت للبيت عود فرحانة راح أشوفكِ، سألتهم قالوا: ماكو ما وصلت. طلعت أركض له، قلت له: ما إجت لحن وين وديتها؟ قال: لا عمي نزلها بالباب. قلت له: عزة بعينك لعد انخطفت هاي؟

:-إيش سوّه؟

:-خابر عمه بسرعة، ما أسمع شنو ديحجون بس هو نزل عليه عزة. ولج لحن يقول له: لليل إذا ما ظهرت حرمتي أدفنكم من صغيركم لكبيركم. وصوته خبل المنطقة، طلعوا عمكِ وسمار ظل يسأل بيهم وين احتمال يلكاكِ. عاد أنا سويت روحي أتخربطت ووقعت.

:-عفية عليكِ جدة ناي العرمة.

:-وين أختكِ ولج؟

:-بيبي ما أدري، ورطتني بذوله الناس وانهزمت، بس ولا يهمكِ دمها انهدر.

:-شنو يعني؟

:-يعني أي واحد يلكاها يكتلها، مواله زوجها مسموح للكل، وبعدين يفصلون عمو مكانها.

:-عزة بعينكِ وفرحانة.

:-إيش عرفني؟ همه فرحانين، قلت أحجي بطريقتهم حتى تفرحين وياهم.

:-الرب يحميها، شنو بكيفهم؟

:-للأسف بكيفهم، ماكو دولة تقدر لهم ذوله دين وقانون خاص، بس لا تخافين ما يقدرون يحصلوها أبد، بس خطية فقدت طفلها البارحة.

:-همزين خلصتوا من جهالهم، مو خوش ناس ذوله. أم سروان، ولو أزحمكِ داده، بس تشوفين إشلون معقدة شغلتهن، بس كم يوم بين ما يولي هذا حتى أقدر آخذها وأروح.

أم سروان.

:-يا داده صدق تحجين، والله وونستيني اليوم، خليها عسى ما العمر كله، تدرين باقية وحدي هنا كل يوم قاعدة وحدي أباوع، هسه إشقد حلو متونسة وياها.

هذا الملعون أخذ سمار سحل من ملابسه، شمره بسيارته حتى يدلي بعماتها بلكي رايحتلهن.

:-ولويش أبو سمار سكت ما عرف يكله اترك ابني؟

:-يا داده اتخبل، قام يدفر بسيارته، عقجها، قلت راح يتسودن هالقد ما معصب، يعضض بيديه ويرد يضرب السيارة، ويندار لي يگلي ما عدها فلوس وثولة، وين يعني تروح؟

:-بس ما انكسر قلبك عليه وقلتي؟

:-لج لا عيني، عاد أنا سويت روحي متت، غمضت وراحت روحي، دخلني ابني للبيت، استوه رد سمار قال ما حصلناها، ما خلينا لا إمام ولا مستشفى ولا مركز، عماتي كلهن رحنالهن ماكو.

:-لعد شغلتكم حامية، بعد لا تجين هنا، أنا أجيكم وأمنج عليها أخاف يشكون.

:-أي والله داده، يلا دا أقوم حتى أروح أنام، قلتلهم أروح أسأل الجوارين بلكي أحد شافها.

قمت شبكتها وبستها، راحت وطلعت وراها أم سروان وصلتها.

مر كم يوم، كنت مرتاحة كلش، رجعلي نشاطي بس بالي يم ناي، ما عرف إشلون أتواصل وياها.

بيبي بعد ما تجي، بس كل كم يوم تروح أم سروان يمها وتقول أركان بعد يدور، حتى عمج قال أنا متبري منها، بعد لا تجي دور وحدك، بس شاك أنو ناي الماخذتج لو مدبرتلج مكان.

تجي تسولفي متعجبة على شكله وتصرفاته.

هاي لو تدري مرة راد يتغزل بيه، ضربني طلقة جان طردتني.

الطلعة صارت صعبة علينه، ما قدرت بيبي تتحرك، وأنا مكيفة يم أم سروان وأشوفها هم مرتاحة وفرحانة بوجودي.

واقفة أرتب الغرفة وياها، فتحت الكنتور طلعتلي كومة ملابس، قالت شوفي ذني يصيرن عليج.

:-مالات حفيدتج؟

:-أي بس والعذرا كلهن جديدات، هاي من تجي تشتري كومة والوزن ما يكفي، تخليهم، أنا قلبي ما ينطيني أنطيهم لأحد، خالتهم من ريحتها أقول لا بد يجون فد يوم وتعتازهم، بس أنتِ هم حفيدتي.

:-حلوات بيبي بس إشلون تلبس هيج؟

:-لويش مو كنتي تلبسين أنتِ هم هيج؟

:-أي والله تذكرين من جنت أجيج بالشورت، الله ياخذك أركان خلاني أمشي وأتلفت خايفة أحد يشوف شعري.

:-دلبسي مو طلقج المعزة، بعد شنو خايفة، بعدج صغيرة لا تخلين شي بنفسج، وهاي الباب هم أخذيها الج، وأنا حأجيبلج باجر مكياج وشامبوات.

:-راح تخليني يمك؟

:-لعد شعدج رايحة، مو تشوفيني قاعدة بروحي، خليج وياي وحدة تونس الأخ، وهم أم أرزيد تتبهذل، أعرفها ما تقدر تعيش غير يم أبو سمار.

:-بس أعرف أختي وين أرتاح، والله أظل العمر كله يمك، ما عندي شي أكيف غير الله دزك نعمة إلي.

:-لا بد ما تخبرك.

:-ما عندي فون وتخاف أحد يندل مكانها بسببي، لأن مرة فتنت عليها عود أنطتني شفره تالي قتلوني وعرفوها.

:-دروحي بدلي خلي أشوفج بذني إشلون تطلعين وتخبرك، لا تخافين، أهم شي بخير، خليها براحتها.

أخذت بنطلون ودورت بين القمصان كلها قصيرات مال بطن، حصلت واحد إشويه مستور أخذته لبسته، أجن قياسي.

ظليت أنزع وألبس، حسيت روحي بعدني الطفلة الفرحانة بملابس القام يجيبهن بابا النه.

أكثرهن على قياسي بس اكو منهن ضيقات، ما أعرف هيه ضعيفة لو أكل بيت أركان جان دسم سمني.

رتبتهن بالكنتور ولبست تراك، طلعت للصالة لقيتها محضرة العشة، قعدنا ناكل ونباوع مسلسل لأن تابعتهن وياها.

خلصت، تأخر الوقت، قمت غسلت المواعين حتى الصبح أظل نايمة أعوض الحرمان العشته يمه.

جذب حتى ما قعد واشتاق لدفئ حضنه ولمساته القام يقعدني بيها.

خلصت، رجعت لفراشي اتمددت، خليت راسي نمت مرتاحة، هسه خلصت مني.

خليت بحضنك مرتك وتغزلت بيها مثل ما كنت تتغزل بيه.

بستها وشتميتها همست بأذنها، اندار فدوة لهالترافة.

فززتني أم سروان وهي تقول:

:-لحن بيبي لويش قاعدة؟

:-دا أفكر بناي وينها هسه.

:-خابري صديقتها.

:-حتى لو تندل مكانها ما راح تكلي، تخاف أحد يمي.

:-أكثر شي تحبه بطفولتها شنو؟

:-عاشق.

:-ماكو لغز جان بينكم لو شي تكرره بصغرها ويا؟

:-لا اكو من جان كل ما تجلب بشي ماما تكلها عاشق راح يطلع، الحقي حتى تنسى الشي المجلبه بي وتركضله.

:-لعد دزي رسالة لصديقتها، أكيد راح تعرف لغز وبس تشوفها تكللها.

أخذت الفون وتربعت كتبت الرسالة ودزيتها، بسرعة دقايق وتم الاستلام.

أباوع وآكل بأضافيري.

***ناي***.

:-هاي لحن جيبي الفون بسرعة.

:-إشلون عرفتها يجوز كمين؟

:-لا لا من هاي كلمتها ما حد يعرفها غير ماما وعاشق.

أنطتني الفون، اتصلت ردت، قلتها إشحده يروح غير أكسر غراض غرفته كلهن.

بجت قالت راح ناي.

:-تركني ورا أباوع بكسرة.

شهقت ضميت الفون بقلبي لمن حسيت روحي تعبت.

أخذت نفس مسحت دموعي.

:-لحن حأطلب صداقتج بس أي صفحة عندج.

:-أم سروان حدزلك صورة لحسابها على غسق.

:-تمام يلا لأن هذا رصيد يخلص.

سديته، دزت اسم الحساب دخلت عليه، طلبت صداقتها قبلته واتصلت قالت وينج؟

:-بجهنم على قولة الغثيث، منو هاي أم سروان ولج؟

:-ولج ما دريتي أركان طلقني وأهله شمروني بالشارع.

:-نواقص، وهسه وينج؟

:-يم جوارين أم سروان، ما تذكريها المرية المسيحية الحبابة؟

:-للأسف أنا معرفتي كلها بالجلاب، ما يمر علي ناس طيبين، المهم إشلون خالك الدثو وعمك المفهي يم المرأه؟

:-ما حد يدري خاتلة يمها، وهيه حبابة كلش، ما عدها أحد بس أركان مسوي هوسة ودا يدور ما عرف شيريد.

:-أنعل شرفه الناقص غيره، لا تخليه يندلك، خليك مكانك منا لمن تخلص العدة، هذا يريد يردك لذمته.

:-ما أرد بعد ذللني ناي.

:-أعرفه كلب وناقص مثل أخوه، يردون يوكلونه تبن ونسكت، أنا إله إذا ما خبلته ما أطلع بنت أبوي.

:-ولج لا تحجين ترة دمك هدروه وهم شاك أنا يمك، يريد يندل مكاني.

:-غير لعبتي، والله ضايجة دا أريد أتسلى، ربي جابه، إذا ما ربيتهم هو وأخوه وأخليهم يمشون يتلفتون مثل الجاهل البايل على روحه وخايف أمه تشوفه ما تسمى العرمة.

:-عرمة قصدي نااااي.

:-تف أمداج احجي أم الفهاوة.

:-ريحانة ماتت.

:-لاااااااااا لا خطية يمه قلبي، راحت ريحانة صدق؟

:-أي والله حرقت روحها لأن سهيلة حرقت غترة شاهين، ركضت للمطبخ بين ما صحت عمي حرقت نفسها.

:-والطفل مات؟

:-لا جابت ولد.

:-لعد سهيلة الحرقتها مو هيه حرقت روحها؟

:-لا أنا شفتها بيدها الجداحة وسهيلة جانت واقفة ع السنك تطفي بالغترة حتى يديها انصلخت من النار، ما تقدر بعد تحركهن لحمهن طالع.

:-لا يا قلبي الدارت النفط سهيلة، لأن عرفت عدها ولد رادت تخلص بس ما اجت عدله، وحتى الطفل تتموته هسه تشوفين.

:-لعد قولي لعمي خطية خليه ياخذ ثارها وهو مكسور خاطره على سهيلة لأن يديها محترقة.

:-لعد ما قاللها منين وهو قدامه احترقت؟

:-أي قالتله عمي أول حركت الطرف مال الغترة لأن خلص العطر مالته، خفت النار تصعد جرتها بين ما طفيتها دارت النفط عليها.

:-وأنتِ أكيد كالعادة ما شهدتي، وهل يخفى القمر، رب الجنت انصلخ قدامك وأنتِ بس مخاطك تجري لا حظ ولا ثمر.

:-خفت والله ولج يسوولي شي، أنا مو كدهن ريحانة، ربي ياخذ حقها وعندها أهل، أنا حتى ما حد يكلهم وينها، فدوة قولي لأركان.

:-ربي رحمتك، ما رايدة بس حبة عقل لراس أختي، ولج من أقوله وأنا بعيدة إشلون دريت لحن، رحميني من غبائك.

:-انقبي، أنا مو غبية، حرمات والله كنت ضايجة عليك.

:-عاشق يسلم عليك.

:-الله عليج ناي ناي صدق ما مات؟

:-ههههه لا الغثيث طلع بي حظ، مسويلي توم ابن الأطعة، أذنها لحن إذا درى أحد أفصم راسك وأشمرك بأقرب حاوية، سمعتي حتى بيبي لا تكللها.

:-لا والله أبد.

:-منو عدكم بالبيت وياكم عايش؟

:-بس أنا وأم سروان لأن جهالها بالخارج.

:-حلو، أنا ضالة وياج ع الاتصال، ما تطلعين منا لمن أقولك، سمعتي أي شغلة لا تسوين بدون لا ترديلي، خليك نبهة أبوس يدك.

:-أبد ما أطلع بس ما راح تاخذيني؟

:-آخذك يولي إشلون أخليك، بس خلي أجيب ما أقدر أتحرك، لعد من يثول ابني ويعلمه ع الغباء غيرك؟

:-هههههه مشتاقتلك يا العرمة على قولة بيبي بدعة.

:-الله يغسل حظ بيبيتك على تربيتها السقط، ولي لج خلي أروح أتسلى بأحفادها الفرحانة بيهم وتريد تسلمهم الورث.

:-ناي فدوة تركيهم إذا كمشوك يفصخوك.

:-وع الأساس إذا تركتهم ما راح يفصخوني، روحي بنتي لحن مو زين السهر على ذكائك.

سديته منها، رجعت صفحتي القديمة، دخلت على أركان لقيته متصل.

اتصلت بي أول رنة رد بصوت عرفه ضاغط على سنونه قال وينك يا غضب ربيييي.

:-هذا الشي ما يخصك يمكن أركان تعبانة وكوة أحجي، أنطيني لحن.

:-حلفي جاهل قدامك يولي؟

:-خلي مايك مفتوح يمك لا تخاف ما أحرضها عليك.

:-ناااااااااااااي لا تخبلينييييي.

:-لا تصرخ، صح مشاكل أنا وغيث واصلة للظالين بس هذا ما يمنع أمن على أختي، مو من حقك تمنعني.

:-وينها؟

:-ما أطول بالحجي بس أسلم وأمن، ما أمأذيها.

:-وينهااااااا؟

:-شنو وينها أهاااا لعبة جديدة بس والله قديم كلش.

:-نااااي لحن وييين أحجييي، هاي ثولة ما تتأمن تظل وحدها بكلمة وحده تخاف وتجي بدون ما تعترض، أحجييييي وين مكانها؟

:-لحن انهزمت، ولحن بخطر وقلقي راح يصيرلها شي، ردي حتى تدوريها قبل لا خالك يلقاها وياخذها.

حييييل أركان، تعدينا هالمرحلة من زمان، وين كنت أنت من طلعنا المحطة، تريد أرد عليك أخذك لطريق الوصلناله.

:-لحن ما هيه، وصلها عمي لباب بيت أهلك بس مختفية صار كم يوم.

:-عزة انخطفت لأن منطقتهم كلها خطف وذبح بالاخص الطائفية مممم، شوف لو دحك أحسن حتى تفهم عليه ولا نظل نلعب شطرنج.

شوفلك دراما غير هاي أقنعني بيها، صح ماكو شي زين عندك بس تصير ناقص وتتخلى عن لحن وأنت تحبها وتعرف ما عدها غيرك ما راهمه.

:-لا ناقص مروه ومو زلمة ورميت اليمين.

:-رده ما راد من الأخير، وسلملي على غيث كله دوروا غير لعبة لأن مكشوفة، دير بالك على لحن لا تأخذها بذنب غيرها ترة ترفة هاي ما تتحمل أركان، لحن تحبك وآمنت روحها يمك لا تكسرها.

سديت الفون قبل حتى لا يرد وطلعت من الصفحة.

يلا أحمل، ردت أتأدبها حتى تظل تخاف وتسمع كلامك وتحبسها يمك من كثر الأخبال الشايله، غبييي روح دق راسك بالحايط هسه.

شمرت الفون ونمت، أحس براحة نفسية من أفر الطاولة وأقلب اللعبة بيهم.

اتصالاتي مستمرة بلحن كل يوم بالليل نظل بالساعات، تحجيلي عن أركان إشلون يجي يخبص بيت عمي وخالهم متخبلين، كلمن يدور بجهة وأهله كل إشوي جايين يتوسلون بيبي بلكي تعرف شي عنها، عرفت حاصرهم وناعل والديهم.

صح حالتي تحسنت بس ما أتحرك، ضالة بفراشي بس اشتياقي لغيث كل يوم يكبر، بالاخص من عرفت بي مريض.

إشقد أحاول أنساه وأكمل بدونه بس ألقى روحي أكبر فاشلة بهذا الشي.

دراستي مستمرة بيها بالليل غسق، أنا زينة بالدروس بس العربي صعب علي لهيج نشترك بدرسه ونتساعد عليه، وجان اختصاص جود أي شي يصعب علينه تتصل بي.

قاعدة أراجع اقتصاد وهيه إنجليزي يمي، اجت رويدة قالت أساعدكم بشي؟

:-لا يا قلبي تسلمين، إشلونهم ذولاك العالم؟

:-ما أدري صار يومين ما يجون مختفين، بس سارة تمر ع المطعم يمكن رد للعراق بس اكو شي صار.

أباوع عيونها مدمعة وتلعب بالأقلام.

خليت الكتاب يمي قلتلها احجي رويدة.

بجت.

:-عزا ليش تبجين إش صاير؟

:-كرم خطب.

:-إش وقت؟

:-اليوم أجه جود للمطعم باركله، أخذ مسيحية مثله.

:-رويدة تحبيه؟

سكتت ما ردت.

:-تركي خطيبك.

:-ما أقدر.

:-لا تقدرين، وقبل لا تركي عرضي على كرم إذا وافق سوي الي أقولك عليه.

:-شنو؟

:-جيبي فونك لأن أنتِ ثولة ما تحجين، قاتلتك المستحى وتالي تنامين بحضن واحد تكرهين نفسج بي.

:-ناي لا تقللين من قيمتي، أدري يرفض.

:-أنطيني داده غير لعبتي هاي.

غسق.

:- أني هم حچيت ويا جود، گليله غسق راح تنتحر.

:- أنتي انجبي، يلا رويدة الفون اشبيچ خيه.

أخذت الفون، دخلت على صفحة كرم، دزيت. ورا دقايق واجاني مسج: أمريني رويدة.

:- منو يمك؟

:- بس الغثيث وهم شارب عصير عنب، يدخل لشقته يفلشها ويرجع يدخل شقتي يفلشها، وعلى هاي الحالة من الصبح. والحمزه حاضن جاروبتي وگاعد عالدرج، منتظر اشوكت ينهد وينام حتى ادخل.

:- مبروك عالخطوبة.

:- يا خطوبة منو گلچ؟

:- شحسيت كرم وأنت تخطب؟ گلبك مادگ؟ ماجيت على بالك؟

:- ما خطبت ولا راح أتزوج.

:- تره سمعت جود وهو يباركلّك.

:- هاي والدتي خاطبتلي بت خالتي ومخبره جود حتى يقنعني وارد أكمل مراسيم الخطوبة، تدرين ما أحب ولا أتزوج غيرچ.

:- لحد من؟

:- لحد ما أموت.

:- كرم!

:- روحه.

:- أترك خطيبي مقابل تحول دينك، نترك كل شي ورانا ونتزوج هنا، نكمل حياتنا مانرجع بعد.

سكت مارد بس تم المشاهدة.

حسبت للعشرة.

:- كتبت: وصلني الجواب، الله يهنيك كرم وحضرته.

رويدة: ناي صدك تحچين؟

:- أي كافي عايشين بدور المظلومين، خلوا حد لهلشي، الحضرة ماتشيلي نهائيًا وترحين شغلچ ونص كلمة لاتحچين ويا، لا تنطي مجال، خلي يصير رجال وياخذ قرار صح.

:- ما راح يترك دينه ولا أهله.

:- من يعرف راح تضيعين من إيده وهو السبب، كل شي يسوي بس أنطي مجال، ما طول شمرتيها براسه هالمرة وحملتي مسؤولية حبكم، شوفي اشلون راح يتصرف.

:- لاهو راح يگدر يتخلى عن أهله ودينه، ولا أني أگدر أخطي خطوة بدون رضاة أبوي، أنتي مدا تفتهمين اللي دنمر بي.

:- أني من نوع اللي ما أفهم بنتي، خليها طگ بطگ، الحياة هيچ تتطلب منّه، تريدين تعيشين صيري ذيبة، يا تعضين يا تنعضين، اهجمي بدون تفكير.

:- أنتي اشلون عايشة بهذا تفكيرچ؟

:- أني ما أفكر، أگعد الصبح، هالموجود گدامي أروح بي، مصيبة كارثة، أطلع گبل، هي وحدها تصفي.

:- أني مو مثلچ.

:- أنتي جبانة، تشتغلين وتدزين لأهلچ، وشنو المقابل باعوچ كم مرة، بنتي اصحيي لو خطيبچ يطلب منهم هسه تركين الدراسة يجيبوچ سحل.

:- أعرف.

:- لعد شمنتظرة؟

:- اشلون أخلص منه بدون لا يبلغ بابا ويرجعني؟

:- يمي يومين مو أكثر، أخليه يروح يتوسل بأبوچ بس حتى يتركچ.

غسق: بلا هم بلا رجال، ناخذ شقة ونعيش وحدنا ونكمل دراسة ونشتغل ونشتري سيارة، الله والله نعيش أحلى عيشة، وأنتي ناي جيبي أختچ ويانا.

:- الله كريم، عينكم بأبني، ديرن بالچن علي وحسبن لحن مكاني.

:- ليش وين تردين؟

:- كل شي بوقته حلو، يلا ردي كملي دراستچ.

:- حأتصل بجود.

:- عزا لعد وين الحرية؟

:- لا تفهميني غلط، دا أراجع القواعد والأدب باچر امتحان مركزي بالعربي عندي.

قامت رويدة تسوي عشى وغسق اتصلت بجود، قام، رادن نايم عالقنفة، شعره على عيونه مخربط، مسح وجهه باوعلها، گالها شعندچ نص الليل؟

:- چنت تحچي ويه وحدة مو؟ خنتني عرفتك گلبي حسني.

:- بنتي شبيچ يا أحچي ويا خيانة؟ غسق روحي مالي خلق أحچي، راد تعبان.

:- راح أنتحر ودمي برگبتك.

:- أستغفر الله منين طلعتيلي بابا؟

:- فديت البابا أني، جود كوم صحصح عندي امتحان مركزي باچر وكل شي مامفتهمة.

:- ههههه خبله وعلي، يلا بس أغسل وجهي داشوف شنو المامفتهمته.

خلت ستاند وأني عدلت گعدتي حتى ما أبين.

وحضرت كتابي وياهم أقره، رجع گعد گدام الكاميرا يمسح بوجهه، عدل شعره باوعلها گال: غسق تعبان انتبهي مابيه حيل أعيد الشرح، گعدت لخاطر امتحانچ.

صفنت.

:- لا واضح الانتباه، غسسسق، بنتي وياي؟

:- أنت ليش هلكد حلو؟

:- أستغفر الله أروح أنام.

:- لالا راح أنتبه وياك أحچي.

گالتها وأخذت حسرة طويلة.

بده هو يشرح، عنده ظالات كتبي القديمات ما جبتهن منه اشتريت جديد.

واحنه نتصنت ونكتب، خلص موضوع بالقواعد بده بالأدب.

بلش يشرح عالشعراء حتى يوصللها الفكرة، گال الشاعر قبل لا يكتب يغمض ويبدأ يتخيل، كسبيل المثال يريد يكتب عن الحب، يتخيل أجمل شيء بالحب ينقله بصورة من قلبه لداخل عينه وينقشه بالورق.

مثلاً ناي كل ما تغمض تتخيل مصيبة قبل لا تفكر تفتح عينها تلگها منفذتها.

غسق: أني كلما أغمض أتخيلك قبل لا أفتح عيني أتصل بيك.

:- عفية أنتِ شفتات تتناوبن بالمشاكسة، والچن يوم تلگفن وتنسحلن، يلا بنتي خلي عقلچ وياي.

:- كلما قلت متى ميعادنا ضحكت هند وقالت بعد غد.

:- دتضحك عليه؟

:- لا حول الله.

:- اشوكت تسأل أمك؟

:- عن شنو أسألها بنتي؟

:- عن صحتها، گلبي عدها صار هواي مامخبرتك.

:- أمي صحتها زينة وكل يوم تتصل.

رد يشرح وصلنه إلى موضوع:

"يامن هواه أعزهُ وأذلني كيف السبيل إلى وصالك دلني" أعربي (كيف).

:- أنت الذي حلفتني وحلفت لي وحلفت أنك لا تخون فخنتني.

:- غسق، أعربي كيف مو غنييي.

:- أنعذر ليلى بالهوى أم نلومها؟

:- يلا بالله وين طفرت، شتگولين أنتي نعذرها لو نلومها؟

:- لا نكتل غيث الخبل.

ضحك ومسح وجهه، رد گال:

قالوا أجننت بليلى قلت ويحكم مالذا العيش إلا للمجانين.

:- لعد متتعلم يحضي اشبيك؟

:- جعت أگوم أكل، روحي كملي دروسچ، يلا بنتي.

سد الفون، گالت: سمعتي اشلون اعترف يحبني؟

:- بنتي ثگلي خبلتي الولد، يلا ساعديني دا أگوم ظهري انطبگ من النوم.

:- يا خوفي بعد هالتعب ياخذه غيث عالجاهز.

:- حتى أكتله وأكتل روحي، گومي لچ لا تخوفيني.

مرت الأشهر، دخلت بالسابع لحد الآن ما طلعت، حتى جنس الجنين ما عرفته، أخاف أتحرك من الباب، زرع بيه رعب، أعرف بكل مكان إله عين.

المغرب واگفة بالمطبخ، حسيت بوجع قوي، لزمت بطني، شافتني غسق گالت: ما ترتاحين لمن تجيبين من وكت وتكتلين الثاني.

:- ولچ صارلي يومين على هذا الألم ما أعرف ليش.

:- هلكد ما تفترين، دتعالي للغرفة يمعودة، رويدة تكمل الطبخ مكانچ.

لزمتني، رجعنه للغرفة ما گدرت أنام لأن الألم يروح ويجي، ظليت أفتر بلكي من الحرگة يخف اشوية، وصلت يم البالكون وغسق صرخت: نااااي، البردة رديها.

:- شكو كمزتيني ولچ؟

:- باوعيلي بس بدون لا تبينين، ذاك منو؟

:- لا تگولين غيث فدوة والله هسه أجيب.

:- لا صاحبه كرم گاعد بالبرد گدام الشباچ.

:- اشش صوتچ، لا تسمع رويدة، خلي هيچ بلكي گلبه يوجعه ويتحرك ياخذ قرار يفيدهم.

:- مثلكم هيچ؟

:- أحنه قرارنا بيه هلاكنا اثنينه، خلّينه هيچ بعيدين واحد ميعرف عن الثاني شي أحسن.

:- والله الفضول كتلني فدوة بس أشوف شرد ورا ما راسلتي ذيچ المرة.

:- مو گلتنه خلّينه بعاد.

:- لا تفتحين الرسالة، نباوعلها من الإشعارات فدوة، أحب تهديده وعصبيته من يحچي بس من بعيد لخاطري نانووو.

شلت الفون، متدري الفضول يمي أكثر من العدها، فتحت الصفحة.

لگيته مشاهد الرسائل بس ماراد، داز فيديو فتحته ويا ريتني ما فاتحته.

ماما وهيه گاعدة يم سرير حديد، لامة رجليها يمها، غيث لزم وجهها عدله، باوعت للكاميرا گالت: ناي تعالي أخذيني منا.

لبوة على شفا الثأر

بقلمي:leo Alfatlawi

Ins :le_m3r

**"ناي***

المقطع جان ثواني بس هد حيلي

گعدت بالگاع كمشتني غسق كالت شبيج

:-ماما ماما عايشه

:-شنو امج عايشه شبيج ناي

باوعتلها اريد احجي افترت الدنيا غمضت شبه الفقدت اسمع غسق تصرخ بااسمي بس مااگدر ارد شي بداخلي جان ماعرف اوصفه احساس غريب

حسيت وهنه يغسلن بوجهي فتحت عيوني

:-ها ناي شتحسين

:-وين فوني جيبي

:-اصحي اول يمعوده صفره صرتي وشفايفج بيض

وخرتهن وگمت فتحت فوني اتصلت بغيث مارد

رجعت اتصلت اكثر من مره ماكو

اديه ترجف احس بطني مغصتي حيل عصرتها وگعدت يم القريوله استوني اخلي الفون اتصل هو كام

فتحته جان گاعد يم البحر مامبين منه بس جمره الجكاره ويادوب شكله بس تعبان كلش كوه يفتح عيونه سحب نفس ونفخه

:-غيث الفيديو صح لومفبرك

باوعلي وابتسم

:-ماما غييث وينها

ضحك وشال قوطيه يمه شرب منها

:-غيييث غيث لاتلعب على اعصابي ماما صدك عايشه

رد بكسره تعبت واني ادور عش هيج سويتي بيه

سولفتج اجمل عشگ واحن شوگ

حبيتج اكثر من لهفتي لحضن امي

اكتفيت بكل حلم بيج

طيفج حجب ضوه الكون بعيوني ناي تعبان بدونج

:-ماتركتك لومااسمعك اشلون اختاريت بت عمك تكمل وياك وتكون ام لابني

:- اختاريتج وحگ كلام الله اختاريتج مارجعت بوعدي ولادحگت وحده بعدج

دمرتيني

:-ماما وين

:-ههه امج هاي جانت هدية صلحنا دگيت صدر بيج ودخلتج رافع راسي رجعتيني بكسره ماراح اتخطاها بعمري

:-ارد

:-ماريدج بس اكضبج اطلع روحج دمج مايكفيني

:-ميخالف وين انت جايتك

گلبي يريد يطلع وهو موبوعيه مبين رد شرب الباقي كله عقج القوطيه شمرها

:-غيث

:- وعمه الساده راح اندمج والخلق الكون اعذبج عذاب مامار على احد ولاسامع بي بشر

:-وين وديتها

باوعلي بكسره كال بصوت ناصي رجعيلي ناي ماكدر بدونج

:-ماما وييين

:-بجهنم امج حگ وجع كلبي

:-وروح عاشق اذا لمست شعره منها راح اخليك تتمنى الموت

:-اكثر من هيج ماتصور راس امج مقابل ابني النزلتي وراسج مقابيل السويتي وييييين انتي

:- ماراح ارد وامي راح احصلها وهااا لاتفكر تأذيها وروح بابا اذا بس فكرت تحجي وياها موتسويلها شي يغييث اخليك تنتحر حتى ترتاح

:-نااااااااااي نااااي

سديت الفون لان موصاحي ماعرف حتى شنو احجي ويا

لغيت الصفحه اتصلت ب لحن بسرعه ردت بس صوتها مبين نايمه جانت

:-لحن لحن اصحي وياي

:-شكو نانو

:-ماما عايشه

:-شنو ناي بس انتظري

:-ولج عايشه والله هسه دزلي مقطع الها غيث ويا

:-وينها واشلون لكاها زين هالفتره وين جانت بابا عاشق وياها

:-لحنننن لاتتخبلين حبيبتي اهدي

شهكت همست ناي صدك ماما عايشه

خليت الفون يمي وگعدت كمشت راسي اديه ترجف مااسيطر عليهن محتاره شسوي

اسمع صوت بجيتها واعرف شوكها لماما اكثر وحده بينه هيه متعلقه بيها

اخذت نفس فركت وجهي رجعت راسي عالتجوه مال القريوله ردت ضغطي يتعدل

اشويه وشلت الفون خليته على اذني

:-لحن حبيبتي وينج

:-ناي گلبي يوجعني صدك التحجي

:- والله موجوده بس مااعرف عنها شي غيث يريدني مقابيل ردتها

:-والله يذبحج

:-لعد شسوي كليلي ماما ياذيها هذا يشرب وكتلها بدون لايحس ولج كلي راسها مقابيل ابني النزلتي

:-اروح لاركان

:-لالحن لااا راح يردج بالمقابل و ينتقمون مني بيج

:-لعد اشلون ماما انحصلها ناي فدوه اريدها رديلياها

:-ارجعها بس انطيني مجال لحن لاتسوين شي تصعبيها عليه ابوس ايدج

:-لالاوالله راح اضل منتظره منج مخابره شراح تسوين

:- ماعرف لان غيث موصاحي هسه خلي يصحه حتى اعرف شحجي ويا

:-تمام قبل كلشي راح تتصلين بيه وتگليلي بالتسوي واني بلكي احصل شي يفيدنا

:-تمام يلا روحي

سديته باوعت لرويده بجيت وضحكت سوه حضنتني وبجت وياي

غسق. :- الحمد الله على عيشتها لو شنو اكول

:-خايفه وتبجي غسق سمعتيها تكلي تعالي خلصيني

:-هاي موخايفه ولابوعيها غيث معلمها شتكول مستحيل يأذيها وهو يعرف الطريقه الوحيده الي يردج بيها

:-راح اروحله

:- ماراح تسوين شي غير ادمرين نفسج ولج هو موبوعيه وشارب واليشرب مايذكر غير الحب وهو يفكر اشلون يعذبج اذا صحى شيسوي بيج

:-لعد اشلون يلا نصحيني

:-ابنج راح تفقدي وراح يعذبج وامج بشمرها بالمصح ماتكدرين حتى تفتحين حلكج ولج متخبل غيث والله موطبيعي

رويده. :-خطيه كسر گلبي من اتوسل بيها

:-وره هذا التوسل اذا كمشها يطلع روحها من جسمها بيده ويربطها بحبل ياخذها سحل من تركيا للعراق ناي لاتفكرين ابد ديري بالج يلا كومي ردي لفراشج ننتظر اختج بلكي هالمره تطلع بيها حظ

:-لحن تخاف واذا صاح بيها اركان راح تعترف وين مكانها

:-لاعاشت عدهم وتعلمت لاتخافين الي ضلت لسه بيت المره وگدرت اتضم روحها تگدر كلشي اتسوي

هيه تحجي واحس بطني وجعتني حيل شافني هيج سندني كمت واهيس مي نزل عليه ويها وجعه خلتي اصرخ بكل حيلي

كعدني ونسبن شيسون رويده ركضت اتخبر عمة غسق واني اللوج شي يتگطع بطني

انطتني المخده غسق كالت عضيها لايطلع صوتج والجوارين يجون

:-ولج راح اموووووت غسق

:-شسوووي گليلي شسوي

:-يماااااا لحكيني بطني ولج دتتگطع

:-رويدااااا خبرتي عمتي

هنه يتراكضن واني كل عصره تجيني اكثر من الثانيه موت عالبطيء

خوف على وجع على قلق شعور ماعرف اوصفه كمت ماتحملت اكعد امشي وكل ماتجيني العصره اكمش شي واعض ايدي ماتركها لمن يهدأ الوجع

احس روحي بهتت والالم مستمر علما وصلتني عمة غسق روحي وصلت اخرتها دخلت تركض شافتني لطمت على وجهه كالت يامصخمات ليش مارحتن لسه

:-لالاخاله غيث يلكاني

:-ولج دتنزفين تموتين احسسسن رويده خاله الاقامه بسرعه

:-خالصه مهلتها

:- لعد جوازج انكلهم جايه سياحه يله ولج امشينه هنه يجن ورانا

لبست شحاطتي وسندتني طلعت اجر بنفسي شي بداخلي يتشلع احسه ياخذ من روحي

نزلنه لكيت تكسي جايه بي صعدنا والبنات وياي كل وحده من كاعده من جهه كامشه اديهن اللوج غسق تبجي وياي ورويده تقره دعاء

وصلنه نزلني اني كبل دخلت وعمه غسق ضلت تسجل دخول والاجراءت اول مافحصتني الدكتوره كالت عمليات حولوها بسرعه الطفل مختنگ بالمي

:-لافدوه دكتوره لاتكولين ماتحلكين

:-ماما الطفل شابع مي وين جنتي

:-ابوس ايدج نقذي هذا تعبي كله بي اذا راح انتهي

:-الله كريم بس ماوعدج لان طفلج صغير كلش

:-لالاتركت حتى ابو لخاطر تركت اهلي وكلشي وراي عرضت روحي للموت بس حتى يعيش لاتكولين هيج

:-ويننن دكتورة التخدير خلي تجي هيه وام التحليل اتكمل اجراءت بسرعه ونقلوها للغرفه ماضل وقت

خلوني على سديه اخذوني لغرفه اجت ام التخدير الي ياخذ تحليل والي يهيأ واني بس ادموع حتى بالوجع بعد ماحس

بلشو بالتخدير رفعت راسي للسكف كلتله طلبته منك يارب لاتكسر بخاطري---

***لحن***.

سديت الفون من ناي مااعرف شسوي كامت ام سروان كالت شبيج يبيبي

شهكت وكلتها ماما عايشه

:-يمه اسم الله البنيه تخبلت

:-بيبي والله عايشه والله هسه اختي خبرتني

:-وينها لعد

:-ماعرف ماعرف هسه اعرف وينها بس خلي اخذ نفس

كامت جابتلي مي كعدت يمي كالت شربي وهدي يبيبي لاتموتين دترجفين

:-مامصدگه بيبي تعرفين شنو عايشه رجعتلي يعني راح ارجع انام بحضنها راح ارجع اشكيلها واذا خفت انظم وراها حتى تحميني

:-اهدي وشربي المي هسه

اخذت المي ايدي ترجف شربت منه ونطيتيها اخذت نفس اهدأ روحي

شلت الفون مااعرف رقم اركان ناسيته سويت صفحه كلك و دخلت على صفحه اركان طلبت الصداقه ودزيت مسج اركان اني لحن

رجعت الفون وضليت منتظره وافكر اشلون اكدر اعرف هيه وين

اتعده الوقت بين كامشه الفون اباوع المسج وبين افتر اشلون احجي ويا لوشنو اكله

صار وجهه الصبح ام سروان تعبت ونامت واني افتر رايحه جايه

لمن دخت بعد مابيه رحت لفراشي تمددت خليت الفون يم راسي بعدني مانايمه رن الفون شلته لكيت اركان يتصل

رديت كال وينج متكليلي

شهكت

:-عش تبجين يبه لحن وين انتي بروح اخيج احجي هسه جايج

:-ليش اركان شسويتلك اني كل الردته منك بس تحميني عذبتني وهنتني ذليتني كل هذا اتحملته وكلت حقه شذنبه يتحمل وحده مثلي

:-لحن لحن سمعي يبه

:-لاتقاطعنييييي اركان دتشوفني ابجي وامختنگه من اذكرها اسمها وانت ضامها ولك ماذيتك اني شنو السويته استحق منك كل هذا

:-ظام منهو يولي

:- بعدك تنكر عسى وجع گلبي بيك عسى كل دمعه نزلت من عيني تنزل اضعافها منك

:-وينج لحن

:-هذا الهامك من شمرتني ورحت بدون لاتباوع وراك ماسألت روحك وين اروح من تعرف اهلي ناوين يكتلوني بعد الصار من تدري أمنت روحي بيدك وطلبتك من دون هالعالم هسه جاي اتكلي وين

:-وكتاب الله بنفس الساعه رحت وراج كالوا ماهي لوكالوا خبر موت عزازك ولج ماخليت لامجان ولاواحد مانشدتو عنج لانوم دحكتو ولاالراحه گربتلي سوي التردي عتبي احجي بس كليلي وينج.

:-ماما وينها

:-موجوده والله

:-ليش ضميتها

:-ماضامها لكيناها من وكت الي رد غيث وجان وضعها تعبان خفنه تموت وتنفجعن من جديد وديناها يم عالم تتعالج وغيث جان ناوي بس تصحي يكول لناي بالكي تغفرله وترد لذمته لخاطر هالخبر

:-واني شنو اركان

:-اني النفس الاخذو

شهكت

:-اشلونها ماما

:-بخير وروح اخيتي خاليها يم ناس اجاويد يداروها وين انتي

:-عايشه يم عالم

:-يم منهووو لحن وينج

:-ماعرفهم بس حبابين اخذوني من الشارع وخلوني مهم

:-لحن لحننننن جايج بالطريج بس احجي وينج

:-مارجعلك بعد اركان ماأمن نفسي يمك جربتك وتندمت انت موطلگتني بعد ليش دتسأل

:-رديتج بنفس الدقيقه وروح اخيي ولج جلمه كلتها بساعه غضب وتندمت بكد عمر الفات

:-على اي اساس اتردني واني ماادري باطل هالشي

:-تمام تمام هسه اردج

:-ميصير بعد طلعت من العده وحتى لوبعدني واعرف النفس بيك ماراح ارجعلك وماما راح ترجعلنه

:-يولي بس سمعيني

سديت الفون مسحت الصفحه

دزيت مسج لناي كلتلها بخير ماما بمكان يكول اركان زين لاتخافين عليها الي كل هالوكت گدرت تعيش تگدر تتحمل كم يوم ديري بالج على ابنج هسه

سديته بثواني اتغيرت طريقه احلامي خليت الفون يم راسي واني اتخيل رجعتلي ونايمه بحضنها

واشكليها من كل الصار بيه

مر يومين واني ملتهيه ويه ام سروان بالبيت بعدني ماعندي الجرائه اروح لبيت عمي ضاله خاتله

اندكت الباب حيل ماكو بس اني لان راحت ام سروان تتسوك

رحت عالكيف باوعت من الثقب لكيت بيبي فتحت الباب دخلت شبكتني حيل وبجت

:-شكو بيبي صاير شي

:-حكولج بس بيبي اعصابج لايصيرلج شي

:-شنو اكو احجي

:-امج عايشه

:-ادري بس اشدراج انتي

:-منين تعرفين ولج لعد ليش متكليلي

:-مصار يومين من عرفت احجي شدراج

:- جابها اركان قبل شويه يمنه وكلي --

ماخليتها اتكمل وخرتها من طريقي وطلعت من الباب لكيت سياره سوده ويمها اثنين شباب ركضت بدون وعي لبيت عمو دفعت الباب ودخلت لكيتها واكفه يم اركان وعمي يحجي وياها

احس رجليه اتبنجن بس دموعي تنزل صحت مامااااا اندارت باوعتلي فتحت اديها رحت ركض الها جرتني لحضنها بجيت بصوت واني اشتم ريحتها

:-وين جنتي ليش عفتيني مارف كلبج ماكلتي وين تركت بتي

:-موبيدي غصبا عني خذوني ولج موبيدي

:-مارجعتي اشلون انطاج كلبج هيج تسوين بينه

:-والله دكيت بجيت اتوسلت بست حتى رجليهم بس محد رحمني عذبوني ايام واني ماانام افكر بيجن خايفه ترحن بخبر موتي واعرفها ناي ماتسكت

وخرت راسي همست ناي شبعت تعب وراج اتبهذلت وعاشت بجحيم دمرت روحها ودمرتني وياها

كمشت وجهي وكامت اتبوس بيه رجعتني لحضنها مامصدكه تبجي وتضحك

سحبني واحد من شعري انداريت لكيته عمي كال وين جنتي يالساقطه

بعده يحجي وشاله اركان من بلوزته كله شحجينه يول

:-عيب واني بگد ابوك هيج دتسوي

:-عجل ماطولك بگد ابوي انظب واركد احسن مادفنك

:-هدني ويلا اطلع موطلكتها بعد شكو داخل بيتي

:-الطلگت ترد واركد لاتضل اتهوبز حتى لاخربط شكلك

كمشه سمار كله هده لك لاخبر الشرطه

:-لاه لاه ازلمه بس عش اتخبر الشرطه يول عجل رجولتك وين

:-كول لروحك من اخذتها منه ودگيت صدر صارن بأمانتكم تالي اثنينهن انهزمن وخزيتونه وراهن جاي تستقوي عظلاتك علينه وانت ماتكدر الاثنين زعطوطات

:-لاحگ واني وياك بس اكضب ابوك لايكع

شمر ابو عليه لطشهم سوه بالحايط اجه يمي يباوعلي يريد يطگ وكفت بيبي بوجهه

:-انت كمشت شاربك وكلت مااحجي وياها ولااجبرها على شي بس دليني مكانها

:-واني عد كلمتي حجيه بس عش بدون حجاب

:-طلكتها مالك دخل بعد بيها

:-يااااابه شبليتونيييي نعلت ابو ابوي اردهاااااا هسه

عمي:-. احنه مانرد بتنه ترد لواحد همجي مثلك

:-ابو سمار خليني محترم شيباتك بالقران اهفك بطراك انسيك الدرابه انعدل واحجي مثل البشر

:-وين صايرررره ياعالم تاخذ بتنا غصبا عنه البنيه مارايدتك خلي عندك كرامه

بيبي:-. انت كلت مااجبرها

:-وماراح اجبرها تجي وياي برضاتها

كالها وباوعلي صرت بحضن ماما همست الها ماريد ارجع ويا

عمي.:- سمعت ماتريد ترد يلا روح

:-انكتم انت وانتي عش يابه ماتردين

:-ماريدك اريد اضل ويه ماما

:-هينه ناخذها ويانها تعيش غادي يمنا

ماما.:- واني ماعيش هناك وبتي ماانطيها الك شوفها اشلون دترجف شمسويلها وهيج خايفه

:-ماما والله نيموني يم الحيوانات وظربوني موتوا الطفل ابطني ومره راد يموتني ضربني طلقه

بيبي. :-عزه بعينك هاي الامانه الي امنتك عليها

اركان :-محگوگ الكم يولي حگم كل التكولوا غلطت من خليتها بين هلي وغفلت عنها بس بالقران جان عندي مصايب گاضبتني وناعله ابو اصلي ماكدرت اخذ نفس موش بس اقصر وياها

عمي:-. واحنه حقنه مانريده بس خلصنه منك ومن شرك روح

:- هذا الشي هيه اتقررو ماريد اسمع نفس منك

بيبي.:- هيه متريدك روح ابني لاتضل اتلح

اجه يمي رجعت ورا ماما وكمشني سحبني ويا وصل يم الباب دفعني وصار قريب مني

همس بس احجي وياج وروح اخيتي ماجبرج على شي

:-ماريد احجي وياك ماارجعلك روح

:-اعترف اذيتج وتصرفت بحيونه وياج وهذا شاربي موعلي اذا عدتها

:-ماريدك بعد

:-يولي عطيني فرصه خليني اصلح العملتو

:-ماكدر اعيش وياك

:-بس جربي هالمره اذا ماگدرتي وكتاب الله مااجبرج شتكولين انفذ

:-جربت ماگدرت عيشتكم صعبه وعاداتكم اصعب ماعدكم غير الظلم والموت

:-اخذلج لبيت جدتي ضلي غادي يمها لحد ماارتب اموري واخذلج مجان

:-واني كارهه العيشه وياك مااكدر اتقبلك اركان مااريدك بعد

:-بس اريد افتهم انت شايفات روحجن شنهو الخلقجن ماخلق غيرجن

:-خلق بس انتم لزكه ماتحسون

ضغط على ايده وشالها ضميت وجهي بسرعه

غمض وعضها حيل

اوخرها واخذ نفس مسح وجهه باوعلي

:- لو يقدموج بطبك ذهب بعد ماادحگ بجهرتج بعدي عن طريجي انعل ابو اشاربو الي يردج لذمتو

دفعني وطلع ركع الباب ركعه

دارجع لماما سحبني سمار من شعري كمشت ايده

:-ساقطه صار ساعه بحضنه تحجين لو ورانا سشويتي

:-لعد ماشفته هو حاصرني ماصرت رجال وخرته عني

:-رجاااال غصبا عنج وانعل ابوج اليوم

بعدني ماراده وحسيت الراجدي اجاني بنص وجهي

ندفرت الباب دخل اركان مالحگ سمار يشرد كمشها من ركبتها شاله ليفوگ

ركض عمي كمشته يريده يتركه وهو يضغط اكثر

گطع النفس وگام يرفس عمي يبجي وبيبي كامت اتصرخ وتضرب بضهر اركان

نزله وهفه براجدي من قوته لطمه بالباب فلشه براسه وگع بالگاع

دنگ عليه جره من شعره كومه

:-دحگ يول هالمره لخاطر جدتك راح اتركك الثانيه بالقران لوالدنيا تكف بوجهي هم ادفنك

:-اي اي والعذرا مااضربها

:-لاااا موش طگها مادحگ بوجهه حتى

:-اي ابد وداعت بابا

:-سبع ابن ابوك

كالها ورگع راسه بالباب

اندارلي رجعت ليورا كمشت بماما

ماما.:- اتركها ولك

:-مامكرب يمها وولاراح اكرب امني مثل بتج بفلس ماشريها

:-لعد اطلع يلا خلصونه منكم شنو ابتلينا نطلع من مصيبه نوكع بانكس

:-كضبي لسانج عمه موش احنه الينگال عنه هالجلمه المهم سمعي لج خبري اختج وكلليلها غيث يوصل سلامو ويكلج وصل حگ امج

:-شنو يعني

شال اديه بمااعرف وطلع سد الباب ورا بكل قوته شغل سيارته وشحطها

اجت مره عمي كالت يلا اخذي بتج وطلعي ماريدج هنا كافي مصايبكم

:-رايحه لاتخافين ولااني اعيش وياكم بعد كافي الصارلنا

عمي.:- بناتج متبرين منهن گدام الكل لوتشوفيهن يموتن لاتجينه سمعتي

بيبي.:- ولك ليش يمه ذني بنات اخيك خالهن امانه عندك

:-موامانه كافييي يمه شوفي ابني اتسگط من وراهن عافن الدنيا وراحن اخذن مجرمين اني ماگدرلهم شفتي دخل كتلنا اثنينه واخذ الابنيه حجه ماعرف شنو وياها گدامنه حتى نخاف انكله ميصير

:-اذا طلعن منا اروح وياهن

:-براحتج يمه سوي التردي المهم ذني مايضلن هنا كافي فضايح گدام العالم

:-البيت بيتي

:-واني ماطردتج بس اهل ارزيد مايضلون ولااريد اشوف وجهن يله انتي اخذي بتج وطلعي منا قبل لاامد ايدي واكتلج

كمشت ماما الي كوه تمشي تعبانه اخذتها وطلعت اجت بيبي ويانه تبجي رحنه لبيت ام سروان لكيناها استوها راجعه من السوك شافت ماما سلمت عليها وتحمدتلها عالسلامه

دخلنه گعدنه بالصاله رجعت حضنتها

:- مامصدگه رجعتي وين جنتي كل هالفتره

:-بالمستشفى مال مجانين

وخرت عنها متفاجأه من السمعته

:-ابو سامر واخو مرته اخذوني شمروني زوروا الاوراق دگيت لطمت كلتلهم مومخبله حبسوني بغرفه حالي حال الحيوانه

:-لعد ماشتكيتي لدكتور ماكلتي لاحد

:-المن اشتكي اذا هو الدكتور يدخل يكلهم عدها انفصام بالشخصيه وخطر وجودها احتمال تكتل هيه كاتله زوجها وابنها بدون لاتحس وهاي صار اشكد ينطوني بالابر والعلاج والكهرباء سلمت نفسي لربي

:-ليش هيج سوه

:-اووووف الله قبيله تركج منه هسه رجعت الحمد الله ناي اشلونها بعدها عد رجلها لا

:-لامنهزمه

:-عزه بعينها ماتگعد من يومها ليش انهزمت

:- راد يتزوج وياخذ ابنها يسجله بأسم بت عمه هيه اتخبلت صبحت الصيح مخافيه

:-ناي حامل

:-جابت عاشق قبل يومين بس محد يدري لان ياخذو منها

ضحكت ونزلت دموعها سوه

:-ناي صارت ام ؟؟

:-اي والله شفتي خطيه جابت قبل موعدها من سمعت بيج عايشه اتخربطت وكعت صار عدها ولاده

:-سوده عليه ابنيتي وحدها بالغرب جابت اشكال كلبج ييما طلكين وحدج

:-الحمد الله هسه بخير اثنينهم اشلون رجعج اركان

:-موهو الرجعني غيث لگاني واخذني لبيت ماعرف وين وهاي صار كم شهر بي لاعرف ليلي شنو ولانهاري بس بنيه داريني واكو ثنين شباب ذوله الجابوني هسه جانوا موجودين يمي مايخلوني لااطلع ولااحجي

:-ماخبرتي ماسالتيهم وين انتي ماصرختي لميتي العالم

:-المكان مهجور وكلما اسالهم محد يرد بس المكان يجو هواي ناس جانوا خاليني بغرفه وقافلين الباب ماشوفهم وحتى لهجتهم ماعرف شنو يحجون بس حس حديد واشياء يدخلون

:-ماشفتي مريه جبيره لو سمعتي صوتها

:-لا لحد اليوم الصبح دخل اركان وهو يخابر جان غيث ويا عالتلفون اسمعه يكله بالمبارك يخوي هاي هيه اليوم اردها

:-عزه عرف ناي جابت بس لا شعرفن اصلا مايدري هيه حامل لباله الطفل ميت

:-خابريها ماما اخاف صدك يعرف وناي تتخبل والله ياخذون عاشق منها مره ثانيه

گمت تركتها يم ام سروان وبيبي الي لحد الان تبجي لان طردها ابنها

خبرت ناي مغلق ماكو رجعت اتصلت بغسق حاضرتني اتخاف اتصل بيها ويطلع كدام غيث ويعرف

دزيت رساله لناي اذا فتحتي فونج اتصلي بيه بسرعه

رجعت الفون وركضت لماما مامصدگه بعدني

مر اليوم اني اسلولفلها عالصار بينه بعد مااختفت ساعه تصفن وساعه تبجي

صار الليل فرشتلها يمي وبيبي يم ام سروان نمت بحضنها مثل قبل

صح متلهفه بس حسيت بغربه موذاك الدفو والشعور نفسه

فتحت عيوني لكتها غافيه

عدلت نومتي خليت ايدي على كلبي شنو دتحسين لحن

داحس روحي مشتاقه لحضنه ومتلهفه اسمع همسه باذني وهو يتغزل بيه

طلبج وتوسل انتي رفضتي

مااگدر اكمل ويا حياته صعبه اني موگدهم احسن قرار سويتي بحياتج امج رجعتلج واختج جابت عاشق تركي كلشي وراج وروحي عيشي يم اختج لحكي على ماتبقى من مستقبلج هذا ماورا بس وجع الكلب

فركت گلبي اطلع اركان منا مثل ماطلعت من حياتي

راح تنسي صيري مثل ناي قويه شوفي تركت الدنيا واختارت حياتها

غمضت اشكد درت انام ماگدرت اجذب على روحي من اگول انساه لوماحبه احسه يدك ويه دكات كلبي

مر شريطه الصبح بعيني وهو مدنك يهمس بتوسل اردله حتى لايسمعه احد

ضحكت يخاف على كرمته بس مايگدر لگلبه

ماعرف اشوكت نمت بس الاعرفه عدت شكو ذكره بينه

كعدت على صوت ام سروان الصبح وهيه اتكعدني فتحت عيوني

:-كومي سمار بالباب ديريد يحجي وياج

:-شيريد

:-ماعرف گال صيحيها عندي حجي وياها ماطول يلا بيبي لايگعدن خطيه تعبانات بين مااجيب ريوك

كمت لميت شعري طلعت لكيته واكف بالطارمه وجهه منفوخ كمشتني الضحكه الله يهديك اركان محطمه

:- تضحكين مو

:- مدااضحك شرايد سمار

:-بيبي اتخليها ترجع والهويه مال الراتب اريدها

:-شتسوي بيها

:-بابا يريدها يگول هاي من حقنه راتب اخوي

:-يم ناي

:-انعل ابو ناي راح اوقفها منا انطلع بدل ضايع خلي امج تحضر روحها تجي وياي حتى اتوقع

:-تره مومن حقكم هيج اتسوون لاتروح ولاتوقع راتب بابا النه

اجه جرني من شعري حيل حسيته انشلع كمشت ايده زاد ضغط

:-سمعي لج رجلج السگط وله بعد مايجي والعذرا اموتج

:-اخبره واكله

جره حيل ودنگ راسي للگاع ضربني على ضهري صرخت رجع دفرني برجلي احس شگ بطني عصرت نفسي ونيت

:- صوتج قندره

:-وخر ايدك فدوه حموت بطني

:-اذا خبرتي وكلتيله اموتج تعرفين شنو

:-ماكله بس اتركني

:-حلفي بروح اخوج ماتكليله يله لجججج

:-وروح عاشق مااگله بس اتركني

دفعني وتفل عليه

:-الاحد اجي حتى انروح للمركز انبلغ على اختفاء الهويه واذا بس سمعت معترضات اجيب خالج لهنا هو يشوف شغله وياجن

اشرت اي

طلع واني افرگ بطني اخذت نفس احسها متشنجه كمت گوه رجعت للمطبخ اسحل بروحي ايدي على بضهري وين عنك اركان يسحلك

دخلت جوه بعدهم نايمين رحت يم ماما لميت روحي منو يگدر يدافع عنه ويگله لا

شلت الفون لكيت الرساله بعدها مامستلمتها ناي فززتني ام سروان وهيه اتكلي شبيج بيبي

:-خايفه على ناي مااعرف اشلون اوصللها

:-ماعليها نفسه تعبانه خطيه اكيد مخلصتها نوم متريد احد يزعجها

:-كلام ماما ماخلاني حتى افرح برجعتها شجان يقصد غيث

:-كلشي ماكو هو مايعرف حامل اصلا والحمد الله من خلصتن ولج عيني بس شفت شكل زوجج خفت وهو جان واكف طبيعي هذا اشلون اذا عصب

:- بس يهدد مايضرب ولامره مد ايده صح اذا عصب ماينحمل وينكلب وحش بس ابد ميأذيني بس يخوفني

:-شراد ابن عمج

:-راد الهويه مال الراتب يگول من حقنه

:-انطي خلي يولي

:-شنطي خاله موعندي والله محتاره هسه وين نحصل مكان ادري ثگلنه عليج انتي يادوب مكفيه حالج موانوب اجيناج اني وماما

:-عز صدك تحجين هيه لگمه نتقاسمها لاتكولين اتفكرين ترجعين لزوجج

:- ههه هو بعد ميريدني كال مااشتريج بفلس صح هيه كلمه واني مجنت ناويه ارجع بس احسها شعلت گلبي لان عرفت انتهت بينا وكلمن صار بطريق

:-اتحبي

:- كلبي يحن اله وعقلي يگلي سويتي الصح

مسحت وجهي رجعت شلت الفون فتحته هم ماكو ماراده ناي

مرن كم يوم وناي مختفيه نهائيا كلبي كل ماجابه يقلق اكثر ماعرف وين اروح لوالمن انخى

كاعده اثرم بتيته ماما تطبخ دخلت ام سروان شايله علاكه المسواگ كمت اتلكيتها اخذتها رحت رتبت المسواك بالثلاجه

ردت ارجع اكمل ثرم كالت نسيت الملح ماجبته

:-عادي اني اروح بيبي

:-لااخاف عليج خلي اروح وياج

:-ماعليه بس انطيني افلوس

ماما :-. لحن امي غيري تراكج ضيگ وقصير

:-محد يشوف الضهاري اروح واجي بسرعه

:-لاطلعين هيج سمعي الحجي لاتعاندين

ام سروان . :-اني اروح وياها خطيه خلي تطلع اتفره صار اشكد محبوسه ومحد يشوف هسه اجيت فارغ الشارع منتعطل وسمار هم واكف ديغسل الشارع عينه بينه

:-داده ماعندي اعتراض على طلعتها بس دشوفي جسمها اشلون مبين

:-داده شبيج مصعبتها امشي بيبي وياي يلا هم ذكريني استري حبشكلات لليل ماعدنه

ماما خجلت ماردت بس ضلت اتخازر لبست نعالي وطلعت وياها صدك حسيت روحي مصلخه نعلت نفسي ليش عاندت

وصلنه لباب عمي لكينا سمار واگف كال وين

بيبي:-. دنروح نشتري ملح

:-بعد جان جبتو ام عاشق وبيبي هم وياكم شدعوه وحدجن

:-لعد ما تصير شهم وتروح ويه بت عمك مابيه امشي وخاف عليها

:-اخذيها وردي ام سروان اني اروح

:-لااخذها وياك محتاجه كم شغله هم

شمر الصونده بالحديقه واشرلي يله رجعت بيبي رحت ويا كل اشويه ودمغني كوه كامشه نفسي لاابجي لمن وصلنه دخلنه اشتريت ودفعت افلوس دااطلع المح سياره غيث واكفه اشويه عن الماركت رجعت دخلت

سمار :- هييي متمشين شعدج رجعتيي

:-هاا

:-ووجع شبيج جنج مطي امشي

:-بس نسيت الكرزات دااجيب

:-مرض كون بنص گلبج جيبي يله بسرعه اذا تاخرتي دقيقه ادخل اجرج من شعرج واخذج سحل بنص الشارع

اشرت اي رجعت جوه اكلب بالجياس مال الكرزات وابالي يم السياره هذا اركان متاكده بس شيسوي هنا معقوله ديتاكد ناي ويانه بس جان دز احد ليش حتى هو يجي

سمار. يلااااااا لج نعاااال

عضيت شفتي والله واجه صكارك بس انطيني مجال وانت الثاني اتكول موبحالج يله داشوف اشلون

دخلت بحجت اجيب حب الشمس وصلت جوه عدلت بجماتي وصعدت تيشيرتي طلعت طرف بطني دنكت كفيتها من جوه طلعت رجليه كمت رخيت القراصه

