تحميل رواية «ماء مغلي» PDF

..♣️🩸   ماء مغلي  🩸♣️..

*Adzzon*

دنكت يمهه وشغلت الفلاش وضليت اباوع

واشوف خمس عظمات ملفلفه بخيوط

ومتلزكه بشكل نجمه .. ملزوكات بنص الجربايه من جوه ..

كلتلهه..

- شلون لكيتيهن هذني مشايفهن من جنت ادور

- جان فوكاهه كارتونه طويله ملزوكه ومثبته ويه الحدايد هاي بحيث ممبينات بس اني جريت كلشي نفضته وجريت هاي هم وشفتهن بس مكلت لاحد انتظرتك تجي يلا

وشوف هنا فوك شكو بعد شوف الصخااام المصخمينه   لابوك

شالت الفرشه وفتحت سحاب الدوشك وضلت تسحب خيوط بيض طوال .. تسحبهن وبعد بيهن طول .. لحد ما كومتهن كدامي

وركضت قفلت الباب واجتي يمي ..

- شوف هاي مو فصخت الشلته مال دوشك

جان شفت سحاب الدوشك كلت خلي اشوف خاف مدحوس شي بي كلشي يصير

واجتي عدله كبل بس مديت ايدي لكيتهن

وهاا تره جانن ملفوفات على الاسفنج هذا

بس اني جريت نصهن بالبدايه  وبعدين من رجعتهن هيج تكومن جانن مضبوبات ضب على الدوشك

- ريري هذني شوصلهن لفراش ابويه !!!

- شوصلهن بعد اكو غير هالاثنين المصخمات منو يكدر غيرهن يوصل هنا

اخذت الخيوط اباوعلهن كلهن عكد والعكده

مشخطه بالاحمر ... قربت الخيط كلش يم عيني وكبل ذبيته  من ايدي .. كلتلهه..

- هذا بي دم

- ايي هم شكيت بي

- نكس هذا

استغفررر الله حسبي الله ونعم الوكيل

- هسه شنو ؟ شنسوي بيهن !

- خلي اصور العظام هسه حتى نشيلهن

- هم تحجيله لهذاك السحار

-اي اكيد غير افهم هاي مال شنو وشلون افكهه

انه الي متعلم افكهن مو هيج ابببد مووو هيج

- ديلا بسرعه خلي نطلع خاف هذني يشكن بينه عرفنا

دنكت جره الجربايه وصورتهن ورجعنه الفراش .. لميت الخيوط بعلاكه ودحستهن بالمجر .. وردت اطلع جان تكلي..

- اوكف ولك اسمع

-شكووو

- هسه مو نطلع عود ترومنس شويه

-اترومنس شنو؟

- ياحظي ولك يعني هيج شويه كدامهم نضيع سالفه

شويه اضحك وشاور احجيلك كلمتين حبجيه كدامهن شبيك اضل اعلم بيك

- اهووو ولج اااانه بيا حااال

مال رومانسيه هي !!

-دمششي ولك ااااني اترومنس بس امشي

خرررب بحظظظي لك همزين ممتزوجيني صدك جان شمرت روحي من السطح وخلصت منك

طلعت وهي ادردم وانه اختنكت حيييل

من شفت هالسوالف بعد قفل عقلي

رحنه للمطبخ وهي بس تضحك ولازمه ايدي

شالت المسواك وتكلي ..

- فدوه لكلبك حبيبي مقصرت

ماخليت شي بنفسي ماجبته تسلم عيوني انته

- تدللين

شفت ام سيف تباوعلنه صفح وهي واكفه ع الطباخ ..

بهاللحظه تمنيت احطهن اصلخهن اثنينهن واخلص منهن اذا طلعن صدك هنه امهات السحوره والبله ..

ماتحملت اضل اشوفهن .. عفت ريري ورجعت لغرفه ابويه ..

خابرت السحار وهو يدك ويدك وميجاوب

دزيتله الصوره بالواتساب وضليت انتظر بي

جان تجي ريري جايبه وياهه ماعون فواكه

وكعدت يمي ..

كبل حطت عنب بحلكي وتكلي ..

- دكُل شبيك وجهك هيج صوفر هاي عود انته النابش المكابر نبش هسه خيط وعظمتين صوفرن وجهك ويبسن ريكك

- ريري ااانه لو بس افهم ليييش !!

ليش يسون هالشي شغايتهن !!!

- يسيطرن شكو غيرهه

- معقول هنه !!!

- اكيد هنه لعد منو اليكدر يفوت بيتكم وهيج يسوي غيرهن

مبينااااات هذنيج وينهن هنه متكتكاتهه وملزكاتهه سكتاوي وضامات روسهن الخايسه

- حسبي الله ونعم الوكيل عليهن اذا صدك

- هسه دكل مو من يمي دخت من شفتك هيج اصفريت

ضلت تخلي بحلكي العنب وانه اكل وادز رسايل لهالرجال ..

دحست شيف البرتقال بحلكي وانه جضيت بيهه جان تدحس الثاني وخلتني اخرب ضحك ..

ضلت تكلي..

- يالفطير لك شلون راح نلزمهن نفصخهن فصخ ونكص روسهن وانته هيج ضعيفوني

كبل ضغطك يوشل باول جفته غير

واضل اني حايره بيك

- مااابيه شي

هسه شفتيني خربت !

- لو عايفتك ساعه النوب تخرب مو زين تلاحكتلك ورفعت ضغطك انته شايف نفسك شلون مصوفر وفجوجك طالعه

ادحي بيك ادحي بعد خاف ميعجبك

امك وصتني اسمنك

- هههههههههه لاااابربج

- صدك كلتلي حيدر خطيه مياكل سوده عليه

كللللش ميشتهي الاكل انتي سويله واهس

وسويله الاكله الزينه ورجعي حيله وسمنيييييييه انفخيه انفخييييييه

-هااااااا امي تكول هيج !

-ايييي لعد شعبالك تريدك تصير طحش

ثوووور اكشر تريدك تنطح

- اثنينجن فكن عنننننييي عوفني انه مقتنع بشكلي وجسمي انتتن ياهو اليمجن

- درررروووح فوك مااسمنك واسوي بيك حيل تتبطر

- من طبخج اليخبل راح تسمنيني

- مو كلت تعلمني يلا وينك

-خلي استعدل شويه راسي يصفى واعلمج

- زييين ديلا كمل الماعون

حكوم اتلوك شويه واجي اذا لكيت مبقي شي ادحسه كله بحلكك واخنكك بي

اكل لتضل صافن

-بسس روحييي ااانه اكل معليج بيه روحي

راحت وضليت انه اكل واخابر بي لحد ما جاوبني .. حجيت وياه وفهمت كلشي بعدين

رحت صحتهه .. جانت واكفه ويه بنات عزيز

وتتمضحك كبل عافتهن واجتني .

سديت الباب وكلتلهه..

- ريري هذا حصلته

-السحار ؟

-ايي مو دزيتله صوره وشافهه كام يضحك

-ليشش

- يكلي انعلستووو

-يااااا صخامات

- طلعت هالعظام مال هدهد

- اييي وهذا منين يجيبوه وشيسوي ؟

- يحصلوه مكومه هالسوالف بالسوك

- ياااا سواكتكم بيهه هيييج!!!

- لاااا اكو سوك خاص بس للسحوره

هسه عوفي السوك ركزي وياي

هذني لازم نشيلهن و نكعد نفك الخيوط العليهن بالملح بس انه خايف من شغله

- شنو ؟ دفهمني شحجالك هو عليهن شيسون هذني

- كال هذني وين لكيتهن كلتله بجربايه ابويه

كالي هو مشلول مو كلتله اي عاد فهمني

هذني العظام تعبر عن عظام جسمه يعني

وكل عظمه مخطوط عليهه لفد مكان

بالجسم ولهالسبب هو انشل دتفهميني!

-اي ايي افهم

عزااا العزاهن يامفلوكااات شلون الهن خلك يخطن ويصخمن فلك الفلكهن وصخمهه لعيشتهن

- كااااررررثه وحك عليييي ماشايف هيج بشررر حتسودن وعلي

- دصبر وبعد وبعد هسه نطلع بلاوي

اصبر لتتسودن من هسه عيوني

- لج ريري تدرين شكالي

هااي العظام ربع من العمل دتفهمين شنو رررربع !!! يعني اكو بعد لابويه كووم سوالف ماندري شلونهه

- يااا ياااا

- چا متشوفيني متسودن منه

لو هو على هاذ جان فرحت واكوم هسه احركه واخلص من شره وبلاه

بس اخااف اسوي شي وينعكس عليه

كالي هاي الاصل الاصل مال العمل تلكوه

مثل لعابه هي مخطوط عليهه كلشي يخص ابوك وبيهه يتحكمون وهالسوالف التلكاهه قريبه منه هاي توصيله وسيطره

بس الجبير الجبير يصير بعيد بمكان بي عباده شيطان حتى يضل مشتغل

- عزااا ولك هاي وين نلكاااااهن النووب !!

- شمدرررريينننيييييي

ياااالله صبرك دخيل اسمك ثبت عليه العقل يارب

- دطول  خلكك هسه بعدنه باول جفته

شبيك دنطي صبر

- ريري كتلج خايف هسه اسوي شي بهالعظام واخاف تاثر على ابويه

- هو ماكلك شلون تخلص منهن

- كالي كسرهن وكطع كل الخيط والعكد كلهه فلها وكطعها بس كال بعد انته وحظك بالباقي شيصير

- يعني شنووووو غير ينطي شي براسه خير لووويكرمنا بسكوته

- ولج هو كال هيج لان هذني يبطلن عملهن بس خايف من الباقي الي ماندري شلون مربوطات واحد بالثاني

هذا اذا راح شيصير بالباقي ؟؟؟

هيييج القصد ولج افهمي لاتعبيني

- ايييييي فهمتتتت

زين هو ميعرف هالعمل كله شلون يصير

شمستخدمين ؟؟

- يعرف بس يكول كلمن وطريقته بعد

ماكدر اجزملك هيج وهيج مستخدمين

يكول كله مايمشي الا برضاه الشيطان

شوف همه شلون بيا طريقه يرضونه

ومشين هالعمل وهالطرق كل واحد يختلف بيهه عن الثاني

- ولك هاي صارت بيهه شيطان

ولك شيخلصهه شيفضهه هاااااي

- ربنا الكريم هو قادر على كل شي

ريري نتوكل على الله بعد واليصير خلي يصير

- دمشي نصعد

- جيبي الملح وياج ومكص

- شلون اخذ الملح وهالمعزايه واكفه هناك

- منيه ؟ ام سيف!

-ايييي لطشه لاطشه بالمطبخ

لا واحد يكدر يحيص ولا يفيص

- يلا هسه مو مشكله

اجيب من المحل ونخلي فوك مبين هواي راح نحتاجه

-اي احسن

- صدك اكلج حجيتي وياهن تفاهمتن

- ياااا غير وريتهن ور

ولك اااني ريري اغسل عقووول

- هههه شسويتي ولج

- تلوووووكتتتت لحد ماوكع لساااني

اخذتلهن القماش وهذاك الحجي الحلو

وتعذرت منهن وكلتلهن اني شويه من توصل سالفه يم رجلي اتخبل احبه ماااتحممممل احد يحجي عليه

-ايبااااه

- ايييي كلتلهن احببه هذا اتخبل عليه

ينزرف كلبي وتطبك فيوزاتي بس ينحجي عليه واعذرني واني اخيتجن والصغيرونه بينجن وشعندي غيرجن هنا وصرنا اهل بعد

واني ماريد من هسه نتخارب وتضل وجوهنه ثكيله وسوالف متسوه و هذا البيت نتقاسم شغله ونقوم بواجبه ومنجن اتعلم طبايعهم

و بوستهن ولعبت نفسي وتحملت لخاطرك كون يغزر بيك بعدين تضحياتي هاااااي

وانطيتهن قطعهن وكلبتهن كلاااب

وتعال شوف سوالفنه هسه تخبل

- هههههههههههه

اااااي هيج اريدج هيييج

فرحتيني والله عفييه عفييه عليج

بعد ضاي كثريلهن لواكه هذني تره يموتن بالينفخ ريشهن ويدكلهن ناعم

- لتوووصييي عيوووونييي

حسويهن عجين بايدي بس اصبرلييي

- عفييه عفيييييه بمريتي السبعه

- دروح يلااا للمحل وجيبلي جكاير وياك

عود اني موصيتك كل يوم باكيت وانته درب التغليسه عندك 

- انسسسى والله اااانسسسسسى

- ذكرتك هسه جيبلي

- بين مارجع انتي شلعيهن واخذيهن فوك ويه العلاكه هاي بالمجر

- اووكيي استعجل ورانه غده

- منين ناكل ؟

- طنطوله عااازمتنه ع الغده من ايدددههه الي تنكط وصخ

ايييععععع لك اني اننني هاااي اكرررهههههه

محد يكللهه حفييي وجهج المعشعش بالشعر الوصخ المدهن المطكع ايييعععععععع لك هاي اخوك شلون مكابلهه

- هههههههه الله وايدج تكليلهه وتعدليهه لخاطر اخويه خطيه مظلووووم بيهه

- اووويييي يطبهه مرررض خلي تخيس هي هيج شكولات متلوكلهه النظافه

رادت تطلع وكمشت  ايدهه ..

-ريري دبريلنه عذر ااانه ماكل من ايد احد بهالبيت لا تورطيني خلي نضل ساترين على ارواحنه

- ع اساس اني ميته على اكلهه

جنت مفكره اكضيهه ركي

- اووووف شلون ورطه ياربي

النوب هسه ماناكل تضل علينه العين

ناكل نتورط

- شهالعيشه الزفررره دمشششي اخذنه لبيت صخيم وخلي نفضهه

- ماترررهم بويه هم عيب منهم عايشين بروسهم احنه ! ابتلو بينه متكليلي

-لعد دفضنننني شسوي هسه

- نكضيهه ركي وخبز مثل ماكلتي

-اي شبي الركي طيب يلا اكل صحي عادي

-اااوووف ياربي اووف

شفتي الضيم شفتتتي

- ديلااا هسه مو دنشتغل ونحل هالضيم ونخلص منه دنطي صبر شكد تتشكى

شويه خليك ايجابي بطيت كلبي

- محررروك حرك على ابويه وهي تكلي ايجااابي !! استغفر الله

عفتهه ورحت للمحل اخذت جيسين ملح

صغار والجكاير ورجعت للبيت كبل صعدت لغرفتي ولكيتهه هناك تنتظرني ..

اخذت الباكيت وصارت تدخن وانه ادورلي

وصله افرشهه واخلي هذني عليهن

لفيتهن بالوصله كلهن وخليتهن على صفحه

ونزلنه لان غدانا من وكت يصير مانلحك

نكعدلهن كعده معدله ...

ضليت كاعد يم امي بين ما صبو الاكل

وكعدت يمي ريري وامي وكدامنه كعدن هنه وجهالهن ..

اخوتي كلمن بمحله مايرجعون للعصر

امي صارت تاكل وريري شاورتني .

- لك متكول لامك متاكل شبيك

- ريري ينتبهن علينه عوفيهه

شيصير بعد اكثر من الصارلهه

- اوووف ولك جوعانه من كد ماشتغلت

هسه  ركيتين ماتشبعني

ضحكت وضليت منتبه عليهن شلون يباوعلنه ومبتسمات ...

عينهن ضلت علينه وانه وريري بس ركي وخضورات وخبز ناكل

تالي كمت اخبط شويه مركه بالتمن وهي شاورتني ..

-هاااا شبيك نفسك دنت ع الاكل

- لاااا ولج بس هيج حتى لايبين علينه

انتي هم سوي نفسي يلا بس هيج كدامهم

حتى اذا تاكلي ذبي عادي

ضلينه نجيبهه منا ونوديهه منا وانه ع النص وكمت اخابر وخلصت من هالغده

جابو الجاي هم ماشربت عفته وصعدت

وصحتلهه تلحكني فوك ..

تمددت وانتظرهه وهي طبت كبل كالت..

- لك حرب نفسيه هااااي خرا بلشتهننن

الزفره

هاي شلون نضل كل يوميه هيج ولك انجلط

- ولج بويه اطبخيلنه انتتتي وفكينه

مو كلتن كلمن جدرهه وحد

شهالحنيه النزلت بينجن اليوم !!

- اييي غير دنسوي عود صلح بينه ونحنن كلب على كلب

- وتسونهه برااااسي !!!

ريري هاي انتي دبريهه معليه اااانه طالع منهه

سوالف نسوان بينجن فضنهه

- اكولك انته شلون تريدني اعزل واني الجك من البك ماعرفه بالطبخ !!

اطبخلك حَـو !!!!!

- موووو كلت اعلممممممج هي بلوه الوحده

ضلت على هاااي

- ديلااااا شوكت عااااد مو متت من الجوع

- مريتي عيني شبيهه الفواكه هسه

مو صحيه وفيتامينااااااات اكليهن واسكتي

- اووووف اوووف

لك هي بس بالاكل

اني كلاص مي مداشرب كاتلني الخوف حتى من البواري والفلتر

-هههههه عيشي مثلييييي عيشييي واشبعي

ضيم

- جيبليي صناديك مي هناا خليهن بالثلاجه وخلي نخلص

- اي اي اجيبلج

اكو بغرفه ابويه تره اجيبلهم اخذي منهن

-اخذت لعد هو شداشرب بس منهن

- يلا هم اجيب النه  بالليل من ارجع

كعدت بالكاع وجريت الوصله .. فتحتهه

وهي كعدت كبالي ..

- ريري تخافين ؟

-لا

- اي عفيه قوي كلبج وياي هسه زين

- ايي اووكيي هسه هو شكو

- انزلي جيبي فد دولكه انكع بيهه هذني

- يلا هسه اجيب

ضليت انتظرهه لحد ماجتي جايبتهه

قفلت الباب وكعدت كبالي والوصله مطشره بيهه الخيوط والعظام بيناتنه صايره ..

- راح ابدا وانتي بس ضلي ساكته ولا تطخين  شي

اخذت اول عظم رشيت عليه الملح وبديت افتح الخيط واقرا بتجويد ....

«وَاتّبَعُواْ مَا تَتْلُواْ الشّيَاطِينُ عَلَىَ مُلْكِ سُلَيْمَانَ وَمَا كَفَرَ سُلَيْمَانُ وَلَكِنّ الشّيْاطِينَ كَفَرُواْ

وَاتّبَعُواْ مَا تَتْلُواْ الشّيَاطِينُ عَلَىَ مُلْكِ سُلَيْمَانَ وَمَا كَفَرَ سُلَيْمَانُ وَلَكِنّ الشّيْاطِينَ كَفَرُواْ

يُعَلّمُونَ النّاسَ السّحْرَ

يُعَلّمُونَ النّاسَ السّحْرَ

يُعَلّمُونَ النّاسَ السّحْرَ

وَمَآ أُنْزِلَ عَلَى الْمَلَكَيْنِ بِبَابِلَ هَارُوتَ وَمَارُوتَ

وَمَا يُعَلّمَانِ مِنْ أَحَدٍ حَتّىَ يَقُولاَ إِنّمَا نَحْنُ فِتْنَةٌ

إِنّمَا نَحْنُ فِتْنَةٌ

إِنّمَا نَحْنُ فِتْنَةٌ

فَلاَ تَكْفُرْ

فَلاَ تَكْفُرْ

فَيَتَعَلّمُونَ مِنْهُمَا مَا يُفَرّقُونَ بِهِ بَيْنَ الْمَرْءِ وَزَوْجِهِ

وَمَا هُم بِضَآرّينَ بِهِ مِنْ أَحَدٍ إِلاّ بِإِذْنِ اللّهِ

وَمَا هُم بِضَآرّينَ بِهِ مِنْ أَحَدٍ إِلاّ بِإِذْنِ اللّهِ

وَمَا هُم بِضَآرّينَ بِهِ مِنْ أَحَدٍ إِلاّ بِإِذْنِ اللّهِ

وَيَتَعَلّمُونَ مَا يَضُرّهُمْ وَلاَ يَنفَعُهُمْ

وَلَقَدْ عَلِمُواْ لَمَنِ اشْتَرَاهُ مَا لَهُ فِي الاَخِرَةِ مِنْ خَلاَقٍ

وَلَقَدْ عَلِمُواْ لَمَنِ اشْتَرَاهُ مَا لَهُ فِي الاَخِرَةِ مِنْ خَلاَقٍ

وَلَبِئْسَ مَا شَرَوْاْ بِهِ أَنْفُسَهُمْ لَوْ كَانُواْ يَعْلَمُونَ»

ضليت اعيد بهالايه على كل خيط افتحه

وانكعه بالماي المالح ..

خلصت من الخيوط وتعبت ضليت بس ساكت وصافن على حال كعدتنه

انتبهت على ريري جامده معانيهه

كلتلهه ..

-شبيج

- احجي عادي

-اي شكو احجي شبيج خفتي ؟

- حيدر

شوف المي

انتبهت عليه انكلب لونه احمر والخيوط كلهه تشابكت سويه

كبل طلعتهن وضليت اكصكص بيهن

وهنه ينكطن من هالماي الاحمر

كصكصتهن كلهن خليتهن صغور صغور

ورجعت نكعتهن

كلتلهه...

-هااي جانن مخطوطات مو كتلج

يخطون عليهن بس شلوووون مااادري ؟

خيوط هالكدهه شيخطون بيهه !!! ماادري

حسبييي الله ونعم الوكيل

- حيدر خلصت لو بعد اكو

-بعد هالكارثه العظام

شبيج خفتي شو شكلج تغير ؟

- ماخفت بس اختنكت اريد اطلع منا

كمل واخذني لملوكه ماريد اضل هنا اختنكت حيل

- شجاج ريري لتخوفيني عليج يمعوده

- لك موووو منهن هذني ميخوفن جلبي

بس ضجت هيج ضجت

دكمل عاد يلاا

مو تعرف مزاجي بساع يضرب

-هاااا سالفه مزااج

سهله هاي تحملي شويه

-اي ديلا شوفلهن جاره

اخذتهن العظام واشوف بيهن شي ابيض

بالطول صاير

بحافه المكص ضليت اشيل بي لحد ما

طلع هالعظم الرفيع المفصول عن الثاني بينهن بسمار اسود بنفس طول الفتحه

كل عظم بي بسمار وهالبسمار ملفوف عليه

خيط وصخ مبين منكع بدم لان ريحته عفنه 

والخيط هذا معكود من الطرفين على البسمار

رجعت افك العكد هاي واقرا ..

« وَأَوْحَيْنَآ إِلَىَ مُوسَىَ أَنْ أَلْقِ عَصَاكَ فَإِذَا هِيَ تَلْقَفُ مَا يَأْفِكُونَ *

فَوَقَعَ الْحَقّ وَبَطَلَ مَا كَانُواْ يَعْمَلُونَ *

فَوَقَعَ الْحَقّ وَبَطَلَ مَا كَانُواْ يَعْمَلُونَ *

فَغُلِبُواْ هُنَالِكَ وَانقَلَبُواْ صَاغِرِينَ *

وَأُلْقِيَ السّحَرَةُ سَاجِدِينَ *

فَغُلِبُواْ هُنَالِكَ وَانقَلَبُواْ صَاغِرِينَ *

وَأُلْقِيَ السّحَرَةُ سَاجِدِينَ *

وَأُلْقِيَ السّحَرَةُ سَاجِدِينَ *

قَالُوَاْ آمَنّا بِرَبّ الْعَالَمِينَ * رَب .....  »

وجان تنضرب الباب قوووووويي

انرجت رج

ريري فزت وعاطت وكبل كامت على حيلهه

وانه وكع كلشي من ايدي

وضل ماينسمع بس صوت كلوبنه بالغرفه

عيونه ع الباب وخانسين .. اباوعلهه واكفه يم الكنتور وساده حلكهه بايدهه ..

جريت نفس و وحدت الله و اخذت العظم الي طلعت منه البسمار وخليته بالماي

وهي تكلي ...

-عوف كلشي ولك كوووم عوفهن

- لازم اكملهن ريري انه بطلعان الروح يلا لكيتهن

- حيدددر هالصوووت الصار شنوووو

- كولي يالله لتخافين كولي يالله

تعاي اكعدي يمي

اجتي وكعدت يمي وتباوع للباب

خليت تركيزي بس ويه هالعظام واخذت الثاني ورجعت اقرا بتجويد ...

<< وَأَوْحَيْنَآ إِلَىَ مُوسَىَ أَنْ أَلْقِ عَصَاكَ فَإِذَا هِيَ تَلْقَفُ مَا يَأْفِكُونَ *

فَوَقَعَ الْحَقّ وَبَطَلَ مَا كَانُواْ يَعْمَلُونَ *

فَوَقَعَ الْحَقّ وَبَطَلَ مَا كَانُواْ يَعْمَلُونَ * ...>>

بس خليت العظمه بالماي كبل انجفى وريري فزت وضلت مجلبه بايدي ..

وانه اباوع للدولكه ماطخيتهه والله ماطخيتهه

شوكعهه !!!

كلشي تنكع واحنه وكفنا .. ضليت اردد

لا اله الا الله ودنكت اشيلهن واقرا ايه الكرسي

وبعدني المهن وجان يطكن الكلوبات

واحد وره الثاني وريري تعيط

كبل جريتهه لحضني وضليت اردد

لا اله الا الله

وطلعت من الغرفه بسرعه

ضليت واكف يم الدرج وكامش ايدهه وهي

ترجف .. وانه كلبي يدك براسي

ام فاطمه صاحت علينه من يم الدرج

تسأل شكو ؟ وانه كلتله طكت الكلوبات ماكو شي ..

جريت ريري وطبيت للغرفه وهي تريد تطلع

مترضى تضل هنا .. كلتلهه..

- بس اصبري هذني ماريدهن يصعدن

- ماضل هناااا لك هاي الغرفه مسكونه

لك هنا همه هناااا ولك يمنه

امشي طلعني من هالبيت حيددررر ماضل هنا طلعننني طلعنننننييي

كمشت وجهه وكلتلهه..

- ادري يمنه بس الله موجود

يباوع لحالنه حتى لو بينه وبينهم شعره

الله يحمينا بهالشعره التفصل بيناتنا

- لك هي مال ايمان وحنان دمشي ولك خلي نشرد بريشاتنا

- خرررب ولج بس اصبري

- لك ليش هيج ليش اجوي مو متعود انته

احجيلي فهمنيييي شنو الصار

موو متعود تفك سحوره وميصير شي

لو جنت تجذب عليه !

- لااا بالله ماجذبت

بس مصايره وياي من كبل هيج ولا مره

-لعد الصااار ليييششش!!

ولك جان انضربناااا ولك يمنننه حيييدر

لك جسمي كزبر اختنكت فدددوه طلعني منااا فدوووه بعد مايضل بيه عقل اذا سوو شي النوب

- بس اهدي اهدددي

همه لان يخافون من ذكر الله هيج يسوون

لتخافين انتي بس اهدي والله ماخلي يصيرلج شي

- خلي نطلع حيدددر خلي نطللللع بعدين نحجي لك همه هنااا كلشي يسمعون ويشوفون اممششي خلي نروووح ولك شمبقينا بينهم

ياامعزاااا امششي

- ديلا البسي عباتج خلي نروح لبيت السيد

رحت الم الغراض من الكاع وهي تكلي عوفهن وانه كبل لميتهن بدون ماقرا شي

خليتهن بالعلاكه كلهن ورجعت خليت العلاكه بعلاكه ثانيه و وصيت ريري تخليهن جوه عباتهه ونزلنه ..

كلت لامي رايحين لملوكه نكعد وياهه شويه

وطلعنه ..

كلتلي ..

- حيدر تره هالشي لازم تشوفله جاره

لك هذوله يحركونا حرك مره الثانيه بس نطخ غراضهم

- لج شهالسحر الاكشر هذاااا يااامحمد

تعجبت ااانه تعجبت لج ريري ميه الف سحر مطلع وفاك ومصار وياااي شي وبنص المكبره اكعد بنص الكبور بنص الموتى

وكلشي مصارلي

هسه هنا من ايتين انهجمت الغرفه هجم

دخيلك ربي شنشوف بعد منهم دخيلك

- لتقرا بعد ايات

- لج شلون ماقرااا شلوون

- اييي لتقراااا مشفت شصااار بينه

اخذهن احركهن وخلصنه بعد لتسوي هالكعده

- ميصير ريري مو كلشي بالحرك ميصير

كل شغله الهه اصولهه

- خراااا بهالاصوووول ولك

جان متنااااا لو متلبسنه واحد منهم

شنسووووويييي ولك !!!

ولك يمممنه جااااانووووو عزااا ولللك عزاااا بعينيييييي

- استغففففر الله

اهدددي عاد كافي شجاااج

هاي عود انتي ام كلب القوي

- خلو كلب همه هجموه هجممم

اني من اول مابديت تقرا مارتاحيت

انعصر كلبي وخفت من هالشي يصير

حسيتهه شلون هاي بالافلام من يكعدون يستحضرون ارواح هييييج جنت انته مخوفني

- هههههه ابشرج هاي اضربين من الافلام

- نيااااال كلبك يالفطير تضحك بعد الصار

ولك اني مادري شلون حرجع افوت للغرفه

- ريري شجاااج يمعوده اريدج وياي مو اضل حاير بيج وبخوفج

قوي كلبج هاي بعد طبينا بيهه وكلشي نشوف

- اوووف اوووف

زين هسه هاي جبناهن ليييش

- نكملهن انه والسيد

- عزااا بعينك ولك بعدك تريد تكمل !

- چا اشمرهن واعوفهن  ! غير اخلص من بلاهن يلا

- يمممه عيني اني معليه بعد انته حير بيهن

اني اروح اكرص يم امليكه ومعليه بيك

- روحي رووحي بس شويه هدي نفسج

ريري اريدج تعاونيني افهمي هالشي لخاطر الاسلام

- اييي اييييي ادري

نزلنه لبيتهم وضليت كاعد ويه السيد احجيله

كل الصار من البدايه .. ضل هو صافن

على الغراض ويكلي..

- خويه احنه مالنه حوبه ! هالنفوس الماتت

وتعذبت مالهه حوبه يم ربك وتطلع بيهم

اعوووذ بالله من شر هالناس

- الهم يوم خويه الهم يوووم اذا مو بالدنيا بالاخره حسابهم عسير

- اريد من الله يشوفني بيهم يوم بالدنيا كبل الاخره واضل اتحسب عليهم ماطول بيه روح

اكول حسبي الله ونعم الوكيل على كل ظالم اثم وكافر منهم

حسبي الله ونعم الوكيل على كل جن وانس تعاونو لاذيتنه

- حسبي الله بيهم مالنه غير رحمته

شوفلنه حل خويه هسه شلون بهذني

- خابر هالغضب كله شلون بيهن ااانه شدراني شينفع ويه هالبله الاسود

ضليت اخابر بالسحار وجاوبني بعد ماطلعت روحي .. حجيتله الصار كله  وفاتح سبيكر والسيد يسمع الحجي عاد كالي

- كلش زين الصار حتى تصدكني وتثق بكلامي من اكلك العمل بالبيت وبمكان قوي

شفت هاي لو بره تفتحه جان كلشي مصارلكم

بس بيتكم عمل رابط بعمل

- يعني هسه اذا افتحه بغير بيت عادي ميصير شي ؟

- اي وين ما جان افتحه ماعليه شي

بس اريد افهمك شغله

- اي اسمعك

- الجاي يصير مو لان هالعمل قوي

وماينكدر عليه بس اكو عمل ثااااني

هو مسيطر عليهن كلهن يعني هو القوي

هو الي ميخلي احد يتقرب للبقيه

يعني هالعمل متأكد مليون بالميه مسوينه بيتكم

بحيث كل ماتريدون تخلصون من شي يرجع اقوى من قبل

- اي صدك منين مانحاول وياهن نرجع فارغين

- اييي هو هنا مربط الفرس

يم هذاك الجبير الي مغلف هالاعمال الصغار كلهه حاميهه فتضل شمتسوي تريد تتخلص منهه ياذيك لو يعرقل شغلك المهم ميخلي شي يبطل

- لا اله الا الله

وهاي شلون ؟؟ شنسوي

- ضل دور بس بعد الي تلكاه اخذه بره

اكلك

جيبه الي احسن

- هااا؟

- اي احسن احسن جيبلياه وانه اتصرف

بي

- خاف ماتكدر خويه ونتعبك وانته مابيك حيل ومريض ماكلفك وياي

- لاااا يمعود جيبه اتونس بي

لتخاف عليه انه اكبر عمل وجن مايوصلولي

خوش مداري نفسي وهذني هيج لعب العب بيهن للونسه

- كلش زين

چا لليل امرلك

- اكلك بثمانيه الا ربع  لعبه ابطال اوروبا

تصفيات التأهل الثالثه

خوش لعبه قويه هاي بين سبارتا براغ وسسكا

-هاا التشيك وروسيا اليوم

-اي ايي تعال هم نتعشى سوه ونشوفه

ونسولف بهذني

- يلا هاذ هوه يمك بالليل

-انتظرك

سديته وضليت اباوع للسيد ضاربله صفنه

كلتله..

-هااا بعد اخوك وين صافن

- هاي من شوكت ضارب ميانه وياه

ولك

- من زمان جا ماتدري !

- وانته شدراك باكلهم شلونه ورايح تتعشى

- خويه ااانه من خبرتي بهالحياه

فهمت ان المو زين وياك زين ماطول ساكتله

ومخليه على مايه ماتدخل بي

يعني انه هسه معاشره لهالسحار ميأذيني

ولااا يوصل كرباي لان مالي دخل بي

عندي شغلتين وياه كد سلام وسؤال

ومع السلامه

هيج ناس أمن بيهم لان عيني بعينهم اعرفهم شنو ويعرفوني شنو وكلمن كاف شره من الثاني

- هو انته كل المعاشرهم عوج ومو خوش

- كلمن اله فايدته بحياتي

وهذوله العوج بلياهم جان ضليت اعمى

سويلي طريق خلي اشوف ملوكه يلا

- اكلك

هاي تضل هنا ؟

- مضوجتك؟

- حيدر تره انته جبتهه تشتغل عندك مو

عندي

ماتحملهه انه

تره دمي يفور فوور عايف بنتي بحضن وحده  كيوليه ام دعاره وكاعد اتفرج عليهه

- كااافي سيد

عوفهه .. انه جبتهه حتى تلهي ملوكه شويه

وتونسهه وادري بيهه متزل وياهه

- هاي قناعتك بس انه ماتحملهه

كايلك من الاول كعدتها ويه العلويات

ماتنهضم عندي ومارضاهه

- يلا هاذ هوه

هسه اخذهه واروح وما كلفكم بعد

رحت للباب ودكيت عليهه كلتلهه تجي نرجع

وضليت واكف انتظرهه والسيد يمي يحاجيني

بس ماردله .. اخذتهه ورجعت للبيت

صعدنا للغرفه وضليت كاعد بس استغفر وافرك براسي وهي واكفه متخوصره تكلي ...

- شو هم جبتني هناا بنص هالبله !! شلحكت تسوي بهالنص ساعه !

- ريررري اسكتي لخاطر الله

-شبييييك شو مدلغم ؟

كعدت يمي وتكلي ..

- شبيك سمعتلك حجايه تغث مو

- استغفر الله استغفر الله

اتلكااااهه منين ربببيييي !!!

لج اانه كلشي اسوي لخاطر بنته

اروح واجي واصرف واجازف لخاطر هاليتيمه والله هي الكاسره كلبي اكثر من اهلي اكول ماشافت شي من عمرهه خطيه مو مثل اهلي عاشو وشافو هاي محرومه من يومهه ووكت الصدك يعوفني وحدي احير بامري

- ويطببببببه مرررض شكو مهتم!

- لتغلطيييين

- لك بابه لتضل فاهي وحساس

كلشي توقع بهالدنيا كلهه تصيح يارووووحييي

لاتضل بكل كلمه تسمعهه تنصبلك فاتحه ,

اسمع وطنش لو ترد الكلمه بالوجه وتخلي العيب بالجيب حبيبي

اليعيل وياك اكسر ظهره اوووكيييييي

لتصير نانسي عجرم عالمك وردي و كفخه هوا شرجي توكعك

الي يكبح وياك الزمه وشك حلكه بالكباحه

- افهم هالشي اعرفه مو صغير, بس مو طبعي اكبح ويه الناس كايلج احنه طبعنه اليسمعنه كلام يغث نعوفه ونمشي مانتلاغى بالحجي ويه احد

- وهسه هذا ماحس على نفسه من شافك كلبت خلقتك وياه وسكتت؟

- اي اكيد فهم بس انه حز بخاطري موقفه

- هو شكلك يعني

- يكلي ماريد مرتك تضل ويه بنتي أخاف عليهه

- دشوووف شووووف هالكحبجي شيكول

ولك هو انييي جايه علموووود منووو !!!

- علكيفج صوتج

- لك اننني اجيييت مو علمود صخيمته

بنته !!

شو هسه كااام يخاااف منييي وميريدني مو هو الي اجه برجليه لبيتي

هسه كام يستشرف براسي ابن التن...ج بالزويه

- ررييرررررررريييييييي

- وووجعة امي وابويه شبيك تصيح

- لج تسبين كدااااامييييي باااهليييييي

- اسب كدامك وكدااام الخلف اهلك 

اسمع ولك حويدر

تروح على هذا الجحش المصوفر تكوله

ماعايزين على بيته واهله ويطردنا منه

وبنته بعد تجيبهه هنااااا يمييييييي سمعتتتتت

هنااا تجيبهه من نص عينه الخايسه تاخذهه

- استغففففر الله رببببي واتوووووب اليه

لج لييييش هييييج ليييش تسبييين بيهم ولج

مو حطوج بعيونهم

- مبيييين من حجي ابن عمك المصون

شمدريك شحاجي بعد يم اهله علينه

- ميحجي شي هذا اعرفه حجايته بس بيناتنه

-عييينييي بينكم وراكم مايهمننننني زييين

يطبه ستين مرض ميهمننني ان عجبه او لا

المهم امليكه تروح تجيبهه يمييي هنااا وتكسر خشمه

ضليت افرك براسي ومخنووك من حجيها ومسبتها .. وهي تدخن يمي جان تكلي ...

- شبيييك شو خنست شكو

- حجيييج يااالكعبببه حجيييج ريرررري

ارحمييينيييي بطلييي مسبه وفشار بكل حجايه

- ايييييي هسه شخبصتنه

اليسمعك شو شكايله سبينا كعبتك هسه وتخبلت

- ومسبتج هاااي شنو هينه؟

- اكولك تره حجي عادي ماسبيت اووكييي

هسه هو احنه كلنه ولد المني...ج...ـه شكو بعد

-خرررربببب بييييج لج

- اييي شبيييك هسه لعد احنه جايين من فطر الحايط !!!!

مو كل امهاتنه مني....ت بعد شكو !

شنو قابل حبلن بينه من الهوا !؟

مو كلهن زويه و ن ..ج بعد شكو ضايج !

حاجيه شي غلط ؟؟؟

-ههههههههههههه نعلى على ابليسج ياريري

- دضححححك خرااا بييييييك شكد عكره

هسه اني بنت مني....ـه

وانته هم وابوك وابويه هم وامك هم وجدي وجدك هم وكل الكره الارضيه هم بعد شكو شغلت مكبر صوت بلعومك عليه !!!!

- ريريييي عيب هالحجي عيب مفرداتج ثكيله

- لاا مو ثكيله عيوني حاااره حاااره تجدددح

-هههه اييي

- اييي اني احجي طك بطك بعد عمرررري

هي الكلمه مبيهه شي بس انته تجفل منهه

ولا هي شبيهه

ن ...ج يعني جنس شبيك انته متعرف الجنس شنو ! شو متجفل من اكول جنس بس هناك تكب عندك

- هههههه لج هي شويه الفاظ لبقه

- عيونييي خليتهه الك صير لبق ويه اللبقين العندك اوووكيييي عوفني اني اجدح نار بحجيي

-اعوفج عمي اعوفج هو انه اكدر لحجيج !

- اييييي هسه متروح تجيب امليكه دنكمل الحلقه سوه

- ياحلقه؟

-شبيييك مو كتلك متابعين كارتون سوه

-ههههه شكبرج شكدج متابعه كارتون!

- شسوي تابعت كومه اباحي تعبت نفسيتي منه كلت خلي اسوي غسل وتشحيم لدماغي

- ايييييييييييييي لج انتي شكو درب اعوج ماشيتله

-يااااااه .

هستوك يلا دريت

امده حظي اذا صدك

- هههههههه شلووون بيج شلووووون

- اكولك شو حبيت حضنك حلو

مترجع نتحاضن بعد دنحس بالامان والاستقرار شويه

- استجلي بعد عيني استجلي

- اريد استجل بحضنننننك تعااال

- متتتتتوووووضيييييي وجايتنه الصلاه

-صلاتيش هاي ولك ساعه خمسه العصر

-صلاه العصريه وخري عوفيني

- خواااااف نعلى عليك

زوج جيس حب انته شمحصله منك خرا بيك

- خراااا بيج انتتتتي لتضلين تغلطين ولج سودنتيني شهالقابليه العندج

- يبوووووووو

بديناااااا ويه جناب السيد

لك هسه انته ماتغلط على احد !