سمعته كام يصرخ شلت الجيس ورحت اركض دفعت افلوس طلعت صارت السياره بوجهنه صح بعيده بس وكفتها جانت مسيطره عالشارع كله

سمار مجان منتبه عينه بيه يريد بس يضربني حتى يحس برجولته جرني دفعني كدامه

:- امشي بسرعه بت المطي كلنه خوثه بس موحتى بالمشي مثوله

:-موثوله ودامشي

:-يعني اتبلاج موو كالها و دمغني حيل بدل ماابجي ضحكت

:-عبنج حيوانه وماعندج احساس متعوده عالضرب

:-لابس لان حاسبتك مثل عاشق وتمون عليه عادي بين الاخوه شقه

:-واني مواخوج النكس واختي براسج ماتشرف بوحده مثلج اخت

:-انتظر شعري

:-شبي

:-حتوكع القراصن فدوه بس ضبها حيل مااكدر اديه بيهن غراض

:-جيبي الغراض وانتي سوي ماعرف

:-دشوفها فالته لولا

انطيته ضهري جرها بيده منامنا ماكو صعدها عدل وجرني من نهايه شعري مشه وخرته من ايده بطريقه شقه وضحكت

بعدنه ماواصلين لبيت عمي وسمعنه سياره انداريت اشوف نفسها جايه بكل سرعتها

دكيتها ركضه لبيت ام سروان بدون لااباوع دفعت الباب ودخلت حتى ماعرفت اشصار ايدي على كلبي وصوت السياره شحطت حيل

شافتني ماما كالت شبيج

:- عزه ماما اركض وراي جلب

:-صايره نسخت ناي ماتسمعين الكلام

:-لاتحجين عليها ماما

:-دخلي جوه واذا شفتج مره لخ بهاي الملابس اكتلج

دخلت شمرت الغراض وعاضه شفتي كلبي يريد يطلع من الفرح حيل بيك مومتشتريني بفلس لعد اتحمل الي حسوي بيك

اخذت فوني هم ماكو ناي رجعته

خلص اليوم واني منتظره خبر منها اروح واجي وماكو

بليل كاعدين ودخلت بيبي عيونها حمر كامت ماما كالتها خيرج

:-سمار كامشي شباب قجق ضاربي

:-عزه وهسه وينه

:-كاسرين ايده مزيني صفحه من شعره ضاربي بوجهه كله مشوه

:-مالزموهم الشرطه

:-لاداده يكول ماعرفهم ولاشفت اوجوهم حتى من جابوا شمروا بابنا وراحوا لاعنده عداوه الولد لامأذي احد

:-معقوله ضربوا هيج زين صوتهم ماسمعه مالمح واحد منهم

:-غير يحجي هو شو بس يتصفن ابو كله امشي نشتكي مايرضه يكول لاهمه راحوا

:-يله الحمد الله على سلامته بعد خلي يدير باله لايطلع الدنيا ماتتأمن صايره ولااكو مخافة الله گعدي عمه وجهج اصفر صاير وانتي لحن جيبيلي العلاج ماما احس راشي دخن

:- ام عاشق هذا ابو سمار يگول خلي اتحضر روحها تجي وياي الصبح حتى انطلع هويه جديده

:-عمه صدك تحجين لعد منين اتعيش ناي اذا قطعتها عليها هاي بدل ميگول اشلون خالج عد الغربه يصرفون عليجن تعالن يمي

:-لج عيني حجيت وفرفحت بس ماكدرله هددني اذا ماجيتي ويا الصبح يخابر اخوج يجي ياخذجن

:- عزه بعيني يمه بتي تروح مني وين انطي وجهي

:- لج داده مصر ومرته دتحرض بي اتكله بت اخوك سودت وجهنه بالمنطقه عايشه يم وحده شعرفنا شدخل عليها من اهلها

:-الله ياخذها وين اهج وين اروح نصحيني اني يوم اذا ماخذت علاجي ارجع انكس وضيع بنتي

:-ترحين للامام اتضلين هناك كم يوم بين مايهدء

:-اشكد انضل ومنين ناكل منو يشغل وحده مثلي مريضه وجبيره وهاي ثوله ماكدر اشغلها ياخذوها يمه تعالي ليه وين اولي

:-روحي ويا طلعي هويه اله وخلصي

:-وبعدين عمه تره المره گوه دتاكل عايشه عالتقاعد مابتلت بينه وابنج بس ياخذ الراتب ويامن يخابر اخوي ياخذ لحن مسوين تبادل منفعه بينه

:-لعد شسوي والعذرا اتمرض من القهر اني مااگدر ولاالي حجايه اخذي لحن وأجري بيت بغير مكان واشتغلن

:-منيلي افلوس دينار ماعندي محتاره اذا خلص علاجي منين اشتري موانوب اطلع منو يرضه يأجر بيته بلاش بين مااشتغل وانطي لبالج الشغل هين رياجيل تركض ماتحصل مواني اكوم واوكع اله استعطي يالله اكدر ادبرها

:-لعد شسوي متكليلي هذا مصر اذا مارحتي ويا يخابر خالها

:-حتى اكتلها واكتل روحي ولاتكليلي اخذيها ونهزمي للباب اذا طلعت تروح مني لحن لاني صاحيه ولاهيه نادره اثنينه خوثات ماندبر روحنه ويه هالدنيا الغبره

گمت انطيتها علاجها لان شفتها ادهورت حالتها صدك التحجي كلشي رادله افلوس وحنه دينار مانمتلك وهذا عمي ماطول مرته زرعة براسه هالفكره عرفته ناوي يرجعني لخالي بعد ماياخذ الهويه

اتاخر الوقت فرشتلهن نامن وبيبي راحت لبيت عمو

گاعده يم ماما اتون هيه ونايمه اعرفها خايفه واني مواقل منها مگابله الفون اريد بس ناي اترد

بس حتى لوردت شتگدر اتسوي لاجوازات ولافيز هم رادلهن ذاك الاحساب وقت لان الفيزه صايره صعبه طلعتها

محتاره اخذها واطلع وين اروح ادري بروحي ثوله واخاف مومال ادبر نفسي موانوب ماما مريضه ورادلها افلوس علاج اضل اعرف امرنه محسوم

فتحت صفحتي القديمه بلكي الكيها مراسلتني عليها هم ردت بس اطمأن بطلت

خليت الفون يم راسي واتمددت صافنه بالسكف وين راحت اشصارلها المن اخابر هسه

رن فوني كمزت لكيت ناي تتصل فصلته حتى لاتكعد ماما طلعت بره استوني اتصل وصلني مسج

لبالي ناي فتحته لكيت من اركان كاتب طلعي اني بالباب---

***ناي***

الدنيا تفتر وبلعومي يوجعني الصوره مغوشه صوت ضحك وسوالف يمي

صوت غسق وهيه تكول ام عاشق تسمعينيي

فتحت عيوني باوعتلها اشرت بديها وضحكت ابتسمت كلمتها امنتني رجعتلي الحياة من جديد همست وينه

:- انطينا لغيث گناله اخذ بزرك مابينه حيل انربي

:-غسق وينه اريد اشوفه

:-بالخدج يتعارك ويه الاوكسجن ولج يرعص مخبل والله لبالهم مختنك بالمي طلع صوته خبص الامه حتى الدكتوره كالت لواعرف هيج مجان ولدتها عمليه

:-عزه عليمن طالع هذا

:-على ابوي گومي داعدل المخده وراج خلي اشوفج وانتي ام اشلون شكلج

:-ماكدر خليني المن يشبه

:-والله مامبين بعده زغير بس عنده غمازه من يصرخ طلعت بخده

:-هههههه هلگد ماابو صنف عليه صارت بأبنه

:-اوووي لويدري عنده ابن شنو شعوره

:-ياخذه ويخليني وراه مخبله خبرت لحن

:-اي وبشرتها ودزيتلها صوره كضتها مناحه حضرتها لاتزعلين

:-خطيه صدمتين بيوم حقها وهم وحدها ضاله رويده فدوه اريد مي عطشانه

رويده :- ماكو الدكتوره كالت ميصير بعده البنج بيج اتحملي اشويه

دخلت عمة غسق باركتلي كالت ولج يردون ابو الطفل حتى يسلمونه

:-كليلهم بالعراق واني جايه سياحه

:-كلتلهم بس هم مصرين ميسوون لابيان ولااسم اذا مووالد الطفل

:-كلشي لاتسويله اني ازورله بس جيبي منهم

:-خلي هسه بعد معتاز شارب مي هواي بين ماتكدرين اطلعين منا ناخذه

ضليت يومين بالمستشفى ثالث يوم سجلولي خروج

وعاشق كوه اخذنا منهم بعد عركه ودكتور عرف وتعهد وحتى تسجيل ماسووله لاسجلوا اسمه لان حتى اقامه ماعندي خالص وقتها ومامجددتها بيه بخت اهلي لوحكومي جان ماحصلته ابد

طلعنه للشقه دخلت اتمددت انطوني عاشق خليته بحضني اباوعله ناعم كلش بس ما بي شبه من غيث كله الي

غمازته خدوده حلگه حتى لون عيونه عليه مع العلم مامبينه بس عرفتهن لان ماكو بيهن لون ابد شبه بيض

ابتسمت اتذكرت من كال هسه نعرف منو يحب الثاني اكثر

اشتميته وخليته على كلبي تدري ابوك متلهف لشوفتك اكثر مني

بس اگدر اگوم راح اخذك وروحله بلكي وجودك يشفعلي يمه وينسى الصار

خليته بحضني نزعت المداليه خليتها بركبته

خليت اصبعي على خده همست تدري هاي اعز من روحي وماجنت اتخيل نفسي انطيها لاحد

بس انت اعز من روحي ماعرفت راح يجي شخص راح ياخذ النفس مني ويصيرلي الهوا

مشترك بأعز اثنين على روحي

عاشق وغيث

اكبر بسرعه وصيرلي سند خليني انام واني احس روحي بأمان وعندي احد عايش الي

ضميته بحضني شعور الامومه ماجنت متخيلته هيج اتحس قطعه من كلبك بين اديك

اشكد اتمنيت غيث يشاركني هالحظات ويشوف ثمرة حبنا

مر كم يوم احس روحي انولدت من جديد اسعد انسانه موجوده بلحظه نسيت كل المريت بي اتمنى اليوم مايخلص حتى ارجعه لفراشه كل دقيقه اشيل راسي واحمد ربي على هالفرحه الي عوضتني حتى على ذيج الساعه الراحوا بيها

احساس ماعرف اوصفه واني شايلته بين اديه واشتم بركبته رغم عمليتي خضره جنت اضغط على روحي واكعدله

البنات مامقصرات بالاخص بليل للصبح يگعدن ويا بس اخاف عليه موبيدي غريزه ربي يزرعها بالانسان بدون لايحس

طلع السابع وگعت صرته لوتكول صار رجال

قررنه نحتفل بهذا اليوم البنات طلعن للشغل وصيتهن على كيك وكم شغله

راحن واني بدلتله ورضعته نام خليته يمي ردت اكوم للحمام اتذكرت لحن من فرحتي وانشغالي مافارغه

اخذت فوني فتحته اتصلت ردت بصوت ضايج كالت بعد وكت

:- هههههه ولج والله مشغوله عاشق ماينام لاليل ولانهار شاغلني وهو زغير اخاف عليه يبجي ابشرج اليوم وكعت صرته

:-مبروك يگلبي والله كلبي يمج خايفه

:-قابل شيصيرلي ولج لاتخافين بعد غير اكو رجال وياي

:-يمه فديت الرجال ربي يحفظه متشوقه اشوفه

:-بليل امسويله احتفال افتح كام وياج

:-اي حتى ماما اتشوفه وياي

:-ماما يمج ؟؟؟

:-اي قبل كم يوم رجعت واتصل بيج ماكو

:-اشلونها صحتها هيه انطينياها اوولالافتحي كام انتظري خلي اسبح لاتشوفني هيج تقلق

:-بس هدئي نايمه استوني مطيتها علاجها وزينه صحتها جابها اركان

:-وين جانت كل هالفتره

:-بالمستشفى مال مخابيل شامرها خالي واخو باجي

:-ليش هيج يسون وهيه مويمهم عايشه

:-ماعرف حتى ماما هم تكول يمكن علمود الورث حتى لاداعيهم لوتشتكي وهمه مزورين

:-اشلونها هم مأثر عليها

:-هسه زينه بس اشلون طلعت مناك ماادري لان غيث مطلعها صار اشهر وحاجزها يمه

:-اشلون رجعها وهو گال راسها براس ابني

:-ماعرف انوب خوفني اركان كال سلمي على ناي وكليلها يكول غيث وصل حگ امج

:-معقوله عرف جبت

:-اني هم خفت ولبالي هذا غيابج جاي ماخذكم بس هسه امنت معناتها مايعرف واله مامعقوله لسه ساكت

:-اكو شي وره غيث هدوء مخوفني البنات يگولن حتى ادور بعد مايدور

:-يجوز مل واستسلم

:-مو غيث اليسوي هيج اكو شي ظامه الله اليستر

:-مايصير شي ان شاء الله عاشق اشلونه ماما اتكول مااصدگ ناي عقلت وصارت ام

:- لوسمحتي ماكو ناي بعد ام عاشق يمه يوكاحت عاشق دقيقه مايسكت هذا هو كوه يسحب نفس اذا كبر اشلون ماادري

:-هههههههه جلب على امه صدك راح اتكولين لغيث لوتظلين ظامته

:-بس افتح الخياط اخذه واروحله مهما صار بينه هو ماله ذنب لازم يعيش بينه

:-اذا شافه راح يسامحج شتكولين

:-ماعرف والله الفكره وحدها راعبتني بس لحدمن اضل خاتله هم مليت وابني يعتاز لقاحات اي شبي صوتج تعبان اكو شي صاير

:-هاا لابس مشتاقتلج اشوكت تاخذينه

:-افلوس جوازج كملن خلي اكمل افلوس جواز ماما واطلعلجن فيزه مااتاخر

:-يعني اشهر مو؟

:-ادري بيجن مامرتاحات بس والله ماواگع شي بيدي حتى افلوس الراتب مداصرف منه غير لعلاجي واضم الباقي والله قصرت على نفسي حتى الاكله بس بسبب ولادتي المبكره خسرت كلشي

:-يعني ضعنا رجعنا لنقطه البدايه

بجيت لان اعرف الصوج مني

:-ناي لاتبجين فدوه

:-والله سويت كل الاگدر عليه ماضيعت ولادينار وجبه وحده اكل واكلهن مااشتهي حتى لاادفع افلوس اكل واجمعهن بس ولادتي دمرتني ماجنت حاسبه حسابها

:-فدوه الج يمعوده ناي بروح عاشق لاتبجين الحمد الله من اجه بالسلامه ورد ضحكتج بلكي الله يعوضنا بي ويكون سند النه

:-عمي الكلب ضاغط عليجن

:-اتعودنا ومو بسببج لاتحملين نفسج المسؤوليه انتي شدخلج هواي ضحيتي بروحج لخاطرنه ماقصرتي ويانه بس قسمتنا عوجه من ذيج الساعه الي ماما قررت ترجعنه لنقطه الصفر

:- لحن ميخالف لاتحجين گدامها هيج مريضه لاتقهريها موبيدها من صار عندي عاشق عرفت معزت البزر شنو جانت اتريد تحمينه خافت علينه

:-من شنو تره رجعنا للظيم وانگس انتي اذا كمشوج يذبحوج اني ضايعه ماعرف شنو مصيري وهيه اذا ضلت بدون علاج تطلع بالشارع ماتندل حتى طريقها هاي اذا ماخالي رد اخذها ورجعها للمستشفى منو يگدر يعترض لو يوكف بوجهه

:- ماعرف لحن احس روحي مطوقه من كل الجوانب انتوا من جهه خايفه ياذوكم لازم استعجل واجيبجن واني ولادينار وابني من جهه خايفه غيث يعرف وياخذه مني وحق اخوي من جهه خايفه اموت واني بعدني ماماخذته

:-بعدج اتفكرين بحق عاشق مانسيتي

:-انسى الدنيا كلها ومانسى ذيج نظرته يباوعلي بكسره وهمه ينحروا كدامي

:-اذا جان ابنج مقابل دم عاشق المن تختارين ناي

:-قبل صاروا عاشق وغيث نفس الكفه واحد بمثابه روحي والثاني كلبي دست على كلبي واختاريت اخوي بس هالمره ماعرف شي بداخلي اتغير

:-اتحبين ابنج اكثر مو

:-لاوروح عاشق لا ماحبيت ولاراح يجي واحد اعز منه ربي ديختبرني اختبار صعب يعوضني بواحد نفس معزته ويكلي اختاري لحن خايفه يجي هذا اليوم وقتها ماعرف شسوي

:-ابنج بعده صغير معتازج

:-وانسى الجان يگعد بالساعات يهفيلي حتى انام مرتاحه وهو ميت تعب جاي من الشغل لوالجان يشلع اللگمه من حلگه ويخليها بحلكي وادري بي جوعان بس يضحك ويكول ماحبها حتى اشبع اني

:-شيصير لو تاركيلنا واحد منهم

:-جان مانذلينه ولانكسرت كلوبنا ويه ناس غلط ننجمع وياهم جان كملنا دراستنا وكل همنه نرجع للبيت نشوف ماما شنو طابخه النه

:-هههه صفينه من بعد ذاك الدلال كل وحده بمكان خاتله من شي خايفه منه اي غلطه اتكلفنه وجع كلب كل حلمنا نلتم بمكان نعيش بي بهدوء

احنه نحجي ودخلت رويده تركض كالت ناااي لحكي

سلمت وسديته ويه لحن باوعتلها اشرت شكو

:-كرم اتعارك ويه غيث على شي ماعرفه شنو بس غيث خنگ كرم وكله اذا وصل الخبر روحك متكفيني

:-خير شصاير زين هيج كبل اتعاركوا لو جانت متخاربين

:-لادانزل اكل بالمطعم واجه واحد سأل على غيث جان بمكتبه رحت صحتله طلعله انتبهت لفونه ناسي ويرن شلته رحت اودي وراه واشوف الولد طلع جواز انطاه وكله كمل مثل ماطلبت

:-اي وشنو؟؟

:-الجواز من فتحه قراه وضحك اجه كرم شافه كله يعني سويتها رد انكتم يول ونفس مااسمعلك بالقران امحيك خلي النفس عليك طيبه لاتخرب الخوه

:-جواز شنو والمن ؟؟

:-ماادري بس من راد يخلي بجيبه باوعلي واشرلي بي وغمز

:-شيقصد ولج اخاف اندل مكاني هذا شيطان يفر السالفه بدون لايخلي احد ينتبه

:-لعد الجواز المن ماكو ربط بالكلام اخاف راح يجيب اسماء هنا ويريدني اوصلح الخبر بلكي تغارين وترديله

:-كرم اشلونه

:-والله گلب الطبله وضل يصرخ على غيث وذاك يضحك اول مره اشوف كرم هيج معصب تالي ودفر الباب وطلع مارد

:-وغيث شسوه ورا

:- ماكو شي سلم المفتاح لعثمان وصعد بسيارته طلع ماعرف وين عاد استغليت غيابهم طلعت ركض هم جبت ذني بطريقي واجيت حتى تتصلين بكرم خطيه اخاف اتأذه

:-ماعليه لاتخافين دوم يتعاركون مايصير الليل اذا ماكاعدين على نفس الطبله ياكلون جيبي داشوف شنو جبتي

:- يمه فدوه جبت لحبيب خالتو ممات ومرطبات فدوه للنومه التخبل ناي نشنش بينت ملامحه

:-اي ديكبر بسرعه اتصور خشونته على ابو طالعه ماشاء الله لااحسده

:-فدوه شكله عليج وجسمه على ابو هسه غسق تكول محجوز الي

:-ههههههه لاكافيها جود تركض ورا ليل ونهار قفلت

:--تره حتى هو يميللها البارحه سمعته من تخبره يكلها صار ساعه خال الفون ومنتظرج تتصلين وينج قلقت عليج خو ماعندج شي

:- اثنينهم ينگطون كياته وحتى لوفكر يحب غيرها ماتخلي قانونها يالي ياماتصير لغيري دجيبي دااشوف شنو جبتي

اخذت العلاكه و جاروبات وممات كم لبسه يجنن

كل شغله اشيلها ابوسها يخبلن غراض حديث الولاده الاستعجال ماخلاني اصبر

فتحت ملفه لبسته الجواريب وبوست رجلي

كمت رحت للحمام ماطول نايم استغلها

وكفت جوه الدوش وين وصلت بينه غيث هيج واحد خايف من تفكير الثاني ويحاول يدمره

اندكت الباب وصوت رويده كالت فضيها داريد اطلع

:-هسه خلصت وين ترحين

:-غسق خبرتني كالت وصو كيكه على حسابي راح روح اجيبها وهم كم شغله معتازه اخاف اطلع ويگعد عاشق

:-يله طالعه

كملت عالسريع طلعت وكفت امشط شعري وهيه لمت ملابسه سفطتهم بوسته وطلعت

لفيت شعري ورحت اله شلته اشتميته يعمري انت لواعرف اكتله لابوك وماانطيك يريد ياخذك اشكد بطران هوانت بطني بس كلبك دگ انهزمت وعرف وراي موت موهسه

بسته واخذت نفس اوووف يريحه الغثيث

بسته من حلكه

اشتعل كرم موبوسه ترد الروح يمه فديت اليعصب ميرضه على نومته

خليته عالفراش خرطت جاروبته تركتها غطيته

رحت للمطبخ جبت الممات دارجع اندكت الباب البنات كلها بالدوام ماكو احد عرفتها رويده الفاهيه نست مفتاحها لان شفته عالميز

داافتح الباب وگعت الممه مني دنكت شلتها وفتحت الباب

وكفت احس جسمي كله جمد واني اشوف غيث كدامي مدنگ

ردت اسد الباب دفعه ودخل رجعت ليورا

:-غيث والله اصرخ والم عليك العالم

رفع حاجبه وابتسم

:-انت اختاريت البعد اني خيرتك ماتركتك هيج

هز راسه اي

:-غيث شرايد

مارد احس الرجفه اخذت جسمي خفت من هدوءه اني ارجع وهو يتقدم وصلت للغرفه كمشني جرني لحضنه

عصرني حيل دنگ باسني وخذ نفس طويل وضغط عليه اتحسه يريد يدخلني بين اضلوعه گال :- عش اترجفين يولي

:-والله ناويه بس افتح الاخياط اجي اكلك

:-على شنهو تحجين يولي

:-غيث لاتحرك كلبي فدوه اروحلك

:-عش احرگ كلبج يروحي

شهكت حضني حيل ورد باسني همس اششش

:-لاتاخذه غيث اموت والله

وخرت راسي مسح دموعي وابتسم احس كلبي يريد يطلع

دخل واحد ورا كله تمام غيث مأمن المكان

باوعتله اشرت شكو

باس راسي وسد حلكي جرني للجربايه خلاني عليها كمت ارفس واضرب بي مااهتم كمش ايدي ثبتها برگبه رجله وطلع ابره من جيبه

اباوع للولد دخل اخذ صوره لعاشق ورسلها كمت اصرخ بس مايطلع صوتي باوعتلي بترجي ودموعي تنزل

خله الابره بايدي ضربها وشمرها گعد يمي بس دموعي تنزل

وخر شعري عن وجهي كمشت ايده مااريده يروح عصرتها حيل وباوعتله بكسره دنگ باس راسي وهمس لاتبجين يروحي

عين بي وعين بالولد الي دنگ يلف بعاشق كمت ارفس واصرخ بس صوتي مكتوم رفع راسي خلاني بحضنه عدل ضم وجهي بصدره وعصرني

كله يله اخذوا ----

صداع قوي، صوت بجي، وجهي أحد يحرك بي. عيوني غواش عليهن ما أشوف. فتحت ورجعت سديتهن، صوت رويدة وهي تقول:

"ناي فدوة أروحلج بس اصحي."

غسق تصيح:

"ما نلحگ، انتهت، خليها نايمة أحسن."

الصوت تلاشى، رجعت بغير عالم. فتحت عيوني والشمس بوجهي، مسحت عيوني، ردت أقوم الدنيا افترت، رجعت نمت. فركت راسي، درت وجهي، غسق نايمة وهي وقاعدة لامة رجليها لحضنها، ورويدة تباوعلي صافنة، كامشة ممة عاشق وعيونها حمر.

انداريت لكريوك عاشق فارغ، كَمزت رحتله، ماكو بس جاروبته ومدالية الصليب ع المخده. شلتهن، أريد أحجي انشل لساني. بكت رويدة بصوت. كعدت غسق، مسحت وجها وكامت اجت يمي همست بكسرة:

"وينه؟"

"ما ندري."

"اترجّيته، أتوسلت، بجيت، گلتله أموت إذا سويتها."

"ناي اهدي."

"ابني بعده صغير، ما لحگت أشبع منه."

"بس اهدي، وين يروح قابل؟ هسه نلگيه، تلگيه أخذه لشقّته وين قابل؟"

ركضت للفون، طلعت رقم غيث، إيدي ترجف. اتصلت، ماكو خارج التغطية. دخلت على صفحته اتصلت:

"رد رد غيث أبوس إيدك رد ردددددددد."

شمرت الفون. كَمشت راسي كعدت:

"راح ابني أخذه."

غسق:

"شدراج هو أخذه؟"

ما رديت، كمت لبست حذائي وطلعت أركض. نزلت ع الدرج نسيت حتى عمليتي، ما أشوف گدامي، بالي يم غيث، أركض مثل المخبله وأتوسل ويه روحي. وصلت للشارع وكفت أجر تكسي، وصعدت وياي غسق. گلتله:

"اسنيورت."

أريد أسيطر على رجفة جسمي ما گدرت، غمضت، ماكو بلساني بس:

"غيث دخيلك لا تسويها بيه."

غسق.

:- ناي بطنك دتنزف، انفتحت عمليتك.

:- شكد صار لي نايمة؟

:- ولج بطنك!

:- شكد صار لي نايمة؟

:- من البارحة، أصلًا ما ندري. هو اللي أخذه لبنى، قعدناك ما تقعدين. رويدة خبرت كرم، قال لها: "ا أخذه غيث بس ما متأكد".

:- هو جان محضر كلشي. دخيلك يا رب، كلشي اختبرني بس ابني ما أتحمل أخباره صعيبة يا رب. شنو الذنب السويته؟ ليش هيج دتعاقب؟

:- نلكيه، ما يلحق يروح، بس هدئي وكمشي بطنك.

:- هذا يمشي على الكيف، قولي له خلي يوقف أنزل أركض بلكي ألحق.

:- راح نوصل بس اصبري.

أكل بظافيري وأباوع للشارع. لساني انشل ما أعرف أدعي.

وصلت للعماره، نزلت ركض. دقيت الجرس على شققهم وأدق بالباب حيل.

انفتحت، دخلت، صعدت الدرج على السريع. لقيت كرم واقف بالباب، شافني دنّق.

نزلت دموعي، قلت له:

:- لا تقول راح.

نزل كمشني.

:- ابني وين كرم؟

:- ما عليه، أهله ما يأذوه.

:- لا لا، غيث ما يسويها بيّ، ما ياخذ ابني مني، يدري بيّ أموت وراه.

:- تعالي ادخلي، ملابسك كلها دم.

:- ووووولك ابنييييي! يما وليدي، أخذوه من حضني، يما بعدني ما شبعت من ريحته.

دفعته، رحت لباب شقته أدق حيل وأصرخ.

:- افتح غيث! لا تسوي بيّ هيج، ولك أمووووت! غيث افتح الباب، عاقبني بأي شي بس مو ابني.

كرم:

:- قلت له: "تموت لا تسويها".

:- ليش ما قلت لي؟ مو تقول إني أختك؟ شلون خليته ياخذه؟ يما ابني صغير أخاف حتى أكمشه، كرم! أريد ابنييييي، رجعه لي كرم، ابني أمووت والله.

:- كافي! راح تموتين.

:- راح عاشق، هاي هي، بعد ما أشوفه.

حسيت الدنيا افترت وصارت ظلام.

فتحت عيوني بالمستشفى، يمي جود. ابتسم، قال:

:- الحمد لله على سلامتك.

شهقت، دنّق مسح دموعي.

:- يرجعه والله.

:- ما لحقت أشبع منه.

:- بس صيري زينه وروحي أخذيه من بين عيونه.

:- جود خبره يحبك، راح يسمع منك.

:- والله خبرته وتعاركت وحجزت، راح أروح له.

:- أخذني وياك، أروح.

:- ما تقدرين تتحركين، عمليتك مفتوحة ردوا كبسوها.

:- صيّح لكرم خلي يحجز لي، أروح وحدي.

:- ممنوع تطلعين منا ليومين، ناي عقلي. إني رايح بلكي أقدر أقنعه.

:- شنوووو؟ وروح أهلي أطلع، وخلي أحد يمنعني! وخرررررر.

دفعته وكمت أحس بطني انشقت. عصرت روحي. كام طلع يركض. دخل وياه اثنين دكتورة وطبيب. كمشوني هو والطبيب، وإني أصرخ وأرفس أريد بس يهدوني.

رجعوني سحل للسرير، أتللوى وياهم. ما تركوني لمن ضربوني إبرة، ثواني وبعد ما أحس.

يومين وإني على هاي الحالة ما يخلوني أصحى، مهدئ ورا مهدئ؛ لأن حالتي تعبت كلشي وعصابي انهارت. ما تركوني لمن انهديت صدق وما بيّ بعد حتى أحجي، بس دموعي تنزل.

فتحوا الخياط والعصر سجلوا لي خروج.

طلعني جود وغسق كوه أمشي. رجعت للشقة، دخلت صار قدامي كريوكة. أحس روحي شاطت، ردت أكمشه. جرتني غسق رجعتني لفراشي. قعدت وعيني بيّ.

غسق:

:- ناي ارتاحي شوية وخبري بلكي يحن قلبه.

:- ما راح يحن. قال: "مكان أمك وأنت جاي دورك".

:- شعرفه ولدتي؟ وشلون سوى صورة للجواز؟

:- أخذوا له صورة قدامي، جوازه كامل من زمان بس زوّر صورته يمه. صدري مورم، ابني جاع، ولج غسق جاع ابني.

:- مثل ما هو عزيز عليك هم عزيز عليه. هذا ابنه ما راح ياخذه بذنبك.

:- راضية كلشي يسوي بيّ، خليه يعذبني، يضربني، يحبسني، يطلع شكو غل بداخله، بس لا يعاقبني بيّ. ولج، استوني حسيت إني عايشة، استوني ضحكت براحة وإني أشوف ربي رجّع لي عاشق بحضني.

:- صح انكسرتي، بس هو يحبك ما راح ينطي قلبه يعذبك، كم يوم ويردّه.

:- ما راح يرجعه؛ لأن ما يقدر يعاقبني غير بهاي الطريقة، وإني ما أنتظر بلكي يحن ويرجعه.

:- شراح تسوين؟

ما رديت، قمت لكنتوري أدور على الجواز. طشرت الملابس، هوست الدنيا ما حصلته.

اندريت لرويدة، جانت تبجي.

:- وينه؟

:- ماكو، ماخذه غيث بس هويتك موجودة.

:- ليش ياخذه؟ شنو هالظلم؟ ربييييي تعببببت.

:- سوي غيره.

:- اشوكتتتتت؟ اشوكتتتت قولي لي؟ ابني راح بعد ما أشوفه. ولج يقتلوووااا، أم عامر ما تخليه عايشششش، هسه تموته.

:- ما يخليها غيث.

:- ما يدري غيث، ما يدري. منو يقول بعده عايش؟ يجوز مات. أي، اللي ما يرد على الاتصالات يجوز ميت.

رحت لكريوكة اتلمسته.

:- وين أنت يا ماما؟ عايش؟ لحقت اللي راحوا؟ هم بكيت؟ هم جعت ودورت صدري؟

آآآخ يمه تعالي قولي لي شسوي؟ شلون أبرد النار اللي بداخلي؟

شلت جاروبته، اشتميتها وخليتها بصدري. قعدت يم الكريوكة بس الميدالية والجاروبة بحضني، كل من ترك لي ذكرى تأخذ روحي.

مرت عليّ أيام ما تمر حتى بالأحلام. جنت بكابوس عيني ما تغمض، كامشة الفون منتظرة غيث يفتح جهازه لو واحد يرد.

لكمة ما أقدر أخلي بحلقي. وصلت لمرحلة ما أقدر حتى أتنفس. عيني بملف عاشق، أحلم رجع لي ونايم بيّ.

صار الفجر، قلبي أحسه انفطر ما بيّ أتحمل بعد. البنات نايمات.

قمت على كيفي، لبست قمصلي وطلعت. نزلت من العمارة، رحت أمشي بدون شعور ما أعرف وين بس أريد أتنفس مخنوقة.

ما شفت روحي غير قبال عمارة غيث. قعدت يم الباب لميت رجليّ، أباوع لها.

:- اشوكت ترجع؟ اشوكت يحن قلبك وتقول كافي هل قد أعذبها؟ ارجع وسوي بيّ كل اللي يخطر على بالك، والله أتحمل منك أي شي بس رجّع لي ابني.

فركت قلبي أحسه يريد يطلع. كل أنواع الألم مريت بيّ، بس مثل هذا لا.

إحساس صعب موت على البطيء. لو أعرف هيج معزة الطفل تصير ما جان أتوسلت وأترجيته بس حتى نسويه.

أتخيلت شي عادي مثل حبي للباقين، ما تخيلت راح أكون مستعدة أنطي روحي بس لشوفت وجهه.

وجه الصبح ووقفت سيارة. نزلت منها سارة، باوعت لي وضحكت، قالت:

:- ها فر الطاولة بيك، خلاك تقعدين قعدته.

:- جنتي تدرين؟

:- لا للأسف، غيث شغله كله دفن بس أدري ناوي يرجع ويطلقك بس يطلع الأربعين مالتك.

:- اشوكت يجي؟

:- ما أعرف، بس أعرف محضر لك مفاجأة راح يطلع شكو قهر شافه من عينك.

:- لا تقولين يأذي ابنه.

:- لا لا مو لهل الدرجة. البارحة حفلة الطهور والعالم عازمها كلها، صح سكتاوي لأن حزنانين، بس هذا ولي العهد صاحب الأملاك العايشين بيها كلها جدته سلمت كلشي له.

:- عندك صورة؟

:- اممم عندي وحتى فيديوات مال الاحتفال. فدوة لحبيبي غير باللبس العربي طالع يجنن وهو يلعب جوبي ويه أركان فرحان بابنه.

قلت لها بتوسل:

:- خلي أشوف ابني، فدوة أروح لك. والله قلبي ميت على لمحة وجهه.

:- قومي بسرعة تعالي وياي لا يشوفك كرم تالي يخبر غيث دخلت شقته ما يرضى.

قمت وياها، دخلت على السريع متلهفة على شوفته. انطتني فونها، قعدت أباوع شلون بيبي شايلته وتهلهل وتطش جكليت عليه هو وغيث.

صوت الرمي خابص الجو، عيني بابني صغير ملفلف ما مبين منه شي. خالته بحضنها وتضحك وغيث يمها يمسح على خده ويصور.

جابت لي مي سارة، أخذته وشربته بدون لا أنتبه. بقد ما جنت مختنقة دقايق ارتاحيت. راح كل قهر عن قلبي، تمددت مرتاحة وطايرة. رحت بالنوم ما قعدت إلا نص الليل، صدري يوجعني من الحليب.

قمت قعدت، راسي مصدع. شلت فوني الساعة ٣ بالليل. طلعت صفحة غيث، لقيته متصل. ما صدقت بسرعة دقيت طلب. فتح كام، فتحت باوع لي وضحك بكسرة.

:- ليش غيث هيج سويت بيّ؟

رفع حاجبه.

:- وينه بس أشوفه؟

:- من هو هو؟

:- غيث جوعان، صدري ديدر.

:- شبعان ونايم بحضن عمتو.

:- أبوس رجلك سوي اللي تريده. مستعدة لأي عقوبة بس ابني لا، دخيلك أدري غلطت واستحق أي شي بس مو عاشق.

:- من هو عاشق يا ولي؟

:- غيرت اسمه؟

:- طبعًا غيرته. غير ابني بس عاشت إيدك من غير تعب وتفكير حصلت ولد على الجاهز.

:- خلي أشوفه الله يخليك.

:- ما راح تدحقين وجهه لمن تموتين.

نزلت دموعي، قلت له بكسرة:

:- بس هالمرة قلبي يوجعني غيث، والله بعد ما أتحمل.

:- أويلي يا به بالقرآن شلون جنت ناوي لك نية أربيك بيها بس حظ خرب بأهلك. شايلة بخت انحجزت هين ما قدرت أرد لك هم هينة. لا تفرحين كثير ما طول راد لك تعلمك شلون تنهزمين.

:- غيث بداعت كل غالي على قلبك، والله راح أموت.

:- هذا الموت ما يحجي بي غير اللي دخل وعاش كل وجعه.

:- تندمت والله وروح عاشق، جنت ناوية أرجع لك.

:- هه كثير متأخرة، والندم بعده لسه ما دحقيت منه شي. أريد أشوفك الندم على أصوله وراس ابني، كل ليلة سهرتها وإني عيني بالباب بلكي يرف قلبك وترحميني راح أطلعها من عيونك يلا ولي.

:- لا لا لا غيث! غيث بس أشوفه هيج من بعيد، الله يخليك بس ألمحه.

أخذ حسرة.

شهقت أباوع له بتوسل.

غلق الفون أحسه شق قلبي. رجعت اتصلت، غلق فونه.

بكيت بصوت أحس الخنقة بقلبي. طلعت سارة على صوتي، قالت:

:- شقعدك؟

:- توسلت بس أشوفه حتى لو من بعيد ما يرضى، ما يرررضى.

:- ناي لا توقعيني بلوة، درة أنت يمي.

:- ولكم حسوا بيّ، دا أموووت، نار بقلبي مشتعلة.

:- اوو أنت راح تظلين تنوحين وإني راسي يوجعني. قومي اطلعي رجعي لمكانك.

:- اشوكت يرجع؟ مو أنت تدرين.

:- والله هالايام على الأساس بس صارت مشكلة ويه أهل المقتول ومحجوزين كلهم.

:- ما راح أبجي خليني هنا، فدوة أخاف يرد وإني ما أدري بيّ.

خليت إيدي على صدري، غمضت.

:- ربي احمي، ربي والله قلبي بعد ما بيّ. فَقْد كلشي ولا ابني. أخذ من عمري وخلي على عمره.

:- هاك اشربي مي.

:- ما أريد.

:- راح ترتاحين بيّ، مهدئ أحسن ما ظالة تنوحين، العالم نايمة لا يشتكون علينا لو تقومين تطلعين.

جنت بحالة ما أميّز بين الغلط والصح، قلبي خالي ردت أي شي يهدئني.

أخذته منها بدون لا أعارض، شربته. صدق ماكو دقايق ونمت.

أسبوع ماكو غيث من آخر اتصال، قطع كل برامج التواصل.

حالتي ساءت أكثر. قاعدة بغرفتي القديمة، لا ألتقي بأحد ولا أحجي ويه بشر، منتظرة جية غيث بالثواني.

المي اتحول لحبوب، مرتين آخذ باليوم بدون وعي. إذا أتأخر شوية أتخبل ما أعرف شسوي، أملخ روحي بدون لا أحس.

سارة خالت لي شريط مهدئ بالمجر. كلما أحس راسي صدع آخذ منه، ثواني وأعيش غير شعور حتى ابني أنساه.

مر أسبوعين، حتى تمشيط بعد ما أمشط، حتى السبح أسبح وقت ما آخذ علاج على السريع وأطلع أرجع أقعد ورا الباب. لا أفتح لباب للبنات ولا أحجي ويه أحد. يسولفون من ورا الباب لمن يملون ويروحون.

قاعدة وقت العصر، كامشة ميدالية والجاروبة بيدي أباوع لهن آخر ذكرى بقى لي منهن.

:- شلون صار شكلك هسه؟ أكيد اتغيرت وكبرت. قمت تفطن تباوع بعيونك. أبوك ديلعب وياك، أكيد فرحان بيك. هم مكتوب لي أشوفك بيوم لو صرت حلم لي؟

كمشت راسي، رجعت لي النوبة. قمت بسرعة للمجر، لقيت الحب خالص وسارة ماكو. قمت أفتر بالبيت مثل المخبلة ما أعرف شبيه.

ظليت أروح وأجي بس أريده يهدأ. ما صدقت سارة فتحت الباب ودخلت. رحت لها أركض، أشرت شكو.

:- راسي راح ينفجر.

:- وشرايدة؟

:- سارة انطيني من هذا الحب.

:- ما عندي خلص.

:- لا لا فدوة أروح لك، ولج راح أموت.

:- قلت لك ما عندي وهذا غالي وأنت ما شاء الله قاعدة لا شغل ولا عمل. هم أكلك وهم علاج منين أجيب؟

:- أشتغل وأرجع لك كل دينار أخذته منك بس ارحميني، راسي راح ينفجر.

:- عندي إبرة وها بس هالمرة غالية هاي.

:- شنو هذا إدمان اللي دتنطيني إياه؟

:- أي إدمان، ما تريدي اتركيه مو لازم.

كمشت راسي ورجعت قعدت أفرك بيّ. غمضت.

:- ناي شتسوين بروحك؟ راح تصير مدمنة. بطلي، تحملي بس يوم وراح تتعودين.

اشقد حاولت أضغط على نفسي بس كلما جايه يزود ما قدرت أصبر أكثر. بس هالمرة آخذه وأبطل بعد ما آخذ، أي بس اليوم.

قمت رحت لها للغرفة، لقيتها اتبدل. شافتني قالت:

:- ها شقررتي؟

:- بس اليوم انطيني.

:- ناي حتى لو أجيت اتوسلتي بعد ما أنطي. تدرين سعر الوحدة بيش؟

:- لا لا ما أطلب.

:- وغيث ما يوصله الحجي، والنبي يحرقنا إني وياك.

:- هو أصلًا ما ديتصل شلون يوصله؟

:- غير بسببك تورط واحد من أهل القاتل شامر له حجاية عليك وهو منهي ما خال عظم صاحي بيّ وردت الهوسة من جديد.

:- قلت له طلقني ليش ما طلقني؟

:- أي مو هو أبو الجبان بدل ما يدور مرته ويعاقبها على السوته، يقوم يطلقها. صار أشهر لا يعرف ليله شنو ولا نهاره حتى للعراق ما نزل ما يقدر يراويهم وجهه.

:- يمه راسي راح ينفجر، فدوة بسرعة راح أموت.

:- تعالي دأعلمك شلون تاخذيها، أخاف تعتازين وإني ما موجودة.

:- لا ما آخذ آخر مرة.

:- قبلك كلناها. دتعالي قعدي.

قعدت جسمي كله يرجف. وخرت أرداني، مديت إيدي شدتها.

ودخلت الإبرة ثوانٍ لا أكثر، وعشت في قمة السعادة، شعور كأنما طفل في صباحية العيد.

تمددت وأنا مبتسمة، ضحكت وقالت: ها، حلوة الدنيا؟ تريديني أبطل لما شفتِ السعادة؟

- نعست.

- لا تنامين، حرام تضيعين راحتها بالنوم.

- راح أبطل بس اليوم.

- بعد ما تقدرين تبطلين، جسمك اتشبع، بس لا تقولين لغيث أني علمتك.

- ما راح يرجع ولا راح يدري.

- لا راح يرجع بس يصفي السالفة، كل يوم يتصل يسأل عنك، آخ أتمنيت روحي مكانك، ليش فضلك عليه؟ شنو بيك يختلف؟

- حتى يزيد عذابي وحياتي المظلمة.

- والله لو ماخذني مكانك جان صنته، أبد ما سودت وجهه قدام أهله، جان ات حجيت وصرت له جارية، جان عبدته وحبيته أكثر مما أنا أحبه هسه.

- شنو الفرق؟ مو متزوجك هو؟

- بالخفي، محد يعرف هذا الشيء بس أصدقائه وأنا، والله تركت كل شيء حتى بابا، وأبد ما خنته حتى بتفكيري، أشقد عذبني أبد ما اعترضت، قبلت بأبسط الأشياء، حتى من دخلك لحياتنا صح أكرهك وأتمنى تموتين، بس أتقبلتك لخاطره، لأن عرفته عا شقك من جواه، بس أنتي ما تستاهليه.

- راسي يفتر.

- أنا بس اللي أستاهله، أنا حبيته أكثر من روحي، عايشة بس لأنه هو موجود، ما خليت أحد يلمسني، وتركت كل عيشتي القديمة واكتفيت به، والله تبريت حتى من بابا وقطعت اتصالي بماما مثل ما طلب، ظليت بدون أهل بس حتى يرضى عني.

- سارة، ده أحس شيء على عيوني وجسمي خدران، ما ده أحس بشيء.

- غيرت لبسي، صرت ألبس محتشم، وإذا طلب مني أتحجب راح أتحجب، وحتى من الشقة ما راح أطلع، ما أريد حتى صديقات، أدري به يحبني بس ليش ما ده يعترف بي؟ أنا ما لي ذنب أنولد بهيج عائلة، ولا ذنبي أبوي مو خوش آدمي، ليش ده يحملني مسؤولية هالشيء وما راضي يخليني باسمه؟ أعرفه يحبني بس ما ده يقبلني زوجة قدام الكل.

- ابني أشلونه؟ هم سولفلج عنه؟

- ما عرف، ما أسأله، وها إذا تريدين علاج راح أنطيك رقم غيداء، هي تنطيك، أنا بعد ما عندي وأخاف غيث يدري والله يذبحني.

- قلت لك ما أريد، راح أبطل.

قمت أحس الدنيا تروح وتجي، سندت نفسي قوة، وصلت لغرفتي، دخلت وقعدت على الكرسي، أخذت لي بالربع ساعة، تحول الخمول لنشاط مو طبيعي، حتى قلبي بارد ولا تقول اكو شيء.

باوعت وجهي تعبان صاير، سحبت المشط ومشطت، قمت أخذت قمصيلتي وطلعت، نزلت لقيت كرم على الدرج قال: وين رايحة؟

- للكوافير، أريد فلوس.

- ناي، بيك شيء؟

- لا بس ضايجة، أريد أغير من روحي شوية، بلكي أطلع من الحالة اللي بيها.

- ناي، شصاير وياك؟

- ههههههه ولا شيء، شبيك؟ بس مرتاحة وده أحس بطاقة إيجابية، ما أريد أفوت هالشعور، أعرف مزاجي متقلب، هسه شوية وأرجع للحالة، خليني أستغل وضعي.

- ولو خايف من هالحكي، بس هم زين تسوين، أشقد تردين؟

- ما أعرف أي شيء، أنطيني وروح لرويدة خلي تسحب وتنطيك.

- الله يطيح حظك على حظ رويدة، امشي أنا وياك رايح ده أشوف وين تولين.

- هياته هنا، كرم شبيك؟

- ميخالف، اكو عالم خاتلة بحضن أهلها، وسالكة آباءنا بالأوامر، امشي.

رحنا للكوافير، دخلت وهو ظل قاعد بالباب.

سويت وجهي وعدلت شعري، سويت أظافيري، أتصرف تصرف أنا ما أعرفه، شنو يجي طيف عاشق بعيوني وأضيعه، ما أريد أذكره.

خلصت، طلعت، صفن بوجهي كرم، ابتسمت، قلت له: ترى مو مخبلة، شبيك؟

- والله لو تتخبلين هواي أحسن، أقلها واحد يشمرك بالمستشفى ويأمن.

- جوعانة.

- يخسى الجوع يا أم عاشق.

باوعت له بكسرة، همست: وينه عاشق؟

- ناي ناي، ده أريد أحكي وياك بخصوص رويدة.

مسحت عيوني: شبيها؟

- أريدك تسأليها إذا أخذت أهلي ورحت خطبتها تاخذني؟

- وين جنت هالوقت كله؟

- ناي، ما تعرفين بيمن ده أمر، بس بعد ما أقدر، مجاهلتني صار لها أشهر ما تحكي وياي، والله قلبي خلص ما ظل صبر.

- كرم، أنت مصعبها، تقدر تغير دينك وتتزوج، ما طلبت منك غير تصير باسمك وتعيش وياك هنا.

- لا راح أخطبها من أهلها، أريدها برضاهم، أطلعها منهم بدلتها قدام الكل، ما أريدها بالختلة.

- أحكي وياها اليوم، أكيد راح توافق.

- ماكو، حاضرتني، وبالمطعم تقول غريبة ما تحكي وياي، كلما أجي أفاتحها تصدني وتفشلني، تخليني أخجل وأبطل وحدي.

- تعبت ترى، أهلها مستغلينها راتبها وشغلها كله الهم وهمه ما معتازين، وأنت شالع قلبها، البنية ملت كرهت روحها.

- تجين وياي نروح الها نحكي أنا وياك؟

- ما بيي والله، أريد أرجع أنام.

- لعد أختك وأختك وين أم تك غمازة؟ يلا أختي الوردة، أعزمك على عرنوص يلوق للعيون اللي جنهن عيون بزون مصدوم.

- يلا واعزمني على لفة، ميتة جوع.

- استغلي استغلييي، أمداج من دون الخوات قفاصة.

رحنا للسكن، دقينا الباب، فتحت الباب رويدة، باوعت لي وضحكت، حضنتني حيل، ما مصدقة، بستها وهمست: كرم وياي.

- ليش جاي؟

- ده ندور على عروس له، قلنا بلكي تعرفين وحدة من هنا من هنا بت حلال.

صوت غسق إجه من جوه: أنييي، خوش بنية والله مترباية، مرتين موافقة.

- ههههه لكرم مو لجود.

- شوف التفرقة، غير أخت نعال أنتي، ولج غير تزوجيهم سوه؟ ليش تكسرين بخاطر جود؟ يلا ميخالف أنا أخذه ونزوجهم بنفس اليوم.

طلعت من الغرفة، ضحكت ركضت حضنتني.

- مشتاقتلك صخلة.

- والله أنا أكثر، أشلونجن؟ شنو ماكو تفضلوا؟

- خلي تلبس حجابها القديسة، تعالوا هنا أدخل كررم، أوي لعبتي غير أنت.

دخل سلم مدنك، إيديه بجيوبه خجلان.

- هلا بالنسيب وصديق الكيكة، أدخل ده أسويلك قهوة بالملح.

- راضين يابا، بس كون صاحبتك ترضى.

- أنا أخليها ترضى غصبًا عنها، بس خبر صاحبك وقمعه ياخذني وياها على الواهس.

- ما بيجن وحدة تشتغل لوجه الله، شطلعن وأنت صديقات القفاصة، يلا لج وين نقعد؟

- غير عريس أنت، أخجل ابني، عيببب هيج تحجي.

باوع لها رافع حاجبه.

- أبوس أمك، خبر جود خلي يجي يخطبلك ونلبسه بيه.

- لو تأذنين أذانين وتصلين بالكنيسة ما ياخذك جود.

- ليش عيني؟ وين يحصل مثلي؟ أشوف جمال وهدوء وكياتة.

- منو هاي أمج؟

- ناااااي، أحجي وياااا، راح يطير العريس.

دفعت كرم، قعدنا بأمكان الضيوف، دخلت رويدة سلمت وقعدت بعيد مدنكة ما تحجي.

راحت غسق تحضر القهوة، كل عقلها، نص ساعة وأنا متربعة على القنفة، خالة إيدي على خدي وأباوع لهم، منتظرة أشوكت يبلشون.

اندقت الباب، راحت غسق فتحتها وإجت تدفع بجود من ظهره، قالت له: مفاجأة.

- هههههه خير مجتمعين.

- أي ده يخطبولك أنا.

- أهاا خير إن شاء الله.

- ما قلت وافقت لولا؟ اللي هي أنا.

- بنتي بعدك طفلة، لا تحجين هيج حكي.

- شنووو؟ مو هاي ناي بقدي، معرسة صار قرن.

- هذا القرن انكسر، روحي سويلي جاي يلا بابا حبابة.

دخل قعد وهي تخصرت تباوع له بغضب، ضحك ودنق، راحت تسوي جاي، شوية وإجت دخلت قالت: قطعوا الغاز ما مسددين الفواتير.

- جذبتي، قعدي ما أريد، بطلت.

- أي هم زين، صدق جود أنا أتعاجز من الشغل، شلون إذا تزوجنا منو يشتغل؟

- أمي، بس سكتي رحمة لدينك.

- سمعتووواا راح يتزوجني، عيب أنت رجال وأنطيت كلمة، ما يصير ترجع بيها.

- لا حول ولا قوة إلا بالله.

- أنت ما تجي إلا باسم أمك والقميص.

- حلوو كملت غسق، بابا قومي جيبيلي مي.

قعدت وتربعت، دارت وجهها، هز إيده وقام راح للمطبخ، صاحت: جووود جيب وياك مي لهنا حباب والله ميتة عطش.

- من عيوني.

- وسوي جاي، عيب عندنا خطار.

- ما عندكم أماعين أغسلهن ما طولني واقف بالمطبخ؟

- لا رويدة ده تغسلهن أول بأول.

- لعد ما تتعلمين.

- أبرد، المي بارد ترضى أتمرض؟

- اسم الله بكرم ولا بيك.

كرم: لا يا ناقص.

- بالمبارك، لقيت حلكك أحجي ما طولك حصلة قبل لا تيه.

غمزت لغسق تقوم.

قمت وقامت هي، رحنا للمطبخ خليناهم يحجون براحتهم.

دخلنا للمطبخ لقينا جود صدق واقف يم الطباخ يسوي جاي.

راحت يمه غسق بحجة علمني شلون أسوي، وأنا وقفت أحضر أماعين الجاي، طلعت كعك من الحافظة خليت بالصينية.

انداريت لقيتها شابكة إيديها وراء ظهرها، واقفة تصعد برجليها وتنزل، تحجي وياه منسجمة.

وهو رافع حاجبه يتصنت بتركيز، ما سمعت شكالت له لأن تحجي على الكيف.

بس هو عض شفته وكرص خدها، رد للقوري طفاه.

شكلهم حلو ينكرطون كياتة.

جاب القوري ووخرني وقف يصب، قال: ليش جوه عيونك أسود؟

- من السهر.

- يهون وتصير أسولف؟ تجين تشتغلين وياي تلتهين شوية؟

- ما أدري، خلي أرتاح شوية وأشوف.

- هدوئك كلش ما مطمني، وراها مصيبة.

- هه، لا تخاف، راحت ناي القديمة، ما راح تشوفني غير وأنا هيج.

خلص صب وواقف يباوع لي، قال: خبرج.

- لا صاير شيء.

- لا بس ده أسأل.

- جود، والله قلبي بعد ما بي يتحمل، قول شنو اكو ما طولني داخل صدمة حتى فرد مرة أتجاوز كل شيء سوه.

- وداعة عيونك ماكو شيء، بس وضعك وطريقة كلامك مال وحدة عايشة بهدوء وراحة.

- ليش قطع اتصاله؟

- ما قطعه، مخبوصين أهل القاتل محاصريهم، صح ماخذين عطوة بس هم مو أمان على ساعة يغدروهم، ظالين حذرين، وإلا هو جان ناوي يرد ثاني يوم.

- يعني أي ساعة يدخلون للبيت ويكتلوهم؟

- أكيد، لأن عمه الناقص ضام راسه، يخاف يسلم روحه، وكم مرة رادوا يفصلون رفضوا، ذولاك يريدون دم، وصايرة هوسة، ظالين مناوبات محد ينام، امم ما قلتي شنو سبب الراحة؟

- ما عندي شيء أضوج عليه، ليش حتى ما أرتاح؟

أخذ حسرة وابتسم، خربط شعري.

شال الصينية وغسق ماعون الكعك تمشي وتكرط وراه.

دخلنا للغرفة الضيوف، لقينا كرم يم رويدة قاعد شابك إيديه ومدنك، ورويدة تمسح بدموعها.

غسق: نقول مبروك.

كرم: أي أبوك عرس جود والحمزة، صدق أتفل بوجهك إذا خالها بعقلك وناوي تاخذها.

- ليييش هاااا لييييش؟ خاف ربك، راح أعنسسسس، رويدة لا تاخذي ما يفيدك، طردي مو خوش ولد ذاك اليوم شفته ده يحجي ويه وحدة.

- لا يا كلبة، أشوكت؟

- ذاك اليوم نسيت يم أبو الطماطة.

- هسه جذبتي، جذبي عدل، ما لقيتي غير أبو الطماطة تتواعدين يمه، غبية وجذابة وقزمة وكسلانة وفاهية، ما خالة صفة رذيلة ما مكتسبتها.

- وصديقتك نسيتها؟

- تف عليك ناي، منين لقيتها هاي؟

- جود، ترضى هيج يحجي وياي؟

جود:

صدك أنتم تحجون يابه زعاطيج إشبيكم؟ أي كرم ما افتهمنا شقررتوا؟

أخذكم وأروح لأهلها نخطب.

حاجيت غيث؟

أي، قال: "إشوكت ما قررت إحنا جاهزين نطلع لأهلها نطلبها".

وخطيبها؟

هاا، مو شسمه من ذاك الشهر، أه هو!

غيث سلك له الطريق.

لابس حكى وياه واتفاهم هو وفسخ الخطبة.

واضح بذيج الحالة، وبس حكى وياه! بعلي لا تكعدون أنتم، إذا ما تسوون لكم مصيبة ما تطلعون منها غير بروسكم.

خليتهم يحجون ورحت للغرفة. دخلت، كاريوك عاشق على حطته، رحت له شلت مخدته اشتميتها وأخذتها لحضني. غصة بقلبي محد يحس بيها غير ربي.

مشيت أصابعي على فراشه، إشلونك حبيبي؟ تدري لحد هسه ما تغمض عيني إذا ما أتخيلك بحضني بعدك، وألوليلك وأحكي وياك.

حسيت إيد على متني، انداريت لقيت جود. قال: مو كافي؟

شهقت، كمش وجهي مسح دموعي.

وعلي يرده؟

ما راح يرجعه.

وخرت إيده وطلعت رجعت لشقتي بسرعة، لأن أحس مفعول اللي أخذته خلص.

دخلت ركضت لغرفة سارة. فتحت الكنتور لقيت كم شريط وأكو اثنين إبر. أخذت واحد من الأشرطة، طلعت حباية أخذتها ورحت لفراشي.

صار شهر على غيابه، ما منه لا خبر ولا اتصال. بدل الحباية قمت آخذ اثنين، والإبر كل يوم وحدة بليل.

الراتب يا دوب يجيب أربع إبر. كم مرة أخذت من كرم، مرتين من جود، والباقي من سارة بالدين، لأن خفت قاموا يسألوني وين أودي الفلوس، بالأخص جود أكثر من مرة اتعارك وياي، حس بسبب الهدوء اللي بي.

نسبة الثلوت بدمي صارت تعادل أضعاف المدمنين من سنوات. مو بيدي، غصبًا عني انجرفت لهذا الشيء، بالأخص من سمعت راديهم على الثأر. حسيت ابني راح يكون الثمن هالمرة، وإذا خطته غيث يموت وابني يقتلنه ورا.

صارت الساعة العشرة بليل، وأني أروح وأجي بالبيت منتظرة سارة رايحة تجيب لي الإبرة. أخذت حباية ما فادتني، مفعولها قليل.

طلعت بالبالكون أعصر براسي، كل دقيقة أتخيل أشمر روحي حتى أخلص من الألم، وكوة أصبر روحي.

انفتحت الباب ركضت لها قبل حتى لا تحكي. طلعت إيدي وربطت الواير.

ناي هاي آخر مرة.

ميخالف بس ضربيني.

كل مرة تقولين وتردين تبجين وتتوسلين، قلبي ما ينطيني أتركك. ترى الطلب صار هواي.

سارررره سااااره راح أموت ضربييييني وبعدين احكي.

جود اتعارك وياي، قال أبلغ غيث. وتدرين غيث ما راح يرحمني إذا عرف.

ما راح يبلغه، ما يدري أخذ. انطيني ياها أبوس إيدك.

ناي تعرفين أني بدون شغل، وغيث يدز لي الفلوس. ما أقدر آخذ أكثر، لأن راح يشك والطلب صار عليه هواي قاموا يداعون.

بس هالمرة بعد ما أقول لك جيبي.

ولك غيداء تقول أريد فلوسي، خلي أدبرهن لي لو آخذهن بطريقتي.

أني أنطيها.

منين تنطيها وأنتِ بلا شغل؟ وحتى لو اشتغلتي عشر سنوات ما توفيها.

سارة راح أموووت.

راحت لغرفتها، رحت وراها. طلعت نيدل، سحبت الدواء. قعدت ضربتني. ثواني واختفى أي ألم، اتحول لراحة.

تمددت غمضت عيوني. قالت: ناي؟

راح أوفيها الفلوس.

منين توفيها؟ لا بالبالج تطلبين من غيث راح يعرف وبدل العقاب اللي كان ناوي راح يعلقنا إحنا الاثنين من شعرنا ويحرقنا.

ما آخذ من غيث.

لعد منين؟ تريديهن باجر؟

شسووووي؟ أبوك انطوني مهلة.

اشتغلي وياها بظرف يومين بس تسددين كل الدين وتلمين علاج مال شهر.