ماتصير عصبي ؟ ممتعارك فد يوم ؟

-كللشششي ماعندي انه رجال اروح واجي بدربي لا اتعارك ولا اغلط

- اله اخليك توكف بالركن انته وتوثيتك

تكفخ بالرايح والجاي دصبرلي

- هااا ولج هاااااا شجاج

- ااانيي هالنفسيات المؤدبه زياده اريد اقرضهم واول ماابددددي بيييييييك

- اتعبين نفسج وياي انه من الابي مؤدب ماتغير

- اغيرك اغيرك لك معاشر ريري انته

متدري بالضيييم الي وياااك ولك بعدك ششايف منييي

- بوووييييييه هو على الشفته حتسودن

دخيل جدج فكي عني رحمه لوالدينج رحمه لدينج انسيني لتخليني بالج عوفيني

- يلاااااااا هااااي لخاااطر

طليان لاوي بس ذوله اعزهم وراح اعوفك علمودهم شويه ماشوفك شعندي ماعندي

- ههههه طليان لاوي شجابج عليهم !؟

- شلونهم فدوه رحت لصوفاتهم كاعدين بلبه كلبي يستاهلووون اعوفك علمودهم

- هم خلف الله عليج

- اكووولك

هسه شسويت ماسويت بيهن هالصخايم

الاخذناهن

- خابرت ابو سعد عليهن

-ابو سعد منو ؟

- السحار الحجيتلج عليه

-ايييي وشكال

- كال جيبهن وتعالي بالليل نتعشى ونشوف لعبه دوري الاوربي وهم اني افكهن الك

-هااا لك خوش سحار هذا يعرف الاصول

-والله شو هو خوش رجال بس شغلته عوجه ومخربته حرامات

- عادي كلنه بينه زين وموزين

ديلا كولي ماحجالك بعد منا منا

- اي كال هاي اكو عمل جبير قوي هو الحامي كل هالصغور وميخليهن يبطلن

كال هو السبب بكلشي ماكدرتوله لليوم

ومن اروحله هم افتهم منه بعد

- اييي

اسمع حويدر

كوله .. اليسوي هالاعمال كلها هذاك الابي يعني السحار المثله هم يشوف هذوله اليسخرهم بالاعمال لو لا ؟

- خوش سؤال هذا راح اكله عليه

-اي وكوله .. قوه السحار منين تجي ؟

وبيمن تضعف ؟ مو تنسى لازم نستفاد منه كولش زين

-اي ماشي

- هسه تروح لو لاااا

-لا حطلع للمحل

- زييين اكوووولك شلون نتعشى اليوم

تره ميته جووووع لاهم تكضيهه عليه ركي

تره جوعانه جوعااانه

- ريري اطبخي انتي اغلطي هالمره واوكفي على طباخ

- اطبخ ط....ي

اكوله ماااعرف اصخم بعينك شيوكفني ع الطباخ شسوي اتصفن على الجدر واطكطك بي

ضليت بس اضحك وافرك بوجهي

جلبت الضحكه بعد اريد اسكت ماكدر

وهي ايديهه تنتر بيهه ويه كل حجايه

تخليني افطس ضحك عليهه

- ولك شوفلي جاره حويدر لا اهج منا

كلشي ولا الاكل لتتحارش بي وياي

- ريري بالله العظيم انه على وشك التفليس

تفهمين شنو يعني ! هالشهر صرفت هواي وحاليا بديت اوشل لازم تدبرين نفسج

باكل البيت ماكدر كل يوميه غدا وعشه من المطعم

- بجى بجىىىى بعدك صرفتلك بالخمسين الف وكمت تلطم لعد لو تصرف مثلي شتسوي

يمكن تشمر روحك من السطح متتحمل ابو فليس ينوكل كلبك  على فلوسك

- ولج بوووويه ااانه مو جحفي بس ماعندي والله لج هنه ست ورقات استلمهن ونصهن للسلفه والباقي مصرف وسحب انه ساحب خط وحدي فوك لان ويه البيت تفصل ميكفي

وهاي الشهر كله عليهن

- والمنا ومنا الكلت تطلعهن وينهن ؟

تدحسهن مو ؟

-ههههه لج هو انه ملحك حتى ادحس

تره مو دايماً انه اخذ كل الشغل

وياي اثنين ولد ومتقاسمين بكل شي

يعني يمكن بالشهر احصلي اثنين لو تلاث

كاميرات بالزايد هاي يعني اذا حصلتهن

واذا ماحصلتهن تضل على تصليحه الحاسبه

- اييييييي ديلااااااااا انييي انطيك لتلطم

- ماااريد تنطيني اريدج بس تتعلمين تطبخيييييين

- دكووووم علمني مو دكيت صدرك واعلمج وسهله ديلاااا تلحلح عاد شكد روحك طويله

- ياااابويه ياااصوتج لج تسطرين انتييي تسطرررين علكيفج وياي بروح الحسين

- اييييييي حيييدددااااار تره بزعتني شنسوي هسه احجي

- راح اطلع انه وانتي شتسوين سوووي

زينن

- دروووووح عااد

خلي اخابر شويه اشوف شكو ماكو

- انزلي يم امي مو تضلين هنا كاعده

- اييي ادرررري روح معليك بعد

- زين بالليل راح اعوف اللعبه ماشوفهه حتىً نسوي العشه سوه وبعدين اروحله

بس كود هذني يصعدن ويخلصنه

- اني اشلعهن الك تددددللل حدوررررتييي

- رايح انه عيني رااايحححح

عفتهه وطلعت اخذت السياره وكبل للمحل

خبنت الشغل بسرعه بسرعه ونص اجلتهن بالبيت اشتغلهن ورجعت بثمانيه للبيت

سلمت على اخوتي واهلي وكعدت يمهم واجتني ريري .. شاورتني ..

- لك شحتتهن شحته ههههييييي

لك بس شوووف شوووووووف شسويتتتت

.

.

يتبع

عفتهه وطلعت اخذت السياره وكبل للمحل

خبنت الشغل بسرعه بسرعه ونص اجلتهن بالبيت اشتغلهن ورجعت بثمانيه للبيت

سلمت على اخوتي واهلي وكعدت يمهم واجتني ريري .. شاورتني ..

- لك شحتتهن شحته ههههييييي

لك بس شوووف شوووووووف شسويتتتت

- ريري كلبي راح يوكف ولج خوما تعاركتي !

ماطلعتي لسانج بروح الحسين طمنيني

- لك دننننجب ياعركه شبيك

- لساااانج من نعلى علييييييج لتغلطين

-ديلاااا اووكييي

بس شويه شغله لراسك المكرفش

- تعبان احجيلي شسويتي وينهن هذني

شو سنطه

- فلفلتهن  ياعيوووونييييي

باوع راح اكوم هسه اصعد لغرفتي وانته احسب للعشره وشوف شلون راح يضل الملعب النه ههههههههه

- هههه بعلي اذا صدك تسويهه

الا اطلع اجيبلج علاكه ام العشره واشبعي الليل كله بيهه

- لك هلللللللا بحسسسسك

دشوف شوف بسسس شوووف

كامت طلعت لباب الغرفه ورفعت دشداشتهه

وبينت رجليهه وضلت تتلفت شويه ومشت

للحمام ..

ضليت اباوع لساحه الدرج واشوف ام فاطمه

واكفه باب المطبخ وتكلب بتلفونهه

شويه وسمعت صوت ريري تكول ..

- اييييي هسسسه زين ااوف البروده شكد حلوووه اوف اووف

وكفت يم باب غرفه اهلي وكافه ردانهه

ورافعه الدشداشه وتكلي ..

- حيداااااار عيونننيي تجي تسبح هسه

شلووون مي بااارد ثلج

ومدامها وطنيه ومشغله الماطور والمي قوي

تعال اسبح عيوني تبرد شويه وريح جسمك

ضليت فاك عيوني عليها ومادري اكول اي

اكول لا ؟

اشرتلها شنو شنو ؟؟

وهي بس تغمز وتعفس بوجهه

مافهمت شحجي كلتلهه ..

- هااا اي شكرا

قصدي اي هسه اسبح

جان تخنزر وانه كلت ..

-لااا عيني لااا بعدين اسبح بعدين

ماريد اسبح

جرت نفس واندارت تباوع لام فاطمه

وكالت ..

- هااا يلااا عيوني لعد راح اصعد اااانييي

مو تنسى تجيبلي من المحل الوصيتك عليه

فدوه

اوووكييي عيني لاتتاخر انتتتتظرررك

- اي  تدللين

رفعت دشداشتهه اكثر وصلتهه جوه الركبه بشويه ومشت وهي تتمايل هيج وهيج

وراحت صعدت ...

ضليت انه بس اضحك وامي تباوعلي

تكلي شكو وانه ماعرف شكللهه بس اضحك

تالي اجتني رساله بالفيس منهه ..

كاتبتلي ..

- من خرااا بدماغك المجيم

تعال اصعد من اشتعلت عشيرتك

اصعد عاد

كبل كمزت وصعدتلهه .. لكيتهه واكفه يم الباب واول ماشفاتني كالت ..

- شبيييك انته غير تصعد اضل اعلم بيك

- ماكلتي اصعد هسه

مو كلتي روح للمحل

- خررررب بحضييييييي وين مامصخم ونايم

لك يعني تعااال بسرعه متحضرتلك يالاغم

افتهمني ع الطاير لتشلع افاااادي

- ييييييييي بديناااا عاد بتغريداتج الحلوه

- اسكت اسكت مامنك كل فايده

وخر خلي اشوف

- شتشوفين ولج

- لك اسكت لاتخليني اهلهل هسه اسكت

دفعتني وراحت للطراز تباوع جوه

وكفت يمهه ..

- شكو شجاي تسوين هنااا

- لك بس اسكت خلي اركز اسكت

لتفك حلكك بعد اسكت خلي اسمع زين

- شتسمعيييين

- اسكت بروح جدك الغضب عليه وخلف اهلك الخلفوك اسكت

كرصتهه بزندهه وردتهه الي بعضه

- من اشتعلت صفحتج شبيييج ولج انجلبتي

- انجلب من تلح وياي كتلك خلي اركز

عوفني

- خلي اشوف تاليهه حنظل ؟سماكي ؟

عافتني وراحت نزلت درجه وحده وضلت تباوع شويه واجتي ركض يمي جرتني للغرفه

وضلت تأشر نضل ساكتين

شويه وسمعت صوت باب الغرفه الجوه انسد

جان هي تهز ركبه وتكلي ...

- طاااح النجررر طاااح

وطاااح النجر طااح

ططمم ططمم طم طممم

-ههههه لج شكووو فهميني

- صعدتلك حنفيش وحنفيشه

وراح يسون ليله حمرررره بعددد شتررررريد دللته لاخوك اليووم

- خرررب بعرضج اذا صددك

- دتعال شوف شوووف

هاي مو غرفه عزيز المسدوده هاااااا

صعد لو مااااصعددد

- عفيييييه

والله نجره

- لك اااانيي ريري لللك فلك اسود انننييي

دصبر بعد طنطوله هسه اصعدهه وهاااا

شرررط سااابحه دتسمعععع ساااااابحه

- جذذذذذذذب مااااصدك تسبح قبل وبعد

- هههههههههخخخخخخ

ودااااعه طليااان لاوي تسبح وهسه تشوف

لك غير فلفلتهن تفلفل

دشوووف شووووف بس شوووف شلون راح تجي وهي سابحه

- وعلييي اذا صدك سابحه عشاج عليه يومين

- لككككك هلللللللااااا بحسسسسك

لك فدووووه لحكككك تروووح طنطول وعشيرتهه

اكعد اكعد خلي نراقب طلتهه البهيه

كعدنا على اول درجه وننتظر

وجرت الدقايق وهي ماااكو

ردت انزل اشوف عادل وين جان سمعت الجهال صعدو رجعت كعدت بمكاني

وضلينه نباوعلهم من فوك لحد ما شفت عادل صعد وهي تأشرلي بحواجبهه شوف وشووف

واخر شي طلعت  ام سيف من الحمام

ولافه الخاولي على راسهه وطبت لغرفتهه

كبل ريري كامت وهزت جتف وتكلي ..

- سبحتتتتهههههه ام الووووصخ سبحتهه

هههاا ههااا

- وعلييي صدك هاي سابحه

لج شلون قنعتيهه تسبح !

- لك دمشي انزل سويلي اكل طكني الجوع

واني اكعد احجيلك

امشي لك خلي نحتفل امشششي

- وعلييي تستاهلين العشه

مو لخاطر شي بس اخوووتييي فرحتلهم

ههههههه

- يوووم الالك وافرحلك هيج بعرررسك

- ياالله يالله بلكت تصير صدك

نزلنه بهدوووء وركض ركض للمطبخ

كلتلهه..

-لج خاف ينزلون شويه نوب

- اكصصص ايدي اذا طلعو للصبح من الغرفه

- هااااا هيج متاكده !

- لك غير اليوم راح اعرسهم من جديد

-شلووون ولج

- دوكف خلي اشوف اهلك شياكلون

همه بس جرك  وجاي اكلو خاف جاعو

راحت الهم وانه واكف اكشر بتيته

كشرت وثرمت يلا اجتي ..

- هاااا

- يكولون منريد شي بس حاخذلهم فواكه

خطيه خلي ياكلون شو هذوله هم يابسه حلوكهم مثلك

- اي عفيه عفيه داريهم

-وانته داريني تره اذا اضل جوعانه اهجم عليك واكلك

- ادري اليوم نفسيتج مفتوحه ع الاكل وراح اكثرلج

- عفييييه برجلييي عفيييه

لو هيج الرياجيل لو متنراد

اخذتلهم صينيه الفواكه وراحت

وانه واكف اكلي البتيته .. واكشر بيتنجان

واجتي هي ..

- هاا اكلو

- اييي شلون لعد وكلتهم من ايييددييي

واجيت كلتلهم كملوهه اذا بقت ازعل عليكم

- عفيييه انتي خوش تسايسين

- حيييييل اعجبك بهالسوالف

- اييي احجيلي شسويتي وياهن

كعدت بالكاع تباوع للباب ومخليه يمهه

العنب وتاكل وتحجيلي ..

- ضليت افكر شلون بيهن يضلن محمضات جوه لازم اشحتهن

عاد اجيت بسطت وكعدت يمهن

وافتح الفيس واطلع سيتات النوم واكلب بيهن

- هههههااااااااااايييييييييييي ياااااابوووويه

يااابوييه

- لك دسسسمع

مو اكلب بيهن واشوف لام فاطمه واكوللهه

شتكولين ياهوه اوصي ؟

وهي ماترد عليه عود معاجبهه الحجي

جان اعوفهه واضل اكلب وحدي وشفتلي واحد احمراني  يلهب لهب ومشلح

جان اكول

ايييييي هذذذاااا حيداااار يموووت عليه

اوووف هاللون يخليه يتخبل عليه الاا اوصيه

- بس اااانه اكره الاحمر

- ويطبببك ...

لاا لاا دتسويلي اكل عيب شويه لازم احترم

- بالله العظيم لو مكملتهه جان ركعتج بالطاوه واخليج تنامين ومصارينج تتكطع من الجوع

-هسه مو سكتت شجاااك يااا

- ايييي انتبهي شويه

-اييي عينييي

جان طنطوله تكولي هذا منين وشلون تحصلي

كلتلهه غير من النت بس اوصيه يجيبولي

وراح انطيهم رقم حيدااار هو يستلمه ويدددفع

- راحت هيبتي وعلييي من اهمداج على هالخطه

- ليييش يمه !! مو سحلتهم سحححل

- وهيبتي هم نسحلت وياهه

طلعتيني اشتري ملابس  نوم واحمر وادفع وبالمححل واجيب لجنابج حتى تلبسيلي

شبقيتي من هيبه ولج ليش هيج ريررري

- اييييييي واذااااا

كل الزلم هيج ويه نسوانهم

شمعرفك انته  بهالسوالف !؟

اسمع واسكت

-ايييي اييييي خربت وعلييي

-اييي عيوننييي دسسسمع الباقي دسسسمع

جان كلتلي شو خلي اشوف شكو عدهم

واكعدلك يم طنطول واشوفهه محححل محححل وابو العشرين اكوللهه بعشره

وابو الخمسه وعشرين اكوللهه ب١٢

وجبتلهه حتى امهات السبعه والسته

حتى اخليهه تحرك جيبهه وتشتري لهالمكرود

وجان حنفيشه تطبك ويانه وهم تريد تشوف

واااانييي بعد استلمتههههن

- شسويتي ولج بس لا جبتيني بالطاري !

- لعدددد شلووون يااا حويدر

لاااازم احطك بكل سالفه

وكعدت احجيلهن على ابداعاتتتتك وياااييي

ياااحضييي بالاحلام اضل اتحسر عليهه

- ولج ريررري ولج شصخمتي بسالفتي

- مااصخمت شي

بس كلتلهن

حيدااار فد يحب هالملاااابس

وجان كل مايجيني بيتنه اسببببح لان هو يحب يشتم شعري المبلل يذذذوووووب بيي يذوووب

واحط البوطره بركبتي وصدري ويضل هو بس يشمشم ويتلمسسسسس

- ياااابوووويه ياخضيييير

احتررك البيتنجان

- دنتبه ولك جوااااعىىىىىى فضنااا عاددد

-لج خليتيني اندل دربي ببععععععد

ليششش هيج ولللج فضحتينيي

- دكملللل العشه عاااد يلا شتطبخ قووزي

- جاااي اكلليييييي انطي صبر

-ايييي يلااا خلي احجيلك بعد حتى ماضل انك فوك راسك

هااا عينييي

جان حنفيش يفلفلللللل ع النوومه

واني اكوللهن شلون انظف جسمييي

واهلسه هلسس قبل متجيني

واخلي  المرطب ومن تلزمني شلون تحب الجسم الناعم وتفققققد عليه

-هههههههه ربييييي باوع لحالي ربييي مظلوم

- ههههههههه دسمممع ولك خلي اكمل

واكوللهن شلون البس البرموده اللزك

واتفرفر بكيفييي بيتي هناك محد يحجي عليه عينييي خواااالي سبوررررررت وحيدااار

يموووت عليهممم لان مخلينه براحتنه

واخذك للغرفه عينننييي وانته كبل تهجم عليه

ااااابد متنطيني مفكه وتفقد على الريحه والنعومه مال جسم عينننيييي تخررررب بعد مو بوعيك تصيييير وياااي

- ههههههههه ولج وعلي فقير ااانه وهالشغلات بالحلم ماسويهن

- يجيك السره وهم افلفلك شويه اصبرلي

عبالك اعوفك هيج !

الاااااا اخليك مسطور وتصيح تعاااااااي

الحكينييييي

- هههههههه يااااابوووووويه

فكككككي عنييي ولج ااانه مالي خلك والحسسسين

- ديلااا خلي اكمممل بعدين يوصل سراك لتستعجل

دسمع االجلطه الحجيتهه

- ريري ارحميني

- كلتلههههههن.

هااااااا

- شكلتيييي ولج !

خليت الطماطه ع النار ووكفت اباوعلهه وبايدي الخاشوكه بعدهه جان تكلي ..

- كلتلهههههنننن

حيداااااار من اجينه هناا صار يكووووليييي

-ايييييي احجيييي عااد

- يكوووليييي

اريد اصعد الكاج مصلخه وكبل اهجم تمصمص عليج

- ااياااااا كحبببببه على هالحجايه

شمرت الخاشوكه عليهه وهي كبل انبطحت وتضحك وجلبت بالضحكه وااانه ارزل بيهه ..

- لج انتتتي تريدين تموتيننننييي

لج شكوووو تألفين عليه حجي ااانه براااسي ممخلي !!!!!

لج اخوتي شيكولون عليه من يدرون بسوالفج هااااااي ريررري

- هههههههه

ولك ماااايدرووون لتخااااف

- يدرووون هذني يضمن حجايييه

- ودااااعت الطليااان مايحجن

لك هذني بس يردلهن شغله يتعلمنهه ويفلفلن  رجولتهن بيهه مو عاد يروحن يحجن ويخربنهه

لك عقل نسوان متفهمه انته

- لج شكووو تحجييين هييييج شكووو

- اييييي غير احسسهن شويه على نفسهننن

وهنننه طلعن ميتاااات ع الن ....ج

بس يردن رجولتهن يتلحلحون وياهن

والظاهر همه لعبانه نفسهم منهن وهاجريهن

فماااصدكن يستفادن مني ويرجعن رجولتهن

-ايييي وشعلمتيهن النوب

- هااا دسسمع

مو كلتلهن حيدااار هيج يريدني مصلخه

بس شنووو ااااااانيييييي مقبلت

كلتله لااااااااااااء اببببد

محلوه تصير

الاااااااا البسلك وتنزعني بايدك

- شوووووف كسراااان الوجه النووووووب

- اييي عيونيييي

واااني البسلك كله ورردي واحممررر

انته تخررررب ع الاحمر تذوووب بيي

والبسلك كووووله ابو الخيط

وانته تنسسسطر بي كببببل تصير ترييد حتى لو تعبان متتحمل بعد الااااااا تشيله بايدك

وتبوسسسسس

- من نعلى علىىى صفحه الكابلج وسمعج

لج صخمتي وجههههي لج بياوجه بعد اكابلهن لج ريررررري

لج احرك روحي!

لج احرككككج

لج شسوي بيييييج

-اووووويييي شكد تغث

اي مو داكولك سمطتهههن سمممط

هنه من حجييي فولن عاااد رجولتهن شلووون بيهم اذا سونهه الهم

مو زين اداري اخوتك طاكهم الجفاف

ولك لو مااا انننننييييي جان ام الخياس هاي ماسبحت وذبت الگلگ

- ايييي بس بهاااي بيج فايده بس صخمتي وجههههيييييي زين عيننيي ااااانه شنوووو ؟؟؟

تصخممم وجهيييييي يامريتيييي ام التهمبل

- ويتصخم هسه عاد هو  شلونه

يبرج برج

ضليت اغسل ايدي  واضحك

واكللهه ...

- ولج بالله العظيم انتي بلوه

لج مادري اضحك على حالي مادري اكضج انعنع ضلوعج على هالحجي

- جيييب العشه عينيييي دخلي ناااكل

واكملك شهمبلت بعددد

- كووومي انتي عاد خلي الصينيه

انه تعبت هديتي حيلي بهالمصيبه ولج

-هااا يعني مابيك خير نسويلنه وحيد منا منا

-ريرررررري

- ولك مو هم اني اريد يعني مايطكني جفاف

شبيييك دحسسسسس شكد فااااهييي

لك لو اني رجال ويمي هيج مره تنعش الروح

الا كل ساعتين احطهه وان....ـهه

- رحممممه لطليااانج فكي عننننييي

ااانه مو كايلج عاجز و بارد مافيدج بويه عوفيني لتتاملين بيه

-اووووف ياحضضضييي اووف

اشبع غيري واني محرومه

كامت خلت الاكل بالصينيه وجابتهه يمي

وراحت للثلاجه نكلت نصهه خلته يمهه

وضلينه ناكل وهي تكلي ..

- لك هاي حنفيشه فدنوووووب تمووت غيررره لك كل شويه تسألني

شتسولفين ويه حيدر وشكد تخابريه

وهم يجيبلج شي من السوك وشكد ينطيج مصرف وشجابلج ذهب

يبوووو شكد تسأاالل

- ايي وشبدعتي على حيدر كليلي

-ياااا غيرر طلعتك لوووز

انتتتته الي تخابرنيي كل شويه وتكووولي

مشتاقلج ام بيتي مريتي

-هههههههههههه صبررك ربييي

- وتجيبلي هواااي حلويات

-اي بسسس هنااا صدكتييي

- اييي عينييي وتنطيني مصرف كل اسبوع

واي شي اريده بس اكوووولك تجيبلييييي

وذهب كلتلهه ماشترينا

هو وعدني بس نعقد محكمه ياخذليي

وجان خطييييه ماعنده وماحبيت اضغط عليه

ااانييي كوووووولشييي اتنازل لخاطر عيونه الدكم

- هههههههههه بروح الحسين خلي ناكل لا اغص ويطلع العشه سم عليه

تتنازل ههه

ابويه المعلك بركبتي دفاتر وعقود وجيب وجيب

- ايييي عااادي هو جذب وبلااش

اييي عينننييي

جااان اكوللهن خلي احجيلجن شلون اني وحيداار حبيبييييي نتفق ونصعد من اشتاقله

- ريررررري ولج !!

- اييي دسممممع

كلتلهن من اكوله جيبلي هالشي من المحل يعني اريييدك فوك وراح اتحضرلك

وهو كبل يفهم ويعوف اهله ويجيني

هههههه فهمممت ولك ليش دزيتلك رساله وكلتلك اصعد

- يابووووويه عقل اكشششر انتيييي

- ايييي شعباالك اصلا هاي هيج تونست بيهن

وهنه الغيره فوووولت عدهن

وهااا كلتلهن اني وصيتك تجيبلي هذا الاحمر

وتجي والبسه الك اليوووم

وهاي من غسلت جنت ع اساس لان انته تحب جسم بارد ونظيف وتشمشم ومن تشوفني هيج كببببل تفوووول وتجيني

وهنه شافني هيج ويدرن ورايه ليله حمررره

عينننني فلفلن

كبببببل ركضن صعدن وسحلن رجولتهن

هههههههههههه لككككك سحلتتتتهننننن لو لاااااا

- سحلتيهن وسحلتي ابوهن

ينكدرلج انتي لا بالله

- اييييييي اووووف اوووف لووو تكمل فرحتي ياحضي

- ااااحممم

- ديلااااا فهمتتتتت

- ريري بداعه كل عزيز عندج لتجيبين طاريي بعد بنص سوالفجن ولج عيييب

بووويه عيييب هيج تطلعين سوالف بينهن

هاي يروحن يفضحني بين اهلهن

- واذااا هسه بايكين ناهبين رجااال ومرته وبالحلال بعد شكوو

- ميخالف ريري شويه ثكككل بروح الحسين اثكلي شويه وياهن

- ديلااا اوككيييي

اصلا بعد ماحجي هيج حتى اني هم مافلفل عليك وانته كلشي ماكووو

-اييييي عفيييه أسااا  تعجبيننننييي

كمت غسلت وكلتلهه ..

- راح اروح لابو سعد مواعده بثمانيه وتأخرت عليه حتى اسوي عشه لجنابج

قدري هالشي وديربالج عليه ولج لاتجلطيني بسوالفج بروووح ابوووج ديربالج عليه

- ديلاااا اوووكييي

- يلاا اغسلي المواعين ولملمي منا ومنا

نظفي واصعدي ارتاحي انه اتاخر يلا ارجع

- ولك مو تغلس على علاكه ام العشره

جيبهه وروح وين متريد

- من اجي اجيبلج

-لااا عيني لااااا يروح يعزل المحل وتكولي عزلوو باجر وتاكلهن عليه

هسسه اوكفلك بالباب تجيبلي وتروح

- ياااابويه

ولج بس لا تخرطيلي هيج حجي كلشي اجيبلج بس علكيفج وياي

-ديلااا عااااد سكتتت

طلعت للمحل ولميتلهه من كل شي حتى جكاير هم اخذتلهه وكرزات وقواطي

مشكل وجباسه ورحت لكيتهه صدك واكفتلي بالباب

كبل اخذت العلاليك من ايدي وكلتلي ..

-يلااا حدوووره دربك اخضر رووح بوجهك خلصنه من هالبله الاسود

- يلاا رايح من اجي اريد هدوء شويه  الله عليج

-اووووكيييي يجوز تلكاني نايمه

اذا لحكت اخلص هذني واذا مالحكت اسهر بس ماحجي لخاطر الملح والزاد البينه

-عفييه بريري عفييه

شغلت السياره وطلعت .. والطريق كله اتذكر سوالفهه واضحك لحد ماوصلت لبيت الرجال

تلكاني ابوه واخذن يجوه للهول

لكيت ابو سعد كاعد على القنفه وبايده المغذي

- هاا خويه سلامات

- شويه الضغط نازل بعد اخوك الدوا يهد الحيل

- مشافى ان شاءالله

- بدعواتكم

وينك تاخرت فاتتك اللعبه خوش أهداف جابو

- والله صارت بعد مالحكت على موعدنا اعذرني خويه

- لاا بويه كل الهلا بيك شوكت ماجان

يلا نتعشى

- لااا وعلي هسه تعشيت واجيتك

- مو خوش حجي هذا حيدر

انه ماتعشيت انتظر بيك چا اضل بلا اكل وانه ضغطي نازل من وراك ! شلون بله

- ههههههه لااا خويه مايجوز

- چا خلي نتعشى سويه

خوش المره طابختنله برياني ريحته تكفخ بالخشم

ضلينه نسولف لحد ماخلو العشه وكعدنا ناكل

وانه شبعان شويه اكلت وهو وابوه مايرضون الا اكثر اكل والنوب الجاي كلساع اشرب

والبقلاوه ابوه يجي يفتر بالماعون يوكل بابنه ويجي يكلي هم ابنه انته ويوكلني

الا ماانطحلت بعد وبديت انعس

جان ابو سعد ياخذني وياه  جوه لبيته وصعدنا فوك لغرفه مابيهه بس دواليب حديد والكاع

مفروشه بوصله بيضه مدوره ..

كالي ..

- اكعد حيدر اكعد

ولك فد مشتاك لهالكعدات بعد اخوك همزين اجيتني

- هاي غرفتك كبل تشتغل بيهه

- لا انه ماشتغل الاعمال بالبيت اخاف على الجهال بس بالمكتب اسويهن واكملهن

هنا بس اذا اريد ادرسلي شي بيهن او اخطط لفد شغله 

- هااا يعني بعد اخوك امان هنا لو هم تخرف الكعده

-اماان ولك هسه شكو ماتكلي

- ايي زين زين

طلع مواعين اثنين بيض عدله و اقلام ماجك احمر واسود وتلث بيضات  مكتوب عليهن رموز بخط اسود

كعد كدامي ومخليهن على يمنته واخذ العلاكه مني وفتحهه كدامه .. كالي ..

- تدري انه صار عندي فضول اعرف ياهو المشتغلهن هذني ؟؟

- هاا قصدك السحار المسويهن

- ايييي انه كلهم اعرفهم الي بالمنطقه يعني

وهم اعرف المنا ومنا اريد اشوف ياهو هاذ الماخذ عايلتكم مقاوله وانه مادري

-هههههه مصيبه وعلي هذول راح يجلطوني

- بس صدك المشتغل كلشي من هذيج السنين لليوم هو شيطاااني مأصل وانته افهمها بعد

- شنو الفرق همه كلهم شياطين ؟!

- لااااا تفرق بعد اخووك تفرررق

صار يسفط الخيوط بالماعون مره بالعرض ومره بالطول ويكلي ...

- اكو منهم جماعه حدهم للجن يعني بفكرهم

عبالهم همه حلالين مشاكل وعدهم فد نوع من النور الرباني ويساعدون الناس بمشاكلهم بالعالم الثاني فتلكاهم يخيطون ويخربطون بالغراض يلزكوهه منا ويدفنوهه منا ونص طلاسمهم غلط

بس لغف فلوس

وهم اكو منهم بدال مايكحلهه يعميهه ومن يشوفهه انعمت سالفته يروح يعمي شكو شي مفتح عليهه

يعني يطمطم غلطته السواهه ويسد حلوك

- ايييي هواااي شايف هيج شغلات

مال عقد اللسان يااابوووويه تارسه المكابر

- اييي بس هذوله مكدور عليهم يعني بالنسبه الي هذول اطكطكهم بليله وضحاها

لك همه عدهم يعرفون نوعين من الجن

ومجلبين بيهم ياهو الجاي وسخرله واحد منهم وصار نبي زمانه

مثل هيج نماذج انتو الساده تكدرولهم

- اييي صح اذكر ابويه جان هواي يعالج ناس من اذى الجن ويرجعون كلشي مابيهم

- ايييي عفيه همزين جاي تفهم مقصدي

انه داوضحلك حتى تعرف نوع عدوك شنو !!

-اي والله

جزاك الله خير خويه هواي فايدني

- اي على الاقل افيد واحد بتالي عمري

- لاا والله مانسى فضلك هذا هواي دليتني وفتحت عيني على شغلات لو ادورهه بالكتب سنين يلا افهمهه

- هههه چا غير من الاسطه جاي تتعلم

شوف هسه هذول النوع الاول فهمتهم وعرفت شغلتهم دوااااهه عدكم انتو الساده

ضل النوع الثاني

كمش العظام الي جان مسفطهن بالطول

اثنين .. واحد .. اثنين

وسحبهن سحبه وحده من الماعون بحيث

وكعن بنفس حطتهن على الوصله

واخذ القلم الاسود وشخط على مكان كل عظمه منهن وكال ...

- الشيطان

صار يكتب بزوايا الماعون طلاسم

وبعدين رجع سفطهن بنفس مكانهن على الخطوط وكالي ..

- النوع الي يرتبط بالشيطان الي هو اقوى نعتبره عدنا من الجن النوعين هذني المعروفات ومسخرات

- هااا

زين مو يعتبر هم نوع من الجن شياطين

- نوووع بس جاي اكلك اكو نوعين جن العالم مجلبين بيهم وهذوله امكانيتهم محدوده

خلي اسولفلك شجاي يصير بالضبط

-اي بروح الاعزاز فصلهن الي تفصيل

- الي راح احجيه هو يخص النوع الثاني

شوف ..

انه هسه ساحر عندي امكانيتي ودارس

كتب السحر ولغته وسامع من فلان شسوى وشستخدم وشجاب وشودى ونجح وياه العمل

وشايف اشكال الاعمال ومطبق مثلهن بس

هذني كلهههههن مايفيدني ولا ينجحني خطوه

الاااااا من انطي قربان

يعني انه لو اجي اريد اسوي سحر بدراستي بس بدون مادخل شياطين وجن وكذا

مانجح .. اصلا كلشي ميصير ليييش

-لييش؟

-لان ماخترقت العالم الثاني

ماكو فد وسيله تجي تشيل هالعمل وتروح

تشغله على فلان من الناس وتسوي بي كذا وكذا

مو صح !؟

منو اليشتغلي بدونهم ؟

هي الكتابه شنوو ! غير لغه اتواصل بيهه وياهم لان انه ماكدر احاجيهم صوت بصوت

بالبدايه لازم اتعلم لغتهم اكتبهه ويقروهه ويفهمون ويجاوبوني بكتابه لو باشاره

هيج جاي يصير بدااااايه التواصل ركز وياي بدايه التواصل وياهم يعني جاي ابدا اصير ساحر بي تاثير بشغله

- اي ؟

- ايي هنا انه راح اكيف وانفخ ريشي على الناس واضل افكر محد يكدرلي بعد عندي جن وياي شحده اليندك بيه

هنا اصير ويه الايام رجال شراني

طبك الماعونين والي بداخلهن الخيوط والعظام وربطهن بوصله سوده لف بيهه الماعونين وشدهن وخلاهن بين رجليه ضلن واكفات

اخذ البيضه وثبتهه بالنص بينهن وضل يباوعلي ويكول ...

يصير يمشي بدمي حب الاذيه بدون وعي مني شي هذا خارج عن ارادتي

اصير اريد احد اسويله شي اشوف قوتي شكد تأثر بحياته وشنو امكانيتي وين وصلت بالسحر

هنا اكوم اتعمق واريد اكثر من احل مشاكل زوجين لو اعقد لسان لو اجيب فلان لفلانه

اريد اشوف شي من العالم الثاني وياي ينطيني قوه وسيطره اكثر من العندي

هنا يبدا السحر الصدك يشتغل عليه انه

-شلون مافهمت؟

- هااا افهمك

مو انه هسه بالبدايه بعدني وشعندي بس هالوحيد من الجن وياي هذا شسوا فتحلي ثغره ويه جماعته

وجماعته غاوين شر وانه بدمي يمشي الشر والاذيه واريدلي بس واحد يكلي عونك امر

واجلب بي

همه هم نفس الشي عدهم امكانيه وغاوين للشر والاذيه هم يردولهم واحد بس يكللهم يلاا تعالو

يلكوني انه ادورهم كببببل يتجمعووون اليي

وكلهه تصيح امرك وطاعتك والك انته سيدنا انته مسخرنا وانته واااانته لحد ماااا يغسلوووون عقليييي غسسل بالأبهه الي راح احصلهه وياهم

واصير انه متشببببع بالشر بس الي يكلولي عليه ويعلموني بي كبل اسوي بدون تفكير ونقاش كببببل اروووح اسوي بنفسي اشكااال العجايب من اليطلبوه حتى اصير وياهم وسيدهم

وهيج شي يجر شي وياهم همه يصيرون ينفذولي شغلات توكف العقل ويرغبوني بيهم اكثر ويجروني وياااهم لبعييييد

تبدا الاذيه منهم اليييي

التعب المرض الهوسه بالعيشه وهواي هواي شغلات

وهنااااك بعد اوووصل لنقطه بعد اريد انه اسيطر عليهم

لان همه يجذبون عليه يحجولي انته سيدنا وطوع امرك احنه وخدامك بس جذب

همه مستغليني حتى يضلون يتواصلون ويه عالم الانس

يجذبون عليه بالسيطره بس همه الي حاكميني بايدهم ويعلموني بسسس الي يمشيهم ويفيدهم

هنااا بعد كتلك وصلت مرحله اريد اخلص منهم وماكدر عليهم اذيهم لا واحد ولا اثنين

وانه اصلا متورط بالحرام والدم والذنوب

يعني ماكدر اجيب الصلاه والقران واخليهه تخلصني منهم

وين اروح هنا ؟؟؟

- وين ؟

نبت اصابعه اثنين براس البيضه الي جان زارفها بالقلم .. جرها حيل فتحهه للبيضه بالنص وضل الماعون ملطخ شويه

بس هم جرهن حيل وفصخهن من الوصله السوده وكالي ...

- اروح هنا للي يكدر يأذيهم بعالمهم

اروح ادورلي قوه اكبر منهم استعين بيهه

وين الكاهه هاي ؟؟

الكاهه بالشياطين

بلعت ريكي وهو اخذ العلاكه ولم بيهه الخيوط

وكشور البيض وعاف العظام على جهه

كالي ..

-كوم بله جيب جيس الملح من الديلاب بعد مابيه حيل كلساع كايم كاعد

كمت اخذت الملح وهو كالي

- رش على العظام وعوفهن بعد وارجع اكعد

رجعت كعدت بمكاني وهو كمل حجيه وكال ..

- اييي وين وصلنه لابو كرون الحمرهههه

هذاااا هنااا يبدا سحر الموت وعذاب العيشه الي ماااااينفك الاااا بطلعان الروح ولو يتلاحكله لو لا

- مثل العدنا يعني

-اييييي هو هذااااا

هذا مو كلتلك انه بعد اريد اخلص بطلت عمي ماريد اسخرلي جني بس يعوفوني

وهذوله وراي وراي مايهدوني

الااا من اجييييت وصرت ويه الشياطين

بديت اكدر اكول لهاذ اكعد يكعد

اسكت يسكت بعد انه صرت اتأمر

مو يضلون وياي مهوسين عيشتي ماينكدرلهم

عشيره وجني احمر بعد شينكدرله !!!

هناا من وياي هالجماعه همه هاديين

اسمع همه ميخافون منهم لا عبالك

بس شنو يتجفون الاذيه بينهم لان بس تعلك بين هاذ وهاااذ بعد اثنينهم يتاذون كبل طك وموت وهمه كلششششي عدهم ولااااا الموووت او العذاب مايردون احد يندك بيهم

فبينهم هدوء كلمن يعرف حد نفسه بس يعبر يجرم بروحه

- اييي

- ايي انه هنا شنو عندي يعني وياي واحد من يشوفوه كبل يجفوني شرهم يرحون بصوب وهذول بصوب

ارتاحيت بالبدايه وكلت اييييي خلصت

ورجعت راحه بالي

تالي يطلعلي ابو كرون ويتأمر

- يحاجيك !

- يعني افهم منه بالاشاره والوساويس

-ايي

- يجي شيريد ؟ ها خويه يريد انطيه حك وكفته وياي

يكلي انطيك قوه محد يكدرلك لا انس ولاجن

بس ترضيني

ولازم اتفنن برضاته مو هيج اكتب واعبر

- شتسوي مثليش

- سوالف هواي عوفهه مادوخك بيهه

بس هي محتواها لازم شي يجيبلي الذنوب

يجيب لبني ادم الذله او ابين انه عاصي لربي واسيء لكل ذكر قران ونسل من ادم

المهم ارضي غروره يعني

- الله يلعن كل شيطان دنيا واخره

- الله يلعنهم ويجفينا شرهم

هنا بعد ابتليت بلوه اكثر من الجانت عندي

هسه صح عندي قوه وعندي جن مسخر

وعندي اشكال بايدي اكدر اسوي بس انه

من جهه ثانيه مغضوب عليه وجاي اتاذه

واتعب .. اذا يوم ماسويتلي فد فاحشه واخذها قربان اله مااانام ليل ولا يصفى راسي

حتى اهلي يتاذون مو بس انه

فاضل لاززززم كل يوم ااانه اكعد وياه وكل اليريده اسوي وازيد عليه

من غير الشر الي يمشي بكل عرك بيه

والاعمال الاشتغلهه بعد كلهه دسمه

طك وموت واحرك وانهب واصلخ ومرض

مااانطي مفكه للناس تشوف وجه الله شلونه

هاااي هنا ااانه اصير مثل ما هالسحار الي كاعد يشتغللكم بعد عيني ياخويه

فهمتتتنيييي !!!

عرفت عدوك شلونه وويامن عايش

عايش ويه شياطين يلكطوله الخبر اول مايصير بفك سحرهم

وانه هسه فكيتلك هذا بس هو صغيروووون

ياخويه صغيرووون يم ذاك الغضب

- خويه چا شلون حلها فهمني !!

- ادعي ربك ابو الانه مايدري بيك هذا لحته وبديت ادعفس وراه

- الله يستر

هسه هذا فك بعد خلصنه من شره ؟

- ايي بعد ميفيد خلصتك منه

وكل ماتلكالك شي بعد جيبه الي انه ميصيرلي شي منه بس انتو شغلتكم تخوف

- مشكور بعد اخوك والله مانسى وكفتك هاي للموت

- لا ماسويت شي هاي كلهه سوالف اتونس بيهه

- زين اكلك خويه

هذا الحجيته كله صايرلك من صدك

- لااا انه مادخلت نفسي كِلش بهالعالم بس اخذت غير طرق

الحجيته الك جاي افهمك شلون الواحد يصير هيج وشيصير وياه على حسب معرفتي بهيج جماعه

-هااا مو خفت والله كلت هاي شراح يخلصك منهم

- لاا اخوك مضبط اموره

بس شايف هذوله هسه صايرين مو خدام لا دود شايف شلون دود كدام شياطينهم هيج يدوسون بيهم ولا يكدرون يخلصون منهم ولا يكدرون يرتاحون بطاعتهم

اصلا اكو منهم ناس اعرفهم وشوف عين شايفهم هذوله شلون مدمنين قرابين شيطانيه

ادمااان متشبع بارواحهم ميكدرون بدونهم

حتى اهلهم يأذوهم ويكتلون نص منهم في سبيل يضلون براحتهم ويه شياطينهم

- لا اله الا الله

استغفر الله ربي واتوب اليه الله يجفينا شرهم

- امين اااامين

ديربالك ولك حيدر تره هذوله نفسهم عينهم على اهلك

- خويه ماتكلي شلون اعرفهم ماكو فد اشاره بيهم ينعرفون منهه

مدد رجليه وضل يفرك بيهن ويكلي ..

- بيهم هواي اشارات بس مو هسه اكلك عليهه حتى لا تضل شكوكي وتنسطر

- جا شوكت تكلي غير افهم عليمن اركز

- حيدر انه مو كايلك امشي بهداوه وسريه

لا تستعجل اصبر اصبر

- خويه الصبر مل مني من كد ماصبرت

انطيني شي يفيدني بدربي هذا

- انصحك اول شي تلكه جواب لهالسؤال

- شنو ؟

- العمل جاي يشتغلوه بالبيت لو بره ؟

- شسالفه خويه  اكيد بره

- ليش بره ؟ ليش مو بالبيت ؟ شنو صعبه يعني ؟

- خويه انه كايلك بيتنه عدنا بس اخوتي ونسوانهم اثنين وهنه مو شكول سحارات

هيج مثل الوصفتهم

يعني صح موخوش هنه ونفسهن ضغينه

بس ماتوصل بيهن لهيج

اشك بيهن يودن لاحد يشتغل هالشي بس مال هنه يسونهه بنفسهن لاااااااا مااشك بيهن ولا اصدك هنه

- مادري بعد انته ادرى بناسك

بس ضل مخلي هالشي براسك

- الله كريم

تذكرت اسألك شي

قوه السحار منين تجي وبيمن تضعف ؟

- ماكو شي محدد وجازم

كلتلك كلمن وطريقته وحجيتلك انواعهم كلمن واله نقطه قوه وضعف تختلف عن الثاني

اول شي اعرف منو ابو الدكايك عدكم وانه اكلك وكتهه منين نقطه ضعفه

- زين ان شاء الله

هسه خلي ارجع بعد اخوك تاخر الوكت وتعبتك انه

- لاا خويه بعد هاي قضيتنا سويه

تشكرت منه ونزلنه سلمت على ابوه اخذت السياره ورجعت للبيت ..

طبيت البيت ساعه ١٢ وربع ...

كبل صعدت فوك لغرفتي واسمع صوت ضحك ريري العالي ..

وكفت اتسنط عليهه من الباب واسمعهه تكول ..

- لك حبيبي اووووف مشتاقتلك

فدوه لهالوجه الحلو اروح

يلااا تعااال لحضني تعااااااال

فدوووه لكلبك لك امووووت عليييك اوووووف اووووف احبك

كبل فتحت الباب وشفتهه متمدده وفاتحه كاميرا ومصلخه بس متغطيه بالجرجف

لحد نص صدرهه ...

.

.

.

يتبع

..♣️🩸 ماء مغلي 🩸♣️..

*Adzzon*

جريت منها التلفون وهي تجره من ايدي وانه احس جسمي يلهب اعصاب .. جان الشاشه مسدوده وصوت ولد يصيح

الوو اسده لو لا ...

كمشت ايدهه حيل عصرتهه وانه اكللهه

- افتحييي

- شجاااك انته تخبلتت !!!

- افتحييييي عاد

- جيب افتحه هسه خايفه اني لو مستحيه جيب

فتحت البصمه وجريته منهه شفت ولد كاعد ينركل وضل يباوعلي وكال

- ها شكو تباوع منو انته

صاحت هي عليه وكالت ...

- حبزبز روح هسه بعدين اخابرك ديربالك على كوني واذا تعوفه بالحر اسمط اهلك ولك عوفه جوه يم البروده

- صار ست تامرين امر

شمرت التفون على الفراش وضليت افرك بوجهي وايدي ترجف اعصاب .. ضليت افتر باغرفه واكللهه..

- منووو هذاااا

- حبزبز هذا الطلي مالتي

- لجج تضحكييين عليه انتيييي !!

- اييي شبيك داكولك طلييي طليي هذاا

- ياااطلي ولج رجال شكبره شكده كاعده تكهكين وياه بنص الليل ومصلخه وبغرفتتتي !!!

- حيدااار لتسوييهه سالفه بابه شبيك يارجال تحجي عليه لك هذا طلي اني ساحلته حرام تحسبه من الرياجيل

- استغفررر اللله ربييي واتوب اليييه

- هسه شكو ضايج شسويت اني !

- يالله ياااالله .. تكلييي شسويييت لج صاااحيه انتييييي ريريييي صاحييه كليلييي اذا عقلج شطح بالشرب فهميننننيي

- لااا وروح ابويه صاحيه اصلا ماشربت شي اليوم لان مخلصه ماعندي بعد شي اشربه وجنت محضرتلك عركه من تجي علمود هالشي بس انته سبقتي حرامات

- ريري ياغضب شوكت تكومين تحترمين زواجنه وتفهميييين هسه انتتتي متزوووووجه وعلى ذمه رجااال مو مثل كبل تخيطين وتخربطين بكيفج .. يعني اعوفح ساعتين وارجع الكاج مصلخه وعينك عينك تحجين ويه ولد ولاتنكسر عينج ولج شنووووووووو انتي من بشششششر

- هيييييييي لاتصيييح ولك لاتاخذلك خاوه عليه هسه .. انييي ماكاعده اكووود وياااه اوكييي دا احجي ويه جلوبي كووووني

كانيووور يعني متعرفه شكد احبببه

- وتتصلخين حتى تحاجين جلبج !

- ايييي متصلخه ماخذه راحتي وانته ماكوو

ومسموطه بالحر الغرفه مبوخه تسمط سمط

واتصلخ بكيفييي عركت واريد انام براحتي بعد شكووو تصيح

- سدي الكاميرا وتصلخيييي بكيفج مو كاعده تورين جسمج اله وبحجه اشوف جلبييي

لفت الجرجف على صدرها زين وتربعت بكعدتها وصارت تكلي ..

- اسمع ولك حويدر

اني لاااا خايفه منك ولا مستحيه

لو اريد اخابر واگووود متمنعني انته

ولا توكف بعيني فهمتتت

انيي من اسوي الشي اسووويه بمزاااجي

اوووووكييييييييي

مليون مره كلتلك مزاااجي هو اليحكمني

مو قوانينك

وهذا واحد طلي ودثو اني ساحلته صار سنين

حتى ماحسبه رجال لك هذا واحد مغنث

لتشوف لحيته وعبالك زلمه واووو تره بالقندره دايسته وساحلته سحله الطليان اكفخ بي

وبعدين واذا هسه طالعه زنودي وركبتي شكو بيهه ؟ شنو اول مره يشوفني هيج !

- هااااااا يعني مكضيه عمرج مصلخه يمه والله شنو هذا طلي !

- لااااا ولك انته كل ماتشوفني لو بنطرون لو  بجامه

شايفني انته من اسهر ؟!

جاي وياي لحفله !

ماشايفني هناك فلتكعد تسفط حجي بكيفك

اوووكييي

اني هناك متعوده اروح مشلحه من فوك

فيعني مو جديده عليه يشوف زنودي

- اذا انتي مرخصه نفسج هيج انه اتعب نفسي بالحجي وياج ليش !

عفتهه ونزلت للحمام غسلت وبعده منظرهه بعيني ملعب نفسي منهه ..

مادري شلون كمشت اعصابي ويااااهه

وماتوليتهه دك ضرب

ماتحملت اشوفهه بعد نزلت جوه بالهول

تمددت على القنفه وضليت مغمض

راسي مسطور من بلاوي اليوم وهاي تجي تكملهه عليه ..

معاشرلي كواده شتوقع منها يعني !!

ضليت اضحك على نفسي شكو احاسبهه على شغلات الشرف وهي بايعته بفلسين !

ضلت تخابرني ع الفيس ومارد عليهه

صارت تراسلني..

- شنو وين رحت شبيك

متصعد بعد ؟.

ولك حويدر شو كلبت خلقتك عليه هسه شسويت انيي ياااا

شكو تشوف ومتجاوب تبيع ثكل عليه ولك

حويدر شبيك

تره طكت روحي تحجي لو لا

دزيتلهه ..

- مااحجي شتسوين يعني ؟

- ليش يمه متحجي

- كارهج عوفيني

- وشكو تكرهني شسوووويت

-لاااا معصومه انتي متسوين شي غلط

- تره جنت احجي ويه كوووني حبيبي هوووو بسسسس اوووكيييي

- يلا ماشي

- لتضل كالب خلقتك هيج

- 👍🏼

- حويدر اصعد دافتهم شصار مصار وياك

- اريد انام

- شوووو بعدك مطنكر

داكولك حجيت ويه كانيووووريييي حبيبي

هووو

يعني مو تعرفني اشتاقله شلووون غير احاجيه واشوفه فدوه لوجهه اروح شكد مشتاقتله

متقدر فراكنااااا اني وحبيبي صعععب ومأذي كلبيي

- مانعج تشوفيه !

- لاا بس اطنكر

- ريري شوكت تفهميني وتريحين بالي وعلي تعبت من سوالفج

- ديلااا هسه بعد ماتصلخ اووكيييي

- يعني تضلين تحجين ويه هالطلي

- لعد شلون احجي ويه جلبي ! غير هو بتلفونه شبيك بابه شغل عقلك القافل

شو هم صفنت !!!

تصعد لو لاااا فضني عاد

- راح انام

- 🙌🙌🙌🙌

سديت التلفون وضليت مغمض اريد انام

جان سمعت صوت رساله ع الفيس

باوعت دازه فيديو ..

فتحته جان تطلع هي مشغله اغنيه وتغني وياهه بحركه كلب تكول ...

* ناااامت عليج سليمه شلون تنااامين

وانااا استناج ع الموعد للساعه اثنييين

مابعددد اريدج يووولي ولولا تموتين

لا لا تحلفييين بالمصحف مااالج غفران

سليمه كون نامت عليك ياحويدر يابن خضير

هههههيييييي ولك جو يفوتك تعال اصعد

خررررب اكعد فهمني شصخمت هناك وولي نام تره طكت مرارتي من وره طنكرتك

تعال بداعه الطليان لااا لا شويه يضوجوك طلياني تعال بداعت الخوه يلاااا مابينه خوه ولك اصعد لا اجي اخذك سحل تعااال احسنلك يلااا انتظرك *

ضليت اضحك والله هالمره ماينعرف مزاجها ولا ينفهم ...

ااانه هنا مخنوك منهه وهي كاعده تغني وتركص وحدهه فوك !! نياااالي على هالمره اي والله نيااالي ...

ضليت اريد انام ماكدرت بس احوص وافكر شدتسوي فوك وحدهه ؟ هم رجعت تخابر ؟

اكيد جاي تخابر لان مراسلتني بعد

اروحلهه خاف هم بس احرك باعصابي ؟؟

اضل هنا مانام ادري بنفسي !!!

كمت صعدتلهه .. وشفتهه مفردشه شكو غرض الهه بالميز وكاعده تعزل ..

ماحجيت وياهه شي وكبل رحت تمددت

جان تجي تكعد يمي وتكرص برجلي وتكول..

- حرااام كرصه مابيك اووي عظااام عظااام شبييك ياحضي كووني اسمن منك

- لتلحين مالي خلكج

- ديلاااا ع أساس اني شلوون ميته ع الحجي وياك

- جا شكو تحجين متروحين منا

- ايييي هسه اروح متشوف عندي شغل

بس كولي صخيم شكالك شسويتو

- باجر ريري تعبان مابيه حيل احجي

- شنووو باجر !! هم تكعد مطنكر واضل اجر الحجايه من حلكك جر احجي هسه ونام يلا

- كلتلج مابيه

- اووووف اووووف

نااام من نامت عليك سليمه وعفونتها

انطيتهه ظهري وضلت هي تعزل بغراضها

شويه وجان تكلي..

- تره هذا طلي تعود عليه وياي

لا كل يوميه تنطكر من تشوفني اخابره

ماكدر اعوفه هذا كل شغلي هو يسويه

- شمنطيته من شغل ؟

- يشمشم اخبار ويدير باله على كانيور

و الخدامه مالتي هو

اي شغله اريدهه للبيت او مسواك تصليح

سياره او تعزيل هو يسويهه كلشي يسوي حتى المجاري اخابره يجي يفتحهه

هذا هو حارس بيت البنات واكو وياه واحد ثاني بس هذاك مو مثله اعتمد عليه

هذا خوش شاغول ونغل يعرف سوالفهن

اليوم كله اني وياه نتراسل تره

-هاااا بيهه الخير ان شاءالله

- انته شكو دتضوج يعني ؟ لو لان مالك خلك هيج طنكرت

- ريري اليضوجني انتي متفهميه ولاتكدرين عليه

-ادرييييي انته تدور شرفيات وتريدني زوجه مصون وعفيفه الك بعد عيني

بس هذا شغلي ومن البدايه حجيتلك يابه تره اني هيج وهيييج عيشتي

ماجذبت عليك وهسه كمت اطلع خيستي

وتتفاجىء بيه

اني من اول حجايتين وياك خرطتلك الاكو والماكو.

كلتلك هذاا شغلي ويه ولد مااااكووود وياهم انييييي اووووكيييي داشوف شغلي

اخبار وعلوم وفلوس هي هاي كل الي نحجيه

اووووكيييي

- لااااا موو اوووكييييي ريري

اسمعي ولج لاتضغطين عليه اكثر تره روحي طافره من عيشتي لا تزيدين عليه بسوالفج

- يعني شترررريددددد فضني كول

- تحترمين وجودج وياااي مو مكرن كاعدلج هنااا افهممممي هالشي

انه رجال مو مثل التعرفيهم هذول الطليان التسحليهم

انتي متزوجه رجاااال مو كررررن وتريدين اشوفج مصلخه وتخابرين واكعد اصفكلج

عندج حجي وياهم راسلي وافهمي منهم شغلج

تريدين تشوفين جلبج تخابررررين لوو كدامي لوووو تتحشمين من تخاااابرين

كعده السخافه هاااي الكاعدتهه مره الثانيه اذا شفتهه والله وقسم بالله اكسر التلفون على راسج

كلشي انطيتج حريتج لتستغلين هالشي واحترمي وجودي وياااج مثل مامحترمج احترمي لاتضلين معلكمه ريكي كل يوميه

تره البيه كافيني

ضلت تعض بشفتهه وتباوعلي تالي كالت ..

- اييي ديلا فهمت

بس تره

- اشششش عاد كافي لتلحين

فهمتي كلامي وخلص بعد سدي الموضوع

كملي شغلج يلا خلي نام لتضلين اطركعين

ضليت مغطي وجهي وهي تعزل ..

تالي عاد طفت الضوا واجتي تمددت

انطيتهه ظهري ونمت ...

كعدت الصبح ومالكيتهه يمي .. نزلت غسلت وتوضيت صعدت اريد اصلي واخذت السجاده فرشته وجان اشوف ايد انمدت بالكاع

جفلت جفله يابويه .. نسيت حتى الصلاه

ورحت يم جهه المبرده واشوف ريري منبطحه بالكاع وفاتحه رجليها ١٨٠

وخاولي مبلل مخليته على وجهه

ومشمره ايدهه كل وحده بجهه ..

ضليت واكف بس اضحك عليهه وكفت اريد اصلي والضحكه متفاركني اريد اكمل السوره عدل مارهمت .. رجعت عدت الصلاه من جديد وضليت كاعد اسبح واباوع لايدهه الطالعه شويه من طرف الجربايه

صارت ساعه سته ونص رحت كعدتهه

جان ترفع راسهه وتباوعلي وكالت ..

- من انسمطت عشيرتك ياحويدر مثل ماسمطتني بهالغرفه

- وااااحد يصبح يكول يالله انتي تبدين بالفشار

- اااااخ ااخ شجااابني للضيم مو جنت مدللـه

كامت اخذت ملابسهه وجرت العبايه حطتهه على جتوفهه ونزلت تسبح وانه كاعد انتظر بيهه حتى ننزل سويه ...

من اجتي كبل كالتلي ..

- ماتجيبلنه سبلت ولك اكو واحد يحط مبرده بالطابق الثالث وبعز الصييييف

- خلي يصير عندي شجم فلس واجيب

- شووووكت يمه تهل عليك الفلوووس

من نصير دجاج مهلس ومصلوخ

ولك حويدر اآب هذاااا آآب اللهاب نكضيه بمبرده تكفخنا كفخ بالهوا الحااار من السطح

- رريييييررررري كتلج صبررر

- مااااصبرر ولك امووووت امووووت يمه

عزاااا انصلخت هالايام غير اني ساكته مالحك اتعارك وياك عليهه

بس البارحه انته نايم واني شبعتك مسبه حركت ساس عشيرتك

ولك الووووب والدور طلع الصبح وطفففففت الكهرباااء انحممممسسست وينن اروح وين انطي وجهههيييي ولك

- ياااابووووويه ولج همزين انتي مو مرتي صدك جان انتحرت وعلييي ماتحملج

- ولك حويدر تتحملني لحد مااولي لبيتي

وتجيبلي سببببللللللتتتتت كنتووورررري

اريد ابربرع هوا باااارد ولك اذا اضل هيج بعد جسمي يطكك من الحرر

- وعليييي لو مالسلفه اجيبلج من باجر

بس انطيني صبررر رحمه لاهلج

- ااانييي انطيك شكد ماتريد بس روح جيب

- ماااريد تنطيني اريد تصبريلي

-ماااصبر ولك حااره شينومني بعد بهالحرر

انطيك هسه بطاقتي روح اسحب ٣ ملايين

وسويلنه خط ذهبي وجيب سبلت كنتوري

كون يثلج ثلج اريده واذا بقى منهن خليهن بجيبك ماريدهن واذا عوزت اسحبلك بعد شكد متريد بس خلصني

ضليت صافن عليهه وهي تمشط

كلتلهه..

-من كل عقلج اخذ منج فلوس حرام واتلفس بيهه

- ديلااااا ياالسيييد انطيك غير بطاقه مال حلال يلاا بس فضنننييي

- منينلج ثانيه؟

-كووولشششي عندي عيوووني

تريد مال حلال عندي

مال حرام هم عندددي

تريد كاااش هم عندي بكيفك بس كول شتريد

وانطيك

- يعني منين تجيبين فلوس الحلال

-عندي راتب ابويه مال حلال

- تضحكين عليه انتتتي ولج

-يااااا داكولك مال ابويه تقاعد شبيك مو حلال التقاعد لو عندكم حرام يالساده

- وشيشتغل ابوج ؟

-معليك بي .. هسه تريد لو لااا فضني عاد

- لاا خليهن الج كلشي ماريد منج

وامشي خلي ننزل نتريك

عفتهه تأفف وتلبس حجابهه ونزلت قبلهه

سمعتهه قفلت الباب ونزلت وراي ..

صبحنا على اهلي واخذت ابويه يغسل واحاجيه بعده يرد بثكل وياي وميباوعلي

سويت الريوك وياهه وكعدنا ناكل وبعدين خابرني واحد من جماعتي طهور ابنه اليوم

وعازمنه على الغدا ...

عفت ريري تنظف وكعدت بغرفتي اكمل شغل البارحه  بالحاسبه وبالاحدعش ونص

كمت بدلت ونزلت صحتهه وهي كبل كالت ..

- وييبن طالع

- صاحبي طهور ابنه اليوم وعازمني ع الغدا وجماعتي ينتظرون بالباب

- وين هذا بيته صاحبك

- وين يعني اذا دليتج تعرفين؟ شمعرفج بمناطق النجف انتي

-ايييي ع الاقل اعرف اسم المكان بعيد قريب

- معليج بجماعتي عيني اجيت اكلج دبري نفسج بالغدا ويه اهلي زييين

- يااااا صدددك ولك شلون شسوي

- دبريهه معليه بعد داريتج هواي

يلا راح اطلع

-ولك حويدر اوكف ولك ماعرف اسوي غدا

- طلعي من النت وتعلمي

- ولللك مادبررررهه حيداااار لاتروح اووكف ماااعرف اطبخ ولك لاتفشلننني

عفتهه وانه اضحك وهي نكلبت حمره

شغلت السياره وطلعت لراس الشارع

اخذت الولد ورحنا للعزيمه ..

مناك كبل رحت للمحل وللساعه سته جان تخابرني ريري ..

- هااا رجلي المحترم شلووونك

- هلووو

- لاتسأل لاتكوول بذاات

- هنه ساعتين عفتج بيهن شكو اسال عليج

- ههههههيييييي مووو انته لووو مخابر وتسال عليه جان عرفت شسووويت ماسويت

- هاا مصيبه ثانيه عندج !

- اييي اكووولك عيووني

انطيت رقمك لسميعان

-سميعان منو ولج!

- هذا هم واحد من طلياني وجاي بالطريق

جايبلي السبلت

- شنووووووه

- يمكن بعده هسه راح يفوت للنجف

راح ادزلك رقمه هم وخابره شو هو مديحصلك عود دليه زين

-ريررري شصخمتتتي ولج لييش هيج

مو كتلج اصبري اجيبلج

-ماااصبر عيوني حرر هذا حررر انصلخ منا لما تجيبلي لييش يعني

اني عندي فلوس واشتري لنفسي

وهاااا لتكولي حرام وحلال اوووكييي

تره مدافع شي من جيبك اني دفعت واني جبت والحرام عليه مو عليك اوووكييي

انته بس دليه العنوان بالضبط وهو وياه واحد يشده يعني كولشي مضبطه لتحير ابببد

- فلللك فلللك انتي ولج عفتج نص نهار

اشتريتي وجبتي وضبطتي ولج لو اعوفج يومين شتسووووييين

- اهجم بيت الخلفك حبيييي مالي امان ااانييي

وبعدين هو بس ورقت واجاني السبلت يركض يامسهلها عندييي

يلااا راح ادلك رقم اسميع خابره

- راح اكله يرجعه ماريده

يمعوده لتورطيني هيج

- اورطك شنووو ولك هسه جايبتلك

كحبه هو سبلت

- هههه ريري بعلي ماترهم خلي يرجعه انه اجيب والله

- عيوني هسه شكو ضايج

عود من ارجع لبيتي اخذه وياي حتى فلوس ماريد منك بس عوفني خلي اتبرررد مو انسمطت سمممط

- يلااا يلااااا هاذ هوووه ماشي دزي الرقم دزي

-اي عفيه بحدورررتييي عفيه اليوم نتختخ بالبروده هههههخخخخخخ

- بلكت الله ويتعدل مزاجج وتكعدين بهداوه وياي

- هسه تشوفني شلون اصيرلك وررررد

يلا دزيتلك الرقم روح خابره

سديت منهه وخابرت الولد ودليته العنوان مضبوط ورجعت للمحل كملت شغلي

ومن خابرني الولد راح يوصل ترخصت من الولد وطلعت للبيت انتظره ..

شفتهه شلون تضحك وتباوعلي وانه كلتلهم يسون طريق حتى يصعدون الولد يشدوه

و ضليت وياهم فوك كملو شده ونزلنه

دزتلي رساله كاتبه..

- لا تنطيهم فلس واحد تره كلشي واصل حسابه

كبل سلمو وراحو وطبيت انه لغرفه ابويه

سلمت على اهلي وكعدت يم ريري ..

شاورتهه..

- هااا سويتيهه وسويتيهه ولا عبالك احجي وياج

- بمزاااجي عيوني اسمع كلامك بمزاجي

والمايعجبني اتصرف بكيفي اووكييي

- شكد لوتيه انتي

رحتي ضبطتي كلشي وخليتيني كدام الامر الواقع من وصلو يلا تكليلي

- هاي مو لواته عيوني هاي تكتيك اووكيي

اللواته بعدك ماشايفهه عندي

- هههههه كومي سويلنه عشه يلااا

- اتخليني احجي حجايه هسه افزز اهلك بيهه

- ههههههههه ريري حتى لو بيضه بس كومي

- ماااكوم مو كلتلي  يومين عشاج عليه يلاا اطلبك يوم واني سوووووووييييت الغداااا

عليك العشه

- اهوووووووو رجعنننننه

- دصبر هسه خلي اشحت طنطول وافرغلك المطبخ

- ماااريد اكعدي لا تسويلي مصيبه الثاني

وعلي حجيج البارحه كل ماذكره اخجل من روحي

-اوووي وشحجيت اني هي سوالف متزوجين قابل شكلت

- اوف اووف

راح اجيب فلافل من راس الشارع احسن

- اييييي ديلاااا كووووم شمنتظر

- اوكفي اكلج

شسويتي غدا !

- هههههخخخخخخخ متصدددددك اذا اكولك

- شكلج مضبطتلح سالفه مامتفشله

- انيييي اتفشل مو بالحيييف

رحت ضبطت ويه ابن اخوك كرفش

وانطيته فلوس وراح على مؤمل ابن السيد المصخم وكاله عمتي ريري تريد سمج شوي

ودزتلك خمسه كروه

- هههههههه خرررب بعرضججج

- ههههه راحو جابولي سمجه مالحه وسمجه فاهيه واكلت المالحه اني وبنات اخوك

والفاهيه لاهلك وكعدت وسكتتتتت

- ذييييييبه وعلي

- دمشي جيبلنه الفلافل وجيب حب وياك نكرز تعلوله

اخذت الدوا مال اهلي اجيبلهم عليه ورحت جبت الفلافل والدوا واجيت .. اهلي عشاهم فواكه .. وانه وريري ناكل لفات ..

صعدنا فوك هي نظفت الغرفه وانه اطلع الكراتين بالسطح .. رتبنا الغرفه وكعدنا

ضليت احجيلهه على البارحه الحجيناه بيت ابو سعد .. ضلت صافنه وبايدهه جكارتهه

جان تكلي ..

- دافكر افوت لغرفهن اشوف هم اكو مثل هالعظام جوه جربايتهن

- شيوديج عليههههننن بويييه لاتورطينه

- لك مو اني بحثت عن عظام الهدهد

طلع اكو يستخدموهه للسيطره على رجال

خلي اشوفهن مسوياتهه لااا

حتى اذا لكينه منهن هناك بعد تثبت تهمه عليهن واضل كل فرصه افوت ادعفس بغراضهن ماحب اضل كاعده وساكته

اريد انبش هنا وهنا

- ادرري خوش خطوه هاي بس شلوون

خاف يشوفونا يمعوده

- اني افوت وانته راقبلي

باجر الصبح من ينزلن يسون ريوك كبل نجفت لغرفهم

اوووكييي

- الله كريم

ضليت اشتغل بحاسبتي وهي تراسل

وجان ادغني برجلهه وكبل دفرتهه وجضيت بيهه ..

- احجييي بلسانج لدغين ولج

-ههههههه ولك داكولك راح اخابر حبزبز

ديكول كووني مدياكول ضايج

- تعالي يمي هنا وخابري

- يلا خلي اشوفك كووني حبيبي

كعدت يمي وخابرت .. ضليت اباوع وياهه بالتلفون وهي تحجي ويه جلبهه وهذاك بس يعوي ويطخ وجهه بالشاشه ... وهي تكله ..

- شبيييي جلوووبييي

ليش مياكووول الحلووو

ولك يامصخم خاف مضوجه لكانيور

كوووول شمسويله ولك

- ست اكثر من هيج دلال بعد شسويله

حتى فراشي منطي اله شتردين مني بعد

- لااا خاف مضوجه ادري بيك اثول

اكيد عايفه بالحر مايعه روحه

- موو كلساع ادزلج صورته كاعد هنا بالبروده ماطلعته الظهريه كلهه هو هنا

للعصر يلا اخذته يتمشى شويه ورجعنه

- لعد خاف مو خوش نوعيه لحم جايبله

خاف وصخ تره هو مياكول الا نظيف ومغسول

- هااا ماغسلته كبل حطيتله بالماعون

- دنعععل شرفك غير تغسسسله

وكفت كلبي عليييه وطلعت انته الاثول المطفي اكو واحد يحط لحم ميغسله

امشي كوم اغسله زييييين وغير الماعون وحطله ياااااكوول يلااااا لتضل مصفن بوجهي

- يلا ست صار

- اسمع ولك صخيم حطله عظمه وحده وهبره لحم لا تكثر تره مياكول هيج يضوج يضل بس يلعب بيهن ويعوفهن

- صار ست تأمرين امر

- يلااا چاااو

سدته وضلت تباوعلي ..

- شفت هالطلي شلون اثول ميعرف يداري كوووني ومتعبه سوووده عليه حبيبي كلبي موجررر نار علييييه

- ههههه جلبج مدلل حيييل نازوكي

- هذا ربيته من هو لحمه هالكداته

ومتعلم على نظام بس يتغير يضل مطنكر

اكولك راح انزل اسبح شو ممرتاحه اريد انام على البروده واني جسمي نظييييف واشبع راااحه

- روحي بس انتبهي على نفسج دنيا ليل

لا تفزين

- يمممه صدددك تعال ويااااي

-ابتليييت وحجيت عمي روحي جذب اضحك عليج

- ماااااا عوفك الاا تنزل توكفلي بالباب صار عليه شي طلعلي جني منا منا وين اولي ولك

امشي ويااي يلا

نزلت وياهه وضليت كاعد انتظرهه تسبح

وافكر بخطه باجر .. لحد واطلعت وصعدنا

كبل نشفت شعرهه وضلت تتعطر واجتي نامت ...

انه ضليت سهران اكمل شغل بالحاسبه

وبعدين نمت ... كعدتني هي من الصبح

بين ماصليت ونزلنه تريكنا همه نزلو ..

اخواني كلمن طلع لشغله وضلن هنه بالمطبخ

بسكوت صعدنا فوك وضلينه نراقب

منو يصعد ومنو ينزل لحد ماشفنه الجهال كلهه نزلت بس سيف ماطلع من الغرفه

ضليت واكف يم غرفه سيف وهي راحت لغرفه عزيز ...

بسرعه طلعت وراحت لغرفه عادل

واجتني جان يطلع سيف وانه وياهه واحد يباوع للثاني جفلنه ...

هو محجى شي بس ضل مخنزر علينه وراح للحمام .. واحنه كبل طفرنا لغرفتنا ...

كلتلهه

-هاا بشري

- ولك كلشي ماكو.

- هاااه متاكده

- ايييي مالحكت ادور منا ومنااا بس جوه الجرابي وكلشي ماكوو لا خيط ولا عظمه

ولك حتى تفاجأت غرفهم نظيفه شو

اني جنت متحضره حتى اسد خشمي بس طلعت زينه الريحه مو خايسه

- يجوز ظلمناهن بس هنه هيج طبعهن وصخات وماعدهن شي

- مادري بعد شو اني هم دخت

جنت عبالي راح الكه حتى جمجمه بغرفهن بس شو كلشششي ماكووو

- مادري والله

مادام هيج السالفه صار لازم نحول على باقي العشيره

- وين نروح بعد ؟

- راح نبدا من باجر اذا الله راد

اخذج واخذ امي ونروح لبيت خوالي نسلم عليهم وانتي اسحبي ارقام النسوان كلهن

وبعد ابدي بشغلتج

- اووكييي زين راح انزل اشوف شكو ماكو جوه

راحت وضليت انه اشتغل شويه وره ساعه خابرتني ريري ..

- ولك تعااال انزل ابوك مريض

- شبيييي

- تعال شوفه ماله خلك

نزلت ركض وشفته بالغرفه وريري تريد تكومه اجيت انه كومته من السكملي ونومته

بفراشه .. ضليت واكف يم راسه واتلمس بايده وكصته حارات ويون...

- شبيك حجي خيرر شجاك

احجيلي

مايحجي بس يأشرلي على راسه

ضليت افرك راسه واسمي عليه

وهو صار يتقيء وريري كاعده يمه تغسله

وامي كاعده ويه نسوان بالهول ماتدري بابويه

تعبان ...

انطيته دوا وضليت اسمي عليه ومكابله وكاعد .. وريري تحوص ..

اجتي شاورتني ..

- ولك شصااار شبي وكع كلبي

- مادررري هو هيج فجاه يصير ويرجع يتحسن

- زين حروح اغسل الكراج واجي يمه

راحت وضليت وياه .. لحد مااجتي وامي هم اجتي وشافته ضلت تلوم بينا لان ماصحناهه

اخذت ريري بره وكلتلهه...

- سويله شوربه ريري

- علمننننييييييي واسوي من وحدي كلشي مادبر بالطبخ

- زين امشي شوفيلنه منو بالمطبخ

- طنطول منو غيرهه شتعرفهه تفارك المطبخ بالنهار !

- چااا شوووون

- مادري دبرهه

رحت للهول كعدت واجتي يمي كعدت وطلعت باليوتيوب

طريقه عمل شوربه العدس ..

وخليتهه تباوع وياي واكللهه ..

- تاخذين الجدريه الوسط حتى كلنه نتغدا شوربه لان جنابج ماتسويلنه غدا

-اييي ديلاا لتعيرني بالطبخ اوووكييي

-اووكييي ههه

- هههه ديلا شكد اخلي النه

- كاستين صغار بسسس

-ماشي

- اي شوفي شلون يغسلوه هم انتي تغسلي وتخلي يفور بعدين من تشوفي صار اصفر

ومايع يلا تخلين شعريه وشويه خلي لا تكثرين

- وين الكاهن هذني

- دورري هسه انه شمدريني وييين استغفر الله

-اييي ديلا كمل

- تثرمين بصل تعرفين مو ؟

-ايي سهله هاي

- وتحمسيه بشويه زيت وبس يشكر شويه تخلي فوك الشوربه سههههلل ؟؟

-ايي شيرادله

- اييي بس شنووو تطلعين لاهلي فاهي وبعدين تخلين النه ملح وهااا خلي كركم شويه خاشوكه مال جاي لا تكثرين

- شوكت من اصب النه

-لاااااا من تخلين البصل

- اوووكييي وبعد شلون اعرفهه استوت

- من تثخن وتضوكيهه طيبه صبي وجيبي

- زين خلي اكمل الفيديو واروح اسوي

جرت التلفون مني وضلت تباوع كمل الفيديو وراحت ..

رجعت كعدت يم ابويه اشوفه شلونه

وهو شويه خاويه روحه ...

اجتني رسايل الماسنجر واعرف بس هي تراسلني هنا .. كاتبه ..

- شكد اخلي مي نسيت

- شويه فوك الحد مال عدس

- حدزلك صوره وشوف زين لو بعد

-دزي

ضلت كل شويه ادزلي صوره هيج صار وبعد شسوي واكتبلهه وتسوي ...

لحد ماصارت الشوربه اانه ردت انفجررر

محادثه شطولهه بس شوربه عدس

جابت الصينيه وتباوعلي وتحرك بحواجبهه وتضحك ...

ضلت كاعده هي توكل ابويه وانه وامي كاعدين ناكل .. اجتي يمي كعدت حتى تاكل من كاستهه وشاورتني ..

-هاااا طيبه لاا

- طيبه عاشت ايديييي

- ايدك شنو اني سويت وانحمست بالحر

-وااانه موساعتين صار اعلم بيج

- ديلاا اوكييي انته هم عاشت ايدك

ضلت تاكل وكلساع تكلي طيبه بعد علمني بعد اريد اطبخ ...

شربت الجاي وطلعت للمحل ..

وخابرني السيد ..

- هااا خويه وينك شو لا تسال لا تكول

- مشغول شويه الحجي تعبان وبالي يمه

- شبي خيره

- مثل كل مره

- الله يشافيه ويعافيه بجاه الحسين

- ان شاء الله

- تجي اليوم نتعشى سويه

- لا تسلم

- ليش ولك

- ماريد اتعشى بيتي ويه اهلي احسن

- حيدر جنك شايل بخاطرك عليه

- لااا

- خويه شجاك تزعل مني علمود مره !

- هاذ هوه خويه سد السالفه

شلونهه ملوكه

- زينه

- يلا سلملنه عليهه انه عندي شغل اكمل ونحجي بعدين

- براحتك

سد الخط وضليت مخنوك من سالفته

ماحب مكاطع الصحبان بس العتب ثكيل لو نحجي ...

رجعت للبيت ولكيت ريري مكابله ابويه وكاعده تغسل برجليه ..

عرفت ابويه بعده مصخن وضاله هي اداريه

تفاجات بيهه تكلي ..

-اكعد يمه راح اسوي عشه واجي

- شتسوين ولج !

- معليييييك ادبرهه ااانيي ريري ميصعب عليه شي

راحت وهي تتبختر بمشيتهه وانه عيني على التلفون ادري بيهه راح ادزلي شي ...

شو هاي لا حس ولا نفس

اجتي وجايبه الصينيه كامله مكمله ..

مسويه بركر وطماطه وزلاطه كلهه برش

وركي وبطيخ ..

كعدت وكلتلهه ..

- بوووويه سباعيه وعلي

- شعبااالك انييي ريري ادبرهه

- عفييييه هيج اريدج عفيييه بعد راح اشيل ايدي من العشى وضلي بدعي

- اييييي بس بالغدا اريدك وياي

رجليي الحبابببب موووواح

- امييييي تباوعلج ولج ثكككل

- مووووووواااح عمتتتتيييي فدوه لكلبج شكد احبج

ضليت اضحك واكل وهي كامت توكل ابويه ركي وبطيخ وتمسح حلكه وتشاوره وبعدين اجتي تاكل ..

صعدت انه ارتاح واسبح وضلت هي جوه

كل شويه انزللهه وتكلي روح بعدين اصعد

وضاله مكابله ابويه وكاعده ..

ردت انام يمهم ومقبلت تكلي الغرفه لتعوفهه

وصعدت نمت فوك ..

فزيت على صوت التلفون وهي تخابر ..

- هاا شبيج

- لك تعال ابوك مدري شبيي

نزلت ركض واشوف ابويه بس يكش بايديه ويصيح الله ااااكبببرر

الله اكبببير

الله اكبررررر

حضنته واسمي عليه وهو يعلي صوته بالتكبير وريري مجلبه بملابسي وتكلي شكو

وانه بس اقرا ايات يم راسه وحاضنه

تالي وييين يلا هدا ...

كلتله ...

- حجييي فهمني ششفت شصار

- مايكدرولي والله وياي

يردولي الاذيه يردون يسودنوني بس الله وياي وياي احسه مايخليني ضعيف حال

ضليت حاضنه وادعي ربي يشافيه ويحفظه من كل شر ..

عفته يتمدد وريري جابتله المي شربته ورجع نام ..

ضلينه انه وامي وريري كاعدين يمه الليل كله

امي تغفي شويه وتكعد وريري بس تسويله كمادات وانه اصلي الليل وادعي ربي بجاه امير المؤمنين يخلصنه من هالبلاء ..

ملتهي بالصلاه والدعاء اخذ وكتي وطولت بي ومن كملت صليت الفجر

وتالي يلا انتبهت على ريري نايمه على كعدتهه .. مرجعه راسهه على دوشك

وفاتحه حلكهه وغافيه ...

رحت كعدتهه وكلتلهه..

-اصعدي نامي راح اضل بدالج هنا

-شيصعدني ولك حنام هنا

كعدت بمكانهه جان تجي هي تنام على رجلي وتتغطى .. دفعت راسهه واشاورهه..

-كومي  ولج لتفضحيني

- عووووفنييييي خلي انام مابيه حيلك

تره منعول ابو ابويه اسكت

-ولج امي مناا عيب

- رجلي انته لوقندره شكو بعد

- خررررب بيج لتغلطين راح اكفخج

- اكفخ يلا حتى اصحصح واصخم يومك

ضلت تجر برجلي وانه اجر تالي جلبت بيهه بايدهه وغطت راسهه ونامت ...

ضليت انه كاعد واتلمس برجل ابويه خاف يصخن ..

وطلع الضوا وانه مانمت .. كعدت امي

وشافت ريري هيج نايمه وانه استحيت منهه

كلتلهه..

- اعذرينه علويه

-لاا يمه ماصار شي خطيه المره تعبت وسهرت خليهه ترتاح

ردت اكعدهه بس نومتهه تكسر الكلب مو مال واحد يكطعهه عليهه ..

عفته تنام وضال انه متربط بيهه ...

صارت ساعه سبعه كعدتهه وتمددت نمت ...

وكعدتني هي بالاحدعش تكلي ..

-شسوي غدا علمني يلا

كعدت صحصحت وضليت صافن بوجهه

ضحكت وكلتلهه ..

-شو وجهج نوبه احمر نوبه ابيض

- هذاااك كريم كرريم

- وهسه ممخليه شي بوجهج

-اييي متشوفه احمر شكد اكرهه هيج

اطلع عبالك وحده مسويتلهه مكسوره ومحومره

- هههههه ليطكوج بعين روحي حطي كريمج احسن

- ياااا منو يحط عينه عليه بهالخيسه

- ليش خيسه شبيج

- ماسابحه لحد هسه وحجاب ودشداشه العب نفس منو يباوعلي

- هههه ااانه اباوعلج وحلوه مابيج شي

- هاا يعني ريحتي زينه تره نظفت وتوصخت

- شو تعاي

ادنت عليه شميتهه وضحكت ..

- والله اطيب مني ريحتج هخخخخخ

- عطوري اصليه بعد عينننييي

شعبالك لعد

- ايي ايي بس اذا اجانه خطار لتطلعين بهيج وجهج خلي كريم وخري الحمار

- ليش يعني

- بويه احنه اهلنه مابيهم وحده هيج مثلج بشرتهه اخاف يطكوج بعين وتوكعين براسي

- هاااا بس تره انته مبالغ بيه

يعني اني مو ذاااك الجمال الخاررق

بس انته مشايف وحده حلوه متعلم على المصخمات المجفنات

- ههههههه اييييي متشوفين اخاف عليج اهلنه هم ممتعودين مثلي

- ديلاا اوكييي

- بس صدك خلي اكلج شي بالي

- شنو كول

- هاي شفتج من الله هيج

- ههههههه هاا ولك حويدر عينك على شفايفي

-هههه تجذب

- ليش متجذب صارفه عليهه فلوس بكد خشمك

- ولج خشمي مو جبير

- جبير مادامك رجال عراقي خشمك جبير

- اييييي

بله شكد صارفه عليهه شمسويتلهه يعني

- مسويه فلرررر تعرف شنو فلر ؟

-لا

- هيج ابر مال نفخ تسوي مثل هاي

لمت شفايفهه وتشوفني هيج وهيج ..

وانه اضحك واباوعلهه ..

- صرفت عليهه يمكن حسب ماذكر

٩٥٠ هيج يمكن مادري صار هواي من مسويتهه

- من شوكت

- سويتهه العام باربيل مرتين عدت عليهه

وصارت توووب

- اييي

- ابوسك تجربهه شلونهه

-لاااااااا

- شبيك البوسه ماتحبل عادي تعال

-ولج ابويه هنااا خرب بييييج

-ههههييييي دكوووولييي شسوي غداا

- صوووتج نصي

كعدت عدل وضليت افكر بالغدا

كلتلهه ..

-انتي مايتامن بيج التمن وانه طاكني الجوع

- اييي شسوي

- راح اجيبلج افخاذ وانتي بس غسليهن واشويهن ويه بتيته وبصل وطماطه وكافي

-اووكييي يلا شغله ماتعب

انتظرك بالمطبخ

رحت جبت الافخاذ وضليت اشاورهه يم السنك شلون تنظفهن وتملحهن وتسلكهن  وشلون تشغل الفرن وتضل تراقبهن

و ضليت رايح جاي عليهه حتى اعرف استون لو لا ..

ضبطت السالفه الحمدلله وتغدينا شفت ابويه بعده تعبان .. اخذته للدكتور وسويتله تحاليل

وللمغرب يلا رجعنه ...

علمتهه على الدوا ووكته ورحت اصلي

جنت جايب عشى وياي اكلت ورحت نمت

وضلينه اربع ايام نسهر ويه ابويه للصبح دايرين بالنه عليه ..

وريري شايلته بالصلوات .. كلشي هي تسويله بايدهه توكله وتشربه واليوم كله كاعده يمه

تقرض اظافره وحتى شعره زينته اله ولحيته

وكل ماخابرهه تكلي يم ابوك كاعده ..

ارتاحيتلهه بهالسالفه وشفتهه شكد راعتهم

تطمنت عليهم بايدهه ..

يوم السبت اخذت امي وريري ورحنه لخوالي

بيت خوالي اربعتهم نفس الفرع رحنه على بيت الجبير اول شي ... تغدينا وياهم

وخوالي البقيه هم التمو هنا وصار وكت الغروب طلعت اتوضى جان تجيني ريري

كبل جضيت بيهه ..

- شطلعععج ولج طبي جوه

- اوووكف احاجيك

- امششي جوه نحجي زلم هنا ترديهم يتفرجون عليج لتفضحيني امشيي

اخذتهه جوه بالكليدور وكفنه جان تكلي ..

- ولك حويدر ليش محاجيلي على سهاد

نبتت حجايتهه مثل سلايه بنص بلعومي

وضليت صافن بوجهه ...

.

.

يتبع

💕💕

بنات كولش اعتذر منكم تاخرت هواي اليوم بموعدنا

بس الصار اني عود ردت اصير ذكيه 😂

وفتحت البرنامج بالابتوب كلت شاشه اكبر واكتب براحتي ماتعب عيوني

واني مكمله هاي بارتات بس داكتب بالاخيرات

جان تنكلب اللغه كلههه للفرنسي ورجعت على التلفون هم متغيره لغه البارت

وهاي اني كضيتهه بس ارجع بالكتابه

مره اترجم ومره اشوف الاعدادات

وبعد بقن هذنيج البارتات متغيرن راح اسهرلهن اليوم واعتذر مره ثانيه بس ان شاء الله باجر بنفس موعدنا ماتاخر ..

💓🌷

..♣️🩸 ماء مغلي 🩸♣️..

* adzzon *

اخذتهه جوه بالكليدور وكفنه جان تكلي ..