بيكِ شيء أنتِ؟ شأشتغل؟

أقول لك أني مالي شغل بعد، تريدين علاج روحيلها. راح أحول لك رقمها اتصلي بيها واتفقي وياها. هذا غيث ديتصل، صوتك لا تطلعين راح أرد.

قالتها وردت: ها حبيبي؟ لا جنت نايمة استوني قعدت، إشوكت تجي؟ شنو الشهر الجاي؟ ترى اتأخرت شعدك؟ أووو ما خلصت لسه؟ لا بالشقة مالتك هههههه مشتاق لك.

قمت من يمها فتحت الباب، طلعت وسديته. بس السدة اجت قوية. أسمعها تقول له: وداعة بابا ما بيها شيء، أصحى مني.

رجعت لغرفتي اتمددت على الجرباية حضنت مخدتي.

اشوية وانفتحت الباب. اجت يمي قالت: شوف هاي ناي النايمة.

صارت صورته قدامي. باوعت له كوة أفتح عيوني، لقيته نايم بغرفته وبإيده جكارة. ضحك قال: كافي لو بعد شتقولين؟

هه ما أريده بعد، خليه يمك.

أووف هيج قلبك قوي؟

مسحت خشمي وغمضت.

ندمتي؟

أني ما أندم بس عينك بي حتى لا تفقده مثلي. العناد ما وراه بس وجع القلب.

وجعك قلبك.

كبر.

امم وقام ينتبه.

هم يدور عليه.

أول الأيام كان يدور على صدرك.

ما دق قلبك وحسيت بي وهو يدور أمه؟

للأسف لا. قلبي وقف عن النبض من ذيج الساعة.

بس قلبي لا، غيث تعبانة.

بعد وقت التعب.

حكيت رقبتي وحضنت المخدة.

شماخذة ناي؟

إذا طلبت منك أشوفه راح تخليني أشوفه؟

ناااااااااي شماخذة؟

أريد أشوفه.

إشقد النسبة اللي تاخذيها؟ ومنين؟

مسحت خشمي.

من بعيد بس ألمح شكله إشلون صار.

شنهو نوع اللي تاخذيه؟ ويا قلب ابن كلب انطاك؟ وين الزماييييل عنك؟

والله راح أموت على شوفته. بس هيج بسرعة راح أكتفي. وعد ما راح أطلب بعد شوفته، بس اشوية، الله يخليك.

سسساااااره!

سارة: حبيبي ما أدري، هي تطلع من الصبح ما ترد لليل. شأدخلني؟

أنعل أبو أبوك. شنهو اللي تاخذه؟

مهدأ مو شي قوي. شفت الشريط الصبح بإيدها وهسه جنت ناوية أبلغك.

أخذت الفون فركت عيوني حتى أقدر أفتحهن وأحكي وياه.

ناي سحبي عينك من جوه.

ما آخذ شيء، لأن ما نايمة هيج ما أقدر أفتحهن.

عجل خليكِ مساهرة لمن تبطلين جذب.

لا لا آخذ آخذ مهدأ حتى شافته سارة.

مهدأ امم. طلعي إيدك ولا تجربين حظك وتعترضين، بالقرآن أسدُّه وأخلي شوفته حسرة بقلبك.

قعدت، خليت الفون سحبت البلوزة إيدي ترجف. راويته إيدي الزينة. سحب نفس من جكارته بحرقة وأغلق الفون.

رجعت اتصلت، رد: نعم.

آخذ حبوب.

من إشوكت؟

ما أعرف.

يا نوع إبر تاخذين؟

مثل اللي جنت تاخذه.

الله يلعنك، عشر سنوات مدمن يا الله وصلت لهاي المرحلة. خبلة أنتِ!

قلت راح أشوفه لك.

منين لكِ فلوسهن؟

راتب بابا.

نااااي سعر الإبرة براتب أبوك. منين لكِ فلوسهن؟

بس أشوفه أبوس إيدك، أبطل أبطل ما آخذ بعد.

رد يغلق الفون. بجيت بصوت أسمعه يلعن ويستغفر.

قام طلع من الغرفة، دخل لغرفة سماهر. راح يم كاريوك، حول الكام. نايم صفح، خدوده مدبدبة صايرة، لام روحه. أحسه أخذ قلبي.

وخر الكام همست: بس اشوية والله ما شبعت منه.

لا تبجين، تهيري جاييك.

إشوكت؟

ما رد، أغلق الفون.

قمت ما قدرت أنام من الفرحة من قال راح أجي. مجرد ما خطر على بالي راح أشوف عاشق، ما أعرف شأسوي.

قمت طلعت ركض نزلت بره العمارة، وقفت يم الباب أنتظر، أتقول هسه راح يجي. رغم برد الجو بس من آخذ العلاج أفقد كل إحساس.

قعدت لميت رجلي، عيني بالشارع. تذكرت الأطفال اللي كانوا يلعبون ونوقف أني وغيث نباوع لهم ونضحك، أقول له: إشوكت يصير عندنا أطفال؟

درت راسي للدرج. منا جنت أصعد ركض وهو يضحك عليه. وين وصلتنا؟ ليش خليتني أشوفك عدو بوجه حبيب؟

بعدني أحبك ما كرهتك. بعدني أشتاق لك وأحن لدفء حضنك.

خليت راسي على الحايط. أباوع للنجوم. شضامت لي الدنيا بعد؟ ما تعبتي؟ ما مليتي مني؟ ليش هيج خالتني بالج؟

للصبح وأني على قعدتي لمن انفتحت الباب وطلع كرم شافني. اجه قال: خبلة أنتِ! شكو قعدة بالبرد؟

الجو دافي.

حلو يعني اتخبلتي رسمي. قومي باجر جاي غيث.

هو قال لك؟

اتعاركت إشقد حاولت أمنعه حتى جود اتصل بي. مصر الغبي بس يطلع يقتلوه وهو قافل مثل الزمال.

راح يجيب عاشق؟

راح يجيب جوازك وتقدرين تخليه يردك تشوفيه.

ما راح يخليني أشوفه. أعرف شناوي بهاي جيته. وأني هم ما أريده بعد راح أذي بدون لا أحس.

شبكِ ناي؟ اللي يشوفكِ يقول أول مرة تتعرضين لمصيبة.

كرم شي ما تحس بي لا تحكي بي.

قعد قدامي قال: والمسيح حاس وأعرف ماكو أعز من الابن، بس شأسوي لكم إذا كل واحد يحارب الثاني بأعز شيء؟

ما تركني، مو تركته أني. ليش أخذ ابني؟

لأن يدري ابنك أعز منه وأنتِ أعز من ابنك عنده.

هم يجي يوم وأشوفه؟

راح تربيه وتكبريه وتسجليه مدرسة. بس قولي لي: ما لحقت أشوفه لمن يشبه؟

هه يشبه لي حتى غمازته.

لا بربك حيييييل والحمزة يستاهل منو تاخذه هذا. بالله وين نحصل زوج مثل غيث ويرضى بي؟

ابتسمت.

قومي وياي نروح للمطعم.

ما أقدر تعبانة ونعسانة.

يابه صار أسابيع نايمة. يا نعسانة؟ قومي وذاك اليتيم جود ضال بس يتهدد، تقول كلب شالعين ذيله. تالي راجدي واحد من الغثيث ينكتم.

إشوكت شفته؟

كل يوم يجي للمطعم يسأل عنكِ. ما يريد يوصل للعمارة الكلب رجلك، وكلما يوصل يسويها هوسة ويه سارة، شاك تنطيكِ مهدئ.

ما تنطيني لا يخاف، هي تستمتع بعذابي.

قومي خلينا نلعب بحلال الغثيث رجلك، نفتح اليوم مجاني على روح أبو.

هه ما ينطيك قلبك تقول على روحه.

هذا أخوي.

وأني؟

أنتِ أعز من أختي والحمزة. صح صايرة جنك أبو بريص سالقي حذاء، ما أريد أدمر شخصيتك بس ناي وجهك يقطع الرزق.

من حلات أذاناتك ودا تصنف كرم اللي عنده وجهك ما يحكي.

اتعطلت رايح. أرجع ألقى ملابسي مغسولة والدولمة تبقبق. راح أجيب جود وياي ياكل، يلا لج.

قام انطاني إيده، كمشتها وقمت. راح وأني دخلت صعدت لشقته مهوسة. ردتها من الله شي يسليني ويلهيني لحد ما أشوف غيث قدامي.

وقعت تنظيف وجلف لمن انهد حيلي. طبخت أربع أنواع أكل اللي جمدته واللي خليته ياكله للعصر وأني على فد وقفة لمن بعد ما بي أتحرك وراسي وجعني.

طفيت الطباخ باوعت للشقة. لا ما أدخل، لازم أبطل إذا أريد أرد ابني لحضني. كون أتحمل. أي أتحمل شنو يعني أصعب منه وتحملته.

***لحن***

سديت الاتصال ويه ناي، رجعت لفراشي، رن فوني فصلته بسرعة لا ينتبه أحد. شلت راسي كلها نايمة.

رد اجه مسج ثاني فتحته مكتوب:

"طلعي يا غضب الله، لا بالقرآن أطفر وأسحلج من نص البيت."

همست:

"شرايد أركان؟"

صاح:

"أنعل أبوچ لا أبو أركان لحنننن طلعي."

"ما أطلع روح منا."

"هيج الحچي؟ عجل انتظري ودحگي الراح أعملو."

قمت بسرعة سلقيت باب المطبخ ورجعت ركض للغرفة، فتحت الشباك رفعت رجلي أباوع بالحديقة أخاف طفر صدگ.

رن الفون فصلته، رجع رن رديت قبل لا يگعد أحد على صوت الاتصال، همست:

"شتريد أركان؟"

صاح:

"اشتعل أصلچ، وين وليتي؟"

"دا قفل بالبيبان والشبابيج حتى متگدر تدخل."

"أهااا حلو، دحگي يولي الج دقيقتين إذا ما طلعتي أدخلچ وأفشگ جهامتچ بالنص."

"ما أطلع روح لا أصرخ وأخلي العالم تلتم وياخذوك للسجن، عزه يحبسوك وبيبي بدعه تجي تزورك وتجيبلك أكل وأمك توگف تدعي عليه."

"لحن!"

"همم."

"طلعي ما أسويلچ شي، بي أحچي وياچ."

"گول والله مرتين، لبالك ما أدري شتريد تسوي، وهاا صدگ شلون تضرب سمار وتكسر أيده مو خطيه؟"

"الي تنمد أيدو على حلال غيرو موش بس تنكسر أيدو لا تنبتر من الأصل، وأنتي أكضبچ لولا وروح أختي أطرچ بالنص."

"متباهي عندك عضلات؟ ترى أصغر طفل بمنطقتنا يكتلك، وحتى سمار لا بالبالك خاف منك وما ضربك، لا أني گلتله أخذه على گعد عقله خطيه وحيد أمه لا تضربه."

صاح:

"أووويلي يابه إذا گضبتچ شأعمل بيچ! تطلعين مصلخه لحن مو هينه."

"أي أطلع وأفتر وأسوي اللي أريده، مالك دخل مو خلق غيري روحي ألها يا أخي لا تلطش، أشگد لزگه."

أخذ حسرة.

همست:

"ههه ضل بس أتحسر، كلشي ما تگدر تسوي لأن أشتكي عليك."

"ضحكي يولي إذا ما طلعت حليب أمچ من خشمچ ما أتسمى عالزلم."

"منو گلك أنت زلمه؟ تذكر لو أذكرك من گتلتك ناي."

"الصبر يا صاحب الصبر."

"وين أنت؟"

"عش يولي تردي تتأكدرين تا تهترين براحتچ مو هينه، يولي كلامچ هذا حرف حرف راح أطلعه من بين عيونچ ولسانچ أكضبه أبتره من نص حلگچ."

"ما أتلحگ لأن راح أرجع لذمة سمار وبعد مالك حق تحچي."

"كونچ مره وتعمليها ما أگلچ أطلگچ منو، لااااا هذه شغله أفشل من وجهرتچ، بالقرآن أحول زلمتچ حرمه وأربطكم ويه الحلال غادي تگملون حياتكم."

"ميت غيره لأن أحلى منك وكيوت وهم أرجعله ما أخاف من تهديدك الي بس حچي."

صاح:

"لحن لحننن صبري بده ينفذ، والقرآن أطفر الباب وأدفنچ بمچانچ وأنعل أبو اليگف بوجهي."

"ما تگدر واحد جبان."

سكت ما رد، عضيت شفتي أضم ضحكتي عرفته فول.

سمعت باب السيارة انركع حيل، سديت الشباك بسرعة همست:

"وروح بابا يا أركان بس تطفر أصرخ."

"موش جاهل وأطفر وخلچ گد كلمتچ من أگضبچ لا تضلين تتوسلين."

"مم عود ميخالف يله روح."

"رايح يبت أنهار بس وروح أخيي إذا دحگتچ طالعه مچان بدون ستر لو شعره وحده باينه من راسچ راح تكون نهايتچ."

"أهووو هم رد يهدد، أبني مو طلگتني مالك دخل ألبس بكيفي."

"حلو عجل أعمليها ودحگي اليصيرلچ."

"بعد اكو أوامر؟"

"تهتزلين يولي هين ما ضل چثير، عود وگتها خلي حضن أمچ يحميچ."

"أي والله ذكرتني بحضن ماما يسوه حضنك ألف مره، دافي وناعم أشگد چنت مظلومه وياك."

"لا بالبالچ جوه البيت وما أعرف شتعملين لحن أو لاااا ما راح أحلف ولا أهدد على سالفتچ، بس سمعي يولي بنفس الدقيقة الي تخلين راسچ بحضنها أعتبرها مدفونه."

"مرييض."

"عفيه مريض خبل! گولي التريدي وداعت أبوي أصغر غلطه تگفلچ، چثير ديري بالچ على نفسچ حتى لا تبچين."

سديت الفون مو عاقل، خفت من حچيه، رجعت لفراشي نمت، ردت أكمش أيد أمي بعدين أتراجعت، خفت صدگ يسويها أعرفه مو عاقل ولا يخاف من القتل.

مر كم يوم غالقه الفون وما أطلع من البيت مو خوف بس ما أريد مشاكل، أعرف ياخذله فتر ويمل بعد ما يسأل.

ناي بعد آخر مخابرة هم غلقت فونها، ما نعرف عنها شي وتعودنه هاي حالتها من چانت فارغه مو هسه عدها طفل.

گعدت الصبح على صوت بيبي أم سروان، فتحت عيوني گالت:

"گومي بيبي أتريگي راح الوكت."

"وين ماما؟"

"راحت ويه بيبيتچ، عدها مراجعه بالمستشفى، يلا حبيبتي دا أروح للسوگ، گومي سدي الباب وراي."

گعدت لميت شعري، گمت وراها سديت الباب، رجعت جوه، رن الفون شلته مكالمة فيديو من ابنيه رديت، مرية متوسطه محجبه حلوه، شافتني ابتسمت گالت:

"شلونچ يحلوه أكيد لحن؟"

"أي لحن والحمد لله."

"أني ساري بت أم سروان."

"هلا خاله بس بيبي ماهي طلعت استوها للسوگ."

"خليها براحتها من ترد أخبرها، شلونچ أنتي ماما سولفتلي عليچ هواي بس ما تخيلتچ هيچ حلوه."

"شكرًا خاله أنتي الأحلى."

"ما رجعتي لأهلچ بعدچ يم ماما؟"

"أي بس حنطلع أني وماما د تدور بيت بس كم يوم."

"وليش تطلعن؟ هيه منو عدها؟ خليكم وياها تلهوها خطيه فرحانه بيكم."

"لا ثگلنه عليها خطيه زين منها المره أستقبلتنا بيتها كل هالفترة."

أجت وحده تقريبًا بگدي لو أصغر يمها أشرت سلام.

"هلو عيني."

ردت بالانكلش، ضحكت أمها گالت:

"هاي بنتي د تگلچ شلونچ."

"ما تعرف عربي؟"

"لا الصغار ما يعرفون بس ولدي الكبار يعرفون لأن صاروا ببغداد قبل لا أهاجر، أي لحن شدتسوين؟"

"دا أرتب البيت وأحضر غراض الطبخه حتى تجي بيبي تلگي چاهز."

"عفيه بالشاطرة يا عيني، خليكم وياها والله تسولفلي بيكم وطايره مامصدگه، سوده عليه من يوم الي لحگني أخوي وهيه بروحها ضاله مگابله الحيطان."

"ما أعرف والله ماما التحدد هالشي مو بكيفي."

ظلينه نسولف أكثر شي هيه تسأل وأني أجاوب عن حياتي. خليت الفون عالستاند أشتغل وأحچي وياها لمن صار الظهر سلمت لأن أريد أسبح.

خبرت ناي هم ماكو وغسق حاضره، ما عندي غير أدعي تكون بخير. تركت الفون ورحت سبحت وطلعت لگيت ماما وبيبي رادت بس وجهها مگلوب، أجيت يمها گعدت گلتلها:

"خير شكو ماما قلقتيني؟"

بيبي:

"ماكو شي حبيبتي بس رجلچ خبرنه گال أريد أحچي وياكم، عاد گلتله أحنه بالمستشفى عندك شي مهم تعال هنا لأن ما نگدر نستقبلگ بيت العالم."

"أي شنو الصار؟"

"أمچ انغثت ليش گلتله تعال."

"أجاكم؟"

"أي أجه بالبداية گال حقكم عليه ومن هالحچي، أشگد حلوه أسوالفه من يحچي بهدوء رزن وكل عقل مبين رجال تابع للعرب، أنوب طلب يردچ على ذمته، أمچ گالتله ما أردها ألك اله إذا مخبله بعد السويته بيها."

"شگال؟"

ماما:

"وليش مهتمه لحن ماما أشبيچ؟ صدگ تسألين أركان شيلي من راسچ ما أردچ اله لو ينقلب ذهب ذوله عرب ماما."

"لا ما أرجعله بس دا أعرف شنو مال."

"ما گال بس خليها بحضنچ منا لمن تموت، الي ما تصير الي ما تصير لغيري، وهاا ممنوع تطلعين للباب بس لگيتها طالعه أشلع راسها، والله شايف روحه لو حقه ما لاگي واحد عدنه."

"لا هو حتى من أبو وعمامه ما يخاف هم يوگف بوجههم ويسوي الي براسه بس أمني ما يضرب مره بس يدفنها هيه وعايشه."

"وفرحانه حضرتچ؟"

"لا ماما دا أگلچ على أطباعه، بيبي بدعه تگول مسودن أبوه يگلها ترباتچ ما يعرف شنو رحمه يشتغل بدون ذمه."

"لو يموت ما أردچ، أنوب يباوع لبيبيتچ يگلها هسه شلون أوصيچ على لبسها، وأنتي راد واحد يلبسچ شلون چنتي عايشه ويا؟"

"هو حباب بس مريض يغار حتى من نفسه، عمو يگله طگ روحك طلقه بلكي نخلص من أسوادينك."

"لحن ماما أني لو موجوده فلا أزوجچ مثل هذا سمار الفاهي براسه."

هزيت راسي أي بس گلبي معصور ما أگدر أحچي لأن أشوفها معصبه أخاف تعيط بيه.

دخلت مرت عمي وبيبي أم سروان، تركتهن ودخلت للغرفة أضوج من جيتها، أسمعها تتعذر من بيبي وتبوس بيها.

للعصر أجه عمو هم يتوسل بيبي لأن صارلها كم يوم عدنه زعلانه، ما تركوها لمن رضت عنهم ورجعت وياهم، ظليت بس أني وماما أشگد گمت أحس روحي ثگيله وخجلانه من وضعنه.

الشغل كله شايلته عنها وماما الطبخ ما نخليها أي شي تسوي، نخلي الصينية گدامها ونشيلها من تخلص.

أشگد العوز صعب ومذله بس ما چان عدنه مكان نروحله مجبورين.

گاعده بليل بالحديقة أباوع للنجوم وأحچي وياهن، أجت أم سروان گالت هاي وحده متصله عليچ.

"صديقة ناي؟"

"ما أعرف ردي عليها."

أخذت الفون گلت:

"ألو."

ردت صوت سهيله گالت:

"شلونچ؟"

"هلو أم حسام."

"منو يمچ؟"

"ماكو بس بيبي وراحت جوه ليش؟"

ما ردت ثواني وأجاني صوت أركان، گلتله:

"ما طلعت ولا شفت أحد ولانمت يم ماما."

"عفيه ببنيتي الي تسمع الكلام، عش أتصل مغلق."

"مو مغلق بس هذا جهاز بيبي ودوم عالصفحة مالتها، ليش صاير شي ناي بيها شي؟"

"لا ما صاير شي لحن محجوز بمچان بس أتحرك أنچتل، ما أگدر أجيچ بروح أخوي لا تطلعين بالقرآن، عقلي راح يختل وأني أتخيلچ طالعه والنكس يدحگ لشكلچ."

"شرايد أركان؟"

"عيونه لأركان، رايدچ وروح أخوي، ما ضل بالگلب حيل يحمل كل هالشوگ."

"ما أرجعلك."

"عش يولي."

"تسأل ليش؟ لعد منو صرخ بوجهي تذكر من ردت تشوهني بالجگاره؟"

"أنچعل أيدي بالكسر."

"وهنتني."

"أنچعل لساني بالشل."

"وطلگتني."

"چلمه نطقتها وعضيت أصابعي ندم وراها والخلق الكون أحبچ أحبچ، شنهو وحگ كلام الله أعشگچ."

أخذ حسرة وهمس:

"مشتاگ لحضنچ وشمة عطرچ."

هو يحچي وأني أحس حلگي انشگ من الفرحه.

"أمچ الله هداها تردچ لحضني؟"

"تگول حيوان هذا مو مال مره خلي يدورله حيوانه مثله حتى تگدر تتحمل خباله."

"حيوان؟"

"هيه تگول أني أش دخلني."

"وأنتي گلبچ ما حن وعفيتي عني؟"

"سويتها مره وندمت ما أعيدها."

"حگچ يولي عبني موش أزلمه، حرمات الشوارب على وجهي وأني ما عرفت حتى أحميچ، بس وحگ اليعلم الغيب كلها أجت عكس وياي، لحن."

"همم."

"مشتاگلچ وكلام الله بس أدحگ وجهچ ما ألمس شعره منچ وروح أخوي، روحي عطشانه لشمة عطرچ."

"مو تگول مكان خطر ما أگدر أطلع؟"

"بس گولي أي أطلعلچ لو بنص الموت."

"حچي لسان هذا."

"حگچ النايم الليل مو مثل الي مناطر يطر الفجر تا يروح لدرب ولفو بس حتى يدحگ عتبة الي داستها أجدامه."

"لعد ليش من چنت أسألك تحبني تگول لا؟"

"لأن ما أحبچ."

"أركااان."

"يولي أشگد مشتاگ لأسمي بلسانچ، اشتعل أبو أركان على ذيچ الساعة الكشره الي نطقتها بيها."

"بيبي د تباوع روح دا گوم."

"انتظري شنهو الي يرضي أمچ؟"

"ماما تگرهك تگول لو أنطيچ لچلب ولا أرجعچ لأركان."

"الچلب أحسن مني، يله نعبرها شنسوي، سلميلي عليها وگلها خلى تخفف شوي من هالكلمات العسل، تركچ من أمچ أنتي شرايده؟"

"كلشي ما أريد لأن ما أرجعلك."

"أجيب أهلي وأجي لهلچ أطلبچ منهم وأدفع ثگلچ مهر وأگضب شاربي لراحتچ، التطلبي گبل لا تگولي نافذ."

"ما أريد أرجعلك ولا أعيش وياك."

"عش يولي."

"أركان والله أچذب عليك إذا أگلك تخطيت السويته بيه، لو نسيت الخوف المريت بيه كل أنواع العذاب چربته بيه."

"وإذا گلتلچ أشيل گلبي وأخلي مكانه الي يگرب يمچ أمحي من الوجود؟"

"حتى ماما ما ترضى."

"المهم أنتي ترضين لحن، لا تردين الجواب أخذي كل وقتچ منتظرچ لآخر العمر."

انسحب الفون من أيدي شلت راسي ماما گمت وهيه ردت:

"أنت لو عندك صدگ شرف ونخوه ما تضحك على عقل طفله، ما كفاك السويتيه بيها."

قاطعها أركان:

"أسكتي خليني أحچي."

قالت الأم:

"لا حچتلي على كلشي انضربت ونحبست، هذا كله وسكتنا بس مال تتختل نص الليل وتسولف وياها، هاي ما يسويها بس الما عنده شرف، زواجكم غلط چان."

انتوا ناس همج ما عدكم غير الموت، شيلها من راسك ما أنطيها إلك لو أعرف تظل عمرها بدون زواج.

- شنو بكيفك هي؟ لو بحضنك لو بحضن الكاع. لا، أشوف أزوجها ودا أشوف شتسوي.

سدت الفون وخزرتني.

- آسفة ماما ما أعيدها.

- لحن، آخر مرة أسمعج تحجين ويا مرة لخ، أوديج لخالج. كافي ناي، ما أعرف أراضيها، وين ضيعوها إلي.

- ما أحجي ويا بعد.

- ماما، ما يفيدج إنتي، حياتج تختلف، عربي مزاجه صعب، ما تقدر على عيشته بس اللي رابيه وياه.

- أعرف.

- لعد وعديني ما تحجين وياه بعد، لا تنطي مجال يضحك على عقلج ويعلقج بيه.

- لا، آخر مرة بعد ما أحجي وياه.

- يلا دخلي جوه، الجو بارد، ودنشوف باجر مكان نكعد بيه. فشلة من المرة هالكد ضالين عدها. حتى لو نظل بالإمام لحد ما تفرج.

دخلنا جوه. رجعت الفون لأم سروان. كعدنا هن بسولفن وأني قلبي يم أركان. أحس ماما قست عليه هواي، صح صعب مزاجه بس مو ذنبه، حياتهم هيج خلتهم.

كطع تفكيري بكلام ماما، كالت: لحن ماما، تكدرين تسوين كبة؟

- أي أقدر بس المن؟

- حتى أروح للأسواق أفتر عليهن، خو مو نظل هيج المرة تصرف علينا.

أم سروان: أزعل عليج داده صدك تحجين.

- والله خجلانة، وأدري ثقال عليج وزودناها. بس إن شاء الله بس هالايام ونشوفلنا مكان. والله ما قصرتي وما أعرف إشلون أردها.

- تردين ترديها؟ أنطيني لحن لابن بنتي.

***ناي***

طلعت بره كعدت نفسهم الجهال، بعدها تلعب. ظليت أتفرج عليهم وأضحك على ضحكتهم.

حرّكني راسي فركته حيل وهزيته، أضيع الألم حتى أنسى.

ظليت لليل على كعدتي، ألهي روحي حتى لا أرد وأضعف كدام العلاج.

أتعدى الوقت، فرغ الشارع وأني ساعة أفرك براسي وساعة أقوم أفتر.

كرم اتأخر ما أعرف ليش. الفون فوك.

صارت العشرة وهو ماكو. بعد ما اتحملت حتى ما أشوف.

استوني أقوم وانفتحت باب العمارة، طلعت ساره بيدها فون تخبر.

شافتني ضحكت، كالت له: شوف هاي من البارحة لسه كاعدة منتظرتك بالباب. لا مو صاحية. وين حتطلع أنتظر دا أحجي وياك. تمام راح أنتظر اتصالك يلا باي.

قفلت الفون كالت: مصدقة يرد.

- أريد حباية.

- ما عندي.

- بس وحدة، من باجر راح أتعالج.

- كلت لج ما عندي.

- اتصلي بغيث هو ينطيني.

- غيث كال: حبسوها فوك، لا تخلوها تنزل، أني جاي. يعني أيّسي، ما تحصلين منه كلشي، غير هو متمني تتعذبين.

- ساره، راسي راح ينفجر، أبوس إيدج، آخر مرة أطلب.

- عندج رقم غيداء اتصلي بيها.

- ما عندي فلوس، وهاي إلها فلوس. أنطيني إنتي الله يخليج، وداعت ماما راح أنطيج كل فلس أخذته منج.

- ما عندي لا حبوب ولا فلوس ولا أبر. وهسه رايحة آخذ من غيداء فلوس بسكوت عن غيث، لأن خلصت فلوسي عليج. هااا اللي موالج لا تفكرين.

- بس اليوم ما أقدر، ولج راسي رايح يطك.

- انتظري خلي أخبرها إذا أدايني.

اتصلت بيها وأني أفتر أفرك براسي، ما أقدر أوكف من الألم.

ردت: ها حبيبتي غيوو. هههههه لا جايتج بس هاي ناي تريد منج خدمة. لا لا تريد فلوس تشتري إبرة وراح توفيهن لج. أعرف والله كلت لها كثر دينها بس شسوي كاعدة بلاشغل. هاا أمم تمام هسه أكلها وإذا رضت أجيبها وياي. يلا باي لا تشغليني منتظرة مكالمة من غيث.

- هاا شكالت لج؟

- سمعتي؟ كالت دينها كثر وما أقدر أداينها أكثر. بس اكو طريقة.

- لا تكولين أشتغل عدها.

- مم لا بس تعالي وياي، اكو يمها أحد من سمعج كال: خلي تجي أني أنطيها.

- المقابل؟؟

- هسه بلا مقابل. انكسر خاطره ينطيج بلاش، بس المرة الجاية ما أعرف إنتي تقررين.

- ما أروح.

- لعد خليج.

راحت لسيارتها فتحت الباب، صعدت أريد أتبلعم ما أقدر. الموت هواي أقل من الدا أحس بيه.

مثل الذابحني عالنص وخالني لا أني ميتة ولا أني العدلة أترجى الرحمة.

أحس روحي تنملخ، شيء ينهش بجسمي. لا إرادي بدون شعور جان تصرفي. ركضت للسيارة وهي استوها تتحرك، ما لحكت غير عالباب الأخير. فتحته، شحطت السيارة وكفت.

صعدت باوعت لي وضحكت كالت: أي عقلي شلعتي قلبي.

- أرحميني راح أموت.

- تعالي كدام.

- ساااااره امشي بسرررعة، راسسسي راسسي راح يطك.

- غيث إذا درى بالمكان اللي راح آخذج بيه يضيعج سمعتي؟

- خلييي يدري بلكي يكتلني وأخلص.

- بس هاي المرة أروح وياج. وإذا دريت كايلة لغيث أني اللي وديتج عليه، وعلى أعدائي أكتلج وأكتل روحي.

- سوي اللي ترديه، أبوس إيدج اتحركي دمووووت.

- عندي شغل، أوصلج مقابل الشقة وأرد. إنتي اتصلي بيها تطلع تنطيج الإبرة، خو تندلين تردين.

- أندل بس استعجلي ولج راسي راح ينفجررررر.

من كمية الألم قمت أضرب راسي بباب السيارة بس أريده يهدأ حتى أتمنى ينفجر وأرتاح.

شحطت سيارتها لأن شافتني وصلت آخري، بعد ما أحس شسوي.

بالطريق وفونها رن، خلت البلوتوث بأذنها وأشرت: إشش. ردت: ها حبيبي. طالعة رايحة للشقة مالتي مو كلت لك. تمام حبيبي هياتني قريبة عالمطعم، خمس دقايق وأني بابه وصلت يم الجسر. أوك هسه أتصل بعثمان يطلع أنطي الأمانة.

هي تحجي وانتبهت اكو شريط بالتابوت اللي يمها.

فتحته بسرعة، اندارت كمش ايدي، دفعتها وأخذته، جرته مني. كمشت إيدها، عضيتها حيل حتى أتهدأ. صاحت: لااااا ناااااااي.

فلت الاستيرن من إيدها، صارت سيارة كدامنا رادت تضربها، شحطتها ودارتها.

ما نسمع غير صوت هورن. درنا وجهنا ونشوف وحدة صفحت من جهة ساره، إجت بكل سرعتها، دخلت بسيارتنا وشيء حار اخترق جسمي.

شلت راسي مصدومة من اللي قالته، أبص لماما ابتسمت فرحانة وهي مستمرة بالحكي، تمدح بابن بنتها، لما قالت:

"هاي خو بعد ما عندكم حجة وتقولون أثقال ولازم نروح."

ماما: بس لقدام ما أخليها تروح للخارج، كافي ذيك ما أعرف وين أراضيها، والله أعلم أشوفها بعد لولا.

- لا، حجيت وياها وهي من زمان مقهورة عليّ لأن وحدي ضليت، قالت تتزوج يمّج، وكل كم شهر يجيها يظل شهر شهرين ويرجع.

- هو شافها لو عالحكي؟

- إي، من مخبرتهم شايفها، وأني قبل بساعة حاجيتهم قصتها وشلون أخذتها وضميتها يمي، ومدحتلها بهدوئها وأخلاقها، وهم تتصل واحد يحجي ويا الثاني حتى يتعرفون.

- هاي هي داده، اللي الله كاتبه يصير، بلكي تستقر وترتاح، أمن على وحدة أقلها.

- إي بيبي لحن، ما قلتي شنو رأيك؟

- ما أتزوج بيبي.

ماما: وليش عيني ما تتزوجين؟

- ماما، جربت مرتين وفشلت، كافي خليني أشوف مستقبلي، ترى الحياة موبس زواج.

- لا، قولي ضحك عليّ وأكل راسي بكم كلمة، أقولج إي.

- هسه دتشوفيني رجعتله حتى هيج تحجين؟

- وأني ما أنتظر تردين لهذا السقط لحن، ماما لا تشلعين قلبي، خليني أمن عليج قبل لا أموت.

- اسم الله عليج ماما، من عمري على عمرك، بس الزواج كرهته، ما أريد أتزوج بعد.

- دتعرفي عالولد وشوفي، هسه أنتي أشبيج هوستي وبعدها المرة بس حاجية.

أم سروان: أني ما أغصبج بيبي، راح أخليج تخبري وتتفقون، واحد يشوف الثاني وتتعرفون، هذه زواج مو لعب، أدري بيج خايفة بعدج هم حقج، زواجج ما يتعاشر، الله يساعدج.

- حبّاب أركان، وحتى اللي سواه جان غصبًا عنه، عاداتهم تختلف وأني جنت أعاند وياه، ولا مرة ضربني ولا عاقبني، ودوم جان يتعارك ويا أهله علمودي حتى لو جنت على خطأ.

ماما: منو الحبّاب؟ تاجر الأسلحة! ولج لا تخبليني، تعرفين شنو شغلهم؟ شنو ذوله قطاعين طرق وتسليب؟ لحن، أركان تمسحيه من راسج، ما أريدج تذكريه أصلًا، وأني لو جنت موجودة أذبحج ولا أخليج ترحيله.

- مو تاجر أسلحة ولا قطاع طرق، يشتغل حاله حال العالم، صح ما بي حسنة بس ما يدخل بالممنوعات ولا يظلم أحد.

- لا أبد من هيج نصهم اتقتلوا وما يطلعون إذا ما واحد منهم تارس نفسه أسلحة.

- اتقتلوا لأن يتزاودون ويا ناس كبار، وهناك أكثرهم هيج شغلهم، وبالنسبة للأسلحة همه عرب وهاي عادة من ضمن لبسهم السلاح.

- لا، هذا صدك عارفين شلون يغسلون مخج.

- ما غسلوا مخي، بس اللي تسمعيه شي واللي تشوفيه بعينج شي ثاني، إشكد عشت وياهم ما شفت ولا سمعت يوم دخلوا بشغلة غلط، بالعكس ناس تنتخي وبيتهم مفتوح للي يعتاز، صح نسوانهم ما بيها خير بس عمي وبيبي بدعة ينحلف باسمهم ما يقبلون الغلط.

- عزة بعينك بعد كل اللي سووه بيك، دافعين عنهم وتفكرين ترديله.

- ما أفكر بيه، وأصلًا مقررة ما أرجعله بس هم ما أتزوج.

بيبي: خليها براحتها، أني رايحة يم أم أرزيد شوية وأجي ما أتأخر.

قامت راحت مبينة ضايجة ما عجبها الحكي، هي طلعت واستلمتني ماما بين تنصح وبين تترزل، سكت ما رديت، قامت أخذت الفون قالت بعد ماكو تخبرين.

- ما أخبر ماما، هاي مرة سويتها ووعدتك ما أخبره.

- لحن يا حبيبتي، اسمعي مني يا أمي، وين نروح ما تقولين لي؟

- ماما رحميني، ترى أني بشر كل يوم مزوجتني واحد وتعالي اتعودي عليه حتى نعيش، هاي مو عيشة لو أموت هواي أحسن لي.

- هاي كلها لأن قلت لك ما تردين لأركان.

- إي أحبه، تقولين همجي، تقولين مو خوش آدمي، أني ثولة حبيته.

- ترجعيله تنسيني، لا أني أمج ولا أعرفك بعد، وأقص إيدي إذا طولتي شهر حتى قتل يقتلك أنوب، هذا ما عنده عقل وظالم، وإذا رجعتيلي أتفل بوجهك ما أستقبلك.

- قلت لك ما أرجعله بس ما أتزوج.

- أدري بيج راح تردين، بس فكري بيّ، أني وين أروح، ذيك دقت لي صدر وطلعتني من بيت أخوي، وهاي راحت بعد ما شفتها عاشت حياتها، وذاك سكن التراب، وأنتي هم ترحين، أني وين تعبي بيكم؟ ليش من دون العالم؟

- ما أتركك ماما والله، بس والله نفسي ما تتقبل بعد أحد.

- راح تتعودين وتحبيه وتشكريني، بعدك صغيرة لا تضيعين نفسك ويا واحد مثل هذا، لا عندهم دين ولا يعرفون الله، ما عندهم غير القتل والتسليب.

سكتت ما رديت لأن أعرفها مقتنعة ومستحيل تبدل رأيها بيهم.

- بنيتي اسمعي مني، هسه تجي أم سروان قولي لها موافقة.

- لا ماما.

- بس اسمعي دا أحجي، قولي لها موافقة، وأنطوني مجال أتعرف وأحجي ويا، والله ما تحصلين هيج نصيب، شوفي عيشتنا إشكد حلوة، مكان نظيف ومرة حبّابة، وهو كل كم شهر يجيج ما راح يضغط عليج.

- ترى دتبيعيني ماما، منو ترضى على روحه تتزوج هيج، ماما هذا ذل والله.

- ما أبيعك يا حبيبتي، بس هذا لقطة من زمان عيني بيه، وين نحصل هيج يخلينا عايشين سوى ويخليج تكملين دراسة، وإذا ضايجة لأن يتركك تكدرين تقنعيه وتخليه يحبك ويظل يمّج، يله يبعد روحي، فرحي قلبي ووافقي.

باوعتلها، مجرد تخيلت أنام بحضن غير أركان اقشعر جسمي.

... ثاني يوم من الصبح قعد لي اثنينهن يقنعن، هاي تريد واحد من أهلها يرد يمها لأن وحدها، ولقيتني لقطة، منو ترضى تاخذ واحد كل كم شهر يجيها خالها بس للسياحة.

ماما ما مصدقة بيت تعيش بيه وترتاح هم حقها، بس أني ما أقدر، صح ما عشت ويا أركان هواي، بس قلبي اتعلق بكل تفاصيله، حبيته هو لهجته وعصبيته حتى غيرته عشقتها، وأني أشوفها بعيونه من يباوع لي وخايف أحد يشوفني.

ما أعرف شلون مر اليوم وأني عايشة بنص ضغط، اشتاقيت لصوت أركان بس ما عندي فون أخابره، وحتى الباب مراقبته ماما خايفة ألتقي بيه لو أتواعد وياه، جانت مراقبتني أربعة وعشرين ساعة، تكسر خاطري من أشوفها هيج خايفة أتركها بأي لحظة، وهي ما ضال عندها غيري، حتى ناي قطعت اتصالها ما نعرفها وين.

قاعدين العصر بالحديقة، اجت بيبي بيدها الفون متصلة فيديو، قالت هاج يريد يحجي وياك.

- بيبي، قلت لك مو هسه.

- بس احجي هسه، ما قلنا شي هيج بس سلام.

- ما مستعدة هسه أسلم، دتشوفيني مكفشة.

- عادي، أنتي حلوة بكل هوستك، دكمشي يا بيبي لا تشلعين قلبي، ها بيبي لا تخجل، مو ما ترضى تحجي وياك، هاي تشوفها جنها شمس تضوي وتقول مهوسة ما متحضرة.

خلت الفون على وجهي، جان شاب متوسط بالعمر، أسمر شعره خفيف شوية من قدام، شافني ابتسم، قال:

"شلونك لحن؟"

كمشت بيبي إيدي خلت الفون بي وراحت.

صارت عيون أركان قدامي، شلت الكبوس خليته على راسي بسرعة، قال:

"شنو محجبة؟"

- تقريبًا.

- لا لا، هيج ما أحب.

- ترى مسلمة أني.

- هههه، ومنو قال لك أني كافر؟ بس من حق الإنسان يعيش بحرية ويخلي العالم تتمتع بما خلق الله من جمال، ليش تضمين شعرك؟ المهم بعدين نحجي بهالموضوع.

- بعدني ما موافقة وماكو شي نحجي بيه.

- وليش ما موافقة؟ شنو اللي مانعك؟ عرضي تقبل بيه أي وحدة وكاملة المواصفات هم.

- دتقول عرض يعني بيع وشراء، وأني مو للبيع.

- لا ما قلت للبيع، بس طلب أخذ وعطا، مثلًا أني راح أتزوجك حتى تظلين يم بيبي، وراح أوفر كل طلباتك وأنطيك حريتك لأن بطبعي ما أحب أقيد أحد.

اتحسرت وباوعتله.

- تتحسرين ليش؟ ما عاجبك الحكي؟ شنو مو قد المقام؟

- لا بس هيج اجت لا إرادي، تدري أني متزوجة مرتين.

- حياتك هاي، عسى ما عشرة، ما عليّ بالقديم، أني هم متزوج وانفصلت.

- يعني ما يهمك إذا واحد منهم ضال بقلبي أو جنت بحضنك قبل؟

- انفصلتي لولا؟

- امم.

- لعد هاي هي راح تصير لي، هذا لون شعرك الأصلي لو صابغته؟

- لا طبيعي.

- مم، ممكن نغيره بالمستقبل لأن ما أحب اللون الأشقر.

- لون بشرتي ما ترهم ويا غير لونه.

- بسيطة، تتغير لون بشرتك بالصيف، كم جلسة عالبحر تسمر البشرة وتنزلين وزنك، دا أشوفك مملية، خلي أكون واضح وياك حتى لا نختلف وتصير مشاكل، أحب زوجتي تكون موديل.

- لعد ما أفيدك.

- لا بس تعديل شوية راح تكونين بيرفكت، مو أول مرة أشوفك، شفتك وأنتي تخبرين ماما، عجبني شكلك وهدوئك.

- كل إشكد تجي؟

- كل ست أشهر أو سنة، حسب فراغي راح أجي شهر أو أكثر، بس مصرفك واحتياجاتك أنتي وبيبي توصلكم كل شهر، تردين تسافرين مثلًا سياحة غير دولة أو محافظات ترحين بس خبريني.

- ما أقبل أطلع بدون إذنك.

- هههه، لا شنو قالوا لك متخلف؟ بس حتى أحول لك فلوس.

- شتعرف عن حياتي وأهلي؟

- ما أريد أعرف شي، أعرفك أنتي كافي.

- هذا ما يكفي، تدري ليش أريد أتزوج؟ لأن أريد أحد يحميني من أهلي، أحد يكون لي سند وما يخلي بشر يوصل لي.

- أنتي قلت لها متزوجة يعني ما مأخذة بودي جارد، وإذا على أهلك كوني طيبة وياهم، ولا تعانديهم، همه ما يأذوك.

- يعني عادي عندك انضرب؟

- ماكو واحد ينضرب بدون سبب، وإذا ضربك باطل تكدرين تشتكين.

- لو أقدر أشتكي ما جانت قاعدة هسه أخبرك.

- تمام، أني أخبر أهلك وأقول لهم يبتعدون عنك، ولا يهمك، ما نخلي مثل هالمشكلة اللي ما لها أهمية توقف الزواج.

- مو بس يضربوني، ترى حتى عيونهم وسخة ويحجون بعرضي.

- حقهم يباوعون لك، جملية، وبعد ما يكدرون يحجون بعرضك إذا صرتي باسمي.

هزيت راسي إي.

- الشهر الجاي ممكن أجي عالعراق حتى نكمل مراسيم الزواج.

- يا مراسيم ترى.

بعدني أحجي وماما سحبت الفون قالت له:

"ها خاله شلونك؟"

باوعت لي بخزرة، قمت تركتها تسولف وتضحك ويا حتى.

دخلت جوه، شافتني بيبي، كالت:

"ها، شفتي اشلون حلو حباب؟"

"اي بيبي."

"كون صدگ وتصيرين من نصيبه، وتجيبيلنا طفل يونسني بعد الوحدة اللي عشتها."

"منو يكول يريد طفل؟ هذا خالني بس وكت السفر يتسلى."

"لا تكولين هيج. هو من زمان يريد عراقية، لأن اللي هناك ما يصلحن يكونن أمهات ولا زوجات صالحات."

"الله كريم بيبي، بعد وكت هالحجي. انطوني مهلة أفكر."

"أمچ كالت موافقة لحن، ورجعتلهم الجواب تره."

"مو بكيف ماما."

دخلت ماما، كالت:

"شنو اللي مو بكيفي؟ لعد ترديني أشوفچ تضيعين روحچ وأسكت؟"

"ماما، وين مضيعة روحي؟ ما تشوفيني يمچ؟"

"هو هذا الضياع ماما، انتي ما تحسين بعدچ صغيرة. تركتچ كم شهر، شفتي إش صارلج من بعدي؟ ناس تدور تريد تكتلچ، وناس شامرتچ، وناس ضاربتچ. يا حبيبتي، بردي گلبي، وگولي أي والله خوش ولد."

"خوش ولد على روحه، أني شكو."

"لحن، هذا الشهر جاي وراح نطلع أني وأم سروان نجهز لكم. وكون تعترضين، وروح ابني أهج وما تشوفيني بعد، لأن شفت مالي قيمة يمجن."

"ماما، لا تغصبيني فدوة أروح لج."

"ما أغصبچ، انتي ما تعرفين مصلحتچ، أني أقرر مكانچ."

"قبل كولتيها وغصبتيني أتزوج سمار، شفتي إش سوى بيه من رحتي؟ لو ما أركان چان موتني."

"ليش؟ لأن رادچ مرة؟ لعد من حقه يكتلچ تره. عرفت انتي مانعته، ما خالته يتقربلچ. تالي رحتي لذاك السكط، انطيتي روحچ وهاي كدامي شمرچ بعد ما حطمچ ولعب بخلقتچ. لحن كلمة والثانية ما راح أغصبچ."

"شنو ماما؟"

"تروحين لأركان، روحي، بس تنسين عندچ أم، وأني أروح أدفن روحي حتى أخلص. تظلين وياي نستقر هنا، توافقين ولا تكولين ما أتزوج، المرة هم ملت شايلتنه صار إشكد."

"نطلع نعيش وحدنا."

"بالچ سهلة؟ ولچ لو نكدي ما نكدر نعيش. زلم ما مدبرتها، مو أني مريضة وانتي صغيرة يطمعون بيچ يا ماما. والله ما أكدر، لا تكسرين ظهري بيچ. خليني أمن عليچ حتى أروح أشوف أختچ وين، وافقي يا روحي."

"أعرف ماما والله، بس انطيني كم يوم، والله ما أكدر أكولها هسه."

"لا هاي هيه، أني أكولها مكانچ. يلا يا روحي مبروك، وزواج الدهر."

باستني وراحت لأم سروان تبشرها. طلعت بره، دموعي تنزل بسكته. وين أركان؟ تعال شوف حبيبتك وين، لمن راح ينطوها.

كعدت لميت رجلي، گلبي يوجعني، أشهك بقهر.

مر أسبوع وماما وأم سروان كاضياتها أسواگه وتجهيز، وأني بس أباوع محتارة شسوي.

كل يوم يتصل حفيدها، من بعيد أسلم وأروح. يوكف أركان بعيني، ما أكدر أحجي وياه، أحس روحي ملكه بس إله.

اليوم كوة يخلص، شطوله. گلبي على ناي يفور، ماكو اتصال، كاطعه فرد مرة. المعجبني ماما باردة من ناحيتها، صح تسأل بس قليل، وترجع تكول:

"عايشة اتهنت و`نسيتنه، خليها لا تلحين عليها. من يومها تفضل روحها علينا."

أتعجب هيج گلبها. صح أحبها لماما، بس أحس ناي جزء من روحي. من أسمعها تحجي عليها أموت قهر، لأن دأحسها تزرع نسبة كره بينا.

خلصت غسل مواعين، وبيبي واكفة تطبخ. مسحت أيدي، وكفت أريد أحجي وخجلانة، تخاف ترفض، وأني من كثر الملل حسيت روحي راح أطك.

شافتني ابتسمت، كالت:

"شرايدة لحن؟"

"أتسمحيلي أسوي مرجوحة بالحديقة؟ والله ما أخرب حديقتچ، بالزاوية بعيد."

"أجيب لج جاهزة، ليش حتى تسوين؟"

"أسويها، ومن تطلعين جيبيلي وحدة بس أتلهى بيها كم اليوم."

"وإشلون تسويها؟"

"عدنا بالمخزن خشب شفت وحبل ملابس، هيج بالشجر وإشكلها."

"روحي، بس لا تتعورين، ديري بالچ."

رحت للمخزن، دخلت طلعت خشبة وحبل. طلعت، اتربعت بالحديقة، بس أريد شي ألهي روحي وأشغل تفكيري بيه.

خليت الغراض، أشد منا يفلت منا. ساعة يالله كوة ضبيتها. كمت أركبها بالشجرة، اندكت الباب، صاحت بيبي:

"لحننن، الباب!"

"بيبي، دأسوي بالمرجوحة، روحي انتي فدوة."

"أم عاشق فدوة، افتحي الباب، هاي أم أرذيد اجت."

رحت، ماما فتحت الباب، وأني مستمرة أربط بالشجرة، ما تصير، راد لها قوة.

اجت ماما، كالت:

"لحن، هذا طفل يكول طوبتي عبرت عليكم."

"ماكو ماما، أني واكفة بالحديقة."

"عالسطح، روحي جيبيها. رجلي ما بيه أصعد."

"وينه؟ خليه هو يصعد."

"ميخالف يا ماما، روحي وياه لا يوكع الطفل ويبلينا."

صحت للولد، دخل. جمدت وأني أشوفه ابن أخت أركان. باوع لي وغمز، أشر عالسطح.

بعد ما أعرف شأسوي. ركضت كمشت أيده، ورحت للدرج، صعدته للسطح، كلت له:

"إشجابك ولك؟"

"اجيت ألعب طوبة."

"جاي من الغربية لهنا حتى تلعب طوبة بابنا؟"

"ما عدنا مكان نلعب غادي، بس والله عدكم گمريات بالشارع ول يابه كيك موش بنوات."

"عزة بعينك، عليمن تطلع ياسر؟ أركان وين؟"

"ضال بالطريج يدحگ على ما خلق الله من جمال."

"ربي عائلة كلها سكط، تريد واحد عدل ماكو."

"لا هي يا مرت خالي ما رضيتها منچ. عجل خالي أركان شبلاه؟ موش عدل ترك بنوات الغربية وبنوات الجنوب وجاي حدركم تايشوفچ."

"كول خلص بنات الغربية والجنوب وحول عالوسط. ياسر، انعدل واحجي عدل. أركان شرايد ليش دزك؟"

"يكول اليوم بالوحدة بالليل ناطريني بالحديقة، أريد أحجي وياچ."

"شي حجي؟ كول له لا يجي ما أطلع."

"يكول عش مغلق موبايلها."

"ما عندي موبايل، مالت المرة وخذته. يلا روحي لا تسمع ماما وتبليني."

"أمچ موش حلوة عش ما تشبهچن."

"استغفر الله ربي، ياسر امشي يلا."

شال الطوبة، غمز ونزل يركض. اللي يشوفه ما يكول تسع سنوات. هسه صدكت ثلثين الولد عالخال.

نزلت عاضة شفتي طايرة من الفرح، بعده يذكرني وقلقان عليه.

رجعت للمرجوحة أسوي بيها، وقلبي يرفرف ويا، أتخيله هنا يمي بنفس الشارع ويدارقبني إش وقت أطلع.

لليل وأني بعدني أسوي، أخيرًا كملت بعد جهد وعناء.

كعدت عليها، أول هزة وكعت. كمت دفرتها:

"ضايع بيچ التعب، وهم أسويچ بس انتظري أتعشى وأجي اليوم للصبح."

دخلت جوه، جانت ماما حاطة ورقة وقلم وأم سروان ترد وهي تكتب النقص.

متعشيات وخالات لي عالميز.

نزلنا وكعدت أكل وهنه مستمرات، حتى ما ياخذن رأي بأي شي. أني هم ما شاركت، بالي بأركان اللي راح يجي بالليل، بس لا يسوي لي فضيحة وتالي ماما بدل الشهر تخلي بأسبوع الزواج.

أسمعهن اتصلن بأمه حتى تحول فلوس لباقي الجهاز.

خلصت أكل، كمت فتحت التلفزيون، تمددت أباوع، وندعي كون ينامن من وقت. صار العشرة وهنه مستمرات.

كامت بيبي سلقت المطبخ وفرشن، تمددت يسولفن وأني عيني بالساعة.

نمت وهنه بعدهن. كعدت صارت الساعة كدامي بـ 2.

كمزت طلعت على أطراف أصابيعي. فتحت الباب، طلعت باوعت بالحديقة، كمشتني العبرة، رايح ما هو.

رحت للمرجوحة دفرتها:

"كله بسببچ، تعبت ونمت من وقت."

كعدت لميت رجلي، أسوي أخلّي راسي بحضني، اندكت الباب خفيف.

كمت ركضت، رحت يم الباب، همست:

"منو؟"

"اشتعلو أهلچ، وينچ يولي؟"

"جنت نايمة."

"عرفتچ بالقرآن ثولة، نسيتيني ونمتي."

"لعد ما رحت؟"

"ضليت متأمل بلكي تكعدين وتذكريني. فتحي الباب لحن."

"لا أركان فدوة، ماما حتكمشچ."

"وكتاب الله طالع من الموت وجايچ لحن، بروح أخيچ بس أشوفچ، ما أطول ما أخلي أمچ تكضبني."

"ما أكدر والله."

"يولي بس دقيقة، ما أتأخر. لحن، لا تخليني أتوسل. ولچ من العصر وأني واكف بالشارع ناطر الوكت وحاسب له بالثواني. إش أعمل لكلبچ حتى يغفر لي؟"

"كول مليون مرة آسف."

"وحق رب العباد أكولها إذا هذا يرضيچ، بس فتحي الباب."

"ما أفتح للغرب."

"صرتي غريبة يولي؟"

"اي طبعًا غريبة، نسيت لو أذكرك؟"

"ما نسيت حتى تذكريني، باليوم ألف مرة ألعن نفسي. فتحي الباب لخاطر محمد. ولچ ما كسرت خاطرك، وداعت عيونچ، طلعت من نصهم وأدري أي غلطة يروح راسي بيها، بس قلبي متلهف على شوفتچ، ما كدرت أصبر بعد."

"ما أكدر أركان أفتح الباب والله، يلا روح لا يشوفوك الجوارين بالباب. فدوة يكولون لبيبي. إذا تحبني صدك روح."

سكت، أسمع حسرته من وره الباب، وراها خطواته تبعد.

أخذت نفس ورجعت للطارمة. بعدني نص الطريق وأسمع دبة قوية. انداريت وأشوفه كدامي، ردت أدخل، ما لحكت. ركض دنك شالني، كال:

"وين يولي؟"

"أركان."

"يندار لج فدوة أركان وأهله يولي، مشتاق لج."

كالها ودخلني بحضنه، أخذ نفس طويل وباسني.

حوطت أيدي على رقبته، خفت أوقع، همست:

"يلا نزلني."

"وين أنزلچ ولچ؟ مضارب فشك صاير نهار غادي وطلعت تا أجي أدحك هالجهرة المفهية، تكولي نزلني."

"حاوكع."

"أخليچ بنص قلبي، وأحميچ بضلوعي، وأكضب صدري بأيدي خاف الهوا يمر بيچ. إشلون توكعين يولي؟"

"مشتاق لك."

"أويلي يابه دخيل ربچ. هالكلمة كافي تخليني أرد أنطيهم راسي وأني مرتاح."

"لا أركان."

"عيون أركان وروحها اللي عايش بيها. إشلونچ يولي؟"

"زينة عايشة."

"عجل عش ما تردين على مكالماتي؟ صالبتني مثل الزمال ضال بس أدحك بالوجوه، قلبي يمچ مولع خايف لا صاير لج شي."

"ما عندي فون، خذته بيبي وقابل إش صاير لي؟ ضالة بالبيت حتى ما أطلع. يلا نزلني."

"أمچ الناقصة ما تتأمن. رب اللي ضمت قاتل ابنها وعايشة بحضنه، ما تغدر بيچ تنطيچ وتكسر قلبي."

"شنو يعني؟"

رجعني لحضنه وخلى راسه بركبتي، اشتمها، همس:

"بويه، شمة وحدة تعوضني عن الجنة."

باسها وصعد على خدي باسه.

"كافي تره حرام حتدخل للنار."

"راضي يابه، وروح أخوي، لو يخيروني دنياي بحضنچ وآخرتي جهنم، أبصم بدون لا أفكر."

"نزلني يلا."

باسني عالسريع ونزلني، كمش أيدي راح يم الترك كعد وسحبني يمه، كعدني أخذني لحضنه.

"موش كافي بالقرآن؟ اتربيت أني وهلي."

"ماما ما ترضى."

"اشتعلت أمچ، يا طريق يجيبها."

"ما أعرف، وتكول إذا رحتي له انسيني أتبرى منچ."

"وانتي بعد ما تثقين بيه؟"

"امم."

"حقچ يولي، أني لو عندي بت ما أنطيها لواحد مثلي ناقص غيرة وروحو بنص الموت."

"سهيلة حامل."

"شنهو يولي؟"

"مو دتكول عندي بنية؟"

"لو عندي؟ والبهيمة منين تحبل يولي؟"

"امم عالأساس دتضحك عليه. المهم مالي شغل بيك، هاي مرتك، خوما تظل عمرك بلا جهال."

"من غيرچ ما أريد."

"مو بنتي تطلع على ناي وانت تكرهها."

"دخيل محمد، عدها جاهل بكد جف الأيد بس الفرخ چنه أبريعصي، تريد تكضبه ما تكدر يزاكط. موش طبيعي، مجلوب على أمه."

"شدراك عدها ولد؟"

"تراه ابننا يولي. وها صدك وصلچ سلام بيدي، كال بوس لي خالتي."

كالها وكمش وجهي باسني من شفتي، دفعته.

"غيث وينه؟ بس لا راح لها؟"

"وين يروح؟ غير تورط ورد وانعل أبو أصله. ضال مثل الثور بس ينطح، تارك حرمته غادي وهو هينه متسودن. ما يكدر يرد لها. حاجزيه يمنا، طالبين راسه مكان عمي أبو حمزة، بس يتحرك يصكوه."

"وبيبي بدعة ترضى تنطي مكان عمو؟"

"جدتچ بدعة مستعدة تنطينا كلنا فداء لخاطر حفيدها وابنه، بس ما تدري بالسالفة، ضامين عنها."

"تره تحبك، أنت هم نفس المحبة."

"وأني أحبچ."

"أركان."

"يبعد أركان وهله. شرايدة يولي؟"

"صدك شعري مو حلو؟"

"من هو الزمال الكالچ يولي؟ من جماله عندي واهس بيه أعد الخصل للفجر."

"باردة، يلا كوم روح."

"عش أروح؟ قربي أدفّيچ، شرط أكسر أضلوعچ بحضني."

باوعت له عض شفته وجرني. نزع غترته، لفني بيها ودخلني بحضنه. خليت راسي على صدره غمضت، أمنيتي أظل العمر كله هيج ما أتحرك.

ورث جكارة، حاضني بأيد والثانية يدخن بيها.

همست:

"أركان."

"روحه ونبض قلبه."

"خلي أجرب مرة وحدة والله ضلت بنفسي."

"بوسيني."

"دتجذب، قبل هم كلتلي وما خليتني."

"لا حاليًا متوازي. وجد جدي مشعول بقبره لخاطر بوسة، أنطيچ حتى بدعة موش جكارة."

شلت راسي من حضنه، كمشت وجهه، بسته بخده بسرعة وخرت.

"حلّفي."

"ما أعرف غيرها."

"هينه أني أعلمچ."

كالها وكمش وجهي، أخذ شفتي بين سنونه. ضربته بصدره حيل، ما اهتم، ظل مستمر بلهفة.

دفعته وقرصته بأظافيري، وخر. لزم وحدة من أيدي عصرها عالخفيف وخلاها على قلبه ورد دنك يطبع بوساته على خدودي، نزل لشفتي سحبها على كيف. كلما ردت أبعده ما كدرت. حسيت روحي أني معتازته أكثر ما هو.

نسيت روحي، ضعت بين أيديه. رجعت ويا لذاك مكانه بنفس الشعور، دفيانة بحضنه داخل عالمه، ما أحس بأي شي غير حبه وخوفه. لا يضغط عليه ويأذيني.