- ولك حويدر ليش محاجيلي على سهاد

نبتت حجايتهه مثل سلايه بنص بلعومي

وضليت صافن بوجهه ...

- هااا مبين الحجي عليهه صدك

شجاااك اصفريت

- شعرفج بيهه ريرييي

- ههههه ولك هو اني شغلتي اعرف المضموم ..تصعب عليه هاااي !

- شحجولج عليهه !منو جاب طاريهه !

- نسوان خوالك عيوني

- استغفررر الله روحي جوه بعدين نحجيي

طبي بعد لتطلعين هيج وحدج

راحت جوه وانه طلعت اتوضى بس كملت وضوء طلعت بالشارع ..

ضليت واكف واخذ نفس براحتي هنا

احس جوه كلهه بالهه هالسالفه تدور

كلهم يذكروهه بعيونهم ..

رجعت طبيت وصليت وضليت كاعد ويه خوالي وولدهم وخالي الصغير اخذنا نتعشى بيته ...

بس تعشينه كلتلهم يلا نرجع ..

وكبل اخذتهم ورجعت للبيت ...

كل الطريق وانه مخنوك .. جانت جيتي غلط بهالوكت ...

وصلنه للبيت وكعدنا ويه ابويه تطمنت على صحته وعفت ريري يمه وصعدت سبحت وضليت متمدد بس مانايم ...

اجتي ريري تبدل وانه مغمض اريد انام بس ماكدر ....

نزلت ورجعت اجتي وبس تخابر بناتها

وجلبهه وتالي يلا كعدت يمي وشالت الغطى من وجهي ...

- كوم احاجيك ادري بيك منايم

- بس اريد انام

- بعدييين خليي نحجييي

انداريت عليهه وكلتلهه..

- احجي شعندج

- خلي اكولك شحجيت شسويت لو متريد تعرف

- احجي يلا شسويتي

- تره اني كعدت عاقله حبابه شفت خوالك هيج نمطهم وصرت مثلهم

وها سفطت شويه جذبات على اهلي المادري وينهم لان همه يريدون يعزموهم ويتعرفون عليهم كلتلهم مسافرين بايران اووكييي

خاف يصير حجي جذب مثلي هيج

- زين زين

- وهااا سألوني شعجب ماحبلتي لهسه

عبالك الحباله بجيبي ضامتهه وممطلعتهه الهم

ياحضي

كلتلهم حدورتي ميريد طفل هسه يكول بعد وكت خلي نستقر

- شنستقر ولج !

- شمدريني هيج طلعت وياي

- ايي وبعد

- لك ماكتلني وشعلن ابو ابووويه الا بهالسهادو عزااااا بعينهن شكد نباشات دفاتر عتك

- عوفي سالفتهه انسيهه

خلي نام

- ويييين نايم من هسه جنك دجاج المصلحه

دوكف دنحجي

- سديهه لسالفه سهاد ونحجي بعد

-لاااا هو شعدنا غير سالفتهه

ليش ولك ماحجيتلي عليهه غير تنطيني خبر لو تخليني مثل الثوله بينهن يتمضحكن عليه بسالفتهه واني ماعرف شلزك حجي واطمطمهه

- نسيت

- لاااااا مو نسيت كول اخاف احجي بيهه

-ريررررري

- اييي شكو مجذبه !! بس تسمع بطاريهه تنخلس مدري شبينك وبينهه

- كاااافي عوفيهه

- حيدااار شكو هيج خايف شبيك دفهمننني

يااااا دحجي ولك

- مخايف شبييييج لزكتي

- لعد متحجييي

زين ليش يكولن عليك متتزوج بعمرك ومتفاجئين من زواجنه !!!

وفوكاهه يستهزأن يكوللي ..

عجيبه شلون اخذج وجان حيدر قافل ميتزوج خلاااص

- عوفيهن حجي نسوان هذا ميهم

- لاااا يهم ونصصص بلكي طلعت سهاد اله ايد بسالفتكم ! غير افتهم !!!

كعدت وضليت افرك براسي وهي تدخن ..

-شبيهه شمسويتلك وهيج تفز بطاريهه

خاف تحبهه وعافتك ؟

- ياااحب انتييي والله بطرانه

- لعددد شنو دحجي مو بطيت كلبي فضني عاد

- ماريد احجي عوفيهه كتلج طاريهه انسي

انتي كلتيهه دفاتر عتك شكو هم تنبشين بيهه

- وشدعواااك هيج يمه

متحجي وتفضهه غير اعرف كلشي

عفتهه ونزلت جوه بالهول ضليت متمدد

واتذكر هذيج الايام ويرجع بيه الحقد والوجع نفسه ...

ماكدرت اغفى بس افكر وجان اسمع باب المطبخ تنفتح .. كمت رحت اباوع من شباك الهول واشوف سيف واكف يم السياره ويتلفت

كبل سديت البرده وضليت واكف شويه وفتحتهه واشوفه يفتح بسركي الباب مال شارع .. وطلع وعافهه مفتوحه ..

رحت للمطبخ وكبل طلعت وراه ..

اشوفه يمشي علكيفه بالشارع وحده بنص هالليل وراح من فرع لفرع وانه بيني وبينه مسافه بعيده بس اباوعله من بعيد وامشي نفس طريقه ..

وصل يم بيت ابو الحصه وضل خاتل يم سياجهم .. وانه واكف بعيد وعقلي راح يوكف عليه شجابه هنااا !!!!

ضليت بحدود ربع ساعه انا واكف بس انتظر بي يتحرك يروح لمكان وهو على نفس كعدته يم السياج ..

جان تطلع مره مبوشه من بيت بنفس الفرع هذا .. وتمشي سريع راحت على الفرع الثاني

وسيف لحكهه ...

ركضت وراهم اريد الحك بيهم وبين ماوصلت الفرع همه اختفو اثنينهم

ضليت افتر بالفرع وادور على سيف وماكو لا هو ولا المره هاي ...

رجعت يم بيت ابو الحصه واتذكر يابيت طلعت منه هالمره ؟؟.

اتمشى واتلفت على البيوت وتالي فرزنته

وحفظته ..

ضليت واكف براس هذا الفرع وانتظر رجعتهه ...

اروح واجي بالشارع وانتظر وماكو هي

وتلفوني مااخذته حتى اشوف ساعه شكد صارت !

اخابر على ريري تشوفلي سيف رجع لا !؟

ضليت مشتول بالشارع الى ان صار صوت الحسينيه يعلى بالقران ... هي هنا رجعت

لبيتهه ...

وسيف ماكو !!!

ضليت افتر بالفروع وادور سيف وين ؟؟

وصارت الصلاه وطلع الضوا ومالكيته !!

رجعت للبيت متسوووودن من الشفته

وركض اركض حتى امشي اصيح اخوتي وندوره ...

وصلت البيت واشوف الباب مسدوده ومسركايه ..

عرفته رجع بس منين رجع ! ووين راااح !

وشطلعه بهالليل؟؟؟

تشلبخت على السياج وعبرت للبيت

والبوب مقفله ضليت كاعد بالحديقه

وافور اعصاب ...

انه بدون شي شايطه اعصابي والنوب هذااا

صرت ناار .. وبس انتظر واحد يكعد يفتح الباب حتى اروح اسحله من فراشه وافهم شسالفته ..

انفتحت باب الهول واجتني ريري

شايله دشداشتهه واجتني هداده ..

- وييينك ولك الليل كله ادور عليك وين طلعت !!!

شوكت اجيت

من شوكت تسوي شي من ورايه ولك حويدر

- رييرررررري

- هااااااااااا

- سيف شفتي ؟

- سيف ! لاا وين اشوفه !

شبي !

- امشي وياي

- ولك شكووو دفهمني

طبيت جوه وكبل صعدت لغرفته فتحت الباب

و رحت على جربايته شفته نايم ومتلفلف بالغطى ..

ريري تجر بايدي واانه اكعد بي ..

وهو ميقبل يباوعلي بكلي نعسان ويصيح عوفني نعسان ..

اجتي امه وضلت تسال

-  شكو خيركم .. شعدكم ويه ابني   من الصبح

- بعد اخوج لا تدخلين

- ياا خويه على بختك غير افهم شبيك ويه الولد

شمسوي ولك سيف اكعد حاجي عمك

كعد سيف وضل يباوعلنه وعادل هم وكف يسأل شكو ..

انه عيني بعين سيف مخنزر عليه وهو وجهه اصفر ..

كلتله ..

- سيف وين

كبل جر ايدي ويكلي ..

- اي عمي اي ادري نسيت

جريت نفس وكعدت يمه .. عادل ضل يسال شكو كلتله ..

- ضميت يمه شغله وهسه محتاجهه اريدهه

موصي من بارحه عليهه وناسي يجيبهه

روحو شكو صافنين علينه شبيكم !!

طلعو ابوه وامه وطلعت ريري هم وضليت وياه ..

اباوعله وهو مدنك راسه ..

كلتله ..

- كووم امشي وياي فوك يلا تحررك

جريت ايده وكومته واخذته وياي فوك

سديت الباب وضليت واكف وياه ..

- سيف وين جنت !!

لاااااتجذب  بحرررف واحد ترره شفت كلششي

وييين وليت بنص الليل جنك حرامي تتختل بالدرابين !!

ضل يفتر بالغرفه وساكت ..

جريته ولويت ايده ...

-اسسسسمع ولك وروح اخوتييي اذا ماااحجيت هسه انززل اكول لابوك وانه ويياه انجنزك تنجز

وجذذذبننني لووو تكدر وكتهه

- عميي ماسويت شي والله

- شنوووو ماسوووويت شي وووولك وييين وليت انه كتلللك سويت شي !!! جاااي اكلك شطلعك بالليل شوداااك لهذاك البيت

انته تدري كلش زين ااانه جنت وراك وراااك

بعددد تغشم نفسسسك لييييش !!!

- ماعندي شي عمي صدكننني

حصرته على الحايط وضربت راسه بي

وضليت عاصر راسه هيج واكله ..

- سيييف لاااااتخليننني اذيك احجججي شعنددك من فاينه تسويهه وراااانه

ولك مااابينه حييل هبطااات احجيييي

متورطلك بشي كوووول اساعدك بس لتضل تتختل هيج وتطلع بنص الليل تهبط كلوبنا

لك انتتته تدري خليتني اتسودن وااانه ادورك بكل فررررع ومالكاك !!!

اجيت اركض للبيت حتى اخذ ابوووك وادورك ولك كلت شو شصاير وياااه وهذا ولد يجوز. مرافكله ولد حرام ومتورط بشي

ولك لاااتسووودني احجيييي شعندك تتختل وطالع بهااااليل

- عمممي عوووفني مااعيدها بعد والله ماطلع

- احجييييي ولك لاااا تخلينيي الم عليك البيت وافضحك احجججيييي شطلعععععك

ضل يبجي وانه عاصر راسه على الحايط

استخطيته .. وعفته ..

طلعت بطل ماي وانطيته يشرب ماقبل

عاد فتحت البطل ودرته على راسه

وكلتله ..

- يلااا اصحى زيييين واكعد سولفلي شعنددك

كعد على الجربايه ويمسح بوجهه وكالي ..

- عمي  انته تصدك بيه ؟

- اصدك بيك جا غير ابنه انته شلون اجذبك

- يعني تثق بيه ؟ لو هم تحسبني مخبل !

كعدت يمه وضلت عيني بعينه .. كلتله ..

- ااانه احسبك اعقل واحد باخوتك وبكل ولدنا

ماتشوفني تسودنت بطلعتك لان ادري بيك عاقل مو طايش استغربت سالفتك وخفت عليك بعد عمك انه غير من خوفي عليك احجي واصيح جا هينه عليه لساعني ارجف اعصاب خايف عليك لا صارلك شي وماتلاحكتلك

ضل يبجي ويمسح بعيونه .. جريت راسه حضنته واسكت بي .. والنوب تندمت

هيج تصرفت وياه .. هبطته من الصبح

بوست راسه وكلتله ..

- ولك سيوف لا تكسر كلبي هيج ولك

انه عمك حزام ظهرك وصاحبك كلي احجيلي شنو مشكلتك خلي افتهم سالفتك

وقسم بالله ماحجيهه لا لابوك ولا امك ولا اجيب طاريهه ابد

بس خلي افهم شبيك

- عمي اانه والله ماجذب عليك بس انه

عندي سر

- اي شنو سرك !

- انه هم مثل عمتي الله يرحمها اشوف هاي المريه بالبيت

- صددددك تحجي !!!

- اي والله اشوفهه كم مررره

-وين تشوفه وشوكت !!

- اشوفهه بالليل تصعد على الدرج وتجي هنا وتطلع للسطح

- هنااااا يم غرفتتتيييي تجي !

-اييي بس متسوي شي بس تمشي وتروح للسطح

- ايييي وهاي شوكت اخر مره شفتها!

- كبل ماتتزوج باسبوع

- زين هي هم شافتك ! هم صرتو وجه بوجه !

- لااا انه ماخليهه تحس عليه

- دخيلك ياالله

زين هاي شدخلهه بطلعتك بالليل

- مو هاي انه

ااا عمي عليك علي لا تحجي لاحد من اهلي

-والله ماحجيلهم بس فهمني

- انه بالليل مانام اخاف هاي تجي وماحس عليهه ..

اضل كااااعد مانام ابد

ومره سمعت باب المطبخ انفتحت انته تعرف صوت سركيها عالي وينسمع بالليل وانه سمعته وكبل نزلت بس ما شفت احد

بس شفت باب الشارع هم مفتوحه 

- اييي ماعرفت منو الطلع !

- لااا لحد هسه ماعرفت منو يطلع بس

هاي المره الشفتهه بالليل هاي تجي لبيتنه

هيج وكت بالليل وتذب علاليك بالحاويه مالتنه بالباب وتروح

- زين انته شعرفك تذب علاليك هنا !

- مو انه مراقبها جانت تجي وياهه وحده ثانيه

هو انه ليش رحت عليهه بالليل اريد اندل هاي الثانيه وين بيتهه !؟

لان كل مره تجي وياهه وبس اطلع وراهن تختفي ماندلها وين

-استغفففر الله ربيييي واتوووب اليييه

اييي ليش ماتكول من البدايه واحد يحط عينه على هالنااااس وبلاويهم ليش تخاطر بروحك

- عمي احجيلك شي بس مو تزعل مني

- ايي شنوو كول

- انه ماامن باحد منكم

كلللللكم ماامن بيكم

- ليييش ولك شمسويلك احنه !

- عمي انه كل يوميه اشوفلي واحد عنده اسرار

وكلكم تخوفون

- حتى ااانه !

- اييي انته هم مو جنت ادور بالبيت كل يوميه من يطلع ابويه وعمي عزيز وهم تتختل

-ههههههههههههه ولك اااانه الخايف من البيت مااخوف ولك

- هااا عمي

هم مثلي انته !

- اييي ايييي

سالفتنه وحده ولك سيوف

- صدددك عمي !!! يعني هم شايف هاي المره وتدورهه !

-ااانه ماشايفهه بس من سالفه اختي ضلت بالي هي

اكلك فهمني هاااي المره التجي للبيت

كل شكد تجي هنا ويا ساعه ؟

- مو سوه مرات كل يومين مرات كل اسبوع او عشرين يوم

- شلون تعرفها اجتي ؟؟

- انه اضل اراقب من الشباك واشوفهه تجي

بالليل كل شويه اباوع من الشباك مانام

- سيوف هااي شغله تخوف بعد عمك

وانته بعدك صغير عوفهه لا تتاذه

لا تضل تطلع وتخاطر هيج بعد اذا شفتك طالع يصير وياك غير حجيي فهمممت

- لاا عمي ماطلع بعد والله

- اييي عندك شي تجي تكلي واانه اتصرف

من تشوف شي او تسمع حجايه منا منا تعال كلي لا تضل ساكت

- بس عمي هذا يضل بيناتنه سر مو تكول لابويه

- لاااوالله ماكووول ولك مو حلفت بعد ماكول

- زين عمي اكلك شي بعد

-اي شنو

- هااي المره تجينه خطار العصريه ووياهه نسوان

- شمدريك هي نفسهه هاي هنه كلهن مبوشات شلون تعرفها !

- اعرفها عمي حافظهه ماغلط بيهه

- زين زين اانه اتصرف بهالموضوع انته روح نام وشيل هالسالفه من بالك بعد لتضل تفكر بيهه وتخاف زين !

راح وانه خابرت ريري تصعدلي ..

اجتي وكعدت احجيله الصار كله جان تكلي ..

- ومنو كال هذا يحجي صدك ؟

- شنو شبيج يعني هذا مو كله ندري بي احنه

- اييي حتى لوو

بس اني من خبرتي تعلمت ماثق بهيج شكولات تكت الاول والتالي باول عيطه

- يعني شنو !!

- يعني ضل عينك عليه هذا وراه ضميمه

مو مسكين مثل ماحجالك

يجوز هو هيج سوه حتى يكسبك ويغطي على سالفته ؟؟

او حتى لو حجى الصدك اكو بعد شي مضموم لااان هو من كااالك هاي المره تجي لبيتنه ماكالك ويااامن تكعد !!!

ماذكر امه وحنفيش بأااااي شييي

ولا كالك هاي العلاليك شنو بيهه

لان ممعقول مافتحهن وشاف شبيهن مابيهن !

مو صح حجي لو لااا

- اييي صحيح

- اييي وانته ابو كلب الرهيف كبل صدكته

ولك انته شكول واحد يستوجب

جااان انطيته الي وانخله الك نخلللل

- مادري جان حجيه مقنع ونسيت كل هالتفاصيل بعد

مادري شلون راحت من بالي اسأله ويامن تكعد وشلون رجعت للبيت !!!

وشوكت جان يطلع وراهه !!

- وشلووووووون ماااخااااف من شاف هذيج المره الطنطل الكالت عليهه اختك الجنيه

مدري شنو

مو هو بعده ولد هالكداته شلون ميخاف !

هسه اني لو تطلع كدامي انخرط خرط مو عاد جويهل هالكده يفرفر وراهه ينتظرهه !!!

شبيييك بابه وين جااان عقلك !!

شلون تصدك بيييي ولك حويدر خربت الاول والتالي بهاي سوايتك

ضليت اعصر براسي واستغفر ربي

كلتلهه..

- لج مادري شلون نسيت والله مااادري

- من اكولك شكووو. ليش ماحجي ؟؟

جايبني اتصفن على طولك غير هاي شغلتي

غير تحجيلي ششفت وين جنت !!!

من اعصابك شووف ضيعناه من ايدينه

بعد راح يضل يسفط جذب عليك وياخذ حذره حتى متلكطه

اووووف ياكلبييي اوووووف

ولك ليييش هيييييج حركت دمييي ولك حويدر امداااك على هالدكه الطايح حظهه

- ايييييي كاااافي ريري مابيه حيلللج وعلي راسي مسطوووور وكاره روووحي من بارحه لليوم

عوفيني انااام امشي انزلي

- راااح انزل بس دخلي اسألك بعد متحجي بساعتهه الا اعوفك وامشي وضل حير بروحك

نزلت وضليت انه متمدد وافكر شجاني نسيت ؟ انه جنت اريد اسأله شنساني ؟

زين هسه انه شفتهمت من طلعته شسوه ؟

شلون عفته يروح هيج ومافتهم كلشي ؟

ضليت الوم بروحي لان تسرعت وياه

وهذا مراهق وخياله واسع شمدريني شنو الصدك من حجيه وشنو الجذب !!!

انفتحت الباب واجتي ريري شايله صينيه

وكلتلي ..

- لااانوم لااا اكل شبيك تخبلت هاليومين

تريدني ابتلي بيك غير تشد حيلك ورانه شغل

لو تكضيهه متمدد وخاويه روحك ياحويدر

كوم اكل يلاا اكو واحد يضل لهسه على عشه البارحه !!!

ويكول ضعيف من القهر هو انته حاط لكمه بحلكك رايح مصوي صوي وتجي بعدين امك تحجي عليه مدارين ابنيييي ممملوووووص كاتتتتله الضيم والجووووع مايلحك على العيشه

تحجي تحجي  و تخوط بكلاص الحليب

وتسوي لفه كيمر ومربى وتخليهه بايدي وانه بس اباوعلهه واضحك على تعابير وجهه

وحلكهه هذا الي كل كلمتين لايفته بجهه

ضليت اكل وهي تكلي ..

- اسمع حويدر سكته ماااسكتلك اوووكييي

ترجع تصحصح وشيل كل هالسوالف مال يومين هذني من بالك اوووكييي دتفهمنيي

اريدك مركز وياااي ماضل حايره بمشاعرك الجياشه

اوووكييييييي حويدرررر

-اوووكي عيني اوووكييي

- زين يلا كولي شسوي غدا علمني يلا

- اوووف ياقسمتي اووف

- ديلااااا احجيييي لتعبني

- سويلنه مركه ريري مشتهي مركه ولج ماحس نفسي ماكل بدون مركه

- اييي شمعرفني شلون تصير هاي

شسوي احط معجون وشنو

- ياااامعجوون ووولج

- اييي لعد شلون تصير حمررره

- حطي وجهج ههههههههه

- شكد سفييييه ياااحظظظييي

دحجيي عاااد

- سويلنه فاصوليا وخلي امي توكف وياج ريري اشرحهه الج شغله تعبج وتعبني

- وتريدني افشل نفسي كدام امك ماعرف اطبخ فاصوليا!!

دحجي هسه هي شنو نتكولي هي مركه

اجيبهن واخبطهن ويفورن واصبهن وفضت وراحت

- اذا بيج خير وهيج نجره كومي سويهه

يلا

-اوووكييييي دصبر وشوف شلوون اطبخهه الاا اعجبببك

راحت وانه كملت اكل وخليت صينيه بالكاع ونمت ..

كعدتني على الغدا نزلت بغرفه اهلي كعدت واباوع للصينيه وين الفاصوليا؟؟؟

اباوع لريري وهي تكلي...

- خليت لمستي بيهه شوف صارت احلى

- لج هاي مركه ورديه لج شخليتي بيهه

- مخليت شي هو بس خبطتهن

- شخبطتي ولج !

- هسه دككككل شكد تنكنك مو زين طبختلك

- ماريد شبعان

- اككككل احسن مااهلهل هسه اكل يلا لعد المن سويت

- ماااريدددد

-للاااااا تررريد غصبا عليك تاكلهه

ولك لاتفشلني فوك متعلمني وهم تفشلني اكعد احسنلك حويدر

كعدت وامي هم كعدت تباوع للصينيه

وتباوعلي ..

المركه عباره عن فتافيت فاصوليا طايفه بمي  وردي ... كلتلهه ..

- بس فهميني شلون صارت ورديه المركه !

- شمدريني هي صارت

- شلون طبختيهه فهميني

- جبت الفاصوليا غسلتهه وخليتهه بالجدر تفور لمده ٢٠ دقيقه مثل ماشفت بالفيديو

وبعدين اخذتهه هرستهه بكل حيلي حتى تصير ثخينه زين عيننيي

-اييي عيني والوردي منين اجه !!

- دسمع

مو اني مطلعتهه من الجدر كله فوكه فوكه

هرستهه وجبت المعجون كالو لتكثرون

وماكثرت بطرررف الخاشوكه خليت

وهااا خليت سماك كلت خطيه عمتتي وعمي شلون ياكلوهه فاهيه لا حموضه لا شي

وكلت يلا سماك ميأثر على ابو ضغط

وخليت وفارت فاااارت ضجت اني وطفيتهه

- سمااك ريري

بالفاصوليا سماك!! ولج ليش هيج

- هاااا وخليت بصل اخضر ثرمته نااااعم

- بس احنه نخلي ثوم

واذا ردنا بصل مو اخضضضضر العادي نثرم ريررري

- ايييي هسه شمدريني اني بعد سويت

باوعت لامي تاكل خضورات وتضحك

وابويه كام يسألهه ..

- بعد عمج شطابختلنه اليوم

شو هاي حامضه سماكي الاكله

رادت تحجي وانه سبقتهه وكلتله ..

- حجي هاي اكله جديده مال ضغط اكل اكل على مسؤليتي

ضلن هي وامي يضحكن وانه كلت خلي اضوك بله ..

بس ضكتهه للمركه كبل جريت وراهه كلاص ماي ..

- ووولج حااااامضه شبيييييج يمعوووده

لخاطر الله انتبهييي

- اييي معرفت شكد اخلي

شو اضوك وبعدهه فاهيه جبت القوطيه باقي بيه ربع وذبيتهه كلهه

غير دتصير نكهه لعد شناكل

- غضب الله عليج يا ريري

شنتغدا هسه فهميني !!!

- اكل تمن شسويلك اووي كلشي ميعجبك

- وهذا منو سواه انتي !

- اييي بمساعده عمتووو فدوه لقلبببهه اموواح حبيبتي انتتتيييي

باوعت لامي بس تضحك وساكته ..

كلتلهه...

- يمممه مادامج سويتي التمن ماعلمتيهه بالمركه

- ماسويت هي طبخته انه بس علمتهه

ولو ادري هيج معرفتهه داجه بالطبخ الا اوكف يم ايدها واعلمهه جيله جيله تحط

باوعت لريري ..

- هاذ تمنج ! شو مبين زين !

-اييي غير امشي حسب تعليمات

- ماصدك مضبوط

- اكل وشوف

اكلت بطرف الخاشوكه وهذا مااالح والملح بعده يكرط بي وهو عجيين على حاله بالحلك يصير ..

جريت كلاص ثاني مااي وكلتلهه..

- ريري رحمه لذاك العزيز لا تطبخين بعد

خاف انه الي نفس اكل كبل انتي هسه لعبتي نفسسي

ولج الملح شمسويه بي هيج يكرط

- اوووي يعني شسوووي غير طلعت فاااهي

وبعدين رشيت ملح فوك التمن وجبته شسوي يعني تره دوختني

- ولج هووو هييييييج ريررررري

- ماااطبخ بعددد احسسسن متسوي واااهس

وبعدين انته تعرفني داتعلم شكو تعتب عليه

حسيتهه راح تنفجر من وجهه الحومر

وسكتت لاتروح تجفص بحجايه كدام اهلي

تالي كلتلهه ..

-بس هو زين خوش تمن بس لو تقللين ملح يصير توب

- اي بعد انتبه

- والمركه هم شويه اكعدي ويه امي تعلمج زين عليهه

امي خوش نفسهه بالطبخ يخبل تعلمي منهه

-اووووكييييي

ضلينه ناكل بس خضورات وخبز وهي الاكل كله شالته وذبته .. شفتهه مطنكره ومقهوره

وهي تغسل مواعين ..

ضليت واكف يمهه واشاقيهه وهي قفلت بعد طنكرت ..

حتى متضحك ... بس خلصت مواعين كبل صعدت ..

رحت وراهه .. وشفتهه منبطحه كدام التبريد

كلتلهه..

- شبيج ولج شو طنكرتي

- ايي عوفني ضجت

- لااااه ليييش ليييش

- حيداااار تره دافشل نفسي بالطبخ متخلصني منه اني اكره افشل هيج كدام اهلك

- ريرررري غير انتي هسه چنه البيت لازم تعرفين تطبخين وشويه شويه تتعلمين

-اووووووف طكت روووحي ماااريد اتعلم

- يلاا كيفج ضلي هيج ونكضيهه دايت

- ايييي احسسسن

لفت راسهه ودارت ظهرها الي ..

انه بدلت واخذت حاسبتي وتلفوني جاي اطلع جان تصيح ...

- ووووييييييين

- اسم الله الستار شجااج

- وين رايح

- للمحل يعني ويييين !!!

- ديلااااا روح

طلعت وانه اضحك هاي سوويج حرام اذا صاحيه ...

هناك العصر خابرتني ..

- هاا عيني كولي

- ولك حويدر اريد تروح للسوك

- خيررر

-اريد بقدونوس

- شنوووه !!

- بقدووونوووس يلا جيبلي وتعال داسوي عشه

- شنو بقدونوس شنو عشه مو كلتي متطبخين

-اييي عجبني اطبخ شتعرف بمزاجي بالطخات

- وهذا شلونه احمر اصفر البقدونوس

- لك بابه مثل الهذا اليثرموه

- وهو شنوو هذا اليثرموه !!! فهميني عدل

- حيدداااار هسه لو اعرفه البقدونوس شنو

جان خابرتك !! جان اني دزيت منا

روح شوفه شنو وجيبلي وتعال يلاا

- لا اله الا الله

بويه احد كلج ااانه چنه البيت

ولج شعرفني شنو بقدونوووس عينييي

- هذا اليخلوه ويه اللحم من يسون حشوه

شبيك متعرفه

- اعرفه كرفسسسس

- لاااااا بقدونوس همه كالو هيج نوعه ديلاااا لتعبني فضني عااد يلا داسوي عجين ومالي خلكك يلا استعجل يلا چاااو

سدت الخط وضليت انه ادك على راسي

ربي شمسوي بحياتي وهيج قسمتي !!

فتحت الكوكل وكتبت بقدونوس جان يطلعلي اسمه بقدونسسس وهو المعدنوس

كبل خابرتهه ..

- هااا جبته

- من نعلى على دمااغج لج معدنوس هذا معدنوسس

- الدور معدنوس ؟ شنو هذا هم اخضر ؟

- ربييييي

لج ريري هو اسمه عدنا معدنوس افهمي خضورات هااي مثل كرفس

- هاا ديلااا اي صدك هو مو كتلك مثل الخضورات لو ماكتلك ؟

- بروح ابوج عوفي الطبخ عمي ااانه اعتذر لان خليتج تطبخين والحسين ماعيدهه بعد

- لااااا ولك غير داسويلك شكل اكله الاااا تعجببب

- ريرري ارحميني ممتغدي تره

- ايييي فوك ماتعبانه ومكسور ظهري واطبخلك بهالحر انسمط ابو ابويه

تاكل وتسكت فهمتتت

يلا روح جيب هذا معدونوس وتعال

- الفظي عدل ولج سودنتيني ريررري وتالي وياج

- اكووولك

جيب هذا شيسمونه

- شنوووو ياربييي

- صدر مال دجاج بس مثروم داسوي لاهلك هيج مثل الكباب وااني دزيت لحم جابولي يعني لتجيبلنه اووكييي

- اوكي عيني اوكي اجيب اجيب

- داكولك لتجيبلنه بس الهم

-اييييي مو كلت اووكيي يعني ااييي فهمت هاي كافي عوفيني روحي

سديت الخط وبوجهي طلعت للسوك

اخذت باكه المعدنوس واباوعلهه واكول

ولج شسويتي بيهه !!!

رجعت للبيت انطيتهه العلاكه ورحت للمحل اكمل شغلي ...

تالي رجعت بالليل ..

وجابت ريري العشه ..

واشوف فد شي مثلث جوزي

اباوعلهه تضحك وتكلي ..

-هااا شلونهه الاكله

- هي شني

- سمبوسه بالخضار واللحم

اكل يلا اكل

اكلت وجانت زينه يعني دبرتهه ..

كلتلهه ..

-طيبه عاشت ايدج

-اييي اخيررررراااااا ولك لعبت فلك انييييي اليوووم

دشوووف اهلك سويتلهم بيتزااااا

- انهجم بيتج وبيت البيتزاا اذا صدك

- ههههيييييييي لك استعنت بالكوينااات

- منو هذني !

- عزااا بعينك متعرفهن

- كرايبنه ؟

- هههيييييييي لك انته فد نووووب مطفييي وطابك على صفحححححه

- هسه منووو احجي

- لك هذني بنااات كروب كووووين شبييك

متعرفه بالفيس

- ماسامع بي

- امددددا حظييي لك انته من ياكوكب حويدر

لك ربيتلي عله

شلووون بيك شلوووون

- هسسه شعرفني بكروبات البنااات

مااادري

- ديلاااا بعد احسن

بس خوش سولي فزززعه

كله صوره وصوت ع الخاص وطبختلكم عيونييي بعد شتريدووون من ريرررريييي هديتو حيلهه

- هههههههه انعم الله عليج عينييي

ضلي فزعيهن كل يوميه وشبعينه اكلات

- ايييي اكو وحده تكفلتني خوش ام بيت حووك راح شتطبخ تدزلي فيديو واسوي مثلهه

- يالله يااالله فرجت

تعشينه وشربنا جاي .. ردت اصعد وكلتلهه يلا امشي ماقبلت تجي ..

عفتهه تسولف ويه امي وصعدت ..

نمت بعدني معوز نوم ..

وكعدت بنص الليل على صوت ضحكهه يم راسي وهي تخابر ..

تعاركنه وتكلي بنات بنااات سمعتني صوتهن وكملت حجي ..

مشت هالايام وريري مبدعه بالطبخ بس تنفش المطبخ وتضل تجلف وتدعي عليه لان ورطتهه بهالزواج ..

صارت الجمعه وجان عندي شغل بالكاميرات

وناوي فلوسهن اجمعهن واشتري لبيتنه بعد ماترهم لازم اراقب سيف ...

رحت كملت شغلي ورجعت للبيت شفت سيارات بابنه ..

طبيت للهول جان اشوف خالي الجبير هنا

وخالي الوسطاني وولدهم ..

تفاجات بجيتهم واحنه كبل كم يوم يمهم ..!

طبيت جوه ورحت اغسل واصيح لريري تجيبلي ملابس حتى اسبح فد نوب مدامني جوه ..

جان تجيني ريري تتبختر بمشيتهه

ولابسه دراعه سوده ومذهبه ..

ومطنطشه ذهب وخاطه الكحل والحمر

والرموووش شطولهه ..

ضليت صافن عليهه وكلتلهه ..

- احد عرس هنا !

- اييييي

- شنو ايييي شكو احجي شعندج

- احننه حبيبيي

- حبيبي شنو !

- اسمع ولك حويدر تصير حبيبي هسه لا اصخم يومك

تره مخططه خطه اني وابليس واذا فركشتهه اهجم البيت على راسك اوكيييي

- ريري بس علكيفج وياي تره مسموط بالحر الظهريه كلهه بس فهميني شعندج احجيلي وحده وحده

ضلت تلعب باصابعهه واساورهه وتكلي ..

- مو انته اكو ناس غاثتك

- منو !

- اكووو لو لااااا

-اي هواي همه

- اييي وانييي جبتهم لبيتك وراح اغثهههم

وتددللل رجليييي حياااتتتتشييييييي

- احججي عدل بلا نعوصه خلي افهم منو هنا

- ههههيييي سووووسه المنحوسه

سهوووود بنت خالك الدكتوره ام خشم اليابس الوصخه ام الكمل ام لسان الخيسه الطويله الجايفه الهجمت حياتك وحياه الخلفك جبتهه سححححل وراح ادمغ عليه هنااا وارجع هيبتتتك اوووكيييييي حوووووبيييييي 

.

.

يتبببع

..♣️🩸   ماء مغلي  🩸♣️..

* adzzon *

ضلت تلعب باصابعهه واساورهه وتكلي ..

- مو انته اكو ناس غاثتك

- منو !

- اكووو لو لااااا

-اي هواي همه

- اييي وانييي جبتهم لبيتك وراح اغثهههم

وتددللل رجليييي حياااتتتتشششششششييييييي

- احججي عدل بلا نعوصه خلي افهم منو هنا

- ههههيييي سووووسه المنحوسه

سهوووود بنت خالك الدكتوره ام خشم اليابس الوصخه ام الكمل ام لسان الخيسه الطويله الجايفه الهجمت حياتك وحياه الخلفك جبتهه سححححل وراح ادمغ عليه هنااا وارجع هيبتتتك اوووكيييييي حوووووبيييييي 

- نعلى عليج اذا صددك !!

- صدددك  لعد ليش لاا ؟ تريدني اسكتلهه ولك  !

- هو انتي شمعرفج بيهه شوداج عليهه ريري شمصخمه من ورايه !!

- كل خير حياااتشششييي يلا فوت  اسبح   وراح اصعد اجيبلك ملابس وتدلل رجليي عووومرررييي موواححح

راحت صعدت وهي اطكطك بشحاطتهه وانه طبيت للحمام وبس صافن حتى دوش مافتحته ..

افكر هاي شمسويه ؟؟

كلبي راح يصفرن دكاته من وره هبطات وخطط ريري   ..

اجتي ادك الباب وانطتي الملابس وكالت ..

- اخذ رااااحتك فد مره بالسبح عووومرري اريدك تطلع تلهث لهث اجلف زين  اجلف اوووكيي

- ولي ريري ولليييي مالي خلكج

ضليت اسبح وافكر بس اطلع كبل اصعد انام واخلص وماتفشل بشي ولا انهبط من وراهه ...

بس طلعت ومشيت يم الدرج جان تصيحني ..

-حيدااااااار حضرتلك الجاي والكعك  عوومررري تعال اكل عيوني سوده عليه تعبت بهالشغل اووف ربييي لايحرمني منك شكد تتعب لعيشتنه

ضليت فاك حلكي وعيوني واباوعلهه واشاورهه ..

- اانه عووومرررج وتدعيلي !!!

- انجب عاد واطبك وياي بالحجي يلا ماضل كلساع اعيدلك

- انتتتتي الي تنجبين وتعوفيني تعبان واريد اصعد ارتاح لاتضلين تنطنطين

- دصعد اذا ما اكعد واصخم وجهك بالحجي يم النسووان فلا اطلع ريري

- اووووويلييي يابووويه بديينااا بشلاع الكلب ... ولج فهميني شعندج شناويه !!!

- امشي اكل حيااتشششي لدوخ نفسك كووولششي اني اسووي بس اريد طولك الحلو يمي يلااا فضننننني عاد امشي اككككل برد الجاي يامصخم

- والله ماريد

- غصبا عليك تريد امشي يلا عايز تكعد تتبطر واني حاركه الامه العربيه هنااا علمودك ..

حويدر شكووول تسوووي بس تحيص وتفيص منا ومنا بدون  رضاتي اصخم وجهك واخزيك بينهم فهممممت

- ايييييييييي بس خلصيناا شهالورطه ربييي

رحت وياهه للمطبخ وجانت فارشه بالكاع مده صغيره ومخليه صينيه الجاي والكعك .. كعدت اشرب جاي وهي تلوب منا ومنا تفرفر .. صحتهه ودنكت يمي كلتلهه ...

- هسه جبتيني  هنا وحدي اتصفن عليج يعني ! شكو خبصتيني ويلا ويلا ومكعدتني هنا شستفاديتي !!

- دنطيي صببببر شكد تلح

سكتت وانتظر فرج الله ....

شويه وسمعت صوت  النسوان طلعن من غرفه اهلي ...

جان هي كبل اجتي كعدت يمي وكمشت ايدي وتسوي نفسهه تضحك وياي

وانه على هالتمثيل صدك ضحكت ...

وصارت عيني على ام سيف وسهاد جاي يصعدن فوك وعينهن علينه ...

بهاللحظه شفت بيهه نفس ذاك الغرور ونظرة الشماته نفسهاا عادتهه ... بس الفرق انه ماهتميت وبادلتهه بنظره ضحك وانه ابوس ايد ريري ...

دارت وجهه وصعدت وانه باوعت لريري واضحك .. كالتلي .....

- عفييييييه هسه صررت تفهمننننيي  ..

يلااا حوويدررر عليههم

- هههههههه يلاااااا

صعدنا واحنه ايد بايد ونضحك ومن جاي نصعد درج ثاني لغرفتنه هم لمحتهه بغرفه ام سيف بس مجرد لمحه سريعه ومشيت ويه ريري لغرفتنا ........

طبينه وكلتلهه...

- بس فهميني شجباااهم !!

- انننييي جبتهممم

- ادري انتي بس شلون

- ولك حويدر يعني عبالك انيي  كاعده وساكته هالايام بس اطبخ وانفخ !!!

هههههههههيي ولككككك ساااس الخلفك طلعته خااف متدرري

- فلك فلللك ياريري فلللك انتي

- ااننننييي النناااار بعينهه حوووبييي واليندك باملاكييي احركه واشعل اهل اهله

- وهسه هذوله شوكت اندكو بيج !!!

- مووو اندكككووو بيك يعنييي اندكو بيييه ومايدرون ويامن تورطوووو

- هااه هيج انه عزيز عندج ومادري!!

- لااااا شوكت لحكت تصير عزيز بعدنا شهر ممقبط على عشرتنا لو

هي كبل حبهه ولبط !!!

بس هي شغله كرامه ومدامني صرررت مرتك بالوجه يعني كلشي راجعلك هم راجعلي وااانيييي اسكككط عرض خوااته اليندك بكرامتي ويلولح بفكره عليه باستهزاء اشلخه شلللللخ بس ادري بي يفككررر هييج مجرد تفكيرر

- عفييييييه عجبتينيي

- وبعد وبعد اعجبببك عووومرررررري

- ماكلتيلي شلون جبتيهم

-  عيننيي بجهوودي الجباره ولسان امك الحلو جبناهم سحل نتل للبيت وهمممه الممنونين

- خرررب بعرضج حتى امي ماسلمت منج

- هههههههه امممك هاااي كوكل البيت شريد افتهم اروحلهه

- شحجتلج !

- كووولشي انته عنفصت بي ومحجيته وبعد اكو اريد افتهم منك بس بالليل اجر لسانك هسه راح انزل اضغطهن شويه واااانتتتتته تخاااااابرررننننيييي وره نصص سااعه اووووكييييييييي

- ليش اخابرج ؟

- حيداااار ركز ويااي ولك لاتسمطننييييي بثولك ..

تخابرني تكولي تعالي اشتاااااقييييتتتتلللللللج

سمععتتتتت هيج اريدك تعيط بيهه عياط بالتلفوون .. واريدك تصبغ شويه وتطلعلي مشاعرك الجياشه اوووكييييي

- اووكي اووكي

- يلا لتنام بس عينك بالتفون ولتنسى تره احرك اهلك بس تغلس

نزلت وانه تمددت واضحك والله هاي انه متزوجلي بلوووه محطوطه بنص مره ..

ضليت اكلب بالفيس وبعدين خابرتهه كبل جاوبت ..........

- هاا حبيببييي كعددت !

- لااا حبيبتي ماانمت اصلااا

- ياااا لييش عوومري اي غير تنام ترتاح

- مااكدرت انام مشتاااااااق اااانه مشتاااااقلج مريتتيي

- اوووي فدواا لكلبك

- يلااا تعالي شويه خلي اشوفج بلكت اكدر انام

- يااا عوومرري ماكدر مو كاعده ويه البنااات عيبب اعوفهن وهنه جايات عليه

- يا بنات هذني ؟

- بناات خالك عيني شبيك سهوده ومناوي وام فراس فدوه لكلبهه هم كاعده 

- يااا هذنييي عبالي شو منو اجه .. حبيبتي انتي كل البنات انتي وحدج بنيه بهالدنيا عيونييي يابنات هذني تحجين عليهن يمعوده تعااااي يلااا اريددددج مشتاق

- ههههههههههههههه مو تدللل حياااتششييي ثوااني واصعدلك

سدت الخط واانه خرباان ضحك يااابويه على صوتها شلوون يتغير بااللواكه .. قابليه هالمره قااابليه وعلي كارثه ..

بعدني اضحك وهي اجتي كبل جفتت عليييه واانه صحت ....

- ولجججج عظااميي راحن

- ولك هلاااا بحسسسك حويدرررر هم بيك البله

- انتي البله كله انه من لاجاره احجي

- عفييييييه الخووف يعدل الشوووف ههههيييييي ولك سمطتتتهن سمممممط حركت ابو الخلف خيستهن

- - هااا يعني ضبببطت

- ضبببطتت بعد شغل ريري شحححده مايضبط ولك تدري اني محوله خطي هذا بالكلكسي ومعليييه الصووت عيننييييي والكل اذااانه يميي وماااتن هههييييي شعوووطتتتهنن ...