ثواني شفت اتجرأ أكثر وبده يفقد السيطرة، دفعته وكمت.

دنك ومسح وجهه.

"يلا كوم روح، حيصير الصبح."

كام انطيته غترته. طلع فونه من جيبه، فتحه، طلع السيم كارت دخل واحد ثاني، كال:

"خلي يمچ."

"حتشوفه ماما."

"غلقي يولي وضمي بمكان، بس بالليل افتحي حتى أمن عليچ. ما أكدر أجي، بالقرآن مكانه خطر."

"تمام، بس ما أوعدك كل يو-- ياااااا."

"خير يولي؟"

"وعدت ماما ما أحجي وياك."

"حلّفي."

"والمسيح الحي."

"يلا ما حجينا كثير، حدري يولي. هينا خلي آخذ نفس منچ تا أروح."

رحت حضني وأخذ نفس طويل، كمش وجهي باسني من شفتي.

"لحن، ما أوصيچ يولي."

"ما أطلع."

"ولا تتحجين ويا أحد، بس يخلص المكاون ويه هالهمج، أجيب أهلي وأجيكم."

"ليش حتى تجيب أهلك؟ شنو عالأساس ما تكدر تاخذني هيج؟"

"بالقرآن آخذچ ومن نص بيتكم، من بين زلمكم. والزلمة ومن ظهر أبوه يوكف بوجهي ويعترض. بس أنتي أغلى من هيج. عملتها مرة دحكت بعيونچ نظرة كسرت روحي قبل لا تمس قلبچ."

"أني اللي اجيتك وطلبت منك تره، مالك ذنب بالصار."

"وروح أخوي أجيب لج أكبر شيوخ السلف وأدفع بثقلچ مهر، وأطلعچ من بين أهلچ ببدلة وزفة تحلم بيها بنت ملوك، بس لخاطر توكفين بوجه أكبر واحد وتكتمين شكو ناقص يفكر يغثچ."

"وليش أنت ما تسكت اللي يغثوني؟"

"موش بس أكتمه، وداعت أبوي اللي يفكر يحجي وياچ أدفنه بمكانه، وأحسب الله ما خلقه. مع هيج أريدچ تدوسين فكهم برجليچ ومقامچ يصير فوك روسهم."

"هسه عمك أبو غيث يعترض ما يجي وياك؟"

"لا أمنّي، توب وأذنه وصلت حدر رجلي من الجر. وإذا بس فكر يفتح حلگه وكتاب الله ألف الحبل على ركبته وأجيبه سحل وأنعل أبو أبوه بقبره."

"غيث يزعل عليك، هذا أبوه."

"لا أبشرچ، حاليًا غيث خارج منطقة التغطية، محتار بمصيبته. عائلته كل واحد بكتر، واثنينهم بخطر. اللي يمنا واللي غادي، وهو ضال يتزنح بمكانه مثل الزمال."

"خطية كسر خاطري والله، هو حباب بس أخته عيع."

"هذا الحباب إذا اتحول بس الله يجيرچ منه. وأخته جايتها الصكة اللي تكتمها."

"شنو يعني؟"

"يعني أندار فدوة لهالخدود اللي تلمع ويه ضوه القمر. دخلي جوه، إذا تظلين هيج لباچر ما أتحرك."

بسته بصدره ورحت جوه، أشر:

"دخلي."

دخلت، سلقت الباب، رحت للغرفة وأشوف ماما كاعدة كدامي.

تباوع لي بتوعد.

***ناي***

صوت صرخة ويه قوة الضربة جانت كفيلة بفقدان توازني.

شي بارد نزل على وجهي، فتحت عيوني.

النفس مكطوع، أحس شي حاشر ببطني، أريد أسحب نفسي ما أكدر.

باوعت لسارة على كعدتها منتجية عالكشن بس الجام داخل عليها.

همست كوة يطبع صوتي:

"سارة حركي السيارة ما أكدر أتنفس."

ما ردت.

"سارة سا..."

كلتها وكحيت، أحس اختنكت أكثر.

العالم التموا. فتحوا الباب من يمي، واحد كدامي حتى يجر الكرسي لأن راجع عليه.

قسم يم سارة يسحبون بيها.

إشكد حاولوا ما كدروا. أشوفهم مخبوصين، أشرت بس وخروا الكرسي لأن بعد ما بيه أسحب النفس، انكطع نهائيًا.

إجه واحد مبين قوي، دفع الولد وطك الكرسي، شهكت حيل، أخذت النفس.

خليت راسي عالكشن وغمضت ما تحركت لمن سمعت صوت جود يصيح:

"وخررروا!"

فتحت عيوني، لكيته كدامي يدفع بالناس. وصل يمي، دخل سحبني من السيارة، صرخت:

"اتركني."

"منين متوجعة؟"

"بطني."

"ما بيها شي، بس ساعديني شوية حتى أطلعچ لا تحترك السيارة بيچ."

"سارة شوفها شبيها إش هو ما تحجي؟"

"يطبها مررررض. نااااي انطيني أيدچ يلا. ولك كرررررم، أندار مناك ادفعها."

"ما أكدر جود اتركني."

"ناي ناي أيدچ بروح أخوچ، اتحملي شوية راح أسحبچ."

همست:

"ما أكدر."

وغمضت.

أسمع صوت الصريخ بره يكولون:

"ابتعدوا راح تحترك."

دخل كرم من الباب الثانية، كعدني عدل أحس ظهري طق.

صرخت، ما اهتم، دفعني على جود وجود سحبني حيل يمه، دنج شالني وراح يركض. وصلنا مسافة أحس روحي تتقطع، عصرت نفسي. همس:

- جود بطني حموت.

- هسه نوصل، هاي الإسعاف إجت والشرطة.

- سارة لحق عليها لا تحترك.

- ما عليها، طلعوها، لا تحكيين اسكتي.

خلاني عالسدية وعصر بطني، دخلوني بالإسعاف. صعد كرم وخر إيد جود وهو ضغط على بطني، وجود ركض لسيارته، صعد، سدوا الإسعاف.

فون كرم يرن بس ما يقدر يرد.

لمن خلولي الأوكسجين على خشمي وشكلوا مغذي.

وخر إيده والممرض يغط عالجرح.

غمضت أحس فقدت لأن ما أحس بأي ألم.

رد عالفون كاله:

- ها غيث؟ لا لا هاي ناي. والعذرا عايشة بس تنزف.

ما أعرف غيث ما أعرف دتنزف ومختنقة. جانت صاحية هسه غابت عن الوعي. لا بالطريق بعدنا. غيث لا تخبصني دا أقلك فاقدة. لا لا تتنفس، أي تتنفس. الضربة براسها وبطنها دتنزف. سارة ما أعرف عنها شيء، راح لها جود بس الضربة جاية بيها ما أعرف عايشة لو ميتة.

آخر كلمات سمعتها وما حسيت بعد.

فتحت عيوني بالغرفة، غيث يمي، خال راسه على إيده عالسدية وإيده الثانية كامش إيدي.

حركتها رفع راسه، عيونه حمر حيل ومبين تعبان كلش.

أخذ نفس، ترك إيدي وكام طلع، انتبهت غسق واقفة على صفحة تبكي، ورويدة بيدها قرآن تقرأ.

شافتنا، إجت حضنتني غسق وبجت بصوت:

- لبالي بعد ما تكعدين، الله ياخذج موتّينا، اكو زمالة تفقد يومين!

رويدة:

- الحمد لله على سلامتك، يبستي قلوبنا.

همست:

- سارة؟

- صار لك يومين فاقدة، لا تحكين تتعبين.

- سارة شصار لها؟

- غسق روحي شوفي الدكتور كلي له فاقت.

- راح غيث أكيد، كله هسه يجي. ناي فدوة لا تحكين، ما عونا تردين للدنيا، يمه عزة بعيني أشوفها ما بيها نفس فاقدة، قلت هم راحت.

- سارة ماتت؟

دخل الدكتور ويا كرم، إجه يمي يضحك بس ضحكته مكسورة، قال:

- الحمد لله على سلامتك.

هزيت راسي لأن ما بيّ أحكي.

أخذ حسرة طويلة وسكت، ظل الدكتور يفحصني ويتأكد، كتب تقرير وطلع.

- كرم ماتت سارة مو؟

- الله يرحمها.

- لاااا فدوة لا تقولها.

- ناي نازفة هواي وبسبب النزف فقدتي الوعي يومين. عندك مضاعفات أشهر ما تقدرين تتخطيها، لا تبكين والعذرا تموتين بعد ما نلحق عليك.

- ليش ما طلعتوها؟ مو قلت لكم لحقوها!

- ميتة قبل لا نوصل، لا تبكين بروح أخوك.

- ماتت بسببي.

- دخيل الحمزة ناي، غيث وحده متحمل عليك ومحملك كل المسؤولية، لا تثبتين السالفة عليك يذبحك.

- جانت تسوق وأنا جريتها، أنا موتتها.

- ندري، وسامع صوتها وهي تتوسل بيك لا تقتليها. بس بروح أخوك إذا حكى، دخلي بعينه وجذبي السمعة. كلي له جنّا نسولف عادي ما وصلت يمها.

- جريت إيدها وهي فلتت الاستيرن، بس والله ما جان ببالي أقتلها كرم، والله ما جان قصدي أموتها.

- اكو عضة بإيدها بس هاي توديك حبل المشنقة، لأن السيارة الداخلة بكم يقول هنه فرنها عليه، والولد عنده كسور وهم طالب حقه.

- أي عضيتها لأن ما قبلت تنطيني الحب. يعني شنو هسه؟ روحها صارت برقبتي؟

- هذا يومها ناي، إذا سمعك أبوها يذبحك سجن، فدوة أروح لك لا تحكين.

انفتحت الباب، دخل غيث جان لابس قميص أسود مطبّق أرداناته ومفتوح أول دكمتين من فوق، شعره مخربط، شفايفه بيض.

إجه يمي دنج حكى على كيف:

- راح يدخلون الشرطة، تنكرين كل شيء، جنتي وياها رايحات تتسوّقن والحادث ما تعرفين عنه شيء.

هزيت راسي بأي.

- الحبوب اللي بالسيارة ما تعرفين عنها شيء، ما تتعاطين أنتِ سمعتييي؟

- أي.

- علاقتكن قوية، صديقات مو غير شيء. زواجي منها ما تذكري أبد.

- والله اللي سويته بدون وعي.

باوعت له والشهقة بقلبي، عيونه دم لونهن. ضغط على سنونه وعصر كف إيده، عدّل وقفته.

دخلوا الشرطة، مسح وجهه واندار للشباك، راح وكف كامش راسه.

طلعوا الموجودين، جان مترجم هو يسأل وأنا أجاوب مثل ما قال غيث. حكيت لمن قال:

- إش قد صار لك تتعاطين؟

صفنت، إجه غيث ووكف حكى وياهم، المحامي بصموني وطلعوا. وكف باوع لي حكى عالكيف:

- أووويلي ش هالحقد الشايلته؟

- والله.

- إششش، وداعة ابني إذا ما خليتك تتمنين الموت وما طايلته ما تسمّى عالزلم. تقتلّها يولي؟ عش يا بَه، بس لأن أخذته منك كم يوم هيج ترديها؟

- ما قتلتها والله، حادث صار.

- إش قد جنت أتمنى أسمع خبرك موش هي.

دخل كرم جره دفعه بره، أسمعه صاح وكرم كله:

- اتخبلت غيث؟ الشظايا بعدهن بداخلها، حالتها خطر، شتحكي أنت؟

- بلكي لأنها ميتة وخلصان.

- جذاب! صار يومين مثل الخبل تفتر عليها غيث، اصحى.

صوته بي عبرة، كله:

- راحت سارة بذنبي.

- الله يرحمها ويصبرك، بس ناي حالتها هم خطرة واحتمال ما تنجح عمليتها تتسقط.

- آاااااااخ بويه.

- قول يا الله يخوي، روح طالبك بالطب العدلي.

- ما أقدر.

- غيييث إش بيك يخوي؟ لك جووود تعال إلحق!

ردت أقوم، بطني تشنجت، كمشتها ورجعت أعصر بنفسي من الألم.

دخلت رويدة وغسق ركضت كمشتني:

- شسويتي؟

- غيث شبي؟

- ما بي شيء، يمكن انخفض ضغطه، أخذوا هسه يجيكون وضعه.

- سارة بعدها ما دفنها مو؟

- ما أعرف.

- يريدني أموت حتى يدفنّي سوى.

- أي كلش من هيج، لا ليل ولا نهار عينه غمضت. مكابلك يريد ينجن ما يعرف شيسوي، يتوسل بالدكاترة يقل لهم أي عضو تعبان منها أخذوا مني بس كون ترد.

- ما طلعوا الكزاز من بطني؟

- اليوم عملية ثانية بالليل راح يسوون لك، ما عليه سهلة لا تخافين.

كعدن يمي وكرم دخل هم كعد، جان ساكت على طول القعدة.

غيث ما شفته لا هو ولا جود للّيل وقت ما دخلوا يحضروني للعملية.

شلعوا المغذي والدم، نقلوني للسدية الثانية. إجه كرم كمش إيدي ابتسم قال:

- منتظرينك ناي.

هزيت راسي أي.

- وين غيث؟

- بره كاعد.

- صيحه.

- خليه يولي، تركيه خبل.

- بس أحكي ويا دقيقة فدوة قبل لا ياخذوني.

ما لحق يرد، طلعوني من الغرفة. بالطريق لقيته كاعد شافني كام.

- غيث أريد أشوف ابني الله يخليك.

- ما لك ابن عندي، ولو تموتين جوه هواي أرحم لك عاللي راح تشوفيه بحياتك.

- حرام عليك أموت وأنا بحسرة شوفته.

دار وجهه.

- بس صورته، آخر طلب.

- كرهت حتى ابني لأنه منك.

- عاشق أمانة يمك لا تظلمه بذنبي.

ردت أنزع المدالية ما قدرت، كمشت إيد كرم همست:

- أخذ المدالية لبسها له وحكي له عن اليوم اللي التقينا بي.

باوعت لغيث جان يسحب النفس بصعوبة وعيونه مليانة دموع لونهن بلون الدم.

- أمانة لا تقوله أمك باعتك، اذكر له بس الشيء الحلو، لا تكرهه بيّ. وحتى لو مرة وحدة تجيبه يزورني كافي لا تحرمني منه حتى وأنا ميتة.

خلى إيديه على راسه ودنج.

- راح أنتظرك كل يوم لا تتأخر عليّ.

مسح عيونه كرم ودفعني وياهم، دخلوني للغرفة.

خلولي المخدر، انتظروا هواي وما استقبل التخدير.

حكى وياي الدكتور جان لغته إنجلش ما أفتهم عليه.

دز أحد، دقايق ودخل غيث لابس لبس عمليات، إجه يمي حكى ويا ما أفتهمت شنو بس وكف يمي، رفعوا الغطا حجز بيني وبين بطني.

ردوا بنجوني موضعي، دقايق مو أكثر، بعدني صاحية، بلشوا بالعملية صح ما أحس بس مجرد أشوف يتنقلون ويدنجون على بطني رعب.

واحد منهم إجه عدّل الجهاز شفت إيده بيها دم ومشرحة، من خوفي كمشت إيد غيث بدون شعور، عصرها وأشر يمي.

شويه بدا البنج يخف، قمت أحس بنغزات.

النفس أسحبه عالسريع، قلبي دقاته كثرت، اختنقت.

الطبيب يحكي وياهم وهذا الكامش الأوكسجين يم خشمي كمش راسي رفعه.

أريد أتبلعّم ما أقدر، نشف ريقي، الدنيا ظلمت، انخبصوا. واحد يمرّغ قلبي، واحد يحرك بالجهاز.

غيث يعصر بإيدي حيل، عيونه بالشاشة مال دقات القلب وعين بيّ غمضت.

- لا لا ناي ناي اصحي اصحي. فتحي عيونج ناااااااي.

أسمعهم بس ما أقدر أرد، بديت أفقد.

إبرة انغرست بجسمي عالسريع وصوت غيث وهو يتوسل بيهم.

حسيت راسه قريب مني همس:

- عرفتك عنودية وكلمتك وحده، دخيلك هالمرة عاندي الموت ورجعي لي. ناااااي فتحي عيونج. ولكم أولاد الكلبببببب ماتتتتتتتتتت.

غلقت عيوني على صوته، فقدت بعد ما حسيت.

أكثر شيء أكرهه بالحياة من أكعد من بنج لو غيبوبة، الألم اللي براسي ما يتوصف.

حرق مو وجع.

عيوني أحسهن يردن ينقلعن من راسي.

حلقي يابس وطعم مرورة، أصوات تحفر بدماغي.

حركت راسي وصوت كرم صاح:

- صحتتت!

فتحت عيوني كلهم يمي عدا غيث.

جود:

- أم عاشق ناوية تجلطينا لو شنو؟

كرم:

- وأنا من البارحة كاعد أرتب سيناريو شلون يكبر عاشق وأسولف له على أمه شلون جانت امرأة صالحة ما تعرف الجذب ومقطعة السجادة من كثر الفرائض.

- هادئة وتسمع الكلام وتسامح وما تتجاوز.

- وما تبوق فلوس وموفية كل دينها، وكل يوم تطبخ لي دولمة وبرياني ومدللة أبوه أبد ما ضوجته.

- أقول كرم جيب لنا مي، نشف ريقي من الجذب.

- أحس السقف راح يوگع، صاحبك وين؟

- هههه النجر بالحديقة مكابل السما يتعارك حتى ويه ربه، تقول طالبة طلابة. العالم تندعي وهو يصيح ردها لي.

- حقه دفن وحده والثانية ما يعرف تفيق لو تلحقها، وأنوب هو سمعها كلام مثل وجهه الغثيث.

غسق:

- وداعة بابا يا ناي إذا رجعتي له بعد اللي سمعتيه منه أترك صداقتك.

كرم:

- خفي علينا يالصدوقة، طيري أنتِ وصداقتك المعفنة. شلون صديقة عندك مثل الملاك من كثر زينها ختمتها بالقتل.

- أفزع لصديقك طبعًا.

- ولج هو شضال بصديقي متخبل؟ حلو من يكون عدوك حبيبك لا تقدر تاخذ ثارك ولا تقدر تسكت. ضال مثل المطلقة رجلها ومات بالعدة.

جود.

:- شتحسين ناي؟

:- ما أحس بشيء، غيث ليش دخل للعملية وياي؟

:- خاف عليكِ، من عرف جسمكِ متشبع بالتخدير ما ياخذ بعد وراح يخدروكِ موضعي، كال هاي تخاف وبالفعل التخدير ما نيمكِ، الخوف فقدكِ الوعي.

:- شلون سمحوا له؟

:- هنا يعاملون المدمنين معاملة خاصة.

:- بس جان واقف يم راسي ويدعي عليّ.

:- هههههههههه ناي استوج طالعة من العملية.

كرم: صدق أنا سمعته دعى حتى على أمكِ.

:- استلم، نوب أمي! يلا ما دام أمنت عليكِ خلي أطلع قبل لا يرد ويشوفني وعلي يعلقني من رجليه.

:- شوكت تتصالحون أنتم؟

:- احترقت ورقتنا، يلا بنتي الحمد لله على سلامتكِ، وخليكِ صبورة اتحملي، ترى غيث تعبان وقلبه ملجوم، أي شيء تسمعيه منه لا تهتمين لأن مو بوعيه.

أشرت: أي.

:- لخاطر ابنكم، أدري صعبة عليكِ، بس سارة مهما كانت مو خوش، بس ما غلطت بحقه وحبته حب ما مر على بشر، وهو تعود عليها، حق العشرة بينهم كافية تخليه يحزن.

:- مصدق أنا اللي قتلتها؟

:- الله يرحمها، ما نريد نعرف شنو اللي صار بينكن وخلاكِ هيج تتصرفين، لأن هذا حد يومها، بس غيث قلبه ملجوم عليها، مو سهلة عشرة عمر وحب قديم يدفنها بيديه بسبب ذنب هو ارتكبه.

:- شلون أقتنع أنا أقتل؟ ليش ما تصدقون جنت مو بوعيي؟

:- اقتنع من يوم دخلتي حياته وأخذتي قلبه منها، وخليتيه ينكر تعبها وياه وشلون تحملته بأسوأ حالاته، اقتنع من ترك عشرة وحب سنين وخلاكِ باسمه وجاب منكِ طفل وأنتِ معرفة أشهر.

:- ليش دتحسسني أنت مو ويانا جنت عايش؟

:- وياكم ناي وأعرف غيث أكثر من نفسه، خليتيه يتندم على كل شيء سواه، خليتيه يلعن روحه ألف مرة، فكر يحبكِ ويضحي بيها لخاطر يرضيكِ.

سكتت، ضحك خربط شعري.

:- لا تخافين يحبكِ أكثر من روحه، ما راح يؤذيكِ بكد ما يؤذي نفسه.

:- راح يحجزوني هنا؟

:- لا، غيث سحب أوراقكِ وجاب تصريح من مستشفى خاصة بهيج شيء تستقبل حالتكِ حتى يقدر يطلعكِ من هنا.

:- كم يوم ويأخذوني؟

:- بس تستقر حالتكِ وتتحسنين شوية.

قالها وأخذ نفس يباوع لي بأسف.

:- أبو سارة ما راح يسكت مو؟

:- وعنه ما سكت، إذا به حظ يوقف بوجه غيث حتى يدفنه بصف بنته، لا تشيلين هم، هسه يسكتّه بفلوس، وإذا ما سكت بفلوس يسكتّه بغير شيء.

كرم: جود حبيبي بدون مطرود، غيث بده يصحصح والحمزة على هاي أخلاقه ما تكلفه دفرة يردكِ بحضن أمكِ.

أشر: أي، سلم وطلع.

مرّن أربع أيام، البنات ملازماتني أربعة وعشرين ساعة، يتناوبن عليّ ما تركنني لحظة.

غيث ما دخل للغرفة أبد، بس أسمع صوته برّه كاعد، تحسنت حالتي وتعدت مرحلة الخطر، جيكوا وضعي وسجلوا خروج.

طلعوني، بعدني بالطريق وبده مفعول المخدر يروح من جسمي، ما عوّنت أوصل، دخلوني للشقة، غيث ما جان وياهم.

صارت غرفة سارة قدامي وغراضها مطشرة، انعصر قلبي، نزلت دموعي، صح ما شفت زين منها، بس مهما يكون أكلنا سوى وحكينا ونمنا نفس المكان.

جرتني رويدة ودتني لغرفتي، لقينا الإبرة على الميز، أخذتها ونمت بسرعة.

قعدت ثاني يوم أحس بطني تتقطع.

محد يمي بالغرفة، صحت رويدااااا ماكو رد، عرفت الشقة فارغة.

كمشت بطني أريدها تهدأ ماكو، بس صوت الونة يطلع مني.

لميت رجليَّ لحضني، قمت أتلوى من الوجع، ما قدرت أصبر بعد، سندت روحي وقعدت. صار ضغط عليّ مثل الشيء اللي انفتح، صرخت.

انفتحت الباب، دخل غيث بطرك البنطلون، بس شعره مخربط وعيونه حمر، بيده جكارة.

سند متنه على الباب واقف يباوع لي ويدخن.

:- غيث غيث راح أموت دخيلك.

:- ما تموتين، تدرين ليش؟ الله خالقكِ حتى يدمرني بيكِ.

:- راسي راح ينفجر.

:- هطري بالحديدة اللي يمكِ ترتاحين.

غمضت وعصرته حيل، انداريت جريت المخدة عضيتها بكل حيلي.

تركني وراح.

دفعت المخدة وقمت، وجع فتح العملية ما يجي واحد باللي أحسه، ألم موت يحركني بدون شعور.

رحت أسحل بروحي كوة، طلعت لقيته بغرفته كاعد على الجرباية. دخلت، قعدت يم رجله، باوعت له بتوسل.

:- قومي اطلعي ناي.

:- غيث ارحمني، تريد تنتقم اقتلني لا تعذبني هيج.

:- ما أريدكِ ترتاحين، والموت راحة.

:- ما قتلتها واللـ...

:- لا تحلفيييييين.

شال قميصها، قال: دحكي هذا، تذكرين من جانت لابساه؟ هسه حدر التراب بدونه بسببكِ.

:- ما قتلتها غيث، أبوس إيدك انطيني...

:- كل أنواع الوجع توقعته منكِ، بس تأخذين روحي لا.

باوع لي بكسرة وهمس: عش يولي، موتيها مو كسرت حتى قلبها لخاطركِ.

:- ما جنت قاصدة أموتها وروح أخوي.

:- تمنيتكِ مكانها، ترحين، ربي عاقبني وأخذها.

:- ميخالف أموت هسه، أنتحر بس انطيني الإبرة، ارحمني غيث داموت.

:- وهذا اللي أريده، تموتين تعذيب، وداعة ابني لأعذبكِ عذاب أخلي أكبر أمنياتكِ الموت.

:- عذبني اقتلني، أي شيء سوي، بس لا تقطع العلاج. ولك داموووووت.

اتسندت على رجله، ردت أقوم فلتت إيدي، وقعت. بطني أحسها صارت بالنص، عصرت روحي حيل، قمت أتلوى من الألم.

جان يباوع لي متشفى بيَّ.

ما قدرت أتحمل أكثر، اتسندت على القاع وقعدت، رجعت كمشت إيده.

:- أبوس إيدك بس هالمرة ارحمني.

:- تريدين الراحة؟

هزيت راسي وأنا دموعي تنزل.

:- زتي روحكِ من البالكون راح ترفرفين ويه الملائكة.

مسحت عيوني وقمت، اختل توازني، ردت أوقع، كمشت بيه وقمت، كامشة بطني اللي تصب دم، رحت للشباك فتحته، مغلق، جرته حيل ماكو، صرخت: فتححححه.

:- فلشي براسكِ.

ضربته براسي بكل قوتي.

ما صار له شيء، رجعت ضربته حيل، سحبني بسرعة، دفعني على الباب.

صار قدامي الحمام، رحت له فتحت، دخلت، جان عدنا صيدلية، فتحتها بسرعة، اكو أشكال دوريات وحبوب.

أخذت شكو شريط، إيدي ترجف، كوة أسيطر أفتحهن وأخليهن على المغسلة.

خلصت الشريط والثاني، شلتهن خليتهن بحلقي، دخل بسرعة، جرني من شعري وعصر وجهي، دنقني على المغسلة.

خلى أصابعه على معدتي، ضربها ضربة خلاني أتقيأ كل اللي أخذته.

وقعت بالقاع ما بيَّ حتى أتنفس، نمت لميت رجليَّ أرجف وأون، جتني حالة مثل الصرع.

دنق شالني من القاع، دخلني للغرفة خلاني على الجرباية.

راح للكنتورة فتحها وطلع إبرة، أجه ضربني، اختفى شكو ألم بثواني، غمضت.

نزعني تيشيرتي وفتح الضماد، عصر بطني ما أحس بشيء.

رحت بالنوم، تركته يعالج بالجرح، قعدت صاير المغرب، جان ما موجود، باوعت بطني ملفوفة بضماد جديد ولابسة واحد من تيشيرتاته.

صار الليل وهو ماكو، جوعانة بس ما أقدر أقوم، ولا تقول هاي أنا اللي قبل شوية أفتر تقول ما بيَّ شيء، هسه حتى حركة ما أقدر أتحرك.

تأخر الوقت وهو ماكو، ما ردت أقوم، حاولت ما قدرت، ظليت على مكاني. لنص الليل وانفتحت باب الشقة، صوت كرم دخل وغيث يدندن يجر بحجي، عرفته شارب وجايبه كرم.

دخلوا وصل لغرفته راد يدخلها، أسمعه يقول له: لا لا خليني هنا.

:- باردة هنا، تعال لغرفة ناي.

:- هه ناي، وقعت بيدي لبالها ما ألكفها بعدددد، يول خليني أقعد.

هو قالها وأسمع دبة بالقاع وصوت قوطية يشرب بيها.

:- غيث يخوي بس اتسند عليَّ، قوم اسبح كلك تراب.

:- جانت تخاف من الموت وأنا أضمها بحضني أومنها، مشتري علاج يكفيها لسنين، تالي دفنتها بيدي.

:- الله يرحمها هذا يومها.

:- كرم تركتها حدر التراب وأجيت، ولك تخاف وحدها، عش ما خليتني يمها يخوي.

:- بس اسبح أصحى أرجع لها.

:- صاحيييي أنا صاحي، بعد عني، وينها هاي ماماتتتتت بعدها.

:- غيث كافي رحمة لديننننك، ظالة آخر نفس هيَ، اتركها.

:- وكلام الله راح أخليها تتمنى الموت، راح أعيشها بجحيم أسوأ من حياتها.

:- ما أتصور اكو أسوأ من هيج، مدمنة ابنها مأخذيه، متسقطة بالفراش تحت رحمتكِ.

:- حفرت قبرها بجدامها وأنا اللي راح أدفنها بيدي.

:- لعد ما قتلتها، شكو مبقيها؟ محد راح يدري ولا واحد يسأل بلكي يشفي غليلك.

جنت منتظرة رده، هدأ ماكو صوت ثواني، أسمع ضربة القوطية بالحايط وصوته به كسرة يقول له: ما أقدر أعيش بدونها.

:- مو تقول تمنيتها مكانها؟

:- حتى ألحقها وأرتاح من الدنيا تعبت. حبيت وحدة قلبها حجر، الموت عدها تسلية، مريضة بالذبح بس عشقتها، صرت مريض بيها.

:- هيَ هم تحبكِ؟

:- لا، علقتني بيها وتركتني مثل أمي، أظل للصبح أمناطرها وأتوسل للخالقني بس يحنن قلبها وترد لي.

:- أنت أذيتها.

:- لا لا دللتها، حبيتها، سويت اللي تتمنى بدون لا تطلب، انطيت بروحي بس حتى أسعدها، عافتني بوقت جنت محتاجها بدون ذنب بدون رحمة.

:- انطيتها وعد ورجعت بيه.

:- ما رجعت بيه، غلطت غلطة وحدة بس غصبا عني، وداعة أمي ما خنتها حتى بغيابها، أحضن خيالها من أنام.

وروح سارة راح أدمرها.

بردان يخوي غطيني.

:- بس اتسند عليَّ.

راح صوتهم مبين قومه وأخذه، دقايق واندقت الباب عليَّ خفيف، قلت له: تعال كرم كاعدة.

دخل متبهذل وتعبان، قال: معتازة شيء؟

:- غيث شلون؟

:- شلون بعد؟ جبته من يم قبرها جان كاعد يمها شارب لمن طالع من أذانه.

:- نام هسه؟

:- أي بالصالة خليته، لا توصلين يمه ولا تحجين وياه، تحملي منه أي شيء يحجي، لا تردين بين ما يهدأ ترى تعبان وما يعرف شيحجي، أي شيء تعتازي اتصلي بيَّ.

:- ما عندي فون، خلي رويدة تجيني معتازتها.

:- ما يرضى غيث، اجت الصبح وطردها، قال هيَ تدبر روحها، اتركوها.

:- قصده تذل روحها وتبوس إيده حتى يساعدني.

:- أكلتِ؟

:- لا.

:- هسه أشوف لكِ شيء تأكليه.

راح استحيت أقول له يقومني أروح للحمام، مع العلم كلش معتازته جنت.

دخل بيده لفة وكلاص مي، خلاهن يمي، سندني، ردت أقعد، بطني حسيتها انفتحت، رجعت انتجيت، أشرت: اتركني.

:- تريدين بعد شيء؟

:- لا هاي هيَ شكراً، بس هم خبر رويدة خلي تجيني الصبح معتازتها كلش.

:- تمام يلا رايح أنا.

أربع أيام وغيث أنواع الذل شوفني ياها، الإبرة لمن أوصل آخر نفس وأبدأ أفقد يلا ينطيني.

العملية انفتحت من كثر الحركة، بدل ألم المرض تضاعف، جان يستلذ من يشوفني أبجي من الوجع.

بديت أفقد كل طاقتي، كوة أفتح عيوني.

هاي كلها مو بكد وجع قلبي على ابني، قمت أتمنى أنام حتى أحلم بيه، جاروبه بيدي صارت جزء من روحي.

أشمها أحسها ترد روحي، رغم ما لبسها هواي بس جانت مصبرتني أتخيله يمي وأرجع ألبسها إلَه.

الساعة عشرة بالليل، صارت عندي أسوأ ساعات بحياتي، وقت الجرعة.

صار عندي رعب منها قبل حتى لا تصير.

خالة المنشفة على بطني لأن تنطي دم وما يرضى يجيب أحد يعالجني، ظالة أنشف بيها وآخذ علاج بكيفي.

اتسندت وقمت للحمام، روحي تطلع من أحتاجه، بس غصباً عني، شيسوي ما عندي أحد.

رحت غسلت وجهي، أباوع بالمراية صايرة مومياء، جوه عيوني أسود، وجهي ذبلان وأصفر.

لميت شعري طلعت، كامشة بطني وأمشي، طلعت للصالة، لقيته كاعد بالقاع متجي على الحايط، بيده جكارته ويمه قوطية شرب.

شال راسه شافني، أخذ نفس منها ونفخ، قال: شطول عمركِ.

:- إذا متت ترتاح؟

:- لا، لأن الموت راحة وأنا أريدكِ تتعذبين.

:- لعد خليني هيج تعذب بيَّ، بلكي ترتاح لمن أموت وحدي.

:- هيج ههههههه، كل عقلكِ هذا تسميه عذاب؟ ناطرين نرد ودحكي المفاجأة اللي محضرها لكِ، وعمة السادة لأخليكِ تدفنين نفسكِ بيديكِ.

:- مكفاكِ ابني أخذته؟

:- أخذتِ مكانه سارة وأخذتِ روحي ورجعتيني لأيام جنت أترجى ربي إذا أغمض عيني كون ما أفتحها، خليتيني أخجل حتى أرفع راسي بين أهلي ورفجاني، خايف بأي لحظة واحد يزت كلمة بحقكِ ويذكرني بكسرة قلبي.

:- غيث أبعد عاشق عن انتقامكِ.

:- هو راح أبعده نهائياً، مو لأن أريد أدوسكِ بيه، لا بس لأنه منكِ وأنا ما أريد شيء يذكرني بيكِ.

:- وين راح توديه؟

:- لمكانه الصح، كلما يكبر يوم بيه يلعنكِ ألف لعنة لأن جبتيه للدنيا.

:- ما تريده رجع ليَّ، ليش حتى تأذي طفل ما له ذنب؟

:- هههه لبالكِ بعدكِ صاحية أنتِ وراح تقدرين تربيه؟

:- أقدر.

شال القوطية شرب منها وقام راح للمطبخ، طلع بيده سكينة، وصل يمي لبالي راح يأذيني، رجعت لورى.

:- لا تخافين ما أذبحكِ، لسه وقتكِ ما جاي، قبضيني هاي.

انطاني السكينة.

كمشتها بحركة سريعة، جرها حيل، انشقت إيدي أباوع الدم ترس جف إيدي.

:- حسيتي بشيء؟

:- لا.

:- قبضيني عدل.

كمش إيدي وخلى السكينة بيها، ووقف يدخن ويباوع لي.

رفعت رداني، شخط إيدي شوية، ما حسيت بأي شيء، رجعت زودت الضربة هم ماكو، ضحك.

:- ليش ما دا أحس؟

:- خليها بإيدكِ، ما ظل للعشرة كثير ودحكي اللي تسويه بروحكِ حتى ما تعترضين من أزت ابنكِ بالملجأ.

:- لا غيث خطية بعده صغير، والله راح يعذبوه، لك حق يمي أخذه بس مو تأذيه.

:- هو هذا اللي أريده، آخذ حقي منكِ هيج، راح أنفرغ لكِ وآخذ كل حرف وغلطة من روحكِ.

خليت السكينة على رقبتي.

:- وأنا راح أخلصكِ مني.

:- زتيها لا تتخبلين.

تقرب، ضغطت على رقبتي حيل، دخلت أثر السكينة، همست: وخّر بس تتحرك أنحر روحي.

:- موتكِ ما راح يأثر بيَّ شعرة وحدة.

:- مو لخاطركِ أموت، لخاطر ابني، ما طولني عايشة راح تشوفه بيَّ، ما راح ترحمه.

:- عجل جيبي هاي.

قالها وبحركة سريعة سحب المدالية، قطعها.

:- أتصور هاي بعد ما تفيدكِ.

:- رجعها.

:- ولا هاي الجاروبة.

دنق شالها من القاع.

:- لا لا غيث، آخر ذكرى ذني ظلن، خليني أموت وهنَّ وياي.

:- وأنا أريدكِ تموتين وأنتِ بحسرة كلشي.

طلع الجداحة، شغلها، نزلت دموعي باوعت لها بترجي يتركهن.

ضحك باستهزاء وحركها، ولأحس حرك روحي.

فتح البالكون شمرها، رفع المدالية همست بكسرة: لا تشمرها هاي مال عاشق.

:- زتي السكينة.

:- حياتي راح تكون عذاب لابني.

:- عجل دحكي شلون توقع مثل وقعتها من رقبته وكت من ذبحوه.

:- اتركها غيث.

:- بعدي السكينة عن رقبتكِ.

:- ما دامنّي قدامكِ تشوفني ما راح ترحم ابني وأنا استكفيت، ما أريد أعيش أكثر، صار الوقت ألحق أخوي، غيث عاشق أمانة يمكِ.

:- نطرررري قبل لا تنحرين روحكِ، دحكي المدالية شلون تنسحق بالرجلين مثل ما سحقوا راس أخوكِ قبل لا ينحروه.

:- لاااااااا لااا غيثثثثث.

رفعها وشمرها بكل قوته.

هيَ صرخة، وهيَ ضربة بدون شعور، ما حسيت غير والسكينة ثابتة بنص صدره.

هيه ثواني بس ردتني لسنوات مرت بتعب ووجع.

أباوع للدم اللي ينزل وهو كامش صدره من فوق.

إيدي ترجف، أريد أكمشه ما أقدر.

قعد بالقاع.

دنقت متبنجة، كمشت إيده. شال راسه باوع لي.

همست:

"غيث لا تموت."

ابتسم.

"قوم، قوم أوديك للمستشفى."

عصر إيدي.

"راح تموت! قوم غيث!"

غمض.

تركته وقمت ما أعرف شأسوي.

ركضت طلعت من الشقة لشقة كرم، دقيتها حيل.

ورجعت للشقة على وضعه، منتجي ومغمض.

رحت يمه دنقت كمشت وجهه.

"اصحى غيث لخاطر ابنك! لا تتركني غيث، والله أموت وراك! افتح عيونك فدوة."

قمت رديت طلعت لشقتهم، قمت أدفر بالباب وأصيح كرم بعلو صوتي.

إجه صوته من ورا الباب:

"أجيييت."

"كرم الحگني! غيث ماتتتت!"

فتح الباب بسرعة متفاجئ.

"غيث؟ غيييث؟ الحگه!"

"شسويتي؟"

"ما أدري، مات، ماااات!"

دفعني ودخل يركض، دخلت وراه لقيته يسحب بغيث ويضرب بوجهه.

فتح عيونه بتعب.

"اتسند عليه يخوي خلي أقومك."

"لا خليني هينه."

"وين؟ دتنزف والسجينة بصدرك!"

"كرم لا تتعبني، اتركني يخوي."

"لا تعاندد ياااخي اتموووت!"

"إذا رحت ياخذوها وهيه مدمنة راح تتأذى."

"ولك تموووت يا زمااال!"

"ما أموت، بس جيب منشفة."

سنده عدل قعده، وركض سد الباب وراح للحمام أخذ منشفة.

إجه أنطاها لغيث، أباوع له سد عيونه وعصر نفسه، سحب السجينة بسرعة وخلى المنشفة يسد الجرح.

"رادلها خياط شأسوي، لمن أروح؟ جود جود يعرف."

"أني أخيط بس ارتاح شوية."

"وين الفون؟ ناااي وينه؟"

شلت الفون جان على الميز انطيته رد لغيث، سحب إيده وفتح البصمة واتصل بجود، عين بغيث وعين بالفون، يرن وجود ما يرد.

تمدد غيث بالقاع، إجه صوت جود.

"أمر أستاذ غيث."

كرم:

"جود الحگ، غيث منصاب."

"خير؟ شكوووو؟ وين انت؟"

"بالشقة مالته، ناي كتلته، تعال بسرعة ما أعرف شأسوي."

"انت زمااااال! ضال لسه؟ ولك أخذه للمستشفى!"

"ما أقدر أشيله، تعال لا تضل اتصارررخ."

"جاي، طلعت من الشقة، خبر الإسعاف بين ما أوصل."

"ما يرضى يقول ياخذون ناي."

"وينه؟ صاحي لو فاقد؟"

"ما أعرف بس يتنفس، طلع السجينة من صدره."

"اضغط على الجرح، جاااي، وين ناي؟"

"يمنا هاي، استعجل يخوي."

سده وركض لغيث، وخر إيده شفايفه بيض وجهه أصفر.

ضغط على الجرح حيل.

قعدت يم الحايط لميت رجلي لحضني، غمضت أتخيل دم عاشق، أفتح عيوني أشوف غيث.

ضميت وجهي بحضني وأني مفتحة.

أقل من عشر دقايق واندقت الباب حيل وصوت جود يقول:

"فتحوووااا!"

قام كرم فتحه، دخل يركض شافه، كله:

"مخبل مو عاقل وعلي!"

ابتسم غيث.

"زمااااال راح تموت وأنت مستحيلة مو طبيعية، انجنيت رسمي!"

غيث:

"غبية، شكد علمتها بس تضل ثولة، ما تنشن عدل."

"غيث قوم يخوي."

"شبلاك قلبك رهيف، ما بيه شي."

"ولك تعتاز خياط، دمك خلص!"

"ما ينقض دمي لا تخاف، جيب لي إبرة وخيط وطلع هالأخوث منا لا يوقع."

"كرم الإسعافات بسرعة وإبرة وخيط بين ما أنزل أجيب مخدر."

غيث:

"ما أعتاز تخدير، جيب لي مشروب وحمي السجينة جمرها عدل."

راح كرم جاب الغراض وجود جاب مشروب، سند غيث قعده، وخر المنشفة رجع الدم ينزل بسرعة.

ساعده نزع قميصه.

أخذ القوطية دارها على متنه، وعصر نفسه حركة، رد شرب الباقي، أخذ له دقايق ضاغط على عيونه، أخذ نفس وفتحهن بتعب، قال:

"السجية وين؟"

"هسه دتحمى."

"عقم الإبرة."

"منو يخيطك ترى أخاف أني."

"أني أخيط بس جمر الإبرة."

جاب السجية وشال الكوشة أنطاهيا.

"جيب السجينة وأنت عض المخدة بدالي يالحرمة."

خلى السجينة صوت جويته إجه بأذني، غمضت عيوني وأني أشوفه شلون بلش يخيط بصدره.

نص شغل واختل توازنه، ترك الخياط.

ودنق كمش راسه يفرك بي.

جود:

"أكمله مكانك."

"لا ما يعتاز هسه أكمله."

"كرم مي وملح، انخفض ضغطه."

"ما ماخذ سم، ضغطي عدل بس بعد تراك قاضبني من حنجرتي ما تخليني أشتغل عدل."

"يابه كمت يلا خيط."

رد كمل الباقي وشلع الإبرة شمرها على كرم اللي جان وجهه أصفر وضحك.

"شبلاك يول تراني المجروح مو أنت، يله كمل ربطه عدل لا أربطك مجانو."

دنق جود لف الجرح شده حيل، اتمدد باوع لي.

"حظًا أوفر بت أنهار."

كرم:

"تخبلت أكيد، شبيييج متقليلي تمشين وتذبحين بالعالم؟"

"لا تضل اتهتّر لا أقوم أدوس فجك وأنزل أجيب مداليها جوه العمارة المقابلنا."

"كل عقلك كاتلته لأن ماخذ مداليتج؟ وأنت شبيك ما لقيت غير أصخامها؟"

"هاي صخامها براسك أنت ورفجانك، لو ما هيه جان هسه مذبوحة ولاحقه أهلها الغبية."

لميت روحي.

جود جان مدنق حتى ما باوع لي.

طلع كرم وجود جاب عصير لغيث، دنق خلاه كدامه.

"قوم اشرب، وجهك اتغير لونه."

"يول اشبلاك عجل لو تطلع ويانا جان شعملت؟"

"الشغلة الها رجالها وأني حرمة على قولتك."

"عفية بالسبع لا تنسى روحك يخوي."

خلى الكلاص على الميز وطلع من الشقة.

بطني وجعتني وخرت إيدي دنقت لقيتها راده تنزف، ردت أقوم اختل توازني رجعت قعدت.

"عرفتي وين وصلتي نفسك؟"

"ليش ما خليتني أقتل روحي؟"

"لأن روحك موش من حقك، أنت ملكي وأني اللي أقرر شكد تعيشين وشوكت تموتين."

"وسارة ماتت بسببي."

"اللي يلعب بعداد عمره ما له حق يمي غير حق العشرة وتخلص بحزن."

"لعد ليش دتعذبني؟"

"لأن ضعيفة وما تستحقين الرحمة، شكد أريد أدوس على روحي وأقول قويت أعفي عنها، بس كلما يمر وقت تثبتين العكس، أضعف إنسانة عرفتها بحياتي، وإذا ما سحقت أحلامج ما راح تكفين."

"بطلت أحلم، ما أريد لا بيت ولا عائلة، اتنازلت عن كلشي، أريد بس ابني."

"وذني إذا ما صارن من حق غيرج راح تضلين بمجانج، أي ضربة تكسرج وهيج راح ترجعيني ألف سنة للخلف، أروح وأني مضيع تعب حق سنين من غيرج أنت وصاحب كل هالحلال."

كمشت بطني وقمت كوه، رحت ردت أقعد ما قدرت لمن خليت إيدي على صدره كمشها، ساعدني قعدت يمه، وخر شعري عن وجهي وباوع لي.

قلت له:

"منو اللي قتل أهلي؟"

"نفسه اللي راح ياخذ الباقين."

"غيث كافي، أخذت ابني مني ودمرت شكو حلم حلمت بي، اجيتك تصير لي سند كسرت آخر شي أتوكز عليه، وهاي كدامك بعد ما بيه أي فايدة، قلي منو همه؟"

"دخلتج قلبي قبل بيتي، سلمتج رقبتي، وقفت بوجه الكل، متباهي بيج، كسرتيني كسر لو أتسنّد عمري بطوله ما راح أقدر أوقف بعده."

"منو القاتل وليش قتلوهم؟"

"لنفس السبب الناوي يخلص منك بي، وبهذا جبنك وضعفك ما راح تكلفي كثير."

انفتحت الباب، دخل كرم بيده المدالية شمرها عليه، وقعت بالقاع شلتها وعيني بغيث، ابتسم وخرني وقام راح للقنفة اتمدد.

كرم:

"وين راح جود؟"

"لجهنم."

"ضايع بوجهك حتى الحذاء."

"هذا الحذاء نفسه راح أقوم ألبسه براسك."

"راح أخبر رويدة، مرتك بطنها تنزف."

"زتها بالبالكون، برودة الجو توقف النزف وأدمغها بلكي تصحى لوقتها."

إجه يمي دنق، قال:

"اتقدرين تقومين لو أسندج؟"

غيث:

"كررررررم!"

"لعد شلون أقومها؟"

"وحق كتاب ربي إذا قضبت شعرة منها أدفنك مجانك، بعد عنها أشرف لك."

همس:

"تموت أي؟ تكمش إيدها لا؟"

بس أعرف عقولكم من شنو مخلوقة.

:- عطيني عشر دقايق بس أصحصح واني أگلك من شنهو مخلوقة.

كمشت بطني، خليت راسي وغمضت.

يعرف منو كتلهم بس شلون عرف، من ماما أكيد.

ابني وراح حياتي ومابيها أي فايدة، لمن ضالة بس شلون أخلي يكلي بيهم؟

أتشافه وأشربه هواي، أخليه يكلي منو همه، آخذ جوازي وأرجع أقلها أموت واني محققة حلم واحد.

مرت ربع ساعة أباوعله بده يرجع يفقد، مبين صخونة الضربة صعدت عنده، وكرم يمه يتوسل يجيبله الدكتور وهو مصر مابي شي.

صرخ: ياخي راح تموت منو يگول الخياط صح؟

:- كرم كوم اطلع.

:- أتركك من روحك، مرتك بطنها مفتوحة خليني أجيب دكتور.

:- أيد الزمال اليمدها على حرمتي نفسها أخليها تنمد على روحك وتسحبها.

:- ناي أجيب لج إسعافات تعرفين تغيريهن؟

:- أتركها غبية تأذي روحها بس أخذ نفس دقايق وكوم، أغيره الها بعد عنها.

أباوعله هو نفسه ما گادر يعينها، گوه يجر النفس، عينه بيه جانت تغمض، ياخذله اشوية ويفتحها، مبين يفقد ويرجع للوعي حتى لون شفايفه اتغيرت صارت بيض.

بدت طاقتي تخلص وكرم يروح يجي خايف يحجي، لأن صدك بس يجي الدكتور راح يعرف حالتي بالإدمان وهو هم طعنته مبينة فعل فاعل.

ردت أگوم ما گدرت، لأن بده الخدر يروح عن جسمي وكمت أحس بوجع العملية مفتوح.

شلت ايدي لگيتها كلها دم، استوني يالله استوعبت وبديت أفقد الخدر الجان مسيطر حتى إحساسي.

حتى أريد أحجي ما گدر، روحي رايحة، رجعت اتسندت عالحايط، وگفت فلتت أيدي وگعت ما حسيت بعد.

فتحت عيوني على فرشتي الدكتورة اتلف بطني ورويدة يمي گاعدة.

كمشت أيدها باوعتلي.

:- شوكت أجيتي؟

:- جود خبرني ومر عليه بس أتأخرنا حتى نحصل دكتورة الج، لأن يدري غيث ميخلي دكتور يوصلج.

:- وغيث شلون خلاج تدخلين؟

:- ما حجه أصلاً، شالج دخلج هنا وراح لشقة كرم هناك نام بغرفته.

:- عزه وجرحه.

:- لعد شنسويله، گله جود اني أشيله والله النظرة الباوعلها بيها اني من يمي بلت على روحي، تالي دنگ شالج وهو عاصر روحه لمن وصلج طگ وجهه.

:- هاي الدكتورة شدتحجي ما أفهم.

:- خياطج مفتوح ما گدرت تعيده، صار ساعة أتعالج بيج شمسوية بروحج؟ شنو متحسين بالألم؟

:- لا ما أحس بأي شي.

:- بسبب الإدمان، حتى الدكتورة دتگول كتبت لج مراهم وعلاجات حتى يلتم الجرح.

:- من تخلص خلي تروح لغيث تشوف خياطه.

:- لا جابله جود دكتور هسه ديعالجه.

كملت ربط الجرح وضربتني إبرة، انطت الراجيته لرويدة وطلعت.

دخل كرم شافني ضحك گال: كريمة الحفافة مضوجتني، متگومين تاخذيلج فرة بيها بما انو صرتي صاحبة إجرام وكذا.

:- غيث شلون؟

:- گتلي مرته وگولي شلون گتلي وهم نفس السؤال، لج أم تك غمازة لمي روحج مو طايحتلنا كتل وذبح، تره ما تاييهين عدنه أهل والرب أگول لأمي عليج.

:- متأذي مو؟

:- لا ابن الأطعه إذنها خبره، شافه الدكتور گله تمام خياطك، بس شلون تگولون حادث الابنية جرحها قديم وهذا حديث.

:- عزه وتالي بس لا اعترف عليه؟

:- يعجبج رب الهدوء والتفاهم! جره من ياخته گاله: من أگول حادث يعني شنو؟ رد الدكتور، حادث گله عفيه بالبنجر توكل يله وأخذ حسابك من الزمال الجابك وتنسى هاي العمارة أحسن ما نسيك نفسك.

:- جود زعل من حجي غيث سمعه كلام يسم القلب.

:- جود قلب بشه ينطرد ويرد مثل الأثول فوكاها لبسه بفلوس العلاج. ليش گتلتي؟

:- والله مو قصدي أكتله بس استفزني.

:- وكل اليستفزج تكتلي هيج بسهولة؟ ناي لا تزعلين مني بس انتي تعتازين طبيب نفسي، أعصابج تعبانة وماتسطرين على روحج.

:- بدون لا تگول متأكدة من غيث راح يردني ويشمرني بمصح هناك من هيج سكت عالصار.

:- لا لأن مار بهذا المرض ويعرف الواحد يتصرف بدون وعي، حتى الجرعات جان يأخرهن عليج حتى يگدر يسحبج اشوية للعلاج، ونطاني المفتاح وعلمني عالاوقات الي انطيج الجرعة بيها.

:- شعجب لازم حصل شي يحاربني بيه غير الجرع.

:- ما أعرف بعد هاي ظلت بينكم، بس بداعة الخوة ابتعدوا عن الأسلحة الثقيلة اكو اختراع اسمه راجدي دفره جلاق.

:- لااا يمعود خلينا على الحرب النفسية أرحم من راجدي غيث.

:- هم صدگ مرة هفني راجدي لسه أذني أتوش، ليش أگلج هاي أذاناتي منين كبرت.

:- من حب رويدة.

خجل دنگ ورويدة عصرت أيدي، حك رأسه وگال: أگلج شوكت تاخذين الجرعة؟

:- من أشوف نايمة على رويدة أخنك بيها.

:- رويدة گومي روحي لشقتج نشكر جهودج وتعبج نجازيج بعرسج، صدگ ناي شنو هاي بأيديج ليش متجرحة؟

:- جنت دا أجرب السجينة قبل لا أضربه، خفت مو حادة.

:- ناي خويه ردي للعراق والله متفيدج تركيا.

:- لو أعرف هيج راح أشوف بتركيا ما جنت فكرت أصلاً.

:- المفروض أول ما شفتي غيث بالسيارة تنزلين.

:- هههههه تدري هو الجابني بيده.

أخذ حسرة وگال: وهو الراح يردج بيده، يلا اني موجود بشقتي شوكت ما صار وقت الإبرة خلي تخبرني رويدة.

سلم وطلع، مر عشر أيام واني بالفراش ما تحركت أبد، رويدة ملازمتني بليل وغسق تمر بالنهار يمنا.

غيث ما شفته ولا سمعت صوته حتى العلاج يوصلني قبل موعده، عرفت ورا شي جبير ضاميليا بس منتظر أطيب.

فتحت الخياط وأخيرًا دخلت سبحت، طلعت گعدت مشطتلي رويدة وغسق واگفة بيدها فونها صافنة بيه، أجها اتصال رفضته وغلقت الجهاز.

:- غسق شبيج؟

:- كلشي مابيه هم يالله أروح.

:- ظلي يمنا اليوم ولج، أول يوم بعد هالايام العصيبة أتحرك بحرية.

:- لعد خلي نطلع.

:- حتى غيث طلع راسي من جسمي.

:- ما يدري استوا راح تدرين بيه شغله بليل ما يرد للصبح، يلا فدوه ما نتأخر كلشي ضايجة وقلبي مختنگ.

:- ههههههه لعد لو أنطيج قلبي شتسوين؟

:- أكتل جود بلكي يگوم يحبني مثل ما يحبج.

:- جود يحبني مثل أخته لا تتمادي، غسق تخليني أسمعج كلام يخرب صداقتنا.

نزلت أدموعها وگعدت.

:- بس اني دا أشوف غير شي ناي والله أحبج بس دا أموت من أشوفه يباوعلج وعيونه بيهن لمعة الج.

:- ما گلتيله يفسرلج هالشي بلكي تقتنعين؟

:- گلتله يحلف بداعة أمه يحبج مثل أخته.

:- لعد انكتمي وإذا عدتيها مرة لخ بعد ما أحجي وياج طول عمري.

سكتت ودنگت.

ادنيت يمها خليت أيدي على ظهرها.

:- غسق جود يحبج بس ما يعرف شلون يعترف، إذا تشوفيه وياي هيج فهو مو أخوي لا أكثر والله، جود توأمي يحس عليه قبل لا أحجي مثل ما اني أحس شنو بداخله، الكل فاهم نظراتنا غلط بس وروح أخوي أحنه ما شايفين غير حب الأخوة.

:- بداعة عاشق ما اعترف لج فد يوم؟

:- غير كلمة خويه ما سمعني، عكس هسه من اسمعه يگلج حبيبي وعمري، تره جود خجول وما عنده غيري يفتح قلبه اله، لأن دخلتله بطريق أخت صديقه بنت أم بكل الطرق، جنت اله سند وأيد تكمش كل ألم يحس بيه.

:- يعني يحبني؟

:- لا يحبني وإذا سمعته گال أحب غسق السجينة الخليتها بغيث أنبتها بقلب جود وكرم، ذوله انخلقوا الي ممنوع يحجون ويحبون غيري.

:- ههههه يحبوج والله، كل ما يخابر أول سؤال شلونها الخبلة أخذت علاجها.

رويدة: حمدي ربج يگلج الخبلة، لعد كرم يگلي شلونها الحاته يحرك قلبي.

:- گليله راحت الحاته صارت مومياء تلتقط آخر أنفاسها، وانتي لج إذا سمعتج مضوجة جود أسحلج ما أسمحلج والنبي أروح أخطبله رنو عاد ما تصدق كبل توافق.

:- ولي ولي أمداج مو جنتي خامدة مريضة، شگعدج يلا گومي دنطلع.

:- هسه خلي آخذ السم أخاف بالطريق تجيني الحالة.

:- ليش ما تبطلي؟

:- مو هو سهل وأبطل، غيث بقوته أشهر بالمستشفى يتصارع ويه الموت وكل أحنه وياه يالله، اني يمكن من أول ليلة أموت.

:- الله لا يرحمها السوت بيج هيج، أگلج صدگ هذا ما يخاف للصبح يفتر بالأزقة ملثم وجماعته تخوف أكثر منه.

:- يشرب ما يحس.

رويدة: لا ما يشرب وبطل هالشغل، بس كرم يگول بسبب حضرتج رد لخاطر يسدد دين لأبو سارة بدل تنازله عن قضيتج.

غسق: يله طلع شي بيه زين يله گومي.

گمنا لبست قميص لأن برد وكلاو لفيت وجهي بالمشمر، طلعنا وقت الغروب.

رغم من زمان ما طالعة والأجواء حلوة صديقاتي وياي، بس مابيها أي متعة عيني بعاشق أتخيل شكبره صار.

لگينا الدلمش يريد يتحرك، ركضت غسق صعدت وأحنه وراها صعدت، ظلت رويدة ما لحگت تتحرك صاحت غسق: بوسسسسايددد بوردا يا حماررر.

:- غسق طفري ميوگف هذا الزمال اله للموقف.

:- ثولان مطبقين القوانين براس العالم.

:- ذوق ماكو فوگ ما راضين وساكنين دولتهم، منو يقلبهم غيرنه المعفنين.

:- يلااا لج الله يلعنك يا زماااال.

شحط السيارة اندار گال: لا الله يلعجن هلا بخبر البوليس استنن.

فتحت الباب هيه طفرة وهيه ركضة وراي، غسق وصلنه يم رويدة عبرناها وصحنه ركضيييي.

ما تدري شكو بس ركضت، وصلنه للشارع الثاني آخر نفس، همزين ما يگدر يتوقف لو يفر السيارة ممنوع.

دنگت على رجليه أخذ الهوا، وغسق گعدت بالگاع.

رويدة: شنو سويتن گطعتن نفسي الله يخزيجن نركض بنص الشارع مثل المخبلات.

:- ولج طلع عربي واحنا واگعيله غلط ما خلينا حيوان بالحديقة ما شبهنا بيه.

غسق:

ناي حجت حتى على تركيا.

: عفية بلكي يبلغ ويسحلونه يشمرونه عالحدود.

: كله من غسق، هي بدت. لبالي تركي ما يفهم عربي.

: شعرفني؟ شفت كفشته ثخينة وشواربه تقول مكنسة أمي.

قعدت بالقاع يم غسق.

هزت إيدها رويدة، مدت إيديها قومتنا، رجعنا نمشي. دخلنا بالماركت اشترينا كرزات، ردينا نكرز وحدة تشمر عالثانية.

أخذنا بالساعة نفتر بالشوارع. اتأخر الوقت، خفت يرد غيث. باوعت ساعتي، أشرت: شكو؟

: أرد أني.

غسق: وياج اليوم أنام، أكيد آخر يوم غيث يبات هناك، لأن فتحتي الخياط.

: حلو يعني أستعد.

: برد عنج.

: كلش من فرته لسه بالشوارع. يلا دادة، شيصير أكثر من الصار لي.

رويدة: ناي، ما ناوية تتعالجين؟

: شقد جنت أشجع غيث وأتعارك وياه، هسة مجرد فكرة ترعبني. يمكن اللي ما حاس بالشي يشوفه سهل، بس هو الموت أرحم منه.

: بس كرم قال غيث راح يعالجها. ما قلتلج بس متصل بأركان وقايله تحضر كل اللي طلبته.

: مو بكيفه، ما أروح لمصح. هو ماله دخل بيه، أني ما أجبرته عالعلاج، هو هم مو من حقه يجبرني.

: يعالجج غصباً عنج ناي، شبيج؟ وين ناي القديمة؟ ليش اتغيرتي؟

: ما تغيرت، بس أنتم ما تحسون بالألم وداعت ابني. شايفة من واحد يقعد ياكل بلحم جسمه؟ هيج الشعور وأكثر. من تجيني النوبة والإبرة مو يمي، أتمنى اكو سكينة وأجرح بروحي وأشرب من دمي بس حتى أموت وأرتاح.

: يدخلج مصح.

: المصح أنكس، ما يرحمون. مو جنت أشوف غيث حتى يخلوا يستجيب للعلاج أسرع، يحرموا أكثر. واللي يدخل ما يطلع بعد، عسى ما يموت. ما يهمهم أهم شي يكون يخلصون السم من داخله. كم حالة انتحار صارت داخل المصحات؟ منو حكى لو اعترض؟

: كافي بطلنا، شبيج ترجفين يمعودة؟ اهدي.

دمعت عيوني.

: ناي غيث ما راح يتركج. مو جان محضر لسارة جرعات تكفيها عمرها، أكيد راح هم يحضر لج مثلها.

: خايفة يجبرني عالعلاج، والله أموت ما أقدر.

: بس هيج تأذين نفسج أكثر، كل يوم يمر يزيد رغبتج بالإدمان وصعب علاجج يصير.

: لا راح أقلل، بس قولي لكرم خليه يحكي وياه ما يجبرني. أني أترك من وحدي. لا يعاقبني بالعلاج، كافي أخذ ابني من حضني.

: ميخالف اهدي، راح توقعين. جسمج كله يرجف. إحنا راح نوقف وياج، ما نخلي يدخلج مصح. يلا خلي نرجع، مسحي دموعج ونسي اللي حجيناه.

مسحت وجهي بس جذب إذا هدأت. بس أتخيل روحي بدون علاج، شي بداخلي ينعصر.

البنات حسّن عليّ، حاولن يطلعني من الجو. ضلن يسولفن ويضحكن لمن وصلنا للعمارة ونشوف هوسة قريبة. رحنا وقفنا وما نشوف غير جود كامشة واحد أسود يضرب بوكسات، وهو لا حول ولا قوة، وكرم يضرب بظهر الأسود.

بدون شعور ركضت قبل للعمارة. صعدت للشقة، دخلت أدور شي. ما لقيت غير الماسحة، شلتها ورديت نزلت ركض لهم.

كمشتني رويدة كالت: لا تدخلين هسة. خبروا الشرطة راح تجي.

: وخر لج! ضرب جوددددد!

: ناااي! والله ضربة يموتج هذا أفريقي. هاي هدو، ديحجون هسة تجي الشرطة تاخذ حقهم.

فتحت الماسحة، أنطيت الحديدة لغسق، قلت لها: احمي ظهري.

كمشتها وأني رفعت عودتي، مستعدة أخاف يرد يضرب.

ما أدري أشكل، وجود دفع الأفريقي من صدره. رد ذاك بطحه بالقاع ونام على بطنه يضرب بي.

دفعت رويدة ودخلت ركض لهم. عليّ وعلى أعدائي. ما أشوف لمن أضرب. غمضت وكمت أضرب شامي عامي اللي ليّ واللي عليّ حتى لا أنطي مجال واحد يقدر يضربني مثل ما علمني غيث.

أجاني صوت جود صاح: ااااخ!

ما اهتميت لمن واحد سحلني من وراي. انداريت له وبكل قوتي هفيته بصد ره. صاح: خرة بأصلج بت الثولة! وبعديييي!

نجريت وانشمرت على غسق، وقعنا سوى. أباوع قدامي غيث شال الأفريقي من جود وركعه. كله من يمي، راسي وجعني.

كرم.

كومن، لا تنسحكن.

انتظر، أخاف يعتازونا.

لاتخافين، اجته من الله، راح يطلع ضيم معرفتج بيهم، كومي.

أباوع لغيث صدق طلع حرقة الصار بيهم، اتولاه الأفريقي كلات وبوكسات، وجود حامي ظهره.

بهالأثناء اجت الشرطة، دفعه واندَر لنا، صاح:

كرررم، اخذها بسرررعة.

جرني كرم، أخذت عودتي وصعدنا للعماره ركض ويانا البنات، وصلنا، دخلنا للشقة، راح للميز أخذ جنسية غيث والجواز ونزل وهو يخابر بالمحامي.

كعدنا بالصالة ميتين تعب، واتذكرت، قلت لها:

ياااااا غسق، وين الماسحة؟

شمرتها على واحد بس اجت براس جود.

سمعته خطيه صرخ:

ثووول اشبيج، غبية ماتنشنين عدل.

وعالأساس انتي أحسن مني، إشوا تركتيهم وكتلتي غيث.

رويدة: والله مو صاحيات، ولجن جنجن كتكوت مصلحة تطفرن بالنص شكووو.

غسق: لعد نخلي زلمنا ينكتلون؟

لاحبيباتي، كتلتنهن بيديكن يالفالحات.

باوعت لغسق، ضحكت احنا الاثنين.

قامت رويدة سوت قهوة وجابتها، ضلينا نشرب ونسولف لتالي وقت، مرت الساعات وإحنا على كعدتنا، لمن انفتحت الباب انشمر كرم بنص الشقة، إجا يوگع كوة سيطر ووقف.

دخل غيث وجود وجهه مدمي.

قمنا، صرت ورا رويدة.

راد يحكي كرم، كله غيث:

إششش، انكتم ماسمع صوتك، يول وسفة على الشوارب الشايلها.

إجا جرني من شعري، طلعني من ورا رويدة، عصر وجهي:

تتكاونين ويا الزلام بت أنهااار.

همَّه ضربوني، انت ما تدري، اتولوني راجديات وغلط حتى عليك غلطوا.

نااااااااي، نااااي، وين أربطج وأخلص من شرج.

بدل ما تنزل تكتلهم لأن ضربوني، تجي تكتلنييي.

بت الثولة، أفريقييي أفريقييي، كف واحد يجيب آخرتج، نااااااااااي بالقرآن إذا ما تهبشتي وركَدتي مكانج لأفلق راسج.

جره جود وكرم جرني ورا، كله:

بس اهدأ، انحلت السالفة وهاي ما بيها خدش.

وأني أظل ألم بقروني لحد ماتنخدش بت أنهار.

ما تعيدها.

بعد جود، هاي إذا ما تندفن ما تبطل، تربيتي أعرفها.

غيث اهدأ يا خوي.

مخبل وأهدأ، أمم، وانت يا النجر تتكاون ويا ذوله، مالقيت غيرهم لو إلا يطيح حظك يالله تركد.

هو تجاوز، أني مو يمه.

واليتجاوز أطقه قدام العالم يا الزماااال.

ما ضربته وعلي، هو اللي بلش بالضرب، خو ما أسكتله حتى لو رحّلوني.

عيال إش عندك ضال ما تولي، منهو قابضك لو إلا تنزت حالك حال الحيوان.

منو منجن ضربتني؟

لاذني واصلات مرحلة، حدري يولي لا وعمة السادة أزتج ويا من الشباچ.

جود: يعني انتي الضربتيني؟

لا والله، ضربت غيث، انت ضربتك غسق.

اجت غسق تركض، هم انضمت ورا كرم.

ووقف غيث متخصر يباوع لنا صافن.

ضميت راسي.

ضحك جود، دفعه، طلعوا للشقة الثانية، راد يطلع كرم وراهم، كمشنا:

شكو بعد، حميتكن؟

الماسحة نسيناها جوه، انزل جيبها.

غييييث!

دفعنا، طلعنا من الشقة وسديناها ورانا.

رحنا للغرفة اتمددنا، ورويدة سوت لفات جابت لنا، أكلنا، ضلينا نسولف ونشتاق، إشقد أريد ألهي نفسي حتى أنسى، بس كذب، أكذب على روحي، كل ما يخمشني قلبي أقول بچى.

تأخر الوقت، نامن وأني أتقلب ما جايني نوم، قلبي لهفان على شوفة ابني. أباوع للساعة بالـ 2.

قمت، أخذت المفتاح، رحت لشقة كرم، فتحته بهدوء.

دخلت، لقيتهم ماكو بالصالة، المكان هادئ بس قواطي شرب بالقاع وكرزات، عرفت غيث شارب.

سديت الباب، رحت لغرفته، فتحتها على الكيف لا يحس، فتت لقيته مجتف ونايم بدون تي شيرت، بعده صدره ملفوف والغطة صاير بس على رجليه.

مشيت على طراف أصابعي، وصلت يمه، مهما صار بينا قلبي بعده يحن له.

كعدت يمه، ريحة الشرب وين واصلة، حتى نومته ثقيلة ما يحس، شلت فونه، ردت أدخل أشوف صور عاشق، لقيته صورتي الخلفية، قفلته، رجعت شغلته، اتغيرت الصورة هم الي بس أضحك منتچية على السيارة بحركة عفوية ما أعرف إش وقت ماخذهن.

باوعت له يمه جان تي شيرته الي دوم ألبسه.

ابتسمت، وخر شعره عن وجهه، ما يحس هالقد ما شارب.

دنكت بسته من خده وحضنته، أخذت نفس منه طويل، همست:

وجعت قلبك وآذيتك هواي أعرف، بس وروح أخوي ما كتلتها.

صح ردتك الي وحدي، وهيه ما قصرت آذتني هواي، بس ما سويتها.

أعرف كسرتك بس خفت عليه مو بيدي، الغريزة جبرتني أسوي هيچ، تدري أتمنيت وياي واقف من أجى للدنيا، أتمنيتك انت أول واحد يشيله ويشاركني فرحتي، ردتك تشوف نتيجة حبنا شنو.

ما جنت أعترف بالحب ولا حابه الدنيا من الأصل، عايشة بس حتى أنتقم، بس من شفتك اتغير كل شي، قلبي دق حبيت الحياة، حبيت روحي اللي جنت كارهتها بس لأن انت بيها.

اتقول تركتيني وخذلتيني.

لو ما تاركتك أتأكد ما أحبك، وأنتي هم ما قصرتِ ووجعتِ قلبي بابني.

وخرت راسه من حضني على نومته، كمشت وجهه بإيدي دنكت بسته أحبك وداعت ابننا.

أتمنيت أمتلك مثل قلبك وأقدر أكرهك مثل ما سويت بيه.

عالمنا مختلف، حياتنا مختلفة، راح نتعب هواي وما نقدر نكمل سوا بس راح تظل بداخلي.

دنكت بسته وقمت، بعدني أستوني أتحرك، كمش إيدي، انداريت باوع لي بتعب:

تردين تنهزمين ناي، ما توبين لمن تندفنين.

***

لحن

***

وقفت متصنمة وأني أشوف ماما قدامي كاعدة منتظرتني.

ضميت الفون وراي قبل لا تنتبه.

شبعتي منه إن شاء الله وطيتي راس أبوك وأخوك.

ما سويت شي.

صار بالساعات كاعدة بحضنه وماكو شي، لعد شنو ناوين تسوون بعد.

إجا بالصدفة، جنت دا أسأله عن ناي.

الله ياخذك انتي وناي ويريح قلبي منكن، عيب غسلت إيدي منكن ما أقدر لكن أني.

ماما وأني وعدتك ما أسوي شي مو زين.

إششش، نفس ما أريد أسمع لكِ. أني تالي عمري كاعدة أترقب بنتي ويا واحد، لا أقدر أتحرك خايفة تكعد المرة وتصير فضيحة، ولا أقدر أسكت وأشوفها تضيع نفسها. ليش ولچ قصرت وياكن، حرمتكن من شي؟ إشوا ربيتكن بدموع عيوني.

أحبه.

حبك مرض لحن، لو أذبحك وما أردك له، شيلي من راسك.

ما أقدر ماما والله هو حباب والصار غصبًا عنه، إشقد ضليت وياه لا يوم ضربني ولا يوم نقص عليه شي، جان مدَللني حتى على حساب روحه ويغار عليه حتى من نفسه.

وهاي هيه الزواج هيچ بعينك يدللك ويغار عليك، ولچ لا تخبليني، بيت وعشرة وأطفال وذني كلهن ما يقدر يوفرهن لك واحد قطاع طرق، زاعته القاع ما يعرف غير الكتل والتسليب.

هم قالت قطاع طرق، ماما ما يشتغل هيچ.

إشلون ما يشتغل، غير بعيني شفته هو وجماعته السقط مسلحين ويحكون كل حكي يخوف.

إي، جانوا يشتغلون شغل خطر، وبعد الصار بطلوا.

منو يبطل ولچ؟ ذوله متوارثيها أجيال، يجي يبطل لخاطر لحن المفهية، كافي احترق قلبي.

بس يخلصون شغلهم يجيب أهله ويجي يعتذر منكم ويسوي اللي تطلبونه، حتى بيت مشتري لي، وانتي تجين تعيشين وياي.

لو أموت، لو أنام جوه التراب بصف أبوك، ما أعيش عنده، لحن على جثتي تاخذيه.

ليش هيچ تكرهيه، مو جنتي تقولين خوش ولد، إش بدلك؟

ما تبدلت أركان، ما تروحين تعيشين وياه، وحتى ناي راح أروح أجيبها أردها ويانا حتى ابنهم ما نريده، خليه ياخذوه بس يخلصونا.

ليش بس أريد أعرف، والله ما آذونا همَّه بكد ما آذيناهم، إشقد ساعدونا لو ما أركان چان هسّه أني مرت أخو باچي.

يسوى راسه، أقلها تظلين عايشة، راح يمل كم يوم ويطلقك، تردي لي.

وليش حتى أموت ويا أركان، إش تعرفين انتي؟

ما أريد أعرف ولا أشوف ولا أريده يوصل لحن، ترديني أظل وياك وأختك تظل عايشة، ابتعدي عن أركان.

قبلها قلتِ:

أخذي سمار حتى أختك تظل عايشة، وخليتي ناي تكرهني، وهسه ابتعدي عن أركان، ما تقولين لي شنو اكو؟

ماكو كدامك ناي، شوفي إشقد سوت لكِ وتعبت، باعت روحها حتى تنقذك، وانتي راح توديها للموت بيديك.

ليش حتى أوديها، شنو اكو غير تفهميني.

ماكو شي ينفهم، أركان إذا رجعتي له أني أقتل روحي، لأن قلبي بعد ما يحمل أشوف دم واحد من بزرتي، كافي اللي راح مني.

هاي هيه ماما، ما راح أحكي وياه.

لا تاخذين حفيد أم سروان.

ما أقدر ماما، أنطيك وعد ما أحكي وياه أبد حتى إذا إجا ما أطلع.

ما راح يتركك لمن يشوفك بحضن غيره، وأني اللي راح أخليه يروح وما يفكر بعد يباوع لك.

سكتت، رجعت لفراشي، دخلت بيه، اتغطيت وغلقت الجهاز بسرعة خليته جوه المخدة.

صار الصبح وأني ما نايمة، أحس ماما وراها شي كبير ضامته، وأركان يدري بيه اللي تريده هيچ يبعد.

من الصبح كعدن يسولفن وماما تقنعها تتصل بيهم تعجل الزواج.

تركتهن وغمضت نعسانة، نمت ما كعدت غير الظهر على صوت بيبي يمي، قمت لقيتها كاعدة، ضحكت وبستها، خليت راسي بحضنها اتمددت.

قومي اتريقي صار الظهر، راح يصبون الغدا.

ما أشتهي.

ليش يا بيبي أخاف مريضة؟

تعبانة وقلبي يوجعني.

يمه اسم الله، قومي أخذك للمستشفى.

لا مو هذا الوجع.

آه، العرس.

ما أريد أتزوج.

أمك تخاف عليك وتريدك تستقرين وترتاحين، هم حقها عينها بيك، تسولف من جانت محجوزة تقول:

اليوم بألف سنة وأني أفكر بيهن.

بس هيچ ما راح تخليني أرتاح ولا تأمن علي، راح تخليني أتعذب وأكره روحي.

راح تحبيه ويصير عندك طفل، وأم سروان مو معرفة اليوم عمر يمي ماكو منها، تخليك بعيونها وداريك، وهم قريبة وأمك يمك تربي جهالك والرب تسعدين يا بيبي.

سكتت ما رديت، إش أحكي إذا مقتنعين.

مرن أربع أيام، ماما مراقبة الباب، مراقبة حتى بليل تنومني يمها وتقفل البيت حتى لا أطلع، تحسب للعرس يوم يوم.

الفون مال أم سروان أول ما تكمل مكالمة تضمه بحجة لا يتصل خالي ويخرب العرس.

كلما يتقرب موعد العرس كلما قلبي ينقبض أكثر، محتارة ما أعرف إش أسوي، من جهة أشوف كلام ماما صح لازم نستقر بهدوء، ومن جهة حبي واشتياقي لأركان ما أقدر أتخطاه بسهولة.

أركان من يوم اللي إجا ما سمعت صوته ولا شفته، أريد آخذ قرار صح حتى لا أندم.

خلصت شغلي، الشمس حلوة، كعدت على الدرج صافنة بالحديقة وماما قدامي تعدل بيها وتباوع لي، أعرفها شاكة بيه عندي طريقة اتصال ويا أركان بس ما دتكدر تلزمها.

صاحت أم سروان يلفن كبة، دخلت للمطبخ، ركضت صعدت على السطح، طلعت الفون من المرزاب، شغلته وعيني جوه.

دقيت رقم ناي، ردت بصوت تعبان كوة تجر الحكي، قالت:

ها لحن حبيبتي.

وينك ما تقولين لي، قلبي يمك، أشهر تسدين الفون وتفتحي ساعات.

مشغولة يا عمري، ماما إشلونها، هم سألت عني؟

كل يوم تقول إشلونها بس هسّه مانعة الفون علي بعد ما تسأل.

ليش إش صاير؟

تريدني أترك أركان وأتزوج حفيد أم سروان.

وإشلون هذا حفيد أم سروان؟

ناي مهما يكون بيه مميزات مستحيل آخذه، أصلاً أفكر أنهزم وأرجع لأركان.

لا لحن لا تسويها، ديري بالك والله تتندمين.

ناي ماما دتغصبني، ما دتحس بي، أتوسل أحكي أقول لها ما أقدر، مستعملتني وسيلة حتى تعيش براسي.

ماكو أم تستعمل جهالها وسيلة حتى تعيش، مهما قست لو دعت حتى لو ضربت وجبرت بس تظل أم وقلبها على جهالها، مستعدة تنطي عمرها بس حتى تشوف فرحة بعينهم.

لعد ليش دتسوي وياي هيچ، مو تشوفني أحبه.

تخاف عليك، تريدك تستقرين، وتعرف أركان ما وراه استقرار، إشقد ما حبك وإشقد ما سوى لك أشياء تسعدك، ما تجي واحد بالمية من أمان بحضن أمك.

ناي لا تشوفين الناس بعين طبعك، ولبالك مثل حنيتك تره ماما تختلف.

حتى لو اختلفت، محد يحبنا ويخاف علينا غيرها، إش ما سوت بينا ما نقدر نقول كلمة، لأن من غير حضنها ودعائها نضيع.

وأني ما أقدر أتزوج وماما مقتنعة ومصرة، نصحيني إش أسوي، أني ما أقدر لها، وأنوب مهددتني إذا ما رضيت راح تروح ما أعرف لها طريق.

لحن إشقد دقات ناقصة سويت بماما، وكم مرة خذلتها، وإشقد شلعت قلبها، هسّه إذا شافتني راح تفتح إيديها وتحضني تنسى كل شي.

ذوله يدورون لك على زلة يعاقبونك عليها وما يسامحك إلا ما ياخذ فوق حقه.

يعني شنو، ترديني أتزوج؟

لا أكيد الزواج مو كل شي، عندك مستقبل أهم، ارفضي وكملي حياتك مثل ما تردين، ترَى انتي چبيرة ولا تقولين ما أقدر بدون أركان، لا تقدرين.

ناي أني مو مثلك أخاف أخطي بره هذا الباب لأن أعرف روحي جبانة، وهو وعدني يسوي كل اللي أريده.

ما أقول لك جذاب، لا أركان خوش ولد وصاحب كلمة، بس الحيايه اللي عايش وياهن ما تقدر لهن، يدبر لك ألف شغلة يفرونها عليك، وهو يتحكمه عادات تخلي غصبًا عنه يتركك، وإذا ما تركك يأذيك، وقتها ما راح تلقين أحد يحميك وتتندمين.

لعد إش أسوي يالله نصحيني، مصرة تبيعني لو تنهزم.

ما أعرف لحن، أني أريد أحد ينصحني هسّه، وهاي ماما ما ترتاح إذا ما تشوفنا متبهذلات ومذلولات قدامها.

ناي خايفة، هذا اللي راح يزوجني له ما عنده رجولة بكل شي، راضي خايفة يجي خالي وياخذني ويبيعني للمتعة، وبذاك الوقت محد يقدر يعترض بعد، لأن زوجي خنثى وموافق.

تمام، إشقد ما تقدرين أجلي الزواج، وخلي أركان يجي يطلبك من ماما ويتعهد محد يوصل يمك، وينطينا كلمة أي غلطة منه تجي تاخذك وما يعترض. كون تطلعين من الباب برضاها، حتى يعرف وراك أحد ويخاف تتركيه وترد لها.

ماما قافلة ناي، قافلة ما أعرف ليش، جانت تحبه هسّه دتشوفه حيوان تقول أموتك ولا أنطيك.

تخاف تفقدنا، أركان وغيث يعرفون اللي قتلوا أهلنا، إشقد ما تقدر تريد تبعدنا حتى لا نعرف.

إش عرفهم؟

لا تنسين أخذوها من المصح، حالتها تعبانة، الله أعلم إش سوى لها غيث خلاها تعترف وتكول لهم.

مستحيل، صحتها تمام.

هاي ورا العلاج، اقطعي العلاج وشوفي إشلون تصير، نسيتي من جانوا يمنعوا عنها الحيوانات إشلون عايشة بالقديم.

لو تعرفهم جان قالت منو همَّه.

ما تقول لأن من تجيها النوبة تتذكر بس القديم ويوم الذبح، ذوله عرفتهم بعد السالفة ما تقول عنهم، بس ما طول السالفة صارت بيد أكثر من واحد ما يظل هواي يطلع.

عاشق إشلونة؟

سكتت ما ردت، رجعت كررت السؤال، ردت بصوت مخنوق:

أخذوه مني.

ليش منو أخذه؟

مو أقول لكِ ما عندنا أحد ومستضعفينه، هاي ابني ما أعرف وين لو إش كبره صار، ظالة بس أحلم بيه لحن، ابتعدي عنهم، دوسي على قلبك، إحنا مو كدهم.

إشلون ساكتة ناي، بيك شي؟

ما بيه خية، هياتني كاعدة ومرتاحة، اتقبلت الأمر وسكتت.

جذابة، جذاااابة ناي، إش دتفكرين قولي.

ههه، لا تخافين، راحت ذيچ ناي، صارت أضعف من إنه تنزل دمعة منها قدام أحد.

راح أخبر أركان يرده لكِ.

روحي خبري، بس لا تنصدمين من اللي راح تسمعينه، روحي لحن تعبانة ما أقدر أحكي، من أصحى إشويه أخبرك، دا أحس راسي يفتر، بعدين أتصل بيك.

سديته منها، ركضت اتأكد ماما ماكو، رجعت اتصلت بأركان، أول رنة رد:

هلا بالعمر وأهلو.

وين عاشق؟

منهو عاشق يولي؟

أركااان، ابن ناي وين؟

عش، هي عندها ابن أول مرة أسمع.

أركاااان!

يا عمري، هيچ أمور لا تدخلين بيها.

صدق من قالت انتم ما منكم غير وجع القلب، روح أركان وابن ناي ناخذه غصبًا عنكم.

لسانك يولي، وإش هالقصفة.

ما قالت شي، وهذا جهازك راح أخليه على الحايط عود تعال أخذه.

لحنننن، انتظري يبه إش بيك، انهديتي وحسمتي الأمر بدون تفاهم.

ابنها وينه؟

يم جدتي، ما عليها، وأبوه يم ناي، راح يردها، وينك صار كم يوم مناطر الجهاز جني چاهل بليلة العيد.

ماما لقفتني.

حلو، وإش عملت؟

عاقبتني وظلت تصرخ علي، وحتى انت غلطت عليك إشقد.

من غير ما تقولين عرف لسانها اللي ينقط عسل، إي يولي، وانتي أكيد فرحتي سحلت بيه القيعان.

ههههههه، والله كوة كمشت روحي لا أضحك، أتخيل شكلك انت واقف وهيه دتسمعك الغلط.

اندار فدوة للضحكة، إنعل محد يضحك غيرك، مشتاق لك يا روح أركان.

لعد ما تجي؟

بس لحظة، دحكي وين كاعد وحكمي.

ثواني وأجتني صورة، فتحتها لقيته كاعد ما مبين منه بس رجليه وسلاح يمه، وأكو زلم كومه يمه، وأبعاد كلهم مسلحين.

شنو وين هاي، وليش كلكم مسلحين شنو حرب؟

بيت عمي أبو غيث، إي يولي حرب بس بالتحديث الجديد، أي غفلة تصير منخل.

لعد إشلون راح ترجعون ناي؟

خرب بحظي الردي، يبه أني الكاعد بنص الموت وهيه معترضة على العثرة، يولي هاي هيه ينخاف منها، بالأخص ورا ما أخذنا چاهلها صارت لبوه مفترسة، اللي بيه حظ يفلت من قبضتها قبل لا تنهشه.

لا تقول علي هيچ ما أرضى.

يابه فدوة العشيرة تندار لناي وأختها، بعد أمري.

راح أطلع ويا ماما اليوم.

لحن مو قلت لك ما أقدر، أصلا لعبتي يولي، بالقرآن على ساعة تلاقيني على راسك، وإذا قبضتك مفرفرة لو واصلة حدر الباب راسك أفشقه.

ما لك حكم علي أركان، مو سمحت لك تحكي وياي تقوم تستغل الوضع.

مالي حكم، عدل الحكي، عجل دحكي اللي راح أعمله وإشلون أخليك تحت الحكم انتي وعائلتك.

ما أخاف بعد.

متأكدة؟

امم.

دخيل ربي يولي، روحي كوة قابضها الشوق، نافر من عيوني، لا تلعبين بأعصابي، تحكي عدل.

ضايجة والله.

أجيب لك الدنيا وأخليها بيدك، شنو اللي تتمنيه بس اطلبي، إذا ما نفذته قبل لا تغمضين عينك ما تسمى على الزلم.

أريد أطلع والله مخنوقة.

هاي هيه، ناطريني بليل أجي أفرك بغداد بكبرها.

مو دتقول ما أقدر أطلع أنكتل.

تهون الروح وصاحبها لخاطر ضحكتك.

بطلت ما أريد أطلع، لا تجي راح تكشفك ماما، وأني واعدتها، يلا روح دا أنزل أسوي المرجيحة أقلها أتسلى بيها.

هاي بعدها ما مسويتها لحد هسّه.

قوية كلما أسويها تفلت.

تركيها لا توقعين وتتأذين، أجيب لك وحدة مكانها.

راح أجرب أسوي بيها، ما طول ما أطلع راح أظل وحدي بالبيت، أقلها ألهي لحد ما يردن، يلا باي ماما دتصيح لي.

سلمت وغلقت الفون، رجعته بالمرزاب، نزلت أركض، لقيتها واقفة على الدرج، قالت:

ويا من تحكين؟

ويا ربي ماما، دا أدعي لناي ربي يردها لنا.

الله كريم إن شاء الله، يلا يا ماما نزلي لبسي دنروح للكاظم نزور، ومناك نشتري النقص.

أم سروان وين تروح من ندخل للإمام؟

تدخل ويانا، المرة ما تقول شي، تظل كاعدة لحد ما نزور بسرعة ونطلع، والله قلبي لهفان على ناي، أروح أطلبها منه بلكي يحن علي ويردها لحضني.

ما أقدر أروح.

وليش ما تقدرين عيني؟

مو علي الدورة الشهرية وظهري ديوجعني حتى رجليه ديصلن برد.

لعد ادفي عدل وروحي يم بيت عمك.

لا دا أسوي المرجيحة، زين إذا خلصت بالليل صدق جيبوا لي كوشة لها، كون وردية.

يلا عود كملتها ورادت كوشة، دنزلي.

راحت تكمل الكبة وأني للحديقة أسوي، منا تفلت منا، شلت قلبي تركتها ودخلت ضايجة، شافتني ضحكت، قالت:

المفهية ما سويتي شي، وين يا ناي تجين تشوفين أختك.

كله من عاشق، جان ياخذها وياه للنادي وأني حابسني.

غير يخاف عليك مريضة، وذيك عندها طاقة مكبوتة، إذا ما طلعها تفلش البيت على رؤوسنا.

عاشق ابن ناي يشبه أمه، هم وكح وعيونه ملونة.

يمه صدق وين صورته؟

ما عندي والله، بس أركان ذاك اليوم قال لي:

ما نقدر نكمشه، الطفل مجلوب مثل أمه يتصارع ويانا.

يعني هيه يمهم؟

ما أعرف يمكن أركان رايح لتركيا ما دققت كلش، بس ظليت أسأله على عاشق وعنده غمازة وحدة.

فدوة ربي يفرح قلبها وينسيها اللي تفكر بيه ويعوضها بيه، بلكي ترد ضحكتها وهيه تشوفه بحضنها مكان أخيها.

إش وقت تروحون؟

ساعة ونطلع، روحي سبحي بسرعة حتى آمن عليك من أطلع.

رحت للحمام سبحت وطلعت نشفت لي شعري، ماما أباوع لها وأتذكر كلام ناي، صدق عيونها بيهن لمعة وهيه تضفر شعري وتنشف، خايفة علي من البرد.

آه يا قلبي إشلون بيك، كل خيارة أصعب من الثاني.

خلصت، قالت:

لفي شعرك وجواريب بسرعة.

ماما ترى مو طفلة.

لحن لا تشلعين قلبي ماما تتمرضين، يلا حبيبتي لبسي وطلعي بالطارمة كعدي بالحديقة ما نتأخر إحنا.

لا عادي براحتكم، بس أكمل المرجيحة أروح لبيبي، أظل يمها.

خوش عافية باللي تسمع الحكي وما تشلع قلبي.

ما أعرف ليش تحسبيني طفلة وأني متزوجة مرتين ومسقطة، إش كبرني بعد أصير حتى تعرفين كبرت، ترى دخلت العشرين من قرن.

يلا أم القرن، من أجيب طفلة أم الأربع سنوات تسكتك وتفر عقلك.

سكتت وقمت لبست ورحت للمرجيحة أشتغل بيها وهنه قفلن وطلعن.

مر وقت وأني أشتغل بيها.

آخر شي نزلتها بالقاع وجبت چاكوج وبسامير اليوم لو أني لو انتي.

اتربعت، خليتها بالقاع منسجمة أدق، ما حسيت غير واحد سد حلقي ورفعني.

***

ناي

***

سحبت إيدي حيل.

من أريد أنهزم ما آخذ الإذن منك، وهم آمن ما طول عندي شي يمك ما أروح بدون لا آخذه.

عجل جايه دحكين بجهرتي وتزتين كم چلمة، ما تضحكين على جاهل بيهن.

ما أجذب وهذا كله ماضي، هسّه ما يهمني غير شوفة عاشق وإشلون أرده لحضني.

وأني راح أردك والماضي أردّه بس حتى تحترقين بالنار اللي نبشتيها وانسحبتي.

غيث لا توجع قلبي صدق تاخذني.

دفع إيدي ورد اتچتف، غمض.

غيث.

اليوم أحجز روحي منا.

طلعت وأني طايرة، وأخيرًا راح أشوف ابني ما أصدق.

ما عرفت ورا هاي الشوفة راح تنقلب حياتي مية وثمانين درجة، وصار وقت نفتح الدفاتر القديمة وكلمن ياخذ حق دمه.

ركضت دخلت للشقة، ما أعرف إش ألم من ملابسي وشنو أحضر.

كعدت رويدة، قالت:

شكو؟

غيث راح يرجعني للعراق، ولچ راح أشوف عاشق.

ناي ترى غيث ناوي لك علي نية بس الله اللي يعلم بيها، ترى اتصالاته مستمرة ويا جدته.

إش يريد يسوي أكثر من الصار؟

إش سوى لك لحد الآن ما حاسبك على شي، دا أشوف عينه بيك، يشوفك مستمرة بالغلط وهو يتغاضى عنك ما يحاچيك.

عادي أتحمل كل شي، المهم أشوف ابني وأرده لحضني، ما أخليه يحس باللي حسيته بصغري، عسى ما يموتني، أقلها من يكبر ما يكول أمي اتخلت عني سوت كل اللي قدرت عليه.

غسق: تروحين لعيالك بهذا وجهك؟

لا آخذ وجه كرم، غسق قومي لمي وياي الملابس.

تركيها رويدة تلمهن لك، وانتي تعالي كعدي دا أجيب العدة أعدل وجهك إشويه.

صفنت صدق، رايحة لهناك هسّه يتلقني الحبابات لازم أستعد للمناوشات.

كعدت سوت لي وجهي وعدلت قصة شعري من جوه، رتبته الي، أخذت بالساعات شغل لمن تعبت صدق، قالت:

هسّه رجعتي ناي القديمة.

تعبتك.

اتركك من الرسميات وانطيني هويتك، دا آخذ صورة لها وأدزها لبابا، حتى أول ما ينفتح التسجيل يسجلك على الامتحان الخارجي، أخاف بعد ما نتشاوف.

ما أتصور أقدر أدبرها.

لا ناي، حرامات السنة على طولها خلصتها قراءة، درخت الكتب كلها، أني اللي قريت نص قرايتك وحفظت الكتب على ظهر خاطري، وهم عندك بعد وقت تقدرين تدرسين.

وإشلون يقدر يسجل وأني ما موجودة؟

بنتي غير محامي وهاي شغلته، وهم آمني راح أدز عنوان بيت أمك، إذا تعرقلت الشغلة ياخذها ويا، وشنو اسم مدرستك القديمة؟

متوسطة الـ... هويتي تلقيها يمك بالكنتور أخذيها، وأكو نسخة الأصلية يم لحن ظالة، إذا عتازيتوها قولوا لها دزها بيد بيبي لأبوك.

قامت للكنتور وأني دخلت للحمام سويت إعادة ترميم، ساعتين يالله خلصت، طلعت رجعت شسورت شعري وبردت أظافيري.

كملت رويدة الجنطة اللي لمت أي شي الي، ما أعرف أرجع لهنا بعد لو لا، ما أعرف الدنيا إش ضامت لي، وفعلاً جانت ضامت لي تصفية حسابات هواي.

ثاني يوم دز خبر بيد كرم نطلع ويا الفجر، ودعت البنات وتواعدنا يجني لبيت غيث قبل خطوبة رويدة ياخذني لأهلها.

أروح وأرد قدام الساعة وأحسب الدقايق للفجر، حتى أكل ما أكلت من الفرحة، كل دقيقة أكمش مداليتي وأبتسم.

صارت الساعة 2 بالليل وأني بعد ما أشوف، أخذت الجنطة وطلعت أركض، دقيت الباب على كرم، فتحه بيده لفة، قال:

شكو لچ جايه هيچ وقت؟

وين غيث يلا؟

الساعة بـ 2 ناي، وين رايحين، رب الحلو تحتلون إسرائيل؟

وخرر شو.

دا أدخل وطلع غيث يطبق بقميصه، شافني ابتسم، قلبي انعصر ما أعرف إش حسيت.

أخذتي علاجك؟

إي هسّه ضربت إبرة.

إن شاء الله آخر شي تكون هاي.

شنو يعني؟

ما رد دنك، شال الجوازات وسلم على كرم، طلع بدون لا يحكي، انداريت لكرم.

من تجي للعراق قول حتى أشوفك.

جايين هذا الأسبوع.

تخطب؟

لا نزف العالم ونشهد على قلب الطاولة باللي رادوا ينهوكم.

منو قصدك؟

ما أقصد، بس كوني هادئة وشغلي عقلك، ولا تصدقين كل اللي تسمعينه ولا حتى اللي تشوفيه، وخلي ببالك غيث آخر شخص يفكر يأذيك، عينك بابنك بس من بعيد لا تقربين له.

ليش دتحكي بالألغاز؟

لأن انتي مدمنة، أي كلمة منك بدون شعور لو بحالة نرفزة راح تخرب حياة غيث وترجعه لنقطة الصفر، وابنك راح يكون الضحية.

كرم لا تخوفني على ابني.

بس لا تقتربين منه، هو بأمان ولا تخافين عنده أبو يفدي بروحه، روحي الرب يحميك أختي.

أشرت إي ورحت ورا غيث، نزلت لقيته واقف يم سيارته، شال جنطتي شمرها بالسيارة وصعد.

شغل سيارته شحطها بس مو على طريق المطار لا غيره.

أباوع للشوارع وأباوع له وين ماخذنا، لا أقدر أحكي لا أقدر أظل ساكتة، خايفة شو وين يشمرني ما مأمنة.

لمن وصلنا للمقبرة عرفته جاي يودع سارة.

ركن سيارته ونزل راح يم قبر جديد، دنك باسه وكعد يمه، خلى إيده عليه وصفن.

نزلت دموعي، بيا من أحلف لكِ ما جنت متقصدة أكتلك، دخيلك لا تخلين حوبة موتك تأذيني بابني.

أباوع له طلع جكارة دخنها، أخذ له بالعشر دقايق ورجع باسها ومسح القبر بيده، قام إجا فتح الباب وصعد.

وهاي أول شخص أودعه.

شنو ما ناوي ترجع تعيش بتركيا؟

ولا بالعراق.

ليش شنو الصار؟

ببساطة ورقتي احترقت، وصل سراي بس اكو شغلة لازم أكملها قبل لا نار جهنم تلسعني.

تخلص مني؟

باوع لي ابتسم بس عيونه بيهن نظرة ما عرفت أفسرها، أخذ نفس وشغل، طلعنا عالمطار.

أباوع شوارع تركيا وأبتسم، أجيتك محملة أحلام رجعتيني بأمنية.

إش شفت بيك، شنو عشت من أيام، سنتين مرن من عمري وأني أركض بأهلي بين أبيع روحي لخاطر عملية لحن وبين أشتغل لخاطر علاج ماما وختمتها بحمل ولادة عاشق.

وصلنا للمطار نزلنا، ما جان ماخذ جنطة ويا بس جنطتي نزلها، لبست الكلاو لأن برد.

أنطى مفتاح لولد يمكن متفق وياه، دخلنا للمطار، أني كعدت بالاستراحة وهو وقع الجوازات ودفع غرامة لأن مجتازة إقامتي.

إجا كعد لا هو حكى ولا أني، تقول غربة.

لمن انفتحت البوابة قمنا للطائرة صعدنا.

على طول الطريق أحلم إشلون راح أوصل وآخذ عاشق لحضني وأرجع أشم ريحته اللي انحرمت منها.

وصلنا نزلنا، راح استلم الجنطة، قال:

خليك هنا لا تتحركين.

ليش؟

راح يجي أركان ياخذك.

وانت؟

أني أروح بغير سيارة.

لا غيث وياك أروح.

بدون اعتراض تظلين ما تتحركين من مكانك، ما يطول دقايق ويجي، وأني راح أكون قريب منك ما أتركك.

ما أظل وحدي أجي وياك.

يولييي، طريقي خطر ما أقدر آخذك وياي.

لعد إشلون تدزني ويا أركان؟

مأمن الطريق ما عليك وياه ما يتعرضون لكم، وخلي شي على راسك.

لبست الشال، شفته طلع، قمت ركضت ورا، كمشت بقميصه، واقف مسح وجهه، اندار:

إش لغثت؟

وياك غيث حتى لو طريقك خطر، والله ما أتركك.

دفعني ورجع وياي، وصلنا للكرسي، كعدني شمر وكعد، طلع فونه، بدل شريحة خبر، دقايق وإجا صوت أركان، قال له:

ها يول وصلت؟

إي وين أنتم؟

خلها بالمطار ما ظل كثير واصل.

أمنتوا الطريق؟

كله تمام، الولد طلعوا قدامنا، وأني أجيت بسيارة مظللة ما يدحكون حتى شارب أبوي منو.

اتصل سالم.

ههههه، لا يا النجر ما خلتك الهتره تتحرك.

سد الفون ورجعه لجيبه، ما أعرف شنو الصاير، شوية ودخل أركان ويا واحد، راح غيث سلم عليه حضنه، كله:

اللي بقى براسك يا خوي.

دكدك على متنه واندار لي، أشر سلام وهو قالب خلقته.

ما رديت أصلاً، قمت عدلت الشال سحبت الجنطة، إجا الولد شالها، طلعنا للسيارة، سحبني غيث خلاني بظهره، وأركان جان وراي، لمن وصلنا فتح الباب ودفعني بسرعة.

صعدنا سد الباب، صعد أركان والولد الثاني قدام، خبر قال:

طلعوا قدامنا يلا.

طلعن سيارات اثنين قدامنا، أباوع ورانا هم اثنين.

راسك دنكي.

ليش؟

أركان.

:- خليها تدخل حدر الكشن أفضل.

:- لا تخف، العشيرة كلها تصفى، وهي ضالة ما يصير لها شيء. سلاحي وين؟

:- غير والوريثة الشرعية بالقرآن يشترون روحها هسه بذهب.

:- انكتم وعطيني سلاحي.

:- هذا، أعطيه سلاحه يا خوي، وأنت عود احميها عدل. مناطريك الربع.

:- قسمًا بالخلق الكون، كونهم أزلام ويقربون صوبها. هي موته موته!

:- قلت لك لا تردها غيث، كافينا اللي صار والمصيبة اللي بها. ما نعرف شلون نطلع روحنا.

:- ما راده عليك أركان، لا تظل تهذر. وين سلاحي؟

طلع الولد سلاح انطاه لغيث، وخر المخزن وسحب أقسام، ضرب خالي، رجع المخزن خلاه بصفه وانتجه.

انتجيت يم الباب أباوع للطريق. مشينا مسافة، وسيارة دحجت بالسيارة اللي كدامنا.

سحبني لحضنه بسرعة وشال السلاح كله.

:- كضبونه!

:- لا موش همه، هذا مستطرق، محد يدري جاي اليوم.

:- أربززز أركان، لا تطلع لغاده، دير السيارة.

:- بس انطيني مجال أدحگ لمن هاي.

:- يول، إذا كضبوا اللي كدامنا يعرفون إحنا هينا راح يصفونا. فرر الاستيرن!

كمشت قميصه حيل خفت. أخذ راسي خلاه بصدره وحاوطني بإيده، همس:

:- لا تخافين.

:- منو ذوله؟

:- أرركاااان، لا تجازف يول، فر الطريق وطلع لغاد.

:- ما نقدر، لازم حماية ويانا.

:- ما ينتبهون ما طول مزدحم الطريق.

:- منهو خبرهم ذوله؟ شدراهم راد؟

:- حرمة العشيرة عامر. آااخ يا بوي، أصل لولا بالقرآن لأعيد تربيته وأسحگ جهامته.

كامشة قميصه ومغمضة، أدعي بس كون أشوف عاشق، ما أريده غيرها.

حس عليّ خايفة، حضني بإيده حيل، وإيده الثانية كامش السلاح مستعد حتى يرمي.

دار السيارة من الجهة الثانية، طلع غير طريق بين المزارع.

الدنيا ظلمة، المكان خالي بس إحنا بيه. أشوفهم كل واحد كامش سلاح وعينه بالطريق، وأركان يسوق بخبال.

رن فون بالسيارة. فتح بلوتوث، قاله:

:- ها يبه، جايين لا يظل بالك.

:- ولك كاضبين أزلامنا!

:- خلهم يمهم، كونهم صدق بيهم حظ ويطكون واحد.

:- منهو خبر عن مكانكم؟

:- نصل ونطلعه، ما ظل كثير، ربع ساعة ويمك.

:- توصلون سالمين، مناطريكم بيت عمك، لا ترد لبيتنا. جدتك بدعة جبتها ويانا.

:- هاي هي، وصلنا. يله دز كم واحد يستقبلونا عالطريق.

سد الفون. صدق أقل من ربع ساعة وشفنا سيارات ويه سيارتنا تمشي محاوطاتنا. لمن وصلنا للبيت، دخلوا السيارة.

أخذت نفس وخرت عن غيث. نظف سلاحه من الرصاصة ورده ورا حزامه. فتح الباب ونزل. نزلت ورا. ركضت سماهر حضنته تبكي وباس راسها ودفعها.

باوعت لي، قال:

:- ردت العرمة!

:- سمااااااهر!

:- شتعمل بيك وبعدك مرابطها؟ صدق غيث رديتها بعد عملتها السودة؟

:- أستغفر الله. دحكي يولي، وعزة جلال الله إذا بس سمعت أحد حاكي وياها موش واصلها أفشگ راسه، سمعتييي؟

:- محد يحكي. دخلوا جدتي، مناطرتك من ساعات.

دخل وأنا وراه. البيت كله مطوق، مخبوصين، ما فهمت السالفة شنو.

دخلنا جوه لقيناهم كاعدين. قاموا يسلمون عليه ويتحمدون عالسلامة.

سلم عليهم وراح لبدعة، حضنها وباس راسها. قالت له:

:- شلونك يا جده؟

:- من الله بخير.

:- ما باين يا بعد جدتك، عيونك تحكي غير حكي.

:- لا يظل بالك، تخطيت الأصعب، هاي ما أخطّيها.

:- شراح تعمل، البت ما تنكضب.

أركان:

:- يهجضها تنحني وتركّز.

:- لا وأنا رايدتها صاحية يا جده غيث، البت عظمها طري وما ظل وكت.

:- تنكسر تقوى.

تركتهم يحجون وصعدت أركض لغرفة سماهر. رجليني أحسهن مشلولات، شطوله الطريق مو تقول كم درجة!

وصلت للغرفة، قلبي يريد يطلع، ثواني وابني بحضني.

فتحتها ودخلت لقيت أسماء كاعدة مادة رجليها منيمة عاشق اتلوليله.

شافتني أخذته لحضنها، قالت:

:- شكو داخلة هينا؟ طلعي يله.

:- انطيني عاشق.

:- عاشق منهو هذا؟ شبل ابني.

:- شنو شبل! أسماء ما أريد أجره حتى لا يتأذى، جيبي لا يختنق عاصرته حيل.

:- هذا بني جدام العشيرة قبل الأهل.

:- أسماء، روحي واصلة للنهاية، أذيج بدون ما أحس، انطيني عاشق.

:- سمعتي عمة؟ هاي جدامك تريد ابني وغصب. منين اجتنا هالخبله؟ أخذوها مصح لا تسوي بابني شيء.

انداريت لقيت سماهر واقف متكتف يباوع لي بتشفي.

:- سماهر، ابني.

:- هم قالت ابنها عمة سماهر. احكي.

سماهر:

:- سوده عليّ، عقلها راح بعد ما مات ابنها تتخيل كل جاهل جدامها إلها.

:- هه، كل عقلكم أنتم اتأثر بهيج حكي؟ ابني إذا ما آخذه هيج آخذه بالقانون.

:- والله يا ريت تجيبين الشرطة حتى تثبتين على روحك التهمة أكثر، بالأخص من يدحكون شهادة ميلاود واسم أهله منهم.

ردت أحكي، صعد غيث أشر، شكو؟

:- شنو شكو؟ مسجل ابني باسم أسماء؟

باوع لسماهر عاقد حاجبه، وهي قامت تتلفت تريد تيه السالفة.

غيث:

:- عاشق وين؟

سماهر:

:- قصدك شبل، نايم بغرفتي.

:- عش هينا؟ شنو اللي غثتنا أنا؟

:- استوني صعدته أريد أغير له. هسه أنزله يم جدتي. تآمر يا خوي.

قطعت كلامهم بصرختي:

:- غيييييث، ابني سجلته باسم منووو؟

ضحك باستهزاء واجه كمشني من إيدي، ودفعني قدامه.

ردت أرجع، رد دفعني بيديه الاثنين عالباب لمن افتحت بيه ودخلت جوه. وصاح:

:- سماهر وينو؟

:- دقايق يا خوي.

سد الباب، خلى سلاحه عالميز.

:- قلت راح أرجعك حتى تشوفيه.

:- أمم.

:- غيثثث، والله أشتكي عليك وأخذه منك.

:- رب اللي انهزمت من بين أزلام وخلت راسي بالطين، صورت لي وهي تسقط بابني وجتلت وحده بدم بارد ما تعملها.

:- تدري بيه ما أخليه لك لو أعرف أخسر روحي.

:- طلعي من هينا بسلام، وهين الباقي.

انفتحت الباب بيد سماهر حبل بس وجهه ما يتفسر. مد إيده ياخذه منها، ما رضت، قالت له:

:- تموت يا خوي وأنت تبتلي.

:- سماهرر جيبي.

:- عجل ما ترضى نحكي وياها ولا نطقها؟ وگومت الدنيا على أبوي بس لإنه جاب طاري اسمها. وأنت تقتلها هيج؟

:- سماهرررررر!

:- بالقرآن تموت ما أتحمل غيث. جربت، أنت طلّقها وخلها تروح بحال سبيلها، كافي أخذنا اللي ردناه.

جره من إيدها ودفعها وقفل الباب.

رجعت ليورا.

:- غيث هاي مو رجولة، تستضعفني لأن وحدي حتى تضربني.

:- وعش أطقج يولي.

:- لعد شناوي تسوي؟

ضحك باستهزاء و اتقدم.

***لحن***

بلحظة انسد حلكي ونرفعت ليفوك، قمت أرفس وأصرخ بنفس مكتوم.

أضرب بكل حيلي وأخرمش بيه أريده أتحرر، ما أقدر، قبضته قوية.

دفرته برجلي وضربته بعكسي بنص صدره، إجت صوت ضحكته بأذني، قال:

- مفترسة!

باسني ونزلني، انداريت شهقت.

- ههههههه عيش يا عمري، لا لا بنتي بجت.

- ليش هيج خوفتني؟ إجيت أموت.

- أنجعل يومي قبل يومك.

- اطلع يله، بعد لا تجي.

- ول ول يابه، تطرديني؟ عيش يابه عجل مشتاقتلك، وشوكت تجي وينهن؟ وأنا اللي إجيت من نص الموت ما مصدق، يا متى أصل وأدحق هالعيون الجنهن شمس ضاوية.

مسحت دموعي ورحت يم الصوبة كعدت، إجه كعد كدامي نص كعدة، كمش وجهي:

- رعبتك يا روحي؟

- أي، وقفت قلبي، قلت ما أقدر أجي، لبالي حرامي.

- آها حرامي؟ شنهو يولي؟ منهو كالج تاركج بدون تأمين؟ وإجيتج ما هان عليه ضايجة وظليتي بالبيت بسبتي.

- شلون دخلت ما حسيت عليك؟

- إذا انتي خالة هالخشبة بحضنج وواكعتلها دك مخابيل، وين تسمعين؟

وخرت إيده ومسحت وجهي.

- يابه محكوك لج، أفصل تاخذين ديتج من هالشارب.

- شنو يعني؟

- اللي يرضيج ويمسح هالدموع اللي شعلن أبو أبويه بكبره، دخيل محمد، الخدود وردن. أنا اللي جبتها لروحي، أستاهل زلمه محترم روحك وكاعد بدارك، تنطك على جهامتك وتجي عيش.

- ما فهمت.

- أنوب أتفهي يا محمد، منين أجيب اللي يفهمج ويكضبني عنج؟

ضحكت ودنكت.

- أنجعل محد يضحك غيرج، أندار لك فدوة ونذر للوجه الضّاوي.

- أركان!

- يا بعد الروح وأهله، تحجين يولي؟

- سوي لي المرجوحة مادام إجيت.

- شنهو يابه؟

- هياتها وراك، قوم اربطها، سويها، أسبابك اتفلشت، أنا كملتها، يله قبل لا ترد ماما.

- جاي زحف على ركبي ومجازف بالموت، وصلت هينه سالم بمعجزة، حتى أسوي لك المرجوحة؟

- لعد شرايد، جاي على شنو؟

- أتزنح بشارعكم، هي خربانة خربانة باينة من الفجر، قومي يولي، أسوي لك المرجوحة وأنجلع.

قام وانطاني إيده، كمشتها، قومني وسحبني لحضنه، دخلني بيه وخلى راسه بركبتي، أخذ نفس طويل وياها حسرة.

- ليش دتتحسر؟

- أتحسر على عملته بروحي.

- تستاهل.

- ما جاسج قلبك يولي؟ ما تحسين على غيابي بالليل؟

- أنت طلقتني، ما تركتك أنا.

- سبحان اللي ما يغلط، ربي يغفر، وأنتِ قلبك محجر، شأعمل حتى ترضين؟ بالقرآن نشف ريقي من التوسل.

- انتظر شويه.

- لحد ما يولي؟ والخلق الكون قلبي طك، ما ظل حيل بعد، ارحميني دخيل دينك.

وخرت راسي من حضنه، باوعتله، كمش وجهي بجفوف إديه، قال:

- مشتاقلك بكد جر النفس.

- تحبني؟

- وعشقك وروح أخوي، قلبي ما دك ولا راح يدك لغيرك.

- أحلف كل الفترة اللي مرت ما حظنت غيري.

- وحق اللي خلق السماوات العليا، ما دحقت موش قربت لغيرك يولي، حرمت عليه حريم الدنيا من ساعة اللي دخلتك بحضني.

- ومرتك؟

- ما صارت ولا تصير لي حرمة بعدك.

- وإذا ما رجعت لك شلون؟ وعمه تريد جهال.

- الجهال إذا موش منك ما رايدهم، ولا تقولين ما أرد لحن، بداعتك أميمتك لا تسديها بوجهي، وروح أخوي كافيني حرقة على العملته، كوة جاي أصبر نفسي، أقول يجي يوم ويحن قلبها وترد لحضنك.

- لعد انطيني مجال أختار صح حتى ما أندم.

- لك الوقت كله بس بروح أخوك لا تظلميني بكلمة زتيتها بدون وعي، وقطعت إصبعي وراها ندم.

- ما أعرف.

- لا تقولين هيج، بالقرآن أتسودن لحن، اللي يرضيك أنتِ وأهلك، إن جان رقبتي ومحمد ما راح أتردد، دخيل الخالقك لا تورين قلبي وتخليني الليل ما أنامه بهذا حجيك.

- شتعرف عني؟

- أعرف أول انسان دخل قلبك أنا، أول واحد نخيتي وصرتي بظهره، طالبتي حمايته أنا.

- وأول واحد بجيت بحضنه وشكيت له أنت، وأول واحد قدملي الحب وخلاني أتعلق بيه وكسرني أنت.

- ما راح تنسين ولا راح تثقين بيه بعد؟

- أجذب عليك إذا أقول لك لا.

- حتى وإن قلت لك عايش بيك دامجك ويه روحي، أخذك ويه النفس، ما أنام إذا ما أتخيل ضحكتك، وأسولف ويه صورتك، وأتخيلك يمي، أدخلك بحضني وأغمض على طاري عطرك.

- إذا اتزوج غيرك شتسوي؟

باوعلي عاقد حاجبه، خفت ونعلت نفسي شلون حجيت.

وخرت أيدي عني ورجعت لورا بحركة سريعة، كمشني من رقبتي، سحبني إله، حجه من بين أسنونه:

- والخلق السماوات السبع أدفنج عدلة قبل لا تصيريين باسمه، لحن لا تلعبين بأعداد عمرك.

- أركان خنقتني.

- شنهو الصاير؟ أحجييي!

- ماكو شي بس هيج دا أشوف صدك تحبني لو بس حجي.

- إن جان حجي لو صدك، إذا سمعتك مرة لخ نطقتي بس مو جبتي طاري العرس أذبحج، سمعتييي.

- أي أي وخر.

جرني لحضنه، ضغط عليه، دنك باسني من رقبتي، همس:

- لا تجبريني أذيك.

- تره جنت دا أتشاقى.

- حتى بالشقة لا تحجين لحن، بالقرآن أذيك بدون لا حس.

- لا شقة تحجين ولا تباوعين أحد، وحتى من أموت ما تتزوجين.

- يولي، ناويين من أموت تتزوجين وراي؟ يابه غير أتخبل.

- عزه أركان، أنت ميت شمدريك؟

- لا بروح أخوك لحن لا تسويها، لا تخلين أحد يلمسك غيري، شنو يلمسك؟ لحننن! وجهك محد يدحكه غيري.

- يعني ألزم عدة؟

- عمرك كله تلزمين عدة لمن تجيني، وراح أوصي الولد يدفنوك بقبري، أعرف أهلك نواقص ما عندهم مانع يدفنوك قرب الزلمة.

وخرت راسي، تفتحت عيوني على وسعهن أباوعله.

- عيونك يولي، لا أفكسهن.

- حتى وأنا ميتة تغار؟

- شنهو أغار؟ كل عقلك يابه؟ أنتِ ملكي، تعرفين شنهو ملكي؟ يعني مالتي، جزء مني، سامعة من قبل واحد دفنوه من غير قلبه؟

- هئ.

- عجل وين تردين تنطمرين؟

- على قلبك يدفنوني؟

- أي بمحمد هيج، يفتحون الجفن يدخلوج بحضني ويشمرون علينا تراب.

- أظل عمري كله محرومة من كل شي، وأموت هم تحرمني من الراحة، تخنقني بحضنك؟

- خالك أملاك تعيشك ملكة زمانك، وإذا عالجهال هم من حقك، ما أحرمك منهم.

- أييي يعني أتزوج؟

- أنجعل لك تتزوجين التابوت بجاه محمد.

- لعد شلون أجيب جهال؟

- ناي تخلف وأنتِ اتبني.

- عزه، آخذ ابن ناي خطية؟

- ولك هم حاسبتها أم وعدها مشاعر هاي؟ كل قوتها إذا جمعت مشاعرها على إحساسها وقالت لواحد أحبك، بالقرآن عيطيها ثانيتين وتلكيها مسلبتو.

- تعال سوي لي المرجوحة، بطلت ما أريد طفل.

عصرني بحضنه حيل، حسيت عظامي تكسرت، أخذ نفس طويل وباسني، وخر عني، نزع سلاحه شمره.

طلع جكارة ورثها، خلاها بحلكه ودنك عالخشبة، كعد نص كعدة، شالها يقلب بيها، باوعلها وأخذ نفس من الجكارة، نفخ الدخان وقال:

- ما تفيد، أول فره تكعين.

- أركان ما تروح إذا ما تسوي لي وحدة.

- عشر دقايق أجيب لك أحلى وحدة تلوك لهالعيون اللي جنهن لمعة شمس ضاوية.

- وشأقول لماما إذا شافتها؟

- طلعت لك بالجبس.

- دتتشاقى.

- لا يولي أحجي صدك لحن، ما تجين نسوي لنا جاهل أحسن لك من هالعبه مال الزعاطيط؟

- يعني ما حتسويها؟

- ما تضبط يولي، ومحمد تكع.

برطمت.

مسح وجهه وقام، كمش وجهي، كز على سنونه.

- شلون أقرضك يابه، كوة كاضب روحي لا تطيرين الباقي من عقلي.

- أريد مرجوحة.

- يولي أصير لك مرجوحة.

- عرفت، جيب تاير سيارتك وسويها.

- وأرد للبيت شايل السيارة على متوني؟

- أركاااان!

- يابه فداك أركان وسيارته، أنعل أبو السيارة لأبو راعيها.

أخذ له بوسة سريعة من شفتي وطلع، شلعت الخشبة شمرتها، وشلعت الحبل.

دخل بيده تاير كامل هو وحديدته، وبيده الثانية حدايد، سد الباب برجله، شمرهن بالحديقة، نزع تيشيرته ورث جكارة لخ خلاها بحلكه، دنك عالتاير فتح الهوا مالها.

داسها، ثبتها بين ما فرغت، وشال الحديدة وبلش يفتح بيها.

وكفت يمه، انطاني جكارته كمشتها.

وهو يدك بالتاير حتى يوخر الويل منها، فتحها من جهة، قال:

- يولي عطيني الرافعة.

دنكت ردت أشيله بايد ما قدرت، خليت الجكارة بحلكه وشلتها باثنين أيديه، هو مدنك انطيته، شاف أيديه رفع راسه باوعلي.

قام اتخصر، قال:

- شنهو هذا؟

- مم.

- مم يولي، تدخنين؟

- هئ مم.

أريد أحجي ما أقدر، أخاف توكع والحديدة بيدي، أشرله أخذها.

أخذها شمها وعصر وجهي، أخذ الجكارة جرني، عض شفتي الجوه، دفعته زاد ضربته، سحبها حيل قمت أكمز، وخر باسها وعصرها بصابيعة.

دفعته ومسحتها بظهر أيدي، ضايجة من تصرفه.

سحب نفس من الجكارة نفخه بوجهي وضحك.

- كملها يلا وروح بعد لا تجي.

- تآمرين، تاخذينها من عيني هاي قبل هاي، بس شبي وجهك؟ عيش ورد.

- أنت جعصته.

عض شفته وهمس:

- تجبرك عالرذيلة بت المسموطة.

- أركان!

- عيونه.

- يله كملها.

شمر جكارته سحكها وكمل فتح التاير، أخذ الحبل شكله من الجوانب، ضبهن وربط التاير ثبته، أشرلي:

- تعالي.

رحت أركض، رفعني من خصري كعدني، كمشت بالحبل، دفعني، ضحكت فرحانة.

ضحك على ضحكتي وقال:

- صوتك يولي، العالم تسمع.