هاا واخر شي من سديته شكلتلهم

, حيداار مدايكدر يناام خطييه يمكن راسه يوجعه حكوم اشوفه اااوف كلببي يمه ,

هخخخخخخخخخخخخخخ كبل عوجن حلوووكهن الجايفه عساس يستهزااان امهات الوصخ ميدرن اني خايطتهن خوووط

- ههههههههههههه ولللللج انتتتتتي كاااارثه وعلي

- اددرري عوومررري خلي اكولك الخطه الجايه شنو

- هم بعد اكو !

- يااااا هستونا بدينا شبيييك

- ايي

- انته نام لان ورانه سهره معدله رادلهه نشاط لاتضل كل شويه تكولي نعست كافي كومي اشبع نوم واكعدك ع العشى

- مااشي

- ومنن تنننزل وتررروح يم خوالك تضل لازم هالتفلون وتراسلننننيييي وتعرف شتحجي بعد ماكعد اعلمك اوووككيي

- ايي فهمممت

- ومنن تريد تغسسل تججي للمغسله الجوه مو تطلع بره تره اذبحككك هنا تغسل وتصيحننني اووكيي

- ايييييييي

- ومن تجيب المواعين توكف بالمطبببخ وتكوولي

, حبيبتتتييي عاااشت ايدددج , وتمدح بطبخي تره اذا مكلت هالحجااايه ياحويدرر بس تصعد اعضك عضضه اخليك تكمز

لرربك من الوجع

- ريررري عيب هيج كدامهن بله نتراسل اي بس هيج وحبيبتي ومدري شنو زحمه

- ويطططبهم مرض وووولك انته بالك وياي لو وياههههنننننن كووووول وياااامن بالك

!!!

- ويااج ويياج

- اييييي لعد تسمع كلاااامي اووووكيييي

- اييييييييي امري لله

- ايي نكمل ... وشتكولي بععد .. عوفييي الموااعين انتي تعبتتتي رووحي ارتااحي ادري راسج يوجعج ودايخه وتكووول لحنفيييش تغسسسل موااعين بدااالي اوووكيييييييي

- حنفيش يحنفشني اذا  كلتله  ولج سترري عليه بروح ابووج

- لعععد تكككووول لسهاااادووو تغسسل بدااالييي

- هااااااااااااااااااا

- وسمااااااا شكو فزززيييت

- ولج شجاااي تخربطيين

- ااووي تعبت من الحجي خلي انزل اخذ فره اشوف شكو ماكو ويه امهات الخييس شصخمن ورايه

وانته بعد عرفت شغلتك شنو سويهه عود وزيد بالرومانسيه ماوصيك

- ريررريي اووكففي ولج ماتفاهمنا بالاخيررره ماكلللهه ترره لاعبالج

- اييييي نشووووف عووومرررري يلاا جااااووو

راحت وانه لفيت راسي وافتر ع الجربايه . شيفضهه  هااااي اليوم الا تمرغلني بالرومانسيه يلا تعوفني بحااالي ...

كل ماريد اغفى تجيني جفله خاف هاي تحجي على رومانستي الماكو !!! وتخزيني يمهن تطلعني كيكي !!

اريد انزل بس واالله تعبان .. وضليت لحد ما اجتي تكعدني ع العشى ...

وانه هنا كلت رحت بيهه بعد اين المفر !!!

نزلت وياهه وهي تعيد عليه التعليمات الاجباريه ...

رحت يم خوالي وكضيتهه صفنه واحجيلي كلمتين

جان تجيني رسايلهه بالماسنجر بس قلووب

هم دزيتلهه قلوب ..

ادزلي ورد ادزلهه ورد ..

ادزلي موواح ادزلهه مواح ..

جان ادزلي بالواتساب  ...

- من كون جيرره بكصتك الجنهه شارعين ولك تلحلح ياحضضضي ولك شكيتني نصين يامصخم

اخذذذت نفس ودزيتلهه ..

احبج .. جان تدزلي ..

دورها باغاني لا هيج ناشفه حضييييي تلحلح عااد

رحت لليوتيوب كتبت اغنيه احبج ..

طلعتلي لسته كلهه احبج .. اختاريتلهه وحده اسمهه " والله احبج  والله " ودزيتلهه الاغنيه ..

ضليت ادزلهه قلوووب ورد وكلشي يطلع كدامي مال حبجيه .... جان تدزلي ...

- اوووويييي فدددددييييت اليحبنننييي انييييي

ضليت صافن هسه صار دوري اكتب .. شكتب !!

دزيتلهه ...

- تستاهلين الحب

ماردت .. بس تشوف ومترد .. خفت هاي رساله ممضبوطه ... رجعت دزيت قلب وهم مترد

كتبتلهه ..

- مريتي وينج

وكضيتهه قلووووب جان ترد عليه بصمه .. نصيت الصوت كلش وخليت تلفون يم اذني وفتحتهه..

تكوول ....

-عوومررري دا اصب الاكل وماعندي مجال هسه نحجي حبيبيي اسسفه مو تزعل فدووه حيااتششييي

ضليت اضحك ورديتلهه ..

- اييي عفيه مريتي جوعاان استعجلي

سديت التلفون واجوي الجهال شايلين السفره

والخبز ..  جان تخابرني ريري..

حجيت وياهه بصوت ناصي ..

- هاا عيني

- الاكل عيونييي تعال اخذه بلازحمه عليك حبيبي

- ماشي جيت

رحت ولكيتهه محضره صينيه وواكفه يمهه

اخذتهه ورحت ومن رجعت مره ثانيه شفت سهاد وصرنا وجه بوجه ..

كلتلهه ..

- شويه من الطريق وخري

رفعت حاجبهه وتأففت وراحت وكفت على جهه ..

اخذت الصينيه الثانيه ورحت للهول خليت الاكل ورجعت للمطبخ جانت بس ريري هناك وام سيف ..

كلتلهه ..

- ريري بعد اكو شي لو كافي

- لااا عيونييي كافي روح اكل

- زيين اريد الجاي من ايدج

خنزرت وانه اضحك عليهه ورحت كعدت اتعشى...

وره ماكملنه عشه ورحت اريد اغسل جان تجي يمي توكف ... وانه اتمضمض كلتلي ..

- اكولك بقت شغله قاضيه لازم نسويهه

-شكو بعد

- امشي للحمام

-ويييين يامعزايه وين تردين بيه !!

تخنزر بعيونهه وطبت للحمام .. رحت وراهه

جان تفتح حجابهه وتكلي ..

- تدبرهه لو لاا

- شنو ولج شنووو فهميني

- امدددداك على هالعقل المجيم

ولك مص هناااا

- ريررررري

- ووجعة امي وابويه شكووو شبيك

- لسااانج وياييييي احتررررمي

- بعددين عود يلاا فضني تعال

- شسوي ! امص وين !

- هناااا بالركبه اريدهه من الطول للطول يلا

- ماااريدد

- شنو متريد يمه ! بكيفك هي !!!

مص يلاااا

- ريري هسه راح تنزعين كدامهن عوفيهه لخاطر الاسلام

- حوووويدر تعااال لا اجفصصص بنصك هسه تعااال فضني

تقربت عليهه وهي تباوعلي وانه اضحك

كلتلهه ..

- راح اعضج اطلع ضيمي بيج

- يلاا اريدك تبدع

دفعتهه على الحايط ودنكت على ركبتهه

شميتهه وهي ايدهه على جتفي ..

ضليت امشي خشمي عليهه اشمهه من الجهتين وهي تكلي ..

- شو عجبك الوضع يلا عاد فضني مو وكت تشمشم

- هههه عوفيني باليعجبني اسنترهه بذوق

هاي مصتي الاولى لازم اختارهه عدل

- ديلااااا

كمشت ركبتهه من يم شعرهه وخليت وجهي بنص ركبتهه ومصيتهه .. كبل نبتت اظافرهه بجتفي ..

رفعت راسي باوعت للمكان احمر دم

ورجعت عضيتهه من جهه اذانهه ومن جوه يم جتفهه .. جان تندك الباب ..

وخرت عنهه وضليت اباوع للباب واباوعلهه

وامسح بوجهي وهي تلف شالهه ..

انتبهت عليهه وجهه احمر فد نوب ..

كلتلهه ..

-شبيج شو حمريتي !

- يعني حاصرني وتبوس بيه شتريدني اصير

-هههههههههههههه انتي ردتيهه

بس نعلى على ابليسج شلون جسم عندج

-هااا سطرك

-ههه حيييل

فتحت الباب ورحت للمغسله اغسل وجهي الاحمر انكلب مثلهه .. وهي راحت للمطبخ

وره ام فاطمه الجانت واكفه ومبوزه تباوعلنه ..

اجيت اروح للهول واتذكرت سالفه المواعين

كلت هاي اذا ماحجيلهه هسه تهد البيت فوك راسي بعدين .. خلي اروحلهه واطلعهه من هناك احسن ..

رحت للمطبخ وشفت مرت خالي ام فراس

كاعده تشرب جايهه .. سلمت عليهه

وهي تكلي ..

- كلش كاعدلك الزواج ياحيدر بالعافيه عليك

- هههه شكرا

ريري

اجتي يمي وكلتلهه ..

- بعدج دايخه مو

- لاا صرت زينه

- لااا مبين بعدج مو تمام روحي اكعدي يم امي وارتاحي كافي سويتي العشه وعاشت ايدج خوش اكل مرتب

- بالعااافيه عوومررري وهاي كله بجهود ام سيف على ايدهه علمتني شسوي فدوه لكلبهه

- هااا الله يوفقهه

يلا امشي لتغسلين مواعين كافي ادري بيج تعبانه

- لااااا عوومررري عااادي هسه نتعاون عليهه وسهوده هم تساعدني وهنه شكو بيهن ياعيني

- لااا عينيي عوفيهن هي تغسلهن امشي انتي

امشي وياي يلاا

- لاا حيداااار دعوفني هنا ياعيني عييب مو خطااار هي

- امششي وياي اريدج بعدين المواعين مطايره

جريتهه من المطبخ وهنه كلهن مفتحات عشره عشره علينه ...

اخذتهه لغرفه اهلي .. وشاورتهه ..

- هاا خلصتج منهن كافي لو بعد تحتاجيني !!

- لااااا عفييييه عليك عااال العال شغلك

يلااا روح استريح وبسسس تصير ساعه عشررره علااكه من المحل كاامله مكمله

تجي لحضننننيييي اوووكييييي

- ماشي عيني مااشي

طلعت من الغرفه شو هاي هم طلعت

صحت عليهه ..

-ووييين

- دااروح اساعد سهوده اوووي عيني خطيه كلبي مينطيني اعوفهه تغسل وحدهه وعي خطااااار ياعووومرري

- چا والحجيته !

- مووااااح حياتششييي

راحت وانه ضليت صافن !!

هاي شصار بيه ! طلعت مضحكه !

استغلتني حتى تطلع زينه كدامهن !!!

.. عقل اكشر عقلهه يالله

كعدت يم خوالي واخوتي وبالي كله وياهه

شجاي تسوي وياهن ؟ شحجت ؟

جانت باديه لعبه واحنه ملتمين نباوعهه

وخوالي نسو الوكت وضلو فوك العشره

هنا هي رسايلهه كل شويه يلا ويلا للمحل

وانه اللقطه ماريدهه تفوتني ..

تالي كطعت اللعبه ورحت للمحل ركض ركض اشتريتلهه ورجعت ..

طبيت من باب المطبخ ورحت للغرفه دكيت الباب ..

وفتحت ام فاطمه .. كلتلهه تصيح ريري

وهي صاحتهه واجتني ريري فاتحه الشعر

ولافه الشال شويه على ركبتهه ..

كلتلهه..

- ليييش نازعته !

- غيررر داشوفهم شعررري الحريرر

-ريررري انتبهي لاياخذن منج شعره ويستغلنهه فرصه

هنه بدون شي فايرات منج فوور والنوب انتي مشيشتهن اليوم

أسا يريدن ياكلنج بسنونهن

- لاااااا انييي شعري مايوووكع

- ميخاالف لمي وكافي البسي شالج

لا تعاندين

انتي كاعده بنص اكبر حيايه العشيره

وخايف عليج لمي شعرج وانتبهي على كل غرض الج ودييررررربالج تاخذين صوره لو تنطين صوره الج دييررر باللج ريري

- اييي ادررري ومنتبهه لاتخاف

- ولج مو بس حجي انتبهي من صدك مابيه حيل هبطااات

- اييييي فهمتت جيب العلاكه وروح عوومري الك الصافيييي

- اكلج .. يمكن راح يباتون الجماعه

- اااه ااه لك هلاا يصير اللعب بفلسين اذا صدك

- هههه استررري عليه برووح الحسين

-اووكيييي يلااا جااااو

رجعت يمهن وانه رجعت اكمل اللعبه ..

وخالي انتبه للساعه حتصير بالاحدعش

ويريد يرجع واخوتي ماخلوه ... وامي هم ماخلتهم يرجعون وريري تدزلي شكول تركص فرحانه بضلتهم هنا ...

جان صارت بالاثنعش وخابرتني ..

جاوبتهه بصوت ناصي ..

- هاا عيني

- عيوني ماما تريدك تعال شوفهه بلازحمه

-ايي

سديته وصفنت منو هاي ماما ؟ يمكن امي ؟

رحت للغرفه دكيت الباب وهي فتحتلي جان امي كبل تصيحلي ..

- هااا يمه وينك تعال خلي اشوفك اليوم لاجيت لا كعدت وياي

امشي يمهه وبس اباوع بالوجوه ..

كعدت يمهه شويه واجتي سهاد وام سيف

يريدن ياخذن فراش ..

وامي كلتلي..

- باجر عازمين اخيتك وعيالهه وعمامك

ان شاء الله على الغدا وام فراس ردتهه تضل هنا تساعد البنيات وهي الله يخليهه ماقصرت

وردت طلبتي منهه

- هاا خوش وكفات عليهه ام فراس معروفه بطيب اصلهه

هي كاعده كبالي وتبتسم .. كلت لامي..

- شنو المناسبه باجر ؟

- يااا يمه غير الناس تعتب علينه بزواجتك الصارت بساع بساع

ونريد نلم حبايبنا ونعرف جنتنه على اهلنه وناسنه

- هاااا ان شاء الله خير

ضليت اباوع لريري وهي تلعب باظفرهه

اجتي سهاد كعدت يم امهه .. وكالتلي ..

- ليش هيج عيني سيد ضام علينه مررييتك

ولاعزمت ولا كلت تزوجت

خليت ايدي وره راسي وباوعتلهه ..

كلتلهه ..

- مريتي حوريه اخاف عليهه من العين مو حقي اضمهه  واخذهه خطف !

- هااا اييي حقك

بس يعني لو كايل عازم جان فرحنالك شبينه مو اخوه احنه وعايله وحده وهديتك ماحضرناهه شكد عيب تطلبنه هديه

- واصله هداياكم

باوعت لريري كالبه خلقتهه .. كبل عدلت كعدتي وكلت لامي ...

- علوويه باجر عازمه الدنيا كلهه مايلزم

انه اصلا ماريد احد يشوف مريتي

ماتعرفين شلون اخاف عليهه

- ياااه يمه ماياكلوهه لمريتك لازم نعرفهه على اهلنه وناسنه

ام فراس كالت ..

- شدعواك يمه حيدر شبيهم اهلنه ماشايفين نسوان وبس مرتك ينخاف عليهه !

- اايييي حقكم انتو ماتدرون شكد تعبان عليهه

هاي تعب العمر غير اتسودن من اليباوعلهه

ويغثهه

باوعت لريري تعدلت الخلقه .. وضحكت

جان سهاد تكول ..

- ايي حقك عشت محروم بعد شيفكك عنهه

ضلت تضحك ويه امهه .. واانه افهم قصدهه وين ...

عاد كلتلهه ..

- عمي الي مايعشك ويحب محرووم يضل كل عمره من الراحه

اانه من احرص عليهه زياده لان احبهه

وادللهه هي تستاهل الدلال

معيشتني ملك واااالله يرحلهه  نسوان الديره كلهه فدوه ونذر

كلبت عيونهه ودارت وجهه ..

اجتي ريري كعدت يمي وشاورتني ..

- اروحلك صدك فدوه لهالحجيات حويدر

بس شويه شد عليهه اضرب ع الحساس يلا

بعد الطوبه بملعبك

- شنو بعد كافي خلي نصعد

- لااااا لاااااا فضهه عاد اقصفهه يلا طلع حركتك بيهه يلااا ولك تلحلح تره اني احجي

وخرت مني وانه ضليت افرك بكصتي

جان كلتلهه ..

- هههههههه ذكرتيني بفد ساااالفه

ياريري صدك كل ماذكرهه اضحك

- هااا شنوو بله احجيلي

اشرتلهه على سهاد وكلتلهه..

- اخيتج هاي هم جانت اخيتي وانه وياهه كرانات نفس المواليد ٨٩ كضينا الدراسه سوه

نقرا وننجح سوه فد جنه نتعارك بالمعدل ياهو اليطلع اكثر ههههه

جان من صرنا بالسادس علمي

هي غلبتني بالمعدل

شكد طلعتي بوكتهه ؟

كالتهه وهي تعدل بحجابهه ..

- ٩٦ وسبع اعشار

- اييي وانه شكد طلعت ٧٣ انه طلع قبولي بمعهد العلوم والتكنولوجيا وهي طلعلهه

طبيه ..

اليضحك بالسالفه انه تخرجت بامتياز من المعهد وتعلمت خبرات واشتغلت بشهادتي

وهي رسبت بكل مرحله وبعدهه متخرجت

ههههههههههههههههخخخخخخخخخخخ

ياااابويه كل مااسمع بيهه اضحك

ضلت ريري تضحك ضحكتهه القاتله

وانه اضحك .. وسهاد دلغمت جان تكلي ..

- قابل دراستنه مثلكم بس نجكجك بالحاسبه

ونمشي دراستنه صعبه ويرادلهه تعب

- اييي اتعبي ونجحي چا يلا فرحينه

- اييي اصلا نجحت هالسنه وباقيلي بس سنتين واتخرج وشوف شهادتي شتجيب وكتهه عيني سيد الحاسبه

- عممممييي اااانه عليه اسويلج بحث التخرج

وبلاااش هم ماخذ منج ولا فلس وفري فلوس ابوج للتعين ادفعيهن

- لا عازني الله لبحثك اسوووي بايدي شبيه ماعرف اسوي بحث اجي عليك !

- هم كلتيهه كبل وتجيني بليله الامتحان اشرحلييي حتخربط من القلق اشررحلي ماعرف احل شي

وانه اسهر الليل اشرحلج وتالي تطلعين مشتريه الاسئله وضامتهه

- مااااشترررريت هيج جانت مرشحات

لو تضل حاقد عليه بيهن

- ولج ياحقد هذا ااانه اصلااا مكيف خلصت وتخرجت جان ضليت لساعني شابع ضيم بالدراسه

- لاااا عبالك ماعرفك شلون حاقد عليه من وره معدلي

وبعدين هو السادس حظك نصيبك مو اله اشتري الاسئله

- ايييي صدكتج لما خااالي بنفسه كال صرفت سبع ورقات على الاسئله كل يوم الفجر يجيبهه الج وانتي حتى سؤال مانطيتي لا صديقاتج ولا لولد عمج

- هي مرشحات جانت وشمدريني تطلع صدك نفسهه الاسئله بعدين بيا حال جنت وادور عم وخال وصديقه

- يلاااااا شجاااج انغثيتي جاي نضحك أسا احنه جبناهه بالشقه والضحك

المهههم ريري ارجعلج

هااي مو وكتهه طلعت القبولات وانه مغثوث وكاره الدنيا اااانه اشطر واحد بيهم وانه الدرستهم وغلبوني بالمعدل فد نوبه صرت

جان الجماااعه يشمتون بيه ويتكبرون

وكلهه جرت ظهرهه وصارت اكابريه

بس ربج حقاني .. انه تخرجت بامتياااز

وشفت وكتهه هااااي احللللى دراااسه الواحد يدرسهه والله هي قوت الزمان جان يسميهه

عميدنا الله يذكره بالخير وحجايته هاي كل مااتمشي الايام اذكرهه اكثر

شوفي هسه لو مامتعلملي صنعه وخبره بالحاسبات جان ضليت ادور تعيين واطبك سره بالحر انه وفايلي ... بس كبببل رتبت حياتي بذكائي عرفت هنا استغله زين وطلعت ثماره ..

فاليوم كل مااذكر شكد جنت مقهور على المعدل اخررب ضحك والله

ريري ضحكت وكلتلي ...

- اصلااا همززين طلعلك المعهد وكبل خلصت من الدراسه

شفتني انييي شكد تعبت بالكليه لمااتخرجت

ولو مو خوااالي جااان ابددد ماشتغلت

صح عندي شهاده تحليلاااات بس ياهوه اليشغلني بهالوكت كلمن يدور روحه

بس انتته ذيييب خوش مدستر امورك

-ههههه ايييي وان شاء الله بعد عندي مشاريع هواي اسويهه بس احصل شجم شغله ابدا بيهن

- واااني وياك بكل خطوه تدلل عيوني الك

- تسلمين

شووفي علويه من اكلج مرتي ماكو منهه ماتصدكين

- لااا يمه صدكت جا غير بنيتي صاارت

ربي عوضني بأمل اخيتك خذاهه ونطاني هالجوريه على مااايي تمشي

- الله يديم محبتجن

يلااا علويه انه اترخص

- اكلك يمه .. باجو كود من الصبح تمشي تجيبلنه ذبيحه نذبحها الكم ياعيني مو تنسى يمه اكعد من الغبشه

- اي صارر علويه تدللين

بوست راسهه ومديت ايدي لريري كومتهه

ورحنه صعدنه ...

جان تضربني على ظهري وتكول ..

- عفييييييييه حگينااااااهم يوووول

- استجلي شويه ريري

- ديلاااا اووكيييي

ذبت حجابهه وكعدت تدخن .. كلتلهه..

- شايفه لو صدك تضلين هيج وياي الا اعيش ملك زماني والله

- من ط....ك

ههههه تعيش ملك بنص غابه قروده

ولك هو انته شهر شهوين النوب وتشمرني بالشارع هسه تريدني اصير عابدتك واعيشك ملك !!

دستجل يوول استجل

- ياااابوووويه اجرم بروحي بس احجيلي حرف وياج

-اييييي لا عبالك عاجبني جو الرومااانس

هذااا ترااااا لعبببت  نفسسسي اووع حتى حلكي احسه نشششل

-هههههه انتي رحتي زايد بالحجي

- غير اصبغ بيك ياااحضضييي

بعدين تعاال اكولك انننييي وينننن والدراسه والمعدل المصخم ويييين

شبيك انته كلبت على المعدل ماحجيت طك بطك

- لاااااا عوفيهه هذيج خلي تولي

-ليييش تولييي لعد اني عليمن كل هالتعب سويته

- ريررري عوفيهه ماتسوه

- تسووووه ونننص ولك حويدر كم مره اعيدلك كللشششي الا كراااامتتتتييييي

تريد اسكتتتت ولك !!!

دصبررررلي بعد باااجر الا اهجممم عشيرتك هجممم

- ريررررريييي كااااافي عاااد لهنا وكاففيي

لعبنه هوااي

- للاااااا عينييي لاااا اذااا مااابلعهه لسااانهه على هذيج حجااايتهه مااتسمى ريري

ولك انته اصلا شلون تغلس عليهه لك حتجلطني شهاابررررود العندك

- عووووفيييييهههههههه هي فهمت بعد كااافي وصلتلهه الفكره وانلصمت بعد شكوو

-لاااا باااجر لااازم هم الصمهه كدام العشيره كلهه مو كلهه سمعت بالحجي لاااازم اطلعهه جذابه وام وجهين كدامهم

- ريررري لخااااطر الاسلااام كاااااافي

لتلحين

- ااااالح وافكسسس عينهه وعين الخلفهه هالمسقطه ام الرجوله لووو ماااهي وحده سكط وام دروووب مااتحجي هالحجايه الي بكبر راسهه الاسود المحفر بالدهن والوصخ

.

.

يتبع

💕

شلونكم بنات ..

مادري البارت يمكم نص الا وصلتلي خبر صديقتي ميديا .. اعتذر منكم بس انتو تعرفوني مانزل بارت هيج مكطوم وممرتب

الي متابعيني قبل يعرفون شلونهه بارتاتي شكد طويله .. ومن بدت عيوني تتعب كمت اقلل واقفل حد ٣٠٠٠

بس اليوم قريت كميه التهجم الصارت هنا من دون تفهم

واستغربت بصراحه هيج الحر متعب نفوسكم ومخلي صبرها صغير !

لعد اني اصلا تطفى عندي واكتب واتعب من غير الهبطات الي اكلتها من وره اللغه وسهر الترتيب من جديد بس ماحملتكم نتيجه تعبي

بالعكس انتو ضليتو مصدر قوتي وصبري

وخلو بالكم ان كلبي وكتابي مفتوح للكل

و رفيق وصاحب لكل من قدر واحترم

و متغاضي عن كل من شاع الاساءه

احب واحترم الكل سواسيه لان الكل عندي جزء مهم من عالمي الخاص

وماارضى باساءه لاي نجمه من نجماتي هنا

ريت كلبكم عني غافر وبالمحبه الي عامر

🥰😘

..♣️🩸 ماء مغلي 🩸♣️..

* adzzon *

- ريررري لخااااطر الاسلااام كاااااافي

لتلحين

- ااااالح وافكسسس عينهه وعين الخلفهه هالمسقطه ام الرجوله لووو ماااهي وحده سكط وام دروووب مااتحجي هالحجايه الي بكبر راسهه الاسود المحفر بالدهن والوصخ

- استغفر الله يعني هسه تريدين تفتحين علينه باب مشاكل من جديد

- لك بابه شبيييك انته شبيك مو شكيتني نصين ببرودك هذاااا ... ولك شلووون تسكتلهه وهي تطعن برجولتك شلووون

- مااسكتت انه تعاركت وياهه من زمان وسدينه السالفه وراحت

- لاااااااا بس رزلتهه وفضت وراحت !!! من اهمدددداااك اذا صدك هيج فاهي انته يامصخم

ولك كووون اني موجوده ساعه الحجتهه ياااايابه جان من فركها الزمها واعلكها واصلخها صلخخخخ

- ريررررررررري انتي مفتهمه السالفه زين لو بس هوسه

- امك حجتلي كلشي بعد شكو

- شكلتلج يعني

- هي كالت شلون رحت تخطبهه وكايله عليك واحد مايع وفاهي وغبي مو من مستوايه

- لااااااااااا هااااي امييي كالبتلج الايه كلاااااب

- لعد شنووو

- مووو انه رحت خطبتهه ااامييي هي الراحت تخطبهه من كيفهه اصلا مادري بيهه لان انه جنت معهد قسم داخلي اداوم وسمعت بالحجي بعدين الحجته صخيمه

- يعنيييي الصااار شنو فهمني تره انلاصت عليه

- جا مدامج كلشي مافاهمه شكو علكتي الامه ونازله هداده

- اييييي بعدين احجيلك شكو فهمني هسه

- من جنت سنه ثانيه بالمعهد امي رايحه بيت خالي  ومحاجيتهم تريد مره الي بس اتخرج نخطب ونتزوج هيج على اساس بالهه كايلتلهم فكرو وردولنه خبر ...

سهاد رايحه حاجيه يم البنات هم كراناتهه وتستهزء بيه عود انه جاي اخطبهه لان صارت دكتوره واستفاد فللوسهه بعدين لان انه كلشي مادبر لا بدراسه ولا بشغل وكالت هو مالكه وحده تكلبه بالمعهد رجع عليه وهو فاهي كلشي ميدبر بعيشته ومابي خير حتى بالفراش يحتاجني انه اعلمه هو بعده مراهق ومن هالحجي الماصخ

- صخاااام بعينهه كون انشششل هااللسان الزففففر..... ايي وكل هالحجي ميستاهل عركه وشك حلوك 

- يستاهل ادري بس ماريد نرجع مشاكل ويه خوالي .. تدرين هو منو وصل الحجي هذا الحجته صخيمه

- مننووو!!

- اخت ام سيف جانت كاعده ويه البنات وسامعه كلشي وهي من نوع تحب القيل والقال ورايحه طاشه الحجي بكككل العايله ومزيده فوكاه اشكال .. سامعه اختي امل ورايحه متعاركه وياهن ومن عدهه يلا انه دريت بالسالفه

- وشسويت من دريت عيوني

- تعاركت ويه امي لان هي البدت بسالفه انه لارايد اتزوج ولا كايل وهي اختارت غلط ااانه هالمله كلهه حالف ماعاشرهه وهاي من يكولون حيدر مستحيل يتزوج بعد سهاد تره مو حبا بيهه لااا يشهد الله اانه بالي مو يمهه خلاااص بس بوكتهه من تعاركت ويه امي وصرت كلش اعصاب وصيحت كلتلهم يمين الله ماتزوج من هالعشيره لو عيشتي عليهن ماخذ مره منهن

وتعرفين الحجايه ماتنضم بالبيت كبل اطش بالبيوت ويمكن الجماعه فاهمين انه حلفت هيج عود ماريد غيرهه

- اووووف اوووف لك انيي من ساعه الحجتلي امممك ناار شبت بيه شكككد اكككررره هالنماذج الحاسبات نفسهن الليدي غاغا وهنه ز...ه مايسووون انننني هذني البنات الهيج مشايف شمسويه بيهن هناااك لو شايف جان عذرتني على خبالي وحماوتي وياك اليوم

- ريي عوفيييهه  هي بعد انلبست وكلهه عرفت خيستهه وهاي اليوم سويتي كفى ووفى وكسر خشمهه

- لااااا حووووبييي لااا انكسر خشمهه كدامنه بسس كدام العشيره بعدهه نافخه ريشهه المعفن والااااا انتفهن الهه وحده وووحده

- وتاااالي ويااااج

- حيدااااااار

- هااااا هااا

- تعال فركلي شو تعبانه

- لااا والله

- اييي شبيك بس فرك ظهري وكتوفي اريد اناام حتى باجر اكعد من الصبببح ازفهن ززززف يلاااا بداعه امممك يلا يلاا شويه داريني شبييك

ضليت اتافف وهي تمسح مكياجهه وبس نزعت دشداشتهه وضلت بثوب كصير جواه لابسته واجتي تمددت يمي وجرت ايدي على ظهرهه .. قفلت تلفوناتهه وكالت ..

- ضل فرك لحد مانام اووكييييي

- اشتتتغل عندج ولج

- لاا  عيوني اني اشتغل عند بس هم ديربالك عليه داشتغلك زيين

ضليت افركلهه وهي ساكته لحد مانامت غطيتهه ونزلت اغسل واجيت كبل طفيت الضوايات ونمت ..

كعدت على صوت المؤذن بالتلفون .. نزلت توضيت وصعدت اصلي جان تكعد ريري وتكلي..

- لك دبببببطلهه عااااد هالسالفه كل يوميه تخليني افز واحس عزرائيل فوك راسي

متعرف تصلي بسكته الا تصيح احد كالك الله مايسمعك الا بصوتك الرنان

ضليت اضحك وانه اسبح  كلتلهه ..

- كومي صلي انتي وصيري احسن مني وتعالي احجي عليه

- ديلااااا عود دتبسمر يعني ترا ماهتم اووكيييي

- هههه كومي عيني كوومي حضري نفسج خلي ننزل يلا

بين ماغسلت ولبست وعزلت الغرفه نزلنه ولكيت الكل كاعد بس الجهال نايمه ..

تريكنه واخذت الفلوس من امي وشغلت السياره واخذت ابن خالي وياي ورحنه للجوبه .. اشتريت الذبيحه ورجعننه ذبحهه اخويه عادل وانه ضليت انظف الكراج وبين ماجاي اغسل الشارع لكيت ..

حصوايات خضر ملفوفه بسيم ومشدوده بحديده الالمنهوله كل مادفع المي عليهه هي تتحرك ..

كعدت افتح السيم وجريتهن .. جان يطلعن عشر حصوات وحده مجنكله بالثانيه ومدندلات لنص المنهوله ...

غسلتهن وضليت اباوعلهن زين كلشي مامكتوب عليهن ولابيهن شي بس خضر متموجات مو حصو عادي ..

لفيتهن بجيس واخذتهن وياي جوه ...

صعدت صورتهن ودزيتهن لابو سعد  ..

وخليتهن على الميز عفتهن وبدلت ونزلت ... ضليت ملتهي ويه الخطار كل شويه جايين بيت عمي وبيت خوالي البقيه وامي مامخليه احد مادازه عليه ..

كعدنا تغدينا وخابرتني ريري بنص الغدا ..  رفضتهه ورحتلهه للمطبخ جان تكلي ..

- حضرت هاي الصينيه لبيت ابن عمك المصون روح اخذهه اله قبل ماتجي طنطول وتنعفص علينه هي ماتقبل اجيب طاريهم عييننيي تكول احترم زوووجيي ومشاكله بعد ط...ي

- وانتي ليش هالكد مهتمه بيهم ؟

- شنو ليش لعد الامه العربيه كلهه عزمتوها من وين لوووين وجايه هنا تاكل وتضرب ثريد وهذوله فرعين ماتعزموهم وتذكروهم بماعون تمن والجداري مترسه المن تضل ياحظي بخت الثلاجه !

روح اخذلهم واكعد ضبط وياه خلي اشوف امليكه تره البس عباتي واجفت عليهم وزلمه اليطلعني وكتهه

يلا واني عود من تجي احمي الاكل من جديد و اصبلك وحدك اكل اذا تريد بس روح قبل متجي هالعتريس تلعلع هنا

ضحكت ودنكت بوستهه من خدهه جان تضل فاكه عينهه عليه ورافعه حاجبهه .. كلتلها ..

- والله كلبج لبه بيضه .. ااانه نفسي ترددت اخذلهم لان شايل بخاطري عليه بس انتي ذبيتي كل الحجي وره ظهرج وماخليتي لكمه بحلكج كبل ماتوصلليهم الاكل

عاشت ايدج والله فرحتيني بموقفج هذا

- اي ديلا اوووكييي

اخذت الصينيه وطلعت وانه اضحك .. صاير احس هالمره بس لسان وكلبهه كلب بشه ... واتمنى تطلع نظرتي عليهه صدك

وصلت بيتهم وكبل دفعت الباب وطبيت .. صحت على مرت عمي وطلعتلي من جهه المطبخ .. انطيتهه الصينيه وريري جانت مداريتهم زين صدك بيضت وجهي كدامهم .. جان ضليت بوجهه المعاتب وياهم من يعرفون عازم الكل وهمه ناسيهم ..

بعدني اسولف ويه مرت عمي واحجيلهه منو يمنه وشصار ماصار وطلع السيد .. سلمت عليه وكعدت وياه جوه.. كالي ..

-عمي على كيفك ويانه شبساع نسيتنه  لا تمر لا تخابر

- مو تدري بيه مشغول وعيني على البيت

ومالحك لشي  وانتو ماتردون امرلكم بعد شكو

- لاااه ولك ياهو هاذ المايريدك تمر ! ولك بعدك شايل بخاطرك من حجايتي على مرتك !

- سيد اانه من اجي هنا ماكدر اجي بدونهه ... ومن تردهه معناهه تكلي انته هم لاتجي وشلت ايدك من السالفه كلهه وعفتني بوجه المدفع

اانه بيومهه اجيتك وتدري شصاير وياي من ضيم وماهمك بس ريري طلعهه ماريدهه بيتي ليش هو منو الجاي يطلع خيسه هالبيوت غيرهه !!! واحد يحجيهه حك الله منو غيرهه الفايدنه !!

- خويه ادري ماوكفت وياك بس انه هالنسوان ماتحملهن وروح ابويه

-هاذ هوه خويه مااجبرك انه كيفك .. بس دبرلنه  طريقه نشوف بيهه ملوكه ومانريد شي منك بعد 

- هاي شبيك حيدر

- جا شتريد خويه ! اعوف البنيه ماسال عليهه بعد لو شلون فهمني

- اريدك ماتضل مثكل وجهك وياي

- مامثكل وجه بس انته ماتحس بمراري شلونه ... انته تدري شلون انه مكضي العيشه هالايام !! تدري شويت ماسويت !! همك سالت ؟؟ وكفت وياي بهالشده وتعرفني بالع المر سكته لخاطر بنتك ولخاطر اهلنه كبل جريت ايددك من السالفه هاي بعدنا باولهه بعدني ماعتازيتلك وطلبتك  و كبل درتلي ظهرك

- حيدر خوويه

- بعد اخوك المعاتب ثكيل ويجرح الكلوب سد السالفه انه ماريد منك بس شوفه ملوكه فكرلها وشوف شلون يناسبك وخابرني

يلا من رخصتك سيد

كبل طلعت ورجعت اتمشى للبيت ومن طبيت لكيت الولد جاي يغسلون ... سالوني وين رحت وكلتلهم بيت السيد .. عاد نص منهم كالو رايحين نشرب الجاي يمه وكبل طلعو الولد ..

اخويه عادل ثكل وجهه عليه من عرفني عفت الغدا ورحتلهم .. عمامي البقيه شربو جاي واخذو خوالي وهم راحولهم .. عاد طبيت جوه وريري اجتني تكلي ..

- يلا مو راح الرياجيل امشي خلي نصعد ناكل

- مااكلتي ؟

- لاا شميت ريحه طنطول ولعبت نفسي عاد كلت خلي يجي رجلي المحترم واكل وياه ريحته طيبه تفتح الشهيه مو مثل هاي المعفنه المحمضه بالوصخ

- هههههههههه هم خلف االله عليج تذكريني وتنتظريني

- ايييي ديلااا اوكف هنا راح اجيب صينيه وانته صعدها اني تعبت تراا شكيتوني بالنص يابيت خضير

- نستاهل ولج

عوجت حلكهه وراحت للمطبخ .. بقيت انتظرهه لحد ماجابت الصينيه واختها صعدنا لغرفتنا .. جان السبلت مشتغل والغرفه ثلج

هي كبل ذبت الحجاب والدشداشه وكعدت كداي بالصلوخ والزرور كلهه طالعه والركبه والظهر والصدر جمار عاد ماتحملت اسكت بعد كلتلهه ......

- تريديني اتغدا بيج ولج استري على روحج

- هههههههييييييي يااااايابه اببد اننيييي مو بمزاج ضحك بس صدددك ضحكتني ولك

- هاا شعجب اليوم مزاج مظلم

- هيييج

- تره اللكمه ماتنبلع وعلي عاد بس غطي من فوك خليني اكل رحمه لاهلج

- ههههههههه ولك غير انسمطت حر بالمطبخ واريد اتبررد شسويلك يعني شويه ضب روحك

- مااكدررر انتي تجين بايدج تفتحين عيوني عليج وانه مغمضهن وعايفج بس انتي ماتكعدين راحه

-  ديلااااااااا اوووي كاففي كلتلك مالي مزااج لو الي مزاج هسه جان حطيتك ع الجربايه وريحتك عدل بس مالي خلك 

- ليش شعجب ! شبيج احد ضوجج هنا

- لااا بس شويه مشاعري الجياشه تحركت وضوجتني

- هاااا عند مشاعر بيمن بله !!!

- معلييييييييييك عاد خلي ناكل برد الاكل وماحطينه لكمه بحلكنه وانته عاد حط عينك بالصينيه مو بصدري

- هههههههه لا راح اشبع عيني وبطني بعد انتي منطيتي مجال اتمتع

- انته من مصه البارحه استخفيت

- ههههههههه سويتيلي واهس بيج

- ننننناااا لتحاول قافله اليوم مالي خلك

ضليت اكل واباوعلهه وهي مارفعت عينهه بعيني ابد وتاكل بدون ماينسمعلهه نفس ..

تالي رفعت راسهه وهي تاخذ نفس قوي وانتبهت بعينهه الدمعه بس كلتلهه شبيج ريري كبل نزلت دمعتهه وكامت من الصينيه ....

راحت اخذت الكلينس وكدام المرايه تمسح عيونهه وتعدل كحلتهه وانه واكف يمهه جان تكلي ..

- حرف واحد تحجي اكسرلك فجك ترا لاعبه تايكواندو اني لاعبالك ماعرف اضرب

فديربالك تحجي وياي حرف روح كمل اكلك اني راح انزل اسوي جاي عود من تكمل اكل و تنزل الصينيه اشررب جايك بالمطبخ وروح يم اخوتك ماعندي شي وياك اليوم اصلا ماحتاج تمثل بشي اني مدبره كلشي وحدي

تحجي وهي تلبس دشداشتهه وكفت يمي على المرايه عدلت شالهه وراحت .... رجعت كعدت بالكاع وانسدت نفسي من الاكل بعد ماكلت شي بس هي ضلت عينهه شلون جانت محافظه على الدمعه بطول كعدتنا وانغلبت بالاخير ..

مادري شنو الصاير وهيج قاهرها ؟؟

نزلت الصينيه ولكيتهه محضره الاستكان كبل صبتلي الجاي وضليت اشرب واباوعلهه شلون تعزل الصينيه وتتحرك هنا وهنا وهي ساكته ... مامتعود عليهه ساكته احس بيهه خلل بس تسكت ...

كملت الجاي وهي واكفه ع السنك خليت الاستكان يم ايدهه ودنكت شاورتهه ......

- رجلج انه لاتنسين وياج بكلشي مو وحدج هنا والغاثج بس كليلي عليه و ما ارحمه الج والله 

ضلت مخليه عينهه بعيني واجني النسوان وانه كبل سلمت ورحت للهول ..

ضليت انتظر منها رساله او مكالمه بس هي ماكو ... خوالي كلهم راحو ضلو بس عمامي تعشو وراحو ...

عاد من فرغ البيت يلا طبيت جوه ورحت شفت امي وسالتهه عن ريري كالتلي تسبح ..

انطيت الدوا لابويه جان يكلي ...

- لاا مااشربه عوفه خلي تجي رايه يلا

- رايه منو؟

باوعت لامي وهي تضحك وتكلي ..

- مريتك يمه صارت رايه بيتنا

ضليت ابلعم ... هااي اانه شسووويت بحاالي ؟؟؟

اذا اهلي هيج تعلقو بريري بعد شيطلعها من هناا !!!!

كعدت جان امي تكلي...

- الله ينطي البني ادم على كد نيته يمه والحمدلله نطيتك صارت مثل نيتك صافيه وطيبه

- - اي الحمدلله

- اكلك يمه اسم ابوهه لمريتك شنوه

- ليش تسالين علويه شلج بي

- يااا ااانه نسيت انته ماا اتعرف

- هاا علويه تضمين عليه سالفه تخص مرتي ؟

- مو انه يمه مريتك هي المارضت احجي بس انه زلكتهه بعد

- شصاير !!!! مسويه شي وانه مادري بي ؟؟

- لااا مو شي جبير هيج سوالف نسوان

- علووووويه ... انتي تعرفين شبيهه ريري اليوم مطنكره مووو

- عوفهه يمه كلمن همه بكلبه دفين

- وهي شعدهه من همممم تعرفيه انتي وانه لاااااااااا

عدلت كعدتهه وادنت يمي شاورتي ..

- اليوم الغدا جان لاهلهه المرحومين من جيبهه كلشي هي دفعته

- شنوووووه صدددك تححجيييييين

- علكيفك يمه لا تهيج اعصااب عليهه هي ناويه تكلك اليوم كالت احجيله واتعذر منه لان ماخذت شوره بس خلي يمشون الخطار واتفاهم وياه

ضليت كاعد على اعصابي .... شلون تسوي هيج وماتكلي و كدام اميييي  تصغرني ...

- يمه حيدر اعرفك صبرك طويل وكلبك جنين على مريتك لاتغثهه بحجايه خطيه اليوم هي تعبت وذاكره اهلهه وهنا هواي غثنهه بالحجي وهي كلبهه مجوي عوفهه يمه هي تره ماتكصدت تضمهه عليك بس احنه جانت بينه سالفه وجبناهه من شغله لشغله واجتي هاي بالنص ومالحكنه نفهمك .. من تكععد تحجيلك وتفهمك راح تعذرها ويرجع خاطرك طيب عليهه

- ان شاءا الله  علويه ان شاء الله

ضل حجي امي بالي بس بعدني اعصاب من سوايتهه .. 

تانيتهه جوه لحد مااجتي وشايله كلاصين مال عصير انطت واحد لامي وواحد لابويه وضلت كاعده يمه تدهن رجليه وبعدين جابتله الدوا الي انه ردت انطيه اله وماشربه بس من عدهه اخذه

وانتظرته  ينام يلا صعدت وانه اريد امشي وامي توصي بيه عليهه ... صعدت وانه اكول نيالج على اهلي شكد حبوج

طبيت للغرفه ولكيتهه تبدل ... لبست شورت وفانيله وتمددت .. وانه كلتلهه ..

- يعني لما وياج انه بكل جذبه وسالفه ترحين تضمين عليه سالفه اهلج والغدا والاتفاقيات وعينك عينك تضمينهه وتصغرني كبال امي 

- انته مو تدري بيه مدستره اموري وجباتي يوه امك علموك اجيب هالسوسه واسحلهه

- وشدخل هااااي بسالفه اهلج

- صارت صدفه

- شنو صدفه ريري اكعددي عدل واحجي فهميني شكايله لامي من وراي

جرت الغطى على رجليهه وضلت مرتاجه على المخاد وانه واكف يم الكنتور واسمعلهه ..

- بالاول سئلتهه عن سالفه صخيمه وجبتها منا ومنا وحجتلي كلشي عليهه .. بس من سمعت سالفتهه بعد ماتحملت الاا اسحلهه واحرك كلبهه وكل الخلفوهه .. اتفقت ويه امك تخابرهم وتعزمهم حتى الكل تشوف حيدااار شلون اخذله مره تسوه راسهم واكسر خشومهم وافرك حلك كلمن حجه وجاب طاريك وهي كيفت وراحت خابرتهم .. عاد من اجتي وشفت الوضع بعد يرادله كسره خشم حجيت وياهه وكلتلهه لو ادبرهه وتعزم البقيه هم حتىى كدامهم يشوفون هاي وين وصخيمه وين واكسر خشمهه كدام كل وحده كعدت وتمضحكت وياهه .. وهم امك كيفت بس كلتلي غير يوم خليهه بس نستلم التقاعد حتى اجيب ذبيحه الكم

عاد كلتلهه لااا عيني كلشي حار بحااار واني انطيج فلوس وجيبي الذبيحه ومقبلت تاخذ منني عاد كلتلهه اريدهه لاهلي ثواب بس لتكولين لاحد خلي تمشي خطتنه واني احجي لحيدر وافهمه كلشي واتعذر منه بس هو كلشي اسوي لمصلحته فقبلت هي وانطيتهه المليون ودبرت بي عزيمه اليوم بعد شكوو صغرتك كدام امك اصلا طارت من الفرح من سويت هالشي وشافتني شكد مهتمتلك يافندي

كعدت يمهه وكلتلهه ...

- انتي ليش مقهوره!حتى بحجيج هسه بعدج مقهوره شبيج ؟؟

- ماكو شي

- ريرررري احجيي اذا صاير شي وياج هنا احجي فهميني

- شننووو الصاير يمه !! يعني مثا وحده تسمعني حجايه واسكتلهه وانقهر !! ههه وووولك حويدررر مااحتاج فزعاتك ايدي ولساني يكفن ويوفن

- مامبين هالشي

- لتلح وياي تره تعبانه اريد انام

- ووووين تنامين اكعدي احجيلي شسوووويتي وياااهن عينني بس تهمبلين عليه واحرك واصلخ وينج يلاا احجي شسويتي

- عيوووونيييي مااهمبل ااانيييي اوووكييي اني كلمتتتي دولاااار اصعد الناس بيهه

وانزلهه ومن كلت احرك يعني احرك

هذني صخيماااات خوالك كلههههن وكفتهن على تك رجججل خااف متدرري

سهاد هاي ام الوجه المدهن المحفر طمست بنص ثوبهه كدام النسوان

لك اااني ريريييي منن اكول اسسسسسحل يعني اسسسسحل

- واالله وكفوووبس فهميني شلون هيج

- بكل بساط عيني طلعت سباعيتك وبطولاتك وياي كدامهن وابسمر منا ومنا ويبست حلوكهن

وامك طابكه ويااي وكله تصيحلي بنيتي راااايه خاف متدررري

وتكول لنسوان عمامك هاي صارت رايه بيتنه والحجججي سماهه ومانام ولانكعد بدون ماهي ويانه

وامك كالت همزززين حيداار اختار على هوى كليبه لو باقيه عليه انييي جاان ضيعت من ايدي رايتنه ورحت جبت الماتسوى نربط اسمهه باسم وليدي لان نسوااان كبل مايعرفن يختارن على صفى الكلوب يدورن ياهي الي بيهه خير تطبخ وتنظف وتشيل البيت بس اهل الكلوب همه الولد يعرفون المن يثمنون ويجيبوهه من حلك السبع مريتهم الي على مايهم تمشي

- واالله امي هم بيهه البله وخوش تبسمر

- شعبالك لععععد انني ترا بس لحلحتهه شويه وهي كامت تبدع وحتى سوتلي واهس احرمصهن ازيد

- عفييييييييييه ذيابه مو نسوان انتن

- اييي عينننييي شبعتهن بسامير ..واصلااا نسوان عمامك من شافن ترتيبي وجماالي واناقتتتيي وحجيي الحلو ماااتن عليييه

وكلبن من سهاااادوو وكعدن يمييي عينني يسالني هاي منين وهاي شلون وعيشتج شلون ججانت واهلج وفلوسج وسيارتج ووووو كووومه سااالن وهذيييج ماااتتت ماات

كل شويه وتكول لامهه يلااانمشي وامهه تكول ننتظر ابوج والاب عايفهم وشالع بيت السيد خخخخخخ وانييييي ماحجيييلك شلعبت بيهه لععععب

وهااا صرت احجيلهم على ايام حوووووبنه المصخم المكرود الي عمرنا ماراح نعيشه

بس المهم هي جذبه وفادتك

- هههههههههه عشتتتتتتييي

- وعبااالك مرتك بس هيج اكتفت وكعدت !!! لااا عيووونننيييي لااااا

- هااا شسويتييي بعععد

- مو رادن يطلعن هاي ام الدهنن وامهه جان مرت خالك الثانيه تكولي انطيني رقمج حبيتتتج كلش ونضل نتواصل وانطيتهه الرقم وكلت لام الدهن انطيني انتي هم رقمج حتى نتواعد من ارووح لبغداد اخذج وياي للمركز ونسوي جلسات عنايه بشره سوه بعد احنه بناات شابات لاازم نعتني بنفسنه والنه حياتنا الاجتماعيه المهمه لااازم نضل نلمممع لمممع

وهااا كوووله على حسابي انتتي بعدح طالبه ومصرفج يفيدج ضمي  بس انيي عندي  حيداار مخصصلي مبلغ بس لعنايتي بنفسي يعرفني ماااكدر بدون مااعتني بشرتي

- ههههههههههههههه يااااااابووووووووويييه راااحت البنيه طااارت جبهتهه

- هههه ياااجبهه ولك ضحكت التسوه والماتسوه عليهه وهي كبل دلغمت وراحت حرف واحد ماردتليييي

بس بقيه النسوان كامن يكولن عنهه بخيله ومتسخى بنفسهه وهامله روحهه وشايله خشمهه ع الخالي بلاش

شفتتتتت شسووويت لخاطر وجهك المصخم ولك خلييي اكولك شي ومتسوووويييللليي يااايابه الااا اطييير جبهتك مثلهه وتعرفني بعد انته شفت ابداعاتي    ميحتاج احجيلك شكدر اسوي

- لاعيننني درينااا رينااا مامثلج مره

- اييييييي

درات ظهره الي وقفلت تلفونهه وخلته على الميز ..كلتلهه

- شعجب صايره متخابرين هاليومين

- مالي خلك

- شبيج

سكتت وغطت راسهه .. ادنيت يمهه كلش وكلتلهه ...

- تعبانه ؟

- لا

- شبيج ضايجه ومالج خلك

- ضايييجه يعني متقدررر واحد يضرب مزاجه ويضووج

- لااا ماقدر اريد افهم شبيج .. مو لازم اداريج انتي تشغلين عندي لازم تضلين عال العال

- حيداااااار تره بشر اااني مو مكينه عووووفني ارتاح وارجع اشتغلك زين لتلح وياي

- يلااااااااا نشوف

تلفلفت وضلت تحوص وانه مخلي حاسبتي على رجلي واسوي شجم شغله اخرتهن اليوم ... جان تكلي ..

- اذا واحد بس نوى فد شي بكلبه وسواه بدون ماحد يدري عادي يعني يوصل لو لا

- يوصل المن

- اههووووووو اسكت ماريد اعرف

ضليت اضحك وكلتلهه ...

- اذا تقريلهم الفاتحه وحدج وتهدين هالثواب لاسمهم يوصل عادي

- واذا ماقريت

- هم يوصل بس من تقرين احسن تصير

سكتت وبعد ماحجت شي وانه ضليت سهران اشتغل بالحاسبه جان تجيني رسايل بالواتساب من ابوسعد يكلي

- شلونك خويه .. هذني احجار باكستانيه يسموهه وهاي تشتغل للقوه والنفوذ مادام تضل مبلوله هي شغاله  هاي اخذهه واسحنهه هسه تشيل كلشي من صاحب اسمها وياهه ويجوز تبدا تفيدكمم وتلكن ضالتكم وين

فرحت كلش من قريت رسايله وكبل كمت للميز ادور العلاكه وين ؟؟؟؟؟؟؟؟

دورتهه بكل المجرات والكنتور واكعد بريري واسئلهه عليهن وتكلي ماشفت شي ..

تسووودنت هناا وضليت اضرب على راااسي وووويننن راحن الاحجااار !!!!

.

.

يتبع

..♣️🩸 ماء مغلي 🩸♣️..

* adzzon *

تسووودنت هناا وضليت اضرب على راااسي وووويننن راحن الاحجااار !!!!

- حيداار شجاااك دنطي صبر هسه نلكاهن يطيرن خما يطيرن

- ولج هناااا خليتهن ونزلت وين يرحن اذا انتي مشايفتهن وشايلتهنننن

- ترا الغرفه مقفوله اوووكي محد اخذهن اطمئن

- كووومي طلعيهن يلاااا مدام محد جاي هنا غيرنا كوومي دوريهن وجيبيهن الي يلااا تحررركي ولج عقل ماضل براسي

كامت تدور بكل الغرفه حتى وره الميز

بين غراضهه بكل مكاان ومالكتلهن اثر

كلتلي ...

- انته قفلت الغرفه وراك من خليتهن  ؟

- لا بس وصيتج تقفليهه المفتاح عندج مو عندي

- يعننني ماعندك نسخه مفتاااح اوووف اوووف

اي يعني اني جوه بين مااصعد واقفل ستين واحد يلحك يجي هنا قبلي

- استغفرررر الله ربيييي واتوب اليه

شلووون ولج شلووووون راااحن االااحجار راااحن

وكفت تدخن وتنفخ هالدخان جان تكلي ..

- صار لازم نشغل الكاميرات بهالبيت بعد مابيهه مجال سكتنه هواي وتماهلنه

- ادررري بس انتظر راس الشهر استلم راتب واشتريهن

- انطيك هسه وعود رجعهن من تستلم

- ماااريييددد

ريري هي مو بالفلوس

جان انه من زمان جبت وشديتهن وضليت اراقبهم بس شلوووون بيا مجال اشدهن

والبيت مايفرررغ

- اييي هي هنا المشكله

باوع اول شي جيبلنه بس هنا لغرفتنه

دانفتهم اكو احد حاط عينه ورانه لو يتسنط علينه !!

والباقي نفكر شلون نشحتهم وابدا شغلك انته

- ايييي اجيب بس انطيني صبر

- ماااكوووو انطيك صبر

انطيك فلوس وخلصنه من الصبر

- ماااريد فلوووسج كافي الصرفتيه اليوم

- ماصارفه عليك صارفه لنفسي عااادي هاي لتحسبهه شي

بعدين احنه لازم نتعاون هاي شغلتنه اثنينه

اذا مادبرناهه نخسر وانيييي ماااااخسر بشي احط رجلي بي اووووكييييي

من بااااجر تروح تجيب بس هنا او تريد تتسوكهن كلهن وبعدين تشدهن كييفككك

- شعجب عندج الفلوس هيج رخيصه وانتي تموتين عليها بنفس الوكت ! مجاي افهمج

- عيووونيييي انيي اعرف الفلوس هي مي الحياة بس اني متعوده اتلفس فماهتم اصرف شكد ميصير عاااديييي لان اعرف اجيب غيرهن

- هاااا زيين

- تعال خلي ناام ولانعل ابو السحوره يااابو السوااهه وسمم عيشتنه بيهه

- لج يااانوووم انه ادري هذني بايدمن صااارن

-بايد صاحهبن عينييي اصلااا راح تساعدنا هالسالفه كبل تدلينه على ابو الانه

- بس شلون حنعرف منو الاخذهن

- الاخذهن راح يرجع يشغلهن

واحنه نضل نفردش هنا وهنا ونلكاهن

تمددت وانه اعصر براسي جان تشيل المخده وتحطها فوك راسي وتكلي ..

- دنااام عااد من خفه لهالراس الكرفش

- ريررررري ضااااايج وعليييي نار براسي نااار

- ايييي ديلاااا هسه شكو بيهه

يعني الا احلامك ورديه يلا تنام

عااااددددي بابه عاااادي كم مره اكولك سوالف نانسي عجرم بطلهه

جريت ايدهه عضيتهه وهي تجر بشعري تعت بي لويت ايدهه وكلتلهه..

- اشلعهه لهاللحمه نوبه الثانيه وللللج اضبطي لسانج

- امددددااااااك سنون جلاااااااب

- شكو مستغربه انتي اااام الجلااااب متتحمليهن

- جلوووبي عود مثلك تروحله فدددوه ااااخ كووون يمي واهده عليك واشوف بس العجاجه وراك

- هههههه والله مشتاقله جلبج المدلل

- اووووف لتذكرني تره كلبي طااااك عليه وبالكوه متحمله فراكه

- هااا باااقيلج شويه  وتبجين عليه

كبل اجتني دفره بنص بطني شوغت روحي

وتكلي ..

- لتطوخ بالحجي وياي فهممممت

كفختهه على راسهه وهي اندارت وضلينه ساكتين .. ماكدرت انام بعد ضليت افكرمنو الكدر يصعد بهالسرعه وياخذهن ؟

يعني جان مراقبني وشايفهن !

بس منو الراقبني كلهه جانت جوه مخبوصه

وانه بالشارع ماشفت احد طلع او ضال عينه عليه ؟

ثاني يوم طلعت الصبح يم جماعتي بالباب

واجني نسوان اثنين لبيتنه يريدن العلويه

فتحتلهن الباب ورجعت يم جماعتي

واكف بالشارع واباوع لبيتنه واحاجي الولد

ضلت عيني على غرفه سيف ...

تذكرت هو البارحه ابد ماصعد وبس كاعد ويانه .. هو يخاف من ابوه ومايكدر يصعد

لا يترزل ..

استبعدته من بالي .. وضليت ويه الولد

لحد ماهمه ترخصو وراحو .. طبيت للبيت

صعدت اشوف سيف لكيته نايم .. رحت لغرفتي وجانت ريري هناك تمسح ..

كالتلي ..

- وينك صار ساعه بره شعندك

- ويه جماعتي واكف

- هااا .. اكولك متاخذ الفلوس وتروح تجيبهن هسه يلا شتنتظر

- ماريد اخذ ريري لا تلحين

ذبت الوصله من ايدهه واجتي يمي كلتلي ..

- حويدر هاي مساعدات لشغللللييي اوووكييي

هاي مهمتي اني اطلع هالسوالف واحتاج الكاميرا بعدين انته  راح تشبعني فلوس اخذهن واسكت اني دا ادزك تشتري الييي اووكييي مو الك

- حتى لو مااخذهن

- حيدااااارر

- لااااتلحييين الف مره كلتلج ماااخذ منج فلس

كااافي عاد ااانه ادبرهه

- اووووف يراسك الگوي اوووف

- اكلج جاي تمسحين بماي وملح مثل ماموصيج

- اييي

- زين يلا خفي ايدج اريد انام

كملت مسح  وطلعت وانه كبل نمت الليل كله كاعد ...

فزيت على صوت التلفون وباوعت السيد يخابر ..

- هاا سيد شلونك

- هلااا باخووي شلونك امورك احوالك

-حمدالله بخير

- دايماً ان شاءالله.. اكلك معزوم على العشه يمنه اليوم

- لااا خويه مشكور ماكدر اجي عندي شغل

- بلااا هالسوالف حيدر احنه اهل

وحجايتي اااانه اتعذر منهه جيب المره وتعالو اليوم عشاكم يمنه

- هاا شعجب غيرت رايك

- ملوكه ضايجه فد نوب صايره تعالو شوفولهه جاره

- خيرهه

- تبجي ومدري شبيهه انته تفهم عليهه تعال شوفهه وخلي المره تكعد وياهه بعد شسوي هاي امري لله هي هالبنيه كاسرته لظهري من ذاك اليوم لهاليوم

- لاا تحجي على ملوكه سيد هاي ريحه الغاليه بينه ضلت

ان شاء الله وره الصلاه نجي نشوفهه

- انتظرك خويه

سديت الخط وخابرت جماعتي بالشغل

تفتهمت وياهم على ان اكعد بدالهم من هسه واطلع من وكت للبيت ..

نزلت ساعه عشره ونص الصبح طلعت للمحل ...

ربي رزقني بهاليوم اربع تصليحات حاسبه بالهاردوير .. اشتغلتهن واحد وره الثاني

ابدل قطع و للمغرب خابرت اصحابهن

اجوي بس ثنين منهم .. اخذت الفلوس وطلعت

للبيت ...

جنت موصي ريري تتحضر حتى كبل نطلع لبيت السيد ... ولكيتهه تنتظرني جوه

كبل طلعنه .. اخذت حلويات على حسب توصايه ريري .. ورحنه تعشينه بالاول بعدين رحت كعدت ويه ملوكه ..

شفتهه بس تضحك بسنونهه المكسره

وحاضنه ريري .. حاجيتهه وكلتهه جبس

وريري تخابر بصوت ناصي ..

بين ماكملت رجعت كعدت ويه ملوكه

وفتحت شعرهه .. وصارت تمشطلهه

وتشاقيهه ..

ضلن ياكلن حلويات ويباوعن بالتلفون

كارتون وريري تحجي اكثر من اهل الكارتون .. وهاي فطيره بس تضحك جنهه فاره توصوص ...

صارت ساعه ١١ بالليل ردنا نرجع وملوكه ماترضى تعوف ريري ..

تريدهه تبات يمهه ...

حجينه وياهه كامت تبجي .. ابوهه يحجي وياهه وهي مجلبه بريري ..

عاد كلتلهه ..

- يلاا بقيهه يمج تدلل ملوكه شتريد تدلل

السيد كلب خلقته وطلع رحت وراه جان يكلي ..

- موو حاله هاي خويه شلووون ااانه اريدهه تداريهه شويه مو تصيرلهه ام وداده

- شبيدي وبيدك يعني

البنيه حبتهه شنسوي !

- استغفر الله استغفر الله

ضل كاعد ويهز برجله وانه اراسل ريري

واتفقت وياهه تنام يمهه اليوم وانه بس اروح اشوف اهلي خاف يحتاجون شي وارجعلهه

وصتني على شغلات من الغرفه اجيبلهه

وياي .. ورحت للبيت ..

شفت اهلي وكلتلهم راح نام يم ملوكه اليوم

وامي ضلت تستفسر شبيهه خاف مريضه

طمنتهه عليهه وصعدت للغرفه .. اخذت الغراض الرادتهن  و نزلت للحمام اول مافتحت الباب صارت بوجهي ام فاطمه

وهي شايله المبخره ..

ضليت اباوعلهه وهي سلمت وراحت كبل لغرفه الجهال ...

نزلت بس بالي ضل يمهه ..

ماكملت الدرج ضليت واكف وشويه وصعدت مره ثانيه لغرفتي .. ضليت واكف اباوعلهه

وشفتهه دكت الباب على غرفه ام سيف

واخذتهه ونزلن ثنينهن ...

نزلت وراهن بسرعه بس شفتهن بالمطبخ كاعدات يسولفن ...

بعد انحرجت شسوي شلون اضل اراقبهن ؟

اروح لريري ؟

ضليت بغرفه ابويه اباوعلهن كل شويه من الباب وهنه كاعدات ... وريري تخابر

وارفضهه ...

شفتهن صعدن بعد ماكدر اضل وراهن وراهن حتى لو عدهن شي مايسونه الا اروح

فطلعت من البيت ..

رحت هناك كعدت ويه ريري واسولفلهه الصار وهي ضلت صافنه جان تكلي ..

- عوفهن هسه يوصلهن السره عندي وانخلهن الك

- هذني ساس البله عيني ماتكدر تفاركهن

- لتفاركهن ضل راقبهن بس انيييي بالي مو وياهن هسه عندي شغله وماافكر هسه حتى باابويه فلدوخني بيهن

- شعندج ؟

- شغل اذا صار الخايفه منه تحسب حسابك تاخذني لبغداد هاليومين

- شنوووووه ماعندي مجال

- حجيي يفيدك ولك تاخذني وانته الممنون

شروط هاااي شروووط لا تنسى اووكيييي

راحت يم ملوكه وكعدت تصبغلهه اظافرهه

وتلمعهن الهه وانه جانو فارشيلي هنا تمددت

واباوعلهن ...

هنه ضلن سهرانات على التلفون وتالي صحتلهن ينامن عبرت ساعه وحده وهنه سهرانات ..

عبالي ريري تجي تنام يمي شو هاي ذبت التلفون وخلت ملوكه بحضنهه نومتهه على ايدهه وتكلي ..

- يلاا متنام شو مفتح عشره عشره علينه

- متجين هنا مو فارشيلج عوفيهه تنام وتعاي

- لاااا اناام يم امليكه حبيبتتيييي معليك بيه رجلي حياااتشششييي

- يطبببج مرض انتي وحياتشج

انداريت وعفتهن يبسبسن .. بس ماكدرت انام كل شويه اندار اباوعلهن ..

لحد ما غفيت ...

ثاني يوم تريكنه يمهم ورجعنه لبيتنه ...

ريري شكلهه ممرتاح .. وشحجيلهه على سالفه بشغلنه تكلي بعدين ..

لليل بس صعدنا لغرفتنه هي كعدت تخابر

وبس ساكته و كالتلي ...

- من الصبح بغداد احنه اوووكييي

- وياي ؟

- لااا ويه ط ... ي داكولك نروح من صبح اكو احد غيرك هنا احجيله

- ايييي عبالي بعدج تحجين بالتلفون

- حيدااار قبل الفجر نطلع سمعت

- شعندج هيج مستعجله شكو

- معليك شغل هذا شغل

ضلت تفتر بالغرفه وانه ابدل ملابسي

وصارت تخابر ..

- عينيي شلونك اخبارك اييي صدك صار هواي حقك اييي اكيد لاااا كووولش زينه

وبنص الخييير

اكولك عيني محتاجتك باجر تريح كلبي بشغلتي واريحك مثل ممتعودين

كمشتهه من زندهه وارزلهه على حجيهه وهي ادفع بايدي وساكته ..

جان تكول ..

- لاااااا اصلااا لتفكر بيهه للعصر احسبهه

صارت عندك

لااا معليك هاي يمي بعد كلتلك عيوني انته معليك دبارتهه عندي بس كووون على الي اطلبه حرف حرررف يتنفذ

اوووكييي لعد الصبح ادزلك بالتفصيل شمحتاجه وللصبح اريد كلشششي حاضر

تمااام

يلاا جااااوو عيوونييي جاااو

سدته وانه كبل صيحت عليهه ...

- شهالحجيييي المااااصخ هذا شبيييج انتي فد مره باااايعه المستحى ماتحترررمين ريررري وتالي وياااج

- حيداار كلتلك شششغغغل منا لباجر لتفك حلكك وياي بحرف اني اعرف شدااسوي

مجاي اگوود كدامك هذاا شغل  اوووكيييي

- شغلللج يطبج مرررض بي شسوين سوووي بس تحتررررررممميييين وجووودج ويااااي الف مره احجيهه واعيد بيهه

- محترمتك هسه شسووويت شفتني بحضن غيرك وتخبلت هي مكالمه متكلي شسويت وكلبت الدنيا

- ريررررررييييي

- ووجعة اااامي وابويه شبييك شبيييك

حيداااار تره روووحي طاكه وبالكوه لازمه لساني وياك لتلح وياي عوفني عبالك متشوفني كدامك ولاا كاعدين سوووه زيييين

نااام معليك بيه ناااام لتضل مكابلني ونتناكر بنص هالليل

- حججججيييي الاريحك وريحنييي شيسموووه هذااا هم شغلللل ؟؟؟

- اييييييي وانته شفتهمت وكبل نطيت شمعرفك انييي شلون اريح وارتاااح عينيييي

- ريرررررريييييي حخنكج وووومحمد

- لك باااابه وتاااالييههه ويااااك وويه استشراااافك المشغله وياااي بنص خنكه روحييييي المسموطه

- هذذااااااااااااا ااانه تمشششين ويااااي مثل طبعععيييي لاااتعلكمين ريكيييي

- ووولك من ساااعه السوده الغضبت بيهه على روحي وجيت وياااك

داااكووولك شغغغل من اشتعلت عشيره الخلفوك شغللل متفههههم لتفهم يطبببك مرررض

كمشتهه من ركبتهه خنكتهه وهي ادفع بيه

وانه صكيت سنوني واكللهه...

- لتندميني على عشرتج

دفعتهه على الفراش وطلعت ...

ضليت كاعد جوه واهدي بنفسي ماكدرت اضل هنا احس مخنوك ..

طلعت كعدت على الرصيف وافكر شلون بهالحال وياهه !!!

شراح يجرعهه للعيشه هيج !!!

ضليت شويه وطبيت تمددت بالهول وضليت مغمض بس ماخذت عيني نوم ..

تالي حسيت على الضوا انفتح ..

باوعت هاي ريري !

شايله جنطتهه وملابسي اجتي شمرتهن عليه

وتكلي ..

- يلاا البس بسرعه دنطلع

- شعندج من أسا  يمعوووده والله سودنتيني

- البسسسس عاااد يلااا ماضل وكت

راحت فتحت الباب وطلعت الغراض للسياره

وشغلتهه وانه البس بساع بساع طلعتلهه

كلتلهه..

-انطي صبر خلي نكول لاهلي

- روح يلااا عادد رووح احجي

طبيت لغرفتهم وكعدت امي جفلت راساً

وشاورتهه..

- علويه ماكو شي ليضل بالج بس جيت اكلج

راح نطلع لبغداد عمهه لريري مريض وحالته مخطره زين لا يضل بالكم بس نوصل اخابركم

- يااه يمه كعد اخوتك يرحون وياك

- لاا لاا ميحتاج يلا مستعجلين بعدين اخابركم من اوصل واطمنكم نامي لا يضل بالج

كبل طلعت ولكيتهه حتى الباب فاتحتهه ومطلعه السياره ..

سديت الباب وصعدت بالسياره وطلعنه ..

انطتني تلفوني وباوعت للساعه ٥ الا ربع

حتى مالحكت اصلي من خبصتهه ..

اباوعلهه وهي عيونهه تجدح وتلفونهه ماذبته بس تراسل ..

بنص الطريق بعدنه جان تخابر ..

- عيوونييي رائد جميل شلونك

فدوا لعينك ايي طبعا محضرتهه شتعرفني اخلف بكلمتي وياك

بس كون على الطلبته يتنفذ

هاا زين كلشي حاضر !

اييي هسه وررد تدلل بس تنزل من دوامك كووولشي حاضر يلاا تسلملي عيوننيي جااو

سدته ورجعت خابرت ..

- هاا لك حبزبز شنو الامور يمك

اييييي ضل خااانس شوصيتك

اشششك حلكك بس يطلعلك حس وتلفونك لتذبه من ايدك احس مااهجم عيشششتك وعيشه الخلفك يلا ولي

ضلت تفر التلفون بايدهه وكلتلي ..

- حيدااار اليوم اني مو مرتك اوكييي

- المعنى ؟

- تطبك على صفحه وتعوفني اخيط واخربط بكيفي حسك مااسمعه

لان اني عايشه بشي وانته تدور شي

من اجي لبيتك اصيرلك مره فكاكه هناك تجفى شري احسن

داحجيلك هيج حتى مااخسرك بتصرفاتي هناك لان ماالزم نفسي انته خليك بعيد لتوصلني وشتشوف وتسمع غلس اووكيي

- اذا متتعدين على الموصيج عليه

اعوفج شوفي شغلج

- اووكي

سكتنه بعد والتهينه بالازدحامات لحد ما وصلنه بغداد كلتلي كبل للبيت ..

نزلنه للبيت وهي فتحت الباب وطبت بسرعه لغرفتهه .. ضليت انه كاعد على القنفه

ورحت شربتلي كلاص ماي حتى حار

بس هي ميبسه ريكي من ليله البارحه ..

شويه وفتحت باب الغرفه وطلعت وهي تخابر وترزل بحزبز ..

لابسه بنطرون كابوي وقميص نيلي مشخط بالوان وردانه كافتهه ..

ذبت التلفون على القنفه وتشد بشعرهه وتكول ..

- اطمم روووحيي اذااا ماا طفيت هالشمس بعينجن

جرت شعرهه حيل ضبته وهو ذيل حصان رافعته وخلت تلفوناتهه بجيب البنطرون

وطلعت ..

رحت وراهه جان تكلي ..

-ووووييييين

- ويااااج شنووو وين

- لتجي ابقى هناا

- لاااا اجي وين رايحه وحدج

- حيدااار عندي عركه مارايحه اگود

كلسااااع اعيييييد

- امششي اصعدددي وبلا لغوه

راحت لجهه الثانيه من سياره وهي تخابر

واول ماحركت السياره هي سدت تلفونهه

و ضلت تدعفس جوه رجليهه بالكُشن

وطلعت المسدس ..

جضيت بيهه..

-هاااااا سالميييين

- معليييييييك لتدخل سوق واسكت

- ريررررري شتصخمين بالسلااح

- معلييييك لاافرغه براسك هسه تره موتتتني اسكتتت اكلك لتدخل كلساااع اعيد يعني تريد اجفص وياك واكلب هالصبحيه دم بينه اسكت لتدخل

ضلت تنفخ بي وتشوف الطلق بعدين سحبت اقسام وخلته بايدهه ..

ضلت ادليني على الطريق ولحد ما وصلنه

كدام بيت هي كلتلي ..

- تريد تروح روح بس اذا تبقى حسك مااسمعه ولتدخل بيه هاي اخر مره انبهك

واذا طنشت حجيي تلكى مني المايعجبك

فتحت الباب ونزلت وانه استغفر ربي واصبر روحي عليهه ..

قفلت السياره ونزلت وراهه ..

فتح الباب ولد اسمراني مدحدح عرفته هذا حبزبز الطلي مالهه ..

كبل دفعته وطبت صاحت ...

- وووولج ياام الخيااااااس يا بلاعه ال.......ه

عبااااالج مااالكططططططج يا بر....ك

دفرت الباب برجلهه مرتين وفتحتلهه بنيه وريري كبل كفشتهه من شعرهه وسحلتهه جوه ..

رحنه وراهه واشوف كومه بنات هنا كلهن وحده مجلبه بالثانيه وهي كافشه هاي البنيه بايدهه ساحلتهه من شعرهه والثانيه ضربت بيهه طلقه جوه رجليهن و نكلب البيت بس عيااااط ...

دفعتهه للبنيه البيدهه وراحت جوه وهي تفشر عليهن صلي ماتنطي مفكه وحده منهن تحجي

واجتي ساحله وحده ضعيفه وطويله اطرل منهه بس هي بالكاع حطتهه وكعدت على صدرهه ... وتعت بشعرهه وتصيح ..

- تگووووودييييين من ورااااي ولج كحبببببه

باااااايدي لميتج من الشااااارع جبتج وسويتج مرررره وكلتج بدال الحصووو والتراب الجان تااارس حلكج ذهب خليتج تااااكلين ذذذذذهب وهسسسسه يطلعلج حسسسسسس وتتشطرين من ورااااااااي

ولج جرررمتيييييي برووووحج ياااامنعووووله الوالديييييين يانغله بنت النغوله

عبالج رحتلي كم يوم مااادري بخيستج من تطلعععععع

نفسسسج هذذذاااا اعرفج وووويييين تجريه

عباااالج ماكدررررلج ولج وترحين تلعبين شااااطي بااااطي بفلووووسي وبنااااتيييييي

ياااام ال........ه

ضربتهه بحافه السلاح بكصتهه وهاي تعيط وتغلط عليهه وهي تكفخ بيهه وتركع براسهه بالكاع .. وكل البنات  خنسن

جان يدك تلفونهه ..

وكامت من صدر البنيه بس ضلت دايسه على ايدهه .. وتحجي بالتلفون ..

- يلااا وينكم عاااد

ديلا بساع

سدته وصاحت ..

- قنااادر انته اطلع بالباب تلكاهم

هالولد كبل ركض بره وهي صاحت بيهن ..

- صووووووت خليييي اسمع صووووت وحده منجن يطلللللع لااامطلهه هنا ادوووس بنص مصارينهه وازوعههه دمهه

وانتتييييي ياالصااااايررره دلالللللله براااسي

يام ك..... الازيرك ام العفوننننه

الي اندكيتي بيهه راح اتشششيلج من هالدنيييياااا شيييييل وضلي توسلي هناااك

بشربه مي مثل الحواوين اخلييييج تعيشين وماتلكين الموت منين بابه

سمعت صوت سيارات طبكت بالباب

انداريت اباوع نزلو اربع ولد عسكريين

ضليت فاك عيني عليهم ...

وهمه طبو كبل هاي البنيه كامت تصيح .

- فدوااا داااااده لاااااااا فدواااا ابوس رجلج مااعيدددددههه توووبه داده توووبه ماعيدهه فدووووا لا تدزيني داااده

- انجبببببييييييي هسسسسسه عرفتي الداده

من كعدتي ويه كواويدج ذولاااااك ماذكرتيني وذكرتي ضيمي شلونه من اصبه على خلقتج الزفرررره

اخذوهه يلاااا تعاااال شكو مصفن شيلهه مناااا

ولد اثنين دنكو شالوهه والاثنين البقيه بس نافخين صدرهم وسلاحهم يفروه منا ومنا

اخذوهه لسياراتهم وحركو وطلعو ..

رجعت اباوعلهه واشوفهه مجمعه كل البنات يم رجليهه ...

مسويتهن سره وكلهن مدنكات وهي وحده وحده تكفشهن وتركع راس براس

صاحت عليهن .....

- بنااااااات القناااادر يا كحااااااب  ولجن  تعضننننن ايدددددييييييييي السوتجن اوااادم

يااامن.......ت الصفاح يالتااارسجن الدوووود

ببطونجن جاااان من اكل الزبااااييييل

يااازبايل انتن يا مسكطااااات العرض

لفيتلي وييييين ماكووو وحده بنت نغووووله

بنت فكوره

وووولجننننن تبيعععععن بانفسجنننن انتننن هم بيييجنن عقلللللل

محشيااااات روسجن ز ........ب

حسررره مادرت ظهرررررري هجمتن عييييشتتتتتيييي هجممم يالبرابيييييييييك

شلوووون تطاووووعنههه شلوووووون ولجننننن شلووووووووون جاوببنننننييييييي

دك تلفونهه وجرتهه باوعت الاسم وصاحت ..

- خراااااا بيككككك

شمرته على حبزبز وصاحت ..

- كله بعدددين ليضل يلح

رجعت جرت وحده منهن من شعرهه وكعدت بحدهه ولوته لراسهه وتكلللهه...

- جنتييي مكيفه مووووو مااااصدكتييييي تشرددديين مناا وعباااالج تضلين تلعبين بالفلووووس لعب المخابيل

هييييييج عبااااالجننننننن

تاخذجن للجنه بنت المسموط

اييااااااااا كحااااااب بنااااات الكحااااب

ولجن هاااااييييييييي تبييععععجننننن وتشرد بفليساااتههه تعوفجن مكفخخخخخخه وخدددددم يدوووسون بالنعااااال على روسسسجن الخاايسه

من ماعددددجن عققققل تفكرررن شكوووو تورطنننننييييييي وتشبن الناااار بعييشتتتتييي

مكعدتجن مثل الاوااادم هنااا وصابتجن ذذذذذهب هالبطررررر شكوووو

لو تموتن انتن بالذله الاااااا تنذلن وتعيشن عيشه الفكووووره وتاكلن قنااادر يلااا ترتاحن

مو وجه عزززز ونعمه انتتن الاااا تنسحلن وتتمرغلن بالخياااااسسسسس يلاااا تصيحن افيييش

من نعللللى على صفححححه الخلفجننن وين مامكبور وناااايم

دفرتهن وهنه بس يتعايطن ويبجن

وراحت كعدت على القنفه وصاحت على حبزبز ...

- قناادر انته امشي جيبلي جكاير بساااع

وكووومن انتن جيبلي ميييي يبستن ريييكي من كوووون مااااا تضوكن راااحه للا بليل ولااا نهاااار يامصخماااات الوجوه مكسرات الشرف

وحده تدفع بالثانيه حتى تكوم وراحت وحده منهن ركض جابتلهه بطل مي ..

فتحته ريري وشربته كله وشمرت البطا عليهن وصاحت ...

- دهووووك مووو بعد ط.....ي

تردن ترحن لدهوووك

عبالجن مااادري بخيااااسجن

ولجن ااااكبر ثووووولاااات و غبيااات انتن

تااخذجن هاااي تبيعجن وتشرد بالعزيزه

وتضلن انتن يتاجرون بيجن

شبر شبر منجن يكصوه ويبيعوه هنااااك

وانتن تلااااطمن عووود مااوصيجن ضلن تلااطمن وصيحن الحكيلنه داده

اخذت الجكاير من حبزبز وضلت تدخن

وكملت جكارتين والبنات اجني يم رجليهه

يتوسلن تسامحهن وهي دفرتهن وكالت ...

- دكلن خراااااا قناااادر احط بحلوكجن لاااعبالجن اسكت على دكتجن هاااي

وحده ووووحده اصلخهه صللللخ

تلعبن ويااااايييي اااانييييي تندكن بيه وتخربلي الاول وتاااالي

واجن سننننييييين ااااانيييي الم بيجن واسويجن اوااادم صرفت عليجن ملااااييين يابو ملااين

وهسه طلعتتت الموًخوووووش وتردن تكسرن شغللللييييي وتولن !!!

اسككككطجن وحدددده وحددددده واريد اشوووووف اليطلعلهه حسسس بعد 

جرت جكارتهه الثالثه وهي تخاابر وكبل صاحت ...

- لاااا هلووو ولا قنااادر

تذب الصخام البيدك وتجيني عششششر دقاااايق والكاك يمممي يلاااا كاعدتلك هنااا بيت الكحاااب انتظرك بسااااع عااد

سدته وباوعتلي ..

- متكعد انته مشتول هيج شبيييك اكعععد ماناكل بشر هنا

-ماريد

ضلت تدردم بينهه وبين روحهه

وتذب جكاره وتدخن الثانيه نص الباكيت نفضتهه على هالكعده ... والبنات كلهن كاعدات بالكاع وحده كارصه بظهر الثانيه

حسيت بايد على جتفي انداريت واشوف هذا

رجال جنه عتريس ..

اسووود وضخم ونفسه يخنك من ريحه الشرب ... عيونه حمممررر وناطه

واطول مني .. جرني من الباب حتى يطب

وكبل بدا العياااط ...

طبيت اشوفهن بس يتوسلن بريري ويعيطن من شافنه ..

وهي كاعده ومخليه رجل على رجل وتدخن

صاحتله ...

- صخر بعد كلبييي بنياتي داريهن حيييييل مشتاقه لصوووتهن الشجي اريدك تطربني اليوووم بصوت ماااسامعته من قبل

- تدللين ست امر تأمرين

بس استريحي بيتج مبين تعبتي وياهن

وتعرفيني كلشييي ولا تعبج

ضل يطكطك باصابعه ودنك جر اثنين منهن

وضل كامشهن من ملابسهن وكال ..

- ست ليش هيج لييش وجهج صاير دم

اخاف ضغطج ارتفع ضوجنج مووو

- حيلللللل تعبنننني صخرررر دكن النااااقصه بيه

لو مربيتلي قرد اتونس بي ولا هذني الزفرات

- ااااااني اليندك بيج ست امحييييه من الوجود

لاتهتمين يغارن منج لو يذبحن روحهن ميوصلن مستواج

روحي ارتاااحي ستي الحبيبه واجيبلج اخبار تفرح كليبج الطيب

اخذت باكيتهه والتلفون وكامت وهي تضحك

وتباوعلهن وحده وحده وكالت ..

- جزاه اليلعب بذيله ويه ريري يندفن بعيشته

يلااا جاااااو

عشاااك يمي صخر تعااالي جووعااان فددد مره اريدددك اوووكييييي

- ماتعبج ست ااااني اسويلج العشه مشااااوي من كل نوووووع ستي الحبيبه

طلعت وهي تضحك ...

وراحت لغرفه بره وكفت يمهه واشوف كانيور شلون معلك نفسه بركبتهه وهي تبوس بي ..

شالته وهو بطولهه وطلعت للسياره ..

كعدت وخلته بحضنهه وطلعنه لبيتهه ..

هي الطريق كله بس تناغيله عبالك نونو

وتشمشم بي وتضحك وياه .. تصيحله عو وهي يردله عووو وتخرب ضحك

ولاعبالك هذيج الحركت الدنيا كبل دقايق

كلتلهه ..

- بس كليلي انتي شنوو

- ااانييي شي مايفهمه عقلك النظيف اللطيف

اووكييي لتعب نفسك وياي 

ولتدوخ روحك تره عادي مشاكل بيت هاي عادي ماصار شي هسه لليل يرجعن مثل الحصان يدكن ويركصن مابيهن شي

- ريررري هذا شراح يسويلهن !

- بس يداريني شويه عااادي بابه داكولك لتفكررر عاادي شكو اصفريت وخفت

مشايف مشاكل من قبل !