- فرني حيل.

- أكثر من هالفره قلبي ما يتحمل، آخذك وأطلع بيك، وأنعل أبو أمك إذا حجت.

- فرني فدوة، وين توديني هناك إذا أنت عايش عند العالم؟

- بس تعالي وياي، وكلام الله الهوا ما أخلي يمر بيك.

- مو تقول ما ظل هواي؟ وبعدين بنفسي ألبس بدلة بيضة وأطلع من أهلي عروس.

- من هذا الشارب، اعتبريهن تمن، بس كم يوم بين ما نفصل العالم.

- تأخر الوقت، أخاف تجي ماما.

- رايح بس نزلي، تعالي خلي آخذ نفس من هالرقبة اللي تلالي، أقلها تصبرني على ما بلاني بين ما تفرج.

نزلت رحت حضنته، شبكني، دخلني بحضنه، كد الضغط أحسه يريد يدخلني جواه.

- راح أشتاقلك.

- امشي وياي وكلام الله الهوا ما أخليه يمر بيك.

- مو تقول ما ظل هواي؟ وبعدين بنفسي ألبس بدلة بيضة وأطلع من أهلي عروس.

- مثل ما تردين، لأسوي لك زفة ما صايرة بالسلف بكبره.

- غرفة بيضة جيب لي وملابس اشتري لي بنفسي، ما تعترض.

- عجل قولي آخذ لي بيت.

- يصير؟

- وعش ما يصير؟ أحسن بيت أجيب لك ولبسي اللي ترديه، بس من تطلعين تتنقبين، لا تقولين لا تخنقني لو تجبرني، هالحسن محد يدحكه غيري.

هزيت راسي، ضحك ورجعني لحضنه، أخذ نفس طويل وباسني، همس:

- تهيئي الخميس أجي آخذك.

- هذا عقب باكر.

- لا اللي بعده، الثلاثاء أجيب أهلي والخميس تردين تنامين بين أذراعي.

- راح أنتظرك.

وخرت راسي، دنك باسني بشفتي، أخذ له مشوار وهو مستمر، حسيتها حركتني، دفعته.

وخر، عصر خدودي وراح، أخذ تيشيرته لبسه، شال الحدايد، استوه يشيل قميصلته وسمعنا الباب تنفتح بالمفتاح.

***ناي***

هو يتقدم وأنا أرجع.

كامش الحبل يلف بيه على جف إيده.

وصل يمي صار الحايط وراي، ماكو مجال أرجع بعد.

ردت أشرد، كمشني، باوعتله بتوسل.

كمش أيديه ودار وجهي عالحايط.

قمت أطفر أريده يتركني، ما قدرت، جانت عاصرني حيل.

بجيت بقهر وهو يلف بأيديه، عرفت نيته شنو.

كمل ودفعني، كعدني بالكاع يم الجرباية، وكعد نص كعدة، ربط الحبل بالحديدة مال التاج.

قام فتح الكنتور، طلع إبرة ما أعرفها شنو، طك الكزازة وسحب العلاج، إجه يمي، زحفت للخلف ماكو مجال، كمش أيدي، وخر البلوزة وضربني.

- شنو هاي الإبرة؟

- نفس السم اللي تاخذيه.

- كذااااب، مو مهدأ هذا، أعرف شكله ذاك.

- كلامك وزنيه قبل لا تزتيه، لخاطر لا أحرمك حتى من هاي.

- شنو راح تسوي بيه؟

- ساعة وتعرفين وحدك.

- لا غيث أنا ما سويت وياك هيج.

- لو أريد أرد العملتيه بيه، جان هسه جثتك حدر التراب.

- والله أموت، أنت مار بهالشي وتعرف الوجع ما ينحمل.

- وهذا اللي رايده، تتصارعين ويه الموت.

- حرمتني من ابني ودمرتني بالإدمان، كافي تريد تذلني؟ طلقني وشمرني بالشارع مثل كل مرة.

- الشارع ما يحوي ضعفاء.

- اقتلني، حرام عليك هيج تسوي بيه.

رفع حاجبه وقام، طلع جكارة ورثها، رجع انتجه عالميز، أخذ نفس ونفخه، باوعلي وضحك باستهزاء.

- شتهجسين؟

- خايفة غيث، لخاطر عاشق دخلني مصح.

- أول يوم بالمصح راح تموتين، عجل وين حقك وابنك هيج تنازلتي عنهم ببساطة؟

- أي أنا ضعيفة ومتنازلة عن كل شي، اقتلني هم ترتاح وهم تاخذ حقك.

- وأنا ما متنازل، والموت لاحقين عليه.

أباوع للساعة وأرجف، لأن جسمي من أنا وبالسيارة بده عندي الأعراض، لميت رجلي لحضني، مجرد التفكير بهذا الشي خوف وحده.

طفى الجكارة وراح للباب، فتحها راد يطلع، همست بترجي:

- ظل وياي.

- اتعلمي شلون تتغلبين على الألم بروحك.

- غيث خايفة والله، لا تتركني وحدي، ما تركتك أنا.

ما رد، طلع وسد الباب، جريت أيديه ردت أحررهن، ماكو، مشدودات عدل.

انداريت منا منا، أريد شي أحرر روحي بيه، ماكو.

الرجفة كثرت، خليت راسي بين رجلي، ناي أنتِ قوية تتحملين، كلها كم يوم وتتعودين.

يريد يأذيك ويخليك ترقعين يم رجليه، لا تنطيه اللي رايده.

بديت أعرق وراسي بلش صداع شويه، مسحت وجهي برجلي.

ياربي ساعدني، انطيني القوة.

إحساس بشع مثل اللي يدفنوه وهو عايش ويشوف شلون يرشون عليه تراب بالظلمة، رعب على خوف على خذلان.

بعد ما أسيطر على روحي، أباوع رجلي ترجف وسنوني وحدة طك بالثانية، دكات قلبي أسمعها.

كلما جايه يكثر الألم، شكد ما أقدر أفكر بغير شي حتى أتجاوز الخوف بس يزيد أكثر، غمضت وأندعي برجفة وأتوسل بربي.

أقل من ساعة وبده الألم الحقيقي، الإبرة اللي انطانياها ما فادتني بنسبة كلش قليلة.

بديت ألوج، ضربات براسي متتالية، كل دقيقة يزيد أكثر.

بديت روحي تنعصر وعظامي توجعني، ربع ساعة وبعد ما أسيطر.

أعصر روحي وأعض رجلي بكل حيلي حتى النفس أقطعه.

الرجفة بعد ما أسيطر، لا إرادية صارت.

راسي مثل الواحد كامش مطرقة ويضرب بقوة بيه.

ما تحملت، حسيت طاقة التحمل خلصت، صرخت بعلو صوتي وقمت أرفس برجلي.

كل صوت يطلع من قلبي لمن انبح صوتي، محد دخل.

رقعت راسي بالجرباية، أريد يخف الألم لو ينفجر وأخلص، لأن بعد ما أقدر أتحمل.

على صوت الضرب انفتحت الباب، دخل غيث، قلت له:

- كافي غيث، أبوس أيدك.

- بعدك بالبداية، هاي شنو استسلمتي بسرعة؟ ما عرفتك.

- ما أقدر والله غيث، راح أموووت.

- قبل لا أدفنج، ابنك راح يكون باسم أسماء.

- اقتلنييييي! اقتلنييي! لا تعذبني هيج.

سحب الدوشك وجرني خلاها وراي، سد الجرباية وقام يريد يطلع.

صرخت:

- لا لاااا غيث لا لاااا لا تروح، والله راح أموت، ارحمني.

رد وكف يباوعلي.

- أبوس رجلك بس هالمرة، انطيني راسي غيث راح ينفجر.

كعد يمي نص كعدة، كمش راسي، وخر شعري عن وجهي، مسح دموعي.

- كل مرحلة ألم تمرين بيها راح تموت جزء من روحك وتزيد الحقد بقلبك.

بجيت.

- البجي ما لايك لك.

- مختنقة ما أقدر أتنفس، نص جرعة انطيني.

- دحكي الساعة، تمر أربع ساعات راح يروح الألم وحده.

- ما أقدر، ما أقدر حتى أتنفس غيث، انطيني حتى لو حباية وحدة وشمرني.

- راح تقدرين.

قام، صرخت:

- لاااا لا لا غيث بس ربع جرعة، أي شي ولك راح أمووووت.

ما رد، طفى الضوة وطلع.

- غيييييث!

لج يمممممه لحقنيييي راح أموت!

ولكم راسيييييي راح ينفجررررررر!

أصرخ وأدفر برجلي، أريد شي أقتل روحي بيه، أريد بس أخلص، ألم الموت أهون.

اتخبلت ما أعرف شأسوي، مرت ساعة وأنا على فد صرخة لمن راح صوتي، تعبت والألم بعده، جسمي صار مي.

نمت بالكاع لميت رجلي لحضني، أطك سن بسن وأضغط عليهن، حالة مثل الصرع بهسترة.

انقلبت على وجهي، رفعت ظهري، وجع عظامي ما ينحملن، بعد ما أعرف شأسوي.

رجعت انقلبت على ظهري، أدير براسي منا ومنا، ورجلي أصعد وأنزل بيهن باستمرار.

ضرب براسي فرو جوّاي ما يشفي قلبي.

هذا الألم كله مو بكد ما إجتني الضربة الأخيرة، فقدتني كل شعور، انداريت ضربت وجهي بكل قوتي بالكاع لمن حسيت الدم من خشمي وحلكي يطلع.

دخلت سماهر تركض، قالت:

- سودة بوجهك بس لا هذا صوت الضربة براسك يالمصگوعة.

لميت روحي مثل الجنين بس صوت الونة طالعة مني.

إجت يمي شافتني وطلعت تركض وتصيح:

- غيث لحق، البنت ماتت.

ما أعرف شوكت دخل، لأن فقدت الإحساس بس حسيت من رفعني، نيمني عدل وضربني إبرة بأيدي.

بين فاقدة بين لا، أحس يمسح الدم بوجهي.

:- يخوي ودها للمصح، زتها غادي عش تبلي روحك.

:- عاشق وين؟

:- شبل قصدك يم جدتي ماترضه تعطي لأحد. غيث ترا أبوي إجه وسواها هوسه، شلون جسرت جلمتو ودخلت هاي لبيتنا وهيه مهدور دمها؟ يحلف بس يگضبها يكتلها بعد هالعملة العملتها.

:- لخاطر احركُه هو عايش.

:- تكتل أبوك لخاطر هاي؟ وعش جايبها هينه؟ شبلاك يخوي اشوكت تصحى لزمانك؟ وين السبع الجان يدفن شكو واحد يفكر يغدور؟ موش يعلمها شلون ساكت إلها بعد المصيبة العملتها؟

:- أنتي كلتلها بعد العملتو، جبتها لخاطر أخذ حقي منها، وهاي جدامچ، أتصور ماكو أنكس من هيج موته بتعذيب.

:- يا تعذيب وأنت كاعد ورا الباب اتعضض بديك على صوت صرختها؟

:- أفاا! موش أني الي يرف كلبي لمثل هاي، أعض بديه لأذكر روحي بالوجع العملتو بيه لخاطر أزيد وجعها.

:- عجل شنهو هالابرة العطيتها؟ موش مهدأ؟

:- لا، جرعه تزيد السم الي بداخلها، بدل ما تتعالج اتسلمها لربها.

:- شراح تعمل ويه أبوي؟ تراه السالفه طشت بالسلف، غيث رد حرمتو المهزومه.

:- نفسُه الطش السالفه راح يسولف عالكاعد يصير، بالقرآن الكفو لو يطير للسما، إذا ما لبستُه شيله وكعدُه بين الحريم لخاطر يهتر براحتُه ما تسمى عالزلم.

:- اهدي يخوي وكوم انزل، زهبتلك الزاد، اكلك لكمه تاتنام اشويه، انهد حيلك مارتاحيت من وصلت لسه.

:- روحي يم جدتي وخلي عينج بشبل، تراها ماتكدر وحدها، دقايق وأنزل وراج.

أسمعها راحت وهو كام قفل الباب، رد كعد يمي، وخر شعري عن وجهي، دنگ أحس أنفاسه صارت بركبتي، أخذ نفس طويل وباسني عالكيف.

ردت أفتح عيوني ما كدرت، مفعول العلاج جان مبنجني، ثواني وبعد ما أدري بروحي.

كعدت صاير الليل، الدنيا ظلمه، مصدعه وخشمي يوجعني.

جريت أيدي بعدها مربوطه، ردت أكوم ماكدرت، ضليت على نومتي.

بطني توجعني وغثيان عندي رغم منطيني الجرعه بس مامرتاحه، أحس الألم بعد، عيوني تريد تطلع.

لميت رجليه بردانه والرجفه بجسمي، شي مثل النغز بي.

أسحب رجل وأرد الثانيه بس مستمر ياكل بيه، ضلت بالساعه أحوس.

انفتحت الباب، شلت راسي لقيته غيث دخل وسد الباب، همست:

:- شنو نطيتني؟

:- جرعه.

:- لاهاي مو جرعه، جسمي ديحركني.

:- عجل مغشوشه، مثل ماتعرفين احنه بالعراق.

:- افتح أديه داروح للحمام.

:- بعد وكت.

:- ولك بطني حطگ.

:- يولي لسانج كضبي لابترو.

عصرت رجليه ولميتهن لبطني، غمضت.

إجه يمي دنگ فتح أديه، سندني حتى أكوم، دفعته وكعدت وحدي.

ضحك وراح يم الميز وكف.

كمت سندت نفسي بالجربايه بس راسي يفتر.

رحت للحمام كوه أمشي، دخلت غسلت وجهي، وجعني خشمي حيل، باوعت بالمرايه كله دم وراسي مجروح من فوك اشويه.

خلصت من الحمام طلعت، رفعت شعري ردت أشده مابيه حيل تركته، لقيته بعد واكف مدنگ على فونه، فركت أديه أثر الحبل بيهن.

:- تاكلين؟

:- ما اشتهي بس انطيني حبايه.

:- مال شنهو؟

:- غيث والله داحترك نار جوايه، دتاكل بلحمي.

:- لحمج خبيث راح يگضي عليه.

جانت صينيه يمه شالها خلاها بالكاع وجرني شمرني يمها.

كعدت عدل، شلت المي شربته، صار الحبل كدامي، دنگ شاله حتى نفسي انسدت عن الأكل، باوعتله والدمعه بعيوني همست:

:- كافي.

:- اتسممي يولي بساعچ، لاتخليني اربطچ بدون أكل.

:- ما اطلع أقفل الباب بس لاتربطني فدوه.

:- تاكلين لولا؟

:- لاتربطني أديه يوجعني.

:- أكلي وأنطيچ جرعه.

:- ما أكل لكمه إذا ما تنطيني، والنبي اموت جوع قبل لا يشفي غليلك بتعذيبي.

باوع بساعته ودنگ، سحب أديه حيل، بجيت بصوت موجع بس خوف من أذكر ما اكدر أتنفس من يرجع الألم وأني لا حول ولا قوه.

ربطهن كام طلع.

رجعت اتمددت بالكاع، خليت رجليه بحضني، اشكد ما كدرت رفعت ركبتي أوصلها لسنوني حتى أعضها وأرتاح.

صار الليل وحالتي زادت بالأكثر، عرفت منطيني مو جرعه مهدئ لأن ما استقريت، وجع يجي أكثر من وجع، لحم يتگطع بنفس الوقت اكو خدر يمنعني أذي نفسي.

صارت العشره وأني كمت أتحرك بدون شعور مثل المخبل.

سمعت صوته بره يسولف ويزمخ ما اعرف بيمن، بس صوت أركان يكله:

:- ساعه ويمك.

:- ما رايدُه، خلو خاتل يم خالو، بس أفرغ وعمه الساده إذا ما زينت شابُه أطلع امعتب.

:- اتركُه يخوي، كافي عليه هيج خاتل جنُه حرمه يخاف يحرك.

هو يحجي وأني روحي تطلع، ما تحملت صحت:

:- غيييث.

إجه فتح الباب، دخل سدها وراه.

:- لاتكول أتحملي، ما اكدر بعد، روحي دتطلع.

:- انجعلها ترفرف بجهنم عش ما كلتي.

:- انطيني جرعه زياده وخلص مني، ماراح يشفي غليلك تعذيبي.

مارد، نزع حذائه راح لفراشه كعد.

عصرت رجليه وكزيت على سنوني حيل، كطعت النفس لمن شهكت، كام عالصوت إجه يمي، كمت أتنفس عالسريع ودموعي تنزل.

:- ارحمني كافي والله تعبت.

:- ماعندي جرعه، نطمري للصبح ما ضل جثير.

:- اكتلني أبوس أيدك، ما اكدر أضل للصبح.

:- بس الليله تحمليها وراح تتعودين، موش هذا كلامج؟

:- ماسويت وياك هيج ولك، للصبببببح اكعد بالبرد حتى أنت اتنام، اتمرضت حتى أنت تشفى، غيث لخاطر أبنا اكتلني، أني دا اطلب ما عليك ذنب، ارحمني دخيلك بعد ما اتحمل.

راح لبالي يجيبلي جرعه بس شال باكيت جكايره، كمت أرفس وأصرخ، إجه يمي كمشني رفعني كعدني وكعد يمي.

:- بس حبايه بداعت عاشق.

مارد.

:- مو تريدني اموت، بعد ليش هيج تسوي؟

:- من هو كالج أريدج تموتين؟ لا يولي أريدج تشفين تاتحسين بوجع الراح أعملُه بيج.

:- انطيني وسوي التريده.

:- ماعندي.

:- لاتكووووول ماعندي، يمه راسي راح ينفجر، ولج يماااااا لحكينيييي.

دنكت عضيت رجلي لمن طلع دمها وأني ما حاسه.

عصر وجهي وفتح اسنوني، مدد رجليه وثبتهن برجلي.

باوعتله بكسره أتوسل ينطيني.

خذ راسي لحضنه عصره، بجيث بصوت، ضل يضغط عليه بس ما يفيد يزود ما يقل الألم، اشكد اتوسلت وبجيت حتى غلط غلطت، ما خليت أحد ماسبيته بعشيرته، جان مكتفي بالسمع.

لوجه الصبح، الموت شفته يتخطه بين عيوني، بعد ما اكدر آخذ نفس حتى عيوني ما اكدر أفتحهن، يضرب بوجهي بعد ما أحس بس جسمي عرگان.

كام فتح الكنتور طلع ابره، نفس الكل مره اليضربها، مو نفس أبرتي، إجه ضربني، خففت بس بنسبه كلش قليله، يا دوب كدرت أغمض عيني.

حسيت غطاني وكعد يمي، يمشي أيده على شعري، أسمع ضربة جداحه وراها ريحة جكاير، رحت بالنوم.

مرن يومين والثالث جسمي اتحطم من الوجع، فوك الم الإدمان ما أتحرك مجرد للحمام.

حتى الأكل كطعته، خلصت كل طاقتي، لاهو الراحمني وتاركني مدمنه ولاهو الي يخلصني من هالشي، لمن يشوفني اتشاهد يالله ينطيني وبنسبه قليله.

مثل اليصارع الموت ضاله.

نايمه بعد ما انطاني المهدئ، كعدت على صوت نسوان يمي، فتحت عيوني لقيت سهيله شايله طفل ويمها أسماء واكفه، باوعلي ضحكن.

سهيله:

:- والله وكعتي بيدُه حيل، شجنتي اتفكرين من انهزمتي ما يگضبچ؟

أسماء:

:- بعد أيدي أيدُه خوش عامل بيها والله رباها، يكلج نسبة الإدمان الكاعد يعطيها تنهش لحم أوحوش.

:- عطّي مجال ودحكي النتيجه، إذا ما سودنها وزتها يم أمها بنفس المستشفى ماني أختُه.

:- كعدي خيه خلي انسليها اشوي كسرت كلبي وحدها.

:- وين غيث؟

:- ويه أركان راحوا يحضرون السلاح يمكن اليوم يفصلون.

:- موش خذوا عطوه بين ما يزفوا؟

:- ما اعرف حالي من حالج، أني متهيره أش وكت ما كال اليوم الزفه البس البدله وأزهب روحي.

:- يمكن مناطرين عمي أبو حمزه يجي.

:- أي عمتي سماهر كالت بس يجي نزف، صدك ما دحگتي غرفتي أني وغيث، بس وين تشوفيها وأنتي مربوطه هينا مثل المواشي ههههه.

غمضت اشكد صعبت عليه نفسي، ضلن يسولفن ويضحكن، والطفل الزغير نايم بي عمر ست اشهر أكثر، عرفته ابن ريحانه، خلته يم رجليه، لميت رجليه عن لا يتعور.

أخذن بالنص ساعه اتسولف عن غيث وشنو انطاها مهر واشلون راح ياخذها لتركيا هيه وعاشق يعيشون هناك، مبين محد يدري بموتت ساره غير أركان وسماهر.

بجه الطفل، خلت بحلكه اللهوه، دخلت أم عامر كالت:

:- هاي شنهو هينه انتن وتاركاتني وحدي التح بالشغل؟

سهيله:

:- هسه نكوم، جنّه نسلي هالعاهره كسرت خاطرنه.

:- أووف يمه برد كلبي، لبالي صدك برد دمه وراح يعفي عنها ويردها لحضنه بعد العملته.

أسماء:

:- هاا عمه تره حضنه محجوز الي، ما أرضه تحجين هالحجي.

:- بالعافيه عليج يا بعد عمتج، وين وأحصل چنه مثلج هيج تترس بيتي جهال.

:- بس خلينا نخلص منها هيه وبزرتها، وأني نذر عليه لا أترس السلف مجانهم.

:- تخلصين يا عمه، ما طوّلوا منعهم يكتلوها وجابها زتها هينه حالها حال الحيوان يعذب بيها، ما طوّل جثير.

سهيله:

:- عجل لبالج غيث هين بشغلت الشرف؟ كافي الصخام أمُه لسه عايش بعارها وما كاضبها، تجي وحده مثل هاي تكملها ويسكت، وأنوب عندُه ابن منها أكيد خاف يعيش معاناتُه.

أسماء:

:- وأخيرًا راح يصير من نصيبي وأنام بحضنه، بالقرآن مامصدكه هيج واكف بصفُه وأدحگ بوجهي وهو حلالي.

أم عامر:

:-

ما ضل كثير، هو مستعجل أكثر منك، يلّا قومن نزلن جوه، زهّبن الزاد، راح يجون الزلم، ما ضل وقت.

سهيلة شالت الطفل وقامت هي وأسماء، رادن يطلعن، أخذته منها أم عامر، رادت تحچي قالت لها:

"اطلعي مالك شغل."

"يمه، جاهل هذا ماله ذنب، كافي الندم ينهش بروحي، خليتيني أحرك الغترة."

"وإحنا شعملنا؟ ردنا نخلصها من الغترة لخاطر تصحى، هي مسودنة حرّكت روحها، مالنا ذنب بالصار."

"أني مالي دخل بكلشي، كافي إيديّ اتشوهت بسبب الصار، وروح أمّه تحوم علَيّ."

"وإنتي شكو بروح أمّه؟ شنو قابل إنتي اللي سبّحتيها بالنفط لو إنتي اللي شعلتيها؟ موش زين من خلصنا من عارها ولمّينا الفضيحة، اطلعن يلّا واللي تحچي منجن وروح أبوي أسوّد عيشتها وخلّيها بدل ما تنام بحضن زلمتها تنام بالكبر."

راحَن بس سهيلة ما راضية، عينها بالطفل. أجت أم عامر خلّته يم رجلَيّ وباوعتلي ضحكت.

همست بصوت رايح:

"ليش خليتي هنا؟"

"إلك هدية اتسلّى بيه."

"أخذي منّا، أذي وما أحس."

"يلعب حدر رجليج لا ترفسين هههههههه."

"حرام التسوي، هذا طفل إذا أجتني النوبة أضربه وما أدري بروحي احتمال يموت."

"ما عليه جنو صل يلّا يا الشريفة عينج بيه عود."

أريد أصيّح صوتي ما يطلع من كثر ما صرخت. طلعت وسدّت الباب.

أباوعله دبدوب يخبّل، يلعب برجلي ويسولف ويه إيديه.

حنّ قلبي حسّيته عاشق، ردت أقوم ما قدرت، رجعت حاولت اتسندت على إيدي، قعدت اتقرّبت منه همست:

"ها حبيبي تركوّك."

ضحك.

"صدقة لمحمد ربي يحفظك، أبوك انطى عمره إلهم وتركك ينهشون بلحمك."

"بباااا."

"يمه فدوة للبابا، أني نايم بالقاع ما عندك أم اتخليك بحضنها وتحميك، ما لحقت تشتم عطرها ولا تحس بحنانها. عادي لا تهتم، أني هيج مثلك، عمرها أمي ما خلتني بحضنها ولا حسستني بحنيتها، هياتني دتشوفني كدامك عايشة ما متّت."

"أبببا."

"تريد أبوك؟ صدق أني وياك، الأبو ينراد، من بعده ماكو سند، تنكسر وتعيش عمرك بحسرة، الأمان ما راح تغمّض عينك براحة أبد. تدري من جنت زغيرة أذي الناس وأركض لحضنه يضمني ما يخلي أحد يوصلني، كبرت ونسيت هو مو يمي، أذيت واحد وركضت بس ما لقيت حضن يحميني، كمشني ما رحمني دمّرني."

"بابا بابا با."

"إذا أبوك يحبك كون يجي يأخذك قبل لا تكبر، لأن ما راح تعيش، يأكلون بلحمك، راح تتعذب، راح يأكلون حقك ويضيعوك، والأصعب من هذا من تلقى أحد ويسندك بصدره ويخليك تغمّض عينك بهدوء فجأة يصحيك بطعنة بنص قلبك."

أخذت حسرة وهو يضحك، رغم تعبي وألمي بس ضحكت على ضحكته.

"يريدوني أذيك حتى يخلصون منك، حتى يوصل السرة لعاشق. أنت يتيم الأهل، عاشق يتيم الأمان، بس أوعدك آخذكم سوّه ما أخليك يمهم، ابن ريحانة وشاهين ابن أصدق حب من كثر ما عشقوا بعض فضّلوا ينجمعون سوّه ويتخلّون عن أعز شي عدهم اللي هو أنت."

نقنق لأن ممّته واقعة، ردت أدنق بعيد عني، مدّيت رجلي سحبتها بأصابعي خليتها بحلكه، شقد هادئ بسرعة أخذها، كم مصّة وغفِى. سحبت الحاف برجلي غطيته، تمنيت أحضنه وأعوضه شوية عن حنان أمّه.

مرت ساعة ومحد سأل عنه، حتى هو غافي ماكو صوت، الطابق مال غيث ولا نفس بيه، مانع واحد يصعدله.

بدى جسمي يأكلني والمهدئ يروح.

اشقد ما قدرت أبتعد عنه أخاف أفقد السيطرة وأرفسه، صغير يموت بدون لا حس.

مرت نص ساعة بديت أفقد السيطرة على نفسي، أني لو يوقع بيدي شي أقتل نفسي ما أهتم، مو يمي أحد.

أصك بأسنوني وأهمس:

"ريحانة ابنك، بعدي عني."

"دخيلك يا رب الطفل ما حمل ذني روحه ارحمني."

أباوعله وأتخيله عاشق، دخلت لعقلي بأي وسيلة حتى أسيطر، بس هم وقت، انتهت كل تخيلاتي قمت ألوّج.

زحفت للجهة الثاني عكس إيدي حتى لا ألوح الطفل، استلمني الوجع يضرب براسي، قمت أرفس أشيل روحي وأرقعها بالقاع، الحبل عكس الاتجاه.

دقايق وجسمي بدأ يعرق والنفس ينقطع، أريد أسحبه ما أقدر، بحركة لا إرادية من كثر الألم جريت إيدي حسّيتها طقت وروح وراها طلعت، عضيّت زندي ولمّيت روحي بس صوت الونة تطلع مني.

انفتحت الباب دخل غيث ويا سماهر، جانوا يسولفون من شافوني سكتوا عينهم بالطفل.

سماهر ركضت شالته، ما انتبهت شنو حچت لو شسوت لأن وجعي تعبان، بس أسمعها قالت:

"ما بيه شي الحمد لله."

أجه غيث راد يگومني صرخت:

"تركني."

قال لها:

"مقص بسرررعه."

"شبيها؟"

"احتمال زايح العظم."

"صخام، البت راح تموت غيث يخوي استهدي بالرحمن وتركها يكفي."

"سمااااااااهر اطلعي وجيبي الاستغفر الله."

طلعت وهو يحاول يردني لمكاني حتى يقدر يفتح إيدي، شافني بعد ما بيه حتى آخذ النفس تركني.

دخلت بيدها مقص، فتح الحبل وقعدني لو شلع روحي، دخل جف إيده بين أسنوني وبإيده الثانية سحب إيدي، من كثر الألم عضيّته عضّة لمن طبقت الجلد عالجلد وحسيت بطعم الدم، ما تركتها لمن هدئ الألم.

وخر إيده فركها خلّى مخدة نيّمني عليها، همست:

"كافي غيث."

ما ردّ.

"والله أخذت جزاتك وأكثر، تعبت ارحمني."

"منهو جان يمك؟"

"انطيني جرعة."

سماهر:

"لو قاتلة الجاهل شنقول لأهله؟"

"أبوچ الكلب فتح إيديها تاتنزل اتجيب الجاهل واتخلو حدر رجليها."

"غيث ما تحس هاي خطرة، قعدتها هينا، ودّها مصح، مريضة نفسياً تقتل بدون لا تحس."

قام باوعلها وضحك قال لها:

"روحي جيبي لها أكل."

"ما تأكل أسجب وزت بالزبل."

"سماهر اكو زمال قايلچ صاير أعيد الطلب."

"يخوي شبلاك من وصلت لسه تتكاوم حتى ويه روحك؟ سمعتك وردت جدام السلف وهاي دمها اتلوث ما تشفى بعد ألف سنة، هاي جدامك لو تموت وتخلص هواي أحسلها."

دنق حك خشمه، سكتت وطلعت بسرعة عرفت راح يسوي لها شغلة، أجه يمي قعد نص قعده قال:

"منهو جان يمك؟"

"انطيني ابرررره."

"إبرة شنو ناي؟"

باوعتله نزلت دمعتي مسحها وقعدني، تجاني على ظهر الجرباية.

قام جاب إبرة نفس كل مرة، أجه يمي همست:

"ما أريدها."

"عش مو تقولين رايدتها؟"

"هاي تزيد الألم غيث بعد ما بيه أحمل."

ما رد ولا اهتم، جر إيدي ووخر الردَن ضربني وقام شمرها، راح يغسل إيديه، هدّت شوية بس أعرف دقايق وأرجع أنكس ما أعرف مال شنو.

أجه يمسح بإيديه ووقف كدامي.

"ابن شاهين إذا مات ابني وراه يروح."

"احمي لعد ما هاي مهمتك."

"منهو خلاه يمك؟"

"مرت أبوك."

"خوش حچي، چني ما سألت ولا إنتي جاوبتي."

"وين بدعة عنه؟"

"مشغولة بعد القبور التحفر بيها، سماااااهررر وين الأكل؟"

"ما أريد لا تجيب."

ما ردّ، قعد يمي طلع جكارته ورثها، دخلت سماهر خلت الصينية كدامي.

"شيلي ما تريد."

غيث:

"ما تريدين اتحگين عاشق؟"

باوعتله ما مصدقة لكاله، رفع حاجبه أشر شنو.

"أريده."

"عجل أكل وإنتي روحي جيبي لي الها."

سماهر:

صدك يخوي تحجي، خاف تخنگو؟

ابنها، عسى ما تذبحو.

غييث صدك تحجي يخوي، وبعدين جدتي ما ترضى تعطي لواحد.

كليلها غيث طالبه، يلّه لا تضلين تلغثين انقلعي.

طلعت وهيه ضايجه، اشر أكلي. دنكت أريد أكمش الخاشوكة، ما أگدر، إيدي ترجف والثانية توجعني. كوه شلت بالخاشوكة، قبل لا أوصلها لحلگي وگعت، كرهت نفسي وضعفي، كرهت نظرته إلي. رجعت الخاشوكة.

شكلج هونتي؟

ما أريده، لا تجيبه.

عش يولي.

فاقدة عقلي والإحساس، أخاف أذيه وما أحس. خلي يم أمه الي اختاريتها إله.

آها، هيه الجانت يمچ؟

الله ينتقم منك، إذا اكو بشر كرهته بعد كاتل عاشق فهو أنت.

لالا، هذا الكره سطحي موش من جوه، يروح بطگة حظن وحده. أريد كره من جوه گلبچ.

ليش دتسوي بيه هيج؟

تاتشوفين الضعف وين يوصلچ إذا إجه الوقت واختفيت من حياتچ.

بعدت وگدرت أحمي روحي وجنت مستعدة أصير أحسن أم بالدنيا وأكمل حياتي بعيد عنك.

غبية وجاهلة، وبذرة عگل ماكو براسچ. أسهل من طريج لقفچ ماكو، طرية بأقل حيلة تنلگفين وابنچ ينوخذ منچ، وتعس من هالحالة تصيرِين إذا ما انمحى اسمچ أنتي وياه.

لا غبية، مو مكان بعدي. غبية لأن چنت أنام مرتاحة ومتاكدة اكو من اليحميني إذا اتعرضت لشي، وشما أسوي بيه راح يسامحني.

وهذا الزمال اليسامحچ ويحميج، ما موقع كفالة ويه رب العالمين، لو ساعة يسلمها شراح تعملين وكتها؟

باوعتله وسكتت.

خر شعري، لمه ليوره وربطه بالقراصة. عدل كعدته وسحب الصينية، أخذ الخاشوكة ملاها تمن وشالها. وخرت راسي، عصر وجهي ودخل الخاشوكة بحلگي. ردت أرجعها، دخلت سماهر. شاليته كالت هذا ابنك.

اكفي مجانچ، وأنتي يولي تاكلين لو نردوا.

أكلتلها بسرعة وأني عيني بي.

رد الثانية والثالثة، كلما أريد أبطل يرفع حاجبه. خفت يكلها روحي، أرد أكل رابع خاشوكة، حسيت معدتي تقلب. شافني هيج تركني، شال المي يشربني.

سماهر: غيث دحگ عيون شبل.

شبيهن؟

ما اعرف، بس چنهن بيض ما بيهن لون. كالوا بس يطلع الأربعين يبينن، أشُو ماكو راح يعبر الشهر الثاني.

ينتبه لو لا؟

إي ينتبه، بس جدتي كالت أحجزله يم دكتور تاشوف أخاف بي شي.

جيبي ليه.

إجت يمه وهو كام، خله جكارته بحلگه وأخذه منها. راح بالظلمة زغير عيونه، باوع بيهن وضحك. رجعه إلها، وخر الچكارة ودنگ باسه.

ها هسه نحجزله؟

لا ما بي شي، يكبر يضح لونهن.

ههههه، صدقة دحگ من يضحك خدوا ينطبر.

أخذ نفس وطفه الچكارة. أخذه منها باسه وإجه يمي، گعد نص گعدة. ردت أخذه، بعده.

مو كلت أكلي وخليچ اتشوفي؟

إي وأني على جلمتي، دحكي شكلو حتى لا تگولين حرمتني شوفتو.

بس أشيله شوية.

الطمع موش حلو.

أباوعله يجنن شكله، يشبه غيث بس عيونه وغمازته عليه. ابتسمت ودموعي نزلت.

غيث: متساوين؟

قبل، هسه أكرهك بگد حبي إله.

نفس الشعور إذا مو أكثر.

وروح أخوي أول شخص راح انتقم منه هو أنت، إله أخليك تكتل روحك بس حتى ترتاح.

الكره موش كافي، بعد عوزچ چثير لخاطر تحچين بثقة. حدري يولي أخذي.

بس أحضنه.

ما رد، كام انطاه لسماهر.

عدل على جدتي، إذا لمحت خدش بي أحرك أبهاتكم.

تآمر يخوي.

وين علي؟

عطيته لجدتو تنيمه.

گليلها عينها بي، ولا تأمن بانتها چثر لخاطر ما ننفلع راسها چدامها.

وروح زلمتي تگول بس خليتوه عالفراش دگايگ، خذت عيني نوم. صحيت ما شفته، سألت سهلية كالت يم أسماء تلعبوا بره، وأسماء تحلف تگول ما گربت يمه.

حلو، ردي عاشق لحضن جدتي وزتي هالحچي يمها.

هزت راسها وراحت، اتلكف بي وتبوس. اتمنيت أشتمه مره وحده.

خليت إيدي على گلبي.

إجه يمي جر إيديه ربطهن حتى ما حجيت. أول ما كمل خليت راسي بالگاع وغمضت.

كام طلع وقفل الباب. فتحت عيوني أباوع للغرفة، صار منظره گدامي من يلعب رياضة وأني أتحرش بي. لو عرفت هذا حبك هيج وجع، چان ما باوعت بوجهك.

لليل وأني حتى النفس آخذه بهدوء، بلكي عاشق يبچي وأسمع صوته. من كثر ما كاتمة النفس وگلبي يحركني، إجتني النوبة. بعد حتى ما صرخت لأن تعب جسمي وطاقتي خلصت. دقايق وبعد ما حسيت فقدت.

گعدت على الچرباية، امشكلين سيروم بإيدي وبدعة واگفة يمي تحچي ويه غيث. انتبهتلي كالت صحت يجده.

أخاف أتأخر اليوم. هذه الإبرة تنطيها بعد أربع ساعات، وهذا المحلول تخليه بالسيروم الثاني بعد هذا مباشر، وإذا ما رديت اعملي مثل ما گلتلچ.

گول يا الله يجده، أخلي أركان يروح مجانك.

إنجعل الله ياخذني جدة، عينچ بعاشق.

أبو گلب الارهيف شبل يجده شبل مفضوح. إنجعلچ بالثول، يمته تطلعون؟

نص ساعة، الشباب طلعوا گدامنا ما نتأخر بس نجيبه ونرد مسافة الطريج.

ربي يحميكم، شعملت ويه أم عامر؟

ماكو شي، ردت لبيت أخوها طلكها أبوي.

غييييث بس طلكتها؟

ما تموت لا تخافين، جرة إذن خبرت الشباب يردوّها لبيت أخوها قبل طر الفجر، بس كون ابنچ يصير زلمة ما يرد بجلمته ويردها من وراي.

تركك من أبوك الأغوث جدة، غيث دير بالك على رويحتك ترا بعدهم بعازتك.

ما رد، دنگ وخر شعري عن وجهي. چان يباوع بعيوني، درت راسي للجهة الثانية كارهة شوفته.

كام راح لكنتوره، طلع حزام مال سلاح لبسه وخله بي السلاح.

طلع شماغ لفه على راسه وطلع بندقية. طلع صارت بوجهه سماهر شايلة عاشق. إجت يمه دنگ باسه ومشه إصبعه على خده.

أباوعله أشلون يباوع ويضحك فرحان بي، لعد ليش حرمتني من هالفرحة؟

راحت يمه جدتي تسولف وتضحك. انتبهت فونها عالميز، أخذته بسرعة خليته جوه المخدة. عين بيهم وإيدي جوه المخدة أغلق بي. اندار غيث يباوعلي، طلعت إيدي سويت روحي اطلع شعري من جوه راسي، درت وجهي.

چنت متوقعة يربطني بس اتفاجأت من تركني وراح بس قفل الباب.

انتظرت اشويه، أمنت نزلوا. فتحت الفون بسرعة، أندعي كون ما مغيره الرقم السري إيدي ترجف.

طلب الرمز، دگيته وگلبي يدگ ويا. انفتحت الشاشة، غمضت عيوني براحة.

دگيت رقم ماما، اتصلت مغلق. رجعت دگيت رقم لحن القديم هم مغلق.

عصرت مخي شنو الرقم الجديد ما ذكرته. دگيت رقم غسق وگلبي يريد يطلع، أخاف تدخل وتاخذه مني وأدري انتهى أمري بالاخص إذا مات غيث، وكتها بعد ما أگدر اطلع منا غير وأني محملة وابني يروح مني.

ردت كالت نعم.

غسق، أني ناي.

هلو ناي وينچ مختفية؟

خبري أهلي خلي يخبرون الشرطة يلحگوني.

بعدني أحچي ودخلت سماهر، أركضت أخذت الفون، ردت مكاني.

دحگي لج، لو ما تخبرون الشرطة لو تجيبون الدنيا، ناي ما تطلع من هينا غير هيه ومحملة. اسمعي لج، جلمة والثانية نسي السمعتيه، إذا تردينها تضل عايشة وداعت أمي أنضيع خبرها.

سدت الفون، باوعتلي كالت هيج الحچي هينه يبت أنهار دحگي الراح أعمله بيچ.

***لحن***

الباب يطگ بالمفتاح وأركان ما هامه، مستمر يلبس بتشيرته.

بعد ما أعرف شسوي، ما لگيت روحي غير أركض أسلگي الباب. صاحت ماما من ورا: لحن، ماما هاي أحنه.

إي إي ماما أدري.

شبيچ، اكو أحد يمچ؟

لابس مسويتلك مفاجأة، انتظري بس دقايق.

ولچ فتحي الباب، كاتلنا التعب يا مفاجأة.

بس شوية فدوه، هسه جاية ثواني.

أني أطفر وما أعرف شأحچي وأركان يضحك. ركضت كمشته من تشيرته، أباوعله بتوسل أريد أبچي.

دنگ كمش وجهي همس: شبيچ يولي؟

روح من ورا البيت فدوه.

حلفي.

والمسيح الحي.

بعدني يولي خلي اطلع شتريد تعمل؟

"خلي تستر على بنتها وتردها لحضني"

"ترضى أتعاقب وأنحبس بالغرفة؟"

"اللي يوصلج أطره بالنص، لو موش أمج ما تكفّ بعيني."

"أركان، بس هالمرة فدوة لخاطري، لا تخليني بعد ما أتصل بيك ولا أحكي وياك."

"يولي، كل عقلك تالي عمري أطفر بيوت توالي الليل؟"

"وجنت أم حاتم؟"

"اشتعلت أم حاتم وجنتها اللي صيتها واصل عبر الصين، يولي تبنا وكبرنا على طفر الحياطين."

"آخر مرة، أخاف أتخرب الزواج علينا، لخاطري أركان محد يشوفك، ظلمة فدوة لا تخليني أتوسل."

رد يحكي، انّدقت الباب وصاحت ماما: "ولج لحن، كل عقلك ماما فتحي الباب."

قمت أطفر ضحك.

"يله يابه نطفر، بس شنو تنطيني؟"

"أي شيء، يله فدوة."

"بوسيني."

كمشت وجهه، رفعت رجلي وهو دنگ حتى اللوحة. بسته بخده، عدّل وقفته ورفع حاجبه.

"تعال دنگ دابوسك بخدك الثاني."

"عش ما تخليها براسي موش أحسن، بعدي لج، خلي أفتح الباب أمج تعبت."

"لا لا دنگ يله."

رجعت رفعت رجلي، ردته يدنگ. رفعني من خصري وقربني إله، يطبع بوساته على خدودي وشفّتي، أخذ نفس طويل مني.

"كافي أركان، ماما دتدگ."

"بلكي التعب يرّج عظامها ويصحّي ضميرها تاتحس بمعاناة غيرها."

"شلون حتروح والسيارة بلا تاير؟"

"هذه سبير يولي، يالله روحي فتحي الباب طالع اني."

قالها، باسني حيل ونزلني. دنگ شال الحديدة وراح خلف البيت، شمر الحداد من الحايط. عود رحت أجيب له كرسي، أشوف هذا بس خلى إيديه عالحايط وطفر بخفة مال واحد متمرس بهالسالفة.

رجعت ركض لماما، فتحت الباب قالت: "صدق تحجين؟"

"مفاجأة باوعي."

"وين مفاجأتك؟"

"هياتها ماما، المرجوحة كملتها."

"وهاي صار ساعة واقفين، وأم سروان راحت تصيح سمار يطفر يفتح الباب. لابنة بيكِ شيء؟ وبعدين منين لكِ تاير؟"

"دا أروح أصيح لسمار يشد لي الحبل، لقيت طفل دي يلعب به. أخذت ألف من الكاونتر واشتريته منه."

"دكمشي ذني دخليهن، دا أروح ورا المرة أصيحه. والله سوالفك ما تنحكي أنتي."

أخذت العلاليك وهي راحت. أخذت نفس، الحمد لله من أجتني هيج فكرة، جان زوجتني اليوم عالنت ما عندها مانع.

دخلت الأغراض، فتحت العلاليك ما خالات شيء ما جايباته. دا أسدهن وأجه عطر أركان بملابسي. رفعت بلوزتي اشتميتها وغمضت، أحس روحي ردت.

كل عقلهم يردوني أبدل عطر حضنه بسهولة. فززني صوت دخلت بيبي وماما، قالت: "صدق تحجين يا ماما، أخذتِ قلبي."

"بيبي مو قلت لكم مفاجأة بس أنتن ما تصبرن."

"شبي وجهك حساسية؟ ليش هيج خدودك حمر؟"

"ها يمكن من الصابون تحسست."

"حتى شفايفك، هذا مو صابون، ماكلة شيء؟"

"أكلت فلفل مال طرشي."

"ليش يا بيبي مو زين؟ يلا كومي قيسي وشوفي شنو نقص لأن ما ضل هواي ويجون حتى محضرين كلشي."

"منو يجون؟"

"بيت بنتي راح تجي هي وابنها، أول ما يوصلون نفس اليوم نزوجكم، ما نأخركم لأن تريد ترجع بس هو يضل."

باوعت لماما، قالت: "يوصلون سالمين بس الغرفة وكم شغلة بعد نشتري."

"باچر نطلع ناخذها تختار وحدة هي وفرشاتها فرد مرة حتى نفض كلشي، وإحنا هم ناخذ قريولات للغرفة الثانية لنا."

"ربي بعد ما رايدة منك بس ترد ناي لحضني. الحمد لله والشكر لك جبرت بخاطري وأمنتني على بنيتي، بس طالبة شوفت ذيج حتى أموت مرتاحة."

"لكِ طولت العمر داده، دتشوفي أحفادك، فرحي بيهم بعد وقت الموت."

"ما رايدة كلشي، قلبي نار داده على بنيتي، بس أريد أعرف خبر أحس بيها شيء."

"ما عليها، تجي وتعيش ويانا ويكملن دراستهن، وأنتي تربين ابنها وتتلقيهن من الباب رادات مفرحاتك بنتيجتهن."

"الله يسمع منك، مو بعيدة يم ربي."

أسمع أحلام ماما بسيطة، موجودة عند أبسط الناس، بس تريد تستقر ببيت وتلمنا يمها بأمان، وهذا حقها. ما عاشت براحة ولا شافت فرحة.

بس قلبي شيقنعه ويخليني أسوي اللي تريده؟ هزيت راسي مجرد تفكير، قلبي رف لأركان. ما أتخيل روحي غير وأنا بين إيديه، أسمع غزله وأشوف نظرة الحب والغيرة بعيونه حتى من روحه.

شلت الأغراض خليتهن بالغرفة، منتظرة أي فرصة أحكي وياها بهدوء بلكي أقدر أقنعها أركان مو مثل ما مفكرة.

مرن أربع أيام، كل يوم أتحجج بشيء حتى ما أطلع أشتري الغرفة.

ظالة بس أفتر ورا ماما أريد أتفاهم وياها، بس أم سروان دوم ويانا وأخجل أحكي قدامها، ما تستاهل أكسر فرحتها بدون مقدمات وهي استقبلتنا بسوء أيامنا.

أركان اتصل ويا بالخفي من تطلع ماما، ساعات حب وساعات عركات، ما يبطل من خباله، طبع بيه إذا ما يزعلني ما يرتاح، ياخذ له شوية وما ينطي قلبه، يظل يتغزل ويوزع لي العشيرة فدوات، آخر شيء يلعن ناي. ما أسيطر أضحك ونرجع للسالفة من البداية.

هاي كلها بس لأن صوت ضحكتي عالية، يخاف واحد يسمعها من الجوارين، ما أعرف شسوي إذا ما صار نصيبنا.

قاعدة بالمرجوحة أدفعها برجلي وأعيد كلام أركان وأضحك وحدي. أجت أم سروان تركض قالت: "هاي وحدة تقول صديقة ناي أريدها بسرعة."

قمت أخذت الفون، أجاني صوت غسق قالت: "وينك يا معودة؟"

"ناي صاير لها شيء؟"

"أخذها غيث ويا للعراق بيت أهله، اتصلت بيه قالت خلي أهلي يتصلون بالشرطة، ما أعرف شصاير وياها."

"يا أمي قلبي، أختي وين؟ يا بيت اللي بالجنوب لو بالغربية؟"

"ما أدري لحن بس لا لا بالغربية، لأن من قالت لكرم اتصل بغيث، بيتهم بالغربية. قاله ما بيها شيء تهتر هاي ولا تدخل، ما أعرف شصاير بس ناي صوتها تعبان وتستنجد."

"هسه أروح لها يله."

شمرت الفون ودخلت أركض، ما أعرف شسوي بعد، ما أشوف. وقفت بس دموعي تنزل، أباوع لإيدي. دخلت ماما قالت: "شبيك؟ أختك شبيها؟ أم سروان قلقتني."

"وين بيتهم بالغربية؟ أحكي ماما."

"وأنتي شتسوين بيه؟"

"ماما، ناي ما أعرف شبيها، اتصلت تستنجد صوتها تعبان تريدنا نلحقها."

"منو يروح لها؟ شكدر أسوي لها؟ سودن بوجعي بنيتي، والله قلبي حسني مخنوق عرفتها بيها شيء."

"وين بيتها مامااااا؟"

"ما أدزكِ هناك، كعدي أني أروح للشرطة بس شيسوون لنا الشرطة ذوله حتى الدولة ما يخافون منها."

"شنو يعني؟"

"لعددد شسوي؟ وين أروح؟ ألمن أشتكي؟ يا ربيييي ألمن؟ لا أخ ولا عم ولا أهل عندكِ. من أقول لكِ كعدن استرن علينا محد تسمع."

"تريديني أتركها وأنا السبب اللي هي بيه؟ باعت روحها حتى تعالجني."

"شقد حكيت وياها ما سمعت."

"لا سمعت وأخذتنا واستقرينا، بس بسببك خبرتي خالي ورجعتينا دمرتينا. كافي ماما بعد لا تدخلين بحياتنا. أختي رايحة وأجيبها، محد يوقف بوجهي لو أعرف أقتلها وأقتل روحي بس ما أخليهم يعذبوها."

"كل عقلك تحجين؟"

"أييي كل عقلي، ناي انطتني روحها. صح أحبك بس أجذب عليك إذا أقول لكِ أعزكِ أكثر منها. هاي روحي مو أختي، ما أعيش وراها ساعة وحدة لو نموت سوى لو نعيش سوى. وين بيت عيالها؟"

"ما ندله."

"دخيلكِ ماما بروح عاشق أدري تحبه أكثر منه ترى هاي عزيزته ما راح يرضى عليكِ إذا تتخلين عنها."

"ما تخليت عنها بس ما بيدي شيء أسوي. اللي تشوفيه قدامكِ لا فايدة ولا زايدة، ظالة بس أباوع لكِن شلون تضيعن."

"وين عيالها؟"

"سمار يندلهم، كان يروح يجيب فلوس منهم."

ركضت للكنتور، ما عندي عباية ولا جبة. طلعت سويتر أبو الكلاو، بنطلوني لبستهن. شلت حذائي هو الشال والجزدان مال ماما وطلعت أركض.

لبيت عمي، دقيت الباب طلعت مرة عمي قلت لها: "وين سمار؟"

"جوه خير؟"

ما رديت، دخلت أركض لغرفته لقيته منتجي على الجرباية ويحكي بالفون، أشر: "شكو؟"

"أركان رايدني ويقول خلي سمار يجيبكِ بسرعة."

"شكو رايحة؟"

"ما أعرف هذا اللي قاله وقال إذا اعترض لو ما رضى، تتركِ شغله يمي."

"لا أوصلكِ بس شنو الصاير؟"

"ناي مريضة، قوم بسرعة."

أباوع له قام بسرعة، الجبان الناقص غيرة مو تقول ابن عمي حتى ما اعترض وهو شباقي بيه حتى يعترض.

بين ما بدل، لبست حذائي، شلت شعري بإهمال، لبست الشال حتى ما أعرف شلون أشده ظل هيج.

طلعنا أشر لي بإيده.

"شنو؟"

"فلوس التاكسي لو هم تلبسيهن براسي؟"

"لا جايبة وياي هسه بنطيك بس فدوة كبل على بيتهم، شقد ما يطلب لا تعترض."

"جيبي شقد عندكِ، وإذا سألكِ رجلكِ لا تقولين له أخذت، ما لي خلق لغوته هسه يصير براسي رجال وتعال أتحمل أخلاقه الزفت، ولا تتمادي أخ لو ما بابا محذرني ما أضربه."

ما رديت، فتحت الجزدان انطيته كل الفلوس. أخذنا السيارة كبل لبيت غيث.

ساعات تمر، ألف فكرة براسي. أجت كل شوية أتخيل شيء، مو طريق صار عليه، أخذ سنين من عمري.

وصلنا منطقة، قال السايق: "لهنا بعد ما أقدر أدخل أكثر."

نزلنا، رحنا نمشي المكان بعيد. أخذنا تاكسي ثاني كان ولد أنباري، أول ما قاله سمار على البيت والمن صفن شوية وأشر: "أيي."

وصلنا مكان مو بيوت، بي قصور ما تنعرف شنو.

دخلنا منطقة كلها بساتين، نص الطريق وقفونا مسلحين. دنگ على السايق قاله: "أمر، يول منين أنتوا؟"

قبل لا يرد قلت له: "عمو جايين لبيت أبو غيث."

"منهو أبو غيث؟"

"بيت الـ... وأخو الـ..."

"ما موجودين، فر السيارة يول وردوا منين ما جيتوا."

قالها وراح رد لمكانه يسولف ويه شباب هم مسلحين.

نزلت قلت له للسايق: "ارجع أنت أني رايحة."

سمار.

:- ما خليكِ وحدك، جاي وياكِ، انتظري لأنزل.

جذب أركان، ما قال خلي يجيبكِ، وإذا شافك يموتكِ.

بعدني أحكي، سد الباب مال السيارة وكله اطلع، فر السيارة ومشى. إجه الولد قال: يبه ما تفهمين أنتِ؟

:- لا تتجاوز رجاءً، ودليني وين بيت أركان.

:- منو أركان؟

:- لا تظل منو ومنو، ترى أني زوجته وأختي مرة غيث.

رفع حاجبه مامصدق.

:- تمام، أنتم واقفين هنا حتى تحرسوهم لأن يدورون على عمو أبو حمزة؟

:- هووووب، حدري يولي، تاشوف شنو سالفتكِ.

:- خابر أركان، يقول لكِ.

:- عجل ما طولكِ حرمته، ليش ما تخبريه أنتِ؟

:- ما جايبة فوني وهو ما يدري أني اجيت.

:- عدل الحكي، عجل فري وردي منين ما اجيتِ، بين ما يسمح لكِ زلمتكِ بالجيّة.

:- وين أروح، ما أندل، خلي ادخل زين، بس خابره.

:- ما عندي تواصل وياه ومو هنا.

:- والله هنا، حتى غيث هنا، إجه قبل كم يوم جاب ناي وياه.

:- هووووب يول، أبو إسلام، ما تخبر لي الجماعة؟ تعرف لي هالمصيبة منين؟

خبر الولد اللي يمه، وأني واقفة أعدل حجابي، منّا يفلت منّا، الولد كلها تباوع لي متعجبين على وضعي، ما مصدقين مرة أركان، ببالهم وحدة من صاحباته.

قال الولد: منو أنتِ يولي تحكي؟

:- لحن.

رد قال بالفون: اسمها لحن بت حدثه مفرّعة، تمام عمي هاي وياك.

انطاني الفون، خليته على أذاني، اجاني صوت عمي أبو أركان قال: منو وياي؟

:- هلو عمو، أني لحن، ما يخلوني ادخل.

:- شجابكِ يبه؟

:- أبو التكسي عمو، حاجزيني، كلهم خلي يخلوني ادخل.

:- عطيني الزلمة اللي يمكِ.

رجعت الفون، خبر وأشر لي: ادخلي. رحت ورا، مشينا مسافة اشكبرها، وصلنا يم سيارة عالية، قال: صعدي. صعدت وياه.

صعد وشغلها، مشينا بعد مسافة، أبعد مكان كله زرع، منظره حلو.

وصلنا بيت كانوا محاوطين كومة شباب مسلحة، دگ هورن، فتحوا له الباب، دخلنا جوه، نزل وأشر: انزلي.

فتحت الباب نزلت، لقيت عمي وسماهر واقفين، باوعت لي وهزت إيدها.

رحنا يمهم، سلم الولد، رد عمي وكله: الله يقويك يبه.

:- هاي الأمانة عمي.

:- وصلت يبه مشكور، بس عينكم خلوها على الباب، موش كل اللي يجي يدخلوا هيج، الولد يروحون بالرجلين.

:- أفَا، رقبتي لهم، اللي يوصلهم أدفنه، ما كانوا بس قالت حرمة أركان، ما قدرت أردها.

سماهر: موش حرمته، وحدة كانت عنده دخليه وردت لهلها، شلون صدقت ياخذ له مثل هاي؟

باوعت لها، قلت لها: قصدكِ جذابة أني؟

:- أي وشكو جاية؟ موش طردكِ لهلكِ، شنو لزقتِ؟

:- أول شيء ما جاية لكِ، جاية أشوف أختي اللي هيَّ مرت أخوكِ، وثانيًا مو أني اللي أجذب، عيب. وهذا اللي تقولين شمركِ، كل يوم يجي يتوسل بماما حتى ترجعني له، وماما اطرده، تقوله: أنت مو كفو.

:- انكتمي وبسج جذب، لا يسمعكِ بالقرآن يدفنكِ بقاعكِ.

:- وينه خلي يجي، دايسولف لكِ شلون يطفر الباب ويدخل للحديقة، بالساعات يظل بالبرد يتوسل حتى بس أطلع أشوفه.

عمي حك قَصته، والولد كوه كاتم ضحكته. جرتني سماهر، دفعتني قدامها، تمشي وتدردم: الله يخزيكِ مثل ما خزيتنا، منين طلعن ذني، سودنن ولدنا.

دخلت جوه، كان هواي بنات قاعدات، ما أعرف منهم بس رنو وأسماء. قالت: شجابكِ؟

:- ما جاية لبيتكِ، وين ناي؟

:- موش هنا، عمة غيث تراه ما يرضى، خليها ترد منين اجت.

:- هسه أخبره وندحق شيقول.

شفتها جرت فونها، وعرفت غيث ما يرضى، اتذكرت من ناي كانت تحكي لي غرفتها بالطابق الثاني.

تركتهن ودخلت أركض، صار درج قدامي، صعدت أركض، أول باب يم نهاية الدرج فتحتها وأشوف ناي نايمة لا حول ولا قوة، السيروم بيدها.

جرتني سماهر، دفعتها وصرخت بجوهها. قعدت على صوتي ناي، فتحت عيونها كوه، مدت إيدها تريدني.

دخلت دموعي تنزل، وصلت يمها، كمشت إيدها وأخذتها لحضني، أشهق.

:- تعبت لحن.

:- الله ياخذني أني السبب.

:- خذوا ابني من حضني.

:- راح أرده لكِ مثل ما رديتيني للدنيا.

خلت راسها بصدري وحضنتني حيل، سماهر تخابر مخبوصة، وأني على فد شهقة من أشوف ناي ضالة جثة بلا روح.

أسماء: ها عمة شكال؟

سماهر: يقول رداين، اتركوها يمها، يله طلعي.

رجعت ناي على المخدة، وخرت شعرها عن وجهها اللي ما بيه قطرة دم، هلقد ما أصفر. شعرها متكفش، جوه عيونها أسود، شفافها بيض.

سدن الباب، كمشت إيدي.

:- لحن، روحي منّا قبل لا يجي أركان، ما راح يخليكِ تطلعين، ليش اجيتِ؟

:- ليش هيج مسوين بيكِ؟

:- يطلعون بيه اللي سويته، ما كفاهم، أخذوا ابني. قومي طلعي، ما أقدر بعد أحميكِ، شوفي حالتي، حتى نفسي ما أقدر أعينها.

:- مو بشر، مستحيل ذوله يكونون مثلنا. قومي روحي وياي.

:- محد يخليني أتحرك لحن، أحنه ما عدنا أحد ولا نقدر لهم، يسحكونه بأقل غلطة. قومي وروحي أخذي ماما، لا تخلي يندلِكِ، لا تكررين الغلط مالتي. أدري بيكِ تحبي، بس حياتهم ظلام ما يرحمون.

:- أنعل أبو قلبي إذا حن على واحد يأذيكِ ناي. قومي اتسندي عليه وطلعي وياي، فدوة أروح لكِ.

:- أني أخلص روحي لا تخافين، بس روحي منّا.

:- ما أروح، وخلي يرد، ليش كلكم حاسبيني ضعيفة وروح عاشق؟ وداعتكِ اللي ماكو بقلبي غيركم، إذا ما خلاكِ ترحين وياي أندمه.