- مشايف هيج خبااال

- مدامك عاشرتني تشوف هواي بعد

هاي عادي اصلا زين مالكيت عليهن المنظقه

وصارت سين وجيم

سديناهه بيناتنه وفضت وراحت

بعدهه تحجي وياي ودك تلفونهه ..

- هااا ايييي عااد يطبهه مرض اشمرهه جوه

عياره نسوان خلي تولي

اكولك حبزبوزي اريد رييووووك مال ملوووك  احسب مال نفرين

وكوني جيبله خوش هبرات لحم خطيييه رايح ضعفااان

يااامهجوم ياااامصخم لليييش ممهتم بيييي

رايحاااات لحماااته صااير جلده وعظم

جيبله كيللللووووو اريييد تاازه ماال ييووم

يلااا من تجي اورقلك يلااا عاااد فضني روح

سدته وكلتلي ..

- حدوره بس يجي حبزبز ونتريك عود اخذ تلفوني اقفله بداعه امك

تره تضل عليه ماصبر الا اخابر هذا وهذا

مارديت عليهه وهي ضلت تبوس بايد كانيور

وتطلع راسهه وياه من الجامه وتضحك

ولحد ماوصلنه البيت ونزلت هي شايلته

ماعافته يطبخ رجله بالكاع ...

طبت البيت وهي تصيح ..

- يمممه البيييت بدون رااعيه شيسوووى

يمه الحبيييبب يمممه الويلااادت يممه

لك احبببك جلووووب

عو عووو عووووو هههههههههه فدووووه لصووووتك ترووووح كل هالمهاميج

صدك ضحكت عليهه وهي تفتر وياه وتصيح عو وهو يعوي وياهه ...

راحت وياه للغرفه وره شويه طلعت ولابسه شورت وفانيله واخذته وياهه للحمام

عايفه الباب مفتوح ومكعدته بالبانيو وتغنيله وهي تترس البانيو وتصيحلي ..

- شوووف التلفون حدورررتيييي

يلااا تره طكننني الجوووع شوف صخيم وين صار

- هم الج نفس تاكلين

-وليييش لااااا مو طالعه من الفجريه ومسموط ابو ابووويه ليش ماجوع واشتهي اكل !!!

هسه حاط عينك على شهيتي محد راح يكطعهه غير عيييينك يالمملوص

- ايييييييي بديييناا عاااد

-هههههههه لك صدك مالي خلك عرك بعد لتلح وياي خليني مرتاحه ويه كووونااايتتييي

فدوووه رحت لووووجهههك

اخذت تلفونهه وكلتلهه ..

- رمز شنو

- اربع سبعات ثنين ثنين

فتحته وخابرت الطلي حسب مامكتوب

عدهه ... وكالي ..

- ست بعدني داتسوك بس صبر صبر

- هههه استعجل يمعود لا يوصلك السره مثل البقيه

- هاا استاذ يلا بس اجيب الكاهي مو والله اريده الهه حار بس صبر صبر

- يلا يلا ماشي

سديته وضليت اضحك هاي صدك من كالت صاكرتهم هي صاكرتهم ماتقبل نقاش ...

ضليت متمدد على القنفه وهي اطبش بالماي ويه جلبهه وكلساع تغني شكل وياه وتطك اصبعتين وبس تتغزل بي ..

اندكت الباب وطلعت اخذت العلاليك من حبزبز وهو كالي ..

- افوت احضرلهه الاكل بين ماتكمل سبح

استاذ انته ارتاح ارتاح

- ويييين

- بسرعه ماتاخر

- لااا روح كافي مشكور وجزاك الله خير

سديت الباب بوجهه وطبيت جان يدك تلفونهه

باوعت هذا هو .. جاوبته ..

-هااا

- بس الحليب خليه بالثلاجه شويه صار حار

والجطلات باول مجر اخذ ابو يده البيضه

واكو صينيه ورديه بالباب يم طباخ خلي بيهه الاكل ولتطلع مواعين عوفهن هيج بس افتحهن من الجيس

-هههههه ايي مشكووور

- يلا باي

-هه باااي عيني باااي

شمرت تلفون وكلتلهه ..

- لييييش مسويته طلي ولج والله حرام عليج

خطيه والله استخطيه هالولد

- يطببببه مررررض احد كله صير خيخه

هو مكيف ع الدمغ لو بي خير جان شرد وعافني بس هو مكيف عليه شتريدني اسوي

- يااابووويه لج بشر كااارثه انتييي

- نااار  حووبييي ناااار

ضليت ارتب الاكل وخليته على الطبله الكزاز وكعدت انتظرهه ...

اجتي وهي مبلله وطلعت كانيور بالشمس

نشفتله ورجعت بدلت لبست غير شورت واجتي كعدت يمي ...

وضلينه ناكل .. شكد بالي اسئله بس

ادري راح اكطع اكلهه وتنكلب عليه طنطل

اجلتهن كلهن ...

وبس كملنه اكل راحت جابت كانيور واخذته للغرفه شغلت الشسوار وضلت تنشفله

ضلت بعدين مكعدته بحضنهه وتشمشم بي وتكله ...

- لك رررريحتتتتك ورررد حبيبيييي

اروحلك فدوه وهالصخايم يرحون فدوه لعيونك السووود المعذباااتنييييي حبيبي

يمممه الوليدااات يممممه يخبللللن يمه

للللك احبببك لك شلووون بييييك شلووون

اضمممك بكلبببييي وهم ماارتااح اوووف يااريحتك اوووف اووووفف

منييين بعد ابوووسك واشبع منننك كوووناايتيييي دنفوشتيييي حياااتييييييي

يروحلك فدووه حويدر وسحوره اهله المصخمين

- هاااااااااااااااا شبيييييجججججج

- وجوعرررته هم تروحلك فدوووه

وخليهم مضغوووطيننننن منننك حبيبي لتضووج عمررري عمرررري يممممه وليداااتي بعيد عن كلبببيييي يممممه سوده بوجهي شلووون عفتك انززززوووول عليج ياريري انزززول على كلبج شلووون تعوفين هالكيييييكه وتروحين للمصخميييين

يمه حبيباااتييي الوليداااات ضااايج يمه ضااايج كوووني مطااالع سوووده بوجهك ياحبزبز حااابس ولييدددي ومضوجه

اااني اطلعك حبيبيييي اشبعك دياااااحه فدووه رحت لصووووتك ييييمه بدووونه اني هم عااايشه يمممه يمممه وليداااتي حبيباتي

اوووف يااابروده كلبببييي اوووووف

كفختهه على راسهه جان هذا يهجم عليه

كلتلهه ...

-هااااا وخرررريه شجااااه

- ديرررربالك تتحارش وكوني موجود

تره يمكن مالحكلك

- عااااقله انتييييي

حاطه جلب بوليسي بكبرج وتناغيله

- بوليسييي شنووووو !!!! 

ولك جيررررمن هذاااا جييرررمن

شويه خلي عندك ثقافه بالجلاااب

لا كل جلب اسود وصحت بوليسي

- اهووووووو شلووون بلوووه

لج انه عااايز خبااال

- عيينننني ميعجبك روووح وين متريد

مالازمتك

- راح انام واخلص منج ومنه

- يلااا نام اني راح اخذ كوووني واطلع

-ويييين

-اتمشششى شنوو وين ضايجين

اخذتني حبستني بيت اهلك شمسسس ماشايفه

خلي اطلع اشوف هالدنيا

اوووووي خانكني خنننك

- ويين تطلعين يعني فهميني

- اول شي اخذه اتمشى وياه بفد حديقه خطييه محبوووس سوددده بوجهك ياطلي يامقندر

حاابسه كل ماكوله طلعه مشيه يكولي مالحك

واخاف منه يشرد

لااااازم اطلعه عيننني تتعب نفسيته هذا ممتعلم يضل هالكد محبوس

اخذذه افره اخلي يشتم هواا وتضربه شمسس

اروح اتسوك عيننييي شكد نااقصني شغلاات

اريد اطلع اونس نفسي هسه شكو حاط خشمك بالنص عوووفني اوووي ترره مالي خلك عووفني لتضبط هسه براسي من ارجع شتريد احجي

-ههههه وووولج وااااالله ووووكت

اااااخ ااااخ

- امممششي كوووونييي ااامشششي حبيبي اخاف عليك من المغثه

اخذته وراحت لغرفتهه ...

وره شويه طلعت لابسه البنطرون ابيض

وقميص كابوي وشفقه وحمرتهه ورديه

وعطرهه يكفخ وشايله الجنطه بايدهه والحذاء

وكانيور يمشي وياهه على حد مشيتهه

كلتلهه ...

- تره جاااي تحركين بكلبي هيج اكعدي راحه ريري فدوا لعينج ووووين ماشيه بهالشكل

-اهووووووووو

حيداااااار وتااااليييي اريد اطلع افتر لا تسويهه عليه سم

- بس عدلي لبسج وروحي اطلعي

لج بنطرونج راح يططططك عليج

- وطكتههههم اوووي ترره ماعايزني مغثه عوووفني كلتلك هناااا انييي مو مررررتك اووووكييييييي

من امشي لبيتك عود جفني بملابسكم الكواني

يلاااا جاااو

.

.

يتبع

💕

المواعيد ..

نشر ساعه ١٠ بالليل

الجمعه بارت الصبح بارت بالليل

الخميس ساعه ١٠ بالليل تنزل الصور ببارت هنا وعلى الفيس ويه كروبات النشر

واحبكم لان اجتي الكهرباء بعد ماتنكطع  💕

..♣️🩸   ماء مغلي  🩸♣️..

* adzzon *

- تره جاااي تحركين بكلبي هيج اكعدي راحه ريري فدوا لعينج ووووين ماشيه بهالشكل

-اهووووووووو

حيداااااار وتااااليييي اريد اطلع افتر لا تسويهه عليه سم

- بس عدلي لبسج وروحي اطلعي

لج بنطرونج راح يططططك من عليج

- وطكتههههم اوووي ترره ماعايزني مغثه عوووفني كلتلك هناااا انييي مو مررررتك اووووكييييييي

من امشي لبيتك عود جفني بملابسكم الكواني

يلاااا جاااو

طلعت وجلبهه وياهه يتمشى .. وضليت انه اصيح وحدي بالبيت ...

تخنكني هالمره تسم روووحي بسوالفها

خابرت اهلي وكضيتهه جذب بجذب وضليت

متمدد بغرفتهه ...

اتصفن بالحياطين ...

اباوع لصورهه تارسه الحايط هي وجلبهه

وشكلها بلبس الحفلات ... كل صوره لون شعر مختلف ولون عيون مختلف ..

ميزهه مليان عطور ومرطبات .. عدهه مرايه طويله بيهه مفتاح فتحته واشوف بس كلايد واسوارت وتراجي معلكه هنا ..

غرفتهه رصاصي وبيهه اشكال نواعم تحفيات ذهبيه وستاندات عليهه بس صورهه

ردت افتح كنتورهه وجان مقفله كل البيبان

طفيت الضوا ونمت بغرفتهه ....

حسيت عليهه تصيح وهي تفتح الضوا ..

- هااااا يالسييييد ابن السيد كوم صلي يلا

شلون سيد مال لنكه انته لاتصلي لا تزكي لا تصخم كاضيهه نوم ومشاكل

-لج بووويه انتي شسالفتج وياااي

- كوووم يلااا جبت عشه خلي ناكل

- صار الليل !

- نايم انته شمدريك بالدنيا طشت رشت

طلعت ورجعت هنا ورحت مره ثانيه جبت عشه واجيت وانته نايم

-وووعلييي ماحسيت عليج ... هدوووء ونمت نومه مال يومين التعبتهن

- ديلاااا عينيييي بيتي مفتوحلك بكل وكت

كوووم عاد جوووعانه ماضل انتظر بيك

كمت غسلت وكعدت يمهه شفتهه جايبه صينيه بس مشاوي مشكل ومقبلات وخبز حار ..

كلتلهه...

- وييين رحتي شسويتي

- طبكت بالجادريه وتمشيت ويه الحب فدوه لكلبه شلون انطللللق خبل العالم

واخذتلي عصير فريش ضليت اشرب وهو ويه جلب ثاني مكضيهه عوعو هههههه

عفته يطلع طاقته وبعدين كملنه تمشينه

صح حاره بس شمس تفيده تقوي عظمه

- والله هالكانيور متونس بعيشته اكثر مني

- شعندي غير وجهه الحلوو انطيه حالي ومالي جلوووبي ااااحبك لك ااحبك تعاال اكل تعااال من فدوه رحت لطوووولك اني وعشايري

- عشايرج شنو!

- ههههههه بجيبي عشاير حوووبي اذا متدري فهسه دريت اووكيي ديربالك مني

شالت شيش تكه وخلته على كلينس وبالكاع صار ياكل كانيور يم رجلهه ..

- انتي وراج سالفه ابد مو خاليه وهيج على الله

-اي طبعا لعد لو ماوراي سوووالف مو سالفه اسحل واصلخ واكسر روس كل من يرفع عينه بعيني !

تعقلهه يعني !!!!!

- وشعندج بظهرج هيج منطيج مجال لكلشي

- عندي سوالف متتسولف بكعده وحده وحجايتين

بس يعني مختصرها فلوس وكواويد

-هاااااا ماشاء الله اقوى اثنين هذوله

- ايييي الحل والربط بيهن عيوووني

بعدنا ناكل ودك تلفونهه كبل جاوبت ..

- هاااا شعندك

شربت اللبن وبعدين صاحت عليه ..

- شنووووو مترررضى قناااادر بحلكهه احسن

يطببببهه مرررض فوووك مرررض

انطيهه تلفووون داحاجيهه

كبل تربعت بكعدتهه وفتحت السبيكر وصيحت عليهه..

- وووولج ادبسززززز شهاللسان الطالعلج اليووووم

ماكفتج كتله الظهر تريدين بعد تنخبزززيين يلااا تجرين عدددل

حلككككج اشكه بسسسس يطلعلج حس ولج من العصرررركلتلج تحضري شهالدروب الطالعتلي بيهه هسسسه هااااا

- داده مااااريد ارووووح مااريده اكرهه روحي مطيقه

- وهييي بكيف روووحج تنجيب وتوووولين

- ماااريد داده فدوووه والله ياذيني ميبقي عليه حال هذا مخبل انتي تشمريني بنص حضنه

منا لباجر يصلخ جلدي عن عظمي مو بوعيه هذااا عوفيني فدوه اروحلج

- دنجببببييييي لجججج انجببببييييي

اليسمعج يكووول ماااكو هيج انتتتيييي فقيررره ومكروووده

دنجبببي

لعد اااااميييي الجانت تكود ويااه وتشبع ملايين كل اسبوع وطكت الجواز والذهب وتختخت بالن......ج جوه ايده هسسسه صار كُخه

اسمممعييي لج نصصص ساااعه تعدلين جهرتج الزفره وتولين تنتظريه وااااريد اسمممع بسسس اسمع منه كالبه خلقتج هناااك الاا اجي بنفسسسي احطج واصلخج واشمرج بنص الزبل خلي تاكل بيج الحواوين المثلج

فهمتتتتييييييي

شغلللييييييي تخربيييه بنكرزتج ومزاجيتج

اشككككج بالننننصصص وانتتتي مره وفكي حلكج بعد وكولي ماريد الاا اجي احط قندرتي بحلكج والصمج وادزج مذلوله

امشي بالعيني واغاتي احسن مااعيل وياج

يلااا تحضري ودزي صوره قبل متطلعين وشكووو شي دزيته الج تلبسيه مترحين مبهذله ووجهج مصخم وتلطمين فهمتتتتييي

ماضل كلساع اعيد شليتن حاااالي من طاح حظجن وحظ الي لفتجن ولي يلا

سدت الخط والبنيه حرف ماحجت ..

بعدهه تشرب مي ودك تلفونهه كبل كلبت عيونهه وجرت نفس وجاوبت ..

- هلاااا بالرائد عيوووني كول

اييييي شلوون لعد طبعااا تجيك غير وعدتك بعد شتعرف اخلفلك بوعدي

اييي مو تعرف البنات شلون يطولن باللبس والكشخه والتلميع منا ومنا هههههههه اييي غييير ادزهه الك ملمعه معدله بالباكيت

تستاهل عيووني انته تدلل غير مبرد كلبي اليوم طبعاا ادارييييك عيني طبعاااا

بس هم ماوصيك علكيفك وياهه حتى لتخاف من هالروحات وتعنفص علينه بعد انته تعرفهه شكد تدلل وتتموع

ايي شويه سايسهه وخليهه تأمن وياك واخذ الي تريده بعد هاي مسجله باسمك لا تطيرهه من ايدك اووكييي عيووونييي

يلاا هسه فد نص ساعه ويطلعون رتبلهه الاجوااء ههههييييي اييي داريهه صار هواي خطيه مشايفتك وانته ابو كلب الحنين

اييي عيوونييي انطيك خبر يلااا جاااووو

سدته وكالت ...

-اوووووف اوووف شدعي عليكم كون بجرب ياكل جلودكم الخايسه ياصخايم عيشتي

شمرت التلفون بصفهه ورجعت تاكل وانه اللفه بيدي بعدهه وبس صافن عليهه ..

كلتلي ..

-شكووو متاكل

- ليش هيج تجبريها حرام عليج

-ههههيييييي لك بااابه ياااحرام انته شبيك

هي هاي شغلتهه شكو قابل اول مره

- بس حتى لو شغلتهه خليهه تروح بقناعتهه جاي تكلج ماطيقه انهديتي عليهه ليش يعني فوك ضيم الصبح ترجعين عليهن قاط النوب

- اووو شوووف المسكين وووين يفكر

لك بابه هذا وياهه جانو كبلات والرجال يموت عليهه مشتريهه مني بس مبقيهه هنا

ياخذهه كل مايصيرله مجال بس هي تتعزز

-هااااه وااالله !!!

- ايييي لك هذا واحد سادي وجلب بيهه عجبته تماشت وياه شو هي بعدين كلبت متريده

وهو جلب بعد مايهدهه

- ساادي شنو !

- صخاااااام بعينك ياحيدار اذا متعرف شنو سااادي

لك صدددك متعرف ولك لو تضحك عليه لتسوي نفسك اثوول

- ههه شبيييج ماعرف والله

- عزااااااا بعيينننيييييي يممممه لك راح تجلطنننني حيدااااار يمممممه يمممه

حموووووت

ولك هذني المصخمات ماسون بيه مثل سوايتك

لك شلووووون رجال انته ومتعرف شنو سااادي !!!

من ياصنف انته فهمنننني

- لج بووويه انه شمفهمني بهالسوالف

لاااواصللهه ولا اعرفلهه

- يعني بين جماعتك متحجون بهيج سوالف

- لااا يعني مو هيج مثلكم كله بالعميق

- يعنيييي عقلك مابي غير دين وحاسبات وسحوره فدددد مره صفرررر انته بهالشي

- مووو صفررر بس على كد حالي هههه

شبيج واالله ممعاشرلي ولد هتليه ولا معاشرلي بنيه كبلج

- عزااااا يممممممممه لك انته لازم نحط بالمتحف لك عمله نادره انته يااا يابه فووولت ضغطططييي

ضلت تشرب مي وبعدين اندارت عليه

وكلتلي..

-  ركزز وياااي حويدر

لاازم تعرف هالشكولات حتى تفهمني بعد اووكييي

-ايي شنو كولي

- سااادي يعني واحد يحب الاذيه والمذله بالجنس دتفهمني !

يعني يعذب ويتلذذ هيج نشوه مالته بالاذيه

شكد مايشوف الوياه متاذي ويتوسل بي ويذل نفسه جوه رجله هو يرتاح

- هااااااا سامع هيج يحبون القوه يفرضوهه بس مادري تعذيب وهيج

-لااا بابه تعذيب جنسي

وهذااا الرائد هو سادي متزوج بس ميطبق هالشي على زوجته لان وحده عرمه هي متسكتله كبل تفضحه فصار يدورهه عدنا

هااي المصخمه بالبدايه عجبهه كتلت روووحهه عليه

وهو لوووتي واحد ثعلب ثعععلب مو رجال

جابهه بهداوه وفلوس شبعهه وذهب واخذهه سفرات وكضاهه بس رومانسيه وحجي يعلمهه شنو يريد ويعجبه وخلاهه تتعلق بي

وتضل مجلبه بي وكام يطبق وياهه اليريده

كل مره يزيد اكثر من القبلهه

وهي جانت ميييتتته عليه اذا يتاخر مايجيهه تزعل وتخابر بي تدلع وتجيبه الهه لحددد مااا داااس وياهه فدنوب عااد هي خافت وسحبت نفسهه

وهسه وكعت براااسي

هوو يريد وهي متريد ومن اصيح اطلع اني الموخوش وهنه بالبدايه يمرغلن روحهن الهم وتالي يضمن روسهن ويخلني بالوجه

اااني كلتلهه من البدايه هذا سادي يمعوده اذا متدبريهه انسحبي واشوفله غيرج بس هي كتلت روحهه عليه

يطبببهه مرض خلي تاكلهه هسه شسويلهه

اخسر شغلي علمود مزاجهه بعد ماشبعت فلوس وطلعات وطبات ومحاضن هسه تمسكنت براسي

- واااالله انتو عااالم عجيب

- مووو عجيب عيوننني احنه واقعيين هاااي الدنيا هيج بس انته الماتدري شكو ماكو هنا

عبالك بعدنا على زمن نبي يوسف

- اي والله مادري هيج صاير فدنوب

زين شعندج وياه من شغل ؟

- هو ايده واصله كلتلك هذا ثعلب يطب لاكبر راس بالحيله واني مستفاده منه

بالاخص من كامت هاي تتعزز عليه وهو يلوب تعلم عليهه صار بعد محبس بايدي

اكوله روح يروح مووت يمووت بس ادك تلفووون عليه يعوف الامه كلهه ويجاوبني حتى انطي فد خبر عليهه لو اكوله اريدك بهالشغله يرووحلهه مستقتل يسويهه حتى ادزهه اله

شفتتت عيننننييي هذااا الشغغغغل عنددي مصااااالح وخنك رگااااب

- عمى بعينه اي وااالله بايع نفسه لشهوته

وصاير خرگه بيد النسوان

- عيووونييي الرجااال محكومه  بشهواتهم والنسوان محكومات بالفلوووس نقططططه رااس سطر  .

- لااااااا مو كلهه سوه

- كووولههههه حووووبييي كولهه بس انته لان مامجرب تشوف نفسك عنتر زمانك

دخلي تاخذلك يومين تصبح وتمسي بالحضن والبوس هيلاااااك اذا صبرت خمس اياااام بالزاااايد 

هاي اذا مو بالليل تكوم تلووووب وتبوس الرجلين بس تعالي

- هههههه يااااااااااا شبييييج ولج من كل عقلج تحججييين !!!!

تره مو كلهه هيج مابعقلهه بس المحاضن والبوس

وحتى لو اكو مجربين وهم يكدرون يسيطرون

- هههههههه تدرررري هذوله منوو بس الممرتاحين وممشتغلاتلهم زيييين عيوننيي

مااكووو فوووول راحه ودلع هذوله همه اصلا يصيرون كلشي ميردون حتى لو عدهم واهس هم يخرب وتلعب نفسهم من النومه كلهه

بس لو مثل العندي ياخذوهن ساااعتين مو هواي بس ساعتين وشوف شلووون يلزكون لزززكه على الباب ويجدون الفلووووس ويشمروهه لرجليهن

ولك بابه هاي شغلتنه لاتكعد تحجيلي عليهه

صنف صننننف اعرفهم  من اول حجايتين

واعرف منو  ادزله 

- يجوز صدك حجيج كلشي يصير بهالدنيا

- مو يجوووز عيوننييي اكيييد ميه ميه

- زين انتي شمعرفج بيهن شلون راح يفدين هذا وذاك ؟

- هههههه لك عاجنتهن بايديه هذني مرضعهن اعرفه منين وقاريتهن قرايه

وكلشششييي اشوووف وادررريييي شلون متريد تفهمهه بعددد افهمهه

ضليت فاك عيوني عليهه وهي تاكل باللهانه والضحكه بوجهه ..

دك تلفونهه وجاوبت كبل ضحكت وسدته

شمرتهه بصفهه وكالتلي ..

- راحت المسعده وهي الممنونه

- راح يعذبهه ؟

- مادري بعد ليلتهم مباديه

لك بابه شكو خايف عليهه ترا عادي هذا مياكل بشر بس يريدهه تتوسل بي وتخلي ينفخ ريشاته ويحس هو جنتل مان وهايهيه فضت وراحت هي تعرف شغلهه ترا مارايحه ضحيه للافندي

تعرف شلون تتعامل وياه لا عبالك ثوله بهالسوالف هنه ثولات بس وياي يصير كدايش يم گواويدهن يفتحن عشره عشره

- وااالله مادري بعد سالفتكم ادوخ

- دعووفهه عاااد اووووي لعبو نفسسي

شلون جانت مفتوحه شهيتي للاكل من انطاني صخر الصينيه بطني كامت تقرقر

بس هذني سدن نفسي كلشي مااكلت

- ياااصخر !! هذا الصبح اجاج فزعه !

-ايييي اكو غيرره

- شجابه هنا !

- ااانييي رحتله

رحت مريت عليهن اشوف شصار ماصار

وهو طلع جابلي العشه اخذته ورجعت

- هذااا هم طليييي

- هذا طلي بس الييي ويه البقيه مهموش

- وين لكيتيه هذا !

- هو لكاني اني اتعرف على هذول الطليان بمواقف فجأه وبعدين اضبطلهم شويه

اشوف خناكهم منين والزمهم منه واخليهم  بايدي طليان اسرح بيهم وكتتتت مايعجبني

- ههههههههه ساااايكه على الوادم

- يطبهههم مرض همه ماعدهم شخصيه

لو واحدهم زلمه حوك اكدر افك حلكي وياه !

بس همه خنايث عيطتين ويخنسون كدامي

مو تاخذ على نفسك تره اني وياك ميانه يعني

ماحاسبتك مثلهم

- حتى اكسر راسج

-لاااا من صدك انته اول واحد احترمك

يعني مخليتلك قدر عندي شويه ماحب اجفص وياك

لان مداريني

همه هذولاك هم مداريني بس يغدرون اذا غفلت عنهم كبببببل ينكلبون قروده متوحشه

راحت شالت الصينيه وغسلت واجتي تكولي ..

- تره ماعندي جاي هنا حتى قوري ماعندي

فيعني ماكو جاي اليوم دبر نفسك بالببسي

- ههههه شلون ام بيت انتي وماعندج قوري

-اييي ماعندي شسوي بي

رحت اغسل واجيت لكيتهه مكعده كانيور بحضنهه .. كلتلهه..

- تره ميصير هيج حاضنه وتشمشمين بي

لتتمرضين منه هو حيوان يضل وصخ

- دروووح ولك كوووني انظف من وجهك

- هاااااااه

- لك هذااا ترباه ايدددي معلمته على النظافه

اذا صار برجليه طين يضل يحوووص الا يغسل

وملقح ومياكل شي وصخ كوله نظيف وتازه

ومياكل من الكااااع لو يموت جوع الاااا بماعون خاص لو كلينس

وبااايدي اسبحه بااارقى الغسولات وانشفه واشمسه

بعد الوصخ ويييين !!!

- حتتتتى لوو بس يبقى جسمه يشيل جراثيم

-  غير اذبح رووووحي اذا صارت بي جرثومه يممممه اذب حااالي ومالي عليه واطيبه من الجارثيم اخلصه

لك روووحيييي بهالجلووووب اذا يضوج انييي اضوووج واتكأب مااداري روحي مثل ماداريه

- وااالله عمي مسودنه بالجلاب انتي بعد شكلج

- بسسس كاااانييوووووور حوووبي بس هو

معليييته ومغليته والباقي عجين لايده خليته

ضليت كاعد واضحك على خبالهه ..

وانداريت عليهه اباوعلهه شلون تطخ خشمهه ويه خشمه .. وتضحك ..

كلتلهه..

- ريري بالي فد سؤال

- شنو

- مو عندج فلوس و واسطات وخبصه

ليش ضليتي كاعده هنا ؟

يعني شعجب مااخذتيلج بيت بزيونه حواليها منا منا وتاخذين راحتج هناك

- هنااك يضلون يستشرفون براسي ولد الماما

وااااني دج سجين بكلبي ولا تستشرف براسي

هنا كاعده ويه اصلي وفصلي وكلنه نفس الخيسه محد يرفع خشمه ع الثاني

- زيين زييين

مااشتريتي بيت او كاع بااي مكان

- لااااااا شكووو داشتري !!

من درزن جهالي اليورثوني واشتريلهم واعمرلهم

هووو بطرك روحي عايشه المن ياحضي

اجيب واجمع واشتري بهالكيعان تضل بخت الورثه المادري منو يصيرون

مووونسسسه نفسسسي بفلوووسي وراسي بارد من فلان وعلان

- الله يزيدج

- اييي

اكوولك راح اخذ كوني وانام تريد تسهر لو تجي تنام ويانه

- وووين تنومي هناك بفراشج !

-لعدددوين اعوفه ينسمط بالحر بره !

بحضييننننييي انومه وليداااتي

ميعجبك لتجي نام هنا احسن

شالته وراحت للغرفه وانه ضليت بس اتأفف

شويه وصحتلهه..

- يعنييي عفتيني اتصفن بالحيطااان غير تسهرين ويااااي تدريني توني كاعد من نووم

ماردت وانه ضليت متمدد واكلب بالفيس

جان تجي بس انداريت باوعتلهه وشفت وجهه الاحمر المكلوب كعدت على حيلي

وكلتلهه..

- شبيج ؟ عركه ثانيه !

باوعتلي بعيونهه الناطه .. وخابرت كبل كالت ..

- نوووومههه مثل الاوااادم كاااااافي حيونه

غصباااااا ماعلى راااسك تسمع كلاااامي لاا اسحلك واهجولك انته والخلفك

سدته بوجهه وضلت تفتر وتخابر وتفشر

مرتين تلاثه جان ردو عليهه كبل كالت ..

- جمييييل هسسسه تشيل تلفووون وتنعل الخلف هالشكولات الدزيتهم

لتنااااااااقش خااابر هسه يلااااا

سدته وضلت واكفه وتفرك بوجهه

وفتحت فيديو ماسمعت بس صوت ضحك الولد ورجعت سدته ..

دك تلفونهه وجاوبت بسرعه ..

- هاااا

ديلا شكرا روح تعبتك

سدته ورجعت خابرت ..

- اسممممعنيييي زييين حرررف حرررف تنفذه

ركبتك بايدي تره بس تميل وتعيل ااااكسسسرهه الك

باجر بالسبعه الصبح اريدهه بالطوايل تشمروهه وتولون لاتشوفوني جهرتكم

ااااانيييي حدزلك واحد يستلمهه يلااا لتنسى

من السبععععه اني هناك واريدك بس اررريدك تتاخر

سدته وشمرت التلفون وصاحت ..

- موووو كلتلك اقفل المهجووووم ليييش تنسسسى

- تلفووونج هووو اننننه شكو واقفل واتذكر

تذكري انتي وقفليه

- اووووووف اووووووووف

ضلت تفتر تروح لباب الهول وتجي لباب الغرفه واصابعهه صارن دم حمر

جان تكلي ..

- حيدااار اخذ كانيور واطلعو

- ووووييين اخذه بهالليل

- اخذذذذذذه ورووووح لاي ديره كشره روووح لتضل يمي اخذه ورووح

- هاااااي شبييييييج

ماردت وراحت جابت كانيور وخلت السلسله بركبته وشمرتهه الي وكعدت وكمشت راسهه

- روح يلا

- ريري شبيج

- ماريد اشوفك روح اطلع فد ساعه وتعال

مجاي اطردك بس روح تلفت اعصابي تره

- اضل يمج ميخالف ضلي صيحي وتهدين

- ماريدك روح

ضليت اباوعلهه وهي مركزه عينهه عليه ومترمش بس تأشرلي بحواجبهه اروح

اخذت كانيور وطلعت ضليت واكف باب الشارع ..

وبعدين اتمشيت  بالفرع وهذا مجلوب بالكوه مسيطر عليه ..

حتى تلفوني ماخذته وياي دايما بالشغلات الصعبه انساه ..

رجعت كعدت كدام بابهه .. وكانيور يضرب بالباب ويريد يعبر جوه وانه اجر بي يجفت عليه وادفعه ويروح للباب تالي هي فتحته

وكبل شالته وطبت جوه ..

طبيت وراهه وانه اكللهه ...

- مجلووووب هذااا شلون تسيطرين عليه لج الا شويه وياكلني وييين الالفه البي ومربيته

وحش وحشش جلبج

سكتت وانه اشوف المكان صاير طحين

المرايه الطويله مكسره والطبله مكسره

الساعه مكسره والكزاز مفروووش بالكاع من طول للطول ...

وهي بشحاطتهه مشت عليهن وراحت للغرفه وقفلت الباب ..

ضليت صافن هاي ليش هيج هجمت البيت !

اعصابهه تلف فدنوووب !!!

دكيت عليهه الباب وكلتلهه..

- ريري افتحي احاجيج

افتحي عيني فهميني شبيج

ليش متحجين.  ؟

سكوتج مارتاحله والله تعالي صيحي هنا خلي افتهم شصاير

ماردت ابد ..

اجتني رساله على ماسنجر رحت شفت تلفوني . . وهي دازه ..

- راح اعوفلك الباب مفتوحه بس فد ساعتين وتعال هنا نام

وعوف كلشي لتمد ايدك عليهن باجر يجون ينظفون الصبح عادي لتهتم

- اريد احاجيج افتحي اريد اشوفج

- اريد انام

دزيتلهه بعد وهي طفت النت عدهه

ضليت كاعد وافكر بسالفتهه ..

هاي مسودنه ! لو مقهوره ! لو ماتتحكم باعصابهه ! شبيهه ؟؟؟

ضليت كاعد بره ومن عبرت الثنعش

يلا طبيت ورحت فتحت باب غرفتهه

ولكيتهه فارشتلي بالكاع

بس خليت رجلي بالغرفه هذا كعد ويباوعلي

كلتله ..

هاااااا متنااام !!!

اندار وخله راسه على ظهرهه وكل شويه يندار يباوعلي ويرجع ينام عليهه ..

تمددت وضليت اكلب بالتلفون لحد مانعست ونمت ...

فززتني مثل كل مره الصبحيه وهي تطركع بالغرفه وتصيح اكعد عاااد ..

بس فتحت عيني شمرت عليه ملابسي

وتكلي ..

-يلاااا ورانه طريق تحررك كوم غسل والبس بساع

-ويييين بعد ولج والله شليتي حالي

- دكوووووم شكد تنك

-اووووف رببييي صبرررك

كمت غسلت وبدلت وهي لبست بنطرون اسود وقميص اسود و رافعه شعرهه بس كذلتهه نازله .. وتمشي وتخط بحمرتهه

كلتلهه..

- منو نظف ؟

- بنات

- شوكت اجني ولج توهه يلا بالخمسه !

- من ادك تلفون يكمزن من فراشهن ويجن لتدوخ نفسك كم مره اكولك لتدوخ نفسك وياي

- عجيييب

- امشي يلا تاخرنه

طلعنه وهي خبصتي بسرعه وبسرعه وكلهه

ساعه وثلث وصرنا بالطوايل ...

وبدات الاستجاوبات ...

كل مترين جماعه يوكفونا .. تكللهم

-طرررريق لباااجي سوو يلااا مستعجله

وهمه يضحكون ويوخرون بس بكل شارع نعبره اشوف العيون كلهه على سيارتنه تصير

كلتلهه..

- شكووو هناا شبيهم

- شنوو شكووو مسامع بالطوايل هم !

- لاا سامع بس ماجاي هنا

- وهسه اجيت وشوف بعينك ماضل احجيلك هيج وهيج مالي خلك

- يلااا شدعواج من الصبح روحج بخشمج

ضلت تتافف وتباوع للساعه وضلت تدك هووورن وانه اوخر ايدهه وهي تدك وتأشرلهم يوخرون من طريق

لحد ماوصلنه بيت بجوله ويمه بس بيتين

مسيجات بسيم وجادر نايلون احمر ..

نزلت بسرعه وفتحت الباب وطبت

قفلت سياره ورحت وراهه جان تكلي .

- ضل بالباب

-ليييش

- حيدااار لا كل شي وليش وشنو

روح هنا مو مثلك الناس روح ليجلبون بيك

- هههه شبييييج شيجليون بيه !!!

بنيه اانه !

- يبوووو

ضل بس الزك بيه ضل يمي واليحاجيك ويكلك ذهب تعال وياي كوله ولي مني

فهمممت لتتحرك من يمي

- اييي يلااا مو شايفتني زعطوط وتعلميني

امشي عاد خلي نشوف تاليهه وياج

طبينه جوه للحولي مال بيت  وشفنه رياجيل اثنين كاعدين يتريكون وكبل كامو سلمو

وهي ترد من وره خشمهه ..

ضلت كاعده وانه يمهه كاعد وهي تخابر

وبس اسمع اليلااا منهه ..

سمعنه صوتهم من بره وهي كلتلي ..

- لتتحرك عوفهم ..

شويه وطبو اثنين ولد الي اجوي البارحه بس مو بلبس العسكريه .. بالتراكسودات

وياهم البنيه ورابطين ايديهه بحبال

وملبسيهه مال ولد مبهذله بيهن ..

دفعوهه بالكاع وراحو بلا كلام ولا سلام ..

ضلت هي تباوعلهه وكامت فتحت ايدهه

واخذتهه كومتهه واشرتلي اجي وياهه

اخذتهه لغرفه وكعدتهه على جربايه

وانه ضليت واكف يم الباب ...

راحت كمشت وجهه وكلتلهه..

- ليش سويتي بنفسج هيج

ليش تخليني اجرم بيج ؟؟

كوله علمود الفلووووس !!!

خسرتي شكد من قيمتج علمودهه

مو جنت مخليتهم يتوسلون حتى يحصلون رقمج مو يحصلوج

ضلت البنيه تبجي وتصيح ..

- اكررررررهج اكررررهج انتتتتي ازززززبببببل انسسساااااانه انتتتي شيطااان

اكرررررهج للللمووووووت ماااا انسسسى سوايتج بيه

انيييييي كحبه وانتي هم كحبه مثلييي واكثرررر منييي

اني احب الفلوس وانتي تعبديهه

- وووولج اااااني كواده وكحبه ماصله

وربي الفلوس والخدم والحشم وشيطان مثل مكلتي بس مووووغبيييييييه

هذااا الفرق بيييننننننيييي ويينج

اوووكيييي

اني اعرف مصلحتي وييين

انتي تمشين برجلج للموت

المهههممم هسه اني ماجايه اتعاتب ولا اتعارك وياج لان ماااالي خلك روووحي مو عاد احملج

بس اجيت اكولج هاااي فلوووسج

خمس اوراق مال الشهر مااكلهم عليج

وورقتين زياده مني حتى متشوفيني بعد وجهج

هالمره سويتلج جره اذن مره الثانيه انهيييج بس تندكين بيه

ولو تهاااجرين وتولين تنكشرين بااااي مكااان

بهالدنيا هممم اجيبج بسسسس اسمعلج حسسس لوو اشوفج تندكين بيه من قريب لو بعيد

فحبابه انطيتج فرصه ثانيه وخلصتج من ذولاك الكواويد روحي ذبي كلشي وره ظهرج  وعيشي وحدج واخلصي مني اني الكاسره ظهرج ومدمغه عليج ومجوعتج ومخليه حااال الضيييم حالج

روحي اخلصي مني وهاي فلوس تكفيج شهر وانتي دبري روحج بعدين مو صغيره تعرفين تعيشين وحدج زيييين حبااااابه

واذا يعجبج تضلين يم هذوله ضلي

بعد انتو كلكم نفس المله تتراهمون وهمه يكيفون عليج صاحبه خبره راح يدفعولج اكثر مني بالليله

ضلت البنيه تصيح وتدعي عليهه وهي طلعت وعافتهه ..

رحنه للسياره وكلتلهه..

- شبيييج وياااههه يمعوده

- حيدااااار

- ريررررري البنيه مزوركه وبالكوه مشت

وانتي السبب ليش هيج تقسين مو بشر هاي

- بشرررر هاااي بشررر

لك هاي تريد تكشول البنات العندي وتاخذهن تبيعهن لتجار الاعضاء

دتفهههههم اااانييي من شنو خلصتههههن

جان هسه هنه شاردات وهناك يخلوهن يبوسن القنادر على لكمه وشربه المي

وتالي يحطوهن يشرحوهن وحده وحده

يكصصوهن وصل ويضموهن بالمجمدات

ويبيعون الشبر منهن بالملااااييين وهاي تحط بجيبهه وتشرد وتعوف دمايتهن  للركاااب

لك بابه انته متفهم احننننه ويييين عايشششين

هناااا مافياااات حبيبيييييي

بوجهك صديق وبظهرك ثعلب

هاااي وحده الغباااااء مصبوب براسهه صببب

رايحه بايعه ذهبهه ومنطيتهم الفلوس حتى تسوي عقد وياهم وينطوها دفتر على كل بنيه

وهذنيج ثووووووولااااات اااااني ملفيتلي كدااايش ماااعدهن عقوووول

كبل كيفن وصفكلهه راح تطلعينه راح تسفرينه وتشبعينه فلوس وسفرات وفلل

ديلاااا خليهن هسسسه مسمووط ابو ابوهن

وهاااي دااااحت بعد منو يلفيهه

هسه هم اتلفس العدهه وتضل تلملم زبايل

خليهه حيييييل بيهه وااابو زاااايد

مو وجوه نعمه وخييير

لك جنت معيشتهه بنصصص الخييير

ملاايين اصرف عليهن بالشهر بس بالصالونات واللبس من عدا التلفونات والاكل والمصرف الاحطه بايدهن الخايسه

وتالي متاااالي اطلع ااااني الشيطاااان العادمه عيشتهن

ااااااخ اااااخ متندددمه على كللللل فلللس صرفته عله حلوكهن الجايفه

لفيتهن وسويتهن  مثل الكمممر

وتااااليههه يذممممن بيه

بسسسس الاااا اتوووبهن واحرمهن من كل شييييي خليته بايدهن ديضوكن الضيييم وعيشت الفكرررر شلونههه

من صوتهه العالي وحجيهه اليصلي

صلي انسطرت بعد من يمي تعبت ماكدرت احجي شي

وهي تدخن جكاره وره الثانيه وتشمر بالشارع

دك تلفوني وباوعت هذا عادل اخويه ..

جاوبته وكالي ..

- هاا خويه شلونك

- الحمدلله بخير ونعمه شلونكم انتو

- بالنه يمكم شصار ويه الاهل زينين لا

- اي يعني شويه

- ااانه جااايكم لبغداد وياي الحجي كال عيب لازم نسلم على اهلهه وناسهه ونشوفهم

كطعت الخط وباوعت لريري وكلتلهه ..

- ابويه وعادل جايين علينه بالطريق

.

.

.

يتبع

💕

هلووو حياااتشششي كولكم شلونكم 😄💓

نبدا بالحب الي بالقصه عدنا مستر كانيور

سيد حيدر كجسم هذا

وكشكل وشعر بصوره اقرب مثل هذا

بس اسمراني وهو ميلبس قوووط كله سبورت مثل الفوك هذا ستايله الابدي ..

اقدملكم الست ريري الي تضل كل عمرهه تلمع لمع ..