:- لا لا لحن، اتركي الانتقام. قومي أخذي الهوية مال الراتب، وأخذي ماما وروحي، عيشوا بعيد، مالكن شغل بيه، أني أدبر روحي.

:- هاي كلها لأن انهزمتِ، مو أخذ عاشق بعد، شرايد؟

:- رايد أركع جوه رجلي وأقول له أصير لكِ خدامة أنتِ ومرتكِ.

:- اتزوج؟

:- لا راح يتزوج.

:- يعني راضية؟

:- كل وقت إله أذان، أهم شيء أمن عليكن حتى أقدر أعين نفسي.

:- وأني ما عندي غيركِ، راحت ماما قدرت أعيش وراها، بس أنتِ لا أموت وراكِ ناي، لخاطري صيري قوية وقومي.

:- تعبت، ما أقدر بعد، انهد حيلي وراح كل أمل لي بالدنيا.

:- تتذكرين بشنو مرينا وشلون حاربنا ورجعنا وقفنا؟ راح تقدرين، ما عرفتكِ هيج أنتِ ناي. من جنت أبكي خايفة تضربيني، تتذكرين شنو جنتِ تقولين؟

:- المرة هيَّ مرة بنفسها، مو بألف رجال، عمره الرجال ما صار مثل للقوة.

:- لعد وين ذيج ناي؟

:- كسرها الوقت.

:- لا ما تنكسرين، إيدكِ بإيدي راح نتجاوزها سوة ونتحرر منهم، ناخذ عاشق ونعيش مثل ما نريد.

ظليت يمها قاعدة، ساعة تعصر روحها وتبكي، ما أعرف شنو يوجعها، وساعة تهدأ بس عيونها بيهن كسرة والألم. أعرف شقد ما تقدر تتحمل لخاطر لا تخليني أشوف وجعها، مهما يكسر الوقت بيها تظل ناي نفسها.

انفتحت الباب، دخلوا غيث وأركان، كانوا شايلين أسلحة ولافين على راسهم غتر.

شمر غيث سلاحه وإجه يمي، قمت أشر: وخري.

دنق على ناي، فتح عينها من جوه، باوع بيها. عدل وكفته، شلع السيروم من إيدها، طلع من الجرارة إبرة، سحبها وجر إيدها ضربها، رجع راسها عدله على المخدة وغطاها.

:- ببالكِ ما عدنا أحد ومستغل هالشي.

:- أركان، أخذ حرمتكِ واطلع من هنا.

:- ما أطلع إذا ما آخذ ناي.

:- لحن روحي، واصلة لخشمي، كف واحد أنيمكِ يمها، انكتمي أفضل لكِ، ويلا بنتي على أمكِ ولا تردين هنا حتى لا أدمر ملامح وجهكِ.

أركان: منو وصلكِ الخبر وشلون اجيتِ؟

:- لا بنات النهار، إمكانيات يعجبنكِ، أسرع من البرق بالمصايب. بالقرآن لو تخلي روحكِ بشيشة هم يقبضنكِ ويطلعن أسرار أمكِ من عبها.

:- أحكي وياكِ، منو جابكِ؟

باوعت له بقهر، قلت له: هذا الهامكِ؟

أركان: يولي لا تسودنيني، اللي وصلكِ الخبر منو وشلون قدرتِ توصلين؟ أكيد عرفوكِ تابعة لي، لا ياااا الله شلون أحميكِ؟

غيث: لا تخليها تطلع، ودها يم جدتي، بين ما نطلع من جهنم اللي زتنا عمكِ بي.

:- ما راح أظل يمكم، وأختي راح آخذها، لسه ما انخلق اللي يجبرنا على شيء عيب، وأحنا خوات عاشق.

غيث: بالقرآن قمت أغار من عاشق على الهيبة اللي حاملاتها، الو يا أخي، تحسوه شيخ مضايف قابض الديوان من صدره.

:- تاركين المضايف لكم، كافي ربّانا وعلّمنا شلون نحافظ على روحنا وناخذ حقنا بإيدينا وما نذل روحنا لأحد.

:- عافية بالبطلة، يله طلعي وروحي حدر أمكِ، تعلمكِ شلون تذبحين وتعجل بمهمتها وتكمل بيكن.

:- رايحة بس والله راح أندمكن، أخليكم تدفنون روحكم بس حتى تخلصون نفسكم.

رحت بست ناي، ابتسمت، مدت إيدها مسحت دموعي وأشرت: روحي.

طلعت وأني بالي ألف شغلة أحرقهم بيها وآخذ ناي.

نزلت من الدرج، سحبني أركان من نهاية شعري، وقفت. قال: حجابكِ يولي.

:- ما راح ألبس، مالكِ حق تحكي وياي حتى...

نزل وصل يمي، خله الشال على راسي لفه.

:- هدّي يبه، نصل ونتفاهم.

:- إذا طلعت منّا من غير أختي اعتبر كل شيء انتهى بينا.

:- ناي أمرها موش بيدي، دخلت بلعبة ما وراها غير الحرق، ابتعدي حتى لا تاخذكِ بطريقها.

:- أني ريحة برجلي، بدون لا تطلب هيَّ مني هالشي.

:- لحن، طلعتكِ وجيتكِ لهنا هذا بحد ذاته تمرد، أحبكِ وما أريد أأذيكِ، لا تستغلين هالشي.

:- ظلمها.

:- هيَّ ظلمت حالها.

:- راح يتزوج عليها.

:- ما أقدر أمنعه.

:- أخذ ابنها.

:- موش ابنها، ابن حفيد بدعة هذا.

هزيت راسي، عرفت وقتها معتبرينه لا شيء، يتحكمون بمصيرنا بمزاجهم، وأني ما راح أخليهم يسوون اللي براسهم.

مسح دمعتي وخله إيده ورا ظهري نزلني. هم يجي وقتي وراح يكون مصيري أسوأ من ناي.

فتح الغرفة، دخلني. أشرت: شنو؟

:- خليكِ هنا لحد ما أأمن الطريق تا أوديكِ.

سماهر.

- وين توديها؟ خلّي الشباب يزتوها.

- إنتكمي أحسن ما أكتِمِج نهائي، وإنتي لا تتحركين من هِنا، نص ساعة وراجع لج.

طلع، سدّ الباب، بس عبر الصالة، اتصلت سماهر جانت تحجي ويا واحد. طلعت من الغرفة، ضلت أسماء يمي، باوعتلي وضحكت، قالت: ما باركتيلي؟

باوعتلها وقلبي يغلي نار، ناي تموت وأني عاجزة حتى أدافع عنها.

- الخميس زواجنا.

- مبروك.

- قالوا لج شبل راح يتسجّل باسمي؟

- تتهنين.

- وأختج راح تصير خدامة جوه رجليه، مثل ما إنتي راح يردج أركان تخدمين جوه رجلين سهيلة، وهم تخلفين وياخذوه يسجلوه باسم حرمته.

أشرت "إي"، دخلت سماهر قالت: قومي بسرعة.

قمت وياها بدون ما أسأل، طلعتني من باب ثاني كان ورا. رحنا بحديقة عبرناها، طلعني كان ولد مسلح، قالت: أخذها ودّيها لبغداد.

- حاضر عمة.

- وقفل الموبايل.

- أخاف يتصل عمي أركان.

- كله مخلص شحن، وعمي أبو غيث اللي قال: وصّلها، وأني راح أحجي ويه عمي.

- تأمريني، يلا خويه صعدي.

صعدت وعيني فوق بغرفة ناي، سدّيت الباب، دموعي تنزل بقهر.

طلعنا من البيت، خلصنا المزرعة، مو مثل الطريق اللي أجينا بيه، غيره كان ترابي مو شارع. سوى مثل ما قالت له، غلق جهازه. عيني بالشارع وقلبي يم ناي، ما أعرف شلون وصلت. قبل ما أنزل، قال: أمانة خويه، لا توصّليها لأركان، أني عبد المأمور تتقطع عيشتي.

- لا تخاف، أني أصلاً بعد ما أرد لهناك ولا راح ألتقي بيه، روح بس لا تسمع منهن ترى يورطنك ذني.

دنّق، مبين مجبور خطية على الراتب ضال لا يقطعوا عليه.

نزلت وهو راح، قبل ما أدق الباب فتحته ماما، حال الضيم حالها، قالت بتعب: ها وينها أختج؟

- ما بيها شي زينة ماما.

- لا تضحكين عليه لحن.

- لا ماما لو بيها شي ما أجي أصلاً.

- يم الناقص، تاجر الأسلحة حاجزها مو؟

- إي ماما، بس زينة صحتها، لا تقلقين.

- أخو راح ياخذج ويخليج بصفها، وأني يردوني للمصح حتى ما أقدر أردجن لحضني.

- ما يقدر ماما، بعد شوفتي لناي لو يبقى أركان آخر واحد بالدنيا ما آخذه.

- لعد برّدي قلبي وقولي إي عاللي سويته.

- شنو سويتي؟

- ما أقولج إذا ما تحلفين بروح عاشق توافقين وما تقولين لأحد لمن تخلص السالفة، لو هسه أنتحر حتى أخلص من وجع القلب.

- اتصلتي بأهل سروان وراح يجون نتزوج سكتاوي بدون لا أحد يدري؟

- لحن، لخاطر أختج، دق صدر يقدر ياخذ ناي منهم بجنسيته غصباً عنهم، هذا الدولة وياه، بس قال: أول لحن تصير مرتي.

- منو يقول صدق يقدر يطلعها؟

- يقدر يشتكي بجنسيته بالسفارة، الدولة وياه، راح ياخذوها وحتى احتمال يحبسوهم، وإذا على أركان لا تخافين، ما راح يعرف إذا ما تكونين متزوجة وحدة راح تجز نفسه ويبطل.

باوعتلها ما أعرف شأرد.

- لحن، تذكرين ناي شلون ضحت بروحها وباعت ابنها علمودج؟ هيج نسيتي وصرتي أنانية، تفضلين نفسج عليها وإنتي تقدرين تنقذيها، راحت أختج انتهى أمرها؟

- خلص ماما، أني موافقة.

لبوة على شفا الثأر

                                       بقلمي:leo Alfatlawi

Ins:le_m3r

بارت الثامن والاربعون

***لحن.***

دخلت جوه واني مااعرف اشلون وافقت  اجت واري ماما گالت لحن احلفي بروح عاشق ناي مابيها شي ونلحگ عليها منا لمن يجي زوجج

:-لا ماما ماانلحگ  ناي موزينه حابسها رجلها يله ارتاحي شتگدرين اسوين

:-اروح وراها اجيبها شنو تايهه بنيتي الصغيره هاي

:-ماما ماينطيها اتوسلت بي مارضه طردني منو ينطيها

:- وين اركان  الشفيه مااعرف يوگف بوجهه

:-وكف بجانبه

:-اروح اشتكي علي اي اروح اشتكي خومو اتركها لمن يرد ذاك  تموت هاي ماتعيش  محبوسه اعرفها هسه تنتحر تروح ويه اخيها وينك ياارزيد تعال شوف ابنيتك موكلتلك اني موگد المسؤوليه مااگدر احميهن

كعدت يم الباب دموعي تنزل واني اباوعلها  اشلون محتاره تفتر ماتعرف شسوي

ركضت دخلت جوه تلبس اجت ام سروان كالت هذا الولد طليقج كتلني كل شويه يتصل يكول وصلت لولا

:-كليله وصلت وحضري

طلعت ماما تركض لابسه عباتها كمت وكفت بوجهه

:-والله مايخلوج ادخلين

:-اشتكي واخذها

:-ماما بس هدئي لاتوگعين اشلون توصليلهم

:-اروح لبيت عمج سمار ياخذني وخرري عني

:-موتكولين راح يجي حفيد ام سروان ويگدر يطلعها

:-منا لمن يوصل بتي تروح ماتضل اقلها انطيها امل بالحياه  احنه وياها بين مايرد

طلعت وكفت بالباب اباوعلها شفتها دخلت لبيت عمي

تركتها ودخلت جوه اسمع بيبي ام سروان اتكله تعبانه نامت من تكعد اتخابرك

رحت للغرفه شمرت شالي وكفت كدام المرايه باوعت لوجهي شهكت

هاي ردتلج جمالج وفقدت جمالها  انطت عمرها حتى تزيد بعمرج  فقدت صحتها واستقرارها مقابل انتي تعيشين براحه انتي هم تتسمين اخت انتي اضعف من انو توگفين وتعترضين عالديصير

شوفي روحج حتى اتخافين تلبسين اليعجبج مو طالبين بأختج وتنقذيها

كعدت لميت رجليه ليش اني بهالضعف ليش اخاف اخطي اي خطوه ولج ناي اذا راحت انتهي انتهيتي اصحي يااركاان

موضعيفه اني وراح اگدر اخذها منهم عمرها گضته تشمر روحها بالموت لخاطرنه وصل سراي

اول شي خلصي روحج من عبوديته والثانيه تزوجي كسري مثل ماكسر گلبج

وهددهم اشتكي على كل شي اعرفه عنهم مقابل ناي لواعرف بيها موتي ماراح اسكت

كمت فتحت الكنتور طلعت انكس ملابس عندي مثل الجنت البسهم قبل لاتعرف على اركان

غيرت شلت شعري طلعت لبيبي ام سروان كلتلها خابري حفيدج هذا الاسبوع نتزوج وكون محد يدري لمن يمر كم يوم على زواجنا

:-هاي هيه الله يسعدكم بس نحضر الغرفه

:-مااريد غرفه اتزوج بنفس هاي الغرفه هو ماضال هواي بس كم يوم واني ماريد شي يعطل الزواج

:-ابكيفج لعد اشتريلج بالفلوس ذهب وهسه اخابره حتي يجون هذا الاسبوع كملنا كلشي

:-بس اريد عقد محكمه كليلهم هذا شرطي

:-طبعا لعد قبل لايروح يعقدج حتى يگدر يسحبج اذا صار عدكم طفل

هزيت راسي اخذت سجينه رحت للحديقه كطعت احبال المرجوحه شلتها ورحت للباب فتحته اريد اشمرها

صار كدامي اركان وماما يسولفون  شمرتها عليه كلتله اخذها وانتظر خلي اجيبلك فونك

:-يولي خشي  جوه

:-ماادخل ومالك حكم عليه وهياتني بالشارع شتريد اتسوي

دفعني ليجوه  ودخل ركضت ماما كمشته

:- اذا مديت ايدك عليها اشتكي عليك

:-عمه ياامد ايدي دحگي  اشلون طالعه

:-تريد تحبسها مثل ذيج ماكفاكم اخذتوا ابنيتي مني عينك بالثانيه وروح ابني اروح اشتكي عليكم بتي اتردوها الي

:-منهو حابسها شبلاج  عمه البت يم زلمتها

:-روح جيبها لاوالله اخذ لحن ونشتكي عليكم واخيلكم تنامون بالحبوس

:-تردين تشتكين محد گاضبج روحي بس لحن اذا خشت المركز بالقران  اخذها واخلج بس بالحلم دحكين وجهه

:-تهددني ولك

--عمه دخيل ربج عش منفعله البت يم زلمتها مريضه كاعد يعالجها

:-منو مريضه نااي مريضه من اشوكت ناي تعرف المرض شنو ولك شسويتوا بيها انتوا ماتخافون ربكم

:-ماعملنه  شي ناي مدمنه وحابسها بالغرفه حتى لاتأذي روحها بين مايخلص العلاج

:-يمه منين واشكوت ادمنت ولكم شنو انتم منين مخلوقين دمرتوها جانت مثل الفراشه طايره بنيتي جيبوها اني اعالجها حتى ابنكم مانريده بس رجعولي بتي

:-امم فراشه المهم مايصير تطلع اكو علاج خاص واوقات معينه تاخذه اي غلطه تنتحر بدون شعور

:-روح منا بعد لاتجي وبتي اعرف اشلون اخذها

:-يولي بس

:-ولي انت انعل ابوك لابو الجابكم عليه مره بگد امك تغلط يامامتربي بس تربات شوارع حقك

دنگ حك خشمه اخذ نفس كالها مشكور عمه بس هدي ماعليها والله

:-عليها ماعليها روح بعد لاتجي ولحن شيلها من راسك لو اذبحها  مارجعها الك كافي دفنت واحد بالكبور واحده عدكم اجفينا شركم روحي الله قبيلكم سلمتكم بيد ربي ياخذ حوبة هاليتيمه

:-واني شكو عش تاخذيني بذنبهم

دخل عمي ابو سمار وعمي الثاني ولدهم الي اول مره اشوفهم

سحبني اركان خلاني ورا لان لبسي موعدل نزع الشماغ خلاه على شعري بالاثناء جرني  عمي ابو ريماس كال بابا دخلي جوه وانت يله اطلع منا

:-يابه على امركم بس خلي نتفاهم بالبدايه الكم حگ تاخذوا من عيوني

:-مانريد شي وذيج الكم متزوجه مانگدر نحجي بس هاي النه واني لوموجود حتى ذيج ماخليكم تاخذوها هسه ترد منين مااجيت وهنا ممنوع تجي ولحن انخطبت واحنه انطيناها

:- انعل ابو ناي لابو غيث لابو  مشاكلهم الي ماكلت ورها غير التبن  ولحن اذا ماتصير الي ماتصير لغيري

:-بكيفك هيه

:-اي خاوه اخذها خاوه لوعرف الدم يصير للرجاب اخذها من نص عشيرتكم يابه جدام الكل العالم تسممممع  اليوصلها دمه مهدوررررر

:-اطلع يله وعود اكتل بيكيفك العالم تايهه زواجها هالخميس

ضغط على سنونه وعصر جفه اتقد يم عمي حجه من بين اسنونه

:-وحگ الخلق السماوات العليا ورب العباد بساعه التصير لحن على ذمه غيري اعتبر انت واهلك جوه الگاع

:-اتهدد

:-اهدد وهذا شاربي موعليه اذا خليتكم اتشمون الهوا اخاف الكم نيه اتزوجوها بالختله ارگابكم ماتكفيني اگطع نسلكم من جبيركم لزغر جاهل بيكم

:-هيه مارايدتك وهاي گدامك احجي بابا واذا كالت اريده هسه ارجعها الك

باوعلي اركان رد عمي كال احجي بابا لاتخافين احنه يمج

:-ماخايفه عمو يجيب اختي اردله  مايرجعها ماارجعله لو الدنيا كلها تكوف بعيني

:-يولي اختج اشلون اجيبهااا يبه عگلي لحن لاتاخذيني بذنب غيري حرمتو ماكدر اخذها من حضنو على اي اساس

ماما.  :- لعد هاي هيه لهنا خلص كلشي بنتي اتريد  رجال يحميها  ويحمي اختها  وانت ذني ثنينهن ماتكدر تسويهن  مامستعده انطيك بنتي ومصيري يكون مثل ذيج  اذا مااسوء

-:-محد يگربلها وروح اخوتي هذا شاربي ازينو اذا واحد بس فكر يسمعها جلمه ناي وغيث بينهم حساب يصفو احنه مابينه شي

:-واني ما انتظر لمن تروح ناي مني لخاطر منو لخاطرك انت منو اصلا  معرفة شهر شهرين تعرف منو ناي هاي الجانت اتخليها وره ضهرها وتنضرب مكانها  الجانت اتجوع حتى اتشبعها الي باعت روحها لاسوء بشر بالعالم حتى تنقذها  تريد بعد ذني كلهن اتتركها علمودك

:-ماياذيها وروح اخيتي

:--ياذيها او لا اني ماراح  ارجعها الك  لوتضل اخر واحد بهالدنيا روح اركان من البدايه غلطت من اجتك لبالها  صدك راح اتكون الها  سند غلطت وكالت انطي فرصه ماكو واحد مايغلط بس اليوم اثبتت انت لاشئ

عمي. :-شفت حتى لاتضل كل دقيقه جاي اتعيط  لاهيه ولاامها رايداتك يله اتوكل

باوعلي عيونه بيهم ترجي وحسره درت وجهي ورجعت جوه امشي وعاصره روحي لايطلع صوت شهكتي بس دموعي تنزل

وصلت للمطبخ سديت الباب وكعدت ورا اسمع صوته وهو يتوسل بس  ينطوا  فرصه يجيب اهله ويعتذرون عالسوه وعمامي يطردون بي

سديت اذاناتي السويتي صح طلعي من گلبج لاتبجين

صعدت اصواته كمت دخلت جوه رحت للغرفه على قريولة بيبي اتمددت خليت راسي جوه المخده ماريد اسمع صوته گلبي غصبا عنه يرف اله ماينطيني واني اسمع اشلون يترجاهم

اشويه وصار هدوء دخلت بيبي كامشه ماما كوه تمشي كمت سندتها گعدت گالت راحت ناي

:-متروح ماما غيث شماسوه بيها بس يضل يحبها ماياذيها

:-ليش ماسمعتي هذا يگول يدفنها وماخلي احد ياخذها

:-موبكيفه هددهم اشتكي عليهم بالاشياء الاعرفها مقابيل ردونها النه

:-لااتزوجي اول حتى بعد مايگدرلج  يمه اخيتج الصغيره ماعدها احد هاي تروح مثل عاشق وتضل حسره بكلوبنا

:-ماتروح امني  اوعدج ارجعها الج

:-لحن ديري بالج يضحك عليج ويخليج تبدلين قرارج وروح اوليدي اختج تموت وانت السبب واني اتبره منج لان راح اتكونين سبب موتت اختج

:-والله مستعده اشمر روحي بالموت موبس ادوس كلبي بس كون هيه تعيش نامي امني

انطيتها مهدء ونيمتها غطيتها وطلعت لكيت بيبي ام سمار اتخبر بتها وتبشرها عالخبر رحت للحديقه كعدت عقلي بناي وكلبي باركان

عين اتذكر ناي اشلون نايمه تترجاني وعين بأركان واكف بالحديقه يباوعلي عيونه تلمع من احجي ويضحك على ضحكتي

رفعت راسي للسما

ربي اختبارك صعب

قطعت تفكيري ام سروان وهيه اتكول لحن تعقدين عالنت ---

***ناي***

طلعت لحن سد الباب وراها باوعلي وضحك

:-تضحك عليه غيث

:-لابالقران اضحك على روحي يولي الشيطان مايلحكجن امكانيتجن ترند لوننطيجن مجال تكشفن مخططات إسرائيل موش بنات حشى

:-خطبت

:-الخميس زفتي

:-ماتگدر تنتظر لمن اموت

:-بس لاتكولين هامج بعد كل العملته بيج ادحگيني بعيونج

اخذت نفس همست ماضل مكان بعيوني لهالشي اخذت حقك وزياده ماكفاك كدامك فاقده روحي ومدمنه كوه اسحب بأنفاسي الاخيره

:-اليكفيني اشوف نظرت الكره بعيونج كون وكت يصل خبر موتي يمج بدل ماتبجين تكفين رافعه ايدج للسما تشكرين ربج

:-اكثر من هالكره ماتصور گلبي يحمل

مارد سحب الجراره جاب الجهاز كعد يمي سحب اصبعي ضغط اخذ دم قاس السكر  وگام شكل بعد مغذي  وكف يضرب ابره بي

:-غيث

:-مم

:-اريد اشوف عاشق

-:-كم شهر حرمتيني منو الج كدهن

:-ماطول هلكد اموت واني بحسرته

:-اذا شفتي راح تكتفين وتموتين وهذا الشي مامسموحلج بي

غمضت احس روحي مخنوگه واعرفه ناوي يزيد بتعذيبي ماكتفه لسه

تركني وراح اخذ المنشفه دخل للحمام 

جسمي ياكلني حتى النفس صار صعب كمت اترجه الموت كرهت نفسي واهلي كرهت اليوم الفكرت انهزم واجي استنجد بغيث

درت وجهه باوعت السلاح عالميز ماعرف شصارلي بذيج الساعه بس ماجنت افكر غير بالراحه

شلعت السيروم ونتجيت عالميز كمت رحت كوه امشي وصلت للميز شلته جان مأمن فتحت الامان ردت اسحب اقسام ماكدرت خليته عالميز وضغطت حيل انسحل على الصوت طلع غيث

وجهته عليه ضحك

:-لبالك ماسويها

:- علمتي الاكبر منها هاي تصعب عليج

:-طلگني

:-وطلاگج راح يحررج ويردلج ابنج

:-طلگني غيث

:-ضربي يولي ميفيدج الطلاگ

:-لاتجييي خليك مكانك

ايدي ترجف گوه كامشته وهو يتقدم وصل يمي مستهزء

:- خلج مره وحده قويه بدون تصنع ضربي

:-طلكني وروح عاشق اضرب

:-ماطول حلفتي بأسمو يعني اتعمليها

:-يله طلگني

:-لاماحزرتي موش كلتلج اتعمليها معناتها خفت واتراجعت

:-الك ثانيه ماكلتها اضرب

:-لاراح انطقها ولا احررج  وابنج  راح اسجلو بأسم اسماء وباجر لوبعدو الزفه وراح يصير ابنها جدام العالم وانتي راح تضلين حدر  رجلينه بس حتى ابنج يضل كدامج لايتأذه وذني كلهن يخلصن بضغطه الزناد

درت المسدس على راسي

:-من اكلج جبانه لاتعترضين

:-لاتاخذ عاشق بذنبي

:-شبل اسمو عاشق محيتو مالو وجود عجل وين حلفانج

:-حلفت اضرب كلتها وغمضت عصرت نفسي  وضغطت عالزناد ظربت ماطلع من شي

فتحت عيوني باوعلته لكيته عيونه عليه  ضاغط على سنونه دفر الميز بكل قوته وصاح اشوكت تكرهينييي ولج ماضل شي ماعملتوووو بيج انتي بدون احساسسسس شعمل بيج بعد احجي اشلون اخليج تكرهيني ماضل وكتتتتت

شمرت السلاح  وشهكت وگعدت  لميت رجليه لحضني

دفر الحايط  وكعور ايده عضها حيل ورد يضرب بالميز  كل ضربه اقوه من الثانيه طلع غضبه كله بي لمن بهت وكف كمش راسه اخذله شويه واخذ نفس اندار باوعلي بأسف

ضميت وجهي فرگ وجهه و دنگ كعد كدامي

:- هيج نفسج رخصت

:-تعبت ارحمني كافي مارايده شي بس اكتلني حتى هاي مستكثرها عليه

:-تجتلين  روحج بدون تردد ناي

:-ماريد اعيش كااافي تعبت ليش هيج عمري طويل ليش مدااموتتتت اشوكت ارتاح

:-ماترتاحين لمن كلبج يموت وتكرهين القريب گبل البعيد

:-ماتعلمت الكره ولاراح اكدر أذي احد  غير نفسي

:-واني اعرف اشلون اخليج تكرهين حتى نفسج وتتمنين الموت لاعز روح كربج

دنگ شالني وكام  راد يدخلني للحمام كمت اصرخ نزلني

:-تردين جرعه لولا

:-اي اي

:-عجل سبحي تا تنامين نظيفه

:-جذاب ماتنطيني

:-راح انطيج بس خليني اسبحج

سكتت  وداني للحمام دخلني جسمي يرجف

كعدني جوه الدوش جان مفتوح مكاسر المي خلع تشيرتي

لميت روحي المي ينزل مثل السحاجين على جسمي جاب شامبو غسل راسي

رجع دار على جسمي يمشي ايده عالكيف يدري الالم موتني

خلص سد المي وجاب المنشفه لفني ودنگ شالني طلعني

لكينه سماهر واسماء شايله صينيه  خلاني عالجربايه وجر الغطه لفني عدل بي  وراح فتح الجنطه طلع تراك اجه يريد  لبسني

سماهر. :-  اتركها اني البسها

:-ماريد ازحمج يخوي اسماء طلعي من هينا

:-وين تطلع اني جبتها تااتنظف الغرفه اذا هاي حتى سبح انت اتسبحها

:-من اشكيلج وكتها حگج بالحجي وانتي يولي طلعي بره يلا

:-اسماء عمه اكفي وره الباب بين مايغيرلها تاشوف وين تصل ويه خويي

مارد  شمر ملابسي عالجربايه  راح جر اسماء فتح الباب دفعها وقفله وراها رد الي سحب التيشيرت لبسني جوه الغطه هو والبجامه بدون داخليات  جنت بيده مثل الدميه كلي ارجف مااسيطر على نفسي

جاب الفرجه على وكفته لم شعري رادت سماهر تاخذها من ايده كالها لاتلحين

:-شجاك يخوي قابل اذيها

:-كملت ماضل شي جيبي الصنيه اريد اطلع يله

باوعتله همست الابره

اشر اي وخله الصنيه كدامي كعد يوكلني

فتحت الباب سماهر دخلت اسماء

سماهر :--عمه ملابس غيث لميهن للغسل ونظفي الحمام

:-اي عمه وانظف الغرفه

:-بعد عمتج ماتگصرين نخدمج بيوم عرسج

:-ان شاء الله عمه اركان مسويها كوانه تحت

:-غير مكسوره الرگبه لحن انهزمت وسودنت الزلمه

هيه تحجي وغيث رفع حاجبه يباوعلها وهو مدنگ عالماعون يخلط بالتمن

اسماء. :- حظ تكول بس هنه مخلوقات بالدنيا

:-انوب تگضب وحده تزنح الخ مايهجبن  ويركدن

راد يخلي الخاشوكه بحلكي درت وجهي

:- كافي شبعت

:- بردانه البسج بعد

:-لااريد الابره

كام شال الصنيه انطاها لسماهر طلع الابره هم مونفسها اجه سحب ايدي رد المغذي لبالي راح يضربني الابره بس ضربه بالمغذي شهكت

:-عش تبجين يولي

:-ليش دتسوي هيج

:-شعامل ابره وعطيتج ضلت يمج تردين ترتاحين كملي السيروم عاجبج اتضلين اتزنحين طري

:-غيث بس هالمره اخر مره اطلب منك

باوعلي وضحك بس ضحكته بيها كسره رجعتني لطلبي اول مره نلتقي

سحب اديه وربطهن بالحبل  شدهن بالجربايه نزلت دموعي

خله مخده عازله بين راسي والخشبه وخر شعري عن وجهي مسح دمعتي درت وجهي ماريد اباوعله اخذ نفس و طلع اجت اسماء سحبت  المخده  كلتلها فتحي الحبل

سماهر.:- اسماء وخري عنها

:-عش يربط اديها

:-يعرفها هتره تاذي روحها وتبلينا

:- موش ناوي يذبحها عجل عش هيح خايف عليها

:-مم من دحكتو يغار عليها حتى مني صدكت يذبحها اووف ربي منين بليتنا بيهن عجلي يعمه تانحدر للديوانيه نظفها

هنه يحجن واني بديت اغفي ماحسيت بعد

اسبوع   واني على وضعي  كل يوم يدخلني بالحمام يسبحني ويمشطلي ينطيني ابره بالمغذي بعد مايجبرني عالاكل ويتأكد نمت يالله يطلع

بس التغير بديت استجيب للعلاج رغم تعب جسمي وحيلي انهد بس الالم كمت اتجاوزه اذا استمر كلش ساعه لواقل

مخبوصين وهوسه جوه ماعرف غيث جان على طول مسلح حتى من يگعد يمي سلاحه بمتنا السماعه بأذنه يسولف وياهم

كعدت على صوت وهو يخابر بهمس اسمعه يگله يول  دبرلي شيخ  كلك -- ابن الكلب اتفق ويا عقد  مؤقت -- كل عقلك اخلي مثل هاي بأسمي-- يول اسمع بس تخلص الشغله ازتها بحضن الناقص ابوها تايعرفون  اشلون يشتغلوني الزمايل  -- شغلتها يمي هينه انگلع يله ---

شمر فونه واخذ منشفه راح للحمام سبح طلع ينشف براسه اجه يمي فتح اديه

:- متعتازين بعد حبل مو

:-حتى العلاج بعد مااعتازه

:-حلو وهذا الرايدو حتى تشاركيني بفرحتي وانتي بكامل صحتج واحساسج

:-هاي الهلاهل الك

:-مم الي اليوم زفتي

:-اليرد بكلامه مو رجال وانت اثبتت هذا الشي

:-ماراح اطگج جايج الليل والساعات راح اتورج بروحها

:-لبالك تحرك كلبي بهالشي  فاكلك غلطان انت بعد ماتهمني ولاشوفك كدامي مالك بكلبي بس الكره والحقد

:-ماضل ساعات وندحگ الكره اشلون شكلو

:-مايتوجع  بس الي شايل شي من روحك بروحه   وانت انتهيت من زمان

ومايفتقدك اله من يحس  غيابك غربه

واني كدرت اعيش اشهر بدون لاذكرك

:-خليج گد گلمتج

:-ليش متخيل روحك  تكدر تكسرني بهيج شي تافهه  المثلي عايش بس حتى يأذي المثلك ويعلمك الثقه الزايده مرض

خله ايده على كلبي دكدك بأصابيعه عليه

:-اريدج تكرهيني منا اشگد ماتكدرين  ابگد ماتعطين حقد اكثر بگدما تعيشين براحه اكثر

:-من كثر ماكرهتك كمت اتمنالك الموت

:-نفس الشعور  واليوم اثبتلج هالشي ومناطر تثبتلي كلامج انتي بعد

عصر وجهي وكام  راح طلع دشداشه لبسها وكف كدام المرايه مشط ولف الجماغ على راسه ربط سلاحه ورش عطر صارت عيني بعينه بالمرايه غمز درت وجهي

رد العطر وطلع خليت ايدي على كلبي ناي لاتهتمين خلي يولي يريد يكسرج ويشوف دمعتج لاتسمحيله بهالشي

ماراح اخلي يشوفني ولااخليهن يتشمتن بيه

كمت اريد اوكف الدنيا تفتر رجعت كعدت فركت راسي اخذتلي اشويه رجعت كمت واني انتجي رحت اخذت ملابس رحت للحمام سبحت اشلون مجان لان احس روحي وسخه

طلعت وكفت گدام المرايه اباوع وجهي  باهت جوه عيوني اسود شفايفي بيض

ادعي عليج ساره لو اترحملج

اخذت نفس وشلت شعر  الدنيا تفتر رجعت لفراشي مابيه اتحرك

لليل واسمع الضرب والهوسه وصوت غنه ودبجه

انفتحت الباب دخلت رنو واسماء يضحكن جانت مكيجه ومسويه شعرها دخلن وسدن الباب كالت هاي شنهو بعدج نايمه

رنو. :- عجل وين تروح

:-كومي دحگي من الشباج غيث اشلون فرحان ويركص

:- بعد خالي وعرسو عش مايفرح واليوم يومو

:-يوم الاركان وهيج نفرح نفس هالفرحه

:-امين يارب ونرد ازلامنا من ذني البلا شرف

اتمنيت بقوتي ايام زمان واكوم اسحلهن بس عدلت مخدتي ونمت سويت روحي مامهتمه شافني هيج طلعن وركعن الباب

سمعتهن نزلن گمت رحت للشباج وخرت البرده العالم ملتمه بالحديقه وصوت الدبجه مال الجوبي اركان بصف غيث كاعدين

انتجيت عالحايط واني اباوعلهم اتريد تقهرني ابشرك حركتني مو بس قهرتني

ابو غيث  وكف يرمي بالنص  وابو حمزه كومهم يركصون جوبي ويا اباوعله خله ايده بأيد اركان وصاروا بين الزلم يركصون وياهم

اتمنيت  وحده من الطلق تجي بكلبي غمضت اتخيل رد بيه الوكت  اجه غيث للكرسي كال كومي ماعاندته گمت واني ساكته غيرت مكاني

صعد خالي نزلت ويا بهدوء بدون لااعترض

فتحت عيوني باوعت لكيته عينه بالجام يباوعلي  ويبتسم

رجعت البرده رديت لفراشي لميت رجليه لحضني منو انت ليش صادفتك ليش دخلت حياتي اشلون حبيتك اشلون سلمتك كلبي

تضحك  فرحان بكسري شفتني مذلوله وابجي  ارتاح كلبك

صوت الضرب احسه بكلبي سديت اذاناتي حيل

ضغطت على سنوني كافيي كافيي 

الله ياخذك غيث

عضيت ايدي حيل اريد النار تهدأ بس ويه صوت غناهم وضحكهم يديرون بانزين ويشعلوني بالزايد

جريت المخده ضميت وجهي وصرخت صرخه طلعت من كلبي

الخنكه بصدري افرگ بي احس گلبي يريد يطلع  من مكانه

شمرت المخده  وكمت للكنتور جريت الباب مقفول دفرته بكل حيلي مافتح گمت اضرب واتوسل افتح ولك راح اموت

دخيلك ارحمنييي ماضل حيل يحمل هالوجع

تعبت وكعدت وصوت بجيتي مخلوط بصوت غنه زواجه

لميت رجليه وخليت راسي الحرگه تطلع من نص كلبي

ساعه والثانيه وهمه مستمرين بالظرب والهوسه تعبت ونهديت اشويه وصار هدوء واسمع صعدتهم عالدرج كمت بسرعه للحمام دخلت فتحت البوري دنكت اغسل بوجهي انفتحت الباب دخلو غيث واركان

مسحت وجهي وهفيت باديه اريد الحمار يروح من وجهي

اخذت نفس طلعت لكيت غيث يلبس بالقاط واركان واكف ويا  شافني اشر اشلونج ابتسمت

رحت لفراشي گعدت غطيت رجليه

اباوعله اشلون يلبس وگوه كامشه دمعتي

كمل لبس وگف يعدله الرباط همس مااعرف شنو وغيث ضحك گله كونك زلمه بالقران ماراح احاجيك بس اعملها

-: منهو گايلك مستغني عن روحي

:-جرب اذا مافرت الطاوله بيك اطلع امعتب

ربط الرباط حيل وغيث دفعه يضحك  اندار للمرايه يعدل گال اركان گومي جيبي الحذاء وينها

وخرت الغطه وكمت رحت للكومدي گعدت يمه همست يالون

:-اختاري اليعجبج

:-لوتجي انت تاخذ احس اختياري دومه غلط

:-دحگي عدل وشغلي حواسج ماتغلطين

طلعت السوده ورحت يمه شمرتها كدام غيث وابتسمت

:- بس الغلط هيج ينشمر ويتصلح بالاحسن

اركان :-اللزگه بس هم لا تضلين تتصنعين زايد تره كثر الضغط يولد الانفجار

:-هاي مويمي مانخلقت حتى انفجر افجر واسحگ ادوس واطلع بدون لاباوع وراي

:-ذيبه

:-غلطان الذيب ميأذي اهله ويضحي بروحه لخاطرهم وفي

:-امم لبوة

:-عفيه انهش شكو واحد يفكر يوصلني واخذ حقي حتى من المامأذيني وارد الضعف ضعفين مثلا هسه واكف دتلبس صاحبك وتتجاكر بس حتى اتغيظني ماتدري هذا الموقف راح اوكفك بي نفسه

:-كونج مره وتعمليها

:-مره ومو الف رجال لا مره مره كول وفعل مثل مازفيته بيدك حزفها بيدي واوكف هاي وكفتك وهم اضحك

:-وحگ كلام الله

:-بس لاتحلف حتى لاتدفع كفاره

ضغط على سنونه ودفع غيث راد يجيني كمشه وضحك كله موكلتلك تفرها بيك

-:-وروح اخوي چيله براسك وبراسها غيث اگضب حرمتك لابالقران مايكف  بعيني لاعم  ولااهل

:-ابليس اذا خله شغله براسو ينفذها مايحسب لجهنم معياد عجل يخوي لان ماتنگضب

اندارلي كال واني شنو راح تكون عقوبتي

:-اخذته ليگدام جانت تتوسل حتى ارحمها ماتت وهيه تبوس ابادي اخلي جود يطلعها من السياره تعرف شكلتلها

سكتت باوعلي عاكد حاجبه

عضيت شفتي اتقربت يمه همست كلتلها النومه جوه التراب تلوكلج اكثر من حضن غيث

:-كلمتي انكتمي

:-لبالك اجذب لعد روح لجود خلي يگلك وهو يسمعها اشلون  تتوسل وتصيح ناي بس  اتريد الصدك كسرت كلبي من بجت وكمشت ايد كرم اتكله لاتخليني اموت اخاف ماعرف من اجتني قوه الكلب وجريت كرم عنها تركتها مثل الطفل الماخذين امه وشامري بغرفه ظلمه اكيد مار عليك هالشعور

دفع اركان بحركه لزكه بالميز واجاني ضميت وجهي بسرعه

كمش  راسي بثنين اديه رفعه واركان يجر بس يتوسل يتركني صاح وخررررر مااطكهاااا

دنگ همس يم اذني تذكرين امي تاتوجعيني بس ماعرفتي لعبتي يه اخسه بشر زاتتو الكاع مجان هاي جلمتج راح اوجع بضعاف

انفتحت الباب دخلت سماهر وام اركان  تركني كمشته من قميصه گلتله مو عاشق غيث هذا ابنك

دفعني وراح للكنتور طلع سلاحه خلاه بضهره ولبس الجاكيته

رجعت لفرشتي كعدت كامشتني الرجفه

سماهر اتهلهل وام اركان اطش جكليت وهم اتهلهل عدله الجاكيه اركان.

طلعوا لميت رجليه  دقايق ورجع دخل راح للكنتور ناسي مفتاحه  قفله واخذه  وكف يم المرايه مشط شعره عدله

:- ذكريني اذا ناقصني شي

:-الله ياخذك

:-اجلي دعائج لباجر اليوم عريس

:-الله يحرگ گلبك مثل مداتسوي بيه

:-لاه لاه الشغل الصح بعدو بليل لاتستعجلين على رزقج

نزلت دموعي همست غيث لاتتزوج  والله مااگدر اشوفك كدامي

:-اضعف بشر دحكتو بحياتي انتي عجل وين الكره والحقد التحجين عنهن

:-مستعده اسامحك على كلشي اتسوي بيه بس لاتكسرني وتتزوج

اجه يمي گعد وخر شعري عن وجهي دنگ باسني همس اخليها اليوم بحضني واشم عطرها الراح يدوخني

:-ماتسويها

:-ترفه وناعمه خايف ماسيطر على لهفتي واذيها

:-كافي  غيث

:-انيمها على صدري وكسر اضلوعها بحضني اسهر وياها للفجر اهمس بذنها بهدوء  لمن  امتلكها بالكامل

سديت ايدي وضربته بكل قوتي بصدره كمش ايده سحبها باسها 

:- نامي براحه كام طلع سد الباب

خليت راسي عالمخده لميت رجليه لحضني

جسمي يرجف ماسيطر على نفسي احس ياكلني حضنت روحي وغمضت ناي اتحملي لاتاخذين جرعه

مااگدر داموت

گعدت  افرك بصدري گلبي يوجعني

وخرت الغطه كمت للحمام دخلت فتحت البوري مي بارد خليت راسي جوه اريد يبرد ماوخرته لمن خنگني المي

رفعته ينزل المي  على ملابسي عصرته وكمت اروح واجي بالحمام اردد ناي انتي قويه

ناي اتحملي

اخوج راح وكدرتي توكفين

طلعي من راسج

اي اتگدرين

سمعت صوت صعدتهم وصوت الهلال رحت ركضت للباب فتحتها ردت افتحها مانطتني نفسي اكسرها اكثر

دنكت من فتحت الباب اشوفه كدامي بين ابو اركان

واركان والولد ورا يكفلوله والنسوان تهلهل تطش جكليت يزفوا

دخل للغرفه  هلهلت سماهر

كعدت وره الباب واني اسمع سد الباب عليه

عضيت ايدي حيل اكتم خنكتي بيها

نمت بالگاع غمضت غيث ماتسويها انت وعدتني انت كلت مالمس غيرج

لاتلمسها غيث اموت والله

لاغيث موگدامي يمه تعالي مره وحده حسي بيه ولج يما داموتتت

ولك عاشق انكسرت يخويه وجع گلبي

تعال لخيتك شوفها وين

خلاني احبه وغدر بيه

جنت تكلي لاتبجين انتي قويه  بس ماأگدر نار يخويه نار تاكل بيه

گعدت ماعرف شسوي بس كمشت راسي عصرته رجعت خليته عالباب واحسب ويه الساعه هسه يطلع ويگول مارجعت بحجابتي الج هسه يطلع

نص ساعه احس روحي نهدت واسمع فتح الباب وصوت الهلال صار وراها ضرب

ضمت وجهي هاي هيه غيث انت الحكمت نرجع نفترق

انفتحت الباب جنت وراها وخرت كمت دخل شافني ضحك

ماشفت غير اشيل المزهريه وشمرها عليه اجت براسه

رجعت عالكرسي شلته وضربته بصدره كمشها اخذه مني

صرخت اطلع

رجع الكرسي واتقدم عض شفته همس انفاسها ناعمه وهادئه

:-ااااطلعععععع

:-بس تسبح وارجعلها كالها وغمز

ضغطت على سنوني شلت الطابوريه ضربتها بالجام مال الميز صارت طشار

كمشني كمت اصرخ الصوت يطلع من كلبي دخلوا على صوتي اركان وسماهر

اجه سحب غيث وخره عني لباله يريد يضربني بس حررني ركضت للكرسي رگعته بي

راد اركان يكمشني ضربته  جره حيل اخذه من ايدي

انداريت للميز جريت سيت الغراض شلت شمرته على غيث اجت بمتنه ولاتحرك ضل واكف متجتف حركني بالزايد

بعد ماشوف كمت اشيل بالعطور  و اضربه بي اجت وحده بالجام مال الكنتور فلشتها

جريت الجراره طلعتها هيه وغراضها شمرتها عليه بس حمه وجهه

اركان. :- كافيييي ووولج

غيث.:- ابن الكلب لاتصرخ عليها

كالها و جرني عصرني بحضنه

:- كافي راح تموتين

:-وخرررررررر

:-كافيييي يولي

:-والله اذبحك اتركني غيييييث

طوق اديه دنكت على ايده عضيتها بكل قوتي لمن دمه اجه بسنوني وطبگ جلد عالجلد

سماهر:-. عرامه بالقران  ومنطيها مجال طگها خلي تهجب وتركع فضحتنا

:-طلعوا وسد الباب

:-اتركها يطبها مرض رد لحرمتك اني يمها

:-سمااااهررر طلعي

سحبها اركان طلعوا وسدو الباب احس روحي راحت بهتت وخرت اديه على كيفي وكعدت يم الجربايه ضميت وجهي اتنفس عالسريع

كعد كدامي

:-وجعج كلبج

:--الله ياخذك وداعت ابني راح اندمك

:-للاسف ماتحلگين

:-وروح عاشق وداعت كل يوم نمت بي واني مخشوشه بحضنك راح اخليك تعض اصابعك ندم

:-تدرين عش جيت لهينا

:-لان قذر  وحيوان لبالك راح يرف گلبي من تسوي هيج والكفل زينب  اذا ماخليتك توكف تتوسل بس حتى ارحمك ماطلع بت ابوي وهذا ابنك راح اخلي حسره بكلبك

:- خلينه ندحگ اذا كلامج صدك وضلين گد جلمتج

:-غيث اذا قربتلي اكتل نفسي

ضحك وكمشني كومني ويا  ردت اصرخ سد حلكي وشالني خلاني عالجربايه صار عليه ارد ادفع ماكدرله طاقتي خلصت

باوعتله بتوسل خله راسه برگبي كمت ارفس طوق رجليه برجليه ايده اتجردني من ملابسي ويفتر على جسمي يبوسني بلهفه

بجيت رفع راسه

:- شتكولين الجمع بين الاثنين شيكون الاحساس

هزيت راسي لااا

گز على سنونه وهمس خليني اجرب حتى اگدر احكم

رجع يبوس وخر ايده صرخت اخذ شفايفي بين اسنونه

ابشع شعور جنت احس بي من اذكر بحضنها جان وجايني 

لمساته يبطأها ويستمتع بيها واني اتمنى الموت وندعي مايسويها

لمن تقربلي احسه زرع سجينه بكلبي بعد ماقاومت تركته اخذ اليريده  مثل ماجان رايده

وخر لميت جريت الغطه لفيت روحي وحضنت رجليه  مغمضه كارهه روحي

اخذ ملابسه للحمام سبح وطلع بالبنطلون  راح للكنتور فتحها طلع ثنين مسدسات

راد يخليهن عالميز وبطل دنگ شال الكوشه زاح الكزاز وخلاها شال واحد وكف يعبي طلق

:-اريد جرعه

:-هذه الكنتور مفتوح ورقم القاصه مواليدج انتي وابنج  عود دونيهن بعلقج لاتستغبين وتنسين

:-بي جرعه لو هم ناوي تذلني

:-بي  اوراق املاك هالعائله بكبرها بي  ملفات تجيب روسهم من صغيرهم لجبيرهم

:-هاي الوراق الوسخه اتخصكم اني رايده جرعه

:-كل ورقه تكتملج وتزينلج اكبر شارب وبدل الجرعه التاخذها تكدرين تجبرين عدوج ياخذها بس حتى اترحمي

:-ماعندي عدو غيرك

:-خلي ايدج على كلبج شتهجسين بس بروح اخيج لاتجذبين

:- وروح عاشق  مابي شي خالي بس الكره الك

:-باوعلي بالمرايه وضحك

:- مااريد ابرء نفسي لان انت بعد متهمني بس خلي اگلك شي شوف كل هالعذاب العيشتني بي لخاطر ثارها اني مالي ذنب بموتتها ولاجنت اكرها  رغم هيه الي باعتني اله

اباوعله الضحكه بلحظه اختفت رفع  راسه باوع لعيوني مثل اليقراني

:-لخاطر جرعه ماكو ارخص من هالشي

صفن كأنما يردني اجذب السمعه باوعتله بكسره واشرت اي 

سحب اقسام واجه يمشي كوه جسمه يرجف وصل يمي انتجه گعد بصعوبه مد ايده وخر شعري عن وجهي همس بترجي

:- ناي لاتجذبين هيج جذبه

:-ماجذب وداعت عاشق

عصر نفسه وغمض

:-جنت رايحه وياها لشقه غيداء لان هيه الي اشترتني منها

فتح عيونه حجه برجفه ماتت قبل لاتوصلج

:-والله ماكتلها  ردت بس تنطيني حبايه بس هيه مارضت اخذته من ايدي ماعرف اشلون عضيتها كلتها  وشهكت

شمر السلاح واخذني لحضنه ضغط عليه احس برجفه جسمه

:-جان كتلتلج جان هسه ميته بديه

:-كتلتني من شويه

:-دخيل ربي رحمتك  دخيلك يارررب

وخرت منه خله راسه عالمخده شفايفه بيض ويرجف يفرگ براسه غمض

:-جبان

فتح عيونه

:-اي جبان  ماگدرت تكتلني ردت تضرب روحك 

:-موبس جبان يتيم بعدج وعقيم المشاعر لغيرج

:-موتتني واني عايشه

غمض

:- ولو مارادمتنا سياره جان هسه من حضن لحظن افتر

:-كافيييييييي كافيي

:-بس كلام وشوف حالتك

كام دفعني وخر من الفرشه دنك شال السلاح شمره الميز وكعد خله راسه بين ادي

لفيت روحي اخذت ملابسي رحت للحمام دخلت وسديت الباب شمرت ملابسي دخلت جوه الدوش امسح بقذارته على جسمي حيل املخ بضافيري حيل

ملخت جسمي مارتاحيت لمن كام يحركني

سديت البوري رحت للباب جريت الخاولي دانشوف واسمع باب الغرفه اندكت وانفتحت صوت سماهر وهيه اتكله صدگ تحجي يخوي

:-خير شكو بعد

:-من الصبح لايجه نفسي غيث مريض انت كول خلي افتهم

:-شتكولين انتي

:-لالبالك جاهله وتضحك عليه بهالشي العطيتنيا تره سكتت بس حتى لافشلك جدام العالم وضميتو

:-والمطلوب؟؟

-:تكوم لحرمتك تره امها هم عرفت وراح تكول لابوها فهمني  شنو الگاعد تعملو

:-سماهر طلعي

:-ياع شبلاك يخوي

ماسمعتله صوت بس سمعت الباب انركع

لبست وطلعت لكيت سماهر وجهه مطعون شافتني گالت:-عرفت والله انتي وره المصيبه  وين والله ياخذج

مارديت لفيت شعري ورجعت لفراشي جريت الغطه تغطيت ونمت من التعب عيني اخذت بالنوم بسرعه كعدت على نفس بركبتي ردت اوخره كمش اديه وخله راسه على صدري

تركته لان مابيه حتى اتحرك رجعت نمت كعدنه على صوت ضرب بالباب حيل فتحت عيوني لكيت روحي داخله بنص حضنه دفيانه

عصرني ودنگ باسني من ركبتي كام

راح فتح الباب سماهر وام اركان واكفات

سماهر:- ابوي يريدك جوه

:-بيش الساعه

:-حگك تسأل اذا حرمتك مفلشه الدنيا

:-الولد اجوا

:-من الفجر ومناطريك جوه

:-خلي اسماء  تجي تنظف الغرفه

:-عجل حرمتك شبيها لاتكول مريضه ومابيها حيل التجسر هاي كلها  وتنام بحضنك للصبح بيها تكف البيت على كبره

:-سماهر يخوي لاتجبريني اتجاوز بحگج وزعلج الجلمه الي اگولها ماعيدها كثر كلام ماوراه بس  المغثه وين اسمااااء

:- يمااا يمااا يبو على حظها بس لاتريدها تجي تنضفلك غرفتك وهي عروس

ام اركان :-. يم جدتها كاعده سوده عليه للصبح مانامت دمعتها على خدها

:-ابن الحرمه مارد

:-الحرمه ثبت رجولتو بثنين

:-هههههه قصدج الزمال دحگي يولي كثر كلام ماني فارغلو جلمه والثانيه اطرج بالنص ناي ماتوصلين يمها ولاتسمعيها نص جلمه سمعتييي

:-ياع واني شكو

:- ماكو مداس تك فرده لابد صاحبه مرافجو بكل خطوه  راسج هذا اعرف شيدور بي لاتلعبين بعداد عمرج بعدي عني الف ميل لغاد

عفست وجهه وطلعت كالتله سماهر واني يخوي هم انطرد

:-هذا الشي تحددو صاحب المجان

:-منهو قصدك ؟؟

:-بعدي عن طريجي يله

اخذ قميصه وطلعوا

كمت ابسرعه غسلت وجهي وفرجت سنوني مشطت وشلته ليفوگ

غيرت ملابسي  احس بطاقه كلش جبيره ماعرف شنو ينطيني من فيتامينات هيج رجعت صحتي بسرعه

فتحت الباب صار كدامي غيث واكف يم اسماء يهدد وهيه تبجي بنفس الوقت  تريد تاكله شافني كال وين

:-بس انزل شويه

:-وشعدج نازله

:-اختنكت جوه تره صار كم اسبوع محبوسه

:-ردي جوه

كالها ورد غير طريقه كلامه ويه اسماء يحجي بهدوء وهيه ضحكت 

رجعت للغرفه دخل ركعت الباب صار كدامي المفتاح ناسي رحت  راكضت للكنتور فتحته لكيت القاصه دكيت الارقام انفتحت اكو مسدسات اثنين وكومه اوراق ويمهن شريط حب استوني امد ايدي اخذ الشريط انفتحت الباب ودخل يركض كمش ايدي وبعد المسدس

:- تره جنت اريد اخذ مهدأ

:-اشش صوتج ماسمعو الضاهر انتي عگلج طار

:- وخر تعبانه اريد انام

مارد جرني من ايدي فتح الباب ونزلني ادفع وصلنه لغرفه فتحها دفعني بيها جانت بيبي بدعه گاعده والبنات كالت هايجده فرجت عنها

:-سماهر من اشوكت كلت نظفوا الغرفه

جده. :-يمصگوعه بس لا هم انتحرت

:-ماطول خلت الشغله براسها ماراح اتفك كضبيها يمج بين ماينظفن الغرفه تااربطها

دفعني على بيبي كمشتني دفعت ايدها وگعدت وحدي لميت رجليه

طلع هو استلمتني ام اركان  موكلتلكم عگلها تحرك من مجانو من ذاك اليوم سمعتها تحجي  ويه احد

جده :-. تاركين العگل الج ولختج انكتمي  لاكوم اكتمج بالجيره

:-عمه

:-انجعلج بالمرض المامنو شفه جلمه ثانيه وانده غيث اخلو يصفج بصف اختج تاتلدغن بعض بلكي يخف سمجن

:-ضلوا دافعوا عنها مو اتكول هيه الي جانت مهزومه وطينت روسكم موش بعيده بعد كم يوم يردها لحضنو ولاتكول صاير شي

:-ذيج وينها المره الحوك باينه ام اركان  وراس ابني اذا گمت مارد لمن ادوس حلگج المابي بس النجاسه

:-عمه راضيتها انتي يعني اختي ماعملت شي بس نست ابن ريحانه غفله تكسروها وطگوها طكت موت وتزتوها حدر اخوي مطلكه وهاي بحضنكم

:-شرايده يااخسى ماخلق ربي  وبله ابني بجرتج الشوم

:-ردوه اختي تراها انذلت يم حرمة اخوي تعرفوا فقير على گد حالو وحرمتو مسمومه وبعدين اختي مالها ذنب كلنه غفله

:-كومي كولي هذا الحجي لغيث عش خاتله هينه تهترين بخوف جنج بريعصي لانفع ولامنفعه بس شكل مقزز

سكتت باوعتلي بيبي كالت تلكطه عليه يجده

لميت رجليه وباوعتلها بكره

:-يالكويه المعثره اسود  كلبج بس لاتدعين

:-ميدعي غير الضعيف والله  لجيب روسكم واحد واحد واخذ حقي

:-اي هسه المصكوعه  الي اعرفها

:-اريد ابني وينه

سماهر. :-ياابنج منيلج ابن

باوعتلها واخذ نفس كلبي يغلي بس سكتت لان ادري شيفكرون لازم اشتغل وياهم بعقل

علي نايم بالگاع يلعب وحده وام حمزه متمدده تباوعلي بكسره ابتسمت الها نزلت دمعتها تعرف شنو ظلمهم هالعائله وحاسه بكلبي

يسولفون مستمرات بالحجي دخلت هناء مرت عامر القديمه اجت يمي دنكت باستني وكعدت يمي كالت اشلونج

:-ابني وين

:-نايم بغرفه غيث الجديده

:-اريد اشوفه

:-ماترضه بدعه واحد يصل يمو  عليه حراسه اربعه وعشرين ساعه وهسه صعدت اسماء خلتها حدر رجليه وحلفت اذا صار بي خدش تفلع راسها

:-اتامن ابأسماء ومتامن بيه

:-عالم ظالمة راح تربي على الحقد والكره وتخلي نسخت اركان وغيث دحگي علي جدامج اشلون طارتو بالگاع انطي صبر كم يوم لابنج  بس يصير بي لحمه  ويقوه عودو  يلحكو

:-ليش هيج  دتسوي

:-تاتشيل الرحمه وتزرع مجانها الوجع اتخلهم يبجون لمن يسكتون من وحدهم وبس ينهضون اشويه وعينهم توعه اتزتهم بالظلمه لخاطر تموت اكلوبهم

:-وين زوجج

:-ماخذ سجى وهاج يم خالي نايم بحضن امو  غيث طالب راسو يخاف منو مايرد

:-هذا هم رجال وتردين اترديله نفسه مايكدر يحميها

:-اني بدون اهل طرگ امي وعايشه يم النسبان عندي اربع بنوات جربت رحت كم يوم خذوهن مني ماكدرت انتي ام وتحسين بالوجع

:-بس افرغلج اشويه واخلي يردلج زحف اذا ماحطمت هالعائله واطلع شكو ظلم من عيونهم

:-ماتكدريلهم دحگي هالعجيزه الجدامج كاضبه كل واحد من ركبتو ماتنطي مجال يسحب نفس اكثر من ماسامحتلو

هزيت راسي رديت حضنت رجليه

عيني بالطفل يبجي وسكت وحده محد بحاله ياشروله من بعيد تخزرهم بدعه  يتركو

كمت ردت اشيله كامت ام حمزه بسرعه اخذته اتفشلت

طلعت بره عرفتها خايفه لااذي صارت اسماء بالمطبخ كبالي يم سماهر شايله عاشق رحت بسرعه شافتي حضنته كالت بعدي لفاد

:-جيبي بس اشوفه شويه

:-غيث مايرضه

:-مالج شغل بي يتعارك وياي مووياج

:-عجل دجيبيلي السجينه ذيج خلي اسوي زلاطه واخذي شويه

ركضت للمجر مامصدكه راح اشيله طلعت السجينه اجيت اريد انطيها لكيتها طالعه بس اسماء شايله عاشق  بعدني ماشامرتها واسماء كامت اتصيح لحكونييييي غيييث الحكنيييي

وكفت متفاجاه

دخلوا على صوتها وغيث اجه يركض كال شكو

:-اكضبها بسرعه تريد تذبح شبل

باوعتله همست جذب

:-وروح اخوتي كالت اذبحو ماخلي الج

:-جذابه غيث والله

:-غيث دخيلك ودها مصح اخاف بالغفله وتذبحو

رفع حاجبه باوعلها بستهزاء

:-غيث كلت اذا صارلو خدش افلع راسج عجل ابعد هاي عنو

:-واني خالها بس لخاطر  تغفلين وتخدشو تاعلگج بالباب واصلخ جلدج

ام اركان.:- وعش اطگ هاي خو اربط الخبله وخلصنه من شرها

:-هينه يحرمة عمي جنج عالربط جيبي يولي السجينه

مديت ايدي اخذها  وشمرها بوجهه دنگت بسرعه تحمي نفسها 

كمش ايدي لزمتني الرجفه واني اشوفهم كلهم واكفين يباوعولي بنظرة كرهتني بروحي

عصرت ايد غيث  اخذني لحضنه وخله ايده الثانيه وره ضهري وسحبني ويا طلعني من المطبخ صعدنا الدرج فتح الغرفه دخلني راح للكنتور  فتحه

:- تره مومخبله  وماخذ مهدء بعد

:-راح اعطيج مهدأ بس بغير طريجه

:-مصدك اكتل ابني هاي بدل ماتاخذ حقي اتكلهم اربطها

مارد طلع ورق وحبر اجه يمي خلاهن عالميز وحضني من وراي خله راسه بركبتي

:-دائما خليج سابگه عدوج خطوه لخاطر ادرسينو عدل تاتعرفين اشلون تدوسين راسو وتكتمين نفسو

:-اشلون ادوس راسها

:-شنو اكثر شي تحبو ويوجع كلبها اذا فقدتو

:-انت وورثها

:-وذني بأيدج اثنينهن ونبهتج اكثر من مره بس مبين عگلج بعدو راكد

:-الملفات الي بالخزنه ؟؟ بس اني مااخذ شي مو الي ولابحال افلوسها

:-ماگلتلج اخذي بس فري الشغله بيها وبدل ماتهمج بالسوادين ثبتي خبالها جدام نفسها گبل اهلها

:-اشلون ؟

:-دحگي الراح اعملو تاتكملين من بعدي

باس ركبتي  وسحب الورق خلاهن كدامي وحده مزرعه بأسم اسماء والثانيه نفس المزرعه بس ابأسم على ابن شاهين

شگ ورقه اسماء وغط اصبعه بالحبر طبع ورقه علي

:-هاي كل ملك مسويلهن ورقتين هيج وتلعب بكيفك

:-واذا اختفت هالاوراق ينمحي كلشي الاملاك  تصير هبائآ منثورا

:-اشلون مأمن كل هالشي بهذه القاصه ومواليدنا معروفه

:- محد يعرف اليوم الي اجه بي عاشق غيرنه وهذا الشي الوحيد الراح يخلي الكل تحت امركم  مايگدرون يشهگون النفس بغير امرج

اندكت الباب وصوت سماهر تريد تدخل رجع كلشي لمكانه وقفل الخزنه شال الورق المگطع راح للحمام دخل

انفتحت الباب دخلت كالت وين غيث

:-بجهنم

:-شنهو شبيج يمه

:-تخسين اتشبهين روحج بامي

:-انضبي لج

:-ربي راح يطلعها بتج كل السويتي بيه حسبي الله نعم الوكيل حسبي الله ونعم الوكيل بيكم حسبي الله ونعم الوكيييييل

سحبني غيث اله حضني كال هدئي سماهر جيبي عاشق

:-صدك تحجي يخوي واكفه تدعي وتريد تجكتل الولد وتكول عاشق ياعاشق هذا

:-سمااااهر روحي جيبييييي

:-خلي اتذبحه مثل ساره وكتها عود هم كابل المكبره وابجي

:-اني الي اگابل موش انتي جيبي ابنهاااا

طلعت واني الدنيا بدت تفتر   غمضت واختل توازني كمشني بسرعه ودنگ شالني خلاني عالجربايه  طلع من الجرار حبايه خلاها بحلگي

كعد يمي مسح دموعي كال لاتبجين راح تجيبو

:-ماريده

:-عش يولي

:-ماريده غيث لاتجيبه  مره كرم كال خلي بعيد عنج هسه افتهمت ليش

:-ناي فتحي عيونج يبه

اريد افتح بس غصبا عني اغمض الدوه بده ياخذ مفعوله حسيته وهو يوخر شعري دنك باسني رحت بالنوم

كعدت على صوت صرخه وكفت كلبي الدنيا ليل كمزت عقلي وتفكيري كله يم عاشق

ماعرف اشلون فتحت الباب ونزلت اركض. لكيت الصوت جاي من غرفه بيبي دخلت صار عاشق كدامي بحضن سماهر واسماء يمها بس اثنينهن يبجن

اركان مدنگ وغيث يضحك يكلب بفونه مافهمت شكو لمن بيبي كالت مايرضون بغير فديه

ابو اركان:-.  لايمه ساعه اذا ماسلمناه يخشون يذبحون الكل كوه عطوني مهلة ساعه

:-وياهو الطالبي منهم

:-ماحددو عطونه الحريه بس لو اركان  لو راس غيث  ---

لبوة على شفا الثأر

                                       بقلمي:leo Alfatlawi

Ins:le_m3r

بارت التاسع والاربعون

***ناي***

گعدت على صوت صرخه وگف كلبي الدنيا ليل كمزت عقلي وتفكيري كله يم عاشق

ماعرف اشلون فتحت الباب ونزلت اركض.

لگيت الصوت جاي من غرفه بيبي دخلت صار عاشق گدامي بحضن سماهر واسماء يمها بس اثنينهن يبجن

اركان مدنگ وغيث يضحك يگلب بفونه مافهمت شكو لمن بيبي كالت مايرضون بغير فديه

ابو اركان.:-  لايمه ساعه اذا ماسلمناه يخشون يذبحون الكل گوه عطوني مهله ساعه

:-وياهو الطالبي منهم

:-ماحددوا عطونه الحريه بس لو اركان  لو راس غيث

:-عجل هاي الازلام كلها ماتارسه عينهم اله ذوله

:-اخذنه اثنين زلام منهم الطالبي مجانهم ابو حمزه سندو شيخ عشيره ال---- وكاللهم اخذو غيرو هاي جدامكم ولدنا لان ابو حمزه ولدو اثنينهم راحوا ماضل لهل بيتو غيرو

:-عجل خلهم يدخلون يصفون البيت ماعطيهم ولدي

:-البيت متورس حريم وجهال يمه كولي يالله

:-عجل تريدني انطي ترباتي وتعبي للموت ماكفاكم دفنتو شاهين واخو

:- واني عطيت اركان ونتهت الشغله

:-ولك تسودنت

:-لخاطر عين تهون الف عين هاي الجهال تارسه البيت يعوضونه وغيث گاضب حلانا والشغل ماگدر افرط بي وهم عندو عائله وجاهل

غيث. :- شاهين فداني بروحو وصار وكت اردلو الدين موش انطي اخوي الثاني  بس اصفي اموري واني الرايحلهم برجولي

بيبي.:- وجاهلك يجده يضل عينو وراك

:-البركه بيج جده حسبي مجاني

:-هيج يغيث ربيتك وردتك تشيل اجنازتي تريدني اشيل اجنازتك

:-شبل يعوض مجاني جده مشاعري معوقه وفري كلامج بروح جدج

ابو حمزه:-. هاي هيه همه طلبوا واحنه عطينه كافي الدم الجره ياخذون غيث وفضت الشغله

غيث :- اي عمي عاد اتسويلي فاتحه  لو اتزتني والله المستعان

:-عش يابه زاتين ولدنا من گبل

:-رب اليزت  حرمه بنص الشارع وهي لاحول ولاقوه يصعب عليه زلمه

:-بت مامتربايه  واهلها نواقيص شامرين لحمهم لاواحد اجه سأل ولاعتبوا هاي هم حاسبيها بشر

:-والماعندو اهل تنهشو لو تسندو

:-التدخل باحترام وتصون اهلها هذه تتخلى عالراس والي تنهزم من اهلها وتوطي راسهم هاي تنداس

دخلت كتله جان دست بتك وخليتلك احترام لروحك من اجيت خربت بيتي وزوجتها لزوجي

:-انكتمي لاگوم ادوس راسج

:-اختي من اجت وطلبت حمايتكم لبالها صدك زلم وراح توكفولها بس للاسف اجت للمكان الغلط الي خايف ويتختل من الموت ودز شباب يسدون مكانه مو بس هيج يجي يطلع منك اكثر وحقك

قاطعني عمي ابو اركان كال كافيي يبه

:-ليش اتضوجون من كلمه الحق شمرتوها لولا

طعنتوا بشرفي لولا خربتوا بيوتنا وعمرتوا بيوت بناتكم لولا لبالكم هاي رجوله من تستقون على بنات

ابو حمزه:-. غيييث اذا ماتكوم اطگها ادوس جهامتها بقندرتي

غيث. :-والزلمه گول وفعل يعمي 

:-روحي يبه خشي جوه ماريد اوسخ ايدي بوحده بدون اهل تربيه شوارع

:-لاتكول يبه الصراحه مااتشرف بيك  وماعاش الي يمد ايده عليه

:-لاانتي الضاهر ماتسكتين لمن تنداسين

:-بس جرب وشوف اشلون ادو…

مالحكت اكمل كام غيث وسد حلكي وسحبني طلعني ضربته ودفعته عصر حلكي ودنگ شالني صعدني للغرفه دخلني نزلني كلتله هاي كل قوتك

:-لاالمفروض اخلج تاخذيلج كف منو شخليتي بي يولي  دمرتي شخصيتو وتفلتي برجولتو

:-ماسمعتتتته اشلون يهينيييييي غيييث والقران اذبحه تعرف شنوووو اذبحه اذا جاب طاري اهلي

:-بس صبري اموت وذبحي اليعجبج  طلعي عاشق والباقي حلال عليج

:- بس والله كسرت خاطري عرست حتى تكسرني  بس ربي ردها بيك شتحس بالله من طلبوا دمك

:-الحگ روحي غادي اكمل وياها

:-بجهنم اثنينكم

:-خليني اشبعج من جهنم الدنيا وهينه الاخره

:-شراح تكول لعاشق من يسألك شسويت باختي

:-التستحقه واقل  للاسف جنت محضر جثير بس الحظ ااخ اشلون يلعب وياج

:-بس من شفتك مااعرف ليش غدر بيه

ضحك واخذ نفس مال واحد الحسره خانكته

راح طلع اسمع نزلته عالدرج

رجعت گعدت عالجربايه كمشت راسي هنا ايقنت اني مشؤومه كل الادخل حياته يفقدها

راح يموت اخر دكات كلبي

بس غيث مايستسلم بسهوله ولايتركني ورا وهو يعرف ماعندي غيره حتى ابنه بعده ماشبع منه

هزيت راسي لاحتى لو اكرهه بس مااتمناله الموت بعده صغير ونجرح وجعه گلبه  بمعرفتي هواي

اقنعه ناخذ ابنا ونروح لتركيا خلي الباقين يموتون يطبهم مرض ماريد ابني يعيد معاناتي نفسها

اتمددت بالفراش اسمع صوت بجيت طفل گلبي رف صوت علي هذا اليتيم هيج حالته يصير ينداس بدون رحمه

مرت ربع  ساعه الطفل يبجي ياخذله شويه ويسكت ويرجع يبجي كسر كلبي

كمت للحمام غسلت وجهي شلت شعري وطلعت نزلت لكيتهم بعدهم يحجون بالغرفه وهو بالصاله مشمور ام حمزه على جهه نايمه تباوعله ودموعها ويا تنزل ماتگدر اتگوم مريضه

رحت يمه شلته رادت تكوم  شافتني گعدت گدامها خليته على متني حضنته وبسته كلتله ليش تبجي يعمري

برطم

:-يمه فدوه يرحولك جدك وعشيرتك تبجي جوعان يبن شاهين

:-بابابا

:-اوووي فدوه للبابا گول ماما دااسمعها منك يروحي

فرگ عيونه رجعته بحضني واخذت نفس طويل منه همست بأذنه انت الي راح اخذك انت وعاشق اربيكم سوه

ضحك بصوت باوعتله وضحكت على ضحكته فززني غيث كال شنهو كلتيلو  وضحك

:-دابشره بالجنه الراح يدخللها عمه الشهيد

:-اهاا بس يروح الشهيد دوريلج مجان جديد هالمره 

باوعتله غمزلي وراح

:-عزه بعينه هذا عمك شيطان متنكر اشلون سمعنا

خله راسه بصدري يدور دفو وحنان  اخذ روحي كمت رحت للمطبخ وام حمزه عينها بيه ماهتميتلها كل عقلهم يقون گلب الطفل بالبجي وبنون عظه بالجوع

سويتله ممه رجعت يمها گعدت حضنته ورضعته اباوعله اشلون يشرب بشرهه واضحك مثل امه تحب الاكل

مااگدر كل ثانيه ابوسه من خده لمن نام

طلعت اسماء وسماهر شايله عاشق كالت  هاي نطمر المجلوب بس شكلو مرتاح

ام اركان:-. هههههههه يتامه يفهمون على بعض

:-الطيور على اشكالها تقع يمه شبل روح عمتك جعت

:-اشعجب عمتي  خلتو بيدج

:- بس اغيرلو واردو مناطرتني

:-عجل روحي  غيريلو وسويلو ممه وعينج بي هذا الراح يگضب مجان ابو

اسماء. :- لاابوي كال راح انمشي من جديد وناخذ شيوخ وساده بلكي بعطونه عطوه

:-اي والله سوده عليه هسه موش لخاطر شي هو شبع وطلعت من عينه الدنيا بس انتي عروس ماتهنيتي

:-لاحكه اتهني وخلص عمري بحضنو وترس البيت جهال

ام حمزه. :- هه معروفه من زفو بهاي الغرفه وصبح بالغرفه اليمها ؛وماخذ حگ بس گضبت ايدج  اطراك على وجهو هو والزفو

:-اليوم گال اعوضج والبارحه اني كلتله لان تعبني كلش ردت ارتاح وتعرفي خو مارادلو شهود كلو نشاط وتعرفوا مايمل للصبح

:-باين من علامتج ونزلت ناي سابحه مجانج

:-يممممه

:-ومرض بنص افادج انجعل بالذل اكثر من الانتي بي كونو يسحك راسج وخليج تخدمين جوه رجلها ولو مبينه هذا الصار من دحكت صباحيه عرسج تغسلين بملابسهم  المتنهنين بيها

:-انتي عشش تكرهيني هيج تره اني بنتج موش نااااي

:-لان اعرفج دمج نجس وكلبج اسود وعاطله والي تحشي براسج مارايده مصلحتج بگد ماناويه اذيت الباگين

سماهر. :-شقصدج يعمه

:-مااقصد يعمه بس لاتبنين احلامج عالهوا تراها مبين منهو راعيه المجان

:-المجان مايگضبو غير  الي التربه بي

:-وجت التربيكم تربات السبع تذكرين اول يوم دحگها بي اجه شكال

:-ماذكر واصلاً ماگال اني الجبتها وجبرتو يتزوج

:-وهمي روحج موش غيث الينجبر بس راد يدگ كلبها لخاطر توافگ تعيش ويا وتتحمل مكرجن وتذكرين موش ناسيه يبت رضيه من يضل للصبح مساهر بالمزرعه تارك حتى شغلو بس يخابر ويراقب بيها خايف تنخدش

:-موش لخاطرها جان يخابر وجاتل روحه على ساره

:-منهو هاي الجانت تتصل بيج بالساعات تبجي وتكلج بعد حتى مايگربلي لو التترجاج بس حتى تعلمها اشلون تكيدلها مصيبه لخاطر غيث يرد يدحگ بجهرتها

:-منيلج هالحجي بعد علي صوتج بلكي يسمع والبت ماتت الله يرحمها وخويي  موجوع لاتجيبن طاريها وتذكري ماعونه يرد طبيعي

:-لوذاكرها ماجاب جتالتها ونيمها بحضنو ولايجازف بنص اليالي ويعرف بيها موتو بس يعاند ويطلع ويه طر الفجر يتزنح بين الطالبين راسو  تايجيب مهدء  ومايخلها تتعذب بالعلاج

:-تراه موش مهدء جان يعطيها سم وهاي جدامج اذا اتاخر دقيقه تتخبل تگوم تجتل اليصل يمها بدون شعور

:-التخبل اخيج موش ناي روحي دحگي شيعمل من وراكم وعش رضه يتزوج هذا اذا الشيخ الجايبو مرخوص وعقدو صح

اسماء.:- وعش يعمل كل هذا اشبيج انتييي هاااا شبيج

:-لخاطر يرد البت لصحتها ويخلها تگف على رجليها استعملج حشره وضحى بيج مثل اي حيوان سام وانتي الرضيتها على روحج

:- موتي بقهرج وكل الگلتي هذا من خيالج راح نعقد محكمه وشبل راح يسجلو بأسمي

:-مهرج اشكد يمه تعرفي

:-اني كلتلو يكفي كتاب الله لان ماخذه ازلمه موش جاهل وادور مهر وراه

:-عجل موش نفسو الازلمه الي ماخذتو ناي اشو كاتبلها مهر يسد عين الشمس ويكسر ظهر اقوى ازلمه لو فكرت تطلگ

:-من هيج خالها مايكدر يطلكها زاتها بينه يذل بيها

:-الي يگدر يشري بيت بذاك الحساب ويسجلو باسمها  بس لخاطر ترد ضحكتها مايگدر يدفع مهر الف رحمه على روحك يشاهين جان  يگول كلها عشگت بس غيث اتلبست روحه تمرض بالعشگ

:-شاهين جان يهتر وحدو

:-انعجل لسانج بالبتر هذا اخيج هيج تحجين عجل شخليتي للعدو ربي يراويني بيج يوم اوووف يغيث هسه عرفت عش اصريت  تاخذها وتذلها اثاري مربي هالبيت على ايدك وتعرف مگدار كل وحده

:-مگداري من مگدارو اني حرمة جبير احفاد بدعه السبع وام جهالو بس خلي يفصلون دحگي اشلون راح يخليني على روس الكل

:-روحي احجي هالحجي يم جدتج بدعه تادوس فجج بمداسها وتعلمج مگامج شنهو

سماهر. :- عمه اشبيج صدك تحجين هاي بدل ماتوكفين ويانه واحنه اهل عزوتج دافعين على هاي بس هين اعرف ملت راسج وماضل جثير قبل لايمشون ويفصلون ابوي شرط يطلك ناي ويزتها بالشارع وشبل يسجلو باسم اسماء

:-عش افلوس بدعه گليله ومناطره من ابوج يدفع مجانها

:-لاطالبين ديه بنص املاكنه من غير حگ القانون وعمامي مارضوا يتنازلون اذا ماغيث يضمن الحلال الباقي مايروح للغريبه ويعمل الطلبوا منو

:-غيث مايعملها

:-لاابشرج رضه وراح هو واركان يحضرون الاوراق لخاطر يسجل شبل وقبل لايسلمون الديه يطلگ ناي ويزتها بالشارع لو بكيفو يلحگ شاهين وهم الحلال يضل النه وشبل ابحضنه والبت بدل ماتنزت  يضيع خبرها

اباوع لام حمزه رجعت راسها عالمخده تاكل بشفتها مبين انغثت حيل 

ضحكن ودارن وجهن راحن لغرفة اسماء يرضعن عاشق الي لسه روحي بي واتمنى اشتم ريحته وخايفه صدگ اروح واضل بحسرته

نيمت الطفل يم ام حمزه وغطيته كالت ربي ينول الي ابالج

:-ماضل هواي خاله

:-لاتلعبين بالنار ييمه كافي

:-مااخلي ايدي بشغله اذا مااكون گدها وهذا ابني حاله حال عاشق لاتخلين بالج ورا

:-اوووف ياهضيمه هالشباب تروح جوه التراب  وذوله هم محدد مصيرهم هم يكبرون وتاخذهم نفس المگبره

:-بدعه ليش هامله علي ومامهتمه اله

:-ماهاملتو هذا ابن شاهين يعني اعز من روحها گبل لايجي عاشق جان ماينزل الگاع بس كبر وامنت عليه زتتو بالگاع لخاطر صدرو يوسع ويگوه اكثر

:-يعني عاشق هم بس يكبر نفس الشي

:-كل وليداتنا هيج تربوا-  انشبعو لحد ماتنبت لحمتو  ويمر كم شهر بس يبلش ينتبه انزتو لان الگاع تربي  وتسند العظم اكثر من حضن الام 

سكتت عالم مترسخ الغلط والظلم بعقلهم  من هيج مابيهم واحد عنده رحمه لان همه فاقديها من ولادتهم

تركتها تمشي ايدها على راسه وگمت  طلعت بره للحديقه لكيت المكان داير مدايره متروس حرس بس عبر السياج مايشوفونه بس احنه انشوفهم

الاهل كلهم كاعدين   حتى بيبي  شافتني كالت ها يالصگعه جيتي

:- ها بدعه خلص النسل مالتج صفيتي بطرگ اركان وهم ماخذله وحده اكبر منج مامنه جهال

:-خافي على نسلج مالج شغل بيه هذا ابني اعرسو وغيث عندو جاهل وهم كم يوم وحرمتو تحبل اذا موش حامل

كح اركان ردت ومرض شبلاك تكح

اركان :-العفو جده نسيت ممنوع

:- انجعلك بالمرض الماتگوم منو وانت يالسبع شعملت

جان مدنك عالفون شال راسه كالها شنهو جده موراح اموت بعد لاتشغليني

:-غييث اريد جاهل گبل لاتولي

:-عجل عاشق شنهو زمال

:-همم عاشق لاواضح تاركو النه

:-اني زلمه ميت مالي شغل مشاكلكم اتفارسن انتي ولبوتي والذيبه منجن تهزم الثانيه وتطلع برايها 

:-غيث جده لاتفر السالفه طلبت سند لوليدك  دخلتنا بالمكان عش يجده

:-ابعون الله حسبي ٩اشهر اذا موش سبعه مثل اخو ويشرف وروح اخوتي الراحوا

:-غيث

:-عيونو امريني يالجبيره

:-مايامر عليك ظالم ويجعلك بكل خطوه راحه وبخت يجده لاتجذب عليه علمتك العرمه هالصنعه

رفع جاجبه

:-اي بس اذكرك يجده وراك حساب ماضلك جثير لاتحمل ذنب الجذب

:-ذمه وماتحمل الجذب انعل اصلها لاجده ماجذب وروح هلي وهم لاتكدرين حالج اليوم باليل أكدلج عالجاهل تايجون توم مثل القبلهم لان اعرف الخبله ماتركد لازم اخلي واحد حتياط

:-نتبع الجذاب لعتبة الدار بس اذا گضبناه ماشي اعوج انطرو بالنص

اشر على ركبته ودنگ يباوع بفونه همس اركان اني اشوف  تاخذ چفنك وتروح من هسه لاهل ابو جاسم افضل

:-هاي هينه يخوي اذا عرفت المصخمو تنكثني من تربتي وتهفني كله شرط اتردني للحياه بس تاتتفل بوجهي

بيبي:-. شتهترون ولكم

اجت اسماء و سماهر  بيدها عاشق  اخذه من ايدها يبوس بي واسماء گعدت يمه

بدعه.:-  موش وياكم ارررررركان

غيث. :-جده كلتلو اسماء عاصمه كلبي وام جهالي عينك بيها

ضحكت اسماء وباوعتلي بشماته

اركان. :- يالفطيره بعد اكو ١٧محافظه محتلتو

غيث.:- العاصمه تسد عالكل

:-واني اترخص طگ البارحه لسه ياكل براسي

:-اكعد شحدها توصلك اني بضهرك يخوي

:-اني اگول كوم وياي ولاتضل اتهوبز جثير العيون اتحولت

:-يول خلك ازلمه

كمت ردت اشوف علي  طفروا اثنينهم هزت ايدها بيبي كالت لازلام بالقران

غيث.:- شبييج جده شبيج نريد اندحگ اذا جانه احد

:-اي اكضب اخيك عدل لاينسطر على وجهو لومربيه اجلاب مجانكم افضل

:-اهااا جلاب لاجده جبيره بحكنه هاي

:-لاوالله ظلمت الجلب بيكم  اتفوو على شواربكم عبنها نص متر ساحگه بيهن 

تركتم يبررون هيه تغلط  ورحت ليجوه صدك لكيته كاعد

صارت روحي بي رحت يمه ضربت باصابيعي مثل ماجان يسويلي عاشق شفته متضايق

:-عمه هذا يمكن متضايق من حفاظته

:-تعرفين تغيريها

:-تره اني امه لعاشق اول الايام اني جنت اهتم بي

:-ربي يرده لحضنج ويسر عينج بي

:-عسى ان تكرهو شي وهو خير لكم يمكن جابني ربي حتى علي يصير كدامي

:- يتيم ييمه واني مريضه مااگدر اكوم  وهاي جدام عينج الكل ملتهي بنفسه محد فارغله. واني تسگطت

:-بس يموت غيث عاشق يصير نفس المصير المهم وين حفاظته

اشرتلي عالجنطه گمت جبتها بيها كل مستلزماته غيرتله وبدلت ملابسه ارتاح كام يضحك شلته رحت غسلت ايده وايدي وجهه

رحت  للحديقه صار بوجهي غيث داخل ورا اسماء شافني اندار  كمش ايدها وهيه ضحكت  دنگت  تعديتهم  راحوا صعدوا احس الدم صعد براسي 

طلعت بره رحت اتمشى شايلته وصلت يم المسبح كعدت اجه ابو كاظم كال شلونج يبه

:-هلو عمو مشتاقتلك

:-عش متغيره هيج مريضه يولي

:-هههههه لاعمو مابيه شي داتشوفني بنص الخير

:-تهون يبه لاتقهرين روحج انتي نضيفه والنظيف ربي يكفلو

:-لاعلى شنو انقهر قابل اني وجايه هنا شفت وحده كدامي ماخذه مكاني كامشه زوجي وهو ساحگني لو ابني الي لازم اضل مبتعده عنه حتى لايتأذه

:--خسران يبوي خسران عمرو وضال يتهبش ويه الهوا لبالو العالم غشمه يعرف بيج جوهره مايحصل مثلج رغم زغر عمرج بس عگلج يسوه عگول جثير ازلام

هذا ابنج

:-ههه لاابني خذوا مني وحرموني منه هذا ابن شاهين

:-الله يرحمه راح واخذ حيلنا وراه ولاحكو الكاعد يزرع كرهو بگلبج  بعد كم يوم

:-صدك راح يخلوا يموت

:-بيد الله هسه خذو ا المشايخ وراحوا بلكي يتفاوضون وياهم يقبلون بالحبس بدون دم

:-لعد والحبس هم عشرين سنه اذا مومؤبد

:-يطلع يگدرون يطلعوا بعد عشر اسنين لو اكثر بس كونو يضل يشتم هوا  يبه الجاهل برد كومي دخلي جوه

كمت دخلت اتلكتني ام اركان خذته من ايدي عالاساس الحنيه كلها بيها وابن بتها

نزل غيث من فوك يطبگ برداناته مبين استوه سابح كوه كمشت روحي حسيت عصره عصرت روحي ومردتها

صعدت الدرج بسرعه بعدني ماداخله للغرفه فتحت الباب اسماء عيونها جانت حمر  وجهه متروس دموع ويمها سماهر تهدي بيها شايله عاشق

بس من شافتني ابتسمت و مسحت وجهه  كالت بس صدگ عمه اريد سألج سؤال وخجلانه

:-اعرفو حبيبتي نفس السبح العادي بس سمي

:-هم هو گلي وراد يسبحني بس اتعرفين خجلانه بعدني اول ايام وهو من شافني هيج كال يله براحتج تتعودين شويه شويه

:-تتهنون ييمه

:-صدك  ماتگولين لجدتي خليها تعطيها  عاشق شويه اتشيلو هم خطيه ضلت لارجل ولاابن

:-انجعلها بالمرض كونها بابو الزايد ااخ لو بس غيث يبعدله يومين جان عرفت شعمل

:-لاهم صدك اني شحجي تالي تجتلو للجاهل هاي خبله عينج بحبيب امو يمه اندارلو فدوه للوجه الجنو كيمره ماضل جثير وتصير الي

:-ربي يسعدج وتخاوي وترسيلي البيت جهال على طيبت كلبج هاي 

اباوع لعاشق على متن سماهر يمطگ فتحت الباب ودخلت ركعتها وراي رحت للكنتور جريته لكيته مقفول دفرته حيل وكعدت كمشت راسي صبري ناي لاتبجين راح تاخذين حقج

اشوكتتتت اسنين واني اكول هالجمله عاشق وره عاشق يرحون من اديه

لااثنينهم الج بس لاتبجين حتى لاتبردين

فركت كلبي نزلت دموعي ماسيطرت غصبا عني لميت رجليه وبجيت بصوت

كافي غيث كافي  وين تريد توصل اشگد بعد ناوي اتخليني اكرهك

ولك داموووت ارحمني كافييي

انفتحت الباب دخل مسحت عيوني بسرعه شافني سد الباب واجه باوعلي وضحك اشر شكو

كمت ردت اروح كمشني كال عش تبجين

:-دااخيل كتلوك واني ماماخذه حقي منك

:-متاكده ؟؟

:-راح اندمك والله

:-اسف بس وروح اخوي ماكدرت اكضب نفسي عنها يولي تجبرك تتقربلها موش مره قمه الانوثه والترافه

:-الله يلعنك

:-بس لازعلانه لبالج راح اقصر وياج

:-غيييث وخر عني اذا اتفكر تلمس شعره مني اذبحك

عض شفته ودنگ شالني كمت ارفس واضرب بي شمرني عالجربايه كمت رد دفعني وصار عليه خله راسه بركبتي

خرمشه كمش اديه ورفعهن ليفوك ولزم وجهي عصر خدودي بيده دنگ اخذ شفتي بين سنونه اريد احرك راسي لو احرر ايده ماكدر احس شفتي انملخت بين اسنونه هلكد ماضاغط عليها

انكطع نفسي وخر شهكت باوعلي بجيت

:-فدوه لاتتقربلي غيث والله اكره نفسي اكثر ماكارهتها

دنگ رد اخذ شفتي وهالمره اكثر مال واحد متلهف ماتركها لمن اكتفه

نزل على ركبتي سحبها  ورد يطبع بوسات يوزعهن عليها

نزل على جسمي يتفنن باذيتي يعرف كرهي اله وهو يتعمد يزيد بالاذيه

تعبت ونهديت وهو مستمر جسمي كله كام يحركني  من شاف مابيه اقاومه بعد اتقربلي وهنا زاد كرهي اله اضعاف بالاخص من همس بأذني اسماء

وخر عني تفلت عليه ماحسيت غير الراجدي طير وجهي كمشني من شعري شال راسي اله

:- كل يوم راح اجيج واشوكت مايعجبني اذا بس سمعت معترضه افشگ راسج

:-الله ياخذك

:-ناجي ربج ليل ونهار يستعجل بأخذي قبل لاخليج حدر رجليها تخدميها

شهكت

دنگ باسني ودفعني عالفراش كام اخذ مشفه وراح للحمام

لفيت روحي ونمت عصرت وجهي بالمخده الشهكه تطلع من كلبي كارهه ضعفي

طلع سابح مسحت عيوني وسكتت غطيت راسي نشف شعره وطفى الضوه اجه جر الغطه اتمدد سحبني لحضنه

ردت ادفعه كمش ايدي عصرها لمن صرخت تركها ودخلني بحضنه بجيت كمش راسي خلاه بصدره ودنك باسني همس لاتبجين

:-وخر عني والله كارهتك

:-موبكد كرهي الج

كالها وعصرني حيل بحضنه اخذ نفس طويل مني وخله راسه على راسي

:-ذليتني هواي  تعبت خليتني اتمنى الموت

:-مريت بايام ماتمر بالبشر حتى بالحلم امشي وحجي ويه روحي واني صاحي حتى الشرب مايأثر بيه من كثر الوجع

:-كل ماخلي راسي عالمخده اسال نفسي انت نفسك الحبيتك لو متوهمه

غيرتك الضروف لو ضهرت على حقيقتك

جنت اتحبني صدك لو تضحك عليه بكلمات مالها وجود

:-وشعرفتي

:-مالكيت جواب كل دقيقه تمر تثبتلي انت مريض وعايش بس عالاذيه

:-دحكتيلو

:-منو

:-البعتي روحج الو

:-مالحگت فرق دقايق بين حضنه وبين الموت

:-ماخفتي

:-لا

:-گلبج مانبض

:-مات نبضه من اخذت عاشق منه

:-جانت عقوبتج حتى ماتثقين باحد بعد

وخر رسي باوعتله من كالتلك

ابتسم

-رويده مستحيل حتى غسق لا ماتسويها لحن ماتدري منو غيث

:-لون عيونج متغيرات

:-من كثر ماشافن منك وجع

:-ناي دحگي بعيوني وكول شنهو بيهن

باوعت مالكيت بس صورتي اشر شنو

:-ماعرف اقره لغه العيون بس بيهن صورتي معكوسه

كمش ايدي خلاها على كلبه كال حسبي دكاتو ويه الثواني

صفنت شويه

:-نبضه مومنتظم

:-وعش الكلب ماينتظم نبضو شنهو السبب

:-اذا الانسان خايف او قلق لو مجروح او فرحان

:-واذا كلهن سوه صارن شنهو ممكن يصير

:-يمكن يموت

رجعني لحضنه وهمس من  تعرف الموت بين ايديك بس ماتگدر تتركو لان بعدو اسوء  محتار وخايف بنفس الوقت لان تعرف التاركها وراك اكو بعد بگلبها نبض اشكد ماتعمل وتوهمها ماراح تگدر تكرها بيك

:-كرهتك وداعت ابني

:-لاتحلفين بأبنج هذا الراح  يسد عيونج عن اجنازتي

:-حضنك بارد داحس بالغربه

:-من كثر ماغبتي فقد رغبتو بالدفو

:-عطرك اتغير 

:-ركزي اكثر راح تلكين روحج ناستو اصلا

:-ماذكر الماضي وانت ماضي صرت

:-وانتي جميع الفصول بجميع الازمنه

:-اتندمت حبيتك ماشفت منك غير الظلم والرعب ماحسيت بالامان ابد

:-الندم يجي من بعد الحب  وانتي العشگ بأعظم مراحلو

:-كسرتني غيث

:-لو دكات كلبج صادقات وياج جان عرفتي منهو الانكسر

:-جنت اشوفك حلم الي التمنيته بس طلعت   كابوس الخايفه منه راح يجي يوم واتخلي راسك بحضني تبجي وتترجاني مثل ماخليتني اتوسل لاتكسرني وتتزوج

:-يمكن مالحگ انسي ناي عيشي سوي الي ابنفسج صيري قويه مثل ماعرفتج  ماتعرفين البجي

اعتبري المر كلو درس تا تتعلمين بيمن اتثقين  وتوكفين على رجليج وره كل عثره

باوعتله دنك باسني من بين عيوني وهمس ماعشت قبلج ولاراح اعيش بعدج

عيونج الجذبني من اول ثانيه جانن الامان الي ضحكتج صباحيه العيد حضنج ربيع الجنه

درت وجهي خله راسه على صدري وسحب ايدي خلاها على شعره وخرتها ماردها بس حضني اشويه احس انفاسه تگلت عرفته نام

لاارادي رجعت ايدي على شعره العب بي سبحان الضروف الجمعتنا

رحت بالنوم كعدت على ضوه بعيوني فتحتها  لكيته نايم على ضهره وخلني بحضنه وايده الثانيه كامش الفون

اباوع يكلب بصورنا القديمه  ويبتسم ويه كل صوره

صارت كدامي وحده جان كاعد واني حاضنته من وره وماخذ سلفي وحده ويه الولد  يضحكون وراها متمدد عالثيل بالحديقه وكرم منتجي على صدره واني متربعه يمهم مامنتبها

غمضت ماكدرت اكمل اخذله دقايق وطفاه سحب ايده عالكيف من جوه راسي وكام لبالي حيطلع بس فتح الكنتور طلع ملابس غير

طلع اسحله ثنين واحد لبسه بمتنه والثاني ورا ضهره

شال الغتره لفها على راسه وخله منها جهه للثام

رن فون رد ها يول كملت - امنت المجان - ذيب بالقران عليها اليوم -يابالهدف يابالنجف -هههههههاي باينه بالنجف

لابروح اهلك -- اطلع جدامي نازل وراك بالك لايحس احد ثواني بضهرك-- وعمه الساده اذا كضبونه يطعون حليب الحنينه من اخشومنا -يله يخوي شورانا قابل هيه موته موته ورانا خلينه انسبگلها -اشتعلن بنات انهار يله انگلع

سد الفون وطلع بعد شواجير من الكنتور اجه يمي دنگ اخذ نفس طويل وباسني على كيف فتحت عيوني همست وين اتريد

:-لحرمتي نسيتي تراني عريس

:-وماذكرت عريس غير وجه الفجر

:-المزاج هيج يطلب احب احلي بكل وقت انطمري يله

:-الله ياخذك

:-حتى بدعائج اتجذبين يولي انتي اشوكت اتنظفين لسانج

:-من تنظف كلبك

:-اااخ بويه وعمه الساده اشلون بيج كتله خرب بالاستعجال بس رادلج هينه يبت انهار اذا ماكضبت لسانج وبترتو من الاصل ماتسمى عالزلم

دنگ باسني من شفتي حيل  وطلع مستعجل لان فونه يرن

اسمع نزلته ويكول رايحلها بس يريد يحركني هيج يستمتع

النعسه بعدها بعيني رجعت نمت دخلت ويه غيث  بحلم لاكابوس عصرني عصر حسيت روحي مختنگه اريد اتنفس ماكدر

طفرت على صوت سماهر وهيه تصيح نااااي

كعدت ايدي على كلبي انتبهت بدون ملابس جريت الغطه ضميت صدري جانت واكفه هيه واسماء كلتلهن خير

:-وين غيث؟؟

:-ياطلابه غيث الماتخلص رحموني اريد انام لاني وكاعده مرتاحه لااني ونايمه مرتاحه

:-وينوو

:-طلع من الفجر

:-ماگال وين رايح

:-اي كال عريس اني ورايح لمرتي

:-عجل من يعرف روحو عريس المفروض وين ينام المهم شنهو جان لابس من طلع

:-تشيرت اسود وبنطلون كابوي واتلثم واخذ كومه اسلحه ترس روحه من فوك ليجوه  جدحة شخاط ينفجر بي السلف كله

:-يبووو راح اخووي يبووو

طلعت تركض مخبوصه واسماء واكفه كالت ارتاحيتي من خذتي الليله

:- الليله والقبلها والبعدها  كل عقلج انتي بنتي اتني كلج خلگ وحده اخذها بس حتى يغيضني بيج لباله راح اهتم من شافني سحكته رد يتوسل بس حتى ارضه عنه

:-مثل ماخذته راح اخليهم يسجلون  ابنج  بأسمي و اخفيج من الوجود

:-ميخالف واني وياج ياريت والله اتسويلي فضل لان الصراحه قرفت منه ومايرضه يتركني

:-كلها اسبوع موش اكثر وروح اخوتي اخلي يذبحج بيدو اذا ماشمرج بالمصح

جريت مخدتي صار ال---مالتي مشمور بالكاع كدامي الله يخزيك غيث

تغطيت عدل تركتها تنبح وتهدد لمن ملت وطلعت وحدها

طارت النومه وصوت علي يبجي جوه ماخلاني انام

گمت سبحت وطلعت نزلت لكيت عمي ابو اركان مخبوص يروح ويجي وابو حمزه وعمي ابو غيث كاعدين يم بيبي

صبحت محد رد الصباح بس بدعه و عمي ابو اركان كال المن خبر ماسمعتي

:-يمكن اركان

:-غيرو

:-ماكو گاله ماريد احد يعرف بس امن المكان

:-راحوا للموت برجولهم شعمل المن اروح هسه

ابو غيث.:- مايسووها  يخافون اهدي يخوي

:-بالقران مخابيل ماكو بروسهم عگل حتى ازلام ماماخذين وياهم

:-مايجازفوف يعرفون اذا گضبوهم يترسوهم بارود

:-المن اروح لشيخ ابو ادهم بس شكلو هم جاتلين منهم وهم رايحين يعيلون بيهم ماكدر اصبر اروح وراهم

:-يجتلوك بالقران

:-انجتل ولاضيعهم ولدنا يروحون يخوي ذوله طيش الشباب ماخله بروسهم عگل يتذبحون بدون تفكير

اخذ سلاحه وطلع ورا عمامي

رحت اخذت  علاوي من عمتي شلته ابوس بي صباحو يعمري

خله راسه بصدري

:-يمه فدوه اروحلك  ادورني صدقه لمحمد يروحلك غيث فدوه

اسماء.:- وعش غيث

:-مونفس الحركه يسويها الضاهر اكو سر عجيب هنا الي يجذب ولدكم

بيبي.:- انكتمن نفس ماريد اسمعلجن سماهر جده شبل وينو

:-نايم جده بغرفتج  هسه رضعتو ونام

:-عينج بي يجده ابنيو لايگع راسي موجر اخاف اغفل عنو

:-لاخليت يمه سميره وبت عامر شهد  كاعدات كلتلهم لاتتحركن لمن يگعد ربي يرد اخي سالم ويكمل فرحتو بي

:- يرد يجده سبع يعرف اشلون يطلع نفسو

:-انتي دزيتي جده مو

:-اني مادزيت بس ربيت اذيابه مايهابون الموت تربات ايدي ياخذون حكهم قبل لاينظلمون خلو يگضبوا ويصلخون من جلدو حتى نعرف اشلون نفصل

سويت ممه واجت يم بيبي گعدت ارضع بعلي كالت سهيله عش كاعده هينا صعدي لغرفتج وجيبي الجاهل لاتكتلي

جده. :- اتكتمي نفس ماسمعلج جعلج بالكبر گبلو موجان يفرفح بالكاع هسه صار عزيز

:-جده موش بعگلها ابنها رادت تذبحو موش هذا غريب

:-انجعلج بالغرب مايدحگج غير العدوان بجاه محمد گمي انعل ابوج لابو الخلاج بوجهي بت العايبه تعرف العكل شنهو

:-شبيج جده

:-ولكم ندهولي واحد من ازلامي بره كلبي وجر

:-لاجده بروح ولدج بالقران ماتسمعيلي نفس بعد

:-دحكن ولجن الي اهيس نفس منها وروح الراحوا اگضبها افلع وحده من عيونها وانعل ابو اصلها لابو اصل ابوها واخلي ازغر احفادي يدوس بحلكها ويربطها ويه الهوش شرط سبوع مادحگ الضوه وتاكل من فضلات الحيوان

ام اركان.:- تامرين عمه وروح ابني نفس ماتسمعين بس اهدي وانتي كومي عن عمتي گدرتي حالها بشوفت وجهج

:-انجعلج بالجفن بدون غسل وختلاف الدفان

كون ندفن منا وتفلج الكاع منا بسبب خياسه جثتج ماتسترج تربان

عيني بالممه وعين بام اركان  الي وكفه تاكل بروحه اشلون تترزل وهيه ماتكدر تحجي

كملت رضاعته خليته على متني دكدكت على ضهره تذكرت الحلم كلتلها بيبي حلمت شي

:- خير يجده شحلمتي

:-واكفين عالجبل اني وغيث اجه واحد ربط ادي ورجلي وشمره من الجبل بس جان كلش عالي نزلت اركض ورا واشوفه يتكلب بين الحجر كمت اصرخ اريد احد يلحكه 

:-اي وبعدين

:-محد كمشه كلهم يباوعون  عليه وتضحكون لمن وصل للكاع نزلت يمه كلبته لكيته ميت كمت ابجي اجت وحده كمشت ضهري كالت فتحي اديه ورجلي لاتبجين

-:-بنت لو مره جبيره

:-لامره جبيره لابسه عبايه فتحت ادي ورجلي خليت راسه بحضني امسح بوجهه المريه ضحكت وانطتني اثنين طيور وعصفوره كالت كمشيهن عدل ذني عوضكم

:-عجل راح يگضبو  والنواگيص المروه يغدرون بي

سماهر:-. اسم الله على خويي ولج جنتي نضيفه لولا

سكتت مارديت

بيبي.:-   حلالو موش حرام حتى الحلم يبطل

:-شنهو تفسيره جده

:-تفسيرو يم ناي ربطت ادي وطويراتو بس سنين جثيره تمر بلوعه

:-بلكي موش هسه تكول طيور ثلاثه هو عندو بس واحد

ام اركان.:-   يمكن اسماء شايله

بيبي.:- ولج ناي تاخذين مانع لولا

:-امني مادنالي ولاكلبني اصلا

شلت علي  وكمت  رحت يم السنگ جانن واكفلت ضحكت اسماء همست عجل التصلخ ماجاب نتيجه وياه

ام اركان .:- ههههههه غير انتي هاده حيلو

:-نذر اذا صار صدك  اذبح عجل لوجه الله

:-عجل صار ماضل جثير بس تصفن الهوسه واني الي اعلمج اشلون تفريها وتستقرين بالمجان ماكو غير راس اختي  وراسج 

:-بعد عمري كلتلها كبل ونفذتبها كدها وروح شاهين

:-حتى لاتستگلين بيه بس صبري لاتكدرين رويحتج

رديت كعدت يم بيبي الي وجهه انكلب من سمعت الحلم گاعده ومدنكه على سبحتها عاصره العصه بيها تفتح ايدها وتسدها تاخذ شويه ورگع العصه بالكاع وترجع للحاله نفسها

كعدت  وخليت علي بحضني.باوعتلي وابتسمت همست هذا اول طير

:-شنو يعني

:-صوتج يالصگعه محد راح يخلص غيث غيرج

:-اشلون اخلصه

هزت راسها وردت دنكت

نص ساعه وبيبي على نفس وضعها وتقره بهمس ماسمع شنو

وسماهر تروح وترجع دمعتها ماوكفت تحجي ويه روحها

دخلوا عمامي صوتهم عالي 

اندفع اركان بنص المطبخ ورا غيث اجه يوكع دخل عمي ابو اركان وجهه احمر ركضت سماهر سندته كعدته عالكرسي مهدود حيله

انطته مي دفعه مسح وجهه باوعلهم اثنينهم واكفين

:-جهال ها جهااال انتم احجوووااا فهموني حتى اعرف اتصرف وياكم

اركان:-. يبه رحنه سيرنه شبلاك

:-انت انكتم ماسمعلك صوت انعل ابو شاربك رايح للزلمه اطكو بيتو عش ولك شنهو هالعين الصلفه

:-ماطكيته اني بس علكتو غيث طكو

:-لاسبع  بعد ابوك بس علكتو بنص اهلو

:-لوسمحت لقبي ذيب هذا الزمال السبع

:-انعل ابوك لابو امك انت لوماحيوان وابن حيوان مايشبهوك بي وانت يالنجر اشلون طاكو هيج ولك شنهو ماعندو عشيره

غيث. :- ماطگيتو

:-عجل ابوووي طلع من كبرو وطكوووو ولك لكيت الزلمه يرفسسس

:-هو مايتحمل شقه

:-غيييييث غيييييث وراك عائله  وجهال يعمي ارررگد رحمه لربك ولك صار اشهر اتزنح من هينا وهينا وترجه بالعالم حتى يخففون الحكم عليك تروح  تخش بنص بيتهم طگ جبيرهم

:-يابه ماطكيته ماتريد اتصدك بكيفك

:-انتم عرف دواكم شنهو واني عرفن اشلون اشلع اذاناتكم لبالي ازلام صدك طلعتوا زعاطيط امشو انعل ابو شاربكم

غيث مدنگ يحگ بگصته واركان  رافع حاجبه يباوع لابو بتگ عين

شال راسه غيث باوع لاركان وضحكوا اثنينهم كام عمي جر عگاله فتحه وراحلهم غيث دفع اركان على ابو كله لاياناقص

ابو اركان. :-منهو ولك

اركان :-ورب العباد على غيث

غيث.:- جذب عمي عليك اني منك وعمه الساده مااسكت

:-تلكطوا عليه اليوم اشعل ابهاتكم 

هو كالها وضرب اركان نص ضهره ورد على غيث اجت بصدره

كمش العكال حضنه وباسه  ضحك

:- هدي يعمي اندار عليك

رد اركان هم باسه كله  حگ تعبك تاخذو من هالشارب

:-انعل ابوك لابو شارب لابو اليتزنح وراكم بعد

دفعهم وطلع اجوا كعدوا يم بيبي

بدعه :-طگيتو طكه عدله

اركان.:- ماطلعنه اذا ماكلبنا عيونو مثل عيون حفيدج الزغير

:-سباع عجل حضروا روحكم للفصل  وعينكم بأبوكم لايسويلكم مصيبه لانو نواها

:-عيونه عليه

غيث.:- وين عاشق

سماهر. :-نايم يخوي

:-سماهر شحجيت اني عش تاركتو

:-هسه نزلت خليت سميره يمو

:-ماكو سميره ابني ماينزل من حضنج تعبتي انطي لجدتي ممنوع يضل بحده روحي جيبي نيمي هينا جدام عينج

راحت سماهر اجت اسماء بيدها مي انطت لغيث شرب كالها اندارلج فدوه سويلي جاي

:-من عيوني اخليلك ريوك

اركان.:- لاهسه ناي اتريگه  بس ناطري اشوي

شلت راسي باوعتله شال ادي يبرء نفسه

اسماء.:- دقيقتين واطيب ريوك كدامكم

اركان.:- هاي النسوان المعدله موش وحده محتاره بشعرها ماتعرف اتمشطو والثانيه بالمكاون تتحارش حتى ببليس

بيبي.:-  ماطولهن هيج عجل عش كاضبيهن بسنونكم وتتراجفون اذا زعلن

غيث. :- جده گبل هذا الحجي حالهن حال المزه خلص وقتهن كترناهن  دحگي هالوجه جنه ورد الجنه

:-الله يسعدك يجده ويحفظ ملامح وجهك اني اكول اركدو لاتنطكون عيب على شواربكم  كل شويه ساحلتكم النص متر

اركان. :-افا احنه ننطگ لالبالج مانكدرلها تراها جاسره خاطرنه واله هسه اكوم اغركها بكلاص مي

غيث:-. وين جان عگلي من اخذتها وهيه جنها بزون شالعين ذيلو

همه مستمرين بالحجي واني فولت شمرت علي على بيبي وكمت

طفر اثنينهم  اركان سحب الدبه مال المي من كدامي واغيث اجه بسرعه كمش اديه يضحك

:-هدني ماسوي شي

اركان.:- غيث بالقران  اتجذب تفتح راسك اخذها زتها بالحديقه للامان

بيبي.:- لاوالله سباع طكيهم يجده عبنهم يستاهلون فتحي روسهم وگولي اجتني الحاله ماحسيت

اركان :-عفيه جده علميها اخاف عايزه

سحبت اديه ردت اكعد همس يم اذني اشكد تاخذين وتجين وياي

لاارادي ضربته على صدره حيل صاح اااخ

:--ولك مرتك اني بس حقك من كثر  الوساخه العشت  بيها تنسى

:-يله عاد هسه من زين جهرتج  حمدي ربج واحد مثلي يكلبج

انتبهت كلهم عيونهم بينه خجلت كعدت وهو اخذ سلاحه  طلع يفرك بصدره  راح بره  يم الولد لحگه اركان

ابو حمزه.:- لاوالله زلمه

بيبي.:- زلمه غصبا على شارب اكبر واحد

ام اركان. :-  من هيج اطكه مره

:-يتلاوه ويه اسباع خال طگ الحريم للحريم مثلهن والنواقيص

دخل عمي ابو اركان كعد يم بيبي كال يبه اسماء جاي بدون شكر

ثواني واجوا غيث واركان يضحكون كعدوا كالت اسماء بارده مدخلونه جوه

ام اركان :-. كومي لبسي يمه ضاله بدون هدمه شبلاج

:-والله اتعاجز يلا هسه اكوم بس خلي اكمل صب جاي تاكوم فرد مره

ابو حمزه:-. بليل نروح لبيت الشيخ طالبنا

غيث. :-اني ماروح اليريدني يجي

ابو اركان. :- انت تنجب  جاتل زلمتهم ويريدهم يجو  وين لاكيها هاي

:-والله ياعمي مابيه اتحرك خلوها لباجر

:-انت هم حاسب روحك ازلمه

:-عجل هذا الجدامك منين اجه

:- ماجاسر گلبي غير هالجاهل وانت ابو شراح يطلع

:-سبع على ابوه

:-زمال وسربوت ودايح والكايع زايعتو كم انعل ابو شاربك

اندارلي كوه كتمت ضحكتي  كال خو كيفتيلها حني اديج

همست شدخلني انت بوز مهاين

كام ضميت وجهي لبالي راح يضربني نزع  قمصلته  خلاها على متوني لفني بيها تكول حس بيه صدك جنت بردانه

بعده مامتحرك يريد يروح للغرفه  وصارت  الهوسه

مالحكوا حتى يجيبون اسلحتهم من جوه خافوا علينه كلنه متجمعين بالمطبخ 

الشرطه ترست البيت صار الصراخ طوقوا المكان ورفعو اسلحتهم علينه كالوا شمر البيدكم  بالكاع اي مقاومه نرمي

اركان شمره ورد غيث شمره اندارلي صغر عيونه كال هم كلتلج مشتاقلج

نزلت دموعي ضحك وهمس باينه اخر كلمه اشتياق بينه

داروا ليورا كلبجوا هو واركان واخذوهم

طلعوهم وبيبي وكعت وراهم ركضن النسوان شالنهن

والزلم راحوا وراهم  عيني بابني وعين بالباب ورا غيث حسيت الحلم الشفته اتحقق راح نتفارق صدك هاي اخر نظرات بينا

حضنت قمصلته  اشتم عطره بي بلحظه ندمت على كل صدي اله وكل شي سمعته بحاله غضب

لتالي الليل  واني كاعده بمكاني اباوع للباب دخل عمي ابو اركان كامشي كوه كمت ركضتله كلتله لاتكول راح غيث

:-اندعي يبوي انتي يتيمه وربي يسمع منج خلي يخففون الحكم عدموهم يبوي يرحون ولدي

:-لاعمو اسم الله لاتكول هيج بعده ماشبع من ابنه

:-راح يبه راح وضل اوليدو اشكد حجيت اشكد كلت اركد يبعد ابوك اركد وراك عائله يضلون عينهم ورا مايسمع راسو يابس هيج يغيث رحت وخذيت رويحتي وراك

دخلوا يسحلون بي واني رجعت لمكاني شنو غيث متراهن عليه كلماادخل لهذا البيت اتخليني كاعده بنفس المكان منتظرتك

للصبح وعيني ماغمضت اباوع للباب  تكول راح يدخل بأي ساعه واگوم اركضله استقبله

صار الصبح وعمامي طلعوا ماعرف وين حسيت روحي بهتت

كمت دخلت لكيت بيبي على نومتها بس اتون وسماهر خاله عاشق بحضنها وكاعده تبجي

على ينقنق يم ام حمزه  اجت سهيله تمشيي  هزته برجلها فحط تركته وراحت صارت عيني بعاشق هم ابوك يموت وهيج يسون بيك

رحت شلته هو وممته كعدت يم بيبي خليته بحضني وخليت ممته بحلكه  باوعت لسماهر اشرت شكو

:-اريد فونج

:- ناي روحي طالعه لاتبلشين

:-بس اخبر الولد بلكي يجون يسون شي بلكي عدهم عرف

:-عجل خبريهم بسرعه من حلكج لباب السما

اخذته دكيت رقم كرم ثواني واجاني صوته كال هلا خويه اشلونج

:-اني ناي

:- هااا نانوو ولج لگينا ماسحتج   

:-غيث كمشوا

:-شنو كمشواا منو احجي

:-كرم تعالوا غيث اخذته الحكومه عرفوا هو الكاتل راح يروح غيث

:-اشووووكت ليش ماحجيتوووااا

:-البارحه

:-يله يله روحي خلي اخبر جود روحي ناي

سديته ردت اخبر ماما بس ماكدرت اقلها رجعت الفون للعصر وحنه حتى اكل مااكلنه دخل عمي ابو غيث كامت سماهر اتلكته تبجي كالته بشر يبوي

:-وكلولهم محامي كلب ابن كلب وشكوتهم مخصصه على غيث

:-خلو ينكر

:-لابدون لايتحققون ويا اخيج السبع برء اركان واشال الشغله بنفسو

:-يمه راح اخوي يمه تعالي ليه راح اوليدج يبوي ابوس ايدك روح للمحامي انطي الي يريدو  اخذله جماعه يكفون بعينو

ابو حمزه:-. يامحامي هو

:-المحامي علاء  الدين  من عشيرت ال---ساكن بغداد موش هينا

انطبع اسمه براسي ماعرفت وكتها  راح استخدمه ضده لو ويا الدنيا من كثر لعبها وياي بعد ماكمت احزر شضامتلي

شلت علي الي اصلا محد يعرفه منو لو وين الله ذابه بالاخص من وگعت بدعه

صعدت لغرفتي فتحت الباب شفت قميصه مشمور مانطاني كلبي ادخل

رجعت سديت الباب ونزلت لغرفه بيبي

مر الاسبوع والثاني  وصار الشهر  ومرت الايام وحنه مانعرف شي بيبي ساءت حالتها

سميره وسهيله كامشات البيت ناس داخله وناس طالعه حتى الحرس قل لان صفت الوضعيه اخذوا اليردوا

كم مره اخذوا عالم وراحوا لهل المكتول يردوهم تالي رضوا بالفصل حتى يتخفف الحكم اشويه

عامر وسجى ردوا بس متفرعن ماخذ البيت بصوته

وام عامر رجعت لذمة ابو غيث

عاشق من ايد  سماهر لحضن بدعه  يتنقل يخافون عليه كل مايرحون غيث يوصيهم

رجع اركان  بعد مااجلوا الجلسه للمره الثانيه  بس جان حالته ماتنحجي.

نيمت علي وكمت طلعت للحديقه لكيته كاعد سمع مشيتي شال راسه باوعلي عينه حمر رد دنگ رحت كعدت يمه كلتله اشلونه

:-راح غيث انحسمت قضيته

:-ليش اعترف

:-يريد يوكف الدم

:-اشلون تركنا ماكال ابني ومرتي وراي

:-وصاني بيكم

:-هاي كل حيله وصاك صدك يحجي اركان لاتسمع منه شوفلك محامي شوف احد

:-ماكو ماخليت وراي كل اليقره القضيه ويعرف علاء الدين گاضب قضيه ذولاك ميرضه يقبلها

:-يعني راح تستسلم هاي هيه

:-باجر نطق الحكم بلكي يخففون الحكم عليه اتفاوضنه ومحامينا هم زين بعد منتظرين رحمه ربي

:-اروح وياك

:-ناي تعبان بروح اهلج لاتزيديها

:-اركان لو الامه توكف بوجهي باجر اروح وياكم

:-اذا حكموا عدام راح تتحملين

:-اي مواقل من الراحوا

اجانه صوت عامر ورانا كال منو يخلها تطلع اجسر رجليها بي اتعتب الباب

:- كونك ازلمه وتحجي وياها بالقران ادفنك هينا انعل ابو الروح لابو الرايدها الحگ رفيجي هيه موته وحده

:-اركان حرمة اخوي عرضي طلعه من هينا ماكو اله ابأذني

:-حرمة اخوك هيه اختي وجلمتها مني واذا سمعتك تتنفس وارب العباد  اورك ور

:-هين يبن عمي حدنا لباجر مامطولين جثير ينعدم الساندك وكتها نعرف منهو راعي البيت وجلمتمن تمشي

مارد اركان تفل بنص وجهه والغنيث مسحها بردن دشداشته ورجع جوه

:-الحرمه لبالو ماعرف شيدور براسو

:-شنو ؟؟

:-لاتخلين ابالج ماطولني اشتم الهوا انتي وعاشق بامانتي رگبتي الكم

:-منتظر غيث ينعدم وياخذني حتى الحلال اله يصير مو

:-يخسى ادفنو بالقران بس يفكر لو اعرف اجتلج وماخليج تاخذين واحد بعد غيث

:-اوف ربي لوماحاسبه حساب الي انت بي جان هفيتك بغلطه عمرك كله ادورلها ترجمه بالكوكل ماتلكالها

:-مشكور مرت خوي

:-هلابعد اختك وسلملي عالموصيك يدفني ورا كله ماطول تركني هيج خلي يفك ياخه مني اني اعرف احمي روحي

دخلت ليجوه اخذت علي لحضني هالطفل كام يشوفني امه مكمش بذيالي اربعه وعشرين ساعه رغم ضوجتني وقهر كلبي بس من اسمعه يكلي ماما كلبي وحده يضحك

صار الفجر ودمعتي مانشفت ماكدرت اغمض اباوع ابني الي كبر كدام عيني واني بحسره ضمته الحضني ورجلي ضيع روحه  بثار ماله  ذنب بي

صافنه على ظلم هالعائله

گمت ماگدرت اضل نايمه اخذت قمصلته وطلعت رديت للحديقه كعدت بالمرجوحه  يم  الحدقجي ابو كاظم جان يقره قران حسيت بسكينه واني اسمع صوته وطريقه ترتيله

الوقت يمر   من عمرنه كلها منتظره جيتهم  يم الباب واكفه

اني على كعدتي رجليه ماسيطر عليهن كامشتني الرجفه والدنيا تفتر تروح وتجي يمي

صار الظهر دخلت السيارات كلها ركضتلهم نزل عمي ابو غيث متخربط كامشي

وعمي ابو اركان اصلا مارد 

اباوع لحلگ اركان الي عيونه حمر وجماغه على متنه خاله شرتله احجي

دنگ مارد

:-اركان احجي ابوس ايدك

شال راسه حجه برجفه انحكم ١٥سنه   -----