ملوكه مثل ما وصلتني صورتها من تعليقات الفيس وجابتهه بالمضبوط ..

السيد حسنين ... اختاريتله صوره من دون عمامه وكذا حتى مانسيء او نوصل اهانه لهتلاشخاص ونبتعد من هالانتقادات الي اكيد نواجهه ...

اقدملكم هسه طنطول ( ام سيف ) ..

وهم مااقصد الاهانه لاي احد بس هو تشبيه

و الحنفيش ( ام فاطمه )

ومااقصد اي اهانه رجاءا لتفهموني غلط

بس لازم انزللكم تشبيه واذا ضجتو امسحهن عادي

بقى هذني البنات الاثنين تعرفوهن بالبارتات الجايه ..

وشكراً 😄🌷

..♣️🩸 ماء مغلي 🩸♣️..

* adzzon *

كطعت الخط وباوعت لريري وكلتلهه ..

- ابويه وعادل جايين علينه بالطريق

ضربت على رجلهه وكالت ..

- صخااااام الصخمك ولك شعدهم جاييين

- ييييييي غير كلتلهم عمج مريض واجينه عليه

-وااانته مافكرت من حطيت عمي بالنص

منين اجيبلهم عم هسسسسه

- دبريهه ريري فكري بحل

- هو انتو تصخموهه وتعزوهه وتجون حليهه ياريري

اوووف اووف شعدهم اجوووي شعدددهم

احد عاتب عليهم ! ابوك مو مريض شجابه هنا

- لاتنسين همه ماشايفين احد من اهلج وتضل بالهم فضول يعرفوهم

واهلنه صاحبين واجب

- راح ينهجم بيتنا بهالواجب مالكم

لك وين اولي بيهم هسسسه اني محد يدري بيه تزوجت وصخمت افضح روحي كدامهم هسه !!!

- استغفر الله يمعوده شغله ساعتين بس دبريهه رحمه لاهلج تره نروح بيهه والله

ضلت ساكته وتكلب بتلفونها وانه الطريق بالكوه اشوفه انشدهت .. وتلفوني قفلته

وانتظر منهه حل ...

تالي  كلتلي ..

- دبرتلك اهل حبزبز

- شنووووووووووه

- شسويلك هذا الموجود مافضح روحي يم البقيه هذا حبزبز حرف يطلع منه اكفخه واسكته

- وهو هذا هم عنده اهل !

- عنده شبي لعد

- وينهم لعد اهله مسيبيه

- هو ميكعد راحه واني اخذته ضبيته يمي

شبعت اهله فلوس وربطته لشغلي وفضت وراحت

يلااا هسه اطلع كبل للبيت خلي ابدل ويجي هو ياخذنا لبيتهم

- ريررري انلاصت وعلييي

- الجذبه الوحده يحتاجلهه تسعه وتسعين جذبه وياهه يلا تضبط فعادي مصار شي

هسه نطكطكهم ساعتين وناخذهم ونرجع للنجف وفضت وراحت يلاااااا دوسلهه عاد لتضل فاهي اكسر بالسير وفضنه

سوينا الشارع مغالب هي دوس هورن وتأشر يوخرون وانه اسوق لحد ما وصلنه للبيت

وركض ركض بدلت ولملمت غراضهه

وقفلت وطلعنه ويه حبزبز ..

هو يسوق وريري ويه جلبهه وره كاعده

وانه اخابر بعادل ادليه البيت ...

وصلنه بيتهم وجنت خجلان من الناس شكول شحجيلهم !!!

بس ريري ضبطت كلشي وياهم

لمتهم امه وابوه واخوته اثنين توهم شباب

وكعدت حجتلهم ..

- هسه انتو منووو عمي ومرت عمي ولد عمي زيين

عمي انته مريض عندك جلطه وطلعناك اليوم من المستشفى وهيج دبروهه دبروهه زين

عيوووونييي

و سوي نفسك تعبان فد نوب حتى لا تضل تحجي ومتدري شنو السالفه

ضل الرجال يضحك وهي اشرت لحبزبز بس خزرته وهو كعد يم ابوه يشاوره وبعدين كام رتبله مكان ونومه وهي تصيحله

- حط خاولي وحط دوا لملم شعندكم حطه يمه

غطيه  زين

وانه من خبصتي مادري اضحك على حالنه مادري اخاف من الجاي يصير ووين وديت نفسي !!

دزته يجيب غدا وضلينه ننتظر باهلي لحد ماوصلو .. طلعت تلكيتهم ووياي ولد اخوه حبزبز ..

عاتبت ابويه ليش اجه وتعب نفسه وهو يكلي

اريد اشوف نسابتنه بعد هذوله من اهلنه صارو ولانعرفهم ولا يعرفونا

كعدو وانه متوتر اباوع لريري والعرك يزخ من وجهي وامسح بي ..

والرجال مسوي نفسه فدنوووب بس يأشر ويحجي كلمتين وياخذله صفنه ويحجي كلمتين نوب ..

ومرته هي الي تحجي وتجامل واجه حبزبز جايب الغدا وصاح ريري راحت وياه وضلو يرتبون سفره اثنينهم ..

كعدو اهلي واهل حبزبز ونتغدا بس انه مشدوه حالي احس راح افضح نفسي بنفسي

لما كمل الغدا وشربنا الجاي انه استعجلتهم حتى نرجع وخبصت ريري يلا ويلا

وهمه استحو بعد وكامو

ولما طلعنه من المنطقه يلاا اخذت نفس براحه ..

بقدره قااادر انسترنا اليوم وعدت على خير

وصلنه نص المغربيه لبيتنه .. وبس سلمنه على امي ورتبت كعده ابويه اخذت ريري وصعدنا لغرفتنا ..

ذبيت روحي على الفراش واكللهه..

- يااااااابوووووويه تعببببت وعليييي

احس روحي جنت اجاهد

بالحسين هاليومين بعدال شهر صارن عليه

كلهه ركض بركض وحركان دم

- ديلااااا هسه هو شصار وخبصت الدنيا

تره عادي هاي الركضه عندي زلااطه

- بوويه انتي حياتج اكشن انه رجال مسالم وعيشتي كلهه هدوء

راسي مسطور تره احسه راح ينفجر ممتعود هلكد هوسه

- ديلاااا نااام

راح انزل اسبح واشوف شسوي عشه

خلي اخابر هاي تكولي شطكطك بالمطبخ هسه

- منو هاي ؟

- ام البصره  الحووك تكفلتني بالطبخ

خلي اشوفهه شمسويه عشه واسوي مثلهه

عفتهه تخابرهه ولفيت راسي ونمت ..

تالي كعدت على صوت تلفوني هي تخابرني

حتى انزل اتعشى ..

نزلت تعشيت ومن جاي اشرب جاي كلتلي

ريري ...

- حيدااار تره اليوم اجني نسوان على طنطول

- منين ماعرفتيهن

- امك كالت هم اجني قبل كم يوم مدري شعدهن من فاينه

- هاااي شلون النوووب نلحك النسوان !

- يبووو

عيشه الكشره

جيبلنه الكاميرا باجر مو تنسى

- هو ششتغلت انه صارلي يومين كاعد

- انطيك اني وفضنه

-ماااريد

- وتاااالي وياااك لتخليني اوصيهن واحطهن بحضنك وغصبا ماعليك تاخذهن

- وعلييييي اكسرهن فوك راسج

استجلي عاد لتلحين

- ديلاااااا اوووكييي داشوفك شوكت تدبرهه

وتفضنه

ضلينه ساعه يم اهلي وبعدين صعدنا

هي كبل نامت وانه ضليت على الحاسبه سهران ..

وصرت اسمع صوت الدبيج فوك بالسطح

هم رجعووو

ضليت اتعوذ من الشيطان واقرا ايات

وريري فزت على هالصوت ..

- لك هااااي شكوو انهجمنا شكووو

- عادي ماتعودتي ؟

- يبووووو ياحيداار يبوووو

لك اريد انااام شلون بيه

- نامي ماكو شي

- فوك راسي يدبجون شنو ماكو شي شبيييك

- خلي سماعات باذنج ونامي

- وشسمع بله ؟

- اسمعي قران وتنامين

- ماااريد

- لييش ولج

- ماريد بكيفي عوفني اشوف جاره لنفسي

اندارت وخلت مخده فوك راسهه وضلت تحوص ..

ضليت اسمع صوت تركع شباك السطح

وهي فزت وجلبت بيه ..

- لك ويين رايح

- اسد الشباك ليكعدون الجهال خطيه

- ولك ليجلب بيك واحد من هالصخايم

اكعد عوفه خلي يولي

- لااااا صوت يقلق خلي اسده واخلص

جريت ايدي منهه ورحت وهي لحكتني

اباوع ماكو شي هنا بس شباك يتركع

سديته وتأكدت باب السطح مقفوله ورجعنه للغرفه ..

ضلت لازكه بيه ونايمه وانه اشتغل بالحاسبه

لساعه تلاثه طفيت ونمت ...

ثاني يوم  طلعت لشغلي وكدرت ادبر فلوس زوج كاميرا بس ..

اخذت بس لغرفتي ..

ورجعت بالليل شديتهه بزاويه الباب وخليت عليهه سندانه ورد صغيره .. خليت وحده هم بالزاويه الثانيه صارت مرتبه السالفه وممبينه  ..

ربطتها بحاسبتي وعلمت ريري على الرمز وشلون تفتحهن وتباوع ..

وضلينه بالليل نشغل التسجيل ونشوف مال اليوم كله ...

ماشفنه شي غريب كلشي عادي بس ضلينه نتابع وهي تفردش بالبيت وكلشي ماتلكه ..

يوم الجمعه بالمحل العصريه وخابرتني ريري ..

- اكولك متروح للسوك تجيبلنه معلاك داشوي لاهلك يتعشون وجوهم مصفره مثلك معظمين

خلي ننطيهم حيل باللكمه

- عفيييه شلوون تداريهم عفيه بالسبعه

- اييي ديلاااا بلا لواكه

جيبلهم وتعال يلا

- تره عدنا بالمجمده تلكين من ذبحنه بقن محد اكلهن

- اييي ادري بس طنطول ماخلتني اخذهن

جان اكو الكلب ردت اخذ منه نص بس هي كلتلي

لااا عيني لااااا هذا مال عااادل عوفيه لتمدين ايدج عليه

كلتله ديلااا معايزين حجيب كيلوات وتازه

هم

- ريري

-هاااا

- عادل مياكل شي بي دم هيج تلعب نفسه من ريحتهن

- عزاااا صدددك تحجي !!!

- والله متشوفيني كلتلج محد اكلهن ضالات

ادري اخوتي يتخبلون من هالشي لان تضل بي ريحه دم وهيج تلعب نفسهم ولو تغسليه الف غسله مياكلوه

احنه كل مره من نذبح نوزعه لو نخلي لابويه هو يحب ياكله بس اخوتي ميحطوه بحلكهم

- لعدددد هااااي شبيهه تخبلت عليه بس مديت ايدي على المجمده !!

- شوفيهه ريري اكيد بالهه شي

- دروح هسه جيبلي خلي اسويلهم عشه واني حكعد انبش بسالفتهه

- ماشي

سديته وكملت شغله بايدي وطلعت للسوك

اخذتلهم المعلاك ورجعت للبيت انطيتهه وهي كلتلي ..

- امشي دنحجي

- تعاي بره نوكف مابيه اصعد.

طلعنه بره وكلتلي ..

- تره لا كلب لا مصارين لا صخام موجود بالمجمده

- دورتي زين !

- ايييي نبشتهه نبش

خليتهه تصعد لجهالهه تكافشو واني دورت بس كلششي ماااالكيييت

وهاي من درت بيه اريد اسوي مشاوي لاهلك وفتحت المجمده كبل اجتي وخرتني وسدتهه

وتكولي مال عادل وهو جذب كلشي ماكو هنا

- خرررررب ويييين ولت بيهن !!

- هنه هالسوالف يفيدن بالسحوره؟

- رب اليفيدن

لج هذا الكلب ياخذوهه يخيطوه خياااط

بالسيامه والابر والبسامير ويلعبن بالوادم لعب بي

شايفته شكد غالي يبيعوه هيج كامل يتوسلن يلا يحصلنه بتميته ما مكصكص

- عزااا بعينهن

وهاي مصخمه شعدهه بي ؟

لك خاف تطلع هي الي تسوي السحوره !

- شمدررريننننيييي

نعلى عليييهن

النوب شمدريني ياهي من هالنسوان اله ايد بالسالفه

ريري مو كتلج عينج عليهن وين جنتي متكليلي

- اييي يعني شصير تنظيف وطبخ ومداره

وهم عيني هنا وهنا

وهنه شيردن يحجن كدامي يعني ؟

كلتلك حط كاميرات وفضنه البيت مفارغ واني اتسرسح بي وراهن بكيفي

- استغفررر الله

صبر يمعوووده صبرر

راح ارجع للمحل

- متبقى تتعشى ويانه

- مااريد

عفتهه وطلعت وضلت بالي هالسالفه

اريد افهم وين توديهن ؟؟؟

شتسوي بيهن ؟؟

شعدهه ويه هالنسوان !!

رجعت بالعشره للبيت وحتى ويه اهلي ماكعدت كبل صعدت لغرفتي

تمددت واجتني ريري ..

- شبيييك شكلك يتلاطم

شكوو مدلغم

ولا اكل ولا شرب شجااك حويدر

- تعبان

- شكو تعبان ؟ شو من تبريد لتبريد بعد وين الحر وتتعب وكاعد على ميزك ومرتاح

شكو هالوجه المبوم منين جايبه

- ريرررررري

- هاااااا

- راسي يوجعني مابيه حيلج لتضلين تنكين

- هسه غير افهم شبيييك

درت وجهي عنهه واجتي كعدت بصفي

ودارت وجهي عليهه وجرت عيوني وتكلي ..

- لك بيك جفاف انته دشوف حالك شصاير بي

عيونك بيييض مابيك قطره دم

- مابيه شي انتي توهسين

-لااااا بيك لعد شكو راسك يوجعك ودومك مابيك حيل ومالك خلك

ورايح مصوفر صاير هالكداتك

- ريررري مابيه شي بس ضايج عوفي جسمي عوفيه

- ديلاااا من حووووره هسه وخايف عليه

احجيلي شبيك ضايج ؟

متعارك ؟

-لاااا ولج من هالصخايم

- يبوووو شكد بايخ

لك بااابه لك بطلهه هالنانسي البداخلك موتهه وخلصنه

هسه شكو تضوج ع اساس متدري بيهن

عبالي شو شبيك طلعت تتنكرز

- ريري عوفيني فدوه اروحلج عوفيني

- اكووولك صدتلك فد خبر الا يصحيييك عشره عشره

- شنوو

- الاحجار  لكيتهن

- علييييج علييييي وين لكيتيهن

- صحصح واكولك

- مابيه شي بس كولي وين !! وينهن هنه جيبيهن !!

- مو عندددي

- جا ووووييين احجي لتبطين كلبي

- يم سيف

- عليج علي !! سيف ماخذهن !!

- اييي حسب ماااشفت يعنيي

صعدت داشر ملابس اهلك وجانن هالصخايم كاعدات يم حبايبهن وقافلات باب الهول

وسيف افندي جان يسبح

طبيت لغرفته انييي هالولد مارتاحله

كلت داشوف شكو ماااكوو

- اييي

- وعينييييي اشوفلك شغلاااات توكف العقل 

مدري شلون امه مامنتبهه عليه

لك عينييي كوووله اوراااق  اسحااار وطلاسم

وكوووولهه من هاي القديمه المصوفره ومطكعه بالدم

تدري وين داحسهن !!

بنص مخدته  بس هنه صغار وقليلات كم وحده يعني

والاحجار لكيت داحسهن بنص الحذاء

وداحس الحذاء جوووه الجربايه بالاخير

عينننييي واشوفلك هههيييي اشوووفلك

جيس بخور هالكببرررره ريحته تلعب النفسسس كله ترااب ووصخ طلعت هاي امهم حتى غرف متمسح عايفتهن متلتلات وصخ وجيفه وشعر وزباله مدحسه اييييييييع

عايشين بنص الجيفه والزباله

- ولج صدددك تحجيييين رييرررري

سيييف  عنده كل هذاااا !!

- وعنددده بعدددد

شوف وين مدحسهن بس مالحكت افردش بعد

سمعته يعطس  بالحمام كلت يجوز كمل وراح يطلع

فكبل نزلت

بس بعد هم اخذلي عليه فره

- لاااااا ياااااااااالله

لك ليييش هيج سيييف ويييين وديت برووحك

- طلعنه احنه ناااايمين ورجلينه بالشمس

ابو السحوره صغير البيت المدلل

- لاااا ممعقول ريري هذا جاهل شمفهمه

بيهن

- كلششششي توقع بهالدنياااا حووووبيييي

لاتكول ممعقول كلشي اكوو بس انته مطفي

شويه

-هااااااا

-ديلاااا غلسسس

هسه اني اريد الكالي طريقه اشحت بيهه

هالفارات كل شويه وناطات شعندج وشعندج

رادن يفضحنييي

لو ما دازتهن للمحل وعبيت بحلوكهن حلويات بفلوسي جان راحن شهرني

- يبوووو النوووب هالجهاال علينه

شلووون ياربي شلووون

- اكوولك مانديحهم من البيت فد يوم

ماترهم يطلعون منا منا

- ماكو شيطلعهم كلهم

- لعددد شلووون اريد افتش غرفه سيييف

اكييييد اكو بعد صخايم عنده

وهذا شلووون المعزااا لكطهن بغرفتنه واخذهن !!

- لج شمدرررينيي بي ااانه مااشفته صعد

ولا تزحزح من مكااانه

هو من ابوه موجود يخنس بعد مايتحرك

شوكت لحك يصعد وياخذهن ماادري !!!!

- تبين بعدين نفهم شيسوي ميسوي

بس خلي كاميرا على غرفته وجهه دنشوفه وين يروح وشوكت شيجيب وشيودي

- اييي ان شاء الله اجيب هالايام

- اجيبلك اكل ؟ ما جعت ؟

- لاا كلشي ماريد

عافتني ونزلت وضليت انه افكر بسيف

شلون سوا هيييج ؟ شوكت اخذهن ؟ ليش ؟

شدلاه بيهن وبهالدروب !!!

وره شويه اجتي ريري وجايبه صينيه

بيهه ماعون ركي وبطيخ وماعون عرموط وعنب

كعدت يمي وتكلي ..

- حط بحلكك لكمه لا تسلني بهالمشتهى مالتك المصفر

لك يرادلك حيل يابو حيل داتكدرلهم مو تضل خاويه روحك وبسالفتين تخرب وتوكع

- ريري ااانه بحال اكل !

هوه اليسمع هالحجي بعد تصيرله نفس للاكل !

- حتىىىى لوووو تااااكل غصبا عليك تااكل

وكعت وخربت واخذتلك يومين نايم بفراشك

والمرض والقهر كاتلك

شكول شحجييي

اضل اهورف هنا وهنا وحدي بلا فهم ولا علم !!

غير تضل وياي تفهمني شنو هذا شنو ذاك

تعلمني شسوي ويه هالمكاميع

مو تصوفر الوجه وتتمدد بفراشك واضل حايره بيك

- وااالله مابيه شيييي بس نفسيتي تعبانه منهم

- اييي واذا نفسك تعبانه .. تاااكل

مو مال تنكرز هي

شغل عدنا حرب هنا والحيل مريود

تعود عاد ولك تره راح تكضيهه صدمات باهلك فلا كل يوميه ونفسك تتعب

شويه تلحلح وتلاحك لروحك

- ياااابوووووييه شيخلصني بعد

عمي جيبي خلي اكلهن جيبي

جريت الصينيه يمي وضليت اكل بطيخ

وهي تاكل عرموط وتكلي..

- اطلبك كم بطل ولك حويدر مغلس عليهن

- منين اجيبلج ولج !

- مشكلتك هاي شروط لا هسه تكلب

- بالله العظيم ماكو ربع بطل بالنجف كلهه

منين اجيب !!

- دبرلي معليه

تره دمي دايفور فووور

وبالجكاير والليمون  مصبره روحي لحد هسه

بس بعد ماتحمل

تره داعااني وانته متفهمني متحس بروحي شلون تصير من اكطعه

- ريري جاي ادمرين نفسج تدرين لو لا

- ادري بس ماكدر

اني من كثر الشرب الشربته صرت  حتى مااسكر بسرعه

ماشفتني هذيج الايام اخلص البطل بيومين وبوعيي ضليت ماجيت عليه فد يوم ولكيتني سكرانه

اصلا اصحى منك وعقلي ميه ميه يشتغل

بس مجرد اطفي الحروره التصير بدمي تنرفزني

ضليت اباوعلهه وهي تاكل وتحجي باريحيه

كلتلهه..

- منين اجيبلج ؟

- روح لبغداد لمكان منا منا دور وجيب

- وين ادور هو انه اعرف ناس يشربون ؟

- حجت ست عفيفه

بابه روح لبغداد مزبلات بالشوارع المحلات

اطبك على اي واحد وجيب وتعال

- شيوديني هنا هنا واروح اجيبلج واجي

- هاااااا من هسه جريت ظهرك ولك حويدر

اشووو الاااا تجيبليييي وطلعه من الغرفه مااطلع الاااا تخلي البطل بايدي

- ريرررررري لااا هيج

- شكووو ريرري!!

شروووط هاي لو اكلان نعل

شو بكيفك تسوي اليعجبك !

عبالك بس تقشمرني هناك وكلشي حاااضر  وتدللين وهنا تكول اضبط عليهه ترضى ماترضى

ماكوو هييييج سمعتتتتت

الحجايه بعد اخذتهه منك ووعدت تجيبلي يعننننننييييييي تجيبلي

- استغفرررر الله ربي واتوب اليه

وتكلي ليش متاكل !

- ديلاااااا اكل بعدين نتعارك

- سويتيهه سم وزقنبوت

- خوش لعد شوكت تروح تجيبلي

- باجر بااجر

- اوصيلك حبزبز يجيب وانته استلمهن مو احسن

هم ماريد اتعبك رجلييي حياااتشششييي

- انجبببي عاااد

- فوك ماتلوكلك

- اكررره لواكتج هاي وياي هنا

تلعب نفسي

-هاااا بس كدام اهلك اتختخ عليهه

-هناك مجبور عليهه

- ديلاااا هسه شنو اوصي لو لا

- وصي وصي

- وانته تورق اووكييي

- اورق اورق ادري هي براسي براسي

- خوش ركيه هاي حلوه شكر شكر على حالهه

اكلت ويه امك منهه عينني تنعش

اكل منهه اكل يلا شو لكمتين وعفتهن

لعد المن جايبته !

اخذت نفس وباوعتلهه وهي شالت الركيه خلتهه بحلكي وتضحك ..

اكلتهه وضليت اكل عنب وراهه وهي تراسل بتلفونهه يمي ..

وثاني يوم بالثنتين  الظهر دك تلفوني

رقم غريب .. جاوبته وطلع ابو التوصيل

جايب الغراض للست ..

عبالي حبزبز بس طلع واحد ثاني ومبين من اصحاب المحل مو هيج عرف ..

طلع الجماعه عدهم حتى توصيل بطاله وماندري ..

استلمتهن ودفعت شكو الف بمحفظتي عليهن

موصيه بطلين  وصندوك قواطي

ضليت داحسهن بصندوك السياره وكل بالي يمهن  ..

احس جبل هالكبره صار على متوني من ساعه ماخذتهن من الولد ..

ولليل تاخرت يلا رجعت للبيت وعفتهن بالسياره .. تعشيت وتعللت ويه اهلي

وتالي يلا اخذتهن من فرغ الجوه وصعدو الجهال ..

امشي وحاضن العلاكه لا يطلع صوت البطاله من تطكطك ..

ذبيتهن ع الفراش وكعدت اباوعلهن والندم ياكل بروحي اكل

شلون انه جاي اسوي هالشكل بنص بيتي !

اجيب منكر لمرتي تشرب بفراشي !

واذب فلوسي كلهه للحرام واكعد اتفرج عليهه تشرب كدامي!!!

اجتي هي اخذتهن وخلتهن بالثلاجه

وتكلي ..

- عفييه بالسبع دبرتهه وجبتهن

- لا تخليني اعيدهه بروح اعزازج

تره ميت من القهر على هاي سوايتي

- وشروطي وموافقتك ! نكعهن ونشرب ميهن  يعني !

- ريري ارحميني يابنت الناس جاي اكره روحي من وره شروطج ارحميني ماكدر

عليهن وروح اخوتي جاي اموت الف موته كل ماشوفج تشربين كدامي وانه ساكت واتفرج عليج

- ديلاااا اعوفك لتجيب بس ضل ساكت لاتنط كل شويه بمحاضراتك العفيفه عوفني اتمرغل بالحرام وحدي اووكييي

- استغفررر الله

اساعدج تركينه بس طاوعيني

- بالاحلام عووومرري

لتتخيل فد يوم اكدر اجي وياك لدرب العفه والشرف والساده

انيييي طينتي غير عن طينتك

لتجيب هاي على هاي

مترهم ومحلوه تصير تلزك تلزك

- ماكو احسن واحلى من العفه والشرف

- هذني ناسيتهن اني شلونهن

من طولي شبرين اني سويتلهن بيبااااي

- بس لو تريدين جان رجعتيهن

- اييي من ط...ي ارجعهن

عايشه بنص المگوده ويريدني ادور عفه وشرف

لك بابه انييي وييييين مطمسه روووحي

وانته ويييين

بيني وبينك شعره وحده مااااكو ربط ولا تفاهم بالعيشه

كل واحد منا من دنيا شكل

اني لو احجيلك على عيشتي ساااعه وحده بعد ماخليك تضل بالعراق

وانته راح تنشفه لدمي فد يوم بعجايب بيتكم

- واااالله شلون  راااح تصفى ويانه مادري !؟

- اكولك باجر تاخذني لمليكه خلي اشوفهه اشتاقيتلهه تره

- شعجب هيج تفكديهه

- احبهه هاي فقيره وشو كلبي ينكسر عليهه

- اييي ادري بيج تحبيهه وكلبج عليهه يلوب

- وصيتلهه على ايباد فد كم يوم ارجع لبغداد واجيبه الهه

- شنوو شنووو !!!

ليش ترجعين ! ليش توصين ومادري !؟؟

- شكوو هم اذا ردت اشتريلي شغله اخذ رايك !

- مادام عايشين سوه متضمين شي عليه

مثل ماكلشي احجيلج وتدرين انه هم لازم كلشي ادري وكلشي تحجيلي من تسويه

- ديلاااااا اوكيي بالجايات عود تدلل

هسه لتضبط براسي بعدين بعدين

- ااااافففف

ريري .. شعندج موصيتلهه ايباد !

- غير تتلهى بي خطيه ضاله بهالتلفزيون كلشي مابي يونسهه

خلي تكلب بالنت .. تنزل كم لعبه تكضي وكت بيهه

الجهال يكيفون بهيج شغلات

- بس ابوهه ميقبل

لو يريد جان هو انطاهه تلفون مايقصرلهه بشي وميبخل عليهه بي

بس هو ماااينطييي تلفون لبنيييييه سمعتيي!

- اووووويييييي عاد هوو شلونه بعد ط..ي

ينكط شرف ينكططط

- لساااانج وووولج لساااانج

- زفررر زفرر مامنه چاره

وبعدين شكو هيج يستشرف بالتلفونات

واذا صار بيد بنته شكو بيهه !

- يخاف عليهه

- بعبع هو ويخاف عليهه منه ؟

تره ايبااد هذا مال العاب مال صخام للجهال

شكو شبي يخوف !

- ريري ميقبل واالله معاشره واعرفه زين

- وووويطببببه مرررض فوووك مرض

عساااه لاااقبل

شكو اني شعليه بي

جايبته للبنيه بي خير خلي يجي ياخذه منهه واني كاعده

- لتدووورررين مشاااكل

- اسمع ولك حويدر

عقليه ابن عمك انته حير بيهه

البنييييه صارت بعد  بنيتييي واااني كيفيي اجيبلهه وانطيهه

مو تريدون اغير مزاجهه واعيشهه مرتاحه

لتدخلون بشغلي

بس تحطون خشموكم وياااي اعوفلكم كلشيي

بعددد وضلو انتو حيرو بيهه وتلاطمو وتعالو توسلو عود ماوصيكم

- ياااربي دخيلك

يعنييي شلووون ماتعدلين مزاجهه الا بالتلفونات

- وشبيهه التلفونات !!!

تره عيب عليك تحجي هيج

انتو موو خابصينه علوياتنه وشرفنا

واخلاقنا وتربيتنا

يلاا وينهه لعد !

غير من واثقين بعلويااااتكم المصون وتربيتكم الجباره الماكو منهه

تخلوهه براحتهه غير مأمنين انتو بيهه لو

بس حجي لسان

- واثقين ومربين عدل بس حفاظاً عليهن

احنه ماننطيهن تلفونات

من هنه صغار بس اليتزوجن ياخذن تلفون

وهسه هاي اخته مو ارمله ماعدهه تلفون

وامه عدهه هذا الصرصور ماتعرف غير تفتح من الخضره وتسد بالحمره

وبنتهه لا توصل تلفون ولا تدري شكو ماكو بي

- هذا سجن مو شرف

- الوكت مايتأمن ريري

وولد الحرام هواااي وبناتنا نخاف عليهن

- بس حتى لو راح اجيبلهه الايباد

وهو مابي سيمكارت ولا برامج تواصل

بس العاب اخليلهه ويوتيوب

تره جهااال سنتين وتلاثه عمرهم ويلعبون بالتلفونات ويكسرون وياخذون جديد

متخوف تره عاااديييي صارت

- انتييي عنااااد وراس يااابس

وتهلكيني من احاجيج

- اووكيييي لعدد خلي اكولك اخر شغله

واسكت

- شكو بعد

- يوم عشرين باقيله اربع ايام حسب حسابك تاخذني لبغداد عندي شغل

- شغليش هذا ؟

- شعليك بابه

شغل خاص لتدخل بشغلي مو متفقين معليك بي

- بس لازم اعرف وين تروحين وشتسوين هناك

- شغغغل خاص مانطول لليل نرجع اذا تريد

او نبقى ثاني يوم كيفك بعد

المهم الصبح اني هناك

اوووكييي حدورررتييي

- انجببيييي ريررريييي لتتموعين بااسميي مااحب هييييج افهمممي افهمممي

- اووكي حووبيي اووكيي اعصابك

- استغفر الله وتاااالي وياج !

- راح اخذلي غفوه شويه بين ماتبرد القواطي

واكعد اتمزمز من تنام اخذ راحتي

احط السماعات واحلق بالجووو بعد طز بيك وبسحوره اهلك

سمطتو ابو ابويه بالطبخ والنفخ

وجهيي خاااس صار كله دهن

مساماتي تفتحت واحس خشمي راح يبدا بي الرؤوس السوده واتصخمت وتعزيت من وراكم

باااجر عينيييي اكعدله كعددده اله ارجعه شحمه على حالهه

طاااح حظكم خليتو دهن الطباخ يلزك بوجهي المرايه وييين اولي بي هسسسسه كارهه روحي هالوصخ الي بيه مدااتحمله

-ههههههه ولج وينه الوصخ شوفينياه

بويه والله عليتي كلبي بهالجلف التجلفيه شبيج انتي بيج مرض نظافه !

- يااااا دشوف وجهي شووووف شلون مدهن

غسلته مرتين بس مساماتي تفتحت من الحر والدهن عيننني مداعتني بي من اجيت هنا ابببد ماعتنيت  بنفسي كله الكم ذابحه روحي وناسيه بشرتي

- هههههه بربج علميهن خلي يعتنن بنفسهن مثلج لج خطيه اخوتي مثلهم رياجيل مظلومه مشايف

- ايييي هذني يفيد بيهن حجي

هنه عيننني مكيفات ع الوصخ والجيفه

وحدتهن ريحتهه كابه للستار ويهرولن جنهن عتاريس

لك هااااي طنطول وييييييع وييييع رجلهه

خايسسسسه مليانه فطووور وصخااام

-يييييي كااافي لعبتي نفسسي كافيي سكتي

- ويييع كل ماتذكرهه توصل الزوعه لهنا

خلي انام وانسى احسن

تعودنا اثنينه من نام شورت وفانيله بس محد اله دخل بالثاني

هي تتعطر وتدهن رجلهه وايدهه يلا تجي تنام

وانه بس ع الحاسبه اتفقد الامور واسدهه وانام ...

كعدت على صوت الأذان بالتلفون وطفيته

انداريت اباوعلهه كاعده

وبايدهه جكاره وقوطيه  تفرهه بايدهه شويه وتشرب

ومخليه السماعات باذانهه وصافنه

جريت السماعه من اذنهه وهي كبل صاحت..

-شبيييييك

- وكت اذااان سدي الاغاني وذبي الي بيدج

- معليييك بيه

-ريررررري معايزنه ضيم وشياطين

كافي الفوك روسنا يطربكون استري علينه وسديهن

- ديلااااااا سديييت

شكعدك انته متكولي شكعدددك

حظظظي

شلون جنت متسلطنه وماخذه راحتي

- اييي كافي ماشبعتي طلع الفجر

- يبووووو دروووح عاد كووم رووح صلي وعوفني معليك بيه اغاني وسديتهه شكو بعد شتريد مني

-ذببببي هالتيزاب التشربيه

-هسسسه مأثره علييك

داشرب وحدي وساكته شعليك بيه

- يعني انه اصلي منا وانتي تشربين منا !!!

مصايره هاي وحق لا اله الا الله مصايره

- هسه شتريد تكمل صلاتك واني وراك اكمل شربي !؟

هيج ترتاح نفسك الطاهره العفيفه

- اييي اييي هيج ارتاح

ولو تذبيه وتخلصيني منه بعد احسن

- يلاااا هاي خليته على جهه دانتظرك تكمل طقوسك الدينيه يامسلم يامتقي يالسيد ابن السيد

- شووو تستهزأين

معاجبيج الساده والاسلام ؟

- كره اكرههم كررره ابليس لادم وربعه

- استغفررر الله

ريري انتي مو مسلمه شلج بهالحجي

مو دين هذااا كفر هيج تسوين

- ماااكفرت كلت اكرهكم ماجبت طاري الرب وكفرت بي اني ماتدخل بهالسوالف

بس انتوووو ماحبككككم لو وجه لوجه نتلاكى يم العرش هم اضل اكرهكم

- ليش هالحقد ولج

لييييش شمسوين احنه !

ناس اطيب منا ماكووو بيمن مأذيج وحاقده حقد المجوس هيج شجاااج انتي تخبلتي

مووو اسلااام هذا دين البشريه

انخلقت السماوات والارض حتى نعيش بهالدين ونعبد الله ونعرفه

ليش هالكفر والحقد والعقليه هااااي شبيج انتي

- اااني احب الرب بس اكره الاسلام والمسلمين

- يعني انتي شنو صنفج فهميني !

ملحده ! يهوديه ! مسيحيه ! صبيه ! شنو انتي

- ولا شي

ماااتبع اي دين اني تريد تصدك متصدك بكيفك بعد

- واااااااالله !!!

- اي داجذب عليك !

داحجيلك الصراحه حتى تغسل ايدك مني

وهم شو داشوفك هالايام تريد تحنن كلبي على دينكم الحنيف وعبالك اني مسلمه بس لا صلي ولا اصوم وشويه زاله من الطريق

وضجت كولش الصراحه

ماحب اصير كدامك ام وجهين واضل استشرف براسك

اني اي شي بالدين امثل بي تلعب نفسي من نفسي  ..

فلاا اريده ولا اوصله ولا تحاول وياي اني بعد كلتلك ااااي دييين ماتبع

لا مال محمد ولا مال عيسى

- يعني ملحده !

-لااا مو ملحده أُؤمن بوجود الرب الخالق

البشريه والكون واعرف الامر والوجود كله بيده وادري يشوفنا ويعرف شنسوي منسوي

وأومن بيوم الحساب والانبياء والائمه

اعرف الهم قدر جبير ومااشكك بيهم

- چاااا مدامج تعرفيهه شكو تحرفيهه !!

- هاي حدي وياهم بس اعرفهم بالي

بس لااا اوصللهم ولا اندك بيهم

تره اني حتى هيج هاي مسبه وكفر بالرب

ماسويهه لان اعرف هو شأنه عظيم بعد خالق الكون كلشي يكدر يسوي

بس كلتلك اني احب الله واؤمن بي بس اكره الاسلام اكرررهه كل الدياااانات اكرهه

ماشفتلي دين براسه خير حتى اروحله

كلهه عوجه مصخمه

يحللون اليعجبهم ويحرمون الي ميعجبهم 

وين الصدك ماتدري

ف ليش ادوخ نفسي بهالمعمعه المتخلص

ضربتهم كلهم عرض الحايط وعشت وراسي بارد

ضليت فاك حلكي واباوعلهه

مصدوووم

بعد راسي احسه صففففر

انتبهت عليهه تكلي ..

-يلا تصلي لو اكمل القوطيه ؟؟

- انتي اصلج شنو ؟

- طين مثلك

- ديييينج الاصلللي شنووو

من يااامله انتتتي

- شعليك بابه شكو تدخل بخصوصايتي

اني الاريدك تعرفه احجيه الك غيره لتسأل بعد

- يعني مو مسلمه اصلا

مبين اهلج مو مسلمين من حجايتج

الرب الخالق

هاي مو حجايتنا

- ذككككي بعد ط...ي خوش تفكر وتحلل

- يعني مسيحيه ؟

-لا

ولتحاول وياي كوم روح صلي يلااا فضني عاد

- لووو محاجيه احسن

فريتي راسي فررر نسيتيني حتى الصلاه

- هههههههه مو اكولك سيد مال لنكه تزعل

- انجبي عاد انجبي تاج راسج الساده

- بسس ابوك تاج راسي لان بي روح الساده

انتو البقيه كلكم فيطي وتاج لط...ي متصيرون

- ريرررررري

احتتتتترررررمي نفسسسج لاااابالله اطلع ضيييم كلبي كله بيج بهالصبحيه

ضبي لسانج وانجبي عاد لتضلين تجاوزين

- هههيييي زعل السيد المحترم

ديلاااا تعااال صلي بلكي اتعلم منك ويررف كلبي عليكم يالمسلمين المتقين

- ضليي انتي ضليي استهزئي بهذا وذاك

ونشوف تاليهه بالاخره منو يربح

تشوفين المسلمين مكانهم وين واااانتي الكافره وين

- ايييييي من فدوا لحكلك

مااحجيت الاا الي بكلبي

اااني دااريد بعدين اشوف هالمسلمين المتقين

وبالااااخص اهل العماميم مثلكم شيسسسوون بيهم بالاااخره ويين مااوين ياخذوهم ؟؟!!!

على طبق فضه لو ذهب يكعدوهم ؟!

اوووووف كووون نموت باجر داشوف شيصير ميصير مو طكت روحي من الانتظار

ادعي ادعي يلا انتو مو دعائكم شاااره بالايد تحصلوه يالساده المسلمين ادعي بلكت يخبنوهه لهالعيشه الزفره بساع عاد ونروح نشوف هناك شكووو ماكو

نحاسب ونتحاااسب

عود اسلم عليك من النار اااني لتخااف عبالك احسدك من تروح للجنه المجهزززه بسسس الكم انتو الساده !

اااابد اصلا الم جماعتي الكفار واهلهلكم هناك

واكعد اسولفلهم على ابداعاتكم بالدنيا فدوا لكلبكم فددد حبابييين انتووو

ونفسكم طيبه .. خوو الديااانه عدكم يبووو

يبووو تنكطط هذاا وجهكم نووور نوور على حاااله

لوو العفه والاخلاااق والايد السخيه يبوووو ماينحجي بيههههن

اصلاااا العاااالم والفقرا خطييه لووو ماانتو

تزكون وتتصدقون عليهم جان لا عاشوو ولا شافو

اوووف كلبكككم شحمممه شحمه شتكولون انتو هذا الحديث الخابصينه بي شنوووه بله

شنووووه ؟؟؟.

هااا .. احب لنفسك ماتحب لاخيك مدري شلون اييي هذا فد مطبقينه انتووو اويليييي

خووووانكم شرق وغرررب ظهر بظهر شادين بعد ط..ي

- هااا خلصتي حجيتي واستهزأتي وطلعتي حقدج الدافنته علينه لو بعد تريديني اضل اسمعلج ؟

- كيفك اذا يعجبك بعد اضل احجي اني حقدي عليكم ميخلص واذا ضجت عادي روح احسن

خلي اكمل القوطيه جرتين اشربهه بين ماتغسل وتجي شكو اعوفهه تحتر تصير مطيبه ماحبهه حاره

-سممم وزقنبوت بطنج ان شاء الله ينزل

- مؤووومن يحب لاخيه مايحب لنفسسسه عيوووني وييين اكووو منكم وييين ياهل العمايم السود بزودكم احسسن عيشه عايشين

والحمد للرب الواحد الاحد

عفتهه ونزلت اغسل واكفخ بالماي على وجهي حيل ارشكه ..

والوم بروووحي شلوون رحت جبت كافره بالاسلام  وكلبهه مليان حقد وغل علينه !!!

ماتحملت اشوفهه ونزلت جوه بالهول صليت

وضليت كاعد استغفر ربي منهه واستغفره الهه

ادري بيهه كلبهه طيب للناس بس ليش هالحقد مطبع  بكلبهه علينه مااادري !!

استغفرتلهه بس لان كالت احب الله واؤمن بي

لو طلعت من الكافرين بي ساعه مابقيهه يمي بعد لو اموت بدونهه هم ماخليهه

بس هالحجايه شفعتلهه عندي وخليتلهه عذر على نوع عيشتهه الوصلتهه لهالحال ..

نزلت بعدين سابحه ومتعطره و اجتي عليه بالحديقه تكلي ..

- هااا يالسيد اسويلك ريوووك لاااا

خاف صار بعد ميعجبك تاكل من ايدي التشرب وتكره المعممين جماعتك

جريت ايدهه وضليت كامش اصابعهه ودنكت راسي يمهه شويه وكلتلهه ..

- اكرهيني واكرهي عشيرتي والاسلام كله بدينه وناسه وعقيدته

بس ضلي حبي الله لا تشركين بي

مدامج تحبين الله وبكلبج محبته طابعه ومؤمنه بي تضل ايدج هاي نظيفه وطيبه وخوش تسوي ريوك يشبع ومال دلال

ضحكت وكالتلي ..

- تره احبه بيني وبين نفسي ومرات احاجيه يعني بس اني بالديانه مالي دخل

اول شي مو دربي هذا تعرفني عيشتي شلونهه حمره وخضره متتراهم وياكم انتو الابيض واسود

وثاني شي انتو تجفصون بالمصارين وتكرهون الواحد بيكم غصبا عليه

فاني كرهتكم من اول ما عيني فتحت لهالدنيا وكمت اعرف شديصير ميصير

هسه شكد صار عمري ٢٣ سنه ماتذكر موقف واحد حببني بالاسلام دوووومه يلعب نفسسسسي منه

- زييين حقج انتيي شايفه مشايفه مادري بعد

كلشي صاير بحياتج بعد الله اعلم شصار وخلاج هيج تكرهينا

بس اذا انه غيرتلج نظرتج وشوفتج الزين منهم تسلمين  وتخلين دينج الاسلام وتمشين بتعاليمه ؟؟

.

.

يتبع